THINGTLANGPA BY MAWITEI BAWITLUNG (Completed)

[mawitei bawihtlung]

Prologue

Ka u nen chuan kan inkuah a ,nau a pai ve tawh a a hlim viau a nih hmel “ I lo thawk thei tur chu a lawmawm e,helam chu a boruak te a nuam a nia " a tihchuan ka nuih ringawt,kei erawhin inchhung atanga rawn chhuak mek mipa ngawt chu ka lo melh thung a . A sam chu a kir deuh chiat a ,a chalah chuan a uai thla deuh bawk a ,a ban puam lian leh nalh zet chu ka en vawng vawng ” Hey Ramnunpuia hi i duh tih sawi hauh suh " ka u in a rawn tih takah chuan ka harh chhuak nghal zawk .

Ka u manhlanna ah a rawn tel atang khan ka duh tawh a ,a ni erawhin min ngaihsak angin a awm ngai lo hrim hrim a ,tunah chuan an khua ah zirtirtu hna ka thawk thei dawn a ka lawm ngei mai . A che vel reng reng chuan ka mit a la a ni ber ,a ngawi chawi hle a ,infiamna lam a thei viau bawk . Ka hmuh tirh atangin ka hmangaih nghal ni berin ka hria .

------
“ I u mah tihnak alaiin nang leh zel pawh maw ? Thingtlang mi rethei leh nun mawl lutuk bula awm chu enge a nawmna awm,in hmahun te ngaihtuah ve ta che u" ka pa chuan a ti ram hmuk a ,kei erawh ka ngawi reng thung . An mahni vangin ka mipa hmangaih pawh ka be thei tawh der silo ” Then nghal ang che ,an khuaa kan lo kal tir che kha kan thil tih sual lian ber a ni " a rawn tihleh chuan ka thaw hak ” Ka duh lo" ka tihrualin ka biang chu a risawk a .

Ka nu chuan a lo dang nghal vat “ Bawihi,i pa thusawi chu awih mai rawh. Hetiang reng chuan engtin nge keini hi kan awm ve ang,mi hausa fa te nei zawk ula tha tur ,nangpawh doctor Hmingan a duh reng che a ,engvanga thingtlang mi rethei lutuk hi thlang tlat nge maw in nih le ?" a rawn ti ve bawk . Ka chhang lo,ka mittui erawh a luang zung zung thung,hmangaihna awmzia hi an hre thlawt lo em ni . Ka hmangaihna hian hausak leh retheih a thliar ve hleinem.

“ U Nunpui " tiin ka en reng ,a nupui neihna tur an buaipui mup mup chu ka thlir a ,a ni erawh ngawi rengin kil khatah a thu run reng a . Ka nu leh pa avanga hetiang dinhmun thleng kan ni tih ka hailo ,mi awm loh lai changin ka pan hnai hret hret a ,min hmuh rual chuan a mengkawk “ Midang nei suh " tham chhal chuan ka ti chhuak a ,ka lute chu a hai muai muai bawk “ Duati" a aw te chu a khawk rum rum ang mai hian ka hria a ,a hla vuai vuai bawk . Ka lu atanga thisen luang a hmuh rual chuan min pawm bet a , nui sang chuan ka mit ka chhing nghal riai riai a .




THINGTLANG PA





CHAPTER 1


BY MAWITEI BAWITLUNG




MONDAY, WEDNESDAYS LEH FRIDAY ZANAH AH A AWM THIN ANG.




Ka u nen chuan kan inkuah a ,nau a pai ve tawh a a hlim viau a nih hmel “ I lo thawk thei tur chu a lawmawm e,helam chu a boruak te a nuam a nia " a tihchuan ka nuih ringawt,kei erawhin inchhung atanga rawn chhuak mek mipa ngawt chu ka lo melh thung a . A sam chu a kir deuh chiat a ,a chalah chuan a uai thla deuh bawk a ,a ban puam lian leh nalh zet chu ka en vawng vawng ” Hey Ramnunpuia hi i duh tih sawi hauh suh " ka u in a rawn tih takah chuan ka harh chhuak nghal zawk .








Ka u manhlanna ah a rawn tel atang khan ka duh tawh a ,a ni erawhin min ngaihsak angin a awm ngai lo hrim hrim a ,tunah chuan an khua ah zirtirtu hna ka thawk thei dawn a ka lawm ngei mai . A che vel reng reng chuan ka mit a la a ni ber ,a ngawi chawi hle a ,infiamna lam a thei viau bawk . Ka hmuh tirh atangin ka hmangaih nghal ni berin ka hria “ Ilo thleng thei maw? In rawn tluang em ?" inchhung kan luh rual chuan a nu leh pa chuan an lo ti a .









Ka chhang nghal vat “ Bawiha kha lova pui ta che,i u a awm silo a a room turah lo va dah rawh . Bawihi naupai nen indim a ngai a nia " a nu bawk chuan a rawn tileh a . U Ramnuna chuan ngawi renga ka bag chu rawn lutin ka room tur lam ni awm takah chuan min hruai a ,in luah duh mah ila mahni nupui chhungte hmeichhia lehnghal mahni a ka awm hran an phalloh avangin an ina awm turin min ti kha a nia . Room chhung kan luh rual chuan ” Hetah hian toilet leh bathroom a awm nghal a,i duh chuan i inti fai nghal thei ang" a tihchuan ka bu nghat .








Thingtlang ah awm siin an rethei zawk zawk lo tih a hriat,an inpawh concrete ngata sa thei kha an ni miau a . An taima hle tih a hriat “ Ka lawm e u Ramnun" tisepin ka nuih ver ver a ,a ni erawh in min en zawk hnuah a chhuak nghal daih . Min ngaina lo emaw ni ,ka motor chuang chau deuh bawk nen ka ni hui hian ka hria,inbualin ka inbual zawh rual chuan pawnlamah ka chhuak a ,chaw ei siam a an lo che mawlh mawlh chu ka pui nghal vat “ Lo awm mai mai rawh ,i chau awm si kan buaipui thei alawm " an tihpawh chuan duhlo in ka che lui ve tlat a .








Min dang duh ta bik lo “ Middle school ah maw i thawh dawn " an tihchuan ka bu nghat a ,chaw ei pah chuan u Ramnuna chu ka en zeuh thin a,a chaw bar mawlh mawlhin a kham daih lehnghal . “ I en nasa lutuk,an hrethiam mai ang " ka u in ka bengbula a rawn tihsar sar takah chuan zakin ka kun chal mai . Chaw eikham chuan khawchhung hruaitute bakah an zirtirtu te chu rawn lengin kan titi nak nak a ,ka thawhpui turte pawh an fel hmel viau mai .







“ I rawn thawk thei tur chu a lawmawm hle mai ,hei science teacher kan mamawh em em lai lehnghal " an tihchuan ka nuih ringawt. Kan la in hrechiang lo bawk nen ka kimki dukin ka hria,khawiah nge u Ramnuna kha a len ang tih ngawt ka ngaihtuah,amah avangin helaiah ka chhungte rem ti lo chung teacher hna ka dil lui a,a ni lahin min ngaihsakloh hmel ropui mai sia ,mahsela beih ve chhin hrim hrim ka duh .








Thenkhat chuan zak theilo min ti ngeiin ka ring,mahse ka mipa duh awm chhun hi hriat chiana belh chian ka chak a ni . Zan rei lamah a rawn haw a,ka lo la meng chu mak tih hmel zet hian min en vung vung mai “ I mut ala chhuak lo em ni?" a rawn tihchuan ka bu nghat ringawt . A room lam a pan hnu chuan keipawh chu ka room lamah ka lut zui a “ Ka duhna che hi ka zep theilo a ni,min duhlo mah la ka duh che tih hi hre tal la a tha ,ka damchhunga ka duh che tih i hriat loh ka duh reng reng lo .








Min duh emaw duh lo emaw ka beih ve chhin reng reng i ngai a lawm tiraw ,hmeichhia mah ni ila tha tihzawng kan nei ve si a ,ka duhna che hian ka tum loh ram thleng min hruai thlengin zahna kawnah min hruai thei tih hre reng chungin ka rawn pan tho che a ,ka belh chian duh vang che in ka rawn hnaih che a . Ramnunpui ka hmuh hmasak ber atang che kha ka hmangaih che a ,chuvang chuan beidawnga kir hi ka duh lo " tisepin a thla ka lak ruk chu ka en reng. Ni e duh ka neih ve chu a thiang a lawm.








Min hnar emaw hnar lo emaw hmalak ve hrim hrim chu ka duh a ni. Kan ute chhuanlam mah ila keimah ka dik loh zawk avangin ka ute chu hmanrua mai chauh an ni . Dik tak chuan helai khuaa thawk lo pawhin hna chu ka hmu a ,mahse amah ka duh luatah hna dang hnawlin he khua a hna ka hmuh theih nan ka nghak char char a nihkha ,tunah ka hmu ta a kalsan mai mai ka tum lo .








A theih anga tam a kianga hun hman ka duh a ni,bialnu a neih leh neihloh ka chiang lo nangin ka duhna hian min tur miau si a ,nupui a neilo bawk nen ka bei ve pauh a niang chu . Zingah chuan a tlai berah ka tho a ,ka zak ngei mai mahse tumahin engtin mah min tilo a ,ka aw a nuam ve deuh . U Ramnuna chuan pawnah tu a lo chher mawlh mawlh a ,ka pan hnai vat “ Khatiangte i thiam elo?" ka tihchuan min rawn en vut ” Ka awmna hmun a thil tihdan chu ka thiam ve ang chu" nuihza aw zeta a rawn tihchuan ” Nia" lei chhuah zuk phah chuan ka ti a .








Ka va zak tak,ka zeilo tet tut lutuk hi ka in ngei “ Ih school kal loh changin ka lo feh ve thei angem" ka tihchuan min en vung vungin abu nghut a . Ka hlim ngei mai ” Min hruai ve rawh aw ,dik tak chuan ka feh chak ve thei lutuk a . Ih fanghma a rah tawh em?" ka tihchuan a nui hawk a ” An par tan chauh,i awm rei dawna nangmah ngeiin lo in ila ei ang chu " a tihchuan ka hlim em em ringawt . Amah a nelawm loh hmel ka tihna te chu a bo vek,thil ka zawh apiang tha takin min chhang zel bawk nen ka duhna a zual sauhin ka hria .







A tuboh hman vanga a bianga thlan luangte chu ka en a,a inhmeh riau hian ka hre pek . A sam kir chiat chu a thlanin a chalah a tibet thlar a ,a ban puam che kual vel te chu ka en ngawih ngawih ringawt ” Ka duh che" ka rilru chuan tisapin a bulah chuan awmin a tuchher chu ka en reng a . Ka u in min rawn nuih vur vur chu lei sei tawk ka lo chhuah khum ringawt . U Ramnuna ang mipa hi keipawhin duh ka in ring ngailo,dik tak chuan thingtlang mi ka lo hmusit ru ve thin a ,mahse a mah ka hmuh atang hian ka hmuhsitna an bo vek hialin ka hria .




(NGAIHNAWM IN TIHA ZAWM TUR A IN DUH CHUAN LIKE LEH COMMENT FB AH MIN LO PEK VE DAWN NIA AW ,HEI CHU ZAWM LEH ZAWM LOH IN KUTAH A IN NGHAT E )

[mawitei bawihtlung]

THINGTLANGPA




CHAPTER 2






Inrin a nih avangin school chawlh a ni bawk nen feh ve ngei tum chuan ka insiam ve sauh sauh a ,ka school naupang ho in feh ve an tum thu an sawi bawk nen ka phur lutuk chu ka che sek tawh mai . U Ramnuna leh a u nen kan pathumin kan feh dawn a ,ka tel phallo viau mahse feh ve ka chak miau avangin an rem ti hram kha a nia . Chawfun chu ka ak ve than a . U Jonathana( a u pasal aw ) chuan hnung dawl in kei a laiah ka kal a .










Kawng tluan chuan ka tawng par par chu u Jona zawkin min chhang a ,u Ramnuna erawhin ngawi rengin hma a hruai thung . ” Ehe Ramnun kha in feh ve dawn elo? Tiru kal rual ang u" nula pakhatin a lo tihchuan ding datin ka en ha ,u Ramnuna bulah chuan a rawn kal nghal chat a ,ka ngeih lo ngei mai ” In lo em ni i feh dawn" pakhatpa lah chuan a lo ti thum bul a . He mite pahnih hi an in ngaizawng a ni hrim hrim,a hmeichhe awm danah hian ka ringhlel nghal .








Thik zet chuan an hmuh loh laiin ka melh ram ram ringawt ,ka kal tau nghat nghat a . Min hriatthiam ka hlau ve tho nen ka ngawi ta kar ringawt “ Duati i va ngawi thei ve " u Jonan a rawn tihchuan hnung lam hawiin ka khi thaw ringawt ” Taka Duati hetah engtin nge hna i rawn thawh peih zawk,khawpui lamah i u khan hna a hmu a tiche sia ,nge i u te puih paha rawn awm i duh ve hrim hrim nge " chunu in a rawn tihchuan ka bu nghat ringawt . Ka hming hi Lalduatpuii a ni miau a ,thinrima min biak pawhin min duat em em zel tho .









Ka hming puma min koh pawhin Lalduatpuii ka ni miau a lawm . Lo kan thlen thleng chuan ka ngawi a ,u Nunpuia(Ramnuna ti tawh lovin Nunpuia kan tizel tawh ang aw) chu a ngaih a tha lo deuh nge min rawn en haw in “ I chau em ni? " a rawn tihchuan ka lu la thing ringawt ” I biang a tai nasa hle mai" a rawn tihchuan ka zak bawk nen ka kun nghal chal mai “ U Nunpui nichina mi kha i bialnu em ni ? " ka tihchuan u Jona zawk a rawn nui hawk hawk a ,an unau naua an nui chu hrilh hai zet chuan ka en ringawt.








“ I u Nunpuia hian hmeichhia hi hmeichhia angin a en hleinem,han bia se a mipa kawm hmiah hmiah alawm,thian angin a chhuah leh tawh a nihkha ,mahse kha awmzia a la neilo nge a la duh hmel khawpin ka hria " a tihchuan ka nernang mai,a ruk chuan ka lawm viau thung . Chance ka la nei tihna “ Nangpawh i rawn awm a chin chu inleng kan ngah thei riau mai " tiin u Jona chuan min fiam zuk zuk a , ka tin nghal uaih uaih mai .








U Nunpuia erawhin mei nunin thingpui a chhuang a ,a che vel zei thlarh leh fel lutuk chu mipa tih a tan a mak tih a tling,hetiang a hmeichhe tih tur pawh ti zung zung thin ani ang tih ka hre miahlo,helama an chet dan ka la hre lutuk lo bawk nen thuk a mei chhem tur ringawt pawhin keichuan ka beih fe ka ring. Aizawlah kha chuan gas lawng lawng kan ring a , current lam hmang chi nen hetia mahni kuta ti tur chuan ka thiam teuh lo “ U Jon fanghma vel hi engtikah nge an rah ang le " tiin an lo fai iar mai chu ka en kual a .










Buh an la lian lutuk lova ,lei pawh a la lang chiang thei viau mai “ June velah chuan an rah ve tan ang chu. I duh tawkin ila ei dawn a nia ,i u pawhin a ei duh leh ngei ang. Lo ah ka hruai hmasak berah a rah lai a ni bawk nen a ei nasa lutuka a pum nuam lo kan buai nasa tawh a lawm"u Jona bawk . Engvanga u Nunpuia hian mi chhan harsa ti em em nge maw a nih le ,thingpui a so rual chuan in hmasa in lo thlo tur chuan kan inzui chhuak a .






Tu chu hum ve mah ila ka thlawh thiam pawh ka ring love ,sawi ang tak takin ka muang bik lutuk chu ka thaw leh hak thin. An ni lah an thlo chak ropui si ,an hma an then kuala min kalsan zung zung chu ka thlo ve hman lo reng reng ka hma te chu an rawn thlo fai zung zung a ,ka thlawh nan nilo in ka um kual nan ka chau takzet ,lo laiah chuan thu hnawkin ” Ka chau lutuk ka tlin tawhlo ,a lum bawk si" tiin ka thaw ham ham a . Ka taksa te chu a thlan dup tawh .






Ni lah a sa tha in chhum a awm lo emaw tih turin van chu a thiang kuk a ,hetiang nisa lutuk hnuaiah engtin nge chak lutuka hlo an thlawh theih bik ni . Ti thang mahse hetiang em em chuan keichuan ka tlin ka ring lo ” Kha tui kha in la ,thlamah lo chawl rawh . I thawk ngai lova chuvang a nihkha ,thlawh tur kan ngah tawh lova ,puih kan ngai reng reng lo a nia " u Jonan a rawn tihchuan ka pawm hmak .









Ka tibuai mai mai zawkin ka hria ,keimah min nghak lo phei se chuan heiai an thlo zau in ka ring . Muangchang chuan thlam lam chu ka pan a ,ka kawng dawmin ka ner leh nang thin . Ka hawi let in u Nunpuia ka en chu min lo en ve reng a vang chuan rang zeta inher in thlam lam pan chuan zak sen tawn tawnin ka kal a . A mit ka en ringawt pawhin ka lai zel chu a nisia,engtin nge ka duh thu ka hrilh ngam ang aw . Amah vanga helaia kal ka ni tih hria se engtin tak min ngai ang maw .







Mawl min ti ang nge ,zak theilo min ti zawk ang . Thlam ka thlen rualin ka mu nghal hnawk,ka khua te hi a sik dawn in ka hria ,ka thlan leh khawlum inpawlh chuan min ti tim sawk thei .






RAMNUNPUIA POV....







Nui sukin ka hma a hnim chu ka pawt leh mawlh mawlh,a hmai tai nasa lutuk khan ka nuih a tiza hle bawk . A inhmeh em em lehnghal,ka u chuan min rawn melh zawk a “ A u ai pawhin a hmeltha daih a nih kha ,lo hmu hmasa ila chuan ka bem duh mai thei a ni" nui vur vur chunga a rawn tihchuan ka nuih let ve hak “ In nu ka hrilh ange ,i kimki leh duk mai tur a sin" tiin ka fiam let ve a “ Taka Duati hian a duh che niin ka hria,i u Zualin min hrilh thawi a .








Nangmah vangin hetah a rawn awm tih a sawi a ,tak tak nge maw ni . A mitmeng ka hmuh khan a duh che niin ka hria ,ka nau i duh ve kher lo a nihpawhin heta a awm chhung tal chuan tha takin kawm la ,tih tlangnel tum ang che " a tihchuan ka ngawi reng ringawt . Ni e ka u te inneiha ka hmuh hmasak ber atang khan kei ngei pawh ka danglam a ,ka haw hnu thleng pawhin ka ngaihtuah zui a nihkha .








Mahse in hmu lo rei na na chu ka ngaihtuah zui ta lova ,tunah hetah a rawn awm leh bawk nen alak ah hian eng rilru nge ka put dawn ka hre hauh lo . A nu leh pa ka ngaihtuah a ,min pawm lo viau a nihkha “ In inneih dawna in buaina ang kha ka duh ve hleinem,keichuan makpa atana min duh lo tu nena inzawmna neih ka duh lo" tiin tui chu ka inkhawlh khawlh a ,a rawn nui hak “ Hmangaih i neih ve hunah i hre ve mai ang . A tan engkim i huam ve mai ang" tiin a nui huk huk a .








Thlam kan pan lai chuan engtin nge a lo awm ang tih ka ngaihtuah a ,thlam chhung kan luh ruala kan thil hmuh avang chuan ka u nen chuan in enin kan nui hak ,ka ang phiau hian a lo muhil a ,a chil thli a la luang leh nghal . Kan thawm a hriat vang nge rawn meng diar diarin min hmuh rual chuan a rawn tho chhuak nghal vat . ” I mutui hle mai ,ram hi chu sava leh thereng hram te hian min awi hneh khawp a ,mut a tui duh bik a lawm" ka u in a tihchuan a lai leh tawh nge a hmui a pet nang a,a kun chal bawk .









A duhawm phian lehnghal a,min rawn melh zawk a ka en tih a hriat rual chuan a kun lehnghal vat . Ka nui hawk a ,ka u in min rawn khap mahse ka insum theilo ,a lawmawm em a ni . ” In sual e ,min tih laih phet chu in tum a ,in pahniha in awm dun chuan ka feh tawh dawn lo min fiam reng mai" a rawn tihlak hlaka . Ka u chuan a thlem nghal hauh hauh “ Tikhan lo awm ula maian an lak theih ve tana bai tur kan sik ange " tiin ka u chu a chhuak zui a . A tawng duh zawk a awm lo bawk nen biak dan tur ka hre lo chu ngawihah ka tlak leh a .








“ U Nunpui duh deuh i nei ve tawh em" a rawn tihchuan a lam hawiin ka inher a ,a hmel chu chiang taka enin ka chhanna a nghak hlel hle tih ka hria ,a mitmengah chuan hlauhthawnna ka hmu vek bawk . “ Duh deuh chu ka nei tawh a ,mahse ala nau lutuk a " ka tihchuan a ngui nghal nghiai a ,a ruk chuan ka nuih suk suk ringawt ” Tleirawl tihna em ni?" a rawn tihleh chuan fiam ka chak avang chuan ka bu nghat a . Mak tih hmel tak chuan min en in ” Ka beisei sang mah mah a niang a " zawi lutuka a tihchuan a thusawi ka hre pha tih a hre lo a nih ka ring.










“ Nang teh heta rawn kal ta chu tlangval rawn rim tute zingah khan duhzawngte i nei lo em ni?" ka tihchuan a kut tuai nauh nauhin ” Keichuan duh deuh ka nei a ,amah chauh chu duh ka tum . Amah vangin engkim ka ti miau a " tiin mei chu a chhawm ve sat sat a ,a chevel chu ngun takin ka en reng,a kawng fek rat te leh a sam a mawng vaw hnalh khawpa sei te chuan a ti nu hnap a ,ka hmeichhe hmuh tawhah chuan ka mit la la tu ber a ni. Mahsela a nu leh pa ka ngaihtuahna avang hian hnaih loh law law ka duh zawk .






(MUTTUI U)

Ads click hi ti hram hram ang u aw, ads kan click atang hian writer ten hlawh an lo neih ve phah thin a, story min ziahsak man lawmthu sawinan ads kan click theuh dawn nia

[mawitei bawihtlung]

THINGTLANGPA




CHAPTER 3






Kan haw meuh chuan ni chu thlang lamah a liam titih a ,feh dang ho chu an haw vek tawh a nih ka ring . Khaw awmdan chuan ka lung a tileng ve hle ringawt,ngaihtur ber pawh ka hre chuang lo . U Nunpuia chuan hnung a dawl ve thung a ,a ngawi leh reng bawk nen u Jona tawng reng lo se chuan a reh ngawtin ka ring,kawng chho kan kal lai chuan lungte rap pialin ka au that a ,ka tlu dawn emaw ka tihlai chuan ka kawngah rawn vuanin ka kut chu a man bawk .









Min chelh ding nghal vat,ka lung a phu dawt dawt a ,a taksa lum leh khauh tang te chu ka hre nghal vek nia . A hmel chu ka en kar a ,min lo en ve reng bawk ,u Jonan a aw a rawn then takah chuan insiam tha vatin ka ding chhuak a ,ka zak lutuk chu ka ke ka per vak vak ringawt . “ Fimkhur a ngai a nia,i ke te ilo ti sisual hlauh a nge ,khitah helai kawng chho kan chhuah chhoh hunah kan chawl dawn a nia " a tihzawm a . Ka pawm zawng tak,ka chau tawh lutuk tlat .








Zawl lai kan chhuah chhoh rualin kan thu thap a ,alaiah chuan ka thu leh kek tawh “ Theipui saw Rama va lo ta che nang" u Jonan a tihchuan u Nunpuia pawh chu kan hnunglamah chuan a phei a ,ka en zui vung vung . Kan piah deuhah chuan theipui kung a lo awm reng chu niin,midang pawhin an lo thin a ni ngei ang,a kawng a bel phei han a ,u Nunpuia rawn let chuan a ippuiah a rawn ak teuh a . Kan hmaa a rawn chhawp rual chuan ka ei nghal vat.







“ I u in a eichak sia,tikhan i duhtawkin eila inah i u eitur kan dah hrang a nge " tiin a then chu a la a ,keipawh chuan tam ei duh lo in ka u naupai ani bawk nen ka duhtawk thuai a “ I ngaina vak lo em ni,ei leh ta che " u Nunpuian a rawn tihchuan“ Chutiang pawh a nilo" tingawtin ka chhang a “ Lo kal teh " tiin ka kutah rawn vuanin theipui kung lam chu min panpui a ,a ngaihna hre lo zet chuan ka zui ve ringawt ,theipui chu a hmin a lo la awm teuh a ,phur zet chuan ka lo nghal mawlh mawlh .










“ U Jon hei lo lawh belh ve rawh,ala awm teuh a nia " tiin ka au lang lang a ,u Jona erawhin ka u a ngaihtuah deuh thu leh lo va haw hmasak mai a duh thu a sawi chuan hrethiam takin u Nunpuia chuan haw turin a ti a ,muangchanga a lo kal tur thu a sawi chuan keipawh chuan ka lo aw ve mai bawk . Theipui chu ka ei char char a ,ka bulah u Nunpuia a lo awm ve bawk a ,chutia kan awm chhung chuan khua a thim dawn der . Ka hlau leh si chu u Nunpuia bulah chuan haw ka rawt nghal chul a .







Nui huk chungin ” Theipui kungah hian kan riak mai ang chu ka lo ti a sin " tisupin kawnglam chu min pan phei pui a ” Ava tlai chak em em ve ,u Jona chuan in a thleng tep tawh dawn anih hi " tiin hma ka hruai a ,u Nunpuia chuan a phone light ti engin min rawn pe a ,keipawh chuan ka lo la ve mai bawk . Hnung lam chu ka en ve zeuh zeuh a ” Nangmah khan i kalna tur kha en la ,keichuan i kaldan rinchhanin ka rawn kal mai dawn a lawm .







Kawngpui kan chhuak chho tep a nia " a tihchuan ka thaw huai mai. A sawi ang tak takin reiloteah kawngpui kan pawh chho va ,thla a eng ve tan bawk nen phone light tello pawhin kawng a hmuh theih tawh a . Chutia thla eng a rin theih takah chuan a nipawhin a phone dahin muangchang chuan kan kal dun bek bek a ,thawk leh khatah kawng chhak lam atang hian sihal ni ngei tur hi a rawn zuang thla a ,ka phu nasa lutuk chu au tuarin u Nunpuia chuan ka va kuah nghal chawt .









Sihal ni ngei tur pawh chu kawng thlanglamah a tlan tlang a . Ka hlau lutuk chu u Nunpuia awmah hmai phumin ka rak tuar tuar ringawt “ Sihal mai mai a nihkha a hlauhawm loh,a chaw zawng a nihdawn kha" tiin ka luah chuan a rawn chul a . Hawi chhuak in ” Ka hlau" ka tisep a ,a nui ri suk chu ka hre thei. ” Kal rawh le i hnungah ka rawn kal ange " tiin a mah chu a ding dat a “ Ka duh lo kal rual ang " tiin a banah vuanin ka hawi kual hrek hrek a ,a ni pawh chuan ka kut chu dahsawn bik lovin hmalam pan chuan min kalpui leh a .








Ri hlek a awm chuan ka phu leh zuk zel a,hlau lo tur chuan min hrilh leh thin . Chutia a tawng a tawng takah chuan keipawh ka thlamuang leh deuh tawh ” Vawiin chu kan hna a laklawh si a ,kan tlai phah a nih hi . Hlau lo la ,in kan thleng tep a nia " tiin ka kut chu a rawn vuan let ve a . Ka en nghal kar ,thla eng hnuaiah chuan a hmel chu ka hmu thei a ,a mit chu a thim khap a . Ka hmui ka pet ner ner “ Ih..." Ka ti leh ngawt thin ,ka duh tih sawi ka tuma . Ka ngam der lo








“ Min duh em ni" a rawn tihsup chuan ka ka ho ,a rawn nui hak a .“ I mitmeng khan a sawi tlat a tin ni?" a rawn tihchuan ka tum hman mai ” I hriat reng chuan min zawh a ngai em ni? Bialnu i neilo tiraw ? " tiin ka en ha a ,ka hlauhna te kha an bo vek tawh . Chutia ka duh thu a hria chu ka ngampa sawt “ Neilo,mahse nang nen pawh kan inkawp loh a tha zawk " a tihchuan mak tiin ka en ha mai .








“ Timaw ? Min duh ve lo em ni? Keichuan ka duh che tih chiang takin i hria a ,zaktheilo pawh min ti mai thei . Mahse keichuan ka u te inneih ni atang tawh khan ka duh tawh che a sin ,i tan asin hetah ka lo kal " tiin a hmaah chuan ka ding a ,chiang zet chuan ka en bawk “ Ka duh takzet che u Nunpui,midangta i nih ka phal ngang lo a ,ka lo pan che a nih hi" tiin a awmah chuan ka bei a . A lungphu chu ka ngaithla kar .








Min namsawnin “ A theihloh ka tih tawh kha ,keiai tha i phu Duati,tu emaw i tana ruat ngei ila tawng anga keichu min hre reng hauh lovang,i rilru in a thlan kha i thinlungin a pawm ve kher lovang,kal ang le heta kan awm reng chuan kan chhungten min lo ngaihtuah tawh ang " tiin kal chu a siam zui a “ Ka beidawn san dawn lo che,min duh ve hma chu ka beidawng lovang " tiin ka zui ve nghal vat .







Keimah chauh chuan he ramhnuaiah hian ka awm duh teuhlo,a banah bawk chuan va vuanin in kan thlen thleng chuan a tu amah mah kan in be lo va . Ka u leh a nute chuan min lo chiau au nghal vat,inbualna tur min siamsak tih an sawi rual chuan ka inthlakna tur kengin ka lut thuai a . U Nunpuia erawh a roomah a lut nghal daih ,keipawh chu inbual sawk sawkin ka chhuak thuai a “ In rawn haw tlai pui lutuk a ,Duati pawh a chau viau ang . Nidangah chuan hetiang ang em em a tlai chuan rawn haw tawh suh ang cheu" kan inbual zo chaw ei lai chuan apa chuan a ti a .








An ni pawh an bu nghat mai “ Duati lo chu enge ang i tih a ?" ka u in a tihchuan a nuam ka tihzia thute chu ka sawi ve siam siam a ,u Jonan ka mutthilh dan vel a rawn sawi chuan an nui dar dar hlawm a . Ka zak ve tho a sin le,chaw eikham chuan thleng sil zung zungin ka zirlai te test paper chu ka check mawlh mawlh a ,hmeichhe lam an tih that viau laiin mipa lam an tichhe hle mai . Theih tawp chhuaha kaih hruai ngei ka tum rilru a ,he khua a hna ka thawh chhung hi chuan ka subject talah hma an sawn ngei ka duh bawk .







(COMMENT LEH LIKE ,ADS CLICK TE MIN LO PUI HRAM HRAM ULA)

[mawitei bawihtlung]

THINGTLANGPA





CHAPTER 4







U Nunpuia pawh ka duh tih a hriat vang nge min hlat dan tur a zawng tang tanga; keiin ka hnaih theih dan tur ka zawng ve thung a . Kan chhungte hmuh lai erawh chuan kan thup ve ve thung,nitin school ah lehkha zirtirin hun ka hmang a ,zirlai an fel in mi an ngaina thiam bawk nen a nuam pawh ka ti viau mai. Tute pawh an polite a ,Mahsela mi zawng zawng in an theih hek loh, assignment ka pek chang leh ka hrem changa nu leh pa thenkhat in min rel tawk an awm a .








Mak ka tih ve na deuh chu a nu leh pa lam zawk an tawng thei lutuk chu a ni . A fimkhur pawh ka fimkhur phah ve bawk a ,mi ran hmu theilo tak tak te chu mak ka tihchang a tam mai,helamah chuan khawpui angin ran an khuah khirh ve lo va. An ran vulh duh theuh an vulh a ,chutah midang ran vulh an hmuh sak leh thei miah lo lai hian mak min tih tir lo theilo . An insawisel sak luai luai reng a ,ran vulh duh theuh theuh chu chhuah zalen an duh tho nen in hmuh liam sak ve mai awm hi a nia .








Ka hun awl neih changin u Ramtea leh u Ditei te nupa nen kan inkawm thin a,an ni erawh an rilru a tha in u Ditei phei chu Aizawl khawchhuak ngei a ni ve bawk nen ka ngaina zual. A pasal avangin hetiang thingtlang khua ah kuthnathawkin a awm ve a ,a hlim thei bawk si . A pasal lah mi tawngtam nilo ,mahsela fel leh nelawm tak a ni thung. An fate nen an ri nak nak reng a,an ina ka len chang chuan min duat thei hle bawk . An taima bawk a an in pawh thingtlang inah chuan a zahpui awm hauh loh.








Aizawl lam atanga helama nupui pasal nei an awm nual tih ka hria ,ka dem em em lo . Thingtlang kut hnathawka ei zawng vek mah nise in iaina nei hauh lo in an nupui pasal te awm dan zirin tihian hlim takin an la awm thei a . Kei ngei pawh ka mipa duh em em vangin hna nuam zawk leh hahdam zawk thlang duh lovin hetah kawngpui tha leh black top pawh la ni pha lo,ruah sur changa diak em em rengah ka awm ta mai chu a ni sia .








Mihring te hi hmangaihna avanga tuar kan lo inhuam thui zia ka hriatchian phah . Zanlam chu midang mut reh vek hnuah pawh la mengin lehkhabu ka chhiar mial mial a ,a khat tawkin ka phone chu ka melh leh zawk thin . Chutia ka lo thut lai chuan u Nunpuia room kawngka chu rawn inhawngin ham buai buai chung hian a rawn chhuak a . Ka lo nuih tet tet chu min rawn hmu in “ Ila mu nange "tiin min en ngur a . Ka lu ka lo bu nghat ringawt.








Ka bulah rawn thu in ka thil chhiarlai chu a rawn bih ve a Friends and lovers tih ka chhiar bawk nen a hmuh loh tur chuan ka awn ve tang tang chu ngawi rengin a rawn awn ve zel bawk nen a tawpah kan in bawh tlu tawpa “I rit chhiar ve a ngailo ,mipa i nihkha " ka tihchuan awmsawn pawh tum lovin “Mipa nih avangin chhiar theihloh tih a inziak em ni" a rawn tihchuan ka nui hui ringawt . Chutah alam hawi zawnga inherin a hmuiah chuan ka dai zeuh a ,a phu zuk mai .









Chutia a awm lai chuan namsawnin ka tho chhuak a ,ka room lamah chuan ka tlan lut nghal zat . Keimahte chuan ka hmui chu ka khawih a ,ka nui leh var var thin,mipa ka vawikhat fawhna chu a ni hauh lo . Mahse u Nunpuia nen chuan a dang bik a ,reilote mah nise ka hlimpui em em tho ,a hmui lum leh nem thep mai kha fawh a nuam dawn tih ka chiang khumah chuan mu in ka ke chu chunglamah ka khai chho a ,a niin min hnaih a tum lo a nihchuan keimahin ka tum chhin poh a niang chu .








Min hnar em em bik lo tih ka hre miau va “ Ka pasal i la ni ngei ngei ang" tiin ka nui leh var var thin. A tawp a tawpah ka muhil ve thei ta hram a ,zing ka thawh chuan an lo tho leh vek tawh ,ka tho hma ve viau emaw tihpawh hian an lo tho hman zel hi amak . U Nunpuia thing ek chu enin a bulah ka thu a ,a bianga thlan luang te ,a kawrin a khuh phak loh a a ban thahrui lang leh chak hmel zet te chu enin ka lo be buai zeuh zeuh a ,min chhang tha duh der lo lehnghal .










“ I bulah vawiin chu min hruai ve rawh aw ,vawiin chu school chawlhni a ni bawk sia luiah i kal dawn tih an sawi a " ka tihchuan “ A tullo ,i chesual ang" a rawn tihchuan ka ner nghal nang . A bula ka awm hi ngah nge a hlauh em em ni? Hetiang hian tu mipa mahin min la hnar ngai lo,keimahin ka hnar zawk thin kha a nia . “ Hmmm,ka lo tel ve tho vang ,sual lutuk suh,ke leh kut ka nei ve a ka chetsual na tur hmunah ka awm lo mai dawn a lawm,ka lo kal ve duh " ka tihleh chuan a thing eh chu dahin a eh sa chu a pho a .









Inchhungah a lut nal nal a nih chu,ka va han ngei tak ” Nu Rem ,u Nunpuia zui ve ka tum a ,a phallo a nia . Lui pawh ka la kal ve ngai lova ,ka kal chak tehlul nen " ka tihchuan an ni lahin ka chauh an hlauh thu leh ka tibuai zawk ang an lo tih avang chuan ka tum bur mai . Mahse mi phallo na na na zui luih thu awm suh,nileng chuan inah ka awm a ,ka ning takzet . Chhunah chuan lo a an feh zawh thin avangin a reh ropui si ,tih tur awm lo lutuk chu pasaltha thawnthu play in ka mu ringawt a .








Tlai a nih pawh chuan u Nunpuia chu a la rawn haw lova ,midang chuan engvak mah an sawi lo nangin kei erawhin ka ngaihtuah viau thung. A ramvah pawhin hetiang em em a rei a awm ngai silo va ,dar 10 velah pawh ka la mengkar ,midangin a laklawh aniang an tihpawh chuan ka ngaih a tha theilo . A tawpah thawm hria in ka room atang chuan ka tlanchhuak a ,u Nunpuia ka hmuh rual chuan ka thaw huai thei .








“ I va rawn haw har ve ,i chesual emaw ka ti a lawm " tiin ka panhnai a ,midang an muhil vek tawh nen a chakai man chu kan pahnih chuan bucket ah dahin a insilna tur tui chu ka chhuansak a ,min en vung vung mai . ” Tinge ilo la mut loh a ?" tiin a thawmhnaw chu a phelh mawlh mawlh a ,kekawrbul nen chauh awmin bathroom lam chu a tuilum nen chuan a pan zui a .








Ka en zui vung vung ringawt ,a rawn chhuah hnu thleng chuan ka lo la thu a “ Mu tawh rawh ,a tlai tawh . Naktukah i ni hman a nuam lo palh ange " a tihchuan muangchang chuan ka tho chhuak a . A hmel chu chiang takin ka en vang vang,min en let ve lova min ngaihsak ang pawhin a awm hek lo ,ka thaw ham ham a “ Muttui le " tisapin ka roomah chuan ka lut nghal hnak hnak a ,min ngaihsak duh miah lo hi ngei viau mah ila min duh ve miau loh chuan a tihtur awm zawk reng a ni sia .








Khumah chuan mu in Dr Hminga min rawn text na chu ka chhang a,kan inhriatna a rei tawh a . Vawitam a nupui tur a min duh thu a sawi in min bem reng bawk ,mahse chhan ka tum ngai lo . Ka ngaihsak lo a nizawk mah,an hausa in duhtu pawh a ngah,mahse ka duhzawng a ni thei ngang lo a ni . Hminga ka duh loh ang chiah hian u Nunpuia pawh hian min duh lo a nih ka ring ,min ngaihtuah zia vel a rawn sawi chuan ka that thu chu ka hrilh ve mai a .









A hna chawlh ve a rawn zin a tum thu a sawi chuan ka duh vaklo nangin ka sawi lang lem lo,hnial mah ila ka nu leh pa in an be tha bawk nen ka nu leh pa hrilhin a rawn kal leh thovin ka ring . Mu tur chuan ka insiam rem a ,tawngtai hmasa te te in ka mu zui a,ka mut a chhuak theilo bawk nen ka tal sek ringawt “ Sual lutuk,ka nghak ve em em a ,induh lutuk mai" ti a phun bul bulin ka puan chu ka sin tha sauh sauh a .








A tuk lama ka school kal hmel hlim lo lutuk chu ka teacher pui te chuan min fiam leh thin,Miss Sangin min tilui sek bawk . An ngeiawm thei a nia ,ka class la pawh chu ka zirlai naupangte chuan mak min ti nge min en haw mai ,class chu la mawlh mawlhin ka chhuak zui a , volleyball benga naupang infiam chu enin ka rilru nuam lo lutuk pawh a reh hawk mai .







“ Zanin chu kan lo leng dawn a nia " sir Zuala te ho in an rawn tihchuan ka lo fiam let zauh a ,office ah chuan titi khawmin kan nui leh dar dar thin . Khaw hran atanga rawn thawk ve tho te an ni bawk nen mahni khawlam theuh leh zirlai kan nih lai te sawi chhuakin kan nui leh dar dar thin. An rilru a zauin fiamthu an duh bawk nen thil ho tak tak chu sawiin kan nui leh hak thin . Class tan a hun leh takah chuan mahni subject theuh la tur chuan kan chhuak hlawm a .









School ban rual chuan ina haw tlang lovin ka leng kawi a ,khawlai te chu fangin naupang ho in te chu ka tlawh kual a . A then erawh an nu leh pate an awm loh avang chuan chhuahsan leh thuaiin in lam chu ka pan zui a,haw pah chuan ka nu nen kan in be pah mawlh mawlh a ” Khalamah awm i thlang hi mak ka la ti tawp theilo,helamah hna tha zawk leh hlawh tam zawk nen i awm thei reng a . Khatian thingtlang khaw kilkhawr lutuka awm kha engtin nge i peih ni " a tihchuan ka nuih ringawt .








A ni chu a awm ngailova a hre lo te pawh a niang,keipawh ka kal hma kha chuan ka phur lutuk bik hauh lo ,mahse ka han awm chiah a khawpui boruak ai nuam ka tiin thawm bengchheng ngai theilo leh nun hahdam tak nei duhtana duhthusam a niin ka hria,a boruak lah a nuam tawk chauh lehnghal . In ka thlen chuan u Nunpuia leh hmanni a hmeichhia kan fehpui kha an lo thu dun a ,an nui dun hak hak lehnghal . Bialnu nei peih silo khan a be reng tho chu a nih hi








Kalpelin inchhungah ka lut zui a ,ka bula nuih hreh viau si hmeichhe dang bula a nui leh si chu ka ngei takzet .





STORY PAHNIH DAHKAWP A NGAIH AVANGIN KA TYPE THUI THEILO AW

[mawitei bawihtlung]

THINGTLANGPA







CHAPTER 5







“ Enga tinge min biak duh miah loh a" karkhat chhung ka peh hel tawh a . A tuar thei tawh ngang lo a nih hmel “ Maw?" hre reng mah ila ka zawt nawn leh ngat,ka duh tih hre rengin bialnu neih duh lo si kha khanu kha a be reng a,ka duh chuan ka induh ve thiam tho tih hi hre rawh se “ Engvanga min peh hel tlat nge i nih?" a rawn ti leh hmuk a . A hmel chu a changin a mengrum hle nangin engah ka ngai duh lo .







Lehkha chu ka chhiar mial mial a ,midang an leng chhuak vek bawk nen kan pahnih chiahin kan awm bawk a ,a tawng ve ta a lawm . Damlo an lo awm hlauh chu a lehlamah chuan ka vanneih pui a nih ber hi,kan runluih hrep a nge “ Lalduatpui " ka darah a kut pahniha rawn hmerin min tung tho nghal nawlh ” Enge ka ning a nia ,ka be peih lo che tihna a nimai,nangpawh in min biak i tum ngai lo a ni lawm ni? Tinge kan pahnih chauha kan awm avang maia min vin hrep hrep ni .









Ka mu dawn khawi " tiin ka lehkhabu a ken chu laksakin ka inher nghat a ” In ngaizawng ang" a tihchuan a ruk chuan ka nui ver ver ,a langah erawh engmah ka sawi lo thung. Ka lung te hi a phu dup dup mai . Kal leh mai ka tum chu a dawh theihna in a tlin tawh lo nge alamah min pawt her nawlhin kan in melh ta ran mai ,a awmah chuan ka kut chuan ka nem a . A rawn kun hniam rual chuan ka mit ka chhing nghal vat.









Ka hmuiah chuan a rawn fawp a ,a zei lem lo mahse nuam ka ti viau tho. Kan inthlah rualin ka nui vur vur a “ Min duh lo khan ka hre si a ,tinge min duh leh thut a ,ka ringhlel riau che chuvang chuan in ngaizawng lo mai ang " tiin ka room lam bawk chu pan tumin ka inher a “ Min fiam kual hauh suh,fiamthu ka sawi emaw i ti em ni?" a rawn tih tak hrawk ah chuan ka ding ta chat . A lamah chuan inher leh riai riaiin ka kuah ta thlawp a.








A nghawngah chuan ka kut suih in ka nui ta hak “ I tana ka beih nasat zia hi,kum khat chhung teh meuh heta hna ka thawh theih nan hian ka bei a sin,chupawh kan awm dun theih nan . Nang lah chuan min inti duh lo ve lehnghal a ,duh viau lo che ila chuan mipa dang ka nihpui daih ang . Ka duh em che avangin helai thleng thleng ka lo thlen phah a nih hi" tiin a bengah chuan ka khawih sak a ,ka kawngah rawn kuahin min en chhuk run a .









“ I nu leh pa in min pawm thei dawn hauh lo tihchu i hriat ka ring?" a tihchuan ka ngawi vang vang,ni e u Jona pawh hi ka nu leh pa in an duh miah lo va ,mahse ka u in a hmangaih em avangin an innei lui ta tho kha a ni a . Inru chu nilo se chuan ka nu leh pa hian an inneih an rem ti hauh lovang,thingtlang mi an hmuhsit zia ka hai lo,kei ngei pawh hi ka u puih paha ka awm duh thu chhuan lam lo ila chuan ka kal an phal kher lovang.







Sawrkar hnathawk leh Aizawl mi ngei nei ila tih hi an duh dan a ni a ,mahse zawm diak diak ka tum lo . Ka mi hmangaih tur leh ka pasal turah hi chuan ka duhthlanna a ni ve tur a ni bawk ,an mi enkawlna ka zah lo lam nilo in ka hmangaih loh neih ai chuan hrehawm dawn mahse ka hmangaih ngei hi neih ka duh a ni . U Nunpuia pawh hi ka hmangaih chu ka ti thei hauh lo,mahse a ni anga ka vawikhat hmuhnaah lehnghal ka mit leh thinlung la a tiphu rang thei ka la tawng lo.








“ An ni nilo in nang a ni pawimawh,kan bei dun dawn a lawm . Ka hmangaih loh leh duh miah loh neih ai chuan pasal neilo va len tar mai pawh ka duh zawk " tiin a rim chu ka hnim vang vang a “ Min hmangaih em ni?" a rawn tihsup chuan ka nui sak ” Ka hrelo" tiin a awmah chuan ka bei hle hle a,a taksa lum ham ham te . A lung phu dat dat te chu ka ngaithla kar ,ka hmangaih chu ka la ti dawt ngam lo,mahse he lungphu a tel ve hi ka chak a ni.








Tunge a nih a ,enge a nih ah ka buai hek lo . Ka thinlung hian a lam a hawi tawh a ,a thinlungin ka lam a hawi ve tih ka hriatna hian min tihlim bawk . Ka chhungte duh loh zawng tih phah dawn mah ila amah a nih chhung chuan ka thlah thei in ka ring lo







Min kuah tu a kut leh a taksa te hi tawmtu nih a ,a neitu nih ka chak a ni . Sofa lam chu min panpui a ,ka zui ve zel bawk ,thingtlanga awm mah nise ka sawi tawh ang in an kuthnathawh hlawh ngeiin concrete an sa a ,an bungrua te thlengin khawpuia awm tam zawkte ai an nei changkang zawk mah bawk . A mal chungah chuan min thut tir in a sam kir chiat chu ka tham sak neuh neuh .








A hmel hi tha lutuk chu tih tur a ni hauhlo,mahse hmeichhe duh zawng tak ni turin a tha ru riau thung si . “ U Nunpui min duh ve tak tak em" ka tihchuan min chhang lovin ka hmuiah a rawn fawp zauh ringawt. Ner nang hian ka insiam tha sat sat a ” Min be duh lo ang khan awm tawh suh ang che . Ngeiawm lutuk mai ”a rawn tihchuan ka nuih har har a .







“ Hmeichhe dang i biak man a nihkha ; keimah chiah min nuihin min ngaihsak tawh ang che,keilo an awm vaih chuan ka tawtawlik animai. " Ka tihchuan a rawn nui hawk a “ Khawi atang in nge chu thil chu i lo hriat leh hman,vangvat alawm an tawtawlik thin " nuihza insum zet hian a rawn tihzawm a . An khaw tawng bik ka lak chak zia hi a hrelo a nih ka ring.







Hre ngat phei se min hau duh hial ang,tlek tlekin tihte hi ka hmang zo vek tawh . “ Nge ka awm rei ve tawh em hi,chubakah a khat tawkin naupang ho thusawi ka ngaithla ve thin a lawm " ka tihchuan a nui leh hak a “ Taka volleyball i thiam lutuk an tia, i beng lai ka hmu ve chak e " a beng khalh sak niap niap pah chuan ka ti a ,a beng vawt thlar chu khawih a nuam takzet.







” Thiam tak ka ni hleinem an sawi ve mai mai a nihchu,i mut a chhuak tawh em?" a tihchuan ka lu ka thing nak nak,a mal chung atanga awm sawnin a sirah chuan a taksa si chetin ka thu a ,a darah chuan ka lu ka nghat nghal bawk “ Tuipuiral aiawh bakah district aiawhin i chhuak thin tih ka hria a nia aw ,ka lo ngaihsak ngai lem lova ,mahse i beng lai erawh ka hmu chak takzet thung" tiin ka nuih var var a ,a ni pawh a nui ve suk mai









Naupang ho bakah an khaw tlangval ten an sawi fova ,hmuh ve mai mai chhin ka chak . A mah lah hi ka awm hnu hian ben a tum lo nge a ball beng vawikhat mah ka la hmu lo . Kan chhungte rawn haw hma chuan in mangtha in kan room lam ve ve kan pan a ,room chhunga ka luh rual chuan ka zuang nghal tawr tawr mai ,nuam ka ti lutuk chu engtia awm tur nge tih pawh ka hrelo,zanin atang in ka bialpa ani tawh dawn tih ka hriatna chuan min ti hlim em em ringawt.




ZAWMNA ....





Zingah chuan hma zetah tho in tualah exer ka la ar ar a ,u Nunpuia rawn chhuak ve chu ka lo nuih nghal ver ver a ,min be lo in a kal leh nul nul ringawt. Hepa tak hi chu aw morning tal te tih ve awm ,a hnungah chuan zuiin ka au vak a “ Ngawi reng khan min rawn zui teh " tiin hawi pawh rawn hawi let lo chuan a rawn ti a . Ram lam a pan avang chuan mak tizetin ka zui ve zel tho “ Khawnge kan kal dawn " ka tihchuan a thaw hawk mai .








“ Min chhan chu a har em ni,lungtum biak ang mai min chhang ve mai ta che " tiin a hnung atang chuan ka vin kha kha a “ Mipa dang te chuan min biak loh hlauin an hman hlel a ,tawng reng reng tum lo mai " tiin a hnungah chuan ka zui ve zel tho,thing pakhat chu en vung vungin a chem chuan a sat nghal mawlh mawlh . Ban puam tiah vel lek a ni bawk nen a kit tlu rang viau mai .







Ka lo la tawng chu a thing tan zawh tawh chu ka darah a rawn nghat dat a . “ Tawng lo khan lo han pu la ,tualah khan ilo dah dawn a nia ,ka rawn zui nghal ang che ,vawk in thawm thatna tur a nihkha ,tikhan a tawk em " tiin a khi suk a ,hmui tipawrh tiaua ka en chu min rawn chuk nghal zauh . Chhan let ka tum rualin rang zet hian a awm sawn a “ I lerh lutuk kal zung zung rawh " nuihza aw zeta a tihchuan ka melh nghek ringawt“ Min khawih tawh hlek suh ang che ,a tawh pawh min tawk tur a nilo" tihlakin lungawi lo zet chuan inlam ka pan a.










Tualah chuan ka thing put chu dahin ka ute ho nilum lo ai chuan u Nunpuia awmna min zawh chuan hnunga a rawn kal thu in ka chhang ve mai . A rawn thlen ve lai te chuan ka la tum bur ,lerh min ti kha ka haw ve em em ringawt,a bula ka awm avangin ka ngampa mai mai a ,mipa dang bul te chu nise khatiangin ka awm ngam teuhlo “ Duati min lo pui ta che" ka hming ngeia min koh ve chuan min tidanglam zawk mai,Duati ti hian vawikhat mah min la ko ve miah lo va ..









Chutia min ko chuan eng emaw tizawng tak hian min ti danglam riau nia mawle ,vawk in lamah chuan kan thingput chu hnuk pheiin keipawh chuan a hnungah ka zui a ,in lamah let leh in tuboh leh perek,Ara tih vel chu a rawng keng chhuak a . Ara chuan kan thing chu tehin a zai nghal zat ,a che vel chu puih dan thiam hek lo ka lo en mawl tawp ringawt.







“ Lo vuan la,kan kilh bet a nge " tiin a thing tan chu vawk in bangah chuan a hmet bet a ,ka va chelh nghal vat . Perek chu a rawn kheng lut a ,a tuboh tuk zawnga a bana tha hrui pawng talh talh te chu hmuhnawm tizetin ka en dauh dauh a“ I va han lo hmeltha em em ,i sam kir nen zawng zawng,i sam kir vang a nih hi heti taka i zuna ka uai,i sam kha min lo kir hnan chiat a nih dawn hi.







Min pawh ngil tum mahse ka thei tawh in ka ring lo,i zunah hian ka kir kual vel awi " tiin ka lo fiam chu thaw hakin “ Chelh tha rawh,fiamthu lo thawh teh dek reng suh" tihlukin a thing dang chu a la leh a . Nui vur vurin ka tawng zawm zel tho “ He khaw tlangah hian ka bialpa i nih thu te hi au chuai chuai mai a nia ka duh,aw mizo tlangval i tawnah hian leng i hi ka uai phar vel" tiin ka nui kar kar a .







Naupan tet atanga thawveng leh harh an tih ka ni bawk a ,ka puitlin hnu thleng hian ka chhawm ka tilo theilo “ I sawi rualin khawtlangin min sel leh si anga,i tuar theilo tawp ang" tiin a perek chhut kawih chu a siam tha mawlh mawlh a“ Pawilo,selna anka zawng tuar zel nang i tan an tihkha ,i tan te chuan tlangrel pawh kan phur mai ta lawng,naupang ho exam zawhah lo ah riak lut ang aw " ka tihchuan min en vung vung mai.







” Enge ram in riak thin tih ka hria a ,ka chak ve alawm . Chubakah ram hnuaia riah te kha a nawm hmel riau,u Dintei (KA PASAL THINGTLANGPA A MI AW) pawhin ram riah nawm zia a sawi a ,u Ramtea nen an riah thin thu leh nuam a tihzia hlir a lawm min hrilh" ka tihchuan a vawkin thawm that chu en vung vungin “ Innei kan la nilo va ,mi hmuhah a mawi lo tih i hriat kha " dam dup hian a rawn ti a .








Tinge mi pawh chu a sawi sek le,nge he khua hi an tawng thei lutuk nge . Khawpuiah te chuan thian ho emaw in ngaizawng pawh nise tent nen an riak chhuak ve fo sia,tumahin an sel chuang silo . Hetah chuan eng emaw hlekah mi mi mi ti reng mai ,thingtlang mite hi midang nunah an la inrawlh nasa viau a nih ka ring “ U Siami te ka sawm mai ang " tiin ka tho chhuak ve a .









Ka kut chu ka beng fai thuak thuak bawk “ Tumah i sawm lovang,i duh takzet a nihchuan hlo thlo in kan riak lut dawn a nia " a tihchuan ka phur hle “ Tak tak aw,karleh hian exam in kan zo nghal dawn a ,ka va han chak tawh tak. Naupang ho pawh riah luh an tum lehnghal,a reh dawn lo bawk nen ka van phur tak " tiin ka zuang tawr tawr a . Min en reng ringawt.






RAMNUNPUIA POV...







Engkim a hlimpuiin a lawm em em reng chu mak ti viau mah ila ka lawm riau,a ni ngaihdanah chuan ramriah chu a ho lam pawh chu ka hrethiam viau,khawpui lamah chuan nula leh tlangval riak dun pawh an awm thin bawk nen a ni ngaihdan chu ka dem lutuk hauh lo . Hetah erawh mi tin hi midang nuna la inrawlh peih leh mi sawi peih tak tak an la ni nen kan fimkhur erawh a ngai viau ang le .







Chutih rual erawhin tumahin kan in ngaizawng tih an hre dawn lova ,unau riak dun ang pawhin min ngai zawk mai thei . Engpawh nise a chak zawng chu kan tipauh a niang chu,ka u chhunah a rawn feh thei dawn bawk nen tumahin min sawi zui em em ka ring lo ,in lamah kan phei lai chuan phone in tu emaw a be leh zat zat a ,a ni anga hmeichhe harh vang leh hlim thei ka la hmu ngai hauh lo .







A u nen phei chuan an mizia a in persan hlak,a u chu hmeichhe ze zawi leh zaidam tak a ni a. A ni erawh a vin hlak hlak a ,a rilru a awm awm a au chhuah pui phawng phawng a ,mahse a rilru a chhe leh chuang hauh silo,a tawng tam ngaihtuahin midang chanchin a ni leh hauh lo . Hmeichhe thenkhat anga tawng tam leh midang chanchin sawi peih tak chu nise ka ning viau ngeiin ka ring .







“ Concrete sa thei chu in thawkrim hle a nimaw ? Inkhuaah bik hi chuan nang ni chauh hi hetiang sa thei innia,in van taima awm em em . Sawrkar hna thawk miah lovin hetiang in pui hi in sa thei a nia ,keichu ka theih ve pawh ka ringlo" tiin a sawi niah niah a ,ka nuih ringawt. Ni e hetiang sa tur hi chuan beih nasat a ngai a ,kan hah viau reng a ni . Kut hnathawh chu a hlawk lutuk lova ,chutih rualin mahni mamawh ang zawng zawng chu kan lo ngei atangin lei ngai lovin kan nei thei a.







Buh leh thlai nen lei chawp ngai lovin mahni in kan thar na hi kan intodelhna pakhat a ni,sum leh pai vang mahse hetiang kan chinna hian eitur haih chham lovin min la siam chauh zawk a ni . Kumtin kan sawhthing man khawlin he kan in ngei pawh hi kum fe kan beih hnua nei thei chauh kan ni bawk . Inchhung kan luh chuan a u chuan eng emaw a lo hrilh a ,an unau chuan an nui nghal har har mai .







Ka nu leh pa an fel a ,ani pawhin nu leh pa ang maiin a en nghal thei a ,in lam chetah pawh a awl hneh viau bawk . Kan unau hi pathum niin kan farnu neih chhun erawhin khawdangah pasal min neihsan a ,ka u nen heti hian hna thawkin ka nu leh pa kan enkawl a ,a nupui neih hnu pawhin in dang duh lo in heti hian kan awm ho ta zel chu a nih hi. Duati sawi angin infiamna lam ka ngaina a ,a bik in volleyball leh football hi ka tuipui thin hle.







Mizoram aiawh te pawhin ka lo chhuak ve thin a ,mahsela ka nu leh pa an upat takah chuan chhunzawm duh tawh lovin lo ka enkawl a ,ka chhungten zawm turin min duh viau mahse thu tlukna ka siam tawh a . Sawhsawn ka tum ngailo.

[mawitei bawihtlung]

THINGTLANGPA







CHAPTER 6




“Va fimkhur ula aw,Duati nang phei chu fimkhur hle ang che ramhnuaiah chuan min tina thei leh in tihpalh na tur a tam si a" nu Zualin a rawn tihchuan ka bu nghauh nghauh a,ka ip ah tur chu ak ve tatin u Nunpuia hnungah chuan ka zui a . A hma ang bawkin kei ka tawng char char a ,a ni a ngawi leh run ringawt . Kawng sira sava ka hmuh te chu an hming ka zawt thul .








A chang chuan ka tawng duh lutuk hi mak ka inti ve tho,mahse pahnih chauh kan ni bawk nen reh lutuka awm kha ka duh miah lo “ U Nunpui lo hawi teh maw " tiin a hnungah chuan ka va pawt a ,a rawn leh hawi zawk chu ka chocolate ken chu ka lo barh vat ” A tui a nia ,ei vek rawh . Thil i ei ngai lo lutuk,ei chak te i nei ve ngai miah lo em ni" tiin ka zawt zui a “ Ei chak zawng zawng ei hi a tha vek lo" tisupin a kal leh mai a .








Thingtlang kan lo hmusit lutuk te hi ka zak zawk,khawpui mi ai an lo taima in an intodelh daih zawk lehnghal . Tun thleng social media ah thingtlang hmusit tak tak an la tam zia ka hmu ve reng a ,heng thingtlang hmuhsit ching te hian an tluk in ka ring lo,atna chi khat an vei niberin ka hria . Keini chu sawrkar hna thawkin thingtlang ho thlai tharin kan inchawm tih ngaihtuah pha miah lova lo hmuhsit chingte nun lo hniam tur zia hi ka hrethiam ta ruakin ka hria .







An ni chu pawisa tel lo pawhin an inchawm zo lutuk tlat,kumtin buh leh thlai an mahni chin ngei an ei in an ring thei a ,pawisa hi an ni tan chuan a pawimawh ber lo ta ve ang . Lo kan thlen rual chuan thlam chu tifaiin a niin thawm that ngai a awm em tih a en fel a ,fur a in tan chho bawk nen hnim an thang duh viau ang le . Kan mutbu chu lo rem tha mawlh mawlhin mei te chu ka lo chhem ve a .








Tunah chuan zeilo lutuk chu ka ni tawh bik lo . Lehlamah chuan hetia nula leh tlangval riak dun tur hi a zahthlak tih ka hai bik lo ,mahsela u Nunpuia hi ka ring tawk a ,chuvanga hetiang pawh hi ti ka ni,in a awm reng ai chuan hnathawh zir ve te pawh ka duh hrim hrim bawk a . Thingpui chu lo lum ve in a thlam siam tha mawlh mawlh leh bang vel ruah in a theh loh nana a pin that lai chu thlirin ka pui ve thuai a .








Kan riah luh ni chu hna pawh thawk lovin in puah chah nan kan hmang a ,ka fiam leh thin chu a nipawh a nui suk suk mai ” Hei fanghma rah pakhat ka hmu a nia " thlam bula fanghma zam chu panin ka au chul mai “ Ala te deuh a nihkha,kartawp lamah a lawh theih chauh ang" a tihchuan ka hmui tipawrhin thlam lam chu ka pan a ,eichak teh lul nen. Bang kan siam that zawh chuan thlamah lutin a hmawrah chuan thlifim dawngin kan thu dun a .







Ri lam pawh chu naupang nen an ri bung bung a ,a reh lo dawn hle mai . A nuam ka ti dawn riau in ka hria ,ram riah vel hi pasaltha thawnthu atanga ka chak tawh a ni a ,an sawi nuam thiam bawk nen ka phur takzet. Thingpui a so takah chuan tho thuaiin no ah chuan ka thli a ,kurtai nen chuan u Nunpuia bulah chuan chhawpin ngawi reng chuan kan in dun a “ I chanchin min hrilh ta che " a rawn tihchuan ka aw ka thian nghal kharh kharh .







“ Ka naupan chhung kum 16 ka nih thleng Aizawl ah ka zir a ,chuan Goa lamah zir chhuakin chuan doctor lam zir tumin ka rawn haw rih a ,mahse ka hmu che sia ka tum ka thulh leh a nih hi " tiin ka nui kur kur a ,a ni erawhin thu tak zetin min en vung vung thung . “ I tum chu tihlawhtling la ka duh,doctor niin damlo tam tak tidamtu nihchu i duh lo em ni? Keimah avang chuan i thil tum thulh turin ka duh lo che " a tihchuan ka kut ka vai puat .








“ A ho lutuk,doctor nih pawh a that rualin a lehlamah chuan kan damlo chhan theihloh chhungte hmuh an hrehawm ,chubakah mitthi hi ka hmu theilo . Chu ai chuan hetia zirtirtu niha naupang te thiamna atana theih tawp chhuah hi ka duh zawk ,nangpawh ka rawn kalchhan i ni bawk . Rawn kal lo ta ila ngaihtuah reng chung che in ka hmu thei dawn silo che a ,chu chu ka duh lo a lawm ,hetah rawn kal lo ta ila engtikah nge kan inhmuh ang.










Ka duh che tih hre lo a hmeichhe dang i neih te ka hlau a sin,zaktheilo pawh min ti mai thei . Mahse damchhunga kan mi duh te hrilh ngam lo a awm ai chuan min hnawl dawn pawh ni la hre ve hrim hrim la tihkha ka duh zawk . Keichuan ka hmuh tirh atang che khan ka duh che a,mipa ngaihsak ngai miah lo kha i hmel ka hmuh khan ka danglam vek a sin . Hmuh che chak tho si khan hmuh che kha ka zak tel bawk,mahse a tul ngang si a








Hetah ka lo kal ta tawp a nih hi,min ngainep a nih pawhin ka dem chuang lo che ,mahse ka rilru hi hre ve hrim hrim la ka duh a ni " tiin ka nuih var var a. Ka kut chu rawn vuanin a hmer nghal salh “ Ka lawm e " a rawn tih thum dut chuan ka nui hak,heti em em a sawi tur hrelo hi engtin nge keipawh hian ka duh theih ni tih hi ka inhre bik lo ” Anih nang ve le?" ka tihchuan hmalam chu en vung vungin “ BA third year ka zir dawn kumah chawlin volleyball ka luh chilh a ,i hriat tawh tho kha . District leh ram aiawh pawhin ka chhuak ve thin a .








Mahse hei nu leh pa bula awm ka duh zawk a vangin ka haw ta chu a nih hi, duh chuan sum hmang pawhin ka chawm thei alawm iti mai thei. Mahsela sum ringawt hi hlimna a nilo a ,nunna alei thei hek lo. Chuai chuan an dam chhung tal hi chuan an kiangah awm in an hmuh phakah hian chawm ila ka duh, volleyball kha lo bansan lo ta ila an kiangah ka awm thei dawn lova. An dam loh hunin tunge awm pui ang,ka hming an lam ngei dawn a .








Chuta awm lo nih chu ka duh lo,hmingthanna leh rosum ai chuan hetia mahni neih tawka lungawi tak leh thlamuang taka an awm hi ka duh zawk,tunah pawh hian kal leh turin min nawr fo va ,mahse ka hnial zel thung . A ruk tak chuan ka hnial hi an lawm tih ka hria " tiin a rawn nui leh sak a ,ka lo en ngawih ngawih ringawt. Keichuan ka nu leh pa ngaihtuah miah lo in ka duhzawng ka nih theih dan tur zawngin a kum a kum ka awmbo chu a ni sia .







Tlai lamah chuan a niin lo chu a theih chhung a thlo a ,keiin thlamah rawng ka lo bawl thung . Sava leh thereng hram chiah chiah nen chuan nun hi a hahdam thlak takzet in ka hria ,mu chhe hram te pawh chu hlauh en ah ka en lo hrim hrim . Kan chaw hmeh ken vel te chu siamin phur zet chuan ka che ve sauh sauh va ,u Nunpuia a rawn haw meuh chuan ei ka lo peih diam tawh .








A nipawh chu insil fai sawk sawkin chaw chu kan bar a ,kan vau ngaw ah sih tha zet a awm bawk nen tui chu kan hniang hnar viau mai . Chaw eikham chuan thlam bathlarah bawk chuan thuchhuak dunin ram riak dang ri leh nak nak thin leh tingtang perh a zai vang vangte chu kan ngaithla dun a ,thlam dang a tanga en rawn chhuak raih te chuan keini chauh nilo an riak tih a tichiang hle bawk .







“ A nuam e ,a hahdam thlak bawk si . Kan khawlam ai a nuamin ka hlim daih zawk,khulamah chuan office kal a nih loh chuan inah nilengin kan inkhung a ,motor leh thil dang ri nen boruak hi a ni churh zel bawk nen,helai hi chu hmanlaia awm ang mai ah ka in ngai . A boruak vawt var leh thiang zet te hian a tinuam zual,hna in thawh nasat nen engtin nge chau miah lo anga in awm theih ni . Keichu reilote ka thawh pawhin ka chau thuai a .







Mahse ka inzir zel anga ,ka thei ve em em ang" tiin thu ho zet zet chu ka sawi kual a ,khauchher hram chiah chiah nen chuan ham bai baiin a dar ngheng chung chuan ka mit ka chhing a ,ka lo muhil hman nge maw ni a taksa a chet zauh avang chuan ka meng chhuak nghak vat “ Oh! Ka lo muhil elo? Ka mut a chhuak viau a nih dawn hi " tiniah niahin ka thu tha a .







“ Lo va mu rawh,nakinah ka rawn mu lut ve dawn a nia " a tih takah chuan hnial duh lo in thlamah chuan ka lut zui thuai a ,a zau tha bawk nen kan pahnih pawhin kan thawl tha viau mai . Mutna chu siamin kawngka awm lohna lamah chuan ka mu zui thuai a ,a nipawh chu rei awm lovin a rawn muzui ve mai bawk . Inhnaih hle si e tilo chuan kan taksa chu in tawh hlau ang hrim hian kan in mut hlat a . Puan hran ve ve kan sin bawk nen indai ngaihna a awm lo hrim hrim .








Ka phone chu phawrhin pasaltha thawnthu chu ka play a ,ka mit chu ka chhing nghal hmak bawk . Solar inverter kan keng bawk nen a low pawhin charge na tur chu a ngaihtuah awm lo viau mai “ Muttui aw " tiin u Nunpuia chu ka en leh a, light chu off in a nipawh chuan min mangtha ve sup a ,kan ngawi zui kar mai . Ka vawikhat ram riahna a ni bawk nen thil nilo lo ngaihtuah kaiin mut chhuak hle si kha ka muhil thei mailo lehnghal .








Thil rirawk ka hriat chuan ka phu nasa lutuk chu ka thlawk chhuak lo chauh,u Nunpuia chu ka hnaih nghal rawk rawk ,a nipawh chu ala muhil bik lo a nih hmel ” Hlau suh,sazu an nih dawn kha ,thlamah hian an awm duh ve a " tisupin a rawn thu chhuak a“ Puan hi kan in zawn mai dawn em ni?" a rawn tihchuan light chu on in rang zet hian puan chu thuahin a mah hnaih chetah chuan ka mu a ..








A awmlohna lam zawnga inher in a awm chu ka hnung chuan a si chial a ,a nipawh chu rawn mut tha in ka hnung lam atang chuan min rawn kuah a . “ Muhil tawh rawh " a rawn tihchuan ka thla a muang ve deuh ta bawk nen a kut chelh chung chuan ka muhil zui thuai a ,zinga ka harh meuh chuan min lo thawh khalh leh der tawh . Thlam kawtah chuan thing tuah tur lo fawmin a ek a ,thukah chuan chaw a lo chhuang bawk .






Ka zak ngei mai,a hmeichhia zawk ka mu rei thei lutuk a ,inlamah chuti bawk . Tho chhuak vatin mut bu chu ka thlep tha mawlh mawlh a ,inphih faiin ka ha chu ka nawt leh nghal sawk sawk a ,a thing eh sa chu va pawmin rap chungah chuan ka dah zel a ,a lo ek tam hman em em lehnghal . Ka mutui viau a nih ka ring a thawm pakhat mah ka hrelo thei a nia “ Mai an saw lo va la la ,lo bai ta che ,chhimbawng pawh a bulah a awm kha .








Hei kan fawm zo law law ange " a tihchuan a sawi ang chuan mai an chu la in chhimbawng chu zik thum vek sikin thlam lam chu ka pan a ,ka hik nghal mawlh mawlh. Cooker a rawn phit takah chuan suanin maian baina tur bel chu ka chhuang leh te te phawt a ,berul awm ang ang chu veh lehin keima tawkah ka buai ve viau mai. U Nunpuia pawh chu rawn thu chawlin ka che tla lai chu min en reng a.







Hetia ngawi renga min en tawh hi chuan ka lai in ka che khawr ziah lehnghal “ Min en reng lo la " ka ti ta nge nge a ,a rawn nui deuh hak a. Ka maian hih sa chu amah chuan rawn thuaiin a thing fawm zawm tur chuan a chhuak lehnghal a . Mei chu chhawm tha in ka chawk rak rak a ,“ Ka va thingtlang nu ta reh ruih ve " tiin keimah te chuan ka nui hak hak a .






Ka ngaihtuah chianga ka thusawi leh ka awmdan inmil lutuk chuan nuih a tiza zual,a hma a gas ah bungraw changkang tak nen rawng ka bawl thin kha a nia ,tuna ka awmdan nen a inang lo nasa si. Mahse a nawmdan a inthlau chuang hauh silo,tuna ka awm dan hi a nuam ka ti zawk mah. Pasal nei tawh te ang ka inti rum rum mai.





Bai a hmin rualin alu chu ka kang zuia,a ni pawh a thing fawm a zo tawh a nih hmel,keipawh chu ka che nghal thuai thuai a,u Jona a rawn thlen hman hma a peih vat ka duh,chuti lo zawng min fiam leh emaw a nia nga ,mi fiam a hrat bawk nen a bulah ka thiam loh thil tih phei chu ka duh lo hrim hrim .






Chaw eikham rual chuan sawi ang ngeiin a rawn lang mai reng a ,a rawn au leh lawng lawng tawh mai . A nau nen an mizia a inang lo lutuk hi a mak,an hmel erawh a inang viau thung “ Duati chu i khua a har viau lo maw? Nizan lam lah tu te emaw chu hrilhhai zetin an hawi haw haw lehnghal" tiin anui huk huk a ,min rawn rim tum te a sawina tih ka hailo....







“ Tinge ilo kawm loh a ,kan nula awm chhun i nia,ka ai lo awh tur che alawm" tichuan ka fiam let hlak a . A nui huk huk ringawt “ Tu emaw phei chuan a ngaihven hle che a nih kha " tiin kan bulah chuan a rawn thu a ,tu tak a sawina ni ang maw? Thumak pui pui lah hi a rawn hre ziah lehnghal.


(DAM CHUAN ZANKHAT DANAH A AWM ZEL TAWH ANG AW ,KA NEXT STORY TUR MR CONTROLLING KA POST A ,LIKE LEH COMMENT MIN LO PEKSAK LEH HRAM RU AW)