MR.CONTROLLING BY MAWITEI BAWITLUNG (Completed)

[mawitei bawihtlung]

MR. CONTROLLING




CHAPTER 18



BY MAWITEI BAWITLUNG






“ Min zui reng suh " ka kalna apianga Remtluangpuia a lo awm hman ziah chu ning lutuk hian ka ti chhuaka,ka dawra a rawn kal loh leh ka awmna hmun a piangah hmuh tur a awm thei ziah chu amak zawk . Mi a enthla emaw tih tur hian ka awmna hmun tawh phawt kan in tihlohah chuan a awm vek a ni







Hun min pe tur in ka tia,pek chu min pe ngeia ,mahse ka kalna a pianga hmuh tur a awm “ Ka awm hleinem " a rawn ti sup a ,a hawi deuh vah bawk . Rum zet chuan enin ka kut chuan ka tin zuaih zuaih a ,nui sukin alamah min pawt nghal dawrh mai “ Ka hmangaihna che fiah rawh i tihkha ka che chhuak mek a nih hi,chuan min ngaihdam theih nan ka chet angai bawk a .






Duhu ka thil tum chu a sual viau em ni" a rawn tih thum sup chuan ka en haw ringawt,hetianga a awm reng a nihchuan ka tlawm leh mai ka hlau bawk si . Mahse keimah ngeiin fiah turin ka tibawk sia “ Ka ning,ka awmna a piangah awm lo la a nimai,palai te kha engvanga rawn tir ringawt nge i nih,inneih hmat chiam ka duh lo ka tihkha " dam dap chuan ka ti a .







Thinrima biak pawh ka peih tawh lo ” A chhan chu i kiangah awm reng ka chak vang a ni,ka ngai che i kianga ka awm reng chung pawh hian ka ngai che,nangin min ngaihtuah miah lo mahla i thil tih ka ngaihtuah a ,ka zawng che a ka rilru hi i tibuai vek a ni . Ka lo hmangaih mah mah che pawh aniang" tiin za lo tih hriat tak hian a then sak a .







A thusawi avang chuan ka lung chu a che dawt mai,mitchhing vang vangin ka awm zawnah chuan ka kut ka dah a ,amah chu ka en kar bawk . A mitmeng uk kharh chuan hawisawn lek lo hian min lo en ve a,kan in melh tawn ngar mai “ Mendy kal i la " u Dika aw a rawn chhuah chuan ka harh kawk mai,hawisawnin u Dika lam chu pan ka tum a .







Mahse ka kut a rawn vuan tu avang chuan ka ding dat “ Kal suh Duhnu " a aw chhuak dan ril zet avang chuan kal loh mai ka duh. Mahse u Dikan min nghak reng bawk si “ Ka kut hi thlah rawh,kan haw a hun tawh a nia " ka tihchuan hrehawm tih hmel tawk hian a thaw chhuak hrawk a,a mit chuan u Dika lam chu nelawm loh zet hian a en reng lehnghal .






“ U Remtluang" ka tihleh that chuan min rawn enthla ruai ruaia,a mitmeng rum zet kha a dam ta thlup mai . “ Ka ngaina lo,a endan che saw ka duh lo" a tihchuan ka thaw ham ham. Engtin vak nge min en ni “ Ka unaupa a nihsaw min en ve bawk loh in,ka kal phawt ange " ti a kal ka tum chu min kuai herin ka hmuiah a rawn fawp thut a .






Ka inring lo bawk nen hnialna chang pawh ka hrelo,ka namsawn rual chuan ka hmui chu ka nuai a “ Enge i hriat a ?" tihlarin ka kalsan hlawk hlawk a. U Dika hmuh lai khera min fawp chuan min ti thinrim,khatiang kha chuan ngaihdan thalo tak a nei ang tih ka hlau .




“ Ka bei ang ka tihkha, ka nupui i nih hunah chuan min huatna kha a reh ngei theih nan hma ka la zel ang" a rawn tizui a. Ka chhang tawh lo,u Dika chu inthlahrung zet hian ka en a ,thisen zawm chu nilo mah ila u anga ka en avang hian alakah ka inthlahrung takzet . Bu nghutin a car kawngkhar chu min hawn a .






Ka thu lut nghal vat ,ka thaw ham ham a “ I la duh reng em ni?" kan tlanchhuah hnua a rawn tihchuan a lam chu ka en a ,ka nui seih ringawt . “ I mitah khan ila duhzia ka hmu thei,engpawh nise i duhthlanna a sual ka hlau ber ,neih chu i tum tak tak em ni?" a rawn tihzawm a,a aw atang chuan a lungawi vak lo tih ka hria.






“ Ka neih ngei a ngai a lawm,i hriat kha ka hmangaih hmasak ber a nia ,theihnghilh mai a har a lawm . Mahse ka theihnghilh loh avangin ka ngaidam tihna a ni chuang lo " ka tihchuan ka kut a rawn hum a . Traffic jam a vang chuan kan ding zui bawk “ Ka pa a vang chuan nei suh ang che ,ka pa hi a thalo hle tih i hria.






I tana tha lo tur ah chuan ka pa pawh hi ka do mai ang,tisual nawn leh tawh lo turin ka duh che . Ka pa avang ngawta i nun i tihchhiat hi ka phal hek lo" a rawn ri bul hmuk a . Tun anga a lungawi lo hmel ang hi ka la hmu lo,tinge hetiang taka min ngaihtuah mai le ,thisen inzawmna kan neilo va.





He ti chunga min ngaihtuah em em reng hi ka phu hlawl lo,” Ka hria a lawm,mahse inchhungkaw chungah hian bat tam tak ka nei a ,chu chu ka rulh ngei cheu a ngai alawm,min ngaihtuah suh. A nat ka duh ber tih i hriat kha " tiin ka nui sak a . Car chu muangchangin a tlan chhuah tir a ,in kan thlen meuh chuan a tlai leh duai tawh .






Traffic jam reng hi chu a ninawm ve lam pang chu a ni e ,duh hun ah hian khawi hmun mah hi a thlen theih loh. Ka roomah chuan kan inzui lut a “ Engtik maw inneih dawn a " a rawn tihzawm a,palai an rawn kal lai khan a leng chhuak tak . Ala hrelo a ni ngei ang,” Thlaleh ni 6 khi,a duh hma sia i nu leh pa in an lo pawmpui mai a nihkha " ka tihchuan a thaw hak a .





Rilru hah hmel te pawh a pu ” I nei lo thei mai lovem ni? " a rawn tihchuan mak ti mitmeng chuan ka melh a ,a rawn kun hniam thut a. Min pawm nghal chawt mai “ U Dik,awmsawn teh tinge hetia i awm thut a " tiin ka nem laih laih a ,awmsawn a tum der lo . A rit nasa mai sia ka namsawn thei der lo lehnghal .






“ A chhan chu ka duh che a ni,Mendy ka duh che " a tihchuan ka phu zawka . Ka ding khawng nghal auh mai,ka thu hriat chuan min thawng lutuk tlat ” Mahse u Dik" ka tihchuan ka biang tawn tawnah a rawn vuan a ,a mitmeng dam dup chuan min en reng bawk . ” Mahse chu enge ,engthil mah ka ngaipawimawh lo .





Ka duh che tih hi hria la a tawk ,kha pa kha i hmangaih tih ka hria a,chuvang chuan na viau dawn mah ila ka kal tir ang che " tiin a nui suk a,tuna ka thil hriat zozai hi mak ka ti lutuk tlat. Remtluangpuia ,tunah u Dika a ni leh bawka ,ka rilru an tibuai zo dawnin ka hria . Mahse u Dika erawh hi chu u ang baka ka en theih ka ring lo .





“ Amak ka ti,u ang chiah in ka en che a ,khatiang lam chu ka ngaihtuah duh lo " tiin ka khumah chuan ka thu thla a . A ni pawh rilru hah hmel zet hian a thaw leh hawk thin, “ Ka hria a lawm,mahse ka hmuh hmasak ber atang che khan ka duh tawh che a,mipa dang vanga i na ka hmuh khan ka lo na ve thin a sin,i hriat ka hlau em em a .






Ka inthup ve nasa a sin ,mahse ka thei tawh lo a ni " a tihchuan ka ngawi kar ringawt,vawikhat mah mipa ang in ka la en lo a . Ka tan chuan thian leh unaupa ang mai a ni ,ka kut a rawn chelh leh chuan ka phu zawk mai . Tinge min duh zawk, kei ang neih nei lo hi mipa pahnih chu pawh ka phuloh tak ve ve in min duh in min hmangaih hial a nia .







“ U Dik ka tihpalh,mahse ka tan chuan unaupa tha ber ini,chubakah pasal ka nei mai tawh dawn a. Chuvang chuan hetiang hian awm lo ang aw " ka tihchuan a mit a chhing vang vanga,ka chunga a lawm loh erawh ka hlau takzet “ Ok a tha e ,mahse a tina leh che a nihchuan ka kut atangin a lasawn thei tawh hauh lovang che .






Ka thlah tawh hek lo bawk ang che " a tihchuan ka nuihsak a ,ka thaw huai bawk . Ka mitthlaah chuan Remtluangpuia hmel mawlh kha a cham a ,a hmel khawngaih thla la zet khan min dawi at leh mai erawh ka hlau viau thung.



ZAWMNA....




Nitin chuan dawrah ka kal a ,Remtluangpuia pawh a dan ngai te in a hna ban a piangin a rawn lang ziah a. Ngaiah ka neih tawh bakah chutia a awm chu ka nun a ti danglam ka tilo theilo, ka hmuh loh hlek chuan ka zawng ru thin ,Kan inneih hun a hnai telh telha. .





Mo kawr tur bakah mo thianah ka dawra thawk ka kawmngeih em em Ema-i ka hmang dawn a ,kan in puahchah nasa ve viau,pa Zoa lah chuan a him theihna tih hria in ka pa ang maiin engkim ah a phur phurah a tang a. Pa nihna a chang ka tilo theilo,a ruahmanna chu a fing ve hle mai .





Pa a nih miau chuan Remtluangpuia tan a puzawn diklohna chhui reng chu a har dawn miau va. Kan inneihna ah chuan mi kan sawm tam duh lem lova ,chhungkhat tak tak Bakin min tel pui lo mahse ka tan chuan a zamawm tho,Remtluangpuia hlim hmel chuan min tina tlat nia .





Nakinah chuan ka kalsan ngei a ngai dawn a ,chutih hunah chuan engtin tak awm ang maw. Inneih thutiam kan chham lai chuan ka thinlung takin ka chham a,mahse chhung lamah chuan na erawh a la awm a ni. A hma ang em em in na tawh lo mah ila,ngaihtuahnaah kha tih hunlai kha a lang lo theilo .





Min ring in min vuan tlat se chuan ngaihngam takin a nunah ka tlu lut thei tur. Mahse ka rinna a lo tih chhiat tawhna khan rin leh mai erawh a tihar viau dawn tih ka hre chiang hle thung . Pawnlam dam si hian chhungrilah hian na a awm a ,chuti chung chuan a kal erawh ka phal chuang silo,kal tir tum tak tak hian min dang tu a awm a ,ka lo hmangaih lutuk avang te pawh a niang .







Ka haw viau emaw ka tihlai pawhin a hmel ka hmuh a ,a kianga ka awm apiangin ka huat tawk loh zia a lang chiang ting a ni si . Ka kuta zungbun a rawlh luh hnu chuan a nupui tak tak ka ni ta tih chu ka bengah a ri nawn tlut tlut a ,kan bula kan thian a kan hman ve ve te pawh chu an awm lo ang mai hi a ni . Certificate a hming kan sign te chuan a tak ngeiin ka pasal a ni tih a nem nghet a .







Pastor thusawi tin te chuan ka mittui chu a ti tla mai dawn hian ka hria ,nupa chu pumkhat ni tawhin a nuam leh hrehawm ah pawh in vuan reng tur a min duh zia a sawi te leh keimah ni ngeiin kan chham te chu ka ngaihtuah a ,ka kuta zungbun chu ka en vawng vawng. Ka bun hlen thei ang nge ka phelh leh a ngai ang tih tak ngial pawh ka la hre lo va .







Engtin nge kan hma hunah kan awm anga,engthil nge kan tawn dawn tihlah hriat a ni hek lo . Inneih inkhawm a zo a ,pawnlama thla lak zawhah chuan pa Zoa te in lam panin kan tlan a ,mo thlahna hun hman an tih miau avangin keini pawh la in thlak lo in u Remtluanga nen carah kan thu dun a,ka kut chu a vuan reng bawk nen ka zam lutuk pawh a reh deuh .






Sawrkar hnathawk a nibawk a ,rawn tawiawm tu thian pawh a ngah viau mai . Pa Zoa lah MLA a ni bawk nen ka hriat ve lem loh mihring ka hmu nual a ,mi pawimawh tak tak leh awm thei tawk tak an ni vek ang tih ka ring thiam mai . Mi hausa leh lar hi chuan chhungkhat tu an lo ngah a nih hi,u Dika erawh inneih zawh rualin hna a awm vangin damdawiin lam a pan daih thung a .







A hmel atang khan nuam a tilo tih ka hre vek,ka tan chuan a tha mah mah a ni . Amah hmangaihtu leh hrethiamtu a tawn ngei ka duhsak bawk” I chau em ?" rawn tisup tu chu ka melh zawk a “ Chau lo e " tiin hmalam chu ka melh leh daih a ,ka kut chu a rawn hmer salh mai . In lam programme an siam chuan keipawh min tinui nasa hle ,kan thiante ho fiamthu chuan ka ngaihtuahna lak ata min hruai peng chiang hle .







U Remtluanga pawh a nui ve hawk hawk a ,ka kut erawh a thlah lo hrim hrim,inneih thil pek lah chu kan dawng nasa in ka hriat loh an awm nuk a ,mahse lawm takin ka lo dawng ve zel tho . U Remtluanga thianten a min chhaih chuan ka lai zel bawk nen an uar tulh tulh zel lehnghal. Ka van han ngei tak,u Remtluanga lah chuan min chhan ahnekin a nui vur vur reng ringawt







Inlam programme chu zo in ruai Kan theh a ,kei leh u Remtluanga bakah kan thiante erawh kan leng kual a ,thla kan la kual a ni ber. Khawpawna resort an siamah kalin thla kan la a ,ka inrin loh lai chuan u Remtluanga chuan min pawm kang nawlh in camera lam chu a en a ,ka en ha mai . Kan thiante chuan an lo click mawlh mawlh thung.






Zan kan mut dawn chuan ka inbual fai hmasa te te a ,khum a ka va lawn hnu lawkah tawngtai a sawi tlat avang chuan pawmpuiin a mah chu a tawngtai a ” Lalpa zaninah hian kan nupa in i kutah kan rawn inkawl tir a ,he inneihna hi a lem mai nilo a a taka nun puia chhungkua duhawm kan din theih nan kan rawn dil che a ,kan nupa nun pawh i kutah kan kawl tir a .






In hmuh thiam loh leh inhauh chang pawha a dawhthei zawk a tang thei turin kan pahnih nun min tihchak sak ang che . Kan hun kal tawh kan siam tha theilo a ,kan thil tih zawng zawng i hria e ,kan tlin lohna leh fel lohna lai in hmuh kan sak a ,hriatthiamna nen a in enkawl thei turin kan nupa nunah nangin thu sawi la .





Kan hmalam huna i duhzawng chauh ti thei turin min pui ang che ,kan hma hun kan hrelo va ,chutih rual erawhin ka nupui hi hmangaiha vuan reng thei turin min tanpui la ,ka nupui tana pasal tha leh in nghahna tlak ka nih theih nan nangin min pui la ,ka nupui enkawl dan ka thiama,hmangaih zel turin min pui la ,a ni pawh nupui tha a nih ngei theih nan chung chu i fapa Isua hmingin kan rawn dil e , Amen.






A thusawi tin chuan min hneh a ni,a tawngtai zawh chuan min khawih pawh tum lo in min mangtha in a muzui a ,inneih hma a ka thusawi kha a la hre reng a nih hmel . Mu thla ve in lehlam chu ka hawia ,ka mit chu ka chhing ta riai riai a .


KUM TAWP LAM CHU BUAI A NA ZUAL A ,HMAKAR ATANGIN HLA ZIRIN KAN CAMP DAWNA, SYNOD INKHAWMPUI KAL A NGAIH AVANGIN KA REGU THEI LUTUK RIH DAWN LO AW

[mawitei bawihtlung]

MR.CONTTOLLING






CHAPTER 19




Zingah tho in inhnuai lamah ka chhuk a ,rawng chu ka bawl nghal mawlh mawlh. A hma a ka lo Chet tlatna a nih avangin engkim awmna ka la hria a ,ka pi pawh rawn tho in min en vang vang mai “ Pi lo kal rawh,hei thingpui hi a so tep aw " tiin hmalam chu ka melh leh daih a. A hma a kan thil tawn avangin ka pi tak ngial pawh hi ka be hreh zo vek tawh.







“ Bawihte min haw lo em ni, eng vanga i u Remtluanga hi nei nge i nih le aw ? Thil tha lo tak i tih loh hram ka beisei " a rawn tihchuan ka mit ka chhing a “ Pi chiting a awmlo,a hma atangin in neih kan tum sa vang a lawm ,chutiang engmah a awm lo " tiin ka nuihsang a ,ka pi hi chuan englai pawhin min ngaina em em renga .







Keipawhin ka haw hello,ka thusawi avang chuan a thaw huai reuh a “ Ka tupa hian a hmangaih hle che a sin,khatih hun lai pawh khan hrehawm a tihzia ka hmu in ka hria a ,a nu nen pawh an inhmuthiam thei ta reng reng lova. I tawrhna kha ka ngaihnep sak hauh lo che a ,mahse ka tupa hi ngaidam rawh aw. A nu a ni miau si a ,a tan pawh a harzia ka hmuh pui a ni .







Rini nen hian inngeih takin awm thei ula ka duh a ni . Khawngaihin i tan a hrehawm a nih pawhin tuar hram hram rawh aw " tiin a kut cher riak tawh chuan min rawn vuan a ,a chak tawh lo hle tih ka hria . Ka hnuk a ti ulh tun mai ,“ Ka tiam a che pi,ka tuar thei alawm " tiin ka nuihsak a. Nu Rini ka huatna a reh hauh lova .







Mahse ka pi vang tal hian a dam chhung tal chu ngaihtha taka awm tir ka duh a ni. Min kuah vang vangin sofa lamah chuan a phei zui a ,an awmpuinu pawh rawn tho in “ Awi u Mendy tinge ilo tiha,thawh ka hai a lawm khawi lo awmsawn rawh keimahin ka lo ti ang " a rawn tibawrh bawrh a ,nui hak hakin ka khawih chhunzawm ta tho va .





“ Ka lo pui ang che ,pakhat ai chuan pahnih chu a tha zawk a lawm " tiin ka chet zawm zung zung a,u Remtluanga te an rawn thawk takah chuan thingpui chu ka pe phei vat a , a lo nui suk mai . Alamah min pawt hnaiin min kuaha “ Khawimaw min thlah teh " tiin thawh mai ka tum a ,ka thei der lo lehnghal






“ Amak Remtluangpui,min thlah vat rawh thingpui te hi a bua ange " ka sawi zawh rual rualin ka no ken chu a keh nghal chuai mai “ Fimkhur ve ula,no kha man nei a nihkha " nu Rini chuan a rawn ti hriam hrak a ,u Remtluanga chuan ka bianga piai zauhin “ Aman a tam lo emai,ka nupui nena kan tihchhiat leina tur in alawm hna ka thawh" a tihchuan ka lai ngei mai .







Nu Rini lah chu a tum hmuk a ,a tawng leh tawh lo . Ka pi sawi kha a dik tak tak emaw ni “ Kan tifai ange aw ,mi thlah tawh teh " ka tihchuan min thlah ve hram a,ka tho chhuak nghal tharh mai ,no keh chu fimkhur zet chuan ka rut a ,min rawn pui ve bawk . Nupa in ngeih deuh te pawh kan ang a lawm .






Ka pi dam chhung tal chuan tihnat loh hram ka duh,a upa tawha,tar lama a rilru na taka awm tir kha ka duh miah lo bawk. Pawn lamah chuan chhuakin ka hawikuala “ I mutui em " ka hnung lam atanga min rawn kuah avang chuan ka phu zawk mai,ka darah chuan a khabe a rawn nghat a .







Ka taiah chuan a kut a suih bet run bawk “ Um mutui e ,muttui loh lai ka nei ngai hleinem "tiin ka nghawng a khabe a a nawrna za ka ti chu ka nui hak a “ Min kuah reng lo la ,ka sawi vek tawh kha " ka tisap a. Ka ngaihtuahna avang chuan ka ngui leh vek tawh “Ka ngai che a lawm,hetia ka bula i awm hi ka la awih theilo che" a rawn tihchuan ka en kar .






Ka biangah chuan a rawn vuan a ,a lam hawi turin min kuai her nghal zat “ Ka ti tak tak Duhnu ka ngai lutuk che kha rawn hmuh che ka chak thin a sin,mahse min hmu duh miau silo" beidawng aw zet chuan a rawn ti a . Ka mit chu ka chhing sawk mai “ U Remtluang tinge min hmangaih siin khatianga ka chunga i chet si" ka tihchuan a lu chu a dawn a .







“ Ka nu dodal nghal kha a har a sin,chutah keimah lamah buaina awmin ka venhim theihna che ka zawng mai a ni,ka huat che chuan i him dawn a sin,mahse ka lo tisual a ni" a tihchuan ka ngawi vang vang. Enge sawi mai tur ka hrelo ,ka kut chu rawn chelhin alamah min pawt hnai a .






Ka hmuiah chuan a dawn fawp nghal vawng vawng mao,a mi fawh danah chuan a rilru zawng zawng a phawrh ni berin ka hria ,chutia min fawh lai reng chuan a mittui chuan ka biang a rawn far a , ka lung chu a che dawt mai . Tinge keimah vangin a tah,tinge hetiang tur si a min tihnat si,a tan theih tawp ka chhuah ve thin a sin .






Hetianga a awm reng chuan phuba hi ka la thei chiah angem ka sawi thei tawh lo,ka hmangaihna hian min hneh leh mai ka hlau “ Remtluangpui ka rilru hi i tibuai,huat che ka duh takzet ,tinge hetianga ka thinlung leh rilru zawng zawng i thunun zel bik,ngaihdam ka tum che a ka thei chuang lova ,ka awmdan hi tuilairap ang mai niin ka inhria .







Ka hnaih thei lo che a,ka hlat thei hek lo che ka hmangaih na che hian keimah hi min hrem mek a nih hi " tiin a awmah chuan ka chum dat dat a ,a mittui chu ka hmuh hmaih lo “ A pawilo,mahse ka bulah awm rawh. Chutal chu ka ngen a che ,Duhnu min hua la min hrem la ,mahse ka bulah awm tho rawh. I tello in ka awm theilo .






Ka tihnatna che kha a reh theih nan ka Chet min phal sak rawh" a tihchuan a mah chu ka melh kar “ A nihchuan pa Zoa i chhuina zawng zawng ti tawp rawh " ka tihchuan a thaw hrawk mai “ Ka theilo " a tihchuan ka tal nghal phat “ Thil tisual lo zawk min man tir chung khan ka tan chung pawh i ti theilo a maw ,i nu leh pa Zoa chu enge an danglam na .






An thil tihsual dan in ang lo mahse thil tisual ve ve an ni,i nu zawk i hum theih laiin ka chhungte chu i hum theilo ang maw " ka tichang fak a “ Bawihi an ni chu tehkhin suh,keilo pawhin hmu che se i nam thla miau a ,keiai hremna an pe na ngei bawk ang che . I pa erawh sawrkar mai nilo ram pumin a bum a ni,chu chu ka zep anga maw " a rawn ti dam dap a .






Chung te chuan min ti thinrim deuh deuh “ A nihchuan ka ngaihdam che beisei suh,ka sawi tawh ang khan ka nunah rawn inrawlh suh ang che. Ka ngaidam ngai lo bawk ang che ,hre rawh i nu chu ka namthlakah ila ngai nghet cheu a ,engvanga lo nei kher kher che nge maw ka nih ni. Min khawih suh" ka tawng laklawh laia ka kut rawn chelh a tum chuan ka vaisawn nghal nawlh a .






“A mak e ka thusawi la kawi zello la " a rawn ti hluk a,ka thinrim zual sauh . Be duh tawh lo in inchhung lamah ka luhsan a ,ngawi reng hian rawngbawl chu ka va pui mawlh mawlh “ Duhnu lo kal lawk teh " a rawn tihchuan hrelo ang hmak chuan ka awm . A thusawi kha ka haw lutuk “ Roomah kal lawk ang,ka hnung na hi min tuam sak la " arawn tihleh chuan rum zetin ka en a .







“ I na lo " tihmukin awmpuinu min lo en kar chu ka nuih lui a ” Bawihi va en sak rawh,a hnathawhna lamah a inhliama ,asawi duh lo a nihkha . Han in tuam sak rawh u " ka pi in a rawn tih takah chuan mak ka ti,engtia inhliam nge a nih ang ? Ngawi reng chuan ka zui a ,room kan thlen rual chuan a kawr chu a phelha ,ka mit ka hup nghal vat chu a nui ri ka hre nghal .






“ I hmu dawn tho tho ,inhup angai lo khumbul pawh dawhah khan first aid a awm kha " a tihchuan ka meng chhuak a ,a hnung a band aid a an lo tuam chu ka hmu nghal . Thi ala chhuak zui ,rang zet chuan pawhdawh chu panin ka hawng a ,a hliam hnawih tur leh tuamna tur chu la in ka pan hnai vat .





Khumah chuan a lo thu a ,a pian nalh tak chu in tih buai loh tir ka tum hram hram a ni,tu mipa mah hian hetianga mi hipna hi an nei thiang lo a sin,heti em em a mi tihbuaina nen hian,mipa hi chu makeup tello pawh hian zûn an ngah em em chu a ni si a ,a hnung tuamna chu ka pawt thla a ,ka ner nghal sawk .






A hliam an thui danah a thuk in a na thawkhat hle ang tih a hriat,damdawi chu dimte a hnawih sakin ka chhem pah a ” Tinge hetiang hliam hi i neih,in insual em ni " ka tihchuan a lu chu a rawn her a “ A tul chuan i tan pawh kan thi lawp lawp mai ang chu" nui vur vur chunga a rawn tihchuan ka beng teuh ngei mai .







A hliam chu tuam sakin kalsawn ka tum a ,ka banah a rawn vuan leh tawh “ Min thlah rawh,khatiang hliam tuar chung khan fiamthu ila thawh mai mai a maw ,ka lawm ve hauh lo a nia Remtluangpui " tiin ka ankhum tan tan a . Muangchanga min pawt hnaiin a mal chungah chuan min thut tir a ,ka thaw nghal hak mai . A awmah chuan min kuahin kan ngawi dun kara.






Ka samah chuan a chul hliau hliau bawk ,a lungphu ri chu ka ngaithla kar a ,awmsawn ka tum bik lo . A taksa lumna chu ka kalsan phallo a ni ber ,mipa taksa kawr ha lo lehnghal ka vawikhat kuahna a ni .





(K SAWI TAWHA ,NOTE HI MIN CHHIAR SAK THIN RU AW ,BIAL ZAIPAWL KAN CAMP A KA REGU THEI RIHLO A NI E ,AIZAWL LAMA KAL NGAI NEN

[mawitei bawihtlung]

MR . CONTROLLING





CHAPTER 20





U Dika nen kan leng dun a , kan nui reng ringawt. A bula awm a nuamin a hahdam thlak thin, ka dawrah kan lut a dawr chhung kan luh rual chuan mitmeng rum lutuk a min lo entu Remtluangpuia ka hmu nghal . Tinge hepa hi a lo awm leh theih, a haw tlang ang chu tihnak a lai, helaiah a lo thut thim khup saw .






Rawn pen phei kawk kawkin kan hmazawnah a rawn dinga, u Dika nen chuan an in melh tawn ngar mai, inchen tawk viau mahse u Dika sa pan lam chuan Remtluangpuia taksa tha nelh nawlh leh sek phiar fat chu a khan lo lutuk tlat “ Mi nupui lenpui bak hi tih tur i neilo em ni" a tihrawk a . U Dika chu a lo nui hak “ Enge pawi keichuan ka enkawl a , duat leh dimdawi takin a sin ka enkawl .







Nangin i enkawl ve reng reng em" a tive sak a . Remtluangpuia chu a thinrim hmel ta viau “ I duat ai nasa i duhna aia nasa in ka hmangaih tih kha lo hria ang che " tiin ka banah a rawn man lawk a , alamah min pawt nghal lawp mai . “ Enge i hriata, min thlah rawh nang hian hmuhsitna bak min pek i neilo , kal bo rawh" ka dawra awm te pawh ka ngai pawimawh theilo.







A kut chu thinthlak tumin ka che bat bat a , ka tuk khumah rawn vuanin ka hmuiah na zet hian a rawn fawp a , tinge mi hmuh lai hian min fawh ziah. A zak ve miah lo em ni, thla an lo la tih ka hriat rual chuan ka talna zuala ka thei der lo, u Dika lah a lo inrawlh tawh der silo . Ka awmsawn theih tak lohah chuan ka dawh ta tawp a .





Ka ka chhungah chuan a lei rawn hawl kualin a tiche a , a la thinrim hle a niang. Min thlah meuh chuan ka hmui chu ana vawng vawng thei, engmah sawi tawh lovin pawnlamah min kai chhuak dawr dawr a. A thawk dan leh a chet dan chu hlauhawm viau lehnghal “ Khapa kha engvanga hmu fo nge i nih ?.




Min runluih miah suh aw Lalnunkim" a rawn ti vin hrawka . Ka kut kuangkuah hmakin a car chhungah chuan ka lut a , a rawn thu lut ve nghal zat “ Min chhang rawh, khatiang khan awm vel suh" a rawn tihleh chuan ka nuih hak “ Kan inneih hma khan ka sawi tawh kha , ka duh duh ka bia ang ka tilo em ni" ka tihchuan a thaw hawk a .







“ Ka huat tur leh thik tura awm chu em ni i chak ber , kha mihring khan a duh che tih ka hai hleinem . Nang pawh hian i duh zawk nge " a rawn tihchuan ka nuih hak a “ Tinge a na i ti em ni? In ngaizawng pawh ni ila enge pawi? Nang hi ka duh vang che in ka nei hleinem che " ngeiawm zeta en chung chuan ka ti a , ka nui hak hak bawk .






A rum hawk a , a tawng leh tawh hek lo . Kawng tluan chuan a ngawi a, in kan thlen rualin min ngaihtuahna neilo lek hian a lut zui nul nul a . Nidangah kha chuan mi a kai lut ziah zel kha a nia “ Thinchhe si, thikthu chhe si " tiin inchhung lamah chuan ka lut zui a , dawrah chaw ka ei tawh bawk nen zanriah ka ei peih pawh ka ring lo .






Khua a thim tawh tho bawk a, mu hmak ila a nimai , room ka luh chuan zu rim a lo nam nghal rum rum avang chuan ka ner sawk a , ka hawi phei rualin Remtluangpuia zu um dawma lo thu kun run chu ka hmu nghal ,“ Tinge zu i in a , khawi maw pasal zu in neih ka duh miah lo a nia " ka tihchuan ka kut a lo vaisawn nawlh a .







“ Chhuak rawh, min hmangaih lo a nilawm ni ? Chhuak nghal rawh, hrehawm tireng renga i awm ai chuan chhuak rawh Kimkim " beidawng lutuka a rawn tihchuan ka en reng “ Ka hria a sin, ka tihnatna che khan i thinlunga min hmangaihna kha a that tawh tih hi, min neih chhan pawh ka hria , MLA Zothanmawia khan min nei turin a ti ngei ang che tih nen lam .






Ka do zel dawn , chuvang chuan nangpawh hmangaih che mah ila i hlimna tur zawk chu pan rawh, engmah kan inneihna hian a siam tha dawn lo . A hma kha chuan innei ila min ngaihdam theih ka ring a, a hma anga hlim taka awm a. I thinlunga min huatna kha tihreh theih ka inring a , mahse nang chuan chhan pakhat vang chiahin min hnaih.





Min tihchhiat duh vangin" tiin a nui suk a . Engtin nge kan thuruk zawng zawng a hriat theih “ Ka duhlo, in then leh mai mai turin ka nei lo che. Khawi maw " tiin a zu um chu ka laksak a , keimah chuan ka in nghal khawlh khawlh. A tui lohna pawh chu ka hre chang tawh lo , ka neih chhan pakhat chu a ni ngei a .






Mahse ka la hmangaih ve tho vang a ni bawk “ Dah rawh , i hmangaih bula kal ka phal lai hian kal rawh, thlali chhung pawhin min huatna ka tireh theilo tih ka hria , kal rawh " tiin zu um chu min laksak a , kei erawh ka rui tan tih ka hre thei.





REMTLUANGPUIA POV....



A kal mai dawn emaw ka tihlai chuan nui har harin min rawn hnaih a , “ U Dika kha i thik a maw? Nia min duh a lawm, mahse ka duh ve hleinem, dik tak chuan maw ka la hmangaih reng che a , mahse ka haw bawk si che ka rilru hi i tibuai vek, nangmah avangin ka tih tum dik tak pawh ka ti theilo a nih hi .





I nupui ka ni tiraw? Min hmangaih bawk a , a nihchuan fiah ta che" tiin a thawmhnaw chu a phelh a . Ka rum nghal hawk mai, engvanga lo laksak vat lo nge maw ka nih le , a ruih hi ka duh hauh lo . Rui chung a min hmachhawn ka duh lo “ Ka kalsan thei hleinem che, kalsan tur che in min ti tawh suh, i duh ka hria.





U Remtluang nangpawhin i duh a ni" tiin ka awmah chuan a rawn zut dalh dalh a , a kut no nem thapin min khawihna chuan hna a thawk rang lutuk tlat . Insum theih loh ka hlauh avang chuan ka man behsak a “Mu rawh, i harhfim hunah i thinrim leh ang " tiin mut tir tumin ka ban a , khumah ka mut tir rual chiah chuan ka nghawngah a rawn kuah a .






Ka kawngah a bawp sei thlarh chuan a rawn chep nghal zat “ Ka duh che , min mamawh ve tho tih ka hria, Remtluangpui " tiin ka hmuiah a rawn fawp a . Ka hmangaih in min fawp miau a , ka hnar phallo mahse a aia thui kal pui ka tum lo,naktuk lama ka chunga a lungawi lo tur ka duh lo .






Awmsawn ka tum chu “ Remtluangpui " thutak zeta a rawn tihchuan ka en nghal vat a. Rui hmel pawh pu lo hian min lo en ran “ Zanin hian kan inkarah engmah awm lo in i duhna tilang rawh, tumah reng reng tello in, chuti lo chu ka kalsan tak tak ang che , i ta nih ka duh chu chu a ni lawm ni i nghah






Ka mamawh che ka pasal, pasal i nihna angin che ta che " tiin a kut chuan min rawn ban a “ I lungawi loh ka duhlo " ka tihchuan a nui sak mai. A rui ka tihkha ka ringhlel rum rum mai, a pangngai mah mah. A mah chuan ka kekawr chu phelh ta mial mial a , min nawr luih takah chuan ka insum thei tawh biklo .





Fawp tawn tawnin ka Chet zawm ta buan buan a , a na ti mittui luang chu chulin a mutthilh hnu thleng chuan ka kuah a , a hmel tha lutuk chu ka en reng“ Ka kal tir theilo che , ka chhiat vekna tur pawh nila ka thei chuang lovang" tiin ka phun chhuak sup a.



ZAWM LEH TUR

[mawitei bawihtlung]

ZAWMNA




Zing a ka hnar khawiha a phun sep sep chu meng chhuak duh mai lovin ka ngaithla a “ Ka inchhir lo " a tihchuan min ti thaw huai mai . A inchhira a hma aia nasa a min huat kha a ni ka hlauh, meng chhuak ruai ruaiin ka melh chat a , a zak nge a hawisawn nghal daih “ Zu in tawh suh ang che " ka tihchuan a rawn hawi nghal vat .






Rum zeta min melh karin “ Ka in loh i duh chuan in lo ve mai rawh, i tawngtaina kha theihnghilh suh . Ka tan pasal tha nih i duh a ni lawn ni? Zu rui thin mipa lak tlak leh chhungkua in an hlim pui ka la hrelo, tin in then leh mai mai tur in i mi sawmna kha ka pawm lo, kohhran leh Pathian hmaa i thutiam kha hre reng ang che " a rawn tihchuan ka kuah nghet sauh a.







A rilru hi hre vek lo mah ila min neih chhan ka hria a , pawi ka tilo ka ta nise tih hi ka duh ber a ni . MLA Zothanmawia hi ram tana mi thalo, a ruka ralthuam leh damdawi tawlh ru a , ram dang thawh puia kan ram tana hmel hliauna thlen tu a ni miau va . A inthup thiam miau avangin mipui tan hriat ngaihna a awm lo .







Mendy hian engtiang chiahin nge min huat a , min tihchhiat a duh ka hrelo . Mahse a rilru ka thlak a , ka lam a hawi leh theih nan hma ka la ngei ang, ka kianga a awm reng chuan engtikah emaw a hma ang mai khan kan awm leh ka beisei bawk. Ka bula a awm phawt chuan min huat reng chu ka ring lo, a chhan chu a mitmeng leh chetzia ah hian min la hmangaih tih ka hmu in ka hre thei.






Ka nu kha chhan lo ila cctv atangin engkim a lang vek dawn, Mendy in a duh reng vang nilo in namthla mahse a namthla lai ngei an hmuh chuan ka tan tir ai tam tang tur a ni . Chutiang nilo in keichuan a awm loh chhunga engkim chhui a , ka hna thawh zawh ka duh a, mahse a rawn chhuak leh ta mai si. Chutah atana mi hlauhawm ber lam a tang tlat bawka .







A fapa erawh kha chuan a duh ve miau a , a tihnat theih ka ring lo. “ Remtluangpui enge i ngaihtuah" a rawn tihchuan engmah sawi tawh lo chuan ka fawp a , a chungah ka bawk nghal zat . A zak tih ka hria, a ruih loh lai chuan hmeichhe zak zum leh in kil tawih tak a ni renga . A huat lam zawng an nih loh chuan tu bulah pawh a zam chhe mai thin .






A kut sin sang chuan ka awmah a nem tang a , duh lo in a kut chu lasawnin ka bawh bet zual sauh va , a bawp chu nawr kauin ka lut nghal zat . A mit a chhing tlat a “ Ka hmangaih lutuk che " he thu hi hrilh reng ka duh, ka hnungah chuan rawn kuahin a mittui a luang ngiai ngiai a . A rilru ka tihnatna khan heti khawp hian a tina in a tidanglam dawn tih hria ila chuan engkim ka lo hrilh mai tur.






A hmuiah chuan fawpin ka la bawh bet run a , a taksa khur dat dat chu kuah in a sam hnawk niah chu ka chul sak a “ Ka tihpalh, ka insum theilo a ni " tiin a chalah chuan ka fawh sak a , rawn meng chhuakin ka mitah chuan a en kalh mai. A mitah chuan tui a la tling piau a “ Kan thil tih avang hian a nilo, ka inchhir lo " a tihchuan ka thaw huai mai .





Pawm tho in bathroom lamah ka luhpui a , ka tih ang ang chuan a awm a ni ber. A ngawi kara, kan chhuah hnu chuan thawmhnaw a in bel nghal mawp mawp a , a che vel chu kut kuangkuah chung chuan ka lo en reng . A che buai nak ka hmuh chuan ka nuih suk a , ka nui ri a hriat rual chuan min rawn melh nghal ram ram . Ka chetna avangin kal leh chet a harsat tih ka hria.







“ Engmah i tih ka phallo a nia , hnapawh kal lo ang che . Chuti lo chu i tan a hrehawm ang, inah lo mu ang che aw , ka thusawi i pawm loh chuan ka rul leh ngei dawn che nia " ka tihchuan a ner nang a “ Ka dawr ka kalsan dawn lo" a ti teu nghal hlar mai “ A nihchuan kan pahnihin in kan awm mai a ngai a nihchu" ka tihchuan phawk zetin min en a .







Ka thiante sawi atangin hmeichhia in an thianghlimna an hloh hian an taksa lamah nawmlohna an nei ve thei tih ka hria , chuvang chuan hahdam takin awm se ka duh . “ Tak tak em? " phur lutuka a dawn tih thut avang chuan amak ka ti letling zawk ” I duh em ni? ti a ka zawh chuan a lu a bu nghauh nghauh a , dik tak chuan in a awm theih nana sawi mai mai ka nia.






A enga pawh chu nise a duh miau chuan kan awm mai ang chu. Inhnuai lamah chaw kan ei zawh hnu in roomah movie kan en duna , amahin a en a nu zawk mah . A tahpui hliam hliam ka hmuh chuan ka en ngur ringawt “ Mipa hi tinge an sualin an chapo em em le, hmeichhe tello in an awm thei chuang tawp silo " tiin a mittui chu a nuai nak nak a .







Ka kuah bet vat “ Movie mai mai a nihkhi, tah a ngailo i tahna tur en tawh suh" ka tihchuan ka banah a rawn sik vak a , a kut tin a sei bawk nen a na phian lehnghal . A thlah chiah chu ka kut chu a thi tiam tiam a, a inthiam lo leh chuan khum sira Dettol chu la in a rawn hnawih a , a chhem pah heuh heuh bawk . Na ka ti lem lo a , mahse min ngaihtuahna chu nuam ka ti viau thung .





A zawng zawngin min haw bik lo tih ka hria a , chu chuan beiseina min pe bawk, a movie en pah chuan ka mutpui a , ka chau ve bawk nen ka lo mutthilh san a ni ngei ang. Min rawn sawi nawk nawk chuan ka mengchhuak ruai ruai a“ I mut a chhuah chuan sawi vat ta che, mu tha rawh kha ti kha chuan i ring a kham vek ang" a tihchuan ka nuih suk a .




Khum lu bang nghengin ka thu mu a , min ngheng bawk nen a sawi ang chiahin mut chu a rem vak lo . Insiam remin a laptop chu ka dahsak a “ Mu phawt ang nizanah ka mu tha lo riau" tiin a tal tum chu ka man bet hmiah a, ka awmah chuan kuah betin ka mit chu ka chhinga. A chef zui tak lohah chuan ka thaw huai mai

[mawitei bawihtlung]

MR.CONTROLLING





CHAPTER 21



KIMKIMI POV..





“ I mut pui a maw ?" ka thiannu chu ka en a ,ka bu nghat mai “ Mendy i haw viau a ni lo'm ni ?"a rawn tihleh chuan ka thaw ham ham,a hmel ka hmuh loh kha chuan ka haw ngei a lawm . Mahse a nupui ka ni a ,ka pasal rilru leh ngaihtuahna thenkhat chu ka hria a ni “ Ka hre lo,ka haw tak tak theilo ni berin ka hria .






Ka pasal a ni a ,a mitmengah khan min hmangaihna ka hmu a ,ka tihdan avanga a nat na pawh ka hmuhsak thei,Ruat huat chu ka tum a lawm mahse a bulah ka awm chiaha ka huat tawk loh zia ka hria a ni,min venhim a duh vang chu a ni tak tak angem tih hi ka ngaihtuahna luah tu ber a ni " ka tihchuan Ruati pawh chu a ngawi vang vang mai .







“ A ni thei tho,i duh vang rengin i namthla lo a ,mahse an duh chuan kha ai rei kha i tang thei a chhan chu an tanna lam a fuh dawn tlat,finfiahna a tha miau sia. A nu khan a haw viau che an ti sia,chuvang chuan amah in tilo mahse midang in an tan tir tho ang che. Kum thum aia rei mah,ka ngaihtuah ka ngaihtuah hian a sawi chu a dik tlatin ka hria.







Mahse ring nghal bur suh,dawt pawh a sawi ve thei tho . Eng pawh nise nupa in ni miau va ,i tih tur a lawm. Pathian hian kan tana tha lo tur hi chu min laksak mai zel,Remtluangpuia pawh i tana a ruat lo a nihchuan a lak bona a rei tawh viau ang. Eng pawh chu nise Pathian kutah engkim nghat phawt mai rawh,a niin in nupa,in hmahun engkim chu a ruat sak zel mai ang cheu .







Fimkhur ula,nangmahni pawh then tum tu pawh an awm lo ang tih sawi theih loh" a tihchuan ka bu nghat a . Ni e Pathian ring chungin engkim ti ila a niin kan hma a hruai mai ang,in lamah ka haw hnu lawkah nu Rini pawh a rawn haw a ,min be lo in a room lam a pan nghal nal nal mai . Ka nuih sak a ,ka pi in a biakna pawh a chhang hek lo “ Ava han buaithlak em aw,a lung hi a lian lutuka.






Ka fapa kha la dam se hetiang hi a ni bik lo tur " ka piin a tihchuan ka kuah vat a “ Pi a la tha ve mai ang,taka u Remtluanga pa hi ka la hmu miah lo ka hmu thei a ngem " ka tihchuan a rawn nui sak a “ Tirawh ka album ah a awm a lawm" tiin a room lamah kan inzui a , almirah chu haiin ka lamah rawn phei leh a .






“ Hei hi ka pasal a nih hi,kan inneih tirh khan kan hlim thin a sin " tiin mipa hmeltha vawk tih tur ni silo palian tak chu a kawk a “ Mi a ti thinrim fo a ,amah bawk khan min thlem leh thina" tiin a nui sang a ,a kut zur zet chuan a chul pah bawk . A lung a chhe hle tih ka hre thei “ Kan hunlai kha chuan tun ang lai ang hian car changkang leh bike nalh tak tak kha a awm ve lo a .





Bus leh scooter kha a ni deuh ber thin,nitin khan min hmu turin kan khuaah a lo kal ziah zel a ,ruah sur pawhin a dang ngai lo . Aizawl a tang hian kan khua kha a hla lem lo va ,tunah chuan rauh san a ni tawh thung " tiin a ngawi vang vang a ,an nunhlui chuan a lung a tileng hle tih ka hria “ Kha tih hun lai angah khan let leh thei ila kha ai khan ka hmangaihin ka ngaihsak ngei ang .






Bawiha pa a pian khan kan hlim em em a,mipa mahni nupui leh chhungkua ngaihsak mi ,theih tawp chhuaha enkawl tum tlat mi a ni bawk . Ka fapa leh ka tupa hian chutiang zawngah chuan an chhun hle bawk ,hei hi ania i pasal pa chu " tiin thlalak pakhat chu a kawk a. Nu Rini leh mipa lian zet a hmel nelawm na nei lo mahse zahawm vuah si chu ka en kar.






Remtluangpuia nen danglamna an awm lo tih theih a ni,apa a nih hi a lo chhun em em ni “ A luhlulin bawiha nen hian an inchhun khawp mai,hmeichhe ngaihsak dan hi an thiam lo dun a nia ,in nupa ka en hian ka hlim thin,ka fapa te nupa hlimthla ka hmu thin,Rini pawh hi a sual reng reng lo .




Ka fapa hian a kalsan hma em a ,a tuarna khan mi nelawmloah a chhuah zo a nih hi . Nupa hlim tak kha an ni thin a ,Remtluanga a pian hnu lawkah accident avangin a boral zui ta mai si a ,kei lah eng vak ti theilo chu hnathawk chung te khan Remtluanga hi a hruai lawp lawp zel a " tiin an chanchin chu a sawi a ,nu Rini chanchin ka hriat takah chuan tuarchhel ka ti hnuhnawh .






Hna thawk chungin u Remtluanga hetiang khawp hian a enkawl puitling thei ania,ka rilru a thu rawn lut avang chuan ka lu ka thing nawk nawk,a pu leh apa an nun a tawi a ,Remtluangpuia pawh hi ka chan ve mai ang tih ka hlau. Ka pi ka kalsan hnu pawh chuan ka ngaihtuah neuh neuh,an thlah an nun a tawi a ni thei angem? Remtluangpuia thi tur anga ka ngaihtuah ringawt pawhin ka tah a chhuak tun mai .







Ni e ka hmangaih a ,engvanga nelawm loh taka awm reng nge ka nih le,a pu leh a pa angin min kalsan ta se a inthiam lo tur chu keimah tho ka ni,motor ri ka hriat rual chuan pawnlamah ka chhuak a. A Bolero atanga a rawn chhuak ka hmuh rual chuan tlan phei vatin ka kuah nghal thlawp a ,a hamhaih nge min kuahna chang a hre lawk lo lehnghal .





Ni e ka hmuak ngai lo a kuah phei chu ka duh thu in ka vawikhat kuahna a ni “ I tha em Duhnu" a rawn ti sup a ,ka hnungah chuan kuahin a lamah chuan min pawt hnai sauh a ,rawn kun hniamin ka nghawngah chuan a hmai a rawn phum nghal vang vang a. Keipawh chuan kuah nghet sauhin a awmah chuan ka hmai ka nawr nak nak mai,a rim pa zet chu hipin ka mit ka chhing tlat a








“ Engkim a tha tiraw " a rawn tihleh chuan ka bu nghat ringawt ,pawna din reng thu awm suh min pawm nawlhin a kawngah ka ke chuan ka chep bet a ,a nghawngah chuan ka kuah bawk . Ka mawng leh zak hnuaiah chuan chelhin inchhung lamah chuan min luh pui zui a ,room lam chu min pan pui zelin khum bulah chuan min dinpui a , almirah darthlalang atang chuan a uniform nena a ding zurh chu a lang chiang viau .






A taksaah ka bet tai ka inhmuh chuan ka nui hak a ,ka chhuk nghal vat . A police lukhum chu laksakin keimah chuan ka khum a ,ka chet dan chu chiang zet hian min en reng ringawt “ Intifai rawh " tiin khumah chuan ka muthla a ,nui suk hian a inphelh nghal mual mual mai . Bathroom a a luh hnu chuan khumah chuan ka in ngaihtuah a ,ka kalsan ang nge ka ngaidam ang tihchu ka ngaihtuahna tibuai tu a ni.






Ngaihdam mai har ka ti a ,chutih rual erawhin a bula awm ka duh tho bawk si . Keimah hi ka dik lo nge ka nun pum hi a tan ka lo hlan reng zawk ni? Ni e ka hlan a lawm,ka taksa aia ka hmangaih avangin ka thianghlimna pawh ka hlan a ,mipa i nihchuan i bialnu kha khawih chhiat tum kher suh,i laka a lo inphal ta a nih pawhin hmuhsit phah nan hmang ngai suh,a taksa aia a hmangaih vang che a nih kha ..






Hmeichhia hian kan hmangaih tak tan lo chuan kan thianghlimna hi kan phal mai mailo,chu chu mipa tam tak chuan hre duh lo in hmuhsit phah nan leh en hniam nan an hmang fova ,mipa mawl berah ka ngai . An khawih chhiat ngam chu enhniam lo in hmangaih an phu zawk, nuihzat leh tur ai chuan ngaizawng lo ngam mai se tih hi ka duh dan a ni .




Hmeichhia te pawh hi kan â ka ti thin,sexy tak tak in kan awm a ,mipa mit lak tum reng rengin kan inchei a ,mipa in min han fiam leha kan duh leh chuang silo. Zahawmna hi a hlu a ,chu chu a taka lan chhuah tir thiam apiangin mipa tha an tawng mai thin . In chei sexy hian mipa mit chu ala ngei e ,mahse chu thil chuan i thinlung nilo in i taksa a duh zawk tih hrethiam ang che .





Ka pasal hi ka en a ,ka fak chu ka tilo kan in ngaihzawn lai khan a duh chuan min khawih chhiat theihna hun a nei,mahse mipa dik tak a nih avangin a tilo,kan inneih hnu ngeiah a ni dik taka a tih ni. Mi tam tak chuan in ngaihzawn avang hian sex hi hman ngei ngei tur emaw an ti a ,mahse a ni lo. Hmangaihna a nilo zawnga lan chhuah tir tu a ni .





Thianghlim tak leh zahawm tak hian in ngaizawng ila,chu chuan nakin thlengin kan hlimna a keng tel thin . Kan ngaihzawng te hi kan nupui pasal tur an ni kherlo tih hi hriat a tha,in ngaihzawn avanga mutdun tur tih hi khawiah mah a inziak heklo,hmeichhia phei chu kan fimkhur angai a ,vawikhat mualpho tawh chuan kumkhua a daih thin .






Mipa chu an ni ve lo,kan in hum thiam pauh leh kan hma hun kan siam tha tih hi hriat reng a pawimawh. Kawngkhar rawn ri rak avang chuan ka hawi phei a ,Remtluangpuia chu towel veng chunga rawn chhuahin a zai dut dut a ,a hlim hle tih ka hria “ Ei chak i nei em " in thlak paha a rawn tihchuan ka lu ka thing nak nak a .





“ Naktukah ka zin chhuak dawn a ,karkhat vel Delhi lamah ka cham a ngai dawna " a tihchuan ka en vat . Ka huphurh hmel a hmuh chuan min pan hnaiin ka kut a vuan a “ I in ngaihtuah nasa lutuk a nihkha ,i tan theih tawp ka chhuah dawn ka tihkha ,min ngaihdama ngaihngam taka ka kianga i awm theih hi a ni ka duh ber .





Ka awm loh chhungin ilo in ngaihtuah hman ngei ka beisei,i taksa ka kiangah awm mahse i rilru zawng zawng ka luah zo tawh lo tih ka hria . Mahse a hma anga kan awm leh theih nan khan ka theih tawp ka chhuah dawn a lawm,lo in ngaihtuah hah lutuk lo la,enge ka lo hawn ang che" a tihchuan ka en ngawt ngawt ringawt .






A thusawi chuan min ti lungchhe lo theilo “ Ka haw lo che " tiin ka kuah a ,a thaw hawk mai “ Duhnu,i thusawi kha ka hre vek a sin,lemchan hi ka ngaina lo a nia . Kha Dika kha i duh tih ka hria a lawm,mahse ka hmangaih em che avangin ka ta ah ka la siam lui fan che a,eng pawh nise kan pahnih hian boruak tha kan mamawh .




A der mai mai nilo in i thinlung taka min pawh leh hun ani ka nghah ni,hnathawh lawk tur ka neia ,chaw kha min lo eisan mai rawh u . Kan chhuak lawk ange " tiin a pen zui a “ Tunge i hmuh dawn ?" ka tihchuan ding zawkin “ Mi pakhat ka hna thawhpui mai mai mawle " tiin a chhuak zui a .




Tunge tun ang zanah a hmuh dawn ,chaw eilai te chuan ka ngaihtuah char char a , tinge hnaih ka tum veleh hetianga a awm tlat zel le,dar 9 a rik pawhin alo la haw lo a . Call ka tum lai tak chuan kawtah thawm rawn awmin ka tlan nghal hlawk hlawk a ,hmeichhe pakhat nen kawngka a an rawn lut ka hmuh chuan ka inhum ruh nghal vak ringawt.





“ A nupui em ni i nih? Kha lo hruai ta che " ti a min nuih sawng tu chu ka haw takzet ,Remtluangpuia lah chu a rui em em lehnghal . Hna a thawh dan chu hetiang hi maw ,room lamah ka kuah chho a ,khuma ka mut laia a nghawnga hmeichhe hmui thla lang avang chuan ka in pet ruh fan fan a





A bulah pawh mu duh lo chuan sofa ah chuan ka mu nghal daih a “ Kimkim ka kal tawh dawn a " ti a min sawi harh tu chu ka en kar “ Nizan kha ka rui viau em?"a tihleh lek phei chuan tho phang e tilo in ka thinrim nghal tun mai “ Kal rawh,i mi hrilh ka ngailo i duh duh i ti thei a lawm " tiin bathroom ah ka luhsan a






“ Thinrim lo teh,hlim taka min thlah ka phut ve a sin,khapa i fawp lai kha ka hmulo emaw i ti em ni " a tihleh chuan ka chhuak a ,a hmaiah chuan ka beng nghal thuai “I duh duhin min puh suh,ka duh duh kawp pawh ni ila enge sawi theih i neih,kha i hmui tenawm zet khan engmah sawi ve tawh suh. I hna pawimawh tih chu zu leh hmeichhia an lo nihkha .





Ka thlah kher che phut suh,tun atang chuan ka duh duh danib ka awm ve tawh ang,in ngeih taka awm ka duh ve tawh laiin Remtluangpui nang hian ka rilru chu i ti danglam leh ta a ni,nupa kan ni . Mahse a hming chauhin ni rawh se. " tiin tawng leh a tum chu ngaithla duh lo in ka chhuahsan a .





Taxi la in ka dawr lam chu ka pan nghal vang vang bawk . Ka rin leh dawn a piangin min ti na leh thin chu a nih hi,tun atang chuan ka tan chauh ka nung tawh ang. Ka tina ve ngei ngei dawn. Ka ring nawn leh tawh tur a nilo tiin ka in fuih sauh sauha

[mawitei bawihtlung]

CHAPTER 22







U Dika nen kan lo in kuah lai chuan tu emaw hian min rawn pawt then lawp a ,min pawt lawp tu hmel ka en chiah chu ka nui sak mai,Remtluangpuia ngei a ni . A rawn haw ni a ni tak e “ Hrep chuan hepa hi engvanga hmu leh nge i nih?" a rawn ti hrawk a. Ka nuih leh hak zahna hi a hre thlawt lo“ Ka duh duh ka hmu thiang alawm,chu chu enge a pawi na i tih ang chiahin ka ti ve a nih hi . Oh! Nilo nang ai chuan ka la tha zawk .







Nang chuan hmeichhia hmui i taksa i tawh tir a ,keini chu inkuah mai chauh a nia ,enge sawi theih i neih? Kan inneihna hi a hming mai mai a ni tih chu kan hre ve ve,ka pasal anga awm kha tum suh. Ka lakah hian pasal nihna pakhat mah i hlenlo,chu chu i hria em? Ka nunah hian rawn in rawlh reng reng suh ang che . I intiamna kha hre reng bawk la ,nang hi ka mamawh lo che " tiin ka an khum piap piap a ,u Dika lama kal leh ka tum chu min pawt let lawp a .










Engmah ka sawi hman hma chuan inchhung lamah min kai lut nghal dawr dawr a,inchhung kan luh rual chuan kan roomah min hruai tlangin khumah chuan min nam thu hnawk a “ Enge pek loh che ka neih,ka theihtawp chu ka chhuah ve a sin,Lalnunkim enge ila duh chiah,enge i phut ka theihna zawng zawng ka chhuah ve a sin" tiin a thu hnawk a ,ka enkar ringawt “ Min kal tir rawh" ka tihchuan a phu zawk thei hial mai “ I hria em? Nang hian min hmangaih angin lem chang tawh suh.










Min kal tir la ,in hre ngai lo angin awm zawk ang " tiin ka au khum a. “ Ka duh lo " tiin a tho chhuaka “ Kimkim tinge ka theih tawp ka chhuah ve chung pawhin i tan hian ka tlin ve loh,mipa in an hmangaihte laka an tih theih ang zawng zawng chu ka ti ve in ka hria a sin,ka englai hian nge i lung la dum lo min hrilh ta che ,chuti khawp chuan em ni min huat" beidawng lutuka a tihchuan ka en ngawt ngawt tawp ,sawi tur ka hre lo .









Amah vek chuan “ Inrem taka kan awm theih beiseiin ka rawn haw a ,mahse ka beiseina te chu he in ka rawn hmuh rual khan a bo vek a ni,a tha e kha hei hi la la i mi huatna chu ti tawp rawh le " tiin a pistol chu ka kutah rawn hmeh bel chawt chawt a ,a lungzawnah chuan a dah nghal hmiah “ Min tihnat i duh a nilawm ni? Min kap rawh " a ti tuara . Ka theilo,engvanga hetiang thil hi tinge a nih“ Nilo bawiha ,Mendy enge in tih silai kha dah thla rawh u " ka pi leh nu Rini chu hlauthawng zet hian roomah an rawn tlan luta.










“ Ka nu lo in rawlh suh u,a ni hian min huatna a reh theih nan a duh ber chu tirawh se ,keini in kan tuar tirna lakah kha chuan a nep lutuk " tiin ka mitah chuan a en ngar a “ Nilo bawiha ,Mendy tilo hram teh " ka pi in a rawn tih chuan ka mit ka chhing sawk a , ka mittui chu a tla nghal ngiai ngiai . “ Min hmangaih si chuan engvanga hmeichhe dang rawn hruai lut nge i nih? Ka rinna che hi i tibo leh thin,ka hua che a ka hmangaih che hi a ni ka huat ber .








Hetiang khawpa na min tawh tir chung hian ka kalsan theilo che chu a nih hi,Remtluangpui tinge ka chungah hian i nunrawn em em ,hetiang hian tisuh nge nang hian ka jail tan chu i chak zek zek zawk? Ka hmangaih ber hi that turin min ti a maw? I nu in min hua a,nang lahin min tina reng bawk ka tan hian a hrehawm ve a sin. Engmah min ngaihtuah pui ve ngailo ,mahse chu ti chung pawhin chan tur ang che hian ka indah chhin phallo.








A chhan chu maw ka nunna leh taksa ai pawhin ka hmangaih miau che a" tiin ka mittui luang zung zung nen chuan ka en a,ka kuta silai min kentir chu ka la thla riai riai bawk,ka chau tawh lutuk chuan a taksa chu ka nghenga “Engkim hi ka hne tawh, ka chau ka chau takzet ,he khawvel hi la tan hian hneawm mai a ni,ka chau tawh lutuk Remtluangpui min kal tir theih loh chuan ka natna tur ti tawh lo mai rawh " tiin a awmah chuan ka chum dawt dawt a .








Thaw hawk hian min kuahin ka nghawngah hmai a rawn phum a ,nu Rinite chuan min en reng ringawt . A hnuah chuan an chhuak daih a “ Ka tihpalh ka hmangaih che " tiin ka biangah chuan a rawn dawm a ,rawn kun hniamin ka hmuiah chuan a rawn fawp nghal chat bawk . Dak chhuakin ka chhang ve nghal zat a ,ka muttui chu hru in khumah chuan min mutthlak pui riai riai a . Ka harh leh chuan khua a lo thim vek tawh a ,ka hawi kual nghal ruai mai .








Ka thawmhnaw chu in bel sawk sawkin Remtluangpuia chu ka zawng a ,bathlar lama hla play ri ang ka hriat avang chuan ka pan nghal vat,thim kara thut mutnaa mipa ruangam lian zet mu chu ka hmu nghal zat. Pan hnaiin a hla ngaihthlak pawh ka hre nghal YOUNG FELLA (ZAN LALNU) tihchu a lo ngaithla a ,a mit a chhing chial bawk ,a thunawn lai ” Aw zan lalnu i tan tih theih tlem hle mahse ,hei hi hria la i tan engkim tih ka huam tih hi" tihlai tak chu a ni . Ka thinlungah thu sawi tu chu,pan hnaiin a biangah ka dawma.







A mittui luang chu ka hruk sak nghal zeuh bawk . Tikhawp hian ana ve tho tih ka hrelo hrim hrim,rawn meng chhuakin ka kut chu a huma ,a fawp zauh bawk . “ Tinge min lo thawhsan daih a " tiin ka kuah a ,ka taksa rawl thum chu a chetna vang a ni tih ka hria “ I mutui sia ka kai tho duh lo che a nihkha ,i ril a tam tawh em" a rawn tihchuan ka bu nghat a ,a hla play chu ti tawpin a rawn ding chhuak vat a “ Tirawh le inhnuai lamah chhuk tawh ang hmiang" tiin min kai dat dat a .







Inhnuai kan chhuh chuan chaw ei an lo siam mek a ,u Remtluanga chuan ka thutna tur min pawh chhuah sakin amah pawh chu ka bul chetah chuan a rawn thu a . Nu Rini pawh nidang ang lo takin min ti fek fek talo,ka pi chuan min be siam siama tlaia thil thleng avang khan a la hlauthawng hle tih ka hria. Ka inthiam lo hle bawk ,u Remtluanga chuan ka chawhmeh duh zawng chu min suah zung zunga .








Nuih seih chung chuan ka ei ve zel mai bawk ,ka phone a message rawn lut chu ka melh zawk a . Ka thaw nghal hak mai ” Document chu rawn zawng ang che " tihchu pa Zoa hnen atangin a ni ka dawn ni. Mahse puih ka tum tawh lo, MLA mi pui tan leh ram tana thawk tura an thlan tlinin hetianga ram a leh mipui a phiar ru a nihchuan a tihsual man a hmu mai tur a ni . Mahse ka laichin hnai te ho hian an tuar mai ang tih erawh ka hlau viau thung,thil a tithei si a tunangah chuan Mizoram ah pawh sum a awm phawt chuan tual thah hrehlo hi an tam tawh ropui si a.








Remtluangpuia ber hian a tuar ang tih ka hlau ,u Dika hi chu mi fel tak a ni tih ka hria a . Mahse a pa hi mi pawisak neilo tak a hlawkna tur ah phei chuan mi nun rawng tak a nih ka ring hmiah mai “ I chaw ei a tuilo em ni" u Remtluangan a rawn tih chuan ka ngaihtuah na ata ka harh zawk a “ Ah ..nilo..e ka in ngaihtuah tui deuha " tiin ka chaw chu ka ei nghal mawlh mawlh a . Ka kut chu rawn vuanin a hmer salh a .








Thlamuang turin min duh tih ka hailo,chaw eikham lamah chuan kan roomah kan lut leh nghala “ Enge i ngaihtuah min hrilh rawh ,thlamuang taka i awm ka duh " a tihchuan ka ngawi rauh rauh a “ Bawihi i pasal ka nih hi,min ring ngam turin ka duh che Zothanmawia leh bawk em ni " a tihchuan ka bu nghat a “ I finfiahna neih te pe turin min duh a ni. U Remtluang ka hlauthawng,chhui tawh lo mai rawh .








Ka chan ang che tih ka hlau ka neih chhun inih hi " tiin a kut chu ka vuan a ,min nuih sukin a awmah chuan min kuah bei a ” Kan tan chiah a nilo,police ka nih ang ngeiin kan ram tan ka tih a ngai a lawm . Ka ram tan chuan a tul chuan ka nun pawh ka chan mai tur a ni,he kan ram zim te hi humna chang kan hriat loh a ,hnam dang kan luah tir zel mai chuan nakinah mizo tih hming pu tur pawh kan awm tawh dawn lo . Chuvang chuan tu pawh he ram phiar ru tu chu ka bei zel ang .







Hlauthawng suh ka kalsan ngai dawn lo che ,finfiahna ka nei tawh a ,hun ka la nghak mai chauh a ni . Kan inneih hma khan i laka a thusawi tur ang ka hre mai a lawm,mahse ka hmangaih che avangin ka nei ta tho che a ,min neihchhan dik tak hi ka hre reng a sin . Min tihchhiat in duh,mahse tunah chuan ka chiang lo " tiin min en chhuk run a ,a awmah chuan bei vang vangin “A tirah chuan ka tum dan a lawm,mahse tunah chuan engkim ka hre tawh a .







Chubakah ka hmangaih chhiatna tur tih ka duh bik hleinem,mahsela kan hmangaihten an tuar ang tih hi ani ka hlauh ber ni,sual chuan hma a sialin pawisak a nei lo a . I nunna i chan mai ang tih hi ka hlau ber a ni" tiin ka en chho ha a ,ka biangah chuan piai zauhin “ Rilru tihah tawh lo vin kan pahnih hma hun tur thlir ang hmiang,hei hi kan bul tan thatna ni leh rawh se . Vawikhat ka tisual tawha tihsual nawn leh ka tum tawh lo .







Ka hmangaih hi ka venghim reng tawh ang che " a tihchuan ka kuah nghet sauh a “ Tunah chuan ka hrethiam tawh ,nangmah lo pawhin kha ai rei kha min tan tir thei tih hi,i nu kha ka duh reng vang nilo mahse a mi huatna hrim hrim pawh khan ka inven nana ka nam palh kha a tan finfiahna tha ber a ni miau va. Ka tan tirh kha chuan ka haw lutuk che,ka na bawk ..








Mal riauin ka in hria a ,ka tan pui te sawisak ka tuar reng bawk nen,mahse kha khan min tichak a ni " ka tihchuan hrehawm tih hmel zet hian thawk a la kawk a . “ An khawih che maw ,hrep chuan veng tha tur che in ka hrilh vek si a" a sawi zawng te chuan a thinrim hle tih a hriat “ Ka tha a lawm,a tur ve reng a ni bawk . Lut thar chu khawiah pawh an hmusit alawm.






Mahse kha khan chakna thar min pe a ,inrin tawkna nen hmalam ka pan theih phah asin" ka tihchuan a mit a chhing sawk a. “ Tun atang chuan ka lak ata tu mahin an la sawn tawh lo ang che anga,keipawhin ka tir bo leh tawh lovang che ka hmangaih che "a tihchuan ka nuih sen sen a “ Ka rinna che hi i ti chhe nawn leh a nih chuan ngaihdamna a awm tawh miah lo ang,keipawhin ka hmangaih che Mr Controlling " ka tihchuan a ner nunga .








Ka koh dan chu a duh lo pawh a niang “ Duhnu khatiang hming" a tih hluk chuan ka nuih hak haka “ Anilo a mi,ka engkim hi i thununa min control bet tlat a lawm,nang lo mipa dang ka hnaih theih miah loh hi " ka tihchuan a khi ve suk suk a . Hepa hi chu a hmeltha lo ka tilo,mahse a pa tihzawng hian ka sawi duh mah zawk,a nui ve hawk hawk thin tho va. Mahse hetianga a nuih suk hian a pa in hmeltha ka tizual thin.








“ Mu tawh ang hmiang " tiin khumah chuan min mutthlak pui a ,a awmah chuan ka bei nghal thak mai . Kan mutduna ka thla a muan ber tum a ni hial ang ,a hma kha chuan hetiang hian ka hnaih duh ngai hauh lo kha a nia. Ka hnungah chuan a chul heuh heuh a “ Naute kan neih vat angai a ni,ka pi damlai ngei hian tu hmu thei se ka duh a ni . Pathian hnenah pawh ka dil ngun a sin" atihchuan a awma khabe nghat chuan ka en ha a .









“ I tawngtai thin a maw?" mak ti zet chuan ka zawt a “ Zantin,i mut lai te pawhin min ngaihdam theih nan leh i chunga ka tih te kha thupha chawiin ka tawngtai fo va ,kan nupa a hlim taka kan awm theih nan hian ka dil fo thin ,tunah chuan ka dilna te chu a chhang ve ta a nih hi " tiin ka biangah chuan a rawn piai zauh a ,ka vai thla nghal hlak “ Ana kha ti khan titawh suh" tiin a chungah chuan ka bawk kai a “ Tihian ka muhil dawn " tiin ka ham zui bai bai a .








“ Tui deuh in mu la,naktukah danglam tawh miah suh ang che. Thupek a nihchu,danglam lo in lo tho leh ang che " tiin ka chalah a rawn fawp zauha . Ka lo nuih nghal ver ver ringawt .


(MUTTUI U A TAWP LAM KAN HNAIH TEP MAI THEI AW )