THE_WALLFLOWER_REVENGE BY Rodingliani Vanchhawng (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: THE_WALLFLOWER_REVENGE BY Rodingliani Vanchhawng (Completed)

Unread post by Ngaia » January 10th, 2021, 11:29 am

CHAPTER-7

LUCCA CAVELLI'S POV

Tatiana inthlakdanglam tan atang nihnih aliam leh tawh. Zanriah kil dun pahin kan ni hmandan te kan sawi dun thin. Ka hriatchian poh leh Tatiana hi tha ka ti telh telh. A pasalhual hlui kha ka khawngaih letling zawk..hetiang hmeichhe tha lutuk a peihbo ania. Paolo Renaldi hian tuna Tatiana hi hmu ta se..a unaunu hrawn alo thlang kha a inchhir hle ngei ang.



Marble chhuat ri thlek thlek ri ka hriat rualin ka nui nghal suk..Tatiana alo kal.



Khawngkhar rawn kikin ka chhânna pawh nghak lemlo chuan a rawn lut a. "Min biak i duh em ni Lucca?"



"Aw..i hman chuan."



"Hman e." A hnung lama kawngkhar khar pahin, "Francesca alo la thleng chuanglo."



Ka hmaa chair ah chuan thuin a bawp a khawkherh nghal thân. Keilah nuilo turin ka lo insum. Pheikhawk sang bun pawh ngaiah a nei tan tawh a ang. Francesca haw hnuah..zanriah kil hma..a ke ka hmeh sak ziah bawk.


"Enge min sawipui duh a?"



Ka thutna hnung nghengin a hmel chiang takin ka en a, he hmeltha tak hi hriatreng ka duh. "Vawiin hian Rome ah ka kal angai a..ka driver in pawnah min nghak mek."



"Oh..." A hmel a hnual nghal ruih mai. "Engtikah nge ilo let leh ang?"



Keipawn hlim hmel ka pu thei biklo. "Kan inneihna tura ka chawlh lak vang khan ka sumdawnnaah buaipui tur a awmkhawm hnem deuhhlek a. Kar tawpah bak ka lo let theih ka ringlo."



"Oh..chutiang chen chen maw?"



"Nia." Tiang em ema hian Tatiana kalsan hi a hrehawm ang tih ka ring ngailo. "Min ring rawh..heta awma nangmah nena hunhman---"



Tatiana chuan a lu lo thing vatin. "Ka hnena insawifiah a ngailo Lucca. Nupa diktak kan nilo tih i theihnghilh tawh aniange. Khawpuiah hna pawimawh tak tak inei ang tih ka ring..i nupui ka nih tak thut vanga i hna te thulh tir che ka tumlo."

A mizia a danglam nghal vek.

Hreptak hian!!Hetiang sawipui tura ko pawh ka nilo..tha taka mangtha tum mai kha ka nia. Kan inneihna kha alem mah nise..thian ang maiin kan inkâwm a..thil a kal tluang viau emaw ka tia.



Tunah lêm ..ka hmaah thu in..nupa diktak kannilo tih sawiin a thutak leh rûn tawh. Diktaka sawichuan...kan inneihna lem kha kalo theihnghilh hman. Nuam ka lo ti hman viau asin.



Tinge tiang hian a mizia hi a danglam thut le.

“Enge diklohna i neih Tatiana?”

A mitmeng dumpawl vawt raihin min melh rûn mai. “Engmah diklohna ka neilo Lucca. I kalna turah chuan kalin min ngaihtuah angailo tih ka hrilh mai che ani. Helai hmuna i chhiahhlawhte leh Francesca te hian min enkawl tha em em ang.”

“Kan chhiahhlawhte Tatiana. Villa hi ita ve tho anitawh tih hre ta che.”

A lu abu nghat ringawt. “Chuzawng chu em ni i sawi duh? Francesca pawh alo thleng tawh ang.”

“Aw.”

A thutna atang a tho a..rawn hawilet leh tawh miahloin a chhuak nghal.

A chhuah hnu chuan ka thaw ka hip nghal vang vang. Engthil nge maw thleng hrep kha ni.
------------------x-------------x--------------------

“Lucca.. Lucca...”

Ro halha rawn ti tu chu ka thiantha ber Marco Orsini ani. Rome ka thlen velah minlo tlawh nghal turin ka hrilh a. Keipawh ka thlenna ala reilo. Billion dollar man hu sumdawnna neia buai chung chunga alo kal vat chu ka lawm hle.

“Engemaw ilo ngaihtuah le thiana?” tiin dawhtheilo zet hian Italianin min zawt a.

“Tihpalh.” ka lu na tiziaawm turin ka bek chu kan hmet vel a. “Thil ngaihtuah tur ka ngah lutuk atinni.”

“Si..anih ka ri---Aw lalpa leh..i kutzungtang ami kha inneih zungbun ani tih min hrilh suh LUCCA “ a au ring ngei mai.

“Oh..” ka zungbun bunlai chu ka melh zeuh. Ee..nidawn tak Marco hi ka nupui neih thu kalo hrilh theihnghilh daih. “Marco..”

“Tunge?” zawhna tamtak dawng turin ka lo inringlawk. “I bialnu hlui tu emaw ber kha em ni? I fa a pai thu sawiin inneih puiah a sawm che animaw? I lo mawl hle mai ka thian..DNA pawh test hmasa lo a nupuia neih nghal ringawt.”

Ka lu na e tilo chuan Marco thilsawi vang chuan ka nui hawk. Chutianga mawl turah min ngai emaw nile...ka fa a pai ti tu hmeichhia neih nghal ringawt maw? Ka ngaihzawng hluite zingah chutianga min bum tum chu an awm tawh ngei alawm ..mahse DNA test ka ngen thlap zel.

“Lucca? Thil ka zawh che chu i hria em?”

Ka tlawm tih lantirnan ka ban ka phar tawp.

“Muangchangin thiana. Nupui chu ka nei ngei a ..mahse ka bialnu hluite zinga mi chu anilo.”

“Anih. Tunge?”

A hriatduh a hriat hma chuan min nawr char char dawn tih hriain ka thaw hak. “Thil dil che ka duh Marco..a lêtah i zawhna chu ka chhâng ang.”

“Engthil?”

“Paolo Renaldi nen min inhmelhriattir la ka duh. I thei angem?”

“Paolo Renaldi?” a khabe tuaiin,“Paolo Renaldi chu ka hria alawm. Hna thilah kan inhmu ve zeuh zeuh tawh. Italian niin America ah sumdawnna hlawhtling tak anei a. Kar liamta khan a nupuihual tuiah a tla tih an sawi nghe nghe in ka hria.”

“Aw..chupa chu.”

“Engvangin nge Paolo nen chuan inhmelhriat i duh a?”

A zawhna mitmeng chu ka haider lui tlat. “Ka nupui hnenah ka pui ang tih ka tiam...”

“I nupui maw?” ka chhânna duhin min melh ran tawh. “Tu chiah nge i nupui chu ni a Lucca?”

“Tuma hnena sawichhuah loh i intiam angai ang, ka thian.”

“Hriat a châkawm lehzual..han sawi la.”

“Ka nupui chu Tatiana Rostova...”

“Ngawi teh ...ngawi lawk teh!!!”Marco chu tho zawtin. “Tunah khan Tatiana Rostova iti em ni? Paolo Renaldi nupuihual ngei mai kha maw? Kha Tatiana Rostova..kar hmasa a tuipuia thi ni a an sawi kha maw?...I â ta em ni Lucca? Khawvel pum puiin a zawn luai luai lai nen engtin nge in inneih theih?”

“Inbengdai phawt la..ka hrilhfiah ang che.”
“Awle.” Marco chu a thutna ah a thu thla leh a. “A bul atangin sawi rawh.”

Tatiana ka chhanchhuah dan te...a pasalhual leh a unaunu hrawnin an phatsan dan tenawm tak te chu ka hrilh ta vek a.

“Tualthah tumna rapthlak tak anih chu.” Kan thawnthu ka sawi zawh hnuin Marco chuan a rawn ti a. “A unaunu hrawn chu vawi khat ka hmu tawh. A hmeltha lutuk. New York a hmeichhe lâr ber pawl aniang chu. Chutiang thil tiduh tur hmel chu a pulo mahse....”

“Ka hria alawm.” Tatiana chunga an chet dan ka ngaihtuah chhuah apiang hian kalo na ve thin. “Ka thil dil che chu min tihhlawhtlin sak thei angem?”

Tukin zinga kan inthlah dan kha duhawm tehchiam lo mahse...kan ruahhmanna hi kalpui vat vat ka duh. Tatiana hian ka rilru a luahkhat aniber...mahse amah hriattir ka tumlo.

Marco chuan eiloh hmel zetin, “Ka puihna pawh i mamawh tak tak emaw ni. Duke inia..i duh duh iti thei ang chu.”

“Marco.” Ka thutak zia hi a hrelo mile.

A tawp a tawpah a ban pharin, “ Awle awle..a tha e. Zaninah charity ball a awm dawn a..Paolo Renaldi pawh a rawn kal ngei ka ring.”

Khang zawng kha Tatiana pasalhual hlui ka hmuh theih nana ka tihtur awmchhun ani. Ka hmu châk tawh takzet.

-------------------------------------------------
SABRINA HUNTER'S POV

Ballroom ropui tak..êng chi hranga cheimawi. Hmeichhia ten kawrfual nalh leh tlereuh manto ber ber an in bel a..mipa te pawhin suit changkang tak tak an inbel vek bawk. He Bambini Orfani Charity Ball hi ramchhunga a ber te hlir kalkhawmna ani ngei ang.

Chung zinga pakhat chu ka ni ve tih ngaihtuahna chuan min tihlim veng veng. Kawrfual dum bân neilo ka lei thar leh Tati tlereuh ka inbel a. Paolo nen kan thleng ve deuh chiah..he charity ah hian tamtak a thawh tih ka hria..vawiin hian a kawppui angin ka zui ve.

Mi phun sep sep te pawh ka haider zel. Tinge Paolo hian a nupuihual thi ta unaunu hi kawppui atan a rawn hruai tih an ngaihtuah ani ngei ang. Mahse engahmah ka ngailo..lo sawi vel mai mai teh se.

Mi thenkhat chuan mithar lo kal chanchin an sawi sap sap bawk. Paolo alo ding hnai thut a.

“Rina” a bula mipa chu ka hmu ve chiah. “Ka thawhpui Marco Orsini nen hian inhmelhirat ta che u. Signore heihi ka kawppui Sabrina Hunter.”

Aw pathian!!! He mipa chhelo lutuk hi Marco Orsini maw? A chanchin kalo hreve fo tawh thin a..mahse kala hmu ngailo. Italy rama chhungkaw thiltithei ber niin a hmel pâ tak zawng zawng nen hian hmeichhe tamtak rilru ti na tu tiin a lar lutuk alawm.

“Kan inhmu chu ka lawm e, Mr. Orsini.” Chibai turin ka kut ka phar chhuak a.

“Keipawh ka hmu che chu ka lawm e,signorina.” Chibai mai loin ka kuthnung chu alo fawp a.

Mipa zei tak anih dawn hi. Hmeichhe tamtak a zûnah an uai a..a mutpui nih an châk pawh hi a awmlo hran lo.

“Marco.” Chu aw thâm ril ruih mai lo chhuahna lam ka hawi chu....ka mak ti lutuk hmel ka hliah zolo têp.

Nichina an lo sawi sup sup mithar chu ka rinphak bakin a hmeltha. He room chhunga mipa ah hian amah tluk tumah an awmlo. A mitmu silver rawngte nen sawn rapthlak khawpin a hmeltha.

“I rawn thleng ve thei hrâm maw?” Marco chuan kan mithar chu alo be vat. “Ka thiantha tak nen hian inhmelhriattir che u ka duh a..heihi Don Lucca Domenico Cavelli, Capriell duke. Chuan Lucca heihi Paolo Renaldi leh a kawppui, Sabrina.”

“Kan inhmu chu ka lawm e.” Duke chuan pangngai takin a rawn ti a.

Awi!! Zan khat thilthuah engtin nge ka vanneih em em theih? Paolo hi awm lo se chu... Kan duke hi ka chhai vel ngei ang. Tupawh mai hi amah biak châkin kan awmna lam an rawn hawi thap hlawm mai.

Mahse amah hi chuan engahmah a ngaih hmelloh.

“America ah hian ka sumdawnna zauh ka duh a.” Duke chuan Paolo biain, “Nakinah kanla thawh dun theih ka beisei. “

“Tehreng mai Pu zahawm.” Paolo pawh a phûr hmel hle.

“Kan Pu zahawm hian tun hnai mai khan nupui anei tih ka hrilh tawh che u em?”

Marco thu rawn sawi chuan minti hnual deuh. He mipa chhelo tak thinlung hneh theitu hmeichhia chu ka thikru hle. A kutzungtanga zungbun chu ka zu hmu ve chiah. Nupui a nei tawh tak tak anih dawn hi.

“Khawnge i nupui chu Pu zahawm?” Paolo chuan alo zawt vat a.

“Khawchhungah a awm lo a.” A nupui chanchin sawi chuan a mit silver rawng mawi tak chu a rawn de nghal set set.

“Nakinah kan la hmuh ve ngei ka beisei.” Kalo ti ve a. Hetiang mipa hausa bawksi chhelo bawksi pasala nei theitu chu ka hmu châk takzet.

“Inla hmu vat ang.”



LUCCA CAVELLI’S POV

Ka lu hi chhun hrep angin a nâ. News lamah lah nizana ka kalna a lang chuaih chuaih bawk... Paolo Renaldi hmu tura va kal ve mai kha ka nia.

Tunah lah news zawng zawngah tu hmeichhia nge maw nena kan inbiak lai a lang zut zut mai. A hming pawh ka hre tawhlo ania...kan inbiak lai chu kala hria...an charity a ka pawisa thawh vanga lawmthu min hrilh mai kha anisia. Ka ngaihzawng thar ber angin anlo sawi leh ringawt tawh. Kar hmasa mai khan restaurant a ka bialnu ka propose lai niawm tak an post tawh bawk... Kha chu Tatiana nen khan ania.. Kan innei ta reng a. Mahse enge tunah... Bialnu thar nei angin... Kâr engzat nge kan daih ang tih thu an khel leh chiam tawh.

Nupui ka nei tawh tihhi hrilh law law mai ka duh!

Vanneihthlak takin Rome lama news in Amalfi a thleng phalo hlauh.. Chuti nilo se Tatiana a thinrim hle ang.

“Awww.. Ka thian..”Marco chu nuam tihhmel zetin a rawn lut. “Tukin zing chanchinbu kha ilo hmu tawh em Pu zahawm? ... Hmulo maw?.. Anihchuan i ta tur liau liau ka rawn ken sak che alawm.“

Ka theih anga rumin kalo melh. “Kha lehkha kha labo nghal rawh Marco. “

Min nuih ringawt. Thawveng zetin ka hmaa thutna awlah a rawn thu thân. “Aww... Ilo hmutawh animaw.” Ala nuih ala za reng a ang. “Italian chanchinbumi ho hian nupui inei tawh tih an la hrelo animaw? Lucca...he thil hi i nupui i hrilh tawh em? Eng eng emaw sawiduh a neih ngei ka ring.”

Thawk hakin thutthleng hnung ka ngheng a. “Aih. Rome chanchinbu hian Amalfi a thlenglo in ka hria. A hrelo turah ngai ang. “

“Mahse chuvang mai chuan i ngaih titha ngawt suh. A pasal hmeichhe mi ve tak hi.. a chanchin hriat duhin internet vel te a en i ringlo em ni? “

Ka phûn hluk. “Tatiana hi chutiang mi chu anilo. Kan inneihna hi a lem mai ani tih min hriatnawn tir fo alawm. Keimahzawk hian kalo theihnghilh leh thin.”

Min nuih nghek. “A theihnghilh thin zawktu ini a maw? Nang ka thian hi maw? Ava tlawmthlak deuhve. “

“Aw enge?” Ka la na ve deuh. “Ani nena inneih nuam ka ti chu a pawi vak ami? Hmeichhe biak nuam tak ania.. Thil a hrezau bawk.”

“I nupui hi engtiang chiahin nge i hriatchian Lucca? “

Tatiana hi engtiang chiahin nge ka hriatchian maw?

“Paolo Renaldi an a chhai thluk hma atang tawhin ‘wallflower’ tia hriat lar ani thin. A zakzum em em a... Mahni inrintawkna a tlachham bawk. Lehkhabu chhiar nuam a ti a.. Ka library lian tak vanga hlim em em hmeichhia ka hmuh awmchhun ala ni ngei ang. English, French leh Russian tawng a thiam nâl hle a.. Mahse Italian ah chuan a beidawng ve hle. A—”

“whoa!” Marco an banphar meuhin minlo pawtchat. “I hriatchian chu le. Engtia rei maw in inhriat tawh? “

“Ni riat leh darkar li. “

“I chhiar thlap thlap a?” Min eiloh hmel tawh hle.

Minute thleng hian ka chhiar tih hre phei se chuh.

“Engpawh nise amico , i biak hrim hrim angai.” A thutna atang tho pah chuan a ti a. “In inneihna chu a lem pawh lo ni tehreng se.. Hetiang chanchin thar hi chu midang hnen atanga a hriat aiin i hnen atang ngeiin hria se a tha zawk.”
(amico=thiana)

Marco chhuah hnu chuan ka inngaihtuah vang vang. Minute 5 vel ka rilru a insualbuai hnuin Tatiana call turin phone ka la kang ve hrâm.

Ka rin ai daihin alo chhang rang.

“Tatiana, keimah.” A aw ka hrechâk tawh takzet. Kan inhmuh hnuhnun ber a thilthleng vel vang khan kanla inbe lehlo hrim hrim.

“Lucca.”

A aw vawt raih vang chuan ka then sak. Ala thinrim reng aniang a. Marco thusawi kalo awih kha ka vannei takzet. Chanchinthar kha midang hnen atangin hria se chu a thinrim lehzual ngawt ang. “Tatiana, lo ngaithla teh. Rome chanchinthar velah kei leh hmeichhe dang thlalak an chhuah chiam a. Ka bialnu mek ang ten an sawi a chuan—”

“Engmah sawifiah angailo, Lucca.” A thusawi vang chuan ka tawp chut. “Inneih hma pawn ka hrilh tawh che kha. I duh chuan ngaihzawng inei thei ang. Ka duhzawng chu fimkhur deuh la animai. Paolo leh Sabrina hian phuba lâk ka duhvang chauha innei kanni tih an hriat ka duhlo.. Chuvangin..mipui hmaah nupa inngaih tak anga kan lan angai.”

Alo hretawh ani ngei ang. Ka lungawilo hle bawk. Kan inthlahna duhawmlo takkha siamthat theih ka inring ania. Ka ringsual chiang hle mai.

“Sawiduh dang ila nei em Lucca? Italian class ka nei laklawh ania.”

Hreptak hian! Ni riat liam taa ka hmeichhe tawn kha phuba lâk duhna chauhin a rilru a luahkhat leh tawh anihhi.

“Aih.. Atha lawm. Keipawh... Hnathawh tur ka nei.”

“Bye.”

Ka mangtha ve pawh nghak loin a off nghal hmak. Ka lakah ala lungawilo hle ani. Keipawh chuti tho.. Kan inneihna hremhmun ang maia chang ta hian min ti thinrim so but but.

Hetia inbiakloh hi kan tâna tha zawktur pawh ani mahna. He inneihna lem hi kanlo ngai thutakin.. Kan kal chak mah mah ania nge.

Mmm..hun thâwl kan mamawh ve ve ani.


Rodingliani



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 10th, 2021, 11:29 am

CHAPTER-8

TATIANA ROSTOVA’S POV

..”Mariya? Mariya? I ngaihthla em Mariya?”

Ka ngaihtuahna atang ka harh zawk. Francesca nena kan Italian class neih kalo ngaihsak reng renglo chu niin.

“Min ngaidam rawh Francesca.” Ka lehkhabu ka melh vat. “Ka ngaihtuahna alo thlawkkual vel nasa lutuk ani.”

“Lucca i ngaihtuah ani maw? Adik em? “

Lucca kal atang ni hnih aliam tawh. Study rooma minkoha ka tawngdan mawilo tak tak te vang khan ka inchhir lutuk hi ka rilru ah a awm reng mai. Keimah chauha min kalsan tur kha ka inring lo mai chauh ani.. Abula awm kha nuam ka tiin.. Ngaiah ka lo nei hman a. A tello chuan a villa hi a ruak ngawih ngawihin ka hria.

“I ngai ani tiraw?” Francesca chuan nui chungin min zawt a.

Ka lu kalo thing. Engang nupuiah nge min ngaih ang.. A pasal awmlo ngai nghal ngawih ngawih chu.

Ka inngaihtuah buai fê hnuin.. Ka chet dan vang khan Lucca ngaigdam dil a tha in ka hria. Choka lamah Lucca office number Allegra dil turin ka phei a. An thil tisual lai ka man ni awm ang hrimin an chanchinbu chhiarlai an lo thukru sawk sawk mai.

“Enge kha kha? “

“Engmah anilo Pi zahawm.” Allegra aw chu a pangngai zân lo.

“Khawi kalo en.” Chhiahhlawh zinga pakhat chuan hreh deuh takin min rawn pe a.

A thupui Italian a inziak chu ka chhiar a. DUKE NGAIHZAWNG THAR BER.

Italian tlem azawng kalo thiam ve hlauh tawh a. Allegra min lehsak tura tihchu a zahthlak dawn emai.

Ka nuih a za zawk. Ngaihdam dil tum a ka rilru alo buai em em laiin..tiang hian ani alo awm ania. Ka ngaihdam dilna a mamawh loh tawp hi. Amalfi a chhuahsan atanga reilote ah hmeichhe hmeltha alo melh leh hman aniah.

Italian mipa ho hian inanna pakhat anlo nei vek anih dawn hi-- An kawppui te lakah an rinawm thiamlo.. Ni khat lek pawh. Khawpuiah a kal a..a mize diktak alo lang mai alawm. Hmeichhe mî tak ani tih chu ka hre sa..internet ah a kawppui tawh te hmuh tur pawh an awm nual. Nupui aneih vangin enge a mizia a thlak ngawt ang.. Kalo phût sang mah mah ani...Mahse tinge Paolo min bumna ai pawn nâ ka tih zawk tlat le.

“Pi zahawm. Dawt vek anihkha.. Kan pu hian hetiang maiin in inneih thutiam a bawhchhe lo ang.” Allegra chuan ka mit pawh melh ngam loin a rawn ti a.

“Ka hria lawm.” Ka ti mawl tawp. Ka âwm zawn na ngut ngut chu ka hrethiamlo.

Phone ri in mintiphu zawk. Chhâng turin ka kalsawn a. “Hello?.”

“Tatiana, keimah”

A aw ringawt pawh kalo ngaih hman zia hi. “Lucca.”

“Tatiana, lo ngaithla teh. Rome chanchinthar velah kei leh hmeichhe dang thlalak an chhuah chiam a. Ka bialnu mêk ang ten an sawi a chuan---”

Aw.. Min ngaih vang niloin a insawifiah duh vangin animaw a lo call. Chutiang anihchuan ka ngaithla peih biklo. A dawt sawi ka ngaithla peihlo. Ka nuna mipa te hi dawheh tak vek annihi.

“Engmah sawifiah angailo, Lucca.” Ka rilru put hmang tilang lo turin ka tawngchhuah dan ka fimkhur hle. Kha chanchinthar khan minti na tih hi hriattir ka tumlo..a ti lâwm hle zawk ang chu. “Inneih hma pawn ka hrilh tawh che kha. I duh chuan ngaihzawng i nei thei ang. Ka duh zawng chu fimkhur deuhla animai. Paolo leh Sabrina hian phuba lâk ka duh vang chauha innei kanni tih an hriat ka duhlo. Chuvangin.. mipui hmaah nupa inngaih tak anga kan lan angai.”

A ngawi vang vang a... Phone a dah tawh emaw ka ti hman. “Sawiduh dang ila nei em Lucca? Italian class ka nei laklawh ania.”tiin ka va zawt a.

A thaw hak ri ka hria. “Aih.. Atha lawm.. Keipawh.. Hnathawh tur ka nei.”

“Bye” min chhânna pawh nghak loin ka dah nghal tawp.

Francesca minlo nghahna lam panin ka phei leh a. “Khawiah nge kan awm kha?”

Francesca chuan hriatthiam hmel taka min en vang vang hnuin, “Vawiina kan zirtur chu kan zo in ka hria. He Villa atanga chhuaha thlifim dawn i mamawh ani.”

Tehdaih a. “Khawih nge kan kal anga?”

“Khuaah.”

“Mahse—”

Tun ang tlai tawhah chhuah ka châkloh thu hrilh ka tum.. Mahse alo ding rân tawh. “Kan thil zir tawh te enchhina hun tha tak ani pah ang. Mi thar Mariya Cavelli hian mipui zinga awmdân a thiam em tih te kan en ang chu. Bakah tianga i inthlakdanglam hnu hian tuman anla hmu lo che. Khuaa han in theh tîl na hun tha tak pawh aniang.”

Thaw hakin ka thutna atang ka tho ta nge nge. Francesca mizia ka hriat chian em em chu...a rilru a thlak tir theihloh...’kan ti ang’ a tih chuan kan ti ngei ngei dawn tihna.

Minute nga a liam leh meuh chuan ka mimal car Rolls Royce ah kan chuang vâng tawh. Lucca an ka hriat miahloin alo lei chu niin.

Khaw chhungah Gio an min hruai a. Khawilai emaw hmun rem deuhah Francesca chuan ding turin a hrilh a.

“Helai atang hian kê in kan kal ang e.” Car atanga kan chhuah hnuin Francesca chuan Gio hnenah tiin, “Darkar thum vel kan thang ang..chutiang hunah chuan minlo lam thei angem?”

“Si, signorina.” Gio chu a inkhalh chhuak ve leh nghal mai a.

“Kal ang e.” Thian inkâwm ber ang maiin Francesca chuan ka bânah a rawn kai nghal zat.

Reivaklo ngawi renga kan kal hnuin, “I rilru tibuai tu chu minhrilh tawh la.” A rawn tichhuak hlawl.

A hmel kava en zeuh. “I sawi awmzia ka hrelo.”

“I chiang chiah maw?” a rawn ti leh. “Lucca kal atang khan i mizia a dang vek ania. Chupawh chu anilo iti dawn em ni? Tuna i awmdan en hi chuan chanchinthar kha i hmutawh anih ka ring bawk.... Lungngai suh Mariya, Lucca hi mipa tha tak ani tih ka hria. Hetiangin a phatsan lo ang che.”

“Thil engkim hi a buai nuaih aniber.”

“Ka hrethiam alawm.”

A hmel ka en a..thudik ka hrilh angem tih ka in ngaihtuah. Thudik hrilh chu a that ka ring. “Thawnthu i ngaithla duh em Francesca? Wallflower...zan khat thil thu a a nun inthlak danglam vek thawnthu i hre duh em?”

“Aw.. Tehreng. Coffee in pahin sawi la.”

Coffee dawr hnai berah kan lut a. Kan duh kan order fel chiah tihin Francesca chuan min rawn en nghal vut. “Le! Sawi tawh rawh le.”

Ka thaw ka hip vang vang. Ka thiltih tum hi thildik ani chiah em. “Min ring thei alawm.” Francesca chuan a rawn ti leh.

“Ka hria lawm.” Zavaklo in ka nui zeuh. “Ka hming diktak chu Tatiana Rostova ania. Paolo Renaldi nen New York ah kan inhual a. Italy ah chawlh hmangin kei, Paolo leh ka unaunu kan rawn kal a...an mudun lai ka mit ngeia ka hmuh hma kha chuan engkim a kal tluang vek.. . “

Ka kut a rawn hmer vang vang. “Pawi ka ti lutuk Mar...Tatiana.”

“Ka tha lawm.” Kha zan kha nimin ang maiin ka la hrechiang. “Chumi zan chuan kan inhualna ka ti tawp a. Ka rilru ti hahdam turin lawng hmawr lamah ka chho a.. Mahse Paolo khan min zui zel. Chuan.. Chesual palhin tuiah ka tla a.. Min chhanchhuah pawh an tumlo.. Kha zân khan ka thi dawn emaw ka ti hman asin.”

“Mahse i thi lo.”

Ka lu kalo bu. Ka mittui tihtlak loh ka tum tang tang bawk. “Nia.. Ka thilo. Ka harhleh chuan Lucca villa ah kalo awm tawh.. Ka thil tum chu min bumtu te laka phuba lâk ani. Lucca hi duke ani tih ka hriatin..min nei tura sawmin..ka phuba laknaa min tanpui turin ka ngen ta ani.”

“Chuvang chu em ni inthlâkdanglam i duh?.. Paolo leh i unaunu laka phuba i lak theih nan maw? Lucca tana duchess tha tak inih theihnan nilo in.”

Ka lu kalo bu leh nghat. A thil sawi zawng zawng chu a dik vek. Nunrawng thlak viau pawh nise.

“Mahse news a thu inziak vangin i na leh em em si a?” a rawn ti leh.

“Aw.”

Diktakin ka chhâng. Inremsiamna ang chauha innei tur kan nia.. Mahse a tak a ang telh telh si anihhi. Hrilhhai takin Francesca chu ka melh tawp. “Ka hlauthawng ani.”

“I hlim zawk tur ani lo em ni?” min ngaihtuah tih hriat takin min en vung vung a. “Ka sawi awmzia chu.. A tirah inremsiamna ang chauh ni mahse tunah chuan in ingaihtuah em em reng a. Hun kal zel turah pawh inla in hmangaih maithei asin.”

Ka lu kalo thing vat. “Nilo e Francesca... Phatsan ka ni tih ka hriatchhuah ni atang khan hmangaihna ah tlukluh ka tum tawhlo. Italian mipa lakah ngat phei chuan.”

“Lucca hi mipa tha tak ani asin.”

“Ka hria lawm.” Ka awm zawn te hi a tawt up up mai. “Mi tha tak nilose... Ka phuba lâkna turah hian min pui lo ang.”

“Anihchuan enge?”

“A chhan chu...kha hmeichhia kha ka thîk alawm.” Ka tichhuak thawr. A vawikhatnan ka rilru puthmang diktak ka sawichhuak ve hrâm.

“Hmun hla taka a awmlaia hmeichhe dang nen an inbe tur ka ngaihtuah ringawt te hian ka thîk ngawih ngawih asin. Rilru hah takin ka awm reng a. Inneih zungbun te chu bun ve mah ila.. kan inremsiamna tinghettu ang chauh ani.... Ka duh tan dawnin ka inhria.”

“Aw.. Duhtak.” Francesca chuan hriattham châng châng in a rawn ti a. “Lucca hian a hmangaih che alawm.”

Ka mittui a parawl pûr tawh. “Chutiang a awmlo Francesca.”

A lu thingin, “A en dan che hi ka hmuve reng alawm. I lak atang a mit a lak sawn theihloh dan leh i bula a awm danah hian a atchilh zia che ka hria ani. Tiang hian vawikhatmah ala awm ngailo.”

“Kha te chu kan tider vek alawm. Midang hmaah nupa inngaih deuh anga awmtur tih kan intiam a.”

“Ka ringchiahlo.”

“Ka chiang, Francesca. Lucca hian min hmangaih lo.”

“Awle.. Anih.” Ka thusawi chu awih ang pawn a awmlo. “Kan enchhin dawn em ni ang Tatiana?”

“Engtin?” Francesca mitmeng chimawn zet enin thiltha anih pawh ka ringlo.

“Driver chhelo tak ineih hi kan hmang tangkai ang.”

“Engthil nge i ruahhman a?”

Engtak ngaihtuah ang maw. “Lâm i zir tan angaih hmel.”

“Lâm zir a? Tinge lâm ka zir angaih a?”

“Duchess i nih angin inhmuhkhawm nikhuaah lâm a ngaih changte a awm thin alawm.”

Ka driver telve na chhan tur kala ngaihtuah thiam chuanglo reng reng. “Engatan nge Gio chu?”

“Lâm i zir dawn chuan duhtak... Kawppui i mamawh ang.”

Ka mitlo ka sân ak, “I sawi awmzia chu....”

“Aw.. I ring dik. Tun atang chuan lâm in zir dun thin ang.” Francesca chu a khi suk a. “Engtikah nge Lucca hi Rome atang a rawn haw dawn?”

“Kartawpah anih ka ring.”

“Tha lutuk.” A kut a beng ri thek a. “Alo haw hun tur a nghahhleh awm dawn hle mai.”

A hmel enin kan thiltih tum hian eng thiltha mah a thlen ka ringchiahlo... Buaina ah kan inhnuhluh ka hlau letling zawk.

.........................................

LUCCA CAVELLI’S POV

“Engthil phiangsen nge intih kha?”

An pathumin an rawn hawi thup. Ka villa ka lutchiaha ka thilhmuh chuan minti thinrim so bulh bulh. An awmna lam panin ka pen phei nghal pawk pawk a. “Engthil phiangsen nge intih ka zawh che u chu?” Chêt pawh an che ngamlo.

“Lucca” Tatiana chu ngai awhleh hmasa ber niin a rawn tawngchhuak a. “Enge hetah itih?”

“Ka hriatdan chuan hei hi ka Villa ani. Enge ti se mintih?”

Tatiana chuan a chal a ti chuar nghal nung. Chu chuan minti thinrim zual. “Ngeiawm deuha minbiaka ..min tihthinrim i châk hrim hrim anihchuan Rome ah khan la châm rih tur che ania.”

Kan inbiakloh vang vang hnu pawh khan a thinrim ala reh chuanglo animaw. Mahse keipawh ka thinrim ve tho tihhi a hriat angai ang. Amalfi ah lêtin hmaichhanah kan inremlohna te sawidun a that kalo ring a.

Ka awmloh hlana Gio Veronasi...a driver nen hlim taka an lâm vel hmu turin kalo inring reng renglo. Minlo ngai ve miahlo anih dawn hi. Khang kan inbiakloh chhunga hrehawm ka tihzia te kha. Hrehawm ti ve nise ... A driver nen lam dunin...in rahsual palh hlauin an nui awr awr lo tawp ang.

Kha chanchinthar chhuah atang khan rilru damin ka awmtheilo..Tatiana call a ngaihdam dil ka duh zek zek reng a..hetiangin ka kawppui tawhte lakah kala awm ngailo. Second tin maikhan a hmeltha tak ka mitthla ah a lang reng a. Ka ngai ani. Kan thiltih dun zawng zawng...Tlaia a ke ka hmehsak thin te... Zanriah kil duna Amalfi tuipui kan thlir thin te kha ka ngai takzet.

“Lucca” Tatiana chuan ka ngaihtuahna atang minti harh zawk.

A driver nen anla invuan reng tih ka hmu chuan ka puakkeh lo chauh tawh. “Ka pawh darh vek hma che hian.. Ka nupui kha thlah nghal rawh.”

Tatiana chu alo thaw hrâwk. Francesca pawn ki ka nei ta emaw tihmai turin min en hraw mai.

“Ka- - Ka tihpalh, Pu zahawm.” Tiin Gio chu a tawlhsawn nghal dawr a.

Ka thinrimna bengdaih tumin thaw ka la vang vang. “Min chhuahsan ru.”

Francesca leh Gio chuan min chhuahsan a.

“I chêt dan chu amawilo hle mai.”

“Che mawilo a?” a thilsawi chu ka awihlo zawk.

“Aw.” Thinrim mit sen vekin min melh kar. “Khatiang khan Francesca leh Gio chunga chêt kher angai hleinem.”

A driver hming alam rual rualin ka thinrim thar leh. “Ka bân ang.” Ro halhin ka hrilh. “Tun atang chuan kha pa kha i driver ani tawhlo. Lâmpui tur i mamawh anihchuan keimah ka awm.”

“I titheilo ang.”

“Ka thei.” Ka ti nghut.

“Engmah tihsual anei hleinem, Lucca! ! “

“A nei.” A hmai dâng bel chu ka en a. “A khawih che. Tumahin ka hmeichhia hi an khawihve ka phallo.”

Ka thil sawi chuan a tilawm chiahlo a ang. Cho arha min en in, “I hmeichhia ka nilo.”

“I chiang chiah maw?” tiin ka pan hnai a. “Tuipuia ka hmuh che atang khan ka ta ini tawh, Tatiana.”

Min hnial leh hmain a hmuiah ka fawp hmiah. A alo thaw hrâwk a mahse ka tawp chuanglo..khang hun...hrehawm taka ka awm chhunga ka tihchâk em em ti ta nimaiin ka inngai. A kawngah vuanin ka pawt hnai sauh a...ka âwmah min nem ve tang tang.

Ka thiltih hian ka bulah a awm ani tih atichiangin.. Ka ta ani tih hriatna hian minti lawm . Khawiah mah ka kalsan tawhlo ang.. Rome ah kal ngai pawh nise ka hruai ve zel ang. Villa ah hian amaha kalsan ka tum tawhlo.

Tuman ka lak atang an lakbo ka phallo.

Ka ta anihhi.

Tatiana hi ka nupui ani a..ka kaltir ngailo ang!

A inthlahdul hnu chuan zawimuangin ka hmui ka lasawn a. A mitmeng de set set ka hmu chu ka hlim veng veng mai. Min duhve ani.

“Ka hua che.” A pangngai leh hnuin a rawn tichhuak hrâwk a. “Ka hua che, Lucca Cavelli !”

A thusawi engahmah ngailo in ka nuih suk. “Ka pawisa lo. I duh tawkin min haw rawh. Ka nupui i nihna leh ka ta inihna a bo chuanglo.”

“Mi rapthlak tak inihhi.”a mitmeng ling vâ chuan min en kar a. “Kalo nei che kha ka inchhir takzet ... Ka haw lutuk che Lucca. Gio hi i bân anihchuan ka ngaidam ngai bawk lo ang che.”

Ka chhân ve hman hmain a chhuak nghal nal nal.. Banga milem intar nghawr dawt khawpin kawngkhar a khar ri bur bawk.

A pawi ka ti reng renglo Tatiana. I duhtawkin min haw rawh. I thinlung leh i ngaihtuahna zawng zawng khan min haw rawh.. Zing chhûn zanin i pasal i huat em em hi i ngaihtuah anga.. Mipa dang ngaihtuahna hun i neilo ang. Ka ta inih kha.


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 10th, 2021, 11:29 am

CHAPTER-9

TATIANA ROSTOVA’S POV

“Ava mak e awww!!! I lâmpui tur anihhi.” A vawi za vel na atan Francesca chuan Gio chu a hau a. “I khawih khan a puak lo ang. Tum ve rawh.”

“Mahse signorina Puber in a nupui ka khawih tih a hriat chuan min bân mai ang.” A chal atang thlan a rawn bawl thla tiam tiam tawh.

“Kan puber chuan a nupuiin lampui tur a mamawh tih a hrethiam em em ang.” Naupang chhe thilhrilh takin a hrilh a. “Bakah naktukah chauh a rawn haw dawn.”

“Mahse---”

An inhnial tak tak hmain ka va inrawlh vat. “A tha lawm Gio. Min khawih thei ang. Ka hlauhawm loh ania.”

Gio khawngaihthlak-a hi.. Francesca a hlau bawk si.. A pu in a hriatchhuah hlau bawk siin a rilru a buai ve hle ani. Ka rin ai daihin Francesca lah a lo chimawm.

Bakah kan duke chuan lo hrechhuak pawh nise pawi tihna ka neilo. Engmah kan tisual lo a... Naktukah bak alo thleng dawnlo hrim hrim bawk. Karkhat deuhthaw inbiakloh hnuah enge ka driver lo lâm pui pawh chu a sual vakna ka hrelo e.

“Chuan..tikhan nilengin inding ringawt dawn nge.. Waltz lâm step ka hrilh che u kha in zir dawn?” Francesca chuan a rawn ti ro halh.

Gio chuan khur deuh der derin ka kawngah a rawn vuan a...kan insawi tan ta a.

Reilote hnuah Francesca chu a rawn rûm nghut. Kava en chu mangchhia nei hmelte pawh apu. “Nangni pahnih kha.” A rawn ti. “In lam theih tawhloh nan in ke kha inrahnatsak intum ami? Waltz lâmah khatiang ke inrahsak a tello.”

Gio nen inmelhin kan nuichhuak hawk hawk. Kan theihtawpin inrahloh chu kan tum ve alawm. Mahse lam ngailo ve ve tan chuan a har em ani.

Kawngkhar ri thuaiin kan nuilai a titawp chat.

Kan hawi phei chu Lucca thinrim takin a rawn pen phei pawk pawk. Awi—Buaina kan tawk.

“Engthil phiangsen nge in tih kha?” a tek hian a tek aniber. “Engthil phiangsen nge intih ka zawh che u chu?” A rawn tileh a.

“Lucca” ngai ka awh leh hmasa ber a ang. “Enge hetah itih?”

“Ka hriatdan chuan heihi ka Villa ani. Engeti se mintih?”

Ka melh rûn a .. Mahse ka tithinrim zual a ang. “Ngeiawm deuha min biaka... Min tih thinrim i châk hrim hrim anihchuan Rome ah khan la châm tur che ania.”

A hmel chu hlauhawm tak ani.

Ka driver a vin hrep hnuah Francesca nen chhuak turin a hrilh a. An chhuah hnuah min fawp ringawt bawk.. Nidanga min fawh dan nen a inanglo. . Dimna tel miahloin...ata ka ni tih lantir a duh a ang mah zawk.

A hmui a laksawn hnuin “Ka hua che. Ka hua che Lucca Cavelli.” Tiin ka vin nghek. Ka thinrim lutuk hi ka puakkeh mai dawnin ka hria..

Min vinlet hrep ka ring a. Mahse atilo. Damdeuh a, “Ka pawisa lo. I duhtawkin min haw rawh. Ka nupui inihna leh ka ta inihna a bo chuang lo.” A rawn tih chuan sawitur pawh ka hrelo.

“Mi rapthlak tak inihhi.” Ka ti leh hrawk. “Kalo nei che kha ka inchhir takzet. . . Ka haw lutuk che Lucca. Gio hi i bân anihchuan ka ngaidam ngai bawklo ang che.”

Min chhânna pawh nghak loin ka chhuak nghal nal nal. Ka room ka thlen lai pawh ka hrelo. He inneihna hremhmun ang maia chang ta pawh hi ka hrethiam neklo e.

Inremsiamna a inneih pawh hi a tak aia a hahthlak loh bikna tur ka hrelo.

Darkar khat vel aliam leh tawh. Ka lehkhabu chhiar lai ngaihven lemlo in ka melh vung vung.

Kawngkhar a inkik ri kerh kerh a. Ka hawi phei chu Lucca a rawn lut, “Buaina kannei.”

“Enge?”

“Ka nu in a rawn call zo chiah.” A sam dum tle hlarh chu a tuai chho a. “Chuan ka nupui a hmuduh a.. Kan inneih lawmpui nan Sunday hian ball buatsaih a tum bawk. Naktuk hian Naples ah kan kal angai.”

Awii... Ka pasala nu nen kan inhmu dawn maw?

Zawhna awm ta chu... A duhzawng ka ni angem?

------------------------------


Naples kalkawng chu nimina kan inhauhna ai pawn a hrehawm zawk. Ramsa in min um ang maia chakin a Ferrari a khalh a...den tak ani.!!Tukverh lam hawiin hmun mawi tak takte chu en tum ve mah ila.. Hmuh pawh ka hmu hman mang lo... An phe zut zut ringawt. Ka hlauhzia hrilh erawh ka tumlo.

Lucca hian hlauh vanga min thihtir a tum anihchuan... A hlawhtling ngei ang.

Khawvel leh a chhunga awm tehi a haw vek emaw tihturin nimin atang khan tu chungah pawh a vin em em reng ringawt a.

Nizanah pawh Allegra in coffee a duhleh duhloh zawh tum alo titap ringawt . “Duh ila ka sawithiamloh i ring ami? “ a lo tihkhum hrep.

“Ka.. Ka tihpalh. Puber.” Allegra tap tuauin choka lamah a tlan nghal nal nal.

“I chhiahhlawhte chunga sual hi nuam iti ami?” Allegra awmloh hnuin ka ti hlak.

Min melh run a . “Min inhnialpui i châk ve hrim hrim anihchuan sawi rawh.”

“Ka châk ka ti ami?” Ani pangngai taka biak hi kan lâm zir ai pawn a har zawk. “Eng ang thawmhnaw nge ka ken ang tih rawn zawh che ka tum mai ani.”

Ning tih hriat takin a mit a chhing sawk. “Ka hre lo. Incheina tlâk leh awmhmun hâk. I duh duh animai.”


Ka lu ka bu a. “Awle Pu zahawm. Ka kal ange.. I in up lai ka tibuai palh ang.” Ngeiawm deuha tiin ka chhuahsan nghal...


“Minbe dawn lo ami?”Ka ngaihtuahna tang mintiharh zawk. “Kan inneih lawmnaa kaltur kan nihhi.”

“Minbe suh. I motor khalh lai chauh kha ngaihtuah rawh.” Tukverh lam ka hawileh hmak.

Thaw alak vang vang hnuin a rawn tawngchhuak leh. “Min ngaihdam nan hian engthil chiah nge ka tih ngai, Tatiana.”

“Gio hnenah ngaihdam dil rawh.”

A ti dawn lo tih ka chiang. Tiduh nise nimin khan a titawh ang.. Vawi tamtak ngaihdam dil turin ka ngen tawh. “Ka sawisa hrep lo kha lawm hle tur zawk ani.”

“Engmah a tisual hleinem.” A lam kava hawi a. “Engvangin nge i bân rikngawt?”

“A huang chin a pêl.”

“Eng chin maw?”

“Ka nupui inia... Anichu i driver ve mai.. Khawih theihna che a neilo.” A thinrim ka chawk tho leh mai maiin ka hria.

Kan dinhmun hian ka lu a ti na ngut ngut thei. “Thikthu i pe chhe mah mah ani,Lucca”

“Aih... Anilo.”

“I chiang chiah maw?” ka ti hmuk. “Internet vela i chanchin ka chhiarah chuan i ngaihzawng in mipa dang lo kawp pawh nise engahmah i ngaihloh thu a inziak asin.”

Ngeiawm deuha nui sukin min rawn en a. “Chutiang nen a inang hleinem duhtak. Khang te chu ka kawp mai mai annia.. Nangchu ka nupui ..ka hmeichhia ini.”

A thilsawi vang chuan ka thinphu alo rang hman. “Nupui lem... Kan pahnih inkara thil thleng zawng zawng hi engmah nghet a awmlo.” Pangngai taka ka sawichhuak thei chu mak ka inti zawk.

“Kan hria ang chu.”

Nia.. Kan hre khawp ang. Tu Italian mipa mah hi ka infiamkual tir tawh dawnlo. Vawikhat bumna ka tawrh kha a tawk viau ani.

Palazzo di Cavelli kan thlen hma chu kan inbe leh tawhlo.
An in chu lian ropui tak ani. Kum zabi 15 na daih tawha Caprielle Duke 15na in thin ani nghe nghe. Hmânlai leh Moorish style inpawlha sak niin an huan zau takah chuan marble milim nalh tak tak a awm nual bawk.

Lucca’n a Ferrari a hung fel hnuin min rawn en a. “Nupa inngaih tak anga kan lan angaih kha theihnghilh suh ang che. Inhmelhriattirna kan neih hunah tuman kan inhau tih an hretur anilo.. Abik takin ka nu.”

“Chutiang ka hriatloh i ring ami?” Ka seatbelt phelh pahin ka ti ve deuh hlak. “Ka tihtur chu ka hre ve. I tihtur kha ti la a tawk.”

“Ohh..min ring rawh. Ka ti lutuk ang.” Car atang chhuah pahin a ti leh hrâm.

Step tawp kan thleng chiah tihah kawngkharpui atang an chhiahhlawh ni awm tak paruk an rawn chhuak dual a...An hnunga signore Felipe lo nui vur vur kava hmu bawk.

Tuna kan awm dan hian ka pa damlai min hriatchhuahtir. Russia a kal apiangin min hruai ve thin a.. In kan thleng chiah tihah a chhiahhlawhten Lal ang maiin chibai anlo buk thap thin.

“Palazzo di Cavelli ah kanlo lawm a che, pu zahawm.”

Kan bungrua vel chu rawn la sawk sawkin inchung lamah an chhohpui nghal a. Lucca lahin a sawi ang tak takin nupa inngaih tak anga kan lan theih nan..ka kawngah a vuan ran bawk.

“I room turah ka hruai ang che, mi amore.”

Signore Felipe leh an chhiahhlawh thenkhat ten min en deuh thap tih ka hmuhin ka nui lui ve suk. Tiangte chu ka thiam ve emai. “Ka lawm e, duhtak.”

A mitmeng atang chuan kan thiltih hi nuam a tihle tih a hriat. Kan awm fâl hunah ka la tim leh hrep ang.

“Heihi i room tur.” Room zautha tak kan thlen chuan a ti a. Engkim hi a chângkang vel vek. “Caprielle duchess room thin anihhi.”

Ka hawikual vel a... Banga kawngkhar awm chuan ka mit a la deuh... Engatan tak ni ang maw? “Saw kawngkhar saw engatan nge?”

Chimawm zeta nuiin min rawn en. Tiang hmel a put chuan thiltha tak ani theilo hrim hrim. “Saw kawngkhar saw.. Duhtak.. Ka room nena inkalpawhna anihsaw... I room dawt chiahah hian ka room a awm tihna nihchu.”

“I fiamthu tiraw? “

Ala nui reng. “Ka fiamthu lo.”

“Anihchuan signore Felipe hnenah chahbi ka dil mai ang.” Ka hmai rawn sat hut hut chhan pawh ka hrelo. “Zanlaia tlawhtu neih ka châk tehchiamlo.”

A rawn nui chhuak hawk chuan mintiphu chiang ngei mai. “Aww... Duhtak.. Hmanlai hun anitawhlo hi i vannei hle ani. Chuti nilo se ka khumah phuarbeh ini kumkhua anga.. I tihtur awmchhun chu min tihlawm ani ngei awmsia.”

“Awihawmloh lutuk.”

Min chhân leh hmain kawngka a rawn ri kerh a.. Chhiahhlawh pakhat rawn lutin, “Pu zahawm, Piber in i nupui nen a rooma kal turin a duh che u.”

Engtin nge ni ang... “Kal ang le.” Lucca’n a rawn tih phei chuan ka zam chhe lo chauh.

‘A duhzawng ka ni ang em?’ Tih zawhna ringawt hian ka rilru a luahkhat.

...............................................


LUCCA CAVELLI’S POV

Ka nu room kan pan a. Tatiana ka kai chu a khûr der der mai. A zam hle nitur ani..

Nimin khan minute 15 chuang phone atang khan min hau a... A hriatloha nupui kalo nei kha alawm lo hle... mahse a âwm ve tho... Tiang dinhmunah tu nu nge lawm ang. Inneih lawmpuina min buatsaih a tum thu a sawi a...kha erawh ka hnial talo mai.

“Lungngai suh.” Ka nu room kan thleng tep tihin Tatiana hnenah chuan ka ti a. “A duhzawng ini em em ang .”

“Ka beisei.”

Kawngkhar kikin kan lut nghal a.

“Lucca” Ka nu chuan minlo kuah nghal chawt. “Enge i an, ka fapa?”

Ka lu a fawh theih nan kalo kunhniam vat. “Chibai Ka nu.”

“Oh!” Tatiana lam chu enin, “Heihi i nupui chu em ni?”

Tatiana chu ka pawt hma a. “Mariya, heihi ka nu Sophia Anna Cavelli anihhi. Ka nu.. Heihi ka nupui Mariya.”

“Chibai le Pi zahawm.”

Mi nêlawm tih takah ka nu chuan Tatiana chu a kuah ve nghal zat. “Khawngaihin nu minti rawh. Ka fanu ini tawh alawm. “

“Ka nu.” Lai deuh râta tiin a kuahlet ve mai a. A mittui tling puau chu ka va hmu..hnem duh viau mah ila.. Kan inkar ala that siloh avangin ngaihdan tha tak anih ka ring chiahlo.

“Lucca.. Minlo va chhuahsan thei angem?”ka nu chuan a rawn ti a. “I nupui nen hian inbiakna hun minpe ve la...naktuka in inneih lawmna tur vel te kan han sawi ange.”

“Ka kal dawn ania duhtak.”

Tatiana chu alo bu nghut a. Kanu in sofa ah alo pawt thu nghal zat.

“Kan tha em em ang Lucca” ka nu chuan ka chhuah mailoh vangin a rawn tileh.

An pahniha inbe tur chuan ka kalsan ta a. Engtin tak naktuk inneih lawmna chu hmang ang maw.. Biak pawh kan inbe mang lo ania. Tu emaw tak chuan kan inhau tih an hrethiam ngei ang.

Vawiin ral hma ngei hian kan inremlohna hi sawifel ngei angai ani.

................................


TATIANA ROSTOVA’S POV

“Oh... Tatiana, eng nge diklo awm duhtak?”

Darkar thum liamta mai khan Francesca nen kan in call a.. Naples a lo kal nghal turin ka ngen ringawt.. Min hnial buailo chu ka lawm hle. Tunah ka hmaah a ding rân tawh.

“Eng nge ni?” A mitmeng min ngaihtuah tih hriat tak ka hmu chu ka tah a chhuak takzet. “Lucca chungchang em ni? A hmaa in inhauhna kha insawifel tawh em?”

Heivang hi ania ka ngainat em em. Engmah pawh ka sawi ngailo in a hrethiam vat zel.


“Ka thiamloh vek ani.” Francesca chuan rawn tilehin min kuah hlûn a. “Gio nen khan lo lamdun tirlo che ila tiang thil hi a thleng lo tur ania.”

“Aih” Ka kuahlet ve nghal. Ka inhumhimna ang mai ani. “Lucca thiamloh alawm...mi mawl ang maiin a che a.”

“Kan duke hmeltha lutuk-a tianga hmeichhiain mawl tia a koh ka hriat vawikhatna. Chupawh a nupuiin.” Tiin a nui vur vur.

“Nupui lem” ka hriatnawntir leh ngat. Nupui lem tih ngaihtuah ringawt pawh hian minti châu. “Lem kan chang ka tih tawh kha.”

Ngaipawimawh lemlo in a dar a chhin âk. “Anihchuan eng nge in buaina, Tatiana?”

“Rome chanchinthar vanga kan inhauhna khan kan inkarah hian khi lian tak a siamin ka hria. A tira kan inneihna kaltluang tak kha hremhmun ang mai ani tawh.”

“Oh duhtak.” Ka bulah thuin ka kut a rawn hmer vang vang.. chu ringawt pawh chuan min ti hahdam sawng sawng thei. “Lucca nena hian insawifel thei em em ang.”

“Ka hrelo le. A nu takngial pawn diklo a awm tih a hmu thei ania. Intihthiamlohna kan neih leh neihloh min zawt hial asin.”

“Thil ka zawt thei che ang em?”

“Tehreng mai.”

“In inneihna hi inremsiamna mai ani tih chu ka hria.. “ a chawl dat a.. Min en vang vang hnuin, “Ih...nupa nun in hmang dun tawh em?”
“Awii... Ka zak lutuk hi ka hmai a sa nghal hut hut mai. A mitah pawh ka en ngamlo. “Aaaa.. Chutiang kan inremsiamna ah a tello a.”

“Chu chu in mamawh pawh ani maithei asin.” A thilsawi vang chuan kalo thaw hrâwk. “Va ti huam huam rawh ka tihna ani hleinem. In pahniha induh chuan ka tihna mai chauh ani.”

“Lucca’n a duh dawnlo tih ka chiang”

“Chutiangin Lucca ngaihdan tur sawi ngawt suh duhtak. Hetiang thilah chuan sawiduh eng eng emaw aneih ka ring.”tiin min a mitko a rawn san ak ak a.

“Francesca..”

“He duke chhelo lutuk hi mutpui châkna pakhatmah i neilo ami? Hmeichhe tamtak hi a mutpui nih châkin an phi cheng ang chu.”

“Anih ka ring” ka ti hmuk.

“Oops.. Tihpalh.” Saw mitmeng chimawm lutuk saw. “Ka sawi awmzia ber chu...eng nge pakhatin a ngaihdan engmah hrechiang lo in inbethalo reng a. Inremdan tha ber nia ka ngaih ka rawn sawi ve mai mai anihchu. Thu a sawifel theihloh hi a awm ve thin ania.”

Lucca nen chutiang thil kan tilai tur vel ka mitthla chuh... ka zak lutuk hi ka puakkeh lo chauh.

“Ka hrelo le Francesca.. Kan la inngaih bawk silo a.”

“Anihchuan zaninah inrem tum rawh u.” A tileh a. “I pasal room ah kal la..han thlêm vel teh Tatiana. A hnuleh chu nuam iti ngawt ang tih ka chiang.”

“Francesca!!” A thilsawidan avang chuan ka nui chhuak hawk hawk. “I sawi bawn thei emai.”

“Tum chhin rawh.” Thutak runin a rawn tileh. “Thil thleng tawh zawng zawngah khan a ngaihdam phah em em ang che..châkna in a mit a tihdel tawh chuan in inhauhna kha chu a theihnghilh vek mai ang.”

“Ka thlêm duhlo.” Ka ti nghet charh. “A thiamlo zawk alawm. Gio hnenah ngaihdam dil phawt rawh se.. A chêt dan kha a mawi lo lutuk”

“Chutiang engahmah a ngailo ang.”

“Timaw?” A sawidik tihchu ka hrereng. Kan mi luhlul lutuk hian driver ve mai mai chu ngaihdam a dillo tawp ang . “Duke ania.. A thiltih ah mawh a phur tur alawm.”

“Duke ni mahse mipa anihna a bo hleinem. Mipa tan chuan an thiltihsual pawm hi thil harsa ber aniang chu .”

“Chupawh nise...ka thlêm vêl duhchuanglo”

“In ngaihtuah chiang rawh.” Tileh hram in, “I driver hnena ngaihdam dil tur pawn i intiam tir thei maithei asin.”

“Hetianga mi han chhâi vel dan hi min zirtir tel tihna em ni?” nuihsuk in ka fiam zeuh. “Lucca’n tel turin a ti che nimaw?”

“Teuhlo” tih pahin a nui uar uar . “Private lesson ah ngai mai rawh.”

“Mahse mipa han chhâi vel ka thiamlo.”

Chimawm hmel zetin Francesca chu a nuileh ta vur vur mai. Ruahmanna maksak tak a nei leh ngei ang. “Kalo kal lama kawrhnuai thar kalo lei che chu ka tifuh hle mai.”

“Awiiii... “


...... ...........................



LUCCA CAVELLI’S POV

Ka nupui nen kan inrem theihdan tur ka ngaihtuah chhuah theih ka ring kha ka tisual chiang hle mai. Chawhnu pum study room ah ka inkhung chung pawn engmah ka ngaihtuah chhuak theilo.

Ka room a ka lêtna pawh ala reilo. Ka lu pawh a na bûr tawh. Hreptak hian! Ka nupui lah min haw em emin room lehlamah a awm reng bawk si.

Mutluih ka tumlai takin room inpawhna kawngkhar a rawn inhawng.

Ka thilhmuh chuan mi thawng ngei mai...ka meng kawk a..ka dang a ro nghal vek bawk. Ka nupui ngei mai chu kawngkhar bulah...bra dum leh kekawrte chauh ha in a ding rân mai...a bawp sexy tak pawh a lang vek.

Engthil nge thleng hi??!!! Ka mumang em ni? Ka mutthilh lai ka hrebawk silo a... Ka mumang anihchuan harhchhuak tawhlo mah ila pawi ka tilo.

“Tatiana?” Ka tichhuak tawk. Ka ngaihruatna mai anilo tih chian ka duh.

“Lucca” sexy mangkhengin a rawn ti thâm tiak.. “Ka nghak rei tawh lutuk che asin.”

“Tatiana” Ka thluak hian hna a thawk tawh pawhin ka hrelo. “Eng nge thil awmzia Tatiana?”

“Biak che ka duh a.”

“Ka chil ka lem leh khalh. A rawn pen phei chu ka theihna zawng zawng tak meuh meuhin ka insûm. “I hria anihchuan duhtak.. Thil han sawina boruak nichiahin a langlo.”

“Timaw?” a mitmeng dumpawl sexy tak maiin a rawn de set set a.

“A chhan chu duhtak..pen khat pawh i rawn pên leh anihchuan ka chêtdan tur ka sawilawk theilo.” Ka rilru diktak ka sawi hmiah.

“Anihchuan ti ta che.”

A bâk engmah a sawi angailo . Pen thum pen hrâwkin Tatiana chu khumah ka bawhbet nghal. A nui nghal er er chu hriat anuam takzet.

“Tatiana” a chunga la awm rengin a hmai zartu sam chu a bengah ka zep a. “Engvangin nge tiang hian i awm?”

“Ka rawn thlêm dawn che.” A hmui sen tha tak ti sexy zual turin a rawn nui sen sen a...a mitmeng lunghlu ang maia mawi chuan min en kalh bawk. “Inneih zan ka rawn hmanpui dawn che. Lucca.”

“Duhtak” ka thin rawn phu dup dup chu haiderin, “He thil hi kan tihchuan..a hawikir theih tawh dawnloh ania.. Kan inneihna kan tinghet dawn ani tih i hrethiam tiraw?”

“Ka hria alawm... Ka mamawh che Lucca”
Ka nui suk. “Min ring rawh duchess. Tuna ka mamawh zia che hi i hrethiam phaklo ang.”

“Anihchuan i ta ah minsiam rawh Lucca.”

A sawizawh rualin ka fawp nghal vawng vawng. A kawng fêk rât leh awmbawr chu ka chûlvêl ruai a... Ka duhkhawp chuanglo.

“Tianghi adang ila nei em.” Tiin a thil inbel chhun chu ka melh zeuh.
“Aw.. Tinge?”

“A thatchu.” Tiin a kawrhnuai chu a sir tawn tawnah ka vuan a. “A dang tamtak pawh ka lei leh mai ang”

“Engtin nge tih i t---?” a bra ka pawt thler chu a rawn thaw hrâwk. A taksa mawi tak hi ka enning thei ngailo ang.

“He thil tih hi i duhchiah maw?” Ka zawt nawn leh ngat.. Nakina min huat leh ka duhlo.

“Aw”

Kha zawng kha ani ka hriat duh. Tuipuia ka chhar tuka a bawp mawi tak ka hmuh..zana kalo suangtuah fo thin chu ka chûl vel ruai a. Ka insum thei tawhlo..ka che buan buan aniber. Dimna tel hauhloin a hmeichhiatna ah chuan ka lut ....

Lalpa leh!! Engethil nge ni hrep!! Pasalhual khati chen kha anei si a!

“Tatiana..” a hmel ka en a. Ka ti na tih ka hria... Phawichhuah nghal ka duh.. Mahse ka châkna sosang tawh lutuk vangin ka tilawk lo.. “Tatiana..”

“A pawilo Lucca.” A mit atang pawn na ati tih a hriat.. “Min duhloh phahte anih loh chuan?” Enge a sawi awmzia.... Ahmel ka enchiang chu a inringtawklo hle tih ka hrethiam.

Ani baka duh leh mamawh ka neilo tihhi a inhrelo ani ngei ang. “A thaleh vek mai ang.” Dam thlupin ka ti a.

Muangchângin ka che a...atan ahmasa ber ka ni tih hriatna hian sawifiah thiam phak bakin minti hlim. Ka zawh hma hretin a vawrtawp a thleng a... Ngai awh tuma a thaw hlawp hlawp chu ka thlir reng.

A chung atang chhukin ka kuahbet nghal hlûn...mintih lawm zia hi a hre awm silo a..

“Tinge atirah min hrilh loh a?” kan hahdam deuh hnuin ka zawt a.

“A pawimawh ami?”

“Aih” dik takin ka chhâng. “Kha ai khan ka dim deuh tur che ania.”

“Chutiang ka duh hleinem.” Dak chhoin min rawn nuih ver ver.. “Min dimlo la ka duh alawm.”

“Ka dimlo rêng che a” a dar chu ka fawp a. “Minti lâwm takzet.”

Rawn nui leh kerh kerhin. “Ka lawm e Lucca.”

“Enga timaw?”

“Hmeichhe diktaka minsiam avangin.”

A thilsawi chuan minti nuisuk. “Hmeichhe diktak ini alawm. Ka hmeichhia.”

“Nia.. Adik alawm.”

Min hnial leh hrep ka ring a... Ka rinloh lam daihin min chhang. Kan ngawih deuh vang vang hnuin a rawn tawngchhuak leh, “Chuan.. Ka tihpalh.”

“Enga timaw?”

“Chanchinthar vel kha i insawifiahna kalo ngaithla duhlo a.”

Min en theih nan ka her a.. “Nimina ka chet dan vang khan keipawh ka tihpalh. Ka nuna a vawikhatnan mi ka thîk a...ka chetdan alo mawilo hret ani. Min ngaidam rawh.”
A kutzungtang ka hmuiah rawn dahin...”Ka ngaidam che Lucca.”

A phuba lakna turah hma kan sawn thu kala hrilh lo tak e. “Tatiana.. Paolo Renaldi nen kan inhmu... “

“Shh..” Ka tawng chhunzawm tur chu minlo pawtchat vat. “Kan zan nuam tak hi an chanchin sawia tihchhiat ka duhlo.. Naktukah kan sawi dawn ania.”

Kalo nuisuk, “Si... Muttui .. Kanupui duhtak”

“Muttui” ka hmuia rawn fawp zeuhin ka dar nghengin a muhil siai siai a.

................................


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 10th, 2021, 11:29 am

CHAPTER-9

TATIANA ROSTOVA’S POV

“Ava mak e awww!!! I lâmpui tur anihhi.” A vawi za vel na atan Francesca chuan Gio chu a hau a. “I khawih khan a puak lo ang. Tum ve rawh.”

“Mahse signorina Puber in a nupui ka khawih tih a hriat chuan min bân mai ang.” A chal atang thlan a rawn bawl thla tiam tiam tawh.

“Kan puber chuan a nupuiin lampui tur a mamawh tih a hrethiam em em ang.” Naupang chhe thilhrilh takin a hrilh a. “Bakah naktukah chauh a rawn haw dawn.”

“Mahse---”

An inhnial tak tak hmain ka va inrawlh vat. “A tha lawm Gio. Min khawih thei ang. Ka hlauhawm loh ania.”

Gio khawngaihthlak-a hi.. Francesca a hlau bawk si.. A pu in a hriatchhuah hlau bawk siin a rilru a buai ve hle ani. Ka rin ai daihin Francesca lah a lo chimawm.

Bakah kan duke chuan lo hrechhuak pawh nise pawi tihna ka neilo. Engmah kan tisual lo a... Naktukah bak alo thleng dawnlo hrim hrim bawk. Karkhat deuhthaw inbiakloh hnuah enge ka driver lo lâm pui pawh chu a sual vakna ka hrelo e.

“Chuan..tikhan nilengin inding ringawt dawn nge.. Waltz lâm step ka hrilh che u kha in zir dawn?” Francesca chuan a rawn ti ro halh.

Gio chuan khur deuh der derin ka kawngah a rawn vuan a...kan insawi tan ta a.

Reilote hnuah Francesca chu a rawn rûm nghut. Kava en chu mangchhia nei hmelte pawh apu. “Nangni pahnih kha.” A rawn ti. “In lam theih tawhloh nan in ke kha inrahnatsak intum ami? Waltz lâmah khatiang ke inrahsak a tello.”

Gio nen inmelhin kan nuichhuak hawk hawk. Kan theihtawpin inrahloh chu kan tum ve alawm. Mahse lam ngailo ve ve tan chuan a har em ani.

Kawngkhar ri thuaiin kan nuilai a titawp chat.

Kan hawi phei chu Lucca thinrim takin a rawn pen phei pawk pawk. Awi—Buaina kan tawk.

“Engthil phiangsen nge in tih kha?” a tek hian a tek aniber. “Engthil phiangsen nge intih ka zawh che u chu?” A rawn tileh a.

“Lucca” ngai ka awh leh hmasa ber a ang. “Enge hetah itih?”

“Ka hriatdan chuan heihi ka Villa ani. Engeti se mintih?”

Ka melh rûn a .. Mahse ka tithinrim zual a ang. “Ngeiawm deuha min biaka... Min tih thinrim i châk hrim hrim anihchuan Rome ah khan la châm tur che ania.”

A hmel chu hlauhawm tak ani.

Ka driver a vin hrep hnuah Francesca nen chhuak turin a hrilh a. An chhuah hnuah min fawp ringawt bawk.. Nidanga min fawh dan nen a inanglo. . Dimna tel miahloin...ata ka ni tih lantir a duh a ang mah zawk.

A hmui a laksawn hnuin “Ka hua che. Ka hua che Lucca Cavelli.” Tiin ka vin nghek. Ka thinrim lutuk hi ka puakkeh mai dawnin ka hria..

Min vinlet hrep ka ring a. Mahse atilo. Damdeuh a, “Ka pawisa lo. I duhtawkin min haw rawh. Ka nupui inihna leh ka ta inihna a bo chuang lo.” A rawn tih chuan sawitur pawh ka hrelo.

“Mi rapthlak tak inihhi.” Ka ti leh hrawk. “Kalo nei che kha ka inchhir takzet. . . Ka haw lutuk che Lucca. Gio hi i bân anihchuan ka ngaidam ngai bawklo ang che.”

Min chhânna pawh nghak loin ka chhuak nghal nal nal. Ka room ka thlen lai pawh ka hrelo. He inneihna hremhmun ang maia chang ta pawh hi ka hrethiam neklo e.

Inremsiamna a inneih pawh hi a tak aia a hahthlak loh bikna tur ka hrelo.

Darkar khat vel aliam leh tawh. Ka lehkhabu chhiar lai ngaihven lemlo in ka melh vung vung.

Kawngkhar a inkik ri kerh kerh a. Ka hawi phei chu Lucca a rawn lut, “Buaina kannei.”

“Enge?”

“Ka nu in a rawn call zo chiah.” A sam dum tle hlarh chu a tuai chho a. “Chuan ka nupui a hmuduh a.. Kan inneih lawmpui nan Sunday hian ball buatsaih a tum bawk. Naktuk hian Naples ah kan kal angai.”

Awii... Ka pasala nu nen kan inhmu dawn maw?

Zawhna awm ta chu... A duhzawng ka ni angem?

------------------------------


Naples kalkawng chu nimina kan inhauhna ai pawn a hrehawm zawk. Ramsa in min um ang maia chakin a Ferrari a khalh a...den tak ani.!!Tukverh lam hawiin hmun mawi tak takte chu en tum ve mah ila.. Hmuh pawh ka hmu hman mang lo... An phe zut zut ringawt. Ka hlauhzia hrilh erawh ka tumlo.

Lucca hian hlauh vanga min thihtir a tum anihchuan... A hlawhtling ngei ang.

Khawvel leh a chhunga awm tehi a haw vek emaw tihturin nimin atang khan tu chungah pawh a vin em em reng ringawt a.

Nizanah pawh Allegra in coffee a duhleh duhloh zawh tum alo titap ringawt . “Duh ila ka sawithiamloh i ring ami? “ a lo tihkhum hrep.

“Ka.. Ka tihpalh. Puber.” Allegra tap tuauin choka lamah a tlan nghal nal nal.

“I chhiahhlawhte chunga sual hi nuam iti ami?” Allegra awmloh hnuin ka ti hlak.

Min melh run a . “Min inhnialpui i châk ve hrim hrim anihchuan sawi rawh.”

“Ka châk ka ti ami?” Ani pangngai taka biak hi kan lâm zir ai pawn a har zawk. “Eng ang thawmhnaw nge ka ken ang tih rawn zawh che ka tum mai ani.”

Ning tih hriat takin a mit a chhing sawk. “Ka hre lo. Incheina tlâk leh awmhmun hâk. I duh duh animai.”


Ka lu ka bu a. “Awle Pu zahawm. Ka kal ange.. I in up lai ka tibuai palh ang.” Ngeiawm deuha tiin ka chhuahsan nghal...


“Minbe dawn lo ami?”Ka ngaihtuahna tang mintiharh zawk. “Kan inneih lawmnaa kaltur kan nihhi.”

“Minbe suh. I motor khalh lai chauh kha ngaihtuah rawh.” Tukverh lam ka hawileh hmak.

Thaw alak vang vang hnuin a rawn tawngchhuak leh. “Min ngaihdam nan hian engthil chiah nge ka tih ngai, Tatiana.”

“Gio hnenah ngaihdam dil rawh.”

A ti dawn lo tih ka chiang. Tiduh nise nimin khan a titawh ang.. Vawi tamtak ngaihdam dil turin ka ngen tawh. “Ka sawisa hrep lo kha lawm hle tur zawk ani.”

“Engmah a tisual hleinem.” A lam kava hawi a. “Engvangin nge i bân rikngawt?”

“A huang chin a pêl.”

“Eng chin maw?”

“Ka nupui inia... Anichu i driver ve mai.. Khawih theihna che a neilo.” A thinrim ka chawk tho leh mai maiin ka hria.

Kan dinhmun hian ka lu a ti na ngut ngut thei. “Thikthu i pe chhe mah mah ani,Lucca”

“Aih... Anilo.”

“I chiang chiah maw?” ka ti hmuk. “Internet vela i chanchin ka chhiarah chuan i ngaihzawng in mipa dang lo kawp pawh nise engahmah i ngaihloh thu a inziak asin.”

Ngeiawm deuha nui sukin min rawn en a. “Chutiang nen a inang hleinem duhtak. Khang te chu ka kawp mai mai annia.. Nangchu ka nupui ..ka hmeichhia ini.”

A thilsawi vang chuan ka thinphu alo rang hman. “Nupui lem... Kan pahnih inkara thil thleng zawng zawng hi engmah nghet a awmlo.” Pangngai taka ka sawichhuak thei chu mak ka inti zawk.

“Kan hria ang chu.”

Nia.. Kan hre khawp ang. Tu Italian mipa mah hi ka infiamkual tir tawh dawnlo. Vawikhat bumna ka tawrh kha a tawk viau ani.

Palazzo di Cavelli kan thlen hma chu kan inbe leh tawhlo.
An in chu lian ropui tak ani. Kum zabi 15 na daih tawha Caprielle Duke 15na in thin ani nghe nghe. Hmânlai leh Moorish style inpawlha sak niin an huan zau takah chuan marble milim nalh tak tak a awm nual bawk.

Lucca’n a Ferrari a hung fel hnuin min rawn en a. “Nupa inngaih tak anga kan lan angaih kha theihnghilh suh ang che. Inhmelhriattirna kan neih hunah tuman kan inhau tih an hretur anilo.. Abik takin ka nu.”

“Chutiang ka hriatloh i ring ami?” Ka seatbelt phelh pahin ka ti ve deuh hlak. “Ka tihtur chu ka hre ve. I tihtur kha ti la a tawk.”

“Ohh..min ring rawh. Ka ti lutuk ang.” Car atang chhuah pahin a ti leh hrâm.

Step tawp kan thleng chiah tihah kawngkharpui atang an chhiahhlawh ni awm tak paruk an rawn chhuak dual a...An hnunga signore Felipe lo nui vur vur kava hmu bawk.

Tuna kan awm dan hian ka pa damlai min hriatchhuahtir. Russia a kal apiangin min hruai ve thin a.. In kan thleng chiah tihah a chhiahhlawhten Lal ang maiin chibai anlo buk thap thin.

“Palazzo di Cavelli ah kanlo lawm a che, pu zahawm.”

Kan bungrua vel chu rawn la sawk sawkin inchung lamah an chhohpui nghal a. Lucca lahin a sawi ang tak takin nupa inngaih tak anga kan lan theih nan..ka kawngah a vuan ran bawk.

“I room turah ka hruai ang che, mi amore.”

Signore Felipe leh an chhiahhlawh thenkhat ten min en deuh thap tih ka hmuhin ka nui lui ve suk. Tiangte chu ka thiam ve emai. “Ka lawm e, duhtak.”

A mitmeng atang chuan kan thiltih hi nuam a tihle tih a hriat. Kan awm fâl hunah ka la tim leh hrep ang.

“Heihi i room tur.” Room zautha tak kan thlen chuan a ti a. Engkim hi a chângkang vel vek. “Caprielle duchess room thin anihhi.”

Ka hawikual vel a... Banga kawngkhar awm chuan ka mit a la deuh... Engatan tak ni ang maw? “Saw kawngkhar saw engatan nge?”

Chimawm zeta nuiin min rawn en. Tiang hmel a put chuan thiltha tak ani theilo hrim hrim. “Saw kawngkhar saw.. Duhtak.. Ka room nena inkalpawhna anihsaw... I room dawt chiahah hian ka room a awm tihna nihchu.”

“I fiamthu tiraw? “

Ala nui reng. “Ka fiamthu lo.”

“Anihchuan signore Felipe hnenah chahbi ka dil mai ang.” Ka hmai rawn sat hut hut chhan pawh ka hrelo. “Zanlaia tlawhtu neih ka châk tehchiamlo.”

A rawn nui chhuak hawk chuan mintiphu chiang ngei mai. “Aww... Duhtak.. Hmanlai hun anitawhlo hi i vannei hle ani. Chuti nilo se ka khumah phuarbeh ini kumkhua anga.. I tihtur awmchhun chu min tihlawm ani ngei awmsia.”

“Awihawmloh lutuk.”

Min chhân leh hmain kawngka a rawn ri kerh a.. Chhiahhlawh pakhat rawn lutin, “Pu zahawm, Piber in i nupui nen a rooma kal turin a duh che u.”

Engtin nge ni ang... “Kal ang le.” Lucca’n a rawn tih phei chuan ka zam chhe lo chauh.

‘A duhzawng ka ni ang em?’ Tih zawhna ringawt hian ka rilru a luahkhat.

...............................................


LUCCA CAVELLI’S POV

Ka nu room kan pan a. Tatiana ka kai chu a khûr der der mai. A zam hle nitur ani..

Nimin khan minute 15 chuang phone atang khan min hau a... A hriatloha nupui kalo nei kha alawm lo hle... mahse a âwm ve tho... Tiang dinhmunah tu nu nge lawm ang. Inneih lawmpuina min buatsaih a tum thu a sawi a...kha erawh ka hnial talo mai.

“Lungngai suh.” Ka nu room kan thleng tep tihin Tatiana hnenah chuan ka ti a. “A duhzawng ini em em ang .”

“Ka beisei.”

Kawngkhar kikin kan lut nghal a.

“Lucca” Ka nu chuan minlo kuah nghal chawt. “Enge i an, ka fapa?”

Ka lu a fawh theih nan kalo kunhniam vat. “Chibai Ka nu.”

“Oh!” Tatiana lam chu enin, “Heihi i nupui chu em ni?”

Tatiana chu ka pawt hma a. “Mariya, heihi ka nu Sophia Anna Cavelli anihhi. Ka nu.. Heihi ka nupui Mariya.”

“Chibai le Pi zahawm.”

Mi nêlawm tih takah ka nu chuan Tatiana chu a kuah ve nghal zat. “Khawngaihin nu minti rawh. Ka fanu ini tawh alawm. “

“Ka nu.” Lai deuh râta tiin a kuahlet ve mai a. A mittui tling puau chu ka va hmu..hnem duh viau mah ila.. Kan inkar ala that siloh avangin ngaihdan tha tak anih ka ring chiahlo.

“Lucca.. Minlo va chhuahsan thei angem?”ka nu chuan a rawn ti a. “I nupui nen hian inbiakna hun minpe ve la...naktuka in inneih lawmna tur vel te kan han sawi ange.”

“Ka kal dawn ania duhtak.”

Tatiana chu alo bu nghut a. Kanu in sofa ah alo pawt thu nghal zat.

“Kan tha em em ang Lucca” ka nu chuan ka chhuah mailoh vangin a rawn tileh.

An pahniha inbe tur chuan ka kalsan ta a. Engtin tak naktuk inneih lawmna chu hmang ang maw.. Biak pawh kan inbe mang lo ania. Tu emaw tak chuan kan inhau tih an hrethiam ngei ang.

Vawiin ral hma ngei hian kan inremlohna hi sawifel ngei angai ani.

................................


TATIANA ROSTOVA’S POV

“Oh... Tatiana, eng nge diklo awm duhtak?”

Darkar thum liamta mai khan Francesca nen kan in call a.. Naples a lo kal nghal turin ka ngen ringawt.. Min hnial buailo chu ka lawm hle. Tunah ka hmaah a ding rân tawh.

“Eng nge ni?” A mitmeng min ngaihtuah tih hriat tak ka hmu chu ka tah a chhuak takzet. “Lucca chungchang em ni? A hmaa in inhauhna kha insawifel tawh em?”

Heivang hi ania ka ngainat em em. Engmah pawh ka sawi ngailo in a hrethiam vat zel.


“Ka thiamloh vek ani.” Francesca chuan rawn tilehin min kuah hlûn a. “Gio nen khan lo lamdun tirlo che ila tiang thil hi a thleng lo tur ania.”

“Aih” Ka kuahlet ve nghal. Ka inhumhimna ang mai ani. “Lucca thiamloh alawm...mi mawl ang maiin a che a.”

“Kan duke hmeltha lutuk-a tianga hmeichhiain mawl tia a koh ka hriat vawikhatna. Chupawh a nupuiin.” Tiin a nui vur vur.

“Nupui lem” ka hriatnawntir leh ngat. Nupui lem tih ngaihtuah ringawt pawh hian minti châu. “Lem kan chang ka tih tawh kha.”

Ngaipawimawh lemlo in a dar a chhin âk. “Anihchuan eng nge in buaina, Tatiana?”

“Rome chanchinthar vanga kan inhauhna khan kan inkarah hian khi lian tak a siamin ka hria. A tira kan inneihna kaltluang tak kha hremhmun ang mai ani tawh.”

“Oh duhtak.” Ka bulah thuin ka kut a rawn hmer vang vang.. chu ringawt pawh chuan min ti hahdam sawng sawng thei. “Lucca nena hian insawifel thei em em ang.”

“Ka hrelo le. A nu takngial pawn diklo a awm tih a hmu thei ania. Intihthiamlohna kan neih leh neihloh min zawt hial asin.”

“Thil ka zawt thei che ang em?”

“Tehreng mai.”

“In inneihna hi inremsiamna mai ani tih chu ka hria.. “ a chawl dat a.. Min en vang vang hnuin, “Ih...nupa nun in hmang dun tawh em?”
“Awii... Ka zak lutuk hi ka hmai a sa nghal hut hut mai. A mitah pawh ka en ngamlo. “Aaaa.. Chutiang kan inremsiamna ah a tello a.”

“Chu chu in mamawh pawh ani maithei asin.” A thilsawi vang chuan kalo thaw hrâwk. “Va ti huam huam rawh ka tihna ani hleinem. In pahniha induh chuan ka tihna mai chauh ani.”

“Lucca’n a duh dawnlo tih ka chiang”

“Chutiangin Lucca ngaihdan tur sawi ngawt suh duhtak. Hetiang thilah chuan sawiduh eng eng emaw aneih ka ring.”tiin min a mitko a rawn san ak ak a.

“Francesca..”

“He duke chhelo lutuk hi mutpui châkna pakhatmah i neilo ami? Hmeichhe tamtak hi a mutpui nih châkin an phi cheng ang chu.”

“Anih ka ring” ka ti hmuk.

“Oops.. Tihpalh.” Saw mitmeng chimawm lutuk saw. “Ka sawi awmzia ber chu...eng nge pakhatin a ngaihdan engmah hrechiang lo in inbethalo reng a. Inremdan tha ber nia ka ngaih ka rawn sawi ve mai mai anihchu. Thu a sawifel theihloh hi a awm ve thin ania.”

Lucca nen chutiang thil kan tilai tur vel ka mitthla chuh... ka zak lutuk hi ka puakkeh lo chauh.

“Ka hrelo le Francesca.. Kan la inngaih bawk silo a.”

“Anihchuan zaninah inrem tum rawh u.” A tileh a. “I pasal room ah kal la..han thlêm vel teh Tatiana. A hnuleh chu nuam iti ngawt ang tih ka chiang.”

“Francesca!!” A thilsawidan avang chuan ka nui chhuak hawk hawk. “I sawi bawn thei emai.”

“Tum chhin rawh.” Thutak runin a rawn tileh. “Thil thleng tawh zawng zawngah khan a ngaihdam phah em em ang che..châkna in a mit a tihdel tawh chuan in inhauhna kha chu a theihnghilh vek mai ang.”

“Ka thlêm duhlo.” Ka ti nghet charh. “A thiamlo zawk alawm. Gio hnenah ngaihdam dil phawt rawh se.. A chêt dan kha a mawi lo lutuk”

“Chutiang engahmah a ngailo ang.”

“Timaw?” A sawidik tihchu ka hrereng. Kan mi luhlul lutuk hian driver ve mai mai chu ngaihdam a dillo tawp ang . “Duke ania.. A thiltih ah mawh a phur tur alawm.”

“Duke ni mahse mipa anihna a bo hleinem. Mipa tan chuan an thiltihsual pawm hi thil harsa ber aniang chu .”

“Chupawh nise...ka thlêm vêl duhchuanglo”

“In ngaihtuah chiang rawh.” Tileh hram in, “I driver hnena ngaihdam dil tur pawn i intiam tir thei maithei asin.”

“Hetianga mi han chhâi vel dan hi min zirtir tel tihna em ni?” nuihsuk in ka fiam zeuh. “Lucca’n tel turin a ti che nimaw?”

“Teuhlo” tih pahin a nui uar uar . “Private lesson ah ngai mai rawh.”

“Mahse mipa han chhâi vel ka thiamlo.”

Chimawm hmel zetin Francesca chu a nuileh ta vur vur mai. Ruahmanna maksak tak a nei leh ngei ang. “Kalo kal lama kawrhnuai thar kalo lei che chu ka tifuh hle mai.”

“Awiiii... “


...... ...........................



LUCCA CAVELLI’S POV

Ka nupui nen kan inrem theihdan tur ka ngaihtuah chhuah theih ka ring kha ka tisual chiang hle mai. Chawhnu pum study room ah ka inkhung chung pawn engmah ka ngaihtuah chhuak theilo.

Ka room a ka lêtna pawh ala reilo. Ka lu pawh a na bûr tawh. Hreptak hian! Ka nupui lah min haw em emin room lehlamah a awm reng bawk si.

Mutluih ka tumlai takin room inpawhna kawngkhar a rawn inhawng.

Ka thilhmuh chuan mi thawng ngei mai...ka meng kawk a..ka dang a ro nghal vek bawk. Ka nupui ngei mai chu kawngkhar bulah...bra dum leh kekawrte chauh ha in a ding rân mai...a bawp sexy tak pawh a lang vek.

Engthil nge thleng hi??!!! Ka mumang em ni? Ka mutthilh lai ka hrebawk silo a... Ka mumang anihchuan harhchhuak tawhlo mah ila pawi ka tilo.

“Tatiana?” Ka tichhuak tawk. Ka ngaihruatna mai anilo tih chian ka duh.

“Lucca” sexy mangkhengin a rawn ti thâm tiak.. “Ka nghak rei tawh lutuk che asin.”

“Tatiana” Ka thluak hian hna a thawk tawh pawhin ka hrelo. “Eng nge thil awmzia Tatiana?”

“Biak che ka duh a.”

“Ka chil ka lem leh khalh. A rawn pen phei chu ka theihna zawng zawng tak meuh meuhin ka insûm. “I hria anihchuan duhtak.. Thil han sawina boruak nichiahin a langlo.”

“Timaw?” a mitmeng dumpawl sexy tak maiin a rawn de set set a.

“A chhan chu duhtak..pen khat pawh i rawn pên leh anihchuan ka chêtdan tur ka sawilawk theilo.” Ka rilru diktak ka sawi hmiah.

“Anihchuan ti ta che.”

A bâk engmah a sawi angailo . Pen thum pen hrâwkin Tatiana chu khumah ka bawhbet nghal. A nui nghal er er chu hriat anuam takzet.

“Tatiana” a chunga la awm rengin a hmai zartu sam chu a bengah ka zep a. “Engvangin nge tiang hian i awm?”

“Ka rawn thlêm dawn che.” A hmui sen tha tak ti sexy zual turin a rawn nui sen sen a...a mitmeng lunghlu ang maia mawi chuan min en kalh bawk. “Inneih zan ka rawn hmanpui dawn che. Lucca.”

“Duhtak” ka thin rawn phu dup dup chu haiderin, “He thil hi kan tihchuan..a hawikir theih tawh dawnloh ania.. Kan inneihna kan tinghet dawn ani tih i hrethiam tiraw?”

“Ka hria alawm... Ka mamawh che Lucca”
Ka nui suk. “Min ring rawh duchess. Tuna ka mamawh zia che hi i hrethiam phaklo ang.”

“Anihchuan i ta ah minsiam rawh Lucca.”

A sawizawh rualin ka fawp nghal vawng vawng. A kawng fêk rât leh awmbawr chu ka chûlvêl ruai a... Ka duhkhawp chuanglo.

“Tianghi adang ila nei em.” Tiin a thil inbel chhun chu ka melh zeuh.
“Aw.. Tinge?”

“A thatchu.” Tiin a kawrhnuai chu a sir tawn tawnah ka vuan a. “A dang tamtak pawh ka lei leh mai ang”

“Engtin nge tih i t---?” a bra ka pawt thler chu a rawn thaw hrâwk. A taksa mawi tak hi ka enning thei ngailo ang.

“He thil tih hi i duhchiah maw?” Ka zawt nawn leh ngat.. Nakina min huat leh ka duhlo.

“Aw”

Kha zawng kha ani ka hriat duh. Tuipuia ka chhar tuka a bawp mawi tak ka hmuh..zana kalo suangtuah fo thin chu ka chûl vel ruai a. Ka insum thei tawhlo..ka che buan buan aniber. Dimna tel hauhloin a hmeichhiatna ah chuan ka lut ....

Lalpa leh!! Engethil nge ni hrep!! Pasalhual khati chen kha anei si a!

“Tatiana..” a hmel ka en a. Ka ti na tih ka hria... Phawichhuah nghal ka duh.. Mahse ka châkna sosang tawh lutuk vangin ka tilawk lo.. “Tatiana..”

“A pawilo Lucca.” A mit atang pawn na ati tih a hriat.. “Min duhloh phahte anih loh chuan?” Enge a sawi awmzia.... Ahmel ka enchiang chu a inringtawklo hle tih ka hrethiam.

Ani baka duh leh mamawh ka neilo tihhi a inhrelo ani ngei ang. “A thaleh vek mai ang.” Dam thlupin ka ti a.

Muangchângin ka che a...atan ahmasa ber ka ni tih hriatna hian sawifiah thiam phak bakin minti hlim. Ka zawh hma hretin a vawrtawp a thleng a... Ngai awh tuma a thaw hlawp hlawp chu ka thlir reng.

A chung atang chhukin ka kuahbet nghal hlûn...mintih lawm zia hi a hre awm silo a..

“Tinge atirah min hrilh loh a?” kan hahdam deuh hnuin ka zawt a.

“A pawimawh ami?”

“Aih” dik takin ka chhâng. “Kha ai khan ka dim deuh tur che ania.”

“Chutiang ka duh hleinem.” Dak chhoin min rawn nuih ver ver.. “Min dimlo la ka duh alawm.”

“Ka dimlo rêng che a” a dar chu ka fawp a. “Minti lâwm takzet.”

Rawn nui leh kerh kerhin. “Ka lawm e Lucca.”

“Enga timaw?”

“Hmeichhe diktaka minsiam avangin.”

A thilsawi chuan minti nuisuk. “Hmeichhe diktak ini alawm. Ka hmeichhia.”

“Nia.. Adik alawm.”

Min hnial leh hrep ka ring a... Ka rinloh lam daihin min chhang. Kan ngawih deuh vang vang hnuin a rawn tawngchhuak leh, “Chuan.. Ka tihpalh.”

“Enga timaw?”

“Chanchinthar vel kha i insawifiahna kalo ngaithla duhlo a.”

Min en theih nan ka her a.. “Nimina ka chet dan vang khan keipawh ka tihpalh. Ka nuna a vawikhatnan mi ka thîk a...ka chetdan alo mawilo hret ani. Min ngaidam rawh.”
A kutzungtang ka hmuiah rawn dahin...”Ka ngaidam che Lucca.”

A phuba lakna turah hma kan sawn thu kala hrilh lo tak e. “Tatiana.. Paolo Renaldi nen kan inhmu... “

“Shh..” Ka tawng chhunzawm tur chu minlo pawtchat vat. “Kan zan nuam tak hi an chanchin sawia tihchhiat ka duhlo.. Naktukah kan sawi dawn ania.”

Kalo nuisuk, “Si... Muttui .. Kanupui duhtak”

“Muttui” ka hmuia rawn fawp zeuhin ka dar nghengin a muhil siai siai a.

................................


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 10th, 2021, 11:30 am

CHAPTER-11

PAOLO RENALDI’S POV

“Tatiana ani. Ka chiang. Kan laka phuba la turin alo let anihhi.”

Inhualna party zawh atanga darkar hnih chhung khan he thu ringawt hi ala sawi. Sabrina hnena he thil hrilhfiah hi thil theihloh tawp ani.

“Ani kha Tatiana anilo.” He thu ringawt pawh hi vawi za vel ka sawi tawh..ka dawhtheihna hian a tlin lo lek lek..”An inang tihchu ka hria.. Mahse Tatiana chu Amalfi tuipuia a tla lai kan mit ngeiin ka hmuh kha..tui a cheng thiamlo bawk..damchhuah ngaihna a awmlo.”

“Mahse i hmuve ani lawm ni?” Sabrina chu ramsa â ang maiin a vei tawn sek. “Kha mitmeng danglam lutuk..Rostov thlah mitmu dumpawl ngei maiin min melh kar kha.”

Minti chau zo. “Nangmah leh nangmah i inbum mai mai ani. Rina.”

“Ka thilhmuh chu ka hria.”

Dawhkan lam panin ka kalsan a..whiskey ûm chu lain no pahnih ka lachhuak nghal.. Mahse Sabrina a rai avangin a in ve theilo tih ka hrechhuak. “Ka hria..keipawn ka hmuve .. Mahse party naa lokal tumah khan Tatiana anih an ring biklo ang.”

“Aih. Tatiana ngei ani. Ka chiang.”

Zû chu ka tlâk pawp. “Tatiana ni se tinge tunah chauh alo let. Chuan tinge a hming a thlak ngawt ang?”

“Ka hre nang”

A bul atang bawkin kan tan dawn a ang. “I ngaihruatna mai mai ani Rina, i rai vang te pawh aniang. Nizanah ka chhiar fu alawm.. Rai lai chuan in rilru puthmang a danglam thut thut thin tih.”

“Ka rilru chu a pangngai alawm. Ka lawm e Paolo.” A rawn ti chang fak. “Khawvel mi heti zozai ah tinge Mariya Cavelli hian Tati hmel ang a put kher?”

“Thil mak tak tak hi a thleng fo rêng ania.”

Thinur tih hriatzetin a nûr nang. “Tati chu khawiah pawh lo awm se...he Mariya Cavelli vanga kan buai hi min nuihsawh ngei ang.”

Ka pawm zawng ani hauhlo thung. “Tatiana kha chutiang mi anilo, Rina. Mi zaidam leh ngilnei ber ani asin.”

A mitmeng chu huatna hlirin a khat. “I fa ka pai mek a...innei mai tur kan ni chung si hian ani mitthi tawh chu ila ngaihtuah reng ania.”

Beidawng zetin ka thaw hak. A hahthlak ani. “Chutiang anilo.”

“Anih eng nge?”

Ani biak hi awmzia a awmlo. Darkar hnih liamta atang khan tiang hi kanni dawn tih ka hretawh. A chawlh hahdam theih nan.. hawsan ila a tha zawk ang. “Ka kal ang e. I rilru i tihah lutuk... I naute tan pawn a thalo ang.”

“Kan naute, Paolo.” Ka mitah tak min en kar, “Kan naute anihhi. Kan pahniha kan siam dun.”

Tatiana phatsana kan siam. He thil ka hriatchhuah apiang hian hremhmun a kang ral vek tlak ka nihzia ka inhrechhuak thin.

“Engpawh chu nise. Ka kal angai. Mu hahdam rawh.”

Kawngka lam pana ka pen tan chiah tihin Sabrina nihna diktak..mi thlêm thiam em em mai a nihna a rawn lang nghal zat. “Riak ve mai la, duhtak”

“Ka theilo.”

“Aw.. I thei alawm.” Min rawn pan hnaiin a mit châkna vanga de sawt sawt chuan min melh ralh . “Ka inhualna party hlimawm loh zet kha min han theihnghilh tir teh...”

“Sab---”

“Khawngaihin.. Duhtak.”

Tianga a awm in engtin nge ka hnar theih ang. Ka pawm lawk a..room lan ka pan pui nghal...
...............
LUCCA CAVELLI’S POV

Reife hmangaihna kan chen dun hnuin..pangngai leh tumin thaw ka hip vang vang. Ka nupui pawh ka awmah beiin ruak vekin ala awm.

“Hetia an nuna i letleh takah hian eng nge tih zel i tum?” khuma sawidun chi aniber lo tih ka hria..mahse ka hre châk tlat.

“Paolo Renaldi hi min hmangaih ngawih ngawih turin ka siam dawn...Sabrina in min thik lutuk vanga a ât vek thlengin ka induh tir ang. Chuan..ka chunga a tih ang chiahin a tawpah ka hnawl ve ang.”

Rilru thianghlim tak thin tianga a awm ta mai hi awih harsa ka ti.

“I thlitih tum chu i chiang maw?”

“Eng nge i sawi awmzia?” a mitmeng mawitak chu mahni inringtawklohna in khat nghal. Party laia hmeichhe inringtawk tak kha niloin Tatiana dik tak angin a awm leh tawh. “Paolo Renaldi hi ka chhai thluk theih i ring lo em ni?”

Ka lu kalo thing. “Chu chu ka sawitum anilo, duhtak. Nangmah zawk hi Paolo Renaldi zûnah i uai leh mai zawklo ang maw tih ka ngaihtuah ani.”

A hmel chu a pangngai leh nghal. “Lungngai suh Lucca.” Ka hmai a rawn chul hliau hliau a. “Paolo Renaldi hmangaih leh tur khawpa mimawl ka nilo. Rintlak anilo tih ka hria alawm.”

“I chiang em?” ka lu her deuhin a kut chu kalo fawp vawng vawng.

“Aw” Paolo nen an inkarah engmah a awmtawhlo tih tichiang tur ang maiin a aw chu a nghet charh.

Ka beisei takzet.

“Lucca?”

“Si.”

“New York ah hian ka ruahmanna kalpui turin kan awm rih thei angem?” inthlahrung deuh dêkin min zawt a. “Hna pawimawh inei anihchuan keimah pawhin min kalsan thei tho a...mahse i awm ve khan k---”.

“A tha lawm. Helai hmunah hian nangmahin ka kalsan lo ang che. Tuman an tihnat che ka phallo. Ka venghim ang che.” Tiin a thilsawi lai kalo pawtchat.

Hlim hmel taka a nui chu hmuh nuam tak ani. “Ka lawm e, Lucca” rawn tawlh hnaiin ka hmuiah a rawn fawp zeuh. A chêtdan duhawm lutuk vangin kalo hlim veng veng.

“Muhil tawh rawh.” Ka mutrem tir a. “Naktuk a thil thleng tur chu hunin a hril chawp ve mai ang.”
. .............

SABRINA HUNTER’S POV

“Sabrina? Nangmah ini tiraw?”

Ka aw hriat than tak maiin ka hming a rawn lam chu kalo rum nghut. Manhattan a lingerie dawr lâr berah hian tinge Mariya Cavelli nen kher kher kan intawh..Tatiana nena an hmel a inan em avang hian ka teithei thaklo.

“Helaia kan inhmu hlawl chu amak hle mai.” a hmelhmai reng reng atang hian a hausa hluah hluah tih a hriat. A designer kawr hak pawh a inhmeh narawh e.. Amah hmutu apiangin an en zui ngawih ngawih pawh thilmak anilo.

“Pi zahawm.” Ka lawmloh zia ka aw ah tihlan loh hrâm ka tum. Ani hmuh hi ka thilchâk loh berte zing ami ani..a theih phei chuan hmuh tawhloh hrim hrim ka duh. Mahse Paolo an a pasal thiltihthei tak kha a mamawh bawk si.

“Kawrhnuai thar i lei dawn animaw?” ka kuta ka thil kenmek chu rawn melhin..nêlawm deuh chuan minbia a. “In honeymoon atan em ni?”

Ka ha chang ka thial rawp rawp. A aw nelawm tak phena khâkna awm hi ka hailo. Mariya Cavelli hi a theih hrâm chuan pehhel ka ngai. Hmeichhe hlauhawm tak anihhi.

Nizana Paolo min hrilh ang chiah khan Tatiana nen an inanglo lutuk. An hmel chu a inang a..mahse ka hmaa hmeichhia hi chu inla ve tak leh tenawm tak ani.

“Anih nang ve Pi zahawm.” Tiin ka zawtlet ta zawk a. “Eng nge hetah itih? Kawrhnuai thar ilei dawn em ni?”

“Aw. Kan duhzawng a inang anih hmel. Kan honeymoon tana ka lei thar Lucca’n a pawtthler ta sia..a thar lei ka ngai a.” Min en kalh. “Khawngaihin ‘Pi zahawm’ tihvel kha chuan min au suh..Mariya minti tawp rawh. Thiantha tak kanla ni dawn tih ka hremai.”

A thilsawi vang chuan kalo meng kawk. A rilru a awm a sawi pawp pawp mai zel anihhi. “New York ah hian a hmain ilo kal tawh em,Mariya? Nge ni a i vawikhatna?”

A lu chu a sam dum tha tak phe siau siauin a thing nak nak. “Aih. Tun hi New York ka kal vawikhatna.”

“Eng nge ang itih?”

A mit en chuan eng emaw ngaihtuah anei tih a hriat. He a mitmeng mawi tak phênah hian thil inthup a awmtih ka hria..mahse enge ka hrelo. Ka nuna mi ngaihtuahna diktak ka hriatloh vawikhatna ani..ka unaunu hmel ang ala pu zui.

Tatiana chu a thi tawh. Tuipuiah a thi tawh. Ka mit ngeiin ka hmu.. Tuna ka hmaa mi hi ka unaunu a anilo.

“New York hi a nuam ka ti.” A aw ah engmah a rilru diktak a lang chhuaklo. “Ka pasal pawh kar reilote kan châm belh theih nan ka dil nghe nghe asin. Han fankual vel hi ka châk takzet.”

Ka ang phuau loh nan ka inthunun theihna zawng zawng ka hmang. Anla châm dawn a maw? Hetah maw?

“I duhzawng i hmu tawh em?” lingerie sexy tak takte chu enkualin min zawt a.

“Aw” tiin ka chhâng. Mahse kala hmulo. Hmuh chu sawiloh..ka thleng ve deuh chauh. A lak atanga kalsawn vat hi ka duh ber rih.

“Tak tak maw? Kha chauh kha maw i lei dawn?” kekawrte pakhat ka kenlai chu a rawn melh zeuh.

“Aw” Huiham.. He hmel ka huatzia hi.

Kekawrte a hmuh remchân ber chu la thlain, “Heihi kan inthianthatna bultan nan kalo lei ang che.”

“Chutiang tih angai hleinem.” Kalu ka thing nak nak. Ani lak atang hian engmah dawn ka duhlo..he dawra thilte hi a to ber ber vek ani..mahse hak an nuam em em..chuvang a lar pawh chu ani. Mahse Mariya hnen atang hian thilpek ka dawnglo ang.

“Ka ti duh alawm.” Ti talhin counter lamah a man pe turin min hruai phei a. A purse atang chuan Black card a rawn phawrh chhuak. “Duke hausa tak nupui nih nawmve na pakhat..sum senna tur lamah chuan tam lua a awm tak taklo.”tiin min nuihsuk.

Ka hnial ve hma in a pefel vek tawh. Tunah chuan alakah ba nei ang maiin ka inngai...chu chu ka haw hle bawk. “En teh Mariya...keiman ka pe ve mai ang..”

“I pek ka duh hleinem.” Min hnialkalh leh nghal. “Mahse coffee min treat a...hrehawm ti taka ka bula la awmtir che chu pawi ka timiah lo ania.”

Ka chhân leh hmain ka phone a rawn ri. Tupawh nise... Minlo call tu chungah chuan ka lawm hliah hliah. Screen ka en chu Paolo niin ka la nghal vat. “Hello duhtak.”

“Rina, khawnge i awm?”

“Lingerie dawrah. Tinge?” tiin ka zawt ve nghal vat..a aw a dikchiahlo.

“Blue Moon a kan lunch eitur kha kan thulh thei mai angem? Duke nen meeting pawimawh tak kan nei thut a..ka rawtna hriat vat vat a duhthu a sawi a.. . Hetiang huntha hi ka hloh theilo ani.”

Eng ang vanduaina rapthlak nge ni ngai. “Ava tha ve! Hei ..a nupui nen kan awmdun mek alawm.”

“In awm dun maw?” a tawng dan chu a mawilo lek lek. “Mariya Cavelli bulah i awm maw?”

“Aw.. Coffee kan in dun dawn nghe nghe asin.”

Paolo thaw hak ri chu ka hria. “A that nasat chu Rina.”

“Nakinah kan inhmu dawnnia.”

Ka phone dahin minlo en kar tu Mariya chu ka melh a. “I pasalhual animaw?”

“Aw” zawitea chhângin.. “I pasal nen lunch an nei dawn a ang.”

“Eee..ngaihdan tha deuh ka nei.” A rawn ti hluai chu kalo phu zawk. “Kan mipate chu zawm ve ila..lunch nge business meeting nge... Engpawh ni rawh se... Va zawm ve ang..keipawh ka tamchhawl lo chauh tawh.”

Ka hnial leh hman tawhlo..a car lam panin min kaichhuak nghal dawr dawr.

...................

PAOLO RENALDI’S POV

University zirlai ka nihlaia ka professor in ka paper a check vel mek nen khan tuna ka awmdan hi a inang viauin ka hria. A danglam awmchhun chu ka hmaa thu hi professor niloin duke hausa tak Don Lucca Domenico Cavelli ani.

Kan meeting neih atang minute 15 lek la ral mahse..a rei ka ti ngawih ngawih tawh. Sumdawnna kan tihdun theihna tur rawtna ka siam chu a enfel mek a...chutih laiin a hmelhmai pianzia vel kalo belchiang.

Kum 31 lek ni siin Italy a mipa hausa ber pawl ani a..Europe ram puma mipa thiltithei berte zinga mi anibawk. A hausak mai piah lamah..a hmel...hmeichhe tamtak a zûna uai tirtu hian a tilar zual hle.

Italian chanchinbu miten an ngaihven ber ni mahse...a mimal nun erawh tihchhuah tur an hre tlem hle. A ngaihzawng hluite tamtakin inneihna ah hnuhluh anlo tum tawh thin a...mahse an beidawng thak thak thin. Hmeltha nunrawng tih hming a put chhan pawh ani ta ve ang.

Mahse a nupui neih thu chuan khawvel a deng chiang hle...chupawh tumahin an la hmuhdun ngailoh...

Chunu chu Mariya Cavelli hi ani. Ka nupuihual thi ta nena hmel inang chiah chiah.

Heihi khuanu min hremna ani thei mai angem? Tinge mi heti zozai zinga Tatiana hmel ang pu thei ah Mariya Cavelli, duke hausa tak nupui kher anih?

“... Engkim a tha maw?”

Lucca’n ngaihthatloh hmel zeta minlo kohna chuan minti harh zawk. “Tihpalh... Thildang daih kalo ngaihtuah a. Pu zahawm.”

Min nuihsuk. “I nupuihual thar i ngaihtuah animaw?”

Minti zak ve deuh. Mahse anilo tih ka hrilhduh chuanglo. Ka ngaihtuah mek chu Sabrina niloin Tatiana zawk...a thinlung zawng zawnga min hmangaih thin tu kha. Mahse phatsanin ka tihchhiatsak vek. Tuia a tlak ni atang kha...minute tin mai hian...tinge ka chhanchhuah loh tih zawhna hi ka inzawt fo thin. Kha zan khan damchhuak ta se...min tihchhiat vek ka hlauh vang te pawh ani mahna.

“Ka dem chuanglo che.” Duke chuan rawn tilehin, “Hmeichhia hian mipa hi an thu thu a awmtir theihna maktak mai annei ania.”

“Chu chu i chunga thil thleng em ni Pu zahawm?”

A nui zeuh chu ka hmu hman. Min chhan veleh hmain ka aw hriat than tak mai hian, “Duhtak!”

Duke nen chuan aw lo chhuahna lam kan hawi nghal a..Mariya leh Sabrina kan lam panin anlo phei mek chu niin. Duke chu a thutna atang tho in a nupui bulah a phei vat a..keipawh a tih ang chiahin Rina lam ka pan ve nghal.

“Hetah eng nge in rawn tih a?” tihleh a nupui hmui sen sar ah chuan a fawp zeuh. “Thilthar leivel turin i chhuak dawn emaw ka tia.”

“Ka tum dan kha chu ania.” Tiin Lucca Cavelli chu a nuih ver ver. A nuihmel vang chuan kalo nghing dawt. Tatiana nuihmel chiah chiah ani.

Restaurant a mipa zawng zawng mit hi Mariya ah a fu deuhvek ti ila..ka sawisual ka ringlo. “Mahse Sabrina hi ka hmuleh sia. Chuan..in meeting rawn tihbuai che u kan tum ta a.”

Duke chuan inthiamloh hmel taka min melh zeuhin a nupui thutna tur a pawtchhuak a. “Kan meeting hi kan sawn hlat mai angaih hmel Renaldi. Kan nupui te awmlai chuan engmah kan sawifel theih ka ringlo.”

“Tehreng mai..kan sawn hla thei alawm.” Duke tih ang chiahin Sabrina thutna tur ka la chhuak ve nghal.

“Le! .. Khawnge waiter hi?” Mariya chuan a rawn ti vut. “Manhattan designer dawr hrang hranga kal kual hrep hnu chuan ril a tam duh khawp mai.”

Ni e.. Tatiana nen an mizia a inang lo lutuk. Mahse a nuihmel kha chuan Tatiana min hriatchhuahtir.

Tatiana Rostova..ka hmeichhe hmangaih kha.

........................

TATIANA ROSTOVA’S POV

“Lunch kan eilaia an hmel kha ilo hmu em Lucca? Thlahrang hmu ang hmai an nih kha.”

Ka pasal hmeltha tak pawh a rawn khi ve suk. Manhattan restaurant changkang bera thil thleng khan mintih hlim zia hi.

“Manhatthan khawpui laili taka Sabrina kher iva hmu kha...i vannei ka tilo theilo.”

Ka hnar kalo tum dat. “Vanneihna lam anilo Pu zahawm. Khalai hmun kha Sabrina lingerie dawr ngainat ber ani tih ka hria alawm..alo lan hun ka nghak mai chauh ani.”

“Ka rin ai daihin i lo sualthiam duchess.” Tia min fiam zeuhin car seat a ngheng ar ar a.

“A ber hnen atang ka zir miau alawm.” Ka fiam let ve zeuh. Lo sualthlak pawh nise..ka phuba laknaa hma ka sawn hrim hrim hian minti phur takzet.

Ka kut la in a hum vang vang a. “Eng nge a dawtah itih ang Tatiana.”

Paolo leh Sabrina te nen kan inthlahfel atanga zawhna kalo inzawh nawn mawlh mawlh ani. Eng nge ka tih leh dawn?

Ee..ka tihtur ka hre thut. Ka lung hi a awi hliah hliah.

“Paolo han thlem vela an inkar han sawinghin sak vel aia thiltha a awm dawn em ni?”

Ka sawi tawh angin...a sualthiam thlak viau pawh anithei. Mahse ngaihtuah ringawt pawh hian ka phi cheng tawh.

“Itih theih i ring maw?” a mitah chuan min ngaihtuah takzet tih ka hmu.

Mahse enge awmzia. Ka thiltih tum chu tha atilo tihna mi?

“Timaw?” ka chunga khatiang thil titute laka ka phuba lak dan tur a pawm lo chu ka lungawi chiahlo.

A dar chhin akin ka mitah tak min en kalh..hetia min en hian ka zâm thin..”Min ring diklo suh Tatiana. I nat ka duhlo mai chauh ani.”

A hmuh tur kherin ka melh nghek. A laka tianga awm ngam awmchhun tlemte zinga mi ka ni. “Ka na lo ang. Engvangin nge ka nat ngawt ang Lucca?”

A mit ka en chiang chu ka tawp chut. A mitmeng chu a vawt raih. “Ilo hmangaih tawh thin a. I hmangaih leh mai ka ring te pawh ani mahna.”

Sawitur pawh ka hrelo. Ka en tlawk tlawk tawp. Lucca hi hrechianglo ila chu..a thîk emaw ka ti ngei ang. He Italian mipa chhelo lutuk leh hausa tawntaw...hmeichhia pawh a duh duh thlang thei hian Italian millionaire mipa ve mai nena kan inkar chu alo ngaihven ang maw?

Awmang lo lutuk. Mahse a ngaihtuahna ringawt pawh hian minti lawm. Kei...buaina ringawt siamsak tu hi min ngaihtuah ve tihna ania.

“Ka sawi dik animaw?” a aw chu a mitmeng ang chiahin a vawt. “Nang aia i unaunu hrawn thlang zawktu mipa hi ila ngaihven reng tiraw?”

Thla khat liamta kha chu nise...a thusawi vang hian ka na ngei ang. Mahse tunah chuan Paolo duhna pakhatmah ka nei tawhlo. Chutiang bawkin Lucca thusawi khan keimahah engmah nghawng aneilo. A hmel pa hrâk mai chu ka en a...alo la thutak rûn..ka fiam châk tlat, “I thîk em ni Pu zahawm?”

A hmaa min melh dan kha a hlauhawm anihchuan tuna mi phei chu den tak ani. Midang chu nise hlauin an khur chhe der ang. Mahse keichu ka nilo.

“Thîk pawh ni ila eng nge?” a rawn ti daih. “Ka thîk theilo em ni? I pasal ka nihhi.”

Aw Ka Pathian..!! Tunah hian thulo ila chu ka ke te hian min zawh ka ringlo. Kha thil kha a sawi tak tak em? Paolo a thik thu a sawi maw? Francesca khan alo sawi dik ani!

A bulah tawlh hnaiin a hmeltha tak chu ka chûl vel a. “Paolo thikna chhan tur inei hleinem.” A ngaihthatnan tiin, “A lakah eng rilru mah ka pu tawhlo. Ka chunga an thiltih vangin phuba lak ka duh..chuzawng chu animai.”

“Iti tak tak em?”

Tunge duke sualthiam ve thei tak hi tiang em em hian a duhawm thei tih hria ang?

Ka nuih seih a. “Mmm.. Ka ti tak tak.”

Ala hmin chiahlo hmel ka hmuhin ka tawlh hnai leh deuh a..a hmuiah ka han fawp zeuh ...infawh zeuh tum kha Lucca’n ka samah vuanin min pawt hnai sauh a..ramsa koham tak ang maiin a che nghal buan buan aniber...

....................
LUCCA CAVELLI’S POV

Hetia car a ka nupui nen kan awm mai mai takah chuan...vawiin lunch a thilthleng kha ka ngaihtuah let zut zut mai....

“Kan rawn lang ve rawih sia... Tihpalh.” Tatiana chuan thutak lemloin a tiliam puat. Lem han chan vel hi chu hnehsawh tak ani. A phuba lak hi a zawh hunah lemchan lama kal turin fuih ila a tha ang. “In meeting pawimawh kan tibuai em lo ang chu.”

“Min tibuai pawh ni ula kan sawi chhuak ngam nang.” Tiin kalo fiam zeuh. A hlim hmel hian atthlak tak in minti lawm veng veng thin. “Ka sawi dik em Renaldi?”

Kava en chu Tatiana alo ngaihmelh nasa. Ka mood a danglam nghal vek. A nupuihual tuipuia bo ta anitih rinhlelhna chhete tal te hi a nei ve lo emaw ni. Nge ni a..Tatiana en ngawih ngawih chung hian an inanna hriat a tum zawk.

Ka duhdan anilo tawp mai. Tatiana nen an inzawmna chu tuipuia a kalsan atang khan a tawp vek tawh. Ka nupui chunga an thil lo tih tawhte vang hian an chungah thilsual rapthlak tak tih duhna rilru ka pu lian hle.

An kut leh ke te hi pawh darh veka..Tatiana na tawrh let tamtaka nâ tuar se ka ti takzet. Ni e..hetiang em em hian kala nunrawng ngailo. Hetiang em em hian tu hmeichhia mah venhim duhna kala nei ngailo bawk.

“Renaldi?” ka aw ah lungawilohna lan tirloh hram ka tum.

“Tihpalh Pu zahawm.” Tatiana atang amit lasawnin min en ve chiah. A hmai te chu a sen ang awp awp a. Zahna châng hrelo mihring.

An hriat thamloh turin ka thaw ka hip vang vang..ka in bengdaih angai.

“Anihchuan, khawiah nge i nupui nen hian in intawn Pu zahawm?” Sabrina Hunter chu an rawn thlen tirh atang a vawi khat nan a tawng ve a. He lunch hi keimah ang bawkin nuam ati bik vaklo a ang.

Tatiana chuan a en vat..nuihsukin, “Nikum nipui lai khan Sardinia ah kan intawng a.”

“Inhmuh hmasak bera hmangaihna ang hi em ni?”

Tatiana chu a tûm nghal hmuk. Kalo inrawlh ve vat a. “Aih” heichu thudik tak ka hrilh. “Kan inhmuh tirh phei chuan min haw so bawrh bawrh a...a lei hriam tak hian min vo zâm thei teh ania.”

Mawi ka tih em em angin a hmai a rawn tai tek a. Kan intawnni kha a ngaihtuah chhuak ve ani ngei ang.

“Duke thilthithei tak mai thlêm thluk theih chu hlawhtlinna ropui tak angah i ngai ang a?” Sabrina chuan chang fakin Tatiana chu a zawt ve thung.

Tatiana chuan a mitmeng huatna hlira khat chu thup bo tumin a nui lui sâng a. “Amah zawk hian maicham ah min hnuk thleng lo chauh tih sawi ila i awih angem?”

Sabrina lah alo âng phuau. Tatiana chuan ngeiawm zetin, “A nu ramchhunga a awmlo chung pawn min neih vat vat kha aduh a. Kan inneih thutiam chham tur khan anu lo let pawh a nghak thei hleinem.”

“Tinge i hmanhmawh em em a, Pu zahawm?” Paolo chuan fimkhur deuh takin min zawt ve leh.

“Mipa chuan a lunghlu chhar a paihbo mai mai tur ani hleinem. Mi thenkhat chu chutiang tiduh tur khawpin an â a..mahse keichu ka nilo.” A mita en rân chungin ka chhâng a. Tatiana kut chu la in ka fawp zeuh. “Mariya ka hmuh hian ka ta tur ani tih ka hria a...neih ngei kha ka tum bawk.”

Restaurant chhungah chuan kan pahnih chauha awm ang maiin kan in en vawng vawng..a hlim hmelin a lungawi hmel hliah hliah. “Ka lak atang lakbo tumtu chu ka that hrehlo ang....”

...................


Rodingliani

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 10th, 2021, 11:30 am

CHAPTER-12

TATIANA ROSTOVA’S POV

Darthlalang taksa pum lantheihna ah chuan ka in en vang vang a. Kawrfual dum mawi tak ha in..ka thla ka inhmu chu ka inrintawk hmel takzet. Ka thla chu Tatiana Rostova anglo takin a hausak hmelin a hlawhtlin hmel hle...keimaha midang awm ang mai hian ka hria. Mariya Cavelli, Capreille duchess ka ni.

Tun nipui chu thil a thleng hnem hle mai. Ka nuna ka mirin ber pahnih ten min phatsana..mahse kha thil kha thleng lo se...tuna ka pasal leh ka bula mi fel tak tak te hi ka tawng awm silo a.

Zanin hi ka nuhrawn piancham 53 na ani. Ka nu diktakin kum hnih ka nih laiin min boralsan a...ka pa in nu ka mamawh arin avangin tuna ka nuhrawn..Sabrina nu diktak hi nupuiiah anei ta ani. Mahse ka pa pawhin a hmangaih lutuk tho. Khawvela nu felber ani miau a.

Ani aia nu tha tur hi ka hrechuanglo. A fa diktak ang chiahin min enkawl a, keipawhin ka thinlung zawng zawngin ka hmangaih. A fanu tuipuiah a thi emaw ti a..lungngai taka a tap tur laite ka ngaihtuah hian minti na ve takzet thin.

Ka phone riin ka ngaihtuahna atang min harhtir zawk. Screen ka en a.. Francesca

Italy atang a rawn call vang vang ani ngei ang.

“Buonasera” call chu ka chhang a. (Buonasera=tlailam chibai)

“Tatiana .. Helamah chuan buon giorno...zing dar 1 ani tawh.” Rawn tiin, “Engpawh nise..Italian ah pawh hma i sawn e. Ka chhuang lutuk che duhtak.”

“Ehee...anihchuan tinge iva mengrei ve.”

A thaw hak ri chu ka hria. “Party na atang ka haw ve chauh alawm,.”

“Rawn call che a..lawmthu hrilh che kalo tum hrim hrim a...i kawrfual lo thawn hi a mawi takzet.” Kan vir kual vel a..a hmu thei awm tawp silo. “Chuan ka ha tawk chiah bawk.”

“Ka hria lawm. Paris ami ka chah lai khan i size ka hretawh a.. i hak tawk chiah chiah ka ring sa hrim hrim.”

“Chuann....?”

“Eng nge..chuan?” a sawi awmzia ka hrelo.

A thaw huai ri ka hria. Pheikhawk sang tak a bunfo thin kha a phelh chiah ani ngei ang..bun ve thin turin min tih tak kha. “Hmasawnna te a awm em?”

“Hmasawnna maw?” ka nuisuk. “Aa..engvakmah pawh ala thlenglo. Paolo leh Sabrina nunah ka let leh tawh a. Tunah pawh ka nuhrawn pia---”

“Chutiang ka zawhtum anilo!!.”

“Anih eng nge?” ka bo map.

“Lucca nen in inkar chungchang alawm ka zawh che.” Tlang takin a rawn ti thawr.

“Ee..” ka lai leh ringawt tawh. “Kha kha maw..”

“Aw” ka thiantha em em chuan tilehin, “Kha kha.”

“Aaa...”

“Chuann???” amah bawkin a rawn sawi chhunzawm leh. “Inla mudun thin em?”

“Francesca!” A thil sawidan avang chuan ka nui hak hak. Hauh tur nge ..chutiang minzawt lo tura hrilh tur pawh ka hrelo.

Ani pawh anui ve tho. “Tihpalh..hetiang thil sawidun ila inpeihlo tih kalo hrelo ani. Mahse i hlim em Tatiana? Lucca’n a enkawl tha che em? A thikthu te ala pe chhe viau em?”

Nuilehin khumah chuan ka thu thla a. “Aw .. Ka hlim alawm Francesca. Chuan Lucca pawh ka chungah a tha lutuk. Thikthuchhia tihvel pawh kha...i thil ruahman vang khan a engmah a awm tawhlo.”

Chimawm zetin a nui ri kerh kerh a. “Kha thil kha chu ka tihpalh takzet duhtak. Kan duke hian mipa dangin a nupui khawih se engtin nge a awm ka hriatchak vang anihkha.”

“I sualthiam ve ngawt mai.”

“Anihleh.. Tunah khawnge i pasal a awm?”

“A study room ah phone a hmang lawk a..a hman zawhah kan chhuah nghal ka ring.”

“Hnathawh ringawt ngaihtuah ho tak hi chu tiraw?.”

“Ni chiang e.” Intithei zetin ka khi vur vur.

“Mahse..in inkar engmah a nghawng chuanglo a.” Rawn tilehin, “Engpawh nise duhtak..inbiak la chak viau mah ila..ka mut a chhuak tawh.. Nangpawh in kal a hun dawn ang.”

“Nia..nia.. Bye.”

A dah hmain..hun kaltawha minlo hretawh thin te ka hmachhawn dan tur te a sawi leh duah.

Ani ka tawng hi ka vannei takzet. Thiantha ber leh zirtirtu tha ber ani.

Phone ka dah chiah chu ka ngai nghal veng veng...kan zirlai laklawka coffee kan in dun lai te kha...Amalfi a kan ina kan letleh hunah coffee ka lei sak ngei ngei ang..

In..

Hetiang ni hi athlen ka ring ngailo. Lucca villa pawh ‘in’ angin ka sawi ania.

Ka in ngaihtuah thui hmain Lucca a rawn lut a..a tuxedo suit nen chuan a chhelo lehpek e..

“I inpeih tawh em?” ka taksa peng tin mai chu a zirchiang emaw tih turin ngun takin min enchhuak vek...kalo zak chem chem.

“Aw” ka thaw hip vang vangin khum atang ka tho a. “Francesca nen kanlo inbe zo chiah a.”

“Nimaw?” ka coat min haktir paha tiin, “Min tibuai turin ruahmanna thalo tak te inlo siam leh chu anilo maw?”

Kalo nui hak hak. “Chutiang engmah kan sawilo Pu zahawm.”

“A tha.”

Kan chhuahlai pawn a hmel ala thutak rûn...kei erawh kala nui reng.

“I nu hmuturin i inpeih em?”

“Aw” ka ti tak tak. Ka hmu châk tawh lutuk. Mahse ka tihfo thin angin ka kuah thei dawn silo a.

“A hma aiin boruak a sosang dawn ani tih i hria ang tiraw? Manhattan milian tamtak an kalkhawm dawn a...Tatiana Rostova thitawh rawn tholeh ah an ngai vek ang che.”

“Ka hria alawm.” Car chhungah ka lut a.

Rawn lut ve lawk loin a ding vang vang. Atawpah a lu bu nghutin ka bulah a rawn thu thla ve a..ka hmel a enin enge a hmuh ka hrelo..mahse ka inring tih a hrethiam ani ngei ang. “Anihchuan ti ang hmiang. “

Driver chu en in, “Rostov Hotel.”

.................... ... .

Khawvel hmun hrang hranga kan chhungkaw hotel zinga pakhat Rostov Hotel hmaah kan ding ta vâng mai. Ka pu pu leh khan Russia rama St. Petersburg mansion hlui tak pakhat leiin he sumdawnna bul hi alo tan a...hotel changkang takah a chhuah ta ani. Kum sawm chuang a ral leh meuh chuan khawvel hmun hrang hranga hotel lâr ber ber a ni tawh.

Lucca’n car atang min kaichhuaka..hotel chu alo thlir dauh dauh. Nakin lawka a ta nimai tur anla nitho sia..

“I pa remhre lutuk hi mak kala ti tawp theilo. Engkim hi a thaber vek anni.” Êng in a mit chu a chhun de sar sar a.

“Phuba ka lâk zawha i ta vek tur an nihhi.” Intithei zetin kalo ti.

Mahse ka thilsawi chuan a ti lawm tehchiamlo. A mitmeng a vawt nghal ruih.

“Chutiang sawina hun anilo Tatiana.” A ti hmuk. Enge? A thinrimna tur sawi ka nei ami? Min melh dan pawh adik tawhlo. A nelawm loh ngawih ngawih.

Hotel chhûng kan lut chiah chu kawngkhar vengtu in hmai dang lawp lawp in minlo en..thlarau a hmu emaw tih tur ani.

Ka pasal banah vuanin ballroom lam kan pan zan zan a...mahse ka ke te hi an khur der der. Ka zam ani. Ka theilo! He thil titur hian ka la inring lo! Ka nu hmu a hriatloh der hi ka theih ka ringlo.

A mita tak ena a fanu Tatiana ka nilo tih ka hrilh tur lai ka mitthla hian..a hrehawm ti hmel ka hmu theilo ang.

Tlânchhuah leh mai ka duh...mahse a tlai tawh...a chhûng kan thleng tawh.

Mi zawng zawng deuhthaw chu an tawnglai tawp chatin kan lam anlo hawi thup.

Ka nu lam panin kan phei a...mi phun mer mer ri pawh ka hria.

Tatiana ani!

Rokhawmtu tur thi ta kha anihhi.

Tatiana?

Tunge a nih a?

Tunge ka nih maw? Keimah leh keimah ka inzawh awm tak anihchu. Ka nu in hetianga phuba la thin mihring ni tur hian min chawilian lo. Ka duhthusam te tihlawhtling a ka pa fanu chhuan tak nitur in min duh ber thin.

Mahse chutiang hmeichhia chu ka nilo. Ka mi rin ber ber ten min phatsan miau alawm.

Thil ka ngaihtuah neuh neuh lai chuan ka nu bul kanlo thleng der tawh. A thiante biaiin a nui ve sen sen..mahse a mita lungngaihna chu a thup senglo ani ngei ang.

Nunna neilo ang mai hian a ngui ruih mai.

Ka awmzawn a na nghal zawk. Ka nu hi ka thihna avangin hrehawm ala ti ani ngei ang.

“Happy Birthday Mrs. Rostova.” Lucca tawng chu a khawk rum rum aniber.

An lo hawi deuh thap..Sabrina leh Paolo pawh an awm ve...Sabrina phei chu a lawm hmel viau loh..

Min hmu chiah chu ka nu chuan a no kenlai a thlauh keh chuaih. No keh sawmvek chu tuna ka awm dan chiah ani.. Ka nu mittui rawn far chuan ka thinlung hi a tikehsawm vekin ka hria.

“Tatiana..” a hmui khur dar dar chu a kutin a hup a. “Tatiana, ka naute”

A bula kala kuah nghal ka duh..ka dam ani tih leh ka that thu hrilh nghal vek ka tum-----

Ka kuta minlo vuan bettu an awm..Lucca. Eng nge ka ngaihtuah kha..ka nu ka hmuh vangin ka thil tihtum zawng zawng kalo theihnghilh hman chu niin...Lucca chuan Sabrina leh Paolo lam a melh zeuh a..minlo enreng tih min hriattir a tum ani. Atthlak takin ka che hman tep anihkha.

“Tatiana” ka nu chu rawn tlan pheiin min kuah a...a tap nghal hlawp hlawp. A chetdan chuan min thawng ngei mai. “Ka Tatiana..i lo la dam animaw.”

Kuahletlo tura ka insumna lamah ka kut ka hum na vek...ka mittui titla lo turin ka insehruh tung bawk.

“Mi dispiace,” ka nui hram hram. “Min hai aniang signorina. Keichu Mariya Cavelli ka ni e.”
(mi dispiace=ka tihpalh)

A makti hmel leh lungngai hmel chu hmuh a harsa takzet. ‘Ka tihpalh lutuk ka nu’ ka rilru in ka ti mawlh mawlh.

“Mahse---”

“Ani kha Tati anilo ka nu.” Sabrina in a rawn ti hmuk. “Mariya Cavelli, Caprielle duke nupui anihkha. Tati nen an hmel a inang mai chauh ani.”

“Chu chu thudik ani em?” tiin ka nu chuan min zawt a.

“Si.” Khawngaih hmel takin ka nuih leh suk. Ka thiltihah hian tu emaw tak an na dawn tihchu ka hrelawk vek...tunah pawh ka nu ka ti na mek ani. He thil vang hian ka pa in min ngaidam ngailo ang.

Mahse ka nu hmaa inlan leh hrim hrim kha ka duh a..Tatiana ang in nilo mahse..ka hmel ahmuha reilote tal hlimna pek ka duh ani.

“Min ngaidam rawh.” Ka nu chuan a ti a..mahse a mitah mittui ala tling reng..a na tih ka hria..a ti na tu pawh keimah ka ni. Ka inhaw ngawih ngawih. “Ka fanu naupang zawk nen in inang em atinni.”

“Oh ..Tatiana Rostova maw?” tia zawt letin ka awm zawn na ngut ngut pawh ka haider hram hram. “Aw..kan hmel ain ang lutuk tih kalo hria a..Paolo leh Sabrina pawh hian min hmuh tirh ber chuan min hai nghe nghe asin. Mahse...kan hmel tihloh chu inanna pakhat mah kanneilo.”

An hmel enin ka nuihsuk. Kha ni Sabrina ni duhawm tak tur ka tihchhiatsak ni kha.

“Mahse in in an dan em em hi a mak ka ti hle mai.” Engemaw beisei niawm tak hian ka nu chuan min melh ran a.

Lucca zawkin rawn chhangin, “Inanna nei deuh mahse..ka nupui hi chiang taka i en chuan an danglamzia i hmu ngei ang Ka pi.”

Lucca chu chhuang takin ka melh a. Min venghim ang tih thutiam kha vawikhat pawh ala bawhchhelo. Amah ang mipa ka tawng hi ka lawm takzet. Phuba ka lak zawha kan inthen hunah pawh ani ang mipa fel leh tha kalo tawng hi ka theihnghilh ngai lo ang.

Inthen leh maitur kan ni tih ngaihtuahna ringawt pawh hian minti lungngai ani.
.............

SABRINA HUNTER’S POV

In melh hlum theih chu nise Mariya Cavelli hi a melh hlum daih tawh ang. Ka melhrum nasat dan em em hi mi pangngai chu nise a tlu tawp thei ang..mahse Mariya Cavelli hi chutiang tur atan chuan a hlauhawm lutuk.

Ka nu thiante nen chuan inkawmin an nui dar dar vel a..reitak inhre tawh angin a be nel em em vek. Awii..he nu ka huat zia hi. Ka huat em em nachhan pawh ka hrelo. Ahmel vang hi aniang titawp mai ang. Ka tette atanga ka huat em em thin ka unaunu hmel ang a neih vang te pawh hi ani mahna.

Mariya Cavelli hmaa ka nu mittui a far chiah phei kha chu Tatiana ka huatna a zual sauh. A fanu diktak aia a hmangaih hmeichhia kha ala sûn bang theilo anih ber hi.

Min hmangaih veloh chhan maw? A inneihna hmasa hlimawmloh zet rahchhuah ka ni miau alawm.

A vawihnih pasal neihna ah erawh fanu tha famkim lutuk anei ta a.

“Hreptak hian Sabrina, melh tawh suh.” Zawi tak si thinrim tih hriat si in Paolo chuan a rawn ti a. Amah pawn Duke leh Mariya lam chu a en ve char char tho. “Duchess saw i ngaina lo tihchu ka hria..mahse engmah tihtheih i nei chuanglo. Mi zawng zawng deuhthaw in an hlauh rawn nupui anihsaw. Hetiang ang puipunna nikhuaah hi chuan hmuh inring ranin awm tawp zel rawh.”

Kha kha ania kan buaina chu. A pasal thiltithei lutuk hi. A kalna apiangah amah biak chakin an phi cheng zel. Roman pathian..minti chhevek thei ang mai anihhi.

“Ngaina lo tih tawngkam chu he nu ka ngaihdan ani chiah pawn ka hrelo.”

Min rawn en ha in, “Anih eng nge?”

“Ka ten..pawh a tih theih ang. Mahse ngaina lo tih mai mai chu anilo.”

“Engvangin maw?”

Eng ang zawhna nge ni ngai? A â zo tawh zawk emaw ni? Ka ten chhan hi min zawt a maw?

“Engvangin maw a?” ka zawtlet sak. “A chhan chu maw..a hmel tenawm tak ka hmuh sawn Tatiana ka hrechhuak ziah. Tinge Tatiana hmel ang kher kher a put.”

“Sabrina” Paolo chuan min rawn khak leh hlak. Min lo enthup chu niin..ka lo tawng ring deuh aniang.

“Minlo hrethiam lawk.” Tiin restroom lam ka pan nghal nal nal. Mariya Cavelli vang vekin ka nu birthday ah mawilo takin ka che anihhi.

Toilet atang chhuakin ka kut ka sil tur chu darthlalanga thil inziak vang chuan ka tawp chut.

TUALTHATTU.

Ka theihtawpa ringin ka au a...bang ka sik dawt thlengin ka tawlh hnung dawrh. Tunge tiang hian ka chungah ti?

Paolo chu ka bul rawn thleng hmasa ber niin kawngkhar bulah mi thenkhat an ding nual bawk. “Sabrina, engthil nge thleng?”

Kalo vuan nghal vat..darthlalanga thil inziak chu ka kawk a..Paolo an min pawmkang laite chuan ka thinphu nasa lutuk hi a puakkeh mai dawnin ka hria.

Tatiana kha ka thah anilo.

Keimah ka nilo.

Ka nu a rawn tlan lut ve a.. “Eng nge thleng Rina?”

Ka tawng theilo mai niloin .. Ka che thei tawhlo. Paolo an minlo chhansak hlauh. “Tu emaw in alo fiam a.” Demna aw deuha tiin darthlalang lam chu a melh a.

Ka nu chuan thu inziak a chhiar chu a thaw hrawk. “Hetiang hi infiamna thalo tak anihhi. A titu chu tupawh nise...manchhuah vat a ngai ani.”

Mi phun sar sar rite pawh ka hria.. Mahse eng nge an sawi ka hre theilo. Thu inziak ringawt kha ka bengah hian a ri nawn awn awn mai.

Tualthattu.

Tatiana kha ka thah anilo tih ka chiang. A chesuapalh mai chauh anihkha. Engmah inhnamhnawihna ka neilo.

An kal kiang ta maw tih ah mi pahnih rawn kal veleh ka hmu.

“Engthil nge thleng a?”

Chu aw ka hria chu kalo rum nghut. Mariya leh a pasal, duke. Hetianga chaklo taka min hmu hi ka inhaw ngawih ngawih.

Min ngaihtuahna awka phena lungawi hliah hliahna chu ka haibiklo. Tilang reilo mahse ka hre hman tho.

Ka huat chhan chu a chiang viauiin ka hria.

“Aw Lalpa leh!!” mak tihhmel takin a âng deuh phuau. “Tunge tiang thil sualthlak lutuk hi ti duh a?”

Lemchan thiam lutuk. Nichina a hlim hmel kha hmulo ila chu min ngaihtuah tak tak emaw ka tive ngei ang.

“I tha tawh em?”. Vin hrep mai ka chak. Ngawi hle hle se..min ngaihsakna der ai chuan ka duhzawk.

A thurawn sawi leh chiah chuan min thawng chiang kher mai. “Engthil nge itih a hetianga i chungah te an chêt le?” a mitmeng vawt raihin min melh kar. “Tumah ila that em lo tiraw?”

“Tumah ka thatlo.” A tawpa tawpah ka tawngchhuak ve thei hram. “Kha kha chu tihp--”

Paolo an ka kawng a hmer thut chuan ka tawnglai ka tawp chat. Ka sawithui tep alawm..sawizo hman ila chu ka unaunu ka that emaw an ti ngei ang.

“Min ngaidam ru.” Duke chuan a nupui nena kan inhau buai tur chu rawn dangin, “Ka nupui hi a rilru a awm awm sawi mak a ching a, buaina pawh a tawhphah fo ania.”

“Engmah huattur a awm hleinem.” Paolo chuan alo tive bawk.

“Kal ang le, duhtak” a nupui bulah tiin party na lamah an let leh a...Mariya nuihmel tenawm tak kha ka la hmu hram.

Paolo nen chauh kan awm hnu chuan min enin, “Tu tih nge? I hmu hman em?”

“Aih” ka lu ka thing nak nak. “Hmu ila chu nikhawhrelo khawpin ka sawisa ang.”

“Anihchuan nangmah an fiamtum na che pawh anilo maithei asin.”

“Chutiang anilo.” Ka au nghek ringawt. Saw thu inziak ka hmuh sawn ka tha ala khur der der thei. “Ka luh laikhan keimah chiah ka awm..chumi awmzia chu keima tan ngeia an tih ani.”

“Mahse---”

“Saw thil saw i nawtreh phawt thei angem, Paolo?” ngai pawh kala awh theilo. “Ka hmuh apiang hian ka thau ah min man a..Tatiana pawhin tuipui mawng atangin minlo nuihsawh ngei ngei ang.”

“Chutiang sawi suh” Lipstick nawtreh pahin Paolo chuan min rawn khak hlak. “Mi in anlo hrepha anga sin.”

Tui herh hawin ka hmel dangbel chu darthlalang ah chuan ka en vang vang a, “He party hi zo vat vat se kavan ti tak.”
. .....................

TATIANA ROSTOVA’S POV

Kan thlen tirh atang khan Sabrina hian huatna mitmeng a khatin min en char char. Minlo lawm tehchiam lo tih chiang reng.

Mahse khawiah mah ka kalsawn dawnlo. Unau kan nih lai ai khan min hmu hnem tawh zawk ang... A hmaah hian ka inlar char char dawn.

A pasalhual nen intihbuaina an nei a ang. A tihchian nan-- ‘ka pasalhual hlui’. Ka mipa hmangaih thin nunrawng taka min chhuhsak tak kha. Mahse thilhlui anni tawh...ngaihtuah chhuah reng pawh hi ka hne.

Ka mitsirin Sabrina restroom lama a tlan ka hmu..a inthunun zolo ani ngei ang. An intihthiamloh na chu engpawh nise..kava hnem der ang e...nakinah anmahni a ka hmanlet theih tur thil pawh ka hre maithei asin.

Ka unaunu hrawn zuiin Lucca leh sumdawnna lama a thawhpuite chu ka kalsan a.

Restroom ka lut chu hmuhtur alo awmlo...mahse toilet inpingdang pakhat atangin a thawm ka hre hlauh. Ngaihtuahna tha deuh ka nei..ka lipstick sen mangkheng chu lachhuakin darthlalangah chuan thu ka ziak ta a. TUALTHATTU

Engmah thlenglo anga chhuakin Lucca bulah kava ding leh thân.

Minute reiloteah restroom a hmeichhia au tuar ri kan hre nghal. Ka lungawi hmel hi ka thup senglo. Mi thenkhat an tlan phei nghal vat a..kei leh Lucca erawh ballroom ah kan la awm.

Ka pasal lo hawi nghal vatin zawhna mitmengin min melh ran. Thiltih ka neih a ring ani ngei ang...a ring ding bawk.

“Eng nge?” pawisawilo hmel deuhin ka en ha.

“I unaunu hrawn chungah eng emaw iti animaw?”

“Chutiang engmah ka tilo.”

Minla melh run mai. “Ka hrechiang che Tatiana..i mit atang hian thil itih leh tihloh ka hrehthiam vek.”

Ka nuih sen sen tawp. “Ka thiltih i hreduh em?”

“Va en ila” tiin a kut ka kaih turin a rawn dahchhuak a. “I unaunu authawm hriatin a hmuhnawm viau ka ring.”
..............


Rodingliani

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)