MY HANDSOME VAMPIRE BY Mawitei Kevin Bawitlung (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

MY HANDSOME VAMPIRE BY Mawitei Kevin Bawitlung (Completed)

Unread post by Ngaia » February 16th, 2023, 8:26 pm

MY HANDSOME VAMPIRE






CHAPTER 1






“ Zoe mangtha aw " ka nu te chu ka en ,nuihsangin mihringte khawvel hmanlai tawmpui tur chuan ka in peih ta at,ni e keini ang dawithiam tan chuan bihruk reng a ngai a ,keini hi kan thlah zinga dam awm chhun kan ni tawh a ,vanduai thlak takin kei hi ka vanduaina belhchhah turin eng thil tih theihna mah ka neilo,kan nu leh pa hian mi ngaihtuahna an hre thei a ,kan u berin mei a tichhuak thei a ,ka u chiah hian thli vir nasa tak a siam thei bawk .








Kei an naupang ber hian engmah ka ti thei ve lo,dawithiam dang chu awm mahse keini ang an nilo va,hmel rap awm pui pui leh sual tak vek an ni . Vampire an la awm leh a ,an ni hi kan tana hmelma hlauhawm ber an ni bawk,an chet ran bakah an thi mai mai theilo va ,kan chipui te tam tak an suat tawh bawk . Chuvang chuan kei ngei pawhin hetiang thisen dawt thin pawisak neilo tak tak hi a huat in ka haw hlur ,ka college kalna tur chu ka thleng,a chang chuan ka unaute hian power ka neih loh avangin min hmusit in min ti duh dah thei hle a .








Hei vanga awm bo tum ka ni pakhat “ Kan lo lawm a che Miss Jones " hmeichhe pakhat upa lam tawh chuan kawngka bulah min lo lawm,ka bu nghat ka awmna tur room lamah min hruai nghal zat ,hmun dang atanga kal te tan hostel an siam a ,keipawh mihringte bulah kan chen ve loh avangin hostel ah ka chhungten awm turin min ti ta tawp kha a nia,ka room tur chu ka en ,a zau lutuk lo nangin a nawm hmel viau,khawpui ka thlir thei bawk a ,tlang pawng ramhnuaia awm a niin hawi thlak hian mihringte khawpui a lang thei a .








A nalh hle bawk,kham in a hual deuh vek a ,far thing in a hual thup bawk,a karah thingkung nalh tak tak ka la hmuh ngailoh an awm bawk . Boruak chu ka hip vang vang,ka awm ngailohna a ni bawk a a nuam ka ti viau,he college ah hian mi hrang hrang thil tih theihna nei te pawh an lut thin tih ka hria chuvang chuan ka fimkhur hle a ngai tih ka hre bawk . A chhan chu ka thisen hian thil tam tak a ti thei tih ka hre miau,ka fan duh a vangin ka room atang chuan chhuakin tual lam atang chuan ramhnuai ka pan nghal hnak hnak.









Hmun tina thil awm chu ka enkual,sava leh ramsa tenau deuh hmu in ka nui leh var var thin,tlang hmawr ka thlenga ka ding vang vang,thli rawn tleh chuan ka sam chu a chhem phe hlep hlep,chutia ka din reng lai chuan ka hnuai lam atang chuan thil rawn thlawk ka hmu,ka en reng lai chuan ka sirah chuan a rawn tum chat,ka phu nasa lutuk chu ka zuang dawrh a ,ka thil rah ala pial zui,khamah chuan ka tla dawn ta mai ,chupa chuan ka awn thla chu ka taiah rawn vuanin min pawt dawrh.








A awmah chuan namin kan in en ta chat,a rawn kunhniam bawk nen kan in hmu hnai hle mai ,a mitchu a sen deuh in ka hria ,a mithmul a bukin a hnar ngul a sang vah,mipa hmeltha tak a ni . Mahse a meng rum mah mah ,ka namsawn a ka ding tha vat “ Hmeichhe thing lutuk" a tihri ka hriat rual chuan ka thinrim phat mai “ Enga ka thing a maw mithmulbuk,min sel turin tunge i nih" tiin ka melh nghek . Nui chungin ” In thah i tum nachhan kha ka hrelo emaw i ti em ni? Ka chhan i beisei vang a nilawm ni hetah i rawn kal " enga a thu sawi mai mai chuh







“ Ka hre ngailo che tin,in thah ka tum bawk lo ,ka hmaah i rawn lan thut vang a nihkha ,nanga chhan ka duh vang a ni teivet lo ve " tihlakin kalsawn ka tum ” Lex min lo nghak rei em " hmeichhe pakhat hi a rawn kal a ,chupa kutah chuan a vuan nghal chat. Keichu min en nghal bawk “ Oh mithar an sawi chu i ni maw ,dawi tello a piang awmchhun an tihkha " tiin min nuihsawh zui,he mite hian a min hria maw? Ka mengkawk “ Dawithiam maw " chupa chuan a tisup,keichu ngawi rengin ka kalsawn nghal hlawk hlawk .







Helaia ka awm chuan ka fimkhur viau a ngai ngei ang le ,tumahin ka thisen thuruk hi an hre tur a nilo bawk . Zirtir tunu chuan zanriah eilai chuan midang hmaah in hmelhriat tir na min neih tir a ” Chibai ule Zoe jones ka ni a ,thian tha tak kan nih ka beisei " ka tihchuan kut an beng dur dur hlawm,kha kan ngeiawma pawh khan room kil thim laiah chuan a lo awm ve reng,kut pawh a beng ve miahlo,ngeng ngul hian a thu a , min melh ngur bawk .







Ka chhuk thla vat“ Hi Casey ka nia " hmeichhe pakhat chuan a rawn ti a ,ka lo chibai ve vat. Kan inkawm zui nghal bawrh bawrh ,mut dawnah chuan ka room ka pan hnak hnak, corridor a ka kal lai chuan ka hmaah thawm ka hria ,ka en vat mi pahnih hi an lo infawp ngawr ngawr ,ka hmuh ngailoh thil a nih avangin mak ka ti hle ,an in ngaizawng a ni ngei ang . Kal sawn mai ka tum chu an tawng ri ka hriat avang chuan ka ding,ngeiawma te pahnih kha an ni tih ka hre nghal.








An in ngaihzawn kha ka ring reng a ,ngawi reng chuan ka kalpel, tinge hepa hian min en duh em em mai le ,ka kalchak sauh. Khumah chuan ka tawngtai zawh hnu ah ka mu nghal than.






“ Morning " chaw ei tur chuan dawhkan kan kil a ,Casey nen chuan kan titi mawlh mawlh,chutih lai chuan room chhung chu a reh duk ,kan hawi chhuak ve chu Ngeiawma leh mipa na pahnih bakah hmeichhe pathum a fawh nu nen khan an rawn lut,midang chuan thawm miahlo in an en thap,engvanga hlauh hmel em em nge maw an nih le “ En suh Alexander hi kan school mipa a chak ber a nia,tumahin an la hneh lo,dawi leh chinghnia te,a ma anpui hrim hrim pawhin a chak lutuk,an sawi dan chuan he lal ram rochung tu tur hi a ni an tia.









Keipawhin a chak zia ka hmu tawh,che rang tak a ni,a hmeltha bawk sia duh tu leh a ruk a vei tu a ngah a sin,a thiante pahnih saw wolf leh bat an nih saw ,an hlauhawm lutuk tumahin an tibuai ngailo,a ngaihzawng nu saw mi tihdamna nei a ni bawk a ,lalfanu ve tho a nihsaw tumahin an ti buai ngai meuhlo he school ah hian an lal len a niber " ka thiannu thusawi vang chuan ka meng kawk kawk,hepa hi engchiah nge a nih ang a nihna dik tak tumahin min la hrilh duh miahlo .








A thlawk theiin a che rang hle tih zawng chu ka hria,ka en reng lai chuan min rawn en ve leh ta chat ,ka ip chawih mai . Nui sukin min rawn pan “ Wow kan mithar nu chuan dan a la hrelo a nimaw ,tho rawh ka thu duh " a tihchuan thawh tum lo in ka en ngar ,midang chu an phun mur mur ka thiannu chuan tho turin min mitmei bawk . Mahse engvangin nge ka thawh ang ka thutna a lawm “ I duh chuan thutna tur dang a tam saw thu mai rawh " ka tihchuan a bialnu zawk chuan min rawn khawih a tum a .









Mahse Alexander chuan a lo dang vat “ Infiam i duh em ni" ka bengbulah chuan a rawn tisap a ,ka lo er awrh “ Nge nang hian min duh " a thusawi avang chuan zaklo tizetin ka en “ Nang ang mipa zahna chang hrelo hi chu maw enga tan mah ka tilo che ,mipa inla ve satliah mai mai lehnghal ”ka tihchuan pakhat chuan a kuttin a rawn ti chhuak,chinghnia Casey in a sawi chu a ni tih ka hre nghal ,ka au that “ Eng thil nge thleng Mr Cox duh tawk rawh u " kan zirtirtu in a rawn tih takah chuan an kalsawn a,a bialnu te zawkin rum taka min melh laiin an ni mipa te erawh chuan nuihzat hmel zetin min en thung.








He school hi ka tan a tha dawn lo riau in ka hre tawh . Ka nu te ka biak pawh vat a ngai a ni ; class la turin ka class tur lam ka pan hnak hnak,ka luh chuan an lo awm deuh vek tawh,kawrfual ka khup chen vel chu ka ha a ,ka hma a rawn ding chu a rim atangin tunge a nih ka hre nghal “ Awmsawn rawh " a awmah chuan ka nam,nui hakin min hnaih zual sauh “ Thingte enge i rawn tih dawn " ka melh leh nghek,ka thinrim lutuk chuan ka kut ka hum vak “ Lex khatiang eng thil tih theihna mah pianpui lo kha hnaih ziah suh.









A thing si " chunu bawk chuan a rawn tileh,ka insum hram hram a ni . Chuti lo chu ka nihna dik tak an hre dawn ,ni a kei hi thisen thil tih theihna tam tak nei,mahse hmang chhuak hauhlo tur a zirtir ka ni,keimah ang hi an vanga kum 100 danah mi pakhat chiah awm ang vel kan ni bawk . Engmah power neilo mah ila kan thisen hian thil engkim deuh thaw a tih theih avangin mi tupawhin keimah ang nih an chak vek,chu chu an hriat chian avangin ka nu leh pa hian inthup turin min tifo .







Keini ang hi chu duhchuan lal ni thei kan ni bawk ,mahse chutiang thil ka duhlo ka himnana ka inthup a ngai a ni,chutilo chu min thah duh tam tak an awm dawn “ Anilawm ni " chunu bawk chuan a rawn tileh ,khawih mai ka tum chu a thiante chuan min vai per nawlh,ka hnung chu bangah ka sawh,ka thawk a har lutuk,thawk lak tumin ka thaw tawk tawk ,a tawpah ka tha hram “ Nang hian min cho hauh suh " a rawn tileh kher,ka mit chhingin ngawi reng chuan ka tho chhuak a .







Pawnlam ka pan nghal zat,ramhnuai lam bawk chu panin khamah chuan ka ding vang vang ” Tinge ka lo pian ve,engti turin nge khawvelah hian ka pian mi hmuhsit mai mai tur hian maw " ka au tuar , ka aw chu kham hnuai lamah chuan a khawk rum rum ,eng emaw hian min man nimaiin ka hria ,a hmawr lam chu ka pan zel . “ Zuang thla rawh" ka hnung lam a aw chu ka hria ,khapa Alexander bawk kha a ni “ Enge i duh min tibuai reng suh " ka ti tuar .








Ka mittui chu ka hru nghal vat,min en reng “ Hun thawl i mamawh a nihkha " tiin ka lam ah chuan a rawn phei thut , ka phu nasa bawk nen khamah chuan ka tla thla ,ka thih loh reng ka ring tawh lo ,ka mit ka chhing tawp mahse ka kawngah rawn vuan tu avang chuan ka mengchhuak,min lo nuih suk tu chu ka en reng “ Min vuan nghet rawh" tisupin min insiam rem pui a ,a nghawngah nghet zetin ka kuah nghal . Min thlawh pui nghal zat “ Khawnge kan kal dawn Alex " tiin ka en ,ka sam thli in a chhem vawk vawk bawk si ka hlau lek lek a ni .








“ Hmun nuam deuh ah,i tahlohna tur hmunah " tisupin min vuan nghet sauh,tinge hepa hi ka thlen tirh atangin ka la hmuh zawm reng le “ Le hnuailam en teh le " a tihchuan ka hawi thla ,kan hnuaiah chuan thingkung karah phul hring dup leh pangpar sen lo par tuar chu ka hmu nghal “ A mawi lutuk" tisepin ka nui var var , Alexander chu a khi sak a ,min tum pui nghal ” Heng te hi a khawih theih tiraw " ka tihchuan a bu nghut . “ Red carnation an ti thin,an mawi a sin" tiin ka pan hnai.








An rim chu ka hnim vang vang,ka nui var var bawk ” I duh zawng a ni em" a rawn tihchuan ka bu nghat . “ Tihian ka ngaihtuah thin,mahni te chauhin awm ila pangpar hian min hual vel se tiin mahse a theih siloh a " tiin hnim chungah chuan mu in vanlam chu ka en vang vang “ Thamral thei ila,ka duh zawk ngei ang he khawvel hrehawm hi a " tiin ka mit ka chhing “ I thamral in awmzia a nei chuang nang" titu chu ka melh nghek “ Min tibuai reng suh ka hua che " ka ti tuar ,chuveleh thinrim zetin a thlawk bo . Keimahin hetah min hnutchhiah a maw?.







Engtin nge ka let ve tawh ang,engvanga lo inhruai tir nge ka nih, ka thi chu ka hum vang vang,a pawilo hetah hian ka awm reng mai ang .





(A NGAIHNAWM HMEL IN TI EM ? COMMENT NAAH LO SAWI RU AW )


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 16th, 2023, 8:26 pm

CHAPTER 2






Pangpar karah awmin ka tlan kual,ka nui var var reng bawk . Haw na tur ka hre tawh chuang lo a ,hetah hian min zawngtu rawn kal hma chu awm ila a nimai ,tlai thim dawnah chuan ka hlau ve riau tawh ,ka hawi kual ruai ruai Alexander kha rawn kal a tumlo tak tak em ni le? Hetah min hruai dawn kha tinge ka duhlo ka lo tih miahloh,an mi hmuhsit zia ka hre reng si a ,ka at vang vek a ni .








Thing ngheng chuan ka thu vang vang “ Boo" ka phu nasa lutuk chu ka au tuar “ Enge i hriata " Alexander chu ka melh nghek. Mahse a rawn let chu a ruk tak chuan ka lawm ,ka ril a tam tawh lutuk ,ka pum lah chu a rawn ri kuar kuar,a rawn melh nghal vut; “ Tinge i bo vang vang a ,i sual lutuk " tiin ka pum chu ka dawm bet vat . Eitur a rawn phawrh ka hmuh chuan ka chil ka lem nghal dawk dawk a “ Ka duh ve " tiin ka ban nghal,a lo khaisang daih a nihchu a vahan sual thiam tak.








“ I ei ve duh chuan englai pawha ka bula awm in ka duh duh i ti ang tih intiam rawh " mit kân ukin a rawn ti a ,ka hmui ka pet sawi nawk,mai mai chuan ka sawi lawk loh avang chuan a mah chuan khehin min ei khum vela ka ril atam ve tawh bawk nen ka ban lahin a lo la sawn zel bawk si. “ Awle englai pawhin i bulah ka awm anga i duh ang a piang ka ti ang " ka tisep ,a nui nghal vur vura , chocolate chu pakhat min rawn pe in ka bulah chuan a rawn thu thla “ Anihchuan englai pawhin ka venghim ang che " a tihchuan mak tizetin ka en .








Ni tla tur thingkara lo lang dêt dêt chu a thlira ,hepa hi a hmeltha tak zet. Reilote ka la hriat mah nise a hmeltha tak hian min ti danglam lo theilo “ Ka hmeltha tih chu ka hria a ,Thingte nang leh zelin khatianga min en chuan ka lai mai dawn a lawm" a rawn tihchuan rang lutuk in ka hawi sawn,a awmlohna lamah chuan ka lei ka chhuah vak vak ringawt. “ Zoe maw i nih?" a tihchuan ka bu nghat “ Engvanga dawi tello a piang nge i nih?" a tihchuan ka ngawi vang vang “ Ka hrelo " tiin hmalam chu ka melh.








“ Khuanu hian ka vanneih a rem ti ve lo a niang " ka tihchuan min rawn en, ka lama a rawn awn chuan ka lo awn ve vak,chiang zetin min en “ Enge i...hriat" harsa tizetin ka tichhuak . A rim chu ka hip lut hak,a mitmu a sen emaw ka tihkha a ni tawh miahlo,tunah tak hi chuan a mitmu a dum kak “ I mitmu rawng i thlak thei elo?" ka tihchuan za zet hian a nui hawk hawk “ Aniang,i sam rim hi a tui takzet chuan i rim pawh hi a dangdai " a tihchuan ka nuih hak,ka rim pawh ka hrelo e a .








“ A nalh hle mai " nitla tur chu ka en reng ,ka kut phar kual in ka nui var var reng bawk “ Kan awmna nen chuan a dang sia,hetiang hmun reh raih leh boruak nuam taka awm reng hi ka chak" tiin Alexander a lam chu ka hawi phei a,min lo en reng a vang chuan ka meng deuh ak ,ka mit ko chu san zeuhin ka hawisawn vat “ Haw tawh ang " tiin min rawn pawm kang lawp ,ka lo kuah vat . A nghawngah chuan nghet zetin ka kut ka suihzawma ,min rawn enin a khi zui sak.








A zuan rualin mitchhing sawkin ka meng leh riai riai,a vawt deuh vur mai boruaka awm chu “ Alex enge i nih? Dawithiam nge vantirhkoh" ka tihchuan a awm che dawt in a rawn nui,a sam hma lam chu thli in a chhem zawng chuan a phe hlep hlep,mipa sam tawi lutuk hi nalh lo ka ti thin a , Alex erawh a bek thleng niin a sam hma hi a sei deuh a , a inhmeh takzet bawk “ Vantirhkoh angah min ngai mai rawh" a tihchuan ka bu nghat. Tualah chuan min tumpui a ,a bialnu khan min rawn pan hlawk hlawk .







Ka lo en reng thung,kut min thlak a tum chu Alex chuan a lo dang nghal “ Awmsawn rawh Cara " tihmukin a namsawn a ,keichu min rawn en “ Lut tawh rawh,chaw ei a hun" a tihchuan ka bu nghat,ka kal zui nghal a bialnu chu a phun zui tih ka hre thei “ Hi Zoe " Casey chu enin ka nuih var var,ka pan hnai nghal vat . Chaw ei tur chu dawhin kan la pah “ Vawin chu a nuam bawk em? Awi an sawi nasa cheu a nia aw ,Cara phei chu a thinrim rap mai.






Engtin nge i rawn awm thar chiah sia Alex nen in rawn awm nghal chat theih,ka thik che e kum hnih ka awm tawh a ,len chu sawi loh hnaih pawh ka la hnaih thei ve miahlo,mahse nangmah a vangin class ah pawh min hmuh ve phah a " a tihchuan ka ner vak,chutianga keimah ka nih vanga ka vanneihna pawh ka hrelo “ I hresual a nihkha kan inkarah engmah a awm hleinem, min len khaw thawn pui mai mai a lawm.






Chubakah min tih luih duh vang mai mai bak lohin min hnaih lovang " tiin Alex leh Cara rawn lut chu ka en reng,an in thlem lungawi tawh a niang Cara chuan in ti thei zetin min rawn en ,ka lo ner nak thung a . A mizia saw ka eiloh tur chi tak a niin ka hria , Alex nen hian nilo phei se chuan tumahin enga tan mah an ti in ka ring lo,kan awmna chhung chu a bengchheng hle ,a then an ramsa khawi nen.






A then lah an thla hmangin an thlawk kual a , music bengchheng bawk nen ka lu an tihai rum rum tawh . Ka ei zung zung “ Hahchawlh ka duh a ka lo va kal ange " tiin ka tho zui a ,ka tlanchhuak nghal hlawk hlawm “ I tha em Zoe " ti a a rawn au zui pawh chu ka chhang theilo,ka beng chu ka hup ,ri bengchheng hi ka ngaih theihloh bakah ka haw hle ,ka hnar chu a thi tih ka hailo,ka tihreh vat a ngai a ni,ka roomah chuan in kalh khumin ka hru fai nghal zung zung.








Ka halral nghal bawk ,a zia awm hnu chuan ka room atang chuan ka dak chhuak,khawpui eng chu thlirin ka thu reng,ka nu te khan min ngai ve angem le ? Tunah chuan an awmna atanga hla takah ka awm tawh si a“ I lung a va len hmel ve Thingte " ka au leh tuar “ Hmela min tiphu tawh suh,engvanga min tiphu ziah nge i nih a ,awm sawn rawh ka khaw thlirna i dal " ka tihlak,a kut min rawn pek chuan ka en haw .






“ Inchung atangin a fiah zawk min lo zui la ,ka thu hnuaia awm turin i inpek tawh kha " a rawn tizui nghal zat . Mai mai chuan kha thil kha a la hre reng a nimaw,a tih tak tak pawh ka ring lo a nia ,a kut chu muang changin ka vuan a ,inchung lamah chuan min thlawh pui nghal ,a chhip sang lai berah chuan kan thu dun,kawrlum ka lo ha hlauh chu a vanneih thlak,ka dara a lu a rawn nghah chuan ka en vat “ I bialnu in a thik ang,khatiang in awm suh,buaina tawh ka duh tawh lo a nia " ka tihlak.







Ngaih pawimawh loh hmel zet hian a insiam tha a ,a aia chiangin a rawn nghat leh nghal . Ka awm a nuam lo huih mai,ka lai ten ka hria,a taksa lum thur thur pawh chu ka hrechiang hle ,khawpui eng bawk chu ka en leh “ I hmelthat tehlul nen inchei ve ta che " a rawn tihsup chuan ka en ha mai “ Enge ka hmeltha bawk lo min bawl tum suh" tihlakin ka sik hlawk ,rawn tho kangin a nui vur vur a ,chutah ka darah bawk chuan a bei leh nghal than .








“ Ta tang hian zantin ka thlir thin,mihringte bul te ah heti hian kan awm a ,engtin nge min ngaih ve ang tiin" a tihchuan ka lo bu nghat . “ I nu leh pa chu an hmeltha ngawt ang " a rawn nui leh hawk hawk “ Ani a lawm,i hmeltha a mahse i sual " ka thusawi avang chuan a taksa che dawt dawtin a nuihza chu a insum “ Um mi ropui tak an ni,an mite tana in pe zo tak mai " tiin kan hmalam chu a thlir,arsi thlawk ka hmuh chuan ka ding hluai a ,ka en reng “ Awi a mawi lutuk " tiin ka nui var var.










Ka hnungah a rawn ding,ka taia a kut a rawn suih chuan ka phu zawk,ka khur der der “ Ka thian i ni duh angem Zoe" a tihchuan rang zetin ka lo aw ,ka darah a khabe a rawn nghat ,a thaw lum ham ham “ Ka tling ve dawn em ka hrelo,mahse duh chu ka duh,Cara hian min haw viau angem" ka tihchuan a thaw hrawk “ Ani ngai pawimawh suh ka nunah thuneihna a neilo" tiin ka sam chu a dah sawn,ka nghawng zawnah chuan a hnar leh hmui a rawn dah a,ka lo thaw hak “ I rim hi a tui takzet Zoe " a rawn tihchuan ka lo nuih ringawt.








He thu hi engvanga sawi fo nge a nih “ Animaw ka lawm lutuk e ,i rim hriatna a tha awm hle mai " tiin kan hnuai sang zet chu enin ka back nghal dawt “ Awi ka hlau lutuk a sang si" tiin ka mit ka hup ,ka thu nghal . Alexander lah chu a nui reng mai “ I va dawih tak e aw ,lo kal teh thlaeng hnuaiah hian ram ka fan pui ang che " tiin min thlawh pui,ka au deuh tuar thla eng hnuaiah chuan tlang leh ruamte chu min en pui zel ,ka hawikual nasa hle ,hetiang khawpa nuam tih hi ka la neilo,ka zalen riau in ka hria .





TI THLENG HI NIRIH MAI AW


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 16th, 2023, 8:26 pm

CHAPTER 3








“ Hey Zoe Jones " ka hmaiah chuan thil uih zet hian a rawn fuh,midang lo nuih dur dur na karah Casey chuan Cara chu a khawih pawp pawp,a kut tin hriam zet chuan a ham ,Cara chu a au tuar tuar mai,a thiante chuan an rawn pui a . Casey chu a rawn leng deuh lawp,ka lo chelh bet vat “ Engthil nge thleng " Alexander aw a rawn chhuah rualin an reh nghal duak “ Lex en teh saw mite sawn min tih hliam phung hi,ka intidam thei hlauha chuti nilo se ser ka nei ngei ngei ang.









Alex hremna pe rawh " Cara chuan alo ti, Alex chuan min rawn en phei,ka hmai a thil kai chung chuan ka lo en let ve reng “ Animaw " tihsawiin min rawn hnaih phei a ,ka lo en kar engtin nge min tih ang tih ngaihtuahin tawng lo chuan ka lo en reng,a rawmawl phawrhin ka hmaah a rawn ding a ,ka hmaia thil kai hruk nan chuan a hmang zui zat . Ka lung a tichhe hle “ Fimkhur ta che i uih vek hi " tisupin ka khabeah rawn dawmin a hma aia ulukin a hru leh mawlh mawlh .








“ Lex tinge i puih a ,hau ta che " Cara chuan a rawn ti that “ A tawk ,i tih hmasak an ni a ,a diklo zawk chu hremna ka pe bawk ang,helai atang hian chhuak rawh u,Zoe hi in tibuai leh anihchuan keimah zel min hmachhawn tawh ang " tiin min kaisawn,tuiawmna ah chuan min hruai a ,keipawh chuan ka hmai chu ka hru mawlh mawlh ,ka inphih fai rual chuan thutthlengah chuan ka thu thla hnak .







“ Kal tawh rawh ka tha ,i bula ka awm tam leh buaina ka tawk tamin ka hria Alex chuvang chuan min hlat rawh " ka thusawi chu a haider leh hmak tawh “ Ronald lo kal lawk teh u " a thiante pahnih chu a ko phei a ,an ni pawh an rawn thleng nghal “ Hei hi Cara min lo peksak ta che u,chuan ka bialnu a ni tawhlo tih lo hrilh bawk ula " a thiante chuan an nuih hak laiin kei erawhin mak tizetin ka en thung. Cara then a tum a maw .






A â em ni “ Awle i duh tak tak hi chu an la awm lo a nih hi tiraw thian a ,he college ah hian hmeichhia chu an la awm nual tho ania tunge i hual leh deuh a ni kha em ni" a thianpa Ronald a tih chinghne pa chuan a rawn ti,ka lo ner sak “ Nilo ,ani hi kan thian thar tur a nih hi ,nilawm ni kal tawh rawh u,bialnu ka nei peih tawhlo tihna a nihkha in pek zawh leh tualah i infiam ho teh ang u " a tihzawm a,keichu min rawn pan nghal zat .







“ Kal ang lehkha zir tur pawh a awm loh hi,i hawizau ve te pawh a ngai a lawm naktukah project ang deuh tiin ramhnuaiah kan kal dawn a ,ka partner i nih tur thu ka hrilh vek tawh " tiin min hnuk chhuak dawr dawr ,hepa hi enge a hriat. Mi a kaih kual reng ni,chutih rualin ka mamawh huna a lo awm reng zel hi a mak ka ti . Buaina leh harsatna ka tawh apiangin min pui tur in a lo awm hman ziah a ,vantirhkoh dik tak chu a lo nih hi .







Tualah chuan Casey sawmin kan pathumin ball kan pet a,ala thiam em em leh ta nghal . A thiante pahnih chu rawn tel ve bawkin kan bengchheng hle ,midang lah chuan engmah sawilo vin min thlir thup ,ka chau lutuk chu ka thu hnawk,grass chungah chuan mu in ka thaw hawk hawk . Vanlam chu enin hahdam tum tak chuan ka mit ka chhing riai riai “ Hey nang te hi i va chau hma ve ,i thau lutuk a nihkha " Alex chu ka melh nghek,thu chhuakin a banah chuan ka chum awk awk .









Anilah nui chungin min pawm bet vak a,ka rak tuar mai “ Ka ngaina che hi a mak ka ti,hmeichhia hi thianah ka la nei ngai hauhlo" kan thiante pathum infiam lai enchung chuan a rawn tisup ,hnim chu a kutin a tham a ,vanlam hawi chuan hahdam hmel zet hian a mitchhingin a nui ver ver ,hmeltha ka tileh pek viau . Ka lu ka thing nawk nawk,a ni in thian angin min en a,kei a hmeichhia zawk hian a lakah rilru ka nei tih hria se engtin tak min ngai ang maw ? A kut chu ka VA chelh,min rawn en nghal vat .








“ Ka lawm e aw ,min kawm ve duh avangin ,kan awmna ah chuan thian ka neih phal a nilo va ,nang hi mipa ka kawm hmasak ber ini ve tho a sin,chuan ka rin phak bak daihin i fel bawk , Alex nang ang mipa ka tawng hi vannei ka in ti takzet,min venhim avang pawh hian ka lawm e ,nang awmlo la chuan min hmusit hlawm ngawtin ka ring " tiin ka nuih sen sen,ka biangah rawn piai in ka malchungah a rawn mu nghal thak “ Midangin min en thup a nia " ka tihchuan a hawi chhuak zawk a .








“ A ho lutuk a duh duhin min en rawh se ,enge pawi ,kan mu a nimai a " a tihchuan ka hnial tawh biklo “ Alex kum engzat nge i nih a" ka tihchuan “ Kum 25" tiin a mutdan a siam tha ,kan bul vela bengchhengte chu ka hre phalo,ka mit leh ka rilru chu Alex a lam hlirah an awm,a mit a hup a ,anilah chu thlamuang zetin a mu heuh heuh chu a ni sia . Ka chhungte ka ngaihtuah a ,ka unaute chuan tuna kan awmdan hi hmuse min sel leh ngei tawh ang ,ni e an ni angin a taka thil tih theihna ka nei ve lo va ,engkimah ka inthup angai bawk .







Ka unau te ngei pawh hian ka thuruk hi an hrelo,a chhan pawh ka nu leh pa te hian a put chhuah mai an hlau a ,kan chhungkaw tawp hlenna tur emaw khai ding tu emaw ka nih theih vang a ni . Ka hliam hlek pawh an phallo va ,khuahkhirhna hnuaiah kum 20 chhung ka lo awm tawh a ,tuna zalen taka thiante neia ka han awm ve ta mai chu ka lawm hle . Thian ka chhara ,mi nun hmandan te leh ka thil hmuh ngailo te ka hmuhphah a ni si a .








Alexa chungah hian a bik takin ka lawm bawk ,a ni hi awm lo se chuan midan te hian tunai daih hian min nuih sawh ngei ang “ Thil ngaihtuah vak vak suh,hahdam mai mai teh" a rawn tihchuan ka phuzawk ,min lo en reng chu niin “ Awi Zoe a nuam lutuk,mahse Ronald leh Zico hi an phakar lutuk a ,ka chang ve theilo reng reng ,hetianga nuam tih hi ka la neilo " Casey chuan a rawn ti,ka lo nuih ringawt . Kan inkawm ho va , Alex te thian ho lo sual loh zia ka hre thar nimaiin ka inhria.









Ka hmuh tirh kha chuan misual tak ni turah ka ngai vek a ,mahse hetianga an bula awm takah chuan mipa fel leh thawveng ve tak an ni tih ka hre thei “ Kha a chau der mai elo? Kan mi thu a chu " Zico zawk chuan a rawn ti,a nipawh hi bak lam hotu a ni a ,he ramah hian a pawimawh ber pawl an ni pha a ni. Alex erawh hi chu eng mi chiah nge a nih tih ka la hre theilo,amah lah hian vantirhkoh tihbak a duh silo,a nihna dik tak chu hriat ka chak takzet









Class lam ah kan inzui lut hlawm a , Alex lah chu ka bulah a la thu lehnghal, Cara thinrim hmel chu hmuh hrehawm khawp in a sen nasa .





ZAWMNA







“ Hey Alexander min then thei ringawt lo " kan lama rawn phei pahin Cara chuan a rawn ti tuar, Alex-a lah chuan a ngaihpawimawh hmel loh nasa mai si ,ka kut chu a kut nen a tehkual,a khi leh vur vur thin “ I kuttang chu i taksa ang maia te a nih hi le" a tihchuan ka beng chawrh “ Alexander ka biak che chu" Cara chuan a ti deuh tuar “ A tawk ka tihkha Cara" dawhkan beng thuai chungin Alex chuan a ti that.







Mak tiin kan en ha, Cara lah chu tap chungin a tlan chhuak “ Ngati nge khatianga i tih ,i bialnu a lo nihna thinah pawh be tha ve ta che " tiin ka en ,ka lam a rawn hawi ka hmui bulah a rawn awn hnai chu lian lutuk in ka lo melh “ Chutianga ka tihchu i duh maw ,ka ngaihsak chu i duh takzet em" a rawn tihchuan chhan dan tur ka hrelo,dik tak chuan Cara hi chu keipawhin ka mil lo em em a nihkha “ Ih...ka ..ka hrelo " ka tihbah nak,a nui deuh suk a .









Chutah thutak zetin min en “ Zoe " ka tukkhumah a rawn vuan,ka sam karah a kut a rawn rawlh lut,midang awm ve ho chu an lo rak that “ Ka bialnu i ni duh angem?" a tihchuan mak ti lutukin ka en ,midang lah chu kut bengin an lo au tuar tuar , ka hmui ah a rawn fawp zui a ,ka hamhaih lutuk chu chetna chang pawh ka hrelo ,ka dawh mawl tawp “ Zoe " ka hmui chu a chul zai zai,midangin min en thup bawk si thinrim zetin ka en .







“ Nang hian i hmeichhe kawp tawh ang tho a min tih kual i tum vang a ni tiraw thian anga bul min lo tan pui Alexander cox ka haw lutuk che " ti tuaein ka tlan chhuahsan nghal dawr dawr “ Zoe ding teh" engtin nge ka bul a rawn thlen hman ni . Pawnah chuan ka chhuak hlawk hlawk “ Min khawih suh " tah chhuak tunin ka en ,far thing lam chu min panpui in a kung ah chuan min nawr bet tlat “ Min ngaithla teh,fiamkual che ka tumlo ka duh che Zoe " awihlo zetin ka en ,ka nui hak bawk ..







“ I thiante sawi kha ka hre vek tih theih nghilh suh,nang hian helaia hmeichhia te hi i tina kual thin tih ka hre vek,i hmelthatna a vang hian hmeichhia te hi enga tan mah i ngailo tiraw " ka tihchuan a mit chu ka hmuh hmasak ber a mi ang khan a rawn sen rum a ,ka rap takzet “ Anilo nang chiah hi ka duhna thup nana thian anga ka kawm hmasak awm chhun i ni,min ring rawh Zoe hmeichhia tumah ka duh thu ka la hrilh lo ka ti takzet .






Ka duh takzet che ,i tap hmel ka hmuh te khan min hneh ngawih ngawih, Zoe ka duh lutuk che " a mitah chuan ka en kar “ I mitmeng kha thlak rawh ka hlau che " ka tihchuan nui hawkin ka nghawngah chuan a hmai a rawn phum,a thaw ham ham mai “ I rim hi ei zawh vek mai che ka chak " a rawn tihchuan ahnungah ka beng dawt ” Ka thi daih anga sin,ka rim hi sawi ziah suh awm sawn teh " tiin ka nam dat dat,a sam chuan ka bek vel a nawk reng bawk si






A za ka ti takzet tawh“ Alex" ka hmuia a rawn fawh leh thut avang chuan ka tawnglai ka tawp chawt a ,ka khap fak fak,ka mit ka chhing thiamlo ka meng kur ringawt ,mahse reiloteah harh chhuak vatin a kawr nghawngah chuan thamin ka fawp let ve mial mial,ka zeilo bawk nen ka thiamlo chu a tive tho vang. Ka biang tawn tawnah vuanin min nuih a ,a vahan hmeltha tak.







“ Tunah chuan ka ta chiah ini tawh ,lo star tu che zawng zawng saw ka runluih ang"a tihchuan ka en ha “ Awihawm loh,tumahin min star lo " ka tihchuan a lu a thing vut “ Mipa ka nih hi,mipa rual awmkhawmin i chanchin an sawi dan i hrelo ,tunah chuan ka ta chauh ini tawh ang " tiin school lam bawk chu min panpui,ka kutah a kai tlat bawk “ Alex lumna hi i neilo ve e " ka tihchuan a nui huk .






“ Ka nung lo a niang,ka vawh reng a ngai te pawh a nimahna ,nang i lum thung a lawm" a tihchuan ka nuih ringawt,mi chuan min en duh hlawm hle an phun sep sep bawk ,ka ngai pawimawh duhlo ve tlat “ In va in umpha maw ? In bem au ring ber in ni ". Ronald chuan Casey lo kuah chungin a tisup,he mite hi an in hnimhnai riau “ Kan kal phawt ange project ti a ramhnuaia kal a ngai tlat " tiin Alex chuan ka bag chu la in a ak a ,taka ramhnuaiah damdawi zawn tur kan nei tak e .







Kan in elna ka lo theihnghilh daih a lawm le ,ke in kan kal dun a ,ka hawi kual nasa hle “ Awi saw sakhi anihsaw ,awi sazupui pawh" ka au chul, Alex chuan a beng a in ti hup vak kher a ,ka ngei hle ka melh nghek “ Tikhan awm vak kher suh,an ngam em a lawm,ehe hei ani tiraw " kan lehkhabu a inziak pakhat chu ka hmu hlauh, Alex chuan buk nghat pahin ka biangah a piai zauh va “ I mit a va tha ve " tiin a ak nghal zat bawk .







Ka kutah bawk a rawn kai leh a ,ramhnuaia chutia awm nuam ka ti riau,kawrte tuiluang dai tui zet te chu kan in khalh khalh a,kan vak leh zel . Kan damdawi zawn ho pawh kan hmu kim deuh thaw tawh .




(MUTTUI U )


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 16th, 2023, 8:27 pm

CHAPTER 4







Chutia damdawi kan zawn mawlh mawlh lai chuan thli na zet a rawn tleh a ,ka tho chhuak zawk ,Alex chuan a hnungah min dah nghal . “ Alex enge ni,ka hlau a nia " tiin hmalam rawn ri phei buan buan chu ka en,a banah chuan nghet zetin ka tham “ Hlau suh ka veng reng che ,ka kalsan dawn lo che a nia " a rawn ti sup,kan hmaah chuan eng ramsa nge pawh hriat loh ngho sei tak leh lian tak chu a rawn chhuak .








Alex chu a meng sen leh ram tawh “ Enge helai hmunah i rawn tih let leh nghal rawh chuti lo chu keihian ka that ngei ang che" Alex chuan a ti hmuk “ Ka pi leh pu thu ka zawm mai a ni,kha hmeichhia kha a insiam puitlin tak tak hma in that tur a thu pek ka ni " tiin keichu min rawn ngur chhur chhur “ Ani hi kan tan a hlauhawm loh,thu ka pe a che let rawh " Alex chuan a tileh tuar ,keichu mak tihna in ka khat. Saw ramsa sawn ka nihna a hria a ni .









“ Alex " “ Hlau suh" tiin chu ramsa lam chu a en “ Ani hi ka ta a ni,i tihnat dawn ai chuan dan ka bawhchhe mai a nge " tiin chu ramsa lamah chuan rang zetin a tlan phei,kha thil kha nilo nilo! Alex hi vampire maw? Engtin nge ka hriat loh theih,ka pi leh pute thata ka unaunu that tu te thlah maw a nih? Nilo a tel ve hial mai thei “ Ani theilo " tiin ka back dawt dawt ,ka mittui a tling pam chu ramsa a sawisa lai chu ka en reng,a thah lai te chuan rapthlak tizetin ka en .








Ani pawh hian phoenix ka ni tih hi a hre ngei ngei ang . Ka lam a a rawn phei chuan ka lo back dawt dawt “ A hlauhawm tawhloh,Zoe ka awm hi ka venghim ang che ka tihkha " ka lu ka thing nawk nawk “ Vampire" ka phun sep “ Enge pawi ni e kei hi vampire chu ka ni alawm,min hlau ta mai em ni Zoe " ka lu ka thing nawk nawk “ I ni theilo vampire i ni theilo " tiin ka beng ka hup,a rawn phe vuai a ka bul chu a rawn thleng nghal “Min en rawh , Vampire chu ka ni" tiin min tlanpui fua ka nghawnga rawn seh a tum chuan ka lo chhing vat .








Mahse engmah a thleng lo “ Vampire ka nih avang hian min iai em ni Zoe enge ka tihsual,he nihna hi ka duha ka thlan a nilo,mahse kalsan ka duhlo bawk " tiin ka hmai tlang chu a chul a ,ka mitah min en kar “ I hria tiraw " ka tihchuan bo hmel zet hian min en hu “ Eng maw ,enge ka hriat tur awm " tiin min hnaih ,ka thaw deuh huai a ni chuan engmah a hrelo a nih hmel “ Engmah nilo e ,haw tawh ang tisawn kan dah tawp dawn em ni " tiin a mi thah mihringa chang mek chu ka en,ka mit ka chhing deuh sawk .









Ka kawngah a rawn vuan a “ Ngaihtuah suh ka kianga i awm chhung chuan tumahin an tina lovang che " tiin min thlawh chhuahpui ,a hmel chu ka en vang vang,keihi ka hmelma zunah ka uai mek a ni. School tualah chuan min tumpui a ,kan teacher room lam kan pan nghal zat “ Engmah sawi suh aw " a thusawi chu ka bukpui nghat,keipawhin sawi ka tumlo . Kei min chhanna avanga that ani tih ka hrechiang miau si a ,kan damdawi hmuh teacher Jereth kan hmuh tir chu lawm hmel takin a nui var var mai .








Kan chhuah rualin Alex chuan min fawp leh nghal tawn tawn “ Inchungah " tiin tukverh atang chuan min chhuahpui,a nghawngah ka bei than,inchung chhip ah chuan thu lehin a dar ngheng chung chuan ni tla tur chu kan thlir dun “ Alex vampire i nih vang em ni i lum ngai miahloh,chuan mihring thisen em ni i in thin" ka thusawi avang chuan a nui hak ,“ Nimai e,mahse mihring damlai that lo in a thi tur kan hnena in pe te chiah kan hip,ramsa thisen nen " a tihchuan ka thaw hak “ Enga tinge vampire ka ni tih i hriat atang khan min hlau nge ka kianga awm hi i tim tlat.








Zoe min hlau em ni" ka lu ka thing nak nak,hlauh chu ka hlau hauhlo,a mitmeng atang hian min tina dawn lo tih ka hria chu ai chuan ka chhungten kan hmelma zing ami inzawmna ka neihpui tih hria se min tina duh hial ang “Ka chau deuh mai mai ania,vawiin khan kan vak darh nasa lutuka " tiin ka mit ka chhing diar diar a,ni tla tan sen phut leh thli rawn thaw heuh heuh chuan ka sam chu a rawn chhem heuh heuh a , Alex chuan a rawn chul zauh “ I rawn thlen hlim atang khan hmeltha ka ti lutuk che " a tihchuan lai zetin ka then sak.










“ I lai em ni,i hmeltha ka ti lutuk a ,mahse i incheina erawh kha chu pitar sual lutuk ho thawmhnaw in bel a ang bawk nen biak dan tur che ka hre bawk silo a,khati khan ka ti tawp che a nihkha" a tihchuan ka nuih hak ,a dar chu ka nek deuh salh “ Keipawhin hmeltha ka ti lutuk che ,mahse khatia kham atanga i rawn chhuak chho thut kha chuan min ti phu nasa ,chuan i ngeiawm ka ti em em bawk " rawn inher in ka hmuiah a fawp a ,ka hmui chu a pet deuh ner ner .








Ka biang tawn tawnah dawmin min delh tlu a ,inchunga awm kan ni tihchu kan theih nghilh dun pawh a niang “ Wow in va che romantic ve " hmeichhe pakhat thlanei chu a rawn thlawk kual, Alex chuan thla neilo in min thlawhpui thei a ,henu chuan a thla a nei thung a nih hmel . “ Nicky min lo tibuai tei vet suh" Alex chuan tihlukin min thlawhsawn pui nal nal,mihring te anga enkawl chi kan nih loh avangin kan lehkha zir dan leh kan zalen dan a inang lo hle a .









Keini chu kan power te hmang chhuak thei tura inzir leh thiamna chi hrang hrang neih belh tura damdawi siam chhuak tura kal kan ni ,“Alex khawnge kan kal dawn " min thlawh thlakpui vawk vawk bawk nen ka chelh nghet hle “ Mihringte chennaah kan lengkual ang" tiin hmun biru lai deuhah chuan min tumpui a ,min kaiin mihring zi nuaih nuaih karah chuan min kalpui ve a ,ka hawikual nasa hle .







An thil zawrh leh ei tur tui tak tak chu kan ei dun a ,kan in nuih dun leh var var zel . Alex-a bula awm hi ka zeplo a nuam ka ti takzet,ka hmangaih hialin ka hria “ Lo tel ve ta che u" couple in elna a awm a nih hmel,in chhung lamah chuan thawm a ri leh dar dar zel a,ka phur zawng tak a ni . “ Kal ve ang " tiin Alex chu ka kai lut ,ban bun min lo siam dun “ In va hmeltha dun ve ,chak ngei ang che u " a duty te chuan duhsakna min lo hlan nghal sap sap ..








Alex nen chuan kan in nuih sen sen,in elna hmachhawn tur chuan kan lut a ,pangpar lem kara a tak zawn te ,tuboh hmanga chak zawng in el ang te a ni thluah a ,kan thei chho zel . A tawp berah lam dun tur tih an rawn sawi a ,a tel ho chu kan chhuak leh thap , Alex chuan ka kawngah a rawn vuan chat,kan kut pahnih an thlunzawm chu kan in hum sak a ,kan in sawi zui nghal zat . “ I mawi dan em em hi i inhria em " a tihchuan lai zetin a awmah hmai ka phum a .








Ka nawr nak nak “ Alex ka hmangaih che " ka tihchuan a ngawi vang vang ,a nui ringawt “ Le result kan puang tawh ang " an tihchuan dawhsan lam chu kan hawi thap,chutah winner te hminga kan hming a rawn lan chuan ka au that a , Alex chuan ka kawng atanga min pawm kangin min vir pui,lawmman chu lunghlu atanga siam thi nalh zet leh silver zungbun a ni a ,lunghlu zawk chu Alex chuan min awrh tir a ,keiin zungbun chu ka bun tir ve bawk .






Kan chhuah leh hnu ah tuipui kamah kan kal dun a ,kan infiam rak chul,ka samah pangpar min thiah sak chu ka khawih leh thin “ Tunah hi chuan khawvela mihlim ber ka niin ka hria " tiin ka ban pharin ka mit ka chhinga ,ka nui deuh sang bawk “ Ka ta ini hi ka lawm e " a rawn tihchuan a nghawngah kuahin a hmuiah chuan ka fawp zauh “ Keipawh " tuipui kamah chuan kan mu dun a ,vanlam enin duhthu kan sam mawlh mawlh.







In ngaizawng nimah ila sual kan ngaihtuah lo va ,kan awmdanah chuan kan lungawi tawk viau ,keipawhin pasal ka neih hma chu mipa laka ka thianghlimna hlan ka duhlo . “ Haw tawh ang hmiang " a rawn tihchuan ka bu nghat,kan awmna tlangchhip lam pan chuan min thlawh pui leh vang vang .







“ Hello pate " school kan thleng chu Cara leh mipa thuneih hmel tak an lo ding,chupa chuan Alex chu a beng nghal sawk a ,ka lo rak that . “ Ka fanu hi tina lo turin ka tiche a nilawm ni,heihi maw i hmeichhe thlan chu " tiin keichu min rawn en ,min thah a chak tih ka hailo “ Kan chhungkua leh in chhungkaw inzawmna i tichhe thei tih i hria em,ka fanu avanga dam i ni tih theihnghilh suh ang che .






Henu hi i bulah ka hmu leh tawh tur a nilo " a tihchuan ka lo ip chawih “ Ka theilo duhthlanna ka siam tawh,tin keimah ni avanga la damchhuak in ni tih hi theihnghilh bik suh,kan venna tello chuan engmah lo mai in ni " Alex an a tihchuan chupa chu a nui hawk ,ka en tawn reng . Cara chuan a pa chu lo kalsawn pui a tum ve tang tang bawk,a tawpah an in pawt sawn thei hram .







“ I tha em?" Alexa hmai chu ka khawih,ka kut lo manin min nuih a ,min kuah leh vang vang phawt “ Lut ang a tlai tawh,khua a thim tawh hi " tiin min luhpui,ka rooma min thlah hnu ah a kalsawn zui a ,ka en reng min kalsan mai angem tihchu ka ngaihtuah ber a ni , tinge min tihnat tum an lo lan tak sup sup le.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 16th, 2023, 8:27 pm

CHAPTER 5





A TAWP KAN HNAIH TAWH AW







“ Zoe Jones rawn kal nghal rawh " ka u chuan a ti that,lehlamah Alex chu a chhungte chuan an rawn au bawk . Hlim taka kan awm laiin kan chhungte ve ve rawn langin tunah hian min hual mek a ni “ Alex ka hmangaih che tih i hria tiraw " ti tiauin ka en ,a nipawhin min chelh nghet sauh “ Hmelma kan ni engvang mahin khanu i neih kha kan rem tilo" a pa chuan a rawn tileh hrawk ,an rawn hnai viau bawk . “ Ka pa kan inhmangaih a ni " Alex chuan apa en chung in a tiveleh.








Ka chhungte pawh an in ring thap tawh “ Nu ka tihpalh ,ka rilru hi inhria a nihchuan Alex hi ka kalsan thei tawhlo,ka hmangaih lutuk nu khawngaihin inrem taka awm tum zawk ang u " ka ti chhuak tuar ,mahse an ngai thla lo ve ve,thawk leh khatah Alex chu na tuarin a rawn vial ngawih ngawih,ka en nghal vat . A chhungte pawh chuti bawk “ I kalsan mai a ngai a ni nula,in inhmangaih tih chu kan hria mahse in awm dun a nihchuan tu emaw zawk zawk in thi dawn ,chu chu kan pi leh pute lo siam anchhia a ni . Chuvang chuan i kal mai angai,a nihloh chuan Alex hi a kang ral thuai dawn " an tihchuan na tizetin Alex chu ka en .










A na tawrh chuan a taksa chu a ti danglam vek tawh ,ka mittui a luang ngiai ngiai “ Ka hria e ,a ni nen hian kan awmdun thei dawn lo tih hi mahse thil pakhat " tiin Alex chu ka en thla “ Tisuh " a lo tisup,kalsan lo tura min duh zia ka hria “ Ka tihpalh mahse i dam ngei a ngai a ni" tiin a mit chu ka hup,chu veleh a muhil nghal . Ka chhungte bakah vampire leh kan college kalpui ho chuan min en thap,mak tiin an ka ho bawk “ Nang hi mi zawng zawng hotu tura an sawi thi theilo phoenix an tih thin chu maw " an rawn ti thap.









Ka bu ringawt hei vang reng hian ka inthup thin,chu tilo chu mi zawng zawng hi kei min neih tum vangin an in bei vek ang tih ka hlauh vang a ni “ Lo dam la hlim takin lo awm ang che ,ka vampire hmeltha ber " tiin ka thisen chu a hmuiah ka far keuh keuh,a taksa dang lap tawh te chu an rawn sen leh tan a ,a hmel chu ka en reng . Ka hmuh tawpna tur a nih avang chuan uluk takin ka en a ,ka chul bawk . Kalsan ka va han hreh tak em“ Kan thutiam kha ka tih hlawhtlin pui thei dawn ta silo che a .









Min ngaidam rawh aw , Alexander Cox he khawvel mipa ka hmuh tawh a hmeltha ber leh pa ber ,mi hlim thei tak kha lo nih chhunzawm zel ang che aw ,ka hmangaih che " tiin a hmuiah chuan ka fawp vawng vawng . Ka mittui chuan a biang a ti huh chhap “ Dam takin" tiin ka tho chhuak a,ka chhungte lam chu ka pan nghal vang vang. Ka hawi let a nihchuan ka kalsan theilo mai ang ,ka nu te chuan an dawi hmangin kawngka an siam a .









Ka lut nghal vat ,Kan inah ngei chuan ka awm ta ran mai,ka tap hlawp hlawp “ Nu ani kha ka hmangaih takzet nu,a tello in ka awm thei dawn em ni" ka khumah chuan bawkin ka tap vak vak . Ka nu chuan min kuah in min chul hliau hliau “ Bawihte hmanlai atanga kan thlah ten an thil lo tih tawh hi keini thlak danglam theih a ni silo a lawm,chubakah an ni kha kan hmelma lian ber tih i hre reng si a ,ngati nge khatianga i awm pui mai in che sual tawh em" a tihchuan ka lu ka thing nawk nawk .









“ Nilo nu a nikhan min venghim a sin,a chipui te bakah midang min thah tum tu apiang lakah min venghim a sin, engtin nge khatiang khawpa min hmangaih tu kha ka hnar theih bik ang . Nu a nikhan min ti hlim a sin,ka u te leh midangin dawi ka thiamlo anga ngaia min nuihzat chung pawha ka nihna ang ang a min pawm tu a ni a sin,enga tinge kan awmdun a rem mai loh le ! Ani kha ka tello chuan a awm duh ngailo hrim hrim" tiin ka tap zui leh hliam hliam,ka nu pawh chuan engmah a sawi zui tawh lo .









Nitin chuan ka room ah ka awm chawt a,ka vak chhuak ngai meuhlo,ka ngawi chawiin ka room tukverh ngawt ka en thin,nikhat ka vak chhuak chu ramhnuaia ka awm lai chuan mangang au rawl ka hria a ,ka pan nghal vat . Hmeichhe pakhat chu a thisen an lo dawt ka hmu nghal ,puih mai ka tum chu mipa rawn dak chhuak avang chuan ka tawp chawt,ka rim a hai biklo tih hriat takin a rawn hawi nghal chat,a khabeah te chuan a thisen hip chu a kai nuaih ,rapthlak tizetin ka en.










“Alex" ka aw chu a hria,mahse huat hmel zetin min en,a bulah chuan Cara ngei kha a rawn ding chat ,ka hmuh lai reng chuan Cara sam chu chul sakin a fawp kher lehnghal “ Kal ang sawtiang bum hmang saw hmuh ka duhlo,kan indo tep tawh kha ,a hun hma a hmuh ka duhlo" a tihchuan a sawi awmzia ka hrelo takzet indona maw? Enge a awmzia “ Alex lo ding" min thawh pui thin anga Cara a thlawh pui chu ka en vang vang,ka nute thil awmzia ka zawh vat an ngai a ni .









Tunah hian dawithiam hrang hrang te nen kan inah an inhmu thina,ka ngaihsak loh em avangin ka lo zawt ngailo,mahse Alexa thu sawi khan thil min ngaihtuah tir ,in ka thlen rualin an lo thut thapna lam chu ka pan “ Nu enge thil awmzia indona a awm dawn em ni " ka tihchuan an vai mai chuan min rawn en “ Bawihte " ka nu in a rawn tihchuan thawk la vakin “ Keimah vang tiraw ka nihna an hria tiraw midangten ,chuan thawnthu ang khan vampire te ,wolf te bakah kan dawithiam pui thenkhat ngei ten ka lung duh avangin min thah an tum dawn tiraw?










Tunah hian ka hmangaih ngei pawhin ka nunna lak a tum ta a maw? " tiin ka tap chhuak,kan lam tang ho chuan min kuahin min hnem a ,min venhim tlat tur thu an sawi hlawm,kei erawh ka bing mup mup . Thil dang vanga na ka nilo,ka mipa hmangaih ber awmdan khan min tina a ni “ Nilo ka tih tawp ngei a ngai a ni,nu min dang suh u" ka nute chuan ka tih tum an hailo tih ka hria ,min rawn hnaih an tum “ Keimah vangin tumah an thih ka duhlo,nu ka kal ange min dang suh u .










Tiin dawi thu ka chham,hei hian darkar chuang fe a chelh dawn a ni,kei hian ka nunna chu keimah in ka titawp ange ka in sacrifice chuan tumah an buai lo ang,chuan kumkhua in ka bo hlen tawh bawk ang . Kalkawngah chuan ka mittui a tla pah,thawnthu a a lan dan chuan thihna tui a awm a ,chu chu kan chenna atanga hla lo te a ni bawk . Chu hmunah chuan mahni a thih duh te an kala ,an mahni in sacrifice in an thlarau chu chu lui chuan a kawl zui ta thin an ti a ni.









Ka hmu tawh a ,mahse ka hnaih ngailo tunah erawh a ngai ta si,ka mittui chu a luang zung zung, Alexa nen a hmelma kan ni tawh te,kei min thah duhtu te lam a a tang te chuan min tina a ni,dil chu ka thleng a awmna ringawt pawh chu a rapawm hliah hliah,tiau chhumin a bawh a,ni a lang ngai miahlo tih a hriat,thawm nasa zet a chhuak bawk,mi thi tawh te aw a ni tih ka hailo,dil chhungah chuan ka lut tan a“ Zoe " ka tai thleng chuan ka lut tawh, Alexa aw chuan min ti ding chawt.








“Zoe tisuh" a rawn au tuar tuar ka chhungte bakah Alex chhungte ,midang ka hriat ngailoh te pawh an rawn lang “ Timaw ka lung i lak duh vang em ni? Ani tiraw,min lo hmangaih ve emaw ka tia mahse nangpawh hi i thlahtu te ang bawka duh am ilo nih hi Alexander,ka lo hmangaih che kha ka tisual a ni " mittui tla teuhin ka ti,ka thaw chhuak a ,ka nun tihtawpna tur thu chu ka chham,ka mittui chu a luang reng bawk .








“ Zoe Zoe " Alex chu a rawn au tuar tuar ,ka nun a tawp hma chu tumah an rawn kal theilo “ Ka nun la la ka thlarau chu kal tir ang che ,hmun himah min hruai la ka hriatna ti bo ang che " ka au chhuak,ka taksa chu a ral tan riai riai “ Zoe" Alex rawn kal tum chu chu dil thlarau te chuan an dang tlat,kei ngei pawh a dil neitu thlarau ngei chuan min rawn pan “ I duhthusam ang ngei chuan le phoenix " ka nui sak “ Alex i hmelthat ngaiin i la hmeltha reng a ni " tiin ka tah nuih hak ,ka taksa chu a ral riai riai.









ALEX POV.








“ A mawi hle mai " a tihrual chuan a bo ta hmak “ Zoe" ka au chhuak rawih rawih,mahse chu dil thlarau te bak loh hmuh tur an awm tawhlo . Thawk leh khatah dil atang chuan thil eng tak rawn chhuakin vanlam chu a pan chho “ I himna ka duh avangin in beihna ah tel ka rem ti a ,ka venhim theih nan che ka chhungte lam ka tang der a sin, Zoe ka ngai lutuk che Zoe Jones " ka au chhuak rawih rawih .







Ka lam pan chuan sava a rawn thlawk a , phoenix ngei a ni ,a thlarau tih ka hailo,ka kutah chuan a rawn fu chat “ Zoe " hram chungin a lu a thing vak vak,midangin rawn hnaih an tum chu ka kut ka vai “ A tawk he indo tumna hi a tawk " tiin Zoe i taksa chu ka thlawh chhuah pui nghal . A lo kir hun ka nghak mai ang , Kum tam tak pawh ngai mahse ka nghak ang .




(BUAI AVA NA VE TI HI NIMAI AW)


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 16th, 2023, 8:27 pm

CHAPTER 6 LAST


5 years later


“ Zoe" ka kuah vawng vawng ,kum 5 ka nghah hnuah a thlarau a rawn kir ve ta “ Alex" a rawn ti tiau,a mittui luang ngiai ngiai chu ka hruksak vat “ Ka tihpalh ka kaltir leh tawh lo ang che ,kan pahnih hian kumkhua in min then hrang tawh lovang" tiin ka kawr a zungbun chu ka phawrh a ,min en reng tu chu nuih sukin “Zoe min nei duh angem?" tiin a hma ah chuan ka thing thi vat . Min chhanglo in a mittui a luang zung zung ,a lung chhia tih ka hailo.







“ Mahse na leh si la ,kan awmdun a remlo an tihkha,chubakah ka dam ve reng thei lo maithei " a rawn tihchuan ka nuih suk,kha thil kha kan pahnih kan in hmangaih tawn phawt chuan theihloh a awm lo,kha dawi kha kan inkarah a thawk thei tawh heklo “ Lungngai suh kan bei dun thei a lawm,i kianga ka awm chhung chu ka na thei tawh hleinem chuvang chuan phoenix girl min nei mai rawh " ka tihchuan min kuah thlawp “ Aw ka nei ang che ,ka nei ang che Alex ka hmangaih che " tiin min nuih sen sen .








A hmuiah chuan ka fawp vang vang ,a tello hian ka awm thei tawh lova ,a mah a vangin ka chhungte leh thian te bakah ka mi leh sa te ka lalna thlengin ka kalsan hial a ni si a “ Keipawh in ka hmangaih che Zoe Jones " ka thusawi avang chuan hlim em em hian min en ,a hmel hmuh leh tum hian a ni hei chen ka nghah ni .






ZOE POV...







Kan pahnih chuan a hma a pangpar sen vul chukna ah khan kan in nei a ,kan pahnih leh kan sira ramsa leh thingte pangpar te chu kan inneihna hre tu te an ni bawk . Ka kuta zungbun leh a kut a zungbun chu kan dah tawn ,kan in nuih var var bawk “ Ka hmangaih takzet che ,i hria em? Ka hmelma fanu hi he khawvelah hian ka hmeichhe hmangaih ber leh ka ngaih ber ani " tiin a au chhuak a .






Tah nuih hakin a awmah ka bei kak,ka thih hlen kha ka ring a ,mahse Alex hian engtin nge ka dam leh theih dan a hriat ka hrelo,hepa hi ka tan chuan a hlu takzet a ni . Kan pahnih chuan mihring te chenna bul mai kan inneihna hmun leh kan len dunna hmasa ber Red carnation par vul naah chuan kan cheng dun a ,ka hlim a ni . “ Ka nupui " tiin ka chungah a rawn bawk kai a ,ka lo nuih ve ver ver ka thianghlimna kum tam tak ka lo vawn thin ngei chu ka pasal tan ngei hian ka hlan dawn a,ka hlim takzet.








A na ka tih avanga ka inpet fan fan chu duat zetin min hruk sak hliau hliau va ,min dim thei tak tak lo chu keipawhin ka tawrh angai tih ka hria ,vampire anih avang pawhin min dim thiam dawn lo ,mahse atan chuan na pawh ka tuar mai ang . “ Ka hmangaih che " rang zet hian min chet pui mit khap kar lekin bangah min nawr bet ran “ Vampire i ni chu thil kan hmu phe vuai reng dawn chu a nih hi " tiin ka nuih sak ,hnuailam chu rang zetin a ti che ,thaw halh halh in a hnungah chuan ka tham tawn tawn .









“ Ka hmangaih che " a rawn tihchuan thaw hawk chungin ka lo nuih,ka taksa chu nawmna in a rawn tuam hlup hlup,a hmuiah chuan ka fawp vawng vawng . Khumah chuan inkuah chialin kan mu dun a ,ka taksa thlan dap chu enin a kiai leh suk,ka sam ka taksa a bet te chu a kut in min huisawn sak a ,ka kut chu la in a fawp leh zauh zauh bawk . Nau ka pai thei dawn em ka hrelo,a chhan pawh vampire a ni a ,kei phoenix kan thisen in ang lo lutuk hian nau min pai tir theilo mai ang tih ka hlau.









“ Naktukah hmun pakhatah ka hruai ang che ,i duh angem?" a tihchuan rang zetin ka lo aw vat “ Nang nen a nih dawn phawt chuan khawi hmunah pawh kal ka duh " ka tihve chuan hmangaihna mitmengin min thlir vawng vawng .








“ Wow a mawi lutuk " puk nisi a chhungah dil zau zet a awm a ,thinkung nalh zet zet a awm bawk a ,puk chung lam atang chuan eng a rawn lut ruih bawk nen a mawi takzet ,sava leh ramsa an la awm cheu lehnghal . Puk zau tak a ni “ I duhzawng a nih ka ring a " ka hnung lam atanga min rawn kuah pahin a ti a ,ka bu nghauh nghauh ,nilengin chulai hmunah chuan awm in puan phahin kan mudun a ,kan thawmhnaw chu kan sirah an darh niah








“ I nalh zia hi hrilh reng mai che ka duh" a tihchuan ka nuih hak “ Ka hmeltha tih ka hria a lawm,chuvang chuan min ven uluk leh zual a ngai dawn a nia " ka tihchuan ka biangah a piai vak “ Ka nupui ini tawh a,mipa dangin an hnaih thiang tawhlo che " a tihchuan ka hmui ka tipawrh vak . “I chhe lutuk" ala rawn tizui, ka hawi tau nghal hmak ;“ Zoe " ka hnung lam atanga min rawn pawmin ka dar vel chu a fawp dan dan “ Haw ang a tlai tawh " tiin ka tho chhuak a ,ka inha mawlh mawlh .








Ka kal hlak hlak chu ka kutah a rawn vuan “ I lungawi lo em ni" inthlahrun hmel tak hian a rawn ti a ,a hmel chuan ka lungawilohna a tireh leh vek “ Kal vat ang " tiin a nghawngah ka uai a ,ka nuih nghal ver ver chuveleh a rawn khi ve leh ta sak,ka luhai thut avang chuan ka pai nak,ka hnar atangin thi a rawn chhuak nghal “Zoe i tha em " Alex a hmel chu ka hmu phe ruai,ka awn nghal riai riai ,a mangang au ri chu ka hriat hnu hnun ber a ni .








Ka meng chhuak riai riai,ka pasal hmel chu ka en,kun ngar in ka harh tih pawh a hre miah lo “ Alex " ka tihchuan phu zawkin a rawn hawi chhuak a ,ka meng tih a hriat chuan ka kutah a rawn vuan “ I tha tiraw ka hlauthawng lutuk" a tihchuan ka bu nghat “ Min ngaihtuah suh ka taksa ala chak tawk lova ,chuvang a nih hi ka tha leh vat mai ang " ka tihchuan a thawveng huai tih a hriat,a kut chu ka humsak “ Khawiah mah ka kalsan dawn hleinem che " ka tihchuan ka hmuiah a rawn fawp leh zauh.








Chumi ni atang chuan hna ka thawh a phal tawh lo va ,rawng pawh a mahin a bawl vek zel . Sa nitin a pel a ,a chang chuan ka hmuh laia thisen a in thin te chu a inthlahrunga ,a inthiamloh thu a sawi thin . Mahse ka hrethiam tih ka hrilh chuan a nipawhin ngaihtha takin a in thei thin,thla hnih lek kan innei chungin ka ruak lo tih ka hria,ka rai tih a hriat tirh phei chuan a hlim in min pawm kual vu vu reng a .







Keipawh ka lawm ka rai theih kha ka ring lo kha a nia ,nikhat chu ka nute bakah Alexa chhungte ho kan awmna ah chuan an rawn kal, Alexa inchhung awm lai a nih avangin mak tizetin ka en “ Enge in lo tih dawn " tiin ka nute chu ka en , Alexa chhungten min rawn pan chuan ka lo hlauthawng hle,ka pasal chu a rawn phe vuai a ,ka hmaah a ding nghal ran . A ngho tilangin a pa te beih ring ran chuan a awm nghal .







Keimah avangin a chhungte pawh a bei ngam tih ka hriat chuan ka hlauhthawn rualin ka lawm ” Bawiha tibuai tur cheuin kan lo kal lo,ngaihdam dil tur cheu in a sin kan lo kal,kan vai hian kan inrem tawh tih hre ve ula kan duh bawk a " apa chuan a rawn ti a ,ka pa pawhin an thusawi ang chiah chu sawiin min rawn pan,Alex chuan a la ring mailo. A la en ran mai “ Ka nupui nena min pawh then in tum zawk a nilo maw " a tileh fak “ Ka fapa i pa sawi kha a dik, Zoe pawh kan hnenah a chen ve kan phal tawh a sin.







In inhmangaih zia kan hria a ,in nu leh pa te hi min ngaidam teh u,heti khawp hian in inhmangaih tih kan hrelo a ni . Min ngaidam rawh u" anu in a rawn tih takah chuan Alex chu a inthlah dul chauh “ Nu in ti tak tak em " ka nu leh pa lam ka en chuan an lo bu nghat,ka unaute pawh an lo nuisang mai. “ Lo kal teh Bawihte kan in hmuh loh chhung a rei tawh lutuk " ka nu in a rawn tihchuan panin kan inkuah vawng vawng, Alex pawh a pa te nen chuan an titi mawlh mawlh










“ Bawihi ehe nau i pai elo?" Meng kawk kawk chunga an tihchuan ka bu nghat, Alex chuan ka kawngah a rawn kuah,kan chhungte ve ve hmelah chuan hlimna a lang chhuak zut zut,dawt a nilo tih ka hre chiang viau bawk . Inchhung lamah kan lut a ,an tu piang tur chanchin hlir an sawi a ,ropui thei ang bera kan inneihna buatsaih leh an tum bawk ,kan vai chuan Alex te lalram panin kan kal a ,inneihna an buaipui nghal chuk chuk,mi hrang hrang an rawn kal khawm a . Mipui hmaah ngei kan inneih lai chuan ka mittui a tla zawih zawih.










Tunah chuan hmeichhe ho duh rawn leh miin an zah em em chhungkuaah lut in ,khawvela mipa hmeltha ka tih ber chu ka ta chiah a ni dawn ta . Cara pawhin mipa dang a lo nei tawh a ,ka thiannu ber pawh Ronald nen an lo in ngaizawng reng tawh mai ,ka naute chuan a pian hma hauhin thil pek a dawng nasa hle ,tunah chuan lal nupui ka lo ni ve ta reng, Alex pawh lal a ni chho va ,keipawh lalnu ka ni ve ta bawk . Ka pasal in duat taka min enkawlna rah chu ka taksa ah a lang chhuak chiang viau,ka thau in ka vun a nung sar bawk nen lalnu hmeltha tiin ka thang hat tih ka hai lo .









Alex lahin min hauh na in englai pawhin ka bulah a tap chawt zel “ Bawihi reilote chiah a ngai tawh a nia " ka nau vei chu ka nu leh pa bakah Alex leh a chhungte chuan min vil thap ,ka thlan tla hlap chu Alex chuan min hruksak hliau hliau va ,ka san leh vak rual chuan naute tap ri ka hre nghal . Ka mu thla hnawk “ Ehe mipa a nih hi ,a duhawm em em lehnghal " ka nute chuan an rawn ti,keipawh ka taksa na theihnghilhin ka nui var var mai “ Ka hmangaih che" ka pasal chu ka en ,a thusawi chuan min titap lo chauh.









Nitin he thu hi dawng mah ila dawn nin tih lah ka nei heklo,kan fapa chu a danglamin a chak em em a ,a harh vang em em bawk . Huanahte lo tla chhuakin lung lian tak tak hi a lo chawi leh vu vu zel a ,a chang leh chhiahhlawh ho a lo um vak thin. Apa nen kan veng chawt hi a ni ringawt,a thang chakin a fing em em bawk a ,apa in a chhuanzia a sawi fo zel “ Ka nupui ka hmangaih " tlaini tla tur chu tlang chhip atang kan thlir dun a ,a kut chu ka hum bet vang vang “ Kan inhmuh tirh kha chuan hetiang kan ni dawn tih ka hre miahlo " tiin ka nuih hak .







A nipawh a nui ve vur vur “ Kha ni atanga tun thleng hian ka la thlir ning thei chuang lo che ,kumkhuain ka ta ni reng ang che Zoe Jones " tisupin ka biangah a chuk zauh“ Nangpawh ka pasal ni reng ang che Alexander Cox" tiin a awmah chuan ka hmai ka phum ta vang vang,ka hlimna hi kumkhua atan a ni tawh anga ka pasal leh fate tan ka dam dawn a ni .





A TAWP TA


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)