SALVADOR BY Rodingliani Vanchhawng (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

SALVADOR BY Rodingliani Vanchhawng (Completed)

Unread post by Ngaia » May 2nd, 2021, 2:51 pm

1otdame2.jpg

SALVADOR

CHAPTER 1


HAYANA MARTIN


Ka nu thlalak chu en in thlalak ah ka mittui a rawn far rual chuan ka hawi chhuak nghal a..



Vawin ka nu thih cham ani a. a thlanah pawh ka kal thei bawk si lo inthiam loh na leh thinrimna hlir chuan ka khat nawk a..




Ka nu thlalak chu a awmna ngaiah dah tha in, darthlalang hma ah ding in ka sam chu ka bawk a, apron chu ha in ka room atang chuan chhuak in step atang chuan inhnuai balh zia chu ka en thla a. In lian leh zau pangngai tak anih vang pawh chuan tihfai a huphurh awm hliah hliah..




Nizana Mellisa te thian ho party na hnawk vek an party rei si mut pawh min ti mu thei lo nen zing thawh hma a ngai leh tho bawk si, chu ta karah an sulhnu hnawk lutuk ka tihfai vek tur in an la dah zui..



An chet nasat tur zia hi anu awm loh lai ani bawk a nuam a ti hluah hluah khawp mai, chair pawh a thal rum alawm. A ni lah tui tawk in engmah lungkham nei lo in a room ah a mu hle hle chu ani sia. A pheikhawk khing chauh chu thuthleng hnuai ah a lo awm a, a zualpui ka tihfai zawh chuan a room ah a pheikhawk dah tur a ka lut chu..




Ka hawn rual chuan ka chhuak leh rang kher mai, mipa nen khumah ruak lo chauh in inkuah in an mu dun anih chu, ka thin phut nasat zia, bang ngheng chuan ka ding a ka thil hmuh chu ka ngaihtuah let pawh chuan ka zak chem chem thei..




Kawngka chu a rawn inhawng a, mipa hang lam sang tha tak, kawr pawh ha lo chuan a rawn chhuak, Melli khuma mu pa kha anih ka ring thiam ngal mai, ka kut pahnih chuan ka mit ka hup nghal a, min en chung chuan a nui tih ka kut zungtang kar atang chuan ka hmu..




" hahaa min hlau ami? tui intur ka zawng mai chauh alawm, naupang ka ngaina lo " nui tih hriat tak chuan a ti a..




Ka chhang lo mahse ka kut chuan choka lam chu ka kawk ringawt, a kal ve nghal mai bawk, Melissa pheikhawk ka thlauh chu ka chhar a, a room chu ka hawng det a ka vawm lut thuai..




An room tih hnawk chu ka tifai chhunzawm leh nghal, kha pa bawk kha choka atang chuan a rawn chhuak leh, mipa thawmhnaw ha lo ka vawikhat hmuhna ni bawk nen ka thin a ti phu zawk zel hneawm lutuk..




" enge ti khan i awm a, sa ruak tawp pawh ka nih loh hi "

" chu pawh ni se, kawr te hak ve tur alawm "

" sorry, a lehpek ah chuan ka lo ha tawh dawn ania, naupangte "




Hahah naupang min ti ve ziah, naupang pawh ka ni tawh lo kum 18 lai ka ni ve tawh.. Melissa room lam pan chuan a chho leh nghal a..




Thil chuan lai ka nei tih ka hrechhuak zawk choka ah ka tlan lut a, ka off nghal a buai namen in ka buai ninawm assignment buaipui ngai bawk, chet vat vat a ngai..




dar 1 vel ah ka zo ve thei hram thawmhnaw ka su a ka pho vek bawk, Melissa rawn thawh huna a eitur ka dah fel vek hnu chuan ka inbual a, ka assignment buaipui tur in library ka pan nghal a..




Ka pa Scooty min leisak chu ka khalh chhuak a saw in atanga chhuah tawh chuan khawvel hi a tha em em vek tawh mai in ka hria tan in a tan ai pawn a hreawm zawk maithei a ni..




Library ka thlen chuan Carter chu pawn ah amah chauh chuan a lo thu a, min nghak tih ka hrethiam nghal mai..




" Carter min nghak ami ? "




Min chhang let lem lo chuan ka lamah rawn kal in min rawn kuah thut a.. " kha kha enga tan nge " ka ti hu a, min en tak vung vung danah ka hre chiah awi ka kuah let a ka au vak ringawt..




" Awii Carter ka lawmpui lutuk che ka lawm takzet "


" Doctor ka nih chuan Beer min leisak i in tiam kha "


" tehreng mai, mahse Assignment min tih pui phawt a ngai "




Library ah kan lut dun a, work chu min tih pui ve zung zung, min submit pui leh thlap. Minute tlemte chauh in ka lo la tlai lo chu niin.. Beer lei tur a kan kal pawh chuan khua a thim lek lek tawh.. Work ka zawh ve leh ka nu thlanah ka kal ang ka tih nen tunah hi chuan ka hman lo anih hi, hemi zawhah ka kal tho ang..




Tlem in a rui tawh nge a tawng duh par par hle mai a awmdan chu ka nuih char char a, a vawi khat in na ani bawk nen a awm thiam lo khawp mai..




" Nge min nuih ? " min en pah chuan a rawn ti ha a


" awm lo ta la ka nun hi engti nge a awm ang tih ka ngaihtuah " ama hriat phak tawk lek chuan ka ti sap a


" I bawn em kha nang hian min mamawh tak tak lo " a ti hmuk a, a rui ve deuh tawh nen chuan kan thutak hleithei lo




Carter haw hnu chuan ka nu thlan ah chuan ka kal a tih tur avang in a inthlahrun awm duh ngei mai, a thih cham ah takngial pawh a thlan hmu tur pawn ka kal hman lo ania, lei ah chuan ka thu tawp a thil tam tak ka ngaihtuah a bula kal ve daih mai te chu ka chak rum rum zawk thin..




Ka nu hrawn hnen atanga call ka dawn avang chuan, hmanhmawh tak in in ka pan nghal a inchhung ka luh rual rual chuan boruak hi a dang nghal vek he in hi zau in lian viau mahse ka leng ve hlawl lo hian ka hre thin..




ka nu hrawn chuan min rawn be tha in min ti tha ngang mai, a khawsak dan atang chuan ka pa a lo haw tih ka hre mai, rang tak in a room ah ka tlan lut a, ka kuah nghal..



Ka pa pawh chuan min rawn kuah let ve a, sumdawng lian ve tak ani a mahse a hna hi ram hrang hranga zin kual ngai chi anih avang in, inah a awm ngai mang lo, a hun tam zawk chu ram pawnah a hmang a min ngaihtuah vang leh keimah chuah a in a la awm a duh loh vang in nupui a nei leh tih min hrilh thin chuvang chuan Melissa te nufa min tihdan pawh engmah ka hrilh duh ngai lo, a hna ah a buai tawk em em a tiang thil ah lehzel tih buai ka duh lo a ni...




Kum 17 ka nih kum in ka nu hian min boral san a, ka pa nen hian kan tuar hle a kum 1 teh meuh a hna a chawlh san tawp in min enkawl a mahse hna thawk lo in a awm reng thei si lo keimah maia min kalsan reng a hreh avang chuan ka nu thih atanga kum 2 hnuah nupui dang a nei leh ta a..




A tir chuan Mellissa te nufa pawh ka chung ah an tha in min duat em em a mahse hun a kal zel a, ka pa min duat em avang chuan min thik tan a a awm loh chang in ka chung ah sual tak taka awm an ching tan a, a hun lai chuan hreawm in na thin viau mahse ka pa a lo haw a,engkim hi a dam leh vek mai hian ka hre thin ka tan chuan ka engkim a engkim a ni..





Ka pa rawn haw chuan ka rilru natna zawng zawng a ti dam vek ang mai ani, Melissa te nufa pawn an lemchan thiam zia ti lang in min duat hluah hluah khawp mai, ka pa bulah engkim ka sawi vek chu an hlau ve ani chawk ang chu..



Ka engah mah a thawk lem hlei lo an duh duh in awm teh se, ka pa ka hmuh a chenna tur in ka neih phawt chuan a tawk rih lehkha ka zir anga hna tha tak ka thawh hun ah an ni nufa chu engmah ngaituah ngai lo in ka la kal bo san vang vang thei ang..



Chaw ei na pawh min tih fai tir duh lo, ka room ah ka lut hmak a, an that chhuah ve theih hun lai hi kan chen ange..



Ka pa chu ka room ah a rawn lut a, ngawi reng chuan ka bulah a rawn thu a ka khum bula kan nu nen kan pathuma kan thlalak ka tar chu a ban a, a melh vung vunga..



" pa ngaihtuah ka ngai lo ka tih tawh kha " ka ti chhuak a



Mittui tling pem a min rawn melh chung chuan " ka hria lawm mahse ka thil tih te hi i tan ka ti ani tih hi i hriatthiam hram ka beisei "




Min chhuah san reng thin vang leh nupui dang a neih leh avanga a inthiam loh zia hrechiang ber tu ka ni ang, a bul ah thu hnai chuan ka kuah a..


" I fanu ka ni hi enge ka hriatthiam loh che nga " boruak thlak nan chuan nui vur vur chuan ka ti a


Ani pawh chu a rawn nui ve ta hram a, ka hmangaih takzet ani eng pawh thleng se a tan chua engkim ka ti vek mai ang keimah vanga a lungngaih ka phal teuh lo...



*******************************************************************************


Ka pa pawh a tih dan ngaite in a zin chhuak leh reng tawh a, college zawh nan pawn kum pawh ka nei tling tawh lo Carter pawh kum 2 zen zawn doctor ani ve tawh bawk a, a khawsak pawh a kang nghal awt awt a, a hlim hmel hmuh nawm zia chu kan in hmuh loh leh min rawn call ngei ngei a ka pa tih lohah chuan ka mihring ngainat ber ani hial ang..



Carter nen kan inhmu zo inah min thlah a, inchhung ah ka luh rual chuan borual inthlak leh nghal vek, ka tum nghal bur a ka pa a awm loh chuan he inchhung ah hian ka nuih ngai vak ka hre lo..



Min hmuh rual rual chuan Vidia { Melissa nu } chuan min rawn pan nghal a, a hmel ka hmuh chuan mak ka ti kher mai a mit chu tap nasa tak tih hriat zet hian a sen vek a engmah sawi lo chuan min en a, thil awmzia chu ka lo zawt vat a..



sitting room lam ah chuan min kai phei a, a chet dan em chuan ka pa chung ah thil tha lo a thleng amaw ka ti hman hial..



" Anna min puih kan ngai " Vidia chuan a rawn ti tham chhuak tiau mai a..



A thusawi chu ka ngaihthlak chhunzawm a, ka hriat zawng pawh chuan ka thinrim lutuk ka sa vek thei anih chu, ka ding hluai a engtin nge ka in kan ram hi a thil khelh mai mai nan a dahkham theih chuan a chan amaw..



Tawng chhuah ngaihna pawh ka hre lo, Pawisa khelh na ah mai mai chuan a chan ka ring lo thil dang min hrilh duh loh a nei tih ka chiang, thinrim mit sen ram in an nufa chuan ka melh a..



" engtin nge tiang hian ka pa chung ah in tih theih zawk kal na tur nei lo kha ka pa in khawngaih in a la lut mai chauh che u ani sia engtin nge a hnung lam ah tiang hian in tih theih " thinrim tawh lutuk chu ka ti chhuak vak a..



Ka rin lo lutuk in Vidia chuan ka hmaiah a rawn beng pawp a, ka in ring lo lutuk bawk nen chhuat ah ka tlu hnawk a, a zahtheih loh zia hi thinrim zawk ah a la tang theih anih chu inthiam loh chu khawi lam ka tho nghal a..



" Kha i ngaihzawng pa kutah khan kan in lehkha hi a awm tiraw ? " ka ti ve ngat a, ka sawi zawh rual rual chuan a khur nghal tih ka hmu ka pa a phatsan tih hi ka hriat loh a ring ami zantin a chhuak a car in a rawn thlah ziah te chu ka hmuh ve bawk loh in..



" Hayana Martin ngawi hmak rawh engkim hria anga tawng vel kha bansan rawh "

" Ka pa rawn haw hmaa lehkha i nei let lo anih chuan ka ngaidam lo ang che "



Ka sawizawh rual chuan min rawn pan a an nufa chuan thuthlengah chuan min nam thu a..



" He in hi i la duh takzet anih chuan a neitunu chuan tinge a lak chhuah mai loh ang "

" maw !! "

" zanin ah Silvermine Hotel ah dar 1:00 am ah rawn kal ang che i pa nen a in in duh tak hi chhan i duh loh chuan "

" i aa tawh ami "

" he inah la chen ve i duh chuan ka sawi ang chu i tih a angai "



Ka phone ka la chhuak a ka pa call ka tum a, Vidia chuan ka phone chu rawn la in a vawm darh vek a


" tha te te a ka sawi lai hian ti mai rawh Hayana, i pa hian a awi tak tak che i ring em ni nang hi a fa tak pawh i ni si lo a "

" thu lawilo sawi kha bansan la i room ah kal la han insiam rawh "



Melissa chuan " lungngai suh unaunu patling kum 60 mi chuah alawm anih, a hausa bawn lutuk zankhat lek i awmpui khan kan in hi min khulh chhuah sak a intiam alawm, i pa nangmah ekawl tu tan i tih thieh sang ber alawm.. "



An thusawi vang chuan ka lu te chu a hai vek tawh in ka hria mumang mai mai ni zawk se ka ti ngei mai, ka hmaah chuan Vidia chuan file hi a rawn theh thla a ka en chuan ka pa nen kan dna test na a lo ni a, kei hi a fa ka ni lo tih chiang tak in alo inziak a mahse ka awi lo hemi te nufa bum theih mai mai hian ka awm dawn lo..



Vidia chuan mi a call a, a lo pick up chuan ka pa aw ngei ani..


" John DNA test na chu a rawn chhuak a, ka awi lo in min thawng khawp mai i fanu emaw ka lo ti char char zel a "

"..min tiam ani lawm ni DNA i test tir lo ang tih, eng tin nge i theih lehkha chu pawtchhia ang che ka tiam a che Hayana in a hmu anih chuan ka ngaidam lo ang che "

" Lungngai suh ka hal nghal dawn lawm i thuruk chu a him tlat ang "



Ka mittui chu ka biangah a luang nghal zung zung a, ka la awi mai thei lo engkim hi a mak lutuk ka hriat phak lek chuan dawt ani dawt ani tiin ka phun char char a, a fanu ka nih loh chhan tur engmah a awm lo..



In tithei zet in ka hmaah chuan an rawn ding dun a..



" Zankhat chauh alawm Ana lungngai suh i nun a chhiat phah lo ang, kum 60 chauh alawm ala nih. I pa fa tak ang maia enkawl tu che tanna i tihtheih awmchhun ah ngai mai rawh " a la ti zui..



" I duh leh i fanu duhtak hi kal tir mai rawh a hmelthat zia leh mipa te a hip zia i chhuanpui em kha kei ai chuan an it zawk ang " tiin ka tho a kal ka tum a..


" Tiang hian i awm dawn tih ka hre sa reng ani i nu ang chiah a luhlul i ni " Vidia in a tih chu ka hre hman..



Ka harh leh chuan khum zau tak ah hian ka lo mu a ka lu a hai mup mup mai, Melissa thusawi chu ka hre chhuak zawk ni lo, ka in en thla nghal a mahse thawmhnaw ka la ha vek a ka chungah engmah a thleng in ka hre lo ka thaw huai a..



Ka bana sana chu ka en a dar 1;45 am a lo ni tawh a, an mi sawi pa kha a rawn la thleng lo anih ka ring thiam nghal mai a, ka pheikhawk chu ka bun sawk sawk a tlan chhuah nghal ka tuma, mahse kawngka chu a rawn in hawng a mipa pakhat hi a rawn lut a..



Room chhunga rawn lut chu Melissa sawi anga upa chu a ni lo tawp kei aia a upat pawn kum 3 vel bak anih ka ring lo, mipa ngo lam sang tha tak kamis pawl leh jeans kekawr pawl ha chu a rawn lut a, a kamis ban chu a rawn phelh lut mawlh mawlh a..



Ka lam chu a rawn pan a, ka hlau lutuk chu ka mit ka chhing vak ringawt a mahse min khawih miah lo ka mit ka men leh chuan khumah chuan a mu a, a mut tui hmel ngei mai..




Thil thleng chu mak ti viau mah ila he hmun atang hian ka chhuah a ngai mahse kal ringawt pawh ni ila Melissa te nufa in min en liam mai mai awm si lo tuna ka kal chuan min thawn let leh awm tho sia bak ah saw pa saw a muhil tui bawk nen ka chungah engmah a ti thei chuang lo



Ngawi reng chuan ka thu a, mutthilh chu khawi lam ka mut a chhuak thei thak lo zan tir lama ka chunga thil thleng chu ka ngaihtuah char char a ka nun hi a chhe vek ni mai in ka hre tawh min hmangaih tu ber a ka ngaih ka pa chu ka pa a lo ni lo tih ka hria a Vidia sawi mai mai ni lo in ka pa ka atang ngei in a ni bawk a dam chhan tur hi a van vang tak.. Hei aia hreawm na chu tawrh belh lehzel tur a awm pawh ka hre tawh lo..



Khawvar dawn lam ah chuan thil ka ngaihtuah chhuak thut a, engmah ti lo anga ka haw chuan zan dangah buaina ka tawh leh dawn tho a ka hriat avang chuan an tih ang chiah a lem ka chan ve a ngai a ni..



Ka kut kuangkuah in chupa mu lai chu ka en vung vung a, ka inthiam lo viau na chung in khum bula zu chu la in ka kawr vel ah chuan ka tat a, in kher chu ka thei lo e zam tak chuan a bul ah a mah si si lo in khum hmawr te ah chuan ka muhil der ta tawp a..



Ni a rawn chhuah chuan chu pa harh thawm chu ka hria a ka thin te chu a phu dup dup a, a thlawk chhuak mai dawn hian ka hria min rawn sawi a ka chil ka lem kawlh a muang chang chuan ka meng a zam tak chuan " Good Morning " ka ti ringawt a rizai hnuaiah ka kut chu ka hum ruh nasa ngei mai..



Min chhang let miah lo ngawi reng chuan min en char char a, a kekawr ipte atang chuan a wallet la chhuak in dollar 5000 a la chhuak a khumah chuan a rawn theh thlaa..


" Kha kha la, la chhuak rawh " tih pah chuan a tho a, bathroom ah a lut zui nghal a..



Ka kut in ka nghawng chu ka dawm a ka biangah mittui a rawn luang nghal a ka thaw hawlh hawlh a, ka zak takzet a ni ka inkarah engmah thleng lo mahse hmeichhe lepchiah tak hi ka ang ngawih ngawih. Khumah chuan Business card ni awm tak hi a lo awm a, ka la a, ka en nghal a.. " Aidan Young Creative M leh a biak theih na no chu a lo in ziak a...


to be continue...

Fb lam ah in ngaihdan leh ka tih sual lai te a lo awm anih chuan comment na ah min lo hrilh zel ru aw.. Chuan ka story min lo chhiar sak a ka lawm lutuk ee..😗😗

Chapter 2 https://storyfb.com/viewtopic.php?p=39062#p39062

Chuan Whatsapp Group ka siam ve a, awm ve duh te in awm chuan in lo join ve dawn nia.. https://chat.whatsapp.com/FjaBi1kgPXs00gZi6ddLk3

** KHAWNGAIH IN ADS KHA CLICK KEUH AW**



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 2nd, 2021, 2:52 pm

SALVADOR

CHAPTER 2


AIDAN YOUNG



Ka inbual zo chu ka chhuak a, kha hmeichhia kha a lo awm tawh lo a ka thaw huai, nizan ah eng thil nge thleng ka hre hauh lo engtin nge kha hmeichhia kha ka khumah a lo awm ngawt dan ka hre lo bawk mahse ka rui em em tih chu ka chiang, chuvang chuan ka ngaihtuah zui vak peih lo..



Ka thawmhnaw hak tur khuma ka dah ha tur a ka la kang chu a hnuaiah kha nu pawisa ka pek kha a ngai ngai in a lo la awm a ka ngaihtuah na a ti kal thui hman kher mai..



Ka pawisa a hek lo ani mai lawm tih pah chuan ka wallet ah chuan ka dah lut leh a thawmhnaw chu ka ha nghal a.. Coat suit dum kan company siam chu ka ha a darthlalang hmaah chuan ding in ka sam chu ka siam mawlh mawlh a dawhkan a ka buisiness bag chu ka la a hotel chu ka chhuah san a..



Kum 26 ka tlin lawm nana ka pu in min present ka car Rolls Royce Ghost Silver rawng chhuak thar ber chu building kawt ah chuan a lo ding ur a, chahbi chu kan hmet a, a rawn ri vat a car ah chuan lut in kan company pan chuan ka tlan a..



Company ka thleng a car atang chhuak in building lian tak a ding ur a, lian leh chiang kelh kawlh chuan Creative M tih a inziak kulh a..



Kan company len ang in hna thawk pawh an tha hnem khawp mai United Kingdom a company lian ber pahnihna hauh tu kan ni mek bawk..



Ka office pan chuan ka kal a, ka thlen chuan sawm loh mikhual a awm tlat mai ka thuthleng ah chuan thu a ka inleng pa chu ka melh kawr a..



" puih theih na che ka nei em ? "

" eng tin nge tiang khan i pa min biak theih "

" pa hhaah a hming chuan ka pa chu i ni ve alawm tiraw ? "

" i nu birthday ania zanriah ei tur in raw haw ang che "

" birthday ahh engvang in nge ka rawn kal ang he birthday vang hian ka thian ka chan ti i theihnghilh em ni ? "

" hun kal tawh ani a, theihnghilh rawh "

" theihnghilh maw, in tan chuan a awlsam ani tiraw ? mahse kei chuan ka thei ve lo "

" ka lo nghak ang che " ti chuan a chhuak nghal nal nal a..



Zingkar mood ti chhe tu atan chuan a va tha deuh ve ka phone ka la chhuak a Joshua hnen atanga Voice record ka dawn hnuhnun ber chu ka ngaithla nawn leh a..


" Aidan ka pa in min zawng ania khawngaih takin min pui rawh min that mai ang " tih tap tiaua a tih chu



Ka ngaihthlak zawh chuan phone chu dawhkan ah chuan ka dah ri chawrh a, hlim taka ka awm loh nan ka inhrilh nawn leh a ngai thin ani..



Hnathawh zawh hotel a kir ka tum chu ka pa chu ka car bulah a lo ding ran tawh a, kal loh theih pawh ani tawh lo..



In pan chuan ka pa nen chuan kan kal dun a, inchhung ka pen lut chu ka mikhual ruih hian ka hria he in ka luh loh na rei tawh zia ka pa leh kei tih loh chu an lo thu khawm vek tawh, ka kut sil in dawhkan chu ka kil ve a ka u leh anupui pawh an awm bawk, ka nu chuan kan naupang ber Germany a lehkha zira awm bo chu video call in a be mek bawk a..



Min hmuh ve leh chuan call chu a dah a ka lam pan chuan a rawn kal nghal, ka kut chu vuan in ka kal avang a, a lawm zia min hrilh mawlh mawlh a. Ka nu a nia ka ngai in kuah pawh ka chak takzet mahse kha zana min dan avanga a thusawi te kha nimin ang maia chiang in ka la hre vek si nen awlsam taka pawm leh mai chu ka harsat takzet a ni..



Min vawn na chu ka la sawn a, engmah sawi lo chuan ka thlenga eitur chu ka en ringawt a ka nu pawh chu a thut na ah a let ve leh mai bawk a..



Zanriah kan ei chhung zawng chuan engmah ka sawi lo, min biak pawh aw leh ai tih bak in ka chhang lo, ka ei zawh chuan present a pe liam liam a engmah ka siam ve lo avang chuan pawi a tih loh thu pawh a sawi a, inthiam lo hmel tumah ka hmu lo Joshua kha nintin zantin kan inah lut chhuak reng thin ania a pa achunga a khawsak thin dan an hre vek engtin nge tiang hian hlim tak in an la awm theih zawk..



Ka thirim na chu a rawn nasa thut emaw tih tur in chu hmun chu a chep in a thawpik ngawih ngawih, an hlim nui hmel leh ri ringawt pawh chuan ka luak an ti chhuak ngawih ngawih a ni, ka phone chu la chhuak in volume ring ber ah Joshua voice message min thawn chu ka play a, a reh chiang kher mai..



Ka pa chu rang tak in a tho a ka phone chu a ban nghal a, mahse ka lo lak khalh a, ka nu nui hmel pawh a tawp nghal hmak a..



" I ti mah mah chuan i hre ve lo maw Aidan " ka u chuan a rawn ti vat a..

" hhh nia tiraw eng tin nge tiang khan hlim tak khan in la nuih theih Joshua kha nangmahni vanga thi ani chu chu hre nawn tur in ka duh che u "

" Aidan pawi ka ti takzet asin eng tik lai mah in ka theihnghilh ngai lo asin " tap pur in ka nu chuan a rawn ti a..

" Chhuak rawh " ka pa chuan fiah fak chuan a rawn ti a

" ni reng e a tir atang khan he hmunah hian min sawm loh tur ania " tih pah chuan ka chhuak nghal a



Ka nu chuan min rawn um zui a, ka ban ah vuan in kal lo tur chuan min rawn ngen a..

" Nu i hria em zanin hi i birthday ani ka hria, mahse khawvela ka thiantha ber thih ni pawh a ni tho asin chu chu tinge min theihngilh sak thin, in tan chuan theihnghilh a awl maithei mahse ka tan chuan ani ve lo asin "

" Ka hria ka hria Aidan ka thiam loh vek ani, kha zan khan kei hian lo dang lo che ila Joshua bulah khan lo kal tir che ni ila chuan tun ai hian i inthiam loh na hi a zia tur ania


" khawngaih in min kal tir rawh " ka ban chu ka vai thla a, ka nu chu ka kalsan a..



Mahse Ka hmaah ka pu chu a lo ding kur a, a rawn lang hlawl bawk nen ka phu deuh dawr a. Ka ban chu rawn vuan in a room lam pan chuan min kal pui a..



Thuthlengah chuan thu in a melh ngai melh vung vung chung chuan " I puar hman em ni ? " a rawn ti a

" min ngaihtuah suh ka pu ka tha alawm "

" Ka ngaihtuah lo che, i chhungte zawk hi ani eng tianga rei nge an lakah tiang hian awm i tum a ? " a rawn ti leh a

" he inah let tur hian min ti miah suh, nang chauh hi min hrethiam tu awm chhun ka nei che ania "



Engmah sawi zui lo chuan min nuih ringawt a, Ka chhungte dang zawng zawng lak ah ka in khar hran tlat laiin ka pu lakah chuan a awm ve thei lo, ka hun harsat lai bera min awmpui tu leh min hrethiam tu awm chhun ani miau, a thusawi hi engmah ka hnial ngam lo, he inah let tura min ti anih vaih chuan ka hnial ngam dawn si lo a, chuvang chuan a sawi hma hian ka sawi khalh ngei ngei zel..



Hotelah chuan ka let a chhuatah khum ngheng chuan ka thu a, tennis ball chu bangah ka vawm sawt dawt dawt a ka thluak hi a chawmawlh vek tak ngial dawn in ka hria.. Ka nu thusawi ka ngaihtuah let a ka ball vawm lai chu a aia na in ka vawm pawp a, ka man let tawh lo..



Ka thutna atang chuan tho in dawhkana Wine awm chu a bur chuan ka in pawp pawp a ka hawi chhuah leh meuh chuan ka rui tawh khawp mai, mahse engmah hre lo tur khawpa rui chu ka ni bik lo..



MELISSA MARTIN



Khua a var tawh chhin khat pawh ka ching lo Hayana chungah enge thleng chu ka hre chak zek zek tawh, kha putar ler zet kha a mut pui thei anih chuan he in hi ka nu leh ka hming in a awm thei dawn a Hayana Martin chu ka kut phah ah hian ka nuai bo vek thei tawh ang..



Ka nu pawh zing dang ang lo tak in a rawn tho hma khawp mai keimah ang chiah in thil thleng a hre chak tih ka hria.. Tun atanga reilo te ah kan kutah inhmun lehkha leh sum tam tak a awm ngei ang. Ka nu hmel ka en chuan thil dik lo a thleng tih ka hrethiam nghal ka zawt nghal vat a..



" Room 1230 ah in dah tih i chiang amaw ? "

" enge i sawi awmzia room 1231 chahbi alawm min pek a thawk ten "

" engkim a chhe vek, Hayana a hmu lo a, a lungawi lo in inhmun pawh min khulh chhuah sak loh tur thu a sawi "



Engtin nge a thlen theih nichin mai kha chuan engkim a tha vek asin a ni thei lo, ka nu chu ka melh haw a ka thinrim lutuk chu ankhum vak mai chu ka chak a ni..



" Hei hi i thiam loh vek ani ka nu, nang hian kha bum hmang kha lo kawp lo ni la chuan "

" ngawi hmak rawh i nu ka nih hi tiang khan min tawngkum reng reng suh "

" chu pawh ni seee, engtin nge tiang thil lian tham lutuk i tihsual theih, ka pa in a hriat chuan nang leh kei hi he in atang hian min pet chhuak nghal ang, retheih ka duh loh chu chu i hria em ? "



Beidawng zet in thuthlengah chuan ka thu hnawk a, room dik lo ah kan dah a mahse engvang in nge tun thlenga Hayana hi a rawn la haw loh a tlan bo tih na em ni hhah ni lo khawiah mah kal na tur a nei lo, ka nu lah chu a vei tawn chhen mai bawk si ka thluak a ati buai takzet a ni " rawn haw teh se a chak lo khawp ang " ka nu chuan a ti bul bul a..



Ka ngaih a that theih ngang loh avang chuan Hotel ah chuan ka va kal ta tawp a, hnathawk hmelhriat ka neih avang chuanan hotela thleng te chungchang hriat theihna chance ka nei hlauh..




Ka thian pakhat hnen ah room 1231 a awm chungchang chu ka zawt a, Hayana zankhat riah na room ah chuan tunge thleng chu ka hre chak zek zek tak meuh ani..




" Ka hrilh che tih hi tu bulah mah i sawi thei lo ania aw "

" tehreng mai lungngai suh "

" Creative M company i hria em ? "

" I fiamthu ami tu in nge hre lo anga "

" An fapa Aidan Young kha ania "

" maw Aidan Young maw ?! "

" Aw a chhungte nen an inti thiam lo nge hun rei tawh tak a awm tawh alawm, mahse tu man an hre tur ani lo ania "




Maw kan rama company lian ber zinga mi neitu fapa maw anih a hah eng ang vanneihna nge a chan a, tuk in zingah a room atang in hmeichhia an chhuah leh chhuah loh ka zawt a, cctv min en tir atang chuan Hayana ngei a ni hah..




In ka thlen ve leh ka nu ka zawng nghal a, ka thil hrait leh hmuh te chu ka hrilh nghal vek a, ka ngaihdan lo tak in ka nu chuan ngaihdan a nei leh ta, chutih lai chuan Hayana pawh in a rawn thlenga ka melh nghal hraw a.. A hmaia ben pawp mai chu ka chak takzet a ni..



" Aidan Young nen in inkar ah eng thleng nizan khan sawi nghal rawh " ka ti nghal sawk sawk a..



Diktak chuan an ni anga mi sang nen inkung kaihna nei tur in ka duh therte lo, awm na tur hmun pawh nei lo a kan awm lai anga hreawm kha tuar ve se ka ti takzet, a duhtin reng a nei a khawvel hi a ta maw ti ang tak hian a awm a he khawvel ah hian ani aia mihring huat hi ka neih ka ring lo..




HAYANA MARTIN



An thusawi chu hre lo ang hmak chuan ka awm a, an ni nufa hi hlauh chhan tur ka nei lo an duh ang in ka chung ah an ti tawh a ka vanneih a ni mai chu chu an hriat ve vek kher a ngai lo, hrelo ang hmak chuan ka room lam pan chuan ka kal a.. Melissa chuan ka darah rawn kuai in min pawt let sawk a..


" enge thleng sawi rawh ka tih chu, engvang in nge room dik loh ah i awm nang hian min bum ani tiraw "


Ka in sum thei tawh thlawt lo, an mahni ngei in an duhna ah min dah in chuti chung chuan ka thiam loh a la ni cheu amaw enge an buaina chu ni a..


" enge i duh in duh ang in ka ti ani lawm ni pawisa chu khawnge khawnge ka pa inhmun lehkha chu min hrai rui in in duhna room takah min dah a, chuan enge ka thiam loh awm mawh "


" ngawi hmak rawh hmeli " tih pah in Melissa chuan min beng pawp a




Ana pawh anih lo, ka mittui a rawn tla ringawt, an duh dan dana min tih kual vel hi ka haw takzet ani ka pa fa tak ka ni lo pawh chu an hlim in min beih nan hman an lo chak ngei mai..




Ka room lam pan a tlan chuan ka lut a kawngka ka kalh nghal a khum ah chuan ka bawk thla thlawp a ka nun hi ka hne takzet ani ka pa biak ka chak lutuk mahse ka ngam lo ngam pawh ni ila ka phone min vawm chhiat sak daih alawm khung ramhuai pahnih khuan..



He hmun hi ka chhuahsan a ngai ka chhuahsan lo anih chuan ka pa rawn haw leh hma hian dam in min chhuah pawh ka ring hrep love.. Kawngka chu haw ka tum a mahse pawn lam atang chuan a lo inkalh a ka sawi dawt dawt a..



" haha i duhthua lut inia i duh hun hunah i chhuak thei lo ang " Vidia chuan a rawn ti a..

" kawngka hi rawn hawng nghal rawh "

" hahhh nang hi ka chhuah tir che i ring reng reng em ni tu tu bulah nge kan nufa chanchin hi i sawi ang ka hre hlei nem "




Hawng tura ka tih vak vak hnu pawh chuan engah mah min ngai lo a, ka beidawng chu kawngka chu ka pet pawp ringawt a chhuat ah chuan ka thu hawk a, tukver atanga zuanthlak hahh ka tukverh chu ka en a bar tha tawk in a lo la in vuah zui huizzz..



Phone ka nei lo a, internet connection a awm lo bawk kan in awmna a fal mai bak ah ka room awmna a sang bawk nen mi kawngkal han auh theih mai pawh ani lo ka beidawng in ka chau takzet tawh ani..



Kar 1 ngawt min kalh khum tawh eitur min rawn pe ve duh te chu a mak zawk, thinrim vanga emah ei duh lo tur pawn eitur min pe tlem nen tiang mai maia thih ka la tum bik lo nen. An sawi ang chuanka pa fa chu ka ni lo pawh lo ni se a rawn haw chuan engkim a danglam vek ang min hmangaih zia hre lo tur khawpa mawl chu ka ni bik lo tun tum chu a rawn haw chuan engkim ka hrilh vek ang ka lam eng ti kawng pawn a tang dawn tih ka chiang..



Ka pa rawn haw hun tur ka ngaihtuah avang chuan min kalh khum pawh chu ka tuar thei mai chauh a ni, a rawn haw anih chuan an ni nufa khuan an thil tih man chu an la hmu khawp ang..




Mak tak maiin chhun lai ani a Vidia chuan ka room kawngka chu a rawn hawng hlawl mai, mak ka ti zawk hial, " min rawn zui rawh " tih leh min kaih chhuah a rual a..




Car ah kan lut a, Melissa pawh a awm tuman engmah an sawi lo, thil dik lo a awm tlat hian ka hria boruak chu a rit takzet ani.. ka huat em avang chuan hre chak viau mah ila ka chil per tlem te pawh hi an ni biak nan ka ui a ni..




Damdawiin kawtah Car chu a ding a Melissa te nufa chu ka zui tawp, an lut zel a ka thil hmuh chuan min thawng in mak ka ti takzet, ka biang ah mittui a rawn luang nghal, ka hriat phak lek chuan ka pa ka ti tham tiak a chhuat ah chuan ka thu thla hnawk a.. Carter chuan min rawn kuah nghal..


" ka tiam a che Yana i pa chungah engmah a thleng lo ang, a tha chhuak leh dawn alawm " tiin ka beng bul ah a rawn phun ser ser a.



Ka pa chu thi hnuang in khumah a mu a, doctor te chuan tihdam tum in a awm an nam pawp pawp a, engmah ka ngaihtuah thei tawh lo ka buai nghal vek ka chau bawksi tah pawh ka tap chhuak thei lo ka mittui chu a luang reng ringawt a




Carter chuan min thawh pui a thuthlengah chuan min thut pui a, ka kut chu vuan in min hnem mawlh mawlh a, engmah hre lo ang mai chuan ka pa an enkawl lai chu ngawi reng chuan ka melh char char ringawt, ka khawvel hi a tawp ni mai hian ka hria, ka rilru chuan ka tawngtai mawlh mawlh a, ani a awm loh chuan he khawvel ah hian keimah chauha awm reng bik chhan tur ka nei lo tih thleng chuan ka ngaihtuah kai hman vek a ni..



Ka pa enkawl tu doctor chu a rawn chhuak a, ka pa an chhan theih thu min hrilh a ka lawm zia kha ka bianga mittui te chu ka hru a ka pa hmu tur chuan ka lut nghal, mithi ang maiin khumah chuan mu in oxygen a vuah bawk a, a kut chu ka vuan a, a lo vawt thlur a..


" pa khawngaih in min kalsan suh aw, nang chuah hi ka chhungkaw neihchhun i ni tih i hriat kha, pa khawngaih tak in tuar hram hram rawh aw "



NI 2, 3 4 5 kar 1 thleng a liam hnu pawh chuan a mit a rawn la meng eih lo ka hlauthawng in mut pawh ka mu hil tha ngam lo, ka mut chhung in ka pa chungah thil tha lo a thlen ka hlau takzet, mahse doctor ten tha 2_3 thleng pawn tiang in an awm theih tih min hrilh lawk avang chuan ngaih ka ti tha lui hram hram a, bakah ka bulah Carter a awm ve reng bawk avang chuan ka thla chu a muang ve deuh bawk..




In ah inthlak tur in ka haw a, ka kal leh tur chu Vidia chuan min lo dang, he nu hi ka rap takzet ani a bul hnaia awm loh hi ka tan a him ber..




" enge i la duh cheu, min kalh khum leh dawn em ni ? "

" I pa hi chhan i duh chuan ka thusawi anga i awm a ngai ang "

" hhh maw !! "

" hei hi i hria em kei hian i pa lakah hian thuneihna ka neih len zia. kei hian ka beidawng tih sawi ila, a oxygen saw an phawi nghal thei tih i hria em ? "

" mi tenawm nu, ka pa khan a khawngaih vang che u in a la lut che u a, engtin nge tiang hian in ti theih ? "

"ni e i ti dik alawm mahse ani khan chhiahhlawh ang bak in min en lo i hria em, chuvang chuan ani ka ngaihtuah na chhan tur ka hre lo "



chhiahhlawh!!, he in ah an chen nawmsak zia hi an hre lo nge an hrelo der zawk mi duham lutuk..



" chuvang chuan Hayana pawr vak suh, he inhmun hi chan i duh loh a, i pa ka enkawl i duh bawk chuan ka thu ang in i awm a ngai "

" ngawi hmak rawh "

" tinge i thianpa Carter kha i pa enkawl na i dil dawn mi, i hria ani lawm ni an chhungkaw khawsak tlem in an kang ve tan a, an leiba te an rul ve chuah a, pui tur che in i ngen dawn em ni ? nge i pute uikawm zet engtik lai maha ngaihna ngai lo che "




Engtin nge mihring hi tiang em ema an nunrawn theih, ka pa enkawl na tur maw ka nei ve alawm mashse inhmun khulh chhuah na tur em em chu ka nei lo, Carter ka tibuai thei lo bawk chuan he nu hian ka pa chungah enge a tihdawn ka hre lo bawk ka pa tan a duh ang chu ka tih a ngai ani..




" Enge i duh " ka ti bul hmuk a..

" nula fing tak i ni tih hi ka hria alawm Hayana " hlim hmel tak chuan a ti then sawng a

to be continue...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 2nd, 2021, 2:52 pm

SALVADOR

CHAPTER 3


HAYANA MARTIN



Cafe changkang tak ah hian min thut pui a , a thusawi apiang aw e vek tur in min hrilh nawn mawlh mawlh a . Eng nge a tih tum lah min hrilh a tum der bawk si lo kan nghak rei si ka ning hman takzet ani .




Ka pa kum rual tur awm vel a thawmhnaw leh hawiher a tang reng reng pawh a mi hausa tih hriat tak chu kan hmaah chuan a rawn thu a . Ka thin chu a rawn phu nghal dup dup a, an ni hian inzuar tura min tih an tum em ni tih thleng chuan ka ngaihtuah hman tawh . Tlanchhuah nghal chu ka duh mahse min vuan bet tlat, min vauna kha ka hlau ve deuh bawk nen ka kut te chu a khur der der a.



" Ani hi maw Hayana chu ?" tiin chu pa chuan tiin a nuih suk a .

" Aw hei a finfiah na pawh " tih pah in Vidia chuan chupa hmaah chuan thlalak ni awm tak hi a dah a, ka en chian chuan ultrasound thlalak ni mai hian ka hmu .

" Chuan hei hi ka fapa fa ngei ani tih finfiah na a awm em ?"chu pa bawk chuan a ti thum dut a.




Tlem chuan ka hrethiam tan in ka hria, hnehsawh em em mai in chu pa chu a vau leh ta vel a, " Kei hian he thil hi press mite hmah ka pho lan chuan in company chuan in hmingchhiat ve phah khawp ang . " thinrim tak chuan a ti piap piap a . Chu pa chu ka khawngaih letling tawh zawk bakah a tawng dan vel atang chuan a fanu duat tak te pawh ka ang ve lutuk alawm award pek tlak a ni..



Kan mi hmuh pa chuan thlalak chu a en vang vang a, a hmel chu chik tak chuan ka lo en reng bawk a engtin nge a chhan dawn hriat ka chak ngei mai.




" Nau a pai chhunga in enkawl na tur leh naute enkawl na tur pawisa tamtak min pe anih loh chuan ka tiam a che ka ti hmingchhe khawp ang che u "


" Ka fapa ka lo bia anga, kan inbe leh dawn nia . Tun atanga ni 3 hnuah ka rawn bia ang che u " a tih zawh chuan cafe chu a chhuah san nghal a.




Vidia chuan inti thei fe chuan min rawn melh a, " Awlsam lutuk mi hausa ho hi chuan hmingchhiat hi an hlau ber inhmun pakhat man lek te chu an nepnawi leina bak ani lo "

" Engtin nge tiang khan awlsam takin dawt i sawi theih ?"



Kha hotela room atanga ka chhuah lai thlalak chu min hmuh a, " He thil hian engkim a sawifiah alawm " a la ti ham ham zui anih chu..




Chu thlalak ka hmuh rual pawh chuan ka la zak chem chem thei ani . Hetiang em em a hmeichhe lepchiah chu ka ni lo asin le, eng tik atang khan nge ka nun hi a kal dik loh tak em em mai ni..




Mahse ka rin dan anga min tih tir lo chu ka lawm letling zawk hial a ni . Lo ni ta se ka hnial ngam dawn si lo ka nun hi a chhe vek ani dawn si a . Tun a thil thleng pawh hi.... mahse enge a nep na chuang hmeichhe nep leh sum duh vanga mipa thlem thlu thin ang lek alawm ka nih..



AIDAN YOUNG



Office ah thu a hna ka thawh lai chuan sawm loh mikhual a rawn lut leh ta eng thil tak rawn sawi leh ang maw. Sofa ah chuan a thu a min melh nelawm loh ngei mai. Dawhkan ah chuan thlalak pahnih 3 vel hi a theh thla a ka pan hnai a thlalak chu ka en nghal a..



Ka awmna Hotel room atanga hmeichhe pakhat chhuak lai thlalak a lo ni a, "Chuan ... hei hi enge ? " ka ti hu a .

" I hmeichhe awmpui pakhat anih kha . Tunge i hria em ? "

" Hmeichhia an tam lutuk , engtin nge ka hriat vek sen anga ?" ngeiawm zet chuan ka ti let ve sak a..



Ka pa chuan thlalak dum vek chu a rawn theh thla leh a, ka en a naute ultra sound thlalak hi a lo ni a..

" Ihmeichhe tamtak hmuh in a rahchhuah anih kha . I lawm em ? Pawisa an mamawh anih chu " a ti bul hmuk a



Mahse chunu hmel chu ka en chiang a, ka nu birthday tuk zinga ka room a lo awm ve ringawt kha ani tih ka hre nghal, a chhan chu pawisa a la lo kha mak ka ti reng a . Hetiang a lo ruahman vang a lo nih dawn hi . Tenawm lutuk chuan a .



" Ka fa ngei ani tih finfiah na engmah a awm lo. "

" I fa ani lo tih finfiah na a awm bawk hek lo. "




Aaaa... min ti aa dawn .Eng tin nge engmah kha zan a thil thleng kha ka hriat loh theih ? chutiang a nasa in ka rui chhe ngai si lo . Engvang in nge kha nu kha ka hruai luh lai ka hriat loh ? Eng tin nge ka room ah khan a lo awm theih ? Ka ngaihtuah na lamah ka thin a rim vek thei..


" Chunu chu ka hmu duh, a no min pe rawh ." ka ti nghal a .

" Enge i sawi ang ? I fa ani lo tih finfiah na a nei lo tih maw ?"

" Min pe mai rawh ."



Chunu hmu tur chuan ka kal ta a , min hmu tura a rawn kal ngam te chu mak ka ti zawk . Tiang em em hian hmeichhia hi an lo nasa ang tih hi ka ring ngai lo . Ni e , he hmel hi vawikhat chiah hmu mah ila ka hrechiang lutuk tlat .



Eng khaw sawi set set lo chuan " Kha mi zan khan kan inkar ah enge thleng engmah finfiah na a awm lo ." ka ti nghal tawp a .

" Maw ! tiang hi i nih karing reng a " min la ti zui anih chu .

" Ka room ah khan engtin nge i rawn awm theih ? He thil hi pawisa i duh vanga ti i ni ti raw ? Nang ang hmeichhia hi maw ka hre hnem lutuk ."

" Nang nen hian enngmah sawi dun tur kan nei lo ."

" Kei nei lo maw ?? Eng vang in nge kan neih loh ang ? Tuna kan buai chhan hi i fa pai lai kha ka fa ni a i puh vang a ni a .Chu chu i theihnghilh niin a lang "

"Kan chhung te kut ah dah ang ." tih pah chuan a tho thut a , a kal ta nal nal a .



A chet dan chuan min thawng zawk hle mai , ka um zui nghal a, a dar ah chuan ka kuai her sawk a..


" Engtin nge i kal ngam zawk ? Pawisa i duh maw ? Eng zah nge i duh ? Dollar 10000 maw ? Nge a aia tam ? 100000 em ni ? A tha alawm . Ka pe ang che . I duh zat zat i la thei ang . Mahse hetiang chhuanlam thing leh awihawm loh zet hmang hian midang bum tawh lo hram tur in ka ngen a che " ka ti ve ngat a, ka wallet a pawisa awm zawng zawng chu ka la chhuak a, a kut ah chuan ka p-e a. " A dang pawh i la duh belh chuan lungngai suh natuk ah in inah ka rawn dah tir ang " ka ti leh a, ka kal san ta zawk a..



Hmeichhe tenawm lutuk ! Kei hi min bum anga maw ?? Teuh lo ! A pawisa duh zat zat chu la se , ka nun atang hian kal bo nghal rawh se..




HAYANA MARTIN




A pawisa min pek chu ka hum ngawt ngawt a, ka mittui a rawn luang nghal zung zung a. Ka tha te chu a khur vek thei ani . Tiang em em a nasa a ka zah kha ka la hre ngai lo . Kei hi hmeichhe tenawm leh lepchiah tak melh in min melh a, chu pawh ka thil tih ni miah lo ah . Muangchang chuan ka hma lam pan chuan ka kal mawp mawp a..




Ka pa khum bul ah chuan ka thu a, ka hlauthawng in rawn harh tawh se ka ti takzet a ni . A muhil lai chu ka en ngawih ngawih a, a nun pum in ka tan hah tak in a thawk reng a , chawlh hahdamna hun pawh a nei ngai lo . Ram hla tak tak ah bungrua chi hrang hrang a hralh kual a, ani hah taka a thawh laiin kei chu riltam in vawikhat pawh min dah ngai lo. Hahdam taka awm na hun a nei a mahse hahchawlh chu a thlang ngai lo .



Thawm dim tak in Carter chu a rawn lut a ka thil tawn leh ka rilru tawt lutuk chu a bul ah engkim hrilh vek a tah vak vak mai chu ka chak a . Mahse ka ngam bawk si lo, a nu dam that loh lutuk vang in an chhungkua an buai ve mek ani bawk si , tiang thil lehzel ah ka ti buai anih chuan a phur a rit dawn lutuk ani.




Carter hmaah chuan pangngai taka awm hram hram chu ka tum a, a chhan chu a fing lutuk a ni . He pa hian thil dik lo awm tih a hriat chuan min zawt anga hriat phet a tum leh char char dawn tho . A bulah thuruk neih duh chuan fimkhur a ngai lutuk..




Vidia chuan inah haw tura min tih avang chuan ka haw a, ka inbual zo chu ka hahdam sawng sawng inka hria . Vidia chu ka room ah chuan a rawn lut a..



" Enge i duh ? "

" I inpeih anih chuan Creative M company ah tun ah kan kal ang "

" Eng thil nge kan tih leh dawn a, ka rawn bia ang che u atih kha "

" Min rawn biak vang alawm i kal a ngaih "

" Maw! keimah in maw ?" ka ti ha a..




A bula awm chu chak lo viau mah ila keimah mai a pawisa dil tur in min tih loh hram ka beisei tak meuh a ni. Thil tul lo leh a tana pawi tur ka sawi a hlau lutuk chu keimah a min kal tir chu a hreh tih a hmel ah chiang tak in a lang vek mahse a sum hmuhna tur in a ti miau sia a hnial ngam lo a..




Company lian tak ani a, mihring hmuh tur pawh an tam in a zamawm duh khawp mai . Ka tha chu a khur der der a , motor park na ah car chhungah min lo nghak a.. Ka zam lutuk ka hlau bawk si dawt ka sawi thei a ngem ? Vidia ang khan ka hneh ve awm der si lo . Thawk la ham ham chuan elevator ah chuan ka chuang a. A offfice awmna pawh a sang khawp mai..


Ka hlau takzet ka tisual anga Vidia thinrim in ka pa chungah eng emaw a ti ang tih ngawt chu ka rilru ah a awm a . Ka in ngaihtuah rauh rauh chhung chuan a office chu ka lo thleng reng tawh. A Office pawn ah chuan Hmeichhe pakhat hi a lo thu a, engmah sawi ngai lo in min hmuh rual chuan office chhung ah lut tur in min ti nghal..



Ka sam chu ka khawih neuh neuh a, sofa ah chuan ka thu a, mi pakhat chauh office ve si a lian in a zau takzet ani . Chu pa chu ka hmaa rawn thut pah chuan min en vung vung a, ka zam lutuk chu ka chil ka lem leh khawlh ringawt thin.



" Awle i zam takzet tih ka hmu e, sawi kual duah lo in kan in hmuh chhan tak ah i lut vat ang hmiang ." a rawn ti a , ka zak lutuk chu a hmel pawh chu ka en ngam lo hnuai lam ka melh ran ringawt..




Amah bawk chuan " I hming Hayana tiraw kha ? " a ti a .

" Aw ni e " rang tak chuan ka ti nghal..




Dawhkan ah chuan plastic bag te chhe vak lo chu a dah ri chawrh, ka en nghal haw a . Bag chu ban in ka keu a pawisa in a lo khat vek a . He tiang em em a pawisa tam tham a taka ka hmuh ka la hre ngai lo, ka phu zawk hial in ka hria..




" Kha khan naute i neih hma a i in enkawl na chu a daih ang . I la mamawh belh anih chuan he no. ah hian i rawn call dawn ania " tih pah chuan a buiseness card chu min pe a.

" mahse ..."

" In vau tih vel kha i ti lo hram ila, nangmah ngei hmuh che ka duh chhan chu naute hi infiam nan leh sum hmuh mai mai nan a hman chi ani lo tih hi hrilh che ka duh vang ani " fiah fel fai tak chuan a ti a . "chuan _ thil pakhat he naute hi a piang anih chuan kan chhungkaw hnen ah min pe ang . Chu chu i tiam thei em?"

" Maw ? naute i duh amaw ? "

" Aw ka thisen kai hi nang ang nu hnen ah a seilen ka rem tih i ring reng reng em ni ? " a rawn ti leh khalh




Ka thin chu a rawn phu nghal dup dup a , chhan let mai ngaihna pawh ka hre tawh lo . Enge ka sawi dawn ?Engtin nge ka awm dawn ? Ka thluak hi a ti buai vek tawh . Din a tlan chhuah daih mai chu ka nap.. Kei hi hmeichhe nep tak mahni fa pawh enkawl tlak lo angah min ngai anih chu.. hahh ni e tiang mi chu alawm ka nih..



Chu pa chuan a bul a phone chu hmet zauh in , min hruai chhuak tur in secretary chu ko in a ni chu a rawn lut nghal a . Bag min pek chu khai in a secretary chu ka zui mawl ve tawp a . Office ka chhuak chiah tih ah chuan ka thil tih hi a dik thei thlawt in ka hre lo tianga ti lo hian min pui tur in dil zawk ila tih te chu ka ngaihtuah rum rum, mahse kei ang hmeichhia hi tuin nge min pui duh ang..




A bag min pek chu ka hmer ngawt ngawt a ka tah te chu a chhuak rum rum hial a . Engmah ngaihtuah nei lo a tah chhuah hawm hawm mai chu ka chak takzet.. Ka hawi chhuak a, ka hmaah chuan pa pakhat upa tawh lam ka pa te pa rual awm vel chu a lo ding kur a engmah sawi lo chuan min nuih vur vur a..




" Puih theih na che ka nei em ? " Ka bag khai ka hnung dah pah chuan ka ti a..



" Hayana maw i nih a ? " nui vur vur chuan a ti leh a

" Aw ni e " zam ru tak chuan ka ti ve leh a .

" Kei chu Aidan_a pu ka nia, ka insawi nghal loh avang in pawi ka ti khawp mai " a ti a .
Amah bawk chuan " Kan inbe lawk dawn em ni ? " a ti leh a



Aw pawh ti tawh chuang lo chuan lu bu nghat in ka zui tawp a. Nichina ka luhna aia zau zawk office ah chuan kan lut a, a thu ber anih dawn hi ka ti rilru a sofa ah chuan thuin coffee in tur te min rawn chhawp thlap a, a ruk chuan thawk ka la leh hawlh thin a, ka zam in ka na vek tawh.



" Hayana , kan sawi pawp mai anga, ka ring che ani. Nang hi i in sawi ang hi i ni lo tih ka hria "



Ka rin loh lutuk tawngkam ka dawng chuan min barakhaih lutuk a, han chhan mai dan pawh ka thiam lo ka coffee no chu ka lo melh vang vang a..

" Inthahrung lo in i harsat na chu min hrilh rawh . Puih theih na che ka nei anih phawt chuan puih che ka hreh miah lo ania " a ti leh a.



Kei hi an ngaih ang kha ka ni tih chu sawi mai ka tum a, mahse ka pu rual ani a . Kei hian dawt ka hrilh thei thlawt lo ,hetiang anga dawt lian tham lutuk hi .


" Kei ang hmeichhia min tawng hi pawi ka ti tak zet ani . Eng tin nge i tupa room ah khan ka awm theih ka hre lo a , kan inkar ah thil thleng engmah a awmlo bawk . "

" Enge i sawi awmzia ?"

" Ka pu,mi tha tak i nih ngei ka ring chuvang chuan i lak ah dawt ka sawi thei lo ani . Ka pa hi tunah hian harh in min hmu se kei hi min ngaihdam ka ring lo. Ka nu in in bula a thu sawi zawng zawng kha dawt vek a ni, kei hi ka rai lo a , rai tur pawn i fapa emaw mipa dang fa pawh ka pai lo, bak a kei hian mipa pakhat pawh ka la mutpui lo "




Ka sawi zawng chuan ka mittui a rawn luang lum hem hem a, min awi emaw awi lo emaw min ngaihdan ka ngai pawimawh tawh lo . Ka duhamna avanga mi chhungkua tih chhiat ka duh lo.. A bulah chuan ka thil tawn leh thudik engkim chu ka hrilh ta vek a . Harsatna lian tak in min nghak tih hre mah ila ka thawl huai in ka hria..




Engmah sawi lo chuan min en reng ringawt, thil tam tak a ngaihtuah a ni ngei ang . Hetiang hian ka hmelhriat tha pawh ni lo vawi khat lek ka hmuh bulah hian ka thil tawn engkim ka hrilh vek hi tuin nge awi ang kei ngei pawh hian ka awi lo..




Ka rilru nat na deuh tur a sawi ka hlauh lutuk chu " Pawisa hi ka mamawh lo, chuan fapa nena min ngaih ang a hmeichhe nep leh lepchiah kha chu ka ni lo tih tal hi min hriatsak ula ka ti takzet a ni " ka ti a, hmanhmawh tawk chuan ka tlan chhuak nghal..




Elevator in hawn hun chu nghak in ka thil tih chu ka ngaihtuah let a, buaina na men lo in min hmuak tih hre kur chung chuan nuih a van har ber kher em . Tah tur nge nuih tur pawh ka hre tawh nek lo. Ka pa chungah tiang em em a rapthlak chu a tih duh bik ka rin vak lo vang te pawh ani ang..




Elevator ah chuan ka lut a, a in khar tep tih chuan mi pakhat a rawn tlan lut zawk hman, a hmel ka hmuh chuan uiii kha pa ber kher ! He khawvel a ka mi hmuh chak loh ber te zinga mi ani asin, min hriat ka hlau lutuk chu hnuai lam ka bih run ringawt..




Ngawi reng in kan awm char char a, min hre tawh dawn lo emaw ka tih lai chuan.. "Pawisa i hmu a min hrelo der nghal ringawt dawn em ni " ti chuan rum zet in hnai takah chuan min rawn melh run a..

" Min hlat rawh " a hriat phak tawk lek chuan ka ti sap a

" Huh , tinge i zam deuh em ni ? Mahse nang ang hmeichhia tiang vang mai mai i zam chu ka ring chiah lo . Nge ni keimah anga bum tur midang i lo ngaihtuah mek em ni ? "





Min rawn hnaih tawh em avang chuan ka nam sawn vat a, " Min rawn hnaih tawh suh " ka ti leh a.




Ngeiawm zeta min nuih pah chuan min rawn hnaih leh in ka khabe chu vuan in min kuai dak awr a.. " Hmeichhe pangai tak anga awm kha bansan rawh. Kha zana thil thleng kha engmah hriat ka nei tawh lo . Eng ah nge ka hriat chhuah leh nan kan tih that leh loh ang " nui sawng chuan a rawn ti leh hram..




" Min thlah rawh . I pu bulah engkim ka sawi vek tawh, nang nen hian engmah in kungkaih na kan nei tawh lo "

" maw !? "

" Ka sawi nawn tawh dawn lo i hriat duh chuan i pu va zawt mai rawh " tiin ka nam sawn leh dawr a..




Thudik ka sawi tawh tianga hmusit taka min tawng khum mai mai tur in dik na a nei tawh lo . Elevator chu a rawn in hawng a kan hmaah Aidan Young pa leh a pu chu an lo ding dun reng a..




Elevator atanga kan chhuah rual chuan Aidan young chuan " Henu thusawi awmzia hi enge kei nen inlai chinna a nei tawh lo a ti a thudik a ni em ? " a ti vat a




An thusawi hrelo leh an mahni ngaihven lo ang hmak a kal tlang ka tum chu, a pu chhana chuan min ti tawp chiang kher mai..




" Kei hian engkim ka finfiah vek tawh, Aidan, Hayana hian i fa ngei a pai a ni chuvang chuan a mawhphurh na chu nang hian i la tur a ni "




A pu thu sawi vang chuan ka hawi let nghal, keimah ang bawk in a tupa pawh chuan mak a ti takzet anih hmel . Eng thu lawilo hi nge a sawi ? Chiang tak in kei hian engkim ka hrilh vek sia a . A beng a ngawng nge min ngaithla lo ve hrim hrim zawk...


to be continue...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 2nd, 2021, 2:52 pm

SALVADOR

CHAPTER 3


HAYANA MARTIN



Cafe changkang tak ah hian min thut pui a , a thusawi apiang aw e vek tur in min hrilh nawn mawlh mawlh a . Eng nge a tih tum lah min hrilh a tum der bawk si lo kan nghak rei si ka ning hman takzet ani .




Ka pa kum rual tur awm vel a thawmhnaw leh hawiher a tang reng reng pawh a mi hausa tih hriat tak chu kan hmaah chuan a rawn thu a . Ka thin chu a rawn phu nghal dup dup a, an ni hian inzuar tura min tih an tum em ni tih thleng chuan ka ngaihtuah hman tawh . Tlanchhuah nghal chu ka duh mahse min vuan bet tlat, min vauna kha ka hlau ve deuh bawk nen ka kut te chu a khur der der a.



" Ani hi maw Hayana chu ?" tiin chu pa chuan tiin a nuih suk a .

" Aw hei a finfiah na pawh " tih pah in Vidia chuan chupa hmaah chuan thlalak ni awm tak hi a dah a, ka en chian chuan ultrasound thlalak ni mai hian ka hmu .

" Chuan hei hi ka fapa fa ngei ani tih finfiah na a awm em ?"chu pa bawk chuan a ti thum dut a.




Tlem chuan ka hrethiam tan in ka hria, hnehsawh em em mai in chu pa chu a vau leh ta vel a, " Kei hian he thil hi press mite hmah ka pho lan chuan in company chuan in hmingchhiat ve phah khawp ang . " thinrim tak chuan a ti piap piap a . Chu pa chu ka khawngaih letling tawh zawk bakah a tawng dan vel atang chuan a fanu duat tak te pawh ka ang ve lutuk alawm award pek tlak a ni..



Kan mi hmuh pa chuan thlalak chu a en vang vang a, a hmel chu chik tak chuan ka lo en reng bawk a engtin nge a chhan dawn hriat ka chak ngei mai.




" Nau a pai chhunga in enkawl na tur leh naute enkawl na tur pawisa tamtak min pe anih loh chuan ka tiam a che ka ti hmingchhe khawp ang che u "


" Ka fapa ka lo bia anga, kan inbe leh dawn nia . Tun atanga ni 3 hnuah ka rawn bia ang che u " a tih zawh chuan cafe chu a chhuah san nghal a.




Vidia chuan inti thei fe chuan min rawn melh a, " Awlsam lutuk mi hausa ho hi chuan hmingchhiat hi an hlau ber inhmun pakhat man lek te chu an nepnawi leina bak ani lo "

" Engtin nge tiang khan awlsam takin dawt i sawi theih ?"



Kha hotela room atanga ka chhuah lai thlalak chu min hmuh a, " He thil hian engkim a sawifiah alawm " a la ti ham ham zui anih chu..




Chu thlalak ka hmuh rual pawh chuan ka la zak chem chem thei ani . Hetiang em em a hmeichhe lepchiah chu ka ni lo asin le, eng tik atang khan nge ka nun hi a kal dik loh tak em em mai ni..




Mahse ka rin dan anga min tih tir lo chu ka lawm letling zawk hial a ni . Lo ni ta se ka hnial ngam dawn si lo ka nun hi a chhe vek ani dawn si a . Tun a thil thleng pawh hi.... mahse enge a nep na chuang hmeichhe nep leh sum duh vanga mipa thlem thlu thin ang lek alawm ka nih..



AIDAN YOUNG



Office ah thu a hna ka thawh lai chuan sawm loh mikhual a rawn lut leh ta eng thil tak rawn sawi leh ang maw. Sofa ah chuan a thu a min melh nelawm loh ngei mai. Dawhkan ah chuan thlalak pahnih 3 vel hi a theh thla a ka pan hnai a thlalak chu ka en nghal a..



Ka awmna Hotel room atanga hmeichhe pakhat chhuak lai thlalak a lo ni a, "Chuan ... hei hi enge ? " ka ti hu a .

" I hmeichhe awmpui pakhat anih kha . Tunge i hria em ? "

" Hmeichhia an tam lutuk , engtin nge ka hriat vek sen anga ?" ngeiawm zet chuan ka ti let ve sak a..



Ka pa chuan thlalak dum vek chu a rawn theh thla leh a, ka en a naute ultra sound thlalak hi a lo ni a..

" Ihmeichhe tamtak hmuh in a rahchhuah anih kha . I lawm em ? Pawisa an mamawh anih chu " a ti bul hmuk a



Mahse chunu hmel chu ka en chiang a, ka nu birthday tuk zinga ka room a lo awm ve ringawt kha ani tih ka hre nghal, a chhan chu pawisa a la lo kha mak ka ti reng a . Hetiang a lo ruahman vang a lo nih dawn hi . Tenawm lutuk chuan a .



" Ka fa ngei ani tih finfiah na engmah a awm lo. "

" I fa ani lo tih finfiah na a awm bawk hek lo. "




Aaaa... min ti aa dawn .Eng tin nge engmah kha zan a thil thleng kha ka hriat loh theih ? chutiang a nasa in ka rui chhe ngai si lo . Engvang in nge kha nu kha ka hruai luh lai ka hriat loh ? Eng tin nge ka room ah khan a lo awm theih ? Ka ngaihtuah na lamah ka thin a rim vek thei..


" Chunu chu ka hmu duh, a no min pe rawh ." ka ti nghal a .

" Enge i sawi ang ? I fa ani lo tih finfiah na a nei lo tih maw ?"

" Min pe mai rawh ."



Chunu hmu tur chuan ka kal ta a , min hmu tura a rawn kal ngam te chu mak ka ti zawk . Tiang em em hian hmeichhia hi an lo nasa ang tih hi ka ring ngai lo . Ni e , he hmel hi vawikhat chiah hmu mah ila ka hrechiang lutuk tlat .



Eng khaw sawi set set lo chuan " Kha mi zan khan kan inkar ah enge thleng engmah finfiah na a awm lo ." ka ti nghal tawp a .

" Maw ! tiang hi i nih karing reng a " min la ti zui anih chu .

" Ka room ah khan engtin nge i rawn awm theih ? He thil hi pawisa i duh vanga ti i ni ti raw ? Nang ang hmeichhia hi maw ka hre hnem lutuk ."

" Nang nen hian enngmah sawi dun tur kan nei lo ."

" Kei nei lo maw ?? Eng vang in nge kan neih loh ang ? Tuna kan buai chhan hi i fa pai lai kha ka fa ni a i puh vang a ni a .Chu chu i theihnghilh niin a lang "

"Kan chhung te kut ah dah ang ." tih pah chuan a tho thut a , a kal ta nal nal a .



A chet dan chuan min thawng zawk hle mai , ka um zui nghal a, a dar ah chuan ka kuai her sawk a..


" Engtin nge i kal ngam zawk ? Pawisa i duh maw ? Eng zah nge i duh ? Dollar 10000 maw ? Nge a aia tam ? 100000 em ni ? A tha alawm . Ka pe ang che . I duh zat zat i la thei ang . Mahse hetiang chhuanlam thing leh awihawm loh zet hmang hian midang bum tawh lo hram tur in ka ngen a che " ka ti ve ngat a, ka wallet a pawisa awm zawng zawng chu ka la chhuak a, a kut ah chuan ka p-e a. " A dang pawh i la duh belh chuan lungngai suh natuk ah in inah ka rawn dah tir ang " ka ti leh a, ka kal san ta zawk a..



Hmeichhe tenawm lutuk ! Kei hi min bum anga maw ?? Teuh lo ! A pawisa duh zat zat chu la se , ka nun atang hian kal bo nghal rawh se..




HAYANA MARTIN




A pawisa min pek chu ka hum ngawt ngawt a, ka mittui a rawn luang nghal zung zung a. Ka tha te chu a khur vek thei ani . Tiang em em a nasa a ka zah kha ka la hre ngai lo . Kei hi hmeichhe tenawm leh lepchiah tak melh in min melh a, chu pawh ka thil tih ni miah lo ah . Muangchang chuan ka hma lam pan chuan ka kal mawp mawp a..




Ka pa khum bul ah chuan ka thu a, ka hlauthawng in rawn harh tawh se ka ti takzet a ni . A muhil lai chu ka en ngawih ngawih a, a nun pum in ka tan hah tak in a thawk reng a , chawlh hahdamna hun pawh a nei ngai lo . Ram hla tak tak ah bungrua chi hrang hrang a hralh kual a, ani hah taka a thawh laiin kei chu riltam in vawikhat pawh min dah ngai lo. Hahdam taka awm na hun a nei a mahse hahchawlh chu a thlang ngai lo .



Thawm dim tak in Carter chu a rawn lut a ka thil tawn leh ka rilru tawt lutuk chu a bul ah engkim hrilh vek a tah vak vak mai chu ka chak a . Mahse ka ngam bawk si lo, a nu dam that loh lutuk vang in an chhungkua an buai ve mek ani bawk si , tiang thil lehzel ah ka ti buai anih chuan a phur a rit dawn lutuk ani.




Carter hmaah chuan pangngai taka awm hram hram chu ka tum a, a chhan chu a fing lutuk a ni . He pa hian thil dik lo awm tih a hriat chuan min zawt anga hriat phet a tum leh char char dawn tho . A bulah thuruk neih duh chuan fimkhur a ngai lutuk..




Vidia chuan inah haw tura min tih avang chuan ka haw a, ka inbual zo chu ka hahdam sawng sawng inka hria . Vidia chu ka room ah chuan a rawn lut a..



" Enge i duh ? "

" I inpeih anih chuan Creative M company ah tun ah kan kal ang "

" Eng thil nge kan tih leh dawn a, ka rawn bia ang che u atih kha "

" Min rawn biak vang alawm i kal a ngaih "

" Maw! keimah in maw ?" ka ti ha a..




A bula awm chu chak lo viau mah ila keimah mai a pawisa dil tur in min tih loh hram ka beisei tak meuh a ni. Thil tul lo leh a tana pawi tur ka sawi a hlau lutuk chu keimah a min kal tir chu a hreh tih a hmel ah chiang tak in a lang vek mahse a sum hmuhna tur in a ti miau sia a hnial ngam lo a..




Company lian tak ani a, mihring hmuh tur pawh an tam in a zamawm duh khawp mai . Ka tha chu a khur der der a , motor park na ah car chhungah min lo nghak a.. Ka zam lutuk ka hlau bawk si dawt ka sawi thei a ngem ? Vidia ang khan ka hneh ve awm der si lo . Thawk la ham ham chuan elevator ah chuan ka chuang a. A offfice awmna pawh a sang khawp mai..


Ka hlau takzet ka tisual anga Vidia thinrim in ka pa chungah eng emaw a ti ang tih ngawt chu ka rilru ah a awm a . Ka in ngaihtuah rauh rauh chhung chuan a office chu ka lo thleng reng tawh. A Office pawn ah chuan Hmeichhe pakhat hi a lo thu a, engmah sawi ngai lo in min hmuh rual chuan office chhung ah lut tur in min ti nghal..



Ka sam chu ka khawih neuh neuh a, sofa ah chuan ka thu a, mi pakhat chauh office ve si a lian in a zau takzet ani . Chu pa chu ka hmaa rawn thut pah chuan min en vung vung a, ka zam lutuk chu ka chil ka lem leh khawlh ringawt thin.



" Awle i zam takzet tih ka hmu e, sawi kual duah lo in kan in hmuh chhan tak ah i lut vat ang hmiang ." a rawn ti a , ka zak lutuk chu a hmel pawh chu ka en ngam lo hnuai lam ka melh ran ringawt..




Amah bawk chuan " I hming Hayana tiraw kha ? " a ti a .

" Aw ni e " rang tak chuan ka ti nghal..




Dawhkan ah chuan plastic bag te chhe vak lo chu a dah ri chawrh, ka en nghal haw a . Bag chu ban in ka keu a pawisa in a lo khat vek a . He tiang em em a pawisa tam tham a taka ka hmuh ka la hre ngai lo, ka phu zawk hial in ka hria..




" Kha khan naute i neih hma a i in enkawl na chu a daih ang . I la mamawh belh anih chuan he no. ah hian i rawn call dawn ania " tih pah chuan a buiseness card chu min pe a.

" mahse ..."

" In vau tih vel kha i ti lo hram ila, nangmah ngei hmuh che ka duh chhan chu naute hi infiam nan leh sum hmuh mai mai nan a hman chi ani lo tih hi hrilh che ka duh vang ani " fiah fel fai tak chuan a ti a . "chuan _ thil pakhat he naute hi a piang anih chuan kan chhungkaw hnen ah min pe ang . Chu chu i tiam thei em?"

" Maw ? naute i duh amaw ? "

" Aw ka thisen kai hi nang ang nu hnen ah a seilen ka rem tih i ring reng reng em ni ? " a rawn ti leh khalh




Ka thin chu a rawn phu nghal dup dup a , chhan let mai ngaihna pawh ka hre tawh lo . Enge ka sawi dawn ?Engtin nge ka awm dawn ? Ka thluak hi a ti buai vek tawh . Din a tlan chhuah daih mai chu ka nap.. Kei hi hmeichhe nep tak mahni fa pawh enkawl tlak lo angah min ngai anih chu.. hahh ni e tiang mi chu alawm ka nih..



Chu pa chuan a bul a phone chu hmet zauh in , min hruai chhuak tur in secretary chu ko in a ni chu a rawn lut nghal a . Bag min pek chu khai in a secretary chu ka zui mawl ve tawp a . Office ka chhuak chiah tih ah chuan ka thil tih hi a dik thei thlawt in ka hre lo tianga ti lo hian min pui tur in dil zawk ila tih te chu ka ngaihtuah rum rum, mahse kei ang hmeichhia hi tuin nge min pui duh ang..




A bag min pek chu ka hmer ngawt ngawt a ka tah te chu a chhuak rum rum hial a . Engmah ngaihtuah nei lo a tah chhuah hawm hawm mai chu ka chak takzet.. Ka hawi chhuak a, ka hmaah chuan pa pakhat upa tawh lam ka pa te pa rual awm vel chu a lo ding kur a engmah sawi lo chuan min nuih vur vur a..




" Puih theih na che ka nei em ? " Ka bag khai ka hnung dah pah chuan ka ti a..



" Hayana maw i nih a ? " nui vur vur chuan a ti leh a

" Aw ni e " zam ru tak chuan ka ti ve leh a .

" Kei chu Aidan_a pu ka nia, ka insawi nghal loh avang in pawi ka ti khawp mai " a ti a .
Amah bawk chuan " Kan inbe lawk dawn em ni ? " a ti leh a



Aw pawh ti tawh chuang lo chuan lu bu nghat in ka zui tawp a. Nichina ka luhna aia zau zawk office ah chuan kan lut a, a thu ber anih dawn hi ka ti rilru a sofa ah chuan thuin coffee in tur te min rawn chhawp thlap a, a ruk chuan thawk ka la leh hawlh thin a, ka zam in ka na vek tawh.



" Hayana , kan sawi pawp mai anga, ka ring che ani. Nang hi i in sawi ang hi i ni lo tih ka hria "



Ka rin loh lutuk tawngkam ka dawng chuan min barakhaih lutuk a, han chhan mai dan pawh ka thiam lo ka coffee no chu ka lo melh vang vang a..

" Inthahrung lo in i harsat na chu min hrilh rawh . Puih theih na che ka nei anih phawt chuan puih che ka hreh miah lo ania " a ti leh a.



Kei hi an ngaih ang kha ka ni tih chu sawi mai ka tum a, mahse ka pu rual ani a . Kei hian dawt ka hrilh thei thlawt lo ,hetiang anga dawt lian tham lutuk hi .


" Kei ang hmeichhia min tawng hi pawi ka ti tak zet ani . Eng tin nge i tupa room ah khan ka awm theih ka hre lo a , kan inkar ah thil thleng engmah a awmlo bawk . "

" Enge i sawi awmzia ?"

" Ka pu,mi tha tak i nih ngei ka ring chuvang chuan i lak ah dawt ka sawi thei lo ani . Ka pa hi tunah hian harh in min hmu se kei hi min ngaihdam ka ring lo. Ka nu in in bula a thu sawi zawng zawng kha dawt vek a ni, kei hi ka rai lo a , rai tur pawn i fapa emaw mipa dang fa pawh ka pai lo, bak a kei hian mipa pakhat pawh ka la mutpui lo "




Ka sawi zawng chuan ka mittui a rawn luang lum hem hem a, min awi emaw awi lo emaw min ngaihdan ka ngai pawimawh tawh lo . Ka duhamna avanga mi chhungkua tih chhiat ka duh lo.. A bulah chuan ka thil tawn leh thudik engkim chu ka hrilh ta vek a . Harsatna lian tak in min nghak tih hre mah ila ka thawl huai in ka hria..




Engmah sawi lo chuan min en reng ringawt, thil tam tak a ngaihtuah a ni ngei ang . Hetiang hian ka hmelhriat tha pawh ni lo vawi khat lek ka hmuh bulah hian ka thil tawn engkim ka hrilh vek hi tuin nge awi ang kei ngei pawh hian ka awi lo..




Ka rilru nat na deuh tur a sawi ka hlauh lutuk chu " Pawisa hi ka mamawh lo, chuan fapa nena min ngaih ang a hmeichhe nep leh lepchiah kha chu ka ni lo tih tal hi min hriatsak ula ka ti takzet a ni " ka ti a, hmanhmawh tawk chuan ka tlan chhuak nghal..




Elevator in hawn hun chu nghak in ka thil tih chu ka ngaihtuah let a, buaina na men lo in min hmuak tih hre kur chung chuan nuih a van har ber kher em . Tah tur nge nuih tur pawh ka hre tawh nek lo. Ka pa chungah tiang em em a rapthlak chu a tih duh bik ka rin vak lo vang te pawh ani ang..




Elevator ah chuan ka lut a, a in khar tep tih chuan mi pakhat a rawn tlan lut zawk hman, a hmel ka hmuh chuan uiii kha pa ber kher ! He khawvel a ka mi hmuh chak loh ber te zinga mi ani asin, min hriat ka hlau lutuk chu hnuai lam ka bih run ringawt..




Ngawi reng in kan awm char char a, min hre tawh dawn lo emaw ka tih lai chuan.. "Pawisa i hmu a min hrelo der nghal ringawt dawn em ni " ti chuan rum zet in hnai takah chuan min rawn melh run a..

" Min hlat rawh " a hriat phak tawk lek chuan ka ti sap a

" Huh , tinge i zam deuh em ni ? Mahse nang ang hmeichhia tiang vang mai mai i zam chu ka ring chiah lo . Nge ni keimah anga bum tur midang i lo ngaihtuah mek em ni ? "





Min rawn hnaih tawh em avang chuan ka nam sawn vat a, " Min rawn hnaih tawh suh " ka ti leh a.




Ngeiawm zeta min nuih pah chuan min rawn hnaih leh in ka khabe chu vuan in min kuai dak awr a.. " Hmeichhe pangai tak anga awm kha bansan rawh. Kha zana thil thleng kha engmah hriat ka nei tawh lo . Eng ah nge ka hriat chhuah leh nan kan tih that leh loh ang " nui sawng chuan a rawn ti leh hram..




" Min thlah rawh . I pu bulah engkim ka sawi vek tawh, nang nen hian engmah in kungkaih na kan nei tawh lo "

" maw !? "

" Ka sawi nawn tawh dawn lo i hriat duh chuan i pu va zawt mai rawh " tiin ka nam sawn leh dawr a..




Thudik ka sawi tawh tianga hmusit taka min tawng khum mai mai tur in dik na a nei tawh lo . Elevator chu a rawn in hawng a kan hmaah Aidan Young pa leh a pu chu an lo ding dun reng a..




Elevator atanga kan chhuah rual chuan Aidan young chuan " Henu thusawi awmzia hi enge kei nen inlai chinna a nei tawh lo a ti a thudik a ni em ? " a ti vat a




An thusawi hrelo leh an mahni ngaihven lo ang hmak a kal tlang ka tum chu, a pu chhana chuan min ti tawp chiang kher mai..




" Kei hian engkim ka finfiah vek tawh, Aidan, Hayana hian i fa ngei a pai a ni chuvang chuan a mawhphurh na chu nang hian i la tur a ni "




A pu thu sawi vang chuan ka hawi let nghal, keimah ang bawk in a tupa pawh chuan mak a ti takzet anih hmel . Eng thu lawilo hi nge a sawi ? Chiang tak in kei hian engkim ka hrilh vek sia a . A beng a ngawng nge min ngaithla lo ve hrim hrim zawk...


to be continue...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 2nd, 2021, 2:53 pm

SALVADOR

CHAPTER 4


ALBERT YOUNG



A thusawi chu ngun tak a ka ngaithlak chuan a hmel ka han en a , a thutak in a thu sawi zawng zawng chu ka awih thlap a ni . A hmel ka en hi chuan hmeichhe pangngai tak hmel hi a pu a ni, a sawi duh a sawi zawh chuan a chhuak nghal a, pawisa pawh chu a la hek lo..



Ka thut ngai chuan ka la thu reng a , engtia tih zel chi nge ni ang tih chu ka ngaihtuah ; a sawi dan ang kha anihna diktak a nih chuan tuna a thu min hrilh vang khan buaina nasa tak a tawh ngei ka ring..




A chanchin sawi chu a dik nge dik lo finfiah tur in mi ka chhui tir ngal a, rei lo te ah a dik tih ka finfiah thei vek a tam zawk chu..




Ka rilru ka siam fel ta . Aidan leh Hayana Martin hi in nei sela, a lemchan hi chhunzawm bawk tur in ka duh ani . Aidan control nan ka hmang thei dawn tlat a , a chhungte nena an in tih thiam lohna te siamthat dan kawng a awm ka ring tlat a ni..




Hmanhmawh tak in a kal hman hlau chuan n ka um dawr dawr a. A tar a tar chuan ka tlan ve dawr dawr a..



Parking lot a thleng tawh ang chu tih nen, a rawn kal na floor bawk ah Aidan nen elevator ah ka hmu dun a, an hmel lan dan atang chuan an in hnial ve ngei anih dawn hi..




HAYANA MARTIN



A thusawi awmzia zawt fiah tur chuan kal ka tum na a chu a secretary chuan min lo dang . Ka thin a ti rim takzet ani . An pafa chuan an inhnial bap bap a eng eng nge an sawi pawh ka hre tawh nei nuai lo..


Aidan Young_a pu chu ka hmaah rawn ding chuan " In in thleng ka va thlah ang che chu " a rawn ti a . Kei pawh in biak ka duh avang chuan ka hnial lem lo ka zui ve tawp, a car chhung ah chuan kan lut a.




A car chu mi nazawng in an neih phak ani lo tih chiang reng reng a chhung pawh a pui in a ni deuh khup mai kan car neih ve nen chuan lei leh van ang vel a ni..




" I tupa hnena i thusawi kha i sawifiah chu atha in i hre lo maw, chiang tak in ka sawi vek tawh sia "

" Ni e , pawi ka ti khawp mai mahse nang leh kei hi kan in mamawh tawn niin a lang ."

" Enge i sawi awmzia ? " ka ti leh hu ah

" I lemchan hi i chhunzawm ang, chuan i pa enkawl na leh in inhmun engkim kei hian ka tum vek ang mahse chumi atan chuan nang hian ka tupa hi pasal ah i nei ang "




Ka hamhaih lutuk chu tawng chhuah mai ngaihna ka hre mai rih lo ka ngawi reng ringawt a . Engmah pawh ka ngaihtuah chuang lo, " Enge i ngaihdan? " a rawn tih chuan min ti harh zawk a..




Kan in min khulh sak anga, ka pa min enkawl sak bawk dawn tihna ania chuan Vidia te nufa lak atangin ka him dawn tihna anih chu . Engvang in nge ka pawm loh ang ? Mahse dawt bawk dawt bawk a ka nun hman ka ngai dawn tihna ani dawn a . Ka hriat chian pawh ni lo pasal ah ka nei dawn tihna ani bawk . Chu mai bakah hmeichhe lepchiah tak angin min la ngai reng dawn bawk a..




In ngaihtuahna hun min pe tura ngen ka tum deuh uk a . Mahse eng vang in nge ka pawm loh ang ? Ka tan hun tha lutuk ani, ka pa chungah enge emaw thleng se ka in ngaidam thei lo zawk ang.. Ring tak chuan a rawtna chu ka pawm thu ka hrilh nghal a lawm hmel khawp mai




Damdawiin kawt a ka chhuk chu a let ve mai dawn emaw ka tih lai chuan ka pa awmna room thleng chuan min rawn zui reng chu niin ka pa a hmuh hnu chuan engmah sawi lo chuan a let leh ringawt, biak pawh kan inbe chuang lo.





Hmanhmawh tawk in Vidia chu ka lam pan chuan a rawn tlan hlawk hlawk . Mr Young nena kan thusawi leh kan tum a hriat ve vek chhan tur ka hre lo . Ka pa ka enkawl thei tawh dawn a , Vidia emaw Melissa mamawh na chhan tur ka nei lo .Mr Young an engkim a buaipui zawh vek hun nghah a ni mai.




" Khawnge pawisaaaa ?" a rawn ti tuar a

" Min pe lo "

" Eng maw!! ?? A pe lo che amaw ? Engvang in ? Nga tinge i dil loh ..mawhh ?? Nang hian ka ruahmanna i ti chhe vek tih min hrilh tum hlek suh "

" Lungngai suh . Engkim a tha vek " tih pah chuan ka pa bulah chuan ka thu leh nghal a.




Tun ah chuan ani hi hlauh vak chhan tur ka nei tawh lo, an tih dan anga rei lo te chhung lem chan ve ani mai .




AIDAN YOUNG



Ka pu hmu tur in in lam pan chuan chak tak in ka tlan a ka thlen rual rual chuan chhuak in in chhung ah ka tlan lut ti tih nghal a . Room ka pan ding nghal chat a , ka nu in min lo biak pawh chu ka hre chang tawh lo.




" Vawina company a i thusawi kha sawi chiang rawh , ka pu . Eng thil nge tih i tum ? "

" Ka sawi ang chiah kha ani mai . Nang hian ani kha Nupuiah i nei ang ."

" Engvang in ?? Khatiang hmeichhia kha i ring em ni ? Bum hmang anih kha bum hmang Enga tinge i hriatthiam theih loh ? Mi zawng zawng hi i rin ang leh ngaih anga tha an ni vek lo ."

" I lawm lo em ni, Aidan ? Ti tura ka tih che engmah i hnial lo ang tih min tiam kha . Ka tupa hi miten mipa nep leh a mawh phurhna hlen chhuak zo lo anga an sawi ka duh hlei nem ."

" Ka pu ...khawngaih in ..."

" I pa duh loh dana awm i chak em kha . Chance ka pe che anih hi . Ka tupa , min ring la ka thusawi ang hian ti rawh . Engkim ka kut ah i dah vek thei ang ."




Ka pu hian eng thu lawilo nge a sawi hi ka hre lo , mahse chhan ngaihna ka hre chuang lo . Eng tin nge hnial dan pawh ka hre tawh lo a , eng vang in nge ani kher kher hian ti tura min tih ?


" Chuan ...Hayana in naute aneih hma chu hetah kan bulah in awm ang. "

" Enge i sawi awmzia ?"

" Aw ka tupa duhtak , i hriat ang kha ani e . He tah i in ah hian in rawn awm tur ani. "

" Puuuuu......! "

" Nupui nei tur in lo va in puah chhah rawh " nui vur vur in zawi te chuan a sawi a



Engmah sawi belh tawh lo chuan a room atang chuan ka chhuak a, pawn ah ding in thawk ka la ham ham a . Ka duh emaw lo hnial fithla thak pawh ni ila ka pu hian tihdan kawng dang a la hre dawn tho tih ka chiang ani . A rilru a siam fel tawh chuan sawh sawn ngaihna a awm lo tih hre chiang ber tu ka ni . Chuvang chuan a ngenna te hi engmah ka hnial theih chi rual a ni thin lo .



HAYANA MARTIN



Ka pa dinhmun in hma a sawn thei miah lo chuan ka thawk a ti hah in ka awm a ti nuam thei thlawt lo . Zan tin mang tha lo tak tak neiin ka harh leh zawk zel a, damdawin ah pawh kar 2 hlawm tawp kan awm tawh . Hun ka neih apiang ka pa bulah ka awm a zanah pawh in ah ka haw ngai lo a , damdawiin hi ka in ang ani ringawt rih. Carter awm lo phei se chuan a hreawm thei ngawt ang , ka pa dinhmun rawn tha lo leh thut thut thin nen.



Class kal lo ngai ve zel bawk nen hun hian min daih thlawt lo. Ka class nei zo chu pawnah Carter chuan min lo nghak reng a, a hmel hmuh hi a van nuam tak . He khawvel ah hian min ngaina ve tak tak tu an awm tih hi ka hre nawn awn awn zel.



" Coffee in lawk ang ." tiin coffee la tur chuan dawr ah min luh san a, Carter kal rual rual chuan ka hmaah Aidan Young chu a rawn in lan nghal a.



" Nang hetah enge i rawn tih? " mak ti zek chuan ka ti ha a.


Ngeiawm zet a nui then thaw chuan ka mit ah a rawn melh rawm rawm a, rang zet in ka hawi sawn nghal thuai a . Min ngaih dan tur leh ama tehna atang chuan hmeichhe lepchiah tak ka ni teh meuh mai, amaherawhchu mi tha tak ang maia dawhthei tak a awm mai mai chu har ve tak a ni.. Min hmusit in min ngaihnep zia a chet dan leh tawngkam engkim ah ti lang tu hi Pasal ah ka neih hmel chu ani si a..


" Ngaihzawng nei reng chung in, nang hian pasal ah min neih i tum tih na em ni ? Kha pa khan nang leh kei hi kan innei dawn tih a hria em ? " ngeiawm zet chuan a ti ban charh a.

" I ngaih ang kha ani lo. " tih chauh chu ka sawi

" Tinge keimah ang tho in i bum ve dawn em ni ? "

" Khawngaih in duhtawk rawh "

"Hahh tha alawm . Tinge nang hian ka fa pai anga insawi in kei hi min neih i tum tih hi a hriat i hlau em ni ? " a ti lawng lawng a



Kan hnung ah Carter chuan kan thusawi chu a lo ngaithla ve reng a, nge Carter ahmuh vang in tiang khan a tawng zawk ? Chimawm zet a min nuih pah chuan " Chinfel tur in nei niin a lang kei chu kan in thiar fihlim ange " tiin a kal leh nghal a..



Awm dan pawh ka thiam lo Carter chu ka en a, ka thaw leh hawk ringawt thin, ngawi reng chuan thinrim tih hriat zel chuan min melh kawr a..


" Carter " ka ti phawng a..

" Hayana a thusawi kha enge awmzia ? Pasal i nei dawn a maw ? Chuan nang hian a fa i pai bawk a ...chu chu enge awmzia ? "

" Carter pawi ka ti . Sawi tan dan pawh ka thiam lo. "

" I rai amaw ? " a ti nawn leh a..



Ka rilru a buai vek thudik ka hrilh dawn nge a bul ah pawh hian ka lemchan ka chhunzawm dawn ? Ka in ngaihtuah buai lai chuan.

" Awle a tha e, min chhang suh . Kei hi i tan hian ka pawimawh ve tak tak lo tih ka lo theihnghilh thin "



Min rawn hruai tura rawn kal si kha thinrim tak in ka kal tir ta zawk a. Ni e hei hi ka nun anih hi, thuthleng ah chuan ka thu a ka tap vak ringawt, mi veivak te chuan mak min ti tih pawh ka hria engah mah ka ngai thei tawh lo a chhuak tawp khawk tawh em a ni..



Mit bui luk chuan ka pa bul ah chuan ka thu a, ani lah hma a sawn thei bawk si lo kei lah ka lo heti zel bawk si dam chakna chhan hi ka van ngawih ngawih hian ka hria..



Mr Albert Young , Aidan Young pu chuan min lo call a, rang tak in ka chhang nghal vat, ka nu nen min hmuh duh thu a rawn sawi a, ka huphur ru angreng viau.. A chhan chu Vidia te nufa in ka thil tih tum hi an hriat chuan min chhuah an tum hauh lo ang..



A hmasaa pawisa min pek loh vang in Vidia chu a lungawi tawh lo hle a, Mr Young a hmuh chuan mak a tih hmel khawp mai.. A pu ni lovin a pa zawk lo beisei te pawh anih mahna..


Mr Young chuan ka nu bul ah kei leh a tupa in neih tir min duh tih te chu a hrilh a. Vidia Mak tih zia kha ...a ka a ang phuau phuau mai alawm. A awi lo bawk si a thinrim bawk si , a lo in sawi awk laklawh ve bawk nen a tawng hlei thei lo a ni ber..


A fanu a duat tak tihpalh thil thua mi fa a lo pai, a tupa fahrah mai tur ngaingam lo ang mai in a lo in tawng khalh ve tawh si chu kan inneih tur chu duh lo eng ang mahse a hnial thei bik lo.


Vidia kal hnu chuan Mr Young chuan damdawin thleng min thlah a, ka pa chu a en vung vung a, a hmaa a lo kal pawh khan tiang hian a awm tawh ka pa hi a hriat zawng a ni mawle ka ti rilru deuh a.


" Ka pu min hrethiam la ka pa hi i hriat zawng ani em ni? " ka ti ve rawk a..

" Tehreng mai, ka company ah hun rei tak a thawk thin alawm . Mi tha tak ani e . A taima in ka tan a tangkai thin teh asin.. mahse Aidan pa nen an in hmu thiam lo nge a bang ta daih kha ania "


A sawi dan atang chuan ka pa chu a hriat ve hmel viau, ka nu hnen atang tlem tlem ka lo hriat ve deuh avang chuan ka bo lutuk bik lo ngaihtuah chhuah na chang ka lo hre lo zawk ani..



Mr Young kal hnu chuan Carter chu ka lam pan chuan a rawn kal a, ka thaw huai mai Ni 2 vel min be duh tawh lo in sawifiah na hun pawh min pe lo..



" Kha kha ami I pasal tura pa chu " a ti deuh kher a..

" Carter in sawifiah na hun min pe dawn em? "

" Enge sawj tur la awm a ? Nang hian thian ang in min ngai ve tak tak lo ."

" I ngaih ang kha ani lo, ka rai lo mahse ani kha pasal ah ka nei dawn tih chu a dik "


Ka thian neih chhun ani a , thudik hriat ve chu a phu alawm . A hnen ah lo tu hnen ah mah ka natna te bun ruah na tur ka nei lo. Ka hrilh zawh hun ah engmah ka hrilh loh avang in a lungawi lo dawn tih hre tho mah ila nakin ah Mellissa ka atang a a hriat ka duh lo..



Ka rin ang reng in a hma aia nasa in a lungawi lo, kan in thlem thei hram nasa tak in a puih na ka mamawh dawn takzet, mi hriatthiam na ngah tak ani alawm..



Melissa


Ka nu thu min hrilh chuan ka thin a ti rim in ka awi lo takzet, nasa tak chuan ka te a dawhkan a thil awm te chu ka vai thla pawp pawp a..


Ka nu chuan in bengdai tur in min rawn ti nghal.. Mahse eng tin nge ka theih ang ? Khawvela ka mihring huat ber leh ka mipa lo duh ruk ve thin ngawih chu an in nei dawn ania . Chu pawh kan thil tih nikhua loh lutuk vang in. Tah vak vak mai chu ka chak ber ani .


" Ka nu hei hi i thiam loh ani, nang hian heng ruahman na tha lo tak tak hi siam lo ni ka chuan saw nu sawn Aidan Young a neih ngai lo tur . Hei hi i thiam loh ani , ka nu '" ka ti tuar tuar a


" Tih theih dang ka nei lo . Mellissa pangngai tak khan awm rawh . Pawisa tam tak min pe a ka hnial thei lo "


" I tan chuan khang kha a tawk alawm . Mahse kei hi eng tin nge ni ve dawn ? Ka hmeichhe huat ber mai chu Cinderella ang maia kan rama hausa ber te in ah nuamsa taka a khawsak laia he tah lo awm tur hian min duh tih na em ni? "


" He in ah hian kan la awm ve min phalsak asin "


Aaa ka kham lutuk engmah hi a dik thei lo. Hayana leh Aidan ka ngaihtuah ringawt pawh hian ka thluak hi chhe vek dawn in ka hria..


Teuh lo kei hetia ka awm lai hian hlim tak in a awm bik thei lo. Aidan bul ah thudik ka sawi a ngai . Hayana hian a fa a pai lo a , a rai lo bawk tih hi a hriat a ngai. Ka nu chuan min dan a tum mahse min dang mai mai lo ang .

An in neihna tur Hall ah chuan Ka kal a . Rin lawk ang reng in Hotel lian ber leh changkang ber mai kawt ah lian takin an pahnih thlalak an lo tar bawk a . Pawh thler vek mai chu ka duh mahse security te an awm avang chuan ka insum hram hram a..



Hall chhung ah luh ka tum ve leh Security te chu ka lam pan chuan an rawn kal nghal huk a ka kal tur hre lawk ni awm hrim chuan Hall chhung a ka lut tur chu min lo dang tlat a..



" Eng thil nge in tih ? Kei hi monu unaunu ka nih hi . Min dang tur hian tu nge in nih ? "




Putar hi in ti zahawm tak chuan tiang hawl chung chuan a rawn phei beuh beuh a.. Aidan Pu ani tih ka hre nghal..


" Buai na a awm em ni? " a rawn ti thum chha chha a..



Hmanhmawh tak chuan Hayana unaunu ka nih thu chu hrilh in Hayana lem chan te chu ka hrilh a.. Min chhan dan chuan min barakhaih chiang kher mai..



" Lungngai suh engkim ka hria ."

" Eng tin nge thudik hre chung in i pawm theih? "

" Kha chu kan buai na tur ani. Lo lungngai suh ."

" He thu hi Aidan an a hre ve em ? A hria anih chuan a pu lakah a lungawilo viau ang "

" Ka tiam a che Hayana emaw ka tupa hmaah nang leh in nufa hmel in rawn lan leh anih chuan ka awm mai mai hauh lo ang. Guards , ani hi he hmun atang hian chhuah tir rawh u. "


Ka thinrim lutuk chu ka na vek tawh , eng tin nge he nu hian kha putar kha a lo dawi at hman niii tinge keimah ka nih loh AAHHHAHAHHAHAH...



HAYANA MARTIN


Mo kawr nalh leh man to tak chu ka hak zawng pawh chuan ka awm a ti nuam lo vek thei. He thil hi a thleng ngei si kei hian Pasal ka nei dawn mahse ka pa hriat loh in . Ka mipa hriat chian pawh ni lo leh min haw em em tu a la ni zui..



Carter chuan ngawi reng chuan min en char char a.. A bulah chuan Ka kal a..

" Enge maw tal sawi ve ta che , i ngawi reng dawn ami? "

" I mawi lutuk Yana "

" Thudik ka hrilh vat loh che vang in min ngaidam rawh , Carter, i lak ah hian eng thuruk mah ka nei leh tawh ngai lo ang "

" Min tiam chiang maw, ka ngaidam tawh dawn miah lo che ania " a ti zawi raih a..


Zep lo chuan He in neihna hi ka huphurh takzet ani, ka tha te chu a ti khawng vek hial dawn in ka hria . Ka mittui a rawn luang lum ngial a.. Carter chuan ka kut chu a rawn vuan a..


" Enge i hlauh a? I pa tan a ti i nih kha, inneihna tak pawh ani lo . Bak ah Pasal pawh nei eng ang mah la i kiang ah ka awm reng dawn alawm . I hma ngaitu tumah nei lo ang khan in ngai tawh suh "



Min rawn kuah a ka hnung ah chuan a beng thek thek a..


" Hahdam tak khan awm rawh, i bul ah ka awm reng ani.. Ka hmangaih che Hayana " ka beng bul ah zawi te chuan a ti a..

" Kei pawn ka Hmangaih che . Ka thian tha tak i ni . Ka tan eng tik lai pawn i awm a , ka lawm takzet. Ka thian chauh ni lo in ka unaupa ang mai i ni bawk tih hi i hria em? "


Min kuah na chu a thlah a, ka chal ah na lo te in a pen a, "Aa lutuk ! Ka nau alawm i nih " nui vur vur chuan a ti leh a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 2nd, 2021, 2:53 pm

SALVADOR

CHAPTER 5


AIDAN YOUNG


Eng thil tullo lutuk nge ka tih mek hi ka hre lo . Hmeichhe tam tak ka lo kawp in ka lo ngaizawng ve nual tawh a , chung zing ah zan khat ka ruih chhiat vanga ka awm pui lai pawh ka hriat loh nei tur in mo thuam nen mipui hmaah amah nghak in ka ding chu a ni sia ka awi thei thlawt lo.



Ka pu ka en chuan a hlim hmel in nuam a ti tih a lang reng mai si . Eng vang a hetiang hmeichhia hi ka nupui atan a duh nge ani tih hi ka hrethiam thei hlawl lo. Inneih Hall kawngka chu a rawn in hawng a, kawngka atang chuan ka hmeichhe hriat chian pawh ni lo ka nupui ni mai tur ka fa pai nia in sawi chu a rawn lut a. Ka thil hmuh chuan min ti phu deuh zawk mai a hmel ka lo la en chiang lo nge a inchei na saw a mawi pui ve hrim hrim chu ka hre lo . Phat rual loh in a mawi takzet a ni.



Thawk ka'n la deuh a ka lam pana a rawn phei chu ka thlir reng a, ka bul a rawn thlen hma ringawt pawh chuan thil tam tak ka ngaihtuah hman a ni . Hmeichhia ah chuan a sang pawl tak anih ka ring, a mo kawr hak tight tak chuan a kawng fek nalh tak leh a mawng bawr tawk leka lian chu a ti lang nalh mai bak ah a make up chuan a hmel a ti lang mawi em em bawk ani . Chutiang thil vel ka ngaihtuah lai chuan ka harh chhuak thut a , chhelo in hmeltha viau mahse he khawvel a hmeichhe lepchiah ber anih na a bo chuang lo. Sawng a that na sawn kei lo mipa dang engzah nge a lo bum tawh tunge hria..



Ka bul a rawn thleng a, a hmel lan dan leh chet dan ah chuan a zam takzet tih ka hre nghal . Engtin nge tiang hmeichhia hi an zam ve theih ka ti rilru hial. Ka hmaah chuan a rawn ding a hmuh theih khawp in a zam lutuk chu a khur nasa, a lemchan anih ka la ring fo. A hriat phak lek awm chuan " I mawi hle mai he lai hall chhunga mipa tam zawk khu chi hmeichhe lepchiah tak i ni tih hre chung pawn i la bum tlu thei ang, kei ang bawk in sum an ngah ania . " ka ti zauh a. Thinrim hmel zeta min rawn melh chuan ka lo nuih suk a, a kut khur te chu tlem chuan a zia deuh in ka hria..



Pastor chuan inneihna a, monu leh mopa te a zawh thin ang chu min zawt a, he hmeichhia tih zah nan hrim hrim a, ka pawm lo tih chu ka chak viau mai mahse ka pu ka zuk en a ka thei lo hreh leh ban charh chuan " Ka pawm e ." chu ka'n ti ve rawk a . Min zawh ang an zawh ve laia a hmel awm dan ka hmuh chuan keimah ang bawk a huphurh ve hmel hi a pu, ni e a huphurh ang a duh kha chu ka sum tamtak min lak sak kha ania ka nupui a nih mai hi a suangtuah bik lo ania nge..



Aw khur deuh leh zawi sap chuan " Ka pawm e. " a rawn ti ve hram a . Zungbun kan in bun tir a Pastor chuan " Aidan Young leh Hayana Martin te pum khat in ni ta tih ka puang e ." a tih chuan mipui au leh kung beng thawm in a zawm nghal. " Monu kha i kiss thei e. " a rawn ti leh a, mawi in chhelo viau mahse ka thil chak loh ber ani, a lam ah chuan ka pen phei hret a ka kun hniam a, " I duhthusam a thlen dik avang in ka lawmpui a che. " ka ti sup a, a hmui sen tak ah chuan ka kiss zauh a, a nui eih lo a zah hmel takzet chu ka ngai pawimawh lo..




HAYANA MARTIN


Ka awi thei lo __he mi chimawm zet nupui hi ka ni tawh tak tak si . Tun hun rei lo te chhung lek pawh khan ka awm nawm loh ngawih ngawih na tur in thil tam tak ati hman ania , in khatah room khat ah nitin zantin a bulah ka awm tur ka ngaihtuah hian a rapthlak takzet a ni. Dawt ka sawi tih hi hre phei se a mizia ngaihtuah phei chuan nung chung in min phum duh hial maithei a ni." Awle Hayana Martin i nun hreawm tak tur ah chuan ka lo lawm a che. " tiin ka phun sap a.



Engkim hi a rang in ani teh thut bawk nen Aidan Young nu leh a unaute pawh ka la hmu kim lo, a pa kha chu a hma a kan lo inhmuh tawh vang khan ka hria ani chauh a . Aidan Young pa phei hi chuan min ngaina lo in a fapa nupui ah min pawm lo let der tih ka chiang, mahse a pa thu a hnial ngam bik lo ania nge . Engmah inpuah chahna mumal pawh awmlo a innei ve tawp kha kan nia a awm lo hran chuang lo.



Honeymoon hmang tur a kan chhuak tur chu a chhungte chu min thlah tur in an rawn lang ve hlawm a . Aidan pa Jason Young chuan hlim hmel vawikhat mah min hmuh lo, kan in tawn dan leh hriat dan in a zir lo ve em bawk a ka hrethiam hluah hluah ani . Kei pawh ni ila kei ang hmeichhia hi ka fate nupui atan ka pawm bik in ka ring lo. Mahse a nu ve thung chu ka lakah a tha in a tawng duh siam siam khawp mai , nuam lo ka ti let ling zawk . An fapa tan hian mo tha tak an phu ve sin kei ang bum hmang ni lo in.



Car ah chuan ka lut a, Aidan Young chuan car chu a khalh a boruak a tawt in a hreawm duh ngei mai. Sawi tur phei chu vang tak ani ka phone chu engmah tihtur hre chuang hlei lo chuan ka hmet ka hmet kual a . Menu Home, Whatsapp ah lut a status rawn awm thar apiang en nghal zel bawk just now char char, Home leh pawp thul.. awii awm dan tur a vang thlawt. Kawngka hi hawn a zuan thlak daih mai te chu ka rilru ah rawn awm tawh vel..



Ka phone ken lai chu a rawn ban thut a, a hnung lam seat ah chuan a vawn phei pawp, mak ti tawk chuan ka en haw ringawt a chet ran em avang chuan dan pawh ka dang hman lo..



Rawn nuih pah chuan min rawn melh a, " Eng tin nge i pasal duhtak in i tan motor a khalh lai hian phone i khawih san mai mai theih ? " aw thluk ngeiawm zet chuan a rawn ti a . Ama thlir na atang chuan ka laka a awmdan te hi awm hliah hliah mahse tawrh a har ve thin em ani. Ka thiam loh anih vang mai hian min hmuhsitna hi ka tuar mai mai bik tur tihna em ni ?



" Tinge ti hian ka rawn melh char char dawn che em ni ? I duh dan maw ? A tha alawm!" tih pah chuan sir lam chuan ka in her a, kut kuangkuah chuan a hmel chu ka en char char, en zam chu ka tum ve nasa a lawm . Mahse engah mah a ngaih hmel loh, a awm ngai chuan a la awm char char. Chu mai ni lo a tihdan ngai bawk in tawngkam huat thla la leh ngeiawm zet zet chuan a rawn tawng leh.



" UK a hausa ber te zinga mi tupa pasal ah i nei a, Social Media ah i pho lang dawn lo em ni ? Ohh taka i pho lan chuan kei ang in midang i bum thei tawh dawn lo
tak , ani lawm ni ? "



A sam uluk taka a siam ni awm tak ah sawn keh nawk nawk ka van chak tak. Seat hnunga a vawm phei ka phone chu thei leh thei lo chuan ka van ban tawk tawk a ka ban fu thei hram . camera ka hmet chhuak a, a thla ka lak sak nghal mawlh mawlh a.. " Ka'n post ange Ka Pasal Duhtak. " ka ti ban chap a..Min chhang lem lo min dan pawh a tum chuang lo.



Post chu ka tum tak tak, post ka tum lai tak in Carter hnen atang call ka dawng sia kan la hmasa leh rih a. Carter_an ka hming a rawn lam rik dan atang chuan ka pa chungah eng emaw a thleng anih ka ring nghal a . Ka rin dan reng in " Yana I pa thawk kan hmu lo i rawn kal vat a ngai ." a rawn tih chuan ka thin phu te chu an chawl vek zawk mai hian ka hria , hnawh tu awm ang mai hian ka tawt up up a, ka aa vek dawn hian ka hria.



Ka tha te chu a khur dar dar thei, engmah ka ngaihtuah tawh lo ka bula mi chu ring tak in " In her rawh let ang ." ka tih khum tuar a. Ka awm dan chu ani pawn mak a ti nge min rawn melh deuh haa a. Ka kut pahnih chu suihzawm in nghet tak in ka vuan tawn a nasa tak chuan ka khur zawih zawih a. Aidan Young chuan Car chu a ti ding a " I tha em, eng thleng ? " tiin min rawn zawt nghat a..


" Ka pa ka pa___ " sawi pawh ka sawi hlei thei lo ka mittui a rawn luang nghal zawih zawih a . "Khawngaih in min pui rawh... ka pa bulah min hruai rawh ." ka ti tham tuak a.



Min haw viau mahse ka awm dan chuan a ti hlauthawng in ka ti hamhaih takzet ani tur ani, thil dang min zawh belh loh chuan Car chu ti nung in a inher a kan kal na lam ah chuan kan let leh ta a. Kan tlan thui ve hman deuh nen a rei hian a rei ngawih ngawih ka pa hian min kalsan ve ang tih ka hlau ngawih ngawih ka mit chu men pawh ka meng ngam tawh lo, ka mit ka chhing a ka rilru chuan ka tawngtai mawlh mawlh a.



AIDAN YOUNG



A awmdan chuan min ti mangang takzet ani . Eng nge thleng engmah a sawi bawk si lo, A pa bul ah hruai tur in min ti ringawt a. Khawiah nge a pa chu a awm ka hre hek lo mahse inher a let tur a min tih tawh avang khan a tih ang chuan ka ti tawp a, engmah sawi lo leh kal na tur pawh hre chuang lo chuan kan kal na lam ah chuan ka tlan let leh tawp a. Thil dang zawh belh tur pawh chuan zawh ngam pawh ani tawh lo a tap a, a khur char char ringawt a, ka speed chu ka'n ti chak sawt a. A awm dan atang chuan apa chung ah thil tha lo a thleng tih chu ka hrethiam ve bawk, Joshua ka chan lai a ka awm dan min ti hre chhuak uar uar thei.



Ka pu call ka dawng a , ani pawh chuan rawn let tur in min rawn tia, a chhan ka zawt a ka zawhna chhan na ka hre ta nghal a . Hayana Martine chu ka va en a, a lo la tap nasa khawp mai a ,a pa damlo a zual thut a , chan thut thei dinhmunah an din avang in a chungah eng pawh lo thleng se a hmuh tawp na pawh anih theih an rin avang in a ni. A pa tiang anih lai hian eng tin nge sum hmuh nan mi a bum kual theih zawk ?



Car ka din tir rual rual chuan a chhuak nghal, hmuh hman pawh ani lo a tlan nghal dawr dawr hi ani ber a . Ka car chu hung tha in ka zui ve nghal a. A bialpa nge , a enge anih ka hre lo, chu pa bulah chuan thu in a tap a, apa an enkawl lai chu pawn atang chuan an lo thlir tawp a. Mipa chuan kuah in a hmui chu a phun mawlh mawlh a, a hnem te pawh ani ve ang. A bialpa a ni ang ti dawn ila inneih naah a rawn kal ve sia mahni ngaihzawng te inneih naah a kal duh bik ka ring si lo, an inkar chu ka hre sual anih hmel..



Ka pu chu ka lam pan in a rawn phei a, ka aw a hriat theih awm chin a rawn thlen ve leh thil awmzia ka zawt nghal vat a.



" Honeymoon in hmang thei lo chu i la na viau lo maw ? " an ti te te a, zawhna peh hel thiam ah zawng pakhatna a ni chiang ang ani hi chu.

" Ka pu uan hun anih loh hi, enge a an hmel a ? "thutak fe chuan kan ti ve leh a..

" A tha deuh e, a mar phu an hmu leh thei chiah anih kha. " muang chang chuan a ti a . Thil rit tak kan pu a kan dah thla chiah ang mai chuan ka awm chu a ti nuam in ka z*ng ve huai ringawt a . Ka in ngaihtuah let a enge kha nu buaina ah khan ka buai ve ang.



Ka pu chuan ka dar ah rawn ben thap thap pah chuan " Ka lo va haw anga, i nupui saw lo awmpui ang che . Zanin chu hetah in riah a ngaih hmel. " a rawn tih chuan ka thin a rim ru viau a , ka pu ni lo se ka hnial thla chiang ngawt ang. Ka pu kal hnu chuan room ah va luh ve ka tum mahse kha pa nen bawk khan an lo in ngaih hmel ngawih ngawih lutuk chuan min ti lut peih lo. Ka pa ani ve hlei nem ka duh vanga ani saw nei ka ni lo a enge ani vanga ka zan hun hlu tak he damdawiin ah hian ka khawhral anga ?



Ka kal fo thinna Bar ah chuan ka kala, zan dang ang bawk in mi an tam in a bengchheng leh hle tawh . Kan thut thanna lam pan chuan ka kal a, ka thianten min hmuh an beisei lo lutuk mak ti tak chuan min rawn pan a..



" Honeymoon hmang in i kal daih ang chu kan ti a. "

" Nupui nei thar kan hmuh che kan beisei lo asin. " an rawn ti nghal sap sap a.



Ka thu thlaa in tur min rawn thlit nghal, an thusawi tur leh tawng duh tur ka hre vek an bulah awm nuam em em lo mahse hun awl hnawh khah nan an zia khawp mai . Keimah ang bawk in a tu mah chuan min nel hran lo tih ka hre chiang khawp mai . Mahse ka pu tupa ka nih chhung chu tu mah hian min be chhe lo ang, theih pawh an thei lo . Kan company a share holders te ve tak tak te fa bak an ni bik lo.



Kan zingah kan company aia lian zawk " RS Company " ro chun tu tur Dylan Wood a awm ve a , ani chauh hi kei aia sang awm chhun anih ka ring . Ka ngai pawimawh lem lo. Ka thil tih engkim ah min el a kei aia chungnung zawk nih chu a tum ber thin.



" Tinge i nupui chu i rawn hruai loh a ? " hriat chak hmel zet in Dylan chuan a rawn ti a

" In hmuh a ngai in ka hre lo te pawh ani mahna ."

" Ram danga company lian neitu fanu em ni ? Tinge a hmeltha vak lo em ni ? " ngeiawm zet chuan a rawn ti leh a.



Ka zu no chu dawm in ka melh ngar ngar a " Lungngai suh , i duhthusam in a hmeltha ang . " ka ti muang charh a .




Ka bulah ah tu emaw rawn thu in min rawn kuah nghal thuak thuak a, a perfume rim atang chuan tunge anih ka chiang khawp mai . A ban chu ka lo kuah let nghal a Dylan chu ka melh deuh kher a , ka bialnu hlui leh Model ni bawk Lisa Brown, Dylan hian hun rei tak chhung a lo duh tawh ani a . Mahse Lisa tan chuan kei lo chu tumah a tan an awm lo. Dylan-a hmel chu a nelawm loh kher mai.



Ka beng bul ah Lisa chu a rawn thaw lum ham ham a, a rui deuh tawh a ang hle mai "Vawiin ah ka hriat loh in nupui i lo nei a, eng tin nge i theih zawk ? Ka hmangaihzia che i hriat kha . " a rawn ti na na ah..



Dylan thik atan chuan Lisa hmui ah chuan duthawh tak chuan ka fawp a, a hawi sawn rang chiang kher mai .Han elsen khum chu thil nuam tak a ni..



" Lisa nupui nei mah ila nang chuah alawm ka thinlung ah awm ." ka ti ve a, a rui deuh nen a phur ngei mai..



Ka bialnu hlui ka ti tak na in in ngaizawng ang hian kan awm em em lo a . Midang ka kawp emaw nupui ka nei pawh ni se ka kiangah a awm theih chhung chu pawi a ti lo, bakah pasal neih a duh hek lo. He lai awm zawng zawng hian kan inkar an hre vek nupui nei mah ila tuman engah mah an ngai lo, an tih loh dan ani bik lo..



Lisa chu room atang a chhuah san in damdawiin lam ka pan nghal a, khua a la var loh vang nge a reh duh khawp mai. Hayana Martine pa awmna Cabin ka pan a kawngka chu ka hawng dek dek a, Hayana chu apa khum bawh in a lo muhil a . Kha pa bawk kha a bulah a lo la awm ta reng a . Hayana chu puan pante hi sin tir in a khuh tha a . Min rawn hmuh chuan ka lam pan a rawn kal in min rawn kal pel nulh a..



" Ka nupui nen hian enge in inkar ah hian awm ? " Ka ti deuh kher a.

Min rawn pan let leh a " Nang nen in inkar ai chuan a thuk deuh ang ." a ti a.



Ngeng ve khawp a, doctor pakhat ve mai ania eng nge chhuan tur vak a neih ni.. '' Ni e chu inkar chu alawm ka hriat duh ? In ngaizawng chu in nih hmel si lo a, nang hian ka nupui hi i duh ani lo maw ? "

" I ngaih ang ang khan ngai rawh ." tih leh kal a rual a. Ka nuih a ti za ang reng a duh anih ngei dawn kha, a rilru chu a na ve ang reng viau ang.




HAYANA MARTIN



Ka harh a ka pa kut vawt thlar reng chu ka hmer vang vang a , engtin nge mi hrisel leh harh vang tak thin kha tiang hian a awm mai theih zawk ni? . Vidia te nufa pawn vawi khat mah an hmel an rawn lan eih lo hhah eng tin nge an nunrawn theih em em le ? Engkim hian min ti chau takzet nuih chhan tur pawh hi ka nei hlawl lo, thim chhah pui hian min hual vel khup mai hian ka hria.



Mr Young chu min hmu tur in a rawn kal a, engkim kan inhmun leh ka pa enkawl na te chu a buaipui fel vek tawh tih min rawn hrilh chuan tlem chuan ka phurrit chu a z*ng deuh a . Lawmthu ka lo hrilh mawlh mawlh a.



" Hayana tiang ti tura ka ngen che hi pawi ka ti takzet mahse nang leh Aidan tan a tha ber tura ka ngaih vang ania min hriatthiam hram ka beisei ."

" Tehreng mai . In chhungkua ka ti buai vek a pawi ka ti zawk ."

" Aidan mizia ka ngaihtuah in hun eng emaw chen chu a hreawm in a khirh viau maithei ania, mahse a chet dan leh a lan ang hi ani bik lo ania . Mi tha tak a ni a sin ."



Engmah sawi buai theih ka nei ve lo an sawi dan leh duh dan apianga awm bak tih theih ka nei hlei nem . Ka rin phak bak in min pui a, ka pa enkawl na leh kan inhmun ka kutah a awm a Vidia te nufa lakah min chhanchhuak bawk a, tlem chuan hreawm deuh mahse ka tuar ve thei em em tur a ni..



An inah tlang nel nan leh a chhungte hriat chian nan awm tura min duh avang chuan ka pa enkawl tur in mi pahnih vel a dah a, tlema a dinhmun a kan leh deuh avang chuan kei pawh in ngaihngam tak in ka kalsan thei a..



Aidan Young chuan car a khalh a, a pu nen a hnung ah thu in kan ti ti dun mawlh mawlh a. Pa nelawm tak leh tawng duh tak ani, a bulah awm a nuam in min duat em em bawk nen a in thlahrun awm lek lek zawk thin..



Gate lian leh changkang tak hmaah kan ding a, Gate chu amah in a rawn inhawng a kan tlan lut a kan hma thui vak lo ah chuan in lian leh duhthusama changkang a ding luah a, a kawt vel ah chuan thingkung lian vak lo leh thutleng te a awm nuk a. Pangpar rawng chi hrang hrang in a hual chuk bawk a. Ka thil hmuh thar apiang chu ka hau hian ka en zel mai a , tiang em em a in ropui hi TV ah bak ka hmuh ka ring ngai lo, a pawn ringawt pawh tiang ania a chhung phei chu ka phut zawk zawk hial ka ring . Mr Young chuan min en a min nuih vur vur a..



Car atang chuan kan chhuk a, suitcase hnih hnih leng thawmhnaw ken tur pawh ka nei lo, an awmpui ni tur chuan ka case chu la in inchhungah a luh pui a Mr Young chuan " Ka lo lawm a che, Hayana. " nui var var chuan a ti a



Ka zam lutuk chu ka thin te chu nasa mangkheng hian a rawn phu dup dup a . Tiang anga in lian leh turu ah ka cheng dawn tih ka ngaihtuah ringawt pawh chuan ka mur ur ur thei. Inchhung kan lut chu ka rin ang reng ...mawl hmel em em chuan ka ang huau huau reng anih chu. A zau turu zia chu kan in zau ka tih ve te chu nep te kan in pum zau zawng leh an inpui ringawt pawh hi a inchen vel ang.



" I ka kha chip rawh i vawi khat kal na tih a hriat lutuk. " Aidan chuan a rawn ti sa sa a, ka ka chu ka chip nghal hmak a .

to be conti...

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)