FORBIDDEN LOVE BY Rodingliani Vanchhawng (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

FORBIDDEN LOVE BY Rodingliani Vanchhawng (Completed)

Unread post by Ngaia » May 14th, 2018, 7:53 pm

Forbidden Love
Part- 1

by - Rodingliani Vanchhawng

HAZEL GRACE

Hall zau leh lian tak ni mahse, mihring chu an tam ngang mai, mipui au ri chuan hall zau tak chu a luah khat hneh in a khawk rum rum a.

Ice hockey tournment a ni a, Junior High ice hockey captain chuan vur nalh ah chuan nalh tak leh hnehsawh zet in a tawlh zur² a, a thiam zia pho lang tur in a hockey stick chuan ft 19 vel atanga hla ah chuan an vaw lut chat a, mipui au ri chu pui tak a ni. Kan school an champion ta

Cheer leader ho chu lam in an pian chu an pho lang hneh sawh kher mai nalh pawh an nalh e.

Gary Wilson chu mi ho chuan an au luih² a, an bawr huai² a, mahse mipakhat chiah a ngaihsak, a bialnu chhelo leh hot tak cheerleader ni bawk Clara James chu, ka thut hmun atang chuan an inkuah lai chu ka lo thlir ran a, a chang chuan khawvel hi a fair lo ka to thin.

Tu emaw hian ka mit an rawn hup a, tu nge anih ka rin buai a ngai lo, tu nge a nih ka chiang ka thian tha ber leh ka mi ngainat em em William morgan a ni. He pa hi chu mit chhing chung pawn ka hai teuh lo

Ka mit a hup na chu ka lak sawn sak a, chiang taka min en chung in, "tiang ah leh zel an awm dun lai hmuh chu enge a sawt na" tih leh min kaih chhuah a rual a.

Hall pawn ah chuan inhma tawn in kan ding a, "kha pa vanga rilru na a i awm reng hi enge sawt na awm, a ni kha theihnghilh rawh" chiang fek fawk chuan a ti a.

Mi hi duh² dan a theihnghilh theih chu nise ka theihnghilh na a rei tawh ang, "Will i sual lutuk" ka ti ta ringawt a.

Will chuan "nia ka sual, chu vang chuan he Gary Wilson vanga rilru na a i awm hi ka hmu duh tawh miah lo ania" tiin ka sam ah chuan a tuai a.

Gary chuan min rawn kal pel a, ka mood a rawn thlak vek, ka nui tawp chawt a, ka melh ngai ka melh vung² a. Will chuan lemon juice chu min rawn pe a. Ka nui leh nghal a, yess ka duh ber chi ka hawng a ka in nghal a.

Will chuan lut ang a tih hnu chusn kan class lam pan chuan kan kal a, Will nen chuan kan infiam phei char² a kawng ka lo en lo nge mipakhat hi ka su chawrh a, ka theitui ken lai chu a kawr ah ka la ti baw zui awiii ka duh thei lo, Gary a ni.

Gary chuan huat hmel fe chuan min melh a, "nang leh bawk maw, i kal na tur en ta che, mit i nei lo em ni" thinrim zet chuan a ti a

Engmah ka sawi lo a, Clara chuan "hey Hazel Grace , Gary bul ah khan ngaihdam dil nghal rawh" min rawn ti ve leh a. Ka ngawi reng a, Gary bawk chuan "Pawi ti suh u, mi pangngai lo deuh hi chu ngaidam mai ang" ngeiawm zet a nui sawng chuan ka mit ah tak melh chung in min tih khum a, hh ka na vawng² mai, a awm a chum pawp² mai chu ka chak a.

Will chu a insum thei lo Gary chu hnek tum in a kut a hum ruh a, ka lo dang vat a, "Will a ngai lo ka thiam loh alawm, Gary ka tihpalh" ka ti a, Gary chuan "hei pawh Hazel Grace i vantirhkoh a rawn thleng ve leh ta" tih pah in Will chu a su pawp a" "huh loser" tiin a kal a.

Ka hmui ka pet a ka tah a chhuak tak zet class ah thleg ta lo chuan ka tlan let keh nghal a, mi awm loh na ah chuan ka thu a insum hauh lo in ka tap ta chiam a.

Will chu a rawn thleng nghal "hei hi ka hriat vang alawm ka lo kal" min kuah a ka hnung ah a beng thek² a, "Will he mihring ka duh hi ka in hua, he pa hi ka hua mahse ka theihnghilh thei bawk si lo"

Ka duh tawk a ka tah hnu chuan class ah chuan ka lut a, Clara te thian ho chu an lo nui ri hak² hlawm a, Gary chu ka melh nghal vat a ani chu a thut na ah pawn lam thlir in ngawi reng in a thu a. Ka thut na ah chuan thu in dawhkan ah chuan ka bawk a

Ka hming chu Hazel Grace a ni a kum 17 niin class 12 ka zir mek bawk. Ka nu leh pa te hi Doctor ve ve an ni a, ka hriselna hi an thil ngaihtuah ber chu a ni. Ka nu leh pa te hi ka tan chuan engkim an ni a ka chhuang tak zet bawk a ni.

Doctor fanu e tih loh ah chuan ka cher in ka var hle a mi te chuan thisen nei ve hmel pawh ka put loh thu an sawi fo thin. Lehkhabu hi ka ngaina in ka ngaihlu takzet a, nitin ka hun hman dan hi ka diary ah chuan ka mut dawn ah ka ziak thni thlap thin.

Naupangte ka nih atang in Gary Wilson hi ka ngaina tawh a kei ai in kum 1 in a upa a, kan in bul lawk ah an cheng a, ka room leh a room chu a inzawn chiah a, a room thlir chu ka tih ngam awm chhun a ni. Zan tin arsi en tur in ka chhuak ziah thin a ka tan chuan arsi te hi an mawi em em a ni.

Gary Wilson chu a sang in a hmeltha em em a ice hockey thiam na chuan a ti tha zual a ni. Ice Prince tiin a nick name an phuah sak a, internet ah pawh fan club a nei nghal der a ni. Gary chuan sam gray lek² buang deuh si hi a nei a a mitmeng pawl va nen chuan a in rem em em a ni, a nuih zawnga, a khabe phir awm ve chuan a that na hi a belh a ni. Eng tik lai mah in ka chung ah that a chhuah ngai lo ka duh viau e ti lo chuan ka be tha bik vak ngai chuang lo.

Gary hian min hua in min tham lo viau mahse ka thian tha tak Will vang chauh hian ka tuar thei thin a ni.

Ka room ah awm in "Taylor Swift - You belong with me" chu ka play a. He hla nen hi chuan kan in rem ngawih² ka tan a siam ni awm tak pawh a ni.

"She wear short skirt i wear t-shirt"
"She's cheer captain and I'm on the bleeaches"

Ka nu chuan ka room kawngkaw a rawn hawn rual chuan hla chu ka off nghal a. A tih dan ngaite bawk in tui leh ka damdawi ei tur a rawn chawi lut leh ta, damdawj ei reng thin hi ka van hne tak, ka nu chu ka tum khum bur² a ka tjm vel hi chu eng ah mah a ngai ve lo ka pa chu ni se min ti lui miah lo ang.

Ka ei zawh chuan min chhuah san leh nghal a varendah ah chuan chhuak in van dum pawl kak a arsi de pharh nui chu ka thlir reng a, arsi te hi awm lo se nun hian enge awmzia a neih ang le. Van lai tak a arsi lian leh a dang te aia eng bik chu ka thlir bik deuh ber a, arsi dang te chuan hual in a bul ah awm ve reng mahse an pawh thei tak² lo a, a riang em em a ni.

In chhung ah lut in ka lehkhabu te chu ka la chhuak a ka ziak thla leh ta melh² a, ka duh tawk ka ziah hnu chuan ka mu nghal a.

Zing tin ka walk ziah thin a vawin pawn hma tak ah tho in walk tur in ka chhuak a, chak vak lo chuan ka tlan a, thawk leh khat ah ka lu a rawn hai thut a ka tlu dawn maw ka tih lai chuan mipa niin ka hria chu chuan ka kawng ah rawn kuah in ka tlu tur chu min lo dang a.

Ka lu a hai deuh em avang chuan ka awm ngai chuan ka awm reng a ka harh deuh hnu a kan men chuan ka mit vai nge ka mumang zawk he mipa min vuan tu hi Gary Wilson a ni, ka lu ka thing a kan en nawn leh thin amah ngei chu a ni sia.

"Hazel Grace i harh chuan ding rawh" fiah kek kawk chuan ti a, ka harh chhuak chiah a rang a rang in min vawn na atang chuan ka chhuak a ka ding ngil nghal at a, he oa hnen a lawmthu sawi hi ka phur teh chiam lo asin, "ka lawm e" chu ka ti hram a.

Min chhan let duh dan tur hrethiam lo pawh ka ni si lo tinge kha thu kha ka lo sawi kher² ni. Ka rin dan reng in "vawin chu i guardilo. Angel in a veng na che nge" tawngkam ngeiawm zet chuan a ti a"a leh pek ah chuan kha vantirjkoh kha nah venghim tur in i bul ah i awm tir tawh dawn ania" tih zawh chuan min kal san nghal nal² a.

He pa hi tinge a nunrawng em em mai tawngkam tha hi a nei ve thlawt lo min tih nat bak hi ka tan tih engmah a nei lo, mahse tinge ka theihnghilh theih si loh?

________________________

School ah chuan ka seat ah thu in pawn lam chu ka thlir dauh² a, he Clara lah hi tawnkam mei nei deuh hlek a min tawnkhum loh chuan min kal san thei lo ka lak ah hian eng hmuh nge a in beisei ni. Will lah hi school rawn tlai ve ziah.

A rawn thleng ve thei hram mai ka lo fiam nghal a Will ka bul ah a awm loh chuan ka confi thlawt lo kan class ah ngat phei hi chuan tawng pawh ka tawng peih lo. Gary chuan Will chu sut pawo pah chuan "ka kawng i dal" ngeng leh chapo tak chuan a ti a.

Kan hriat phak kher tur chuan Clara James chuan Gary chu school ban a baazar pui ah a han sawm vel a. Duh aiin an kham awm mah² a ni he Clara sam hi pawh kawlh sak vek ka chak a ni.

Ka hmaah tak ding in a sam chu a rawn then deuh vak² a, a ti mah² a ni. Ngam ngat ila chuan e ka sawisa nasa ang chu mahse chutiang hmeichhia ka ni lo.

Break a ni a Will nen chuan ice cream ei in kal pah in kan titi dun a, kan hmaah chuan Gary te thian ho chu an lo awm khawm laih a, ngawi reng a he pa kal pelh hi chu a har ve deuh thin. Huii ka thaw huai mai kan kal pel ta hram e, rei vak lo ah chuan ka lu ah hian eng emaw hian a rawn delh dawt a, ball a lo ni a, kan hawi let chuan Gary te thian ho chuan min lo nuih nasa mai a,, huh infiam nan min hmang leh ta. Ka lu a ti hai deuh chiai² a.

Will chuan ball chu la in Gary awm zawn ah chuan a theh pawp a Gary chuan a lo man a, Will chuan Gary kawr nghawng ah chuan a tham nghal a. In sual an tum nghal ti tih a. Will chuan "Fimkhur rawh Gary Hazel hi i in fiam na mai² tur a ni lo ania ani hi i tih nat ka phal lo"

Gary chuan a thusawi chu a nuihsawh zui tinge he pa hi a ngen in a sual em em le? "Hazel Grace, mi vanneih veng tu i nei tha hla mai" nui sawng pah a sawi chuan min rawn melh a. An in sual tak² ang tih ka hlau a ni, an in kar ah chuan ding in Will chu ka theihtawp chuan pawt sawn ka tum a, "Will duhtawh rawh, an ni hi tih buai tlak pawh an ni lo" ka ti ve ngat Will chu kai in ka kal pui dawr² a, a thiante thusawi "Vur lalfapa chu Hazel Grace lak ah a tlawm a ni maw" an tih ri chu a thinrim hmel kher mai.
______________________

Varenda ah chuan chhuak in arsi chu ka thlir leh a, Gary an vawin a min tih dan chu ka ngaihtuah let a dik tak chuan he pa hi haw ngawih² tur ka ni asin tinge ka huat loh an in lam chu ka va hawi a, awik ka duh thei lo ka hawi sawn rang kher mai, Gary chu a lo ding kur mai huhh enge ka bihruk ngawt anga kan in ania ka duh² ka en in ka ti thei alawm.

Ka zam loh na zawng² chhuah in Gary chu ka va en a kei mah min en loh avang chuan ka duh tawk in ka en thei a ni. Ka nu chuan min lo ko a, mangtha Gary Wilson in chhung ah chuan ka luh san a.
_____________________

Kan zirtirtu chuan class a la mawlh² a, a explain zawh chuan assignment min pek tur thu chu a sawi a, kan class ah chuan Gary chu president a ni a, Sir chuan a din tir a, "Gary , Hazel nen in partner ang che u, school ban ah min rawn hmu kawi ang che u" a ti a ka lawm dawn nge ka tap dawn mahse Gary chu a nui hauh lo. Sir chuan mal te² a din tir in an partner tur a sawi zel a.

School ban ah chuan Clara James chu lungawi lo tih hriat tak chuan a lo phun bul² a min melh no lem lo ker mai. Kan class a mi lehkha thiam lo ve tak , a ha a kuh a tarmit bial lian ve tak a vuah bawk a,a cher viau bawk an van inhmeh kher em Duke chu a partner a ni a, an thawh dun dan vel hmuh ka chak amah a tih vek pawh pawi a ti tawp nag chapo lutuk hian

School vel ah tih tur neuh² a awm ve avang chuan ka haw nghal hman lo a, ka bak la in class ah chuan ka lut a, Gary thutna chu a lo ruak tawh a kan thawh dun dan tur pawh engmah kan sawi dun lo hhuh min haw san daih a nih hi eng vang in nge mkn nghah ngawt anga atthlak lutuk.

Hmanhmawh lo tak chuan ka kal a kung chu ka chhir phei zel a ka hmaa Gary kal ka hmuh chuan ka nui sak a, Gary kal pelh chu ka chak tlat a ka kal chak sawt a ka kal pel ve ngat a huhh a aw ngei mai chuan "Hazel Grace work chu kan ti ve dawn lo em ni" chiang tak chuan a rawn ti a. Chu thu i sawi hun chu lawm ka nghah ni

Ngaihven lo awm tak chuan "Ka hre nang, mahse kan tih loh chuan" muang ban chap chuan ka ti a.

Rang zet chuan "Kan in ah dar 5 ah sec 1 pawn tlai suh ang che" min rawn kal pel nal² a, ka hriat tawk lek chuan "yesss" tiin ka nui ru vur² a

Dar 5 rik nan hun tlem te chauh ka nei tawh ka form ka thlak a ka inbual nghal sawk² a. Thawmhnaw chu ka haa darthlalang ah chuan ka in en a ka thawmhnaw chu ka hmu dik thei thlawt lo ka inthlak leh thin, aa ka ning hak tur pawh ka hre lo e. Hnawihsen chu ka hnawih vel a uii ka inhmeh ve thlawt lo ka ti reh leh nghal vek minute 2 lek ka nei tawh ka bag ka ak a Gary ge in lamnpan chuan ka tlan nghal a.

Gary te kawngka hmaah chuan ding in thawk ka la vak a, door bell chu ka hmet a. Mrs Wilson chuan kawngka chu a rawn hawng a, min nuih var² pah chuan "Hazel i rawn thleng tawh elaw" tiin min luh tir a, amah ang lo tak in a nu hi chu a van fel tak. Gary room lam pan chuan ka kal nghal a, inchhung chu ka en kual a engmah hi a la danglam lo anih hi a hma ang vek kha a la ni.

Gary room kawngka chu ka kik karh² a "rawn lut rawh a tih ah chuqn ka hawng a ka lut nghal a. Dawhkan ah hian frame hi a letling zawng in a lo inkhup a, enge anih ka hre chak kher mai khawih ka tum chiah chuan Gary chuan Frame chu la in drawer chu a hawng a a dah a a nam lut leh nghal a. " Khawngaih in mimal thil chu in zah sak hram ang" a ti hmak a huh frame mai² engbmimal thil vak nge ni a.

Chair ah thu in kan work chu kan tan chu a ni nghal mai a. Darkar 3 vel lai kan ti tawh a rin ai in he work hi a hautak zek mai zuam ang ngawt chu a ni lo anih hi. Ka lu a rawn hai leh vuai² tawh mai, ka paper ah chuan thilnsen hi a rawn far kawk a. Gary chuan "I hnar a thi ania" tih pah in tissue paper chu kin pe nghal a.

Bathroom ah ka lut nghal a, ka hmai phih a ka harh deuh hnu chuan ka lut leh nghhria.

Kan work kan zawh chuan Gary chuan naktuk ah ka rawn keng mai ang school ah a tih avang chuan haw tur chuan ka chhuak a, mrs Wilson chuan chaw te ei ve nghal tur in min ti luam a mahse ka hnawl zel a. "Anih Gary va thlah rawh" a la ti hram a, "an in a hnaih em saw" a ti hmuk a. Nia kan in chu a hnai khawp mai, a mawi ah a ngai lo te chu kan ti ve a ka chhuah hnu chuan Gary chu a rawn chhuak ve hram a a nun a ti lui tih ka hria. Hepa hi duh viau mah ila a peih lo chung min thlah tur chuan ka phut bik hauh lo.

"Tinge i rawn chhuah duh a"
"Kal rawh in thkeng ka va thlah ang che"
"A ngai lo ka kal thei"

"Hey Hazel Grace i chung ah ka tha ang in ngai suh , ka nun min nawr luih vang chauh a ni, ngaih lo lam ah i ngaih lo hram ka beisei" ngeiawm zet chuan min tih khum a, huuh maw a tha alwm ka pawn a thlah hi ka mamawh hauh lo ke ka nei alawm.

"Chutiang in ka ngai lo. Min thlah ka ngai lo bawk ka mamawh loh zawng tak a ni" ka tlan nghal nal² a. Hhuhu he pa hi chu a van sual tak min tih nat dan hi a la thiam em em zui mi sual hmeltha tak chu a ni.
______________________

Ice hockey court ah chuan keimah chauh in ka awm a, ka mitthlaah chuan Gary a vur nal a hnehsawh zet a a tawlh lai te chu a rawn lang a, he pa hi chu eng nge maw tak chu a ni alawm. En tu thut na ah chuan thu in ground chu ka en reng a, midang lo lut thawm hi ka hriat ve leh thuthleng inkar ah chuan ka thu bo nghal a a van chep tak mahse tinge ka bihruk ngawt a,

Tu nge lo lut tih chu ka en a, Gary a ni, a hockey stick chu hum in skating shoes hmang chuan a rawn tawlh lug zar² a van tha chiang em mihring hi eng tin nge an that em em theih le, a khabe phir mawi lutuk te khu ka tan chuan en nin theih lo tluk a ni, ka tan chuan Gary Wilson chu van a Arsi ang vel a ni a hla takzet.

Ka awmna chu a chep in a thawpik lutuk ka ning ka ke dah dan te hi a dik lo nuai in ka hria, Gary Wilson vang vek. Ka awmthat tum na lam ah chuan ka ke chu ka ti na nge a rawn na zawk ka in ring hman lo ka te thawt a, Gary thawm chu a reh hmak a ka lam a rawn pan.

Zawhte amo a tih theih nan chuan kan ngiau anih chu van zahthlak tak, "Khawi lam zawhte nge ka lo ti reng a ni" a tih chuan ka dak chhuak nghal a, Gary chu ka hmaah a lo ding reng a, uii a van zahthlak tak ka thi tawh zawk ami

In sawifiah chu tum hle mah ila he pa lak ah hian engmah a ni dawn chuang lo, enge ka tum buai duh zawk le ahhss ka hne, a inher a min kal san nghal a, he mihring luhlul lutuk lak ah hian enge ka beisei ni.

Thawh tum chuan ka ke chu ka hman chiah chuan a rawn na thut, ahh ka te leh thawt a. Gary chu ka lam ah a ran tlan phei a, ve teh tlat a, min ngaihtuah ve thei ami a, tap aw tuau chuan ka kee ka lo ti vak a.

A tih dan ngai te bawk in min vin leh vak tawh thupe aw tak chuan "Che suh" a ti hmuk a, ka hmaah chuan a thu a mak ti tak chuan ka en reng a, a aw vin zet bawk chuan "rawn lawn rawh ka pua ang che" a ti leh vak a,ahh he pa hian tawngkam tha a nei ve thlawt lo sual lutuk.

"Midang pawh ni se tiang hian ka ti tho ang chu vang chuan rilru dik lo kha lo pu lo ang che"

"Teuh lo"

Zam tak chung chuan Gary Wilson hnung ah chuan ka lawn a ka zang bawk a min zo ngang mai. A ding a min kal pui nal² a. Ka thin phu rang lutuk hi a hria ang tih ka hlau hial a, duh tawk teh u tiang khan awm tawh suh u mawh mawh aasshh.

School hospital lam pan chuan min kal pui a, mi dang ho chuan min en duh ngang mai a van zahthlak tak em eij aw saw Clara James min van melh thip kher em a lan dan chuan min thah mai duh hmel a pu a ni. Will chuan min rawn zui nghal a. Damdawiin ah chuan min dah in a chhuak leh nghal a.

Ka awi thei thlawt lo Gary Wilson an min pua chu pawh mi zawng² hmuh lai in ka ke chu na mahse ka hlim a ni ka van hlim tak em. Ka ke na zawng² pawh chu a dam nghal vek in ka hria a ni.
_________________________________

A tuk ah school ban ah chuan , Sue nen chuan kan awm tlai avang chuan kan class pawh chu a reh vek tawh a tumah pawh an awm tawh lo in ka hria. Class ah chuan lut leh in ka bag ah chuan lehkhabu vel chu ka khung fel mawlh² a, Sue chu lo va kal hmasa tur in ka ti a.

Ka inpeih ve leh chhuah tum in ka kal a, kawngka atang chuan Clara leh a thian pathumte chu ka hmaah lo ding in class ah chuan min nam lut leh a. "Zan in chu tah hian lo riak mai ta che. Mangtha Hazel Grace" tiin kawngka chu an khar hmak a. Kawngka chu ka chum vak² a mjn hawn sak duh lo an nui vak² a an kal ta daih a.

An pawi enge ka sawi a an ti mah² a ni khua chu atlai tawh si kan class chu chhawng 5 naa awm a ni a, a sang thawkhat viau mai a reh hian a reh ruk mai. Khua chu a thim tan zel a ruah lah chu a la tla ser² zui a khawpui a rawn ri tan a chhum chuan thla eng chu a hliah thim luk mai, a vawt in ka hlau takzet a ni.

Thim a awm hi ka thil hlauh ber a ni ka thaw a buai a ka ipik ngawih² nu nu tiin ka phun ser² a, light on tum chuan ka tho a thuthleng chunka su chawrh a ka tlu pawp a ka lu a hai in ka vai muai² tawh min rawn zawng in tumah hi lo kal an tum lo ami le. Khawngaih tak in min pui teh u a hreawm lutuk.

...next chapter on friday...


Rodingliani



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 14th, 2018, 7:53 pm

Forbidden Love
Part 2 (Last)

by Rodingliani Vanchhawng

GARY WILSON

Game khelh lai² in current a awm loh chu le, ruah lah chu a la tla ser² zui kawl a phe zuai² a khawpui a ri dur² bawk a. Inhnuai lam ah thawm ka hriat avang chuan ka chhuk thlaa Hazel Grace-i nu a lo ni a a hlauhthawn hmel hle mai ka nu nen chuan an inbe mek ang eng thu nge an sawi hriat tum in ka zuk pawh ve nghal vat a.

Sana ka en a dar 8 a ri der tawh Hazel grace i nu chuan tun thleng a Hazel Grace a la haw lo thu chu a sawi a. A sawizawh rual² chuan ka tlan chhuak nghal a. School atanga a lo la haw loh chuan Sue in a hre ngei ang.

Sue te in ah chuan ka kal nghal a. Ani chuan Clara ten an ti buai tih bak engmah ka hre lo a ti leh zel bawk si. Clara te in ah chuan ka kal leh a. Clara chuan amah hmu tur a kal ka ni maw tiin min lo kuah nghal a.

Tun ah chuan amah hmuh chak na lam ka nei lo khawp mai. Min kuah na atang chuan ka nam sawn dawr a thinrim tih hriat tak chuan ka melh kawk a. Thutak fe hian "Clara khawi ah nge Hazel a awm?" Ka zawt a

Hriat loh hmel tak chuan " tinge kei min zawh daih an in ah a awm ang chu" tiin min chhang a, ni lo he nu hian a awmna a hre chiang lutuk tlat

"Eng tin nge Hazel chu a awm a?"

"Tun ah hian min hrilh nghak rawh Clara ka uang miah lo ania aw"

"Ka hre lo"

"Vawikhat ka sawi nawn leh ang, khawi ah nge Hazel Grace"

A nui hmel a tawp a a hmel lan dan a inthlak nghal vek "eng vang in nge Hazel Grace awm na chu ka hrilh ang che"

"A tha e, i sawi dawn lo maw"

"Eng vang in nge he nu hi i ngaihsak em em a? A ni kha kei ai in enge a that bik na, hmel maw, nge pawisa ni lo chu tiang ah chuan kei hi a let in ka tha, a ni chu eng ang takah a tha nge anih a. A neih ang chu ka nei vek"

"Ni lo Hazel nei ang hi neih loh i ngah takzet a ni"

"Maw! Nang hi i aa tawh anih hi. Kha nu i ngaihsak kha ka hmu thei tawh thlawt lo a ni, kei ni lo in a ni kha i melh char² zel a a hming in i bialnu chu ka ni mahse i thinlung ah ka awm ve ngai lo, eng tiang chiah in nge ka nat hi i hria em maw i hria em ka tih chu..."

"Tun ah hian a awm na chu sawi nghal rawh, a nih loh chu Clara nang hi_

"A nih loh chuan enge, min khawi ang maw nge.. Gary Hazel Grace hi i hmangaih tih min hrilh tum miah suh"

"Mmm Clara kei hian Hazel hi ka hmangaih a ni. Ka nuna ai pawn ka hmangaih zawk eng tik lai pawn ka ngaihtuah reng ka lung te hi amah vang chauh hian a la phu ve ni te hian ka hre thin, chu chu hmangaihna chu aa ni lo em ni"

A tap tawp chawt a min melh vung² a, "class room ah a awm" a ti sap a. Class room ah an kalh khum a maw misual tak an ni. Ka tlan nghal a. A te ri chu ka hre phak "Gary Wilson nunrawngpa ka hua che ka haw lutuk che nang leh Hazel Grace te hi kumkhua pawn in awm dun bik lo ang" a au tuar² a.

School lam pan chuan ka tlan nghal a kan class room ka thlen chuan Will chuan Hazel chu class room atang chuan a lo pawm chhuak mek tawh a min hmuh loh nan thim ah chuan ka biru nghal a.

Ni e a ni te chuan veng tu tha tak William a nei alawm tinge ka lo buai ve vak le atthlak lutuk mai. Ruah sur pawh chu engmah ni lo hian ka hria ka tawt up² mai. Kei hi khawvel a mipa nep ber mai chu ka lo ni

(Middle school kan graduation day a ni a, ka hlim takzet a ni Hazel bul ah chuan ka kal a, "Happy graduation day Hazel" mahse min nuih hauh lo, ka hnen a a thusawi hmasak ber chu "Gary vawin atang hian min be tawh suh in hre lo ang in awm ang" a tih thu chu a ni, eng tiang pawn a chhan zawt mah ila min chhang lo ang

A tha alawm kan ti dawn ania, vawnin atang chuan thian kan ni tawh lo, a chhan pawh hriat ka duh lo, min haw tu chu biak ka duh bik lo, kha mi ni atang khan kan inkar chu a khi zau tan a tun ah chuan mihrang ang mai kan ni tawh. Eng tiang pawn tum thin mah ila he nu hi ka theihnghilh thei lo chu anih hi.

Kha mi ni ice hockey tournment ni khan Hazel chuan ka inkhel a dawn en ve a ka van hlim tak, kan chak hram mai Hazel chu ka thlir reng a Will a rawn lang a Hazel chu a kai chhuak daih a, hhuh tinge eng tik lai pawh hian an in zui reng le hhhh.. Pawn ah pawh an infiam dun nasa mai kha pa hmaah khan a nui vel awr² a ka hmaah utum an sawi ang mai a a tum nasat theih nen.

Hazel kam lam pan a arawn kal ka hmuh chuan ka lawm hle mai, ka be ngam si lo a hmaah chuan min sut theih nan chuan ka lo ding tawp mai a, ka duh ang naei chuan min rawn su a, a theitui ken lai chu ka kawr ah a kai a, Hazel inthiam lo hmel lutuk kha hmuh a van hreawm em ti li hi chuan ka pawh ve ngam si lo. A pawi lo tia kuah vawng² mai chunka nap a ni.

Eng tik lai pawn a chungchang hriat reng ka duh nikhat lek pawh ka hmu lo anih chuan ka ngaih a tha thei lo thin. Kha mi zing excer a lak tum pawh khan ka tum vang reng in ka zui a ni zing ah amah chauh a a kal ka phal teuh lo. Mahse a bul ah chuan mi dawizep ber ang in ka che leh ta, tawngkam na tak² in ka tawngkhum leh a.

Hazel lua ball vawm tu kha ka ni lo dan ka tum nasa asin mahse ka dang hman ta lo min ngaidam rawh Hazel ka rilru ni lo pui sawi chhuak in ka nuihsawh hial che mahse kei mah zawk hi ka in ti na mai² a ni.

Staff room ka chhuak tur chu kan zirtirtu in work min pe dawn tih ka hre ru a pahnih zel in partner tur in a la ni zui, rang tak in sir bulah kal in Hazel min partner tir tur in ka ngen chiam a, zawh pawh ka ngaihtuah lo, a kiang a ka awm theih na chance a ni tlat.

Hazel chu ka lo nghak char² a, a lo chhuah ve leh chuan a hmaah chuan chak tak in ka tlan lawk a min rawn pawh hnu chuan muangchang a kal in amah ngaihsak awm lo tak chuan ka awm vel a, huh ka van naupangchhia tak.

Hmanhmawh tqk in in ah ka tlan haw a ka in ti fai zung² a ka thawmhnaw hak tur chu ka zawng buai nasa hle maj hmeichhia ang mai in ka haa ka phelh leh thul ka inthlak nasat ber tum a ni ngei ang..

A hnar thi ka hmuh chuan ka chiai nasa ngei mai he nu hrisel lo lutuk hi chuan min van ti mangang thin teh em, bathroom chhungah a awm chhung chuan kawngka bul ah chuan ka vai kual chhen a. Amah vang hian thil mak pui² ka van ti nasa tak.

Hall chhung ah a lut tih ka hriat ve leh zui luh nghak ka tum a, ka inngaihtuah fe hnu chuan ka va lut ta hram thughleng kar a, a lut zawk pawh chu ka hmu a, min ti hlim lutuk mai. A thawm ka hriat chuan a intina ang tih ka hlauh vang in ka kal vat a, huuh a va duhawm tak a ngiau der vel ania.

Ka hlauh ang ngei in a ke a ti na, mahse a pawi lo a vawikhat nan ka paw thei he ni hi chu ka theihnghilh tawh ngai lo ang. Zan ah chuan a ke chu eng tin nge a awm zel ang tih ringawt chuan min tibuai a ni, an gate pawn ah ding in damdawi keng in door bell hmeh ka tum thin ka thei thlawt lo, a nu leh pa doctor an ni a an enkawl khawp ang rilru buai loh na tur² ah ka buai a ni.)
_________________________

Ruah ka do na lam ah chuan ka huh vek a, ka inngaihtuah nasat em avang chuan in ka thlen lai pawh ka hre lo. Ka nu aw chuan min ti harh zawk a, ka nu chuan Hazel an hmuh tawh thu leh an in ah kal ve tur in min ti a, engvang in nge ka kal ang Wilk a nei alawm kei chu enga tan mah min ti lo min hua a ni, ka room ah ka tlan lut nghal a.

He nu te reuh hian min van tibuai nasa tak thim a hlau emem a a bulah ka awm thei lo a ni kei hi ka va nep tak mahni hmangaih pawh venghim zo lo mipa ka ni hi. Kha class room thim tak ah khan amah chauh in a awm char² a ni a, damdawiin ah karkhat tal chu a awm a ngai dawn ani. Ka van hmu lo rei dawn tak.

School ah chuan Clara chu biak ka duh avang in ka ko hrang a, mahse kan inbiak hma chuan Will lo kal in huat hmel zet chuan min melh a, "Gary hei hi hre rawh Hazel chung ah hian thil tha lo a thleng anih ngat chuan nangni pahnih hi ka ngaidam hauh lo ang che u kumkhua pawn" a kal leh nghal a.

Clara chu ka melh kawk a "Hei hi i thiamloh vek ani Clara"

"Enge a, kha nu kha a thi pawh a ni em ni, mi ka that ni awm mai in min en a, ka tlawm dawn lo nang hi kha nu lak ah ka chan loh nan che eng pawh ka ti ang chu vang chuan lo in rawlh buai vak suh, Gary nang nen hian kan la tawp lo ania"

"A tha alawm kan la inthen lo ang ah chuan ngai ila, i duh dan² in awm rawh mahse Hazel sam hmawr pawh i tawk leh anih chuan eng tin nge ka awm ang tih hi ka sawi ngam lo ani".
_____________________

Zan in hi united leh chelsea in tum zan a ni, an tan tep tawh a, Hazel room chu ka melh phei a, a en ve angem le a hma kha chuan kan pathum in kan en ho thin a ni a.

Eng tik lai in nge Hazel te inkawt ah ka awm pawh ka hre lo, a pawi em ni a bul ah inkhel en ka chak a ni mai a, door bell chu ka hmet a Will an a rawn hawng a Hazel tang em em a aw kal rawh kal raw a tih ri pawh chu ka hre thei a.

Inchhung ah chuan ka lut a Hazel min hmub chuan mak a tih hmel hle mai nia tinge mak a tih loh ang kei pawh hian ka kal hi mak ka in ti a ni. Will chuan inchawi na ah tel ve tur chuan min sawm a, 100 chu ka dah a. Chhuat ah chuan kan thu a, inkhel chu kan en a, he nu hi hmeichhia ber si hian hmuhnawm a ti ber a a la tang thei em em zui ramhuai flim en pui phei chuan min tham na lam ah kan na vek zel.

First half thleng pawh chuan goal a awm lo. Hazel chu tho in " Noodle ka va siam ang a ti a choka lam ah a lut a. Will chuan thil ho deuh² chu a sawi vak a, he pa hi chu a la ngai reng kan tet lai chu min ti ngai takzet a ni Hazel nen kan inkar ah khi a awm loh lai ang khan awm leh ka chak a ni mahse a tlai tawh pawh a ni mah na a hma ang khan engmah hian a ng thei tawh lo.

Hazel te ri ka hriat rual² chuan choka ah chuan ka tlan lut nghal a, a kut chu a lo thi nasa ngei mai, a kut chu vuan in puan chuan ka hru nghal a, ka hlauthawng lutuk chu ka in dang hman lo ka tih dan ngaige bawk kha ka thinrim khum leh ta

"Eng tin nge i fimkhur loh theih em em a, eng mah hi i ti dik ve thei lo anih hi tiraw"

"Maw! Enge i lo buai ve vak a, ka kut anih hi i bialna kut ni lo in " a kut chu a phih thla sawk a, "I puih na hi ka mamawh lo" tiin band aid chu la in a kut ah chuan bel a tum a a bel hleithei lo a, "khawi" tiin band aid chu ka lak sak a, a kut naah chuan ka bel sak a

Ka bel zawh chuan engmah sawi lo in tv en na ah chuan ka luh san leh nghal a, ei tur chu a rawn chawi phei a a kut na chu ka en a, a rilru ka tih nat sak leh tawh a ni hi ka thin chhe lutuk hi chu a tangkai lo thin ngawt mai. Mahse enge pawi a ni pawn min haw tho alawm ka thinrim leh rim loh hi eng ah mah a ngai tawp nang.

Ka ngaihtuah thin a, e eng lai hi nge ka duh em em chu le hmeichhe hmeltha tak chu a ni lo a, a cher in a dawldang em em a, a sam chu a kawng thleng lo tawk lek in a sei a, a mitmeng a dum tle deuh a a nuih hian uite duhawm tak ang mai hi a ni in ka hria.

Ni chuan ka mit ah min rawn chhun chuan ka harh hlawl a ka dar ngheng in Hazel chu a lo muhik reng a, ka nui suk a hmel chu ka en vang² a, a rawn harh chuan min rawn en chho haa a, kan nit leh mit chu a intawng fuh nge ka hawi sawn thei thlawt lo, a hmui chu ka melh thlaa ka chil ka lem kalh a, Hazel min ngaidam rawh ka kun hniam a a hmui ah chuan duhthawh tak chuan ka fawp a, a ni pawn min hnar bik lo ka fawp zel a, ka meng phal thlawt lo ka lung te hi sawh chhuah tum ni awm hian an phu dup² a. mahse min nam sawn dawr a, a hmel ka en chuan a mittui a lo luang a, kk tinge a tah le ka thiam loh a ni.

"Ka tih palh, Clara maw ka ti che a ni" ka tho a ka chhuak nghal a. Huuh ka thaw hluam² a eng thu nge ka sawi le clara mW hh ka lh ah ka chum chawrh a mi mawl thi tlak i ni Gary Wilson.

Ka thin phu te hi a la ngai thei lo Hazel ka fawp lai chu ka mitthla ah a rawn lang nawn uar² mai, eng tin nge a ngaih ang le, ka fawh vang khan a mittui a tla a kei hi min lo haw tak zet tih na em ni??

Hazel room lam ah chuan k hawi phei a a khum ah thu a thu reng a a che sawn miah lo ka en char² a ka room lam a rawn hawi chuan parda chu ka zar nghal a k biru a. Ka tih palh ka ti na leh tawh che a ni maw.
___________________________________

Part -3

WILLIAM

A ni tel in Hazel chu a chau tual² a, a nat na chu a lo lang chhuak nasa ta hle mai, Gary an a fawh khan a lawm lutuk asin mahse he pa hian tinge a rilru hi a tih nat sak reng mai le, a nun ah vawikhat tal chu hlim tak a awm ve a phu asin.

Mr & Mrs Grace te hian an fanu din hmun hi an hre chiang lutuk tlat eng ang a thiam na sang leh damdawi tha pawn a ti dam zo tawh lo.

Middle school kan kal lai in Hazel hian tumor a nei tih hriat a ni a chu mi tum pawh chuan a tlai tawh a ni, damdawi hmang in an la enkawl ve tawk² zel a, Gary hian a natna hi a hriat a hlau hle a, a duh loh chung in a hnar angaih phah a ni.

A dam rei tawh dawn lo tih hre mahse Gary hmel hmuh a duh a chau chung² in School a kal a, mahse a tawn chu Gary hmuhsit na aw leh a huat na bak hmuh tur a nei lo chu ti chung chuan a tuar a engkim a eng zawng in a thlir zel a, a taksa pawh a chau tawh a ni.

Damdawin hi chu a tan chuan in ang vel a ni tawh in ka ring nitin deuh thaw a kal ziah thin si a.

Hazel chu a nat zual a zan zan ah damdawin ah an luh pui a, oxygen an lo pe mek bawk a, a hmel chau tak leh dang zet chu ka en a, tiang khawp a te si hian a tawrh zawh loh tur natna a nei si a khawvel hi a fair lo a ni.

Hazel chu a rawn harh a, ka van lawm tak, midang ho chuan thil tul dang tiin an buai vek a kan pahnih chauh chuan kan awm a. Tawng pawh a tawng hleithei lo a oxygen chu a la thlaa,a bul ah chuan thu in min ngheng chuan a thu a.

"Will tun ah chuan ka thi tawh tak² dawn in ka hria"

"Chu tiang sawi suh Hazel i tha leh dawn alawm"

"Huuh kha thu kha ka hre zing tawh malh² khawp mai,"

A biang ah mittui a luang zung² a, tih vak ngaih na pawh ka hre lo a tan tih theih engmah ka nei si lo

"Will kei pawh hian midang ang in duhthusam , tih chak leh duh te ka nei ve asin, hmeichhe dang ang in bike a chuan a tuipui kam ah tlan kual a nuih vak² te pawh ka chak ve asin mahse ka tan chuan chuang te chu duhthusam eng tik ah mah puitling thei lo ang mai a ni asin. Kum tam tak dam a,Gary kut vuan chung a college kal dun te, inneih a fa neih te ka chak a,, (a mittui a luang zung² a) eng tik ah mah a thleng dawn si lo, Will dam hi ka la duh ve asin vawikhat tal ka hmangaih che Hazel Grace han ti ngat se chuan...

A ngawi ta vung² a, ni lo a ni thei lo, ka sawi a " hazel hazel" min chhang lo, zawi muang chuan a dawn thaw hrawk² a, zawi te chuan "Will ka kal hma in a hmel vawikhat tal hmuh ka duh a ni" a ti sap a.

Teh reng mai ka lo hruai ang he tah hian ka lo kal tir ang. Doctor ka au vat a an en chhung chuan kan school lam pan chuan ka tlan nghal a. Class room ah chuan ka lut a zirtirtu an awm nge awm lo ka ngaihtuah lo Gary thutna lam ah ka kal a, a kawr nghawng ah chuan ka tham a, mak ti in min en thap a, Gary chuan min melh kar a.

"Tlan rawh Gary Hazel in a nghak che" ka thusawi awmzia chu a hriatthiam loh hmel kher mai. A hriat fiah ngei nan ring tak chuan "Tun ah hian Hazel hi a thi mek a ni, a kal hma in i hmel hmuh a duh"

Mak ti tak chuan min melh kawk a, a harh chhuak thut amaw gih mai tur chuan a tlan chhuak nghal a, hhuh hei hi ka hria a ni Gary nang pawh hian Hazel hi i hmangaih tih hi tinge tun ah chauh ka hriat chhuah ka tlai tawh lutuk a ni, chhuat ah chuan ka thu hnawk a.
_____________________________________

GARY WILSON

Ka theih anga chak chuan ka tlan a, ka bing mup² mai Will thusawi awmzia kha ka man lo hriatthiam ka duh lo mahse Hazel a thi mek a tih chuan ni lo ni lo Hazel min lo nghak hram rawh khawngaih in ka pen tin mai chuan ka thinphu hi a chawl dat hian ka hria ka khur a ka buai vek a ni.

Damdawiin ka thlen chuan an lo ding thap a, tu pawh chu an ngawi vek hlawm a, ka hrethiam lo takzet zet. Room chu ka en a Hazel chu khum ah mu in min rawn melh a doctor te chuan tih dam leh tum ni awm tak hian a awm ah chuan an shock tir a, a melh lai chu a melh sawn hauh lo min en char² a, zawi muang chuan a rawn nui a, a hmui chu a ti phu zeuh a a mit chu a chhing a. khawl chu a ri tut² a, engmah hi ka la hrethiam chuang lo mahse ka hlauthawng lutuk. Hazel Grace-i pa chu a rawn chhuak a, a thusawi chuan ka min ti. A in min thawng takzet.

"Ka fanu chu tun ah chuan a awm tawh lo, a kal tawh"

Ka melh ngai chu ka melh vung² a, Hazel chu ka en a, a lam pan chuan ka pen phei a, a bul ah chuan ding in a taksa dang leh cher zet chu ka en kar a, "Hazel i harh tiraw?" Min chhang lo an thusawi kha a dik lo ang, "Hazel min chhang teh Hazel " a taksa chu ka sawi det² a.

"Tun ah chuan a thi thaw Gary Wilson nang hi i tlai a ni" Will chuan a rawn ti a, vawikhat pawh ka hmangaih thu ka la hrilh lo chuan tun ah a thi amo!! Hei hi ka mumang a ni harh ka duh min kaithi teh u.

Hazel chu ka en a, a thi tak² tih na em ni a kut ah chuan ka hmer a, ka mittui a rawn luang ngial a. "Hazel ka hmangaih che asin, eng tin nge i thih theih

Will. Huan min rawn kuau a, " Hazel hian nang ang mipa a lo hmangaih hi khawvel a thil tih sual lian ber a ni"

Engtik ah mah ka in ngaidam ngai dawn lo anih hi. Ka nunna tluk in ka hmangaih ka ti thin a ka hmangaih thu ka hrilh ngam lo kha kumkhua pawn ka hrilh thei tawh dawn si lo.

Hazel room ah chuan ka thu a, a bungrua vel chu ka en kual a. Mrs Wilson chu a rawn lut a ka hnung ah chuan a rawn tuai a, "tun ah chuan hahdam tak in a chawl tawh alawm" tiin min rawn hnem a, lehkhabu te tablet size awm vel leh hi min rawn pe a, ngawi reng in a chhuak leh nghal a.

Lehkhabu kawm ah chuan "Forbidden Love" tih hi a lo inziak a ka keu a, ka thlalak hi a lo in bel a, ka thin chu a phu nghal dup² a. Ka keu leh a a hming leh pian kum leh a ma chungchang ang chu a inziak tlar thla dual a.

((# vawin hian Gary an Clara chhuah pui ah a sawm a, ka na ngawt² mai tinge kei ka nih loh le

#ka chau tawh takzet a ni ka lu te hi a hai muai² mai mahse Gary ka hmuh nan a nih phawt chuan ka tuar thei a ni

#Gary wilson mi sual pa nunrawng ka hmangaih na che hi paih chhuah vek ka duh

.
.
.
..
.
#vawin hian Gary nen kan in hau leh tawh a kawr ah theitui ka tih kai sak a,a thinrim zia kha, min melh rum em em zia kha ka tap lo thei lo

#aw lalpa ka lawm e, Gary te an chak

#tinge Gary min tih nat em em reng a, ka hua che mahse ka ___ che

#Vawin ah Gary nen work kan ti dun a, hun rei tak hnu ah an in ah ka kal leh a, ka hlim takzet a ni.

Phek tin mai ah chuan ka hming leh chanchin a in ziak tlar thla dual mai a, ka chhiar gun pauh leh ka inthiam loh na a zual zel a ni.

#vawin hian Gary an kin pua awii ka mumang chu a ni si lova, Clara James thinrim hmel hmuh kha a van nuam tak.. Oo Gary

#ka lu a na in ka taksa te hi an chak tawh lo takzet a ni

#.
.
.
#tukin zing ah Gary an min kiss a, hhuh ka thih hma in vawikhat mah he thil hi a thlleng dawn lo ama ka ti asin mahse, Clara maw min tih vang a nih chu, ka na takzet

#tun ah chuan ka chau tawh takzet a ni, Gary hmel hmu lo hian ka thi ang tih ka hlau a ni

Ka chhiar chhunzawm thei tawh lo ka in haw takzet a ni kha ti khawp a na leh hreawm khan kei chuan ka lo siam a, na tak in a awm lai in ka tih nat belh a, ka van inhaw tak.

Lehkhabu kar atang chuan paper hi a rawn tla a.

GARY WILSON NEN A TIH KA DUB TE

1. Movie en dun
2. Couple t-shirt hak dun a kan pahnih chauh a zan thla eng hnuai a kal dun
3. College te kal dun a, ni tin inhmuh
4. Kut in kai a kal dun
5. Keimah chauh min en se
6. Nitin ka hmangaih che "Hazel Grace" a tih ri hriat ka chak a ni
* a tam lutuk a ka sawi seng lo.

Hazel kutchhuak anih avang chuan ka chhiar a ngai a ni ka chhiar ta zel a, he nu hian min lo van hmangaih tak ka van inchhir em kumkhua pawh in ka in ngaidam thei dawn lo anih hi. Diary a Hazel thik ziah hnuhnung ber chu.

"Tun ah hian Will chu Gary hruai tur in a kal mek a, ka nghak chhuak zo angem le. Gary i hmel hmuh ka duh asin Gary ka hmangaih che.... Piannawn leh na hi a awm tak² ngai anih chuan " Hazel Grace leh Gary Wilson te hi inhmangaih tak an nih theih nan Pathian ka dil ngei ang.. Ka hmangaih che Gary Wlison"..

Hazel diary chu k khup a.

{Ka thawnthu ziah min lo chhiar sak avang in ka lawm lutuk e, ka thu ziah kal lai Love you again kha lo la chhiar lo te in awm tak in min lo chhiar sak ve hram dawn ania}

.........................THE END......................


Rodingliani

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)