KA PASAL THINGTLANG PA(BONUS) BY MAWITEI BAWITLUNG (Completed)

[mawitei bawihtlung]

KA PASAL THINGTLANG PA







CHAPTER 6



Chapter 5 zawmna chhiarlo tan a chungah khian a awm e aw



An haw phei dawn chuan in mangtha sap sapin ruah tam hma chuan an tlan phei hlawm a ,an tlan rem takah chuan u Ramtea chu ka kuah nghal hlan “ Ka lawm e aw ,ka tana i thil tih zawng zawng hi ka beisei phalo " tiin a hmelchu ka en chho ha a ,rawn nui in ka kawngah a hmer nghal chat . Inkuah rial chuan kan ding dun a ,a awm hlai hlapah chuan ka bei than bawk . Ruah chu a rawn tla tan phuar phuar a ,kan inzar phui vat .







Kan mut hnu lawkah thli nen a rawn thaw leh ta vuk vuk mai,to ruah haw lai hi chuan lungphu thalo nei tan chuan phut zawk zawk na tham a ni ngei ang. Zingah ka tho chhuak a ,sakhi sa chu ka chhum nghal,a rim ringawt pawhin ka chil w tiput thei ,ka pum a ringhal kuar kuar ,u Ramtea la mu chu a chalah ka fawhsak zauh . Chaw kan ei lai chuan Zopuii te ho an rawn phei leh a ,mipa pakhat ka rualpui awm vel rawn tel chu ka lo en ha mai .









Ka la hmu ngai hauh lo “ Kan nau a nih hi a rawn feh ve a,vawiin chu kan rawn pui ang cheu " an tihchuan ka lo chhawn nghal var ,ruah sur seng seng hnuaiah chuan thlo turin kan chhuak a,an rawn hruai ve pa chu Aizawl lama awm thin a nih hmel,kan car zawrhnaah pawh a lo kal ve fo a nih hmel,kan inkawm dun char char a . Kan nui dun leh hak hak thin,chutia Aizawl lam chanchin sawipui tur ka neih takah chuan keipawh hnathawk pahin ka tawng char char,midang chuan kan thusawi zawng zawng chu an ngaithla ve thap a .








Kei leh Valtea lo chu tawng an awm lo,u Ramtea hlo thlo a kal pur pur chu kan en thap “ Tinge thiana i va hmanhmawh ve " u Zualan a tihchuan “ Ramvah leh ka duh dawn sia ,ka hma hi kan hlen law law ange " tiin hawi pawh hawi chhuak lo in hma chu a hlen zung zung,keini pawh chu chawl lo in kan thawk ve leh ringawt. U Ramtea hmel nelawm loh zet chu ka hmuh hmaih hauh lo “ Sunday velah in leng chhuak ve ngai em ,keini chu Sihphir lamah khan kan in tlansiak thin a " Valtean a rawn tihchuan ka lo aw vat .







“ Keini chu spot velah kan kal a ,thianho in kan inti hlim thin a nuam thei a nia aw " tiin ka lo chhang vat,ka thiante min zawha ka hrilh chuan Alana ber kher a lo la hre zui “ I bialpa kha a nimaw ka tia ,helam lamah engtin nge pasal i rawn neih daih a ,in induh ve tehlul nen " a rawn tihchuan ka nui lai ka tawp hmak,u Ramtea chuan thlam lam a pan nal nal a,a silai la in ka han nan hma chuan ram lamah a lut zui daih,tinge khatianga a awm thut le “ Vala sawi tur hre deuh rawh aw ,a pasal bula a nupui leh a bialpa chungchang i sawi kha a fuh vak lo ang " u Duha chuan ti bung nghut in an ni pawh chu thlam lamah an kal diak.










Ka awm a nuam theilo,an lo lamah an liam zui diak,an ni pawh khan min ngai dik lo vek ngei ang,u Ramtea luhna lam chu ka en . A reh bawk si ,keimah te chauh chuan ka awm reng ,khua a thim hnu thleng chuan a rawn haw lo . Ka ngaihtuah tawh lutuk chu vaua ngaw ah chuan ka lut ve tawp a ,ka au nghal vak vak . A thim si ka thla a muang lo takzet ,ka lut thuk tulh tulh a ,a thim tual tual bawk ,ka bul vela thawm awm te chuan min ti phu leh thin “ U Ramte ,i awm em? Ka hlau a nia " ti tiauin ka thu thla hnak .







Ka tap nghal hliam hliam,let leh dawn pawh ni ila khua a thim tawh a ,kalkawng ka hre tawh der silo . Ka tap vak vak ringawt ,minute nga chuang ka tah hnu ah ri deuh buan buan ka hria a ,light in min rawn chhun bawk . Tunge a nih ka hre theilo,ka la tap reng;ka bulah a rawn thu thla a “ Tinge ilo vah chhuah ve " tihmukin ka taksa chu a enkual “ Hliam i nei em? " tiin ka nghawng leh kut ,ka ke vel chu a en kual nghal zung zung,ka chhang theilo ,a nghawngah ka kut in ka pawm bet a ,a awmah chuan ka tap hliam hliam .







“ Tinge keimah chauha min kalsan vek a ,in sual hlawm lutuk,ka hua che u ka haw daih dawn . Hetiang hmunah ka awm duh tawhlo ,in sual si in thian ho hian ka hua che u " ka tipang pang,min chhang tawh lo . Min pawm kangin thlam lam min panpui a ,min be tawh lo hrim hrim ,thlam kan thlenga ka hmaia bal kai chu tuilumin min sil sak zung zung “ Naktukah i haw zawk dawn a nia,i duh chuan kan inneihna hmang hian ka phuar thei tawh lo che ,i nu leh pa laka ka thutiam pawh ka ti hlawhtling tawh a .







I duhchuan Aizawl ah i let thei ang,i bialpa pawhin a lo nghak reng ang che " tiin a thusawn a , a ngawi ta hmak . A bulah ka thu a ,en pawh min en duhlo,ani hial Valtea thusawi kha a ringa ,a thik em ni? Ni e,Valtea nen a kan in biak atang khan a mizia a hlauh vek a nihkha “ U Ramte ka tihpalh,bialpa ka nei tawh hleinem " tiin a ban ka vuan,melh pawh min melh duhlo “ Mawh ka tihpalh ka tihchu" tiin a hmel chu ka en reng ..






Hmalam a melh ngur a ,a ka a chip hmak,ka tihngaihna hrelo chuan a biangah ka fawhsak zauh “ KA TIHPALH" ka tinawn leh sep . Chu veleh ngawi rengin a biang chu a rawn dawh hnai a ,ka fawhsak leh zauh,a la duh tawk lo a niang a la awm ta reng,inher remin a biang tawn tawnah ka vuan a ,a chal leh hmui a hnar thlengin ka chuk sak zauh zauh . “ Alan chu ka bialpa hlui mai a lawm,kan inneiha i tana ka inhlan atang khan ka be ngai tawh lo,min ring rawh " tisepin a mitah chuan ka melh kar.







Min en let reng hnuah ka hmuiah a rawn fawp a ,a awmah min kuah bei nghal thlawp “ Chân che ka duh lo Laldinmawi " tisupin a awma ka bei theih nan min siam rem a ,a mi tih dan ang ang chuan keipawh chu ka awm ve mai ” Min chan ngai lovang,ka hmangaih che ka tihkha " tiin a kawr awm chu pawt kauin a awm lum ham ham chu ka chul sak zai zai ,a rawn thaw rang sawt . Ka nui var var mai “ Mu tawh ang,ka mut a chhuak ramhnuaiah thlaphang reng rengin ka awm a .







Ka chau lutuk " tiin ka ham bai bai,ka hnar hmawr a rawn fawp zauhin mutna kan siama,kan mu zui nghal zat “ U Ramte ka sawi tawh kha ,keichu hmeichhe thawveng tak ka ni a ,ka tawn hma che chuan bialpa chu ka nei thin,mahse ka neih hnu che hi chuan nangin min phatsan te a nihloh chuan ka phatsan ngai dawn lo che ,chu chu hre reng rawh aw,Pathian leh kohhran hma a ka thutiam tichhe tu ah tan ka duh lo .






Chuvang chuan i tan ka rinawm reng dawn " a mah en pah chuan ka ti a ,rawn nuiin ka kut chu a fawp vang vang “ Mipa dang nena in inbia leh in chanchin hriat ka duh tawh lo,ka Dîte" tiin min melh vawng vawng,a mitmeng de sar sarah chuan ka thusawi avanga a hlimzia ka hre thei hial,ka inher a hnunglam zawng chuan ka nek sat sat ,ka kawngah rawn kuahin ka dar ah a rawn nawr leh vang vang a .






“ Muttui " tisupin a nipawh a mu tha nghal zat,khauchher hram te chu ka ngaithla reng ,sazu thawm pawh hriat tur a awm zeuh zeuh a ,mahse kan ngai pawimawh lo ve ve ,ka ham leh bai bai a. Mumang nuam tak neih beiseina nen ka mit chu ka chhing nghal riai riai , tek tla ri thuai thuai avang chuan ka mutui lai harh zawkin ka au chhuak that ,u Ramtea chu alo tho daih tawh a . Thlam chu thli leh ruah nasa zet laka a him theih nan alo thawm that belh mawlh mawlh,khua a var tawh nangin ruah leh tek vel avang chuan khaw thlir a nuam lo hle.








Tho chhuakin u Ramtea bulah chuan ka thu a ,meilum chu kan ai dun,tek rawn tla ri leh thuai ah chuan ka phu zawk zawk zel,fur hi ka ning tawh takzet ,reh vat vat se ka ti “ Hahdam rawh ,an tina dawn lo che " tiin ka kut a hum bet a “ Vawin chu hna a thawh theih dawn loh a nih hi " a tizui sup,ni e hnathawhna ni khua a ni hauhlo . Pawn lamah chuan hawk a luang ri dum dum bawk a ,keini pawh di in chu nilo se ring deuh deuha kan au a ngai ngei ang. Thli a thaw ri vuk vuk a,boruak chu a vawt vur bawk “ Mu leh zawk ang" ka tihchuan min mutpui lehnghal .








Chutia hnathawk lo a kan pahnih chauha kan awmdun chu ka tan chuan a lawmawm mah zawk,kan titi dun a . A chanchin min hrilh ve kauh kauh bawk ,puan kan keng lum hlauh a ,chulo nise chuan a vawt viau ang le ,rawng pawh kan bawl duh rih lo,chetsawn ka phalloh vang a ni pakhat. Khawpui leh kawl phe zuai zuai karah chuan ka thla a muang lo em bawk a ni.


ZAWMNA





“ U Ramte naupai ta ila engtin nge kan tih ang" tiin ka en ha ,nau pai ila a awmdan tur ka hre chak,a ngawi vung vung a . Ka dul chu a khawih nghal zat,a nui vur vur bawk “ Khawvela naute hmeltha ber a ni ngei ang,ka theihna zawng zawng in ka enkawl ang cheu" a tihchuan thaw huaiin a awmah ka bei kak,nau pai vat vat ka chak a ni ,mahse ka pai lo ve thei bawk . A chhan chu nau pai theilo an awm ve thei tih ka hre chiang hle si a ,ka hlauthawng riau lehnghal “ Keipawhin naupang duhawm pui pui neih ka duh " tiin a awm chu ka thai neuh neuh.








A tuklamah chuan haw tur in kan insiam a ,kan lo pawh a hnim tawh em em lo bawk nen feh reng a ngai tawhin ka ring lo,ni li chhung kan riak bawk nen in lam haw chu ka peihlo viau mai. U Duha te kan sawm haw a ,mahse tumah ka be duh mai lo, “ Dinte kan tihpalh a ni e ,Kan thiana hi kan tan chuan thiantha satliah nilo in kan unau pa a ni a ,a thinrim leh a rilru tina zawnga tawng leh tih kan duh ngai lo,Valtea khan i bialpa nena inchung chang a sawi khan in pa hmela thikna kha kan hmuh hmaih lo .







A hmela tlawm in ti hmel chenin,chuvang chuan in nupa inkar kha in pahnih in chingfel ula kan duh avangin kan kalsan cheu a nihkha . Rama hian a hmangaih che tih kan hmuh hmaihlo,a tawn atang che a a nun dan a danglam ve mek te hi kan hmuh hmaih bik reng reng lo,i tan tiin midang chunga a tihngailoh ngaihsakna a tilang awl lo a . Faki nen an nih lai pawhin a ngaihsak ang che hian a ngaihsak ngailo,chuvanga Faki pawh hian kalsan a ni pakhat.







Nang erawh a ngaihtuah dan che kan hria ,i bo zan pawh khan hlauthawng takin kan thlamah a rawn kal a,i rawn kal loh thu kan sawi khan rang zetin a rawn let leh a ,kan rawn zui nangin i tap ri kan hriat avang khan kan rawn kal tlang duh ta lo mai pawh a ,thiana hi kalsan ngai suh . A nun hlui zirchiang la ,hriatchhuah tumin bei ang che ,a changa a hmel ngui tak thin te hi i hmu ve fo vin ka ring,chu thil chu nangmah ngei hian tih reh sak ang che " u Zuala chuan midang hlat deuha min kalpuiin a sawi zar zar a .









Ka bu nghat,ni e ral hla tak thlir a a dak vung vung thin te kha a lungleng em ni tiin ka zawt fo a nihkha “ U Zual chu thil chu min hrilh theilo em ni? " tiin ka en ha ,a lu a thing a . Midang lam chu a melh,u Ramtea chuan min lo en ve reng tih ka hre thei “ Amah ngeiin a hrilh loh che chuan ka theilo,phei ang saw a thik leh hma in " tiin u Ramtea te lam chu kan pan leh a ,kan thlen phei rualin kal kan siam leh nghal thuai,khawchhung kan hnaih tan a ,ka kal thei ve viau tawh . U Ramtea nen chuan hnung kan dawl leh a ,ka hma chiah ah Teruati a kal ve bawk .








Kan inkawm pah mawlh mawlh,khawchhung kan lut a ,kan inthen darh ta phak phak mai “ Nu,pa kan lo haw e " tiin pawn lam atang chuan ka nu leh pa chu ka au lang lang,an ni pawh an rawn lang zui vat . Ka nu chuan kan chau em tih te chu min zawt a ,ka chauh loh thu in ka chhang ve zel,vawt ka tih em avang chuan meilum lam chu ka pan nghal,u Ramtea erawhin sakhi rep kan hawn chu rapah a dah mawlh mawlh,ka pa chuan a lo phul pui leh hlut a ,ka pasal nu leh pa te hi ka nu leh pa te aia an danglam bikna ka hre hauh lo .







An ni chhungkua a ka lawi lut hi mo vannei tak ka niin ka hria,inbualna kan lum a. Gas-ah sakhi rep chu kan chhum nghal zat ,chutia kan lo buai map map lai chuan mipa naupang a rawn tlan lut a, “ A u Ramte ani a kaih leh a ,anu leh apa in min lo pui leh hman angem,amah chiah in a tihdan a hre bawk si a an tiche " a rawn ti a ,tunge tih ka hre hauhlo . Ka nu chuan min rawn melh zauh “ A va buaithlak e aw ,Faki chu tinge maw a hriselloh tak em em le ,Bawiha va kal rawh " ka nu in a tihchuan u Ramtea chu ngawi rengin kal a tum a ,ka zui ve vat .








“ Ka lo kal ve ang " ka tih tak tlatah chuan a ni pawhin min hnial biklo ,Faki te in ni ngei tur chu kan thleng a ,in tha tak a ni tih ka hria , concrete ngei lehnghal . A chhung kan luh chuan an lo buai laih laih viau,nu pakhat hian min rawn pan a “ Ramte ilo kal thei maw? A inthlahrun awm viau nangim tihdan tur kan hre thin silo va ,kan lo koh tir leh ta mai che a nihkha " a tihchuan u Ramtea chu bu nghatin Faki chu a pan a ,hmun an lo kian sap sap,a ban leh a ke vel chu an hmehsak a ,u Ramtea chuan a mal chungah a lu a nghah sak a ,a be mawlh mawlh . An awmdan avang chuan hrehawm ti viau mah ila ka inthup ve tlat .








Faki lah chu a hma zawnga kaih nasa leh engmah hrelo anga awm kha u Ramtean a kuah ve leh chuan a en a ,a awmah chuan beiin a thaw kawk kawk,ka kut ka hum ruh fan “ A ziaawm tan a nia " an tihte chuan Faki hmel chu ka en reng,kaih tak tak a nih ka ring hauhlo “ Bawihtei thih atang khan tinge mawni hetiang a a ni lehzel a awm le ,an unau hian i ngaihsak reng a ,kan lawm thin. Bawihtei kha zawng la dam ve se chuan hlim takin kan awm tur " a nu chuan a tileh .







“ U Ramte haw tawh ang " ka tihchuan chulaia awm ho chuan min en thap,Faki lah chuan chutia ka tih veleh chuan u Ramtea chu kuahin a thaw rang sauh “ Lo va haw mai rawh " u Ramtea chuan min melh hrawk pahin a ti a ,tinge a thinrim ve ringawt. Faki lah chu a mar awt awt a,a ke a leng vat vat bawk ,ngawi reng chuan ka no chhuak zui a ,ka kut ka hum ruh fan fan,lemchang vanga min hau chuan min ti thinrim hlur bawk ,inah ka haw a ka nu te chu chaw an lo ei mek a ,kei erawh ka ei chak loh thu leh u Ramtea chu ala buai thu in ka chhang a .







An eikham chuan seng zung zung in ka sil a ,ka nawm loh deuh thu a chhangin room lamah ka luhsan ta daih ,ka in ngaihtuah vang vang,keihi ka pasal tan hian ka tling tawk lo a niang tihte chenin ka ngaihtuah,ka phone phawrhin ka thiante ka be kual a ,group ah kan inhnial a . Keipawh ka nui leh hak hak zel ,pawnlam thawm pawh ka ngaithla tawhlo,Alanan min rawn call a ,ka la ang nge la lo ang tihchu ka ngaihtuah rauh rauh.







A tawpah chuan ka la ta hram“ Din i chanchin Valtean min rawn hrilh a " a tihchuan ka thaw ham ham “ Um a nihchu,hei ruah a sur tana i aw ka hre thei lo ka dah rih mai aw Alan" tiin dawt sawiin phone ka dah a ,chutih rual chiahin u Ramtea pawh room ah a rawn lut nghal . “ I nuam lo em ni " a tihchu chhang mai lo in ka phone chu ka en vang vang “ Nuamlo em em lo ve ,ka lu a na deuh mai mai chaw i ei nghal dawn em " ka tihchuan a bu nghat . Be tawhlo chuan ka chhuak a ,chaw ei chu ka siamsak nghal mawlh mawlh .







Ka nute chuan Faki chanchin chu an zawt a ,a ziaawm tawh thu in a chhang sup ,a kham rualin ka tifel leh zung zung a . Ka tawng chaklo bawk nen tumah ka be lo,room lamah chuan ka nu chu bia in ka lut leh a ,ka thawmhnaw bawm chu hai rak rakin mut kawr ka la chhuak a ,ka ha nghal thak “ Ka leng dawn a ,ilo tel ve duh em?" Ka pasal in min rawn en chunga a tihchuan kalu ka thing nawk nawk “ Ka chau va leng rawh ,inah ka lo awm ange " tiin khumah chuan ka mu nghal zat .








Engmah tihchakna ka neilo,ka mit chu ka chhing hmak bawk . A chhuah hnu chuan tho chhuakin ka phone bawk chu ka phawrh lehnghal . Ka thiante chuan ka pasal chungchang vel min zawh chuan a fel thu leh min duat thu ka sawi chuan an hmuh chak thu an rawn sawi a ,kan pahniha pic ka thawn chuan hmeltha an tih thu leh pa an tih thu an sawi tam ber . Ka lo chhuang ve veng veng thei,a chhan chu ka thiante hi chuan ka bialpa emaw ka mi kawpte sawisel loh an nei ngailo








Mahse u Ramtea chu an fak nghal tlat ,rei zet kan in bia a ,ka ngai ve viau mai . Nitin inzui a ,sual rawng ka bawl pui thin nimahse ka mangan tawpah an tlanchhe ngai miah lo,engkim kan tuar ho thin . Dar 9 velah ka pasal chu a rawn haw a ,min rawn kuah mai a tum chu ka lo tawlhsawn vat “ Ka nuam vak lo a ,min dai rihlo mai rawh " tiin khum tlang lamah chuan ka mu a ,min en vung vung mai “ Damdawi i ei duh em " a tihchuan ka lu ka thing nawk nawk .







Damdawi ka mamawh reng reng lo,tunah hi chuan tah a ni ka chak hlur ni . Khum tlangah chuan amah hlat thei ang berin ka mu a ,a thaw leh hawk thin te chu ka hre reng “ Ka chungah i lawm lo em ni Dîte?" a tihchuan ka melh zawk “ Ka chau ka mut a chhuak,tunah rih chuan engmah ka sawi peihlo " tiin ka mit ka chhing vat . Min biak reng chuan ka thinrim leh mai ang tih ka hlau ,chuvang chuan ngawi reng hian awm ila a tha a nimai ,a duh duh chuan naupang chhia min ti rawh se ka nun ania ka thu thu .






Zing ah pawh ka tawng tlem khawp mai “ Nu vawin chu ka nu Dengi te inah len ka duh deuh a " ka tihchuan ka nu pawh chuan alo rem ti mai,an ni hi ka pasal neih a ka nu leh pa in nu leh pa atana min zawn sak an ni a ,ka tlawh khat bawk nen kal ve hrim hrim ka duh,chaw eikham ruala ka chhuak chu u Ramtea chuan min zui ve zel “ Keimaha kal ka duh" tiin hawi letin ka en ,chiang zetin ka mit a melh “ I lungawi lohna chu sawi chhuak la ,khatianga min be duh lo a i awm chhung kha chuan ka zui ang che " a tihchuan ka melh nghek .







“ Ka biak che hi ka be lo che em ni, i duh duhna ah leng rawh keimahin ka awm duh " tifakin ka kalzawm leh,khawlaia vak chhuak an la awm lo a . Chuti takin ka tawng zawi peihlo,nu Dengi te in ka thlen chuan min lo lawm thiam viau,thingpui in in kan titi a ,an ni pawh an lo lam an tul avanga ka unaute an feh chhuah vek thu a sawi a ,nileng chuan kan chhungkaw chungchang leh an chhungkua chu kan sawi dun a ,kan hlim ve viau mai ,tlai lam a nihchuan chaw ei ve nghal law law turin min ti a ..
..







Chu erawh ka hnial vat “ Nu tunge Faki nau Bawihtei hi ,an sawi a nizanah ka pasal nen hian an inthiantha nge " ka tihchuan ka nu Dengi chu a meng ak,keiin a awm dan chu ka en reng,chutah a thu min hrilh avang chuan ka hnual rawih ,in lam ka pan lai te chuan ka ngawi chawi hle . In ka thleng a,hawi miahlo in ka kun ngar “ Dinte ilo haw tawh elo? Tinge i la nuam meuh nange " ka nu in a lo tihchuan ka bu nghat ringawt. Roomah chuan ka lut a ,tukverh bula stool ah chuan thu in rala tlang chu ka thlir reng.







“ I nuamlo a nihchuan tha takin sawi la ,ka nu leh paten an ngaihtuah che tih i hrelo em ni " titu chu ka melh let nghek “ A nihchuan min then mai ta che , min then rawh mi tenawm pa" tihzawng sawiin ka ngawi ta daih “ Engmaw i sawi kha " a rawn ti ve hrawk,ka chhang tawh lo . Ka mittui chu a luang zung zung,aiawhtu maiah ka in ngai ,engkim hi dawt vek an ni nimaiin ka hria ,alamah min kuai her dawrh a “ Engvanga chutiang thu chu sawi nge i nih,Faki ka tihdana i lungawi lo anih pawhin tha takin kan sawi dun thei.








Hetianga a kawi zawnga i awm reng hi ka kham tawh " a rawn ti ve hrawk . “ A that chu sawi tur ka nei tawh lo " tiin ka tlanchhuak a ,ka tap hlawp hlawp bawk . Insum theihna ka nei tawh lo, ka nu ten min au pawh chu ka hre reng ,ka tlan char char ringawt “ Laldinmawi ding vat rawh " ka hmaah chuan bike chak zetin a rawn tlan a ,ka inveng hman tawhlo,thil ribur leh ka ke na lutuk chu ka hria ,a nat em avang chuan ka thawk a tawp mai dawn in ka hre bawk. Ka lu a hai nghal muai muai “ Thisen a chhuak nasa lutuk" an tihte chu ka hre ruai ruai chauh a ni .







“ Kal suh,nang tal chu chan che ka duh lo Laldinmawi " ti tu aw chu a hla tial tial,ka ke chu chiang takin a tliak tih ka hria a ni .




(INHLAWH PAH LEH HRITLANG CHUNGIN KA TYPE HRAM2 A,LIKE , COMMENT, CLICK TE KHA MIN LO TIHSAK LEH RU AW,ZAWM LEH TUR )

[mawitei bawihtlung]

KA PASAL THINGTLANG PA






CHAPTER 7






Ana lutuk" ka phun chhuak sap “ Dinte ilo harh tiraw " ka pasal nu aw chu ka hre ruai ruai ,muangchangin ka meng chhuak riai riai,ka awmna chu damdawi in tih ka hre nghal “Dîte" u Ramtea lam chu ka en vang vang,biak chakna ka neilo “ A la na viau em " tiin ka kut chu a hum bet a,rang zetin ka la sawn nghal . Rum hawkin min en ,nu Dengi leh ka nu leh pa chuan min en thap ”I nute kan hrilh a ,mahse ngaihtuah lo tur che leh an awmna a hla bawk nen rawn kallo tur in kan ti a nihkha ,i ke ruh pawh a lo tliak lo hlauh a .








Mahse a khi tih doctor ten an sawi a ,hun eng emaw tichhung chu i kal thei rihlo ang" ka pa chuan a rawn ti a ,ka kut chu ka hum ruh vak . Ka ngawih reng avang chuan an chhuak zui a ,u Ramtea nen chiah chuan kan awm ran. “ I thu hriat kha a diklo " a titawl a ,a thaw hrawk bawk . Ka la en chuang lo,pawnlam chu ka mutna atang chuan ka en reng “ Bawihtei chu a thi tawh a ,ni e i hriat angin kan inzui nasa ,ka fa a pai ang hialin an sawi a ,mahse a diklo " tisupin a hmai a tuai pawk.







“ A u in min ngaizawng tih a hriat khan a rilru na in inthen a rawt a ,ka hniallo a u natna neih hi kan hriatna a rei tawh a ,ka buaipui thin avang hian Faki nen hial pawh ni angah min ngai tawk an awm . Thingtlang chu i hriat kha ,hmeichhia leh mipa awm dun tawh phawt chu in ngaizawng chhuah in an chhuah nghal mai thin ,inkawm te a theih ve loh ,naute chu Bawihtei chuan a pai ngei a ,mahse vawikhat mah mut pui lo in ka fa a ni theilo .







Vawikhat mah hmeichhia ka la mutpui lo va ,nang nena kan mutdun hmasak ber khan ka tan pawh a hmasa ber ini " tisupin ka kut chu a rawn vuan “ Bawihtei ka neih duh tak lohah khan a rilruna leh a fa pa in a nei duhlo bawk nen a inthat ta a " tiin a ngawi vang vang. Hrehawm a ti tih ka hailo “ Khatiang a ti duh dawn tih hria ila chuan kha tianga kalsan mai kha ka duh bik hauh lo,ka fa nilo mahse keimah avanga an nufa an thihna khan tun thlengin hrehawmna leh inthiamlohna min neih tir thin .






Ka tihsual ni miah lo mahse tam takah a inthahna khan min nghawng lo theilo,chuvanga Faki pawh hi buaipui ka ni . A nau chungah khatiang thil ka ti tawh a ,a ni tal ka ngaihsak chuan ka inthiamlohna te kha a reh ka beisei bawk . Kum eng emaw zat ka lo kawp tawh a nihna avangin Bawihtei thihna pawh khan min nghawng a ,a lakah ka inthiam thei ngailo . A mamawh hunah ka tlansan a ,a chhan chu khatiang thu ka hriat kha chuan hnaih reng ka duhloh vang a ni .







Min phatsan a ,min duh tawklo tih ka hria ,keipawhin khatiang chunga vawn reng kha ka duh lo . Mahse a inthat ta mai si a " tiin ka lu awmna lamah a rawn awm a ,ka melh ngai ka melh reng “ Dîte ka thiamlo tih ka pawm a ,i lakah mi thianghlim tak anga ka awm avang pawhin min hua ang tih ka hria ,mahse khangte kha ka nunhlui te an ni a,min hriatsak reng dawn a nih pawhin inthen erawh khawngaihin ngaihtuah chiang la,tisuh ka hmangaih che ka tihkha ,i tan ka tling lo tih ka hria .







I mipa duhthusam pawh ka nilo,thingtlang kut hnathawk mi mai mai ka ni,i bialpa te angin concrete in mawi tak takah ka chen tir ve theilo che tih ka hria,mahse ka phatsan ngai lo ang che ,min ring la . Ka kiangah awm rawh "tiin ka mittui luang zung zung chu a hru,keimah avangin a mizia ni miahlo in a tawng tam a,mahse a tawngkam chhuak reng reng chuan ka natna zawng zawng te kha an tibo vek tawh . Ni e a nunhlui a ni a ,a ni thiamloh a awm lo lehzel bawk.








Kei ka in en,enge in duh na tur ka neih bik ni ,hmeichhe awm herh leh zu pawh in thei,a tul chuan meizial te thlenga ti thin ka ni . Chuti chung pawhin min iaina nei miahlo in min la nei duh zawk a ,engah nge in duh tawkna ka neih bik ang. Engmah chhuan tur ka neilo,mi hausa fanu ve mai ka ni a ,engmah ropui na ka nei bik lo “ Tinge min vin vak kher ,Faki kha a na der tih ka hre reng " ti tiauin a darah ka bei a , min kuah nghet sauh .







“ Midangten an hmu ve thiamlo,chuvang chuan mi sel kan nih loh nan chuan kan duh leh tum nimiahlo pawh tih kan ngai thin,ngaihsak duhlo ila a chungah thil tha lo thleng ta se a chhungte ai keini hian dem kan kai ngei dawn ,chu thil chu thleng turin ka duh lo ,i hria em? Ka nuna pawimawh ber ini tawh a. Ka taksa peng ini,chu chu hre reng rawh ,nang emaw kei emaw kan mualpho a nihchuan kan pahnih mualphona a ni . Chutiang thil a thlen ka duh lo " tisupin ka biangah a rawn dawm a ,ka lo en reng “ Min ti hlauthawng tawh suh " tisupin ka hmuiah a fawp zauh.








“ Keilo hmeichhe dang i hnaih ka duh tawhlo,i nun hmalamah ka tello a,i nun zawng zawng hre turin kan intawng har tih ka hailo,mahse tunah chuan i kiangah ka awm tawh . I hmeichhe hmangaih ber leh a tello a i awm theihloh nih ka duh,ka ka.." tiin ka tah chhuak lutuk chu tihreh tumin ka in pet fan fan ; ka biangah a rawn dawm leh a ,ka chalah a fawp leh zauh “ Engkim hi i tan lo ka ti ngai lovang Dîte,ka damdawi i nih hi. Ka nunhlui ngaihtuah theilo a min siam tu, ka engkim thlak danglam tu i nih hi " a tihchuan ka tah nuih hak .








Heti khawp hian ka pasal hi ka hmangaih dawn tih ka hrelo,in hre hmasa lo in kan in nei a ,in duh na awm miah lo in kan cheng dun a . Mahse reilo te chhungin amah hmangaih thei tur khawpin min hip bet ta tlat si ,“ Kan awmna hi eng damdawi in nge ni reng reng a " tiin ka en ha “ Champhai a nih hi,kan awmna district hming putu " tiin ka bulah a rawn mu thla a. Min kuah bet nghal hlun,a tawng leh tawh lo a ,ka nghawng zawn a a thaw ham ham chuan min ti khur der der “ U Ramte ni engzat nge ka mut " ka tihchuan karkhat chuang ka mut tawh thu a sawi a ,mak ka ti viau mai .








Rinai ka lo in sawhna hman hle a nih hmel ,damdawi inah chuan ni thum kan awm leh hnuah kan haw a ,kan khua hi Champhai atang tluan chuan chawhma pawh kan tlan tlinglo ang tih ka nute chuan an sawi a,ka thaw huai . Phai zawl chu ka en ,buh an hring dap a ,hmuh a nuam viau mai . Zotlang kan pel a ,khawhming te chu ka zawt deuh reng,Mualkawi kan lut leh a . Khuanglengah chaw kan eitur thu min hrilh chuan ka bu nghat .







U Ramtea dar chu ka ngheng a,kan chuan pui te pawhin ka damlohna vel an hriat chuan thawl zawk a kan awm theihnan an insiam rem a,a chhan pawh ka ke khawn an hlau a ni ber . Ka mit ka chhing diar diar a ,ka taksa duh angin a la chak tha lo bawk nen ka meng thei meuhlo,khuanglengah chuan chaw eiin kan tlan chhuak leh a ,khua kan luh chuan a thim chhulh tawh . Kan in ah chuan mi an lo awm nak nak a,kan chhuah rual chuan ka that leh thatlohte min zawt nghal zung zung.

Helamah chuan damlo in kan hi ngei ngei turah an ngai a ,tha pawh ka ti viau . An in ngaihsak tawnzia lanna pakhat ka timai,inchhungah kan lut a ,zo artui ka dawng hnem hle ,a hipa hip turin u Ramtea chuan min hem sak a ,min kan tu te chu lawm thu a hrilh ve sup sup bawk . “ In pa a hlauthawng sia in chanchin kan lo ngaichang reng a ,i damtha chu a lawmawm hle mai ,lo tha zel rawh . Khawnge keini pawh hi haw tawh ila a tha ang .






In chau awm si a ,lo tha zel rawh u " tiin an chhuak phak phak hlawm a. Artui chu ka hip a,a lo tui phian lehnghal “ Panga vel kha hip tawk rawh ,kha a la tam tho kha ,i taksa chak that a ngai a nia " ka nu chuan a lo ti a ,u Ramtea pawh chuan ka hip lai tur chin chu a tikaw zel a ,ka hip nghal zung zung. Tui ka tihmel a hmuh chuan a nui suk “ An kanna che chu a lo fuh hle mai " tiin ka hip zawh chuan ka hmui leh kamsir vel chu a hru a ,min pawm kang nghal nawlh “ Keimah pawhin ka tiang nen sawn ka kal thei alawm " ka ti vat .







A lu thing nghutin roomah chuan min luh pui a ,ka inbual duh bawk nen ka thawmhnaw chu hlipin towel chu ka hnute chin tuamin min pawm chhuak leh a, bathroom lam min panpui nghal . Ka lu chu amahin min suk sak vek a ,ka taksa pawh ka ke ka khawn a ka tih huh palh loh nan amahin fimkhur zetin min bual. Ka zak ka lo inhup thin chu ngawi rengin ka kut lasawnin ka taksa chu a nuai kual a ,ka lo en reng ringawt . Ka sa hut hut tawh,ka pasal mah nise ka zak em em tho ” Aaaa u Ramte khawi khalai em em chu a ngailo,khatiang te chuan ka hawi ngam tawh nang,ka intleuh ange keimahin " tiin ka intleuh nghal zat.









Ka zawh rualin towel bawk chuan min tuam leh in min hru hul mawlh mawlh,ka inthlak a . Ka lu chu tuamin min pawm chhuak leh a ,ka nute chuan chaw ei an lo siam vek tawh ,ka ke ka hmang theilo bawk nen u Ramtea u fanu tleirawl tan chu a rawn awm dawn a nih hmel. Chaw chu kan ei a ,chaw eilai te chuan ka muhil lek lek zel,ka chau hluah hluah niberin ka hria,u Ramtea chuan ka awmdan a man tih hriat takin chaw chu a kham thuai a ,min pawmleh nawlh, a awmah chuan ka hmai nawrin ka mit ka chhing zui hmiah. Kan chhungte chu an lo nui hawk hawk hlawm lehnghal .







“ Pafa in va ang tak e aw ,a chau viau a nihkha bawiha va mu rawh u " ka pa chuan rawn tiin keini pawh chu roomah kan lut zui a ,khumah chuan dim te a min mutin ka chalah a fawp zauh,ka sam a la ro lo bawk nen lukham chu min thlak sak rih a . Ka nuih sak “Lo mu ve nghal rawh " tiin a mutna lam chu ka beng thek thek a,min en vang vang hnuah min tihnat hlau tih hriat takin zawi muang in a rawn mu thla a ,keimah zawk chuan ka lo kuah nghal vat








“Pangtilum ngah pa,i pangtilum ngheng lo chuan ka muhil theilo tih hre reng rawh " tiin ka ke chu ka her deuh,a tliak lo hlauh chu ka vannei,tliak se chuan ka awm rei angai dawn ropui sia ka peihlo sa . Ka hnungzangah chuan a beng thak thak a ,ka mitchu ka chhing nghal diar diar ,he ka pasal angchhungah hi chuan ka thla a muang a ,ka thinrim rei thei ngailo. A ngawih theih em vang te pawh hi a niang,mi tam tak chu nise thinrima ka an buan buan laikhan min lo chhang let anga,chu chuan thil a tichhe deuh deuhin ka ring.









A ni erawh in ka thusawi angaithla a ,a ngaihdan nimiahlo mahse ngaihdam min la dil zel thei te hi amah min duh zual tir tu a ni . Nitin chuan ka ke avangin ka vak chhuak lutuk lo nen u Ramtea pawhin min kalsan khat hle ,a khat tawkin a ramvak a ,a hlawhtlin loh chang pawhin,Vahrit,Varung leh ramar tih vel a rawn hawn ngei ngei a ,tui ka ti em em bawk . Ka ke pawh rinai a dam chak a ,tiang tello a ka kal theih vat ka beisei ,Faki pawh kha ka accident hnu atang kha chuan a reh ta hle .









Zopuii leh Teruatin nitin min rawn kanin kan inkawm hlim a ,u Duha leh u Zuala pawh a khat tawka an rawn lan bakah u Ramtea ho in an ramvak deuh reng a . Zankhat an ramchhuak chu an rawn hlawhtling viau lehnghal ,saza an rawn kap a . A phur turin an unau te an liam ta bawk ,keini pawhin kan lo nghak reng ,darkar chuang fe a liam hnuah an rawn haw ta hram a,an saza bawp chu ka en lian ka ti ngei mai . An chan zung zung a ,thenawm khawvengte pawhin rawn enin an lawmpui thu an rawn sawi ve sap sap a .







U Ramtea erawhin chan ve lo in ka lo ding nui sen sen chu min pan hnai a ,ka that leh that loh min zawt nghal “ Pasaltha nupui ka nih hi,ka tha lutuk pasal sa kap thei deuh ka nei a ,ka thau kung kung tawh lutuk " ka tihchuan a nui ve hawk hawk . Hmeltha ka lo tileh em em tawh ,ni e a hma a ka cher ve thin nen u Ramtea nen a kan inneih hnu atang hian sa min barh ngun vang nge ka chaw ei a tui thei bawk a ka thau sawt viau,ka nute lam nena kan in video call chang pawhin ka thau thu an sawi ve ziah zel .








Ka pa pawh min hau peih ber nimahse an hmuh phakloha pasal ka neih chiah chuan a lung leng ve bawk a niang,min rawn be ve ziah zel . An chungah ka thinrim tawh lo a,ka lawm zawk an ni avangin u Ramtea ang ka tawn phah a ni si a ,nu leh pa te hi chuan fate tana tha tur hi an lo hre nge nge zel tih ka hrechiang ve ta viau bawk . A tuk lamah chuan thenawm ho chu kan sahrang chu kan hleh hlawm a ,an lawm thiam em em lehnghal ,a petu nih chu a nuam hliah hliah. Midang te thil pek chu a dawngtu ai mah chuan an lawmzia kan hmuh hian a petu nih hi a lo hlimawm hliah hliah zawk.








Tualah chuan tiang tello in kal ka zir a ,ka pasal erawh a la mutui viau mai. Ka ke chu a rit deuh lukin ka hria ,thlan tla fat fat chuan ka pen lui ve zel “ Dîte " u Ramtea aw ka hriat rualin ka kawngah a rawn chelh nghal “ La ti rih lo turin ka tihche kha " lungawi lo deuh taka a tihchuan chhan dan tur ka hrelo , ka nuih tlawn tawp . “ Thut reng chu ka ning a lawm,chubakah a dam tawh lutuk,a zâwng ngawih ngawih thin pawh kha a awm tawh lo,en la ka that tawh em hi " tiin ka vir kual a ,thawk la hakin inchhung lam min panpui nghal nal nal .








Min ngaihtuah lutuk hi a chang chuan a thinrim phah fo,a chhan pawh ka tluk suala a ai a na a ka ke ka tih sisual a hlau a niber . Mahse ka fimkhur a ,tual bak loh ka la pel duh biklo,“ U Ramte ka dam ve leh chakai khawrh ang aw ,ka chak lutuk" ka tihchuan a bu nghat . Ka nute chu ka theih ang angin ka pui a,saza chhum chu ka vil ve nghal “ Vawiin chu thlai ka va veh ange,buh te pawh enge an an hriat a chakawm a lawm,fanghma leh vaimim vel pawh an awm nual tawhin ka ring " ka pa hnenah chuan u Ramtea chuan chaw eilaiin a ti a.








Kan chhungte pawhin an lo pawmpui khawp mai,kan thlawh zawh atang khan kan la kan leh miah lo a,a sawi ang khan thlai ho chu lawh an hun nual tawhin ka ring . Kal ve chak viau mah ila ka ke na bakah an phal dawn lo tih ka hre chiang viau mai ,a feh tur chu chaw vel ka funsak a ,ka thlir liam te te hnuah inchhung lamah ka lut ve chauh,Nunnuni nen chuan kan inkawm a ,a rawn awm atangin keipawh ka khua a har loh phah a ,a mah a lawmawm bawk nen kan hlim thei viau ,school kallai a ni bawk a . An school chungchang leh a classmate te chungchang a sawi ve siam siam thin.









Pawl 9 a zir ve mek a ,an class nawm theih zia leh star a neih thu vel min hrilh thin a,ka nuih pui leh nge nge zel . A star hma a a chet chhiat theih zia a sawi te chu kan nuihpui hak hak thin a ,ka nau tak tak ang maiin ka en bawk . Ka unau te nen kan kum a inthlauh em avang khan nau hmeichhia neih ka chak thei hle a ,tunah chuan ka nei ve taah ka ngai hmiah tawh, “ Pa Ramtea hi a fel sia apa nizawk se ka ti thin,a duat ropui che sia mipawhin a duat thu che an sawi ziah a nia ,nupui duat leh kan khua a nupui nei hmeltha ber an ti thin cheu a " a tihchuan ka lai dawn dawn mai .









Ni e u Ramtea min enkawl danah hian sawisel tur ka hrelo biklo,min duat leh lutuk hi ka pangchan phah nimaiin ka hria.



(MUTTUI U)

[mawitei bawihtlung]

KA PASAL THINGTLANG PA






CHAPTER 8




RAMHMANGAIHZUALA (U RAMTEA) POV



DAH VE TAWH RAWH IN TI BAWK SIA TLEM DAH ANG AW





“ Ka nu khawnge ka nupui hi " ka feh hawng chuan ka nupui ka hmuh mai loh avang chuan ka zawt nghal zat . Thla a liam leh tawh a ,a ke pawh a duh duhin a hmang thei tawh nangin la indim se ka duh “ Ka hrelo,Zopuii te nen khan pawnah an inkawm reng a nilawm ni " a tihchuan ngawi rengin ka chhuak a ,in leh a vel chu ka en kual,ka hmu mai bawk silo ,khawlaiah chuan vak chhuakin ka zawng nghal zat .






“ Jish Nuntluanga i thi" aw rawn chhuak vau vau awmna lamah chuan ka kal nghal vat . Ka nupui naupang ho indona lem a lo tel ve chu ka melh ngur ,a mah mai nilo in Zopuii leh Teruati ka hmu ve bawk . Heng ho in an inzui â vek tawh a nih hi,naupang ho lah an bum thiam bawk nen an chan tir char char “ Dîte " ka tihchuan phu zukin min rawn en,min nuihtlawn nghal zat . He ka nupui mize harh lutuk hi engtin nge maw ka tih dawn ni ? A awm ve a chinah kan veng naupang ho pawh harh lo reng reng an awm lo .







Min rawn panin min nuih sen sen a ,ka banah a rawn vuan nghal than“ Ka ngai tawh lutuk che a,naupang ho bulah ka lo intihlim tawp a " a tihchuan ka rum hawk ,chhuanlam siam thiam silo hian a harh teh vet a ,engmah sawi tawhlo in inlamah chuan ka kai phei a ,a tawng leh barh barh tawh . “Chakai chu engtikah nge kan khawrh dawn,Zopuiite pawh ka sawma an chak tawh ania " tiin inchhungah chuan a lut nghal thak .









Ka en zui vang vang,kawng tam takah a puitlin rualin a naupan chhiatna hi a lang leh thin. Kan nundan mila a inthlak danglam mai thei te hi ka chhuang bawk ,ka thaw ham ham “ U Ramte tahkhan i ding reng dawn em ni ?" tiin a rawn au leh hram a ,nui sukin ka zui lut nghal . Engtik laiin nge ka hmangaih ka hrelo a ,ka nupui a nih hlim pawh khan hmeichhe lelo tak turah ka ngai ve tho ,mahse a kiangah ka awm rei a ,ka ngaihdan dikloh zia ka hrechiang chho ta hle .







A bula awm a hlimawm a ,kei ngei pawhin ka nunhlui ka theihnghilh phah fo ,hrehawm ka tihna zawng zawng min lak bo sak tu a ni bawk ,ka inbualna tur a siam chu ka en zui vang vang,engtik ah tak ka fa pai ang maw .




LALDINMAWII (DÎTEI) POV...






Chawngtui lui lam panin kei leh u Ramtea ,u Duha ,U Zuala leh Zopuii te pahnih nen kan kal a ,kan ri nak nak,kawng a thui reuh phian lehnghal “ Dinte chakai chu i hmuh chuan incheh tir chhin rawh aw,chakai cheh reng reng chu an zûna uai ana an ti a nia " u Zuala chuan a rawn ti a ,a nihleh nihloh u Ramtea ka zawh chuan a lo nui ringawt ,kan kal zel a . Lui thlen dawn a tui luang ri her her ka hriat chuan phur zetin ka kal sauh sauh,awih ve taka kan chhuh chuan ka tawlh leh thin a.







U Ramtea chuan ka kutah vuanin fimkhur takin min chhuhpui,zana khawrh an tih avangin khaw thim hma chu kawite kan chiah dawn a nih hmel,lui chu kan pawh a ,a zau ve hle, lungpui a awm thup a . Tiau lui ai chuan te daih mahse a nawmlohna tur ka hre hauh lo,Sangha li a rawn lang ho chu ka en “ Zawngek sangha an nih hi,tiru man tum ang u " Teruati chuan a rawn ti a ,kuaite kan phawrh nghal thap . Mipa ho erawhin kan awmna tur buk an lo siam thung a ,kan rak chul mai.






Changpat an man chuan ka rak tuar tuar ,an ni lahin an kuaite hmawrah an dah a ,Sangha chu an phih chhuak zung zung mai si . Buk siam mawlh mawlh tu ka pasal chu ka au leh “ Min lo pui rawh ,ka man ve duh " ka tihchuan a u Duha te chu bia in min rawn pan a ,ka bulah a rawn thut rualin changpat chu la in kuaite ah chuan a thiat nghal zat ,tuiah chuan ka chiah thla a ,Sangha in an lo ei rual chuan ka phih vak a ,a chunga thing zar rawn uai thlaah chuan a han in vet zui ,Zopuii leh Teruati chuan min nuih uar uar lehnghal .








U Ramtea chuan min phelh sak a,ka chiah duh tawhlo . Tui ah chuan inchiahin ka dak veuh veuh,a nuam ka ti takzet . Fur tak tak a liam tawh a ,ruah a sur khat ta pharh bawk ,khua a rawn thiang leh kuk tawh a . Van pawl raih leh chhum var thianghlim tak te chu ka thlir reng,he nun hi a lo nuam a ni. A changin kan tap a ,a changin kan nui a,beidawng leh lungngaiin kan kun fo thin. Mahse chu tih hunah pawh tlai ngai lo Pathian kan belh a ,a mah ah kan in nghah chhung chuan chakna kan neih belh thin a ni.








Khua a tlai a,rawng kan bawl nghal zung zung,zanah luidungah kan vak chho dawn bawk nen keiphei chu ka inring tha penpawn viau mai . U Ramtea nen chuan dil kam lungchungah chuan kan thu dun a ,a khupah chuan a kut a suih a ,kei a darah ka bei than bawk “ Lui sangha i nih chuan keichu Ramliana" ka tihchuan a rawn nui deuh hawk . Dil sangha ai lui sangha lam remchang zawk rih miau hek “ I hria maw ,min tlanchhiatsan i tum chuan ka lenin ka awk zel ang che " ka tisep.







Ka kut chu a rawn hum vang vang “ Ka ram pangar vang tak i nih hi,ramhnuai pilrila ka tawn " a rawn ti ve nghal zat . Ka nui hak hak “ Hmeltha pa" tiin ka nek leh zauh thin ,“ Nangni pahnih kha in di reng suh u,em em cheu hian. Zak ve thin rawh u,thiante thlim reng mai" u Zuala chuan pawn a rawn dinchhuah pahin a rawn tihluk hluk ” Nupui nei ve mai la,kawppui tur pawh hmu zo hek lo che " ka lo tichu a run ngei mai “ Ka luck ve em ,duh ni ila chuan ka nei tawh ang " a rawn tileh vak .







“ Zopuii nen khan ni ula" ka tihleh chuan an pahnih hnihin ka hming an rawn lam rual thawt ,nui uar uarin u Ramtea chu ka nghawk zeuh “ In haw bawk sia in in imaita chiang lutuk,mi min dema kan huat viau hi chuan ri ret ret a awm tawh tihna " ka tihleh chuan ka lam panin an rawn tlan a ,u Ramtea hliahah ka awm nghal,min lo kuah bet a. A nui hawk hawk bawk “ A tawk in bengchheng si,kan thil tum ber in ti tlawlh zo dawn " u Duha chuan a rawn ti hluk hluk,a ni hi chu an thian rau rauah a thinchhe lawrlak ,mahse a rilru erawh a tha em em thung a .








Khua a thim meuh chuan zanriah kan ei fel der tawh,light nen lui dungah chuan kan vak chho tan a . Kei ka man ngamlo bawk nen a en tu ah ka tang tawp,aikam bawp lian tak tak chu ka hmuh zawng ringawt pawhin ka eichak,kan man sa chu bawm kan tah ah chuan kan khung zel “ Huai ho te hi an awm ve angem le ,an rawn hrang ve chiam mai ngah " ka tihchuan Teruati chuan min rawn melh rawm rawm “ Piangthar teh,huai awmdan pawh i hre phalo" a tihruala aikam dum zun,a len zawng ringawt pawh kut tum ai chuan a lian var var ang tih tur chu man tumin a ban a









A kut tangah tak a lo cheh chuan ka ner sawk,a au ring em em lehnghal “ Ana lutuk. ....ka kut a bung dawn " a tichul mai , a len that bakah a tar lam tawh a ni ngei ngei ang,an kutin phawi thei heklo u Duha chuan seh tlak tumin a kun hniam chiah tihah chuan a bawp lehlamin a hmuiah a lo cheh sak ve leh ,Teruati ai ai a au ring “ Ana,awi ka nu ka hmui a kang dawn " a ti ruah ruah,kan insum thei tawh lo . Kan nui vak vak,an ni lah an tal buai nasa tawh si,a tawpah u Ramtea chuan a chempui phawrhin lungah an kut leh hmui chu kun hniam pui turin a hrilh sup .








A bawp chu an tan sak a ,chuveleh an ni pawh a bawp chu an paih nghal “ U Duh tikhan i hmuia i fawh chu i zûnah an uai zel dawn a nihkha ,a chep na thei thei zûna uai ana in tihkha " ka tihchuan min melh rum dun ngei mai ,“ Kal phawt ang u,fimkhur tawh ula " u Zuala chuan nuihza zetin a rawn ti a . An kal hnuah Zopuii nen insum ngai siin kan nui khur dawt dawt ,Zopuii lah a unaute pahnih an lo nibawk nen a nuih a za zual ,kan duh tawk kan man hnu chuan buk lamah kan kir a ,kan riak phawt dawn a nih hmel .









Puan tlem kan ken chu in phah tawm hlawmin meipui kan chhep hluah a ,puan pakhat theuh kan sin thap ,telve lo ila chuan a zan a zanin an haw ngei ang. Mahse ka tel a,ka chak loh zia hria in riah rawtsa kha an ni reng reng a,u Ramtea awmah chuan hmai phumin ka mit ka chhing chial,chingpiru hram te ,phawngphawdawt hram te chu hlauhah a thawk pha tawhlo,a ni a sir berah a mu a ,kei a dawtah ,alaiah Teruati leh Zopuii mu in a sirah u Duha leh u Zuala an mu bawk a ,an titi nak nak.






Fiamthu an thawh chu kan nuihpui leh thin,a tawpah phei chuan an mu hnar bawrh bawrh tawh “ U Ramte thawnthu min hrilh la " ka tihchuan min rawn en ha ,mei eng thlarah chuan a hmel chu ka hmu chiang hle . “ Anih loh pawhin min zaisak rawh ,ka muhil theilo " ka tihchuan nui chungin min kuah nghet sauh . Chutah min zaisakin Lallianmawian a THACHUNGCHUANGI chu a aw pa leh thum deuh chuan azai a,ka lo lai leh pek “A lo duang thiam ngei che,khuanu leng pawh hian ,tha chung chuang turan maw,kan Zotlang nuamah " tiin a kiai suk a.








Ka hmai chu a sa hat hat,a hla sak chu amah nen inhmeh viau lo mahse a ril tlat lawi si . A hla thu chuan ka thinlung a thleng phak a ,ka lung a leng riau bawk . Hmanlai hun angah khan awm ila u Ramtea hi ka chang hian ka ring lo “ Zaithiampa " tiin ka kuah nghet zual sauh “ I tan chuan thiamlo tak chung pawhin ka zai mai ang " a thusawi chuan min tihlim,keichuan a ni aia zaithiam tur ka hre biklo,a zaidan reng reng hian thinlung a khawih a ,lung a tileng vawng vawng thei. Music video siam se chuan mi lungleng thei em em te ngaih hlut a hlawh ngei ngei ang.






Rap zawih zawih ai chuan a thleng thuiin ka ring,keini Mizote tan hi chuan hla lungleng chi hi a tha ber ka tilo theilo,hnam dang pawh hian cool raih leh thinlung fan raiha zai te zawk hi an lo en duh in an lo chhuang thin in an lo ngaithla ve ziah tih ka hria ,u Ramtea ka en a . Mite thinlung tihlim a ,an lunglenna tawmpui thei tur khawpa hla tiril fan raih a sak chhuah thiam ka ring bur . Tunangah chuan kan zaithiam neih te hi naupang te te in an thi ta ziah a .






Kan larna kan hman tangkai thiamloh vang a ni pakhat ,sum a awm hi chuan khawpui angah chuan ruihhlo hriselna atana tha lo a lo tam a ,tin lirthei kan ngah tawh bawk nen naupang te te nisi in kan zaithiam tam tak kan chan teuh tawh chu a nih hi “ Idol s8 ah hian tel ve mai la " ka tihchuan ka biangah a piai vak ,a nui hawk bawk . A mit a san zauh a ,a hrawk bawk che ralh khawp a a chil a lem te chuan a ti pa ka timai ,ka thlir reng ,a hrawk bawk chu ka khawih sak neuh neuh .






“ I hrawk bawk ang hi nei ila,nang period ve thung la a tha ang " ka zakah a rawn dek vak chu rak thatin ka tal nawk nawk ,chuveleh ka bula mu Zopuii chu a rawn che nghal tuah tuah “ Mu ang,midang kan tiharh palh ang " tiin ka mu tha sat sat,ka muhil hnuhnung ber duh teuhlo . Ka hlau leh anga ka tlaivar thak ka hlau,tui luang ri her her chu ngaithla in ka mit ka chhing nghal thak .







“ A liam ta maw zingtianah,Bawhar zai ri mual min dan tu,tik ti ik ik thawh a hun" tiin bel ka vaw ri bur bur ” Awi Laldinmawi titawp rawh a bengchheng lutuk " an rawn tihlar ,ka nuih vak vak . Lui mawnglamah chhukin tiau lung ang awm tuar chu nawh lung a hawn tur ka zawng rak rak ,ka bula thehlei rawn kal sawt eu eu chu ka vawm a ,bak lengin a tlanchhe nghal . Nui hak hakin zing ni chhuak tir ngaw kar atanga rawn lutah chuan ka in pho nghal thak.






Ka nute pawh ka ngai ve tawh viau mai,fanghma leh dawnfawh vel kan thawn ve thin a,an lawm thiam viau . Aizawl ka hmu khat tawh nen zin ve hrim hrim chu ka chak,mahse hna tul laia zin chhuah ka duhloh avangin ka pasal tak ngial pawh ka la hrilh lo,thingtlanga ka awm chin chuan ka vun ngo leh no lutuk pawh an reh tan,ka kut phah hna ka thawh loh avanga nem leh tle deuh zarh te chu a thap ve hrap tawh lehnghal . Ka vun pawh a uk deuh khak tawh bawk .







Mahse mawi ka tizawk ,u Ramtea erawh a vun hang lutuk silo,a taksa chhung lam phei chu a lo ngo rapthlak lutuk . An panga a an che tarh tarh chu ka nuih leh thin ,an mahni tawkah an tul ve viau mai . Chakai bawp ka ei chak tawh viau,haw vat vat ka chak .




(MUTTUI U, CLICK,LIKE, COMMENT MIN LO PEKSAK LEH DAWN NIA AW ,HMELTHA HO )

[mawitei bawihtlung]

KA PASAL THINGTLANG PA






CHAPTER 9




“ Nu kan lo haw e " tiin inchhungah chuan ka tlan lut a ,ka nu leh ka pa chuan min lo chiau au thuai ” Ehe Dinte in va hlawhtlin hmel ve aw " an tihchuan kan chakai manna chungchang vel chu ka sawi a ,U Duha te chakai in a cheh dan ka sawi chu an nuih a za ve ngei mai . Chakai chu kan chhum nghal hluah a ,tlailam ei tur in kan buatsaih zung zung ,chaw kan ei te chuan a heh heh ah ka tang a,a bawp lian zet zet chu u Ramtea chuan min pe zung zung a .








Chaw eikham chuan thleng sil zung zungin ka taksa na thum chu ka in hmet neuh neuh ,Nunnuni a haw tawh bawk nen keimahin a engkim ka tihleh a ngai tawh a . Ka buai ve thei viau “ I na em ni" ka pasal chu enin “ Ka hnung vel hi a rawl thum mai,ka mal leh chawn pawh " ka tihchuan a rawn thu hnai a ,min chum sak nghal dat dat . “ Awi u Ramte ana hi ka ti emai " ka tihchuan ka zakah a rawn dek vak ,ka au nghal tuar “ Tikhan timah ta che Ramlian" tihlarin a awmah ka chum chawrh .







Nui hawk hawkin room lamah min pawm lut nul nul ,ka dul a chul hauh hauh “ Naute pai tawh la ka ti " a tihsup chuan ka ngawi rauh rauh,keipawh hian pai tawh ila ka ti,mahse thla a liam a ka la period zel bawk nen a la hunlo a nih ka ring . “ Keipawhin ka châk ve tho va ,mahse Pathianin hun a la tilo a niang " tisepin ka dul chunga a kut chu ka hum hnan nghal than ,a awmah chuan bei kakin a kut chu ka hum reng “ Ka nute ka ngai,kan inhmu khat tawh sia " tiin ka phun chhuak sep ,ka samah a chul hliau hliau a ,chu chuan min hnem viau .







“ Kan zin dawn a nia " a tihchuan ka phur hle “ Mahse ka nute hi an mahni chauhin an awm dawn a sin " tiin ka en ha ,nui sukin a uten an awmpui theih mai tur thu a sawi a,ka bu ta nghat .






Zing ka tho pawna ka chhuak chu ka au tuar “ Hey enge tih in tum " tiin u Duhan u Ramtea sam hma lo tan a tum chu ka va dang “ Aw a lu kan met dawn mawle,khawi maw kan zo tep " a rawn tihchuan ka lu ka thing nawk nawk “ Aih angailo,pasal chal ngalh deuh ka nei duh lo ,a dang kha tan rawh a sam hma hi chu ka phallo " tiin ka hup bet tlat. U Ramtea chuan min en run mai “ Ka bek vel chiah kha timai rawh " tiin u Duha chu a hrilh a ,ka thaw huai . A sam ka hup pawh ka thlah a,mahse ka la veng reng tho .








“ Vawiin chu daithlang a kan huan in zu kan mai mai dawn em ni,kan balhla te kha tuk an hun tawh in ka ring" ka pa in a rawn tihchuan u Ramtea pawh chuan a lo aw ve mai a ,dai kal tur chuan kan insiam a ,kan chhuah rualin Faki kan tawk nawlh “ Enge in tih dawn a Hmaa" u Ramtea hi Hmaa tih hlir in a ko ziah “ Huanah kan zuk kal teh ang" tihzawngin a chhang a ,Faki chu a ner deuh nawk mai “ Nupui i neih chin chu i va induh tawk ta ve a ,nia khawpui nula hi chu an mi hip a lo na a nia nge ,a nih u " tiin a kalsawn nghal nal nal .







“ Zamlo reuh mange ,mawng pauh ropui si ,sihmawngpir i an an nen" a hriat phak loh tur chuan ka tihram ,u Ramtea pawh a lo nui deuh huk “ Kal ang" tiin hma ka hruai leh ,pawn a nilum aia lo thu chhuak ho chuan enge kan tihdawn tih min lo zawt hlawm a,phur zetin ka lo chhang ve zel . Huan chu kan thleng a,nuam ka ti lutuk chu ka au chul mai ,“ I kalna tur en rawh " u Ramtea rawn tih rual chiah chuan khuarah ka tla lut ,ka au that mai .







Min rawn pawt chhuak vat “ Fimkhur rawh,i insawhna ange " a tisup a ,ka lo nuih hak . “ Ka lu ka vit phun tep a lawm" tiin thlam lam chu ka pan,hei chu lo a thlam ai a zau a ,in ang maiin a hman theih bawk . Thu hahdamin ka hawikual vang vang,sava an hram nauh nauh a ,thereng lah chuti bawk ,a rehlo viau mai ; ka bulah rawn thu in ka sama bawlhhlawh kai chu a thian fai mawlh mawlh a , ka lo muthlu leh pek ,ka biangah a rawn dawm a,ka hmuiah a fawp nghal zauh .








“ Mut duh lutuk " tisupin a awmah min kuah bei chial ,mipa rilru hi hriat thiam a har a . An inzep thei bawk nen mahse u Ramtea hian chiang takin min hmangaih tih ka hria ,a mal chungah mu in ka mit ka chhing nghal thak “ Ka mut hi a chhuak reng ,keipawhin mak ka ti ve tho,ka tleirawl chhuah atang tawhin mut hi chu ka kham theilo " tiin ka ham zui bai bai ,ni sa vawl vawl leh kan awmdan chu a lunglen thlak hle hian ka hria. Thingtlang boruak chu a reh raih a ,boruak a nuamin rannung hram hriat tur ala tam a ,a hmanlai deuh ruih zel in ka hria.







Kan thlanga rua thli in a chhem zawng a ri siam chhuak te chu ramsa hram an ang lek lek zel ,mahni te in awm ila chuan ka hlau hialin ka ring . “ Karleh lamah kan zin dawn a nia " a tihchuan ka bu nghat ” Ka lenkual pui ang che ,chuan kan car zawrhna ah te pawh ka hruai bawk ang che nga " tiin ka titi nghal char char ,ka tleirawl chhuah tirh vel leh ka school kallai vel te chu ka sawi mawlh mawlh a,ngawi rengin a lo ngaithla ve zel tho .








Balhla tuk hun chu kan zawng a ,kan kih tluk hnu ah pu nawlhin kan haw chho a ,ka chhawk then dawn lahin a phal tlat lo lehnghal ,ruak chuan ka zui ve tawp ringawt .

880a6682f67d771aae25c1aa4e3f96d3.jpg (11.23 KiB) Viewed 24150 times

ZAWMNA ....





“ Nu,pa" tiin thla eng emaw zat ka hmuh tawhloh ka nu leh pa chu ka kuah thlawp . Aizawl kan zin thla a,ka tualchaina hmun ngei ka hmu leh chuan ka mittui a tihnam ve sawk mai ,u Ramtea chuan kan bungrua a rawn keng phei a ,ka lo pui nghal vat. Inchhung lamah awmpuiten an la lut a ,a banah kuahin inchhung lamah ka luhpui nghal vat “ Hei hi a nih hi kan in chu " tiin ka fankual pui a ,a hawi deuh vung vung. A hmelah chuan engmah a lang chhuak lo va ,a tawng miahlo bawk .







Kan room tura ka hruai luh chuan thaw hawkin min kuah bet,kan thawmhnaw kan dahfel a ,chaw pawh eilo in kan mu tlang nghal,mipa e tilo in motor rui miau hek ,a tuk lamah chuan hmun hrang hrang ka fanpui a ,kan car zawrhna vel thleng kan fang a ,ka thiante ka hmuh tir chuan an chibai nak nak “ Din" Alan aw ka hriat rualin ka phu deuh zawk “ Aw enge ni ta " ka tihchuan kei leh u Ramtea chu min en reng “ I pasal chu i rawn hruai a nimaw ,ilo let hun ka lo nghak reng a .








Engtik nge ka kiangah ilo let ang " a tihchuan ka melh kar mai, ka pasal awmlaia chutiang a rawn sawi chu ka ngei takzet “ Ka sawi tawh kha Alan kan inthen tawh ,chuan ka pasal hi ka hmangaih a ,ka then dawn lo " tiin u Ramtea chu ka kalsawn pui nghal hlawk hlawk ,a ni lah a tawnglo a ngawi rengin a kal mawp mawp “ I thinrim lo tiraw " ka tihchuan a bu nghat . Ka ngaih a tha tawh chuang lo ,a kut chu ka hum sak a ,ka nuih tlawn “ Nangmah chiah ka hmangaih che " ka tihchuan a rawn nui ve leh ta suk .








Inah kan haw a ,ka nu leh pa chuan an lo be nghal bawrh bawrh,u Ramtea a puitling bawk a ,ka pa nen pawh an inkawm ngeih viau mai ,ni 5 dawn kan cham tawh a . Pafa ang mai an ni,ka pa lahin mipa kan unau ah kan awm loh avangin a fapa ang tak takin a en bawk a ,kan mu lut a ,khumah chuan ka titi pah “ Helamah hian awm thei ila nangpawhin hahdam zawkin hna i thawk thei dawn a sin" ka tihchuan chiang zetin min en








“ A chhan chu maw ,thingtlang ah ringawt chuan sum avang chuvang chuan hetah ka pa hna hi i chelh anga,ka nute chu kan enkawl zel mai dawn a lawm " ka tihchuan min chhang lawk lo ,ka en reng “ Thingtlang leh kan in chu hrehawm i ti viau em ni" a tihchuan ka hamhaih “ Nilo e chutiang pawh a nilo " tiin a awm chu ka thai sak neuh neuh ,ka tawngkam thiamlo lutuk hi ka in ngei “ Ka sawi awmzia chu helamah chuan awlsam leh hahdam zawkin sum kan la lut thei dawn a lawm " ka tihchuan a lu a thing nghut .








“ Keichuan sum ka mamawh lo,ka nupui leh ka fate enkawlna tur tawk chu ka nei ve chutiang engmah ka mamawh lo " a tih tak hmukah chuan ka inthiamlo hle“ U Ramte i thinrimna tur in ka sawilo,hah taka i hnathawk ka hmuh duh loh vang mai a nia " ka tihchuan min chhang tawh lo,lehlam a hawi ngat mai . Ka inthiamlo bawk si ,a hnung lam atang chuan ka kuah ,a ngaihdan tur chu ka hriat thiam pui tho nangin helama kan awm chuan tlema a hahdam ve ka beisei vang ani.








“ Tihpalh thinrim lo la ,u Ramte " ka thusawi avang chuan a rawn hawi let a “ Helam hi nuam i tizawk tih ka hria ,i thiante i hmuh apianga i awm dan nen i duh ang chuan hetah chuan i awm thei ang,ka dang lo ang che ,naktukah ka haw ang " tihzawng sawiin a mit a chhing hmak . Tinge hetianga a awm thut le ,nitin ka vah chhuahna ah a tel ve reng si a ,chutiang ngaihdan engtin nge a neih theih “ U Ramte ,tinge i thinrim" ka zawhna pawh min chhang tawh lo .







Ka thiante kara awm nuamlo a ti a nihchuan sawi mai tur ania,engvanga ka thusawi tlemte avanga thinrim nge a nih ang . Nge a ni hian thil hriat ruk a nei zawk ,a lungawi lo mai mai ngailo,eng emaw hriat ruk chu a nei ngei ngei ang ,a mutthilh hnu pawh chuan ka la mu thei mai lo . Ka inthiamlo bawk si,mahse hetiang khawpin a thinrim pui dawn tih ka hriat loh vang a ni pakhat . A tuk lamah chuan damdawiin ka kal zuai a ,nau ka pai har lutuk chu doctor ka rawn a ni ber ,a thusawi avang chuan ka hnim deuh sulh ,mahse ka insiam tha thuai a pawnlam ka pan vat .






Ka phone ri chu enin ka thiante hming ka hmuh chuan ka chhang vat a“ Din vawiin chu leng ang u " Alan leh Brenda-i te ho chuan an rawn ti a ,u Ramtea lah ka pa nen an inzui chhuak daih bawk si . Keimah chiaha awm ka peih lo bawk nen ka awmna sawiin an rawn thlen chuan ka zui ve tawp a ,Alan chuan min la phur lui tlat lehnghal ,kan vahchhuahna lamah u Ramtea leh ka pa kan la hmu zui,u Ramtea hmel awmdan chuan min ti awm nuam theilo,inah ka haw leh rual chuan ka pa in min pan mawp mawpin ka hmaiah a beng sawk .







“ I pasal i len san a maw,i mizia ila hloh miah lo a nih hi ,I pasal ngaihdan tur che te dawn ve ta che " ka pa chuan a tihrawk . Ka hmai chu dawmin ka en reng ” Pa engmah kan tilo,kan lengchhuak mai mai a lawm" ka tihchuan a thinrim hmel deuh deuh “ Fanu lepchiah lutuk,i pasal in then a duh thu che a sawi pawh kha a awmlo love " a tihleh chuan phawk zetin ka en “U Ramtea chuan engmaw a sawi ,tunah khawiah nge a awm " ka tisep “Roomah" tiin a kalsawn nal nal ,ka nu hmelah pawh chuan kei mak min tihzia a lang chhuak zut zut .









Room chu ka pan a,u Ramte an a thawmhnaw alo siam mawlh mawlh chu ka hmu nghal “U Ramte enge i tih dawn " tiin ka hnaih a ,min lo namsawn lawp ,a thinrim hmel hle bawk. “Mize danglam tak i nei emaw ka lo ti a,mahse ka hrethiam lo che Dîte " rilru nat hmel taka min enchunga a tihchuan ,ka pan hnai ,a keah chuan ka va vuan bet “ Tinge ka leng chhuak mai mai a lawm,ngawi rengin ka lakah tinge i lungawi loh ngawt? Min hawsan i tum a maw " tiin ka tap chhuak nghal. “ Tinge tumahin min hriatthiam ve duh miah loh a,ka pa lahin englai pawhin min dem a .








Nang tal chuan min hrethiam ve ta che ,intih hlim ve hram hram ka tum a nih hi,i laka fa ka la keng theilo te hi hrehawm ka ti ve tho a sin " tiin ka tap hliam hliam,rawn thu hniamin ka biangah a dawm . Ka mittui tling pam nen ka en kar “ Insual lutuk,ka haw khat zia i hria ,ka thiante hi englai pawha min thlawp ziah tute an ni,mahse chumi avang chuan a hma a ka tih thinte kha tih leh kher ka tumlo, min hruailo in in chhuak daih a ,keimah te chauha in nghah ka peihloh avangin ka zui ve mai a nihkha" tiin ka mittui chu ka nuai nawk nawk .








A awmah min kuah bet a ,chuveleh nghet zetin ka pawm nghal “ Keilo mipa dang hnaih tawh suh ka tihkha ,i seilenna hmuna awm i chak zia ka hailo,thingtlang nun pawh hrehawm iti tih ka hria,mahse i theihloh tur thil ti turin ka nawrlui ngai lovang che ,khawpui mipa angin sum ka pe reng thei kher lo che ,mahse i hriat kha . Ka khua ah khan ka nun zawng zawng hmang turin ka haw ,ka nu leh pa ka kalsan theilo va , nang pawh ka kalsan theilo che ,mahse min hmangaih lova kha Alan kha i hmangaih miau si chuan he inneihna hi titawp in ka kal tir ang che " a tisup .









Ka lu ka thing nghal nawk nawk “ I bulah ka awm duh,thingtlang pawh hrehawm ka tilo . I bulah chiah ka awm duh,pawisa enga tan mah ka ti biklo,mahse hah taka i hnathawk thin ka hmuh te kha hahdam zawk a i thawh ka duh vang a nia ,tihpalh u Ramte i rilru a na tih ka hria ,Alan pawh kha ka hmangaih lo,nangmah chiah ka hmangaih che ,ka lak a i lungawi loh em avangin a ni pawh kha ka be lo hrim hrim " ka tihchuan a nui suk,pawnlamah min hruai chhuak a ,a zan a zanah lapaw chini zawngin min leisak a .







Mi in luhna stepah chuan thim lai deuhah thu in ka ei a ,amah pawh ka barh ve zel . Ka hmui vela kai chu a kutin a rawn tifai a ,ka lo enkar ,a hmel chu chiang takin ka thlir a ,ka khawngaih thar riau,ka kuah a ,ka awmah chuan ama lak a ka awmdan thin ang chiahin ka kuah bei hle hle bawk . Hahdam takin a thaw chhuak nghal ham ham

[mawitei bawihtlung]

KA PASAL THINGTLANG PA






CHAPTER 10






Khaw lamah u Ramtea chuan min hawsan rih a ,kei erawh ka la awm ta reng. A chhan chu ka chungchang hi tumah hriat tir ka duh rih lo,nitin doctor ka pan a ,ka in enkawl ve reng bawk,u Ramtea chuan min hawsan duhlo viau mahse keimahin ka tihluih tlat avangin a haw a ,keipawh helama awm rei ka tum chuang lo . Thla khat ka awm hnuah ka haw a ,u Ramtea chuan min lo nuih var var mai,ka kuah nghal thlawp .







“ Min lo ngai em " ka tihchuan a bu nghat ,a nui suk bawk . U Duha te ho pawh an lo awm thap mai “ Kha khalaiah lo thu suh,zaklo lutuk" tiin hmeichhe pakhat lo awm ve chu a vin khur khur ” Amak e u i tiduh dah thei emai,mipa dang bulah awm se i thik leh nasa awm ropui si ,tha deuhin be ve tawh rawh " Zopuii chuan a lo tihlak hlak . Hmeichhe lo awm ve chu a inthlahrun hmel hle ,ka la hmu ngai miah lo nangin hmeichhe fel tak a nih ka ring.







U Duha chu a duh a ni tih hai theih lah a ni heklo,ka nu leh pa erawh an lo mu tawh a nih hmel,ka thil hawn ho chu ka sem kual a ,an lawm thiam viau “ Ka lo va haw mai ange,u Duh mangtha aw " tisepin chunu chu a chhuak a,a hmelah a hlimlo tih a hriat,a chhuak zui thuai “ Ka u kha chen a zui che a ,i tikhawngaih thlak emai ,nang ang mai mai a duh che hi lawm zawk ta che " Teruati chuan a lo ti ve bawk .







U Duha chuan a um chhuak vat “ Ka u duh ve tu a nia ,Lana-i a nihkha ,ka u hi a duh tehlul nen ka u lah a thinchhe bawk si a buaithlak a nih hi,a duh ve tho chuan tha deuha biak mai awm" Zopuii chuan a lo tileh,kan awm loh chhunga thil thleng a nih hmel “ Nangpawhin min duh chuang em ni" u Zualan a Zopuii en chunga a tihchuan kan lo nui dar dar ,an inchum awk awk mai .






LANA-I POV(TIZUAI ANG)







Ka mittui chu ka hru mawlh mawlh,tinge min duh ve miahlo tu ka duh kher ,a ni ai tha pawh ka hmu ve tho si a ,keimah leh keimah chu inhau in kan inlam chu ka pan zel . College khawpui lama ka kal avangin ka haw na pawh a la reilo,u Duha ka hmuh atangin ka thinlung zawng zawng ka pe nghal vek a ,mahse a ni chuan min hauh chiah a thiam “ Ka duh tawh tur a nilo,tunah chuan mipa dang ka chhang ve tawh ang" tiin ka phun sep .








“ Min duh tawh lo chiah ang maw " ka hnung lam atanga rawn titu avang chuan ka phu zawk mai,chutah ka hmaah a rawn ding chhuak a ,chiang zetin min en . Street light hnuaiah chuan a hmel chu a muk ran ” Aw ka duh tawh dawn lo che " ka tisep “ Min hau reng tu leh min duhlo tu tibuai reng turin ka dawh thei biklo " tinghatin kalsan ka tum a ,ka kawngah rawn manin a lamah min pawt nghal lawp . A awmah ka bei thlawp ,ka innem khalh a,ka en chho ha ,a mitmeng chu eng hnuaiah chuan a thim run mai .









“Min thlah teh " tiin ka tal faih faih,min man nghet bawk si “ Lalduhzual min thlah nghal rawh" ka tileh that,mi in kan thawm an hriat ka hlau bawk nen ka au ring ngam lo “ Aih" tiin rang zet hian ka hmuiah a rawn fawp a ,ka khawng nghal awt . Ka kawng a hmerna chu a hmet na deuh salh a ,alamah min pawt hnaih sauh pah chuan thim lamah min nawr lut nghal ,ka nghawng bulah a rawn thaw lum ham ham chuan ka lung a tiphu dawt dawt “ Min kalsan tum na teh,i kalna a i mi tawn hmasak ber chu ka that duh mai ang" a tihchuan a thusawi awmzia ka hrechiang viau.









“ I sual lutuk" ka ti chhuak sap,ka biangah a rawn dawm a ,a nui nghal suk “ Min duh em tho kha ,tirawh let leh ang i thil tur Dintei khan a pe hman hleinem che " a tihchuan ka tang tung mai “ Ka duh lo,a thian ka ni velo va ,min hawn kher lovang " tiin ka ding lui tlat . Min pawt luiin “ I kawm anga i hre mai ang,i kawm hma chuan i thian a ni reng nang rawn kal mai rawh" tiin kan kalsan tak u Ramtea te inlamah bawk chuan min let pui leh,inchhung kan luh rual chuan an lo au dar dar.






“ Kha kan thinchhepa chuan a rawn nang hman che maw ,a a sia e hmeichhe fiam dan hi a hre thinlo,lo kal teh kha hei hi i ha tawkin ka ring,ka lei thar tho a nia " tiin Dintei an tihchuan min lo be nghal seuh seuh a ,ka in thla hrun rualin ka lawm viau bawk . A pasal a fel bawk a ,a nipawh a fel ka ring sa reng a ,“Naktuk chu lo lamah feh khawm ang u hmiang,buh an vui tana ,picnic pah a nimai " u Zualan a rawn tihchuan an pawm tlang a nih hmel ,an bengchheng hluai mai ,kei erawh ka la ngawi reng thung a .





END OF LANA-I POV....






“Ilo haw har hle mai " kan mut hmunah u Ramtea chuan a tisup a,ka nuih hak “ Min lo ngai tawh viau a nimaw ,lungngai suh ka awm leh char char tawh ang che,dawnfawh te ka eichak tawh sia naktuk ni vat vat se" tiin a awmah ka bei kak,ka kut chu hum betin a fawp vang vang “ Engtikah tak naute hi nei ang maw" a tihchuan ka hnual deuh rawih.







“ U Ramte nau hu pai theilo ta ila min then mai angem" ka tihchuan min en vut “ Hei chen kan innei tawh a,nau ka pai theilo hi min duhloh phah angem " ka tihchuan ka khabe ah a rawn dawm vat “ Chutiang sawi suh ,i pailo a nihpawhin a pawilo inthiam lo suh,ka tan chuan i pawimawh ber " tiin min kuah hlun . Ka hahdam huai huai mai,a tukah chuan picnic na tur vel leiin lo lam kan pan a ,u Duha pawhin a bialnu chu a rawn hruai a ,a inthlahrun hmel em em lehnghal .







Kan biak bawrh bawrh takah chuan a tlang nel ve thuai,mipa ho in fanghma leh dawnfawh ei tur an zawng a ,keini erawh thlam namthlakah kan thu far thung. Thli rawn tleh heuh heuh chu inchhem tirin kan titi nak nak “Hahchhawl dawi ang min dawm turin valan fanghma rawn lo e " mipa ho rawn thlen ruala kan lo tihchuan an ner nawk hlawm mai . Fanghma leh dawnfawh chu kan ei nghal char char,fanghma hmin chu thlengah kan bawla,a tui bawka kan eizo rang viau . Pawhchhiat bak hmabak kan nei tawh lova ,keipawh hnathawh ve em em ka ngai tawh in ka ring lo.








Kan eitur ken chu thet in rumpum leh lays vel chu kan mix a ,coca cola nen kan hmeh leh,a khat tawkin u Zuala fiamthu thawh chu kan nuihpui leh dar dar thin . An bula awm a nuam bawk a,nilengin kan nui kan nui mai

[mawitei bawihtlung]

KA PASAL THINGTLANG PA






CHAPTER 11




Story hi
Mi pakhat in a sawi chuan duhtawk ve mai thin ang u,fuihna min pe tu leh tawngkam mawi taka ka tihdiklo sawitu te erawh ka zah em em cheu.

--------


Thla a liam leh a , u Ramtea birthday a thleng tep tih ka hria a ,a rukin cake ka chah vat . An thianho a hman a duh ngailo tihte chenin ka hria a,keimah nen tala lawmdun ka duh, birthday lawm a ho a tih thu Zopuii ten min hrilh mahse min hnial loh nan a ruk thei ang berin ka inpuah chah ve sauh sauh ,a nilah in ka thil tum hre miahlo in hna a thawk ve mual mual zel ,a birthday zan a thlenga ,ka inpuah chah angin pawnlamah ka hruai chhuak a .








Khawpawn deuh a phul hmun nuam deuhah chuan ka hruai “ Le tah hian thu ang " ka tihchuan a thu ve mai “ I mitchhing lawk teh" tiin ka cake dahna lam ka pan nghal zat,a ni erawh a la chhing reng “ Lo meng tawh rawh lem " tiin phulah chuan cake chu ka dah a “ Happy birthday ka duhpa " tiin a hmaah chuan ka thu thla ,a nui nghal suk mai “ Nang tereuh hi " tihlukin cake chu a en ,bati inchhi va va chu a en reng bawk “ Ka hrilh che chuan lawm i duh awm silo a ,chuvangin hetiang hian ka ti tawp a nih hi " tiin cake chu ka en a.








“ Duhthusam teh le ,i duhthusam kha a thleng dik mai thei ania " nuih har har pah chuan ka tisep ,a mit a chhin rual chuan chiang zetin ka lo en . Kan awmna hmun reh raih nen chuan a romantic riau ,a rawn meng chhuak ruai ruai a bati chu a chhem hlum nghal , cake chu zai dunin kan inbarh a . Ka hnar hmawra a tah chuan ka ngei ngei mai “ Hmela" tivakin in ka tlawh deuh awk,ka inhru fai nghal . A vawt ve tan tawh bawk nen puan kan ken mi chu ka sin hlan ,“ U Ramte i hlim em?" ka tihchuan a bu nghat.








Kan haw lamah chuan tleirawl lehkhachhiar lai chuan min ti ding chat “ Tichuan Hrangchhuanga chuan,Chawngmawi pialralah ka lo nghak reng ang che a ti a" tihlai a rawn chhiar vang chuan ka ding chat . U Ramtea chuan min rawn en nghal vut “ Tinge mi pahnih inhmangaih te inkarah hian buaina hi a tam theih em em le ,Thanghniangi leh Chalkunga ,Chawngmawii leh Hrangchhuana,Lianchhiari leh Chawngfianga,Laltheri leh Chalthanga,Duhmanga leh Dardini,Thangzawra leh Lalhniangi an vai mai hian an inhmangaihna kawng a harsa em em vek







U Ramte an ni ang mai hi kan ni ve ang tih ka hlau,engthil pawh lo tawk ila nang chu ka kiangah awm reng rawh aw ,ka kianga i awm tlat chuan engkim ka hmachhawn huam a sin" tiin a awmah ka bei kak,ka thuruk hi sawi mai ka duh a . Mahse a rilru tihbuai sak ka duh bawk silo,ka tuar tlawk tlawk mai aniang chu,khaw mipui tena nau kan la pai theiloh chhan an zawt thin tih lah ka hrechiang,a beidawngin min kalsan ve mai ka hlau a ni .






“ Ka kalsan ngai dawn lo che ka tihkha ,engthil pawh hmachhawn la i hmaah ka ding anga,ka venghim ang che . Ka kianga i awm chhung chu tumahin an tihnat loh nan che ka nunna chan huam pawhin ka bei let mai ang " a tihsup chuan ka nuih var var “ Ka hmangaih che " titiauin a awmah ka hmai ka nawr tawk “ Dîte enge diklo awm,zanin hi i mizia hi a dang riau mai ,rilru hahna i nei em ni " a tihchuan ka lu ka thing nawk nawk “ Haw ang" tiin inlam kan pan dun a . Arsi lang tuar chu ka thlir vang vang,buhseng a hun chho va ,Chawngmawii leh Hrangchhuana pawh an rawn lang ve leh ta.








Vanah thlasik kawng a lang ruih a ,heng te hi ka la ngai awm mange tihte chenin ka ngaihtuah,ka pasal sira kal chuan ka zai rat rat “ U Ramte lo hawi lawk la " ka tihchuan min rawn melh nghal vut ,dingdihlipin a hmuiah ka fawp zeuh “ Kha hei hi tihbo phalloh bun reng ang che ,ka ta ini tih lan tir na a nih hi ” tiin banbun keimah ngeiin ka phiar chu ka bun tir nghal thak “ Kha kha i bun chuan ka pasal i ni reng dawn tihna a nihkha ,kal ang naktuk ah sava ven kan duh kha " tiin inlam ka pan pui a ,buh hmawr an rawn eng tan a ,sava an tam bawk nen nitin lo lamah sava vengin an liam tluk tluk tawh a .








U Ramtean raw hmanga sava venna tur min siamsak chu a hrui pawtin a invaw ri thlak thlak zela ,Sawp an tiin ka hria . A hmuna kal kher ngai lovin hrui sei tak nen thlam atangin ka pawt vak zel a ,a ri ah sava an thlawk dar dar zel chu ka lawm tawk a tling viau,ka khawhar dalah thlamah pipu min suih sak a ,naupang chhia viau mahse ka nuam tihzawng a ni tlat,a ni erawh vau vel a sam a ,sanghal lo lut tur venna a timai a . Ka va hmuh pui ngai lo thung “ Thal khaw romei tlang tin bawm tu ,Zolentu leh lelthang zai nen,Tuangtuah par tlan sirva leng rual,Chung muvanlai di tawng lo nen min ban di zun ka tanglai ah" tui zet chuan keimah te in guitar nen ka zai a .








“ Aw kar ahla,Duhlai mi u min dangtu lamtluang a sei lua e " ka tizo ka hawi chhuak chiah chu ka sir buh hmun atanga thaw ri hawk ka hriat chuan ka en nghal vat,u Ramtean rum zeta min lo en chu ka hmu nghal “ Laldinmawi tumaw i duhlai chu " lungawi lo lutukin a rawn tihmuk,hepa hi hla mai mai pawh ngaihbel tur a zawng leh ringawt e ,Aizawl kan zin atang khan a thikthu a chhe hlur tawh. Ka lo zinpui kher kher chu ka inchhir rum rum mai,kan zin hma a thik tur hre ngailo kha kan zin atangin mipa thik tur a zawng char char ,sawi chhuak silo in mipa ka biak hlek chuan a mizia a dang vek .







Hriatdan awlsam ber chu mipa ka biak tawh chuan nikhat vel ka be tawng theilo ,chutiang khawp chuan a thikthu a chhia “ Tumah ka zai mai mai a nihkha ,en ta che ka hla zai leh khaw awmdan a inrem em hi ,mipa dang ka tilo " tihlakin ka biang ka tipuar pang a ,“ Zai tawh lo mai rawh " a rawn tihluk “ Suihlung min dum tu ber dar ang tawngin,hmangaih biahzai nem ten a tawnah ka hlan a ,mahse thinrim zetin zai tawh suh tiin min chhang si ,hmangaihtu lunglai atan zawng a na ngei e " Zomuanpuii hla chuan ka zai al al .








Rum hawkin thlam lam a rawn pan a ,ka tlan chhe nghal vat ,thlam kawt buh karah chuan kan inum kual a ,buh kung te chu kan rap awn deuh sung mai . Nupa chu muk runa awm ai chuan hetia naupang ang mai a infiam a ,in umkualte hian nupa nun a tihhlim bakah inpawhna tha a siam a ,kan innel zual bawk thin . Nulat tlangval laia kan mizia tam tak kan kalsan avang hian nupa tam tak chu in hmaizah in an inbe tam lo hle a ,hetiang hi ka duh ve lemlo ,nupa chu infiam dun reng ila tar kan la nilo va ,nun nguai lutuka awm te hi ka duh loh zawng tak a ni .









Hah zetin thlam ah kan lut dun “ Thikthu chhe si,nupui te lungleng zai mai mai pawh hmehbel tur i zawng a . Nang te hi zawng duh ila ka hmu tam ngawt ang " tiin a chungah ka lawn kar ,a thawk rual chuan ka kâng ve zel “ Ka thlir chang che hian ka thian te chuan melh no min ti,mit fing min ti " tiin ka siai zeuh . A rawn nui suk mai,ka sam chu a rawn zut dalh dalh a; thli rawn thaw heuh heuh chuan min rawn chhemin kan thlan te chu a rawn chhem dai sawng sawng mai,namthlakah chuan thu dunin kan titi a ,a tuizawng ka zawh chuan min chhang lawk lo .










Kuthnathawh nilo hi tuina a neih ka ring tlat,MA val laiin nih tum neilo chuan a awm hauh lo vang ,ka zawh luih tak tlatah chuan doctor nih a tum thin thu a sawi sup,ka nuih nghal var var mai “ Chu min enkawl la ,i damlo ka ni anga ka doctor bik bak i nih ka phallo " ka tihchuan nui chungin a lamah min kuah hnai a ,a awmah chuan min bei tir than “ U Ramte he hun hi bo theilo se ka ti,kumkhua a i kianga awm hi a sin ka duh ni ,i nupui a tawp thlenga nih ka duh" tiin a kut chu ka hum vang vang “ Keilo hmeichhe dang i la lut daih anga min theihnghilh mai ka hlau " ka thusawi avang chuan a rawn che deuh hrut .








“ Ka lakah hian thuruk i nei em? " chiang zeta min en chunga a tihchuan ka lu ka thing vat “ Ka hlauhthawn vang zawk a nia,he i kuta ka suih hrui ka hmuh chhung hi chuan ka hlim" tiin ka nuih ver ver . A nipawhin engmah min zawt lo in min kuah bet lehnghal “ Ka hmangaih,i lakah hian eng chiah nge ka nih ka hrelo va,engtianga rei nge he hlimna hi ka chelh theih ang ka hrelo,mahse ka ta i nih reng chhung chuan engkim hi tuar ka huam a ni " ka rilru chuan a timawlh mawlh .






Khawlama kan haw chuan khua chu a lo reh deuh thiap a ,mak tizetin inah chuan kan lut a ,ka pa chuan u Ramtea chu a lo ko vat “ Zuala a ram kalnaah a chesual a ni awm a ,tunah hian an rawn haw pui mek a nihchu " a tihchuan u Ramtea mai nilo kei ngei pawh chu ka phu zawk ,chutah u Ramtea nen chuan insiam sawk sawkin a ni ram lamah a liam a ,kei u Zuala te inlamah ka kal thung. Hlauhthawnna in ka khat vek “ Din" Zopuii chu a lo tap hlawp hlawp,mipui awmlohna lamah chuan ka hruai thuai .








“ Beisei a awm tawhlo an ti a ,keizawng ka tuar thiam theilo,ka awih lo a ni ber . Lallianzuala hian nupuiah min neih a tiam a sin" tiin a tap hawm hawm,ka kuah bet a . Hnem tur ka awm biklo,u Zuala chuan mihring a chang zo ta lo tih pawh ka hrechiang viau,inchhung lam atang te chuan tap ri a rawn chhuak chuah chuah a ,Zopuii nen chuan kan tap dun hlawp hlawp ,awih a har a ni e . U Ramtea a ni ka ngaihtuah ber chu,a thiantha ber a nilehnghal ,ruang zawn an rawn thlenga Zopuii nen chuan kan pan thuai,tap chungin kan au rawih rawih .








Zopuii pawh a insum theilo,zah lam a ngaihtuah heklo “Lallianzual,tho teh tinge hetianga rawn zawn haw mai i ngaih,Lalpian hun a rawn thleng anga i thu min tiam zawng zawng te kha hlen i tum lo em ni,kan innei anga hlim takin ka siam ang che i tihkha ,ka duh lo lo meng la rawn tho rawh . Mite buaipui ngaia awm kha i duh ngailoh kha,eng kan tita nge vawiin ni chu kan thian kan kim lohna tur kawl enna chu,pialral kai hmasak ber i duh ngailoh kha ,en teh i thiante pahnih ka u ten an en reng che hi.








I thian pa te pahnih hrilhhai hi i hmu lovem ni " tiin a tap hawm hawm,inchhung lamah kan lut zui a ,u Zuala nu tap ri chuan lungchhiat a tizual . U Duha leh u Ramtea pawhin ngawi rengin an thianpa chu an en ,u Duha a tah zawih zawih laiin u Ramtea erawh ngawi rengin a melh ngai a melh tlawk tlawk,tap chhuak ve lo mahse a chhunglamah a tap tih ka hailo “ Zuala Lallianzual,i thiante min thlim tak mai,thih leh ruam khatah dam leh tlangkhatah tiin naupan tet atangin thu kan tiam a .






Tinge i thiante pahnih hi min thlauh thlak tak mai,mipa i nih ngai chuan i beilet tur a ni dawn lawm ni ,i thiante pahnih ngaihtuah miahlo a min kalsan hi ka ngaidam ngai lovang che " u Duhan a tih meuh chuan tap lo pawh kan awm lo,hlim taka kan infiam bawrh bawrh lai te ,fiamthu thawha kan kar a a len lai te chu mitthla ah a lang uar uar lo theilo ,ka tap chhuak ve hak . U Ramtea leh u Duha ber hi a ni ka ngaihtuah,an thian an kim tawh dawn lova,an zinga fiamthu duh ber a chawl hlen tur ber chu an tan a na dawn lutuk.








Hmalam hun hre miahlo in kan tuanna mualah theuh kan liam a ,thihna in thla a lo zar reng si . Zopuii tap hnang chu kan buaipui a ,a ni phei chu u Zuala nena in tilui reng reng,chumai nilo thu hial thlunga lo awm tawh an ni si a ,a na hle reng ang ,Teruati nen chuan kan buaipui mawlh mawlh,mi an rawn pung chak viau,lo lama feh te pawh an in ko haw vek tih ka hria . An in ngaihpawimawh zia chuan thihna karah pawh min ngaihsan tir zual sauh .







U Zuala chu lumena a tuk lama vuiliam a nih tur thu an sawi a ,keini pawh haw lo in kan awm tlang a ,u Ramtea chuan haw turin min timahse ka duh biklo,na taka an awm lai chuan kal ka duhlo,chubakah u Zuala ber kher lehnghal . Ka haw dawn reng reng lo,zankhua chuan kan tlaivar zak a ,an phum dawn meuh a pastor thusawi te ,a chhungte thusawi te chuan tahna leh thlamuanna min pek kawp ,ni e u Zuala chu vanah hmun nuam zawkah a thiante hi a lo nghak ngei anga.







Ani chuan a thiante hlim takin a lo thlir tawh zawk ngei ang,ruang an phum zo va . Ka tap chhuak ve ta hlawp hlawp,a chhungte leh a thiante chu mipui haw hnu ah kan la awm thap “ Thian chu khawi hmunah pawh awmse a danglam ngailo,thian dang a hmu thianglo " u Ramtea chuan thlan en chung chuan a vawikhat nan a tichhuak ve sup “ Thian chu a tawp thlengin aw ,i awmna hmun atang chuan i thiante hi min en la,i theihnghilh thianglo" a tihleh chuan a nu te nen chuan kan tap hlawp hlawp reng .






Mumang a ang rum rum mai,nat lawkna pawh awm lo a chutia u Zuala a kalta mai chu tute mai pawh kan hamhaih vek “ Pialralah inneih thuam mawi tak nen min lo hmuak ang che ,i hria em ? Lallianzual he khawvelah kan thutiam tipuitling ve theilo mah ila pialralah chuan inneihna puitling nen ngei min lo hmuak ang che . Buaina ,thihna awm tawhlo in ,i kiang ka thlen ve ngei theih nan ka nun ka lo uluk reng ang" Zopuii chuan tiin min kuah a .







Thlan mual chu chhuahsan in kan haw ta diah diah,tlai lamah an inah chaw kan eikhawm a ,mahse tumah chaw ei thei a bar kan awm lo,kan tuar tlang a ni e . Ni e tumahin hmahun kan hrelo,engtikah nge kan thih dawn tih tumahin kan hrelo,kan damlaia inhmangaih taka awm hi kan hun hlu neih chhun ber a ni .