PROFESSOR ZIRSANGPUIA BY MAWITEI BAWITLUNG (Completed)

[mawitei bawihtlung]

PROFESSOR ZIRSANGPUIA





CHAPTER 22



Ka ziak thiam lo ka hailo,tun lai phei chu zantin ka dah ang a nia,hnathawk pah nen story hi ka ngaihtuah hman meuh lo va ,chuvang ania lo comment ru ka tihfo,in comment na atangin ka chak a ,ziah tur ka ngaihtuah theih phah a ,lo ti hram2 ula aw,story ziah ngaihnawm hi ka thei thlawt loin comment te ka chhiar a ,thenkhat comment atang hian ka hrechhuak leh thin. ka lawm vek e







Start

Roomah chuan nilengin ka awm a ,room chhung hnawk nuaih chu tihfai pawh tum lo in eitur min rawn chhawp sak ho chu ka ei a ,lehkhabu ka chhiar ta ringawt. Ka nu in a khat tawkin min rawn en leh thin a ,ka be lo hrim hrim ,ka khua a har bawk nen khumah chuan mu in ka lo muhil leh a ,ka harh leh chuan khua a lo tlai leh duai tawh . Ka vai ruai leh nghal,chhuna mutthilh chu tho â emaw tih turin ka hriatna hi a pangngai lo nuaihin ka hria . Room chhungah chuan tei kualin ka thil hmuh ang ang chu ka ti hnawk leh a .










A motor ri ka hriat avang chuan chawl hmakin khumah chuan ngawi reng chuan ka melh ngai melhin ka thu hmak . Inhnuai lam atangin thawm a rawn ri chho va,ka nu nen an inbia chu ka ngaithla reng ,ka nu zawk a tawng mawlh mawlh laiin Zirsangpuia tawng erawh ka hrelo hrim hrim. Kawngka a rawn inhawng a ,an pahnih chuan ka room tih hnawk an hmuh rualin an ding nghal chawt ,ka nu chu a chet tlak tlak a “ Awi leh! Duhawm rawn chho teh u,room hi rawn tifai rawh u " tiin awmpuite chu a au va .








U Zirsanga erawhin engmah sawilo in min rawn pan a,ka bulah rawn thu in min en vung vung ringawt . Ka melh duh lova ,ka mit sir erawhin ka hmu reng thung,a kutah chuan eitur eng emaw hi a keng a ,ka bulah chuan ngawi renga dahin a thawmhnaw bawm lam a pan a ,awmpuite pahnih chu roomah rawn lutin ka thil tih hnawk an hmuh rual chuan an nui nghal kar kar a “ Nuilo khan tifai vat rawh u" lo tihrawk tu avang chuan khuh kharhin an che nghal zung zung a ,kan chhungkaw mizia an hre chiang tawh bawk a .








Ngaiah an neih nimaiin ka hria ,ka bulah bawk rawn thu in a eitur rawn hawn thei ho chu a rawn dah a “Ei rawh " dam dupa a rawn tihchuan mak ka ti zawk ,he mihring hi hriatthiam theih pawh a ni neklo,mizia eng zat zozai nge a neih ni . A duh hun hunah min ngaihsak a ,a duhloh hunah min thlauh thla leh a ,hei vang te hian ka haw zual . A thil rawn dah chu la in ngawi reng chuan ka vawm darh leh vek a ,a nipawh chuan ngawi reng bawka chhar khawmin a rawn dah leh ngat. Engtin nge a thinrim loh zawk ni .









Thaw hakin lehlam ka hawisan a ” Duhnu " ka inseh ruh teuh ” Khatiang khan min ko tawh suh" tiin khumah chuan mu in ka inlukhuh a ,“ Kha hming kha ka hming a nilo,chuvang chuan min ko tawh suh" tiin ka puan chu ka tham nghet sauh sauh. Kha hming min duh ve emaw ti a ka awm hunlaia min kohna ri khan min lo dawi â rei lutuk a ,tunah chuan ka thei tawh lo . Ngaihthlak leh hriat ringawt pawh ka duh lo,ka thinlung a tihnat zia hre lo vin engtin nge khatianga min la koh ngam zawk .








Ka puan chu a rawn hawng a ,ka en duhlo ka mit chu ka chhing tlat a ,ka mittui hnam chu a hmuh hmaihin ka ring lo . Min pawm tho in min kuah khawm a ,a awmah chuan ka nam nghal dat dat “ Min kaltir rawh,Zirsangpui ka...ka kal duh" tiin ka en kar a “ Ka phallo,i fa chu ka enkawl pui ang che ka tih tawh kha " a tihchuan ka tal phat ” I fa ngei a ni a sin,engtin nge mipa dang fa ah i ngaih tlat theih,enteh khawih la i fa a nih hi . Mipa dang duh ni ila nang hi engvangin nge ka thianghlimna ka hlan ang che .







U Zirsang ka ti tak zet zet,mahse i rinna ka hlawhchhuak thei chuang silo chu a nih hi,min rinloh chuan min kal tir la ,i rinzawk Judith-i chu tinge i lakluh mai loh?" tiin chiang zet chuan ka en a ,ka chalah a rawn fawh chuan ka phu zawk . Ka pum chu a rawn khawih a “ Engtikah mah i kal dawn lo,nupui ka nei tawh a nupui dang neih leh ka tum tawh lo tih hi hre reng rawh . Tawk rawh se ,inhnial reng hian i tan pawh a thalo,nau pai i nihkha in hre reng rawh engmah sawi ka duh tawh lo" tiin min pawm tho in inhnuai lamah min hruai thla a .








A awmdan hi ka hrethiamlo,min ti â zo vek dawn in ka hria ,ka thluak hi a tibuai takzet . Nitin chuan min hnaih lutuk si lo hian min hlat ngai chuang hauh lo,a hnathawk rawn haw apiangin eitur min rawn hawn ziah a ,ka hnial tawh ngai lo nangin ka hnaih lutuk duh bik lo,a thusawi zawng zawng kha ka theihnghilh thei miau lo . Nikhat chu min bazar pui ve teh khiah a ,keipawh chuan tha tak chuan ka zui ve zel bawk “ U Zirsang ice cream ka ei chak lutuk " ka tihchuan a hawi kual vut vut a .








Kan piaha ice cream zawrhna chu ka kawh hmuh a ,kal tumin a inher tihah chuan a phone a rawn ri a ,a lak rual chuan a chiai nghal vek “ Ka kal angai, taxi ka koh sak ang che nga lo va haw mai rawh" tiin kan piaha taxi chu panin a be nghal mawlh mawlh ,ka en reng ringawt “ Khawiah nge i kal dawn,Judith-i tiraw lo be tu che kha ,kal suh min kalsan miah suh " ka tihchuan ka kut chu vaisawnin car ah chuan thu lutin a tlan chhuak nghal a .







“ Zirsangpui min ngaihsakna pawh i nei ve lo a ,rawn kir tawh suh nilo keimah zawk hi ka lo kir tawh lo vang " tiin ka au zui tuar . Ka mittui chu ka hru hul a ,a taxi min biaksakah pawh chuan thu lut duh lo in kalsawn ka tum rual chuan bike chak zeta rawn tlan chuan min rawn su thawi thuak a ,inring hman lo in ka au chhuak that . Ka pum chu ka dawm bet tlat a ,ka ban chu a thip zawk bawk ,mipui an rawn pung khawm mur mur a ,ka luhai muai muai nen chuan ka pangngai thei meuh lo .







Tlangval pahnih hian carah min dahlutin damdawi in lam min panpui tih ka hria, a bak engmah ka hre zawm tawh lo . Ka harh leh chuan doctor hian min lo nuih var var a “ Ilo harh tawh maw ,hlauhthawn tur a awm lo a nia" a tihchuan thu chhuak vatin ka pum chu ka dawm a ,“ Naute pawh a tha e" a rawn tihleh takah chuan ka thaw huai,ka hlauthawng lutuk leh ka naute chan ka hlau lutuk chuan ka mittui a ti tla ,ka kut chu an tuam a ,damdawi ina min hruaitu ni awm tak chu ka hmu nghal .








An la upa lutuk lo tih a hriat “ Khawngaihin min thlah haw thei angem?" tiin ka ngen ta tawp a ,an ni pawh chuan an lo aw thuai a . Min kuah chhuakin ka awmna atang chuan min pen chhuah pui a ,live kan luh dawna ka mi hmuh te pahnih chu ka en vang vang ,a tha e a hlimna a lawm . Judith-i lu tuam bur leh u Zirsangan a kuah chu ka thlir reng,an ni erawhin min hmu ve hauh lo ” Min hmangaih ve thei miah lo tu,hmangaih tu i chan a ,i hmangaih chu i nei thung dawn a lawm tiraw ,mangtha le " tisepin ka pum chu ka chul a .








“ I tha em" min kuahtu pakhat zawkin a rawn tihchuan ka bu nghat “ Saw saw ka pasal a nia ,chuan saw saw ka tluk ve theih miah loh hmeichhia a nihsaw " tiin za lo tak chuan ka then sak, ina let a ka thawmhnaw lak ka mamawh tawh lo . Ka mamawh zawng zawng chu ka purse ah hian a awm vek a ,tunah chuan kumkhua atan ka kal bo tawh ang . Saw mipa sawn kei leh a fa hi min hmu tawh lovang,a fa leh a nupui aia a thlan chu nei mawlh rawh se .







Hotelah ka inthlah tir a ,thlawhna ticket ka book nghal vat a ,zing dar 5 a chhuak tur chu ka hauh nghal hmak . Zaninah a haw ka ring lova ,zinga a haw a nih pawhin keichu min rawn hmu pha tawh hauh lo vang,khumah chuan mu in ka pum chu ka chul hliau hliau va ,ka be sep sep bawk . “ I pa chu mamawh loh zir ang aw ,i pa chuan kei leh nang ai a hmangaih a thlang zawk ta sia " mittui luang ngiai ngiai chuan ka bia a ,ka na tih hre miahlo va Judith-i damlo a buaipui lai chu a rawn lang leh a .







Ka awm chu a thip vawng vawng,dar 4 velah tho vin ka insiam mawlh mawlh a ,ken tur ka nei vak lo nen hotel atanga chhuakin taxi ka hmuh rual chuan ka pan nghal vat a ,kan inbiak fel rual chuan thu lutin airport lam chu kan pan vang vang a ,tlan chak deuh tur chuan ka tur sek bawk . U Zirsanga a lo haw hma ngei a ka kal hman a ngai a ni,chuti lo chu min rawn nan hman mai ka hlau , airport kan thlen rual chuan chhuk sawk sawkin chuan man ka pe a .








Airport chhung lamah chuan ka tlan lut nghal thuai, hawi let in ka ding vang vang a . Ka hmuh leh tawh ngai loh tur ram rei tak ka lo awm ve tawhna ram chu ka thlir vang vang,ka lung a chhe viau bawk . Tunah chuan he nuam ti taka thiante nen a kan lo awmna thin hi ka hmu ngai tawh dawn lo chu a nimai sia” Mangtha le " tiin terminal lam chu panin ka ticket ka hmuh a ,ka thaw chhuak ham ham,thlawhna chhung ka thut luh chiah chuan ka pum chu a rawn ri rak a . Ka nui hak “ Apa kalsan i duh bik lo tiraw?" tiin ka pum thla lina hmang ta mek chu ka chul zauh.








Tunah chuan a puar ve ak tawh a,chungin lian lo mahse enchik tan chuan hairual a nilo “ Duh lo mah la kan kal a ngai ta si a ,apa chu keini bulah a hlim ve lova ,midang bulah a hlimzawk a lawm bawihte,lungngai suh a nu hian ka venghim tlat ang che . Apa chu awm velo mahse a nu tal hi min nei dawn a lawm " tiin ka be mawlh mawlh a ,thlawhna a kan tak ruai ruaiah chuan ka thaw huai mai ” Mangtha tak tak leh ka hmangaih ,kan inhmu leh tawh awm silo va ,mangtha mawlh mawlh le .







Fa te i nei ngai a nihchuan i hnawl hnu i nupui leh i fa hmasa ber hi min rawn hrechhuak ve ngei ang che ,i damkhua lo sei se ,hriselna leh chhungkaw hlim tak lo din ngei ang che " tiin tukverh atang chuan kan thlawh san tur Mizoram chu ka thlir vang vang a ,ka mittui chu ka hru mawlh mawlh . Dawhtheihna leh beiseina nena ka nghah chu ka nghak thlawn dawn ta a ni . Tunah chuan min hmu pha tawh hauh lovang, Delhi thlen rualin zanlama thlawk tur chu ka book nghal a ,a rang thei ang bera London thlen ka duh ber a ni .






ZIRSANGPUIA POV....








” Bawiha Hlimi hi nimin atang khan a la rawn haw miah lo a nia " ka phone ri ka lak rual chuan ka nu chuan a rawn ti a ,ka phu nghal zawk . ” Ka nu iti tak tak em ni" tiin ka bula muhil chu ka en zawk a ,pawnah ka tlan chhuak nghal . “ Ni e dawt ka sawi i ring em ni,ka phone a la thei bawk silo,keichu a tlanbo a nih te ka ring hial tawh a nia . Khawiah nge i awm " a tihchuan ka haw mek thu a chhang in phone ka dah a ,ka car chhungah chuan ka thu lut a .








Niminah khan lo kalsan miah lo tur ka nia sin,a phone number ah chuan call in a in ring ral thak a ” La rawh Zohlimpui la rawh " tiin ka tawng chhuak sup ,vawi tam ka call hnuah pawh ala thei chuang lo . A a hotel sak lam chu panin a chhung vel chu ka zawng kual a,hnathawk ho chu ka zawt kual bawk ” Nizanah chuan a rawn riak ngei a,mahse zing dar 4 velah a chhuak leh,taxi driver a bia ka hriat dan chuan airport ah a inhruai tir a nih hmel " pakhatin a rawn tihchuan hmanhmawh zetin ka tlan chhuak leh a .









Airport lam chu ka pan leh nghal “ Min lo nghak rawh ,Duhnu min lo nghak rawh " tiin ka rilru chuan ka be mawlh mawlh, airport ka thlen thlak chuan zin tur leh rawn haw ho chu an insul pel zut zut a , airport chhungah chuan tlankualin ka zawng a,hmuh tur a awm hauh lo. Ni e ka tlai a ni,ka tlai a ni e ,chhuatah chuan thu thla hnawkin ka kun ngar a ,ni e kei ang misual bulah chuan a hlim ngai dawn lo “ Thudik hre chunga rawn pan che ka tum a sin,tinge min lo nghah loh le ? Zohlimpui ka tello a awm chu ilo thlahlel tawh lutuk a nimaw " tisupin ka mittui tla tur chu ka nuai pawk a .









Ka thaw chhuak ham ham ” I chi hi a thi lova ,bum i nih ka ring . Fa i nei thei tih chiang takin ka sawi ngam" nimina doctor thusawi te chu ka bengah a ri nawn tluk tluk a ” I fa a ni" ti a mittui nena min hrilh mawlh mawlh lai khan hlauhthawnna leh beiseina in ka khat ve tho va ,mahse ka tilang duh lo a nihkha. Judith-i lah chuan a accident na hmangin min ngen tlat avangin damdawi inah ka awm reng phah a ,mahse thudik ka hriat phah zawk si . Ka kut ka hum ruh a “ Ka lo zui thuai ang che " tisupin airport chu chhuahsanin ka carah chuan ka thu lut zui a .








A tello a he Mizoram a awm ka duh bik hauh lo ,ka hruai haw leh ngei ang. Engtiang pawha rei nghah ngai mahse ,in ka thlen rual chuan ka nu chuan chanchin min lo zawt thuai a ,lu ka thing a ,a nipawh chu a ngawi ta hmak a .



a changtupa lam leh changtunu lam te en leh ang cheu

[mawitei bawihtlung]

PROFESSOR ZIRSANGPUIA







CHAPTER 23





London airport ah chuan dingin ka hawi kual vang vang,ka kal hnu hnun ber ai khan tlemin a lo dang lam tih ka hre thei,muangchanga taxi lam chu panin kalna tur chu ka hrilh a ,thawk ka la ham ham . A lo awm kher angem ka hrelo va ,mahsela engtiang chena rei pawh nise ka hmuh theih nan chuan ka bei mai a niang chu ,an inzawn ka thlen rualin chhukin an doorbell chu ka hmet a ,ka nghah vang vang hnuah a nu chuan a rawn hawng a ,min hmu chu a meng kawk ringawt.









“ Ka lo lut thei angem?" ka tihchuan kawng min kian ve mai a ,inchhung lamah chuan a lut zui hmak bawk . Ka zui ve zel a,hmun tinah chuan Zohlimpuii hmel ka zawng nghal ruai a ,a hmel erawh ka hmu hauh lo . “ Hlimi ka hmu duh ani" ka ti nghal tawng a ,min chhang lo in an nupa chuan min en reng ringawt “ Khawngaihin ka hmu duh a ni " ka tihleh chuan a nu zawk chuan min rawn en kar ” Enga tan nge i hriat duh? Kan fanu hi i pa avangin kan neih tir che a ,hetianga i tuar tir hi chu kan ring pha lo a sin .







Chutah i fa ngei chu pawm lo in mipa dang fa ah ila puh sak a ,i awih lo a nihchuan eng vanga mutpui si nge i nih? I doctor pakhat rawn mai avanga kan fanu nun chheta leh na hmel kan hmuh khan a nu leh pa hian nuam kan tih i ring em? Ngaih ngam takin i pa nena kan inthian thatna tih ngheh leh zual nan kan neih tir cheu a ,a tira i rilru kan lo hriat lutuk loh avang leh i ngaihsakna helai a i rawn tihlan takah kha chuan ngaihtha takin kan lo awm a .








Keini pawh hi kan lo ngaihsam lutuk a ,kan fanu chuan a tawrh phah ta chu a nih hi,kan fanu chu helai hmunah chuan i hmu tawh lovang,i rawn umzui ringin a kal bo tawh. Nang pawhin zawn buai chu tum tawh suh,nupui dang chu nei la rawn ngaihven duh tawh reng reng suh,kan fanu hi kan hrechianga ,puitling taka awm in huaisen takin a fa chu a enkawl ngei ang . I hmangaih chu nei la rawn ngaihtuah reng reng suh,a rawn let leh ngai te a nihchuan keini pawh kan awm a .









An nufa in baihvai takin an awm hauh lovang" a nu in a rawn tihchuan ka thaw hawk ” Ka tihsual ka hria ,in fanu tina tu ka ni tih lah ka hailo ,chuvang chuan engkim siam that a ,hruai haw ka duh a ni. Tun chauh min ring ula,ka tina leh tawh ngai lovang " ka tihchuan an in endun a ,a pa zawk chu rawn tawngin “Kan fanu min ngenna angin kan hrilh thei lovang che ,i duh anihchuan a in peih hun leh a lo lan hun i nghak mai a niang chu,i hmangaih takzet anihchuan a in peih hun i nghak ve thei ngei tur a ni " a rawn tihchuan ka bu nghat a .








“ Rei a nihloh ka beisei " tisupin ka tho chhuak a ,an in leh a chheh vel chu ka fang kual a . Ka nui suk“ Min haw lutuk a ,ka hmuh tur pawhin i awm duh ta lo a nimaw ,Zohlimpui him dam taka i rawn kir leh ka beisei ,nang leh kan naute chu ka tina cheu si a ,ka lo nghak mai ang che aw . Ka lo kal leh hunah chuan ilo haw tawh ngei ka beisei ang " tisupin vanlam chu ka en chho vung vung a ,nisa vawl vawl leh naupang infiam ri bak hriat tur a awm meuh lo . London ah chuan nithum vel chamin kan hotel vel chu ka enkual a ,a ram mi ngei kan thawhpui miau avangin eng buaina mah kan nei hek lo .










Aiawh tur leh chanchin min hrilh thei tur mi ka hmu hlauh a ,a ni kutah chuan engkim ka hlan pah bawk . A pi leh pu ka tlawh a ,a pi leh pu bulah a awm ka rin vang a ni pakhat . Mahse a nu leh pa sawi ang chiahin a awm loh thu bak ka hre leh chuang lo,ka beidawng chuan thawk la hawkin airport lam ka pan ta tawp a , Mizoram ka thlen leh meuh chuan engkim chu a reh vawng vawngin ka hria ,in ka thlenga beiseina nena min lo en tu ka nu hmel chuan min tina zual .









“ Ka hmu zo ta lo a ni nu " tiin ka kuah vang vang a ,ka at na leh ka sualna chuan ka hmangaih chu a hnawt bo a,ka hmuh theiha awm a duh ta silo . Ka nu chuan ka lu ah a chul a ,ka mittui chuan ka nu nghawng chu a tihuh fap fap bawk . Chuveleh ka nu chu rawn rum hakin ” Bawiha keima thiamloh a ni,kan lo tiduhdah lutuk a ,i nu hian ka sual ka lo chhuah ve bawk nen Hlimi tan kha chuan kan kianga awm kha a hrehawm viau ang . Engtin nge kha chen a lo tawrh theih zawk ni ?









Keini chuan natna tur bak kan pe silo va ,dem thei kan ni lo . Engpawh nise bawiha nghak la ,engtikah emaw chuan a rawn kir leh mai thei a sin " a tihchuan ka chhang lo,chu thil erawh chu beiseina nen ka nghak reng thung ang. Kan inneih thlalak keh vek chu ka en vung vung a,frame thar vuah tir ka duh avang chuan la chhuakin ka en vang vang “U Zirsang ka hmangaih che,engtianga rei pawh nise min hmangaih let ve hun ka nghak dawn a ni" a tihchu ka bengah a ri nawn tluk tluk a.









” I hriat miah loh khan ka hmangaih che a ,i hriat miahlohin ka veng ru che a ,i hmuh theihin erawh natna chiah ka pe che si a ,khawiah nge i awm le ? Kan naute nen khan in that ka beisei Zohlimpui khawiah pawh awm la ,min ngai ve tho vang tiraw " tiin thlalaka a hmel chu ka en reng,engkim siam that ka tiam a . Mahse engkim tichhia in ka tina a ,tunah chuan ka lak atangin a biru ta chu a nih hi “ Ka ngai che Duhnu,i rim,i engkim leh i aw te kha ka ngaiin ka kuah chak takzet che,min kalsan dawn tih hria ila chuan damdawiin kha ka pan lo tur .








Tunah chuan i mi hmangaihna chuan min vaw let a ,ka tihnatna che chuan a tawp thlengin ka hlat atangin i biru ta hmak bawk a . I awmna hmunah chuan him taka i awm ka beisei" tiin ka be sup sup reng a . Nitin chuan a tello in nun ka hmang chho va ,a tello a awm hrehawm zia chu ka nunah lang chhuakin ka nun ruak zia chu min hrechiangtu tan chuan hai chi rual a nilo,ka nu lahin min khawngaihna leh a awmdan avanga Hlimi bovah a ngai a ,inthiam lohna nen mittui nena min kuah chang lah a tam .









Ka ngawi tlawk tlawk a ,a tul tawp khawk a nihloh chuan tumah ka be ngai heklo,nitin chuan engkim a ngai ngaiin a kal chho va ,ka pa a awm tawh lo bawk nen hmun hrang hranga hotel enkual in ka zin reng a . Chu chuan tlemin ka nupui ka ngaihtuahna tur lak ata min ti ziaawm a,mahse hunawl ka nei a nihchuan ngaihtuah loh lai ka nei ngai lo,thlatin a haw tawh nge tawh lo zawtin London lama a chanchin ngaihven tura ka rawih ka be reng a ,mizo ve tho a nih avangin rintlakah ka ngai bawk .







Tunangah chuan Mizo pawh hmun hrang hrangah kan awm darh nasa tawh a ,chu chuan kawng tam takin mi a pui nasa hle bawk a nih ber hi . Ka nupui chanchin ka zawh apianga ka chhanna dawn erawh chuan beidawnna chiah min pe thin,kum hial a vei hnuah pawh let tih reng a neilo chuan min tina zual . “ Khawiah nge i awm le ? Khawiah nge ka zawn hmuh ang che Duhnu? Ka tello chuan i hlim ta hle mai tiraw ? Min huatna chuan min hmangaihna kha a that ta a nimaw" vanlam hawi vung vung chung chuan ka sawi chhuak a .








Ka beidawng leh rilru hah chu ka thaw leh hawk thin,vanah chuan arsi an lang fur a ,thli chu a rawn thaw heuh heuh a ,ka lung erawh a zing tawlh tawlh thung. Kan nuna pawimawh te chu an awm loh hnu chiah hian kan hrethiam a ,an hmel leh an taksa kan hmuh phak loh china an awm chiahin min ngaihsakna leh min hmangaihna ,kan tana an thil tha tih tam tak te kan hrechhuak chauh thin ti a an lo sawi hi ka ring ta chiah bawk . Ka hnena a awm lai khan a hmel leh taksa ka hmuh a ka duh huna ka kuah theih avangin ka hahdam a .







Ka ngaihsak lo chung pawha ka bula a awm lai kha chuan a pawimawh zia ka lo chhut pha lo,tunah erawh a tello chuan ka ruak ngawih ngawih a. Engkim a reh a ,a ni telin ka ngai tulh tulh a . A thawm hriat tur a awm loh meuh chuan ka buai zo vek chu a nih tawh ber hi,kumkhat kumkhat chu a liam ta reng mai,kan fa pawh a piang tawh ngei anga. Mi eng tak ni ang maw,mipa nge a nih anga hmeichhia ,a nu nge kei a chhun ang chu thil chu ka ngaihtuah fo va ,englai mahin an nufa in ka ngaihtuahna an chhuah san ngailo








Min chenchilh reng a ,ka thluak a tibuai a ka bengah a aw ri a cham a ,ka taksa in a taksa a ngai bawk . Engkim mai chu amah avangin a danglam a ,min tibuai chu a nih tawh ber hi maw . “ Thiana ,i la hmu chuang lo em ni?" Lawma chuan ka thu kun ngul chu ka bula rawn thut pahin min rawn zawt nghal zat . Engtik laiin nge ka roomah a rawn luh ni “ Kawngka te i rawn kik theilo em ni?" ka ti hmuk a . Ka hriat theihloh thu a sawi chuan ka chhang tawh lem lo .







“ Chanchin engmah an la rawn sawi lova maw? A nu leh pa tal chuan an hrilh che ka beisei a sin " a tihchuan za lo zetin ka then suk ” An fanu tina tu ka nia,an fanu in a phal miau loh chuan min hrilh lui duh nang,tunah chuan ka tihsual man ka tel a nih hi,ka nupui leh ka fa pawh ka hum theilo a . An hmel tak ngial pawh ka hmu thei silo,mipa nep tak chu ka nih hi " tiin ka nui hak a . Lawma chuan a lu thing nghutin ” I thiam loh vek a ni hleinem,Judith-i leh Doctor vang vek zawk a nih hi .







An ni lah chu i ngaidam hmak mai sia,jailah khung la tha tur " thinrim zet chuan a tihluk a . Jailah khung ila enge sawt chuang ang? Ka hmangaih chu a kalbo tawh tho tho va ,a rawn kir leh phah dawn heklo . Engkim hi keimah vang vek zawk a ni ,a thiamlo bulpui ber ka ni bawk . An ni avangin ka nupui keimah zawkin ka tina ngei a ,an ni an rawn inrawlh tawh lo ,ka pa lo thi lehzel nen ka rilru buai khan ka ngaihsak hman meuhlo a nihkha “ Hmangaih neila,tina ta tlat si la ,i hrethiam ve mai ang ,mipa chuan hmangaih kan neih pawhin kan induhtawkna hian min tina fo a nia .







Keipawhin ka hrilh duhlova ,ka chan ta chu a nih ber hi . Ram khat chu sawi loh ram hran daihah a awm bawk a ,hmangaihna chu tuipui thuk tak ang hi a ni,a pawn lang chu a nalhin a hahdam thlak a ,mahse kan lut thuk zel a ,a rei a thim tulh tulh a a tawpah phei chuan thaw chhamin an thih phah fo ,hmangaihna pawh chutiang chiah chu a pawnlangah chuan a hlimawmin nuihna a tam a,mahse kan lut thuk tial tiala natna leh lungngaihna tur a tam tial tial a ,hmangaihna avanga inthat an awm fo thin te hi dem chi an ni hauh lo .







Hmanraw tel miah lo a mi that thei tu chu he hmangaihna ngei hi a ni bawk . A hmangaihna kha ka lo hrethiam ngai lova,engtiang chiahin nge hmeichhe dang nen min hmuh khan a lo nat ang ? A hmangaih ngei chuan ka tina a,nun beidawng ngawih ngawihin ka thlazar hnuaia thlamuang taka awm thin chu ka hnawt bo a,a rawn kir leh duhin ka ring tawhlo" nui hawk chunga ka tihchuan min en vung vung ringawt . “ Hmangaih chu ka la nei hauhlo,mahse a hmangaih chu a kalsan hlen che ka ring lo,a la rawn inlan ngeiin ka ring bawk .









Hmanlai pipute atang tawhin mi pahnih in hmangaih tawn chu an inhlat thei tak taklo ,thih hnu piahlam ram thlengin an leng dun leh thin an tih fo kha. Vawikhat tihsual hi i beidawn pui mai tur a ni hleinem ,mipa chuan kan tihsual kan tuar ngam tur a ni. Mahse tihsual leh kan tum tur a nilo. Hmeichhia chu zawhte ang mai hi an nia,duat tak leh hmangaih taka enkawl tu chu an ngaina a ,mahse an duhloh zawnga tih vaih erawh chuan mi tihnat leh insual an inpeih at thin. Zawhte kawlh tak,mahse mihringten an ngainat em em tho si ang hi .








An kawlh a ,an duhawma ,zûn an nei bawk hei reng hi a ni mipa tam tak thinlung tizawp tu chu,khawvela mipa sual tak tak ti a kan hriat fo te pawh hi an hmangaih ber te bulah chuan angel ang mai an ni an tihkha maw ? Ka haw phawt ange,kan inhmu leh dawn ania ,ka sawi kha hre reng rawh . Hmangaihna chu a bo hlen ngailo,hmangaihtu chuan a hmangaih bawk a zawng hmu leh thin" tiin a chhuak zui a ,a thusawi chu ka ngaihtuah zui reng .








Ni e min hmangaih a nihchuan ka ta ni turin ka hnena a lo kir leh hun kan nghak pauh a niang chu ” Rei lutuk suh ang che ,ka rawn zawng zel dawn che tih hi hre reng rawh" tiin khum lam pan chuan ka phei a ,a hma kha chuan ka be duh lo chungin a bulah khan ka mu reng thova ,a muhil tawm kak thin taksa kha kuahin tui takin ka mu thin a nihkha . Tlai taka ka haw chang pawhin a lo awm tih ka hriat khan min ti hahdam tawk em em a ,tunah meuh chuan khum chu a ruak a ,zantin min lo nghak chunga lo mu thin hmeichhe duhawm zet hmel kha ka hmu thei tawh heklo.









A tuk zing ka tho chu inhnuai lama thawm ka hriat avang chuan ka chhuk a ,ka nu leh Judith-i lo inhau chu ka en reng “ I lo va zak theilo em em ve ,chhuak nghal rawh . Ka fapa rawn thawh hma hian,hmeichhe nasa lutuk engtin nge ka lo ngainat theih zawk che ni " ka nu chuan a tichhuak that a ,a thinrim hle tih a hriat . Judith-i thusawi ka hriat avang chuan ka inseh ruh tawlh tawlh “ I fa pai chu ka fa a ni a maw?" an rawn hawi chho thawt a. Ka nuih hawk bawk,muangchanga chhukin ka melh ngur a ,a hmel tlan chhe dui chu ka hmu reng.







A nihian min bum a ,naupai theih lohna damdawi a lo ei reng zawk a . Nasa hian nupuia ka lo neilo kha a lo vanneih thlak zawk e “ Mudun silo in engtin nge ka fa i pai theih? Kha doctor putar i tham fa kha a ni zawk lo maw? I chanchin hi ka hrelo emaw iti em ni? Chhuak nghal rawh,hmeichhe tenawm lutuk,kut ka thlak hma che hian chhuak rawh " ka tihchuan tawng tumin a ang zuau a , ka mitmeng a hmuh rual chuan thulh lehin thinrim zet chuan a chhuak zui a “ Alo va rapthlak ve ,putar i ti em ni" a tihchuan ka bu nghut “ Fa ka nei theilo anga sawi tu kha mawle" tihlukin ka kalsawn a .







Ka thil tihsual leh ka ngaihtuahna tawi lutuk chuan tunah chuan keimah zawk na berah min siam a nih hi,tumah dem thei ka nilo ve .




ZAWMNA




Ka hna kal chu ka hotel kawtah chesual an awm tih ka hriat avang chuan rang takin ka pan a ,mipa pakhat a ban thisenin a lo tuam khah vek chu enin ka buaipui nghal zung zung ” I tha em?" ka tihchuan then sak chungin a that thu a rawn sawi a. A ban leh a hmel ka en erawh chuan ana thawkhat ang tih a hriat,ka hnathawk ho chu ko chhuakin kan buaipui a ,aban chu puan thianghlim an rawn ken chuan kan tuamsak mawlh mawlh a .








Taxi kan koh sakah chuan dah lutin an tlan chhuah rual chuan en vang vangin hotel chhung lamah chuan ka lut zui a ,ka kut thisen kai chu washroom lamah ka tifai nghal mawlh mawlh . Ka chhuah leh chuan hmeichhe pakhat khaw hawi lek lo a rawn kal phei chuan min rawn su dawt a ,amah zawk chu a thal tawp a ka nuih hawk “ Ana i kalna en ta che" a rawn tihlar a . A thinchhiat hmel tik tek hle mai “ I kal na en zawk ta che Mami,kun chungin kawng an kal ngai em ni .








Tun a chinah hmalam en hram i tum tawh dawn nia " ti a kalsawn mai ka tum chu a phun leh hlak avang chuan ding datin ka melh ngur a,zam hauh lo hian min en ve khai bawk . A hmel lah chuan Hlimi a ang viau lehnghal a “ Awi sir kan tihpalh lutuk,ka thiannu hi a la â lutuk a ,hrethiam hram rawh " tiin an inhnuk sawn dawr dawr chu ka en zawk a ,ka office lam chu ka pan nghal zat ” Sir vawiin lamah Delhi lam atanga Mr Santosh te an lo kal dawn kha aw , meeting kha dar 1 atanga tan tur a nihkha " ka secretary chuan a rawn ti a .








Ka lo bu nghut ringawt “ Chuan pu Lianmawia khan thawh dun a duh thu leh biak che a duh thu a sawi a ,engtin nge ka chhan dawn" a tihchuan hun ka neih loh thu ka sawi chuan ka duh chu a hre mai bawk . Lianmawia te chhung hi mi hausa duham tak an ni a ,eiruk pawi ti miah lo an ni bawk . Hei vang hian thawhpui ka duh hauh lo,mipui sum eiru thin te hi ka mi huat ber te an ni , a duh zawng chu a ru hreh hek lo . Mi thil tihchhuah sa copy a ruk hmang mi nun tha tak ka hre hek lo .







An fanu lah nise mi hnaih tumin min be reng a ,ka ngaihsak duh lem lo thung . Zohlimpuii ang tumah an awm dawn lo tih ka hre chiang viau bawk ,meeting zawh chuan khawpui chhungah tlankualin ka lenpuina thin hmun te chu ka thlir a , Aizawl pawn ka hruai fo na thin khaw thlirna nuam zetah chuan tlai nitla tur sen phut chu thlirin ka ding reng a . Tlang hmawr a ding ka ni bawk a,thli chu ana ve hle bawk .








Kawl eng sen phut chuan khaw lan dan thlengin a tidang a , Aizawl khawpui chu a lang sen phut bawk . “ Khawiah tak awm ang che maw? " ti supin in lam pan tum chuan ka car lam ka pan a ,a aw ri ka benga rawn ri avang chuan ding datin ka hnung lam chu ka en a ,hmuh tur erawh a awm haug lo thung. Thawk la hawkin carah chuan ka thu lut zui a .






THARTEI POV...TI VE LAWK ANG AW ,KA SAWI LAWK ANGIN






“ U David i inthiamlohna tur engmah a awm lo,u Hlimi pawhin a dem dawn lo che . A hlimna tur zawk a nimai thei a sin" tiin inthiamlohna a khat a ka hma a thu kun ngul chu ka en reng,Hlimi haw atangin kum khat lai a liam tawh a ,tumahin a chanchin kan hre zui lova . Kan be tlang thei heklo,kan thianho in mak kan ti a ,kan sawi zui fo mahse an nupa inkar kan hriat takah chuan rindan erawh kan nei thiam ve mai bawk .







U Davida erawhin ama thiamloh ah a ngai a,an inthianthatna avang pawha a tan a awm theilo chu a indem reng bawk . Amah pawh a danglam phah vekin ka hria ,a ngawi chawi em em a ,nitin u Hlimi biak tumin a phone ziah a chhanna erawh a dawng ngailo “ Min mamawh laiin ka awm theilo va ,tunah chuan biak pawh ka be thei tawh lo chu a nih hi . Khawiah nge a awm ang,a pasalin a tihnat lai pawhin a tan kan awm thei silo " ti a u Davida tawng mawlh mawlh chu ka kuah a ,a lu a dawm a .








A inchhir zia a tihlan chuan khawngaihna nasa tak min neih tir ,kha chen a lo duh tawh tih ka hria a . Tin a tan a hlu zual hle bawk ,u Hlimi awm lo chu kei ngei pawhin hrehawm ka ti takzet ,kan thianho min ti kim tu leh min tihlim tu ber a ni miau va ,“ U David i theih tawp i chhuah a lawm,chuvang chuan inthiam lo tawh suh" tiin a biangah chuan ka dawm a ,ka duhzia a hailo va. Vawi khat mah ka nat theihna tur ang zawngin hneeichhe dang a kawp ngai lova ,heivang tak pawh hian ka duh zual .








A mitah chuan natna bak ka hmulo,chhawk ka duh takzet “ Thian ti a chhal ngam pawh ka nih nek lo hi " a tileh hluk . Ka thaw hak ringawt “ Khawngaihin nangmah indem tawh suh,ka tan phei chuan i special bik a ,i pawimawh em em a sin . Ka tan chuan ka angel i ni a ,ka thiantha ber i ni bawk ,nang ber hetia i awmin tunge college ah te min chhan tawh anga,u Hlimi pawh a lo kir leh mai thei a sin. Tunge hria ,nakinah chuan danglam takin a lo kir leh thei a lawm .









A biru hlen hauh lo ang" tiin a hnungah ka beng thek thek a ,thinlung takin min pawh a la harsat tih ka hailo ,mahse ka nghak tang tang dawn a ni . Nakinah chuan min la duh let ve ngei ka beisei a ,ka la nghak tang tang a ni ,ka biang vel chu a rawn khawih a ,nghet zet chuan min kuah zui nghal ” Ka bulah awm reng ang che ,khawiah mah kalbo ve hauh suh " atihchuan nui hakin ka lu ka bu nghauh nghauh a ,hrethiam tak ang maw .









“ Awle englai pawhin i kiangah ka awm dawn a lawm,ka sawi tawh kha . Ka duh che a i hlata awm reng ka duh teuhlo,hmeichhe ho in an zar nasa lutuk ang che ,tirawh leng ang" ka tihchuan nui hakin ka kaihna lam lamah chuan min zui a ,nutei leh patea chuan min lo hmuh rualin khawnge kan kal dawn tih min lo zawt vat a ,an ni pawh hian kan inkar hi an hrethiam deuhin ka hria . Kan len khawthawn tur thu ka hrilh chuan an lo phal ve mai bawk ,a bike chuan kan in phur chhuak a .








Bazar velah chuan leng kualin an eitur siam kawng sira an lo zawrh vel chu kan ei dun a ,kan hlim ve viau mai . Dawnfawh ei chungin khawlaiah chuan kan vak a ,milah chuan min en duh hlawm em em lehnghal “ U David i la duh reng em?" ka tihchuan a che lai tawp chawtin min rawn en a ,a nui ringawt “ I awm tawh alawm,mahsela ka thian a ni a min mamawh huna kan lo ngawihsan mai mai erawh in hrehawmna min pe deuh mai a nia ,eichak dangte i la nei em?" a tihchuan lu thing nak nakin a banah ka vuan a .








Keini chauh lo pawh nula leh tlangval lengdun hmuh tur an tam viau mai . School naupang ho bus a rawn chuang chuan min en leh ha ha thin bawk a ,kan khua ah kha chuan hetiang ang hian mipa leh hmeichhia awm ve a rem lova ,thian pawh kha thingtlangah kha chuan in ngaizawng angin kan thang ngei ngei ,mipa leh hmeichhia kha inzui a mawi lo lam mah zawk ,hetah erawh nun a zalenin tumah in min ngaihsak lem lova ,a lehlam zawng tak chuan thalai tam tak tan chuan a nuam zawk ngei ang le .









“ Engtikah nge i haw ang" a tihchuan ka in ngaihtuah a ,tunah chuan exam kan hmachhawn zo tawha . Kan khuaa ka haw leh ngei chu a ngai ang “ Karleh lamah chuan ka haw ve tawh ang chu,khawlamah ka chhungte an buai bawk sia puih vat an ngaih ka ring " ka tihchuan “ Ka lo tel ve dawn ania,thingtlang lam a an hnathawh ang thawh ve te pawh a chakawm alawm" a tihchuan ka phur nghal hle “ I tiam em?" naupang chhia zet chuan ka ti a.







A buk nghut takah chuan phur zetin ka au nghal hliai,a chanchin hi khaw lama ka thiante ka hrilh fova ,hmuh an chak thei hle a nihkha . A rawn tel ve chuan ka thiante nen pawh an inhmelhriat thei ngeiin ka ring,chubakah chawlh nuam tak ka hmang thei dawn tih ka hre bawk ,ka duhna min chhan let atangin hun tam a la liam lova ,chungin kan la inhre tawn hauh lo . Kei erawhin an in ngeiah awm chilhin a nundan engkim ka hriatpui thung a .







Bike lam chu panin kan inphur haw leh a ,u Nubawihi te ho pawh an reh rei ta hle ,u Hlimpuii lakah an inthiam lo vek a, college ah pawh thawm bengchheng ber nithin kha an zia a zawi tlang ta viau a ,zirlai ho mak tih an tling hial reng a . U Hlimpuii pasal lahin a nupui in min biak leh biak loh a ngaihven reng a ,ka khawngaih ve viau mai . A hmel a nguiin a hlim loh hmel bawk nen u Hlimpuii awm lo chu a tuar hle tih ka hre thiam ve tlat ,in kan thlenga nutei leh patea chu ka thil hawn ka pek hnuah room lamah ka lut a ..









Ka inbual nghal sar sar ,towel a intuam chunga ka chhuah chuan u Davida ka room chhunga lo awm a min lo enkur tu ka hmuh avang chuan ka rak that ,ka inhup nghal vat “ Enge i rawn tih dawn? Chhuak nghal rawh ,ka inthlak duh a nia " ka tinghal chul a ,nui sukin min rawn pan hnai a . Phawk zet chuan ka en kar,ka hnung lam zawngin ka tawlh zat zat a ,a rawn hnai ve zel bawk nen bang chu ka ngheng ta dawt “ Eng..enge tih i tum " ka tihchuan ka biang chu a rawn khawih a ,min fawp nghal zeuh a,phawk zet hian ka lo en thung.








“ I nalh lutuk" a tihchuan ka hmai chu a sanghal hat hat “ Awmsawn teh ka inthlak duh a nia " ka tih hlak chuan nui hukin a awmsawn a ,a chhuah hnu chuan lei chhuah vakin ka inthlak nghal sawk sawk .



(CHAPTER 24 ATANG A DANG LEH TAN ANG AW ,ZANIN CHU ZAWMNA A NI BAWK A ,A CHANGTU DANG KA TILANG ZUAI)

[mawitei bawihtlung]

PROFESSOR ZIRSANGPUIA






CHAPTER 24



KUM 7 HNUAH....(Ti duai ang aw 🤭)






“ Bawiha ,Hlimi te nufa chu an la haw lo cheu em ni?" beidawng zeta inchhung ka luh a ka nu thusawi chuan tawng tur min tihrelo,ka kuah leh ringawt “ Nu tinge ahma khan ka lo dan loh le ,tunah chuan ka tello in a hlim tih ka chiang ta . Ka tello chuan a awm thei takzet a ni e" tiin ka room lam chu ka pan a ,kum tin ka kal ziah a ka kal loh pawhin enthla tu tal ka dah thin . Mahse kum 7 chhungin vawikhat pawh a hmel hmuh tur a awm lo







“ Duhnu,khawiah nge in awm le? Min haw takzet a nimaw " tiin ka hmai chu tuai pawkin kan pahnih thlalak chu ka thlir reng a ,ka dawhkana zu awm chu banin ka in nghal pawp pawp ,vawitam he zu hmanga ka ngaihna tihreh ka tum a . Ka bei a mahse ka harh fim lai aiin ka ngai zawk emaw tih turin a hming lo sawi tur ka hrelo,hmeichhe dang ka ngaihsak leh tawh lova . Engtikah emaw a rawn let ka ring a ni ber ,mahse let chu sawiloh a ma chhungte tak ngial bulah pawh awm duh lo khawpin keimah avangin a biru ta hmak si .









“ Ka ngai lutuk che Zohlimpui" tisupin a thlalak lianpui ka tar ah chuan ka chal ka nghat a ,ka mit ka chhing vang vang “ Ka ngai lutuk che hi ka thi mai dawn in ka hria,i mi hremna hi arei iti ve tawh em em lo vem ni? Duhtawk tawh la ,lo haw tawh rawh ,ka duat tawh ang che khawiah mah i kal leh ka phal tawh hek lovang,lo haw tawh rawh" tiin ka phun chhuak sup sup a . Chhanna erawh ka dawng chuang lo,khawiah emaw chuan ka fa nen hlim takin an awm ngei anga,mipa dang a nei ta nge kan fa a tulpui zawk ang?










Ngaihtuah reng rengin ka awm a ,ka ngaihtuahna ringawt pawh hian hrehawmna min siam hnem lutuk ,mipa ka nihna angin ka tuar theilo va ,ka mipa nihna ka hre chang heklo . Ka hriat zawng erawh ka ngai tih chauh a ni, ka hotel kawtah chuan kun ngula thu in mi che vel chu ka en reng,hnathawh chakna lah ka nei heklo . London atanga ka haw hnuah nithum lai a liam leh tawh a ,Hlimi te hotel pawhin enkawltu anei tih ka hria,mahse ka ngaihven hauh lo thung,in dawm kun ngura ka lo thut lai chuan “ Hello" mipa naupang fel tawh tak kum 6 vel bawr tur hian min lo en kiau a .









Ka nuih suk,a sam dum hlap leh a ha bal chuan a ti duhawm phian lehnghal ” I tap a mi a?" a rawn tihchuan ka lu ka lo thing a ” Anu in puitling chu tah mai mai loh tur ,kan tah chuan kan chakloh na kan lan tir a ti thina " a tihchuan ka nuih hawk. Tu tak chu a nu ni ang maw,a tawngkam fel fai thak chuan zirtirna a dawng tha hle tih a hriat “ I nu chuan a tidik a nihchu " tiin a lu ah ka tuai sak zauh a “ Tunge i hming le " ka tihchuan “ Aldrin Zirthansanga " a rawn tihchuan ka nuih hak “ Kan hming bul a in ang a nihchu" ka tihchuan phur zet hian a rawn rak chul a .









Mipa naupang duhawm tak a ni,ka nupui leh ka fa kha hmu ila kan fa nen khan an inrual chiah ngeiin ka ring “ Animaw ,ka hming hi anu in apa hming chawia a sak a nia ,nang tunge i hming " a tihchuan ka hrilh a ,puitling puiin mipa naupang ka kawm chu a nisia,ka nui suk suk mai . Naupang fel tak a ni “ Anih i pa leh i nu chu khawiah nge an awm a ?" ti a ka zawh leh chuan a ngawi reuh reuh a “ Apa chu ka la hmulo a ,anu in apa chuan kei leh anu hi min duhlo a tia,mahse patea ka nei tho va ,a ni chu apa ang mai a nia saw apate a chu " a tih rual chuan kan lam pana mipa pakhat rawn kal chu min kawh hmuh a .









Ka en ngur ” Bawiha hetah a nimaw ilo awm? I nu in min hauh hma in haw ang aw " tiin ka bula mipa naupang chu a rawn pawm a “ A nih a pu mangtha aw ,kan inhmu leh dawn nia chuan tah tawh loh tur mipa chu pa taka awm tur tiraw pate" tiin chupa lam chu a hawi a,a pawmtupa chu a bu nghut a “ Anih kan kal phawt ange a lo tihbuai loh che ka beisei" a rawn ti liam puat a ,keipawh chuan kut vaiin ka lo bu nghat ringawt. “ Anih a pu bye bye " tiin a kut a vai lap lap a ,nui chung chuan ka vai liam a . A nu leh pa tan chuan fapa tha tak a ni ngei ang le .










Ka fa kha engang tak ni ve ang maw ,kei nge a nu a chhun ang. Chung ka ngaihtuahna chuan min ti chau a ,vanlam chu ka en vang vang “ Ka thih thleng pawhin ka nghak ang che Duhnu ,ka lo nghak reng ang che " tiin hotel chhung lamah chuan ka lut zui a ,ka hnathawk ho chu an lo buai viau mai,riahna bakah infiamna chi hrang hrang ka hung tel a , exercise lakna hmun ka hawn belh bawk nen a lun viau mai . Ka office ah thu in pawnlam chu ka thlir a “ Sir Delhi lam hotel atangin an rawn phone a ,an ni lam pawh an tluang chho zel a nih hmel.









Tin film channan an dil che a chu chu rawn biak che an tum a ,a rem angem? Chuan vawiin kha rawn kawm che an tum ni kha a nih hi aw " ka secretary chuan a rawn ti a“ Ka lo bia ange " ka tihchuan a phone chu hmetin min rawn pe a ,an mamawhna vel an rawn sawi chuan ka lo aw ve mai bawk,an film chan a hlawh tlin chuan keini tan pawh a hlawk dawn tih ka hailo . Ka phone a thlalak chu ka en a ,ka nui suk,a hmai chu chulin hmeichhe nui mawi lutuk chu ka en reng .







“ Ka Lalnu " tisupin pawnlam chu ka en zui a ,ka hnuai kawnga ka hmeichhe ruangam hmuh chuan min ti mengkawk ,engmah ngaihtuah tawh lo chuan pawnlam panin ka tlan chhuak hlawk hlawk a ,hotel kawtah chuan ka hawi kual ruai a ,hmeichhe awm ho chu an hmel ka enkual bawk . Ka hmu hauh lo,amah a ni ngeiin ka hre si a ,ka hotel kawtah dingin a en reng a nihkha . “ Zohlimpui " tiin midang pawh ngaihtuah lo chuam ka au tuarh a ,an rawn hawi nghal thup . Ngawi reng chuan ka zawng leh nghal,ka mitvai a nih ka ring theilo.









Nge ni a ka ngaih lutuk avangin amah angin midang ka hmu sual zawk ,beidawng zet chuan hotel piah kawngpuiah chuan ka ding reng “ Duhnu nangmah nge ni a ,min hrem i duh avangin i thlarau i rawn tir zawk ? " tiin ka hawi kual a ,midang min en tu te chu ngaipawimawh duhlo in hotel lamah chuan ka let a . Min kawm tu tur pawh an rawn thleng tawh a nih hmel,ka office chhungah chuan an lo thu thap a “ Ilo thlen tawh chuan kan tan tawh mai dawn em ni" hmeichhia in min en chunga a rawn tihchuan ka lo bu nghut .








Ka hlawhtlin chhoh dan leh kan hotel chungchang min zawt kur dup a , Mizoram atanga hetiang ka thleng thei chu min fak chamchi bawk,kei erawhin ka chhang lem lo . “ Mi rin lohin engtin nge hetiang i thlen theih tih hi kan hre chak a ,hei sawi angin mizoram ah chuan theih loh tih thu hi a tam hle a ,enge i ngaihdan " a rawn tihchuan ka khi suk “ Ni e mizo te hian kan tum hma hauhin thil hi a awm theih loh kan ring nghal ngawt a ,kan ram a te kan ti thle zen bawk . Mahse keini ai a ram tetakte te hi engvangin nge keini ai khawvelin an hriat a .






Keini ai a mipuia rethei an van em em tih hi ngaihtuah ta ila,an ni chuan hruaitu tha an neih bakah an ram pumin an tangrual tih a hriat,keini ramah chuan hruaitu kan nei ve dek dek a, Ram hmasawnna ngaihtuah ai chuan mahni hlawkna ngaihtuahin mipui chanai eiru duh hruaitu kan nei thin hian kan ram hi hma a tisawn theilo va ,tin a mipuite kan in lungrual lohna avang hi a ni bawk . Engkim ah hlawhtlin kan duh a nihchuan risk kan lak lam a ngai .







Hlawhtlin tumsa a thil kan tihchuan kan hlawhchham zawk fo thin . Chuvang chuan mi hmingthang leh khawvela mi hlawhtling ber ber te hi an nunhlui han sawi se ,a tirah hlawhtlinna an chang nghal bik mai lo tih kan hre vek ang,a hmasa berah chuan keimah ni hi kan pawimawh . Hlawhchham tum sa leh hnual na rilru kan neih sa chuan engtikah mah mi hlawhtling a nih theih loh" ka tihchuan kan bula lo awm ve ho chuan kut an lo beng dar dar a. “ I thusawi chu a tha in midangte fuihtu tha tak a nih ka ring,a nih leh thil pakhat leh chiah .








Tunah hian i hlawhtlin bakah i hmeltha in i kum lah a naupang zawk zawk tawh lo nen nupui emaw bialnu emaw hi i nei miah lo em ni? I bialnu nihchak an tam hle awm si a" a tihchuan ka ngawi vang vang,ka mitthlaah chuan hmeichhe pakhat chauh a ni awm “ Kum 7 liam ta khan nupui chu ka nei a ,tin a nilo nupui dang emaw ngaihzawng emaw neih ka tum leh tawh lo . A ni chu ka hmangaih a ,ka nghak reng a ni" ka tihchuan a hmel chu a dang zawk a.








A insiam tha leh nghal thuai “ Anihchuan a ni chu min hrilh thei em?" a rawn tih leh chuan ka secretary chu a rawn inrawlh ta vat a,min zawt zui tawh lo chuan a ngawi ve mai bawk “ A hming ka sawi avangin a rawn let phah dawn lova ,ngai lo mai rawh se kha kha chu ka mimal thil a ni tlat" tiin ka nui suk a . A nipawh chuan engmah sawi lo in camera chu a off tir a ,a mitmengah chuan min duh hle tih ka hre thei . Ngaihsak lo chuan ka dawhkana paper chu ka en mawlh mawlh .








Midang an chhuah vek hnua a la awm avang chuan ka hawi chhuak a “ Pawimawh a la awm em ni?" bul hmuka ka tihchuan min rawn kuahin ka hmuiah a rawn fawp a,ka namsawn nghal nawk ” Engthil teh hrep nge i tih" tihlurin ka melh ngur a“ Professor min hre tawh lo em ni? Fakawmi kha ka nia " a tihchuan ka mit chuar nung chuan ka en a ” Hrelo,chhuak rawh . I hming hriat pawh ka mamawh lo,chhuak rang rawh kut ka thlak hma che hian" tihlukin ka inher san a ” Judithi nau Jennifer-i thiannu kha .










Engtin nge min hriat tawh loh theih? Kum tam tak chhung ka nghak tawh che a sin" a tihchuan ka nui hak “ I mi nghah hian hmeichhe pakhat chiah duh a nei tih ka sawi tawh kha ,chhuak rawh nge ni a ka theh chhuah kher i ngai dawn Rempui" tiin ka secretary chu ka au tuar a ,a rawn tlan lut nghal vat. Fakawmi in ti chu rawn enin min en leh a “ Enge nita sir ?" a rawn tihchuan Fakawmi chu melh hrawkin ” Hruai chhuak rawh " tihmukin ka inher san a ,tukverhah chuan ka dak chhuak leh vang vang .








“ Min khawih suh,Zirsangpui i hmeichhe hmangaih i tih kha i hmangaih lo ka hre vek,u Judith-in engkim a sawi a lawm,i tihduhdah lutuk avangin a kalsan che a ni lawm ni? Chu chu hmangaihna maw?" a rawn tihchuan ka insum theihna a tibo chiang hle ,pan phei in a hrawkah ka rek a ,bangah chuan ka nawr bet nghal chawt ” He i ka tetakte hian i tawng leh a nihchuan ka that duh mai ang che ,chhuak rang rawh ,i tawng leh a nihchuan ka insum na hi a zo palh hlauh a nge " tiin ka rehna chu ka thlah a .








A khuh nghal bawrh bawrh,a hrawk chu dawmin a tho chhuak a ,a tlan chhuak nghal vang vang . Thaw hawkin ka lu chu ka tuai puat a ,ka nunhluia ka thil tihsual chuan min vaw let mek chu a nih hi. Hotel-ah pawh chuan awm reilo vin ka haw thuai a ,in ka thlen rualin shower chuan ka inphuh tir a ,ka mit chu ka chhing vang vang bawk . Hlimi ka mitthla ah a rawn lang a ,a nui hmel leh a aw ri ka la theihnghilh hek lo,nitin ka beng leh mitthla ah a la cham a ,a lo lan thut ka beisei a niber .








“ Min hrem rei tawh i ti lovem ni? Duhnu,a rei tawh lutuk,kan naute nen khan vawikhat tal ka hmaah lo in lan leh ta che. Ka kal tir tawh lovang che a ,min ngaihdam hma chu ka bei mai tur " tisupin shower chu off-in ka chhuak zui a , bang a thlalak lianpui chu ka melh reng ” Bawiha" ka nu aw ka hriat avang chuan muangchangin ka hawi phei a ,lainat hmel zet chuan min lo en reng . Ka lamah rawn pheiin Hlimi thlalak chu a thlir a .







“ I pa kha la lo hnial thin a ,a chhan pawh Judith-i kha i hmangaih ni a ka hriat avang khan,mahse i pa kha engkim a lo hmu lawk sa a ni ngei ang . I pa kha ka ngai thin,keini lah chuan a rilru kan lo tihahin Hlimi lah kan lo ti duh dah em em a ,i pa a han thi kha chu ka khawvel kha a tawp vek nimai khan ka hria a ,Hlimi kha ka puh lo theilo. A chhan chu ka rilru kalsual nen Hlimi khan hruai turin a rawn ngen tlat si a ,ka lo tidik lo ani . He inchhung reh tak zia hi .







Uap lumtu pa a awm tawh lova ,tibengchheng turin Hlimi lah a awm tawh hek lo . Bawiha kan tihsual kha kan lo in hmu har lutuk a ni,tunah chuan engkim a tlai tawh a ,kan siam tha leh thei tawh dawn silo . Aw i pa chuan min va han dem dawn tak em,hmuh pawh min hmu duh tawh dawn em ni ? Kan Pathian pawh hian min ngaidam hram teh se ,bawiha kan vanduai a nih hi tiraw " a rawn tihchuan ka kuah a . Kei ngei pawhin engmah ka sawi theilo .







Ni e ka kianga a awm laiin ka lo hrethiam lova ,a tello a ka awm tak chiah chuan dam reng chungin ka thi mek zel chu a nih hi ,kum 40 ka lo hmang ve ta ,ka nunah Zohlimpuii awm lo chuan ka hmel thlengin ka nu chuan a hai lo tih ka hre reng “ Bawiha keimah vang vek a ni,keimah talin Hlimi kha lo duat ila chuan kan bulah a la awm ngei awm si a ,a ni anga dawhthei kha an awm dawn em ni . Naupang te nichung khan kan nufa hian min lo dawh hram hram thei kha hmeichhe chak tak a nihzia tilang tu a ni .









Mahse a dawh theihna chu natna dang pek nan kan lo hman sak si,lo kir lehin kan hmaah rawn lang leh se chu thingthi chung pawhin ngaihdam ka dil duh mai ang,bawiha i tawrhna hi nu ka nihna angin ka hailo asin,i pawnlam hlim hmel min hmuh mahla i chhung lam atanga i tap tih hi,i nu lo paia lo enkawl seilian tu che hian ka hai lo a sin,Hlimi i ngaihzia ka hmuh hian i nu hian hrehawm ka tiin ngaihdam dil tlak nilo mah ila i tan hian Hlimi chu hmuh ka va han chak em .








Bawiha i nu hi min ngaidam rawh aw " a tihchuan ka lu la thing nawk nawk “ I thiam loh a nilo,keichuan min hmangaih tih hre rengin ka tina a ,ka tawrhtur a lawm,engmah thiamlohna i nei ve lo ka nu,keipawh hian vawikhat tal ka fa nen khan hmuh ka chak a sin . Nang chuan thiam lohna engmah i neilo,keichuan ka fa ngei pawh ringhlelin ti tla turin ka ti a . Eng rilru nge maw ka lo put le ,tunah chuan inchhir pawh ni ila a lo kir tawh dawn lo . Min hmu duh tawh lo chu a nih hi .









Ka hmuh theihah a inlan duh tawh lova,hei aia hremna nasa hi a awm thei dawn em ni ,a hlim ka duh sak a. Mahse a tello chuan ka awm thei silo chu a nih hi,lo zuk chhuk rawh . Ka inthlak anga ka rawn chhuk nghal ang" ka tihsup chuan bu nghatin a chhuak zui a ,ka thawmhnaw chu la chhuak in ka ha nghal mawlh mawlh . Chaw eilai chuan a tu amah kan in be lo va ,chaw eikham rual chuan zandanga ka tih dan ang bawkin ka zu lei sa chu ka room ah ka in a ,ka ruih loh chuan ka muhil thei tawh lo .









Zohlimpuii tello a mut ka harsat zia min hriatpuitu awm chhun a ni bawk . Zu chiah hian ka natna min chhawk thei in ka ngai a ,zantin ka in deuh thaw ti ila a sual tam lovang,ka hma a hmeichhe nuisang chu panin kuah mai ka tum a . Ka kuah thei hauh lo “ Duhnu" ka phun sup sup a ,“ Bawiha a va mak thin em aw " ka nu aw chu ka hre ruai ruai chauh a ni .






PI ZUALI POV(ZIRSANGA NU AW )








Ka fapa rui leh ta chu enin ka mittui ka hru fap fap “ U Din,engtin nge kan fapa hi ka tih dawn le ? Nang tal la awm la chuan hetiang hian kan awm lo tur ,aw Hlimi khawiah nge i awm le . Ka fapa hian a mamawh che a sin,i tello a a nun ruak zia hi i hmu lo em ni . Kan thil tihsual avangin i biru tih hre mah ila,a tawk tawh em em lovem ni? Ka fapa hi a nun a chhe tan mek a sin,engtin nge ka enkawl zel ang" tiin ka fapa khuma mu a Hlimi hming lam mawlh mawlh tu chu ka en reng.




[i]ka dah dawn zan chuan WhatsApp ah emaw fb comment naah ka lo sawi thin a ,in lo en thin dawn nia aw [/i]




Nu ka ni a ,ka fapa khawngaihna chuan zantin min ti tap a ,Hlimi laka ka inthiamlohna chuan kei ngei pawh ka hriselna lam thlengin a nghawng bawk . Ka fapa tan tal hian Hlimi kha hmu leh thei ila tih hi ka duhthusam ber a ni,puan chu ka sin that tir a “ Duhnu min kalsan suh " tiin a phun mawlh mawlh chu lainat zet chuan ka en reng,kan thil tihsual chu a let alo va na em em ve ,ka fapa hi ka chan mai ang tih ka hlau hlel love “ Hlimi lo let tawh ta che ,i pasal hian a mamawh takzet che a sin,hremna i pe dawn a nihpawhin a taksa ah ngei hian pe la a dam zawkin ka ring mange .









Rilru lam hliam zawng a natdan a na em si a,ka fapa tan tal hian lo inlan leh thei la ka va ti em" tiin room chu chhuahsanin ka mittui ka hru mawlh mawlh a . Kan room ka lut a ,ka pasal nen kan thlalak chu ka pawm vawng vawng ” Bawiha pa ,ka thil tih dik loh luatah kan fapa rilruna in a awm phah a ni si a,min ngaidam rawh aw . En teh kan fapa hi,tinge min kalsan hmat em em le ,i fapa nangmah ang maia luhlul hian hmeichhe dang chu sawi loh atana i thlan a nupui hi darkar khat em pawh a theihnghilh thei silo .








Nang tal la awm la chuan kei ai chuan i fuih thiam ngei awm si a ,aw tinge hringnun hi a tawi em em mai le " tiin ka tap khur dar dar a . Pa awmlohna chhungkua meuh chu a ruak a ,kan kim lo chu a nih tawh ber hi . Pa in a uap lum loh meuh chuan chhungkua kan kehchhia chu a ni si a ,ka pasal tal kha la awm se chuan chhungkaw kehchhe tur hi a veng ngei bawk ang . Ka beidawng lutuk chu Pathian hnenah ka tawngtai ta tawp a ,ka hahdam huai bawk .





END OF PI ZUALI POV....







Ka room atang chuan pawnlam enin ka ding a , Henry Moodie DRUNK TEXT tihchu ka ngaithla vung vung,engtik ni ah emaw kha ka hmeichhe hmangaih kha ka hmu leh a nihchuan hlimna chhiar sen loh ka pe tawh ngei ang . Hmeichhe tuar chhel leh hmeltha tak kha tunah chuan mipa dang a tawng te pawh a nimahna ,ka hmu leh thei a nihchuan ka ta ni thei tawh lo mahse vawikhat tal chu ka kuah leh thei mial mahna .





(NEXT AH CHUAN HLIMI PAWH A LANG VE THEI TAWH MAI THEI A SIN 😁😚😘MUTTUI VEK ULE, COMMENT LEH LIKE MIN PEK SAK THIN TUTE ZAWNG ZAWNG KA LAWM THIN E )

[mawitei bawihtlung]

PROFESSOR ZIRSANGPUIA




CHAPTER 25






Dawra ka kal lai chuan kha mipa naupang bawk kha ka hmu a ,a ni pawh chuan min hmu in min au chung chuan ka lamah a rawn tlan a, ka lo pawm vat . “ A pu enge i tih ve dawn? A nu in thawmhnaw min lei pui a " a tihchuan nuih sukin “ Engmah ti dawn lo e,ka kal mai mai a khawiah nge i nu chu a awm a,a nu i vaih bosan em ni? A nu bulah awm tlat tur a lawm" ka tihchuan a hmui a ti pawrh a . Ka nuih hawk mai “ A nu chu sawtah sawn a awm a ,ka vah hlatsan duh hleinem ,a nu chu apa ngaiin a tap zel a .








Chuvang chuan keichuan a nu ka kalsan dawn lo, Aldrin chuan a nu ka venghim dawn " thutak zeta a tihchuan a lu ah chuan ka tuai sak zauh “ Apa chu i hrelo mi " ka tihchuan a lu a thing nak nak ” A nu chuan apa chu hmeltha leh lian tawk a tia,apa chu mipa fel tak leh a hmangaih te tan a rinawm lutuk a tia,mahse a pa chuan a nu leh keichu min hmangaih ve lo a niang,kan bulah a awm ve lo . A nu chu a pa a ngaih avangin apa hming lamin a tap ziah a.






E ihmaw a pu,a pa hming leh i hming chu a inang a sin" a tihchuan ka phu zawk a . Chiang zet chuan ka en reng,ka hmel ka hmu a ni . He mipa naupang hi ka fapa a ni thei angem ? Kan piah atanga “ Aldrin " ti a hmeichhe aw rawn ri chhuak chu kum tam tak liam tawh mahse ka la theihnghilh hauh lo ,ka hawi phei a ka rin ang ngeiin amah a ni. Ka hmu thut chuan min ti hamhaih bakah min tihlim bawk “ Duhnu" tisupin mipa naupang nen chuan ka pan phei pawk pawk a








Mengkawkin min lo thlir tawp “ A nu hei hi a nih hi apu fel deuh ka sawi kha ,apa nen an hming a inang a sin" Aldrin an a tihchuan ka fapa tih ka chiang ta ,ka pawm nghet sauh. Hlimi erawhin min en ngawt ngawt in a ding khawng reng ringawt . A bul ka thlen rual chuan ka kuah nghal chawt,kum tam tak hahdamna ka neih tawh loh chu ka nei let leh ta . Ka thaw chhuak ham ham,a ni erawhin min kuah let hauh lo thung. “ A pu a nu hi i hria em ni?" ka fapa chu ka en a,ka bu nghut .







HLIMI POV....








Ka hamhaih a ,engtia awm tur nge tih ka hrelo,kan hotel enkawltu kan pahin Mizoram kan zin a ,ka biru ve viau emaw ka ti a ,mahse engtin nge ka fapa hian a pa hi a lo hmuh hman le . Min pawm vawng vawng a ,eng emaw hi a sawi sup sup bawk ,hriat erawh ka neilo . Ka ding khawng reng ringawt,a awmsawn rual chuan “ Khatiang khan min pawm tawh suh, Aldrin tirawh le haw ang " ka fapa hian a pa tih a la hre lo a nih hmel . Ka lawm zawk,kum ruk a ni tawh a . A fing bawk nen a pa a ni tih a hriat loh hi a tha zawk .







“ Duhnu" a rawn tihsup chuan ka en kar ,engvanga kha hming khan min ko ziah nge a nih le ,tunah chuan ka nem mai mai tawh lo ang . “ Bawihte pawnah patea a awm kha lo va kal rawh le " ka tihchuan ka fapa chuan a pa nen a min enin “ A pu a nu hi hau suh aw ,nang chu i lian sia a nu hian a hneh dawn lo che a nia " a tihchuan ka lo ner sak . Pakhata erawhin nui sukin “ Ok anu kha ka hau dawn hleinem,ka be lawk dawn a lawm,tha em" dam dupa kan fapa en chunga a tihchuan mak ka ti zawk .








Khati khawpin ka pai lai khan a duh lova ,tunah chuan a hlim hmel leh hle si,ka fapa pawh chu a tlan chhual nghal tar tar a ,ka en zui reng. “ Ka fapa hnenah hian in sawi lo la ka duh,i duhloha i hnawl tawh hnu a ni a,keichuan a pa hi hre miah lo se ka duh zawk " dam dapa ka tihchuan chiang zetin min en a , mak a ti pawh a nimahna . A hma ang mai mai a ankhuma tihkha ka tum tawhlo,a fa ve tho a ni a min khin a duh chuan a ni ang mi thil ti thei chuan ka fapa hi min laksak a tum thei tih ka hailo .








Mahse engtikah mah a nei ngai lovang “ Chutiang ka tum lo,keichuan ka nupui leh ka fapa chiah ka duh" a tihchuan ka thaw hak . “ Nupui dang i nei tawh a nih phei chuan a that nasat chu,i hma a rawn inlan hi kan duh lova ,ka fapa pawh saw rawn hnaih tawh lo la ka duh,ka kal phawt a nge " ti a ka inher chu ka banrekah chuan rawn manin min pawt let dawrh a . A awmah chuan ka bei nghal thlawp ” Min hau la ,min ankhum ta che . Tinge khatiang lek sawia min kalsan i tum Duhnu,min ngai velo em ni" tiin ka nghawngah a hmai a rawn phum a .









Kuah let lo turin ka insum hram hram a ni,kum 7 lai liam tawh mahse ,a ruangam a aw ,a taksa engkim ka la theihnghilh lo va . Ka taksa hian a la hre lutul tlat “ Duhtawk ang,mi in min en thup a nia . Ngaih chhan tur che ka neilo,ka fapa ka ngaihven a ngai tlat ka kal phawt ange " tiin ka namsawn a,a mitmenga natna chu hmuh loh der ka tum hram hram a ni e “ Mipa dang an awm tawh em ni?" a rawn tihsup chuan ka bu nghat .









“ A ni chuan hmangaihna awm zawng zawng in min hmangaih a ,min tihnat a duh ve ngai hek lo . Nangpawhin hmalam pan rawh,keichu min rawn ngaihsak suh ka tana awm reng thin mipa leh ka fapa hi ka tan chuan an tawk chiah a ni . Ka kal ange " tiin ka pen zui a “ Keichuan ka duh velo,ka fapa leh a nu ka duh a ,chu zawng chu an mahni ka neih let leh nan chuan eng pawh ka ti dawn tihkha lo hre rawh" a rawn tih sup chuan thaw hakin ka kalsan a .








A ni biak reng hian engmah awmzia a nei lo,a hma anga mawl taka chet kha ka duh tawh hek lo “ Anu " ka fapa chuan min rawn pan vat,Rintluanga pawh chuan min rawn panin a mitmeng atang chuan a mi zawh tum ka hailo “ I hmu tiraw?" a rawn ti ta reng bawk a . Zep theih hek lo le ka bu nghat” Amahin min hmu a ni zawk,ka fapa hi engtin nge a lo hmuh theih ni?" ka tihchuan a hma daiha a lo hmuh tawh thu a sawi chuan mak tizetin Rintluanga chu ka en a .







“ A hotel kawtah i fapa hi a kal alawm" a tihtakah chuan ka thaw hak ” A nu kha kha apa chu tihna em ni?" ka fapa fing lutuk chuan min enkar a “ Nilo e ,kal ang u haw a hun ka nuamlo riau mai " tiin Rintluanga chu ka mitmei zauh a ,a nipawh chuan Bawihtea chu pawmin a car dahna lam a panpui a ,muangchang chuan an hnung ah ka zui ve bawk . Dawr lam ka hawi let leh kher kher chuan min ti awm nuamlo,Zirsangpuia chuan min lo thlir reng a .







A kut hum ruh pawh chu ka hmu reng,kum tam liam tawh mahse ka lak a a thawh nat dan ala ngai reng . Kan hmangaih te hi chu kan theihnghilh mai mai ngai silo a le ,ni e ka la hmangaih reng a . Ka la ngai reng,mahse chu thil avanga natna leh hrehawmna ka tawhna zawng zawnv kha tuar nawn leh erawh ka tum lo bur . Ka hmangaih avangin vawitam ka ngaidam a,ka tuar a . Ka dawh hram hram thin a nihkha ,mahse a ni chuan enge min pek let ve ,natna ,mittui leh phatsan na chiah a ni .







Hmangaihna pawh hian tawk tihchin a nei ve ,khang ka hmangaihna te kha an la danglam lova,ka la hmangaih reng. Mahse mittui nena hringnun hmang leh tur chuan ka thei tawh lo . Rintluanga te in kan thlen chuan a nu leh a nau chuan min lo buaipui zung zung a ,ka thil leisak avang chuan an au chul a,ka nuih hak hak . Ka fapa erawh mut chhuak tih hriat tak hian a ham bai bai thunga . Room lam chu panpuiin khumah chuan ka mut a ,in luah hrang mah ila chaw eiah min sawm bawk nen zanin chu kan riah angai ngei ang le .









Ka fapa muhil thaw sak sak chu ka en a “ Bawihte ,i pa kha i hmu em? A puitling tawhin a hmel pawh a hma ai a upat hmel ve tawh a nihkha tiraw ? A hmelthat ngai rengin a la hmeltha a " tiin ka nuisak “ Mahse i nu vang hian i pa bulah i awm ve thei silo,i pa hian i nu hi min hmangaih ve ngai lova . Pa neilo in i awm phah a nih hi ,min ngaidam rawh aw ,i pa thinlung ka hnehpui thei silo che a " tisep sepin a chal sam rual hmarh chu ka chul sak a ,pa a awh thu a sawi fo va .








A pa chanchin min zawh apianga ka awmdan a hrethiam ve tawh a ,ka nat a hlau ve em em bawk . Chungte chuan min tihlimin ka hmangaih zual hliah hliah, London ka haw tirh khan min rawn zui ka rin avangin ka bibo nghal a ,ka awmna hrilh lo turin ka ti bawk a nihkha ,ka chhungte ka tlawh ngai lova . An ni erawhin min rawn kan fo thung,ka fapa an hmuh khan ka pi leh pu ,ka nu leh pa kha an hlim hle a nihkha . Zirsangpuia erawhin a duh lo thung a ,tunah lah khan a hlim hmel hle si a .









Ka thaw hak,kir leh ka tum tawh lova ,helamah rei awm ka tum heklo . Ka awm rei a nihchuan alamah min pawh hnaih leh mai ka hlau a ,a dawi ata awm leh ka hlau a ni ber . Ka phone ri chu ka melh zawk a ,number hriat loh anih avang chuan ka la duh mai lo ,nimahsela a rawn call tak rengah chuan ka la ta hram “ Hello" ka tihruala lehlam atanga mipa rawn tawn avang chuan ka kang awk thei “ Khawi atangin nge ka number i neih?" ka tichang fak a . A nui suk ri chu phone chhan atang pawh chuan ka hrechiang viau mai .







“ Kan mi ngaihpawimawhte number neih chu a harsa hleinem Duhnu,chuan khapa ina in awm kha ka duh viau lo bawk " a rawn tihchuan tukverhah ka dak chhuak vat . Ka hawi kual nghal ruai a ,a tawpah Rintluanga te thenawm in bula car dum ding leh a lo ngheng run tu mipa chu ka hmu nghal zat . A kut a rawn vai a ,ka ner nghal nawk “ I inrawlh lohna turah rawn in rawlh angai lovang,haw la mu rawh . Nang biak nan che hun ka neilo " muang ban charha ka chhanna chu a rawn nuih leh a vang chuan phone chu dah zuiin khum lam bawk chu ka pansan a .









“ Pawnah rawn chhuak rawh . A nih loh chuan ka rawn lut ang" chu message ka hmuh rual chuan ka nersawk a ,heti em em hian engtin nge a zah loh theih zawk ” Haw la a nihchu ka rawn chhuak dawn chuang lo " tihchu ka thawn a ,mahse a rawn luh tak tak chu ka hlau viau thung. A luhlul zia leh a thusawi a tih mai mai loh zia chu ka hrechiang viau tawh tlat a ni . “ A tha a lawm ka rawn kal" a tihchuan ka tho chhuak vat a ,ka chhuah tur thu ka hrilh chuan a seen kur a .








A rawn reply tawh lo thung,ka haw takzet engvanga min dan chep hi thiam em em nge maw a nih le ? In ha sawk sawkin Rintluanga te chu ka chhuah lawk tur thu ka hrilh a ,engmah min zawt lo nangin Rintluanga erawhin min en chik viau mai ,Zirsangpuia rawn lut vaih se chuan engkim kan boruak zawng zawng a thlak leh duh dawn tih ka hailo va ,chuvang chuan keimah chhuah mai hi a tha zawk .




ZAWMNA....





“ Enge i duh " car nghenga a ngal sei zet a leia lo intlawh chhan run tu chu ka melh a ,a car chu a la ngheng ar ar lehnghal ” Nangmah" rum tawk chuan ka melh a ,a awmdan te chu ka ngai thei der lo “ Zirsangpui ka uang hmanlo,luh leh thuai ka duh ania,i hmuh angin fapa ka nei a ka kal hlat san theilo " ka tihchuan muang chang hian a ding chhuak ruai ruai a ,min rawn melh chhuk runin min en kur a ,ka lo melh let ve ran bawk . Thawk leh khatah ka kawngah rawn kuah thutin a kut pakhatin ka tukkhumah a rawn dawm a .










A awmah chuan min pawm bet nghal thlawp ,a thaw chhuak nghal suai suai “ Min hrem rei lutuk Duhnu" tisupin ka nghawng chu a fawp a ,ka la phu zawk lehnghal . Ka lungphu a ranga,kuah let lo tur in ka insum fan fan,mahse min kuah chiah hian ka ngaihzia leh ka lo hmangaih zia ka hre thar leh uar uar bawk . “ Min thlah rawh ,min pawm ringawt suh,i duh leh hmeichhe dang zawng la pawm rawh . Hetiang hian awm tawh suh " ka tithat a , thaw hawkin “ Ka tlangval tha peih tawh hleinem,ka kum nen pawhin nula bem a inrem tawh lo .










Ka tar tawh chuvang chuan nupui leh fapa ka nei tawh a,hmeichhe dang an ngai reng reng lo" tiin min kuah nghet sauh sauh a ,a ke ah chuan ka tum dawt a . Min la thlah duh thak lo“ Min kaltir vat rawh,zahna chang te hi hre ve rawh,i mi tihdan kha i theihnghilh em ni . I fa ngei ti tla tur a min tihkha tunah i fa i duh tak angin i sawi leh thei amaw? Hmeichhe dang i awmpui reng chung khan ka tuar hnem a sin,inthiamlohna pakhat mah i nei ve lo em ni ? .








Duh tawk tawh rawh,ka nunah ka mamawh tawh lo che . Kha hmeichhia ,a hmangaih chan a hlauh luata mawl taka tuar a ,hmangaihna dawng let ve ngai reng reng lo leh ngaihsakna dawng ngai lo kha nu ka ni tawh a ,ka puitling tawk tawh bawk . Pasal laktlak loh zet avanga mittui nena hringnun hman kha a duh tawh bawk heklo,ka nun leh ka fapa nun atang hian inthiar fihlim ang che . Ka fapa pawh lo hmuh tum tawh hauh suh " tiin kum 7 liam ta a ka natna chuan min rawn luhchilh leh a .







Ka kalbo dawn a damdawiin a Judith-i a kuah dan zawng zawng,kei a nupui damlo leh hlauthawng,a naupai avanga intichak hram hram ngaihsakna engmah dawng ngai lo kha ka ngaihtuah let ringawt pawh hian ka na ngawih ngawih . Min namsawn hlekin chiang zet hian min en a“ Min ngaidam thei dawn lovem ni? Min hmangaih kha " tham tuaka a rawn tihchuan ka hmui chu ka pet fan fan,“ Ka tuar hnem tawh lutuk,ka ngaidam che a lawm. U Zirsang ka haw reng reng lo che .







I mi hmangaih miahloh bulah ka lo awm tir rei mah mah che a ,chuvang chuan ka inthiar fihlim zawk mai a ni . Ka ngaihdamna che avang khan ka tuarna te kha ka theihnghilh chuang reng renglo,ngaidam che mah ila ka lo kir thei tawh hek lo . Tunah chuan i tello a nundan ka thiam tawh a ,hmalam ka pan mek zawk a ni,hlim takin awm la keichu min ngaihtuah suh. Nupui dang neila ka duhsak che ,keini erawh kan inkar a tha thei tawh dawn lo .








Kum 7 hmalam te kha chuan nise â tak maiin ka pawm leh mahna che,mahse tunah chuan nu a fa tan engkim huam a,a fa tan chauha nun tum mai chiah ka ni. Ka fapa hi ka nunah a pawimawh awm chhun a ni a,chuvang chuan ka rilru hneh tuma tan lak kha tum buai duh tawh suh. Engmah a sawt lovang,hmangaihna in a hliam tawh thinlung hian hmangaihna a hrethiam tawh a ,hmangaih nei leh tura ke pen a duh tawh lo " chiang zeta en chunga ka sawi chuan a ngaihpawimawh loh hmel hle .






“ I fapa tan chiaha nun i tum anihchuan kha mipa kha hnaih phawt rawh tih thu i dawng em ni? Nge mipa naupang angah i ngai ve tho nge " Rintluanga chungchang a rawn sawi chuan min ti thinrim hle “ Sawi hauh suh i letin a tha tih hre rawh . Nang hian tlukna pakhat mah i neilo " ka tihchuan a nui suk a “ I chiang chiah maw? Kei nge a ni hmeltha ? Keimah,kei nge a ni luck? Keimah,kei nge a niin hmangaih che? Keimah tho " zaklo lutuk a a thusawi chuan ang phuauin ka en ringawt .









“ Chuan hre rawh,i fapa tan chauh nun i tum a nihchuan keipawh ka nupui leh ka fapa tan chauh nun ka tum tih i hre dawn a nia Duhnu" zam lo tizet chuan ka en ran “ Engtin nge hetiang em em a i zah loh theih zawk " rapthlak tih hmel zeta ka en chu a duh lo nge a rum nghut a . Min rawn hnaih leh nghal ruak ” Ka neih let lehnan che chuan zak lo tih pawh ka hlawh tawh mai ang chu,naktukah kan inhmu leh dawn a nia ,muttui aw Duhnu" tiin engmah sawilo a ka ding chu rawn kun hniamin ka hmuiah a rawn fawp zauh a .









A car chhunga a lut chu ka enliam reng ringawt ,ka haw leh vat a ngai a ni. He mihring pa bulah hian ka awm rei hauh lovang,inchhung ka luh rual chuan Rintluanga chuan min lo melh run a,ka nuih ringawt “ Chaw chu ei ang u,Hlimi enge i va tih a " a nu in a rawn tihchuan “ Ka thiante ka hmu lawk a ,ni e chaw chu ei mai ang u,keini pawh kan riak leh lo mai ang" tiin chaw ei chu ka siam pui nghal sawk sawk a .








Rintluanga hian Zirsangpuia ka hnaih a rem ti tawh lo hle a ,mahsela a thu ang ang a awm ka tum chuang lo . Ka nunah chuan ka fapa chiah hian hmun a chang tur a ni tih hi ka ngaihdan a ni bawk . Rintluanga hi kan hotel enkawl tura ka nu leh pa ruat a ni a ,a rintlak viau bawk nen kan hotel pawhin hma a sawn ve viau mai,helam hi chu Mizoram zin changa awmnan kan hmang ber a , London lama kan hotel erawh chu helai ai chuan a lunin a lian a ..








A lar pawh a lar hle bawk ,chaw eikham rualin ka fapa chu panin ka pawm a ,Rintluanga pawhin min rawn zui ve zel bawk ” Kan tha a lawm,taxi kan la a nga kan haw thei mai ang" ka tihchuan min chhang lo,min thlah lui leh dawn tho tih ka hriat avang chuan ka tilui duh tawk bik lova ,kan inzui chhuah rual chuan ruah a rawn tla tan a “ A va hun lo ve ,hmanhmawh ang u" tiin ka fapa chu ka pawm tha sauh va . Kan hotel kan thlen rual chuan in mangtha in ka lut nghal vat.








Aldrin lah chu chaw eilo in a muhil bawk nen zan rei lama chaw in pek a ngai ngei dawn a nih hi . Kan room lamah chuan lutin ka muttir a ,a hmel chu ka thlir vang vang . A hmeltha zet chuan a pa a chhun hle a ,a hnar leh mit erawhin kei min chhun hlauh thung a . A dangah erawh u Zirsanga vek a ni a chhun ni ,pawn lamah chhuakin a harh huna a ei tur ka siam sak sa a ,ka siam laiin a rawn harh hlawl lehnghal ” Anu " a rawn ti chhuak niah niah a ,mit nuai chung chuan min rawn pan chhet chhet bawk .








“ Lo kal rawh le ,chaw ei nghal rawh aw ,chuan kan mu dawn a nia " ka tihchuan a bu nghat a . Thawh phana tah a hmang ve lova ,hei hi ka lawm zual,a tuarchhel em em a . A tap ve mai mai ngai lo,a pa a chhunna pakhat a duh loh zawngah chuan a luhlul ngar ngar hle bawk “ A nu ,apu kha a pa tiraw?" a rawn tihchuan ka en ha mai ” Apa hming chawiin ka hming i sa a ,apu kha ka hming bul ang a nei ve tho . Chubakah a pu nen khan in inbia kha ka hria a" a tihchuan ka thaw hak .







“ Bawihte,apa a nih i ring takzet em" ka tihchuan a bu nghat “ Apa ka duh ve alawm,apu in a pawm che khan i danglam vek a lawm" a tileh niah niah a ,a thusawi pah chuan a fian tur ka dah chu a khalh pah nauh nauh a . A thusawi chu a ngaihsak leh em em tawh lo tih a hriat “ Ni e bawihte apa chu a nihkha " ka tihchuan a ha bal lang chuan a rawn nui var var a ” Apa bulah khan ka infiam ve thei angem le ? Chuan apa kha nangmah tina tawh lo tur che leh min pawm ve turin ka dil dawn a lawm.






A nu apa vangin i tah ka duh tawh hleinem" a tireuh a nihchu. Ka fapa hi engtin nge hetiang em em a a fin theih,ka pawma ka kuah vawng vawng “ Nilove ,apa chu tihbuai loh tur ka tihkha,api leh pu te bulah kan let vat dawn kha " ka tihchuan a chaw ei pahin in ngaihtuah muk hmel fe chuan a ngawi ve ran a ,chutah “ Aih a pa i ngai tih ka hria a lawm,apa chu ka hrilh anga,anu kan chhungkua in hlim deuhin kan awm ve dawn a lawm" a tihchuan ka insum thei lo .






Ka mittui chu a luang nghal ngiai ngiai,ka fapa rilru thianghlim lutuk hian engmah a la hrethiam ve silo,huatna tak ngial pawh a la hrethiam ve meuh silo chu a ni sia,a pa in titla tur a min tih ka fapa hi ka tan chuan khawvela thil hlu ber a ni . Engmah sawi tawh lo chuan a chaw chu ka barh mawlh mawlh a ,a ei zawh rualin khum lam ka panpui ta thuai a . Khumah chuan ka in ngaihtuah char char,u Zirsanga thusawi te kha ka bengah a rinawn tluk tluk bawk . Rilru hah zet chuan ka thaw chhuak ta halh a .





(MUTTUI U, COMMENT LEH LIKE TE KHA MIN LO PEK SAK LEH LIAM LIAM ULA AW )

[mawitei bawihtlung]

PROFESSOR ZIRSANGPUIA







CHAPTER 26






Khua a rawn var a,ka fapa chu a beng chheng leh tawh hle “ Anu tho rawh,exer lak a hun "a tilang lang a ,ka chungah a rawn thu nghal tharh chu muangchangin ka meng chhuak riai riaia “ Awle a nih kal rawh le " tiin mutchhuak zet chuan ka ham bai bai a ,nizan ka mengrei bawk nen ka tho bui luk mai . Ka fapa phur zeta pawnlam pan chu ka zui a ,a la zing bawk a. Lirthei tlan an vang hle ,muangchangin kawngpui dungah chuan ka tlan pui a ,kan hnunga car muangchanga rawn tlan chuan min lehpel mai ka rin chu min lehpel duhlo nen ka ding chawt a .








Ka fapa tlan tarh tarh chu ka pawt ding nghal vat,mi hlauhawm a ni thei tih ka hria,hlauthawng zeta ka hawi kir ruala Zirsangpuia lo nui thaw ka hmuh chuan ka meng rum nghal al a ,ka tum hmuk bawk . “ Rawn chuang ula ke a tlanai a nuam zawk lo maw ,zingkar nuam tak a nih hi" a rawn tihchuan ka hawi sawn hmak “Apa a nu ti thinrim suh" ka fapa lo tawng avang chuan Zirsangpuia chu rang zetin car atang chuan a rawn chhuak a .







Aldrin chu hlim zet leh mit de sar sar hian a en a,a lungchhia emaw ni dawn ni . “ Engtin maw min koh kha ? Min han ko leh teh " a tihchuan ka fapa lah chuan ring zet hian “ A pa" a tileh a,nui hawkin Aldrin chu a kuah nghal vawng vawng ” Ka fapa " tiin a rum kawk a ,a pawm nghet sauh sauh bawk “ Aldrin lo kal rawh let tawh ang. Ko tawh suh ka tihkha " tiin ka fapa chu ka au a ,chuveleh apa lak atanga tal hrangin apa chu a hmachhawn a “ Apa tinge a nu nen i bulah kan awm loh,ngaihzawng dang i nei mi ? A nu in apa chuan hmangaih a nei atia,chu chu enge a awmzia" ka fapa tawng thei lutuk chu a ka ka hup vat .









U Zirsanga chu a rum nghut a ,chiang zeta min rawn en chuan ka lo ner khum vak ” Nilo e ,apa chuan a nu alawm a hmangaih tiru le inah chuan keimahin ka hruai ang cheu " dawt sawi ala zak miah lo a nih hi . Kan fapa duh lo em em tu khan a rawn piang a a inti duh leh em em a maw ,he mihring bula awm rei pawh hi ka duhlo“A ngailo,nang hnaih leh che hi kan duhlo,dawt hmang khan i fapa hi hneh tum hauh suh a thawk ngai chuang lo ang" tiin Aldrin chu ka pawm a ,ka kalsawn pui nghal hlawk hlawk bawk . Engvanga kan hma a rawn lang ta reng nge maw a nih le .









Khati khawpin min tina a ,inthiam lohna hmel lah a pu hek lo,hotel kan thlen rualin intihfai puiin tukthuan kan ei a ,chaw eikham rual deuh thaw in ka thiante Nubawihi te ho chu an rawn lang sap sapa,kan inhmu leh chu kan rak chul mai . An ni pawh Chhandama nen innei tawhin fa pawh an nei ve tawh a,Zothana te ho erawh an la tlangval reng a nih hmel. Davida nen kan inhmuh chuan ka lakah ala lawm lo hle tih ka hre thei,ka hrethiam ve tho . Engmah hrilh lo in ka kalsan miau a ,Thartei nen an inzui nghet hle tih ka hria a.








A fala kan inbiak lai chuan min hau hrep a ,ka tilet duh lem lo . Keimah min ngaihtuah vang tih ka hailo “ Tun atang chuan engmah min hrilh lovin kal bo leh tawh suh ang che" a tihchuan ka nuih var var a ,ka bu nghat bawk . ” Ok thianpa,nang ni teh hi inneih in tum hnai em?" tihzawhna ka zawh chuan Thartei leh ka fapa in kawm mawlh mawlh lam chu a melh a ” Kan la hmanhmawh lemlo,chubakah hna mumal neilo va nupui neih ka duh hleinem" a tihchuan ka nuih hak hak a ,a ngaihtuahna pawh a lo puitling ve ta hle mai .









Kan vai chuan kan college kal lai sawiin kan nui tlang a ,kum tam tak hnuah thian ho han inhmuh khawm leh chu a lo nuamin a hlimawm takzet . An haw dawn chuan Bawihtea pawhin a bye bye lauh lauh a ,ka fapa lah chu hmeltha an tiin a hmai an piai tai hlar bawk nen an chhuah pahin an piai leh kher chu ka fapa pawh a teu hlar tawh mai . “ Anih phawt u" nui hak haka tiin kan in vai liam a,an awm lo chu a reh nghal duk mai . “ I ril a tam tawh em" Aldrin en chunga ka tihchuan a bu nghat nghat a . A chhun mut a hun tawh bawk nen chhang ka leisak chu ka ei tir nghal mawlh mawlh a .










Ala naupang bawk nen ni a la vui zo meuh lo va ,chhunah mutpui ngei ngei a ngai,muttuma room ka panpui rualin kawngka a rawn ri a. Ding datin Aldrin chu khumah dahin kawngkhar lam chu ka pan nghal hlawk hlawk “ Tunge " ti a ka hawn chuan ka thaw hawk,englai pawha rawn lang reng mai “ Hna i thawk ve ngai lo em ni Zirsangpui " ka ti pawr hlar a . Nuisukin “ Ka nupui leh ka fapa hruai let ka duh chuan hna ka kalsan rih mai a ngai a lawm,ka lo lut thei angem?" a rawn tih dam dup chuan ka thaw hak.








Kawng chu ka kian a ,rang zet hian a rawn lut nghal zat “ Bengchheng hauh suh ang che , Aldrin a muhil tep a nia " tiin room lamah ka luhsan a . Min rawn zui ve zel chu ka melh rum tha viau nangin a ngaipawimawh lo tih a hriat. Khum bulah chuan a rawn ding ve run a ,ka fapa lah chu a pa a hmuh rualin a nui nghal seu a ,a rak chul bawk “ Aldrin mut a hun tawh,zanah min tibuai leh ang " ka tihchuan a chelai tawp hmakin a pa kutah chuan a vuan a “ Apa min mutpui ve ang tiraw ? Anu nen mu ang u,mawh please" khawngaihthlak thei ang ber chuan apa nen chuan min en a .









“ Aldrin " ka ti deuh that,hetiang a a awm reng chuan apa hi beiseina a siam belh sauh dawn a . Chubakah apa a ngainat viau chuan ka bula a awm duh tawh loh mai ka hlau “ Mom please" tiin min ngen leh a ,a tileh char char dawn tih ka hria . A mutthilh vat ka duh bakah a mut loh chuan zanah hna pawimawh khawih tur ka nei nen a mutchhuakin min tibuai leh ngei ngei dawn tih ka hria . Ka thaw hak a “A tha a lawm,i nu nen pawh kan mu ang tirawh le " tiin a kawr chung leh a smart shoe chu phelhin khumah Aldrin chu a mutpui a .









Ka mu ve mai lo chu a mitmeng chuan min enin kan fapa chu a melh leh zawk a ,thaw hakin a awmlohna lam Aldrin sirah chuan ka mu a ,kan fapa a laia mu chu a tawng nghal siam siam. “ Apa a nu hi i tina tawh dawn lo tiraw ?" a tihchuan ka lo ip tawng tawng,engtin tak inchhang ang maw “ Dawn lo e ,i pa hian i nu nen hian ka venghim tlat dawn cheu a lawm,in nat ka phal dawn lo " nghet churha a tihchuan ka tawng lo hrim hrim . Tin,a tawngkam mai mai avanga let leh lah ka tum ther te lo ,kha chen natna min pe tawh a .








Ka fapa hi min laksak a tum a nihvaih chuan a tawp thlengin ka bei duh hial ang . Bawihtea chu a muhil nghal thuai a ” Haw tawh rawh,rawn kal ziah lo la ka duh takzet . Zirsangpui engtiang pawhin ngaihdam min dil mahla ,rawn kir ka tum tawh lo . Kha chen i tello in kan awm thei a ,kan awm thei zel bawk ang " tiin ka hawisawn a ,rawn tho ruai ruaiin ka lamah a rawn phei a ,ka sirah chuan tawt zet hian a rawn mu chu ka lo melh ngawt ngawt tawp a . “ Ka tihpalh Duhnu,ka tihpalh khawngaihin ka fapa nen hian ka bulah awm rawh u .









In tello chuan ka awm duh tawh lo " tiin min rawn kuah a ,ka lo tang nghal tung mai. ” Dawt,dawt vek nang hian ngaihdam dil hi i inhmeh lo,min bum tawh lo ang,a hma pawhin engkim a that vek tur thu min hrilhin ngaihdam min dil a ,mahse enge thleng kha ,phatsanna ,tihduhdahna ih maw khang kha chu ka la hrethiam,i fa ngei ti tla turin min ti a ,chuan accident ka tawh laiin nang chuan khanu ban na mai mai kha i buaipui zawk a ,min kalsan a nihkha . Ih maw kha damdawiinah ngei khan naupai chungin ka rawn lut ve a .








Ka hliam a na lo hlauh zawk a ,nang nilo in midangin a sin min chhanchhuak,nang chuan khawlaiah min kalsan duh a nihkha tiraw ? Ka ngaihdam theih che i ring amaw ? Teuhlo mai,ka tawrh ang zawng zawng kha tuar ve la ka ti a sin,ka fapa hi maw ti tla tur a min tih ni a tang khan pa nihna leh dinhmun chu i hloh tawh . Tunah chuan i tello hian kan hlim tawk" tiin ka tawngkhum piap piap a ,a mitmenga mak tihna chu ka hmuh hmaih lo “ Damdawiinah khan i awm ve amaw?" ka kawngah chuan a rawn hmer nghet sauh a .









Namsawn ka tum ve hram hram thung “ Ka hrelo Duhnu,kha ni khan a sin engkim ka hriat chhuah,Judith-i kha ka kal lo a nihchuan a chhungten min ngen nasa bawk nen chubakah ka thian a lo nihna leh rei tak ka lo kawp ve a nih avangin ka pan a nihkha ,mahse ngaihzawng ang chuan ka en tawh hauh lo . Min ring rawh,tawhsual i tawk dawn tih hria ila chuan ka kalsan lo tur che "a tihchuan za lo zet hian ka khi sak a “ Engmah a sawt tawh lo engmah,ka tap leh duh tawh lo . Chuvang chuan min kalsan hram rawh " mittui nen chuan ka en a .









Hrehawm tih hmel zet hian a thaw hrawk a ” Ka theilo,ka hmangaih che Zohlimpui ka hmangaih takzet che " a tihchuan ka tah a tichhuak zual “ Dawt a nihkha ,kalsan nih i duh loh avang a nihkha,i dawt sawi ka natpui hnem tawh ,en teh min kiansan la ka natna pawh hi a reh zawk ngei ang,lo kir leh pawh ni ila engmah a sawt tawh dawn lo . Malna leh khawharna ,hmangaihna ,dawhtheihna engkim ka zir chhuak tawh a . Ka beidawn pui tawh Zirsangpui " tiin a awmah chuan ka tap khur dar dar a .








Nghet zet chuan min kuah vawng vawng ringawt ” Kalsan cheu ka duh tawh lo,kum sarih chhung khan chung i thusawi te chu ka tuar a,tawk i ti zawk lovem ni? Ka fapa nen hian in kiangah awm reng ka tum tawh,ka kaltir dawn tawh lo cheu " ka hmuiah a rawn fawp a ,ka namlo ka tha a zawi vek . “ Muhil rawh ,i chau a nihkha " a tihsup chuan thawk la ham hamin ka mit ka chhing a,ka muhil nghal thuai .






Ka fapa nui khek tuar tuar ri chuan min tiharh a ,ka hawi chhuah rualin chhuatah a pa chungah thu in an lo inchai a nih hmel . Vawikhat pawh nasa taka a nui ka la hmuh loh Zirsangpuia chu holam zet hian chhuatah a let huar huar a ,a nui hawk hawk bawk . An pafa chuan ka en reng,an hmuhnawm tak zet kum sarih hmalam khan sawtiang sawn awm ve sela chuan tun dinhmun hi kan thleng lo tur .








A rawn hawi chhuak chuan min hmu in a fapa chu a thawhpui nawlh a ,ka lam pan chuan an rawn phei nghal zat bawk “ Tinge i la haw loh?" ka zawhna zawh avang chuan a nernawk “ Anu ,apa nen rawng kan bawl a lawm tiraw apa" a tihchuan pakhat lah chuan thum dutin a lo chhang ve bawk a . Mak tizet chuan ka enhaw ,kha chen a bulah ka awm a rawng a bawl thiam awm ka hre miah lo “ I harh tawh chuan chaw ei ang u,a tlai tawh " tiin min rawn kai a ,a kut chu ka lo vai thla nghal hlak ..







Kan fapa in min en reng mahse ka ngaipawimawh theilo “ A tha lawm,tirawh le ka Lalfapa ,anu chuan tûm a ei aniang a tûm nasa emai,kal daih ang aw " tiin Aldrin chu choka lamah a phei pui daih lehnghal . Ka fapa in heti em em a a ngaina nghal hi a mak,Rintluanga a ngainat theih miah loh lai in engvanga Zirsangpuia ngaina nghal mai nge a nih ni ,a pa a nih vang nge . An hnungah chuan ka zui phei a ,ka fapa chuan eng eng emaw zawtin an inchhang leh zauh thin .









Chhungkua tak tak ang mai kan niin ka hria ,chaw eilai pawh chuan an infiam pah bawk nen ka ning lutuk chuan “ In bengchheng,ngawi reng khan in ei theih loh chuan nghei ru" ka tipawr hlar a . An pafa chuan ngawi hmakin chaw chu an ei a ,an hmel awmdanah erawh nuih an insum pafa tih ka hre thei,hetiang em em a inchhun hi an awm leh pawhin ka ring lo e ” Ka fapa hi a hmeltha ber a nih hi" tiin Aldrin-a biangah chuan a piai sak a ,ka hau nghal hlak ” Nubawihi te ho in an piai mah tih tawh nak a laiin piai reng suh u,a biang a duk vek tur a sin" tiin rum zet chuan ka melh khai a .









A hmui tuai zauhin a tho chhuak zui nghal zat “ Hna kal ka ngai a ,tlaiah ka lo kal leh ang" a tihchuan ka ngawi vang vang,tlaiah chuan min hmu tawh hauh lovang le . Tun hi min hmuh hnuhnun berna tur a ni tawh ang,ka lam panin a rawn pen a “ Min lo nghak ang cheu" a tihchuan tho chhuakin a hmaah tak chuan dingin ka en kar “ A teuhlo,nghahna chhan tur che kan nei lo bawk " tiin ka kut aw khur dar dar chuan ka ti chhuak sap . A hmel chu chiang zetin ka en a ,ka hmu leh tawh mai mai dawn lo tih ka hriat chian em avangin ngun tak chuan ka en reng .








Ka mitah tak chuan min lo melh let a ,chutah rum nghatin alamah min pawt hnaiin min fawp nghal tawn tawn,ka hnial duhlo . “ Mangtha le " ka rilru chuan a timawlh mawlh a ,he Mizoram hi ka chhuahsan leh anga,a hmaah kan lang leh tawh ngai lovang . Ka hmui chu tiche in ka fawp let a ,a phu deuh zawk lehnghal;ka chhan let a beisei lo te pawh a niang “ Duhnu" a awmsawn rual chuan chiang zetin min en a “ Kal tawh rawh " tisepin ka fapa chu ka pawm nghal zat . A ngawi vung vung a .








Ka chet dan chu ngawi renga min en hnu ah ” Ka lo kir leh vat ang" tiin a chhuak zui a “ Min hmu leh tawh dawn lo mangtha aw Zirsangpui " titiauin ka fapa chu ka pawm nghet sauh a . Airport lam pan tur chuan ka insiam nghal mawlh mawlh “ Anu,apa kha kan lo nghak dawn lo em ni? Apa in min lo nghak ru a tihkha " ka fapa chuan ka bula dingin a pa nghak turin min lo tur ve sek lehnghal ” Nilo e bawihte ,apa chu kan tibuai theilo ka tih tawh kha ,anu kha venhim i duh a ni lo'm ni?" ka tihchuan a bu nghat .








“ A nihchuan anu nen hmun nuam deuhah te kan kal leh dawn a lawm,Harry te ho pawhin an ngai tawh ang che" ka tihtakah chuan thuawih tak chuan a awm ve mai bawk a . Tuna ka kal pui loh chuan u Zirsanga hian min kaltir mai a tum dawn lo tih ka hria ,min tihnat lai leh min huat em em lai pawhin min kaltir a tum ngai lo a nihkha. Heta kan awm rei chuan Aldrin-a hian a ngaina telh telh anga ,buaina nasa zawk kan hmachhawn ka hlau a ni .







Ka kalsan vat loh chuan kei ngei pawh hi a ngaiah letin a dawt sawiah ka tlawm leh ang tih ka hlau ber ,kawngka a rawn ri leh a ,ka phu nghal zawk “ Engthil nge " Zirsangpuia aw ka hriat rualin ka thawmhnaw khung sa chu a rawn paih darh vek a “ Min kalsan i tum leh a maw?" thinrim insum tak chung hian a rawn ti a ,a mitmeng chu a sen rum a . A bek chu a pawng tawlh tawlh bawk “ Hetah kan awm reng thei hleinem,awm reng na tur chhan kan nei hek lo .








Kan chenna lah a ni bawk lova ,engvanga rawn thinrim em em nge i nih?" tiin dam dap chuan ka chhang a ,thinrima inbiak ka peih loh mai bakah ka chau “ Zohlimpui nang hian min hmangaih thei thlawt lovem ni?" a tihchuan ka thaw hak ” Khatiang khan vawikhat mah min zawt tawh suh. Ka hmangaih che a vangin a sin engkim ka hlan che ,ka thianghlimna ka taksa ,ka rilru leh ka engkim ka pe che a ,mahse nang chuan enge min pek let kha .






I la hre reng em ? Kan fapa ngei chu mipa dang fa ah i chhuah a ,i hmeichhe kawp lah chu min tihnat nan i riah chhuah pui reng bawk a . Ih maw ,mipa dik tak leh hmangaihna a tlu lut chuan a hmeichhe hmangaih a tina ve ngai hleinem ,a hmeichhe hmangaih chu a ring a ,a bum tih hre rengin a vuan lui thei zawk a sin . A venghim a ,a kalsan ve mai mai ngai hek lo ,mahse nang chuan a tirte atangin natna hlir min la pe a ni,ka ring che a ,ka la naupangin mi rilru hrethiam miah lo in ka lo awm thin.






I chungah engkim ka nghat a ,min huatna te ka haider zel a ,mahse tunah chuan a tawk ta mah mah . Nang nena bul tan leh hi enge sawtna tur awm? Min tina leh dawn tho tih hi ka chiang a sin,tinge ka rin theih tawh miah loh che i hre duh em? A chhan chu maw ,he thinlung hi.." tiin ka lung chu ka khawih a ,ka fapa a awm ve chu ka ngai pawimawh thei tawh lo ..







“ He ka thinlung hi vawitam hliamin vawi tam tak i bum a sin,chuvang chuan rin che hi ka duh tawh lo . Zirsangpui ,ka hmangaih che tih chu ka zep lo,mahse ka hmangaihna chu i lakah a beidawng a ,hmangaihna a la awm rualin luhlulna leh beidawnna in hmun a khuar tel tawh. Nat nawn leh duh lo thinlung hian a hmangaih chu a hailo,mahse hnaih leh turin he lungphu hian chakna a nei tawhlo a . Kir a tum tawh lo .








Kha chen a hmangaih thinlung in a hmangaih let ve hun nghakun beiseina nen a nghak a ,kum tam a nghak ve a sin . Mahse a nghak chhuak zolo a nihkha " mittui tla zawih zawih chuan ka sawi chhuak a “ Ka Lalfapa ,room ah lova awm rawh le ,a nu hi kan be lawk ange aw " a tihchuan Aldrin pawh chu a kalsawn nghal daih a . “ Duhnu,ka hria mahse tunah chuan chu thinlung nghah chu a thleng tawh tih hi i fiah dawn lo em ni?" tiin a lung zawnah chuan ka kut chu la in a nem bet a .








“ Khawngaihin he tina tu che thinlung hi hun pe la ,lo lawm lut hram ta che. He thinlung hian a hmangaih che tih leh nang chauh hi a phut chhan a ni tih hre turin chance vawikhat chauh i pe dawn lovem ni? Kan pahnihin bei dun ang" tiin ka chalah chuan a chal a rawn nghat a “ Khawngaihin " a tihchuan ka rilru a buai vek tawh . Ngaihdam theih ka inring lova ,mahse ka hmangaihna hian a na hmel hmuh a duh chuang hek lo “ Ka....ka hrelo.. tihsual leh ka hlau,ka ring ngam lo che .








Min tina tawh em a" thawk lak halh pah chuan ka chhang a “ Kan bei dawn a lawm,Duhnu vawikhat chiah nang hmangaihna hun che hi min siam ve rawh " tiin ngenngawl zet hian min chhang a ,ka ngawi reng thung. Ka rilru hi a buai nuaih maiin ka hria “ Fiah rawh,mahse tunah kher chuan i hnena rawn kir pawh ka duh rihlo,mahse Aldrin nen hian kan la awm ang,i hmangaihna chu i fiah theih phawt chuan ka in ngaihtuah leh mahna ,min thlah tawh rawh " tiin ka awmsawn a ,ka fapa awmna lam chu ka pan nghal daih bawk.







Kha chen ka tuar a ,awlsam taka lo pawm leh mai kha ka tan chuan a har tawh ,hlauhthawnna leh phatsanna vawitam lo tuar tawh thinlung tan chuan rinna neih hi a har tawh em a ni .

ka next story tur THINGTLANGPA tih ka post saw FB ah like leh comment te,in chhiar duhzawng a nih leh nihloh en pahin min lo pek sak ru aw

[mawitei bawihtlung]

PROFESSOR ZIRSANGPUIA






CHAPTER 27








Khumah chuan kan fapa chu a lo muhil a ,ka thlir reng ,ka hnunglam atanga min rawn kuah chuan ka phu zawk “ Ka thusawi hi ngaithla rawh aw " tisupin ka biang vel chu a rawn nul a ,a hmul to tan chuan a tiza phian lehnghal “ Judith-i kha kan inneih hnu atang khan ka mutpui tawhlo" a rawn tihchuan ka che deuh phat a ,min kuah nghet sauh “ Min ngaithla teh,thudik a ni ka sawi dawn,thudik i hriat loha min kalsan ka duh tawhlo ,nangpawh ila inchhir zawk ange Duhnu" tiin ka nghawngah hmai a phum a .









“ Kan inneih khan ka thinrim hle tihchu i hriat kha ,a chhan chu hnamdang ho ang maia inhmangaih avang pawh nilo a inneih kha ka duhlo a ,kan sakhuana leh hnam nen pawh a inmil hek lo . Judith-i ka hmangaih thin ngei a ,mahse " tiin a ngawi vung vung a ,a thusawi chuan min tina viau mahse a insawi fiahna chu ngaihthlak ngei ka duh tho tho . “ Thian ang khan ka lo hmangaih a ni zawk,nangpawh a tir kha chuan ka hmangaih che khan ka inhre lo,a chhan chu inhresa lova innei kan ni tihchu i hrechiang viau in ka ring








Nangpawhin min hmangaih nghal hek lovang,hmangaihna hi ka awihlo anilova ,ka nunah hian thleng turin ka duh ngailo,mahse a rei a,ka tan englai pawhin i awm reng a . Naupang te nisi khan min hnial pang pangin min tibuai reng bawk a ,i luhlul hle bawk . Engtik laiin nge ka hmangaih che ka hrelo,mahse i kalbo chiah khan ka hmangaih zia che ka hre chhuak chauh a ni . I tello chuan ka buai zova ,ka....ka nun kha a buai vek a sin. Fa ka nei theilo tih doctor ten min hrilh a ,i hria anga Judith-i nen khan nang nen kan inneih hma in kan mudun fova ,mahse nau a pai ngai miah lo kha kan intest a .








Doctor chuan ka chi a nung lo tih min hrilh a ,chuvanga nia khatianga ka tih che " a tihchuan ka lo inpet fan fan,khang hunlai ka ngaihtuah a . Ka mittui chu a luang ngiai ngiai “ Mahse ka hmangaih che avang khan ka kaltir phallo che a ,i fa chu ka fa anga ka enkawlsak tur thu che ka la hrilh fan che a nihkha ,ka fa nilo i enkawl tur kha a tir chuan ka na in pailo law law la ka duh a ,mahse ka ngaihtuah a . Mi nunrawng lutuk ang maia ka thil tih kha ka inchhir a sin .








Fa ka neihchak zia kha i hre lovang tiraw ? Ka hrilh ngai miau loh che ,fa i awh thu i sawi te khan engvanga chhang ngai miah lo che ka nih i hre tawh em?" a tihchuan ka mit ka chhing vang vang,ni e a sawi thui ve ngai hauh lo a nihkha ” Mahse nang lo mipa ka mutpui lo tih i hre reng awm si a " ka tihchuan hrehawm tih hmel zet hian a thaw hawk a . “ Judith-i khan dawt min hrilh nasa em a ,nang lahin ka hlat deuh che kha khapa ina riah nan i hmang leh zel bawk nen hlauhthawnna in ka khat a sin .








Ka hmangaih takzet che ,i kalbo ni khan maw engkim ka hrechhuak a ,Judith-i leh doctor chenin engkim ka hriat chhuah khan ka thinrim hle a sin,inah ka lo hawnga . Mahse ilo kalbo daih a ,ka rawn umzui che a ,i lo awm chuang lova ,ka hrilhhai zia kha i hre lovang" tiin min kuah nghet sauh sauh a ,min lo umzui a maw? Mahse ka nu leh pa in engmah an sawi lova ,a rawn kal ngai loh thu hlir min hrilh a nihkha ,khavang khan ka huat zual phah em em bawk .








“ Ilo kal tih ka hrelo,ka nu leh pa khan i rawn kal loh thu min hrilh a ,min ngai pawimawh ve lo khan min tina em em a sin" tisepin inher ka tum a ,mahse a phal tlat lo ka hnunglam zawng chuan min la kuah ta reng a. Ka dul chu a hmer salh a “ Kumtin ka rawn kal a ,i awm lo mai zawk a ni . Ka â hial tep a sin ,Duhnu ka tisual tih ka hria ,ka fapa nen hian ka hmangaih takzet cheu " tiin a rum leh hak a . Ka nghawng lum pep pep avang chuan mak tizetin a lamah ka inher a “ In tello chuan awm leh ka duh tawh lo,ka dam zo lovang" tiin a kun ngul a .








A tap a maw? Keimah vang lehnghal in “ Zirsangpui" ti tiauin ka pawm chawt a ,a awmah chuan ka insut hlap hlap ” Min kalsan hnu khan bike in min su thelh a ,damdawiinah rawn dah luh ve ka ni a ,chuan ..... Judith-i lu tuam leh i pawm kha ka hmu zui che a ,keiai i thlangah ka ngai nghet hmiah bawk . Hotelah ka riak, ticket bookin London ka pan a,min lo umzui ka rin avang khan thingtlanga kan in leiah ka awm ta char char a , London ah ka kal ngai ta meuhlo a ,min lo zawng tih ka hrelo hrim hrim" tiin a awmah chuan ka mittui chu ka hru a .








Min kuah nghet sauhin “ Ka beidawng a sin,mahse tunah chuan ka hmu tawh cheu a,ka kaltir leh thei tawh lo che u,nangni chan leh cheu ai chuan thih mai pawh ka duh zawk " tiin ka chalah a rawn fawp a ,ka nuih seih ringawt . “ Anihchuan i fapa nen hian i bula awm kan duh theih nan i chet angai a nihchu " tiin a nghawngah uaiin ka en chho a ,ka mitmeng chu en vung vungin a khi suk a ,min chawi kang nghal nawlh bawk “ Ka chakna a rei tawh " tiin ka hmui chu a melh ngar a ,a mittui tling pam chu ka kut pahniha dawm in ka hruk sak nghal zeuh,kun hniamin ka fawp a ,min chhang let rang ngei mai .











“ Tun a chinah ka rilru natna tur zawngin awm leh tawh suh ang che " ka tihchuan nui hawkin ka mawng chu a hmer salh a ,khumah chuan dimte a min nghat thla in ka hmuiah chuan a fawp leh ner ner “ Ka ta inih hi,i ni reng bawk ang" tiin ka thawmhnaw chu a phelh nghal zung zung a ,a beka tuak to pheuh pheuh chu enin ka nuisak “ I tar tawh a nih hi" ka tihchuan rum nghut in ka hnute chu a rawn seh a,ka rak that . “ Ka tar leh tar loh kan fiah ang chu,chuan fa pakhat mai ka duh tawk dawn lo a nia " tiin ka dul lamah chuan a fawp thla dan dan a .










“ Anihchuan engzat nge neih i duh a" tiin a sam chu ka tham nak nak “ Panga " a tihchuan ka nui hak “ Kan fapa hi a harh hlauh ange" ka tihchuan mitmeng de sawr sawra rawn hawi chhuakin min rawn fawp leh a “ A nihchuan kan chet vat a ngai a nihchu ,tawp san mai ka tum hauh lo ania" tiin a thawmhnaw chu phelh sawk sawkin khum sir lamah chuan a theh thla a . Ka mal chu kuai kauin a rawn lut nghal zat ,thawk la ham hamin ka kut ka hum ruh a . A la na hialin ka hria “ Ka che dawn a nia" a tihchuan ka bu nghat .








Chet lak chhunzawmin ka thawm chhuah tur chu ka hmuiah a rawn fawp a ,a hnungah hmerin ka mit chhingin ka rum hak hak a “ Min en.. rawh.." seh chilh deuh nawk a rawn tiin a d*p rang sauh a ,phi chiai a mengin a mitmeng lo thim raih leh na tuar ang maia a rum kawk kawk chu ngaithla in ka kuah nghet sauh a “ Ka zo dawn" ka tihchuan ahma ai che rang sauhin ka zawh rual chuan a nipawh rum hawk hawkin ka chungah a rawn bawk zawi nghal hnawk a . Ka lo chul heuh heuh,a thlan te chuan a hnung chu a bual huh chap a .









Keipawh ka bang bik heklo,kan boruak tawn sa zet chuan min ti chau tel,ka sirah rawn muthla in min kuah bet a ,ka mit ka chhing nghal chial a . Ka mut a chhuak takzet “ Ka hmangaih che" a tihchuan min tihlim veng veng,he thu hlawh chhuak tur hian kum tam tak ka nghak chu a ni sia le . Ka muhil lai chu mipa inhau ri ring zet ka hriat avang chuan ka harh chhuak kawk a ,a dik ngei e “ Nang hian Hlimi hi i phulo ,ka hmangaiha ka chan dawn hek lo " titu chu Rintluanga ngei a ni . Khum sira ka mutkawr chu la in ka tho chhuak a .








“ Ka nupui a ni a ,i nei ngai hek lovang,ka hnen atanga an nufa a laksawn tum tu chuan min hmachhawn a ngai ang " u Zirsanga chuan chang fekfawk chuan a ti a ,ka va chhuah ve chuan Aldrin chuan u Zirsanga chu lo pawm in a hmai a thukru a “ Enge nita ,engvanga ka fapa hriatlaia lo inhau nge in nih?" ka tihchuan ka lam an rawn hawi rual a ,Rintluangan min hmuh chuan a mengkawk mai . Ni e ka sam tak ngial pawh ka khuih hman lo a ,ka awmdan ah chuan min ringhlel nghal tur chu a ni reng a ni .








“ Hlimi he mihring hi i pawm leh tih min hrilh miah suh " Rintluanga chuan a rawn tihrawk a ,a aw atang pawh chuan a thinrim hle tih a hriat,engvanga thinrim viau nge maw a nih le “ Pawm leh nilo in ka nupui a ni zawk " tiin u Zirsanga chuan min rawn panin ka kawngah a rawn kuah a “ Ka Lalfapa hi lo pawm lawk ta che " tiin kan fapa chu ka pawm turin a rawn dah a ,ka lo pawm ve mai bawk ” Apa sawpa saw ka ngaina lo a sual si " Aldrin lah chuan a lo ti ve bawk . Rintluanga hi a ngaina ngailo hrim hrim a ..








Chutia a sawi mai chu mak tizetin ka fapa chu ka en ringawt “ Ka nupui leh ka fapa bulah hian rawn lang leh tawh hauh suh ang che . Ka fapa in hetiang khawpa a nel lo che a nihchuan rawn inhmuh tir leh tawh hauh suh,ka dim dawn hlek lo che a nia. A hma kha chuan hmangaihna hrethiam lovin ka lo kal tir tawh a ,tunah chuan mipa,hmangaihna khura tlu lut a nupui leh fapa tan chuan tih theihloh nei lo a ni tawh. Chhuak nghal la i tan a tha in ka ring" tihrawkin Rintluanga chu a melh ngur a..








Rintluanga erawhin kei min rawn enin “ I haw viau emaw tia,i hnar thei meuh nange " min ngaihnep hmel fe a a tihchuan ka ngeih der lo “ Ka hmangaih a nia lawm,engtin nge ka huat theih ang,hmangaihna in a dawh thei a ,ngil a nei bawk thin an ti a nihkha " tiin ka nersak a ,a thinrim hmel chu ka rap hial zawk . Kan hotel a enkawl avangin an inah chaw kan ei mai a ni a ,hetianga ngampa taka a awm hi ka duh zawng a ni hauh lo .







A chhuah hnu chuan thaw hakin ka fapa chu ka en a ” A nu ,khapa kha a sual si,kei leh nang hi apa hnenah kalsan tur ten min ti a ,a sual lutuk apa hi kan kalsan tawh dawn lo tiraw ?" a mitmeng fiah kaka min en chuan ka nuih sak,he fapa fing em em hi chu chhan loh hi a har a ni “ Um,apa a fel viau chuan kan awm anga,a fel loh chuan kan hawsan thung ang" ka tihchuan a yes vaka ,pakhata erawh chu a lo rum nghut ringawt “ I hna lam i buai lo mi,hetah hlir i awm a" ka tihchuan hahdam hmel zet hian a thaw suai suai a .








Aldrin infiam chu enin “ Hna ka thawh loh pawhin hna thawk tam tak ka nei alawm,ka nupui leh ka fapa bula awm ka thlang rih tlat " tiin min kuah bet a “ Ka tihnatna che tibo turin hma ka la anga,i mittui tam tak tla kha hlimna tam takin ka hliah khuh tir ang che ,min rinna i hloh tak te kha a hma aia min rin theih nan i lakah thuruk neih ka duh tawh heklo " a tihchuan ka nuih sak “ Inah haw ang u hmiang" a tihchuan mak tizet chuan ka en ha a ,ka hmuiah fawp zauhin ” Ka nu in a hmu chak cheu a ,a ni pawh a inchhir takzet a sin" a tihchuan ka bu ta nghat a .




(MUTTUI U,A TAWP KAN HNAIH TAN A ,MAHSE ALA TAWI OVER DAWN CHUANG LO AW )