PROFESSOR ZIRSANGPUIA BY MAWITEI BAWITLUNG (Completed)

mawitei bawihtlung · Unread post by **mawitei bawihtlung** » June 26th, 2023, 9:28 pm

PROFESSOR ZIRSANGPUIA

CHAPTER 16

Zing ka harh rual chuan tho chhuakin ka bula mu chu ka melh zawk a ,kalsawnin ka inphih fai sawk sawk a . Exer la turin ka chhuak zui nghal daih,khua a la var chian loh avangin tuvak mah hmuh tur an awm lo va ,kan in awmna lai vel hi in a khat bawk nen a reh viau mai . Tlanzelin thing hmunah chuan ka chawl a ,chunglam chu ka en vang vang ,ni rawn chhuak turin van a chhun ên raih chu ka thlir reng a . Ka bul vela sava chiar nak nak chu ngaithla in ka mit ka chhing vang vang .

Thawk la ham hamin hahdam tum tak chuan ka thaw chhuak suai suai a,ka nui var var bawk . Mahnitea awm hi nuam tihzawk chang lah ka ngah,rilru tihah tu tur an awm loh bakah mahni kan nih tawp avang hian midang sawiselna leh midang min sawisel phakin kan awm lova , nun hi a hahdam ber in ka hria . Ina ka let leh chuan an lo tho tawh a ,room ka luh chuan u Zirsanga lo vei kual leh phone lo hmang chu ka hmu nghal . Chutah min rawn hmuh rualin a phone dahin min rawn pan nghal pawk pawk a .

A hmelah chuan hlauhthawnna ka hmu thei ” Khawiah phiangsen nge i lo kal bo? Ka ngaihtuah zia che i hria em? Reilote pawh ka hlata awm phal i ni em ni? Engvanga engmah sawilo a vak bo nge i nih " tihrawkin min hmer chawt a . A thinrim hmel em avang chuan âng phamin ka en reng ringawt ,a thaw ri hrawk hrawk a ,ka dar a hmerna chu ana hle bawk ,a kut chu ka vuan a ,“ Exer ka la a lawm,tinge i thinrim em em a . Nidangah pawh hetiang hian ka awm fo va engmah i sawi ngai silo " ka ti sep .

A kut chu ka dahsawn sak a ,a mitah tak chuan ka melh kar . A awm in sep dawrh dawrh leh a bek vel a thahrui lang tawlh tawlh chuan a insehruh tun a ” Nizanah khan i lungawi lo tih ka hrelo emaw i ti em ni? Lungawi lo chunga i mut lai khan keichuan i lungawi lohna hriat tumin ka bei a ,zing ka thawh ruala ka hmuh loh che khan i lungawi lo sa nen ngaihtha deuha ka awm theih i ring em ni?" a rawn ti hriam leh hruih a . Ka kut chu ka khawih niap niap ringawt “ Ka lungawilo pawh ka tihloh kha ,ka chau a nia in tih fai te ka duh,nakinah ka hahdam hunah min hau leh mai rawh .

Tunah chuan ka thlan chep chuap a engmah ka ngaithla in ka ti peihlo " tiin ka kalsan a ,lungawi lo zet hian dawhkana thil awm chu a vai tla bur a ,hepa thinchhe lutuk hi current shock tir chi nge camp luh tir chi ni ang . Thinram lutuk mai ,ngaihsak duh miahlo in ka thawmhnaw phelhin bathroom lamah ka luhsan hmak a , room chhung thil awm chu a la ri rum rum lehnghal “ I thinchhe lutuk a ,i tar tawh nen insum rawh lungphu chawlin i thi hlauh ange ,tar lamah hi chuan lungphu chawlh avanga thih hi a awl teh ania" tiin ka au lang lang a ...

“ Ngawi hmak rawh " rawn ti chhum hmukin a thawm a reh ve mai a ,chuti maia a thinrim a reh erawh ka ring lo hul hual . A thinrim changa a lungawi har zia ka hre chiang ve tawh tlat,ka inbual zo ka chhuak room chhung ka hmu chiah chu ka meng kawk ” Zirsangpui" ka ti tuar a ,kawngka bul atanga nui suk hian “ Tifai vek ang che" tiin a kalsawn nghal nal nal a nihchu,kan thawmhnaw chu chhuatah leh thutthleng, khum lam thlengin a lo in zam hnawk nuaih a ,kan pheikhawk uluk em em a a dahnaa ka rem te chu hrui phelh phungin a lo vawm darh vek a nihchu!

WhatsApp group hi awm hlen lo tur chuan join suh u aw ,a buaithlak story kalpui leh in duh zawngah in join a,in chhuaka,a dang awm hunah in join leh a group hi i insuasam sak lo hram ang u a awm hlen tur story chhiar duh chiahin join ang u aw

Awmpui nei mah ila kan room kher hi chu keimah in ka tihfai duh avang leh midang hmuh ka phalloh avangin ka tifai mai zel a ,tun tum kher kher hi chu ka thinrim hluah hluah . Eng emaw tak a tih leh chu beisei mah ila hetiang kher a a chet chu ka ring phalo hrim hrim,ka mittui a tla mai dawnin ka hria ,inthlak zung zungin ka tifai nghal mial mial a ,a chaklo khawp ang . A ni hrem dan tur chu ka hre ve bawk , Chaw ei tura ka chhuk chuan engmah tilo ang hmakin a lo awm fel than a . Melh pawh ka melh duh lo .

“ Pa Nubawihin riahpui turin min sawm a ,nithum vel ka riak phei dawn a sin,a nu leh pa in an zin san a ,a mah chuan a hlau bawk sia " Zirsangpuia en duh miah lo chuan chaw ei pah chuan ka pa chu ka en kar a ,min rawn enin “ Tu nge Nubawihi chu aw ka va hre mai lo em" a tihchuan ka thian a nih thu ka hrilh nghal vat “ A tullo " lo tihmuk tu chu ngaipawimawh duh miah lo hian “ An vengah zu ruih hmang an tam bawk sia a hlau va ,chubakah a nu leh pa pawhin min rawn ngen ve bawk nen in phal loh chuan tihluih ka tum chuang lo va .

Mahse helaiah chuan ka thiantha ber a nia ,a mi ngenna tihhlawhtlin loh chu ka inthiam chiah dawn lo in ka hria a ,ka dil tawp cheu a nih hi" ka tileh zat zat a . Ka pa pawh chuan “ Awle i va riah pui dawn a nia ,helam chu hei Mafeli te an awm tho a ,kan buai hleinem. A rei dawn chuang lova ,mahse fimkhur ula pasal neih tawh hi chuan nun uluk a ngai a nia" ka pa in a rawn tihchuan lawmthu ka lo hrilh vat“ Ni e,ka hria a lawm " tiin hlim zet in Zirsangpuia thinrim puak keh tur ang maia min lo melh khur tu chu ka nuih sak a .

Chaw kham rualin room lamah min pawt chho nghal nawk nawk a ,ka nu leh pa in min au zui chu “ Lo inrawlh suh u,kan nupa inkarah chuan tu inrawlh mah ka duhlo" tihmukin roomah chuan min nam lut rawk a. Ka pai nghal khat khat chu ka kawngah a rawn kuah nghal chat bawk . A awmah chuan in nem khalhin dak vah chuan ka en chho a ,a sang et awt si a lu ah hian chum sawk ka chak a sin le “ Enge i hriat a ,min kaih phar dawr dawr reng le ,mi lem ka nih loh hi min thlah rawh college kal a hun " tiin a mi kuahna ata chu awmsawn ka tum a .

Hmui chip hmak leh che sawn duh miahlo in a mi kuah dan ngai chuan min kuah reng bawk si,hepa hi tinge a luhlul em em le “ Zirsangpui beng i neih chuan min thlah rawh tihchu i hria em? Nizanah pawh min hre chang lek lo in i nuih theih kha ,enge ka thiannu bula ka riah dawn avang mai chuan hetia i awm tlat" thinrim in peih at chuan ka lungawi lohna chu ka sawi chhuak ta nge nge a “ Ka thiante an ni a ,an kiangah thinrim ang maiin ka tum reng dawn em ni? I duh a nihchuan kan bulah i awm thei alawm " a tihchuan ka ka angin ka tikawi a .

Ka insiam chhe vak “ A nihchu i thian te chuan an thianpa nupui a tan min duh vak lo a nih hmel, e nitak nangpawhin min duh mai chuang hlei nem khawi maw ,ka insiam dawn " tiin a mi kuahna a ta chu awmsawnin almirah lam chu ka pan san a ,ka thawmhnaw tlem a zawng chu keng in ka insiam nghal mawlh mawlh “ Riah kher a ngailo " rawn ti tu chu ngaipawimawh duhlo in ka inchei mawlh mawlh “ Zohlimpui ka sawi chu riah bo kher a ngailo" a rawn ti leh hrawk a “ Ka pa ka dil vek tawh. Ka riak dawn i duh leh nangmahin mu la a tawk " tihlarin ka hmui chu lipstick sen lutuk lo in ka hnawih a .

Ka ding chhuak nghal zat “ I pasal ka ni a ,I pasal thu chu i zawm mai tur a ni" tinghutin room chhungah chuan a vei nghut nghut a ,tinge ka riah chhuah pawh chu a hlauh em em ni “ Duhtawk teh,insiam la kal ang nithum chiah ka e ringawt dawn alawm,kumkhua in ka riak dawn pawh nilo tinge i thinrim em em a " tiin a bulah ka va ding a . Thinrima tihlet chi a nilo va ,dawhthei taka biak chi a ni zawk,a ni ang mipa lunglian lutuk chu thinrim pauh leh mahni ai a thinrim belhin a awm zel bawk si . .

A nghawngah ka kut rawlhin ding dihlip chuan ka en kar “ Thinrim tawh lo la um,thiante mamawh laia ka awm loh bik chuan anuam hleinem,an ni chu ka mamawh apiangin an awm reng a ,i thiante laka i rilru put ang chiah kha ka pu tih hre ve la " tiin a hmuiah chuan ka fawp zauh a “ Keimaha mut ka duhlo" tawi tûk hian a rawn ti leh hlur a ,a hahthlak thin mange “ A hma zawng zawng pawhin ka tello in i mu thei a ,tuna taka mut theihloh thu awm suh" ka tihlak,kan inneih hnu ah vawikhat mah a hrangin ka la mu ngai lo va .

Kan inngeih loh lai pawh khan khum khatah chuan kan mu ngei ngei thin . A ngaihtuahna chu ka hriatthiam pui ve tho nangin ka thiante hi ka ngaihpawimawh loh chuan ka inthiam bik dawn chuang lo “ A hma a ni tawh lo,tun hun a ni tawh ,ka tello a i riahbo ka phallo chu chu animai " ” Amak emai aw i duh leh lo riak ve la ,nupui tello awm theilo an ti che anga a tawk,Zirsangpui i kum phu in nung rawh" ka ti chiam chu rum zeta min melhin “ I kum phu in thang ve rawh " a rawn ti let ve hlur a . Inhnial apiangin a tawngthei zawk a ni ziah te hi ka ngei .

“ Hmela ka tawi tiziah suh aw ,i bialnu hlui ai ka sang tih hre rawh ,ka ning inhnial reng ka peihlo taxi in ka kal mai ang " tiin ka awm sawn a ,chuveleh alamah min pawt hnai leh nghal in ka hmuiah chuan duhthawh zetin a fawp tawn tawn a ,a nui suk bawk . He pa hi min lo fiam a ka thinrim hmuh a duh vang a nimaw khatianga a lo awm ,mai mai chuan mi a ti thinrim hmasa phawt a . Ka thinrimna remchangah la in min la fawp ziah leh ta nghal,keipawh hi tinge a tactic hi ka lo theihnghilh ziah ni “ Thinrim duhawm tir ter nu,riak bo rei hauh suh,chuti lo chu ka rawn riak ve duh mai ang,le ka thawmhnaw la tawh rawh le .

Kan tlai dawn ania " tiin min thlah a ,a thawmhnaw ka thlan sak hun chu ngawi rengin a lo nghak leh run tawh . A thawmhnaw bawm chu hawngin ka la phun hlak hlak a ,ka vau khar khar bawk,a mah anga nupui te ti thinrim te te a ,hmuhnawm tizeta en thin an awm pawhin ka ring lo ve ,kamiz senduk chu la chhuakin alamah ka dah phei a ,a lo ha nghal vat . Jeans pawl la chhuakin khumah ka dah a , necktie erawh a awrh lutuk ngai loh avangin ka la duh lo thung . A kawr nghawng chu ka siam turin a dah leh tih ka hre mai .

Ka pan hnai a ,a rawn kun rual chuan ka thlep tha nghal mawlh mawlh,ka che reng reng chu ngun lutuk hian min lo en a ,a tawng ngai lo nangin hetia amah ka chei lai ngawi renga min en tawh hi chuan ka zam em em zel ringawt . Ka zawh rualin ka kutah a rawn kai a ,inhnuai lam pan chuan min chhuk pui nghal zat “ I thiannu te awmna chu sawi la ka thlah nghal dawn che a nia " a tihchuan an awmna lai chu ka hrilh ve mai,vengkhat kan ni bawk a . Kan inhlat lutuk hauh lo,Nubawihi pawh a lo la awm a ,min hmuh rual chuan a au chul mai .

“ Awi ka van lawm , professor i lo kal ve a nimaw " lai zet hian u Zirsanga rawn chhuak chu a lo ti a ,ka nuih laiin pakhatpa erawh ngawi run hian a bu nghut ringawt . Midang lakah a nelawm ngai lova ,class a nih loh chuan nelawmna pakhat mah a nei ngailo,inchhung lamah kan indah luh hnu ah kan pathum chuan college lam kan pan a . Nubawihi chu a titi mawlh mawlh a ,keiin ka lo zawm ve zauh zauh bawk . College kan thleng a ,midang chu an lo awm leh thup tawh a ,car a hun fel hnu chuan chhuakin class lam kan pan nghal hlawk hlawk “ Morning u " tiin Zothana te ho lo thu thap chu kan en a

Davida ka hmu ve hauh lo ,a la rawn kal lo nge mawni ? Mahse nidangah kha chuan a kal hma pawl kha a niziah sia “ Khawiah nge Davida hi " ka tihchuan “ A zin Jonathan chuan a rawn ti vat “ Kan Lalhriatpuia mai mai chu . Khawiah nge a zin a " tiin Jonathan bawk chu ka melh leh a . A kut tuai zauhin “ Ele Thartei a zui a niang,ka hre bik lo" tiin a nui sawng a ,heng ho hi chu thutak a biak pawh hian an thutak rei thei thlawt lo “ In pa in a veng run che sia chhailaidi dang a zawng ve dawn te pawh a niang " Gideon-a chuan a rawn ti lang lang a .

“ Tawng thei suh" tiin ka chum nghal awk awk ,thu thla in kan inkawm ho a ,Nubawihi ka riahpui tur thu ka sawi chuan zanlama rawn len an tum a ,ka khap nghal vat . U Zirsangan a hriat chuan a thinrim leh mai ang “ I va sual reuh ve ,thianah pawh min ngai nange " Ruatpuia chuan a rawn ti pawr hlar a ,ka chek hlak . “ Chutiang a ni hleinem ,fimkhur te hi a ngai a sin,chubakah nangmahni avanga tu emaw thinrim ka duh hleinem " fiamthu a ka tihchuan min eiloh hmel lutukin an nernawng hlawm a .

Ka nui hak ” Awi,Mizorama thil thleng atan chuan a va rapthlak em" Jacoba chuan uang zet in a rawn ti hluai a ,thil mak pui pui sawi tur lah hi an hre thei si . An bulah hi chuan nuih reng a ngai tih tur hi a ni,mipa hi chu kawm a ralah chuan hmeichhe tam tak ai kawm an nuam zawk bawk . Hmeichhia hi chu in rel tawn reng reng,thinrim huna thian te thuruk sawi chhuak duh mai hi kan ni tlangpui a ,mipa erawhin hmeichhe buainaa inrawlh emaw thil ho deuh avanga thiante thuruk sawi chhuah hi an ti mai mai ngai hauh lo .

Sir Franky a rawn luh avang chuan kan ngawi ta thap a ,a strict bawk nen a class chhungah kan bengchheng ngai meuhlo,a mah hi thinram deuh mi vin khur khur duh ang kha a ni a ,kan nel meuh lo , a thinrim tawh chuan mi a hau hrep a . A zahthlak thei lutuk tlat ,a class zawh rual chuan kan thaw huai hlawmin ka hria “ Mizoram hi kan va ngawi thei em "Jacob bawk chuan kan reh thap lai chuan a rawn ti a ,midang chu an lo nui vak vak hlawm a ,a thenlahin sir Franky kal dan an lo zir thul . Bengchheng tih piah lam a ni .

Lunch break kan nei a ,ka phone rawn ri rak chu enin ka khi sak a “ Office ah rawn kal rawh " tihzawng a rawn sawi a ,a dang eng mah a sawi leh tawh lo . Nitin a tihdan a ni a ,ngaiah ka neih tawh . Ka thiante pawh hian an hre tawh hialin ka ring“ Lo va ei mai rawh u, Professor bulah ka ei mai ang" inthlahrung deuha ka tih laiin kan Jacoba bawk chuan “ Mizoram pasal thu ber a ni e " a lo tileh lung lung a ,lungte chu chharin ka vawm nghal hlak . An tlanchhe vek a ,tlanpahin min la au leh nghal ,zirlai dang an awm ve bawk si Zirsangpuia vang vek a ni.

“ college ah leh zel hi chuan min ko suh,enge min koh reng a nangmah vangin ka thiante zawng zawngin nuihza siam nan min hmang zo tawh " tiij ka phun lut hlak hlak a ,a bula hmeichhe lo thu ka hmuh takah chuan ka ngawi hmak . A thiannu phakar i bawk,tiffin a lo ken a nih hmel ” Hetah lo thu la " u Zirsanga chuan a rawn ti sup a . Ka chhang lo ngawi reng chuan chairah ka thu a ,Hmingtei chu a tawng mawlh mawlh thung “ I tui tih em em vek thin kha an nia ,ka la hre reng a lawm,Hlimi rawn ei ve ta che " a rawn tihchuan ka lu thingin “ Ngai lo mai rawh se .

Ka tibuai palh ang che u,tikhan lo ei rawh u ka thiante bulah kal ka ngai tlat " tiin ka ner sawka ,Zirsangpuia chu ka haw hlur bawk . “ Rawn let rawh " a tihte chu ka hrelo der hmak,a chhiah hlawh ang maia a tihkual a ,a thiannu hma a min kawhkawi a tum a nihchuan a thleng ngai chatuang lovang e ,ka chhuahsan nal nal a. Thinrim zet chuan ka pen hlawk hlawk ,thui ka kal hma chuan min rawn man bet a ,a kut chu ka vai sawn nawlh “ Min khawih suh, college a ni tih hi hre ve rawh,i duh duha thu i pek kual tur in i chhiah hlawh em ni ka nih? Teuhlo mai .

Kal bo rawh ,ka hmu peih lo che " tiin ka tiffin bawm chuan ka vawm hnawk a . Ka tlansawn nghal nal nal,kha nu mitmeng verther lutuk kha a hmu ve awm tawp silo,thian angin a niin en mahse kha nu kha chuan a en ve hauh lo tih hmeichhia ka ni tih ka hriat chian tluk zetin ka chiang sak . Ka phun mawlh mawlh a , college hnunglamah chuan ka kal ta daih .

(CHAPTER THAR DAH LEH VAT KAN TUM DAWN NIA )

mawitei bawihtlung · Unread post by **mawitei bawihtlung** » June 28th, 2023, 9:27 pm

PROFESSOR ZIRSANGPUIA

CHAPTER 17

Class pawh lut tawh lo in college hnung thutthlengah chuan ka thu ta reng a ,ka phone phawrhin hla ka ngaithla dauh dauh va ,ka bul vela sava tetakte rawn sawt kual euh euh chu enin ka nui hak,ka kut zungpui tiah vel lek zuk ni a “ Hetah animaw ilo awm" ka phu nasa lutuk chu ka thutna atangin ka zuang tho zawk a ,phawk hra in ka en chu a rawn nui suk . Tum hmakin kalsawn ka tum a ,ka kutah manbetin thutthlengah chuan min thutpui lehnghal zat “ Min thlah rawh ,i duh leh khanu bulah khan va awm leh rawh" ka ti tuar a .

“ Ka thian a ni ka tih tawh kha" a tihve ta hrawk mai ,hah David pawh ka thian ka tia a awih chuang bik em ni . Nidanga lunch ei tlang reng khan a thiannu a rawn haw meuh chuan min eisan hmak a nihkha ” Davida pawh ka thian a nilo ka ti bik em ? I awih duh chuang lo a ni lawm ni?" tiin ka kut ka hum ruh a ,ka inseh ruh fan bawk . Hepa hian min tihlim a ,min ti thinur reng bawk a ,ka kalsan thei chuang silo ” An ni chu an dang,ani chuan a ngaizawng che ka tifo a ni lawm ni ,Zohlimpui tih har viau suh" a rawn ti tawi tuk a .

Za lo zet in ka nui hak ,a thiannu thlavang chu a hauh na tang tang hle mai “ I sawi ang chiahin nangin thian angin en mahla a en ve lo che a nih hmel, ka ning tawh . Buai reng hi ka peihlo a hma ang khan awm ila in be lo leh in hmu lo khan awm leh ila a tha zawk,nang nena in hauh reng ai chuan min dawh thei tu leh an bula thlamuang taka ka awm theihna ka duh zawk,ka pa te ka lo dil anga a rang lama kan inthen a tha zawk a nih hi " tiin thawh chhuah mai ka tum chu ka darah a rawn hmer chawt

“ Engthu maw i sawi kha ? " sehchilh nawk nawk hian a rawn ti a ,ka thusawi chuan a ti thinrim hle a niang “ Aw bul kan tanna hi titawp ang,a rei hma hian inhauh reng leh thiante avanga buai reng te hi ka kham tawh,i nunah hmeichhia an tam lutuk,ka thei tawh lo min thlah rawh ka kal duh " tiin ka nam dat dat “ Kan tum chhin thei alawm,thil ho lutuk avangin min kalsan chu tum duh ting suh,ka phalna lo chuan khawiah mah i kal ngai lovang ,ka ta i nih hi ka ta i nihloh chuan tuta mah i ni theilo .

Ka nunhlui avanga min kalsan i tum hi min lo duh ve tak tak lo em ni" chiang zeta min en chunga a rawn tihchuan chhan dan tur ka hrelo “ I nunhlui maw?? Ka tel hma thil a ni alawm ka sawi awmzia chu " tiin ka ngawi ta daih ” Ok ka hrethiam e ,tu thian mah tello in kan pahnih chiahin kan ni ang,a tha em " a tihchuan ka hmui ka pet zauh,ka thiante ka thlahthlam ve ngei an ngai dawn bawk si . Mahse in ngeih taka awm chu ka chak ve tho “ Mahse thiante thlauhthlak ringawt pawh chu,ka rilru i tibuai vek" tiin ka thaw hak a ,a rawn nui hawk thung.

“ Tihian ti ang,I thiante thlauh thla rawh ka tilo che ,mahse ka duhloh zawngin in awm tur a nilo,chutiang chiahin keipawh,hmeichhia i thik tih hria in ka hnaih tawh lovang,a tha em" a tihchuan ka bu nghal nghauh nghauh,ka hmuiah a rawn fawp a ka lo chhang mai lo ,kan piah Hmingtei lo ding ka hmuh chuan runluih ka chak tlat pek ,u Zirsanga tukkhumah chuan dawmin ka fawp let ve a ,a thinrim kut hum ruh leh huatna a khat hian min melh a . Min thah duh hmel te pawh a pu

Miss Judith-i nen an inan hmel riau lehnghal,min fawhna chu a uar sauh a ,keipawhin thil dang ka ngaihtuah leh thei ta lo ,duhthawh zet hian ka lo chhanglet a ,kan lei chu a inbuan let tap tap bawk ,ka kawr chhung zen luh a tum chuan ka dang vat ” A chiloh, college ah kan awm hi midangin min hmu ang" ka tihchuan min thlah ve mai bawk a “ Karleh chu zin dun ang hmiang,ka thianpa te khuaah,tour kan neiha tlang kan riahna bul kha a nia ,i thiannu Thartei pawh kha an cousin fa a nihkha " a tihchuan ka phur hle “ Awle ka chak lutuk,mahse class lak loh chu? " ka ti nang nang a .

“ Lungngai suh ka tel dawn a ,i tihchhiat phah lo ang,kan pahnih chauha hawi khawthawn kan mamawh ber ,hun kan neilo lutuka i thinlung takin min pawh theilo a nih hi,i thinrim reh thak nan kan zim angai a lawm Dintei nen pawh in inmil viauin ka ring" a tihchuan ka en ha “ Tunge chu chu" ka tihchuan “ Ka cousin heta tanga thingtlanga pasal nei a nia ,an pa nen pawh kan inkawm ngeih a ,in in kawm thei viauin ka ring. In mizia pawh a inang" nui suka a tihchuan ka nui ve mai,keiang a nihchuan a awmdan tur ka hre thiam mai . Ni e kan pahnih chauha hun hman chu ka chak viau.

Hetah chuan min hretu an tamin eng emaw buaina kan nei ziah a ,hunthawl neih ve te pawh kan ngai a nimahna,class ka luh leh chuan Nubawihi chuan ka awmna min zawtin min lo hau hlak hlak a ,a thinrim hmel danah ka awm loh vang chauh a nih ka ring ta lo ,Chhandama ka mitmenga ka zawh chuan a hnung enin Zothana lo nui thaw chu a en a ,ka en ve vat .

Chutah “ Nubawih luck i duh chuan lerh tûk la , followers ngah i duh chuan hur tûk bawk la ,miin hmeltha an tih che a an status chuai chuai che emaw i duh chuan ig effect hmangin reels in mizo hla phun rem la a tha lutuk,hmelchhe deuh pawh ig effect an hman chuan an rawn hmeltha chhuak a,mipa ho in an status story chuai chuai mai a lawm,milar emaw i inti ve nghal mai ang" a tihchuan Nubawihi chu tap mai tur hmel a pu tawh . Kan Zothan tawngthei a hi chu,a fiamthu lah hi thil tak tak vek a ni ziah lehnghal

Engtin nge fiamthu rawng kaia a rawn phuah chhuah theih thin ni ‚" Ka duh bawk lo,milar nih ai chuan ka awm ang ang hian ka induh fe zawk " Nubawihi chuan a lo tihlar ,a thinchhiat em avang hian kan mipa ho lah hian runluih nuam an tia,an fiam ziah lehnghal . Chhandama lah a bialpa e tilo in lo chhan chu khawi lam,a lo nuihpui mai mai zel a . A ngaihna hi an awm thlawt lo “ Nangpawh nuthlawi a ni lawm ni i buaipui" ka lo tihlak chu Gideona te ho an lo nui huk.

“ I sawi takah chuan Facebook thlawi group ah ka awm a ,mipa naupang kum 13 vel lek lek pawhin keini ai boruak an lo ngam a ,nuthlawi fresh ve deuh hlek ka rawn zawng te hi an rawn ti pap pap mai a ,keini tan chuan tawng ve ngaihna a awm lo . A zahthlak zawk ,tun ang laiah chuan puitling ai in naupang leh tleirawl ho hian boruak hi an ngam erh mai a ,kan chhungkaw in enkawl dan dik loh vang nge hetiang zel chuan Zoram la rawn awp zel tur te hi an ngaihtuah awm ka ti ve mai mai thin ,nakinah chuan khawvel changkan chhoh ang zelin Zoram pawh hi a la rawn inthlak anga .

Kristian inti tur te hi kan awm tawhlo mai ang tih ka hlau,tlawmngaihna leh aia upa zahna te hi kan tunlai thalai te ah hian a awm tawh meuh silo a ,kan pi leh pu he zoram lo luahtu hmasa te kha an nundan ho viau mahse ram hmangaih zawngah hian tunlai thalai te hian kan tluk lohzia chu a chiang khawp mai ,a lehkhathiamlo zawk a hmanraw nei tha lo zawk mahin khati khawpin ram an lo hum a,thih ngam lupu a an lo venhim an ram hi tunah meuh chuan hnam dang zawk chhawmdawl ngai,hnamdang awp ram kan ni ta mek chu a nia .

Kan sawrkar hnathawk tam tak lah hi hnamdang bawk ,hengte ka ngaihtuah hi chuan ka lungngai lawk ngawih ngawih" Zothana chuan a rawn ti duah a “ Minister nih tum la ,tichuan keini ho hi hna chu min pe teuh anga,i ho in misual kan la man dawn a nia " Jonathan-a chuan a lo ti zauh a ,kan nui dar dar mai . “ Ni e chhungte thawh chhuahsa in nuamsa takin lehkha kan zir a ,hna nei thei ngei tur a tan kan lak hi a tul reng a sin,BA ,MA hna neilo tam dan te hi . Kan ramchhung ngeiah pawh hnamdang zawk zel hian hnasang zawk hi an chelh a,keini a ram chhung a awm zawk tam tak hian teacher hna kan hmu tawk a nia .

IAS ,IFS a dang tam tak officer lian tak tak hi mizo te hi ni ve ila chuan hetiang khawp hian hnamdang hian min zuam bik hauh lovang mawle ,in enfiah kan ngai takzet a ni . Kan nun a nia kan thu kan tihchhung hian hnam dang leh sakhaw hrang hlakin min chenchilh nasa tual tual a ,heng hi kan beih let ve a hun tawh a ni" Ruatpuia pawh chuan a lo ti ve sup a . An thusawi chu a dikin nidanga an titi pangngai ang mai mai a ni ta hauhlo “ Min tihluih ai khan lehkha te zir ula in thusawi ang kha in ni mai tur ,a sawi chiah hi in thiama a hlen lam in peih leh silo ,tawngthei hlur ringawt" Nubawihi chuan lo ti leh hlak hlakin Chhandama lo nui sawng hmuiah chuan a nawr pawp a .

Chhandama chu a au thawt mai,a na thawkhat ang ” Lalnunchhung min dimlo viau suh aw " ti thawtin a melh run a ,Nubawihi erawhin hrelo ang hmakin a awm san a “ Hmeichhia te te hi mi hi hlau lo viau suh " a rawn tileh hluk a . Nubawihi chuan a ning ta deuh aniang“ I duh leh ka bula awm i ninchuan Lalrozami bulah sawn va thu rawh,keichu min dawh theihloh laiin a ni erawh a duh duh danin a ti thei che a ,ka ning tawh ka peih tawh lo,ka thlavang hauh chu sawi loh englai pawhin min hau ziah ka kham lutuk,inthen ang ka rin ang i nilo lutuk hi ka dawh thei tawh lo che " tiin Nubawihi chu a bag nen a chhuak ta daih a .

Chhandama pawh chu a ngawi ta ngar ,ka bag chu la in ka chhuak ve ta vat a , corridor a a kal hlawk hlawk chu ka va um ta thuai a . “ Tinge khatianga i tih? A mah pawh in hrehawm a tih hmel lutuk a nia " kal pah chuan ka ti a . Min rawn melh zawk chuan a ni pawh a na hle tih ka hria “ Ka peih tawhlo,ka duhzia a hriat avangin min fiam kual mai mai a ni,englai pawhin hmeichhe dang keiai a ngaihsak zawk zia a ti lang reng a ,ka kham tawh lutuk . Ka duh lutuk avangin ka dawh hram hram zawk a .

Lengchhuak ve pawh ni ila ka duhzawng ai a duhzawng ngawt min tihpui a,ka duhzawng a ngaihven ve ngai lo ka kham lutuk ,keiai tha a hmuh chuan keichu min theihnghilh hmak thei,i tawng ve lo a i hrethiam lo vang,mahse tunah chuan tawk ka ti ve tawh . Min duh tak tak tu chiah ka nihpui tawh ang " a ti hmarh hmarh a ,a thinrim em avang chuan ka sawipui zui duh ta lo a ,thil dang chu ka zawt nghal thuai “ Zanin chu enge kan tih ang?" ka tihchuan a rawn nui hak a “ Movie leh ei tur,en tur tha deuh ka hria a nia ,a changtupa a man teh mai a nia aw .

Ka vei tawp a kan en dawn a nia,a leisa ka nei a lawm " tiin phur em em hian a tinghal zat zat a ,chutia a hlim leh thei chu ka lawm ngei mai “ Enge in tih dawn " aw rawn chhuahna lam kan en rualin Davida kan hmu nghal zat ” Ehe i zin emaw tia " Nubawihi nen chuan kan tirual thawt ” Tunge ka zin ti" a rawn tihchuan a titu chu kan hrilh a ,a sawidan nen zawng zawnga kan hrilh chuan “ A chak lovang" tihhluk pahin a kal nghal nul nul ,an va intihbuai loh hram beisei ang “ Lawk ,kan haw tur thu u Zirsanga kan hrilh phawt ange .

Rawn riah a rem tilo viau nan ,ka tilui a nang lah in i hlau bawk nen ka inthiamlo viau ania,tunlai phei chu a thikthu a chhe sia kan inhau deuh reng lehnghal " tiin ka call nghal zat “ Khawiah nge i awm?" ka tawng hma chuan min rawn tihkhalh a ,teh tlawng zel a “ Hei haw kan tum a ,Nubawihi a nuam vak lova " chhuanlam tur ka hriat loh em avang chuan ka ti ta tawp “ Min lo nghak ula ka thlah haw ang cheu" a tihchuan ka aw ve mai bawk . Ka hnial leh chuan a thinrim leh ngei dawn sia .

Nubawihi chu thil awmdan ka hrilh mawlh mawlh a ,a nipawh nawm loh hmel zet chuan a hmel a siam danglam nghal vat,reilote kan nghah hnuah u Zirsanga pawh a rawn thleng a . A car lam chu kan pan nghal vat “ I enge nuamlo a Nunchhungi chu " a tihchuan Nubawihi chuan a lu a nawm loh thu in a lo chhang vat . Carah chuan kan thu lut a ,Nubawihi pawh a hnungah thu in a mit a chhing nghal daih . A pawi ka tilo viau,u Zirsangan min hriat chhuah vaih chuan a pawi dawn bawk nen na hmel a put thiam poh leh kan him a nimai .

“ Zanah ka rawn kal ziah dawn a ,thil nilo in tih ka hriat vaih chuan ka lawm hauh dawn lo a nia " a tihchuan ka nernang mai ,mi hi a ringhlel ve ziah “ Thil thalo engmah kan tidawn lo ,movie kan en dawn a lawm" tiin ka kut chu ka phar hliai a ,a nipawh chu a bu ve nghut a . In kan thlen chuan min rawn zui lut a ,thingpui chu Nubawihi chuan a siam nghal mawlh mawlh,keilah eng thil dahna mah ka hre lo nen u Zirsanga bula thu in ka lo en ve tawp a

“ Processor engtik nge kan exam dawn?" Nubawihi chuan thingpui rawn chawi phei pah chuan a zawt a ,“ Thlahnih a la awm ,chumi chhung chuan in inzir tam hman hle in ka ring,tang ula he college ti hmingtha tu nihtum ngei ang cheu,a ber nih tum ula hna tha tak thawk thei ngei turin in bei dawn a nia " a lo ti ve sup sup a ,kei erawh ka lo ngawi reng thung . Eng eng emaw an sawi dun a ,Nubawihi a tawng duh bawk nen a zawhna chu um leh aihin u Zirsanga chuan a chhang a ni ber mai .

A haw dawn chuan pawnthleng ka zui chhuak a ,car kawngkhar hawngin ka chalah a rawn fawp zauh “ Zanah min lo nghak ang che " tisupin athu lut a ,a tlan liam chu ka thlir ta reng . A bula awm chak viau mah ila ka thiannu phatsan a a mah chauha awm tir ka duh bawk silo ,inchhung ka luh leh chuan Nubawihi chuan min lo fiam zuk zuk a “ Pasal i nei hmeltha in i nei hausa sia nang atan te chuan lehkha zir pawh a ngai tawh em ni? Fate in neih phei chuan i enkawl an ngai ngei dawn sia " a tihchuan dik ka ti viau.

“ I sawi dik,mahse pasalte chawmhlawm ringawt nih ka duh bik hleinem,hna thawh ve tho ka duh . Chuti lo zawng inthlahrun a na duh emai,chubakah tun ang laiah lehkhathiam lo an hmusit tawh ropui sia la in zir belh zel ka duh a lawm" tiin sofa ah chuan ka mu thla a .

ZAWMNA

Dar 7 velah Chhandama te ho an rawn leng a,Nubawihi chuan en pawh a en duh lo,Chhandama chu Nubawihi bulah ava thu a ,ngaihdam a dil nghal mawlh mawlh . Nubawihi erawhin pawm a tum hmel loh khawp mai “ I duh duh ngaizawng rawh ka inrawlh peih tawhlo,kan in ngaihzawn dan hi ka ning lutuk,mi ngaihsakna chhete mah i nei ngai lo ,ka peih tawh lo kha chen i insiam that hun ka nghak,keini ang hi ni vek se hmeichhe tam tak chuan kei angin an dawh peih hauh lovang che .

Hmeichhe hmeltha leh chhelo i hmuh apiangin min sawi khum loh leh min biak san a ,I duh duhin awm rawh . Ka pawm leh duh tawh lo che ,rawn len pawh a ngai lo" a tihlak hlak a . A thinrim hle tihchu a aw atang chuan a hriat chian hle bawk Zothanate chuan fiamthu in an lo la fiam zui, ka lo hau vat ,awmzia a awm lem hleilova . “ A fala inbiak kan duh nang ni kha lo bengchheng reng suh u" Chhandama chuan a rawn tihluk a ,Davidan a lo runluih leh hram chu a bula thil awm chuan a rawn vawm tawk mai .

NUBAWIHI POV....TI LAWK ANG AW

Ka room a kan luh hnu chuan ka melh ram ram “ I sawi duh i la sawi zo nange ,enge la ngai " tihmakin ka kut ka kuangkuah a,ka hma ah rawn thingthi in min en kar chu phawk zetin ka en ” Ka tihpalh,ka thiamlo tih ka hria,mahse ka duh takzet che Lalnunchhung,bul min tanpui leh rawh ,in then ka duh lo . I tello chuan ka khua a har,chuvang chuan min then suh" a rawn ti mawlh mawlh ,ka en reng ringawt. Pawm leh ila a hma ang bawkin hmeichhe dang min pansan leh ka hlau a ni ber .

“ Ka duh lo,min ngaihsak ngailo dawt vek a nihkha ,kan in ngaihzawn hma atang rengin i hmeltha ka tih zia i hria a ,ka duh zia che pawh Hlimi lo lan hma kha chuan min tiduhdahin nuihza siam nan a nihkha min hman thin,engtin nge hetianga ngaihdam min la dil theih,ka â tih ka hailo,chiang takin nang ka lo inbum tir che hi ka at zia tilang tu a ni . Kan in ngaihzawn hnua i danglam ka beiseina te kha chu a bo vek tawh ,nang hian min tihnat bak i thiam lo " tiin ka mittui chu ka nuai nawk nawk,kan thianten min hriat pui loh thuruk tam tak a ni nen hian kan nei .

A ruka ka tawrhna zawng zawng hi tuman an hre kher lo ,ka tuara vawitam a ni avang hian ka tap ngun lutuk,mi hnena sawi chhuah ka duh lo mai chauh zawk a ni. Kan nih hnu thlengin hmeichhe dang a zui a ,a lenchhuahpui a min hrilh tu awm reng mahse ka duh em avangin ka haider lui a,min zuam ta mah mah in ka hria,ka kut a rawn vawn chuan ka thingthla nghal nawlh “ Duhtawk rawh ,Lalchhandam ka duh em avang che in khaw hmu lo khawpin ka zui che a ,chu chu min hmuhsit nan i hmang reng a ,ka kham tawh ka thei tawh lo .

Min bawl kual mai mai tur hian ka awm leh tawh lovang" tiin ka hawisawn hmak ,min rawn kuah chuan ka thaw hak “ Ka hmangaih che ,chuvang chuan min kalsan suh,engkim ka siam tha vek ang ,min ring rawh . A hma kha chuan ka fiamkual ngei che a lawm,mahse mi i dawhtheihna leh min cawn tang tang atang khan nang chiah a sin ka ngaihtuah che ni. Min ring rawh Duati,ka kalsan leh tawh lovang che ,chuvang chuan khawngaihin chance vawikhat chiah min pe leh rawh " tiin ka chalah a chal chu a rawn nghat dat a .

Ka mittui luang chu a hru nghal zat “ Ka....ka hrelo,ka ring theilo che " tihapin ka awmsawn a ,min hmangaih tih a sawi khan ka lawm a ,mahse dawt mai a nih leh ka hlau “ Ka hmangaih che,ka tina leh tawh lovang che chuvang chuan vawikhat chiah bul min tanpui leh rawh aw " a tihchuan ka bu ta nghat “ Khatiang thil kha ka hre leh a nihchuan ka ngaidam tawh ngai lovang che ,hmeichhe dang an awm tawh tur a nilo " ka thusawi zawh rual chuan min rawn fawp nghal chat.

A luck a duhtu a ngah bawk,hei vang reng hian hmeichhia in an zar buai chuan mipa tan chuan hnar an har tih ka hria ,mahse ka bialpa a nih hnu hi chuan keimah chiah min ngaihsak se ka duh,na tuar reng chunga kawp kha ka thei tawh lo ,ka chhang let ve zel a a duhthawh tulh tulh lehnghal “ Duhtawk rih ang,kan thiante an awm ve saw chhuak ang,kan rei lutuk dawn " tiin kan thiante lo nui dar dar lamah chuan kan chhuak a ,in kai riala kan chhuak chu Davida leh Zothana chuan min lo la fiam zuk zuk lehnghal a .

Fiamthu thawhin an nui leh dar dar a,Hlimi nen chuan thingpui kan siam nghal sawk sawk ,tinge an rawn len reng reng ni .

End of Nubawihi pov.....

Kawngka an rawn kik avang chuan ngawi thapin kan in en ha hlawm a ,a tu a tak ni ang maw ? Ka ngaihtuah vang vang a ,ka harh chhuak nghal zawk “ Hmanhmawh ru ,duhdah deuh khan thu suh u,u Zirsanga a ni ang ka va en ange" ka tihchuan an thu tha sawk sawk,kawngka ka va hawng chu rin ang ngeiin u Zirsanga a rawn lut nghal zat,inchhung a en kual a Davida te ho a hmuh chuan a hmel a rum leh sawt tawh . Vawiinah kan inhrilh zo chiaha ka chungah a lungawi loh lehmai ka hlau deuh .

“ Chhandama tan Nubawihi an rawn rim a " tidak chuan ka ti a ,min chhang lo in midang awmna ah chuan a va thu a ,midang lah chu chutia u Zirsanga a rawn thut ve khur takah chuan an mizia a dang ta vek,an ngawi kar hlawm a . Nuih an tiza lam lam e a ,u Zirsanga chu ka nghawk zauh “ I ti inthlahrung vek,tinge ilo kal tak tak a ,an tawng that ngam tawh der loh hi" a bengbulah chuan ka hrilh ru a ,a hmui a pet kawh nawk “ Tawng ru" tihzawng sawiin min rawn en a ,midang lah chu an aw an thian kharh kharh ringawt.

Teacher te meuh hi chu an lo zahawm ve em bawk a “ Kal rawh thil va lei ang,lo inkawm rawh u " tiin ka pawt tho a ,zawi zet hian a la awm lui tlat zui. A rit ropui si,a tawpah chuan kan in pawt kal thei hram a ,ka kai chhuak nghal dawr dawr,ka thiante ho ka en phei chuan an thaw huai hlawm a “ Tirawh leng lawk ang,zanlamah hian khawchhung hi ka hmu ngai lutuk lo a ,ka fang kual chak lutuk, Kum tawp a hnai tawh sia Christmas hunah chuan hei ai a lun leh dawn bawk nen hunthawl lai hian lendun ve ka chak" ka tihchuan a nui suk ringawt.

A car chuan kan inphur chhuak a,vengchhung hmun mawi deuh deuhah min kalpui a , Aizawl ka awmna rei ve tawh mahse ka lengchhuak lutuk meuh lo va,hmun mawi tak tak hmuh loh pawh ka la ngah mai ,hmun reh deuh leh thingkung tam deuhnaah chuan min din pui a,thlasik a intan tawh vang nge a vawt riau lehnghal Ber thla han chuan kai meuh hi chuan boruak hi a dang ruih zel mai a nih hi .

Thingkung pakhat hnuaiah chuan thu dunin Aizawl khawpui eng uar chu kan thlir dun a ,a kawr chung hak chu min haktirin ka hnunglam atang chuan min kuah a ,keipawhin ka ngheng ve ar ar bawk “ Ka naupan lai leh ka tleirawl chhuah thleng khan suangtuahna ka nei a ,mipa M&B ang mai kha ,nangpawhin ka thiante ka biak khan i hre tho anga,kha ka duhthusam kha hmu tur leh nei thei turin ka in beisei pha lova ,mahse nang ilo ni reng si a ,u Zirsang ka hmangaih che " ka tihchuan ka dul chu a rawn hmer salh a .

“ He thu hi hrilh che ka chak thin lutuk a,mahse ka tim tlat thin . Mahse ka hmangaih takzet che" tiin alamah ka inher a ,ka nuih var var bawk . A ni erawhin engmah sawilo in min pawm bet ta hlun a ,a taksa lum thur thur chu ka hnaih sauh a ,a lungphu zawnah chuan ka bei ta kar a ,min hmangaih thu a sawi ve theilo a nih pawhin a pawilo,ka nghak mai ang . Engtikah emaw chuan min la hmangaih ve thei mahna ,reife kan thut hnu chuan ka ham ta bâi bâi a .

Ka mut a chhuak tawh takzet ,zan men hi ka theilo hrim hrim bawk a “ Kan haw tawh mai dawn em ni? I thiante pawhin an duh tawkin tawngna hun an nei tawhin ka ring a ,nge ni a hun kan pek belh leh dawn " a tihchuan a awmah chuan ka sih sak vak a . Ngeiawm thei lutuk “Haw ang,mahni zirlaite nen in leng ho ania,a dangdai hrim hrim "tiin ka tho chhuak a ,min rawn zui ve mai bawk . In kan thlen chuan ka thiante chu an lo haw vek tawh a .

Car atanga ka chhuah dawn chuan ka kutah rawn manin “ Zingah ka lo hruai ang cheu,lo kal zuh ang cheu" a tihchuan ka bu nghat nghat a. In chhung ka luh chuan Nubawihi pawh a lo mu tawh a nih hmel,a bula ka va mut chuan a laptop ah movie a lo en malh malh a “ Ka muhil mai dawn aw ,ka mut a chhuak tawh lutuk muttui" tiin a movie pawh en pui ta lo chuan ka muhil zui thuai a .

Ni a liam a keini pawh Thartei te khawlam pan chuan u Zirsanga bolero nen kan kal a ,nuam ka ti leh viau mai . Kalkawngah chuan thil kan lei deuh reng a ,min duat bawk a. Nuam ka tizual, restaurant a chaw kan ei chuan a neitute chuan min lo la hre reng a ,min lo be nghal bawrh bawrh mai . Chaw chu sa leh thlai nen kan ei a ,tui ka ti viau. Ka ei nghal zung zung a ,kan bula thute nen chuan kan inkawm pah mawlh mawlh,an ni erawh Aizawl lama haw tur an nih hmel,helamah an chhungte tlawha an zin thu te an sawi a

Fanu duhawm zet an neih chu ka chhaih sak leh zauh thin a ,a chum bawk nen ka lâwm viau mai “ Nupa em ni in nih?" an nu zawk in a rawn tihchuan ka lo aw vat a ,lawmpuina min hlan ve mawlh mawlh a . Lawmthu ka hrilh ve zat,kan mipa te ve ve erawh an ngawi ran thung a “ Anih kan kal phawt ange ,tluang deuhin in kal dawn a nia" tiin an tho chhuak zui a . An car bul thleng thlah ve in kan in vailiam a “ Kan kal ve mai dawn em ni ? Kan tlai lutuk ange ka thianpa in min rawn be reng tawh a nia " a tihchuan a hnungah zuiin a car kawngkhar min hawnsakah chuan ka thu lut a .

Kan tlan chhuah leh hnu chuan tukverha dak chhuakin kawngsir thing leh mau vel chu ka enkual a ,thehlei leh sava bakah irrang vel chu kan hmu leh nawlh zel a ,ka au chel chul bawk . U Zirsanga erawhin ka che vel chu nui suk sukin min en leh zauh zel a ,motor tlan an awm ve reng bawk nen a motor khalh chu a fimkhur viau mai,thingtlang zin hi ka chak thei bawk a ,thlen vat ka chak ber mai . An lo vela feh ve ka chak thei bawk nen kan zin ta rau rau ,lo an neih chuan feh ve ngei ka duh.

Tlai thim dawnah kan thleng a ,in pakhat lian ve tak awm thei ve tawk tak tih hriat reng atang hian mipa pakhat lian tak a rawn chhuak a” Thiana in lo thleng maw? Dîte lo chhuak ula" tiin a au nghal lang lang a “ Ramhmangaihzual i fanu i tih tah te te hnuah min ko reng suh" inchhung atang chuan hmeichhe aw hian a rawn ti pawr hlar a ,kan pathum chuan kan nui hak “ Tiru i lut ang u,in rawn thlen kan nghakhlel tawh teh a nia " a tihchuan kan inzui lut a ,thingtlang mi tam tak hi khawpui lam aia awm thei ve fe fe tur an kat ve nuk a nih dawn hi

Hmeichhe hmeltha zet kaiai a upa tur deuh hian rawng lo bawlin hmeichhe naupang leh mipa naupang duhawm zet hi an lo awm ve bawk a “ In lo thleng tluang maw ,in chau em hei kan fate nen ka buai lutuk a ,u Ramtea lah hian mi tihbuai bak a thiam silova ,ka lo chhuak ve ta lo mai a nihkha . Lo thu ru thingpui ka rawn thli dawn a nia " a lo ti sawk sawk a ,an tawngkam leh chezia atang chuan an fel dawn tih ka hria (Ramtea te hi in la hria em aw ,KA PASAL THINGTLANGPA changtute kha aw ) thingpui thlum chu min rawn pe a .

Kan pasal te erawh an inkawm mawlh mawlh,sumdawnna chungchang leh eng eng emaw an sawi dun a ,ka lo ngaithla kar ringawt . An nu leh pa te an thi tawh tih an sawi atangin ka hria a ,ka khawngaih viau chutih rualin nu leh pa tello a an fate an enkawl dan ka hmuh chuan ka ngaisang riau thung. Tam tak hi chuan kan fate kan ngaihsak lo mah mah ka ti thin a ,an duh duh danin an awm tir a ,chu chuan sual lamah tam tak a hruai peng thin. An ni erawhin reilote pawh nimahse an fate chu an ngaihvenin an veng zui reng tih ka hre mai .

Kan hahdam deuh hnu chuan kan intifai a ,an bathroom vel pawh a changkangin a zau tha viau bawk ,ka inbual zawhah u Zirsanga pawh chu a inbual ve nghal a ,U Dintei nen chuan kan lo inkawm mawlh mawlh thung . Aizawl a seilian a nih thu leh an inneih dan a sawi chuan u Zirsanga nen a kan inneih dan nen a inang chiah tih ka hrilh a ,kan nui dun hak hak “ Kan pasalte hi nu leh pa thuawih tak an ni ve ve tihna ,keipawh a tir chuan ka haw lutuk a ,thingtlang mi ka lo ngainep ve thin bawk nen,mahse hei kan innei a ,a rintlak zia leh min ngaihsakna zawng zawng ka hmu reng a .

A tawngtam ngailo bawk nen ka tilui ziah zel a ,a tawpah ka hmangaih ta daih a ,tun hnu thleng hian kha hun kan bul tan tirh lai vel kha ka ngai ber ,khatah kha chuan kan nu leh pa te ve ve pawh la damin chhungkaw hlim tak kha kan ni thina ,tunah erawh kum liamin kan upa tial tial a ,fate neia kan han awm tak ah hi chuan ngaihtuah tur hi a tam sia,duh dan pawh hian a awm theih tawh meuh loh,nangni pawh in dama fate in la neih ve chuan in buai ve fat mai ang" tiin a nui hak hak a ,a mitmenga a pasal fanau te a hmangaihzia chu hai rual a nilo .

A pasal ngei pawhin a ngaihsakin a rawn be deuh reng a ,ka awt viau lehnghal . U Zirsanga hian hetiang chiah hian min hmangaih ve se tih ka ngaihtuah kai a ,ka ngawi ta kar . A rawn chhuah hnu chuan chaw ei kan siam dun a ,u Dintei a tawng duh bawk a . Ka tlangnel nghal viau mai,Thartei pawh an hrilh tawh thu leh zanlama a rawn len tur thu an sawi chuan ka lo zawm ve mawlh mawlh a , college a kan awmdan vel ka sawi chuan an nui hak hak mai .

.(NAKTUK ZANAH CHAPTER THAR ,CHUAN A STORY A PROLOGUE KAN HNAIH CHHO TAN ANG AW )

mawitei bawihtlung · Unread post by **mawitei bawihtlung** » June 30th, 2023, 10:15 pm

PROFESSOR ZIRSANGPUIA

CHAPTER 18

Thartei rawn lut chu au hliai in kan in pawm nghal chawt,kan au chul bawk “ Ka ute nen in lo in hre reng a ,tinge in sawi vat loh . In rawn zin dawn tih ka lo hre lawk lo a ,lo ah ka lo feh daih alawm" a tihchuan keipawhin an inchhung tih ka hriat loh bakah engkim chu u Zirsanga tih vek a nih thu ka sawi chuan a awih ve mai bawk . Inkawmin Davida chungchang vel ka sawi chuan a ngui hle a “ Dik tak chuan u Hlim ka hrilh tawp ang che ,u Davida te inah hian a nia ka awm,mahse min ngaihsak ve ngai reng reng lo .

A chhungten an sawi avang chauh in college ah pawh hian ka thlavang a hauh a ,ka hrethiam lo . Ka duh tih a hriat atang khan min ngaihsak duh tawh reng reng lova ,chuvang ania reilote tal pawh helama ka awm nachhan (Davida leh Thartei te hi an pov a awm chho ve zeuh2 dawn aw) ka haw leh hunah chuan ka in thup ve thei tawh ang . Min duh lo tu duh reng chu natna mai mai a ni,min duh lo tu hi duh reng te hi ngailo se ,tinge khuanu pawh hian kan tana rem lo tur hlir hi min duh tir thin le ,kan mi duh ten midang an duh a,an duha ten midang leh bawk . Kan in pehhel kual vek nimaiin ka hria .

Kan duh ang chiaha min duh let ve tu hi chu an awm zeuh zeuh chauh a nih ber hi,in ngaihzawn ringawt pawh hi in duh tawn vang ni chuang lo in kan nun pui than a nih a vanga ngaihzawng neih ve hrim hrim chaka han ni kual mai mai hi kan nia ,in duh tawn tak tak hi chu a tirah chuan a theih vek lo chu a nih hi ,u Davida pawh a duh ber a neih theihloh thu min hrilh fova ,tunah chuan ka hre tawh. Keipawhin a rilru hneh tuma beih hi ka duh tawhlo,a tan chuan thingtlang nula thing tak chauh ka ni .

Min duh lo em em tu ka pan reng hian ka tan pawh a hrehawm ve a ,ka chhungte ka be tawh a inluah tur remchang kan hmu hlauh a ,tah chuan ka insawn lut ang chu. Nang ni teh helamah in cham rei dawn em?" a tihchuan ka hriat loh thu leh u Zirsanga tih dan dan a nihthu ka sawi chuan a bu nghat ” Kan haw tawh ange ,hahchawlh in duh tawh ang,in rawn kalna a thui si a ,naktuk lamah ka rawn kal leh zawk dawn a nia muttui u " tiin a chhuak zui a , pawn thleng ka thlah a . Midang an mu vek tawh nen kan nupa room tura min pek lamah chuan ka lut a .

U Zirsanga chuan tu emaw a lo be mawlh mawlh,an thusawi chu ka man hauh lo “Hlimpuii hian engmah a hre tur a nilo " a tih vel te chu mak tizetin ka ngaithla reng,enge ka lakah hian zep an neih? Tunge a biak chu ni ang “ U Zirsang engmaw ka hriat loh tur chu?" ka tihchuan a phu zawk,a phone chu dahin min rawn en a ,zawhna mitmenga ka lo en chu min rawn panin min kuah bet a “ Engmah,i thiannu chu a haw tawh em ni?" a tihchuan ka bu nghat a,zawhna mitmeng chuan ka la en reng bawk.

Engthil nge ka lakah a zep tlat hi,tinge thinlung taka min pawh a min pawm hi a tum ve miah loh le ” U Zirsang min duh ve tak tak lo tiraw? Dawt tello in min hrilh rawh " ka ti ta sep ” Ka tum alawm,nichina ka thusawi avang khan ngaihthatlohna tur a awm lo ,tirawh mu ang " tiin ka hmuiah a rawn fawp vawng vawng a ,khum lamah chuan min nawr tawlh nghal zat,tinge ka thusawi hi a pehhel na tur a zawn reng,ka hnar thei bik chuang silo,reiloteah ka taksa chu nawmna pe in ka mutthilh thleng chuan min chul hauh hauh a .

Zing ka harh chuan an lo tho vek tawh,thingtlang lam chu an tho tlai ngai lo tihkha u Dintei in min hrilh a ,a nih ka ring dar 6 ah ka tho a,chuti chunf chuan pum vela thir chher ri leh naupang infiam ri chu a awm nuk tawh a . An thawhna a rei tawh hlawm hle in ka ring,pawn ka va chhuah chuan u Ramtea leh ka pasal chuan chem hi an lo khawih mawlh mawlh a ,a fawng an vuah dawn a ni ngei ang . U Dintei pawh chuan rawng a lo bawl mawlh mawlh a ,ka pui ve vat “ Ar chaw ka lo va pe ange mei hi lo vil lawk mai aw ,gas hi kan hmang em em lo va vil reng a ngai a nia " a tihchuan ka aw ve mai bawk .

Antui chu ka chawk ve malh malh a ,dik tak chuan rawngbawl lam hi chu ka chem kalna a nilo bur ,ka tette atangin rawng ka bawl ngai lova ,wai wai vel ka chhum te a nihloh chuan hetiang chaw chhum tih vel hi chu ka thiamlo hrim hrim “ Dinte mikhual in nei em ni?" pawnlama an rawn au lang lang leh u Dinteiin a chhang chu ka hre pha reng ,eng eng emaw an sawi mawlh mawlh . U Dintei rawn lut chu a rawn tawng lut pah mawlh mawlh a “ Fimkhur ula ,hmuh chak cheuin an rawn leng leh ngei ang,helam chu mikhual emaw khawchhuak an lo haw hian an kan kual a .

Thusawi leh awmdan te hi fimkhur angai a nia ,tin mi thlai i hmuh pawhin dil la ,chutilo chu an sawi sel mai ang che ,I dilloh chuan an thinrim anga i dil erawh chuan phal takin an pe leh mai ang che ,chutih rual erawhin thingtlang hi chu hmanlai ang deuh hi an la nia ,mi nun hi an la buaipui in an la sawi peih a ,incheina leh nungchang chenin fimkhur hi a ngai a ,keipawhin ka awm tirh kha chuan hrehawm ka ti ve deuh . Mi thenkhat hi an rilru a tha lo thei lutuk a , thil ruk hlek emaw awmse an sawi char char peih a .

An ru ngei em tih pawh an hriat loh an rinhlelh ringawt te hi ru thawthanga chhuahin a khawpum khahin an khat thin,ka pasal awmna khua a nihna avang erawh in nuam ka ti a,kawng tam takah khawpui ai erawh chuan a nuam zawk thung . Nang ni pawh in awm chhung chuan nuam ti deuha hman in tum dawn a nia ,helam chu ngawte hi kan la hnaih a ,khawlum changa chawlhnan pawh a hnai vai a ,kan la picnic dawn a nia . Hei hi in pa te saw ilo va pe mai dawn em ni ? Keiin rawng hi ka lo bawl ange,nang chu lo awl rawh .

Mikhual tha chhawr hi kan duh vak lo a nia " tiin a nui hak hak a ,nuihletin thingpui no hnih nen chuan pawnlam ka pan a ,u Zirsanga te pahnih lo titi mawlh mawlh hmaah chuan va dahin ,an chemfawng vuah chu ka en a ,u Zirsanga erawhin hmanrua a lo pe tihloh chu a thiam bik teuhlo “ Cham rei in tum em?" U Ramtean a tihchuan tunkar vel chu cham kan tum thu leh feh ve ka chak tih vel chu a hrilh a ,u Ramtea chuan min rawn enin a nui suk a .

“ Kan nu ang mai,engmah ti thei silo in feh hi an chak ve em em a ,a te te hian an la thinchhe em em zui " tiin a nui huk huka “ An naupang tihchi an ni hauhlo ,min nau chei zawk mah mawle " u Zirsanga pawh chuan a lo ti ve bawk . Ka lo nernang “ Nang leh keichu keini ai naupang fe zuna uai siin kan thaibawih dawn der chu a nih hi,te viau e tilo hian an thu hnial a har a,min vin pang pang tawh hi chuan a lian zawk hi kan kimki dui mai a nih hi " tiin an nui dun huk huk a ,an va han ngeiawm tak .

“ Kan te kher lo aw ,naupang chhia pawh kan nilo " ka lo tihlak chu an pahnih chuan in en in an mit an kan dun uk a ,“ Khatiang vel kha in nia ,te si,thinchhe si,naupang bawk cute bawk si ,ka nupui pawh saw nang ang chiah a nih saw " a tih lai chuan a lu a rilawlh “ Tikhan min ti ziah suh Ramhmangaihzual,i fate nen hian kan tlanbosan ang che nga,i khua a har hle tur a sin,hmeichhe sang deuh zâng kul emaw tih tur a kal kun khui khui thin ai chuan kan chhelo fe zawk ,lo kal rawh luh san ang an pahnih khan awm mai mai rawh se .

Val senior beka kelsam to chin kan nei a ,lawmna chang pawh hrelo " a tihhlak hlak chuan ka nuih hak ,inchhungah inzui lutin kan nui dun uar uar a,kan pasalte pahnih phun hluk ri chu kan hre pha reng “ Min dawh thei lutuk hi ania ka hmangaih em em chhan,mipa puitling tak chin hi chuan hmeichhe tih dan te hi an thiamin,an dawm thiam em em a ,tlangval la naupang tak hi chu an la rintlak tak tak loh,hmeichhe dawhtheihna an la neilo a . Hei vang hian ania naupang taka innei kut inthlak leh inthen an tam thin .

Mipa kum 30 ral kai tawh hi chu an zia a dam dap a ,hmeichhia an care thiam riau bawk . Hei vang hi a nih ka ring,hetiang khawpa ka teu chung pawha min dawh theih em em ni,kan inneih hnua buaina kan tawh zawng zawng ka ngaihtuah a ,u Ramtea hi ka phulo ka inti zawk,a hma chuan cancer in ka thihsan tep a . Ka nun kha a beidawng thin a sin aw ,mahse kan Pathian hian a hun takah thil mak a thlen tir thin tih ka hriat chian phah,tirawh khawlai fang ang hmiang,an ni chu tisawn lo awm ve mai mai rawh se .

Davida te kan kan dawn a nia" a tihchuan Lalhriatpuia emaw tiin ka zawt nghal vat ,a lu a thing nak nak a ” Ka thianpa zawk, doctor ania ka thiantha ber nen inneiin fa pawh pakhat an nei ve tawh,hetah damdawi in an rawn hawn khan a rawn thawk a " a tihchuan ka bu ta nghat . Kan inzui chhuak chu kan pasal te pahnih chuan min lo en hu mai ” Khua hi ka fanpui dawn,Zopuii te kan phah ka duh hrim hrim a ,kan fate kha lo awm ve lawk rawh u,kan reilo ang " tiin min kalpui a ,an khawlai chu min fanpui a .

Naupang tual chai leh tar ho nilum aia pawna lo thu chhuak ho chuan min lo en leh ha thin a ,a thenin chanchin an lo zawt bawk . U Dintei pawh chuan ka hming leh Aizawl lam mi kan nih thu a hrilh ve zel bawk a ,a thiante in kan thlen chuan a au lang lang a ,an in ngam tlak hle tih a hriat“ Lo lut mai thin teh,Laldinmawi a ninawm ,lo lut rawh " tiin hmeichhe pakhat rawn chhuakin a hnungah mipa hmeltha tak a rawn chhuak a ,u Zirsanga ai chuan u Ramtea nen khan an upa tih ka hre mai . A pasal chu a ni ngei ang .

“ Kha tunge ?" a hmeichhia chuan a rawn ti a ,an lam pan chuan pheiin “ Zohlimpuii ka nia ,ka hmu cheu chu ka lawm hle mai " ka tihchuan a rawn nui ve sang a ,a kut chu min chibai turin a rawn phar nghal zat “ Zirsanga nupui a nih hi ,tiru lut ang u " tiin u Dintei chu a lut zui a “ Zopuii ka nia,kan Laldinmawii thawveng reh theilo lutuk hi chu a buaithlak thin a nia ,Zirsanga nupui maw i nih? I hmeltha hle mai " a tihchuan lai zetin lawmthu ka hrilh a.

.

Inchhungah chuan ka zui lut ve a ,Mipa naupang lo inlem chu panin ka biak chuan min rawn enin a nui ver ver a ,a va han duhawm tak “ Fa in va nei hmeltha hlawm em em ,u Dintei fate lah kha an duhawm bawk si " ka tihchuan an nui hak hak a“ Kan pasal te hi an inti thei leh palh ange ,an fate hmelah an inhnial fo a nia ,nang pawh nau duhawm tak ila nei dawn a lawm,lo kal ru helamah inkawm ang u " tiin sitting room lam chu kan pan a ,an fiamthu chu kan nuih pui leh thin.

Reife kan thut hnuah an pa chuan “ Dinte in pa rawn au hma in i haw a tha lo maw?" nui kur kur chunga a lo tihchuan u Dintei chuan a melh nghek “ A ninawm ,ka len ve apianga min au hi thenawm te hian min fiam nan tak an hmang a , a fate pahnih lah hian an chhun si,tikhan lo awm ve mai mai rawh se . Hunthawl neih ve te pawh ka duh,tikhan inah lo buai ve mai mai rawh se " a tihchuan u Zopuii te chu an lo nui hak hak a ,mahse rei awm tawh lo in min haw pui leh ta tho a ,in kan thlen chuan u Zirsanga chuan min lo ko vat a .

A bulah chuan pheiin ka va thu a ,ka kut chu a lo vuan nghal run “ A nuam iti em?" a tihchuan ka bu nghat ” Fiamthu an duhin an langtlang bawk sia ka mi nel chi tak an ni,an nundan hi a nuam ngawt ang . An in ngaihsak tawn hlawm bawk sia,kan kalna apiang te khan an lo hria in min lo be bawrh bawrh a ,an polite tawp" ka tihchuan a khi ve suk “ Thingtlang chu a khua hian an la inhria a ,khawpui angah kha chuan thenawm ngei ngei pawh kan inhriat mumal loh laiin helam chu an dan a dang a lawm .

He khuaah hian ka hna avanga ka kal tuma inchhar kan nia,an thawk rimin an fel a ,Ramtea te nupa hian engkimah min puia ,an ni awmlose ka buai viau ngei ang " a tihchuan ka bu nghat “ An fate ka hmuh hian naute ka nei ve chak thin,ka pai theilo a nih i ring em?" ka tihchuan a lu a thing vut a “ Ala hun rihlo pawh a nimahna ,heti pawh hian ka naute ini tho a,a tha mai lo em ni?" a tihchuan ka ner nang ” Naute an awm chuan a nuam ve alawm,chubakah mi fa duhawm pui pui ka hmuh hian ka awt ve alawm,i tana fa hrinsak ve che te ka duh a ,i duh ve lo em ni? .

I ngawi reng zel bawk sia " ka tihchuan ‘“ Ala hun lo " tihzawng a sawi a,ka thaw ta hak. Kei nena fa neih hi a duh lo nge pawh ka hrelo,hetiang lam ka sawi pui chuan engmah a ngaihsak tha duh bawk silo,u Zirsanga hi ka hrethiam ngai dawn lo chu a nih hi “ Tirawh lut ang" tiin inchhung lam ka pan a ,dik tak chuan kan nu leh pa te pawh hian tu hmel hmuh an chak tawh tih ka hria . Mahse u Zirsanga ber a la hel miau chuan keichuan eng thuneihna mah ka nei lova ,chubakah ka rai theilo te pawh a ni mai thei tihte chen chuan ka ngaihtuah.

Kar khat zet kan cham hnuah Aizawl lamah kan let a ,u Dintei te pawhin an lo zin ve tur thu an sawi a nihkha ,kan zin haw atang chuan kan nupa inkar chu ka sawithiam siloh hian a inhlat riau in ka hria ,u Zirsanga chu college ah thawk tawh lo in ka pa sumdawnna lam a enkawl pui tawh a . Ka pa pawh a lawm viau mai,kei erawh nitin driver in min thlahin min hruai a,Thartei pawh rawn chhuk leh tawhin kan la inkawm reng a ,Lalhriatpuia nen erawh an la inbe mumal thei meuh lo,miss Judith-i pawh u Zirsanga a ban a chin chu a bang zui ve nghal a ,zirlai naupang ho lah chuan an sawi sep sep reng lehnghal .

Mit chhing vang vangin van lam chu ka en a ,ka pasal mize mak sawt lutuk leh biak huphurh awm khawp a a inkhar khip tlat chuan hrehawm min tih tir ,zankhat a hnathawk chu a bulah va dingin ka be ta tawp a “ Tinge i danglam tak em em a "ka ti tawng a ,min rawn melh nghal vut . Chiang zet hian min enin “ Chutiang engmah a awm lo ,va mu tawh rawh . Nakinah ka rawn mu ang,hnathawh tur ka ngah deuh " a rawn tihchuan ka thaw hak ” I danglam vek tawh,miss Judith-i nen in la inhmu fo tih ka hria a nia ,tinge mi sawi tur a in la awm reng a " ka tihchuan min en lo in a thaw hawk .

Eng emaw hi a sawi zauh bawk ,anchhia phuh hlukin a rawn ding chhuak a “ Mi thusawi chu i awih tihna em ni,ka buai tin kan in hmu emaw hmu lo emaw buaipui suh,va mu rawh ka tihchuan mu mai rawh . Engmah min zawt suh,ka buai em em laia mi sawi mai mai ngaihthlak ka peih lo,va mu hmak rawh " a rawn tihrawk a . A meng tur khui bawk “ I mizia zawng zawng hi a inthlak leh zo tawh ,nge ka laka i duhzawng i lak hi i kham tawh,ka taksa chu i chen ning deuh tawh em ni?" ka tihchuan a hmel chu a ruh nghal tawlh tawlh .

Hlaua tlanchhiat mai ka tum biklo,a mize danglam ta lutuk leh min hlat tlat te hi a chhan hriat ngei ka duh,min duh velo tihchu hre tho mah ila hetiang em em a ka chunga a nunrawn hi ka beisei pha lo ,min ngaihsakna chhete mah a nei ngai heklo ” Zohlimpui atawk,ka chau ka tih tawh kha . Ka hnathawh laiin tihbuai ka duh lo,va mu rawh . Min rinhlehna kha bansan bawk ang che " tihmukin bathroom lamah min luhsan a ,beidawng zet chuan khum lam chu ka pan ta tawp .

Thingtlanga kan zin khan nunthar leh hlimna thar nen kan haw dawn emaw ka ti a ,mahse in ngeihlohna leh in hlat takin kan awm phah ta zawk si,ka in ngaihtuah thui zel a . Ka rilru chu a na nge pawh ka hrelo,ka bing mup mup maiin ka hria ,tinge hetianga a danglam tak tlat le . Miss Judith-i nen chuan an inzui leh tak tak em ni? Zawhna hrang hrang ka intzawt a ,eng chhanna mah ka in pe theilo,rizai chu siamtha in ka lu chu ka her a . Bathroom lama a inbual ri chu ka ngaithla kar ,a tawngdan leh a thinram leh ta lutuk te chuan min ti hrilhhai nawn awn awn chu a nih hi .

Min ning tawh a ni ngei ang,ka mittui luang tur chu ka khap let fak fak a ,engtin nge kan inkar zau ta duai hi ka siam that leh ang,engkim ah hian ka bo a ,engtia awm tur nge tih leh hmalak dan tur tak ngial pawh ka hrelo,ka rilru hah lutuk chu ka tawngtai ta tawp a ,mahse min chhawk teuh silo . U Dintei chu ka text ta tawp,engkim chu ka hrilh a “ Hun pe rawh,a hah deuh te pawh a ni ang,ngaihsak la ,mipa chuan duat te hi an phut ve thin a nia ,dawh thei tak khan nghak phawt rawh " a tihchuan lawm thu hrilhin mutthilh tum chuan ka inlet zui sat sata.

(TUN ANG LAI CHU TYPE TUR KA BO THLAWT)

mawitei bawihtlung · Unread post by **mawitei bawihtlung** » July 2nd, 2023, 9:18 pm

PROFESSOR ZIRSANGPUIA

CHAPTER 19

Zing ka tho chu min lo kuah tu avang chuan ka nui sak,a hmai tlang chu ka chulsak zai zai a “ Min duhin min hmangaih ve lo mahla,keichuan ka hmangaih che . Zirsangpui,i thinlung leh rilru luahpha ve lo hian a thinlung leh rilru zawng zawngin a hmangaih che a sin,Judith-i i thlang leh a ,i pan leh a nihpawhin nupui nei i ni tih tal hrechhuak rawh aw . Kan zin hma a i thusawi kha i hre tawh lo em ni? Bultanna thar ,nunthar neih beisei in kan zin dun a .

Mahse nun tha lo zawk leh in pawh lohna min thlen tu zawk a nih hi " tiin ka mittui chu ka hru nawk nawk a ,ka tho tur chu min rawn kuahin min pawt mu leh a ,a rawn meng chhuak nghal suar suar mai ,ka mitah a rawn en chuan ka tap tih a hria a ni ngei ang a mit chu a chuar tap a,“ Engvang nge " a tihchuan ka chhang lo,thawh tum chuan ka bei leh fat fat a ,min man nghet bawk si . Ka tal vel chu lawm lo zet hian min en a “ Awm tha mai mai rawh,enge i hriat ni ?" A rawn tihluk a .

Hmui pet fan fanin ka thawh duh thu ka hrilh chuan alamah min pawt hnai leh nghal hrawk,kan hmui chu a indai titih ” Engvangin nge i tah? Min hrilh rawh,engvanga i mit a mittui tling nge anih?" a rawn tihchuan ka insum thei tawhlo ka tap chhuak ta hlawp hlawp “ I...i danglam tawh lutuk,min ngaihsak tawh lo . Ka...tinge ka chungah hetiang i tih?" tiin ka tap chhuak hlawp hlawp a ,ka samah chulin ka chalah chuan a fawp vang vang .

“ Chutiang engmah a awm lo,ka chau deuh mai a ni e,tap tawh suh le ,sorry" tisupin ka hmuiah a rawn fawp a ,ka mittui chu a rawn hru hauh hauh a , ka la in sut fap fap chu min kuah hlu hlu in ngaihdam min dil mawlh mawlh “ Min hlat i duh ni berin ka hria ,keimah ah hian diklo a awm em ni? Enge tih dik loh ka neih? Min ning tawh em ni,mawh tinge hmeichhe dang nen an sawi ziah mai che le ,ka beidawng tawh u Zirsang,tinge i thinlunga hmun ka chan theih chuan loh chuan beiseina chhete te min siamsak reng ni ?" ka tah nasat em avang chuan engmah sawi tawhlo in ka ngawi reng a .

Ka insut hraih hraih bawk ,ka chungah a rawn bawk a, ka mittui luang chu a hmui a rawn fawpin a nui suk “ Tap tawh suh le ,ka ngaihsak tawk loh che avangin ka tihpalh " tiin ka kut chu la in a lungphu dup dup zawnah chuan min nem behsak a “ He lungphu hi ngaithla la,a phut ran chhan hi a duh tak bula a awm vang zawk a ni,a duh miah loh bulah chuan a ngai rengin a phu tih hre reng la ,he lungphu chhungah hian i awm a ,he taksa neitu thisen zam zawng zawngah hian i luang tel a ,he lu chhunga thluak hian a ngaihtuah reng bawk che .

Chuvang chuan engah mah ka ngailo ang che in in ngai tawh ngai suh,ka tan chuan ka thisen,ka lungphu ka hriatna heng zawng zawng ti kal tu inih hi " tiin min fawp leh a ,ka mittui chu a hru nghal mawlh mawlh . “ Ka nu leh pa ten i tap tih an hriat ka duh miah lo a nia,khawi maw i hnar a sen vek tawh a nih hi " tiin arawn fawp leh a . Min thut chhuah puiin min kuah ta hlu hlu a.

Class ka kal leh chu kawng lakah miss Judith-i ka hmu a ,ani pawhin min hmu tih hriat takin min hmuh rual rual chuan dak vah hian a rawn kal phei a ,ka bul a rawn thlen chuan a ding ta chat “ I tha maw? Sangpuia hi ka hnenah a rawn kir leh tawh tih i hria em? I hre thawi tawh chuan ka ring,ka lak a a thinrim hian hmeichhe dang min pan thin mahse min kalsan thei tak tak hleinem,ilo hriat loh takin kumkhat dawn in innei tawh a ,in contract ah khan kumhnih chhunga fa innei lo anihchuan inthen theih a ni tihkha.

Tun thlenga fa ila pai theihlohna chhan te hi i hre ve em?" tiin ngeiawm tak chuan a nui har har a ,“ Ah! I hrelo tak ang,keinen bak fa neih hi a duh lo a ,tin fa innei emaw neilo emaw kumhnih a tlin chuan contract tihdanglam theih a ni tih kan hre ran si a ,kan nghak mai mai a nih hi . Lo inring lawk la ,ka la rawn luhkhung duh mai thei ania " a rawn tihchuan ka nuih hak,ka nuih erawh a za hauh lo “ Mi pa lo hi i hmu zo ngang lo em ni Judith? Nge i luck lo lutuk zawk" ka tihchuan a hmel a sen nghal tun mai ” Nang.. nang nu hi " ti a min rawn kawk chu a kut chu lo herh sakin ka hnaih sauh.

“ Hre rawh keiai upa nimahla ka dim dawn hlek lo che a nia,kei leh ka pasal inkarah hian lo inrawlh tawh suh ang che " tihmakin ka kalsan nghal nal nal ,ka thinrim bawk si college ka thlen thlengin ka mood a fuh lo a ,ka thiante pawhin min en leh ha ha thin chu hrelo derin ka ngawi hmak ,u Zirsanga awmdan ka ngaihtuah a ,englai mahin ni e min duh thu leh min hmangaih thu a sawi ngai lova ,ka awmdan ang ang hian min en liam niber in ka hria,haw dawnah ka pa ka phone a ,min hruai tura ka ngen chuan anipawhin min rawn hruai ve tur thu a sawi mai a .

Tun ang lai a nawmsam loh bakah u Zirsangan a awl thei tawh bawk nen in lamah a awm tam tawh zawk a ,ka pa hi ka rilru hahna zawng zawng ka hrilh ngam awmchhun a ni,a rawn thlen rualin ka thu lut vat a ,min lo be nghal bawrh bawrh “ Pa hrilh duh che ka nei a " ka tihchuan car khalh pah chuan min rawn melh a ” Enge ni ta " a tihchuan ka ngawi vang vang,ni e thudik hi ka hrilh mai tur a ni ,a ni chuan tihdan tur pawh min hrilh thei ngei ngei ang ” Nau ka pai theihloh chhan hi i ngaihtuah ve ngai em?" ka tihchuan min rawn enin a lu a thing mai a .

“ Ala hun lo te pawh a niang,naupai mai theilo an awm a ,kum chuang lai pai theilo te pawh an awm alawm" a tihchuan ka nui sak a “ Judith-i ka hmu a " ka tihchuan a hmel a dang nghal hlawk “ Nau i pai theihloh chhan tih vel kha min hrilh a ,u Zirsanga hian eng thil nge a hrilh ka hrelo,a confi bawk si a ,pa ka hlau takzet ,ka hmangaih zia i hria tiraw ?" ka tihchuan a inseh ruh tawlh tawlh a ” Kan Zirsangpuia mai mai chuh! A duh tawh dawn lo emaw tihnak alaiin chutiang thil engtin nge a la hriat theih,mai mai chuan lungngai suh in kan thlen ve leh keimah in hma ka lo la ang" tihrawkin car chu a tichak zual sauh a .

“ Hauh kher a ngai lo a nia , Judith-i khan min tihbuai a chak vang hrim hrim pawh a ni thei a " tih ka sawi lai chuan thawk leh khatah kawngkawi laiah chuan truck a rawn lang thut a,penna hman a awm tawhlo,ka pa min au ri leh motor in su ri bur chu ka hriat hnuhnun ber a ni “ Ka pa chu a rawn phone i tihna em ni" mipa thinrim aw leh hmeichhe tap ri chu ka hria a,ka meng chhuak nghal riai riai. U Zirsanga bakah ka nu leh Judith-i an lo awm a ,ka nu chu a tap hawm hawm bawk .

“ Engthil nge thleng?Khawiah nge ka pa " ka tihchuan ka nu zawk chuan min rawn panin min sawi nawk nawk a ,u Zirsanga chuan a lo pawtsawn vat “ I pa kha a dam lo tih hre rengin hruai tur che in i ko a ka pasal chu kan chan phah ta a nih hi,nangmah vang vek hian a ni " tiin ka nu chu a tap leh a ,ka hamhaih tak zet . Judith-i chuan ka nu chu a lo hnem mawlh mawlh thung . U Zirsanga chuan inseh ruh tun hian min en a ,kei erawh ka pa a thi tih ringawt chuan min ti dang awk zo ” Dawt a ni,mumang a niang ka pa chu a la dam ang ,hei hi chu mumang mai mai a ni" tiin ka mittui chu ka hru a .

Mipa rum nghut leh doctor rawn lut chu a inrual a , doctor chuan min check mawlh mawlh in natna liam tham ka neih loh thu leh ka chhuah theih thu a hrilh a ,ka la tawng chuang lo . Inlamah min hruai haw a ,ka pa hmel ka hmuh tak lohah chuan thudik a ni tih ka hre nghal . Kan accident hma a in vuan nghet tur a min tih lai chu ka bengah a rawn ri nawn awn awn a ,ka mittui luang zawih zawih in ka tap chhuak ta hak ” Pa ka tum a nimiahlo,hetiang thil a thleng dawn tih hria ila chuan min hruai turin ka lo ngen lo tur che .

Pa min ngaidam rawh aw " tiin ka in sut chhuak ta hlawk hlawk a ,ka nu lah chuan biak pawh min be duh lo in ka pa thlalak enin a tap reng a ,Judith-i lah chuan u Zirsanga leh ka nu chu tawng thlamuanin an bula a awm reng tur thu te chen chuan a hrilh mawlh mawlh reng a ,kei erawh sawi tur engmah ka hrelo . U Zirsanga mitmenga ka nu ang chiaha min demna chu ka hmuh hmaih lo,chung te chuan min ti hrehawm zual “ U Zirsang ka pa thlanah chuan min hruai rawh,ka hmu duh a ni" ka tihchuan a ban vai hlukin” Chawl hahdam zawk la a that ka ring .

Tunah chuan engmah tilo la a tha zawk " tihmukin ka nu lam chu panin a kuah a ,a hnem mawlh mawlh . Sawtiang saw keipawhin ka ngai ve tho a sin,mahse dem thei ka nilo . Keimah vangin an pa leh pasal an chan a ni si a ,mittui tla chung chuan kan room lam ka pan a ,room ka luh hnu te chuan ka pa thlarau chu ngaihdam ka dil mawlh mawlh . Ka awm na lutuk chu chumin ka tap chhuak vak vak a ,tinge khatian thu thin thawng deuh deuh kha ka lo hrilh ni,chuti nilo se kha truck nen khan insu lo in min la dampui tur .

Tukverh bulah chuan thu in pawnlam chu ka thlir a ,ka thaw a pik ngawih ngawih a . Thawk lak takngial pawh a har lutuk,tinge keimah zawk ka lo thih loh le ? Inhnuai lama ka chhuk thlak chuan ka nu leh Judith-i chu eng emaw sawiin an lo nui dun hak hak a ,zing lam ai chuan ka nupawh a zia awm a nih hmel. U Zirsanga erawh ka hmu mai lo thung ,ka zawn kual lai chuan kawngka lam rawn riin a rawn lut nghal a ,Judith-i chuan a nupui ang maiin a lo kuah nghal chat . U Zirsanga pawh chuan a hnar hauh lo .

Ka en reng a ,tawng tur pawhin engmah ka sawi chhuak theilo, ka melh tlawk tlawk ringawt . “ Hun eng emaw tichhung chu ka nu hi ka awmpui a nge,amah chauh chuan a khua har palh ang,nang lah hna i kal a ngai reng bawk sia" Judith-i chuan atimawlh mawlh a ,u Zirsanga pawh chu a bu nghut . A hnial miah lo te chuan mak min tih tir a ,min ti hawihai reng mai chu a nih hi,ka nu lah chuan a lo pawmpui bawk nen keichu awm lo ang mai ka ni .

Awmpui te chuan min rawn bia in an ni erawhin midang ang lo takin ka thiamloh a nih thu sawiin min hnem mawlh mawlh,an puitlin tawh bakah mi fel tak an nih avang pawh hian ka nel a ,ka kawm ve reng bawk nen an hmela min khawngaihna chu ka hmuh hmaih lo ” U Zirsang ka pa thlanah chuan min hruai tawh la " ka tihchuan min en vang vangin “ Min rawn zui rawh " tiin a car chahbi chu la in pawnlam apan a ,ka zui ve nghal vat . Judith-i min melhna te chu ka ngaipawimawh duh bik lo .

Tunah chuan ka pa thlana kal ka duh ber ,thlanmual kan thlen chuan thlan la tharlam tak leivunga lo inchhilh hma ah chuan min dinpui a ,ka thing thi ta hnawk . ” Pa ka tihpalh" tiin ka mittui chu a luang lehnghal zung zun,an inchhung ka luh tirh atanga min be tha tu awmchhun leh min ngaihven tu awmchhun a ni bawk nen ka tan chuan ka pa tak nen an danglamna a awm lo “ Hetiang tur tih hria ila chuan min hruai tur a tilo che in,khang thu te kha ka hrilh lo tur che .

Min ngaidam rawh aw pa ,ka thiamloh vek a ni" tiin a thlan thinga an siam chu enin ngaihdam ka dil a ,u Zirsanga erawh ka bulah ngawi rengin a lo ding thung . Tinge ka pa thihnaah hian min dem ve mai le,haw lam pawh chuan a ngawi reng a ” Tinge min biak duh miah lo a ,ka pa thihnaah hian min dem ve tiraw " ka tihchuan a thaw hawk a “ Ka chau engmah ka sawi peihlo,i lawm tawh em ? Kan pahnih inkara ka pa i hnuhluh tel avangin tunah chuan ka pa chu a awm tawh lo a nih hi" a rawn ti hriam hruih a .

A tawng zawng a a biang ruh pawng tawlh tawlh leh a car stearing vawnna akuta thahrui pawng tawlh tawlh te chuan a thinrim zia a tilang chiang viau a ni . “ Ka hnuk lut tello,Judith-i" ka ti dek dek chu ” A tawk,he thilah hian a ni chu hnuk lut lui suh,a ni hi awm lo se ka nu buai hi ka enkawl thei hauh lovang,a ni chuan englai pawhin min thlamuanin ka thinrimna tur thil a tingai lo,nang chuan chhungkua tih buai bak i thiamlo,hetiang tur teh hrepa ka lo nei che hi ka inchhir ta rum rum " a tihhrawk chuan ka ip chawih a .

Kei nupuia min nei hi a inchhir maw? Ka thuhriat chuan min ti na lutuk ,tu emaw i hmangaih berin hetiang hian tive ta che sela engtin nge i dawn sawn ang? Hriat a har tiraw ,sawi chu a har mahse taksa na ngawih ngawih leh lungphu puak tur ang mai a awm hian sawi ai a a natzia a tilang zawk a nih hi,mi kan hmangaih a ,an tan engkim kan phal hnua an enga mah kan nih loh thu han hriat hi thihna ai a nep bik chuang em ni? Engmah ka sawi chhuak thei tawh lo a ,chhungril lama ka thinlung na au chhuak erawh a ring a sin.

Ka thinlung na vin tuk leh a hmangaihna chhan leta awm lo hrilhhaia tap vawng vawng hi a hmangaihna hriat sak lo tu thinlung sawn a ngaihtuah ve dawn lo ,a ngaihtuah pha hek lo . Hmangaih ngawih ngawih tu lungphu chu hawisanin hmangaihna dang a phut dun pui tawh a ,lungphu pathum zingah chuan ka hrang nalh a ,ka tel ve tawh lo . Ka melh vawng vawng a,ka rilru leh thinlungin dawt ti tur a a ngen lawm lawm laiin ka ka erawhin engmah a chhak chhuak thei silo chu a nih hi .

Chhung lamah ka kehsawm a,mei sa takin a kan ral thinlung zawnah chuan ka kut dahin ” I phut chhan thinlung chuan a bum che ,i tel ve lo" tiin rilru chuan a hrilh mawlh mawlh bawk . In kan thleng a ,ngawi renga car atanga chhuakin inchhung lam chu ka pan a ,Judith-in min tlanpela a va hmuak leh an tawng ri te chu ngaithla duh lo in inchung lama kan roomah chuan ka chhoh san a ,khumah chuan bawk thlawpin ka tap khur dar dar “ Nu,pa engtin nge ka tih dawn ,in fanu hi hremhmun ah dahin nang ni chuan anatna tur hmunah in hnutchhiah si a .

In fanu hi tunah chuan a nu leh pa ngeiin natna in pe ta a nih hi,tinge khawvel mi hei zozai zingah an ni kher hi in mamawh le ? Tunah chuan in fanu na hian hnemtu a nei ve ta lo tih hi hria ula tlem talin in lainat ve angem,in fanu hlimna chu sum leh pai avangin in hralh a ,in lak bo sak hlen dawn ta chu a nih hi" tiin ka phun chhuak sep a,ka aw te chu a ri chang chang chauh ani ,ka taksa la chak lo nen ka tap muhil thak a . Ka harh leh chuan zam dar 10 a ri der ,ka ril atam bawk nen inhnuai lamah ka chhuk thla a .

Sofaa u Zirsanga dar nghenga Judith-i lo bei chu ka hmu nghal zat,ka ding chawt a , thawk ka la nghal ham ham,ka pa a thi chiah chu an tan venthawn tur a awm hleinem . Mipa dawt sawi hmang tak ka lo tawng kher kher tihloh chu engkim hi an ni pahnih tan chuan a nuam dawn reng a sin,hmu lo ang maia kalpel ka tum chu Judith-i chuan min rawn hmu fuhin min rawn au leh kher a ” I harh a nimaw ,chaw kan eisan ta mai che a nihkha,kan ei bang a awm kha " a tihchuan ka ngawi reng .

U Zirsanga erawhin ngawi rengin min en vung vung a ,ka mit bui luk atang chuan an pahnih chuan ka tap a ni tih an hre ngei ang . Choka lam chu panin chaw leh chawhmeh awm ang ang chu ka ei a ,ka taksa mai bakah ka pum lam a nuam lo bawk nen ka ei tui lem lo hle . Accident ah khan ka pa a nat viau laiin kei erawh chungin ka insawh na lo a ,ka lu la sawhna deuh tihloh chu ka taksa lamah eng harsatna mah ka nei lo thung. Chaw ka ei zawhah chuan room lam ka pan leh chhat chhat a,muhil mai lo in khumah chuan ka mu a .

Ka phone a hla chu play in ka ngaithla vang vang a,ka mittui a hnai leh nghal kuar mai,ka mit ka chhinga . Ka pi leh pu ka ngai takzet ,tunah hi chuan an bula awm a ,kuaha tah ka chak ber . Ka mutthilh lai chuan mang nge pawh ka hriat loh taksa lum thur thur hian min lo pawm a , eng emaw a sawi sup bawk . Ka mut chhuah em avang chuan a thusawi erawh engmah ka hre lo thung ,ka suangtuahna mai a ni ngei ang . Ka chau lutuk te pawh a ni mahna .

(MUTTUI ULE )

mawitei bawihtlung · Unread post by **mawitei bawihtlung** » July 4th, 2023, 9:46 pm

PROFESSOR ZIRSANGPUIA

CHAPTER 20

College ka kal chu Davida ka hmuh chuan ka pan vat ,engmah sawi lo in ka kuah a ,tumah an awm lo bawk nen ka insum duh tawh lo ka tap chhuak a ,hamhaih zet chuan min kuah let ringawt “ Enga tinge Hlimi i tha em? Eng thil nge thleng?" a rawn timawlh mawlh a , a aw a min ngaihtuahna lang te chuan ka tah an tichhuak zual . “ Keimah vangin ka pa in anunna a chan...." tiin sawi zawm thei tawh lo chuan ka tap hlawp hlawp a .

Ka hnungah rawn chulin min hnem nghal mawlh mawlh ” Kan hre ve alawm,i thiam loh a ni lo ,tunge nangmah vang tih hrilh che " a rawn tihchuan ka mita mittui tling teuh chung chuan ka sawi a ,thinrim zet hian a thaw hrawk mai “ Mai mai chuan Judith-i lehbawk maw? Lo ngawi tak rawh,keimah hian phuba ka laksak ang che " tiin ka hnungah chuan a beng thek thek a ,chutia kan awm lai chuan Thartei ka hmu thut a ,hamhaih zet hian min lo en dun reng a .

Ka awmsawn nghal vat,Davida chuan mak tih hmel zeta min en in ka hawina lam chu inher hian a en ve a,Thartei a hmuh chuan a mit a san zauh ” Ka tihpalh lutuk" tiin Thartei chu a tlansawn nghal nal nal,Davida a duh tih ka hre reng a ,tinge keipawh a hmuhlaia ka lo kuah kher le ,Davida chu a rum hak a,Thartei tlan liamna lam chu a melh vung vung bawk “ Va umzui rawh ,keichu ka tha a nia ka ngaihtuah awm loh ang" ka tihchuan a lu a thing nghut. Ka kutah rawn vuanin hmun biru lai deuh chu min panpui a .

“ Ka thian i ni a ,i mangan laiin ka tlansan hauh lovang che ,i pasal leh chunu chu va kal a ,ka va khawih i duh em?" a tihchuan lu ka thing nghal nawk nawk . U Zirsanga chu ka dem hauh lo,keimahin ka koh chhuah avanga ka pa nen accident a a nun chan phahna ka ni miau a ,mahse min hlat kher hi hrehawm ka ti a ni . “ Thartei khan a mamawh zawk ang che ,i ngaihven tih ka hria a lawm,min ngaihtuah suh va kal phawt rawh " ka tihchuan a phun hluk mai . “ Class ah lo awmla kan rawn kal ang" a tihchuan ka bu nghat a .

Class ka luh hnu reiloteah midang pawh chu an rawn thleng a ,Davidan a lo hrilh tawh nge chanchin chu min zawt mawlh mawlh hlawm a . Ka sawi zawng chuan ka tah a chhuak bawk nen ka sawi tha thei meuhlo,an ni erawh an lo chet tlak tlak a ” In inneih khan mak kan ti reng a ,a chhan chu professor hi chu Judith-i hian a zar hneh lutuk a ,hmeichhe dang pan ve tum mahse Judith-i hian an hausakna hmang in alo vau bet zel an tia.

Amah lah hi a duh zawngah chuan zah a hre miah lo lehnghal,engpawh chu nise a thik tura nangpawh hi i awm ve chhin chu a ngai ang " Nubawihin a rawn tihchuan ka en ha mai ” Enge Davida a thik sia Davida hi awmpui chhin la ,a duh ve che leh duh ve loh che chu a hriat mai dawn alawm " a tihchuan midang pawh chuan an lo tuihnih zat a ,an pawm tlang viau a nih hmel “ Chutiang ringawta awm pawh chu a tha dawn em ni? Runluih chi ni pawhin ka hrelo.

Min duh ve lo tih ka hrechiang a ,a tan chuan engmah a nilo ang" ka tihchuan an e dual a ” I â emai,thil hi tihchhin hma chuan a hriat hleihnem,vawiin atang tan ula a tha ang . I status nghal zel a nga" an tihchuan ka thaw an ti pik tawlh tawlh,khatianga midang runluih kha ka thiam ve lo ,chu chu a nia ka buaina ber ,mi ka runluih dawn pawhin keimahin nuam ka tilo a ,ka tal buai vek zel “ Ka hrelo,ka thiam loh thil a ni " ka tihchuan Davida zawk a rawn inrawlh vat “ In ngaizawng tak tak kan nilo tihchu midang hian an hre vek a .

Enge i hlauh em em ,i pasal hi i nei let leh duh anihchuan i thiante hian kan pui ang che ,kan puih tumna che engmah hi i hnial tur a nilo " a tih takah chuan ka aw ta hram . Ni e ka thiante an ni a ,an nilo ka rilru hahna leh ka natna min chhawk thei tur dang an awm chuang lo ,ka pasal lah ka hnaih thei tawh der silo . Kei ai a bialnu hlui leh a thian nibawk a thlang miau a lawm,haw lamah chuan Davida nen bazar lamah kan kal dun a , couple tshirt vel lei an ti lui tlat a . Duh lo viau mah ila u Zirsanga rilru hriat nan ka tih a ngai bawk si .

Ngawi reng chuan bike ah kan inphur a ,bazar kan thlen chuan kan chhuk nghal vat . Dawr pakhat chhungah chuan min luhpuiin couple tshirt an neih leh neihloh a zawt a ,an lo nei ngei a a rawng a zawt nghal mawlh mawlh ” Eng colour nge i duh Hlim" a rawn tihchuan ka phu zawk a “ I duh ang ang kha a nimai " ka tihchuan dawr nghaktute chu an lo nui hak a,kan inhmeh thu chu an lo hrilh ve mawlh mawlh, Davida chuan a black chu thlangin King leh Queen tih a ni a ,Queen zawk chu min rawn pe nghal zat .

Leu zawh rualin min chhuahpui a ,sa channa bul kan thlena ka mihmuhte avang chuan ka ding chawt,u Zirsanga leh Judith-i chuan sa vel chu an lo lei dun a ,an nui dun hak hak bawk . U Zirsanga hlim hmel chu engtik atang nge ka hmuh tawhloh pawh ka hrelo,ka bulah phei chuan a nui khat hle a nihkha . Mahse Judith-i bulah erawh a hlim em em thung si,an pahnih pawh chuan min rawn hmu in u Zirsanga chuan a mit a chuar nung a ,Judith-i erawh a la titi barh barh reng tho ” Ehe nang ni pahnih chu in leng chhuak ve a nimaw ? .

Tleirawl nih a in ngaihzawn hi chuan lendun te hi a nuam riau ania ,hei keini pawh chawhmeh kan lei dun a ,zanin tlai hmehtur kan nei lo bawk nen. Hlimi inlam chu lo ngaihtuah suh,keimah ka awm a chaw ei hun erawh hria la " a rawn tizat zat chu ka kut ka humruh vak,u Zirsanga erawhin tawngkam khat mah a chhak chhuak lo a . Davida nena kan tshirt inang ken chu an hmu tih hairual a nilo “ Wow , couple tshirt maw? Sangpui lei ve ila a nalh reuh khi " Judith-i bawk chuan a tileh a ” Khitiang kan mamawh lo,haw tawh ang hmiang ka nu ka ngaihtuah " tiin Judith-i lamah kun hniamin mawi zet hian a nuih a .

Ka lung chu che dawtin ka mittui a hnai leh kuar tawh,Davida ban chu ka hmer tawk ringawt ” I tha em? En tawh suh,kan kal kal phawt ange Hlimi hi zanin chu a rawn haw lo ang aw ,a pawi em lovang chu maw . Kan thianho chaw eikhawm a ,riah khawm kan duh a , advance Christmas hman kan tum bawk nen" tiin Davida chuan min kalsawn pui nghal zat,eng thu nge a sawi kha ? Advance Christmas maw? Khatiang thu kan thianho in kan rel hauh lo "“ David engthil nge i sawi kha " ka tihchuan min nuihin ka lu chu a rawn tuai zauh a .

“ Khatianga ka tihloh chuan an ni pahnih awmdun lai kha i hmu reng thei dawn em ni? Khatiang chen lek i hmu chung pawhin i mittui tla tur kha ka hai i ring em ni? Lo kal rawh,midang chu ka hrilh kual mai dawn a nia " tiin bike dahna lam chu min panpui a ,hnunglam chu hawi leh hramin u Zirsanga te kal liam tur chu ka melh tawk tawk a ,ka ngai lutuk . Ka ngai takzet ,thawk leh khata min ngaihsak ve na te bo duak chu ka dawngsawng thiam meuh lo,a rang lutuk a ,engtia lo hmachhawn tur nge ka hrelo a ni .

Davida te in lian zet chhunga kan luh lai chuan a nu chuan min lo lawm nghal vat a ,a hmel a hlim hmel hle bawk. Chutah Thartei lo awm ka hmuh chuan ka en kawk,hostel kha a awm dawn a ti sia,ka ngaihven tur a nilo. Davida ten an phallo pawh a nimahna “ U Hlim lo kal rawh,in ti thei ta em ? " a tihchuan ka lu ka thing nak “ Min ngaihsak ang pawhin a awm lo" ka tihchuan min khawngaih hmel zet hian min en a ,ka kut chu a hum vang vang “ In lo zin lai kha chuan a ngaihsak hmel hle che si a .

Mipa hi chu an va mak tak em,an rilru lah hi awmdun rei viau pawh ni ila a hriat theih siloh . Engpawh nise i tan kan awm reng a nia,chuan ka lawm e aw ,nangmah vangin he inchhungah hian ka awm leh theih phah a . Ka hrehawm tihna pawh a reh vek tawh,u Davida duhkha i ni tih ka hria a ,mahse ka haw miah lo che a nia . Tunah chuan min ngaihsak ve deuh tawh a ,i chungah hian ka lawm lutuk zawk . U Nubawihi te pawh an rawn thleng tepin ka ring,nutei leh patea pawhin zanin chu helaia kan thianho a party an phal tawh a .

Hlim hram hram tum rawh aw" a tihchuan ka bu nghat,rawngbawl tura min kalsan hnu chuan an inchhung chu ka enkual a ,an awm thei ve tawk tih a hriat hle bawk. Davida pa hi officer a ni a ,a nu pawh doctor thiam tak a ni tih ka hria ,ka ngaihtuahna ah chuan u Zirsanga te bawk an rawn lang a ,ka awm lo hi an hlim viau in ka ring. A chhan chu ka tello a an hlimzia chu an tilang fo a nih kha ,a hma atangin min mil ngai lo a,ka pa avang khan ka nu pawhin min be tha mai mai tihlah ka hailo .

“ Zirsangpui,tunah te hian midang bula hun hman aiin i bula hun hman ka chak ve a sin,min kuah leh la min fiam leh la tihkha ka chak lutuk,mahse i hmangaih chu ka luahlan thei ngang silo a nih hi " tiin Davida ka lam pana a rawn kal ka hmuh avang chuan ka mittui chu ka hru nghal zung zung ” Tirawh i thawmhnaw kha thlak la ,Thartei roomah a thawmhnaw i hak tur a dah kha ,hawh rih mai rawh . Khatianga awm chu i tan chet a nuam lo ang" tiin Thartei room chu min kawh hmuh a ,keipawh chuan ngawi reng chuan ka pan ve mai bawk .

Ka inthlak zawha ka chhuah chuan midang pawh an lo thleng tawh a ,chanchin an lo inhrilh mawlh mawlh “ Zanin chu party tak tak ang u,intihhlim a khat a lawm " Zothana leh Gideona chuan an ti a ,midang pawh chuan an lo pawmpui leh thap tawh . Davida nu leh pa pawh an felin tunlai thalai te tuizawng an hre bawk a,an titi ho nak nak reng mai . Kei erawh midang nuih leh dar darna karah chuan ka ngawi ngar thung,a zan a zanin bazar lamah arsa lei tur zawngin mipa ho an chhuak a .

Hmeichhe ho inah kan awm thap thung,Davida nu leh pa te erawh chhuanlam siamin an leng daih a . A nuam lo kan tih an hlau te pawh a nih ka ring” Awi en teh u Judith-i status hi" Nubawihin kan lama a phone rawn dahin a ti a ,ka en vang vang. U Zirsanga bakah ka nu nen an pathum chuan chaw an kil ho a,an hlim hmel hle lehnghal “ Nu keichu bo daih mai ka duh" ka tihchuan Nubawihi chuan a phone dah vatin inthiam loh hmel zet chuan min en a . Ngaihdam min dil nghal mawlh mawlh .

“ A pawilo,khang te chu nitin ka hmu ziah dawn tho alawm,tinge min duh miah lo tu leh min hmangaih miah lo tu hi ka lo hmangaih le ,kan inneih hlim ang khan awm thei ila ka ti,hetiang hian ka na lo tur . Ka at vang vek a nih hi " tisepin room lamah ka luhsan a ,min rawn zui ve vat tho . Min kuahin an thiam ang ang chuan min hnem ve a “ I nu leh pa bia la,hawsan chi a nilo maw? Hetiang reng chuan i tan pawh a hrehawm dawn lutuk a sin .

Tunah inthen ang in ni thawthang tawh a ,hetiang a awm reng ai chuan hawsan daih mai rawh " Nubawihi chuan mittui tling pamin a rawn ti ve a ,min khawngaihna avanga an mittui tla ve chuan min ti lungchhe zual ” Ka hrelo,kum hnih chhung kan inneih a ngai a lawm,chumi hnuah sawi that a inthen theih chauh a ni a ,ka nu leh pa hian min pawmpui angem ka hrelo,chubakah u Zirsanga hlat a ka awm theih ka ringlo,mahse ka awm tan mek chu a ni bawk si a .

Engtin nge ka tih dawn pawh hi ka hrethiam tawh meuh lo,engmah ka ngaihtuah theilo" tiin ka mittui chu ka hru a “ Zanin chu min hrethiam ula,nangmahniin lo hmang mai rawh u . Ka chau bawk nen mut ka duh ber " ka tihchuan min hrethiam takin an bu nghat a ,Thartei mutna min siam sakah chuan ka mu nghal vat,ka chau hluah hluah a ni . An chhuah hnu chuan tukverh atanga arsi lang chu thlirin hla ka ngai thla a,Vanlalsailova hla ‘Lo let la ka kiangah ' tihchu play in ka tah pui zung zung.

Tunah hi chuan arsi ah ka inchan a ,hla deuh tak atang mawi tiin an thlir sup sup a ,mahse tumahin an khawih phalo a ,an khawih thei heklo. Midang te tan mawi takin eng chhuak mahse a tawpah a keh darh a ,a chhe leh mai thin. A thlak tur arsi dang tam tak awm mahse a ni erawh a awm ve tawh lo a ,van thenreng zau takah a keh them chu a inzam darh a ,mawina reng a nei tawh ngailo . Chutiang chiah chu ka niin ka hria ,ka chhung lam hi a sa pup pup a ,a keh darh a . Remkhawm tur tumah an awm lo ,a tap a a bo a kaldan tur tak ngial pawh a hre tawh hek lo .

Kai hruai tu a mamawh a ,mahse a mah kaihruai tur a hmu zo heklo,a mawina hmu siin tumah in an duh tak tak loh thinlung neitu mai ka ni . Engtin nge a hmalam hun a hman ang tih a hrelo a ,a kawng a bo a ,amah inhai chhuak thei tur takngial pawhin theihna a neilo . A chakna zawng zawng laksak a ni miau si a ,pawnlama ka thiante nui leh dar dar thin chu hre mah ila pawh chakna ka neilo,ka tan chuan keimaha awm hi a him ber in ka hria . A vawikhat nan hmangaih ka nei a ,chupawh chhan letna ka dawng ve chuang lo .

Ngaihsaktu chu ka nei ve ngei a ,mahse rei ngaihsak erawh ka nilo . Ka lak atanga a duh zawng zawng a lak hnuah chuan bawlhhlawh ang maiin min paih ta chu a nih hi . Ka engkim,ka thianghlimna ka thinlung thlengin min laksak a ,mahse a rei a duh loh zinga mi niin midang bawk a pan leh si a ,a number chu hmetchhuakin call tum chuan ka tin ran a ,mahse min be duh dawn lo tih ka hriat avang chuan Katerina te zawk ka call a ,an ni lamah chuan chhun lam a ni dawn tih ka hria,an lo la vat reng a .

An hmel ka hmuh chuan ka nui sak,ka ngai takzet ,an ni tal awmse chuan hei ai ka tuar nep ngei ang ” I tha em" ka hmel an hmuh avang chuan min ngaihtuah zetin an rawn ti a ,ka bu nghat “ Nancy dawt sawi suh,i tha lo " Vallery chuan a rawn ti thak a ,ka nuih ringawt “ Thil thleng a awm tiraw? Min hrilh rawh,zep hauh suh ang che" an rawn tihchuan ka buaina tawh chu ka hrilh a ,an thinrim hle ” Mai mai chuan kan bulah lem ka tina ngai lovang a ti che sia,mipa nep lutuk a nihchu,lo hawsan rawh kha ta awm kha a ngai tawh lo tihna a nihchu.

Helamah a ni ai tha tha mipa an tam lutuk" Rosy chuan a rawn ti nghal bawrh bawrh,a ni hi chu a thinrim hi chuan zah vak hi a neilo a ,mahse a thinrim rei ngailo va ,a rilru a tha hle bawk . “ A theihloh tih inhriat kha ,a chhan chu contract hmanga innei kan ni a ,dan lo anga ka kal chuan keimahin buaina ka tawk thei tih inhria alawm,mizo te chuan contract hmanga inneih tive ngailo mahse khalam a contract an kalpui dan in hria a lawm .

Ka bawh chhia a nihchuan keimah leh ka nute pawhin buaina an tawk thei,chubakah ka hmangaih tih in hria a lawm,chuti maiin ka kalsan theilo a ni " ka tihchuan min hrethiam takin an bu nghauh nghauh hlawm a,ni e hmeichhia chuan hmangaih kan neih tawh chuan kalsan mai kan thei tawhlo . Enganga sual leh min tihnat hreh miah lo tu nimahse kan hmangaih tawh chu kan dawh thei zel si,a tlawm thlak tiviau mah ila kalsan a ,hmeichhe dang ta a nih mai kha ka phallo a ni .

Tunah thenin kalsan ila an duhthusam ka thlen dik tir dawn tihna a ni a ,chutiang thlen tir ai chuan ka tuar rih mai ang . Ka ngaihdan dik tak chu ka hrilh mawlh mawlh a ,min pawmpui chiah lo mahse ka tihtak em avang chuan min pawmpui ve ta hram a ,zingah chuan haw in in ka thlen chuan u Zirsanga chiah chu pawnah a lo awm a ,a hnunglam min chhawn tlat avangin min hmu hauhlo,muangchanga pan hnaiin a hnung lam atang chuan ka kuah a .

A phu nghal zawk “ Reilo te chiah ka kuah thei che a ngem,u Zirsang reilo te chiah i chakna ka hawh thei angem ?" tiin ka ngen a ,min namsawn ta bik lo “ Tinge min biak duh miah loh a,tihsual ka nei em ni,engmah min hrilh duh bawk silo . A hrehawm tehmai a nia ,mawh min hrilh rawh" tiin a hmalamah ka insawn a ,min en reng thung . A tawng mawh zia ka hria a ,min chhang lawk lo pawh chu ka hrethiam “Khawngaihin min haw tawh suh,min pehhel tawh suh u Zirsang" ka tihleh chuan tawng a tum a .

Mahse Judith-i rawn lan a ,a rawn kuah chawt avang chuan a tawp lehnghal vat “ Nizan chu a nuam bawk maw,Davida bulah i riah ka ring ringawt a ,keini pawh nuam kan ti teh a sin" a tihchuan ka chhang lo,u Zirsanga zawk chuan a lo khap a ,inchhung lamah an lut nghal daih chu ka en liam leh ta tawp “ Tuar hram hram rawh,nakinah i laka a thinrim reh hunah chuan a pan leh mai ang che " tiin keimah leh keimah chu ka infuih mawlh mawlh a .

Inchhung lam pan chuan ka lut ve nghal zat,ka nu chuan ka riahna min lo zawt a ,ka chhang lo . Min sawisel zui chu ka hre reng a,Judith-i zawkin mo chetdan tur ang a a chet zawk thu te chu min sawi khum chiam lehnghal . Ka nin em avang chuan room lamah ka luhsan daih a .

(,THLUAK A CHAWL)

mawitei bawihtlung · Unread post by **mawitei bawihtlung** » July 6th, 2023, 8:42 pm

PROFESSOR ZIRSANGPUIA

CHAPTER 21

Story hi a lem emaw changtunu hi nep in ti mai thei a ,mahse he story hi a taka thil thleng ngei hmeichhe pahnih nun atanga ka ziah ve a nia,an inthentheihlohna vel bik tak hi auh. A dang chu phuah chawp a ni thung

Ka kuta test kid chu enin ka nui var var a,tunah chuan thla a liam leh tawh a . Judith-i pawh an inlamah a letna a rei tawh bawk a ,u Zirsanga pawh ka lakah a sual lo nangin chungin min la hnaih duh chuang hauh lo,min mamawh hunah erawh chuan min duat leh em em tho si . He thil ka hmuh hunah chuan a lawm viau in ka ring,naute ka pai ve ta mai chu ka mumang emaw ka ti hial . Kumkhat leh tih kan innei tawh a nau ka pai thei dawn lo emaw ka tih hnua ka han pai leh mai chu ka lawm hle .

A hnathawk rawn haw chu ka lo nghak a ,ka nu pawh ka hrilh duh lo . Khawthim hnuah a rawn haw a ,thutkhawmna pindanah chuan ka lo nghak ran . Kawngka a rawn ri rak a , phur zet chuan ka test kid nen chuan ka pan a, ka naupai thu hlim zeta ka hrilh chuan a hmel a dang hlawk a ,thinrim taka min en in a chhuak lehnghal daih,engmah a sawi lo chuan mak min tih tirin,ka hamhaih lutuk bawk nen umzui na chang pawh ka hrelo .

Zan tlai taka a rawn haw a a thusawi phei chuan min tina vawng vawng,kan naute kan pahnih thisen a insiam chu ti hlum turin min hrilh a nihchu! Engtin nge hetiang khawpa a nunrawn theih ? “ Iti fiam a ni tiraw ? Zirsangpui hmangaihna tlem tal pawh i nei ve em em nange ?" tiin ka melh tlawk tlawk ” Ka fa nilo ka hmangaih theih i ring em ni?" ngeiawm zeta a tihchuan ka insum thei tawh lo a hmaiah chuan ka beng thuai a ,ka tih tlak ngailoh tur thu a ka chhanna chuan a hmel chu a ti hlauhawm zual .

“ Nangmah a i enkawl duh chuan i pai tlang ang,kei nen erawh inzawmna kan nei tawh lo " tiin a room lam a pan nghal zat . Ka pum chu ka dawm a ,ka thaw chhuak ham ham ,tinge hetiang khawpa a nunrawn mai le “ I pa hi kalsan ila miin engtin nge an sawi ang che tiin ka ngaihtuah a ,naute i nu hi ka va tlaw tak em. I pa hmangaihna ka hlawhchhuah pui thei silo che chu a nih hi,miin pa neilo tiin an sawi an sawi tur che ka ngaihtuah ringawt pawhin bawihte ka va khawngaih che em" tiin ka pum a naute awm ta chu ka be mawlh mawlh .

Ka naupai thu a hriat huna a hlim dan tur ka lo suangtuah lawk te chu kha a thusawi rapthlak zet khan a tibo nghal vek,ka pum chu ka chul a ,suangtuahna ka lo nei hman a sin. Ka mittui luang tur chu duhlo in ka khap let sak sak a ,ni e a pa in duhlo mahse a nu hian ka duh a lawm,ka enkawl ngei bawk ang . Room lam pawh pan duh tawh lo in ka nu leh pa in ka tana an tih kan hotel sak thar lam chu ka pan ta rih a ,zanin atan chua ka naute nen hian rilru hah lo a thawveng taka awm kan mamawh ber a ni .

Kan hotel ka thleng chu khualchhawn ho chuan min lo buaipui nghal vat a ,room nuam ber tur an sawi lamah chuan min dah nghal vat ,ka dul lian ta riau te . Ka taksa nuam lo thin te kha ka lo hrethiam ngai lova ,ka hriat avanga beiseina leh hlimna nen ka pasal ka neih let leh theih ringa amah ka hrilh chuan min tina zawk si “ Tunah rih chuan apa bul atang hian awm sawn rih ila,apa rilru a pangngai hunah kan haw chauh ang aw " tiin ka naute chu ka be mawlh mawlh a . Lungngaihna karah hlimna min pe a ni,a ni a lo pian chuan keimah ngei pawhin ka chak phah ngei in ka ring.

Engtin nge a fa anihloh a rin theih zawk,a ni lo ka mutpui hauh lo tihchu keibaka hrechiang an awm lo . A tuk lamah pawh vak chhuak lo in hotel ah chuan ka awm char char ,vawikhat te pawh min rawn biak a tumlo a . Ka ngaihtuahna ka kawm kual a ,inthen mai nge la awm tihchu ka ngaihtuah nasa hle ,hmeichhe tan chuan pasal then chuan sawisel tu leh eng emaw neuh neuh an awm ve reng dawn a ,chubakah kan inkarah fa hial a awm tawh si a . Engtin nge pa tello a ka enkawl ang,enkawl thei dawn mah ila pa neilo tur a dah ringawt pawh kha ka fa tan a na dawn lutuk .

Pa tih tur a neih loh chuan min la zawt ngei bawk ang,chuvang chuan u Zirsanga hian a pawm ngei theih nan tan ka lak a ngai tih ka hria,ka rilru hah lutuk chu ka thaw leh hak thin . A tlawm thlak ti viau mah ila ka duh duhin ka haw theilo,ka chhungte bulah engtin nge ka sawifiah vak chuan ang . Chubakah chutia awlsam taka hmeichhe dang laka chan mai ka phal bik bawk silo . Ka phone message rawn lut chu ka melh zawk,Judith-i hnen atangin u Zirsanga office a an awmdun lai a rawn thawn chuan ka inhum ruh vak.

“ Enge mi nupa inkara i inrawlh hian nuam iti viau em ni?" tih ka thawn chuan a seen a ,nui lem chu a rawn dah a ” I pasal hi ka ta a nih hi, lo hre ve mai mai la ,i fa kha enkawl i duh loh chuan keimah in ka enkawl mai ang,keiin ka enkawl chuan Sangpuia pawhin a pawm ngei ngei dawn a ,ka hnenah min pe la i duh zawk lo maw " a rawn tihchuan ka thaw hak ” Ngawi hmak rawh ,i kutah khan engtikah mah ka fa hi ka hlan ngai lo ang " tiin ka tho chhuak a ,inlamah chuan ka haw leh ta nge nge a . Ka nu chiah a lo awm avang chuan belo a kal tlang ka tum a ,mahse min lo auh din avang chuan ka kal lui ta lo .

“ Nau i pai em ni?" a tihchuan ka chhang lo “ Ka chau deuha min lo hrethiam rawh ka nu " tiin room lam chu ka pan a ,min rawn zui ve zel avang chuan thaw hakin a lamah chuan ka inher a ” Enge ni a ?" tihlakin ka melh a ,ka laka an tha bik lo nen awka nem taka biak ka tum tawh bik lo “ Naute chu a hriselna a tha em?" a tihchuan a hmel chu ngun takin ka en a ,hlim hmel ka hmu tlat ” A hriselna chu a tha in ka ring,naktukah doctor ka va hmu ang chu " ka tihleh chuan phur zet hian a lo kal ve tur thu a sawi a .

Naute chuan a tihlim hle tih a hriat,a fapa nena naute an ngaihdan inang lo lutuk chu amak,hetiang hian Zirsangpuia kha lawm ve se chu engkim a tha vek mai tur,an nufa mizia hi hriatthiam theih pawh a nih loh hi . Roomah chuan lutin kan inneihna lehkha chu ka en a ,fa kan nei a nihchuan inthen kha a theih dawn a ,chuan ka fa chu kum 6 a tlin hma chu ka enkawl thei dawn bawk . Chumi hnuah erawh a mipa lam in an enkawl ve tawh thung ang ,mahse hetiang hi ka thlen tir ngai dawn lo .

A chhan chu tih tlak hial duh tu kutah hian ka fa hi ka kalsan dawn lo,hetianga a awm reng chuan engchen nge ka tawrh theih dawn ka hrelo a,hmangaih ringawt mah ila ani hmangaihna ka dawng let ngai dawn lo tih lah ka hrechiang,mipa hi chuan hmeichhe thinlung hi tihnat leh nuihza siam nana hman bak an thiam lo tih an sawi fo thin kha a dikzia ka hmu chho ta zelin ka hria ,khumah chuan mu in ka lo muhil a ni ngei ang . Ka hmaia ka sam huisawn tu ka hriat rualin ka mengchhuak vat a ,u Zirsanga nen chuan kan in melh ta chat .

A kut chu a la let ruai ruai bawk,coat suit a la ha a ,a rawn haw na a la reilo hle tih a hriat. A hrawk bawk chu a chil lem zawng chuan che rulhin ” Nizanah khawiah nge i riah?" a rawn ti thum chhak a . Ka chhang mailo,a thil min zawh rual chuan a mitah hian eng emaw a lang zawk a,hlauhthawnna nge ka hrethiamlo a lang reilo hle mai pawh a. Mit nuai chat chat chuan ka tho chhuak a ” Hotel-ah chu chu eng atan nge min zawh ? " ka tihchuan a rum nghut a . Ka bulah chuan rawn mu in a mit a chhing vang vang .

Judith-i nen an awmdunna avangin a chau viau te pawh a nimahna ,thawh chhuah ka tum chu ka kawngah rawn vuanin min kuah bet ta tlat a . Tal chhuah ka tum chuan rawn meng duar duar in min en run mai “ I mut a la chhuah kha la mu rih rawh" tiin ka hmel awmdan chu a en reng,ka ngei hmel ch a hmu ngeiin ka ring “ Ka ril atam min thlah rawh " tiin ka tal leh nghek a ,thaw hawk hian ” A tha a lawm,kal rawh i ril chu a tam viau tak ang chu" tiin ka pum chu a rawn melh a ,a thusawi awmzia ka hre nghal mai bawk .

Ka chhang lo va,ngawi reng chuan chhuahsanin inhnuailamah chuan ka chhuk san daih,awmpui te chuan min lo hmuh rualin chaw ei ka duh thu ka hrilh a ,an siam nghal sawk sawk mai . Ka nuam vak lo bawk nen ka tawng peih thlawt lo ,ka nu leh pa te ka be pah a ,nau ka pai thu vel ka hrilh chuan an lawm viau mai,in enkawl tha turin min ti mawlh mawlh a ,an hlim aw leh an mi ngaihsakna chuan an bula awm min ti chak takzet ,hetah chuan ngaihsaktu leh duattu ka nei der silo .

Chaw ka eikhamah chuan room lam bawk chu panin khuma mu chu ka en vang vang,a chau viau tak tak a nih ka ring,a pheikhawk chu phelh sakin ka dahtha a ,muangchang chuan a bulah ka mu thla nghal riai riai ,a phone a rik chuan ka en chak tlat bawk nen dimte chuan ka laksak a , message rawn lut chu ka hmu nghal “ Vawiin kha ka chau takzet ,ka mut a chhuak bawk sia muttui aw ,naktukah kan inhmu leh dawn a nia,ka sawi fo kha i nupui ai khan ka tihlim thei zawk ang che " tih thu chu Judith-i hnen atangin a dawng a .

Naktukah pawh la inhmuh an la tum cheu amaw? Ka bula tui zeta mu chu enin ka kut ka hum ruh a ” Tinge chuti khawpa i hmangaih a nihsi chuan ka tan khan beisei awm a ilo awm ,Zirsangpui hmeichhe mawl tak angah lek a nimaw min lo ngaih a ,ka thinlung zawng zawngin ka hmangaih che tih i hrelo chu a lawmawm hle mai ,chuti nilo se tun ai hian min ti duhdah ngei ang tiraw ? Tinge heti khawpa ka tlawm chung pawh hian min ngaihsak ve i tum miah loh .

Lo tawng lo law law che ila tha tur ,nangmah avang hian ka nu leh pa pawh ka huat phah hial chu a nih hi,naute hi pawm theilo mahla ka hrethiam mahse engvanga hmeichhe dang pan kher nge i nih le? Ka haw lutuk che ,naktukah chuan engkim tichiang turin ka rawn kal ve ngei ang,i thutlukna a zirin ka kiang tawh mai ang aw ,heta ka awm reng chuan natna leh tahna bak ka hmu in ka inring tawh lo . Thlahlel viau che mah ila i tan erawh milem naute ang lek ka ni si a ,chuvang chuan kei leh ka naute hi hrisel taka kan awm theih nan i hlat taka awm mai hi a thawk zawk ang tiraw .

Mite chu an pasal ten an fa lo piang tur hlim taka lawmin an nupui te duat takin an enkawl zawk a ,nang alak atang erawh natna leh tihduhdahna bak ka hlawhchhuak silo " tisepin a biang chu ka chulsak a ,ka hun tawn hian min ti â veka. Engtia hmalaka engtia awm tur nge ka hre lo,ka bing mup mup a,ngaihtuahna ka hmang theilo a ni ber. Duat taka min kuah ve hun te kha reilo te mah nise ngaiah ka neih hman a ,a kuahna hnuaiah lo chuan mutthilh har ka tihzia te hi a hre ve dawn der silo .

A ni chuan hman atanga tun thlengin hmeichhe pakhat chiah a duhin a hmangaih,mahse chu mi chu ka ni ve theilo va ,chu nu hmun chu ka luah lan theilo . A zial hneh tawh lutuk a ,ka tan chuan beisei a awm tawh lo,ani ai lo tawng hmasa ila keimah ah Judith-i ang chiah hian a rinawm anga,kan naute nen hlim takin kan awm a nimai tur ,a hmai chu chul kualin ka insut hlap hlap a “ U Zirsang engtin nge ka tih dawn? Tinge ka lo hmangaih kher che le ,hmangaih che ka tum loh lai khan tinge min ngaihsak em em si .

Tlanga kan lawn a ,min venhim i tum tlat kha ila hria em? Khang kha ka ngai ,lo let leh se a tharin bul tan ila ka ti,engkim a thar vekin kha tih hunlai ah khan cham reng ila ,min hmangaih ve mai thei a sin tiraw,tinge Pathian pawh hian ka ta nilo tur leh min tina tur tih hre reng chunga ka tan a lo ruat si che ,ka tahna ti tam tu chauh i ni tih a hre lawk awm si a ,ka tan i sang lutuk a ,ka tana riat silo che in ka hmangaih theih nan che sakruang mawi leh pa tak a pe che a ,mahse chungte chu hmeichhe dang hmuh tir a ,kei ka nat theih nan zawk a lo siam a nih hi .

Ka lung hi a na lutuk a ,puak keh tur ang mai hian a awm a ,engtin nge a hmalam hun a hai kuak ang tih ahrelo,tu mipa nge he a thinlung luah thei hi awm ang? Tumah,Zirsangpui vawikhat tal ka tan i awm leh thei lo vem ni? Kan naute hi i duh lo tiraw ,a ni hian maw a hre ve reng awm si a ,he is pum chhung atang hian na a ti ve ngawih ngawih in ka ring a sin,apa a thisen hmanga siamtu ngei chuan hnawlin thah hial a duh a ni tih a hre ve dawn si a ,engtin nge a ngaih ang che . Alo piang anga,apa chu a zawng anga a hmu tawh dawn sili che ,engpawh nise hlim takin lo awm la .

Engtikah emaw chuan kum liamin ka hmangaihzia che hi ila hre ve mahna ,tunah chuan ka inthiar fihlim tawh ang aw ,hun hian ka tan ka nundan tur a a ruat dik tak lo thlen hun chu beiseina nen ka lo nghak tawh zawk mai ang. Nang chu ka hmangaih kumkhua tur ,mahse damchhunga ka neih theih ve ngai loh tur i ni tih ka hrethiam tawh e ,ka lo beisei ve chu a thleng dawn lo tih ka hre tawh e " a lungphu zawnah chuan beiin mittui nen chuan ka phun sep sep ” Bawihte ,apa lungphu hi uluk deuhin ngaithla rawh aw .

A pa hi anu nen hian kumkhua in kan hmu tawh lo mai thei a nia ,chuvang chuan apa lungphu in ngaithla la ,apa hi a dam a a hlim chuan nang leh kei chu kan hlim a nimai . Kan kiangah a hlim ve thei lova ,apa hi ngaidam ang aw ,a hmangaih bula hlim leh thlamuang taka a awm theih nan nang leh kei a nupui leh a fa hi kalbo zawkin i pa hmangaih dik tak tan pe ang aw....anu hi i tan ka awm reng anga ,pa neilo mah la nu tal i nei reng dawn tho a lawm tiraw ? I pa chuan chhungkaw dang rawn dinin fa hial a la rawn nei anga,chutih hunah chuan nang leh kei chu hmun hla takah kan awm tawh dawn si a .

I pa bula kan awm theih lai hian i pa rim leh engkim hi chhinchhiahin hriatreng tum ang aw " tiin ka pum chu khawihin ka phun sep sep a ,ka pasal taksa lian pui leh nghet charh,a hmangaih tana inpe pumhlum thak thei taksa chu ka ngheng hnai sauh va ,ka dem ta lo . Keiin ka hmangaih a kalsan harsa ka tih ang chiah hian a ni pawhin hmangaih leh kalsan harsa tih a nei a ,chu chu keiin amah neih ka duh ang bawk hian a duh a ni . A ni chu mi vannei tak a ni bawk,a hmangaih leh hmangaihtu a nei dawn si a .

A hmuiah chuan ka fawh sak a ,ka mittui chu a biangah a far keuh keuh bawk,a la harh chuang lo . Mahse chu chu ka tan malsawmna a ni thung “ I pa chu a mutui hle mai,a mumang a tha hle a nih hi,keini pawh a tawp nan i pa taksa kuah hian mu ang aw ,nidangah chuan kan thei tawh dawn silo a ,apa hi mangtha nan tak tak " tiin a kut lian leh sei thlurh duat taka min chul tu kut tang karah chuan ka kut chu ka rawlh lut a ” Ka hmangaih kumkhua ang che ,Zirsangpui khawvel dang awm leh hunah i nunah a hmasa ber ka nih theih nan ka zawng char char ang che ,engtianga harsa pawh nimahse ka rawn zawng ang che " tiin ka mit chu ka chhing ta riai riai a .

A tukah chuan damdawi inah ka inentir a ,thlahnih mi a lo ni tawh tih ka hriat chuan ka lawm hle ,ka chul hauh hauh “ Apa va kan ila,atawp nan va mangtha ang aw " tiin a hotel lam chu ka pan pui a ,kan inneih contract chu thiaha thutiamna nen engkim tih tawp chu ka duh ber a ni . Hotel ka thlen chuan a nupui ka nih thu sawiin a awmna chu ka zawt a ,min hrilh ve mai bawk ,kawngka kik lo a ka lut chuan min inchhir tir nghal pang .

Miiss Judith-i nen duh thawh zet hian an lo in fawp ngawng ngawng chu thinna vawng vawngin ka thlir reng . A ni pawh in min rawn hmu in a nuisuk ringawt,ahma a ka bula a thusawi thin zawng zawng ka ngaihtuah a ,a hma ah chuan va kal phei hlawk hlawkin kan inneih contract ngei chuan ka vawm pawp a ka rinlawk sa mah nise min ti na lutuk tlat “ Engkim tawp rawh se . I duh ang ngei chuan engkim a tawp " ti a au khum in ka tlan chhuak nghal vang vang,tunah chuan ka nute bulah London ah ka kir anga,he Mizoram lam hawi hian vawikhat pawh ka pen leh tawh lovang . Ka naute hian he a pa hi a hmu tawh miah lo bawk ang . Ka mittui chu hru in muangchangin in lam chu ka pan ta chhet chhet a .

Ka ngaihtuahna chu a chawmawlh a ni ber , taxi rawn tlan chu ka phar ding a ,kan awmna chu hrilhin ka ngawi zui hmak a . “Tikhan i pa chu kan thlah fel thei tawh ang " tisepin ka pum chu ka chul hauh hauh a “ A pi leh a pute i hmuh hunah chuan an duat ngawt ang che " tiin ka phun sep sep a , kan thlen tawh thu driver in a rawn sawi takah chuan chuan man pe in ka chhuak nghal vat a . Inchhung lam chu panin ka nu min lo biakna pawh chu chhang lo in room ka pan tlanga,zanin chauh chu hotelah ka riak leh anga,naktuk zingah thlawhna in kan awmna lam panin ka thlawk haw vang vang anga.

Bul thar ka tan ve thei mahna ,kawngka chu a rawn inhawng thuai a ,Zirsangpuia rawn lut ka hmuh chuan phawk hra hian ka enreng “ Eng...engthil" ka thawmhnaw siamsa chu a rawn paih darh vek a ,ramsa kawlh thinrim ang mai hian a thaw hrawk hrawk bawk ” Khawiah mah i kal phiangsen lovang, London a haw chu ngaihtuah pawh ngaihtuah suh,hetah i awm ang . I hria em Zohlimpui ,ka fa nilo mahse i duh ang ngei chuan pa nihna chu ka vawnsak ang che " a rawn tihchuan thinrim zetin ka en a “ Eng a? Zirsangpui tu fa nge i fa a nihloh chuan ka pai anga.

Kei hi hmeichhe lep chiah tak ka ni in i hria em ni? I duhlo chung chu ka nawr tawh lovang che ,ka haw dawn . Helaia hrem hmun ang maia awm reng ai chuan ka chhungte bulah haw ila a tha tha zawk,a pa ngeiin a pawm theihloh chuan tih tur dang kan neilo " tiin ka thawmhnaw chu ka chhar leh nghal mawlh mawlh a ,a thurawn sawi avang chuan ka ding mar nghal zawk ” Kei hian fa ka nei theilo i hria em?". a rawn tinawn leh a ,ka en reng ringawt. A nilo mipa dang ka mutpui lova ,a thusawi chu ka awih chhete lo .

“ Nang lo mipa dang ka mutpui lo,i fa a nihloh i duh lutukna lamah i chhuanlam siam kha a thing mah mah ,Zirsangpui i fa nilo se tu fa nge a nih i rin reng reng,ks ka nih loh hi i fa ngei a ni bawk " thinrim zet chuan ka tichhuak tuar a ,a almirah lam pana kalin a hai vak a “ Hei hi i hmu tawh em,fa nei thei ni ila nang nilo in Judith-i khan a pai ngei ang " tiin doctor lehkha chu min hmuh a ,a ni ngei bawk si “ Dawt,dawt vek dawt a nih hi, doctor dang i rawn ang,i fa ngei a nih hi" ka tih chuan za lo zetin a then suk a “ Kha kha doctor tha ber min testna a nihkha .

A chiang tawk em? Engmah sawi angai tawh lo ,a pa nilo mah ila ka enkawl pui ang che " a tihchuan ka insum thei tawh lo ka beng thuai a ,mipa dang fa anga a ngai tlat chuan min ti thinrimin hmeichhe lepchiah lutuk anga min sawi chu ka ngai thei der lo “ Engang mipa nge i nih? I dawtsawi zozai hi ka ngaithla peih tawhlo,ka chhuak dawn ,min dan tum hauh suh i duh chuan i hmangaih em em Judith-i chu i nei thei tawh ang,i hlim bawk em?" tiin thawmhnaw nen chhuah ka tum chu min chawi nawlhin khumah chuan min phuar bet nghal mawlh mawlh .

“ Zirsangpui min chhuah nghal rawh,nang ang mipa tenawm lutuk leh min ringchhe lutuk bulah hian ka awm duhlo " tiin ka au tuar tuar a ,ka tal chhuak thei bawk silo te chuan min ti thinrim zual ” A tawk! Engkim ka hriat chian hma chu khawi hmunah mah i kal lo ang" tiin a tho chhuak a ,kawngka lam chu panin pawn lam atang chuan a rawn kalh hmak a . Ka au vak vak chu min ngaihsak zui na neilo tih hriat takin inhnuai lam pana a kal ri ka hre nghal. Thinrim leh tih theih nei silo chuan khumah chuan min phuar ang ang chuan ka awm a .

Ka mittui a luang zung zung bawk,tunah hian ka pasal ngeiin min phuar betin min kalh khum a ni sia,ka inhua a tihtheih ka neilo lutuk chuan min ti thinrim takzet ,ka tal vak vak hnu chuan min phuarna chu ka phelh thei hlauha,kawngka lam chu panin ka sawi nawk nawk,akalh tih ka hre chiang ta hle . Tukverhah chhuak dawn ila,ka naupai nen thil theih a nilo hrim hrim “Zirsangpui kawngka rawn hawng rawh" tiin ka au vak vaka. Min chhan chu sawiloh thawm a reh vawng vawng mai .

ZAWMNA

ZIRSANGPUIA POV...

Zu chu ka in vak vak a ,ka rui theilo chu ka thinrim hlur ,Zohlimpuiin ka fa a pai tih a sawi khan a tak nise ka chak zia chu a hre kher lovang,mahse doctor ngeiin a prove tawh chu tihdang lam ngaihna a awm lo,Judith-i nen nupui ka neih hma in kan mu dun fo va ,a tichiang turin nau a pai hauh lo bawk . Kha vang khan ka mizia a dang zo va ,ka ngaih a sam hle bawk . Nupui ka neih hnuah erawh hmeichhe dang ka mutpui hauh lo thung ,Zohlimpuiin dawt a sawi rinlohna nei mah ila ka thil hriat zozai avangin ka ring lutuk thei chuang hauh lo.

“ Thiana ,in entir tha leh la doctor te pawhin an ti dik lo thei tho va ,doctor pakhat chiah an awm hleinem " Lawman a rawn tihchuan ka thaw hawk ringawt ” Engmah in awmzia a neih loh zia chu i hrechiang viau,ka nupui ngei pawhin a pai lawk lo a ,tun kan inneih atanga thla 12 naah a pai chauh a ,ka tan chuan awih mai a har . Nangpawh a hmunah i awm ve reng kha ,kei hian chi thlah theihna chance ka nei tlem hle tih,Zohlimpuii lah mipa inah a riak tihchu thla hmasa khan i hriat chian hle kha ,mahsela chu mipa in a duhlo a nihchuan ka enkawl sak mai ang.

Abak engmah sawi leh ka duh tawh lo,ka haw dawn " tiin ka ding chhuak chuan Judith-i ka hmu nghal zat . Mit chuar nung chuan ka en a ” Kal bo rawh ,nang pawh hi ka mamawh teh hrep lo che " tihlukin ka chhuahsan nal nal,tumah ka mamawh lo ka mamawh awmchhun chu Zohlimpuii chauh,a nilah chuan rilru natna leh thinrimna bak min pe silo . In lam pan chuan ka inkhalh hawng a ,ka nu khan ka thulo zawm tak ang maw . Zawm lova kawng a lo hawnsak a Zohlimpuii a lo tlan bo a nihvaih chuan ka lawm lo khawp ang

Ka hmuh phakloh a awm turin ka duh lo hrim hrim ,in ka thlen rualin ka nu chuan min lo pan nghal chat reng a “ A thawm a reh lutuk,tunge nupui te kalh khum ngai ,a tha em han en vat teh . Naupai lai chuan rilru hah leh mangang em em a awm reng te hi naute an hrisel lo duh an ti a nia " ka nu chuan a lo timawlh mawlh a . A nipawh hi engmah ka hrilh lova ,a tan chuan hriat ngaihna a awm lo . Room lamah chuan ngawi rengin ka chho va ,ka hawn ruala ka thil hmuh avang chuan ka thaw chhuak nghal suai suai

Tui zeta khuma mu chu enin ka pan hnai a ,a sam a hmaia bet thlar chu ka huikian sak nghal a “ Tufa pawh paila ka kaltir chuang lovang che " tisupin a chalah chuan ka fawh sak vang vang a .

HLIMPUII POV....

Mit nuai chat chat a ka meng chhuak chuan u Zirsanga tuizeta ka bula lo mu chu ka hmu nghal,engtik laiin nge a lo haw ang . A muhil chiang tih ka hriat rual chuan tho vatin ka thawmhnaw chu ka chhar khawm mawlh mawlh a,a harh hma ngei a ka kal a ngai a ni . Kawngka ka chhuak tur chiah tihchuan hnung lam atanga min rawn man betin min pawt let nghal dawrh a ,ka au that .

“ Min kaltir rawh ,Zirsangpui inthen ka duh " ti tuar tuarin ka tal vak vak a ,khumah chuan min dahthla in ” A tawk! Khawiah mah i kal lovang,inthen theihna kan la neilo,kumhnih a ni tihkha i hre lo em ni? Dan i bawh chhia a min kalsan a nihchuan court ah i kal angai ngei ang" a rawn tih hmuk chuan rapthlak tizet hian ka en a ,engtin nge chu thil chu a tih theih zawk ?“Min duh lo a nilawm ni? Engvanga min la khung tum reng nge i nih? Min kal tir la ,i hmeichhe hmangaih dik tak chu nei mai ta che " tiin ka au khum a .

A nui suk ringawt “ Thei ila chuan ka nei tawh ang chu,mahse tunah rihchuan ka nupui i nihna ala tawp lo,chuvang chuan tha deuha ka sawi lai hian ka thu zawm la ,nang leh i fa chu in him a nimai. Ka thu i zawm lova,i kal lui a nihchuan nang leh i naute tan hian a pawi khawp ang,engthil nge ka tih theih chu i hriat chian tawh khawp kha . Chuvang chuan ka dawhtheih lai che hian thuawih takin awm la ,i tan a tha zawk ang" rawn tihrawkin min kai tho va .

“ Chaw ei la,inah hian lo awm reng ang che ,ka awm loh chhunga lo tlanbo vel i tum anihchuan ngaihtuah pawh ngaihtuah suh,ka rawn umzui tho vang che " ti a kiai sukin inhnuai lamah chuan min kai thla a ,chungin min ti na duh hauh lo . Ka naupai a hriat vang te pawh a nimahna “ Ka nu leh pa ka be duh,Zirsangpui tinge pawimawhna n ilo chu min kawl reng ang? Ka hua che ,ka haw hluah hluah che " tiin a kutah chuan ka chum sak a ,a lama min pawt dawrhin min pawm thla nghal nawl nawl chu chet ngaihna hrelo in ka en tawp .

“ Ka fa i tih kha ka fiah ngei dawn tih hria la ,DNA ka test tir hma chu khawi hmunah mah i kal lovang" ti vin tukin choka chhungah chuan min luh pui a ,awmpuiten mak ti a min lo en chu ngai pawimawh hauh lovin thutthlengah chuan min thut tir nghal zat “ I fa a nih i ring lo a nilawm ni? Tih tlak hial duhtu hi ka ring dawn lo che ,min kal tir la i zalenna chu lawm zawk ta che " thinrim zet chuan ka hmaa eitur a rawn dah chu ka vai tla thuai a ,awmpuite pahnih chu an phu zawk a ,ka nu pawh thil thleng hriat tumin choka lamah a rawn tlan nghal vat .

“ Khang thil i tih hnu a awlsam taka ka pawm leh che i ring em ni? Zirsangpui kei hi engmi ah nge min ngaih a ,mi lem emaw min ti em ni? Ka chhuak dawn , nang hian min dan theihna dan i neilo " tiin dawhkan chu ka chum vak a ,ka kut chu ana nghal vawng vawng mai “ Ka fa a ni nge nilo ka hriat hma chu ka sawi tawh ang khan khawiah mah i kal lovang,hre rawh Zohlimpui ka phalna tello chuan phone hman phalsak i nilo bawk " tiin awmpui ho chu a en a .

“ Chhuah a tum a nihchuan min rawn phone nghal ang cheu,a tul chuan lo khung bet leh mai rawh u . Tin inchhunga phone reng reng hi a hmang tur a nilo " tiin ka bulah a rawn thu a ” Ka dawhtheih lai che hian chaw hi ei vat rawh " tiin fian chuan min barh a tum a ,ka ang duh thaklo . A dawh thei tawhlo nge ka ka chu rawn hmet vakin na ti a ka an rual chuan min barh a ,ka mittui tla te chu hmulo ang mai hian a awm hmak bawk .“ Ka hua che ka haw lutuk che ,Zirsangpui hrem hmunah kal rawh" tiin ka chhak chhuak leh vek a .

A thinrim hmel ta hle , chair pakhat chu la lawkin a vaw chhe nghal vek “ Min hnial tawh suh Zohlimpui,ka fa a nih thu i sawi a ,ka fiah dawn a nih hi . Ka fa a ni iti a nilawm ni?" tihrawkin ka khabe ah chuan a rawn hmet chawt a “ Chaw hi ei rawh,i eilo a nihchuan thil pawi tak a thleng ngei ang" tiin chaw chu a dang a chhawp tir leh a . Ka hnial zel chuan naute nen min tihnat mai ka hlauh avangin ka ei ta mawlh mawlh a ,ka chaw ei erawh a tui chuang hauhlo,thinrim leh tah chak siin ka awm a ,hrehawm tak a ni

“ Tinge min thah mai loh ,pawisak neilo bula awm ai chuan thi ila ka duh zawk " ka tihchuan thaw hawkin ” Hna ka kal dawn, lo veng tha ang che u" tihmukin room lam a pan a ,reilote hnuah insiam peih sa atin a rawn chhuak leh a ,melh pawh min melh eih lovin a chhuak nghal vang vang . Chaw chu ei duh tawh lovin room lam ka pan a ,khumah chuan ka tap ringawt. Kal lui ila ka chungah enge a tihdawn ka hrelo,chubakah min veng turin mi a dah tawh bawk si . Ka tan kawng a ping takzet,tlan chhuah a haw ka duh a nihchuan a thu ka zawm rih mai a ngai tih ka hria .

Chulo chu kawng dang a awm tawhlo,kan chhungkaw boruak hi kan ina awm te tihloh chuan tumahin an hre dawn lova ,min pui duh kher lovang . Ka thiante lah biak chi an ni der silo,ka phone hial min chhuh sak a ni si a . Roomah chuan inkhung in thinrim zet chuan bungrua chu ka sawisa ta ringawt “ Ka hua che ,min hnaih duh lovin min hlat tir duh chuang silo,Zirsangpui eng ang mihring nge maw i nih le " tiin kan inneih thlalak chu la thla in ka vawm keh leh vek a .

Link:
BBcode:
HTML:
	Hide post links

Link:
BBcode:
HTML:
	Hide post links

Link:
BBcode:
HTML:
	Hide post links

Link:
BBcode:
HTML:
	Hide post links

Link:
BBcode:
HTML:
	Hide post links

STORYFB.COM

PROFESSOR ZIRSANGPUIA BY MAWITEI BAWITLUNG (Completed)

Re: PROFESSOR ZIRSANGPUIA CHAPTER - 1 BY MAWITEI BAWITLUNG

Re: PROFESSOR ZIRSANGPUIA CHAPTER - 1 BY MAWITEI BAWITLUNG

Re: PROFESSOR ZIRSANGPUIA CHAPTER - 1 BY MAWITEI BAWITLUNG

Re: PROFESSOR ZIRSANGPUIA CHAPTER - 1 BY MAWITEI BAWITLUNG

Re: PROFESSOR ZIRSANGPUIA CHAPTER - 1 BY MAWITEI BAWITLUNG

Re: PROFESSOR ZIRSANGPUIA CHAPTER - 1 BY MAWITEI BAWITLUNG

Who is online