THINGTLANGPA BY MAWITEI BAWITLUNG (Completed)

[mawitei bawihtlung]

THINGTLANG PA






CHAPTER 12







DUATI POV..






Kan chenna in kawtah chuan nilum aiin kan thu chhuak a ,ka taksa la na nen ka che tha peih meuh lo . U Nunpuia chuan min awl hneh hle,in hnung lamah chuan thlai hmun a awm a ,chu chu ringin u Nunpuia thil leisa chu kan ei bawk a ,reitak chu min daihin ka ring . Phulah chuan pher phahin kan mu dun a ,a awmah chuan lu nghatin kan titi dun sep sep bawk .








“ Ka nuten min rawn hmu a nih pawhin min hruai tir miah suh aw ,i kiangah awm renga . I ta nih reng ka duh,keichuan i bul bak nuam tihna hmun ka nei tawh lo . I kianga ka awm loh ai chuan awm ve lo law law ila ka duh zawk " tiin a hmel chu ka en a ,thil ngaihtuah muk tak hmel hi a pu lehnghal “ U Nunpui min hmangaih ve tiraw?" ka tihchuan a mitmeng dam dup chuan min rawn enin ka lu ah chuan a chul zauh a







“ Ka hmangaih che ,chuan ka nupui ini bawk a,khawiah mah ka kal tir lovang che " a tihchuan min ti thlamuang huai huai thei . Ka kawngah chuan rawn kuahin ka chalah chuan a fawp zauh a “ I chhungten engtin nge min ngaih ang le ? Ka nu leh pa lahin an tawngkhum sak sak bawk si,i hnathawh nen keichu ka la hlauthawng reng" ka thusawi zawng chuan thil thleng thei awm ang ka ngaihtuah a .








Ka nu leh pa hian eng chiahin nge chet an rawn lak dawn ka hrelo va ,engtiang chiahin nge an thinur dawn lah ka hre heklo . Mahse u Nunpuia hi kalsan ka tum chuang lo ,ka thi a nih pawhin a kianga awm chung ngeia thih ka duh “ An hrethiam em em ang an ni chuan,kan inkar an hre vek alawm " tiin min kai tho in inchhung lam chu min panpui a ,nileng chuan infiamin kan nui dun hawk hawk renga .








A bula awm hi chuan ka thla hi a muang in ka him hliah hliah hian ka hria “ Min kalsan miah suh aw" amah en chung a ka tihleh chuan ka kut chu hmer vang vangin a nui mai a “ I hlauthawng lutuk a nihkha ,hahdam tak khan awm rawh . I kiangah ka awm reng dawn ka tih tawh kha ,chuvang chuan i chhungte emaw mi dangte emaw pawh ngaihtuah lo la ,hahdam tak khan awm phawt rawh " a tihtak supah chuan engmah ka sawi zui duh ta bik lo










Dik tak chuan ka rilru ah hian hlauhthawnna a awm reng bawk nen hrehawm ka ti tak zet,ka nh leh pa hian min rawn zawng hmu lo hram se tih hi ka duhthusam a ni . Tlaiah chuan a thianpa chu bia in lawmthu a hrilh mawlh mawlh a ,an thusawi chu ka ngaithla ve bawk nen a thianpa in a fiam dan ka hriat phei chuan zakin keimah zawk chu ka lo sen tawn tawn ringawt ,an ni lah an nui kur kur duh chauh lehnghal .








“ Mamawh in neih chuan lo sawi ula ka rawn pw thin dawn cheu a nia ,hei khawchhung lam pawhin in chanchin an hre tawh a. Fimkhur a ngai viau mai thei a ni,a nu leh pa in an rawn zawng dawn an tih ka hria a " a thianpa in a rawn tihchuan u Nunpuia kut chu vawn sakin ka hmer vang vang ringawt . Min thlamuan tum tak hian min vuanin ka kut chu a chul zauh a ,a mitmeng chuan thlamuang taka awm turin min mitmei bawk .










An inbiak zawh chuan amal chungah thu in a nghawngah chuan ka kuah a ,a darah chuan ka khabe nghatin ka thaw ham ham bawk . ” Keichu ka hlauthawng e ,mahse i bula awm loh ai chuan thih pawh ka duh zawk , Dr Hminga bula awm ka duh lo, tinge ka nu leh pa hian an hriat thiam duh miah loh le ? An fate hi min hmangaih miah lo em ni zawk ,hetiang khawpa kan mipa hmangaih pawh ngaihtuah lek lo a an chet duh ni.









Naupan tet atangin thu tha min hrilh reng a ,mahse thu tha min hrilha min fuih tu zawk ten heti hian min awm khum leh zawk chu a ni sia . Hlimna hi hausakna ah a in nghat lo tih te hi hre ve tur chu an ni a sin,an ni chuan kan nun nawmna chiah an ngaihtuah a . An ni ngaihah chuan a dik tho,mahse hmangaih loh te bula awm ai chuan hmangaihte bula thlamuang taka awm tluka tha leh hlimawm a awm lo tih hi tinge an hriat thiam duh miah loh le .









Min hmangaih lo tidawn ila min hmangaih lo a ni tih hriat na tur engmah a awm hauh chuang silo,keichu ka rilru a hah tawp theilo . Mahse engpawh tuarin tawk dawn ila i bula awm ka la duh fan tho,i kianga ka awm chuan ka hlim tawk" tiin ka nuih ver ver a . Ka biangah rawn dawmin a mit chu a de sar sar bawk “ Chutiang khawp chuan maw min lo hmangaih a " tiin a nui hawk a ,mahse min nuihzat vang a nilo tih ka hria .








A hlim lutuk vang zawk a ni ” Um ,keichuan dam chhunga i kianga hun hman ka duh,na dawn pawh ni ila nangmah bawk ka duh tho tho ang che . Ka hmangaihna che hi ka thlak danglam theilo" tiin a sam hma kir chiat chu ka thamsak nak nak a ,ka kawngah hmer salh pah chuan ” Zûn ngah nu,i thusawi tinte hian kei mipa meuh pawh min tihlim a nih si hi maw " a khabe tuai zauh pah chuan a ti a .









Ka nuih ve hak ” Tirawh le mu ang hmiang " tiin kan mutna tur phah lamah chuan min chawi pheiin a nui hawk hawk a ,ka pasal a ni tawh a ,hlauh tur pakhat mah ka nei hek lo . A duh ka hria a,chu chu nupui ka nihna ang ngeia hlen chhuah hi ka tih tur a ni . Ka taksa ruak kang chu a chul hauh hauh a ,kei erawh zawi thlar hian ka thaw dep dep thung “ Ala na em ?" a tihchuan ka lu ka thing nak nak ,a tirah kha chuan na chu ka la ti ngei a .








Mahse a rei tak hnu kha chuan nuam tihna in ka khat a nihkha “ Ka thiannu nen kan inbia a ,ka nu leh pa chu an thinrim viau a ni awm e " tiin ka phone chu ka khawih zawm mial mial a ,ka contact ho status ka hmuh chuan ka ner nawk,hmeichhe pakhat thusawi an huatpui a nih hmel . Chu pawh an mi ngaihsan nu vang a nih hmel,tun angah hi chuan mi hriat ve deuh lar emaw in tinghal ngawt hi an lo hlauhawm a nih hi .





An mahni duhtu te an fuih thiam in an tlawn thiam thin si a ,an hriat ve lem loh pawh an mahni avangin an fans ten an huatpui vek zel si a . Milar nunze tha lo ho inthup thiam hi an lo hlauhawm duh zek dawn a nih hi,an sawisel nu lah hi tam tak hian a hming leh a hmel tak ngial pawh an hre tha thum dawn emaw ni ? Mizoram chhung zim te ah kan lar ve tan dek dek a chapo nghal em em ho hi an hahthlak chu a nih hi .







Mi dangin thu hrilhin zilh se “ Mi min sawiah ka buai peih lo ,chuti khati anni ai ka lar tho" hi an tithla zen a ,an mahni ber ber hi a buai ru chu an ni leh awm sia . Mi hriat vak ka nilo hi ka vanneihna a niin ka hria ,Mizo hi chu thil pakhat kan han lar pui ve deuh a ,hnam dang milar aia lar zawk emaw kan in ti nghal ngawt thin hian kan nihtum ang min phak tir theilo chu a nih hi ..







“ I thiannu chu kan awmna hrilh lo la ka duh,tih palh thila chhuak thei reng a ni tih hria la ,i nu leh pa rilru dam hma chu tumahin kan awmna hi hre lo se a tha " a tihchuan ka aw ve mai bawk . Ni e ka thiannu hi ka ring lo tihna nilo vin a chang chuan kan thian emaw kan tihte pawh hi kan chhiatna duhtu an lo ni fo thin si a ,thian an ni emaw kan laina hnai emaw pawh nise min hrechiangtu te zel hi kan tana hlauhawm zual ber chu an ni .










“ Ka hrilh hleinem ka chhang lutuk lo zawk ,thian ka kawm ngaihloh zia i hria in ka ring . Keimaha ka awm hian ka hlimin ka thuruk te pawh a chhuak lo ber hian ka hria a sin,hmelhriat ngah lutuk pawh hi mahni tana buaina neihna mai a ni " tiin ka ham bai bai a ,phone ah chuan pasaltha thawnthu ka play chu kan ngaithla kar ” Hmeithai fanu hi ni ila,nang lalfapa min rawn zawng ve vel la a nuam phian ang" ka tih chuan a rawn nui hawk a








Ka biangah chuan a piai nghal vak “ Hmanlai kan nih tawh loh hi,hmanlai chu nise chuan ka chang kher lovang che . Khawdang lalfapa leh pasaltha hmeltha pui puia an sawi ho an rawn lan meuh chuan min theihnghilh mai thei a sin" fiamthu a a tihchuan a mitah enkarin ka hmui ka tipawrh a “ Tunah pawh nangai hmeltha te chu an tam a,mahse ka lakah chuan i tha ber tho chu a nih hi .






Ka mitah chuan I SIAL BIK RIAU, THA BIK RIAU IN I SIAL BIK RIAU" tihchu ka zai zawm a ,ka hnar hmawrah rawn piaiin a nui hawk hawk a “ I bulah hi chuan ka nihna ang ang a lan ka ngam a ,mipa dang bulah erawh a nilo . I kiangah hi chuan ka thla a muang a ,ka tawng bawrh bawrh thei a ,ka tan i nelawm em em vang te pawh hian a niang" ka tihchuan a nui leh mai a .








Kan miduh te zawng zawngin min duh let ve lova ,min hmangaihtu ten min nei thei bik kher hek lo . Khawvelah duh kan thlang thei lova,a chang chuan in hmangaih em em te pawh an innei theilo fo bawk,chutiang chu ni ve lo ila ka duh takzet .







Hmeichhe cool leh ngawi chawi ka ni ngai lo va,nih ka tum chhin lo mai nilo in ka theilo hrim hrim bawk . Ka nihna ang anga lan a thawveng tak nih hi ka sim theilo,he mi hmu thiama min hmangaihtu chu ka hnar phal bik nang,tu emaw te tihdan takah hmeichhe zaidam dim dem leh nu chet chet anga awm hi ka philosophy ah a awm ve lo ka ti tawp .







Hmeichhe nu hnapa ka awm dawn hian ka harh châk tulh tulh a,chhung lam atang hian ka za zek zek hian ka hre thin . Chuvang pawh a ni mahna ka mipa duh pawh keimah ngeiin ka bem ngam ni,thenkhat tan chuan zaktheilo chan pawh ka chang hial ta ve ang. Mahse ka mipa duh ka neih theih phah a ,ka tifuh cher cher em,duh deuh kan neih chuan hrilh pawp ila .





Min lo duh let ve phei chuan vanram tlafual a ni mai a ,min duh ve renga kan sawi ngam loh chuan kan duh lo emaw tiin an beidawng ve thei tho va ,chuvang chuan duh kan neih chuan hrilh pawp mai tur. Chuta min lo hnawl tak leh “ Kan inang chiah,min duh i ang sia,ka zawt chhin mai mai che " tileh zeuh ila tawk der .






“ Ka hmeichhe hmuh tawh a zawnga dangdai ber ini,i ngaih hi a sam bawk sia " tiin a nui leh hak a . Puan chu min sin that tir hlun bawk . Ber thla kan kai chho bawk nen a vawt tan riau tawh thingtlang lam chu,chubakah kan awmna lai hi a ngaw a la chhah tha bawk nen zanah chuan a vawt tih piah lam a ni . Kan bul velah chuan khauchher leh sava enge an hming tih pawh ka hriat loh chu an hram a .








Pakhat hram dan phei chuan min rap deuh tlat lehnghal “ U Nunpui enge mihring ang maia hram chu " ka tihchuan “ Chingpirinu a nihchu,a hlauhawm loh ngaw chhahna laiah hian an tam ve alawm,muhil rawh ka awm hi" a tihchuan ka thaw hak. Ka beng tha bawk nen a hram chhung chu ka muhil lo hrim hrim ,u Nunpuia chuan min kuah bet tlat a ,ka nuih aza ve tho bawk si ka nui tha ngam der silo . Ka dawih lutuk hi chu a buaithlak a ni e .







Chubakah an hming hre ve thin mah ila an hram ri ka la hre ngai miah lo a ,ka tan chuan thil mak an tling miau . Thlahrang film ka en nasa bawk nen zanah hi chuan ka dawih hi a ni tawp mai,a phone a rawn rik chuan a melh zawk a ,ala nghal zat ” Aw " tiin a ngawi vung vung a ,lehlam atanga rawn tawng chu a ngaithla a nih hmel ” Ka sawi theilo,min ngaihtuah suh u kan tha e " a tihchuan a chhungte a bia a ni tih ka ring thiam mai .










Kan awmna vel an zawt a ni ngei ang,a hrilh duh hauhlo“ Hun han kal deuh se kan la rawn haw dawn a nia,tunah rih chuan rawn haw pui ka tum rih lo,muttui phawt u ,min ngaihtuah lo bawk ula " tiin phone chu a dah zui a ” U Jona mi" ka tihchuan a bu nghat “ I nute chuan khuaah min zawng a nih hmel,hetah kan awm tih hi tumahin an ring thiam dawn lova ,chutih rual erawhin kan fimkhur reng a ngai thung ang . An bula let leh i duh a nih erawh chuan sawila.








Thil thui tak ngaihtuah a ngai a nia " a tihchuan ka bu nghat “ Ka tum lo,haw leh pawh ka duh heklo " tiin ka mit ka chhing zui daih a,ka nu te chuan min zawng nasa reng ang chu . An mualphona thlentuah min ngaiin ka chungah an thinrim viau bawk ang .





(MONDAY ZANAH EMAW A AWM CHAUH ANG AW ,NAUPANG INKHAWMPUI KAL A NGAI A ,KA TYPE HMANLO MAI THEI AW )

[mawitei bawihtlung]

THINGTLANG PA







CHAPTER 13






Thlakhat vel lai mai kan awmna hmunah chuan kan awm a ,ka nu leh pa in min hriatthiam thu an sawi takah chuan kan pahnih chuan khawchhung luh tumin kan insiam malh malh a . Dik tak chuan tuna kan awmna hi nuam ka ti a ,kalsan ka huphurh takzet ,mahse kan ta a nih loh bakah awm reng theih miau hek loh le . Ka nu leh pa in kan inneih an phal ta chu ka lawm hle ,man hlan lam thlengin an tih tur thu an sawi a nihkha








Chu chuan kan chenna hmun chhuahsan tur pawh tlem chuanin ti thlamuang deuh “ U Nunpui a lawmawm tiraw " tiin ka nui var var reng a . A ni erawh a hmel a pangngai reng mai,a thinrim nge a hlim tih pawh hi ka hre ve ngai lo reng reng,kan bag nen chuan pawnlamah kan chhuak a . Carah chuan kan indah lut nghal mawlh mawlh ,khaw chhung lam pan chuan kan tlan zel a ,ka huphurh rualin ka phur deuh tho bawk sia .










Ka awmdan chu a ni huih mai ,in kan thlenga ,u Nunpuia kuta kai chuan muangchangin kan chhungte lo ding thap lam chu kan pan a ,ka nu leh pa pawh an lo awm ngei e “ In lo thleng thei maw ? Tiru i lut vat ang u" nu Zuali chuan a rawn ti a ,kan inzui lut nghal tham tham. Ka u chu ka bulah rawn kalin min nuih vur vur a ,a pum pawh a lian tawh viau mai . A nei ve tep in ka ring.








Sofa ah chuan thu thapin u Nunpuia nen chuan kan thu dun a ,ka pa chuan aw a rawn thian nghal kharh kharh mai ” Awle ,hei sawi tlang tawp mai ila. Kan lo tisual hle mai a ,Chhana te pawhin min hrethiam a ni ang chu. In innei ta rau rau chu man inhlan fel thuai hi a that ka ring,in inneihna a rei leh tawh si a keini lah helama awm reng chi kan ni bawk silo " a tihchuan midang pawh chu an lo bu nghat nghat mai .








“ Engpawh nise a nu leh pa tur te pawh kan zawn a ngai dawn a,zaninah apa Biaka te inah kan inhlan fel mai ang chu tirawh u . A awlsam ber ang " ka pa bawk chuan a tileh a ,kan nu leh pa te ho an inbiak lai chuan keini lam erawh kan ngawi kar ringawt,an inbiak fel takah chuan ka nu leh pa rual chuan pa Biaka te in lam chu kan pan a ,ka man hlan hma chu ka awm dawn a nih hmel.








Mahse ka hlim tho,ka hmangaih ber nupui tak tak ka ni tawh dawn miau va . Pa Biaka te chuan min lo hmuak thap a ,min la fiam zuk zuk lehnghal “ Ramnuna te unau chu an vannei dawn hle mai,nupui hmeltha lutuk ve ve an nei thei a nia " tiin an nui dar dar a ,ka nuih liam ve ringawg . Keini deuh hi a sin vannei,an ni ang mipa tha leh fel kan nei thei dawn a nia .






Zanah chuan u Nunpuia te chu an rawn kal ta ngei a ,hlim zet chuan ka lo en reng . A ni pawh chuan min nuih ve suk bawk,man chu an hlan a ,ka nu leh pa tur pawh an lo zawng sa vek tawh bawk nen thil chu a kaltluang leh lutuka,mumang emaw ka ti hial a ni . Kan haw dawn chuan ka nu leh pa chu ka kuah vang vang a .







” Ka lawm e aw ,mi in hriatthiam avangin " tiin mittui nen chuan ka en a,an ni pawh an nui var var mai . U Nunpuia chuan min lo nghak reng a ,keipawh chu rei tak awm lo in alam chu thlamuang tak chuan ka pan a ,ka hlim a ni . Tunah chuan hlauhthawn tur a awm tawh lo va ,ka thawveng huai mai . In thlen rualin u Jona chuan a ze ngai te bawkin min lo fiam leh zuk zuk a







Nu Zuali leh pa Chhana ka nu leh pa nita te chuan min lo nuih var var bawk “ In chau ang ,mu hma rawh u lawithat zan te in hmang ang chu " u Jonan a rawn tihchuan min tizak zo vek ,u Nunpuia nen chuan kan room tur ah chuan kan lut zui a ,min kuah nghal vat . “ Tunah chuan fa neiha ,hlim taka hmalam hun thlir chiah a ni kan hmabak nitawh " a tihsup chuan ka bu ve nghauh nghauh a .








“ Hlim takin kan fate nen " tiin hlim zet chuan ka nui zui a ,min pawm kang nawlhin khumah chuan min mut thlak pui a ,kan chhungten rem an ti tih a hriat takah chuan a nipawh a lawm tih hai rual anilo . Thlakhat chhung khan hlim hmel pu ve thin mahse tun anga a hlim ang erawh a nilo tih ka hrechiang viau mai ,kan chhungte rem ti lo khan a rilru a ti hah ve tih hai rual a nilo .








Mahse tunah chuan zalen takin hun kan hmang ve thei tawh dawn chu a nisia ,khumah chuan mu dunin kan titi dun a ,kan muhil har hle. Thil tam tak sawiin duhthu kan sam dun a ,kan duhthusam ang hi tak ram chang thei tak maw,naupai tawh ang maiin ka pum chu a chul a,ka nui hak mai .







“ Min phatsan ve miah suh ang che ,mipa tam tak anga nupui te phatsan ching i nih ring lo mah ila fimkhur thu hlaah ka sawi duh a ni . Ih maw ,hlauhthawnna hi ka nei reng a ,mahse enge ka hlauh tak pawh ka hre chuang lo,eng emaw thleng tur ang hian ka ngaihtuah tlat zel " ka tihchuan ngawi rengin a lo ngaithla a ,ka hnung chu a chul heuh heuh bawk .








“ Hlauhthawnna kha dahtha in kan pahnih hmalam hun chu a eng lam zawngin thlir ang hmiang,hlauhna hi mihring tichak lo tu a ni a . Mahni inhmuh hniam lutuk pawh hi mite ngaihnepna an tihkha ,chuvang chuan chak takin awm la ,engkim kan hneh mai ang" a tihchuan ka pawm zawng tak a ni . Keiaia upa tih takah kei ai chuan a rilru pawh a puitling fe zawk .








Ni e kan ngaihtuahna tam tak hi chu a tak a ni ngai hleinem,mahni siam chawp leh din chawp mai ania ,mahni hi kan pawimawh ber hian ka hria . Nitin chuan kan feh ve a ,buh seng an hun chho bawk nen kan buai ve thei viau mai,ka vak chhuak ngai meuh lo va ,a chhan pawh sawi kan la kai ve bawk nen khawlai chhuah pawh ka tan chuan a nuam lo zawk miau a .









Thian lah ka kawm ngai heklo,min haw tawk an awm a . A chhan pawh u Nunpuia an duh ve vang tih ka hailo,huat enah ka en lo a ,ka pasal hi mipa zaidam leh nupui fanau chawm zo tur khawpa rintlak a ni miau a ,tunlai mipa tam tak hnathawhna chang hrelo,ruih hlo in a eichhiat leh chhungte thawh chhuah chauh ring ang ni ve hek lo . Buh seng chu a hahthlak ve bawk nen ka rawl thum mai bawk a .








School pawh la thawh chhunzawm ve in nitin ka kal ve thin a,tun erawh chawlh kan pe bawk nen zirlai te pawhin min rawn pui ve fo va ,kan chhungte pawh an lawm thei ngei mai . Buhsengin u Nunpuia nen kan riak lut a ,nau erawh ka la pai rih lo thung ,a ruk chuan pai ka chak ve reng . Mahse ka sawi chhuak ngai lo,ka ching dawn nge dawn lo hriat a nih loh avangin ka sawi duh ngai lova.








U Nunpuia pawh hian min hrethiam nge a sawi ngai bik hauhlo,lo a rawn feh naupangte chu a lawm thei hle a ,an ni pawhin an ngaina narawh . Buh pawh chu kan seng zo thuai a ,tin 120 lai mai kan thar lehnghal ,sawhthing kar hun ka nghakhlel ngei mai kei chuan. A man a san ngat phei chuan hlawkna tam tak kan nei dawn si a ,lo nei mite tan chuan a nghahhlelh awm hle ang le .



ZAWMNA .....






Hun a liama Christmas kan hman zawh hnu lawk ah chuan ka rai tih ka hria a ,ka lawm hle bawk . U Nunpuia pawna hnathawk mawlh mawlh chu au in ka pawm nawk nawk a “ Ka rai a nia aw ,ka rai tak tak " tiin hlim zet chuan ka en chho va ,ka hmuiah chuan a rawn fawp nghal vawng vawng mai . A hmel awmdan atangin a ni pawh a hlim takzet tih ka hre thei .








“ Inchhungah lut ila midang hrilh ve ang hmiang" tiin min kai lut a,ka u te nufa hnute lo inpe leh u Jona chuan min lo chhaih leh zauh zauh a ,ka nui ve hak ” Nu,Duati hian nau a pai a" tihzawng chu sawiin ar in lam pan tumin a chhuak leh nghal nul nul a . Hepa tak hi chu aw ,a duhzawng hi chu tumah hi rawn dim diam a neilo,mahse a ma duhthu in a tidawn chuang lo tih erawh ka hrechiang viau thung .








Ka pa mitmei a hmuh vang zawk a ni “ Ava lawmawm em ve aw ,tu kan neih belh leh dawn a nih chu,ar chu puah vat sela kan tunu lo piang lawmna ni pah fawmin tiru tui lo chhuang ang hmiang" tiin ka nu chu a che nghal sawk sawk a . Keipawh chu ka hlim takzet thlali kan innei tawha ,nau ka pai har an tih thu min hrilh tawk an awm bawk nen chutia ka pai ve ta mai chuan min tihlim takzet .








Tluang takin pai thei ila ka ti, Aizawl lama ka nu te pawh kan hrilh ve a ,an nipawh an rawn lawm thiam hle. U Nunpuia chuan artui lai chu a rawn khai lut a ,a talh nghal tih a hriat reng ,a hmul chu u Jona nen pawt in an infiam nui hawk hawk a . Ka chhungte hlim hmel chuan kei ngei pawh min tihlimin min tilawm,chhungkaw fel leh in kawmngeih takah ka lawi thei hi vannei ka inti,ka u lah chu ti bawk . Tam tak chuan unaua kan innei hi min sawi laiin thenkhat erawhin Pathian ruat an ti thunga .








Keipawhin a nih ka ring nghet hmiah ,arsa chu buh chiarin ka hawp hlak hlak a ,ka nui leh ver ver zel . Nau ka pai chu ka hlimpui em em ringawt ,u Nunpuia feh tur chu ka zui duh miau avangin ka nu leh pa chuan indim tur a min hrilh mawlh mawlhin min phalsak hram a, school chawlh lai hi chuan theih ang anga puih ve ka duh .









Kan inzui hnak hnak a,nidang angin min kalchak pui duh tawh der lo . Muangchang chuan min kalpui a, a khat tawkin ka hah nge hahlo min zawt sek bawk nen ka nuih lam lam a tiza,lo kan thlen rualin thing daihlim hnuaiah chuan kan thu dun a,lo vat tur a ni bawk a a hrei leh chem chu a tat nghal hriau hriau a,a sira thu chungin ka lo en ve reng bawk,a che vel reng reng chu a zei thlarh mai .








“U Nunpui naute nei ta ila a hming engtin nge kan koh ang?"tih ka zawh chuan chem tah pah chuan “An phuah ang ang a nimai ang chu" tiin a nui suk a,tho chhuak zuiin a thing kihna tur lam chu a pan zui a,ka en zui reng . Thing chu a te deuh chu a kit tlu zung zung a,hmuhnawm tizet chuan ka lo en dauh dauh thung . Kan puan ken chu phahin ka mu a,mu pah chuan a che vel chu ka en kar,a thlan tla a hru leh zauh thin a









Puih duh ve viau mah ila indim ngaih hunlai a ni bawk nen a phal dawn lo nasa ropui si . Ham bai baiin ka mit ka chhing a,ka lo muhil daih ni tur a ni a chhun chawlh tumin min rawn kai tho a . Mit nuai chat chat chuan ka thu chhuak nghal taih taih “ Dar engzat nge " tiin a nghawngah ka kuah a ,min pawm kangin a mal chungah chuan min hlanga “ 12 ,i ril a tam tawh ang chaw ei ang hmiang " tiin kan chaw fun chu a phawrh a .









Kan ei dun nghal mawlh mawlh ,hmarcha ei ka tum chu tlem te chiah min pek avang chuan mak ti zet chuan ka en a “ I pum ana ang,nau i pai tawha tunah chuan engkim i eiin thlengin kan thlak ang" a tihchuan ka lungawi lo lutuk chuan ka hmui ka tihpawrh khum vak a ,ka ei lui ta tho . Min en run runin“ Luhlul ngil ngel si " tichuan a chaw chu a bar zawm a ,meite zu in kan chawl a .







Ka titi chu ngaithla in min lo um zauh zauh va ,ka tawng tui lutuk chu a niin ngawihah a tlak a ,min nuih suk suk ringawt ” Kan thawk leh tawn ange ,lo awm rawh aw " a tihchuan ka bu nghat ringawt . Ka nau pai an hriat ruala an vaia min dim lutuk chuan nuih lam lam an tiza .



(CHAPTER THAR INRIN ZANAH)

[mawitei bawihtlung]

THINGTLANG PA





CHAPTER 14






Ka nu te an rawn zin a ,keipawh a hma aiin ka thla a muang bawk . Hringtu nu leh pa nge nge chu thla an timuang zual em bawk a ,u Nunpuia pawhin lo lam a vat zo tawh a ,keipawh ka pum chu a lian ve telh telh a . Chutia a thanglian tluka hmuhnawm tih ka neilo,u Nunpuia lahin a hma ai min duatin min ngaihsak zual a ,ka ei duh zawng min pek loh a nei khat khawp mai .








Kan chhungte pawhin chuti bawk,kan nupa inkar pawh a hma ai in a tha sawt a . Chu chuan keimah pawh min ti hlim “ Bawihi i pu fanu kha helamah a rawn awm ve dawn a ni awm a ,nurse hna a rawn thawk dawn a nih hmel ,in pa lah kha a hriat hmel viau lehnghal " ka nu in a tihchuan mak ti tak chuan ka en ha ringawt ” Um u Nunpuia hi a hma chuan volleyball thiam leh lar ve tak a nia lawm ,hretu chu an awm nual ang .








Amah hi a inlan duh lo mai pawh a ,a hmel chu hmuse mi tam takin an la hria ang chu " ka tihchuan a bu nghat nghat mai . Ka nu nen chuan kan titi zawm a ,a hma ang em em in ka chungah an thinrim tawh lo bawk nen keipawh ka hlim,ka u pawh an duatin an fanu chu an in pawm chhawk zut reng a. Chu chuan naute neih vat vat min tichak zual ,ka pasal lahin kei ai ai a nghak hlel lehnghal .







Ka nute pawh helamah awm reng thei hek lo,thlakhat vel an cham hnuah Aizawl lamah an haw a ,an haw hnu lawkah ka cousin pawh chu a rawn kal ve nghal a ,u Davida te nen an thawk tlang dawn a nih hmel . A unaute awm chu min rawn kanin u Nunpuia nen chuan school kal lai atanga lo in hre tawh an nih thute sawiin an in be zui bawrh bawrh a ,u Nunpuia pawh chuan a classmate hlui a hmu chu amah ang lo takin a tawng tam ve viau lehnghal .







An nui dun har har reng a,tihbuai duh lo in kei erawh inchhunga chet ngaihna apiangah ka che kual zung zung a ,an inkawm rei phian lehnghal. Ka cousin Veni hi kan inkawm ngailo bawk nen ka nello sa hrim hrim a ,keiai a u Nunpuia a kawm thiam chu ka haw deuh hlur mai . Ka tih tur ka zawh rualin room lamah lut in ka mu zal a ,ka lehkhabu hawh chu chhiar in ka muhil zui nghal daih lehnghal .







“ Duati" u Nunpuia aw avang chuan meng chhuakin ka la ham bai bai a “ In inkawm zo tawh mi,in inbe rei sia ka lo va mu mai mai a" tiin ka thu chhuak a . A haw tawh thusawiin min kuah nghal vang vang a“ I hlim em?" ka tihchuan a hlim thu leh min hmangaih thu chu a sawi sup sup a ,ka nui hak “ Dik tak chuan hmeichhe dang i biak hi ka duh vak lo,ka chan daih ang che tih ka hlau zel a,keiaia an tihlim che tih hmuh te hi nuam ka tilo " ka tihchuan chiang zet chuan min rawn en a .








Enge a ngaihtuah erawh ka hre hauh lo ” Duati" fan ruih hian a rawn ti a ,a mitmengah chuan eng emaw hi a lang zawk mai ,mahse ka hrethiam lo “ Nangaia min tihlim tu an awm hleinem,hetia ka bula i awm ringawt pawh hian ka hlim tih hria la . Hmeichhe dang nen chuan in khai khin ngai suh,an ni nen chuan ka laka in thawh dan a hrang hlak a ni . Ka school kalpui thin a nihna avanga kawm mai ka ni a .







Ka thian a nihna bak engmah a awm lo " tiin ka chalah chuan a rawn fawp zauh mai ” Kan pahnih hian in kan luah hrang mai dawn em ni? Ka u te hian helai hi chu an enkawl thei mai ang" a tihchuan ka phur hle ” Mahse naupang zawkin inluah hran chu ka nu te hian an phal dawn em ni" ka tihchuan ka lu tuai zauhin a biak tur thu a sawi a . ” A nihchuan tlema fal deuh hlekah ka awm duh,ram ngaw in hual vel se a hma ang khan .








Chuan a dai deuh bawk anga,chutiangah chuan ka awm chak " ka tihchuan a bu nghat a . ” VC lam te dil phawt an ngai dawn a ,ka lo buaipui dawn a nia ,mu tawh ang " tiin min kuah mu a . A awmah chuan ka bawk nghal tharh,hetianga awm hi ka naupai hnu atang hian nuam ka ti riau bawk nen mut dawn chuan nasa thei ang ber hian ka khan ngei ngei zel .







Zingah chuan a sawi ang ngeiin ka nu leh pa hnenah chuan a sawi a,an ni chuan awm hran chu an rem tilo viau nangin kan nawr avang chuan an rem ti hram a “ In pawh a zau tho a ,chubakah in u te nen hian kan awm loh hnu thlenga cheng turin kan duh cheu a,mahsela kan dam chhung chu in duh phawt chuan awm hrang ula kan dang lo ang cheu,puitlin zirna a ni ve bawk ang a" ka pa in a tihchuan kan pawm zawng tak a ni.










Khawtlang hruaitute lam pawhin phal takin kan in hmun tur chu min pe a ,lian lutuk sak a ngai lo bawk nen a chak tur kan neih sa ho hmangin nitin chuan hlawhfa bakah min pui hrim hrim tu ho nen an sa mup mup a ,nitin chuan school kal pahin ka en pui ve ziah a ,u Nunpuia hah lutuk chu ka khawngaih thei viau mai . A nilah nuamsa taka kan awm theih nan chuan kan thawhrim a ngai a lawm a timai zel a ,chungin ka khap duh bik lo .







Thlakhat vel kan sak hnuah duh ang thalin kan sa thei a ,ka hlim ngei mai . Ka duhthusam ang ngeiin kan inbul velah chuan thing an ding thup a ,a hnuai chu a daihlim tha hle bawk,kan luah luh dawn chuan a khua in mimal in thil pek te chu min pe ve a ,bungrua leh ran nen pawh kan intodelh ve viau mai . U Nunpuia nen chuan kan inthar chu en kualin kan in nuih dun sen sen a ” A mawizia hi,a hahdam thlak bawk si" tiin a awmah chuan ka bei a .








Min kuah hlunin “ Hetah hian kan pahnih chauhin kan fa te nen kan awm anga,ka hnathawk ban apiangin min lo hmuak dawn em?" a tihchuan phur zet chuan ka bu nghauh nghauh mai . “ Tlai tin ka lo hmuak ziah ang che " tiin kan inchhung chu ka melh kual a ,thing in nimahse hmuh a nuamin a hahdam thlak em em tho,kan pahniha kan chenna tur a nih vang hrim hrim pawhin ka tan chuan a hlu bawk .








Nitin chuan kan awm hrang ve tawh bawk nen keimahin rawng ka bawl a ,school ban rualin haw in chawl hman lo chuan ka bawl leh thin a . Mahse hahthlak ka ti ngailo,ka pasal keiai hah leh thawk nasa a awm laiin ka thawh hi chu a nep lutuk tlat,ka hlawh nen kan nun chu a hrehawm em em loh va. Kan inchawm zo ve viau bawk ,tlai tin a feh haw ka lo hmuak thin a,kan in hi a fal deuh nangin ka zirlai naupang rawn leng thinte avang hian a reh lo viau bawk .








Nidang ang bawkin ka pasal chu ka lo hmuak leh ran a ,ka cousin Veni nena an rawn inzui ka hmuh chuan mit zim san hian ka en reng ,an rawn nui dun hak hak a . Khaw chhungah an inchhar te pawh a niang,ka cousin mah nise ka ngei zo vek tawh ,ka pasal hi a khat tawkin a rawn be ziah lehnghal . An rawn thlen rual chuan u Nunpuia banah chuan vuanin a ip pui chu ka laksak vat a .







“ Duati ka rawn leng hi a pawi em lovang chu maw? Hmelhriat ka la nei vak silo a ,in in lo chu lenna tur ka hre meuh lo a ni " a tihchuan ka bu nghat ringawt. Ippui a a thil ah chu chhuah mawlh mawlhin a inbualna tur ka siam sak a ,Veni chu a tawng mawlh mawlh reng bawk nen ka lu a tihai zo vekin ka hria. A haw rual chuan ka thaw huai mai .







U Nunpuia inthlak zo rawn chhuak ka hmuh chuan chaw ei ka siam thuai a,“ Vawiin lamah nawm lohna te ilo nei em?" a tihchuan ngawi datin ” Vawiinah chuan ka nalo,mahse nichin in rawn hawn atang chiah khan ka lu te hi a hai muai muai mai " ka tihchuan mak tizet hian min rawn en a. Keiin thutak lutuk in ka lo en thung,chutah rawn nui chhuak hawk hawkin thleng chu a melh zauh a .






“ Thikthu pe chhe nu" a rawn tihchuan chaw khawrh pahin ” Chhia e chhia e ,i bulah naupang an ni emaw hmeichhia hrim hrim an awm chuan ka thik vek,thi pawh ni ila hmeichhe dang i neih ka phallo ang tih tur velin ka thik thu a chhia,chubakah Veni kher kher kha chu ka hmu theilo,a en dan che kha ka ngei chi. A tawng tam thei ropui si " tiin chaw hmeh chu ka suah zawm a .







“ Engpawh nise thihna lam kha chu sawi lo phawt la ,ka bulah heti hian ang hlak hlak reng la ka duh" a tihchuan ka nuih ve hak . ” Min nuthlawi tir loh hram ka beisei,ang rawh min tia han phun tak tak ila min kalsan leh daih si ang tih hi a nia ka hlauh ni " tiin thupui fun fe chuan ka sawi leh a . Dik tak chuan hlauhthawnna ka nei a,mahse chu ka hlauhthawn deuh chu enge tih erawh ka hre thei der lo ..







Ka rilru a nuam thei lo fo mai “ Ngaihtuah suh,bar tawh ang hmiang kan chawhmeh an dai zo ange ,zanin lam chu ka thiana a rawn leng dawn ania " a tihchuan ka bu nghat . A thianpa zin rawn haw thar hlim a hmel pawh chungin ka la hre chiang lo,Tlanhlua a tinge mawni ? Amah lah chuan min la ngam tlak em em zui, phone ah kan in be tawha .







Min fiam nghal zuk zuk lehnghal,a hmunah phei chuan eng ang tak ni ang maw ? Thleng ka sil lai chuan pawn lamah thawm a rawn awm ta ngei a ,u Nunpuia chu a chhuak nghal vat bawk . Chutah a thianpa ni ngei tur chu rawn hruai lutin an rawn in kuah lut a “ Khawimaw kan Nolutuki chu "a rawn tinghal bawrh bawrh . Mite chu an inhmuh hmasak berah chuan an inthlahrung thin a ni ngai a .






Hepa ve chu inhmuh rualin a mizia tur a hriat nghal vek mai . Thutthlengah chuan an pahniha thu in an titi dun a “ Mi i nghak ve ang chu tihlaia, hei fa min neih khalh dawn der chu a nia ,ka lawm lo viau mai. A hrim hrimin khawpui nula te engtin nge i chhai thluk theih" ti a u Nunpuia a zawh a a niin a chhan dan chuan min tinui hak .







“ I mizia ang hi nei lo vek ila hmeichhia chuan min duh nghal a nimai,hmelthat tel te pawh a ngai a "a tihchuan thleng sil chung chuan ka lo nui vur vur ringawt . Tlanhlua phun nghal hluk hluk nen ka lo lawm tawk em em ringawt,thian inngam tlak tak an nih ka ring,thleng ka sil zawh rual chuan thingpui nen an bulah chuan ka thu phei a .







“ Kum engzat maw i nih a ,khua ah i va awm khat awm ve " ka tihchuan ka lam rawn hawiin “ Mi lar hi chu mahni khuaah pawh a awm theihloh a nih hi,in pa nen kan inrual i hrethiam mai em kum 30 val hmeltha leh luck bawk si chin kum kan kai chiah " a tihchuan ka lo ner nang mai,mi thawveng tak a nih dawn hi. U Nunpuia nen hian engtin nge an inkawm theih ni .







“ Nang teh kum 25 maw i nih a " a tihchuan ka bu nghat ringawt . U Nunpuia chuan a lamah min pawt hnai a ,keipawh chuan ka ngheng ar ar,a thianpa a nih bakah a mizia a lan nghal vek avangin chungin ka zak tit tet peih lo . Dar 9 thleng a leng a ,amah nen kan tawng a ni ber,u Nunpuia lah tawng tam chi a nilo bawk nen a haw meuh chuan a reh nghal hawk mai.






Mu turin khum lam kan pan zui a ,zan dang ang bawkin min kuah leh hlun a ,keipawhin ngaiah ka neih tawh hial mai .




(CHAPTER A TAM TAWH LUTUK LO MAI THEI AW )

[mawitei bawihtlung]

THINGTLANG PA






CHAPTER 15




U Davida te damdawi in ah in en tir tur in ka kal a,u Ditei in min kal pui bawk . Aizawl mi ve ve chu kan in pawh zual bawk nen engkimah ka rawn hi a ni ber ,ka naupai hriselna a that thu an sawi chuan ka thaw huai a,damdawi in atanga kan chhuak tur chu Veni kan tawk a . U Ditei nen chuan an in be bawrh bawrh a ,kal mai kan tum chu Veni chu rawn in chhuihin min rawn nek rawk a .







Keilah ka in ring lo bawk nen step bula awm kan nih avangin in veng hman lo in step ah chuan ka lum thla a . Au chul ri leh ka lam pana rawn tlan ri chu ka hre nangin ka pum na lutuk avang chuan engmah reng ka ngaihtuah theilo ” Ka naute " tisepin ka pum chu ka dawm a ,ka khaw hmuh chu a thim nghal hmuk mai . Thawm eng emaw ah chuan ka meng chhuak riai riai a .








Ka kut vuana u Nunpuia lo thu ka hmuh chuan ka tho kang vat,ka harh tih an hriat rualin ka u te pawh chu an rawn phei a ” Enge thleng? Ka naute a tha em? U Nunpui,kan naute a tha em?" ka tihchuan an ngawi thap a,ka ngaih a tha lo zual. An hmela lungngaihna ka hmuh chuan ka pum chu enin ka tap chhuak hawm hawm a ” Ka thiam loh a ni,ka venghim theilo a " tiin ka tap chhuak rawih rawih a .







U Nunpuia chuan min kuah betin ka thiam loh a nih loh thu chu a sawi mawlh mawlh a ,midang pawh chuan min hnem ve bawk . U Nunpuia awmah chuan ka hmai nawrin ka tap hlawp hlawp reng a ,kawngka rawn riin ” Ka tihpalh a ni,keimah avangin in naute in chan a,ka tihpalh takzet min ngaidam hram rawh u " Veni chuan a rawn timawlh mawlh a ,melh khat pawh ka melh lo








Ni e a sawi dik amah avangin ka naute ka chan miau si a ,ka chhungte chuan a thiam loh a nih loh thu leh accident thil a nih thu chu an lo hrilh ve bawk . “ Duati ka tihpalh takzet ,ka inring hman lo a ni " a tihchuan chhang lo in ka en kar ringawt ” Eng pawh nise lo va chhuak phawt mai teh,a rilru ana bawk nen engmah a sawi duh lovang" u Nunpuia chuan tiin midang pawh chu a chhuah tir zui a .








An chhuah rual chuan ka biangah dawmin amah en tur chuan min kuai dak a“ Tap tawh suh le,i thiam loh a nilo . Chetsual palh liau liau a nihkha ,nang ka la nei che a ka lawm lutuk,nangmah zawk na la chuan ka awm thei hauh lovang . Naute te chu kan dam anga kan nei leh mai dawn a lawm,chuvang chuan inthiam lo tawh suh aw " tisup in ka hmuiah chuan a rawn fawp vang vang a .







“ Ka lakah i thinrim lo em ni?" tap tiau chuan ka ti a ,nui sukin a lu a thing nghal nghut bawk . A darah chuan min kuah beiin “ I lakah thinurna tur ka neilo,theihtawpin kan naute kha venhim i tum ang tih ka hria ,mahse Pathianin kan tan a la ruat lo a niang,chuvang chuan nangmah in thiam lo tawh suh. Fa nei turin kan la in peih lo a ti te pawh a niang,a ai tha min pe leh em em ang tih ring la ,nangmah inthiam lo duh reng reng suh " a tihchuan ka thaw huai mai .








Damdawi in atang chuan kan chhuak a ,u Nunpuia chuan min awmpui deuh chawt a ni ber ,ka chaw ei a tui lova . Ka nun nguai lutuk chu min tih hlim tumin ka ute ho pawh an rawn leng fo va ,mahse kei erawhin hma ka sawn thei meuh lo,fa awt em em in kan awm a . U Nunpuia phei chuan naute neih a chak tawh zia lah ka hailo,keimah vangah ka ngai lo theilo va ,damdawiin ah khan kal lo ni ila a la awm ve tur .







Ka pum chu khawihin ka mittui chu a luang leh ngiai ngiai thin a ,Veni lah chuan a thiam loh thu chu a sawi ve sek bawk . A rawn leng ve ziah a ,u Nunpuia nen chuan ka chungchang sawiin an ti ti thin tih pawh ka hria,mahse biak emaw an titi zawm emaw ka tum ngailo,“ Chaw ei ang hmiang " u Nunpuian a rawn tihchuan a hmel chu ka en vang vang a .








“ Veni hmu tawh lo la ka duh,ka huat vang nilo in a awmdan atang hian a duh che tih ka hria " ka tihchuan u Nunpuia chu a nui hak a “ I hriat sual a nih chu" a tihchuan lawm lo zet hian ka en a ,ka hmel awmdan a hmuh chuan a nui lai chu tawpin thu tak zawk chuan min en leh a “ Keichuan ka duh lo,tin min rinhlelh turin ka awm ngai lo tih i hriat kha" a rawn tihleh chuan ka bu nghat ringawt .







“ Nang chu ka sawi lo,mahse hnaih tawh suh ka hmeichhiat pui a nihna ang pawhin a duh che tih hi ka hmuh hmaih reng reng lo,dik tak chuan kan naute kan chan chhanah pawh hian ka puh lo theilo " ka tihchuan a chaw bar tum chu a chawl dat a ” Duati,i rilru ana tih ka hria. Mahse kha chu accident thil a nihkha,a tihluih a nilo vang ,u Dintei te pawhin an sawi vek kha " a tihchuan ka chaw bar tum chu dah letin ka ding chhuak a .







“ Ka ril a tam lo ,ei rawh" tiin room lamah chuan ka lut zui a ,min rawn zui ve tih ka hriat avang chuan kawngka chu ka kalh nghal vat . “ Duati,lo hawng teh ka tihpalh a nihkha ,i ril a tam tawh ang chaw hi rawn ei rawh " a tihchuan ka chhang lo,ngawi rengin pawnlam thim khup chu ka en reng a . Zankhua chuan a rawn luh theihloh nan kawng chu ka kalh tlat bawk,zing ka thawh chuan thutthlengah a lo mu a .








Ka en reng ringawt ,a chau ve viau chuan ka ring a . Mahse englai pawha Veni rawn lang reng leh an inkawm reng hian ka ngaih a ti tha theilo,ka nu leh pa pawh Aizawl lam atangin an rawn chho dawn tih ka hria a ,an ni an awm chuan engkim a tha leh mial mahna . Rawng chu bawl mawlh mawlhin ngawi reng chuan ka che a ,u Nunpuia rawn harhin min en vung vung chu hmu reng mah ila biak ka tum lo .







Veni thlavang a hauh reng hi ka ngai thei der lo,kha stepa ka lum chhan kha a tihluihah ka ngai tlat bawk nen keichuan awlsam takin ka ngaidam thei hauh lo . Tuma hnena sawi erawh ka tum lo thung ,“ Duati thinrim tawh lo teh,i duh ang chuan Veni chu ka hmu tawh lo ange " a tihpawh chuan ka la chhang lo,alu chu ka vel mawlh mawlh ringawt . Ka chhan duh miau loh avangin ka bulah ngawi reng chuan a lo thu a .








Ka che vel chu ngun zet hian min en reng ringawt,thirbel chhuangin tel chu ka thlak zui a ,ka phone chu ka hmet pah zauh zauh bawk . “ Min be duh lo em ni?" a tihleh chuan ka en vang vang ringawt “ Ka tawng chak rih lo,u Nunpui chuvang chuan min be lo mai rawh " tiin thil dang chu ka tihsan a . Ka duh lo tih hre renga ka duhzawng ngaihtuah lo lek a a che fo hian min ti lungawi lo takzet ..








Dik tak chuan Veni mitmengah hian ka pasal hi a duh tih hai rual a nilova ,khaw mi thenkhat ten an bula a thusawi thin min hrilh reng bawk nen,u Nunpuia lahin a hmu ngun hle si a ka ngaih hi a tha thei der lo . Ka nu leh pa rawn thleng se engkim a la chiang ang chu . Tunah rih chuan keimah mai chuan engmah ka ngaihtuah thiam meuh lo a ni .







Rawng ka bawl zawh chuan chaw ei ka siam zawm mawlh mawlh a ,a nipawhin min biak a tum tawh bik lo . Naute ka chhiat a chin hi kan in be khat hrim hrim bawk a,thleng ka sil mawlh mawlh lai chuan ka hnung lam atangin min rawn kuah a ,ka thil tih lai chu ka chawl deuh dat ,ka biang vel chu a rawn fawp a







“ Ka tihpalh,ka chungah thinrim tawh lo rawh aw . Duati min thinrim khum tlat chuan awmdan tur ka thiam lo a nia " a tihchuan thaw ham hamin a lamah ka inher a ,ka hmangaih em avang hian ka thinrim rei thei bik lo . “ Hmeichhe dang laka min phatsan hi ka hlau a ,a bikin khaw mite hian Veni nen hian an sawi fo cheu a, heng te hi ka ngaithla ning tawh . I sawi ang ngeiin i hmuh tawh loh ka beisei bawk .






A nungchang leh a che zia zawng zawng hi ka mil thei hek lo " tiin ka kuah a ,ka kut hmawr erawh a berh avang chuan ka keng khawng tlat thung . Ka hmuiah rawn fawp leh zauhin ka thleng sil chu min puizui a ,kan nui dun leh hak hak tawh mai . A bula ka awm chuan ka thinrim rei thei ngailo,a chhan chu ka mood zawng zawng chunga thuneitu tih tur khawpin ka nunah hmun a chang thuk miau va .








A tello chuan ka engkim tih hi a tuilo a ni ber ,haw theiin ka inring lo va . Amah lo mipa hi an awm theih ka ring heklo,nileng chuan feh lo in in lamah min awmpui tlat a ,ka duh zawng chu thu awih takin amahin min tihsak zel bawk . Min ngaihsakna chuan keipawh min tihlim bawk nen nau ka chhiat hnu a ka nuih nasat ber tum a ni hial mai .







Zanlamah ka nute an rawn thleng a ,kan in a zau lutuk lo nen inpui lamah thlengin kan va leng phei ve a ,kan ri leh dar dar thin. “ Beidawng lo ula,a ai tha Pathianin a pe leh mai ang cheu" tiin ka nu chuan min kuah a ,keipawh chu ka bu nghat nghat mai . Reife inkawm khawmin kan nupa chu min fuih a ni ber a,Veni rawn kal ve leh kher erawh ka lawm vak lo ..






U Nunpuia chuan hrethiamin min haw pui zui daih a ,in kan thlen rual chuan kan mu nghal hmak bawk . Titi dunin eng emaw kan sawi dun a “ Min kalsan miah suh aw ,hmeichhe dang i pan tih ka hriat vaih chuan " tiin ka ngawi zui daih a ,min kuah nghet sauh mai .





A tuk lamah chuan ka nute pawh an rawn leng phei a ,eitur min rawn ken te chu ka ei nghal mawlh mawlh. U Nunpuia nen chuan an ni erawh an inkawm thung,ngaihthat lohna riau ka nei thin a ,mahse engthil mah a la thlen loh avang chuan ka taksa chaklohah ka puh ringawt a .

[mawitei bawihtlung]

THINGTLANGPA






CHAPTER 16







Inah ka awm mai mai a ,midang an chhuah vek avang chuan a reh tlawk tlawkin ka hria. Tlaiah u Nunpuia a rawn haw rualin pawnah ka tlan chhuak a ,nui var varin alam panin ka tlan nghal vat , min lo pawm nawlhin “ Ka bal a sin" a tihchuan ka nuih leh ringawt “ A pawilo,kan ei hmuh nana bal i nia,a intih fai leh theih a lawm ,i chau em?" tizatin a kutah kaiin inchhung lamah kan lut zui a .






A chauh loh thu a min chhangin vawiin lama ka awm dan min zawt zui a ,a inbualna tur siam pahin ” A reh lutuk,tumah an rawn chuang kai bawk silo,ka nu te hi enge an tih dawn ni . Keimah vanga rawn zin ve si ka bulah an awm leh bawk silo ,ka zo e a inbual theih " tiin ka tho chhuak a . A thawmhnaw a lo phelh vek tawh tih ka hmuh chuan ka meng kawk mai,ngaiah ka nei thei hlawl lo .







Kun chungin kalpel mai ka tum a ,min lo man beh avang chuan ka en chho nghal kar “ Inbual dun ang hmiang" a tihchuan ka hmai chu a sa nghal hut hut mai,ka thawmhnaw chu a phelh a ,bathroom lam bawk chu min pan puiin ka tuisiam sa chuan min leih a ,amah pawh chu a in leih huh ve bawk . Sahbawn chu min hnawihin kei erawh ka zak bawk nen ka ngawi hle hle ringawt “ Min hnawih ve ta che " tiin a sahbawn ken lai chu min pe a .








Ngawi reng chuan ka hnawih nghal mawlh mawlh ringawt ,ka biangah a rawn dawm a . A mit chu melh pawh ka melh let ngam tawh lo ,nui hakin ka hmuiah a rawn fawp zauh a“ I zak em ni? Zak duh suh,i pasal ka nih hi" tisupin tui chuan min tleuh fai a ,amah pawh chu in nuai sawk sawkin a in tleuh zui a . Towel a min tuam chuan min pawm kang nghal nawlh bawk,room lamah chuan min hruaiin ka taksa chu a hru hul a ,chu mipah chuan a hmui chuan ka awm vel chu a nul nghal dan dan mai.








Nghet deuhin a ban chu ka chelh tang ringawt,a mitmeng de sar sar chu ka hmuh hmaih lo,nau ka chhiat hnuah vawikhat mah nupa nun kan la hmang leh lova ,ka zam thar riau lehnghal . Thawmhnaw ha lo ve ve kan nih a vang chuan towel a laksawn rualin a awm pharh darh chuan min rawn delh bet a ,ka hmuiah a fawp nghal chat mai . Ka hnute chu humin a hrawm nawk nawk a ..








Thaw halh halh hian ka lo en ve thung,ka bawp siam remin amah chu a rawn tlazep nghal a ,min fawhna ata awmsawn chuan a lu chu tikangin min melh ngar mai . A mita min mamawhna lang chhuak zut zut chu ka hmuh hmaih bik hauh lo ,ka lu ka buk nghat chuan nui sukin muangchang hian a rawn lut zui a ,mitchhingin ka kuah bet nghal thlawp. A darah chuan ka khabe chu nghatin ka rum chhuak hak hak a ,a nipawh chu a rum ve nghut nghut tho ..








Hnuai lam chu a ti che rang telh telh a ,a hnungah chuan ka tham tawk ringawt ” Ramnunpui " tiin ka au chhuak that a ,ka zawi nghal hnawk . A ni erawh ala duh tawk hauh lo. Ka bawp chu la kangin a kawngah min kherh beh tir a ,chet a lak chhunzawm lehnghal zat mai “ Anuam iti em?" a tihchuan meng chhuak riai riai in “ Um" ka ti tham tiak a ,ka taksa chet zawnga ka hnute ting alh alh chu melh vung vungin a rawn hmuam nghal zat mai .








A zawh ve hnu pawhin ka chungah chuan ala bawk ta reng a ,min nuih var varin ka sam chu a chul heuh heuh a “ U Nunpui,ka hlauthawng tlat zel. Chan dawn ang che hian ka inhre hial thin,a chang phei chuan ka mangah hian ka khawih thei lo ziah che a ,ka ngaih a tha theilo " ka tihchuan ka sirah rawn mu thla in min kuah a . “ I ngaihtuahna i hmang nasa lutuk a nihchu,nangin min kalsan te a nih loh chuan ka kalsan lo vang che .








I awmna hmun chu khawi hmun pawh nise ka awm ve zel ang" a tihchuan kuah nghet sauhin ” I tiam em?" naupang chhia zet chuan ka ti chhuak a. Bu nghutin ka kut chu a hum nghal chat ” I awm velohna hmuna awm reng ka duh hleinem,ka nunna i nia ka taksa peng i ni bawk . Ka nakruh tel lo chuan ka awm rei thei nang " a tihchuan ka nui chhuak hak hak a . Thawmhnaw te ha in chaw ei turin kan chhuak a .







Zanlama kan chhungte an rawn len thin avangin in peih hmat a tha hrim hrim,zanah chuan ka nu leh pa leh ka u te nupa chu an rawn leng leh a ,eng emaw sawiin an ri leh dar dar thin . ” Nunpuia chu kan nau fanu Veni nen in lo in hre reng a nimaw? Amah lah chuan in in pawh viau niin a sawi a " ka nu in a tihchuan u Nunpuia chu a nui ringawt a “ A hrim hrimin hmelhriat a nei tam lo bawk si a ,hetah a unau te an awm bawk nen lo ngaihven ve thin ula" a tihzawm a .








Ka u zawk chuan an ngaihven reng thu in a lo chhang ve zat . Kei erawh ka ngawi reng thung,ka cousin mah nise ka ngaina thei hlawl lo a ni e ,u Nunpuia a en dan hrim hrim avang pawh hian ka ngei em em ringawt ,“A ni ringawt sawi suh u "ti hlar in ka thu tum bur a “Ka nau ila haw reng em ni? Mi huat reng hi a thalo a nia" ka u in a tihchuan ka nernawk.







“Huat reng turin awm miau hek,a mitmeng leh a chezia zawng zawng hi ka ngeih lo . Ka pasal a melh dan te chen hian,amah vangin ka naute ka chan phah leh nghal " ka ti leh chu an vai mai chuan ka hming in min rawn ko nghal tuar a . U Nunpuia lehzel a thlavang hauh tu a atang chu ka thinrim zual ” Engmah a tuar tu leh a hmu tu in nih loh chuan ngawi mai mai rawh u,rawn len pawh a tullo . Ka mu dawn " tiin room lam chu ka pan nal nal a .








Ka mittui chu ka nuai nawk nawk ringawt,ka rilru no ta lutuk hi ka hua ,an tawng ri leh ka la nau pan avanga hriat thiam ka ngaih thu an sawi te chu ka hre pha vek . Pawnlam arsi chu enin ka phun sep sep a ,ka mit chu ka chhing nghal riai riai ,ka taksa rawn kuahtu an awm avang chuan ka muhil lai chu ka meng chhuak nghal kawk a ,u Nunpuia tih ka hriat rual chuan ka thinrim tha leh chu a kut chu ka dahsawn sak nghal hmak .








Ngawi reng chuan min rawn kuah lui leh ngat a “Min khawih bawk suh " tihlarin a kut chu na zet hian ka sih sak vaka, min thlah duh der silo . Ka nghawngah a rawn fawp a “Thinrim tawh lo la" a tihchuan “ I duh ve vang a nihkha ,ka nu leh pa tiamin Veni lam ringawt in tang,tumah hian min ngaihtuahna chhe te mah in nei lo " tiin ka tho chhuak leh a . Ka lukham leh puan pakhat chu la in ka chhuahsan a ,thutthlengah chuan ka mu leh nghal hmak .








“ Amak emai Lalduatpui,hetiang hian awm reng lo teh " a rawn ti chhuak hluk a. Ka chhang duh tawh lo ” Ka thian a nia,tin kha thil kha a duh reng vang pawh a nilo va ,ngaihdam pawh vawitam a dil che ,i beng i chhu ngawng tlat a . Hetiang em em hi chuan awm lo teh ,amah zawk inthiam lo em em in a rawn lenga ,ka lo kawm a nimai" a tihchuan ka melh mawl tawp ringawt ” A tha a nih chu,a tawk engmah ka sawi duh tawh lo " tiin a awm lohna lamah inher in ka mittui chu a luang ngiai ngiai mai .








A nipawhin min be tawh bik lo in room lam a pan a ,ka awm chu dawmin ka insut nghal hlawp hlawp . Phul zau zetah hian dingin thlifim ka dawng heuh heuh a ,ka nui var var bawk . Ralkhat a naute tap ri chu hria in ka hawi phei a,ka awmna atanga ral lehlamah chuan nausen hi hnute ngen tih hriat tak hian uar zetin a tapa ” Ka naute " ti a phunsap chungin ka pan dawn a ,ka che thei der silo .








Anilah a tap uar tulh tulh mai si” Ka tihpalh,ka venhim theihloh che avangin ka tihpalh " tiin ka tap chhuak a . Ka harh nghal kawk,ka mumang tih ka hriat rualin thaw kawk kawk chuan ka thu chhuak a,ka mittui bawk chu a tla lehnghal . “ I nu hian ka venghim thei silo che a ,min ngaidam rawh aw " tiin ka pum thep ta tang chu ka khawih a . Khua a var tan bawk nen mu duh tawh lo in rawng bawl tur chuan ka tho chhuak a .








U Nunpuia rawn tho pawh chu biak pawh ka belo,min biakna lah ka chhang hek lo . Ngawi reng chuan ka che vel chu min en reng ringawt,chaw ei ka siam sak a“ I ei ve dawn lo em ni?" ti a min biakna ch ” Ei dawn lo ka chhuak lawk dawn " tiin pawnlam ka pan a ,inpui lam pan chuan ka kal nghal zat . Ka nu ten min lo hmuh rual chuan min lo be bawrh bawrh a,an bulah chuan ka awm ve ta reng a








Dar 11 velah chuan ka nute nen kan in lam panin kan phei a ,kawngka kan hawn ruala ka thil hmuh erawh in rin phak bakin min tina ,u Nunpuia leh Veni lo infawp chuan min ti ding khawng reng ringawt . “ In va han rapthlak em em ve ,engthil nge kan hmuh hi " ka nu chuan a tichhuak bawrh bawrh a . U Nunpuia rawn hawi chhuak in min hmuh rual chuan min rawn hnaih nghal ruak a “ I hmuh ang kha a nilo a nia " a tihchuan ka chhang lo .









Hnuailam chu ka en ngar ringawt . Ka nu chu a ang bawrh bawrha,Veni chuan u Nunpuia a duh thu vel a sawi te chuan ka lu a tihai mum mum mai . “ In zaklo hle mai,i nupui awm loh chhung reiloteah chance in lo nei chu a nia ,makpa atan kan duh lo che tih i hriat vang in em ni hetiang thil i tih ni" ka nu chuan a tileh bawrh bawrh . “ In fanu hi ka phatsan reng reng lo"tihzawng chu u Nunpuia thusawi a ni .







Keimah chiah chu min en a” Ka duh vang a fawp ka nilo ania,min ring tiraw " tiin ka dar tawn tawnah chuan a rawn vuan ran mai . “ I duh vang reng zawk a nihkha ,Veni hian min hrilh thin a ,kan lo awih duh lo a nangpawh hian i lo duh ve reng a nih hi maw . Thingtlang mi chuta karah ila in la ve khanglang lehnghal ,inthen na kan ti fel nghal ang. I nu leh i pa atang rengin in dik lo miau a " ka nu thusawi avang chuan u Nunpuia hmel chu a rum ta hle .







“ A tha a lawm,keimai duh tawk lova ka nu leh pa leh zel hmusit tu fanu hi neih reng ka duh bik love " u Nunpuia chuan a tive ta hrawk a . Ka en nghal vat “ In fanu ka phatsan nge san lo chu in chiang khawp ang ,chuti fako a min duh lo tu chu keipawhin hnim hnaih ka duh tawh love ,in duh chuan in hruai haw thei ang " ti a kalsawn a tum chu abanah ka vuan nghal vat “ In then ka duh lo " ka tihchuan ka nu zawk chuan min rawn pawt chat leh a ..







“ I tha te a na ve em em lo em ni? I mit ngeia i hmu chung pawhin inthen ka duh lo i ti amaw,in in then khawp ang. Lalduatpui heti em em hian em ni a ni hi i thlak hlelh a ,hetiang kut hnathawk mi mi hnuaihnung lutuk laka i nem em em le " ka nu bawk chuan a tileh a. Engmah ka sawi tawh lo thung “ He in hi a duh chuan a nei thei ang,in mi hmuhsitna chu ka en liam thei mai,mahsela min hring tute ngei hmusit tu laka zawl dawh reng ka tum bik lo ve .







Duati min hrethiam rawh ,nang ni nen chuan in kungkaih tawh lo ila a tha ber " tichuan a thawmhnaw chu la in a chhuak zui hmak a . Ka um zui nghal vat “ Min kalsan suh,ka nu leh pa thusawi kha chu engah mah ngai suh,i kiangah ka awm duh u Nunpui,min kalsan lo hram rawh. An ni tello pawhin kan hlim em kha " ka tihchuan a thaw ve hawk mai ..






“ Min dang suh,i nu leh pa rilru chhe lutuk hian engtikah mah nupa hlim takah min siam thei ngai dawn lo . An ni lung ti awi lo zawnga i awm lah ka duh hek lo,a chhan chu i lei Pathian te an ni a ,chuvang chuan an thu chu zawmin an duhzawng ngei pasal chu nei zawk rawh. Dam takin le ,he thu tlukna hi siam ka tumna a rei tawh a ,mahse ka kianga i hlimna kha tihchhiatsak che ka duh loh avangin ka ngawi leh a .







Hmangaih che mah ila hmusit taka ka nu leh pa tawngkhumna hi ka hre duh tawhlo,hlim takin awm tum zawk rawh . I nu leh pa sawi ang khan,kei chu in tan ka hniam mah mah a ni " tiin ka auhna pawh min chhang duh tawh lo chuan a kal liam zui a ,mittui nen ka en reng ringawt . Veni chuan a hnungah a umzui dawr dawr bawk “ Rawn lut ta che ,insiam la kan haw ang" ka nu in a tihchuan ka che sawn eih lo.







An mahni vang veka hetiang thil thleng hi a nia sin “ Ka zui dawn lo cheu,hetah hian ka awm dawn . Engvanga u Nunpuia kha kha ti taka bia nge in nih" ka tih tak thak ah chuan ka pa nen chuan min en reng “ I nu leh pa kan nih hi,kan duh loh zawng neilo tur che in vawi tam kan hrilh che a ni lawm ni,en ta che a rah chhuah chu i hmu chiang em ? Vawikhat pawh i kohna a rawn chhan loh kha " a rawn tileh thak a .







“ Engpawh sawi ula,hetah hian ka hlim,ka rawn haw dawn lo . A ni ka nei theilo a nihchuan pasal neih loh law law ka duh zawk " tinghatin inchhungah chuan ka lut zui a . “ Lalduatpui,i nu leh pa kan nih hi,min zui tur a kan tih che chuan min zui mai rawh . A nih loh chuan kan fa ah kan chhal leh tawh lo ang che " an tihchuan ka nui hak ringawt .






“ A pawi ka tilo,ka mu dawn ka chau" tiin room lam chu panin ka kalh zui a ,kawngkhar ngheng chuan ka thu thla hnawk. Thawk leh khata hetiang buaina zozai tawng tur hian ka dil lo a sin le ,ka nu te chu phun bawrh bawrh chungin an chhuak zui a. Ka khupa kiu nghat chuan ka tap khur dar dar ringawt,u Nunpuia khan ka tan tal a dawh ve ka beisei a ,mahse ka nu leh pa thusawi chuan khatiang a awm tur khan a hliam chu a ni si.







Ka beidawng dawn lo,a rilru lam let tur chuan engpawh ka timai ang




(A TAWP LAM KAN HNAIH E )

[mawitei bawihtlung]

THINGTLANG PA





CHAPTER 17






Ka nu te an haw tawh a ,mahse u Nunpuia te in chu ka kai ngam lo . A chhan pawh ka nu khan nu Zuali a lo va be leh vak a ni awm a ,a nilahin an ina ka chuan kai tun tumin min lo vin vak a nihkha. Zaidam thinthawk ana an ti bawk nen ka dem em em lo,inah chuan keimah te in ka awm rak rak zel a . U Nunpuia ka hmuh lah a nu leh pa in an phal lo bawk nen a mah pawh chuan min hmu duh meuh tawh lo .







Laptop khawihin ka nitin hun hman dan chu ziak chhuakin video nen lam ka sawi mai mai zel a ,khawhar a hnem phian bawk nen ka hna pui a ni deuh ber mai . Ka rilru natna zawng zawng chu ka sawi chhuak a ,ka ngaithla leh thin . Chung chuan ka rilru tawt lutuk pawh an tih ziaawm phah hle ,zanah lah khuma mu chunga ka tah chang a tam bawk nen ka taksa te chu hai theih rual lohin a tla chak lehnghal .








Naupang ho lah chuan Veni chu u Nunpuia te ina a len ngun zia an sawi reng bawk nen rilru na reng reng chuan ka awm a ,ka natna min hriat pui tu leh hrethiam tu ka neih chhun chu ka u te nupa chiah an ni . An ni pahnih awm lo se chuan ka khua a har viau ngei ang,u Jona pawhin u Nunpuia chu a rilru natvang leh ka nu leh pa tawngkhumna avanga tlawm la lak lawh a niin nghak tur chuan min tibawk .








Kei erawhin engmah ka sawi chhuak ngai meuh lo ,ka natna chu a rukin ka tuar a. Ka thusawi te chu ka laptop bakin a hre ngai hek lo ,ka nitin hin hman dan chu a ninawm tih piah lam a ni . Sunday a ni a ,u Nunpuia ina a awm ring chuan ka pan a ,a chhan pawh a nute an inkhawm dawn tih ka hre tlat a ni. Inchhung ka luh chuan rin ang ngeiin a lo awm a ,ka pan nghal vat.








Ka hmel a hmuh chuan a meng deuh kawk a ,a awmah chuan beiin ka insut nghal hlawp hlawp . “ Tinge tianga i awm ,ka hmangaih che a sin . Min hmangaih ve miah lo em ni? Ka nu leh pa tui thlar huamin ka la nghak tang tang che a sin " tiin mittui luang zawih zawih chuan ka en a ,a ngawi leh reng dawn emaw ka tih hnuah ka mittui chu rawn hru in ka hmuiah a rawn fawp vawng vawng a “ Thil hi i hriat loh tur tam tak a awm a sin,min kalsan zawk rawh ka tihkha . Kei nen chuan kan innei theilo " a tihchuan ka nui hak ringawt .







A zat vang nilo in ka rilru na sawi tur hre lawk lo chu a ni zawk “ Engah maw kan theihloh,ka nu leh pa in eng chiah nge an sawi min hrilh rawh . He ti khawpa min hlat tur hian eng thu chiah nge an sawi min hrilh rawh " tiin a awm chu ka chum dat dat a . Min pawm nghet sauhin a nipawh hrehawm tih hmel zet chuan a thaw chhuak hrawk a “ Engthu mah an sawi lo,keima duhthlan a ni . Ka bulah i hlim dawn lo,buaina kan tawk reng dawn.







Chuvang chuan Aizawl ah let la,nunthar nen bul tan rawn . Hlimna ka peve thei dawn lo che,chuvang chuan i hlimna tur pan rawh " a thusawi tin chuan ka lungphu a tirang a,a tina bawk . Keichuan ka thinlung zawng zawngin ka hmangaih asin,hmangaihlo ni ila hetiang a thui hi ka kalpui lovang a,ka dawh thei hek lo ang. “Min hmangaih ve tak zet em?" tih ka zawhna chuan a mit a chhin tir sawka.







“ I hriat thiam bak a nasa in ,mahse ka sawi tawh kha kan in hmangaihna avang hian kan awmdun erawh a rem chuang lo " a tihchuan a mi kuahna ata awmsawnin a mitah tak chuan ka melh nghal kar “ A hma pawhin kan thei a ni lawm ni? Tinge tun ataka kan theih loh ang? Mi pawh an chhungten an rem ti vek chuang lo a ,an awmdun thei tho a lawm " ka tihchuan ka mittui chu a rawn tuai fai a .







“ Ka thu chu awih rawh,min kalsan la i tan a tha zawk " a tihleh chuan ka tap ri chhuak hak a “ Tinge tupawh hian ka hlimna hi min tihchhiatsak vek zel ,tinge ka hlim hi a rem ve lo em ni . Hetiang tur tih hriat a lo pian loh law law tur ,kan naute kan chan vang kha tiraw hetianga i awm? A dang kan nei leh mai dawn a lawm ,min kalsan suh nang leh zelin min kalsanin engtin nge ka awm ve anga" tiin ka tap chhuak hlawp hlawp a .







Ka hmai chu ka hup tlat bawk,min kuah lehin eng emaw sawi tum tih hriat tak hian a aw a thian khurh a ,mahse a sawi hma chuan a nute an rawn haw hman ta tlat . “ Duati ka sawi tawh kha ,kan inah hian rawn lang fo lo teh. Nangmah avanga buaina zozai leh hmuhsitna kan tawrh zawng zawng hi a tam tawh lutuk ,kan fapa hi khawpui tlangval ni ve lo mahse kan in nghahna a nih ve hi .







Rawn tibuai reng lo la ,i nu leh pa thu ang chuan doctor chu nei zawk rawh . Heta rawn lan reng hian awmzia a awm lo " a rawn ti fak fak a . Ka ngawi ran mai “ Ka nu a tawk " ti a u Nunpuia lo au hrawk avang chuan nu Zuali chuan thinrim hmel zet hian min en a “ I hmu maw ? Nangmah avangin ka fapa in min vin a nihkha ,chhuak vat rawh . Rawn lang leh tawh suh " tiin a bula Veni ding chu a be zui daih a “ Ka tihpalh a ni,mahse u Nunpuia hi ka hmangaih em si a .






Ka tihpalh nu Zual " mittui luang ngiai ngiai chung chuan inchhung chu ka chhuahsan a,ka u te nupa tuala ka tawh chuan min lo en vat “ Duati tinge i tah? Ka nu in a tawngkhum leh tawh che em ni, ava buaithlak tak em . Eng pawh nise Nu-i inah lo va phei pui la ,ka rawn phei ve vat dawn a nia . Inthlakna chu ka rawn ken mai ang che ,kal rawh u " u Jona chuan tiin ka luah a rawn chul zauh a .






“ Insum rawh ,khawlai a nih hi ,miin an ngai nep ang che. Chuvang chuan chak tak khan awm rawh " tiin min kalsawn pui zui a ,in kan thlen rual chuan thutthleng chu bawh rawkin ka tap nghal hawm hawm a . Ka in a fal bawk nen insum buai ka tum lo “ U tinge ka nu leh pa hian ka hlimna hi an duh loh le ,tunah chuan tumah reng reng neih ka nei tawh lo . U Nunpuia chuan kalsan turin min ti a sin..







Engtin nge ka hmangaih awmchhun chu awlsam taka ka kal tir theih ang . Tinge hetianga min tuartir tho dawn a nihchuan ka naupan lai te khan ka lo thih zawk loh?" tiin ka awm chu ka chum vak vak a “ Ka nau hun harsa kan pal lai hi kan chak ngaih hun lai ber leh beidawng lova awm ngaih hunlai a nia,in tichak rawh . Hei bawihtei pawhin a en reng che a nia ,naute hmuhlai chuan i tap duh bik dawn em ni " ti a a rawn sawi takah chuan ka hawi chhuak nghal vat..








Annie in a chiang zeta min lo melh ka hmuh chuan ka then ta sak ,“ Ka naute tal kha la dam nise hetiang hian kan awm awm silo va " tiin pawnlam chu ka thlir a . U Jona pawh chu a sawi ang ngei chuan a rawn thleng vat reng a ” Chak takin awm la ,ka nu leh pa pawh an thinrim na in a la hneh bawk nen khuareiin a la liam pui hun a awm mai ang. Dawhthei taka i nghah a ngai dawn a nia ,ka nau pawh hian chhan awm lo chuan heti tak hian hlat a duh lo ang che .







I nute khan jaila khung hialah an vau tlat si a ,an tlawm lak bakah an thinrimna an thunun zo meuh rih lo a nih hi . Engpawh nise a nipawh ka lo titi pui dawn a nia ,nu leh pa tam tak hian fate hi kan hrethiam thin lova ,kan duhzawng ai an duhzawng an dah lal fo avang hian an fate ngei nunna an tihchhiat sak fo reng a ni . Nang pawh hei chen i tuar thei hi ka ngaisang khawp mai che .






Rei deuh dawn mahse nghak rawh ,nakinah chuan kan chhungte pawhin inhmuh chhuah hun an nei mahna ,i u nen kan inneih khan thinrim viau mahse loh theihloha tih a ngai miau si a . Nang leh zel chu an ui bet ngang che pawh a ni thei,an ngaihdan kha a dik tho . Khawpui mi thingtlanga awm ngailo,thingtlang nun hrethiam pha tak tak lo an ni a ,an fate hma hun hi an dawn ve ngei dawn a







Thingtlanga rethei taka i awm an duh loh vang zawk pawh a ni thei. Chuvang chuan hnute tui nen in nawm loh hlaua lo chawiliantu cheu an ni a ,in thinrim lai ber pawhin in nu leh pa an ni tih theihnghilh hauh suh ang cheu . Hei chen an lo enkawl tawh cheu a ,an thu in hnial deuh hi an rilru ana pawh a ni thei,chuvang chuan nghak phawt mai teh u" a tihchuan ka bu nghat ringawt .




U Jona chu a upa tawh bawk nen thil thlir dan a thiamin a rilru puitling leh tha lutuk avang hian ka ngaisang a ni . Ka u in a ni ang a tawng hi a vannei ka ti takzet , an haw hnu chuan keimah te in ka in ngaihtuah melh melh a. Hetah ka awm dawn nge a hma a ka awmna ,ka thiante awmna hmun ka pan ang . Aizawl pawh ka tan a thlakhlelhawm mawlh silo .






Kal ila u Nunpuia midang ta tur anga ka dah ringawt pawhin ka na nghal chu a nimai si . Ka tih theih awm chhun chu heta nghah a ,enge thleng zel dawn tih hriat chauh a ni tawh . Chumi a zirin keipawhin rilru ka siam fel tawh ang chu,kan inthen atangin thla 6 chu a liam leh der tawh lehnghal. A mihring te hmanhmawh lo viau thin mah ila hun erawhin min nghak mawlh silo .







Ka in awm tleina ber ka laptop chu la in kan pahnih thlalak dun dahkhawm a ,video ka siam chu enin ka nui var var a . A nuisang hmel chu banin ka nui leh hak “ Hun hi a danglam thei hle mai tiraw ,hmanni lawk kha chuan nupa hlim tak niin nitin i hnathawk ka lo hmuak thin che kha a nia ,tunah meuh chuan ka hmuh mai mai theih i ni tawh lova . Ka khawih pha tawh silo che ,ka khawih theih miah loh kha ka unau ngei chuan a khawih thei bik che chu a ni sia








Ka tawng che hi ka inchhir phallo a ,ka hmangaih che hi ka mawl ka inti reng reng lo" tiin ka mittui chu ka hru zauh a . He ka laptop chiah hian ka thuruk te hi a hria a,a sawi chhuak lo ber bawk ang . Dawhkan chu bawhin ka in pawnlam thing ding thup te chu ka thlir a ,hmeichhe thenkhat tan zanah chuan hlauhawm tham a ni . Kei ngei pawhin u Nunpuia min kalsan tirh khan ka hlau ve ngei a nihkha ..







Mahse tunah chuan ka neih chhun leh ka tawm hulna neih awmchhun a ni rih miau si a. Ka school naupang te rawn leng thin lo phei se chuan a reh viau in ka ring “ Hun dang hi awm in ,piang nawn leh thei ila chuan ka kut ngei hian kai che in,i bulah kumkhua a ka awm theih nan kan nu leh pate tel tawh lo tur hian ka dil duh hial ang. He khawvela ka ta ni theilo hi khawvel dangah chuan ka ta chiah inih theih nan ka phuar bet tlat che anga .









Midang reng reng inrawlh lohna turin siamtu hi ka dil ngei bawk anga,mahse chungte chu ka duhthusam mai an ni si. Tunah chuan mi mal tak chiah ka ni ta ,neih reng reng ka nei tawhlo ve . Ka thinlung leh taksa thlengin i ta a ni tawh a ,neih engmah neilo in min dah ta si. Tinge ka nun hi a tluan loh em em mai le ,beiseina sang tak nen kan hmahun ka thlir ve fo va . Mahse chung te chu ka suangtuahna leh mumang an chang zui dawn chu a nih si hi .







Hmu thei si che in ka khawih theilo che a , I hmel hmu pha siin ka be thei heklo che ,i ruangam hmu siin hahchawlhnan ka tluk luh a thiang tawh hek lo . Hei hi a ni ang tiraw ka tana khuanu ruat chu ni ang,tutan mah mi tangkai ni ve lo ,tu tan maha hlu ve ngailo chu " tiin ka khap per leh sak sak a ,thih mai chak mah ila ka ngam ngang silo .




(LIKE LEH COMMENT TE KHA AW )