SALVADOR BY Rodingliani Vanchhawng (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: SALVADOR BY Rodingliani Vanchhawng (Completed)

Unread post by Ngaia » May 2nd, 2021, 2:54 pm

ALVADOR



CHAPTER 6


WhatsApp group join duh tan. https://chat.whatsapp.com/FjaBi1kgPXs00gZi6ddLk3



HAYANA MARTIN







Aidan Young pa chu min hmu tur in a rawn chhuak a, rei pawh awm lo in a room ah a lut leh nghal..min la pawm thei ngang lo aniag. Anu leh au nupui chuan kan room tur ah min hruai a, kan hnung ah Aidan Young chuan min rawn zui ve bawk. Room chhung kan lut chiah chu bawn tak ani a zauh ahan zauh dan chu thian ho panga vel pawn luah ho ila a la zau maithei bawk a ni. Khum lian leh zau tawk a awm bawk a,khum bul ah tukveh awm in pawn khaw thlir mawi zet a lang uar bawk a..







Room chhung chu a len mai bak ah a eng in a thianghlim mah mah, engkim mai chu wow wow vek ani ringawt,sofa set turu khawpa mawi leh dawhkan te, mi pangngai in chhungah an mamawh leh awm thin ang chu a awm kim vek. Room ai mahin in pakhat tawp a ang zawk mah, eirawng bawl na leh hmanrua tih loh chu hmuh tur a awm deuh vek.







Thawmhnaw dahna lian leh mawi lutuk a awm bawk a, ka Wardrobe tur a ka rin chu a senno a, pakhat zawk chu a dum ania..in rem loh hmel deuh chuan an in rem ru dun reuh viau. Thawmhnaw bawm chu ka hawng a, a lian in a zau sia, ka thawmhnaw ken chu ka en leh a, a in tuha lo lutuk chu ka zak chem chem mai. Min hriatthiam hmel tak in Aidan Young u nupui chuan ka kut ah rawn vuan in " Lungngai suh kha te chu naktuk ah kan hnawh khat vek dawn ania.. " nui ver ver chuan a rawn ti a, a duhawm in a nelawm hluah hluah kan vawi hnih vel inhmuh na chauh la ni mahse ka nel ru nghal em em..







Aidan nu chuan " Chawl hahdam ru, kan lo zu chhuk anga zanriah te kan zuk buaipui ange, Hayana nang pawh hahdam rawh i pa buaipui in nizan i mu tha awm si lo. " nel awm tak chuan a ti sen sen a. Eng tin nge a fapa bum in an duh vang reng pawh ni lo a ka nei chung hian ka chung ah tha tak hian a la awm theih, ka chungah an tha lutuk hi ka inthahrung hluah hluah..







Ka hming in nelawm tak in min ko a, han kauh ve ngawt ka tum a ka nu ka ti ngam chiah si lo " Mrs Young min ngaihtuah suh ka hah lo ka tha lutuk alawm " ka tih chuan lungngawi loh hmel deuh in min rawn en a..







" I a e mai, Mrs Young te min tih ka nu tiin min ko ta che " nui sen sen chuan a la ti zui, ka chungah an that pauh leh ka inthiam lohna a zual. Elana pawh chuan " Kei pawh ka u min ti ve rawh " a rawn ti a tih ngaihna ka hre lo lutuk chu lai tawk in ka nui ringawt a. Aidan chuan anu te chu kal vat tura duh hmel tak chuan a rawn tawng ve bawk nen min chhuah san dun daih. He pa nen chauh a awm ka duh lo asin vawi leh khatah room nuam tawk chu a rawn rit nghal pawp pawp..







Anu te chhuak chiah rum tawk in min melh nghal " Khum saw lian in zau viau mahse i leng ve lo sofa ah i mu thei ang. " a tih zawm nghal zat huhhu a bulah ka mut chak bik a ring amaw ni ? Aidan Young pawh a ni lo Godzilla anih saw Godzilla sual chi chimawm si a lu ah sawn khawn fawk a phu..







Ngeiawm tawk a min tawngkum leh hma ,Bathroom ah ka lut hmak an bathroom takngial pawh chuan min ti phu, em em ana, kan inhmun khulh chuah na lek chu an tan eng tham mah ani lo Vidia_in a lo tih kha ka hrethiam uar uar ni ber in ka hria. Bathtub lian tawk a awm a shower a awm bawk a chuan pindang dang in toilet a awm hrang bawk, an bathroom ringawt pawh hi ka room aiin a lian heihaa..







Darthlalang leh bawm vel a awm nual bawk, dawhkan te ah chuan inbual zawh a hman tur cream te Shampoo leh inbualna te no pahnih inang leh Tootbrush in ang si mahse hriathran na dang ve ve awm te a awm bawk a, a cute hlawm lutuk engkim mai chu fel thlap hian a awm vek a hmuhnawm zawk hial..







Ka sam hruk hul pah in bathroom atang chuan ka chhuak a, khumah Godzilla chu a lo muhil a, a chau ve ani tur ani nizan ah a pu sawi dan kha chuan damdawiin ah a awm ve atia mahse vawikhat pawh ka hmu lo a bialnu te hmu tur in a kal te pawh ani mahna tuin nge hria ?







Ka thawmhnaw hak tur la in bathoom ah in thlak tur in ka lut leh a. Ka in thlak zo sofa ah chuan rilru thawl zet a thu pah in phone ka khawih pah a. Ka muthilh lai pawh ka hre lo Godzilla u nupui chuan min rawn kai tho a. Dar zat ka en zan dar 7 a lo ni vah tawh. In hnuai lam ah kan chhuk dun a zanriah ei tura mo thar ber auh chawp ka ngai chu ka zak mah mah tih ngaihna a awm der si lo, nuam lo ka tih hlau in Elina [ Aidan u nupui ] chuan min bia a, zam lo tur leh ka tih sual lo thu min hrilh pah mawlh mawlh a..







Choka kan pan ding nghal, kan pahnih tih loh an lo thu thap tawh ka thin a rawn phu leh dup dup,khuk ral daih ka van chak tak. Godzilla_a pawh lo thu kur tawh a sual zia hi min han kaihthawh ve tal awm ania. A bul ah chuan ka thu a ka thut thlak rual rual in " Nupui kaih thawh chawp ngai ka nei ani maw ? " a rawn ti hram a. Mahni lo maha zam nen ka melh rum ngam tawk..







A reh bawk si an chaw ei lai an ei mawlh mawlh a dawhkan zau bawk si engmah pawh ka ban ngam lo ka thlenga awm sa chu ren tawk in ka ei tawp ringawt, thawh hmasak ber a mawi dawn bawk si lo Elina chu ka melh leh zauh thin a awm dan ka entawn theih ber a ni sia. Min rei lo te lek mah nise a rei duh ngei mai, ka vawikhat na ni bawk nen. Rei lo te ah Godzilla chu a ding nulh a kal a tum, apa chuan thu leh rawh a ti bul hmuk a..







" He in ah ka rawn kir avang hian i thu thu in ka awm ang tih na ani lo " a ti deuh hmak, a pa a chhan dan chu mak ka ti ang reng viau chuan he inah ka lo kir a tihawmzia pawh ka hre lo bawk.. A pu chuan " Ni e Aidan Hayana tan pawn a nuam nang i thawh san in " a rawn tih ve chuan Godzilla pawh chu a thu tha ve leh mai, mahse engmah a ei lo chawhmeh chu a fian chuan a hawlh a hawlh kual a..







" Ka nun ti buai tu lian ber i nih hi " ka hriat phak tur lek chuan a rawn ti a



" Tih palh. " ka ti thla ve rawk a..







CARTER SCOTT







Yana pa chu mithi ang maiin a la mu bam reng mai si thil tha lo thleng in Yana rilru na tur hmuh chu ka thil hreh ber a ni. Tun ah Psal a nei tih hi ka pawm thei thlawt lo ka awi lo a, mumang ang mai hi ani ringawt. An inneihna pawh ka mit ngei in ka hmu mahse min rawn call a " Carter ka tih der che anih kha . " rawn ti se chu ka la ti fan. Ani chuan apa chhan nan leh Mellissa te nufa lak atang a tlan bo duh vang in a sawi a, puih a ngaih laia atan ka awm thei lo hi ka in dem ngawih ngawih..







A hming in doctor chu ni ve mah ila chhungkaw khawsa thei tak kan ni ngai lo nen ka zirna leh eng eng ah leiba kan lo ngah nen pawisa pawh ka khawl thei lo, kei ang mipa nep lak ah a him tihna a ni mai, ani kha chuan sum a nei a, a duh tin reng atih sak thei dawn a. a tan a tha zawk tiin ka inhnem ru mawlh mawlh..







Mipa leh hmeichhia hi thian chauh an ni thei lo tih hi a dik tih ka chiang, a tan chuan thian chauh ka lo ni pawh ni thei mahse ka tan chaun ani ve lo. Kan khawsak a zia chhoh hnu ah ka duh thu ka hrilh ang tih ka rilruk lai in tiang thil a thleng ta sia.







Yana chu ka call a, apa chanchin min zawt hmasa ber a that thu ka hrilh. A pasal a chhung ten apa enkawl tura an dah pawh an fel viau an ngaihven in an awm chilh reng a Yana hahchawlh na hun a neih phah chu ka lam letling zawk.. A tawng siam siam a an in thar bawn zia leh rapthlak zia chu a sawi cham chi a.







" Chu nuam i va ti awm ve ? "



" Aww a hmun chu a nuam lutuk, mahse he Godzilla hi a tawrh hlelh awm mah mah "



" Godzilla ah tunge, i pasal a pa maw ? "



" Aii amah Aidan Young mawle "



" Min hrilh rawh a tih hreawm che chuan ka rawn tlan nghal a ni mai "



" hahah tak tak maw ka ring che ania. " tih pah in a nur ri har har a.









Ka bulah chuan a hahdam in nuam a tih zia pawh ka hai lo, mahse chu chuan min ti nuam lo takzet thin ka bul ah a hahdam leh lutuk te hian min ti thinrim tep thin, a lawm chang in min kuah ah ka hmaah hlim tak in a nui a, a lungngaih lah in ka kiangah a tap bawk. Ka tana tawrh a har thin zia lah a hre ve der si lo pasal min la neih san daih zui..







" Carter Godzilla a rawn lut ka dah dawn " tih leh dah a rual a, phone chu ka melh zui vung vung a ka thaw hak a..









HAYANA MARTIN







Phone ka off, a rawn lut hre lo ang chuan Tv chu ka hmet ka hmet kual a ka awm ve tih hre lo ang hmak in ani pawh chu a che ve pawp pawp tho. Ka thil en lai ka ti ring deuh nge bang a rawn chum ri dawt dawt a, a lam ka hawi chuan a hmui phun chuan " I beng a ngawng ami " a ti a chhan let vak ngaihna pawh ka hre lo ka ti zawi a, a ai ring a tih ka chak mah nak lai a..







Room khat ah he pa nen awm dun reng chu ninawm ka tho a inhnuai lam ah ka chhuk thla ve a, ka pu sitting room ah thuin a phone a lo bih ve ngur ngur, a bulah ka va thu a.







" Rawn biak che ka tum chiah asin. "



" Eng lam nge ni a ? "



" Naktuk hian company a hnathawk thenkhat leh share holders te hnen ah inhmel hriat tir na i neih a ngai alawm "



" Keimah hi maw ! Naktuk ah ? " mak ti lutuk in ka ti haw a, at hmel min ti ngawt ang..







Min en chung chuan a nui vur vur a " I zam ami ? "



" Zam lo chu ka ni lo a, mahse a rang teh thut lutuk a, bakah kei te chu a nupui lem chauh alawm ka nih " melh hnuai ralh chung chuan kan ti a



" Innnei lem a awm ngai ami ? Mai mai thin a che he inah i rawn lut a kan chhungkaw zing ami i ni tawh a, kan hnathawk ten tunge i nih an hriat ve a ngai alawm " dam thlap chuan a awm ring tawh lo zet chuan a han ti a..







Awii tiang khawpa mi hausa chhungkua si hi tinge an fel em em mai ni Movie ah te chuan an sual in an mo te an tih duhdah theih teh reng nen. He in a thil thleng leh awm zawng zawng deuh thaw hian min barakhaih reng chu nih hi..







Ka sam ka kuta vial nauh nauh chung chuan " Mahse thawmhnaw pawh ka nei lo, ina awm mai mai na tur chiah ka nei "



" Chutiang buai na tur a awm em ni, I duh leh mamawh chu sawi bawrh bawrh rawh ka puih theih na che anih phawt chuan eng pawh ka tih sak thei che ania "



" Ka lawm lutuk ka pu ka tan chuan chhan chhuak tu i ni ringawt "



A nui hawk hawk a. " Kei maw awm ang lo lutuk kei te chuan ka tupa nen in inneih na tur ka buaipui mai chauh alawm I Salvador diktak te chu Aidan alawm. " Nui huah huah chuan a ti a..



" Ahh ani te chu, min huat zia i hriat kha a bul ah engmah pawh ka sawi ngam lo Godzilla angmai a hlauhawm a ni. "



" hahhah Tak tak a, i thil tawn te kha i tan chuan vanduai thlak mahse nang ang mo atan ka nei thei hi ka vanneih viau ka lo ti asin. "







Tar te chuan tawngkam an thiam an lo tih zawng zawng duh a dik anih hi chhan let ngaihna van thak khawpa min siam chu. Ohh taka Salvador chu Spanish tawng ani a, a awmzia chu Saviour chhanchhuak tu tih na. Aidan Young pu hi British leh Spanish thlahpawlh a ni...







Godzilla chu a rawn chhuk ve, choka pan tum a ang, apu chuan a lo ko peng, phur lo zet chuan a rawn phei a.



" Enge. " a rawn ti pawr tha khawp mai..



" In siam ula tun ah dawr ah I nupui thawmhnaw tur va lei rawh u, a tam thei ang ber "



" Ka pu i fiamthu lo tiraw ? Tun ah maw ? Dar zat i en lo ami ? "



Apu chuan a phone a sana a bih zauh a.. " Dar 10 a ri dawn vel chiah, a la hma khawp hi. Ka tupa duhtak hian ka ngen na a hnial ka la hre lo Hayana pasal tha tak i nei anih hi. "







A cute ka ti lutuk he tiang vang te pawh hi niang kan Godzilla hian a zah em em, a fel lutuk hi zah a phu hliah hliah, mahsehe Godzilla nen chance min pe ziah hi chu a nuam thin lem lo..







Aidan oh Godzilla chuan rum tawk a min rawn melh pah in " Kha tiang thawmhnaw nen khan i chhuak dawn mi ? " a rawn ti a







Thildng sawi belh lem lo in, kan room lam pan in ka chho nghal a, thawmhnaw lum deuh lam chu ka ha a, ani pawn min rawn zui in a in ha lum ve a, phur lo dun zet in kan chhuak dun hna hna. Kawt ah ka nghak, car a rawn la chhuak a, a hnung kawngka chu ka hawng a luh ka tum, A tuverh glass chu rawn ti chhuk in " I driver emaw min ti mi tuin nge a hnungah chuang tura ti che ? " tukverh atanga a lu rawn dah chhuak chung chuan a rawn ti a, ninawm tih tam lutuk a thu thua min awm tir hi a tum mai..







A hma seat ah phur lo zet chuan ka thu lut ta ringawt, tih tur vang leh dawn mang e chak tawk in tlan se thleng vat vat ila ka ti mah mah..







Kan chen na thin hmun ngaihtuah chuan he lai chu pui tak ani mi hausa bik ho awm khawm na veng ni awm tak hian buiding nalh leh lian tak tak a ding fur a Christmas lai ni lo mahse chutiang deuh thaw chuan zan lai pawh chuan a eng mawi takzet. Tun ah chuan pawn ah thlir tur a tam a, a hreawm em me loh dawr pawh reilo te ah kan thleng




Pawn atang chuan class ka kal pah a ka kal pelh ziah thin kha a ni tih ka hai lo, chhan chu ka lut chak in a chhunga an zawrh te chu hak ve chhin ka chak thei hle.





Ka ngaihtuah let a, Carter nen thawmhnaw lei tum in kan lut ve ngei mahse dawr ah chuan duh duh an lut thei ve aw zawng lo list an nei thlap a chung mi hausa ho tak tak lo chuan dawr chhung chu an rap thei lo..







Zak tawk in kan chhuak leh, kha mi tum a kan zah dun zia kha tun ah ngaihtuah let chuan a nuihzat thlak tawh na chung in.. Carter tlawmngai lutuk " Yana ka tiam a che saw dawr ah sawn nakin ah chuan zah tak in chibai an la buk ve ang che chutiang tur chuan hma ka la ang. " In ring tawk fe chuan a ti a..







Kha tih lai khan naupang mai chauh ni mah ila engkim kha nimin ang maia chiang in ka la hria. Kan khawsak kha Carter te ang em em a harsa kan ni lo na chu kha lai dawr a lut tur khan eng emaw buaipui ve deuh fe a ngai a ka pa puihna nen chuan ka ti thei ve maithei a mahse kan bul ah ani lah a awm miau si lo.. Ka pa sum khawih che tu ber lah in a fanu chauh a ngaihsak miau bawk si nen..







Dawr chhung kan lut a a zau tha khiap khiap ngei mai, a hma ang kha chuan tuman min dang lo,kan hming emaw pawh zawt lo in ka lut tlang tawp a, a mak duh ang reng..







Ka en kual a duhthusam in thawmhnaw a kim, inchei na, in a hak tur, hnathawh pui theih tur leh kum naupang te atanga kum upa hak thleng in a awm vek, kum 10-15 hak awm na hmun bik, Gown awm na bik leh suite bik engkim a awm hrang thlap bawk.. Hei vang hi nih hi an lo strict em em..







Ka thawmhnaw hak tur zawng chuan kan en kual ve chhin a, a hnathawk te chuan ka kal na apiangah min zui in an thawmhnaw zawrh lai thatna leh hak a nawm zia te min lo hrilh nghal zung zung a..







Ka duhzawng deuh lak ka lo rilruk ve deuh te chu a man ka en apiang in a to rapthlak lutuk zel sia, ka lei ngam lo ,tiang em em a to te chu eng tin nge ka hak ngam anga tiin ka phun nuah nuah a..







Dah let ka tum ka hnung atang Godzilla chuan a rawn ban a, a dang ka en ka dah tawh ho chu a rawn thur chhuak nalh nalh a, dawhkan ah a dah ri chawrh a.. " A vai hian kan la vek ang lo siam ru. " A ti bul hmuk a pheikhawk awm naah a kal leh a, a nalh a tih ang ang a la pawp pawp a..







" Eng nga tan em em nge i tih a tawk, bakah pheikhawk te chu ka bun chhin loh ten ka tawk nge tawk lo ka hre nang. "



" Ka rawn dah chhuah apiang kha bun chhin la." A tia hnathawk tu te chu a melh a " A bun tawk apiang kha lo pack zel ang che u. " A tih chhunzawm leh nghal zat a..







Heiha! eng tin nge ni anga pawisa pawn a daih dawn ami? A tam si to hlawm si ka pu pawh a lungawni lo viau ang..







Bag vel a thlan lai chuan ka pheikhawk bun kual chu kal san in ka va dang a. " A tawk tawh em em a che a to si engtin nge ka hak sen anga, i pawisa ken pawn a daih ami?? " Ka ti ve that a..





Ka chal ah a kut zung chal a min nam keuh in, " Pawn ah sawn va chhuak la enge a hming va en rawh. " A ti a..



" Enge kan luh pawh khan ka hmu ve alawm Creative M. " Ka ti deuh haa ah..



" Ni e chu chu kan chhungkaw Company ania, a awmzia chu he dawr pawh hi kan ta, I thluak kha hmang ta che. " Mawl min tih hmel zet chuan a ti a..







Creative M maw an company hming ni a, mawl lutuk eng tin nge ka hriat loh theih a hmaa an company a ka kal pawh khan ka hre reng sia..







A duhtawk a thlan zawh meuh chuan dar 12 a pel duai tawh, bag pawh sawm mai pawh ani lo, sawmhnih vel anih ka ring, rapthlak khawp in a tam ka kum 2 bazaar ai pawn a tam hial maithei a ni..







An hnathawk mipa te chuan car ah min rawn dah pui a, car hnung ah pawh a khat vek, a hma tang chuan ka zuk en thin...a tam ka ti mah mah thlawt a ni..







" Naktuk ah chauh hak tur ani sia tinge tiang em em a tam kan lei a? "



" Tiang vang hian min nei ani lo em ni? Hmeichhia te chuan inchei na leh thawmhnaw pasal hausa deuh, i duhthusam ka tih hlawhtlin sak che a tinge i la phun a. " Min la ti zek zui..



" I ngaih ang kha a ni lo, khawngaih in hmeichhe tenawm tak anga min en hi i bansan thei em? "



" Hahahaha Tinge i nihna i zah pui em ni ? "







Chhan pawh ka chhang peih tawh lo tukverh lam ka hawi san hmak. Mipa ve si tawngthei lutuk. Godzilla ka lo ti pawh hi a inhmeh hluah hluah ka ti rilru nauh nauh a..




In kan thleng a, a car in kawt ah a hung tawp a, car dah naah pawh a dah lo. Bakah kan thil lei te min khai pui pawh tum lo in inchhung lam a pan nghal nul nul mai, min pui tur in ka ngen ngam der si lo..



Car hnung chu ka hawng a, a khat vek lehnghal an awmpui te min pui tur a auh dawn lah in a tlai tawh sia an mu vek tawh dawn nen, vawi khatah khaih chhoh vek mai ka duh chhan chu an in zau si kal na tur a thui bawk nen vawi 2 vawi 3 kal a peihawm loh..



Ka theih anga tam chu kan pawm bet tun a, pawi lo vawi 3 ka kal mai ang, ka kal ve reng grass pawng keuh a awm nge ka in pal tlu chawrh leh nghal a nat zia chu. Ka thinrim lutuk tah vak mai chu ka chak rum rum..



Ka lam pan in a rawn kal a min rawn pui dawn maw tih nak lai in, min kaih thawh pawh tum lo chuan min kal pel hmak hah min haw viau pawh nise min kaihthawh ve tho awm suala Godzilla suala..




AIDAN YOUNG




Mi tha tak anga awm der vel chu tum buai duh lo mai rawh se ka lak ah engmah a thawk ve chuang lo ang. Ka pu chu a bum thei ani mahna kei chu min bum ve ngai lo ang hmeichhe lepchiah leh lutuk. Ka theih ve leh ka nun atanga paih bo dan hi eng ti kawng pawn ka zawng ang..



In kan thleng Car ka ti thi a inchhung lam pan in ka kal san nghal hmiah, a thawm atang chuan a thawmhnaw te lak dan tur a buaipui mek a ang, eng tin nge a tih ka hriat chak avang chuan ka kal muang lui a.



A te deuh thawt, ka hawi let nghal a lo tlu chu niin a tlu bawk chiang ngei mai ka nui tut a.. A lam pan chuan ka tlan phei leh a.



" Fimkhur ve ta che. " Tih pah in ka kal pel nulh a, amah pawh pui chuang lo chuan a bag ken sen loh ho chu ka va khai a.



A in beng tho a, thinrim hmel tawka min rawn melh chuan a then sawng pah a, a ha hmai sei deuh rawn lawr chu a lang chiang kher mai, sazupui thinrim a ang lutuk amah en reng chuan ka nui tut tut a, a thawh tak vang chuan ka luh san leh ta tho a, ka hnung ah min rawn zui ve chhet chhet chuan ka hria..



to be conti..



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 2nd, 2021, 2:54 pm

SALVADOR



CHAPTER 7





A thawmhnaw dahna wardrobe hmaah ka bag khai chu ka theh thla deuh chawrh a, a awm darh hnawk nghal rum. Thawmhnaw rem fel tur a ngah dawn e..







A rawn thleng ve nghal bawk, hah hmel tawk in sofa ah a thu thla hnuk a, theihnghilh nei ni awm tak chuan a tho thut a, inhnuai lam ah a tlan thla leh nghal a.. Min 3 hnu vel ah a rawn lut leh a, a bag te leh thuthleng vel chu a en kual nghal char char..







Enge i zawn ti a zawh chu ka tum deuh uk mahse ka be leh peih lo, ka phone khawih kai ka khawih chhunzawm leh zawk.







Ka lam pan chuan a rawn phei a, hlauhthawn hmel deuh chuan " Ka phone ka hmu miah lo ania min lo call sak teh. " A rawn ti a.



" I phone pawh i venghim zo lo a ? " Ka tih khum haa ah..



" Ka uang lo ania, min lo call sak teh. " A ti leh a..



" I no. Ka nei lo. "







A phone no. a sawi nghal a, a phone chu room chhung ah chuan a rawn ri, a ringtone lah chu la ' Ed Sheeran Shape of You ' kha a la ni zui. A rik na a zawng a, a bag ka khai sak ka theh thlak tawp atang chuan a va phawrh chhuak hlawl mai..







A hmuh rual Chuan ka call ka off nghal a. A phone no chu ka save ' Hyena ' tiin, 'sazupui thinrim ' tia save ka tum uk a mahse sazupui ni tur chuan a phakar in a rilru a chhe mah mah. A whatsApp te chu ka en kual chhin a, a pa nena an thlalak dun dp ah a hmang a. A about ah " God please save him " Tih hi a hmang bawk, a pa anih ka ring nghal mai..







A thawmhnaw te rem fel tur a, a kal chu a bai auh auh hian ka hmu, a tluk na ah a in ti nat ka ring mai, a ke ka en thla leh a, a khup chu a lo thi hnuang a, nasa em em chu a ni lo, mahse a stoking hak lai chu a ti tet a lang chiang deuh a..







A bai tih pawh a inhre lo nge, a ke thi chu hreawm pawn a lang lo, a thil tih lai a tih zawm mawlh mawlh ringawt. Ka phone khawih san mai ka tum thin ka hre laklawh si ka va en leh thin ka awm a tih nawm theih thlawt loh ah chuan ka tho a, aid box ka la chhuak a, a bul ah chuan ka kal a..







A ban ah chuan ka va man nulh, a phu chiang kher mai ka ngai pawimawh lem lo sofa lam ah ka kai phei a sofa ah chuan ka nam thu a.







" Enge i tih dawn? " A ti haw ah..



" I ke thi hi i hmu ve miah lo ami? " Ka tih chuan a ke chu en in a hmek tang a hre chiah tih ka hre nghal mai mawl lutuk..







A stoking chu a thler nasa em em lo nen damdawi hnawih a ti har vek bakcheh chuan ka chep thler hmiah, min rawn melh phawk teh e..







A thi tuam leh nghal a nat hmel ve reuh khawp mai ka hru fai a damdawi ka hnawih sak bawk, mi fel tak ka ni, eng rilru pua pui mai nge ka nih pawh ka hre hrep lo.. Ka tih tur ka zo ka tho a khum lam ka pan leh nghal..







Ring vak lo leh zam hmel tak chuan " Ka lawm e. " A rawn ti ve na na.. Ka chhang tawh lem lo







Tukverh atanga ni eng lo lut chuan ka hmai a rawn chhun fuh hle, min ti harh zawk, ka intih fai zawh chuan inhnuai ah ka chhuk thla ve a. U Elen leh Sazupuite chu inhnaih tawkah thu dun in enge maw an tih dun ni.. Juice fridge ami chu in in, ka room lam ah chhoh leh ka tum ka pa nen kan intawk hre lo anga kal pel hmak mai ka duh, min rawn la be hram heiham..







" In chhungah lehzel chuan min hre lo anga awm a ngai em ni? "



" He in ah hian ka duh vanga rawn let ka ni lo a, chuan ngai e he tah ka awm vang mai hian ka ngaidam che u tih na a ni lo. "



" I pa ka nih hi Aidan. "



" Joshua kha min koh ket sak la hlim tak in i kiangah hian ka nui ve thei mahna. "







Thinrim tawk chuan ka kal hmuk hmuk a, zing kar ah ka mood rawn ti chhe leh nghal vek hei vang hi lawm he inah ka awm peih lo heng hi kha Sazupui vang vek a ni ka nun a rawn ti danglam vek hrep tak hian.







Bathroom ah lut tlang in ka inbual a, ka in bual chhung chuan eng eng emaw ka rilru ah chuan a rawn awm reng ringawt ka ngaihtuah tih pawh ka hriat lem loh in thil ka lo ngaihtuah vak vak ringawt.







Ka chungte hi Joshua thihna ah inhnam hnawihna an nei lo tih chu kei pawh in ka tiang em em a an chungah ka awm hi a nasa pawh ani maithei mahse keimah ka inthiam loh lutuk na hian min ti hreawm a, an bulah ka awm tam pauh leh min mamawh laia a bulah kal ang phalloh vanga nasa taka min dan kha ka hrechhuak nen engmah hi a fu hlei thei lo zawk a ni..







Ka inbual zo towel chauh veng chuan ka chhuak, kawr pawh ka ha lo ka sam huh chu towel te in ka hru pah mawlh mawlh bawk a. Hyena nen chuan kan insu dawt bathroom luh lo tum ve chiah nen chuan, chhuat ah a thu thla hnawk in ring vak lo in a te that a, a puan ken lai chuan a mit a hup nghal a.









" I lemchan kha duhtawk teh tiang mipa saruak te chu vawi tam tak i hmu tawh ang chu hmeichhe thianghlim tak anga awm vel kha duhtawk teh. " Ka ti deuh hrep..









A mit la hup reng chuan a rawn ding chhuak a. " Aww khawngaih in i fimkhur ve deuh thei tawh a ngem nangmah chiah in i awm lo tih hria la. " Min ti anih chu ka ka ang phiau chuan amah chu ka en a..









Tinge tinge? Tiang hian a khawsak a tu chu nge thlem thluk a tum ni. A zia hre lo tur ah min ngai nge ka mawl viau in a hre zawk mawle.. Mipa zu rui pawh mut pui duh khan ka dul lang ringawt chu a hmu ngam lo a maw? Awiawm loh lutuk..









A puan chu ka pawhthlak sak a, a mit a la chhing hram ka kut chuan a sam chu ka khawih vel a muang chang in bang lam ah ka nawr phei a, min sik a hlau chu a tawlh hnung zel bawk, bang a su ri dawt a.









" Miss nula thianghlim anga awm vel kha bansan teh, tinge tun ah hian kan tih leh mai loh ang, kha zan kha ka ruih em avang in engmah ka hre tawh lo ang min hriattir nawn leh thei angem ? " A beng bul ah chuan ka tih khum a..





" Khawngaih in, min khawih suh. " Tap aw tuau chuan a rawn ti leh a..









Ka hrethiam thei lo tinge tiang hian a awm hi,ka thin a ti rim in ka sa takzet, aaia hnaih tur chuan ka pen leh a kan in si deuh thaw chu a ni tawh, bang chu ka kut pahnih a nam in amah chu ka melh thla haw a..





" En teh i duh pek che ka tum anih hi tinge? Fel awm taka awm in ka rilru sukthlek i tum rilru deuh em ni? "









Hriat theih khawp chuan thawk a la hawlh a, a rawn meng a mit bial lian tak chuan min rawn melh kawk a, kan in hnaih bawk nen a mit mittui tling pam chu ka hmu chiang kher mai a mit vawikhat khap se a luang nghal thei ang..





" Engkim ka hrilh vek thei lo che a, min ngaihdan leh hmuhdan pawh hi mak ka ti lo mahse khawngaih in ka chung ah tiang hian awm suh. I mi ngaihdan ang em em a hmeichhe nep leh lepchiah chu ka ni bik lo ania. Chuan i duh anga nasa in min hmusit in min tawngkhum thei ang mahse khawngaih tak in tun a i khawsak ang hian awm tawh lo tur in ka ngen a che. " Fiah fai tak chuan a ti a.









Min nam sawn a bathroom ah a tlan lut nghal a, tih ngaihna ka hre lo lutuk leh ka hamhaih lutuk chu za lo zet chuan ka nui tawi tup a, eng tia han tih chhunzawm tur nge pawh ka hre lo. A thusawi chuan ka rilru a ti buai ve angreng engkim ka hrilh vek thei lo che tih lai tak phei kha chu.









Enge a pa a damlo a, apa enkawl na atan pawisa a duh avang in ka lak ah tiang khan a ti ani lo em ni? Hriat kim loh ka nei em ni? A aia nasa in thil tih a la nei zawk tihna em ni? Eng pawh thleng se ani ang saw chu ka ring thei chuang lo ang..



HAYANA MARTIN





Bathroom chhuat ah chuan ka thu thla hnawk , ka insum thei lo ka tap vak, ka tap ri a hriat loh nan tap ka ti haw char char bawk. Ka hlau lutuk hi ka zawi vek thei..ka thin phu chu nasa tawk in a rawn phu dup dup nen. Min haw ropui si, ka chungah thil tha lo a ti duh lo ang tih pawh a sawi theih loh..







Mellissa leh anu te bula ka awm tluk zet in a hreawm, mahse he hreawmna hi chu keima insiam leh tih dik loh vang a nia, sawi buai theih ka nei bawk si lo.







He lai hmun ah ka awm ve duh chuan ka pau khauh a ngai, tawngkam na leh tiang vang mai mai a ka mittui ka seng reng anih chuan ka tawrh theih loh hun a thleng anga ka pa ka enkawl thei dawn lo, ka mittui ka hru a ka tho a, in ti fai in make up te ka in hnawh a..







Kawr fual sen a vara par ka chawn puar lai si chiah chiah vela fual ka ha a, pheikhawk pencil hill peach rawng ka bun bawk ,ka mawi pui ve viau chuan ka inhria..







Darthlalang hmaah ding chuan ka in en a, ka kawrfual hak leh bag khai pheikhawk leh ka sam cheina thleng chuan, ka neih zawh loh vek ania, mawi pui in nalh pui viau mah ila keimah ka ang lo, midang thawmhnaw ha hawh ka ang .





An company kan thleng, a hmaa ka kal tawh vangin mak pawh ka ti tawh em em lo. Meeting hall zau tak ah kan lut a, a zau tha khawp mai a lai ah dawhkan lian leh sei tawk a in hung luah a thuthleng tam tawk a awm bawk. Coat suit ha ka pa rual tur te ka pa aia upa tur te pawh an lo thu thap tawh a, hmeichhia chu chhiar tham vel lek an awm,tlem zawk zawk chu an ni bik lo.







Ka zam ve viau, ka bul ah Godzilla chu a ding a, min rawn hnaih lutuk ka hlauh vang chuan a ruk in ka tawlh ka tawlh a, ka chunga a khawsak dan kha a inthiam lo ve deuh nge min la haw ve hrim hrim chu ka hre lo na in, min pumpelh dan a ngaihtuah ve in ka hria..







Ni leng in kan awm dun a, vawi khat pawh kan inbe eih lo thung, hall a kal a inhmelhriat tir mai ani dawn emaw ka tih nen nileng daih a lo awm tho mai, ka chau hnawk thei, department a tam si kan kal kual zel bawk. Designing team lam ah kan kal a, office chhung ka luh rual chuan engkim mai chuan ka mit a la nghal em em vek.







An hnathawk te chuan an tih tur ang ang ti chuan an lo buai em em vek a, an designer pawh ka hre mah mah...a takah ka hmuh ka ring ngai lo tv ah bak ka hmu ngai lo. Creative M company designer ber Melody Jordan a takah ka hmuh ka ring ngai lo..







Designing lam hi ka tui takzet, thawmhnaw thenkhat pawh ka design ve nual tawh keima tawk ah mahse ka hlawhtlin pui tak tak ka rin loh avang in ka bawhzui lem lo, mahse an hnathawh dan leh an tih te ka hmu chuan min ti phur a designer nih ve ka chak takzet, zing lama ka thinrim na reh thak khawp in ka ngaihtuah na a ti kal thui..



Kan haw theih dawn meuh chuan khua a thim der tawh, ka pheikhawk sang bun chuan ka ke a ti na vek, nizan a ka khup na bawk nen ka kal bai auh auh mai. Ka pu chuan min haw pui a tum mahse Godzilla chuan a bulah min hruai a tum thu a hrilh avang chuan min kal san a..







Vawiin a kan in tihbuai hnu ah a vawikhat nan ka be ve hram. " Khawi ah nge kan kal dawn? "



" Car ah lut rawh. " A ti ringawt a, khawiah nge min hruai a tum chu ka hre chak zek zek tak a ni..







Kan tlan zel a, kan tlan zel a, bar kawt ah a ding chawt ka awi lo deuh mahse a chhuak nulh sia ka zui ve tawp a, awii a chhung chu a bengchheng lutuk mi an tam si an zi mur mur si ka luh rual rual chuan ka thluak a ti chaw mawlh vek in ka hria, pawn ah ka lo nghak mai ang che tih mai ka duh, mahse ka hawi chhuak saw tawh a thiante nen an lo nui dar dar tawh..







Thawk ka la halh a, ka zui ve tawp a bulah chuan ka va thu a, mahse ka awm ve tih hria ang pawh chuan a awm lo, a thian te nen chuan an titi a zu an in a, hmeichhia chi hrang hrang in a thian mipa te chu an kuah thuak thuak bawk si, engvang in nge he lai hmun ah hian min hruai ka hre hrep lo e, mipa khat sang tak hmel fai ving mai chu min si chet chuan a rawn thu a, a rang thei ang ber chuan ka tawlh sawn nghal vat a, mahse min rawn hnaih zel ka kut ka hum ruh a, Godzilla lah chuan min ngaihsak der bawk si lo..







" Aidan heihi em ni i nupui chu, hah i sawi ang chuan a chhelo anih hi ka duh chi tak. " Ka bula thu pa chuan zu rim nam huam huam chuan a rawn ti a.







Godzilla chuan no min rawn pe a, " In rawh zu a ni lo. " A ti a, ka duh lo tia ka hnar chung pawh chuan in tur in min ti lui tlat ka ning lutuk chu ka in pawp a, ka ka ah zu a vawikhat luh na a ni hial ang no a te tho a engtham mah a nih ka ring lem lo..



" Haha kha ti mai tur kha lawm. " Tih pah in a nui suk a..







Ka tho vat a, thuthleng awl ah chuan ka thu a, Carter bul ah ka awm na leh min lo hruai tur chuan msg ka thawn a. Ka hmaah Godzilla chu a thu a, hmeichhia pakhat hi a bulah chuan a thu a, amah chuan hnar lem lo chuan a lo kuah chat a, duhthawh zet chuan eng sawi set set lo chuan an in fawp buan buan a, ka thik lam ni lo in thil hmuh nuam lo leh rapthlak tak a ni.







Music ri ring lutuk chuan ka lu a ti hai vek, zawi zawi in ka thil hmuh a fiah lo tulh tulh ka lam pan in mi pakhat a rawn kal, ka hlau lutuk ka che hleithei bawk si lo, kal san dan ka lo ngaihtuah ve ngat ngat, thei leh thei lo chuan..







Light chu a rawn thim thut music in thlak chu a rawn ri thawt, min ti harh zawk ka hlau lutuk chu chhuat ah ka thu tung a ka beng ka hup nghal. Light chu a eng zeuh zeuh a, a phe leh zawk zawk thin engmah chutiang lo chu ka hmu thei lo, ka hlau chu ka tha a khur dar dar thei, mipakhat hian min rawn hnaih a, puan in min khuh a, ka beng chu a kut pahnih in a rawn hup a.. A rim leh a thawk dan atang chuan tunge anih ka chiang takzet. " Carter. " Ka ti sap a, ka kuah bet nghal..







Carter chuan ka hnung ah zawi te a ben thek thek pah chuan " Hlau suh i kiang ah ka awm ania. " A ti sa sa a, nghet tak chuan ka kuah bet tlat a..







Min pawm lawp a min chhuah pui a tum, Godzilla chuan a rawn dang a, Carter hi i hre chiang lo ani i bulah tiang hian ka pasal i nih vang in min kal san i ring em ni..







Aidan thil min in tir chuan ka tha a ti zawi vek ka che hleithei lo, Carter chuan thuthleng ah chuan min mut leh rih a, an chet dan chu ka hmu ruai ruai, Carter chuan Aidan chu a hnek in ka hria nge midang zawk. Min rawm pawm leh a chu bar hneawm zet chu min chhuah pui..







Ka rui deuh niin ka hria, car chhung ah chuan min thut tir a, a coat chuan min rawn khuh leh a, min kal san a tum maw ka tih vang chuan a ban ah man in kal lo tur in ka ngen a..







A kut lian tak leh dai deuh chuan ka biang sa zet chu a rawn khawih a.. " Khawiah mah ka kal dawn hlei nem i bulah ka awm reng dawn alawm. " A ti in ka hria enge thleng ka hre zui tawh lo..






Ka harh leh chuan khum ah ka lo mu a, ka hawi kual a Carter room tih ka hre nghal, mahse eng tin nge hetah ka awm theih? Ka kawr tha nen ka la mu zui ka tho a, khum bul ah Carter chapal lian zet chu a lo awm a ka bun a, inpui lam ah ka chhuak a..






Carter chuan ei tur a lo siam a, ring tawk in " He tah eng tin nge ka awm theih. " Ka ti vak, a kut zung chal a hmui ti bet chuan min rawn pan nghal a..






Zawi te chuan " Au vak vak suh ka nu leh pa an ka muhil ania. Nizan ah ka hruai haw che in an hmu che, an zilh che i duh loh chuan i thawm dim rawh. " A rawn ti a..






Ka nui tut a ka hmui phun chuan " Awle " Ka ti a. Mm a rimtui tuk ka sa duh ber a siam bawngsa,, amah en chuan tawng ring ngam si lo chuan " Yessss " Ka ti a..





Ka chal ah a rawn pen keuh a, " I kut va sil rawh. " A tih chuan phur tawk in ka sil nghal a..




To be continue..




Ads kha lo click leh HRAM aw..

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 2nd, 2021, 2:54 pm

SALVADOR

CHAPTER 8


CARTER SCOTT




Ka duty hun a tawp a , haw ka tum lai mek in Hayana hnen atang in message ka dawng a . Bar ah a pasal in a hruai a, a bengchhen em avang in amah hruai tur in min rawn ngen hi a lo ni a. Ka in ha tha sawk sawk a , car chahbi ka la a, ka tlan chhuak nghal a . Car steering pawh chu ka hum nghet ngei mai, ka thinrim deuh tun a bar ah te enge kal a ngaih ? K a thinrim chu ka sa hat hat in ka hre mai.





Bar chu ka thleng a chhung ah ka tlan lut nghal, light chu a thim a, a rawn eng leh thin, a ri nuai nuai bawk nen Hayana tan awm ngaihna a awm lo, a buai deuh ka rin hrim hrim avang chuan chhuat lam ah ka melh deuh hrim hrim bawk. Ka rin ang reng in Yana chu chhuatah a lo thu sawp niai a , ka tlan phei nghal a, a pasal chu hmeichhe pakhat nen inkuah chiala an awm dun ka hmu bawk mahse Yana ka ngaihtuah avang in chu tiang engmah ka ngaiihtuah hman lo..





Ka coat chu ka phelh a, amah khuh nan ka hmang a, a beng ka hup sak bawk a, chhan chu an music play chu music pangngai pawh ani lo a rawn puak ri leh thut thut zel. Hayana hi a tet lai in, a nu nen chauh a an awm lai hian an in chu misual in an rawk a , current chiang kuang lo nen light a phe zawk zawk a, an bihruk na chu thir tlang hian an khawng ri dut dut niin min hrilh a . Chuvang chuan, halpuah leh thil ri thut reng reng a tuar thei lo. Misual in a hmuh hma chuan police te an rawn thleng hman a, chu pa chu an man nghe nghe bawk niin ka hria..





A thawk zawng in zu rim a nam deuh, ama thu chuan a in dawn lo tih ka chiang . Yana chak lohna hmang in a in luih tir anih ka ring mahse buaina tih chhuah hun ani lo Hayana hi he lai hmun tawp lutuk ah ka awm tir reng thei lo. Ka pawm a chhuah pui ka tum a pasal chuan min rawn dang ve khang lang. Engmah ti lo a kal tlang kan tum tehreng nen, Yana chu thuthleng ah ka thut tir leh a, a pasal kawr nghawng ah chuan dim lo baksak hian ka tham a..





" Haa nang hian engvang in nge Hayan hi i neih, i sum neih chapo pui tur in maw ? "


" Nang hian he hmeichhe nihna dik tak hi i hre lo niin a lang . A ni te chu he lai hmun a lam mai mai awm tawk lek alawm anih. "





Ka insum thei lo, Hayana tiang anga a sawi chu ka thin in a tuar ta lo ani . Ka kut ka hum ruh a, a hmai ah ka theih tawp chuan ka hnek ta pawp mai a , a rui deuh nen a thu thla hnawk a. " Nang ai in Hayana hi ka hre chiang a, i mi hrilh ka ngai hek lo. " ka ti tuarh a .





Khawih zui tlak pawh a awm lo, Hayana ka pawm a hmanhawh tawk in ka chhuah pui ta nghal a . Car ah chuan ka thut tir a, a rui ngang mai men pawh a meng hlei thei lo , a zu vawikhat inna anih vang nge, mahse zu no hnih khat lek ah tiang chu anih ka ring bik lo, damdawi eng emaw an pawlh anih ka ring hial a .





Ka mut that tir zo chu driver side lam ah kal tum a ka in her chiah chuan ka ban ah a rawn man bet a.. " Khawiah nge i kal dawn ? Min kalsan suh a hlauhawm ania. " a rawn ti nai nai a . Atawng zawnga a ha hmai sazupui ha ni awm tak lang chuan a ti duhawm takzet ka nui ringawt..





Ka kut in ahmai chu ka dawm a, " Khawihah mah ka kal dawn hleinem, I bulah ka awm reng dawn alawm . " ka ti a, a ha hmai lang tha chuan a rawn nui a, a muhil zui ringawt..





An in ah ka hruai thei lo a, a pasal te in lah ka hre hek lo, kan inah ka kal pui ta a . Inchhungah ka pawm lut lai chu ka nu chuan min rawn hmu a, chhan pawh min zawt lo chuan ka room ah mut tur in min pui a, a hlauh ber chu a bulah ka mut ve hahah. Kan mut tir zawh chuan khum bul ah ding in, a muhil lai chu ka en vang vang a. A tap emaw a muhil emaw pawh nise engtik lai pawn a hmeltha, a ha hmai rawn lawr tet, sazupui ang lutuk hian khawvel a mihring duhawm ber ah a chhuah lo chauh, sazupui duhawm lutuk hi a ang thin..





Zing a rawn tho, a mit a rawn nuai nuah nuah a rawn la au vak zui, ka nu te an la mut vang in bengchheng lo tur in ka ti a . A chawhmeh duh ber bawngsa ka siamsak a rim atang arawn hre nghal, a phur lutuk hmel kha, a ruk chuan ka nui tut tut a.






Chaw kan ei kham chuan ka va thlah ta a .A pasal te in kawt ah chuan kan ding a, an in a lian in, a pawn atang ringawt paw'n a pui zia a lang chiang hle ani . He in lian leh ropui tak chhungah hian a hlim hlawl lo chu ani sia . Mi hausa ho hi chu mahni hmasial leh nunrawng tak vek an ni . Amah hrai rui tu bul ah kal tur in ka thlah chu a ni sia, kal tir mai pawh ka inthlahrung takzet a ni, tih theih ka nei ve der si lo..





" I chungah nizan thil thleng ang kha a thleng leh anih chuan ka let tir tawh lo ang che, engkim min hrilh vek ang che. " ka ti mawlh mawlh a..



Min rawn nuih var var pah chuan, " Lungngai suh . Pu fel deuh ka nei alawm, min pui tur in ka ngen char char mai ang. " a la ti ta deuh deuh..





Ka sawi belh tawh lo, gate a luh thleng chu ka en zui vang vang a, chhe te tala puih theih ka van chak tak em . Amah hmusit ngawih ngawih tu bul ah nitin zantin a chen a ngai si a . Engkim min hrilh lo na in a tan a harsat tur zia ka ngaituah hian hreawm ka ti takzet..




HAYANA




Engmah thleng lo awm chuan ka lut ve hmiah kan room ka pan nghal a . Godzilla chu a awm ka rin avang in thawm dim te chuan ka lut a, mahse ka rin loh deuh in alo awm lo hlauh . Khum leh bathroom ah pawh veranda ah pawh a awm chuang lo. Nimin a kan chhuah san dan ang chiah chiah in a la awm vek.





Nizan ah a haw bik lo niin a lang a bialnu nen khan an riak dun ani ngei ang . Ka ngaipawimah lo. Khaw thim hnu thleng pawh in a rawn haw lo, hna ah a kal nge kal lo ka hre bawk si lo ka pu ka zawh chuan nizana kan buaina vel a hriat phah ka hlau ve deuh bawk sia. Call ka tum ve ringawt a no. pawh ka lo nei miah lo. Amah ka ngaihtuah vang pawh ni lo in a chhungten an hriat ka hlauh vang zawk a ni..





Dar 11 a ri tawh mut ka tum uk kawngka a rawn inhawng Aidan chu a rawn lut a mahse amah chauh in ani lo, hmeichhe pakhat hian a rawn zui lut a . Hman zana bar chhung ami kha ani tih ka hria. Chu nu chuan khumah Aidan chu a mut tir a, ka bul ah a rawn phei leh a.




" Hey I pasal hi duat hle rawh tunlai a rilru a hah teh ania, nupui i nih angin i tih tur te ti ve ta che. " Min ti deuh hrep a .





Chhan pawh ka chhang lo a awm dan chu sawisel lem lo in ka en tawp a, hetah riah ve a tum maw ka ti hial zawk. Aidan lah tui deuh in a la mu bawrh bawrh lehnghal. Chu nu chu a kal dawn in Aidan chu a kiss zauh a, a chhuak nghal a. A khawsak dan atang hetah a vawikhat kal na ani lo tih a hriat mai..





Godzilla khum bulah chuan ka phei a , a harh hlau tak chung chuan dimte in rizai ka sin tir a, ka kal leh tur ka ban ah a rawn man thut ka hlau lutuk ka thin a rawn phu nghal dawt, min thlah leh vat tho a . A hnaih atang chuan ka in la sawn nghal vat , eng emaw sawi hian rawn phun sup sul a . Enge sawi tih hriat tum in ka kun hniam a, "Joshua , ka tih palh ." tih chu a sawi nawn char char. Tunge Joshua pawh chu ka hre chuang lo, he pa hi a gay ru reng zawk ami ?


........................................................................


Zing ah ka pu kan roomah min hmu tur in a rawn kal hlawl mai.. Eng tak sawi ang maw hman zan kan haw lo kha a hre deuh mawni le ?





" Hayana nizan ah Aidan an hmeichhia a rawn hruai lut a ni awm a ... amah aiawh in ngaihdam ka dil e . "

" Enge i sawi awmzia, tinge ngaihdam i dil ? Pu , i thiam loh a awm hleinem. "

" Tiang mi hi a ni lo ania, khawngaih in i lo hrethiam hram dawn ania. "





Chhan let dan pawh ka hre lo, ka hamhaih vek. Tu thiamloh mah ani lo, Godzilla pawh a thiam loh na pawh ka hre lo, a duh vanga min nei ani lo a, a duh duh a kawp thei alawm..





Godzilla chuan room kawngkhar rawn hawng ri bur a. " Ka pu engvang in nge ngaihdam i dil ? Eng nge tihsual i neih a ? Kha nu lakah khan engmah ngaihdam ka dil na chhan tur ka nei lo. "

" Aidan i nupui anih hi tiang khan tawng suh !"

" Pu , I chungah hian enge thleng a ? Eng vanga he nu hi duhsaka a chunga that chhuah em em nge i nih hi ka hrethiam thei lo, ro phum ruk a nei em ni ? Nge i thuruk hriat a nei zawk ? Eng vanga hmeichhe bum hmang pawisa duh vanga mipa a hriat ngai loh pawh awmpui thei hi ka nupui atan duh em em nge i nih hi ka hrethiam thei lo. I duh ang in ka nei a , mahse a lakah ka khawsak dan lehzel chu min thunun thei bik lo ang. " a ti piap piap mai..




Duhthusam in ngaihthlak a hrehawm ani . Min ngaihnep zia chu hre tawh tho mah ila tiang ang a chianga ka nun nep zia ka hmaah miin an sawi pawh ka la hre lo, awm dan thiam a har ngei mai. A pu in thil dang a sawi leh hma ti ni awm tak in a chhuak nghal kawngkhar chu a la khar ri pawp zui..




" Tiang vel kha kan nia ....nasa tak in i hriatthiam a ngai dawn ania , Hayana. " a ti dam dup a.




Hrethiam eng ang pawh ni ila amah zawk in min hrethiam ve duh lo ang, a theih tawp in min hua ni ber in ka hria.




" Aidan hi nau sual leh luhlul tak ang chuan a lang mahse tiang reng hi a ni bik lo ania . Kum 3 vel kal ta khan a thian tha ber a chan a, a thianpa in pui tura a ngenna keimahni a chhungte vang in a thleng hman lo khan a nun a ti chhe vek. A inthiam lo lutuk chuan a chhungte a thlahthlam a, amah ngei pawh hlim hi a phu in a hriat loh avang in tu chungah pawh a nelawm loh ta em em a ni. "





A thusawi chu mak ka ti khawp mai, nizana a awm dan kha ka hre chhuak zawk a, Joshua atih kha he a thian hi ani ngei dawn anih chu. Khawngaih thei bik dinhmun ah ding em em lo mah ila, tlem in a lak a ka rilru put dan chu a inthlak deuh. Tu pawh hian buaina eng eng emaw chu kan lo nei vek anih hi. Mi hausa fapa luhlul ve satliah mai mai maw ka tih kha a phen ah rilru natna a lo nei ve reng a..





Zingah thinrima a chhuak chu zan ah pawh a la rawn haw ta lo cheu a . Naupang chhia ang mai enge zan haw loa a tih tauh ve ziah. Zinga ka pu in a chanchin chhete min hrilh chuan ka rilru a kap ve reng mai. Ka pu chuan zingah Godzilla chu a hotel ah kal chilh a,damdawiin ah in entir tura hruai tur in min ti a. A chhan chu naute ka pai ngei anga a mit ngeia a hmuh chuan tlem in ka lak ah a that ve deuh a beisei pawh aniang, mahse ka huphurh takzet ka sawm chhuah theih kher pawh ka ring lo..





In siam vek in zing chaw ei zawh ah, a chenna Hotel chu ka pan sakei buk lut tur ang mai hian ka in ngai. Hotel a hnathawk te pawn ka pasal tia ka sawi vang nge min dang lo in min luh tlang tir ve mai bawk..





A room zawn ah ka ding ran a, kik ka tum zuau a , ka ngam leh lo thin ka rilru a in sual buai nasa ngei mai. Ka kik ta hram rei vak lo ah a rawn hawnga min hmu chu mak a tih ve hmel hle a .





" Enge rawn tih i tum ? " A ti fiah fak a

" Damdawiin ah naute hriselna en a ngai. "

" Chuan ? "

" Chuan min kal pui a ngai. "

" Eng vang in nge ka kalpui che anga ? "

" A pa i ni vang in. " A tih than dang ngaite ngeiawm zet chuan a khi leh suk a, a tum leh nghal hmak " Kha naute siamna ah khan ka tel ve pawh ka hre lo, mahse min puh miau mai si a. " a ti leh kher anih chu, a tih thin dan chiah in ka nui suk a ka tum khum leh hmuk a..





Pindan dangah chuan a lut a, rei vak lo ah a rawn chhuak leh,amah ka en na lam ah ka thaw hawk a thawmhnaw hak lai chu a inhmeh lutuk, kamis var a ha a, a ban chu a chanve vel thleng a thlep a sana man to tih hriat tak a ban ah a bun bawk, cotton jeans gray leh vans pawl a bun bawk a. A khan a sang si a mawi pui mah mah ani . Ka hmaah coat suit emaw jogger pants leh tshirt deuh nen bak ka hmu ngai lo bawk nen..





" Ti khan i hman tih na mi ? Nge min tlan san leh dawn ? " ka ti ve kher a



Khuma a phone ban zauh pah in " Kal ila ka fa ni anga i sawi chu va hmu ila. " tih leh chhuah a rul a





Mi deuh sawh deuh deuh a tawng chu a hneh sawh mawle ..em em zawk hian a . Damdawiin kan thleng a, ka pu in room kal na tur min hrilh na hmun ah kan lut a, khum te lo awm ah chuan ka mu a, doctor chuan thir bial te hian ka pum chu a rawn zut kual a, screen ah naute ni awm tak che vel chu a rawn lang a. Ka hmu thut chu ka awi lo lutuk ka phu zawk hial eng tin nge an tih chu ka hre lo mahse a ang lutuk a, ka rai tak tak amaw ka ti hial..





" In naute pawh a hrisel in a thang duh lutuk, thla khat leh kar 1 vel ani vel ani tawh. " Doctor chuan a ti a





Godzilla chuan screen a naute chu a en vung vung a, tlem in a nui deuh chu ka hmu a, mahse a hlim tih min hriattir a duh lo a ang, hmu lo ang chuan ka awm ve mai bawk a..





Doctor in fimkhur tur leh chaw ei tha tur in min chah mawlh mawlh a, a office kan chhuah san a ka thaw huai mai . Movie shoot tur te pawh ka ang viau in ka hria . Screen ah khan tu naute video nge an chhuah chu ka hre lo mahse a duhawm takzet. Pasal neih a fate neih ve pawh ka ngaihtuah ve nasa thei lutuk mahse ka hma hun zawng zawng ka ti chhe vek tawh si a lem bak ka chang ve lo anih hi..





Kan chhuak a, naupang pakhat in Godzilla chu a rawn su chawrh a ice cream ei lai chu a kekawr ah a kai var nuai a, a thinrim khum ka hlau lutuk chu ka tang vek hman in ka hria naupang lah chuan a hauh a hlau nge a tap ngam chiah lo a mittui a tling pur a. Ka rin loh deuh in a rawmawl in a kekawr chu a hru fai a, naupang te zawn ah chuan a thu hniam a ngainat hmel zet chuan a nuih a. " A pawi lo hlau suh ka hau dawn hleu nem che. " a ti a naute nu chu ahnung ah a rawn tlan hei dawr dawr a, a fap thil tih a hmuh chuan Godzilla hnenah ngaihdam a dil mawlh mawlh a, naupangte chu ice cream lei leh na tur a nu hriat loh chuan a kut ah a pe zauh a..





" Naupang i ngaina viau ani maw ? "

" Puitling te ang in rilru chhia leh mi bum duh na rilru te an nei ve lo a. "

" Awleee ka hrethiam e. "





Chimawm lawmman hi sem dawn se pakhatna a ni chiang ngawt ang. " Wodland Hosital ah ka chhuk duh aw, ka pa tlawh kawi ka duh sia Carter ka rawn inthlah tir mai ang. "


" I Driver emaw hi min ti thin. " tiin a phun sap a, ka va melh a sawi lo awm deuh chuan a awm leh a..




MELISSA




Social Media ah han lut ila " Creative M neitu tupa naupang ber dawttu Aidan Young an nupui a nei, Tunge chu Hmeichhe vannei tak chu " tih hlir ka kham lutuk ka luak a chhuak vek tawh ka scroll thlak apiang in chi hrang hrang in a rawn lang ka hne lutuk ka phone ken lai chu bang vawm nan ka hmang a, adarh chiang khawp mai.





Thawm hria in ka nu a inbual lai towel bat in a rawn tlan chhuak, " Enge thleng ? Enge ? Enge ? " a rawn ti chul a.

" Phone thar min lei rawh ka phone a chia. " ka tih tuarh a .





Chhuata ka phone darh nuai chu a en a, ka hnungah a rawn beng pawp a, " I aa em ni ? I phone pawh hi thla hmasa lawka kan lei anih khu eng tin nge i vawm chhiat theih zawk ? Duh duh nei thei ah i in ngai ami ? " a ti bawrh bawrh a

" Tu thiam loh nge ? Hei hi i thiam loh vek ani . Enga tinge kha i bialpa suamhmang kha i dil mai loh, nang hian ka nun i ti chhe vekkk. "

" Melissa , in bengdai la pangngai taka awm tum rawh . Naupang chhia ang maia khawsa rual pawh i nih tawh loh hi . "

" Hayana Martin kha rai ang in sawi lo la chuan saw inah sawn a awm lo tur . Tinge ? Nga tinge ? Mawhh engvang in nge i tih ? "

" Pawi ka ti . Kha pa kha i duh tih ka hriat loh vang a ni. "

" Engmah i hre hlei nem nang hian . I thil tih apiang i ti dik lo a , ka hua che , ka nu
Tun ah chuan pasal pawh i nei tawh lo . He in pawh hi i kut a awm mai tur kha i chingpen bawk. I bialpa in a tlanbo san bawk che a, ka thinrim ang lai ngaihthlak bak tih theih i nei tawh lo. "

" Melissa, ngawi hmak rawh ! Engkim hi i tan veka ti ka ni asin. "

" Anih chuan tha tak in ti ta che . He in hi ka kut ah a awm loh chuan kha Hayana khan a nei bik lo ang. " ka ti hlawih hlawih a .


Hei aw Bonus



MELISSA




Ka nu in, a pasal Hayana Martin pa ni bawk chu hmuh a duh vang in damdawiin ah kal tur in min ngen chhen avang in ka kal pui a,





" Saw in ah sawn engtia rei nge min awm pui i tum a ? "

" Kal na tur dang i hria ami ? "

" Zawng rawh kan ta anih loh chuan a khawngaih vanga awm ka duh lo ani puih na kan mamawh lo. "

" A mak pawng pawng thin e mai Melissa. "




Damdawin kan thleng tep tih ah Hayana Martin kawng kal ka hmuh chuan ka car stearing ka hum nget sauh a, hmun dang ka melh tawh lo. Saw nu saw thi tur in ka duh engkim hi amah vanga thleng ani, ka nu chuan ka thil tum hria ni awm chuan ti lo tur a min hrilh ina au tuar a, mahse thil dang engmah in ka rilru an la peng thei tawh lo ka hmaa ka hmelma awm sut chauh chu ka rilru ah a awm..





Car chu a hma aia speed sang ah dah in Hayana kawng kal lai chu ka su ri dawt, ka hawi chhuah leh chuan ka hmaah kawngpui ah chuan a lo let reng tawh. Ka nu au ri chuan min ti harh zawk a..





" Eng thil nge i tih " a rawn ti leh tuar a..





Ka thil tih chu ka harh chhuak zawk ka khur a, ka hlau lutuk car atang a chhuah pawh chhuaklo in ka in her a kan in lam pan chuan ka tlan let leh nghal. Ka nu thusawi leh min biak na engmah ka hre lo chak tawk in ka motor khalh lai chu ka khalh char char ringawt..





In kan thleng car ka ti tawp tawp dah pawh dah tha lo in, inchhung ah ka tlan lut nghal dawhkan a thil awm te chu ka theh darh rum a, ka in sum thei lo ka te vak vak a..





" Ka thiam loh ani lo, nu ka thiam loh ani lo, ani khan ka nun a ti chhe hneh em vang ani. "





Ka nu chuan min rawn kuah a " In ti harh rawh Melissa tiang hian i awm thei lo, i thawmhnaw han siam la he hmun hi kan chhuah san nghal a ngai. "



" Mahse nu, khawiah nge kan kal ang police ten min rawn zawng ta se zel tan ka duh lo, zel tan ka duh lo. " ka beng hup in ka te vak vak a





Ka nu chuan ka thawmhnaw leh a thawmhnaw te siam zawh in a rawn chhuak leh a, pawn ah chhuah kan tum kawngka kan hawng chiah Police te chuan inchhung ah min nawr lut leh nghal a.




" Mi sut avang in Police station ah min lo zui a ngai. " min en ran pah in Police chuan a ti a





Ka hlau lutuk ka nu kut ka vuan a, ka tap pur tawh, ka kut ah handcuff min bun tir an tum, ka nu chuan min kai in a hnungah min din tir a. " Car khalh tu kha keimah hi ka ni ka fanu hian motor khalh a thiam lo, Hayana su tu kha kei hi ka ni. " a ti mawlh mawlh a





Police te chuan ka nu an hruai a, ka car pawh an la nghal bawk. Tinge ka mawl em em engvang a in ah te let nge ka nih ahhh engkim a chhe vek ka nun a chhe vek..






Ka in thunun ka nu in ka ai tawrh a duh chuan enge tih theih dang ka neih, amah tawiawm tur in Station ah ka kal a, Police te chuan ka nu chu zawhna an lo zawt mek a,inneihna a putar min lo dang tu pawh kha a lo awm ve ran bawk..





Engmah finfiahna a awm lo tih tur pawn mi zawng zawng hmuh lai in, khaw en lai in ka ti bawk si, Police ten min rawn um zui nghal bawk nen engmah thiam thu sawi ngaihna a awm lo. Ka nu chuan engkim a tih ang vek a sawi in, hremna pawh a pawm vek in a sawi bawk..





Kha putar kha ka bulah rawn kal in " I nu hi chhe te pawn khawngaihna i nei lo niin a lang, ka sawi tawh kha Hayana emaw ka hmuah i in lan leh anih chuan i chungah enge ka ti ang ka tih ? " muang leh fiah kak chuan a ti a.



" Hmeichhe bum hmang lo pawm duh tu kha enge i nih, i tupa ni lo in nang nen hian in lo eng emaw deuh zawk ani lo maw ? " kan ti ve sak a.



A nui suk a, " Thil pakhat ka monu chu vanduai thlak tak in tun mai khan a harh a hliam na lutuk a tur lo anih chu, a pum chhunga note pawh a tha e, mahse i nu hi chu a lauh ber ah kum 1 emaw tal a tan a ngai ang. " a ti charh charh a





Ka thinrim lutuk chu putar mah nise keh dak awrh awrh mai chu ka duh. Eng tik ah emaw chuan ka la ti chhe khawp ang min hmusit amaw hahah..

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 2nd, 2021, 2:55 pm

AIDAN YOUNG



He Hyena hi rinna pakhat mah ka nei lo na chung in a pum chhung a naute han che vel ka hmuh khan keimah ah hlim na tlem a siam nge amah hi haw viau mah ila kha naute khan tihsual a nei ve si lo a, naute tan chuah a chungah that chhuah ve deuh ka tum rilru a . Ka fa ani emaw ni lo pawh lo nise ka tih tur chhete tal chu hlen chhuah ve ka duh Joshua khan mipa nep lutuk ah min ngaih loh nan..



Apa an enkawlna damdawiin ah chuan ka thlah a, doctor in thil ei tha tura a tih chu ka hre ve reng, a chhuah dawn chuan " Ei chak te i nei em ? " ka tih chuan mak ti lutuk in min en, min ti zak lek lek hial mai..


" Nei lo, zingah chaw ka ei teuh alawm. "



Thui vak lo ka tlan hman tihah a phone chu a hmaa a thutna atang chuan a rawn ri a, haihawt lutuk engtin nge a phone te a theihnghilh theih zawk. A phone ri leh lo call tu pawh en lem hlei lo chuan damdawiin ah chuan ka let leh a. A phone pe tur chuan ka chho a , a pa room ah luh ka tum a thianpa nge a bialpa tun thleng hian ka la hriat loh kha, kha nen khan hlim hmel deuh in an lo nui dun ar ar..



Apa te chu chhuanlam chauh anih ngei dawn hi . Saw Doctor nen inhmuh an duh vang bak va nih suh . Kawngkhar chu ka hawng ri thuai a , an rawn hawi rual thawt mai a . A phone chu a hmai zawn ah keng lang vu vu in " He thil hi i theihnghil a. " ka ti fiah fak a..



A phone chu a rawn ban nghal vat a , a lak phak loh tur chuan ka lo phar sang a mahse a thianpa chuan ka kut atang rawn la in Hyena chu a pe a, kei ni lo in chu pa zawk bulah lawmthu a sawi anih chu hah..



" In hlim dun lai ka ti buai che u a ang hle mai ka'n kal leh mai ange , in thil tih lai kha in tih chhunzawm leh thei ang. "



Elevator hmaah ka din lai chuan Hyena thianpa chu rawn kal in ka bulah a rawn ding a..



" Thil pakhat chauh zawh che ka duh __ eng vang a Hayana kha damdawi a hrai rui nge i nih ? " thutak fe chuan a rawn ti a..



Damdawi a?? Engvang in nge damdawi ka pek ang !? Zu no khat ah pawh chat thla thei kha damdawi ka pek chhan tur ka hre lo. " I sawi awmzia hi ka hriat loh em avang in min ngaidam la, saw i bialnu... ohh ..enge in inkar hi ka hre lo, saw nu saw damdawi ka pe lo . "


" Ka rin che hi ring duh suh . I nupui chau a chhuat ah a awm laia hmeichhe dang lo kuah duh tu kha i ni tlat a . "

" I sawi dik, a na emaw na lo emaw kei hian ka ngai pawimawh lo, ngaih pawimawh chhan tur ka nei hek lo . Mahse kha zu ah khan damdawi ka telh lo . A chiang em ? " tih pah in, a mit ah tak chuan ka melh ve kawk a..

" Mahse a thisen ah damdawi ka hmu si . Nang lo chuan kha zu kha an in tir ka ring lo . A naute chungah nghawng a neih phah thei tih i hria em ? Kha damdawi vang khan nau a chhiat thei asin. "




A thu sawi ka ngaihthlak zawm peih lo , a thusawi hre lo ang hmak chuan elevator ah chuan ka luh san a . Mahse a thusawi chuan ka rilru a ti buai viau ani . Kei hian damdawi ka telh awm ka hre lo . Tlem chuan ka rui mahse chutiang ti ila ka hriat ka ring bawk si. Lisa khan Hyena zu no chu pe tur in min pe tak. Lisa a ni thei a ngem ? Mahse min neih a duh lo a, nupui ka neih a ngai pawimawh bawk si lo . A nih ka ring chiah lo na a mahse amah lo rinhlelh tur dang ka hre lo..



Ka in ngaihtuah nauh nauh laiin Lisa Apartment kawt ah ka lo ding reng tih ka inhre chhuak a , kal ta sa sa chu inchhung ah ka lut a, min hmuh rual rual chuan min rawn kuah nghal chawt a . Min fawh a tum chu ka lo in dang vat a . Min kuahna chu thlah in mak ti tawk chuan min rawn melh a..



" Enge tih sual ka nei em ni ? Vawikhat mah min la hnar ngai lo kha ania. "

" Hetiang tura lo kal ka ni lo. "

" Anih eng vanga rawnnkal nge i nih a ? " a ti vin that a..

" Ka nupui in tur ah khan damdawi i telh em ni ? " awi lo ru zet chuan ka ti ta hram

" I duhdan ani lo em ni ? Kha a nau pai vang khan nang hian buaina i tawk nasa lutuk a puihche ka tum mai chauh a ni . "



Amah chu ringhlel ru tho mahila , thu dik ka hriat chuan min thawng tho ani . He tianga a tih duh ka ring ngai lo..



" Eng tin nge i theih ? I thil tih vang khan ka naute lak ah thil thalo a thleng thei asin. "

" Ka naute a ? Huh ? Engtik atang khan nge i naute a lo nih tak ? Maw tinge i nupui bum hmang zun ah chuan i uai tan em ni ? "

" Chutiang ani lo , Lisa. "

" Anih leh eng nge.. mawh ? A chunga ka thil tih avang a he lai hmun thleng i lo kal hi engtin nge ngai se min tih ?



Eng thil in nge min mawlh pawh ka hre bik lo tinge kha nu a hrai ruih vang khan Lisa hi biak ka duh ka in hrethiam bik lo..



" Aidan , a pum chhunga naute saw i fa ani ngei em tih fiah na pawh a awm hlei nem tinge i ven thawn em em ? "

" Ka fa ani emaw ni lo pawh nise naute khan tih sual a nei lo , kei ni puitling te thil tih sual mawhphurh tur a ni lo. "




Min en reng chuan min kal hual a, a chek tlawk tlawk a, " Aidan , i chung ah hian enge thleng a ? Naute hi tiang khawp in i ngaina tih ka hre ngai lo . Naute i duh maw ? I duh zat zat ka pe ang che . Inneih i duh pawn ka nei ang che, i nupui saw then la i duh duh ka pe ang che. " tiin ka kut ah a rawn vuan a..



Min vawn na chu la sawn in "Hman ah khan tiang thu kha lo sawi la ka chhanna a dang maithei , mahse tunah chuan ka thei lo. "



A rawn nui sak a, " Hah ..Ka ring reng ani . Naute i chhuanlam a, ka pe ang che ka tia i pawm leh si lo a. Eng anga nep pawh ni se a chhelo em alawm tiraw ka ring sa reng a. "



Hahh chhan ngaihna pawh ka hre nek lo e, hmeichhia ho tawngkam thiam lutuk hi chhan ve ngaihna a awm lo { ** A ngaihtuahna hi Hayana khan hria se a ch$ chawrh duh anga hahah ** }



" Awle a tha e, ti hian kan inkar chu tawp ni mai rawh se . I nupui duhtak damdawi ka lo pe kha ka thiam lo let der e . Chuan i naute chu in chhan thei maw ? Nau chhiat ngei ngei na tluk ania " min tham loh hmel zet chuan a ti leh a..



Tiang khawp khan min ngainep tihka lo hre ngai lo a , nawm chen nan leh intihtheih nan chauh min hmang a . Ka bul hnaia hmeichhia reng reng hi tinge an hetih vek mai ni..



Khum ah chuan ka mu a, inchung ka melh vung vung a, ka chungah hian eng nge thleng ta pawh hi ka hre nek lo . He in a ka luh atang khan ka nun hi sawi ngaihna awm lo khawp in a buai chuar ani . Lo kal malek ila tha tur ania.. Mahse ka pu thusawi chhete pawh ka hnial ngam si lo.



Ka pu hi ka ngaih pawimawh em em chhan chu ka pu anih vang leh Joshua boral zanah min dan ve loh vang lam ni lo in naupangte ka nih atang tawh in a bulah ka awm tam in ka pa aiin ka ngaina em em reng thin..



Kan unau zingah a bu delh ang mai hian ka te bik in zirna leh thiamna engah pawh ka hnufual em em bik reng a . Ka u hi chu engkim ah pakhatna a ni a , ka pa pawn a chhuang in a thiante bulah pawh intihtheih nan tak a hmang reng thin . Kei chu ka hnufual bik zel avang chuan min hau nasa in kut pawh min thlak ngun hle a, a tawpah phei chuan a beidawng tawp tawh a ngaihsak pawh min ngaihsak peih tawh lo..



Zan tin ka rizai hnuai ah ka tap a, ka u thiante an lo len pawn chhuah pawh min phal ve ngai lo . Chutih lai chuan ka pu chuan min awm pui a ka tap min thlem in zan ah ka mut theih loh pawn min infiampui ngat ngat peih thin..



Ka pu chuan kum 10 mi ka nih in swimming pool ah min hruai a, ka vawikhat kal na a ni, a chhan chu ka pa hian min infiam pui tur leh kan bula awm nan hun a nei lo . Ka u pawh a duhsak bik ka ti na chung in a thiante bulah in tihtheih nan leh a thiam zia tih lan nan bak a awm hman chuang lo, chuti khawp chuan a fate tan hian hun a nei ngai lo. Mahse ka pu chuan ka bul ah vawi khat pawh ka pa chanchin a chhe zawng emaw a thil tih dik loh zia a sawi ngai lo, ka pa chu zah tur leh tiang mi anih loh thu min hrilh fo thin . Hei vang pawh hi aniang ka chungah a sual viau thin chung khan ka haw ngai lo..



Ka pool kal hmasak ber na ah chuan tui a chen ka hlau in ka tap nasa ngei mai mahse ka pu chuan min kuah bet a tui chhunga ah min luh pui a, ka bulah a awm reng tih min hriat tir thin . Ka lut ngam chiah chu ka rin aiin a nuam in ka thawveng em em hian ka hria, tui chhung chu a lum a , nu in min kuah ang mai hian ka him in ka hria.



Kha mi ni atang khan tui a awm chu nuam ka tiin ka hun tam ber pawh tui chen nan ka hmang thin, ti chuan intihsiak na ah te ka tel a lawmman pawh kum naupang te ah tam tak ka la teuh reng a ni. Khawvela ka thiantha ber pawh he ta tang hian ka tawng a, ka chhungte ngaihsak hman lo khawp in kan in kawp nasa, School ah pawh kan in ngaizawng ang in thu a thang hial kha ania..



Ram aiawh hial in ka chhuak ve hman, ka pa khan kha tih lai khan ka u a tih ang chiah khan min chhuang ve in ka bulah a awm tam ve phah viau a , mi zawng zawng bulah a fapa ka nih thu a sawi a, nuam pawh a tih viau kha . Te reuhte thin kha ka thang tha in an unau zingah pawh ka sang ber ta daih a. Joshua a pa in a sawisak lai ka chhan na lam ah thing fak in ka ban ruh a hlap tliah hma zawng kha chuan a fapa chhuan vawr ber ka ni hman asin hah..




Hyena a rawn lut hlawl a ka in ngaihtuah muk lai lai rawn ti tawp vek a . A hmel chu ngun tak in ka lo en a, a chauh hmel viau in ka hria Lisa in a thil in tir vang khan a naute chungah thil tha lo a thlen chu ka hlau zek zek a ni ber.. Bathroom ah a luh lai chuan sofa ah chuan ka lo mu fel than a, naute tan thuthleng chep te a mut reng chu a that loh ka ring vang chauh ni.



Ka muhil der hmak a , min rawn biak a, chhan min zawh vel khan chhan dan tur ka thiam teuh lo. A thawm chu ka ngaithla ru char char a rei tawkkkk hnu ah a mu ve hram, a mut hnu chuan ka thaw hawlh a, ka harh tih a hriat ka hlauh zia kha..



Ka mut ngai loh na anih vanga mu thei lo ka nih chu ka ring em em hran lo a . Mahse ka ban tih nat vanga tui chen ka chhunzawm theih loh kha ka nun ah chuan ka hun tawn hrehawm ber te zing ami ani hial ang . Joshua an min kal san ni atang khan chu ngaihdan chu a inthlak hmak. Joshua tello a hun hman kha a har takzet nitin mai khan inthiam loh na leh inchhir na hlir in ka khat a, nitin khan thih mai ka chak thin..



Ka tui chen ka chhunzawm theih tawh loh hnu ah ka pu in Company ah thawk tur in min tia, a tupa ang ni lo in test leh interview engkim paltlang thlap in ka lut ve hram. Ahh ka pu chuan min duhsak loh bik chu ka ring em em chuang lo, lehkha thiam thei zawk zawk ka nih loh nen ka thiamna chauh chuan tlin a har ve tho ang, mahse hmeichhe lam ah ka lar thung tal a..



Joshua kha naupang ngaina em em thin a ni a, kan awm dun pawn a hna thawhna a naupang ho chanchin ringawt min hrilh thin. Bialnu a nei a, a rai pawh khan rapthlak khawp in a lawm, a enkawl na tur a harsat dawn zia pawh hre mahse ama fa ngei a neih tur thu a hriat khan khawvela hlimna zawng zawng kha a nei vek emaw tih hial tur a ni..



Tlangval pawh ni tawh lo, hna pawh nei hial tawh kha apa a hlauh em em chhan chu naupang tet atang in a hlap nasa in kut a thlak nasa em em a, a pa in a thuhnuai ah a dah hneh lutuk tlat, nikhat te pawh duk neih loh lai a nei ngai lo . Kan inah a rawn kal tam in chengve ang mai a ni thin, ka bul a awm kha nuam a ti in a thla pawh a muang thin em em mahse apa hnen atang call vawikhat a dawn lek tawh chuan puitling uk tawh si kha a chiai nghal vek thin..



Vawi tam tak apa chhuah san tur in ti thin mah ila a chhungkaw neih chhun anih avang in a atheih loh thu chauh in min chhang thin. Kha zan kha, amah ka chan zan khan a bialnu Zoa nen apa hnena inneih dil tur in an lo kal chu niin, engmah min hrilh ve bawk si lo, engmah hre lo in ka nu birthday kan lo lawm hem hem mai si. A bialnu a rai tih a hriat khan a pa thinrim insum thei lo khan kut a thlak leh vak a, a boral phah ta kha a nia , a bialnu pawh fa chhiat khawp in a sawisa anih kha..



Kha mi zan ngaihtuah ringawt pawh in ka tha a la khur der der thei. Zoa pawn a fa chhiat a tuar na in Joshua an a la kal san leh cheu nen. Zoa kha fahrah ani a Joshua chauh kha aneih chhun ang kha ni ve bawk nen, Joshua an a kal san a tuar thei lo kha a in tihlum ve phah bawk. Joshua pa chu damchhung tang tura tih ani ta ani, Jail tan ringawt chu a tan a nuam lutuk natna tihbaiawm tak leh hreawm tak in thi se ti in anchhia ka lawh hial..



Mi pangngai anga nun leh hi thil tih theih ni pawn a lang lo na chung khan kei misual hian dam ka lo la thla hlel ve fo a, inthiam na tel hauh lo in ka la dam ve reng chu anih hi..


****************************************************


Ka pu in Hyena chu apa damdawiin ah awmpui a duh vang in kal ve tur in min ti leh tal avang chuan ka kal ve leh ta tawp. Tun lai chu duh ai tam kan awm dun a kan in hmu tam mah mah, kan inti buai tam in kan in hnial reng bawk..



Chawhma pum he room tereuhte ah hian kan awm dun tawh a , tih tur a awm lo si phone ka khawih char char ringawt a , ka mit a na vek tawh. Eng tin nge engmah ti lo sawn apa bul ah thu in a awm char char theih saw ka hrethiam lo. Thuthlenga a phone dah ka hmuh chuan ka no engtin nge a save ka hre chak tlat pek ka call chhin a, a hnung ah ngawi reng chuan ka ding a. No hlang in a call, a pick up a hello a ti vak vak, sawi ngaihna ka hre lo nui tawp..



A rawn hawi min hmu chu a la phu zawk zui. Phone atang chuan " I pasal no. pawh tun thleng thleng in i lo la save lo ani maw ? " ka tih deuh ngat a.

" Biak na chhan tur che ka nei hlei nem. "

" Chu pawh nise. "


A nui seih a, ka phu zawk mai ka hmaah a nuih ka la hre miah lo a vawikhat na a ni, a phone ah ka no chu ka hmuh lai ngei in a save a,mahse 'Godzilla 'ati anih chu. Godzilla ramsa lianpui kha maw .....ka ang ami ?



In tih harh nan tiin chhuah a rawt a, ka no a save dan ah lungawi lo viau mah ila he lai room ah tawm reng a in hnial reng ai chuan ka la thlang tho. Damdawiin canteen ah ei ka duh loh vang damdawiin atanga hla vak lo dawr pangngai ve deuh ah chuan ka hruai a, kan ei puar peng pawng a ke bawk in kan let leh. kawng sir a theitui vawt an zawrh ka lei lai chuan eng emaw ri dawt hi ka hria..



Ka en chuan Hyena chu motor in a lo su a, chhuat ah thi hnuang in a lo let reng a . A lam pan a tlan chuan ka pawm kang lawp a, damdawiin chhungah ka tlan luh pui nghal. Doctor te ka ko a rang tak in an rawn en vat a. Ka thin phu chu a nasa lutuk tumah hi ka hmaah thi tur in ka duh lo. Midang chan belh leh ka duh tawh lo ka kut te chu thisen in a ti huh vek. Amah ka ngaihtuah mai bakah naute chungah eng emaw a thlen ka hlau ngawih ngawih..



Midang call emaw hrilh hriat tum nachang pawh ka hre lo tunge a su tu pawh ka hre hek lo, ral khat atang chuan an enkawl lai chu ka en reng, nurse pakhat a rawn chhuak chanchin ka lo zat vat..


" A tha em ? Naute a tha em ? " ka ti nghal

" Enge i sawi awmzia ? Pawna an sut kha ni lawm ni i nupui ? " a ti a

" Aw ni e. "

" A rai hlei nem, chuan a dinhmun pawh ngaihtuah awm lutuk a ni lo e. " tih leh kal a rual a..



Maw!! enge a sawi kha ? Ka thu hriat chu a dik lo anih ka la ring hial a . Ka din ngai chuan ka ding tawp a, ka pu in min rawn aau ri chuan min ti harh zawk..



" Hayana chu enge a an a tha em ? " a rawn ti zung zung a



Eng tin nge a hriat a, he tah eng tik lai in nge a lo thlen ka hre hek lo, ngaihtuah na hun pawh ka nei lo . Nichin maia ka thu hrait khan min la ti chawmawlh vek a ni ber.. Ka awi thei lo kei hi min bum amaw ? Amah ka khawngaihna leh ka ngaihtuah na te kha a thlawn vek hahh eng tin nge a theih zawk ka ngaidam ngailo ang.


to be conti...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 2nd, 2021, 2:55 pm

SALVADOR


CHAPTER 10



ALBERT YOUNG


Hayana pa chunga thleng chu a pawi in a fanu hrehawm taka a awm tir hi hria se a rilru ana khawp ang. Kan company atanga a ban khan pawi ka ti in ka ui viau na chung in ka fapa lam ka tang lo thei bawk si lo. Thu in hmuh loh vang leh thil lian tham tak erawh ni lo mahse Aidan pa hi a tih tum tih hlawhtlin ngei ngei tum mi leh a kawng dal tu te chu dah bo hmak hmak duh mi anih avang in tih theih ka nei tlem em a ni..



Hayana hi a fanu a lo nih leh zel takah chuan ani tal ka tanpui thei hi ka lawm ani . Aidan lah mi luhlul leh ngeng tak a lo ni bawk nen Hayana chungah eng thil emaw a thlen mai ka hlauh vang in, pawn an chhuah dun apiang in ka zui ruk tir thin. A ni tel in an inkar pawh a zia chho ve zel in ka hria min ti lawm em em bawk..



Ni dang ang bawk a ka zui tir leh chuan min rawn call a, Hayana in accident a tawk tih min rawn hrilh chuan ka thin a thawng dawt mai, a unaunu hrawn motor anih thu a sawi tel bawk. Police call a um zui nghal tir tur in ka hrilh a. Damdawin lam ah keipawh ka tlan phei ve nghal a..



Ka va thleng a Aidan lah a biak tlak der si lo, chuta kar ah damdawiin chhuah san in a la kal daih zui, Doctor chuan a dinhmun a hlauhthawn awm loh thu a sawi rual rual chuan ka thaw huai a.Station lam ah min mamawh avang in kal ka ngai si kan monu thianpa chuan a kut ah dah tur in min tih chuan ngaih ngam tak in ka kalsan ve ta chuah..



Chiang takin Hayana hma ah in lan lo tur leh a tan harsat na thlen lo tur a ka tih hnu pawn ka thusawi an ngai pawimawh duh lo a, kei pawn ka tih theih tawk ka tih ve ngai in ka hre ta. Hremna chu a lo ber ah kum 2_3 tal tang tur in ka duh kan monu nun ti chhe thei an ni tlat. Ka hausakna hmang tangkai in Police te hnen ah na thei ang bera hrem na ka ngiat, ka tih tir pawh inti thei tho ang chu. He lai station ah nanana chuan tih theih tlem a zawng ka nei ve alawm..



An pahniha tan tir ka tum nen anu zawk in engkim atih ang vek a, a inpuan avang chuan tih theih dang ka nei tawh bik si lo, he nau lek hi chu ka veng seng em ang chu mahse duh aiin a kawlh mah mah chu a ni..



CARTER SCOTT



Dinhmun tha lo deuh chu ni lo mahse ka hlauhthawn na a reh phah chuang si lo. A kut chu ka vuan a, amah ngaihtuah em em a ka awm laiin ani lah tui tak in a muhil zui. A chal thuk lo te in a kak a, thisen chhuak nasa tur dan nan an tuam ve a. A harh that that bawk a tiang te mai mai a tan engmah a ni lo, a tet lai pawn motor in vawi tam tak an su tawh alawm a tho a, a tlan leh nal nal zel..



A pasal lak ah lah lungawi na reng hmuh tur a awm lo, a haw viau pawh nise tiang ang dinhmunah a din tawh te chuan han ngaihsak der ve awm ania, mahse hei a hmel hmuh tur pawh a awm leh tak loh hi. Mi zawng zawng zingah amah en hniam ngawih ngawih tu kher hi tinge aneih ?



A mit chu a rawn meng siar siar a, ka lawm zia kha tui chhungah rei tawk awm hnu a chhuak leh hlawl ang mai hi ka ni..



" I tha em ? Min hmu thei em ? Yana min hre thei em ? " zawhna ka zawt nghal zung zung..

" I bengchheng thi tur pawh ka nih lo hi. " a rawn ti



Ka nui nghal suk a , a that khawp hi Hayana ngei ani e.. "Eng tia rei nge ka mut a ? "

" Ni 2 leh zan 3. "

Ring tawk in " MAW !!?? " A rawn ati vak a za lutuk chuan kalo nuih a..

" I mak ami Carter uang lo teh. ? "

" Darkar 4 vel aniang ...tak tak ah , eng nge i an a ? "

" Ka lu tlem in a hai deuh tih loh chu ka tha. Mahse khawiah nge Godzilla hi ? "



Huhh a mihring lam hmasak ber pawh kha pa kha maw, amah ngaihsak lo in a kal bo tih te hi a hre awm der si lo. A juice duh ber Orange Juice ka pe a, nui ver ver in a in nghal, a lawmna te hi a ho thei ania.



Venflon an vuah na chu na ati deuh ka en sak lai tak a kut ka vawn na chu tu emaw chuan a rawn vai thla lawp a, thinrim tak chuan tunge hriat tum in ka hawi chhuak nghal, Yana pasal a lo ni a..



" Thian tha tak in ni tih chu ka hria, mahse ani kha ka nupui ania chuan private rooma awm in nih loh hi miin engtin nge an ngaih ang. ? "



Chhan let ka tum lai tak in Hayana chuan " Khawiah nge i awm char char a, min ngaihtuah miah lo ami ? " a ti a. Thil ho tak ni mahse min ti na takzet ani . Engtik lai atang khan nge tiang a inbe tur in an lo in pawh hman ka hre lo. Ka leng ve ta lo ang mai hian ka thaw a ti pik ngawih ngawih, engmah sawi lem lo chuan ka chhuah san ta a..



Thlifim dawng tur in inchung ah ka chho a, cigarette ka tan a kan zu khu luih luih a thli thaw in min rawn chhem bawk nen ka hahdam sawng sawng mai..



Ka mei zuk lai chu an rawn pawt thla thut a , ka hawi phei a, ka damlo enkawl lai Raya a lo ni a . Mei chu zuk a tum, a zuk hma in rang taka lak sak in chhuat ah paih in ka rap hlum nghal a..



" Doctor tiang khan i ti thei lo ang. " lungawi loh hmel zet a min rawn melh chuan a ti a

" Thli a thaw nasa si i room ah chhuk rawh. "

" Ninawm ! Pawn ah ka chhuah ve hlek in i room ah i room ah in tia. "

" I thaw hah chhuak leh se buai leh i duh em ni ? Cigarette zuk emaw a zu bul ah pawh awm hnai hlek tawh suh. "



Tum bar chuan min rawn melh leh a, a mit a bial kek bawk sia uite a ang lutuk ka nui tut a..

" Enge.. ? " a ti vak a

" Uite i ang lutuk tih hi i thian ten an hrilh tawh che em. ? "

" Hrilh mai mai lo. " A ti bul hmak a..



Raya hi kum 2 dawn chu hetah damdawiin ah a awm tawh lung tha lo ani a hah taka chet leh pawn chhuah vak vak te a ti ve thei lo. Han chhuak ve thin mahse rei lo te ah an rawn lut leh zel a. A zirna a chhunzawm thei lo a, thian a kawm thei bawk lo a, infiam na engmah a tih theih loh mai bak ah movie hlauhawm tak tak amah ti phu zawk thei chi reng reng emah a en thei hek lo..



Chutianga natnat khirh leh huat thlalaawm tak a nei chung hian a harh in a nui reng zel a, fiamthu awiawm loh deuh deuh a sawi a nuihzat thlak em em lo mahse amah hian a nuih pui nasa thei lutuk hi a nuihzat thlak zawk thin.



" Doctor " thutak fe chuan a rawn ti a. " Ihh ..kha nu ...i bula awm ziah thin chhelo deuh kha i bialnu ami ? "

" Tu ? Hayana maw ? "

" A hming eng tin nge ka hriat anga, vawin a damdawin kawta motor in a sut kha.. "

Ka nui ringawt a..

" Engee i nuih ringawt min chhang rawh "

" Teuh lo, ka thiannu anih kha, ani te chuan Pasal a nei alawm vawin ah pawh a bul ah a awm char char ka. "

" Anih chuan nangmah chauh in i duh ani maw ?" a ti leh a, amah chu ka en hu a

" Ti khan min en hu hu suh, i awm dan atang i duh tih a hriat vek alawm, mahse ani kha chuan a hre lo ang lungngai suh keimah ang in a chik ve lo che a. "



A thu sawi duh dan chuan min ti hahdam phian ka nui vur vur a, a sam chu ka tuai thur sak vek a, vawt a tih hmel deuh in ka hria chhuk tur ka tih pawn a duh si lo, ka kawr hak lai chu ka hak tir a..



" Kha nu kha ka theihnghilh tir dawn che, chuan tha deuh in damdawi ka ei anga ka dam that hun ah in date puiah ka sawm ang che. " zam emaw lai eih lo chuan a ti a. Zakthei lo emaw ler tih vel angah pawh a ngaih theih loh a duhawm lutuk, a bulah hi chuan kan nui heu reng mai..

" Lo pawm duh lo ta che ila engtin nge i tih ang ? "

" Ka umzui char char ang che min duh hma loh chuan . "



AIDAN YOUNG



Ka pu in min rawn call Hyena bulah awm tur in min rawn ti leh , tun lai chu ka pu pawh hian min ti thinrim thin takzet ani . Henu bulah ka awm theih nan ruahman na dap tak tak a siam chhen mai. KA let leh a lo harh tawh..



A lemchan thiam zia hriat belh ka duh vang chuan naute a that leh that loh chu kan zawt a, phu eih lo in a ngaihtuah awm loh thu leh a that thu a sawi. Tiang anga bum theih a ka awm hi ka inhaw ngawih ngawih, tinge ka mawl viau em ni mipa bum awl leh palzut awl tak ka ang viau em ni ? Eng tin nge tiang em em hian mihring te hi an lo nunrawng theih ni, a lakah that tum na rilru leh ka lo biak that ve na te kha..




A hma aiin a bula awm chu ka hne in ka thin a rim tung a , min biak pawh chuan ka chhan loh leh vin deuh deuh ka tawng khum a. Mahse a rai der tih ka hria tih eng tin mah ka ti lang lo . Ka lakah hian enge a duh ka hre chak a ni. Sum vang chauh a min nei nise pawisa tamtak pek kan huam laiin a pawm lo a thil dang a awm ka ring tlat a ni.




Drip an khai zawh chuan in lam pan in ka haw pui a, ka chhan hmuk hmuk vang te pawh aniang min be ngam tawh bik lo kawng tluan chuan a reh tlawk tlawk mai. Hmeichhe bum hmang lutuk hi inhnial pui tlak pawh a ni lo..



In kan thleng ka chhungte chuan an lo ngaihsak in an rawn en ang luih luih a, a bum vek tawh chu anih hi . Ka pa a ngaina lo ber tura ka ngaih lah eitur tha tha rawn ken sak tu ah a la tang zui. Tih tur nei lo hian ka chhungte a kawm kual a, a nui seu seu a, a thang kam ah a awh tir thei zel chu anih hi..



Min hre chang tawh lo bawk a, ka chhuah san a ka bike chuan ka tlan chhuak a. Ka thinrim nge ka mood te hi a off vek eng tih mah a tui lo. Khawiah nge ka tlan pawh ka hre lo a , ka kal na ngai chu vawi 6 vel la hel chhuak nawn tawh in ka hria. Kal na tur dang hre hek lo ka kal na thin bar ah bawk ka kal leh a, a awm thin dan chu in hriat kha..



Dylan pawh a lo thu vang tawh alawm, a bulah ka thu a ni dang ang lo tak in min be tha in a titi tui siam siam khawp mai, enge a duh ang aw tih ka ngaihtuah rauh rauh lai chuan. " I nupui kha i duh vanga nei i ni lo tih ka lo hria a. " a rawn ti hlawl, ka nuih a za ang reng viau hah ka bul hnaia hmeichhia te hi a melh tai ve thei hrim hrim nge tu pawh a it vek zawk..


" Chuan eng nge ? "

" Zan khat lek min hawh tir thei lo ami, Lisa hnen atanga ka hriat dan chuan in inmil vak lo niin ka lo hria a. "



Enge ka hriat ka hre lo, a kawr nghawng ah chuan ka tham a , thinrim lutuk in a hmai a hnek pawp chu ka tum, mahse engvang in nge kha bum hmang chhan khan buaina ah hian ka inrawlh anga. Teuh lo ka thlah leh ta zawk a..



" Enge i hriat a, hmeichhia te chu business tan chauh alawm, a bak hlawk na a awmlo. "



Ka nui tawp " Huh ? Engvang in nge ka nupui chu nang ang mi nep lutuk tan hian ka pek ang che, hah i aa em ni ? A ni nen chuan kan inkar a chhia emaw a tha pawh ni se RS Company neitu fapa leh Creative M neitu tupa nupui an mu dun tawh tih an sawi ka ngaithlak peih i ring em ni ? "

" Maw ? Hmela , i theih loh thu i sawi mai thei lo ami, nep lutuk. "



Nep ah, ani sawn nep min ti anih chu.. ka nui dawn em ? Hmeichhia pawh hmu zo lo khan kei hi nep min ti anih chu sum a nei tun chung pawn tuman an kawp peih lo ania..



" Kei mipa nep , i hmeichhe duh apiang ten an duh zawk zel hi kan kal mai ange. " tih pah a, a dar a beng thak thak chuan ka kal san a. A thawm atang chuan a no ken lai a vawm keh leh tawh anih ngei chu..



Ka bike ngheng in Lisa chu a lo ding awn dawr dawr a, min hmuh ve leh min rawn pan in min rawn kuah a tum a rang thei ang ber in ka lo tawlh sawn nghal a..



" hhuh Ka thusawi te avang khan min ngaidam rawh, ka thinrim vang chauh a sawi ka nih kha . Engmah kha ka thutak lo ania Aidan , nang chauh hi ka tan i awm. "

" I thusawi awmizia ka man lo tlat mai, ka kal thei ang tiraw ? "

" Kha nu zun ah khan i uai tak tak zawk em ni ? Aidan , tiang hian i awm ngai loh kha . "



Min zar buai leh cheng cheng dawn tih ka chian em avang in amah kal bo tir dan chu ka zawn a ngai, a thil huat ber a hmeichhiat pui te aia nep zawk anga sawi hi a haw ber thin.




" Tinge i thik em ni, nang aia a that zawk vang in maw ? "

" Enge i sawi awmzia i aa em ni ? "

" Lisa ani kha bum hmang ni mahse nang ai tal chuan min zah thiam na a nei in a la tha zawk tal alawm. " ka'n tih sak kha . A haw dawn tih ka chiang, eng mah a sawi belh duh tawh lo thinrim tawk chuan a kal tau nghal. Lem hlawm lutuk mai..



In ka thleng a, room ah ka lut sofa ah bawk chuan a lo mu a, a chal a sawh na chu a la in bel var ve va bawk sia . Sofa tereuh te a mut chu a hrehawm hmel viau lehnghal. A phu tawk chiah alawm tiin ka ngaihtuah a , mut san mai ka tum deuh uk mahse ka rilru ah a awm reng bawk sia, ka tho a pawm kan ka tum uk tawh a rawn meng kiau mai ka phu nasa lutuk..



" I rawn haw tawh elaw ? Khawiah nge i kal a?" a ti tham tiak a..



Ka che lai vel vek pawm ka tum tih a hria a ngem hre lo a ngem tiin ka rilru a buai em em ringawt . A zawhna pawh chu ka chhang lem hlei lo.. A ban chu ka vuan a, a mutna atang chuan ka pawt sawn a, rang zet chuan ka thu nghal that..



" Enge awmzia ? " a ti hu a..

" Awmzia a awm lo, sofa ah ka mu duh zanin chu tv ka en dawn Manchester United leh Liverpool an in tum dawn ka en duh. " ka ti tawp an inkhel tak tak dawn em pawh ka hre lo..



Engmah sawi chuang lem lo chuan khum lam pan chuan a phei a, a muhil sa thanharhchauh ani bawk a ka va en dek dek chuan a lo muhil leh hman tawh. Ka thaw halh a buaina ral lian a kim ta..

********************************************

Ka hna thawh na ah hna laklawh deuh kan neih avang chuan haw pawh ka haw mai thei lo, pawi ka ti em mem hran lo bawk nen inah ka mi ngaint loh deuh nen a awm dun reng ai chuan a la tha zawk tho.


Kan buai map map tlai tawh viau mahse meeting kan la nei leh hnuhnawh a. Ka phone a rawn ri chhen bawk nen buai a na. Meeting lai lai in a rawn vibrate chhen a pawimawh viau mawle tiin ka la a. Kan director fap pakhat bar vela ka kawm ve thin hnen aang a ni a.



" Meeting kan nei ania enge i sawi duh sawi vat rawh. " ka ti nghal a

" Aidan nichin mai khan bar chunga room lam ah Lisa in i nupui a rawn kal pui ania. "

" Enge i sawi awmzia ? "

"Ka hrethiam bik lo, Dylan pawh a kal ania. "



A chhan ka hre lo ka thin chu a rawn phu nghal dup dup, enge bar ah ani khan a tih ang kal na chhan tur engmah a nei lo. Lisa leh Dylan hming a rawn lam phei kha chuan an ni pahnih anawm in eng thil tha mah an ti dawn lo tawp. Kan meeting lai engmah ka hre chang tawh lo ka tho a ka tlan chhuak nghal. Ka car chuan a theih anga chak in ka tlan, he mi bum hmang hian ka nun engkim hi a ti buai in min ti buai takzet tawh a ni..



Bar ka thleng ka tlan lut nghal, min lo call tu chuan an awm na ah min hruai a, a sawi room kan thleng thawk ka la halh kawngka chu hawn ka tum a in kalh sia ka theih tawp chuan ka nek a, a buiding a hlui ve tawh deuh nen a in hawng thei nghal a..



Hyena leh Dylan chu khum ah in bawh rual in an lo awm a Dylan kamis chu a hma a in phelh vek a, Hyena erawh kawr a la ha vek a thlan phung a a sam leh a kawr te chu a buai chuar nuai a. Ka kut hum ruh in Dylan chu ka pawt tho a, a hmai ah ka theih tawp chuan ka hnek pawp a. Hayana chu ka kai chhuak dawt dawt a..



A thiam loh a ni lo tih ka hria mahse a chhan ka hre lo, he nu rin na hi ka nei lo engkim chu ka ngaihdan eh ka rilru a awm lo ang hlir in ka sawi chhuak.



HAYANA MARTIN


Ka muhil thei lo a lo haw har tawh lutuk chuan ka awm a ti nuam thei lo kha Lisa nen khan an awm dun anih te ka ring a ka ngaihtuah char char, sofa ah chuan ka mu a muthilh tum chuan ka mit ka chhing a. Ka hmaah tu emaw an awm a ka hriat vang chuan ka meng Godzilla alo nia, enge a tih tum pawh ka ngaihtuah lo.. " I van lo haw har " ka ti ringawt ka sawi zawh pawh chuan ka zak let leh hnuhnawh..



Ka thu a, ka ban ah rawn man in min pawt chhuak ringawt inkhel a en duh thu a sawi a, khumah mu tur in min ti tih na. A inkhel intum tur a sawi te kha an intum dawn lo tih ka hre kur tho sia, ka dam loh vanga min ngaihtuah na ah ka ngai ve hmak. Ka lawm lutuk khum ah ka mu nui ver ver..



Chhun lam ah ka pa ka awmpui a, tlai lam ah chuan amah enkawl tu ten min chhawk ve thung a, in ah tih tur pawh nei chuang lo chuan ka haw ringawt. Ka pu awm tur a awm lo a, ka nu lah a thiante nen in tihlim in an chhuak a, ka pa leh Aidanu lah hna an kal ve tho bawk sia. U Elena lah a naute pai entir tur in damdawiin ah a kal bawk, he in lian uchuak ah hian tih tur nei lo in ka vai..



A chang leh tv ka en a, games ka khel a engkim a ninawm vek. Carter biak dawn lah in damlo a enkawl laklawh bawk si hetah keimah chauh in khawhar deuh in ka awm.. Tlaiah tih tur awm lo nen, awmpuite eirawng bawl te ka pui mai mai. Khaw thim hnu ah pawh mipa ho hna an buai vang in tumah an lo haw hma lo a, ka nu pawh chaw an ei nghal, kei leh U Elena chauh kan ni leh tawhchu pawh a room ah min muthilh san daih..



Vawin chu ka riang ve anih hi, room ah chuan ka tei ka tei kual a dar 10 rik hma vel ania no hriat loh hian min rawn call a..



" Hi Lisa ka nia Hayana i ni tiraw ? " a rawn ti a, ka biak chak vak loh nen

" Aw ni e, enge ni ta ? "

" In pa hi a rui lutuk, rawn hruai rawh, kha in a rawn luh kha ka peih lo, kan awm na chu i hriat kha. " a ti nghat zung zung a.



Ka pu in mamawh hun atan a ka ta bik a min lei sak car chu a vawikhatnan ka khalh chhuak. Bar awm na ka thleng a pawn ah Lisa chuan min lo nghak a, minlo zui rawh atih avang chuan ka zui tawp a. Room pakhat ah lut tur in min ti a, ka hawng mai ngam lo hmeichhia nen an lo in kuah rial dawn em ni te ka ti rilru hman..



Ka lut a, mahse Aidan emaw tu mah an awm lo Lisa chuan min bum niin pawn atangin min la kalh khum zui hawng tur in ka tih pawn hre lo ang hmak a awm in pawn ah a nui awr awr a..



A reh vang vang, kawngka chu a rawn inhawng a, miakhat lian tak a rawn lut a, ka hlau lutuk chu tlan chhiat na ka zawng ruai a, mahse room a te bawk si khawiah mah han tlan chhiat vak ngaihna a awm lo, chu pa chuan min rawn hnaih a min pawm kang lawp a, khum ah chuan min theh thla thuai a,min rawn bawh nghal ka theih tawp chuan ka lo tal a, ka ham vak vak a..



" Ngawi rawh tu man an pui thei lo che, hei hi i pasal in hmusit taka min tawngkhum vang ani nang hian i tuar ang. " a ti thum bul bul a



Ka hlau bawk si awm ngaihna pawh ka hre tawh lo ka thi mai dawn hian ka hria, ka tha thlah ka tum lo, a kawr te chu a pawt tep a. Kawngka chu a rwn ri dat dat a, a rawn inhawng hlawl ka lawm zia kha, Aidan a rawn lut a chu pa chu a rawn hnek pawp a, min kai chhuak nghal.



Pawn ah kan chhuak a, bang lam ah chuan min theh phei dawr a, min rawn hnaih in rum lutuk chuan min melh a. Mahni lo mah ah hlauh nen tinge ka chung ah a thinrim, Ni lo he pa hian kha pa nen khan ka duh vang reng a awm pui angah a ngai tih na em ni ? Hahhh a mitmeng hian a sawi vek..



" Ka rawn thleng hman chu i lawm lo awm. " an ti tan ni e mihring hi an inthlak mai mai ngai lo..

" I ngaih ang kha ani lo. "

" Enge ka ngaih i hria ami ? Hayana Martin nang hi ka rin ang reng chu i lo nih ngei hi, mipa lawm leh sum hmuh nan engmah tih hreh nei lo ahhh, tinge kha pa bulah khan i lo in theh vel em ni ? Ka hmaah kha chuan hmeichhe tha ni awm khan i han hlau vel a.. " tiin ka hmaah min ang khum hrep anih chu



Ka rilru na lutuk chu ka mittui in ka khaw hmuh ti fiah lo nghal vek, a hmaiah chuan ka beng pawp a..



A aia rum chuan min rawn melh a, " Kha kha enge ? Ka thusawi zawng zawng i pawm tih i sawi na ami ? "



Ka aa dawn in ka hria ka mit ka chhing, ka mittui ka biangah a rawn luag thla nghal a.. " Duhtawk rawh Aidan khawngaih in. "

" Ka lak ah hian enge i duh Hayana, tinge ka nun hi i tih buai em em a. Enge i duh min tih chhiat vek i duh em ni ? " Chhang lo chuan ka din ngai chuan ka ding reng a..



Amah bawk chuan, " Tinge mipa hmaah hmeichhe tha ber anga awm in i hlauh em em thin ? Nang hian kha zan khan min mutpuiin ka fa hial i pai ani lawm ni ? Dylan kah i duh lo ka hrethiam mahse kei chu i pasal ka nia tiraw ? "



Ka hmai chu dawm in aduhthawh tak in min fawp buan buan a, ka tha zawng zawng nen a ka tan pawn min kuah bet tlat a ka chau tawh bawn nen tha pawh ka nei tawh lo ka awm zawi hnawk a, a tih ang ang chuan ka awm tawp a, ka mittui a luang zung zung bawk..



Min fawh bak thil dang a tih belh bik chuang lo, min thlah a min en char char a.. " Mi bum hmang nang hian ka lak ah hian enge i duh ka hre lo. Mipa pakhat pawh la mutpui lo khan engtin nge ka fa i pai theih ? " a thil sawi chuan min ti harh kawk mai eng tin nge a hriat khawi atang in nge a hriat a pu in a hrilh em ni ?



" I rai lo tih ka hria tih i hriat chuan a thawng viau che a ni tiraw ? Kha naute lem hmang khan nang hian min thunun i tum chu a ang sia. " a ti leh



Chhan let ngaihna pawh ka hre tawh lo enge ka sawi ang eng tin nge ka awm tak ang. Ajhhh thih mai ka duh eng tin nge min ngaih ang ?


to be conti...

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 2nd, 2021, 2:56 pm

SALVADOR



CHAPTER 11







HAYANA MARTIN







Hun thawl ka mamawh takzet engtin nge kha pa hmel kha ka hmuh ngam tawh ang..an inah ka let ngam tawh rih lo, kan inah zanin chu ka riak thei ang. Kan in ah chuan ka kal a, ka lut chiah darthlalang keh them leh pangpar khawi te chu a lo darh nuai a. Vidia te nufa an awm ka rin nen khawi room ah mah hmuh tur an awm lo, an in hau emaw ni ka ti rilru deuh.. Ka kal loh na a rei deuh tawh nen ka lung a ti leng ve ringawt..







Ka pa room te chu Vidia nen an room ni mahse, ka room lah chu ka kal san ang ang in a lo la awm khumah chuan ka mu a ka hahdam sawng sawng hian ka hria, Home sweet Home an tih thin kha hei ngei hi anih ka ring. Ka rilru hah na leh manganna te chuan min kalsan lo mahse tun hun rei lo te chhung kha chu ka hahdam in ka zalen ngawih ngawih hian ka hria..







Zing ka tho pawh ni dang zawng aiin ka harh chiang in ka mood pawh a tha viau, ka nitin hak thin apron chu kan ha a ka nuih a za ru ang reng. Fridge a chawhmeh awm ang ang chu ka siam a, chumi pah in in chhung ka ti fel pah bawk..







Ka chhuah hnuah tuman an lo ti fai lo tih hriat lutuk in a bal tawh lutuk choka phei chu a kil kar khawi khawiah bawlhhlawh an lo phiat lut tun ringawt Melissa tih awm reng a ni.. Vawiin na na na chu engmah ngaihtuah lo leh lungkham nei hauh lo a hman ka duh. Ka pa emaw Godzilla emaw Vidia te nufa pawh. A bul tan nan Woofer ah ring tawk in One Direction Live while we're young chu ka play a. Ka band duh ber an ni bawk nen an hla chu ka sak chhuah pui thei deuh vek..







Ka play ring bawk a, woofer bul ah phei chuan ka aw pawh ka hre tha thei lo thiam lo deuh chuan ka zawm ve zut zut bawk a. A hnawk rapthlak ka tih kha tih tur duhthusam in a tam nileng a daih, tlai dar 2 vel chuan ka zo ve hram. Ka in bual a ka pa thawmhnaw min leisak inchei deuh a hun apianga ka hak common thin ber chu ka ha leh a..







Ka tih tur ka ti zo vek tawh bawk a, thuthlengah hahdam thei ang ber chuan ka thu a, tv ka on a en tur hre em em chuang lo chuan ka hmet kual zut zut ringawt a. Kawngka rawn in hawng Mellissa rawn lut chuan ka thil lo ngaihtuah miah loh min ti hrechhuak, an lo haw thut thei tih ka lo ngaihtuah miah lo anih chu.. He in Aidan pu zarah ka nei let leh thei hram, Vidia te pawh chhuah tir nghal ka duh viau na chung in ka pa nen an la inthen loh mai bak ah kal na tur an nei lo nen, kei lah he tah ka cheng thei tawh rih bawk si lo nen cheng rih tur in ka ti a..







Melissa chuan min hmuh rual rual chuan min rawn kek nghal ka tha tawp chuan min keh na chu ka lo pawt sawn vat, hemi te nufa lo ah pawh buaina ka ngah tawh nak laiin an ni vang hian ka buai hman lo..







" Nang hian ka nun i ti chhe vek tih i hria em Hayana Martin. " a rawn ti tuar a.







Tlem tal chuan inthiam lo in ka laka an khawsak dan pawh an sim ve deuh hlek ka lo ring a, mahse ka ring sual anih hmel chuta kar ah a nun ti chhe tu ah min la puh zui, a sawi zawng pawh khan a zak ve eih lo emawni nun chhe zawk chu keimah hi asin an mahni vang in ka nun ka hlauh lo chauh chu a nihhi..







" Melissa i aa em ni eng tin nge chu thu chu i sawi theih kei hian i nun ka ti chhia amaw ? Uang lo teh. Min hrai rui in hotel ah mipa tan min kal san a, ka hriat ngai loh pasal ah ka nei bawk chu ti chung chuan nang ni hian min la sawisel amaw ? "



" HUH Hei hi i ruahmanna a ni hial zawk lo maw, nang hian Creative M neitu fapa ani tih hria in i mut pui a. "



" Maw ! Chu ti khawp a mi hausa fapa chhelo a lo nih leh tak si ah chuan min thik leh deuh em ni, nangmah kha lo kal zawk la ni tur a ni pawi khawp mai. "







Ka neih eng pawh hi a thik alawm mi rilru dik lo chuan eng pawh hi an it,kha putar a sawi kha lo ni pawh nise sum in min vur chuan min thik leh tho ang ka thil neih chhe te te pawh hi a it alawm..







" Ka nu kha rawn chhuah tir nghal rawh, dam lo ah nang he tah tha taka i kal lai hian engvang in nge ka nu kha a tan bik ang mawhh? "









A thusawi awmzia chu ka hre lo, eng vang in nge Vidia chu jail a tan.. " Enge i sawi awmzia ? " ka ti ha ah..



" I hre lo amawh hha Hayana Martin pasal hausa tak i neih hnu hian i huai sawt hle anih hi tiraw, ka thu ang anga awm duai duai thin kha i nia. "



" I nu a tang i tih chu enge awmzia. " ka ti leh a



" Nangmah vang hian mawle. Nang mihring huatthla la awm ber vang hian. " Tih pah chuan min kawk sawk sawk a..







Ka hrethiam in ka hria, keimah min su tu tan inah a tan tir thu ka pu in a sawi kha tunge anih min hrilh lo a, Vidia hi maw a lo nih min thah hial an duh anih chu..







" Pawi ka ti Melissa i nu la chhuak tur in ka puithei lo che, i duh chuan Albert Young i be thei ang, ka pasal te chhungkuaah chuan a thu ber a. " ka tih khum ve sak..







Min su tu khan tih palh thu a min su emaw ka lo ti thin a, mahse an tih ani tih ka hriat leh tuna an khawsak dan phei hi chuan min dah bo an chak takzet tih ka hre mai, an lakah that ka chhuah reng bik chhan tur ka hre lo..







" Melissa he inah hian i ke pen lut leh tawh lo tur in ka duh che. "



" Engtin maw i tih ? Nang hian ka tih tur leh tih loh tur min hrilh tur in eng dik na mah i nei lo. "



" Imm i nun ah chuan ka thei lo mahse he in hi ka in ani a, i nu nen in kal tur dal tur che u chuan dik na ka nei, khawngaih in chhuak tur in ka duh che. "



Min ngaihnep hmel zet a nui in. " He in chhe te hi it ngawih ngawih tur ah min ngai anih chuan i ti sual hle ang, lungngai suh ka thawmhnaw la tura lo kal ka nia. " a ti leh a..









A room ah a thawmhnaw la tur in a lut in a chho a, ka awm hahdam lai a rawn ti chhe vek ka hun awn hreawm zia min rawn hriat nawn thar tir leh ang mai a ni.. Ka phone woofer ah ka lo la connect, a rawn ri thut ka phu nasa lutuk ka thlawk lo chauh.. Bluetooth ka off call ka la a, U Elena hnen tang a lo ni..







Hello tih ka tum chiah. " Hayana, Aidan an sawisa a tunah damdawiin ah an tlan pui mek. " tap tuau chuan a rawn ti a



" Tu in nge sawisa enge thleng ? "







Ka rilru ah mi an lo lang nghal, ka thin phu te chu a tawp dawn hian ka hria Melissa lam ka ngaihsak tawh lo car chahbi ka la a, ka tlan chhuak nghal awm ngaihna ka hrelo ka thaw te hi a hah vek in ka hria ka theih anga chak in ka tlan..







Damdawin ka thleng ER kan pan a, Aidan ka zawng ka tap thei mai dawn in ka hria. Nizan a min khawih tum tupa kha ni ta se Aidan a huat hmel ropui si a, hun a neih ve leh tih nat a duh tih a chiang reng. Nizan thil thleng lo awm leh zel nen min ti hlauthawng zual ngawih ngawih..







Damlo khum a mu awm na apiang ka en kual a, khum tawp ber ka thleng amah anih tawh ngei ka ring a mahse a lo la ruak zui he tah a awm loh chuan khawiah nge a awm anga, nurse lo kal hnen ah chuan ka zawt a, a dinhmun a that vak loh avang in inzai na ah an nawr lut chiah tih a lo sawi. Chhuatah chuan ka thu zawi hnawk a, a nun ti chhe tu diktak ah ka in ngai nghet hmiah tawh, tumah ka ngaichang tawh lo ka tap tawp..







Godzilla aw chuan, " Kha tah khan enge i tih a ? " a rawn tih ri chu ka hria mahse ka ngaihtuah na mai mai anih ka ring ka ngaihsak lo " Hyena." a rawn ti leh ka dak chhuak a, ka hmaah chuan amah ngei dam leh tha tak in a lo ding zuah a, a ban chu crepe bandage in a lo tuam luah bawk.







Tun ah khan enge ka hriat a ka chungah khan enge thleng ka hre lo a hmel ka hmuh rual rual chuan ka tho a, a lam pan a tlan phei in ka va kuah bet chawt a, a awm ah bei in a damlo zawk ang maiin ka la tap ruah ruah zui. Min rawn kuah let in ka hnung ah a chul a..







CARTER SCOTT



Hayana pasal hetah a awm tih ka hria kal ve ka tum mahse ka thil hmuh chuan min ti tawp chiang kher mai, hawi pawh hawisan chuang lo chuan ka en reng a ka hmaah Raya chu rawn ding hlawl a ban a phar a ka mit rawn hup a tum ve ngei, a kut a tet mai bak ah pha leh pha lo in a rawn tih ve nen min hliah lo nasa. Amah chu ka en a ka nui tawp thil dang ngaihtuah thei in min siam leh ta..



" Awlee damdawi i ei tawh ami ? "

" Ei tawh chuan nang pawh i neih theih loh tur melh tawh suh. "

" Nang pawhh.. " tih pah in ka mit kan ti zim a

" Nang te chu i single alawm, ani saw chuan pasal a nei alawm chuvang chuan ka tan chuan Chance a la awm. "



Ka insum thei lo ka nui vur vur a, a thusawi tur te hian a pawi ngem pawi lo a ngem a ngiahtuah ngai lo a rilru a awm awm hi a sawi chhuak pawp pawp zel. Min duh tih vawitam tak a ti langa mahse a uang a, ka ngaithu tak ngai lo hrim hrim.



" Doctor ka ril a tam thil min ei pui rawh. "

" Enge i ei duh ka lei sak ang che. "



Ka ban ah a rawn kuah a canteen lam pan in min pawt kal dawr dawr a, a cher cher nen a duh na zawngah chuan a chak thei khawp mai..







AIDAN YOUNG







Tinge ka thinrim em em chhan hi ka hre lo, nau a pai der vanga a lakah ka thinrim kha chu a ni lo chhan chu a lakah hian thinrim chhan tur ka nei lo. A kut hlauh vang in a khur der der te chu ka hmu thei. A hmasa pawh khan tiang chiah hian a hlau tawh lem chan a thiam viau anih loh chuan tiang hian mipa a mutpui tawh hi ka ring thei lo..







Ka rin thu chuan " Mipa pakhat pawh la mut pui lo khan eng tin nge fa a pai theih ? " ka tih chuan a mitmeng leh hmel lan dan chuan ka thusawi chu a dik tih a ti chiang vek a ni. Hhh ka chungah hian enge thleng ni ? Bar ah ka hruai a dawrah thawmhnaw lei tura kan kal leh kan chhuah na reng reng ah mipa nel tak in a be lo a, a bul hnaia mipa sawi hat kai tur lah a thianpa chauh kha a ni bawk, hmeichhe lepchiah chu a ni bik lo.







Sum chauh a duh ti dawn ila chutiang khawpa dawng chu a ni in ka hre bawk si lo, enge ka lak ah hian a duh a eng thil nge tih a tum tih hi hriat ka chak takzet.







" I car ka hmu a nangmah in rawn haw mai rawh . " tih pah chuan ka kal san nghal nal nal. Ka thinrim chhan leh vang hi ka ngaihtuah ngial pawn a chhan ka hre lo, mahse ka mood a off in ka thin hi a rim bur em em ringawt. Car pawh ka ti chak lo tlem a ka ngaihtuah ve deuh vang nge side glass atang chuan ka hnung ah min rawn zui leh zui loh chu ka en deuh reng a. A car rawn sen vat vat ka hmuh ve leh chuan ka thaw huai..







Chak vak lo a car hmu thei tho si chuan ka tlan reng a kawng peng lam ah chuan a peng ta daih ka din thut phah nghe nghe.. Ka in hera ka zui ve ringawt. A thil tih engkim leh amah chu hriat chian chak na hian ka khat zek zek tawh a ni ber.







In lian vak lo kawt ah a ding a, in chhung ah door bell pawh hmet lo in a lut tlang nghal hmiah. Amah rinhlelh na hlira khat tan chuan thil ni lo leh awm lo pui pui ngaihtuah a awm tawh ngei mai..







Mahse ka car eng chuan in chunga MARTIN tih in tar a en fuh ka hmuh chuan an in ani tih ka ring thiam ta nghal mai a. Hahdam a mamawh ve a nia nge ka in her let leh a ka kal na lam ah ka tlan let leh ta vung vung a...







Mut ka tum thin ka muhil hleihei lo ka let ka let mai sana ka en a zing dar 3 lo ni vah tawh Hyena lo la haw lo. Min hlau a, a rawn haw ngam lo em ni ? Nge a rawn lut ngam lo anga pawn ah a car chhung ah a riak awiawm loh lutuk. Ka phone kan hmet eng ve ngei call ka tum ka ngam leh bawk si lo ka ning lutuk chuan phone ka theh thla leh ringawt a..







Engtik lai in nge ka mutthilh pawh ka hre lo ka harh leh chuan khua a lo eng uar tawh a, Hayana awm leh awm loh ka en nghal a la awm chuang lo. A tho tawh anga in hnuai ah a awm anih ring in hmai pawh phih hmasa lo in ka tlan thla nghal a, inhnuai a room tin ka en kual khawiah mah a awm lo..







Ka pu a room atanga rawn chhuak chuan " I nupui i zawng ami ? " a rawn ti. Ka pu room ah a awm ani maw ti rilru chuan ka lawm hman viau. " An inah a riak anih kha, min rawn hrilh a zanah a rawn haw ang. " a tih chuan ka hnual leh deuh ruih hian ka hria..









Ka hna thawh pawh ka tui thei thlawt lo, nizan a chunga ka chet dan ringawt chu ka rilru ah a awm, a chang leh ka inthiam lo a, a chang leh min bum vang in a phu alawm ka ti leh thul. Ka call duh bik bawk si lo call ta pawh ni ila enge ka sawi ang sawi tur ka hre leh dawn der si lo a..



Tlai ah a lo haw dawn ka pu in a tih vang chuan sana ka en sek a dar 4 a nih tawh phei kha chuan awm ngaihna ka hre tawh lo ka haw hma tawp. Ka tlan lai chuan ka hmaah car pakhat rawn lang thut in a hma ka su dawt nghe nghe, chu car atang chuan mipa 3 leh Dylan chu an rawn chhuak a, ka chhuak ve nghal..



" Enge i la duh a, Dylan ? "



Nizan a ka hnek na a hmai duk chu a kawk a, " Ka hmai mawi tak hi i tih chhiat avang in a man i rulh theih nan ka rawn pan che . "

" Mipa tak tak i ni lo em ni Dylan a mak ting kei mi pakhat ve mai sual tura kha ti zat i rawn hruai a, chuti khawp chuan min lo ngai ropui em ni ? "



Ka thusawi chuan a ti thinrim in a tlawmngai takzet min rawn hnaih a min rawn khawih a tum, tiang mi nep lutuk hi ka hneh loh a ring mawle min khawih ve hma chuan a hmai ah ka lo hnek pawp, a hnar thi chuan a thinrim lutuk a nau rawn hruai te hnen ah min bei tur in a ti a..



Dylan ai ngawt chuan an beih tlak hi, mahse min tam hneh ve deuh chu pakhat chuan ka ban ah thing fak in a rawn vaw pawp, a ruh a khawh deuh nge chet hleih theih loh. Chutia ka nat deuh ve leh Dylan chuan min rawn hnaih min rawn khawih a tum, ka theih anga rang chuan a ban chu man in ka tih tliah sak ve, naupang ang mai in a te chhe ngei mai..



Mi pakhat kei aia upa tur coat suit dum hlanga in thuam sunglass dum vuah chuan min rawn pui a, in sual a thiam ngei mai, a tan pathum te chu nep te an nih hmel, che thei lo a chungho a siam hnu chuan min kal san leh daih a..



Dylan chu a nau rawn hruai te chuan an tlan chhiat san vek a, ani lah na ti em emin chhuat ah a let thlawp a, kal san ka tum mahse pui tur in min ngen nasa lutuk chu ka car ah kuah lut in damdawiin ka pan pui a..




Damdawiin kan thleng Ka u nupui in min rawn call hlawl, miin min sual rawn a damdawin ah ka awm tih ringawt in ka hrilh a, mi te chu ka in sual pui fo a engah mah an ngaih em em ka ring hran chuang lo..



Ka ban pawh tlem a ruh a pelh deuh vang in min tuam sak ve a, Dylan lah chu vanduai thlak tak in zai a ngai hlauh a ma tjil tih dik loh a tuar a ni mai, a phu tawk chiah..



Ka ban an tuam zo ka chuak chu Hyena chu chhuat ah thu in a lo in hnit feih feih ka hmu a, ka nui suk a, ka biak pawh chuan ka thusawi a la hre lo zui, Hyena tiin ka ko leh a, a rawn dak chhuak a tah na ni awm tak a mit a sen vek a, ka lam pan in a rawn tlan a min rawn kuah thut ka chungah hian enge thleng ka hre miah lo ka thin hi a rawn phu dup dup mai, a hriat ka hlau lutuk chu ka hlat deuh, mahse min kuah nghet sauh a, ka awm ah a la tap hawm hawm zui, tih ngaihna ka hre lo a hning ah ka chul del delh ringawt..



Min thlah a, a rawn dak chho a, a mit a la sen vek zui keimah vang in a tap tih na em ni ? Nge a pa chung ah thil thleng a awm ? Ka zawh na min chhang si lo a, min hriattir chuan.. " Min ti hlauh alawm kha pa khan a sawisa che maw ka ti hman asin, keimah vang in na i tuar ah ka lo ngai a. " tap aw tuau chuan a rawn ti a..



A tawng zawng chuan a ha mai a rawn lang zeuh zeuh nen, a duhawm zia kha a biangah piai nawk nawk mai ka chak, min ngaihtuah vang in a tap mah nise a hmel duhawm lutuk chuan ka nuih a ti za vek, ka nui tih hriattir ka duh bawk si lo, a ruk chuan ka nui tet tet a..



A tap a bang a, thil awmzia kan in hrilhfiah hnu chuan kan haw ve thei hram a hma zana kan inkara thil duhawm lo tak thleng chu awm lo ang mai ni lo in a hma ai mah in kan in ngaihzawk emaw tih mai tur a ni. Motor ka khalh awh phallo in aman min khalh sak a, ka car chu Driver te hnen ah dah tur in ka ti tawp..



Amah vangah a ngai nge chu ka hre lo, in chhungah pawh thil tih ka tum apiang in a rawn kal vat a, min rawn tih sak zel a, a chang pehi chuan mipa zawk ni si in min ti zak lek lek zel.. A rai der tih leh min bum in pasal ah min nei tih zawng zawng pawh engmah ka ngaihtuah lo, kan inhnial lo a kan inbe tam hek lo mahse tuna ka awm dan hian min ti hlim takzet..



Zan khat hna kan bang har deuh ka haw chu room ah a awm lo a, inhnuai ah ka en leh a, sitting room ah ka nu leh ka u nupui te nen an lo awm khawm chu niin, ka va phei a U Elena chuan ner nawr hian min rawn en a, Hyena chuan a lo del nghial a..



" Enge thleng ? "

" A rui. " ka nu chuan a rawn ti a

" Zu in in tir amaw ka nu, enga ti nge nau pai lai ani tih in hre ve reng sia. " engvanga ka nu bul ah kha dawt kha sawi nge ka nih ??

" Chutiang a ni lo, ka nu in a in lai kha no khat lek ka in ve chhin a tia ti khan a awm nghal alawm. " U Elena chuan a ti a



A bul ah ka phei a, ka kuah ding a ka ban a la nat deuh vang chuan ka pawm mai thei lo a, min hmuh ve leh chuan min haw awm hrim hian min nam sawn dawr a.



" Enge tihsual ka neih a ? " ka ti ha ah

" Misual pa kha mi ni khan ka ngaihtuah zia che i hria em, keimah vang in miin kut an thlak che mawka tia ka inthiam lo lutuk ka thi dawn amaw ka ti hman alawm. "

" Chuan eng tin zel. "

" Ka kuah che khan ka thin hi a phu dup dup a, kei hian ka duh che tih na ami ? mawhh ! "

" Eng tin nge chu chu ka hriat daih anga kei in ? "

" mm a tha tun ah hian ka fiah dawn. " tih pah chuan thei leh thei lo chuan min rawn pan a, min rawn kuah leh lalpa leh Aidan Young enge i hrait a ka thinphu chu khuang ri ang mai niin ka hria..

" Tinge ka thin a phut tawh miah lohh ? ahh tinge ? " min rawn kuah nghet leh zel a, amah ni lo in keimah zawk hi ka nu te chu ka en a, movie thlir ang mai chuan hmuhnawm ti lutuk in min rawn la en dun zui..

" In ti harh rawh Room ah chho ang " tih pah chuan na vak lo chuan ka nam sawn a, a kal hleithei lo ka pua a ka chhoh pui a..



Khum ah chuan ka mut tir a, rizai ka sin tir bawk chhuat ah chuan thu in Hyena chu ka en a, a rawn thu chhuak hlawl min rawn kuah leh a



" Ka thin hi a phu rang tawh miah lo ania, tingee ka duh vang che ni lo in ka ngaihtuah vang chauh che tihna em ni ? "



Min kuah na chu ka awm san a, a dar tawn tawn ah vuan in, a hmel chu ka en a a rui lutuk chu men pawh a meng tha hlei thei lo, ka thin phu zawk chu a mumal thei lo kei hian henu hi ka duh tih na em ni ? A hmui ah chuan ka fawp a, ka vawn na ka lo thlah dul deuh nge khumah chuan a let thla tawp a engmah thleng lo ang mai chuan tui takin a muhil nghal bawrh bawrh anih chu..



Ka story min chhiar sak tu zahawm tak te ka type tawi in ti thei in in kham khawp lo em em thin tih ka hria pawi ka ti takzet. Nula te kan ni ve a in ah tih tur neuh neuh te hi a lo awm ve thin nen nilenga type na hun hi ka nei ngai bawk si lo, chuta kar ah ka zirna lam ah zirtirtu ten Assignment leh online class min lo neih pui ve reng bawk nen hun awl hi darkar 2 atang 3 dawn chauh te hi ka nei thin a, zan lam ah thian te ka lo be ve duh nen, nitin ka rawn dah baw sia type thui a har thei lutuk a pawi pawh ka ti lutuk, Hun awl tawk ka neih theih ve leh inhne khawpa tam ka rawn la dah ngei ngei ang.. Ka story te min lo chhiar sak thin a ka lawm takzet



to be conti...

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)