THINGTLANGPA BY MAWITEI BAWITLUNG (Completed)

[mawitei bawihtlung]

THINGTLANG PA







CHAPTER 7








U Jona nen kan titi mawlh mawlh leh mipa min rim tu ho a sawi sek chu u Nunpuia chuan a ning nge a thaw leh hawk zel a ,a tawpah phei chuan “ Thawk ang u " tiin a tho vut a,lo mawng lam chu a pan nul nul ringawt . U Jona chu a la nui vur vur a ,ka va han beng chak tak ” Kal ve ang hmiang,ka nau hi chuan mi chanchin sawi hi a ning thuai zel a nih hi,tirawh i zuk runluih ang hmiang " a tihchuan za lo zetin ka nui thaw ringawt








Dik tak chuan u Nunpuia hmelah khan a thik tih hai rual a nilo,u Jona lah mi runluih peih chi a lo ni kher bawk nen mi a tibuai zo vek ang tih a hlauhawm . Tinge a rawn feh ve kher kher ni ” In lamah lo awm mai mai tur che a lawm,heite chu kan zo har dawn chuang lo a " ka tihchuan ka chalah a rawn kuk lawlh a ” I hnathawh thiam lohzia i u in a hria a ,a ngaihtuah che a mi rawn tir a nih hi,ka nau hian hna thawk chak lo lutuk thawh pui te hi harsa a tia .







Chuvang chuan i thlavang hauh tur tala ka rawn feh a ngai a lawm,i kal ve tawh ang hmiang. Mi taima hi chu an heti tlat ania,an awm hle hle thiam lo " a tihchuan ka nui ve hak ringawt. A nau zawk a ngawihchawi em em laiin a ni erawh fiamthu nen a ri hlut reng thung a,unau pawh hi inan loh theih tak a lo nih hi.






U Nunpuia bul kan zuk thlen chuan a lo thlo zau leh hman tawh hle ,hetiang em em a hnathawk chak hi ka la hmu lo. A thawk ngun hle tih a hriat,an sirah chuan awm in ka theih tawp chuan ka thlo ve a. Ka hma a fual deuh chuan min rawn pui vat zel a ,hma chu an pahnihin an then a,kei erawh ka hmazawnah chuan ka thlo chho char char thung,hma then thiam ve hek lo. Hetia a sir ka lo thlo ve pawh hi a sawt ve tho bawk nen ka hah ve em em tho .








“ Kha a hnuhnung hnung phungin seh " u Jona chu ka melh nghek ” Mipa ka nih ve loh hi,min tih thaih tei vet reng suh. Ka thlawh ve hi chuan lungawi tak khan awm mai mai rawh " tihlak hlakin hnim chu ka kut chuan ka pawt ve pah a ,nui kur kurin a thlawh zawm veleh mai bawk . U Nunpuia erawh ngawi rengin hnim chu a kut lehlama pawtin a lehlam chuan a te deuh chu a rit tlu zung zung a .








Kei erawh ka thlan leh hliam tawh,ka hmai te chu a sa vur bawk . “ No hleihlui lutuka i biang kha a sen tuk mai,i u zawk ka lo nei hi ka vannei mange ,a hmelchang zawk ka nei hlauh a a nichuan nisa te hi a tuar thei ania " a rawn tileh kher chu ka ngei hle “ Nang ka neilo che hi ka lawm,ka u ai ka hmeltha sia min phu lo " ka tihchuan u Nunpuia nen chuan an nui nghal hawk hawk a .








Hepa pawh hi min chhan reng reng tum lo mai “ Nia kan khaw tlangval ho awmdan a tang hian a hriat mai a lawm tiraw ? Zanin chu ka riak ve dawn emaw ni? Ka nau hi i lo khuainuai ang tih pawh ka hlau hlel love " a rawn tihchuan lei chu tham tawkin ka vawm pawp a . A nui thu reng te chu ka ngei zo vek tawh “ Ti em em a tawng thei hi ka u hian engtin nge a duhtheih che ni ? Tawng thei si hmelchhe zek zuk si i lei i chhuah phei kha chuan sabengtung tuihal ini ringawt " ka tihchuan za em em hian an nui vak vak a .










“ Lo nui ve zel suh,min chhan ve ta che . Ramnunpui nangpawh ka be tawh miah lovang che " ka tihchuan nuih insum zet hian min en a “ I hnial hneh ngang lo a nimaw ? " a tihchuan tum bur in hlo chu ka thlawh san leh a ,ka tawng duh tawh der lo . Chutia ka awm chu an inthiam lo leh si nge ngaihdam min dil ve ngei a ,an la nui thaw reng tho chu ka chhang duh thak lo . Hma kan chhuah takah chuan thlam lamah chawlin ka inzap hauh hauh a .








Ka bulah chuan thu in an ti ti chu ka ngaithla kar ringawt “ I lo hah chawl tawh dawn em ni?" u Nunpuian a rawn tihchuan ka lu ka thin san ringawta . Hna kan tan leh meuh chuan keipawh tlem chuan ka zia ve deuh va ,ka tawng duh vak lo chu an lawmah a tla a,min nuih leh tut tut thin ka en duh hauh lo thung . Tlai a nihchuan u Jona pawh a haw a ,kan pahnih chuan vau chhung sihah chuan kan lut a ,kan inbual nghal sawk sawk . A tlai tawh bakah ngaw a la tha bawk nen a tui chu a vawt takzet









Khur hlak hlak hian towel chuan ka intuam a ,u Nunpuia erawh a la inbual thung . Ka inbual chhung a kalsawn a ,ka ngaisang sawt mai ,ka inthlak sawk sawk a . A zawh rualin thlam lam bawk chu kan pan a ,kan zing rawngbawl ala awm bawk nen tihluma ei tawp a ni a . Ka chau bawk nen thlam chhuatah chuan mu in ka mit ka chhing chial ringawt,a ni erawh mei chhemin chawhmeh vel chu a ti lum a .







A che vel chu mu chungin ka en kar ringawt,ramah chuan min awl hneh in ka chet a phal meuh lova ,pasal tha tak ang mai a ni. Min ngaihsakna a tilang awl lova ,tawng ka in tilang lo mahse chetzia a a tihlan chuan min ti lawm zawk em em a,ka nuih leh sen sen thin “ Kan inneih hunah hetiang hian che vat vat zel la a nuam awm" ka tihchuan a rawn kiai suk a .





Ka bulah rawn thu in ka lu chu a rawn chul zauh va ” Chawhmeh sat lai hian chaw ei ang hmiang,chuan kan mu hma dawn a nia " a tihchuan ka tho chhuak nghal taih taih a ,chaw ei chu siam zung zung in ngawi reng chuan kan bar leh mial mial a ,ka chaw ei chu a tui phian lehnghal . Chaw eikham rualin thleng chu silin mutna kan phah a ,a hrana puansin ka duh lo bawk nen kan inzawn leh ran mai .






Kan titi dun sep sep a,kan chanchin inzawt leh in thil hrang hrang kan inhrilh kual a ,kan nui leh hak hak thin . Kan awmdan hahdam thlak zet hian awm reng ila tih hi ka duhthusam a ni” Naktuk chu vauah sawn theihai a awm a ,i eichak em ? Saw chu khawchhung a mi ai a rah hma a a thur tawhin ka ring" a tihchuan ka bu nghal nghauh nghauh . Ruah chu rawn tla cherh cherhin mut ti tui tawk kan tih ang hi a ni lehnghal ..







A awmah chuan beiin a lungphu dat dat chu ka ngaithla a” Ka khawih che i hlau miah lo em ni?" a rawn tihsup chuan ka nui sak ” Um i mizia ka hria a ,hmeichhe duh lo chung chu i tilui dawn lo tih ka hria,tin min tilui pawh nila ka dang thei hauh lovang che . A chhan chu ka hmangaih che a, ka ring tlat che a lawm,min ti lui ngailo vang tih hi ka ring a ni " tiin ka nek talh talh a ,a nipawh chuan min kuah nghet sauh mai.


(ZAWM LEH TUR)

[mawitei bawihtlung]

ZAWMNA






“ I ril a tam tawh em?" a rawn tihchuan ka bu nghat ringawt. Ka mu zawi laklawh tawh nen thawh mai chu ka peih ngang lo ” Rawn tho la ,ei vat ila kan mu hma leh mai dawn a nia " a tihchuan ka tho ve nghal tuah tuah a ,chaw ei chu siam mawlh mawlhin kan pahnih chiah kan ni bawk a . Siam chhung a reilo ngei mai ,ka hah ang aiin ka chaw ei lah chu a tui phian leh nghal,chauh hian chaw ei hi a tui duh bik emaw ni .







Kan eikham chuan thleng chu sil lehin mei kan ai zui a,a bul chetah thu in a dar chu ka ngheng dar dar “ U Nunpui min duh ve tak tak hi i ang lo ka ti thin,a chang chuan hmeichhe satliah ang mai hian min enin ka hre leh tlat thin che " ka tihchuan a ngawi vung vung a ,min chhang tawh dawn lo emaw tih hnuah ” Ngaihzawng neih hi ka tum ngai lova ,a chhan pawh mi ngaihsak leh kawm dan vak ka hriat loh avang hian. Hei vang hian thenkhat chuan ngawi chawi leh in duh min tih phah fo bawk .










Ka biak loh mai che avang hian ka duh lo che tihna a nilo,mipa thenkhat anga tawngkam thiam deuh ka nilo va ,tum chhin tura min duh erawh chuan kan tum poh a niang chu " a tihchuan ka thaw huai mai,“Tawng duah turin ka tilo che mahse min ngaihsaka min duat ve deuh ka phut mai a nia. Tawng ka kher a ngai lova,i chet zia a i tihlan chuan ka lungawi em em tho " tiin ka ham bai bai a . Vawiin chu ka hlo thlo ka tang ve bawk nen ka chau riau mai .









Mutna chu siamin ka mu zui thak a,a ni pawh chu rawn mu zui ve in min kuah lehnghal zat . Nuih ver verin alamah ka inher a ,ka hmuiah chuan dim te hian a rawn fawp a ,ka lo chhang let ve vat . A rei tial tial a duhthawh tulh tulh lehnghal ,ka hnute chu zen lutin a tham tawn tawn a ,ka thaw ham ham ringawt . Insum thei lo tih hriat tak hian kap pawng ul mai chuan ka malah a rawn do run mai , min kuah nghet tawlh tawlhin ka kawr chu phelh a tum a .








Ka dang ta vat “ Insum ang " inthlahrung zet chuan ka ti a ,a insum tum chu a thaw hawk hawk mai. Dik tak chuan keima thiam loh a ni,a tir atang khan dang vat tur hi ka nia,mahse ka ngaihtuahna a nu ve tho . Ram kan pahnih chiahin kan riak dun a ,in ngaizawng lo nih bawk chuan mipa tan chuan insum a har reng ang chu. “ Tihpalh" ka ti halh ringawt . Ala ngawi vung vung bawk nen awm a tinuam lo zo vek .









“ Dik tak chuan hmeichhia ka nia ,i sawi ang khan hote pawha mualpho thei kan ni tih i sawi kha ,ka ring lo che a nilo a ,mahse ka la in peih lo . Hetiang thil ti tur chuan min nawr lui lovang tiraw " ka tileh sap a ,hetiang bul tan tu nimah ila a thleng ang tih ka ring pha lo hrim hrim . “ Ok a tha alawm,muhil tawh ang" bul hmuka a tihchuan ka inthiam lo ngei mai “ U Nunpui thinrim suh " ka tihpawhin a ngawi reng bawk nen ka mittui chu a tla ringawt lehnghal .








Ka insut hraih a ,a awmlohna lamah chuan tawlhpheiin ka mu tawm chal a ,thim karah chuan ka mittui chu hru in ka insut fap fap reng ringawt . Ka lamah rawn tawlh pheiin min rawn kuah leh a * Tap tawh suh le ,insum a har si a ka thinrim lo a nia ,ka tawh hlek che chuan ka insum theihna a zo mai dawn a " tisupin ka tukkhumah a hmui chuan a rawn nawr vang vang a ,alamah inherin ka mittui chu ka nuai nak nak .








“ Ka hmangaih che a ,i tan chuan ui ka neilo . Mahse" tiin ka ngawi ta daih a ,min kalsan in min sawi mualpho palh ta sela ka chan tur chu a chiang reng bawk . Mipa chu an thiante bulah insawi theih nuam ti tak tak an ni tlangpui si a ,ka hmui chu rawn tuai neuh neuhin “ Ka hrethiam e ,i phalna la lo chuan ka tilui tawh lovang che " tiin ka chalah chuan a rawn fawp zauh a ,a awmah min kuah betin mu tur chuan min hrilh zui sup bawk .










Keipawh chu thu awih tak chuan a awma hmai phum chung chuan ka mit ka chhing chial a ,ka thaw ham ham bawk . Ka tahna chuan ka hnar a tiphui vek lehnghal “ Ka thaw theilo " ka tihchuan a rawn nui hawk mai ,ka hmaiah chuan rawn dawmin min kuai dak a “ I tahbelh lutuk a nihkha " tiin thim karah chuan kan in enkar mai . “ Nge min chhan duh lawk loh ni,ka chungah i lawm lo emaw ka ti a lawm " tisepin ka tum hman a.








A thim bawk nen min hmuh theih pawh ka ring chuang lo “ Innei mai ila " ka tihchuan a ngawi vung vung a ” I nu leh pa kan biak phawt angai a lawm ,an rem tikher emaw chu" a tihchuan a aw a an rem tih rin lohna chu a lang thei hial mai . Ni e ka nu leh pa chuan an rem tih ka ring lo, Dr Hminga min sawi pui reng a ,tun thleng a ni pawhin min rawn text loh leh min call a .







Mahse a nazawngin ka chhang ngailo,amah misual lutuk pawh a nilo . Mahse ka duh theih ngang loh bakah u Nunpuia vang hian mipa dang reng reng pawh ka ngaihtuah theih loh phah hial chu a nih hi “ An rem tih loh leh kan inru daih anga nimai " ka tihchuan a nui leh mai a “ Nghak leh deuh ila" tisupin kan ngawi zui ta kar a . A tuk lamah chuan a vahrit thang kam vaua mi chu a va en a ,pahnih a lo awk tih a rawn haw phei chuan ka lo hmu nghal thuai a .








Ka hlim hle ,phur zet chuan thlam kawt atang chuan ka lo hmuak a “ Pakhat hi siam nghal ila,pakhat erawh a hmul pawt sa ila ka u in hawn ve rawh se " a tihchuan a hmul pawhna tur tui chu ka chhuang nghal sawk sawk a . Tui so rual chuan a pahnih chuan tuisa chu leihin a hmul chu kan pawt nghal malh malh mai . An la thau tha em em lehnghal,a pa leh a nu an ni tih a sawi chuan ka bu nghat nghat .






A pa zawk chu a mawi takzet ,belah chuan tui chhuangin buhfai chu ka thlak a . U Nunpuia chuan a nu zawk chu kan ei tur hian a kaw chhung vel chu a puah mawlh mawlh a ,tih ve dan vak ka thiam loh avang chuan ka en tawp ringawt . A ni erawhin hnehsawh zet hian a paih tur ho te chu thliar hrangin a sa chu a rawn dah hrang a . A rawh rim te chu ka hip lut vang vang mai .








Ril a ti tam rawih rawih thei nia ,vahrit sa hmin kan nghah avang chuan chaw kan ei tlai hle ,buhchiar ngei han ei chuan a tui dangdaiin a hang em em lehnghal . Chaw pawh ka ei tam ngei mai ” A van tui,tak nitin ei tur awm mai se aw " tiin a ti chu ka ei a ,arsa ai a hnip daih lehnghal . A sawm zung zung mai,vahrit sa chu a lo nem a nih hi ,hmarcha chu kan thak bawk nen duhtawkin ka hawp tawn tawn a ,u Nunpuia chuan a ti tha tha chu min pe bawk nen ka puar lutuk tlat .








Chaw eikham chuan ngawi hle hle hian ka thu a ,u Jona rawn au lung lung pawh chu ka chhawn peih lo,a rawn thlen chuan ngawi renga kan lo thu chu mak tih hmel zet a min enin “ In inhau em ni?" a rawn ti hu a “ Hau mai mailo,kan puar lutuk a nih hi" tiin ka thaw ham ham a ,nui huk hukin “ Chaw heh si thang thei silo i nihchiah chu " a rawn tileh nghal zat . He mihring tawng thei lutuk hi ka u hian engtin nge a neih theih zawk ni .








Mi hnial dan tur hre ropui si “ Ka u kha vahrit pa rawhsa a ka dah kha ,ka ramvak thei silo va . Kha tal kha lo han hawn rih mai rawh,in nu tan pawh a tha ang. Ka nu leh pa pawhin an eichak tawh viau ka ring" u Nunpuia chuan a lo ti thum ve bul bul a ,a ni erawh meizial zu in lo chu a thlir vauh vauh ringawt . U Jona pawh chu chutia sa hawn tur a nei chu a phur hle lehnghal .







Lo chu thlo tan leh in nileng chuan min tilui leh a ,engtin nge chuti chen chen a tawng theih zawk ni,a ka hi a chawl lo hrim hrim in ka hria “ I nau zawk a ngawi char chara , nang i dak par par a hetiang hi chuan hnathawk lovin tawngthei in tihsiakna comedian search ah te tel la i hlawk zawk ang,i anpui tur dang nal tak tak an tam mai " tihlak hlakin hnim chu ka pawt ve mawlh mawlh a .







A nui leh huk huk tawh mai,Thansanga te thawnthu a Sangkunga nen khan an in ang ngawt ta ve ang,tlaia a haw chuan ka thaw huai mai . “ Khawvel hi nuam hi a ti ngawih ngawih mai a ,engtin nge i u hi nilenga hna i thawhpui theih zawk" a kal liam thlir paha ka tihchuan u Nunpuia chu a rawn nui hak a “ Ngaiah i neih ve mai ang,chubakah a tireh lo alawm" tisupin a insil sawk sawk a.






Thlamah chuan rawn lut zuiin kan chawl hahdam vang vang a ,ka kut pilh lai chu enin a vun thler chu ka pawt thla a ,ala thip phian lehnghal “ Tihian ramhnuai ah hian awm reng mai ila" ka tihchuan a lu a thing nur nur mai,a chang chuan naupang chhia min ti thei ngawtin ka ring.

[mawitei bawihtlung]

THINGTLANGPA







CHAPTER 8





Kan ram riak chu kartawpah kan haw a,fanghma pawh ka ei ve thei hram e . Hma hnip a ni bawk nen tui a pai hnema ,chhawl hal pawh a tiziaawm viau mai . In kan thlenga a nu leh pa chuan min lo chiau au thuai a , phur te chu nghatin an chhuah nghal mawlh mawlh mai . Thlai tlem azawng kan hawn ve a ,chungin hawn tur a la tam lo bawk nen maian leh berul vel bak lawh tur a la awm meuh lo .








Ka u chuan kan ram riahna chanchin chu min zawt ve mawlh mawlh bawk a ,ka inbual duh bawk nen inbual zawh lama ka chhan tur thu ka sawi chuan a nui hak mai,thawhtan lama riah luh kan tum leh bawk nen kan mutbu hawn duh lo in suk fai sa kan dah tawp kha a nia . U Nunpuia pawh tih tur a zawng leh tawh a.,awm mai mai hi a thiam lo ni berin ka hria “ Thenawm te pawh an bawng an thatsak a nih hmel " nu Zualin chaw ei laia rawn tihchuan kan en thap mai .









“ A va pawi ve " u Nunpuia chuan a tisup a “ Tute nge that a ,a neitu phalna lovin an talh sak em ni ?" ka tihchuan ka u chuan min rawn nghawk zauh “ A ni ber ang chu,an dai huanah an lo lut a ni awm a. A huan neitupa in a kap a nih hmel a ,a dam chhuah an ring lo bawk nen an talh ta a nihkha " a tihchuan rapthlak ka ti takzet “ An van nun rawng em em " ka tihchuan an nui hak a. “ Hetah chuan eng ran pawh mahni vulh nilo chu an hmu theilo .







Mi ran hi an hua a ni ber ,chuvang ania keini pawhin vawk bak kan vulh loh. An ni chu an khung tawp theih a,kel ,bawng,lawi ,sial tih vel te chu vulh ngam pawh an ni meuh lo . Hnim pet chi an ni bawk nen an thlai an peh chuan an thinrim nasa bawk a ,vulh chi an nilo . Nu leh pa lam zel hi an phun peih a ,chuvang chuan eng ran mah hi vulh lo ila a tha ber " nu Zuali bawkin a tihchuan an pa chuan a lo khap vat . “ An van sual em em ,ran vulh duh theuh leh mahni vulh duh vulh theuh na na na in enliam sak ve mai awm .








Mi eizawnna an hmu thei lo a nih ber chu,khawpui lamah te chuan ui hi an thlung a . Chuan farm ah an ran vulh an dah tlangpui a ,helamah chuan chutiang siam chu a hautak dawn si a ,chubakah thingtlang ve si ran te chu zalen zawk awm tak " ka tihchuan an nui leh mai a . Mak ka ti tak tak,a khaw mite ka hmuh dan a tihniam rawih maiin ka hria (Ran vulh chungchang hi a tak tak aw ,kan tawn ngeimahse kan ranvulh erawh a dik ka dah lo thung)










“ Thingtlang hi chu rilru te hi amak a,khawpui aia rilru zaulohna hi a lehlamah chuan kan pai tam zawk a . Khawpuia thleng ang in tih ang te hi thingtlangah pawh a thleng chho mek a nia. Mi hausa hi tumahin an ran vulh emaw mi pawi sawi se tumahin an sawi ngam lo,chutih rual erawhin mi rethei ranvulhin pawi a khawih erawh chuan an tih rawn luai luai zel " a tihleh chuan mak ka ti em em ringawt. Mi rethei leh hausa tumah chapo thei kan awm in ka hrelo keichuan.







Pathianin duhtaka a siam te vek kan ni a ,tumah hi chapo thei kan awm lo . Kan sum neih hian vanram min hruai thleng dawn lova ,hausak duhluatna hi sualna chi khat a ni,kan thihsan leh mai mai tur uma dik lo taka sum la lut thin te hi keichuan ka ngaisang lem hauh lo . Thih hnu ah chuan kan chunga roreltu hian mi rethei leh hausa a thliar ve tawh dawn hauh silo ,kan vaiin angkhatin min en a ,hmangaih taka min enkawl tu a ni miau a










Tumah tawng zawm lovin chaw chu kan ei a ,u Nunpuia chuan bawngsa an lei chu a ti tha tha chu min rawn suah leh thin a . Ka zak ngei mai,kan chhungte pawh hian kan inkar hi an hre ru hialin a nia ka rin mi” I ram riak chu kha i vun pawh a uk ve deuh a nihkha " a pa in a rawn tihchuan ka in en thuak thuak mai . Ka danglam vak pawhin ka inhre lo keichuan ,chaw eikham rual chuan inkhawm turin kan insiam thap a .









Ka u te nupa erawh in lamah an lo awm dawn thung, Sunday chawhma bak an inkhawm ngai meuh lova ,an peih lo te pawh a niang . Kei erawh ka dam a in lam ka awm te a nihchuan inkhawm hram hram ka duh thin,u Nunpuia pawh hi inkhawm chu a taima viau in ka hria ,kan pahnih chuan kan kal dun a . Ruah a tlak cherh cherh avang chuan nihliap lian ber chu inzawnin kan kal dun a ,a ban chu ka kuah chial bawk . A kut leh lam chuan nihliap chu a keng thung a .








“ Nupa kan ang e tiraw ,miin min hmuse min sawi duh leh awm mange " tiin ka nui har har a ,Biak in chu kan hnaih zel bawk nen ngawi reng chuan kan kal zui a . Khuang ri dup dup nen kan kawngkal chu kan ringtu hluah hluah hian ka hria a ,ka nui pet pet ringawt. Inkhawm lai chuan ka hnunga mite chu an phun sep sep a ,an nui leh thin bawk nen awm an tinuam lo zo vek . Mi an rel nge an thusawi lah a then then chiah ka hre thei bawk nen awm hmunah ka lo thaw halh halh ringawt.









Ban hla kan sak tak ah chuan ka thaw huai,dik tak chuan kartluanin hna ka thawk ve bawk nen ka mut hi a chhuak reng mai . Biakin atanga kan chhuak chiah chu an in be nak nak a “ Nunpui lo leng la ,ram i riak daih bawk nen i rawn leng khat tawh lutuk " hmeichhe pahnihin an tihchuan a rukin ka lo thinrim tun ringawt . Ka bialpa a nih hma pawhin ka thikthu a chhia a nia .









Ka bialpa a nih hnu phei hi chuan a chhiat zual dan tur chu in hrethiam ve tho ang . Kan bialpa an nih hnu ah hmeichhe dang zui se tumahin thik lo chu kan awm miah lovang “ Nidangah hun a la tam a lawm,ka la rawn leng zawk dawn a nia . Tun chu ka chau riau a ,kan haw phawt ange ,kal ang hmiang?" a rawn tihchuan a rukin ka nui sak ringawt. Nihliap chu in zawn lehin in lam chu kan pan a ,in penga kan pen takah chuan ka tawng nghal zat .







“ Khang ho kha zui vaih la chuan ka lawm lo viau ang,ka bialpa i ni tawh a . Chuvang chuan hmeichhe dang kha chu dere pawhin melh suh,hmeichhia ah hian spy, detective,Ramhuai,angel a awm vek an tihkha hre reng rawh . Chu mai bakah keimah ah phei chuan mafia ,awle , Dinasaur , anaconda a awm kim vek tih hre rawh,chumai bakah nangmah duh ve tu che chu ka kap darh chuai ang" ka tihchuan ka ka a rawn hup vat a








Ka tawng thei tawh reng reng lo “ I tawng fimkhur rawh,fiamthu pawh nise midangin an lo hria nge" tiin a nui hak a . A kut chu a lasawn lehnghal mai bawk ,thim karah chuan ka ner nang mai “ Nge ,ka thikthu a chhe teh mai a nia. Nangmah vang chu nilo se helaiah ka rawn kal ring lo la ,i tan chuan tlangrel pawh phurh ka huam tih hre rawh" tiin kal chu ka siam chhunzawm a . Ka kuta a rawn pawh deuh dat avang chuan dingin alamah chuan ka inher a .








Rawn kal hnaiin min kuah nghal vang vang a ,keipawh chuan a zak hnuaiah chuan ka kut rawlhin ka kuah ve chial ringawt . “ Ka hmangaih che " tisepin a rim chu ka hnim vang vang a ,a rimtui bik riau hian ka hria “ Keipawhin ka hmangaih che " a thu rawn sawi chuan min tihhlim zia a hre pha lovang . Thim karah chuan ka hmui rawn zawngin min fawp a ,ka lo chhang ve vat.









Rei erawh a ni lo,kawng kalin min hmuh kan hlauh avang chuan kan inthlah vat a ,kan kut chu insuih rialin in ah chuan kan lut zui a. Kan chhungte chu an lo mu leh vek tawh,ka roomah chuan a rawn lut ve a ,mitmenga ka khap chuan engah mah a ngaih hmel lem loh. Ka khumah chuan thu in ka inthlak chu min lo en leh vung vung tawh a ,min ti confi lo zo vek zel . Ka inthlak zawh rual deuh thaw in ka nuten min rawn phone a ,chanchin min zawt mawlh mawlh mai.








“ Hmingan kumtawp lama inneih a duh thu a sawi a ,enge i ngaihdan " an rawn tihchuan ka thaw hak ” Nu ,pasal ka la nei duh lo. Chubakah u Hminga hi ka duhzawng lah a ni hek lo " tiin aw dam dap chuan ka chhang lui hram a. Mahse ka lung a awi lo takzet ,ka duh loh thu ka hrilh fo sia “ Â â suh mi hausa tak an ni a ,i nun pawh a nuam dawn a sin,a nghak rei tawh ropui che sia " a rawn tihleh chuan ka thaw ham ham .









“ Keichuan ka sawi fo tawh,ka nei dawn lo . Hausakna hi nupa hlimna a ni vek kher lo,ka dah dawn ka buai deuh a " tiin thudang an rawn sawi leh hma chuan ka dah zui ta vat. Chiang zeta min en reng tu chu ka nuihsak ringawt “ Tunge Hminga chu " a rawn tihchuan a bulah thu thla in a kut chu ka hum vang vang a “ Doctor ania " ka tihchuan a nipawh a thaw ve hawk mai” I nu leh pa chuan nei tur che in an ti amaw? I duh ve reng em ni?" a rawn tihchuan ka lungawi lo lek lek mai .








“ Ka nu leh pa chuan an duh alawm,mahse keichuan ka duh lo,ka sawi fo tawh. Ka duh avang che in helai tlang ka rawn thleng tawh a ,a ni duh ni ila ka nei tawh ang " tisapin a darah ka lu ka nghat a . Khumah chuan min mutthlak puiin kan ngawi dun kar a “ Ka nu leh pa in min duhpui lutuk a,mahse maw keichuan ka hlimna hi sum a lei theih mai mai atan chuan ka ui lutuk,i kiangah hian ka hlim a . Rethei dawn pawh ni ila nangmah nen chuan ka huam vek " ka tihchuan ka chalah a rawn fawp vawng vawng ringawt.








Dar 11 velah a roomah a phei chauh a ,a awm loh takah chuan ka muhil zui ve mai bawk a .




(TUNLAI CHU ZIAH LAM KA PHUR LO A )

[mawitei bawihtlung]

THINGTLANGPA






CHAPTER 9





(A hmasa in ka story ziah lo ti danglam tu hian i sim hram dawn a nia,hei ka edit that nan hun ka hman teuh phah a,a rilru chhiat thlak emai a ngai te a lo awm nawn thluah a,siam that hleih theih loh in,in register zing a mi i ni tih i khawih danglam theih danah ka hre mai a ,admin lam hrilh hma in bansan hram ang che )


Kan inkhawm bang chu u Nunpuia ka chungah a lawm lo bawk nen ka buai zo vek,tlangval pakhat in min rawn sawm miau avangin kal pui loh theih a ni bawk silo . A thik tih chiang takin ka hria,mipa min hnaih deuh hlek an awm chuan a mizia a danglam vek zel ,tawng miah lo mahse a chetzia atang in ka chunga a lungawi loh chuan a hriat theih lutuk tlat . In ka thlen chuan kha hmeichhia kha a lo nui har har a .








Len chhuah an tum a nih hmel,engtik laiin nge an lo inzui hman ni” Enge in tih dawn?" a inthlak mawlh mawlh lai chuan ka va zawt a ,min chhang duh miah lo lehnghal “ Sawnu saw i lenpui dawn tih sawi miah suh " ka tihleh chuan a inthlak zo chu rawn hawi chhuakin a nui suk a ” Tlangval ka nia lawm" a tihchuan ka haw takzet “ Rempuii a nih saw ,sawnu ti lawlh lawlh tawh suh " a tihchuan ka ner nawk ringawt .








Engvanga thinrim viau nge maw a nih,a thinrim anihchuan min runluih kher lo hian a awm thei reng “ A tha a lawm,i duh tawk chuan len pui rawh,i chungah thu ka nei pha hleinem . I bialnu ni tur hian ka tling tak tak lo a ni e ,ka kal ange " ti a chhuah ka tum chu rang zet hian min pawt let dawrh a ” Khawia kal nge i tum" a tih hmuk chuan chhan ka tum lo hrim hrim. Ka luhlulna a chawk chhuak miau lawm ,ka ngawi ran a ,a mi chelhna ata chu tal chhuah tumin ka bei fat fat bawk .









“ Min chhang rawh " a tihleh chuan a mi chelhna chu la kangin ka seh vak a ,mi a thlah rang ngei mai . A kut ka sehna thla lang kulh chu enin a ner sawk sawk a“ Hrep che hian enge i hriat ni ?" ti a min man leh a tum chu tlan chhuakin ka room ah ka inkalh khum hmak a ,kan chhungte an awm lo a kha Rempuii a tihkha chuan a duh duh in min hmu rawh se . “ Lo hawng rawh " a tihchuan chhang duh miah lo in ka thawmhnaw chu ka thlak mawlh mawlh a .







A hmeichhe hruai nu haw rih mai tura a ti vel te chuan min ti thinrim zual . Mi a kawp a nih vaih chuan keiai nasa a hmu leh tawh lovang “ Lalduatpui rawn hawng rawh " tiin kawngka chu a rawn sawi vak vak a ,ka awm ngai reng chuan ka awm lui tlat a “ Ka hua che lerh kawhpa,khanu pawh kha i bialnu bak a nilo vang,i duh leh va len pui rawh. Vawikhat mah ka be tawh dawn lo che ,ka haw anga pasal ka nei anga a tawk " ka tih hmak chuan a reh vung vung mai .








Ka room pian Veranda lam tukverh chu a rawn ri rawk a ,ka tlai hman tlat. Ka lo kalh lo tih ka hriat chuan ka haw ngei mai “ Min khawih miah suh,a tawh pawh min tawk suh ang che Ramnunpui " ti tuarin kawngka lam pan chuan ka tlan a ,a mitmeng saw ka rap lutuk . Kawngka ka hawn hma chuan min pawt let sawkin khumah chuan min nem thu hnawk a“ Kha pa kha i nei ve duh amaw ? A tha a lawm zuk nei mawlh rawh,ka dal reng reng lovang che. Hei hi hre rawh mipa dang hmanga i vau theih ka ni lo ania " a tih tak hrawkah chuan ka mittui a luang ngiai ngiai.










Ka na a ,ka hriat zawng chu keichuan amah thik tir nan ka sawi a,mahse a ni chuan ka lakah rilru a lo pe ve tak tak lo tih hi ka hrechhuak ta chiah a ni . “ Min chhuah san rawh " tham tiaka tiin ka mittui chu ka hru a , a inthiam lo nge min rawn khawih a tum chu ka lo indang vat ” Ka duh em v che avangin ka lo kal thui lutuk a ni,ka tihpalh tun atang chuan ka tibuai leh tawh lovang che. Hlim takin i hmeichhe duh chu i nei dawn a nia,ka laka i inthiam loh avangin keichu min hnaih tawh reng reng suh,chhuak tawh rawh ka mu duh .











Duh tawh loh che ka tum anga ka thei em em bawk ang" tisepin a awmlohna lama in her in khumah chuan ka mu tawm chal a,ka hminga min koh pawh chuan ka chhang duh tawh lo “ Chhuak rawh,min kawp ang tih hi ka ring pha lo . A pawi love " tiin ka ngawi zui rauh rauh a,kan inhauh chhan mawl mang tak leh kan tawp dan erawh chu a va in persan si em. Kawngka rikhepah chuan a chhuak a nih ringin ka tap khur dar dar a .








“ Tinge i at em em le ,nangmah duh tu che aiin i duh i thlang a ,a tina em em si che a ,i mawl takzet . Thinlung mawl tak a nei a nih hi,thinlung mawl lutuk" tiin ka lungzawn chu ka chum dawt dawt a . Ka hnunglam atanga min rawn kuah tu avang chuan ka phu zawk lehnghal,ka u emaw ti a ka inher chu Ramnunpuia bawk a lo ni ” Nang chhuak rawh,min chhuahsan nghal...." ka sawi zo hman lo ka hmuia a rawn fawh avang chuan ka chum nghal dawt dawt a .








Min thlah erawh a tum hauh lo . Ka inthlah dul tial tial takah chuan min chelh bet tawh bik lova “ I ngaihdan mawl lutuk hi kalpui thin suh,bialnu nei ila chuan a hre hmasa ber tur ini tih i inhre chiang viau,tulloah thikthu tih chhiat em em loh tur" a tihchuan ka melh nghek zaklo lutuk mai . A mah a ni reng sia thikthu ti chhia te chu “ Mahni nihna hi midang kan puh daih duh a nia ,zak ve teh " tihlakin ka nam dat dat a .








“ Ka zaktheilo nimai rawh se ka va zahktheilo tak em ,kan zak theilo lehzual lawk ange " tisupin ka hnute chu a rawn tham tawk a ,ka au nghal that “ Hmela i hur lutuk" ka tihchuan a nui kur kur lehnghal ” Zaktheilo te chu khatiang chat chat mai tur kha a lawm" tiin ka sam darh niah chu a hui mam thuak thuak a . “ Min duh tak tak loh chuan beiseina min siamsak suh,kawp nih ka duh lo u Nunpui .







Chuvang chuan min duh ve tak tak te a nih loh chuan tuna kan tawp mai hi a tha ka ti ,ka tan chuan ka mipa duh hmasak ber i nih avangin a tirah chuan ka na maithei . Mahse a rei anga ka theihnghilh ve thei mai ang che " ka tihchuan min en kur a ,“ Ka duh lo che tih ka hrilh che em ni? Tin min theihnghilh turin ka duh hleinem che "tiin ka kut chu a fawp zauh a “ Naktuk kan riah luh hun a nih leh tawh kha ,chuvang chuan in ti thinrim reng lo hian i awm dun zawk teh ang.









Midang lah an leng bo vek bawk nen pahnih chauh kan awm a ,kan la inhauh chuan a dik lo" tiin ka biangah chuan a piai zauh a “ Thil ei ang " tiin ka thawh chhuah pui a,pawnlamah chuan ka kai nghal dawt dawt, in bul dawra spicy leh artui vel chu leiin a ni ka ken tir a ,sprite nen chuan lei telin in lam bawk chu kan pan dun a ,buaipui nghal sawk sawkin gas ah chuan ka chhuanga .








Ka che vel chu ngawi rengin min lo en reng ringawt ,ka zawh rualin a bawl hlo vel nen chuan ka pawlh kual a . Ka zawh rualin a hmaah chuan ka chhawp nghal thak,dawhkanah chuan eidunin a thak ti chu a si hlurh thin a ,ka nuih char char ringawt. Mahse a ei thei phian lehnghal,a hmai sen tun chung pawhin a eizel tho a nihchu,rapthlak zawk hian ” I va han heh em em,naktukah rama kan ei tur kan lei sa teuh dawn a nia " ka tihchuan a bu nghut a ..







“ A tui a nih hi,a thak tih mai loh chu" tisupin artui nen chuan a ka ah a hnawh lut hmiah hmiah a ,chutia tui a ti chu ka lawm tawk ve em em tho. Thil dang ka tihsak thei silo va ,a ei duh k lei thei chu ka lawm lutuk tlat . Kan eizo veka ,thleng chu sil nghal zung zung in chawhnu midang an inkhawm leh vek dawn bawk nen kan pahnih chuan in kan nghak dun a ..







Kartluana hna kan thawh avang chuan hahdam turin min ti kha a nia. Sunday chiah hi hahdamna hun kan neih chhun a ni miau va ,tlai lamah chuan u Nunpuia nen chuan kan inzui chhuak a,a ball beng ka en chak vanga zui ve mai ka nia,an ni khua angah chuan Sunday tlai hi hna thawk lova an awl theih ve hun a nih avang hian ball bennan an hmang a .






Midang pawh an lo awm nual mai,u Nunpuia chu an lo au nghal lauh lauh hlawm a. A ko tlangah chuan thu in u Nunpuia che tla chu ka en reng,a vuak apiang deuh thaw in a tla a ,ka lo au chul reng chu min dem fiam nak nak hlawm lehnghal . An sawi ang tak takin ball ben chu a thiam lutuk tlat ,a thlan tla chuan a sam kir chiat chu a chal velah chuan a beh tir thlar a ,a eng emaw sexy riau lehnghal. Biang dawm meuh chuan ka en reng ringawt .








Ka school naupang ho pawh an rawn kal ve a ,ka bulah thu in min au pui ve char char a ,mi an ngaina thiam bawk a,an bula awm nuam ka ti. Khua a tlai takah chuan u Nunpuia nen chuan kan inzui haw leh a ,kalkawngah pawh chuan betu kan nei leh nak nak mai . An khaw boruak a nuam bawk nen keimah tak pawhin ka hrisel phah viau in ka hria ,in thlen rualin chaw ei siamin kan eizui a ,nu Zuali te pawh hian u Nunpuia nen kan in kar hi an hre tawh hialin ka ring.







Engmah an sawi loh danah pawi an ti em em lo ah ka ngai ve tawp . Zanlam chu mut hma ka duh avangin midang inkhawm tur a an kal rualin ka mu lut a ,u Nunpuia pawh a thiante nen tih tur pawimawh an neih avangin a chhuak daih bawk nen mahni te chuan ka awm tlawk tlawk ringawt . Doctor Hminga min rawn biakna ho bakah private message dang hrim hrim pawh ka en peih thlawt lo,thawnthu play in ka mu ar ar a .







Reilo teah ka muhil zui ve mai bawk a



(CHAPTER 10 VEL ATANG A STORY LAIMU AH KAN LUT CHHO TAN MAITHEI AW )

[mawitei bawihtlung]

THINGTLANG PA






CHAPTER 10






Ka nuten min rawn call avang chuan peih lo zetin ka la a,englai pawha Hminga nena innei mai tur a min tireng hi ka kham tawh takzet . “ Hello" ka tihrualin ka nu ang ri ka hre nghal zat “ Rawn haw ang che ,khalaia i awm reng khan awmzia engmah a neilo,i u pasal nau nen in inkarah enge awm? Lalduatpui kan thu i awih lo a nihchuan a pawi khawp ang " a rawn ti fiah thak a . A aw ah pawh chuan a thinrim zia a hriat theih hial.









“ Hna thawkin ka awm a ,ka duh duh hunah ka rawn haw theilo,hetah hna ka nei a in ti vei taka duh duh huna bansan chi ka nilo " tiin ka phone chu ka dah zui a ,ka zah lo pawh a nilo mahse an fate duhzawng vawikhat pawh an ngaihtuah ve ngailo hi ka huat ber a ni . Tho chhuakin pawnlamah ka va hawi kual a ,kan riak lut leh tawh dawn bawk nen ka phur leh viau tawh . U Nunpuia ka hmu mai lo chu ka hrilh hai viau lehnghal .








Chutah thenawm putar pahnih nen nilum aia an lo inkawm chu ka hmu zui a ,a rualpui ai chuan amah ai a u hlir hi a kawm in ka hria ,an lam pan chuan ka phei a . A thutpui te chuan min lo fiam a ,ka nui har har ringawt ” Hei nula hmeltha lutuk a lo awm a ,Nunpui char bet ve hmiah mai rawh . Nupui neih i hun tawh bawk nen " pakhat zawkin a tihchuan u Nunpuia ngaihdan hriat tumin ka melh zauh a .








Nui suk sukin “ Kan innei thut mai thei a ni" a tihchuan ka lo nuih ve sak mai “ Aizawl nula hmeltha ,ngo leh no bawk si hna ala nei lehnghal . Nupui tha tak a ni ngei ang,hei lo lah chu a thlawh pui thei leh zel che bawk nen innei ve rup mai rawh u,in u te lah chu saw an hlim em em lehnghal" tiin an phul zui hlut a ,an bulah chuan thu in kan inkawm ho nak nak a ,reife hnuah ka u in chaw ei a hun ti a min rawn koh takah chuan kan haw phei ve mai bawk a .










Chaw ei lai chuan u Jona leh pa Chhana chu an in kawm ah a ,midang erawh chaw eilaiin kan tawng ngai vak lem lo . Chaw eikham rualin kan insiam leh a ,dawrah chuan va kal zawkin spicy chu a bawm tawpin ka lei a ,u Nunpuian a ngaina tih ka hriat tawh avangin ram riah paha eiah a rem dawn riau in ka hria “ Ka lawm e " tiin pawisa chu pe in ka ip ah chuan ka khung a ,in lam bawk chu ka pan lehnghal vang vang .







U Nunpuia pawh a lo in peih at tawh a ,min hmuh rual chuan “ Kal nghal ang hmiang,enge i va tih " a tihchuan “ Dawrah ka mamawh ka ve lei lawk a ,kal ila " tiin ka ippui chu ka siam rem sat sat a ,a nipawh chuan kan chawhmeh tur vel chu akin hma min hruai tir a ,kawng tluan chuan ka titi leh barh barh a ,ka kut rawn na zawk ah chuan au thatin ka en a “ Khuai ,u Nunpui khuaiin min zuk ania " tiin ka hnung lamah chuan inherin ka tlan phei a .








A bul ka thlen rualin khuai ka kuta khuai la bet reng chu ka hmuh a ,a rawn hmet hlum nghal thuk mai . Ka kut chu a rawn sen tut a“ Ka vahan ngei tak em?" tisepin ka tuai vut vut mai ,kal chu kan siam zawm leh a,lir keng ho chuan min tlanpel vuah vuah hlawm lehnghal ” I bike te kha keng ve la chuan nuamsa lutukin kan thleng mai tur " tinang nangin ka thlan tla chu ka hru a “ Nuamsa taka kawng leh zel i kalin i hnathawh tlem nen eng i ang nang .








I thau kung kung anga chu zawng chu " a tihchuan ka melh nghek a ,a ngalah chuan ka chhir nghal tawk bawk “ Tawng thei lutuk,ka thau theih te chuan lawm hle ta che " tiin lo ka kalsan a ,min rawn zui veleh mai bawk . Lo kan thlen chuan ka thaw huai mai ,thlamah chuan in nghat felin kan chawl vang vang phawt a ,u Jona a rawn feh dawn lo bawk nen kan pahnih bak kan ni dawn lo niin a lang.








“ U Nunpui innei tak tak mai ila?" ka tihchuan min rawn en nghal vut mai ,dik tak chuan ka nu leh pa hi rawn kala min hruai luih an tum ka hlau takzet ,mahni thu duh zet an ni bawk nen an thu hnial theihloh chin a awm ngei dawn a ,chung chu thleng lo hram se ka duh bawk . ” I duh em ni? Mahsela i chhungte rem tihna lo chuan i tan a hrehawm dawn tih i hria a ni lawm ni? " a tihchuan ka ngawi kar ringawt .









“ I chhungten keimah avanga an tuithlar che ka duh lo" a rawn tihchuan ka en kar ,ka nu ten thu hrilh an nei tihna nge ni ang . Engvanga chutiang thu rawn sawi mai nge a nih ” Ka nu ten an rawn bia che em ni?" ka tihchuan a lu a thing ringawt a ,ka ringhlel zual sauh “ Min hrilh rawh,an rawn bia che em" ka tihleh chuan min en vang vangin “ I ti dik e ,a hma daih tawh khan min rawn bia a lawm,nimina ka thinrim chhan kha i hre duh em ? I nu khan a makpa atana min pawm ngai loh tur thu leh an thu lo a i kal lui a nihchuan.







An fa atana an pawm tawh dawn loh che thu chenin min hrilh a" tiin za lo zet hian a then suk a . A nihchuan pasal ka nei dawn ka tiha pawi ti miahlo anga a awm te kha ka nute thusawi avang leh min chan a hlauh van zawk maw lo ni reng a ,a bulah chuan thu hnaiin a kut chu ka chelh a ” Pawi ka tilo,nang ka neih che chuan engmah a pawi lo " ka tihchuan min kuah nghal hlun mai ” Hun te liam sela an la rem ti ve mahna ,chu chu beiseina nen nghak phawt mai ang " tiin a ngawi zui a .








Keipawh chuan ka chhang bik lo,hna chu kan thawk tana tun kara zawh kan tum bawk nen kan tang ve viau mai . Nileng chuan kan in be mumal lo va ,kan ngaihtuahna kan kawm ve ve tih a hriat ,keichuan thu tlukna ka siam tawh a ,ka mipa hmangaih hi awlsam taka thlah mai ka tum lo .









Ka nu te lah chuan a khat tawkin message nen lam min rawn hau reng a,ka ni hman an ti nuam lo takzet. Engvanga thingtlang mi makpa neih pawh hi duh lo em em reng nge an nih pawh ka hre nek lo “ Dr Hminga nen in inneihna kan tifel khawp ang,kan rualin haw ang che " tih ka hmuh phei chuan ka rilru hah lutuk chu ka awmna hmunah chuan ka thu hnawk ringawt ,an rawn kal tih lah chiang reng “ U Nunpui engtin nge kan tih dawn ?









Ka nu te min rawn hruai turin an rawn kal a nia , Dr Hminga nen kan inneihna an buaipui tur thu an sawi a sin" tiin ka tap chhuak a ,ka bulah chuan a rawn thu nghal thuai ” Min en teh,engkim a tha leh vek mai ang,i nu leh pa hnenah chuan engkim kan hrilh dawn a nia,tap lo la vawiin pawh kan haw mai a ngaih hmel " a tihchuan ka bu nghauh nghauh ringawt. Dik tak chuan ka hlauthawng,ka nu leh pa hian an pawm ngai dawn lo tih hi ka hrechiang lutuk tlat .









“ A nih hrethiam lo ta se " ti tiauin ka en a,ka mittui chu a la tla zung zung,rilru hah hmel taka min enin min kuah hlun a ” Haw ang le ,an rawn thleng tep tawh ang" a tihchuan ka lu ka thing nawk nawk “ Aih ka duh lo ,min hruai haw ngei ngei dawn ka haw duhlo" tiin ka lu ka thing nawk nawk a ,ka biang tawn tawnah rawn vuanin “ Min en teh,kan bei dawn alawm,an hruai haw che a nih pawhin ka lo hruai ang che . Ka tiam a che min ring rawh,kan pahnih hian kan beih dun chuan kan hneh em em ang .







Chuvang chuan tap lo khan huaisen takin hmachhawn zawk rawh aw " tiin ka hmuiah a rawn fawp vang vang a ,muangchanga min thawhpuiin thlam lam chu min panpui a,ka ngawi reng ringawt,in kan thlen lai te chuan engmah ka sawi mumal thei hauh lo . Ka u te pawhin ka nu leh pa rawn kal thu chu an hre vek tawh a ni tih a hriat,zan dar 6 a rik meuh chuan kawtah car ding thawm rawn awmin reiloteah ka nu leh pa ngei chu an rawn lang a .







Nu Zuali te chuan tha takin an lo lawm nangin ka nu leh pa chuan a mawi hnaiah bak an chhang hauh lo ” Hei Duati hi rawn hruai kan tum a ,thla leh mai khian pasal nei se tiin kan rel a ,heta a hna pawh a chawlhsan rih mai a ngaih hmel " an tihchuan ka inhum ruh ngawt ngawt . “ Ka haw dawn lo ,pasal neih pawh ka duh heklo,ka mipa hmangaih chiah ka nei ang" ka tihchuan ka u chuan min lo chelh vat a .








A mitmeng chuan ngawi rih turin min ti bawk mahse ka ngawi mai mai theilo ,ka pa mitmeng dur khup lah chu ka hmuh hmaih hek lo ” I nei dawn kan tihchuan i nei dawn animai,insiam la naktuk zingah kan chhuak nghal ang . Zanin chu min mi khual mai a ngaih hmel " a tihchuan pa Chhana chuan a lo chhawn thuai a ,u Nunpuia chu a rawn inrawlh ve vat ” In fanu tana ka tlin lohna hi min hrilh teh u .






A ni nen hian kan induh tawn a ,a duh lo chung pasal neih tir in tum hi a tha lo hul hual a ni " a rawn tihchuan ka pa thinrim insum hmel chu pui tak a ni” Nangni nena in tih thinrim hi ka duh miah lo ania Chhana ,in fapa hi lo hrilh tha ang cheu,Lalduatpui min rawn zui rawh . Heta riah pawh a ngai lo,i pa Biaka te inah kan riak ang ,i thawmhnaw va siam rawh " a rawn tihchuan chet mai ka tum lo








A kut a rawn khai zuau chuan midang chu an lo au that mai ” Pu Fel in timah mah lo maw? Fate duh lo chung tih luih hi a tha lo a nia ,mihring ve tho an nih hi,zaidam tak khan in be zawk teh u" nu Zualin a rawn tihchuan ka pa erawhin hria ang pawhin a awm lo “ A pa ka ni a ,ka thu chu a awih mai tur a ni,i insiam dawn nge kan tuithlar dawn che " a rawn tih tak fakah chuan ka u te pawh chu an rawn inrawlh thuai a .








“ Nau haw mai rawh,tha deuhin in la sawi fel zawk dawn a nia " a rawn tihchuan ka la che chang mai lo . A mah zawk chu ka roomah lut in ka thawmhnaw chu a va khawm mawlh mawlh a ,pawnlamah rawn keng chhuakin ka pa chuan a lo la nghal vat” Ka rawn haw dawn chuang lo,eng ang nu leh pa nge in nih? In fate hlimna ngaihtuah miah lo a nangmah ni duhzawng chauh kalpui hi nu leh pa ni tlak in nilo" ka tihleh rual chuan ka biang a ri sawk a .








U Nunpuia chuan ka tlu tur chu min lo dawm vat “ Tumah lo inrawlh suh u,buaina tawh in duh loh chuan Zodinpui i fanu hi rawn hruai chhuak rawh " tiin ka thawmhnaw dahna nen chuan pawnlam a pan zui a ,engmah ka sawi tawh bik lo . Engvanga hetiang em em a sual nge an nih le ,ka nu chuan min kai chhuak a ,pa Biaka te in lam chu min panpui a ,ka mittui chu ka hru mawlh mawlh ringawt.








Hnial viau dawn ila min hringtu leh min chawm seiliantu an ni a ,ka tan a mawi silo . Zan pawh ka mu theilo a ,u Nunpuia nen chuan kan in text reng a ,min hnem ve mawlh mawlh ringawt,tih theih vak a nei bik silo . Lo inrawlh reng ta se ka pa khan jail ah a khung duh hial ang,ka tap reng a pasal neih chu ka tum lo hul hual, Dr Hminga pawh chiang takin ka hrilh bawk ang,a tuk zingah chuan Aizawl panin kan chhuak a







Kawng tluan chuan ka tawng lova ,an mi hauhna ka ngaithla a ni ber ,ka engah mah a luh theih loh avangin eng hu ah ka ngai lem lo . Reilote chhung ka awmna khua chu kan chhuahsan tak chu ngaihtuahin ka mit ka chhing reng ringawt ,engtiang pawhin min nawr sela pasal chu ka nei chuang lo ang . ” Zak theilo lutuk,vawitam thu kan hrilh che a ,helaia thawh i duh nachhawn pawh hi kha pa vang kha a nilo ang








Thingtlang mi thing leh rethei lutuk,mawl mang si ho karah i awm tam ta mah mah a nih hi nu leh pa pawh min zah loh ni" an tihchuan ka sa ve phat mai ” Thingtlang mimawl in tihkha nang ni ai nun hrechiang leh nun hlutna hrechiang tute vek an nihkha ,in tluk reng reng lo " ti tuarin car darthlalang chu ka chum dawt a ,tun ai baka ka thinrim hi ka la hre lo,ka puak keh mai dawn huan ka hria .

[mawitei bawihtlung]

THINGTLANG PA






CHAPTER 11






Aizawl kan thlenga kan in te chu thlakhlelhna pakhat mah neilo hian ka melh ngawt ngawt . A chhung kan luh thleng chuan engmah ka sawilo,ka room lam chu ka pan nghal pawk pawk a ” Kha mi nep pa kha theihnghilh nghal ang che , Dr Hminga palai te an rawn kal dawn a thlalehah in innei nghal bawk ang " a tihchuan ka chhang lo ,ka nei dawn lo tih hi ka hre chiang. Ka neih ai chuan mahni in thah pawh ka duh zawk .









Ka roomah chuan in tifaiin ka mu dar dar a ,chaw ei chakna pawh ka neilo . U Nunpuia ka phone lahin a la thei bawk silo,enge a tih ang a buai viau a ni ngei ang ; chaw ei tura awmpui in min rawn kohna te chu chhang lo in ka room ah chuan ka in khung ngawt ngawt a, Dr Hminga thleng chuan ka haw hlur tawh mai . Vawitam ka duh loh thu ka hrilh chunga hetiang ala ti ngam te hi ka haw zual .







Zanah chuan rin ang ngeiin a nu leh pa nen an rawn leng a ,ka pan min tihluih miau avangin pawnlamah ka thu chhuak ve a ,lawm pawh ka tum lem lo ” Kan monu tur chu a rawn haw thei maw ,hei keini chhung chu kan hlim khawp ania mo hmeltha kan nei thei dawn a " tiin apa zawk chu a nui vur vur a ,ngawi rengin ka thu ngar ringawt “ A rawn haw ala chau deuh a nih hi ,hrethiam rawh u .







Zanin chu nu leh pa lam hi inkawm ila an ni pahnih pawh in pawh leh zual nan lo inkawm ve rawh se " tiin an nui dar dar a “ I dam maw Duati " ti a ka bula a rawn thut chuan en pawh en duh lo in ka dam thu chua in ka chhang a ,kan chhungte kalsawn chu melhin hun remchanga la chuan Dr Hminga lam chu ka hawi nghal zat “ Mi puitling tur leh thil hrethiam tak turah ka lo ngai che a .








Mahse i lo mak hle mai,vawitam ka duh loh thu che ka hrilh tawh che a ,in a ve hrim hrim nge . Hre rawh keichuan he inneihna hi kalpui ka tum hauh lo a nia " chang fak chuan ka ti a . A ni erawh a nui suk ringawt ” Ka rilru tur hi hrethiam la min hnar reng bik lovang mawle ,keichuan innei thei ngei ila tih hi ka duhthusam a ni " a tihchuan ka ner nawk ringawt “ Doctor chin chu i puitlin a ,i hawizau viau ka lo ringa ,mahse ka hriat sual a nih hmel .






A nih phawt an sawi ang khan ka chau riau va ka mu mai ange ,chuan ka sawi kha hre reng rawh . He inneihna hi keichuan ka kal pui dawn lo ,keimahin ka nunah hian thutlukna ka siam thei tihkha hre reng la ,ka nuna thunei tur hian Pathian chauh lo chu ka nu leh pa tak ngial pawhin ka duhlo chunga min nawr luih theihna dan an neilo" tihmakin ka roomah chuan lutin ka inkalh khum zui a .








Reiloteah ka nu ten ka awmna an zawt thawm chu ka hre reng ,chhuanlam an siam thiam leh viau ang chu. Khumah chuan mu in ka message seen theilo u Nunpuia chu ka nghak reng ringawt “ Ka ngaihzia che hi hria la chuan min biak vat i tum awm si a ,mi i ngaihtuah ve miah lo em ni?" tisepin a tak hmuh tur awm silo chu ka bia a ,a seen theihloh avang chuan ka mu ta tawp bawk .








Ka nu leh pa tihdanah lawm lo in min be duh lo em ni le . Nge ni a ka awm lo chu nuam a lo ti lutuk zawk ,nitin chuan ka awm ngai in ka awm ve bek bek a. U Nunpuian min rawn biak a tum ngai loh avang chuan biak ka tum bik lo,min be duh lo a nih ka rinna chuan keimah min tina in min ti tlawm vawng vawng ni ber in ka hria ,keichuan kan pahnih tan theihtawpin ka bei a ni si a .







Ka nu leh pa lah chuan pasal nei turin min nawr reng bawk a ,min vau thul . Kei erawh in engmah ka sawi duh lova ,chutia ka awm tlat avang chuan tihngaihna an hre bik vak lo tih ka hre thei . Mahsela inneihna chu kal tlang pui an tum tho tih ka hre thei ,ka mittui chu hru in ka tap ka tap a,awmzia lah chu a nei der silo . Ramnunpuia ka au a ,ni a kal leh anga karkhat chiahin ka pasal neihna tur a dang tawh si ,ka ute rual hian a rawn kal ve angem .








Ka chhungte ho lah chu inneihna tur puahchahin an buai mup mup reng a ,inthah mai te ka duh ut ut tawh . Zankhat chu zanlaiah ka phone a rawn ri a ,u Nunpuia hming ka hmuh rual chuan ka mumang emaw ka ti rum rum mai . Rang zet chuan ka la a “ U Nunpui" tap tiau chuan ka ti a ,rawn thaw hawkin ” Pawnah i thawmhnaw nen rawn chhuak rawh " a tihchuan a thusawi awmzia ka hria ,ka tan hetah a lo kal a maw .









Rang zet chuan tho chhuakin ka thawmhnaw hak duh zual chu ka suitcase ah chuan khung mawlh mawlhin thawm dim zet chuan kan in atang chuan ka chhuak a ,pawnah chuan chhuakin ka hawi kual a ,kan in piah deuh a a car nghenga a lo ding chu ka kuah nghal chawt ” Tinge min lo biak duh ngai loh,ka ngai lutuk che a sin" tiin a rim chu ka hip vang vang a ,a engkim hi ka ngai vek .









“ Ka in ngaihtuah nasa a ,ka be chak che a sin . Mahse rawn be reng che ila i chhungten an hriat chhuah hun a awm dawn a ,chu chu ka duh lo " tisupin ka thawmhnaw chu car ah chuan a khung a ,hlimna in ka khat a ni ber. Ka chhungte lam ka ngaihtuah duh lova ,an fanu duh lo chung tirh luih an tum hrim hrim avang pawh hian ka thinrim a ,kan in lam chu hawi leh vang vangin car min hawnsak ah chuan ka thu lut nghal zat .










“ Tihian engtin nge kan awm dawn?" ka tihchuan nui sukin ” Kan inru tihna a nih hi,chuan hun eng emaw ti chhung chu hmun pakhatah kan awm dun ang,tuma awm lohna ah" a tihchuan hnialna ka neilo. Mi tamna ah awm lo ila a fuh ber ,amah nen a nihphawt chuan khawi hmun pawh a nuam a nimai . Aizawl kan chhuahsan takah chuan ka thaw huai mai,monu ber ka awm dawn silo va,inneihna an thulh a ngai ngei ang le.








In thiamlohna ka nei lo va,ka duhloh thu ka sawi hnuah pawh an kalpui lui a,inthiam lohna tur pakhat mah ka neilo. U Nunpuia chuan khawiah nge min hruai dawn ka hrelo va ,min kalpuina tur chu zawh pawh ka tum buai lo ,an khawlam kawng chu min pan pui a ,nge ni a khuaah bawk min hruai a tum zawk ni . Khua a rawn var tan a ,ka mut chhuak chu ka ham bai bai mai ” Muhil rawh ,darkar hnih vel thlen nan kan la ngai a nia " a tihchuan ka hnial lo hle .











Mitchhing zuiin ka puan sin chu ka siam tha sat sat a ,ka muhil zui ve mai bawk . Thawm ri deuhah chuan meng chhuak siar siarin ka hawi chhuak a “ Khawilai nge kan thlen tawh " ka tihchuan khua kan thlen tep thu a sawi chuan ka ang pam mai ” Khuaah bawk em ni kan awm dawn?" tihchu ka zawt lehnghal . Ka zawh chhan pawh ka nu ten min rawn hmuh leh vat dawn vang a ni .








“ Nilo e ,khaw thlen hma daihah kan peng dawn ania,tumahin kan awmna an hre lovang ,car erawh hi chu kan thuk ru anga " a tihchuan ka thaw ta huai a ,a sawi ang tak takin khaw pen thlak hma chuan kawng chhak kawngah chuan min tlanpuiin ngaw chhah zet hi kan lut a ,kawng peng lo awm chu a zim ta hle mai . Car chu kawngsir hmun biru laiah chuan dahin min chhuahpui a ..







Ka thawmhnaw leh a mahin a ken lawk a thawmhnaw chu phawrhin mihring kalna tur tawk kawng awmah chuan min kalpui a ,ka zui ve zel tawp ringawt . Kawng chu lo lian leh deuhin in lian lutuk lo thing hmanga sak hi a lo awm a ,a bul velah chuan phul a awm dap mai bawk a. Nui var varin u Nunpuia chu ka en a “ A mawi lutuk, sap ho chenna ang mai a ni " tiin in lam chu ka pan a ,kan thawmhnaw nen chuan a rawn kal ve zel bawk .








Chahbi chu phawrhin a hawng a ” Ka thianpa te huan a nia,tumahin an tlawhpawh meuh lo an ni tih loh chuan,chuvang ania ka thlan " a tihchuan rem hria ka tihle . Inchhungte chu a fel fai dap a , in pangngai nen a in ang reng mai ,inbual i duh chuan pawnlamah sawn kal la ,in piah deuhah kawrte a awm kha " a tihchuan rang zetin ka thawmhnaw bawm chu hawngin towel leh ka inthlakna tur keng chuan ka chhuak zui a .








Engkim a lo buatsaih lawk nge sahbawn vel pawh a lo awm thlap nia . Mak ka ti chu ka meng kawk kawk ringawt ,ka inbual zung zung a thing kar atanga nizung rawn lut chu ai vang vangin inchhung lamah chuan ka lut zui chauh a ,u Nunpuia rawng lo bawl mawlh mawlh chu ka pan nghal thuai a “ Khawi ka lo ti ang " tiin a chawhmeh chanlai chu laksakin ka chan zui mawlh mawlh a








Ka che chu hmuhnawm tih hmel zet hian min en vung vung a ,min tilai lek lek . Rawng ka bawl zawh rual chuan chaw chu eizui thuaiin chaw eikham lamah chlmlmkuan tih tur a awm lo bawk nen a mal chungah mu in phone ka en mai mai a ka sim chu ka phawi hmak bawk . Chutilo zawng min zawng ngei dawn a ,ka number atanga min chhui chhuah theihna tur thil reng reng kawl ka duh hek lo .







Ka sim chu u Nunpuia pe in a sim thar min pek chu ka phone ah chuan ka vuah a ,engkim kan lei sa chu a tangkai riau mai . “ Ka hmangaih che " tisepin ka kuah vawng vawng a ,a rimte hi ka ngai vek. Thla khat vel kan kan in hmu tawh lo bawk nen ka tan chuan rei tak ang mai a ni ,ka hmuiah rawn fawpin chhuata kan puan phahah chuan min bawh tlu riai riai a .








A hnungah chuan tham in ka fawp let ve zel bawk . Ka thawmhnaw chu phelhin ka chungah a innem khalh a ,a mitmeng de sar sar chuan min en reng bawk . A hmui chu a sen mawm hlap a ,a sexy ngawih ngawih hian ka hria ,a meng zim deuh san a ,a che vel leh a hmel awmdan chu a itawm vel vek,hetiang khawpa mipa min hip tu hi ka la hmu lo .







A tshirt chu phelh sakin a awm leh a dul phiar fat chu ka chulsak a ,insum reng ka ngaihtuah theilo . Muang fan raih leh ril zet si chuan min fawpin ka bra chhanah chuan ka hnute chu a tham salh a,ka taksa sa pup pup mai chu ka hre thei . A hnung velah chuan chulin a biang leh nghawng vel chu ka fawp kual dan dan a ,a ban tha chak zet chuan min kuah ve bawk .








He hun hi a thleng ang tih ring ve fo mah ila a taka a han thlen meuh chuan ka zam a ,ka phur ru riau mai bawk . A kut chuan ka kap lamah zut thla zelin a hup nghal thak a , thaw ham ham in meng phelh phang chuan ka en bawk .




NUNPUIA POV....






A mitmeng sexy lutuk nen chuan ka chakna a sâng sauh mai,a hmai tai hlar leh a hmui hnawm chap te chuan min ti zau thau zual . A hmuiah chuan fawp ngawr ngawrin a taksa chhungah chuan ka kut khat chu rawlh lutin ka tiche a ,a taksa chu rawn kam iak iakin ka ban chu a hmer tawn tawn bawk . A nuam ti hmel tha lutuk en chung chuan ka kut chu ka chet ran tir sauh a .








A rawn au that that chu ngaithla in ka kiai nghal suk ” Min hmangaih em?" ka tihchuan thaw kawk kawkin a bu nghat a ,mahse chumai chu ka duh tawk hauh lo . Ka kut chu tirang sauhin ” I sawi ngei ka hre duh,min hmangaih em Duati?" tiin a mitah tak chuan ka melh a ,a nuam ti mitmeng phelh phang leh tichuar deuh chuan min en a ,a ang deuh pam bawk ” Ka..ka..hmangaih che " ka kut chu rawn vuanin a taksa chu a rawn kan leh ak ak a








“ Ka mamawh che " a rawn tihchuan ka nuih sak ,keipawh hian ka mamawh reng a ni . Ka kekawr chu phelh turin ka mitmei a ,a kut khur dar dar nen chuan ka kawnghren chu a rawn khawih a ,ala phelh thei mai lo lehnghal ” Keimahin" tisupin ka in phelh sawk sawk a ,a bawp chu siam remin ka fawp leh te te phawt a . A hnute hmur tang mar at ah chuan fawpin a rawn rum dar dar chu ngaithla in a hnuailam a hnawm tak chhapah chuan ka insiam rem zui a .









Ka chet dan chu ngawi reng hian min lo en ve bawk,ka vawikhatna tur a ni bawk nen mipa zawk nimah ila ka zam ve tho mai,muangchang chuan a taksa chu ka zawm a . A hmui petin a mittui chu a luang ngiai ngiai bawk,keipawh chuan na ka ti tho mai ,a mittui chu hruk sakin muangchang chuan ka nawr lut zel a ,a luh full takah chuan chawl vang vangin a hmuiah bawk chuan ka fawh sak leh a ,a taksa ruak kang chu ka en kual dan dan bawk .









Hetiang khawpa ka hmeichhe duh hi ka la hre ngai lo,a engkim hi ka ta nise ka duh a ni . A hmel a ziaawm tih ka hmuh rual chuan chet la in ka kawng chu ka ti che a ,rum hak hak hian ka hnung leh mal velah chuan a rawn kuai ve tawk tawk bawk ” U Nunpui " tiin mittui kar atang chuan min rawn en a ,a mittui tla mahse lungngaihna vang a nilo tih ka hria ,ka duh zual sawt bawk . Thlamuang tak leh ngaihngam taka ka bula a awm theih hi ka duhthusam ber a ni .









Che rang sauhin ka pawm kang a,hnuai lam chu enin min rawn melh leh a . Nuih sukin ka kuah nghet sauh sauh a ,ka zo dawn tih ka hriat rual chuan amah chu bawhin ka thaw hawk a ,a nipawh chu a khur dat dat bawk . Ka chi chu a chhungah ka tilut a ,ka fa a pai hi ka duh ber a ni,a sam a dar leh awm vela bet thlar chu hui kian sakin a muhil zui hmel chu ka thlir vang vang mai .








A ni ang khawpui nula hmeltha leh lehkhathiam si hian ka nunah enge a hmuh a ,heti taka min hmangaih theih zawk,ka ball ben lai khan duhtu tam tak ka nei a,a ni ai a hmeltha te pawhin ka larna avang khan min hnimhnaih an tum hle thin . Mahse mihring hian hmel duh zawng hi kan nei theuh va ,Duati anga min hip tu hi ka la hmu ngai lo . Amah a duhawm a ,engkim a hma a tla chu tih a tum ngei ngei bawk .








Hmeichhe chak tak ani,a nu leh pa in khatiang khawpa an tawngkhum chung pawh khan ka lam ala tang fan chu a nisia,pasal a nei dawn tih ka hriat khan ka thinrim hle a nihkha ,min duh ve tak tak lo emaw ka ti hman hial a ,a message ka hmuh te khan ka chhang duh ngai lova,a nu leh a in min vau ve reng bawk nen amahin a tawrh ai chuan biak loh ah ka tlak ta kha a nia ,a kut chu humin a sirah chuan ka muthla a ,a muhil thaw sak sak chu ka en vang vang .







Ka tan kan khua ah hial a rawn kal a ,awlsam taka kaltir ka duh bik lo . A nu leh pa in rem tilo mahse ka kianga a awm duh chuan ka awm tir reng ang,mahse engchiah nge kan tawh dawn ka hriat loh avang erawh chuan ka buai viau thung,kan u te an inneih khan pawm lutuk lo mahse an rem ti hram kha a nia,an fanu naupang zawk erawh hi chu an ngawi mai mai tawhin ka ring lo ,kuah tha in ka muhil zui ve a .








Zanlam ka tlaivar bawk nen ka chau viau mai ,thawm ri sat sat avang chuan harhin ka nupui rawng bawla che malh malh leh ka tshirt ha a vak kual chu ngawi reng chuan ka thlir a,zai rat rat hian a bawl melh melh a . Hmuhnawm tizet chuan ka thlir reng,ka kawr a hak chuan a mal te thleng dawn a khuh thla a ,a inhmeh tih piah lam a ni . Amah a ngo bawk nen engpawh hi a mawi pui zel zawng a nih hi.







Nui suk in a che kual chu ka en reng a ,thuawih tak a min zui ve mai khan ka laka rinna a nghah zia a tilang chiang viau bawk . A nu leh pa in rawn zawn an tum ngei dawn a ,chumi ka hriat avanga helaia hruai hi ka ni bawk ,engkim ka buaipui lawk vek a . Chumi hnua hruai chauh ka ni bawk a ,hlim taka a che kual chu thlirin ka mu reng a,ka lam a rawn hawi ruala ka lo en reng tih a hmuh chuan a lei chhuah tetin a chawhmeh siamna lam chu rang zet hian a hawi a .








A zak tih ka hriat avang chuan nuih duh bik lo vin ka tho chhuak a ,ka kekawr bul chu ka inthawlh nghal mawlh mawlh ” A nuam iti em? I hlau lo tiraw " ka tihchuan a bu nghat nghat a ,kan awmna lai hi ngaw chhah tha tak hnuai a ni a ,zanah phei chuan a vawt lam mah a ni . Current an pawt sa vek a ,mi hmuh theih mai mai tur erawh a ni hauh lo . Khua a thim tan tih hriat takin pawnlamah chuan thereng leh ulawng vel chu an hram chiah chiah a .







A hahdam thlak viau bawk,a kawngah chuan kuahin a darah lu ka nghat a ,a thil chawh lai chu chawlin a ngawi kar mai ” Ka nupui" tisupin a biang chu ka nul a ,a rawn nui ve hak ” Lo awm tha teh hei a hmin tep chaw kan ei nghal dawn a nia " a tihchuan ka thlah veleh mai a ,ka phone a ka chhungte message tam zet chu enin ka chhang lem lo . Kan awmna hi tumah hrilh lah ka tum rih hek lo,engkim a fel hma chu hrelo se a tha zawk .









Chaw eikham rual chuan movie en a duh miau avangin phone ah chuan play in mu chung chuan a en a ,kei erawhin amah ngawt chu ka en thung. Hmeichhe dang aia a danglam falna sawi tur ka hrelo va ,mahse keimah ah chuan a dang lam tho si chu a nih hi,a ham bai bai takah chuan a phone chu dahsakin ka mut rem tira . A kut te takte chuan min kuah ve taiin a mithmul pir sang mai chhing chuan a muhil zui thuaia .




(DAM CHUAN NAKTUK ZANAH EMAW CHAPTER THAR AWM ANG AW )