KA PASAL THINGTLANG PA(BONUS) BY MAWITEI BAWITLUNG (Completed)

[mawitei bawihtlung]

KA PASAL THINGTLANG PA





CHAPTER 17







Ka harh leh chuan khua a thim titih tawh ,ka ril a tam viau bawk . Ka hawi kual deuh chu khum bawha u Ramtea lo muhil chu ka hmu nghal ,a hmui chu a ang deuh phiau a ,ka nuih hak. Mipa naupang muhil a ang lutuk,tho chhuakin a sam buk lam mah chu ka khawihsak niap niap,a chal hmasam zuah deuh tura ka tih thin chu alo la zawm a nih hmel,amah a chal a thui chi a ni bawk si a ,ti tawi lutuk lo tur khan ka hrilh thin kha a nia,mahse a ni chu a chal pawh thui mahse a inhmeh tho .








Ka en reng,a hmui mipa hmui nisi a sen deuh tak chu ka khawihsak,mi thenkhat hmui a dum deuh laia a ni mipa lehnghal hnawihsen pawh ngailoa a sen chu ka awt viau ,a rawn ner suk suka a hmui chu a pet kawi a,ka nuih hak a kut chu ka vawnsak vang vang a rawn meng dawn ni a ka hriat avang chuan ka thlah leh vat ,a rawn meng chhuak suar suar a, min rawn melh nghal chat . Ka lo en reng tih a hriat avang chuan thu mar zawkin a insiam tha nghal vut ,keipawh chu khum atang chuan chhukin room atanga chhuah tum chuan kawngka lam ka pan a .








Min rawn zui ve zel “ I zia tawh em?" a rawn tisup a ,en pawh en lem lo in ka zia tawh thu hrilhin a nu leh pa mei lum lo aina lam chu ka pan a ,an nipawhin kan inzui chhuak chu min en in min lo be nghal thuai thuai “ I ril atam tawh em ,chaw ei kan siam nghal a nge " tiin a nu chu a tho chhuak a ,ka tho ve vat . “ Ka lo pui ang che ,i chet a har zawk ang ,keichu ka ziaawm lutuk ania " tiin chhuar lam chu ka pan nghal zat,thleng vel chu la mawlh mawlhin ka rem thuai thuai,an ni pawhin min dang duh bik lo








Tawngtaiin u Ramtea pa chuan dama ka haw leh thei chu Pathian hnenah min venhim avanga lawmthu te sawiin kan chhungkaw tan a dil a ,ka lung a chhe lek lek mai . Chaw eilai te chuan min ngaihsak hlawm hle ,kei erawh ka inthlahrung deuh deuh ,an chunga ka chetdan avanga an lawm dawn loh tehlul nen tilang miahlo a an mo ka lo nih thin na ang a chutiang a min la ngaihsak chu phu ka inti mawlh lo ,chaw eikham chuan thleng ka sil phallo in u Ramtea chuan a sil mawlh mawlh.







Min haw viau emaw ka tihlaia min ngaihsak leh em em si chuan mak min tih tir lo theilo ,chaw eikhamah chuan ka nute chuan hun min pe nge an nupa in an leng chhuak daih lehnghal ,kan pahnih chuan meilum ai in kan thu reng a . Chutih lai in kawngka lam rawn riin Zopuii te ho an rawn lang a ,kha u Ramtea bialnu Duati an tih pawh kha a rawn tel ve lehnghal . Ka lungawi lo nghal hle ,mahse Rinsanga rawn tawng lut lawng lawng ka hriat chuan ka nui nghal sang .








“ Lo leng rawh u,min rawn kan dawn lo emaw ka tia " tiin ka lo chhawn thuai “ Mibo let leh te chu hmuh ve kan chak a lawm,khawimu chawi bo rawn kir leh te chu " Rinsangan nui chunga a tihchuan midang chuan an lo nuihpui dar dar laiin kei erawh ka tum hmak “ Tak takin min ti hlauthawng a lawm,ka rim tui tak tak hma che a i kal daih ka hlauh mahnak a lai,kha hei hi in rawh ka lo duat ang che " tiin lion bur hnih min rawn pe a ,lawm thu ka hrilh vat ,u Ramtea rum nghut ri avang chuan alam kan hawi thap . Room lamah a lut hmak a ,kawngka chu a khar ri thuai









Hepa hi a bialnu ngaihsakna a nei miahlo,a bialnu lah chuan a ngaihsak zui bawk silo,enge an awmzia ni dawn ni . Zopuii chuan mit min rawn siai zauh zauh leh ta nghal ,kan inkawm ho a ,kan nui leh dar dar zel . Ka inhliam avangin rei erawh an leng duhlo,an haw thuai a ,kan in mangtha nak nak ,inchhung ka luh leh chuan kan room luta pawh a rawn chhuak ve ta . A hma zawnga rawn chhuak duh der silo ,min melh run bawk si “ Enge ka mu dawn muttui " tiin Rinsanga lion min ken chu hawngin ka in nghal,ka dam sawng sawng mai .










Ka lut dawn chiah tihah chuan min nawr lut nawk a ,room chu a kalh nghal “ Enge i hriat a ?" ka tihlar “ Kha Zorinsanga khan engvanga ngaihsak viau che nge a nih" a rawn ti bul hmuk,rum em em leh thinrim tih hriat taka thaw hawk chung chuan ka hma ah a ding luah bawk . “ A duha min ngaihsak a nimai a lawm,enge buaina tur i neih " ka ti ve hmak “ Ka ta chu ka ta " chu thu bak a sawi belh lo ,beisei nei zeta ka en chung pawhin eng thu mah a sawi belh duh hauh lo,eng hi nge a hriat ni “ U Ramte min hmangaih tawh lo tak tak em ni" tiin thu tak zawk chuan ka en .








Min chhang lo,ka hnaih zual sauh a ,a hmel chu ka en chho vang vang“ Min hmangaih thei tawh ngang lo em ni? Ih ka....ka ngai lutuk che " tisepin a awmah ka bei,a hawisawn a ,hmel rum deuh tak hian tukverh lam chu a thlir reng. Min namsawn a tum chuang lo, a kut chu ka hum hnan a “ Ka tihpalh " ka ti ta sep ,min la chhang lo . Mahse a hma ang em em chuan a taksa a insangmar tawh lo thung. Ka thaw ham ham,a hmai chu ka han dawm sak a ,min en turin ka kuai kun “ Ka tihpalh,tlawm tak a ka siam che a vangin ,mahse i kiangah lo ka awm duh tawhlo ,chu ai chuan thih mai pawh ka duh zawk .

U Ramte ka tan awm leh rawh" mittui luang ngiai ngiai in ka ti leh sap . A la che chuang lo,khum chu panin ka mu thla a,bang kil lam hawi chuan ka mu kawm ngat,ka bula a mut duh ka ring lo bawk nen ka mit ka chhing thuai,mahse ka puan chu rawn inkeu in ka hnung lam atang min rawn kuah a ,a lamah min kuai herin a awmah min kuah bet nghal. Chuveleh keipawhin a zak hnuaia kut rawlh lutin a taksa lum thur thur chu ka hnaih nghal “ Mu hil rawh" tiin ka sam chu a chul a ,keipawh ka insiam rem nghal ,ka mut thilh hma deuh chuan ka nu leh pa tawng ri chu ka hre deuh ruai ruai a,ka chungchang an sawi ni ngeiin ka hria .


(TUNKAR CHU KARTAWP LAM AH KTP MEET KAN KAL DAWN A ,KA BUAI LEH DEUH DAWN AW )

[mawitei bawihtlung]

ZAWMNA







Ka hmui khawih khawihtu avang chuan ka muhil thei tawhlo,ka mengchhuak nghal zawk . Chumi rualin u Ramtea nen kan inmelh chat,ka hmuiah thawh phan pawh awm lo in a rawn fawp nghal chat . Ka hamhaih a ,ka beisei piahlama thil thleng chuan chhanna chang pawh ka hrelo ,ka hmui chu a pet dek dek a,ka chungah a rawn bawk kai nghal thurh ,ka hmui atang chuan a inla sawn a ,kan in en tawn kar “ U Ramte ,i....engthil " ka ti bah nak .








Ka kawrfual chu a hlim chho pawk a ,ka rum hak “ Ka nupui ini leh dawn mawle " tiin chet ala zui sut sut a ,ka kuah bet nghal thuai . A kawr chu ka phelhsak a ,ka taksa a a luh lai chuan a hmel enin a hmai leh nghawng vel chu ka kut chuan ka chul kual ruai ,ka mit chhingin nghet zetin ka kuah bet “ Min kalsan leh tawh ngai suh ang che " a tihchuan ka lu ka bu nghat . Ka zawh rualin a zo ve nghal a ,kan pahnih chuan hah zetin kan thaw hlawp hlawp ,kan thlan nen kan taksa indai lai chu a ban deuh chuap hian ka hria ,ka sam chu hui sawnin duat zetin min kuah bet a .









Ka mittui chu ka khap per sak sak “ Hmeichhe dang i kawp tawh lo ang tiraw u Ramte " ka tihchuan a nui suk “ Ka kawp reng reng hleinem,min kalsan kha i tih nawn leh tawh loh nan i thik tur in Duati kha lem ka chanpui a nihkha ,a ni pawhin i natzia a hmuh khan tawp mai turin min duh a ,mahse kha mipa i hnaih leh tei vet avang khan ka tawp duh lo a nihkha ,ka hriatloha min kalsan avang khan ka thinrim bawk ,khang kha vawikhat mah tileh tawh suh,i thi emaw i dam emaw ka kianga i awm loh chuan ka natdan tur a ngai ve ve .








Chuvang chuan i pasal hi min hmangaih tum la ,keimahah i engkim nghat rawh . Vawikhat mah ka lakah thuruk nei leh tawh lo la ka duh, ka nupui i ni a ,i pasal laka thuruk i neih zawngin kan inneihna ah hian thinlung nena inzawmna tha a awm ngai lo vang. I pasal hi min ring ngam la ,i na emaw i rilru kam tu apiang min hrilh rawh ,keimahah in nghat rawh ka tih fo kha,engpawh tawk dun ila kan pahnihin kan beidun anga chu chu kan nupa inkar tinuam tur ani,a hrehawm leh a hlimawm lam a nih pawhin kan pahnih zelin kan hmachhawn ang.









Chu chu hre reng rawh ,Laldinmawi khatianga baihvai khan min siam leh tawh suh ang che" ka chala a chal rawn nghah pahin a ti a ,ka bu nghat nghat ,min kuah betin a awmah chuan ka bei chial. Hlimna ka chhar leh tawh dawn lo emaw ka tih hnu ah hlimna nasa zawk ka chhar leh ta mai chu mak ka ti “ Ka hmangaih che " tiin a kut chu ka hmer sak salh “ I dam chiang chiah em ka hre duh Dîte " a tihchuan ka bu nghat “ Mahse u Ramte ih" tiin ka tawp dat “ Engthil nge " chiang zet hian min enin ka kut chu a hum bet nghal “ Ka lung pawh hi thlak leh angai dawn a .









Tunah hian kan zawng mek a ni, ka cancer chu a dam tawh a ,mahse ka lung zawk hi a thalo a ,thlak a nihloh chuan " tiin ka ngawi daih,a bulah hian awm reng ka duh. Ka hrisel lo lutuk te hi ka hua ,a tan nupui tha tak nih ve ka duh . Min kuahna chu a nghet hle “ Nupui hrisel lo lutuk i nei hi min hua em " ka tihchuan ka biangah a rawn dawm “ A pawi lo,i hrisel leh selloh ka ngaipawimawh lo ,ka ta ni reng la ka tan awm la ,ka bulah awm reng la chu chu a tawk. Kan pahnihin kan bei ang ka tih tawh kha .







I natna chu ka natna a ni a ,i hlimna pawh ka hlimna ka hmangaih che a,i engkim hi ka hmangaih ,i kiangah ka awm reng ang " atihchuan ka nuih sen sen . Ka rilru hah na thin zawng zawng a reh deuh duak mai ,pawn lamah kan chhuak a ,ka inbual nghal ka lu tuam pawh a tharin min thlaksak a ,ka nu leh pa in chutia kan nupa a kan in buaipui chu hlim hmel tak hian min en ,chhunlamah min fehsan bawk nen inah ka awm a ,ka nu te phone in u Ramtea nen kan inkar a that tawh thu ka sawi chuan an lawm ve hle .








Zopuii te ho pawh ka hau deuh hlak,dawt min lo hrilh vek chu ka ngei a ni ber ,mahse tilo se chuan tun anga inpawhna hun tha hi kan nupa hian kan nei leh tawh kher lo vang,kan nunhlui dah tha in nunthar leh a hma ai a inpawh zawkin kan awm theih phah a ni si a ,inah chuan ka theih ang tawkin ka che ve a ,ka thawmhnaw vel pawh min lak phei sak vek tawh bawk nen tih tur em em ka neilo,school lah ka chetsual avangin ka kal lo a ,ka teacher pui te pawhin min hrethiam viau ,tlai a nihchuan tualah ka pasal hmuakin ka lo thu a ,feh haw ho chuan min en leh zawk thin.










Kan in hruai tihchu an hre vek tawhin ka ring,khua a la lian lo a eng emaw deuh a awm chuan an hre nghal zung zung zel . A tawp a tawpah chuan ka pasal chu nu leh pa karah a rawn lang ve nawlh, ka ding nghal thuai . Min hmuh chuan a ding chut a ,ka pan nghal vat “ In inhruai leh tawh a nimaw ,inthen tawh reng reng suh u,nupa a insiam tawh chuan in then duh reng reng loh tur ,Dinte i zia tawh em? Lo lam kan tul bawk nen kan la rawn kan thei che silo va " titu chu enin ka bu nghat .









Ka hming an hriat laia an hming ka hre ve lo chu ka inthlahrung zawk ,u Ramtea ban chu ka vuan a ,ka kut chu a rawn chelh let vat ,ka nuih sen sen chu a hmuh chuan a khi ve suk a ,ka biang chu a rawn piai hlak “ Inah lo awm mai mai tur che a lawm " a tihchuan ka lu ka thing mai “ Ilo haw har sia ka ngai tawh che alawm,ka feh ve i phal bawk silo ,lo pawh ka hmuh ve chak nen" tiin a kut a hnathawh nasat avanga thap hrup chu ka hum vang vang,khawpuia ka bialpa ve te kha chu kut hnathawk ngailo tih hriat takin an kut a nem nuak a .








Mahse ka pasal a hnathawhna avanga kut chhia leh thap hrup hi keichuan vawn nuam ka ti zawk . A chhungkaw tan sawrkar hna thawk miahlo in rim takin a thawk a ,min chawm zo ve tho a ,sawrkar hna thawk tam tak ai chhungkaw hlim kan nei ve tho . Hei hi ka lungawi pui tawk a ni,mi hausa tak tak te pawh hi an hausak leh lutuk avang in nundan an thiam lova ,mi rethei nun hriatpui miahlo tam tak pawh an awm . Chung zingah chuan kei ngei pawh hi ka ni,retheihna awmzia ka hre ngai lova,thingtlang hna phei chu ka thawh ka ring ngailo hrim hrim.









Nu leh pa thlazar hnuaiah ka duh duh nei theiin ka awm a ,mahse ka pasal avangin nun dik tak ka hmu chhuak a ,retheihna awmzia te kut hnathawktute thawhrim thin zia leh taimak lo tul zia thlengin engkim ka hmu a ,hringnun awmzia thingtlanga ka awm atang hian ka hrefiah zual . An fate school kal nan leh rual an awh hlauin keini lamin ina awmtura kan ngaih upa lam tawh te thlengin helamah chuan hna an la thawk a ,lo ah riakin hlo an la thlo ve reng a . Kut hnathawk thang nge nge chu chak pawh an chak in an lo tuarchhel nge nge a nih hi .








“ I dam hunah ila feh leh dawn a lawm chubakah zirtirtu i nihkha ,naupang ho hi nakina kan khaw khai dingtu tur ni thei turin zirtir la ,chu chu i pasal mi puih theihna tur a nih chu. Khaw mite tana in nghahna tlak an nih theih nan lehkha thiam niturin zirtir zawk rawh " a tisup,a sawi chu a dik ve tho mai . Thingtlang lam chu ka thawh atang pawh hian ka hrechiang viau,zirtirtu tha tha hi an ni ai khawpui zawk ten an chang a , English ah an hniam hle bawk ,chuvang chuan English bik ka zirtir nasa hle ,thu an awih bawk nen ka ngaina viau mai .









“ Chawlh hun apiangah min hruai ve ang chu,lut ang " tiin inchhung lamah ka kai lut a ,a inbualna tur tui ka chhuansak chu bathroom lamah ka chawi lut dawn a ,min lo dang nghal chat. A mah chuan chawi pheiin a thawmhnaw chu a phelh nghal vut ; ka au that mai “ Hey " ka nute an leng a a nghal a chhuak tih ka chiang “ Nge i inphelh a " tiin a awm pharh hlapah chuan ka beng deuh chawrh ,hepa pui hi abs te a nei vel mawle ,a neih ka rin loh teh lul nen“ Eh six pack te nei vel a ,i dul a thau kung tawh ang chu tih nak a lai " tiin ka sawh sak kerh kerh,a hna thawh nasat avangin a ban puam vel a lian tha telh tawlh hle tih chu ka hria a .









Mahse six pack kher kher chu a neih ka beisei pha miahlo ,ka sawh ka sawh lai chuan tuiin min rawn leih thuta ka au tuar ,min rawn nuih vur vur chu rum mangkhengin ka en chho “ Chal thuipa " ka ti deuh that “ Enge hapauhnu " a rawn tih veleh chuan ka hnek nghal hmiah, phun bul bul chungin tui chu suakin min theh leh, ka thawmhnaw a huh vek tawh ,a mah lah chu a la nui hawk hawk zui,ka sam erawh ka lu kan tuam miau avangin a lei huh lo hlauh,a chawlh rual chuan ka taksa atangin tui a far tluk tluk a ,ka ke lamah a far lo ho a luang bawk










Ka ngei lutuk chuan tui chu hmuamin ka phuh khum thawt ,tui chu suak zuiin ka theh ve nghal ,kan pahnih chuan kan rak chul mai ,min chawi nawlhin a taksa ah min kuah bet hlu hlu a . Ka vawt ti chu ka khur beuh beuh “ U Ramte " kan huh phung tawh bawk nen sahbawn chu kan inhnawih tawn a ,kan inbual zawh rualin min pawm chhuak nawlh,ka zak bawk si ka hmai a sa hut hut . Ka thawmhnaw vel zawng zawng min hak tir,ka zak ka tih pawhin “ Ka hmu vek tawh " a tikher zel bawk si ka thinrim leh lek lek tawh .










“Nangpawh ka hmulo bik em ni? " ka ti hlar mai ,a nui suk a “ Anihchuan thawmhnaw min hak tir ve dawn a nia ,nupa kan nia zah tut tut loh tur ,nupa kan nihchuan engkim hi a pawilo " a tihchuan ka lei ka chhuah vak,ka duh der lo “ Ninawm ka nute an lo haw tep ang,in thlak vat vat mai teh " tihlakin ka inher tauh san a ,a kekawrte a ha vek tho nangin ka en duh lo ,ka hnunglam atangin min rawn kuah lum thur thur “ Ka nupui duat hneuh hneuhte " tiin ka biang ka tihpuar chu a rawn piai a ,a chuk zauh bawk . Hepa hi kan inneih that atang hian a tawng tamin a che romantic thar riau lehnghal .





( KTP MEET NAKTUKAH KAN KAL TAWH DAWN A ,KA LO DAH DAWN ZAN CHUAN WHATSAPP AH KA SAWI ZEL ANG AW )

[mawitei bawihtlung]

KA PASAL THINGTLANG PA





CHAPTER 18






Hun a liam leh a ,buh seng hun kan hmang chho va ,kum liam chak lutuk chu mak ka ti,ka pasal min tibuai char char tu chu ka hmarcha rawtna lung chuan ka tuk tawlh “ Enge min tihbuai reng " ka ti vin hlar a . A ni lah lo thinrim bawk a tum bur tawh “ U Ramte lo hawi teh" ka tih pawhin a rawn hawi duh tawh lo . Ka nu leh ka pa lah nui chungin min lo en ve reng bawk “ Nang ang reng hi ka tawng ngailo ,ti em a ka thinlai luahzo,Di ka lo chhai ve thin pawh,nang ai em hian ka vei ngai lo “ a hnunglam atanga kuah chung chuan ka zai a ,a nui deuh suk tih ka hmu .








Mahse min la en duh lo ve ngar ngar “ Papa tur hi ka lakah leh a naute chungah hian a lungawi lo reng dawn em ni " ka tihchuan rang em em hian a rawn in her ,chiang zeta min melhin ka pum chu a melh leh . Awihngam chiah lo hmel a pu “ Ani alawm u Ramte nau ka pai " ka tihchuan a nui deuh hawk “ I lawm em " ka tihchuan “ Ka hlim lutuk" a tisup,phur hluai lo mahse a hmel awmdan atang chuan a hlim tak tak a ni tih ka hre chiang viau mai . Min kuah beta,ka hnung a chul chuan ka dawh ve hle hle mai ” Tluang takin lo pai ta ila mipa nge hmeichhia i duh?" ka tihchuan a ngawih vung vung hnu ah a eng a pawh piang se a duh ve ve thu in min chhang.











Keichuan mipa ka duh zawk,mahse him dam taka a pian phawt chuan eng mi pawh nise ka duh ve ve tho ,ka pum ah a kut a rawn dah a ,ka lo nuih deuh hak . Thla khat a tling tawk a ,keipawhin ka hriatna a la rei biklo ,ka nu leh pa pawh chuan kan tawng an hre pha nge an rawn phul hlut a ,an lawm thiam viau mai . A lawmna erawh siam tul ka tilo,naupai emaw vel lawm chu atir teah chuan paitluan loh a awm an lo tih thin vang nge kan fimkhur ve riau,ni e ka pai tluan thei dawn em tih pawh hriat a nilo a ,tuna kan lo lawm chuk chuk khan lo piang leh ta silo se rilru natna tur mai mai a ni.









Ka pasal chu feh lo in inlamah a awm a ,buh kan seng zo tawh bawk nen chul a hmarcha leh vaihlo tlem la awm bak hnathawh tur a awm rih lo va ,kan awl viau mai December thla tir lam emaw hian lo vah a tum a ,zui ve ka tum viau nangin ka nau pai nen a phal dawn lo tih ka hrechiang viau mai “ I nupui ka nilo ang tih hi ka hlau thin" ni e chu chu ani ka thil hlauh ber. Min ngaihsakna te,min duatna zawng zawng ang hi mipa tam tak lak atang chuan ka dawng dawn hauh lo tih ka chiang,englai pawhin ka tan a rinawma ka chunga a lungawi loh lai pawhin min phatsan a duh ve ngai heklo.









“ Ka nupui ini lo ang tih ka hlau ve tho " min kuah hlu hlu phah chuan a ti thum dut a ,ka kuah let chial eng buaina nge kan tawh anga ka lung hi kan thlak thei angem? Ka nunna hian engchen nge a daih ang tih ka hre heklo mahse ka dam chhung chuan he ka naute leh ka pasal tan hian theih tawp ka chhuah ngei ang . U Duha te inah kan leng a ,an ni pawh Lana-i nen an inneihna tur an buatsaih deuh mup mup tawh ,dan khatna ngeiin an innei ve dawn a ,ka lawmpui viau mai . An in kan thlen chuan u Duha chuan a thianpa chu a lo hau char char a .








A thinchhiat ngaiin a la thinchhe reng erawh kan nupa in kan tuar ngun deuh mai pawh a ,“ Patea tak nih i duh chuan phunlo ve deuh rawh . Chuti lo chu pate ti a an koh chr ka phallo mai ang" u Ramtean a tihchuan u Duha chuan “ Chutiang a ho ,Patea min tih belh tur hi lo zawng ziah suh" a tihluk hluk “ Lawk a ni leh lo eng maw ? Patea tak tak i tia mi ?" tiin min rawn en “ Ni e Duhthinchhia nau ka pai a lawm chuvang chuan min hau vak vak tawh suh.









Kei min hauh reng chuan ka naute pawh hian a tuar anga,i thianpa hi a thinrim dawn teh a nia " ka tihchuan a hawi kual hruk hruk ” Nei vat vat mai teh u ,a pian hma chiah ka insum ang " a tihchuan inchhunga awm ho chu kan nui dar dar ,u Ramtea chuan chair chu min laksakin dim deuh hian min muttir a,min dim lutuk chuan ka nuih a tiza “ Ka tha a lawm,khati em em in awm suh, thei thur ka ei chak huana ser khu min lawh rawh " ka tihchuan a chhuak nghal vut .









“ Nau in pai ve ta mai chu ava lawmawm ve ,Rama pawh a lawm zia a hmelah a lang reng a lawm,fa neih an hun tawh bawk nen ,a awh pawh a awt tawh viau ang . Kan fapa te ve zawng heti hian an senior tawh hnu ah nupui an nei thuau a,fa an awt leh em em tho sia . Tikhan damte in in awm anga in nei vat dawn a nia " u Duha nu in a lo tihchuan ka lo chhang ve thuai,u Ramtea rawn lut chuan serthlum leh jamir tihvel chu a rawn hawn a,ka lamah a rawn kal nghal vut ,ka lo nuih var var mai serthlum chu ka ei nghal vat “ I nute pawh nau i pai thu ka hrilh tawh kha ,rawn zin an tum a nih hmel " a tihchuan ka en ha mai .










Kan nupa a kan inchhaih na lamah ka nu te ka lo la hrilh miahlo,Zopuii te ho chuan jamir chu an bawl a ,an ni pawh nau ka pai chu an lawm em em a ,ka rin phak bak daihin ka rai an lo chak tih ka hre chiah,reife kan awm hnuah kan haw a ,ka nuten ka chet an phal tawh meuh lo,u Ramtea u fanu bawk kha kan awmpui leh tawp a ,min awl hneh viau nangin ka pui ve zel tho. Ka nuten min hau ngun hle , mahse nau ka pai lian pawh a nisilo va ,awm awl mai mai ka duh bik lo ,chhuat ka lo nawt lai chuan “ Amak Dîte" rawn ti deuh thawt avang chuan ka hawi nghal ha , rum em em a min lo en tu ka pasal hmel chu ka hmu nghal .












Ka thaw ta hak “ Enge " tiin chhuat chu ka nawh zawm a ,min rawn khai kang deuh nawlh . Room lamah min pawm lut nul nul lehnghal “Amak e hna ka thawh i phallo a inchhung chet lah i phal heklo ,inkhaw mite hi ka hre ve tawh a nia,naupai chung pawhin lo lam hna an thawk reng,keimah bik hi naupai zinga awm awl awmchhun ka nih hi ka ning lu....." Ka thusawi zawh hma hma in ka ka ah balhla a rawn hnawh lut a ,min kuah bet nghal hmak “Mi nupui ini lo ,ka nupui i nih hi ,ka chawm zo lo che a nih erawh chuan thuhran nge ni a i duh ka pe tawk lo che " thutak leh dam raiha a rawn tihchuan ka lu ka thing nak








“ Chutiang pawh a nilo,a nuam ka tilo a lawm miin engtin nge an sawi ang,a nupui a ngam lo a ,inah a awm tir renga khawpui nula neih chu hei ang vel hi a nih hi min ti leh dawn a sin" ka tihchuan ka hmuiah a kut a rawn dah “ An ni nupui i nilo,keichuan ka nupui hi hna thawk lova awm tir ka duh mai a ni,keiin ka thawk a ,hna ka thawk sâwt lo a , chaw kan nghei te chu nise thuhran ,tunah chuan ka enkawl thei che ,engmah tih tum suh. Kan fa kha tha takin piang sela,a lo len deuh hunah i feh ve chauh ang .










Tunah rih chuan ka thu hi awih la a tawk,pa ka ni tawh a ,ka nupui ini bawk a ,ka nupui leh ka fa enkawl tur ka ni,chuvang chuan awm mai mai la a tawk,hnathawk turin ka nei lo che ,ka kawp pui ka lungngaihna min tawmpui tur a ka neih che i nih hi ,ka hlimna thlen tura ka thlan " tiin ka hmuiah a fawp zauh ,ka nuih ver ver . “ Papa " tiin khumah chuan ka bawh tlu tawp a ,a hmai ah ka seh sak nak nak ,a dawh ve mai bawk . Na ti ang pawhin a awm duhlo “ Mipa naupang nangmah ang maia tawng duhlo lo chhuak sela ,he khaw nula ho leh tleirawl ho vei rawn ni turin" ka tihchuan a nui suk a .









Ka sam hmalama hai thla chu ka bengah rawn zepin “ Hmeichhe naupang duhawm leh hmeltha tak,a nu ang maia zûn ngah lo piang sela he khaw ti hming tha tu leh ,he khaw tlangval te lu tihai a ,an thlir rawn lo ni zawk rawh se " a rawn tihchuan ka nuih hak hak ,kan duhthusam chu a tak la ni rih lo mahse ka nuam tih tawk a tling ve em em tho“ Papa ril tam e " in la naute zetin ka enkar a,ka kuah chial bawk “ I lo va ei mai dawn em ni? Ka nute ka lo nghak anga,Nuntei nen ei mai ta che u " a tihchuan “ Ka duh bik lo,ka tuar thei a lawm" ka ti nghal vat.










“ Kan naute in a tuar theilo,chuvang chuan chaw chu ei phawt ang tirawh le " tiin min pawm kang nawlh a ,pawn lam min panpui nghal . Nunnuni chu au in chaw ei a siam tir a ,keichu ka chet ve a phal leh pek lo ,Nunnuni hlir che bik chu ka duhlo “ Min thlah la ka va pui ange,Nunnuni pawh a chau ve ang chu,kan naute hi a tuarchhel ang tih ring la ,hetiang mai maiah eng tham mah a thleng lo ang, ka dul a len tak tak hunah chuan engmah ka ti thei dawn lo zawk a ,tuna ka chet ve vat vat hi a ngai a lawm " tiin a kut chu ka laksawn sak a .









Chaw ei siam chu ka pui vat,ka nu te pawh an rawn haw a ,kan vaiin kan eirual thei dawn a nih hmel,an upat hnu hian vah chhuah an ching ve riau va ,an khua a har ve thin a nih ka ring . Chaw eilai chuan ka luak chhuak lutuk avang chuan ka tlan zing hle ,ka uak leh that that thin ; ka chaw ei pawh a tui thei lo ,u Ramtea pawh keimah min buaipui in a ei tha hman biklo “ Ka tha a lawm,engtikah nge aw a reh ang le ,chaw va ei rawh ka tha alawm " tiin thutthlengah chuan ka thu thla hnak a .

Ka bulah thu in ka hnung chu a zut hauh hauh,ka luak chhuak lutuk chuan ka awm a tinuam lo hle bawk . Ka lu te chu a na ut ut in ka hria “Dinte a hrehawm viau em ? Naupai hi la na chi leh chilo kan awm a ,ala na lo tan chuan kan chaw ei te hi a tuiin kan thau kung kung a ,la na tan hi chuan cher dawkna tham a tling a nia ,chaw ei theih bawk siloh . Ei sa lah kan luak chhuak leh vek thul ,naupai hi chu hrehawm ve deuh mai a sin,fimkhur a ngai bawk sia,naupai hi chu buaithlakna lai a tam a nia" ka nu in a rawn tihchuan ka lo bu nghat.









Ka chau nghulh mai,thutthlengah chuan mu in ka mit ka chhing a ,ka pasal lah chu a hlauthawng nasa mai sia,ka bulah a la thu reng “ Ka tha ka tihkha ka mut a chhuak mai a nia ,chaw saw va ei phawt teh " ka tihchuan a puar tawh thu a sawi sup ,ka awihlo viau nangin ka tha vur tih a hmuh hma chu ka tilui leh thei dawn lo tih ka hria a ,ka tilui duh tawh bik lo . Mipa ngawi chawi,a duhlohna lam chu tih luih theih miahloh mize nei,rinawm tlut ang chi kha ni miau hek,a duh loh thil chu thinrim khum ve mah ila a tirh luih theih ngai loh.









Ka nawm theih loh avangin room lamah min luhpui leh a ,khumah chuan min mutpuiin min chul hauh hauh ,ka kuah chial ,ka tha zawi lutuk chuan tawng pawh min tichak lo zo “ Kan naute chu a nu a ti hrehawm dawn hle mai,a pa pawh min hrem tel ve dawn a nih hi " a tihchuan ka nuih deuh hak . Khua a chhe deuh bawk nen boruak a vawt deuh ruih a ,pawnlam chu khua a thim tan bawk nen a lang fiah tawh vaklo . Tho chhuak tawhlo in kan mu tlang a ,ka vawt ti chuan u Ramtea chu ka hnaih nghal talh talh ,ka awmdan chu ka khua a sik dawn a nih ka ring.










A ni pawhin ka taksa sa vur chu a hria nge ,ka pang a rawn dek a ,a rum ta nghut ” Tinge i sawi vat loh " tiin a tho chhuak a ,ka damdawi ei tur ava zawng nghal . Khawpui angin damdawi in kan hnaih ve lo va ,mahse doctor te bia in naupai laia ei tur leh ei loh tur a zawt a ,damdawi lam chenin a zawt vek bawk . Ka pasal hian engkim a ngaihtuah in a lo ngaihtuah lawk nasa ve hle tih ka hrechiang tulh tulh chu a nih hi,keiin nachang ka hriat loh te nen lam a ni chuan a lo ngaihtuah hman vek zel lehnghal . Damdawi ka ei zawh rualin min kuah leh nghal zat .









“ A hrehawm viau em ?" a rawn tihchuan ka lu ka thing nak “ Muhil tawh rawh, dam vat bawk la" tiin a tih thin fo angin ka chalah bawk a fawp leh,zantin mut dawn a piangin ka chala fawh hi a theihnghilh ngailo va ,keipawh ka chala a fawh loh chuan ka awm thiam meuh tawh lo . Ka awmdan chu a nuam hauh lo,mahse ka sawi duh lemlo thung ,khawsik hi chuan kan taksa te hi a na tel ut ut thin miau va .








RAMTEA POV....









Ka nupui mutthilh hnu chuan ka phone chu enin rai laia hmeichhe awmdan leh naute enkawl chhoh dan vel an ziah chu ka chhiar leh mual mual. Pa nih ka chak rualin ka nupui hrisel taka a awm tluka duh ka nei lo thung,a damdawi eiin a chhawk nge a taksa sa vur pawh a reh a ,a hnar leh barh barh tawh . Hmeichhe hnar ka hre ngai lem lova,ka nupui erawh a hnar ring thei em em thung a ,a muhil ka en tawh hi chuan ka hlimna tur tawkin a hmel a chhe duhawm thin ,a ka a ang leh phiau tawh a ,a mutdan a chhe leh hle tawh. A kham phei zawnga lo mut daih chang lah a ngah.









A biang chu ka chul sak a ,a ha hmai pahnih sazupui ang maia rawn lang tiauh chu ka khawihsak ,a rawn tep nghal chep chep a . A ni ka neih atanga ka nun inthlak danglam nasat zia ka ngaihtuah a ,a ni ka tawng hi ka inchhir ngai lo,a lawmawm a ,a tawng duha a thawveng em em bawk . Eng helh a nei ve vak lo a ,a rilru nat changin zep miah lo in a tap leh mai a , a ni ka neih atanga ka tawng duh sawt dan lah ka hailo,a hma kha chuan keimaha awm thang ka nih avang khan tumah han biak em em ka nei ngailo,mahse ka nupui zawhna ngah leh tawng duh lutuk avang hian ka tawng tam ve sawt viau.









A ka ang phiau lai chu ka fawp zauh a ,rawn phun niah niahin min namsawn nghal,ka awmlohna lamah in her in a bawp a tikak a ,ka nuih nghal suk ,a hnunglam atang chuan kuah betin ka mit ka chhing zui a .








Uak that that ri chuan min ti harhin ka meng chhuak nghal thuai,ka sir ka en a. Ka nupui chu a lo awm tawh hauh lo,uak ka hriat kha a mah ngei a nih ringin,toilet lam ka pan nghal vat “ Dîte "ka tihchuan min rawn chhang vat ,nau pai a haw lutuk chu ka khawngaih,engtikah tak a luak hi reh ang maw “ Morning" tiin toilet kawngkhar chu a rawn hawng a ,ka kuah nghal vat . “ Kan naute chuan ava ti hrehawm em em che ve aw " ka tihchuan a rawn nui hak “ A lo pian hunah chuan a harh viau loh chuan ka hau nasa thei viau ang,a nu hi min tihrehawm sia chum pui leh harh deuh a nihloh chuan ka lawm miah lo ang.









A harh em em tur a ni ringawt " tiin a pum chu a khawih “ Hetiang reng chuan ka cher vek dawn a nih hi " tiin a pum chu a en ngar ,a ner deuh nang nang . A hmelah erawh lungawi lo hmel a lang chuang lo “ A lo pian a ,khawvel eng a hmu ngai a nihchuan ka duat viau ang,chuan nangin min duat thung anga,tichuan kan in duat tawn vek a nimai " a rawn tihchuan ka nuih hawk hawk “ Nui reng suh,nangmah in i pai lova ,chuvang chuan min duat hle ang che ka thawhrah bik chiah a nih loh hi,a pa thawh rah a nih hi " a rawn ti teu nghal hlar .










A hlim viau emaw tih pawh hian a thinchhe tertek erawh a chhuak thei reng zawng a nih hi “ Sorry " tisupin ka kuah,a naupai lai hi chuan a hma aia duat ka duh zawk ,a chhan pawh a mizia a inthlak kual reng a ,ka ti lungawi lo a nihchuan min kalsan leh duh mai ang . He hmeichhia hi ka lak atangin kal bo lo sela ,kumkhua in ka bulah awm reng se ka duh,ka kianga a awm theih nan chuan engpawh ka ti duh ang ,mipa mah ni ila he hmeichhe tello hi chuan engmah ka nih theih ka ring lo .








A ni hi hmangaihlo ni ila nun hlimna ka nei in ka ring heklo,a kiangah engkim a nuam a . A kiangah chuan thu tak rengin ka awm thei lo,ka nihloh dana ka awm a ngai fo va ,hmeichhe in la no lutuk ngai thei lo ber khan ka nupui erawh englai pawhin ka kiangah pangchang hle se tih ka duh ber a ni ta lawi si a ,hmangaihna hi mipa in kan neih tawh chinah chuan kan awm loh dan pui puiin kan awm a ,kan naupang chhia ve fo thin. Hmeichhe bula pangchan chakna a awm thin,chutih rualin kan hmangaih miahloh hmeichhe lakah erawh kan ngawi a .







Kan dawhthei lova ,an bula awm kan ning thuai thin . Hmeichhia in mipa an hmangaih chuan an tan engkim an huam ang chiahin mipa in hmangaih kan neih tawh chinah chuan an tan engkim kan phal a ,an lakah kan inhawng a ,thu ai chetzia in kan lantir tam tlang pui . I bialpa in a be duh tawh lo che a ,a reh vang vang a nih chuan a ning tawh hle che emaw in then a duh tihna a ni thei,mipa hian thil kan duh tawh loh chin chu thu aiin a takin kan ngawih bo pui mai zel,mipa mizia hre tan chuan a mize in thlak danglam chu a hai hauh lovang.








Kan hmangaih loh te chu kan vau fo va ,in taksa chiah duh avangin mipa chuan an hnaih thei che u ,kan duh kan neih nan chuan mipa chu kan inzep theiin kan thil phal lutuk,a duh a neih china a reh daih a nihchuan hmangaihtu che a ni theilo . Chuvang chuan eng mi pawh nila i bialpa kha ring nghal bur lovin a zah tur che in awm tum zawk ang che ,mipa chuan hmeichhe luhlul leh a thutiama ding nghet ,kan duh duha tihkawih theihloh hi kan zah in kan ngaisang a ,nupui atana kan duh an ni fo .








Hmeichhe in ha sexy tak tak hi chu duh in kan phone vel luah khat chuk mahse nupui atan erawh a taksa tilang tam ngailo,hmeichhe zahawm kohhran a inhmang mi ngei kan thlang leh tlangpui thin . “ Enge khatia mahnitea i nuih vur vur a ,i â em ni " ka nupui thusawi chu ka chhan lawkloh avang chuan “ Ramhmangaihzual i beng a chhet em ni?" ring zet hian a rawn au tuar ,ka en thla chu thinrim lutukin min lo en “ Kan naute than len hun tur ka lo suangtuah alawm" a bianga piai paha ka tihchuan ka kut a lo vai thla nghal hlak.









Hmeichhe naupai chu ramsa kawlh ai pawhin an hlauhawm an lo tihkha maw ,an tê emaw an lian emaw nupui te thinrim hi chu a lo hlauhawm ve bawk em a ni,tetakte hi an ân a la ring zawk leh ta nghal . Zûn lah an ngah phian lawi a ,an tetna aiah hian Pathian hian zûn ngah turin a lo siam a i ngei ang tih ka nupui atang hian ka hria , te lutuk chu a nilo,mahse a naupai hua hian a tilang cher riak a . A tet phulohin a awrawl a ring a ,a kut thlak a na bawk ,chutih rualin hmeichhe sang lutuk keichuan ka duh hauh lo,ka nupui a pian dan ang anga tawk ve tho.








Hmeichhe sang tak te anga hnute leh mawng piuh tarh mai nei ve tho si,harh zet hi ka duh zawk . “ Ka ngaihtuah a ,i tetna hi a lo tangkai em a nih hi,ka Dingdi hmeichhe sang ho aia tuan rang filawr ,awrawl ring tak " ka tihchuan ka ngalah a rawn chhir leh tawk . A kut thlak hi engtin nge a nat em em theih reng ni “ Min duat ve la ,ka duat che nen min va dim love " ka tihchuan thinrim zetin min en “ I tawng theih sawt zia hi i hria em ? Kan inneih hlimah miin a tawng ngailo em ni? An tih khawpin i ngawi chawi a ,kan innei rei a i tawng thei tual tual ngawi mai mai rawh " a rawn ti pawr hlar .








Be duh tawhlo in room lamah bawk ka hruai lut leh,a ni pawh a tawng zawm leh tawh chuang lo,a nute a bia a a titi leh nasa tawh zawk . Lo vah ka duh tawh bawk si,ka nupui lah kalsan ka huphurh bawk nen ka rilru chu a insual nasa hle “ Va feh mai rawh,ka tha a lawm ngaihtuah awm pawh ka nih loh hi ,ka nute an awm ve vek a ,chuan naktuk lamah ka nute pawh an rawn chho dawn bawk a,nu pahnih leh pa pahnihin min awmpui thuai dawn a lawm,min ngaihtuah lutuk suh. Mi pawhin nau an paia an lo paltlang ve vek a ,keipawhin ka paltlang ve mai dawn a lawm " a rawn tisep ..









A sawi chu dik mahse hmeichhe dang angin a hriselna a tha ve lo tih hrechiang ber tu na ka ni tlat,a lung chungchangah a nute ka be fova ,hmanhmawh angai tih lah ka hai heklo, Aizawl lama chhuhpui vat ka duh chuan lo vah tal hi ka zawh hman a ngai tih ka hailo . Ka nute rawn tho chhuak chu ka nupui lo enkawl tha deuh turin ka chah a ,chaw eilai chuan ka feh tur thu ka sawi nghal zat . “ U Ramte keimahin u Dintei chu ka lo buaipui dawn a nia ,anu pawh nau a pai chuan chaw pawh a ei tha thei ngai lova ,mahse nau a len chin chuan a reh ve mai zel a nia.








U Dintei pawh a naupai a len hunah chuan a reh ve tawh mai thei a sin " Nunnunin a tihchuan ka bu nghut . Chaw eikham rualin ka hrei leh chem chu ka tat hriam a ,ka nupui lahin ka bula kal chakin min lo veng leh kar tawh . Hruai duh viau mah ila a hrisel lo bawk nen ka hruai thei bawk silo “ Inah tha deuhin lo awm la eichak i neih chuan ka nu te leh Nuni hi ilo hrilh zel mai dawn a nia ,thu awih deuhin lo awm la " ka tihchuan a ngawi ngar ,ka bula awm a thlahlel tih ka hailo,keipawh hian kalsan ka hreh ve tho . Mahse a tan a dam vat a ngaih zia ka hriat chian avangin ka tuar hram hram a ni zawk .










Ka kuah bet a ,min kuah let ve nghal vat “ Ka lo kal ve duh,i bulah ka awm duh a lawm " tiin ka awm chu a hmai chuan a nawr nak nak,ka rum hawk mai . “ Mawh ka lo kal ve mai mai anga,chuan daihlimah ka lo thu tawp dawn a lawm,i bulah ka awm duh ka tihchu " a tileh tiau,a tap leh titih tawh . A hmaiah dawmin ka kuai daka,a mitah chuan mittui a tling leh pam tawh ,kan inneih that leh atang hian ka lakah a pangchang zual a,ka tello a awm a duh lo ang tluk a ni . Ka lawm viau rualin hrehawm tihchang ka ngah,kalsan harsa lutuk a kalsan a ngai ziah.









Nau a pai chin phei chu a thinrim hmat bakah a lungchhe hma bawk nen a nazawnga kalsan ka duh ngailo “ A hla tih i hriat kha chubakah ramhnuaiah chuan i taksa tina thei an tam lutuk ,

inah hian hahdam taka ilo awm ka duh ber ,Dîte ka thu awih rawh " ka tihchuan a hawi tau hmak “ Ka bula awm i hlau a nihkha " a ti teu hlar ,min en duh tawh heklo inchhungah a lut a ,room lam a pan nghal nal nal . Ka ngaihtha leh silo chuan ka zui vat “ Hruai ve mai la ,hla lutuk pawh a nihloh kha ,i bula awm a duh ve a nihkha kha chen in awm hrang a ,a thlahlel ve ang che tih hria la ,nau a pai tihchu hre mah ila a chhiat em lovang" ka nu leh pa chuan an lo ti ve bawk .








“ Dîte " room kawngka a kalh tlat avang chuan ka au ,min chhang hauhlo “ Ka tihpalh,lo hawng rawh le chuan ilo kal ve dawn a nia " min la chhang chuang lo,ka hlauthawng tan hle ,kawngka chu ka sawi vak a ,a tawpah ka pawt hawng thei hram ,khumah tukverh lam hawiin a lo thu a ,min melh eihlo. A hma ah chuan ka thu hniam vat “ Ka tihpalh ka nupui duhtak tirawh le ,i lo tel ve dawn kha . I duh loh vaih chuan nidangah pawh ka hruai tawh dawn miah lo che a nia " ka tihchuan min rawn en in ” I ti tak tak em" tah in peih sa zet chuan a rawn ti a .









Ka bu nghat,a natna avang pawh hian ka bula a awm chhung hi chuan duat thei ang ber leh dimdawi thei ang bera enkawl ka duh ,kai tho in a thawmhnaw chu ka thlak pui mawlh mawlh a ,kan chhuah rualin ka nute chuan an lo be vat “ Fimkhur deuhin va awm ula,lo haw har suh u aw " tiin ka nu chuan a lo bia a ,ka nupui pawh chu a bu nghat . Chaw chu fun belhin ka kai chhuak a , nichina tah chhuak em em si kha hlim zetin a titi leh nghal zat zat .





End of Ramtea pov ..






Ka rilru no lutuk chu duh lo viau mah ila a no chak miau bawk si a,ka insum thei ngang lo . Lovahna tur kan thleng a ,u Ramtea chuan ka awm hahdamna tur min siamsak nghal mawlh mawlh,thing hnuaia awm chu a dai raih a ,ni eng a rawn lut tam lo bawk nen a vawt lek lek,kan feh zing bawk si a,ni eng a la rawn thleng meuhlo,ka pasal chuan thing chu a kit nghal mawlh mawlh,a bulah awmin ka lo be buai ve char char,ka zawhna te chu hote nimahse min chhang ve zel .








Chaw hma thleng thak ka biak vang nge “ A nih thing hi khawi lai thleng nge i kih dawn " ka tihleh chuan beidawn hmel taka thaw hawkin “ Dîte" a rawn tisup,nileng deuh thaw a ka tawng tir chu a ni ang mi tawngtam lo tan chuan a ninawm ve tawh viau aniang . “ Nge ka zawh loh che chuan a reh em lawm " ka lo tihlak,min chhang tawhlo in chunglam a en vung vung,ka awmna tur a puan leh hnah min phahsak lamah chuan letin ka mu daih a ,thereng leh tawllawt hram te ,vaua Ko ro rual hram te chuan ka mut an tichhuak zual .








Mit chhing diar diarin ka ham bai bai,sava leh thereng hram kara ka pasal thing chek ri karh karh chuan min ti mutchhuak zual (heihi khawthlang lam leh khawchhawk thil sawi dan tam tak hi a inang lo va ,chhiar dan tawk kan thiam dawn nia ka tihkha aw ,engkim hi keini lam sawi dan leh tihdan vekin ka ziak aw ) “Dîte tho tawh rawh le" ka pasal aw dam dup ka hriat rual chuan ka meng chhuak siar siar a,khua a lo tlai ruih tawh .






Ka lo muhil rei awm hle mai ,ka ril tam thu ka sawi chuan chaw fun chu phawrhin min eitir a “ I ei ve miah nange?" tiin ka en ha,a puar tawh thu in min chhanga,tlailam a lo ni tawh tih ka hre chiah,ka eikham rualin kan hawnga,tlai chaw ka ei peihloh thu ka sawi chuan ka nute chuan ka damlo emaw an tihman “A tha ,chhun chaw tur tlaiah a ei a,chuvang a nihkha " u Ramtea chuan a lo ti,ka nute chu an nui dar dar ,ka zak ve tho a sin le. Zanriah an eikham chuan u Ramtea chuan min mut luh pui lehnghal “ I chau em " a tihchuan ka lu ka thing nak .









“ U Ramte thawnthu min chhiarsak rawh " tiin khum bula lehkhabu kan dah lam chu ka kawk a ,M and B lam pang ka lei haw teuh a ,ka khawhar an hnem phian zel bawk . “ The Greek bridge room kha aw " ka tihchuan “ A sexy mah mah" a tisup “ Chhiar mai teh sexy lai a tlem lutuk,khatiang sexy i tihchuan nangpawhin ti leh tawh miah suh" ka tihchuan min melh kur ,a tarmit chu la in a vuah a ,a chhiar nghal mual mual . A awmah beiin ka nuih var var ,a aw nen a inhmeh bawk a ,ka ngaithla tui viau.








A kar lakah kan titi zeuh zeuh a ,chu chuan hun pawh a tikal chak viau . Ka mut dawn chuan “ Ka chal i fawh theihnghilh ange" ka ti vat,ka chalah a hmui a rawn nghat nghal ,a hmui lum vawng vawng chuan min fawp zauh ,ka nui nghal sen sen . Min duat hian nuam ka ti .

KA MEET HMAN CHHUNG DAWHTHEI TAKA MIN NGHAKTU TE IN CHUNGAH KA LAWM E

[mawitei bawihtlung]

KA PASAL THINGTLANG PA







CHAPTER 19






Ka nu leh pa te an rawn thleng a ,ka lo kuah nghal thlawp “ In van rawn zin har em em ve " tiin ka lo vui niah niah,eitur tha ni a an ngaih ho helama awm lo chu min rawn hawn teuh a . U Ramtea chuan ka eiturin fridge ah min dahsak mawlh mawlh “ In lo dam maw ,inhmuh a khat hle mai,bawihtei pawh in lo duat lutuk a a nu leh pa pawh min ngai miahlo mai " ka pa in u Ramtea nu leh pa bulah chuan nui chungin a ti a ,an in be nghal bawrh bawrh “ Tirawh hei ei ang" tiin u Ramtea chu theihai nen chuan room lamah ka kai lut a .









Theihai chu ka vel tir nghal,helamah chuan an rah hun a awm bawk nen an la par meuhlo , Christmas ka nuten helamah an hmang dawn tih ka hriat chuan ka lawm viau,khawpuia hman ai chuan helama hman hi a nuam ka ti a,an ni pawhin nuam an tidawn tih ka hria . Ka pasal bulah chuan thu in a vel sa a piang chu chi thakah nawr in ka lo ei nghal zel,a ni pawh ka barh zeuh zeuh,mahse a ei tha duh vak lo . A ngaina lo a nih ka ring,serthlum a heh tehlul nen “ Papa,naute hi a lian sawt ve reuh lutuk a nia " tiin ka dul chu ka dawm .










U Ramtea chu a rawn nui suk “ Thlathum a nih hunah chuan a rawn lang ve tawh viau anga chuan i duat dawn em?" ka tihchuan min nuih hawk hawk “ Dîte nang nen a kan fa chu ka duat em em dawn,a nu pawh tiamin kha le a zo ve ,khabak chu ei tawh rih suh aw ,i pum tan a thalo" tiin ka biangah a fawp zauh “ Tikhan lo awm la ,i nu leh pa chu ka va kawm ve ange,makpa ka ni a ka tawmbo reng zawng a mawilo vang" tiin a ding zui a ,ka lo bu nghauh nghauh.







Pawnah chuan an tawng ri nak nak hlawm,ka nu leh pa chuan thil an rawn hawn ni ngei tur a ni, Christmas a hnai tawh a . Christmas thawmhnaw tur a nimahna ,tukverhah chuan dak chhuakin kan piah lam ngaw thim ruih chu ka thlir vang vang,thla a rawn de leh tan tawh a ,khawthlir a nuam viau mai . Thlifim chu a rawn thaw heuh heuh a ,ka thei hai leh hmarcha ei nen ka si deuh hliam hliam “ Khawnge Dintei nu leh pa chu lo chibai ila" Zopuii te ho aw ka hriat rualin ka chhuak vat .








“ Nu leh pa an rawn zin ve em em a ,tawm bo daih mai . Tiru pawnah mei chhemin inkawm khawm ang u " tiin kan chhuak a ,Lana-i leh u Duha pawh an innei fel tawh bawk nen kan hlim tlang hlawm hle “ Keizawng heng ni a rawn her chhuah apiangin u Zuala kha a ni ka ngaihzual thin " midang hriat veloh chuan Zopuii chuan a rawn ti sap,a hmelah pawh angai hle tih hriat tur khawpin a hmel a nguai .








“ Zo Pathian hian kan tan hun ruat bik a nei vek a ,chuvang chuan kan duh angin mihringte hi chu kan awm thei silo a lawm,U Zuala pawh in min lo thlir reng mai thei a sin,hmalam pan tum tawh rawh . Mi tha tak i tawng leh mai thei a sin " ka tihchuan za lo zetin a nui “ Amah lo midang tam tak hmu mah ila a mah a nihlaia ka thlan a mah ngei kha a ni ka duh leh ni " tiin a nui hak ,ni e hmangaihna hi chu a lo mak em a ,kan duh emaw duh lo emaw min nghawng dan hi a dang em a ni . Reilote chhungin hlim takin min siam thei a ,reilo te chhungin min ti tap thei bawk .











Kan nunna la turin tharum tel miahlo in min hliam thei a ,an beih vak ngailo in reiloteah kan ngaidam leh thin . An awm tawhloh hnu ah pawh nise thinlung ah an cham a ,nghilh ni an awm ve tawh lo FIRST LOVE CAN NEVER DIE an ti reng a ,kan nun tawp rak thlengin hmangaihna chuan min chenchilh reng thin . Inthiamlo reng renga midang pan tur chuan Zopuii tan pawh a la har rih a niange ,mipa ho nen chuan kan zai,thla a eng dup bawk nen kan boruak chu a thlamuan thlak hle Joseph Zaihmingthanga HMANLAI AN CHANG ZO TA tihchu u Duhan a rawn la a








Lunglenna in min rawn zemin nunhlui mitthlaah a rawn lang uar uar,kan naupan lai hun ka pasal neih lai,kan thianho engkim chu mitthla ah a rawn lang,kan in lawm ho dial dial lai te kha “ Kan vangkhaw zawla lenrual duh ten,lawmrual sawmfang lawm maw e,khawnge suihlung kan rual lai hun kha ? Hmanlai an chang zo ta " mittui a hnam sawk,Zopuii phei chu a tap hlawp hlawp “ Thianpa i tan aw ,van atang khan lo ngaithla ngei ang che ,i hla duh ber kha a nih hi " u Ramtea chuan a tichhuak sup,a aw ah chuan a ni pawh a lung lengin a chhe hle tih ka hre thei.








“ Kan sumtualah lungrualin,zankhua rei reng dawn zo lova ,zaitin kan vawr lai hun te kha kohkir ka nuam ngei e " rilrua kan thianpa u Zuala awm reng chungin kan sa chhuak a ,kan aw ah chuan kan lungchhe tlang ani. Aw ani kha la dam ve se chuan tunah te hian hlim takin a thiante min fiam leh anga u Ramtea leh u Duha pawh hlim takin an nui leh tur ,a thiante pahnih ngawih chawi leh thinchhiat em em lai ani fiamthu nena ri hlut reng kha ,kawm tam ve hman lo mah ila reilo te chhung pawh khan ka ngaina hman a sin ..








Ka mittui ka hru a ,u Ramtea kut chu ka hmer vang vang “ Lallianzual,tinge i reh tak em em le , Christmas dawn a pianga phur thei ber ber kha rawn lam leh ta che " Zopuii chuan au ring ngam silo,tap khur dar dar chungin a tichhuak tiau,Teruati leh Lana-i te nen chuan kan hnem mawlh mawlh . Ni e an induhna a lo rei tawh viau thei a ,keini hian engmah kan hriat pui lo,Zopuii hi chuan engkim ngawi rengin a tuar a ,he a tello a Christmas a hmanna hmasa ber tur hi a tan chuan a lunglen thlak hle ang chu .









Kan zai zawm zel a ,kan lung a leng tlang tih hai rual a nilo,midang haw hnuah pawh u Ramtea nen kan la awm a,ka nu te chu an mu rem vek tawh . “ I ngai tiraw " ka tihchuan zalo zet hian a then suk “ Khachen kan lo inzui a ,hunpui kan hmang ho a ,khawi ah pawh kal ila inzui loh lai kan nei ngailo, Christmas hi nuam a ti thei hle a . A chhan pawh midangte tanpuina hun kan neih chhun a ti a ,midang kan pui kual thin. A nui reng a ,kan inhmuh thiamloh chang pawha thurem thintu a ni ziah bawk . Thinrim lai pawhin fiamthu a thawh reng peiha .









A kiangah kan thinrim theilo tih tluk a ni,a nu a hmangaiha ,a nu leh a naute enkawl in rim takin a thawk a,engmah tih theih ka neilo hi ka inthiam theilo " tiin ka kut chu a hum nghet sauh a,ka darah chuan a lu chu ka beitir “ U Ramte engkim hian hun ruat an nei a lawm,keini pawh hi engtikah nge kan thih dawn kan hrelo a ,u Zuala pawh he khawvel sual chho ta lutuk hi siamtu hian hmachhawn tir phallo in a hnenah a hruai zawk pawh a ni thei a sin . Tun ang laiah chuan sualna a pung tual tual a .







Mi hausa te an nun a nuam a ,mi rethei te nun a chep tawlh tawlh,mitin in erna in kan khat a ,mi nun kan buaipui a ,midangte thinrimna tur kan zawng a. Kan la lungawi chuang silo,khawvel hi a chhe tawh em a sin, Bible hrilh lawkna hi a thleng dik zel a ,hri tha lo leh mihring sualna hi a pung tual tual a nih hi,keipawh hian hengte ka ngaihtuah hian ka huphurh lawk thin. Kan hmahun hi a thim hle in ka hria " ka tisep ,a lam hawiin min kuai her a .










A awmah min kuah bet nghal thlap “ Khawiah mah i kal bo ve ka phallo,chhimbal ang mai i nih ka phallo tih hre reng rawh . Reilote ka nunah i rawn lan a ,i bo leh daih si chuan ka ngaidam ngailo vang che ,kei leh kan fa tan hian nu tha tak nila,kumkhua in ka kiangah awm ang che " a tihchuan ka nuih sak,ka kuah let ve chial . Ka dul chu a chul hauh hauh “ Ka hmangaih che " ka tihchuan ka nghawng a rawn fawp zauh “ Kan pahnih hian awm reng ang aw ,inchhung luh ka la peih rihlo " tiin guitar chu ka la a ,ka perh pah bawk .










Ka zai rat rat “ Ka thlir siar leh chhawrthlapui,an mawi ngei kei ka tan,khuanun a duan ang reng in tudang ngai lo ten an leng" ka dulah chuan a rawn hmer salh a ,ka zai lai pawh ka zawm theilo “ You are my breath " a tisup ,ka mur sung sung thei. Ka bengbulah chuan a thaw lum ham ham ,chu chuan ka tha a tikhur a ,min tizam vek “ Zai leh rawh le " tiin ka biang chu a nul a ,ka ip chawih “ u Ramte " ka tihchuan chian zetin min melh,meng eng in a hmai a kah avang chuan ka hmu fiah hle ,a mitmu dum kak chu a tle kar a .







A hmeltha tak chu ka en reng “ Enge ni ta ka nupui duhtak " a rawn tive a ,ka hmai bulah a rawn awm hnai sauh “ Nang chu min tizam zo vek khawi awm tha ang,a nih loh leh mu lut ang " ka tihchuan a nui deuh hawk hawk ,min pawm kang nghal nawlh “ Induat hun " tiin inchhungah min luhpui,a awmah ka chum dat. Khumah chuan min mutthla in muangchang hian a che a ,ka hnar duh bik lo ,lungawi zet hian ka sirah a rawn mu,ka dul chu chulin ka chalah a fawp leh a ,ka nuih sen sen “ Ka nupui hmeltha em em te muttui " a tisup a ,keipawh chuan ka tilet ve nghal .







“ Bawihte i dinhmun i hria,naupai chi ini lo tih pawh " ka nu chu ka en ,ka hrechiang lutuk tlat mahse “ Nu ka hria a lawm,mahse ka dam emaw ka thi emaw u Ramtea tan hian fa tal hi hrinsak ka duh a ni,ka hmangaih tan hian min hriat rengna tur a ni dawn a ,fa a awh zia ka hria a,thih pawh huamin ka paitlang ngei dawn" tiin ka nu chu ka chhuahsan a ,ka pum chu ka khawih “ Anu hi ka lo dam ta lo a nih pawhin apa hi nang tal chuan rawn tihlim ang che aw ka naute " tiin pawnlam chu ka pan nghal zat .







Eng pawh hmachhawn ila ka pasal leh ka naute tan hian dam ngei ngei ka duh a ni .

[mawitei bawihtlung]

KA PASAL THINGTLANG PA






CHAPTER 20






Thla 5 hnuah





Ka pum puar lian ve tawh tak chu nilum ai pahin ka chul heuh heuh ,ka pasal erawh lo lamah hlo thlawh hunlai a ni bawk nen phur lo zetin a feh leh tawh a . Ka naute thlaruk hmel hmu ve ta chuan ka nun a tihlim in min ti dam sawng sawng thei,ka lung thlakna tur hmu tawh mah ila ka naute hi ka chan a ngai dawn a ,chu thil chu ka duh lo,u Ramtea pawh ka la hrilh duh lova ,ka nau a len hma a ka hrilh a nihchuan min paih tir ngei dawn a ,chu chu ka duh lo . Ka fa hian he khawvel eng hi a rawn hmu ngei tur a ni.









Ka nunna ai chuan he naute hian khawvel eng a rawn hmuh hi a pawimawh zawk ,kha chen fa neih chak reng reng in kan awm a ,tunah ka pai ta chenga keimah ka dam duh vang ngawt in ka fa hi ka tina theilo . U Ramtea pawh a rawn haw hunah ka hrilh tawh ang,alakah zep reng ka duh tawhlo ,ka pasal a ni a ,tunah chuan ka naute pawh paih duh nise an paih thei tawh lovang . Pawna rei fe ka thut hnu chuan inchhung lamah ka lut zui a ,Nunnuni lo insu chu puih ka tuma min lo hnial vat “ A pate an min hau ang,tikhan lo awm mai mai rawh ,i nau a rih tawh em kha " tiin ka tih a phallo .









Ka chet hleka u Ramtea duhloh thin zia an hre chiang tawh a ,tumahin hna min thawh tir duh tawh hauhlo, ka awm awl lutuk chu nuam lo ka ti zawk . Ka inthlahrung zo vek “ Ni e Bawihi awm mai mai rawh,lo tih tir leh che ila bawiha thinrim kan tuar zo leh lo ang,in pa hi a duhloh zawngah chuan a luhlulin biak a har a ,a nu leh pa pawh hian kan ti thinrim duh hauh lo a nia " ka nu in a rawn tihchuan bu nghat in room lamah ka lut ,ka ke vung chu enin ka thaw hak ,ka din rei hi chuan a vung ngei ngei .







U Ramtean zanah min hmehsak ziah a ,ka zia awm phah viau zel . Khumah chuan mu in ka lo muhil a ni ngei ang,ka hmai lum leh hak thinah chuan ka meng chhuak diar diar ,ka pasal hmel dam dup ka hmuh rualin ka tho chhuak nghal vat . A rawn haw tawh danah leh a fai danah ka lo muhil rei hle a ni ngei ang,a lo haw laia ka lo harh lo chu ka inthiam lo hle “ Ka lo muhil rei viau a ni maw,i lo haw ka lo hmuak theilo che chu ka inthiam lo hle mai u Ramte i chauh dawn teh lul nen " ka tihchuan ka bulah a rawn thu thla vat a .








Min kuah nghal hlun “ Inthiam lo duh suh,kan naute nen hahdam taka in awm hi ka duh zawk " tiin ka chalah a fawp zauh ,a awmah chuan bei in a lungphu dat dat chu ka ngaithla kar . “ U Ramte ka hmangaih che tih i hria tiraw ? " tiin a kut tang lian leh sei thlarh karah chuan ka kuttang chu rawlh lutin kan kut chu kan inchelh tawn a,kan chal ve ve chu insik tirin kan thaw dun ham ham “Ka nupui harh vang em em hi he khawvel hmeichhe piang tawh zingah a ni aia hmangaih ka nei lo " a rawn tihchuan meng chhuakin ka nuih sen sen .










Mitchhing dunin kan thaw ham ham ,ka hnarah chuan rawn fawpin ka hmuiah a fawp zui zat ,kawngkhar pawn lam atanga “ Pate lo chhuak tawh ula,Chaw ei kan peih tawh a nia " Nunnunin a rawn tihchuan inthlah vatin ka insiam tha nghal thuai thuai,ka hmai chu a sa ham ham,ka pasal bula awm hi chu ngaiah ka neih thei thlawt lo,min rawn en a nui sukin “ Zak duh suh ka nupui i nihkha ,khatiang mai maia i zah zel chuan ka fawp ngam tawh nang che " tiin min kai chhuak a ,chaw chu min kil pui nghal . Nau ka pai len a chinah hian chhuatah ei tawh lovin dawhkanah min ei pui a .








Ka nu te erawh dawhkana ei thang lo na na na chu chhuatah an ei mai zel,keini khawpui lamah chair nen dawhkanah ramdang te anga bowl vel chhawp a ,kan antui pawh bowl a thli a ,kan in ang khan an ti ve ngai meuh lo . Fian an kenga chu chuan thleng khata mi kha an inhawp tawm vek a ,chu chu nuam ka tizawk bawk . Khawpuiah kha chuan nitin sa kha kan ei ngei ngei a ,hetah erawh thlai kan ei nasa ber thung,sa lam chu Pathian ni leh eng emaw nikhuaah kan ei zeuh zeuh chauh a ,thlai hi taksa pawhin a lo ngeih zawk tih ka hre chiang tual tual .








U Ramtea nen chuan dawhkanah kan ei dun a ,ka pum puar len tawh avangin duh ang anga chet zung zung kha ka thei tawh lova . Ka harh thei lo chu ka awm a nuam lo zo vek ,ka thlengah chuan antam leh arsa vel chu min suahsak a ,min chhemsak hauh hauh ,ka naupai chin hian sa kap in a ram vak duh tawh lova,nau an piangsual duh an lo ti thin a ,chubakah kut chuk tih ang reng te an nei duh an ti bawk nen. Ka naupai laia rannung lam chi reng reng pawh tihnat a tum loh thu a sawi thin,naupai laia rul thah te hi an fate lei an chhuah reng duh an tilehnghal .










Keipawhin ka phal vak lo ,hmarcha chu si hliam hliam chungin ka ei lui zel “ Dîte insum teh,kan naute kha a thak huam huam ange " a rawn tihchuan ka melh nghek laiin kan chhungte chu an rawn nui chhuak huk hlawm a . Hepa tawngchhun ngeiawm thei lutuk hi khawi atanga a zir nge maw ni dawn ni “ Heiai thil tui lo ka ei tam lutuk,changkha ka duh lo chung ka eipawhin a kha lutuk a ,kha a ti ve kher lo ngawi mai mai teh" tihlakin chaw chu ka eizawm leh “ Thinchhe sia " a rawn tih leh chuan ka fian ken chuan ka tuk tawlh .









A chal tuai vut vut in “ I duh tawkin ei rawh,ka ngaihtuah ve em em che a" tihlukin min thawhsan a , a ha va nawk sawk sawkin room ah a lut nghal . A awmdan maksak zet chu enin ka thaw hak,ka naupai atang hian keimai nilo a ni pawh hi a danglam,a thinchhe ve hlur a ,a titau peih hle bawk . A nuhah a nih ka ring deuh riau tawh,chaw eikhama room a ka luhchuan meizial a lo pak khu luih a “ Ramhmangaihzual zu tawh suh ka tihche kha ,i hriselna atan a tha lo " ka ti deuh hmak .









Ka thusawi ngaipawimawh lo zetin a zu lui leh ngat “ U Ramte ti tawh suh,nang leh zel i hrisel loh chuan kan naute hian enkawl tu nu leh pa a neilo mai ang" ka tihchuan min rawn melh nghal vat . Ka thutak zia a hmuh chuan min rawn hnaih nghal ruak “ U Ramte ka dam reng thei angem ka hrelo a ni " ti tiauin a hmaiah ka dawm . Kan awmdan inthlak thut avang chuan a ni pawh a hamhaih hmel takzet “ Dîte engvanga chutiang thu chu sawi nge i nih? Ka kiangah i awm reng dawn a lawm,khawiah mah i kal lovang " a tihchuan tap chhuakin a awmah a ka hmai ka nawr .










“ Dîte engtin nge i awm ? Min hrilh teh " tiin ka biang tawn tawnah a rawn chelh a,a mah en turin min kuai dak nghal “ U Ramte ka lung hi thlak a nih vat loh chuan keihi thi thei reng ka ni an ti a ,mahse ka inzai leh chuan kan naute hi kan chan a ngai dawn a ,ka phallo a ni . Kei ka awm loh pawhin kan naute tal hian he khawvel eng hi rawn hmu in i hlimna thlentu nise ka duh,ka phal ngang lo va ,nang pawh ka hrilh duh mailo che a nihkha ,ka lung hian chhiatlam a pan zel a ,mahse nang i awm chuan engkim hi ka tuar thei a ni" ka tihchuan a ngawi ta vang vang.











A hmelah chuan natna ka hmu thei “ Tinge a hma a i sawiloh,nang hian min kalsan i chak em ni?" engmah sawi zawm tawh lo in khumah chuan mi â ang maiin a thu thla hnawk . Nilo ka pasal hi nasa takin a tap a ni,mi chak tak anga lang leh vawikhat pawh a tap ka la hmuh loh ka pasal zaidam leh ngawi ngul thin,mittui tla mai mai ngailo kha keimah avangin hmai hup chungin a tap a ni . A bulah thu thla in ka kuah “ U Ramte ka tha leh dawn a lawm,nang ka kianga i awm chhung chuan ka chak thar thin ka tihkha " tiin nghet takin ka kuah a .











Ka hnem thiamlo lutuk chu keimah zawk ka hrehawm ,a kut chu la sawnin a biangah ka dawm a ,a mit chu a sen ram “ Dîte min kalsan theilo " tiin nghet zetin min kuah bet “ Tinge hetianga kan chungah hian Pathian hian a tih? Enge ka tihsual,ka pian tirh atangin amah ringtu tha tak nilo mah ila a duhloh dana awm ka tum ngai lo ,mahse enge he mipa chungah hian a tih . Nupui tha tak leh hmangaih tu a pe a,laksak leh tur in maw ka hnenah a rawn tirh che . I tello chuan ka awm theilo,Laldinmawi ka hmangaih lutuk che ,khawiah mah i kal ka phal lo .









A vawihnih nan min kalsan thei lo vang,a hma pawha ka tawrh na zawng zawng te kha i hria a ni lawm ni? Khawiah mah i kal theilo " a tihchuan ka mittui a luang ve zung zung “ Keipawhin khawiah mah ka kalsan dawn lo che ,u Ramte i kiangah ka awm reng dawn ,ka bei let dawn a lawm,nang leh kan naute tan hian ka bei dawn ,nang pawh ka chakna i nih hi ,ka kiangah awm in a min chelh tlat angem" ka tihchuan nghet zetin min kuab h leh nghal “ Ka thlah ngai lovang che ,i pasal ka ni a. I angel,nangmah venghimtu che hian englai pawhin ka veng ang che " tiin khumah chuan min mutthlak pui a .









Kan pahnih chuan kan hmalam hun tur leh kan naute chungchang sawiin intih hlim hram hram kan tum duna,ni e ka thi kher lo mai thei a sin . Ka lung hian ka nau neih thleng tal chu min phut pui hram rawh se ,ka pasal awmah chuan ka bei kak a “ U Ramte Pathian hi dem tur kan nilo,ani chuan mihringte hi kan tan hun ruat bik a nei a ,chu kan tana a thil ruat ah chuan vui thei kan nilo,hmangaih leh dawhthei takin min enkawl a,a hmangaih mihringte hian a duhloh zawng tireng chungin a malsawmna leh kan duh apiang kan dil leh tho thin si , duh chu nise thi vek thei kan ni a ,mahse chupawh phallo vin a fapa mal neihchhun kan tan ala thi leh zel a .






Hringmi te hi vui ngam tur kan nilo, Eden huan atangin kan bawh chhia a ,sualin kan piang a ,sual vekin kan nun hi kan hmang leh thin . Tumah mi famkim kan awm lo chungin Pathian chuan kan dilna te chhangin hmangaih leh dawhthei takin min nghak a ,kan sualte a la ngaidam thei reng a ,amah kan hnaih leh nan hun tha min la pe fan zel zawk a ni si a . Mihring kan sual ang tlukin kan chungah a la tha zawk a lawm " tiin a kut chu ka humsak vang vang a . A ni pawh in ka thusawi chu sawichhuak kher lo mahse a pawm tih ka hria .










Ka pasal hi keichuan Pathian lak atanga ka rochun ka tilo theilo,a hnen atangin ngaihsakna ka dawng a ,ka tihsual min ngaidam fo thin . Chutiang bawkin keipawhin,kan pasal te hi kan khawvel an ni a ,kan nu leh pa leh Pathian tihloh ah chuan kan nun kaihruai tur ber an ni . Mipa tam tak chuan an nupu te an kaihruai thiam lova ,an nupuite an ngaihsakna lantir an hreh thin,chu chuan nupa inkarah khi a siam a,inthenna a lo awm thin. Mipa te hian kan nupui te thlavang hauh dan tawk thiam ila,a tawng a maka nupui te tanna hian kan nupui te an tihuang tauin mi karah min tizak tu an ni fo .









Tin nupui te nun zalen tir dan tawk kan thiam angaiin ka hria ,kan tunlai nun a bikin khawpui ah,hna kan thawh avangin inlam kan uap hman lova ,kan nupui te lah kan hlawh in an duh duh lei leh tih kan phalsak avanga nupui ten an uire san fo pawh an awm . A hmasa berah chuan chhungkua hi ngaihsak hmasa ila,englai pawha hna ringawt kan ngaihtuah a ,kan kawppui te kan buaipui hman loh khawp a hna kan ngaihtuahna hian kan nupui pasal te duhkhawp kan pek loh phah a ,uire tam tak te hi nupui pasal kan khamkhawp in pek tawn loh vang a ni tlangpui in ka hria .










Ka pasal ka en,a hnathawk chung pawhin min ngaihsak na a tilang awllo va ,hunawl a neih chang in ka kiangah a awm thin . Min hmangaihzia leh min ngaihsakzia ka hmuh leh hriat ringawt na pawh hian mipa dang laka phatsanna rilru min puttir chhin ngai lo,kei ngei pawh hian ka pasal hi a duh hun apiang leh min mamawh hun apianga a tana awm reng ka duh a. Ka ngaihsak zia leh hmangaihzia hi ka chauh nilo va a tak ngeia lantir ka tum tlat thin .







Inthen ka duh hek lo,kan pasal te kan ngaihsak a ,an tan chauha kan inserh hran hian kan pasal kawng thalo daisual tum pawhin inthiam lovin kan tan an awm reng thei a ,chutih rualin kan pasal te duh leh mamawh hriat sak lova kan duhzawng ringawt kan ngaihtuah chuan kan pasalte rilru tina in hmeichhe dang an pan leh mai thin. Nupa chu engkim in hriat tawn sak ila,kan inkarah zep awm lo bawk se chu chuan nupa inkar a sawh nghet thin . Hna chu damchhunga thawh reng a ngai dawn ,damchhungin kan fel famkim thei lo .







Mahse kan nupa nun leh kan chhungkaw dinhmun tur erawh kan thlan fimkhur a ,nupa a tang ruala tih chi a ni . Kan hna te chu kan damchhung chauh a ni a ,kan hausakna leh nawmsakna pawh kan thih ruala boral ve mai tur a ni . Mahse kan chhungkua ,kan nupa inkar ,kan damlaia kan nun hman dan erawhin rorelna tlang ah min dinpui dawn a ,kan damchhung tawite hi lo hman thiam a tul takzet tih ka hrechhuak thar leh thin .








Khawvel a lawm,kan damlai chuan duhtawka chen mai tur tih hi kan intih hmuh a ,mahse kan damlaia kan hun hmandan zawk hi chatuan nun min pe thei tu tur a ni lawi si a nih hi ,ka pasal muhil chu a hmel ka thlir reng. A ni pawhin ka kalsan angai mai thei ,mahse ka vui lo ,ka chunga Lalpa remruat danah hian vui thei ka nilo ve ,amah avang zawkin ka pasal hi ka tawn phah a ni si a .


comment in phur silo va,type ka phur thei bik ngang lo,chawlh ka la zuai dawn emaw ni aw ka ti rum2 tawh mai

[mawitei bawihtlung]

KA PASAL THINGTLANG PA








CHAPTER 21



story hi chhiar liam puat lo vin chhiar uluk hram ula,ka thuziah leh note in en loh avangin thenkhat in rawn phun chhuak leh thin a ,chiang takin min chhiar sak ula,ka sawi tawh angin nitin kut hnathawk ve tho kan nia , Mizoram ah pawh kan awmna hmun theuhah,hmanrua te ,thil hming lam dan a inang lo ka tih fo kha aw


Aizawl lamah kan chhuk a ,a chhan pawh ka nau neih a hnaih tawh avang leh enge ka dinhmun tih u Ramtean a hriat duh vang a ni pakhat. Ka in enkawlna thin damdawi in lamah kan lut a ,u Ramtea chuan ka nu leh pa pawisa hmansak duh tawh lovin amah ngeiin bank atang kan zin thlak hmaah pawisa a la chhuak teuh a , ka rin ai daihin sum a ngah. Mak titaka ka en laiin a sawhthing hralhna te ,a ma inhlawhna leh a sa kah tih vel a vai vaia hmang ngai lovin bankah an dah ziah a ,a pung nen a lo tam belh tiin min hrilh a .









Keichuan a taimak vang ka tilo theilo,duh nise Aizawl ah pawh hian sum lamah tluklo tu an awm nukin ka ring,ka doctor chuan min hau char char a. U Ramtean a lo khap nghal ,an in melh rum viau “ Doctor David lungngai suh,ka naute hi a piang tep tawh a ,chu mi zawhah chuan min zai dawn a lawm,a hrim hrimin nupui nei vat rawh . I senior mai dawn " ka tihchuan a bula nurse hmeltha zet chu a lo nui chhuak hak hak a ,Doctor Davida chuan a melh rum vak “ Nui suh" tihlukin pawnlamah an in kai chhuak dawr dawr ,an inkarah eng emaw tak a awm a nih ka ring .








“ An inhmeh zia kha ,an hmeltha dun si " tiin ka pasal chu ka en “ Kan hmeltha zawk" a tihchuan ka nui chhuak hak “ Nia kan hmeltha zawk,ka pasal hi a hmeltha ber " tiin a kawngah ka kuah,nau nei thei reng ka nih tawh a vangin amahin min awmpui chawt a ,ka nu leh pa pawhin min rawn kan zeuh zeuh chauh tawh . Ka pasal hi ka hmangaih takzet eng lai pawhin min ngaihsak awl lo va ,kum 35 na a hmang ve tawh a ,chuvang te pawh a niang a puitling in keimah ka mizia ang angin min dawm thiam bawk si ,ani ang pasal hi chu an vang viau ang.










Ka pum na riai riai avang chuan ka pasal muhil chu ka au ,a rawn nat telh telh avang chuan ka vial ngawng ngawng ,u Ramtea lah a harh thei mai silo “ U Ramte " ka tih leh chuan a rawn meng chhuak vat,ka awmdan a hmuh chuan doctor ko in min kuah bet nghal “ I kiangah ka awm reng dawn ania ,hlau miah suh khawvela naute hmeltha ber min neih sak dawn kha " a tihchuan natna karah ka nuih sak ,nau neihna room ah min nawr lut a ,ka pasal erawhin pawnlama min lo nghah reng tur thu a sawi . Ka theih tawpin ka sang a,nurse nu Doctor Davida rawn hruai nu khan min fuih mawlh mawlh .








A tawpah naute tap ri ka hriat rualin ka zawi hnawk “ Hmeichhia i nei a hmeltha bawk si " tihri ka hriat chuan ka nui sak ,ka taksa chu a zawi tial tial a ,ka mitmeng a vai ruai bawk “ U Davida ko vat rawh u, doctor Ruat nang ni in lo buaipui ula ka va ko ange " midang tawng ri nuaih nuaih kara ka naute tap ri ngak ngak chu pawm ka duh,tap lo tura thlem ka duh a sin . Mahse ka thei silo,kei hi ka thi dawn em ni ,Aw ka Pathian vawikhat tal ka pasal leh fanu kianga awm min phalsak rawh . Ka khawhmuh chu a thim ta hmak .







RAMTEA POV ..






“ Dîte engtikah nge i harh dawn ,thlahnih a ni tawh a nia ,ka nupui tello chuan hmalam ka pan theilo,kan fanu hi en teh a nu hnute tui ngaiin a tap a sin " ka nupui muhil reng chu a hmuiah ka fawp ,a lung an thlak a . A ni erawh a harh chhuak thei silo ,ka ngai a a aw ri ka hre leh chak a ni,ka fanu chu ka pawm a . A kut te tak te chu a awmah hum betin min enkar “ Anu bulah mu rawh aw " tiin a nu engmah hre lova mu bulah chuan ka muttir a ,chik deuh thatin a tal nak nak chu ka nuih suk .








A nu tih loha min tihlimtu ber a ni a ,a mah avangin hmalam ka pan hram hram a ni. Dîtei nu leh pa rawn lut chuan min rawn kuah a “ Bawihtei chu a tha leh vat mai ang,a pasal leh fanu in an nghak reng tih a hria anga a rawn harh leh em em ang " anu in a tihchuan ka chhang lo,mahse ka ring a ni. He ka nupui hian rei tak chu min mutthilhsan thei bik hauh lovang “ I hriat angin Ramte ka chak tawh lova ,ka makpa teah chuan ka rinber i ni a ,ka company hian an mamawh che a ni. Bawihtei chu kan lo enkawl anga,i kutah ka car zawrhna hi ka hlan duh a ni ..










Kan fanu hi kan dam pui reng thei dawn lo,a hma hun kan ngaihtuah a ni. A naupang ber a nihna angin a nu nen hian kan ngaihtuah awl lo,a hma atangin a kuta hlan kan tum a ,mahse a awmdan khan kan rilru a tihahin kan tawngtai reng thin. Nang kan neih tir che hi kan inchhir ngailo,nangmah avangin a nundan thalo zawng zawng a kalsan a ,kan fanu chhanhimtu i ni tih kan hailo,kan ring ngam che a min hnial loh hram kan beisei ,i nu leh pa nen pawh kan rawn zin lai khan kan sawi tawh a ,an ni pawhin i thutlukna ang a piang kha an pawm thu an sawi a .










Helama awm hi an pawmpui mah zawk cheu,i hria anga u pahnih an nei a . Mahse an ni chu an nau ang hian an ngaihtuah awm loh,kan fanu naupang ber a nihna angin kan duat a ,kan ngaihven reng ,ka makpa dang te an rintlak loh ka tihna nilo vin,tun dinhmunah chuan ka aiawh tura ka rin ber leh kan fanu hmangaih taka enkawl thei tur i ni tih kan hria a . I hnial loh ngei kan beisei,kan chak tawh lova ,duh angin ka hnathawkte ka vil hneh lo ,chuvang chuan nang mah ngei hian min enkawl sak tawh la kan duh a ni " apa chuan a ti a .









Ka ngawi reng,khuma ka nupui leh fanu mu chu ka en ,ka thaw chhuak hrawk “ Ka kalsan theilo " ka tihchuan a nu zawk chuan min rawn pan vat “ Zanah leh zingah i hmu reng thei dawn a lawm,i inhuam chuan kei niin kan awm pui reng dawn a ,Ramte ,kan pa nen hian kan mamawh che a ni . Tunah pawh kan hnathawk te hian an bei reng a ,a chak tawhlohna hi an hmachhuan bawk nen bawihtei lah tihian a awm bawk si ,kan buai zia i hriat thiam ka ring,i rintlak tih kan hriat vang a ni nang kan thlan che" a rawn tihchuan ka ngawi ta vang vang.








Ni e ka nupui nu leh pa hi ka hawisan tur a nilo,ka nupui a lungawi loh ka duhlo,chuvang chuan atan ka enkawl ang ,a rawn harh huna a lung awihlohna tur thu hriat tir ka duhlo ,alamah chuan kalin a hmuiah chuan ka fawp vang vang “ Lo harh thuai ang che ,ka nghak reng che tih hria la rawn harh vat ang che ,chu ti a nihloh chuan keihian ka hrem ngei dawn che a nia,ka hnathawk min tibuai leh tur tal pawhin rawn meng chhuak leh ngei rawh aw ,ka hmangaih che u" tiin kan fanu nen chuan ka en vang vang hnuah pa Sanga chu ka zui a .










An car zawrhna hmun kan thlen rualin hnathawk ho hma ah chuan a enkawl tu tur thar ka nih thu a sawi chuan min en deuh thap hlawm a. Meeting turin a hrilh chhunzawm nghal, shareholder lian zual ho nen chuan kan in hmachhawn thap a “ Enkawl turin a tlak meuh ang maw ? Thingtlang mi lehnghal hriat a nei dawn em ni? Lehkha pawh a thiam nang " pakhatin a rawn tihchuan ka nui ringawt,Pa Sanga chuan ka graduate na lehkha a hmuh meuh chuan an ngawi ta thap “ Mi thiam tak chu ka nilo mai thei,mahse he hmun enkawl tur hi chuan ka theih tawp erawh ka chhuah ang tih ka tiam a che u .









Lehkhathiam tak nilo mah ila ka bo lohna tur tawk chu ka zir ve ania " nui chunga ka tihchuan min en thap,engmah sawi buai an awm tawh lo. Hna chu ka en fel mawlh mawlh a ,pa Sanga chuan tihdan tur pawimawh zual min hrilh pah mawlh mawlh bawk a ,ka nupui chanchin a khat tawkin ka zawt reng a . A nu chuan a la ngai reng thu a sawi chuan ka thaw hak,ka awm loh laiin a lo harh ang tih mawlh ka hlau a ,mahse a rawn harh tawh dawn loh ai chuan ka duh tho . Assistant rawn lut chu ka lo melh,pawnfen chhingte nen a rawn lut a .








A nui sang bawk ,a mitmeng chu ka hrethiam vek ,ngaihsak lo in ka hma a lehkha chu ka en “ Ka pu i assistant thar tur ka nia " a rawn tihchuan ka bu nghut ringawt. A chanchin in ziahna lehkha chu ka en Vanlalruatkimi kum 24 ,ka nupui ai kum li in a nau anih hmel . “ I chhuak thei ang,tin heng lai a lehkha pawimawh hi ilo ziak chhawng anga min rawn pe leh ang che " tiin lehkha bawk chu ka en .






COMMENT PHUR ULA KEIPAWHIN TYPE KA PHUR THIN AW



“ Sir lawkin ,nupui i nei tawh em ?" a rawn tihchuan thaw hawkin ka melh “ Nupui hmangaih tak leh fanu a nu ang maia hmeltha ka nei,tin khatiang thawmhnaw dahlau tak kha rawn ha leh tawh suh . Hna thil a nih loh chuan engmah min zawt leh tawh lovang che ,i chhuak thei ang" tiin ka melh run,zah hmel zet hian a chhuak nghal . Ka sana ka en chu chawhnu lam dar 2 chiah ala ni ,ka nupui hlir ka ngaihtuah .









Phatsan tumna ka neilo,a rawn harh chhuak emaw chhuak lo emaw ka nupui a ni a ,ka kianga a awm chhung chu a hriat loh lai pawh nise a natna tur ka ti ngai lovang . Mipa thenkhat anga mahni nupui te duhkhawp lova ,a ruka hmeichhe dang kawp thin nih ve kher lah ka tum hek lo . Hmeichhe dang ngaihsak lo turin ka nupui ka hmangaih tawk a ,a pasal ka nihna ang ngeiin ka nupui tan ka in serh hrang ngei bawk ang.








Ban a hun rualin hmanhmawh zetin ka chhuak,Ka assistant thar chu nui chungin hmeichhe pakhat nen min lo en reng,ka nel zawng a ni hauh lo . Dîtei pa in ruai turin min tilo se chu ka ban daih tawh ang,en lovin ka kal pel a ,damdawi in lam ka pan nghal . Ka nupui awmna cabin ka thlen chuan kan fanu tap ri ka hre nghal ,ka lut nghal vat,a pi chuan a lo pawm a ,ka laksak vat “ Hey ka fanu hmeltha te ,tah loh tur ka tihkha ,anu hi tui deuhin mu sela ka duh a nia,tap tawh suh le " tiin ka thiam ang chuan ka awi a ,min en karin a bang hmak,ka nuih nghal suk.








Mi a hre ve reuh a,ka kut hi a kut tetakte a a vawn chang phei chuan ka nun a tihlimin ka lung phu a tirang thin . Kha leh chen fa awt reng rengin ka awm a ,tunah ka nei ta chenga mahse ka hlimna erawh ka nupui lo menchhuah hma chu a kim ngai lovang . Khuma ka nupui mu lam chu ka pan a ,a chalah chuan ka fawp vang vang “ Dîte rawn harh chhuak tawh la ,i kut ngei khan i fanu kut hi rawn chelh ta che " tiin ka en vang vang,kan fanu muhil chu a pi ka pawm tir a ,ka nupui kutah chuan ka vuan nghal “ A rei tawh lutuk Laldinmawi,min kalsan ngai loh tur thu i sawi kha,ka tan i bei dawn a ni lawm ni ,i natna hnehin rawn harh chhuak rawh " tiin a kut chu ka fawp .









Ka mittui chu a kutah a far a ,mahse ka ngai pawimawh theilo,ka nupui hi ka ngai a ni . A aw leh a nui hmel mawi tak kha hmuh leh chakin ka nghak reng a ni si a .