Lingering Memories BY Rodingliani Vanchhawng (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: Lingering Memories BY Rodingliani Vanchhawng (Completed)

Unread post by Ngaia » November 8th, 2020, 1:55 pm

Lingering Memories


Chapter 7



Alex te in pan chuan ngawi reng in in be hauh lo hian an chuang dun a. Alex hmel chu biak huphurh awm zet hian a khauh tung mai a. In lian leh nalh zet mai kawt ah chuan a car chu a ti ding ta a. An kawt zawl zau tak ah chuan pangpar nalh leh changkang tak tak hi a vul chuk mai a.






"Kan thleng ta."

"Wow.... a nalh hle mai... lal in ang mai a nih hi.."

"I ti dik. Sailo Lal In a nih hi" tiin a nui sak a. "Ka nu leh ka pu hma ah chuan min thlahlel tak ang in awm ang che.... kan inneih chhan tur dik tak hriat tir i duh a nih loh chuan," tiin a kut ah chuan hum in in chhung ah a kai lut taa. " Hello... ka nu..."

"Zawhte ka rawn hruai haw dawn i ti khan ka hria a.."






Alex chu a nu bulah chuan a nelawm in a dam thluam mai a, mi chapo leh luhlul a nihna reng a lang lo. "Hei - ka zawhte Kitty Cat anih hi. Cat, ka nu - nakin lawk a i nu la ni mai tur hi han hmelhriat ve ta che." tiin a nui var var a.






"Ka - " chibai tum in a kut chu a lek kang a Alex-a nu hmel a en chuan a phu zawk a, a tawlh hnung nghal dawrh a. A mitthla ah chuan a naupan lai hun hlimawm tak kha a lo lang uaih uaih a. A mitthla a cham reng a Nu Sangi hmel leh Alex-a nu hmel chu a in ang chiah chiah - Alex nu chu tlem in a upat hmel ta deuh e tih mai loh ah chuan danglamna reng a awm lo. "A ni thei lo...! Thil theih a ni lo !" a ti sep sep a.






Alex chuan nui sang in a lo en reng a.






"Mami, thil dik lo a awm em ni? Eng a ti nge kha tia mak ti hmel tak a min melh reng a? Ka hmai ah hian thil a kai em ni zawk?" tiin a nu chuan a hmai a nuai a.

Dingpuii chu a hamhaih luat ah tawng pawh a tawng chhuak lawk thei lo a. A hma a ding hi a Nu Sangi kha a nih tak tak chuan Alex hi a ngaih em em thin a U Mama thin kha a ni tihna a ni maw?







Alex-a pu chu a rawn lut a, chik zet hian Dingpuii chu a lu chhip a tanga a ke ler thleng in a melh chhuak vek a. "Min rawn hmasa lo in ka in chhung ah hmeichhia rawn hruai lut tur khawp in i lo upa ta ani maw?" a rawn ti a.






"Ka pu, tihpalh. He nula hi nupui a tan neih ka duh chu ani a. Hmelhriat tir tur che u in ka rawn hruai haw ani." Alex chuan a lo ti thuai a.






Dingpuii chuan Alex nu chu a pan phei ruak a, a kut chu la in a hmer sak vawng vawng a. Mittui parawl kiang hian, "Ka nu Sang, min hre tawh lo em ni? Laldingpuii Puitei kha ka nia.. enteh, hei i thi min pek pawh kha - " tiin a thi awrh lai chu a hmuh tir a.






"Eng tin maw !!??" a nu chuan phawk zet hian a melh tlawk tlawk a, chutah a kuah chawt aa tao ta hawm hawm mai a. "Puite, ka naute! Nang mah i ni tak tak ti raw..? Hmuh tum che in ka zawng nasa thin che a sin. Khawnge i bihruk bo daih a? Thangi, U Ram, ka ngaih che u a va zual em! Enteh u hei kan Puitei kha ka bulah a awm a sin." tiin a tap ta rawi rawi a.






Pu chuan aw a thian khurh a, "Eng thil nge thleng ta mai.?" mak tih hmel tak chuan a ti hu a. Dingpuii leh Alex nu in kuah chial chu a melh vung vung a.






Alexa nu chuan a mittui a hru hul a, "Ka pa, enteh - U Rama kan bula awmpui tur a hruai kan tum hmeichhe naupang kum 9 mi lek thin kha nula puitling a lo ni ve ta a nih hi." a ti chul a.






"A va mak em em ve a. Pathian rorel dan hi a lo mak hle mai." Pu chuan a ti chuar chuar a.

"Ka Pa Rama chu -?"

"Kum 6 kal ta khan min boral san tawh."

"Oh.... a van pawi tak ! Pawi ka ti lu tuk...."







Alex-a nu chuan a la kuah chial a, "Puite, ka hmu leh che hi ka lawm em em ani. In nufa a kan bula hruai ve daih tur che u in kan rawn kal a, i nu boral thu leh i nu U ten Shillong ah an hruai daih che tih kan rawn hre ta a. Hrehawm kan ti in kan tuar em em a, hmuh leh che kan duh a han zawn vak ngaihna che kan hre si lo a. Ka hmu leh thei che hi ka lawm em em ani." a ti malh malh a.






Alex chuan nui sang hian kut a beng thak thak a, "Nu, i hmeichhe duh zawng tak ani ang ka tih kha i la hre reng em? In mittui te kha hru hul ula ei leh in lam i ngaihtuah zawk ang u - in mittui a in hrai puar in tum a nih ngawt si loh chuan." a ti a.






Dingpuii chuan Alex chu a melh tur khai a, "Alex, eng kim i hre sa vek ti raw? Eng ah nge engmah i sawi loh?" tiin a chhuahchhal a.

"Sorry, Kitty Cat. I U Mama kha i hriatrengna a ta i paih bo tawh em tih ka hre si lo a ka sawi chhuak ngamlo a nih kha." Alex chu a lo pha vat a.

"Nang hi - misual tak leh mahni chauh in ngaihtuah mi i ni. Ka - " a pu in nui vur vur chung in a lo en reng tih a hmuh chuan a tawp chawt a, " Ah! Ka tih palh !" a ti zui sap a.

"A nihna dik tak i sawi a lawm. Ka tupa laktlak lo leh luhlul zet hi nang hian i enkawl thei ber dawn a nih hi. Zan in ah la la hian palai kan rawn tir nghal ang" Pu chuan a ti ta mai a.

Alex chu a lo in rawlh vat a, "Zan in ah nilo in naktuk zan ah ni zawk rawh se." a ti a.

"Min hnial leh ta ! Zan in ah kan tir ang."

Alex nu chuan, "Puite, ka fanu leh ka mo ni tur chuan nang tluk a duh hi ka nei lo reng reng. Hma thei ang ber ah innei ula tih hi ka duhthusam a ni." a ti a.

Alex chuan, "Kha i thi awrh vang khan a lawm ka hriat che. Hei en teh kei pawn ka la awrh reng." tiin a thi awrh lai chu a keu lang a.

A nu chu hlim tak in a nui var var reng a. "Hriatrengna Thi chuan a zawng hmu che u a nih ber chu mawle. Hawh u, thil ei pah in ti ti tlang ang u. Sawi tur leh zawh duh che ka ngah lutuk a nia, Puite." a ti a.







Hlim tak in chhun thingpui an in tlang a. Eng eng emaw sawi in an ri laih laih a. Pu ber pawh a hlim in an ti ti a lo nuih pui ve hawk hawk a. An thil ei zawh pawh chuan Pu ber leh Alex nu in an chelh tlat a vang in tlai tak ah a haw phah a.






A haw dawn chuan Pu ber chuan, "Zanriah ei ve nghal la a that nen i duh tlat si lo a. In i thlen ve leh i pi leh pu hnenah chuan palai kan rawn tir dawn tih lo hrilh la, an phal loh pawh in kan rawn ru chhuak tho ang che." a tih chuan an nui ham ham a.






"Zan in ah a chhungte lo hrilh hria se la naktuk zan ah tir ila a ni mai lawm. Zan in a va kal chuk chuk chu a chawpchilh dawn e." Alex chuan a lo ti leh bauh a.
Pu chuan, "A neitu tur ber i hmanhmawh loh te chuan a tha lawm" a ti ve ta thluam roh a.


&&&&&&$$$$&&&&&&&&



Alex chuan Dingpuii chu a va thlah haw a, rei fe in be loa an chuan hnu chuan, "Ka nu leh ka pu bulah khan hlim tak in i ti ti bawrh bawrh a ka bulah ve lem tawng thei lo ang mai in i ngawi leh tlat a." a ti nang nang a.






"Sawi tur ka hre lo."

"Hman a i ngainat em em thin hmun tin reng a i zui kual dat dat thin, naupang dang lak a chhan tlat thin tu che i U Mama kha ka la ni reng a sin."

"Ka hriatrengna a nung reng ka U Mama leh Alex LB Sailo hi mihran daih an ni."







Alex chu a nui sang a, "Rose par pawh hi hming dang vuah mahla a par mawina leh mi a hipna a dang chuang em ni?" a ti zauh a.






Dingpuii chuan melh ngai melh reng chung in, " A dik a lawm. Ka naupan lai khan ka chawhmeh ngainat ber chu Sangha a ni thin a. Mahse vawi khat ka ei sual a tang khan ka ei leh duh ngai ta miah lo." mahni inbia ni mai awm tak hian a ti sap sap a.






A faifuk raih a. "Hman a i hmeh ngainat ber anih vang tal pawh khan Sangha chu vawi khat tal han ei leh chhin la, a lo la tui zia i hre thar leh in i tui tih ber ah a lo la tang leh mai thei a sin." Alex chuan a ti a.






"Huh !? Teuh lo mai a ! Ding rawh, in ka thleng tawh e." tiin car din ve leh a chhuk nghal a, "A nih phawt mai aw..." a ti a.

"I chhungte min hmel hriat tir ve i tum emaw ka tia."

"A..... a nih leh... lo lut ve la..." tiin an in zui lut nghal a. A pi leh pu chuan TV an lo en mek a.







A pi chuan, "I lo haw ve tawh maw? Eng nga ti nge i phone theih miah loh a? Siamtein biak che a tum a i phone tlang theih si loh a vawi hnih ngawt a lo kal tawh a nia." a lo ti nghal a.






"Ka phone a chiang kuang lo a...Pute,Pite,hei ka thian pa Alex-a. Alex,ka Pitei leh ka Putea te...." tiin a in hmel hriat tir hlawm a.






Hlim tak a nui var var in Pitei chuan Alex chu a rawn chibai a, "Ka hmu che chu ka lawm hle mai. Tlangval hmeltha tak i nih hi. Dingpuii hnen ah rawn len pui tur che in ka lo sawi tawh a...zan tin in in bia a,i hmel hmuh tur awm bawk si lo. A tawp a tawp ah chuan kan hmu ve thei ta hram che a lawm." phur sarh hian a ti a.






"Ka lawm e,ka pi. I tunu hi ka hmangaih a nupui atan neih ka duh ani." Alex chuan thu khuh tit tet lo chuan a ti nghal bawl a.






Putea chu rawn ding chhuak in aw a thian kharh a. "Kan tunu nupui a neih duhtu chu midang nilo in nangmah maw lo ni a? Thil thlen dan hi a va mak ngai ve a..Puibawih,i thianpa Alex hi ka pawisa batna pa Pu LB Sailo kha a nih hi."mak tih hmel tak chuan a ti chul a.






"A ni maw??!Alex,nang mah hi kan pawisa batna chu i ni tak tak maw?" mak tih hmel tak chuan a ti der chiam a.

Pitei chuan, "In hre tawn hauh lo in mak tak mai in kan lo in kungkaih kual vel a lo nih chu maw le." a lo ti chul a.

"Kei pawh in Dingpuii Putea i lo ni reng hi mak ka ti..Heng thil teh nuai a vang hian Dingpuii hi min neih tir phal loh phah em long chu maw..."

"I lei kan ba tun sia..."

"Dingpuii hi i tunu ani ang tih rin ngaihna reng ka hre lo. I tunu a ni tih lo hria ila chuan i lak ah pawh that ka lo chhuah leh zual tur. Ka tih palh ani,Pute."

"A pawi lo. Engkim a tha vek a lawm. Tun mai khan kan in lei duh pakhat in min rawn call a,naktuk ah kan in be rem anga tun thla ral hma chuan i pawisa ba chu kan rul thei dawn che anih hmel e." Putea chuan a ti a.







Alex chuan nuamlo tih hmel tak hian, "I tunu hi ka hmangaih lutuk a, nupui a neih hial pawh ka duh a. A mah vang tal pawh in i in hi hralh lo hram rawh. Khawngaih in i leiba chu theihnghilh la, ka lo thai chhe vek mai ang.." a ti a.






Dingpuii chuan, "Chu tiang ngawt a ni thei nang.." a lo ti zauh a.

"Ka pawisa in bat vang a in in hmun hial hralh a ngai a nih chuan ka in ngaidam thei ngai lo ang a, palai pawh ka rawn tir ngam nang. Nang mah vang chauh in i Putea ba chu ka ngaidam dawn a ni." Alex chuan a ti a.






Pitei chu a thaw hawk a, "Lalpa remruat dan hi a mak in hriatthiam a va har thin em. Alex, Dingpuii nen in lo in tawng hi Pathian remruat ngei anih hi." a ti hluai a.






"Ni e, he hmeichhia hi ka ta tur liau liau a Pathian siam a ni." tiin Alex chuan Dingpuii chu a mit ah tak a melh de sawr sawr a.

Putea chuan a lu thak lo pui chu a hiat sut sut a, "Mumang lam pawh a va ang rum rum ve. Lawmthu sawi ngaihna pawh ka hre lo." a ti nuah nuah a.

"Lawmthu sawi a ngai reng reng lo. Naktuk zan ah palai ka rawn tir dawn a, min lo hnar lo ula chu chu lawmthu sawina sang ber ani mai." tiin a nui hak hak a.

Dingpuii chu a lo ner nang nang a, "Thingpui i duh em, Alex?" a ti a.

"Aih, ka in chak lo. Haw lam ka hnaih tawh zawk mai ang e" a ti a.







A pi chuan "Ka lawm em mai a Parhian hnen ah lawmthu sawi tawngtaina neih a tul tlat in ka hria. Kan in leh lo chan tawh ngei tur a kan lo in ngaih hnu leh rilru mangang em em a kan awm lai in nang hi Pathian in a rawn tir che ani." tiin tawngtaina hun a hmang ta a.





Alex chu car thleng in a va thlah a, "A nih phawt mai....." an lam pan a Siamtei lo kal a hmuh chuan a tawng lai chu a tawp chawt a. "Siamte...."






"Awi ! Hmeli, i phone i switch off vanga ka buai zia hi i hria em? Ka thin i ti rim lutuk. Hmanhmawh in Captain zu be vat rawh. Zu a rui a, in tih hlum a tum a nia aw." a rawn ti bawrh bawrh a.

"Tu nge Captain chu?"

"Alex, khawngaih in kal rawh."

Siamtei chuan Alex a hmuh chuan a ding chawt a, "Oh, ka...."

"Hello, pawi ti suh. Alex ka nia. Captain chu tu nge a nih min hrilh theih chuan ka lawm ngawt ang." Alex chuan a ti vawt raih a.

Siamtei chu a meng buai nak a, Dingpuii chu a melh zauh a, " Ka thianpa Hunter-a a nia....." lai deuh tak hian a ti a.

"Captain maw?"

"Aw... sipai a nia.."







Alex hmel chu a ruh tang a, "Kitty Cat, zuk be nghal rawh. Mahse ka nupui tur ini tih kha theihnghilh suh ang che." a ti nghut a. A car ah lut in kawngkhar chu a khar ri bur a, chak tak in a tlan nghal a.






Siamtei chu a thaw halh a, "Alex-a chu maw? A va han hmeltha taaakkk... cool bawk si." a ti hluai a.






Dingpuii chuan a hmui a hup sak a, "A tawk... a chanchin sawi tawh suh." a ti hlar a. "Pite, Siamtei te in ah ka kal lawk dawn a nia. Chaw pawh ka ei nghal mai thei a nia." tiin a au a. Siamtei te in lam pan chuan an in zui chhuak ta nghal a.






Siamtei chuan, "Hunter-a bul ah chuan i chhung ten neih luih tir che an tum a, i hnial ngam lo ang i ka sawi a" a ti a.


&&&&&&&&&&&&&&&&


Hunter chuan zu no chu a melh vung vung a, a lem leh pawp a, "Makim, India ram hi world cup football ah en tik lai khan nge a champion a?" a ti buh nuai a.

"Ka hre miah lo mai, Captain Sir."

"An champ tawh a niang. India ram World Cup Football a a champion hma zawng a ka tan rinawm min tiamtu khan mi dang min neih sana tum tlat si a. World Cup Cricket a sawina zawk a niang ti raw?" tiin no dang a thli leh nghal leh nghal a.

"I in tam tawk tawh viau ani, Captain."

"Ka thinlung hi a vawt lutuk a a vur khawng vek tawh.. Ka thinlung vawt tak tih lum nan tam tak in ka mamawh ani. Thinlung keh sawm nat zia hi i hre ve tawh em?"

"Aih.. la hre lo."

"Khawvel a ka hmangaih ber chuan ka thinlung hi a ti keh sawm vek a. Mahse, a keh sawm nawi zawng zawng nen chuan ka la hmangaih cheu a nih hi.. ka thinlung hi a na lutuk a ka thi dawn ni mai hian ka in hria."






A phone a rik chuan Makima chuan a la vat a, "Hello Siamte, i bulah khan a awm hnai em ni? Ka lo be hmasa lawk ange aw... phone kha pe phawt la" a ti nghal a.

Captain hmu pha reng si chuan a kal hla thuai a, "Hello Dingpui, nangmah i tha em?" a ti a.

"Ka tha... chuan ka hria. Captain chu eng nge a an a?"

"Mihring pawh a ang lo, a tuar em em ani ringawt. Kan hotu te pawn an hrethiam a rui buai eng ang mah se an court martial kher lo ang. A mah leh mah a i tihnat belh loh nan amah veng tur in mi duty tir ani."

"A nih chuan be hrih lo ila a tha zawk ang a?"

"Aih - i biak loh chuan a aa mai ang. Be hram rawh."

"A nih phone kha pe ta che."







Makima chu Captain bulah chuan a phei thuai a, "Captain, Dingpuiin a be duh che a nih chu." a ti a.






Hunter-a chuan phone chu a rawn ban rang kher mai a, a i thing harh nawk a, " Dingpui,... he khawvel ram zau tak ah hian kei aia hmangaihtu che hi i hmu lo ang. Kha i pasal tur kha kal san in ka bulah lo let rawh. Ka mamawh che." seh chilh nuai hian a ti a.

"Eng ah nge zu i ruih a, Captain?"

"Ka thinlung hliam na lutuk hi chiah dam ka tum a ni." a ti a. " Nun nuam ka tih ve chhan ber i ni a, min kal san anih chuan dam hi ka chak hlawl lo. Pasal min neih san a nih chuan ka in kap hlum ang."

"Ti suh, Captain" tiin a tap tiau a. " He pa hi nei lo thei ka ni si lo a lawm. Khawngaih in hrethiam hram rawh."

Thinrim tak hian dawhkan chu a chum bur a. "Ka engkim kalbo tur hi ka hrethiam ang maw? Thih ka duh zawk" a ti tuarh a.

"Min ngaithla teh, Captain - mahni in ti na duh tur khawp a rilru nep captain i nih ka duh miah lo a nia aw."

Za lo zet hian a nui lui nghek a, " Mahni in ti na a?? Na leh chuang tur hi ka awm tawh lo. Thih hi ka tan chuan damna a ni tawh zawk a sin." a ti nawi nuaih a.

"Mahni in ti hlum duh te chu mi dawihzep ber te an ni a sin. Ka Captain hi mi dawihzep a nih ka phal ngai lo ang." rilru na tak hian Dingpuii chuan a ti a.

"Mi dawihzep chu mahni thu tiam pawh a ding ngam lo te hi an ni" thinrim tak chuan a ti a.

"Min ngaithla teh, Captain, ka phatsan lo che a sin. He pa hi ka nei phawt anga reilote hnu ah ka then leh mai ang."

"I ti tak tak maw??"

"Aw... ka ti tak zet. Kan in hmuh leh hma chuan dam leh hrisel tak in i awm tur a ni. I hrethiam em?"

"Aw... hrethiam e."

"Dam tak a hmuh leh che ka duh a nia aw. Ka phalna la hmasa lo chuan i thi tur a ni lo, sipai. Chu chu thu pek a ni."

" I phone kha i off tawh lo ang tih min tiam phawt rawh."

"Ka off tawh lo ang."

"Ka hmangaih che."

"Rui tawh suh aw?

" Ka hmangaih che."

"Mahni in tih hlum tum tawh suh ang che."


"Ka hmangaih che."

"Captain, khawngaih in pangngai hram teh..."

"Ka hmangaih che."

&&&&&&&&& ((&&&&&&&&&&



Alex- a palai te chu an rawn leng ta ngei reng a, a Putea te tan chuan hnar phal rual ni hek lo. Inneih chu an phal nghal thlap a, a hun leh ni ruat fel tura lo leng leh tur in an thlah fel ta a.





Captain hnen a a lo tiam tawh ang in a phone chu a on a. Siamtei thu rawn thawn chu a chhiar nawn sek a. "Kei hi mi fing nge ka nih duh anga mi ropui?" tiin a in ngaihtuah zui neuh neuh a.

"A hma lam hun tur a dawn vanga a hmangaih ber kalsan ngamtu chu mifing a ni a. A hma lam hun tur pawh dawn zolo khawp a a hmangaih ber kalsan phallo tu chu mi ropui ani."

Hunter hian a hmangaih tak tak anih chuan Alex nen an in then hun thleng alo nghak em em ang. A lo nghak thei lo anih chuan a tana Pathian ruat ani lo tihna a ni mai.

A phone a rawn rik chuan Captain a nih a ring nghal mai a. Captain number nilo in a hriat ngai loh number ani tih a hmuh chuan phur lo zet in a chhang a.

"Cat-" chu aw zawi thawp sat ri a hriat chuan a tiril a khur ru der der a. A mitthla ahchuan Alex hmel chu fiah em em hian a lo lang a, tunah tak hi chuan a be chak hlawl lo a ni. "I Captain ka nih loh a vang in min be duh lo em ni ? " a la rawn ti ta deuh deuh a.

"Alex...."

" 'Yes, Sir Captain' tia min chhang lo chu ka lawm hle mai. I thlem lungawi thei hram em?"

A thinrim lutuk chuan lukham chu a tham ngawt ngawt a. Elsen tur ringawt in em ni a rawn call?

"Ka bulah awm ni la chuan ka hmai i ham pilh leh tawh ngei awm sia ti raw ? " tiin a rawn nuih khum a.

"Ka hua che."

"Ka lawm e. Min huatna avang tal khan i ngaihtuahna ka luah thei a la lawm lutuk."

"Alex, khawngaih in..."

"Enge i Captain i ngai em ni? I lungleng a nih phawt chuan ka hnem thei reng che a nia - eng tik lai pawn. I Captain ai fe chuan hmangaihna chen dun kawng ah chuan ka zei zawk mai thei a nia."

A tawng duh dan hmang chu mak a ti hle a. "Alex, zu i rui em ni ?" a ti ta ngawt a.

"Aw.. hei Bechalor Party kan nei nghal der mai a nih hi, ka nupui hual te tak te."

"Rui chung chuan min rawn be lo hram teh, ka dah dawn a nia." a ti ram hmak a.







Aw chang khak hian, "Dah hlek suh ang che. Captain zu rui be chak a phi ruai kha i ni lawm ni? Nang be tur hian sipai a ka tan ve kher a ngai dawn em ni?" a ti khauh far a.





"Pangngai teh, Alex. Chutiang thu ka ngaithla peih lo."

"A nih i lak ah hian eng thu nge sawi tur a min beisei? 'I hmangaihna dil tur che hian ka tling tawk lova, i hmangaihna dawng tur em in ka ropui hek lo. Mahse ka hmangaih che tih sawi tur chuan ka zalen ani' ka rawn tih kur nguai i beisei em ni?" Alex chuan a ti leh salh a.

"Kei ni lo in i hmangaih, i bialnu chu be zawk rawh."

"Captain rawn biak hun che i nghak em ni? A rawn bia che a nih chuan, 'ka pasal hual nen in be rawh u'tiin ka number hi i lo pe dawn nia. A hnen atang in i chungchang hriat duh tam tak ka nei a, zawhna ka ngah ngawt in ka ring. Ka nupui i ni mai tawh dawn si a."

Thinrim lutuk chuan a hang up a, a rawn call nawn leh a hlauh vang chuan a switch off leh ta hmak a.


&&&&&&&&&&&&&&& &&&



Alex chu thatchhiat hmel tak i chair ah chuan a thu awn duai a. Dingpuii chu a call nawn leh ngat a, a ngaite bawk in switch off a la in tih tho a vang chuan ngaihtha tak in a nui var var a. A mitmeng nalh zet chu phakar hmel tak in a de sawr sawr a.






"Ti kha chuan i Captain pawn a rawn be thei bik lo ang che. I phone i switch off ka duh vang a rawn chhaih thinrim che ka nih kha aw, Kitty Cat. Captain hi i biak ka phallo bur ani. Captain chang ni lo in- mipa reng reng - mipa tu pawh - i biak ka duh lo ani. A chhan maw ? Ka thik a ni. Mi aa nu, ka hmangaih che ani tih hrethiam tur hia thluak tlemte pawh i nei lo em ni?" tiin a phun mawlh mawlh a.






He Zawhte hi a hmuh tirh a tang khan a hmangaih daih tawh ani tih a in hre chiang a. Puitei kha ani tih a hriat atang phei kha chuan a duhna chu a zual sawt bawk. Mahse ani lah chuan huat tak te in a haw si a, a duh zia hi hrilh ta se a huatna a belh sauh a ring bawk si. Hmangaihna hnawl sak aia natna tawrh har hi khawvel ah hian a awm thei dawn em ni?






"Cat... Puite, ka hmangaih em em che a, i hlim hi ka duh a. I hlim ka duh vang hian Captai hnenah ka pe phal bawk silo che a. A chhan chu maw eng tik ni ah emaw chuan he Captain hi ka theihnghilh tir thei che in a tih hlim ai nasa hian ka tih hlim zawk theih che ka i beisei tlat ani."






A tawp nan vawi khat dang a call leh a 'switch off' tih a hriat chuan hlawhtling in ti tak in a vei nuih sak a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 8th, 2020, 1:55 pm

Lingering Memories


Chapter 8

A tawp tep tawh nia lo chhiar hram hram ru

An inneih ni a lo thleng a, monu leh a thian Amy chu nalh thei ang ber in an in thuam a. Siamtei chu thian ah hman a tum teh lul nen Hunter-an 'mo thian ah i tang tur ani lo. An in then hun ka nghak anga ka nei dawn a. Chutih hun ah chuan mo thian ah i tang dawn nia' a tih bur a vang in a hnawl a, Amy a hmang ta zawk ani.






An mahni lam tura motor a rawn thlen lai tak chuan Siamtei phone chu a rawn ri a, a beng bulah chuan "Captain a nia... I pasal neih hma in a tawp nan biak che a duh." a rawn ti sa sa a.






Hawi zak zak chung in phone chu a la a, "Hello ?"

Aw khur deuh dar dar in Hunter chuan, "Dingpui, khawngaih in ti suh. Inneih hi thulh leh rawh..." a rawn ti tawk tawk a.

"A tlai lutuk tawh. Biakin pan in ka kal dawn mek."

"A la tlai lutuk lo. Inneih thu tiam em pawh i la chham loh kha. Tunah khan rawn chhuk la ka lo hmuak ang che. Biakin hlat zawng in kal rawh."

"Ka - " a bul mai a lung milim ang mai a Alex lo ding khawng auh a hmuh chuan a tek sawk a. Phone chu rang lutuk i Siamtei a pe nghal sawk sawk a. Alex mitmeng vawt lutuk chuan a ti khur thei hial a. Mo hruai tur i mo neitu ber an kal ngai tih pawh a hre lova, a hmu ta thut chu mak a ti hle a.






Alex chuan dimna tel hauh lo in a ban puam ah chuan a rawn tham a, car ah chuan a nawr lut nghal a. A beng bul ah chuan, "Maicham pan dawn ruai ah pawh i bialpa biak ila thulh chuang lo ani maw... Duh tawk teh." a ti vawt raih a.






Inneih thu tiam an chham hnu a inneih hun serh a zawh hnu chuan thla lakna hun an hmang a. Hlim hmel tak a lan a tul si a a nuih luihna lam ah a biang ki te chu kham thum hian hria a. Mipui huhang chu a zo lo in a chau nghulh a,a lu te chu a na ut ut mai a.






Jose chuan Alex beng bulah chuan, "He nula hi hlim tak in siam ang che. I ti na a nih vaih chuan khawvel eng hmu tura ilo piang ve hi i inchhir rum rum khawp in ka siam ang che." a ti a.






Alex chu a nui sak a, in ti neitu tak hian Dingpuii kawngah chuan a kuah a. "He ti khawp a nupui hmeltha hi tun nge tina phal ang?" a ti a. Nui hmel a pu na a a mitmeng erawh a nui hauh lo.






"Hlim reng ang che u." tiin Jose chu an thianho din khawm laih lam pan chuan a kal ta a.
"I bialpa chuan a la na hle anih kha. Amah kha Captain chu em ni?" Alex chuan a ti sap a.

"Jose hi ka bialpa ani bawk lo. Ka thian tha ber te zinga mi anih hi."

"Tunah chuan ka nupui i ni tawh a, Jose emaw mipa dang reng reng i biak that hawrh kha a rem tawh lo ang, Cat."

"Chu chu kan inneih contract ah khan a tel awm reng ka hre lo."

"A tel ang ah ngai rawh."

"Ka hua che, Alex" ti sap in midang hmuh tur chuan hlim awm em em hian a nui var var a.

"Ka lainat che - i huat em em chu pasal ah i nei ta sia."

"Eng kim hi a der vek a lawm."

"Pathian leh Kohhran mipui hma ah dawt hmang in thu i tiam tihna em ni? Eng kim hi a tak vek ani."

"Mahse ka - " Alex-a nu in a banah a rawn kuah tak ah chuan a ngawi ta daih a. Hlim tak a nui sang in a Nu Sangi chu a nuih ta ver ver a.






Alex-a nu chuan "Puite, i nalh lutuk tlat. Enteh i Pu pawh saw a hlim ngang mai, vawiin ni ang reng reng a a hlim saw ka la hre ngai lo. I Pitei leh i Putea nen pawh an in kawm theih hmel khawp saw ti raw. I Nu leh i Pa Rama te kha la dam nise tun hun hi min hmuh pui ve se ka va ti tak em." tiin a mittui chu a khap per sak sak a.

"Ka Nu Sang, ka - "

"Ka nu tiin mawle, Puite. Tun a tang chuan ka fanu tak tak ini tawh dawn a, 'ka nu' tiin mi ko tawh ang che." Alex nu chuan hmangaihna a khat mitmeng a melh chung chuan a ti a.

"Awle, ka - NU"

Ani chu hlim tak in a nui hawk hawk a, a awm ah kuah bei hle hle in a chal ah chuan a fawp zauh a. "I la fel reng anih hi, ka Puite."

Alex chuan fiamthu zet hian, " Nuuu... kei pawn ka la kuah lo a, kuah bik chung chung reng suh." a lo ti a.

"I thilthu ti chhe nghal ngawt suh, Lalbiaknung."

"Keipui sa hauh an tih kha i hre ngai em? Kha tiang vel khan ka awm?"







A nu chuan hlim tak in a nuih pui ar ar a, a fapa hmeltha tak biang ah chuan a piai zauh a.






Mo thian Ruata chuan " Ka Nute, naupang chhia ang mai a a biang piai rual a nih tawh loh kha." tiin a lo fiam zauh a.






Pi Sangi chu a la nui ar ar reng a, "Mipa hi chu an tar hnu thleng pawh in an naupan chhiatna leh an pangchanna hi a reh thei hlei nem." a ti mai a.






Thla an la mawlh mawlh reng a, thla lak pui duh tu leh chibai duhtu an tam in Dingpuii chuan a hne tak zet tawh a. A Putea te nupa mit a hlimna lo eng chhuak chu hmuh tur awmlo phei se chuan tawmbo daih a duh hial ta ve ang.






"Honey Moon lam te hi..." Ruata chuan a lo ti zauh a.

"Kan hmang dawn lo."

"Innei thar ve lem zan hmasa ber te chu in pahnih chauh a tuma chim buai phak loh na ah in hmang tur a lawm, Mawllianpa."







Alex-a nu chua "Ni e, honey moon hmang a ram hran a zin an duh si lo a, Airfield bula kan picnic spot ah khan kar khat cham in hun fianrial hmang se ka ti a, ka lo ruahman vek tawh a lawm." phur tak in a ti sarh sarh a.

"Ngaihdan tha tak a nih chu. Ka Nute, you are the best." tiin Ruata chuan thump up sign a lo hmuh a.


&&&&&&&&&&&&&&&&


Kar khat chhung teh meuh an pahnih chauh a hun an hman dunna hmun tur Sailo Picnic spot hmun nuam leh reh dam raih,han thlir mai pawh a mi hip zar thei,romantic raih mai 'Shangrila' an tih chu zan dar 10 ah an thleng thei hram a.






"WOW..."

"A nalh a ni ti raw?"

"Vanram ang mai ani." tiin zan boruak thiang kak chu a hip vang vang a, "A nuam hle mai." a ti sep a.







In chhung ah chuan an in zui lut a, Dingpuii chu sofa cchung ah chuan a thu hnawk a, "Ka chau..." a ti halh a.

Alex chuan a jacket chu phelh i a nupui mitmeng ngui raih chu a melh a, "Inbual harh la." a ti dam duai a.

"Chu chu tuna ka mamawh ber ani."

"Lo kal rawh i pindan tur ah ka hruai ang che" tiin an suitcase chu a khai a. "Hei hi i room tur, lo in bual harh rawh." a ti a, a chhuak leh ta mai a.







Muang changnin tui vawt chuan a inbual a, harh deuh hawk hian a in hria a. A i bual zawh chuan a thawmhnaw te a rem fel a, a mut a la chhuah loh em a vang chuan pawn boruak thiang dawng tur i a chhuak ta a.






Alex chu pool bul ah thu in zu a lo in mek a. Inbual zo hlim hlawl tih hriat tak hia a sam chu a la hnawng deuh chap a,electric eng paw riai hnuai ah chuan a lang fresh vang mai a. Tawnzau dum a taksa rem thlap hak chuan a pian tha tak chu a ti lang chiang hle a. Kekawr bul vutbuak rawng a hak in a khuh phak chin a bawp sei tak chu pool ah chiah in dim te in a ke chu a phut at at a. "Min rawn zawm ve la." nui sang hian a ti a.






Sawm nawn a ngai lo kher mai, a pan phei vat a a bula thut ve pah in whiskey um chu a melh vang vang a, "Ka lo in ve ange" a ti ta a.






Alex chuan, "Rui nawi hlek suh ang che." tiin a lo thlit sak ve mai a.






Dingpuii chuan vawi khat ah a tlak pawp a, a pum a sat thlak hat hat chuan a then sak a. "Ka lo mamawh hle anih hi." tiin no dang a thli leh nghal a. Hmui phawi hauh lo hian a in zo leh nghal vek a " Mmm... ka zia ta khawp mai." a ti sap a.






Alex hmel ah chuan eng nge a ngaihtuah tih pawh a hriat hauh loh hian a rawn melh vung vung a, "I thinrim zu in pawp pawp mai a, ti kha chuan ruih a awl bik. Muangchang in in la zu tuina a fiah bik a, ruih pawn rilru a fim bik." a ti nghat a.





"Okey.." a ti zang vah a. No thum a in chuan a rui in a thawveng halh tawh a. Alex an meng de sawr sawr a a rawn melh tih a hmuh chuan, " Hey.. Sipai, enga ti nge kha tia min melh reng a ?" tiin a nui ker ker a.

Alex chu a in sangmar ruh teuh a, "Pool sir ah sam huh hniang a hmeichhe hmeltha chung chuang i hmuh chuan eng teh vak nge i ngaihtuah ang. Tui hnuai nula nalh tak..."

"Tui hnuai nula? Aw... chu chu ka nihna a nih chiah chu. Ka awm lohna tur khawvel ah ka awm a, thawk pawh ka thaw tha thei lo anih hi." tiin a nui hak hak a, zu no chu a ban leh nghal zat a.

Alex chuan, "Duh tawk rawh. I rui mah mah dawn tlat." a ti a.







Vin hlar hian, "Thih i duh loh chuan min lo sawisel suh." a ti a. A kut zungchal chu ti pir in silai lem ang ah hmang in mit siai meuh hian Alex chu a tin vang vang a, "Bang! Bang! Sipai, i thi a nia." a ti a, a kut hmawr chu silai kaw hmawr khu chhem kiang ang hian a chhem a, a nui har har reng a.






Nelawmloh zet hian a nui suk a, "Sipai tih leh Captain tih hi a ri reng dawn a ni maw?" a ti hluk a.

"Ka nun ah lo in rawlh lo tura thu pek ini."

Alex chuan a zu no dawm lai chu lak sak in, "Tawk chin a awm." a ti nghut a.

"Eng mah hre lo a ruih chhum hmawk ka duh ani." a ti a. A awm chu chum in, "He thinlung chhungril nat zia hi i hrethiam pha lo ang. A na lutuk a na chhawkna a mamawh a ni."

"A th e, a tha e. Muhil la a that zawk ka ring." tiin zo tak hian a pawm kang nawlh a, in chhung lam ah chuan a pawm lut ta vaw vaw a.

"Min thlah rawh. Eng tia min tih nge i tum?" tiin Dingpuii chuan Alex awm ah chum in a hmai a ham tum chuan a phar a. "Min sual i tum em ni?"






Alex mit ah chuan tuarna a lo lang a, chutah thinrimna in a rawn thlak leh a. "Hmeichhe zu rui chhia leh tha pawh hre hrang lo khawp a harhfimlo mut pui tur khawp a hniam leh hmeichhe mamawh ka ni lo aw, Cat," a ti ngul ngul a. Dimna tel hauh lo hian khumah chuan a mut tir a, in pet ruh teuh in a thlir vang vang a, rum nghat in room chu a chhuah san ta a.





Dingpuii zing tho chu peih lo zet in a zi mar ar ar a, a lu na tluk tluk chu a dawm vawng vawng a. Lu kham bul chu dap in a phone lak mai a tum a, he hmun an kal dawn a Alex an a lak sak kha a la pe let leh hauh lo tih chu a hrechhuak zawk a. Khum bul a no tunga tui in chhawp chu a in khawlh khawlh a, tlem in thing harh deuh in room chu a chhuah san ta a.






A tih harh deuh beisei in thingpui sen hang tak ngeng ngawng hian a lum a. Thingpui no chawi in bathlar ah chuan a thu chhuak a. A chheh vel hmun mawi lutuk leh enkawl uluk tih hriat tak chu a thlir kual a. Boruak thiang tak chu hip vang vang in thawk a han la raih raih a. Pool tui in chhek ri a hriat chuan a pan phei thuai a. Alex tui cheng lai a hmuh chuan a phu deuh zawk a, let leh mai hi a tum a.






"Morning, Cat. Nizan i mu tui maw?"

"Ka - i la muhil tur ah ka ngai a."

"Kei chu ka tho har ngai lo, ka tih than a nia." tiin tui a tang chuan a tawn chhuak a. A pian tha leh nalh zet ruak kung ah chuan tui a dir zaih zaih a.







A mit hup in leh lam a hawi thuai a, Alexa taksa nalh leh phiar fat chuan a thawk a ti sak tlat a ni. "Thingpui ka lo siam ve ang che aw." tiin in lam a pan sawk sawk a.

"Mipa saruak la hmu ngai lo ang mai in i lai vel e law.." tiin Alex chuan a nuih zui kiah kiah a.







Thinrim zet hian thingpui chu a lum tau sawk sawk a. Kha tia nuihsawh zui tur khan Alex hi tu nge maw a nih bik teh chai le. Hrep tak a ! A hmelthatna leh a zeina hian nula tam tak chu a lo hneh tawh a ni thei, ani chu a hneh ve hauh lo ang.






Alex lo luh chuan melh pawh melh lo in thingpui chu dawhkan ah a hung a, "Ka phone min pe rawh." a ti mawl tawp a.






Dar a chhin uk a, "I lung a leng tawh em ni? Kha sipai kha be hrih lo la ka tih vang in i sim card erawh ka thlak tih hrilh che ka duh a ni." a ti khauh fung a.

"I va zak thei lo."

"Miin 'Alexa nupui chu mipa dang a be reng' tia an sawi palh chuan ka zak dawn lutuk a, zah theih loh vang nilo in zah hlauh vang zawk a thlak ka ni. Ka sim card pakhat zawk ka vuah sak che kha. Tul ka tih hun ah i sim card chu ka pe let leh ang che."






Thinrim tak hian a melh kha kha a, "Mimal nun in zah tawn sak a in rawlh buai lo tur in thu kan thlung a ni lawm ni?" lungawilo zet hian a ti a.






Aw nem duai hian, "He thil hi kan mimal nun ni lo in chhungkaw nun nghawng thei thil a nih vang a ti ka ni. Sipai pa be lo a ni reilo te chhung awm chu tuar a har in a na ngut ngut em ni?" a ti a.






Hman a a U Mama kawng eng kima a thlamuan pui leh a ngaih em em thin, tuna a U Mama a nihna pakhat mah lang tawh lo, mi hran hlak ni mai awm a lang chu a va melh hrawk a. Han ngainatna emaw pawh ruk riauna emaw pawh a nei tawh lo.

&&&&&&&&&&&&&&&&&&


Siamtei chu rawng a bawl malh malh a, Hunter an a rawn call chuan a thaw hak a, "Hnem thei che ila ka ti - ka thiam bawk si lo." a ti sap a, a pick up ta nghal a. "Hello?"

"Siamte, Dingpuii hian a phone off loh min tiam a, a off leh tlat bawk si a. Ka rilru hi a buai a ni. A aw vawi khat tal ka hriat loh chuan ka puak keh mai dawn in ka in hria." a rawn ti nghal tawng a.

Beidawn hmel tak a nur nang in "Hunter, a ngaihna ka hre bik lo.. kei pawn ka be tlang thei bik bawk silo a.." a ti a.

"An in ah va kal la i phone ah ka rawn bia ang che nga i phone hi a mah chu i pe dawn nia. Khawngaih in min pui hram rawh. Ka in nghahna awm chhun inih kha." tiin Hunter chuan a ngen lawm lawm a.

Siamtei chuan a bai chhuan lai chu off in a bul thutthlwng hnai ber ah chuan a thu zawi hnawk a. "Ka pui thei lo ang che." a ti sap a.

"Eng vang in maw?"

"In ah an awm lo. Kar khat chhung honey moon tenau hmang tur in an - "

"ENG MAW ???!!"

A tawng sual tih a in hre chawp chilh nghal a "I ngaih ang khan an awm lo ang, ka chiang a ni. I rilru ti hrehawm suh aw... khawngaih in."

"Eng vang in nge ka rin ang che?"

"Alex hian hmeichhe dang duh leh hmangaih em em a nei a, a chhung ten chu nu chu an duh si lo a. I rilru a hmeichhe dang awm reng leh hmangaih dang nei reng chung chuan nang pawn i thei dawn em ni?"

"Hmangaih dang a nei anih chuan eng nga ti nge ka hmeichhe hmangaih awm chhun chu nupui ah a neih si?"

"A chhungte laka in thup nan."

"Mahse, Dingpuii kha a Putea ten an neih luih tir i ti bawk si a."

A in sawi kawlh awk vek tawh si a zep in awmzia a nei tawh lo tih a hriat chuan thu dik eng kim chu a hrilh fai ta vek a.

Hunter a chu Sakeibaknei thinrim ang mai in a rum ngul ngul a, "A Putea leiba rulh nan a in hralh a maw? Eng vang in nge a hma khan min lo hrilh loh? Eng vang in nge a tlai hnu ah chauh i sawi lwh si? A ba chu puk pawh ngai lo in ka rul vek duh a sin." a ti ngawt ngawt a.

"Ka tih palh. Dingpuii khan i hriat kha a hlau em a ni."

"Rang thei ang ber in rawn haw dan ka rawn ngaihtuah ang. Ka hmangaih kha lo veng tlat ang che."

&&&&&&&&&&&&&&&& &&&&


Kar khat hnu ah chuan Alex te nupa chu in lam pan in an in khalh haw a. An tawng tam lo in an in be mang lo a. Sawi tur a hriat miau loh a vang in Dingpuii chu a muhil der ta ringawt a.






"Cat, in kan thleng dawn hnai a nia in ti harh rawh le. I lemchan thiamna kha i chhawr a ngai leh tawh dawn a nia. Picnic spot ang khan nun zalen in i awm thei dawn tawh lo a nia. Kei hi i pasal i hmangaih em em ka ni tih i hre reng dawn nia."

"Zalen tak in ka thinrim pawh ka ang chhuak thei tawh dawn lo tihna a ni maw?" a lo ti zauh a.

"A dik. Duh hun hun ah 'Alex, ka haw lutuk che' tiin min au khum thei dawn tawh lo. Khawngaihthlak reuh chuan." Alex chuan a ti hluk a.






In an thlen chuan a nu leh a pu chuan an lo lawm thiam em em a. A pu chuan a tupa dar a ben thup thup pah chuan, " Hun hlimawm tak i zuk hman ngei ka beisei." a ti a. An awmpui nula chu au in "Lali, hei Mama te nupa thawmhnaw hi an room ah lo han dah fel sak rawh." a tih chuan Lali chu a chw nghal zung zung a.






Alex chuan, "Teh reng mai. Ka nun a ka hlim ber tum a la ni hial ang chu." tiin a pu zawhna chu a chhang a.






Dingpuii chu a nur zauh a. Dik tak chuan kha kar tluan khan in khak fek fek nan leh in melh rum nan te, in hmuh loh der nan te an hmang tluan a ni a, a nun a a hun hlimawm ber chu a nilo tih a chiang ani. Dawt sawi leh a der a nun an zir tan ni mai hian a hre thar a.





A pu chuan a tupa kal san in Dingpuii chu a rawn kuah a, a hnung zangah chuan a beng thuk thuk a, "He chhungkua ah hian ka lo lawm a che. Ka tupa nun a danglamna nasa tak i thlen ang hian kan inchhung ti hlimtu leh enna thlen tu lo ni ang che." thinlung tak hian a ti a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 8th, 2020, 1:56 pm

Lingering Memories


Chapter 9


An pahnih chauh a room a an awm hnu chuan Dingpuii chuan Alexa room zau leh thianghlim tak, mipa room tih hriat tak, rawng thim lam a chei leh zahawm khup mai chu a neitu Alex ang mai a nelawmlo leh vawt ruih mai ni hian a hria a.






"Pindan khat ah kan awm dun thei lo ang."

"Ka pu hnen atanga zawhna chhan sen loh dawn i duh anih chuan mikhual pindan ah i awm thei ang."

"Nupa tak tak pawh kan ni lo a, room khat a awm hi a fuh ber lo."

"Eng nge i hlauh?"






Ni e, eng nge a hlauh? Alexa nalhna leh hmelthatna hi nep zo lo in a zun ah a uai palh mai ang tih a hlau ani zawk lo maw? A riru a ngaihtuahna thalo tak lo lut ti bo tur chuan lu a thing nak a "Nang mah." a ti sap a.

"Cat, hei hi ka hrilh ang che. Hmeichhia phurna leh thathona reng nei lo hi mut pui chakna reng ka nei lo. Mut pui tur a min ngen i nih ngawt loh chuan ka mut pui hauh lo ang che tih ka tiam a che."

"Chu zawng a thleng ngai lo ang - chatuan pawn."

"A tha hlauh anih chu.."

"Ka sim card kha min pe tawh rawh."

"Kha sipai kha i biak tawh loh ka duh mai chauh a ni."






Elsen zet hian, "I thik em ni?" Dingpuii chuan a tih khum ngat a.






Hnai set sawt ah rawn din chilh in a rawn kun hniam a, "Aw. He sipai hi ka thik ani. Ka thik lutuk hi ka na hial ani." a beng bul set ah chuan a rawn ti a.






An in din hnaih lutuk chu thawk pawh a thaw tha ngam lo a, a beng bula a rawn thaw lum ham ham chuan a ti mur iaih iaih a. A hu hang na tak chuan a uap churh mai a, "Kan contract ah khan thik thu a tel loh kha.." thaw tha thei mang lo hian a ti thei hram a.



"Kan ziah belh leh mai dawn nia." ti nghut in bathroom ah chuan a lut ta a.






Dingpuii chu a thaw huai a khum ah chuan thu hnawk in a lungphu rang lutuk chu a dawm vawng vawng a, "He pa hnaih a awm hi ka lungphu tan hian a tha lo ani. A lak ah hian ka in ven fimkhur a ngai ani." a ti sep sep a.


&&&&&&&&&&&&&&&&&&&


Dingpuii chu darthlalang hma ah thu in a sam a khuih dalh dalh a. Class a chawl rei tawh si a vawiin chu kal ve ngei a duh ve tawh a. A rilru uai rit tu ber a Putea leiba a tlak tawh bawk a, a thiante zingah thawveng tak a pharvar ve te pawh a chakawm tawh a lawm.






A phone a rawn rik chaun number hlang ringawt lo lang chu melh ran in lak loh atum uk na in a la leh ta zawk a, "Hello?"






Hmeichhe aw no leh sexy zet hian, "Oh, Alexa biak lawk ka duh a- a awm chuan." a rawn ti a.






Chunu chu tunge a nih a hre ngai lo a, a hmel pawh la hmu lo in a pawi pawh sawi lo mah se a aw a tang chuan a ngei zawng tak alo ni hman a. "I be duh anih huan a number ah call ta mai la a fuh zawk ka ring." a ti vawt raih a






Chu nu chu lerh hmel zet chuan a nui har har a, "Hei hi a number chu a ni ngei si a lawm. " a ti a.






Oops..ni dawn tak! A sim card kha laksak in ama sim card a vuah tak e...In thiamlo ang reng tak chua., "Oh..ka tihpalh! Sim card kan in hman thleng daih tih ka lo theihnghilh daih a." a ti a.

"Amah a awm lo em ni ?"

"A inbual a..."

"Anih chuan ' Evelyn-in a rawn call che a, i hman ve leh min lo call let rawh a ti' tiin min lo hrilh sak thei ang em?" chunu chuan a ti leh a.

"Aw. Teh reng mai."







Chunu in a phone a dah hnu chuan nur nang in phone chu a thlir vang vang a "Hrep tak a! Ka number hman zawk ah kher rawn call a ngai em ni?" a ti zui nang nang a.






Alex chu bualin atang chuan towel chauh veng chung in a rawn chhuak a, a sam dum hlap chu la hnawng chap in a awm bawr leh dul sek phiar nalh tak ah chuan tui mal hi a la bawl tak a, "Good morning, Cat. I tho ve thei maw?" nui var var hian a ti a.






Ngei hmel tak a lo melh ram ram pah hian, "Good morning ani lo. Bad morning a nih hi." a lo ti bul hmak a.

"Kan tlang lawn thiam chu a tho fu vak lo ani maw?"

"Eng tin maw?"

"Tlang lawn thiam."

"???"

"Tlang lawn hi i ngaina viau anih ka ring a..."

"Eng vang ngawt chuan maw?"

"Nizan khan khum tlang ah tla lek lek in i mu zankhua zak sia."

"I hnaih a awm ka duh loh vang ani mahna." a ti nghat a. Bathroom lam pan pah chuan, "I bialnu Merelyn... Evelyn... eng Lyn emaw khan a lo call che a, i call back a lo nghak reng a nia. Lungleng a a thih hma ngei in va call vat rawh." a ti vawt raih a.






Alex chu za tak in a nui ta hawk hawk a, "I aw ki khan duhawm rukna riau a pai, thikna awki hlir in a khat mai ka ti." a ti zui a.





"Thik a? Vawk a thlawh theih hun ah." tu hmak in bathroom kawngkhar chu a khar ri thuai a. Kha nu kha a thik thlawt lo aw. Thik chhan tur pawh a nei bawk lo. Hmangaih te lak ah chiah thik thu a chhe thin a lawm. Alex hi a hmangaih lo a, a thik bawk hek lo. Thinrim tawt teuh chung chuan a in bual ta phar phar a.






Tukthuan ei chhungkua an han thut kim thap chuan sawi tur vang a ti ngang mai a. A zah an hlauh vang nge Alexa nu leh a pu chuan fiamthu eng eng emaw thawh in an nui hak hak a. Chu chuan a tlangnel tir ve sawt a.

A nu chuan "Vawiin lam chu hna ah i la kal lo ang chu ti raw, Mam?" a ti a.

"Kal dawn e, hna a tul tawh em mai." Alex chuan a ti a. "Cat, vawiin chu dawr ah min lo pui ve la... nileng a i hmel hmu lo a awm chu a khawhar thlak dawn em mai." a tih zawm zat a.






Dingpuii chuan a nu leh a pu chu melh zauh in a zak chu a sen tan tan a, "Class ka thulh ngun tawh sia vawiin chu ka va present ve ngei a ngai tawh ang." a ti sap a.






Alex chu chimawm zet hian a meng kal ralh a, "Collage naupang chhe lo tak tak kar ah i va nula len vel dawn chu a ni si a. Ka ngaih a tha thei lo. 'Alex-a Nupui' tih hi lian tawk a ziak in awrh tir che ila a tha ang." a ti a.






Zam map lo hian a melh let sak a, "Tlangval in min rawn hnaih deuh hlek a nih chuan he inneih zungbun hi an hmai bulah langsar thei ang ber in ka lek khum mai ang." a ti let a.






"Anih chuan dawr kal pah in ka va thlah ang che."

Hnial a tum uk na a a nu leh a pu a hmai zah vang chauh in a thulh leh ta zawk a. "I peih phawt chuan a pawi hlei nem." a ti ta zawk a.


&&&&&&&&&&&&&&&&


An chhuah dawn chuan a nu leh a pu chuan kawtkai thleng an rawn thlah a, "Bye bye. Collage kal nuam le."






Alex chuan, "Amah chauh duhsakna in hlan a... min hlan ve dawn lo em ni, nu?" a lo ti fiam a.






Anu chuan, "A nih leh ni hman nuam bik riau le, ka fapa." hlim taka nui hawk hawk chung chuan a ti a.



"A nih Pu, ka nu, kan kal mai ang. Class ban ve leh hma taka rawn haw ka tum ang. Bye." Dingpuii chuan a ti a.






Alex chuan collage thleng a rawn thlah a. A pasal neih thu hria thian thenkhat chuan an lo chibai nak nak a. "D'Pui, pasal i nei chhe lo hle mai. Pheichham i man a ni ngawt a lawm." tiin an fiam nak nak a.






Fiamthu tak a nuih hak hak pah chuan, "A tha nghahna a nih hi." a tih chuan an lo nui dar dar a. Alex chuan a rawn nghawk deuh salh a.

"Saw Amy leh Siamtei pawh an rawn thleng tawh bawk a ka kalsan mai ang che, Cat. Chhun ah thil ei tur in ka rawn hruai ang che." tih pah in a car ah chuan a lut nghal a.

Amy chuan, "Hey.. Alex, min hmu peihlo em ni kan rawn thlen vw leh kal nghal i tum a?" a rawn ti lawng lawng a.

"Midang bula kalsan chu ka hreh deuh a, hmanlo chung chung in ka lo awm khawmuan pui zawk a nih hi. In rawn thleng ta bawk a ngaihtha takbin ka kal san thei tawh ang. Amy,i thiani hi lo veng tha hle ang che." Alex chuan a ti a.






Amy chuan phur zet hian, "Hmangaihna zungbun i bun tir leh Hriatrengna Thi i awrh tir hian tlangval dang lakah a venghim zo em em ang." a ti a.


"Vawiin a tang hian ka nupui body guard atan appointment pek thar i ni e."nui var var chung chuan a ti a. " Ka kal mai ang aw,Cat. Ka hmangaih che,bye." tiin a mit a siai sak a. A car chu ti nung in a tlan ta nghal a.






A thian dang te chuan, "D'Pui,i Lover Boy chu a va romantic hmel ve a. Hmeltha si,sang si,palian bawk si,pian nalh bawk si,hausa bawk si,i thing fuh nalh nalh khawp mai. Hmeichhia zawng zawng te duhthusam chu i pasal ah hian a kim vek a lawm." tiin an lo fiam a.





"Ka thlan pawh ani bik lo,ama min thlan ka ni mah zawk. Hmangaihna pathiannu hian innei tur te hi alo duang lawk thlip thlep a ang khawp mai." Dingpuii chuan a lo ti a.





Alex chuan lehkha pawimawh ho chu a office dawhkan chungah chuan a enfel mawlh mawlh a. Vawiin chu amah dawrtu tur rawn leng lut an tam mai bak ah lehkha chin fel tur a tam bawk nen a buai nileng hi a ni ber a. Chawhnu lam ah chuan a buai chu a zia ve ta deuh a. A office kawngkhar kik thawm a hriat chaun "Yes?" a lo ti var a.






Hmeichhe lian zet zawt, ngo sen suah mai, incheina changkang leh nalh zet mai chu a rawn lut a, "Hi.. Darling!"

"Hi, Evelyn."

"Nupui i neih tak vang mai a min theihnghilh hmak mai hi chu hriatthiam a har ka ti ani." pangchang tak hian a ti a.

Alex chu za lo zet hian a then sak a, "Ka theihnghilh lo che, Eve." a ti leh mai a.






A chair vawn ban ah rawn thu in a dar ah a rawn kuah a, "Ka phone call i chhang duh tawh lo a, rawn len lah i tum tawh bawk silo. Ka ngai thei lutuk che a sin, Alex." tiin zei tak hian a dar chu a chul kual vel a.



"Eve, a tir te atang khan kan serious lo in sex piah lam ah chuan inzawmna kan neih ngai loh kha. Tuna tak a min ngai thar ta thut hi ka hrethiam chu a har tep. Nge, ka ngaihawm thar ta thut zawk !" nui sang chung chuan a ti a.

"Ka khum zau tak saw i tello chuan a vawt tlat a lawm. Zan i chu rawn leng la... mawh, Alex, please..."

"Ka nupui hi ka hmangaih a, a tan chauh a rinawm hi ka tum ani. Ka nun ah hian Dingpuii chauh lo chu hmeichhe dang reng reng awm ve ka rem ti lo ani. Chuvang in nang nen a inzawmna kan lo neih ve chhun pawh kha kan tih tawp a ngai tawh ang." a ti nghet churh a.







Evelyn chu a nui lui hawk hawk a, "Min hnar chiang hle mai maw, Alex. I nupui chuan ka pek theih loh che eng nge pek tur a neih bik che a? I mi hmangaih ka phut lova i khawhar lunglen chang in min rawn tlawh ve thin tur in ka ti mai chauh che ani." a ti a.



"Ka khawhar lunglen hnem tu ber ka nupui nen in khat ah kan awm tawh a, lunhlenna hun ka nei pawh in ka in ring lo."


&&&&&&&&&&&&&&&&


Dingpuii te thian ho chuan Siamtein chawhmeh lei haw a ngaih a vang in an bazar pui a. Fiamthu eng eng emaw thawh in thawveng leh engto nei lo zet hian an nui bawk bawk a.






Kawngkam nepnawi dawr pakhat ah sweet lian tak rawng chi hran hran bur chhung a khungkhawm raih a hmuh chuan Dingpuii chu a ding chawt a. He tiang sweet hi a naupan lai a a ei bak kha a la ei leh ngai tak miah loh mai bak ah hmuh pawh a hmu ngai tawh lo a, an siam chhuak tawh ngai lo ah a lo ngai mai a. A naupan lai a a tah leh a nuar a piang in a nu khan thlem lungawi nan a hmang thin kha a ni a. "Puite, he chithlum hi magic sweet ani a. A hming chu Sakawr Artui a nia, a thlum tui em a vang in mi in an ei phawt chuan an thinrimna te an lungngaihna te theihnghilh in an nui chhuak ngei ngei a sin" tiin a hrilh thin kha a nia. A nu hriat chhuah tir tu sweet chu a vai in a lei ta vek a.






A thiante lah chuan a thil lei an hmuh chuan naupan chhiat thlak tiin fiam nan tak an hmang hlawm a. "Ka nu magic sweet a nih hi. Ka nu min ngaih tir em a ka lei ta mai." tiin a nu a tap a thlem dan vel te chu a hrilh malh malh hlawm a. "In in lei zawh tawh chuan ka rawn zui zel lo mai ang che u. Khi lai lawk khi Alexa dawr ani bawk a ka han tlawh haw lawk ang e." a ti a.






Siamtei chuan an thian dang te hlat lam ah chuan a kai hrang a, aw zawi sap hian, "Alex hian a hip tan che in i rilru a hneh tan ni in ka hria. He tiang anih chuan Hunter a tan beisei awm in awm tawh lo law law la, a hmangaih che in a atchilh hneh che sia, a khawngaih thlak em mai." a ti a.






"Chu tiang in min hip pawh ka hre lo."

"Dingpui, Alex hian lo hip che in lo hmangaih ta viau mahla ka dem hauh lo che a nia. I naupan tet lai a i thian tha ber leh i ngaih em em i U Mama kha a ni miau a. I thinlung ah chuan a thawh dan a dang daih ang tih ka hrethiam a lawm. Mahse Huntera chan hi ka khawngaih bawk sia.. Huntera nen in in kar hi ti tawp fel hmak zawk rawh."

"A dik a lawm. Dik tak chuan kei pawn ka in hrethiam bik lo. Huntera hre chhuak miah lo hian ni eng emaw zat chu ka awm tawh ani."

"Min rawn call hun ah ka lo sawi fiah mai ang."

"Ummm... awle" tiin dawr lam pan chuan a kal ta nghal a. Dawr a thlen chuan dawr nghak nula chuan a lo lawm thiam in a be tha hle a, in tur a duh leh duh loh te a lo zawt nghal a.

"Ka duh lo mai ang. Alexa hmuh lawk ka duh a, a awm em? Ka hmu thei ang em?"

Nui her her chung chuan, "Pi ber i nia i duh hun hun ah i be thei a lawm." a ti a.






Alexa office pan a a kal lai chuan eng rilru pu a hmuh duh ngawt nge a nih tiin a in zawt ru a, a lo kal ta kher chu a in chhir ru in kir leh daih mai te a duh rum rum a. Hei chen thleng tawh a hmu lo a kir leh ngawt chu dik in a hre si lo a, a office kawngkhar bulah chuan a ding muang det a. Kik pawh kik buai lo chuan a pawt hawng de de a. A thil hmuh chuan a ti phu zawk a, a nguai nghal raih a. Alex leh hmeichhe pakhat hi duhthawh zet in an lo in keih mawlh mawlh a.






"Oh... tihpalh!"







An ni pahnih chu a thawm a vang chuan an in then hrang nghal phawk a. A rawn hmu chiah chu Alex hmel chu hmuh theih in a danglam nghal a, "Dingpui - khawngaih in-" a thutna ata ding chhuak zawk in a rawn pan nghal ruak a.






Dingpuii chu hmanhmawh bakleng in a in her a, a tlan ta hlawk hlawk a. A in her pah chuan chu hmeichhe hmel changkang tak chuan hmuhsit hmel tak, hmui ner nawng a a rawn melh chu a hmu hman hram a.



"Cat, khawngaih in lo ding teh."






Alexa auh ri chu hre lo der in dawr atang chuan a tlan chhuak a. Taxi a hmuh remchan hmasak ber chu phar in an in lam pan chuan a tlan ta a.






A thin chu a tawt up up a, a tawt lutuk chu a rawn puak chhuak mai dawn ni hian a hria a. A bag a magic sweet chu phawrh in a hmuam nghal a, thawk a han la ham ham a. Alex hi a pasal tak tak pawh ani lo a, hmeichhia a duh duh chu a fawp in a mut pui thiang a lawm. Mahse engnga ti nge phatsan ni a in hriatna lian tak a neih tlat a? Eng nga ti nge a rilru a lo tih nat ve ngawt a, a mittui ten tlak an rawn tum ve ngawt ni? A tir a tang reng in hmeichhe hmangaih a neih thu a hrilh vek kha. He an inneihna hi chu a hmeichhe hmangaih nen an in kar thup bo na hmanrua lek anih kha. Thawk a han la leh ham ham a, harsa ti tak chuan a nui lui sak a. Tunah chuan a Nu magic sweet, Sakawr Artui kha a ei tawh alawm.. a rilru a ti hah tawh tur ani lo.






An in a thlen chuan a pitei chiah a lo awm a, in ngai leh in thlahlel tak chuan an in kuah vawng vawng a. "Awi, ka naute, ka ngai lutuk che. I tha maw? I hlim em? I chhungkaw thar te chuan an duat che em?" tiin a hmel a hmuh vanga hlim tih hriat tak hian zawhna a zawt nghal mawlh mawlh a.






"Ka hlim lutuk a lawm. Mahse ka ngai lutuk che u hi hrehawm ka ti ber ani." a ti a. "Putea hi a lo la haw lo em ni?"

"Aw tunlai chu private in zirtir a nei bawk a,a rawn haw tlai thei ang reng. Thingpui ka lum ang che. Chaw i ei ve nghal ang em?"

"Chaw chu ka ei lo ang,thingpui chu ka lo in zawk ang."a ti a. Thingpui in chhung chuan thil chi hrang hrang sawi in an ti ti dun malh malh a. Thingpui in zawh chuan, "Pite,Siamtei ka va tlawh kawi ve lawk ang e aw."a ti a.

Siamtein a lo hmuh chuan mak tih hmel zet hian, "Alexa i tlawh haw dawn emaw ka tia. Enge helam ah i rawn tih a?"a lo ti deuh hu a.

"Min hmu chu i va lawmloh hmel tak...chuti khawp a min hmu peih lo anih chuan ka haw leh mai ang."a ti fiam a. "Tak tak a Alex chu ala buai deuh sia ka Pitei te ka rawn tlawh kual a."

"Anih chuan chaw ei ve nghal daih la."

"A...engmah sawi lawk hmasa lo a ka ei bo daih chuan a tha lo ang."

"A nih Huntera chu bia la nangmah ngei in thil awmzia hrilhfiah la a that ka ring."

"Be rih lo ila a that zawk ka ring..."a phone a rawn rik chuan hreh zet hian a la a. "Hello?"

"Cat,khawnge i awm a? In ah i haw ve mai ka ring a,i lo awm bawk silo a.khawngaih in i awmna min hrilh la ka rawn hruai ang che." Alex chuan a rawn ti a.






A thin chu a phu rang nghal zaih zaih a,a mitthla ah chuan Alex leh kha nu in fawp lai chu a rawn lang a,a rilru chu a khei nghal vawt a. A magic sweet chu phawrh in a hmawm nghal zauh a. "Kan in ah ka kal.." a ti tawi tak a.






"Ka rawn hruai ang che."

"A ngai lo- chaw ei kham ah ka lo haw ang."

"Cat, khawngaih in - ka nu leh ka pu ngaih hi a tha lo teh mai a nia."

"Ummm.. nih leh ka rawn haw ang."

"Ka rawn hruai ang che."

"A ngailo ka tih chu. Taxi ka rawn la mai ang."

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 8th, 2020, 1:56 pm

Lingering Memories


Chapter 10



In a thlen chuan a pu chu an kawt zawl zau duai mai a nihliap hlim hnuai a chair ah chuan a thianpa pakhat nen thu in an lo ti ti mek a. A hmel a lo hmuh chuan hlim hmel tak in a lo nuih vur vur a, "Eng kim a tha maw?" a lo ti a.



"Tha vek e." tiin a nuih let a.

"Alexa lo haw i hmel a hmu lo chu a buai chhia a ni ngawt a lawm. Mit meng buai leh mangan hmel tak in a phi li chuk mai a."






A pu te thian dun bul a thut ve pah chuan, "Ka Pitei te ka ka ngai deuh a ka va tlawh kawi lawk a lawm." a ti a. A bag atang a sweet phawrh in a pu te thian dun chu a pe a, "Enteh Pu, he sweet hi ei ve chhin teh u. Sakawr Artui a nih hi. Ka naupan lai chuan ka nu in 'magic sweet' a ti thin a. 'A thlum tui lutuk a miin a ei chuan a rilru hahna te a lunglenna te a reh nghal hmak thin' a ti a, ka tap min thlem nan a hmang thin a ni." a ti a.






A pu chu a nui huah huah a, "I nu chuan a va sawi thiam ve a." tiin sweet pakhat chu a hmuam pung pung a.






A pu thianpa chuan, "I nu chu nu fing leh nu tha tak a ni ngei ang. Sweet man tlawm leh sweet naran ve mai kha sweet danglam bik ah a chhuah thei a nia." tiin a nui vur vur a.



"Nang pawh hian i nu i chhun a nih hi. Mipa satliah mai kha hei mipa puitling ah i chhuah dawn der mai a nih hi. I tel lo chuan mihring chan ve ang chauh ani. A lo thlahlel leh hman hle tawh ang che. Mihring chanve chu mihring pangngai ah va chhuah tawh." a pu chuan a lo ti ve vat a.

"A nih ka kal san mai ang che u aw, Pu." tiin in chhung ah chuan a luh san a. A hmel a hmuh loh vanga Alexa buai phili chung anga a Pu in a hria chu a hre sual hle ni hian a hria a, a nuih a ti za tep zawk ani.

A nu chuan, "Puite, i lo thleng ta maw? Khaw nge i kal a? A lo haw lai a in ah ilo awm lo chu i U Mama a buai ruai mai a lawm." a lo ti sawk sawk a.

"Ka Pitei te ka rawn tlawh a, ka rawn haw tlai ta deuh ani."

"A tha a lawm. An ni pawn an ngai ngawt ang che chu an neihchhun tak meuh kha i ni si a. I hman chang chuan va tlawh fo rawh." hrethiam tak chuan a nu chuan a ti a.

"Ka lawm e, Nu. Alex-a hi - "

"Room ah a awm"






An room lam ah chuan phur lo zet in a chho a, Alexa hmel chu a hmu chak thlawt lo ani. Kha nu nen an in fawp lai a hmuh khan a nghawng hle tih a hriat chuan a nuih zat ngei ngei ang. Chu vang in eng ah mah a ngaih loh zia a ti lang tur ani.

"Cat..."

"Ka sim card kha min pe rawh."

"Vawiin thil thleng kha i ngaih ang a ni hauh lo a nia.

Hawi sang vah in a dar a san ak a, "Vawiin ah eng thil nge thleng ka hre tawh lo, ka theihnghilh vek tawh."

"Khawngaih in min ngaithla teh, Cat."






A bag chu dah in, "Nupa dik tak pawh kan ni lo a, i duh duh a awm tur in zalenna i nei a lawm. Kei chu min vengthawng suh." a tih san mai a.






A heh chu pet zauh in a sam dum hlap chu a tuai a, "Cat, Evelyn nen khan kan in kar ah in zawmna bulfuk eng mah kan nei lo. Kan in zawmna neih chhe te awm chhun pawh kan ti tawp tawh a. Vawiin i rawn hmuh kha good bye kiss mai a nih kha. A ni nen khan kan - "



"Sshh..! Ka lak a in sawi fiah hi i bat a ni hlei nem. I mimal nun ka zah sak che a eng ang pawn awm la in rawlh buai tumna ka nei lo. Ka sim cars kha min pe rawh."






A chhungril ngaihtuahna zawng zawng rawn hmuh tum ni awm hrim a chiang leh fiah hian a mit ah tak chuan a rawn melh vang vang a, "Cat, i sim card kha chu ka pe thei rih lo che. Ka pek rual rual che in kha sipai kha i be nghal dawn tih ka chiang a ni." zawi sap hian a ti a.






Chimawm tak hian a nui lui sawng a, "Ka thiante hnen a tang in a number te chu la in ka be daih tawh pawh a ni thei a." a ti ngat a.






A rawn hnaih ruak a, "I ti hauh lo ang. I be lo ani lawm ni, Cat?" ti a meng rum ul hian a ban rek ah man in na zet hian a hmer salh a.

"Khawngaih in, Alex -min ti na a nia."

"Kha pa kha i zuk bia em? Thu dik min hrilh rawh... Pathian hming in, Cat."







A ni pawn hmeichhe dang a fawp a, eng nge Huntera a biak chu a lo duh loh ve em em a? Thinrim zet hian a ban rek a hmerna chu phelh in a kut chu a theh sawn sak nawk a. Cho zet hian a mit ah tak chuan a melh chho ve ngar a, "Hmeichhe dang i fawh theih chuan mipa dang ka biak theih loh chhan tur ka hre lo." a ti ngal ngal a.






Dim lo zet hian a kawng ah kuah in a lam ah chuan a phih hnai dawrh a, a khabe ah kuai dak in a hmui ah chuan a fawp ta a.






Alex-a hmui lum ham ham in a hmui a rawn tawh chuan current man ang mai hian a tek sawk a, a taksa chhungril zawng zawng chu fan chhuak nghal vek in a khur der der a. Lo dan emaw lo hnar emaw pawh a tum buai peih lo, tum mah se a thei dawn chuang lo tih a in hre chiang a ni. Chu pa lian pui chuan a lam ah hip hnai zel in a ti tui ral vek ni mai hian a in hria a. A fawh rem tur chuan a hmui nel thep chu ti kau in uar leh duhthawh zet hian a fawp let ta a.






"Cat.." tiin Alex chu a rum hak a. A lei hnawng chap lum chuan Dingpuii ka chhung lum hiam mai hmun tin kil tin chu liak in a hawl kual vel a. "Kan in hmuh hmasak ber zan a tang khan he tia fawh che hi ka chak tawh a ni. Ka mamawhna che nasa lutuk hian min ti na thei hial a ni." a ti tham tuak a. A nghawng leh a ir khuar lai ah te chuan duhthawh zet hian a fawp kual zel a.






A kal san mai palh ang tih hlau ni awm hrim hian Dingpuii chuan Alex chu a kuah chial a, a hnung zang leh a tukhum sam te chu chul kual riak riak in a tham tawn tawn a, "Mmmm... khawngaih in min fawp ta che, Captain."






Alex chu a khawng nghal luh a, vawi leh khat ah a kuahna ata chu in la hrang nghal in vur milim ang mai hian a ding khawng lah a. A mit meng dum fiah chu tuarna leh thinrimna vang in a de sawr sawr a. Vur hlawm a rawn phuh chhuak ta emaw tih mai tur a aw ril leh vawt, nelawmlo khat tlat hian, "I mit kha meng la min han en chiang teh.... Captain ka ni em?" a ti a.






Dingpuii tiril chu a khur der der a, Alex an phurna nasa tak a siam sak vang khan a biang te chu la tai tak a. A rilru leh ngaihtuahna ah pawh Captain a awm miah silo a eng tin nge a hming a lam rik thwih zawk? Oh.. eng tin nge Alex hi a lo in fawh tir theih zawk? A bul ah khan phur leh tha tho zet a awm in a fawhna kha a lo chhang let a nih kha. Mahni in zahpuina chuan a khat a, a kut chu a hum ngawt ngawt a.





"Ka...."

"I captain theihnghilh tir tur chw hian eng thil nge ka tih ngai min hrilh teh."

"Alex..., khawngaih in..."

" I pasal in a kuah che a a fawh mek lai che pawn i ngaihtuahna ah amah hlir awm in a hming i la rum chhuah pui a nia. He ti khawp a i rilru hneh tu mipa hi ka hmu duh ani. Eng ang fakau a hmeltha leh zei nge a nih tih hi ka hre chak." Alex chuan beidawn hmel tak chuan a ti a.

"Alex....., ih... ka..."






Khum bul a drawer chu hawng in box te tak te hi a rawn phawrh a, "Kha le - i sim card chu." tiin thu dang eng mah sawi tawh lo chuan pindan chu a chhuah san ta a.






In khat a cheng ni mah se he mi ni a tang hi chuan a Nu leh a Pu hmuh lai a an in biak tih loh chu an in be khat in hmelhriat ngai loh ang mai hian an awm a. Alex chu a lak ah in la hrang in biak ngam loh khawp a nelawm lo leh vawt ruih hian a awm a.

&&&&&&&&&&&&&&&&


Siamtei chuan mut pah in games a khel mai mai a. Huntera call a rawn kal chuan mahni in thiamlohna leh Huntera khawngaihna chuan a rilru chu a luah zawk a. "Aw,Captain,i tha maw?" a ti a.

Huntera chuan, "I thiannu in he ti khawp a ka rilru a suasam chung hian ka that i ring em ni?" a ti a.

"Pawi ka ti khawp mai. Sawi ngaihna pawh ka hre lo."

"In thiamlo duh suh,Siamte. In thiamlo tur chu Dingpuii zawk a lawm,nang mah ni lo in. Min bum nawn awn awn a ni ber in ka hria. Rinawm min tiam a, ama thu tiam chu bawhchhia in pasal min neih san a. Chu ti chung chuan kum hnih hnu a then leh mai tur a min tiam in lo nghak tur in min ngen a. Pasal dang pawh nei se a aw ka la hriat tal chuan tiin ka in hnem lungawi a. Tun thla thum chhung hian ka biak theih in a awm lo a, a phone a off nge sim card a thlak zawk pawh ka hre tawh lo."






A khawngaih lutuk chu Siamtei mittui a tla tep a.

"Siamte, mipa ve lem in pasal nei lai he ti khawp a ka buaipui ta mai hi min dem in mak pawh min ti hial in ka ring ani. Kei ngei pawh hian mak ka in ti in ka in dem a, ka in hrethiam bik tawh lo ani. Theihnghilh tum in ka in fuih ve nasa mahse ka hmangaihna a nasat em vang in ka thei si lo a nih hi. He ti khawp a nep ka nih si chuan mipa ti pawn ka in chhal ngam tawh dawn em ni?"

"Captain, ka dem reng reng lo che. Hmangaihna hi a mak em a ni."

"A nih Dingpuii hian eng nga ti nge min biak duh loh a, a phone a off tlat? Bum hmang, hmeichhe rinawmlo leh phatsantu a ni."

"Khawngaih in hriatthiam tum hram teh."

"Eng mah hi ka hrethiam thei hlawl lo. Ka aa chhulh tawh mai."

"A pasal hi a naupan tet lai a a thian tha ber leh a ngaih em em, kum tam tak hnu a a hmuh leh chauh kha a ni si a. A tir ah hmangaih lo mah se an chwn dun ve reng chuan hmangaih loh reng chu a har ngawt ang."

"Eng i sawi tumna nge?"

"A ngaih em em leh hmuh a chak ngawih ngawih a U Mama kha a pasal Alex hi a lo ni reng a lawm. An thi awrh a tang khan an in hre chhuak chauh a."






Hunter-a chu a thaw kawk a, "A u Mama kha tuna a pasal hi maw ni a???!!! A U Mama a ngaih zia leh hmuh leh a chak zia chu kei pawn ka hriat pui vek sia. Zawn hmuh pui pawh ka lo in tiam hial a ni. A nih chuan ka tan chance engmah a awm ta lo a nih chu. Eng kim hi a tawp ta vek a nih chu. Ani nen hma lam hun ka lo suangtuah ve thin chu thleng dik turbin beiseina de re re pawh a awm ta lo, a tawp vek tawh." beidawnna a khat aw rawl chuan a ti a.





"In ti pachang hram rawh aw... Dingpuii lo pawh hmeichhe dang tam tak an awm tih hria la."

"Ni e, hmeichhia chu an tam a lawm. Mahse, hmeichhe dang tam tak zing ah chuan ka hmangaih awm chhun chu amah chauh ani si. Tha tak in thil awmzia min rawn hrilh sela ka tan beiseiawm in awm lo se tha tur..."

"Parhian hian amah aia tha zawk hmangaihtu che a pe em em ang che tih ka chiang ani."

"Mi dang reng reng ka hmangaih leh thei pawn ka in ring lo. Hmeichhe dang hnena pek tur hmangaihna hi ka nei thei tawh lo ang - ka neih zawng zawng chu a hnenah ka pe vek a, lak let leh theih a ni ve tawh si lo."

"Ni lo e, Captain. I thei em em ang. Pathian hian i tan khawvel a love story ropui ber chu a ziak mek pawh a ni mai thei ani."

"A chang hi chuan Pathian hi ka dem thin. Kan neih hauh loh tur ni si hi eng nga ti nge heti khawp a min hmangaih tir si ni."


&&&&&&&&&&&&&&&&&&


Dingpuii hu a Pu nen checker an khel dun malh malh a. A that lai hun a checker thiam tia sawi a lo ni thin nen Dingpuii a hneh lo chu a thangtlawm hle mai a.





"Pu, min hneh lo tih hi pawm ve mai teh." tiin Dingpuii chuan a fiam zauh a.

"Ka vanglai kha chuan ka thiam ve thin a sin mawle. Tunah chuan kum a lo upa ta in rilru fim put a har tawh a niang."






Nui hak hak chung chuan, "Ka che fuh ve mai mai a nih hi." a ti a. An khelh nawn leh chuan a hneh lo lui ta a. A han chak ta chu a Pu chu a phur surh surh hle mai a, vanglai a an khelh hun lai vel chu sawi nuam ti tak hian a ti ti pui ta suam suam a.






A nu chu thei tui in tur chawi in an thutna lam ah chuan a rawn chhuak a, "puite, i U Mama chu dawr lam ah hna a tam lutuk a chaw a ei nghal dawn a nih chu aw. A call tlang thei lo che a lo hrilh mai tur chen in min ti a." tih pah chuan thei tui chu an bul ah rawn hung in a rawn thu ve a.






A rawn call tlang thei lo nilo in a rawn call lo hrim hrim tih a chiang a, dawr lam a buai vang pawh a nih a ring hek lo. Nula vang a khaw tlai a ni phawt ang. Apu in a rinhlelh loh nan tunah chuan a nupui ang in a awm tawh a, a duh tawk a zalen in a bialnu bulah chuan a awm thei tawh a lawm le.






"A rawn haw tlai leh dawn a ni maw?"

"I hriat ang in thla thar hi chuan bungruat te lo thleng thar in account leh thil hran hran chinfel tur a pui hi a tam a, buai zual chang te chuan a rawn haw har ve fo kha." a nu chuan aw dam riai hian a ti a.

"Ka hrethiam lutuk a lawm, ka nu." tiin thei tui chu a in khalh a.






A Pu chuan a mit meng fim leh fin hmel zet chuan a rawn melh vung vung a, "Puite, kha tiang hmel kha pu teh suh. Alex hian hmeichhe dang bul ah a awm san lo che tih ka chiang a ni." a ti a.



"Chu tiang in ka ngaihtuah miah lo aw, Pu."

"Mit meng hi a daw ngai lo. I mitmeng khan thu tam tak a sawi thei a sin. Dawt sawi thiam tak ni tur chuan mitmeng thunun thiam hmasak a ngai thin." tiin a Pu chuan thei tui chu a ban nghal a.

"Ka mit meng chuan dawt a sawi a nih loh pawn i hmu sual tal a niang." a ti a. A Pu nui deuh suk a hmuh chuan, "Pu, ka ti tak tak, Alex hi ka ringhlel miah lo." a ti leh thuai a.






A pu chuan, "In in tawn hma kha chuan a lo nula mi pawh a ni thei... mahse a nun a i lo lan a tang kha chuan a zia a thlak vek a, sumdawnna kawng ah pawh a puitling sawt tawh khawp mai." a ti a, thei tui chu a in khulh a.



"Puuu ! Nang chu... thikthu chhe deuh ang ah min chhuah der a lawm."




Dingpuii chu khum ah chuan a let tawn sek a. A suangtuahna mitthla ah chuan Alex leh hmeichhe dang awm dun tur ang chuan a han ngaihtuah reng a. "Tawp rawh, Dingpui. Ngaihtuah tawh suh." tiin a in fuih mawlh mawlh a.






Nupui lem mai a ni a, nupui dik tak dinhmun chu eng tik ah mah a luah ngai lo ang. Kum hnih chhung lek a nupui lem a chang tur a in sawi rem an nih kha. Nupui dik tak ang mai a thikthu lo pe chhe ve ngawt thei a ni hlei nem. Thikthu a ?? Ni e, a thik chiang a ni. Alex chu hmeichhe dang nen awm dun a suangtuahna ri ngawt pawn a lungphu a ti chawl dut thei hial ani a, midang tan a phallo a ni. Hmangaihte lak ah chauh thikthu a chhe thin tih ngaihdan nghet tak a lo vuan bur tu kha a ni a. Anih chuan Alex hi a lo hmangaih ta mai tihna em ni ang le? Eng tik lai khan nge he hmangaihna chi hi a thinlung ah a lo in tuh a, a lo tiah tak le?






Alex hi a hmangaih lo ang, a hmangaih thei lo, a hmangaih tur ani lo. Hmeichhe dang hmangaih lai nei a ni a chu chu a tir ah pawh khan a hrilh chian hle kha. Eng tik ah mah hmangaih let ve ngai lo tu tur hmangaih chu a duh lo ani. Mahse duh duh hmangaih aduh hun hun a bansan leh chu leilung pian ken ani si lo.






A phone a rawn rik chuan Alex anih tawh ngei beisei in a en vat a, Evelyn number zawk a ni tih a hmuh chuan a hman ni Alexa office a an in fawp lai a hmuh tum a hmuhsit hmel tawk a a rawn melh dan kha a hre chhuak thar leh a, a thinrim chu a tawt nghal up up mai a. "Eng nge i duh a? Alex a awm lo." a ti bung nghat a.






Lerh hmel tak hian a nui hawr hawr a, "Baby, Alex a awm lo tih chu ka hre chiang a lawm, a chhan chu maw ka bulah hian a awm tlat a ni. Chu chu rawn hrilh ve mai mai che ka duh a ka lo call che a ni." a ti zawt zawt a.






A heh chu a pet fan fan a, awi he nu a huat zia leh a hmai a ham rin sak nuai a chak zia hi Pathian chauh in a hria ang. Thinrim aw chang fak hian, "Hremhmun ah thlawk bo rawh." a ti ta piap a.






Evelyn chu a nui hawr hawr reng a, " Min thik em ni? Min thik buai duh suh. I thik phak lek a hniam leh tlawm ka ni lo tlat. Nang collage zirlai satliah ve mai, cheng khat pawh thawhchhuah pawh nei lo khan nuthlawi hausa leh mipa tih lawm dan kawng hrang hrang hre bel tawh hi eng ti kawng mah in i khing pha ngai lo ang - vawi sawm pawh piang nawn mahla. A chhan chu maw Alex hi khum chung a tih lawm dan leh a duh zawng eng kim ka hre bel hneh tawh tlat ani." a ti a.






Dingpuii thinrim luruk chu a sa pup pup a, a alh lo chauh hi a ni ber a. He nu hian rawn chhaih thinrim tum a rawn call a ang tlat in a hria a, thawk a han la ham ham a, " Ni e, nang ang Pitar, ka Nu rual deuh thaw chu kum upat lam ah chuan ka tluk hauh lo ang che. Chuan.. thil pakhat... i aw hi maw ka Pi aw nen a in ang lutuk." a tih khum ve ngat a.






Evelyn chuan Pitar tih chu a lo duh bik i khaw lo mai a. "I nu rual chu ka ni lo deuh ang a. La tar lo haih haih tak ka ni. Ka hmelthatna ang leh ka ti tuai nalhna ang hi a awt ve a ni lo maw, hmelchhenu?" a ti tun tun a.






"Aih ka awt lo che. Enteh thurawn pakhat ka pe ang che - thlasik rim a nam leh tan tawh sia, meilum ai nasa suh aw. Plastic hian mei sa hi a haw teh mai a nia. I sawr mai ang." Chimawm zet hian Dingpuii chian a ti a.

Evelyn thinrim chu a thaw hrawk a. "Plastic surgery vang a hmeltha leh nalh ka ni lo, hmeli." a ti tuarh a.

"I sa huat lai ah tak ka perh che elaw, Miss Plastics?"

Evelyn chu thaw hawk hawk in a ngawi vang vang a, "Alex an i laka a zep tlat thuruk ka hrilh ang che aw?" a ti a.

"Hriat chakna ka nei lo e."

"Hriat hun ila nei dawn tho si a ka hrilh mai ang che. Alexa fa hi ka pai a sin."

Chu thu zet chuan a ti phu zawk a, tek den sawk ang mai hian a nghawng na ani. A kawchhung te chu let but but hian a hria a, a phone chu a hmer khur ngawt ngawt a.

"Ka rai thu a than hunah meuh chuan i chan a chau i i mualpho hneh ngawt ang. Zah lutuk vanga i tluk tawp hma ngei hian Alex hi then la i tan a that zawk ka ring."

"Nupui pawmlai nei fa ngam mah i zah loh chuan kei a tan zah vak chhan tur ka hre lo, Ramhuai Pitar."


&&&&&&&&&&&&&&&&&&&


Dingpuii thinrim lutuk chu mut pawh a mu thei tawh lo a tho chhuak a pindan dung ah chuan a vei tuak chhen a. Sana a bih leh ngawt thin. Zan dar 11 a pel tawh Alex chu a la rawn haw bawk lo nen a rilru na leh thinrim chu a in pawlh nuai mai a. Thinrim leh rilru manganga a awm lai hian kha nuthlawi bul ah khan hlim tak in a awm bik tur a ni lo. Va tlan a a sam a va keh chhuah te a chak et et a.






Hmeichhe dang in a fa a pai sak mek chung hian a nupui ang in a bula awm ve reng chu a duh lo hul hual ani. Ni e, he in ah hian zan khat pawh a awm tawh tur a ni lo, a nu leh a pu chu zah viau mah se a chhuak tur ani - Alex an chhuak tur a a hrilh hma ngei in.






Ngawi reng a in siam in a chhuak tawp mai dawn wm ni? Nge a nu leh pu te hnen ah thil awmzia eng kim a hrilh anga a chhuak zawk ang? Chu chu a ngam bawk si lo. Ngawi reng a chhuah a hreh bawk si chuan Alex chu a call ta chawt a.





"Hello, Cat?" Alex aw chu a chauh hmel in a thawp sat a.
Thirim zet a in pet ruh in, a chau reng ang chu nuthlawi bulah a tawm reng a lawm tiin a in seh ruh hle a. "Ka haw dawn a, thil eng kim chu ka nu leh ka pu hnen ah lo hrilhfiah mai ang che." a ti nghal tawng a.

"Khawiah maw i haw dawn, cat? Kha kha i in a lawm."

"Ka in dik tak... ka Putea leh ka Pitei te bul ah"

"Eng thil diklo nge thleng a? Ka pu in a hau che em ni?"

Engmah hre lo ang mai a a awm der vel chuan a thin a ti rim tulh tulh a, "Hre lo der buai vel lo mai teh. I fa lo piang tur leh a nu bulah khan hlim tak in awm la ka lawmpui lutuk che a nia."

"Cat,Alex ka nih hi...mipa dang emaw tiin min be sual chu a ni em lo maw? Dawr ah ka la awm a kan la buai hle a ni."







Dawhehpa tia au khum tuar mai hi a duh a, "Ka be sual lo che. Ka Pitea te bulah ka haw dawn tih ka rawn hrilh mai che ani."tiin phone chu a dah hmak a.






Alex chuan a rawn call let rang kher mai a, "Cat,khawngaih in min lo nghak hram teh,lo la chhuak suh aw minutes 15 chhung in rawn thlen hman ka rawn tum ang." a ti a,phone chu a dah leh nghal mai a.






A thawmhnaw a mamawh zual tur ang ho chu thlep tha in suitcase ah a thun mawlh mawlh a,a thawmhnaw dang chu ni dang ah a la leh zawk mai ang chu.






A suitcase pahnihna a rem zo tep tih ah chuan Alex chu thaw huam huam chung in pindan ah chuan a rawn tlan lut a, "Cat, eng thil nge i tih...?" tiin a bul ah rawn thingthi in a dar ah chuan a rawn kuah chawt a.





A ban chu lo thing thla in, "Ka haw dawn." a ti tawi tak a.

"Eng vang in? Kum hnih chhung ka kiang a awm i tiam kha..." mangan hmel tak chuan a ti ruai a.

"A chhan min zawh a ngai em ni? Kei ai in i hre chiang zawk daih ang chu."

"Aih, ka hre lo. Ka hre lo tak tak."

"Evelyn bul a tang in i rawn haw chauh a, a chhan i theihnghilh leh hman tawh a maw? I hre duh lo lui tlat a nih leh va zawt la."







Ngaihna hriat loh hmel tak in a ding a, a tukhum thak lo pui chu a hiat ringawt a. "Tu maw ka zawh ang? Dawr atang a rawn haw ka ni - Evelyn bul a tang ni lo in." a ti muang ban chat a. "I captain kha a lo haw dawn a, chhuanlam i zawng a ni zawk lo maw?"





Huat hmel tak chuan a melh ram ram a. "Tunah chuan i nupui anga ka awm ve reng hi a tulna ka hre tawh lo. Evelyn'n i fa a pai tih a lan chhuah hunah chuan i pu hi i bum reng thei chuang lo ang. Nakin a buai nuai ai chuan tunah hian engkim ching fel vek ila ka duh ani." a ti vawt raih a.






Alex chu za em em hian a nui ta kiah kiah a, "Evelyn maw? Ka fa a pai a maw?" tiin a nui zui leh hawk hawk a

"Thil nuihzat thlak eng mah ka hre ve lo." a ti hmak a, a thinrim lutuk chu a tap lo chauh tawh a.

"A nuihzat thlakna lai tak chu maw.. Evelyn hi fa nei thei lo tur in a in siam daih tawh, a pasal pakhatna nen an inneih lai khan."

"Amah ngei in i fa a pai thu min hrilh a lawm."

"Chuan... i thik ta em em a?"

"Ka rilru a na..."

"I nat hi ka thil duh loh ber a ni a sin. A dawt sawi vanga i lo na chu pawi ka ti tak zet ani."

"Ka nat duh lo si chuan biak pawh min be duh lo a, mwlh pawh min melh chhin duh ngai loh kha."






A rawn pan hnai ruak a, a dar tawn tawn ah kut nghat in a mitmeng dum fim tak chuan a melh ta vawng vawng a, "Ka fawh lai reng che a mi dang hming a min ko kha ka na lutuk a ka keh chhe lo chauh ani. Mipa dang i hmangaih tih hre vek mah ila eng tik lai pawh a kuah che a melh vawng vawng reng mai che hi ka duh a. Ka biak che emaw ka en hlek che emaw chuan ka in sum zo dawn lo tih ka chian em avang in i lak atang in ka in la hrang ta a nih kha." aw ril raih chaun a ti a.






"Alex, pawi ka ti lutuk. Kha mi zan khan eng tia a hming rawn lam ta mai nge ka nih pawh ka in hre lo. Dik tak chuan kan inneih hnu ah chuan Hunter hi ka la be leh miah lo a sin."a mit ah pawh melh ngam lo in hnuai lam a bih ngar a.






Alex chu a thaw hawk a,engmah sawi lo chuan Dingpuii chu a awm ah kuah bet in a sam tle siau chu a chul heuh heuh a, "Cat, ka hmangaih zia che hi Pathian chauh in a hria." a ti tham tuak a.
"Evelyn kha...."

"Ani nen khan engmah in duh tawnna kan nei ngai lo, kan awm awl a kan in kawp ve satliah mai a ni. Eng ah mah ka ngaih loh zia hre chiang ber tu chu amah a ni."

"Mahse... i fa...."

"Chhul paih tawh in ka fa a pai theih i ring cheu em ni?"

A awm ah bei in hlim tih hriat tak hian a meng de sar sar a, "A nih leh... ka haw a ngai lo tih na em ni?"

"Hei hi i in a ni a, ka hmangaih em em ka nupui dik tak, Pathian leh a kohhran mipui hma a ka dam chhung a hmangaih reng tur a thu ka tiam pui ngei i nih hi. He in lo hi haw na turbin dang i nei lo. Ka ta i ni."

"Oh... Alex..."

"Ka hmangaih che, Cat" ti sup in a nupui hmui itawm zet ah chuan duhthawh em em hian a fawp ta vawng vawng a. "Thihna chauh lo chuan i lak atang hian min la hrang lo ang."

"Ka.... hma... ngaih... che.. Alex"


A TAWP TA..,...han ti mai ilah....Hunter_a chanchin HUNTER (A Soldier Is Never Off Duty) in zawm leh phawt ang aw...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 8th, 2020, 1:56 pm

Lingering Memories 11


HUNTER(A Soldier Is Never Off Duty)


A hma mi kha chu a tawp tawh a, Hunter a chanchin bik a thar a dah kher lo in ka rawn dah tel tawp mai, ngaihnawm in tih hram ka beisei



Chapter-1



Ramhnuai pik tak hual vel hmun biru leh rem zet ah chuan 'Zoram Siam That Duh Pawl' in ti,an pawl hming a 'EAGLES ' in phuah thalai 20 rual chu an in kulh a. Rim tak a training in a then in silai kah an zir lai i a then in martial arts lam an lo zir mek bawk a. An hotu pa ber Hmuaka chuan a nau te training lai chu uluk tak a thlir in hlawhtling in tih hmel zet hian a nui suk a, a lu a bu nghauh nghauh a. Chutah a phone a rawn ri a The Big Boss in a rawn call tih a hmuh chuan a pick up thuai a. "Hello, Sir."






Big B chuan, "I naute ho chu an training tha thei maw? Buaina leh harsatna te in nei em?" a rawn ti a.


"Aw, Sir. Training tha thei e, hma pawh an sawn khawp mai. Buaina eng mah kan nei lo e."


"A that nasat chu. Tunah chuan in hnathawh that a vang in Zoram dung leh vang ah chuan kan pawl 'EAGLES 'Zoram Siam That Duh Pawl chu a lar in mipui support pawh a hlawh khawp mai. In thawk tha hle a nia, Hmuaka" tiin Big B chu a nui huah huah a.






Hmuaka chu hlawhtling in ti tak in a khi vur vur a, "Ka lawm e, Sir. Mahse EAGLES hi nangma din,i thluak leh i sum hmang a kal thei ve mai chauh a lawm a nih. Nangma thawhrim zar vek a ni e." Inphahhnuai tak chuan a ti a.





"Awle, Zoram hmasawnna dal tu leh eiruk hmang mi pali thlalak leh an chanchin kim chang ka rawn thawn dawn che a, warning in lo pe dawn nia." Big B chuan a ti a.


"Awle, Sir." tiin a phone chu a dah in hamrik a ham ri tuarh a. A naute thil zirlai chu tawp thap in a hma ah chuan an rawn in tlar sang sang a. Aw ring leng lawng hian, "Tu te nge kan nih?" a han ti lung lung a.


"Zoram hmangaihtu Zoram siam that duh pawl EAGLES kan ni." tiin thalai rual chu an lo au a.


"A tha e, a tha e." tiin a kut lian pui chu a beng ri thuk thuk a. "Ni e, kei ni hi Mizoram hmangaihtu dik tak chu kan ni. Mizoram hmelma lian ber chu retheite chanai ei zo tu eiru ho hi an ni. Eirukna hi kan hua a, kan do zel dawn a ni. Eiru hausa te chu kan dim hauh tur a ni lo, an phu tawk hremna pe in he eirukna hi a zung nen lam pawt phawi in kan pho ro dawn a ni."






A nau te ho thalai rual chuan a thu sawi an pawmpui zia lan tir nan kut an lo beng hluah hluah a.






"Engmah hrethiam lo kan Mizo mipui thenkhat leh kan media lam te chuan EAGLES hi hel pawl tiin Zoram hmelma ang hial ah min chhuah a. Hei hi an hriat loh vang a ni - kan ngaidam tur ani. Kan hna thawh that zia leh Zoram kan hmangaih zia an hriat fiah hun ah chuan banglo in min la fak zawk ang. Nang ni Zoram hmangaihtu fak hlawhlo val rual te u, eirukna hi kan do zel dawn em?" tiin Hmuaka chuan a nau te ho hma ah chuan thiam tak in thu a sawi a.






EAGLES ho chuan kut ben dar dar pah in, "Kan do zel ang." An lo ti rual dual a.






"Eng maw kan do zel ang?"


"Eirukna kan do zel dawn."


"Awle, a tha e. Naute u, vawiin a tan chuan kha zawng kha ni rawh se. In chawl hahdam thei ta e." a tih tak ah chuan mahni puan in theuh ah chuan an lut sang sang a.


@@@@@@@@@@@@@@@@


Lengpui Airport-ah chuan thlawhna a rawn tum a,mi chuangte chu an chhuk sang sang a. A tawp ber ah chuan Hunter-a chawlh hmang rawn haw chu a rawn chhuak a. Amah lo hmuak tu a U te nupa leh a thianpa Rela a hmuh chuan a biangsum khuar kalh lang chuan a nui sak a. A mitthla ah chuan chawlh a rawn hman hmasak tum a Dingpuii leh Siamtei ten an lo hmuah kha alo lang a.






"Theihnghilh rawh Hunter, mipa dang laka phatsantu che chuan i hriat chhuah leh ṭhin hi a phu lo." tia in fuih ru in a lu um nalh zet chu a thing nak a.
An inhmu chu an han in chibai lat lat hlawm a. A u chuan," Tluang tak a i rawn thleng thei chu a lawmawm hle mai. Tun tum chawlh chu i hman tluan theih hram i beisei teh ang." a ti a.






"Ni e...ti raw.."






A u nupui Rini chuan , "I lo haw hmasak ai khan i chau in i hah hmel zawk a nih hi. Sipai pangngai ai in commando ho hi in hah in Sawrkar hian a chhawr rim zawk daih che u anih hi mawle...duat zawk in phu teh lul nen." a ti a.






Hunter chuan,"Ka tha a lawm." a ti sup a. A thianpa chu melh in " Min hmuak tûr a hetiang thleng thlen i rawn kal ve a,thianpa. I buai lo em ni ?" a ti a.






"Rawn hmuah che hi ka ba tlat in ka hria ani. Tak tak a hna kan chawlh ni ani a ,i U te nupa in min rawn sawm remchang bawk a ka rawn kal ve ta mai.." a ti a.


" In ti lawmawm tlang hle mai. Mizoram boruak chuan min ti harh sawng sawng mai a lawm. Eng nge he lam chanchin ?"


Rela chuan ," Dingpuii kha i tihna a nih chuan...."


Rini chuan," Rel, Dingpuii chanchin kha chu sawi lo teh. A rilru i ti thar mai mai." a lo ti thuai a.






Hunter chuan a dar a san ak a, " Ho lutuk . Eng ah mah ka ngai tawh hlei nem. Ka tan chuan mitthi ang ani tawh a lawm. Awmlo ngenna tap rual pawh ka nih tawh loh hi." a ti awlsam et a .






Rela chuan ," Tunlai kan khawtlang ti ti ber chu EAGLES ho hi an ni mai."


" EAGLES chu enge a awmzia ?"


"Zoram Siam that duh pawl in ti ten an hming in vuah ani a. Eirukna do in ke an pen a...a tha ang reng phian a."


" A lang a pau a an do ngam anih chuan a tha nasa anih chu. Kan ram mamawh ber chu ram hmangaihtu mi huaisen ani a lawm."


"An do dan erawh sawisep a kai deuh tih chauh ani. Eiru hausa an hriat hnen ah kal in,' i chhungkua kan venhim man' tiin an duh zât zât pawisa phut a,an pe duhlo anih chuan an that mai thin a ni awm e..Tun hnai mai ah pawh sorkar hna sang thawk pahnih ngawt an sar thih leh tawh kha."


"Eiruk do in ti si in an eiruk sa pawisa chu an lo rin pui leh tho tihna ani maw ?"


" Aw. Chu tak chu a lawm mipui in an duh loh a an sawiselchu. Pawisa pe tute chu engtin mah ti lo in an dah zalen a,pawisa pe duhlo tu chu an dah tha hmak zel ani awm e."


" An chet dan mai mai chu a...Mafia min hriatchhuah tir a lawm." Hunter chuan a ti nghat a.


A u chuan, " Hawh u, pum ruak hnawh khah tum teh ang u. Eiruk tur nei ve lo ho chu thawveng hle phawt mai ang u." a ti a.


%%%%%%%%%%%%%


Nula hmeltha leh nu hnap mai Kimi chu a nu lian lo na in a pian leh fuke hrim hrim chu a nalh in a in rem dik thlap mai a. Nu hnap e ti lo chuan a harhvang in a thothang a tha hle a,siam chawp emaw tih mai tur khawp a a mithmul nalh kual rai mai hnuai a mitmeng fiah leh fim kal chuan hmeichhe satliah anih loh zia a ti lang chiang hle a.






Mahni in ven nan tiin a pa chuan Martial arts zirna sikul ah a kal tir ve a. Nuam a tih zawng tak lo ni nen a thiam hma khawp mai a. An instructor chuan a zir pui pakhat nen a in spar tir a,a hmel en ang a nu hnep ani ta hauh lo mai a,a che rang in a ke a zo vah mai a. A khingpui nu chu a hneh ngang mai a,an in beih zawh chuan a thiante chuan kut an lo beng dar dar a.
Sangi chuan," Wow..Wow..i che tha hle mai ,Kim" alo ti chul a.






Ruth chuan," I hmel en ang ngawt chu ilo nih loh hi mawle." a lo ti ve bawk a.






Kimi chu a nui sak a," Lehkhabu that leh that loh hi a kawm a tangin teh ngawt thin suh. " a ti halh a.






"A dik. Kimi te ang nula tereuhte nu zam pawh hi Keite ang in a lo kawlh thei anih hi."






Kimi chuan an bula thut pah hian, " Kei hi chu ka taksa nilo tur ah Pathian hian min dah ani. Ka rilru leh thinlung hi en se chuan taksa lian pui leh sek tung an min siam hrim hrim ang." tiin a nui hawk hawk a


"Chuti - patil ini tihna em ni ?" Ruth chuan alo ti var a.


"Patil a ? Oh...my....ni lul lo mai."


%%%%%%%%%%%%%


Cindy chu a hmeltha in han en mai pawh hian mi hausa fa mal duatsual , pawisak leh zahpah pawh nei lo thawveng halh mai ani tih hi a hriat hliah hliah a. A hawiher hrim hrim chu a sang vah mai a,mi tu pawh hi a en hniam hle nghal phawt mai a.






Party boruak tang et awt leh ri nuai nuaih kar ah chuan tlangval pian thiam zet hian a va pan hnai a, " Hi...Cindy,min lam pui duh ang em ?" a ti a.






A zu chu tlak pawp in chu pa chu chik zet hian a melh a, " Cindy te ang nula hmeltha leh zei lam pui tur hian eng nge tlinna inneih i en phawt ang hmiang..." tiin chu tlangval kawr awm ah chuan man in a lam ah a pawt hnai a, a hmai chu a chul lawr sak dan dan a, "Umm...i mit a nalh a...i hnar pawh....a chhe hran lo.... i hmui...ummm.....a sexy fuh full...! Min lam pui tur in i tling tawk e. " a ti ham ham a.






Music rem chuan uar leh fet thiam tak hian an lam dun ta nghawl nghawl a. Mit ti tlai leh hmuhnawm tham tak an ni.


%%%%%%%%%%%%%


Nanu_i chu a mipa hmangaih em em Kevin -a awm ah chuan a bei hle hle a. " Kevin,ka hmangaih em em che a,i tan ka engkim ka hlan che a. I kiang ah lo chuan ka awm thei lo ani ber tawh. Innei tawh mai ang,i nupui nih hi ka duh tawh ani." pangchang tak hian a ti a.






A ban lehlam a Nanui kuah in lehlam chuan a phone khawih in thil a type pah bawk ang.


" Kevin ?"


A phu deuh zuk a phone chu hawi san in Nanui chu a nuih sak a, "Uhh...eng maw i sawi kha,duat ?" a ti dam duai a.


"Ka bula i awm lai ngei pawn phone ila khawih reng amaw ? Kevin,i tan hian eng chiah nge ka nih ve le ?" tiin thinrim tak hian a kuahna ata chu tal chhuak in a melh ram ram a.






Inthiamlo hmel tak hian,"Tihpalh,duat. Ka thian ten min rawn text a ka chhang let lawk a lawm." Kevin chuan a ti a.






Nanui chu a sa phat mai a," A lo ni maw...!" ti that in a phone chu a phih thlak sak thut a,a message chu a chhiar rik sak ta a. "'Duat,ka ngai hiam hiam che. I kiang a awm tur in ka rawn phei thuai ang ' Karei ! Kevin...ilo va rapthlak tak em..." thinrim seh chilh rap rap hian a ti a. A phone chu kawngpui char ah chuan a vawm bur a,a keh tha duh ngei mai.
Kevin thinrim chu a sen tun tun a,Nanui hmai a ben thuai pah chuan, "Hmeli ! Eng thil nge i tih a ? Kha phone kha cheng sing riat man lai a sin . Nanga vawm chhiat tur a ka lei ani lo." a ti ngul ngul a.






"Cheng nuai sawm man pawh nise pawi ka ti lo. Nang hian ka hmangaih che min ti reng chung in ka cousin chu i lo kawp vel a maw ? Mipa tenawm, bawlhhlawh leh lepler tak chu i lo ni." a ti tawn tawn a.






" Hmeichhe nasa tak chu i lo nih hi mawle."


" Nasa a ? Ka cousin nen min kawp ani tih ka hre chhuak chung pawh a ka la that lo che a nungdama a ka la dah chung che hian nasa min ti a maw !? Tunah tak hian maw i thinhnun ah tak
Chemte...nilo..ngunhnam zawk vih luh mawlh mawlh tluk a chak ka nei lo."tiin Nanui chu an te tuarh tuarh a


" Eng vang chuan maw ? Nang aia i cousin ka thlan zawk vang chuan maw ? "






A mittui chu hru hul in a in pet ruh a ,kawng dawm meuh a ding peu al hian a melh ngawt ngawt a," Mahni cousin te ngaihzawng lo tawmpui pawh hnial lo tu hmeichhe tenawm leh cheap lutuk nen chuan in in hmeh tawk chauh e. Nang ang mipa nun hniam lutuk vang hian ka mittui fâr khat pawh ka seng dawn lo. Nang hian min phu thlawt lo. " a ti bawrh bawrh a.






" Ni e,nang ang hmeichia hawi sang leh chapo ve em em satliah mai hi ka phu lo che a ni ang e." tiin an phone keh nuai chu chhar in a kal sawn nghal nal nal a.
Nanui chu thinrim zet in car ah lut in kawngkhar chu a khar ri bur a . "He khawvel a mipa awm chhun liau liau pawh nila enga tan mah ka ti lo ang che. Ka hua che ani,Kevin ,rinawmna tlachhampa ! Nilo Nanui,i haw tur ani lo. I mi huat te chu i thinlungah i vei ngut ngut thin si a,i huatna dawng tlak pawh ani lo."


%%%%%%%%%%%%%%%%%%%%%


Siamtei chuan a hma a thu a ṭhiannu chu melh vang vang in ," In duh ah pawh a chin tawk hi a awm ve a lawm. Alex hi i hmangaih anih pawn eng nge sawi theih ka neih ? Min hmuh hreh phah nan hman kher a ngai em ni ?" a ti hlak hlak a .






Dingpuii chu za hauh lo hian a nui sak a, " Ka hmu hreh che ni ila tunah pawh i bulah ka awm dawn em ni ? "a ti a.






" Hunter pawh a lo haw a sin. Nimin ah kan in hmu zuai a, zan in hian rawn len a tum a...."


" Chu chu enga ti nge min hrilh kher ?"


" I hriat ve chak tak in ka ti .."


" Tunah chuan Alex hi ka hmangaih tak zet tawh a. Hunter hi ka nun atang in kumkhua atan ka paih bo tawh ani . A hming ka hriat ngawt pawh hian ka inthiamlohna hian ka awm a la ti nuam thei lo ani."


" Amah hmu in i dinhmun te pawh an hmai hma ah ngei hrilhfiah la i in thiam lohna pawh a reh mai thei a sin ."


"Nunhlui liam hnu chu keu chhuah thar leh ai chuan a liam tawh chu a nih ang ang in liam tir tawh zawk mai ila a that zawk ka ring." tiin Dingpuii chuan a lu a thing na na a.





Hmuaka chuan a naute zinga a rintlak zual pathum chu an puanin ah a ko lut a. A laptop a thlalak chu an entir hlawm a.






"He pa hi Lianruma ani a, hei hi Lalhrima tin he pa hi Pakunga anih hi. An thlalak chu in phone ah ka rawn thawn ang. An ni pathum hi eiruk hmang ,kan chanai eiruk vanga in ti milian ,Zoram hmelma dik tak an ni. Vawiin ni la la hian Aizawl ah chhuk in an chanchin in chhui chuan hnu ah vauna in thawn anga an mahni chu la ti na suh ang che u. A chhan chu sum an ngah lutuk a kan la mamawh dawn ani. In hre chiang maw ? He hna hi mimal tan nilovin Zoram tan ani tih in hre reng dawn nia . " a ti a.


"Awle, Mizoram tan theih tawp kan chhuah ang ."


"In kal nghal thei ang." A naute an chhuah hnu rei vak lo ah chuan Big B hntangatang in phone call a dawng a," Hello, Sir."


"Hmuaka,tûnah hian Zoram Thlirtu tih chanchinbu editor chuan interview neih pui che tum in kawng a dap nasa hle a. Hmu la a tha in ka ring ." a rawn ti a.


"Mahse,Sir..."






Big B chu an thaw huai a," Tunah hian kan chet lak dan hian Mizoram mipui tan kan hlawh lo deuh tlat mai ang, Mizoram thatna tura thawk kan nih zia hi mipui hriat ah uar thei ang ber a puan chhuah hun remchang tak ni in ka hria. Mipui in min support tlat chuan kan tan pawh chet lak a awlsam phah sawt dawn a ni. " a ti a.






Hmuaka chuan ," A tha a lawm ,Sir. Ka naute ka lo ngaihven tir dawn a nia ." tiin an phone chu a dah a, " Dika ,lo lut lawk teh ." tiin a au zui nghal zât a.






Dika,tlangval la naupang ang reng tak cher ria dan mai hi lut in , " Eng nge ni ,Pu Hmuak ? " a rawn ti a.


" Zoram Thlirtu editor in min kawm a duh a, amah chu zawng chhuak la ka hnenah rawn hruai ang che. "


" Awle,Pu Hmuak. Ni li hnu ah rawn hruai thlen ka rawn tum ang. "





Hunter leh a thianpa Rela chuan zu no dawm dun in Hunter-a mut pindan zau pui mai ah chuan an thu a. An rui deuh tawh pawh an niang an ti ti a tui in an bah nawk tawh a.






" Dingpuii chu i hmu chak lo tak tak maw ?"


" Aih...chak lo. Ka tan hian awmzia engmah a awm tawh lo. He ka ngaihtuahna thluak bur a tang hian paih bo theih ka duh a nia...Amah vang hian hmeichhia reng reng ka ring leh thei tawh lo ang ." tiin zu chu a lem leh khalh a.


"Hmeichhe pakhat rinawm loh vang ngawt in hmeichhia zawng zawng chu rinawm lo tur ah i ngai thei lo ang ."






A zu no chu a thli khat leh a, "India ram hi Football World Cup an champion hma loh zawng a ka tan rinawm tlat tura min tiam tu meuh pawn min phatsan tak hi. Hmeichhia in rinawmna thu an tiam ngun poh che leh a phatsan ngun che tihna ani mai...Shallah !" tiin a meng sen ram a.






Rela chuan a dar ah a beng thak thak a, "Ani aia tha leh i hmangaihna dawn phu zawk i la tawng thuai mai ang. " tiin an hnem ve ngial a.






Hunter chu an nui lui suk a,zu chu a lem leh khalh a. "He Hunter-a tan hian maw hmeichhe dang reng reng an awm leh thei ngai tawh lo ang. Dingpuii khan he ka thinlung hi a ti keh sawm vek a , hmeichhe dang hmangaih leh tur in thinlung ka nei tawh lo. " a heh chu an pet fan fan a,a mitmeng ah chuan tuarna hi a lang sar hle ani.


" Thinlung hi a keh sawm thei ngai lo."


" Dingpuii hnen ah ka thinlung ka pe a, a paih keh chhuai ri kha i hre ve lo em ni ? "






Rela chuan a no chu tlak pawp in a nui huah huah a, " Tu emaw chuan a keh them nawi chu an mal te te a chhar khawm in super glue in a la rawn char tha leh mahna ." a ti a.

Hunter chuan ,"Thu mu hnu hlir sawi tawh lo teh ang. Ani theihnghilh hi ka tan damdawi tha ber ani. Hmangaihna hi ka tan chuan anchhe dawng ,khakna leh huatna hlir a khat a ni. " a ti nawi nuaih a.






Rela chuan a thianpa mitmeng a tawrhna a hmuh chuan "Dingpuii a theihnghilh theih nan nula dang zawn pui a ngai anih hi. He ti khawp a hmeltha leh pian thiam,hna tha tak nei ni bawk si hian hmeichhia chu a duh duh a thlang thei awm reng si a... hmeichhe pakhat vang mai in ti khawp hian a buai chhia chu ani mai si ah.. hmangaihna mak tak chu a va ni em. " a ti rilru vawng vawng a.





Pu Lianruma leh Pu Pakunga te hotel pindan pakhat ah nula te nen in tih hlimna an nei mek a. Zu leh sa leh hmeichhia chu an hnianghnar khawp mai. Eng tik lai pawn damlai pialral hi an chen ani ngawt a.






Tleirawl tituai nalh zet mai kuah a,zu no a dawm mek lai chuan a phone ah chuan message hi a dawng a. Thil pawimawh te a nih tak in tiin a en vat a. A hmel chu hmuh theih in a danglam nghal a,thlan tui hian a leih nghal bawrh bawrh a,a kut te chu khur dur dur in ," Ka va in thiar lawk ang e." tiin Lianruma chu a tho thurh a, bathroom lam ah chuan a pai phei nawk nawk a.






A message dawn chu kut khur dur dur hian a chhiar nawn leh a, "Nang hi Mizoram leh Mizo mipui hmelma chu i ni. Rethei te chan ai i eiruk kha pek let a hun ta . I chhungkua kan venhim man' cheng nuai za kan rawn thing a che.


EAGLES


A thaw hulh hulh ,a chal a thlan bawl tuam tuam chu a romol chuan a hru pawk pawk a."Hrep tak a !"






Bathroom kawngkhar chu an rawn kik kauh kauh a, "Keimah ka nia,Liana." tiin Pu Pakunga chu a rawn lut ve nghal a." I message dawn kha EAGLES hnen atang in a ni ti raw ?" a rawn ti nghal a.


" Eng tin nge i hriat ? I dawng ve tihna em ni ?"






Lu buk nghut nghut pah chuan," Dawng ve e. Eng tin nge hetiang zât zât pawisa min rawn dil ngam zawk le ?" Pu Pakunga chuan a ti a.


" Eng tin nge kan tih dawn ? Kan pe mai dawn em ni ang ?"


"He ti zât zât sum lakluh harsat zia hi an hrethiam lo a ang hle mai. Awlsam tak chuan ka pe dawn lo reng reng. An ni hnen a pêk ai chuan an sum mi phut hmun li a then a hmun khat pawh hian security guard ruai ila a hlawk fe ang."


Pu Rumliana chuan " Ni e, a tih chi fe tak ang chu mawle . An ni pawisa hi kan ba lo a kan pek chhan tur ka hre lo " tiin a in ti huai thar leh a.





Pu Lalhrima chu a office ah chuan hna a thawk mawlh mawlh a,a message tut ri a hriat chuan a en vat a. Pu Pakunga leh Pu Lianruma te message dawn ang chiah kha a dawng ve a. A chhiar zo chu a meng phar awrh a,a thutna ata tho hluai in a office chhung ah chuan a vei nghut nghut a.


"Anchhe dawng ho ! Ka lak aTang hian nuai chu sawi loh siki dere pawh in hmu tawp lo ang." tiin a phun bul bul a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 8th, 2020, 1:56 pm

Lingering Memories 12


HUNTER (A Soldier Is Never Off Duty)


Chapter 2


Zoram Thlirtu Editor Lalbiakzuala chu Dika leh midang pahnih hian car ah an phur a. "Pu Zual,heta tang hian i mit kan tuam a ngai ang." Dika chuan a ti a.


" Awle...a tha a lawm. In pu chu kawm ngei ka duh sia ,in thu ka zâwm zel mai ani ang chu." tiin Zuala chuan alo chhang a. A mit an rawn tuam sak chuan thuawih tak in a lo dawh ve mai a.





Fing taka a thuhrûk a camera a kawr ban vei lam kilhna ami chuan kawng chin hriat theih nân a lek sang leh zauh thin a. Thui fe motor a an tlan hnu chuan an ding a,ke in kawng chho leh kawi ramhnuai pilril lam chu an pan ta zel a.






Tlangval pakhat chuan,"Kan thleng ta e." a ti zauh a."Pu Hmuak,kan mikhual chu an rawn thleng e." ti hian a au zui lar lar a.






Hmuaka chuan aw nelawm theih tawp hian " Ekhai ,Pu Zual ,rawn leng rawh . Kan buk tlawm tak ah hian kan lo lawm a che ." a ti nghal zung zung a.


" Ka mit tuamna hi ka phelh thei tawh ang em ?"


"Kan tihpalh ani. Dika a mit tuamna kha han phelh sak ta che."






A mit tuamna an phelh chuan a thaw huai a,a mit chu khap sak sak in a hawi kual ruai a. "Ka lawm e. Interview chu kan tan thei mai ang em ?" a ti thuai a.


"Thei teh reng mai. Thlalak erawh phal ani lo tih kha ka naute'n an hrilh tawh ngei ang che ti rawh ? "


"Hrilh mai duh tawk lo in ka camera leh phone pawh min lak sak vek a lawm."


"Pawi ka ti khawp mai Mahse kei ni pawh kan in ven a ngai tho si a." Ei leh in tur tui hnai tak tak hi an rawn chhawp a,"Thil ei pah in a inkawm theih tho a lawm ti raw."






Zuala chuan an ei tur rawn chhawp chu a ei mai a,"Ramhnuai pilrila in kulh hrang ni si hian ei leh in tur tuihnai chi tin reng mai in nei a,sum lam ah chuan in harsa vaklo ani ang maw ? " a han ti a.


"Kan thawk rim a, kan hnathawh phu in kan ei pawh kan ti tha tur a lawm."


"Anih in pâwl 'EAGLES' hi eng tikah kum a ding tan nge ni a ,eng rilru pu a din nge i nih reng reng a ? In pâwl hming hian eng nge awmzia a neih ?" tiin zawhna a siam leh a.






Hmuaka chuan a bawp a han khawkherh te tê a,muang ban churh hian," Hei kum khat chu kan ding tling ve ta der mai a. Tuna kan Zoram dinhmun hi han thlîr ila mi retheite leh hausa kar zau lutuk te ,eirukna hluar ta lutuk te hi..lung a awilo a ni satliah mai lo hnuk lam lam a ti ulh zawk a nih hi. Eirukna sual ah kan tlu chhe duai duai alâwm,he eirukna sual laka Zoram thian fai a humhim tur in Zoram hmangaihtu thalai rual chu kan lo in tel khâwm ta ani. EAGLES kan han in tih chhan tak chu Mupui in hmun hla tak a rannung pawh hmu fuh in a zuk man chat ang hian Zoram ei chhe tu nget lung te chu kan Mupui mit fiah tak a thlîr in kan chuk fai vek dawn a ni."






"Mizo mipui tam zawk thinlung ah chuan Zoram Siam that in tum dan hian thlawp a hlawh lo hle nia sawi a awm hian in beng a thleng ve em ?"


"Mizoram tana tha ber tur nia kan hriat ang in kan thawk mai ani. Rethei chanai chhuhsak a eiru hausa te hi dimdawih vak chhan tur kan nei in ka hre lo . Eiru tawh lo tur in vaukhanna kan pe a an zawm loh chuan kan hrem mai ani."


"Eng anga sual leh eiru nasa pawh nise an nunna lak sak tur in dikna nei in in in hria em ? An mahni hrem tur in dan a awm tho si a ?"


"Dan mitdel hnuai ah chuan in hruai en chu har tak ani. Khawtlang leh mipui in eiru tih kan hriat chian em em pawh zalen tak in dan chungah an lêng a, eiru ho pakhat tal dan in a hrem i hre tawh êm ? Aih,i hre hauh lo ang. An mahni hrem theitu te nên dawhkan khat kil in an ei in an in ho miau a,an in hrem ngam lo ani. Keini kan chet loh chuan che tur an awm chuang lo."


"Eiru nia in hriatte hnênah chuan an mahni venhim man' sum in phut a,an pe duhlo che u anih chuan an nunna in lâksak thin tih thu thang awm hi thu dik ani em ?"


" A...hei chu dawt ani."


"An hming nen lam sawi thei an awm zul ani."


"An eiruk bansan turin kan hrilh a, kan thu an zawm a an sim chuan kan ngaidam ang. An la zawm duh tlat loh chuan zirtirna kan pe mai thin ani. Tûnah pawh kum khat erh awrh chauh kan la ding a eiruk bansan ta hi an awm nual tawh a sin. Kan hnathawh hian Zoram ah hian nghawng tha tak a chhuah mek anih hi. Kan ram a eirukna ti bo tûr hian Zoram mipui te min puihna leh thoh ho na hi tun aia nasa hian kan mamawh ani."


"EAGLES hi political party pakhat thawm na tak nen a rawn ding tan chho mek ani mai lo maw ?"


"Chu zawng ka sawi theih piah lam thil ani. Kan tum ber chu Zoram a eirukna um bo hi ani. Chu chu kan ti hlawhtling thei anih chuan kan Mission kan hlen chhuak ah kan in ngai ang."





Hunter-a leh a thianpa chu an bazar a, an haw lam chuan restaurant ah an chawl a, an chawlhna ah chuan Zoram Thlirtu chanchinbu alo awm a,thil ei pah in a chhiar a.






"Editor Lalbiakzuala hian EAGLES hotu pa chu an rawn bûk ah luhchilh in a interview pui anih hi ." Hunter chuan a ti a.
Rela chuan "Khawi maw ka lo chhiar ve chhin."tiin an ban nghal a. " Reporter dik tak anih hi mawle. Hel pâwl hotupa a bihrukna hmunah a luh chilh thei a nia. Step khat in hma kan sawn e. " a ti a.
" Ram ralmuang tia kan lo chhuan ve em em ah hian hel pâwl te kan awm ve ta chu ani a,ngaihtuah chu a ti thui hle mai."
" Hetiang boruak hi chu kan la tawng tam tulh tulh dâwn ." Rela chuan a ti hak a. Nula chhelo tak hi an bulah chuan a rawn thu rimtui veng veng a," I rawn thleng ve thei maw ,Remi ?" a tih zawm
nghal zât a.
Remi chu nalh thei ang ber chuan an nui var var a," Nia,min lo nghak rei tawh viau em ? Hi...Hunter, i tha maw ?"a ti a .
Nuih sak pah in Hunter chuan"Ka tha e."a ti ve mai a.
Hunter-a si deuh chet a tawlh hnai hrat pah hian," In la nelawm lo lutuk teh suh....Chawlh i rawn hmang rei dâwn em ?" Remi chuan a ti no zet hian a melh ralh a.

"Thla khat leh a chanve "

"A that nasat chu . Kar leh khian thian ho picnic kan tum a rawn tel ve ta che."

"Ka hman lo ang." Hunter chuan a ti tawi tuk a.

Remi chu a nur nang a Rela chu va melh kâwk in ," Rel, Hunter hian min hlau deuh niin ka hria. A in la nelawm lo khat tlat anih hi."a ti a.

"A mood a fuh vak lo a ni mahna . Mahse nangmah a ngainat loh vang chu a ni hauh lo ang ." Rela chuan a ti a.

Remi chu a nui har har a,"Min ning hle mahla ka ti buai char char dâwn che - min duh ve hma chuan." a ti halh a.

Hunter chu a nui deuh suk a," Tum chhin ta che . I hlawhtling emaw chu ." a ti duh lek a.

" I thinlung ka neih hma chu ka beidawng dâwn lo reng reng."

"Thinlung ka nei hleinem."

"I va sual thiam tak." Remi chuan a to hlak a,a phone a rawn rik chuan ," Min lo hrethiam lawk teh u,kan chhang lawk ang e." tiin an kal sawn ta a.

Remi kal sawn ve leh Rela chuan," Remi khan a duh em che a in in hmuhna hun remchang ka lo ruat ve a. Lo be tha ve deuh ta che. Kha i nun ruak tak khan luah khattu a mamawh ani.".a ti hluk a.

A mitmeng chu a lang vawt raih mai a," Ka nun anih hi lo buai ve suh. Hmeichhia hi mamawhna ka nei lo a rinna pakhat mah ka nei hek lo."a ti a.

" Hmeichhia i mamawh loh chuan tuai ka zawn pui dâwn che em ni ?"

" I nupui saw ka ngaihzawn sak ang che nga i buai hle mai tur a nia aw."

"A nung chung in ka phûm che ani mai."

"Tûnah pawh hian feet rûk hnuai lam a phûm bo ang mai niin ka in hria ."

"Pawi ka ti lutuk. Dingpuii khan a lo ti na hle che alo nih hi. "

"Sawi mai hian a nat zia hi an fiah zo lo ang."
%%%%%%%%%%%%%%
Pu Lalhrima chu an nupa pindan chhuat ah chuan inngaihtuah muk tak hian a vei kual chhen a,a chang leh a rum leh nghut thin a. A rilru chu a buai in a vak kual nasa mai a. Thu tlukna siam chu har a ti hle ani.

"Kimbawihi pa,eng nge nawm loh rukna i nei em ni ?" tiin a nupui chuan a zâwt a.

" Ka tha a lawm."

" Mangan rukna nei i ang ka ti. Eng harsatna nge i neih min hrilh la puih theihna che ka nei mial mai thei a sin."

A ding chuta a,a nupui chu a melh vung vung a," I chiai buai lovang tih min tiam phawt rawh." a ti a.

"Ka chiai lo ang - min hriat chian kha."

EAGLES ho hnêna awm message dawn kha hmet chhuak in a nupui hnênah chuan a phone chu a pe a."Kha thil khan min ti buai hle ani."

A nupui chu a thaw hrawk a,a melh ngai a melh tlawk tlawk a," Anih - ilo eiru thin reng em ni ?" aw zawi tak mahse fiah tak si chuan a ti a.

" A - Ka ....."

"Awle, Ka hrethiam e. Min chhang lo mahla i chhânna chu ka hrethiam e. Kimbawihipa,eiru zingah chuan tel ve tûr in ka lo suangtuah chhin ngai lo che a sin. Pu te hnên atang in thawhrim lâwmman bonus ka dawng i tih khan ka lo ring mai thin che a. Ka lo ring tawk lutuk che kha ka ti sual ani.

Officer zingah chuan eiruk laka fihlim leh Pathian tih chhungkua ber niin ka lo in ngai ve thin a sin." tap lek lek hian a ti a.

A nupui dar ah kuah in," Engmah sawi tûr ka nei lo. Pathian hremna anih hi."a ti zawi ruih a.

" Ni e..engmah sawi lo la min chhâwk zâwk ang."

" Ka tihpalh ani,duhtak.”

"Eng pawh nise Pathian hnênah inkawltir phawt ila ,kan mamawh leh kan manganna te chu a hnên thlen tir phawt ang aw." tiin khum bulah chuan ṭhingṭhi in tawngtaina an nei dun ta a.

An tawngtai zawh chuan a nupui chuan Pathian thu nen thu tha tak tak hi a hrilh mawlh mawlh a," Kan ta nilo kan kawl hi an phût ang chuan I pe mai tur ani." a ti a.

" Vawi khat kan pek tawh chuan an duh hun hunah an duh zât zât an rawn phut reng tawh mai dawn anih chu. "

Chutih lai chuan an fa neih chhun Kimi chuan pindan kawngkhar a rawn kik dat dat a," Nu,ka lo lût lawk dâwn." a rawn ti ang."

" Lo lût rawh,Kimbawih."

Bawnghnute leh cake hi a rawn chawi lût va va a. " Pa, vawiin tlai khan chaw i ei lo lutuk a ,hei i ei tur ka rawn ken che ." tiin dawhkan ah chuan an nghat a.

"E...aw....i nula hle mai,Kimbawih."

A pa chal chu dek in," Pa, i dam lo em ni ? I hmel a diklo in engmah i ei thei bawk silo a....". ngaihtuah hmel tak hian a ti a.

" Ka tha a lawm, min ngaihtuah suh . Ka thawk rim lutuk ka hah satliah mai ani e. "

"In enkawl tha la hahdam tum ve rawh . Thawhrim lutuk chu mahni inhremna ani ."

"Ni e, Kimbawih, i pa hi a chau in chawlh hahdam a mamawh si a i mut hahchawlh tîr teh ang ."

" Anih... mangtha aw, nu. Pa mangtha le."

" Mangtha le..."
‰%%%%%%%%%%%©%%%
Cindy leh a thiannu Dini chu dawhkan pakhat kil in beer an in dun a. Cindy chuan ," Kan in hmuh loh na a rei ta in i chanchin pawh hriat tur awm lo nen eng tin nge i awm zêl tak a ? " a ti a.

" Ka pa in min boral san a tang khan ka nuhrawn chuan hnawk min ti in ka thil tih engkim mai hian huatthu sawina a ni vek mai a. Awm dân thiam a har in awmngaihna reng reng pawh ka hre lo. Ka thawk lâk ri ringawt pawh hi a hua ti ila dawt ka sawi lo ang. A bulah ka awm peih tawh thlawt lo a ka rawn chhuahsan mai. Nuam a ti in a thawveng tawh ngawt ang chu."

"Mahse in leh lo zawng zawng zawng saw i chan tur ani awm sia...i chhuahsan chuan I chân mai dawn asin ."

" Saw in chang tur sawn ka nuhrawn bula kum tam tak chen a ngai dâwn a chu chu hremhmun ai pawn a hrehawm zawk ani. Ka pa in a pension ka hminga a dah te kha min huat ti zual tu leh a hmelma number One anga min en phahna ani a."

" Anih eng tia awm zêl nge i tum ?" Cindy chuan a ti leh khauh a.

" Kar hnih hnu ah Shillongah ka nu dik tak hnêna awm tûr in ka chhuk ang."

" Anih i chhuk hma chu ka bulah lo awm rih mai la..kan in hmu khat in kan riahna dun lonna pawh a rei tawh a lawm."

Dini chu lawm tih hriat tak hian a nui ta var var a." I phal phawt chuan ka hnial hauh lo. Pari hnênah ka thawmhnaw vel ka dah a ,min va lâk pui la." a ti a.

" Nia, haw pah in kan la dâwn nia."

" Nang chu nu leh pa tak kar ah i awm a an duat ropui che sia a nuam ngawt ang. Chhungkaw mumal tak nei ni ve ila chuan ka fel ngawt in ka ring."

" Min duat lutuk hi ka sual phah ni in ka hria . Ka thil tih apiang piang leh ka nuam tih zawng a piang chu ka nu leh pa tân chuan an tha vek hi a ni mai ani."

" Hetiang nun hi a lawm ka awh..."

"Awt duh suh.."

An beer in chu an in zawh chuan Dini thawmhnaw la tur chuan Pari te in ah chuan an va kal a . An lak zawh chuan in lam pan in an haw nghal nal nal a. In an thlen chuan a nu leh pa chu ngawi reng in sitting room .ah ?hu in a pa chuan Zoram Thlirtu magazine chu a lo chhiar mek a .

A nu chuan ," Ehe...Cindy, i lo haw ta maw ? " tiin a lo be sawk sawk a.

" Umm..hei ka thiannu Dini a nia . Kar khat vel chu kan bulah a lo awm ve rih dâwn a nia."

A nu chuan " A that nasat chu. " a lo ti leh mai a.

Cindy chuan A pa chu a melh vang vanga " Pa, i thin a rim em ni min va be lo ve a ?" a ti a.

A pa chuan a lehkha chhiar lai chu dah in a fanu duat chu a nuih suk a, " Thinrim lo e, bawihte. Ka lo chhiar tui deuh ani." a ti a.

" Enge i chhiar a ? "

" EAGLES hruaitu pa interview- na ka lo chhiar mek a."

"He pâwl chungchang chu ka tui pui lo e a . Mizoram ralmuanna ti chhetu an ni a ka ten a nia. "

" Eirukna hi ka hua in ka do e an ti a , an do pawh a ni lo. Mi sum neih an thik a chhuhsak dan an ngaihtuah chauh ani. Mi dik leh mi tha hi an awm tak tak lo."

"Pa , kan mu tawh dâwn. Mangtha u aw...nu...pa.."

" Mangtha ule, bawihte. " a nu leh pa chuan an lo ti rual a.
?%%%%%%%%%%%%©©
Pu Pakunga te nupa chu aw rawl ring zet zet hian an in hau tawn tawn a. In hauh hi an ni tin nun a bet tlat anih a vang in an awmpui leh an thenawm khawvengte pawh in engah an ngai tawh lo , an en liam vel mai mai ani .

Kunga chuan A nupui chu kut zungchal a kâwk in " Nang kha , i tawng hnem tawh êm mai ngawi ve tawh rawh ." a ti rum ul a.

" Ka tawng dawn chauh mawle . Pu James-a leh Pu Hranga chunga thil thleng pawh i hriat vek kha . Thih ve i duh loh chuan an phût ang zât pawisa chu pe mai rawh. " a ti tawn tawn a.

" Ka thawh chhuah ani a , ka hman ralna pawh ka thu. Nanga mi rel pui ka ngai lo."

" I nunna atân ka hlauhthawn pui vang che a sawi mai chauh ka ni . Nang ber in i ngaih pawimawh loh a hnu pe mal lek la ti nia." thinrim zet hian a ti a.

An fanu Nanui chu inchei nalh thlarh hian sitting room ah chuan A rawn lut a. A nu hrawn leh a pa inhau reng chu hne tih hriat tak hian a ner nang nang a.

" Nanui , khawnge kal i tum a ? "

" In inhau reng hi ka hne lutuk a boruak muanawm zawng in ka leng chhuak dawn.."

Kunga chuan," Zan len chhuah hi a tûlna ka hre lo . Mihring an sual tawh sia tawhsual tawh palh pawh a hlauhawm a lawm ." tiin an fanu chu a melh a.

" Ka in enkawl ve thei tawk ani . He in chhûng hlimawm lo zet hi ka kham lutuk . In i hau thawm ngaithla a minutes nga dang ka awm leh anih chuan ka a thei mai ang."

" He in chhûng hi nuam lo i tih leh thlawk bo la ti nia . Inchei leh khawlai bak eng nge lungkham i neih ? Inchhung a i hmel kan hmuh ve chhunah lah tum ang bawr reng a...khamawm lutuk. Hmuh pawh ka hmu hne che a nia."

"A lo nih tak chu , dawithiam pitar ! Zan ah pawh ka rawn haw lo ang. Ka thiante bul ah ka riak dâwn . " tiin Nanui chu a chhuak tau nghawng nghawng a .

" Kevin-a bulah bak a riak leh tawp pêk nang ! "

" Ka fanu chungchang hi a chhe zawng ngawt a sawi hi nuam ti viau suh aw."

" A nihna dik tak a lawm ka sawi . Mipa leplerh zet Kevin -a te ang saw a kawp duh zâwng mi an ni a. In lo inchhun pafa khawp mai . Ka ning pafa tawh lutuk che u .”
%%%%%%%©©©©%%
Nanui chu chapo leh hawi sang vah hian a kal lah lah a . Kevin nen chuan an in su thawi thuak a . Ten hmel tak a hmui ner nawng in a in beng fai thuak thuak a , " I kal na tur en ta che . " a ti thawt a.

Kevin chu a ding chawt a , " Kha tin ten hmel tak khan min melh in in beng fai vel mahla hmanni lawk a duh tak a i kuah thin leh i engkim i hlan thin ka nihna a bo chuang lo . " elsen zet hian a tih khum a .

"Tenawm ! I sulhnu la chambang a awm tak in tiin uluk theih tawp in ka in nawt chhuak vek a sin ."

Nanui cousin Maria chu rawn tlân phei in Kevin ban ah hian in ti tatu zet in a kuah a ," Kal ang le , duat ." a rawn ti a.

Nanui chuan a hmui pet sawi in a kut a lo beng thak thak a , " I dam thin maw ,cousin duhtak Maria ? " tiin huat hmel tak hian a melh rawn rawn a.

Maria chu a hawi sang vah a , " Ka be peih lo che . Kal ang le ,Kevin ."a ti hmak a.

Nanui chuan Maria chu a kuai her lawp a ," Hmeichhe tenawm tak i nih vang in hei hi ka pe ang che. " tiin a hmai ah chuan A beng thuai mai a.

Maria chu a te thawt a, a hmai chu a dâwm zui vawng vawng a, " Rosangzuala ,i zak thei lo hle mai . Kevin-a hian nang aia min thlan zawk vang mai in maw hmeichhe tenawm ka lo nih a ?" tiin a beng let ve thuai a.

Kevin chu an inkar ah rawn ding thuai in ," A zahthlâk em mai in ti buai lo teh u . Mi kawng kal an tam si a mualpho thlâk. " a ti vat a.

" I cousin pasal hual ngei pawh i mutpui hreh loh vanga tenawm zawk i ni. Midang ngaihzawng chuhpui lo in i bialpa tur chu i zawng hmu zo lo em ni ?"

" I chapo leh nangmah chiah i in ngaihtuah vang in Kevin hian a kalsan che ani tih hi hria ang che. Tun chinah chuan Kevin hlat thei ang ber in awm tawh ang che . A lak atanga mel khat a hnaia i awm chuan ka that duh mai ang che."

Nanui chu uar zet hian a nui vak a ," Kevin hi maw rangkachak puan mawi a tuam in min rawn pêk pawh tum la melh pawh ka melh chhin ngai lo ang. Ani aia tha leh changkang mipa an tam hauh hauh em mai. Hmeichhe dang laka a phatsan hunah che chuan eng ang mipa nge i hre chhuak ve mahna . "

Kevin chuan ," Maria , hawh he hmeichhe rapthlak tak hi kal san daih ang . A bul hnai a awm pawh a zahthlâk zawk a lawm." tiin Maria chu a kai a an kal sawn ta a.

" Ni e _ hremhmunah thlawk bo rawh u."

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)