MISUALPA (THE BEAST) BY MAWITEI BAWITLUNG (Completed)

[mawitei bawihtlung]

MISUALPA ( THE BEAST)








CHAPTER 16








U Sammy nen kan leng dun a ,kan hlim dun hle . Ka kutah kaiin khawlai kan fang kual a ,nuam ka tiphian mai . Miin kan in ngaizawng tih an hre vek tawh tho a ,inthup vel kha tul kan ti tawh lemlo ,a thenin min faka ,a then lahin min rel ve bawk a . Nula ho lahin min thik vang nge min sawiselna tur an lo zawng ve cham chi bawk a ,mahse u Sammy hian thil hote avanga min thlah a tum lo bur ,an inlamah kan inzui chho va .









Tuala car lo awm a hmuh rual chuan ding chawtin a rum nghut a ,a mitmeng inthlak danglam vek avang chuan a ngaihna hrelo zetin ka en kar “ I tha em?" ka tihchuan bu nghut in an inchhung lam chu min panpui a ,inchhung kan luh chuan a nutei bakah nupa ni awm tak hi an lo awm ve a ,u Sammy nena kan lut chu min lo en thap . “ Enge in rawn tih dawn " lawm lo aw zet hian u Sammy chuan a ti hmuk a ,ka lo ip chawih mai . Tute nge an nih ang,u Sammy hian a huat hmel nasa ropui sia.









“ Hmingmuanpui ,i nu leh pa kan nih hi khatiang khan min be hauh suh " pa zawk chuan a rawn ti a ,ka phu zawk . Hei hi maw a nu leh pa te chu? An tawng duhdan atang reng chuan u Sammy thusawi kha ka ring nghet hmiah bawk ” Nu leh pa maw? Huh,nu leh pa angin in awm ngai reng reng em ni ,helaiah hian ka mamawh lo cheu,in duh chuan haw ula min rawn ngaihven ka ngailo " a tihchuan a kutah ka lo hmer salh . A nu leh pa an ni a ,haw viau mahse hetianga a be kher hi ka duh lo










“ Rawn hruai tur che in a nih hi kan lo kal,kan rualin i haw khawp ang,i rawn haw lo a nihchuan i pu in i hminga damdawi in a siam saw i nei ngai lovang " apa chuan a rawn tichang leh fak a ,a nu zawk erawh ala ngawi char char thung. An pa thu tlukna a piang a dik emaw diklo emaw a pawm mai zel a nih hmel ,“ Hah ka pawi tireng reng hleinem,in fapa aia sum duh zawk leh thlang zawk in nihkha " u Sammy chuan a tileh thawt a .








A pa chuan a rawn ben sawk avang chuan ka lo au that,a nutei leh a nu pawh chu an rawn inrawlh thuai . Ka kut a humna a nat danah a thinrim ve hle tih ka hre thei “ I rawn haw lo a nihchuan enge ka tih theih ilo en reng dawn a nia " apa chuan kei min rawn enin a ti hmuk . Ka tawng ve chak takzet ,mahse an thin tih rim zual ka hlauh avangin ka ngawi hram hram chauh a ni “ Khawia hmeichhe duk dak lo nge ilo kawp hman a" apa bawk a ni. Chuveleh u Sammy chuan insum thei tawh lo in a hnek sawk .






“ I ka tenawm khan in tluk loh hmeichhia hi sawi suh,in theih loh leh in lantir ngailoh zawng zawng lantir vek tu a nih hi ,a ni hi hmeichhe dukdak lo nilo in,I hriat miahloh Pathian a awmzia min hriat tir tu leh vawikhat pawh i fuih ngailoh min fuih kal tu,in nupa a in tluk miahloh nun neitu a nih hi " atileh hrawk . A aw ah pawh chuan a thinrim zia a hriat theih “ U Sammy a tawk,i nu leh i pa an nih hi ,kal rawh roomah lut ang " tiin ka kalsawn pui vat.






Apa chuan ala rawn au tuar tuar a,kei lahin ka pawt tang tang thung. Khumah chuan ngawi rengin kan thu dun a ” I tha tiraw" kan ngawih vang vang hnu chuan ka hnung lam atanga min rawn kuahin a rawn tisup a ,a kut chu hnanin “ Ka tha a lawm,i tha zawk em" ka tihchuan a thaw ham ham ” Ka hua" a rawn tibung nghut . A lamah inher in ka nuihsak a “ I haw a ngaiin ka hria " ka tihchuan thinrim hmel takin min en







“ Ka kalsan che chu i duh viau em ni" a tihchuan ka lu ka thing nawk nawk “ Nilo e ,i hma hun tihchhiat sak che ka duhlo,i haw anga engkim i siam tha anga,chuan keimah nen pawh hlim takin kan awm thei zawk dawn a lawm . Keichuan ka nghak thei che ,nang i rinawm chhung chu keichu ka rinawm reng dawn"ka tihchuan a ngawi vang vang “ Ka lo let thei tawh kherlo thei" a tihchuan a biangah ka vuan a ,chiang zet in ka melh “ I thei ngei ang,kei min hmangaih chuan ilo kir ngei ang,rei lutuk lo bawk la ,eng chen nge hetah hian ka awm dawn ka hrelo .








Chuvang chuan engkim i zuk siam tha anga ,min lo hruai leh ang ,chu chu ahma pawhin i tum kha a ni lawm ni " tiin ka en a ,ka hmuiah chuan duhthawh zetin a rawn fawp nghal tawn tawn,ka dang duhlo . Eng tianga rei nge ka nghah ngai dawn ka hrelo ,chuvang chuan a bula ka awm theih chhung hi chuan hlim taka awmdun ka duh ,ka kawr zen lutin ka hnute chu a hrawm bawrh bawrh a “ U Sammy" tihakin a hmui chu ka seh sak zauh a ,rawn nui hawkin min bawh bet nghal run ” Min ring rawh ,a ai thui ka kal lovang" a tihtakah chuan mu thla hnawkin ka nghak ta tawp.









Ka taksa chu a chul dan dan a ,ka kawng a chin hnuailam erawh a khawih duh hauh lo . Chu chuan min ti hahdam zual,ka nghawngah chuan a fawp a ,ka kuah chial ringawt “ Min lo nghak reng ang che " a tihchuan ka bu nghat “ Hmeichhe dang zuk tawng miah suh aw ,ka ta chiah zu ni reng ang che " tiin mittui tling piauin ka en a ,ka kawrchhungah a lu dahin ka hnute hmur chu a pet zauh,thaw hakin mit ka chhing deuh chial ,room atanga kan chhuah hnu chuan a nu leh pa chu va hmachhawnin ” Ka lo haw ang ,mahse ka hmeichhe hmangaih tan hian a ni ka rawn haw dawn " tihmukin pawnlam min panpui nghal zat .









Kan inlam panin kan kal duna,hun kan ngah tawhlo tih hria in a bike pawhin min thlah duh talo ,kut inkai rial chuan kan kal dun a ,kan huphurh dun tih a hriat reng. Kan inpawnah chuan dingin kan inkuah vang vang “Zaninah kan let nghal hmel si a, he thil hi ka nupui hual a ni tih miin an hriatna tur in lo phelh ngai hauh suh " tiin ka kutzung laiah chuan zungbun a rawn rawlh lut a , ka bu nghat “ Tunah chuan zungbun nalh leh to ka lei thei rih lo che a ,mahse ka nupui i nih hunah chuan thil nalh ber ber ka lei tawh ang che " tiin ka kut chu a fawp vang vang a .










Ka tah nuih hak “Doctor ilo zir chhuak renga" tiin ka nuih sang ,a khi ve suka ka chalah chuan fawp leh vang vangin a awmah chuan min pawm bet nghal hlun “ I naute i hrilh dawn em?" ka tihchuan a haw pah a a tlawh kual tur thu a sawi sup “ Kal tawh rawh,in tlai lutuk palh ang,midang tlawh kual i ngai bawk si " tiin a mi kuahna ata chu ka awm sawn a ,min en vang vang in a kal nghal vut ,ka mittui chu hru in a lan chhung chu ka thlir reng“ Lo let tawh lo tur ang maiin ka ngai che " tisepin a liam hnu chuan inchhungah ka lut a .









Ka nu eirawng lo bawl mawlh mawlh chu ka kuah nghal chawt “ Enge ni ta ,I u Sammy nen in inhau em ni" a tihchuan lu thingin engkim chu ka hrilh a ,ka nu pawhin mak a tih hmel viau mai “ Chutiang daih chu maw a lo nih a,ava mak ve engpawh nise chaw eiphawt ang u " tiin a che nghal sawk sawk a,ka pa pawh chuan u Sammy chu a sawi ve mual mual mai . Zan lam ka mute chu ka muhil theilo,ka inlet sek ringawt.









An chhuak tawh ngei anga,min la rawn biak loh avang chuan a buai aniang tiin ka be ta bik lova ,mahse ka ngaihtuah takzet ,a tuk lam thlengin chanchin a la rawn sawi lova ,zan an tlaivar bawk nen a hahchawl a nih ringin ka be ta bik lo . Nunui hnenah engkim ka hrilh a ,a nipawh a thawng tih a hriat,ka ngai lutuk chu inthup ve tum teh mah ila ka nun nguai lutuk atang chuan an hrethiam vekin ka ring,ni reilote hnuah khawpumin u Sammy haw thu chu an hre tawh a ,a then in min nuihsawh tawk lah bo lo .







A nilah chu a reh ta vang vang mai si,a naute takngial pawh chanchin a rawn hrilh lova ,ka kuta zungbun min bun tir chu ka en vawng vawng zel ringawt, Aizawl ka kal chang lahin an awmna ka hremailo nen ka hmu ngailo hrim hrim “ U Sam,min theihnghilh ta mai em ni?"tisepin ka awm ka dawm vawng vawng,awm ngaihna ka hrelo va ,thla a liam a nitin mai chuan vawikhat tal min rawn tlawh leh ringin ka nghak reng a ,Mahse a thawm a reh vawng vawng si .









Ka nu leh pa in min hnem hram hram a ni ber,kohhran lamah pawh ka la inhmang ve reng nangin engmah ka ang thei meuh tawh lo . Kum khat a tlin meuh chuan ka beidawng tawh,nikhat ka in awm fb lam ka en ka thil hmuh chuan ka rinhlelhna chu a nemnghet ta chiah “ Pu Sawmtluanga fapa chu kumkhat zet hotel Paradise neitu te fanu nen an inzui hnu ah an inneih tur thu thang a awm ta " tihchu,ka mitsulh a . Ka khawhmuh a thim nghal mup mai .






Ka harh leh chuan ka nu leh pa chuan lainat zetin min lo en ” Bawihte engmah en suh kan tihche kha " ka nu chuan tap chungin a rawn ti a,ka kuah thlawp ,ka hriselna a pan tak em avangin min ngaihtuah zual tawh em em a ,he thil pawh hi ka hriat hma daihin an lo hre tawh a nih hmel “ Nu ,ka lo nghak a sin,keimah lo hmeichhe dang a hnaih ngai miahloh kha ,tun pawh hi dawt mai mai aniang " tiin ka tap hawm hawm a ,ka taksa chu a zawi leh nghal hnak ” Aizawl lam panpui phawt mai rawh u" tiri chu ka mang hriat ruai ruai chauh a ni .







SAMMY POV...






“ U Sam " Duati ka hma a hmel dang bal a ding chu ka pan,ka ngai tawh lutuk chu kuah tum chuan ka ban a ,mahse ka khawih fuh thei hauh lo . Mak tizeta ka en lai chuan hmel ngui em em hian min en a ,a mit atang mittui a luang ngiai ngiai bawk “ Tinge? Engvang nge ,ka ring che a sin" mittui luang zawih zawih chuan min hlat zawng chuan a kal a “ Nilo kal suh,Duati kal suh " tiin ka au tuar tuar a .






Ka umzui bawk ,mahse ka umpha thei hauh lo “ Duati" tituarin ka harh chhuak nghal kawk ,ka thlanfim tla bawrh bawrh chu tuai pawkin khum sira sana chu ka melh a ,zing lam dar thum chauh a la ni ,ka hlauhthawnna lah chu a reh theilo . Kum khat zet a ni ta ,ka phone ka tihbo bakah ka pa a thi zui mai bawk nen Duati ka be thei tawh lova ,khua ah let duh mah ila kan sumdawnna engkim ka kutah a awm ta bawk nen ka thei mai bawk silo .







Damdawi in bakah ka pa hotel lo sak tan chu ka chhunzawm angai bawk si,hotel dang nen kan thawk tlang a ,an fanu lah chuan ninawm khawpin min zarbuai a ,ka hna lama pawimawh chu nilo se kut ka thlak duh hial mai thei. Ka ngaih a tha thei tawh thlawt lo,Duati ka hmuh ngei a ngai tawh a ni,tho chhuakin ka insiam mawlh mawlh a ,a zan a zanin Lentlang lam panin ka chhuak ta nghal a






(DAH LEH VAT KAN TUM DAWN NIA )

[mawitei bawihtlung]

MISUALPA ( THE BEAST)







CHAPTER 17








“ Enga!?" ka naute ho chu chiang zetin ka en “ U Mam Aizawl lamah an rawn chhuk a ,an rawn haw leh tawh rihlo,an sawi dan phei chuan a nu leh pa chiah an rawn let tawh dawn an tia,i ti khawngaih thlak lutuk,kum khat chhung i be miahlo a . Hmeichhe dang nen in inneih tum thu a hria tih Nunui hnen atangin kan hria a nia ,amah lah kha a nun a nguai bawk si ,iti mah mah a ni" Duata chuan a rawn ti a ,ka thaw hawk mai . Engtin nge ka zawn hmuh ang ,Lentlangah chuan ni hnih chamin kan pahniha kan chet tlat na hmun te chu ka fang kual a .








“ Ka ngai che Zonunmawi,ka ngai takzet che " an in lam en chuan ka ti chhuak sap,Aizawl ka let leh a ,damdawi in hrang hrang ka zawt in ka zawng a ,mahse an awm tawh bawk silo khawiah nge a awm ang. A phone number lah ka call tlang thei heklo,ka lo byheart loh avangin ka naute ho ka dil leh tawp kha a ni a ,mahse a sim hmang lo angin a awm ta tlat,nitin ka zawng ru a ,vengkhat ringawt pawh a zau bawk nen ka beidawng rum rum tawh . A nu leh pa chu an let tawh tih ka hria ,zawh pawh ka tum ngei mahse an fanu in a rem tihloh thu in min chhang a nihkha .









Hmu thei ila chuan engkim hrilh fiahin ka nupui ka nihtir mai tur,zu ah bawk ka tlak leh a . Min hmu duhlo a min bihruk san chuan min tina,Kimkimi lah chuan min zar buai hneh in ka bulah englai pawhin a awm a ,eng atan maha ka ngaih loh avangin ka ngaipawimawh duh lem lo,thla ruk a liam leh tawh a. Zonunmawii lah ka la hmu theilo,ka zu in leh chu ka nu lah a rilru a hah nasa tih ka hria ,damdawi in atanga ka chhuak a hmeichhe pakhat min hnungchhawn a kal ka hmuh rual chuan ka mengkawk .








Rang zetin ka tlanphei a ,ka lam hawi zawnga ka kawih her rualin ka lungphu a rangin ka hlim hle “U Sammy" a rawn tisep a ,ka kuah nghal thlawp . Ka damdawi ina thawk leh rawn kal ho in min enna te chu ka ngaipawimawh hauhlo .






ZONUNMAWII POV...







“ Duati" min kuahna chu a tinghet sauh , miin min en thup bawk nen a nuam ka tilo,tinge hetah ka lo va kal dawk dawk ni,min hmuh phah lehnghal .“ U Sam min thlah tawh" a mikuahna chu ka thlahlel lutuk,mahse kha nu englai pawha a bula aam reng nu kha ka ngaihtuah chhuah apiangin ka na “ Aih,khawiah nge i bihruk char char,min ngai ve miah lo em ni?" a rawn ti a ,zu rim a nam avang chuan ka thinrim hle “ A tawk ,kum khat chhung pawh min be lo a awm thei hle si kha ,min hmuh avang ngawt in dawt sawi kual tawh suh,ka mamawh tawh lo che.









I duh chuan khanu pawh kha i nei thei ang,ka dal reng reng lovang cheu,min thlah rawh i zurim nen hian ka hne che " ka tichiam a ,min la thlah duh chuang lo,ka beidawng ti tih tawh. Min kuah nghet ropui si,ka tal leh chu min pawm kang lawpin damdawi inchhung lamah chuan min luhpui nghal hlawk hlawk a “ Enge i hriat,mi'n min en thup hi ,Hmingmuanpui duhtawk rawh ,min dahthla vat rawh " tiin a awmah ka chum dawt dawt .








Room pakhatah min luhpuiin sofa lo awmah chuan min thutpui dawt a ,“ Ka insawi fiahna ngaithla phawt rawh Duati,engmah hrelo a min kalsan a nihchuan i la inchhir zawk ang " a tihchuan ka nuih hak “ Engkim ka hre chung pawhin ka inchhir tho chu a nih hi " tinghekin ka tal leh vak “ A tawk ,duh tawk rawh i ngaithla khawp ang " tiin min vin hrawk a ,ka ngawi ta hmak. Chutah an chhuh tirh atanga an awmdan vel leh a pa a thih thu a sawi chuan ka inthiam chiah bik lo .











Mahse ala thiam lo zawk tho tho “ Duati,nang lo hmeichhe dang neih ka tumlo ka tihfo kha ,rawn hmuh che chu ka duh a ,mahse engkim ka kut ah a tla bawk si,i number ka tibo bawk nen ka lo be lo ta tawp che a nihkha ,khua ah ka rawn zawng che a ilo awm tawh bawk silo" a tihchuan ka che leh phat “ Dawt dawt vek,kum khat chhung khan vawikhat tal chu min rawn hmu thei tur a ni,mahse i tilo,chu ai chuan khanu i nupui tur anga an sawi nu bula hun hman kha nuam iti zawk a nihkha .








Min thlah rawh,ka phone number tibo mahla kum khat chhung ka tello a i awm thei bik kha i ropui hrim hrim,mipa danglam tak emaw ka ti che a ,mahse ka lo ringsual che a ni " tiin ka mittui chu ka nuai nghal nawk nawk,min pawm bet lehin a nui deuh suk a “ Thikthu chhe si,thinchhe bawk si pastor fanu thinchhia hi keichuan ka duh em em tho,ka tihpalh . Mahse kha nu kha ka duh reng reng lo,a infeng chhing thei si,a hmelchhe bawk si ,keichuan ka bialnu puan bih thlap reng leh thawmhnaw dahlau ha ve ngailo hi ka it in a sexy ka ti daih zawk " a ti duah a .








A vahan ngeiawm tak “Dawt " ka tileh hram “ Dawt ka hrilh lo che ,ka nupui i ni duh tawh angem" a tihchuan ka ngawi ta vang vang . Ka khabeah rawn dawmin chiang zet hian min en a “ Duati " a tihchuan ka bu ta nghat ” Hmeichhe dang i nei dawn emaw ka tihkhan he thil hi paih mai ka duh a " tiin a zungbun min pek ngei chu enin ka kut chu a hmai zawnah ka lek kang a “ Ka na takzet ,midang ta tura ka ngaihtuah che khan thih ka duh hial a sin u Sammy" tiin ka tap chhuak hlawp hlawp a .








A bula ka awm lohkha chuan ka tap ri theilo a ,tunah erawh a awm ngheng ngeiin ring zetin ka tap thei ta ” Ka tihpalh,ka kalsan leh tawh lovang che a ,khawvela hmeichhe hlim berah ka siam ang che . Min nei ang tiraw Duati,khawiah mah kalsan che ka phal tawhlo" a tihchuan ka bu nghauh nghauh “ Keipawhin khawiah mah kaltir che ka phal tawh bik lo ,chuvang chuan englai pawhin i hnathawhna hmunah pawh ka awm zel tawh dawn" ka tihchuan a nui suk a .









Min kuah nghet nghal sauh “ Awle englai pawhin ka awm reng ang ,chuvang chuan tap tawh suh le i hmelchhe zo dawn " a tihchuan ka tah nuih hak .

[mawitei bawihtlung]

ZAWMNA....








Kan inhmuh loh kara kan awmdan kan inhrilh tawn a ,a awma bei chung chuan ka titi seuh seuh reng nen a ni pawhin min kuah chungin ngawi rengin a lo ngaithla ve bawk a “ Ka ngaihzia che chu tiang tiat vel hi" ka kut vai hluai chunga ka tih chuan a nui hawk hawk a ,ka hmuiah fawp nawk nawkin ” Kha ai tam khan ka ngai che,i nu leh pa ka bia anga,Lentlangah kan innei ang,i duh angem?" atihchuan rang zetin ka lo aw nghal vat,nui leh vur vurin sofa ah chuan tawt zet hian min mutpuia .









Ka nghawng vel chu a nul dan dan mai “ U Sam" ka thawk a rang takzet ,ka hmangaiha a tan ui ka neilo,mahse hei hi chu ala hunlo“ Inthlah dul rawh,engthil pawi mah ka ti dawn lo,ka nghak thei alawm mahse heichu ka nghei theilo " tiin ka tshirt chhungah zen lutin ka hnute chu a hum nghal chat,a lut a lian bawk si a hum lum vung vung mai ,dang bik lo chuan ka dawh ta ringawt . Ka mut a chhuah em avang chuan ham bai baiin ka insiam rem sauh sauh a ,ka mit ka chhing nghal diar diar chu min rawn hmer salh avang chuan ka mengchhuak lehnghal .










“ Enge ka mut a chhuak a nia aw " ka tihchuan a rawn nui huk a “ Hetah chuan nilove ,a rem lo si a i taksa a na ang " ti a tho chhuakin min pawm leh nawlh ,chutia kan lo inpawm lai chuan mipa pahnih rawn lutin min rawn hmu thut chu an phu deuh zuk a “ Sammy,biak lawk che kan va duh ve " pakhatin a rawn tihchuan u Sammy chuan min melh zawkin ” Ok min lo nghak lawk ta che u " tiin kan awmna atanga inzawm chiah room kawngkhar chu hawngin min luhpui a ,khum lo awm ah chuan dim tea min mut in ka hmuiah a fawp leh zauh .









“ Lo mu la ,ka reilo ang ka lo let leh vat dawn a nia " a tihchuan ka bu nghat . A chhuah phei rualin ka muhil zui zat,ka taksa kuah bet tu chu ka hailo ,ka kawngah chuan rawn kuahin ka bengbulah chuan a rawn thaw lum ham ham mai ,meng diar diar in ka inher a ,a mitmeng dam dup chuan min lo en reng “ Ka tiharh che a nimaw " a tihchuan ka nuih ringawt,a nghawngah kuahin ka nawr nak nak “Haw tawh suh aw ,hetaj ka bulah hian awm la ,i nu leh pa phalna pawh ka la vek tawh a nia ,lehkha an lo tar anga chuan keini in kan mamawh tur kan lei ang" a tihchuan mak tizetin ka en ha .










“ Ni 14 naktuk atang chhiar a ngai nihchu " ka tihchuan a nui huk a ,min chawi nawlhin a chungah min hlang kai nghal vut “ Zu te ilo in leh a" ka tihchuan “ I awm tawh a ,ka in tawh lovang,ka damdawi i awm tawh a ,eng ruih theih thil mah ka mamawh tawh lo . Ka ruihhlo tha ber i awm a lawm " ka lei ka chhuah vak,kan inhmuh loh karin tawngkam bungrua a lo va nei tha hman ve le . “ Leng ang " tivutin min thawh pui a ,ka sam chu a chul mam nghal thuak thuak,pawnlama kan inzui chhuah dawn a damdawi in chhunga awm ho in min en thap te chu ka ngaipawimawh tawh bik lo .










Ka bula ding hian min kaih tlat chhung chu “ Sammy " kha hmeichhia bawk kha damdawi inah chuan rawn lut in u Sammy chu a rawn kuah ringawta . Ka lo inhum ruh nghek “ Ka pa nen kan lo kal a ,kawm che a duh a nih hmel " a tihleh rualin pa upa tawh lam hausa tih hriat reng hi kan hma ah a rawn ding a “ Bawiha inbe lawk ang u hmiang,hei tunge " tiin keichu min rawn en a ,a fanu pawh chuan rum takin min melh ve bawk “ Ka bialnu a ni e ,eng chungchang nge hei chhuah kan lo tum a sin " a tisup a .








Keichu min rawn enin “ Min lo nghak lawk rawh aw " a tihchuan ka bu nghat. Min kaihna thlahin a office lam chu an pathum chuan an pan a ,ngui nghiaiin ka ding reng ,a hmeichhia zawk chu rawn let lehin “ Sammy nen hian kan innei dawn ,chumi chungchang sawi tur chuan a nihkha ka pa kha a lo kal " tiin min nuih sawng chung chuan a kalsawn a ,ka phu zawk . Ka thluak an tibuai vek,u Sammy khan kan inneihna a ti a ,mahse khanu khan an inneih tur thu a sawi bawk si .








Engpawh nise keimah a awm a in ngaihtuah ka duh ber ,ka chhuak zui hlawk hlawk a . Ka inluah lam chu ka pan hnak hnak,taxi pawh la lo in ka haw a ,ka in a hla vak lo bawk nen ka thleng har lo ,inchhungah chuan lut in choka lam ka pan a ,rawng ka bawl zui mawlh mawlh . Kawngka a rawn inbeng dawt dawt a,tunge ni ang misual an ni angem,tun ang laiah tlangval sual tak tak an tam bawk nen ka hlauthawng nghal hle “ Duati,i awm tih ka hria . Lo hawng rawh,Duati i tha em" u Sammy aw ka hriat rual chuan ka thaw deuh huai,muangchang chuan ka pan phei a .









Tinge a va rawn kal rang ve ,ka in a hre nghal chu mak ka tilo theilo ,kawngka ka hawn rual in a lamah min pawt dawrhin min kuah nghal chawt. A hlauhthawn vang nge a hah vang hriat lovin a thaw hawk hawk mai “ Tinge ilo kal " ka tisep,khanu thusawi kha awih lutuk lo mah ila an inzui nasat zia hmu tu ka ni a ,an lo mudun tawh a nih ngat phei chuan keimah hi ka inthiar fihlim mai ang “ Min lo nghak rawh ka tihkha ,tinge ilo awm loh,i kalbo leh dawn emaw ka ti a sin" tiin ka kutah chuan nghet zetin a rawn hmer a “ Khanu khan in inneihna chungchang in sawi dawn a ti alawm .








In inzui nasat zia ka hai bik hleinem,i chetsualpui a nih phei chuan u Sam keichu ka inthiar fihlim zawk ang " ka thusawi lai chuan min chhang miah lo leh khawdawng hawisawn miahlo vin min melh a ,a mitmeng chu ka hmuh tirha rum tha tak ang kha a ni leh tawh “ Dawt a nihchu,vawikhat pawh ka la mutpui lo,a pa nena an hnenah pawh khan ka nupui i nih tur thu a sin ka hrilh,an ni chuan an fanu ka neih an duh a ,mahse chutiang thil chu ka ti ngai lovang " a tihmuk a ,ka kut a vawnna chu phelh thawl deuhin “ Min hmangaih em? Min hmangaih a nihchuan min ring tur a ni lawm ni" a tileh zat.









A kut chu thlahin choka lam ka pan daih,ka chaw hmeh an lo ut titih lehnghal “ Duati " “ Tumah kan inneih hma leh inneih hnu ah hmeichhe dang i hnaih tur a nilo" ka tihchuan min chawi nawlh ,ka au nghal chul mai “ Ka bulah i awm reng a ngai a nihchu" tiin min nuih vur vur a ,ka hau nghal hlak . Ka lu a tihai vek “ Ka duh lo,in ka neih ve reng hi ,hetah hian ka awm dawn " tiin ka kut chu ka kuangkuah hmak “ Ok keipawh ka awm ve anga a nimai lawm" tiin chair ah chuan a thu a ,ka hnial peih lo .










A ti lui leh dawn tho tho ,zanriah kan ei dun a . A thawmhnaw pawh tunge a biak ka hrelo chaw eilaiin an rawn dah a ,a bag nen chawp a room lamah a luh hnu hnu kha ,thleng ka sil lai chuan a rawn chhuak leh a,tu emaw a be mawlh mawlh mai . Ka hnung lam atanga min rawn kuahin ka darah khabe a nghat a “ I rim te hi ka ngai tawh " a tihchuan nasa tizetin ka en a ,a nui hawk hawk leh ta nghal . Thleng chu rem mawlh mawlh in ka kut ka hru hul a “ Tunge i biak a " inneihna chungchang an sawi avang khan ka hre chak zual .









“ Ka nu mawle ,i mokawr tur vel kan thui tir dawn a nia,i duh ang zân in " a tihchuan ka hmui ka pet zauh “ Kum 35 leh Kum 25 kan ni tawh a ,inneih a hun tawh viau ani,i pawm vek tawh kha sut leh theih a ni tawh lo . Duhlo mahla ka nei tho tho ang che " a tihchuan ka nui har har a ,hepa hi chu a naupang chhia leh thut zel hi ka hrethiamlo “ Ka thlarau thleng in i nei dawn a nia " ka tihrual chuan “ Ni chiang e " tiin min pawm kang nawlhin min vir pui leh vak a ,kan nui dun hawk hawk reng mai .









Nitin a bulah min hruai a,a damdawi in chu min fanpui thin . Tun ang laiah mi hausa te tan chuan engkim alo awlsam bik zia ka hriatchian phah hle bawk. Kan inneih hun a hnaih chuan Lentlang lamah kan haw chho va ,ka phur rual rualin ka zam bawk si,ka ni cheng hian ka hria . Ka nu leh pa bakah kan thiante ho chuan min lo hmuak a ,Nubawihi nen chuan kan inkuah nawk nawk “ Awi ka ngaihtawh zia che hi helamah awm daih ru , Aizawl chu kan inhmu zen zen thei dawn silo va ,a buaithlak " a tinghal zat zat .








Liandinga te ho pawhin an u chu an lo au chul a ,an bengchheng leh tawh hle . Rinpuia pawh a lo haw tawh a ,tunah chuan an kim leh ta e . Khawpumin kan inneih min hmanpui turin kan sawm a,Biak inhawng ngeia kan innei tur chuan tunah chuan sawisel tu aiin faktu kan ngah ta zawk a ,lawmpui tu lah kan ngah. Ni e mite fak rawn luai luai kher hi dan khatna in an innei vek lova ,misual ni a kan ngaih luih tlat te hi bel chiang ila an sual vek bik lo tih u Sammy atang hian ka hre chiang ta hle bawk .








Tin nu leh pa an lo pawimawh Zia ka hrechiang ta hle,ka nu leh pa hian u Sammy hi miin an sawi dan avang ngawt khan kalsan turin min lo ti ta se ka hmangaihna avangin ka thei dawn lova ,chu chuan ka pa min do tirin dankhatna hian u Sammy nen kan in neih theih ka ring lo hial a ni . “ Naktuk ah chuan ka nupui i ni tawh anga " khawpawn a birthday kan lawm na hmun Far mual an tih ah khan kalin tlang hmawr ah chuan kan thu dun a ,ka hnung lam atangin min kuah ran bawk “ Nangpawh ka pasal bik liau liau i ni tawh anga,engkim hi mumang a ang ka ti " tiin ka nui seih a .









Kan inhmuh tirh te ,ka bem fiamna lama ka hmangaih tak daih dan te chu ngaihtuahin keimah chuan ka nui kar kar a “ Enge i nuih?" a rawn tihchuan ka lu thing nar narin “ Ih maw ka bem tan tirh che khan ka fiam mai mai che a ,i thinchhiat em avang khan tihluih che kha ka chak a ,mahse ka hmangaih daih che sia a bemfiam tu che hi keimah leh keimah ka in bum daih a " tiin ka nui leh kar kar a,ka biangah chuan rawn fawpin “ Khawiah nge Honeymoon hman i duh,sawi loh awih loh aw ,duh lo mahla ka zinpui thovang che" a tihchuan ka ngawi vang vang .








Keichuan honeymoon hman kher ngai ka ti vaklo,mahse min kal luih pui a tum rau rau a nihchuan kal chakna deuh chu ka nei “ Plitvice national park Croatia ah khan kal ang,ka chak ber " ka tihchuan ka dul hmer salhin “ Ok a dang ala awm em" a tihchuan ka lu ka thing nar nar “ Naktuk hi dam takin thleng phawt ila engkim Pathian kutah dah mai ang aw " tiin ka ngheng ar ar a ,ni e kan thih hun tur leh kan hma hun hi kan hrelo va ,naktuk hi buaina leh harsatna awm lo in thleng thei ila tih hi ka duhthusam ber a ni .

[mawitei bawihtlung]

MISUALPA (THE BEAST)






CHAPTER 18 (LAST )







Kan inneih ni chu rin phak bakin a ropui ka ti,ka pa ngeiin min inneih tir te chuan a ti dangdai zual riau hian ka hria a ,u Sammy lahin thinlung zawng zawng a chham tih hriat lutukin mi zawng zawng hriat theih tur ngeiin a chham a ,Bial zaipawl ngei rawn zai thei te chuan mittui an ti hnai kuar “ Hringmite lei danah inneihna hi,chungkhuanu malsawmna ni ah kan chhiar ,kan unau te karah hmangaihna lo par chhuak chu,a thianghlimin duhsakna kan hlan e " ti a bul tanna an rawn nei te chuan min hneh takzet .









Pathian leh kohhran hma ngeia inneih lo ropui bik zia hi tih ka ngaihtuah a ,miten min lawmpuiin hla nen ngei min thlah a. Tin a zahawmna bik hrim hrim pawh hian a ti hlu zual bik,inru tawp dawn ila tu vak mahin min lawmpui dawn lova ,chu ai chuan ka pa nihna avang pawhin min sel ngei ang . Mahse mipa dik leh ka zahawmna min hriatthiampui tu ka tawng a ,a ni chuan ka zahawmna tih hria in ka chhungte thlengin min ngaihtuah pui vek a ni si a .








Khawtlangin kan inlamah kan inzui duah duah a ,tunah chuan min lawmpui lo reng an awm ta lo . Keini erawh thlala turin far hmunah khan kan kal a ,kan thlala tupa lah a uangthuang chi a ni bawk nen u Sammy nen chuan min inkuah tir thul,keipawhin nakin zela kan la en duh tur a ni tih hria in ka haw duh lemlo,ka hnung lam atanga min kuahin ka chhipah khabe a nghat a ,ka ngheng ar ar bawk . Camera chu a lo hmet mawlh mawlh a ,puan phahin a chungah in hma tawnin kan mu a .









Liandinga te ho lo phur fal thei lutuk chuan mi an tibuai zawk . Nunuin a lo hau leh hlak zel a ,Duata an hmatheh zel bawk nen Nunui pawhin tihdan a hre tawh meuh lo ,thlalak zawh chuan thei tui kan ken vel nen chuan thu thapin kan in tlang a “ U Mama chu pa i ni tawh dawn bik a ,nuam awm zanin ah kan lo bih thla ang cheu " Valpuia chu kan melh dun nghek,za em em hian rawn nuiin “ Ka fiam cheu a nihkha ,hlauthawng suh u " a rawn tileh nghal zat zat .








Kan haw leh lam chu hla play in kan zaipui a ,u Sammy car khalh chu chuan a hahdam hle , kei ngei pawh ruilo in ka awm ve teh khiah,car lam reng reng hi thui lo te ka chuan pawhin ka rui ziah zel kha a nia ,ruai kan theh mup mup a . Keini erawh inchhung lamah a hrangin kan ei thung “ Awi a mak e ,tunah chuan he khaw nula ho duh rawn pasalah i nei daih sia,thiktu che an tam awm mange, Aizawl ah lah nise mi awmthei chhungkua an ni bawk nen nuam i ti awm ,min rawn tlawh fo rawh aw " Nunuin a tihchuan ka nuih a ka bu nghat bawk .









Kei ngei pawhin he khua chhuahsan hi ka huphurh rum rum,a chhan pawh kan intawnna hmun a ni miau va ,zan kan mu tur chu ka zam bawk nen khumah chuan ka mu a ,ka tal sek a nilah bathroom lamah a inbual ri sur sur a. Pasal neih hun atana ka lo khek chu zanin ngei hian ka hlan dawn a ,ka zam zual . Ka lungte chu an phu dup dup lehnghal a ,“ Ka nupui duhtak" ka phu zawk ,ka bulah engtik laiin nge a lo thut ni ” I zam em ni?" a rawn tihchuan ka bu nghat .








A rawn nui nghal suk mai “ Min en teh" ka bianga rawn dawm chunga ka mit taka min en zui leh phei chu ka meng ngam tawhlo “ Min en tawh lo khan i awm thei angem?" mitchhing chunga ka tihchuan nui hawkin ka chalah a rawn fawp zauh “ Zahna tur a awm lo,i ta ka ni a ka ta ini bawk i zah tut reng chuan engtin nge naute kan neih theih ang " a tihchuan ka lei ka chhuah vak ringawt . Ka meng chhuak ta diar diar a ,a hmel en tuma ka dah chhoh rualin min rawn fawp nghal chawt .








Khumah chuan min delh tlu in nupa kan nih ang ngei chuan chet a lak zawm a ,ka thawmhnaw chu phelhin min la fawp pah reng bawk nen keipawhin engdang mah ngaihtuah duhlo in min mamawhna chu ka lo chhang let ve mawlh mawlh ,ka kut chuan a hnung ruak kang chu ka chul ve ta zai zai a ,a kap lam chuan min nawr na zual sauh , Zanin hian kan thianghlimna ve ve inhlan tawnin nupa kan nih ang ngeiin a hun takah kum 25 chhung ka lo vawn tawh chu ka hlan ve dawn ta .








Ka mal nawr kauin a rawn inzep a ,chet alak zawm rual chuan kan rum dun hak . A hnung chu ka hmer tawk a ,ka mit ka chhing sawk ,a thip vung vungin ka hria a nipawh a rum ve kawk tho ,ka samah rawn chulin muangchangin a chet zawm leh ta thuai a . Zing ka harh chuan min lo en leh ran tawh “ Morning Duati" tiin min rawn fawp leh vang vang phawt ,ka zawi nguaiin ka hria ,ka na thum bawk “ Kan intifai dawn em ni?" a rawn tihchuan ka lo bu nghat .








Nui leh hakin a tho chhuak a ,min pawm nawlhin bathroom ah chuan min tlan luhpui nghal nul nul a,kan chhuah leh chuan khum phaha thisen chuan ka mit ala ta chat ,ka sen nghal tawn tawn “ Ka chhuang lutuk che ,chuan ka hlim bawk nang hian engkim min zirtir a ni" tiin min fawp leh vawng vawng. Kan honeymoon hmanna tur lam kan pan dawn chuan kan chhungte leh thiante chuan airport thleng min zui a ,Nunui te ho pawh khawlamah awm rihlo in Aizawl ah an lo la awm dawn bawk nen eng emaw tal ka hawn ngei ang .









Kan pahniha kan awmdun chu kan hlimin midang kan mamawh lo hle ,ka duhna hmun ngei plitvice National park ah ngei chuan kalin tui khawhthla mawi lutuk mai a hmuna ka hmu chu ka au chul mai,keini lo pawh tlawhtu an ngah hle a,sap nupa awm ve an awm bawk a. An ni pawh innei thar ve tho an ni a ,thianah kan inchhar chu a ni ta der,kan inzui ho a . An nu Christy nen chuan kan inkawm melh melh a ,kan pasal te tui chengtlang chu enin kan nui leh var var zel ..








U Sammy pawh a lian bawk a ,hnamdang karah pawh a zahpui awm loh hle bawk . “ Rawn zin ve ngei ngei ru aw ,kan inah in rawn thleng thei reng a nia ,number te kan in pe anga " Christy chu kan rama zin ve turin ka sawm mawlh mawlh a ,a lo chak viau mai. Kan pasalte rawn phei chu lo hrilhin Eliam pawhin a lo rem ti leh zel bawk a ,kan inkawm nasa sauh ,kan ram chanchin vel chu ka sawi mawlh mawlh a ,an nipawhin an lo ral hriat ve thu te leh kal ve an chak thin thu an lo sawi ve bawk a.








Thil te ei ho in riahna tur thlengin inhnaih thei ang ber kan thlang a ,kan pali chuan kan inkawp chawt a nimai . Kan haw dawn meuh chuan kan in ngai hle ,inkuah chung chungin an ni pawhin rawn zin vat an tum thu an sawi chuan ka hlim hle . U Sammy pawh chuan chibaiin inhmu leh vat tur in kan inthlah a ,thlawhnaa kan chuan lai chuan ka hlauthawng leh pek hle . Film ka en na sa lutuk a thlawhna an bomb thut ka hlau a niber ,tuipui chunga kan tla ang tih hlau reng rengin engmah thleng silo chuan ka tawngtai mawlh mawlh .









Ka rilru hi midangin hre thei se chuan a min ti viau ang,mahse a hlauhthawn awm ve bawk em a ni,thlawhna chuang ngailo tan phei chuan hlauh tur hi a tam em a sin, Delhi ah zanriakin a tuk lamah Mizoram lam tlang tur law law in ticket kan book a . Kan thiante thawmhnaw tur ka hawn sak chu ka en dan dan,Liandinga te ho lawm hmel tur mitthla in ka nui leh sak zel,min chah nasa ve bawk nen hawn loh ka duh bik lo “ Thawmhnaw ringawt ngaihtuah lo in i pasal hi min ngaihtuah tawh zawk la " a rawn tihchuan ka en nghal haw .









“ Eng maw" a duh ka hre reng,rang lutuka hawisawnin ka thawmhnaw ken chu thlep tha mawlh mawlhin ka khung a ,ka tlanchhe tur chu min man betin nui hawk hawk hian min pawm kang a ,chapal ka bun lo bawk nen khumah chuan min theh thla dawpin min bawh bet nghal run mai “ U Sam khawi maw ka chau a nia " ka ti nang nang a ,a awmsawn duh der silo “ Keimah ka che dawn alawm,I chet a ngai reng reng lo " tiin min fawp nghal mawlh mawlh .








Ka hnar duh ta lo,min mamawh huna lo hnar hi ka thil duh loh ber a ni,kan zawh hnu chuan ka dulah a chul heuh heuh a “ Kan naute chu a insiam tan tawh ngei ang" a tihchuan ka nui hak ,mahse ka ring lo em em lo,ka pai thei a nih ngat chuan pai vat vat ka duh . “ Ka hmangaih che tih i hria tiraw?" tiin ka biang a rawn nul a ,ka lo bu nghat . A sawi chhuak zen zen lo va ,mahse a chetzia hian engkim a lantir vek thin thung a .






Tunah chuan Mizoram kan thleng leh ta vang mai,“ Zo" Nunui te chuan min lo hmuak thap a ,tlan pheiin kan inkuah nghal chawt . Kan in khalh haw a ,kan titi mawlh mawlh,kan honeymoon hmanna vel chu sawiin kan titi mawlh mawlh . In kan thlenga ,ka thil hawn ka pek chuan an lawm thiam ngei mai ,min rawn kuah an tum chu u Sammy an a lo hau nghal hluk ,min hliah nghal hmak bawk .








“ U Mam tinge " Valpuia chuan a rawn tihu a ,keipawhin u Sammy awmdan chu mak tiin ka en ha “ Kuah kher a ngailo " pakhat chuan a lo tihluk a,hepa thikthu chhe lutuk hi chu a,midang haw hnuah in ti faiin kan thawmhnaw ken ho chu machine ah ka nuai tir a ,awmpui nei dawn tho mah ila kan thawmhnaw hi chu keimah ngeiin buaipui ka duh,ka nu (u Sammy nu) pawhin min duat in min be siam siam reng a ,fanu a neilo bawk nen a fanu ang tak takin min en tih ka hria.








Thlakhat a liam leh meuh chuan ka ruak lo tih kan hre nghal a ,nau ka keng hma lutuk chu kan thiante ho chuan min fiam nan tak an hmang a ,puitling ho erawh in an lawm zawk thu leh ka keng hma chu tha an ti zawk a,u Sammya ber chu a ni a lawm lutuk chu a talbuai phah zawk nimai hian ka hria ,keipawh a ruk tak chuan ka lawm. Nau ka pai theilo ang tih hi ka hlauh ber a ni . U Sammy tan hian fa tam tak hrinsak ka duh,fa neih tlem duh avangin ka indah ve ngai hauh lovang .







Eliam te pawh an rawn zin ta ngei a ,nuam an ti viau mai. Nau ka pai thu an hriat chuan Christy chuan min lawmpui thiam hle,an ni erawh an la pai lo tih a sawi a , pai thuai turin duhsakna ka hlan ve mawlh mawlh . An haw dawn thleng khan cham hlen a chak thu a sawi chamchi a nihkha “ Duati " ka muhil chu ka pasal hnathawk rawn haw chuan ka biang vel chu a rawn nul dan dan,ama damdawi in ngeiah ER doctor niin a thawk a ,a chang chuan inah a awm hman meuh thin lo .








Damlo zual thut leh accident vel an awm in zai turin a lo inring sa thlap zel a ,an fak phah hle reng bawk . Keipawhin a hna lamah chuan lo inrawlh ka duh lova ,ka tibuai ngai heklo rilru hahdam deuhin awm se ka duh ber . A mah a taksa a chauh sa nen a rilru lam hah tur zawnga lo awm kha ka duh lo hrim hrim,thla riat chuang kan innei tawh a ,vawikhat mah ka ngaihthatlohna tur zawngin hmeichhia a awmpui ngai lova .







Hei vang te pawh hi a niang ka rin em em ni ,doctor a nihna a hria a ,a hahdam zawnga awm ai chuan a hahthlak lam hi a mah ngei hian thawh a duh bawk . Damlo a ngaihsak a ,pawisa neilo a lo lut leh rethei tak tak an ni tih a hriat chuan sum tel miah lo in a enkawl a ,kan tunlai doctor leh damdawi in tam tak chuan sum pe hmasa lo chuan tumah an enkawlin an zai duh hauh loh laia engmah phut let neilo a midangte atanpui hian kei chang nilo in kan Pathian ngei pawh hi a lawm in ka ring a ni .








“ Ilo haw tawh a nimaw " ham bai baiin muangchangin ka thu chhuak a ,ka pum a lian tawhin ka neih a hun tep tawh nen duh angin ka chetpui thei meuh tawh lo . Ka bulah rawn mu thla in min kuah a ,ka chalah chuan a fawp leh vang vang phawt “ Kan naute nen hian in bulah ka awm tam theilo va ,chuvang chuan tun atang chawlh ka la a,naute hi a lo piana a len deuh hma chu ka kalsan tawh lovang cheu" a tihchuan ka en ha mai .








“ Tak tak maw " ka ti hliai a , dik tak chuan ka nau neih a hnai tawh nen ka nu nen chauh chuan ka hlauthawng lo theilo,a ni a upa tawh bawk nen min buaipui chiam thei dawn lo tih ka hre miau “ Ni chiang e" tiin ka dul zawnah chuan a bei a ,ka dul chu a rawn che nghal dat . A rawn nui hawk a ,ka dul kan naute in a rawn pet chet leh dat thin chu hmuh hmaih hlau tak hian a en ngur mai “ Ka fapa " tiin a be nghal mawlh mawlh a ,keiin hlimna nen ka lo en thung









Ka pumna lutuk chu ka vial ngawih ngawih a,nurse leh doctor ho chuan min hual thapin min fuih mawlh mawlh,u Sammy chuan ka kut chu a lo chelh ve reng bawk a ,ka vawikhat nau neihna tur a ni bawk nen rin phakbakin ana in a hrehawm ,rei fe sanga kan buai hnu ah naute tap ri ka hria a ,ka zawi nghal hnawk . Men pawh ka meng thei tawhlo ,ka mumang nge pawh hriat lohin naute tap ri ka hria a “ Bawiha ,i nu i ti harh ang bang rawh le " ka pasal aw chu ka hre zawm lehnghal .








Meng chhuak diar diar in an pafa in awi chu ka hmu a ,ka nui nghal sak “ U Sammy" a rawn hawi nghal vat ,ka harh tih a hriat chuan kan fapa nen chuan rawn pheiin ka hmuiah a rawn fawp a “ Fapa kan nei a nia Duati,a hmeltha takzet " hlim zet hian a rawn ti a ,ka lo nuih ver ver. Kan fapa chu a rawn keng hnai a ,ka bula a rawn mut avang chuan chiang takin ka hmu thei ta ,hai rual lohin apa a chhun hliah hliah,a sam buang deuh thang erawh in kei min chhun thung “ Bawihi ilo harh tawh a nimaw " ka nu leh pa ka hmuh chuan ka lawm zual hle .










“ Tui taka i mut chhung khan an rawn thleng a " u Sammy chuan a rawn ti ve bawk a , ka fapa chu an pawm kual nak nak mai,Nunui te ho pawh an rawn kal a . Kan hlim hlawm hle Hmingthana te ho lahin kan fapa chu an pawm kual sek a ,u Sammy chuan a vin leh khur khur zel ,midang chhuah vek hnuah kan chhungkua in kan awm a ,ka mut chhungin inlamah min lo hruai hawng a nih hmel . “ Ka lawm e aw ,nang hian chhungkua min pe in pa awmdan tur dik tak min hmuh tirin min zirtir a ,ka hmangaih lutuk che nang hian chhungkaw dik tak chu min hriat tirin he ka fapa hi a pa in ka dawn ngai loh zawng zawng kha ka dawn tir thung dawn a ni" a tihchuan ka mittui chu ka hru zauh.









“ Ka pasal i nih chhung chu i fapa nen hian kan kalsan ngai lovang che ,ka hmangaih che Sammy Hmingmuanpui " min fawp ta vawng vawng a ,hei hi a ni ngei ang hring nun hlim hunlai ber chu,kan hma hun hre lo in bul kan tan a ,kan inkarah Isua kan dah lal ber na chuan tunah chuan nun nuam tak leh chhungkaw tha ber min pe in malsawmna in min vur ta si a ,Lalpa hi a lo tha ber a ,a mah ang reng renga ropui hi an awm leh tawh dawn em ni,helei kan dam chhung zawng hian kei leh ka pasal kan chhungkua hi chu Pathian lama kan awm reng theih nan hma ka la ngei ang,ka Pathian chuan min awmpui reng dawn si a .




THE END