PASALTHA SAINGURA BY MAWITEI BAWITLUNG (Completed)

[mawitei bawihtlung]

PASALTHA SAINGURA




CHAPTER 7





Lo ah chuan kan feh dun a ,kan pahnih chauh pawhin kan hlim hle ,lo a hnim lutuk lo bawk nen thawh tur em em awm lo in a hnim zual pui chu kan la a ,chawhnu lam chuan kan piah ngaw atang chuan ruah a rawn ri phei hum hum a ,thlam lam pan chuan min tlanpui vat,buh kar a nih bakah a awih bawk si ka tlanchak ve theilo chu min nghahna lamah kan huh hman vek a ,thlam kan thlen rual chuan ka khur hlawk hlawk mai .








Mei chu nun thuaiin alamah min pawt hnai a ,khua lah chu rin phak bakin a rawn thim chak lehnghal . Chhum dum chhah pui pui chu inhlawm tup tupin khaw thim lai nen a in ang deuh reng,khawpui a ri dur dur reng bawk a ,ka bulah Saingura awm lo se chuan ka hlau viauin ka ring . Kan thawmhnaw a huh vek bawk nen mei pawh chuan min tilum thei meuhlo,ka nu thlama puan riah chu la in ka thawmhnaw huh chu ka phelh a ,ka intuam nghal hlun .








“ A vawt iti ve lo em ni " tiin ka khur hlak hlak a,rawn awm hnaiin ” Khawi maw mei bulah hian rawn thu teh " tiin min pawt thu a ,ka puan ro chuan a intuam tel ve a ,hnung lam atang chuan min kuah hlun bawk . Thawmhnaw kan ha lo ve ve a ,ka hnunga eng emaw in min do run chu ka hre reng,mahse engmah ka sawi ngam lo . Ka biang chu a rawn thawk khum lum ham ham a ,ka khur der der ” Saingur" tham tiak chuan ka ti a ,a kut chu ti che in ka bra chhanah chuan ka hnute chu a hum nghal chat







” Min kalsan leh mai si a ngem?" tisepin a lamah ka in her a ” Ka tiam a che ka kalsan ngai lo ang che ,neih vat che ka duh" tisupin thlam chhuatah chuan kan puan chu phahin min mut a ,ka lo en reng . A dul thep zai chu ka chulsak a ,a chet hun ka nghak a ni ber ,ka hmuiah rawn fawpin ka chungah a bawk a ,a vun nisa em avanga uk kharh chu ka en a ,ka kuah bet nghal thlap . A hmel chu en duhlo in a mi tih ang ang chuan ka awm a .









Ka taksa a a rawn luh chuan na tih vang chuan ka au chhuak deuh that ” Saingur " ka hmui chu pet fan fanin ka mit ka chhing a ,muangchanga a chet chuan ka tuar fan fan ringawt ” Ka fa pai la ka nupui ni turin lo in ring ang che " tiin ka chungah chuan a che sauh sauh a ,a zawh hnu chuan ka sirah rawn mu thla in min kuah bet a ,kan sira puan pakhat la awm chu la in min sinpui nghal zat . Ka mut chhuak leh ruah sur nen chuan ka muhil zui thuai a .









“ Harh tawh la , ruah pawh a han tawh a nia " tiin ka biangah a rawn chul a ,ka nui sak “ Ka mut ala chhuak alawm" tiin ka zi talh talh a ,ka thil hriat chhuah avang chuan rang zetin ka inhup nghal “ Engthil ,min en suh" tithatin zak tak chuan ka kun a “ Min ngainep viau ang tiraw " tiin ka tah chhuak chu ka aw a lawi rut mai ,ka thluak buai lai kha chuan ka hma hun ngaihtuah lo in ka lo pawm mai si a “ Min en teh?" tiin ka biang tawn tawnah a rawn dawm a . Pasal ka neih hma chu ka thianghlimna ka hloh lo ang tih ka lo ngaihtuah thin chu tunah khan ka bawhchhia a ni










A mitah chuan ka en let a ,ka mittui a tling pam “ Ka hmangaih vang che tih i hria tiraw?" ka tileh tiau chu a rawn nui suk mai “ Ka hmangaih che ka tihkha ,ka kalsan dawn hleinem che,ka damchhung chuan tumahin ka arsi hi ka lak atanga an lak bo ka phal ngai lovang " tisupin a awmah chuan min kuah bet a . Ka thaw ham ham,hmanlai hunah kan awm tih ka lo theihnghilh leh thin a ni. A duh chuan min sawi mualpho thei a ,chu chuan hlauhthawnna min neih tir lo theilo








Mipa in hmeichhia an theih tawh chu mipa dang thlengin an hriat phawt chuan hmuhsit an hlawh thin si . Chutiang dinhmunah chuan ka ding ve thei tih ka hria “ I tan ka inhlan a ,ka hmangaih vang chauh che tih hria la ,min kalsan a ka nun tichhe tu inih chuan ka tan chuan khawhawi ngaihna a awm lovang" tiin a hmelchu chiang takin ka en a ,ka mittui chu hru in “ Hmeichhia te ti thangtlawma kalsan duh mai mai chi ka nilo ve ,ka mutpui hmasak ber ini. A chhan pawh ka hmangaih che a.









Ka nupui ni tura ka duh awmchhun i nih avangin,i lakah ka insum theilo tih i hria ,a chhan chu ka tawh hlek che pawh hian ka hrechiang a ni " tiin ka puan chuan min tuamin a ni pawh chuan a puan chu a veng a“ Khua a tha leh tawh a ,haw a hun bawk nen kan haw tawh mai dawn a nia ,khua a tlai tawh" tiin min kai chhuak a . A sawi ang tak takin ruah sur tawh lo in ni chu chhum karah a rawn lang zeuh zeuh a . Feh dang pawh chu an haw tawh tih hriat takin ke hniak chu kan hmaah chuan an kal zel a .









Ka kal chu a har ka ti riau lehnghal,a la na hualin ka hria “ Muangchangin kal rawh" ka hnung atanga a rawn tihchuan ka bu nghat ringawt ,chutia kan kal chhet chhet lai chuan khawlam atang chuan rawlthar pahnih hi an rawn tlan hlawk hlawk a ,min hmuh rual chuan dingin “ Lalfapa Seipui pasaltha te rawn kalin in mal beihah an rawn cho che a,lalpa in i awm loh thu a hrilh pawhin an awm lui tlat nen val upa in ko vat tur che in min rawn tir a ni. I pa leh i nu te bakah upa ho an man bawk si " pakhat chuan a rawn ti a .









Saingura chuan min rawn en in “ Ka hmanhmawh angai,Kawltea te hi rawn zui mai rawh aw ,lo veng tha ang cheu,muangchangin rawn kal ula ka kal vat a ngai a nihchu " tiin khawlam pan chuan a tlan zawm a . Hlauthawng zet chuan ka en zui vawng vawng,keipawh chuan ka na te chu theihnghilhin ka theih tawka chak chuan ka kal ve a “ U Nun muangchangin kal rawh,a ngaihtuah awm loh ang " Kawltea a tihzawk chuan a rawn ti a “ An tam viau em,midang chu an him ang tiraw" ka tihchuan an that thu leh hlauhthawn awm a nih loh thu an sawi chuan ka thaw huai a .










Khawchhung kan thlen meuh chuan khua chu a lo reh duk a ,lalmual lam chu kan pan nghal vat . Chutah Saingura leh mipa pakhat thangchhuah diar khim vah mai lo in bei chu ka hmu a ,hlauthawng zet chuan ka pan nghal vat . Mipui chuan an lo thlir thup a ,an karah chuan va lutin a hmalam ah ka phei a ,ka pate misual ho in an lo thingthit tir ka hmuh chuan ka au that ,chutah ka lam rawn hawiin pakhat lalfapa ni ngei tur chuan min rawn melh ngur a .








“ Ka pa te kha kal tir nghal rawh u " ti tuarin ka pan hnai a ,midang chuan min lo dang vat “ Duhtawk rawh,lalfapa hian a chhanchhuak mai ang,tunah chuan lal leh upa ho an kutah an awm rih si a ,kan tawng pawng beih chuan an nunna atan a hlauhawm thei tlat a ni " an tihchuan ka tawp hram . Chutah an lalfapa chuan min rawn nuih sukin “ Khalai nula hmeltha zet kha ka nupui turin ka hawn dawn a ,min dang ngam in awm em ? " tiin min rawn kawk vu a .







Rum zeta melhin “ I nupui ka ni ngai lovang,ka pa kha i tina a nih vaih chuan ka that khawp ang che " ka tihchuan a nui nghal hak a“ Ka nupui i nih hnuah chuan i la thei mahna " tiin min rawn pan hnaia ,mahse Pasaltha Hrangkima chuan a lo dang nghal chat,Saingura lah a beih pui pa nen an la insat sawk sawk a ,kan lam an la rawn ngaih ven hman meuh lo ” Pa Hrang awmsawn rawh ,keimahin ka lo buaipui ang " tichuan ka hrilh a ,mak tizeta min rawn en chuan ka mit meng chuan ka khap a .







Seipui lalfapa chu zuiin ka pa te awm na lam chu kan pan a ,eng emaw ruahmanna ka neih vang a ni pakhat . Ka pa te hi ka chhuah theih hlauh emaw lalfapa hi ka vau thei a nihchuan a thuih hruai ho hi chuan engmah an ti thei hauhlo ang. Ka bana a rawn vawn chuan ka lo thing thla sawk a ,nui vur vur chuan min khawih nawn tawh bik lo. Thawk leh khatah alamah min pawt dawrhin ka nghawngah chempui chuan a rawn tin a“ Rawn kal hnai tawh suh" a tihna lam ka en chuan Sainguran a beihpui pa lu a lo khai far duah duah chu ka hmu nghal .









“ I rawn hnai leh a nihchuan henu hi a thi ang" a tihchuan Saingura pawh chu a ding chat,mipa ho chuan silai nen Seipui ho pawh chu an rawn tin a ,Saingura thinrim inseh ruh tun chu ka hmu chiang hle . Chutah che phutin lalfapa kapah chuan ka theih tawpin ka chum nghek a ,mi thlah rual chuan Saingura lamah ka tlan phei nghal vat,silai rawn puak durin ka dar chu a thip zawk a . Saingura chu ka bawh nghal rawk,chuveleh chuan midang pawh chuan an silai chu an kap puak nghal thuai thuai a .








Kei erawh ka dar na lutuk leh ka luhai lutuk avang chuan ka mengtha thei tawh lo ” Min kalsan suh" tiin Saingura chuan ka hliam lai chu a kut chuan a hup bet a ,ka nuihlui sak ringawt. ” Tuar fan fan rawh aw ,bawlpu kha ko rawh u " ti tuar tuarin min pawm kang nawlh chuan lalin lam pan chuan min tlanpui dawr dawr a ,ka mit chu ka chhing riai riai bawk .






SAINGURA POV ....







Ka khumah chuan dim zet chuan ka mut a ,a mitchhing chu ka sawi nawk nawk,bawlpu pawh chu rawn tlan lut thuaiin rawn buaipui a ,a mar chu a zawng nghal zat “ Tui lum leh puan ka mamawh ang ,a thi chhuak hi tihreh vat a ngai anih hi " a tihchuan ka che nghal sawk sawk a,ka nu leh pa leh pu Khuma te nupa pawh chu rawn lut thuaiin an fanu chu an au mawlh mawlh a . Kei erawh in ngawi rengin khuma mu chu ka melh ngawt ngawt.









Huaisen tak khan khapa kha a hmachhawn a ,ka chhuang takzet,ka chan a nihchuan Seipui khua ka halral vek bawk ang . Bawlpu chuan damdawi leh eng eng emaw chu a tikual a ” Silai mu hi a tlang hlauha ,a vanneih thlak hle mai . A thi chhuak a tawp tawh a ,ka tuam anga a rawn tha leh mai turah ka ngai,min mamawhna in nei a nihchuan min lo ko leh mai dawn a nia" tiin a chhuak zui a .








Ka pa te chuan min rawn hnaihin khuma Nunpuii mu chu an en vang vang a ,pawn lamah chuan chhuakin an lalfapa an lo phuar beh chu panin ka tham tho nghal lawp a “ Hre rawh,in khua saw ding leh tawh lo turin ka tichhia ang hria ang che ,nangpawh hian dam reng i phu lo " tihrawkin ka chem chuan a lu tan tum chuan ka che a ,Kapkima chuan min rawn dang nghal vat” Insum teh lawmpa,an mahni anga nunrawngah in chhuah suh,Nunpuiin a mamawh zawk ang che ,an lalfapa tal hi chu kan zuah a ngai " a rawn tihchuan thlahin midang chu an lu ka chhawk nghal hmawk hmawk a .










Nunpuii hi ka chan a nih vaih chuan an khawmi tumah ka zuah lovang ” Thian fai ula an ruang hi khawpawn khamah ramsa te ei turin paih ang cheu" tihrawkin inchhungah chuan ka lut zui leh a ,khuma dang baia lo mu chu ka pan vat . A hmel chu ka thlir reng a,ka inseh ruh tun bawk “ Ka pa ral kan rel a ngai a ni,Seipui khuate hian min zuam ta mah mah e ,eng chiah nge kan nih tih hi hmuh tir a hun tawh " tiin ka pa chu ka en a,a lo bu nghat bawk .








Upa ho nen chuan ro relin a tuk lama Seipui khua pan tur chuan thu an titlu a ,Nunpuii lam bawk chu ka pan lehnghal . A nu leh pa chuan min chhuah sanin kan pahnih chauh chuan kan awm a ,ka hnaih nghal vat “ Naktuk mai hian hetianga siam tu che khua hi kan run dawn a ,kan awmloh chhungin engtin mah lo awm suh ang che. Dam takin ka lo kir leh ang tih ka tiam a che ,nangpawh i harh lai hmel hmuh ka duh tawh dawn a nia ,ka venhim theihloh che a vangin ka tihpalh " tiin a kut chu ka vawn sak vawng vawng a..










A mit atanga mittui rawn luang chu hruk sakin a samah chuan ka chulsak a ,engtin mah a lo awm loh hram ka beisei . A tuk lamah chuan Seipui khua chu tlangval za rual nen pan tumin kan in nghak khawm a ,ka nu leh pa hnena ka thuchah kha lo ti hlawhtling thei tak ang maw “ Ka lo kir vat ang " ka rilru chuan tiin kawtchhuah chu ka kalsan zui a .

[mawitei bawihtlung]

PASALTHA SAINGURA





CHAPTER 8








Seipui zawlbuk kawtah chuan midang chu dingin kei leh sawm vel chuan lal in lam kan pan bawk ,zawlbuk lam silai rik rual a lalin chhung lut thei tur chuan kan inring thap a ,chutah zawlbuk lam atanga silai a rawn rik rual chuan rang zeta lal inah chuan tlan lutin khumpui lama lalpa lo tho mek chu ka tham tho lawp a ,hmeichhe ho chu an au nghal tuarh,midang pawh chu rawn lut zuiin lal luhka lamah chuan lal chhungkua chu kan nawr chhuak a








Zawlbuk lam pawh an che fuh tih ka hriat chuan ka thaw huai ” Lo veng tha ang che u" tiin midang pui tur chuan ka chhuk a ,ka hma a lo awm chu vai nghal zat ,rei vak lo hnuah an in pe diak a. An pasaltha la au kuk kuk chu ning zet chuan Kapkima chuan a melh kawk a “ A phuarna kha phelh ula a chem ngei kha pe teh u,ka lo hmachhawn ange a au rin ang hu a ni emaw chu" Kapkima chuan tihmakin ka chhuak tur chu min lo dang a . Ka ti lui ta biklo,chu pasaltha chu nui vur vura rawn tho chhuakin Kapkima chu ngaihnep hmel tak hian a en a.











Kei erawhin a chak tur zawk ka hriat vang nge ka nui sak ringawt “ Naupang lo hi min hmachhawn ngam nange ,heti chung hian mi inring lo lai in bei chu a ni sia " tiin a chet tlak tlak a ,Val upa chuan a lo nuih ringawt “ I hma a ding kha i hneh phawt chuan he khua hi kan chhuahsan nghal ang " a lo ti ve sak a . Chutah inveh zawmin chu pa chuan Kapkima chu a bawhzui buan buan a ,a ni erawhin a lo bum zauh zauh thung.








Ka thiana hi ka hrechianga ka ngaihtuah em em lo,a tawpah chuan pasaltha chu a thaw huam huam tawh mai ” Lawmpa a tawk tawh viauin ka hria ,khawlam an ngaihtuah awm ania " ka tihchuan ka thusawi awmzia a hrechiang viau ,a thapui chhuah ve in Seipui pasaltha chu a bawh zui nghal zat a ,a ni upa lam tawh chuan a khan lo hle . A tawpah a lu per nawlha a sah takah chuan a taksa chu tlu in a tal khur nghal char char a ,lalpa lam chu ka pan nghal vat .







Khaw mipui rawn kalkhawm chu auin thu ka sawi a ” He khua hi rawn run kan duh bik lova ,mahse in lal duham leh pasaltha chhuang zet hian vawitam kan khaw mi leh sate lu rawn la in vawitam min rawn cho tawh a,tunah hian a fapa avangin hmeichhe pakhat chu thichhawngin a let reng bawk . Hetiang khawpa lal chapo leh nunrawng hian dam reng pawh a phulo,kan haw reng reng lo che u ,mahse vawitam khua ah ngei rawn kala min rawn cho reng takah chuan in pasaltha lu pawh ka la ta a nihkha ..









In lal fapa erawh in duh chuan in rawn tlan chhuak thei ang,mahse Tlangzawl khaw do zawnga chet in rawn la leh a nihchuan he khua hi ding chhuak leh tawh lo tur in ka siam ang " ka tihchuan mipui chu phun mur mur in an lal an dem thu chu an au pui lauh lauh a ,kei erawh ka nui suk thung “ He khua hi kan chhuahsan nghal dawn a ,tumah salah kan hruai hek lovang,min rawn umzui a nih erawh chuan rawn let leh in tumah kan zuah lo ang che u " ti chuan an lalpa chu thlahin ka kalsawn san nghal nal nal a









Nunpuii ka ngaihtuah takzet tawh avang chuan he khua a reilote pawh awm ka tum tawh lo ,midang pawh chuan min rawn zui ve vatin chu khua chu kan chhuahsan zui a . Nihnihzet kan kal leh hnuah khaw fing chah rualin lungdawh kan thlenga . Pasaltha Dopuia chuan bawh hla chhamin silai zen hlang chu a kap puak dur a ,midang pawh chuan kan lo chhawn ve nghal zat,khawchhunga awm khaw veng tura kan dah ho pawh chuan min rawn chhawnin reilote ah mipui chu an rawn lang nghal a .








Nunpuii hmel chu ka zawng pah a ,hmuh ka chak lutuk chu insum a har lek lek a ni . Nge ni a a thi reng tawh zawk,Thanpari min rawn pan chuan zufang chu min tulhin a arkeziak min pek chu ka la ve nghal mai bawk . Khawchhung kan pan lai chuan ka rilru hmanhmawh tawh lutuk chuan val upa chu bia in a nipawh chuan min hrethiam tak chuan a lu a bu nghat a . Nunpuii te in lam chu ka pan nghal pawk pawk,ka pate min lo biakna pawh chu ka chhang hman hek lo ..







Inchhung ka luh rual chuan ka thaw huai a ,ka melh nghal vawng vawng .


NUNPUII POV....






Ka nuih sen sen a ,ni hnih chhung ka harh lo tih min hrilh a ,ka harh kha chuan Saingura te Seipui khaw run tura an kal thu chiah ka hria a nihkha ,ka ngaihtuah em em laia chutia a rawn haw ta chu ka lawm lo theilo “ Dam takin ilo let leh chu ka lawm hle mai lalfapa " tisepin ka nuih var var a ,min rawn hnaih nghal ruak mai . Ka nu leh pa pawh chuan min hrethiam takin ral hneha rawn haw ho chu hmuak tura in sawiin min chhuahsan zui a .








Chuveleh Saingura chuan min pawm nghal vawng vawng “ Mi a nu min tihlauthawng lutuk,khatiang thil kha titawh hauh suh ang che . Ka venghim theilo che a nihkha" inthiam lo zeta a tihchuan a biangah ka dawm sak vat “ I thiam loh a nilo,keimah vang zawk a nihkha ,tunah chuan ka tha tawh lutuk a lawm " tiin ka awm an kahna chu ka en zauh a ,a ni erawh a rum nghut ringawt .




Nuih hak hakin ka kuah bet a ,midang an awm loh bakah ka ngai tawh bawk nen insum ka tum buai duhlo law law “ Him taka ilo let leh theihnan ka tawngtai mawlh mawlh a sin " ka tihchuan ka thusawi awmzia a hrelo a nih hmel,ni e an ni hunah chuan Pathian an hrelo tak,an ni tan chuan Pathian nilo khuanu tih te ,huai te leh lasi tih vel bak an awm miau lo a .





“ Enge min lo hawn " ka tihleh chuan nui sukin a sahmim chu a zen a ,thifang mawi zet a rawn phawrh chuan ka nui nghal ver ver “ Tirawh pawnah i va chhuak ve ang hmiang,midangin an lo zawng ang che " ka tihchuan min pawm nawlh in leihkapui lamah chuan min pawm chhuak a ,lal tual kan hnaih bawk nen mi thenkhat chuan min lo en haw haw mai .






ZAWMNA





Kan leikapui atang chuan rallu aia chai mup mup chu kan en dun a ,a ni erawh ral do zingah tel mahse ka bula awm duh zawk miau hek. Midangin an rawn sawm pawh chuan alo hnar zela ,a tawpah chuan beidawngin an kalsawn leh tawp zel “ Va lam ve la ,i lam te pawh ka en chak a lawm" ka tihchuan a nui suk a “ I thik palh ang,hmeichhia ka lampui ngei dawn si a ,i lung ti awi loh ka duh hleinem " tisupin ka chalah a rawn fawp zauh a .







Ka nuih seih chu ka biangah a rawn piai nghal hlak “ Dam zung zung rawh " a tihchuan mit kan zauh chuan ka en a “ A nih ka dam veleh min ramvah pui la ,chinghnia anga i awm lai nen ram vah dun ka chak" ka tihchuan min tham vak . Au thatin ” Ana lutuk" ka tichu a inthiam lo leh si dim zeta inchhung lama min pawm lutin bawlpu koh a tum chu ka dang vat ” Ka hliam i khawng hleinem,i tha tawpa min hmer khan ka taksa i tina a lawm,a reh tawh bawlpu koh kher angai lo nangman zut la a dam mai ang" ka tihchuan a awih loh hmel ngei mai .







A nernung chu pawt hnaiin a awmah ka bei a “ Ka na lutuk tawh lo tak tak,i bulah ka awm a ka na thei teuhlo,min venghim zel dawn tih ka hria alawm ka pasaltha " tiin ka nuih ver ver a ,a kut lian leh thap hrak chu ka humsak nghal chat “ Ka hmangaih che " tiin mit chhing chuan a lungphu chu ka ngaithla khiau,ka khawvela let chakna ka nei lo a bula damchhunga awm hi ka chak ber a ni . A kiangah hian kumkhua in awmthei ila ka ti...









A tello chuan ka awm theih tawh pawh ka ring lo ” Khawi khaw lalfanu emaw zunah hian min uai san ang tih ka hlau thin,lalfapa i chanchin an sawi thui zia leh veitu che an tam zia ka hria a sin" ka tihchuan a phun deuh hluk . Naupang te mah nise a ni ang pasaltha chuan duhtu a ngah hle reng ang chu maw le . “ Khaw dang lalfapa an rawn kal ange ilo nuihpui leh hawr hawr si a nge " a rawn tihchuan ka sik vat “ Ngeiawm suh aw ,hmeichhe tan chuan tumah kan be chhe thiang lo tih i hriat reng kha .







Nula kan nihchuan rim theih kan ni miau si a " tiin pawnlam a thawm a rawn awm avang chuan ka awmsawn vat ,ka dar chu a na zawk a ka ner nghal sak mai . “ I khawng em ni?" min ngaihtuah zet a a rawn tihchuan nuih luiin“ A na lo,ka awmsawn khan ka tiche deuh sia chumai mai chu mawle ,kha min kap tu lalfapa kha engtia tih nge i tum?" ti a ka zawh chuan a ngawi deuh vung vung ” That turin min duh em ni?" a rawn tihchuan lu ka thing nawk nawk .







Hmeichhe tan a mawi loh bakah hetianga mi che theilo thah hi ka duh dan a ni miahlo “ Ka thih pui chuang lo a ,chhuah ula a tih nawn leh tawh loh nan vau beh a tha zawkin ka ring,tirawh chhuak ve tawh ang . Kan lan loh rei lutuk chuan ngaihdan maksak deuh te an lo nei ange " tiin pawnlam pan chuan kan inzui chhuak dun a .

[mawitei bawihtlung]

PASALTHA SAINGURA





CHAPTER 9






“ Ka kap fuh e Saingur ka kap fuh ania" tiin ka hma a sazuk tlu chu enin ka au chul a ,Saingura chinghnia a intichanga a um hah sa leh a hliam sa ka thal ti ila a dik berin ka ring. Ka bulah a rawn tlan phei a ,ka lo nuih var var . Chinghniaah a la awm reng a ,a hmul buk zet chu ka lo tham nghal neuh neuh . Leiah chuan min bawh betin min en kar a ,chinghnia a a chan hian a duhawm riau in ka hria,a hmul chu ka tham bet tai a .








Ka thaw hak bawk ,a hmui chuan min rawn dai a tenna pakhat mah ka neilo,amah tih ka chiang miau si a ” Ka hmangaih che ka pasaltha " tisepin a mitmeng dum kak chu ka en reng a ,a nuiin ka hria . Ka puan bih lai chu seh phelhin a dahsawn a ,ruak ngal ngat chuan a hmaah chuan ka mu ran ,chutah rawn in let ruai ruaiin mihringa chang chiah silo in ka movie ena mihring leh chinghne nihkawp ang mai khan a awm chu ka en reng . A tin sei zet chuan ka taksa chu a rin riak riak a .








Ka thawk a tibuai leh vek tawh “ Min hmangaih thu kha sawi leh rawh " a aw te chu a pawr deuh chhak mai . ” Ka hmangaih che ,enge i nih ka ngai pawimawh lo,chinghnia pawh nila ka tan chuan ka Saingura i ni tho tho " ka tihrual chuan chinghnia a chang chung chuan ka taksaah a rawn lut nghal zat . Kuah betin a hnungah ka tham tawn tawn ringawt ,mihringah inlet ruai ruaiin ka chungah a rawn bawk thla a ” Ka tina che em?" a rawn tihchuan lu ka thing nak nak .









“ Ka nihna ang anga min pawm avang hian ka lawm e ,a chang chuan khaw mite lakah pawh hian ka inkil tawih a ,mihring pangngai ka nih ve loh avang hian ram lamah awm nuam ka tihchang lah a tam . I rawn lan a chinah khuaah ka awm tam tih chauh a ni " tiin ka sam chu hui kiangin min en vang vang a ,a awm ser ho chu ka chul sak dan dan bawk nen a thaw leh hawk thin chu ka nuih sak “ Nau keng ta ila engtin nge kan tih ang " ka tihchuan a ngawi deuh vung vung a “ Kan innei mai ang " a tihchuan ka nuih seih ringawt .









“ Tirawh le haw tawh ang hmiang " tiin ka puan chu min rawn pe a ,ka lo ha nghal mawlh mawlh ” Engtin nge kan sakah saw kan tih dawn " ka tihchuan nui sukin “ Ka phur mai ang chu" a tihchuan ka nernang ” A chiloh emai ,miin an hmu ang che " tihlakin ka tho chhuak a ,ka dar hliam pawh a dam var tawh a . Tunah chuan ka duh duhin ka tiche thei tawh bawk nen nuam ka ti viau mai “ Saingur i pa in i putea te khuaah zin tur in a ti cheu tih ka lo hria a,ka lo kal ve dawn " ka tihchuan a ding dat .









“ A chiloh,tawhsual tawh palh theih reng a ni . Chubakah hmeichhia ini a ,midang tan a nuam lo thei,hetah lo awm la ka rawn kir har dawn lo " a tihchuan ka thaw hak “ A nihchuan ka lo awm ange ,mahse hre reng rawh . Min phatsan vaih chuan" tiin ka melh ram ram a ,nui hawkin “ Ka hria e ,ka lo kir leh veleh palai ka rawn tir ang " a tih takah chuan ka thaw huai mai . Kan sakah chu amahin khawdai thleng a pu a ,hla do a chham hnuah khawchhung lam atangin naupang an rawn lang a ,lal in lam pan chuan kan inzui diah diah a .









Saingura chak lutuk chu mak ka ti ,lal chuan min lo be nghal bawrh bawrh a ,sa chu an chan nghal zung zung bawk . Ka pa pawh rawn thleng chho in lal ho chuan zu an khawn a ,Saingura chuan sa chu tam zet min pe in naupang ho pawh chu kan sem vek a ,hlim zeta an tlan haw chu kan en zui reng “ Upa Khum keini pawh hi kan inchhung khat thuai lovang tih pawh a sawi theih loh a nih hi " lalpa in in chhung lama a tiri ka hriat chuan ka zak hle. Saingura nen chuan lal leihka atang chuan khawchhung chu kan thlir dun a .









“ A mawi hle mai,hetiang hi a takah ka hmu ang tih ka ring pha ngailo,lem ziah bakin hmanlai hun hi kan hmu ngai miah lo a,a takah hian a lo mawizual a nih hi" tisepin ka nui var var a . Ka pa a rawn chhuah takah chuan inzui haw in sazuk sa chu kan chhum nghal a ,zanlama Saingura rawn leng lo chu ngaihtha lo viau mah ila naktuk lam an zin chhuah dawn vang ah ngaiin ka ngaihsak zui duh lova ,tlangval dang titi chu ngaithla in ka zawm ve zauh zauh ringawt.










Zinga an chhuah dawn chuan pawnah dingin an kal liam tur chu ka en zui vawng vawng a ,ngaihthat lohna riau ka neih hi a chhan ka hre bik lo . Nitin chuan keimahin ka feh thin a ,vauah Vara nena kan infiam chang lah a tam . A ni pawhin min nelin biak a hre bawk nen Saingura awm loh chhunga ka khawhar hnemtu ber a ni,Sangtei lah Chhuanthanga nen an innei dawn bawk nen an chhungkaw buailai tak a ni bawk si,Saingura te rawn let har lutuk chuan ngaih an ti tha meuh lo .








Sihpui lam te pawh an rawn lang leh a ,lalfapa nen pawh kan inpawh tawhin amah a fel bawk nen kan hlim thei phian a . Thian ang maiin ka en bawk ,Seipui lalfapa te nen kan buaina kha an lo hre ve a nih hmel,Thanpari lahin chutia Sihpui lalfapa nena min hmuh chang apiangin min tawng el fek fek leh Saingura sawi chhuah a hmang viau lehnghal . Thanliana lahin engah mah ngailo in min kawm a thulh phah lova ,nupui atan lah min sawm reng bawk ,mahse kei erawhin Saingura baka ka ngaihtuah thei lo .








“ U Than nang ang lal ropui fapa meuh chu kan phu lo che a ni,chubakah keichuan ka thian ang chiah in ka en che a . Min hrethiam rawh " tiin kan pahnih chiaha kan awm lai chuan engkim ka hrilh a ,a ngawi vung vung mai . “ A nihchuan ka lo nghak ang che ,chupa in a nei lo che a nihchuan keiin ka nei thung ang che anga " a tihchuan ka nui ringawt . “ Ilo dam maw ?" tih aw rawn chhuakah chuan Thanliana nen chuan kan hawi chhuak vat,Saingura ka hmuh rual chuan mengkawkin ka ding chhuak vat .








Thanliana nena daia kan lo awm chu a duh loh hmel hle lehnghal,a kalsawn nul nula Kapkima chuan a hnungah a umzui bawk . ” Ka kal a ngai " tiin Thanliana chuan ka en a ” Awle let ang hmiang,i chungah in lalfapa chu a lawm lo a nih hmel,i hrilhfiah vat a ngai a nihkha " tiin khawchhung lam chu kan pan zuia. Lal muala mipui lo ding leh Kapkiman an zin na chanchin leh an buaina zawng zawng a lo sawi lai mek chuan kan han thleng chho va .









Saingura lo ding ngawi run chu ka en kar ,a inhliam tih ka hriat phei chuan ka hlauthawng hle ,mipui an kalkian rualin pan mai ka tum lai chuan Thanpari a ko a ,a kut tuam sak tura a ngen lai chuan ka lo ding ngawi reng ringawt . Thanpari hi Kapkima nau a ni tih ka hre tawh a ,ka ngaih a tha lo zual sauh ” I tha em?" Thanlianan a rawn tihchuan ka bu nghat ringawt ,lal in a fate thla hual a tum bawk nen mipui pawh chu rei haw lo in an rawn kal khawm leh thuai a .








Vawk leh sial chu talhin kei erawh kil khatah ka ding ran mai “ Nunpui khatah a ni maw i lo awm ,kha hei hi Lal khi thlit la a induh bawk nen lo han pe mai ta che " Kapkiman a rawn tihchuan ngaihthatlohna pawh neilo chuan lal chu zu fang chu thlitin ka pe a “ Ka monu hual chu ilo biru char char a " a tihchuan zak in ka kun chal a ,ka zu fang ken chu a in nghal khalh khalh a . Kalsawn mai ka tum lai chuan lalnu leh ka pa te ho chu an rawn au that a









Lalpa ka atanga thi leh chil phuan rawn chhuak ka hmuh chuan ka hlauthawng hle ” Engthil nge ni a ka pa " Saingura pawh chu rawn tlan lutin lalpa chu an rawn buaipui a ,kei erawh ka hamhaih lutuk chuan engmah tihna chang ka hrelo . Mipui lam pawh chuan an thil tih lai chawl vekin lalpa chu an rawn ngaih ven a ,bawlpu in a buaipui mawlh mawlh lai chuan Kapkima chuan Saingura chu eng emaw a hrilh ru a ,Saingura chu a mengrum nghal ul mai .








Ka lam rawn hawiin ” He nu hi man nghal rawh u ,ka pa tura hrai tu a nih hi" a rawn tihchuan ka phu zawk mai . A thusawi mak tihna in ka khat ” Ni e ,Nunpuii hi lalpa in zu a duh thu ka hrilh a ,hei a pek rualin lalpa hi hetiang hian a awm ta a nih hi " a rawn tih ve phei chuan engmah sawi na chang pawh ka hre lawk lo ,ka nu leh pa in ka nih an rin loh thu an lo sawi ve te chu mipui chuan engah mah ngai lovin min rawn man a ,Thanliana te lo inrawlh tum chu tlangval lam chuan silaiin an tin thap mai









“ Ka nilo Saingur engvangin nge i pa chu tur ka pek duh ang " ka tihchuan en pawh min en duhlo hian “Man ula ripah khung rawh u " a tihchuan Thanliana te chu an lo inrawlh leh vat a ” Nang ni pawh kha in lo inrawlh a nihchuan in thi vek ang " a tihchuan keimah zawk chu ka lo inrawlh vat “ U Than let zawk rawh u,keichu min ngaihtuah suh ka tha em em ang" ka tihchuan a duh loh hmel hle ” I nunna an la a nihchuan ka ngawi lovang,i pek loh zia keimah ngeiin ka hmu a







Nuni a ni hi maw i hmangaih chu a ni vangin min hnar a ,a ni erawh chuan engah mah a ngai lo che a nih hi" a rawn tihchuan ka rilru na a tizual. Engmah sawi tawh lo chuan kal turin ka ti leh a ” Ka rawn kir leh ang" atihchuan ka bu nghat ringawt . Engmah sawi tawh lo chuan khua chu an chhuahsan zui a ,kei erawh mipui chuan min rawn panin min khawih rawn a ,ka nu leh pa chuan zahngai turin an lo ngen ve bawk ” Nang hi vanduaina i nih hi .







I rawn lan atangin buaina kan tawk zawm reng " tihte chu an sawi reng a ,engmah ka sawi tawh lo . Insawi fiah tum pawh ni ila min phiar ru tu hi an fing in lemchan an thiam em a . Tumahin min ring lovang “ Duhtawk rawh u,rip ah chuan va khung rawh u " Sainguran a tihrual chuan mipa pahnih chuan lal in hnuaia rip an siamah chuan min theh lut rawk a ,ka kut na lutuk chu ka then chak chak ringawt ..







Ka nu leh pa tap te chuan min tina lutuk tlat “ Saingur ka nilo a sin,engkim hi a rang lutuka hmachhawn dan tur pawh ka hrelo,i lo haw hun ka nghahhleh tehreng nen " tiin ka awmna bawm tawt zet chhungah chuan ka mu tawm khar a ,nitin chuan an chaw min pek leh tui te chu ka in in ka ei duh ngai lova . Thanpari rawn kala Saingura nen an inneih tur thu min rawn sawi khum thin te chu ka chhang ngai hek lo .







“ I chaw hi ei rawh" Nithum niah chuan a rawn lang ve hram a lawm . Lalpa a ziaawm tan tih ka hria a,ka lawm viau bawk ,chutih rual erawhin ka chaw eilo nen ka tui in lo bawk chuan min tichau tawh hle ,Saingura min biakna pawh chu ka chhang lo ” Ei la tui hi in rawh ka tihchu" a rawn tihleh chuan ka nui hak ringawt “ Min....kalsan...rawh" thamchala tiin ka mit ka chhing zui hmak a “Ral ral " ti a khaw hmawr lam atanga thawm rawn chhuak avang chuan tho chhuak zawkin a rum hawk a .









Lal in lamah lut in a hmanrua a la a ni ngei ang,ri rawk rawkin reiloteah chuan silai a puak ri thuai thuai a . Mipui mang ang au aw nen chuan a inpawlh nawk mai,rei fe an inbei tih hriat takin thir inkhak rite chu ka hre leh thin ,ka awmna rawn in hawng a Thanliana hmel ka hmuh rual chuan min pawm chhuak nawlhin midang pahnih nen chuan ramhnuai lam min panpui a ,a him chin kan thlen chuan a let leh tur thu a sawi a ,puih ve duh viau mah ila tha ka nei hlawl lo.







“ U Than,ka nu leh pa kha venghim rawh aw " ka tihchuan a bu nghat a . An kalsawn hnu chuan vara ka ko nghal vak,a rawn lan rual chuan ka kuah a “ Khawchhungah min hruai thei angem " ka tihchuan a bawk hniam ruai ruai a ,a chungah chuan ka chuang nghal vat . Khawchhung lamah bawk chuan min luhpui a ,Sainguran u Thana te ho lu lo tan a tum chu Vara nen chuan kan va dang vat ” Kal tir rawh,khawngaihin Saingur ka thusawi ngaithla rawh" ka tihchuan a rawn hawi chhuak a .








Vara nen chuan rum zetin min en a ,a mit te chu a sen rum theiin ka hria “ Vara kalsan rawh " a rawn tihhrawk chuan vara chuan min kalsan a tum lo nge a din ngai reng chuan a ding a ” Ka unaupa ti a i inchhal chuan kha hmeichhia kha kalsan rawh " a tihchuan Vara chung atang chuan keimah zawk ka chhuk a ,Saingura chu ka pan chhet chhet ” Kan duhthusam te kha i la hre reng em ? I lo haw huna palai i rawn tirh hun ka nghakhlel em em thin a " tiin ka pan hnai zel a .








“ A tawk tunah hian i rilru chu ka hrechiang viau tawh,nang hian he lalfapa hi i duh a thah pawh i phallo a ni lawm ni" a rawn tihrawk a . A bula Kapkima ding chu ka melh ran ” I thianpa khan dawt muhlum a hrilh che a nihkha,tinge i rin tlat a " ka tihchuan Kapkima zawk chu a rawn tawng chhuak nghal zat ” Lawmpa ka sawi i hriat chian kha ,henu hian a kawp che a Sihpui lalfapa nen an inneih theih nan i pa dahthat an tum bawk tihkha hria la ,a thleng dik mek chu a nih hi,he hmeichhia hi dahtha hmasa ila engkim a fel a nimai .








Buaina thlentu a nih hi " ti a a chempuia min rawn sah a tum chu Vara chuan a rawn bawhtlu a ,keichu a chungah min chuantirin khawpawn lam pan chuan min tlanpui nghal zat,ka mala thal rawn lut avang chuan ka au that a ,ka phawi rual chuan thi a chhuak nghal zawih zawih bawk . Tlangval ho chuan hriam nen min rawn umzui a , Vara nen chuan kham pangah min dang bet ta tlat ,lengkir a nih avangin Vara tan pawh tih ngaihna a awm tawh lo.









“ Rawn in pe rawh " ti a kan in ngeia rawn leng thin ho in min melh rum chunga an rawn tihchuan ka na takzet “ Ka tih a nilo a sin " ka tihchuan an ni pawh chu tlem chuan an inthlah dulin ka hria ” That rawh u " ti a Kapkima min rawn sah tum chu Vara chuan lo dangin amah chu lengkirah chuan a tla zui a ” Vara " tiin ka au chhuak tuar . Ka thu nghal hnawk ” A tawk Kapkim " Saingura tawng ri ka hriat rualin ka kut chu an rawn phuar mawlh mawlh a ,khawchhung lam pan chuan dim lo zer hian min kalpui mawp mawp ringawt








“ Bawlpu leh sadawt kha in in peih tawh em " a tihchuan a thusawi awmzia ka hrelo takzet ” Saingur enge i tih dawn ,khawngaihin ka nu leh pa leh midangte hi kaltir rawh" tiin ka nu leh pa engmah ti thei lo tura an phuarbeh chu ka en a ,ka mittui a tla zung zung “ I awmna ngaiah let la chu chu a tha ber " a tihchuan ka phu zawk “ Mah...mahse...kumkhua a i bula awm turin min duh kha ,min huat ber lai pawhin min hmangaih tur thu kha i sawi a ,hei hi em ni i mi hmangaih na chu?









Ka tihsual nilo min phiarruk avanga ka tih anga lang hi chhui chhin pawh i tum lo maw? Hei hi em ni i mi hmangaihna chu,mipa tha tak turah ka lo ngai che a sin" ka tihchuan a ngawi run a ” Engmah sawi tawh suh lawmpa hi i bum tam tawk tawh . Eng mi nge i nih pawh kan hriat chian loh hi,he khaw lal nih te hi ilo tum reng nge " Kapkima bawk chu ” Ni e Saingur henu leh Sihpui lalfapa hi in awm loh chhung zawng khan an inzui nasa in khawmite pawh hian an hre chiang viau ang . I awm loh laiin enge an lo tih ang tih pawh hriat loh " Thanpari pawh chuan a rawn tileh zat zat a










“ A tawk ,che vat rawh u" tiin Bawlpu te chu a melh hrawk a “ Ka kir leh duh tawhlo ,Saingur i bulah ka awm duh" tiin thinrimna leh huatna mitmenga min en tu chu ka ngen lawm lawm a ,kha ka khawvelah khan kir leh ka duh tawh lo . Ka malna khawvelah khan kir ka duh tawh lo takzet,ka nu leh pa pawh chuan an dil ve mawlh mawlh renga . Mahse engmah a sawt silo,bawlpu leh sadawt chuan inthawina an nei mawlh mawlh “ Vara " tiin beidawng lutuk chuan ka au a ,keimah avanga a chinghne thi ta chu ka au rawih rawih a ,kha khamah khan keimah min chhan nan a tla si .









Chinghne u rawng rawng ka hria a ,chutah lal in hnung lam atang chuan rawn chhuakin Vara ngei chu ka hmaah rawn dingin a chungah chuan ka chuang a ,ka hliam nen ka mit a vai ruai tawh. Ramhnuai lam pan chuan chak zetin min tlanpui nghal vawk vawk a ” Saingur tinge min thah i duh tak hial mai le " ti sepin Vara chungah chuan engmah hrelo in ka bawk zui ta thlawp a.




SAINGURA POV..





“ Lalfapa kan umzui dawn em ?" an tihchuan ka kut vaiin ka kalsawn a “ Ka pa hi lo harh phawt se engkim a chiang mai ang " tiin inchhungah chuan ka lut zui a ,ka pa rawn harh hunah engkim a hriat ang chu . Ka rilru erawh a nuam hauh lo, Vara hian mi dik nilo chu a chhan hauh lovang ,ka sahmima thihna ka ah chu phawrhin ka en vang vang,a tan khan ka hawn a . Mahse heng zozai hi a thleng leh si “ Lalfapa sihpui ho leh pu Khuma te hi engtin nge kan tih dawn?" ti a tlangval ho rawn au chu chhuah turin ka hrilh a .








Ka nu chu ka pan vat “ Ka fapa ,Nunpuii chu engtin nge i tih? Thil i tisual a nge ,khachen helaiah a awm tawh a. Duh chu nise i pa nen hian min that tawh ang,he thila kan puh ringawt hi a fuh lo a ni. Eng emaw inthup chu a awm ngei ang" a tihchuan ka chhang lo “ Ka chhuak lawk dawn a nia ,ka pa hi lo veng tha ang cheu" tiin upa ho chu ka en a ,an buk tak nghatah chuan ka hmanrua nen ka tlan chhuak nghal vat . Vara khan khawiah nge a kalpui ang,hliam tuar chung khan khawiah nge an kal ang tih ngawt chu ka ngaihtuah









Khawpawn ka thlen rualin chinghniaah chuan inti changin an thi far atang chuan ka chhui a ,thuife ka kal hnuah chuan an hniak leh an thi bakah an rim thlengin hmuh tur leh hriat tur awm lovin a bo hmak a . Ka zawn ngial pawhin hmuh tur a awm lo ” Khawiah nge in awm ?" tisupin ka awmna bul lung chungah chuan ka lawn a ,hmun hrang hrang chu ka thlir kual a,hmuh tur erawh a awm lo hrim hrim .







Khua a ka let hnu lawkah ka pa a rawn harh a ,thil thleng a hriat chuan a chet tlak tlak ” Ka fapa hetiang hun a thlen hian a sin rilru sen a ngaih thin,midik zawk te hi an tihsual nilovah kan tina fo a nia . Nunpuii khan tur kha min pe hauh lovang tih ka chiang,a chhan chu a chetzia ah khan a hmangaih zia che ka hmu a ,khang kha a tih duh ka ring lo . Tu emaw in inthen duh leh he lal thutthleng chang duhtu hi an awm a ni " ka pa in muang changa a rawn sawi chuan ka ngaihtuah vung vung a .







Ni e a sawi dikin ka ring,mahse engkim hi a nih tur ang a ni vek tawh.

[mawitei bawihtlung]

PASALTHA SAINGURA





CHAPTER 10






” Ka thianah ka ngai che a ,min lo bum reng amaw ?" tiin Kapkima chu ka hnek tlu tawp a ,mipui chuan min thlir thap bawk . Thanpari rawn inrawlh tum chu tlangval ho chuan an lo man bet a ,Kapkima rawn nui vak vak chu ka en ngur ringawt “ Ka farnu rilru i tina a ,i phatsan a chupawh reilo te i la hriat mai mai lakah lehnghal . U tan chuan mahni naute chunga khatiang thil thleng kha a nat zia i hre hauh lovang tiraw ?







Kha chen in inzui a ,i nupui tur anih thu i sawi chamchi a ,mahsela hmeichhe pakhat hmeltha satliah rawn lan atangin i thlauhthla hmak a nihkha " a tihchuan ka hnek leh sawk . Leiah chuan thalin a ka atanga thi chhuak chu a chhak thlawrh a ” Ngawi hmak rawh,hmeichhe satliah tiin Nunpuii kha sawi hauh suh ang che ,i farnu neih loh engkim neitu a nihkha . Nangni unau vang phiangsena a chunga ka thil tih leh kan khaw mite tawrhna avang hian ka ngaidam ngai lovang cheu .










A chhungte nen khan that vek rawh u " ka tihrual chuan a meng nghal kawk a ” Lawmpa,min ngaidam theilo a nih pawhin ka chhungte tal chu khawngaihin zuah rawh,engmah tihsual an nei ve lo . Ka lu hi la la ka chhungte chu zuah hram rawh u,lalpa tur pe tu che ka ni tih ka hailo ,mahsela ka nu leh pa leh ka nau hian engmah an hre ve lo . Ka nun hi la ula ka chhungte tal hi chu min zuah sak hram rawh u" tiin a kut a suih a .










Ka pa lam enin ka bu nghat a ,ka kal sawn nghal zat . Engkim ka pa ka hrilh a ,val upa Dovela ka ring tawk bawk nen kei erawh ram lam pan bawk chuan ka chhuak leh a , Vara nen an bo atangin thla khat a liam leh tawh a. Ka zawn erawh ka thulh ngailo thung,an rim atang ka chhui thei lova ,engtia an rim leh an hnu thup thei tlat nge an ni tihlah ka hre hek lo . “ Nunpui " tlang hmawrah chuan dingin ka hmalama tlang in pharh duai leh ngaw dur khup lam chu ka thlir vang vang a .









Saw ngaw chiah saw ka la kallohna a nih avangin an awm ka rinna a sang viau bawk . Chinghnia ah bawk chuan intichang leh in ka tlan leh par par a ,ngaw chhung ka luh chuan ni a vanlaizawl tawh a . Ngaw a chhah that avang erawh chuan ngaw chhung chu a thim khup thung,thawm leh rim ka hriat avang chuan mihringah in let thuaiin ka hmaa thawm awmna lam chu muangchangin ka pan a ,hmeichhe nui ri ka hriat rual chuan ka hmanhmawh zual sauh . Chutah tuikhawhthla a lo inbual ka hmuh chuan ka mengkawk “ Nunpui " ka aw a hriat rualin rawn hawi chhuakin a inbualna a ta chu a chhuak vat a .










Vara pawh a rawn lang nghal zat bawk . A chungah chuangin rang zetin an tlansawn chu ka umzui nghal vat “ Ding rawh u, Vara ding rawh " tiin ka au zui a ,thawk leh khatah silai rawn puakin ka mal chu a thip nghal zawk a ,ka hmaa mi pathum rawn chhuak chu thip zet chuan ka melh nghal ram mai “ I mi um te pawh kha kan that thuai ang " an tihchuan ka inhum ruh nghal tawlh tawlh . Chinghnia a ka inthlak an hmuh chuan pahnih chu an mengkawk a ,an hawibuai chhung chu chuhin ka seh hlum nghal hmak .







An pasaltha ber erawh a lo harh chhuak hman tlat,a chem chuan ka dar chu a rawn zai a ,ka mal na nen ka tang tha thei tawh lo tih a hria a ni ngei ang . Ka thi chhuak nasa bawk nen ka khawhmuh a fiah thei tawh meuh lo ” Chinghne mihring maw ? A tha dawn e i lu hi ka hawn ngei ang" ti a min rawn pan leh lai chuan Vara rawn lang zuiin a lu chu a seh chhum sak nghal hmawk a . ” Vara hmanhmawh rawh " min rawn dawm tu chu tunge a nih tih ka hailo .






Mihring ah inlet ruai ruaiin ka mit ka chhing zui a .



NUNPUII POV






“ Vara min rawn pui teh,kan hmanhmawh a ngai a nia ,a rit bawk si Saingur harh teh" tiin ka sawi nawk nawk a . A hliam a nasat bakah thi a chhuak reng bawk nen min ti hlauthawng takzet ,ka puan chu pawtthlerin ka tuam nghal mawlh mawlh . Ka thih hial duhin ,min thawn bo hial duh mahse keichuan ka la hmangaih renga ,a nat ka duh hek lo. Vara rawn phei chuan a hnung rawn dawhin Saingura chu ka theih tawk chuan ka dawm kang a ,harsa tak chuan Vara chungah ka dah thei hram .







Hrui chuan phuar bet mawlh mawlhin kan awmna puk lam pan chuan kan tlan zui a , puk kan thlen rualin tui chu chhuangin a thi chhuakah chuan ram hnim damdawi atana an hman thin chu ka sawr mawlh mawlh a ,tlangsam chu lak belhin ka nuai nawk nawk a ,a dar kak laiah chuan hmehbelin ka puan neih ang ang chuan ka tuam ve a . A mal silai luhna ka hmuh chuan ka mengkawk mai ,chem hliamna ah ka lo ngai ringawta .








Silaia kah hliam a ni tih ka hriat chuan ka hlauthawng leh hnuhnawh hle ,tui so chu suan vatin a ma diar chu ka phelh sak a ,ka hruk sak nghal zung zung . Silai mu chu a tang tih ka hriat avangin ka mau suih zum lian vak lo chuan ka khei sak a ,a rawn rum kawk mai . “ Tuar hram hram rawh ,silai mu hi ka phawrh chhuak dawn a nia " tiin ka be mawlh mawlh a ,a tawpah chuan ka la chhuak thei hram . A hliam chu tui sa chuan tifai leh in ka tuam sak mawlh mawlh a .








Vawt ti a a khur chu ka puankawp chuan ka tuam nghal vat “ Min kalsan suh"pawnlam chhuah ka tum chu a rawn tawng avang chuan ka tawp chat a . “ I damdawi tur ka la dawn a lawm, Vara lo mutlum pui rawh,thing tuah tur kan fawm pah ange " tiin ka tlan chhuak a ,puk bul vela hnim damdawi leh thingro ka hmuh ang ang chu ka fawm a ,ruah in sur a tum tih ka hriat avang chuan ka hlauthawng hle .








Saingura lah a khua a sik nasa ropui si , puk chhung ka luh rual chuan meichu chhawm sawk sawkin ka thing fawm chu ka tuah belh mawlh mawlh a . Sa rep kan neih ho chu chhumin a hang chu ka in tir a ,chutia ka khawih lai te chuan min en ve tawk tawk a ,a mitmeng ka hmuh hian ka na tlat zel bawk nen ka en let duh meuh lo . Ruah rawn sur tur tih hriat takin thli a thaw vuk vuk a ,ka Saingura chu ka kuah nghet sauh,kan puk a thuk hlauh a kan vannei hle bawk .







Vara chu pawnlam deuha Saingura dai pha in a bawk a ,kei erawh bang kawm lamah awmin ka kuah chial ringawt. Damdawi a awm tha lo bawk nen a khawsik chu a khur dar dar a ,nghet zet chuan kuahin ka awmah ka pawm bet a ,ka rilru a tihah takzet . Engtin nge helaiah kan awm tih a rawn hriat chat theih ni ,kan in thup nasa ve hle si a .

[mawitei bawihtlung]

PASALTHA SAINGURA





CHAPTER 11






Ka chau ve bawk nen a khawsik a reh takah chuan ka muhil ve thei chauh a ,a taksa kuah reng chung chuan ka chhing nghal siai siai . Ka hmai chul dan dan tu avang chuan ka mengchhuak nghal kawk a ,Sainguran min lo en reng tih ka hriat rual chuan ka thu chhuak vat ” Hetah hian maw in lo awm a " tiin kan puk leh a chhehvel chu enkualin a khi sak a . Ka chhang lo,meichu chhem mawlh mawlhin sa chu ka hem hmin a ,buhfai kan nei lo bawk nen Vara sa man ka ring ve tawp zel kha a nia.









“ Kha ka buhfai ah hi chhum rawh " tiin a sahmim chu ka bulah a rawn dah a . Ngawi reng chuan ka la ve mai bawk ,ka la be chuang lo chaw vel ka chhum zawh rualin a bulah ka chhawp a ,a lo ei ve mai bawk . “ Haw vat ila a tha ang?" a tihchuan ka ngaihdan chiah,heta a awm ve reng na tur chhan a awm lo“ I mal hliam kha damdawi hnawih leh ila i haw dawn a nia " tiin chaw chu ka eizawm ve nghal mawlh mawlh a ” Nangmah nen kan haw ang chu,i tello a haw ka tum miah lo a nia " a rawn tihchuan ka chaw bar tum chu ka dahthla a .









Ka melh nghal kar ,khati khawpin min hua a min thawn let a duh a ,ka zui a ring reng reng emaw ni? “ Duhtawk rawh,ka zui dawn lo che ,min thawn let tuma i chetna kha ka theihnghilh emaw i ti em ni? Teuhlo ka theihnghilh ngai reng reng lo . Haw la helai hmunah hian rawn lang leh tawh suh ang che ; ka nunna lak pawi tilo tu hi engvanga la pui duh che nge maw ka nih reng reng ni" tichang fakin ka chaw chu ka bar zawm a . Ka tho nghal daih bawk ” A chhan chu maw ka hmangaih che avangin,chuan nangpawhin min hmangaih bawk









Chuvang chuan min zui haw ang,ka thusawi kha ala ngai reng ka nupui ini ang ka tihkha ,i duh loh leh hetah pawh hian kan awm thei tho a nia " tiin a rawn tho zui ve nghal a . Ka hma ah tak chuan a rawn ding nghal thar bawk “ Dnaektwk rawh,zahna te hi nei la min ring lova a chhe thei ang bera min puh tu inihkha ,chuvang chuan ka rawn let chu beisei duh suh" ti tawn tawnin ka chhuahsan tur chu min naek man bet nghal vat . “ Min thlah nghal rawh u" tiin ka tal nawk a , Vara chuan min puih pawh tum lo in kan inpawt buai chu mei hem chungin min lo en reng ringawt .









“ Saithanngur" tituarin a kut chu ka vai sawk a ,a hliam a tina leh tih hriat takin a rum nghal hawk mai . A dar atang chuan thi a rawn chhuak leh nghal tiam tiam a ,hlauthawng zet chuan mut tirin ka hnim damdawi lak sa chu ka hnawih nghal mawlh mawlh ” Che tawh hauh suh,i na tih ka lo theihnghilh palh a ni" tisapin ka tuam sak mawlh mawlh a “ Min kalsan suh,hei chu ana lo a hliam hlek chauh a ni " ti a rawn thawh chhuah a tum chu ka nam mu lehnghal hnawk ” Awm mai mai rawh,na lo se hetiang in i awm dawn em ni .








Tuarchhel lutuk pawh hi mahni tawrhna mai mai,tikhan mu hle hle rawh . I dam har duh a nih leh i duh leh tihnat belh leh mai la" tiin ka melh khai khai a ,a nipawh chuan thaw hakin thawh a tum tawh bik lo . Puk chhung chu tifaiin ka thawmhnaw chu ka thlak a ,ka taksa a hmu vek tawh tho bawk nen in khuhna tur awm lo chu min en reng mahse hnungchhawnin ka inthlak mawlh mawlh a “ I mal ser kha engvang nge ? " a rawn tihleh chuan ka thaw hak .









Min ti thinrim leh mai dawn,min thawnkir a tum tuma feia min khawh tu kha a lo hmu ve miah lo zawk nge ” I hriat a ngai lo,thihna hial pumpelh chuan hetiang ser hi ka neih phah chu a nih hi " tihmakin ka thawmhnaw neih chhun lasi te min pek chu ka inbel mawlh mawlh a . An ni bulah Vara hian min hruai lo se chuan ka dam chhuak kherin ka ring lo ,“ Nunpui" tisupin a rawn tho chhuak taih taih a ,a malna leh a dar na chuan a chet a tihar hle tih ka hre thei .







Ka kawngah rawn vuanin ka darah a rawn bei a ,talsawn ka tum chu phal lovin min kuah nghet sauh va ,a na khawn sak leh ka hlau bawk nen ka talna ngam lo ” Min khawih suh,ka thih pawisa lo leh ka hmel hmuh duh lo tu zawk inihkha " tiin a hma a min tihdan te chu ka mitthla ah a rawn lang zut zut a ,ka mittui chu a luang nghal ngiai ngiai. Keichuan ka ring a ,ka hmangaih avangin ka engkim ka hlan a ,mahse a lak atangin rinna ka hlawh let ve der silo .







“ Thah duh che ila chuan thahna tur thupek ka pe chhuak zawk ang . Ka pa kha thise kei in ka thah che ngailo vin khaw mipui thinrim in an that ngei dawn che ,chu thil chu ka hmuh theih i ring em ni? Ka hmeichhe hmangaih an thah lai hmuh ka duh i ring bik em ,i himna tur ka ngaihtuah avang zawkin a sin i awmna ngaiah thawn let tur che a Bawlpu te kha ka tih,ka pa thih hma a i let thei a nihchuan i nun chhanhim in a awm anga ,chuan keipawhin ka pa chu tha takin ka thlah liam thei mai ang








Kha thil kha tilo ila mipui tam zawk chuan thah che an duh dawn tih te i ngaihtuah pha ve em? Ka pa dinhmun kha i hria,thi se chuan nang pawh hi i damchhuak dawn lo,kha thil kha ka tan a har loh bik i ring em ni ? Ka pa leh ka hmeichhe hmangaiha duhthlan ngai tur kha kei hian ka ngaihtuah a ,ka rilru a buai ve tho a sin" tiin min sawi deuh nawk a . A thusawi chu dik mahse ka lawm chuang lo ” I chhui thei reng,engtin nge i pa kha tûr pe turin min rin theih,a intur chu ka pe ngei a . Mahse kha thilah khan tûr a awm dawn tih ka hre bik hleinem .









I thianpa leh keiaia i rin Kapkima min pek avang leh lal pe tura min tih avanga pe mai chauh ka nihkha ,i duh ang chuan hei ka awm bo tawh alawm . Min hmuh duh silo engvanga helai hmuna rawn kal nge i nih? Ka ko reng reng lo che ,ka awmna ah hian ka him tawk ,let leh la rawn kal leh tawh suh ang che " tiin ka chhuak nghal daih a ,puk sir a tuikhawhthla lam chu panin ka phei nghal daih . Amah nena inhnial reng pawh kha ka ning,thudik an hrechhuak tawh a nih ka ring bawk .








Chuti nilo se min zawng turin a rawn kal hauh lovang,lalpa chu a thi ang nge ala dam tih engmah lah ka hrelova ,zawh lah ka peih hek lo . Tui ah chuan ka ke chiahin ka bul vela ram pangpar par vul chuk chu ka thlir vang vang,suangtuahna in kan awmdan zawng zawng kha a chhui kir a ,ka mittui a tla leh thin . Nghakhlel em em in a zin lo haw hun ka nghak a ,mahse min ring lo in Sihpui lalfapa nen kan awmdun lai a hmuh vang ngawtin min thinrim khum a .







Chutah khang buaina zozai kha a thleng zui a nihkha ,ka dar silai kahna la ser raih leh ka mal ser te chu ka en a ,amah vanga hetiang ser te hi nei ka ni a sin . Ka bulah chuan a rawn thu a ,min en vawng vawng mai ” Ka tihpalh" a rawn tihchuan ka chhang lo,a ni ang lalfapa leh pasaltha ni bawk chuan hetiang thu chhah chhuah hi a inhmeh lo takzet “ Ka tihpalh ka tihchu " a rawn tihchuan alamah ka lu herin “ Ka hria e " tiin tui chu ka ke chuan ka tiper chhak chhak a .










“ Anihchuan tinge engmah i sawi siloh" a rawn tihchuan alam hawi zawng chuan ka inher a “ En teh Saingur ,nang nen hian kan inkawp theilo . Nangin min duh mahla i nuten min duh hauh dawn lo tih ka hria ,i zinlai khan an thusawi ka hre ru a ,nang hi Bungzawl lalfanu nen in nei turin an ti che a sin,i zin bo nachhan pawh kha a ni tih ka hai hleinem,ih maw ? Min rawn hmu tawh lo la ka duh,a hma kha chuan min hmangaih ve niin ka ngai a ,i nu leh pa thusawi kha zawh chian ngei che tumin i zin haw hun ka lo nghak che a .









Mahse khatiang tehnuaih kha kan hmachhawn ta si a ,mahse hei hi siamtu remruat a nih ka ring zawk . Nang nen hi chuan inkawp tur kan nilo,keichu nu leh pa pawh neilo mi falak mai ka ni a ,i pa that tu a puh ka ni bawk . Nang in min pawm thei mahla i khaw mipui ten an lalnu niturin min duh hauh lovang,Bungzawl lalfanu dam loh chhan pawh i ngaihzawng neih thu a hriat vang tih ka hria a sin,keimah avanga hmeichhe dang rilru na a an awm tur ka duh tawh lo .








Chuvang chuan i dam veleh haw la rawn lang leh tawh suh . A nihloh pawhin keimah zawk ka kalbo leh mai ang " tiin chiang tak chuan ka en a ,a hmel awmdanah chuan a rilru a na hle tih ka hria ” Ka duh lo,nangmah a lawm ka duh che . Ka pa a thi heklo ,khaw mipuite bakah ka nu leh pa pawhin an duh ngei ang che. Ka bulah rawn let rawh. Engkim ka hrilhfiah vek mai ang ,min kalsan ka phallo " a tihchuan za lo zetin ka nui ringawt .







Hmanlaiah lalte lal zia leh an fate meuh pawhin an thu an hnial ngam loh zia ka hria,a nu leh pa ten nei tura an nawr lui a nihchuan a nei ngei dawn . Rilru na taka awm ai chuan a hmuh phak lohah hian awm ila a tha zawk “ Nilo e ,i nu leh pa duhzawng ngei chu nei rawh . Keichu min theihnghilh tum zawk rawh,nang leh keichu kan awm dun ve thei dawn lo Saingur,nikhaw hrelo a ka awm lai khan ka mangah hmeichhe pakhat ka lo hmu a ,a niin a thu min hrilh chu maw ? Sailo lal ropui tak i ni dawn a ,i tan chuan ka awm ve theih loh thu min hrilh a sin .







Saingur keilo hmeichhe dang i neih tur thu a sin min hrilh,a dik ngei bawk ang . Chung thil zawng zawng chu hmuh leh hriat ka duh lo,reiloteah ka kalbo tawh dawn ,ka nu leh pa tal kha min lo enkawl sak ang che " tiin mittui tla zawih zawih chuan ka en a . A ni pawh a rilru a buai hle tih ka hria “ Chunu sawi chu a dik kher lo thei a sin,keichuan nang lo neih ka tum lo " a tihchuan ka en tlawk tlawk ringawt.







“ Tlan dun ang,heti hian hetah hian kan pahnihin kan cheng thei a lawm" a tihchuan aw ti a chhan mai ka duh,mahse ka thei silo “ Nilo Saingur kei chu khawvel hran daih a mi ka ni . Nang nen hian kan awmdun ve thei dawn lo,i hria em? Kan awmdun ve thei ngai dawn lo tih min hrilh a sin" tiin ka mittui chu ka nuai nawk nawk a . Engmah sawi zui duh lo chuan ka kalsawn lehnghal daih a .




(A TAWP LAM KAN HNAIH TAN AW )

[mawitei bawihtlung]

PASALTHA SAINGURA








CHAPTER 12







Puk bulah chuan thingfawmin thing kar atanga ni zung rawn lut chu enin ka dak vang vang a ,ka hahchhiau a chhuak bawk nen eng en lo chuan ka hahchhiau thei lo miau “ Enge i toh" Saingura chu ka hmazawnah rawn dingin min rawn zawta . Ka hahchhiau khum nghal thuai chu a phu zawk mai,ka chil tlem tlemin a per nge a nernawk a . Nge a lo din teh vei ni , Vara chu kan bulah awm lo in a vak chhuak a .








Sa a pel leh dawn te pawh aniang,kan awmna piaha bil kung ding chu enin a lo hmin tuar tawh tih ka hriat avang chuan ka pan vat a “ Enge i tih dawn " a rawn tihchuan chhang lo in bil kung bulah chuan dingin a san lutuk loh bakah lawn a awl dawn tih hriat takin a zar chu a tawi laih a . Ka lawn nghal vat “ Rawn chhuk rawh,i tla ang" a tihchuan ka lawn ngai rengin ka lawn a ” Keimah ka lo lawn ang" a rawn tihleh chuan a zar pakhata thu in ” Hliam nei chung khan lawn i tum a nihchuan i duh leh lawn la .









Ka enkawl tawh lo ang che nga nimai,tikhan ngawi hle hle khan lo awm la ka thlak sa hi lo chhar mai mai rawh " tiin a hmin tamna deuh chu a rahna chin zelah thliakin ka thlak a . A ni pawh chuan ngawi reng in a lo chhar ve mai bawk ,a ei zel tih ka hmuh chuan ka ngei lutuk chuan ka melh hrep a ” Lo ei tawh suh. Lawh a har tawh tehlul nen Saithanngur ei tawh suh " ka ti tan tan a,a hmingpuma auh hi nuam ka ti thar riau ” A awm teuh hi lo chhuk tawh rawh " tiin a chharsa chu a dahkhawm hnur a .









Keipawh chu ka chhuk thla ve nghal vat ,kan awmna hi a la ngaw tha bawk a . Sa an tamin hlauhawm tak tak pawh an awm nukin ka ring “ Saingur" ka chhuh rual chuan min pawmin puk lam chu min panpui a ,a hmun kan thlen rualin bil chu kan ei dun nghal mawlh mawlh a ,a hmel chu ka en vang vang . A inhliam laia ka hlauhthawn zia kha a hre hauh lovang,a hmel chu ka en reng a ,a tukkhuma a sam zial dan te thleng chuan hmuh hmaih hlau takin ka en chhuak dap bawk . A kut hraw hruih leh min kuah thin tute .









A awmdam dupa min bia a a awm pharh darha min kuah lai te chu ka ngaihtuah chhuak a ,hmeichhe tam takin an duh rawn khan kei min hmangaih thu min hrilh laia ka hlimzia te kha ka ngaihtuah chhuak uaih uaih mai . Ka lam hawi in a rawn inher rem a ,a hmel tha lutuk silo mahse pa hrak si chu ka en vawng vawng . Chutia ka lo en reng vang nge mak tih hmel zet hian min en a “ I tha em?" a rawn tihchuan ka chhang lo ,ka hmangaih lutuk tih ka hriat chhuah na hian min tina .









Kan awmdun thei awm silo va “ Enga tinge Nunpui " tiin ka mittui tla a hmuh chuan min kuah nghal vat . “ Nghet deuhin min kuah rawh " ti tiauin ka mittui nen chuan a awmah chuan ka hmai ka nawr a ,a taksa chu nghet zetin ka kuah bet bawk . Ka samah rawn chulin min kuai dak a “ I ngaihtuahna ang kha engmah a thleng dawn lo,kan pahniha kan awmdun phawt chuan tumahin kan awmdunna tur an dal theilo,kan pahnihin kan bei ang " tiin ka hmuiah chuan a rawn fawp a .








A awmah chuan ka kuta innem khalhin ka chhang let ve bawk . A hlat ata awm bo hi ka duh lo,ka kalsan theih ka ring lo a ni “ Ka hmangaih che ,khing vana arsi tam takte hming chhal leh ka nunna hmingchhalin ka tiam a che. Ka thi a,arsi te an bo ngawt anih loh chuan ka kalsan leh tawh lovang che " rilruiha a tihchuan nuih seihin a hmuiah bawk chuan ka fawp a . Puk kotlangah chuan thu dunin kan titi sap sap a .








“ I rai lo em ni?" a tihchuan ka pum chu ka en zauh ” Railo a nih hi,vawilehkhatah a rai thut theih hleihnem" tiin a dar chu ka ngheng ar ar a “ I ruahloh ka ring ve em em a " a tihleh chuan ka melh vak “ Duh duh hunah kan rai thei hleinem ,vanduain palh chuan ka rai thut thei a ,Vanneih palhah ka rai thei bawk vanduai leh vannei inkarah ka awm tihna a nihchu " ka tihchuan hriatthiam loh hmel zet chuan min en a









“ Engah maw i vanduai anga" a tihchuan ka thaw hak “ Aw lo che sualin rai ta ila nangin min duh leh loh khan ka tan chuan vanduaina alawm ,tunah pawh hian ka la hlauthawng reng ' ka tihchuan min kuah thutin “ Naute kan neih zung zung angai a nihchu,ka fa ka thachang dawltur mipa ngei min hrinsak theila ka duh a ni " tiin thutak zet chuan min en a ,ka namsawn nghal hlak “ Innei pawh kan la nih loh hi" tihlakin bil chu ka ei zawm leh mawlh mawlh a .








“ Tihian innei ang,keichuan ka nupui ini tih ka nem nghet ni rawh se . Midang min hmuh lai kher a ngailo,tihian kan tlandun a nimai" tiin a sahmim chu a dap rak rak a ,thi hna mawi zet mai chu rawn phawrhin ka kutah a hmeh bel a“ He thil hi i tana ka rawn hawn a nia,ka nupui i nih huna pek ah che ka ti a ,chuan tunah hian ka nupui i nihna ang ngeia he thil hi nei tur che in ka duh che ." a tihchuan ka kuta a thi hmeh bel chu ka en ran .








Ka hlim lutuk chu au chhuah vak mai ka duh,ni e kan chesual tawh tho va . Midang hriat puina kher ka duh lo,amah hi ka bula a awm chuan ka duh tawk ,heng thi te hi ka duh lova mahse ama min pek leh kan inneihna nemnghet tu a nih avang erawh chuan ka ngai hlu hle reng ang le . Kuah thlawpin “ Keipawhin i kianga awm reng ka duh. Khawi hmunah mah ka khawvel a ni emaw ,hmun dang pawh ni rawh se i kiangah lo ka awm duh lo" tiin ka mittui chu a luang ngiai ngiai a .









Duat taka rawn hru in ” Ka thil tih avang khan ka tihpalh ,ka tina che tiraw " tiin ka ke fei a an khawhna avanga ser chu a chul riak riak a ,“ A pawi lo,nangma min neih tir a ni hleinem. Tunge min khawh ber tu pawh ka hre lo , Vara hian ka thidang kha min tlanpui a ,ka harh leh meuh chuan ka taksa te hi an lo dam vek tawh a . Helai hmunah hian kan lo awm reng a" tiin ka chanchin chu ka hrilh mawlh mawlh a, kha lasi in a ka khawvela ka let a ngaih thu a sawi kha chu ka hnial ngei ang .








Keihian let leh ka duh tawhlo ,helai hmunah hian ka mamawh zawng zawng chu a kim vek a ni. “ Tunah chuan kan pahnihin kan awm anga tumahin min then hrang tawh lovang,ka nu leh pa pawh ni rawh se . Ka chhungpuinu atan ka thlang tawh che a ,ka thlah leh tawh lovang che " tiin ka biangah chuan a rawn dawm a . A kut chu ka nul nghal nak nak , Vara thawm kan hriat avang chuan hawi pheiin kan en a ,sanghal a rawn hawn tih kan hmuh rual chuan kan pan nghal vat .









A bawp chu kan ei turin a dah a ,kan nui hak “ Unaupa ka lawm thin e ,chuan a ni ilo venhim avang pawh hian " Saingura chuan Vara chul chung chuan a ti sup a , Vara pawh chuan a nul thuak thuak bawk . Sanghal sa chu chanin kan chhum nghal a ,Saingura chu a la dam chiang lo bawk nen sa hang a eitam chuan amah pawhin a chak pui ngei ka beisei . Zanah chuan kan awmna puk piah a lung lian zet ah chuan kan thu dun a ,thing awm lohna lai a ni bawk nen thla chu a eng ruiha.








A dar chu ngheng chialin kan titi dun sap sap a “ Heta kan awm reng chuan i nu leh pa engmah i hrilh awm silo a,a tha dawn em ni?" ka tihchuan a ngawi vung vung a chutah “ An ni chuan ka thutlukna engkim an hria a lawm,ka zawng che tih an hre ngei bawk ang. Nge ni a khua a let i duh zawk?" a tihchuan ka ngawi vang vang,ka nu leh pa ka ngaihtuah a ,min hringtu tak nilo mahse ka tan nu leh pa tak aia an danglam na a awm hek lo.







An upa tawh bawk nen awm bosan reng ka duh hauh lo “ I dam veleh khua a let ka duh,ka nu leh pa in min ngaihtuah tawh ngawt ang " tiin a kut chu ka hum sak vawng vawng a ” Awle ,kan let tawh mai dawn em ni? Khua a tlai tawh riau mai " a tihchuan ka hnial bik lo,vanlam chu en vang vangin thla leh arsi de sep sep te chu ka thlir renga ,chutah Saingura kut chu vuanin puk lam pan chuan kan kal zui a .








Mut hnu chuan a awm nalo lamah chuan min bei tirin ka dul chu a chul heuh heuh a ,reiloteah mutchhuakin min zemin ka mit ka chhing nghal riai riai a .




Zing ka harh chuan Saingura leh Vara chu puk tualah chuan lo infiam dunin rawng an bawl zo vek tawh tih hriat tak hian an lo dahchhuak sa a . Ka tho tlai viau emaw ni “ Enge in tih a ,Saingur khatianga la infiam chi pawh inih loh kha " tiin chinghnia a chang chunga Vara a fiam chu ka hau hlak hlak a ,an thawm a bengchheng ropui si miin min hmuh ka hlau bawk nen ka hau zawm a . Ka lamah rawn pheiin a inthing nur nur a .








Chutah ka hmaah chuan rawn thu vungin a beng chu a tithlep a ,ka pan hnai nghal vat ” I dar leh i mal a hliam tih theihnghilh suh,dam tha pangngai chu ni la a pawilo,i tihnat belh chuan a khawlo hlen mai ang " tiin ka kuah a ,mihringah in let ruai ruaiin a la tum hmuk mai . A buaithlak thin teh e ,a dar leh a mal hliam ka en chu an lo hil ve tan a ni tih ka hmuh chuan ka lawm hle . Chaw chu eidunin chaw eikham chuan kan piaha tuikhawhthlaah chuan kan inbual dun a .







Vara pawh a rawn cheng ve bawk nen kan beng chheng hle ,Saingura lu chu ka suk sak mawlh mawlh a . A sam chu chem puiin ka tan then sak bawk nen chungin sawisak a har lova ,suk pawh a nuam viau mai . Puk lamah let lo in ramhnuai chu kan fang dun a ,ka hun tawn tawha la nuam ber ka hmang a ni





STORY PAHNIH KA DAH AVANGIN A THUI LUTUK THEILO AW