THE_WALLFLOWER_REVENGE BY Rodingliani Vanchhawng (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: THE_WALLFLOWER_REVENGE BY Rodingliani Vanchhawng (Completed)

Unread post by Ngaia » January 10th, 2021, 11:30 am

CHAPTER-13

LUCCA CAVELLI’S POV

Tukthuan ei pahin Manhattan a ka penthouse leithar ah tabloids ka chhiar mek a. Hetiang thil hi ka chhiar ngailemlo...Italy ah kha chuan keima chanchin deuhvek anih thin vangin bih enah pawh ka enlo. Mahse tukin chu ka en ngei angai...nizan khan ka nupui Tatiana..midangin Mariya tia an hriat nen party lar ber pawlah kan kal miau.

Amanda Rostov birthday party ropui tak-ka nupui nuhrawn.

Mi zawng zawng khan ka nupui an hmuh khan mak anti hlawm hle anihkha. Hmeichhe thi tawh a an ngaih him dampial a hmuhleh chuan tunge mak tilo bik ang?

Mahse Tatiana erawhin amah ani tih hriattir a tum lemlo. Mi hrang hlak anga awm a thlang zawk a.

Mi thar.

Chanchinthar zawng zawng headline a alang pawh hi amak hran lo e. Hethil hi engtiangin nge a ngaih ang.

“Eng nge i chhiar a?” ka hawi chho a..ka mi ngaihtuah lai mek chu ka hmaah dingin kan pahnih chauha kan awm changa a thawmhnaw hak thin nen alo ding ran mai. Tunah chuan Mariya niloin Tatiana diktak kha ani.

A pajama nen ringawt pawhin ka hmu tha tho.

“Tabloids mawle duhtak” a hmel enin ka nuih suk.

“Tabloids i chhiar maw?” nuihza hmel a pu. “Tukin zing chu khawvel hi a letling zawngin a inlet ta em ni? Tinge khatiang thil ho te i chhiar a?”

“Nangma tan alawm signorina.”

“Nimaw?” ka hmaa chair ah a thu ve tharh. Newspaper hmaah a lang chuaih chuaih tih hi a hrelo ani ngei ang.

Hahdam rih viau mahse a hriat ve hrim hrim a tha.

“Han chhiar ve ta che, Tatiana”

A thil eilai tawp chatin min en vang vang...mak mintih hmel deuhin ka thilchhiarlai chu a rawn la a...

MANHATTAN TATTLERS

SEPTEMBER 18,

ROKHAWMTU THLAN ATANG A RAWN THO EM NI?

Nizana manhattan lalnu an tihmai Amanda Rostova piancham lawmnaa thilthleng chuan mipui a thawng ngei mai. Caprielle duke nupui chuan mi zawng zawng mak tih a hlawh. Kar li liam taa rostov rokhawmtu tur tuipuia thi tatatiana rostova nen khan an hmel a inang hle tih hriat ani.

“Tatiana nen an hmel chu a inang chiah chiah...mahse amah anilo.” Tiin a hmuna awmve pakhat chuan a sawi. Mi zawng zawng ngaihdanin duke nupui hmel leh Tatiana tuipuia bo ta kha an inang hle ani. Tunge he hmeichhia...Amanda Rostova piancham ropui taka lo kal ve hi ni ta ang?

Mariya Cavelli chanchin kan zawn pawhin engmah hmuh tur a awmlo. Hmeichhe thiltithei tak..a nihna hriat mai mai theihloh nge anih a...hmeichhe holam ve tak..duke nupui nive thei mai zawk?

Tatiana Rostova kha la dam in..hetiang a hmel ang chiah pu hi rawn hmu ta se...engtin nge a ngaih ang?

Paolo Renaldi pawh Mariya Cavelli rawn thlen tirh atang khawdang a hawisawn thei biklo. A nupuihual hlui kha ngaihtuahin.. inchei deuh se a lan danglam dan tur alo ngaihtuah em ni?

Mahse tinge a nupuihual bo hnu kar li lekah a unaunuhrawn nen an inhual?

Khuanu ruat emaw thilthleng palh pawh nise...kan hriat zawng chu he Mariya Cavelli hi bomb puak thut thei ang mai ani...chumi tur chuan kanlo inrin angai. . ...

“Chuan? Eng nge i ngaihdan?” a chhiar zawh rualin kalo zawt vat. Eng nge a ngaihtuah ka hretheilo..chu chuan minti hlauthawng deuh.

A nuilui suk. “Midang anga ka let leh hian..New York chanchinthar hi ka chinglet ang tih ka ringlo asin.”

“Engvangin maw?”

A dar chhin akin, “Diktak chuan ka tette atang ka chanchin an ziahloh nan ka tawmbo hram hram thin..mahse ka pa rokhawmtu tur nihchuan thilhar tak ani. Nikolai Rostova fanu neihchhun nih chuan media lam khan ka chanchin an ngaihven reng zel.”

“Chuan chu chu i duhlo a.” Ka dem hranlo. Kan inang viauin ka hria. Duke dawtleh tur leh kan chhungkaw rokhawmtu tur awmchhun nichunga seilen chuan media hian min zar buai reng aniber. A chang chuan chhungkaw pangngai tak atanga piang nihte kha ka chak thin.

A nui ro halh. “Khatiang thil lelo a lan kha eng nge a tangkaina. Ka incheidan sawiselin...ka pa fanu chhuan em em..zakzum tak si hian engtin nge kan chhungkaw sumdawnna ka enkawl theih ang tih bak an sawi ngai chuanglo.” Ti hmuk in, “Russian ho chu sumdawnna lamah an huphurhawm a..mahse kei ang hian khatiang empire lian lutuk ka enkawl theih tuman an ringlo.”

“I thei alawm.” Min rawn en ha danah a beiseiloh lam deih ka sawi a ang. A inrintawk nan chauha hrilh ka nilo...ka ngaihdan diktak ani.

Hmeichhe chak tak ani a..a inhrelo mai chauh ani. Lawk!!.a inhre maithei mahse a tihtheih a inringlo ringawt pawh anithei. Engpawh nise ..ala inzir chho zel anga...hmeichhe thiltithei tak ala nih ka ring .

Eng nge a theih loh ang...keiman ka pui dawn alawm. Tatiana hi tuman an tihnat ka phallo ang. Ka theihna zawng zawng hian ka venghim dawn ani.

Ka nupui alawm anih.

Zawhna mitmengin minlo la en ran. “Keimah pawh ka inrin theihloh lai hian engtin nge min rin em em theih?”

“Inrinna lampang anilo duhtak,” dawhkana a kut awm chu ka vuan a, “I tithei tih hi ka hria ani. Tatiana Rostova inih hi.”

“Lucca---”

“Ngaithla teh” Ka tideuh hluai. “Heng phuba lak vel hi theihnghilhin chawlh kan hmang dawn em ni ang?”

“Chawlh a?”

“Aw..chawlh. Chawlh awmzia chu hnathawh emaw zirlai emaw atanga hunthawl neih nana zin khawthang emaw awm hahdam tihna ani. Mi thenkhat hnathawk hah lutuk emaw..phuba lak duhna ina an rilru a luahkhat tlatten an nei tlangpui.”

Ka thilsawi vangin alo nui hak hak. “I tawng el thiam lutuk hian min hneh ngawih ngawih zel mai Lucca.”

A mood a zia deuh chuan minti hahdam ngei mai. Chawlh hman chungchang ka sawichhuak chu tihzia e.

“A tha” ka la khi sâng reng. “I duh maw?”

“Engtik nge he i chawlh sawi hi kan hman tan dawn a Pu zahawm?” a mitmeng pawh a hlim tih hriat takin a de sawt sawt mai.

“Naktuk hi ti ila a tha angem?”

A chair atanga tho nalhin, “Aw tha...kan in pack nghal ange.”

Kan bedroom lam a pan chu ka thlir reng. Rawn hawi let lem loin, “Khawnge kan kal dawn Lucca?”

“Thuruk ani duhtak.”

A ding chawt. Mahse ka rinloh deuhin, “Ka pawisa lo e!!” ring deuhhlek a tiin room lam panin a kal leh nghal nal nal.
...............
TATIANA ROSTOVA’S POV

“Chuan khawnge kan kal dawn?” Lucca mimal thlawhnaa kan chuan atang he zawhna hi vawi za vel ka zawt tawh.

Kan thlawhchhuah atang lehkhabu a chhiar char char..min en ve chiah, “Nimin khan khawi hmunah pawh hruai che ila pawi itihloh thu i saw emaw ka tia?”

Ka melh nghek, “Ka rilru ka thlak alawm..ka rilru ah a awm reng mai.”

A lu thing nak nakin a nuisuk, “I dawhthei lo emai Tatiana...ka surprise na tur che i ti ho zo dawn.”

“Surprise hi ka hua”

Nuihza mitmengin minla enreng.

Zawh reng hian awmzia awmlo.. Minhrilh dawn chuanglo. Tukverh lam ka hawi daih...a duh duh dan chuan min han surprise vel teh se. Thlawhna tukverh darthlalang atangin a thilchhiar lai a chhunzawm tih ka hmu thei...a hriatmiahloh a belhchianna hun hi ka nei tam viaulo.

Ka pa kha pa challang ve tak ani..mahse tuna ka bula thu lakah hi chuan engmah anilo. Italy mipui zawng zawng deuhthaw hian an hlau emaw tih tur ani..Duke thiltithei tak ani chung hian billion dollar man tamtak hu sumdawnna a nei bawk a.

A ngaihzawng hlui pakhat phei chuan tabloid lama a post dan chuan a bialpa hlui thinlung chu lunghlu chang ber anga sak niin..khawngaihna a tlachham tih a sawi. Mahse Lucca kalo hriat tawh chinah hian chutiang mihring anih awm ka hrelo.

“Min endik vel kha duhtawk teh.”

Ka en ha, “Ka endik thlawtlo che.”

“Nimaw?” ngeiawm zeta tiin, “I mitmeng ah khan i rilru in minlo rel vel tih hriatreng.”

Ka nui tep. Mahse ka nui awmlo emai. “Engtin nge i chian viau theih pu zahawm?”

“Tak takin duchess. I game hmanga han chheihkual vel theih ka nilo ania. Chu ai chuan min ngai fing ve deuh teh.”

Ka nui suk...”Chu.. Kalo endik vel che chuan i awm kalo tinuamlo viau em ni?”

“Teuhlo lutuk.” Rang mangkheng in a rawn ti...ala au deuh nghek zui. Kalo nui hak hak a hmuhin min melh ngur, “Dio, i nuihmel kha tibo teh..a nuihzatthlak loh ania.”

Ka tawp awmlo e...ka tibuai char char dawn. “Kan duke thiltithei a hian hmeichhiain an endik vel a duhlo tihna nimaw...tabloids lamin a hria angem aw?”

“Hmeichhia ngawr ngawr lam anilo, mi amor.” Lo tileh vatin, “Hmeichhe dang ang inilo...ka nupui inih mai bakah min ngaihdan hi ka tan a pawimawh ani.”

A thil sawi chuan min thawng deuh...hetiang thil sawi tur ang pawn ka dah ngai lemlo. Kan mutdun atang khan kan inkar hi a tha deuh telh telh a ang. Lucca hian amah ka ngaihdan hi a ngaihpawimawh ka ring ngailo a.

Tabloids lamin mipa khawngaihna neilo leh sual anga an sawifo hi amah hian kala hmuve miahlo bawk. Ka hmuhve zawng chu Italian duke hmeltha turu lutuk leh fel em em mai...min chhanchhuak tu chauh ani.

“Ka endik che anilo Lucca.” Ka en kar a. “Ka zirchiang deuh mai che alawm. Ka pasalhual leh Sabrina laka ka phuba laknaa puih chhan hi kala hrethiam theilo.”

“Ka hrilh tawh che kha ka---”

“Greece kan thleng ta e.” Pilot thusawi chuan a rawn pawtchat a.

Engthil???!!!! Ka ang phuau...mawileh mawilo lam ka ngaihtuah tawhlo. “Eng--!!???”

Lucca chu za vaklo a nui zeuhin, “Captain chuan ka surprise a ti dap vek anihhi.”

Seatbelt phelhin min kaichhuak a..
“Greece ah kalo lawm a che Tatiana.”
.............

TATIANA ROSTOVA’S POV

Ka mit pawh hi ka khap phallo. Greece hi ram mawi tak ani. Kal nachang kalo hre ngailo kha ka inchhir zawk. Airport atanga kan chhuah chiah kha car in minlo hmuak a...kan chuan tirh atang tukverh lam kala hawi char char...ka hawisawn phallo.

“Khawnge kan kal dawn?” ka bula mipa thu ngawi ngul chu ka zawt a.

Lucca, kan Lalhmelthaa hian a casual dress leh sunglass chu a inhmeh lehpek e. Ka lam hawiin a rawn nuisuk, “Tak takin duchess..kha zawhna kha thlawhna kan luh atang ringawt pawhin vawi engzat nge min zawh tawh. Surprise tih thumal hi i dictionary ah a awmlo em ni?”

Va han ngeiawm thei tak. Ka melh nghek, “Amalfi a duke ngeiawm zet ka tawn kha alo let leh ta anihhi.”

Ka thilsawi vang chuan a lungawiloh ve deuh ka ring ania...teuhlo lutuk...car seat ngheng meuha a nui hawk hawk chuan kalo phu zawk. “Dawhtheilo viau suh Tatiana..kan thlen hunah i hre ve mai dawn alawm. I duh em em ang.”

Naupang chhia ang maiin ka tûm bur. “New York khawpuiah kan kal kual vel mai mai ang chu tih laiin..thlawhna ah min chuanpui a..Greece ah kanlo awm leh ringawt a..nimin zing mai khan Manhattan ah tukthuan kala ei ania...ka ngaihdan tur te ngaihtuah ve ta che.”

“I zinkual vak ngailo animaw?”

Ka lu ka thing. Zinkual velhi ka châkzawng ani lemlo..

“Engatinge chawlh i lak ngai loh?” rawn ti lehin, “I tan thil harsa ani awm silo a..tinge Rostov mansion ah khan i biruk tlat thin?”

“Zinkual vel hi nuam ka tilo.” A hmaa ka ngaihdan thin ani. Mahse tiang em em hian hmundanga kal hi a nuam ang tih ngaihna ka hrelo.

“Tun atang chuan hunawl kan neihin ram hrang hrangah kan kal kual tawh thin ang.” Thil pawimawh ber ni awm ang ziazangin a rawn ti a.

Ka chhan veleh hmain car a ding dawt a. Ka hawi chhuak chu...yacht changkang lutuk hmaah tak kanlo ding rân mai...mawileh mawilo pawh ngaihtuah loin ka meng kawk.

“I ta maw.” Zawt ai mahin ka sawi ani mah zawk. A hmaah Caprielle tih a inziak kiau alawm.

A hmai rawn sen deuh tawn tawn ka hmu chu mak ka ti ngei mai. ..a zak ve deuh tihna em ni.

“Aw” lai deuh rât a tiin, “Ka ta anihhi.”.

“Hetiang zinna tur lawng, thlawhna, motor ...engzat zozai nge i neih a, pu zahawm?”

“Tlem azawng.”

“Tiang te hi maw?” ka mitko ka san khum ak a.

“I hria em?” a rawn tihluai..ka zawhna vel chu hriatnuam ati chiahlo ania nge. “Engah nge kha thil ah khan chuangin kan tumram kan pan vat mai zawkloh ang? Lunch neih ahun der tawh ania.”

Nui vur vurin yacht lam chu ka pan ve mai...mahse ka lawn kai hma chiahin ka tawp chut...ka thawk lak a sak talh a..ka bing nghal mup mup. Kha zan kha ka hrechhuak ani. Kar reilote liamtaa ka chetsualna pawh hetiang lawng tho hi ani..

“Engkim a thavek ania.” Tiin Lucca chuan a bân tha chakzet in ka dar lehlam lehlamah a rawn vuan a...ka thla ati muang em em tho. “Engthil thalo mah a thlenglo ang tih ka tiam a che.”

Ka mittui rawn far chu hrufaiin...a tana hluber ang maiin duat takin min kuah nghal vawng vawng.. “Hun kaltawh vek anihkha. I chungah engthil mah a thlen ka phal tawhlo ang.”

Ka lu ka bu ringawt. Thaw la vang vangin keimah leh keimah ka infuih a. Ka thei ani. Lucca ka bulah a awm alawm. A hmuuin ka chal a rawn sik chuan kalo chhing vang vang.

Darkar chanve vel nuam lemlo taka kan chuan hnuin kan ding ve hram. Kan dinna chu thliarkar tereuhte ...restaurants leh cafe tamtak awmna ani...kawngsir vela a mi chengte leh khualzin niawm tak kal te pawh ka hmu nual. Tlang lampangah chuan in var inang deuh deuh nalh tak tak si a awm fur a...thliarkar lai tak maia kulh liantak chu a langsar hle bawk.

Ka thluak hi a thawk mumal tawh pawhin ka hrelo...Lucca chu ka han en ha a, minlo nuih vur vur, “Kithira thliarkar ah kalo lawm a che, mia moglie.”

Kithira thliarkar hi te hle mahse...crystal ang maia mawi tupui pawl raih leh lei var sar te hian vanram ang maiin a timawi takzet.

Ka kawng a kut lehlama vuanin a lehlamin phone a phawrhchhuak a...lawng atanga min chhuahpuiin..tuemaw a call a...Greek tawng nal taka a hmang chu mak ka ti lehpek e.

Tawng engzat chiah nge maw a thiam ni... Amak ani.

Min rawn en in, “Rin aiin kan thleng hmaa. .. Ka car alo la thlenglo deuh.” A phone pawh a ak lehnghal. “Chhunthil ei hun ani tawh tho a..hetah hian ei law law mai ang hmiang.”

Hlauthawng reng renga lawnga ka chuan avang khan thil eichakna ka nei tehchiamlo. Mahse chutiang sise hrilh tumna ka neilo. Dawihzep deuh angah min ngai palh ang.

Inkai rialin Kithira kawngah chuan kan kal a...reilote ah restaurant te fel at mai..nawm hmel deuhsi kan thleng. Mi anlo khat deuhvek ..mahse a thawktute zinga mi niawm takin Lucca hmel a rawn hmu chiah chu...thutna thaber ah min hruai nghal.

“A neitu nen in inhmelhriat ani ngei ang maw?” tiin kan thufel hnu chuan ka zawt a.

Ngaipawimawh lemlo a min chhangin “Pirro nen hian hunrei tak kan inhre tawh alawm.” Minla en chuanglo, “Chuan he thliarkar hi nuam ka ti. Ka nu seilenna anihhi”

“I nu maw?”

Min chhan leh hmain hmeichhe aw in a rawn pawtchat a, “Lucca?”

Kan hawiphei chu hmeichhe hmeltha tak chhelo em ema inchei hi alo ding. Restaurant chhunga mipa zawng zawng mit fukna ani tih ka chiang.

Anih, tunge he nu hi?

“Eng nge i an?” ka pasal chu a no thei ang berin a nuih emaw tihtur ani. “Min rawn tlawh chu kavan lawm tak.”
.....
LUCCA CAVELLI’S POV

Ka hmaa ka thiantha tak ding chu ka en tawp. Hetah hian Alanis Karsouli hmuh ka inbeisei reng renglo.

“Alanis” chibai turin ka chair atang ka tho vut. “Ilo dam maw?”

Nui sangin ka darah a rawn beng thek. “Tinge ilo kal dawn tih minhrilh loh a?”

Ka nuihlet suk. “Tumlawk ani lemlo atinni.”

Ngawi renga minlo enreng tu Tatiana lam chu panin a dar tawn tawnah ka vuan a. “Alanis..ka duchess Mariya nen hian han inhmelhriat ta che u..Duhtak...heihi ka thiantha tak Alanis Karsouli anihhi.”

Alanis nuihmel chu a reh nghal riai riai. “Ohh.. Nupui i nei ve ta nge nge maw? Tinge engmah ka hriatve loh a?”

“Kan innei deuh tut tut a.” Tatiana zawkin a thutna atang a rawn chhang, “Tlemte bakin an hrelo”

“Anihchu...” keimah bawk min en lehin, “Naktuk zanah party ka buatsaih dawn a.. Lo tel ve ta che u..charity atan ania.”

“Kal i duh em ni amore?” Tatiana chu ka en vat. Hetiang kalkhawm hi a hua tih ka hria...

Mahse ka rinloh deuhin a dara ka kut awm chu a rawn vuan a...mitmeng de sawt sawt a min melhin, “Tehreng mai..charity tan anih techuan.”

Tinge thil thalo tak thleng tur anga hriatna liantak ka neih tlat le?...
.......
TATIANA ROSTOVA’S POV

Helai hmunah hian kan lâwm lo che.

Alanis in an mansion kan thlen tirh atanga min melh dan hi tawngkaa leh theih nise chu chu ani ngei ang. He Greek nula hmeltha lutuk chungah hian engthil thalo nge maw ka tih a...min huat hmel em em mai le.

“I dem ngawt theilo ania..” Ka bula ding ve reng Francesca chuan a rawn ti a. Lucca leh a thian Marco te erawh an sumdawn pui niawm takte nen kan bul atanga hla vaklo ah an ding.

“Eng nge i sawi awmzia?”

Francesca chuan ka mitah chiang takin a en...a nui suk, “Hun reitak atang tawh khan tuna i dinhmun hi alo suangtuah thin alawm.”

“I sawi awmzia chu—”

“Aw Tatiana. Kum 18 a nihlai atang i pasal hi a hmangaih tawh.”

A thilsawi vang chuan ka nghing dawt. Chutiang anih kalo ringthiam miahlo. Lucca’n a nupui ka nitih a hrilh lai atanga min haw nghal ngawih ngawih pawh kha a awmlo hranlo e.

“Eng nge thleng?” hla deuh taka Alanis chu melh pahin Francesca chu ka zawt a. “Lucca’n a hria em?”

“Lucca hian hmeichhia angin a en ngailo. Unaunu emaw thiantha tak ang chauhin a en...chu chu ania buaina.”

Nau ang chiaha entu a hmangaih tlat chu ka khawngaih letling zawk. “Engtin nge Lucca hian a mawizia hi a hmuhthiamloh zawk? Duchess nih pawh a inhmeh ngawt ang chu.”

“Mahse..duchess nih inhmeh ringawt kha anilo. Chutiang tur nise Alanis hi apa rokhawmtu tur anihna ringawt vang pawh hian Duke nupui nih chu a phu sa lutuk.”

“Mipa dang amah hmangaih tu emaw duhtu a neilo em ni? Chu chuan Lucca pawh a theihnghilh tir thei maithei asin.”

“Nei tehreng mai. Mahse tumah a duhlo..Lucca hian a duchess atan a pawn theih a beisei reng ani.” Ngeiawm deuha nui lehin, “Mahse chupawh hmeichhe kawp lawr a bansan hunah.”

A thilsawi tlang lutuk vang chuan kalo nui hak hak. “Nang tak hi chu aw...”

“Alanis Karsouli chauh hi kan lam lo hawisek anilo anihhi. . Tatiana.”

Francesca chu ka en ha. “Tu midang nge helam lo hawisek chu?”

Mariya Cavelli angin awm mah ila...chhungrilah hian mi in min en a..min belchiang vel tur ka ngaihtuah in ka awm a nuam vaklo.

“I pasal mawle” a meng kual ruih. “A chungchang kan sawi emaw ati ani ngei ang...a chungah thilthalo kan tihleh a ring aniang a.”

Ka nui seih ringawt, “Nimaw? Lucca nen hian in inkawmna a rei tawh ngawt ang a...in inhrechiang bawksia.”

“Pasal ka neih hma atang tawhin Lucca hi ka hre tawh.”

Ka meng kawk. Pasal anei tawh tih ka hrelo reng reng. “Pasal i nei amaw? “

“Nei thin” Francesca chu nui mahse...a ngui raih. “Lucca’n a hrilh lo che chu mak ka ti hle mai.”

“Eng nge thleng a?” Eng nge ka sawikha? Ka zawhdan mawilo lutuk vang chuan ka inkhawng chawrh chak . “Tihpalh..”

“A pawilo.” A mit buang thâng chu lungngaihna hlirin a khat. “Hun tamtak a liamtawh. Mipa tha tak nen kan innei a Tatiana..Diktak chuan kum 21 milek ka nihlaia innei nimahila..ka tana khuanu ruat ani tih ka hria. Mahse kan inneih niin a boral a.”

Ka kutin ka hmui ka hup nghal...ka meng kawk bawk..hetiang thawnthu lungchhiatthlak hi Francesca hian anei tih ngaihna reng reng ka hrelo. “Eng thil nge thleng a?”

Zawimuangin thaw a la vang vang, a tana ni hrehawm ber ni kha a ngaihtuah chhuak ani ngei ang, “Kan inneihna hmuna kan kal tur kha...truck driver rui in kan car a rawn su a..kei chuan hliam engmah ka neihloh laiin ka pasal erawh a vanduai ta ani.. Ka pasal neihni hospital emergency room a ka hman ka ring ngailo...”

“Tihpalh lutuk Francesca”

Intipachangin a rawn nuisuk...mahse a lungngaihna thuk tak chu ka hmu tho.. A hmangaih hle ani. “A pawilo..kum 7 lai aliam tawh alawm.”

Chutiang taka inhmangaihna nasa chu ka duh ve...ka ti rilru a. Aih..ka duhlehlo..chutiang ka duhlo.
...................


Rodingliani



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 10th, 2021, 11:30 am

CHAPTER-14

LUCCA CAVELLI’S POV

Ka nupui awmna lam chu ka en leh thin. A mawi em vang mai niloin..Francesca nen an inbiak ser ser vang ani. Engtin nge ngaih ka tihthat ngawt theih ang. Alanis leh keimah min en tawn sek vang hian ka awm anuam theilo.

Ka chal ka tichuar nghal nung. Francesca hian ka nupui bulah Alanis nen kan chungchang eng eng emaw a sawi aniang a. Anih vaih chuan---. Francesca Marcolini nen hian inbiak kan ngai ani. Ka nupui nen an awmdun apiangin thil thalo a thleng ziah.

“Hreptak hian Lucca..i nupui saw ngaihmelh reng suh.” Marco chuan a rawn ti hlak. “Nakin lawkah in haw dunleh dawn tho tih i hrelo ami?”

Chutiang lampang ka ngaihtuah lo tih hrilh ka duh. Ka rilru a tihah mai chauh ani.. Mahse chutiang Marco ka hrilh chuan min nuih leh nghek ang.

“I hria em?” Marco lam chu ka en a, “Ka nupui bulah phei tawh ila a tha in ka hria.”

Min chhanna pawh nghak lemlo in ka kal nghal nal nal...zawitea a phun hluk ri chu hrehman tho. Ka nupui leh Francesca lam ka pan chu nuihmel tihlan loh ka tum tang tang. Engemaw tak ruahman anlo neileh ngei ka ring.

“In pahnih hian remruatna sual tak ilo nei leh lo maw?” ka thleng chiah chu ka ti nghal tlawng.

Francesca chu zam map loin alo nui vur vur...ka awmnuamlo hi hmuhnawm a ti ani ngei ang, “Remruatna sual a Lucca? I tawngkam chu ava na deuh ve.. Mahse ka tiam a che..i nupui nen hian chutiang engmah kan ruahman lo.”

Ka nupui nuih insum hmel chu ka enleh. Engtin nge hetiang hmel an put in ngaihtha taka awm tura min beisei theih.

Ka hnial leh hmain Alanis kan lam panin alo kal a. “Lucca.” Nui sanga rawn tiin, “Minla lampui miahlo ania..lam dun ang hmiang.”

Ka nupui bula ka pheina chhan pakhat chu ka lampui theihnan ani...mahse hei Alanis nen kan lam phawt angaih hmel.. Party huaihawttu hian mipa pakhat tal alam pui tur ania..amah sawmtu midang zawng zawng a hnar ani ngei ang..kan lam anlo hawi thap bawksi.. Duhthlang thei dinhmunah ka ding tlatlo.

“Ka kalsawn lawk thei angem duhtak?” Tatiana bulah chuan ka tisap...Alanis erawhin a awmve tih a haider hmiah. “Kan lampui lawk ange...tihdan than ania.”

Nui mahse a mitmeng a vawt raih thung. “Tehreng mai Lucca. I duhtawkin i lampui thei alawm.”

Buaina ah ka inhnuklut anihhi.

Lamtual lama Alanis ka kaiphei chu Tatiana in min melh char char tih ka hrethei.

Lamtual lai tak kan thleng a..Alanis chuan ka dar tawn tawnah a kut a dah nghal...mahse a awmdan hian ka awm ati nuamlo. Hunkal tawhah khan hmeichhe dangin min thlemthluk nan emaw min chhai nan tihian an che thin.

Alanis pawh maw?

“Engthil nge itih Alanis?” zawitein ka ti nghal sup. Kan bula lam ve dangten an hriat chuan a thalo ang.

“Min hliam ani Lucca” a mitmu dum ngui raih chuan min en kalh a. “Sawtiang hmeichhia saw i neih ka ring ngailo asin. Chhungkaw din i inpeih hunah min pawm kalo inbeisei thin a.”

Alanis hian ka lakah rilru put a nei tih ka hrethin. Mahse hunin a bo pui ve mai ka rin avangin ka ngai thutak tehchiamlo.

“Mariya hi hmeichhe tha tak ani.” Ka rilru diktak sawiin, “Hmeichhe dangin an tihtheih ngailoh tura hlimin minsiam bawk.”

A mitmeng chu ka hlau lek lek. “I ti tak taklo theilo ang Lucca. En ta che..eng chhungkaw tha atang mahin a chhuaklo ang. I hausakna a um anihhi. I nihna leh i sum bak duh aneilo.”

A chanchin engmah i hrelo.

“Then rawh.” Ngenngawl takin a rawn tisep...”Khatiang hun chhung lekin i hmangaih theilo tih ka chiang. A chanchin i hrechianglo aniang. Hmeichhe tenawm tak anihsaw Lucca. Phuba lakduhna leh huatna in a khat tih ka hmuthiam vek.”

A tawp ber kha chu a sawidik ve tlat.

A thusawi laktlakloh zet hi ka hne ta khawp mai. Ka dara a kut chu ka la thla a. “A tawk viau e Alanis. I thilsawi tak zawng zawngte kha ka hrelo angah ka ngai ang. Mahse i sawinawn leh anichuan kan inthianna tihtawp pawh ka hrehlo ania.” A hriatthiam theihnan ka vau ve ngat. “Mariya hi ka duhtaka ka neih ania...ka then bawklo ang. A hma pawn ka sawi tawh..nupui vawikhat chiah ka nei anga.. Chu ka nupui nen chuan tuman min then hrang theilo ang.”

“Lucca—”

“Min hrethiam rawh.” A thusawi pawh ka ngaithla peihtawhlo. “Ka nupui ka lâmpui a hunve tawhin ka hria. Kan thlen tirh atang tidaih tawh zawk tur ka nia.”

Min chhanna nghaklo in ka kalsan nal nal. Ka rilru ah thil pakhat chiah a awm. .Tatiana hi ka lâmpui tur ani. Mahse minlo melh dan atang chuan thil awlsam ani dawnlo tawp mai.

.........

TATIANA ROSTOVA’S POV

Tunah hian Alanis hi ka thiklo ka tihchuan dawt ka sawi animai. Ka pasal leh amah hun reitak lo hmangaih tawh tu lam dun hmuh chu thil nuamtak ani viaulo. Ka na ngut ngut mai.

Tatiana Rostova chu hethil vang hian tapin a tlanchhe tawh ngei ang. Mahse Mariya Cavelli hi chutianga dawihzep anilo.

Mahse engahmah ngailo anga awm chu a har ve ani. Ka pasal hi ka hmangaih pawh ani awm tawp silo a.

Hmangaih a?

Lucca hi maw?

Hnailo lutuk. Nuihzatthlak hian..khatiang ka ngaihtuah kha ka zak zawk. Kan inneihna ah hian engmah kumhlun tur a awmlo. Inngeih viau mahila...inthen leh tur tho kanni.

Alanis chuan ka pasal chu thlem vel a tum ni ngeiin a lang. An inbia tihpawh ka hmu thei..thil ngen a ang mah zawk...mahse eng nge ni ang?

Ka pasal chuan Alanis kut chu a dahthla a..kan Greek nula hmeltha-i thil ngen chu engpawh nise a hnial ani ngei ang.

Chawh lutuk..kalo ti rilru.

Lucca’n lamtuala Alanis amah chauha a kalsan chuan mak anti hlawm ngei mai. Ka lam a rawn la pan zui. Kan mit a intawng chiah chu hawisawn a tumloh hmel hle...ka bâng biklo. A mita en reng chung hian ka thiklo tihhi hre rawhse.

“Min lampui duh angem?” Greek mipa hmeltha zet maiin ka pasal hmel chu a rawn hliah thut.

Kalo nuih sen sen. Hnial mai ka tum a mahse thilmawi niin ka hrebawk silo. Francesca lu bu nghut ka hmuhin..chupa kut chu lain lamtual lamah min hruaphei a...Lucca meng rum lutuk pawh ka hmu hman.

“Nang hi maw hmeichhe hriatthiam har tak an tih..Duke innei a thlem thlu theitu chu?” tiin a hming pawh kala hriatloh pa chuan min fiam zeuh a.

Ka nui suk. “Chutiang a hriatthiam har chu ka nilo ania, sir. Ka lâmpui hi a hming ka hrethei angem?”

Thil hrechhuak thut niawm taka nuiin min rawn en a, “Min ngaidam rawh Pi zahawm. Sawi nachang kalo hremiahlo a. Stavros Aristedes ka ni e.”

“Kei chu Ma—”

“Mariya Cavelli, Caprielle duke nupui.”

“Helai hmunah hian kalo lar viau tih ka hre hleinem.”

“Tupawh mai hian duke nupui chu hriatchian kan chak vek alawm.”

A thil thlir dan vang chuan ka lu ka thing nak nak. Ka pasal awmna lam niawm tak chu a en ta vang vang a. “I pasal chuan min thah a chak hmel hle mai.” Ka beng bulah chuan ti sar sarin, “A mitmeng atang saw chuan a nupui hi ka peklet a ngaih tawh hmel.”

Lucca awmna lam enin a mitmeng dur khup chu kava hmu nghal. A lawm hmel viaulo. Zam map loin ka hawi vah tho. Mahse a thinrim hmel lehzual...lamtuala rawn pheia min pawh then phawk chak hmel a pu.

Stavros pawhin Lucca melhna chu a tuar zo tawh biklo ania nge..a lam lai tawp chutin .. Lucca awmna lam min panpui a...pangngai taka awm tuh teh mah ila...ka ke te hi an khur der der in ka hria.

A hmaa kan din takah chuan ka thin phu ri dup dup bak ka hretawhlo.

“Pu zahawm” kun zeuhin Stavros chuan chibai a buk a.

Lucca erawh hrelo ang hmiahin a hawisawn hmak. Va han sualthiam tak.

Stavros a kalsawn hnuin min en ve chiah. “Min lampui duh angem duchess?” thawnthu bu a ka chhiar thin gentleman ang chiahin a kut a rawn phar chhuak a. A nuih a zathmel deuh bawk. Lucca hian min cho ani.

A mitmeng ka hriatthiam dan chu : i theih chuan min hnial ta che..

Hnial ka chak...ka chak lutuk..mahse ka tih chuan mi zawng zawngin Alanis a lampui kha ka thik emaw an ti dawn sia.

Ka thinrimna dahkiangin a kut chu ka vuan ta zawk a, “Tehreng mai Pu zahawm.”

Hnehna chang inti awm fahranin lamtual lamah min hruaiphei ta a.

..........

MARCO ORSINI’S POV

Ka thianpa awmdan vangin ka lu ka thing nak nak..ka ten zawng tak. An inneihna hi a lem ti mahse Lucca hian a duh tih ka hria... Amah hian a inhrelo mai chauh ani..a hrelo der pawh ani thei tho.

Kan tleirawl atang tawha kawplawr ve tak chungah khan eng nge thleng ta? Tatiana Rostova...wallflower hnena a thinlung hlan ral thak tu mipa hi tunge pawh ka hrenek lo e.

Wallflower ti a sawi chu a diktawh chiahlo maithei a...a inthlakdanglam nasa em ani. Tunah chuan hmeichhe mawi tak anitawh...a mawina vang hian room chhunga mipa zawng zawng deuhthaw mit pawh amahah a fu reng bawk.

Heivang ngei hi ani kan Lucca mawllian-a pawh a nupui mipa dang nen an lam a hmuhin..perek tlang a dawlh emaw tih tura a men pawng pawp pawp ni.

Ka thiantha tak hi ‘hmangaihna’ an tiha a tlulut hi ka hrethiam theilo. Kei erawh chutiang tur khawpin ka mawllo. Hmeichhe pakhat hnenah ka thinlung ka hlan lo chiang ang chu. Mipa chuan an nunah hmeichhe hrang hrang kan mamawh.

Ka thianpa leh a nupui inngeih hmel deuha lam chu hmu hnein ka hawisawn hmak. Ka mi hmuh vang chuan ka nui nghal suk. He party hi ka nin lutuk loh nan tihbuai tur ka hmu hlauh e.

“A duh ani tiraw?” tiin ka bula mi chu ka bia a.

Mitmeng uk kharhin min rawn hmu chu a chal a tichuar nghal nung.

“Signore Orsini”

A huat thin ang chiahin ka nui sak. “Chutianga zah deuha min auh kher angai hleinem...thian kan nihhi..nilawm ni?”

“Thian kannilo.”

He party hi nuam ka ti tan dawn e.

“Anih..thian inang kan nei.” Thianpa nep deuh en reng ai chuan Francesca tihbuai hi nuam fe zawk. He pasal sun tawh hmeichhe hmeltha tak hian a thian angah minla pawm duhlo reng reng..tleirawl kannih lai atang kan inhre tawh. Lucca nen an inkawmngeih hle tho bawk sia.

Kum 21 mi anihin amah aia kum sawmpanga a upa mipa nen an innei a. Mahse vanduaithlak takin a inneih motor truck nen a insu hlauh...tah chuan a pasal a chan ta ani. Kum sarih lai a liam hnuah pawh pasal dang neih ala ngaihtuah leh lo..a pasal thi ta kha ala hmangaih reng ania nge.

Hetiang taka hmeichhe mawi hi a pasal thi ta vangin ala lungngai chu anisia.

Awmlo ang hmiahin min hrelo der leh hmak tawh. Ka tibuai zual sauh ang. “I hria em? Tlemin hmel hlim pu ve deuhla chu mipa pawhin an be ngam ve deuh ang che.”

A rawn meng alh chiang e. “I bula awm hian nuihna chhan tur ka hrelo e, signore.”

“Ka bula awmin maw?” ka tilet ve ngat. “Ka bula awmchak hmeichhe zat hi hria la mak iti zawk ang. Francesca.”

“Hmeichhe mawl tak tak bak anni lo ang e. “

Nuihsukin ka en a, “Khawvel hian hmeichhe mawl tak tak a ngah ania. Ka tlachham lo ve khawp mai.”

A mitmeng atang chuan min chhanlet hrep a chak hmel...mahse insum zawkin, “Ka zan iti chhe vek.” Min kalsan nghal hmak.

“Nangin iti nuam alawm duhtak.” Zawitea tisapin ka lak atanga kalsawn hmeichhia chu ka thlir vang vang.
..............

LUCCA CAVELLI’S POV

Ka nupui chu lamtual lamah ka kai phei a... A taksa erawh a tang tung.

Eng nge a thinrim chhan ka hrelo. Tihsual ka nei em ni? Ka laka a thinrim em em chhan hriat theih dan awmchhun chu zawh ani.

“Tatiana...” kan lam tan tur chu ka ti dek dek a.

“Ngawi hmak rawh.” A rawn ti nghal hmak. “Minbe suh.”

Ka en tawp. A thinrim hian a hmeltha lehzual tihhi a hria em le. A mitmeng dumpawl chu a alh pawp pawp hi ani ringawt.

An hla play lai chu a rawn muang thut a..a romantic ruih mai..ka nupui chu ka taksa si chetin ka pawt hnai sauh. A duhlo nasa..a hnial ngam bawk silo. Keilahin nuam ka ti telh telh.

“Anihchuan zankhuain minbe dawnlo tihna em ni, mia moglie?” ngaihpawimawh loh hmel zetin ka zawt veleh ngat. Hetia ka tih hian a hua tih ka hria.

A thinrim hmai sen tawn tawn te hian a ti duhawm zual..he party ninawm zeta mipa te pawh hian an thlir ning lo tih ka hria.

Kha Greek mipa zaktheilo pawh khan a thlir vawng vawng kha. Pasal a nei tawh hi pawi a tiviau emaw tihtur khan a melh vel a.

He party a kanlo kal kher kher kha ka inchhir ani.

Ka nupui chu ka en a..ka lakah ala lungawiloh hmel hle. A lungawi nan eng nge ka tih ang. Ngaihdam dil dawn ila..thutak lo deuha indil chu a ho bawksi. Kha Greek mipa laka ka chet dan ah khan inchhirna pakhat mah ka neilo.

Tatiana hi ka ta anihhi. Ka ta chauh.

Midang nena intawm ka tumlo bur.

Music inremin kan insu dalh dalh a..ka hmel a enduh thaklo. Keipawh ka thinrim dawnin ka hria..kan inrem dantur ka hrebawk silo.

Ka pawt hnaileh sawk..hnuailam rawn tho tuah tuah a hriat theih tur khawpa hnaiin ka pawt. A thaw ri nghal hrawk..

“Engthil nge itih?” thinrim zetin a rawn ti hlak.

“Ka lampui che.” Engmah hrethiamlo angin ka awm hmiah. “Ka nupui nen hian hlim taka lamdun angah min ngaih angai alawm.”

“A tenawm.” Tilehin, “I taksa ah ka beh vek hi.”

A hmai a sen tawn tawn mai. Mariya Cavelli angin awm teh mahse a chhungrila Tatiana a nihna hi a bo thei tak taklo.

“Tatiana” a kawng ka hmer salh. “Mipui hian kan inhau tih an hriat i duh em lo ang chu tiraw?”

“Mi zawng zawng hian i lak atanga kalsawn hi ka duhber ani tih hria se ka ti.” Ka vawnna ata talchhuah a tum a..mahse a harsa ang. Ka thlah dawnlo. Engtikah mah.

Mi kan lam anlo hawi deuh tan chu ka hmu..tiang dinhmun a tihtur tha ber ni a ka hriat ka tihmiah...a hmui sen vam ham chu ka fawp hmiah. A tang ve nasa hle..mahse ka vuanbet tlat.

Hethil vang hian khawpum sawihlawh kan ni ngei ang...mahse ka pawisa lo. Tuna ka tihduh zawng chu rilru mumal pu lek lo a ka nupui fawh hi ani.

Kan inhauhna tihtawp nan.

A inthlahdul tial tial a...ka nghawnga a kut rawn dahin min hnaih zual sauh..min fawp let ve ta nge nge.

Reife hnuah kan inthlah chauh.

A mitmeng phurnaa khat chu ka en a, “I tang rei thei biklo animaw duhtak?.”

A meng ling leh nghal hlur, “Mi tenawmpa.”

Keimahin min kalsan nghal nal nal. Engnge thleng kha?

A ngaiah bawk kan letleh tihna em ni?
. ..........

PAOLO RENALDI’S POV

“Engthil phiangsen nge maw i en reng le? “ Sabrina chetdan hi ka hne tan ta khawp mai. New York a charity ball pakhatah kan awm mek a...Sabrina erawh a phi cheng thung..minti thinrim takngial dawn.

“Mariya Cavelli mawle... Tudang nge ni ang?” tiin ballroom chhung chu a enkual reng.

Tinge maw a unaunu ang tak hmeichhia hi a ngaihven em em mai ni.

“I hreve lo em ni? A pasal nen chawlh hmangin an zin daih alawm.”

“Eng a?” min rawn en ha. “Tinge ka hriatve miahloh? Tinge min hrilh loh?”

Ka dar ka chhin khum ak ringawt. “Kan tan a pawimawh loh vangin Rina. Tatiana nen an inan vang ringawt hian kan nun kan chawhbuai tir tur anilo.”

“I sawidik ani.” A thaw deuh huai. Mariya Cavelli a awmlo tih a hriat vang ani ngei ang. “Tun hnai thil tihho vela a lan ngailoh vang hian eng thil sual emaw ruahman a neih kalo ring deuh mawle.”

“Shh...” a hnung ka chul hliau hliau a.. “I rilru ti hah lutuk suh..naute tan a thalo ania.”

“Kan naute, Paolo. Kan naute anihhi. Kan pahniha kan siamdun.”

Pa nimai tur ka ni hi rin harsa kala ti. Tatiana nen khan fa nei ta ila.. Nu tha tak ani ngei ang.

Ka ding khawng at. Ka thlan a bawl nghal tiam tiam. Engnge ka ngaihtuah kha? Tatiana nena fa neih maw?

Engtik in?

Engtin?

Tinge tunah chutiang ka ngaihtuah. Sabrina nen alawm fa kan neih dawn. Engthil hrep nge ka chungah thleng ta ni.

Ka hriatloh laiin Tatiana kha kalo hmangaih reng em ni?

Engtikin nge kha wallflower khan ka thinlung ah hian hmun alo chan tak.

Ka hmeichhe hmangaih kalo that em ni?

Ka hmangaih ngei a thilai ka thlir baka inchhir hi ka nei lo ang.

“I tha em Paolo?” dam diain Sabrina chuan a rawn ti a.

“Aih” ka ti hmak. Ka thil hriatchhuah khan min thawng takzet. “Ka thalo. Ka tha ngailo ang.”

............

TATIANA ROSTOVA’S POV

Tukverh atanga nizung rawn lutin min ti harh a..ka mutna bul ka dap chu Lucca alo awmlo.

Nizan khan kan inrem hleitheilo a..inbe miahlo in kan mubawk. Kan inkarah khan car pawh a park theih ang tih tur khawpa inhlatin kan mu. Thawh veleh a ngaihdam dil kha ka tum a..mahse a harsat hmel khawp mai.

Nizana ka chet dan vang khan ka pasal chu ala lungawi lo hle aniang...ka hmel pawh hmu peihloin minlo thawh khalh daih ania. Ka thaw hak. Keima thiamloh vek ani. Alanis nen an lamdun khan nupui thikthu chhe tak angin lo awmlo ila tha tur.

Ni nuamlo zet hmang tura inringin ka thochhuak vut. Dawhkana lehkha them mawi deuh lo awm chuan ka mit a la tlat..a inthleh dan atang Lucca ani tih ka hria. Engtak ziak ang maw. .

Zing chibai duchess,

Tukin chu mood tha tak nena i thawh ka beisei. Surprise game atan i inring em, ka duhtak? ‘Aih’ anih chuan a pawi chuanglo...mahse ‘Aw’ anih chuan inchungzawlah khan han kalin a dawtleh lo nghak ta che.

-L

Ka chhiar zo chu ka khi nghal vur vur. Surprise maw? Ka slipper bunin ka tihtur ang ka ti zung zung a..a rang a rangin inchungzawl lam ka pan nghal.

Dawhkan ah Greek eitur chi hrang hrang alo awm teuh. A tuihmel hlawm ngei mai.

“Kali mera.” Chhiahhlawh pakhat hian a rawn ti hlawl.

“Kali mera” ti ve in chair ah ka thu nghal a.

“Kirios Cavelli an heihi pe tur che in mintia.” Lehkha them mawi ...bedroom ami ang chiah chiah kha min pe lehin min kalsan a.

Ka surprise atan i inpeih chu ka lawm hle mai. Tunah chuan Greek chaw tui tak tak kha ei phawtla..a dawtleh tur lo nghak leh rawh le.

-L

Lehkha chu dahthla in ka ei nghal mawlh mawlh. Lucca hian engchiah nge maw a ruahman le? Khawnge a awm? A dawtleh ka hriatchak lutuk vangin tui tak pawn ka ei theilo.

Ka eizawh hnuin ka nghak deuh vang vang a..mahse tumah anlo kallo. Tih ngaihna hrelo zetin room lam ka pan leh tawp. Room chhunga ka thilhmuh vang chuan ka ding chut. Khup chen vel serthlum rawng chiffon kawrfual leh a inrem tur tak lukhum parh liantak alo awm. Khum bulah lehkha them alo awmleh bawk.

Tlan pheiin ka chhiar nghal vat.

Inchhunga tawmbo mai mai nan chuan vawiin ni hi a uiawm deuh iti lo maw, duchess? He kawr hi ha in Greece in a hmachhawp che hi han chên zawk ta che. Driver in pawnah alo nghak ang che.

-L

Ka chhiar zo ..kawr chu ka enleh. Ka duh aiin a rawng a êng mah mah. Mahse Lucca lo dah anih vang hrim hrimin ka ha ang. Mariya ai mahin Tatiana tana a thlan ang. Chuvangin..pheikhawk sang niloin a hniam kan bun ang e.

Greek mipa kum la upat hmel vakloh hian car bulah minlo hmuak a. Car kawngkhar minlo hawn vat.. Reilote ah kan tlanchhuak nghal..a ngawi ngul reng ringawt a...ka ning deuh tan.

“Khawiah nge kan kal dawn?” Engliah in ka zawt tawp. Min rawn en zeuha..a car khalh lai chauh a ngaihven leh nghal. Ka thusawi kha a hrethiam lo nge maw ni. Ka hmuh tirh atang ala tawnglo hrim hrim. Tawng a inan loh hi chuan inbiak a harsa ani...ka tum tal alawm.

Tukverh lam ka hawi leh ta daih a.

Darkar chanve dawn vel kan tlan hnuin hmun lun lutuk ah kan ding a..kan tumram kan thleng tih hriat takin driver pawn kawngkhar minlo hawn thlap. Mi reng reng chu an zi nuaih nuaih aniber.

Car atanga ka chhuak chu ni a sa tha ngei mai. Ka lukhum ka siamtha sauh. Driver in min kalsan chuan ka hlauthawng deuh..pawisa ka nei bawk silo.

Lucca surpirse vek anihhi ..khawilai emaw ah hian a awm em em ang tiin ka inhnem tawp. Ka duh duh lam panin ka kal ve hmiah..

Hmeichhe naupang duhawm zet hi ka lam pana rawn kalin peonies pangpar bawr nalh tak min pe a. “Ka tan maw?” tia ka zawh chuan a lu bu nghutin min kalsan leh nghal nal nal.

Pangpar chu ka hnim vel a...a rimtui takzet...lehkha inzep a awm...mahse a hmaa mi nen a inang lo :KHAWNGAIHIN

Hmmm? Heihi Lucca tih maw?

Ka en chiang a...a hmaa mi lehkha them mawi ang kha alo awm leh..

He i pangpar ngainat ber hian i mawina tizualin..thliarkar hi han fang vel ta che,duchess. I riltam chuan tuna i dinna ep chiahah khan lunch tui tak ei nghal bawk la.

-L

Nui sen sen in restaurant lam chu ka pan nghal. Pawisa ka nei miahlo tihhi a hria em le.

Hmeichhe kum upa lamin minlo chhawn nghal vat chuan mak ka ti ngei mai.

“Lo lut rawh” phur zeta tiin, “Kan lo nghak reng tawh che asin.”

Thutna nuam zet min kawhhmuh a...thil thleng reng reng hian min thawng vel vek mai. Ka dawhkanah eitur tuihmel tak tak chi hrang hrang an rawn chhawp leh hnuk.

“Aih aih.” Tiin kalo dang vat a. “Engmah ka order hleinem.”

A lu thingin a thiltih lai a chhunzawm mawlh mawlh. “Aih miss..heng hi i ta tur vek alawm.”

A zawh veleh min kalsan veleh mai. Napkin awmnaa thu inziak chu ka chhiar a : MIN

KHAWNGAIHIN MIN? Eng nge awmzia?

Ka thil ei pah chuan thu inziak chu hriatthiam ka tum ngial .. Mahse ka thil eilai tui lutuk vangin thildang ka ngaihtuah hleitheilo .

Ka eizo chiah ka hlauhthawn ber mai a thleng ta... Engtin nge eiman ka pek ang? Ka luh tirh a nu pakhat kha lo kalin, “Aman ah i buai a ngailo ania...pek vek ani tawh. Kha .. Heihi i ta tur.”

Lehkha them mawi chu pe in min kalsan leh ta a.

I lunch chu a tui bawk maw, duchess? Kha restaurant kha he thliarkar a lar ber anihkha. I eizawh tawh chuan Omorfos salon i zawng dawnnia.

-L

Lucca salon sawi chu zawng turin ka chhuak nghal a. Ni pawh a chang tha e...mahse chutiang vangin ka buailo...nuam ka ti mah mah. Hethil hian a tawp lam ahnaih tawh tih ka hria..chawhnu lam a ni der tawh.


Darkar khat tal tawo ka veikual hnuin Lucca salon sawi chu ka hmuve ta nge nge.. Hnathawk hoin minlo hmuak leh thap...nilengin minlo nghak emaw tih tur ani.

“Pi zahawm..helam ah hian khawngaihin.” Hnathawk pakhat chuan alo tivat a.

Ka ringdik ani. Lucca remruat vek tho anihhi. Chair ah min thut tirin ka sam chu an han suasam leh tan a. Tiang hi a hmain ka hre tawh. Francesca leh a team tekhan tiang chiah hian min buaipui tawh kha. Ka sam, ka tin, makeup engkimin ka inneihni ang maiin min sawngbawl ani.

An zawh hnuin salon chhungah tho privat room pakhat ah min hruai leh a..lavender kawrfual mawi em em mai lo awm chuan ka mit ala nghal chat.

“Duke in ha turin a duh che a Pi ber.” Hnathawk pakhat chuan tilehin min nuih sen sen mai.

A mawi takzet ani.

Ka duh lutuk.

Kawr chu min haktir a... A in rem tur pheikhawk sang nen. Ka inpeih hnuin dawr manager chuan lehkha them mawi minpe leh.

Ni duhawm tak hi hlimawm takin hmang zo ang hmiang. Pawnah car in alo nghak ang che. Kan inhmu vat dawn ania.

-L

A tawp atawpa chuan ka pasal ka hmuve dawn ta. Hnathawkte hnenah lawmthu sawiin pawnah ka chhuak a..zinga driver bawk khan minlo nghak. Biakloh tur tih ka hretawh..ngawi rengin ka lut ve mai.

Mahse helipad a helicopter in min lo nghahna hmun min hruaithleng chu mak ka ti ngei mai.

Tah sawn ka chuang dawn maw?

Ka chuang dawn anih hmel. Pilot ka lama rawn kalin min hruaiphei a...helicopter a ka vawikhat chuanna tur ani. Ka hlau hle bawk. Ka thutfel hnuin ka bulah lehkha them alo awm leh : NGAIDAM

Ka mittui ka dang zolo. Kan thlawk chhuak ve nghal. Heng thil zawng zawng hi ngaihdam mindil nan maw a tih? Ka hlim bawk si.. Ka tah a chhuak bawk si.

Minute 15 hnuah tlang chhipah kan tum a...hmanlai in niawm tak chu eng chi hrang hrangin alo inchei mawi...nalh tak ani. Room chhungah ka lut chu a mawi lehzual ..engkim hi a romantic em em vek mai..dawhkan ah hian eitur hrang hrang alo awm a...a bulah mipa hmeltha lutuk mai alo ding bawk-Lucca.

“Tatiana..” ka hming a lamrik ringawt pawh ka ngaih hman zia hi. Ka bulah lo kal pheiin a hma ami ang lehkha them mawi min pe leh a...mahse ka chhiar hmain a rawn sawichhuak ta zawk, “Khawngaihin min ngaidam thei angem Tatiana?”

A hmui ka hupsak, “Ngaihdam na tur che ka nei hleinem Lucca. Nizan khan kan thiamlo ve ve. Keimah zawk hian alawm ngaihdam dil tur.”

“Mahse----”

“Shh..” ngawih tir dan tur tha ber ni a ka hriatin ka che..ka thinlung leh tih takzetin ka fawp. Ka thinlung in a sawi hi ka pawm a hun tawh takzet in ka hria.

Ka pasal hi ka hmangaih ani.

.....................


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 10th, 2021, 11:30 am

CHAPTER-15

TATIANA ROSTOVA’S POV

Hna ngaiah kan letleh ta.

New York kan let leh hnua zingkar hmasa bera ka ngaihtuahna rawn luahtu ani. Paolo leh Sabrina te report pawh alo thleng tawh.

Kan chawlh hman chuan ka rilru a ti thawveng sawtin ka hria. Lucca ka hmangaih tih ka hrechhuak bawk a..mahse amah hrilh erawh kala tumlo. Ka thil tihtum ah hian insawrbing phawt a thaber rih.

“Eng nge i chhiar a?” ka hawi chho a..Lucca chu inbual zo tih hriat takin a sam ala hnawng chhap.

Ka thingpui no dahthla in, “Report ka nghah kha alo thleng tawh a. “

“Oh?” ka hmuiah fawp zeuhin ka bulah a thu a.. “I mamawh i hmu em?”

Intithei zetin ka nuih ver ver, “Tehreng mai. I mi rawih chuan a chhui chipchiar hle ani. An mimal nun , Paolo company hlut zawng, Sabrina sum neih zat leh a tlereuh neihte thlengin a awm vek.”

Chanchinbu la kangin, “Hetiang lamah chuan a tha ber ania lawm, Tatiana.”

“Iti dik ang Lucca. Sabrina hian Carnegie Hill ah penthouse apartment chhawng thum a nei tih ka hremiah hleinem.”

“Nimaw?”

Report chu ka enchiang a, “Heta a inziah dan chuan kum thum liamtaa a neih kha ania...hetiang nei chung hian ka mansion ah khan a cheng ve reng ania. Tunah phei chuan a hlut zawng hi million a tling tawh.”

“Ava to ve. Zawhna ni ta chu...khawia pawisa in nge a lei? Renaldi maw?”

Ka lu kalo thing, “Paolo sumdawnna hi kum thum liamta khan chutiangin a hlawk lo.”

A chanchinbu chhiar lai chu ala melh ngur. “Chuan eng nge itih dawn?”

“Ka tihtur hmasaber ka ti tan ang.”

A rawn hawichhuak ve chiah..ka thilsawi chuan a rilru ala ve deuh ani ngei ang, “Tihtur hmasaber maw? Min hrilh ve dawn em?”

Hahdam zetin thingpui ka in zeuh, “Tukin zing tabloid kha ilo hmu tawh em, Pu zahawm?”

“Aih. Tinge?”

Ka tabloid chhiar lai chu ka pe a, “Enla”

“Paparazzi ho mai mai chuh.” A ti sup. “Eng mit nge an neih le. Engtin nge kan chawlh hman atang kan haw dawn tih an hriat theih?”

Lucca nena thlawhna atanga kan chhuak lai thlalak chu ka en a, nizan dar 6 vel ami niin ka hria, “Keiman ka hrilh alawm.”

“Nangman engmaw?”

“Ka sawi chu.” Ka hrilh nawn leh ngat. “Keiman paparazzi ho chu kan chawlh hman atang kan let dawn tih ka hrilh”.

“Timaw? Tinge chutiang itih?”

A hrilhhai hmel chu ka nuihsuk. Ka thiltih tur ruahman vang hian ka phur tawh lutuk tlat. “Sabrina leh Paolo ten ka let leh tawh tih an hriatnan mawle. Tunhnai thiltih khawmna vela kan tel ngailoh vang hian kan awmlo tih chu an hriat ka ring.”

A meng no tehchiamlo. “Kan letleh letloh chu an ngaihven viau dawn em ni? Kan awmlo kha nuam an tiviau zawk ang chu.”

“Awww..Lucca .. Anni ka hriat chian ang hian i hrechiang ve hleinem.” Ka meng kual ruih, “An ngaihven em em ang.”

“Timaw?”

“Nangpawh ni la...thla liamtaa i hmeichhe thah hmel ang pu tu chu i ngaihvenlo thei dawn em ni?.”

Ka thilsawi chu a ngaihtuah uluk ve hle ni ngei tur ani.

“Anihleh he thil hian eng nge a rahchhuah ang?” A khabe tuai nauh nauh in min zawt a.

“Vauna” thu ngil atin kan duke hmel chu chiang takin ka en a, “Kha article kha phuba la turin an nunah ka let leh tawh tih vauna anihkha.”

. . . ....

SABRINA HUNTER’S POV

A hna ngaiah a let leh ta.

Ni li lai New York a Mariya Cavelli a awmloh hnua kan ngaihtuahnaa rawn lang ani.

Tabloid a inziah danin..thliarkar changkang deuha chawlh an hman zawh hnuah an rawn letleh tawh ani awm e.

Eng nge a chhan pawh ka hrelo..ka hmeichhe rin zawng hi anilo ve tawp. A landan ah hian lem riau a awm. Ka hrethei ani. A mitmeng vawt raih te khan Tatiana in Paolo nen min manchhuah ni ami te kha min hriatchhuahtir vang te pawh ani mahna.

Chuvang chuan ka ring eihlo.

“Eng nge i chhiar ?” tukthuan ei mek Paolo chuan min zawt a.

“Duke leh a nupui New York ah anlo let leh tawh.” Ka aw a lungawilohna pawh thup ka tumlemlo.

“Engtin nge i hriat a?” a tukthuan zawm turin min hui a.

“New York tabloid phek hmaah an lang chuaih chuaih alawm.” Ka ngaihtuah ringawt pawh hian ka thin a tirim ut ut mai.

“Eng nge chu chu an ngaihven viau a?”

Kha duchess kha hmuleh ila ka melh rum tur ang chiahin Paolo chu ka melh nghek. “Tatiana a an em vang te pawh ani mahna. Nge ni a..duke innei tura thlemthlu thei awmchhun anih vang zawk...”


Ka sawizawm leh hmain ka luakchhuak in min rawn tham..bathroom hnai berah tlan in ka luak nghal bawrh bawrh. Hetia awm reng hi ka ning ta khawp mai.


Paolo an ka hnung a rawn chul hliau hliau a. “Duchess vang hian i rilru tihah lutuk suh Rina.” Zawitea tiin, “Nangmah leh naute tan khan a thalo ania.”

“He thil hian entir pakhat chiah anei, Ka hmangaih.” Chau zetin ka ti a.

“Eng nge?”

“Chhiatna” a mitah tak enin, “Chhiatna nen a rawn letleh ani.”
.........
PAOLO RENALDI’S POV

Vanneihna, vanduaina leh khuanu ruat tihvel hi ka rinzawng ani velo. Kan hlawhtlin leh hlawhchham chu kan kutah a inghat tihhi ka rindan anithin. Mahse chu ka rinna ngei chu sawinghinin a awm mek ani.

Ka kuta lehkhathem awm mek hi holam hmel viau mahse ka nuna tlukin a pawimawh. A vawi za vel na atan ka chhiar nawn leh a..ka hmeh khawr vek vangin a chuar tawh hle. Ka nun tichhe vek thei thil a inziak miau alawm:

TATIANA ROSTOVA CHUNGA I THILTIH KHA KA HRIA. ZANIN DAR 8 CHIAH CHIAH AH ..ROSTOV HOTEL AH MIN RAWN HMU ANG CHE..NAKTUK ZING CHANCHINBU A TARLAN I DUHLOH CHUAN RAWN TLAI SUH.

Thaw hakin ka metkhawr leh nghal. Mihring hma hun hi kan kutah a innghat ani..tihhi ka ngaihdan ani. Ka naupan tet atang hna rim takin ka thawk a. Italian sumdawng hausa tak fa ni mahila...sâwn ka nih miau avangin pa hmangaihna ka dawng ngailo.

Tuna ka dinhmun pawh hi ka thawhrimna vang liau liau thleng thei ka ni..thil thleng tur ve reng emaw..vanneihna lam anilo.

Russian nula zakzum tak ka thlemthluk pawh kha vanneihna ka ti theilo ang..kei ang mipa hi min hmangaih ve tak tak tih ka hria. Khatih laikhan kalo hrethiam ngailo a...mahse kha hmeichhia kha kalo hmangaih ve reng si. Ka thinlung vawt tak hian mi a hmangaih theih ka ring ngailo atinni. Ka tum zawng chu amah neih a...khawvela mipa thiltithei ber te zinga mi nih ani.

Ka nupuihual unaunu hrawn Sabrina ka tawng kha anchhia zawk chu ani. A taksa sexy lutuk kha ka hnar theilo a...ka nupuihual mutpui aiin a unaunu mutpui kha a nawm zawk ka rinvang pawh ani bawk.

Mahse vanduaina chuan min um ta anihhi. Rilru thianghlim lutuk Tatiana ka phatsan a...a thinlung tikehsawmin thi turin ka kalsan a..vanduaina an tih ngei mai chuan min nangching dawna hriatna ka nei.

Kan thilsual tih tumahin minhmulo emaw kan tih kha.

“Thiltheih anilo.” Ka lu na ngut ngut tihziaawm nan ka chal ka hmet thul. Ka thaw a pik tun mai.

Eng ang vanduaina nge ka tawh tak hi? Tatiana chanchin a reh dawn chauh a...hetiang thil hi a thleng leh ania.

Tu tih nge?

Tatiana thihna chanchin eng nge hriat a neih?

Eng nge a duh?

Ka sana ka en a...he lehkha ka hmuh atang minute 5 chiah ala liam. Anihchuan khawnge a awm ang?

Whiskey chu tlak pawpin minute reilote nghah ka tum..mahse ka phone a rawn ri..screen ka en chu ka ner sak.

Sabrina.

Hreptak hian. Ka dinhmun ti hahthlak lehzual tur.

“Rina”

“Khawnge i awm a? I office kalo call a..secretary in i haw hma atisia.”

“Nia duhtak.” Ka mi nghah chu alo thleng tawh em tih hriat tumin ka hawikual vel a. “Nia ..ka haw hma chhan chu—”

Ka hrilh chuan a phibuai leh cheng ngei ang. Mariya Cavelli leh a pasal New York ah an awm tih a hriat ringawt pawn buaipui fe angai ania.

Sabrina hian a ngaina hlawl lo.

A chhan maw? A mita huatna nasa tak lo lang thin ..mahse a khapbo leh vat thinte. Sabrina phei chuan a nui zawng zawng te hi a lem vek anitih a sawi. Keipawhin a nui tak tak hmel ka hmuh awmchhun chu a pasal a biak chauhin ani.

“A chhan chu eng maw Paolo?” nin hmel zeta Tatiana in a rawn tihchuan ka harh zawk.

“Rostov Hotel ah client nen meeting kan nei dawn a.” Thudik a hriat rihloh hi a tha ber. Naute tan leh ama tan a thalo.

“Nimaw?” a aw atang chuan a awih hmel chiahloh.

“Aw. Eng nge? I awihlo em ni?”

Rang zetin, “Aih chutiang anilo. Engtikah nge ilo let ang?”

“Ka hremai lo.”

“Chuti maw?”

“Aw”

“Awle..thatchu” rawn tilehin, “Keichu ka mut a chhuak deuh tawh a. Kalo nghah theih che ka ringlo.”

“A pawilo duhtak. Muttui”

“Muttui”

Ka phone dahin lehkha minpe tu chu ka nghah chhunzawm a.

Darkar chanve a liam pawn tuman anlo kal lo. Tu emaw in minfiam mai mai aniang a. Hetiang inbumna mai maiah hian ka tlukluh ka inring ngailo asin. Thinrim takin zu chu ka tlak leh pawp. Haw tura ka inbuatsaih lai takin..

“Paolo”

Vur tuivawt taka leih ang maiin ka khawng nghal vek. Ka che thei tawhlo..hawi pawh ka hawisawn ngamlo. Chu aw chu.

A theihloh.

A thi tawh.

Ka theihna leh huaisenna zawng zawng tak meuh meuhin ka inher a...
Ka hnunga lo ding ka hmu chu ka thaw huai...

“Mariya” lai ratin ka tichhuak thei hram.

Lungawi hmel zetin a mit a de sawt sawt a hmu ..a sual hmel takzet..mahse rei atilang lo.

“Eng nge hetah itih?” A ngawih reng vang chuan ka zawt leh a.

“Ka thiante nen kan kal a.” Bar chhung chu melh thuakin, “Haw ka tum deuh chiah tih ah ka hmu che a..Sabrina nen em ni in nih?”

“Aih” ka lu thingin, “Mi hmuh tur ka nei a.mahse alo la kallo anihhi.”

“Nimaw?” ka bulah a rawn thu than, “I nghah chhungin kalo awm ve pawi iti em?.”

Ka sana ena haw mai ka tum tih ka hrilh tur chu martini no hnih alo order der tawh.

“Ka treat ang che.” No chu min pe a. “No khat lek te chu a pawi nang, Paolo.”

Martini chu vawikhatah ka tlak nghal pawp..ka hrawk pawh a sa thla nghal hut hut.

“A dang ila duh em?”

“Aih” ka tawngtha hleithei miahlo.”Dik tak chuan...”

Whoaaa!! Eng nge ni ngai? Chhuat hi a chim mai dawnin ka hria.

“Paolo i tha em? Eng nge thleng---?” duchess thilsawi chu ka hre chang chang. Ka lu hi a vur mup mup aniber. A rawn thim tial tial a...duchess bana ka tlu tawp chu ka hriat hnuhnun ber ani.
......................

TATIANA ROSTOVA’S POV

Ka ruahmanna chu Paolo hnena lehkha ka pek khan a intan chiah. An tualthahna chungchang anihchuan a hnial dawnlo tih ka hria.

Rostov Hotel bar changkang zet chhung lanchian theihna turah kalo awm lawk a. Inhmuh huntur darzat ka sawi ai darkar chanve in ka thleng hma. Ka ruahmanna tha taka ka kalpui theihnan kan inchei tha vel a...Paolo hmuh ka nghakhlel tawh hle ani.

Hlauhthawn hmel deuh taka Paolo rawn lut ka hmuh chuan ka nui nghal ver ver. .. Minute nga laiin ala hma zui.

Zanin atang hian i nupuihual nen ka suasam tan ang che u...ti rilru in ka khisuk.

Sabrina in ka lehkha thawn a hmuh hun tur pawh ka nghakhlel tawh e. Kan pathumin kan inhmu leh thap dawn anihhi.

Paolo chuan a ipte atang thil la chhuakin a chhiar a..

Ka lehkha pek kha ani!!

Alo va han mawl tak..hetiang trick thing lutuk te han awih. Hei ai hi chuan a fin ve deuh kalo beisei asin.

Nghah tir deuh ila a tha ang..eng ang chiahin nge min hmuh hun a nghahhleh han en ila..

Darkar chanve liam hnuah pawh ala nghak ngat ngat.. .ka pasalhual hlui hi tiang tak hian a dawhthei tih ka hre reng reng hleinem. Mi nghah kha a ning thin ania. Kalna tur kan neiha hak tur ka hriatmailoh pawhin min nghah a peih ngailo. Mi tamtak hmaa awmtur ka nih vanga inpuahchah ka ngaih pawhin a hrethiam ngailo.

Chutiang ngaihtuah sek pawh ka duhlo. Nunhlui rapthlak tak vek anni tawh. Ka ngaihtuah chhunzawm chuan ka thinrim ka insum theihloh mai ka hlau...keimah ngeiin a ka ruahmanna tihchhiat chu a thalo tawp ang.

Paolo chuan phone a mi a biak zawhin haw a tum deuh ut ut tih ka hmuthei...Sabrina ani ngei ang.

Ka inlan a hun viau e.

A hnung lam atang chuan Tatiana ka nih laia ka koh thin ang chiahin ka ko a.

“Paolo”

A hming ka lamrik rualin a khawng nghal at.

I phu tawk chiah..ka rilru in kalo tive bawk.

Muangchanga rawn hawi pheiin ka hmel a hmu chu thawveng huai hmel a pu.

“Mariya..” a aw pawh a pangngai zan lo. A hlau hmel chuan min ti hlim ngawih ngawih.

Bultanna chauh ala nihhi Paolo.

“Eng nge hetah itih?” ka ngawih tak veng veng vang chuan min zawtleh a.

“Ka thiante nen kan kal a.” Nichin lawka ka thutna chu ka melh leh thuak. “Haw ka tum deuh chiah tih ah ka hmu che a...Sabrina nen em ni in nih?”

“Aih” a lu chu thing in, “Mi hmuhtur ka nei a..mahse alo la kallo anihhi.”

“Nimaw?” A bulah ka thuve hmiah. “I nghah chhungin kalo awm ve pawi iti em?”

Min hnial a tum uk. A hmuhtur chu ka hmuhve a duhlo mai niloin. .a bula ka awm hi nuam atih hmel viauloh. Ka dem hranlo.

“Martini pahnih” bartender hnenah chuan ka ti vat.

Paolo erawh a rilru ala buai hmel cher cher e. A sana a ensek lai chuan a intur ah mutthilhna damdawi ka thlak zeuh a.

“Ka treat ang che.” Tia no chu nawr pheiin ka nuih zeuh, “no khat lekte chu a pawi nang, Paolo”

Hreh deuh taka lain a tlak nghal pawp. Kalo hlim veng veng.

“A dang ila duh em” damdawi kha a thawk em hriatnan ka zawt a.

“Aih” a tawng pawh a nawi deuh. “Dik tak chuan...”

Ava thawk chak ve. Stool atangin a tho vut a..mahse a ding theilo. “Paolo, i tha em? Eng nge thleng?” kan tive chiam a.

Min nghengin a tlu nghal tawp.

“Puih i ngai em Miss?” Bartender kum 20 bawrvel tur chuan a rawn ti a.

“Aw, khawngaihin.” Paolo chu chhuatah a tluk lohnan ka vuanbet ve tang tang, “Ka room ah min hruaipui thei angem?”

Bartender chuan mak atih hmel deuh..mahse thildang sawilem loin, “Tehreng mai, miss”

Paolo nikhaw hrelo chu elevator lam kan panpui a..CCTV in ka hmel a lakfuhloh hram angai bawk...chutilo chu ka ruahmanna dawtleh a chhevek animai.

Elevator ah tumah anlo awmlo hlauh. Harsa zetin Paolo chu ka room hauhlawkah kan hruai thleng thei hram.

Khum lian takah chuan kan nghat chawrh. A chatthla chiang hle ani.

“Heihi kan pahniha thuruk nirawh se aw.” Tiin pawisa tam tham tak ka pe a.

“Tehreng mai, miss” pawisa chu la in a chhuak ve nghal a.

Khuma Paolo mu chu ka melh ngar ngar.

“Phuba la turin kalo kir leh e Paolo.”
........

SABRINA HUNTER’S POV

Paolo nen kan inbe zo chiah chu ka thinrim hi ka khur der der thei.

Mi tenawmpa.

Min bum ani.

Tlailama ka lehkha dawn chu ka chhiar nawn leh a.

I pasal nimai tur hian ngaihzawng dang anei ani. Tunah Rostov Hotel ah an awm dun mek.

He lehkha ka dawn tirh chuan tu emaw in minfiam a tumna mai mai emaw ka tia...mahse Rostov Hotel ah a awm tih a sawi khan minthawng takzet.

Mi tenawmpa chuh!! Tatiana chunga atih ang kha ka chungah hian a tithei lo ang. Hetiangin ka inbumtir dawnlo. Min bumtute ka ngaidam ngailo bawk. Ka manchhuak anih vaih chuan a hmeichhie nen ka tichhe vek ang.

Tatiana anga dawihzep leh nep ka nilo.

Min bum nge bumlo hriatchhuah dan pakhat chiah a awm. Rostov Hotel a kal ani.

Thudik anih chuan ka unaunu chunga ka tih ang chiah kha a chan tur ani.

°°°°°°°°°°°°°°°°°°°°°°°°°°°°°°°°°°°°°°°°°°°°°°

Ka awihtheilo.

Tatiana thih hmaa thil thleng kha a thleng nawn leh ang mai ani. Kawngkhar bulah cheloin ka ding tawp. Ka thilhmuh hi ka awih theilo.

Paolo chu ruak vekin khumah alo mu. Tatiana in ruak veka min hmuhdun ang chiah khan. A bulah hmeichhe dang an awmve lo thung.

Tatiana khan min hmuh dun khan tiang hian em ni alo nat?

Kawngkhar chu kharin ka pasalhual tui taka muhil lam chu ka pan a...ka thah mai loh nan ka insum a ngai ani.

Dawhkana lehkhathem awm chuan ka mit alak avangin ka tawp chut. Ka chhiar a:

Zan nuam tak vang khan ka lawm e. Kan inhmu leh vat dawnnia.

-M

Lehkha chu ka hmetkhawr nghal vek. He mi zaktheilo hi..ngaihzawng dang a nei tak tak amaw? Fa nei mai tur ka nih laiin hetiang hian a awm amaw?

Ka insum zo tawhlo. Ka purse ken laiin ka vaw nghal pawp pawp.

“Mi tenawmpa.” Ka te tuar tuar, “Tinge tiang hi ka chungah itih? Engtin nge i theih zawk?”

Paolo chu a rawn harh zawk. “Engthil hrep nge? Sabrina? Eng nge itih hi? Duhtawk teh! Ana!!! “

“Mi tenawmpa” ka tileh tuar..ka thinrim hi a la zia eih lo. “Engtin nge tiang hian ka chungah itih theih? Hremhmun ah kal rawh.”

“Eng nge maw i sawi le?” tiin a rawn thuchhuak a. Puanin a mipatna a khuh tawk ringawt. “Chuan eng nge maw hetah i rawn tih le? Inah mu tur ini asin.”

“Lehkha ka dawng a..nang hian minbum tih leh hetah i awm thu a inziak ani.”

Mi â ang maiin min en ha, “Eng lehkha nge maw i sawi le?”

“Tlaiah khan lehkha ka dawng ani. Nang hian ngaihzawng dang inei tih a inziak bawk.”

“Thu awmze neilo anihchu!” thinrim takin a rawn ti hluai. “Ngaihzawng dang ka neilo”

“Dawheh” ka hmaichhanah ngei dawt a sawi hi ka awih theilo. “Engtin nge lehkha a room number insawi ah chat ilo awm theih si?”

“Ka hrelo.” a lu chu a dawm vang vang a. “Ka lu hi ana takzet ani. Chuvang chuan au tawhlo teh.”

“Heihi hre rawh Paolo..awlsam tak chuan ka kaltir lo ang che..” tiin ka vau hmiah. Ka fiamthu lohzia hi hre rawhse. “Nang leh i bialnu hi, Pathian hmingin ka---”

“Ava mak e aw!!” min vin nghek. “A tawp nan.. Ngaihzawng dang ka neilo.”

“Anihchuan engtin nge hethil hi i sawifiah ang?”

A chal chu a nem leh vang vang. “Eng nge thil thleng hi ka hrelo takzet Sabrina.”

“Eng nge helai hmunah itih atangin tan rawh.” A bulah ka thu thla a. “Chuan hotel a i awmchhan te nen. “

Thaw hakin a mitmeng chau zet chuan min en a. “Diktak chuan lehkha ka dawng ve a.”

“Kan ring chhin..ngaihzawng ka nei tihvel em ni?”

Paolo chuan a lu thingin a sam a tuai thuak a.. “Chu ai chuan a pawi zawk, Rina.”

“Eng nge awmzia?”

“Lehkha minthawn tu chuan Tatiana chunga kan thiltih kha a hrechiang hle ani. Rostov hotel ah hian inhmu turin min ko a..ka kal loh chuan naktuk chanchintharah min tih hmingchhiat tur thu a sawi a.”

“Eng a?!!” ka ding hluai. Ka dang nghal lawp lawp pawh ka hrethei. “Engtikin? Engtin?”

“Hei vang hi alawm ka hrilh duhloh che. I rilru tih hah ka duhlo.”

“Thil hriat a nei tih i chiang em?” ka lu hi a vir muai muai tawh ...tu nge ni ang?. “Pawisa a duh em ni? Engzat? A duh zat zat kanpe mai tur ani. A ka chip hmak tur leh a thlan thleng he thu hi thup turin hrilh la animai.”

“Chu chu ania kan buaina. Darkar chanve chuang ka nghak a..a thla takngial pawh ka hmulo.”

“Min fiam mai mai anih i ring em?”

A mu thla thawk a..a banin a mit a hliah nghal daih bawk. “Ka hrelo. Maithei.”

“Mahse hetiang buaina kan neih laiin..chatthla khawpa lo in a ngai em ni?”

“Ka in hnemlo.” Rawn tiin, “Haw ka tum chiah kha Mariya Cavelli nen kan inhmu a.”

“Mariya..?” kha hmeichhia bawk kha maw. Inlan hun hi a hrethei khawp mai. “Eng nge thleng a?”

“Kan mipa hriatloh nghah pahin intur min leisak a...”

“Chuan..?” ka beng kalo chhi kar. A sawileh tur hi ka hriat duhzawng anih ka ringchiahlo.

“A martini minlei sak chu a pasal ka zah vang liau liauin ka insak a..” thil thleng a ngaihtuah let a ni ngei ang. “Ka hriatleh chu zahthlak takin duchess kutah ka chatthla ringawt. Chuan ka harh leh chuan nanghian minlo vaw vak vak anihkha.”

“Helai hmunah hian a hruai che tiraw?” tiin ka zawt a. Mariya Cavelli lo inrawlh ve chhan hi hriatchhuah a ngai ani.

“Aniang”

“Mak iti ve em? Engthil emaw thleng deuh se ..kan hmaah hian a rawn lang zel . Khuanu hian a hun tak hi alo hrilh chat chat emaw tihtur ani.”

“Khuanu remruat nilo ta se.” Paolo chuan a rawn ti nghet charh. “Hetiang thil a thlen apianga min hmuh hi Mariya Cavelli ruahmanna vek pawh ani maithei ansin.”

“Eng nge awmzia?” a thusawi chu ka hrethiam pawhin ka hrelo.

“Tatiana sual zawk ang mai niin ka hria.” Tilehin, “Tatiana chunga kan thiltih vanga min hrem tura hremhmun atang rawn kal nimai te hian ka hria.”

Paolo thilsawi vang chuan kalo khur der der. Sawi dik ta se. “Eng nge kan tih ang?”

“Mi chhuithiam kan rawih angai... A chanchin engkim kan chhui tir ang. A pianni atanga keini nena kan intawn ni thleng.”

..........


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 10th, 2021, 11:31 am

CHAPTER-16

LUCCA CAVELLI’S POV

Bedroom kawngkhar inhawng ri ka hriat chuan ka thaw huai..Tatiana alo letleh tawh.

“Zanin i phuba lak chu eng nge a an a?” Amah nghah pahin khumah lehkhabu kalo chhiar a.

“A hahthlak.” Chauh hmel zetin bathroom ah inbual turin a lut nghal.

Minute reilote hnuah a pajama ngainat ber ha in a rawn chhuak a...a inhmeh em em tho.

“Ka ruahmanna ka kalpui tawh a, Lucca.” Khumah a rawn lawnkai a..ka lehkhabu chhiarlai dahin ka awmah kalo pawtbei vat. “An hrehawm ti hmel hmuh kha a nuam takzet.”

“I fimkhur hle a ngai ania, Tatiana.” A chalah ka fawp zeuh. “In thlahdul ngawt lo la..vawikhat thah che an tum tawh a..an tileh hreh lo ang.”

“Nia”

Diktak chuan a phuba lak na hian minti hlauthawng tan takzet. A thiltih lai hi tawpsan a Sabrina leh Paolo te chu dân hrem tir mai tura hrilh ka châk thin. Mahse chutiang hrilh turin tunge ka nih? A pasal tak tak pawh ka nilo a..a phuba laknaa tanpuitu mai chauh ka ni.

Ka theihna leh ka hausakna zawng zawnga venhim hi ka tihtheih chhun ani. Sabrina leh Paolo te hian an tihnat theihloh nan ka awmpui tlat ang. A chungah engpawh a thleng anihchuan keimah ngei hian an pahnihin ka phum mai ang.

“Ka mut a chhuak tawh Lucca.” Tatiana chuan harhchiang mang tawhloin a rawn ti a.

“Muttui, duhtak.” Tiin ka kuah nghal hlun. “Muhil tawh rawh..keiman ka venghim ang che.”
.............................................

TATIANA ROSTOV’S POV

“Chanchinthar tha leh thalo ka nei.” Lucca chuan a rawn ti lut a. Paolo leh Sabrina chunga ka thiltih atang karkhat a liamleh tawh. “Khawi zawk nge i ngaihthlak hmasak duh?”

Ka pasal hmeltha zet chu ka en a..Office a rawn thleng chiah a ang. Tukin zing atang ka lu a hai deuh muai muai reng mai..ka luak a chhuak hlui bawk. Nizana ka thil ei ngeihloh ka nei aniang. “Chanchinthar tha zawk, Lucca.”

“Enge i an, cara mia? Damdawi ina kal chu iduhlo tak tak maw? I dâng vek ania.” Ka hmai dang bel chu a rawn khawih a.

“Ka tha alawm, Lucca.” Ka thalo. Luakchhuakin min tham reng..kiang vat vat se ka ti khawp mai.

Min ngaihtuah tih hriat zeta min en vang vang hnuah lehkha ip minpe a. “Chanchinthar tha zawk chu..Paolo Renaldi company ah ka invest tawh..kan inremsiamnaah thil diklo a thlen palh takin a company a dahkham bawk.”

“Chuan thil diklo chu a thleng ngei ang a?”

“Tehreng mai.” Ka bulah a rawn thu a. “A tir atang reng khan he investment ah hian thil diklo a awm tawh. Paolo erawhin a hrelo. Ka pawisa ka sen thlawn ka duhloh thu ka hrilh a..a company a dahkham nghal vat mai alawm. “

“Ilo fing phakar reuh hle mai a Pu zahawm.”

“Chuti maw?” ngeiawm deuhin a nui suk. He nui hi amah ti Lucca lehzual tu ani.

Mahse chanchin lawmawm loh sawitur ala nei tak. “A thalo lam chu eng nge, Lucca?”

A nui tawp nghal chut. Min ti hlauthawng deuh. “Rostov hotel a thil thleng vang khan Paolo leh Sarbrina chuan nangmah chhuitur an ruai a..keipawn tukin zing khan ka hre ve chiah.”

“Oh..” tiang thil hi an ti vat ang tih hre tur ka nia sin. Thil han ruahman vel chu an thiam zawng tak ania lawm. Min beih let chuan an laka phuba lak hi thil awlsam ani dawnlo tawp mai.

Mahse a hmaa dawihzep tak kha ka ni tawhlo. Bawlhhlawh ang maia an hnawl mai mai theih ka nitawh biklo. Thihna kotlang ata midang ang hlakin kalo let leh tawh..an duh duh dan chuan mintikual mai mai tawh biklo ang.

“Eng nge i tih tak ang Tatiana?” Lucca zawhna vang chuan ka harh zawk. “Mariya Cavelli chungchang engmah an chhuichhuak awm silo a...a takah a awm miaulo. Tunge inih tih zawhna vangin Tatiana Rostova inih an rin phah ngei ang.”

Ka pasal rilru hah hmel tak chu ka nuihsuk, “Paolo leh Sabrina hian min fin khalh an ring anihchuan an tisual hle ani. Ka chanchin chhuina ah pen khat an pen laiin pen nga ka pen khalh tawh.”

Hriatthiamloh hmel zetin min melh ha, “Eng nge i sawi awmzia, mi amore?”

“A awlsam lutuk Lucca.” A ngaih thatnan a kut ka hmer vang vang. “Kan ruahmanna kan tihdanglam a ngai dawn ani. Paolo company hi i kuta awm ang tho a nih tawh avangin amah ka chhai kual vel a ngai tawhlo tihna . Ahma aiin a awlsam daih zawk.”

“Eng nge i ruahmanna chu Tatiana?” ka kut chu alo vuanlet ve a. “Tatiana eng nge? Min ti hlauthawng ania.”

Ka nuih sen sen. A rilru a hah hmel takzet. Ava han duhawm tak. Pawn lama hlauhawm hmel deuha lang hi a chhungril a nem hle si.

“Tatiana ala nung tih an hriat a hun viau ani. Phuba lak a tumruh hle ani tih hrebawk rawh se.”

“Chu chu tihdan thaber niin i hria a maw?” ka pasal hmel chu ka hrethiamlo.

“Kan tihtheih awmchhun ani Lucca. An ruahmanna tihchhiatsak nan chuan Tatiana Rostova ala dam tih puanzar hi tihtur tha ber ni in ka hria.”

Ka thil tum ah chiangin ..inring hle teh mah ila... Lucca hmela hlauhthawnna chu ala reh chuang lo.
.........

SABRINA HUNTER’S POV

Kan mi chhuithiam rawih chuan kar khat zet Mariya Cavelli chanchin chhui nan zu hmang a mawle. Paolo office ah a report ngaithla turin kan inhmachhawn ran.

“Chuan? Eng nge i hmuhchhuah?” dawhtheilo zetin ka vei sek tawh.

“Engmah” a ti mawl tawp.

“Eng nge engmah chu awmzia?” ka en ha. Paolo erawh a la ngawi reng.

“Mariya Cavelli chanchin engmah chhuichhuah tur a awmlo.”

“Hetiang lamah hian a tha ber iti emaw ka tia.” Tiin paolo thu ngawi ngul chu ka zawt a.

“Min hrethiam la ka pi” a rawn ti hmuk. Ka thilsawi vang chuan a lawm hmel chiahloh. “CIA lamah hmelhriat neiin FBI agent retired tawh ka nihhi. Ka thiamna lamah mawhpuh tur a awmlo.”

“Ni si tinge hetiang hna awlsam deuh pawh itih theihloh?” ka vin nghek. Kan thil hriatduh enge maw tal alo ken ka rin tehreng nen. “Mariya Cavelli chhuichian mai ania i tihtur. Duke hausa tak nupui ala ni zui!!a awlsam dawn tehreng nen.”


“Sabrina..” A vawikhatnan Paolo a rawn tawng...a lu a hmet ngawt ngawt bawk. Kan mi rawih chu a en a, “Italian duchess chanchin engmah i hmuhchhuah lohna chhan chu min han hrilh ta che.”


“A chanchin engmah chhuichhuah tur a awmloh vang ani. A hming lanna awmchhun pawh New York an rawn kala chanchinthara a lan chiam tum chauh kha ani.”Tiin case a rawn phawrhchhuak a, “Nangmah ngeiin enla.”

Paolo an file a lak chuan a lamah ka phei ve nghal vat. Mariya Cavelli thlalak a ruk a lak tih hriat tak a awm nual.

HMING : Mariya Cavelli
HMING DIKTAK : Hriatloh.
KUM ZAT : Hriatloh.
D. O. B : Hriatloh.
PIANNA HMUN : Hriatloh.
NU LEH PA HMING : Hriatloh.
UNAUTE : Hriatloh.
SCHOOL KALNA : Hriatloh.
MIMAL NUN : Hriatloh.

Mak ti takin lehkha chu ka en tlawk tlawk. “Engtin nge anih theih?”

“Chhan pahnih chiah a awm thei, Ms. Hunter” dam dupin a rawn ti a.

“Engte?” Paolo zawkin a rawn ti vut.

“A hmasa zawk chu.” Mi chhuithiam chuan a ti tan a. “Kan mi chhui hi dinhmun sang tak emaw mi pawimawh tak..sorkar in a chanchin tihchhuah a phalloh a ni thei a..spy, pawikhawihna mita hmutu, mi hausa tak chhungkua an nihte in a niber thin.”

“Pakhat zawk chu eng nge?” thiltha tak a sawi dawnlo a hriatna ka nei tlat.

“Pakhat zawk chu.. kan mi chhui hi a awm tak taklo tihna ani.”

A awm tak taklo.
A awm tak taklo.

Ka bengah a ri nawn nghal awn awn.

“I mi puihna ah kan lawm e.” Paolo thilsawi chuan minti harh zawk. “I hlawh chu a hlawmin naktuk zingah i account ah ka rawn thun ang.”


A lu bu nghutin min chhuahsan a. A chhuah rual rualin Paolo ka en nghal..kan dinhmun hi engah mah ngailo ang maiin a hahdam hmel bik takzet. Kei erawhin chutiang ka ti theilo.

“Hlawh pawh pek loh law law tur che alawm.” Tiin ka melh ngur. “Engmah a hmuhchhuah loh kha. Amah ai chuan Mariya Cavelli chanchin pawh kan hre zawk.”


“Duhtawk teh, Sabrina.” A mit a chhing vang vang. “Mariya Cavelli chanchin inthup hi a thiamloh pawh a ni hleinem. Chhungkaw hausa tak ami anitih kan hretal alawm.”

“Mariya Cavelli hi a awm tak taklo pawh anithei bawk...” chuthil chu ka ring zawk. “Eng nge kan tihleh dawn?”

“Keimahni ngeiin kan chhuichiang ang.”

Ka chal ka tichuar nghal nung. Engtin? Ramchhunga mi chhuithiam ber pawn a tihtheih loh chu engtin nge kan tih ang ka hrethiam lo. “Engtia hmalak nge i tum?”

“Marita Cavelli hi a ina kan tlawh a hunve tawh in ka hria.”
........ ........... ........... ............ ..........

PAOLO RENALDI’S POV

Ni hnih liamtaa Mariya Cavelli te in va tlawh kan ruahman chu vawiin hian kan ti hlawhtling dawn ani. An chhiahhlawh in minlo chhawnchhaih vat a.

Kha zan Mariya Cavelli nen bar a kan inhmuh zan kha..Sabrina chuan tihpalh thilthu a nih a rinloh thu a sawi tlat a. A tir chuan a ngaihtuahna chu a atthlak ka ti...mahse tunah chuan a thilsawi kha a dik ka ring. Sabrina chuan ka intur ah khan engemaw telh anei anga..chu chuan nikhawhrelo a min awmtirin..room chhungah khan min hruai ta anih a rin thu a sawi bawk.

Kha zana bartender pawh kha ..pawisa ka pek teuh hnuah thudik a sawi ve chauh. Mariya chuan engemaw chu ka intur ah a thlak ngei a...bartender vêkin room lama min hruaichho turin a pui bawk ani awm e.

Sabrina thusawi zawng zawng kha a dik ani. Mahse tinge? Engnge a chungah kan tih a Sabrina nen kan inkar tihchhiat a tum?

Ka hmeichhe ngaihtuah lai mek chu living room ah hahdam hmel zetin thingpui alo in.

“Zing chibai chu” minlo nghak reng tawh ang maiin minlo nuih nghal sâng. A ngai ang bawkin a chhelo lehpek hle..mahse vawiin chu nidang aiin a hmai a dâng deuh..a nawmsam hmel chiahloh. “Lo thu rawh u.”

“Pehhel duahlo ang.” Sabrina chuan a ti nghal hlar. Hahdam hmel zeta thu Mariya chu a melhno lo hle bawk. “Hman zan khan Paolo hnenah i kal tih ka hria. Kan inkar tihchhiat i tum ani. Mahse a pawi khawp mai duchess..i hlawhchham ani.”

“Anihchuan rawn len in tum vang pawh anilo tihna maw?” A awmdan a danglam nghal vek. A mitmeng hlim hmel deuh pawh kha a rawn dur nghal khup. “Thu rawh u.”

“In in anih vang maiin i duh duh dana min awmtir tum suh.” Sabrina chuan alo tilet nghek. Tlawm mai a tumloh hmel hle.


“Sabrina” Ka khak zeuh.

“Thu rawh ka tihchu, unaunu.” Mariya chuan a bula sofa chu a kawk a..aih tih a chhan a duhloh hmel hle. “Nangpawh Paolo.”

Ka ding khawng nghal vek. Ka che theilo. Sabrina pawh a dâng nghal lawp lawp.

Eng thil nge a sawi kha?

“Engmaw?” Sabrina chuan ti leh nghekin a hmaa hmeichhia chu a melhrum ngei e. “Engtin maw min auh kha?”

Ngeiawm zeta nuiin Mariya chuan a bawp a khawkherh than. Thilthleng mek hi nuam a tih hmel takzet. “Pehhel buailo turin minti ani lawmni?..chuvang chuan ka—”

“Ka zawh che chu? Engtin hrep nge min auh kha?” dawhthei tawhlo tih hriat zetin Sabrina chuan a zawt leh a. Keiin a kawngah kalo vaun vat..insum theilo in duchess hi a khawih mai ka hlau ani. Kan duke nupui chungah hian thil thalo a thlen vaih chuan kan chan a chhe dawn lutuk.

“Khatia tawngkam chhia hman kher angai hleinem, unaunu.” Chiang tawkin a rawn ti leh fak. Hriatsual theih a ni tawhlo. “Unau kan ni nilawm ni? Thisenin inzawm lo mah ila..kan nu leh pate an innei..ka sawi dik em?”

“Kan nilo!!!!” Sabrina chu a au tuar. “He i infiamnaah hian ka unaunu hmertel suh.”

Mariya chu zalo zetin a nui hul hak...Sabrina huat tawk a tling leh em em. “I unau chu i va dah sang awm ve a Sabrina. Midang chu nise i ngaihtuah ve tak tak emaw an ti ngei ang. Mahse keichu ka nilo.”

“Ka unaunu nena kan inzawmna sawiturin tunge i nih a?” tileh hlakin, “Tunge inih kan hrechak khawp mai.”

Vawiin a he in kan tlawh chhan a sawichhuak ve chiah. Mariya Cavelli nihna diktak hreturin.

Lungawi hliah hliah hmel a min en in, “Ka hming chu Tatiana Rostova. Mahse tunah chuan Tatiana Cavelli, Caprielle duke nupui ka ni tawh.” Ngaipawimawh lo zetin a ti liam puat a..a nuihmel erawh ala bo chuanglo. “Nangni pahnih hmuh leh chu a nuam e..kan inhmuh hnuhnun ber kha chuan ka thi lek lek anihkha.”


Ka dinna chhuat hian min dawlh mai dawna hriatna ka nei. Mahse he mangchhia ai chuan chu thil chu thleng se a zia zawk ngei ang. Kan hmaa hmeichhia hian ka nupuihual thi ta Tatiana Rostova a ni tih a sawi zo chiah.

A damchhuak tihna em ni?

Engtin nge a nih theih? Tatiana khan tuichen a thiam silo a. Engtin nge a damchhuah theih?

“Thu hmasa ula a that ka ring.” Kan hmaa hmeichhia chuan ati leh a. Tunge anih pawh ka hre hrep lo e. Tatiana nge Mariya.


Sabrina chu lungawi hmek chiahloin sofa ah chuan a thu thla ve mai. Mahse kei erawh ka che thei derlo. “Ka unaunu chanchin eng nge i hriat ka hrelo a. Mahse in hmel a in an vang maiin min tihthaihnan hmang hlek suh duchess.”

“I awm ka tinuam lo em ni Rina?” Tatiana in Sabrina a auh thin ang chiahin a au ani. “Mariya Cavelli chu a awm tak taklo. In nuna kalo let leh nan ka siamchawp ve mai anihkha.”


“Tinge?” a vawi khat nan ka tawng chhuak ve tawk. “Engatan nge Mariya chu i mamawh? Tinge Tatiana anga ilo let mailoh? Tinge mi â ang maia min cheibawl?”

“Hello , Paolo” ati sam et. Kan inkarah engmah thlenglo ang maiin a tawngdan a hahdam. “A chhan min zawt maw? Hmmm...kan ngaihtuah lawk.. In mudun lai ka hmuh vang em ni ang? Ka chunga inthiltih kha engahmah ngailoin ka nun chhunzawm mai in rin vang zawk em ni? Nge ni a min thah in tum vang zawk?”


“I tla anihkha Tatiana.” Ka tileh. Ka tluk tawp loh nan sofa bân ka hmer ngawt ngawt ...

“Ka chesual Paolo.” Huatna hlira khata rawn mengin a ding zawt. “Ka balance ka hloh anihkha. Tui vawt taka thi lek leka ka awmlai khan min chhanchhuak turin ka ngen lawm lawm che asin. Tui chen ka thiamlo tih i hria. Mahse enge itih kha?” Sabrina chu kawk leh va in, “He nu hi i ngaithla zawk anihkha. Tuivawt taka ka pil tur kha min en tawp ani lawm ni? I nupuihual hmelchhe tak kalsan a i hmangaih bula awm vat vat kha i châk ani lawm ni?”

“Chutiang anilo Tatiana....”

“Ngawi hmak rawh.” Rawn ti nghekin, “I dawt sawi hi ka awih leh i ring em ni? In mudun lai ka hmuha ka na tawrh kha i hria em? Mahse thi tura min kalsan lai kha ana zawk asin. Kha zan khan min chhanchhuak ni la ka ngaidam em em ang che Paolo.”

“Ka tihpalh Tatiana.” Tuna ngaihdam dilin awmzia a neilo tih ka hria. Mahse ka tum tal alawm.

“I chilper i seng thlawn mai ani.” Ngeiawm zetin a rawn ti hlak. Min beng hrep chak hmel a pu bawk. “Ka chunga i thiltih kha ka theihnghilh ngailo ang.”

“Eng nge i sawi tum?” Sabrina chuan a tisap. “Midang anga i rawn let leh hian eng nge tih i tum?”

“A chiang tawh viau lo em ni? Phuba la turin kalo kir anih hi.”

Ka hmaa hmeichhia chu ka en tawp. Tatiana diktak kha ani thei dawn em ni? Rilru thianghlim tak leh zaidam tak thin kha. Ka hmaa mi hi chu mi hrang lak ani. Phuba lak duhna in a rilru a luahkhat a..mi hlauhawm tak ani.

He hmeichhia hi ka hmangaih Tatiana...wallflower kha anilo.

Tunge hetianga thlak danglam tu hi?

“Cara mia?” kan duke mi hausa pawh a rawn lut ve chiah. Sabrina nen min rawn melh thuakin a nupui a nuih nghal suk. “Inleng i nei animaw?”

Tha lutuk..thudik lanchhuahna hun remchang tak anihhi. He duke hian a nupui hi Mariya ani tak taklo tih hria se engtin nge a ngaih ang? Mariya niloin Tatiana Rostova..wallflower ve mai tuipuia thi anga an ngaih kha ani tih hria se...a phuba laknan a hmang tangkai mai mai anitih hria se engtin nge a tih ang?

A awmdan tur ka hmu chak tawh hle mai.


“Aw Lucca.” Tatiana mitmeng chu a inthlak nghal thawk..a pasal a hmu chu a hlim hmel takzet. Lucca hian Tatiana thinlungah hmun a luah tawh em ni? “Ka pasalhual hlui leh ka unaunu hrawnin min rawn tlawh anihhi.”

Hriatthiam hmel zetin Duke chu a khi nghal suk. “Nimaw Tatiana.”

Engthil phiangsen..

................................................

LUCCA CAVELLI’S POV

Kan living room lam ka pan chu ka thin a phu dup dup. Tatiana ka ngaihtuah deuh avangin kan in enkawltu ka bia a.

Zing tin mai hian luhai leh luakchhuak hi a nei ziah ta mai. Doctor hmu tura ka tih pawn a tukah a dam mai ang a ti zel bawk si.

A chang phei chuan bathroom a a tap ri ka hre thin. A chhan chu engpawh nise..ka hlauthawng ani. Harsatna a neih leh neihloh ka zawhin min pehhel zel bawk si. Chaw ei chakna a neilo a..thingpui leh chhangro chiah a ei thin. Ka rilru a tibuai takzet.

In enkawltu ka call chuan Tatiana in inleng a nei tih a sawi a...a rang a rangin ka tlan haw nghal...tutak ni ang maw.

“Cara mia?” Sabrina leh Paolo chu ka en zeuh a...Tatian chu ka melh leh. “Inleng i nei animaw?”

An awmdan atang chuan thudik an hretawh ani ngei ang.

“Aw Lucca.” Hahdam hmel zeta min en chuan ka thawveng nghal huai. “Ka pasalhual hlui leh ka unaunu hrawnin min rawn tlawh anihhi.”

Hrethiam zetin ka nuih suk. “Nimaw Tatiana.”

.........................


TATIANA ROSTOVA’S POV


“An hmel kha ilo hmu em Lucca?” hlim zetin ka pasal chu zanriah kil pahin ka zawt a. Tukin zinga thil thleng kha ka ngaihtuahna ah ala awm reng. “An makti hmel kha hmuh anuam thlawt ani.”

Lucca erawh zanriah kan kil atang ala ngawi ngul. “Thil diklo a awm em ni Lucca?”

Ka phuba laknna ka hmasawnna ah hian ka hlim tih piah lam ani. Lucca erawh a rilru tibuai tu awm ang maiin a ngawi reng a.. Minti hlauthawng deuh.

A fian dahthla in a vawikhatnan min en a..thaw ala hak. Min ti hlauthawng tawh takzet. “Eng nge diklo awm Lucca?”

“Thil dil che ila..i ti hlawhtling thei angem Tatiana?”

Ka lu kalo bu lauh lauh. Ka tana a thil tih tawh zawng zawng vang hian ka tihsak ngei ang. A hming leh a nihna invenhim nan ka hmang a...hmeichhe chak takah minsiam bawk..thil tihsak ve chu ka ba ani.

“Engpawh animai Lucca.”

“Engpawh maw?” mak ti zetin min en ha. “Anihchuan he i phuba lakna hi tawp sanin nun thar a nung turin ti ta che ila Tatiana. Keimah nen...i duhchuan.”

Awihlo zetin ka melh hrawk.

A fiamthu tiraw? Adik em?

Lucca hian kha thu kha a ti tak taklo.

“Tatiana? Chu chu ka tan iti thei angem?”

“I fiamthu tiraw Lucca?” min fiam mai mak anih ka beisei takzet. “Min enchhin vel ani tiraw?”

“Aih”

Ka thutna hnung ka ngheng dawt. Ka tha neih zawng zawng hian min kiamsan nimai hian ka hria. Lucca lahin thutak runin min melh ran bawk si.


A thutak hle ani.

Mahse tinge?

“Tinge?” zawitein ka ti sap. A mitah pawh ka en theilo. “Hun reitak chhunga kalo buaipui tawh hi tinge tawpsan tura min tih? Ka hlawhtling tep asin.” . Inthiamloh zetin ka en ve hram. “Ka tihpalh Lucca. He thil tihloh hi engpawh min dil thei ang. Engkim hi ka tawpsan ngawt theilo ani.”

Engvangin nge hetiang min dil thut pawh ka hrelo e. Naupang chhe en hian min en tlawk tlawk.

“Khawngaihin tawng rawh Lucca.” A ngen in ka ngen tawp tawh. “Engvangin nge tunah tawpsan tura min tih?”

A thaw hak. “He i phuba lakna hi i taksa tan hian a thalo ani. In en ta che.” A mit chuan min en chhuak thuakin, “I rihna a tlahniam a..nilengin i phuba lakna tur ringawt i ngaihtuah bawk.”

“Chu chu anih dan tur reng alawm Lucca.” Enga tinge a hriatthiam theiloh. Pathian hian phuba ka lak theihnan nun thar minpe tihhi tinge a hmuhthiam theihloh.

“Aw..nia” rawn tilehin, “Mahse kha chu i hreselna a nghawng hma in ani.”

“Ka tha Lucca.”

“I chiang maw?” ngeiawm deuhhlekin a tileh. “In en ta che..i cher a..i dâng bel bawk. Tun hnai phei chu i mu mumal lo a..thil ei chakna i nei heklo. A chhan ka ngaihtuah chhuah theih awmchhun chu he i phuba laknaa i rilru i pe lutuk hi ani.”

“Chutiangin ka awmlo.”

Lucca chuan minla melh rum hle. “Chu chu i rin duh dan anih chuan le Tatiana.”

“Lucca...” ka lu hi a na ngut ngut tawh. Hetia ani nena inhauh hi ka duhlo...ka tha tihhi a hmutheilo em ni.

“I pasal ka nihna angin...ka—”

“Ka pasal diktak inilo.” Enge ka sawikha...engvangin nge khathil kha ka sawi? A hmel ka en dek dek chu alo dur khup. “Ka tihp—”

“Kalo theihnghilh avangin min ngaidawm rawh Tatiana.” A aw vawt raih chu hlauhawm tak ani. “I phuba lak nana i pasal ve mai chuah ka ni tih kalo theihnghilh palh ani e.”


“Lucca..”

“Aih” minlo pawtchat nghal vat. Ka tawngsual vanga ngaihdam dilna hun minpek a tumloh hmel hle. “Insawifiah angailo Tatiana. I sawi kha adik ani. Nupa diktak kan nilo. Kan inneihna kha a lem mai ani.”

“Ka tihpalh Lucca..kha kha ka sawitum anilo.”

“Bakah” ka ngaihdam dilna chu a ngaipawimawhlo chiang e. “New York a ka awm rei tawh em avangin Rome lama ka hnain min mamawh thu ka secretary hnen atang ka hria a. Ka rualin ilo let dawn nge dawnlo?”

Va hunlo tak. Hetah ka phuba lakna a kaltluang mek a..let thei kala nilo. “Ka theilo ang Lucca ..tihpalh..hetah ka awm angai.”

“Chu chu i sawi ka ring sa ani Tatiana.” A lu bu nghut mahse a hmela lungawilohna chuan ka tha ala ti khur der der thei. “Naktuk zingah ka chhuak ang..zanin atan chuan tawk rawh se.” A thutna atang thoin min rawn en thla leh a. “I thiltih tum ah i hlawhtlin ngei ka beisei Tatiana. Chuan..i rilru leh i thinlung hi i phuba lakna te ang maia chhia ah a chanloh ka beisei takzet. “


Lucca chuan hawilet tawhloin min kalsan nghal nal nal. A kal liam chiah tihah ka biang a rawn sa thla hut. Ka mittui a luang nghal zawih zawih..ka awm zawn hi ana takzet ani.

A tuk zinga ka tho chu khumah Lucca alo awmlo. Akal hmaa hmuh beisei zetin tukthuan eina lam ka pan a...mahse alo awm chuanglo.

Dawhkan chu alo inremfel sa thlap. “Khawnge duke hi?” Pangngai deuhin in enkawltu chu ka zawt a.

“Oh..A kal tawh Pi zahawm.” Coffee min thlit sak pahin, “Puber chuan tihharh che a duhlo a..chuvangin a kaltawh thu lo hrilh mai tur che in minti ani.”

Min mangtha loin a kal tawp a maw? “Mrs.Rhodes.. Tihpalh..thil ei chakna pawh ka nei lo.”

Ka ti tak tak..kha coffee rim ka hriat atang khan ka luak a chhuak hlui tawh...bathroom lamah ka tlan phei nghal.
..............


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 10th, 2021, 11:31 am

CHAPTER-17

TATIANA ROSTOVA’S POV

Lucca min kalsan atanga ni li na ah phei chuan ka dinhmun a thalo lehzual... in enkawltu pawhin a sawi sek tawh.

Kar khat chuang penthouse hi ka chhuahsan tawhlo. Ka chau em em reng a, thil ei chakna ka nei heklo...ka muduh em em ringawt..Lucca kha a dik maithei ani...ka phuba lak naah hian ka rilru ka pe lutuk ania nge.

Chuvangin chawlh la rihin ka hriselna tlemin ka ngaihven ve deuh. Paolo leh Sabrina chuan an duh duh lo ruahman vel teh se.

Tukin zing pawn lunch ei dawnah chauh ka tho. Zingkara tukthuan ei tura thawh tum kha coffee rim leh sangha rim vangin ka luak leh nghek..ka mu leh ta ringawt anihkha.

Living room a hmeichhe hmeltha tak lo thu ka hmuh chuan ka te tuar. “Francesca!!!”

“Tatiana” dam dupa tiin min nuih sen sen. Ka tlan phei a..ka kuah nghal thlawp.

“Oh Francesca.” Ka tap nghal hlawp hlawp. Tunlai chu ka tap leh ringawt zel.

“Shh...” duat takin ka hnung a chul hliau hliau. “Eng nge diklo awm duhtak? Kan duke mi luhlul-a vang ani tiraw? Ka hria ani. Hmanni a Italy a ka hmuh khan lo sawisak hrep tur ania.”

Ka tah nuih ringawt. Francesca tak hi chu. Duke mipa lian ve tak a han sawisa vel tur ka ngaihtuah chuan ka nuih a ti za tlat pek. Francesca chiah hian chutiang chu a ti thei ang.


Mittui parawl purin ka thiannu duhtak chu ka en a. “Engtia rei nge ka harh hun ilo nghah? Ka—”

“In in enkawltu khan i hahchawl tih min hrilh a.” Tiin ka thilsawi lai a rawn pawtchat a. “Tunlai chu i damsamlo tih a sawi bawk. I cher lutuk Tatiana. Eng nge diklohna i neih? Lucca khan Italy a amah zui turin i damsam lo tih a sawi khan a ti tak tak anihhi.”


A thiante bulah lehzel chhuanlam minlo siamsak ania..luhlul takin hetah awm ka thlang tih tinge a hrilh mai loh. ..ka chunga a thatna vang hian ka inthlahrung nep deuh mahna.

“Chutiang chuan a sawi a maw Francesca? Ka damsam loh vangin ka zuilo tiin maw?”

“Aw”

“Ihhh..thudik chu...” ka lu a rawn hai deuh vangin sofa ah ka thu thla te te a. “.. Ka phuba lakna ka chhunzawm theihnan ka zui duhlo a chuan kan inhauh phah ta ani.”

“Aw..chutiang chu ka ring sa alawm.” Francesca in a tih chuan mak ka ti deuh..ka bulah a rawn thu thla ve a. “Lucca hian i damlo a kalsan lo ang che tih ka hria. A nupui tello a Italy a ka hmuh khan intihthiamloh nan in nei leh tawh anih ka ring a.”

“Chu aia pawi chu Francesca. Ka phuba lakna hi bansanin a mah nena nunthar tan turin min sawm a.”

“Oh Tatiana.” Ti hluaiin ka kut a rawn vuan a. “Ka lawmpui lutuk che u. Lucca nen chuan nun thar in tan thei ang...pasal tha tak ani ngei ang tih ka chiang ani.”

“Mahse ka hlauthawng alawm. Bakah Sabrina leh Paolo hi an sual man ka hmuhtir hma chu ka duhtawk ngawt theilo.”

“Oh.. Duhtak.”

Ka mittui a rawn parawl leh ringawt tawh. Kava tahbelh tak. “Ka tihtur diktak ani bawk...Amalfi Coast a ka damchhuak tih ka hriatrual khan hei chiah hi asin ka rilru ah awm..mahse tunah chuan ka phuba laknaah ka rilru ka pek lutuk vangin ka taksa in a tuar a...Lucca takngial pawhin duhtawk turin minti asin.”

“Oh Tatiana.” Ti dam thlupin, “Lucca chuan a sawidik ani. I taksa i ngaihtuah ve deuh angai alawm. I pasal anih na angin a ngaihtuah em em che a...i na lai a hmuhduh loh tur zia te ngaihtuah ta che.”

“Mahse—”

“Aih Tatiana” A sam nalh tak phe siau siauin a lu a thing nak nak. “I pasal a awmloh takah chuan a tello pawn i in enkawl thei tih han lantir ta che. A hmasa berin tukthuan han ei phawt la.”

“Ka rualin ilo ei ve angem?”

Nuisukin min kaitho a. “Tehreng mai duhtak.”

Dining room lamah kan phei a..kan thufel deuh chiah tih ah in enkawltu in coffee a rawn thli nghal...a rim ka hriat rual rualin ka luakchhuakin min tham ut ut..a rang a rangin bathroom lamah ka tlan vat a...ka luak leh nghek.

Dining room a ka let leh chuan dawhkan bulah Francesca thil hriatthiam hmel zetin alo nui suk.

“Tihpalh lutuk.” Ka lu ala hai deuh vangin chair ah ka thu thla nghal..ka ke te hi an zawi vek.

“Thil min hrilh tur ineilo maw Tatiana?”

Thil hrilh maw? Eng?

“Oh..tihpalh lutuk Francesca.” Ka ti hluai ringawt. “Hei i hmuh ang in tunlai chu ka damtha chiahlo a. .karkhat vel anitawh maithei..ka chianglo.”

“Chanchinthar lawmawm chu minhrilh ve dawnlo em ni?” rawn tilehin, a nuihmel pawh ala awm reng.

Hrethiamlo zetin, “Eng chanchinthar?” ka ti ha.

Phur hmel zetin chair ah a thu te te a. “I rai tihhi mawle. Lucca nen in fa hmasa ber i pai tihhi.”

Ka meng kawk. Engmaw a sawi kha? Rai a? Tumaw rai? Keimah maw? Ka ring chiahlo. “Aih..ka rai reng renglo.”

“I chiang maw?”

“Aw” tiin ka chhang. Mahse ka chiang miahlo...eng emaw min mawlh tu a awm.. Ka zam ani.


“Ka dil chhut mah mah iti maithei a..mahse engtik nge i period hnuhnun ber?”

Awlsam taka chhan mai ka tum..mahse ka chupawh ka chiang chuanglo. “Thla hnihvel liamta kha aniang.”

“Zingtin i awm anuamlo thin em?” tia min zawtin, “Chau ngawih ngawihin i mut te a chhuak reng zel em? Thil ei chakna pawh i neilo ani tiraw?”

“Aw..”

Ka thiantha tak chu a nui leh suk. “Anihchuan i rai ngei anihchu.”

“Aih. A theihloh”

Francesca chu a nui hak hak. “Aw Tatiana .. A theih alawm...chutiang te chu a thleng alawm..pasal i neih hi. .mak tihtur a awm lo.”


“Mahse—’

“Doctor ila pan lo ani maw..dik em?”

Ka lu ka bu tawp. Ka tawng thei tawhlo. Ka rai tak tak em ni? Lucca fa ka pai maw? Ka thluak hi a vir mup mup in ka hria.

“Insiam la doctor chu va hmu ang.” Francesca chu tho vutin min kai tho a. “I rai tak tak leh tak takloh chu va fiah ang hmiang.”

Darkar reilote hnuah chuan obstetrician office chhungah kan thu ran tawh.

“Dio!! Hahdam teh Tatiana. Tlu mai tur hmel i pu ania.” Francesca chuan ka kut vawt tak vuan chungin a rawn ti hluai.

Ka chhanleh hmain kawngkhar rawn inhawngah doctor alo lut a...result a kutah a keng ran bawk.

Aw..ka tithei ani.

Kan hmaa thuin result chu a en vang vang a..reilote hnuah rawn hawichhuakin min nuih ver ver.

“Ka lawmpui a che Mrs. Cavelli. Kar riat a upa naute i pai mek ani.”
................................

LUCCA CAVELLI’S POV

“Eng nge!?” ka office kawngkhar Inhawng ri ka hriat rualin kalo ti nghal hlar.

“Kan sakawlh alo let tih thuthang chu a dik animaw.” Marco tawng ka hriat chuan phun hluk.

“Eng nge i duh?” ka ti leh nghek. Mi pangngai tan chuan hlaua khurh der der theihna tham ani. Mahse ani hi chu chutiang anilo.

Ka dawhkan hmaa chair ah a thu fel than. “Thuthang hi a dik em tih ka rawn fiah mai mai mawle. Alo dik ngei anih hi.”

“Eng thuthang?”

“Kan ngaihtuah lawkk...” a bawp sei tha zet chu mar atin..a khabe a tuai nauh nauh a. “I rawn let atanga kar khat chhungin i secretary vawi hnih i ti tap tawh a. I hnathawk te chungah lah i khawvel vir dan diklo hi an thiamloh emaw tih tur khawpin i sual bawk.”

“Chutiangin ka awmlo.” Ka ti hmuk.

“Nimaw?” ngeiawm zeta tilehin, “Anihleh tunlai i hnathawkte bantir hi i nuamtih thar em ni?”

Ka melh rum nghek . Engtin nge hetiang a hriat vek theih..

“Ramsa ang maia i awm nachhan tur ka ngaihtuah chhuah theih awmchhun chu i nupui i ruala alo let ve loh vang ani.” A mitko min san khum zeuh. “In inhau ani tiraw?”

“Ilo buaina tur a awmlo!!”.

Za mangkheng in a nui hawk hawk. “A zunah i uai hneh hle anihhi Lucca.”

“A nilo!” rang takin kalo hnial vat. Min nuihsawh theihna tur engmah ka hrilh lo ang.

“Ka lo hmuhve dan chuan i hmangaih hle ani.” Nin hmel zeta tiin, “Heihi hmangaihna anihchuan..tun thlenga kala tawnglo hi ka lawm hle mai.”

“Ka.Hmangaih.Lo” chiang taka a hriat theihnan ka ti nghet charh.

“Nia..” tho vutin kawngka lam a pan nghal a.. “Chu chu nangmah kha inhrilh nawn char char rawh...nangmah ngei kha inrin tir ta che...”

..................

TATIANA ROSTOVA’S POV

Thil a danglam zo tawh. Phuba lak hi ka nunah ka dah pawimawh ber thei tawhlo. Khuanu hian ka tan remruat dang a nei ani.

“Lungngai suh naute.” Tiin ka dul la thep vek chu ka chul a. “Ka venghim ang che..tuman an tihnat che ka phallo. Engkim hi ka siamtha vek ang.”

Ka pum chhungah hian nunna nei a awm tihhi awih harsa kala ti. Nimina ka lehkhachu chhiarah chuan naute hian a nu mood a hreve zel thei ani awm e. Paolo leh Sabrina ka huatna leh phuba ka lakduhna rilru hi ka naute hriattir ve ka duhlo ani.

Chuvangin nizan khan rei tak ka in ngaihtuah hnuah...ka fa hi ka ngaipawimawh ber tur anitih rilru ka siamfel ta ani.

Francesca hnenah Lucca hrilh rihlo turin ka ngen a. Keimah ngeiin hmaichhanah ka hrilh ang. He naute hi a pawm emaw pawm lo emaw..ka pai tlang dawn ani.

Mahse Paolo hmuh phawt ka ngai. Drawer atang kar hmasaa Lucca envelope minpek chu ka lachhuak a. . ..

“Hello” Paolo secretary chu a buai hmel hle. “Paolo hi a hmuhtheih em?”

“Mr.Ren—” a thil sawi paha min en chho chu a kutin a hmui a hup nghal...a meng kawk bawk. “Ms... Ms.. Rostova.. I— Ila dam”

“Aw..anihhi” secretary hlauthawng tak chu ka nuih sen sen. “Paolo chu a biaktheih em? Hmuh lawk ka duh a.”

“Aa..aw..aw..tehreng mai. Miss.” A thutna atang tho vutin Paolo office ah a lut a..reilote ah alo chhuak leh nghal..a pangngai leh deuh tawh a ang. “Mr.Renaldi chuan tunah a hmu thei che. Miss Rostova.”


“Ka lawm e.” A hmaa ka nuih thin ang chiahin ka nuih leh suk. Paolo office lam ka pan chu hnung lam atang min melh reng tih ka hrethei.

Paolo office chhunga ka lut chu minlo nghak a ang..inrem tura kal nimah ila ka zam takzet. Ka tithei tur ani.

“Hello Paolo.”..

“Tatiana..” a thutna tang rawn thoin hriatthiamloh hmel zetin min en. “Ka secretary khan Miss Rostova ala dam tihleh minhmuh a duhthu a sawi khan a hresual emaw kalo tia. Mariya Cavelli i nih thu kalo hrilh a..mahse i nihna diktak i hriattir tawh a ang.”

“Aw” pawn lama minlo en ran tu vang chuan kawngkhar chu ka khar nghal vat. Tu pawhin mipa pakhat leh a nupuihual thi ta anga an ngaih an inhmu leh tur chu an en chak ang chu. “Ka thu thei angem?”


“Ahh..aw tehreng mai..sawi nachang pawh kalo hrelo a .”

A hmaa thutthleng ah chuan thu in ka bawp ka khawkherh nghal than. Inringtawk tak angin lang mah ila..chhungril ah hian ka zam ani.

“Tinge i rawn kal a Tatiana?”

Engkim hi a nihna tur diktaka ka dah vek angai ani. Ka naute vang liau liau hian ka phuba lakna hi ka bansan ang. “Nang leh Sabrina laka phuba lak tumna rilru ka pu tawhlo tih hrilh tur che a rawn kal ka ni. “


A makti hmel chuan ka nuih a ti za tep. A dinhmun ah chuan a awm ve tho. In hmeichhe thah tumin phuba lak a duhloh thu a rawn sawi chu thil awihawm vak ani kher lo ang.


“Ila hrelo maithei a..ka pasal nen in contract sign kha inbumna ani. Tunah hian ka duhchuan i company hi ka laksak thei che.” Envelope chu a lamah ka nawr hnai a. “Heihi in contract sign kha anih hi.”

Rinloh hmel zetin envelope chu a hawng de de a.

“Nang leh Sabrina chu ka thlah zalen ang che u. Minring thei ang.”

Ka rinloh deuhin a rawn nui ringawt. “Ka hrehawm tuar lai i hmu theilo tih ka hria ani Tatiana. Minla hmangaih a ni tiraw?”

Engthil maksak nge maw a sawile?

“I sawi awmzia ka hrelo Paolo.”

“I phuba lak bansan i tum nachhan chu minla hmangaih vang ani tih min hrilh tura lo kal ini tih ka hria alawm.”

A ngaihtuahna maksak tak vang chu mak ka ti letling zawk. Kei hian kala hmangaih reng a maw? Nuihzatthlak hian. A in ngai ropui mah mah ani. Chutiang ngaihdan te khawi atang nge a neih reng reng. Thi tura min kalsan khan a laka ka rilru put zawng zawng chu a bo vek tawh.


“Tihpalh Paolo.” Thutak zetin ka melh run. “Ka hmangaih tawhlo che.”

“Chu chu thudik anilo.” Minlo hnial vat.

“Thudik ani alawm Paolo.”

“Sabrina nen kanlo inkawp avangin ka lakah ila thinrim tih ka hria.” Tilehin, “Mahse kha ka thiltihsual atthlak tak vang khan ka inchhir takzet ani. Kan awmdun theihna tur anihchuan Sabrina nen kan inzawmna pawh hi ka chhuchat mai ang..i tan ka rinawm ang tih ka tiam a che.”

“Thilsual atthlak timiah suh Paolo.” Ka lu ka thing nak nak a. “Tihsual palh ti reng reng suh..kha in inzawmna khan naute a rahchhuak asin...malsawmna ani asin.”

“Sabrina nena innei kherlo pawhin naute nen chuan ka chawm thei em em ang.” Luhlul zeta tilehin a thutna atang a ding hluai. “Min nei mai rawh Tatiana.”

“Ka theilo.” Sabrina a then vang maiin lawm taka kalo pawm leh a beisei amaw?. “Lucca Cavelli nen kan innei tawh.”


“Then rawh!”

“Ka theilo Paolo.” Ka lu thing lehin a mitah tak ka en kar. “Lucca hi ka thenlo ang.”

“Engvangin maw?” a thinrim hmel tawh takzet. “A nihna vang hian maw? A nihna leh theihna te hian i mit a tidel zo ani tiraw Tatiana? Caprielle duchess i nihna hi kalsan i phallo ani tiraw?”

“Aih!” Lungawi lo zetin ka thutna atang ka ding ngil zat. “Ka hmangaih vang ani. I hria em? Ka thinlung zawng zawng hian ka hmangaih asin. I laka ka rilru put kha Lucca laka ka put lakah chuan nep te ani.”


“Dawt i sawi ani. Kan laka phuba lak i duh vang chauha innei in nihkha. In inneihna ah hmangaihna a tello.”

“Chutiang chu kan bultan dan ania lawm.” Dam diai a tiin ka dul ka khawih a. “Mahse engkim a danglam tawh. Kan fa hmasa ber tur ka pai mek ani.”


Paolo hmel chu a dang nghal lawp lawp. “Aih...”

“Aw” ka ti leh ngat. “Lucca fa thla riat mi ka pai mek ani. “

A mitmeng chu a rapthlak tawh hle. “Kan inhual lai pawh khan kalo insum tang tang thin a.....kha mihring hmaah khan i bawp ilo kar vel amaw?”


“Ka unaunu nen mudun thin lo ula chu i insum miahlo ang Paolo.” Ka ti ve sak. “Bakah ka pasal nena mutdun chu a pawina ka hrelo e.”

“Mahse—”

“Mangtha Paolo.” Chhuah tumin ka insiam rem a. “Nang, Sabrina leh in naute chuan nun nuam tak in hman ho ka beisei.”

Min chhanna pawh ka nghak buai lo. Tunah chuan Paolo leh Sabrina nena min zawmtu ka tichat tawh. Ka nun ka hmang ve thei tawh ang.

Pawn ka thlen dawnah ka phone phawrh chhuakin mi ka call nghal a.. Reilote a rik hnuah ka aw hriat than tak maiin Italian in minlo chhang, “Hello?”

“Lucca. Keimah Tatiana.” Ka thin hi a phu dup dup mai.

“Tatiana”

“Min ngaithla teh. Hmaichhana hrilh tur che thil pawimawh tak ka nei. Naktuk ah Italy lam panin ka—”

“Aih” ka thilsawi lai min lo pawtchat in, “Keimah zawkin naktukah New York ka rawn pan ang.”

Ka nuisuk. Naktukah alo let dawn..ka nghakhlel tawh takzet.

..........................................

TATIANA ROSTOVA’S POV

Tukin zing ka tho chu ka mood a fu ngei e...ka awm nuamlo chu thuhran nise..Lucca New York lam panin alo kal mek. Chhelo thei ang berin ka inchei ang...ka hmuleh chak tawh takzet ani.


“Zing chibai.” Zangkhai vahin kan in enkawltu chu ka bia a.

“Zing chibai pi zahawm.” Minlo nui sen sen. “I mood a fuh hmel hle mai. Nichin lawk khan peonies pangpar i ta tur a rawn thleng asin.”

“Nimaw? Tu hnen atangin nge?”

“Ka hre miahlo ka pi.” Mrs. Rhodes chuan a lu thingin, “Mahse lehkha inzep a awmtel a. Living room ah sawn ka dah.”

“Ka lawm e.” Living room lamah chuan tu min thawn nge ni ang tih ngaihtuah rauh rauh chungin ka phei nghal. Lehkha inzep ka chhiar chu ka te deuh chul.

Tatiana,

Rostov Hotel ah min rawn hmu rawh. Surprise na tur che ka nei ania. Room 517 ah kalo nghak ang che.

-Lucca.

Lucca chuan Greece a game ang kha a khel leh tan dawn animaw..engtak ni ang maw..ka phur tawh takzet..

“Tukthuan ka peih tawh e Pi zahawm.” Mrs Rhodes chuan pangpar ka en lai chu min rawn au a. Lucca New York alo thleng der tawh hi awih harsa kala ti.

“Pi Rhodes” ka nuihmel pawh ka dang zolo. “Tunah hian Duke hmu turin Rostov Hotel ah ka kal angai.”

“Tukthuan eilo in maw?”

“Aw!” phur zeta tiin, “Kan insiam nghal ang e.” Ka pasal hmuh ka chak tawh lutuk hi ka awm mai mai thei tawhlo.

Francesca hnen atanga ka thiam tawh zawng zawng ka hmang ka timai. Designer thawmhnaw ka neih dahkhawmna chu ka en a...eng ber nge ka hak ang? A hma kha chuan ka haktur ah ka buai ngailo ania. Mahse tunah tinge hetianga ka awm? Lucca hmuha lan nalh ka duh vangin maw?

Chupawh chu nise eng nge pawi. Ni riat lai kan inhmuh loh chhung khan ka ngai hman takzet ani. Italy a kal tura min sawm khan luhlul takin lo hnial lo ila tha tur.

Ka kawr nalh tihber lavender rawng khup chenvel chu ka lachhuak a..Greece a Lucca kawrfual min leisak nen khan a inang hle.

Lucca khan ka mit rawng nen a inhmeh thu a sawi a..chuvang chuan ka ha ang. Ka thiam ang angin makeup ka inhnawih bawk. Hnawihsen ka inhnawih tur chu ka chawl dat. Ka inhnawih theilo ang..Mariya Cavelli kha ka ni tawhlo. Hnawihsen chu dahthla in lipgloss senno lek lek ka inhnawih ta zawk a. Ka inpeihfel hnuah darthlalangah ka in en vang vang..a hmaa huatna a khat rilru pu thin kha ka ang tawhlo.. Keimah diktak Tatiana Rostova ngei ka ni.


A tawp ber atan pheikhawk sang ka inrawlh leh..Lucca khan ka inhmeh thu a sawi tak kha.

Ka inpeih e!

Rostov Hotel lam panin ka inkhalh chhuak nghal a...nidang aiin a rei ka ti hle..minute reilote hnuah ka pasak nen kan inhmu dawn. A kal hmaa ka thilsawi vang khan ngaihdam ka dil hmasa ber ang. Chuan a dawtah a pawimawh ber..ka naupai chanchin hi ka hrilh ang.

Engtin nge alo dawnsawn dawn ka hrelo..mahse a hlim ka beisei.

Rostov Hotel ka thleng chiah elevator lam ka pan nghal..room number inziahna chu ka hum ran bawk. Room ka thlen chuan thaw ka la vang vang. He kawngkhar phenah hian Lucca’n min nghak mek ani.

Kawngkhar chu hawngin ka lut a “Lucca?”

Vawilehkhatah ka hnung lama kawngkhar chu a rawn inkhar thut..hlim zeta nuiin ka hawilet vat. .mahse ka mi hmuh vang chuan ka meng kawk, “Nang...nang.. Eng nge hetah itih?”

Eng nge thil thleng ka hriatthiam hmain rawmawl a ipte atang a phawrhchhuak a ka hmui a rawn hup nghal...tal eng ang mah ila awmzia a awmlo..a chak lutuk. Ani theilo...ka khawhmuh rawn fiahloin a thim tial tial . .

Ka tha neih zawng zawngin a tawpnan ka tawngchhuak, “Lucca...”

...............................

LUCCA CAVELLI’S POV

Ka car chhungah chuan dawhtheilo zetin ka che sek..tinge maw car hi a tam em em mai le.

Ka rilru pawh ka pe hleithei lo. Nimina Tatiana in Italy a a rawn kal tur thu a sawi khan ka lawm takzet. Mahse keimah zawkin ka pan tur thu ka hrilh anihkha.

Niriat liamta chhung khan inbe lo mah ila in enkawltu hnenah a chanchin ka zawt reng thin. Kan inhauhna vang khan kala lungawi chiahloh avangin amah ka call ngailo.

Nimin khan Francesca nen kan inhmu a.. Ka nupuiin chanchinthar min hrilh tur aneih thu a sawi bawk...eng nge a nih ka zawh pawn min hrilh duh thaklo lehnghal.


A tawp a tawpah ka hmaa car chu a tlansawn ve hram..penthouse lam ka pan chhunzawm nghal.

Tatiana hmuh beisei zetin ka lut a..alo tho tawh em ang chu...ala thawh loh pawn ka surprise anga animai. Hlauhthawn hmel zetin in enkawltu a rawn lang hlawl. “Pu zahawm eng nge hetah itih?”

Ka melh nghal run. “Eng nge tise mintih. Ka in anihhi.”

“Ka sawi awmzia chu sir..” inthlahrung deka tilehin, “Rostov Hotel a awmtur inilo em ni? Duchess khan in inhmu dawn tih a sawi sia.”

Ka ngaih a thalo nghal. “Saw pangpar saw ka thawn anilo.” Tiin pangpar lo awmna lamah chuan ka phei a..lehkha inzep chu ka chhiar nghal. .ka hming ala inziak zui, “He thil hi ka ziah anilo.”

Mrs. Rhodes chu hlauhthawn hmel takin a meng kawk. “Anihchuan tu lo thawn nge ni ta ang?”

“Ka hrelo.” Tia chhangin ka tlanchhuak nghal. Tatiana in harsatna a tawh hmaa hmuh hman ka in beisei takzet. A chungah thil thalo thleng tur anga ka ngaihtuah apiang hian ka lungphu a chawl mai dawnin ka hria. Mangchhe rapthlak ber ang ani ngei ang.
..................................


Rodingliani

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 10th, 2021, 11:31 am

CHAPTER-18

LUCCA CAVELLI’S POV

A tawp a tawpah Rostov Hotel ka thleng ve hram. Second tin mai hi darkar khat ang maia rei ani. Lobby ah Room 517 chahbi ka dil mek.

“Mahse sir...” Receptionist chuan tiin, “Hotel dan kalh ani..mi room luah lai chahbi ka pe ngawt theilo che”

“Ka nupui a awm alawm!” ka aukhum nghek. Ka dawhtheihna hi a pan tawh hle ani. A thiamloh phei chu a nilo a. “Dinhmun hlauhawm takah a ding mek thei asin. Tu emaw in keimah anga insawiin helai hmnunah hian hmu turin a ko ani.”

Kan buaina chu hriain General Manager a rawn phei a. “Eng nge thil thleng a awm em ni?”

“Sir” receptionist chuan lo chhang vatin, “Helai pa hian mi luahlai mek room 517 chahbi min dil a”

“Chutiang chu Company policy nena inkalh a—” Ka hmel a rawn hmu chu a meng kawk.. “..duke pawh ni mahla kan titheilo—”

A awmah ka tham sawk, “Chiang takin lo ngaithla rawh. Tunah hian room 517 chahbi minpelo anihchuan helai hmun hi ka halral vek ang.”

Hlauthawng zetin an meng phar nghal awk. Chutiang ka tihduhloh an ring anihchuang an ringsual hle ang. Vanneihthlak takin General Manager zawk chu a rawn tawngchhuak a, “Khawi room 517 chahbi chu.”

Chahbi alak hnu chuan hnathawk pahnih minzui turin a ko kher..general manager nen kan pali in elevator ah kan chuang thap..mai mai hian ka sawisa hrep zawk dawn emaw ni. Buaina ka siam a ring deuh nge ni zawk..mahse ka thilsawi dan atang kha chuan a awmlo hranlo.


Kawngka a hawng chiah chu ka lut nghal thuai. “Hrep tak hian. Tatiana, khawnge i awm? Tatiana. Tatiana!”

Ka hlauthawng tawh lutuk. Room chhungah tumah hmuh tur an awmlo. Kha note thawntu khan a hruaichhuak tawh ani ngei ang.

General Manager leh hnathawk pahnih te pawhin anlo enkual ve bawk. “Tuman an awmlo sir.”

Khum bula dawhkanah chuan lehkha inthlep ka hmu a..a bulah kan inneih zungbun a awm bawk. Ka thinlung hi hmer sawk ang maiin a na zawk. Khur deuh der derin lehkha chu ka keu a.

Lucca,

He lehkha hi i hmuh meuh chuan New York ah ka awm tawhlo ang. Paolo leh Sabrina laka ka phuba lakna ka bansan takah chuan keimahin nun thar tan ka duh ani. Ka chunga i thatna zawng zawngah khan ka lawm takzet. A tawp nana ka dilduh che awmchhun chu minlo zawng suh tihhi ani. Khawngaih in chu chu mintih hlawhtlinsak hram ang che.

Mangtha,
Tatiana.

Lehkha chu ka en tlawk tlawk. Min kalsan a maw? Mahse min hmu tura Italy a rawn kal a tum sia. In enkawltu pawn min hmu turin he hotel ah hian a kal tih a sawi bawk.

He lehkhathawn hi a lem ani. Tu emaw in ziakturin a nawrlui ani ngei ang. Dio!! Ka Tatiana chu dinhmun hlauhawm ah a ding ngei anihhi.


General Manager lam chu hawiin, “Min hrilh rawh, vawiinah tunge he room hi hmang?”

A hlauhthawn hmel leh tawh mang e..mahse ka pawisa lo..Engmah tih hreh ka nei tawhlo. “Ka hrelo ka pu.”

“Anihchuan CCTV records check rawh.”

A chil a lem khalh ri chu ka hria, “Awle.. Sir.”

. ......................................
SABRINA HUNTER’S POV

Kawngkhar in beng ri chawrh chawrh ri chuan minti harh chiang e. Tunge maw tun ang zing zing ah. ..ka kawngkhar benchhiat a tum zawk emaw ni.


“Kalo kal!” ka ti teng tuar. Robe chu ka ha mawlh mawlh a. Ka dul a puar ve deuh tan tawh vangin thawmhnaw tight pawh ka ha thei tawhlo..ka thaw a chham dawn hian ka hre thin.


Aw Lalpa!!Paolo hian ka hei vang hian minduh tawhlo ta se. Ka dul a puarin ka thau sawt si...ka pian sexy tak pawh hmuh tur a awmtawhlo.


Thu awmze neilo mai mai ka ngaihtuah ani. Paolo chuan min hmangaih alawm. Engvangin nge min kalsan ngawt ang?


Ka mi hmuh vang chuan mak ka ti deuh. Eng nge kan duke hian hetah a rawn tih? “Eng nge?”

Min nem sawnin apartment chhungah chuan a vei nghal thuak thuak mai. “Khawnge a awm?”

Kanwgkhar chu ka khar a, “Tunge maw i zawn le?”

“I pasal hual Paolo Renaldi.” A mitmeng chu hlauhawm ngei e. “Kha mihring khan ka nupui a ru bo ani.”

Engmaw a sawi kha?

Paolo an Tatiana a rubo a maw?

A â zo tawh em ni?

“Minlo hrethiam la.” Ka hresual anih ringin ka zawt tha leh, “Engmaw i sawi kha?”

“Kha mi phiangsen khan ka nupui a rubo ani.”

“Awihawm loh lutuk!” ka tilet nghek. A thilsawi hi thudik a ni awmlo emai. Paolo te chu nichin lawk khan office a kal chiah..dinner ei turin alo haw leh ngei ngei ang. “Paolo an chutiang thil a tilo ang.”

“I chiang maw?” Min rawn melh chu ka khawng nghal at. Ramsa thisen chak ang maiin a mitmeng chu a rapthlak takzet.

“Aw” hlau lo anga lan hram hram ka tum. “Paolo chuan min hmangaih alawm. Tatiana pawh ka tan a phatsan ..ni lawm ni?”


“I rilru ka tihnatsak tur che chu pawi ka ti hle mai Mrs. Hunter mahse Paolo Renaldi an Tatiana a rubo.”

Ka ning tan ta khawp mai.“Ka sawi chu—”

“Ka hmu ani.” Minlo hnial vatin, “Rostov Hotel atang a hruaibo lai ka hmu ani.”

“Engtin?”

“CCTV atangin.” A thimhmuh hrechhuak niawm takin a thinrim zual sawt. “I Paolo chuan Tatiana hnena lehkha thawnin keimah hmu tur angin a ko ani.”


“Dawt i sawi .” Kei leh Paolo min then hran nan Tatiana nen an ruahmanna ani leh ngei ngei ang. “Ka ringlo che.”


Ka thilsawi chu ngaipawimawh lo zetin, “Anihchuan nangmah ngeiin enfiah ta che. Nang nena inhnial buaina hun ka neilo. Tatiana ka zawnhmuh a ngai.”

“Lawkin..” a chhuaktur chu ka au ding a, “Paolo chu ka call ang.”

Paolo office ka call lai chuan min dinchilh run. A secretary in vawiin Paolo a ala kalloh thu a sawi chuan phone chu ka dahthla riai riai a...ka tha neihte hian min phatsan vek.

“Chuan?” duke chu dik inti zeta rawn tawngin, “Office ah chuan a awm em?”

“Aih..” ka tichhuak chang chang.

Zawng phiangsen-a chuh.

“Ka rindan chiah. I be thei hlauh anihchuan heihi lo hrilh rawh. Ka hmuh veleh ka that ang. Ka nupui a lo ru kha inchhir ngawih ngawihin ka siam dawn ani.” Chhuak pahin a phone a phawrh a...a thilsawi chu ka hre ruai ruai chauh tawh, “Marco...i puihna ka mamawh..”
..........................................

TATIANA ROSTOVA’S POV

“Hmmm..?” khawnge ka awm? Tuna ka awmdan hi ka hriathnu a ang..ka nui suk..Amalfi a Lucca nen kan intawn hmasak ber na kha..anihchuan ka mumang tihna maw? Ka harh hunah tukverh bulah Lucca lo ding ka hmuleh dawn tihna em ni?

Mahse ka mit ka meng a..ka mipa hmuh chak em em chu hmuhtur a awm miahlo.

“Min hmu chu i lawm vak na nge, cara mia?” a lawm hmel tehchiamlo. “Nichin mai kha chuan i nuih kha..Lucca i mumangah i hmu ani ngei ang maw?”

Tichuan Paolo min rukbo lai vel kha ka ngaihtuah chhuak ta a..khawnge kan awm? Ka hawikual a.. Thlawhna maw? “Khawnge kan kal dawn Paolo? Tunah hian New York ah min hruai let leh nghal rawh.”

“Ka ringchiahlo.” Ngaihsam zeta thuin chanchinbu a keu daih.


“I a em ni?” ka au khum hrep. Seatbelt hi awmlo se chu ka thuai nawk nawk ang mawle. “Lucca’n New York a rawn pan mek a...hethil hi a hria anihchuan a that ngei ang che.”


“Mi â angah min ngai suh Tatiana.” Chanchinbu atang a mit la sawn miah loin a rawn ti a. “Ni riat liamta khan Italy ah a let tih ka hria alawm. In inhau ani ngei ang maw.”

“Vawiinah alo let dawn.”

“Lungngai suh.” Tilehin, “A zawng lo ang che.”

“Engtin—”

“I ziah angin lehkha ka hnutchhiah mai dawn alawm. Chuan thildang pawh...” ka kut chu a rawn melh zeuh.

Ka kut veilam ka en chu, “Khawnge ka inhualna leh inneih zungbun te kha?”

“A awmtawhlo. Ani nen khan in inhmu tawh dawnlo bawk.”

“Khawiah chiah maw kan kal dawn a?” hlau miahlo angin ka zawt ve ngat.

“A hmasa in Las Vegas ah ...innei turin.” Chanchinbu chu a chhiar chhunzawm leh hmak.

“Ka hrilh che kha. Lucca Cavelli nen kan innei tawh!!”

“In inneihna kha atak anih ka rin i ring em ni?” thinrim zetin a rawn ti.

“Aw..a tak ani.” Ka naute venhim nan ka intihpachan angai. “Bakah kan fa hmasa ber tur ka pai mek ka tihkha.”

“A pawi reng renglo. Las Vegas a kan inneih zawhah Russia ah kan let anga..nun thar kan tan ang..kha i fa nen khan.” Min rawn en a. “A chhan chu kha i fa tan khan a pa hriatchhun ka ni dawn ani.”

“I a zo tawh anihkha...”
. .............................................

MARCO ORSINI’S POV

“Ka that khawp ang.” Ka thianpa chu ka private plane tukverh lam enin a phun sep. Paolo Renaldi a thah dan tur a ngaihtuah mek ani ngei ang. “Ka hmuhchhuah theihloh bihrukna tur aneilo.”

“Tatiana chu a tha em em ang.” Kan piah deuh atang hmeichhe aw dam dup hian a rawn ti a.

“Khatiang in awmzia aneilo tih i hrelo ami?” keimah zawkin kalo chhang. “Khapa a thah na tur dang thei a awmlo.”


“Ngawi hmak mai teh!” A rawn tilet nghek.

Ka nuisuk. Duke palian tak mi thah mai hrehlo leh...hmeichhia vur ang maia vawt raih bulah ka awm mek. Chawlh hmanga Los Angeles a awm tur ka nia..ka thiantha tak puihna min dil hi ka hnial thei bawk silo.

“I hria em Francesca?” kan ice queen chu whiskey in zeuhin ka zawt a. “Renaldi chan chu Tatiana a ruk atang kha a chhe tawh. Lucca’n a hmuh hunah chuan thi tlukah ngai rawh.”

Ka thil sawi ngaihtuahin a khur der der tih ka hrethei. “Kha thil kha sawitawh lo teh!”

“Tinge ka sawiloh ngawt ang? Thudik ania lawm.”

“Lucca’n a that lo ang.” Ala ti ve tang tang.

“Inchawi i ngam em?” ka mitko ka sankhum zeuh. Lucca hi chutiang tiduh lo tur khawpa mi thianghlimah a angai emaw ni. A hresual hle ani. He mize tha tak leh zahawm tak phenah hian ramsa hlauhawm tak a awm tih ka hria.


Vawi khat ka hmu tawh a..hmuh nawn leh ka châk lemlo. Demon duke tia an kohna chhan pawh ani..chuan Paolo Renaldi hian kan ramsa kawlh muhil lai a kaitho tihhi a inhrelo ani ngei ang.

Kum rei vaklo liamtaa Lucca’n a mizia a hloh ni kha ka ngaihtuah chhuah apiang hian ka tha ala ti khur thei.

Paolo Renaldi hi ka khawngaih letling zawk. Lucca hian a zawnchhuah theihloh a ring anihchuan a tisual hle ang le. Lucca thiltihtheih zia hi ala hrelo em ni zawk. Engpawh nise kan zawnhmuh hma chu ala him rih...mahse a rei tawhlo ang.

“Muangchangin ka that ang.” Aw thum hniam raihin a rawn tileh a. “Nuamsa tak chuan ka thihtir lo tawp ang. A ngaihtuah thiam phak baka nasain ka sawisa dawn ani.”

“Oh Lucca..” Francesca chuan tiin Lucca kut chu a vuan a..ani nge nge.. “Chutiang sawisuh. Tualthattu i nihloh hi. Tatiana chu a tha em em ang.”

“Engtin nge a tha tihchu i hriat?” kalo ti hmuk.

“Ka hreve tawp.” Rawn ti veleh in rum mangkhengin min melh.

Ka hmaa hneichhia han tih thinrim vel hi chu a nuam chiang alawm. “Inhnem tumna mai a ang, iti ve lo maw?”

“Engvangin nge he mi phiangsen—”

A sawi chhunzawm hmajn Lucca’n min en vut. “Marco, engtin nge Paolo Renaldi chuan Tatiana Las Vegas ah a hruai tih i hriat theih?”

Kei erawhin kan hmeichhe lungawilo zet chu kala en reng,nuih sukin, “Awlsam lutuk. Tihdan te te ka nei alawm.”

“Tihdan maw?” Lucca chuan a chal a tichuar nung. “I tihdan sawi chu eng chiah nge?”

“Ah..thuruk ani ka thian.”

“Thuruk tenawm.” Francesca chuan alo tisup.

Nuihza zetin ka en. “Ka thuruk duhawm lo tak takte hi hria la chu mak iti ngawt ang, signora.”

“Nihtak chu.” Ati leh hlar ringawt.

Lucca chu ring takin a rawn thaw hawk. “In intibuai tawhlo thei em? Ka nupui chhanchhuak tura kal kan ni tihhi hrilhnawn che u ka ngai em ni? Tatiana kan chhanchhuah hmaa in inthatlai hmuh ka duhlo ania.” Naupang chhe hau tak hian min hau a.

“Keima tan ani hleinem.” Kalo tive vat. Ka la na tlat.

Awihloh hmel zetin Francesca in melh ha. “Min mawhpuh tihna em ni?”

“Aw”

“A TAWK!” Lucca chu rawn au nghekin parachute tello a min peihchhuah tur thu ten min vau ta vel. Ka thlawhna anih thu leh keimah chiah hian chutiang tih theihna ka nei tih ka hrilh tep ani. Mahse a sawi tui em a...ka sawizawh tir ta law law mai.

“Oh..kan tihpalh lutuk Lucca.” Kan ice queen bawk chuan inthiamloh hmel zetin a rawn ti. “Tatiana chhanchhuak tur kan nih laia hetia kanlo intibuai chu a naupanchhiatthlak takzet, tihpalh. “ min en lehin, “Kan tawpsan ang, ni lawm ni?”

Ka mitko ka san ak ringawt. “Ni mi?”

“Aw” vurtlang nen inhmachhawn ang ran kan ni tawh. “Kan tawpsan dawn..a ni em, signore?”

Min zawt pawh a anglo, Army General in thu minle a ang zawk mah. A mitmeng ka chhiar thiam dan chu- I ngam chuan min hnial leh rawh, i lu kha leiah hian ka hrual animai...chutiang vel chu.

Engtin nge ka hnial ngam tawh ang. Atthlak zetin ka nuisuk, “Tehreng mai Francesca.”

“I inpekna avangin ka lawm e.” Ngeiawm deuhin Lucca chuan a tileh hram.

“Lungngai suh Lucca.” General-i bawk ani. “Tatiana chu a tha em em ang. Amah leh naute—” a hmui hupin a ngawi nghal hmak.

“Engmaw i sawi?”muangchangin Lucca chuan a enphei a. “I sawi nawn leh thei em Francesca? Naute a? Tuin maw naute nei dawn?”

A bul vel chu a thim nghal mup mupin ka hria. Kalo rum nghut. Tha lutuk! Kan mi chhanchhuah tur chu a rai a maw? Lehzel hian..

“K..k..Ka.. Hrilh tur che ka nilo asin.” A dang nghal lawp lawp. “Tatiana in i laka thup rih turin mintia. Amah ngeiin hmaichhanah hrilh che a duh a. Kar riat a upa i fa a pai mek ani.”

Lucca chuan a thu hriat chu han dawnsawn dan a hriattloh hmel hle. Mak ati ve ngawt ang. A nupui rukbo sak chu thuhran nise...a nupui railai berkher han ruk sak chuh..hremhmunah a thawn nghal ngei ang.


An inneihna lem ve maiin naute a rahchhuak anihchuan Lucca rilru chu a buai ve map angle. Inthen pawh nise..naute mipa anihchuan Lucca hian a chuh ngei ka ring..Caprielle duke dawtleh tur ani dawn miau si a.

“... Las Vegas kan thleng ta e. Khawngaihin kan tumfel hma chu in thutna ah khan inlo la thu hram dawn nia.” Pilot chu speaker atang a rawn au a..

Kan thleng der maw?

“Kal ang u.” Thlawhna tumfel hman awrh tih ah Lucca’n a rang a rangin seatbelt a phelh a...a chhuak nghal.

Aw..i chan a chhe hle ani Renaldi..Lucca ka zui hmaa ka ngaihtuahna a awmchhun ani.
. ................... . .................

TATIANA ROSTOVA’S POV

Tiang hi chuan ka â thei mai ang.

Las Vegas a hotel lar berah ka tang mek. Paolo an he hotel a min hruai atang darkar khat vel a liam leh tawh...min kalsan daih bawk..

Ka bulah awm rihlo mahse tlanchhuah ngaihna ka hre hlawllo. Inbiakpawh theihna tur zawng zawng a tichhe vek. Hotel staff eitur rawn dahtu lahin awmlo ang maiin min hrelo der hmak.


Minpuih duh tehreng pawh nise..bodyguard sek tak tak te saw paltlang ngaihna a awmlo hrim hrim.


Thaw hakin tukverh lam chu ka hawi a. Inchhawng sang tak tak a eng te chu arsi an ang takzet..chunglam ka en emaw hnuailam ka en pawh nise...eng rawng hrang hrang in a khat vek.. tlereuh ang maia mawi ani.

The sin city..a hming apu zo hle mai.

Kawngkhar inhawng riin ka thil ngaihtuahlai a ti tawp chat.

Paolo.

Min kalsan hnuah a rawn let ve leh hram animaw. Ka bulah awmse ka tihna pawh anichuanglo. Khawvel tawpah pawh kalse...ka pawisa hrep lo e.

“Ka rin ai daihin ilo sual Tatiana.” Envelope keng chungin a rawn pen phei pawk pawk.

Hrethiamlo zetin kalo en, “Eng nge i sawi awmzia?”

“Duke nen inneihna kha dan ang thlap anitih i sawikhan kalo awih chiahlo a.” Envelope chu dawhkanah a theh thla tawp.

“A tak anitih ka hrilh che kha.” Ka ti hmuk. “Ka hming diktakin ka nei—mahse engtin nge i hriat theih?”

“Italy a ka thiantha tak hnenah dan ang takin in inneih leh neihloh chhuichiang turin ka ti alawm.”


Ka hlim veng veng mai. Mahse lantir kher ka tumlo. Paolo hian minnei lui theilo tih ka hretawh a ...ka thla a muang sawt. “Dan ang thlapin duke nen kan innei tih i hriat tak siah chuan he i thiltum atthlak zet hi theihnghilhin New York lam min panpui thei tawh angem? A tawk tawh viau iti ve lo maw?”


Ngeiawm deuhin a rawn nuileh suk..a beidawng dawnlo ani tiraw? “Ah..ruahmanna ka nei vek tawh si a, mia moglie.”

“Khatiangin min au hlek suh!” thinrim zetin ka tilet nghek. Lucca minkoh dan ania..khatianga min koh ve theihna dan aneilo. “I nupui ka nilo Paolo..ka ni ngai bawklo ang.”

“Aw...ka wallflower tê hian Italian alo thiam ve tawh animaw.” Nui mahse amit chu a hlauhawm takzet. “I phuba lak nan chuan ilo huam thui hle mai maw Tatiana..Kan inkawp lai khan tiang hi lo ni la chu..i unaunu khan min thlemthlu thei miahlo ang.”

“A thlemthlu thei che kha ka lawm.” Ka tileh hmak.

“Aw” ring zeta tiin whiskey a inthlit mawlh mawlh. “Kan bumna che khan rahtha a chhuah zia hi inen ta che..” ka inthuamdan chu rawn kawk kual velin, “kawr nalh tak tak hak nachangte i hreve tawh a..wallflower thingve thei tak kha pangpar mawi tak..mahse hling tamtak neiah ilo chhuah tak hi.”

“Aw..tumahin min bum theihtawhloh nan.”

“A dik.” Atileh nghut. “Ka nupui i nihna angin—”

“Nupui a!? I nupui ka ni teivet lo Paolo. Ka ni ngailo ang” ka tihkhum nghek. Zaktheilo lutuk!

“A hma kha chuan ka nupui nih i chak theih em kha.”


Beidawng zetin ka thaw hak...a va han luhlul tak. Ka dawhtheihna a enchhin emni zawk. “A hma kha chuan kalo mawl em ani. Ka hmaa mipa awm kha ka lalfapa leh khumkhuaa nun ka hmanpui tur emaw kalo ti thin a. Mahse fairytale tihvel hi a awm tak taklo.”

“I fairy tale duhthusam chu ka tih hlawhtlin sak ang che..” envelope chu lakangin, “He inthenna lehkha hi sign la—”

Ka thluak hi a inlet thawk maiin ka hria. “Engmaw i sawi kha?”

A hmaa mawi ka tih thin em em angin a nui suk..mahse tunah chuan ka ten takzet. “In inthenna tur lehkha ka tifel vek tawh.” Envelope chu ka lamah rawn keng hnaiin, “lehkha hi sign la duke kan thawn tawp anga nimai.”

Hreh deuh takin ka la ve tho. A chhunga inziak ka chhiar chu inthenna lehkha ani tak tak. Engtik laiin nge hetiang a tih hman?

“Sign tawp rawh. A lak atang engmah phut i neilo tih pawh ka ziah tel tir. Chuvang chuan sign tawp la..a fel vek animai.”


“I â zo tawh anihhi.”


“Duchess i nihna i hloh phah dawn tih chu ka hria alawm.” A kut pahnihin ka kawngah a rawn vuan a. “Mahse kan inneih hunah chuan lalnu ang maiin ka siam ang che..Russia ah castle kan lei dawn ania.”

Ka lu ka thing. “Aih. Ka thenlo ang Paolo.”

“I then ang.” Min melh ngur tawh. “Ani ai khan ka siam nuam zawk ang che. Engmah duh leh mamawh pawh inei lo ang.”

“Chutiang engtin nge itih anga Paolo?” ka zawt let ve sak. “Lucca hausakna ngaihtuah chuan nangchu engmah inilo. A kutzungtang pakhat lek sawn a tichhe vek thei che asin”

“I pasal ka nihna angin..in hotel empire ah hian thuneihna ka nei dawn alawm.”

Zalo zetin ka nui hul hak. A mi vawnna atang ka talsawn nghal bawk. Zaktheilo lutuk mai. “Ka la hrilh lo che a ang. Mahse Lucca nen hian kan inthen anihchuan kan hotel empire hi a ta tur ani. Kan inremsiam naah a awm vek.”

Mi â ang maiin min en ha. “I fiamthu tiraw.”

“Thudik ani. .i duhleh nangmah ngeiin fiah la.”

“ Ka pawisa lo Tatiana. Inthenna lehkha hi sign phawt mai teh.”


“Ka sign lo ang.” Ka insumthei tawhlo takzet.


Inthlak thutin a mitmeng chu huatna hlirin a khat. “Sign rawh. Nang hmeichhia vang hian ka ruahmanna a kal sual vek. Thil thalo tak ka tih hma hian sign mai rawh.”

Intipachangin ka chil ka lem khawlh. “Engthil?”

“I naute chunga thil thalo thleng tura i duhloh chuan sign rawh.”

Ka dul ka dawm nghal vat. “I titheilo—”

Ngeiawm zetin a nui hak hak. Ka râp lutuk. “Las Vegas anihhi duhtak..nau tihtlak te chu dan in a phal vek.”

Ka nau pailai hi min tihtlak tir a tum tihna em ni? Chutiang atih hmain amah hi ka that mai ang. “Ramhuai inihhi. Entin nge khatiang i sawi theih? A pa nih i inhuam thu i sawite kha dawt vek animaw? Zawnga!!khawngaihna neilo mihring.”

“Lehkha hi sign vat mai rawh Tatiana!”

Ka thinrim tawh lutuk..lehkha chu lain ka pawtthler hmiah. “Ka sign dawnlo Paolo.”

“Anihchuan naktuk ah kan inneihna chu nimai rawh se..lawi that zan kan hmanglawk anga nimai.” A sawizawh rualin min pawm kang lawp a..khum lam min panpui nghal.

“Min dahthla rawh!” ka theihtawpin ka chum vak vak. “Min dahthla rawh!”

Dim maploin khumah mintheh thla thuai. Min bawhbet nghal run. “Min kalsan rawh Paolo!” a mi khawihna ka huatzia hi..ka ten lutuk.

“Hmeichhe thianghlim ang maia awmvel kha angailo Tatiana.” Thinrim zeta tiin, “Kha duke vawk hmaa khan i bawp i kak tawh tih ka hrevek.”


“Lucca..!!!” ka theih anga ringin ka au a..ka mittui a luang zawih zawih. Khawnge ka pasal hi a awm? Khawngaih takin lo kal rawh. “Lucca...min tanpui rawh..Lucca..”


Paolo chu thawklehkhatah a awm sawn dawrh..tho chhuak nghal vatin ka mi hmuh vang chuan ka thaw huai..a tak ani em ? Nge ka ngaihtuahna bawk em ni?

A lem mai anih hlauin khap pawh ka khap ngamlo. Ka aw khur der derin a hming ka lam sep. “Lucca..?”

“I tha em Tatiana mia?” min ngaihtuah tih hriat zetin min rawn enthla a.

Ka ka hupin ka mittui a tla lehnghal zawih zawih..amah tak tak ani.

Ka pasal.
Min chhanchhuak turin alo kal ani.

Mahse Paolo rawn rum ri chuan a mitmeng a thlak danglam leh vek...thah mai hreh miahlo tih hriat takin Paolo lam a pan lehnghal..

Uh-oh
.....................


Rodingliani

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)