PROFESSOR ZIRSANGPUIA BY MAWITEI BAWITLUNG (Completed)

[mawitei bawihtlung]

PROFESSOR ZIRSANGPUIA






CHAPTER 11



BY MAWITEI BAWITLUNG






“ Tap tawh suh " mi a thlem thiam lo si,ka tah a tichhuak zual sauh, “ Inthen mai ang,ka haw anga chuan min hre ngailo angin awm zawk rawh ,i duh ber chu nei la min rawn tibuai tawh lo angem?" ka tihchuan “ A theihloh min thenin min kalsan i tumna hmunah chuan ka zui zel thovang che " ka khabe ah rawn dawmin ka mittui luang chu a kut zungpui chuan a tuai zauh,a kut lian hlup chuan ka hmai chu a tibo vek thei hialin ka hria “ I theilo ka bihruk san zel ang che " naupang chhia zet chuan ka tileh a .








Nui sukin a rawn kun hniam a ,ka hmuiah chuan a rawn fawp vawng vawng “ Tun atang chuan min duh tum ang che " tiin min pawm nawlhin khum lam min panpui a ,khumah chuan min delh betin ka kawr chhungah chuan a zen lut a ,ka hnute chu a hmet nghal salh chu thaw hakin a mitah ka en let kar,ka kawr chu hlimin ka bra pawh chu a rawn hlim chho tlang a ,ka hnute chu a lang thiang ta ral mai,ka zak chuan inhup tumin ka che a ka kut a rawn man bet ta chat .








“ A mawi lutuk" tiin a rawn hmuam ta chat,ka thaw chhuak hawk a ,ka khur der der bawk . Hetiang feelings ka la nei ngailo,ni e hepa hi ka duh na chu a rei tawh,ka hmuh tirh atang tawh khan ka duh a ,mahse min hmuhsit leh tih duhdah em avang khan ka tilang ngai lo thung. Ka kekawr a zen lut leh chiah chu a kut man betin hlauthawng zet hian ka en a ,a hrethiam a ni ngei ang ka hmuiah chuan fawp leh vang vangin “ Min ring rawh,nawmna tlem azawng pek che ka tum mai a ni . A bak engmah ka tilo vang,min duh ve lo tih ka hria .








Mahse ka nupui inih ang in hei tal hi chu phal rawh aw " tisupin ka kekawr pawtthla in ka hmeichhiatna ah chuan a kut tang a rawlh lut a ,ana ka ti chu ka then sak. A ni pawhin a hria a ni ngei ang phawi chhuakin min rawn en a ,ka kap lamah chuan a lu a sawn thla nghal zat ,ka dul thep tang chu fawp dun dunin a tawpah ka kap kar ah chuan a thaw lum ham ham a ,a rawn liah rual chuan thaw chhuak hakin ka mit ka chhing a,ka kut chu ka hum ruh vak bawk . Ka za chuai chuai a ,ka thawk a rang nghal vek .






Ani lah chu a duhthawh tulh tulh a ,a tawpah ka taksa khur dawt dawtin ka au chhuak that,zawi ngiai in ka en a a rawn nui nghal suk mai .





ZIRSANGA POV...







Ka hnuaia mu a mitmeng phelh phanga min en tu chu enin a samah chuan ka chul sak hauh hauh,a biang tai tek te chuan a tiduhawm zual hliah hliah ,a awm sep darh darhin a mit a chhing zui a . A la thianghlim tih ka hailo,chuvanga la insum pawh ka ni ,a muhil tih ka hriat avang chuan nui hawkin puan chu ka sin tir a ,a biang tai tek leh a hmui hnawm chapah chuan ka fawp leh vang vang,a sam a talna avanga phir sang chu huikiangin a chalah chuan ka hmui ka nghat a .









Intifai turin bathroom lamah ka luhsan a ,ka chhuah leh thlengin a la muhil sak sak mai,zanriah a la eilo tih hre mah ila kaihthawh ka tum lo,naktuk atang chuan thenkhatin an en Dan a dang tawh ngei ang . Ka nupui a ni tih an hre vek tawhin ka ring a ,pawi ka ti tawh lem lo ,kha mihring pa ta a nih ai chuan ka nupui a ni tih hi mi zawng zawngin hre rawh se ,ka zirlaiah min ngaizawngtu an tam tih ka hria a , private thlenga an zirtirtu ka nihna anga min be lo in min bem duh vang leh ka hnaih an chak avanga min be tu an bo lova .








Judith-i nen kan nihlai pawha a thinrimna ber a ni thin,tun thlengin min ngaizawnga min duh thu min hrilh an awm reng a ,mahse a lang a paua min bemtu erawh an tam lo . Chung zingah chuan Judith-i nau thiannu Fakzuali hi a langsar ber ang,apa minister a niin mi zah akai a ,chu chu remchanga la a min biak phet a tum thin a . Ka duh lo viau bawk ,ka nupui khuma mu chu enin ka chhuahsan a ,inhnuaiah chhukin ka nute lam chu ka pan a “ Roomah tumah han kal suh u keimah tihloh" tinghut in chairah chuan ka thu a .








Mak tih hmel zet chuan min en in inchung lam chu a melh a “ Thil tha lo i ti lo tiraw?" ka nu in a tihchuan ka nui hak,a ni pawh hian Zohlimpuii hi kei ang bawkin a ngaina ru tih ka hailo,a mizia ngeng leh nghet tak,midang ngaihdan ringawt tilo a mahni ngaihdana kal ngam ngat a nihna hi mi hneh tu ber a ni tlat . “ A tha,a muhil " tihzawng sawiin chaw ei an rawn siam avang chuan ka ngawi zui a ,ka pa rawn phei pawh chuan min zawtin a ngai ang bawk chuan ka chhang leh a .








A chunga ka thil tih avang khan a chau viau a nig ka ring ,chuvang chuan a peih chen chen mu rawh se ,rooma an lut a nihchuan an han hmu ngei ngei dawn a chu chu ka duhlo,keimah bakin a taksa ka hmu tur a nilo , ka ngaihtuahna avang chuan ka nuisuk,thikthu ka nei ngai pawha ka hriat loh kha ka nupui lakah erawh ka nei ngun ta khawp mai . Kailawna rawn pen ri thlep thlep avang chuan kan hawi chho thap a ,ka nui chhuak hawk hawk . Ka tshirt chhuata ka dah a rawn ha tih ka chiang khawp mai .







A khup a thleng titih a ,a sam a hnawk niah bawk . A rawn hawi thla a ,ka nu leh pa a hmu tel chu mengkawkin room lamah a tlan let lehnghal nal nal,a mutthilhna lamah a la harh chiang lo a ni ngei ang “ Ava buaithlak ve aw ,han buaipui rawh a zak a nihkha " ka pa in a rawn tihchuan tho chhuakin inchung lam ka pan chho va ,room ka luh chuan khumah a lo in lu khuh a ,a thu bawk nen ka nu zawk han lut se a au nasa hle ngei ang le .







“ Duhnu" a bulah thu thla in ka kova ,min chhang lo nangin a taksa che zauh a tang chuan a hria tih ka hre thei,nui sukin a puan chu ka khawih a “ Thlah rawh" a rawn ti that “ Nangmah vang vek a nih hi,engvangin nge khatiang thil kha ka chungah i tih?" tah chhuak tih hriat tak hian a rawn ti a ,ka hawng vat . A mittui tling pam ka hmuh chuan thaw hrawkin kuah ka tum a ,duhlo in a tal nghek bawk “ Ka hua che,ka haw lutuk che Zirsangpui " a rawn ti chhuak sep a ,mit chhing sawkin ka thaw chhuak ham ham.







“ Min duh thei thlawt lo em ni? Engtiang fako in nge min huat" min chhang lo a ,min melh hek lo. Chu chuan min duhloh zia a tilang ni berin ka hria “ A tha e ,ka tibuai tawh lovang che ,inhnuaiah chaw ei turin an nghak che a ,inthlak la i chhuk dawn nia,ka pa in chhungkua a chaw ei loh a duh loh zia i hriat kha " tisupin ka insiam san a,a bula ka awm reng chuan min huatna a nasa mai mai tihlah ka hailo.




End of Zirsanga pov ...





“ David nimin kha ih ka tihpalh hrilh cheu chu ka duh a ,mahse ka sawi chuan thil pawi zawk a thleng thei tlat si a " ka thiante hmaah chuan inthlahrung zet hian ka ding a “ Mi inkawm duh tawh loh pawhin a pawilo a nia ,ka tihpalh takzet " ti a kalsawn ka tum chu Nubawihi chuan min lo kuah vat “ Kan thian i ni a ,englai pawhin ilam kan tang a sin,chuvang chuan inthiam lo tawh suh,mahse tun atang chuan eng thuruk mah nei tawh suh ang che ,thiantha chuan thuruk an nei ngailo " a rawn tihchuan ka nui ta hak a .







“ Min hnarna chhan kha ka hrethiam mai,he college hmeichhe duhrawn nupui i nia i pasal chu kan tluk thei nang,mahse i thian tal chu ka la ni thei alawm" Davidan a rawn tihchuan hlim zetin ka kuah chung chung mai ,ka chungah lungawilo va an tih tauh vek ka hlauh laia min hrethiam chu ka lawm takzet “ In lar tawh tehmai a nia aw , professor in ka nupui a tihlai che phei kha chu video a lo la an awm a , college group leh group dang subject hrang hrang la ho group ah an post aniang an sawi sup sup mai" Nubawihi chuan a rawn ti a .








A nih ka ring,a chhan pawh college ka kal tirh atang khan min hmu apiang an phun a ,kan class ho ngei pawhin tunah pawh hian min en reng tih ka hailo,thaw hakin ka thu tum bur “ Tinge a sawi kher le ,a tirah amah zawkin a phalloh avangin ka sawi lo a" tiin ka thiante chu ka en a ,an lo nernang mai “ A thik a ni chiang Davida nen in awm apianga professor a rawn kal hi chuan a meng rum thei ka tireng a ni" Zothana chuan a rawn ti ve bal bal a ,nuih hakin “ A ho lutuk in hre vek ta rau rau a ,rilru hahna tur ka nei tawh lo tihna .







Chubakah min hmuh dan a dang vek tawh dawn tho tho " tiin ka nui hak a ,an ni pawh an nui ve ham ham bawk . “ I va zak theilo ve " ka hmai chu tuiin an rawn theh thawt a ,tunge ka en chuan ka hre ngai hauh lo “ Jennifer " Nubawihi chuan a lo ti that “ Professor hi i lo bum a nilo maw ,chutianga nang ang nei duh tur a nilo" a rawn ti tawn tawn a ,ka nui hak “ Min nei duha min nei chu a nih si hi,chuan engvanga min hre silo va tui hi min theh ringawt nge i nih?.









Min theh man kha hei hi phuba " tiin a biangah ka hnek thuai a ,a tlu nghal tawp mai . “ Min zuam sual fo a nia ,vawikhat mah min rawn tibuai tawh suh,nang ni duh vanga keiin ka tawrhna tur a awm lo,tin u Zirsanga hian nang ni ang mawng lian satliah hi eng atan mah a ti bawk hek lovang,ka pasal a ni tih in hriat tak avanga in kutthak hnawihna tur ka nilo tih hre rawh u" chulaia awm zawng zawng hriat tur chuan ka au tuar mai .







He ram mite nungchang teh hrep hi ka hrethiam teh nuaih loh,milar an neih te an sawisel peih si,mi thatna ai mi chhiatna sawi nuam tibawk,an duhzawng tan an tina bawk . An duh loh zawng lah na fe fe in an tawngkhum leh a ,an duhna ah chuan zah lah an hre hek lo ,ka eiloh zawng tak an ni hetiang mi te hi “ Nang nu hi" ti a a thianten rawn chhan an tum chu ka thiante chu an lo inrawlh ve ta vat a ,an chhuah hnu chuan “ Buaina ka ngah dawn riau in ka hria ,Zirsangpuia vang vek a ni" tihlakin dawhkanah chuan ka bawk thlawp .









Amah lah kha ka tihdan avangin hmuh pawh min hmu duh lo leh min be duhlo in a awm lehnghal ,class a rawn la te chu nidang angin min en tawh lo a ,a la mawp mawp a . Mak ka ti min duh tihkha a sawi ve ngei si a “ Karleh lamah Tour khawchhak lam Champhai district chhung lama pipu sulhnu awm te fanna kan nei dawn a ,in lo inring sa dawn a nia,in class leh 1st sem bik tan a nih chu aw " a tihchuan kan phur ngei mai,kan au dual dual a . Keipawh ka phur takzet ,hmun hmingthang tamna hmun a ni bawk a ka kal chak tawh takzet .








“ Mutbu intawm ang aw " Nubawihi chuan tiin kan titi nghal mawlh mawlh, Gideon-a te ho lah a phur ber ber ah an tang a ,kan thianho chiah nilo midang pawh chu an phur hmel viau mai ,inah ka haw hnu lawkah u Zirsanga pawh a rawn haw a ,min belo in bathroom lamah a lut nal nal,min biak a peih loh chuan biak ka tum bik lo . Ka chunga a chetdan ka ngaihtuah a ,ka sen nghal awp awp mai darthlalangah chuan ka in en reng,ka taksa a khawih dan te . A vawr tawp ka thlen lai zawng zawng kha .








Ka taksa a lut silo in vawr tawp min thlen tir a nihkha,ka ngaihtuah zawng ringawt pawhin ka la zak . Khatiang khan tu bulah mah ka la awm lova ,a vawrtawp ka thlen chiah khan nuam tihna riau neiin ka zawi em em bawk a nihkha . Ka lu thing nak nakin ka inthlak mawlh mawlh a ,inhnuai lamah ka chhuk nghal daih “ Nu tih tur a awm em ,rawngbawl lam te ka lo pui ve ang che u" ka nu bulah chuan tiin choka ah chuan ka lut phei a “ Angai lo lo awm mai mai rawh hei kan zo dawn ,i peih leh pawna pangpar saw a hnuai vel tihfai a ngai a .








A hnim lutuk lo nang in ilo va pawt fai peih em" a tihchuan bu nghatin ka chhuak zui nghal,tuala pangpar chi hrang hrang an pot thluah chu panin a hnuai vela hnim te tak te te to chu ka pawt nghal mawlh mawlh, rose hniam te a par vul chuk si chu hnim vang vangin ka nui var var a ,rose leh Daisy,Pansy a pawl chi leh Lakspur a chi hrang hrang an khawi te chu ka en kual, Mizoram angah chuan avanga,ram dang a mi an chah a nih ka ring. An nalh takzet ,an karah chuan awm in ka tifai mawlh mawlh a .








“ Enge i tih?" u Zirsanga a ni tih ka hria ,en chuang lo chuan rose hnuaia hnim chu ka pawt mawlh mawlh “ Ka tifai tih hi i hmu ve lo em ni" ka tihlak a ,min rawn chawi nawlhin min dintir nghal zat “ Khatiang tih angai lo,titu tur an awm " a rawn tihmuk,a hmeltha zet chu a changin a kekawr bul hak in a khuh loh chin a chawn leh mal sei zet chu a uk kharh a ,a ke thiah chu analh phian bawk .







“ Keimahin ka ti duh alawm" tingatin Lakspur par chu ka khawih neuh neuh a ,thaw hawk hian “ Ka thusawi apiang hi min hnial suh " a rawn tihluk ,nernangin ka en a “ I thu bawk lo" ka tileh hram chu lungawi lo zet hian min melh run mai “ I pasal ka ni,hmeichhe lu chu mipa an tih hi i hria a nihchuan ka thu chu awih mai rawh" tiin ka hmui chu a rawn tuai zauh “ Tour neih hunah ka bulah riak ang che ,i thiante bula i riak a nihchuan ka rawn hruai lui thovang che " a tihchuan ka ang phamin ka en .








A thutak hmel ropui si,tinge ka thiante bula ka awm pawh chu a phalloh em em reng le “ Ka duhlo,i nupui ka nihthu i sawi atangin haw tu ka ngah zia te hi i hre ve em? I bulah riak ila engtin nge min sawi leh ang,chuvang chuan ka thiante bula ka awm hian ka him zawk " ka tihchuan a hmui pet sawi nawkin min thlah a ,kawngpui lam chu melhin” Ka lo luck hle a nihchu,ka nupui ini a an ni in kan awmdan turah thuneihna an nei theilo,chu chu an hre vek tawh tho va ,enge mawi lo awm chu min chhang ta che ?.







Nupa a riah tlan chu enge a mawilohna " tiin ka biang tawn tawnah vuanin min en ram,a perfume to tak rim chu ka hip lut hak a ,a rimtui takzet. Chuan ka zam viau bawk “ Ka bulah i riak ang tiraw Duhnu" a rawn tihchuan min tibuai leh vek “ Tinge hetiang hian i awm,a hma a min haw deuh ang khan awm leh rawh . Ka chunga i that hian min tibuai,ka rilru hi i tibuai takzet u Zirsang" tiin inchhung lamah ka tlan luhsan a ,ka lungphu zawnah ka kut dahin boruak ka hip lut kawk kawk mai .








Ni a liam a tour hun a nih meuh chuan ka phur hle tawh,bus ah chuang in u Zirsanga leh miss Judith-i erawh u Zirsanga car ah an inphur a , sir Awmtea nen an pathum in min ho dawn a nih hmel. Nubawihi nen kan thu tlang a ,a tawng mawlh mawlh laiin kei erawh ka ngawi ngal,a bula riak turin min ti vel a ,miss Judith-i a buaipui leh hle sia,zinglam dar 5 velah chhuakin kalkawng vel chu nuam ka ti hle ,kan au chel chul hlawm a. Davida te pawh kan hnunglamah an inhnial leh nak nak thin .








Hmuifang velah te chuan thla la in kan chawl a ,nuam ka ti takzet Aizawl tihloh ka la hmu miah lo va ,chutia kan han zin chhuak thei chu nuam ka ti . Tlai dar thum velah khawbung thlengin kan riak dawn a nih hmel,a tuk lam erawh tan tlang vel ah tent nen kan riak dawn thunga,ka phur viau mai . Hla kungpui mual vel chu fangin thla kan la a ,miss Judith-in u Zirsanga a kuah vel chu ka hmu kham takzet ,ka classmate te mai bakah thenkhat chuan min tihchhan tih hriat takin min tawngkhum leh thin a .









Ka ning hman hlui mai,an higher school ah kan riak khawm dawn a ,Nubawihi nen riahna lam kan pan lai chuan u Zirsanga chu kan hma ah a rawn ding ta chat “ Professor nang i nimaw ,hei mut kan tum tawh a " Nubawihin a tihchuan a chhang mailo,keichu min melh char char mai . Ka sam chu ka siam tha ringawt a ,a hawisawn phah silo “ Ka bulah riak turin ka ti che in ka hria,Nubawih i thiannu hi riahpui ila a pawi em lovang chu maw? Nangmaha riah i hreh em" a tisup a ,ka lo hnial vat .








“ Amahte chuan a mal lutuk dawn a sin,chubakah tu emaw nen in riak dun lovang tih tunge sawi thei" ka lo tifak,Nubawihi engkim ka hrilh tawh bawk nen a bula sawi chu pawi vaklo turah ka ngai ” Tu chu maw? Nang lo ka riahpui dawn ka ti em ni?" a rawn tileh kher a ,bensawk mai ka duh . Miss Judithi nen nilengin an in ngaihsak hlum lo chauh a ,zan a nih ve a min rawn hre hnuhnawh chuan min ti thinrim “ Nang nena mutdun hi ka duh chatuan love ,i duh leh i bialnu kha va sawm la tinia,Nubawih tirawh kal ang a tlai tawh " tihmakin ka thiannu chu kaiin ka kalpui nghal dawr dawr .









A duh hunah min biak that a ,a duh huna min theihnghilh leh mai mai tur ka nilo hrim hrim “ Ka inthlahrung e,a thinrim hmel tehmai a nia aw ,tinge a bulah i riah mai loh . Kei te chu Muanpuii te bulah pawh ka riak thei lawm " a rawn tihchuan ka lu ka thing nawk nawk ,mutna lam chu panpuiin kan phah mawlh mawlh a “ A bula riah ka duhlo,min sawi peih sa si chubakah miss Judith-i thlah a tum hma chu hnaih ka duhlo,intawm theih thil hi ka ngaina ve lo








A duh a nihchuan pakhat kalsanin min vuan rawh se" ka tipah mawlh mawlh a ,nui hakin ” A duh em em pawh a nih ka ringlo,miss Judith-i hian a zar hneh ve em a lawm,kan college hmeichhe ho pawh hian an star thup reng kha a nia,an ni tih hre reng chunga an star reh theihloh kha a ni ve miau a lawm, professor hian duh chu nise a kawp thupin ka ring,duhtu a ngah em a " a tihchuan a dik ka ring . Kei ngei pawhin ka luh tirh atangin ka hmu in ka hre tam viau bawk nen.









Kan mut hnu thlengin kan titi a,kan inneih dan vel ka sawi chuan a chek tlak tlak mai “ I tan chuan a hrehawm hle dawn a nihchu,mahse tunah hi chuan a duh tak tak che a ang ka ti,a chhan chu miss Judith-i nen an inzui hi kan hmu ngun a ,miss Judith-in mipa dang a awm pui pawhin a thik awm kan hre ngailo,i hria anga a hmeltha a an hausa bawk nen ngaihven tu a ngah a ,a chanchin hi chu sawitham khawp chuan kan hre deuh vek a nia " a tihchuan ka mit ka chhing vang vang .








“ Ka hrelo le ,min duh tak tak a nihchuan a lang chho zel turah ka ngai,a tira min tihdan kha ka hrechhuak lo theilo a ,keimah ah hian rinna ka la nei lo a niber . Kan inneih tirh kha chuan min haw lutuk kha min thah a duh hial thin in ka ring,ka chungah khan a thinrim thei em em a,engkim kha min mawhpuh a niber ,Miss Judith-i nen an riak dun fo va,min runluih tihlah ka hailo . Tuna a mize danglam thut avanga ka pawm mai a nihchuan ka tihsual ka hlau.







Min tihnat a duh vang te pawh a ni thei a ,min bumkual a nuihza siam nana min hman ka hlau thin a niber ,ni e ka duh tih ka hria a . Mahse chu ka duhna chu ka pawm mai a ,a mi duhna hi ka chhang mai a nihchuan dawt a lo nih a min bum leh si chuan keimah zawk hi a na tur zawk ka ni tih ka hai lo,hmeichhia chu kan a a ,mipa hian min bum fo reng a ,chuvang chuan chhang mailo in fiah phawt ka duh .








Judith-i kalsana a thinlung tak taka min hnaih tih ka hriat hunah chauh ka hnaih ve ang,tunah rih chuan ka hlauthawng lutuk,min duh ve tingawt dawn ila miss Judith-i hi a la zui reng bawk si . Mipa rilru hi hriat a harzia chu i hre ve tho vin ka ring" ka tihchuan bu nghatin “Keichu Lalchhandama hi chu hriat a awl deuh,a thawveng em em reng a ,a mawl bawk si a buaithlak lam mah zawk. Kan in ngaihzawn hma a a mize cool ka tih em em kha ka bialpa a nih chinah chuan hmuh tur a awm lo nghal a .







Min runluih nge pawh hriat loh,mipa dang ka hnaiha haw em em si hian min hlat leh tlat bawk si,vawiin te khan min biak miah loh kha . Keipawh hian hrehawm ka ti,tlem talin min ngaihsak ve se ,i sawi angin mipa te hi ni zawk ila mipa rilru chu kan hrechiang ve mahna ,an induh thiamin hmeichhe lakah an thuneihna an hmang thiam si,kalsan dawn tak tak hian an na leh tho thin sia,tinge an rilru dik tak hi sawi chhuah an hreh em em zel le ?.






Hmeichhia chu min thlah zalen pauh leh kan tlei tulh tulh tih an hre lo a nih ka ring,min belo a an awm rei pauh leh a tirah na viau mah ila a rei a ngaiah kan neih a ,natna chu la awm mahse thup dan kan hre tawh tlat . Mipa erawhin an thei ve lo,a tirah inla ngengin min be duh lo va ,mahse a rei tawlh tawlh a ,an inchhir tlang pui zel . An tana kan pawimawhzia an hriat meuh chuan an tlai fo thin ani,chuvang chuan an luhlul theihloh nan hian che hmasa zel ila a fuh mai .







An induhtawkna bo thak khawp hian tibuai ila an ngeng rei teuh lo,an luhlul pauh leh luhlul ila an ngawih rei pauh leh ngawi veleh ila an thinin a tuarlo a ,an che hmasa leh maizel alawm " tiin anui hak hak a ,ka ngaihtuah chiang a a tha dawn riau in ka hria ,u Zirsanga pawh ka biak reng chuan min chhang duh ngailo va ,ngaihsak anga ka awm chuan a induh daih zel bawk . Mahse belo leh ngaihsak miah lo a ka awm tak chinah a nih hi min umzui tak reng ni ,muhil turin kan inmangtha a .









Mahse ka muhil thei mai lo ,ka mengkar reng . Tunah hian miss Judith-i nen an riak tlang angem tih vel ngaihtuahin ka mu thei mai lo,a tawpah ka ning lutuk chuan ka ngaihtuah na atanga paih bo tumin pasaltha thawnthu chu ka play ta ngawt a ,a thawk tha phian mai . Ka mut chhuakin ka chhing ta siar siar a ,zingah mutkham lo zet chuan tho vin ka ha vel ka nawt sawk sawk a ,Nubawihi pawh a lo au leh nasa tawh mai,thingtlang boruak zet chu a nuamin a boruak a fresh var mai .


ZANIN CHU WORD LENG CHIN AITAM KA RAWN DAH LEH A NIA,A TAWI TIH AWIH LOH , CHUAN COMMENT LEH LIKE MAWLH KHA AW

[mawitei bawihtlung]

PROFESSOR ZIRSANGPUIA






CHAPTER 12 (18+)



BY MAWITEI BAWITLUNG








Chaw eikhamah Khawbung atanga chhuakin Dungtlanga Lianchhiari lunglen tlang vel chu kan fang a,a tlang velah chuan thla la in rei fe hun kan hmang a ,Samthang lam chu haw lama tlawh an tih avangin kan tlan tlang a,Vaphaia Fiara tui vel chu fang lehin kan riahna tur Chawngtui ram a hnaih tawh bawk nen kan zai phei dap dap a,Chawngtui east rama Thasiama seno neihna leh tan tlang vel chu enin kan rak chul, Mizoram tlangah chuan a mawi ber pawl a nih ka ring . Thasiama seno neihna thlen hma deuh hmun zawl zau lai takah chuan lung an lo phun a.







Khaw kum 125-na leh khaw khawm kir leh kum 50 na lung a nih hmel,thil inziak chu Chhandaman a rawn chhiar kauh kauh a ,Mizo zinga Olympic a tel hmasa ber te hi an khaw chhuak a nih hmel ,an nauban khawi vel chu an lo par sang a ,thla kan lak mawlh mawlh hlawm . Mi 70 rual teh meuh kan ni ve bawk a ,kan thawm ana tham ve hle “ Le a tlanglam saw pan ila,fimkhur ula chetsual a hlauhawm a nia" Sir Awmtea chuan a rawn ti dap dap a, phur zetin thasiama seno neihna lam chu panin kan kal dam dam .








A hnuaia khawlian vak lo chu a ram neitu Chawngtui khua anih thu an sawia ,Nubawihi nen chuan thla kan laksak zauh,a chhip atang chuan an lo vel a lang thei a . Chutia thingtlang khua vel hmuh chu a nuam riau lehnghal “ Thingtlang hi thenkhat hian kan lo hmusit a,hei a hmuna kal chilh chuan hmeltha fe fe pawh an awm hi ,khawpui nula leh tlangval tam tak hian kan tluk hauh lo mai, makeup tello pawhin an hmeltha a nia " Davida chuan a rawn ti a ,kan pawm tlang viau. Khua kan tlanpelh atang ringawt pawhin keipawhin hmeltha tih fe fe ka ngah mai .







Tan tlang kan pan a ,kan inak bawr bawk nen a hahthlak takzet ,a chho bawk si . Keiphei chu ka thaw halh halh tawh ,ka bula rawn ding chu en pawh ka peihlo,ka hah lutuk tlat . “ Rawn dah rawh i bag kha " u Zirsanga a ni tih ka hria ,ka pe duh lo chu ka kutah rawn vuanin min pawt sawn a ,ka lo tang ve bawk nen thawk leh khatah tawlh thutin a kham lamah chuan kan lum thla a ,ka au tuar ,kan thih loh reng ka ring tawh lo ,u Zirsanga chuan min kuah bet tlat a ,a tawpah kan ri thla tawp a ,a kham hnuai zawl deuhah chuan min inham tan pui hman hram .








Ka hlau lutuk chu thawk pawh ka thaw tha ngamlo,u Zirsanga chu ka kuah bet tawp ringawt . “ Hlau suh" a rawn ti sup a ,chunglam atang chuan kan thiante ho chu an rawn au chul bawk,chungte chuan min ti hlauthawng zual . Ka mittui a tla par tawh “ Zira hrui kan rawn thlak dawn a ,in lo man thei angem " sir Awmtea chuan a rawn ti a ,u Zirsanga chuan a rang lama rawn theh thla turin alo au let a ,hmeichhe thenkhat lah an lo au chul mai .






“ Hlimi hlau suh u,kan rawn hmanhmawh ange lo invuan tang tang rawh u" Davida chuan a rawn ti a ,an che nghal a ningei ang an in au khawm zung zung a ,ka hlau takzet tawh. Kan awmna thla tak hi chelh chhan a vang bawk si,hrui an rawn theh thla a u Zirsanga chuan alo man bet chat “ Hlau lo la ,lo han chho hmasa rawh aw,fimkhur takin " ka mittui karah ka en,ka tha a khur nasa bawk si ka che chhuak mai theilo “ Min en teh,hlau lo la thawk la vak rawh le ,i chet vat loh chuan kan pahnih hian kan thi ang,chuvang chuan intichak hram hram rawh .







Lo han lawn hmasa rawh le ,hrui hi nghet takin vuan la" a tihchuan ka insut hlawp hlawp “ Ilo kal ve nghal dawn em" ka tihchuan nuichungin a rawn chhoh ve nghal tur thu a sawi a ,ka chalah a fawp vang vang . Tinge ka hlauhthawnna hi a reh theih miahloh,mahse kan pahnih tan ka tih ngei angai a ni,kan awmna lei hi a nghet hauh lo tih chu ka hre chiang viau,hrui chu vuanin muangchangin ka lawn chho va,kan tlakna a thui lo hlauh a ,a kham ka thlen chhoh dawn chuan min lo pawt chho nghal vat .







Ka thiante ho chuan min buaipui zung zung a ,kei erawhin kham lam ngawt chu ka en a ,ala rawn lang chhuak ve hauhlo ,kan awmna lai lei kha a min tan tih ka hrechiang lutuk tlat,ka tawngtai mawlh mawlh a ,mipa ho in hrui an pawt lai chu enin ka lo inpet fan fan,keimah vangin kan pahnih nunna derthawngah ka dah a . Ka induh tawkna leh ka luhlul em avangin hmun hlauhawmah kan awm tih ka lo theihnghilh a nihkha ,thawk leh khatah hrui chu a chat hmawk a.







Ka au tuar “ Zirsangpui" tiin kham lamah chuan tap chungin ka tlan phei a “ Nilo i kal theilo ,ka duhlo" tituar tuarin khamah chuan ka phei a ,min lo vuan bet nghal vat,mipa ho chuan an au mawlh mawlh bawk ,leiah chuan ka thu thla hnawk a . Miss Judith-i pawhin a au tuar tuar mai,ka mittui nen ka au tuar tuar a ,“ Heta hi rawn hmanhmawh ru hrui dang kha " an tihchuan Davida te chu an che nghal vat ,u Zirsanga chu pawt chho in hmun rem laia a rawn chhuah rual chuan ka insum thei tawhlo chu tho chhuakin a lam panin ka tlan phei hlawk hlawk a .







Ka mittui lah chu a tla reng bawk nen ka khawhmuh a tifiah lo viau nangin a awmna chu ka thleng thei hram,zah pawh dawn lo in a awmah chuan ka bei thlawp a ,ka tap chhuak nghal hawm hawm “ Ka tihpalh,keimah vang vek a ni . Lo sual let lo che ila chuan hetiang i awm a ngai miahlo ang " tiin a kut pilh leh thi phung chu ka en a,ka lu ah rawn chulin midang chu a enkual a “ Lo han kal hmasa rawh u,a la hlauthawng a nih hi,in vaia chungah ka lawm takzet e .







Kan ngaihtuah awm loh ang,lo han kal rawh u,khua a thim hma a in peih hman vek kan ngaihkha sir Awma leh Judithi khan riahna tur remchang lo han zawng mai ta che u " a tihchuan an che nghal sap sap,miss Judith-in engmah a rawn sawi lo chu mak ka ti viau,ka thiante chuan min nghah tum viau mahse u Zirsangan a tihluih tlat avangin min kalsan a ,kei erawh ngawi rengin a taksa ngheng chuan ka awm reng thung .








“ Ka that hi,engkim a tha min chan dawn hleinem,min en teh maw " tiin min kuai dak a ,ka biang ka mittui in a tih huh hlap chu tuaiin min nuih var var a “Keimah vang vek a ni,ka at vangin nunna i chan tep a nihkha ,ka tihpalh khatiang a thleng dawn tih ka ring phalo a,ana em?" tiin a kut chu ka vawn sak a ,a thi ka hmuh chu ka rawmawl chu phawrhin ka tuamsak nghal mawlh mawlh . Nui chung hian ka sam chu a lo huisawn a ,“ Thi ta ila engtin nge i awm ang,i lawm zawk dawn lo em ni" a rawn tihsup chuan ka melh kar .









Engtin nge thise lawm tura min ngaih theih,mi thihna ah ka lo lawm a nihchuan ka sual hle tihna a ni dawn a sin “ I â em ni? Engvangin nge i thihna chu ka lawm rik ngawt ang,min va ring chhe em em ve " titiau in ka hawisawn san a ,ka hlauhthawn zia ngaihtuah lek lo a chutia min tichuan min tilawm lo takzet ,ka mittui lah chu a tla reng lehnghal “ Titau lo la ,min huat thu kha i sawi reng a,i mi huat em em chu i lak atangin bo ila i lawm zawk ka rin vang a nia" tisupin ka hnunglam atangin min rawn kuah a .









“ Haw che mah ila thi turin ka duh lo che,misual ber anga mi thihna a lawm turah min ngai suh,keimah vanga thi i ni tih ka hriat phei chuan damchhungin ka inthiam thei tawh ngai lovang" tisepin ka mit ka chhing vang vang a ,kan bag chu la in “ Tirawh le kal ve tawh ang,midang khan min lo ngaihtuah lutuk ange " tisupin min kai a,midang an awm ve thu asawi takah chuan nichina ka awmdan kha hrechhuak in ka zak leh hnuhnawh,mahse ka hlauthawng em a ,ka awm angah leh nupa kan nihna ang chuan min hrethiam viau in ka ring bawk .







Thil âwmlo chu a ni hauhlo,a ni hi chan ka lo hlauhzia ka hrechhuak ta bawk,ka kut chu nghet taka kaiin midang ho awmna chu kan pan chho zel a ,kan thlen meuh chuan tent alo awm thup tawh a ,u Zirsanga nen chuan min lo en thap ,a nilah chuan ngaipawimawh lovin thil pawimawh chu a sawi zung zung a “ A fal deuhah teacher ho in tent kha sa ve ila zirlai ho kha a khawm deuhin awm rawh se" tiin min kaihna chu thlah a tum a .






Ka lo chelh beh tlat avang chuan min rawn melh nghal vut “ I bulah ka awm duh" midang hriat loh tura ka tihchuan mak tih hmel tak hian min en vung vung mai,ka hlauthawng bawk nen a bula ka awm loh chuan ka awm a nuam theilo “ I duh chiah ang maw?" a tihchuan ka bu nghat . Midang min ngaihdan lam ka buaipui thei tawhlo,ka pasal ani a ,tunah chuan zah tih tet ka tum tawh lo ,ka kut chu a rawn hmer leh salh a ,midang ho awmna atanga ft 10 vel a hlaah min phei puiin a bag atang chuan tent vel chu phawrhin a buaipui nghal mawlh mawlh .








“ Sangpui,in inluah tawm dawn em ni" miss Judith-i chuan lungawi vak lo hian a rawn ti a ,kei erawh ka ngawi ngar thung. “ Ka nupui a nia ,enge buaina a awm em ni Judith " en pawh en chuang lo chuan a ti deuh hmuk a , miss chuan min rawn melh rumin “ Henu rawn lan atang hian i danglam takzet ,a hma te kha chuan i duhloh thu leh min neih i duhthu kha i sawi chamchi anilawm ni" a rawn ti chhuak hlawk hlawk a .






A zirlai naupang ten an hriat a hlau lo emaw ni “ A hma ka ni tawh lo tepawh a nimahna ,i hmuh ang hian ka buai rawng lo va bawl pui zawk la a tha lo maw ,kan students te hma a inhnial buai vel ka duh loh zia chu i hriat kha,tun hi a tawpna ni rawh se " tihmukin rawn tho chhuak in rum fe hian miss Judith-i chu a melh run a , a nipawh thinrim takin midang awmna lamah chuan a phei nghal hlawk hlawk a .








“ Lung lian deuh min lo zawn ta che " a rawn tihchuan ka zawng nghal vat ,ka pek rual chuan min lo nuihsuk a ,ka en reng ringawt . A vun uk kharh leh a biang hmul siar siar te ,a kareh zau lam mahse amah ti hmeltha tu nisi te chu ka en reng,a hmui hnuai lam phir thaih leh sen deuh chek te chuan hmeichhia a hip ngawih ngawih ngei ang le ,a zawh rualin kan bag nen chhung lamah kan inrem a ,chutia kan luh takah chuan thu chung chuan min kuahin ka biang chu a rawn thawk khum ham ham a .








Ka khur der der “ Min ngaihtuah ve takzet tiraw" tiin ka beng chu a rawn seh zauh a ,ka bu nghat ringawt . Chan hlauhna hlirin ka la khat a ,a thih mai ka hlau a niber ,thi tur ang a ka ngaihtuah zawng ringawt pawhin min ti lungchhe nghal thei “ Min duh ve tiraw " alama min kuai herin ka mitah tak min en a ,ka chhang theilo. Mahse ka mitmeng atang chuan a hrethiam vek tih ka hria “ Duhnu " tinge Duhnu tihian min koh ziah mai le,ka hmui phu der derah chuan a rawn fawp a .







Ka mit chhing in ka lo chhang let ve vat,min fawp reng chunga nui sukin min fawp duhthawh sauh a “ Chaw a ei theih e " ti a rawn au ri avang chuan inthlah vatin kan thaw dun halh halh a ,ka biang chu vuanin min kuah leh vang vang phawt . Keipawhin hnar ka tum tawhlo,ka duhna hi ka lan tir ve loh chuan ka tlai mai ka hlau a ni ,pawnah chuan chhuakin midang awmna lam chu kan pan phei a ,Nubawihi chuan min lo nuih var var mai .








Davida erawhin min en duh hauhlo,min duh tih a sawi a ni e a tan chuan ana viau ang,u Zirsangan miss Judith-i a pan a ka nat thin ang khan a na ve angem chu ka hre chuang lo “ David kan lawm takzet ,nangmah vangin kan nunna chhanhimin a awm si a " u Zirsanga chuan a ti a ,Davida pawh chuan nuisangin a rawn chhang let vat,chutia an inbiak theih takah chuan ka lo thaw huai mai “ Zanin chu nupa tuakthar nichiah lo te honeymoon a nimai,kan lo zin fuh hle mai " sir Awmtean a tihchuan an lo au dar dar hlawm a .








Ka zak viau mai ,chaw chu dispo thlengah chuan eiin u Zirsanga chuan min dawh sak a ,min fiam nasa bawk nen midang karah ka awm ngam lo hrim hrim ,kan tent zarna lamah chuan eidunin a thlenga chaw hmeh chu ka thlengah a rawn dah leh zauh zel a ,ka nui ver ver mai . Min duat hian nuam ka ti takzet ,ahma a min vin khur khur reng leh min haw em em anga awm tawh lova min ngaihsak leh min duat meuh chuan mipa ngaihawm tak a ni tih ka hre thei mai .







Kan thleng chu kan mei chhemah chuan kan hal vek a ,mi ram chhunga bawlhhlawh in paihsak hi chu a that loh bakah a inzahloh thlak an ti a ,ka pawm viau mai . Miin hah takin an tifai a duh duh na hmuna khualzinten bawlhhlawh kan lo paih leh thin hi a tha lo takzet ,meipui bulah chuan inkawm khawmin kan nui leh dar dar zel a,kan zingah tuai a awm a chu mi leh mipa pakhat fiamthu thawh chu kan nuihpui leh ham ham zel a ,khawchhung lam atang pawhin kan eng chu an rawn hmu pha ngei ang








Ka mut a chhuah avang chuan ka ham bai bai a ,u Zirsanga lah chu a bo hmak lehnghal . Miss Judith-i pawh a awm lo,hlauhthawnna ka nei nghal pang ka hawi kual a , eng chinah chuan an hmel hmuh tur a awm hauh lo,tho chhuakin a thim lai velah chuan ka phone light nen ka zawng a ,a tawpah a tlang kan la thlen chhoh lohna lamah chuan miss Judith-i u Zirsanga awma lo bei a ,lo insut faih faih chu ka hmu nghal zat,an ni pawhin light a ka en miau avangin min rawn en vat a








Tunge ka nih erawh an hriat ka ring lo ,u Zirsanga chuan a kuah let lo nangin ka thik lutuk tho “ Tunge " miss Judith-i chuan a rawn ti that a . “ Ka tihpalh a ni e ,ka lo tibuai cheu a nih hmel " tiin ka kalsan a,midang awmna chu kalpelin thim chinah thing ngheng chuan ka thu a,hmalam chu ka melh ngar . Ka duhna ka tilang a ,mahse Judith-i bawk a lo inrawlh leh a ,ka khup ah chuan lu nghatin ka kun chal mai .







Ka mittui tla tur chu ka duh lo takzet ,hepa ka duhna avang hian ka rilru a no zo tawh anih hi “ Tinge i kalhran,i che sual leh thei asin " ka bulah a rawn thu a,en pawh ka en peihlo . Tho chhuaka kalsan ka tum chu ka kutah a rawn man bet nghal chat,engtin nge thimkarah min rawn hmuh chat theih ? “ Nichin kha i hmuh ang kha a nilo" a rawn tihchuan a sawi chhunzawm beisei in ka ngaithla kar a ,a sawi chhunzawm leh tawh chuang silo chuan min ti thinrim .








“ A nihchu" tinghatin ka kut chu ka pawt a ,min thlah duh bawk silo “ Zirsangpui min bawl kual mai mai i tum anihchuan duhtawk rawh,i sawi tak kha Judith-i chu i hmangaih a ,keichu min hmangaih hleinem ,engtin nge a ni kalsanin keichu min pan theih tehlul ang tiraw " tiin kalsawn ka tum a “ Ka kut hi thlah rawh,vawn beh reng pawh angailo" tihlakin ka thing nawk “ Judith-i kha ka duh tawhloh thu ka hrilh a nihkha ,chu chu i hre duh tiraw . I sawi dik kum tam tak chhung kan lo inkawp tawh .








I rawn lan hma kha chuan ka nuna hmeichhe awmchhun a ni,mahse ka nupui nihna i rawn hauh rual khan ka thinlunga hmeichhe awmchhun chu rawn nek kiang in a awm chhun nihna i rawn hauh tih hi sawi ila i awih angem? Min awih lovang tiraw ,kan kum inthlauh avangin ka dawh che a ,ka duhna zawng zawngin ka che duh heklo,mahse ka ngaihsak lo ngailo che ,ka duh thu ka hrilh che a ,min chhang silo in engvanga a ni chu thik leh si nge i nih .








Min hua a ni lawm ni,engvanga i rilru chu thup a min hlat tlat nge inih" a rawn ti chhuak mawlh mawlh ,ka ngawi ran mai ,chhan chu ka duh mahse a thusawi avang hian ka chhang mai theilo “ Min chhang ta che ,min duh ve lo takzet tih hi min hrilh rawh " a tileh hmuk a ,ka mittui ka nuai nawk nawk “ Tlaiah khan ka tilang tawk lo em ni? Ka hlauthawng ve asin,min bum mai anga i infiamna mai mai niin Judith-i bulah min kalsan leh mai ang tihte ka hlau ve a sin.









Min fiam kual anga,ka duh che tih i hriat ve leh min nuihsawh a min kalsan leh daih ang tihte thlengin ka hlau va ,chu chu engvang nge tih i hria em? Kan inneih hlima i mi tihdan,i mi huatna zawng zawng i tihlan leh i thusawi te khan min la chhuahsan ngai reng reng lo,mahse chuti chung pawhin ka duh tho tho che " ka tih chuan ka tukkhumah rawn dawmin min fawp ta chawt a ,a kawngah kuahin ka lo chhang let ve mial mial “ Mu tawh ang" tiin tent lamah min hruai phei a ,midang pawh an lo mu lut vek tawh .








Kan awmna a fal deuh bawk a ,a reh ruih mai,mahse u Zirsanga bulah ka awm a ka thla erawh a muang viau thung,mutna chu ka siam mawlh mawlh a . Min lo nghak in pawnah meizial a zu khu hlat hlat a , tinge meizial hi an duh em em ni ” Ka zo a nia " ka tihchuan rang zet hian a rawn lut a,min nuih suk bawk . A thawmhnaw phelhin eng a ti thi a ,ka chil ka lem khawlh “ Enge i inphelh kher a " ka tihchuan ka biangah a rawn fawp zauh a “ Ka nupui i nihna leh ka ta i ni tih ka nem nghet dawn " ka hmui nul thuak thuak chung chuan a rawn ti thum chhak a .








A thaw a meizial rim nam leh hak thin leh a perfume rim chu a inchawih takzet ,ka kut chu rawn la in a nghawngah min kuah tir a ,a taksa lian leh khauh tang chuan min bawhtlu riai riai,ka thawmhnaw chu phelhin ka hmuiah chuan a fawp pah a ,hnar ka tum bik lo . A engkim hian min hip ngawih ngawih,tunah chuan he college hmeichhia ten an star rawn leh an duh em em hi ka ta ani anga keipawh a ta ka ni tawh bawk ang. A mi tih ang ang chuan ka dawh tawp a ,ka hmui leh ka nghawng vel chu fawpin hnuailam chu a kut chuan a khalh pah a .









Ka thaw hak hak “ Zirsangpui " ti sepin a chhipsamah chuan ka tham sak nak nak a ,kan awmna thim vek mahse min hmu chiang lutuk angin ka ngaitlat bawk nen ka zam takzet bawk “ Inthlah dul rawh Duhnu,i thawm i dim loh chuan midangin min hre ngei ang ,keimah min ring tawp rawh " tiin ka kekawr leh panty chu a phelh leh a ,kan sir lamah chuan a dahkhawm tawp tawp ringawt. Amah pawh chuan a thawmhnaw hak zawng zawng chu hlip ve nghalin kan hnute ruak kang chu a awm pharh darh chuan a rawn delh a .







Ka lo kuah nghal vat “ Ka ta ini kumkhua tawh ang " tiin ka hnute chu a hmer salh (awi a chikim leh lutuk chu a chilohka chhungten youtube a an dah chhuah hnuah lo ngaihthlak an hmanga thalo tlat ) thaw ham hamin ka lamah ka lo pawt hnai ve tawk tawk a ,ka taksa a a rawn luh rual chuan au thatin ka ka chu a rawn hup nghal vat . Keipawh chu in pet fan fanin ka thaw hawk a ,ka samah duat zet a rawn chulin a chawl deuh vang vang a .







Dim te hian rawn che in ka zai ngai takin a che te chuan min hneh ngawih ngawih “ I duh chuan che rang tawh rawh " ka tihtak sepah chuan min rawn fawp nghal vang vangin hnuailam chu a tiche nghal zawt zawt a ,kan thlan te chuan min tiban chuap tawp ,ka mal chu khur dawt dawtin ka zawi hnawk a ,a nipawh chu duhthawh sauhin rei vaklo hnuah rum hawk hawk hian ka chungah a rawn bawk thlawp a .







Ka taksa chhung lum pap pap leh a mipatna che tual tual chu ka feel vang vang,a hnungah chuan nghet zeta kuahin ka thaw hle hle a . Ka sirah rawn mu thla in a nipawh in thawk a la ham ham mai,min rawn kuahin ka hmuiah chuan a fawp leh zauh a “ Ka tina che em" a tihchuan ka lu ka thing nak nak ,“ Nangzawk zeilo min ti em?" ka tihchuan a taksa che dawt khawpin a rawn nui a “ Ka hlim lutuk chuan a nuam ka tibawk ,a hmasa ber nih tluka hlu a awm love " tiin ka kawngah rawn hmer salhin a chungah min pawt kai a .







“ Muhil rawh " a tihchuan “ Ka ritlo em ni" tiin a khabe ruh in vuah fuh tak chu ka khawihsak a ,a hmul rawn to tan siar siar chu ka kut chuan ka khawih sak neuh neuh“ Naute ka pawm angah ka ngai,ka bula hetia i mut hian nuam ka tizawk chuvang chuan naktuk zinga i thawh vat theih nan mu tawh rawh le ,midangin an hmuh che chuan i zak leh palh ange " fiamthu titaka a rawn tihchuan a awmah ka sih sak zauh .






Nui hukin min kuah tha sauh a ,a sawi dik tho khua var hma a ka inthlak loh chuan kan mualpho viau thei tlat ,tlang chung tih takah thli a thaw deuh vuk vuk a ,mahse taksa lum thur thur ka kuah avang chuan vawt erawh ka ti lutuk hauh lo,nuih seihin ka mit ka chhing a,tunah chuan ka pasal tan ka inhlan tawh a . A ta ka nih ang bawkin ka ta a nih tawh ngei ka beisei .







Zingah chuan tho vin ka thawmhnaw chu ka ha sawk sawk a ,u Zirsanga erawh atho daih tawh,midang erawh an la mutui hlawm viau,pawn lamah ka chhuak a . Khua rawn var tan leh khawchhak lam Myanmar tlang dung atanga ni rawn chhuak tur chu a rawn sen deuh phat a ,a mawi takzet “ Thla la ang " tiin selfies stick chu la chhuakin tlang hmawr lutuk lo mahse nichhuak tur lan chian theihna ah chuan ka dinpui a .







Ka phone chu vuah mawlh mawlh in ka keng kang a ,ka hnung lam zawnga min rawn kuahin ka darah a khabe a rawn nghat a ,thlalak chu a rawn en ve run mai . Ka hmet nghal mawlh mawlh,keimah ten ka inlak tir a ,ani pawh amahin ka laksak ve bawk . Thlalak lah chu a nalh lutuk tlat “ Haw veleh ka print tir ang,ka nute kan thawn ve ange " tiin WhatsApp ah chuan lut in ka nute chu ka thawn a ,an ni lamah chuan khua a thim tawh ngei in ka ring.





Midang pawh an rawn tho ta sap sap a ,thla kan lo la tih an hriat chuan an rawn la ve nghal sap sap,kan bengchheng leh tawh hle ,kan vai chuan awmkhawmin kan la bawk a .



(Word leng chin ka rawn dah e ,tin min comments sak hram hram tute, click leh like min peksak thin tute ka lawm takzet ,in mi fuihna liau liau in thiamlo Tak chungin phur takin ka type theih phah thin ania )

[mawitei bawihtlung]

PROFESSOR ZIRSANGPUIA






CHAPTER 13







Tan tlang atang chuan kan chhuk leh thliai thliai a ,kal lam ka harsat riau chu u Zirsanga bakin a hriat ka ring lo,ka sil thum a . Ka kalchak thei heklo,ka zai ngai takin muangchangin min kal pui a ,midang hnung fe ah chuan kalin min chhawm a , ka khua te hi a sik dawn in ka hria ,ka taksa hi a awm nghulh mai “ Ka car ah i hahchawl dawn a nia ,midang bulah awm tamlo la a tha " tisupin ka bag leh a bag chu akin ka chalah a rawn fawp leh zauh a .








Tawng pawh ka tawng peihlo,ka chau hluah hluah ka lu te hi a rit luk tawh mai . Kawngpui kan thleng thla a , bus ah chuan midang chu an lut sap sap a ,kei erawh u Zirsanga chuan ka nawm loh thu leh a bula ka chuan tur thu sawiin midang pawh chuan engvak sawilo in an lo aw ve mai,puitling rual awmkhawm kan ni bawk a ,inhriatthiamna a awm lo theilo . Miss Judith-i chiah in lungawi lo hmel a pu a ,midang chuan an lo melh leh hrek hrek thin .







Ni e ka pasal nen hian an in zui ve nasa tawh em a ,Farkawn lama farpuk leh Lamsial puk tih vel chu kan fang leh a ,kei erawh in far puk bak ka en peih thlawt tawh lo,u Zirsanga carah chuan damdawi eiin ka lo muhil a ,a nipawhin min kalsan bik lo . Midang zawng chu Lamsial puk lamah an kal a,Lurh tlang erawh a hlat tham deuh avangin kan tlawh dawn lo a nih hmel,a Farkawn khawchung lamah daih a awm bawk nen tlai lama Samthang thlena riah kan tum bawk sia tlawh loh law law an rel thlu ta kha a nia.








“ A hrehawm viau em?" a rawn tihchuan ka lu ka thing mai ,ka sam chu rawn huisawnin min chul heuh heuh a “ A vawikhatna a nih vang a nihkha ,a lehpekah chuan i na tawh hauh lovang" a rawn tihchuan ka lo zak hle,ka hmai sen tawn tawn chu a hmu a ni ngei ang a nui hak a “ Zak duh suh,nupa kan ni tawh alawm . Mawilo a awm lo,ka ta ini tawh tih ka hriatna hian keichu min tihlim viau a sin " a tihsup chuan alamah awn pheiin a awmah chuan ka bei vang vang .









“ Haw hunah i danglam leh mai ka hlau,min biak duhloh leh huat hmel zet a min en hian ka na thin ,chuvang chuan tun ang reng hian awm tawh rawh aw ,i danglam leh vaih chuan ka hnaih duh tawh miah lovang che " ka tihchuan nui sukin a mal chungah min thut tirin car seat tihawnna chu a hmet a,amah bawh zawng chuan min pawm vang vang ” Muhil leh rawh,i muhil reilo riau mai ,midang rawn let hma a i mut loh chuan i mu leh theilo palh ang" a tihchuan thu awih takin ka mit ka chhing ve mai a .








Tunah tak hi chuan nuam lo viau mah ila ka hlim ru veng veng,a lungphu dat dat ngaithla chung chuan ka muhil a ,thawm ri nak nak leh ka taksa che leh dat thinah chuan harhin ka mengchhuak riai riai a ,midang rawn thlengin kan tlanchhuak leh tawh tih ka hre thei mai . Car khalha hmalam en ngur tu chu melh pheiin ka ham bai bai a “ I mutui em?" a rawn tihchuan ka lo aw vat,kalkawng a chhiat leh a zim em avang chuan min rawn melh lo in fimkhur tak chuan a khalh a .








“ Khawi lai nge kan thlen tawh ka muhil rei viau mi " ka tihchuan a lu thingin ” Kan tlan chhuak deuh chiah, Vaphai kan thleng tep " a tihchuan ka bu nghat “ Thingtlang lam boruak hi a nuam reuh a nih hi,hetiang mipui tam lohna hmuna chen hi ka chak ve thin,khawpuiah chuan thawm riva a tam bakah boruak hi a uap churh zel sia" tiin ka hma a theitui chu ka hawng a ka in nghal khalh khalh “ I duh chuan kan la awm ve dawn nia " a rawn tihchuan ka nui hak,suangtuahna mai mah nise ka chak phian .








“ Mahse kan eizawnna Aizawl ah a nisia a chi loh tih kan hre ve ve,mahse ka chak tho tho " ka kut chu a rawn vuan a ,kawng a tha tan tawh bawk nen tlem chuan a khalh chak ve deuh,kan hma ah kan thiante chuanna chu a lang leh zauh thin bawk a . “ Mipa dang i hnaih dawn loh chuan kan la ngaihtuah tha dawn a nia ,chuan haw veleh kan inneih zungbun kha bunreng tawh ang che ,i phelh tawh tur a nilo " tiin min rawn en zauh a ,ka lo nernang mai “ Keimah chiahin ka bun duh bik teuhlo,i bun ve tho a ngai tihna a nihchu.








Chuan ka sawi tawh kha miss Judith-i emaw hmeichhe dang hrim hrim hnaih tawh suh,nangmah vangin tuiin min la theh lehnghal " ka tihchuan a car tiding dawtin min rawn en nghal vut “ Enge " mit san euha ka lo tihchuan “ Tunge tuia theh tu che chu" a rawn ti ram hmak a ,a hmel a rum si a hrem leh duh tak tak ka rin avang chuan “ A ho lutuk,duhtu che an tam a a awm ve tho a lawm,kan miduh te chu min duhlet lo tu pawh nise kan ta hauh hlur zel a lawm,a liam tawh ka hnek hrep a lawm " ka tihchuan a nui ta hawk .








“ I kawlh lutuk tih ka lo theihnghilh a lawm,enge i eichak kal kawnga i eitur lei lawk loh chuan i tam chhawl palh ang" a tihchuan ka ngawi deuh vang vang “ Chow kan thlen ve leh min lei sak la ka einghal mai ang,chuan a dang chu nepnawi a nimai,lays kha leitam la thei tui nen chuan ice cream pawh" ka tihchuan bu nghutin car chu a tlan chhuah tir leh nghal a . Kan hma lawkah chuan kan khawluhna tur pawh a lo lang ta ut mai,khawchhung kan lut a . Ka thil duh chu min leisak nghal zun zung .







Midang pawh chuan an rawn lei ve sap sap a “ A nuam em,bus ai chuan a thawveng zawk ang chu,keini chu kan bengchheng lutuk a ,mut pawh a mutthilh theihloh,Lalchhandama te ho an kawchhung ah ramhuai a lut emaw tih tur khawpin an rak ruai ruai reng a ,ka lu an tihai vek " Nubawihin a rawn tihchuan ka nuih hak,David pawh Thartei nen an lo inzui hnak hnak a,he mite pahnih hi kan hriat loh inzawmna eng emaw tak chu an nei chiang .







Thartei lah 1st sem chauh a nih bakah kan la hrechiang lutuk lo nen chungin zawh mai a ngamawm bik silo va ,engpawh nise Davida a hlim phawt chuan a tha mai,min duhna la tilang fo mahse keichu pasal ka nei tawh miau si a ,Thartei nen an ni a nipawhin keichuan ka lawmpui em em tho “ A rehlo deuh ang chu,keini chu kan pahnih chiah kan nia,a reh lutuk ka mutthluk san char char alawm" u Zirsanga thil lei rawn phei en pah chuan ka ti a .








A rawn nui hak “ In inngeih tawh tih ka hre mai,chhuah hauh suh i pasal a ni na vang vangin hmeichhe thenkhat hian an pawisa hauh dawn lo a nia ,tunang laiah hmeichhe nasa tak tak mi pasal kawp hrehlo an tam tawh a nia " tiin min kalsan a ,keipawh chu chu ka ngaihdan chiah,a hmei a pa hian mi nupui pasal hi kawp hrehlo kan tam a ,mi nupa inkar tihchhiat sak a zak hauhlo a la leng hah hah thei hi kan tam tawh lutuk tlat,ka pasal phei hi chu nupa kan ni tih an hriat hma atang tawha an duh kha a ni miau va .








Chuvang chuan ka theihtawpin chung thil a thlen loh nan chuan tan ka lak angai tih ka hailo,hepa hi ka zir chiang duh,mipa rintlak tak leh in nghah ngamna a ni tihchu ka hre tawh a ,mahsela heng piah lamah hian nupa inkar tam tak a la awm cheu si a,a chow polythene a a rawn ken chu lo la vatin ka ei nghal mawlh mawlh ,ka ril atam tawh bawk nen ka ei zo thuai a “ A dang ila duh em" a tihchuan sawhchiar ka duh thu ka sawi leh a ,chuveleh a nepnawi lei chu ka kutah dahin a let leh nghal vut.








Ka nui var var mai,a hma a min hauh a min tihduhdah thin tehlul nen tuna a awmdan chu a cute hluah hluah “ I mi huatna kha hmangaihna ah ka chantir ngei ang" tiin a thil min leisak ho chu ka en vang vang,a lei tam hle mai . Sawhchiar chu nylon thlengah rawn keng pheiin min rawn pe a ,lawmthu ka lo hrilh nghal zauh . Car chhungah chuan thu lutin ka hawp leh nghal hlak hlak “ I duh ve em ? Kha ei ve rawh" a lamah ka fian chu dah pheiin a ka zawnah chuan ka keng kang a ,a lo ei ve nghal mai bawk .








“ I ril a tam lo em ni" ka tihchuan a lu a thing mai a,keimah chuan ka ei mawlh mawlh . Kan tlan chhuak leh a ,kawng sira sava vel chu ka en a ,lays bawm khat chu la in ka ei pah mial mial. Khawthim rualin Samthang kan thleng a ,a khaw tual mi thenkhatin rawng min lo bawlsak hlauh a . A thawven thlak,hlawh neiin teachers ten an lo besa a nih hmel ,school ah in nghat leh in kan inbual nghal sawk sawk a , chutia ka inbual ve takah chuan ka harh sawng sawngin ka hria .








U Zirsanga nen an office ah kan riak leh dawn a ,ka zak viau nangin a mahin a tilui tlat bawk nen ka hnial duh ta lo ,chaw eikhamah a tuk lama kan haw tur thu an puang lauh lauh a . Midang chuan an la kham loh thu an sawi nak nak mai ,ka chauh deuh avang chuan mut ka duh thu sawiin kan riahna lam chu ka pan a “ I zak miah lo em ni,nang hian Sangpuia hi i vau bet nge in sumdawnna hmangin i vau a ni tiraw " thimkar atang chuan miss Judith-i chuan a rawn ti a .








Ka ding nghal chawt mai,ka kut ka humruh ngar mai “ Miss i awmdan hi a atthlak i ti ve lo maw? Keichuan ka pasal a nia ,ka vaubeh a ngai reng reng lo,mipa a nia pasal a nihna hlen a tum ta te pawh a niang chu,enge chutah chuan keiin tih ka neih ? Zirtirtu i nia,i zirlaite chunga i awmdan hi a mawilo mah mah lo maw " tihlakin ka kal pel a ,ka sama a rawn keh avang chuan ka rak deuh that ,in herin ka kek let ve nghal sawk a ,kan buai chu a ni ta der ,midang awmna atangin kan awmna a fal tawh bawk nen tumahin kan insual tihchu an hre lo a nih hmel









Keiai a upat avang chuan ka khawih duh em em lo va ,mahse ka lu vun erawh ana tawh takzet “ Engthil nge Judith " u Zirsanga aw rawn rik thawt rual chuan miss Judith-i lak atang chuan min pawtsawn a ,miss Judith-i lah chu ala tawng zuah zuah reng lehnghal” Ka kham ta khawp mai,i zirlaite an nih avang maia i thinrim khum hi duhtawk rawh ka tih fo kha ,heta tang hian kalsawn rawh kut ka thlak ve hma che in,zirtirtu i nihna ang pawhin a mawilo tihchu hre rual i ni tawh .







Tin ka sawi tawh kha " a tichang fak a ,kei erawh ka sam hnawk nuaih chu ka khawih a ,ka thaw hak ringawt “ Henu vanga min then hi iti mah mah lo bik em ni,a hma pawhin i huat thu i sawi reng a nihkha , tinge i danglam tak tlat a ,henu hian a vau che tiraw " a la rawn tihram a nihchu ka lo nui hak a,hetiang em em a hmeichhe zaktheilo hi engtin nge an awm theih? Zah hre tawh lo hi kan lo tam hle a nih hi“ A tawk,i riahna tur ah phei rawh ,kan pahnih inkar a inrawlh lo in,tin hmeichhia in a vau zam mai mai theih khawpa mipa nep ka nilo tihkha hre bawk la " a tichang fak a .









Ka kutah rawn kaiin kan riahna lam chu min panpui a ,eng chin kan thlen rual chuan ka hmai vel chu chiang zet hian a en a ,ka sam hnawk nuaih mai chu rawn chulin “ Ana em?" a rawn ti sup a . Ka zep peih sise lo“ Ka lu hi engtin emaw a rit luk a ,ka ring hi a kham vek " ka tihchuan a inseh ruh tawlh tawlh “ Chunu mai mai chuh" tichang hrawkin a kut chu a hum ruh a ,chung te chuan min ti no zo vek . A hma a ka mittui tla lo kha a rawn tling pam mai “ I bialnu a nia lawm,keipawh amah ang kha ni ila ka ti ve duh hial ang,in inkara inrawlh ka nia ,a tihtur a lawm.








I hmeichhe hmangaih a ni bawk a ,engvanga keihi min hnaih nge i nih pawh ka hre tawhlo " tiin inchhungah ka luhsan a ,min rawn zui lut nghal vat “ I thinrim em ni? Ka sawi vek tawh kha ,a ni ka duh tawh hleinem" a tihchuan ka melh nghek “ Duh silo in ila zui reng a ,tunge kan kal lamah pawh i phurh kha ,a tan pawh a hrilhhai thlak ang chu. Hetianga buai reng tur hi ka peih velo ,ka mu dawn " tihmakin khum siamsa ah chuan ka mu nghal hmak ,ka bulah chuan ngawi rengin a ding run a .








Min en reng tih ka hria,ka lu vun na ut ut chu ka kham takzet . Ka bulah rawn thu thla in ka lu chu a rawn hmet a ,ka thaw hak “ Lo awm mai mai rawh " rawn tihlukin ka nghawng vel chu a rawn hmet mual mual bawk . Sama in keh hi chu a hnu ah hian lu hi a ti nguai nguai zel a,hei vang hian hmeichhe insual hi chu ka peih meuh lo ,kan miss chu nilo se nichin pawh khan ka hnek ngei ang . Ka tet te atangin ka diknaah chuan ka kawlh hra a ,mipa pawh ka sual mai zel . Kha vang khan London a kan thenawm khawveng te kha chuan naupang kawlh min ti thin reng a .








Mitchhing diar diar in ngawi reng chuan ka awm ve mai bawk “ A tawk,a dam mai lo ang ka taksa na sa nen zirtirtu chu nilo se ka hnek hrep ang,nangmah vanga buaina ka tawh ngun tawh dan hi min duat hle rawh" tihlakin alam hawizawng chuan ka in let a ,a kawngah chuan ka kuah nghal than ,a kawr awm chu thai neuh neuhin “ U Zirsang min duh ve tak tak em?" tiin ka en ha a,ka hmuiah rawn fawp zauhin “ Ka duh lutuk che hi ka taksaah hian bet reng la ka duh " a tihchuan ka nui hak .







In ngeih taka kan awmna la reilo hle mahse tunah hi chuan rei tak ka lo hriat tawh ang maiin a bulah ka hlim a ,ka thla a muang bawk . A ke chungah ka ke hlang chho in ka khan ar ar a “ Ka nu leh pa in min ngai ve tawh ngawt ang" tiin ka mit ka chhing vang vang a , London ka kal tum khan ni hnih vel chiah kan in hmu a ,ka pa a buai bawk nen ka pite lahin an bulah min awm tir bawk nen kan in hmu lo rei ta hle tihchu ka ngaihtuah a . Haw veleh ka biak ngei chu an ngai ngei ang ..







Naupan tet atangin an fa neihchhun ka nihna avangin min duatin keipawh an lakah ka pangchang a , High school London a ka zawh a higher Mizoram a ka kal dawn meuh kha chuan ka huphurh hle a nihkha “ Kum tawp lamah bazar pahin kan kal leh dawn a nia ,ka tello a zin kha chu a chi tawh loh ang aw " a tihchuan ka nui hak “ Tinge ilo kal reng reng,ka puten an koh vang chiah che kha chu a nih ka ring chiahlo" nuichunga ka tihchuan laih hmel zet hian a nui a .







Hepa hi a lai chiang lutuk ,ka nui hak “ Ka ngai che a ,i awm loh chuan a reh riau bawk" a tihsup chuan a mitah tak chiang zet hian ka melh a ,min lo en ve run bawk “ U Zirsang kum engzat nge i nih?" a kum zat ka la hre miahlo,kan inpawh lo ve thin bawk nen ka ngaihven ngailo hrim hrim,hetia kan awm takah chuan a kum zat hi ka hriat chak ber a ni “ Kum 32 " tiin ka hnute chu a rawn tham thut a ,ka au that “ Nghal suh aw ,ka rin ai ila naupang,kum 35 vel emaw te ni la ,Val senior lutuk tawh te hi lo ni la nula ho in an duh lo deuh ang che .







A bikin khang chhing deuh deuh a in feng ho khan" ka tihchuan nui sukin ka nghawngah a hmui chuan a rawn nawr a “ In ha sexy tak tak ai chuan ka nupui nuthlawi emaw in ti a ,thawmhnaw lian pui pui ha thin hi ka duh zawk,hmeichhia chu in in hak sexy vak hian a tilang sexy rual cheuin a tizahawm loh cheu,chuvang chuan nang chuan zahawm taka inthuam hi tum ang che ,ka nupui ini a mipa in an hmuh dukdak loh che ka phal hauh lo a nia " a tihchuan ka bu nghat .






Ni e tun angah chuan hmeichhe tam tak hian in hak sexy hi mipa kan hipna emaw kan ti a ,social media lamah viewer leh followers neih tam duh luatah kan thawmhnaw kan hnute leh zahmawh lang titihin kan in post a ,kan duh ang ngeiin mipa in min lo it ta ngei a ,min zuama private lamah min han be ta reng a ,chu chu thenkhat hian kan duh leh thin silo hi kan post leh hrep a . Hmeichhia zawng zawng ka ti hauhlo,mipa mawl fal deuh hmeichhia hrim hrim mawilo tak taka biak hrat pawh an awm nual.






Heng te hi kan hmeichhiat pui te vang hian mipa in min zuam phah ka tilo theilo,fb story sexy tak tak kan hmang a , viewer an tam duh tih hriat vangin ig lamah zuitu ngah kan duh avangin kan zahawmna kan dahkham a ,mipa in mawilo takin min bia a kan duh leh thin silo lai hi ka ngaihtuah mai mai a ,kan dik loh ka tilo theilo . “ Enge i ngaihtuah" ka beng vel rawn fawp thawi thuak thuak hian min rawn zawt a “ I thusawi kha,i tidik chiah hmeichhe taksa lang tam reng reng chu a rei a mipa in ngaiah an neih a ,an hmu ning thuai zel .







Chu ai chuan zahawm taka in cheia,an taksa tilang tam lo hi mipa in hmuh an chak a ,an zah bik riau zel in ka hria,ka pa pawh khan min hrilh fo thin,kan hmuh fo ai chuan kan hmuh ngai loh hi kan hmu chak a ,nupui atan kan zawng a ,i taksa i lan tam tir ai chuan i thup khan mipa in an hmu chak deuh deuh zawk tih hre reng la ,chutih rual erawhin an hmu chak ka tih rualin an zahru bawk thin tih hre reng rawh min ti thin a ,a dikna chu ka hmu chho zelin ka hria.






Mi inchei dan leh nundan chu ka va sawi theih a ni hauh lo a ,mahse kan nundan leh inchei dan hian kan anpui mihring te a nghawng tel ve thei tih hi kan hriat chian a ngai viau in ka hria,a chang chuan ka hlauthawng thin . Nangpawh hian nakin lawkah keiai nalh leh hmeltha tak tak i tawng anga min kalsan daih ang tih hi ka hlau,khawvel a ni a keini ai hmeltha leh hleitling tak tak an rawn la chhuak zel dawn si a ,chung hunah chuan engtin nge kan awm anga?









Ka ta ila ni angem tih ka ngaihtuah" ka thusawi avang chuan min rawn hmer salh a “ Hmeltha leh chhelo chu an la rawn chhuak dawn chauh a lawm,hmeichhia mai nilo mipa thlengin mahse chung zingah chuan ka thlang leh tho ang che ,hmeltha tam tak zingah nangmah ang an awm dawn chuang hleinem " a tihchuan ka lawm lutuk chu ka nui chhuak ta var var a . “ Muhil tawh rawh,naktuk chhuah hma kan ngaih kha ,kawng ala thui a nia " tiin ka chalah chuan a fawp zauh a .









Thuawih tak chuan ka mit ka chhing ve mai bawk ,zing kan tho chu miss Judith-i chuan midang chu a lo hau deuh hlawk hlawk hlawm a ,zirlai thenkhat phei chu an thinrim hialin ka hria ,puitling kan ni ve tawh a . Thenkhat tan chuan a huatthla la awm ve viau ang,bus ah chuan an chuang lut leh sap sap a ,keipawh car hnung lamah chuan kan bag vel chu dahlutin a hma lamah chuan ka thu leh tharh .








“ Sangpui ka lo chuang ve thei angem,bus chu a hrehawm bawk sia ka rui chhelo chauh tawh a " miss Judith-in a rawn tihchuan u Zirsanga chuan min rawn ni awm tak hian min rawn en a “ A pawi lo,a hnung ala awl tho hi lo chuang sela ,bus nuam a tihloh chuan " ka lo tive mai a ,nizan lawkah min insual pui a engtin nge pangngai tak leh zak hauh lo a a la rawn awm theih ni . Hmeichhe danglam ve tak chu a niin ka hria ,kan tlan chhuak a .







Min tilui tih hriat tak hian u Zirsanga nen an school kallai vel a sawi chamchi a ,an in zui nasat thu leh eng emaw a sawi duah a ,a tu amah mahin kan chhang lo . Ngeiawm ve tak chu a niin ka hria “ Kan inneih theihloh chhan pawh" a sawi zawh hma chuan “ Judith K. Vanlaldinpui a tawk,khatiang thu kha vawikhat pawh sawi leh tawh suh ang che ,i sawi leh a nihchuan he car atang hian ka theh chhuak ang che " u Zirsanga chuan thinrim zet hian a ti chhuak hrawk a








Miss Judith-i pawh a ngawi ta hmak,engtak chu ni ang maw? Mahse ka lo ngaihven tur a nilo ve ,ka tel ve hma thil avanga lo thinrim chiam hi ka duh lem lo ,tuichangah zing chaw kan eithla a ,kan tam em avangin dawhkan in min daih lo bawk nen a inchhawkin kan ei a ,vawk thin leh a thithun chu miss Judithi-i chuan u Zirsanga thlenga dah pah chuan “ I ngainat ber hi ka la hrechiang a nia " a tihchuan ka lo ner nak,u Zirsanga chuan lawmthu hrilhin ka thlengah chuan a rawn dah thena ,ka lo nui ringawt, kan eikham rualin 1st sem chuan an ei veleh a ,keini erawh nghah pahin tuichanga an Sangha khawi chu lei atang kan en a ,an lian in an tam bawk nen an hmuh chian theih ngei mai .








“ Ei an va chak awm ve ,an khawi chu nilo se ka man ang " Thana chuan a ti lang lang a ,kan lo nui dar dar . Ni e sangha ngaina tan chuan a it awm ve em bawk a ,leiah chuan thlate la in a bul vela an thei zawrh leh lasi vel chu kan lei a ,ka rui deuh bawk nen u Zirsanga chuan min ngaihtuah hle. Khaw lum chho tan nen ruih loh theih pawh a nilo,thei thur an zawrh vel chu min lei sak teuh a ,midang chaw eizawh rual chuan kan tlanchhuak zui leh a .








Theitui vel in pah chuan car tukverhah chuan ka lu dahin thli chu ka inchhem tir heuh heuh a ,miss Judith-i erawh a tawng leh barh barh tawh . Ka rui dawn kha a tive sia a harh zawk hle a nih hmel “ A hrehawm viau em ?" min zawhna avang chuan melh zawkin “ Hrehawm loh e ,ka mutthilh theih chuan ka ziaawm mai ang,mahse thawm hi a awm reng bawk sia " ka tihchuan kan insawitheiveli tawng lai pawh chu a tawp chawt .







Darthlalang atang chuan rum zeta min rawn en chu ka hmu thei a ,ka nuih sak ringawt . Amah ang hi chu ni ila midang bulah ka bialpa hlui nena kan chanchin ka sawi ka sawi in ka ring lo,mi pangngai tan chuan a thanat thlak ka ti ve tlat . Min duhlo a min kalsan tu umzui tang tang hi keichuan a nep thlakin a tlawm thlak ka ti ve tlat . Car insawi insawiah chuan ka mu ve thei mai a ,mahse rei erawh a theih loh thung,ka pum chu a in pump ut ut a ,car hma a polythene chu la in a chhungah chuan ka luak ta bawrh bawrh .








Kal lamah kha chuan ka rui em em lo va ,mahse tun erawh a hrehawm tih piah lam a ni . U Zirsanga chuan car tidingin min chhuah pui a ,min buaipui nghal mawlh mawlh “ Ava buaithlak ve ,kan thleng har vek dawn a nih hi" miss Judith-i chuan a rawn ti nang nang a ,mi ruih lai laia chutiang a lo sawi chu ka haw ngei mai,motor ruih hrehawm zia hi a hre ve lo emaw ni “ I duh chuan bus ah khan lo chuang rawh ,saw an rawn lan saw " u Zirsanga chuan enpawh en lo hian a lo tih khum hluk a ,ka lu ah chuan a chul nghal heuh heuh .







Tui chu tlem tlem ka lem a ,midang rawn thleng chuan thil awmzia min rawn zawt a,u Zirsanga chuan lo sawiin miss Judith-i chu a hmanhmawh avang leh keini chu muangchanga kan tlan a ngaih thu hrilhin bus ah chuan a chuan tir hmak a ,ka nuih a za ru viau. Bus chu a tlan chhuah tir zui a ,kan pahnih chuan kan chawl deuh vang vang “ Ka rui khat viau a sin mawle ,ka tihsual a ni ngei ang,kan thlen tlai phah dawn a nih hi " inthiamlo zeta ka tihchuan min nuihin ka thiamloh a nih loh thu a sawi a .







Lirthei rawn tlan chuan min en leh haw haw thin a ,awm an tinuam lo lek lek “Tirawh chhuak ve tawh ang,heta kan awm reng chuan zin vei vak ho in mak min tih hmel bawk sia a nuam lo " tiin car lam chu ka pan a ,lasi chu ka in nghal khawlh khawlh,ka harh kawkin ka hria . “ I tha tak tak maw " min ngaihtuahna mitmeng avang chuan ka hahdam sawng sawng,ka that thu ka sawi avang chuan muangchangin a tlan chhuak a . Keipawh chu hla ngaithla in ka mit ka chhing leh nghal diar diar a ,a khalh thiam bawk a .








Chungin ka rui nasa tawh lo hlauh,midang chu kan umpha duh ta lova ,kan pahnih chuan naupan lai chanchin inhrilhin kan nui dun leh hak thin a . Hetia nelawm tak leh in pawh taka kan awm chuan a bula awm nawmzia leh mipa nuih duh ve tak a ni tih ka hre ve zel a ,ka nel sauh bawk . A duhna lamah chuan mi tha tawp khawk a ni a ,a duhloh thilah erawh mi hlauhawm leh luhlul,tihmawh tak a ni thung. Falkawn kan thlen meuh chuan khua a thim titih tawh,in a tlang tur kan ni bawk nen a nuam ka tizawk phian mai .







Mission veng kan lut chho va ,jam a awm lo chuan min ti thawveng, Aizawl ninawm na ber ni a ka hriat chu kan kawngpui te lutuk leh traffic jam reng hi ka tilo theilo,mi thenkhat lah hian kawng pui lian kan neih an hlau emaw tihturin kawngpui hi kan nek a ,in kan han sa thluah thin hi a mak ka ti thin. Mi ram kawngpui zau tak tak ang hi chu kan nei ngaiin ka ring heklo,in kan thlenga ka nu leh pa chuan min lo la nghak reng a nih hmel ,kan chaw ei tur a siam tir nghal zung zung a .









Kei erawh ka ril a tam vak lo nangin ka ei lui hram hram a ni “ In zinna chu a nuam em" ka pa in a tihchuan a nawmdan vel leh awm ka chak thu ka sawi chuan a nipawh chu a nui hak a “ Thingtlang lam hi chu sum avang tihlohah chuan a nuam reng a sin,keini pawh hi Aizawl a awm dik tak hi kan ni lova ,i nu nen kan inneih hnu a pem lut chauh kan nia,thingtlang lam chu sum a vanga khawpui nge nge chu sum hmuhna tur a tam bawk nen tun thleng hian i nu nen pawh hian kan la sawi fo asin" a rawn tihchuan ka nu nen chuan an sawi zawm mawlh mawlh a .








Chaw eikham chuan inbualin ka mu leh nghal daih,zin chhuah meuh chuan mut chiah ka chak reng mai.



(NGAIHNAWM LOH VIAU ANG,KA MUT A CHHUAK TAWH BAWK SIA NGAIHTUAH A HAR)

[mawitei bawihtlung]

PROFESSOR ZIRSANGPUIA




CHAPTER 14



By Mawitei bawitlung




Ka taksa zut dan dan tu avang chuan mut reng theih pawh nisuh ka meng ta nge nge a ,u Zirsanga chuan ka harh tih a hriat rualin ka hmuiah a rawn fawp nghal hmiah a,ka la harh chiang lo bawk nen ka dawh tawp “ Duhnu" tisupin a ai duhthawh chuan min fawh leh nghal tawn tawn avang chuan ka chhang ta nge nge a ,mut kawr pante chiah ka hak avang chuan ka taksa chu a taksa lum na chuan ti sa ham ham mai .








Ka mutkawr chu zenin a hlip nghal hmiah a ,ka chungah a rawn bawk nghal ur mai “U Zirsang " a mita enkar chung chuan a awm chu ka chul ve dan dan bawk . Ka mamawh ve tho nen a nupui ka nihna ang ngeia min mamawh huna awm hi ka duh ber a ni ,ka hnute hmur vel chu a khalh nak nak hnu ah insiam remin chet ala zui nghal zat a ,ka lo thaw tawi hak hak “ Ka ta inih hi" ka nghawng seh zauh pah chuan hnuailam chu a nawr na sauh a,ka au that bawk .









Kan zawh hnu chuan a awmah ka bei than a ,a lungphu la pangngai lo zet chu ka ngaithla kar ,a awm pharh dârhah chuan ka kut nghatin ka chul heuh heuh ,ka nui leh ver ver thin. Ka hlim ru riau chu keimah pawhin amak ka inti,nupa nun hi a hun taka hman a nupa kan nih ang ngeia han hman hi chuan a nuamin inpawhna tha zawk a siam ka tilo theilo,chungin hetiang lam hi ka hre ngai lem lova ,mahse ka nu leh pa thusawi tam tak leh ka inkhawm a thusawitu thenkhat in an han sawi thin kha ka ngaihtuah let a .








A dik viauin ka hria “ I kut kha i dah hle hle loh chuan a vawihnih nan ka che leh ang" rawn titu avang chuan harh chhuak zawkin puan chuan ka inkhuh nghal hlun,a lak atangin ka awmsawn nghal bawk a . Nui hawk hian puan chhungah chuan a rawn lut a , light kan on bawk nen kan puan sin chhungah chuan kan inhmu thei vek . Kan inmelh tawn kar a ,ka hmui ka pet zeuh “ Ih ka " alamah min pawh hnaih avang chuan tawng zawm lo in a mi tawhna chu chhing diar diar hian ka dawh heuh heuh .








“ Min mamawh thu sawi rawh Duhnu" a kut chu a chet nasa sauh,ka sa leh pup pup tawh . A kut a tihchet rual apiang chuan nawmna in min tuam a ,a nilah chuan a kut tang chu a tirang sauh “ Zirsangpui ka zo dawn" ka tih veleh a tawp daih a nihchu,mak tizeta ka en lai chuan a kut chu fawp zauh in “ I sawi dawn em,i sawi dawn loh chuan ka tawpsan ang" a tihchuan ngei lutukin ka melh a “ Misualpa " tihlakin awmsawn ka tum chuan min kuai herin ka taksa chhungah chuan a rawn lut leh var a ,a thil khawng zet hi ngaia neih a har dawn riau vin ka hria.










“ Ka kham thei dawn lo che tih ka hre mai " tiin ka hmaia ka thlan in ka sam a tih beh thlar chu a rawn huisawn a ,a nipawh a sam hma chu a chalah a bet ve thlar mai “ Keimahah hian i lungawi tawk tak tak ang maw " fiamthu titak deuhva ka tihchuan ka nghawng chu rawn seh zauhin a bu nghut a . Rawn mu thla in puan chu a siam tha a ,a kut chu ka kawngah rawn rawlhin min chawi kang deuh a ,alamah min pawt hnai nghal hrut bawk .








“ Naktuk chu kan leng dawn em ni? Kal chakna i nei em" a tihchuan ka phur hle ” Kal chakna em em ka neilo,mahse len mai mai ka chak " ka tihchuan a nui hawk hawk a ,nge lenna tur ka hre reng reng lo,vah harh a khawi khawi emaw a lenkual mai mai ka chak ber “ Zoologycal park ah kal ila i duh em" a tihchuan ka bu nghauh nghauh, ramsa hmuh a khat bawk nen ka phur ta phian mai .








A tuk ah chuan college lama kal lo chuan zoo a kal tur chuan kan inbuatsaih a ,a hmun kan thlen chuan ka tlan phei nghal nal nal “ Fimkhur rawh " rawn ti mahse ka ngaithla tawh lo,gate chu chhiar in a chhung lam ka pan a ,ka hnungah min rawn zui ve zel bawk . Duty ho chu bia in pawisa kan pek fel hnu chuan a chhung lamah kan lut a ,u Zirsanga kut chu vuanin ka hawi ruai mai,a chhung kan lut thuk zel a zawng leh savawm velte chu enin ka ri leh hluai thin a ,sakhi leh sazuk vel awmna kan thlen phei chuan hmuhnawm tizetin ka en dauh dauh .







An ti bawk nen an hnaih theih hauh loh,sakei awmna lamah kan kal leh a . A pa lian zet an lak luhna la reilo chu kan en a ,thla ka lak mawlh mawlh “ A nuam e ,ramdang atanga an lak luh ho hi analh zual, YouTube ah ka hmu tawh a ,vaki vel an dahna ah khan kal ang " tiin u Zirsanga chu ka en a ,min hruaitupa chuan sava an khawina bik lam chu min panpuiin an chaw vel chu a keng palh a ,mawi tizet hian ka en dauh dauh mai .








A chaw te chu kan pe ve a ,nuam ka ti takzet . U Zirsanga pawh chuan ngawi rengin ka che tla vel chu min en reng a ,ka nuam ti hmel a hmuh chuan a lo khi ve suk suk mai ,kan haw dawn ah saphai vel chu kan en leh zawk a ,carah chuan chuangin kan haw lamah chuan restaurant changkang zetah min chawlhpuiin eitur tui hmel tak tak chu min chahsak a ,ka ei nghal mawlh mawlh .





“ Ka lawm e aw ,vawiin chu nuam ka ti takzet" tiin nui ver verin ka en a ,ka kamsira ka thil ei kai chu rawn hru in a bu nghat a . Eiman a pek lai chuan car bulah lo nghakin mi kal vel chu ka en dauh dauh,chhungkua a leng te chu an awm nual a ,ka en reng engtikah emaw chuan saw tiang sawn u Zirsanga nen kan fate kaiin lenchhuahpui ila tihchu ka rilru ah a rawn lut a ,ka ngaihtuahna avang chuan ka nui hak .








Ka suangtuahna mai mai mah nise a taka thleng tur erawh chuan ka duh viau lawi si “ Enge i en reng a " ka hnung lam atanga min rawn kuah avang chuan ka phu zawk mai “ Engmah enteh an fate duhawmzia saw ,sawtiang saw ka nei ve chak " ka tihchuan engmah sawilo in a nui ringawt a “ Haw tawh ang a tlai tawh" tiin car kawngkhar chu min hawnsak a ,ka thu lut ve mai bawk . A tawng leh tawh lova ,a hmel chu a nelawm loh takzet “ Hubby " ka koh dan avang chuan a rawn hawi phei vut .







“ I thinrim em ni?" a hmel thim deuh khap avang chuan ti dak hian ka zawt a ,tinge ka thusawi avanga chutiang taka a awm le? “ Ka chungah i lungawi lo em ni" ka tihchuan car chu tidingin“ Chutiang a awm lo,ka hmel a rum viau em ni" nui chunga a rawn tihchuan ka bu nghauh nghauh “ I hlauhawm,khatianga i hmel i dah khan ka nel lo che" ka tihchuan a nui leh hak a “ Ok ka lo inzir ange tha em ,min hlauh hmel deuh khan min en tawh lo la ,haw vat ang " a tihchuan ka thaw huai mai .


(NAKTUK ZANAH LINK NGAIAH HIAN KA RAWN ZAWM LEH ANG)

[mawitei bawihtlung]

ZAWMNA






In kan thlenga ka intifai nghal zung zung,inchhung chet an phallo bawk nen tih tur ka neilo thei viau mai . U Zirsanga pawh chu rawn lutin a inthlak ve mawlh mawlh a ,a hmel chu a pangngai leh vek tawh a ,mahse a ngawih reng avang chuan ka be mai ngam bik lo,tukverh lam chu panin ka hawi chhuak a , Aizawl veng hrang hrang lang ut chu ka thlir reng,ka hnung atanga min rawn kuahin ka darah khabe a rawn nghat a








A kut chu ka lo vuan let ve chat “ I chau em" a tihchuan ka lu ka thing nak nak ,kan pahnih chuan kawlkila nitla tur sen phut chu kan thlir dun reng a ,ka dul chu a chul leh heuh heuh thin . A rim pa tak leh a taksa nghet churh chu ka ngheng hnai talh talh ,min lo kuah nghet ve sauh bawk “ Ih maw ka naupan lai chuan mipa hi ka sual ziah zel a " tiin ka nui hak ,ka ngaihtuah leta ka kawlh lutuk leh ka classmate te ka insual pui ziah kha ka nu leh pa in school an rawn kal ngun phah khawp mai .










“ Chu chu ila chhawm ta zel a nimaw " tiin ka beng chu a rawn seh ner ner a,ka hnute kawh lah chu a kut hlai hlup leh a tang sei thlarh chuan a rawn hup chat “ Ummm nia ka thlah thei tawhlo a niang,mahse min ti hmasa tu lo chu ka ti hmasa ngailo,ih dik tak chuan thlahpawlh kan nihna chenah hian mi tam tak chuan min hmusit thin a ,hnam mumal i nei ve lo te min tih reng kha chuan la at nen khan insualah ka tlak maizel " ka tihchuan a ngawi deuh vung vung .








“ I sam rim chu a tui hle mai" a rawn tih daih avang chuan mak tiin ka lu her chuan ka en ha “ Shampoo rim a nihkha " ka tihchuan a bu nghat “ Fa neih kha i chak ve em ni?" a tihsup chuan ka nuisak ,ka ngaihtuah chhin a u Zirsanga fa ka pai tur anga ka ngaihtuah chuan ka hlim riau “ Um naupang duhawm pui pui ka nei ve chak,mi fa hmeltha tawk ka hmuh hian ka awt ve alawm "ka tihchuan a nui ringawt a “ Nang i chak ve em?" a rilru hriat tum tak chuan ka en kar ,a ngawi vang vang a ,a mitah chuan eng emaw hi a lang zawkin ka hria.









“ Ka hrelo le " tiin alamah min pawt hnaiin min kuah bet hlun a “ I tar hma a kan neih loh chuan kan nei tlem awm e " tiin ka nui hak hak a ,a nipawh a nui ve vur vur mai “ Val senior tak tak i nih hunah meuh chuan ka tlansan daih mai thei che a ni " fiamthu chuan ka tih el a ,ka thusawi pah chuan a taksa chu ka zut sak dan dan,thaw hawk hian ka chet dan chu a lo en kur a ,nui tet tet in a nghawngah vuan chuan ka kuai kun a ,ka fawp dawn tih a hria a ni ngei ang ka hmel en reng chung chuan a rawn kun hniam ve ruai ruai mai .









Dingdihlipin a hmui ka thleng tep tihah chuan rang zet hian “ Ka tih der a " tiin ka tlan chhuak a ,a phun hluk ri leh mi rawn um tih hriat taka ka hnunga tlan ri ka hre nghal chuveleh chak zet chuan in hnuai panna step ah chuan ka tlan thla zawt zawt a ,ka nui pah bawk. “ Chimawm lutuk " tiin min rawn um zel a ,sitting roomah chuan in um lut in sofa chu kan tlan hual a,a tlan chakin a in fit bawk si ka rak chul tawh ” Min um tawh suh,nu " tiin choka lamah ka tlanlut a ,ka nu te leh awmpui pahnih rawng lo bawl chuan phawk zetin min lo en a .








An hliahah chuan tlanin ka rak chul tawh “ Awi Bawiha in in um hah zo ange ,duhtawk rawh u a va mak kha chawhmawh te kha in tibua ange" ka nu chuan a lo timawlh mawlh ,a hliahah tlan lut in “ Nu min pui rawh" tiin ka au chul tawh mai ,a nipawh chuan awm sawn lo in u Zirsanga chu a hau hlak hlak a ,a nilah chuan kei ringawt min enin ” Infiamna a tan hmasa a ,a let a tuar ngam tur a ni" tiin min rawn pan zel ,ka hawikual a tlan leh ka tum chu min rawn man betin ka hmai chu a piai vak a .








Ana tak zet ,ka hmai a thlah rual chuan ka mittui a tling pam mai “ Kha Zirsangpui ,i piai sen vek hi nupui te hi sawisak reng loh tur,naupang chhia pawh in ni tawhlo,mipa hian in nupui in duat thiam pauh leh in nupui ten an zahin an ngaina ang cheu,khatianga i tih reng te chuan a biang i piai duk vek mai tur a sin" ka nu in a tih hlak hlak chuan “ Dik chiah" ka lo tive chu ngeiawm zeta nui chung hian min rawn pan leh ta mai,ka au leh nghal chul,ka nu hliahah chuan biruin ka nu pawh chuan a kutah a lo bensak ve taih taih a .









“ Nupa chu an inkar ah midang inrawlh a remlo " tiin ka nu chu a chawi sawn nawlh a ,rang lutuka tlan chhiat ka tum chu thui ka tlan hma in min rawn chawi lawpin pawnlam min panpui nghal nal nal “ Zirsangpui min dahthla rawh a hrehawm a nia aw ,ka khel te iti na a nge " tiin ka au chul “ Exer min lakpui ang chu " a tihchuan ka tawp chawt “ Tlaiah hian maw?" mak tiin ka en haw ,bu nghutin “ Zingtin leh tlai tin ka bulah i la tawh ang,i hrisel lo lutuk ange" tiin nui chungin tuala grass phah chawp chungah chuan a bawk thla a ,a awm chu a su nghal zat .








A taksa sek lutuk silo mahse a mawi tawk chiaha sek te ,a dul thep leh six pack lang te chu hmuh nawm tizetin ka en a ,a pian chu duhthusamin a nalh,a thlan chu rawn chhuak tak takin a hmeltha takah chuan an luang ngiai ngiai a ,a sam hma chu an huh deuh chap bawk “ Ka chungah hian lo thu rawh" a rawn tihchuan ka lo phu zawk “ Maw ? Ka rit lutuk ang,ka duh lo " ka tihchuan min en runin “ Vat" a rawn tihleh hluk takah chuan tim dai chuan a chungah chuan kapkalakin ka thu a .








Chuveleh a tihzawm lehnghal,engtin nge min zawh theih zawk,vawi 30 vel a ti tling tep tihah chuan a chau deuh nge ka thut chung chuan a bawk hnawk a ,ka lo nui har har “ I tar tawh a nihkha ,kha i chau chhe der ania " ka tihchuan “ Ka tar loh zia kan hrechiang dun viauin ka hria" a rawn tihchuan ka lai lehpek hle ,rawn inlet in a sir zawnga ka tluk loh nan rang zetin min chelh bet a ,a kap zawnah chuan ka thu ran . Ka zak chu ka sen tawn tawnin ka ring








A rawn nui hak a “ I zak leh tawh em ni" a rawn tihchuan ka hmui liak zeuhin ka hawi kual a ,chutah ka pa in nui vur vur a min lo en ka hmuh chuan rang zetin u Zirsanga chung atang chuan chhukin ka ding chhuak a ,ka zak leh talbuai chu ka phi chung mai . U Zirsanga pawh chu rawn thu chhuakin a pa chu a hmu ve a ,engah vak a ngailo nge min rawn enin a mit a san zeuh ringawt. Ka lei sei tawkin ka lo chhuah khum a “ Ka lut dawn " tiin inchhung lamah chuan ka tlan lut vang vang .









Inchhung ka luh hma chuan an pafa nui ri chu ka hre pha,an va sual tak. Ka nute bulah chuan awm in ka pui ve mial mial a ,mipa pahnih te rawn lut chu melh pawh ka melh duh lo “ Bawihi thingpui min lo thlit teh a ,in pa nen hian kan lo in ange " ka pa chuan ala rawn ti deuh deuh a ,ka nu chuan alo thli nghal zung zung,phurlo zet chuan ka pan phei a ,an bulah chuan dahin kal leh mai ka tum lai chuan “ Lo thu lawk ta che ,titi ang u hmiang " thutak zeta a tih takah chuan ngawi rengin ka thu thla ve mai a .








“ Hotel lam hi in pa hian enkawl hun a nei dawn a ,chuvang chuan tam takah i puih a ngai ngei dawn a nia , Mizoram pawhin hma kan sawn ve zel a ,ramdangah chiah awm thin emaw kan tihte pawh tunah chuan mahni ram ngeiah kan la lut in khual zin te pawh an awm ve reng a ,chung ho tan pawha thlen chakawm tur chuan kan chei chho reng bawk ,tin hei mai nilo in i hriat hmaih loh tur chu eisiamna hmun leh private school kan neih avang hian kan hah a zual hle a . Chuvang chuan nangpawh kan chhungkaw mi i ni tawh a .







A then a zar hi min enkawl pui te pawh a la ngai ang,i nu nen hian duh duhin kan vak kual thei tawh lova ,in pahnih chungah hian kan innghat thui hle dawn a nia ,kan eisiam pawh duhtu an tamin hnamdang kan chhawr nual bawk nen tunah phei chuan Mizoram chhunga eisiam tui ber nihna kan hauh bawk nen buai ana ta viau a ,in chawlh chang hian mi in enpui ve tawh ang chu . Nakina in enkawl tur a ni hlawm a ,tun atanga in hriat sa loh chuan in buai ang tih a hlauhawm" a tih tak char charhah chuan ka lo bu nghat .









U Zirsanga erawh a ngawi reng thung a ,ka nu in chaw ei an peih tawh thu a rawn sawi chuan kan inzui phei dial a . Chaw eilai chuan ka inkhawm tur thu ka sawi leh a ka nu chuan “ Pathian ram leh thawktu kan chawm a ,inkhawm loh pawh a inthlahrun awm loh a nia ,mi hi an phut leh lutuka buai nen a inmil lo thin khawp mai,kohhran nu ho lah hian mi an rawn sawm sek zel a " a tihchuan ka aw ka thian kharh “ Nu,i huat turin ka sawi dawn lo va ,min lo hrethiam la Pathian ram kan pek leh missionary kan chawm mai a vang hian duhtawk tur a ni hleinem.








Hengte hi chu a malsawm kan dawn avanga lawm tak leh vui miahlo a pe tur zawk kan ni asin,tun ang laiah chuan mi rethei zawkte hian Pathian an hmu chiang zawk emaw tih turin inkhawm leh kohhran lama in hman hi an peih em em a ,tinge keini a nun nuam zawk leh in tha tak tak nei si hian chawlhni te hi kan serh tak miah loh tih hi ka ngaihtuah thin,kan sum hmuh chhan chu Pathian a ni a ,damna leh hetiang nun neitheia kan awm chhan pawh Pathian tho,tunah kan thil tih tlemte kan chhuan thin ang hian Pathian hian a vawikhat mal min sawm hi duhtawk mai se chuan hetiang hian kan awm thei hlawm hauh lovang.









A malsawmna leh kan eitur nitin kan dil a ,a ni chuan phut let a nei hauh lo nangin a mi hruaina leh malsawmna avang hian a Biak ina inkhawm te hi kan thil tih theih awm chhun a nia sin,amah kan biak theihna leh kan chawimawi ve theihna chu inkhawma a fak hla sa a kan awm chauh hi a ni " ka ti ta duah a ,ka nu pawh a ngawi kar mai “ Ni e a sawi dik,keini chhung pawh hi kan in enfiah angai,sum chauh hian hlimna min thlen lo a,Pathian ah chauh hian hlim rengna chu a awm . Pathian lam nilo va khawvel lama kan tlan avangin kan lungngai fo .







Tun atang chuan theihtawpin inkhawm te pawh kan tum ang chu,Hlimi hian a sawi dik a ni . A ni zarah ka inhmu fiah kuar mai,nitin ni ruk chhung thawk theiin min siam a ,chumi hre hauh lo a a ni serh ni leh zel zah zo lova inkhawm loh leh len san mai mai zel hi malsawmna in min la vur duh zawk a ,kan tih ang hian rawn ti ve in mihringte hi min en san ve sela chuan rei kan awm thei hauh lovang " ka pa pawh chuan a rawn ti ve dap dap a . Chutia ka thusawi min ngaih pawimawh sak chu ka lawm hle bawk .









Room a ka insiam mawlh mawlh lai chuan u Zirsanga a rawn lut a ,inkhawm tur chuan ka lo sawm ve nghal “ Ok,mipa dangin an melh che ka duh hleinem" mi a fiam tih ka hria ,tinge mi chhaih laih hi nuam a tih em em ni “ Min melh leh ka in melh ral tir thak ang a nimai alawm" tiin dak vahin ka en a ,nui sukin a thawmhnaw chu a rawn pan a,a inchei ve nghal mual mual . A mah a sangin a pian a nalh bawk a ,coat suit nen thlapa a in chei hi chuan ka hmu pa ngawih ngawih zel . Kamiz hi a in hmeh ka tizual ber .








Tshirt a hak lutuk ngai loh vang nge kamiz nilo a hak chuan ka hmu dang daih zel bawk ,kan inzui thla a ka nu leh pa pawh an lo insiam ve tih ka hriat chuan ka hlim ngei mai “ Monu fel neih zarah tunah chuan chhungkua in kan inkhawm ve zat zat tawh ang,zanlamah hnathawh tur a awm vak lo bawk a " ka pa in a tihchuan ka kuah a “ Ka lawm e ,dik tak chuan chhungkua a inkhawm te ,Biakin pan ho te hi ka chak thin lutuk a , London ah kha chuan mizo kan awm lutuk lo bawk nen a theih loh tluk a ni ,tunah chuan kan ti ve thei dawn ta " tiin hlim zetin ka tichhuak a .









An ni pawh an nui ve var var mai,ka nu leh pa kawng kalpui chiam chi an ni tawhlo nen tun tum chu car kan keng a ,Biakin kawt kan thlen chuan ka nu leh pa pawhin betu an ngahin an lo fak nak nak a ,an ni pawhin nuam an tih hmel viau in ka hria ,a chhungah kan lut zui a . Kan chhungkua chuan a hnung lam tlar ah chuan kan thu thap a ,midang chuan min en duh hlawm hle mai ,ngaipawimawh miah lo chuan hla chu kan sa a ,a rei anga ngaiah min neih leh thuaiin ka ring .








Haw lamah chuan ka nu leh pa pawhin inkhawm chu a nawmzia leh kohhran upa ho in an fakna te chu an sawi a “ Khatiang khawpa an lawm a ,keini chhung vanga an hlim hmel khan min hneh takzet,rei tak kohhran hming pu siin kan inkhawm ngai lova ,tunah chuan ka harh chhuak ta takzet e " ka pa in a tihchuan ka nu pawhin a lo thlawp hmel hle “ Kan chhungkaw vantirhkoh ini i ti ve lo maw" in kan thlen hnu a ka inthlak mawlh mawlh lai chuan a rawn ti a .









Darthlalang atang chuan kan in en dun vang vang “ Chutiang ka hrelo" ka tihchuan a nui hawk a “ Nang hian keimai nilo ka nu leh pa leh zel pawh awlsam takin i hneh a ,kohhran hruaitu leh pastor te nen lama an koh kal zawh loh kha nang chuan reilo te chhungin i thlak vek a ,ka nupui hi i ropui takzet " ka nghawngah chuan a rawn fawp zauh a ,ka nuih ringawt . “ Mut a hun" tiin min pawm kang nawlha ,khum lamah chuan min chawi phei ta nawl nawl a .



(KHAW THEN AWMAH CURRENT A CHHIA A , BATTERY KA NEI VAK LO A TI HI NIMAI AW ,ZIRTAWP ZANAH A THAR A AWM CHAUH ANG AW )

[mawitei bawihtlung]

PROFESSOR ZIRSANGPUIA






CHAPTER 15






U Zirsanga nen pawh a lang in kan inzui ta zel a ,sawisel tu leh thik tu pawh kan ngah, college hmeichhe ho in min rel leh min huatna mitmeng min hmuh zut reng a ,ka ngai pawimawh duh bik lo . U Zirsanga bakah ka thianten ka thlavang an hauh reng a ,midang chu ka mamawh lo hle . Nuam ka tiin ka hmel pawh a hma ai zawngin a eng zual a,mi nupui ka ni tih hre reng chunga min bem tawk lah bo lo . Engah mah ngailo in ka chhang duh ngai lo va .







U Zirsangan a hriat ve erawh chuan a thinrim lutuk hi kan in thlem reng zel,keipawh ka nilo chuang lo hmeichhe dangin a chanchin an sawi leh duh hmel zeta an en ka hmuh te hian ka thik nghal hlur a ,a enga mah hma in amah ka puh a a niin dawh thei takin min hrilh fiah thin . Hetiang vang te pawh a nimahna tun thlenga hlim taka kan la awm theih ni , office a hmangaihna chen dun chang lah kan ngah,ngenngawl zeta mi a sawm tawh chuan hnar har ka ti bawk nen mi hriat hlau takin kan hmang leh nge nge zel a .








“ Tharte engtik maw i haw dawn,a hma khan in khua kan hmu reng sia sawi ve awm che a nia " Thartei en chung chuan Nubawihi chuan a tihlak hlak “ Aaa kan kal hman dawn chuang lo va ,chuvang mawle in lo la zin ve ang chu" a rawn ti ve zat a ,ni e tour kan neiha Chawngtui east kha an khua a lo ni reng a ,amahin a lo sawi lo bawk nen keini chuan kan hre der lo “ Davida a khua a har awm" Chhandaman a lo tih zauh chuan kan lo nui dar dar,Davida erawh a tum hmuk thung a “ Ngawi hmak rawh u " tiin tho chhuakin a kalsawn nal nal a .








Hepa hi chu a buaithlak a ni e ,Thartei chuan nuam lo tih hmel zet hian “ Min duh loh hmel ropui si,khawngaihin khatiang lam zawng kha chuan fiam tawh suh u,hmeichhe pakhat chiah a duh thu a sawi a . A duh hle anih ka ring hmeichhe dang a ngaihsak ngailo hrim hrim,u Hlimi hi a ngaihsak leh deuh a nang ni nen,keite chu engah mah min ngai hleinem " tiin Davida kal liamna lam chu a thlir reng a . A duh tih hai rual a nilo,ni e Davida chu u Zirsanga ang tluk zeta he college ah chuan lar leh hmeltha ve tho a ni a .







A awm lutuk tlat Thartei lah a hmelfang a tha a ,a duhawm bawk . Davida lah hian hmeichhe dang hnaih a tum der silo “ Ka va bia ange " tiin ka thawh chhuah san a ,Davida chu ka zawng nghal vat ,a tawpah college hnung thutthlengah hma lam en chungin a lo thu a “ Ka lo thu ve thei angem " ka tihchuan min chhang lo ,ngawi reng chuan a bulah ka thu thla a “ Thartei khan a duh takzet che tih i hria ang tiraw ,a felin a rilru pawh a tha .






I awmdan avang khan nuam lo a ti teh a nia David " ka tihchuan min la chhang mai lo “ Enteh hmalam pan tum tawh rawh ,keilo hmeichhe dang tha tak i phu a sin" ka tihchuan min rawn enin ” Nang ang an awm chuang hleinem ,nang teh i pasal i duhna hi tireh rawh tiche ila i thei bik a ngem" ka mita min en chung a a rawn tihchuan ka ngawi ta hmak,chhan dan tur ka hrelo,nilo ka hre lutuk zawk .





Ka thei dawn lo a ni tih hi,ngawi renga ka en takah chuan a rawn nui hak “ Kan duh ber neih theih loh hreawm zia i hre velo vang ,keichuan ka nghak reng dawn che ,i rilru a tihnat a a tikeh chhia a nihchuan ka bul i rawn pan ve tawh mai thei a sin,chu hun chu ka lo nghak reng ang “ I rawn pan a ngem Hlim" a tihchuan ka chhang theilo,beidawng zet hian a khi suk a “ Ka duh ber ka neih theihlo a ,ka duh thu che hre reng chungin engtin nge nunrawng taka hmeichhe dang pan tura min tih theih.







A hmasial thlak deuh lo maw ,a ni chu ka tan engtihna mah a nilo,midangin an hmuhsit em avangin ka veng mai a ni . Class ah lut tawh ang,a hun tawh . Keichuan ka ta i nih theih hun ka la nghak reng dawn tho " a tihchuan beidawng zetin ka en ringawt “ David mi nupui ka ni tawh" ka ti ta ringawt a ,a ner nawk duh chauh “ In la inthen thei a ni lawm ni,enge chu chu pawi ,i rilru nat hun apianga i tan lo awm theih hi ka duh zawk " tiin ka biangah a rawn dawm a,chiang zetin min melh vang vang .








Ka en hau ringawt tinge hetianga a awm mai le “ Thian kan nih hi David inthen pawh ni ila keichuan thian anga en che ka la duh fan,a chhan chu ka thian i ni miau a lawm" ka tihchuan a thaw ta hawk a“ Ok kal ang " tih hmuk pahin a kal nghal vang vang chu ka en tawp ringawt. A sawi pawh kha dikna chen a awm,dik tak chuan mipa tha tak a ni a ,pasal neilo in a ni chu lo hmangaih lo ila chuan Davida tluk tur hi an awm bik chuang lo ang tih ka hria .








Mahse mipa pakhat ka thinlung zawng zawngin ka hmangaih tawh miau si,ni e kan duh te hian min duh ve kher lova ,kan duh loh te zawk hian min duh veleh thin si . Khawvel hi chu a buaithlakin a chhunga cheng mihring te hian kan ti hahthlak zual a nih ber hi,a hnungah chuan muangchangin ka zui a ,kawng lakah u Zirsanga kan la tawk zui,min en lo in a kal tlang nul nul a ,a thik leh tawh tih ka hre mai . A pawilo ban hunah ka hrilh fiah leh mai ang,vawitam ka thian a nih thu ka hrilh chung pawhin a thikna a reh theilo a ni ber .








“ Mipa i ni lo,a duhzia che hi ka hai i ring em ni?" thinrim zeta min tih khum tawh hi chuan ka ngawi tawp zel . Ni e Davidan min duh tihchu hria an awm nual a ,keimah min dem a min rel tawk an awm reng bawk . Engvanga mi pahnihin min duh avanga kei min dem daih nge an nih,ka duh thu in an duh tur in ka awm hauh silo va ,keiin ka duh ve ve lah a ni hek lo . Class chhungah chuan David chu biak huphurh awm khawpin a hmel a rum a ,kan thianten zawhna mitmenga min en chuan ka dar ka san ak ringawt








A rei anga a lungawi leh vatin ka ring,a thinrim rei thei miau lo va ,ban rualin u Zirsanga ka lo nghak a . Zirlai hmeichhe ho kara a rawn kal phei leh an ni nui leh har har thin te chu mit ti chuar tap hian ka lo en reng , min hmu ang pawhin zuk awm duh thak lo va ,ka bul an rawn thlen chuan “ Professor keichu nupui hi neilo la ka ti e,star mai mai che hi a nuam ve a , college kal nuam kan tih phah a nia " Fakawmi ,Kimi thiannu chuan a tizat zat a ,ka awm avanga min sawichhan tih ka hre thei . Ka ngawi reng a u Zirsanga ngawt chu ka en ran a









Tinge a lungawi loh hian sawi chhuah hi a hatsat em em le ,mipa luhlul lutuk mai “ U Zirsang ka lo nghak che a ,kal ila " tiin a banah ka vuan a ,Fakawmi chu ka melh nghek . He nu hi u Zirsanga star tu te rau rau ah chuan ka mil theilo,a lang a pau in a chhaih ngam tlat a ,hmeichhe zaktheilo zet leh khawsa thei tak an ni tih ka hria ,Zirsangpuia chuan ka kaihna lam lamah chuan ngawi rengin min zui a ,a car bul kan thlen chuan ka thlah hmak . Ngawi reng chuan ka lut a .








A nipawh chu min be lo a rawn thu lut in a tlan chhuak nghal vang vang,hla play in ka mit ka chhing a ,Young fella leh Smiley hla Thiamthu chu ka zai pui rat rat a “ I hmangaihna min hlan a der chauh maw ka chan,lairil chhung a fan,min dawn lo tiraw " tih ka zai chiah chu a rawn off hmak a ,rum zeta melhin ka aw hlang chuan ka zai leh ngat , ring zet hian “ Kan hlimlaaaai,min ngaihlaaai mitthla an a cham mittui tlak nan maw ,kar mah hlaa ka ring ngam thin che a ,mahse ka rin phak loh in leng dang tang i bel" ka aw tidar lui a ka au khum chu a huat hmel ngei mai .








“ Engtin nge hetiang em em hian i chimawm theih " a rawn tihluk a ,a hmui a pet tung bawk . A mah zawk a ni reng sia enge hmeichhe dang a pan teh vei ni“ Tunah lengdang tang i bel,tuanzai i rel min hliam ta si rinawm takin kan tih thin kha a chuai zo ta ,tudang lengdang ngai lovin nang nen tiin kan duhthusam a chuai zo ta " ka tileh chiah chu car tidingin ” A tawk" tihleh ka kâ rawn hup a rual a ,a thaw hrawk hrawk mai . A chil lem zawnga a hrawk bawk che ralh ralh te leh a thawk lak zawnga a awm in sep dawrh dawrh te chu hmuhnawm tham a tling .









A thinrim hle a ni ngei ang “Min thlah rawh " tihleh a kut chu ben thlak ka rual a ,ka tukkhumah rawn dawmin alam ah min kuai hnai a ka hmuiah a rawn fawp zui nghal hmiah . A na in hremna a ni tih ka hre chiang lutuk tlat ,ka hmui chu a seh a . Ka rak that “ Zirsangpui mi chimawmpa "tiin alak atanga awmsawnin ka hmui chu ka khawih a ,thisen ka hmuh rual chuan liak zauhin a lamah ka awn phei a ,a hmuiah chuan ka sehsak ve hmiah ,a rum nghut a ka kawngah a lo hmer bet a . A tuar thei lutuk chu mak ka ti,atawpah ka thlah ta tawp a .









“ I duhtawk em?" “ Aih" tihlarin ka thu tau sawk sawk a ,a hma a tum hmuk kha a nui suk ka hmuh chuan ka ngei hle . Tum burin a tlan chhuah hnu thleng chuan ka ngawi hmak a ,in kan thlenga ka chhuahsan hlawk hlawk a inchhung ka luh hma in ka kutah a rawn vuan a ,min luhpui nghal dawr dawr chu ka tlan dat dat “ Zirsangpui hmelchhe pa min thlah rawh ,min hnuk suh aw " tiin a keah te chuan kalh tluk tumin ka ke chu ka rawlh zawk zawk a ,a kal ngai rengin a kal pawk pawk mai si “ Hmelchhe mah ila min duh em kha " rawn ti hlukin ka nu in min rawn koh avang chuan kan ding dut chat .








“ In inhau em ni ,in va in hnuk nasa ve kha in hmui teh chu enga tinge" a rawn tihchuan kan inen dun a ,kan ner dun nawk “ Taivangin min seh a " ka tihchuan “ Ui hmelchhe tawk min sehna a nih hi" a lo tive nghut a . Hmela mai mai chu hmelchhia min ti a maw “ I hmeltha bik lo aw Zirsangpui keite chuan duhtu chhan senloh ka nei " tichiamin a awmah ka sawh sawk a ,tinge min tih thinrim hi nuam a tih em em le “ Hmeichhia min duh tu chhan peihloh vek ka nei a tawk" tihlukin min pu nawlh a ,inchung lamah ka nu min auhna ngai pawimawh lo zet hian min chhoh pui nghal thauh thauh a .




ZAWMNA






“Min nghat rawh Zirsang" tiin a hnungah chuan ka beng a ,rum nghuta min pawm tha in ka lamah a rawn kun hniam nghal ruai ruai “Tawp teh hubby " ka thusawi ngai pawimawh lo zet hian ka hmuiah chuan a rawn fawp nawk nawka “Hubby" ka namsawn ve tang tang chu hawi chhuakin ka meng kawk ,roomah kan lo awm der tawh tih ka hriat chuan zam zet hian ka melh chho a,a mit chu a lo tle sar sar a ,a thinrim ve na te kha bo in min mamawhna chiah ka hmu tawh .









Ka chil ka lem khawlh ,a kawr awm chu tawk de de in a kilh chu ka phelh sak niap niap a ,ngawi reng leh hawisawn miah lo hian min lo en run thung. A taksa atanga chhukin a hma zawnah chuan ka ding a ,a taksa lian zet chu chul in ka thaw hak ,tinge hepa hi ka mamawh reng mai le ? Keilo hmeichhe dang a pan ka hlau a ,ka lakah lungawi lova hmeichhe dang a pan mai hlauhna in ka khat bawk . Ka kut chu rawn man betin a fawp zauh a ,a thaw kawk kawk te chuan a pangngai tawh bik loh zia min hriat tir ,a taksa lum chu hnaih zual sauhin a awmah ka kut ka nghat a .









A rawn lum vang vang hnu chuan ka chul ta chauh,thawk la hawk hawkin “ Oh! Tikhan min khawih ta reng che " tiin ka thawmhnaw hak chu a rawn phelh ve sawk sawk a ,khumah chuan min nam mu thlawpin ka chungah a rawn bawk ve nghal thlawp ,a taksa ruak kang leh ka taksa chu in si lova awm tir a tum lo hle tih a hriat . Ka hmuiah rawn fawpin ka bawp a nawr kau sawt sawta ” Ka mamawh che Duhnu " tisar sarin ka kaw chhungah a thil lian khawng auh chu a rawn nawr lut nghal ruai ruai (zahthlak).









Mit chhing diar diarin ka lo rum ve ham ham a “ Min...en... ra...awh" tiin ka biangah chuan rawn beng thek thekin a rawn ti bah nawk a ,ka meng chhuak nghal vat chutah a mit thim ta raih raih te ,na tuar ang maia a rum ri te chuan min hneh takzet,kan in melh tawn ngar a chutah kuah thlawpin a hming chu ka lam chhuak that that a “ Ka zo..dawn" tiin ka khur nghal hlawk hlawk ,a hnuaia ka mu zawi thlar chu min en in a kiai suk a ,a ni erawh ala che sauh sauh thung . A tawpah thawk la vang vangin a chawl a ,ka chungah a rawn muthla nghal hnawk chu ka lo kuah bet vat .








Ka taksa chhunga che kual tual tual leh lum pap pap chu ka feel thei ,reife chelo a kan awm hnuah a insiam rema,ka sirah chuan a rawn muthla nghal hnak . “ Ka chakna zawng zawng ila zo leh ta vek a nih hi " min en reng chung hian a rawn ti a ,a hmel chu a hlim hmel hle lehnghal . A mitmeng erawh mut chhuak tih hriat tak hian a dul ruih thung . A samah chuan ka khawihsak niap niap a ,ka nui ve sak “ Ka hmelchhia iti sia tinge ka bulah i mut duh " ka fiam zauh a ,a rawn nui hawk a .







“ Tunge ka hmelchhia ti ve tho tu kha " tiin ka hnute chu a rawn hmet salh a ,a kut chu ka beng thla nghal hlak “ Chimawm suh,nangmah vanga ka chauh theih zia hi hre rawh,a hma in min in ti haw em em a ,min tawh hlek pawh i duh lo va ,tunah erawh chuan pawmrem(pangrem an ti bawk a ,lam dan chi hnih) ang mai i ni ringawt tawh" tiin a hmui ka seh sakna pilh sen hlar chu ka chul sak hauh hauh,“ Ana em?" ka tihchuan a nui ringawt a,ka hmui hi keichuan a thip na ka ti takzet “ Nang ka mamawh reng ang che hian hmeichhe dang ka mamawh chuang hleinem" a rawn ti sup a .









Ka bek vel chu a nul nak nak “ Min khawih lo in i awm rei thei meuh lo a nimaw" nui hak chunga ka tihchuan ka nghawng zawnah chuan a rawn nui lum ve hak a “ Tum chhin turin min duh em ni" a leia ka nghawng liak zauh chunga a tihchuan ka thaw ham ham“ Aih,nilo e englai pawhin min ngaihsak reng la ,keimah lo hmeichhe dang reng reng i ngaihtuah loh nan keimah chauh hi min mamawh reng rawh" tiin a chhip sam chu ka tham sak nauh nauh,a sam chu a nem thep lehnghal .








“ Tho teh,ka in bual dawn chaw ei a hun tawh ang,i thikthu chhe lutuk hi ka tawrh phah ziah leh nghak,Lalfakawmi te thian ho kha hnaih tawh reng reng suh ang che. An zak theilo si,min in sawi theih khum lehna tur engthil mah ti tawh miah suh,hmeichhe lerh leh thak tak tak hi chuan pawisak an neilo an ti a ,a dik ka ring chuvang chuan hnaih suh,i nuna ka tel hma hunah chuan inrawlh theihna ka neilo,a chhan chu ka tel hma thil a ni a .







Ka control theih a nilo,mahsela ka telna hmunah hi chuan keimah chauh nih ka duh tawh . Zirsangpui chu chu i tih theih ngei ka beisei,keichuan inkawp leh in lerhsan tih ang hi ka thei velo,ka hmeichhiat pui tam tak ten an tawrh hi ka tawrh veloh ka beisei" tiin ka thawhsan a ,bathroom lamah chuan ka luhsan nghal daih ,ni e tun ang laiah chuan pasal in nupui an lerh san fo a ,a then lahin nupui nei reng chungin an nupui te rilru natdan tur ngaipawimawh lo lekin tlangval leh chakin nula an kawp a .








Fa nei leh kawplai nei an ni tih an nghilh lui hmak zel tawh a ,chutiang tawn chu ka hlauh ber a ni . A na dawn lutuk tih ka hria ,kan pasal kan hmangaih ngawih ngawih leh kan fate pa ngei in min ning tawh tih hriat taka hmeichhe dang an han kawp hi chu nupui,a rinna zawng zawng leh a hmangaih avanga chhungte thlazar hnuai atanga chhuah pawisa lova a pasal vuantu tan chuan ana dawn lutuk tlat . Ka inbual zawh a ka chhuah leh chuan a lo awm tawh lova ,inhnuai lamah a chhuk a nih ka rin avang chuan ka au duh lo a .









Inthlakin inhnuai lam chu ka pan ve chhat chhat,hmeichhe nui har har leh mipa tawng leh bul bul thin avang chuan sitting room lam chu ka melh vat,ka hmeichhe hmuh ngailoh leh hmanni a kan inkhawm dun tuma u Zirsanga lo be tu mipa kha an rawn leng a nih hmel “ Bawiha thiantha ber te an nihsaw ,va inhmelhriat tir vela ,Hmingtei saw America lamah zirna a zawm a ,a rawn haw khat bawk nen a rawn haw chhunah bawiha an rawn kan a nihsaw " a tihchuan bu nghatin ka pan phei chhat chhat a .








“ I hman tawh a nimaw ,hetah lo thu rawh" tiin u Zirsanga chuan min lo hmuh rualin min lo be vat a ,a bulah chuan min pawt thu nghal “ Hei tunge a Honey" Hmingtei an tihchuan a rawn ti a ,a koh dan mai mai chuh! In thian ve si ah chuan a thlum mah mah a ni,a mitmengah lah chuan min ngeih lo hle tih ka hria . “ Hmingi hei hi ka nupui Zohlimpuii,in hmelhriat ta cheu Hmingtei " a tihchuan a lam ah chuan ka kut ka dah phei a “ Hello Zohlimpuii ka ni e ,Hlimi tiin min ko mai dawn ania " nuih lui sak chuan ka ti a .








A nui hmel phena a mi huatna mitmeng chu kan mipa pahnih chuan an hmu hauhlo ang,ka kut chu a rawn vuan a “ In pa te nen hian tette atanga inkawm tawh kan nia,kan inhrechiang hle si a ,ka awmna a hlat tak vang nge nupui a nei tih pawh ka lo hrelo va , Judith-i nen khan an inzui nasa sia,an la inzui reng ah ka ngai a " a tihchuan ka nui sak “ Nia ,hei khuanu ruat zawk chu kan innei ta mai a nih hi,ka chan phal bik silo va ,mipa hmeltha leh fel bawk si chu" nui chung chuan ka ti ve sak a .








Ka aw a tihelna chu a hrethiam tih chiang takin ka hria “ Ni e Thiana te chu nupui hmeltha zet a nei a ,a vannei a lawm chutah kohhran ah a la inhmang em em zui,kan veng mite fak rawn a ni nghal der mai " a thianpa chuan a rawn ti ve a . Ka lo nui hak “ Honey ,in nu chu a hmel ka en hian mizo a va ang chiah lo ve ,nge ka hriatsual mizo tawng chu a thiam ve phian sia khawi lam mi nge " a rawn tih leh chuan ka lo ner nak “ Ni e thlah pawlh alawm,mahse chu chuan a tihmeltha in kei ngei pawh a zunah ka uai ngheh tak tlut hi" u Zirsanga chuan ka thlavang hauh takin a rawn ti a .








Ka hlim veng veng mai,a thiannu min tihdanah chuan a lawm vaklo tih ka hre mai ,a thianpa chu Lawma tih ka hre ve chauh a,a thiante min hmelhriat tir ngailoh bakah an rawn len awm ka hriat loh avanga an hming pawh la hrelo ka ni reng a “ Nia ,i mak ve ngawt mai kha ti khawpin Judith-i i duh a ,i buaipui kha a nisia,engpawh nise ka lawm pui a cheu,ka awm chhung tal chu vawikhat tal party kan buatsaih leh ang chu,Hlimi nangpawh ilo tel ang tiraw? I rawn tel ve ngei ka phut a nia ,nuam iti ngawt ang" nui chung chuan a rawn ti a .










Mipa tan chuan a hmel leh nui hmel chu vei ngawih ngawih tham a ni ngei ang le ,kei erawhin ka ngeihlo nghal bur . Saw a nui hmel phena a mit meng ver ther zet saw ka hmuh hmaihlo,thingpui chu kan awmpuite chuan an rawn sem a ,u Zirsanga lah chuan min kuah run reng bawk nen arukin kan inhau char char a ,zawm erawh a tum hmel loh khawp mai . Min en duh miahlo in a thiante pahnih chu a titi pui mawlh mawlh,an naupan lai vel leh an tun hun thleng an sawi a ,an titi chu ka zawm ve thiam meuh lo . Ngawi reng chuan ka lo ngaithla ringawt.








Hmingtei lah chuan u Zirsanga chanchin leh an naupan laia an awmdun tam zia a sawi sek lehnghal “ Chaw in ei ve nghal ang tiru " ka nu in a rawn tihchuan an lo hnial tak nangin ka nu chuan a tihluih tlat avang chuan an pawm ta nge nge a ,ka pa rawn haw pawh chuan u Zirsanga thiante a rawn hmu chu a rawn be ve nghal bawrh bawrh a ,an in ngaina tlang hle tih a hriat “ Tinge i va ngawi chawi ve ,i nuam lo em ni" ka beng bulah chuan a rawn phun sup a ,ka lu ka thing nak. Engtin nge an nun hriatpui lo leh tel ve lo chuan ka lo sawi ve chiam ang ni .










“ Ka chau deuh mai mai a nia " tiin ka nuih lui sak a ,chiang zet chuan min en ngur mai . Chaw ei lai te chuan ka nu leh pa ho in an titi bawrh bawrh a ,Hmingtei lah chuan an thusawi duhzawng a hria in a ngaih thinziate chu a sawi mawlh mawlh a ,kei tihloh chuan an nuih pui dar dar reng a ,tinge ka thik em em ka hrelo ,a thiannu melh dan vang nge ,thian an ni a ka thik tur a nilo tihchu ka inhrilh mawlh mawlh nangin a sawt hlei lova ,ka thawh tharh avang chuan min rawn en thap a “ Bawihi i va kham hma ve i puar em ni" ka pa in a rawn tihchuan ka bu nghat.










“ Ka chau deuh a ,puar deuhin lo ei rawh u" tiin ka nui lui sang a “ I hmui teh chu enge a an,bawiha lah chuti bawk nupa in nia in sual insual tur pawh in nilo ,puitling takin awm tum teh u,in hahthlak emai " ka nu pawh chuan a rawn ti a ,u Zirsanga lah chu a lo nui suk suk leh ta nghal . Room ah chho in lehkha pawh bihlo chuan ka mu nghal thlawp,reife hnuah pawh u Zirsanga chu a la rawn chho lova ,zan dang ang kha chu ni se ka bulah a awm leh tawh ngei ang. An nui dar dar thawm chu ka hre pha reng a ,keimah te in khumah chuan ka mu meng kar ringawt .









Ka lo muhil a ni ngei ang,ka taksa rawn kuahtu avang chuan ka meng chhuak nghal kawk “ Min lo mutsan daih a " a rawn ti thawp sat a “ Ka chau deuh a ,min kuah lo teh khawi maw " tiin ka tawlhsawn nghal daih ” I thinrim em ni?" a rawn tihchuan ka lu ka thin khum a ,alaka ka lungawi lohna chu sawi kher ka tum lo “ Ni lo e ka chau ka tihkha ,chutiang engmah a awm lo tui deuha mut ka duh mai a ni" tiin ka insiam tha a ,ka mit ka chhing nghal hmak ” Ka tihpalh,ka thiante kha ka kawm hlim loh chuan min rawn pan ve vang vang a ,a mawilo tih i hriat kha " a tihchuan ka nui hak ringawt.










“ Ka hria lawm,engmah lungawi lohna ka neilo,in inkawm khat tawh a ka hrethiam alawm muttui" tiin ka mit ka chhing nghal daih,a nipawh chuan min be tawh bik lo in ka taksa chu a rawn kuah leh ta tho tho va ,a buaithlak a nih ber hi hepa hi chuh . A laka ka lungawi leh lungawi loh a ngai reng .



(Monday zanah chapter thar )