Lingering Memories BY Rodingliani Vanchhawng (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Lingering Memories BY Rodingliani Vanchhawng (Completed)

Unread post by Ngaia » November 8th, 2020, 1:54 pm

m46cry0m.jpg
m46cry0m.jpg (38.81 KiB) Viewed 14898 times
Lingering Memories


Chapter 1


An mahni pov ang chi khan ka ziak lo aw..



Nula hmeltha leh harhvang zek zawk, hlim thei tak leh leili tha zet mai Dingpuii chu class kal tur a in siam in darthlalang hma ah chuan a sam dum tle siau chu a khuih dalh dalh a. A naupan tet atang amah lo enkawl seilian tu a Putea nupui a Pitei chuan a rawn au a.






"Dingpui, hei i thiannu Siamtei a lo thleng a nia. Hmanhmawh ve deuh la..."

"Awle, Pite.." tiin a sam chu sang tak ah a tawn vah a.





Pheikhai zang vah hian a mut pindan atang chuan chhuak in amah lo nghak reng tu Siamtei chu a nuih sak a, "Ka hman e--kal ila." tiin a pi chu ban vai khum zauh in, "Pite, ka kal a nia... bye"

" Bye bye ule"





Kal pah in phur zet hian Siamtei chuan a dar a rawn kuah a, "Enteh,naktuk hian Makima a rawn thleng dawn a,airport ah min zuk hmuah pui ang che aw." a ti sarh sarh a.


"Wow...! I ti tak tak maw?! Nuam i va ti awm vel chiang! I lungleng pawh hnem i ngaih tawh dawn loh chu." tiin a nui ar ar a.


"Dik reng,sipai ngaihzawng neih chu lung a leng duh em a lawm. Kum khat ah vawi khat bak kan in hmu thei silo a. Khua hmun loh di neih chu tawrhchhel a ngai tiah tiah em mai." Siamtei chuan a ti nang nang a.





An thiannu Amy chuan a rawn um phak a, " Hey,sipai bawk a niang maw in sawi leh tak. Siamtei hmel hmuh leh sipai..." tiin a rawn nui vei ham ham a.


Dingpuii chuan a dar a lo san ak a, " Kei chu sipai hi an sexy ka ti." a tih chuan a thiante chu an lo nui dun hawk hawk a.

"Ani a lawm. Uniform ha hian ka mit an la zar a,min hip tlat pek thin a...uniform ha mipa hi an lang sexy tlat." alo tih zam zat a.






Amy chuan traffic police upa lam leh dul kiar zet chu kawk in, "Anih saw uniform ha saw sexy i ti em? A hip che em?" a ti a. An in melh hrek hrek a,chutah za em em hian an nui ta hawk hawk hlawm a.





Traffic duty lah chuan mit ala rawn siai suk zui a,an ni lah an nui uar sauh a.






"E tak a,Dingpui,hman ni i driving license dil kha i hmu ta em? Motor pawh nei hlei lo in driving license te i dil a,eng a tan nge maw i tih ka ti ani." Amy chuan a ti a.


A nui hak a, " Nimin piah khan ka va la chhuak tawh a lawm. Driving license han nei phawt ila motor neih thut te pawh a awm mai thei a sin. Tak tak ana ka pute Driving School a thawk ka chhawr ve theih na awm chhun ania. Hun awl hnawh khat nan ka zir ve mai mai mawle." a ti a.






"Driving license nei zawng zawng in motor an nei vek kher hlei nem" Siamtei chuan a lo ti hlak a. " Ding,naktuk chu min kal pui ngei ngei ang che aw." a tih zawm zat a.

"Ka kal pui loh che chuan thla khat dawn min be duh lo leh anga... ka kal pui lo ngam lo che." Dingpuii chu a nui ar ar a.

"Khawi ah maw?"

"Ahh...Siamtei sipai a rawn haw dawn a kan hmuak dawn anih chu. Par thi awrh tir tur te hi siam a ngai ang em aw ka ti deuh a..."







Siamtei chu a nui awr awr a, " Laldingpuii em em hi ah. Parthi em em te chu a ngai teuh lo mai aw" alo ti a.

Amy chu a ner deuh sawk a, "Hmmph.. min sawm ve lo maw?" alo ti deuh hmak a.

"Sipai i ngaih nep em kha.. i hmuak ve duh dawn em ni?" Dingpuii chuan alo ti zauh a.





Collage an thlen tak ah chuan thian dang ten an rawn fin ta bawk a ti ti dang vawrh in thu dang an sawi ta zawk a.



XXXXxxxxXXXX



An chhungte hmuak a awm mi tam tak kar ah chuan Dingpuii te thian dun pawh nghakhlel tak in thlawhna lo tum hun nghak in airport ah chuan an awm ve ran a.





Dingpuii chuan a thi awrh lai nalh zet chu hum in a khalh kual neuh neuh reng a. A che zia lo en reng tu Siamtei chu a nui ta hak a.

A ni chuan, " Eng nge nuihzatthlak?" alo ti ha a.

" Keimah ai mah in Makima lo thleng tur hi i nghakhlel in ka hria."

"Ka nghakhlel nilo in ka nghak ning tawh tihna anih hi."

"Anih ka ring ani. I rilru ah thil eng emaw ngaihtuah i neih hi chuan kha i thi awrh lai kha i khalh nasa thei lutuk a. I thi awrh lai kha ka ni ang tih ka hlau." tiin Siamtei chu a then sak a.






A thi awrh lai chu lek kang chho in a hmui chuan a tawk zauh a, " Ka naupan lai hun hlimawm tak min hriat reng tir tu leh ka thil neih hlu ber ani a lawm"

"Thawnthu ngaihnawm tak a pai tel ngei ang..."

"Teh reng mai."






Thlawhna a rawn thlen tak ah chuan nghakhlel tak a lo nghaktu ho chu an phusa deuh dual hi ani ber a. Siamtei chu a thaw halh a,





" Ka mihring ngaih em em chu tun atang a reilote ah ka hmu tawh dawn chu ani si a. Ka mumang ani em min han sik chhin teh,Dingpui." phur leh helhhawlh zet chuan a ti a.




Dingpuii lah chuan rang zet hian na zet hian a biang alo piai sak vawt a, a te thawt a. " A na! Kha ti em em a na kha chuan min piai lo la." a ti zui nang nang a.

"Na i hria...i mumang a ni lo e!"
"Saw... alo thleng e." tiin Siamtei chu a au raih a.





An lam pan a Makima lo kal tawk tur chuan a bul a thiannu awm ve pawh chu hre chang lo lek in naupang thil thar nei phur lu tuk ang mai hian a tlan nghal a.






Dingpuii chu a thaw hawk a " Aw Lalpa!" tiin a rum hak a.





Thawklehkhat a a lungphu lo rang thut ti ziaawm tur chuan a awm chu a dawm vang vang a. Makima bul a kal sipai kawr rang ha bawp sei thlerh thlawrh leh hang lam pang hmeltha paa lutuk chu thaw tha thei lo lek hian a thlir ta vawng vawng a.





Chu pa chu a hmeltha in a pa hliah hliah a, commando uniform rang a hak chu a in hmeh in a changtupa hmel hliah hliah hian a hria a.






"Mipa ka duhthusam ka lo suangtuah thin chu a mah ah sawn a kim vek ani." ti rilru neuh neuh in a hriat loh kar chuan a thi awrh lai chu a lo khal leh neuh neuh tawh a.





MAkima chuan nui sang hian, "Dingpui, i lo kal ve thei chu ka lawm hle mai." tiin a rawn chibai a. " Hei hi ka thian pa Captain Hunter-a a nia."






Captain Hunter-a chu a nui sak a. A nuih zawng chuan a biangsum a la khuar kalh zui. Dingpuii chu a thaw hawk a, nula lu zo veh vawh leh zaklo thei tak anih zia chu rawn lang chhuak in a nui ta var var a.






" Salute, Captain!" tiin chu sipai hmeltha paa lutuk hma ah chuan a in khengkhawng zauh a. He pa hi ka duh. Eng ti kawng zawng pawn a nei tur ani tiin a in fuih ru sauh sauh a.

" Ka hmelhriat thei che hi ka lawm hle mai, Captain."

"Angel te hi van ah chauh an awm thin emaw ka ti a, lei ah pawh an lo awm ve reng ani maw..." a biangsum khuar kak lang a nuih pah in Hunter-a chuan chibai tur in a kut chu a rawn phar chuak a.






Dingpuii biang chu a sa hat hat a, zak tih hriat tak chuan lai zet hian a nui tawi tak a. "Ti em em kha chuan min fak over suh... a nuam viau lo"






"Hriat chian leh zual che ka duh.... i phal chuan..."

"Yes sir, Captain!"





Siamtei te bathlar thutthleng ah chuan Hunter-a leh Makima chu an thu a. Siamtei chu thingpui no chawi in a rawn chhuak a, "Kha in rawh u, Mizo thingpui pawh in in khat em kha." tiin an bulah chuan thut hmun a rem ve nghal a.






Hunter-a chuan, " Dingpuii kha leng tur in sawm ve rawh." thingpui lem khalh pah chuan a ti nghal tawng a.

"Zan lamah chuan a chhuak thei lo ang. A pi puan thui a pui thin a. A in la buai ve thei teh mai a nia"

" Ka hmeichhe duh zawng tak ani. A chanchin min lo hrilh vek teh. Ngaihzawng a nei em?"






Siamtei chuan, " Ngaihzawng a nei lo. A mitmeng leh a melh dan che kha i hmu lo em ni? A mipa duh zawng i nih zia chu a hriatchian em kha. A number ka pe ang che nga i be dawn nia." tiin number chu an in pe nghal a.




"Naupang te anih lai in a nu leh pa in an boral san a. A nu unaupa a patea te nupa fa nei thei lo an awm a,an ni chuan fa anga la in an enkawl ta. Duat pawh an duat lutuk,a putea zu heh leh card khelh hrat hi an buaina lian ber ani a. An khawsak pawh a harsa ve ang reng." tiin Dingpuii chanchin tlangpui chu a hrilh zar zar a.






"Min duh ve in i ring em? A hmeltha sia a lerh fu lo maw?"

"A duh ve che tih hi ka chiang ani. Mi thawveng leh ri bawrh bawrh chi ani a,mipa lam hi chu a ngaihven lo ve khawp mai. Kum hnih chhung kan inkawm ve tawh a,ngaihzawng a neih ka la hre miah lo. Amah duh a rawn beisei ve tu deuh te pawh thian tha ah a chhuah zel mai ani." nui kar kar chung chuan a ti a.







Makima chu a lo nui kur kur a, " Kan Captain rorum ral hma a huaisen leh hmeichhia reng reng melh pawh melh ngailo thinlung vawt tak chu Dingpuii'n a tih tuiral sak ta anih hi mawle." a lo ti a.


" A hmel ka hmuh tirh a ka rilru a thu lo lut hmasa ber chu, 'He hmeichhia hi ka ta tur ani' tih hi ani." Hunter-a chuan a lo ti a.






Siamtei chuan, " In in hmeh ngawt ang. A kawlh in a tihloh chinah chuan luhlul leh tawngkam hriam tak nei hi ani a. Sipai nupui tur ni awm reng ani." a ti a.

"Ka duh tulh tulh mai. Ka rilru ah a awm char char a,tunah chuan ka thluak thleng in a luhchilh ngut ngut tawh mai. Amah ka duhna hian min ti aa phut mai." Hunter-a chuan a ti a.

"I luangliam hneh em mai a number i nei tawh bawk a a bulah va luangliam teh."


XXXXxxxxXXXX


Dingpuii chuan a pitei puan thui sa chu a lo nawt mam nghal zel a. A mitthla ah chuan kha sipai bawp sei thlarh leh hmel paa em em kha a awm reng a.





" Hei hi ka nawh zawh chuan ka mu mai dawn nia,Pite."

"Awle,awle. Kei chu i putea lo haw ka lo nghak ang e. A rawn rei leh pek ngawt ang chu. Zu rui reng mai hi eng tin nge maw Driving School ah hian an la chhawr reng theih ka ti ani. An la ban vat ta ve ang ti nia. A zu in hi chu thu hran,pawisa khelh a hrat tel leh zel hi a mangan thlak ani." tiin pitei chu a phun zui nang nang a.

"Pathian hnen ah a ta i dil sak reng a lawm. A la chhang em em ang che." tiin a pitei chu a lo h em ve var a.





Thawmhnaw a nawh zawh chuan, " Ka mut san mai ang che aw,Pite. Mangtha phawt mai." a ti a.

"Mangtha,tui deuh in i mu dawn nia. I mut hma i i zirlai kha en leh la tawngtai theihnghilh bawk suh ang che."

"Awle" A pindanah lut in khum ah chuan bawk in a phone a khawih nghal a. A pitein lehkha zir leh tur a a tih chu a zawm loh em a vang in a in thiamlo lek lek a.




A phone a rawn rik chuan, "Tu nge maw ni ang le,ka number hriat ngai pawh ani lo e a." a ti sap a. Aw zang khai vah hian, " Hello?" tiin a chhang ta var a.

"Hello...Dingpuii i ni em? Hunter-a ka nia..."

"Aw...Dingpuii chu ka hming ani. Tu Hunter-a nge aw....ka hriat awm che pawh ka van hre lo."

"Siamtei thianpa Makima thian,nimin a airport a i hmuh kha.."

A khum a tang chuan a thu chhuak nghal zawk a, "Ahhh...Sipai nangmah maw?" phur zet chuan a ti a. A phur lutuk chu a aw a khur lek lek a,a lungphu chu a rang nghal sauh a.

"Siamtein i number mi pe a...ka rawn be ta chawt che ani. I aw ri hriat leh ka chak lu tuk a..."

"I van ti lawmawm..."

"I hah viau lo maw?"

"Oh,eng vang chuan..?"

"Vawiin nileng in ka rilru leh ngaihtuahna ah hna nasa tak in i thawk si a..."

"Hah lo a nih ka ring."nui ar ar hian a ti a.

"Ka rilru i luah hneh lu tuk hi ka aa lo chauh niin ka hria."

"I rilru luah man chu chawi a ngai dawn em,Captain?"

"Aw, ngai dawn e. Naktuk ah lunch min ei pui la..."






Hlim tak in a meng de sar sar a, " I aw thluk chu sawmna leh ngenna ai mah in thu pe aw a ang mah mah ka ti." Dingpuii chuan a ti hak a.





Hunter-a chu mawi zet hian a nui hul hak a, "Ngenna ani lo. I Captain thupek anih chu." a han ti a.





"Yes sir, Captain. Dar eng zat ah nge? Chuan... eng tin nge ka rawn inchei ang? Mizo tawk in nge, vai tawk in? Sap ang in em ni ka rawn inchei zawk ang?" fiamthu tak hian a ti a.





Za em em hian Hunter-a chu a nui ta hawk hawk a, "Vawi khat ah zawhna i va zawt hnem ve a. Nang hian min ti aa vek thei dawn anih hi." a ti a.





"Hey, aa miah suh aw. Captain aa deuh chu in pu ten an duh lo ang. I fing reng tur ani."

"Ka rilru hi i luah khat heh lutuk hi mak ka ti, i thiam loh nge ka thiamloh zawk pawh ka hre lo. Nang hi mihring ka lungphu ti rang thei tu awm chhun i ni."

"I fiamthu a niang..."

"Ka thu tak teh mai a nia. Phone hi ka lungphu zawn ah ka dah anga ka lungphu ri lo ngaithla rawh aw... i duh em?" tiin a lungphu ri chu a ngaihthlak tir a. " A ri kha i hre thei em? A phut ran zia kha i hria maw? Hmelma sipai nen kan in kah lai pawn ka lungphu hi a rang eih ngai lo." ril raih hian a ti a.

"I lungphu ri chuan, 'I Captain chuan hmeichhe tam tak alo bawl kual tawh ang in a bawl kual mai mai che ani' tiin min hrilh a nia aw." nuihza insum tak chung chuan a ti a.

Thu tak zet leh awka ril ruih hian, " Hmeichhia tu mah ka bawl kual ngai lo. Ka thuruk ka hrilh ang che aw... i hre duh em?" a han ti a.

"Umm.. hre duh.."

"Ngaihzawng ka la nei ngai lo. Ka ban hian silai tih loh chu tu hmeichhia mah ala kuah ngai lo."

"Awi awi... fiamthu i thawh thiam lo em mai a.." tiin Dingpuii chu a nui ar ar a.

"Ka aatchilh che."

"Aih, atchilh nih ka duh lo, Sipai. Captain aa deuh nilo in fing deuh ka duh chuvang in min atchilh lo in min finchilh zawk rawh." nuihza in sum tak chung chuan a ti a.

Hunter-a chu a thaw hawk a. "Tunah tak hian i hmel hmuh ka chak. Video call in ka rawn be zawk ang che aw.. pawi i tih loh chuan." a ti a.

"Pawi ti lo e."


XXXXxxxxXXXX



A tuk chu collage ah Siamtei nen an in hmu chiah chu an in kuah chawt hi ani ber a. Sawi tur an ngah dun si,tawng hmasak an in chuh hi ani ber a.





"Enteh,kha sipai hmeltha paa lutuk khan min duh ve anih chu. Ka awihlo hial zawk. Min bawl kual mai mai anih ka ring rum rum mai."a ti zung zung a.





Siamtei chuan a thiannu kut chu hum vang vang in, " A bawl kual miah lo che ka ti ngam sak.Makima sawi dan phei chuan hmeichhia hrim hrim hi a ngaihsak ngai lo reng reng a,a ngaihven che pawh hi thil mak a tling a ti a sin. He pa hian a thinlung zawng zawng in a duh che a ni." a ti malh malh a.






"Zep miah loh ah chuan kei pawn ka duh rapthlak. Ka rilru ah a awm reng a,ka mitthla ah a hmel ringawt kha a lang reng mai ani."tiin a thiannu bul ah chuan a in bun ruak vek a.

"In in duh tawn ve ve a,ni daih mai ula..."

"Kanni daih tawh ni ber in ka hria." A nui hak a, "Reilo te ah min chhuk thlak san leh daih ang a a hrehawm dawn e..."

"Khaw khat ah pawh awm ula i lung a leng tho ang. Kar hla a awm hian kan inkungkaihna hi a chak sauh zawk an ti thin a sin."



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 8th, 2020, 1:54 pm

Lingering Memories


Chapter 2



Restaurant thianghlim leh nuam tak ah chuan Hunter-a leh Dingpuii chu in hma chhawn a thu in an in melh vang vang a. He sipai hmeltha lu tuk hian a hip hneh hle ani. Thirhipthei in thir nawi a hip khawm ang mai hian a rilru leh ngaihtuahna te chu a hip khawm vek hian a hria a. Ei tur an chah a lo thlen hma chuan Hunter-a chuan a kut chu a rawn hum sak a, "Vawiin nileng i hun min pe rawh aw.." a ti sa sa a.






"Chawhnu lam ah period khat ka la nei a..." tiin zam ang reng tak hian a kut a hum sak loh lam chuan a thi awrh lai chu a khal neuh neuh a.

"Khawngaih in..."






A ngenna mitmeng leh tih tak zet hmel a hmuh chuan a nui sak a, "Awle, nileng in i kiang ah ka awm ang." a ti ve ta a.





"Ka lawm e, Dingpui." a ti sup a. Ei leh in tur a rawn thlen tak ah chuan a kut a hum sak chu a thlah a, "Awle, ei ang hmiang." a ti a. "Thil hriat duh pakhat ka nei..."

"Eng nge?"

"Kha i thi awrh lai kha i ngaina hle ang ti raw?"

"Aw... teh reng mai. Ti nge?"

"A bo hlau ni awm tak in eng tik lai pawn i khawih deuh rawt in ka hria."

"Hriatrengna Thi anih hi."





A hmel hlim nui sang chu reh nghal in a meng vawt raih a. "Tu pek che nge? Kha kha dah bo la a dang ka lei ang che. Mipa dang hriatrengna i taksa a bet tel ve khan ka awm a ti nuam lo thei tlat ani." tiin Hunter-a chu a thaw halh a.

"He thi hi ka phelh a thiang hlei nem."

"Eng vang chuan? Chuti khawp chuan chupa chu i nunah a lo pawimawh ani maw?"

"Chu pa ti lo in chu nu ti zawk rawh."

"Eng nge i sawi awmzia?"






Dingpuii chu a chhing vang vang a, kum 12 kal ta a thil thleng zawng zawng kha a mitthla ah alo lang nawn uaih uaih a.





"Kum 12 kal ta khan ka nu nen thingtlang khua ah rethei em em in kan khawsa thin a. Hmeithai rethei tak fa ka nih avang in mi hmuhsit pawh ka tuar nasa. Chu tah ka nu Sangi leh ka pa Rama te kha kan khua ah sawrkar hna thawk in an rawn awm ta hlauh a. An fel in ka nu kha an duhsak thei em em a, ka nu chu an inchhung leh huan vel ti fai in a inhlawh thin a. Ka nu Sangi chuan ka nu chu a laizawn ang mai in a ngai thin a. Kan khua a an lo awm chu kawng engkim ah ka tan khan a nuam ani. Fapa pakhat U Mama an nei bawk a, U Mama lo awm chin ah kha chuan tuman min ti duhdah ngam ngai tawh lo- min chhan tlat thin a vang in. Min duat thei in ka ngai thei em em a, a kalna a piang ah ka zui ve zel thin a..."

"Thi hi i nu Sangi pek che chu em ni?"

"Aw ni e. Ka pa Rama kha Aizawlah an sawn leh ta si a, an haw chhoh a ngai ta a. An haw dawn chuan ka nu Sangi chuan ka U Mama nen he thi hi in ang chiah min pe dun a, ' Hei hi Hriatrengna Thi anih hi. In in hmuh leh hma chuan awrh reng ang che u. He thi hian a hmun hran daih ah awm mah ula a suih zawm tlat ang che u.' tiin min hrilh ani."

"In la in hmu leh miah lo tihna em ni?" thil ei mawlh mawlh pah chuan a ti a.

"Hmu lo. Kum tam tak a kal tawh a, an la dam ang em? Khawi ah nge an awm ang? Vawi khat tal chu hmuh leh ka duh tak zet ani. A la dam anih chuan U Mama pawh nupui a nei tawh ngei awm si a." a ti nguai raih a.

"I ngai thin ngawt ang."

"Teh reng mai. An pem dawn te khan ka hrethiam thei thlawt lo a, an chuanna motor kha tap chung in khaw pawn thleng ka um zui a. An kal zan chuan ka tap tlaivar zak a, an lo haw leh mai beisei in nitin hian an bathlar ah ka lo nghak khaw thim thak ziah thin a. Ka nu pawh khan min hnem ngaihna a hre thlawt lo a, 'khua a var ve leh calendar a ni khat hi thai chhe zel la, calendar i thai chhiat kim vek hunah i u Mama te chu an lo haw leh mai ang' a ti a" tiin a nui hak a. " Kei lah pek chuan an rawn haw leh vat ka duh a vang chuan a rual a thai chhiat nghal vek mai ka lo duh a."

"I la naupang dawn sia, ka khawngaih che."

"Ka u Mama te kal atang a thla hnih lek ah chuan ka nu Vawk chaw pe tur chu a lu a hai thut a, a tlu a step ah a lum a.... min boral san leh zui a..." a mittui chu a rawn hnam sawk a.
" Naupang kum 9 mi lek tuar ah chuan a na mah mah ani. Mahse ka putea te nupa hian min rawn hruai a, ka nu ai an awh zo tak zet ani." tiin a naupan lai hun lungchhiat thlak tak chu a hrilh malh malh a.






Hunter-a chuan a kut chu a hum sak vawng vawng a, " I tuar nasa hle mai. Han hnem vak ngaihna che pawh ka hre lo." a ti dam a dap a.

"Hnem ka ngai lo, ka tuar chhuak vek tawh a lawm." ti sap in a nui lui sak a.

"I u Mama nen in in hmuh leh theih nan ka lo tawngtai pui ang che. Zawn chhuah dan kawng ka dap pui ang che."

"Zawn chhuah vak ngaihna pawh a awm lo, ka la naupang em a an hming tak pawh kha ka lo hre lo reng reng a. Ka nu Sangi, ka pa Rama leh ka u Mama tih bak in ka hre lo ani."

"An ni pawn an lo zawng ve hle mai thei che ani."

"Pathian hian in hmu leh tur a min duh chuan min in hmuh tir leh em em ang.."


XXXXxxxxXXXX



Chumi ni a collage bang in a ten chuan a pitei hmel a hmu mai lo chu mak a ti ang reng hle a. "Pite, ka lo haw e.." tiin a au a. Pitei chu mut pindan atang chuan a rawn chhuak a. A hmel chu a hlim lo in tap zo hlim hlawl hmel hi a pu a.





"Pite, i hmel lan dan chuh..." a pi dar ah kuah in, "Eng emaw thil diklo a awm ani ti raw? Putea chungchang em ni leh pek?" a ti nghal zung zung a.





Pitei chu a tunu awm ah bei in lungchhe em em hian a tap ta hlawp hlawp a. Ani chuan nghet tak a lo kuah in, "Pi, eng thil diklo nge thleng min hrilh vat teh. Ka awm i ti nuam lo a nia. Ka tap ve mai dawn in ka hria."

"Dingpui, kei ni pitu hi i putea hian vanduai tur leh rethei tur reng hian min lo siam anih hi. Nikum hmasa lam a a card khelhna ah khan kan in hmun hi alo dahkham ani awm a. Tukin khan a pawisa batna te an lo kal a, tun thla chhung in an pawisa kan pe thei lo anih chuan kan in leh lo min chhuh sak dawn anih chu." thinrim leh lungchhe zet hian a ti a.





Thutthleng hnai ber ah chuan a thu hnawk a,a chal a dawm nghal vawng vawng a. A thinrim lutuk chu a tawt nghal up up a,a tha te chu a khur der der thei hial a. " Ka putea thil tih duh dan chu a va mak ve a..." a thinrim lutuk bengdai tur chuan thawk a la ham ham a. "Eng zat chiah nge a bat reng reng a?"

"A pung zawng zawng nen chuan cheng nuai thum a tling tep. Ka mang a ang in ka pik mup mup mai. Lo haw rawh se a chaklo khawp ang. Eng tin nge chu tiang zat zat a tam pawisa chu tun thla chhung a kan han rulh theih ngawt ang ni." Pitei chuan mittui tla par hian a ti a.

"Pawisa puk tur zawng mahila tumah in cheng nuai thum chu min puk tir phal dawn der silo a. Ka account ah lah cheng sing li vel awrh ka nei ani chauh si a. Putea hi lo haw phawt se tih dan kawng a hre mai thei a sin." beidawng tak chuan a ti halh a. A scholarship lak scooty man a tan alo khawl ve tang tang cheng sing li vel chuan awmzia a nei tam lo hle mai.






A pi chu a bulah a rawn thu a, "He in hi kan ro neih chhun ani a, kan hloh a thiang lo reng reng. Ka pa in a ro min hnutchhiah chhun ani a, kan chan a nih vaih chuan ka pa thlarau lak ah ka in thiam thei ngai lo ang." beidawn hmel zet hian a ti a.

"Pite, i bei ti dawng lutuk teh suh. Tih dan kawng a awm mai thei a sin. A pawisa batna hnenah chuan hun min pek belh leh tur in ngen ta ila... kum khat dang min nghak leh thei anih chuan... ka putea hlawh leh i puan thuina man hi khawl zel ila kei in inhlawhna ka zawng bawk anga. Chutia kan tan tlan chuan kan rul thei mai thei a sin."






Putea chu in thlahrun hmel duk hian a rawn lut a. Engmah sawi lo in a nupui leh a tunu chu a melh tawn zuk zuk a, thutthlengah chuan a thu zawi hnuk a.

Dingpuii chuan, "Pute, rui lo a i rawn haw ve khiah chu a lawmawm hle mai. Thil pawimawh tak sawi khawm tur kan nei a nia. Rorel a ngai ani." awka dam raih nelawmna tel hauh lo chuan a lo ti a.

Putea chu chauh hmel ngawih ngawih hian a thaw hruih a. " Min ngaidam rawh u... in hma ah hian thiamthu eng mah sawi tur ka nei lo ani." a ti zawi sup a.

"Chuti zah zah card khelh nan pawisa i puk thei hi rapthlak ka ti lutuk. Eng ti nge i theih zawk? I kawchhung ah ramhuai a lut anih hi, nang mi tlaktlailopa!" Pitei chuan a ti bawrh bawrh a.

"Nu-i, ka thiamloh ani. Ka leiba te hi thla thar hma a ka rulh zoh loh chuan kan in neih chhun hi min laksak dawn tih ka hre si a, rulhna tur ka nei lo a, ka hrilh ngam bawk silo che u a. Ka rilru hah leh beidawng lutuk hi vawi thum ngawt ka nunna lak ka lo tum tawh a. Mahse, Pathian hian ka thih a la rem ti lo aniang ka thi thei hauh si lo a. Tunah pawh ka rilru tawt lu tuk ti ziaawm tur in Biakin ah ka rawn tawngtai zo chiah ani." Putea chuan a ti chuai ruih a.





Pitei chu a zuang tho phat a, tap pur chung in a pasal chu a chum zawt zawt a. " Eng rilru hi nge i put a? Heti khawp a min tih retheih hnu ah pawh i nunna lak te ilo tum a maw, misualpa?" a ti tuarh tuarh a.

Dingpuii chuan, "I pawisa batna pa chu ka va hmu ang a kum khat emaw a ai tam emaw pawh hun min pek belh leh tur in a khawngaihna ka va dil anga a lo rem ti hlauh mai thei a sin." a lo ti bauh a.

"Tunah mai chuan biak tur a awm hrih lo. Phai lamah sumdawnna thil ah a zin a, karleh vel ah alo haw dawn chauh ani awm e" Putea chuan a ti a. "Ka zu duh leh pawisa khelh ka hrat luat ah chhungkaw hlimna ka ti chhe vek a, ka thiamlo hul hual a ni. Tun chinah chuan ka nun sual te sim in tha tak in ka nung tawh ang tih Pathian hming chhal meuh in ka tiam a che u." inchhir mittui tla pur hian a ti a.

Pitei chuan, "Awle, Dingpui, rawng lo bawl la, i putea hi tawngtaina nei tur in Biakin ah ka han hruai ang e. Pathian hma ah sual thupha chawi in simna thu puang rawh se." thu pe aw khauh fang hian a ti a.

"Tun chin ah chuan fel tak in awm tawh ang che, Pute. Pitei rilru i ti hrehawm thei em mai, sim vat a tha ang. I zu in leh card den i hrat te i sim theih nan Pitei hi zing, tlai leh zan tin a tawngtai thin a, tun hi a tawngtai chhanna chu ani mai thei ani."

Pitei chuan, "Ni e, Pathian remruat dan hi hriatthiam a har si a, vanduaina emaw kan tih te hi a hmangaihna lan tir tu leh kan tawngtai chhanna a lo ni leh hlauh si thin. Tuarna phena malsawmna in phum ru hi tih tak zet a kan zawn a ngai si thin. Ti teh le, tawngtai tur chuan Pathian Biakin i pan teh ang." tiin an nupa chuan an in zui chhuak ta hna hna a.




Hunter-a chuan Dingpuii class kal tur chu a car chhungah thu in a lo nghak a. Music nem fan raih hi ngaithla in music rem chuan steering wheel chu a kut zungchal in a khap kauh kauh a. A lam pan a Dingpuii leh a thiante lo kal a hmuh chuan a lungphu a rang sauh a. He hmeichhia hi namenlo in a hmangaih a, a tello chuan a awm theih pawh a i ring tawh lo. "Hey... Dingpui..."

"Oh... nang maw...? Enge he tah i tih ve a?" Dingpuii chuan a lo ti ha a.

"Biak lawk che ka duh a."

A thiante chu an ri nghal chul a, "Dingpui,i va nei chhe lo ve a, i lo in zep thei hle mai." an ti nghal nak nak a.





A nuih san mai a. "Min lo kal san mai ru... ka Captain hi kan be lawk ang e." a ti a. A thiante nen an i thlah fel hnu chuan Hunter-a car ah chuan a thu lut a, "A va pawimawh awm ve a, sipai." a ti zui sap a.

"Pawimawh khawp mai. He ta sawi zawh mai chi pawh ani lo." tih leh a car tih nun chu a rual nghal a.

"Khawiah nge kan kal dawn a?"

"Kan pahnih chauh a hun fal kan neih theihna hmun tur ah." a ti sap a. "Ka thianpa Rela te nupa hnathawk in an chhuak a, an awm loh hlan a an in lo nghah sak tur in min duh ani."
Mak ti zet hian a melh ha a, "Mahse, Captain, class ka bunk a ngai dawn a sin..." a ti zuai raih a.

"Chu chu pawi i ti em ni?"

"Pawi ti e."

"Vawiin chiah ka tan hun min siam sak rawh. Naktuk ah ka chhuk thlak a ngai leh thut si a.. vawiin chiah hi i bul ah awmna hun ka nei ani." phur lo tak chuan a ti a.

"Eng nge i sawi awmzia?!" a ti phawk hra a.






A thianpa te in luah te fel ren rawn an thlen chuan a car chu a, kut in kai rial in an in zui lut ta a. Hunter-a chuan amah si chet chuan thut pui in a awm ngheng chial in a kuah bet a, "Dan pangngai aia ka lungphu ran dan hi i hria em?" a beng bulah chuan a ti sa sa a.





"Sipai, nichin a i thu sawi kha khawngaih in min hrilhfiah phawt teh." tiin a tawlh hlat san a.





Amah hnaih thei ang ber a pawh hnaih leh pah chuan, " Min tawlh hlat san suh. Min si chet a i awm pawh in kan la in hnaih tawk lo niin ka hria a, ka ngai ngawih nghawih che a sin. Hun kan neih chhun reilote ah hi chuan min si chet in awm reng ang che. Min hlat miah suh." thu pe aw tak hian a ti a.

"Awleeee, Captain." ti a nui sei in a awm ngheng chuan a bei ta hle hle a.






Enkawl uluk tih hriat tak a sam dum fai tle siau chu duat tak a chul sak hliau hliau pah chuan, "Ramri ah buaina a chhuak thar leh a. Ka chawlh pawh ni 15 ngawt in min pawh tawi sak a. Naktuk hian ka chhuk thlak ngei ngei a ngai ani." a ti a. A mitmeng dum fiah tak ah chuan hmuh theih in lungngaihna hi a lang chiang hle. "Nang kal san che hi thih hreh in ka hreh ani." a thaw kawk a. "I tello in eng tin nge ka awm ang? Ka tuar zo lo ang, Dingpui. Ka rual in rawn chhuk thla ve mai rawh--Khawngaih in."

"Ka rawn zui thei lo ang che. Ka pi leh pu ka kalsan theih loh mai bakah ka zirlai hi ka zawh phawt a ngai ani."

"Khutah i zir zawm mai dawn a lawm."

"Chu lo ah hmanni lawk ah kan in hre ve chauh a.. kan in hriatna pawh ala rei lo lutuk mah mah ani..."

"Inkungkaihna hi in hriatna rei leh rei loh lam ah chhut suh, kan in hmangaihna a thuk leh thuk loh lam ani zawk."

"I rawn chhuah leh hun ka lo nghak reng dawn che a lawm."

Hunter-a mitmeng dul tak chu phurna hian a rawn ti eng thar a, "Ka rawn haw leh hun ah min nei dawn tihna em ni?" a ti hlut a.





Dingpuii chuan a hmui nalh zet chu a pet zauh a, "Ka hre lo... inneih chu ka tiam mai thei lo che. Mahse rinawm tak in ka lo nghak ang che tih chu ka tiam a che." a ti sap a.





A biang tawn tawn ah dawm in uluk tak hian a melh vang vang a, "He hmeltha tak hi mipa tam tak in neih tum in an hel ngei dawn a... i hmuh phak loh a awm mipa tan chuan i rinawm reng thei ang maw?" thu tak zet hian a ti a.

A mit ah tak melh let in Dingpuii chu a nui sei a, "India ram hi World Cup Football a a champion hma loh chuan i tan ka rinawm ang."

"Ka hmangaih che, Dingpui, ka hmangaih lutuk che."tiin Hunter-a chuan a hmui ah chuan duhthawh zet in a fawp ta vawng vawng a. "Min rinawm loh san anih vaih chuan ka thi thei hial ang."

"Ka tiam a che... i tan ka rinawm reng ang."

"Nang hi ka tan a Pathian ruat i ni a, i kiang a ka awm hi ka nun a ka hlim lai ber hun ani. Pawi ka tih ber chu ka lo hre har lu tuk che hi ani." tiin Hunter-a chuan hmangaihna a khat mitmeng in a thlir vawng vawng a.

Fiamthu ang reng tak a nuih hawk pah in a meng de ra ra a, " Nimin lawk a in hria pawh ni ila enge pawi? In hriat rei lam ah ni lo in hmangaihna ngheh leh ngheh loh lam ah a in nghat zawk i ti a ni lawm ni?" a ti hak a.

"A dik a lawm. Pawi ka tih ber zawk chu maw... ka pian tirh a tang a ka lo hre lo che kha ani. Chuti ni lo se ka nun pum hi i tan ka hlan tur hi ani a. Nang ka tawn hma daih tawh khan ram tan rinawm tur in chhia ka lo chham tawh si a. Hreh teh mahila nang ka kalsan che a ngai hi har ka ti a ni." Hunter-a chuan a ti ngui ruih a.

"I tih tur i tih chhung in rinawm takin ka lo nghak ang che nga i tih zawh ah ka hnen ah i lo haw leh dawn a lawm."

Hunter-a chu a thaw halh a, "Pathian hi alo awm chiang anih hi. A chhan chu maw nang ang hmeltha leh duhawm hi Pathian chauh lo chuan a siam thei lo ang." a ti ril raih a.

"Ziaawm teh... ziaawm teh.... i ti mah mah ani."

"I kiangah hian lu tuk hi a awm ngai lo ang."

"Anih... naktuk chu ka lo thlah dawn che em ni?"

"Thlah lo ang."

"Eng vang?"

A heh chu a liak huh zauh a, " Min thlah tura ilo kal anih chuan ka tan kalsan che a harsa lu tuk ang. Nang ka tawn a tang che hian he sipai thinlung sak tak chhungah hian no rukna riau alo awm ve reng ani tih ka hrechhuak thar a... ka kal san dawn hunah che hmeichhia ang mai in ka tap palh ang tih ka hlau ani."

"Sipai an tap ngai em ni?"

"Sipai thinlung khauh tak pawh hi hmangaihna chuan hmeichhia ang mai a thinlung no ah a chhuah thei a lo nih hi."

Dingpuii chuan a heh chu a pet sawi laih a, "Ka Captain chu a rorum hle tur ani." tiin a nui hak a.

A bianga piai sak zauh pah in, " I thu thu le... nang hi ka engkim i ni si a.... eng kim a ka engkim..."


XXXXxxxxXXXX



A tuk ah chuan Hunter-a chu a thlawk haw ta a. Dingpuii a ngaih zia chu mihring tawng hian a sawi fiah zo lo hial ang. A lungleng lutuk chu a khua te a ti sik er er hian a hre hial a. A bulah amah si chet a a awm chung pawh a i hnaih tawk a la in tih theih loh lai i tunah meuh chuan an kar chu hla vawng vawng tak ani.





Thlahtu atang reng a sipai chhungkua...kohhran ah pawh Salvation Army...engkim a sipai thak mai. Chhungkaw in enkawl dan pawh khawng tak atang a rawn seilian Hunter-a tan chuan hmeichhia vang a lunglen chu a hriat ngai loh thil thar hlak ani a. Mi zawng ai in lunglen te chu tuar har a ti zual bik ni te hian a in hria a.


@@@@@@@@@@@@@@@@



Siamtei chuan a dar ah a rawn beng thak a, " I lungleng ani ti raw? Ka lunglen chang a min nuihzat a fiamthu ah min lak sak thin te kha i hre chhuak rum rum lo maw?" tiin a rawn nuih a.

"Tunah chuan a nuihzatthlak tawh hauh loh." Dingpuii chuan a ti sap a. Class chhung bengchheng nuai nuai kar ah chuan mal bik riau a in hriatna chuan a awm a ti nuamlo rum rum a.

"Tun friday khi i birthday ani tawh mai si a,lawm dan tur lampang hi i va sawi tha duh lo ve a." Siamtei chuan a ti nang nang a.

Mit ko a san ak a, "Ka birthday pawh ka theihnghilh dawn a lawm...Tak tak a lawm pawh ka lo tum reng reng hlei nem."a tih san mai a.

"Huau huau a awm khat si i lawm ngei ngei tur ani....i lunglen pawh a zia phah mai ang."

"Lawmna tur sum ka nei lo. Tunlai chu chhungkua kan buai lu tuk a birthday lawm pawh rilru ah a lang lo."

Jose-a chu a rawn tawlh hnai a, "Dingpui,i birthday chu kan lawm ngei ngei tur ani." phur hmel tak hian a ti a.

"Pawisa ka nei lo ka tih mawlh mawlh chu mawle."

"Ka chhungte an zin bo vek a,keimah chauh in ka awm a. Kan in ah lawmna siam ang u. Buaipui ngai leh pawisa sen ngai chu Siamtei nen kan lo tum vek mai ang. Tha i tih zawng ani em?" Jose chuan a lo ti zung zung a.





Siamtei chuan pawm pui tih hriat zet hian a lu alo bu nghat nghat a, " Tha lu tuk.Jose nen engkim kan lo ruahman vek ang. Eng mah i rawn ngaihtuah buai a ngai lo ang." a ti nghal zung zung a.

"Keimah vang a in in senso chu tul ka ti miah lo."

"Nang mah vang a senso lam ani lo. Ka chhungte an zin bo hlan a party buatsaih ka lo tum rilru sa ve reng a lawm."

"Thian tha chu in ni thlawt e."

"I phu ve hrim hrim a lawm."

Dingpuii chu a nui var var a, " Jose, min star viau lo mai teh." a ti fiam hluai a.

"Star che pawh ni ila enge pawi... kei ai in sipai i thlang tho a lawm."

"Ka thlan zawk loh ten le... i tluk lo chiang em a lawm." tia alo chhan chuan in pawh leh in hrethiam tlang tak chuan an nui ham ham a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 8th, 2020, 1:54 pm

Lingering Memories


Chapter 3


Dingpuii chuan a thawmhnaw hak chhing leh tight lu tuk chu en in darthlalang ah chuan a in bih vang vang a. A hmui ner nang in a lu a thing na na a, "Nilo, Siamte, he tiang lutuk a tawt leh chhing hi chu ka ha thei lo ang." a ti hul hak a.





"I birthday lawmpui nan ka lei sak ve che ani a. I birthday lawmna party ah chuan i ha ngei tur ani. I in hmeh lu tuk. I pian nalh tak kha a tu lang sar in i bawp pawh a ti lang sei thlarh mai." Siamtei chuan a tia.

"He tiang thawmhnaw tawt leh chhing hi vawi khat mah ka la ha chhin ngai lo. Ruak deuh kung in ka in hria..."

"Ngawi mai mai teh... ti khan i lang sexy in birthday girl ini hliah hliah bik in a hriat. Thian ten min lo nghak rei tawh lu tuk ang.. kal ang." a ti zung zung a.

"He tiang kawr ha chung a chhuah chuh.... bar dancer emaw KS emaw ni mai awm ka ni."

"Mawl lu tuk suh kal ang..."

A phone a rawn rik tak ah chuan phur sarh hian a la a, "Hello..Sipai.." a ti zang vah a.

Thik aw lek lek hian, "Min ngai miah lo in i birthday lawm in i lam hah hah tawh ang chu ka ti a." a rawn ti a.

A ni chu hlim tak in a nui hak hak a, "Lam pawh ni ila ka ngai tel tho ang che. Tak tak a hei kan chhuak dawn chiah a."

"Eng pawh ti la eng tin pawh awm la min rawn hre reng la ka tan chauh i rinawm reng dawn nia. Thih i duh a nih loh chuan min phatsan reng reng suh"

"Rinawmna hi ka pian pui a nia. India ram hi World Cup Football a an champion hma loh chuan i tan ka rinawm ang ka tih kha."

"Party chu nuam tak in va hmang ang che. Eng tik lai pawn ka hmangaih reng ang che. Pawi ka tih ber chu i birthday i kiang a ka hmang thei lo hi ani." Hunter-a chuan a ti dam thluam a.

"A nih leh aw, Sipai. Hei Siamtein min nghak reng tawh a, kan kal tawh mai ang e. Bye."

"Bye, ka van Angel."


XXXXxxxxXXXX


Jose-a te in ah chuan Dingpuii birthday lawm in ring tawk a music play in an lam suau suau a. Ei leh in lam an hnianghnar bawk a nuam an ti tlang ngang mai. Dingpuii lam zo chu hahdam tak in chair ah a thu awn diai a, thaw ham ham in a thiante lam chu a lo thlir mai mai a.





A bulah lo kal in Jose chuan "Hi! Birthday girl, i bulah lo thu ve ta ila Captain-a silai kaw hmawr ka hma chhawn em lo ang chu ti raw?" mit siai zauh chung a zu no chu a chawi sang a.

Lo nuih var var pah in "Lo thu mai mai teh" Dingpuii chuan a lo ti hlak a.

A bula thut ve pah chuan, "In tur i duh ve em?" a ti nghal zat a.

"Aih.. ka duh tawk tawh e."

"Zanin chu a nuam hle mai. Ka hlim tak zet ani."

"Ka birthday nuam tak a min lawm sak avang in ka lawm lu tuk a nia aw. Jose, nang hi i lo fel ber mai."






A zu chu tlak pap inJose chu a nui huah huah a. "I tan ui reng ka nei ngai hlei nem... kei ai in Sipai i thlang ta mai pawh a.... Mahse hei hi hre reng ang che-sipai nen in in break anih chuan field chhung a rawn tlan lut nghal tur in substitute bench ah ka thu reng a nia aw, hmeltha." a ti a.

"Chimawm reng lo mai teh, hmela." tiin a hnung ah chuan a chum taih a.





Siamtei lam lai chu an bulah rawn phei in, "Zan in chu kan lam tlaivar tur ani ringawt, zanin ang hi kan tawng leh tawh lo ang. Lunglen leh sipai theihnghilh thak a lam mai tur ani." ti lar lar in Dingpuii ban ah chuan kai in lam tual a an thian dang lam ho lam ah chuan a kai chhuak ta nghal a.





Ani pawh chu phur tak in thiante rual chuan music rem chuan a lam ve ta nghawng nghawng a. Music a tawp rual chuan a sana chu a bih zauh a "Hei dar hnih a pel daih tawh a nia... ka haw loh chuan ka pi leh pu te ngaihdan a ni lo palh ang." a ti vat a.





Siamtei chuan, "Haw bik lo ang. Naktuk te chu saturday ania, engmah lungkham tur a awm lo. Kan tlaivar tur ani." a lo ti hlar a.

"Naktuk chu a nih der tawh hi... ka pi leh pu ten min lo ngaihtuah lutuk palh ang. Min lo hrethiam mai teh u... haw ngei ka ngai ani." tiin a sana chu a bih leh zauh a.

Siamtei leh Amy chu an ner nang a, "Zan khat lek te chu tlaivar ve mai la mawle a tlai tawh tho a lawm." an lo ti a.

"A theih loh a lawm. Pi leh Pu kar a awm ka nih hi..."

"A nih leh Jose saw va in thlah tir mai rawh. Taxi hman tur a awm tawh dawn der silo."

"Ok, Ok." Jose thutna lam chu a pan phei nghal a, "Jose, ka chhungte ngaih dan ani tawh lo ang. Khawngaih in min va thlah haw thei ang em?" a ti a.





Jose chuan zu chu a lem pawp a, "I mi hmuh ang hian motor han khalh tur chuan ka rui tawh mah mah ani. Haw bik lo mai rawh. Birthday neitu ber i haw daih ten a nuam bik nang le." a ti buh nuai a.

"Haw ngei ka ngai ani."

Meng phi chuai hian a chal a chuar nang a, "Anih chuan ka car hi hmang mai ta che." tiin a car chabi chu a vawrh phei a, "Fimkhur hle ang che."

Car chabi lo dawn chat pah chuan, "Ka lawm e, Jose. I car hi naktuk tlai ah emaw sunday ah emaw rawn dah ila a pawi ang em?" Dingpuii chuan a ti a.

"Pawi lo e, darling"

"A nih ka haw san phawt mai ang che u.In bul a la awm duh mahila chhungte mitmei ven a ngai si a. Min lo hrethiam hram mai ru." tiin thupha a chawi a.

"Awle.. awle.. tluang tak in i kal dawn nia."

Jose chuan a biang ah rawn tawk zauh in, " Have a safe drive, darling."


XXXXxxxxXXXX



Tlangval hmeltha zet mai chuan a car chu a khalh par par a. A mit hmul dum kual nalh tak hnuai a a mit meng dum fiah kak chuan a hma kawngpui chu a melh ran a. Country hla a play chu ama hriat tham lek chuan alo zawm ve a. Darkar tam tak zin kawng alo zawh tawh a vang chuan a chau in mut hahdam veng veng tluk a chak a nei lo. In thlen vat a, ama khum ngei ah lungmuang tak a mut bak a chak leh mamawh hi tunah tak hian a nei lo ani. Chutah thawk leh khat ah a ri bur a, a car chu a nghing lawih a. "Oh, sh*t..!" tiin a phun sap a, a hla play chu ti tawp in a car chu a ti ding chawt a. A car atang a chhuak in amah rawn su tu car sawi bui lam chu a pan a. Car darthlalang chu kik karh karh in, " Hello? I in ti na em? I tha maw?" tiin a au a.





Dingpuii chu khur der der in car atang chuan a rawn chhuak a. Jose-a car hma sawi bawih leh wind shield keh vek a hmuh chuan a lum nghal pup pup a. A hma a tlangval sang zet mai ding to lurh chu thip zet hian a melh chho ram ram a. "Mi aa pa! Eng thil nge i tih hi i hria em?" a ti tuarh a.





Muang ban charh hian, " Eng thil maw ka tih a?" chu tlangval feet ruk chuang a sang chuan a lo ti tawi tuk a.





"Signal eng mah min pe lawk lo in i ding thut a nih kha.." bak hlar a ti in chu tlangval sang zet chu a melh chho hrawk a. A san em a vang chuan a lak ah chuan te chem chem hian a in hria a.





Chupa chu za hauh lo hian a vei nuih sak a, a mitmeng dum fiah kak chu elsen hmel zet hian a de sawr sawr a, "I chhaw reuh hle mai. Nangman min rawn sut hnu ah ka ding chauh anih kha. I harh fim zan lo niin a lang." nelawm loh zet hian a ti vawt ruih a.

"Ka car pawh ani si lo a... Jose-a car ka hawh sak ani si a... ka lak ah a lungawi lo khawp ang chu.. Hrep tak hian... dammn!"

Chu pa hmel chu a nelawmlo in a lang vawt ruih mai a. "Hmeichhe mawl tak leh fimkhurna tlachham zet chu i nih dawn hi a." tiin a phone man to hmel zet chu phawrh in a car ngheng chuan a ding khawng lah a.

"Eng nge i tih dawn?" hlauthawng leh chiai tak hian Dingpuii chuan a ti a.

"Police call ka tum mawle."

"P... Police a??" chiai tak chuan a ti bah nak a. He pa hian police a call a nih vaih chuan..... zu rim a nam bawk nen thiamloh an chan tir anga jail ah an tan tir ngei ang. Hlauhthawnna chuan a ti khur ru der der a.

"Aw. I car ah khan lut in an lo thlen hun lo nghak ta mai la a finthlak zawk in ka ring, nula."

Khur dar dar in a in kuah khawr tat a. "Police kan mamawh em ni?" a ti zawi raih a.

"Teh reng mai- Police chu kan mamawh ani."

"Khawngaih in police chu ko lo hram rawh. I car siam man ka tum vek mai ang." a ti chul a.

Hmuhsit hmel zet hian a nuih khum a " I ruih leh ruih loh an test che i hlau em ni?" elsen hmel tak chuan a ti a.

"Police koh hi ka duh lo satliah ve mai ani. Enteh...." a nuih tlawn var var a. "... in remsiam mai ang... I motor siam man chu ka pe vek mai ang tih ka tiam a che... khawngaih in.."






Chu pa chu a ner deuh sawk a, mitmeng dum thim muk tak chu a vawt raih a, "Nang ang mihring ring tur chuan min beisei suh." a ti chang khak a. Police call tum chuan a phone chu a hmet malh malh a.

"Ti suh..!" Dingpuii chuan a ti thawt a, a phone ken lai chu phih thlak sak in a switch off sak hmiah a.

Chu pa mitmeng dum tak chu nelawmlo zet hian a dur ta khap a, "Heyy.. ka kut i ham pilh tel a lawm. Ka phone kha min pe let leh nghal rawh. Eng tia kha tia min ti ngam nge maw i nih le?" a ti hrawk a.

Phone pek let leh pah chuan, " Police i koh kha ka duh lo mai ani."

"Hmeichhe mak leh huaisar zet chu i lo nih hi."

"Enteh, ka hming chu Dingpuii a nia," lehkha them a a phone number a ziah chu pek pah in, "hei hi ka phone number a ni a. I motor chu workshop ah lo dah la a senso ngai chu ka rawn rul vek mai ang." a ti a.

"Awle-ka ti ngei ang."

"Ka lawm e." a ti sap a. A car ah chuan lut in tih nun a tlan leh mai hi a tum a, a nung thei ta reng reng li mai a. "Oh, hrep tak a...!" tiin a thaw hawk a.

"I tinung thei na nge?"

"Aw--Pawi hrep lo."

"Ka car ah hian rawn chuang la ka thlah ang che."






Lu a thing nar nar a, " Ti hian car ah thu in khawvar hun ka nghak mai ang." tiin beidawn hmel zet chuan a thaw halh a.





Chu pa chuan chik zet a rawn melh in a dar hlai tha tak chu a san uk a, " Khawvar nan chuan darkar enge maw zat nghah ala ngai dawn a sin. Mahni mai a kawng dung a hmeichhia awm chu a him lo a nia. Mahse-kawng dung a zan rei hnu a mal tlat chu i chin than fo ani awm tho si a. Ani lawm ni?" a ti sup a.

"He car hi kawngpui dung ah ka hnutchhiah ngawt thei lo ang. Ka ta ani lo a, thian te car ka hman hawh sak a ni a." Dingpuii chuan mangan hmel tak hian a ti a.

"Tih vak ngaihna a awm loh kha. Ka lo hnuk mai dawn che em ni?" a ti a. A mangang hmel a hmuh chuan a lainat ve deuh pawh ani mahna a aw chu tlem in a nelawm ve deuh hlek a.

"I theih chuan a lawmawm ngawt ang. Workshop hnai ber ah dah ta mai ila, ti raw? Ka hming chu Dingpuii ani a, eng tin nge ka koh ve ang che?" nelawm tak hian a ti a. He pa hi a ngaih ang em em a sual leh nelawmlo chu a nih dawn loh hi a ti rilru a.






A car atang chuan hruizen phawrh in Dingpuii car chu hnuh mai theih tur chuan a siam mawlh mawlh a. "Alex ka ni e. Mahni a zan rei tak a kawngpui dung a maltlat tur chuan i la naupan hmel hret ani" a ti a.

"Naupang chhia chu ka ni tawh lo."

Alex-a mitmeng dum tak chu a de sawr sawr a, "Kum eng zat fakau a upa nge maw i nih le, naupang?" tiin a then sak a.

"Kum 21---" a sana chu a bih zauh a, ".. leh darkar thum leh minutes sarih!"

"I birthday a ni maw?"

"Aw.. birthday vanduai thlak ber anih hi. Car siam nan pawisa tam tak ka sen ala ngai dawn zui." a ti nang nang a.






Alex an a car hnuh theih a a siam fel zawh chuan an in hnuk ta a. Motor workshop an hmuh hmasak ber ah chuan an dah ta a. "Naktuk ah ka car ka siam tir pah in ka lo buaipui mai ang. Tuna ka thil mamawh ber chu chawlh hahdam ani... i kal vat teh ang." a ti bung nghut a. Car ah chuan lut in an tlan leh ta zar zar a.
In be hauh lo a minutes eng emaw zat an tlan hnu chuan Dingpuii chuan, "Ding rawh le... hei hi kan in a nia.." a ti ta a.

"Wow... Hei chu in in ani thei lo ang. I fiamthu ani lo maw?"

"Eng vang in nge ka fiamthu ngawt ang?"

"Hetiang in nalh leh felfai tha ah hian KS an chen ka ring pha lo."






Dingpuii thinrim lutuk chu a sa pup pup mai a, "KS a ? Nawhchizuar ah min ngai a maw? Ka taksa ka hralh thin ah i ngai a maw? Mi rilru herhpa, eng tin nge KS ni tur a min ngaih theih zawk?" tiin a sehchilh nawk nawk a. Huatna mitmeng hian mi ti hlum thei se chuan Alexa chu a thi chiang kher ang chu.

"I ni lo tih sawi i tum leh si em ni?"

Thip zet hian a melh tur khai mai a, "Ka ni hlawl lo. He tiang reng a in hmuhsitna hi ka la tawng ngai lo." a ti hlaih hlaih a.

"KS ni awm tak in i inchei a, zu rim i la nam rum rum mai bak ah min melh pah a min nuih vel dan te khan 'min mut pui rawh' ti i ang em a lawm."






Dingpuii thinrim lutuk chu a khur thei hial a. A hmeltha fai ser sawr chu ham ran sak nuai a chak et et mai a. "Awi... awi.. ka that dawn che." tiin a bawh phei ruak a, a tin hriam tak chuan a hmai ah chuan a ham sak ta buan buan a.

Alex chuan lo in dan pah in a nam sawn dawrh a, "Min rawn ham leh anih chuan ka beng hreh hauh lo ang che." mi ti khur thei hial khawp a aw nelawm lo leh vawt raih chuan a ti a.

"KS ang ah eng tin nge min ngaih theih zawk? Ka bem che ang ah i la ngai zui a ! Tenawm ! Nang ang mipa sang leh chapo hi ka ten zawng tak an ni. I car chhung a awm pawh ka duh tawh lo. Kawr chhing leh tawt tak ka ha ani thei e. Mahse chu chuan KS ka ni tih a kawk lo. I ngaihven zawng ani mahna- ka la virgin a sin." a ti hmarh hmarh a.
Van va dak meuh in Alex chu a nui ta hawk hawk a, "Virgin a? KS chu i ni lo ani mahna. Mahse nula thianghlim chu i ni thei lul lo ang. Zu rim nam huam huam in mahni mai in zan rei tak ah......"

"Ka hua che !" A hmai ah chuan a ham thi sak ta a.






Alex chuan romol phawrh in a hmai thi chu a hup vang vang a. "Ka car a tang hian chhuak rang rawh." a ti khauh far a. "I kiang ah minutes nga dang ka awm leh a nih chuan mipa ten awm nem leh derdep zawk hmeichhia kut an thlak thin hi mak tihna ka nei tawh lo ang."





Dingpuii chu Alexa car atang chuan a phit chhuak hi a ni ber a. "Hrep tak a ! In la ngeng in chapo ve ropui si! KS emaw min la ti zui ! KS pawh ni ila nang ang mipa chapo hi chu ka mutpui loh tur chi in ni." tiin a phun zui nang nang a. A thawmhnaw hak chhing tak chu a melh chhuk a, a ner nang a. Siamtei thiam loh vek ani. Hetiang thawmhnaw chhing leh tawt lutuk a hak luih tir vang in kha chapo Alex khan KS emaw a tih phah ani. Thinrim tak a ke per tan tan in Alexa tlan liamna lam ah chuan a kut tum a lek khum a. "I la hre ngawt ang, Zawng Chapopa !" a ti ngal ngal a.




Alex-an in a thlen chuan thawm dim thei ang ber chuan a car chu garage ah a dah lut zal zal a, a chhungte tih harh hlau tak in in chhungah chuan a lut a. A room a lut fel awrh tih ah a nu chu a rawn lut ve nghal a.





"I rawn thleng thei maw, Mama?"

Alex chu a nu bulah chuan nelawm thei ang ber hian a nui var var a "Tih harh che hlau in thawm ka dim ve teh lul nen i harh ta tho ani maw?" a ti dam duai a.

"Lirthei khalh in kawng thui tak i rawn tlan a, him dam taka in i rawn thlen hma chuan ka muhil thei reng reng hlei nem. I tawn tluang em? I va rawn thleng tlai ve a.." a nu chuan ngaihven tih hriat tak chuan a ti a.

"Ka rawn tluang a lawm., thiante nen kan in hmu fuh a kan han khawmuang ta deuh a ni. Va mu rawh, nu. Kei pawh ka in bual anga reilo te tal mut ka duh."
"Ni e, i chau dawn nasa si a hahdam tak in i mu siai siai dawn nia." a ti a. A fapa neih chhun hmel a hmuh chuan a meng zau kawk a, "I hmai chu eng nga ti nge a?" tiin a hmai chu a chul sak a.






Alex chuan dar a chhin ak a, "Ka hmai chu eng tin nge a awm a?" tih pah chuan darthlalang ah chuan a in bih zawk a. A hmai khem rin nuau a hmuh chuan a hmui sexy zet chu a pet sawi zauh a. A mitthla ah chuan Dingpuii hmeltha tak leh pian nalh zet kha a lo lang a, za hauh lo chuan a'n vei nuih sak a. "Zawhte ka fiam a, alo kawlh zek a min ham ta mai a lawm le." a ti sap a.

"In ti fai la damdawi ka lo hnawih ang. Rannung hi nel chin tawk neih tur a nia. Lo inbual la damdawi chu ka va la ang e." tiin a nu chu a chhuak a.





Shower ah chuan a in phuh sang sang a, harh deuh hawk hian a in hria a. Tui in a hmai pilh a tih huh chuan a thip deuh ser ser a. "Hmeli chuh... min ham pilh hman khanglan chu le. I hmelthat teh reng nen i kawlhsen reuh zek anih kha mawle, Zawhte." a ti sap a.





A inbual zawh chuan a nu chu damdawi hmeh chhuah keng in a rawn lut a, a hmai khem ah chuan a hnawih sak mawlh mawlh a. "Ti khan tui tak in mu ang che. I zin chau in i hah nasa si mu hahdam vang vang rawh." a ti a.

"Awle, mangtha ka nu."

"Mangtha le, Mambawih."


XXXXxxxxXXXXXxxxx


Dingpuii chu in a thlen ve leh in ti fai in a in thlak a mut buai tingtang aiin tiin rawng a bawl zui nghal a. Alexa thu sawi leh nuihsawh hmel zet a a nuih lai te chu a mitthla ah lo lang in a thinrim chu a meng kak sawr sawr a. "I hmai kha hmuh tlak loh khawp in ka lo ham chhe vek lo ani. KS emaw min tih man ah i motor siam man pawh ka pe lo tawp mai dawn emaw ni le" tiin a in sawh tau nghawng nghawng a.





Birthday hlimawmlo leh hriatreng tlak loh ber chu a va ni tak. Kha pa sang zet leh chapo lutuk vang khan a pawisa neih chhun chu a sen ral a ngai dawn ta si a. A car tlemte a sawi a, a rawng chhete a khawk a ni chauh sia ala thinrim em em zui a. Hrep tak a ! A kawr hak chhing leh tawt tak vang khan KS emaw lo ti palh pawh nise a la hrethiam lui thei mai a. Mahse a bem ang ah a ngai kha chu a dik lo hul hual a, a ngaidam thei lo ani.





Thawk a han la ham ham a. Pawisa khawl a mamawh em em lai in a pawisa khawl chhun ve te lah chu motor siam man ah hman vek a la ngai dawn zui. Eng tin nge a Putea pawisa ba te kha an rulh ang? Zu ngawlvei card khelh pui a a in leh lo thleng dahkham tirtu misual hnenah chuan kum khat dang hun pek belh leh tur a a va ngen chu a ngai ngei dawn a nih hmel. Kum khat dang lo pek belh leh ta teh reng pawh nise an rul thei kher ang em? Rilru buai tak chuan a thi awrh lai chu a kut zungchal in a vet kual chhen a.





A phone a rawn rik chuan a ngaihtuahna hahthlak tak a ta chu harh chhuak in Hunter-a ani tih a hmuh chuan a pick up thuai a. "Hello, Captain." aw zangkhai thei ang ber chuan a ti a.

"Hello, ka van Angel duhawm. Good Morning."

"Good morning, Sir Captain!"

"Nizan in party report ngaithla tur in ka in peih e."

"Party nuamlo ber ani ang. Mahse tel ve la chu a nuam ngawt ang."

Hunter-a chu a nui hak a, "I birthday leh pek ah chuan i kiang ah awm ve ngei ka tum tawh ang. Ka ngai lutuk che a, rawn haw a i bula awm tluka chak hi ka nei lo. Ka taksa pum pui hian a ngai ngawih ngawih che ani." uar zet hian a ti a.

"Kei pawn ka ngai che."

XXXXxxxxXXXX


Zing ni chhuak in a hmai a rawn chhun chuan Alex-a chu a harh hlawl a. Sana a melh vat a, ummm... darkar khat zen zawn chu a muhil hman tho a lawm. A lukham bula a phone chu la in a cousin a call nghal a.

"Hey Ruata, i la tho lo em ni?"

"Ka tho dawn mek. Enge i va rawn call hma fia fia ve a. Buaina i nei em ni, Alex?" Ruata chuan a rawn ti a.

Alex chu a zi mar ar ar a, "Nizan khan accident chhe te ka tawk a, ka car hi chhete a khem in a sawi deuh a. Ka pu in a hriat chuan a lungawilo leh nasa dawn sia. Ka pu mize khirh zia i hriat chian em kha. Chuvang in ka pu in a hmuh hma in rawn phei la ka car hi hmang hawh lawk tur ang in rawn in sawi la, workshop ah lo va siam tir ang che. Hmanhmawh in." a ti nghal zung zung a.

"I in ti na lo maw ?"

"Na lo e. Mahse ka thil neih eng emaw ruk sak in ka awm niin ka hria.."

"I eng maw an ruk sak che a?" Ruata chuan ngaih that loh hmel tak chuan a lo ti vat a.

"Ka thinlung."

"Hmela !" Ruata chuan ati thawt a. " I lerh teh reng nen thinlung ruk tur pawh i la nei emaw ni le? Ka rawn kal nghal e" a ti a.

"Ka lawm e, unaupa. I siam tirna tur workshop hming leh address chu ka rawn thawn mai anf che." tiin a phone chu a dah a. Dingpuii hamna a hmai khem nuan chu a chul neuh neuh a, a nui sak a. Choka lam ah chhuk in a nu eirawng bawl lai chu a nuih var var a, "Morning, nu."

"Morning, Mama" an awmpui nula chuan thingpui leh chhang hi a rawn chhawp sak vat a. "I men rei ngaihtuah in i va tho hma ve" a nu chuan a lo ti thuai a.

Chhang ei talh talh pah chuan, "Mu tam lo mahila ka mut chhun ah ka mu tui a lawm. Ka pu hi a la rawn tho lo em ni?" Alex chuan a ti a.

"Ka rawn tho chiah e." tiin a pu meng fim fiah leh fin hmel zet chuan dawhkan a rawn kil ve nghal a. "Nizan i rawn thleng tlai ani maw, Alex?" aw nghet churh hian a ti a. An awmpui nula chuan bawnghnute a rawn thlit sak thuai a.

"Tlai lutuk hran lo e" mitko san ak in a nu chu a va melh a. " I mut hnu deuh lawk khan ka rawn thleng a."

"I zuk tluang bawk emaw chu?"

"Aw, tluang khawp mai."

"I hmai in rin rek ruak te kha enge a awmzia?"

"Zawhte in min ham a lawm mawle."

A mitmeng fin hmel zet chuan a tupa chu chik zet hian a melh a, " Zawhte kut pahnih nei hamna maw, Alex?" I zinna ah leh zel pawh kha nu kha i hruai em ni? " a ti vawt raih a.

"Aih, hruai lo, pu."

"Kha hmeichhia kha i thlah lo anih chuan keimah ngei in i nupui tur hi ka zawng ang. Kan chhungkaw sumdawnna enkawltu leh rokhawmtu tur i ni a, i nun hi i fimkhur a ngai ania.
Evelyn-i te ang nuthlawi leplerh zah hre map lo hi i neih ka phallo bur. I nei lui anih ngat chuan i ro chan tur hi i unaute ka sem fai vek ang." fir zet hian pu chuan ati a.






Alex chuan a mit hmul dum kual nalh tak chu a san ak a, "I rin ang in Evelyn nen hian kan serious lo a nia" a tih mek lai chuan Ruata chu a rawn lut hlawl a. Alex chu a lo thaw huai a "Ruat, i va lo leng hma ve... mamawh i nei em ni?" a lo ti thuai thuai a.




"Kal duhna pawimawh tak ka nei a, ka car a nuar tlat mai sia. I car min lo hman tir lawk teh.. a rei lo ang." Ruata chuan nui rah rah chung chuan a ti a.

"Ka car hi midang hman ka phal vak lo a... keiman ka va hruai mai ang che" Alex chuan a ti zaih a.

"Min hruai theih chuan a lawmawm ngawt ang."

A pu chuan, "Lali, Ruata hi thingpui rawn siam ve ta che." tiin an awmpui nula chu an au a.

Ruata chuan, "Ka rawn in tawh a, ka in lo mai ang e. Ka hmanhmawh deuh bawk sia.. i hman chuan kal mai ila, Alex." a ti zung zung a.






"Ka hman a lawm." tiin an in zui chhuak ta nghal a. "I rawn thleng timing hle mai. My Old Man hian min lo sermon khum leh hrep hman tep a lawm." tiin a unaupa dar chu a beng thak thak a. Garage chhung an luh chuan a car hnung khuar deuh leh rawng khawk nuan chu a kawh hmuh a. "Ka pu hmuh hma a chhut mar tir a rawng ka kah thar tir thuai anih loh chuan min sermon khum chhan tur tha tak ka siam sak ani ngawt dawn a." a ti a.

"Ka pu hi chu a khirh ve chiang ngawt mai. Ka mihring hrawn peih loh ber ani."

"Lalkhirhkhiapa a lawm."

"I car chu eng tia i tih palh nge ni reng reng a?"

"Zawhte nalh leh kawlhsen zet in min su a lawm mawle."

"A kawlh bawk a niang.. i hmel reng a khem nasa nen nuan em mai." tiin Ruata chu a nui hawk hawk a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 8th, 2020, 1:54 pm

Lingering Memories


Chapter 4


Dingpuiin rawng a bawl zawh chuan a pindan lam ah a phei a,a putea te khum pindan a kal pelh lai chuan an nupa tawng thawm a hriat chuan a ding chawt a.


"Amah chu tu maw ni reng reng a?"

A Putea chu a khuh khurh a, "Saw...Sailo Finance neitupa LB Sailo saw maw le."a ti a.

"A phai kal lo haw ve leh hun pek belh tur chuan va dil ang che."

"Ni e,ka va dil ang. Mahse...hun min pek belh thei pawh nise kan rul thei dawn em ni?"

"Chung te chu pawisa i puk hma khan ngaihtuah vek ta reng che. Kan rul thei ta ngang lo anih leh man to zawk in kan in hi kan zuar mai aniang chu."






A pi leh pu ti ti chu ngaithla zawm zel ngam lo in a pindan ah chuan a tlan lut in a khum ah chuan a thu hnawk a. He a sei lenna in hi chan a phallo tak zet ani. A zahtheihlohna zawng zawng sawm khawm in Hunter-a hnenah pawisa puk a dil ta se a pe phal lutuk ang. Mahse chu chu thil tih chi loh hul hual leh a ttih ngai loh tawp tur ani si. Amah ngei in Sailo Finance neitu chu va bia in an harsatna zawng zawng hrilh in a khawngaihna a va dil a ngai ani.



&&&&&&&&&&&& &&&&




Alex leh Ruata chu Dingpuii car an dahna workshop ah chuan an tlan lut a. An awl lai lo ni hlauh nen a car chu an siam tir nghal a. Siam a har lo in darkar tam khawih a ngailo hlauh a.





"In kut hnu a mam nalh in pan fo tlak in nih hi. Pakhat zawk pawh hi tlai lam ah rawn lak a duh ngei anga lo siam peih fel sak hman hram ula ka ti ngawt mai." a ti a.

Mechanic chuan, "Chawhnu lam chuan kan zo thei ang." a ti a.

"Anih chuan a pahnih a siam man hi lo chhut la ka lo pe dun nghal ang e."






Motor siam man te an in pek fel hnu a in lam pan a an tlan leh lai chuan Ruata chuan, " Amah zawk khan a rawn su che niin i sawi si a. A chhiat loh em vang em ni a car siam man kha i tum sak a?" a ti zui nang nang a. "Nge a lak ah i chungchuan zawk zia lan tir i tum zawk? Anihna tak ah chuan a pahnih a siam man kha i Zawhte chuan a tum zawk tur ani si a."

Alex chuan a dar a san ak a, " Ka thinlung ka ngaithla a, ka thinlung in ti tur a min tih ang in ka ti mai ani." a ti sam et a.

"Evelyn chuan hria se a alh lo chauh ang chu mawle."

"Evelyn nen hian kan serious hlei nem. Kan in date satliah mai chauh ani."





Ruata chu a nui hawk hawk a, "I nula mi ve em ani ti raw... Hmeichhe nalh leh hmeltha hi chu i hria in an lak ah ui reng i nei ngai silo. Hei vang tak hian a lawm sumdawng mi hlun ka pu nen hian in in mil theih thak loh ni. Sum renchem hi chu i zir ve a ngai ani."

"I mi ngaih ang em em a lerh chu ka nilo a sin mawle."

"I lerh ka ti lo-i nula mi ka ti mai a lawm."

"I ngaihdan mai anih chu a..."


&&&&&&&&&&&&&&&&&


Dingpuii chu Bank ah kal in a pawisa neih zawng zawng chu a la chhuak a. Josea car an dahna wirkshop chu a pan ta a. A chhiat hma ang mai a nalh a an lo siam zo tawh tih a hmuh chuan a thaw huai a, nui var var hian, "wow.. a va tha tawh ve a... in rang kher mai. Ka lawm hle mai, ka lawm lutuk e." a ti chul a. "Siam man hi eng zat nge ni dawn?" a ti zui zat a.





Manager chuan nelawm tak a lo nuih in, "Nula, car siam man chu Alex khan a pe vek tawh a lawm." a ti ta mai a.

Mak ti zet hian a ka hau a, "A pe vek tawh a !!? Kha pa lian leh sang tak khan maw!?" a ti let ha a.

"Aw ni e. Ama car siam man nen a pe nghal a lawm. I vannei hle mai ngaihzawng fel leh polite tak i nei a."






Kha mipa chapo leh sang zet kha a ngaihzawng anih loh thu hrilh tum in a ang ziau a, hrilh leh ta lo chuan a nuih liam pui ta zawk a. "In chung ah ka lawm lutuk a nia." tiin car ah a lut a, Jose te in lam pan chuan a in khalh ta nghal a. An in a thlen chuan garage ah a car chu hung in kawngkhar a kik kauh kauh a.

Jose chuan thawh phan hmel zet hian kawngkhar chu a rawn hawng a, "Hi...."

"I car ka rawn kir leh a.." tiin chabi chu a pe a. "Engmah hmel hemna awm lo... a thar ang vak in.." tiin a nui var var a.

Ham bui bui pah hian, "I in ti na lo hlauh chu a lawmawm e. Hawh lo lut la mawle, pawn a ding reng lo khan." a ti a.

"Ka hmanhmawh bawk sia ka lo lut lo mai ang. Jose, ka lawm lutuk a nia."

"Thian tha tak leh i substitute bench luah lum tu ka ni a lawm. I tan eng pawh ka huam reng thin... i hriat vek kha."

"Ka kal phawt mai ang aw... Bye..."


&&&&&&&&&&&&&&&&&&&


Dingpuii, Siamtei, Jose, Amy leh Becky te chu canteen ah an chawl a. Thingpui in pah chuan Alex nen an in sut dan chungchang chu an zawt nak nak hlawm a. Ani chuan thil thlen dan chu a hrilh ta vek hlawm a.





Dan pangngai in Amy chuan a hmui chu alo ner leh nang a. "Workshop bill chu aman alo pe vek a maw? A va mak ve a.." a ti hluai a.





Dingpuii chu a nui mai a, "Tih at in a awm thut ani ngei ang. Min chawi tir kha a chak hmel teh lul nen aman alo pe leh vek bawk si a. Ka hrethiam lo... ka awm te hi a ti nuamlo rum rum mai a nia." a ti a.

Siamtei chu a nui ar ar a, "A star che a ni chiang mai. Captain hmeltha-a dinhmun a derthawng e." a ti lang lang a.

Jose chuan, " Player i thlak dawn anih chuan substitute no-1 ka awm a nia aw.." alo ti zauh a.

"Min star loh dan chu pui tak ani. Min melh dan te chu min huat hmel in min ten hmel tawp. A mitmeng chuan min hnuaichhiah ngawih ngawih ni ber in ka hria. Enteh u_KS emaw min la ti zui mawle. Khanglang a!"

An ni ho chu za em em hian an nui ta kiah kiah hlawm a.

"KS emaw a ti che maw !!??"

"Ti ang chu mawle ! Siamtei kawr min hak tir, mar tawt leh chhing lutuk vang vek kha ani."

"A arsi lutuk che a, sawi ngaihna a hre si lo a a rak kual mai mai anih chu a" Jose chuan a ti a.

Becky chuan, "A hmeltha em? I captain nge hmeltha ang amah chu?" hriat chian chak hmel deuh hian a lo ti a.






A mit chu a chhing vang vang a, a mitthla ah chuan Alex hmel chu a lo lang a, " A sang in a pa lian hle a... feet 6 leh inches 2 daih a sang ani ang. A ngo in a fresh vang mai a. Mahse a nelawmlo khat tlat ani ber mai."

"Wow... wow.. in in kar ah hian tek deuh chiai chiai a awm anih duh hmel."

"Teuh lo mai, Amy. A teuh lo lutuk ringawt. Ani chu maw.. keini chung sang tak a leng ang vel ani a, kan in kar ah hian daidanna bang chhah tak awm ang hi ani. Chu lo ah mipa ngo hian ka mit an la ve lo."

"Chutiang daidanna bang chu hmangaihna in a chhu chhe thei a lawm."

"Ngaihdan hmuar deuh deuh hi lo siam chhen suh, Amy. Ani nen chuan Hate At First Sight an tih ang hi kan ni. Chuvang in i ngaihdan chu a mawl ang ang a hnawl a ni e."
Siamtei chuan, "A hming kha eng maw?" a lo ti bauh a.

"Alex..... Alexander The Inla Greatest !"

"A hming a tang ri ngawt pawn a hmelthat hmel ka ti. Mipa ngo veng vawng leh fresh sar mai hian ka mit an la... min lo tih pui mai teh, D'pui."






Za em em hian an nui leh dar dar a.

"Ka hmuh leh hun hun ah 'kan Becky G in a duh che' ka lo ti ang."

"Nangman duh daih zawk la..."

"Hmeltha mah se Captain India ka nei tawh a. Ka Captain hi thlak duhna leh tumna rilru ka la nei chhin ngai lo reng reng."

Jose chuan, "Captain vannei tak a ni." a ti sup a.

"Kei hi a lawm vannei. Ani ang Captain hmeltha, uniform in hmeh si, paa bawk si, nui mawi si...."

"A tawk... a tawk.. i fak ar ek zo dawn !"

"Fak ani lo, anihna chiah a lawm ka sawi."




Alex chu car ah thu in a phone chuan mi a be mawlh mawlh a. A hma lam kawng sir a Dingpuii chawhmeh ilo vel khai bawr lak a rawn kal a hmuh chuan a thlir vang vang a. A phone hman lai chu dah in "Pathian thil siam zinga mawi ber." a ti sap a. Car atanga chhuak in Dingpuii kawng kal lai chu a va su her lawih mai a.

"I kalna tur en ta che!" tiin Dingpuii chu a te thawt a.

"Oops..! Tihpalh ! Nang leh pek maw! Mi sut hi nuam i ti ve hrim hrim nge i kalna tur i en ngai lo zawk, Cat?" Alex chuan nui var var hian a ti a.

"Oh..., nang maw !" a melh thip ram ram a.

"Aw, ni e, Cat. I tha em? Accident dang i tawk leh em lo ang chu maw?"

"Eng tin maw min koh a?"

"Cat."

"Eng a ???!"






Alex chu a vei nuih sak a, " C-A-T. Zawhte mawle. Zawhte ang mai a kawlh leh tin hriam nei i ni." tiin a kalsan vut a.





Thinrim zet in a ke chu a per at a. Zawhte tiin maw a koh a? Chupa hmeltha tak nui sawng lai hmel ah tak chuan Zikhkum pum lian nelh nawlh a va vawm bur mai chu a chak zek zek a. " Hey... chapopa ! Nang kha.. lo ding teh..!" a ti that a.






"Thinchhenu!" ti a nui var var in Alex chu a hawi let a. Dingpuii lam pan a bike chak tak a rawn tlan a hmuh chuan a nui hmel chu a tawp chawt a. Rang lutuk a tlan phei in a pawt sawn lawp a, a awm si chet chuan a pawm bei ta thlawp a. Bike chuan a rawn tlan pel fua a. "Hrep tak a!" a ti tuarh a.





Dingpuii chu a khur ru der der a, Alexa rim rimtui tak chu a hip veng veng a, a huhang na tak chuan a lungphu chu a ti khawngkhawbai zauh a. Chupa tang chhung a bei chu thlamuan thlak leh him bik ta riau a in hriatna a nei a, a lungphu chu a rawn phu rang ta sauh a.





Bike khalhtu chuan Alexa au ri a hriat chuan a ding chik tuarh a, bike chu herh vir mawp in a rawn tlan let leh a. "Hey.? Nang kha ! Enge i sawi khanglan a ?" a rawn ti rum ul a.





Alexa hmel chu a vawt raih a, aw chang tak hian, " I tlan chak mah mah ani. Mi i ti palh tep a lawm" a ti kha fak a.





Bike khalhtu chu a mi phurh sual hmel zet mai, han en mai pawh in jail vawi hnih vawi thum tal chu a lut tawh anga tih rin mai theih nen chuan an rawn chhuk a. "Ka zilh e te mi i ti ve khang lang elaw?" a rawn ti pawr hle a.

Alex chuan dim te in Dingpuii chu a nam sawn a, "Fimkhurna in tlachham tlat." a ti nghut a.

"Khangkang a! I mi zilhna ka mamawh lo. Bike hi kum 10 chuang ka khalh tawh, ka la accident ngai lo." tih pah in rawn hnek nghal tum in a kut tum chu a rawn thaw phei nghal fua a. Alex chuan alo bum zauh a, a hnek let nghal bur a. An insual chu ani ta der mai.

"Khawngaih in tawp rawh u !" tiin Dingpuii chu a au thawt a.






An insual ta chu Alex chuan pahnih na nana chu a hneh lo lam mah ani. A hmai chu a thi nuau tawh a, a sual pui pa hnar pawh a thi pur tawh bawk a. Mi kawng kal lah chuan hmuhnawm thlir tak hian an lo thlir a.





Amah chhan nan Alex hian he buaina hi a tawng ani si a, amah vang a kut a tuar leh thisen hial chhuak a a awm chu puih let ve a duh ani. A phone chu lek kang in aw ring leng lawng tak hian, "Aw... Police station maw..? Rawn tlan vat rawh u... Hei mipa pahnih in min khawih rawn a... Aw... an bike number maw... Aw... kan en chiang ang e.." a ti lawng lawng a.





An ni chu an in melh zuk zuk a, hmanhmawh fahran in bike ah lawn in an ti nung a an tlan liam ta nghal a.





Alex chuan a mitko atang a thisen lo chhuak chu a mit a a luh loh nan a romol chuan a hru a. "Hman zan khan Police koh kha i hlau hle si a, tunah lah i ko ta chul a." nui suk chung chuan a ti a.

"Tu nge Police ka call ti a?" nui var var in a phone chu a lek vah vah a, "Ka ti der anih kha."

"Lemchan thiam tak i nih hi mawle, Cat." a nui hul hak a.

"I hmai ah thisen chhuak hial khawp in hliam i tuar chung pawn fiamthu thawh in ila nui cheu elaw ? Nang hi mihring pawh i ni lo--Iron Man i nih hi."

"Nang hi hriamhrei i nih hi ti raw. ?"

"Eng vang ngawt chuan maw ?"

A nui a, "I bul hnai a ka awm chuan pem leh hliam ka nei zel a lawm. A hmasa in ka hmai leh kut i ham pilh a, tunah lah--"

"Fiamthu thawh hun anih loh hi. Hospital ah hruai che ila a tha ang."

"Hospital kal pui tham anih loh hi. Iron man chuan na a hre ve thei hlei nem." tiin Alex chu a nui mai a.






An puah lawk damdawi dawr ah chuan luh pui in a hmai hliam chu tih fai sak in pemthar damdawi leh band-aid a lei a. Damdawi te hnawih in band aid chu a bel sak a. "I hmai pawh a vung bur a lawm." a ti a.





Alex chu darthlalang ah chuan a in bih zauh a, "Ka hmeltha tak chu a chhe ta vek anih hi. Ka nu leh ka pu te hnenah chuan Zawhte min hamna tiin ka pha thei tawh hauh lo ang." tiin a nui leh hak a.

"Ka car siam man kha min lo pek sak vek a. Ka...."

"Lawmthu sawi a ngai lo."

"Lawmthu sawi ka tum lo. Pawisa kha pek let leh che ka tum zawk ani. A thlawn in tu pawisa mah ka dawng ngai lo."

"Pek let leh tur a ti ka nilo, Cat."

"Ka pe let leh lo che anih chuan ka awm a nuam theilo kumkhua ang."

A nui suk a, "Chuti anih chuan dinner min ei pui la i ba chu rul ang ah kan ngai dawn nia.. I rem ti em?"






Pawisa in khawl a mamawh em em lai ni bawk nen chaw a ei pui vang a car siamna cheng tam tak kha a save thei dawn anih chuan chu tluk a pheichham manna a awm dawn em ni. Chuloah pek let leh tum eng ang mah se a la duh dawn lo tih a hre chiang ani A thaw ham ham a, "Ummm... pawi loh chu." a ti ta zawk a.

"Rangkachak tengeng i awrh tur ka lei sak ang che."

"Eng a !?"

"Hla tak atang pawn i tengeng ri ka hre thei anga hliam leh pem dang ka neih belh loh nan ka lo pumpelh theih phah dawn che a lawm. A dik i ti ve tho em, Cat ?"

Dingpuii chu chimawm tak hian a nui sawng a, a kut tin sei sel sawl chu Alex hmai bul chet a lek chhuak in, "He Zawhte tin hriam tak a ham i duh loh chuan ngawi mai teh." a ti vawt raih a.

&&&&&&&&&&&&&&&&&&$&&


Dingpuiin in a thlen chuan a pi leh pu te chu kawtah lo ding in an in leh vel chu an lo thlir kual vel mek a. "Pute, in va thlir kual nasa ve a. Hei i chawhmeh min chah te chu ka rawn hawn a." hlim hmel put luih tum tak hian a ti a. A pi leh pu te chuan an rawn nuih na in an mitmeng chu a hlim hauh lo tih a hmu thiam vek tho a.





"Hei i Putea hian Pu LB Sailo chu va hmuh a tum a, amah alo awmlo a. A hnuai a hnathawk h enah thil nih phungte a hrilh chuan beisei a bo hmel riau mai a. In hi hralh mai ila kan ti a, a man tur zat kan lo chhut ru vel anih hi." Pitei chuan alo ti ngui nghuai a.





A thaw hak a, " Pawi ka ti e, Pite,... he in hi hralh loh theih hram se ka ti ngawt mai." a ti a.





A pi chu a nui lui leh a, "Pawi ti suh, bawihte. Tih theih dang engmah kan neih loh hi. Kan tawn chi a piang a lungawi zir thiam hi a tha ngai e. Kan in hi nuai 50 vela kan hralh theih chuan ba kan rulh zawh ah man tlawm deuh zawk a lei tur i dang kan zawng leh mai dawn a lawm." a ti a.





A pi hlim lui hmel chuan a tah a ti chhuak tlat a, a mittui tla tur chu a khap per sak sak a. He in hi an hralh thei lo ang. Kum kha leh chen alo chen thinna, duat tak a a enkawl fai thin chu hmelhriatloh kut ah an hralh ngawt thei lo ang. Pu LB Sailo chu a hmuh a ngai ani. A tul anih phawt chuan a hma ah bawkkhup leh thingthi pawn a khawngaihna a ngen mai ang.





In chhungah lut in a thil lei te chu fridge ah a khung fel a. An in chhung chu a melh kual a midang ta ni mai tur ah a han dah chhin vel a, an in chu mawi thar ta riau leh uiawm leh zual sawt hian a hria a. "Tuman he in hi min neih sak thei lo ang." a ti sap sap a.





A Captain-a hnen ah pawisa puk dil mai duhna rilru a pu thut thut a. A rilru hahna zawng zawng chu a hnenah sawi vek mai a chak ani. Mahse a nuna thil thleng leh a thuruk engkim hrilh a pawisa em puk a dil tur chuan an la in pawh tawk lo niin a hria.





A pi chu a rawn lut a, a darah a rawn kuah a, "I lungngai ani ti raw, Dingpui? I rilru ti hrehawm reng reng suh. He in aia nalh leh tha zawk hi kan nei leh mai dawn a lawm." tiin a rawn hnem a.

"Ka hrethiam a lawm, Pite."

"I rilru na hmel hi hmuh hrehawm ka ti ber ani. Hlim taka i awm hi i Putea nen a kan duh ber ani asin. He in hian Pathian hmel i Putean a hmuhna alo dal reng ani tih zawng in ngaihtuah la, he in kan chan dawn vanga i Putea nun inthlak danglam nasat zia hi a lawmawm in hlawkna ropui tak a9ni zawk a sin."

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 8th, 2020, 1:55 pm

Lingering Memories


Chapter 5

Chumi ni chuan period khat chauh class a kal a Pu LB Sailo hmu tur chuan Dingpuii chu an dawr kawt ah ding in thawk a han la ham ham a. Dik tak chuan a zam ani. "Zam suh, Dingpui. In ti paukhauh rawh. I tan chauh ani lo, i chhungkaw tan a hna thawk tur i nih hi. Tun hi i laka tha em em i Pitei hmangaihna i rulh let theih hun chu ani." tiin a in fuih ru mawlh mawlh a. Sailo Finance dawr lian leh pui khup mai chhung ah chuan a pen lut ta a.





Dawr nghak nula chuan nelawm taka lo nuih sang in, "Puih theihna che ka nei em? Enge mamawh leh duh te i nei ve a?" a lo ti zang vah a.





"Pu LB Sailo hmuh tum a lo kal ka nia...."





"Aw... ani maw... awle lo nghak lawk rawh aw." tiin phone chu a hmet zauh a. "Ka pu, hei hmu duhtu che an awm a... aw... awle...." tiin a phone chu a dah a, nui sang chung hian a rawn melh a, "Pu chu i hmu thei dawn anih chu. Hey, Zambawih, Pu ber office ah han hruai lawk ta che." a ti nghal zung zung a.





Zami chuan, "Awle. Khawngaih in min lo zui rawh." a ti a. Chhawng chung lam ah chuan annin zui chho ta a. "Awle, hei hi pu ber office chu a nia, a lo nghak reng tawh che a khawngaih in lut ta che." a ti a.





"Ka lawm e." Dingpuii chuan a ti sap a. A zam lutuk ti ziaawm tur chuan muang fan raih hian vawi sawm vel chu thawk a han la vang vang a, office chhung zau, thianghlim leh dai raih ah chuan a pen lut ta a. Pu LB Sailo chu amah hnungchhawn zawng in chair vir thei ah thu in phone a hmang mek a. Phone a hman zawh chuan amah hmachhawn zawng chuan a rawn in her a. Pu LB Sailo hmel a hmuh chuan a phu zawk a, a meng zau nghak kawk a. "Mah... Mahse... nang maw...!!??" mak ti lutuk chuan a ti phawk hra a.





"Hello... Kitty Cat..." tiin Alex chu a nui sang a. Nimin a an insualna vanga a biang ding lam duk raih leh a mitko a band-aid in bel chuan mak tak mai in a ti lang paa in a ti tha zual sauh a.






"Pu LB Sailo hmuh ka tum a..."
"I mi hmuh tum chu ka ni a lawm, Cat. Alex LB Sailo."

"Mahse....."





"Thu rawh, Kitty Cat. Eng nge min hmuh i duh chhan? Dinner ai ah lunch ei dun i rawn rawt dawn em ni?" tiin a mitmeng dum muk raih chu a meng zim san a.
Muangchang in a bul chair ah chuan a thu a. Pu LB Sailo chu pa upa lam emaw putar tawh tak tur ah a lo beisei lai in Alex alo ni chu mak a ti in a hrilhhai letling hial ani. "Chutiang lam pawh a ni lo.." a ti niah niah a.





"A nih eng lam nge ni ta?"

"Englo ania... ka... ih... englo...."






Alex chuan kut a beng thak a, a nui ri hawk hawk a. A nui ri chu a mawi phian leh nghal a. "Wow... woww.. ka Kitty Cat kawlhsen leh leili tha zet thin kha sawi tur hre lo in a haihchham ve thei ngai a ni maw?" a ti a. "Nge Zawhte in i lei kha a dawlh sak daih che em ni?" elsen tak hian a han ti leh a.





A elsen awka chuan a thin a khei zar mai a. Huat hmel tak a melh thip ram hian, "Awle, ka rawn kal chhan dik tak chu hei hi ani. Pu Rosiamliana Pautu in i pawisa a puk chungchang ah biak che ka duh ani."a ti ta phawng a.





"Pu Rosiamliana Pautu ? Nimin mai khan ka awm loh lai in min hmuh tum in alo kal an tih tak kha mawle. Ani nen chuan engnge inzawmna in neih?"

"Ka Putea a nia. A leiba kha rulh a hun tawh sia... rulhna tur engmah kan nei rih si lo a... kum hnih emaw kum khat emaw dang hun min pek belh keh thei la ka lawm ngawt ang." harsa ti tak chuan a ti ta phawng a. He pa hma a tlawm tak a lan chu thangtlawm thlak a ti in a tawt ru up up mai a.





Alex chuan a khabe phir thai chu a tuai nauh nauh a, mitmeng fir leh sumdawng mitmeng dik tak chuan a rawn melh a, "Hun chu lo pek belh thei ta lo che ila?" muang fan raih hian a ti a.





A tho phat a, " Hun chu min pek belh thei lo anih pawh in kan in leh lo saw chu i nei hauh lo ang." Thinrim aw khur dar dar chuan a ti a. A hma a thu pa chu a huatna a zual sauh a.

"Ti kha chuan ka Kitty Cat dik tak kha i ni leh ta chiah e. I tin hriam tak khan min ham suh aw, Cat." tiin nuihzat hmel tak chuan a meng de sawr sawr a.

"I Kitty Kat maw ? I ta ka nih lai awm reng ka hre lo."

"In bengdai teh, Cat."






A thinrim lutuk chu a biang te chu a tai hlar tawh a, "Ka in bengdai ang maw? Nang ang mipa chapo leh in dah sang si hian eng tin nge ka Putea te ang zu ngawlvei card khelh pui duh khawp a hniam ah i awm theih zawk a? Ani ang zu ngawlvei rilru fim pawh pu lo chu card khelhna ah a pawisa neih ang ang i man kawnkaw sak a, a neih chhun a in leh lo chu dahkham lo theilo ah i siam ani. Mi rilru chhia leh tenawm--Vangvat i ni." tiin a thinurna in up bet rei tawh tak chu a puahchhuah pui ta pawp pawp a. Alex-a hrim hrim pawh huat tawh nak lai in a pu bumtu LB Sailo a lo ni leh zel chuan a huatna a ti belhchhah sauh a.






Alex chu a meng vawt raih a, a ruangam lian tak chu a in sang mar nghal at mai a. "I hre sual anih chu, Cat. Kei hian card ka khel ngai lo a, tu sum leh pai mah a thlawn in ka laksak ngai hek lo. Sailo Finance hian a bungraw zawrh te chu mi harsa zawk hnen ah instalment ten a pe chhuak thin a. Mamawhte hnen ah dahkham neiin a pung awm in pawisa a puk tir thin. Sailo Finance hian Mizoram district khawpui tin deuh thaw ah branch a nei a, card khelh ah a in hnamhnawih ngai lo. Ka hriat theih chin ah chuan i Putea chuan ka hnenah a inhmun pass-na dahkham in loan a la a. Chu a loan lak chu card khelh nan nge mi harsa tanpui nan a hmang ral tih lam ka hriatpui ve lo. Ka tih ve zawng chu pawisa a mamawh a a pung awm in ka lo puk tir mai ani."






Dingpuii chu a thaw hawk a, a zak chu a sen tawn tawn a. "Chu pawh nise..." in thiamlo tak chung chuan a la ti talh a. "Hun min pek belh loh chuan kan in leh lo saw kan chan mai dawn a... khawngaih in hun min pek belh rawh."






Alex chu a chek tlak a, "Hun lo pek belh leh ta che pawh ni ta tehreng ila min rul thei ngei ang tih ka chiang ngam dawn em ni? Kum khat hnu ah chuan ka hnenah lo kal leh in hun min rawn dil belh leh mai lo ang maw ?" a ti a.

"Ka tiam a che, hun min pek belh chuan ka rul vek ang che...."

"Eng tin nge nang te reuh hian kum khat chhung in nuai thum chu min rulh ang?"

Thinrim zet hian a meng vam ham a, "Eng tin tin emaw ka rul thei mai ang che." a ti bak hlar a.

"Eng tin nge chutiang sum zozai chu i thawhchhuah ang? I in zuar dawn anih chuan ka lo lei ang che" a ti hul hak a.

"Eng a? Nang mi hurherhpa !" a tho thut a, a hmai a ham tum chuan a kut chu a lek uaih a.






Lo thlek sawn zauh pah chuan, "Ka fiam che a nih kha, Cat. La run lutuk suh." tiin a nui a. "Hun ka pek belh thei dawn che em ka lo in ngaihtuah anga ka thu tlukna chu naktuk dinner kan ei hun ah ka hrilh ang che." Alex chuan a ti a.





Muangchang a thut that leh pah chuan, "A tha a lawm. Naktuk ah chuan chaw kan ei dun dawn nia." tiin a thi awrh lai chu khawih neuh neuh in a kut zungchal chuan a vet kual neuh neuh a. "Thu lawmawm lam hriat ngei ka in beisei." a ti leh halh a.

Alex chuan Dingpuii thi a hmuh chuan a thu ngil zawt a, mak ti tak hian a melh ta tlawk tlawk a. "I thi awrh kha--"

"Enge ka thi awrh chu ?"

"Thi nalh leh dangdai tak anih kha.. A man a to ngawt ang ti raw.? Khawi a i lei nge ?"

"Ka nun a mi pawimawh tak min pek a nih hi."

"I boyfriend maw?"

"Lo buai suh--i hriat ve vek a tul lo. I sumdawnna chauh ngaihtuah rawh."

Alex chu a nui hak a, "Tawng thei reuh lutuk mai." a ti sup a. "Ei tur ka'n chah ang e eng nge i ei duh ve?"

"Engmah ka ei lo mai ang. Class kal ka la ngai a, ka muang hman tawh lo. Ka kal mai ang."





Dingpuii chhuah hnu chuan Alex chuan Dingpuii thi ang chiah a awrh lai chu phelh in a en vang vang a. A mitthla ah chuan an naupan hun lai te chu lo lang uaih uaih in. Aizawl a an chhoh hma zan khan in thlahna te siam in ar te an kang ve anih kha. An haw tur phallo Puitei tap reng mai thlem nan a nu i thi a pe, "He thi hi i Pa Rama'n kan inneih kum khat tlin lawm nan a Delhi a designer thiam tak hnenah a bik tak a a siam tir ani a. I u Mama nen hian awrh dun ula. Hmun hran daih ah pawh awm ula he Thi hi in awrh chhung chuan a veng him tlat ang che u nga, in in hmu leh vat dawn a lawm. In in hmu leh hma chu awrh reng ang che u." a ti a.






Puitei mittui tla per reng pawh chu a rawn nui chhuak a, "Ka nu Sang, thi hi ka awrh char char chuan ka U Mama nen kan in hmu leh vat ang maw?" a ti a.
"Hmu leh vat dawn e. Couple necklace ania. A hrang ve ve in a awm rei thei lo. A awrhtu te chu hmun hran daih ah an awm pawn a hruai khawm leh thin ani. He Hriatrengna Thi hian hmun khat ah a hruai leh dawn che u a nih chu. Naupang fel leh hmeltha i nih kha tap tawh suh aw, Puite."

"Anih chuan ka tap tawh lo ang. Anu, min en teh... ka thi hi a nalh ti raw... ka inhmeh em? Ka U Mama ai in ka in hmeh zawk ti raw, Ka Pa Ram" Puitei chuan a ti chul a.

Pa Rama chuan nui vur vur chung hian, "E.. kan Puitei hian a in hmeh zawk daih a nih hi mawle." a lo ti ve thuai a.







Alex chuan, "Ih maw, Puite, Aizawl ah in kan luah anga i nu nen kan bula awm tur in kan rawn hruai leh ang che u. Ka awm loh hlan a mi in an lo velh che chuan ka rawn kal leh hun ah min hrilh anga ka rawn hnek hrep mai ang." a ti a.






An haw tur motor a an tlan chu Puitei chuan tap chung in a rawn um zui tih a hmuh chuan Alexa mittui chu a tla zung zung a. "Pa, ding teh.. Puitein min rawn um a nia.." a ti tuau a.






A pa chuan motor chu a tlan chak tir sauh a. "Ding mahila kan hruai tel ve thei dawn chuang lo, a lunglen khawhar kan pawh sei sak mai mai ani. Hna te ka zawm fel anga hma thei ang ber in kan zin leh zawk dawn nia." a ti a.






A nu pawh chuan mittui tla par in Puitei chu a thlir zui tawk tawk a. "Kan bul a lehkha zir tur in awm pui daih a nia ka duh ni. An ngaihawm nufa em mai." a lo ti a.






" Ni e, an nufa in kan awmpui em em ang."






An chhoh a tanga thla li hnu chuan Puitei te nufa tlawh tur chuan an zuk zin ta a. Mahse an ni nufa chu hmuh tur reng an lo awm lo. An thenawmte hnen ah an chanchin an zawh chuan, "in chhoh atanga thla khat vel lek ah khan Pi Thangi kha a Vawk chaw pe tur a tlu sual palh a step ah lum in a boral a. A fanu Puitei kha chu Pi Thangi nuta pa Shillong a awm ten an hruai daih a" tiin an lo chhang a. Pi Thangi thlan te tlawh in a nu chu thlem zawh rual loh a nasa in a tap a.






Alex pawh chuan Puitei a hmu leh ngai tawh dawn lo tih a hriat chuan a rilru a hrehawm in a tawt up up a, tap chung in Puitei te in hlui ah chuan a tlan lut a. An rual a an lo hruai ve mai lo kha a thin a rim a a pa vang ah puh in thla khat dawn chu a pa a biak duh loh phah kha a ni a.






Alex chu a thaw hawk a a lu chu thing nawk in a naupan lai hun a suangtuahna ata chu i ti harh in a office dawhkan a a pa thlalak a tar chu melh in, "Pa, Puitei kha ka hmu leh tawh a sin. Tunah chuan thlamuang tak in i thlarau kha chawlh tir tawh rawh aw. Puitei chu hlim tak in ka siam ang" tiin a phun sap sap a.






A pa in a boral hma a a thu sawi hnuhnung ber kha a beng ah a lo ri nawn leh a, "Mama, ka nuna ka inchhir ber chu maw i unaunu, i ngaih em em Puitei kan bula kan hruai ve ta lo kha ani. Ka hruai ve loh vanga thla khat chhung ngawt nang in min be duh lo kha ka hrehawm tih ber lai ani bawk. Chu vang in i nun ah thu tlukna siam a ngaih hun a lo la thleng ang. Chutih hun ah chuan i rilru nilo in i thinlung ngaithla thin ang che." a ti a nih kha.






Nau ang chiaha a en a ngaih em em thin leh hmuh leh a chak em em thin Puitei leh Kitty Cat hi mi thu hmun an lo ni reng a maw? Naupang cher chhe dawldang ve deuh thin kha eng tin nge tiang khawp a hmeltha leh nalh a alo than puitlin theih?






A thi chu hum vang vang in, "Puite, ka nu in a hmu chak ngawt ang che. I ngaih em em thin, a kalna piang a i zui zel thin i U Mama kha ka ni a sin." tiin ama hriat tham lek chuan a phun mawlh mawlh a. A nu nen an hmuh chak em em thin chu an bul hnai mai ah an ban phak lek in a lo awm reng si a. A rilru chu eng emaw tak hian a kam ul mai a, dawr a awm reng pawh nuam a ti tawh lo. A car chu la chhuak in a in khalh haw ta a.






In ngaihtuah muk zet hian in chhung ah chuan a lut a, a mitthla ah chuan Dingpuii hmel ngawt chu a lang a. He hmeichhia hian a thluak a ti buai vek tawh a ni.



A nu chuan a fapa a hmuh chuan, "Mama, i lo va haw hma ve a... i nuam sam lo em nge i hmel lan dan a va diklo ve." a lo ti thuai thuai a.

A nu biakna pawh hre chang lo chuan a room lam ah a chho nghal a. A nu leh a pu chu ngaihna hriat loh hmel zet chuan an in melh tawn hu hu a. A nu chuan aw ring fiak thak hian, "ALEX LALBIAKNUNG!" a ti tuarh a.






Alex chu a ding chawt a, a nu chu melh in, "A-Aw- Eng nge- Min bia em ni?" mawl hmel zet hian a ti hu a.

"I nuam sam lo em ni?"

"Ka tha a lawm." tiin a room ah chuan a chho tlang a, a khum ah chuan a mu zangthal duai a.

A nu chuan a rawn um zui nghal a, ngaihthat loh hmel tak hian " I chung ah eng thil diklo emaw chu a thleng a ni ti raw?" a ti a.

"Zawhte in ka thinlung a ham hliam a."

"Hman zan a i hmai a ham thi ang khan maw?"

"Aw..."

"Evelyn chu ani em lo ang chu ti raw?"

"Nilo e. Amah chu-" tiin hrilh vek a tum uk a, a ngawi leh ta daih a.

"Amah chu tu maw ?"

"Nakin ah ka hmelhriat tir ang che. I hmeichhe duh zawng tak tur ani." inrintawkna ngah hmel tak hian a ti a.






A nu chu a nui a, "Nie, min hmuh tir vat dawn nia. Hlim tak a awm tur in ka duh che ani. I pu hian a sumdawnna hi i kut ah a dah pumhlum hma lutuk hian phurrit a siam mai che niin ka hre thin a. Mahse chhel leh chak tak in awm zel la, i pa ai awhtu leh ka in nghahna awm chhun i nih hi." a ti a.



"Ka hria a lawm.."

"Rilru puitling taka awm hi i mamawh a nia."

"Nu, Puitei kha i la ngaihtuah ngai em?"

"Puitei kha chu a nu ang in a boral tawh a nih ka ring."

"La dam ta se min la hre ve reng ang em? Kha tih lai khan a la naupang ropui sia, a hriatrengna atang in kan bo daih tawh ang ti raw ?"






A nu chu a thaw hawk a, "A la dam anih chuan min la hre em em ang. Kha tih lai khan kum 9 lai ani ve tawh a lawm. Kei pawh kum 7 ka nih lai hun te ka la hria a. Ani pawn min la hre em em ang- min theihnghilh hauh lo ang." a ti a.



&&&$&$$$&&&&&&&&$$



Dingpuii chuan a zirlai a chhiar zawh chuan a phone khawih pah in a mu zal a. Hunter chuan a rawn video call a. Tun ni li kal ta atang khan Hunter-a a ngaih veng veng thinna kha a reh ta daih ani tih a in hre thar chiah a. A in thiamlo hnuhnawh leh hle a.






"Hi, sipai..."

Hunter-a chu a biangsum khuar kalh lang chuan a nui var var a, "Ka ngai lu tuk che hi ka aa lo chauh ani." a rawn ti nghal tawng a.

"Kei pawn.."

"Tawngka chauh ! I hmel leh awka ah khan min ngaihna a lang tel tlat lo"

"Ka ngai che a lawm."






A chal chu kik kauh in, "Tih theih dang ka nei silo a i thu sawi chu ka ring mai ang. Tuna ka duh ber chu maw i bula awm a kuah vawng vawng che a ni. Ka ngai lutuk che hi ka damlo mai dawn ni mai in ka in hria." a ti fan raih a.






"Naaa... zuau suh, Captain."

Hunter-a chuan a hmui chu a tawk zauh a, "Ka thu ruk ka hrilh ang che aw" "... i hre duh em?" a ti a.

"Min hrilh phal chuan..."

"Vawiin tlai ni tlak dawn vel khan maw ka ngai lutuk che a, ka mittui a tla mawle. Ka nep i ti em?" tim deuh tak chuan a ti a.

Za tak hian a nui ar ar a, "Mipa an tap ngai em ni, Captain?" fiamthu tak hian a ti a.

"Ka tap lo, ka mittui a tla."

"I mittui tlak chhan nih ka duh lo, i nuih chhan nih zawk ka duh."






Hunter-a chuan sexy zet hian a heh chu a pet sawi a, "Ka hlim chhan chu i ni ngei a lawm. Nangmah vang in ka hlim a, nangmah vangbin hmangaihna awmzia ka hria a, nangmah vang in ka lung a leng bawk. Ka rawn haw hun ah chuan min hnial pawh ni la nupui ah ka nei tho ang che. I tello a nun hman chu a hrehawm em mai. Heti ringawt chuan ka aa thei mai ang." aw ril raih chuan a ti a.





A nui hak a, "Ka hnial tlat che chuan min nei lui thei nang." a ti a.

" Fiamthu zel lo teh... ka ngai teh mai che a nia. Min hnial bur a nih pawh in cave men hun lai ang khan talhtum in ka vaw thlu tawp ang che nga, i samah ka hnuk haw mai ang che." tiin sipai chu a nui ta hawk hawk a.

"Vuak thluk a hnuh haw ai chuan zui nghal mai che ka thlang zawk ang."

Hunter chu a thaw halh a, "Chuti-ka lo haw ve leh min neih i tiam tihna em ni?" a ti lawi rat a.

"Tiam chiah lo..." tiin Dingpuii chu a nui ar ar a.

" Misualnu, ka ngai che a nih mai chu."

"Misualnu bialpa, kei pawn ka ngai cheeeeee..."

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 8th, 2020, 1:55 pm

Lingering Memories


Chapter 6


Hotel fianrial leh reh raih ah chuan Alex leh Dingpuii chu zanriah an ei dun a. Nghakhlel tih hriat tak hian Dingpuii chuan, "Chuan - i thu tlukna chu eng nge ni ta?" soup hawp pah chuan a ti a.





"Thu tlukna ka nei lo."

"Eng a?!" mak ti zet hian a ti ha a. "I thu tlukna hre duh a rawn kal ka ni a, thu tlukna i nei lo a maw? Ka chaw ei chakna i ti bo vek." tiin lungawilo tak chuan a chaw thleng chu a nawr sawn a.

"Rawtna ka siam pui duh che ani."

"Eng rawtna maw!"

"Pasal ah min nei rawh."







Dingpuii chu a khawng nghal lah a, a thu sawi chu a hre sual emaw a in ti hial a., "I aa ta em ni? Inneihna hi infiamna chi khat emaw i ti em ni? Inneihna chu in hmangaih te kar ah chauh thleng tur a sin." a ti ta chiam a.






"Tuna inneihna ka sawi ve hi chu in sumdawn tawnna ang ah ngai rawh."

"In sumdawn tawnna a?"







Alex chu a meng thim raih a, chiang zet hian a mit ah tak chuan a melh lui ngat a, "Aw - in sumdawn tawnna. Min nei la i Putea loan kha ka ngaidam ang." thu tak zet hian a ti a.






Dingpuii chu a phu zawk a, mak tih hmel tak a meng zau kawk in a hma a thu tlangval mit meng dum dim fiah zet chu a en ta reng a.






Ngaihsam hmel zet a dar san ak in a vei nuih sak a, "Mak i va tih hmel ve a, min ring lo em ni? I dam chhunga min nei tur in ka ngen lo che a, kum hnih chhung lek ka nupui anga awm tur in ka duh che ani. Chu chu i ti hlawhtling thei a nih chuan i Putea ba chu ka thai bo hmak ang." a ti a.






Dingpuii chuan a lu chu a thing nak a, "Ka hrethiam lo... ka buai nuaih mai.. min neih chuan eng hlawkna nge nang in i neih ve dawn a?"

"Tuna ka hmeichhe kawp lai hi ka Pu hian a duhlo em em a. A ro khawmtu ka nih dawn chuan ka nula chu ka then phawt a ngai dawn ani. Ka Pu rilru ka hneh nan kum hnih chhung ka nupui ah i tang dawn ani." a ti a. A rilru chuan, "Kum hnih chhung chuan i rilru ka hneh hman anga min hmangaih tur in ka siam hman ang che" a tih zawm zat a.






Dingpuii chuan a chal a dawm vang vang a "Rawtna atthlak tak a nih chu." a ti sap a.

"I rem ti dawn em? I rem ti lo a nih chuan i Putea leiba kha tun thla ral hma ngei in min rulh a ngai ang. Eng hun mah ka pek belh thei bik lo ang che."

"Mipa rilru tha lo leh nunrawng tak ini."

"I rilru lo siam fel la i duhthlanna chu ni hnih hnu ah ka office ah min rawn hrilh dawn nia."







Ten hmel zet a hmui ner nang in Dingpuii chuan a melh rawm rawm a. "Midang rilru leh ngaihdan i ngai pawimawh ngai lo a, nangmah chiah i in ngaihtuah a. I hlawkna tur chiah i ngaihtuah a, i hlawkna anih dawn phawt chuan mi dang chuan hloh mah se pawi i ti lo." a ti hlak hlak a.







"He inneihna ah hian nang leh kei hian hkawkna tur kan nei veve a ni. Nang in i in leh lo i nei hlen thei anga, kei Pu ro zawng zawng ka khawm thei dawn ani. Duh thlanna erawh nangma siam tur a ni - ni hnih hnu ah." ti a nuihzat hmel tak a meng de sawr sawr hian a ti a.






"Ka hua che."

Alex chu a nui sak a, mit siai khum zauh pah chuan, "Kei chuan ka haw ve lo che, Cat. Nang nen hian lawng pakhat a chuang dun kan nih tak ber chu."

"Mr Casanova, i hmeichhe chhai kual thiamna kha chu hmeichhe dang tan khek zawk la a that ka ring. Nang nen hian in anna pakhat mah kan nei lo - kei chu chhun ka ni a, nang chu zan ini."

"Opposite attract an tih kha."

"Kan pahnih a kar ah chuan a ni ngai lo ang. Ka kal mai ang e... ni hnih hnu ah ka rawn hmu leh ang che, Aw Lalber." a ti nghat a.

"I puar em ni? Eng tham mah i ei si lo a..."

"Ka puar e. Chaw tuihnai tak min ei chhuah pui a ka lawm e." elsen hmel tak chuan a ti a.



$$$$$$$$$$$&&&&&&&&&&



Dingpuii chu amah chauh in bathlar ah a thu a, a hlim hlawl lo ani. A rilru chu a buai nuai nuai hi ani ber a. Alex hi a hnar a nih chuan an in leh lo an chan ngei dawn a. Lo nei ta se eng tin nge a Captain hmeltha kha a awm ang? A rilru tawt lutuk chu aw rawl tawp a au chhuah rawng rawng mai a duh hial a. A Putea te nupa hian enkawl sei lian in a tan engkim an tih sak a. Tun hun hi an lo enkawlna rulh let hun tha tak chu a ni ngei mai. Mahse Hunter-a mawlh kha...







Van lam melh in a thaw hawk hawk a, "Ka nu, ka pa min tanpui lul rawh u. Eng kawng nge ka zawh tak ang? Keimah mai chuan thu tlukna ka siam ngam ngang lo ani. Min tanpui rawh... min tanpui rawh... Hunter-a hi ka chan phal lo.." a rilru chuan a ti mawlh mawlh a.






A Pi chu a rawn chhuak ve a, " Eng nge i ngaihtuah veng veng a? I hmel lan dan kha a hlim lo in tap mai tur hmel i pu a lawm le." a ti a.






A pi kut chu lo hum sak vang vang in, a rilru te te chuan, "Pi, i mi hmangaihna vang chauh tal pawh hian i in hi ka neih let tir leh ang che. Eng ang pawh in Alex hi hua pawh ni ila nangmah vang chauh in ka nei ang." a ti rilru mawlh mawlh a.






"I lung a leng a ni maw?"

Harsa ti tak hian a nui lui hram a, " Pite, ih maw... englo a nia... ka thianpa Alex an inneih pui ah min sawm a..." a ti chhuak thei hram a.

A pi chu a nui ta var var a, a sam ah chul sak in "I biak fo kha em ni?" a ti a.







"Tu ka b-" Hunter nen an in biak thin kha a lo hre ve ani tih a hriat thiam tak ah chuan, "Aw ni e." a ti ta zawk a. " Mahse eng tin nge ka tih tak ang? Pite, ka pawm dawn nge ka hnial zawk dawn? Keimah mai chuan thu tlukna ka siam ngam loani. Eng hi nge ka tan tha anga eng hi nge ka tan tha lo ang tih pawh ka hrethiam lo. Ka buai nuaih mai." tiin a pi dar ah chuan a bei tlan a.






A hnungzang ah chuan a beng thap thap a, " Buaina tur a awm loh chu. Kum 21 lai ini ve tawh a, pasal nei rual ini ve tawh tho a lawm. I hmangaih a nih chuan a sawmna chu pawm la palai rawn tir rawh se." a ti awlsam et mai a.







"Pite, pasal nei tur chuan min duh a maw?"
"Pasal nei lo in kan bula awm kumhlun tur i ni hlei nem. Kan hun tawn hrehawm tak kar a in hnemna tur i nei hlauh hi ka lawm zawk a sin. Amah chu eng ang mi nge ni reng reng a? In nghahna tlak a ni em? A hmel pawh kan hmu ve chak a lawm leng ah sawm la."

"Chhungkaw khawsa thei tak an ni a, an chhungkaw sumdawnna dawr lian tak chu aman a enkawl mek a ni."

"A that chu. Leng ah te sawm la min in hmelhriat tir ve ang che."

"Teh reng mai."

"Hlim tak in awm ang che aw, Bawihte. Ka va mu tawh ange, nang pawh meng rei lutuk lo la." tiin a pi chu inchhung ah chuan a lut ta a.







A pi luh hnu chuan a thaw huai a, a awm chhungril tawt lutuk chu a chum taih taih a. Hunter hnen ah eng tin nge a hrilhfiah tak ang? A tah hi a chhuak ngawih ngawih mai a. Kut khur der der in phone chu a lek kang a, "Min ngaidam rawh aw, Captain, min ngaidam rawh." ti rilru mawlh mawlh chung in Hunter-a number chu a dial ta a.

"Hello... ka van angel duhawm.."

A aw a hriat chuan a in sum zo hlawl lo, a mittui chu a rawn tla zawih zawih a, "Sipai..."

"I aw a va dik lo ve. Phone kha dah rawh. Video call a biak che ka duh, i hmel lan dan ka hmu duh." Hunter chuan a ti a.

"Aih... i hmel hmuh ka duh lo."







Hunter chuan phone chu hang up in a rawn video call a. In sang mar teuh chung i a lo chhang hram a. A hmeltha tak a hmuh tak phei chuan a lungchhe zual sauh a, tap chhuak lo tur chuan a heh a pet fan fan a






"I tap a ni maw? I chhung ten an hau che em ni?"
"Aih..."

"Ti nge i tah si...?"

"Pasal ka nei dawn a. Nang nen hian hma lam hun suangtuah tur engmah kan nei tawh lo. Kan in kar thu hi zan in atang in a tawp vek tawh."






Captain chu mi a ang mai hian a te tuarh a, "Eng maw i sawi a?" Hmuh theih in a hmel te chu a dur nghal khup a, a hmui chu a khur hlawk hlawk a. " Min bum suh aw... i ti fiam a ni ti raw, Dingpui?" mangan hmel tak chuan a ti ruai a.






"Ka ti tak tak. Pasal ka nei dawn. Khawngaih i min rawn be tawh lo la, ka number pawh hi deleat nghal ang che. He khawvel ah hian Dingpuii hi a piang ve ani tih i theihnghilh nghal dawn nia - khawngaih in, Captain."

"Nang hian min phatsan a maw..???!! Eng tin nge i theih zawk a... mawh... mawh.." tiin Hunter chu a tap lo chauh hi a ni ber a. "World Cup Football ah India ram a champion hma chuan ka tan i rinawm ang tiin min tiam a ni lawm ni?" mangang tak hian a ti ruai a.

"Min ngaidam suh, Captain... i mi ngaihdamna hi ka phu lo ani." mittui tla zawih zawih chuan a ti a. "Ka tih nat che a vang in pawi ka ti lutuk... Mangtha, Hunter, kum khua a tan mangtha.."

"Nilo... phone kha la dah teh suh. He tiang teh tlawng chu a dik thei lo. Ka hmangaih em em che. Ka..."

Dingpuii chuan an in biakna chu ti tawp in a phone chu a switch off nghal hmak a, hmai hup i thawm dim te chuan thinlung kehchhia in a tap ta hlawp hlawp a.





Hunter-a chuan Dingpuii chu a call nawn mawlh mawlh a, switch off a in ti zel mai si a. A thinrim leh mangang lutuk chu an bahrik tual ah chuan a vei thuak thuak a. A thlan te chuan a bual huh hluam tawh a. Tuna a thinlung nat dan hi a sawi fiah thiam dan pawh a thiam lo. A nung chung in a kawchhung hi rawn hai chhuak vek ta se chu ai pawh chuan a la na zawk in a ring a ni.






"Hrep tak a ! Hrep tak a !" a ti nghut nghut a. Dingpuii a call tlang theih tak loh ah chuan Siamtei a call ta ringawt a.

"Hello, Captain India.. Makima nen kan lo in be zo chiah a. I lungleng a nih chuan va be mai zawk ta che." tiin Siamtei chu a nui awr awr a.

"Nuih pawh nui suh. Ka thinlung hi a puak keh sawm darh vek a nih hi."

"Oh, eng thil nge ni ta a? In in hau em ni?"

"Pasal ka nei dawn a ti a min rawn then ringawt a nih hi. Siamte, i thiannu hi -"

"Pasal neih chu kaha ! A fiam mai mai che a nih chu."

"Min fiam lo. A sawi lai pawn amah chu a tap a sin. Phone a switch off hmak bawk sia biak ngaihna ka hre lo. Ka thinlung na lutuk hi ka thi mai dawn in ka hria."

"Naktuk ka thawh ve leh chanchin hriat chian tum in an in ah ka va kal anga chanchin chu ka rawn hrilh leh ang che. Pasal nei dawn ni se a hre hmasa ber tur ka ni a sin. A fiam mai mai che a nih ka la ring tlat. I rilru lo ti mangang suh. Engkim a fel leh vek mai ang."

"A fiamthu chu ni hlauh se ka ti ngawt mai. Siamte, ngaihzawng hi ka la nei ngai lo a, Dingpuii hi ka thinlung zawng zawng in ka hmangaih a, ka then thei lo ani. Ka nun a ka hmeichhe hmangaih awm chhun leh hmangaihna awmzia min hriat tir tu, ka nun a number 1 chu amah hi ani. Ka nunna ai pawn ka hmangaih zawk a, min then anih vaih chuan ka dam zo lo ang."


############### ####


Dingpuii chuan phone a on ngam tawh bawk si lo a, a muhil thei bawk silo. Khum ah chuan a let kual chhen a, thawk a han la leh hawk thin a. Zing dar li vel ah chuan a muhil ve thei ta hram a.






Zing dar 6 ah chuan Siamtei chuan a muhil tui lai chu a rawn sawi harh a. Mut kham lo mit thip thum chung chuan a zi mar ar ar a, "I va hma ve a.."

"Mi mawlnu, enga ti nge Hunter-a i tih der a? A rilru hrehawm lutuk nizan pawh a muhil thei loa tlaivar zak a nih chu." Siamtei chuan a rawn ti bawrh bawrh a







Muang chang in khum a tang a thoh chhuah pah chuan, "Ka bum hlei nem" tiin thil awmdan zawng zawng chu a hrilh ta vek a. A sawi zawng chuan a mittui chu a tla fap fap a.

"Awi... a va hrehawm tak !" hnukulh teuh hian Siamtei chuan a ti a, a thiannu chu a kuah vawng vawng a.

"Ka dinhmun hi a khirh lutuk."

"Hunter hnen ah pawisa puk dil mai ila.. min puk tir phal lutuk ang. I hlimna kalsan in i chhungkaw tan i in pum pek thei ngawt lo ang. Kawng dang a awm em em ang, Dingpui. Makima pawh puk kan dil mai dawn nia." Siamtei chuan a ti sep sep a.

A heh a pet fan fan a, "Min puk tir thei pawh nise eng tin nge ka rulh leh ang? Chu lo ah... Alex nen chuan kum hnih chhung chauh a lawm kan inneih dawn." a ti a.

"Ka hriatthiam pui chw in ka tuar pui lutuk che a nia. Captain hnen ah chuan a chhung ten an neih luih tir ka lo ti mai ang. Mahse ka khawngaih lutuk... a rilru a na in a tuar tak zet ani. He pa hian a hmangaih tak tak che a ni."

Khum ah chuan thu in lukham a kuah chial a, "A rlru ka tih nat sak a vang in ka in haw ngawih ngawih a ni. Ka in ngaidam thei pawn ka in ring lo." rilru tawt ut ut hian a ti a.


&&&&&&&&&&&&&&&&&&&&&&&


Alex hmu tur in Dingpuii chu phur lo zet in a chhuak ta a. Zan a mut mumal loh a vang chuan a lang pawr in a dang lap a, a hlim lo in a mitmeng chu a ngui riai a.

Alex chuan, "Lo leng ta che, Kitty Cat." nui sang hian a lo ti zang vah a.

A hma chair ah chuan a thu zawi hnawk a, "Rilru ka siam fel tawh e." zawi sap chuan a ti a.

"Chuan...?" meng de sawr sawr hian a lo ti vat a.

"Ka nei ang che."







Hlim hmel tak chuan a nui var var a, "Ka lawm e, Cat. Min pui nasa khawp mai." tiin chik zet hian a hmel chu a en a, "Pasal nei tur te chu an hlim thin a ni ngai a, nang chu mitthi vui haw lam hmel i pu tlat lawi si." tiin a mit hmul dum kual nalh tak chu a san ak a






"Min chhaih thinrim suh. Ka mood a off teh mai a nia aw." Dingpuii chuan a ti bak hlar a.

"I chhung te lo hrilh la.. naktuk zan ah palai ka rawn tir nghal ang."







Vawt raih leh nelawmna pakhat mah lang lo hian a melh kawk a, "He inneihna ah hian in tiamkamna kan nei tur ani. Pakhatna ah chuan - innei mahila nupa tak tak ang in kan awm lo ang. Pahnihna - Ka mimal nun ah i in rawlh tur ani lo. Pathumna - kum hnih kan inneih tlin chuan kan in then hmak ang. Heng te hi min tiam thei lo anih chuan ka nei thei lo ang che." a ti a.






A dar a san uk a, " Thil har anih loh chu. I duh ang chu ti hlawhtling vek tur in ka in tiam e. Ziak in ka hming sign nen dah that i duh pawh in ka tih sak thei reng che a nia. Nang pawn kan inneih hnu ah chuan kha i kut tin hriam tak kha i tan bul vek tur ani. Chuti lo chu i thinur a piang a ka hmel hmai i ham ran i tum fo dawn a,hmai pilh phung a awm ka duh tawh miah lo a nia." tiin a nui var var a.






"A tha vek e. Ka Putea te bul ah chuan ka neih chhan dik tak che hi kan zep tlat tur ani. An hrechhuak palh hlauh anih chuan inneih an phal dawn hauh lo a nia."

"Awle.. awle.. a tha e. Tun atang chuan mi zawng zawng mit hmuh ah ka nupui hual, min hmangaih em em tu ang in i lang tawh tur ani." thu pe aw tak chuan a ti a.

" Chu chu ka theih ka ring lo."

"I thei tur ani. Lemchan i thiam em kha. Ka chhungte ka hmelhriat tir dawn che a nia."

Dingpuii chu a thaw hak a, " Ka Putea ten an in leh lo an neih let lehna tur anih dawn phawt chuan eng pawh tih ka huam tur ani. A tul chuan Sakeibaknei puk ah pawh ka lut mai ang." a ti a.

"I ngaih ang em em a hlauhawm leh sual chu ka ni lo a nia. Min hre chiang anga min ngaina chhawm ve mai ang."

"Chhun leh zan hi hun khat a a thlen rual hunah chauh."







Alex chu a nui hul hak a, " A nih chuan ni khi zanah ka chhuah tir a ngai dawn a ni maw? Ka va huphurh si em! Vana arsi te khi min lak tir zawk mai la. Nge Norway ram ah ka pem pem pui zawk mai dawn che em maw ni le?" tiin a phone chu a la kang a a nu chu a call ta a. " Hello, ka nu. Zawhte ka rawn hruai haw dawn a, chhun ei tur lo siam kep tur in U Lali kha lo hrilh rawh aw." aw zangkhai vah hian a ti a.







A melh ram ram a, " I inah min hruai dawn a nih chuan ka duh ka duh leh duh loh min zawt hmasa tur i ni a sin. I bungraw zawrh lai ang mai a duhna hmun hmuna hun sawn zung zung theih ah min nga em ni?" nelawm fahran lo hian a ti a.






Alex chuan a beng chu a kut khing hnih chuan a pawt zauh a, " Sorry, Kitty Cat. Ka in ah lunch min ei pui duh ang em?" meng de sar sar hian a ti a.

"Hmmph !" tiin a hawi sawn hmak a, a hmel chu a tum bar a.







Alex chu a nui kiah kiah a, " Ka duh lutuk che, Kitty. I lawmawm reuh tlat." a ti a. Chutah a nui hmel chu tawp thut in a mit ah tak chuan a en ta veng veng a, "Nizan i mu lo em ni?" a ti ta nghut a.






Chupa mizia in thlak thut chuan a awm a ti nuam lo lek lek a, "Mu ve e." a ti mawl tawp a. " In in ah chuan mi eng zat nge cheng che u? Unau eng zat nge in nih?" tiin a phone chu a khal neuh neuh a.






"Ka Nu, ka Pu leh kan awmpui nula U Lali nen. Unau pian pui hi ka nei lo a. Ka nu hi chu i ngainat zawng tak tur - mi rilru tha, hmangaihna ngah tak leh zaidam em em mai ani a. Ka pu ve thung erawh hi chu tuman an ngaina thei lo. A be tha vak lo che anih pawn en liam tawp rawh., a khirh in a chekngel teh mai a nia. Ka pu ka tih chu ka pa pa ania."

"A nih leh i pa?" a ti leh zauh a, a ti ani tih in hre miah lo in a phone chu a switch on zauh pek a.

"Ka pa chu kum 6 kal ta khan motor accident vang in a boral tawh."

"Oh... a van zia lo - " a phone a rawn rik chuan a phu zawk a, a en thuai a. 'Captain India' tih a hmuh chuan a chiai chhe lo chauh ani, a hmel te chu a dang nghal lap a.

, Chik zet a amah lo en reng tu Alex chuan, " Pick up ta che. I be hlau em ni?" a lo ti vawt raih a.

"Ka... ka..." a phone chu reject mai duh tawk lo in a switch off nghal hmak a.

"Enga ti ngebi biak ngam loh?"

Tap mai tur hmel hi a pu a, " Ka be duh lo... ka be thei lo.... aih... ka be tur a ni lo.." a ti mawlh mawlh a.

"I bialpa em ni?"

"Khawngaih in... engmah min zawt suh."

Alex chu a rum nghut a, a hmel chu a nelawm loh in a vawt ruih mai a. " Ka nupui ni mai tur i nih kha theihnghilh hauh suh ang che." a ti chang fak a.

"Yes, Sir Captain !" A tawng sual tih a in hriat rual rual chuan a sen nghal tawn tawn a. "Sorry.." a ti sap a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)