MR.CONTROLLING BY MAWITEI BAWITLUNG (Completed)

[mawitei bawihtlung]

MR. CONTROLLING








CHAPTER 23





“ Le duhnu ,tho tawh rawh le " tiin ka biang chu a rawn beng thek thek a “ Aih ka la mu duh,la mu ang " tiin ka delh lui tlata. A nui hawk mai “ Awle a nihchuan nangmahin min siam ngei a ngai a nih chu " a tihchuan “ Ummmmm" tihbakin ka chhang lo, ka mut a la chhuak lutuk tlat . Ka harh leh chuan dar 8 a lo ri tawh a,ka thu chhuak nghal zawk mai ,inbual fai sar chunga u Remtluangan min lo en reng tih ka hmuh chuan ka chil ka lem khalh a .










Towel chiah a veng bawk nen a awm in pharh darh leh,a abs nalh lutuk nen chen chuan ka hmu vek . A v line te a dula hmul tlem to thla te chu an nalh lutuk tlat . “ Ka hmuhnawm viau a nimaw ? " tiin a rawn kun hniam a ,a sam huh in min rawn far avar chuan ka namsawn nghal vat . Nui hawk hawk hian min chawi lawp a “ Le min siam dawn kha le ,hmanhmawh la ka tlai riau tawh a nia " tiin almirah hmaah chuan min dah thla a .









Engmah sawi tawh bik lo chuan a police form chu la in ka hak tir mawlh mawlh a . A hma kilhna ka kilh lai chuan ka kawngah a lo dawm ran a ,min en char char bawk nen ka en let ve ngam meuhlo “ Duhnu vawiin chu ka lo haw tlai mai thei aw ,ka hna hi a khirh deuha " a tihchuan ka en ha a “ Tualthahna a thleng leh a " a tihchuan ka meng kawk ringawt . Tinge Mizoram pawh hi tualthah hmang hi kan tam tak viau le“ A nupui a that a ni awm a ,chu thil chu ka buaipui angai a .








Ka lo tlai ka ringa ,min lo mutsan mai dawn a nia " tiin ka chalah chuan a fawp zeuh a ,a kekawr chu a ha nghal mawlh mawlh bawk . Inhmeh tizet hian ka lo en leh tawh “ I bawp ang hi nei ila mizo mipa ah min chen lo tu an awm nual dawn a nih hi " tiin ka nui hak hak a. A rawn nui ve hawk hawk mai,a dik reng bawk a ,police chin meuh hi chu an te chhelo hle a ,u Remtluanga ngat phei hi chu chentu hi an vang viau ang . Hnamdangah pawh nise a zahpuiawm hauh lo .









A lukhum a khum leh rual chuan thla ka lak pui a , instagram ah chuan ka post nghal zat . A mit kan ukin a phone chu a hmet mual mual a ,ka thlalak a post ka hmuh chuan ka nui nghal ver ver mai . Followers a ngah tih ka hria a ,min thik tu an tam viau ang “ Kal tawh rawh le,va fimkhur la aw . Him takin lo haw leh ang che ,ka lo nghak reng dawn che a nia" tiin inhnuai lamah chuan ka chhuhpui a ,a Bolero a a luh hma chuan ka hmuiah a rawn fawp vang vang a .










“ Lo che hah vak lo la aw " tiin a tlan liam zui a ,keipawh chu inchhung lamah lut zuiin chaw chu ka ei nghal mawlh mawlh a “ Pi ,vawiin chu ka dawrah ka kal lawk angai a ,ka lo haw leh thuai ang " tiin ka insiam zawh chuan ka pi chu ka kuah a ,a nipawh chuan a lo rem ti ve mai bawk . Chhuak zuiin ka dawr lam chu ka pan a ,ka phone rawn ri avang chuan ka en nghal zawk a. Pa Zoa hming a rawn lan avang chuan ka ner sak .










“ Min rawn hmu ang che " a tihchuan ka hnial duh lem lo,a chhan chu engkim chinfel ka duh ,dawr lama kal ta lo chuan an in lam pan chuan ka inkhalh leh a . An in ka thlen rual chuan ka thaw ham ham mai,inchhung ka lut a mipa pahnih leh nu Jenny nen an lo awm ka hmuh chuan ka thaw deuh huai mai “ Roomah kan va in be lawk ange,min rawn zui rawh " tiin midang chu hrethiam lawk tur chuan a ngen a . Amah chu room lam pan chuan a kal nghal zat .










“ File chu i rawn keng em?" thutna min kawh hmuh pah chuan a rawn ti a . Eng vanga hetiang khera sum la lut nge a nih le ,a MLA nihna ringawt atang pawh hian a la lut teuh awm tho si a . Mihring duham vek vek hi chuan pawisak an nei lo a lo nih hi,mi rethei an rethei leh em em a . Mi hausa in hmansen loh an neih laiin rethei zawk puih ai chuan neih belh zel duhna hian mi a lo hruai khawlo a lo nih hi . An chhungkua ka en a ,an hlim loh zia ka hria .









An ni aia rethei hlim tam tak ka hmu in ka hria a ,hausakna hian mihring nunna leh hlimna hi a lo pe in a lo va siam chuang lo em . Thianghlim tak leh ei rukna tello a mahni thawh chhuah ngei ei leh in te nun hi a lo awhawm ber mai . Rethei te pawh nimahse an thawh chhuah chhun hlimpui a ,an chhungkua an lungrualna ai a hlu leh hlimna dang a awm bik chuang dawn em ni “ Ka rawn keng lo, tin pek che ka tum hek lo . Pa Zo mi tam tak i bum tawh a ni thei.









I ram pawh,mahse sual hian lan chhuah hun a nei thin. I tlai hma hian in siam tha la ka duh khawp mai,kei min puihna ah chuan ka lawm lutuk,mahse i thil tum kher hi chu ka pui thei lo ang che . Tinge i hlawhah hian i lungawi mai loh ,nu Jenny leh u Dika hi ngaihtuah la ,nakina an tana zahna thlen tu tur hi ti tawh suh " ka tihchuan a ngawi run a . A hmel chu a nelawm loh hle bawk ,ka thusawi chuan a tilawm lo hle tih ka hre thei .










“ Kha hremhmun atanga la chhuak tu che kha ka ni a ,i thutiam hre reng rawh " a tihchuan ka nui sak mai . Ka ke chu khawkherh atin“ Nilo e eng thu mah ka tiam hauh lo che ,nangma min tiam zawk a nihkha . Keichuan ka pui ngei ngei ang che ka ti hauh lo,tin nang in min la chhuak lo pawh nila ka chhuak dawn tho tho,i hrechiang hle in ka ring" ka tihchuan dawhkan chu a rawn chum bur a “ I hre khawp ang,i hmangaih te ka tichhe lai hi lo en ang che " a tihchuan ka ding chhuak ve phat a .










“ I theih a thu le ,a chhan chu kei hian ka dang zel ang che. U Dika pawh ka pun duh mai thei a sin,a pa thil tih hi hre ve nghe nghe se a tha ang,doctor a nia a rilru tur pawh a hriat mai ang . Ka kal phawt ange ,tunge he indonaah hian ding zawk a la hriat mai ang,i duhthlanna a ni e . Hmeichhia ka nih avang hian ka duai hauh lo tih chu i hriat chian viau kha ,kei hian eng pawh ka hmangaihte him nan chuan ka ti ngei ngei dawn " tiin ka chhuahsan zui a .










Nu Jenny chu mangtha zawkin ka chhuak zui a,fimkhur taka ka chet a ngai ngei ang. Keimah avanga u Remtluanga tawrh tir ka duh hek lo ,dawrah chuan ka peng zawka customer an lo awm leh nual tawh a. Ei tur siam dan tur ka hrilh leh mawlh mawlh hnuah in lam panin ka haw lehnghala. Tunlai chu Remtluamgpuia vangin u Dika nen pawh kan inhmu khat ta viau mai . Hetiang em ema thikthu chhia a ni ang tih ka lo hrelo hrim hrima .









In ka thlen rualin inti faiin thawmhnaw bal ho chu ka su a,awmpui nei mah ila kan nupa thawmhnaw hi chu keimah ngei hian suk ka duh thin,chubakah room a luh tir ka duh vak lo hrim hrima. Ka insuk zawh chuan khumah mu pahin lehkhabu ka chhiar a ,ka inchhiar tui phian lehnghal . U Remtluanga lah a lo haw har dawn bawk si ka khua a har nghal ruihin ka hria.








Kan in ngeih leh tak hnu hian ka thlahlel zual nge pawh ka hrelo ,ka ngai veng veng mai .



ZAWMNA





Ka mutthilh theih loh avang chuan thu chhuakin u Remtluanga nghah pah chuan ZANLAI THLIFIM tih chu ka sa pah a “ Nakin sirah min hnawl dawn ai chuan tunah min hrilh rawh i dawn lungruk ,zanlai thlifim aw ka di te khan" tihchu ka zai rat rat a ,zai ring chho zelin “ Palai iangin a lo tir che maw? Kipten min hlan la....aa..aa" ka aw a rawn tial kir nawk rual chuan hnunglam atangin za lutuka mipa nui ri ka hre nghal zat .








Rang zet hian hnung lam chu ka melh a ,u Remtluanga mittui tla phunga a lo nui ka hmuh chuan thinrimah pawh a kal theilo. Rang zetin ka tlan phei a ,min lo pawm kang nghal nawlh a ,nuih la insum tih hriat tak hian “ Min lo ngai tawh em?" a tihchuan ka lu ka bu nghauh nghauh a . Dik tak chuan ka ngai tih piahlam a ni, “ Ilo zai thiam hle mai a ,ka nupui ni awm reng ilo ni" nui suk chunga a tihchuan a nghawngah ka sik vak a.








A rawn nui leh nghal hawk hawk mai “ Enge ka ngaihtuah che a ,ka ngai bawk che a ka muhil theilo nen ka zai ve mai mai a nihkha ,keiai zaithiam lo an tam lutuk" ka tihchuan a nui leh suk a . A lukhum chu laksakin a biangah chuan ka chul sak a “ I chau em? I hna chu engtin nge ni ta zel " tiin ka zawt a. Khuma min thut thlak pui pah chuan “ Ka zo tawh,nangmah vang liau liau a ni. Nangin min tichak in phurna thar min pe lo la chuan tunai a hma hian ka chingfel theilo ang .








Taka naktuk kha kan thawhpuipa in nupui a nei ve dawn a ,kan kal ve ang chu tirawh le lo mula,ka va inbual lawk ange,ka lo mu ve thuai ang " tiin puan chu keuin min mut tir a ,amah chu in phelh nghal mawlh mawlh in bathroom ah chuan a lut zui a . Ka hmui chu khawihin ka nui leh ver ver thin,ka ngaihdam theih kha ka ring tawh lo a ,mahse hmangaihna hian ngaihdam theihloh a lo neilo,Pathian meuh pawhin eng ang a sual pawh nise a ngaidam thei a nih ngai chuan a duhtaka a siam.










He leia thuneitu a a dah mihringte hian engvangin nge ngaihdamna kan neih loh bik ang ni . Sual eng ang pawh ngaidam thei kan rina a thupek kan zawm dawn a nih si chuan kan chunga tha te chauh nilo in kan chunga thalote pawh kan ngaidam mai tur a ni . Shower ri sar sar chu ngaithla in khumah chuan ka mumeng kar a,a chauh dawn tehlul nen chau hmel pu miahlo in min la be thei a. Ka pasal hi ka hrechiang chho zel a .








Min ngaihsakna ka hmuh belh zel nimaiin ka hria ,a lo chhuak laite chu ka lo thlir reng a ,a thawmhnaw thlaka a rawn mut rual chuan ka lo kuah lehnghal thak a . A kut chu a vawt vur mai,ka kut chuan hum bet taiin ka awmah ka bei tir a ,sawilo mai se a mitmeng dul raih a tang hian a chau takzet tih ka hria. Chuvang chuan ka taksa ah ngei hian hahchawl se ka duh a ni “ I chau tih ka hria,keimah hi min rinchhan rawh. Pui theilo che mah ila ka taksa ngheng tala i hahdam theih ka duh









Muhil rawh,i chau takzet tih ka hria,i rilru hahna leh i lungawi lohnate zep mai lo in min hrilh ve zel ka duh bawk . Pumkhat kan ni tawh a ,ka pasal hi ka lakah alungawi loh ka hlau ber " ka tihchuan hahdam hmel tak hian a rawn thaw suai suai a ,min kuah nghet sauh bawk “ Ka nupui lakah hian vuina tur ka neilo,ka engkim i nih hi. I kiangah chuan ka hahdam reng fo vang,chuvang chuan ngaihngam takin awm rawh . Ka tan chuan ka kianga i awm reng hi ka chakna ber a ni.









Heti ringawt pawh hian ka chauhna i tireh a sin,ka nupui in min ngaihtuah hle tih ka hriatna ringawt pawh hi a hlu"tiin a rawn nui nghawr dat a “ Ka zai sak ang che aw " tiin a luah chuan ka chul hliau hliau a. Tuna a awm danah hi chuan mipa naupang a nu in a awih mut ngen a ang lutuk tlat ” Awle ka nupui duhtak" tiin ka awmah chuan a bei than a , Joseph Zaihmingthanga sak “ MIN DAWN VE RAWH AW " tihchu ka sa rat rat a . A hla zawng zawng te hi ka duh em em vek a .







A bikin a love song sak ho hi,Mizo zaithiam tawh zingah chuan Sailoa nen hian ka duh thei em em a. An ni an nihloh chuan hmanlai zaithiam Lallianmawia te ho hla hi ka la ngaihthlak tam ber an ni. An hla reng reng hi tunlai mite ang lo takin a lunglen thlakin a mood ah kan cheng bik veng veng hian ka hre thin “ Lung di sam ang then zawng,tuar a har ,lenrual lungduh zawng te'n min hnem zo silo,lengdang tawnah dam te'n liam mahla,sakhmel tawn chang chuan lungrukan min dawn ve rawh aw " tiin a thunawn chang chu thinlung takin ka zai a .




(He hla hi a hla zawng zawng zingah ka duh zual ber a ,in ngaithla ve thin emka feel vawng vawng thin)





U Remtluanga chuan min rawn hmer salh a ,nui sak chung chuan zai zawm zelin a tawpah chuan muhil tih hriat tak hian a thaw sak sak a . A biangah chuan khawihin“ Ka hmangaih lutuk che " ka tisep a. Keipawh chu mutthilh tumin ka insiam rem sat sat a ,amah kuah chial chung chuan ka ham biai biai a ,a ni hi tawng lo ila engmah hi ka hria in ka in zir puitling thei hauh lo ang. Amah avangin natna te ,hlimna te chhungkua leh hmangaihna thlengin ka zir thiam a ni .




MIN DAWN VE RAWH (CHANG 3 NA )


Awle duhlai i suihlungruk ,
Ka dum zawh chuan siloh chuan;
I lungdumtu tangah chuan lungdam te in va bei ta la e,
Keizawng maw khuanuruat ariang ka chan hi pawm zai relin;
Mahriak te in nunhlui liam hnu
Ngai chung zelin kiang mai nang'e .




Muttui u,zanin chu ka hla duh em em hi lan tir ka chak tlatduh em em te neih theih siloh,vei ve reng leh nghak ve reng,mahse nghah chhuah tur awm silo te,chutiang tawng in awm chuan in tan pawh ka hlan tel.

[mawitei bawihtlung]

MR. CONTROLLING







CHAPTER 24







A thiante inneih naah kan kal a ,mi an tam bawk nen ka chau nghulh mai hian ka hria. U Remtluanga lahin hretu leh betu a ngah bawk nen ka ke hi a kham vek tawh “ Hetah hian thu ang hmiang,i chau tawh em?" tiin chair ah chuan min thut tir a ,ka lu ka thing nak nak ,in tur an rawn sem chu la in min pe zui a . Zanlam chu thalai deuh an ni tawh bawk nen a bengchheng ka ti viau nangin mi hlimna lo tih chhiatsak tu nih ka duh lem lo .







“ Hi Rema" chutia kan lo thut lai chuan hmeichhe chhelo zet hian a rawn ti a ,kan bula thutna ruakah chuan a rawn thu nghal bawk . “ Enge nita Lianpui " u Remtluanga chuan ngaihsak mang lo hian a lo ti a ,chunu lah chu a nui har har reng lehnghal “ Ilo va puitling tawh ve. I hmelthat ngai in ila hmeltha reng a nih kha,ngaihzawng te i nei tawh em. University kan kal laia min duh theih zia kha " tiin a nui har har reng a .








Ka lo eilo leh mai mai khawp a ,lerh dekdawk lutuk mai “ A nihchu hei hi khawvela ka chhungte tihloha ka hmangaih awmchhun hmeichhia leh ka nupui a nih hi,hmanlai hun erawh keichuan ka hre tawh hek lo . Duhnu haw ang hmiang i chauh hmel riau mai " tiin ka kawngah chuan rawn vuanin min din chhuah pui a “ A pawilo,ka chau ve riau mai ,ka awmdan hi ka inhrethiam lo" tiin ka phun sep a . Chunu in nuihza vak lo a min lo nuih chu ka hmu reng ..








U Remtluanga chuan vawikhat pawh a melh tawhlo,min kalsawn pui rual chuan ka hawi let zawk a . Ka mit chu phenin ka chhiat khum vak a ,a thinrim hmel chu a nuihzatthlak letling. Pawn kan thlen rual chuan ka eu pan pan a ,ka kawng kham lutuk chu a hrehawm zawk . U Remtluanga chuan ka hnunga min chum sak det det pah chuan “ Hrehawm i tih chuan sawi vat tur che a lawm,haw ila ka malis dawn che a nia " a tihchuan ka bu nghat a .









Car ah chuan min luhtir hnuah a rawn thu lut a “ Nichina hmeichhia kha chu engah mah ngai suh aw ,nang lo hmeichhia ka la hnaih lo,tawh lah ka tawk hek lo . Ka hmeichhe ngaihsak hmasak ber inia awm ngaihna hre lek lo in ka siam che a nih hi " tiin a nui suk a ,keipawh chu ka nui ve hak,a sawi dik chiah a ni “ Ka experience neih loh azarah ka chan tep tep bawk che a ,tunah chuan ka zei ve tawh teh a nia " tiin car chu a tlan chhuah tir zui a .








Ni e zeilohna tam tak ala nei,mahse chungte chu hmuh lensak ka tum lem lo . Mihring chu in zir chho reng,kan hun tawn leh thil tawnin a a chher puitlin zel kan ni a ,midangte chhiatna lai ngawt zawng lo hian kan thatna lai te hi in hmuh sak thei ila a tha ber. Tumah kan famkim lo a ,kan inhmuh kan sak hian inlungrualna a lo awm thin mai zawk a ni . In thlen rualin keimaha ka kal phallo in amah chuan min pawm lut a .








Mipa tam tak hian a tih ang hi an tipeih in ka ring lo,tunlai mi hi chu kan innei hma in kan innei naupang thei lutuk a . Chu chuan nghawng tha lo tak a nei,chu chu uirena suala tluk leh inthen hi a ni . Tam tak chuan nulat tlangval kham lo in kan innei a,hmangaihna awm lo leh kan lo inhriat chian tawk loh avang hian kan inthen niin ka hre ber . Hmeichhia hi chuan kan aia kum nga tala upa hi nei thei ila a tha ber.










Mipa puitling tawh chuan nupui te duatna chang leh dawhtheihna an ngah a ,naupang lutuka innei erawh mipa an puitling tawk lo a . Chu chuan kan nupa inkar a tichhe leh mai thin,inhrechiang tawn ila chumi hnuah innei thei chauh ila duhthusam a ni,hmeichhia te hian kan hriat tur a ka duh em em chu mipa chu in thup thiam lutuk . In ngaihzawn lai chuan fel lutuk an ni deuh vek a ,hei tak hi kan fimkhurna tur a ni .









Fimkhur ngai tak,an mizia lo ang daiha an awm thiam miau avang hian hmeichhiate kan chesual fo reng a . “ Khumah hian bawk la ,ka lo hmet ang che" a rawn tih avang chuan ka phu zawk a “ Enge ilo ngaihtuah leh tak,ka biak in i phu fo mai rilru hahna i nei em ni?" a rawn tihchuan ka lu ka thing nak nak a ” Neilo,ka mu dawn min lo hmeg mai mai teh " tiin khumah chuan ka bawk nghal thlawp a .








A ni pawh chu rawn thu hniamin ka kawng vel chu a rawn hmet kual a ,a changin a chum leh dat dat thin bawk . Ka kawng na ngawih ngawih pawh chu a reh huaiin ka hria , mitchhing diar diarin ka ham bai bai a “ Min mutthilh san miah suh ang che" tiin min rawn sawi a,ka melh nghal vak “ A chhuah miau chuan ka insum thei hleinem ,ti zung zung rawh . Ka kawng bawr chiah kha timai rawh .









I chau ang,mut hmat ka duh zawk . Nilenga thut chu a lo ninawm takzet a nihkha. Rinai kal an tam a nihkha " ka tihchuan ka biangah chuan a rawn chula “ Kha aia ropui leh mihring tam zawk in inneihna ka la neih that pui ang che ,engkim hi han fel sela iduh angem Duhnu,tunah rih chuan engmah ka la tihpui thei rih silo a . Keipawhin holam taka kan innei kha ka duh bik lo ania,mahse a tulna in min nawr miau si a .







I zia deuh em?" a rawn tihchuan thu chhuakin ka bu nghauh nghauh a “ A ho lutuk,i nupui ka nihna hi ka lungawi tawk . Mi zawng zawng hmuh kher angailo,nang leh kei hriatpuitu tlem awm nen khan ka duh tawk lutuk . Mu tawh ang,naktuk chu dawrah ka va kal ve angai tawh ang chu,ka kan khat tawh riau mai. Hnathawk ho vil ve loh chuan" ka tihchuan min hnial duh bik lo .








A hma in kan inhnial phah hrep tawh a. Tunah chuan a zia ve ta deuh a nih hmel,a kawngah kuah chial chung chuan ka mit ka chhinga “ Ka hmangaih che " a rawn tihchuan ka nui sak a ,zantin hriat a tan chuan a mawi mah mahin ka phulo zawk hialin ka hre thin , ni e keipawhin ka hmangaih a ni . Kalsan leh ka tum tawh hek lo .









“ Keipawhin ka hmangaih che ,ka pasal bik liau liau pa,i mi hmangaihna kha kan tar hnu leh kan damloh lai pawhin ni reng sela. Danglam ngai miah suh aw " tiin ka phun sep sep a,ka mut a chhuah tawh em avang chuan meng peih tawhlo in ka riat nawi niah niah a. Ka muhil zui nghal mai bawk .








Nitin chuan hun a liam ve bek bek a ,nu Rini nen pawh kan in haw ta em em lova ,a fapa ka hmangaih zia leh a fapa in min hmangaihna a hmu thiam ve ta te pawh a niang. Kan inneih atangin thla li lai a liam ve tawh a ,u Dika nen pawh kan in hmu zeuh zeuh bawk,a ni pawhin bialnu thar anei ve a nih hmel. Hmuh erawh ka la hmuhsak lo thung,pa Zoa erawh kan tan ala hnawksak em em lo nangin hmuh palha min melh dan erawh a rapthlak mah mah thin a ni .










Eng emaw tak tih ngei a tum ka ring a ,mahse tunah mai chuan engmah kan la ti thei silo . A chhan pawh u Remtluangan nghah a tih miau vang a ni,chubakah u Dika ka ngaihtuah lo theilo,a ni a felin mi fak rawn a ni a ,a pa erawh pawnlam tha fu chhungril chhe tak a lo ni reng si a.




(NAKTUK ZANAH KA LO ZAWM LEH ANGA,CHUAN CHAPTER 25 VELAH S1 ANG CHU A TAWP ANGA,S2 ERAWH WHATSAPP LAMAH KAN KAL PUI TAWH ANG AW ,HELAI CHU BUAI A NAT BAKAH KAN DAH REGU LUTUK THEI SILO A ,BUAITHLAK EMAI )

[mawitei bawihtlung]

ZAWMNA ...







Tuk khat ka tho chu ka luak chhuak lutuk chu toilet ah ka tlan lut a ,ka luak nghal vak vak mai . U Remtluanga rawn lut chuan ngaihtuah hmel zetin min en a “ I tha em engtin nge i awm Bawihi" a rawn tihchuan chhan tumin ka ang zuau a ,mahse ka mit rawn vai avang chuan engmah sawi lo in amah chu ka bawh nghal thlawp a .









Chu chu ka hriat hnuhnun ber a ni . “ Duhnu harh tawh la i murei mah mah aw "ti a ka biang vel nun dan dan tu avang chuan ka ner nak a ,ka meng chhuak nghal bawk ,mawi zeta min lo nuihtu avang chuan ka thaw huai mai “ Khawiah nge ka awm a" tiin u Remtluanga chu ka en ha a “ Damdawiinah tinge min hrilh vat loh " a tihchuan mak ka ti deuh deuh “ Engmaw ka hrilh loh che " ka tihchuan a rawn nui hawk a .








Ka bulah chuan a rawn in thawlh nghal thak bawk “ Naute ,naute pa ka ni tawh dawn tih hi mawle ,doctor in i taksa a chak tha tawk lo a tia,chuvang chuan ei tur tha tha i ei tawh ang " tiin ka hmuiah chuan a rawn fawp vang vang a . Kei erawh ka thu hriat chuan min thawng thut bawk nen awmdan tur ka hrelo chuan ka pum chu ka khawih a ,kan pahnih fa ngei a awm tih ka hriat na chuan ka hnukte lam lam a ti ulh .










“ Naute ka pai tak tak maw " tiin ka kuah a ,kan inneihna rei ngaihtuahin ka pai thei dawn lo emaw ka tih hnuah a thlaruknaah ka pai ve ta chu ka lawm lo theilo “ Um naute tetakte mai,kan pahniha kan fa ngei " tiin ka dul chu a rawn chul a ,a ni pawh a lungchhia tih ka hria “ Bawihi ka fa ngei i pai tih hi awih harsa ka la ti,khatiang khawpin min hua in i chungah thil tha lo ka ti a ,mahse nangmah vekin engkim i siam tha leh ta a ni .









Ka lawm e ka hmangaih lutuk che " tiin ka hmuiah chuan a fawp leh a ,ka nuih ta ringawt “ Ka hmangaih che a ,mahse ka huat em che avang khan ka inkhawih tir duh lo zawk che a nihkha ,tunah chuan chhungkaw thar leh nun thar nen bul kan tan tawh ang chu" tiin a hmai chu ka khawih a ,mit chhing duar duar in ka khawihna chu a dawh a ,a hmai vun chuar tan chuan a upa ve tan tih a tilang chiang hle .








A pa tulh tulhin ka hre thin,a chetzia te ,a hmel leh a mize dam ruih te hian min hip telh telh . Police anihna angah erawh chuan a khirhin a nelawm loh hle tih ka hria ,mahse ka kiangah erawh chu a mize letling thawk chuan a awm thin thung . A khabe hmul to siar siar chu ka khawih sak a,a taksa lian pui chuan min delh titih bawk . “ U Remtluang engtin nge hetiang em em a i chhiatloh theih ?" ka tih chuan a rawn nui hawk hawk a .











“ Duhnu keiai a tha an tam a lawm" tiin ka lu ah chuan a rawn chul hliau hliau a “ Nia mahse ka mitah chuan i tha ber, ka mit lo ah pawh tha titu che an tam lutuk " tiin ka kut chu ka vai pah a ,nui suka rawn chelh betin “ Hmeichhe dang ai ka duh si che a lawm " a awma min kuah bei paha a tihchuan ka nui ver ver a,doctor rawn lut thut avang chuan ka phu zawk a. U Remtluanga chu a phun nghal hluk bawk .









“ Lalhmuchhuak kawngka te kik ve ta che " tiin doctor pa nui vur vur chu a vin hluka ,an in hre sa tih a chiang(Doctor Lucifer a kha aw Lalhmuchhuaka hi)“ Thiante in nia kik kher a ngai em ni? Tin i nupui damlo bula mut kuk kha kan phal reng reng lo a nia,a naupai kha dim hle angai ang . Ilo che vak vak ange ,i thawm hi a na ropui si" a tihchuan ka lo zak lutuk chu u Remtluanga chu ka hmer vak ringawt . “ Ngawi mai mai teh,ka nupui i ti zak ringawt a lawm . In nu mah ngam hleilo " a tihchuan doctor chu a nui leh kur kur a .








An inngam tlak hle tih ka hre mai ,chuti nilo se hetiang hian an infiam miah lo ang . “ Nupui te kan ngam lutuk te chuan kan duh ber kan neih an nia ,a tul hunah chuan hlauh ve te pawh an ngai a lawm,kan fa paitu an ni miau sia,ani lawm ni ? Nang pawh in nu kha i ngam lo thuai ang,mahni aia te thu hnuaia awm hi kan lo that pui phian ania " tiin a nui leh vur vur au, u Remtluanga pawh chuan chhan dan tur a hre tawh lo nge a melh ngur ringawt .









“ Ka ril a tam" ka tihchuan doctor pa zawk chuan ei tur in chhawpna lam chu a kawk a “ In pa kha tir kawi ve mai mai teh" tiin ka ban chu rawn vuanin min en dik mawlh mawlh a“ Lucifer i awm em?" hmeichhe aw in a rawn tihchuan doctor pa chu a nui suk a . Hei pawh u Remtluanga ang chiah in a hmeltha ,mahse a hmel a nu deuha u Remtluanga ai chuan hmeichhe tam tak mit a hmeltha tur ang chi a ni .









Hmeichhe hmeltha zet leh mipa naupang pahnih hi an rawn lut a “ Ka nupui thawveng te in lo kal a ni maw " tiin mipa naupang pahnih chu a pawm nghal nawlh a . ” U Rem ,i thianpa hian a lo tilui leh tawh che em ni? I hmel a va hlauhawm khep khup ve " chunu in a rawn tihchuan ka lo nui hak a. “ Hi Lalhumsuali ka nia ,nui kher lo la ka hming hi keipawhin ka duh bik chiah lo a nia ,Mendy-i maw i nih a?" tiin ka lamah a kut a rawn phar a .








Ka lo vuan let nghal thuai “ Aw ni e ,u Remtluanga hian in chanchin min la hrilh lo a ,ka lawm lo hle mai " tiin Remtluangpuia chu ka melh nghal kar a ,inthiamlo leh min tlawn tih hriat tak hian min nuih a “ Ngah mah ngai suh,kan pa pawh hi in pa ang chiah . Mawl ve ve an inkawm fuh a a buaithlak a nih hi ,naute i pai tih ka lo hria a . Thei lam ei tam la ,naupai lai chuan a tha a nia ,a hrehawm ber erawh nau vei hi a nia .









Mahse neih tawh ber chuan min tihlim tu an ni leh daih thunga " tiin a nui hak hak a. Nileng chuan an awm ve ta reng a ,kan awmna damdawi in chu an ta a ni tih ka hre nghal bawk . Zanlama chanchin thar an rawn puan avang chuan u Remtluanga chu ka en ha a ,pa Zoa chu an man a ni tih an rawn puan chu ka en reng ,a thil tih an sawi tak tak chu rapthlak ka ti . Tual hial a that a ni si a.








U Dika chu ka call nghal vat a ,ala dawn lo emaw ka tih hnuah a rawn la hram “ I tha em?" tiin ka zawt a ,a reh vung vung hnuah “ Ka tha e ,hetiang a ni tih ka lo hre har zawk a " tiin a thaw hawk a,hrehawm a ti hle a nih ka ring . Phone atang pawh in a aw chu a tham tiak mai “ U Dik a pawi ka ti lutuk,mahse thil sual tih hi a thup reng theih siloh a. Chhel takin aw ,damdawi in atanga ka chhuah veleh ka lo hmu ang che .








I tha tiraw " ka tihchuan a aw chu a thian a “ Damdawi inah chuan engvanga awm nge i nih? Ka tha a lawm" a rawn tihchuan u Remtluanga chu ka melh zawk a “ Ih nau ka pai a " ka tihchuan a rawn nui hak a “ Ka lawmpui a cheu,min rawn ngaihtuah suh. A hma atanga ka rin lawk a nia ,ka tha e Dinteiin min awmpui a " a tihchuan a bialnu tih ka hre nghal. Ka thaw huai mai “ Awle ka dah phawt aw " u Remtluanga a men rum tawh em avang chuan ka dah nghal vat mai .











“ Min ngaihtuah ve ta che " tihlukin min kuah a “ I unaupa pa mah nise thilsual a timiau sia,a hun tawh a ni " a tihchuan ka bu nghat a . “ Ka hria a lawm,engtik ah nge kan chhuah theih ang " ka tihchuan ka biangah piai zauhin ” Naktukah kan chhuak dawn a nia ,eichak i nei em?" a tihchuan ka lu ka thing nar nar a ,ka ham bai bai bawk “ Mu ang ka mut a chhuak " tiin damdawi in khumah chuan ka lawn a ,ka mit ka chhing nghal hmak bawk .

[mawitei bawihtlung]

MR. CONTROLLING








CHAPTER 25 LAST







“ U Dik hetiang hian awm suh khawngaihin " tiin ka hmaa mipa zu in char char chu ka ngen a ,doctor fel tak ni thin kha tunah chuan ramsa kawlh ang mai a ni . A bialnu nen chuan kan en reng ringawt,damdawiin atangin ka chhuak tawh a. U Remtluanga erawh a hna ah a buai em avangin ka be buai duh lo va ,u Dika ka hmuh tur thu ka hrilh hek lo .








“ Ka nun hi ka ning tawh Duati ,ka kham lutuk " tiin min kuah a ,hnem ngaihna ka hrelo bawk nen a hnungah chuan ka beng thek thek ringawt “ U Dik,intichak hram hram rawh. Hrehawm kan tawrh hun hi kan chak hun lai ber a ni a ,kan tuar chhuah phawt chuan nakina kan tana hlimna a lo ni zel a sin,i pa tihsual chu i tihsual a ni hleinem"a bialnu in a rawn tihchu ka pawmpui viau mai .









U Dika pawh chu a thaw hawk a “ Ni e keipawh jail ka tan khan beidawng mai ila tun ang hi ka thleng kher lo ang,i thu min hrilh fo kha i la hria em ? Kan hrehawm lai ber hian kan infuih kal reng tur a ni,beidawng lova beiseina chhete tal pawh neih hram hram tum tur i tih thin kha " ka tihchuan a nui suk a “ Mi tam takin i thatzia leh i thawhrim zia an hria a lawm,in dawm kun mai tur a nilo ania .









Kan tlu a nih pawhin kan tho leh tur a ni,kan tap a nih pawhin kan nui leh thin,hrehawmna tinreng kan tuar reng dawn lova ,kumkhua in kan tuar ngai lo . Hlimna te ,tahna te ,lungngaihna leh beidawnna te hi kan dam chhung chuan kan tawrh reng tur a ni ,mahse a kumhlun ngai lo tih erawh kan hriat reng a tha ,kan beidawn ngawih ngawih leh thih hial kan chak lai pawhin kan la hlimin kan la ding chhuak leh dawn tih hi rin tlat tur .











Chu chuan mihring te hi chakna thar min PE thin" ka thusawi avang chuan a rawn nui hak a “ Iti dik e ,a thi em pawh a ni hleinem tiru,haw tawh rawh in pa in a hmuh loh che chuan i tan a tha lo vang " a rawn tihchuan ka harh chhuak zawk mai . Sana ka en chu tlai lam dar 3 a lo ri tawh a ,ka ding nghal zawk “ Ka kal vat angai " tiin pawnlam ka pan hlawk hlawk a ,nau ka pai atang hian keimaha awm hi a phal meuh lova . Ka vak chhuak ngai lo a ni ber ,mahse tun ch a hriat loh laiin ka kal a .











A thinrim viau mai thei a ni. Rin ang ngeiin in ka thlen rual in pawnah palian zet lo vei thauh thauh chu a mood a fuh lo hle tih ka hre nghal ,aw thian kharhin ka pan phei a . Ka aw a hriat rual chuan chak zet hian ka lam panin a rawn phei a “ Khawiah nge i kal? Inah lo awm mai mai tur a ka tih che kha ,thu hi i zawm thei ngang lo em ni? Engvangin nge he bawp tawite nen hian i vah ziah,nau i pai tih i hria em?" a tinghal hluk hluk a .









Bawp tawite tih a sawi kher chuan ka inthlahrunna zawng zawng a ti reh vek “ Tikhan min ti ziah suh,u Dika ka va kan mai a lawm . Nau ka pai avangin ka awm mai mai tur tihna a ni kher lo " ka tive pang pang a ,ka dar ah chuan a rawn vuan nghal chawt mai . “ Nang bawptawi tawng thei zet hi,nau pakhat mai i pai hleinem,naute pathum pathum i hria em ? Kha i pum chhungah khan mi nung pathum an awm tih hi hre rawh . Chuvangin a sin ka ngaihtuah em em che .









Nang chauh nilo in he ka fa pathumte hi ka ngaihtuah" a tihchuan ka mengphawk vak a , enge a sawi kha? Phir pathum maw? Lalpa leh! “ Pa...pathum maw " tiin ka dul puar ve tan chu ka khawih a ,khawvela thil awm zen zen lo . Phir pathum ka pai a maw? Ka vannei nge ka vanduai zawk ,a thaw hawk a “ Ni e ,sawi ka tum pawh a nilo,indim la ka duh zia chu i hrethiam tawh em? Ka ngaihtuah em em che a ,nang lah chu hrilh pawh min hrilh lovin i vak ziah a .











Duhnu reilo te tal chu ka thu zawm ve teh " a tihchuan ka ngawi kar mai,naute ka pai tih ka hriat khan ka lawm a ,mahse phir pathum em em pai ka inring lo . Thil thleng zen zen lo a ni miau a ,“ Tinge a tirah min hrilh vat loh" tiin ka melh ram ram a “ Inchhungah lut phawt teh ang, i bo emaw ka ti a lawm. Vawikhat mah nangmahin vak chhuak tawh suh,in chungah eng emaw a thleng a nihchuan ka tuar thei lovang " tiin min kai lut a











A hlauthawng hle tih ka hre thei,“ Naute pathum lai mai ka pai tih hi ka awih theilo ,u Remtluang engtin nge i siam " ka tihchuan ka hmaa kal tum bur pa chu a meng kawk a ,a nui nghal hawk bawk . “ Nangte hi" tiin min chawi kang vawk a ,ka au nghal chul mai ,ka pi leh ka nu chu rawn chhuakin u Remtluanga chu an rawn hau a “ Khatin naupai laiin an in chawi vak vak ngailo,naute te i tina ange dahthla rawh " tiin an rawn au ve chul a .










Ka naupai hian kan chhungkaw boruak a siam tha ka tilo theilo ,u Remtluanga chuan engmah sawilo in kan room lam min panpui nul nul a “ Ka siam thiam bik tihna a nihkha ,tak takah Pathian malsawmna liau liau a ni " tiin ka chalah chuan a rawn fawp vang vang a “ Tirawh tawngtai ang,lawm thusawina leh kan fate tha tak leh him dam taka an lo pian theih nan,a malsawmna leh awmpuina kan mamawh a ni " tiin ka sawm a .









A phur zawng tak a lo ni lehnghal,u Remtluanga te chhungkua ka fakna em em chu,buai lutuk an nih loh chuan an inkhawm ngei ngei thin a ,tawngtai an theihnghilh ngailo . Tunang lai mi hausa tam tak chuan Sunday ah hna an la thawk hram a ,ni ruk chhunga thawhtheihna min pe tu hi nikhat pawh kan pe let ve theilo hi pawi ka ti thin. U Remtluanga nen chuan thingthi in kan tawngtai dun a .







Kan chhungkaw tan leh kan fate tan kan dil a ni ber,a malsawm kan dawnah lawmthu kan sawi bawk a. Ni e a malsawm kan dawn zawng zawngah hian lawmthu sawi senloh kan ba miaua ,kan tawngtai zawh chuan kan titi dun a ,ni e kan hma hun leh zel atan duhthusam mawlmang tak kan nei dun a ni ber “ Ka tawng lo ang che tih hi ka hlau,Pathian hian kan tan hian a lo va tha em,fahrahin hun ka hmanga .








Mipa hmangaih min pe in buaina kan tawng dun a ,mahse a tawpah ama remtuat vekin chhungkua din dun turin kan intawng leh a ,ni e khang ka hun tawn zozai te kha ka theihnghilh tihna a nilo va ,amah ka hmangaihna hian min zep tir mai zawk a ni . A taksa chu ngheng in kan titi dun a ,aban lian leh nghet zet chuan ka dulah chuan min kuah run bawk nen a thlamuan thlak hliah hliah hian ka hria . “Min nei hi inchhirna i nei em?" a tihchuan ka nui sak a










“ Aih inchhirna ka la nei chhin lo,kan hun kal tawh chu dahtha ila kan hunpum kan chhungkaw tan leh kan pahnih tan hmang tawh ang aw ,tumah an inrawlh ka phal dawn hauh lo a nia" tiin ka nuih sang a ,nui sukin “ Englai pawhin in tan ka awm reng ang " a tihchuan ka nuih sak mai .








Hun chu aliam ve duak duak a ,ka pum pawh a lian chak viau mai . Vanduai thlak takin ka pi in min boralsan a ,ka tuar hle ,keiai mahin u Remtluanga chuan a tuar zawk ,a tute a hmu hman lo tur chu keipawhin hrehawm ka ti takzet “ Ka pi khan a tute hmuh hun leh awm hun a nghak hlel a sin,bawihi accident pangngaia a thih hi ka ring theilo. Eng emaw in thup a awm a ni,a driver tan rei loh dan atang hian ruahman sa a awm a ni .









Ka pi chunga hetiang titu chungah hian engmah tilo chuan ka awm hauh lo vang " tiin min kuah nghet sauh a ,khumah ka mutpui a . A hrehawm tih zia leh a rilru natzia ka hmu a ,keimah pawh ka mittui a gla zawih zawih tho,ni e ka pi khan a tute hi a nghakhlelin nei thuai thuai rawh min ti reng thin a nihkha . Mahse a vak chhuakin hetiang thil hi a tawng leh ta si a









U Remtluanga mittui chu ka hruksak a “ Bawihi ,ka pi kha ka nu leh pa ai pawha min enkawl nasa tu a nia ,ka tan chuan ka engkim a ni ,hetianga awm tawp hi ka theilo,engkim ka chhui chhuak vek dawn " tiin ka nghawngah chuan a hmai a phum a . Ni e tette atanga enkawl tu a ni a ,atan chuan a pawimawh viau ngei ang le “ Ka hria a sin,mahse ngaihtuahna fim hmang hram hram turin ka duh che ,i rilru fim loh laia i chet mai zawngin buaina i tawk zawk ang tih ka hlau .










Pa Zoa a chhuak tawh an ti a ,amah hi a ni thei angem " ka tihchuan a thaw hrawk a “ Anih pawhin a amah mai chuan a ni hauh lo ang,engkim chu a la lang chhuak mai ang. Ka fate hi han piang felin han leikang deuh se keihian an pi nghakhlel em em tu laksak tu hi ka chhuah dawn lo,a tute kuah hman lo a siamtu hi nuamsa in a awm rei dawn lo " a tihchuan ka thaw huai mai,tun tut tut a a chet chuan a chetsual mai ka hlau a ni










“Ka hmangaih che ,i fate tan hian pa tha tak i ni dawn tih hi ka hria a sin,an ni pawhin he khawvel eng hi hmuh an chak tawh viau ang. Eng pawh nise a hun dik tak nghak ang aw ,kan neih chhun i ni tih hre reng la ,engmah ngaihtuah chiang lo in ti suh aw " tiin a awmah chuan ka bei a ,ka chhipa khabe rawn nghat chung chuan ” Englai pawhin in kiangah ka awm dawn a lawm,he ka khawvel tharte hi rawn piang zung zung se tih hi ka duhthusam a ni .










Ka nupui ini hi ka lawm,ka thinrimna zawng zawng i i kiangah chuan a bo thin a nih ber hi,muhil tawh rawh le . Ka lo veng ang cheu,muttui ule ka hmangaih ngawih ngawih te u" tiin ka dul chu a fawp leh zauh a ,an pa dawh chu an hre ve nge ka dul chu an rawn tlawh che a ,ka nui hak mai . U Remtluanga pawh chuti bawk “ Ka fate hian min hre thei tih ka hria a ni,kan chhungkua rawn tikim thuai ang cheu,i pa hian ka hmangaih lutuk che u " tiin keichu min fawp a .









“ I nu pawh hi ka hmangaih" tiin ka biangah chuan a piai zauh a ,nui hakin a awmah chuan ka hmai ka nawr a ,ni e kan fate an lo piang anga chu hunah chuan kan khawvel chu a rawn famkim chiah dawn a ni .




S1 chu a tawp ta ,s2 erawh ka sawi tawh ang in helam chu a buaithlak deuh reuh bakah in duh regu sia,chuvang chuan youtube a an lo chhiar hunah emaw in lo chang mai dawn a nia , whatsapp group a awm tan erawh Lalhriatpuia nen kan kal kawp dawn a nia aw ,a pi thihna Remtluangpuian a chhui chhohna leh an chhungkua ,harsatna leh buaina kara an fate ho lo thanlenna pawh ni thei ka la sawi theilo



A TAWP TA ..