MR.CONTROLLING BY MAWITEI BAWITLUNG (Completed)

[mawitei bawihtlung]

MR. CONTROLLING







CHAPTER 12





“ Miss Mendy ,i case awrh lai hi i hria tiraw pi Rinpuii kha i nam luih a ni tiin an sawi a ,a ni reng em " ti a police officer min zawhna chuan min tikhur dar dar. Chutiang chuan maw min lo sawi a,u Remtluanga chu a ni ka hmuh duh ber chu ni “ Ka tihluih a nilo,ka invenna lamah a tla mai a ni" ka tihchuan min en vung vung mai . A hmelah chuan min lainat hmel a pu “ Engpawh nise naktukah court ah i inlan a ngai dawn a .







Dinsaktu che i mamawh em?" an tihchuan ka lu ka thing nak nak,keihian tu chu nge ka biak chuan ang. Tumah hmelhriat ka neilo a ,ukil ruai tur lahin pawisa ka nei hek lo,tin min pui duh kher lo thei bawk. Ka chanchin hi a thang nasa viau tih ka hria a ni,mi tam takin min dem thu an sawi bawk a ,ka hmui chu petin “ Tumah ka neilo " tiin ka ngawi ta reng a ,fahrah niin ka lo seilian a ,chutah ka nuna a vawikhatnan hmangaihna ka la lut a .







Mahse chu hmangaihna chuan min tina ta mek si, officer pa chuan min khawngaih hmel taka min en in ka darah a rawn beng thak a. A chhuak zui nghal daih ,keichu tang an riak tir lawkna thinah chuan min dahin bang ngheng chuan ka thu ran a ,naktukah ka chungchang rel a ni anga,chumi a zirin tanin puitling misual rual dahkhawmna ah ngei ka awm tawh bawk ang .







In sawi fiah ka tum lova ,tum pawh ni ila an awih dawn hek lo,mi tinin mi rapthlak hmuhin min hmu tawh miau alawm . Zan pawh mu lo chuan ka tlai var zak a,min hmangaih thu min hrilh tu ngei kha tunah chuan min tina tu leh ka chhiatna duhtu a ni reng si, tinge ka vanduai em em mai le . Court lam kan pan lai te chuan ka lung a phu dawt dawt a ,a chhunga kan luh a mi hma a ka din thleng chuan ka zam takzet.







Chutah u Remtluanga ka hmu zui a ,ka en tlawk tlawk . A hmel a hriam hraih a ,a khabe hmul vel chu a ziat lo nge a dum raih mai , court hmaah chuan rawn ding chhuakin finfiahna chu a rawn dah chhuak thlap thlap a,ngawi reng chuan ka melh tlawk tlawk ringawt,I hmangaih berin jail tan tir tum che in tan la sela engtin nge i awm ang?






Mahni hmangaih em em in a thil tisualtu a puh chu ana lutuk tlat. Chutiang chiah chu ka nuna thleng chu a ni,ka rin em em leh ka hmangaih chuan tunah hian tual thah tum anga min sawi chu ka melh tlawk tlawk a ,sawi tur reng ka hrelo . Nimin lawka min hmangaih thu sawi tu khan vawiinah chuan jail ka tan ngei theih nan ka thil tihsual fiahna tur a zawnga ,midang hmaah chuan tlawm tak in min siam chu ka en tlawk tlawk ringawt .





“ Ani hian ka nu chu thah a tum a ,a lo berah kum thum tal a tan ka phut ani " tiin court hmaah chuan a tifiah fak fak a . Ka rilru na nen ka thiamthu sawi ka tum lo va ,an thil mi zawh engmah ka chhang hek lo “ Mendy Lalnunkimi chu court chuan kum thum chhung tual thah tum thubuaiah tang turin thu a chhuah a ni " an tih dap dap chu ka ngaithla kar ,ka mittui chu a luang a ,ka tap ri hauh lo thung.







Officer a ni bawk nen a nichuan tantu leh a thusawi ringtu a ngah a,keichuan tumah ka neilo . “ Remtluangpui " tiin police dangten ka tanna tur lam min panpui lai chuan ka au a ,rawn hawi pawh rawn hawi lovin a bolero ah chuan lutin a tlan liam chu rilru na zet chuan ka melh tlawk tlawk ringawt . Thâna lamah chuan min hruaiin mi sual awm khawmna ti a an lo sawi thin ah ngei chuan min dah a .







Hmeichhe rual tanna ah chuan min dah lutin min kalsan zui a “ Ehe hei chu a awmna nu thah tum tu kha a nimaw ? "tiin min nuih dar dar a . Ka in hum ruh fan fan mai ,engmah sawi lo chuan kil khata ka mutna tur an sawi lam chu ka pan a ,hmeichhe pakhat chuan ka kalna tur zawnah chuan a ke a lo kham a,ka tlu nghal thlawrh mai . An nui leh haka ,ka tho taih taih “ Oh ka tihpalh " a rawn tihchuan a hmaah ka ding ran a “ Ngaihdam min dil rawh " ka ti ta fak ,a mitmeng atang chuan a tihpalh a nilo tih a chiang reng .








A nui hak a,a rawn tho chhuak ve nghal chat “ Mi thar te te i va zak love " tiin midang chu an rawn tho ve a ,min khawih rawn nghal pawp pawp mai. Chhuatah chuan ka mu tawp a ,ka taksa chu an tum awk awk reng a ,ka hmai lah chu ti bawk . Vengtu ho an rawn luh rual chuan an darh hak a “ Hetiang thil hi tunge ti " ti a an zawh chuan tumahin an chhang lo,keichu min buaipui a. Tah ka tum lo,hetianga ka awm chhan Remtluangpuia hi ka hua a ni , nitin chuan ka nun chu a hrehawmin thian ka neilo a .









Mi thar ka nih avangin a lo tang sa te lahin min hmusit in min sawisa reng hi a ni ber a ,heng zawng zawng ka ngaihtuah hian ka huat a zual thin . Ka hmangaihna hetianga min chhang let tu hi ka chhuak leh thei a nih ngai chuan na taka awm turin ka siam ve ngei ang. “ No 678 hmuh tur i nei e " an tihchuan ka tho chhuak taih taih a ,midang chuan min lo en kar ,Remtluangpuia zungbun min pek chu ka tuai nauh nauh a ,paih bo chak viau mah ila tunah mai chuan a theih siloh .







Darthlalang chhana ka mi hmuh avang chuan ka inseh ruh vak a ,min hmuh rual chuan a meng deuh kawk a ,ngawi reng chuan thutthlengah chuan thu thla in ka ngawi ngar “ I hmai kha eng vang nge " min la zawt ngam a nia ,heng thil zawng zawng hi a mah vang vek a ni zawk si a “ Min rawn hmu tawh suh,tun bak hi chu keichuan hmuh che ka tum tawh lo,min rawn hmuh pawh beisei hek suh,kha hei pawh hi keichuan ka phulo a ni e " tihzawng sawiin a zungbun min bun tir ngei chu phawiin alamah chuan ka nawr phei a .








A thaw nghal hawk mai “ Bun leh rawh,Lalnunkim bun rawh ka tihchu" a rawn tihrawk a ,nuisakin ka ding chhuak nghal zat “ Ka sawi ang khan hmuhna tur chhan che ka nei tawh lo" tiin ka inher a ,vengtu te chu ka zui nghal . Min au tu chu chhan pawh ka tum tawh lo,hmangaihna huatna a chan tir tu hian hmuh reng a phu lo ,ka awmna hmunah chuan lutin bang ngheng chuan ka thu a “ Mendy tunge a " heta ka awm tirh atanga min kawm ve tu ber chu a rawn kal hnai a .









A ni hi chuan hmusit takin min tawngkhum ve ngai hauh lo,chuvang te pawh a niang engkim ka hrilh ngam ni “ Amah ka sawi thin kha a nia ,min lo hmu a mahse ka rawn kalsan a nihkha " ka tihchuan a chet hlak a “ Ava zak lo ve ,amah avangin hetiang khawpin i hrehawm phah a nia ,i tihsual a ni ngei em tih pawh chiang lo lehnghal" tihlak hlakin ka bulah a rawn thu a ,ka lo nuih ringawt . Ni e ka tihsual a ni ngei em tih pawh hre lo chuan tun dinhmun hi ka thleng ta reng chu a nih hi .








“ Ka lo ring kha ka tihsual lian ber a ni,he hmun atanga ka chhuak leh ngai a nihchuan ka dikna kha ka hai lang ngei dawn a ni " tiin ka phun sap a,a ni pawh chu a lo bu nghat . Kei ai a tang rei tawh a ,a ni chu a tan hun kum khat bak a awm tawh lo,chutia kan lo awm lai chuan ” Kha kan thawmhnaw hi va su rawh u " ti a an rawn dah chuan ka melh nghal kar ,vawitam kan insual tawha . Tlawm nawn erawh ka tum tawh hauh lo .






Ka inzir reng bawk a ,Remtluangpuia laka phuba ka lak duh chuan keimah hi chak tak leh huaisen tak a ka awm a ngai . Amah avangin ka tih ngai hauh loh insualte thlengin ka tih a ngai ta chu a nih hi “ I duh chuan i thawmhnaw chu su ve mai rawh " tisakin ka tho chhuak a ,a thinrim leh tawh ngei mai “ Engmaw i sawi kha ,tualthah tum chu mai pawh nilo i bialpa nu leh nghal,i bialpa ngei lahin hetah hian a rawn dah che ania " tiin a nui hak a .







Chu thu kher kher chuan min ti thinrim zual,insum zo lovin ka tlawh nghal pawp a ,a tluk rual chuan ka bawh bet nghal,a hmaiah chuan ka hnek sawk sawk bawk . Ka thil tih chu pawi tihna reng ka nei tawh lo,tang vengtu hmeichhe pahnih in a min rawn thelh an tum chu ka lo nam tlu pawp a ,chuveleh rawn tho chhuakin an tiang ken chuan min hlap leh ta pawp pawp a ,ka mittui tih tlak ka tum tawh lo . Ngawi reng chuan ka kuta ka lu chu an vuak nat loh nana dawmin .






Ka hmalam chu ka melh ran,min vuakna te chu na ka tilo a nilo,mahsela ka tawrh ngun tawh em avangin ngaiah ka neih mai zawk a ni. Nilo hei ai a na ka tih chu ka mipa hmangaih ber rinna ka hlawh lo leh chu ka hmangaiha min hmangaih ve tu ni ngeia ka hriat in he na tuar tura min dah hi na ka ti ber ,amah vang vekin a ni pawnlam mai nilo; chhungril lam thlenga ka nat ni.






An chhuah hnu chuan ka thiannu chuan min rawn pan in min kai tho a “ An hmuh lai chuan insual tawh lo mai rawh,helaiah chuan lo awm rei tawh ho hi an thu lutuk,lut thar nih hi a hrehawm a sin,chubakah Mizoram pawh hi ringtu intisi hian kan sual lutuk tlat,a hming maia ringtu hi an tam tawh lutuk . Rilru chhe tak tak,tawng thei si vek kan ni . Mi rel leh mi chanchin chhelai sawia hmuhsit bak kan thiamlo,a ram in Christian hming kan pu a .






Mahse a chhunga chengte erawh ringlotu ai aia rapthlak hi kan tam tawh ,khang mite pawh kha he hmun lo ah chuan mi tha leh fel ber ber angin an awm in an inkhawm leh anga,mi chuan an hmu mawi leh tho ang. Keini jail tang te chu kan thil tihsual nimiahlo a kan tan pawh in misual hmuhin min hmu reng thin,hei vang hian a nia helai atanga chhuah pawh ka peih vak loh . Ka huphurh a ni,tu in nge kei ang thil tihsual avanga jail hial tang tawh hi min duh ang .






Ka in ngaihtuah fe angai ang " ka hliam enkawl pah chuan tiin a nui hak a ,ni e a ni pawh hi keiang chiah a a thil tihsual nimiah lo a tang a ni a ,miin drug tawlh ru in an aiin an tir a ,a ni lahin a hre silo. Heti hian a tan reng phah chu a nih hi ,“ An awm em em ang,mi tha lo tam tak karah hian mi tha pawh an awm thin a nia ,mi fel tak emaw kan tihte hi an lo sual fova ,misual hmuha kan hmuh nghal ngawt thin te hi belhchian an dawl duh zek a nia .






I tan pawh heta awm reng ai chuan a nuam zawk ang,ka chhuah veleh ka lo hmu ang che. Nangpawhin chanchin min lo hrilh anga " tiin ka nuih var var a ,a ni pawh a rawn nui ve nghal sang mai. A hlim thei a ,kei mah ang maia fahrah a ni ve bawk nen ka unaunu ang maiah ka ngai a ,u ang maiin ka en bawk. Kan mutna tur lam chu pan ve ve in kan mu thla a ,chung lam chu melhin thil tam tak ka ngaihtuah a .







Ka na a ,ka thinrim bawk phuba lak chakna hian min tur ut ut nimaiin ka hria ,mahse ka tawrh hram hram a ngai rih si. “ Ka nat ang chiah hian ila na ve ngei ang,dawt sawi hmang tak ini Remtluangpui,i hmel ka hmuh leh hunah chuan hmana Mendy Lalnunkimi kha i hmu lo a nihpawhin min dem suh ang che ,ka thinlung i tihnat man hi i hmu ngei tur a ni"tiin ka phun sep sep a ,ka nat ang tlukin ka thinrim a ,phuba lak chakna hian min ti alh chhuak thei mai dawnin ka hria .

[mawitei bawihtlung]

MR.CONTROLLING






CHAPTER 13






“ Hei zaktheilo nu " Zualite thian ho chu kan lam panin an rawn phei a ,kei erawh chuan engmah ka sawi lo . Thartei chuan hlauh hmep zet hian a en a,keichuan hlauhna pakhat mah ka neilo,he hmun ka awm atang hian ka mizia a inthlak hlawk a tih theih,a chhan chu he hmun min hmusit tu leh min khawih nat chak tak tak tu te avang hian nasa takin ka inzir a ,insual mai nilo rilru puitlin leh tawrhchhel kawngah pawh hma ka sawn phah a ni .








Ka chaw eilai chu ka ei mawlh mawlh tawp a ,chil a rawn chhak phawrh a vang chuan ka tawp chat,ding chhuakin rum fe hian ka melh a ,a hmaiah chuan ka hneksak nghal sawk ,min rawn khawih let a tum chuan lo awmsawn zauhin a ngalah ka tlawhsak a ,a thingthi lehnghal hnawk “ Engthil nge thlenga " vengtute bawk chu an rawn lut a “ Mendy eiturah Lalthazuali hian chil a rawn chhak a " an lo tihchuan vengtu ho chuan an hau nghal hlawk hlawk a .







Ka lo nuih sak,ka luh tirh kha chuan mi an hmusit hle a nihkha ,tunah erawh an mahni ngei hian beilet turin min zirtir a ni,vengtute chuan an hruai chhuak a. Ka nui var var mai” An chan tawk chiah a ni " tiin ka phun sap a No 678 hmu tu tur i nei e " an rawn tihleh chuan ka thaw ham ham,thla ruk chuang chu tumah hmu tu ka nei ta lova,tunge ni ang? Remtluangpuia leh bawk a nih ka ring nghet bur ,engkim tih fel a ngai tawh a ni .








A duhthu in he hmunah hian min dah lut a ,engvanga min rawn hmu ngam cheu nge maw a nih le ,eng ang mihring nge maw a nih ni . Ka chhuah rual chuan ka hmaah chuan a lo ding run a ,ka melh kar mai “ I in enkawl tha em?" a tihchuan ka nuih hak “ Ka that leh that loh i hmu reng a ni lawm ni,mahni tihsual ni miah lo a tang hi ka that i ring em ,tun bak hi min rawn hmu tawh suh ka tih che kha ,engvanga ka hma a la rawn in lan ngam nge i nih .







Nge ka thah che i hlau ve lo zawk ,tualthah tum tu ka ni tih kha i au rin pui viau a ni lawm ni. He hmunah hian ka mamawh lo che ,ka mithmuhah rawn in lan tawh suh. Hmana nangmah hmangaih tu kha chu a thi tawh tih hria ang che ,he hmunah hian vawikhat pawh rawn lang tawh suh. Nang ni ang mi hausa kalna chi a nilove ,i nu duhlai chu a harh tawh tih ka lo hria a ,ka lawm pui a che .






In hlim tawh viau ang chu,a theih phei chuan nupui te pawh nei ve tawh rawh. Nang ang mipa hi chu in nep tlat ,hmuh reng chi in nilo ,i hmuh ang hian ka tha ,helai hmunah hian kan mamawh lo khawp mai che " tiin ka nuih hak hak a ,a rum nghut mai “ Ngawi rawh ,he hmun atang hian ka hruai chhuak ang che " a tihchuan za zetin ka nui vak vak a,chu chu a huat hmel zual . A hmel chu a inseh ruh nghal tun mai .







“ Ka mamawh lo,chhuak pawh ni ila he thinlung i tihkeh sawm tawh hi i remkhawm leh thei tawh lovang . A tan chuan i thi tawh,nang a tanpuina lo pawh khan a chhuak ve thei tih hria ang che ,neih engmah neilo fahrah pawh dawta puhin finfiahna nei hauh lo in hrehawm takin min siam a ,min bum kual a" tiin ka nui hak ,ka nuih erawh za tawh lo tak a ni . “ Hmangaihna der i hlan,dawt hmanga i bum,a nun khawhar em avanga hmangaihtu leh ngaihsak tu .







Duat taka enkawl tu mamawh em em ka nih hria in min bum kual a ,in chhungkaw hausakna kha ka awt reng reng lo,hre rawh. Kha nunnem leh nangmah ring tu che kha chu a thi tawh,hrem hmuna lut tura nawr tu nang mihring avang hian vawikhat pawh he thinlung hian i hming a lam leh ngai tawh lovang,finfiahna nei hauh lo a mi hma a i tih mual pho tawh hi engvanga rawn hnaih cheu nge i nih a .







Mi rawn hmu tawh suh,ka hmu leh tawh lovang che. I hming ka hriat hian ka luak a chhuak ngawih ngawih thin " tiin ka inher san a min vengtunu chuan khawngaih hmel zet hian min lo en reng,a mi auhna pawh chu chhang tawh lovin kan awmna lam chu ka pan a , bang ngheng chuan an hmuh lohna tur chin ka thlen chuan ka thu hnawk a ,ka tap nghal hlawp hlawp . Ni e ka hua ka haw ngawih ngawih tawh,ka let leh tawh lovanga .







Ka let a nih pawhin phuba nen a ni tawh ang ,kan room bik ka thlen rual chuan ka mu hmak a ,midang min biakna chu chhang lo vin ka melh ngai ka melh tlawk tlawk ,kan hlimlai hun te chu ka ngaihtuah kir a ,thla bial zan lawma kan pahniha kan lam dun te ,min hmangaih thu min hrilh lai te kha an rawn lang zut zut a ,chutah a tuk maia ka nun thlak danglam tu a nih lai chen chuan rawn langin ka ngaidam thei in ka ring lo .








Nilo ngaihdam pawh ka duh lo,engtin nge min hmangaih ti chung si a hetiang thil ka chungah a tih theih,hei hi hmangaihtu thil tih a ni thei dawn em ni. Ka mittui chu a luang zung zung a ,a hmelthat ngaiin a la hmeltha reng a ,mahse min tina tu mai a ni ,min man ngai loh tur thu min tiam a ,a nuna mi pawimawh ber leh a fate nu tura min duh tu ngei pawhin ka nu leh pa ang maiin min kalsan a ,nilo an ni aia na in min siam a ni.









An hmelpawh ka hmuh loh ka nu leh pa te ai chuan,ka kut vuan chung ngeia thutiamtu phatsanna hi a na zawk . A hlen theih loh tur min tiam tu kha keichuan lawm em em in ka lo nuihpui a ,dawt mai a sawi dawn tih hrelo in ka lo ring a ,a angchhungah ka intulut a ,tunah chuan derthiam tawngkam leh nuihmel te hian min bum nawn leh ka rem ti tawh ngai lovang,tinge kan tana khuanu ruat loh tur hi kan tawn ve kher thin le .





Kan tana a ruat dik tak chu min tawn tir nghal thei awm tho si a ,engvanga kan nat hmasak hi phal tlat nge maw a nih le ,kan nunah kan tahna tur a rawn tir lut a ,zawi zawiin a la bo leh thin si . Puan chuan inkhuhin midang hriat hlau tak chuan ka tap khur dar dar a ,chak taka awm ka tum a. Mahse ava harsa si em ,khuanu tinge khuanu i nihna anga khuanu ruat nilo a kawprem lo tur di hi min tawn tir thin le ,kalsan kan tuma theihnghilh kan tum poh leh a harsa zual a .







Ngaihsak lo a ,hriatreng loh tum poh leh ngaihtuahna ah a awm tir reng a , duh ngawih ngawih leh nei ngei ngei ila ti a kan duh te chu kan hlatah a dah leh daih bawk si . Kan dil loh zawk hringnun min pe a,kan tawp hlenna tur siamtu a ni miau mai si a ,ni e a ni pawh hnaih loh ka duh laiin ka nunah a rawn tir lut a ,hnaih ka duh veleh ka lak atangin a la bo leh a ,hremna mak leh ngaihtuahna luah reng turin a siam thiam si .







Chau zet chuan ka thaw hle hle a ,ka nunah hian ka beidawng a ,hlawhtlin ve a mi fate nih ang nih tuma ka beihna kawng hi a va harsa bik em em ve ,hetiang nun hi ka dil lo a sin . Ka beiseina chu thiatin he tanin hrehawm takah hian ka nun chu min hman tir ta hlauh zawk a ,zan lamah mi mut rem vek hnu chuan kan awmna hmuna tukverh tereuhte atang chuan pawnlam chu ka thlir a ,thla chu a eng kalh bawk . Ka kut chu ka en a ,enge maw ka nih a hetiang taka hrehawm ka tuar bik le ?









Heng thil zozai tuar tur hian enge ka tihsual,ka hlim ve apiangin thiah sak ka ni a ,bul ka tan ve dawn emaw ka tihlaiin ka nunah harsatna a lo thleng leh ziah chu a nih si hi,arsi de neuh neuh chu ka thlir reng a“ Enge ka nunah hian beisei i neih? Tinge hetiang khawpa hrehawm na hi min pek bik,mi fate ka ena ,an nu leh pa te angchhungah awm in an nu leh pa te in an thlavang an hauhsak a ni ngai a , kei hi eng atan nge min siam.








Ka pian tirh atangin nu leh pa hmangaihna ka dawng lo nghal a ,chutah duh leh hmangaih hre rual ka nih in ka nunah mipa pakhat i rawn tir lut a ,a ni pawhin min tina nghal pang chu a nih si hi,rei fe ka men hnu chuan mu turin ka mutna nuam lem lo,chhuat ruh leh mutphah pakhat chiah neih avanga vawt thei em emah chuan ka mu thla a,chak taka awm tum mah ila keimah a ka awm lai chuan ka tap lo thei thin lo .







Mahni in khawngaihna in ka khat a ,vawikhat tal pian nawn leh a mi hausa fa nih ve ka chak a ni . Ka duh duh nei theiin awm ve ila,hlim taka nun hman ve ka chak a ni,nitin chuan insuk leh lei laih chu kan hna a ni thin a ,hnathawk reng na na na chu tha a lo awmin taksa pawhin a ngeih let ling phian a ,vengtute zinga u Remtluanga nen kan inbe lai hretu phei kha chuan min kawm ngeih ta viau a .







Min khawngaih ve hle tih ka hre thei “ I fel sia hetiang zela i awm chuan i chhuah hun an sawn hmat sak mai thei che a ni . Chubakah tualthattu pawh i nilo a ,i tihsual nimiah loah i rawn tang a nia,i chhuah veleh i dikna i hailang ang chu " a tihchuan ka nuih sâng na in chu thil chu ka tum ber ani. Mi zawng zawngin hre turin ka duh kher lova ,mahse min ring lova he hmun ngeia min thawntu Remtluangpuia hmaah ngei phawrh lan ka duh a ni.







Chu mi hnuah chuan ka kal san vang vang tawh ang ,tang ho pawh in ti buai kan awm ta meuh lova. Kei ngei pawh tumahin min tibuai ngam ta lo,tumah ri hmasa lo na na na chu an hlauh ber in min hlau ta bawk nen min tibuai ngam lo a ni ber ,kum khat dawn lai ka tang ve ta reng a . Tunah chuan hrehawm mahse a hma ang em em chuan nuamlo lah ka ti tawh hek lo .





A chhan chu thiantha tak tak ka chhar belh nual si a ,ni e jail tang zawng zawng hi kan sual vek kher lova ,thenkhat chu kan nun ve nan te kan duh miah loh thil tih a ngai a ,chuvanga tanga mi in min hmusit thin an ni,jail tang zawng zawng hi an sual vek kher lova . An tan khawvel hmachhawn a har em vang a ni zawk,mi zawng zawng nun hi a nuam vek lova ,kan nunnan chaw mamawh vek kan nih avangin kan rem hriat ang in kan bei ve mai zawk .






Rukru tam tak hian an duh vang a ni bik hauh lova ,an eitur hmuh ve na turin thiamna leh hna an nei ve miau silo a lawm . He tanin a ka tan hnu atang hian heng thil te hi ka hrefiah thar zelin ka hria ,chhungte kan tu tur nei ve lo hi a tam zawk an ni a ,nitin chhuak leh lut an awm ve reng bawk . Hringnun awmzia chu a ni telin ka hrethiam chhova , beidawng lo turin keimah leh keimah ka infuih thar thin, tuna ka beidawn mai chuan phuba ka la thei dawn hauh silo .








Nakina ka nawm ve nan chuan tuna ka hrehawm a ,ka tawrh hi a ngai miau si a , hung pawn lam chu ka en vang vang thin, ka chhuah nan chuan kum hnih awrh ka la nghah a ngai dawn chu a ni si a ,engtin tak ka thiante kha awm ve ang maw . Remtluangpuia pawh a rawn lang ngai ta lova ,nupui a neih tawh hial ka ring zawk,kei erawh chuan mipa dang ka nuna lak luh leh theih ka inring tawh lova ,la lut thei tehreng pawh ni ila ka nunhlui an chhui anga,jail tang tawh ka ni tih an hriat chuan tu nu leh pa mahin an fate nupui turin min awt hauh lovang.









Ka pi teh kha a la dam ve tehchek ang chu maw ,tumah in min rawn hmu ta ngai lo va ,kei atan tak pawh a tha zawk . A rawn lan fo khan min tina thar mai mai a ni,ka chhuak anga ka dikna ka fiah anga ka kalsan hlen tawh ang tiin duhthu ka sam thin a ,ka hlen theih dawn leh dawn loh chu hun in ala hril ang chu .





KUM TAWP LAM A NI A ,BUAI A ZUAL KHAWPA LO LAM BUH LEH THLAI SENG NEN,CHUBAKAH ,SYNOD INKHAWMPUI LAMAH ZAI TURIN MI AN RUAT VE MAUH SI AVANGIN HLA ZIR AN KO THUT2 SI A ,KHAWTLANG LAM LAH IN COMMITTEE NEUH NEUH AWM BAWK NEN,DUH ANGIN KA DAH SEIIN REGU THEILO TIH KA SAWI NAWN AW

[mawitei bawihtlung]

MR . CONTROLLING







CHAPTER 14




note chhiar lo Kan awm thin a,kumtawp lam buai a nazual a ,chhungkaw enkawl tu ber ang ka ni tawh a ,hun ka nei lo lutuk bawk nen zawh loh ai ka Tia ka rawn ziak hram2 aw

2 years later



Ka hma a mipa ka la hriat ngai miah loh chu ka en kar ,a hmel atang chuan ka pa rual ni awm a mawi a ni. “ Enge min hmuh duh chhan " ka tihfak chuan a rawn nui hak a ” I mizia an ziah nen chuan i in ang lo hle mai,thil tha tak mawle helai hmun atanga chhuah hi i duh em?" a rawn tihchuan ka meng deuh kawk mai.






Eng thu nge a rawn sawi,chhuahsan tluka duh ka neilo ,mahse hepa hian phut let a neih ka ring nghal hmiah,chuti nilo se chuan a hmelhriat ka nilova ,a chhungte lah ka ni hek lo ,min puihna chhan tur dang a awm lo miau va “Ka la chhuak ang che ,chuan nang hian Remtluangpuia lakah min pui ang " a tihchuan ka nuih sak ringawt,ka tan hunchhung ka tang zo tep tawh a.








Remtluangpuia min hmuh tumna ka pawm duh ngailo,jail ka tan chhung zawng khan engkim ka zir chhuak tawh ” Awle ka pui ang che ,keipawhin phuba lak ngei ka duh a lawm,ka chunga hetiang thil titu leh hrehawm taka ka awm chhan te hi,hlim taka an awm rengna chhan tur a awm lo ve ,ka duh chu i hria in ka ring" tiin ka nuihsak a . Ni e ana thei ang berin awm ve se ka duh a ni,ka tum ber a ni bawk,ka rinna tichhia a,ka hmangaihna tawih ral tura hnutchhiah tu khan hlim reng a phu bik lo .








Hepa erawh rin bur ka tum chuang lo,a hmel hi ka nel chi a ni miah lo,lehkha ah chuan sign-in hotu lam chu a pe a ,mak tak hian ka chhuah theih nghal thu an sawi nia. Thil ti thei tak a nihchu ring mah ila hetiang em em chu ka beisei pha lo,ka thiannu a chhuak tawh bawk nen zawn nan hun ka neih theih phah dawn a ,ka lawm let ling phian mai , an carah chuan ka zui luta .







“ Enge ka tih tur chu " ka tihchuan nui vur vur hian “ In thlen hunah le " tiin a driver chu khalh chak turin a ti a ,ka thaw ham ham khawpui chhung ka hmuh lohna pawh a rei ve ta hle mai“ Remtluangpui ka lo kir e ,na taka i hliam hmeichhia hian enge ka tih theih lo thlir ang che" tiin ka ngaihtuahna chu ka kawm malh malh a ,kawngsira mipui kal te,lirthei in tlan pel fua fua te chu ka thlir reng,hmanah kha chuan hetiang lam hi ka ngaihtuah ngai lo.







Mahse hmangaihna huatnaa a chan meuh chuan a lo danglam theih khawp mai,thinlung a kehsawm a a nat tawh hi chuan duh loh thleng thlenga kal a lo ngai thin a nih ber hi,hmangaihna hian a ni kan nun lo hruai ber ni . In lian zet kawtah hian kan ding a ,an ina thil in tar ka hmuh chuan MLA a ni tih ka hre nghal mai ,inchhung lamah chuan kan lut zui a ,mipa pakhat a lo awm ve reng mai .






Chutia kan lut chu chiang zet hian min lo en a“ Bawiha hei hi Mendy Lalnunkimi chu a nih hi " a tihchuan a fapa a ni tih ka hre nghal,chupa chuan min rawn nuih var var a ,a nelawm hmel phian “ Room ah inkawm lawk ang hmiang " a tihchuan muangchangin ka zui lut a ,an in a lian bawk a room awmna pawh chu a hla tham viau,room tawp berah chuan min luh pui a .







Thutthleng lo awm chu a kawk zauh bawk ,ka thut thlak rualin a aw a rawn thian khurh a “ I hmuh ang hian MLA ka nia " a rawn ti khauh a ,ka bu nghat ,enge min mamawh na chhan tur ka la hre thiam chuang lo “ Chuan enge chu chu kei leh Remtluangpuia nen inzawmna a neih " ka tihchuan ka sawi fuh tih hmel fe hian min rawn en a






“ Rampawn atanga sumdawnna ka khawih a ,chu chu Remtluangpuia hian a hre miau a lawm, MLA ka nihchuan ka hausak a ka bial mipuite ka tihlawm hneh a ngai miau sia " a tihchuan rapthlak tizet chuan ka en a , tinge kan mizoram MLA te hian mipui hi sum hmanga an thlem tlat thin,chutah thil tha lo hmanga sumdawn an la hreh miah lo zui,a lang a pauin mipui lam thil tha lo tichu an do leh nasa hle si a .







“ Keihi thil sual tileh turin min ti tihna em ni? Chutiang ka tih ai chuan ka tang leh zawk mai ang" ka tifak a, arawn nui hak “ Nilo e nang chuan Remtluangpuia i hnaih leh zawk dawn mawle ,a la ngaihven zia che ka hai hleinem,i duh tawkin phuba i la thei bawk anga,chumi kawngah chuan ka fapa sawn a pui thei ang che,chuan kei in ka duh ber ka ti thei bawk anga .








I tih tur zawng chu Remtluangpuian min chhui loh nana hma lo lak a nimai,i tel ve em em dawn lo tihna a nihchu,ka lo hriat danin i tihsual nimiah loah a nu avangin a tan tir che tih ka lo hria a ,tunah hian a harh tawh bawk . I duh chuan phuba lak hun tak a ni,finfiahna i nei awlsam zawk bawk ang,i duh lo a nih erawh chuan i tan apawi viau mai thei a ni" a rawn tihchuan ka nui hak a .







Ni e phuba lak chu a lawm ka duh ber ,thil sual ka ti ve vak dawn pawh ni hleilo, a sawi dik chuan ka dikna fiah nan chuan tun hun hi a tha ber a ni . Nu Rini a harh tawh bawk a ,amah ngei ka la inpuan tir khawp ang . “ A tha e ,chutianga in tih theih chuan " tiin ka nui ta sak a ,mahse ka la inlan rih a rem dawn lo a nih hmel,room atang chuan kan chhuak zui a ,ka awmna tur room zau takah chuan in dah lutin ka hawi kual a .








U Remtluanga te in ai chuan zau tak a ni,mi challang an ni miau va in nei te chi an nilo hrim hrim,a fapa kha rawn lutin min rawn be bawrh bawrh a ,a pa nen chuan an in ang lemlo hle mai “ I rawn awm dawn tih ka pa in min hrilh khan ka lo lawm hle a sin,Dika ka nia u Dik pawh min ti thei ang" tiin a kut chu a rawn phar chhuak a ,ka lo vuan ve mai bawk .








Ka thawmhnaw chu min thleh puiin a tawng bawrh bawrh a ,misual tak chu a nih hmel loh,room atang chuan inzui chhuakin an inchu min fankual pui a ,khawthlirna nuam zet an neihah chuan kan dak dun vang vang mai . Van lam en chuan ka mit ka chhing a “ Ka phuba lakna turah hian min dem suh aw Lalpa,ka tawrhna hi a na em a ni" tiin ka phun sep sep a “ Ka pa in min lo hrilh tawh a .







Mipa pakhat avanga hetianga awm reng tur a ni hleinem,he khawvelah mi kan tam em hi maw . Kan damchhung hun tawite ah hian hlim tak leh zalen thei ang berin nun hi hman tum zawk tur a ni ngai,leiah hian vawihnih kan vul dawn lo . Chuvang chuan kan thatlai hunah hian kan indawm kun mai mai zawngin hun hi a uihawm lutuk tlat " a tihchuan dik ka tih zawng tak a ni .







Mahse a har si chu a nih hi,mahni in khawngaih hi a awl em a,chu chu kan chak lohna a ni bawk si,a nu in min rawn koh takah chuan kan inzui lut a ,unau pianpui dang a nei lo nge an pathum bak chuan tumah ka la hmu lo,nge ni a ram dangah te hian an awm zawk ni “ Nuam ti deuh khan awm rawh aw Mendy,i chanchin kan lo hria a ,a pawi hle mai,tunlai mite tak hi chu .







Mi tih ni miah lo pawh hi mi pakhatin a tih vang ringawt hian kan ngai dik lo nghal thina " a tihchuan ka bu nghat ringawt,an thusawi dan atang hian min khawngaih nge min tlawn an duh tih lah ka hre thiam thei der lo lehnghal . Chaw eikham chuan awmpui an neih miau avangin room lam ah hahchawl turin ka lut a ,ka khum thar turah chuan ka mu thla nghal zat“ Ka chhuak tawh tih a hria angem le ?







Hre ta se engtin nge a awm ang,a thinrim ang nge mak a ti zawk ang,he ka phuba lakna tur hian rah tha chhuah mawlh tehse ,khumah chuan mu tha sat satin ka mit ka chhing zui a ,ka awm zui zel dan tur chu ka ngaihtuah pah bawk,helaiah ka awm reng thei dawn lo tih lah a chiang bawk si .



REMTLUANGPUIA POV...

(ZAWM LEH TUR

[mawitei bawihtlung]

MR. CONTROLLING






CHAPTER 15





Regu in duh tih ka hria ,mahse keimah ka in daihlo a ,ka dah hun angah hian min lo dawh hram hram mai ru aw ,ka chau ve thin teh a nia

“ Engtin maw a chhuak a maw " ka hma a ka thianpa thu chu ka melh ngura,a lu a buk nghat chuan ka mit ka chhing vang vang “ A kalna i hre thei em? Tunge hruai chhuak " ka tihchuan “ Hrelo,a hruaitu pawh hriat a theihloh,an thup pui danah mi thil ti thei tak chu a nih hmel,ka rin dan chuan ilaka phuba lak duh tu ngei an nih ka ring . Chuti nilo se chhungkhat hnai vai neilo lehnghal chu an pui duh hauh lovang" a tih chuan a sawi dik ka ti viau mai .









Chuan Kimkimin a pawm tihna ,ni e ka lakah phuba a la duh ngei dawn tih kha a mitmeng atang khan ka hre vek,ka tina em a a awm tho ve. Mahse ka ngaihven lo ngailo,ka nu tana ka tih a ngai miau sia lawm “ Khatiang fahrah lehnghal,eng a ti thei lova nge ,buaipui reng suh u " ka nu thu rawn sawi avang chuan ka melh nghal hrawk a “ Lo inrawlh suh,nangmah avang chiahin jail ah ka dah tih hre rawh,thah tum tlat lo la chuan ka dah lovang ,hei hi i thiam loh vek a nih hi" ka tihchuan thinrim zet hian min rawn en a .








Ni e Kimkimi kha ka nu hian thah tir a tum tih ka hailo,kan Mizoram ah meuh pawh pawisa a awm chuan tualthah hreh lo hi an tam tawh miau va ,a khat tawkin keini pawhin tualthattu kan man reng chu a nih hi. Ka nu erawh ka nu min hringtunu ngei a nihna angin dik lo zawk nimahse jail ah ka khung thei miau lova ,ka hmeichhe duh awm chhun na takin ka siam phah bawk. A hmel chu ka ngaihtuah vang vang a .








Tanin a ka tlawh hnu hnun bera a tawngkam te a hmel zawng zawng nen khan min huatna bak ka hmu tawh lo,chuvang chuan ka lakah phuba lak a tum ngei ang le . Tunge a la chhuak tu chu ni ang,eng thil nge a chungah tih a tum? Ama tana tha lo tur a pan mai angem tih ka ngaihtuah avang chuan ka thaw hawk a “ Ka rilru hria la min haw hauh lovang,kha hmuna ka thawn che kha i tana natna ni mahse i himna tur ber hmun a ni rih si a .








Tu in nge i nunna lak tum ber ka hre hauh silo,ka la hmangaih reng che" tiin ka phun chhuak sup a. Ni e ka tina,na satliah nilo in natna na tawp khawk ka pe a ,mahse kha thil kha tilo ila a thi tawh hial mai thei,venhim tum mah ila ka ven hneh loh hun a awm ngei dawn si . Chubakah ka nu duh anga ka tilo a nihchuan ka nu hian ka awm loh chhungin a chungah eng pawh a ti thei tih ka hai miau lo “ Tunah chuan engmah sawi ka duh rih lo .








Fela lo chhui zui ta che,ka hna kal ka ngai tawh tlat " tiin sana chu ka melh zauh va ,zanlaia drug tawlh ruk tum te man tura thawk chhuak tur kan ni bawk nen ka muang thiang lo,ka chhuah rual chuan van lam chu ka en vang vang a “ Ka rawn zawng ang che ,khawi hmunah pawh awm in min haw mahla ka rawn zawng ang che " tiin ka bolero ah chuan ka lut zui a .







A awm loh atang in hmeichhia tumah ka hnaih leh tawh lova ,hnaih chakna lah ka nei hek lo . Mittui nena min en tu mitmeng khan tu hmeichhia mah min hnaih tir theilo,ka nu kha a duh avanga nam thla a nilo tih ka hria a ,mahse keimah ngeiin ka tan tir a nihkha. Keiin tan tir lo mah ila dan angin kum thum ai tam a tang thei tih ka hriat chian avangin a nep thei ang berin keimahin ka khing ta reng bawk a .








Tu nge a hruai tu chu ni ang tih mawlh chuan ka rilru a luah a ,a ni min huatlai rem changa an lak nghal chat danah chuan thil ho tak a ni dawn lo tih ka hre chiang viau mai. Ka naute awmna ka thlen takah chuan in thing harh vatin kan thlang lam ram hnuai reh ruih chu thawm nei lo chuan kan chhuk thla a . “ An rawn thlen tep tawh kan ring " pakhatin a rawn tihchuan ka kut chu ka ti che zauh a “ In sem darh ula tlan chhuak an awm tur a nilo " ka tihchuan an che zui nghal sang sang a.









Rei vak lo hnuah chuan mi panga rawn langin baga number 4 khat tun chu an in hmuha,chhuak duh mai lo chuan an hmel chu chiang takin ka en a ,ka rin ang chiah a nih avang chuan ka nui sak . Kan Aizawl mihausa ni phak kohhran leh khawtlangah pawh in hmang tak a an sawi pa ngei a ni “ Che tawh suh u " tiin silai nen chuan ka chhuak zui a ,chutia ka lang thut chu an phu nasa hle tih a hriat .








Pakhat tlan chhiat tum chu ka hnuaia mi chiah Hruaia chuan a rawn tuk thlu nghal chawrh a ,midang an rawn lan zui takah chuan tumah chet tum an awm tawh lo ” Nang bawk maw,ka tang rei dawn hauh lo a nia hre rawh,chuan i bialnu a chhuak tawh tih ka lo hria a ,a him rei kher lo mai thei a ni . Hre rawh ka sawi tawh kha ,ka hmaah i la in lan ngam a ,min la dodal ngam leh nghal " a tihchuan a hmaiah chuan ka hnek nghal sawk mai .







“ I kut hmawr pawha i khawih a nihchuan ka that ang che " ka tihchuan a nui nghal hak mai ” Kan la hria ang chu" a tih rual chuan ka silai chuan ka silai chuan ka tuk thlu nghal tawp a “ Man ula rawn hruai chho nghal rawh u " tiin kawngpui lam chu ka pan chho va ,kawng ka thlen rual chuan motor ke chu ka chhuih nghal chawrh ringawt . Lalnunkimi chuan engvanga a mi hriat chian loh zui nge a nih,min haw viau a nih pawhin a tana mi tha leh thalo chu thliar hrang thiam tur a ni a sin.








Ka naute an rawn chhoh hnu chuan kan mi man ho chu station lam pan chuan kan hruai zui a.





MENDY LALNUNKIMI POV....








“ Ka lawm e " tiin u Dika chu ka nuih var var a ,a nipawh chuan min nuih let ve bawk . Ka chhuah a tangin thla li lai a liam leh tawh a,u Dika chuan engkimah min pui a ni ka tilo theilo,apa in a hauh ngai hial khawpin min ngaihsak a ,keipawhin ka thian ang tak takin ka en bawk,an in a ka awm atangin engtik lai pawhin min bia in min ngaihsak em em a ,amah avangin an ina awm pawh nuam ka tih phah a ni.









A tirah kha chuan ka nello hle kha a nia ,min len chhuahpui fova mahse mask ka vuah tlat thin thung,mi hmuha in lan fo ka duh lo . Remtluangpuian ka in peih hma a min hmuh ka hlau a ni,min hmuh vaih chuan ka chungah eng thil nge a tih leh duh dawn ka hre hauh silo ,ka la ngaihtuah renga haw viau mah ila ka hmangaih miau si a . Ka la tah pui reng chu a nih hi,ni e hmangaihna chu duh huna neiha duh huna tih reh leh mai theih a nilo va ,kan duh loh thleng thleng a min hruai thei khawpa powerfull an tih kha a ni miau a lawm .








U Dika chuan Mela velah te chuan min kal pui thin a, ka chanchin a hriat atangin min ngaihsakin min tihhlim a tum hram hram thin a ,chuvang te pawh a niang ka ngainat nghal mai ni . “ Hmun danga kal duhna i la nei em " a tihchuan ka lu ka thing nak nak a ,“ Haw tawh ang a tlai tawh em hi,nu Jenny in min lo ngaihtuah tawh ang " ka tihchuan ka luah a rawn chul zauh a ,a hmeltha a duhtu pawh a ngah viau in ka ring . Doctor a ni a ,a inhmeh ka tiphian . Amah a nelawmin a fel em em nen doctor ni tur tak a ni .








Remtluangpuia pawh a nun a rorum ang bawkin police a ni reng bawk a ,ka ngaihtuah chhuah leh avang chuan duh lo in ka lu chu ka thing nawk a. U Dika car kawngkhar min hawnsakah chuan nhi hak hak chungin ka thu lut a “ Nupui hawnsak tur i la nei silo va ,i nau hi min hawnsak zel phawt mai teh " ka tihchuan a ni pawh rawn thut luh pah chuan a nui hawk hawk a. “ Nupui neih pawh ka tum hleinem,tihian ka awmpui reng zawk ang che " tiin a tlan chhuak zui a .










“ Chutiang ten i leng tar mai dawn a sin,fa neilo tur atan chuan i uiawm lutuk " tiin ka en ha a ,a nui leh suk mai “ Ka hmeichhe duh deuhin min duh let hunah chuan kan la nei ve ang chu" a tihchuan tunge chunu chu ka hre chak nghal hle “ Nang meuhin i duh chu ka van hmu ve chak tak,min la inhmuh tir rawh aw ,a hmeltha em" ka tinghal zat zat a . A nui leh hawk hawk phawt a “ Hmeltha tak a ni,a ni lakah chuan hmeichhe dang chu nepte an ni ringawt . Engkim a mawi pui veka,ka mitah chuan a ni tluk an awm lo .









Ka hmuh tirh atangin ka thinlung a nei nghal hmak mai a ni" a tihchuan ka hre chak zual sauh “ Kei mah ka hmeltha zawk,mahse hmuh chu ka chak tho " tiin tukverh lam chu ka en a“ Ni e i hmeltha ber,mipa ho in an en zui vawng vawng che hi,ka nau hmeltha kha i ni miau va ,ka hmeichhe duh nen chuan in in ang viau a ni " a tihchuan ka bu nghauh nghauh mai . “ A fel dawn a nihchu,mahse in inneih hunah pawh min duat loh phah miah suh ang che .









Nang berin min duat loh chuan duat tu tur pawh ka neih ve loh hi " tiin ka phun sap sap a “ Ka kalsan ngai lovang che ka tihkha ,ka naute hi ka tello te chuan a hlim dawn lo tih ka hria a ,nupui nei pawh ni ila ka nupui aiin ka duat lo chuang lovang che " a rawn tihchuan ka nuih ver ver a . Ka lawmna tawk thusawi hi chu a thiam a nia ,ka bialpa a nilo chungin Remtluangpuia ai khan min ngaihsak thiam zawkin ka hre thin.









Mahse hmeichhia hi kan mak a ni,min hmangaih miah lo tu pawh kan hmangaih thei a ,min tina reng tu pawh kan la vuan tang tang thei a ,kan rinna tichhe fotu hi hmangaihna avangin kan la ring thei cheu a ,kan la ngaidam thei fan a nia . Hmeichhia te hmangaihna hi a ropui ka tilo theilo,a chhan chu an hmangaih tan chuan engkim huamin an tuarchhel em a ,an mahni duhtu aia ngaihsak miah lo tu zawk la thlang thei khawpa tuarchhel an ni .









In kan thlen chuan nu Jenny chuan rin ang tak takin min lo hau bawrh bawrh a,mi a duat nen a phun ang vel hi chu ngaiah ka neih tawh keipawh hian,an pa erawh ka nel theilo. A chhan chu a nihna dik tak ka hre miau alawm,hetiang mi hian engtin nge nu Jenny leh u Dika ang hi a neihin a hrin theih zawk,a nupui leh fapa rilru that em em laiin a ni erawh a rilru a chhe em em thunga ,thisen zawm pui theuh theuh pawh hi a lo in an loh theih a ni .








U Dika nen chuan nui chunga tlawnin roomah chuan in tifai turin ka luhsan a ,ka inbual nghal sar sar mai . Remtluangpuia khan ka chhuak tawh tihchu a hre ngeiin ka ringa,min rawn zawn loh danah atan chuan ka pawimawh lo hle tih ka hrechiang chiah . Min ngai pawimawh chu nise tuna ka awmna chen hian a hre tawh ngei ang,a chhan chu mi chhui thiam tak a ni miau a lawm .









Ka inbual zawh chuan ka chauh em avangin ka mu zui a ,ka nunhlui bawk chu ka ngaihtuah lo theilo . Reilote kha chu ka hlim ve hman a sin ,rei a daih lo mai pawh a,a chungah engtiang chiahin nge phuba ka lak dawn ka hrelo va ,mahse nep taka a hma a awm ka tum tawh lo . Hrehawmna awmzia a hriat ve ngei theih nan a chet hi ka tum ber a ni,kan pahnih thlalak chu ka en vang vang a ,halral tum thin mah ila min dang tu hi a awm leh tlat thin .








A hmaah thu in ka hnung atangin min kuah a,hlim takin camera lam kan en lai a ni a ,amah pawhin a la kawl ve reng mai thei . A nih loh pawhin a paih bo hial thei bawk ,ka mittui chuan a far huh fap a “ Ka hmangaih che a sin,i chung a ka in nghah nasat zia kha i hre reng awm si a ,Remtluangpui hetiang leh tur si a engvanga bul min tanpuia ,ka hmangaih che min lo tinge i nih,keilahin thutak emaw tiin lawm takin ka lo pawm che a .








Ka hmangaih hial che chu a nia,mahse ka hmangaihna salin min phuar chungin tanin hrehawm ah min dahin mi sawisak tuar turin min hnut chhiah a nihkha ,khang ka ngaihtuah chhuah apiang hian engtin nge ka la hmangaih reng theih che tih hi ka ngaihtuah a sin " tiin a mah awm hleilo chu bia in ka tap leh faih faih a ,tah loh pawh tum ila ka theilo . Kumhnih leh thlali a liam tawh chung pawh hian a engkim a rim leh a lumna thleng khan ka la hre theiin ka in hre thin .









“ Ka rawn lut thei em" u Dika aw ka hriat rualin ka mittui chu ka hru sawk sawka,ka insiam rem pah bawk “ Lo lut rawh " ka tih rual chuan kawngka chu rawn hawngin a rawn lut zui a ,ka hmel chu chiang taka enin ka bulah chuan a rawn thu nghal zat,ka biangah chuan rawn chulin “ Amah vang bawkin i tap leh ta a nimaw ,i hmangaih hle tih ka hre mai e . Mahse chak taka i awm a ngaih kha hre reng rawh.








Hrehawmna siamsak tu che hian a tuar let ve phawt tur a ni,hmeichhe naupang duhawm zet thinlung a hliam avang pawh hian keimah ngei hian hrem ka duh thin" a tihchuan ka kuah thlawp a “ A har takzet, tinge ka lo tawn kher le ,u a hrehawm emai huat ka tum pauh leh ka mamawhna a zual a,theihnghilh ka tum ve pawhin ka ngaihtuahna a luah zing ting si,tinge hetiang em em hian min thunun mai le.








Reilote chiah ka hriat chhungin ka nunah heti khawp hian hmun a chang hnema ,ka hua ka haw takzet . Min hmangaih thu a sawi tuk lawkah a hmangaih thu a hrilh ngei chu hmun hrehawm taka min thawn a hreh hauh silo . Khang ka ngaihtuah chang hian phuba lak chak na in ka khat a ,mahse min dang tu hi a awm zel bawk si,a hmel hmu leh ila engtin nge ka hmachhawn ang ka hrelo,mahse a rei anga ka thei ve em em ang tiraw ?" ka tihchuan ka lu ah chuan duat takin a chul a .









Ka hnung chu a beng det det bawk “ Engkim a tha leh vek mai ang,i chak tawk tih ka hria. Kan tawrh zawh loh tur thil hi kan nunah a thleng ngai lo a nia ,tin i huat avang ngawtin nakina nangmah i nat leh na tur thil a chungah ti hauh suh. I tihnat dawn a piangin i hmangaih a ni tih kha ngaihtuah chhuak la ,i inchhir lehna tur khawpin a nunah engmah ti suh ang che . A nipawhin a hmangaih che a nihchuan a la rawn zawng hmu leh mai thei che a sin .







Englai pawhin i tan ka awm reng tih hria la ,i mittui ti tla fotu hi a hmuna hmuha khawih hrep ka chak thin,ka nau duhtak mittui a tih tlat avang hian hnek a phu " a tihchuan a awmah chuan ka beng dat a ,ka nui hak bawk “ Ka hria a lawm,mahse natna awmzia chu hre ngei se ka duh,tunah erawh ala hun lo a hma a ding thei tur khawpa ka huaisen tawk hunah a ni thung ang. Ka kianga i awm chuan tumah ka hlau lo" ka tihchuan a rawn nui nghal var var mai .







A nichuan tawngkam vin aiin zaidam takin mi thu tha a hrilh a ,midangte tihnatna lam phei chu kan sawi ngailo a tih theih . A mah hian a duh loh vang a ni pakhat a , doctor a ni bawk a a nun hi a nem mah mah a ni . Mahse ka ngainat chhan a ni bawk si ,dak chhuakin ka mit chu ka nuai a “I hmeichhe duh chu min hmuh tawh la " ka tihchuan ka chalah chuan a pen koh a “ Nidangah i nghal lutuk,tirawh chaw va ei ang " tiin min kai chhuak a .







Chaw eilai chuan pa Zoa chu a awm leh pek lo,inthlan hnaih tawh avangin a vak chhuak deuh reng a ,in lamah a awm tlem hle. Kan zoram politics hi chu a thianghlim lo hi ka ti thin,mipuite pawh hian sum hi kan duh mah mah a ni,ram thatna tur aiin sum kan hmuhna tur hi kan thlang leh thin a ,chu chu ramin a chhiatpuia ,a lungawi lo leh sawisel leh thin chu mipui te bawk hi kan ni leh thin si .

[mawitei bawihtlung]

MR . CONTROLLING






CHAPTER 16






Kumhnihna a liam ve leh ta reng mai,u Dika zarah dawr hawngin ei siam lam chu ka kal pui a ,hei hi chu Remtluangpuia te ina ka awm lai atang tawha ka tum kha a ni reng a ,keimahin pawisa ka khawl ve te nen khan la chhuakin bul ka tan ve chu a niau ,u Dika avangin dawrtu pawh ka ngah nghal viau a ,a thiante lo hrilh kualin an rawn chawlh atangin ka lar pui ve a ,ka eisiam tui an tih thu min hrilh thin te chuan min tihlim ve em em zel .






Thawktu ka lak belh ve zel a ,a dawr pawh kan zauh ve hial mai ,u Dika chuan a hna kal loh changin min rawn pui ve thin a ,ka hnuaia thawk te hian an star thup tih ka hria “ Hey Duati " a rawn au leh lung lung tawh . Duati min ti tawh suh ka tih ngun nen a sim theilo chu a nih ber hi “ Vawiin i chau em,ka nupui hi " tiin ka biangah chuan a rawn piai a,rum zet chuan ka en nghal kar chu a nui hawk hawk mai .







“ I nupui ka ni ziah lo,rawn uang reng suh ka hnathawk te pawhin zawhna min zawh phah ziah,an duh em em che a nang lah hi i mawl si,I bialnu te chu min hmuh ve tawh em em la " ka sawi apiangin chhuanlam a siam ziah a ,tun pawh hi a siam leh dawn tih ka chiang ” A hunah ka tihkha ,tun chu ala hun lo . Chubakah ka duh tih ka la hrilh ngam lo,a thinlungah mipa dang an la awm renga ka la hrilh duh lo " a tihchuan mak ti zet chuan ka en ha .








Chu hmeichhia chu hmeichhe a tak a nihchu,dik tak chuan u Dika chu a hmeltha a ,a fel bawk nen amah nei tu chu mi vannei tak an nih ka ring,amah lah hmeichhe duh chi tak a ni bawk nen duh chu nise nupui hi a neih daih tawh ka ring . Mahse a hmeichhe duh chu neih ngei a tum thu a sawi miau va ,a â ka ti dawn nge a rinawm ka ti zawk ang ,mahse kei ngei pawhin ka mipa duh nghakin hei leh chen ka awm a ,ka nei thei chuang silo .









Huatna leh hmangaihna thinlung la pu chung hian a lakah phuba ka la la thei tho angem tih hi ka ngaihtuah ber chu a ni. “ I hrilh ve hrim hrim a tha a nihchu " tiin ka nuihsang a ,“ A chi dawn em ni? Min hlat phah daih si ange " tiin pawnlam chu kan pan duna ,a car min hawn saka thut luh ka tum chiah chu tu emaw hian min rawn pawt betin,alam hawi tur hian min kuai her zui a .








“Kimkim " ka hma a mipa ding chu ka nuihsak ” Khawiah nge i awm char char a " tiin min kuah thlawp a ,ka kuah let ve vat . Ka phuba lak theih nan chuan engkim ka ti ang,a mah ka hnaih anga ka tichhe vek dawn a ni ,a ni hian enge ka nih a hre mawlh ang . U Dika chuan engmah sawi lo hian min lo en tawn zak zak a “ Ka ngai lutuk che" a tihchuan ka inseh ruh vak “ Engtin nge hetah ka awm tih i hriat,haw kan tum tawh a u Dik kal ang hmiang" ti a kal mai ka tum chu min pawt let lehnghal dawrh mai .








“ Khawiah mah kal tawh suh,min ngaidam rawh thusawi dun ang ,engkim kha ka duhdan a ni bik lo tih hria la ka duh" a tihchuan ka thaw ham ham a,a mit ka en apianga ka khurh a ,ka zamna thin ngeiah chuan zam map lo hian ka en let kar . Engtin nge ka theih zawk ni? Ka lo haw hle a nih ka ring “ Haw a hun tawh a ,naktukah kan in hmu zawk dawn em ni,i hmuh ang hian kan hmanhmawh riau a " tiin ka nuih sak a ,a ni pawh in rem a ti tih hriat nan a bu nghal nghut mai .










Ka insiam rem a“ Dar 10 ah a hma a kan kal dunna restaurant ah khan ka lo kal ang " ka tihchuan a bu nghut a . U Dika bula ka thu tur chu thik hmel zet hian a en a ,engtin nge zam hauh lova min la rawn hmuh ngam zawk le ,khatiang khawpin min tina a ni si a ,u Dika nen chuan kan tlanchhuak a ,“ I kir leh dawn em ?" a rawn tihchuan ka thaw ham ham mai,phuba ka lak nan leh pu Zoa puih nan chuan ka kir leh ngei a ngai bawk si .










Mahse ka phur hlawl lo a ni,a hmelte kha an la tha reng a,a pat ngaiin a la pa reng bawk . Mahse ka tan chuan ka hmelma leh natna min petu mai a ni“ I hriat kha phuba lak theih nan chuan engpawh ka huam a ni . Chuvang chuan naktukah engkim ka sawi fel pui ang,i pa duhdan pawh a ni miau va ,min ngaihtuah suh. I pa ka puihve theih dan a nia lawm " tiin ka kiai saka ,ka nuih erawh a za miah lo thil tisualtu chu puih duh lo mah ila min bail chhuak tu leh min enkawl tu an ni miau a .










An thu ka zawm lo theilo “ Ka pa hi i zah lutuk a ni,a thalo zawngin thil tihauh suh aw ,i nun a chhiat hi ka phal miah lo a nia " a tihchuan ka bu nghat nghat a . A ni hi chu apa nen an ngaihdan a inang lova,a pa hi a thlawp ngailo reng bawk a “ Ka tan vek a nia lawm,ka dikna ka hailang dawn a ni,tin ka tawrhna kha hmu let ve ngei se ka duh " tiin pawnlam chu ka thlir san a .








A rawn khuh nghal kharh ” Ni e ,i chhuahsan chhan pawh a nia lawm,engpawh nise min mamawh a nihchuan emglai pawhin i bulah ka awm reng a nia " a tihchuan ka nuih sak ringawt. He thilah hi chuan inrawlh lo se ka duh,keimah avanga midangin an sawi ve tur te hi ka duh miah lo . In kan thlenga ,muangchang chuan kan inzui lut hnak hnak mai .









In kan thlen chuan pa Zoa nen kan in melh fuh chat mai “ Biak che ka duh a pa Zo" ka tihchuan u Dika chuan ka kut a rawn hum chat a . Ka lo nuih var var a,ka mitmeng chuan ka khap pah bawk ,pa Zoa nen chuan a hma a kan in biakna room chu kan pan a ” Enge ni i sawi duh chu " a rawn tihchuan thawk ka la ham ham a “ Min hmu tawh a ni ,naktuk hian ka in hmuh pui ang " ka tihchuan a nui nghal vur vur a .







“ A that chu,i chhuah tur a nilo . Hre reng rawh inneih a sawm ngei che ka ring a ,chuvang chuan i hnar tur a nilo,i nei mai ang. Chuan a ina min man theihna tura a finfiahna neih chu zawngin i tichhe tur a ni,engtin mah a ti thei hauh tawh lovang che " a tihchuan ka ngaihtuahna a buai ve nak mai,ka nei duh chiah angem ka hre lo .







Eng pawh chu nise phuba ka la duh a nihchuan ka pawm ngei a ngai bawk si ,ka tan mai nilo kei min la chhuak tu laka ka bat a ni bawk . ” Ka lo tum dawn a nia ,ka chhuak phawt ange " tiin pawn lam chu ka pan hnak hnak a ,room pawnah chuan u Dika chu a lo vei nghut nghut mai . A bula ka din rualin ka kutah a lo vuan nghal chat a.







Apa nen hian keimah avangin an inhau fo tih ka hria,keimaha in luah hran duh ve viau mah ila an rem ti miau silo va. “ Ka tha a lawm,tinge i hlauhthawn viau zel,ka in veng thei hle tih i hriat kha " tiin ka nuih lui var var a ,min ngaihtuah hle tih ka hriat hian ka lawm thin . Kei tumah nei lo hi min ngaina in a nau ang chiahin min en thei a ,ka lo tawng lo ang tih hi ka hlau ..








A tuk lamah chuan nalh taka incheiin Remtluangpuia hmu tur chuan ka chhuak a. Restaurant ka thlen chuan a lo awm tawh tih ka hmu thei,ka lut min hmuh rual chuan a lo ding vat a . Waiter chu zuiin a bulah chuan ka phei chhet chhet a ,ahma ang bawkin hmeichhia chuan an en leh thup tawh mai. Mahse chungte chu hrelo ang mai chuan keimah ngawt chu min en a .








A bul ka thlen rual chuan ka thutna tur chu pawt chhuakin min thut tir te te a ,a ma thutna lam chu a pan ve ta chauh bawk .” Ilo kal dawn lo emaw ka ti a " a rawn tihchuan ka nuih sak a ,min nghak ve reng reng se tih ka duh avangin ka hmanhmawh duh lo kha ania ” Nia ka buai ta deuhva ,i thlenna a rei tawh em " ka tihchuan a rei vak loh thu a sawi a ..






Mahse a awmdan atang chuan a thlenna a rei ve tawh hle ang tih ka chiang “ Enge min biak duh chhan" ka tihchuan ka kut a rawn vuan a,ka ner deuh sak . Chu chu hmu mahse a kut chu ala sawn chuanglo “ Ka tihpalh a ni,mahse kalsan che ka duh lo,kha thil ka tihchhan kha i himna ka duh vang chauh a ni a sin,min ngaidam theilo mahla kha thil ka tikha ka inchhir lo,ka inchhirna ber zawk chu min huatna tur thil ka ti ta kha a ni " a tihchuan a thusawi chu hrethiam lo zet hian ka en a .









Mahse awih tumna ka neilo “ Jail ka tan kha i duh ber a ni lawm ni,engvanga ka chhuah hnua inchhir anga rawn sawi leh si nge i nih? I duh ber hmeichhia neiin tinge min rawn tibuai lova i awm mai loh" inhum ruh teuh chung chuan ka ti a . Ka thinrim chu ka sa pup pup thei hial mai “ A chhan chu ka hmangaih che a ni,i laka ka thil tihkha a rapthlak tih ka hria mahse ka hmangaihloh vang che a nilo tih hria la ka duh,ka duh ber chu i himna a ni" a tihchuan ka nui hak a .









“ Ka hrehawm lai hmuh kha nuam i ti a ni lawm ni,engvanga min hmangaih anga la insawi ngam nge i nih zawk ni . Remtluangpui zak ve deuh teh,finfiahna nei hawt silo vin ka tan ngei theih nan hma ila a ,i nu kha ka duh reng vanga namthla ka nilo tihchu i hre khawp ang " ka tichang fak a ,hrehawm tih hmel zeta a thaw leh thin te chuan min tihlim veng veng,engtiang chiaha na in nge ka siam dawn hi en rawh se .








Tunah chuan ka hun a in tan ve ta ,ka bum kual ve anga a mi tih ang chiahin ka thungrul anga ,na ti ngawih ngawih turin ka siam ve dawn a ni “ Enge i la duh cheu " ka tihleh chuan “ Innei ang" ka rindan chiah . Pa Zoa duhthusam ang ngei maw ,ka khisak a “ Ka duh i ring reng reng em ni" fiamkual ka duh avang chuan ka ti let ngat a,ka thinrim viau nangin ka insum tang rang a ni,hnial ka tum lova .








A chhan chu nei zawk tur ka ni miau,a laka ka tih tur tih theihna awmchhun a ni miau alawm “ I duh chu ring lo mah ila i duh ngei theih nan hma ka la dawn a ni" a tihchuan ka nui leh sak,intiam kamna nen he inneihna hi ka kalpui ngei ang




ZAWMNA



A nih leh hei hi ka zawt ang che ,tunge mahni hmangaihte tina a ,an chhiatna tur zawng le ? " tiin ka en kar a ,a hmelah chuan inchhirna ka hmu thei. Mahse chungte avang chuan nem mai mai erawh ka tum lo,ka la hmangaih renga mahse alakah hian pangchang tak emaw a awm ka tum tawh lo .







Ka chak tawk tih hi hre ve rawh se “ Kimkim " a rawn ti sup a,a aw ah chuan ana in a hamhaih tih pawh ka hria “ Min chhang rawh,mi kan hmangaih a nihchuan an hlimna leh an himna kan ngai pawimawh a ,kan theih tawp kan chhuah thin a sin,mahse i mi hmangaihna kha enge le? Tual thah tuma min puhin kha tanin hrehawm takah khan min dah a ni lo'm ni ? Engvanga tuna inneih duh leh si nge i nih.








Ka rinna zawng zawng che tichhia in inneih puiah min la sawm amaw ,kan hmangaihte kan tina ngailo Remtluangpui " ka tihchuan a ngawi reng,a kun ngura ” Ka hmangaih che a lawm duhthlan tur ka nei lo tih i hre lovang tiraw ,tin khapa bulah khan awm tawh lo hram teh. Apa kha mi tha lo tak a nihkha " a tihchuan ka nui sak,u Dika bawk maw, a sawi angin pa Zova chu a tha hauhlo“Mahse hrem hmun atanga min la chhuak tu a ni miau va,chuan u Dika chu sawilo mai teh.









I theihloh zawng zawng min tih sak tu ani,ka tan chuan hero a ni a sin,nangin enge i tih ve ? Min hmangaih tichung siin na takin min hliam si a lawm " ka tihchuan a hmai chu a tuai pawk a “ Ka siam tha leh ang,hun min pe rawh ,min huatna te kha tireh turin hun min pe rawh " a tihchuan ka en vang vang ,engtin nge thinrim miahloa min la chhan theih zawk . A ni hian min neih let a duh tak tak em ni ang .









“ A nihchuan fiah rawh,i nu hmuhah ka dik ngei a ni tih tilang la ,i nu kha a ma tihsual ngei a ni tih finfiahna hmuh in kei hi ka dik a ni tih fiah rawh . Tin ka nei che a nihpawhin ka nun danah i inrawlh tur a nilo, Chu chu i thei a nihchuan ka nei ang che ,mipa dang ka bia emaw a nihpawhin engmah i sawi tur a nilo va . Ka dikna kha i hailang ngei tur a ni,i nu in a phu tawk hremna a hmuh phawt chuan ka nei ang che " nui sak chung chuan ka ti a .








Ka thusawi chuan a thawng tih ka hria ,ka thusawi zawng zawng kha tih ka tum pawh a nilo . Mahse a ni hian engtiang chiahin nge a inhuam tih ka hre duh “ Thil kal tawh chu kan theihnghilh thei mailo em ni " a rawn tihchuan ka nui hak a ,a mitmengah chuan a rilru a buai ve hle tih ka hria “ Teuhlo,kumhnih chhung ka tuarna kha a lo thlawna luanral tir ka tum lo,mahse thil pakhat chu i ti thei







Jail a tan ve kher pawh a ngailo,ka hmaah rawn in lanin ngaihdam min dil rawh se . Tichuan ka lo in ngaihtuah chauh ang " ka thusawi avang chuan a kut a hum ruh nghal tun a,ka lawmah a tla thung. Misual nih ka duh ngailo,mahse a hmaah hian fel taka awm ka tum lo bur ,a ni leh a chhungkaw hmaah hian tlawm taka awm ka tum tawh lo “ Duhnu " a rawn phun sup a .







Kan bula midang awm ve ten min rawn en thup avang chuan ka tho chhuak a “ I tih tir theilo a nihchuan min rawn hmu leh tawh suh ang che ,ka hma a kuna ngaihdam min dil a nihloh chuan ka ngaidam ngai dawn lo,ka kal ange i nu ka hma a a kun hunah chauh ka tihkha ,i theih ka ring lo sa a chuvang chuan ka mithmuhah rawn in lan tawh lo la .








Ka awm ang ang hian min lo en liam mai rawh,hmana keimah kha ka nih ila beisei nge ,tunah chuan belh tur ka nei ve tawh a. Zangkhua hian bung but hun a nei thin an tihkha ,in puihna tel miah lo in hei chen ka kal ve thei ta ,mangtha le " tiin pawnlam chu ka pan a. Taxi phara kal ka tum chiah tihchuan ka banah a rawn hmer chat mai .







Nui sakin alam hawi chuan ka inher a “ Ka nupui ini ngei ang maw " a tihchuan ka mit chu ka san zauh a “ Tehreng e ,mahse ka thusawi kha hre reng rawh . Ka duh lo chung min khawih tur a ni hek lo tih kha ka sawi tel hram a nihchu,ka thusawi zawng zawng kha i tih puitlin phawt chuan ka lo ngaihtuah ang,mahse i sawi kha ,i thil tihsualte kha siam tha vek phawt rawh " tiin ka hmui chu ka tuai zauh a .








Atana huatthlala viau ang tih hre mah ila ka tawrhna te lakah kha chuan a la nep lutuk tlat“ Ka tingei ang,ka nupui ni turin lo inring ang che. I duhloh chung chu khawih luih che ka tum lova ,nimahsela nupui i nihna anga i tih tur i hlen erawh ka beisei,kal rawh " tiin a car lam a pan a ,thaw hak chung chuan ka zui ve hnak hnak . Ka lung phu nasa lutuk leh ka thawk rang lutuk chu tih daih tumin boruak chu ka hip lut vak a .







A bolero kawngkhar alo hawnah chuan ka thu lut nghal zat,ka lamah rawn awn hnaiin ka hmuiah chuan a rawn fawp zauh a ,rum zet chuan ka lo melh nghal nghek “ Ka bei let anga ahma anga hlim taka ka kianga i awm leh theih nan ka bei ang,ka mawl em avangin thil ka lo ngaihtuah chiang lo pawh a ni thei,mahse tun hunah erawh tu ma hnenah ka kal tir tawh dawn lo che .







Nangmah tihnat tum tu apiang chu ka beilet bawk ang" a tihchuan ka phu zawk. Tunge keimah min beih tum tu a tih ziah hi ni ang,ka hriat loh hian thil thleng a awm em ni? “ Enge i sawi awmzia,tu in nge min tihnat tum a " tiin ka zawt a ,hmalam chu melh ngurin “ Ngai pawimawh suh,keiin i duhdan chu ka tihsak ang che anga ,ka nupui ni tur chuan lo in puah chah ang che.







Rei tak nghah che ka tum lo a nia ,chuan fa neih ngei ka duh bawk " a tihchuan ka hmai chu ka tuai nak naka “ Chutiang sawi suh,keichuan fa neih nghal mai ka tum lo,ka duhlo chung chu min nawr lui suh ka tihkha ka ti tak tak a nia,ka huatna che hi a reh mai ring suh. Neih che hi ka duh kher lo bawk,mahse ka in ngaihtuah ang ka tih tawh kha " tiin ka ngawi zui hmak a .






Pa Zoa ka puih dawn chuan ka neih a ,a engkim dahna ka hriat a ngai miau alawm,thil sual ti tu ka tanpui tur chu duh lo viau mah ila,min puia hmun hrehawm tak atangin min la chhuak tu a ni miau va . Chubakah rilru na takin awm ve se ka duh miau va,â min ti tawk chu an awm ang . Mahse he inneihna hmang hian natna ka pe ngei ngei dawn,hmangaihna chu huatna in ka thungrul ve ngei ang ..





INRIN ZANAH CHAPTER THAR ,TUNLAI CHU TYPE TUR KA HUL HIAU MAI,KA ZIAH LOH REI VANG NGE NI DAWN NI .

[mawitei bawihtlung]

MR . CONTROLLING






CHAPTER 17







Ka hma a Remtluangpuia nu chu ka en reng ,huphurh hmel zeta ngaihdam min dil te chuan ka nuih a tiza takzet ,mit san zawk hian “ A ho lutuk ka nu,mahse i monu ka nih dawn takah chuan tha taka kan chen dun ka beisei " ka tihchuan a hmel ner chu ka hmu reng “ Kan inneihna chu engtia kal pui nge i duh " a tihchuan ka ngawi vang vang,ka rilru chu a buai ve map mai . U Remtluanga chu ka en ha a ,min neih chu a duh takzet em ni .








Ka hmel chu hmu in a room lam chu min panpui a,ngawi reng chuan ka zui ve zel ringawt . A room chhung kan luh rual chuan kawngka chu a khar a ,chuveleh a mah hmachhawn zawng chuan ka inher nghal zat “ Engvanga min neih chu duh viau nge i nih Remtluangpui" ka tihchuan a ipte zen in a mit chu a tichuar deuh nung a ,a awmdan chu a hma ang kha chu nise pa ka tileh viau ang,mahse tunah erawh a engkim hi ka haw hlur a ni ber .







“ Ka nupui ni turin ka thlang che a ,ka duh a nimai i duh ang thil ka ti tawh bawk a ,min hnialna tur i nei tawh lo ,thutiam sut leh mai mai thinte hi ka ngaina lo bawk" a rawn tihchuan ngeiawm zet chuan ka melh a ,ka lamah chuan a rawn tawlh hnai nghal ruak mai. Engmah sawi tawh lo in rawn kun hniam thutin ka hmuiah chuan a rawn fawp tawn tawn a ,ka nam ve na kut chu chelh betin ka hnunglamah chuan min dah sak nghal hmiah a.









Ka ka chu ka chip lui ve tlat bawk nen min nawr na zual sauh “ Duhtawk rawh,Rem" ka sawi zawh hma chuan min rawn fawp leh nghal a ,ka dawh ta ringawt. A duhlohna thilah chuan ka chak leh dawn chuang lo,ka ka chhungah chuan a lei chuan a rawn hawl kual a,chhang let lo chuan ka mit mengin ka khap fak fak ringawt . A awmsawn rual chuan ka hnek nghal thuai mai ” Tenawm pa ,vawikhatmah min fawp leh tawh suh,he i ka tenawm tak leh hmui dawheh tak hi tawh leh pawh ka duh lo .








Dawt bak i chhak chhuah lohna hmui leh ka ,i lei te chen khan min hnaih tawh suh ang che " ti tawn tawnin chhuahsan ka tum chu ka banrekah chuan rawn vuanin min pawt let dawrh a ,a awmah chuan ka bei nghal thlawp “ Duhnu ka tihnatna che kha min hmangaihna zawng zawng tidai tur khawpin a nasa em ni? Nge min hmangaih tawh lo zawk ,min huatna chiah em ni i pai .







Kha thil thleng kha i theihnghilh thei thlawt lo em ni?" a rawn tihchuan namsawn tumin ka che phat a ,mahse min pawm nghet lutuk tlat . “ Ka hua che ,engtin nge theihnghilh tur a min la tih theih zawk ,min hmangaih thu min hrilh tukah tualthah tuma min puhin min rin loh zia leh ka nat i duh zia chu court hmaah i tilang a nihkha. Chuan kum thum chhung tang turin min duh bawk a .







Khang thil zawng zawng kha engtin nge theihnghilh tura min tih theih zawk? Ka na a sin,ka natna zawng zawng kha i hrelo ang tiraw? Ka innghahna neih ve chhun tiin ka ring em em che a ,ka mal ngawih ngawih laia min tuam hlawm tu leh hlimna min pe tu ah ngai che in ka hmangaih che a sin,mahse khang thil te kha i ti chhe vek a ni . Khang kha hmangaihtu chuan a ti thei dawn em ni ?







Ka natna kha i hrethiam lovang tiraw? Ka mipa hmangaih ve hmasak ber chuan hmangaihna chu huatna ah a thlak ta si a " tiin ka tap chhuak a,a nipawh a mit atang chuan mittui a luang tih ka hmu chiang viau . ” Khang zawng zawng hre chung khan engtin nge ka la neih duh che i rin zawk,awlsam tak chuan ka nei dawn lo che,bei rawh . I mi hmangaihna chu a takin lan tir rawh .






Natna min siam tawhlo in fiah rawh,i hria em fiah vek rawh " tiin a awmah chuan ka chum dawt dawt a ,ka biang tawn tawnah chuan vuanin ” Ka tihpalh,min ngaidam rawh . Duhnu ka tihpalh " tiin hrehawm tih hmel zet hian a rum chhuak kawka“ Engmah ka ngaithla duh tawh lo,mahse hun ka pe ang che ,kan innei a nihpawhin min khawih hauh suh ka tihkha. I natna min pek te kha an dama iti reh vek thei a nih loh chuan.







Ka kal phawt ange ,Biak inhawng ngeiin inneih ka duh,dan khatna ka tlin anga i tlin ve ngei ka beisei " tiin ka mittui chu ka hru zauh a ,ka chhuak nghal nal nal bawk . Inhnuaia nu Rini lo awm chuan min panin ka biangah a beng sawk a ,ka nui nghal hak ” Mi tenawm nu,nang ang fahrah kalna tur nei lo hian ka fapa khi ilo dawi vela maw " a tihchuan ka mit chu ka chet khum ralh a .






“ Pi Rin oh! Nilo nilo,ka nu nimai tur te i fapa khi ka bawl reng reng hleinem,infiamna i khela ka retheihna avangin hrehawmna min tuar tira tiraw? Tunah chuan lo ngaithla la ,keimahin ka in enkawl ve thei tawk tih hi,i fapa khian min mamawh ngawih ngawih miau sia,nakinah chuan i lam nilo in ka lam hi a tang tawh ang. A tang mek reng chu a nih hi tiraw ,i monu tur ka nih takah chuan sawi duh te i nei em?" tiin ka mit chu ka kan zauh a .








A thinrim hmel chu a nuihzatthlak zawk ” Nang ramhuai nu hi,ka fapa nen hian in innei ngai lovang " a tihchuan ka hmui tikawi chuan ka nui leh hak,a hma a ka dawh thin ang mai mai khan ka awm tawh dawn lo tih hi hre rawh se. Engkim bul chu henu vang vek hi a ni “ A pawi hle mai,kan innei ngei dawn si a ,nang pawhin pawm thiam i zir mai angaih hmel,nakinah chuan i fapa nupui ka la nimai dawn sia,mahni mo te lo ngeih loh nghal ngawt chu a ringtu nih loh thlak .








I inkhawm ve fo tih ka hria a ,mi mil loh nghal ngawt loh tur an tih hi i hre ve tawh em. Mo tha tak pawh ka la ni lo vang tih ka sawi theilo,ka kal phawt ange aw ka nu" tiin ka chhuahsan zui a ,pawn ka thlen rual chuan ka thaw hak. Ka hmui chu ka khawih a ,Remtluangpuia min fawhna kha ka la feel theiin ka hria ,ka huatna phenah hian ka thlakhlelhna a la reh hauh lo. Â ka inti thei bik lo,a chhan chu ka HMANGAIH a ni miau va .







Tumah hian kan hmangaihte chu kan theihnghilh mai mai ngai hleinem,a rem tawh lo tih hre reng chungin an bula kan awm ringawt pawhin min tidanglam thei tur in kan hmangaih tlat miau va . Taxi chu pharin damdawi in lam chu ka pan tir a ,seat hnung chu nghengin ka mit ka chhing vang vang,huat a alaka a nasa thei ang bera chet duh mah ila ka thinglung hian i hmangaih a nihkha tih thu hi a rawn sawi nimaiin ka hria .








Damdawi in kan thlen takah chuan chuan man pe in ka chhuak zui a ,a chhung ka thlen chuan min hre tu ho chuan min lo nuih var vara ,u Dika a vangin ka kal ngun a ,hretu pawh ka ngah ve tawh viau “ Doctor Dika ilo hmu leh dawn em ni " nurse Nutei chuan a rawn ti a ,ka bu nghal nghat mai , nui var var hian a bula thu tur chuan min tizui a “ An lo chhuak tep ang,damlo nazual an kan kual a .







Hei chhun chaw ei hun a ni tawh a ,an lo chhuak vatin ka ring" a tihchuan a bulah chuan ka thu thla a ,nurse a niin a hna a tlin hle a. Ka ngainat ber a ni,a nuisang renga,a felin midang biak tlangnel dan a thiam hle bawk ,damlo tan phei chuan a thlamuanpui awm hliah hliah hian ka ring,doctor leh nurse tam tak hi chu nelawm miah loh hi an awm ve thei a .







Mahse he damdawi in a thawk erawh a tu a te pawh an nelawm em em rualin u Nutei hi chu ka fak lo theilo . Chutia kan thut lai chuan rawn tap chhuak rawih rawih an awm avang chuan ka en phei a ,hmeichhe pakhat in tap chunga ruang an rawn zawn mi a zui chu ka en reng “ A chang chuan nurse nih hi hrehawm ka ti thin,doctor tan phei chuan a hrehawm thin ngawt ang .







Miin damna duhin damdawi in an rawn pan a ,mahse thenkhat tan thihna tur a lo ni ve leh reng a ,doctor leh nurse te thiamna pawhin a la phakloh leh tih theihloh natna hi a lo tam si . Mitthi an chhungte tap rawih rawih hian ka lung an ti chhe ve thin,thenkhat tan an hmangaih ngawih ngawih leh an in nghahna an ni ve ngei awm si a .








Hei vang hi a nia kan damlai hian induatin in hmangaih tawn ila,kan thih hnuah chuan induatin in thlahlel viau mah ila a sawt tawh silo . Ka pasal pawh hi ka theih tawpa hmangaih ka duh,he khawvel lo hi chu lendunna tur kan nei tawh silo . Kan damlai hi kan induhsak tawna kan in hmangaih theihna awmchhun a ni miau si a , a tlai hnua in hmangaihna lan tir ai chuan kan hmuh theih leh hriat theih laia tihmai hi a tha a nia .








Nangpawh hmangaih i neih chuan hlim taka a kianga awm tum rawh,leiah hian kan piang nawn dawn lo an tihkha " a tihchuan ka ngawi reng a ,a thusawi erawh chu dik ka ti viau thung . Ka ngaihtuah a ,u Remtluanga chu thi turin ka phal hauh lo,mahse kan hun tawn tawh te avangin hlim taka a kianga awm leh erawh ka beisei pha tawh rih lo .







A rei anga hunin a la liam pui ve mai ang chu,chutia kan lo titi lai chuan u Dika te pawh an rawn chhuak a ,nidang ang bawkin a nui leh sang tawh mai . Hepa hi chu nel loh hi a har a ni “ In hman tawh em ni,chhun chaw ei turin ka rawn sawm che " ka tihchuan ka biangah a rawn piai zauh a “ I zo tawh em ni? I va rawn thleng hma ve ,nilengin i awm dawn emaw tihnak a lai" nui chunga a rawn tihchuan a sekah chuan ka hnek nghal dawt .








Ngeiawm thei lutuk ” Kal ang u " tiin u Nutei ho chuan kan inzui chhuak a ,damdawi in piah deuha restaurant lam chu kan pan nghal bawk . Khawpui tih takah dawr pawh a tam ve tawh bawk nen thil tuina ber pawh hi a hriat hleihtheih tawh loh “ I dawr chu Zualtei te i nghah tir em ni?" a rawn tihchuan ka bu nghat a ” Haw pahin ka tlawh kawi ang chu ka ti,ilo haw har leh hmel sia " ka tihchuan a nui suk a .







“ Zanlam duty hun a nilo bawk a ,min lo nghak la kan haw rual ang chu,nurse Nutei pawh hian haw nghal a duh ang chu " a tihchuan u Nutei pawh chuan a lo duh tak tak a nih hmel“ Fate ngaihtuah reng reng a hun hman zawng a buaithlak a nih ber hi,mipa ho lah hi an ngaih a sam bawk nen fate an enkawl dan atang reng nu mawhphurhna hi a lo sang takzet .







A chang chuan kan pa hi chhut lawlh te hi ka chak thin" a tihchuan kan nui dar dar a . Dawr kan luh chuan min lo be nghal bawrh bawrh a ,thutna tur min kawh hmuh lam chu kan pan nghal zat “ Enge in ei duh " a tihchuan u Nutei chuan a eiduh zawng chu a sawi a ,kei erawh ka duhzawng a hre bawk a . Waiter hnenah chuan kan thil duh chu a hrilh nghal mawlh mawlh a .







Waiter kalsawn hnu chuan ka phone chu ka melh zawk a ,Remtluangpuia message a lo awm leh vang tawh . Ka thlen tawh leh tawh loh min rawn zawhna chu chhanglo in u Dika te titi chu ka ngaithla a ,an damlo chungchang vel leh hrehawm an tih thu an sawi te chuan sawi ve tur hrelo in ka lo ngaithla ve kar ringawt .








Ei tur a rawn thlen takah chuan ngawi reng chuan ka ei mawlh mawlh a ,ka rilru ah chuan u Nutei thusawi ngawt chu a awm,Remtluangpuia thi tur anga ka dah chhin ringawt pawh chuan ka phalloh zia ka hre chiang a ,mahse chutih vang ringawt chuan alak a tlawm taka awm erawh ka tum miah lo thung. Min hmangaih a nihchuan a fiah ngei ka phut ve tlat,kan hmahun ka hrelo a .







Hun in a hril mai ang chu tih hi ka innghahna a ni tawp mai,inneih rem ti tho si hian ka rilru erawh a dang daih thung si. A ni lahin hlim takin min la buaipui reng thung a ,a mittui tla ka hmu khan min tidanglam ve lo theilo,mahse kha vang ringawta ngaihdam nghal ringawt chu ka tum bik bau lo,inneih a a mizia leh a awmdan ka en chho anga.






Chumi a mil zelin ka insiam rem ve tawh ang chu,ka duh zawng chu a inchhir zia tilang se na let ve ngei se tih hi a ni,inneihna hmang hian ka phuar anga na taka a awm lai hmuh ve ka duh a ni ber. Hmeichhe mawl leh sual tak min tidawn mahse pawi ka tilo,ka neiloa ka kal tir mai chuan a tan natna tham ka siam thei dawnlo,chu ai chuan a hnaih taka ka awm hian a tha zawk .








Ka kaltir mai chuan ka tawrhna te kha an thlawn vek dawn tihna a nia,chu thil chu ka duh teuh lo . Rinna tihchhiat awmzia kha hre ve phawt se ka duh a ni,a tuar tan mek reng bawk a. ..



(TYPE THUI DUH MAH ILA,KA TYPE NA NOTE HI A CHHIA NGE ,KA TYPE LAI RENG TE HIAN KA TYPE SA A BO VEK ZEL A ,A AWMZIA KA HRE LO KHAWP MAI NOTE HRAN HI LAKLUH CHI NGE MAWNI DAWN NI)