FATED by Rodingliani (Completed

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: FATED by Rodingliani (Completed

Unread post by Ngaia » October 25th, 2020, 4:57 pm

FATED


CHAPTER 19



Dawr ah ka kal pui a, a riltam ring chuan eitur te ka lam sak a tah na amit pawh a bui sen vek a, a chau in a hmel hmuh a hreawm takzet a ni.






U Ruatpuia'n Hriatpuii nau neih hi a duh loh chhan ka hre lo a rin dan tur pawh ka hre hek lo, a pa vang vel kha chu anih ka ring chiah bawk si lo, Hriatpuii chungchang anih ka ring ber a.






" Ms ka tan tiang thleng thleng i kal a ngai lo " mit sen rawm a min melh chung chuan a ti a

" I tan chauh ani lo Hriatpui "

" ka hria mahse i nun ti chhe tu nih ka duh lo "

" Engvang in nge ka nun i tih chhiat anga, ka neih vang che chuan maw ? "

" eng tin nge i hmangaih pawh ni miah lo chu nupuiah i neih thei anga ? "






Ka hmangaih takzet tih hi eng tin nge ka hriattir ang sawi chhuak ta ila amak viau a ngem ? Eng tin nge min ngaih ang min hmuh duh tawh lo in min kal san a duh hial maithei a ni...






Engpawh ni se a tan ka awm reng ang tih hi hria se ka duh a ni, a thil ei lai chu ka en vung vung a, tun mai a, a bula ka thusawi pawh kha ka ti tak tak a ring leh chuang lo ang amah ka ngaihtuah vang leh khawngaih vang ah chauh ngaiin thutak khuk in a khuk pui tawp lo ang..






Ka tan chuan Lucas emaw tu fa pawh pai mahse a danglam lo a, ka hmangaih Hriatpuii kha a la ni reng a ka tan a hlut na a danglam phah lo..






Lucas a hmangaih zia a tih lan chang apiang in ka thinrim a, ka lo dawizep lutuk kha ka inchhir fo thin, kaimah a peng pakhat hi chuan a rilru a nat hah dawn tih hre rng chung in Lucas hian duh lo in kal san se ka ti a ni, thlan tur nei lo in min nei se tih ringawt ka ngaihtuah tawh..






Mahse chutiang em em a nep chu ka ni bik lo ania, a kianga awm ka duh em vang chauh a ni eng rilru tha lo mah ka pu lo. Eng ti zawng pawn a hlimna bawk ania a tan ka thlan leh dawn ni..






U Ruatpuia ka bulah a awm bawk si, Lucas bulah a kal thei bawk si lo khawiah nge a awm tak ang tih hi ani, Hostelah a let chuan a awmna an hre vat dawn bawk nen, ni e Lalhriatpuii hi chuan eng tik lai pawh hian min ti buai chu anih hi..






Ka thian pakhat mahni a in luah chu a zin hlauh chu chu rem chang ah lain chumi in ah chuan awm ka dil sak a, a lo phal hlauh bawk nen a tihzia viau..






Ellie hnen ah a thawmhnaw ka dil a, a awmna min zawt nasa viau mahse ka hrilh dud rih lo a, tianga amah chauh a awm hi amamawh rih..






A chauh deuh avang chuan khumah ka mut tir chu rei lo te ah a muhil nghal mai a, engvang in nge ka hmangaih em em mai che ka chung ah hian eng nge i tih a kalsan che hi ka hreh em em ni..






Rizai ka sin tir a, ka chhuah san ta zawk a, ka in ka thlen chuan rilru hah zet in U Ruatpuia chu a lo awm a, a mut that loh na chin pawh ka hre tawh lo, a hna vang in a buai bawk a nau angaihtuah ngai bawk a hah khawp ang..






Min hmuh rual chuan " Hriatpuii'n a rawn bia che em Ms " a ti nghal a..






A rilru hah hmel lutuk leh chauh vanga mit khur tla duk hmel ka hmuh chuan thudik hrilh chu ka chak lutuk, mahse ka in thunun hram tunah hi chuan Hriatpuii tan mi rintlak nih kangai rih, Lucas tak ngial pawh a lamah a tang tawh si lo kei leh zel in ka hawisan chuan a tan a beidawn thlak dawn lutuk a ni..






U Ruatpuia chuan zu a in tlut tlut mai a, Hriatpuii nau neih a phal loh chhan min hrilh ka hlau ani, a chhan chu chhan tha tak a ni dawn tih ka chiang em a, ka hria anih chuan Hriatpuii lam ka tng theih loh phah ka hlauh vang a ni..






A rui tawh lutuk chu a chatthla tawp a, tianga zu a in hi ka la hmu ngai lo hrim hrim bawk a a awm em em tho, khum ah ka mut tir a, a tawngvai pawh chuan a nau chungchang chauh a sawi, a ni anga mipa tha leh rinawm hi nih ve ka duh takzet a ni..






Hriatpuii ei tur leh amamawh vel ka pek hnu chuan college ah ka kal a, Lucas nen kan inhmu a ka thinrim chu ka lo insum thei lo..






Lucas kawr nghawng ah tham chuan a hmaiah ka hnek a, ka ngaihtuah let hian mawl ka inti khawp mai, se Hriatpuii chunga a thil tih vanga hremna ah ngai mai ang..






" Ka hamgaih i ti ani lawm ni, anih tinge i kalsan engvang in nge a naute chu i duh lo i thil tih sual pawh i tuar ngam lo amw ? "

" engmah i hriat loh chuan lo inrawlh suh "






A tawng dan ka haw lutuk chu ka hnek leh pawp a.. " Nang hian Hriatpuii hi i phu lo, a hmangaihna pawh hi i phu lo "

" ka hria chu vang chuan duhtawk rawh, Ms a hmangaih thin lai che khan vawikhat chiah a rilru put ang i put thu hrilh ni la chuan kei ang mihring hi min tawng lo tur ania "

" engvang in nge min dem, a tan mi tha tak niin i awm thei mai lo em ni "

" ka tum ve asin "

" Naute i duh lo tiraw, keiman ka enkawl thei lungngai suh a tan i awm thei lo anih pawh in kei chuan ka kalsan ve lo ang "






In ka haw hma chu Hriatpuii hmu tur chuan kal leh hram a thuthleng ah thu in tv a on a, a thil en chu a rilru pakhat mah a pe lo tih hriat tak in a melh ngai a melh vung vung a ka lut thawm pawh engmah a hre lo..






A bul ah ka va thut chuan a hre chauh a, ka nui lui hram hram a ka hmangaih che han tih tawp mai chu ka duh takzet a..






" Ms Lucas hian tinge naute a duh loh ka u chu ka hrethiam a mahse tinge ani lehzel in a duh lo, min hmangaih tak tak lo tihna em ni ? "

" chhan a nei ngei ang "

" keimah chauh in ngaihtuah hian ka nei mai dawn che ami ? chuan tuman ka naute lak ah hian thuneihna an nei thei lo anga "






Rang taka aw han tih nghal mai chu ka nap, ka chhang ta lem lo a i mipa hmangaih te hian an van ti na hlawm tak che tiraw ? I u in a hmangaih luat che vang in i naute dahbo a duh a, Lucas lah a ni bawk kei ve lah in ka amwl lut ah i rilru ti na in ka chan phah reng bawk che a..






" Ms "

" mm "

" ka thian i nh avang in ka lawm e "






A sam ah ka tuai sak a, hlim hmel put hram hram ka duh avang chuan ka nui lui a, kan vai mai hian kan rilru a hah tlang anih hi..





A tuk ah class ka neih zawh chuan Hriatpuii chu ka call a, min chhang thei lo vawi 3 vel ka tih hnu pawn a lak theih loh vang chuan ka mangang chu a awmna pan in ka tlan nghal a..


In chhung ah ka lut a, Hriatpuii chu chhuat ah a lo mu ka va hmu a, ka tlan phei nghal a taksa ka khawih chuan a sa vek a, a thlanfim in a bual vek bawk a, ka pawm a motor awmna ah ka tlan thlak pui nghal a..


Kawtah U Ruatpuia lo ding reng chu ka hmu a, ka chungah a thinrim hmel in a lungawi lo hre ani Hriatpuii awm dan pawh chu mak ti hmel pawn a awm lo a car ah ka dah lut a damdawin kan pan nghal a..


Hriatpuii an en lai chuan U Ruatpuia chuan min ko hrang a..


" Ms engvang in nge Hriatpuii awm na i hria tih min hrilh lo, ka ring che asin "

" Ka tihpalh a nau pai lai tih tlak a duh loh zia ka hria ka hrilh ngam lo che a ni "

" Ms ka nau i ngaihtuah zia ka hria ka lawm takzet mahse ka thil tih hi ama tan vek a ti ka ni "

" a chhan min hrilh thei a ngem, Lucas fa anih vang a ni em ? "

..a lu a thing a " ai Hriatpuii hian naute hi a neih chuan a tan dam chhuah na chance a chhe lutuk a ni "


Ka rin ang reng tiang tal hi anih ka ring reng ani U Ruatpuia hian chhan tha lo tak vang in mawl tak in a chet ka ring lo reng a ni.. Hriatpuii a neih na ah anu pawh a thi tih ka hria ka fiah ta kuar kuar a..


Mahse a chiang chuang hlei nem naute pawh an zai chhuak thei a, bakah Hriatpuii mi tuar chhel tak a nih tih ka chiang eng pawh thleng dawn mahse a lam a tang reng tur in ka inpeih tawh..



HRIATPUII



Khumah chuan mu in Dr chuan min rawn en a naute chauh ka ngaihtuah Msa chuan ka kut a rawn vuan a dr hmel chu ka en leh zuk zuk thin bawk a..






" hah naute te chu duhthusam in an tha mahse anu hi a ngaihtuah awm thei a ni " dr chuan a rawn ti a..

" enge i sawi awmzia, naute hi ka nei thei ang tiraw ? "

" ka sawi thei lo, ka sawifiah thiam dan ber chuan naupai hi i taksa hian a zo lo a, neih phei chu a harsa takzet ang nangmah ang tam zawk chuan an thih pui tlangpui a ni "






Ka pum chu ka khawih a, ka mittui a rawn luang a eng tin nge tiang em em a chhiat na hi ka tawh theih bik le nasa tak in he naute chhanhim nan hian ka bei a tun ah, Msa chuan min rawn kuah a engmah a sawi lo..






" Ms ka naute hi neih ka duh, thi dawn pawh ni ila pawi ka ti lo "

" I duh duh ti rawh, i kiangah i thiantha ber ang pawn ka awm reng ang ka tiam a che "






Pawn ah kan chhuah chuan ka u a lo awm kur aka thin chu rang tawk in a rawn phu nghal a nau ti tal tur in min rawn ti leh nghal dawn tih ka chiang. Msa chu ka en a min phatsan ni mai hian ka hria a..






" Ka u i ko amaw, min tiam ani lawm ni "

" min ring rawh ka tih ani lo "






K tlan chhe lo ang ka u bul ah chuan ka kal a..






" Ka u i duh dan in ka awm dawn lo "

" Tinge engmah hi i hriatthiam duh miah loh thin ni ka tan chuan engkim i ni a ka neihchhun tak meuh i ni asin chan che hi k duh lo "

" U ka nu vang ani tiraw, keimah min neih vang in a thi a chuvang chuan i hlau ani tiraw ? "

" aw ka hlau takzet ka nau hi chan ka duh lo "

" tunge ka thi dawn ti mawh ! ka tuar chhuak ang, nunna nei an ni tawh a khawvel eng hmu lo tur chuan ka phal lo u min ring rawh ka tuar chhuak thei ang "

" Hriatpui tinge ka tan a harsa tur hian engkim hi i tih thin mawh ? "

" U ka tiam a che ka inchhir lo ang chuan he naute hi neih ka duh "






Ka u tap hmel hi hmuh tur a vang a ni, a rilru nat zia ka hmu atan ka hlut zia leh min hmangaih zia hre mah ila tun ah chuan keimah chauh ka in ngaihsak thei tawh bik lo ngaihpawimawh tur dang ka nei ve tawh..





Ka u chuan min rawn kuah a " Ka tihpalh Hriatpui min mamawh hun laia i tan ka awm loh avang in, awle awle a tha nei rawh he anute hi i nei dawn nia "

" U i ti tak tak em ? "

" mm ka tiam a che eng ang a harsa pawh ni se kan vaiin kan bei ang "

" u ka hmangaih che "

" kei pawn ka hmangaih lutuk che "



LUCAS




Thuthleng ah thuin ka in ngaihtuah a ka thiltih te hi a dik ber em Hriatpuii chan ka hlauh luat ah kawng dang in ka chan leh dawn tho anih hmel a enge ka tih ang ?






Ka rilru ka siam fel ang, naute emaw Hriatpuii pawh chan ka duh lo ka tho a Hriatpuii chu ka zawng a..






U Ruatpuia hnen atang in call ka dawng hlauh ka la a, a bulah Hriatpuii a awm thu te a sawi chuan ka thaw huai a..






Msa in pan chuan ka kal leh nghal a inchhung ka lu rual in Hriatpuii pawh ka hmu nghal a, a chung ah ka chen dan vang khan ka inthiam lo ve angreng viau a hmanhmawh lo zet chuan ka pan a Hriatpuii chu rawn ding in k lam pan a rawn phei ve chuan ka hmaiah a rawn beng pawp a mak ti tak a en chuan min ti hrilhhai hle, mahse ka phu viau a ni..






" Eng tin nge khang thu kha i sawi theih zawk, kei leh naute aiin i fans te an pawimawh zawk amaw ? anih enge he tah i rawn tih ? "

" Hriatpui ka tihpalh naute hi neih luih i tum ang tih ka hlauh vang ani mahse tun ah chuan pawi ka ti tawh lo "

" pawi i ti lo amaw ? Lo thi ta ila pawi i ti lo tih na maw ? "

" ah chutiang a ni lo "





Min rawn kuah leh bawk si..





" Min ngaidam tih na ami ? "

" naute pa hi nih i duh tak tak chauh in "

" I phal phawt chuan "





Naute a pai tlang ka pawm ni la la atang in Hriatpuii lak ah eng pawh thleng dawn se ka in buaitsaih a ngai tih ka hre nghal a nunna thap tak meuh meuh in a neih a ngai dawn si, ka in peih e..



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:57 pm

FATED


CHAPTER 20 { Last Chapter }



U Ruatpuia chu ka mitmei deuh hlek a min en chuan a nui vur vur a min pawm tawh ni mai chuan ka hria a..





Hriatpuii nen chuan college ah chuan kan kal a, a nun ka tih chhiat sak chu a ni mai sia,





Chawlh dil na form kan fill up dun a, Principal office kan luh hma chuan ka vuan ding a..





" Hriatpui i inchhir lo ang maw ? "

" engvang in nge ka inchhir ang tun ah hian ka hlim lutuk "

"I lo inchhir a min kal san duh thut chang i neih pawh in "


ka hmui ah a rawn fawp zauh a..

" Ka hmangaih che "




Thil dang sawi leh na hun pawh min pe lo, ka nui vur vur a eng tik atang in nge a zah em em na a dah bo tak, a biang ah chuan ka piai zauh a..

" Ka hmangaih fe zawk che "





Chawlh dilna chu kan theh lut dun a, chhuan lam siam lo in Hriatpuii chuan huaisen tak in a rai tih chu a ziak a, ka bialnu mah ni se ka chhuang khawp mai..





Hnam dang ho tih takah Hriatpuii ka kal sn zawk a amah chauh a awm lai chuan an lo chhaih a tunge a pa ?tih ten an lo ti a..





A bul ah kal chuan a kut ah ka kai a..





" Kei hi kan naute pa chu ka nia buaina in nei ami ? "





An kal san leh ta hna hna a tuman an hmuhsit ka phal lo a kiangah ka awm anga ka venghim reng ang..





Aizawl ah ka chhoh pui a, naute a pai chhung leh a neih lai tal chuan a kiangah engtik lai pawh a awm ka duh, ka inchhir leh na tur engmah tih ka tum lo..





Hriatpuii te inah awm lo mah ila, awm ang chu ka ni mai mu tur a zanah ka haw tih loh chu a bulah ka awm deuh reng a, U Ruatpuia hna vang in a buai reng bawk nen ka kut ah Hriatpuii chu a dah tawp a..





Tlem tlem in a pum pawh a rawn lian ve zel a, mahse a taksa a chak lo zel thung a damdawiin ah kan tlan ngun thin khawp mai Dr leh nurse te pawn vawi tamtak ti tla mai tur in min fuih reng zel mahse eng mah in Hriatpuii rilru an thlak thei lo..





A na ti lutuk chu nikhaw hre lo a tluk tawp chang lah a tam bawk, U Ruatpuia leh a pi leh pu te pawh an rilru a hah tlang ngang mai, eng emaw chang hi chuan ka inchhir lek lek thin. Kha mi ni khan lo in sum hram hram ila chuan tun anga na hi a tuar lo tur ania..





Hriatpuii hi ka chan mai ang tih ka hlau takzet tawh amah chawm zo tur in hna ka nei lo ka hria mahse ka theih tawp ka chhuah ang ka huaisen na sawm khawm in URuatpuia bulah Hratpuii neih ka dil ta tawp a..





" Lucas Hriatpuii hian a tuar chhuak thei dawn em a hriat si loh a, in innei anih pawh in a chung ah thil tha lo ber thleng tur ah ngai tawp la i inchhir na bak a thleng lo ang "

" ka inchhir lo ang ka tiam a che, Hriatpuii mal taka ka awm tir chuan ka inchhir zawk ka ring "

" Naute hi a lo dam ta anih pawh in, enkawl tur in kan phut lo che "

" Apa alawm ka nih engvang in nge ka kalsan ang, min ring rawh ka theihtawp ka chhuah ang "





Cancer natna nei enkawl in rin reng ngai ang mai hian ka in chan tawh, zantin ka haw kawngah Biakin ah lut in Hriatpuii leh ka naute te an him nan ka dil fo thin ka ring tlat a min chhan ngei pawh ka beisei a ni..





Vawin pawh hian damdawiin ah kan tlan phei pui leh a, a chau takzet a thlan vek chuan min rawn melh a.. A kut vuan chuan..





" Hriatpui min nei duh em ? "

" Lucas tun ang hun ah hian maw ? "

" imm "

" mahse ka chung ah enge thleng dawn kan hre hlei nem "

" Eng pawh thleng dawn pawh ni se neih che ka duh alawm,keiman enkawl che ka duh "

" Lucas "

" Lucas Lucas ti lo khan aw nge ai min chhang rawh "




..a ngawi vung vung a min chhan a tum tawh lo emaw ka tih hnu chuan " aw " a rawn ti hlawl a





Ka thaw huai thei ka kuah a " ka lawm e a " ka ti tawp a..





Kan ineih ni tur chu rei lo te ah a rawn thleng ve mai a, pui tak a tih kan duh lo bawk a chhungkua leh thian tlem te nen chauh kan ti a..





Monu ka hmuh tawh a zawnga mawi ber a ni hial ang ka mit ah chuan, te reuh te mah ni se a mo kawr hak chu a mawipui ve khawp mai..





Ka nu leh Sara te an rawn kal ve a, ka pa an hrilh ngam loh thu an sawi a, a lo kal lo hi pawi tih na em em ka nei hran lo mahse ka nu chuan hrilh se ka ti teh reng nen, a duh zawng hian engkim hi a thleng vek lo tih hi hria se ka ti asin..





Ka nuna a vawikhat nan Pathian maicham ah khawvela ka hmeichhe hmangaih ber mai nen tiam tlat e kan ti ve ta ka hlim dan hi sawifiah dan awm se chuan bu khat vel chu a tlin hial ka ring..





Hun lo la awm tur chu hlimna emaw lungngaihna in min lo nghak pawh ni se tun ah hi chuan tawrh ka huam vek a ni..Tun ah chuan ka nupui ani tawh tuman min chuhpui thei lo a, ka ta chauh..





Hriatpuii hriselna a ngaihtuah awm avang in an inah ka in suan lut rih tawp a kan pahniha kan chen na tur pawh ka ngaihtuah lawk vek tawh a, kan band kan perform na atang leh ka pawisa tlem te te ka lo khawl ve rek rek thin atang in tun ah rih chuan sum chu kan ngaihtuah awm rih lo bawk..





Thuthlengah chuan mu dun in Tv kan en dun a, a pum pawh a lian tawh khawp mai a kawr chhanah a pum chu ka khawih sak a naute chu a rawn che det det a chu ringawt pawh chu kan hlim pui dun lutuk a..



HRIATPUII



Ka naute neih a hnai tawh a, diktak chuan cho viau mah ila a ruk chuan ka hlau ve lutuk a chhan chu a neih hma na pawh a na em a bakah a ni tel in Lucas ka hmangaih zual zel emaw tih mai tur in a kianga awm ka thlahlel in kalsan ka duh lo tulh tulh bawk a..





Zantin a tawngtai a, Biakinah nen kei leh ka naute tan tih ka hria eng tin nge tiang em em a nasa hian a inthlak theih zawk engmah pawisak neih loh hmel hnaih ka hlah em em thin kha a ni sia..





Min hmangaih tih hi finfiah ngai lo in ka chiang a ka ringtawk bawk a, a lakah hlauthawn tur engmah a awm lo chuvang chuan a bula awm a thlamuan thlak takzet ani ang mipa min tawn tir avang hian ka lawm takzet a ni..





In entir tur in Delhi ah kan chhuk a, tlem a ka nuna a derthawn vang chuan thiam zawk nanan pan chu a fuh zawk kan ti a.. pawnah Lucas ka nghak a, mak tak in Lucas pa a rawn lang hlawl a ka hmangaih tak pa mah nise ka pa min thah sak tu a ni a ka ngaidam thei lo..





Huat hmel lam ai mah chuan Ten hmel zet chuan ka pum puar luah chu a en a chu chuan min ti thinrim takzet..





" hah i pa thattu thisen kai fa i nei dawn ani maw " min tih khum anih chu





Mi tam na a ni a, tha tak a awm hram hram chu ka tum a, ka insum ve tawk tawk a..





" He tah chuan i ang thei lo anih hi hawh a fal deuh ah inbia ang "

" Lucas lo chhuah hun ah in inbe dawn ania "

" Lucas ni lo in nangmah alawm biak che ka duh "





Min pawt lawp lawp a, mi tam na a ni bawk a eng thil mak mah a tih duh bik ka ring lo a, Damdawin chung ber ah chuan min hruai a tumah an awm lo a thli a thaw heuh heuh bawk a..





" enge i sawi duh ka rei hman lo ania Lucas an min zawng ang "

" ka fapa min pe let leh rawh "

" enge i sawi tum ni a "





Ka chungah a thinrim takzet tih ka hmu thei, mi lo that tawh anih avang chuan min tih nat a hreh ka ring lo a fa te takngial pawn an ngaina ngai lo, ruihtheih thil a duh si tunah pawh a harhfim lo niin a lang..





" I pa khan min phatsan in police hnen ah nangte vang hian min report a, nang hi lo awm lo la chuan hmingchhiat na ka neih zawng zawng hi ka nei lo tur i tet lai khan lo that daih tawh zawk che ila a tha tur ania, tun ah ka fapa lehzel min laksak i la tum a "





Ka hrawkah chuan min rawn rek a " thi law law rawh, he nau pawh hi ka duh lo nang a fa hi kan mamawh lo "





Lucas a rawn thleng a, a pa chu ka lak atang chuan a pawt sawn pawp a chhuat ah chuan a let tawp a..





" eng thil nge tia i in hriat a ? "

" Lucas ka fapa i ni a ka duh ang in i awma tur a ni i pa bulah rawn kal rawh "

" harhfim teh "

" kha nu vang khan i pa hi min kalsan amaw ? "

" tu vangmah in ka kalsan lo che i bula awm hi a harsat zia i hria em zantin damdawi emaw zu ruiin i rawn haw a i duh anga min awm tir vek i tum a "

" ka hmangaih vang che u asin "

" hmangaihna i tih chu ka hre thiam ve lo ania nge "





Lucas pa chuan Silai rawn phawrh in kan lam ah chuan a rawn tin a Lucas chuan a hnungah min din tir a, a ruk in ka u ka call a..





" i silai kha dahtha la tha tak in sawifiah ang, damdawin chung anih hi tlan chhiat na hmun i nei lo " ka u hriatthiam tur chuan ka ti a..





Min tih hlauhthawn a tum ringawt ani ka ring a, a kah duh tak tak ka ring lo hrim hrim bawk, eng anga min hua pawh ni se a fapa em a kah duh chuka ring lo..





Lucas chuan a pa chu a pan hnai a " I silai kha dah thla la inbia ang "





" nang angfapa laktlak loh hi ka mamawh loh " tih leh silai chu a ri pawp a ka te thawt a..





Lucas chu ka en a, apa ngei in a kap anih chu Lucas bul ah chuan tlan pheih nghal a tum a, silai chuan min rawn tin a..





" pen khat pawh i pen leh anih chuan tun ah nang leh i naute kha ka ti hlum tel nghal ang "





Lucas chu chhuat ah a let tawp bawk si ka che sawn ngam bawk si lo, min kap ve dawn tak tak in ka hre tawh ka u te chu an rawn thleng har ka ti tawh takzet hun kan peih zel chuan Lucas kan chan hman ang ka rilru chuan ka tawngtai char char a..





Silai a ri leh pawp a kei ni lo in Lucas pa zawk chu a ni a police te an rawn thleng a, a silai ken lai chu a thlauh a Lucas bulah ka tlan nghal a..





" Khawngaih in thi suh aw "


In zaina room ah Lucas chu an nawr lut nghal a ka mittui a chu a sur hian a sur a ni mai ka thinphu pawh a mumal thei tawh lo rilru hah vanga thih thehi chu ni se ka thih tawh hial ka ring..





Ka u chu ka bulah a rawn ding a..





" a tha ang lungngai suh "

" u ka hlau a ni " ka u chuan min kuah a min hnem mawlh mawlh a..





Darkar 5 vel hnu ah Dr te an rawn chhuak a Silai mu an la chhuak a tluang tak in an zo theih tih ka hriat a ka hahdam zia kha tui chhung ah rei tak awm a chhuak leh ang mai hi ani..





a tuk zing ah chuan a rawn la harh lo a, tiang hi chu aawm ve thin an tih vang chauh chuan tlem a la hahdam thei ka ni ka taksa chau nen chuan ka hah ngawih ngawih a




Lucas kut chu ka vuan a, ka pum chu a rawn na tawt tawt a ka tawrh mai theih ka in ring mahse a na lutuk ka hmel te chu a dang nghal lawp lawp in ka hria ka lu te a hai vek a ka thi tawh mai dawn hian ka hria ka lam ah an rawn tlan phei sup a min rawn bawr nghal luai luai a..




He naute pawh hi tinge tun ang buai lai lai a, rawn chhuah a tum ka taksa chau lutuk san ngaihna a awm lo, in zai pawh a hlauhawm an ti bawk si ka chau tawh lutuk eng tha mah ka pe thei lo. Dr te thusawi dan ah chuan hnimhlum an hman chuan naute in a thih phah thei bawk si, ka tan naute san chhuah ngaihna a awm bawk si lo an mangang tlang hle a..


Enge ka tih ang an tlai chuan ka naute ka pum ah an thi anga Lucas vanga rilru hah nen ka zawi vek tawh..


ka kut ah chuan kut vawt tak hian min arwn vuan a, hmel dang lep in Lucas chuan min rawn en a ka mumang emaw ka ti hial a ni pawh damlo ani a..


" I bulah ka awm ania Hriatpui kan tuar chhuak ang kan tih kha, min kal san suh aw " aw chau zet chuan a rawn ti a..


LUCAS


Hriatpuii kut chu ka vuan tlat a, eng anga na pawh ni se a tuar chhuak thei men pawh a meng tha thei tawh lo dr te chu an buai a, an vei chhuak lut chhen tawh enge an tih ber pawh ka hre lo kan awm hmun ah chuan kan lo buai ve em em ringawt a..





Hnimhlum hmang mang lo in naute chu an zai chhuak tawp dawn anih chu, Hriatpuii a tawrh chhel viau a ngai dawn ani, naute kan chhan duh chuan anu nuna kan thap a ngai bawk si..





Tuman an thu hle hle thei lo an zai lai chuan ana tiin a rawn te leh thin a mutthilh loh nan an be reng bawk a, a chhungah awm vemin phal tawh loh avang chuan min chhuah tir vek a..





Keimah a na chu engmah ka hre chang tawh lo, harh reng chunga inzai mai chu a van rapthlak dawn tak a tawrh ai tawrh chu ka van duh tak em ?





Ka kut pahnih hmalam ah suih zawm chuan min ven sak tur in ka ngen mawlh mawlh mai a, hun chu a kal muang in a rei duh ngat ngat tak a ni..





Rei lo te ah naute tap kan hre ta mai, ka thin phu chu a rapthlak lutuk, naute an rawn pawm chhuah laia kawngka tlemte inhawng atnag chuan Hriatpuii chu ka en a mithi ang maiin khumah chuan a mu tih ka hmu a..






" naute chu a tha mahse anu hi a ngaihtuah awm a thisen kan pek a ngai bawk ang " a rawn ti a






Thil tha lo ni mahse a la dam tih ka hriat ringawt pawh chuan hahdam na tlem tal chu a la ni a..






Ka fapa chu ka pawm a " I nu i ti hreawm bawka hrisel taka i rawn chhuah avang in ka lawm e " ka ti sap a..






Naute chu a tha mahse Hriatpuii chu Icu ah dah in oxygen hmang in an thawk tir a, thisen an pe char char bawk a, a chhung ah tumah luh an phal bawk lo a..






Ni 2 hnu ah luh an phal hram a, mahse a la muhil reng a, a bulah thu chuan naute chu ka pawm a, a mit a rawn men chuan ka naute pawm lai pawh ngaihtuah lo chuan dr te chu ka au vak a..






Zawi muang chuan a tha chho ve zel a tiang em em a nupui huaisen leh ropui ka nei hi khawvela mipa vanneih ber ka nih ka ring, a fapa pawh a pawm ve thei tawh a..





A chal ah ka fawp a, " ka nunah i rawn lan avang hian ka lawm e Hriatpui "

" keipawh "

" nang leh kan fapa tan hian pa leh pasal tha tak ka ni ang tih ka tiam a che "



***************************************

AFTER 5 YEARS


Stage ah ka ding a Night club mai mai ni tawh lo in mipui tamtak sang te chu an tling ve ang hmaah ding in ka guitar ka hum a ka din na atang chuan khawvela ka tan a mi hlu ber pahnih ten min en in an au ka hmu a dam man hi a lo van awm tak..


Hriatpuii chuan a thil ngainat ber a camera,{ Msa'n a bday a a pek mah ni se ka ngaidam mai ang } chu keng in min rawn melh vah a, ka fapa kum 5 birthday pual in a tan liau liau a ka phuah chu ka sa a..



** heheh a tawp, an khawsak chhunzawm zel dan chu in ngaihtuah chhunzawm atan **

** diktak chuan Hriatpuii emaw Lucas khawimaw zawk zawk hi thi tir ka tum vek tawh a, in duh si lo a ka chhan leh tawp **


A TAWP HO IN LO TI ANIH PAWN PAWI KA TI LUTUK, KA THAWNTHU TLAWM TAK MIN LO CHHIAR SAK THIN AVANG LEH HE TI CHEN MIN LO LA NGHAH VE RENG THIN AVANG IN KA LAWM LUTUK..PATHIAN IN A LET TAM TAK IN MALSAWM CHE U RAWH SE

HRIATPUII TELLO A LUCAS NUN HREAWM ZIA IN HRIAT KHA KA THAWNTHU PAWH HI MIN CHHIAR SAK TU TE TELLO CHUAN HLUTNA ENGMAH A NEI LO


KA LAWM LUTUK E

Story thar ka rawn post leh vat dawn min lo chhiar sak leh ru aw khawngaih tak in..😢😭🤧


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)