FATED by Rodingliani (Completed

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

FATED by Rodingliani (Completed

Unread post by Ngaia » October 25th, 2020, 4:48 pm

1ht6xop0.jpg
1ht6xop0.jpg (23.4 KiB) Viewed 15095 times
FATED

Chapter 1

Exam Hall pawn atang in exam lai chuan Siamtei chuan ' Lalhriatpui Msa leh Sara te an in date dawn rawn chhuak vat rawh ' a rawn ti tuar a..


Hriatpuii zak lutuk chu a hmai a sen tawn tawn a, hmanhmawh zet chuan a paper dah sawk sawk in a tlan chhuak ti tih nghal a. Siamtei chu a chum dawt dawt a,


Hriatpuii lam pan chuan Sara leh Msa te an rawn kal a, Msa chu Hriatpuii hmaah ding in a sam ah tuai zeuh pah chuan, ' min lo nghak rawh aw ? ' a ti sap a, a bialnu duh tak nen chuan an kal tlang leh ta nghal daih a.


HRIATPUII

Ka thinrim hmai sen tawn chu ka thaw chhuak hulh a, an kal liam hnu chuan awmze nei lo chuan ka rak khhum chiam chiam ringawt a, Ellie chuan ka lu ah chuan a rawn beng pawp a, uang lo zet chuan...


' I aa mi ?' min ti a, ka melh nghal rawm a. Hei vang hi lawm Malsawmsanga hi ka huat em em, eng en hian nge min en ni hneawm, Siamtei leh Ellie chu ka kai a Cafe lam pan chuan kan kal a, Msa chungchang ringawt ka sawipui....


Class engmah ka neih tawh loh hnu chuan haw tum chuan ka kal a, ka hnung atang chuan ka bag ah lai chu an rawn phih thla thut, rang zet chuan 'Malsawmsang ' ka ti nghal a,,,,

,,,,min en pah a min nuih vur vur pah chuan ka bag chu a ak a..


Engmah ka sawi zawm lo ngawi reng chuan kan kal dun a, ka thaw leh halh thin a. Mak ti tih hriat zet chuan min en a, ka phone ri avanga ka phone ka en a min rawn call tu ka hmuh leh hma zawng kha chuan ka la harh chhuak lo...


Msa bawk chuan 'kha kha nia hrilh che ka tum' tih pah in, ka bag chu min rawn ah tir a,,,


...a Bike ah chuan chuang in a ti nung a, ka lawn ve nghal vat a. Ka u hetah Delhi ah a rawn kal, kan exam hnu hnun ber ah ka score a tla hniam nasa hnehsawh khawp mai chu vang chu a ni tih ka chiang, eng tin nge chhuanlam ka siam ang, ka hriat loh kar chuan Msa chu ka lo chum leh pawp chu ni in...

'Accident tur in min duh mi ' a rawn ti vat a.


Ka ner nawng a, ka mark tlak hniam pawh he mihring vang vek hi, ka thiannu thin a nih pui vang vek, Sara nen khan tiang hian an awm dawn tih hre lawk ila chuan ka lo inhmel hriat tir tawp lo tur a ni.


Ka u awmna kan thlen chuan pawn atang chuan ka dak dek dek a, ka u chu a lo thu kur tawh, hmuh ka huphurh lutuk chu Msa hnung ah chuan ka biru a, Msa chuan min kai lut a, huphur viau mah ila ka u ka hmu chu ka hlim takzet thla 5 dawn ka hmu tawh lo..


ka chhungkaw neih chhun a ni a ka tan chuan ka pa leh ka nu a ni kawp ani. Thil pakhat he pa hi ka u a ni tih chu k hria mahse a chhelo thlawt a ni, a nau chu ka ni ve sia, a ni chu a sang a, a luck a a chhelo bawk, kei ve chu ft 5 leh 3 vel ah ka tawp.


Boruak muk lutuk tur ven nan Msa chuan ka u chu a be bawrh bawrh a, he pa zarah hi chuan vawi tam tak hi ka u min hauh tur hi ka pumpelh fo tawh reng a ni. Titi tui viau mahse ka grade chu a theihnghilh chuang lo, min rawn melh nghal kur a, ka kut chu ka hma lam ah suih zawm in..


" U tun tum chu ka ti chhe tawh lo ang tih ka tiam a che ' ka ti nghal a, Msa nui ri ka hre thei ka melh nghal raw a.

...Hna pawimawh a neih avang chuan Aizawl ah a rang lam in a let leh vat a ngaih avang chuan, a hmanhmawh viau a, rei tak min zilh hnu chuan a pu ten an rawn call avang chuan kan in mangtha ta hram a, ti khan thla tam tak ka hmu lo leh dawn chu a ni sia...


Msa chuan kan in luah awm na thleng chu min thlah a, ka u chuan Hostelah ka awm ang in a ngai a, diktak chuan Hostel a awm hi chu ka chak hlawl lo, Kan class mi pakhat amah chauh a awm avang chuan vanneih thlak tak in ka awm pui thei hlau a, Hostela awm chuan duh hun hun ah a chhuah theih loh a, thla lak kual na hun ka nei lo bawk ang ka peih lo ka bang nghal.


Ka in ti fai a, khum ah ka mut fel hnu chuan ka call nghal a..


..in a thlen tawh leh tawh loh ka zawt hmasa ber a, ani pawh apartment a nei a, chhungkaw khawsak harsa zawk zawk an ni lo bawk a, Hostel a awm ai chuan mipa tan chuan a nuam zawk reng ang kei ngei pawn nuam ka ti nia.


Zing tin leh zan tin hian 'Good Morning leh Good Night ' hi msg min hnutchhiah ngei ngei, kan in tih thiam vak loh chang pawn zan khat emaw zing khat pawh a hmaih ngai lo tih tur a ni, Diktak chuan a tello chuan ka nun hi a kim tawh lo ang tluk a ni naupang te ka nih atang in ka thian kawm leh ka mihring nel ber a ni a, hetah Delhi ah pawh Msa awm vang chauh a ka u pawn min awm tir phal ve a ni reng..


Ka hriat tirh atang tawh a inthenawm kan ni reng bawk a, kei aiin kum 2 in a upa a, nau ang bak hian eng tik lai mah hian min en ngai lo hrim hrim kei pawh hian eng tik atang in nge a lak ah tiang rilru hi ka put pawh ka hre lo, ka duh tak tak nge, a tello a awm hi ka hreh ka hrethiam tawh bik lo..


Tlai khat ka class la zo chu in lam pan chuan ka haw a, thla pawh ka la kual nasa khawp mai a, in ka thlen meuh chuan khua pawh a thim tha tawh khawp a, in chhungah ka luh chuan ka bungruah te chu a lo in khung fel than mai a, mak ka ti lutuk chu ka hawi aa deuh chhap a..


Rita leh a bialpa chu an lo awm dun a, Rita chu ka bul ah lo kal in ngaihdam min dil luam a, a bialpa Chinese pa nen awm dun an tum tawh vang mai in , awi ka thin a rim zia chu, chhuak tur in min ti a nih chu,,


...hahahha mizo tawng chuan 'Vai ho tak hi chu ' thinrim zet chuan ka ti vin thuai a, a hrethiam lem lo khawp mai..


Diktak chuan luah man chawi lo bik pawh ka ni lo tiang teh tawp a han in hnawhchhuah mai chu[h] in hrilh lawk ve tal awm, ka hrethiam peih buai kual vel lo, ka suitcase ka chawi a engmah dang sawi lo chuan ka chhuak nghal nal nal a...


Ka thinrim bawk si rilru na bawk si chu ka tap tawp a, ka tah chhan zawk tak chu Hostel awm ka peih loh lutuk vang a ni mah zawk in ka hria..


Ka u hnen ah engmah sawi ngam chi ni bawk si lo, Msa bawk, ka call a, rei lo te ah ka awm na chu a rawn thleng nghal a, khi inah pawh khian luh ka duh tawh lo, ka bungruah ka la lak kim loh la chuan a chho leh a, suitcase te chu Taxi ah chuan a dah a, a apartment lam pan chuan kan kal tawp a..


Msa in ah hi chuan ka kal ngun ve bawk a, engmah thil han danglam vak pawh ka hre chuang lo, ka hawi kual a,, e hei a bialnu duhtak Sara nen an thlalak a lo tar anih hi, ka hmuh rual rual chuan ka tum nghal hmuk a, ka khup nghal hmak..


A room lo zawk ah chuan min luh pui a, e he hei pawh a danglam, a hma khan a ruak huai sia tinge, zawhna ngah tih hriat tak chuan Msa chu ka en nghal hu a,


' In luah pui ka nei thar alawm, ka hrilh loh chhan che chu..

..a sawi zawh hma chuan ' A tawk Sara maw ' ka lo tihkhalh nghal a..

' chutiang a ni lo, eng ngaih in nge min ngaih a, Lalhriatpui ?' a ti hu a,

..ngei awm zet a melh chuan lei ka chhuah khum a..


' Naktuk ah i hostel awm na tur ka va buaipui ang zanin chu he tah i riak ang' ka tap lo chauh ,Hostel ka van huphurh ngawih ngawih tak emmmm...


A in luah pui chu rawn haw thut ta se, tiin ka zawt vat a, zaninah a lo haw a rin loh thu leh lo lungngai lo tur chuan min ti a..


Room chu ka en kual a, a duh zawng a hriat khawp mai, a rawng duh zawng pawh a pawl leh a var anih loh chuan a mak viau ang.


Bang ah chuan The beatles tih a in bel a music lam ah a tui tih a hriat mai.. Dawhkan ah chuan Guitar dangdai hmel zet hi a lo awm a, kan en chiang a, a rawng a nalh in uluk zet a siam ani tih hi a hriat ngawih ngawih, hollow guitar a ni a, a perh na ka ti dawn mi a sei chho zet lai zawk guitar hrui zawh chhoh na hnuai ah chuan lian em em lo hian hawrawp nalh zet hian " Lucas & Lydia " tih chu a lo in ziak a.. Guitar chu perh kan tum ve ngawt huizz a ngaihna thlawt ka hre lo , ka dah thla rang leh khawp mai..


Ka inbual fai a, chauh nen rilru hah nen khum ah phone khawih a ka mu chu ka muthilh lai pawh ka hre lo, ka harh chuan room chu a lo thim vek a, thim a mut hi ka thil nuam tih a nih teh chiam loh avang chuan ka phone tih en tum in ka phone chu ka dap nghal rawk rawk a..


..ngawi lawk ka thil khawih hi ka phone a ni awzawng lo, mihring taksa ni awm tak hi ka khawih fu a, ka hlau lutuk chu ka te thawt a, ka mi khawih fuh chu ka theih pa tawp chuan, ka ke chuan ka tlawh pawp a, khum atang chuan a tla thum dawt a, ka in siam tha sawk sawk a, light chu ka on nghal a. Thawmhnaw pan te bak ka hak loh avang chuan rizai chu ka chuh a, ka in tuam nghal a, ka mi tlawh chu a rawn tho chuak a, awi mipa a la ni zui, kawr pawh a la ha lo lehnghal, ka mit chu ka chhing ngal a.


' Tunge i nih ? Hetah eng i rawn tih ?' thinrim tun chuan ka ti nghal a,

....chupa chuan mak ti zet a min melh ha chung chuan hrechhuak zawk ni awm tak hian min en chung chuan a nui suk a, chutia a awm mak ka ti lutuk chu ka then hraw a.

' Tunge i nih ka tih chu ? ' ka ti leh vak a.


Ka lam a rawn phei pah chuan ka mit ah chuan a melh kar a, min rawn hnaih mai ka hlauh avang chuan ka lo tawlh hnung ve hrut hrut bawk a, bang ka su dawt, ka tawlh thei tawh lo, min si deuh thaw chuan a rawn ding a, a sang si, a dar ka chen awrh chauh a, ka hlau deuh bawk si chu au vak ka tum a, ka hmui chu a rawn hup a.


Thinrim hmel zet a min melh chung chuan ' Kei mah zawk hian ka room ah hian enge i tih, tih zawt tur zawk che ka niin ka hria ' a ti thum ruih...


...eng mah pawh ka ngaihtuah theih tawh lo, a ban ah chuan ka seh sak pawp a, ka tlan chhuak nghal a, thawmhnaw pan te chauh ka ha tih pawh chu ka lo theihnghilh hman, thawm hria in Msa chu a lo harh a, a rawn chhuak ve nghal a, chu pa chuan min rawn um zui a, Msa hnung ah chuan ka biru nghal...


Msa kar atang chuan ka bih dek dek a, chupa chu thinrim mit sen rum chuan Msa a hnen ah a room ah ka awm chhan chu a zawh chuan ka harh chhuak ve chauh ka zak lutuk chu ka sa vek thei, ka la seh zui ania...


Msa lakah a thinrim anga an in tih thiam loh phah ka hlau khawp mai, enga ti nge thil hi ka tih dik ve theih miah loh ni, ka ning lutuk..


Ka ngaihtuah na ka kawm nasa hman lutuk avang chuan an pahnih in hnial na pawh chu ka hre mang lo, Msa chuan puan chuan min rawn khuh a, ' k room ah va mu rawh ' min ti a, ka hnial ngam tawh lo engmah sawi lo chuan ka lut nghal a, kawngka a rawn khar hmak nen an thusawi pawh engmah ka hre thei lo hrim hrim a, nuam lo ti rilru deuh chuan khum ah chuan ka mu a.


zingah ka thawh chuan Msa chuan eitur a lo siam a, ka thawmhnaw ho kha pa room ah a la awm vek vang chuan Msa kawr lian ber a ka hriat chu ka ha a, kawrfual ah ka hmang lo chauh, Msa chuan min en chung chuan min nuih char char a, ka tet vang hian min chaih nasa reng bawk a ni..


Thuthleng ah chuan ka thu a, Msa coffee siam chu ka in , a in luah pui pa, room lam chu ka thlek deuh reng a, a la awm nge awm lo chu zawh ka chak viau na in ka ngam bawk si lo a. Chutia ka melh reng lai chuan chu pa chu a rawn chhuak thut a, ka phu chiang kher mai, ka hmah tak chuan a rawn ding a, ka mitah a rawn melh kur a..


' zan khat chauh i riak a, sulhnu i nei nasa hman khawp mai ' tih leh kal a rual a,


..awi leh nizan a ka inbual khan ka bra leh kekawrte kha bathroom ah ka zar tawp a, hmanhmawh tawk chuan ka tho a, room ah chuan ka tlan lut nghal a, ka thil zar chu ka la nghal a, ka suitcase ah chuan ka hnawh lut sawt sawt a, ka suitcase pawh chu ka hnuk chhuak nghal bawk a.


Zah na hlir hlir ninawm lutuk ka che tla vel chu Msa chuan min lo en reng a, ka zak lutuk chu ka tap lo chauh zawk. Ka case chu min rawn lak sak a, ' coffe khu zu in zo la, chu zawh ah class kal tur in i insiam dawn ania ' tih pah chuan ka suitcase chu a room ah a chawi lut a..


Class lak chhung zawk chuan ka rilru ah kan zirlai pakhat mah a lang lo, Msa pawh a ni chuang lo, nizan thil thleng kha, ka chet dan ka ngaihtuah chuan ka zak thar leh thin thil dang pawh ka ngaihsak thei lo, mahse class zawh ah chuan pawn ah Msa'n min lo nghak reng ka hmuh chuan ka hahdam leh huai in ka hria..


Ka pan nghal vat a. Ka rin ang reng ka hostel awm na tur zawng zawng lo buaipui fel leh vek tawh, awm lo se eng tin nge he hmun ah hian ka khawsak ve ang le ? thian ai mah chuan ka u te pawh hi a ang zawk thin. A hmeltha in a chhiat loh mai bak ah lehkha a thiam in , eng tik lai pawn a ti tha em em reng a proffesor te pawn an duhsak reng bawk..


He tiang a mi perfet hi Sara nen ka lo hmelhriat tir ta kher kher kha aw, hei tun ah pawn hostel awm mai ni lo Siamte leh Ellie te nen dorm khat a kan awm nan a lo buaipui fel leh vek tawh. ' I thawmhnaw te chu tlai ah ka rawn dah ang ' tiin ka sam ah a rawn tuai a, Sara nen chhuah dun an ngaih avang chuan min kal san a. Back to reality huizz Sara hi keimah ni ila......


🌺🌺 chapter 2 viewtopic.php?p=34282#p34282 🌺🌺


you_r_love12....


Rodingliani



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:48 pm

FATED

CHAPTER 2

Fresher Student ka ni bawk a, Arts club chu zawm ve ngei ka tum ka tan chance a tha pangai viau in ka hria, ka luh ngei theih nan inbuatsaih ka ngaih avang chuan kar khat dawn teh meuh chu biak tur ka awm lo ve khanglang..


Msa emaw, kha room neitupa pawh kha ngaihtuah na hun ka nei lo a tihzia viau. Ka lem ziah chu Siamtei leh Ellie te chu ka en tir chhin a, ni e lem ziah kher hi chu ka thiam em em hran lo alawm, mahse thlalak leh video siam tih vel kher hi chu imm ka inring tawk ve viau...


Arts Club telna tur form a thil tel tur thlalak la tur chuan chhuah dil ka ngai.. Class ka neih zawh ah chuan Hostel Warden hnen ah chuan zanin ah ka haw har deuh tur thu chu hrilh in phalna lehkha ka la chhuak a..


Ka sam chu phiar kak in band ka khim bawk a, ka camera chu awrh in bag ka ak a, Ka fila pheikhawk duh tak Msa'n nikum ka bday a min pek chu ka bun bawk a. Thla la tur a ka chhuah tawh hi chuan hun hi ka lo ngaichang tawh lo thin a lo tlai duai tawh zel..


Chutiang bawk in vawin pawh ka la tui mial mial khawp mai, ti hian ka la vak vak anga thlan tur ber hre lo in ka tal ka tal leh dawn tih ka chiang, ka hawi chhuah chuan khua chu a lo thim vek tawh a, leih chu zawh phei in ka thlalak tawh sa chu ka en mial mial a, leih tlak dal an tih thin ang hi he tiang chung ah mipakhat hi a lo ding ur mai a, ka hmuh zawng ringawt pawh chun min ti mur uai uai thei, a kut vei lam ah chuan Guitar ni in ka hria a keng bawk a.


Saw tiang hmun hlauhawm lutuk a ding duh tur chuan a rilru a hah ve viau niin a lang, puih a ngai ni a ka hriat avang chuan zam chung chung chuan ka pan hnai ve ringawt a.

' Min lo hrethiam la i din na kha a hlauhawm ania, lo chhuk la inbia ang ' ka tih chuan hria ang pawn a lang lo a din ngai chuan a la ding reng a.


ka tawng hmasak ai ring chuan ' Kha ta ding tur khawp khan eng tiang chiah in nge i beidawn chu ka hre lo a, mahse i mi hmangaihte ngaihtuah la, tianga i awm hi an hmuh duh ka ring lo '


...rawn hawi miah chuang lo chuan, a din ngai a la ding reng chuan ' Ka thusawi min ngaihthlak sak dawn em ni ? '


A rawn tawng ve ta chu ka lawm kher mai, ka thaw huai a ' Min hrilh duh phawt chuan ka ngaithla thei reng ' beisei nei tak chuan kan ti leh a


' Zuang thla ta ila, eng tin nge ka awm i rin ? Tui ka thlen rual rual khuan ka thaw a cham anga? '


A sawi zawh hun pawh ka nghak thei lo


' Ai ngaihtuah miah suh, eng tiang chiah in nge i nat chu ka hre miah lo, mahse i thil tih tum hian eng rah tha mah a chhuah ka ring lo takzet, i harsat na chu chinfel tum in hmachhawn zawk ta che..ka..'


Ka sawi zawm leh hma chuan in tha zo tih hriat zet hian ka hma ah chuan a rawn zuang thla thalh a, ka mit ah melh kar chuan min nuih vur vur a, mak ti hmel tak chuan ka melh ha a, a san zia kha a dar pawh ka chen awrh chauh min rawn hnaih a, ka lu zawn ah chuan a rawn kun hniam a chiang kelh kawlh a min en pah chuan, min nuih leh suk a.


' Zuanthlak ka tum reng reng hlei nem, aa mahse ka thih duh lo tu an awm belh tih ka hriat hian dam hlut zia min hriat nawn tir leh '


A sawi pah in ka sam chu a rawn tuai a, a hmel ka hmuh chian phei chuan hman zan a Msa in luah pui pa kha a ni tih ka hre nghal, min rawn hnaih em avang chuan ka tawlh hnung nghal dawr a ka zak lutuk chu ka sa vek, hei vang hi lawm mi buaina ah in rawlh lo tur a ka u khan min hrilh ziah, ka then hraw a, tinge he pa bul ah hian ka ka chet chhiat em em zel..


Min en chung chuan za em em chuan a nui a, a rawn kun hniam leh chuan ka lo tawlh hnung nghal vat a, min melh kur chuan " Mahni in tihlum tur chuan ka chhelo mah mah i ti ve lo mi ? "


A thusawi ka phu chiang lutuk chu ka hriat loh lai chuan " MAW " ka ti hu a...


A Guitar ken lai chu keimah ah chuan a rawn hmeh bel a [ min pe] a " nei rawh i duh dan dan in i ti thei "




Thil dang pawh ka sawi ve hma chuan a Bike ah chuan a chuang a, a hmelmet full face chu a khum a, a hmai chu a rawn ti chho a, " I duh chuan i hralh thei, a to teh mai ania " tih leh bike ti nung in chak tawk chuan a tlan nghal a...



Mak ti tak chuan ka hawi mawl hu ringawt a, a tlan liam hnu thleng pawh chuan a tlan na lam chu ka lo la en vung vung...



ka phone ri chuan min ti harh zawk a, Msa a la ni zui, phur lo zet chuan ka la a, awle ka rin ang reng a rawn thinrim nasa mai, dar zat ka en chuan 9 min 10 vel chauh in a lo la ri lo a. Ka awm na min zawt a, rei lo te ah chuan a rawn thleng nghal a. A Bike atang a rawn chhuk chuan min melh rum ngang mai..



' Dar 9 thleng chauh chhuah na hun i nei tih i inhria em ?'

'ka tihpalh'

'rawn chuang rawh ' bike ah chuang in a ti nung nghal a


Ka chuang a, guitar hnawk zet chu ka ak a, kawng tluan chuan min be lo, a ngawi reng a, tiang a, a awm hian awm a ti nuam lo tep zel min hau in min vin vak vak zawk se..


Hostel kan thlen chuan ka chhuk nghal a, engmah sawi lo chuan a ding char char a, ninawm ' engge ' ka ti chhuak vak a


' I lut dawn lo ami ? ' a ti fiah fak a, sana ka en a 8 : 56 a lo ni tawh a

' lut dawn ' ka tlan lut nghal a


Ka room ka thlen chuan tukverh atang chuan ka melh dek dek a, tlan chhuah tum chuan a lo awm mek a, ka nui suk a tianga min ngaihtuah zia a tih lan hian ka mal loh zia min hriat chhuah tir thin. Keimah vanga a hlauthawnghmel hmuh te hi a hmuhnawm, a chang phei chuan a thinrim dawn tih hre reng chung hian ka ti lui ve ngat zel , chutia ka in ngaihtuah lai chuan Ellie chuan ka guitar ah lai chu a rawn khawng ri kawk a, ka van phu chiang tak, ; Engeee ' ka ti vak ringawt a..



Ka thil tih tur ka ti zung zung a, hmanhmawh tawk chuan Arts room lam pan chuan ka tlan a...


ka thlen chuan mi an lo thu hnem tawh kher mai, lai tak chuan ka lut a thutna awl ah chuan ka thu vat a.



A hma daih in form kan theh lut tawh a, vawin hian an club a an lak luh an puang dawn a, tlem chuan ka zam ve viau ka lemziah a tha em em hran si lo a. Highschool vel kan zir lai kha chuan, eng club pawh ni se kan duh duh na ah khan kan tel thin kha nia, a in ang tawh lo khawp mai.


Arts Club a hotu te chu kan hma ah chuan an thu a, hmeichhia mah ni ila vice president chuan ka mit a la kher mai, hmeichhe ka hmuh tawh ah chuan a tha ber chu ka ti lo a, a tha pawl tak chu a ni ve, a nui duh in a nelawm hmel hle bawk a.


Vice President chuan in hmelhriat tir na a neih chuan a hming lem " Luccetta " a sawi rual rual chuan mak tiin kan ka hau hlawm mai a, he college mai ni lo Mizoram leh hmun dang ah chu a lemziah hrang hrang a lar em em a, a hmel hre lo in ka lo ngaisang em em zel a, chutiang a ka mi ngaihsan tak ka hmu thei chu ka lawm hle a, ka thut hmun ah chuan ka nui vur vur a.


Vanneih thlak tak in ka tling ve hlauh mai, ka thaw ve thei ta hram hotute chuan a tling ho chu an rawn lawmpui diat diat a, vp ka zawn a rawn thlen hun chu ka nghakhleh hle a,


' Hriatpuii tiraw kha, ka lawmpui lutuk che ania ' nui var var chuan a rawn ti a

'Imm ka lawm lutuk chuan, ka ngaisang thei lutuk che a, ka hmu thei che hi ka lawm takzet '

' Kei pawh nang ni ang talent tha lutuk ka hmu thei che u hi ka lawm lutuk zawk '


Dorm pan pah pawh chuan ka khi phei char char, Ellie leh Siamtei te pawh chuan mak an ti khawp mai, Msa an in date pui ah a sawm che mi min ti hial.


Vawin chu class kan neih that loh avang chuan kan thian thum chuan kan bazar ho a, dawr engzah ah nge kan luh tawh ka hre seng tawh lo. Ellie hi an chhungkua an khawsa thei in an nei ve hle a, hei vang hian midang a hrethiam em em a..


Khawi lo ah kal ila kan ei emaw kan in pawn a tum ziah thin a, Siamtei nen hian kawr bakilh bengbeh eng eng emaw hi min lei sak nasa tawh em em leh nghal...


Ka ice cream duh ber Kulfi chu Ellie chuan min rawn pe a, ka lawm lutuk chu ka nui nghal ver ver a, thawmhnaw dawr dang ah an la kawl leh dawn avang chuan ka peih tawh lo lutuk chu, thla lak ka duh tiin ka chhuah san ta zawk a..


Kawng pui ah chuan ka kal char char a,.thut na lo awm ah chuan thu in ka camera a, thlalak te chu ka en kual a, ka inrin hman hma chuan ruah chu a rawn baw huk mai, nihliap ka keng bawk si lo, ka camera chu ka thlah a, ka kut pahnih chuan ka beng chu ka hup nghal a, ka theih tawp a na in ka mit chu ka chhing a, ruah in min rawn far huh nasat pauh leh ka lu chu a hai in ka vai mup mup a, ka thluak chu a so bulh bulh ang mai hian a awm...



Ka har chhuah leh chuan khum ah hian ka lo mu a, ka ban ah venflon in vuah in drip an lo khai chu ka hmu hmasa ber , ka lu chu a la hai ruai ruai a.


Ka hma lam ah chuan hmanhmawh taka Msa rawn tlan phei ka hmuh chuan ka na te chu a chhawk vek hian ka hre ka khi nghal suk a, mahse a hnung a amah rawn zui tu ka hmuh chuan ka tum leh nghal hmuk a..

Msa hmel ah chuan a hlauthawng takzet tih ka hmu thei, mahse min melh rum ngei mai, a mit pawh ka melh ngam lo ka melh hnuai ralh a...


" Engvang in nge i fimkhur loh viau thin, khaw awm dan atang in ruah a sur dawn tih pawh i hmuthiam ve lo em ni ? Engvang in nge tiang hian min tih hlauhthawn viau thin a, mi khan hmu lo ta che se i chungah enge thleng ang ? " chhan ngaihna ka hre lo..


Sara chu ka va melh zauh a, min melh nem lo khawp mai, huiiiz Msa chuan ka dar ah rawn vuan in, min melh kar a, a hlauthawng takzet tih ka hmu..

"pawi ka ti lutuk " ka ti zawi sap a.....

...a thaw ri hawk a, ka chal ah na lo te chuan a pen zeuh a...

" Ti khan lo awm rawh, Dr ka va hmu ang "... a kal nghal a......


Msa kal hnu rei lo te ah chuan Sara chuan Msa tih ang chiah chuan ka dar ah kut a rawn nghat a, mak ti zet chuan ka lo melh nghal a....


" Hriatpui ka huat vang che a ni lo, mahse i ti mah mah in i hre ve lo em ni ?... "

" enge i sawi awmzia ? "

" Msa hi chhuah zalen rawh, khawngaih in, in inkarah hian engmah a awm lo tih ka hria mahse ka tuar thei tawh lo, in pahnih a enkawl reng che u hi ka kham, khawi hmuh ah pawh kal ila Hriatpui Hriatpui, kan in date emaw kan chhuah dun pawn Hriatpuii, tu bialnu in nge en liam mai mai thei ang mawh ? "

" I ngaih ang kha a ni lo Sara Msa hian a nau ang bak in min en lo "

" awle chu chu ka pawm ang mahse khawngaih in, hahdam tak in hmeichhe dang hming hriat reng ngai lo in vawikhat tal ka bialpa kiang ah hian min awm tir thei lo em ni ? "

Amah bawk chuan " Min ngaihdan chu eng pawh ni se, pawi ka ti lo mahse khawngaih in Msa hi hlat rawh i unaupa ang pawh nise a si lo hian kei a tan chuan tawrh a lo hat ve thin aw.."


...Chhan ngaihna ka hre lo.... Ni e a sawi dik Sara hian engmah thiam loh na a nei lo, keimah dik lo vek, buaina tawk ila Msa ka call a, Sara nen an awm dun lai pawh ni se sawisel lo in ka kiangah a rawn tlan nghal a nikhat ah ringawt pawh vawi 5 vel ka phone a. Msa lo kal avang chuan a awm ngai chuan a awm a, keipawh theihtawp chuan pangai tak a awm chu ka lo tum ve bawk a.


Haw tur chuan kan chhuak a, damdawiin kawt ah chuan kan ding a, Msa'n Bike chiah a nei, uii Msa chuan Sara chu taxi la tur in a la ti zui, men ngaihna ka hre lo, Sara chu melh pawh ka melh ngam lo, tiang em em a nasa a Sara lak ah ka inthiam loh ka la hre ngai lo.


"...Ms keiman taxi chu ka la thei alawm " tun tum hi chu min hnial lo se ka van ti ber em..

Msa tawng ve hma chuan Sara chuan a lo tawng khalh a,

" I aa lutuk Hriatpui keiman ka la thei alawm "


...khuk chem chem a khuk ral daih ka van chak zawk tak, chu ta kar ah Jacket hak lai chu phelh in, min rawn la hak tir zui Sara chu ka melh lo thei lo, ka khua te hi a sik tak tak zawk dawn in ka hria, jacket zipper chu a rawn zip phui vek a, a lukhum chu min khum tir bawk a..

"...a vawt dawn nia..." tiin a phun sap a.......


Kan dorm kan thlen chuan pawn ah chuan kan ding dun a, a chhungah mipa luh an phal si lo a, min ngaihtuah ang reng viau... Ka kut tin sik neuh neuh chuan ka in ngaihtuah, keipawh in ka awm dan hi a dik in ka hre thei lo, Sara dinhmun ah hian ka in chan in ka tawrh theih bik ka ring lo a ni...

Ka huaisen na zawng zawng leh tlem belh chuan ka tawng ta phawr a...



" Msa tun atang chuan min ngaihtuah a ngai tawh lo ang, naupang ka ni lo a, keimah in ka in enkawl ve thei tawh " ka ti chhuak phawng a..

" I damdawi ei kha i ei sual ami " tih pah in ka chal chu a rawn khawih a...

...a kut chu ka lo vai thla vat a, " Tiang thil hi lawm ka sawi, ti tawh suh khawngaih in..."

'Hriatpui '

" ka hria, kan inkar ah engmah a awm lo, mahse miten mak min tih khawp in kan awm in ka hria, kei hi i bialnu ka ni lo, nichin lawk a Sara chung a i thil tih te kha, eng tin nge a ngaih ang ? mawh midag rilru ti na zawng in awm lo ang aw khawngaih in.. Thil pawimawh viau anih loh chuan min rawn be suh "


A jacket chu ka phel sawk sawk a, ka pe a, inchhung ah ka tlan lut nghal a...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:53 pm

FATED

CHAPTER 3


Siamtei bialpa thar a sawipeih em em te chuan Basket ball final an khelh dawn avang chuan thutna tha a chan hman loh hlau lutuk chu an tan hma darkar chanve vel a hma ah chuan min kall pui tawh..


He thil atan hian ka class ka miss tih theihnghilh lo hram se.. Tumah an la awm lo a zahthlak zawk khawp mai thutna an thlan ah chun min thut tir a lo veng rawh tiin Ellie nen chuan min chhuah san daih lehnghal huiizzham.....


Ka camera focus dik hleithei lo chu siamthat tum chuan ka buaipui char char keimah in ka awm tih ka theihnghilh thak thei hmani ka tluk na ah ka tih chhe lo chauh nen ka dim tawh khawp..


Ka lu ah ball chuan a rawn tlak pawp, a na lutuk chu ka lu a hai nghal chem chem mai, ka thinrim bawk si zak bawk si chu tunge chutia min ti tu chu en tum chuan ka ding hluai a..


ka hma ah chuan mipa khat hi a lo ding reng tawh a, ball chu ka chhar a, ka pawm nghal a, chu pa chu ka melh kur a, a zei lo awm hle mai...


" Pawi ka ti khawp mai, ana viau em ? "

"..a nat loh i ring mi "

Basket ball player chu a inti ve awm sia, zei lo lutuk, min hnaih set chuan a rawn kun hniam a



ka lo tawlh vat a, a hmel ka hmuh chian chiah chuan ka phu zawk mai,


he pa hi, tinge tiang zawng hlir hian he pa hi ka hmuh le ?


Rang zet in ball chu a lam ah ka theh nghal a, a lo man chat a.......


" Min hre tawh lo amaw ka ti hman tep alawm " mit ti zim sen sen chuan min en a

amah bawk chuan " zuan thlak ka tum tawh miah lo ania "

Ka zak lutuk chu ka hmai te chu a sa vek, chhuah daih mai chu ka rilruk a,


mahse dik in ka hre bawk si lo sawi tur chu ka ngaihtuah zung zung a.....

"...ahhh i guitar kha, ka pe let leh ang che "

",,i ta ani tawh alawm, i duh dan dan in i ti thei " tih pah chuan rawnkun leh a tum a, ka lo tawlh leh vat a..

...a nui suk a, a nuih zawng chuan a ha var leh rual tak chu a rawn lang chuan a ti sexy takzetenge ka ngaihtiah a..


Ka lu ka thing harh nghal vat, buaina tam zawk ah in tah luh ka duh loh vang chuan kal mai chu tha zawk in ka hria, in her ka tum uk a...

" min hlau ami ? tinge tui ah ka zuan thlak pui che i ring em ni ? "

" chutiang ani lo "

" ka fiamthu anih kha " a sawi zawh chuan ka thutna hma chiah a bag chu ban in, a bag atang chuan bag dang lian vak lo khai mai theih chu a rawn phawrh a, min rawn pe mawl tawp a..


"...nei rawh i mamawh ang, tlemmm in i than ve phah maithei..." a bag chu zip in a dar vei lam ah ak in, a ball sawt nawlh nawlh pah chuan a kal a...


......engmah pawh ka sawi leh hman lo, a duh a ti a, a kal leh nghal,


..bag chu ka keu a,,uiii ei tur hlir choclate a la tam em em zui,, enge a min duh tihna mi, ka lu ka thing nghal ,


Ellie ten an rawn hmuh chuan thil min zawt leh nasa dawn lutuk a, an rawn kal hma chuan bag ah ka khung vat a...


Inkhel chhung zawng thla ka la kual char char a, an zo thei hram sport hi ka ngaina ve em em hran lo..


Thlalak chu Siamtei chuan a phone ah thon tur in min ngen char char a, a bialpa te chu an chak a, lawm tur chuan an chhuak nghal Siamtei a kal ve daih bawk nen tih tur a vang..


Kha pa kha ka zawng kual ru deuh reng a, mahse a hmel hmuh tur reng a awm lo, tel tur ni si lo, enge inkhel tur awm deuh khan a awm vel ni..


Ka hmaah Msa chu a lo ding kur a..


" Ka ril a tam ania, ka treat ang che " In thlahrun hmel angreng tak chuan a ti zawi raih a..

a tawng hre lo ang hmak chuan thawh a kal sawn ka tum a, min lo man a...

" Hriatpui hreawm i ti tih ka hrethiam, in siam that ka tum ang tun ah Sara in min nghak a, kan pathum in kan ei ho thei alawm "


....a mawl tak tak nge a ti lui pawh ka hre lo, a lu a chhut fawk mai chu ka van chak ber mai em...


" Ellie pawh a awm ve reng alawm, min ngaihtuah suh ka tih kha, Msa ka tha takzet Sara bul ah chuan kal la, va awmpui rawh a mamawh che kei ni lo in "

" ka tan a harsa tur hian awm tum lo la, tha taka tih ka tum mai chauh a nih hi "

" ka duh hleinem, tinge i hriatthiam theih loh a "


....ka sawi chhunzawm peih lo ka bag ka la a, ka kal nghal nal nal a, Ellie bathroom ah a kal tih ka theihnghilh zui, a lungawi lo leh ang chu !.....


Khum ah chuan ka thu a, Msa vang chuan ka la thinrim khawp mai, theihtawp ka chhuah ve em em a hneawm lutuk


ka bag chu la in khum ah chun ka bun ruak a, vawin a khapa thil min pek kha a rawn tla chhuak hmasa ber a, chocolate vel chu khum ah chuan alet nghal rum a, ka rin aiin a tam daih..


Ellie chuan min rawn pan nghal vat a...

" Msa pek che ami ? "

" teuh lo lutuk "

" vawin ni leng in kan awm dun Msa chauh hmuh i neiiii,, mahse thil lei tur a kan chhuah lai kha, oohh hall atang khan Lucas a rawn chhuak tak " tih pah in rinhlelh hmel tawk chuan min rawn melh a

" I aa mi tunge Lucas pawh ka hre lo, va mu rawh "

" Lucas i hre lo maw ? " Mak ti tawk chuan min en a..

" ka hriat kher a ngai ami ? "

" He college ah chuan a lar tehreng nen, band ah guitarist ania, Anan te nen band khat an ni lawm, nang ni ang lehkhazir peih chuan in hre lo reng ang " A ti tel deuh kher a..


choclate pakhat chuan ka vawm pawp a, a la ei daih zui.. Khum ah chuan mu in, inchung chu ka melh kur a,


..chutiang a band ah te a tel anih chuan a fans ten an pek anih ka va ring ta ve, a dawng hnem lutuk anga a ei sen loh min pe aniang peih ai ah...



LUCAS


Awmze nei lo in Guitar chu ka perh pawp pawp a, ka ngaihtuah na te hian min kal bo san an tum lo, rei lo te pawh awl ka duh lo thil dang tih tur ka zawng a, a theih ang tawp a ka rilru tih buai chu ka tum a ni..


..mahse ka guitar chu a rawn ri thei lo thut, thinrim tak chuan tu tih nge hriat tum chuan ka hawi chhuak a. Ka hmaah Zonuna chu a lo ding a, guitar chu dah in, ka melh kawr a eng tin nge ka hmaah hian a rawn la in lan ngam zawk ?


"....i mawl nge, min tih el i duh ve vang hrim hrim hriat ka chak khawp mai,,,,"

" Lucas in bia ang khawngaih in ? "

" kan in be reng lo em ni hei ? "

" Lucas i ngaih ang kha a ni....".... a sawi zawh hma chuan a kawr nghawng ah chuan ka tham a ka in sum thei lo..

" thih i duh loh chuan khawngah in ka mit hmuh ah hian rawn in lan lo zawk rawh "

" Lucas i hrethiam lo ani, Kei man Lydia hi ka hmangaih a, thilthleng kha ka thiam loh vek ani "


.... pawi ka ti ka insum zo tawh lo, Zonuna hmai chuan a hnek pawp a, ka bawh thlu a, min khawih let a tum lo bawk nen ka hnek pawp pawp a,


Anan leh Lawmsanga te chuan min rawn thelh hlauh a, min thelh lo se chuan ka thah theih mai ka ring a ni. Zonuna hmel ka en chuan thisen pawh a chhuak nual


A rawn tho chhuak a, a hmai leh hmui te chu a thi phung a, thinrim viau mah ila a chunga ka thil tih chu ka inthiam bik em em chiah lo, mahse ka thinrim na chu ka thunun thei tawh si lo a...


" Pawi ka ti takzet mahse Lucas kha zan kha thleng nawn leh pawh ni se ka tih nawn leh tho ka ring a ni "

,,,,ka kut ka hum ruh a, ka theihtawp chuan ka insum ve...


" Zonun ka mit hmuhah hian rawn in lan tawh suh, i chungah thil tha lo a thlen hma in "


Room chu ka chhuah san nghal a, mi an awm loh na ni a ka rin lam chu ka pan vat a.


Ka thinchhe lutuk hi insum har ka ti thin. Bang chu ka theih anga na chuan ka hnek pawp pawp a, engmah ka hre lo ka ngaihtuah hman lo..


Hnek leh ka tum chuan ka ban chu an rawn man a, Anan emaw Lawmsanga an nih ring chuan ka ban chu ka phih sawk a,


Ka tha ka lo hmang nasa nen min man bet tu chu ka pawt sawk a, chhuat ah chuan a tlu a kan en chuan Lawmsang emaw Anan an ni lo nasa, hmanhmawh tak chuan ka kaitho nghal vat a.......


....min melh raw pah chuan .." tinge i hmel hmuh hian buaina hi ka tawh ve ziah le ? " a la ti zawk mah a...


A te reuh sia, midang buaina ah hian a in rawlh ve peih reuh bawk nen buaina lian zawk a tawk ang tih a hlauhawm khawp mai....


" Leih ah khan zuanthlak i tum tak tak ka ring leh hnuhnawh " Ka hau chuan ka en a..


.....mawhh a chimawm reuh dawn hle mai. Ka hum bo tham lek a ni awm si hian a tawng duh ve phian sia..


ka nuih a ti za angreng viau lehnghal, ka hriat loh kar chuan amah chu ka lo en ang vung vung a...


'..tinge min zuanthlak pui i duh em ni ? ' ka ti a


,,,,,za lo zet chuan min nuih hu a,, a hmel lan dan atang chuan kei hi buaina ral lian tak ka nih rin melh hian min melh mai hian ka hria,


Ka kut chu a rawn na zawk, ka hriat loh chuan ka lo te deuh zeuh ni awm a ni, a hmel lan dan a rawn dang nghal a min ngaihtuah hmel zet chuan ka kut chu a rawn vuan nghal a..


Tii hian a hmelhriat tha pawh ni lo te a buaipui em em thei reng em niang ? Ka kut thi en pah chuan a mah chuan a phun char char a


" duhawm lutuk "


min rawn melh ha a, ka rilru ni lo in ka sawi chhuak tih ka hre chiah a rilru tih buai nan chuan anaahhh kan ti lui leh a...


A bag atang chuan bottle hi a rawn phawrh a, ka kut thi lai chu a leih ringawt a,


ka lo inring hman lo nen chuan ka then tlawk a, min rawn en chuan a nui vur vur a..


A rilru chuan nep min ti tih ka hre mai ka tum khum deuh bur a, damdawi nge ni enge pawh ka hriat loh chu a hnawh mawlh mawlh a...


" tiang te kha i keng vek zel tih na em ni ? "


....a hnawih zo a ka kut a dah sawn hnu chuan a ban pilh chu min hmuh a....


" lo in ngaihbel lo la, na ka neih ve tho vang chauh ania "


A sawi zawh chuan kal leh nghal a tum a, mahse a kut ah chuan man in ka pawt thu leh a,


A damdawi ken lai chu ka dil a, a kut na ah chuan ka hnawh sak ve a....


" ti khan i lak ah ba ka nei lo tihna " damdawi bur chu ka chhin a..

" ka lawm e " thil dang ka sawi belh leh hlau tih hriat tak chuan a kal nghal vat a , a kal liam thleng chuan ka melh zui vung vung a,


Ka dar ah Lawmsang an min rawn khawih hma kha chuan ka lo la en zui reng a...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:54 pm

FATED

CHAPTER 4


HRIATPUII


Min biak a, a bul ah a ai rei zawk ka awm leh ka hlauh avang chuan hmanhmawh tak chuan ka tlan ti tih a Ellie chuan min rawn pawt pawp a, thinrim zet a min melh kur chuan a tawng zawng chuan a then hraw a..


" khawi ah phiangsen chuan nge i lo kal bo hman a ? "

" khawiah mah "


Ninawm a star te hmuh pui tur a, min sawm reng hi chu ka hne lutuk. Siamtei a rawn thlen ve leh chiah bialpa nei em emi, a thiante pawh min hre chang zo tawh lo eng tik lai pawh Sangpuia Sangpuia a ti reng a, ka ning lutuk Msa chu awm se ka intithei ve ngawt ang...


" Zanin hian Sangpuia ten an chak lawm na an hmang dawn a, min kal pui ve ula " tap aw tuai chuan a ti

" In lawm tawh ani lawm ni ? " ka ti vat a..

" lawm lo, mawh night club ah ania,, plizz H,, Ellie min hmangaih khaaa... "

" kei chu ka hman nghal " Ellie chuan a rawn ti a, awle he nu a kal dawn chuan eng ang in duh lo pawh ni ila ka hnial thei dawn chuang lo, ka pawm ve mai a ngai..

"AWLE "


Kan pathum a kan chhuah dawn a ka thil peih loh ber Ellie thawmhnaw hak tur zawn pui, a nalh pawh ti in sawi ve mah ila a tawp ah ama duh zawng tho tho bak a thlang leh ngai chuang lo..


A thawmhnaw neih zawng zawng deuh thaw chu a phawrh a, a ha kual vek a nalh ka tih pawn ai hei chu a fual mah mah, hei chu a eng lutuk bababab a duh te bak a ha leh dawn chuang lo,


ka phone chu ka khawih san daih a, Msa msg a tam tawh khawp mai ka seen dawn chuang lo ka phone chu ka hmet thim a khum ah ka thehthla a, night club ah ka kal dawn tih hria se a teu leh teh ang chu..


Siamtei bialpa chuan min rawn hruai a, a car hnung ah chuan kan thu ve kur a, a hmuhzawh loh thlak theih ngei mai, Ellie nen chuan kan inmelh leh ringawt thin a.


A hmun kan thlen chuan rin ai daih in mi an tam in a bengchheng ka vawikhat kal na lo ni bawk nen nuam ka tih em em pawh ka hre hran lo, in tur leh ei tur chu lei tur a awm reng a, a then inhnaih tak tak a thu in a then an lam bawk a,


Tv vel a kan hmuh thin bar nen a danglam na vak pawh ka hre lo e.. Stage a awm a live in an zai reng bawk a Ellie chuan nuam a ti ngei mai a lam a, a au vak vak a tumah khak tu tur awm hek lo, Siamtei lah a duata nen an in kawp chawt bawk a, riang ta ber chu keimah ka nih hi....


Tunge pawh ka hriat ngai loh chu ka bulah rawn kal in, in tur ka duh ve leh ve loh thu min rawn zawt a, ka duh lo ka tih pawh chuan min ti buai lui tal a, ka ning khawp mai vin vak ka tum chiah tih chuan chu pa no ken lai chu a rawn phih thlak sak a, a leih a min ti phu chiang kher mai..


" NANG !!! " No keng chung chuan ka hmaah chuan Lucas chu a lo ding reng a, min rawn la melh kur zui a..

" Mah ni i in veng thei lo anih chuan, he tah enge i rawn tih, nangni ang awmna chi a ni lo "

" maw kei ni anng i tih chu ennge awmzia ? "

" Haw vat la i tan a that zawk ka ring, ka veng thei reng dawn lo che ania " ei lo zet chuan ka en ha ah


...a tawng dan vel chuan ka thin a tirim zawk hle a, tih elh ka chak lutuk chu beer no khat chu ka lam ve hmak a, ka thin chu a phu nasa kher mai vawikhat pawh ka la in ngai si lo a, ka ban a, ka kut te chu a khur der der hian ka hria, hmuhnawm tih hmel zet chuan min en reng a....


Msa aw ngei mai chuan " Lalhriatpui he tah enge i tih ? " thinrim aw tih hriat zet chuan a rawn tih chuan a ka hawi aa teh e,


Msa chu ka melh vat a, ani pawn ka thil dawm lai chu a melh ve nghal vat, a rang a rang chuan, Lucas lam ah ka nawr phei nghal a a hmel chu thinrim na hlir in a khat, a bul ah Sara a la awm ve zui...


" Ka u eng tin nge Hriatpuii nen hian in inhriat a ? " Sara chuan a rawn tih phei chuan Msa ka hmuh ai chuan ka meng phawk emaw tih mai tur a ni.

" Ka U ahhh! "


Thil dang pawh ka sawi belh hman lo, Msa chuan ka ban ah vuan in, min kai chhuak dawr dawr a, ka tang ve nasa khawp mai. Pawn ah mi awm loh na lai ah chuan min din pui a, thinrim mit meng rum tawk chuan ka melh char char a..


" Eng rilru pu in nge he tah hian i kal ? "

" ka kal chu enge mak vak a, in en ta che nang pawh khawiah nge ka hmuh che hi "

" Ngawi rawh mipa leh hmeichhia kan in ang lo "

" anih leh i bialnu ve kha ? "

" A u a zai dawn vang in ka kalpui mai chauh a ni "

"hhahh i bialnu chu i tan hle mai maw ? "

" Lalhriatpui "

"engnee,, ka ning eng tiang pawn awm ila enge i lo buai ka ning lutuk ka u pawh i ni mi ? bak ah i bialnu kha va ngaihsak rawh kei chuan ka mamawh lo che "

" Sara ka ngaihtuah vang em ni tiang hian i awm, then tur in min duh em ni, anih chuan ka then ang mahse khawngaih in ka thusawi hi hnial lo in ka va thlah che hi duh rawh "


ooppssy Sara a lo awm ve hlauh, buaina thuah thum chhawng, thinrim tak chuan keimah ni rawn kal pel chuan a kal nghal nal nal a..


" eng tin nge he buaina hi i chinfel dawn ? " ngeiawm zet chuan ka ti ve ngat a..

" ka va thlah ang che " hram hram chuan, ni e Msa hi ka duh ka pawm mahse tiang a, amah vang a mi huat nih hi ka thil chak zawng a ni hran lo

" Mawla i aa nge i ti lui zawk, eng tin nge Sara chungah tiang khan i tih theih i bialnu a ni lawm ni mawhh tlan la va thlem ngahl rawh. chuan min ngaihtuah lo la, Ellie nen kan haw dun thei kei chu ka tha "


Kal tur a, ka tur nasat em avang chuan a kal ve ta hram a, huiii step ah chuan ka thu tawp a, ka hriat loh kar chuan ka mittui chu ka biang ah a rawn luang lum hem hem a, eng tia awm tur nge pawh hi ka hre lo tun ah pawh a hma ang bawk in Msa chu Sara bul ah kal tur in ka ti lui leh tawh ti chung hian ka duh chu ka la ti ve sia.


Mipakhat nui ri ka hriat chuan ka ding nghal vat a, ri awm na lam chu ka en nghal a.. Ninawm he pa lah hi a lo inrawlh ve ziah theih lehnghal..


" I tap zo tawh mi ? " nui ti tih chuan a rawn ti a, ka melh nghal raw a..

" khawngaih in i kal bo thei em ? "

" duh lo ta ila eng tin nge i tih ang ? "

amah bawk chuan " Eng tin nge i duh tih a hriat loh theih zawk, mipa chu a ni ve tho sia, nge a ruk hian ka nau kawp reng chung hian a lo duh ve reng zawk che "

A awm ah chuan ka chum pawp a.. " Msa hi chutiang mi a ni lo tih hria ang che " ka ti vin thak a..

" tunge hria, mipa nep leh ler tak pawh a lo ni maithei a "


Ka thin a ti rim ta kher mai, a ti lui zawk nge ka ngei lutuk chu ka ke chuan pet ka tum a, ka chet hman hma chuan bang lam ah chuan min nawr bet a, keimah hnai te ah chuan min rawn en a, tal chhuah ka tum a


" min thlah nghal rawh "

" kut leh ke i thawh tawh lo ang tih min tiam phawt la "


Chutia in nam beh tir reng ai chuan a tha fe. aw ka ti nghal a, min thlah ve nghal bawk a..


min en pah chuan " tinge i duh thu i hrilh mai loh a ? "

" maw.. tinge i nau tan i duh lo ami, kal bo tir i va chak awm ve ? "

" lungngai suh kha ti lam kha chu ka buaina tur a ni lo "

" mi mak tak chu i nih hi "

" Ka nau bialpa kha a rawn kal leh hma in, ka va thlah ang che, anih loh chuan a bul atang in, in buai leh a ngai dawn ania "

"engvang in nge i thlah chu ka duh anga "

" a chhan chu i duh dawn avang in " tih pa in ka lu ah helmet chu min rawn khum tir a,


Ka thinrim hman lutuk vin ka tum chiah ti ah chuan Sara leh Msa te in hau chu ka va hmu a, ni e he tah ka awm min hmuh leh chuan Msa tan buaina dang ka siam sak a ni dawn sia, hreh viau mah ila, he mihring chimawm zet hi ka zui a ngai ta a ni..


A bike dahna chu kan thleng a, bike ah chuan chuang in, a ti nung nghal a ka chuang ve mai bawk a, a mah hlat thei ang ber chuan ka thu a..


A tlan mai dawn maw tih chuan a bike chu a ti thi leh phawt a, hnung lam chu a rawn hawi a.. " I tlak nat hun ah pawisa min chawi tir i tum ami ? " a rawn ti leh kher a..


Ninawm tawng dan tur te hi a hre si, ka thut that hma chu a bike start chu a tum si lo, ka tawlh tha a, amah si deuh thaw chuan ka thu a, a jacket chu ka pawt der der a, a tawp a tawp ah a tlan chhuak ve ta hram, chimawm lutuk hian a back thut chu ka in rin hman hma chuan ka lo kuah chu niin, a la nui ri hak zu..


A hnung a chum pawp chu ka van chak tak ka kut chu lak leh nghal ka tum a, ring deuh chuan "ka tlanchak dawn, min thlah chuan i tla a ni mai " tiin a rawn au vak a tianga chak in Msa'n a khalh ngai lo, ka tan tung a..


Hostel kan then chuan rang tak chuan ka chhuk nghal, a tlan chak lutuk chu ka lu a hai vek in ka hria, gate veng tu pawh chu a lo muthlu nasa mai a, ka lawm zia chu ka tlai chhan min zawt vak vak dawn loh phah a, a chang hi chuan Warden te aiin a ninawm zawk thin. Ka lawm e pawh tih tum lo chuan kal ka tum nghal a, min rawn au a

" Hriatpui " lai deuh tak chuan ka hming chu a rawn au a, ka hawi vat a..

" ENGE ??"

" Ka helmet kha min pek let i tum lo em ni ? "


uii tinge ka chet chhiat theih em em a, hahthlak lutuk, ka let a ka pe nghal a, min la nuih char char zui..

" ka lut dawn " ka ti fiah kalh a..

" Awlee,, muttui le "


Kan room ah ka luh chuan Ellie leh Siamtei te ka theihnghilh tih ka hrechhuak zawk engmah ka haw dwn tih pawh ka la hrilh lo leh nghal, Siamtei chu engpawh lo ni ta se Ellie ber kha, ka call nghal a, mahse ka awm lo tih pawh an lo hre chang lo chu ni in, imm engkim a tha vek e ka mu thei, thil hahthlak tak zawng chu ni lo mahse a ninawm lutuk kha min ti chau vek thei..

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:54 pm

FATED

CHAPTER 5


LUCAS


Ka bike side glass atang chuan ka en zui vung vung a, club ka va then chuan a hma ain an lo tam leh tawh zawk emaw tih tur a ni, kawngka bul ah pawh chuan an lo in hnawh tun tawh a. A chhung ah ka luh chuan Lydia chu a lo ding a. Hre lo ang chuan kal pelh ka tum a mahse ka ban ah chuan min lo pawt ding a...


" Min hriat loh der i tum tawh tih min hrilh miah suh " ka ban ah la vuan reng chung chuan a ti a..

Ka ban a vuan na, lak sawn sak chung chuan.. " Nang nen hian sawi dun tur engmah kan nei lo "

" Tunge i bike a i phur kha, hmeichhe dang i hmu nghal der tihna em ni ? "

" pawi ka ti buaina tur a awm lo "

" Lucas ka in sawifiah thei Zonuna nen kan inkarah engmah a awm lo ka tiam a che, tianga awm hi duhtawk tawh ang aw "


A thusawi hre lo ang mai chuan ka kal san a, awmzia a awm tawh lo engti kawng mah in ka inkar hi a tha leh taktak tawh dawn chuang lo he tia kan inthen hi kan pahnih tan a tha zawk..


Ka band member te chuan ban min rawn vai lauh lauh a, an lam pan chuan ka tlan phei vat a kan zai hun a ni tep tawh bawk nen ka in puahchah ve nghal a.


Zai tur in stage ah chuan kan lawn a, Lydia chu a din na ngaiah a lo la ding reng a chiang tak chuan min rawn melh kur a,,


Performence kan neih apiang in ka hruai ziah thin a, a din na ah chuan ding in in tithei tak in min rawn en thin kha a ni a, mahse tun ah chuan a dan a dang a deuh..


Kan perform zawh chuan thla min lakpui nuai hlawm a, a ngaite in ei tur ka dawng leh ta teuh lak duh loh pawn midang kal tlang emaw in an rawn la ti hram zel ..


Bag ah chuan ka dah khat leh hnung a, Anan chuan Ka dar ah rawn kuah pah chuan, Lydia nen kan tha tawh emaw ti chuan min rawn zawt a,


teuhlo tih bak in ka chhang lo, Hector leh Lawmsanga bul a chuan ka kal san daih a, anih loh chuan thil dang pawh min zawt leh teuh mai ang....


Practice room ah chuan guitar perh chuan ka thu kawi a, ka zai tui lai lai chuan kawngka chu a rawn in hawng dek dek a thil min pek tum an ni leh ang tih ka hlau khawp. Tun ami pawh hi eng tin nge ka tihral ang tih buai in ania ka la buai ni...


Mahse lo lut chuan, chung ho ai in min ti phu a mak ka ti zawk mah.. enge i rawn tih dawn ka lo ti ha ah..


" I music ri kha ka hria a, pawi ka ti lutuk, ka ti buai che em ni ? Ka kal leh ngal mai ang "

" Ngai lo rawn thu rawh "


Ka lam pan chuan a rawn kal a, ka bul hnai ah chuan a rawn thu a amah en pah chuan ka guiatar chu ka perh chunzawm a.. Ka zawh chuan


" Music ah i tui ve em ni ? "

" A ngaihna ka hre lo, mahse a nalh ka ti "


Guitar chu ka pe a perh tur chuan ka ti a, a han perh ve ngei a thusawi awmzia ka hrethiam chiah a thiam lo tih piah lam a ni ka pawm,


Amah en chuan ka nui khur char char a thinrim tawk a min rawn melh pah chuan Guitar chu ka mal chung ah a rawn nghat chawrh a...


" Sawi daih ila , i guitar kha tinge min pek a nalh in a la tha bawk sia ? "

" khatiang min zawh dawn chuan i kal thei ang "

" Ka ti tak tak ania, ka hralh tak tak dawn ania "

" Ka bialnu hlui min pek anih kha ama designe ngei ka tan liau liau "

" Ka pe let leh nghal ang che " rang zet chuan a ti nghal a, a la inthiam loh hmel em em mai lehnghal..

" .. ka mamawh tawh lo.. "

" I tan a hlut em chu "

" Ka thianpa nen min kawp a "


A hmel chu ka en reng a ka thusawi a hriat rual rual chuan a hmel rawn danglam nghal vek chu a hmuhnawm lutuk, a inthiam loh hmel in min lo zawt ta kher kher kha pawi a tih hmel khawp mai..


Amah en chuan ka nui leh vur vur a chhan pawh ka hre lo a bul a ka awm hian Lydia vanga ka nat na pawh ka hre lo tep hial thin, kha guitar a rawn sawi chhuah leh thin hma kha chuan..


" ...i inthiam loh viau chuan min date thei reng alawm, ka makpa tur pawh khan a thik phah maithei asin .."

"..makpa ah,,hhhh kha tawngkam kha i hmang lo thei hram em chuan ka kal mai ang..."

In date ang ka tih chu a engah mah a thleng pha lo Msa makpa ti a ka sawi chauh chu a hre hlur chuah hahaa hmeichhe dangdai tak a ni..


Kawl a phe deuh zawr zawr a thli thaw vuk vuk ri pawh chu a ring tawh kher mai Hriatpuii chhuah tum ve leh chuan tukverh chu a rawn inchhem hawng a,


Khawpui ring tak a rik dum dum pah chuan thli chuan tukverh inhawng atang chuan ruah chu a rawn chhem lut a, Hriatpuii hlau ni awm tak a, a thut zawk ka hmuh rual chuan current chu a rawn thim nghal a..


Tukverh inhawng pawh khar nachang hre tawh lo in Hriatpuii bul ah chuan ka tlan nghal a, a beng a kut pahnih a hup chuan a lo thu a,


Thil dang pawh hre chang tawh lo chuan ka kuah ringawt a nget tak chuan min rawn kuah let nghal a, a taksa in min rawn sik zawng chuan a sa vek tih ka hre thei khawsik sang tak nei ang mai hi a ni, a lu te chu a thlan nghal vek a, ka biak pawh in min chhang lo hrim hrim a...


A awm dan chu a mak in min ti hlauthawng khawp mai darkar chanve vel dawn chu tiang chuan kan awm tawh a, chet pawh a rawn che sawn eih lo...


Hriatpuii chu ka khuah reng a Kawngka chu a rawn inhawng thuai a Msa a rawn lut a, hmanhmawh tak chuan kan lam pan chuan a rawn tlan phei nghal a.


Engmah pawh sawi chuang lo chuan Hriatpuii chu ka kuah na tang chuan a rawn pawm sawn in, ka awm ve tih hmu ang pawn a lang lo..


Hriatpuii chu a pawm kang lawp a, a tlan chhuah pui nghal a. A bag leh phone te a ken loh avang chuan keng chuan ka zui ve nghal ringawt a..


Kan college damdawiin ah a tlan luh pui a doctor chuan a lo en nghal vat a, a awm thut dan chu ka tan chuan a mak in a nih tehthut avang chuan mi in mak ti hmel an pu lo chu mak ka ti letling zawk a..


Msa chu ka bulah rawn kal chuan Hriatpuii bag chu ka ken lai chu min rawn lak sak tawp a, kal leh nghal a tum a thil awm dan chu ka lo zawt vat a, ' a tlai tawh haw rawh tih ringawt chuan min chhang a huiz tiang hi chuan ka nau tan ka pawm thei dawn ami ?


Ka van haw awm bik lo darkar 1-2 vel dawn kan awm hnu chuan a rawn harh avang chuan kan tlanlut vat a, a mitmen dan leh hawiher ka en chuan dam lo hmel engmah ka hmu lo a ti lui emaw tih theih hial a ni ang.


Msa chuan ngaihtuah tih hriat zet in Hriatpuii chu a be luam luam a, mahse Hriatpuii chuan a awm ve tih hre lo ang hmak chuan a awm a keimah zawk chu chhan awm mang lo chuan min rawn be zel a...


" In Dorm ah ka va thlah ang che " Msa chuan a ti a..

Msa thusawi hre lo ang hmak a min rawn melh pah chuan " Lucas min thlah thei a ngem ?" a ti vat a..

" Tehreng mai " ka zawh na pawh min chhang duh hleinem that ka chhuah bik awm lo..


Ngawi reng chuan kan kal char char a min biak pawh a tum lo ka tum bik bawk hek lo, mahse min rawn kal pel in ka hma ah chuan a rawn ding hlawl a...


" ka lawm e ti lai thleng hi min thlah mai rawh " tih te chu a rawn sawi a...

" hahh "

" ka tha tawh keimah in ka haw thei "

" i thianpa thik atan min hmang tih na em ni ? "

" thik tih chuan, a dik chiah ka ring lo bak ah a thik na chhan tur che ka hre lo "

" kei pawn dorm thleng thlah che ka duh tlat alawm pawi ka ti "


A thianpa thik atan min hmang a, min mamawh loh ve leh engmah sawi lo in ka kal mai mai bik awm lo


Ka thlah hnu chuan practice room ah ka let leh a ka guitar chu Lydia chuan a lo khawih a, ka hmuh rual chuan ka tlan phei a ka pawh thlak sak nghal a ka hma ah eng vang in nge a rawn in lan ziah hi hriatthiam pawh ka duh lo...


" Min runluih hi nuam i ti viau em ni ? "

" Lucas chutiang a ni lo, tinge min hriatthiam duh miah loh ? Ka hmangaih takzet che asin " ka ban ah vuan chuang a, a rawn tih chuan eng ang pawn min thlem let theih tawh hi ka ring lo..

" Ka chung ah i tih ang hian Zonuna chung ah ti ve lo hram ang che, chuan min kalsan theih chuan ka lawm khawp ang "


A ze ngai te bawk, hmeichhe dang ka kal pui emaw ka biak a hmuh tawh chuan tunge tih hriat a tum a, a thikthu hi chhe ve thei tak a ni..


Tun ah pawh Hriatpuii nen kan awm dun lai a lo hmu nge min zawt leh tawh hi, a zia hi chu a thlah ve thei dawn lo niin a lang...


" Tu pawh kal pui ila Lydia i buaipui tur a awm tawh lo aw, ka nun ania nang nen in zawm na engmah a nei lo "

" Tu pawh ni se, hlim tak chuan in awm bik lo ang, E Lucas i mize dik tak hi kha nu khan a hria em ni ? I mize diktak hi hre ta se keiman ka dawh theih ang hian a dawh thei ve dawn em ni ?

" Lydia i inrawlh na tur a awm lo "

Ka sawi zawh chuan thinrim tak chuan a chhuak tau ta hna hna a, en pawh ka en zui lem lo...


HRIATPUII


Arts room a ka kal chu a lo reh hle a, tap ri ka hriat avang chuan a ri lam pan chuan ka kal nghal a, kan arts club vice president Lydia chu a hnung ber ah chuan bang ngheng a thu chuan a lo tap a..

" Senior i tha em ?" min ti hlauthawng takzet a ni. Min rawn hmuh chuan a zah hmel hle a ka lo va be ta kher kher chu ka inchhiar lek lek zawk a ni

Cafe ah chuan kan kal dun a intur kan chah a, nghah pah chuan kan thu dun a..

" Pawi ka ti lutuk Hriatpuii ka ti hlauthawng viau ang che tiraw ? " a hmel ah chuan nuam lo a ti takzet tih ka hmu thei..

" aii ka thiam loh zawk alawm ka lo tibuai che a, pawi ka ti takzet zawk ani Senior "

.. a tap pawh chu a reh tawh a, a mit chu la bui deuh mahse a rawn nui ve thei tawh a, chu pawh chuan min ti thawveng takzet a ni.. lai tak a nui heu chuan " Senior tih ai chuan Lydia tih tal in min ko la ka duh zawk daih "

Tim deuh chuan a hming chuan kan ko chhin vel a, kan nui dun leh ang hnuhnawh a, a bul a awm a nuam in a tha takzet a ni hun rei tawh tak ata a fan ka ni tawh tlat...

" Hriatpui vawiin a i thil hmuh hi min zep pui thei ang tiraw ? hah vice ber room ah a tap tih midang in an hriat chuan a nuam chiah dawn lo a "

Ka hmu chu kan zip der vel a " eng mah hmuh ka nei hlei nem " min rawn nuih let var var a...


Kan coffee chah a rawn thleng a tui ti tak a kan in hnu chuan arts club room lam pan chuan kan inzui let leh a, midang pawh an lo awm nual tawh a...

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:54 pm

FATED

CHAPTER 6


Room atanga ka chhuah chuan, pawn ah chuan Msa chu a lo ding leh kur tawh amah hmu lo ang a kal pel chu ka tum mahse ka bag ah chuan man in a lam ah chuan min pawt let dawr a. Ninawm ka hmuh peih loh tehreng nen rawn in lan reng mai..



" enge i an zawt tur che pawn ka phone call i la duh lo a, enge i harsatna Sara vang a tianga i awm anih chuan kan inkar a tha vek tawh "

" a lawmawm anih chu, chuan hei ka tha tih i hmu a, a tawk mai lo mi ? "

" Lalhriatpui " a aw fiah tak a a tih chuan ka ding ngil nghal zawt a....

" i awm dan hi thlak rawh, Sara nen ka inkar ah thil tha lo engmah a thleng lo a chuvang chuan duhtawk rawh... "

....thawk kan la halh a, Msa chu ka melh a " Ms Sara nen in inkar a that leh that loh lam a ni lo, kan awm dan hi a dik lo alawm "

" eng chu maw dik lo "



Ring tak a, thian ang chauh hian ka en ve lo che tih mai chu ka van chak tak, mahse kan inkar tun ai hian a chhiat leh zual ka duh loh avang chauh chuan ka insum hram hram a ni tinge min awm tir mai mai theih loh tih hi ka hrethiam thei hlawl lo a ni, ka bag min lak sak chu ka pawh thlak sak a, ka ak leh nghal a..



".... kal rawh Sara in a lo nghak ang che, vawin hi in Anniversary anih kha ..." ka tih chuan a hmel ah chuan mak tih na ka hmu..



A theihnghil tih ka hrethiam mai huiizz he pa hi eng tia tih chi nge niang le, a chang hi chuan min duh ve tak tak zawk ni te hian ka hre lo chauh thin...



" kha chu a hmanhmawh thlak loh, kan buaina hi ching fel phawt ang "

" eng buai na, ka nau hreawm taka awm tir i tum tih min hrilh hlek suh " kan hnung atang chuan Lucas chuan a rawn ti thum dat a..

" kal rawh Ms ka ti tak tak, i phone call ka chhang tawh ang " chutia ka tih tak a chuan a kal ve duh ta hram a..



Lucas chu ka melh nghal a. " eng " ka ti rum nghat ringawt a



" Msa ka nih ve loh hi, min hai em lo ang chu " za lo zet a nui chung chuan a ti a...


..A hma bag min pek thin ang bawk in ei tur khat tan chuan min pe leh a, a ei tur dawng thei hi a inchhung viau mawle,, a hma min pek pawh ka la ei zo lo ania....



" enge tiang hi min pek ve ziah a, ka ei vek thei bik hlei nemm "

" tham na anih kha "

" enge awmzia ? "

" Zanin ah night club ah min kal pui dawn avang in "

" maw !! "

" kan perform dawn a, kan band mahse i hriat kha ka bialnu ka then zo chiah sia kal pui tur ka nei lo lawmman kan dawn phei chuan ka mamawh lutuk dawn che "



Chhang mai lo chuan ka then nawng a, ka lu awm na zawn ah chuan a rawn kun hniam a, ka lo tawlh sawn leh nghal dawr a, tiang hian a ti ve ziah mi a ti phu nasa thei lutuk...



" Ka thei lo ang "

" Awle, ka nau bialpa i duh tih hi keimah chauh in ka hria em ni " uii a lu ah chuan khawn fawk ka van chak tak, a duh na ah hi chuan a van sual thiam thei tak....



Lucas chuan a bike chuan min rawn hruai a, a hma a kan kal na night club bawk kha a ni a kan luh chuan dawhkan pakhat ah hian min hruai a, hmeichhia pakhat sam sen leh pawl a in pawlh leh mipa pathum hi an lo thu a.



..an zing a pakaht chu Mizo ve tho a nia an bul ah chuan Lucas chuan min thut pui a, an hmeichhia ber phei chuan min en duh lutuk a dah pawh ka dak chhuak tha ngam lo, ka thaw leh hal ringawt zel a,



An zing a pakhat Hector a tiin ka hria Indian leh British thlahpawlh kha awm lo phei se chuan a nuam lo ngawt a, Lucas ai pawn min be peih zawk ka vawi khat hmuh na mah ni se a nelawm in a bul a awm a nuam takzet a ni...



Lucas te chu Stage ah chuan an zai a, ka rin ai daih chuan an thiam in an music pawh ngaihthlak a nuam a, an perform zawh ve leh chuan Hector chuan min rawn pan nghal a, ka thiam ang tawk chuan ka lo fak ve luam a.



A mitmeng a fiah in thlahpawlh a nih vang nge a hmeltha takzet in ka hria... Jenna chuan beer min rawn pek luih tal a tum avang chuan Hector chuan a lo khak vat a,



Lucas chu a fan ten thla an la lak pui nasa avang chuan a rawn la kal ve hman lo a..



Hector bul ah chuan Lucas chungchang chu ka zawt a, eng vak mah chu min hrilh lo na in a sawi chhun ah chuan hnaih vak lo mah ila pawi a th hmel loh viau a ka hriat tlat chu.



Lucas chu ka duh leh duh loh min zawt fiam chuan chhan mai ngaihna ka hre lo hle mai, bak ah Lucas chu kan bul ah a rawn ding ve nghal bawk nen chhan na hun a awm tawh lo..



" Hector chu i ngaina hle ni maw "

" Nang ai ngawt chuan a nelawm deuh alawm "

" haw i duh tawh em ? ka va thlah ang che zan rei ah hi chuan i awm duh na chi anih ka ring lo " ner na na chuan a ti a, a beer in lai chu a tlak pap a...

" Nuam ka ti maithei asin i hria ami ? "

" Ms an min rek palh ang "



...Engvanga kha hmun a min hruai kha nge anih ka hrthiam lo, a thian te bul ah ka thu a ka tawng ve ringawt kha ani sia..




Khum ah chuan ka mu a, Lucas chu misual tak a ni lo tih chu ka chiang a, amah chu hriat chian ka chak takzet Sara zawh ngam chi lah a ni der si lo Msa ka zawt tawp dawn em ni hah min hrawk leh vak ang a...



Lydia nen chuan Arts club ah chuah lo pawh kan inkawm ve ta zeuh zeuh a, a nelawm em em bawk a ka thian te pawh a milh ve vek thei zel a tupawh chuan an ngaina deuh vek emaw tih mai tur a ni..



Mahse Ellie chuan a thik ve deuh thin a, Siamtei chuan a bialpa date na ah a buai em avang chuan min ngaihsak ve hman meuh lo nen a ning thei lutuk a Ellile tan hian ngaihzawng tha tawk zawn sak a ngai a ni..



Kan College Cafeteria ah thil ei tur a ka kal chu Hector ka tawk a, min hmu chu a hlim hmel khawp, a bul a awm a la nuam in a la tawng duh barh barh khawp mai mizo tawng a thiam ve loh avang in english hian kan in be ber a,



..min biak pah a ka mit ah min melh kur hi chuan zam rum rum a awl ve duh lutuk duhthusam in a mingmeng hi a mawi, kal pah chuan kan titi dun char char a, eng ber nge kan sawi pawh ka hre tawh lo e ah..



Lucas a rawn lang leh hlawl tawh Hector nen kan inkar ah chuan a rawn ding deuh hmak a Hector chuan mizo tawng a thiam ve loh tih a hrechiang bawk a, a awm lai a sawisel pawh a hre lo khawp mai..



" He pa bul ah hian enge i tih ve ziah a ? "

" Enge nangmah vang a hria tho alawm ka nih, enge i lo buai viau a ? "

" Hnamdang ho hi an tha lo hnaih vak suh "



A sawi zawh rual rual chuan ka nui tawp a, Hector tan chuan a nuam dawn lo a ka hriat vang chuan ka be leh nghal vat a, Hector ai chuan amah hi a hlauhawm fe zawk.



Kan thutna ah chuan Msa leh Sara chu an rawn thu ve hlawl a, ka hma ah tak an la thu leh nghal a Sara nen chuan kan inmelh leh zeuh thin a sawi tur a vang duh khawp mai. Ka thil ei pawh chu ka lem nge lem lo pawh ka hre lo e Sara min lo melh leh kur thin nen ka hak lo chauh..



...kei mah min melh ran pah in Sara chuan "... Hriatpui naktuk atang in Msa bul ah insawn ka tum a...." ka thil ei lai chu ka hak chiang kher mai ka khuh nghal bawrh bawrh a....



Msa leh Lucas chuan tui no chu min rawn pek an tum nghal a, Lucas a tui zawk chu ka la a, ka in nghal khawlh khawlh a, Lucas chuan ka hnung ah chum in min buaipui nghal a..



" Tinge chu chu ka hriat ve loh Sara ?" Msa chuan a ti fiah khalh a..

" enge pawi kum 1 chuang kan in zui tawh a, thil mak pawh a ni hlei nem, bak ah i rem tih na ka zawt lo che " Sara chuan a ti ve fak a...

" Msa'n rem a ti emaw ti lo pawh ni se keiman rem ka ti lo, i u ka nihna ang in ka thu i hnial loh hram ka beisei "

" I lo inrawlh na tur a awm lo, i bialnu kha buaipui la a tawk "



Msa mak ti hmel lutuk chu a ngaih sual ka hlauh em avang chuan rang tak chuan a bialnu ka ni lo ka ti nghal vat a min en tha hlawm a..



" ka sawi awmzia chu Lucas nen hian in kungkaihna pakhatmah kan nei lo" ka ti zawi leh raih a, thlawh bo daih chu ka van chak tak...



Lucas chuan ka ban ah chuan vuan in min pawt kal dawr dawr a, tinge an rilru a awm ang ang hian an chet chhuah tawp tawp thin le Hector a awm ve tih pawh a hre tawh lo, kan kal san vang vang ringawt..



" min thlah rawh, ana ania "

" hhuizz i aa mi, i duh tih Msa khan hria se i ti mi ? "

" engvang in nge a hriat ngawt anga nang leh i unaunu khan in hrilh anih loh chuan "

" Kha pa khan a duh ve che anih ngat loh chuan a hrethiam ang "

" maw !! "



Khua a rawn dur a, ruah sur tur ang chuan a awm a, tlan luh nghal ka tum a, mahse Lucas chuan min man bet a..



" min thlah rawh Lucas, inchhungah ka luh a ngai "

" tinge ruah sur i hlau leh tawh em ni, fur lai ania ruah te chu a sur ve bawk ang chu "

" min thlah rawh ka tih chu, i hrethiam ve lo ang " ka thinrim lutuk chu ka tap lo chauh, a ban chu ka seh pawp a, min thlah duh chuang lo...

" I aa mi Lucas engvang in nge tiang hian i awm a ? "



A ma awm na ah chuan min pawt let pawp a, a awm ah chuan min kuah bet a, ka tha te chu a khur thei in ka hria tal chhuah ka la tum tang tang a, kan in len hleih si a, min man hneh thlawt a ni..



"..... ka mit ah hian en rawh, ka mit ah min en rawh ka tih chu ......."


A mit ah chuan ka en a, a sang si ka dak chiang hle mai, a rawn nui sak a..


" ruah sur hi i hlauh em em chhan ka hre lo a, tun ah hian enge ka tih pawh ka hre hek lo mahse i tuar chhuak thei i tlan chhiat san reng khan awm zia a neih ka ring lo, chuvang chuan i hmachhawn thei tih hre rawh "



Ka chung ah chuan enge thleng ka hre lo, chupa mit ka en chu ka melh sawn thei lo, ka khawng vek ni mai hian ka hria ruah in ka ban leh lu ah a rawn far chu ka hre ngei mai mahse eng tin mah ka awm lo..



" i taksa ni lo in i rilru a ni, engmah hlauh tur a awm lo, i bul ah he tah ka awm reng nangmah chauh in i awm lo " a thusawi chu ka beng ah a vir mup mup ang hian ka awm.. ",,,, ka tiam a che eng tin mah i awm lo ang "




Vawt ka ti chu ka mur sung sung a, ka khur tan a. Min kuah na chu thlah in, a jacket hak lai chu phelh in min khuh a,



Msa chu ka lam pan a rawn tlan in a hul lam ah chuan min kai phei nghal a, ka biang ah a kut pahnih a dawm chuan ka khawsik leh sik loh a en nghal a, a hmel ah chuan a hlauhthawn zia ka hria,



Lucas a jacket huh chu peih thla in ama jacket chu min sin tir nghal a. Sara bul ah chuan damdawin ah min hruai nghal tur in a ti a.. Msa chu ruah sur kar ah chuan chhuak leh in Lucas chu a pan hnai a, a hmai ah a hnek pawp a, ka tho nghal a..



" mipa buaina a ni tawh, i kal leh anih chuan ka ngaidam lo ang che " Sara chuan a ti fiah kalh a..


Lucas chuan khawih let pawh a tum lo, Msa chuan a hnek pawp pawp bik hian ka hria, khawih tawh lo se ka ti kher mai....

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)