THE_WALLFLOWER_REVENGE BY Rodingliani Vanchhawng (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

THE_WALLFLOWER_REVENGE BY Rodingliani Vanchhawng (Completed)

Unread post by Ngaia » January 10th, 2021, 11:27 am

#THE_WALLFLOWER_REVENGE

BY SweetBlunch


Thiam lo chung in kan let ve rawih a, khawngaih in min lo chhiar sak hram ru aw.. Ka theih tawp in regu ka tum viau ang..

*Tatiana Rostova's POV*

Kawngkhar bulah chuan che theiloin ka ding reng a. Ka thluak hian ka mitin a hmuh hi a hrethiam theilo. "Ani theilo" tiin ka inhrilh nawn mawlh mawlh a. Ka unaunu hrawn, Sabrina,unau tak ang chiaha ka hmangaih em em chu khumah saruak vekin,ka pasalhual,ka thinlung zawng zawng a ka hmangaih nen an awm dun mek....ani em???

Ka mipa duh em em nen khan an inang ringawt aniang. A phirpui em ni ang? Mahse chumi te pahnih hmela mak tihna chuan kan dinhmun chu a tichiang hle si.

qs9xmlyp.jpg
qs9xmlyp.jpg (44.76 KiB) Viewed 28376 times

The Wallflower Revenge

By SweetBlunch

Translate by Rodingliani Vanchhawng




*CHAPTER-1*

*PROLOGUE*

*Tatiana Rostova's POV*

Kawngkhar bulah chuan che theiloin ka ding reng a. Ka thluak hian ka mitin a hmuh hi a hrethiam theilo. "Ani theilo" tiin ka inhrilh nawn mawlh mawlh a. Ka unaunu hrawn, Sabrina,unau tak ang chiaha ka hmangaih em em chu khumah saruak vekin,ka pasalhual,ka thinlung zawng zawng a ka hmangaih nen an awm dun mek....ani em???

Ka mipa duh em em nen khan an inang ringawt aniang. A phirpui em ni ang? Mahse chumi te pahnih hmela mak tihna chuan kan dinhmun chu a tichiang hle si.

"Enge thil awmzia" tiin zawitein ka tawng a.


An mak tihna atang chuan rawn harhchhuak in, an neih zawng zawng langin ka hmaah an awm tih an inhrechhuak thut nge ni, khuma puan var chuar nuaih chuan an inkhuh tha sawk sawk a.


"Tatiana,ka sawifiah thei", ka pasalhual dawheh-a chuan chhuata a boxer melh zawk pah chuan a rawn ti a.


Tun thleng hian ,ka Paolo hian a phirpui minla hmelhriattirloh a neih ka beisei fan. Tuna ka rilru na hi zanriah kil laia ka luna ai kha chuan na tak ani. Sabrina room a ka kal chhan pawh nachhawkna dil turin ania, mahse enge ka hmuh hi,saruakin khumah anlo awmdun anihchu!!!!


"Sawifiah a??"chang fak in ka ti a."Engmaw i sawifiah ang? Room lehlama luna hrehawm ti taka ka awmlaiin,hetah nuam inlo chen tih hi maw?"

" Tati"

A vawikhatnan ka unaunu chu a rawn tawngchhuak ve a. Chhânna dila ka au chhuahloh nan ka insum hram hram ani. Ka unaunu diktak ang chiahin ka en a,tianghi ka chungah a ti amaw?. Sabrina-in Paolo hming lama a nuam ti rak lai ka hmuhte te kha ngaihtuah loh ka duh.

Ka lo va han mawl tak em!! A tir atang khan hetiang Italian mipa chhelo lutuk in keiang min hmangaih theih hi lo ringlo tur ka nia sin. Kei ang - *WALLFLOWER*

Inhmuhkhawm nikhua pawha a lang lo china ding thin. Mi biangbiak thiamlo leh zeilo. Kawr tawngchham zet,taksa lang tam leh tilang nalh thei aia kawr lian tak tak hak thlang zawk thin ka ni miau alawm.

Paolo Renaldi te ang mipa hi chu ka unaunu chhelo em em"Manhattan Society ti mawitu " ti a an sawi hial thin angte ta tur hi a ni reng ani. A sam buang tle siau leh a mit meng pawl lian nalh tak te nen hian New York khawpuiin a buaipui ber ani miau si a.


Hei vang hi ania Paolo -an min duh thut pawh khan Cinderella ang maiin ka lo inngai a. Mahse fairy tale hi a awm tak tak lo tih hretur ka ni asin. Lalfapa hmeltha chu hmeichhe hmeltha tak ta tur ani--a unaunu hmelchhe tak niloin.

"Tatiana. Khawngaihin min insawifiah tir rawh" tiin Paolo chuan a kekawr ban pahin a ti a. A kekawr a hak lai chuan ka hawisawn a.

Thla reilote a innei mai tur nimah ila,Paolo nen hian vawikhatmah kanla mudun lo. Ka thianghlimna min zahsaka dawhthei takin kan inneih zan a nghak emaw ka lo ti thin a. Ka unau nen khum intawmin kei a nupui hual hmelchhe tak hi chu mutpui pawh a tum buai lo ang tih ngaihna ka hrelo hrim hrim.


Min phatsanin.. engtik atang nge tih pawh ka hriatloha an lo inngaihzawnna chuan ngeiawm deuhhleka chêt minti chak tlat pe.


"Tum buai duh suh" nui chungin ka ti a. Ka nuih luihna lamah ka khabe ruh te hi a navek in ka hria. " In dawt sawi min ngaihthlak tir nan in hun ka khawhral lo ang." Ka kutzungtanga zungbun chu pawt chhuakin, a man to zia pawh ngaihtuah buai peihlo chuan Paolo vawmnan ka hmang a. "Ka lawmpui a che, kan inhualna a tawp e."


Ka zahawmna neih zawng zawng nen chu anchhedawng pindan chu hawilet tawh lo in ka chhuahsan a. Hmeichhe zakzum tak ni mah ila, Rostova thlah chapona thisen ka thisenzamah te hian anla luang ve tlat. He inbumna vang hian ka mittui far khat pawh a farlo ang.

"Tatiana" tiin tun maia ka pasalhual hlui ni ta chuan minrawn umzui a. "Inbe phawt ang".

Ka kalchak sauh a" Min kalsan rawh Paolo, engmah i hnenah sawitur ka neilo. Nang leh Sabrina hi ka tan in thi tawh"


Ka thusawi ngaipawimawh lo in min rawn zui zel. Ka rilru ti hahdam turin lawng chunglamah ka chho a. Chawlh nuam tak hmang tur ka ni asin, Amalfi tupui kamah , kan chhungkaw lawnglengin ,ka hmangaih berte pahnih nen. Mahse mangchhia rapthlak takah a chang ta anihhi.

"Tatiana" ka banah Paolo chuan a rawn vuan a. " Khawngaih takin inbia ang."

Min vawnna atang chuan ka kut chu ka la sawn a. Min khawih ringawt pawh hi ka haw tawh. "Sawidun tur engmah kannei lo, naktukah chuan New York khawpuiin kan inhualna a tawp thu hi a hre tawh ang".

"Duhtak" tiin ka kut chu a rawn la a. A hma a minkhawih ringawt a tuiral thin kha tunah chuan tenna in ka khat tawh. "Khawngaihin...."


Min vawnna atang tal chhuah ka tumlai in Sabrina lawng chung lama rawn chho guy chu ka hmu a. Ropui lutuk ,tunah chuan dawt hrang hrang in min hmin an tum ngei ang.


" Min thlah rawh ,Paolo" tiin ka theihtawpin tal chhuah ka tum a. A kut tenawm taka min khawih hi ka duhlo. "Kan tawp tawh,engkim a tawp tawh."

Ka rinloh ber mai a thleng ta!! Paolo chuan min thlah thut a, ka balance hlauhin tupui vawt takah chuan ka tla a. Ka theihtawpin lan(float) ka tum a,mahse tuicheng thiamlo tan chuan harsa tak ani.


"Minpui ru!!" Tiin ka au a. Tui ka chengthiamlo tih an hria. "Min tanpui ruu!!"


"Lalpa leh" tiin Paolo chu a rawn hawithla a, " Tatiana!"

"Tanpui suh" Sabrina khan kha kha a sawi tak tak em??Heta thi tur hian min duh tak tak tihna em ni? "Heihi hun tha tak ani iti ve lo em ni? Kan nun atang a bo tawh anga, Rostov sum zawng zawng chu kan ta ani mai dawn alawm."

"Mahse Rina..."

"Neih i tum tak tak chuanglo ani lawm ni? Ani em?" Sabrina chuan nunrawng zeta tiin, "A pawisa vang chauha hnaih ini lawm ni? Ka sawidik em?"


Engang chiahin nge heng hrelo tur khawp hian ka mit alo del le. Khuma ka hmuhdun khan ka thinlung a tikehchhia anihchuan ,tuna ka thuhriat hian ka thinlung a tikehsawm chiang hle ani.

Anihchuan Paolo khan min hmangaih vang nimiah loin, Rostov sum a duh vang chauhin minneih alo tum tihna maw?

Paolo chuan a phat ka beisei takzet. A ngawihreng avangin Sabrina chuan "Kal san ang..tihian thi turin kalsan ang. Naktuk ah chuan , Rostov chhungkaw ro khawmtu tur a thi tih khawvel pumin a hre tawh ang, a tlusualpalh a , tuiah a tla hlum kan ti mai dawn alawm." ati a.


Ka nun puma kalo rin em em thin ka unaunu chu tualthattu nunrawng tak alo ni reng a. Mihrang hlak ang mai ani. Beidawng tak in ka mipa hmangaih thin a kaisawn lai chu ka thlir a.

"Nilo!!" Beidawng tak in ka au a..mahse ka ân zawngin tupui tui al chu ka ka chhungah alo lut zel si.

Lawng tinung ri ka hriat rual chuan min kalsan tih ka hrethei. Tahhian ka thi theilo-- hetianga mi a ang maia min en tu te laka phuba ka lak hma chu ka thi theilo .


Ka chau tawh lutuk...beidawng taka ka pil dawn lai chuan êng ka hmu a..vanram atanga êng em ni?

Tahhian thih ka duhlo.mahse ka thei tawhlo... "Phuba la turin kalo kir leh ang"


°°°°°°°°°°°°°°°°°°°°°°°°°°°°°°°




*Tatiana Rostova's Pov*



"Hmm.." Khawnge ka awm? Vanram maw?. Pangpar rim tui tak leh tuipui ri ka hre thei.



Ka mit men ka tum mahse a rit bûr mai. Zawite a mi inbe thawm ka hria.. enge an sawi erawh ka hre theilo.



Mipa aw hian " _Le andra bene_ " dim tak hian a ti a



Anihchuan,khawnge ka awm tak.



"Hmm.." Tilehin khumah chuan muangchangin ka inlet a,ka mit zawi muangin ka meng a.



Ka thil hmuh hmasak ber chu ceiling sâng tak leh bang vâr lemziak chi hrang hrang a cheimawi. Ka hawikual a.. mipa pahnih room changkang tak chhungah chuan anlo awmve reng tih ka hmu.



Pakhat zawk chuan tukverh lam hawiin..tuipui zau tak chu..a Italian kekawr manto hmel zet a a kut zen chungin alo thlir a. Pakhat zawk erawhchu a hnungah kûn deuh chunghian alo ding a.



A hnunga mi zawk chuan makti taka kalo thlir reng min hmuh chuan " _Sua Eccelllenza_ " tiin a bula mipa chu a bia a.

( _Sua eccellenzia_=ka pu zahawm)



Tuipui thlir reng pa chu rawn hawi pheiin, silver rawng mitmeng mawi lutuk tak maiin min rawn en chiah chuh ka thawk a chham mai dawnin ka hria.



" _Ci lasciano_ " tia chu mitmeng paw chiai pa chuan thunei tih hriat taka a bula mipa hnena a sawi chuan, chupa chu kun zeuhin room atangin a chhuak ta a.

( _ci lasciano_=min chhuahsan thei ang)



Italian maw?



Anihchuan Italy ah kala awm tihna maw? Vanram niloin!



Chupa chuan min rawn en lehin " _Come stai-_ "



Ka lu kalo thing a. French, Russian leh English chu nâl takin ka ṭawng thei mahse Italian ah hi chuan ka beidawng ve thlawt. Min ṭanpui tu hian English a thiamloh chuan kan buai ve map ang le. Mahse English nalh tak maia " Enge i an?" a rawntih chuan ka hahdam sawng sawng mai.



"Ka tha " tih pahin thutchhuah ka tum a, mahse ka lu rawn hai avang chuan ka theilo, kutphah lian takin min rawn dawm ka hriat chuan zak deuhtakin " ka lu ala hai deuh aniang, khawnge ka-"



"Amalfi a ka villa ah i awm mek ani" ka mit a enreng chunga tiin, "Tuia i pil tur ka lawng aṭangin kalo hmu che a, i vannei hle ani, _signorina_"

( _signorina_= miss)



Anihchuan ka êng hmuh kha he lawnng êng hi tihna maw? Vangram niloin?





Ka mit chhingin, ka nun puma min tina duh tura ka rin ngailohten min phatsan dân leh thi tura minkalsan laite chu ka hrechhuak a.



" _signorina_?" min chhanchhuaktu chu melh deuh ram chungin ka zawt a.





"Min ngaidam rawh" chau deuh taka tiin. "Thildang kalo ngaihtuah ani. Nizana min chhanchhuah avang pawn lawmthu ka la hrilh lo che, _signore_....?"

( _signore_= sir)



"Cavelli" nui deuh chunga tiin a ban a rawn phar chhuak a."Lucca Cavelli"



A kut chu kalo vuan zeuh a, mahse chulek pawh chuan ka hriatthiam siloh hian ka taksa pum a fanchhuak vek thei. Ka taksa pawh hian he mipa pâ lutuk hi alo hre ve ni ngei ang. "Tatiana Rostova"



"Russian?"



"Mmm..ka pa hi Russian ania"



"Kan inhmu chu ka lawm e, _signorina_ Rostova"



Ka lu bu nghatin"keipawh le."





*Lucca Cavelli's POV*



Nizana hmeichhe thi lek lek ka chhanchhuah kha alo harh tawh a. Enge a dinhmun ka ngaichang reng kha ania. Doctor khan tuipui tui al a lem hnem lutuk a mahse a ṭhachhuak leh vat ang tih a sawi anihkha.



Tuipui lai tak maia thi lek lek a lo awm nachhan kha enge ni ang?



Mitmeng dumpawl mawi em em in minlo en reng chuan mak ka ti hle-- a mitah chuan natna leh inbumna ka hmu thei. Nizan khan a chungah eng chiah nge thleng ka hrelo, mahse a nahle tih a hriat.



A vun dang bel leh a sam dum hlarh 'old-fashioned' ve tawh tak chuan a ti tunlaimi lo ve hle. 'Hmeltha ve pangngai' tiin a sawi theih anga, mahse a mitmeng pawisawilo zet lungmawi ang maia nalh hi chiang taka en chuan mi tamtak zingah pawh a langsar hle ang.



" Enge i an? _signorina_"



"Min ngaidam rawh"chauh hmel tak chuan ati a. A aw chu a dam in a mawi takzet. "Thildang kalo ngaihtuah ani."



Nizana a chunga thil thleng alo ngaihtuah mek ani ngei ang.



"Nizana min chhanchhuah avang pawn lawmthu ka la hrilh lo che, _signore_...?"



Nui lo tur chuan ka insum hram hram.Min hrelo tak tak emaw nile. Nge ni a..a la harhchianloh vangin minhrelo zawk. "Lucca" Ka kut phar chhuakin "Lucca Cavelli" ka ti a.



Tun ang dinhmun ah.. ka nihna lo chapo pui viau hun pawh anilo. Ka kut chu alo vuan zeuh a, ka rin ang chiah, a kut pawh amah ang chiahin a no. Ka thil ngaihtuah pawh ngaihven lo in a hming min hrilh a "Tatiana Rostova."



Minti hrilhhai hman hle mai,ka rin loh lam daih ani "Russian?"



"" Mmm..ka pa hi Russian ania"



"Kan inhmu chu ka lawm e, _signorina_ Rostova"



A lu bu nghatin "keipawh le". Hmeichhe ngên ve hmel tak ani.



Lavender pangpar hmun mawi tak kalo thlir mek laiin kawngkhar a rawn inkik a. Italianin "Lo lut rawh " kalo ti a.



Kan awmpuinu lo lutin tukthuan chi hrang hrang kei leh ka mikhual, Tatiana Rostova ta tur a rawn chawi lut teuh. Ngawi rengin thei tharlam tak,vawksa hem hmin, cheeze leh chhangthawp, thingpui leh chanchinbu chu dawhkan ah chuan a rem a. Pawn lama tuipui lam melh zeuhin a chhuak leh mai a.



"Tukṭhuan a eitheih e, _signorina_"



A lu thing a thing a.. khum atanga rawn thochhuakin "Ka lawm e, mahse ka kal a huntawh , New York a thlawk tur thlawhna ka nan hman angai." A hawi thla chu.. ka silk pajama kawrchung chiah ha in a ke no leh sei nalh tak a lang vek tih a inhre ve chiah. Ka ngaihdan ve thung chuan sexy tak ani. "I chhiahhawlh te hnenah ka thawmhnaw min dil let sak theih chuan ka lawm hle ang."



Keichuan ka lu lo thing in "Tukṭhuan ei hma chuan i chhuak lo ang. Ei phawt la, hetah ka villa ah damṭha takin i awm tih i chhungte kan hrilh dawnnia."



Lungmawi ang maia a mitmeng mawi tak chu Acrtic ram ang maia vawta inthlak in "Min ngaihtuah tu tur chhûngte ka nei tawhlo"



A chhânna chuan minti hrilhhai deuh. "Anihchuan tu emaw hre tu che.. nangmah zawnga buai hle te an awm thei asin."



"Ka bo avang hian tumah an buai lo ang, _signore_"



Hmeichhe luhlul ve tak ava ni em "Chupawh nise-"



"I ninawm zia hi miin an hrilh tawh che em?"vin deuhhlekin a rawn ti a. A mitmeng te chu a alh nimai hian ka hria.



Keichuan " Aih " tiin kalo chhang a. Tuman chutiangin minsawi ngamlo ang.



"Anihchu, mahse..i ninawm"



A ruk chuan ka nuih a tiza angreng. Tumahin ka hmaichhanah ka ninawm zia an sawi ngamlo mai nilo in , ka thuzawmlo an awm ngailo, a hmasa ber ani. Ka ngaisang letling zawk. "Anih, breakfast ei pahin ka mize ninawm tak leh tinge tuman an ngaihtuah loh nachhan tur che chu kan sawi dawn em ni ang?"



"Ka ril a tam lo" ala ti fan, mahse dâwt ani tih ka chiang.



"Anihchuan , ka bulah ṭhu in enge ka thil ei lai minlo en loh ang, min ning em em tu bula thil ei chu ka chak zâwng tak alawm."



*Tatiana Rostova's POV*



Aw..Hepa hahthlak zia hi!!hetiang ang thuduh leh a thuhnuaia mi dah tum tlat mihring tawng tur hian eng thil sual nge maw ka tih ni!Lucca Cavelli hian 'aih' ti a chhan chu a duhlo bur. He thilah hian a tlawm zawkah ka ṭang dawn tho tho tih a hrechiang hle ani ngei ang...a hredik bawk.



Hahdam hmel zeta tukṭhuan a ei lai chuan a hmaah ka ṭhu a. A rang thei ang bera a Villa hi chhuahsana New York lam pan tum kha ka nia. Mahse hei..tunah..hepa bulah awm in , tuifawn in chhawk lai leh van pawl thiang tak thlir chungin ka ṭhu ania. He pa hian tha taka mi thil zawh nachang pawh a hrelo - Lal ang maiin thu a pe pawp pawp a..khawvel hi a duh dan danin a sawikual vel nimai tur ani.



"I tukṭhuan kha tinge i ei mai loh?" pangngai takin a rawn ti a. Mi tawhkhirh ve tak chu ava ni ê! nge ni a, ka mood fulo zet hi a ngaipawimawh lo zawk.



"Ka duh lo"



"I hria em" nin hmel deuhhlek chuan "Engmah i ei loh chuan, _tesoro_,thli na lo tê pawn tuipui ah khuan a chhem tla leh daih mai ang che" a rawn ti a.

( _tesoro_= duhtak)



Ka ha chang ṭhial rawp rawpin a mitmeng mawi tak te chu ka enduhlo luive tlat. Fiamthu thawh nan min hmang mai mai ani,ka ti rilru a. A aw pâ takah te hian min nuihsawhna ri ka hria.



"Ka ngaihsakloh ang che bawk hian min ngaihven lo ve mai thei lo em ni?"vin deuh chuan ka ti a. A hmaa Tatiana kha chu eng ang dinhmunah pawh ding se tumah a vin ngailo. Mahse kha Tatiana kha chu nizan khan a thi tawh, tuna Tatiana hi chuan a duh duh hunah mi a vînin a ânkhum ang.



"Chu...minlo ngaihthah tihna em ni?" a aw ah chuan nuihzatna a la lang. A mitte pawh a nuih aza tih hriat takin a eng phêt phêt alawm. "Min ngaidam rawh, _cara_ ,kalo hre ani"

( _cara_ = duhtak)



"Khatiangin min ko suh" ka theih anga rumin ka melh a. "Engpawh..kha inkohduatna lem zet tihloh kha chuan min ko thei ang"



"Ahh.." tiin hriatchhuah nei ni awm takin a rawn nui a. "Tu Italian mipa emaw chuan Miss Tatiana Rostova thinlung hi a lo tikehchhia animaw.Tu tak ni ang maw?".



Ka thil sawisual palh vang chuan ka in hau nghal mawlh mawlh. Lucca Cavelli chuan chanchinbu chu keu in a hmel chu a hliah ta daih a - ka ngaipawimawh lemlo.



Tuipui lam chu thlir lehin ka pum rawn ri chu ka haider a. He dawhkan a engmah hi ka eilo ang. Ka riltam tihhi a hre tur anilo. Tiang thil ho tê a ṭan tlat chu a ho ka ti ve reng, mahse ka ṭang laklawh tawh.



"Han en chhin teh" tiin a chanchinbu chhiar lai phêk chu min rawn kawhhmuh a. Engmah sawitur ka hrelo, eng nge inziak ka hrethiam miau lo , mahse a thupui lianpui hnuaia kan chhungkaw lawng thlalak chu ka hmu thei.



Ka lu thing pahin " Italian ṭawng ka thiamlo" ka ti a.



A thupui chu minleh saka "Rokhawmtu Tur Chesualin Thi"



Nuih tur nge ṭah tur pawh ka hrelo- nge a pahnihin. Sabrina khan chesual angin an lantir ang tih a sawi khan a lo fiamthu lo hle anihhi. Nizanah Amalfi tuipui ah chesualin ka thi tih maw?



"Chhiar sak tur chein min duh em? "



"Khawngaihin" he dawhkan kan kil aṭanga ṭha taka a thusawi kala ngaihthlak ve ṭum ani hial ang.



"I tukṭhuan i ei chauh in ka chhiar sak ang che"



"Mi phakar ve tak chu iva ni em ..chu chu i hria em?"



Kan misuala chuan a koki a sân euh ringawt anihchu. Thaw hak in ka hmaa tukthuan awm chu ka ei ṭan a..saw thuziak tlaktlailo zet saw a chhiar vat vat theih nan.



Min rawn en zeuhin a hrawk a thian kharh kharh a..a chhiar ṭan ta a....



_Tukin zinga kan thu hriat chuan khawvel a sawi nghing chiang hle mai. Rostov International Hotels rokhawmtu tur Tatiana Rostova chu nizan khan Amalfi tuipui ah a bo. Tunah hian kan tui thiam ten an zawng mêk a. Miss Tatiana hi chawlh hmangin a pasalhual Italian sumdawng lar , Paolo Renaldi leh a unaunu hrawn ,Sabrina Hunter te nen an chhuak a, an pathum hian nakin lawka kum 25 tling mai tur Miss Rostova piancham.. an chhungkaw lawngleng changkang tak..feet 50 laia lianah an lo urlawk ani. Thuthang tamtak ah chuan he rokhawmtu tur hi ni reilote ah an chhungkaw hotel CEO thar ni mai tur ani a,heihi Miss Rostova hian a inzuam chiah lo a,chuvang chuan a chesual tak tak em tihhi zawhna lian tak ani. He hotel rochuntu tur hi mahni intihlum ani thei mai angem?_



_A unaunu kan kawmna ah chuan tihian a sawi "Tati khan a lu a nat thu a sawireng a..nizan khan amah anglo takin zu tamtak a in bawk. Tawp tura kan hrilh pawn nuam a tihthu a sawi zel a, intithawveng turin lawng chung lamah chhoh a duhthu a sawi a...". Chutih lai mekin Miss Rostova pasalhual ve thung erawh in engmah sawitur a neihloh thu a sawi a. An thiltawn avang hian ala hamhaih hle ni ngei tur ani._



_Miss Rostova nuhrawn Mrs.Amanda Hunter Rostova ve thung erawh chu amah ngeiin a zawnna ṭawiawm turin Italy lam a pan nghal ani tih thu kan dawng._



Lucca Cavelli-an thuziak a chhiar zawh thleng chuan ka melh ngai ka melh reng. Paolo leh Sabrina hi lemchan thiam tak anlo nihhi. Nuihzatthlak hian!! An hmanrua mai mai maw kalo nih a?. Anmahni vanga ka hrehawm tawrh zawng zawng hi ka thungrul hma chu ka awm mai mai lo tawp ang. An duham vanga ka pa sum an chen tum pawh hi ka hlawhtlin tir ngai lo ang.



Lo en rawh se. Russia ram chhungkaw thiltithei ber zinga mi tihbuai pawi zia hi an la hre khawp ang.



Lo en reng rawh se...


To be conti..

Khawngaih in Ads hi min lo click sak hram dawn ania..


Rodingliani



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 10th, 2021, 11:27 am

*CHAPTER-2*



*Paolo Renaldi's POV*



T.V a chanchinthar chu engmah ngaihtuah lo chuan ka thlir reng a...thu ngai hlir..Tatiana thih thu hlir anni. Zankhuain Tatiana hmel ka mitthlaah a lang reng a. Beiseina nena min en lai leh ngenngawl taka ṭanpuina a dil lai te kha ka bengah hian an ri nawn awn awn reng mai. Ka that ani!! Tumah kala that ngailo asin.



Hremhmun a kângral vek tlak ka nihhi.



"Tinge i tukṭhuan kha i eiloh a?"



Hmeichhe sambuang chhelo tak..bathrobe nen chauha.. room zau tak aṭanga rawn phei chu rum takin kalo melh a. "Enga? Sabrina, tun ang dinhmun ah chu chauh chu maw sawitur i neih a? Tukṭhuan maw? Ka chhia leh ṭha hriatna hian min eiral mêk tihhi i hmulo em ni!!?"



He hmeichhia hi tiang em em a a nunrawn ka ring ngailo. "Tatiana pawh i ngaihtuah velo em ni?"





Ngaipawimawh lo zet chuan a thil ei lai chu a eizawm mawlh mawlh a. "Engvangin nge ka ngaihtuah ngawt ang? Rostov chhungkaw pawisa kan ta nimai tur leh Tatiana kan nun atanga a bo kumkhua hi lawm hle tur ini zawk asin. Chubakah , kan thah ani hleinem. A chesual alawm"



Aw!! A tawk viau e!! Reife kalo ṭhutna ṭhutthleng atang chuan thochhuakin a lam pan chuan ka kal a. A ha zawng zawng a bal vek thleng hian sawi nawk nawk mai ka duh. "Engtin nge i thil tihsual ah hian inthiamlohna pakhatmah i neihloh theih zawk?" tiin ka zawt a. "Tinge tiang em em khan i unaunu kha i ngainatloh?"



"Ngainalo tih mai hian a chunga ka rilru put kha a sawifiah zo lo ang" a mitmeng pawl mawi tak te chu a vawt raih a. "A laka ka rilru put diktak i hre duh em? Huatna..chutê mai chu"



Tatiana kha a hua amaw? Mahse a unaunu leh a ṭhianṭha ber a ni sia.



"Tinge?" a hmel en in zawitein ka zawt a.



"Tinge a!?" tia min zawt letin..a mitmeng chu thlasik laia ni vawhber ni ang mai ani. "A chhan chu amah anih vangin . Mi vannei Tatiana Rostova, engkim a nei a.. mahse engah mah a ngailo . Mi hausa ho awmkhawmnaa sawmna hnar ziah thin. Kha hmeichhia designer tam takin chei atana an sawm luai luai ṭhin..mahse hnar vek thin kha. Khang a thil hnar leh peihbo te kha ka duhthusam te an ni ṭhin asin."



Tiang em em hian Rina hian a unaunu a thîk hi kalo ring ngailo. Itsikna hian hmeichhia hi a ti danglam vek thei anihhi.



"Chu aia pawi chu ila hre duh em?" thinrim taka rawn ti lehin, "Ka nu hmangaihna min laksak asin. Ka nu hian kei..a fanu diktak ai pawh hian a hmangaih zawk asin. A tir chuan ka ngaina ngei alawm , mahse hun a kal zel a, khâng a thawmhnaw lian tak tak phênah te , a library lian tak phênah te , mi hmuhloh a awm a tum te khan midang ngaihven a hlawh telh telh zawk si. Ngaihven a duhlo anihchuan..lawm takin a dinhmun chu ka luahlan mai ang, keiman ngaihven nihchu ka duh alawm."



Mahse chûng chu a dik veklo. Tatiana bula ka awm ṭhin lai khan thawmhnaw lian tak tak ha in .. a library liantak phênah khan a biru thin ngei alawm. Mahse mipui pungkhawm zinga tel te kha a duhlo anilo, midang be turin a zakzum lutuk mai chauh ani.



Diktak chuan ,kan pahnih chauha kan awm lai chuan a tawng duhin a hriatna a zau em em a. A bula awm kha a hlawkthlakin nuam ka ti hle ṭhin.



"Chuvang chuan..inthiamlo duhsuh" Sabrina thusawi chuan ka ngaihtuahna ṭang min tiharh zawk a. "Tunah chuan a bo tawh. Ka ta ini tawh..ka ta chauh." A kut chuan ka nghawng rawn vuanin min rawn fawp a.



*Lucca Cavelli's POV*



Tatiana hnena chanchinbua thu inziak ka en tir kha thil ṭha ber a ani em tih hian ka rilru ala ti buai. A pasal hual leh unaunu...thi tura duhtute ang mihring hi engtin nge an awm theih zawk. Tiang te chu thawnthu ah leh film ah chauh an awm ṭhin emaw ka tia.



Tunah chuan Rome lam panin ka Ferrari in ka inkhalh chhuak mek a, ka sumdawnna lamah min mamawhna a awm thut vang leh Tatiana Rostova chanchin chiang zawka ka hriat theihna hun remchang ani. Ka villa ah khan ka lêt leh hun nghakin a awm mek a. Ka chhiahhlawh te hnenah khan..chhuah a tum chuan minlo be nghal vat turin ka hrilh hlawm kha. A chanchin hi ka ngaihven viau nachhan tur pawh a awmlo, diktakchuan kalo inrawlhvena tur pawh anilo. Ka chhanchhuaka , lawmthu a sawi tawh a..thawn haw vang vang tawh tur ka nia..mahse ka tilo.



"Ka a zo tawh nihhi" tiin keimah leh keimah chu ka inbia a. Amalfi a ka villa ah sawn tu hmeichhia mah ka la hruailut ngailo. Ka tâ bik liau liau ania, Rome khawpui zi nuaih nuaih atanga intihthawven nan ka hmang ber thin.



Ka hmeichhe kawp ṭhin hmasa te takngial pawn ka Amalfi villa ah sawn penkhat pawh anla pen lut lo..Rome a ka inah ka hruai mai thin. Nihchuan tinge he hmeichhia hi a damṭhat hma chu ka villa a awm tura ka tih tlat..ka thutlukna maksak zet kha ngaihtuah tawhlo teh ang.



Kan inbiakna hnuhnung ber chu ka ngaihtuah lêt ta zawk a....



_"Anihchuan tunah enge tih i tum?" pangngai deuhin ka zawt a. Tunah chuan nichin lawka hmeichhe ngêng ve tak kha hmuh tur a awm tawhlo..hmeichhia kum 25 mi vel..chakloh hmel tak..a hmela a ngaihtuahna langchhuak miahlo chauh ani ka hmuh_.



_"Ka hrelo" ti a min chhangin .. a ke var sar mai chu a awm lamah tawmin..invenhim tum ang maiin a kuah a. "Diktak chuan ka thil ngaihtuah awm chhun chu ka unaunu hrawn leh ka pasalhual hlui te laka ka phuba lak theih dan tur ani."_



_Ka nuih a tiza deuh tlat pek a. "Hmeichhe thinrim hi alo hlauhawm ber mai anihhi."_



_A mit dumpawl chuan rum mangkheng in min rawn en a, " i nuihza siamtu ka ni thei chu ka lawm e"_



_"Min ngaidam rawh,signorina." tiin ka nuihza chu ka insum hram hram a. "Tahhian lo awm la, eng nge i tih leh tur ilo in ngaihtuah dawn em ni ang?". Enge ka sawi hi!!! Amah nge keimah hian mak ti zawk pawh ka hrelo...hetah lo awm turin ka ti zo chiah...ka thluak hi a buai zo tawh anih dawn hi._



_"Lungngai suh,signorina" min hnial tum ni a ka hriat chuan ka ti leh vat a. "Ka sumdawnna vangin Rome-ah kal thut ka ngai a. Tlai ah chauh kalo let leh ang."_



_" Tinge tiang hian ka chungah i tih?" Chair aṭanga ka tho tur chu min zawt a. "Tinge ka lakah hian ṭhat i chhuahna nachhan?"_





_"Ka chhanchhuak che , nilawmni?" ka ti mawl tawp ringawt. Keipawn a chhan ka hre biklo. "Venhim che hi ka mawhphurhna ani."_



_Venghim_. Traffic chep tak karah chuan Rome lam pan chuan ka tlan zel a. Tatiana laka tianga ka awm chhan hi keipawn ka hrelo..tukṭhuan kan ei laia.. naupang bo ang maia a pawisawilo leh lungngai hmêl te khan venhim duhna rilru min put tir tlat te pawh ani mahna.



Tunah chuan, ka rilru hi..him taka awm tir dan tur leh a unaunu leh pasalhual hlui huatna hlirin a khat.



*Tatiana Rostova's POV*



A tawp a tawpah chuan ka thawmhnaw ngei ka ha ve ta!!..Ka pheikhawk erawh nizanah tuipuiah khan ka tihbo daih avangin pheikhawk hniam bun nuam zet minpe a. Lucca Cavelli kawrchung ni awm tak ha a..ka mal zawng zawng lang veka awm reng ai kha chuan nuam tak ani!!! Ka thawmhnaw ngei hak chu a nuam takzet--pawnfen uk fual leh sahmul kawrlum..him ta riau hian ka inhria.



Ka room chhungah chuan ka vei kual vel a...a ninawm ṭan.



Lehkhabu chhiar tur tehi a awm angem le?



Lehkhabu chhiar tur zawng tura room chhuahsan ka tum lai takin kawngkhar a rawn inkik a.



"Lo lut rawh" English in kalo chhang a..ka thusawi a hrethiam angem pawh ka hrelo e.



Hmeichhia la naupan ve hmel tak hi a rawn lût in, "Pû zahawm in i mimal chhiahhlawh tur ka ni tih min hrilh a ,Miss... Ka hming chu Allegra." English chuan a rawn ti a.



_Pu zahawm a?_



"Tumaw?" Ka thil hriat kha a dik reng em zawhchian ka duh.



"Pûber.."ti lehin mak tih hmel tak chuan min rawn en a. " Don Lucca Domenico Cavelli, Caprielle Duke Sawmpalina."

(Duke=mahni ram chhunga awp nei Lal Upa)



Eng ang fiamthu nge ni ngai!!! Italian Duke in maw minlo chhanchhuak a?!!!Tunlaiah chutiang nihna nei anla awm tih pawh ka hre reng reng hleinem. Kan in biak hmasak bera...ahming min hrilh laia a hmela nuihzattna ka hmuhte kha hei vang hi maw lo ni!!Kan misuala chuan fiamthu tawh nan min hmang anihhi. Tunge anih ka hriatlohvangin ..minlo nuihsawh hle ang le.



Kan Italian Duke ngeiawm-a hnenah chuan sawitur ka nei alawm. Italian mipa hi ka inbum tir leh tawhlo ang. Chu thuduh-a chu rawn haw rawh se..angam chuan fiamthu thawh nan min hmang leh rawh se.



"Miss?" Allegra chuan hlauhthawn hmel takin min rawn zawt a. "I ṭha em?"



"Aw" nui lui chungin ka chhang a. A pu laka ka thinrim hi a thiamloh pawh a awm hleinem. Tûn atan chuan ka thinrimna bengdaih dan hrâm hrâm zawn angai ani. "Ninawm ka tih lutuk loh nan lehkhabu chhiar tur vel a awm em le?"



"Tehreng mai!!" phûr taka min chhângin. "Ka rawn laksak dawn che em ni ang , Miss..Nge ni a library a nangmah ngei kal i duh zawk?"



Aw!! Ka ring dik e!! Helai hmunah hian library a awm ka ring rêng a. A lehkhabu lakkhawm te hmuhna hun remchang ka hlauh phal teuhlo. "Library lamah chuan min hruai la, khawngaihin."



A lu bu zauhin "Minlo zui rawh , Miss."



Tunah rih chuan Lucca Cavelli ka huatna dahṭha phawtin a library ah hian intithawveng phawt ang..ka hmu chak tawh lutuk!!!



Ni chu a kal zung zung mai..Allegra-in Puber a lo haw tawh tih min rawn hrilh chuan khua a thim lek lek tawh tih ka hreve chiah. Hun nuam tak ka hmang ani...Allegra in thingpui leh eitur tuihnai tak tak min rawn chhawp reng bawk a. Pawn lamah chuan room lam pana rawn pen dup dup thawm ka hria a..a chhan hriatloh hian ka thinphu chu..penri a rawn hnaih chuan..alo rang ve em em ringawt.



Engmah anilo..nilenga hmachhawn tura kalo inrin vang aniang..tiin keimah leh keimah chu ka inthiam chawp a.



Mahse..kawngkhar rawn ri zeuh leh a hmel rawn lang nghal chuan ka in thiamchawpve na te kha dawt anihzia a rawn tichiang hle.



"Tatiana"



Ka lungphu chu a let thum in a phurangin ka hria. A hrephak hial ang. "Infiamnana min hman vel chu nuam ilo ti hle ang maw" a hnunga kawngkhar pawh a kharfel hma chuan kalo ti hlak.



"Engmaw?" kawngkhar khar pah chuan tiin. A mitah chuan mak tihna ka hmu hman..mahse abo leh nghal, ka hmusual emaw ka ti hial.



"Duke ini tih minhrilh lo hi mawle" ka kut kuangkuah pah chuan ka ti a. "Italian ho hian mi bum hi intihhlimna pakhatah in ngai em ni?"





Ka lam pan chuan a rawn phei a. A mitmeng rum tak te chu ka haider tlat.."Italian mipa pakhat in a bum vang mai che in ..tikhan thu lelo sawi ringawt suh."



A thusawi chuan minṭhawng deuh. Hetiangin chanchinbu a kei leh Paolo chanchin a chhiar kha min sawinan a hman ka lo ringlo a.



Khawngaihna tlachham mihring.



Misuaksual lutuk.



A tir kha chuan min chhanchhuaktu hi van lamin min pek anih kalo ring kha ania. Tianga minti na zual tu a nih ka ringphalo.



"Thu lelo ka sawilo"..tiin kalo pha ve vat a,rum taka min melh chu ka haider ka tum hram hram. "Ka ngaihdan ka sawi mai ani."



"I ngaihdan chu a diklo anihchu" a rawn ti hmuk.



"Anihchuan, sawifiah ta che."



A dar chhin akin a vawikhatnan a hawisawn a, "A ṭûl ka tilo mai chauh ani. Hmeichhia in min hrelo kha ka tan chuan thil thar ania."



Tlemin ka thinrim a zia deuh. Thudik a sawi em ka hrelo. Dawt an sawi leh sawiloh hre turin mipa ka la tawng tlêm lutuk...chutiang hria ni ila..hetah ka awm nâng..ni lawm ni?



"Chuan??" nui deuh chunga rawn tilehin, "Kan la inhnial chhunzawm dawn nge zanriah tuihnai tak min kilpui zawk dawn?"



Engmah sawifel silo a kan inhnial laklawh laia a thil rawn sawi chuan ka nuih a tiza ve deuh.



"A tha e...zanriah..." tiin zawitein ka chhâng a.



-----------------------------------------



Nizan zankhuain.. ka hrilh duh angem tih ka ngaihtuah. Lucca Cavelli chu kava melh zauh a. A pool bulah tukṭhuan kil pahin.. Amalfi tuipui mawi tak chu hmuhnawm ti takin kan thlir pah bawk.



Helai hmun hi a mawi takzet.



"Sawi rawh," a coffee in zeuhin a chanchinbu chhiar lai atanga hawisawn chuang miahloin a rawn ti a.



Ka aw ka thian kharh kharh a..ka inremna siampui tum hi a remti angem chu kahrelo...mahse tumloh ai chuan a tha zawk. "Pu zahawm--"



"Lucca tiin min ko rawh"



"Lucca..." a hming chuan kan au a, "Ruahhmanna ka lo siam a"



A mitko san meuhin min rawn en a, "Hlimawm dawn hle mai..han sawi la."



Thawk la hakin ..mitmeng silver rawng de set set chu ka melh kalh a. Ka thei ani, tiin keimah leh keimah ka infuih a. Ka tihtur zawng chu zawhna tumah kala zawh ngailoh zawh hi animai.

" Min nei duh angem?"



°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 10th, 2021, 11:28 am

*CHAPTER-3*



*Tatiana Rostova's POV*



A mak ti lutuk hmel chuan ka nuih a ti za zawk. Tu hmeichhia mahin inneih puiah an la sawmlo ani ngei ang. A hmel chu nuihzatthlak tak ani.



"Engmaw..."



"Min hnialkalh hma in," tiin kalo pawtchat vat, " ka sawitur ngaithla phawt rawh."



"Han sawi ta che," tiin a chanchinbu kenlai chu a dahthla a. "Kan inneih theih nana i ruahhmanna lo siam chu ngaithla ila."



Diktak chuan, ka zam lutuk, mahse a bulah hi chuan thudik sawi a that ber ka ring. "Nizan khan kalo ngaihtuah a..Paolo leh Sabrina te laka phuba lak ka duh anihchuan ..mipa thiltithei tak ka lama tang ka neih a ngai ani."



"Chuan...chu chu keimah hi itihna em ni?"



"Aw..mi thiltithei leh hausa tak ini a..hmelhriat tamtak i nei bawk anga..an pahniha tihchhiat ka duh chuan ka mamawh che ani."





A rilru a buaive hle anih hmel. Diktak chuan ka phuba lak naa min tanpui chu thil awlsam tak anilo ang. "He inremna ah hian eng nge ka tan hlawkna tur awm ang?"



Ka lo rin lawk ang chiah. A hnial theihloh tur chhanna kalo ngaihtuah sa diam tawh , "Ka ruahhmanna ah hian min tanpui anihchuan, Rostov International Hotels hi i ta ani ang."



A thutna atang chuan rawn tho zawtin , "I thutak lo tiraw?"



"Ka thutak," diktakin ka chhâng, "Paolo leh Sabrina ka tihchhiat na ah hian min tanpui anihchuan kan chhungkaw hotel hi..kan inthen hnuah.. ka pe ang che."



"In chhungkaw hotel dollar billion tamtak man hi i phuba lak duhvangin mi hrang hlak hnenah i pe ang maw?" A â zo tawh anihhi tihmel pu hian min zawt a.."Hetiang khawpa thui hi maw..sawng mi te thungrul nan sawn kal i ngam a?"



"Aw" anni vanga ka na tawrh hi a hrethiam phak lo ang. "Kar reilotê ah hian kum 25 ka tling ang a..chutih hunah chuan kan chhungkaw sumdawnna hi ka kutah a awm tawh ang."



"Khawvel tan hian mitthi i ni tawh tihhi ka hrilh nawn che a ngai em ni? Engtin nge in chhungkaw sumdawnna ah chuan thu ila nei tih i chian viau zawk?"





A mitah ka en kalh. "A chhanchu ka taksa an hmuh hma chuan tihtheih an neilo--engtikah mah an hmulo bawk ang. A pawimawh ber chu thil reng reng a ngaiin ala awm vek, ka nu hrawn hi ka taksa an hmuh hma chu President ala ni reng dawn. Ka taksa hmuloin mitthi ah minpuang ngawt thei hleinem."



A rilru chu a inbûk buai ve hle tih ka hmu thei. "Nizan khan he thil hi ilo ngaihtuah nasa hle animaw?"



Ka nuisuk. Hma ka sawn e. "Lungngai suh..an chhiat vek hunah ...nang nena kan inthenna ka tifel anga..hotel chu i kutah ka hlan ang."



"I sawi awmzia chu..."



A hmin ta ningei tur ani. "Tehreng mai..inneihna hlawk thlak zet i hmaah ka chhawp anihhi."



*Lucca Cavelli's POV*



Tukin zinga..ka thawh veleh a ka thiltawn chu ka rinloh piahlam ani..inneih sawmna...chupawh zan hnih liam taa ka hmeichhe chhanchhuah hnen atangin. Ka rilru chu a tibuai ve chiang hle.



Lalpa leh!!tu rilru nge hetiang dinhmun ah buai lo bik ang...khawvel-a hotel lar ber zinga mi minpek a tiam ania!! Chupawh ani hi nupui a ka neihin. Keilah ka nu in nupui neia rokhawmtu tur fa nei vat tura min tur sek lai alo nive bawk nen.



Rostov International Hotels hi ka sumdawnna hnuaia a awm chuan Europe leh America rama mipa thiltithei ber zinga mi ka ni ngei ang.



Mahse ...thil pakhat..ka rilru tibuai tu a awm...tihian thil nihdan tur a sawi tawp a. A mize inkharkhip lutuk hi tihtawp angai.



"Thil thenkhat ngaihtuah hmaih i nei ani, _tesoro_"





A mithmul chuar nung a min en in "Eng thil maw?"



"Kan inneih chhung hian rinawm taka ka awm kher angai em?"



A zak deuh tih hriat takin a hmai chu a rawn sen tawn tawn a. A tha!!! A inhungna bang hi ka sawinghin sak dawn alawm. "Inneihna pangngai tak kan nei ang ka ti reng reng hleinem ,sir. Kan inneihna chuan taksa inkhawih vel a huamtel lo ang..mipui hmaa infawh zeuh leh inngaihsakna tihlan vel chu a ngai ngei anga..mahse..chubak a awmlo ang. Ka duh chu.. ngaihzawng i nei dawn anihpawn ...i fimkhur thiam angai." a ti a.



Ka mitko san arhin, "I sawi awmzia chu..ka nupui ngei pawh ka mutpui thei dawnlo tihna nimaw?"



A hmai chu ahma aiin a rawn sen zual..." Aw."



Ka ringchiah lo. He a pawnfen fual phenah hian a ke var sar te kha an awm tih ka hai biklo. Zanhnih liam ta khan khathil suangtuah khan mutheilo in ka awm asin. A mit dumpawl mawi tak en chunga..ka khum min tawmpui hun tur hi. "Ahh..ka ring chiah lo.. _gioiello mio_."
(gioiello mio= duhtak)


Hlauhthawn hmel takin , "Enge nge i sawi awmzia?" a rawn ti a.



"Ka mamawh minpe tu nupui ka neih reng laiin engvangin nge ngaihzawng dang ka neih ngawt ang." a kut la in ka fawp zeuh.



Rang mangkhengin a kut chu a lasawn a..a hawisawn hmak . "I mamawh ka pe lo ang che."





"Minla pe em em ang." Tlang takin ka sawi. "Ka ta ila ni thuai ang."



"Ita ka ni ngai lo ang." tiin luhlul takin a tang ve tang tang.



_Ka ta ila ni khawp ang, Tatiana._ Tuipui a ka chhar che khan ka ta tur leh ka khum min tawmpui tur ini tih ka hretawh. Ka sawiri miahlo..mahse ka ngaihtuahna hria niawm takin phawk takin min rawn en hra mai.



_Tehreng mai_ ka ti rilru a.Tukthuan ei chakna pawh ka nei tawhlo...tunah rih chuan Tatiana ka khuma ka hruai luh theih dan tur chauhin ka rilru a luah.



*Tatiana Rostova's POV*



Room chhunga lehkhabu ka chhiarlai mek chuan Allegra a rawn lut a. "Puber in a library ah hmuh che a duh a, miss."



"Engatan nge maw min hmuh a duhle." Tukin tukthuan kan kil laia...a mita min itna lang khan tun thleng hian ka tha ala ti khur der der thei.



Ka lehkhabu chhiar lai dahin Allegra chu library lam panin ka zui a .



Pindan kil bera library kan thlen chuan Allegra chuan min kalsan a. Kawngkhar chu kik zeuhin ka lut a. Tun thleng hian a library ropui lutuk hian mak minla tih tir reng ..lehkhabu chhuar sang tak tak ..lehkhabu chi hrang hrang a khat..meichhemna chunga lemziak lian em em mai. Carpet mawi tak chhuatah a in pharh duaih bawk a..meichhemna bulah thutna nuam tak .. lehkhabu chhiarna tura rem em em nen. E!! Chuan!! Dawhkan lian tak..thing tha mi a siam tih hriat tak..tuna kan puber-a lo thut mekna a awm bawk.



"Min biak i duh tih kalo hria a." tiin ka hnung lama kawngkhar chu ka khar a.



" _Si_." a lehkha lo chhiar lai chu dahthla in a piaha thutna awl chu min kawhhmuh a.



Savun thutthleng ah chuan thu in , "Eng nge min sawipui duh a?"



Lucca chuan thutthleng hnung ngheng ar ar in , "Kan inneihna chungchang."



_Inneihna_



Ka hun tawn hian ka nuih a ti za zawk. Ni reilote kalta kha chuan mipa dang nen kan inneihna tur ka buaipui kha ania. Tunah lêm... inneihna chungchang kan sawileh dawn chu ania..mahse mipa dang nen...chupawh tu dang niloin --he mipa thiltithei zet nen hian.



"Chu chu Engtin?"



Ka mit taka min enin, "I hriat angin mi naran ka nilo a..Italy mipui te chuan inneihna ropui leh changkang tak an beisei ngei dawn a. Mahse ka nupui an hmuh hun chuan lungphu thalo an nei thei hial ang." A sawi zawng te chuan a khi suk mai. "Khawvel mipuiin tuia bo mek nia an ngaih...Chutiang anih tak si ah chuan , Italy ram deng dawt thei tur inneihna ropui tak kan buatsaih law law dawn em ni ang?"



Ka lu ka thing vat. Ka têttê atangin mipui tamtak hmaa inneih hi ka duhthusam a ni ngailo. Inneihna holam tak mahse ril tak si. Paolo khan inneihna ropui tak..Rostov chhungkua nena inhmeh..a duhthu vawikhat min hrilh tawh. Chuvang chuan kan inneihna tur kha keichuan ruai ropui kil tur kan ang zawk ka ti thin.





"Inneihna holam tak neih pawi iti em?" tiin ka zawt a...innei tak tak tur pawh kan ni chuang lo a. "Puithiam pakhat leh kan inneih min hriatpuitu tur mi pahnih--helai hmun..i villa ah hian. Ka la dam tihhi midang hriattir kala duhlo."



"Chu chu i duh maw?"



Ka lu kalo bu nghat. "Chubakah, nupui i neih tak tak dawn hunah inneihna ropui tak chu ila buatsaih leh thei alawm. Ka phuba lak nana innei rih mai mai tur chauh kan ni tho a."



A hmel chu ka chhiar thiamlo. Eng nge a ngaihtuah pawh ka hretheilo. "Engtikah nge inneih i duh?"



"A hma thei ang berin."



A khabe tuaiin a nui leh suk. "Tun aṭanga ni hnih ah hian ti ila..ṭha iti em?"



Ka lu kalo bu vat a. Kan inneih hma leh ka tan a ṭha animai. "Sawiduh dang kala nei."



"Eng nge?"



"Ka hming hi thlak ka duh. Mariya Cavelli --- Lucca Cavelli nupui ti a miin min hriat ka duh ani."



Ngeiawm deuh taka nui in, "Mariya? Arabic chuan thianghlim tihna ania..Russian erawh chuan 'natna' tihna. A khawi zawk chuan nge chu hming hmang tur chuan i rilru siamtir che?"



Ka hmaite hi a rawn sa hut hutin ka hria. "Chu chu hriat a tul kher em ni?"





Mahse..a nuih dan aṭangin 'Mariya' tih ka thlan chhan a hre tho a ang. "A hma a 'Lasi lalnu' tih hming pu thin kha --- 'Natna' tih ah i thlak dawn ania. Inhmeh viau e."



A thusawi vang chuan kalo ṭhen sak. Lucca Cavelli hian hming awmzia velah chuan hriatna a nei zau viau tak ang le. "I remti nge tilo?" ka chal tichuar nung in ka zawt.



"Tehreng mai." Nui ṭhaw chunga tiin. "Ka sawi ve hun."



Engthil tak sawileh ang maw.."Eng nge sawila."



"I landan hi thlakdanglam a ngai."



"Enga?!!" A thusawi vang chuan ka ṭhutna aṭangin ka tla hlawm tawp lo chauh. "I thutak lo tiraw?"



"Ka thutak." Ka inthuam dan chu rawn kawk kual velin, "Han in teh. Min ngai diklo lo la..mahse tumahin ka pi niawm ang maia inthuam ṭhin hmeichhia ka hmangaih thut hi an awih ka ring chiahlo."



Ava na deuh ve. Ka thawmhnaw hak nuam tihzawng khatianga han sawi kher.





"A ṭha zawk iti ve lo em ni?" a rawn tileh a. "Nihna thar leh hmel thar. Mariya Cavelli tih hming nena inhmeh tur."



A thusawi chuan thil min hriatchhuah tir zawk mai. Lucca nen kan inneih hunah chuan , Duke nupui ka ni tawh dawn. Hetiang dinhmun ka thleng ang tih tunge ringpha ang. Ka nihna nena inhmeh tura ka landân thlâk danglam chu a ngai hrim hrim. Harsa viau dawn pawh nise.





Ka thawmhnaw hak nuam tak tak te hi...thawmhnaw tawngchham deuh deuha ka thlak angai dawn chu anisia. Han tum chhin phawt ila. "Engtikah nge ṭan ila i duh? Chuan..ka englai hi nge thlâk danglam i duh?"



"I chhip atanga i ke lêr thleng khan." khisuk a rawn tiin, "Inthlakdanglamna hunṭha nei chunga...lungin tâng tur ang mai hmel pu awmchhun i ni ngei ang."



"Engtikah?' ka zawhna hmasa min chhan loh vangin ka zawt leh.



"Kan inneihni tûkah."



Ni hnih hnua ka hun tawn tur ngaihtuah in ka thaw hak.



"I duhchuan a hun chu kanla tidanglam thei tho." rawn tilehin.. "Honeymoon kan hmang dawnte a nichuan .."



Ka thlarau a thlawkchhuak lo chauh. A mitmeng te chu chimawm tak ani.



"Aih. Ka lawm e."



Nui chungin "fiam dawllo lutuk." rawn la tihram.



"Chuzawng chu em ni i sawiduh?"



"Aw." a chair atanga tho chhuak pahin min chhang a.



Chhuak tura kawngkhar ka hawng tur mek chu, "Thil pakhat leh Tatiana."





Hawiletin a hmel thutak rûn chu ka en a, "He inneihna hi i phuba lakna tur chauh ani tih i sawi kha hrereng ang che. A laklawh ah mawl taka i thinlung minpek loh hram ka beisei---ka tikehchhe palh thei ania."



"Lungngai suh Lucca." Inringtawk takin ka chhang, "Thinlung pek tur ka neih tawh ka inringchiahlo."



Thudik tak ka hrilh ani. Italian mipa hnena ka thinlung hlân leh duh tur khawpa mi mawl ka ni biklo. Paolo thangah kalo awk tawh a...Italian mipa kawplawr tak zûna uai leh chu kumkhuaa thinlung kehchhiat na tur ani ngei ang.



Tun hunah hi chuan...ka thinlunga khatliam awmchhun chu huatna chauh ani.



-------------------------------------------


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 10th, 2021, 11:28 am

*CHAPTER-4*



*Tatiana Rostova's POV*



Ka inthlak zo deuhchiah tihin kawngkhar ring lutuk in a rawn ri bur...ka hawiphei chu Lucca thinrim mangkheng a rawn pen phei pawk pawk ka hmuh chhunzawm nghal. Vanneihthlak takin kalo inthlak zo hman hlauh a..chuti nilo se..saruak deuhtho in min hmu ngei ang.



"Eng nge ka thil hriat hi? Allegra hnenah taxi koh sak tur chein i ti a maw?" a rawn ti nghal tawn tawn.



A thinrim vanga puakkeh lo chauh chu haiderin ka kawr leh sam chu darthlalang hmaah chuan ka siamṭha chhunzawm mawlh mawlh. "I thil hriat chu a dik alawm..hetah ilo kal ta sa sa..nangman min kohsak law law la."



"Khawiah chiah maw kal ilo tum a?"



Darthlalang aṭangin a thinrim hmel en chungin ka chhang a , "ROME-ah."



A thinrimna chu bengdaih a tum ve hle tih a hriat...mahse enge alo thinrim ve vak ringawt.



"Engvangin?"



Chutiang thil inzawh ngai pawh ani mile. "Ka in aṭanga ka thawmhnaw leh mimal thilte lakchhuah ka ngai."



"Eng ang te?"



Ka thaw la hakin, "Ka passport,credit card leh pawisa tlem azawng."



"Engatan maw chûngte chu i mamawh a?" naupang chhe biak tak hian min bia a. "Ilo la hrelo ani maithei a..mahse ka nupui chu ka châwm zo ve."



"I hrethiam lo anihkha----"



"A hlauhawm , Tatiana." tiin minlo pawtchat vat.



"I pasalhual leh unaunu kha anlo awm reng thei asin."



"Pasalhual hlui." lungawilo takin kalo ti a. "Ila hrereng chu a lawmawm e. Chuan,Lucca, mawl viau turah min ngai lo teh." Ngeiawm taka nuihin, "I miten an chetla lai zawng zawng an enthla reng tih ka hriatloh ring suh."





Ka thusawi chuan a ṭhawng deuh ni ngeitur ani..sawitur pawh a hrelo. "Bakah, Allegra thawmhnaw hawh sak reng hi nuam ka tilo..ka thawmhnaw ngei hâk ka châk ve tawh."



A hmel chu a rawn dur leh khup tawh. "Kan inneih zawhah i landan i thlak danglam tur thu kan sawi kha i theihnghilh tawh ani em lo maw? Khang i thawmhnaw ṭenghneng zette kha i mamawh tawhlo."



"Mahse----"



"Hnungtawlh i tum dêr em ni, _tesoro_?



"Aih!!"



_Ka chak e_ ti awm fahrana min enin , "A ṭhatchu..Rome-a i kaltum pawh theihnghilh nghal ang che."



"Teuhlo" ka theih anga rumin ka melh. "Ka kal angai."



"Tatiana, i pasal thu hnial tum suh."



"Ka pasal ila nilo."



Ka tlawm dawn biklo..min melh rum ang chiahin kan melh lui ve ngar ngar. A mitmeng vang hian mi pangngai chu an hawisawn daih tawh ang..mahse tu lakah mah hian ka tlawm tawh dawnlo.



Engthil mak nge thleng hi!! A hawisawn hmasa zawka ṭangin a phun hluk.. "A tha e..mahse keimah ngeiin Rome ah chuan ka hruai ang che."





Lawm avangin ka nui chhuak hawk hawk lo chauh..amah ngeiin min hruai chu remti phawt mai teh ang, "A ṭha lawm."



Zalo taka nui zeuhin "Boruak han siam zeuhna huntha tak aniang chu."



Enge a sawi awmzia zawh ka tum laiin a lo chhuak hman daih tawh.



Reilote ah rawn lêt lehin, designer lehkha bag a rawn khai lut a. "Kha..heihi ha rawh."



Hreh deuh takin bag chhung chu ka en a, "Teuhlo lutuk!! Hetiang ka ha lo ang."



Nin hmel zeta min en in, "Mi zawng zawngin Tatiana Rostova anga incheia i inchhûnga i lut lai an hmuh i duh em ni?"



Bag chhûnga designer kutchhuak kawrchung chhîng leh jeans kekawr chu ka en leh a, "mahse---"



"Ha rawh." Luhlul takin minlo pawtchat leh tawh. "Rome a kan thil tihtur ka ngaihtuah nen a inrem khawp ang."



A hmel han enin ..bag a thawmhnaw man to hmel tak tak chu ka en leh. Ka van peihlo tak.



Ka inngaihtuah buai tih min hmuh chuan, "Inha rawh..pawnah kalo nghak ang che. Minute 15." tiin a tawp a tawpah chuan min chhuahsan ve hrâm.



*Lucca Cavelli's POV*



Tatiana Rostova hi mi inkiltawih anga hre ho chuan thil pakhat hriat hmaih an nei ani. Mi thuawih leh feltak ti a a chanchin kalo hriat leh tûna ka mi tawn hi chu mi hrang hlak ang mai anni. A luhlul si..ka thusawi apiang hnial kalh a tum rân reng bawk.



A ruahhmanna mawlmang tak vangin Rome lam panin kan inkhalh chhuak mek chu ani sia.



Ka villa kan chhuahsan aṭang khan tawngkam khat pawn minla belo, a ruahhmanna ka tihdanglam sak vang khan ala lungawi lo hle anih dawn hi. Ni reilote chauh la inhre mah ila..a mizia ka hriatchian em em chu...a ruahhmanna tihdanglamsak a duhlo..tlêmte pawn. "I mite chu biaiin Paolo leh Sabrina inah an awm em tih i zawt tawh em?"





"Ṭawngdan chu ila theihnghilh bik emlo anihhi maw?"





"Lungngai suh." A aw chu a vawt raih mai.. "Kan inbe reilo ang."





Ka nuihza chu ka insum thei tawhlo. Hmeichhe tawhkhirh ve tak chu ani. "Aw, Tatiana _mia_..nichin lawk khan an pahnihin an chhuak chiah."



"A ṭhatchu."



Tukverh lam a hawi leh hmak tawh. Ka fiam chak tlat. "I hria em..tuna ka bula i awm dan hi naktuka i pasal nimai tur bula awmdan atan chuan a mawilo iti ve deuh lo maw?"



"Naktuka i nupui nimai tur..i thuhnuai a dah phêt i tum hi awmdan mawi ani bik em ni?"



"Ka thuhnuaia dah che ka tum maw?"



"I inhria ang chu."



" _Thuhnuaia dah_ tih ṭawngkam kan hriatthiam dan a in anglo anihchu, duhtak." ro halhin ka chhang a, "Ka thuhnuaiah dah che ni ila...tunah hian ruak vekin ka khumah..ka taa siam tur chein min ngên mêk ngei ang."





Hmuhnawm ka tih em em ṭhin ang chiahin a hmai dangbel chu a rawn sen leh ṭawn ṭawn tawh.



Engtin emaw tak ngeiawm deuha min chhân lêt kalo ring a, ka ringsual chiang hle..kawngtluanin minbe leh tawhlo hrim hrim.





*Tatiana Rostova's POV*





Ka lukhum chu ka mit hliah turin ka pawtthla zeuh. Lucca khan invennan min khumluih tir kha ania.



CCTV in min lakfuhloh nan hnuailam melh run in kal a ngai bawk.



Venneihthlak takin Lucca khan Restaurant hnai vaiah minlo nghah tur thu a sawi hlauh a. Min zui luih ṭalh a tum kalo rin hman nen.



Elevator ah keimahin ka chuang a...camera in ka hmel a lakfuhloh nân ka kûn reng bawk. Minute reilote ah keima inchhûng ngeiah ka awm ve ta. Hahdam takin ka thaw ka hip vang vang a..ka bungrua keimah ngeiin duhtaka ka thlan te chu ka en kual vel a.



Aih..enge ka tihhi... Thil hlui hriatchhuahna hun pawh anilo. Paolo leh Sabrina te pawh rawn haw thut thei reng anni.





Ka room chhûnga thilte chu ka hmuh hnuhnun ber ang khan anla awm vek. Ka chahbi dahṭhat lak tuma ka kun chu ka jeans hak tight lutuk vangin ka buai deuh..Lucca vang vek..min va han tibuai tak. Hreptak hian! Ka jacket hâk lehzel in min dâl...engtin nge hmeichhe dang hi hetiang thawmhnaw tawt zet ha chung hian an awm reng theih..engmah pawh a tih theihloh.



A tawp atawpah ka chahbi ka lachhuak thei hrâm. Ka drawer hawngin ka thil pawimawh—ka passport, wallet leh tlereuh tlem azawng ka bag chhûngah ka khung mawlh mawlh a. Keima thilvek nimahse rûkru ang maia ka chet a ngai ta chu nisia.





Ka thiltih lai ka zo ṭep tihin elevator a rawn ri!!



Lo kal an awm. Ka room kawngkhar phên aṭang tunge lo lut ka bih a. Ka mi hmuh vang chuan ka thawveng huai mai.



Signora Beltardi.



Kava penchhuak a..ka penri hriaiin in enkawltu chu a rawn hawi a.



" _Signorina_!!"



A hmui hup vatin, "Shhhh...."



A hmui aṭanga ka kut laksawn lai chuan phawk em em a min rawn en in, " _Signorina_,mi zawng zawngin an zawng huai huai che asin. I thi tawh emaw kan tivek asin." A mitmeng rawn inthlak thutin, "Thlarau inilo tiraw?"



"Nilo" ka nuih seih a.



"Mahse, enge i an?" _Signorina_ Beltardi chuan English aw phawi chuan min zawt a. "Khâng ni liamta chhung khan enge i chungah thleng? _Signorina_ Sabrina chuan lawng atangin i tlaksual thu a sawi a. I tha tawh em?"



Zawhna tamtak min zawt teuh a..mahse chhânna hun ka neilo.





" _Signorina_ Beltardi," a kut vuanin, "Hrilhfiahna hun che ka neilo, mahse tumahin helai hmunah kalo kal tih an hretur anilo—tunah rih chuan, ka la dam. Midang hi chuan tuipuiah ka bo angin la ngai rawh se. Tumahin—" a hriat chianloh hlau in ka hrilh nawn leh, "Tumahin vawiin hian minhmu tih an hre tur anilo, chiang em?"



A hmel chu zawhna hlirin ala khat mahse a tawp atawpah a bu ve nghat tho.



"Lungngai suh, mi zawng zawng hmaah ka rawn inlan vat ang." tiin ka hnêm a.



Ka nu ang chiaha ka ngainat.. in enkawltu chu kuahin.. Lucca hmu turin ka in chu ka chhuahsan ta a.





Pawn ka thleng chiah tihah hmeichhe sambuang chhelo zet...kawr dum sexy tak ha ka su chawrh mai.



"Ana!!" chunu chu ṭeng mangkheng in a au a.



Sabrina.



"Tihpalh" ka lukhum pawtthla in zawitein ngaihdam ka dil a.



"Kal ang, Sabrina" ka aw hriat than tak maiin ka unaunu hrawn chu a rawn au.



Paolo.



"I kalna en ta che." a rawn la ti ṭalh.



A tawp nan kûn lehin ka kalsan a. Ka taksa a thahrui zawng zawng hi anni sawisak hrep chak hian an au tuar tuar mai nihian ka hria.



Tun chiah hi in duh dana min awmtir theihna hnuhnung ber ani ang...elevator kawngkhar inkhar enreng chuan ka ti rilru a.



Tun chiah hi..



–––––––––——–––---------



*Lucca Cavelli's POV*





Restaurant ah chuan dawhthei takin Tatiana lo lêt hun kalo nghak a.



Waitress in dawhkan ṭha ber min kawhhmuh bawk..Tatiana amah chauha kal tir kha thilṭha ber ani em aw tihhian ka rilru ala ti buai reng. A unaunu leh pasalhual—pasalhual hlui khan lo hmu palh ta se. Ka thil ngaihtuah chuan min ti nui suk mai...Paolo Renaldi chungchang ka sawia pasalhual 'hlui' ka tihkher loh chuan min kamkhat leh hlak ngei ang.



University ka chhuah hnu ah tumah in minla kamkhat ngailo tih hi a hreve reng reng em le? Tih thinrim nan hrim hrim hrilh ka chak..mahse a mitmeng dumpawl alh pawp pawp tur ka mitthla in ka ṭhulh leh ta mai. A hrereng anga..a ngaipawimawh lo pawh a ni thei tho .







Ka sana ka en a...minute 15 a liam tawh..Reilote ka nghâk leh anga ka kal ve ang. Ka secretary nena kan inbiakna ka ngaihtuah let a......



_"Julia," ka hmaa hmeichhia chu Italian in ka bia a, "Naktuk aṭanga kartawp thleng.. ka tihtur ruat sa zawng zawng kha cancel vek rawh."_





_Ka assistant chuan , "A chhan ka hre thei angem? Puber."_



_Thudik tak hrilhin, "Naktuk hian nupui ka nei dâwn." Nui chungin ka hrilh a._



_"Innei a?" Julia chu a au hian a au a niber. Ka thlâwk thei tih ka hrilh emaw tih mai tur ani._





_"Aw." A zawhna chu chhângin , "Meeting pawimawh ka neih zawng zawng kha nidangah lo sawn la, call pawimawh zual chauh ka Amalfi a Villa ah i rawn thawn dawn ania. Chuan, ka kalbo chhungin Rostov International Hotels dinhmun ilo enchiang dawnnia."_





_"Awle, sir." Ngai a awhleh tawh a ang. "Ka pu, ka zawh âwm che ani em ka hrelo a. Mahse , Piber in he inneihna chungchang hi a hria em—?"_





" LUCCA."



Ka hmaa hmeichhe ding chuan ka ngaihtuahna ṭang min kaichhuak zawk mai...kawng dawm meuhin minlo en, "Tatiana."



Ka lu thingin a ṭhutna tur pawhchhuah sak turin ka tho a.





A thutfel hnu pawh chuan minla en reng..eng nge kalo ngaihtuah tih a hrechâk ani ngei ang. Vanneithlak takin waitress alo kal hlauh.



Menu a ka hmuh hmasak ber ka order tawp a..an dawra wine tui ber ka chah nghal bawk. Waitress in min kalsan hnu chuan..restaurant ka kal hmaa ka thil lei phawrh turin ka ipte ka zen a.



"I ta tur." velvet bawm te chu Tatiana hmaah ka nawr phei a. A chhan hriatloh hian ka thin te hi a phu dup dup mai...naktuk maiah nupui ka nei dawn tih ka inhriatchhuah thar leh vang te pawh ani mahna.





Hmeichhe tam tak in an tum tawh, mahse ka duh ngailo. Tunah lah..chhan eng eng emaw vangin ka hmaa hmeichhia nen hian kan innei dawn chu nia!.



Ka hming a mamawh a.



Keiin a Hotel ka mamawh.





"Hawng rawh." Mak a ti deuh ani ngei ang.



Bawm tê leh ka hmel chu melh tawn in, "Lucca hetiang tih kher angai lo asin—"





Ka lu kalo thing vat. Keimah ngeiin bawm chu hawngin...inneih zungbun.. lunghlu a cheimawi chu ka la chhuak a. "Tatiana Rostova, min nei duh angem?"





A hmai a rawn senno leh ṭan ṭan tawh, "Aaa...aw."





A aw a phurna lang lo lutuk chuan nuih a ti za zawk. Hmeichhe dang chu nise lawm avangin an zuang tawr tawr ang chu. "Khawi, i kut."



Hreh hmel takin a kut vei lam min pe a. A kutzungte û a zungbun a leng chiah chiah chu ka lawm ngei mai. Midang ho in min en luai luai pawh chu ka hre reng..vanneihthlak takin Tatiana in a lukhum a la khum hlauh.



Kan eitur a rawn thleng deuh chiah tihah..pawn lam a rawn ri nuai nuai..chanchinbu mi leh thlalatu tamtak in...tunge ka hmeichhe awmpui hriat tumin darthlalang phên aṭang thla an rawn la chuaih chuaih. Ka ruahhmanna a kaltluang e.



"En lo la." A mangan hmel deuh. "Chanchinbu mi hoin kan thla lak an tum a..mahse en suh."



Tatiana chuan a lukhum pawtthla zual sauhin a mit a khuh a.



Naktukah chuan kan inneihna hian Italy ram pum chanchinbu zawng zawng a luahkhat ngei ang le.





Ka nu a sa teh ang chu!

-------------



*Sabrina Hunter's POV*



Kan chên mêkna ..Tati ina ka lêt leh chu ka thinrim hi ka puakkeh lo chauh. Ka purse chu vawm chawrhin ka thaw hak a. Kum tamtak kanlo chenpui tawh in tifaitu lahin mak tihhmel takin minlo en ve chhen bawk.



"Tinge ramhuai hmu ang maia min en a?"



"Min ngaidam rawh, _signorina_." Italian awphawiin min chhang a.



"Ṭha lutuk, Rina." Ro halhin hnung lam atang Paolo a rawn ṭawng, "In enkawltu thlengin i ânkhum tawh dawn animaw?"





Inherin ka mipa tawn tawh a chhelo ber mai chu ka en a. "Thuneitu lamin Tati thih thu anla puang duhloh tih hriaiin engtin nge ka thinrim loh theih ang. Kum nga tal kan nghah a ngaih thu an sawi asin."



Rawn kal hnaiin ka dar min hmeh sak a, "Hriatthiam tum rawh."



Thaw leh hakin, "Mipui hmaa kan inhualna puanzar ka duh tawh alawm."



A kut la thla in ka hmel chiang em emin a rawn en, "Eng inhualna maw?"



"Kan innei dawn , ni lawm ni?"



"Aw." Hawisawn pahin min chhang a, "Mahse tunah lo."



"Engtikah?" Ka dawhtheihna hian a tlin rei dawnlo. "Tati thih thu an puanchhuah hunah maw?"



"Aw."



"Mahse a rei lulai lutuk alawm!!"



Min rawn melh rûn a, "Chu chu a nihdan tur ani, Rina. Tatiana hi ka nupuihual ala nireng."



Ka unaunu hrawn thi tawh vang hian tinge maw hrehawm kala tawrh reng mai le. Ka mipa hmangaih awmchhun lahin Tatiana taksa an hmuh hma chu min neih a tum bawk silo.



Paolo hian kum nga em em ka nghah theih a ring anihchuan..a tisual hle ang. Kum tawp hma in kan innei ngei ngei tur ani.







✌🏻✌🏻✌🏻✌🏻✌🏻✌🏻✌🏻✌🏻


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 10th, 2021, 11:28 am

*CHAPTER-5*



*Tatiana Rostova's POV*



Ka têtte aṭangin ka inneih ni tur hi ka suangtuah ve fo thin. Keimah ngeiin a ka thlan inneih kawr ha chunga..maichama ka pasal nimai tur lam pana ka kal tur lai te ka mitthla ve fo thin. Chu ni chu alo thleng ta. Vawiin hi ka inneihni ani. Monu chu a inneihni ah a hlim hle thin..mahse chutiang hlimna keimahah a awmlo.



Allegra-in ka sam tunlai lo ve tak chu mawi takin min bawk sak mek a...keiin Lucca zungbun minpek kalo bêlchiang pah a.



A man a to hmel hle mai. Paolo zungbun minpek ai pawh khan a let tamtak in a to ang. Lucca hian he inneihna lem tur hi a la thutak mah mahin ka hria.



_Midang i bum hma in, nangmah inbum hmasa rawh_.tiin an sawi thin kha .



"I zam em ni , piber?"



Darthlalang aṭang chuan Allegra chu han melh chho in, "Maw? Zam chiahlo. Chuan, minbiakin 'piber' ti khan min au suh, Allegra."



"Ka theilo, ka pi zahawm. A chhan chu vawiin atangin Caprielle Duke nupui ini tawh dawn si a."





Tun ni reilote chhunga ka thil hriat thar chu..Lucca ina hnathawkte reng reng hi an hnaah an rinawmin an pu an zah em em vek.



"In pu nen kan inhriatna la reilo chunga kan innei ta mai tur hi mak iti ve ngawt ang a." tiin Allegra—ka sam lily par a cheimawi mek chu ka zawt a.



"Ti chiah lo." A thiltih lai tih chhunzawm mawlh mawlh in, "Ka nu chuan hmangaihna diktak chu inhriatna rei leh reiloh lamah a innghat lo a ti thin. Nupa tamtak kum sawmli chuang innei tawh a..la inhrechiang tak tak lo te an awm laiin...mi ṭhenkhat kum reilote chauh la inhria...mahse khuanu ruat ang mai te an awm ve bawk."



"I nu chu a fing hle mai."



Allegra chuan hlim hmel takin darthlalang aṭangin min en a. "Kum tamtak he inah hian alo thawk ve tawh ṭhin a. Ka nu chuan puber hi a fapa ang maiin a ngai asin. Mahse ka unaunu in fa aneih avangin, Rome-ah ka nu in a awmpui a."





"Chuan hetah i nu ai i thawk tihna em ni?" tiin ka pasal nimai tur chanchin hriatbelh chak deuhreuh si in ka zawt a.



Allegra chuan a lu bu in, "Ka nu a ban khan ka rilru a hah lutuk a..a chhanchu college ka chawlh a ngai dawn sia..chutilo chu sum lakluhna dang kan nei silo a. Mahse puber hian a in enkawltu fanu naupang ber college zirlai a ni tih a hriatin..ka zirchhuah hma chu ka zirna man zawng zawng a tum tur thu a sawi a. Ka nu in min hrilh laichuan ka lawm lutuk asin."



"Chuan hlawh ala pe tho che maw?". Lucca Cavelli hi mipa rilru ṭha tak ani tih chu ka hria. Hmeichhia tuia thi mai tur pawh min chhanchhuak , nilawm ni? Ka phuba lakna tur atthlak takah pawh min puih a inhuam bawk a.



Allegra chuan a lu bu leh in, "Puber chuan college a hman tur alawm ati tlat a. Lungngai suh, miss. Kan pu hi miṭha tak ani...ṭha takin a enkawl che ka ring. A ngaihven ang che hian tumah ala ngaihven ngailo."



"Ka hria lawm." Ka ti zuai raih a.



"Awle." Allegra chuan phur taka rawn tiin, "I inneih kawr mawi tak hi ha tawh rawh le."



Thaw hakin khum a French laced inneih kawrfual var..tukin zinga France atanga rawn thleng chu ka en a. Engtikin nge Lucca hian alo chah le...ka hak tawk pawh ka ringlo.



Ka ṭhutna atangin muangchangin ka thochhuaka. Allegra chuan khuma silk inneih kawrfual chu a la a...a hnung zipper min hawn sakah chuan ka inrawlh a. Min siamrem sak nghal vek bawk. Kawr hnung zipper a zip chiah chu engtia awm tur nge pawh ka hrelo. Engtin nge Lucca hian ka haktawk a hriat zawk?



Mipa mak ve tak chu ani. Hmeichhia a hmuh ringawtin an haktawk a hrethei aniah!



"Awii!!" Allegra chu a nui sâng a, "Lalfanu ang mai alawm inih,miss."



"Ka lawm e." A mi fak derna vang chuan ka hmai a rawn sa hut hut mai. Allegra chuan ka awih chiahlo hmel alo hmuh chuan darthlalang hawizawngin min kuaiher a. Ka thaw a chham mai dawnin ka hria. Darthlalang ah chuan hmeichhe mitdum pawl...kawrfual mawi tak ha ka hmu. Keimah ang lo takin a inrintawk hmelin a mawi takzet.



"Puber in hnuai lamah a nghak reng che. In inneih hriatpuitu turte leh puithiam pawh an awm tawh."



"Hriatpuitu pahnih te chu tute nge i hria em?"



Allegra chuan a lu bu in dawhkan a pangpar bawr chu a la a. "Mr. Felipe, Cavelli chhungkaw in enkawltu leh keimah. " min khawngaih hmel takin, "I chhungte anlo tel ve theilo tur chu a pawi hle mai."



Lucca an chhuanlam minsiam sak ani ngei ang. Italian mipa te hian hmeichhe lam chhungte tello in nupui an nei ngailo tih pawh ka hria. Ka chhungte chuan ka thi emaw an tih vek avangin an rawn kal theilo hrim hrim a.



Stepa kan chhukthlak chuan ka zam em em a, ka ke te hi a zawi vekin ka hria. Vawnchhan vuanlo phei ila chu ka tlu tawp thei ang. Lucca chu..mipa pahnih nen an ding ka hmu thei. A tuxedo dum chu a inhmeh hle mai..a bula mi pahnihte a be lai chu ka en a..a hmeltha takzet ani.



Lucca vei lama kum upat hmel deuhzawk chuan minrawn hmuh in a ṭawnglai a tawp chat. Lucca chu rawn hawi pheiin kan mit a intawng chiah chu...ka tluk mai loh nan ka invuan nghet sauh.



Kan bul vela thil dang awm zawng zawngte an chawl vek ang maiin..hawisawn loin ka mit ah tak min en char char a...keipawh ka hawisawn thei biklo.



Engtik laiin nge a bul ka thlen pawh ka hrelo. Ka kut dinglam chu rawn la in..a hmer vang vang a. He inneihna hi ka hlawkna tur nge a hlawkna tur chu ka hrelo..mahse..ka hriatchian em em chu ..hawikir thei ka nitawhlo tihhi.



"Felipe," Lucca chuan a bula mipa chu a ko a, "Heihi ka nupui tur ,Tatiana anihhi. Duhtak , heihi Felipe, kan chhungkaw in kum tamtak lo enkawl tawh tu anihhi."



"Kan inhmu chu ka lawm e, pi zahawm." Italian thluk deuha rawn tiin, "Kum tamtak chhung kan pu hian nupui neia chhungkua a din hun kalo nghak tawh asin."



Ka hmaa pa fel hmel tak chu chhân ngaihna pawh ka hrelo..ka lu ka bu ringawt. Kan inneih chhan diktak hria se chu---





"Hunserh kan ṭan tawh dawn em ni ang, pu zahawm?" Mipa pakhat zawk chuan a rawn ti a. Min inneihtir tu tur ani ngei ang.



"Tehreng mai." Lucca chuan a chhâng a...ka kut ala vuan reng.



Mr.Felipe leh Allegra chu kan piah deuhah an ding a. Ka ngen angin kan inneihna hi English vekin kan ti dawn ..Italian ka hriatthiamloh avangin.



*Lucca Cavelli's POV*



Keileh kan chhungkaw in enkawltu leh..chawpchilh taka ka sawm puithiam te ho chuan Tatiana lo chhuk hun kan nghak ṭhap a.



In enkawltu chuan, "I nu chuan a hriatpuina tello a nupui i nei hi a lungawi lo hle ang, ka pu. Ram chhunga a awmloh lai a lo nikher bawk nen."



"Kan nghak theilo atin ni. Ka nupui tur hi neih ka nghakhlel tawh takzet. Mipa dangin min chhuhsak daih ka hlau alawm. Ka nu chuan a hrethiam em em ang, Felipe." Tiin nui vur vur in ka chhang a.



Hriatthiam hmel takin min en a, "Karleha alo haw hunah insawifiahna thatak i neih ka beisei. Italy khawpumin an itsik theih tur khawpa inneihna ropui i neih a duh ngei awm sia. Thlawhna aṭang a rawn penchhuah rual rualin in inneihna tur a rawn ruahman nghal ka ring ani."



A thusawi chuan min ti nui hawk mai. Ka nu chuan chutiang thil te chu a tiduh hial maithei ani. Mi tamtak hmaa kan inneihna ropui tur a ruahhman ngei pawh ka ring.



"Ka pu," Felipe chuan rawn ti lehin, "I nupui tur chu ka hrechiang chak—."



Step lam a hawi chho chu a thilsawi lai a tawp chat a. A hawina lam chu en chhoin ka nupui tur muangchanga stepa rawn chhuk ka hmuh chuan ka hawisawn theitawhlo. Tatiana Rostova hi hmeichhe naran tia hretu ho chuan pangngai taka a inchei anla hmulo ani ngei ang. A mawi takzet ani! A sam dum felfai taka inbawka..pangpar a cheimawite ...a mitmeng dumpawl fiah takte nen khian...hmeichhe naran chu anilo alawm.



A kut chu ka la a..ka bula hmeichhe ding hi a tak ngei ani em tih hriat ka tum te pawh ani mahna. Thawmhnaw lian tak tak ha ṭhin hmeichhia kha tuna ka hmaa ding hi ani tih tunge awih bik ang.



Ka bula mite chu theihnghilh thakin ka nupui tur chu kalo en vung vung tih ka hrechhuak thut a. "Felipe, heihi ka nupui tur , Tatiana anihhi. Duhtak, heihi Felipe, kan chhungkaw in kum tamtak lo enkawl tawh tu anihhi."



"Kan inhmu chu ka lawm e, pi zahawm." Felipe chuan tiin, " Kum tamtak chhûng kan pu hian nupui neia chhûngkua a din hun kalo nghak tawh asin."



Mawi ka tih em em angin a hmai chu a rawn sen leh tawn tawn a..tun thleng hian tiang vang mai mai hian a lai em em zel chu anisia.



Min inneihtirtu tur nen chuan ka inhmelhriat tir leh a. Vawiin hian nupui ka nei dawn tihhi awih harsa ka la ti..



"...Nang Lucca Cavelli hian, Tatiana Rostova hi, a nuamah leh a hrehawmah pawh, hrisel lai leh bawrhsawm lai pawn, hmangaih taka enkawl a..thihna in a ṭhen hma che u chu..kumkhuaa i nupui tak niturin i pawm em?"



"Pawm e."



Puithiam chuan Tatiana en ve lehin, "..Nang Tatiana Rostova hian, Lucca Cavelli hi, a nuamah leh hrehawmah pawh, hrisel lai leh bawrhsawm lai pawn, hmangaih taka enkawl a...thihna in a ṭhen hma che u chu..kumkhuaa i pasal tak niturin i pawm em?"



"Pawm e." Zawitea tiin min rawn melh chho a.



"Tunah chuan nupa ah ka puang a che u." ka lam rawn en in, "Monu hi i fâwp thei ang."



He hun hi ka nghahna a rei tawh lutuk...tuia ka hmuh ni aṭang tawh khan fawh ka châk tawh. Ka thil ngaihtuah chuan min ti nuisuk a. Ka kut pahnih Tatiana biang lehlam lehlama dahin a hmuiah ka fawp zeuh a.



Room a awmve midang ho chuan kutbêngin kan inneihna min lawmpui ve bawk a.



Tihian nupui ka nei dêr chu anisia.



Mahse engtia rei nge Tatiana hian a duh a hmuh nan hun a hman dawn ka hrelo. Phuba a lak zawh chuan inṭhen duhin a nun hmang turin min kalsan ngei awm si a. Kan in mangṭha hun tur ngaihtuahna ringawt pawh hian minti lungngai ani.



.................................................................



*Tatiana Rostova's POV*



Tunah chuan Tatiana Rostova-Cavelli ka ni ta.



Mrs. Tatiana Cavelli, Caprielle Duchess, dân ang taka Italian Duke nupui. Duchess nih hi ka mumang ah pawh kala mang chhin ngailo..hmangaihna telloa inneih ngat phei hi chu.



Ni reilote liamtaa ka mipa hmangaih nena innei tura inbuatsaih kha..tunah mihrang hlak nen kan innei ta daih ania..tûn thleng hian awih harsa kala ti.



Ka pasal thar nen a Villa kawtah kan ding mek a..Pu Felipe, Caprielle lama lêt tur kan en liam dawn ani.



"Chuan? _mia moglie_ i pasal neih ni ah hian eng nge tih i duh le?" Pu Felipe car a tlanliam hnu chuan min zawt.



"Eng _mia_ maw??--"



Min rawn nuih vur vurin, " _mia moglie_ , Italian a 'ka nupui' tihna."



"Eee..." Heng inkohduatna vel hi ngaiah kala nei theilo. Italian mipa ho hian hetianga inauh hi nuam an ti mile. Paolo pawh khan minko duat fo mai..ka tûm nghal hmuk. Kha mi tlaktlailo kha tinge ka inneih ni ah te ka ngaihtuah chhuah ni..inneihna tak tak nilo mahse..ngaihtuah loh hrim hrim ka duh. Hriatrengna lungchhiatthlak tak bâk min hnutchhiah lo.



Lucca chu ka thil ngaihtuah ngaihven lêmlo a rawn nui leh vur vur in, "Engmaw itih duh? Kan inneihni anihhi."



"Khuaah ka kal duh." Rang zetin ka chhâng a. Ka damṭhat leh aṭang khan khuaa kal hi ka châk tawh. Mahse kan dinhmunin a zirloh avangin Villa ah ka awm reng kha a ngai sia. Ni hnih liam taa Rome a keima in ngei ka rawk tihloh kha chu kala chhuak lo hrim hrim.



"Khuaah a?" a rinloh lam daih ka sawi ani ngei ang.



"Aw." Phûr takin ka chhâng a. "Amalfi ah hian kala kal ngailo miahlo a..min hruai la."



Zavaklo a nuiin, "Mi han hruaikual vel hi ka thiamzawng ani vaklo tih ila hrelo ani ngei ang, tesoro."



"I thiam em em ang, engmah lo ai chuan a ṭha zawk tho alawm."



"Min nuihsawh deuh em ni, duchess?"



"Tu? Keimah maw? nuihsawh a?" pawisawilo hmêl deuha zawtin nui lo turin ka insum hrâm hrâm a. "Midang chanchin i sawi anilo maw, pu zahawm."



"Hmm..." Tiin mawi em em in a rawn nui..ka lungphu lo rang ve leh em em ringawt.



"Min thlêm i tum em ni?" a mitmeng pâ lutuk chu ka melh ve kalh.



"A thawk em?"



"Aih."



"Dawt." A mitmeng te hi a de set set in ka hria. "Khuaa kal i duhthu i sawi kha." Ka chhip atanga ka ke lêr thlenga min en in, "I kawrfual kha i thlak phawt angai ang, khami ha chunga kal i duh anihpawn ka pawi ti lemlo."



A thilsawi vang chuan ka nuilo theilo. Lucca Cavelli nupui nihhi thil hrehawm tak anih dawnloh hi..inngaih taka kan awm theih dawn phawt chuan. "I danglam dawnlo anihhi."



"Va inthlâk rawh. Minute 15, i zawh hman loh chuan ka kalsan daih ang che."



"Min kalsan theilo ang!" Nui chungin ka ti vak a. "Keimah zawkin alawm kal rawt."



"Ka thei."



Melhrum ka tum a..ka hlawhchham chiang hle.



"Minute 15 , duchess."



Ka kawr thlâk turin stepah chuan ka tlân chho a.

*Lucca Cavelli's POV*


Ka nupui nen inkaiin Amalfi khaw tê ve tak chu kan fangkual a. Nupui nei ka ni tawh tih pawh hi rin harsa ka la ti. Inneihna lem pawh ni engang mahse..Tatiana in khua a fang duh chu a pasal ka nihna anga tih hlawhtlin sak ka duh.

Lukhum var..a suihna dumpawl awm ka leisak a. Nipuilai nisa tha tak maiin a vun var sar te hi a em uk ka phallo.


Khualzin ten anla hriatfuh loh khuaa restaurant tha ber lam panin kan kal mek a, helai vela awmte chauhin an la hria, an eitur siam pawh tui tak ani.


"Khawiah maw kan kal dawn?"

"Thil kan ei dawn, _tesoro_." A zungbun nî in a chhun tlet sar sar chu ka zu hmu a. "Chumi zawhah bazar lamah kan kal dawnnia"


"Mmm..a thatchu. Khualzin han hruaikual vel pawh i thiam dawn hi." Nui sângin a rawn ti a.

"I chiang chiah maw," tia fiam in, "Khawilai emawah ka hruai bo daih maitur che asin."

"Min vau tihna em ni, pu zahawm."

"Aih. Thilthleng thei anihchu."

Enge maw ka hriat ni..ka nui ver ver reng mai. Kawtthler tawp lam kan pan zel a. "Min nei hi i inchhir em , Lucca?" Tatiana chuan hriat tham mangloh hian min zawt a.

"Aih." Diktakin ka chhâng. "Nang?"

A ngawi vang vang a. Ka thin alo phu dup dup..a hrephak hial maithei ani.


"Aih."


Ka thawveng huai mai.


"Hetiang inchhir tihvel hi chu sawirih lo ang." Kan thilsawi chu thlâk ka tum a. "Inremna kan siam tawh a, a hmachhawn dân chu a hun alo thlen hunah kan hreve mai ang, hmm? Engah nge vawiin hi hlim deuhin kan hman zawk mai loh ang? Tatiana Rostova i nihna ni hnuhnung ber tur anihhi. Naktuk atang chuan Mariya Cavelli, Italian Duke hausa em em..Lucca Cavelli nupui ini tawh dawn sia."


"Nia." Zalo tih hriat takin a rawn nui zeuh a. "Kan mood ka tihchhiat vangin ka tihpalh."


Kan thiltih tawh zawng zawng vang hian kan inchhir loh ka beisei takzet.

........................................


Rodingliani

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 10th, 2021, 11:28 am

*CHAPTER-6*


*Sabrina Hunter's POV*



Ka unaunu hrawn tuia a tlak atangin ni li a liam tawh, mahse engkim a ngai ang vekin ala awm. Ka nu lah New York atangin Tati zawnna tawiawm turin a rawn kal bawk. Engkim hian ka thin a tirim vek mai.



Tuilût thiam a rawih belh teuh bawk a. Tinge Tati hian min tihbuai reng mai ni. A awmloh hnuah chuan ka duh zawng zawng ka neih theih ka inring kha nia..hnailo tak ani



Neih chu sawiloh..Tati a awmlai ai khân min hlat vek zawk niin ka hria.



"Ka nu, Tati taksa zawn chu tawp tawh mai rawh." Tukthuan ei pahin ka sawi a. Tati vanga rilru hahin tupawh mai hi an zawi em em mai bawk si. "Tuipui mawngah a awm daih tawh tho awm sia."



"Khatiangin i unaunu chanchin sawi suh." Ka nu chuan a coffee in lai nghat chawrhin min vin hrâwk mai. "A thi in emaw a dam pawn nise..Tatiana kan hmuh hma chu ka beidawng lo ang. Kan pawisa neih zawng zawng hman ngai dawn pawh nise..kan hmang mai ang."



Ning zetin Paolo awmna lamah ka kal daih. Ani lahin uluk em emin chanchinthar alo ngaithla. Ka va han ning tak! Ni li liam hnuah pawh Tati thih thu chanchinbu miten an la ngaihven reng mai hi ka kham.



"Tinge tukthuan i eiloh a?" Ka mipa hmangaih chu a hnung hmeh sak pahin ka zawt a. "Nizanah pawh engmah i ei tawhlo."



"Engmah ka ei châk lo." a T.V en lai hawisan miahlo in min chhâng.



"Tlêmte tal ei rawh."



Min chhâng loin room lam min pansan hmak...kawngkhar a khal daih bawk. Ka thinrim bengdaih tumin thaw ka la vang vang. Tati tuia a tlâk atang khan min hlat tawlh tawlh tawlh a..kan inkar ah hian bang liantak a awm ang mai ani. Engthil pawh ti ila, min ngaihven tawhlo. Tati in min hmuhdun zân atang khan kanla mudun lehlo hrim hrim...'tunah lo' tiin min chhâng zel.



Tati thih kha kan thiamloh emaw ala ti ani ngei ang, nih chu nideuh tho mahse. Chetsualpalh ani tih a pawm theih nan ni reilotê hun awl ka pe ang.



Ni reilote---chubâk ka tuar thei tawhlo .. Ala pawm theilo cheu anihchuan enge diklohna a neih ka hre hrep lo e.



*Tatiana Rostova's POV*



Lucca Cavelli villa ah ni nga na ka hmang mêk chu anisia. Mahse vawiin ah chuan a mikhual ang niloin..a nupui angin. A nupui!! Awih harsa kala ti. Tun ni reilote chhunga thil thlen hnem hman zia hi. Lucca khum atang chuan ka tho chhuak a..nupa kan nih tak si ah chuan room kan intawm angai a..a khuma muturin min ti kha ania.



Nia..a tirah chuan a khuma ka mut tur thu a sawikhan ka thlawk chhuak lo chauh. Mahse kei a khumah ka mu anga..a ni sofa ah a mut tur thu a sawi khan ka thawveng huai anihkha.


Zing dar 9 a pel tawh ..tukthuan ei turin inhnuai lamah ka chhuk a..tumah an awm ka rin loh tehreng nen..mi an lo awm thup mai.

" _Buongiorno, il mi amore_ " Lucca chuan nui chunga tiin ka lam a rawn pan a. Ka khabe dawma ka hmuia min fawhlai chuan kalo ip chawih. "Kal ang, mi hmelhriat tir duh che ka nei ania.

Ka kawngah vuanin dawhkan lam min panpui a. Hmeichhe hmeltha deuh kawr nalh tak ha hian min lo nuih sen sen...tukverh bulah keimah ang rual turvel mipa alo ding bawk. Chuan midang pawh an awm nual mai..pangngai takin an inchei vek.

" _Mi amore_, heihi Francesca Marcolini, vawiin atanga i zirtirtu tur anihhi. Francesca, heihi ka nupui, Mariya." tiin Lucca chuan chair atanga lo tho chhuak hmeichhia nen chuan min inhmelhriat tir a.


Ni dawn tak!!Inthlakdanglam turvel kha kalo theihnghilh hman tep alawm. Chuan ..a pawimawh ber ..ka hming pawh Tatiana Rostova nitawh loin Mariya Cavelli, Don Lucca Domenico Cavelli nupui.

"Kan inhmu chu ka lawm e, pi zahawm." Francesca chuan a kut mawi tak mai a rawn phar chhuak a.

"Keipawh le." Enge maw ka hriat ni..ka zâm ve em em ringawt. "Khawngaih Mariya tiin minko rawh, Miss Marcolini."

"Anihchuan nangpawn Francesca tia minkoh angai ang."


"Francesca."

"Chuan heihi i driver tur, duhtak, a hming chu Giovanni, i kalduhna apiangah a hruai ang che." Tukverh bula ding mipa chu min hmelhriattir leh a.

"Driver a? Engatan nge driver ka mamawh anga?


"I duhna hmuna hruai tur che in ka awm reng theidawnlo a. Bakah Amalfi khaw kawng bumboh ve tak takah te hian nangmaha i inkhalhchhuak ka remtilo."


Lemchan avan thiam tak.

"A tha e." Ka hnialbuai peih tawhlo.

'Ka chak e' ti niawm fahranin ala nui sâng zui. "Awle..anihchuan Francesca hian i zirturte a zirtir tan tawh ang che."

"Zirturte? Pakhat ai tam tihna maw? A tam dawn ami?"

Lucca chu nui lehin, "Khatia i sawi kha ka ring reng a. Tehreng mai, zirtur i ngah alawm duhtak. Francesca hian mipui hmaa awmdan leh i mizia in hma a sawn theih nan a pui ang che. Tianglamah chuan ramchhunga tha ber anihhi."


"Ka kutah dah rawh ,Lucca." Inringtawk takin Francesca chuan alo ti a. "A zakzum itih khan ka awih chiahlo a..mahse a taka ka hmuh tâkah chuan ilo sawidik anih dawn hi. Lungngai suh, kan zirlai kan zawh hunah chuan Italy ramin duchess a hmuh tawh zawnga tha ber ani ngei ang."

Lucca chuan lawm tih hriat takin, "He hna atan hian itha ber dawn tih ka hria alawm."

"Awle..tunah kan zirlai hmasa ber kan tan dawn em ni ang? Lucca khawngaihin minlo chhuahsan la."

" _Si_ " Lucca chuan ka chalah a fawp zeuh a. Hetianga midang hmuha infawh vel hi ngaiah kala nei theilo. "Ka kal ange ,duhtak. Gio, lo kal rawh , thil sawipui duh che ka nei."

Lucca chuan Francesca leh a ho te kutah min dahin min chhuahsan ta a.

"Le!" phurh sarha tiin Francesca chuan ka chhip atanga ka keler thleng a melh a. "Ṭan ang le...i sam atang hian kan ṭan ang , Mariya."

Pawilo. Ka sam hi a sei lutuk mah mah..a ngil zuar ringawt bawk si. Tan then chu ka duh ve hrim hrim. Inthlakdam chu a hrehawm dawn em em loh hi.

Hmel thar leh nun thar.

"Chumi hma in," tiin ka zirtirtunu chuan ka hmaah bawm lianvaklo a rawn dah a. "Zing i thawh atang nilengin i bun thin tur ani. Zan i mut dawnah chauh i phelh thei ang."

Bawm ka hawng chu ka rûm nghut. Christian Louboutin pheikhawk sâng turu tak mai alo awm. "Inzirnan chuan a uiawm awm e."

"Lungngai suh..a dang ala tam mai."

Ka hnialthei dawn chuanglo. Thaw hakin thutthlengah ka thu a...ka pheikhawk hniam bun nuam tak chu phelhin..pheikhawk sang chu ka inrawlh a. Ka din zawng te chuan ka khur der der mai...minti sâng lehzual bawk.

"I bun tawk kha ka ring reng a."

Za vakloin ka nuih zeuh ringawt.

"Awle..tunah chuan ka team te nen ka in hmelhriattur phawt ang che. Heihi Anna, sam lam enkawl thiam lutuk anihhi..i duhduh hairstyle a siam sak thei ang che. " tiin Francesca chuan a bulhnaih ber hmeichhia chu min kawhhmuh a. Anna sam chu a sen niin..a hma fual a hnung chhing an tih ang kha a ni a. "Chuan heihi Sophie, fashion lama bawn turu lutuk ve thung, hollywood milâr tamtak alo chei tawh thin ania." A inthuam dan atangin hai theih anilo..a French beret lukhum atanga a velvet boot sei thleng hian fashion mi ve tak anitih a hriat mai. "A tawp ber nan..heihi Gia, makeup artist..industry ah chuan hriat hlawh ber ani."


Min inhmelhriat tir zawh hnuin Francesca chuan ka room hlui..tui atanga min chhanchhuah tuma ka harhchhuahna room ah khan min hruai a. Ka pheikhawk bun sâng lutuk vangin kal pawh ka kal chak theilo. Room chu a lo inchei danglam vek tawh. Darthlalang liantak...Makeup chi hrang hrang ..pheikhawk leh thawmhnaw bawmte in a lo khat nuk mai.

Francesca thuthna min kawhhmuha ah chuan thu in..Anna chuan ka sam a sawisa tan ta a. Sophie in thawmhnaw alo enkual a..Gia in makeup vel alo enkual ve bawk.

Huiham..ni rei tak ani dawn anihhi...

*Lucca Cavelli's POV*


Tukthuan eizawh atang Tatiana kala hmuleh lo. Tuna a hmel awm dan tur vel ngaihtuahin ka nuisuk...

Francesca Marcolini, ka thiantha tak hi he hna atan hian a tha ber tih ka hria. Tatiana thlakdanglam a...a phuba lakna tura inrintawkna pe theitu awmchhun ani.

Kawngkhar inkik riin minti harh zawk. "Lo lut rawh."

"Pu zahawm." Allegra chuan Italian a rawn tiin, " Duchess leh Ms. Francesca in living room ah an nghak mek che."

Vawiina an hna an zo tawh ani ngei ang. Ka chair atang tho in Allegra chu ka zui a.

Step tawntirh ka thleng tihah..Francesca intithei taka nui ka zu hmu nghal.

"Lucca!" A phûr em em lehnghal. "I nupui inthlakdanglam dan chu enge i ngaihdan?"

"Ka nupui maw?" Sofa bula hmeichhia chhelo taka inchei chu ka hmuve chiah. Tatiana nen chuan inang lo tak anni.

"Chuan? Engnge i ngaihdan?" Francesca chuan ka chhânna a nghahhleh hmel hle.

Lalpa leh!! Heihi Tatiana maw? Ka Tatiana kha maw?Nimin maia hmeichhe pangngai ve tak ka neih nen kha chuan inang lo tak anni. Ka hmaa hmeichhe chhelo tak ding hi Tatiana ani tak tak maw?

"Lucca" ka aw hriat than tak maia rawn tiin, "Engemaw tal sawi teh..a tha lam ni hram se...."

Ka thutak nghal run. A landan thlak mahse inrintawkna ala neilo. Mahse heichu a tanna chauh ala ni tho..kawng thui tak zawhtur ala nei..a insiamthat vezel theih beisei ang.

"Lucca..." A rilru a hah hmel tawh lutuk...a aw te pawh a khur deuh . "I ngawih reng khan a nuamlo ania. Ka lang tha em? Nge pangngai? Nge chhe lutuk? Mawhhh..engemaw tal sawi teh!"

Ka lu ka thing. "Aih..mi amore. I..mawi lutuk."

"Tak tak maw?" A hmel atang a thawveng huai tih a hriat. A duhthusam tihhlawhtlin sak tepawh ka ang alawm.

Diktakchuan thu a sawifiah theihloh khawpin a mawi. A sam dum sei ngil ve tawp thin kha a dar pel awrhin an tan a..tlemin a kawi deuhbawk. A kawr lian hlephlup ho pawh hmuhtur a awm tawhlo...thawmhnaw dang hlak a inbel. A ke lam ka en thla leh a...a pheikhawk bun thin hniam thlip thlep kha niloin pheikhawk sâng tak a bun tawh bawk.

"Pheikhawk sang maw, duhtak?" Ka mitko ka san euh a. "Tiang ni ka hmuh hi ka inringlo asin."

"Oh.. Fiamthu thawh nan min hman tum suh Lucca." Sofa ah chuan a thu thla nghal nawk. "Ka ke te hi ana vek tawh..ka bunna rei tawh lutuk."

"Tun atang chuan a bun reng angai tawh ang." Francesca chuan a rawn tileh.

"Sexy dawn lutuk."

Tatiana rawn meng alh nghal pup.

"Ka kal angai tawh. Naktukah kan inhmu leh dawnnia ." tihleh Francesca chuan thawh a rual a.

Tatiana nen kan thlah fel hnuin sitting room lamah kan phei leh a..a ke a thluang nghal duai.

"Enge ini hman chu a an a?" A bulah ka thu thla. A ke la kangin a pheikhawk ka phelh sak a..ka hmeh sak nghal. Nuam tih hmel takin a rawn rûm..hnuai lamin a lo dawngsawng rang hle...tiang mai mai hian ka thisen a tilum chu nisia. Tiang em ema mintiphûr chunghian ka mutpui thei bawk silo. Ka inkhawngaih zawk.

Ngaihtuah tawhloh tum teh ang.

"Hremhmun animai." Enge ka ngaihtuah a ngaihven lo hlauh. "Mahse tunah chuan vanram ang mai anitawh."

A ke lehlam lakangin ka hmet leh..."I awm ka tinuam thei chu lawmawm e."

"Tawp suh."

"Tawp ka tumlo." A ke na a ziaawm thleng ka hmeh sak. La thu khawmuangin zanriah kildawn thleng kan ni hman dan te kan sawi dun a.


Rodingliani

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)