MR.CONTROLLING BY MAWITEI BAWITLUNG (Completed)

[mawitei bawihtlung]

MR. CONTROLLING





CHAPTER 1
BY MAWITEI BAWITLUNG

ahnuaiah chapter thar

A HMASA IN HE STORY HI CHU CHANGTUPA HI MISUALPA ANG DEUH ZEUH ZEUH DAWN AW


Inhlawhna tur ka zawn char char hnuah ka hmu ve hram chu ka lawm ngei mai,keimah chiah ka ni tawha . Ka nu leh pa hi tunge an nih ka hre lo hrim hrim,fahrah enkawlna atangin ka seilian a ,keimaha in enkawl thei rual ka nih atangin home atanga chhuakin dawr velah ka thawk kual a,mahse a hlawk loh avang leh ka inluah man pek ve zel a ngai bawk nen ka dawr thawhna hlawhin min daih meuh lo chu a ni e .







Vanneihthlak takin mi ina inhlawhna tur ka hmu hlauh a ,in luah ngai lovin an inah ka awm thei nghal dawn bawk nen ka tan chuan vanneihna a ni ringawt . 10000 thlakhata hlawh theih chu Mizoram angah chuan a hlawk ve viau reng a ,ka awmna tur inkawtah chuan ding vang vangin ka en kar,mi hausa vek vek hi chu an in pawh a lo pui a nih hi . Mi tam tak chenna tur neilo in an awm laiin in lian leh ropui tak tak an han nei thei ania .








Chhawnghnih niin a vang zawngin a awm a ,a zau hmel hle mai. Tihfai tur a tam viau ngei ang le , doorbell chu ka hmet a ,reiloteah pitar hi a rawn lang nghal vat ” Ina lo awm tur kha ka nia " ka ti tlawnga . Sawi tur vak ka hrelo,chiang zeta min en in a nui var var mai ” Lo lut ta che ,i va hmeltha ve aw " tiin min kai lut a ,hmeichhe pakhat a au nghal lang lang bawk . Reiloteah min be tu nu ngei chu a rawn lang zui a .







Ka kalna a dik tih ka hriat rual chuan ka thaw huai mai ,min be dun bawrh bawrh a. An chetdanah chuan misual tak leh hrawn hrehawm chu an nih loh hmel,ka thiannu kha chuan thenkhat chu an sual thei lutuk a ti bawk nen ka awm rei anga a hriat mai ang chu . Mahse tuna an landan ang an nih chuan ka tan chuan a hrehawm vak dawn lo tih pawh ka hria “ Bawihi kum engzat nge i nih" a nu zawk chuan a rawn ti a .






Hna min kawh hmuh tu kha a monu a nih hmel “ Kum 21 chu ka ni ve tawh " tiin ka nuih var var a “ I la naupang hle mai ,Rini hian min hrilh tawh a ,i chanchin chu kan lo hre nual tawh a sin ,inthlahrung lo la he in hi i in angah i ngai dawn a nia. Keini hi pathum kan nia ,ka fapa hi a thi tawh a ,ka tupa enkawlna hnuaiah tihian kan awm ve chu a nih hi. Tin hei i nu Rini hi office lamah a thawk bawk a . Tunah chuan keipawh ka khua a har tawh dawn lova ka lawm hle mai .








An nufa in an chhuak daih thin sia a reh thin khawp a sin " a tihchuan ka nuih sen sen ringawt . Ka ngainat chi tak a ni,amah lah nu zaidam tak tih a hriat “ Ka tupa pawh a rawn haw tep tawh ang,kum tir lam hian an buai a zual a . Inah pawh a awm hman meuh thin lo ,i hman chuan tirawh i room tur ah ka hruai ang che chu " tiin min thawhchhuah pui a ,an in hnuai zawk ringawt pawh zau tak a ni . In hnuai choka piah lawk roomah chuan min luh pui a .








Khum lian ve tawk tak nawm hmel zet hi lo in hungin a bulah chuan almirah a lo inhung bawk a . A chhung chu a zau tha hle ,ka in luah thin ai pawh khan chumi room ringawt pawh chu a zau zawk “ Hei hi a nia i room tur ,i duhzawng te a ni em . Toilet leh bathroom erawh hi chu kan in tawm vek a ,inchhung enkawl hi ka ti thei tawh vak silo va ,chuvang a nia i nu Rini kha nula fel tak zawng tur a ka tih,inchungah khi chuan bawihate nufa room bakah inlama an hnathawhna tur room bik a awm a .








Tin bawiha games khelhna a awm leh bawk a ,chu zawng chu animai . A hautak lutuk lo ang chu maw ,i duh chuan in tifai la bathroom chu sawlamah sawn a awm aw " tiin sitting room piah lam chu a kawk a ,ka bu nghat . A chhuah hnu chuan ka thawmhnaw hakthlak tur neih ang ang chu phawrhin ka rem fel sawk sawk a ,ka hak thlak tur chu la in bathroom awmna a sawi lam chu ka pan a







Tlai lam ei rawngbawl a hun dawn a vang chuan ka hmanhmawh hle bawk. Ka inbual nghal sawk sawk a ,an bathroom lah chu a zau tha em em lehnghal,towel chuan in hru in ka inthlak zung zung a ,ka chhuah leh chuan nu Rini chuan chawhmeh siam tur chu a lo la khawm zung zung a . A bula ka va din rual chuan siam dan tur chu min hrilhin amah pawhin min pui a ,kan pahnih chuan kan che zawm nghal mial mial .








Khua a thim pawhin an tupa awm chu ka la hmu lova,an sawi dan ka hriat ah police officer a nih hmel . Ka thiannu lah chuan a sawi hmeltha em em mai lehnghal,kei erawhin vawikhat mah ka la hmu lo thung. Hmeichhe ho in a chanchin an sawi chu ka lo hre tawh,mi thiam tak leh a hna tlin tak,mahse nelawmna neilo leh biak har tak ani an tihchu ka hriat chhun a nimai .








Bialnu a nei ngai lo va ,a maha awm nuam ti zet leh induhtawk tak a ni tih vel bak an sawi ngailo,kei erawhin ka la hmuh miau loh avangin eng ngaihdan mah ka nei thiam lo ,chaw pawh an rualin ka ei ve a. Mi thenkhatin awmpui te an hmuhsit em em laia an chhungkaw zinga mi ang maia min be bawrh bawrhte chuan ka hnuk a ti ulh lek lek mai . Nu leh pa pawh hrelo ka ni a .







Hetianga ngaihsakna hi ka la dawng ngai hauh lo ” Bawihan i chanchin a hriat rual khan midang thlang lova nangmah thlang tur che in min tia,bawiha hi fhu a fela mi hriatthiamna te hi a ngah a nia ,miin an sawi hlauhawm thin mai pawh a " ka pi chuan a ticharh charh a. Chutia chaw kan lo ei mawlh mawlh lai chuan kawngka rawn in hawngin mipa lian zet mai chu a rawn pen lut khauh khauh a .








Ka lung lah chu a lo phu dawt dawt lehnghal,police form chu a inhmehin a pian chu a nalh tih piahlam a ni,a lukhum ala khum miau avang chuan a hmel chu ka la hmu theilo,a kun tlat bawk si“ Bawiha ilo haw tawh a nimaw ,rawn ei ve nghal rawh " a nu chuan a rawn tizung zung a . A lukhum phelha a rawn dah chhuah rual chuan kan in melh fuh nghal chat . Ka taksa chu a tek sawkin ka hria .








A mitmeng chu a rum lam lek lek a niin a ka chu a chip hmak a ,a nelawm loh hmel hle . Mahse an sawi ang ngeiin hmeltha vur chu nilo mahse hmeichhia te hmel duhzawng tak chu a pu chiang a ni,a kawr ban bul in a khuh phakloh a vun te chu mipa tam tak ang lo takin a uk kharh a ,a sek fat mai bawk . Min en reng chung chuan a rawn phei zel a ,ka lai bawk nen ka kun nghal daih .







A thleng tur chu laksakin chaw chu ka khawrh sak a,ka bul ah a rawn thut phei chuan ka lung chu a ri dup dup tawh mai . A mi uap a na bawk nen ka inthlahrung duk mai “ Hei hi em ni Mendy Lalnunkimi chu " a aw chu a thum lam mah a niin a tham deuh bawh ,chu chuan a eng titih mawi phian lehnghal . Ka chaw eilai ngawt chu ka melh ngar ngar a ,a nu leh a piin ka nih thu an lo hrilh chuan engmah zawt tawh lovin chaw chu abar a .








A hnathawhna chanchin a pi ten an zawh chuan tawi fel takin a chhang a “ Minister zuiin Champhai lamah kal a ngai dawn a ,zanin chu insiam ka ngaia ,Kimkimi hian ka thawmhnaw tur lo khung fel mai sela keiin hna khawih tur tlem ka la nei bawk nen " a tihchuan ka phu zawk lehnghal. Ka mizo hminga min ko tu awm chhun a ni,midang reng reng chuan Mendy tih hlirin min koh thin laia engvanga mizo hminga min ko daih nge maw a nih le .





Rang zet hian ka en a ,min en ve hauh lo . A chaw bar lai chu a bar mawlh mawlh ringawt,hming thar min phuahsak a ni ringawt alawm “Nia i room a hriat tihfai dan turte a hriat ve a ngai a lawm ,nakinah a rawn chho dawn ania" tiin a nu chuan a lo chhang nghal var a,kei erawh ka ngawi ngar ringawt . Thleng ka sil zawh rualin a room lam pan chuan ka chho hnak hnak a ,a ni erawh chaw eikham rualin a chho tawh thung.







In a awm khat awm hle mai,a room zawnah chuan ding datin ka thaw ham ham a ,muangchang chuan ka lut zui tham tham bawk . A reh ruih a ,tui haw ri ka hriat rual chuan a inbual a nih ka ring ,a thawmhnaw bawm chu ngawi rengin ka pan a ,eng ber nge khung tur ka hriat loh avang chuan ding in ka lo nghak ta ringawt . Kawngka rirak ka hriat rualin ka ding mar zawk a ,” Ilo chho tawh a nimaw ,a hak nuam tur kha lo dah khawm tawp rawh,tam a ngai lo" a tihchuan ka bu nghat .








Ka hawi phei zawk a ,mahse ka thil hmuh avang chuan rang zetin ka hawi let lehnghal vat ,a awm ruak kang leh tui la lang sep sep chu ka hmu hman tho,a abs mawlh mai khan ka mit ala. Nalh tak a ni,amah lah cher lam ai mah in thau tih tur ni silo hian sap mipa ho ang maiin a sa ngheh hmel tlet tlawt hle . Lai zet chuan suitcase chu la in a thawmhnaw hak nuam tur chu ka khung mawlh mawlh a . Ka bula a rawn din rualin ka lung chu a phu dawt dawt mai .









Mipa dang ka hmuhin hetiang hian ka awm ngai silo,engvanga zam em em nge maw ka nih le? Ka pu a nih vang te pawh a nimahna ,tawnzau chu ha in a zai pah rut rut a,zaithiam lo chu a ni lem lo . Ka bulah a ding tlat bawk nen ngawi reng chuan a thawmhnaw chu ka thlep mawlh mawlh a ,a kalsawn rual chuan ka thaw chhuak nghal ham ham . Hetiang renga ka awm te chuan an inah pawh ka awm rei thei dawn emaw ni .








A thawmhnaw ka siam zawh rual chuan chhuah mai tumin ka ding chhuak a ,ka pen tan chiah tihchuan min rawn au lehnghal avang chuan ding leh in alamah chuan ka in her nghal riai riai ” Hetah lo kal la ,min lo pui lawk mai dawn em ni" a tihchuan ngawi reng chuan ka pan phei leh mai bawk . A bulah chuan thu in a lehkha ziahlai chu ka en pui a ,a then ka ziah pui bawk . A la tam em em lehnghal “ Kum engzat maw i nih a " a tihchuan ka phu leh zuk tawh mai .







Hahthlak hian a ,pangngai rawh tiin ka in hrilh mawlh mawlh a . Mahse a rim te ,a ma mi uap na te avang hian ka pangngai thei meuh lo“ Kum 21 " ka tihchuan min rawn en nghal vut ,keipawh chuan ka lo en let ve kar bawk . A mit chu a chuar deuh nanga ,ka la naupang a ti emaw ni “ Chuan engmaw i tih thin" a tihleh chuan ka hmui ka pet zauh ,engvanga thil pawh chu min zawt sek nge maw a nih le







“ Restaurant velah ka inhlawh a chu chu a nimai,a dang a awm lo . Mi angin lehkha ka zir ve thei silova ,lehkha thiam lo chu hnasang thawh a har alawm " ka tihchuan a nui suk ringawt . ” Kha kha min lo pe ta che " tiin kan sira pen drive chu a kawk a ,ka pe nghal zat “ Ka kal thei tawh angem,inhnuai lamah an lo buai palh takin ,ka pi khan a room tifai turin min tisia" ka tihchuan a ngawih vang vang hnuah a bu ta nghut a .






Keipawh chu ka chhuak nghal vat“ Huiham,kha ti em em a boruak hip tur awm lo ang maia ka awm chu le " tiin ka phun sap a ,inhnuai lamah chuan ka tlan thla nghal dawt dawt bawk .


NGAIHNAWM HMEL IN TIH CHUAN FB AH LIKE LEH COMMENT MIN LO PEK VEK DAWN NIA

[mawitei bawihtlung]

MR.CONTROLLING





CHAPTER 2





Ka pi room chu ka tihfai zawh chuan inchhung chu ka phiat chhuak leh vek phawt a . Inchhung tihfai ringawt pawh a hautak a ni mai sia,mahse hlawh a hlawk em avangin a awm ka tihpui ,ka zawh chuan ka room lama luh tumin ka pan phei a ,inchung lam atanga min rawn auh leh avang chuan ka ding dat ” Enge ni ta " tiin ka en ha .








U Remtluanga bawk a ni ,a hming phu loh hian a hmel a rum a “ Ka room hi rawn tifai leh lawk la i mu dawn a nia " a tihchuan a hmuh loh lamah ka thaw hak mai . Mi tirhna tur a hriat hmel riau in ka hria “ Awle " tiin ka pan chho a ,a roomah chuan ka zui lut leh hnak hnak “ I chau viau nangin hnathawh ka la duh sia khang kha min lo rem that ta che " tiin lehkha tla darh nuaih chu a rawn kawk a .







A hma khan a awm tawp silo a ,engvanga chhuata awm reng reng nge maw a nih le. Ngawi reng chuan chharin ka rem khawm mawlh mawlh a ,min en ang tlat hian ka hre leh nghal . Ka hmai chu a za mer mer bawk ,hawi chhuak duh lo in ka kun char char a “ I nu leh pa chu i hre hman reng reng em?" a rawn tih chuan ka phu zawk mai,amah chu ka en a . Chiang zet hian min lo en ve bawk .







Kun leh vatin ka aw ka thian kharh a ,an in a ka awm dawn khan a nu engkim ka hrilh a . A hre ve a ni ngei ang“ Um...ahh..hre lo,ka pian hnu rei vak lo ah min kalsan a ,kum 1 ka la tling lo deuh . Chuan home ah ka awm ta reng a " ka tisap a,dik tak chuan ka chanchin sawi hi nuam ka ti ngai lo . Hrehawm tihna leh min hringtute huatna hlir in ka khat thin,fahrah mai mai tur a min hnutchhiah hi ka vui fo va .







Mi hnenah ka sawi ngai hek lo,a rukin ka tap fova ,vanduai bik riaua inhriat chang lah ka ngah ” Um ,an va timak ve . Chuan nangmah in i in enkawl char char ta a nimaw " a tihchuan ka bu nghat ringawt. Dik taka sawi chuan ka chanchin hi sawi chhuah vak ka duhlo,mahse ka awmna te an ni bawk nen hrilh loh a rem teuh silo ” I huaisen hle mai " a rawn tihchuan ka en leh nghal vat a .








A mitmeng uk kharh chuan thutak zet hian min lo en a ,a thusawi kha fiamthu mai mai a nilo tih a hriat hle bawk . Ka sam chu ka bengah zep zeuhin ka nui sak ringawt ” Ka nunna atan chuan ka beih ve angai alawm ,ka tana khuanu ruat pawh a ni zawk mai thei a sin . Chubakah min hringtute hian chhan tha tak avanga min kalsan pawh an ni thei tho " ka tihchuan a bu nghut a .







Engmah phei chu min zawh chhunzawm tawh lem lo,keipawh chuan lehkha chu dawhkanah chuan ka rem tha mawlh mawlh a ” Ka pi khu tha taka i lo enkawl ka beisei ania,amah mai a a awm thin avang hian ka ngaihtuah hle a ,chuvanga la che pawh kan ni bawk . Amah khu a chak tawh lo tih i hmu a ,khawlaia a vah vak kan rem tilo va ,amah in chhuah luih a hmang thin a ,ilo veng deuh dawn a nia . Tun angah tleirawl chak tak taka lirthei khalh ching an tam a .









Chuvang chuan kawngpui lam saw hnaih tir hauh suh ang che" a tihleh chuan ka bu nghat ringawt . Ni e a sawi dik tho,tun ang lai mipa tleirawl ho hian lirthei chak tak taka khalh an hmang a ,sut hlum pawh an nei nual reng a ,nu leh pa te hian kan fate hi kan enkawl uluk lo tih lanna pakhat a niin ka hria . Ruihhlo leh lirthei avanga thalai thi hi an tam ber reng bawk ,engmah a sawi tawh loh avang chuan ka chhuak zui a .









Ka room ka thlen rual chuan khumah chuan ka bawk nghal thlawp,ka kawng chu a kham hle . Ka mut a chhuak tawh bawk nen puan chu sinin ka muhil nghal bawrh bawrh a ,zingah chuan tho lehin chaw chu ka chhum nghal mawlh mawlh a . Chhuat te chu phiat leh in darthlalang vel chu ka hru nghal mawlh mawlh,u Remtluanga pawh chu a bag nen chuan a rawn chhuk thla a . An chhuak hma dawn a ni tih ka hre nghal mai .








“ Ka kal tih kha ka nu leh ka pi kha ilo hrilh mai dawn a nia ,nihnih hnuah ka rawn let leh ang" a tihchuan ka bu nghat. ” Min chah duh te i nei em?" a rawn tih avang chuan mak ti zet chuan ka en ha a ,a rawn nui nghal hak “ Ah...a ngailo,tluang takin in kal dawn a nia " ka tihchuan nui leh suk hian a chhuak zui a . Ka awmah chuan ka kut chu dahin ka thaw ham ham mai,ka lungphu chu a rang leh tawh hle . Tinge ani bulah khan ka zam em em zel le ?








Keimah pawh hi ka inhrethiam tawh lo takzet ,nu Rini te an rawn thawh chhuah meuh chuan engkim ka lo tifel duak tawh a. An ni pawh an lawm hmel viau mai ,ka pi chu pawnlamah ni lum ka ai pui a ,a titi barh barh reng bawk nen a bula awm chu a nuam takzet. Zawhna min zawtin a chang leh a pasal dam lai vel te chu a sawi leh thin a,sawi lo mahse an chanchin atang pawh chuan nupa in hmangaih tak an ni ang tih a hriat .







A ngaih hmel hle bawk ,ka khawngaih takzet. Keichuan hmeichhia leh mipa in kara hmangaihna ang hi ka la hre thiam pha velo va ,hre turin bialpa lah ka nei ngai hek lo . Ka inchawm nan hna ka thawk a ,ngaihzawng ka ngaihsak ngai lo a ni ber ” Lungngai mah ta che ,van atangin a lo thlir reng dawn che a lawm ,chuvang chuan hlim takin awm zawk rawh.








Hetia ngui taka i awm chuan ka pu pawhin lungngai takin a thlir ve reng dawn che a sin,chuvang chuan i hlim hmel hmuh la ,ka pu pawh a thlamuang thei dawn a lawm " ka tihchuan min rawn nuih var var a,kan pahnih chiahin kan awm bawk nen kan inpawh zual viau mai ,ka titi pui sap sap reng a . Bialpa ka nei nge neilo min zawh chuan ka nuih hak hak mai .







“ Ka nei lo,ka ngaihsak rih lo a ni ber ,chubakah ka dinhmun nen hian a inrem chiah lo in ka hria a , kei ang chu tumahin an mo atan min duh nang" nui hak hak a ka tih chuan min en vang vang mai . Ka lu ah chuan a rawn chul a ” Hmeichhe hmeltha tak i nia,mipa tumahin an hnar phal tawp lovang che ,pasal tha tak i nei dawn tih hi ka hria a ni " a tihchuan ka nuih sen sen ringawt .








Ka pi tak tak angah ka ngai hmiah,hetiang hian home a ka awm lai pawh khan ngaihsak tu vak ka nei lova ,naupang kan tam bawk nen ka tan chuan ka room leh lehkhabu kha ka khawhar hnem tu ber an ni thin . ” Ka tupa pawh hian a sawi fo thin a,mahse a hmeichhe duhthusam a la hmu lo nge nupui nei tura kan nawr pawhin min hnial tlat zel a .






A pa leh a pu an awm tawh loh a chin hian a mawhphurhna a sang sawt a ,a chang phei chuan a hna nen kei min enkawl nen a hah thin hle a sin . Tunah chuan ilo awm ta bawk a ,kan chhungkua pawh kan zangkhai tawh sawt dawn a nih hi . Keilah in engvak ka ti thei tawh silo va ,inthlahrung viau mah ila ka kum leh ka tha hian engtih a thei tawh bawk silo va ,ilo awm hi ka lawm takzet a ni .







Ka tupa pawhin a ngaina che tih ka hre mai ,amah hi nelawm loh ang tak hian lang mahse a chhungril erawh a tha em em thung . Mahse tihlan hi a hreh thin bawk nen michuan misual takah an ngaih phah thin a " a tihchuan ka nuih ringawt. Ni e a hmel hi chu a nelawm loh thlawt alawm,mahse ka la awm reiloh bakah min be tha bawk nen keipawh hian mi sawi tam tak hi chu ka ring bik lo .







Ni a sat tak em avang chuan in chhung lamah ka hruai lut a ,ka bual a duh bawk nen kan bual nghal zung zung a ,an changkang bawka tui lum pawh chhuan ngai lo in khawl hmangin pipe ah chuan a rawn haw nghal thei a ,chuvang chuan tui vawt nen a pawlh nghal theih vek bawk . Ka pi ka bual zawh chuan chhuat nawtin room vel a hnawk lai chu ka tifai leh zung zung a ,chawl lo in ka che bawk nen ka thlan a tla ve zawih zawih thei hial mai .







Ka inbual zawh chuan rawngbawl nan ala hmat deuh avangin ka pi nen hahchawlh pah chuan tv kan en dun a ,a nipawh a chau a niang. Sofa ah chuan mu in a muhil nghal bawrh bawrh mai, culpa mia chu ka en a ,a changtupa pa leh hmeltha lutuk chuan min hip em em ringawt. A mitmeng chu a sexy hle lehnghal, mizo mipa ah te hian awm ve se chuan ka tuiral thei hialin ka ring.







Mahse an vang ropui si,tunangah chuan nula chhaih nawm nah ching an tam hlur a,chuzawng chu kan hmasawn na a niin ka hria . Ka en zawh chuan rawng bawlin ka che nghal zung zung a , zing lamah siam tur min hrilh sa vek bawk nen ka siam zawm nghal mial mial . Bawkbawn leh hmarchapchuui ka bai hluah a ,arsa chu ka kang pah bawk . Ar hi an ngaina a niang freezer ah an dah sa nual mai bawk .



WhatsApp group awm duh khan comment ah in number emaw thu in in sawi in in lo dah mai dawn a nia aw ,tun chu link ka dah chhuak rih dawn lo a .

[mawitei bawihtlung]

MR. CONTROLLING





CHAPTER 3





U Remtluanga zin pawh a rawn haw a ,chawlh an pe bawk nen inah chuan awm in mi pawh a be tam ve ta viau mai . Ka hna thawk chu min lo en vung vung thin a,ka lai ziah lehnghal ,a lam ka hawi a piangin kan mit a intawng leh chat thin bawk nen ka chhuat nawt te chu ka che sual ziah lehnghal . Ka pi room lamah a mu hahchawl a ,nu Rini lah a office bawk si kan pahnih chauh phei chuan boruak chu sawi thiam siloh hian a uap churh thei nia .








“ Lehkha zir leh i duh em?" a rawn tih thut chuan min tiphu zawk mai . Ka chak ber a ni,mahse tunah chuan ka kum ka ngaihtuah a ,matric atanga tan leh tur chuan ka duh chiah ta lo ” Duh lo,hetia hnathawh hi nuam ka ti zawk,chubakah school kal tha leh tur chuan ka kumin a pha tawh lo ,a laklawh tawh a . Hetia keimah ka in chawm theih chuan ka duh tawk mai " tiin ka nui sak a ,a bawp sei leh khauh tang chu a khawkherh ut a .







Sofa nghenchhana a kut nghatin a biang chu a dawm a ,min la en reng lehnghal . A ruk chuan ka sa up up a ,ka che te chu ka bahlah leh thin ,a bul ka va nawh lai phei chuan ka zam takzet . Tinge huhang a ngah em em mai le ,ka melh zawk a “ Ka hmaiah dik lo a awm em ni u Rempui" ka tihchuan a nui suk ringawt “ A awm ka tih awm pawh ka va hrelo ve,i hnathawk kha i hmuhnawm a lawm" tiin a insiam rem a . Min hmachhawn zawng chuan a rawn thu ta siah mai .









Ding chungin amah hmachhawn zawng chuan ka inhera “ Ugh...ka..." tiin sawi tur ka hre leh silo chu ka ngawi leh ta ringawt “ I hna kha tha takin thawk phawt teh,thil reng reng chu hlawh a mila thawh that a ngai tih i hria in ka ring,ka han mu hahchawl ange ,mi an rawn kal a nihchuan ka roomah i rawn tir chho mai dawn a nia " a tihchuan ka bu nghat a . A mizia in thlak thut chu mak ka ti,nichin lawka nelawm taka awm kha tunah chuan thinrim reng hmel a pu leh tawh .








Mi mak tak chu a nih dawn hi,ka thiante thusawi te pawh kha a dik a nimahna . Mi nelawm loh,hmeichhia ngaina lo leh thian pawh kawm lutuk lo,hna atchilh rumrut leh a duhlohna zawngah chuan mi hlauhawm tak an tih ngei chu,a room a luh bo takah chuan thaw huaiin chhuat chu ka nawh zawm a ,ka zawh rualin dawhkan vel chu ka hru leh nghal zung zung . An in a zau tha bawk nen tihfai tur a tamin a rei a ,an thianghlim bawk nen an mit tlun loh a hlauhawm rêng bawk a .









Sawrkar hnathawk ve ve chu an inchhung bungrua lah a to hmel hlawm narawh ,keiin ka hlawha ka lei ve ho lakah chuan khitah a ni ringawt . Dar 11 velah hian kawngka an rawn kik karh karh a ,tu tak chu ni ang maw? Muangchang chuan ka pan phei a ,ka hawn rual chuan hmeichhe sam sen thar mai chhelo zet hi a lo ding reng chu niin “ Rema a awm em?" a tihchuan u Remtluanga thusawi chu ka ngaihtuah chhuak a .








Henu lo kal tur hi a ni ngei ang a sawi kha “ Aw ,a roomah a awm " ti ngawta chhangin ka tihfai hmabak ho tifai tur chuan ka phei a ,a nipawh chuan ngawi reng leh chak zet hian inchung lam chu a pan chho a ,a awmdanah a kal fo tawh tih a hriat . An sawi danah kha chuan hmeichhe ngaihsak lo an ti vel a ,a nih loh tawp khi lerh hmel lutuk tiin ka phun bul bul a ,in ka tih fai zawh chuan in bualin khumah chuan ka mu nghal hnawk . Ka chau ve takzet ,ka mit chhingin suangtuahna ka kawm malh malh a .









Ka hriat loh chhungin ka lo muhil der lehnghal ,ka hmai chu kut lum zet hian a rawn khawih nimai hian ka hria ,ka chal chu aza mer mer lehnghal . Muangchang chuan ka meng chhuak a ,u Remtluanga min lo en reng ka hmuh chuan ka phu zawk a ,ka thu chhuak nghal hluai mai “ Chhunah mut kan phal hleinem" nelawm loh zet a a rawn tihchuan ka inthlahrung ngei mai “ Tihpalh mut ka tum vang pawh a nilo,ka mu zal mai mai a " tiin ka sam chu ka khawih ka khawih ringawt .










“ Rawngbawl a hun dawn rawn tho chhuak rawh " a tihchuan ka bu nghat ringawt . Hei hi a ni mi in awm chu,keimah ni in ang hian a za len silo va ,hrehawm mahse ka ei hmuh nan ka thawh ve a ngai si . Rawngbawl pah chuan ka ngaihtuahna ka kawm mawlh mawlh a ,ka nu leh pa khan vawikhat tal min ngaihtuah chhuak ve angem le? Engvanga min kalsan nge an nih ang? Nge kan retheih em avangin min enkawl an zuam lo zawk .








Haw viau mah ila fahrah ni tura min kalsan nachhan tal zawt tur a hmuh ka chak thin . Mite ang a school kala ,nu leh pa thlazar hnuai atanga hlim taka hnathawh ve te ka chak a sin,ka thil ngaihtuah avang chuan ka hriat loh laiin ka mittui a lo luang ngiai ngiai a ,u Remtluanga hmuh hlau zet chuan ka hru nghal sawk sawk,ka chakloh lai hmuh tir ka duh lo “ I tap em ni?" ka bulah a rawn ding a ,a awm chu melh in ka kun ngar ringawt.









A lo hmu leh hman tho a nimaw ? Nge min en reng zawk “ Min en teh maw " a tihchuan ka en duhlo,ka en a nihchuan ka tap tih a hre ngei ngei dawn ,“Lo kal teh " tiin a lamah min pawt hnaia, a awmah chuan min bei tirin a rawn kun hniam a,ka darah chuan a khabe chu a rawn nghat a,ka nghawngah chuan a hmai a rawn nawr zui bawk . “Ka tihpalh,ka vin vak vang che kha em ni?" a rawn ti thum chhaka .







Ka mak ti chu ka ngawi kar ringawt “Hrehawm i ti em ni?" a rawn tileh a,ka lu chu ka thing nghal nawk nawk “Nilo nangmah vang chu a nilo ania,ka ngaihtuah chu...." tiin sawi ka hreh leh si chu ka ngawi leh daih a,ka khabeah chuan rawn dawmin amah en tur chuan min kuai dak a ,ka mit a mittui tling kalh chu a hmuh hmaih lo tih a chiang hle bawk “ Engthil nge min hrilh rawh" dam dup hian a rawn ti a .







Nichina a aw chhuak nen kha chuan a danglam takzet ” Ih....min hringtute" tiin ka ngawi vang vang a ,ka hmui ka pet fan fan bawk . Sawi harsa ka ti takzet ,a hringtute ngei pawhin an duh lo ka ni ti hian tuma bulah ka la insawi ngailo,a chhan chu min hmuhsit ka hlau a ni “ Chuan engtin? Sawi vek rawh " a tihchuan ka thaw chhuak ham ham a ,ka biangah chuan rawn dawmin a rawn kun hniam run bawk nen a thaw lum ham ham pawh chu ka hrechiang viau mai .







“ Min ngaihtuah ve angem le ,an fanu hian vawikhat tal hmuu ve ka chak in an enkawlna hnuaia awm ve ka chak tih hi an hria angem le ? Min kalsan lo se chuan hetiang em em hi chu ka ni awm silo va ,eng thil nge ka tihsual a hetianga min kalsan bik ni ang . Ka pian hlim atangin anchhia ka dawng a ni ngei ang" tiin ka mit ka chhing a ,ka mittui chu ka biangah a luang nghal ngiai ngiai “ Ka naupan tet atangin nu leh pa hmangaihna ka dawng ngai lo va ..







Ka naupan puite an nu leh pa ten an kuta kai chunga an kalpui ka hmuh te khan ka awt ve thin lutuk,keichuan kum ka tlin rualin ka in enkawl nan keimah ngeiin ka thawh a ngai a . Mi min hmuhsit hi na ka ti reng reng lo,nilo a awm chiah zawk a ni " tiin ka ngawi daih a . Engvanga hepa ka la hriat chian loh,min chhawr tu laka in puang chiam nge maw ka nih le .







Min hmusit zual ngawt ang chu ” Tihpalh ,sawi lo tur ka ni a sin min hrethiam rawh " tiin ka chawhmeh chhuan lam chu ka en san a,a thaw hak ri leh ka sira a rawn ding zui chu ka hmu nghal ” He in hi i in angah ngai la ,chuan chhuah tum ngai suh ang che. He inah hian kumkhua in i awm reng tur a ni,i mamawh a awm chuan sawi hreh suh ang che ,tin i mittui kha ka hmu leh duh tawh lo bawk .






I chaklohna lan tir tu kha hneh tum ang che ,nangmah duh lo tu che chuan thil hlu an chan tihna a nimai " tiin min kalsan a ,a thusawi chu ka ngaihtuah ngial pawhin a sawi chhan tur awm ang ka hre miah lo . Ka pi pawh room lam atangin a rawn chhuak a ,ka bulah rawn kalin a titi leh nghal siam siama ,he in a ka awm hnu hi chuan a ni hi ka ngainat ber a ni .






U Remtluanga leh a nu chu inah an awm khat bakah mi tawng tam leh hmel nelawm tak an nilo bawk nen ngainat an har ka ti takzet .


(NILAI ZANAH DAH LEH KAN TUM DAWN NIA AW ,KHAWMPUI A VANGIN KA RAWN DAH THEI LAWK LO A )

[mawitei bawihtlung]

MR.CONTROLLING





CHAPTER 4






Bazarin ka chhuak a,mipui tawng mur mur te chu ka ngaithla kar a,chutia ka lo din vang vang lai chuan hmeichhe pakhat au ri chuan min ti mengchhuak zawk mai . Ka hawi phei vat a ,u Remtluanga ka hmu nghal zat ,hmannia lo kal nu nen khan kawng sirah an lo ding dun a ,a phone chu a en sek bawk. A hmeichhia zawk lah chuan a zar buai sek nen ka en reng ringawt a ,mipui karah pawh a lawr zuah mai ,amah kal pel ten an en zui vawng vawng zel a .









Chung te chu hrelo ang mai hian a awm thiam lehnghal ,chutia ka lo en reng lai chuan ka lam a rawn hawi thut a ,ka lo en ve reng bawk nen ka phu zawk mai . A nipawh a phu ve zawk tho ,ka lam a rawn pan phei pawk pawk a ,ngawi reng leh chesawn miah lo chuan ka lo en reng ringawt . A bula awm nu chuan a rawn zui ve zel a ,ka bul an rawn thlen rualin “ Min lo nghak rei tawh em ,kan kal tawh dawn em ni" tiin ka chalah a rawn fawp zauh a .







A awm dan chu mak ti zet hian ka lo en hau ringawt “ Rema henu hi tunge ,i bialnu tih min hrilh miah suh" chunu chuan a rawn tinghal that a ,u Remtluanga chuan nin hmel zet a enin “ Ka sawi tawh kha ,min tibuai fo suh. A ni hi ka bialnu chu a nih hi ,ka hmuh theihah rawn in lan tawh suh ang che" tiin keichu min kaisawn zui a. Engmah sawi lo chuan ka zui ve dat dat ringawt ,kawnga kal ve ho lah chuan police a nih vang nge min en duh viau lehnghal .







Nuam lo ka ti lek lek mai ,a Bolero bulah chuan min din puiin ka thil lei ho chu min laksak a “ Heti zawng hi em ni,lei belh tur ila nei em?" a rawn tihchuan ka lu ka thing nar nar ,nichina a awmdan avang khan ngai ka la awh thei meuh lo . Mak tihna in ka la khat a ni ber “ A nihchuan lut la " tiin min mitmei zauha,a Bolero kawngkhar chu a hawng pah bawk ,engmah sawi tawh lo chuan ka thu lut a ,ka lung phu dawt dawt chu dawmin ka thu ngawi kar ringawt.







A mah a lian bawk a,a rawn thut luh zawng te chuan motor chu a hniam deuh sut hian a hriat . A sam hma chu a ti phir vang a ,a inhmeh hle bawk ,a perfume rimtui leh manto tih hriat tak chu ka hnar chuan a hip lut a ,ka bula a thu ringawt pawh chuan min tidanglam leh zo vek tawh . Ka zep lo hepa hi chuan huhang a ngahin a mi uap hi ana takzet ,a mi melh ringawt pawhin ka zam a ,rei ka en ngam ngai hek lo.








“ Ei chak i nei em?" a rawn tih leh chuan ka melh zawk a ,chiang zeta min lo en avang chuan ka hmui liak zauhin “ Neilo " ka ti sap,mahse a ruk tak chuan ei chak deuh deuh chu ka nei a ,mahse ka sawi ngam lo a ni zawk mah ang chu “ Inthlahrung lo khan sawi rawh,eichak i nei tih i hmelah a hriat vek a nia " nui suk chung hian a ti a. Engtin nge a hriat theih le,hepa hi chuan hriat loh pawh hi a neih ka ring lo.







Police a ni pawh hi a awm hluah hluah hian ka hria “ Ih a nihchuan chicken curry leh sanpiau ka ei chak " inthlahrung deuh chuan ka ti a “ Khatiang arte chawr anga awm ker lo khan awm tha rawh " a rawn tihchuan ka ngei teh e ,hau ngam ila chuan ka vin phar hrep tawh ang . Mahse ka ngam der bawk silo,ka vin pawng pawng chuan an inah ka awm tih ka hre kur bawk sia , restaurant changkang zet kawtah chuan min dinpuiin amah chu a chhuak nghal a .









Ka zui ve nghal vat,a chhunga kan luh rualin a neitu ni awm tak nen chuan an lo in be bawrh bawrh a . An in hre sa a ni ngei ang” Wow bro hei chu tunge ?" tiin mit san euh euh hian chupa chuan a zawt a . An pahnih chuan ka lam rawn hawi dunin “ Thil hi hriat ve vek tum thin suh" tihmukin keichu min ko phei a ,thutnaah chuan min thut tir nghal zat . Ka duhzawng chu a hrilh nghal mawlh mawlh a ,a ni erawhin engmah a chah hauh lo .







“ I ei ve dawn lo em ni?" ka tihchuan a phone bih leh ngur ngur chung hian” Eichak ka nei ve hleinem" tihzawng sawiin a phone chu a hmang zui mawlh mawlh a ,hna lam bawk a nih leh hmel . Be zui tawh bik lo chuan ka eitur an rawn dah hun chu ka nghak a,rei nghah ngailo in an rawn dah nghal mai bawk . A rim chu hipin ka nui var var a ,ka eichakna a rei tawh bawk a ,fian chu la in ka einghal mawlh mawlh mai . A tui em em lehnghal .







“ Muangchang khan ei rawh ,a sa a nia " a rawn tih avang chuan amah chu ka en ha mai ,ka thil ei min lo en reng tih ka hriat chuan ka zak leh hnuhnawh “ Khawi maw ka lo ei ve chhin ange " tiin a rawn kun phei a ,kei erawh che chang lo in ka awm ngai chuan ka awm reng ringawt “ Vat vat " a tih leh avang chuan in thing harhin a hmui bulah chuan ka fian chu ka lek kang a , a ka chu angin a rawn hmuam nghal zat.









Chawl ve dang ho chuan min en thap tih ka hriat chuan ka zak takzet ” Ava tui ve ,ei ve tawh tur a nih hi" tiin a khi suk a ,ka kut chu ka la let nghal vat .“ In va induat thiam deuh ve , officer chin meuh hi chu hmeichhe hmeltha deuh pawh in bem tlu nghal thei chu a nih hi " dawr neitupa bawk chuan a rawn ti leh a . A thusawi avang chuan ka lo ner nawk,Remtluangpuia hi a sum vanga hnaih ka ni emaw a ti a nimaw ? Chutiang kan inkarah a awm tawp silo va .








“ I duh duh hi sawi thin suh" chupa en chung chuan u Remtluanga chuan a ti bul hmuk a . A aw atang pawh chuan a lawm lo hle tih a hriat,keipawh ka lawm miah lo . Hmeichhe dangin sum vanga an hnaih a nih pawhin keichuan mamawh viau pawh ni ila chunga hnaih ka tum hauh lo “ Aw a nihchu tihpalh,hmeichhe dang ang turah ka lo ngai a ,nangmah hnaih duh tam tak kha chu an ni ve bawk sia " tiin a kalsawn a ,u Remtluanga chu a rum hak ringawt .








Keipawh chuan engmah sawi lovin ka ei tur chu ka ei zawm mawlh mawlh a ,ka eizawh meuh chuan ka puar hawk thei. “ I eizawh chuan kan kal mai dawn em ni"? tiin pawisa chu a pe zui a ,kan inzui chhuak lehnghal zat a “ U Remtluang ka lawm e " tisapin ka en kar a ,ka lam rawn hawi pah chuan a nui vur vur mai . Nichina a hmel nelawm loh zet kha a bo leh vek tawh a ang ” I lawm chuan kan haw thei tawh tihna a nihchu" tiin motor chu a ti nung vut vut a .








Pawnlam chu enin mi che vel chu ka en ta ringawt a,nula leh tlangval leng tlang te chu hmuh tur an tam hle . Tunlai mite awmdan tih hre tho mah ila thenkhat nun dan hi chu ka lo zak thin,kan thalai tam tak lah nise Instagram khawihin a tha lo zawnga nun nan kan in tih hmuh a ,kan naupang en thin kum 14 vel tur lek lek pawh ruak ten an han live ngam ta pap pap chu a nia. Aia u ten kan kawh hmuh tihlah a chiang narawh.










Followers neih kan duh luatah a tha lo zawngin kan kal a ,kan ram pi leh puten hmingtha taka an lo siam kha kan tibal in kan ti hmingchhe mek chu a nih hi,a pawi ta ber chu nu leh pa ten kan fate phone kan neih hmat tir lutuk hi a ni ber . Mi hausa kan nih avang ngawt hian kan fate hi an duh duh kan leisak a ,keini ram aia hausa an tam lutuk, footballer ropui tak tak te pawhin an fate social media khawih an la phalloh laiin hetah chuan kum 8 vel lek lek pawh kan phone kan hum tir far a







Chu chuan rah tha lo a chhuah chho mek zel chu a nih hi ,ringtu ti a inchhal ngam pawh kan ni tawh in ka hre lo . Keichuan nu leh pa hmangaihna awmzia ka hre pha chuang lo nangin kan fate hma hun erawh nu leh pa kutah a in nghat tih hi ka hrechiang viau thung,kan fate kan thlah zalen lutuk na lamah a tawpah nu leh pa bawk in kan zak a ,fate demin hnawtchhuak hial pawh kan awm thin . A bul berah chuan nu leh pate thiam loh bawk hi a ni in ka hria ..







Naupang an nih atangin kan zirtirin kan ngaihsak tawk thin lova ,enge kan faten an tih enzui na chang kan hre thin lo hian an nun a kalsual lai kan hriat pui lova ,an puitlin hnu siam that an har tawh hnuah kan hria a . A inchhir zawk a chu keimah ni bawk kan ni leh thin ,“ I va ngawi thei vung vung ve " a rawn tih avang chuan khuh kharh kharhin ka thu tha a ,ka sam hma lam tla chu ka bengah ka zep pah zauh a .








“ Bialpa i nei tawh em?" hmalam en chunga a rawn tihchuan ka nui hak ,ka nuih vang nge a rawn hawi phei vuta “ Neilo,bialpa neih pawh ka tum lo . A ninawm hmel ka ti,mi thunun phet te an tum anga ,ka peih chi a nilo " ka tihchuan ” A nihchu" a rawn ti bul hmuk mai . A hmel chu a dur nghal khup a,sawisual ka nei nge chutia a hmel a inthlak danglam chu mak ka ti viau bawk “ Ka thianten bialpa neih chu a ninawm in ahrehawm an tia,a nih ka ring,mipa chu an lerh sia .






Bialnu nei reng chung pawhin hmeichhe hmeltha deuh an hmuh chuan na bialnute an phatsan mai thei a ,khatiang tawrh ve ka duh teuhlo,chu ai chuan len tar thak pawh ka thlang zawk " ka tileh chu a rawn rum nghut a “ A ni vek kherlo ,kan lerh vek lo " a rawn ti tawi tuk mai . Ka lei chu ka chhuah vak a ,a ni pawh mipa a ni ve tho tih ka lo theihnghilh palh a ni “Ah..ah..nia " ka riat nawi niah a “ Mipa kan rinawm fe " a rawn tihchuan ka ner nang








“ Rinawm awm lo emai,ka hmuh chinah la tawng lo mah ila mipa in lerh fe zawk ,hmeichhia te chuan ring em em cheuin kan engkim kan hlan phal cheu a,mipa te chuan hmangaihna in semzai thiam " ka ti ve nghal zat . Ka awmna pa a ni tihlam reng ka ngaihtuah tawh lo,kawngtluan chuan kan in hnial par par ,a thinrim zawkah ala tang zui lehnghal “ Hmeichhia chuan sum bak in duh lo " bul hmek hmuk hian a tileh a .







“ Mipa â chiahin in tawng,fing ula chuan an bum lo ang che u,sum hi kan duh vek lo in at vang lek a nih chu" ka tileh chu motor chu tidingin ka lamah a rawn awn phei a ,ka lo mengphawk nghal vak “ Ka â a maw?" tiin ka biang chu a rawn nul thuak thuak a ,ka thaw chu a sa leh pup pup tawh mai . Ka beng vel te chu a hmui chuan a hrut thuak thuak lehnghal “ Eng thil nge i tih?" tiin a awmah chuan ka namdat a,nui hakin a awm tha lehnghal zat.








“ Inhnial tawh lo teh ang,a naupang chhia tlat " tiin a tlan chhuak zui leh a. Kawtah chuan dingin a in dah that chhung chuan inchhung lamah ka luhsan a,ka pi pawhin min lo lawm leh nghal chul a ,ka thil lei chu min chhuah puiin keiin chaw chu ka chhuang zui a,u Remtluanga rawn lut chu ka mit sir zeuh bawk,kan inhnial dan ka ngaihtuah let a,ka nuihza chu nui ring ngam silo in ka ding khur hlak hlak ringawt.







Rawngbawl pah chuan ka zai rat rat a,nu Rini pawh rawn haw zuiin u Remtluanga inbual zo rawn chhuk nen chuan an in be pah mawlh mawlh a ,u Remtluanga chu a pi bulah rawn kalin a fiam nui hak hak a. Ka la awm rei lo nangin a pi leh a nu a hmangaih zia chu ka hmu chiang viau mai,mi tam takin pi leh pu,nu leh pa hmangaih let nachang an hriat tawh loh laiin a ni chuan a naupan tet atanga enkawltu te hlutzia a hre chiang tih a hriat.









Ka bulah a rawn phei a,ka rawngbawlna bulah chuan a lo awm ve char char lehnghal . Enge a hriat ni,mi a be buai sek bawk ,zawhna ho te te chhan loh theih siloh mi zawh lah a thiam narawh ,a mi man te pawh dawp dan a hre hle ngei ang “ Kha i antui chhuan a liam dawn " a rawn tihchuan hmanhmawh zetin a chhin chu ka hawng a ,ka chawk nghal rawk rawk bawk . “ Bawiha lo pui ve la lo va en mai mai lo khan" ka piin a tihchuan a chhang dawn lo emaw tih hnuah“ A hmuhnawm a lawm" a lo ti thum dut a .








Ka va han ngei tak em ,mi en tur ringawtin a rawn kal tih lah hriat reng ,vawksa leh zikhlum ka chhum pawlh a,a rim chuan ril a ti tam rawih rawih mai . “ Ral leng purun (hei hrelo in awm mai thei ,helamah chuan kan chin uar ber a nia ,purun zinga tui ber ka ti mai) kha lo rawt teh aw " a rawn tizui zat a . Chhang lo chuan ka bu nghat ringawt,in la thu lutuk mai ka rilru chuan ka phun mawlh mawlh ringawt .








Rawng ka bawl zawh rualin ka chawl ve zawk a ,ka bulah thu in min en leh char char tawh . Hepa hi enge a hriat ni,mi a tihlauthawng riau zel lehnghal ,thla a timuang lo zo vek ,zanah chuan mut hma in ka inbual a ,ka chhuah leh chuan ka phone ri a lo tawp chiah ,la kangin ka thiannu hming ka hmuh rual chuan ka call back nghal a“ Khawnge i awm?" a rawn tinghal tawng mai “ Dawrpui ah ka awm,ka sawi kha " ka tihchuan a rawn au vak ” Nang hi officer Remtluanga te inah chuan i awm thei tak tak em ni .








I va han vannei tak,ka awm ve chak e ,an duh uluk bawk sia engtin nge i awm theih zawk " a rawn ti duah a. He nu hi chu hmeltha leh chhelo hi a ngaihven bawk a ,hriat loh pawh hi a nei lo “ Ka hre bik nang,an duhzawng ka ni tihna a nimai a lawm " ka tihchuan a rawn nui hak a ,eng eng emaw sawiin kan titi zui a ,reife a kan inbiak hnuah kan dah ve thei chauh . Khumah chuan mu zui ar arin ka room tukverh atang chuan arsi chu ka thlir a .








Hla ka play pah bawk ,Remruatfeli A CHHAI MIN TI ANG tihchu ka play a ,ka feel veng veng thei . Thangvan siar hmingthang Chawngmawii leh Hrangchhuana,an ianga indi in lendum rem se " tih lai tak nen phei chuan zanin arsi eng chu a timawi zualin ka hria ,hmanlaia in hmangaih em em awm dun theilo te chanchin ka ngaihtuah a ,ka natpui veng veng nia . Nu leh pa rem tih loh avangin a then an inkalsan a ,a then an thi bawk a . An nat dan chu ka feel pui thei .








Mahni hmangaih ber te bula awm theih loh chu ana dawn em a sin,hmangaih ve tho si mahse awm dun thei silo,induh tawn mahse nu leh pa rem tihloh a nih miau dawn avangin na em em chunga an in thlah a ngai ngei dawn chu a ni sia .




(TUNLAI HRI KA KAI VE A ,KA TYPE HLEITHEI LO VA ,KHAWMPUI CHHUNG KA DAH LO TAWH NEN KA INTHLAHRUNG KHAWP MAI ,ENG PAWH NISE LIKE LEH COMMENT MIN LO TIHSAK HRAM2 RU AW )

[mawitei bawihtlung]

MR. CONTROLLING






CHAPTER 5





Tunlai hi u Remtluanga awm dan a mak in min en vung vung loh leh min vin leh khur khur thin a ,hrehawm ka ti takzet . Ka pi in a khak phah nghe nghe a ,mahse an awmpui mai ka ni bawk nen a nu chuan a lo chhan ve ziah bawk . Engvanga ka chunga chutia awm thut nge a nih ka hrethiam lo takzet ,hmeichhe pakhat a rawn hruai lut ziah a ,a hna rawn haw chuan roomah an awm dun chawt zel .







Hrehawm ti viau mah ila hna dang thawh nghal tur mai ka hrelo bawk nen ka tuar hram hram a ni ber ,thlahnih chu ka awm ve ta reng a ,ka hlawh pawh ka khawl ve tan bawk nen ka thaw a veng huai mai . Hmanna tur em em ka neilo bawk a chu chuan tlem chuan min ti hahdam deuh,ka inkhawl zel anga engtikah emaw keimahin ka la ding chhuak ve thei mial mahna .






Hritlang ka kai avangin ka nuam lo hle a ,ka pi chuan hahdam turin min ti ve chhen bawk ,ka khua a sik zui bawk nen ka roomah chuan lut in ka mu a ,ka khur hlak hlak bawk . Damdawi eiin ka muhil a ,tute emaw inbe thawm hre mah ila ka meng peih thlawt lo “ Damdawi in chu kalpui a ngailo ang,a mahin a duh lo bawk nen " tihvel an sawi chu ka hre reng “ Ka lo awmpui ange " titu chu u Remtluanga a ni thanin ka hria .







Ka muhil zui leh mai a ,ka harh leh chuan khua a lo thim vek tawha ,ka khum bawha mu ka hmuh chuan ka mak ti chu ka meng deuh kawka,ka taksa na ut ut leh ka thaw sa huam avang chuan ka khum sira damdawi chu ka ban vat . Ka thawmah chuan u Remtluanga muhil chu a rawn harh a ,min rawn pui nghal zung zung mai ,damdawi chu amahin la in tui chu min thlit sak a







Ka lo la ve mai bawk,ka taksa na ut ut chuan min ti zawi bawk nen ka che peih meuh lo “ I khawsik reh theilo nen damdawi inah kan kal mai dawn em ni?" a rawn tihchuan ka lu chu ka thing nak nak “ Ka tha leh mai ang,han mu tawh rawh . I chau ang,damdawi hian min chhawk leh vat mai ang " tiin chau zet chuan ka en a . A lu a thing nghut ringawt ,ka bulah chuan rawn thu in ka pang chu a rawn dek a .






“ I damloh te chuan hna thawk lui lo mai ta che" tiin min melh ngur mai,hnial tur pawhin ka peih thlawt lo ,mit chhing vang vangin ka khur hlak hlak a. Puan chu ka sin tha sauh sauh bawk ,a thawmhnaw chu a phelh sawk sawk a ,mak tizeta ka lo en lai chuan ka puan rawn keuin a rawn inthawlh lut nghal zat “ Enge i tih ? Tho rawh " tiin ka theih tawp chuan ka nam a ,duh lo tih hriat tak hian ka kut chu manin a hum bet zui hmiah a .







A bawp sei leh khauh tang chuan ka ke chu a chep bet bawk “ Mu mai mai rawh engtin mah ka tilo ang che ,vawt i ti tih ka hre reng . Chuvang chuan ngawi reng khan awm hle hle rawh " tiin a mit a chhing zui a ,a muhil nghal a ni ngei ang reiloteah a thaw nghal sak sak mai . A hmel chu ka en reng,a muhil hmel chu a tha in a thla a muang hle tih a hriat ,hmeichhe ho in an lo duh em em pawh hi ka dem ta lo .







Tunah hian an mi duh em em chu ka bulah min kuah chungin a mu mek chu a nisia ,keipawh chu rei meng peih lo in a awm zawna thaw dep dep chung chuan ka muhil zui ve leh mai bawk . Ka harh leh chuan a lo awm tawh lova ,ka khawsik pawh a reh ta a niang ka taksa chu a zâng huai mai,tho chhuakin bathroom lam pan tumin ka chhuak a ,ka pi pawh a lo tho tawh a nih hmel “ Bawihte ,i tha tawh em ni?" tiin min pan thuai a .







Ka pang chu a rawn dek nghal thuai a “ Ka tha tawh lutuk a nia ,ka va in phih harh anga rawng ka rawn bawl nghal dawn a nia " ka tihchuan min hnial nghal vat,rawngbawl a phalloh thu a sawi mawlh mawlh lai chuan u Remtluanga chu pawn lam atangin a rawn lut a ,ka hmuh rual chuan nizan ka bulah a mu tihchu ka ngaihtuah a ,ka hawisawn vat “ Vawiinah engmah thawk hauh suh ang che " a rawn ti ve nghal zat .







A hma lema min tirh nuam ti ber ber kha ka dam loh chuan mi a lo ngaihtuah ve tho a nih hi . Engmah sawi tawh lo chuan bathroom ah chuan ka inti fai a ,ka chhuah leh chuan nu Rini chuan rawng a lo bawl mawlh mawlh a ,ka va pui ve ta tho va ,u Remtluanga rum nghut pawh chu ka hre reng “Hmeichhe luhlul lutuk " tia phun hlukin room lamah a chho nul nula,ka en zui reng,engvanga thinrim em em nge maw a nih le .








“Bawiha thin hi chu aw ,engah mah ngai duh suh. A ngaihtuah ve che a ,a duhdana mi an awm loh hian a lawm lo thei lutuk a ,tikhan nakinah chuan a reh veleh mai ang " nu Rini pawh chuan a lo ti ve a . Ka nuih liam ringawt,chhunah hna a kal loh avangin ka pi nen kan parhumun inah kan awm a ,ka pi erawh room lamah a awm char char thung ,sofa ah thu in film kan en dun a ,a hran ve veah kan thu bawk .







Min be lo leh en lo hian tv lam ngawt chu a en a ,keiin a khat tawkin ka melh zeuh zeuh thung . A hmel chu a lawm nge a thinrim tih hriat theih loh khawpin a awm a,ka mawng a kham deuh avang chuan ka insiam tha sat sat mai ” I chauh chuan muhil rawh " mi pawh en chuang lo hian a ti a ,hepa hi chu ava han ngeiawm tak em . In duhtawk lutuk mai “ Angailo,ka mawng a kham deuh mai a nia" tiin in chunglam en chuan ka dak ar ar a.






Rawn tho in ka lamah a rawn phei tih ka hriat chuan ka tho kang vat ,ka hmaah rawn dingin a rawn kun hniam a ,ka bianga rawn dawmin amah en thei tura min kuai dakin ka hmuiah chuan a rawn fawp nghal hmiah a . Ka hamhaih leh mak ti chu ka khap fak fak ringawt,a hmui chu tiche in ka heh chu a pet ner ner a,ka dang lo ka lung chu a ri nghal dup dup a .







A kawr nghawngah chuan ka tham bet tai ringawt. Ka ka chu rawn nawr kauin a aia na chuan min fawp leh a ,a thaw lum ham ham te chu ka hre chiang viau bawk ,a rum hak a . Min nawr deuhin sofa ah chuan min bawh bet a ,ka mit chu chhingin a mi khawih ang ang chuan ka awm tawp ringawt,chhan let dan tur ka hrelo a . Ka hnar phal heklo,ka duh ve nimai hian ka inhria a .






Abak erawh min thlenpui dawn lo tih erawh ka hrechiang viau thung “ Min chhang let rawh" min fawhna a chawlh zauh lai chuan a rawn ti thum chhak a. Ka mitmeng chuan ka enkiau ringawt,rawn kun leh in min fawp lehnghal zat a ,keipawh chuan ka thiam ang ang chuan ka lo chhang ve bawk . Kan pahnih infawp ri chauh lo chu hriat tur a awm lo,nuam ka ti a ka hlim ru riau bawk .







A taksa lian leh sei zet chuan min bawh bet ran a,a ma mipa rim bik liau liau leh a thil rim inhnawih te chuan min zem a vek a ni ber ,a nghawngah kuahin ka chhang let ve tan tan a ,chutia engmah ngaihtuahlo a kan lo infawh lai chuan thawm ri rak hria in kan inthlah nghal vat a . Kan thu tha nghal sawk sawk mai,ka pi chu room atang a rawn chhuak a .






Min hmu hman angem tih chu ka ngaihtuah naah a rawn lut nghal zat,ka zak lutuk chu ka kun chal ringawt . U Remtluanga erawh a awmdan a ngai reng thung,engtin nge a theihbik ni ,mahse police a ni miau a ,hetianga hmel pangngai renga a awm thei pawh hi a mak em em lo . “ Mendy bawihi pawnlamah nilum ai ang u hmiang" a tihchuan ka tho chhuak vat a ,kal mai ka tum lai chuan u Remtluanga chu a rawn ding chhuak ve a .






Ka pi chu panin amah chuan pawn lam a panpui a ,an hnungah muangchangin ka zui bawk ,pawnah chuan checker khelin u Remtluanga nen chuan kan intum a ,ka pi in min en bawk . A chak lo kan in pen thin a ,kan tang bawk nen kan in melh rum thei hle ,ka pi lahin chutia kan inhnial buai thin leh kan in pen vel chu lawmin a lo nui hak hak bawk a ,u Remtluanga pawh a pi a hlim avang chuan a nui ve leh suk thin a .






A chak lo hmel erawh a rum thei viau mai,inkhelh pah chuan a hmel chu ka en thin,a hmui no siah leh pan deuh te chu ka hmui nizawk se tiin ka ngaihtuah a,a hnar ngul nalh leh a hmai tung lam si leh a mah ti pa zual tu te chu en nin a har ve thlawt,nichina kan infawh dan ka ngaihtuah a ,ka hmui chu a la lum ham ham hian ka hre hial mai . Kan chawlhsan hnuah ka pi ho in kan titi a .






Kan nui leh dar dar thin,ka tan chuan ka chhungte tak tak ang mai an ni,u Remtluanga pawh han hrawn rei takah chuan mipa nuih duh ve tak leh hlim thei tak a ni tih ka hre chho ve zel a ,a changin nelawm viau lo mahse a mi ngainat te bulah erawh chuan a fel viau thung . A che vel reng reng chu ka lo en leh thin a ,an awmpui nimah ila a laka ka rilru puthmang chu thlak harsa ka ti takzet .






A ni pawhin min haw em em lo tih ka hre tlat a .


(MUTTUI VEK U LE )

[mawitei bawihtlung]

MR. CONTROLLING





CHAPTER 6






“ Nang hi Rema te awmpui kha i ni tiraw?" hmannia ka hmuh nu bawk kha inah rawn kalin ka chhuat nawhna hmaah chuan a rawn ding a ,ka en ha ringawt “ I hmuh ang hian" ti ringawta chhangin ka nawhzawm mawlh mawlh ” He in atang hian chhuak rawh,Rema hian a duh tak tak lo che" a rawn tihchuan ka thaw hak .






Kan in ngaizawng pawh nisi lo engvanga chutiang thu chu rawn sawi ve ringawt nge a nih ni . Tunlai mi thenkhat hi chu an zak lo hrep zel lehnghal ,mi in kar tihchhiat lah an zak bawk silo,henu pawh hi u Reman a duh lo tih ka hrechiang viau,a mah duh lo tu a tibuai char char peih hi a fakawm zawk ngawt mai . Kei ni ila ka peih dawn loh tehlul nen hian,hmeichhe induh tawk ve tak nisi mipa duh lo tu han hnaih tang tang mai chuh.







“ Min duh ka ti reng reng em ni,tin he inah hian i thu a awm ka nilo va ,ka duh vang leh an ni pawhin min duh vanga awm ka ni . Ka awm leh awm loh chu ka thu a ni bawk " tiin ka kalsan nal nal a ,a phun ri chu ka hre reng. Ka pi a awm ve avangin a au ring ngam lo tih lah a hriat ,room ah lutin ka hlawha ka thawmhnaw lei chu enin ka nui var var a ,kawrfual hak nuam zet mai,a pink a par deuh chiai







Ka khup hnuai deuh thleng khuh thla nalh chu ka in teh kual vel a ,infak thu nilo se ka vun hi a no in nalh titu pawh an tam ve hle a . Tuna ka thawmhnaw lei nen pawh hian a inrem hle bawk ,ka chhuah leh chuan khanu pawh kha a lo awm tawh lo va ,ka thaw huai mai . U Remtluanga a tibuai peih ropui si hmeichhe nasa tak a nih ka ring ,ka phone ri ral ral ka en lai chuan pawn lamah ri ring zet a rawn chhuak a ,ka phu nasa bawk nen pawnlam pan chuan ka tlanchhuak nghal vat .








Chutah kan in bul kawngpuiah chuan lirthei in su a lo awm chu niin,an lo buai mawp mawp tawh lehnghal . Bike khalh tu zawk thi chhuak nasa lutuk ka hmuh chuan ka lu a la hai muai muai leh ta nghal,ka ding khawng reng a . Mipui kawngkal ho chu au nuaih nuaihin ambulance a thenin an phone bawk ,ka tha a khur dar dar thei ; hetiang hi a hmunah ka vawikhat hmuhna a ni a ,min thawng takzet .








Ka sirah chuan motor a rawn ding dawt a ,ka la phu zawk lehnghal “ I tha em? " chutia ka lo din khawng reng lai chuan u Remtluanga a rawn lang hlawl a ,ka dar tawn tawnah vuanin min sawi deuh dat bawk . Ka lu chu ka bu nghat a ,ka la tawng chhuak thei mai lo , accident pa lu ruh keh nuaih chuan ka thauah min man a ,ka thaw kawk kawk ringawt. “ A tha dawn lo tawp mai " ti a phun ri ka hriat rualin ka taksa chu a kang nawlh a .









U Remtluanga chuan min pawm tih ka hre thei,mi pahnih chu bia in inlam chu min panpui zui a “ Tinge ilo chhuah kher ni,i dâng vek a lawm . Kha tui hi in rawh" tiin filter a tui chu min thlit sakin min rawn pe zui a ,sofa ah chuan thu in ka thaw ham ham ringawt ,ka pi pawh chu rawn kal hnaiin min kuah a “ Ilo va hmu ve a nimaw ,hetiang lam hi chu thisen ngam lo tan chuan a rapthlak a sin ,tui kha in la .







Hahdam taka awm tum rawh,saw an phur sawn dawn a nihsaw " tiin pawnlam chu a en vang vang a ,u Remtluanga pawh kan bulah dingin phone a hmang mawlh mawlh a . Ruang postmortem chungchang leh pick up driver chu lock up lama hruai turin a hrilh mawlh mawlh bawk,ka pi chuan ka hnungah min chul sak hliau hliau a ,a hma ai chuan ka pangngai ta deuh bawk nen ka insiam tha vat a .







“ Ka tha tawh e ,thisen lam hi ka ti thei lova ,lo va chhuah loh tawp tur a nia . Mahse a rawn ri ring bawk nen ka ngaihtuahna hmang hman lo in ka tlan chhuak ta tawp a nihkha " ka tihchuan ka pi zawk chuan ka thiamloh a nih loh thu a sawi mawlh mawlh a “ Pi ,room ah lova awm rawh. A ni hi chu ka lo buaipui mai ang,i chau a nihkha " tiin u Remtluanga chuan ka pi chu a en a ,ka en ve chuan a lo chauh hmel tak tak hle .







“ Ni e pi va mu rawh,ka tha a nia . Ka hamhaih deuh mai mai alawm,ka hma ngeia mitthi ka vawikhat hmuhna a nia ,ka tha lutuk " tiin ka nuihlui sang a . Ka pi pawh chuan min hnial bik lo,a taksa a chak lo bawk nen chutiang chen chen a tuar thei chu mak ka ti zawk . U Remtluanga chuan ka pi chu room thleng a va thlah a ,a rawn let leh chuan biak dan tur ka hrelo bawk nen ngawi reng chuan ka bulah a rawn thu a .







A ni pawhin sawi tur a hre bik lo a nih ka ring “ I hmuhna a rei tawh em?" rei fe tawng lova kan awm hnu chuan a rawn ti a ,ka lu ka thing nak nak “ I rawn lan hma chiah kha a nimai,ka thlen chuan midang kha an lo awm vek tawh a ,engmah thuchiang ka hre bik lo " khur dar dar chuan ka sawi chhuak thei hram a. Ka kut chu rawn vuanin a dar a bei tur chuan min kuai awn a .






A chet dan chu hnial lo in ka dawh tawp a ,a dar pharh leh lum vung vunga ka bei takah chuan ka hahdam sawng sawngin ka hria ,ka kut a hum pawh chu a la thlah hek lo . Ka mit chhingin ka thaw ham ham a ,a lungphu dat dat chu ka ngaithla kar bawk ,engmah sawi tawh lo chuan kan ngawi dun a ,kan thaw ri leh lungphu ri bak chu hriat tur a awm lo . Pawnlamah erawh accident thlenna hmun velah chuan thawm ala awm reng thung a .









“ Ka lawm e " ka pangngai takah chuan awmsawn pahin ka ti a ,a bu nghat a. Thil ngaihtuah nei tih hriat tak hian a ngawi vang vang bawk ,a hmel rum lam lek lek chu ka en reng,kalsawn ka tum chuan ka banah a rawn vuan chat a ,amah chu rang zet hian ka en nghal ,min lo melh let ran a . Alamah chuan min pawt hnaiin ka hmuiah chuan a rawn fawp leh a ,tinge tunlai hi mak tak taka a chet fo le ,mi a fawp thut thut lehnghal .









A awmah chuan in nem khalhin ka meng kur ringawt,a ni erawh chuan a hmui tiche in ka taksa chu a hmer nasalh a,ka dawh tawp ringawt . Pawn lama thawm a rawn awm leh takah chuan ka namsawn a ,kawngkhar rawn in hawn rual in nu Rini a rawn lang nghal zat. Min man teuh lutuk chu hlauhthawn avangin ka lung chu a phu dup dup a ,a fapa in min fawp tih hria se a lawm hauh lo ang le ,keiang awmpui mai mai lehnghalin a fapa ka fawp tih a hriat chuan a thinrim hle in ka ring.







A chhan pawh an bulah ka awm rei ve tawh bawk a ,a fapa tan hian mi hausa fanu a duhpui hle tih ka hre miau va ,choka lamah chuan ka pheisan daih a . An nufa a kan inbul accident thleng vel an sawi chu ka ngaithla pah bawk , thaw ham hamin ka hmui chu ka khawih a ,a mi fawhna kha a nuam takzet . Mahse ka duh tur a nilo,kei ang mi hnuaihnung lutuk chuan a ni ang hi ka phu lo,chubakah min duh ve tak tak ka ring lo .







Awmpui nei tam tak hian an awmpuite an ngaizawng ru fo tih an sawi ka hria a ,nawmchennan chauh min hnaih a nih te ka ring rum rum mai,chutiang thlen tir chu ka tum hek lo . Rawng ka bawl zawh rualin chaw ei ka siam mawlh mawlh a ,chaw ei pawh a tui theilo ,tlem te eiin ka kham thuai a “ I va ei tlem ve ,i ka a tuilo em ni?" nu Rinin a rawn tih chuan ka lu ka thing nar nar a “ Ka ril a tam vak lo a " tiin ka nuih sak a ,ka thleng chu dahin ka sil nghal mawlh mawlh a .








Dah khawl ai in a ruak hmasa sa sil hi ka tih than a ni bawk nen ka rem zui a ,u Remtluanga chuan ka che vel chu min en reng tih ka hre thei . Ka bul hnaia a awm apiangin ka hre vat zel bawk a ,engvang nge tih erawh ka hre hauh lo thung ,a bul hnaiha ka awm chuan ka lungphu hi a rangin ka taksa ah danglamna a awm ngei ngei zel a ,chuvang chuan ka bul hnaiha a awm chuan awlsam takin ka hre thei thin .








Ka pi chuan tlailama ka thil tawn vel chu a lo sawi ve bawk nen nu Rini pawhin a buk pui nghat nghat mai “ Kan kawngpui a zim teh lul nen hian kan tlanchak mah mah thin a , accident a khat tawkin a awm reng mai chu a nih hi . Mi ram kawngpui lian pui pui awm laiin Aizawl ve zawng kawngpui lian leh zau tha neih tih kan nei dawn lo a nih hi,kan insa te reng reng hi a chep thei ang ber hi kan zawng a . Building inhnaih lutuk in a ding khup bawk nen lirnghing tawk ila kan ngaihtuah awm hle in ka ring .









Awih tak takah concrete in lian pui pui kan sa thin a ,hmanniah pawh kan veng thenawm in a chim leh kha ,fimkhur hi a ngaia . Khuarel chhiatna hi thleng thut thei reng a nia,chuvang a nia kan in pawh hi sang lutuka ka sak tir duh loh ni. "tiin a titi mawlh mawlh a,midang chuan kan ngaithla thap thung. An eikham rualin ka seng zung zung a ,ka intih fel rual chuan ka thaw huai mai .







Ka kawng na zet chu chum dat datin ka room lam chu ka pan a ,ka khumah chuan ka mu nghal hnawk . An mu lut vek tawh nen pawnah ka thu duh bik lo ,ka muhil dawn tihah ka room kawngka a rawn ri dat a “ I mu tawh em?" rawn ti tu avang chuan ka thu chhuak nghal zawt . U Remtluanga a ni tih ka hriat chuan ka insiam tha sawk sawk a “ Aih,enge ni ta " tiin kawngka chu ka va hawn zui a.








Eng bur emaw keng chung hian a rawn lut a “ I kawng na ah khan ka lo hnawih ange ,khumah khan mu rawh " a tihchuan phawk lutukin ka en a ,ka mitmeng kawk a hmuh chuan “ Men len vak a ngailo ,mu rawh" tiin kawngka chu a khar zui a ,eng tin nge ka kawng a na tih a hriat theih. A ni hian dawi a thiam reng nge mawni .







Engmah sawi tawh lo chuan khumah chuan ka bawk a,ka khur deuh dar dar lehnghal . Ka zam lutuk chu thawk ka la halh halh bawk ,ka kawr chu a rawn hlim a,ka tal deuh zawk chu “ Awm tha mai mai rawh " a rawn tihluk bawk . Keipawh chuan dang duh tawh bik lo in ka inthlah dul a ,ka kawr chu hlimin ka hnung chu a rawn hmet a ,a kut chu a dam phian lehnghal . Ka hnung na leh zawng lutuk pawh chu a reh sawng sawngin ka hria .







A damdawi rawn ken chu chulh kualin a rawn zut a ,ka mit chhingin ka muthlu lo chauh. A chawlh vang vang avang chuan alamah inherin amah chu ka en a ,mitkhap hauh lo hian min lo en reng mai “ Enge ni ta dik lo a awm em ni " tiin keimah chu ka in en a,engmah ka hmu bawk silo . Ngaihtha lo zet chuan ka en a,chutia ka en takah chuan a rawn insiam tha vat “ I vun a nalh hle mai" a rawn tihchuan ka sa nghal hat hat mai .







“ Nia....ih..ih." tiin ka riat nawi niah a ,ka thu chhuak zui nghal bawk ,ka biangah chuan a kut chuan rawn rin riak riakin ka hmel chu chiang takin a en reng a ,ka chil ka lem nghal khalh . “ Enge i tih dawn u Remtluang" ka lama a rawn awn avang chuan ka lo awn ve zel a ,a tawpah khumah chuan kan let dun ta tawp a ,a nui nghal suk mai “ Tho vat rawh mut ka duh tawh a nia " tiin ka in veng deuh ran a .







Mahse engtin mah min tih tum hmel a pu lo,min fiam mai mai a ang mah zawk “ I bulah ka mu dawn " a tihchuan ka meng phawk leh vak a,hepa hian lungphu tha lo min neih tir a tum nge maw ni“ A teuhlo,ka pasal pawh ini lova ,ka bialpa lah ini hek lo " ka tinghal hlar a ,a nui leh hak a “ Pasal chu nilo ve ,bialpa erawh chu zanin atang hian ka ni tawh ang .







Ka bialnu ini tihna a nihchu hre reng rawh,bem vak che ka tum lova ,ka thiam hek lo heti hian in malis hmang hian ka bialnu ini tihna animai" tiin a mit a chhing zui hmiah a ,ka sawi vak vak pawhin a meng duh tawh der silo . Nu Rinin min hmuh ka hlau si, hepa lah a luhlul bawk nen a tawpah chuan beidawngin amah hlat deuh tak chuan ka mu a .






Chuveleh alamah min pawtin min kuah bet nghal hmiah a ,tal ka tum chuan“ I chet leh chuan thil dang ka tihpui ang che " a tih avang chuan ka che ngam tawh der lo,ngawi reng chuan ka mengkar ringawt . Ka mumang a ang rum rum te hian ka hria,hmeichhe tam tak bemtluk theihloh khan ka bulan mu in min kuah mek chu a ni sia.