KA PASAL THINGTLANG PA(BONUS) BY MAWITEI BAWITLUNG (Completed)

Moderator: writers

mawitei bawihtlung
Posts: 753
Joined: November 18th, 2020, 12:53 pm

Re: KA PASAL THINGTLANG PA CHAPTER - 1 BY MAWITEI BAWITLUNG

Unread post by mawitei bawihtlung » March 5th, 2023, 9:13 pm

KA PASAL THINGTLANG PA







CHAPTER 12






“ U Ramte tirawh chaw fak ang " ka pasal ngawi renga hmalam melh ngur tu chu ka bia a ,ka biak hre awm pawhin a lang lo,u Zuala a thih atangin ni eng emaw zat a liam leh tawh a ,kan buh te pawh seng an hun chu a ni ber tawh a ,chutia u Ramtea a awm chu hmuh hrehawm ka ti ,ni e kha chen an inzui a ,tun buhseng pawh in lawm ho rawtin kan hlim hle a nihkha ,mahse hmahun kan lo hre der silo ,a tawng tam loh sa nen a tawng ngai ta mang lo a ,Lalnunsanga hla Nunhlui khuarei chu a ngaithla deuh reng zel.








In lamah lah nise a thianpa thlan a tlawh awl lo nen ka khawngaih lutuk avanga ka tahpui chang lah a tam . Khawi ah pawh in zui reng reng ,infiama tette atanga lo inkawm tawh an ni a . Chutia thawk leh khata u Zuala boral thut chuan kan thianho min nghawng a ,tumah kan in be ngai ta meuhlo ,a hla bawk chu a ngaithla leh “ Kan nunhlui te ka dawnin khuarei an chang ta si a" tihlai a rik chuan ka mittui ka hru zauh ,a hnung lam atang chuan ka kuah a ,“ U Ramte khawngaihin u Zuala pawhin hmalam pan turin a duh ang che ,tirawh chaw ei ang aw " tiin ka be leh .









Mahse ngawi rengin ka kut chu a dahthla a ,ka thaw hak mai “ I thian i chan,ka hrethiam che mahse u Ramte nang leh zel hi chan che ka duhlo ,intihchak tum ve ta che " ka ti deuh that . Thinrim khum duh lo mah ila amah a inti hrehawm reng hi hmuh ka duhlo “ Chaw i ei loh chuan keipawhin ka ei tawh lovang" tiin ka thu ve hmak . Min chhang lo mahse ka chaw nghei chu a duh dawn lo tih ka hria,chaw chu ngawi rengin a bar a ,ka nui ta sak keipawh chu ka ei ve nghal mawlh mawlh .









Haw lamah ngawi rengin kan kal dun leh a ,Faki kan tawk leh hlawl “ Hma i tha tiraw ,tiru haw rual ang u " tiin kan zingah a rawn tel a ,tawngkam a thiam si keiai u Ramtea chu a hnem thiam zawk . Ka thik em em a ni sa nen ka lungawilo lek lek,ka biak tawng theihloh u Ramtea pawhin a chhang ve a ,ka biak laia tawng duh ngailo chutia Faki biak a a tawng chu haw viau mah ila ka dawh ve hram hram a ngai tih ka hria ,in thlen thlengin kan in be lo va ,ka inbual nghal mawlh mawlh .









Thla a herliam a , Christmas a rawn inher chhuak leh tan a ,kan buhte pawh seng zo in tin 200 chuang kan thar a,ka lawm viau. Ka theih ang angin inlamah ka che ve a , December thla hi chu lo nei tute tan pawh kan awl hun ve ber a ni bawk nen inlamah ka che tam ve ta viau mai . U Ramtea erawh ka lakah a hla tial tial mai hian ka hria ,hmeichhe dang a bia hmulo mah ila keimah ber min hlat chu hrehawm ka ti,thla tharah Aizawl lam chhuk ka tum thu pawh ka la hrilh lo,chutilo chu ka kalchhan min zawt ngei dawn a . Ka duh hek lo .








“ Tinge min biak duh miahloh a ,u Zuala that tu ka ni em ni " ka insum thei tawhlo tap chungin ka en tawp “ Min hnaih i hlau a ,midang hnaih erawh i hlau leh chuang silo,ka biak tawng theihloh kha i bialnu hlui erawhin a be tawng che a ,hrehawm ka tihzia i hrelo tiraw , Christmas tal hi chuan hlim taka i awm ve ka ring a ,mahse " tiin ka tlan chhuahsan daih,daiah kalin ka tap hlawp hlawp. Ka awm rei tak deuh avangin muangchangin inlam ka pan hnak hnak ,ka thawk rawn har riau chu ka awm dawmin ka tawngtai mawlh mawlh .








In ka thlen chuan u Ramtea chuan min lo pan vat,hmu ang pawhin ka awm duhlo min kuahin “ Tihpalh" a tisup a ,ka chhang duh chuang lo . Christmas ni chu ka tana mittui tlak ni a ni ringawt,engmah ka ti tui tawhlo ka taksa awm dan atang chuan ka chakloh sawt zia lah ka hailo ,kum a thar a ,ka nu leh pa te chu Aizawl lam chhuk ka dil a ,engkim ka hrilh bawk . Mak tizetin min en a “ Dinte bawiha hrilh a tha lo maw " ka pa in a tihchuan ka lu ka thing nawk nawk ” Nilo a hre tur a nilo,nu pa ka inenkawl anga ka dam leh vat mai ang,mahse u Ramtea hi eng emaw tak in lo tih tir a ngai a ni .








Tunah rihchuan hrelo se ka duh,a mah a la pangngai tawk lo " tiin ka pasal lungngai taka awm reng chu ka ngaihtuah “ U Zuala a chan na a la reilo a ,keiin a rilru tih hah belhchhah ka duhlo,nu,pa min tiam rawh u . In fapa hi engmah in hrilh lo ang tih" ka tihchuan min en vang vang,an bu ta nghat . U Ramtea pawh a dan ngai te in a rawn haw leh tawh “ U Ramte Aizawl lamah ka chhuk dawn a ,ka nu leh pa an buai lutuk a ,ka lo zuk chhuk hmasa anga nang chu i duhchuan helamah pawh i awm thei a ,u Zualan a la ngai che in ka ring a ,ka sawm lo mai che a nihkha . I rem ti em ,i phalloh chuan chhuh pawh ka tum chuang lo a " tiin ka enkar .








A rawn bu nghat ringawt ,min thlakhlelhna a bo zo niin ka hre ber tawh,ka chhuh dawn zan chuan guitar nen ka zai a ,C Vansanga Kan damchhan tihchu ka zai rat rat,ka tah a chhuak tun bawk . “ Mim ang piangin sial ang kan seilian,Hai ang tara pam ralin,aw dam chhan hi nei tak ang i maw? He khawvel sual khurpuiah " mittui luang ngiai ngiai in ka zai,ka pasal lah a leng daih si . Nidang ang kha chu nise ka bulah thu in min kuah leh hlun tawh ang.







Mahse u Zuala thih hnu atangin engkim a dang a ,a mizia pawh a hma ai a nelawm loh zawk . Ka be tawng zo tawh lo chu a ni si a ,zingah kan chhuak a . Ka pasal chu dem ka la duh chuang lo,a tawrh natzia hmu tu ka ni miau si a , Aizawl ka thlen rualin damdawi in lam kan pan a ,ka doctor in min lo en chuan min hau pah mawlh mawlh ,ka nuih ringawt. Ka inenkawl that loh thu sawiin damdawi ina lut tawh turin min ti a ,ka duh bik lo ,u Ramtea a lo kal thut chuan a hrilhhai lutuk palh ang . Ka hun neih ang ang hi a kianga hman ka duh “ Bawihte tinge engmah i sawi duh loh " ka nu te chuan min hau mawlh mawlh.









A tap pur bawk ,ka kuah a “ Nu ka dam leh dawn a lawm chemo te ka khai a nga ka dam leh vat mai ang " timah ila ka hlauthawng ve tho,ka taksa awm dan atang hian ka zual tan tih ka hai biklo,nitin Alanan damdawi inah min hruai a ,ka natna a hriat ve miau avangin thian kan nihna anga hnial lo turin min hrilh vang a ni pakhat ,thlakhat chuang ka awm meuh chuan ka taksa pawh a zuai tan hle ka phone ri chu enin ka nui nghal ver ver ,nitin inbe mah ila ka ngai em em tho “ Aw ka pasal duhtak " tiin ka chhang thuai .







“ Alan nen chuan in hlim bawk maw, Aizawl khati chen chen i awm theih chhan chu a lo ni chiang a nihkha ,i pasal chu lo ngaihtuah suh ka lo enkawl ve thung anga,hei an inah chaw kan ei dawn a " Faki aw zawkin a rawn tihchuan ka hamhaih hle “ Khawnge u Ramtea phone kha pe nghal rawh " ka ti that,rawn nui har harin u Ramtea chu a bia a “ Ka biak a tullo " tihsawi tu mipa aw chu ka hailo “ A be peihlo che a nihchu,ama che aw " ngeiawm zeta rawn ti leh phone in dah chu a inrual nghal .









Ka call nawn leh pawhin an la duh lo ,ka thu thla hnawk . Zopuii thil awmzia ka zawh chuan “ A zar hneh hiam hiam khawp a ,engtin nge Alan nen in thlalak a neih pawh ka hrelo,khalamah nangmah hrechiang tak tu che hmelhriat a nei a ,in pa a hmuh a nih hmel. Mahse u Ramtea chuan eng atan mah a la tiduh lo zawk a ,mahse engtin tin emaw a lo sawi kual hman a niang,kan inhmu khat sia ka lo ngaih ven dawn a nia " a tihchuan ka thaw deuh huai,ka rilru erawh a nuam thei meuh lo .







Nitin u Ramtea chu biak ka tum a ,min chhang ngailo ,keipawh damdawi inah kan insawn a ,doctor in ka nunna atan a hlauhawm thei tawh a tih vang a ni pakhat . Khua ah vawikhat tal haw ka duh,u Ramtea hmuh ka duh takzet ,ka nu te chu ka ngen tang tang “ Bawihte a hriat i duh bawk silo,i inhmuh tir chuan i tan a harsa zawk ang" timahse ka hnial ve tang tang zel ,a tawpah helicopter hire in u Ramtea te khawlam panin kan thlawk chhuak ta nge nge a .







Kan thlen rualin ka lukhum vel chu ka siam tha vat,ka taksa a chak lo tawh em em bawk nen Alanan min zui ve bawk “ U Ramte " pawnah Faki nen an lo ding a ,ka aw a hriat rual chuan min rawn melh zawk . Faki chuan a ngheng titih lehnghal “ Ka lo haw a " tiin ka panhnai a ,ka kuah nghal thlawp . Min kuah let ve hauh lo “ Ka ngaih tehreng che nen min ngai ve miah lo em ni? Nitin rawn biak che ka tum a ,tinge phone i lak duhloh " tiin ka en ha .







A ni erawhin Alan ringawt chu melhin a tho vut “ Hetah tih tur i nei tawhlo,i thawmhnaw la la haw rawh u,ka hmu peihlo che " tiin ram lamah feh tum tih hriat takin a kal nghal “ U Ramte ka thusawi i ngaithla dawn lovem ni" tiin ka au a ,Faki chuan a hnungah a zui hlawk hlawk . Ka nu leh pa pawh an rawn chhuak a ,keini min hmuh chuan min rawn kuah vat , ka nui thei lo . Ka pasal lungawi lo zeta a liam na lam chu ka thlir reng,ka insawifiahna a ngaithla duh miahlo a nihkha .









Inchhungah kan inzui lut a ,ka nu leh pa chuan u Ramtea nu leh pa chu ka natna chungchang vel an sawi pui a ,kei pawh helamah la awm deuh ka duh avangin room lam ka pan thuai ,tlai lama u Ramtea rawn haw in min hmu chu a ding chut ,chutah lungawi loh hmel fe in a nu leh pa chu a en ,ka nute erawh ka pazawn te in lamah an awm vek a ,keimah chiahin ka pasal ka lo nghak chu a lungawi lo hmel chiah a ni ka hmuh ni .







Ka pan hnai vat ” I va lo haw har ve i chau em " tiin ka pan,ka kuta a ip ban mai ka tum chu ngawi rengin a lo lasawn vut ,Fakin engchiah nge a lo hrilh anga engthil chiah nge a lo hmuh ang tih ka hre lo,mahse hetiang khawpa a lungawi lo ka hmuh chuan eng emaw tak a hmuh tir ngei ang “ U Ramte " pan leh ka tum chu ka lu rawn hai thut avang chuan ka tawp chawt a ,ka pai nghal khat khat ,min rawn kuah bet vat . Ka lu chu a ri mum mumin ka hria,ka hnar atang a thi chhuak chu ka hre zui a .






“ Engtin nge i awm? I tha em" a thusawi chu chhan ka duh ka theilo,hetiang a thleng theilo . A hma ka natna tilang turin ka la in peihlo a sin,mahse “ Laldinmawi min chhang rawh i tha em " ka nuih ringawt. Ka taksa chu a zawi nghal hnawk.



RAMTEA POV...





“ Awi bawiha room ah hruai vat rawh,a nu te kha kan va ko ange " tiin ka nu chu a au chul,rang zetin Dîtei chu room lamah ka hruai nghal,khumah mut in ka au mawlh mawlh . A ni erawh engmah hrelo ang mai hian a muhil a ,a hnar atanga thi chhuak chu ka hruksak nghal zung zung ,ka pa nen kan buaipui engvanga hetiang awm ringawt nge a nih ang . Ka lakah hian zep a nei tih chu ka hria ,mahse hetiang a a awm thut erawhin mak min tihtir lo theilo .








A nu te an rawn thlenga an buaipui nghal zung zung “ Enge ka lakah in zep,min hrilh vat rawh u . Ka nupui ho hian enge thuruk in neih,engvanga hetianga awm hi nge a nih " thinrim zetin ka tichhuak hrawk “ Min lo zui rawh " a pa chuan a rawn ti a . Khuma ka nupui mu chu en vang vangin ka zui chhuak nghal “ Kan hrilh loh chhan che chu amah hian dam a tum em a ,i hriat loh a dam vat a ,rawn kir leh vat kha a tum a . Mahse a ni ngaihtuahna mai mai chu a takah chuan a thleng theilo ber chu a nih hi .







I bialnu hlui nen an inbiak atang khan a dang zo va ,enkawl chhunzawm duhlo in rawn haw a ngen char char a ,kan rawn haw pui ta reng a . Rama ka fanu hi a cancer a ni " a tihchuan ka nghing dawt “ Doctor te chuan ala dam theih tur thu an sawi a ,stage 2 na chauh a la ni a ,stage 3 chu ni se enkawl a har tawh ang . In rawn zin khan alo inhre sa daih tawh a,keini pawhin kan hriatna a la rei bik lo,i lakah zep a duh tlat a ,chuvang chu a ni e kan hrilh duh loh che " a tihchuan chhang tawh lo in ka nupui awmna lam chu ka pan nghal vut .







A kut chu vuanin ka en reng “ Ka hriatloha ngawi renga min kalsan maw i tum " tiin a kut chu ka hmer nghet sauh ,ala dam thei timahse ka chan thei tho tih ka hailo,cancer natna kher kher hi chu ngaih tih that chi lah a ni heklo,ngawi rengin mihring taksa a eichhia a ,a sawp a ni ber . A hmel ka lo enchiang lo chu ka indem hlur bawk,Zuala a thih avang khan ka be tam lova ,ka thianpa ka chhan theilo khan ka rilru a tina a ni ber,a mangan hunah ka awm lo va ,chu chuan hrehawmna min siam nasa hle bawk.







Ka nupui hmai dang lutuk chu ka en,tunah hi chuan kan inneih hlim nen chuan a hmel a dang hlak,a vun dâng ta lutuk chu zinglamah khan ka lo hmu hauh lo ,kan inbiak apiangin hlim takin min chhawn a ,damlo angin a awm ngailo . He hmeichhia hian natna a tawrh lai pawhin min hriat tir a duhlo tang tang chu a nia ,a nute chuan helicopter an ko leh tawp a ,mi awm thei chhungkua an ni bawk a ,an tan thil pawimawhah chuan tih theihloh a awm vakin ka ringlo ,midang chu an chhuak vek a ,kei erawh a bul atangin reilote pawh awmsawn ka tum lo .







A mit rawn phu det det ka hmuh rual chuan ka ko nghal thuai,a rawn meng chhuak siar siara ,a nui leh sen sen tawh “ Engtin nge ka awm a ,ka taksa a chak lo deuh a nimaw? U Ramte min haw hle mahla keichuan ka hmangaih reng che a nia ,ih Faki i nei duh a nihpawhin nghak deuh ang aw a chhan chu tunah rihchuan kal tir che ka la phal chiahlo" a natna chu a la zep ve tang tang a nih hmel ,ka kuah bet thlawp a ,ka kut chu ka suih nghet hle bawk . A kut chu a phar hianga,a khawng deuh awk bawk .








“ U Ramte min pawm nghet lutuk,ka che theilo a nia " a rawn tihchuan ka thlah thawl deuh ,a natna ka hriat ala rinloh avang leh a thi a nihpawha ka mal loh nan Faki ka neih a la rem ti zui a ,he hmeichhia hi eng ang chiah nge maw a nih ni. A harhin a thawveng em em a ,a na chung pawhin hlim a la tum hram hram a,hmeichhe tuarchhel tak chu a ni e “ Alan hi ka thian ang chiah a ka kawm a nia,a nipawhin thian ang bakin min en tawh lo hrim hrim,i awihloh chuan amah pawh kan zawt dawn a nia " naupang chhia zeta a rawn tihchuan ka nuih suk .






Heng a mize naupang takte hi ka hmangaih vek a ,amah ti Laldinmawii tu a ni,heng a mize harh vang tak leh hlim reng te ,a natna avanga hnual chuang lo leh a nungchang naupang chhia zet te hi keichuan amah ka hmangaih chhan ka tilo theilo“ Ka bulah i awm reng a ngai a nihchu,dawt tello in engthil pawh tawk la kan pahnihin kan hmachhawn tur a ni,chu chu min tiam rawh . Kan inkarah thuruk awm suh se " ka tihchuan a bu nghat “ Bawihte naktukah helicopter chu a lo kal dawn a nihchu " a nu in a rawn tihchuan a hmel chu a buai deuh nak .








“ Engkim ka hre tawh,chuan i hlatah ka awm leh tawh lovang. Ka lakah thuruk nei leh tawh suh " ka tihchuan a ngawi ta kar ,keipawh chuan be lo in a bulah ka mu thla a ,ka chet dan chu hmun dang en miah lovin min en reng,ka kuah rualin ka awmah a rawn nawr tawk “I tawng ve thei ta maw,ka biak tawng ngai tawhlo in " tiin a nui deuh hak a,a chalah ka fawp vang vang,ka telloa reilote a awm pawh ka phal tawhlo .




( KA BUAI DEUH DAWN AVANGIN HEI BAKLOH A AWM KHAT RIH DEUH ANG AW)



Link:
BBcode:
HTML:
Hide post links
Show post links

mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » March 10th, 2023, 10:00 pm

KA PASAL THINGTLANG PA





CHAPTER 13





LALDINMAWII POV...






“ A hrehawm em?" u Ramtea chu ka en chho ha , helicopter in Aizawl kan pan mek a ,a taksa hlata ka awm a phal meuh lo . A hriat ka duh loh ber thil chu a hre ta ngei a ,ka rin phak bakin min lo hmangaihzia ka hrethiam thar bawk , Alan nen kan in ngaizawng emaw a tih avangin ka thik theih nan Faki a hnaih lui a ,ka thik chuan heta ka let leh vat a rin vang tih min hrilh a ,a sawi ang ngeiin ka pan a,ka natna a hriat phah bawk . Ka nuih lam lam a tiza.








“Hrehawm lo e,ka hrehawm i hlauh chuan dam vat la a hma ang khan harh leh zung zung la ,chu chu ka damna tur a nih chu " ka chala rawn fawp zauh chung chuan a tisup,ka nui sak . Eng nge hmalam hunah kan tawn dawn ka hrelo,keihian u Ramtea hi thihsan ta ang ila engtin nge a awm ang? Ka ngaihtuah zawng ringawt pawhin keimah hi ka hrehawm hluah hluah “ I kiangah ka awm reng dawn alawm,thih ka duh reng reng lo" nui lui chungin ka en a ,a thaw hawk mai “ Thihna tih thu hi ka thumal huat ber a ni" tihrawkin min kuah bet lehnghal .








A tawng leh tawhlo va ,mahse ka taksa a ben thek thek danah hahdam taka awm turin min duh tih ka hria ,a lungphu dat dat chu ka ngaithla kar ,ka che chang peih meuhlo,ka awmdan chu ka hre chiang viau bawk . Ka natna hi a zual zel a ni tih pawh ka hailo , Aizawl kan thlen rualin ka awmna thin damdawi in lam kan pan a,ka luak leh zauh thin chu u Ramtea a talbuai nasa hle . Hahdam tura ka tih pawhin a hahdam thei meuhlo,damdawi in ah kan indah lut lehnghal a .








Ka doctor chuan ka chhuah avangin min lo hau ve mawlh mawlh bawk,damdawi in khumah chuan ka mu leh ta ran a ,ka bana hriau an vit lut leh chu ka en ran ,ka luak a chhuak leh ut ut tawh . Ka natna lan chhuah dan chi khat tih ka hria ,ka mut chhuak lutuk avang chuan men pawh ka meng hlei theilo,ka muhil zui thuai a .








Tawngtai ri ang ka hriat chuan ka meng chhuak riai riai,khua a thim khup tawh a . U Ramtea tih tak zeta a lo tawngtai chuan ka hnuk a ti ulh tun “ Ka nupui natna i pek hi keimah ah bel la,a nun thawveng tak kha pe let ang che ,ka lak atanga i la bo a nihchuan ka awmdan tur i hria e ,ka nun hian awmzia a nei tawh kher lovang,i duh loh zawng thil tam tak a lo ti tawh a ,mahsela vawikhat chiah i rawngbawl hlen tawh tur in tidam ang che ,a ni a awm loh chuan ka nun hian awmzia a nei dawn lo va ,ka nupui hi i rawngbawlna ti buai tu a lo ni a nih pawhin ngaidam la .








Hmeichhe hrisel tak a nih leh theih nan chuan ka nunna zawk pawh hi la mai ang che ,a ni nilo in kei zawk hian he natna hi ka phu a ni. Ka nupui chungah hian zah ngai la ,a nun hlim taka a hman leh theihnan ka Pathian thil mak i thlen tir thei tih ka hria e ,ka nupui hi a sualna zawng zawng nen ka lo pawm tawh a ,ka lak atangin la bo lo hram ang che" a thusawi chuan ka mittui a ti tla hial,ni e ka nun kha lo ulukin khawvel thilah khan tlan lo ila chuan he natna hi ka tuar kher in ka ring lo,ka that lai hun zawng zawng kha Pathian leh kohhran tan lo hmang ila heti khawp hian ka inchhir lo tur .








Ka pasal tih tak zeta tawngtai chu ka en thin,ka zah hluah hluah . Kei chuan tawngtai ka tum ngailo va ,Biak in lah ka pan ngai heklo ,mite sel ka hlauh luatah mi karah ka awm tam ngai lova,mahse hei ka hrechiang tawh,Lalpa Pathian hian amah ka hlat a phal lova ,hetiang thil hi min tawrh tirin chak taka awm turin min tawrh tir ani ngei ang,ni e kan damchhung chuan mite tan kan famkim theilo,chu chu khawvel dan a ni . Kan damchhung chuan seltu leh haw tu kan nei reng dawn ,mahse chung thil te chu hmachhawn a ,hriat loh der hi mi chak te hmanrua a ni .









Keipawh midangte min selna avangin ka nun chu ahma ai chhia ah ka dah a ,mi runluih ka duh luatah tunah chuan ka pasal rilru tihah tu mai ka ni si,ka pasal ko ah phur rit ka hnutchhiah a ,tunah keimah avangin rilru hah zetin a tawngtai mek a ni si a. Ka dam a ,he ka natna hi ka hneh a nih ngai chuan khawvel mite ngaihdana buai tawh lo in ,ka nun,ka pasal fanaute leh Lalpa tan chauh ke ka pen tawh ang . Ka pasal tawngtai zo rawn meng chhuak chuan min rawn melh nghal chat a .








Ka lo nuihsak thung,ka biangah a rawn dawm a ,chiang zetin min en bawk “ I tha em ? Na te ila nei em " a tihchuan ka lu ka thing nawk nawk,a kut chu ka vuan a “ Ka lawm e,ka kianga i awm avangin" mittui tling pam chung chuan ka tichhuak sep ,ka kut chu rawn humin a fawp zauh a . Doctor a rawn lut zui bawk ,eitur nurse in an rawn keng a ,ka natna avangin ka ei tur leh turloh an siam hrang a ,ka thil ei thin ang zawng zawng lah ka ei thei tawh hek lo .







Ka taksa thatna tur zawk tih hre mah ila duh duh ei theilo a ka awm hi hrehawm ka tih ber a ni . Chaw ka ei zawh chuan u Ramtea nen chauh kan awm leh ran ,ka nu leh pa ten damlo dang ho tihbuai phak loh turin room hran ah min awm tir a , duh duh zat in min hmuh thei a ,a to pawh a to hle reng a,mi pakhat chiahin awmpui theih tih vel ngai lo vin an duh hunah an rawn kal mai zel ,tunah erawh ka pasal in min awmpui avangin an ni erawh an la rawn lang rih lo thung a ,ka pasal chu ka en a ,a chau ve viau in ka ring.








“ Ka tha a nia aw u Ramte treatment ka la reng a ,ka dam leh vat dawn a lawm " ka tihchuan ka kut a humna chu a hmer nghet sauh. A rilru tur ka hriat thiam pui ,sawi chhuak lo mahse ka kalsan a hlau takzet tih ka hria ,kan damchhung hi chuan natna tihbaiawm tak tak leh tihdam harsa tak tak ala rawn chhuak zel dawn a ,chu chu Bible pawhin a lo sawi lawk vek a ni a,sualna a pung anga hri a len tur thu te ,indo thuthang thlengin a thleng dik chho zel a ,engtik ah tak mihringte tawpna ni hi thleng ang maw .








A thleng thuaiin ka ring a ni,kei ngei pawh ka nun ka uluk lohna chuan ka taksa ngei chu a tichhe tan a ,inchhir reng reng in ka awm tawh chu a nih ber hi “ Pawnah sawn thu chhuak ang hmiang,thla eng ka thlir chak " ka tihchuan min pawm nawlhin tukverh chu a hawnga,damdawi in bathlarah chuan min thut tir nghal zat ,amah chu lut lehin puan a rawn la chhuak a ,min sin pui nghal hlun “ Ka lak a i lungawi loh chang te khan hetah hian thu in ka zai thina; vanlam enin duhthu ka sam fo a sin" a dar nghen pah chuan ka titi pah reng.








A ni erawhin ngawi rengin ka thusawi a ngaithla a ,ka kut chu a hum reng bawk “ Ka dam leh anga chuan fa duhawm pui pui ka hrinsak teuh ang che " nui hak hak paha ka tih chuan a nui ri ve hram,a lungngaihna hi vawm bosak vek ka duh . Mahse thusawi dan ka thiam tawk silo “ Mipa nge hmeichhia i duh?" tiin ka zawh chuan eng ang pawh a duhthu min hrilh a ,hmeichhia a ni emaw mipa a ni emaw a ni chuan a pawm vek thu a sawi chuan kan duhthusam mai mah la nimahse min tihlim tawk em em bawk .









Duhthusam pawh hian thlen dik hun a nei ve si a “ Ka dam veleh buh karah te khan ka awm vel anga,ka au leh anga ka tibuai leh char char ang che ,i sa channa ah pawh ka zui tlat tawh ang che " ka tihchuan a nui deuh huk a ” Sa i kah ve ngei a ngai a nihchu dam vat vat la ka hmun nuam tih berah ka la hruai ang che" ka chala fawh zauh pah chuan a tisup,ka chal a fawh hian ka thla a muang a ,fawp reng mai se ka duh. A awm pharh hlapah ka bei in ka lungngaihna a bo va , a kut ka vawn a piangin chakna ka nei thar leh thin .









A aw ka hriat apiangin ka infuih a ,ka taksa ah hian hlimna leh lawmna a awm thin bawk . He ka thingtlang pa,kuthnathawh nuam ti em em hi keichuan a nihna ang angin ka hmangaiha,a ni nena thingtlanga awm dun kha ka chak leh ber a ni . Thla eng hnuaiah chuan Aizawl khawpui eng ut chu kan thlir dun a ,bike ring tak taka tlan te ,motor insul pel zut zut te chu kan thlir dun a ,a tu a mah mah tawng tawh lo mah ila kan in ngaihsak tawnzia kan hre dun ve ve bawk .
999f616c624dce320b77c08c05720b24.jpg
999f616c624dce320b77c08c05720b24.jpg (9.22 KiB) Viewed 31146 times
ZAWMNA....







Thla eng hnuaiah chuan ka pasal dar ngheng chuan ka mit ka chhing diar diar ,a nilah a ngawi chawi sa nen ka natna ahriat atang phei kha chuan tawng silo in a hmel leh a awm dan a danglam zo va ,ka khawngaih viau rualin hnem dan ka hre bawk silo . Keimah avangin a nu leh pa bakah lo lam ngaihtuah thei lo in a awm dawn chu a ni si a “ U Ramte i haw leh mai dawn em ni ? Ka nu leh pa bakah lo pawh hal a hun leh mai dawn sia " ka tihchuan a rum nghut .









Nghet zetin ka kut chu a hmer a ,“ Ka kal dawn lo,lo lam chu ka u ten an enkawl tel mai ang,i damloh laia kal tur chuan min nawr lui suh" a ti deuh hmuk,haw tur a ka ti chu a lungawi lo hle tih ka hre thei ,ni e min ngaihtuah a . Ka dam loh chuan a mah bawk a buai leh ber ber a ni leh a,min ngaihsak em em reng tu a ni tihlah ka hai heklo,thi thut thei dinhmuna ka din lai hian min kalsan duh dawn lo tih pawh ka hre chiang viau,mahse ka nu leh pa te an mahni chauha an awm ka duh bik bawk silo .








“ Mahse ka nu leh pa ka ngaihtuah a lawm,englai pawhin i u ten an awm pui thei dawn silo a ,engkim hi keimah vang vek a ni " tiin ipik zetin ka thaw chhuak ham ham a. A awmah chuan hmai phumin ka kuah bet tlat “ Engmah i thiam loh a awm lo,tin ka kalsan dawn lo che engmah sawi tawh suh" tiin puan chuan min tuam tha in inchhung lamah min luhpui nghal zat . Khumah chuan min mutin ka chalah a fawp leh phawt a ,ka lo nuih seih,a beidawnna tur a engmah sawi ka duh lo ,min zai tu tur doctor kan zawng mek a .









Mahse hmu pawh ni ila min zai hlawhtling kher angem lah ka hre hek lo,hetiang thil serious tak takah hi chuan Mizoram meuh hi chu an lo tim leh thin bawk nen ka tan chuan a buaithlak viau,phai lam pan a ngai leh lo ang tih pawh ka sawi theilo . Doctor nei ve teuh mah ila doctor thiam tak erawh kan la neilo hi amak ka ti thin ,chu tih rualin doctor fel tak tak kan nei erawh ka lawm hle thung . Ka mut hma loh a meng leh dawn tih ka hriat avangin ka mit ka chhing nghal vat ,a chau dawn tih ka hriat avangin rei tak men tir ka duh lo.











Hun a liam a ,a ni telin keipawh ka tla hniam telh telh tih ka hria,ka taksa ka tiche tha peih meuh tawhlo . Rin ang ngeiin phai lam pan mai turin min ti a ,ka chhungte rilru hah leh min ngaihtuah chu an hmel a tla dawk a ,a bikin u Ramtea hmel chu hmuh a hrehawm lek lek tawh,a hmul a ziah ngai loh avangin a hmui leh biang vel chu a hmul a buk tawh hle,min ngaihtuah lo tura ka tih pawhin awmzia a awm ngailo,damdawi inah min awm pui chawt a ,min kalsan ngai lo hrim hrim. Ka khawngaih bawk si tih theih ka nei bawk silo chu keimah ka in dem lek lek tawh.









“ U Ramte min then mai rawh" nidanga fuih thin tu nimah ila tunah meuh chuan ka beidawng tawh lutuk “ Khatiang sawi tawh suh ka tihkha ,i men a i thawk ve tek tek chhung chu ka kalsan dawn lo che ,mu hahdam rawh naktukah phai lam pan tur kan nihkha hre reng rawh " tiin ka kut chu a fawp vang vang,ka chau bawk nen ka mu hil nghal thuai a .






RAMHMANGAIHZUALA POV....








Khuma ka nupui mu dang bai chu ka en a ,ka thaw leh hawk thin. A taksa awmdanah lah ka chan mai thei tih ka hai bawk silo,ni e ka nupui hi a ni telin a tla hniam telh telh a ni ,a kut chu ka fawp vang vang,ka mittui a tla hial mai . He ka nupui thawveng em em leh ngaihtuah em em neilo hi engtin nge hetiang natna hi pek a nih? Pathian pawh ka dem lek lek ta,ka enkawl turin ka angchhungah a rawn luh tir a ,mahse reiloteah hetiang khawpa na a tawrh tir leh si . A hmui ro deuh riapah chuan ka fawp vang vang a .








A samah chuan ka chul sak a ,ka nui suk he hmeichhe tello hian ka awm thei tawh in ka ring lo,a dam nan chuan engpawh ka huam a ni . A nat zual a piangin hlauhthawnna in ka khat a ,chan ka hlau hluah hluah,a mah avangin vawi tam ka tawngtai a ,mahse ka tawngtai chhanna erawh chu hmuh tur awm lo in a ngai te bawkin a ni tel maiin a tla hniam zel chu a ni si a . A bulah chuan mu thla in ka kuah bet vang vang,ka mutthilh chhunga a kal mai ka hlauh avangin ka mu tha ngai lo hle.







Ka venga a rum hlek pawhin ka chi ai nghal vek thin,hetiang khawp a ka hmangaih tur hi engvanga lo tawng har em em nge ka nih? Ka awmah chuan a rawn bei a ,engmah hrelo tih hriat takin a thaw sak sak bawk “ Laldinmawi min dam pui reng ang che i hria em ka Dî hnah hring mawi tak hi Di ro maiah chang suh ang che ,englai pawhin i vuai chhe tur a nilo,ka hmangaih che ka Dingdî" tiin a chhipah chuan ka fawp vang vang ,chan ka duh lo . Nilo ka phallo a ni zawk .







Kan inneih hlim ang mai khan awm leh se ka duh,ka kiangah harhvang tak leh hlim tak khan awm lehse ka duh,ka mittui chuan a biang a far a ,ni e ka tap lo theilo . Ka nupui reilote chhunga cher chak tak hi chan hlauhna in ka khat a ni,a harh that lai chuan mi chak tak angin ka awm a ,a mithmuha ka beidawnna leh ka mittui tih tlak ka duh lo . Mipa chak lo tak anga a mithmuha lan ka duh lo a ni zawk ,he anatna zawng zawng hi keimah hian tuar thei ila ka duh ,a hmuh loh laiin thinlung rum vawng vawngin a tan ka tlawm a .







Ka tawngtai fo ,mahse chunglam hian ka tawngtaina hi a haider emaw tih turin tunah meuh chuan ka nupui hi chan mai thei ka ni tih ka hailo,a taksa kuah reng chung chuan ka mit ka chhing vang vang,a nat lai pawhin ka nu leh pa leh lo lam thlengin a la ngaihtuah a ,he hmeichhia hi khawvela hmeichhe chak ber ka tilo theilo,hlim hmel min la hmuh reng thei te hi kei a pasal ngei pawh hian ka tluk lohna a ni .






Zing lamah a thawk a rawn buai a ,ka hlauthawng hle , doctor ho chuan an buaipui nghal sawk sawk a ,ka awm ve an phalloh a vang chuan thinrim zetin pawnah chuan ka vei kual a ,ka hmai tuai pawkin ka thu thla hnawk “ La bo suh " chubak sawi tur ka hre tawhlo,ka chau zo tawh . Leiah chuan thingthi in ka nupui an buaipuina room chu ka melh reng,heiai hian lo hre hma ila chuan ka hlatah nikhat te pawh a awm ka phallo tur .

Link:
BBcode:
HTML:
Hide post links
Show post links

mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » March 14th, 2023, 9:15 pm

KA PASAL THINGTLANG PA





CHAPTER 14





Dîtei nu leh pa te an rawn thlenga , thil awmzia min zawh chuan tawite in ka chhang a ,ka nupui an buaipuina lam ngawt chu ka en ,ka lungphu a ranga ,chantur anga ka indah ringawt pawhin ka lung chu ana ngut ngut thei . Ka kun hniam a ,ka lu ka dawm vang vang,awm dan tur ka thiam lo “ Ka tan i phal leh dawn lo a nihsi chuan engvanga ka hmangaih theih nana ka nuna lo lang nge i nih? Ka tan i pek hlen phalloh chu tinge ka nupui nih tir nge i nih,i la bo thei lo" tiin ka thaw hawk .









Chanchin an rawn sawi har lutuk te chuan ka thin a tihrim bakah hlauhthawnna ka rilru ah a tuh nghet sauh . Doctor rawn chhuak chu rang zetin ka pan nghal “ A tha tiraw?" ka zawhna chu eng chhanna nge min pek ang tih in a ni ka rilru luah tu chu ni “ A tha e ,mahse a rang lam in zai thuai nise a tha ang,a chhan chu hetiang reng chuan a nunna hi kan chelh zo kher lovang " a tihchuan a nu leh pa chu an lo bu nghat,chaw hnu lamah Bangalore lam panin kan thlawk dawn chauh a ,ka rilru buai lutuk bawk nen ka nupui awmna lam chu ka pan hmawk hmawk,a lo meng siar siar a .









Chu thil ka hmuh ringawt pawhin ka dam nghal sawng sawng,pan hnai in ka kuah a ,a kur cher deuh riak tawh chu ka fawp vang vang ” Min tihlauthawng lutuk" ka tihchuan ri si lo in a then leh sak,tawng a harsat tawh tih ka hailo. “ U Ramte min kal tir tawh mai la " a rawn tihchuan ka lu ka thing nghal nawk nawk “ Chutiang sawi suh,i dam leh anga kan pahnihin kan fate nen kan la awmdun ang,khatiang min kalsan tumna thu kha sawi leh tawh suh " ka ti deuh hmuk,thinrim khum duh lo viau mah ila a thusawi chuan min ti lawm lo em a ni .








A mittui a luang ngiai ngiai “ Theih se i tana nupui tha ber nih ve ka duh,mahse ka thei silo " a ngawi leh vang vang phawt a ,ka kut chu a rawn hum let ve a,chiang zetin min melh “ U Ramte min then la hmeichhe dang nei rawh ,ka kal hma ngei hian chu chu tila ka duh a ni,nangmah chauha awm tura kalsan che ka duhlo,chuvang chuan ka kal tak tak hma hian nupui dang nei rawh " a tih chuan ka lungawi lo hle “ Laldinmawi ka sawi tawh kha ,i natna avanga min kalsan hi tum suh kan hneh anga,hlim takin kan awm ang.








Min hmangaih ve a nihchuan hmeichhe dang nei tur khan min nawr lui leh tawh suh" tiin ka chhuahsan nghal vut ,a kianga ka awm reng chuan ka insum zo lo mai ang .






DÎTEI POV....







Ka pasal chhuak chu ka en vawng vawng, ka mittui lah chu a tla reng bawk si,ka taksa awm dan atang hian englai pawhin thi thut thei ka ni tih ka inhre chiang si .




“ Aw Khuanu ka hmangaih saw a na a sin,keimah vangin ana a nihsaw,i hnem thei angem,keichuan ka duh duhin ka hnaih thei tawh lo . Khuanu a lak atanga min la bo a nih pawhin ka aiawh tur a nunah tir hram rawh aw ,a mal phallo la ,lo venghim tlat ang che . A mittui hruk sak tur hmangaih tu pe leh la ,a nihloh pawhin a ni vang tal pawh sawn ka nunna hi min pe let ta che ,ka hmangaih saw keimah vangin nun beidawng leh khawharin a awm dawn a sin,chutiang chu ka phallo .







Ka hmangaih saw a khua a har a nih saw ,a lungngai bawk a . Kei hi min chelh a duh a sin,aw ka nunna chunga thunei tu ka hmangaih tawrhna avang tal pawh sawn hun tha dang ka tan i her chhuah pui thei hram lovem ni? Ka tello chuan a nun saw a chhe zo mai ang,ka Pathian vawikhat tal ka taksa hi a tharin min thlak sak leh hram rawh " mittui tla zawih zawih chuan ka phun sep sep ,ka pasal dawhtheihna leh duatna nen min enkawl tu chu ka tina mek a ni si a ,mipa azawnga ngawi chawi ber leh pa ber khan keimah avangin a mittui a ti tla ve ta a sin.








“ U Ramte ka nunah hian thu ka nei ngang silo a ,theih se i kianga awm a ,fa hrin sak che a nang nena enkawl dun ka duh a sin " ka mitthla ah chuan a hlim hmel a rawn lang a ,ka nui sak . Kan inneih tirh ka ngaihtuah lo theilo ,he mipa hi kalsan tur anga ka in ngaihtuah ringawt pawhin ka na em em a ,kei min theihnghilh a ,hmeichhe dang a nuna la lut leh tur anga ka ngaihtuah ringawt pawhin ka thik ngawih ngawih a ,mahse mal taka awm turin ka phal bik bawk silo . Hmangaih neih chu a thiang a ,mahse kan duhdan in a tawpna kan siam thei thin si lo .








Ka nu leh pa rawn lut chu ka en “ Nu ka pasal kha lo enkawl tha ru aw ,thlahthlam hauh suh u ,keichuan ka nun ka nei let leh lo a ,a ni khan hmeichhe dang a la lut a nih pawhin dang hauh suh u aw ,a hlimna kha lo ngaipawimawh ula chuan kei min theihnghilh theih nan ka chanchin a na zawngin hrilh suh u aw " tisep sepin ka en ,ka nu leh pa chu an bu nghat . Ni e u Ramtea hi Bangalore lamah hruai ve ka duh lo,a chhan chu enge kan tawh dawn ka hrelo a ,keimah avanga na taka a haw ka duhlo .








Chu ai chuan ka kal emaw kal lo emaw ka tello a nun bul a tan theih nan ka tirh haw mai a ngai a ni . “ Min ngaidam ang che ka pasal duhtak,mahse ka tih ngei a ngai si,tuna i natna aia na a i awm ka duh lo,chuvang chuan i nu leh pa bula i let mai a ngai dawn a ni,min haw viau ang ,mahse i hriat loh a kal mai hi ka duh zawk miau si a " tiin ka mittui chu ka hru ” Nu a awm loh lai hian kal vat ang u ,lehkha chu in hnutchhiah tawh maw ? Kal ang u ,min rawn hmuh chuan thil a harsa zo vek ang " tiin ka nu leh pa chu ka bia a .








An ni pawh chu an che nghal sawk sawk ,ka nu leh pa in dawt hrilhin u Ramtea chuan chawhnu lama chhuak tur angin min ngai ngei anga mahse a ni silo,ka rilru chuan ngaihdam ka dil mawlh mawlh,ka chetdan hi a nunrawng mah mah tih ka hria,mahse a hmuh laia kal ka duh lo. Ka thi a nihchuan a hmuh loh ruamah min vui sela,ka dam a nih erawh zawngin kumkhua a a kianga awm turin ka let leh ngei ang, doctor leh nurse te chuan min buaipui zung zung a.







Mi hmuh lohin kan chhuak thei hram,damdawi in lam chu ka melh “ Ka tihpalh aw ,hamhaih deuha i awm duhlo mah ila ka tih a ngai si,ka hmangaih che ,min ngaidam rawh aw " mittui luang zung zungin airport pan turin carah chuan ka thu lut a ,ka awmna a luh leh huna ka khum ruak leh engmah awm tawh lo a hmuh huna a hamhaih hmel tur thlengin ka mitthla thiam vek a ,chungte ka ngaihtuah chuan ka na zual. Kalsan loh mai ka duh,mahse ka hruai tel thei silo,tah hawm hawm ka chak a ,ka theilo .








“ Ramhmangaihzual ka hmangaih lutuk che tih hre reng ang che ,chutih rualin i chunga nunrawng taka ka chet avang hian min ngaidam theilo a nih pawhin ka dem dawn lo che ,a chhan chu min hmangaih avangin min zui a ,ka phatsan leh si che ,rilru baihvai zetin he khawpuiah hian i awm tur anga ka ngaihtuah ringawt pawhin ka khawngaih che ,mahse engkim hi i tan zawk a ni si " ka nu dar chu ka ngheng a ,ka tap zawih zawih reng ,tunah hian min zawng tawh hial mai thei .




End of Dîtei pov...







Rei fe pawnlama ka vah harh hnuah ka nupui awmna lam chu panin ka pen lut chhat chhat,mahse room lo ruak vek avang chuan meng kawk in ka tlan chhuak a ,ka zawng nghal vat . Midang te chu ka zawt kual a ,mahse tumahin engmah min hrilh theilo,a nu leh pa ka phone lahin an la thei heklo,ka hlauthawng zual sauh ,doctor ka lam pana rawn kal chu ka melh ngur.







Lehkha min pe in ka darah a beng thuk thuk,engmah ka hrethiamlo “ I nupui te chu an kal tawh,kha kha i nupui lehkha a nihkha " a tihchuan ka hrilh hai hle ,lehkha chu ka en vat. Chuta thil inziak avang chuan ka rum hawk “ Laldinmawi min lo hmangaih ve miah lo zawk a nih hi,i nat lai pawhin ka kiangah i awm duh chuang lo a maw ,a tha e engpawh tawk la i pasal ka ni tih tal hi chu rawn hre reng ang che ,i pasal i zahpui hian ka lo zarbuai rei lutuk che a ni e " tiin chhuatah chuan ka thu thla hnawk .








Engvanga min hrilh miahlo a kal nge an nih,dawt min hrilha min lo hruai an duh miah lo,ka nui ro hawk . Chhuat chu ka chum bur ,ka mittui luang chu engah mah ka ngailo, chan hlau em em a ka awm laiin a ni erawhin min la kalsan tho chu a nia,engang hmeichhia nge maw a nih ni . Damdawi in atang chuan chhuakin ka thianpa te in lam ka pana ,kawng tluan chuan vawikhat te mah ka tawng lo . Thi mai thei a nih lai pawhin a kianga awm phallo tu hmeichhia ka lo hmangaih chu a ni si a leh !







Ka thianpa te in ka thlen chuan min lo buaipui zung zung a ,an nu pawhin min lo be nghal sawk sawk . Kei erawhin ka chhang tha mumal lo, PUC ka kal laia ka kawm te an ni a ,ka chawlh hnu thlengin kan la inkawm fo va ,chuvang chuan kan in pawh zual bawk . Thil awmdan ka sawi chuan an chet tlak tlak “ An va tiawm ang lo ve ,hei leh chen i rawn zui a ,nangmahin an kalsan leh si che a maw,i nupui pawh chu a va timak ve " Ruata nupui chuan a rawn tichhuak a .







Engmah ka sawilo nangin Laldinmawii chunga ka lungawi lohna chuan min mawlh reng thung,min hmangaih ve miah lo tih ka hrechiang ta bawk a ,tunah rih chuan khawlama ka haw phawt angai a ni

Link:
BBcode:
HTML:
Hide post links
Show post links

mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » March 16th, 2023, 9:52 pm

ZAWMNA





Khaw lamah ka hawng a,ka nu leh pa ten thil awmzia min zawh chuan engkim chu ka hrilh a “ An va mak em em ve , hei chen i zuk awmpui a ,i duh vang reng nilo in nupuiah i nei a ,kan chungah lawm tak a ruangin hetiang zawng hian maw an rawn tih mualpho che a " ka nu chuan lungawi lo zet in a ti a ,kei erawhin tawng kam khat mah ka chhak chhuak leh tawh lo ,duh a thlang tawh a ,a dam emaw a thi emaw ka hriat a duh loh chuan kei pawh hian buaipui reng ka tum bik lo ve .







A duh chu tise la ka tibuai heklo ang,min hmangaih lo tu tibuai reng tur khawpa mipa laktlak loh ka ni lo ve . Nitin hna thawkin ka chhuak a ,Laldinmawii lak a ka thinrimna pawh ka theihnghilh phah ve fo ,ka be ngai lo va ,enge a chanchin ka hre ngai heklo. An ni pawh an reh vang vang,keichuan ka nupuiah ka ngai tawh lo,min phatsan atang khan ka nupui nihna chu a tawp tawh ,rim takin hna ka thawk a ,buh an rawn liana ka buai viau mai .







THLA 10 HNU AH




LALDINMAWII POV.....






“ Nu a kiangah ka let duh tawh " tisepin ka nu leh pa chu ka en “ Bawihte i hriat kha ,i lakah an lawm lova ,let tawh lo turin an duh che ani tih pawh " ka nu in a rawn tihchuan ka nui ringawt . Ni e ka lakah an lungawi lovang tihchu kha thu tlukna ka siam dawn atang khan ka hre tawh,a tlawm thlak ang tih pawh ka hria mahse kha thil kha tilo ila u Ramtea tan pawh a nuamlo dawn tih ka hria ,lo thi ila atan hei ai hian a na dawn ,chubakah ka na tawrh lai a hmuh reng ka duh lo .









“ Ka hria a lawm tunah hian hmeichhe pakhat nen an inzui nasa tih pawh,mahse nu reilote tal hmuh leh ka duh a ni " ka tihchuan hahthlak min tih hmel fe hian min en ,“ I la dam chiang lo tih hre reng ang che " a ti hlak hlak a ,ka lo bu nghat . Zirtirtu hna min hmuh sak bawk nen ka pasal neihna khuaah ngei zirtirtu hna thawh pah a u Ramtea hmuh ka duh a ni . Ka na viau nangin ka tihsual tih ka hria ,chuvang chuan ngaihdam ka dil ngei a ngai a ni.








Nithum hnu ah u Ramtea te khua chu ka lut leh ta , VC leh YMA hruaitu ten min lo hmuak a ,an khua a lo awm tawh ka nihna nen min be nghal bawrh bawrh ,ka awmna tur lamah ka inthiar luh rualin u Ramtea te in lam ka pan a ,ka tha a khur der der . Kawngka chu a inkhar a ,mahse an awm tih hriat takin thawm a ri leh thin a ,tha khur chung chuan ka kik dat dat “ Lo lut rawh " u Ramtea nu aw ka hriat rual chuan muangchangin ka lut a ,min rawn en rual chuan a meng deuh kawk a .








“ Nu in lo dam em?" ka tihchuan min chhang lo ,ka pa pawh a lo awm a u Ramtea erawh an sawi dan takin nula a rim a nih hmel,Zopuii leh Teruati hnen atangin engkim ka hre vek tawh tho va ,mahse keimah ngeiin fiah ngei ka duh. “ Nu min hua em ni" ka tihleh chuan a thaw ta hak “ I pasal pawh hruai lo in baihvai zeta Aizawl a i hnutchhiah hnu ah rilru na tak a ka fapa rawn haw hmuh kha nu tan hian a nat loh i ring em ? Ka fapa hi hnaih leh tawh lo la ka duh.









Hmeichhe dang tha tak tawng rawh se " a tihchuan a hmaah ka thing thi thla hnawk “ Nu khatiang khan sawi suh,kha thil kha ka duh vang reng a nilo,u Ramtea hi thihsan ta ila kha ai khan a rawn na haw dawn a sin. Nu ka tihpalh,ka kalsan theilo a ni" tiin ahma ah chuan kunin ka tap faih faih,amah tal hmuh ka duh . Ka haw tawh tih te hi a hre ve angem? A hriat vang zawkin a lo inthiar fihlim zawk nge “ Kan fapa duhdanah a in nghat tawh keini chuan a duhlo chunga nupui neih tir kan tum leh tawh lo .







Va haw phawt rawh ,zirtirtu hna i rawn thawk dawn tih kan hria a ,naktuk lamah i tlai palh ange " tihzawngin min chhang a ,ka chhang let lo . Ni e u Ramtea hian min haw tawh lutuk a ni,min pawm tawh hauh lovang,mahse ka bei leh dawn a ni,min hmangaih leh theih nan a nunah mi thar ang pawhin ka lang leh mai ang,muangchangin ka awmna tur hmun lam chu ka pan a ,ka thleng tep tihah Zopuii leh Teruati nen kan intawk a ,hmel inhmu lo ta chu kan la au vak vak lehnghal “ Awi ka lungphu a tawp dawn a lawm








Ramhuai emaw ka ti dawn cheu lawm" ka tihlak “ Nang pawh ,rawn len kan tum a ,khawnge i awm daih ni tiru kal ang u " tiin hma an hruai a ,ka luah tur in chu hawngin kan ri nghal hlut,an ni pawh hian u Ramtea ka kalsan khan min demin min be duh lo lawk a ,mahse ka hrilh fiah takah chuan an lungawi ve hram ,u Ramtea erawh in min pawm duh tawh kher in ka ring lo ,an tana ka hawn thawmhnaw leh bag vel ka hmuh chuan an rak chul mai “ Awi inkhawmna tur bag kan nei ve leh dawn ta ,a nalh bawk si a to viau ang a " Teruatin a rawn tihchuan ka lu ka thing mai .







Zep loh chuan a to ve reng,mahse ka tana an thil tih zozai te avang hian an lakah lawmthu sawi ka ba nasa a ni,Zopuii pawh u Zuala vanga a tawrhna te pawh a lo reh ve viau tawh a nih hmel “ U Ramtea chu pi Chhingi fanu Duati nen an inzui nasa ani awm a,keini pawhin kan hmu fo mai,i beih ve hle a ngai ang . Ka u lah hian a thianpa a nihna angin a thlawp nasa mai si " Zopuiin a tihchuan ka bu nghat nghat,tunah chuan u Ramtea chiah a ni hmuh ka duh ni .





(NAKTUK ZANAH DAM CHUAN CHAPTER THAR )

Link:
BBcode:
HTML:
Hide post links
Show post links

mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » March 17th, 2023, 9:01 pm

KA PASAL THINGTLANG PA







CHAPTER 15





KA SAWI FO TAWH A ,KOHHRAN LEH KHAWTLANGA HRUAITU CHIN KA NI VE A ,DUH DUHIN KA HMAN VE LO AW ,ENG EMAW NEUH NEUH TIH VE RENG NGAI,CHUTAH THINGTLANG KA NI A ,TUN PHEI CHU THLAI CHI THLAK,MANGKHAWH CHENIN KEIMAH CHIAH CHHUNGKUAAH KA AWM TAWH A ,TIN BIAL ZAIPAWL LO NIH TEL BAWK CHUAN BIAL IN MIN KO THUT THUT A ,HLA ZIR VE RENG KA NGAI A , CURRENT LO AWM LO LEHZEL NEN BATTERY NEILO CHUNG CHUAN KA TYPE THEILO AW ,MIN HRIATTHIAM TE HI KA DUH VE A NIA


A tuk lam atangin naupang ho zirtir turin school chu ka kal ve ta ngei a ,ka teacher puite nen pawh kan in pawh nghal viau,inrin lamah u Ramtea chu ka hmu tawh mai ang,Zopuii ten an lo a a feh ve dawn thu an sawi avang khan feh ve ngei ka duh . Lehkha ka zirtir lai chuan an bengchheng bawk nen an ngaithla tha thei meuhlo,a harh rual lek an la ni bawk nen enkawl an hautak dawn tih ka hre sa tho nangin mi an tihah zual ,ban rualin ka inbual fai a ,ka mu nghal thak.









Thil ka ngaihtuah neuh neuh a ,ka pasal chu hmuh ka chak lutuk,mahse khanu an sawi kha a rim leh tawh ngei ang,min hmangaih tawh lo tak tak a ni tih fiah chiah a ni ka duh ni . Min huat avanga min kalsan nge min hmangaih loh avang zawka hmeichhe dang pan tih ka hriat chian hma chu ka kir dawn heklo,ni a liam leh a keipawh feh turin ka insiam mawlh mawlh ,Zopuii ten min rawn sawm a ,kan inzui nghal hnak hnak . “ Ka u te chu in pa te nen an kal hmasa a ,Duati pawh a tel ve dawn a nia ,chuvang chuan fimkhur rawh aw,a ruk thei ang bera u Ramtea chu biak i tum dawn nia.










Keini chu kan inrawlh thei miah dawn lo a nia ,midang hmai ven a ngai ve dawn a ,nangpawhin a fala biakna hun i nei thei kher a ngem ka hrelo,ka sawi tawh ang in u Ramtea hi a rawn haw atang khan a nelawm loh zova ,keini pawhin kan be ngam lutuk tawhlo ,a tawng duh loh sa nen a hmel ah thinrimna a lang chhuak thin reng bawk sia ,a then phei chuan an hlau hial ania " tiin min hrilh pah,kum hmasa lama kan kallohna lamah kan kal a ,ka hawi kual ruai kan nunhlui a rawn lang zut zut,lo kan thlenga ka khur dar dar hmuh ka chak takzet tawh.









Thlam atang chuan hmeichhe nui har har ri a rawn chhuak a ,mipa tawng sup sup thawm chu tunge a nih tih ka hailo,muangchangin kan pan a,ka thaw ham ham thlam kawngka ah chuan lut in u Ramtea nen chuan kan inmelh ta chat . Khawdang hawi lovin min melh ngur a ,a banah chuan a bialnu chuan a kuah ran bawk “ U Duh inlo dam maw " ka tihchuan u Duha chu a bu nghat ,Zopuii te chu an tawng bawrh bawrh a ,u Ramtea bialnu pawh a nui leh har har tawh ,a sam a tawi a ,a hmeltha ve viau mai .







U Ramtea chu ka melh leh zauh thin,thil ngaihtuah nei ang mai hian ral hla tak chu a thlir vawng vawng a ,Zopuii te chuan chhuanlam min siam sakin a u leh Duati chu hnathawk tur in an chhuahpui hma sa a , u Ramtean zui ve a tum chu a banah ka vuan bet nghal vat “ Inbia ang u Ramte " tiin ka pawt thu a ,ngawi rengin min melh ngur “ Ka lakah i lawm lo tih ka hria a ,mahse khawngaihin inthenna thu pawh sawilo in hetiang hian awm suh,u Ramte ka ngai lutuk che a sin" tiin a awmah ka bei a ,min namsawn nghal dawt.








“ I duh i thlang tawh . Min hnaih tawh suh Laldinmawi,kha thutlukna i siam atang khan i pasal ka nihna chu a tawp tawh ,bialnu ka nei a a ni rilru tihnat ka duh heklo,tawk rawh se . I hmelhriat satliah ah min ngai ang che " tihmukin min chhuahsan a ,ka en zui vang vang,bialnu chu thu chuan ka lung a tina vawng vawng . Hna kan thawk a ,Duati an tihchu a tawng barh barh reng a ,u Ramtea chu a fiam leh zauh zauh thin ,u Duha leh u Ramtea pawhin an fiam deuh reng ,kei nen kan inneih lai ai a be tam daih zawk ,ka luak rawn chhuak lutuk avang chuan tlansawn in sawntlung hliahah chuan ka luak a .










Ka uak tuar tuar chu min ngaihtuah zetin Zopuii leh Teruati an rawn tlan phei,u Ramtea te pawh chuan ka lam an rawn hawi ve thap bawk . “ I tha em ,lo la feh duh loh tur che a nia ,ni a sa bawk si thlamah lova awm rawh " an tihchuan ka nuih ringawt “ Ka tha a lawm,ka pum a diklo mai mai a niang " tiin kan hmabak la awm lam chu ka pan leh a ,ka lu rawn hai chum chum avang chuan ka indawm vang vang,ka awn riai riai a ka tluk loh reng ka ring tawh lo ,ka kawngah chuan a rawn vuan chat ,tunge tih ka en chuan u Ramtea nen chuan chiang zetin kan in en ran mai.









“ Thingtlang hnathawh i zawh loh chuan awm ve mai mai ta che ,zirtirtu inia feh kher lo pawhin i inchawm thei ang chu,i thiante thusawi chu awih la va mu rawh " a tihchuan a kut chu ka vai sawn “ Thu min hrilh turin ka eng a mah inilo " tihmakin ka kalsawn,min ngaihsak tawhloh zia a tihlan chuan min ti thinrim tun mai ,thlamah chuan ka mu hnak,ka damdawi ka ei tha hle si a engvanga ka luak la chhuak reng nge a nih,thawk harsa tizetin ka thaw hawk hawk ,ni e hna hahthlak la thawk chi ka ni miah lo .








Chhun chaw fak hunah chuan an rawn phei a ,ka that leh thatloh min zawt nghal zung zung,u Ramtea te erawhin min be lo hrim hrim,mipa mize nghet takah ka lo ngai a ,mahse ka ringsual a ni . Chaw pawh ka ei ve duh ta lo,midang chhuah vek hnuah ka bulah a rawn thu a ,ka lama a kut a rawn phar chuan ka lo hawisawn nghal, mahse min hnaih zual sauhin ka biang tawn tawnah a rawn vuan a ,chiang zetin ka hmel chu a en “ I dam tawh em?" a tihchuan ka natna min zawt tih ka hria .









Mahse chhan tumna ka neilo “ Dîte min chhang rawh ,i dam chiang chiah em " a rawn tileh sup “ I buaina tur a awm lo,i hriat ve kher a ngai heklo,i sawi angin i bialnu chauh ngaihsak rawh " tiin ka hawisawn,a laka ka natna chungchang sawi pawh ka duhlo,hria pawh nise ka laka a rilru put hmang chu a danglam phah tawh dawn chuang lo “ I tha hle tawh a nih hmel" tiin a tho vut a ,a chhuak nghal nal nal . Mittui luang ngiai ngiai in ka en ,hetiang reng a nihchuan ka haw leh mai a ngai ang .







Haw kawngah pawh min be lo a ,a bialnu chu u Duha nen an chhawm dun a ,hmuh hrehawm ka ti lutuk chuan ka kal pawh a tiharsa vek ,in thlen rualin ka tap nghal hlawp hlawp ,inbual faiin rawng ka bawl a ,ka bawl zawhah thlanmual ka hnaih bawk nen u Zuala thlan tlawh tumin ka chhuak nghal zat,khua thim tawh mahse hlauhna ka neilo “ Hello u Zual " tiin thlan chu ka en vang vang ,nunhlui a rawn lang a , fiamthu duh ber a nih bakah a ni hi la awm se chuan tun ang hian tumah kan awm awm silo .







“ La awm ve la chuan i thianpa hi nang tal chuan i hrilhin kei min kalsan lo turin i hrilh thei ang tiraw ,Zopuii pawh heiai a hlim anga kan thianho pawh kan in kawm khawm leh tawh ngei ang . U Zual nang chuan u Ramtea hi a dik lohna ah pawh i hau ngam a ,chutiang bawkin keipawh la awm ve la ka ti,i awm loh atang chiah heng buaina te hi thleng a ni si a ,i thianpa hi a mangah tal hrilh ta che ,min ngaidam turin i thianpa hi ka hmangaih lutuk,kha ka thil tih pawh kha ka inthiam biklo,mahse kha cancer lo pawh kha kei hian natna ka nei a ,a hriat loh nan asin ka kal tir .








Tunah dam lam ka pan a,mahse a ni chuan min lo be duh tawh lo,u Zual i thianpa hi ka mamawh a sin le ,a ni chuan hmeichhe dang min tihnat a duh avang in a kawp tih ka hailo,min huat vang in a duh miahloh a ngaizawng tih ka hrethiam ve tho. Mahse na ka ti tawk em em tho si ,ka thik theih nan min ngaihsak lo der a ,ka hnaih ngam tawh loh nan chu nu chu a in nel tir a ,ka nat ve a duh a ni. Na taka ka awm a duh,i thianpa hian min haw tawh,min hmangaih ve tawhlo" tiin ka tap chhuak hawm hawm .









Eng kawng nge ka zawh ang, a tello a awm ka zir dawn nge ,ka bei let dawn . Engmah ka hrethiam lo,min thlah rei chuan khuareiin ka lunglenna te chu an hnem ngei anga,mahse; a mah ka hriat rengna erawh a reh ngaiin ka ring lo . A chhan chu ka hmangaih miau va ,muangchangin ka haw a ,ka in luah ka thlen chuan a lo reh thiap,ulâwng ruah ko a an hram thawm chu ka hriat awm chhun an ni,a khat tawkin Biakbairawk a hram leh thin bawk a ,ka awmna a fal bawk nen a reh tha viau mai . Ka phone a u Ramtea thlalak chu ka en ,min la ngaihven ve tih chu ka hria a .









Mahse min huatna avangin min ngaihsak angin a awm duh miah lo thung,vawiinah te khan ka tal buai laia a mitmeng hlauthawng zet kha ka hmuh hmaih lo,chutih rual erawhin ka tan beisei tur awm lo khawpin khanu kha a ngaihsak zawm a nihkha ,u Duha tak ngial pawhin min be duh tawh lo chu a ni sia ,ka thaw chhuak ham ham . Hun ka nei tlem a ,helaia zirtirtu a ka thawhna hi chu ai kal mai mai ka ni a ,a nghet dawn lo . Chubakah ka awm rei thei dawn lo bawk,a chhan chu damdawi in a luh reng ka la ngai a ,ka la dam chian tlat silo .








U Ramtea vang chauha helai hmun hi pan leh ka ni,ani hi awmlo se chuan ka kal kher lovang,mahse ka mipa hmangaih hi ka thlahlel ve miau si a ,ka lu nawm loh em avang chuan ka damdawi eiin ka mu thuai a ,a tuk lamah pawh ka tho peih meuhlo,inkhawm tur in ka kal theih pawh ka ring heklo,chawlhni nimahse ka nuam miau silo,ngaihsak tu nei loa ka awm chu ka rilru no chhuakin ka tap fap fap “ U Ramte ka damlo a nia aw ,min lo kan tal la ka va ti em " tiin ka lu na vawng vawng chu ka dawm ,damdawi ei leh in ka mu tha leh a .








“ Dinte " Zopuii te an ni tih ka hailo “ Rawn hawng tawp rawh u " tiin ka chhang hram a ,an rawn lut nghal . Ka awmdan an hmuh chuan an ngaih a tha lo hle “ Tinge ,nimin vang kha a mi,i nute phone mai ila" an tihchuan ka lu ka thing vat “ Doctor in hna hahthlak ka thawh an la phallo a ,ka feh leh sia chuvang a nih ka ring,ka mu anga a reh leh mai ang " tiin ka nuih sak a ,ka mit ka chhing nghal . Buaithlak tih hmel zet a an thaw ri te chu ka hre vek ,mahse ka chhang peih tawh ngang lo ka chau lutuk tlat “ A that ka beisei " chu mipa aw chu ka hailo,mahse ka meng chhuak peih hlawllo.








“ Keimah ni thiam loh a ni e ,a damkawr chauha lo ah kan rawn hruai a ,keichu ka ngaih a la tha tak tak theilo,Dintei awmdan hi a hmel te hi a dang vek a lawm u Ramte " an tihri te chu ka hre vek “ Chutiang tunah ka ngaithla duh rihlo,amah pawh hei a rawn chet theih tawh hi, ka haw phawt ange lo ah vawikhat mah rawn hruai tawh suh u . A taksa in a zo lo,a chungah thil tha lo a thleng a nihchuan" tiin a ngawi vang vang a ,a tawng leh tawhlo a chhuak riin a zui nghal . Mitchhing chung chuan ka thaw ham ham,min la ngaihtuah ve reng tho tihchu chiang takin ka hria a ni .

d3005ff48ab0ff0203f738ef559c3ca0.jpg
d3005ff48ab0ff0203f738ef559c3ca0.jpg (11.55 KiB) Viewed 18214 times
ZAWMNA .




RAMHMANGAIHZUALA POV...







“ U Ramte hrilh mai la ,a khawngaih thlak em saw ,i bialnu pawh ka nilo a in bum vek sia keichu ka khawngaih lutuk " Duati chu ka melh ngur ,Dîtei awmna lam chu a en daih thung a . “ Min kalsan na kha ngawi renga enliam ka duhlo,min kalsan a duh chiah em a lan tir hma chuan sawi a ngailo,min hmangaih a nihchuan bei ve rawh se " tihmukin in lam chu ka pan hmawk hmawk ,a lakah ka lungawi lo viau nangin a nat leh mai hlauin ka veng reng thung a ,in hmu chhuak sela min kalsan tum tawh lo sela ka duh.









In ka thlen rualin ka nu chuan min lo en reng “ Dîtei chu enge a an " a rawn tihchuan a that deuh thu sawiin ka room lam ka pan nghal zat . Inthlakin pawn lam ka pan leh nghal,vawkin chhe lai chu ka siam tha mawlh mawlh a ,ka rilru ah Laldinmawii bak loh a awm theilo,a natna chungchang min hrilh duhlo a ,a nat hlek pawhin ka talbuai tih a hre awm der silo . Tunah rih chuan Duati hi la thik tir zel ka duh,min kalsan kha a dikloh zia hre ve rawh se .







DITEI POV....







Kar a liam leh a ,thianho a len an tih avangin keiin ka car ka thawh a ,Zopuii te ho erawh in bike an keng a ,u Ramtea leh Duati chuan ka phurh kher an la tizui,thaw hakin ka phur ta hram,khaw thenawmah kan leng a ,u Ramtea chuan ka en ve leh Duati chu a kut a hmersak a ,ka inpet ruh fan fan . Thingpui dawr velah kan chawl ho a ,ka tawng tlem hle ,an pahniha hlim taka an awm ka hmuh chuan min ti tap lo chauh tawh,u Ramtea mizia a ka hmuh leh hriat ngai loh kha Duati chuan a chang bik vek .








Ral lam chu ka en vang vang,tlangah kan lawn a an ni ho chu thla la in an buai hle ,a hmawr teah chuan dingin thli chu ka in chhem tir heuh heuh va ,ka mit ka chhing chial bawk. Ka thlawk dawn nimai hian ka hria “ Hi ka lo ding ve thei angem " mipa aw ka hriat rualin ka en nghal vat,Zopuii ten thian thar an chhar mi an hruai tel ve chu lo niin ,a ni chu midang ang lo takin a vun a ngo hle . A tshirt hak chuan a taksa a phuar tanga mipa chhelo ve tawk tak chu niin ka hria ,ka bu nghat “ Aizawl atanga rawn thawk maw i nih a " a tihchuan ka aw veleh mai .









“ Rinsanga ka nia " ka lama rawn phar pahin a ti a ,tawlh hnung deuhin ka kut chu ka pe ve mai “ Dinmawii ka nia" ka tihchuan a nui suk a,ka hming chu a lo hriat tawh thu a sawi a ,mak ka ti viau “ Hmeltha hming te chu hriat loh theih a ni hleinem " a tihchuan ka nui hak,kalsawnin midang awmna lam chu kan pan a ,kan nui dun leh hak thin . Fiamthu a lo duh zek lehnghal,u Ramtea chuan keini pahnih chu min rawn en leh reng thin; ka ngai pawimawh duh bik lo,a ni pawh a hlim tawh a lawm,kan eitur lei ho chu phawrhin kan ei ho a ,fiamthu nen kan ri bawrh bawrh mai .










Rinsanga chu ka bulah a thu leh a ,kan sawi duh zawng a inang bawk nen kan titi tui viau mai ,a mah avangin ngui lutuk lo in ka awm phah a ,ka lawm viau zanlama a rawn len duhthu a sawi chuan ka lo remti ve mai,haw lamah chuan u Ramtea te bawk ka phur a ,kan in be lo hrim hrim,khua kan thlen rualin an chhuk a ,keipawh ka inluah lam ka pan nghal ,inchhung ka luh rualin ka thaw chhuak halh “ A rei tawh lo ang,thlahnih chiah lawm i awm dawn ,a ni pawh i theihnghilh vat dawn kha " tiin ka lung chu ka dawm a ,ka be mawlh mawlh .








Ka mittui chu hru in inchhung hnawk chu ka tifaia. ,ka zirlaite an rawn leng ve thin bawk nen ka in pawh a lûn ve thei viau ,rawng ka bawl lai chuan ka kawngka a rawn ri dat dat a ,lut tur a ka tih lai chuan thawm danglam deuh ka hriat avangin ka hawi phei thuai,Faki hmel ka hmu nghal,mahse ahma ang khan thinrim hmel min hmuh tawh lo thung,Teruati te khan pasal dang a nei tawh an ti tak e . “ I damlo tih ka lo hria a " a rawn tihchuan hamhaih zetin ka en ,kan in be tha ngai lo bawk nen thu tura tihna chang pawh ka hrelo.








Harh chhuak thut in thutna tur ka kawh hmuh a ,a pum a puar ak ka hmuh chuan nau a pai ve tawh tih ka hre mai,u Ramtea nen kan duhthusam ka hre chhuak nghal zawk ” I pasal chu tunge a " ka tihchuan Chhunga a nih thu leh an in bul chiaha mi a nihthu a sawi a ,ka lo bu leh nghat . Ngaihdam min dil chuan tihsual a neih loh thu ka hrilh vat,rei fe kan inkawm hnuah a haw a ,keipawh chu chaw ka ei zui nghal thuai,mut mai ka tum laiin ka kawngka a rawn ri a ,ka tho chhuak leh vat ” Lo leng rawh " ka tihchuan Rinsanga a rawn lang nghal .









A rawn nui lutsang a ,ka lo chhawn vat “ Lo len i phal sia ka rawn leng tawp a ,i thinrim lovang chu maw " nui chunga a rawn tihchuan ka lo nuih let ve hak “ Thinrim lo ve ,lo thu rawh thingpui ka rawn pe ang che " tiin choka lam ka pan a ,thingpui chu ka thli nghal thuai,thutthlengah chuan thu in a hawi kual a “ Zirtirtu hmeltha neih chu kan khaw naupang pawhin hma an sawn chak hle mai " a tihchuan ka nuih hak “ Awi iti awm ang lo e, ka la thawk reilo lutuk,chubakah ka thiam lo lutuk zawk,naupang enkawl hi a lo hautak phian a .








Mahse khua an ti har lo khawp mai " tiin a bulah chuan ka thu a,kan titi char char a nipawh Mumbai lamah college a kal thin a ni awm a ,a tawngkam pawh lehkha zir sang tih takah a felfai thlap lehnghal . A leng ve ta reng a ,kan innel nghal hle “ I thiante hi engtia i hriat nge " a tihchuan ka en ha “ Ih u Ramtea kha ka pasal a ni thin a" ka tisep,chutah “ Oh!" tiin inthiamlo hmel a rawn pu a “ Ka tihpalh ,i sawi duh loh thil ka sawi tir che a " a tihchuan ka nuih ringawt “ A pawilo i hriat ve kha a tha hrim hrim a lawm,ti daih ila hna i neilo em ni" ka tihchuan police lam a try thu leh result a nghah mek thu a sawi sup a .










Ka nuih var var ,a tlin ngei ka ring bawk a mah a palianin a hmelthat bakah a lehkhathiamna nen police tur tak chi a niin ka hria ,kan titi zawm zela . Hriat loh karah dar 10 a lo ri thuak tawh “ Ka haw phawt ange,nidangah ka rawn leng leh dawn a nia i phal chuan "min en chunga a tihchuan leng thin turin ka chah a ,in mangtha in ka thlah liam a ,inchhung luh ka tum lai chuan khuh ri deuh kharh ka hria a,ka hawi kual vat a thim bawk nen engmah ka hmu mai lo,inhera luh ka tum chu mipa tawng ri chuan min ti ding dat .









“ Mipa dang bula nuih chu a nuam bawk maw " rawn ti thum chhak ri chuan min ti ding chawt ,ka au tuar a ,ka mengkawk bawk ,thim kar atanga a rawn pen chhuah rual chuan ka thawk ka hip let vak,thawmhnaw dum vek a inbel a ,a hmai tuam mahse tunge a ni tih ka chiang lutuk tlat “ Enge tih i tum,misual emaw i inti em ni?" ka ti that,engmah sawi lo in inchhung lamah chuan min nawr lut dawt dawt . “ Min thlah rawh " ka mutna bik puana ka zar hliah chu hawngin khum lam ah chuan min nawr a ,“ Engvanga kha pa kha hnaih nge i nih" a rawn tihrawk








Ka chhang duhlo “ Min hrilh rawh ,i bialpa ani em" dawh thei lo tih hriat tak hian a rawn tileh “ Ni pawh nise enge pawi i hriat ve tur a awm lo,nang pawhin bialnu i neia ka zawt ve kher lo che" ka tihmak “ Laldinmawi min tih thinrim tum hauh suh " mai mai chuan ka thinrim lo bikah a ngai em ni? Nilo thinrim mai nilo in a huat in ka haw hluah hluah zawk “ Ramhmangaihzual enge i thinrim na tur awm ,enge ka nunah in rawlh i tum? Thu neihna i neilo ka duh duh ka bia in ka kawm thiang " ka ti ve hmak .







A rawn inher rem a ,a hmai tuamna la thla in a kawr chung a phelh nghal “ Enge tih i tum a " ka tihchuan min chhang lo ,light chu a off a ,a thim nghal vek “ Hmela " tiin ka on leh nghal “ Off leh vaih teh " ka sawi zawh rual rualin “ Ka thu" tih pahin a off leh nghal ,on ka rual leh “ Khawih tawh hlek suh chhuak rang rawh " ti tuarin a awmah ka nam dawt ,a che sawn eihlo light bawk chu a off leh,kan in on off siak hi a ni ringawt “ Va haw rawh ,i bialnu bulah i duh leh kal rawh " ka ti tuar.








“ Ngawi hmak rawh,ka dawh theih lai che hian mu la ,chu chu i tan a tha ang" tiin thutthlengah chuan a mah chu a mu nghal . Enge a hriat hrep ni “ Kan inneih hunah ilo tel ve duh chuan thu awih deuh khan awm la ,a tha ang" a thu rawn sawi kher chuan ka mittui a ti tling nghal pam,ka lung ana vawng vawng bawk “ Enge? Na i ti em ni? I ti tiraw " tiin ngeiawm zet hian a nui a ,u Ramtea hi a danglam tawh takzet “ I pasal i kiang a a awm i phalloh in a kalsan leh si che chu na i ti nge ,i mipa kawp a piang mualpho taka siam nuam ti hmeichhia ilo ni a ,a awm reng e he i hmel pawisawi lo hmel tak phena tur hlauhawm zet pai hi ka hmu har mah mah .









Tunah chuan i hmanrua chu ka man tawh khawp,i mittui kha ti tla hauh suh " a rawn ti hrawk,a thusawi tin chuan min vit nawn awn awn in ka hria ,a hmela min huatna lang chhuak chu ka hmuh hmaih lo “ Min chhuahsan rawh,ka chanchin i ngaihven a ngailo tihna a nihchu,i nupui neihni ah pawh ka rawn tel ve kher angaiin ka hrelo,pu Ramhma" tisakin kawngka lam chu ka kawk vah “ Chhuak rawh a nih loh chuan in khawtlang hruaitu te ka ko vang " ka tifak,za lo zet a khi sukin min rawn en.








Engmah sawilo in a chhuak zui a ,a thawm ka hriat phak tawhloh rual chuan ka tap leh ta zawih zawih,min tina reng mai dawn chu a nih hi,hmana ka pasal u Ramtea kha ka ngai a ni,tuna Ramhmangaihzuala hi ni lo vin . Hmana ka pasal tawng tlem leh rilru tha si leh min ngaihtuah em em tu kha ,tuna Ramhmangaihzuala ,tawng tlem mahse a thusawi chhun khakna leh tur pai hi ka tan chuan a nunrawng mah mah a ni.



( NAKTUK ZANAH EMAW CHAPTER 16 DAH KAN TUM ANGA,DAHLO THUT THEI BAWK AW)

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » March 19th, 2023, 9:52 pm

KA PASAL THINGTLANG PA






CHAPTER 16






Rilru na zetin hun ka hmang chho va ,dam chakna pawh ka nei tawh lo,tleirawl ho in lui kal pui min sawmna chu pawmin luiah kal turin ka insiam malh malh,u Ramtea te pawh an la inzui ngun hle tih ka hria,ka beidawng tan tawh . Mipa leh hmeichhia inkawm ho an ni bawk a ,kan beng chheng ve viau mai,kum 15 an tling deuh vek tawh a ,kawm pawh an nuam viau mai . Lui kan thlenga ,tumbu zawngin kan vak nghal,rinai a lo tam phian leh nghal ,chakai kan khawrh a kan ri chel chul mai ,ka kalsawn deuh a .










Thla lak ka duh vangin lengkir lam chu ka pan a ,engmah ngaihtuah lo leka chulai hmun vel ka thlir lai chuan lung nal rap palhin ka au tuar ,lengkir atang chuan ka tla thla nghal ka thih loh reng ka ring tawhlo,mahse a hnuai a kham chhawr dawh a hnim hrui lo uaiah chuan ka inham tang hman hram,mahse hrui chu chatin a hnuai lungah chuan ka insawh chawrh a ,ka lu a rawn lum pap,ka naute ho min au ri chu hre mah ila chhawn tur ka awmlo,ka khaw hmuh a fiahlo tial tial a ,a thim ta hmak mai .









Ka harh leh chuan khua a thim titih tawh ,lengkir atang chuan chhuahna tur ka zawng a ,ka awmna lai zawna ram hnuai luh pheina tur chu ka hmu hram ,ka ke na bawk nen muangchangin ka kal,ngaw chhung ka thlen phei leh chuan ka tlakna lama kal chhoh leh dan ka zawng a ,mahse chu kham chu thui zetin a lo in dawh phei put a ,ka mangang tawh hle . Ka bo tih an hre tawh ngei anga,khawchhung lam an rawn thawk chhuak ngeiin ka ring,khua a rawn thima kalna tur lam hre lo in ka kal buan buan ringawt,ka lu lah chu thi a chhuak reng bawk nen ka kawr chung chuan ka tuam hnan a .




InShot_20230319_082714524.jpg


Ka kal pawh a ti harsa viau,ramhnuaiah chuan baih vai leh hlau siin ka vak kual vak a ,a thim tawh nen ka kalna lam pawh hre lo in ka vak ka vak a ,ka kal thui ve tawh viauin ka ring,a vawt ka ti bawk nen ka khur dar dar ,ka thi dawn ah ka ngai min rawn hmuh loh chuan he hmunah hian ka vakvai ngei ang . Ka rilru chuan u Ramtea chiah ka ngaihtuah,ka ngai lutuk chu mittui tla pahin hmalam ka pan zel ,thui fe ka kal leh hnu chuan ka chau tawh lutuk chu ka thu hnawk. Ka kal thei tawh ngang lo,ka rilru in ka pasal ka au a ,mahse a hre pha awm der silo .








RAMHMANGAIHZUALA POV...







In ka thleng a ka nu chuan min lo en kar ,thil thleng a awm a ni ngei ang “ Bawiha insiam la ,mibo zawng turin i chhuah nghal a ngai dawn a nia " ka pa in a rawn tihchuan ka melh nghal vut ,tu tak chu ni ang maw. Rualbanlo a nih ka ring ,chutianga heng laia bo thin chu rilru kimlo an ni tlangpui bawk nen ka ring nghet hmiah “ Tunge " hriat ve hrim hrim ka duh avang chuan ka zawt nghal vut “ Dintei" an tihchuan ka thil tih lai ka chawl nghal “ Kan khaw tleirawl ho nen luiah an kal a ,chakai kan khawrh chhungin a bo an ti a ni awm a ,an zawh chiannaah lengkir kham lam a a kal thu an sawi " ka nu in a rawn tihchuan engmah sawi lo in ka insiam nghal .









Ka lung a phu nghal dup dup,a chungah thil tha lo a thleng a nih vaih chuan,ka thaw hawk . Ka ippui ah chuan tui leh chaw funin ka chhuak nghal “ Engtin mah awm miah suh" tiin ka phun chhuak sup ,khua a thim tawh lehnghal engtin tak awm ang maw . A la dam angem,damin ka hmu leh angem? Hlauhthawnna hlir in ka khat “ Min kalsan i duh a nih pawhin engvanga mahni in tina zawnga che nge i nih le " ka tih dan avang khan a rilru na in chu lengkira zuangthla angah min ngaihtir ber,keimah chu ka inhaw hlur mai. Kalkawngah midang kal ve tur dang ka um pha a.









Feh lo a khawchhunga awm ho erawh a hmunah an awm tawh a nih hmel,phone signal a awm lova ,chanchin engmah kan hrelo ,lui kan thlen thlak chuan light nen kan zawng a ,ka au mahse thawm a reh vawng vawng . Naupang ho in lengkir an sawina chu panin ka en thla a ,a sang bawk nen engmah ka hmu theilo “ Khawiah mah hmuh tur a awm lo,lengkir hnuaiah pawh kan intir thla tawh a ,mahse hmuh tur a awm lo ,a buaithlak khawp mai ,a thawm lah hriat tur a awm bawk silo " pu Vunga chuan a rawn ti a ,midang pawh chuan an lo sawi ve tliar tliar .








“ A tawp nan en leh ila,naktuk lamah kan zawn chhunzawm leh mai dawn a nia ,zan thil te a ni si a ,zanah chuan kan khawhmuh a tawi nen,ni khaw hrelo in a awm palh emaw a thi emaw pawh nise chhunah a hmuh chian theih zawk ang" an tihchuan ka kut ka hum ruh fan mai. Thi chu thu chuan engangin nge min nghawng tumahin an dawn phalo,lengkir hnuai lamah chuan ka chhuk a ,midang chu min hawsan mai turin ka hrilh,Duhan min zui a tum chu ka hnial vat .









Ka hmuh dawn leh dawn loh ka chian loh laia a ni tih hah ka duhlo,ka tihluih tlat avangin a haw a ,ka hmalam ngaw thim mup lam chu ka en vung vung,ala dam ka ring fan. He lai atanga a tla a nihchuan a taksa hmuh tur a awm ngei ang,keihian a thih ka ring ve theilo ,he ramhnuaiah hian baihvai taka awm turin ka duh hek lo ,ngaw lam chu panin ka kal nghal mawp mawp ,ka au pah bawk . Chu ramhnuai reh ruihah chuan mangang zeta ka hmangaih hming lama ka au ri chu a khawk rum rum ,hmalam chu ka pan mawp mawp .









Thui fe ka kal leh hnuah ka au leh a ,ka beidawng rum rum tawh . Ka lung zawn chu ka dawm “ Ka tihpalh,Laldinmawi ka ngai lutuk che " tisupin leiah chuan ka thu thla hnawk . Tinge ka hnen a rawn pan tang tang laia ka lo pawm mai loh,ka tina a ,ka awm a nuam leh thei chuang silo . Mipa lak tlak loh mipa ti a inchhal ngam tur pawh ka nilo ve “ Dîte " a tawp nan ka au leh, beidawng zeta ka thut kun lai chuan min chhawn tu ka thlang lam atangin a rawn awm a ,ka tho nghal zawk .







“ U Ramte " chu aw chu ka hailo,chak zetin thlang lamah chuan ka tlan thla a ,light chuan ka en kual ,khur dar dar a thingkung nghenga min lo en kiau tu chu hnaih thuaiin ka pawm bet nghal chawt “ Nangmah ini em,i ni em Laldinmawi " tiin ka kuah nghet sauh sauh ” U Ramte keimah a lawm" tiin ka nghawngah a rawn nawr nak nak.




End of Ramtea pov






Ka pasal in chutia duat deuha min kuah leh min ngaihsak zia a tihlan leh chuan ka mittui a luang ngiai ngiai,a vawt ka ti bawk nen a taksa lum chu ka hnaih zual sauh. Harh chhuak thut ni awm tak hian ka taksa atanga awmsawnin a tho nghal vut chu ka en kar ,kan bul vela thing chu a fawm nghal zung zung a ,mei a chhem zui nghal . Min thlahlel ve emaw ka tihna te chu chawp leh chilhin an bo a ,ka kun nghal daih ,ka hma ah a rawn thu hniam a ,ka lu ka tuamna chu phelhin eng hnim emaw hi a tui sawrin a bel a ,ka lo ner sak a thip zek mai.









A tuam tha leh a ,ka chau hnawk thei,ka pum lah chu ka ril tam avangin a ri kuar kuar leh nghal,min en vutin a ip pui chu a zen a ,chaw fun a rawn phawrh nghal . Sa rep rawh nen a rawn phawrh a “ Ei rawh,i ril atam a nihkha " tiin a mah chuan min theh sak zung zung,muangchangin ka ei mial mial ,sa rep chu a hnip tur lai zel min pe a ,chu chuan ka mittui a ti tla leh tawh . Kan nun hmasa ka ngaihtuah chhuak zel “ Keimahin ka ei ve thei a lawm,ngaihtuah ka ngailo " ka tisep,ka thusawi ngai pawimawh lo zet chuan a tih ngai chu a tih chhunzawm zel tho .








Ka eikham chuan ka chau tawng khawng tawh bawk nen ka mu thlu lawp lawp a ,u Ramtea chu ka bula thing ngheng chuan a rawn thu a “ Rawn kal rawh " a tihchuan ka pan duh mai lo,nakina min hmuh sit lehna tur tih ka duhlo “ Hmanhmawh la ,khua a tlai zel a nia ,khalaia mutthluk ai chuan hetah rawn kal rawh" tiin ka kutah a rawn vuan leh chat . Ngawi reng chuan ka pan a ,a sira thut ka tum chu min pawt in a mal chungah a mah hmachhawn zawngin min thut tir a ,a awmah ka lu chu a kuai bei nghal hmak .








“ Muhil rawh ,naktukah midang rawn thlen hma in i chetsualna bul tal kan thlen angai a nia ,engtin nge helam lamah i awm " a tihchuan thaw ham hamin a kawr chhungah chuan ka kut ka zen lut ,ka mumang mai ani leh ang tih ka hlau . Ka mittui chu a kawr awmah chuan ka tat nak nak “ Lengkirah khan ka tla a ,Chuan ..ka thi dawn emaw ka ti tawh a" ka tihchuan min kuah nghet sauh a ,na tih hmel deuh hian a rum kawk bawk . “ Mahse hruiah ka in vuan tanga hla chhawr dawh zawkah ka tla a ,ka lu ka sawh a engmah hrelo in ka awm zui a .








Ka harh leh chuan khua a lo thim titih tawh a ,chuan ka vak chhuak a ,khua a rawn thim zui bawk nen kalna tur lam hmulo in helamah hian ka kal ve tawp a,ka.....ka hlauthawng lutuk bawk nen khan thi turah ka indah tawp tawh . Pathian hnenah khan ka kal hma a vawikhat tal min hmuh tir leh tur che in ka ngen hial a sin " tah chhuak zet chuan ka ti tiau,ka chalah a rawn fawp a . Ka mit ka chhin rualin ka mittui a tla lehnghal,ka chala a fawh lohna nikhua pawh a rei ta hle mai “ Tun atang chuan ka tello in khawiah mah kal tawh suh,nangmah i intih nat phah ziah chuvang chuan inah awm la,i nu leh pa pui zawk rawh .









Helama che tla chi ini lo,ho te ah pawh i nunna i chan thei a sin " a rawn tihchuan min la ngaidam miahlo niin ka hria “ U Ramte min hnaih duh tawh ngang lo em ni? Min haw viau ami a " amah chu ka en kar ,engtin mah min chhang lo . Awmsawn ka tum lahin a phal bawk silo “ Lo thi daih ila tha tur" tiin ka mit ka chhing, ka meng thei tawhlo . Ka chau hluah hluah “ Lo thi ila,engkim a fel nimai tur,engkim hi ka mumang mai nisela " tisepin ka hriatna chu a hla tial tial a ,a reh ta duk mai .








Zingah chuan tho in ngawi rengin kan kalna lam ah chuan kan let a ,kan inbe lo ka lu tuamna nen ka chetsual hlauin ka kutah a kai tlat,ka hrethiam theilo min kalsan hlau viau siin min hnaih tak tak duh chuang silo,ka tlakna lengkir chu kan hel a ,a tawpah a tira naupang ho nena chakai kan khawrhna chu kan thleng hram ,reiloteah tawng thawm a rawn awm nghal mai reng a . Khaw mipui an rawn langa him dama min hmu chu an lawm hmel hlawm hle ,a thenin chanchin min zawt mawlh mawlh bawk a ,ka chhang sei duh vak lo thung .







ZAWMNA ...






In kan thlenga khaw mipui ho chuan min lo hmuak thap,ka chetsual dan u Ramtean a sawi chuan an lo chet tlak tlak hlawm a ,vannei min tih thu an sawi sap sap. Zopuii te unau leh hman u Duha bialnu khan min lo buaipui vat,ka in lama kal kan tum lai chuan u Ramtea bawk chuan min rawn vuan chat “ Nangmaha in enkawl chi i nih loh kha ,kan inah i awm ang " a tihchuan ka kut ka paihsawn hmak ,a duh duh a a tihkual tur ka ni bik lo “ Keimahin ka in enkawl thei,min ngaihsak a ngai lo vang " ka tihlai chuan u Duha nen an phun hluk .








“ Lalduhzual nang kha lo tawng ve suh,keimahni inah a awm ang,tirawh u Dinte kal ang,nangmaha awm chu a chiloh " Lana-i chuan a tisap,u Duha chu a melh rum hle . He mite pahnih pawh hi an la ni tluang zel a nih hmel ,Zopuii te chuan min kalpui an tum a ,khaw mipui an awm tawhlo bawk nen keini ho chiah kan awm tawh “ Ka sawi tawh ka bulah a awm ang " tihrawkin min rawn pawm kang nawlh ,“ Ramhmangaihzual i bulah ka awm duhlo ,nang a min lainat derna hi ka mamawh lo tih hre rawh " ka ti tuar tuar ,ka lu na zawk avang chuan ka ner sak .









“ Tal vak vak suh,kha i nat kha awm tha rawh" a rawn tihchuan ngei zetin ka melh,ka mittui a tling pam “ Min tih hrehawm reng ai chuan min thih tir daih mai ta che " tiin ka phun chhuak sap ,chu thu ka sawi rual chuan a hmel a danglam nghal vek. Thinrim hmel em em hian min melh bawk a “ Khatianh vawikhat pawh sawi leh tawh suh " tih thu chauh chu sawiin inlam panin min kal pui nghal pawk pawk,a tawng leh tawh lo va ; a hmel erawh a rum tha viau thung.









Kan thiante chuan kan hnung lam atangin min nuih tih ka hria ,ka mittui chu ka nuai nak nak ,in kan thlenga a nu leh a pa chuan min lo chhawn nghal thuai “ E Dinte i tha maw? Kan ngaihtuah lutuk cheu a ,bawiha lah a rawn haw bawk silo Duhan chanchin a zan a zanin rawn sawi lo se chuan kan mangang viau ang ,khumah va mut rawh pawm reng lo khan" ka nu chuan a tihzawm a ,u Ramtea chuan room ah min luhpui nghal,chhuak leh in tuilum a rawn chawi lut a ,ka lu thi ka sam nena inchar chu a rawn dep .







Ka ner sawk sawk mai,ana lutuk tlat a thip bawk si. Zopuii te ho erawh u Ramtea nu te nen kan chetsualna chanchin vel leh an hlauhthawn zia sawiin an ri nak nak ,u Ramtea chuan ngawi rengin ka lu hliam lai chu a ti fai a ,a hnuah damdawi hnawihin min tuam sak nghal thlap . Khawiah nge a bialnu teh hi a awm ni,mipui karah pawh khan ka hmu miah lo “ Din kan haw ange aw ,zanlamah kan rawn leng leh dawn a nia " Teruati chuan rawn tiin an inzui chhuak zui a ,ka en liam tawp .








Tunah chuan ka chhuahsan tawh inchhung ngeiah ka awm leh ta ran a ,lawm tur nge lawm loh tur tihpawh ka hre lo . Ka lai tha deuh hu ten ka hria,ka lu hai muai muai vang chuan ka mu thla vat . Ka ner sak sak mai “ Ala na viau em ? Mi i ti mangang a lawm,mama lah kha i chanchin kan hrilh rual in engmah sawi lo in a insiam a,a chhuak zui ta mai sia kan ngaihtuah lutuk cheu lawm tunpawh i damdawi tur leiin a chhuak a nihkha " ka nu in a rawn tihchuan ka nuih sak “ Nu in chunga ka thil tih avang khan min haw viau ang tiraw " ka tihchuan a ngawi vang vang








“ A tirah kha chuan haw ve e ,kan fapa hrilh hai leh rilru na zeta a rawn haw hmuh kha chuan nu leh pa tan khan a nat thlak a sin,mahse tunah chuan huatna che kan nei tawh lo . Bawihi kan fapa hian a hmangaih che tih kan hria a ,tina tawh lo la ka duh a ni" a tihchuan ka ngawi deuh vang vang “ Ka tihpalh nu,min hmangaih ang chiahin keipawhin ka hmangaih a ,mahse ka rawn kir leh meuh chuan engkim a danglam tawh,mahse ka hrethiam tawh e . Heng hrehawmna zawng zawng te hi ka insiam a ni a .







Ka tawrh tur ve rengah ka ngai,Pathian hian ka pasal laka ka thil tih dik loh zia leh nupui nih awmzia leh pasal neih awmzia ka hriat chian theih nan ka tihsual tur min chhawp sak a ,nupa inkar lo thuk zia leh pawimawh zia leh kan pasal te kan rin ngam leh an thlazar hnuaia awm that zia ka hriat theih nan mittui tla turin min hnutchhiah ta a nih hi . Nu ka tiam a che ,ka dam a nih chuan u Ramtea hi ka tina leh tawh lo anga ka thlah zalen tawh ang,a duh thlang turin ka kal tir tawh ang " mittui tling pam chuan ka sawi chhuak.








Ka nu in thusawi tuma a ka a anzuau lai chuan u Ramtea a rawn luh avang chuan a ngawi leh daih a “ Hei ei rawh " damdawi leh tui chu ka hma ah a rawn keng kang ” Ka duhlo " ka lo ti thuai “ Ei mai rawh Laldinmawi " ka hming puma engvanga min ko ziah nge maw a nih ni ,damdawi chu la sawkin ka ei a ,khumah chuan ka mu nghal hnak “ Chhimbal mawina hmu a ,khawih pha silo ka nih hi " ka tihchuan min melh ngur mai “ Chhuak tawh rawh keimahin ka awm duh" ka tihchuan ngawi rengin ka bulah chuan ala thu deuh deuh lehnghal .







A luhlul si biak leh pawh ka duh tawhlo,ka chau bawk nen ka muhil leh nghal thuai.



(NAKTUK ZAN CHU KA STORY THAR TUR KA DAH ZAN A NIA KA AWL DAWN AW)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)