KA PASAL THINGTLANG PA(BONUS) BY MAWITEI BAWITLUNG (Completed)

Moderator: writers

mawitei bawihtlung
Posts: 754
Joined: November 18th, 2020, 12:53 pm

Re: KA PASAL THINGTLANG PA CHAPTER - 1 BY MAWITEI BAWITLUNG

Unread post by mawitei bawihtlung » April 5th, 2023, 9:03 pm

KA PASAL THINGTLANG PA






CHAPTER 22



BY MAWITEI BAWITLUNG


InShot_20230404_194228325(3).jpg

DINTEI POV...





Ka mit chu men tumin ka tang vat vat ,ka naute tap ri chuan chakna min pe a ni . Ka meng chhuak riai riai “ Bawihte ,ka fanu " tiin ka phun sep sep a ,ka hawi kual nghal . Ka nu in ka fanu a lo lawm mawlh mawlh chu ka hmu nghal “ Nu" a rawn hawi nghal vat,chutah mengkawkin min rawn pan nghal “ Awi bawihte ilo harh ta maw ,Lalpa ka lawm e " tiin ka fanu chu min rawn hmuh tirin min kuah nghal a “ Nu khawiah nge ka pasal " ka tihchuan a ngawi dat .







Ngaih tha lo zetin ka en “ I pa in a hna ah pui turin a duh a ,kan car zawrhna pawh in nupa hmingin kan dah a ,chutah chuan a thawk mek a ni. Lawk aw kan phone ange " tiin a phone chu a phawrh,kei erawhin ka fanu chu ka ban vat,ka kuta a awm chiah chu ka mittui a luang ngiai ngiai,a mitmeng chuan min en kar a ,min be ve ni awm takin a rawn rak ve nawk nawk . Ka nui hak “ Ka fanu " tisepin ka kuah vawng vawng ,rei vaklo hnuah kawngka a rawn inhawng rawk a . Ka pasal hmel ka hmu nghal .









“ U Ramte " ka tihrualin min rawn kuah nghal thlawp “ Ka ngai lutuk che " lungchhe aw taka a rawn tihchuan ka mittui a luang leh ngiai ngiai “ Keipawhin ka ngai lutuk che " tiin a nghawngah hmai ka nawr tawk,kan fanu rawn rak that a vang chuan kan inthlah vat . A rawn nui suk a ,ka hmuiah chuan a fawp nghal zat “ Ka ha ka nawh lohna a rei tawh si ka rimchhia ang " ka tihchuan min fawp tha leh ngat “ I engkim hi ka ngai vek ,chuvang chuan khatiang rimchhia tih kha chu sawi lo law law rawh,ka tan chuan i rimtuiin zûn i la ngah reng " a tihchuan ka nuih ve hak .









Doctor Davida leh ka pa an rawn lut a, doctor Davida chuan min en nghal mawlh mawlh “ Tunah chuan i dam ta var e ,ilo harh har lutuk a ka vaw tep che a ni " a tihchuan ka ner nang “ Ni engzat nge ka harh tawh loh" ka tihchuan a nui deuh huk a “ Thlali chuang i mu tih i inhre miah lo chu a awm tho ve ,i pasal hian nitin zantin a veng che lawm,in fanu pawh in a ngai tawh khawp che a nih hi,nu hi chu fate hi chuan an hre riau a nia " tiin ka mal chunga ka fanu thlamuang taka mu chu a en .







“ Ka lawm e David,nang awm lo la chuan ka dam chhuak kher in ka ring lo " tiin ka nuih a . Nui ve var varin a chhuak zui nghal ,ka fanu kut chu ka chelh a ,ka hmai ka nawr tir thlali chhung ka hnute tui tello in a lo awm chu a ni dawn si a le ,u Ramtea chuan min rawn pan leh ,ka lo nuih sen sen . A ni hmangaih ka ni thei hi ka lawm a ni,min hmangaih tak tu ka tawng hi ka vannei ka tilo theilo “ Kan fanu hi tunge a hming " ka tihchuan ka kut rawn chelhin ka mitah tak a en “ I nu leh pa in hming an la phuah rih lova " a tihchuan mak tiin ka nu leh pa chu ka en .








Min rawn pan hnaiin ka pa chuan ka kutah a rawn vuan “ Kan ngaihtuah bawk che nen i rawn harh mai kan rin avang khan kan phuah duh lawk lova ,tunah chuan ilo harh leh avanga lawmna nen a hmingah Lalfakmawii ni rawh se " a tihchuan ka fanu chu ka en vang vang . Ka sirah chuan mut tirin ka pasal chu ka kuah “ Min hmangaih avangte,i beidawn duh loh avangte leh min rin tlat avang te hian ka lawm e aw u Ramte ,ka hmangaih zual sawt che " ka tihchuan a nui suk .







Ka nu leh pa chuan hun min pe in an chhuak a ,chuveleh u Ramtea chuan ka biang tawn tawnah rawn vuanin chiang takin min en “ Ka mumang mai inilo tih sawi rawh " a rawn tisup,a aw ah chuan ka harh chhuah mai a la ring lo tih a hriat,ka bu nghat “ Keimah i nupui Laldinmawii ngei ka ni,KA PASAL THINGTLANG PA kha ila ni reng tiraw?" ka tihchuan a nui deuh hawk a“ I pasal ngei ka la ni e,mahse tunah rihchuan i pasal hi khawpui ah awm a la ngai rih si a,a nupui leh a fanu duhawm zet tan a theihtawp a chhuah mek a ni " a tihchuan a awmah ka bei vang vang .









“ Keilo hmeichhe dang ilo melh em?" ka tihchuan nui sukin a lu a thing nghut . A darah min bei tir a ,kan fanu ka sira mu chu kan en dun “ Ka lawm e ,i rawn harh leh avang leh fanu duhawm leh hmeltha tak min pek avangin " tiin ka chalah a fawp zauh . Ka nuihsak ,kei deuh hi ka hlim a ni . Ka pasal hmel hmu leh thei leh ka fanu enkawl thei tur a ka harh chhuah leh avang pawh hian Pathian hnenah lawmthu sawi mawlh mawlh tur ka ni tih ka hria .



ka next story tur one night deal tih leh the beast tih a rawn chhuak dawn a ,like leh comment min lo pek ve in min lo chhiarsak leh vek ru aw




A tlai a tlaiin inlamah in enkawl zawm tur in kan haw a ,a chhan pawh doctor ten engmah thatlohna ka neih tawh loh thu an sawi vang a ni . Kan in kan thleng leh chu ka thaw huai thei,damdawi in boruak rit lutuk kalsana ,mahni in ngeia ka han haw leh thei chu ka lawm bawk . U Ramtea chuan min veng chawt a ,min kal hlat san ngai meuhlo,zanah ka bulah mu in min kuah hlun a ,a kut chu ka khalh sak neuh neuh “ Ka mut reng lai khan,ka suangtuahna ramah kan chhungkua in kan lo leng ho thin a.








Phul leh pangpar vul chukna hmunah kan lo infiam a ,kha mumang kha a bo mai ka hlau thin . Mahse tunah chuan in kiangah ka awm leh thei tawh a ,ka mumang kha thleng dik angah ka ngai . U Ramte kan khua ka ngai a ni,he hna hi engtik thleng nge i thawh dawn " ka tihchuan chunglam hawiin a ngawi deuh vang vang a “ I pa te hian kan puihna an mamawh,Dîte in sumdawnna hi in chan thut theia ,mahse chu chu ka phal loh avang leh i nat ka duh loh avangin ka en kawl a .







Ilo harh huna i lungawi loh ka duh loh avang chauhin a ni ka enkawl ni" a tihchuan ka bu nghat . Ka kuah lehnghal ,ka taksa chu ka bo mai ang tih hlau ni awm takin a kuah nghet “Muttui ka pasal hmeltha" tiin ka mit ka chhing a , eng buaina mah tawk tawh lo ila ka ti takzet . A tih fo danin ka chalah a fawp a ,ngaiah ka neih tawh a ,keimah zawk hian ka chal ka dawh hmasa ziah tawh,kan sira kan fanu mu chu en leh zauhin ka nui ver ver .







Ka suangtuahna mai a nih tawhloh hram ka beisei ,hei hi mumang ni tur chuan a tak a ang mah mah a ni . Zinga ka harh chuan ka pasal chu a mutna ah a lo awm miah lo,ka tho chhuak vat “ Mahse sofa a thu chunga kan fanu hnute a lo pe ka hmuh chuan ka thaw huai “ Khawimaw ka hnute hi ka lo pe chhin ange u Ramte " ka tihchuan a rawn pawm phei a ,ka fanu chu ka kawr hlimin ka hnute ka hmuam tir a,a fawp nghal dawk dawk mai . Doctor te ka rawn avangin a pawilo turah ka ngai,ka fanu hi siam chawp hnute pek vak ka duhlo,hnute tui ka nei thei a nih phawt chuan ka hnute ngei hi pek ka duh








Naute tan chuan nu hnute tui aibaka hrisel a awm lo miau a ,u Ramtea chuan min en reng. Min tilai lek lek mai “ Inhmuh nawm lutuk" a rawn tisup a ,kan bulah a rawn thu nghal . Ka nghawng vel chu a kutin a lo khawih neuh neuh,kan fanu lah chu a ngawi kar reuh a ,a hawi kual pah bawk . Ka nuih a tiza viau,ka pasal hmuiah chuan ka fawp zeuh,a ni hian a ni heng hlimna te hi min thlen ni .




(ALA TAWP DAWN LO NASA A NIA,ZAWM LEH TUR LINK NGAIAH)



Link:
BBcode:
HTML:
Hide post links
Show post links

mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » April 7th, 2023, 9:47 pm

ZAWMNA...






“ A va duh ve " a tihchuan ka nuih hak “ Naute tan chuan nu hnute tui hi a tui a lawm " tiin kan fanu chu ka en ,a kut lehlam chuan ka hnute a hnek loh zawk chu a khawih pah a ,ka nuih hak “ A pa a chhun dawn a nih hi " ka tihchuan u Ramtea chu a rum nghut . A nihlohna anga puh chu a duh lo hle tih a hriat ,ka biangah a rawn piai vaka ,ka rak that “ Enge i hriat" rum zeta melh chunga ka tihchuan a rawn nui deuh huk .








A mitmeng chuan min tlawn pah bawk a ,kan fanu rawn chik that a vang chuan ka en vat,a kut chu phar hiangin a tal nak nak,ka mal chungah ka thut tir vat . A pa chu a melh a ,a ma tawng tawng chuan a pa chu a chhaih,u Ramtea hmela hlimna lang chhuak zut zut te,a mitmenga a fanu nena min en chunga hmangaihna a lan chhuah tir chu ka hmuh hmaih lo “ Dîte ka hlim lutuk,i rawn harh leh na hian khawvela mipa hlim berah min siam a nih hi " tiin a fanu kut phar lap lap chu a kut chuan a humsak








A nui suk bawk ,tunah hian u Ramtea hi a hlimna avangin a mittui a tla mek a ni . Ka pasal hlimna chuan keipawh min tihlim lo theilo,kan harsatna tawh zawng zawng te ngaihtuah let chuan tun hun kan thleng mai hi a awihawm loh hial reng a ,natna in min tlakbuak a . A ni ka chan hlen dawn emaw ka tih hnuah ka nei let leh a ,chutah natna dang bawk nei leh in harhchhuak tawh dawn lo ni a ka inhriat hnuah ka fanu pawm chungin ka pasal hmangaih em em nen kan awm leh a ni si a .










“ Keipawh u Ramte ka hlim lutuk,chuan ka ta ni reng rawh aw ,vawiin chu chhunah kan fanu nen hian i chaw chhun tur kan lo pe ang che " ka tihchuan min en vat “ Ila dam chiang lo Dîte" a tihchuan ka lu ka thing nak,keihian reilote pawh a hlata awm ka duh tawh lo . Thlali chhung teh meuh ka mutthilhsan a ,ka thlahlel ngawih ngawih,chubakah ka hmuh theihloha a awm ka hlau “ Kan in hmu veleh thei hram a nia ,u Ramte i kianga englai pawha awm ka duh tawh . Mihring hian kan hma hun kan hriat loh hi,i damlai in i hmangaih kiangah hun hmang tam rawh an tihkha .










Chuvang chuan kan damlai hian i kianga a tam thei ang ber hun hman ka duh" ka tihchuan,min rawn hnaih deuh ruakin min kuah bet nghal “Khatiang damlai tih vel sawi tawh suh,ka kiangah i awm reng ang i hria em ,khawiah mah i kal ka phallo " a tihchuan kan fanu chu kan sir ah mut tirin ka kuah let ve “ I rualin office ah chuan min hruai maila " ka tihchuan a nui deuh hak “ Luhlulnu ,chhunah chuan ni rawh se. Mahse driver rawn inthlah tir ang cheu " a tihchuan ka bu nghat .










Office kal tura a chhuah hnuah kan fanu chu chhaihin ka nuihpui leh ar ar thin,ka nu leh pa pawh an lawm viau mai. Ka harh chhuak leh chuan a hma aia inpawhna tha min siam a ni,hmana ka nunhlui te kha ka kalsan takah chuan ka nu leh pa pawhin min lo hmangaih zia leh ka nun lo hliau hman teuh zia ka ngaihtuah chhuak a ,u Ramtea hi min lo neih luih tir lo ta se mi lepchiah takah ka lo chhuak thei reng a ni . Chhun a nihchuan driver nen kan fanu chu pawmin kan car zawrhna lam pan chuan kan in khalh chhuak a .











Chhunlai a la ni chiah lo nang in u Ramtea hnathawk en hrim hrim ka duh,kan dawr kawtah chuan dingin building chu ka en chho vang vang . A chhung lam chu ka pan nghal zat ,hnathawk min hre ho chuan chibai min lo buk sap sap,ka fanu ka pua an hmuh chuan na phun sar sar hlawm a . “ Kan pu nupui,he car zawrhna nei tu dik tak hi a niin ka hria,awi an inhmeh reuh e " an tihte chuan min tinuisak,lift ah chuangin a chunglam ka pan a .









Lift a din rual chuan ka chhuak nghal vat,ka pasal office luhdawn a hmeichhe lo thu chu enin “ A chhungah hian u Ramtea a awm em?" ka tihchuan min rawn enin a nersawk “ Ka pi,a duh duh luh phal a nilo,nau pawm chung lehnghal in haw let zawk rawh ,kan pu in nang ang hmeichhe thing lutuk chu a hmu duh dawn che mi" a rawn tih chuan ka insum hram hram a ni “ Tunge i nih?"ka tifak ,nui hakin “ A assistant ka nia ,ka sawi tawh kha ,nang ni ang mi rethei tan chuan he lai hmun hi chu a zahawm mah " a rawn tihleh chuan ka kut ka hum ruh .









“ Ngawi hmak rawh ,eng ang P.A nge maw i nih le? Midangte laka tawngkam mawi hmang thiamlo hi maw an rawih che a " ka tihchuan a nui leh hak “ Ka thiam mah mah zawk,kutdawh i ang em a ,ka sawi ve mai mai a nihchu . A hrim hrimin kan pu hi chu a chhelo ve a ,a nupui lah a harh theilo nen a nupui nihna ka la chelh lovang tihpawh a sawi theihloh " a tihchuan ka insum thei tawhlo ,pan hnaiin a hmaiah ka beng thuai . Thinrim zeta min rawn in min khawih ve mai a tum chu “ Engthil nge thleng" rawn tihrawk tu avang chuan kan hawi rual thawt.









“ Sir he hmeichhe thing zet hian rawn hmuh che a tum a ,nau a paw bawk nen ka rawn luh tir duhlo va ,min beng ringawt a nihkha " chunu chuan a tinghal zawt zawt “ Bawihi " tisupin chunu thusawi pawh ngaihsak lo chuan min rawn pan ruak,a assistant nu in mak tizeta min en e ka hmu reng,u Ramtea chuan ka biangah vuanin “ I tha em?" a rawn tisup chu ka bu nghat . “ Sir nang engtin,nupui i nei a ni lawm ni chuan damdawi inah a awm bawk sia " chunu in a tihchuan u Ramtea chuan a melh hrawk.








“ Heihi ka nupui Laldinmawii leh ka fanu an nih hi,engvanga lo dang nge i nih? Tun a chinah lo tibuai leh tawh suh ang che . He company hi a ta a ni a ,a duh duhna a kal turin thu neihna a nei "tiin a office lam chu min panpui a ,kan luh dawn chuan u Ramtea hnuh loh turin a PA nu mak ti rawn hawi phei chu ka chhiat khum hram a .





(NAKTUK ZANAH CHAPTER THAR,CHUAN A TAWP LAM KAN HNAIH TAN AW )

Link:
BBcode:
HTML:
Hide post links
Show post links

mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » April 8th, 2023, 8:52 pm

KA PASAL THINGTLANG PA







CHAPTER 23




BY MAWITEI BAWITLUNG








“ Tunge i assistant nu kha ,ka mil teh chiam lo a nia ,ka harh chhuah loh chhung khan engtin nge in lo awm " ka ti that . Mi hmuh laia inhauh ka duh loh avangin ka insum hram hram a ,tunah a office a kan awm takah chuan ka insum thei tawh lo . Kha nu in harh chhuak lo ila chuan u Ramtea nen an in neih tur thu a sawi hial a nihkha ,khatiang sawi ngam chu u Ramtea pawh hian eng emaw tak in beiseina a siam a nih loh chuan khang kha a sawi ngam ka ring hauh lo .









U Ramtea chuan mit chuar nungin min en “ Enge i hriat a " a rawn tihluk “ Enge ka hriat maw ? Kha nu khan kei hi harh chhuak lo ila i nupui a nih tur thu a sawi a sin" sehchilh zet hian ka tichhuak nawk nawk ,a thinrim ka rin tehreng nen a rawn nui huk . Chu chuan min ti thinrim zual “ A dik tiraw? Nang hian khanu kha i ngaizawng em,Ramhmangaihzual " ka ti tuar . Chuveleh a nui lai chu tawp chawtin chiang zetin min rawn en a“Hmeichhe duh huam huam ni ila tunah hian nangpawh hi ka nei kher lovang che ,khatiang hmeichhe thusawi avang mai khan thinrim suh " a rawn tichang ve fak .








“ A that chu,ilo luck ber a lawm. I duhtawk chuan hmeichhe dang chu bem kual ta che ,ka lo harh chhuak kher kher chu pawi i ti viau ang tiraw ? " ka tihchuan a thinrim hmel ta khawp mai ,min rawn pan in ka darah a hmer sawk “ Eng thu nge i sawi teh hrep a ,keihian i nikhaw hreloa awmna kha nuam ka tih i ring amaw ? Laldinmawi enge i hriat teh hrep ni,kan fanu hmuhlaia inhauh ka duh miahlo a nia ,duhtawk rawh . A ni kha ka duh lo a chiang tawk em" tiin min vin hrawk a .







A kut chu thingthla in ka darna ut ut avang chuan ka mittui a tling pam,a mi tawng khumna chuan ka tah a tichhuak zual,ka mittui a luang thla nghal pap,chuveleh min kuah tumin a ban a phar “ Ka hua che ,Ramhmangaihzual rawn haw tawh suh " tiin ka fanu paw chung chuan ka tlan chhuak dawr dawr “ Bawihi ding teh " tiin ka hnungah a rawn tlan,a assistant nu kha a lo awm tawh lo hlauh. Lift lam chu chak zetin ka pan phei “ Dîte " ka luh hma chuan ka hnung lam atang min rawn kuah .







Chunglam hawiin ka mit ka chhinga ,ka mittui a luang nghal zawih zawih ,alamah min kuai her a . Ka mittui chu a kut in a hru nghal vat “ Ka tihpalh,i duhloh chuan ka ban nghal ang a tha em?" a tihchuan ka tawng duh mailo ,ka harh chhuah atang khan a hma aiin ka thlahlel zuala,a lakah pawh ka pangchang bawk . Ka tah a chhuak ut ut reng,kan fanu a muhil hlauh chu a vanneih thlak ,a awmah min kuah bet a “ Min chhang la ,i tah hian nuam ka tilo Dîte " a tisup ,a awmah ka hmai ka nawr tawk .








“ Haw ang,thingtlangah khan haw leh ka duh,helai ah chuan buaina tur a tam lutuk,keiai tha i hmuh hunah min kalsan ka hlau ,i hria em ka lung hi a na " tiin ka tap chhuak hawm hawm . Chuveleh ngaihtuah zetin min en “ I lung ana maw? Damdawi inah kal ang" tiin min hruai mai a tum a ,ka dinglui tlat ” Ka kal duh lo,in en tir ka mamawh lo " tiin lift inhawngah chuan ka lut. Thaw hawkin ka bulah a rawn ding a,a phone a hmang nghal zat,tunge a haw tur thu a hrilh ni. Chungte chuan ka thin an tirim zual .








Ka belo va ,a nipawhin min be heklo,a carah chuan ngawi rengin ka thu lut . Tukverh lam chu ka hawi nghal hmak bawk ,car a tlan chhuah rualin ka mit ka chhing vang vang,kan fanu rawn chik that that chu pawmin ka kawr ka hlim a ,ka hnute chu ka pe nghal vat. U Ramtea chuan min rawn en zauh zauh tih ka hria ,traffic jamah kan tang a ,ka la be chuang lo . “ Dîte sorry " a rawn tisup,ka chhang duh lo hrim hrim ,ka kutah a rawn vuan a ka lama a rawn awn phei ruai ruai chuan phawk zetin ka lo en “ Hmelthanu ka tihpalh" tiin a beng a pawt .








Hepa hian enge a hriat ,tunlai a nungchang hi a hma a a nungchang lakah chuan a dang hlak . A tawng duh sawt in inlak duhawm dan a thiam uchuak “ I hmelchhia " ka tihlak,kan fanu bawk chu ka en ,rawn awn vak chunga ka hma zawna a lu rawn dahin min en vang vang hnuah ka hmuiah a rawn fawp chu ka meng kawk ,a awmsawn rualin min hmu an awm em tiin ka hawikual nghal . Two wheeler kan zawn chiaha ding,mi pahnih in phur te chuan min lo nuih thaw a nihchu .








Ramhmangaihzuala chu ka ngei tak tak “ Nupa inhmeh tak in ni " an rawn tihchuan ka hmai a sa hat hat “ Ramhmelchhia nangmah vang vek" tiin ka pasal chu rum zetin ka en ,jam a reh tan avangin muangchanga tlan chhuah pah chuan a nui suk ringawt . In kan thlen rualin amah pawh nghak lo in in chhungah ka lut hlawk hlawk a ,ka nu leh pa min biak na pawh chhang lo in kan room ah ka lut tlang . Kan fanu chu a thenbawmah dahin khumah chuan ka thu thla hnak .







Ka phone phawrhin ka thiante nen chuan kan in be nak nak,room a rawn lut a almirah hmaa inthlak mual mual chu melh pawh ka melh peihlo . Ka bulah a tawnzau nen a rawn thu a ,ka sam chu hnunglam atangin a rawn khawih niap niap,ka sam ka mawng pel a ka zuah chu ka kawng thleng in ka tan a . Ala sei lutuk tho mai,a phiar mual mual ,ka la ngaihsak duhlo ,khanu chungchang a ngaihdan khan ka thin a tirim bur ,ka nghawngah a rawn fawh chuan ka phu zawk .








Ka kawr bah chu ka dar atanga zut liamin a fawp nghal dan dan,ka khur der der mai ,alamah ka inher . Chiang zetin a hmel chu ka en a,ka lama a rawn awn ruai ruai chuan a chalah ka kut zungchal chuan ka nawr nawk “ Enge i hriat,nangpui hi i lerh sawt lutuk " tiin ka melh rawm rawm . Ka thusawi avang chuan rum nghutin a inher “ Ka nupui chu ka mamawh hunah pawh a awm thei tawh lo a nimaw " cool ruiha a tihchuan ka chil ka lem khalh,ka lam lah a hawi duh tawh der silo .








Ni e khachen ka mutsan a ,a tan pawh a hrehawm viau ang . A hnung lam atang chuan a tihdan ang chiahin ka kuah a ,a dul thep tang chu ka zutsak dan dan ,a thaw hawk mai . Kum 35 ni tawh siin abs ala nei chuan mipa in vawng fel tak a ni tih a hriat . Mipa tam tak hi chu nupui an neih tawh hi chuan in enkawl uluk lo in nau an pai emaw tih tur hian an dulin hma a hruai luah zel . Ka lamah hawi tirin ka fawp a,min chhang duh lawk lo a titau laklawh tih ka hria,ka lakah bak a pangchang ngailo va ,ka duat theihna apiangah ka pasal min hmangaihtu hian duat let a phu.









Midang lakah puitling takin a awm thin avang hian ka lakah tal ka pasal hi a pangchang lo a nihchuan a tan pawh a hrehawm dawn tih ka hria . A chhan chu hmeichhia pawhin min duat tu leh min ngaihsaktu tur kan duh ang chiah hian mipa te pawh hian an duh ve tho,a chhan chu mipa nakruh atanga piang pawhin mipa tho kan thlang ang hian,an ni te hlei hlei hian duat an phu ka ti . An taksa peng atanga siam hmeichhia chu an taksa peng kan nihna angin min thlahlel a ,an bula awm reng turin min duh.










Siamtu min siam chhan ang ngeia kan pasalte min mamawhna tihhlawh tlin hi kan hna a ni . “ Pa a ,nang chu ka tauh leh i tau ve zel a ,i duhloh leh a tha a lawm " ka tih rualin inher tumin ka che zauh chu rang zetin min bawh tlu nghal,a tawnzau chu phelhin a boxer pawh a phelh nghal sawk sawk a ,ka taksa chhunga a luh hnu reiloteah nawmna tinreng tawng dunin inkuah chialin kan mu a ,in ngaihzawn laia mipat hmeichhiatna hman ai chuan inneih hnua hman hi a hnu lehah pawh inchhir a awm velo va ,rilru hrehawm reng renga awm a ngai heklo.








Chuvang chuan inneih hma chuan kan thianghlimna hi vawng ila,hmeichhia phei chu kan mualpho hma a ,mipa hian an thiante bula insawi theih nan chiah min lo hmang tawk pawh an awm thei . Chumi a nihloh pawhin a hun hma a hman chuan mualphona leh mahni insitna a thlen a ,kan pasal tur an nih loh phei chuan kan pasal tak tak nen a kan inneih zanah kan inthlahrung hlauh ange,inneih hnu ah erawh inthen leh pawh ni ila mualpho lutuk a awm theilo . Nupa kan ni tawh miau tihkha mite min sawidan tur ber a ni .









Zanriah ka ei peihloh avangin ka chhungte leh u Ramtea chuan min ngaihtuah viau,mahse keimah hian ka tha tih ka hria a ,chuvang chuan min ngaihtuah lo tura ka tih hnuah a ni pawhin chaw a ei hram . Khumah chuan ka mu deuh reng,ka chau ve viau mai ,ka pasal hlimna ka thlen erawhin ka rilru a tihlim em em thung,zanah khumah thu mu in laptop atangin hna a khawih a ,kei erawh ka fanu awiin ka buai viau mai . A muhil duh mai lo lehnghal ; tlaia a mutthilh vang kha em ni nidawn ni .









A meng kar reuh a ,a tal leh nawk nawk thin “ Dîte ka lo pawm chhawk dawn che em ni" ka bula rawn dingin kan fanu chu a pawm nghal,be mawlh mawlh chungin a awi pah . Kan fanu lah chu ala nui hek hek zui a,an pafa in awi chu ka thlir reng,ka nui var var bawk . Ka pasal ka mithmuh ngeia a fate pawm ka hmuh chuan ka tleirawl chhuah tirha ka pasal neih hun tur ka lo suangtuah thin kha ka hrechhuak,a thleng dik vek chu ka tilo,mahse tam tak hi chu ka suangtuahna ai a tha zawk mah a ni .










Bawihtei a mutthilh hnu chuan a mutna bik kan siamah chuan mutin min rawn pan a ,a kut chu ka vuan vat . “Ka hmangaih che " a tihchuan ka nuih var var a ,ka kuah let vat “Ka pasal hi keipawhin ka hmangaih ber,kan fanu nen hian" tiin ka insawi pui a,kan nupa chuan lam zirin kan nui hawk hawk a .



( SEASON KA THEN ANG CHIN CHU ZO VE TEP AW ,KA RAWN ZAWM LEH ANG AW,KA LU NA LEH KA HA NA VANGIN KA TYPE PEIH NGANGLO )

Link:
BBcode:
HTML:
Hide post links
Show post links

mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » April 10th, 2023, 9:23 pm

KA PASAL THINGTLANG PA





CHAPTER 24






THLA 5 HNU AH .






“ Dîte " ka pasal min kohna avang chuan pawnah rang zetin ka tlan chhuak,thingtlangah kan haw leh tawh a. Kan car zawrhna erawh ka ute nupa kutah dahin sum lam erawh kam account ah an rawn thun mai thin. Khawpui ka awm tawh ngailoh bakah ka ngaina tawh meuhlo va ,chubakah ka pasal awmna hi ka awmna tur a ni bawk . Hman atang tawhin hmeichhia in pasal kan neih chuan kan pasal te inah kan lawi lut thin a ,tun ang laia pasalte hmeichhe inah zawk awm tir ang kha ka duh ve lo .









Chubakah ka pasal nu leh pa an tar tawh chu thuhran,thingtlang boruak hi nuam ka ti a ,kan fanu than lenna chuan ka duhthusam ber a ni . Sual khawih tur a vang a ,a nun kaihruai thei tur in kan thiante an awm bawk a,he nun kan thiante nena inlawm ho dial diala kan awm theihna hi ka duh zawk . Ka pasal duhdan angin school ah teacher hna ka chelh leh a ,ka theih tawp ka chhuah bawk . A feh haw chu a thlan hliam a ,ka buaipui nghal zung zung,kan fanu pawh in bawk vak zeih zeihin “ Papa ,papa " a rawn ti a ,ka pasal chu a nui suk suk mai .










“ A nu hian ka enkawl hah tehreng nen i hming a lam hmasa zawk hi ka lawm lo" ka tihchuan u Ramtea chu a nui hawk a,ni e naute hi chuan pa hming hi an lam thiam hmasa nge nge zel a nih hi . A fanu in a ban ve chu hmu in a pawm kang nawlh ,a mal chungah thut tirin an in be nghal mawlh mawlh,Bawihtei lah chuan a pa mit leh hnar vel chu a kutin a khawih sak leh thin,nui var var in inchhungah ka luhsan a . A ip pui a chawhmeh ah ho chu ka phawrh mawlh mawlh .








A lo pawh a ute an lo enkawl bawk nen thlai vel pawh an tha viau mai “ Dinte bawiha te pafa chu khawnge an awm ,rawn lut sela " ka pa in a tihchuan pawna an pafa a an infiam thu ka hrilh a ,an ni pawh in koh luh chu an tum leh tawh lemlo . Mahse u Ramtea chu a fanu pawm chungin a rawn lut vat “ Khati khan tiziah zuh,i ti zawng chhang zo " tiin ka melh ram ram ,kan fanu tlei loh changa chunglama vawrin a rawn tla lam man a hrat a ,a ti zawng chhang zo vek . Lungphu thalo a neih ka hlauh laiin kan fanu lah a nuam tihzawng a ni chek ang chu vawr tawh chuan a nui iar iar zel .









“ Ka fanu a nih hi " a tih nghut chuan “ I paiin i hring em ? I fanu bik ni turin nangmah chiah in i enkawl lo " ka tihlak hlak,ka nu leh pa te erawh an lo nui mai mai lehnghal “ Nang ah chauhin i siam chuang em ni ?" a rawn tihleh chuan chum chawrh mai ka duh tawh ” Awi Ramhmangaihzual ,i tawng tam sawt zia i hria em ? I tawng thei sawt si ka la kalsan daih ang che " ka tihchuan ka kawngah kuahin a nu leh pa awm pawh pawisa lo vin ka biangah a fawp zauh.









“ I awm loh chuan i fanu nen lunglengin kan thi palh ang,min kalsan lo mai rawh" tawngkam mak pui pui leh ril si hi sawi chhuah a ching ta lutuk hi ka laih phah ziah . Rawngbawl turin ka kalsan daih a ,a nipawh a fanu a lawm nui uar uar leh tawh ,ka hlim veng veng . Pa tam tak hi chuan inchhung chet leh fate enkawl hi nu mawhphurhna chauhah an ngai a ,nupuite in lama an buai em em laia lo lenchhuah daihte an chingin nupui te rawngbawl puih tum miahlo an bula lo thu ve kur tho si pawh an tam.








U Ramtea erawh a ni hauhlo,a hnathawk hah pawh ngaihtuah miahlo in ka buai zual viau chuan kan fanu hi a mahin a awm a ,ka rawngbawl pawh min pui fo ,keilah chem vela ka kut zai ka hrat em avangin chemte a ni emaw ,chempui pawh nise ka hman a phallo hrim hrim . Hrei a thing eh ka tum ve apiangin min dang ziah bawk ,a chhan pawh Zopuii te nen kan thing phurh tumin ka ke ka chek leh pek a ,khata tang khan thingphurh dawn pawhin hrei a eh ngailo tur chiah ka phur thin.









A hriat loh lai erawhin ka hmang lui ziah zel,thingtlang mi ka ni tawh a . Hmanrua engpawh ka hman thiam a ngai miau a lawm,rikrum thil velah pawh nise engkim hi ka zir ve zel a ngai tih ka hria ,a inthlak dawn avangin bawihtei chu keimahin ka pawm a ,a pa a inti ngen chu ka huat tawk a tling em em . “ Lutuk che hian Lalfakmawi ,ka hnute i hne tawh lo mai tur a sin,i pa ai chuan ka duat fe che tih hre rawh " ka tihlaia ka pasal nui vur vur chunga bathroom lam pana faifuk hlurh hlurh chu tuk chawrh ka chak.









A intifai a kei erawhin chaw ei ka siam thung,hei hi kan nitin tih dan a ni a ,ngaiah ka neih tawh . Bawihtei erawh a pi leh pu a pan tawn zak zak reng “Dîte zanin chu sa ka châng dawn a nia" a inbual zo rawn chhuak chuan a tisup ,kan haw leh atangin vawikhat mah a la ramchhuak lova, a chak leh tawh kha ka ring hrim hrim . “Fimkhur la,i inbual zo chauha i va bal rang dawn ve ,chaw hi rawn ei phawt la " ka tih chuan a lu a thing vat, hnial duh lo in a chaw tur ka siam a, a chhan pawh a lungleng ve in ka ring a ,ramhnuaia tlat hran a chak te pawh a niang .








“ Taka Doctor Davida kha a lo zin dawn a nia ,a hna chawlh la in rawn zin a chak ngang si a"ka tihchuan a nui suk,ka damdawi in awm chhung zawng khan David-a nen an inkawm a ,thiantha ah an in chhuah fel der,kan chhungkaw tan a tangkai bakah a mah mipa fel tak a ni bawk nen ngainat loh theih pawh a nilo . U Duha te pawh Lana-i nen fa an nei ve tawh bawk nen duhangin u Ramtea nen pawh an inzui tam thei tawhlo,inchhungah pa chanchang ve ve tawh an ni a ..









An nupui fanaute min enkawl nen chuan duh angin hun thawl nei miau hek lo,an ni erawh Zopuii leh Teruati nula pahnih an la kawl hlauh zawk a ,an ni erawh an rawn leng deuh reng. A u fa ai ka fanu an buaipui zawk mah,ka fanu lah mi hmeltha tih a hlawh a ,amah a chum bawk nen kan veng naupang ho mai nilo khaw naupang ho in rawn awm an inchuh deuh reng a . Ka lawmah a tla viau thung,ka pasal chhuak tur chu enliamin inchhung lamah ka lut a ,chaw ka pai sak kha eina chang a hre em ang chu maw.









Rawn hlawlhtling ngei sela ka ti ,Zopuii te chu rin ang ngeiin zan lamah an rawn leng leh a ,ka en vang vang. Davida rawn zin chhung hian an pahniha inhmuh tir ngei ka duh,kawppui neilo ve ve an ni a ,Davida mizia ka ngaihtuah a ,Zopuii nun nguai ru zet hi a tireh thei berin ka ring “ Kan thianpa,ka inzai vel pawha min buaipui ber tu Doctor thiam tak a rawn zin dawn a sin " ka tihchuan Teruati chu a phur nghal hle “ Phur hurh suh nupui anei nge neilo pawh i hrelo,chubakah bialpa i neih kha " Zopuii chuan a lo tinghal hlak .










Teruati nen in en in kan in signal a ,kan nui var var “ Ni e,nupui leh bialnu pawh a neilo ,doctor hmeltha tak a ni bawk. Zo nang chiah in kawppui ila nei lova ,kan lo char bet mai dawn em ni" ka tihchuan min melh rum tha viau , Teruati lahin ka thusawi a thlawp thu a lo sawi ve zat “ Ngawi mai mai teh u ,tu mipa mah ngaihsak ka tumlo" a tihmak ,kan nuih vur vur ringawt,ka phone a rik chuan ka en vat,ka pasal hming ka hmuh rualin ka la nghal “ Dîte,Duha kha lo phone la hetah tlak lam pu Thanga te ramah khan rawn kal rawh se " a tihchuan sa a kap tih ka hre nghal .










“ U Ramte enge i kah" ka tihchuan Zopuii leh Teruati pawhin an rawn ngaihven nghal “ Saza ka kap a ,thian dang rawn hruai sela rawn kal vat rawh se " a tihleh takah chuan phone dah vatin u Duha chu ka call,a lo phur ngei mai . Zopuii te pawh haw lo in inah an awm tlang a ,Lana-i pawh naute nen a rawn phei ve bawk ,kan fanu ai a thla in a naupang bawk nen a ni erawh ala bawk vak thei meuhlo ,kan pali chuan u Ramtea te chu kan lo nghak thap a. Sana kan melh deuh sek bawk ,a tawpah pawnah thawm a awm rualin kan tlan chhuak nghal .









Kan fate kan mut fel tawh nen thawm kan dim vak lemlo ,chutah saza a tak ngeia ka vawikhat hmuh na ni turin ka hmaah tak chuan a lu nen an rawn dah a,ka hnaih sauh ,a lian ngei mai ,bawng la tiat lawih zuk ni a ,saza hi chu a chal chu an lian thei lutuk an tih thin kha ka awih lo a,tuna ka hmuh hi a pum hlakin ni tawhlo mahse a lian tawk hle tih ka hria,ka pasal chuan min rawn pan a ,ka lo nuih var var mai . Inchhung lamah kan chawl phawt a ,thenawm khawveng ho pawh u Ramtea sakah enin an rawn leng tak tak .









Khua a lian lo bawk a ,khawpumin an hre leh vek tawh ang tih ka hre mai . Hetiang nikhua hian thingtlang lam chu an inlawmpui thiam thei hle a ,an in len pui a ,a kap tu ai mahin an phur thiam thin . Sa chu an chan a , a phurtu te ho nen an insem hnuah pawh kan sa tur chu ala tam hle ,chung chu u Ramtea chuan tar chak lohna avanga ram lama hnathawk thei tawh lo te chu a hleh veka ,ka pasal rilru tha lutuk hian kei ngei pawh min ti thil phal zo . Chubakah a khua hian an thil phal hrim hrim,thlai kan neihloh ang chi te hi mi an inhleh kual a .








An inlungrualna avang hrim hrim pawh hian nuam ka ti bawk,keini lam angah kha chuan kan thil tih nikhuaah pawh chhungkhat laina bik te te lo chuan kan tingai meuh lo va ,thil inhleh te phei chu thenawm khawvengah pawh thil har a ni . Kan inpawh fe te a nihloh chuan thenawm lawk pawh inhrelo kan awm nuk zel ,helaiah erawh khawpumin an inhre chian em em a . Birthday nikhua velah pawh nise mahni thian bik leh chhungte sawm mai lo in naupang awm ang ang an insawm vek zel .










Midang haw rem hnu ah a intifai leh a ,zaninah vawihnih a intih faina ,intifai hmasa lo khan ramvak mai sela tha tur a nia,a inbual chhungin a phone ka check sak, WhatsApp khawih tura ka duh avangin ka lak luh tira . A chhan pawh englai pawhin kan awmdun bik silova , message thawn theiha a awm kha ka duh hrim hrim , private message a dawng tam hle . Chung zingah chuan kha a assistant nu kha ka hmu langsar fal nalh,kei ai a that zawk thu vel te a la sawi ngam vel ania,u Ramtea erawhin vawikhat chiah a chhang







Private message dang a chhan loh laia chunu tawngkam mawi taka a vawikhat chhan pawh chuan min ti thinrim hlur ,room a a rawn lut chu rum mang kheng hian ka lo melh rawm rawm . Ka hmel a hmuh chuan min pan hnai vat “ Enge diklo awm " a rawn tihchuan a phone chu ka en “ Hei hi enge" ka tihfak chuan ho tih hmel zet hian a nernung “ Min chhang rawh " ka tihleh chuan ka bulah a rawn thu hmasa phawt “ Ka duh let ve chuang lo tih i hmu a ni lawm ni,a ho lutuk Dîte" a tihchuan min ti thinrim deuh deuh..








“ Midang message chhang lo in a ni chiah i chhang hi ka lawmin i ring em ni" ka ti leh tuar ,a kut chu tlir dat datin “ An vai khan chhang turin min duh tihna em ni" min ti thinrim zual sauh “ RAMHMANGAIHZUALA,RAMLERHA ti che i la i inhmeh ngawih ngawih " tiin thawh ka tum,ka kutah a rawn vawn chuan ka lo thingthla vat“ A dai pawh min dai suh,ka ten hluah hluah che a nia " ka tihchuan a thaw ta hawk “ Dîte ka sawi fo tawh,ka nupui leh fanu kalsan duh tur khawpa mipa rilru nghet lo ka nilo,ka kalsan ngai dawn lo che.










Tin ka damchhunga uirena sualah tluk lah ka tum heklo,nangpawhin chu chu hre reng rawh . Nupuiah ka nei tawh che a ,fa kan nei tawh bawk. Chu chu a tawk ,a bak engmah ka duh belh lo,duh chu ni ila,nang hi ka nei hauhlo zawk ang che " tiin min kuah bet ,ka tal tawh bik lo . “ An number kha delete vek rawh,a zak theilo si ka haw hrim hrim,block bawk ang che " ka tileh hram chu a nui ta hak,ka nghawngah rawn fawp zauhin khumah chuan min leh thlak pui a “ Mu ang ka chau riau a nia" a tihchuan ka hnial bik lo .










Keipawh hi ka chau ve takzet a ni ,zanlaiah kan fanu chu a rawn tap leh ta ,ka tho chhuak vat . U Ramtea pawh rawn tho in khum atanga chhuk mai ka tum chu min dangin a mah zawk chhuk chuan kan fanu chu a pawm nghal,an in awih hnu reiloteah kan fanu pawh a muhil leh mai,ka bula a rawn phei chuan a kut ka lo chelh vat “ Ka lawm e" ka tihchuan a nui leh ta sak a. Avahan hmeltha tak “ Lawmman min pek ngei angai a nihchu " ka chunga bawk chunga a thusawi chu ka hrechiang mah mah .








Zinga ka harh chuan na pafa in an lo awm leh tawhlo,ka thawh khalh theilo chu a nih ber hi maw ?


( ZAWM LEH TUR,TUNLAI CHU KA HNATHAWK NEN KA CHAU DEUHA,KA MENGREI THEI NGANGLO)

Link:
BBcode:
HTML:
Hide post links
Show post links

mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » April 12th, 2023, 9:13 pm

KA PASAL THINGTLANG PA







CHAPTER 25






“ Dinmawi" Davida rawn au lung lung chu tlan chhuakin ka va kuah chawt,kan inkawm nasa bawk a . Ka ngai hman viau ,ka pasal nen chuan an nui vur vur “ Inkhua chu a nawm reuh hi " a tihchuan ka nui hak,kan hnung lama bawihte in lo lawm ve ni awm taka a lo au chu nui vur vur in a pan“ A nu leh pa siamsual chu ava nula tawh ve " tiin a pawm kang nawlh a ,inchhungah kan lut zui nghal zat .







Zopuii te unau leh u Duha te pawh leng tura kan sawm avangin an rawn kim thap “ Teruati chu engah maw i bialpa nen chuan in inthen a " u Duha chuan a zawt sup “ A tawng thei em em lutuk a ,ka dream a tibo vek " a tihchuan kan nui dar dar . Davida chu an chibai nghal liam liam,kan vai chuan thutthlengah thu in Teruati phun chu kan ngaithla thap “ He group a awm atang hian a tawngthei sawt lutuk,a hrim hrimin ka ngeihlo,Comedian Fth an intia chungai chuan mi nuna buai group ti sela a inhmeh ka ring .








Keipawh rei tawk tak ka awm ve tawh,ka awm tirh atangin mi nun tha lai sawi ai chuan mi nunchhe lai hlir an post nimaiin ka hria ,mi nun fak sak a an post hi chu tlem te a ni,milar an insawisel siak hi a ni ringawt (he group hi a tak tak a nia,awm pawh in awm ve nualin ka ring,huat tur a sawi ka nilo tih erawh inhriat sak a tha ) an mi sawisel te thlakhat hlawh ringawt pawh kum khat chhunga hlawh hman lo tur vekin an la post zui,an hman an hman dan lah chu,hna an thawk ve ngai lo emaw ni. Thil post leh comment en ila hmeichhia ai mipa an la tam zui ,mipa lo tawngtheih sawtzia lanna group ka timai .








Tuai an in ti post sek bawk a ,an mil loh em em tuai ai pawhin an nasa in a nia ka rin,luh apiangin hei en ula tuna rawn post pawh hi milar te sawiselna bawk a ni leh ang " tiin a phone chu a ti lang,a sawi ang ngeiin Selena leh Hailey chungchang vel an rel na a ni. Kan nui hak ” Hetiang reng hi,sap an sawisel loh leh Korean,a nih loh leh mizo celeb,chu mi a nihloh leh hnamdang nei ho an sawisel a ,fiamthu group chu an inti ve tho sia. Fiamthu thianghlim tak hi an thawh awm ka la hrelo,an fiamthu thawh dan lah midang nun sawichhe zawng vek.









Lalruatdika pawh chuvang a nia ka then,a comment taima ma ah a tang a ,ka ngei lutuk . Reader ka nih hi a sawi reng a ,ka kham takzet “ I story boy ang i zawng a,chuvang a nihkha " a ti ve ziah,thenkhat lah hian “ chutah kan mipa duhzawng cool leh rinawm vei awm ngawih ngawiha awm an thiam leh silo,story boy tawng thei deuh deuh chiah an ngaithla in an chhiar fuh nge nidawn ni ,mipa tawngtheih tawh dan em em hi" a phunna chu a dik ve tho mai .







Nuih erawh a za viau thung “ Tunang lai ah story ngaina an tam tih hriat tur ,chutiang a nihchuan mipa tawngthei deuh ai a tul huna tawnga,a tul huna ngawi thei kan duh tih te hi hriat tur ,he group a thil post peih reng reng en ila fake deuh vek an la nizui,an fake pui an la hmusit zui a ,ka mil thei tawh lo " tihlak hlakin a leave zui a ,ni e tunang lai mipa hi chu hmeichhia ai aia tawngthei hi kan tam tawh reng a ni. Story chhiar nasa chuan mipa tawng tam lo an duh tlangpui,chutiang mi chu an zawng a .









Mahse a famkim em em chu an duh vek kherlo,mahse tlema story boy ang tawp kha an zawng tih hi hriat thiam a ngai ,dik tak chuan hmeichhia hi chu mipa ai tharum kan nei tlem a ,hei vang reng hian tawng lamah kan chak zawk an lo tingai a . Tunang ah erawh mipa insawi thei fe fe ,nu leh pa thawh chhuah ringa inla tak tak kan kat nuk a,hmeichhia in an mahni chawm zo tur leh rintlak an zawng ru reng tih an man pha leh tlat lo hi a ni berin ka hria nupa inthen kan tam leh thin nachhan .








“ Lungngai suh,u Ramtea ang hi zawng rawh,a ni pawh min hmangaih hma te chu tawng tlem tak a nia,min hmangaih a fate kan neih hnu ah a nih hi a tawng theih sawt em em " ka tihchuan ka pasal chu a lo rum nghut a ,midang erawh an lo nui dar dar “ Nia ,ka zawng ang,ka fimkhur viau ang chutilo zawng,inneih hunah kut thawh ngai dawn se a kutthlak na lo tur zawk,tawngkamah ka hnial hneh loh tur bawk ka thlang a nihchuan ka chan a chau dawn emai,a nih loh pawhin story chhiar in ka leng tar thak huam keichu" a tileh chu kan nui dar dar .









“ Mipa fing chuan hmeichhe hmuh leh a bula a awm in awmdan tawk a thiam a ,a tawk chauhin a tawng a ,a chetzia in a lan tir mai thin,Mipa â erawh miin fing an tih duh luat avangin an tawng pung pung a ,an ka in an inla chak a ,an in luling fo,hetiang hi chu pasalah an tlak loh reng a ni . Mipa tawng thei lutuk chuan an aia tawnglama thiam zawk hmeichhia an tawnin kut an thlak duh mai zel a ,hei hi hmeichhia te pawh kan fimkhur ngaihna lai a ni tih hriat reng a tha ,a mawi tawkin awm dan thiam hi hmeichhe tan pawh a fuh ber








Hmanlai ang rengin kan awm thei tawh lova ,kan mipa te an tawngtheih em em hi chuan ngawi rengin hlat ila,mipa tha tak kan tana ruat kan la tawng mai ang" ka tihchuan an bu nghat . Zopuii chu ka nghawk zauh a ,a bengbulah“ I tana ruat chuan a en reng che ania" ka tihruala a hawi chhuak chu Davida nen an inmelh chat,rang zetin a hawi san nghal,ka nuih a za ru hle . Davida hi a hma in Zopuii chungchang ka hrilh khan a hmu chak hle a nihkha ,Zopuii erawh chuan chutiang rilru a pu lo a nih hmel.








“ Taka he khuaah hian writer ve tho a awm a sin " Teruati chuan a rawn tileh,kan en nghal thap . Ziak tute hi kei pawh hian ka ngaisang hle “ A nimaw tunge " ka tinghal ha “ Mawitei bawitlung mawle,mahse a story hi khaw mite ngaihthlak leh chhiar a phal tha lo va ,a rukin kan ngaithla thin " a tihchuan ka nui hak (hei keimah tak tak aw 🤣kan khaw ho hian ka hriat loh laiin an lo ngaithla ru thin a ) ,keipawhin a ni chu ka hria . A story ziah tho The governor kha ka chhiar nasa hle a nihkha,a chang phei chuan khalaia changtupa kha u Ramtea nen hian in ang riauin ka hre thin .




(Kan khua a chen tir ta chu keima chanchin thai lang ve zuai nge )






“ Amah hi mi langtlang tak,zep ve tit tet neilo ang chi nia ,a thawveng hle bawk a story hi ka chhiar nasa a ,chuvang a nia keipawh hi ka thawven em em " a tileh zat zat . Hmuh ve ngei ka tum bur ,lehkhabu ka chhiar nasa a ,thawnthu lam leh a ziaktu hrim hrim hi ka ngaisang.








U Ramtea nen a kan thawnthu te hi ziah tir ila a tha hial ang ,an haw dawn chuan Davida chuan min rawn nghawk zauh “ Zo naktuk Sunday a ni bawk a ,lo leng leh ru aw inah hian kan inkawm ho leh ang chu . Davida hi khua fanpui te pawh a ngai ang" ka tihchuan an aw tliar tliar hlawm a . Zopuii erawh a kun chal mai,a tan pawh u Zuala tluk an awm dawn hauh lova ,mahse hetia nun nguai taka a awm hi hmuh reng ka duhlo, Davida hi a duh phawt chuan a rintlak dawn tih ka hria .








Davida ang mipa hi chu tunlaiah an vang tawh viau ang,mipa rinawm hi an vang em bawk a .






ZOPUII POV....







Khuafang in kan kal kual a,chutah kei leh Davida chu min kalsan vek,ka ngei hle . A nilah doctor a ni tih ka hria ,ka zah tlat ;ka hawi chhuak ngam lo hrim hrim . U Davida chuan ka kutah a rawn man chat ka en ha “ Ih...ih .." tawng tumin a ka a ang leh thin ,mahse engmah a sawi thei lo a ni ngei ang a thaw hrawk mai . “ Tah hian ding lawk ang" a tihchuan ka dinpui ve mai ,chutah min en vang vang hnuah “ Dintei khan bialpa i neilo a tia ih..." a tileh lawk phawt a ,keiin a thusawi ngaithla turin ka en kar thung.







A hmui a liak a ,a lu chu a hiat vauh vauh “ Engah nge hmeichhe biak dan tur ka lo zir law law loh " hawisawn chunga a sawi chu ka hre pha lo emaw a ti a ni ngei ang,a rawn hawi leh a . Ka nui deuh tet tet tawh,ka zahna a reh vek ,a zeiloh dan hian ka nuih a tiza “ Bialpa i nei em" a rawn tihleh chuan ka nui hak “ Ka neilo aniang " ka tihchuan “ E" a tileh ringawt a ,ka nui chhuak lo chauh tawh “ Kal leh si ang " tiin midang chu min panpui,kalkawngah chuan hmun dang melh in a hmuh loh tur chuan ka nui ka nui a ,u Zuala a thih atanga ka nuihzat ber tum a ni hial ang







[b](HEI HI KA TI TAWP ANGA,S2 ANGIN KA KALPUI DAWN NGE ,CHAWL LAWKIN KA RAWN ZAWM LEH ANG? TIH KA NGAIHTUAH A ,ENGPAWH NISE KA ZIAK ZEL PHAWT ANGA,A S2 ANG CHU YOUTUBE A AN CHHIAR CHHUAH HUNAH PAWH A AWM CHAUH MAITHEI AW ,TIN TUNLAI SAWHTHING LINGIN KA FEH DEUH RENG A ,KEIMAH CHIAH KA NI BAWK NEN HUN KA NEI LUTUK LO TIHKHA MIN HRIAT SAK ULA AW )[/b]

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » April 17th, 2023, 9:47 pm

KA PASAL THINGTLANG PA



CHAPTER 26 .



BY MAWITEI BAWITLUNG



S2 TAN ANGAH IN NGAI RU AW ,THRILLER, COMEDY LAM A TEL CHHO TAWH DAWN A ,MI PALI CHANGTU AN NI TAWH DAWN BAWK E ,A INPAWLH KUAL NUAIH TAWH DAWN AW .




Kum hnih hnuah

“ Ramhmangaihzual " thinrim zetin ka melh,a ni erawhin min nuih tlawn vur vur a nih chu,a chalah ka tuk lawlh,kan fanu chu a rawn tlan phei ter ter a ,ka lo pawm vat . Ka dul puar leh ak tawh chu a rawn chul a ,ka biangah a fawp zauh “ Davida chu helamah rawn awm a tum i ti em ni" ka tihchuan a bu nghut “ Hetah damdawi in an hawn tharah hian a thawk thei dawn a ,a tha a lawm. Thingtlang tan damdawi in tha panna a hla si a ,a naran phei chuan damdawi in kan kal ngailo,doctor thiam tak a rawn awm chuan helam mi te tan pawh a awlsam ang chu.









Kan tan khawpui kal reng a harsa nen rikrum thil thleng thutah pawh tunah chuan kan thaw a veng ve deuh tawh ang chu " a tihchuan ka lo nuih hak “ Thingtlang awm a hlauh theih tehlul nen Zopuii hlatah chuan a awm rei thei meuh nange" ka lo tichu a nui ve suk mai ” Keipawh ka fate nen in hlatah ka awm theih miah loh hi,rawn awm rawh se an inneih theih phei chuan a tha a lawm, Kum hnih tling tep a nghak a nia,Zopuii pawh hian a pawm ve ngei angai ang" a tihchuan ka lo bu nghat .









Davida hi chuan duh viau mahse Zopuii zawk hi ala hel tlat a ,u Zuala a hmai zah tih ka hailo,nitin a thlan a tlawh hman loh pawhin kartin a tlawh ziah thin . Chu chu a tihdan a ni,keini pawhin kan la tlawh awl lo,ni e kan thianho tan chuan a pawimawh em a lawm,mihlim thei ber kha a ni miau va ,la dam ve se chu Zopuii nen pawh fa an nei ve tawh ngei awm si a ,mahse thleng tur ang leh Pathianin an tan a ruat a nimahna ,tunah chuan Zopuii pawhin mi thar tha tak a tawng leh ah ka ngai ,Davida hi a felin kan thiannu tan pawh hian a tha tih ka hria a ni. Nurse nu nen khan an in ngaihzawn ka lo ringa.









Mahse a nihloh zia chu a lang chho nimaiin ka hria,helamah damdawi in an rawn sa hlauh chu u Ramtea sawi ang tak takin a lawmawm ,mihring chuan hmalam hun kan hre silo va,na zual an awma khawpui pan ngai,a na zual tak tak phei chu kalkawngah an boral hman thin tih ka hria,hetiang anga damdawi in an rawn hawn a ,doctor tha an rawn awm thei a nihchuan a lawmawm viau ang . “ Keimah min ngai pawimawh ve tawh rawh " ka nuih hak .








“ I naupang chhia thut thin hi a mak,pa inih tawh hi i fate ka enkawl an ngai a ,nang chuan khumah min kuah thei thung alawm" a bianga fawp zauhin ka ti a ,a rawn nui suk. Ka nu leh pa in kum liam ta khan thla zawnin min boral san a ,ka tawrhna zawng zawng ka pasal hian min hnem ka tilo theilo, Aizawl kan chhuh hnuah makpa in a tih tur dik tak a ti zung zung a ,ka u pasal te pawhin an fakin an entawn hial a ,ka lawm veng veng . Makpa chetna tur ang chi ah hma a hruai a ,rawngbawl leh vui an nih thlengin rintlak a nihzia a lan tir reng a .








Ka nu leh ka pa chungah khan ka lawm a ni,he ka pasal hi min lo neih tir lo se tun anga hlimna hi ka nei lovang,keima nun dan ang ang khan awm ila,pasal rintlak loh leh la naupang chhia tak,ruihhlo duhzet bak ka nundan thin ah khan ka neih ka ring lo . Kan nun a hlim hek lovang,ka nu leh pa thu ka lo zawm na khan pasal tha tak min pek phah zawk si a “ Ka hmangaihnu " tiin ka hnung lam atanga min kuah chuan ka nuih sen sen ,ka pum chu a chul hauh hauh a ,kan naute lahin a pa khawih hre ve ni awm tak hian a rawn pet dat mai .









U Ramtea chu a nui deuh hawk a “ Ka fapa chuan min hre ve a nih dawn hi,apa hian ka hmuchak tawh tih a hria a ni ngei ang" tiin ka pum bawk chu a buaipui leh ” Apa keimah ai ka nau kha i duat tawh dawn em ni" kan fanu fing em em leh a kum phulo a tawng thiam tawh chuan a pa enkar pah chuan a rawn tileh nghal . A pa lakah a thikthu a chhia in naupang dangin a pa an hnaih hi zuk phal miah lova ,mahse a pa pawhin mipa dang ka hnaih a phal ngai lova,an inchhunna niberah ka ngai.









“ Nilo e ,i nau pawh ka duat anga nangchu englai pawha ka lalfanu duat i ni reng dawn a lawm " tiin a fanu biangah chuan a fawhsak a ,a pawm leh nghal . A fanu hi chu a tan in a thlavang te hi a hauh na lutuk hi kan inhauh phah fo,kan fanu lah hian a pa in a chhan zia a hriat avang hian thu hi a awih duh hauhlo lehnghal . Ka pum na zawk vang chuan ka nersak a,thutthlengah chuan ka thu thla nghal .







A pian a hun leh dawn tawh a ,a na leh tan tawh bawk nen kan inveng deuh reng tawh .




ZOPUII POV....






“ A rei tawh i ti velo maw ? Lallianzual kum lina a ni dawn tawh a nia " tiin thlan chu ka en reng ,ka ngai ngawih ngawih . Kan hun neih tlem zia lo hre lawk ila chuan a kiangah khan ka lo awm reng tur “ Ka ngai lutuk che ,tunah hian nangmah ang maia zeilo leh fiamthu duh zet mipa ka nunah a rawn lang leh a ,hei hi i rawn tirh em ni? Mahse bul tan pui erawh kei hian ka la ngaihtuah theilo,ka la nghak fan si che a ,ilo kir leh dawn anga ka ngaih tlat vang te hi a niang,ka ngai lutuk che " ka mittui chu ka hru zauh.








Ka tleirawl chhuah tirh atangin ka u te nen an inkawm khawm avangin nitin deuh thaw kan inhmu a ,a fiamthu kan chhungkua in kan nuih pui fo thin kha thawk leh khatah a bo leh mai si,theihnghilha hmalam pansan tur chuan ka tan a lo pawimawh em a ni . Mipa tawng duh tak leh mi tih luih peih em em ,engtik laiin nge ka hmangaih lah ka hre heklo,Dintei azarah kan in ngaizawng chho a ,ka kianga awm loh lai a nei ngai heklo,englai pawhin ka kiangah a awm reng thin,a taksa ka chan lai kha chuan.








Van lam chu ka en chho vang vang “ I awmnaah chuan hlim takin i fiamthu te kha an nuihpui ang tiraw? A nuam ngawtin ka ring,keichu min hre ve tawh awm silo " tiin ka mittui luang chu ka hru nawk nawk, Davida kha helamah a rawn thawk dawn tih ka hria. Engtin nge ka lo hmachhawn ang tih lah ka hre heklo,ka be tha ngai lo chungin ani chuan message min hnutchhiah reng thin . Tunah engvanga helam a rawn thawh duh nge a nih ang tih erawh ka hre hauh lo thung.



ZAWMNA.....





Kar a liam leh a ,keipawh Dintei ten u Davida lo hmuak tura min sawm tlat avangin peih vak lo chungin ka awm ve ran,ka kut te chu a khur thei hialin ka hria ,a luck lutuk tih an sawi ka hre tawh a . Ni e mipa hmeltha uchuak chu nilo mahse zûn nei kan tih ang chi niin a hmel chu a pa kan tih ang a ni bawk . A mah erawh a che chhe thei hle in ka ring,pawnlamah thawm a rawn awm a,kan chhuak ve nghal vat .







U Ramtea nen chuan rawn chhuakin bungrua an hlang a ,u Davida chuan min rawn pan nghal “ Hi Zopui" ka bul a rawn thlen dawn chuan lung pawng chu chhuihin a rawn bawk lo chauh, ka hmaah a rawn kun deuh dawrh,midang chu an rawn nui chhuak huk a ,keipawh ka nuih a za takzet ,u Davida lah chu a zak tih hriat takin a hmai chu mipa e tilo in a sen tawn tawn a ,inchhung lamah a tlan lut nghal daih . Ava che naupang chhia thei tak.








“ Tinge in nuih kher a,a zahzum sa nen khatiang te chuan in ti inthlahrung zo dawn a sin " Dintei chuan a rawn tihlak hlak,an pa chuan kuahin a nuih vur vur . “ A hmeichhe duh hmaah chuan a zam lo thei nang" tiin a nui zui hawk hawk a ,kei erawh ka lo ner nang thung . Inchhunga kan luh te chuan u Davida chu a lo ngawi kar a ,tumah biak pawh a tum hmel loh,midang lah chuan an la nuih tet tet bawk si “ Helaia thawh chu i duh zawk tak tak maw ,i chau dawn a nia ,doctor tha rawn awm chu pan tu pawh i ngah viau ang,helam khaw ho chuan hmunpui pan ai an duh ngei tawh dawn a .









I chau viau in ka ring a ni " Dintei chuan a bula thut pahin a ti a ,Davida erawh a la ngawi ngar mai “ Ka nau hma a i che chhia chu a awmlo love ,ka makpa inih dawn chuan min tlawn hle rawh" ka u in a tihchuan u Davida chu a kun chal mai,ka u thusawi chu kei ngei pawhin tullo ka ti takzet “ Chet chhiat hi zah tur a ni hleinem,Duhhmuipawrha pawh saw chakai in a cheh vang a nihsaw a hmui saw a len a a tawng theih em em " Dintei in a tihchuan “ Laldinmawi" ka u chuan a rawn ti vak a ,kan lo nui dar dar thung..








Kha hun a sawi chhuah leh takah chuan u Zuala bawk ka ngaihtuah leh,Dintei ten min hmehbel laia a tawng dan zawng zawng te kha ka bengah a rawn ri nawn leh awn awn ,midang hmuh loh chuan hawi sawn zauhin ka thaw hak . An inkawm khawm nak nak a ,Davida chu ka melh a piangin min lo en ve ziah lehnghal ,ka zak lutuk chu ka hawisawn leh vat zel . A mitmeng a zahawm khup bawk nen ka melh rei ngam lo hrim hrim ,ngawi rengin midang titi angai thla a ,a lo nuihpui ve leh thin .








Kan ngawichawi dun viau mai,kan haw dawn chuan pawn thleng min rawn thlah a “ Zanah lo len i phal angem?" a tihchuan ka bu nghat “ Eh keipawh hi min dil ve law law ta che ,chhungkhat pa ber ka nih hi" ka u bawk chuan alo tileh hmanhmawh chu an nu chuan a beng bu lawp ” Mi inbiakna karah lo in rawlh dawk dawk reng suh,tlangval pawh nilo in fa pahnih nei tawh pa ini tih hi hre ta che . Awm hmuna thinchhiat leh tawngtheih chang i thiam a ,khatiangin mi be ziah suh " tiin a hau zui hlak hlak .







Ka u chu tum burin a kalsawn nghal “ I duh chuan lo leng rawh" tiin ka nuihsak a ,min biak leh tuma a rawn ang zuau chu a tawp leh chat ” Thil ka lo hawn che a ,zanah ka lo len pahin ka pe dawn che a nia ,i duh angem?" a tihchuan ka nuih deuh hak,a tawng dan atang chuan ka duh loh a ring tih ka hailo “ I bialnu te hlau mah ila min lo hawn ve bawk si chuan lak ve ngei angai ang chu " ka tihchuan a tukkhum a hiat nauh nauh a .








“ Bialnu ka neilo,Rotawta ang deuhin Val senior ka nih hi" a tihchuan nuih insum zetin ka en ” Ka kal phawt ange,ilo len hunah kan titi leh zawk dawn a nia " ka tihchuan rang zeta inchhung luh tumin a inher a,kawngka ah a intauh leh lawlh ,ka insum thei tawh lo nui hawk hawkin ka kalsan a,a au vak ri chuan min ti nui char char. Mipa che chhe ve thei tak chu a ni,a zeilo bawk si, doctor ni si ah chuan hmeichhe lamah chuan a bo ve hle a nih ka ring.



(CHAPTER 27 DAH HUN TUR KA CHIANG LO AW)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)