ENZO by - Rodingliani Vanchhawng (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

ENZO by - Rodingliani Vanchhawng (Completed)

Unread post by Ngaia » June 24th, 2018, 4:02 pm

[attachment=0]TargetPreview.jpg[/attachment]

[b]ENZO
Chapter - 1

by - Rodingliani Vanchhawng[/b]

Ni dang ang lo tak in vawin chu class kan bang har viau, kan class atanga ka chhuah pawh in dar 10 a ri dawn tawh a, vanduai thlak tak in kan in kawng a lo chhe leh zel bawk nen bus a tlan lut thei lo zui. Zan a rei ve deuh tawh avang chuan ka hlau ve ang reng viau, chak tak chuan ka pen pawp² a, in thlen hun mawlh mai chuan ka rilru a luah khat.


Mipa aw ni awm tak, na tuar a rum hi ka hria a, ka hlauh avang chuan hriat loh der ka tum ngial mahse a ring tulh² in ka hria, chiang tak chuan "min pui rawh u" tih ri chu ka hria a, mipa aw ngei a ni, kawng sir lam chu ka phone chuan ka en a, mipa khat hi hnim buk kar ah chuan a lo mu a, a kamis var chu thisen in a ti huh vek a. Ka pan vat a, a thisen chhuah na chu ka kut chuan ka nam bet a..


Ambulance call ka tum chuan ka phone chu a rawn phih thla a, "damdawin ah kal Ka duh lo" then tlawk² chuan a rawn ti leh a, a thisen chu a chhuak nasa bawk si, awm dan tur pawh min ti hre lo. Thei leh thei lo chuan ka tung tho a, ka dar ah kuah tir in ka in lam pan chuan muangchang chuan ka kal pui a.


Kan in chu a hla tawh vak lo bawk a, kan thleng nghal mai a, ka khum ah chuan mut in tui ka lum nghal. Ka la sawi loh tak in Medical student ka ni. Chuan kei mah chauh in ka cheng bawk. A kawr chu ka phelh a, chemte vih na a ni, a kak thuk ang reng Ka hmanraw kawl ang ang chu la in ka thiam ang tawk chuan a hliam chu ka enkawl sak a, hmun 8 vel ah ka chilh sak.


Nachhawk na te ka pek hnu chuan a muhil nghal a, a thawmhnaw chu ka suk sak leh a. Eng tin nge kha tah khan a awm thei leh eng vang nge tih te mai² chuan ka rilru a luah reng a, khum ah ka mut tir avang chuan thuthleng ah ka mu a, ka taksa a chauh ve deuh avang chuan ka lo muhil ve mai ni tur a ni.


Ka harh leh chuan khua a lo var uar tawh a, nizan a mi pa kha, pindan lam ah chuan ka tlan lut nghal a, khum chu a lo in thlep fel than a, "a chhuak tawh a ni maw" ka ti sap a. Khum ah chuan paper hi a lo awm a, "Min puih na avang in ka lawm e, ka la rul let ngei ang che" tih te hi a lo inziak a, paper bul ah hian business card ni awm tak hi a lo awm a, "Enzo" tih leh phone no hi a lo inziak a.


"Enzo maw! Hming dangdai tak a nih chu, ummm min la rul let ngei dawn a nia" class kal leh ka ngaih avang chuan ka che nghal sawk² a.
____________________

Kan training na hmuh hi texas ah chuan Hospital lian leh changtlung ber a ni a, a lian in a zau em em a, kal na tur chu tam tak ani. Nitin mai hian thil thar hmuh tur a awm deuh reng mai niin ka hria, vawin phei chu eng function nge an tih pawh ka chiang lo chu tiang vel chu an nei dawn a, an buai hlawm khawp mai an inpuahchah nasa lutuk..


"Andrea, a van nuam tak vawin ah Miller a lo kal dawn" tiin a rawn au chiam mai a, ka bo ngei mai "tu nge Miller chu ka ti ha a" min en dan ah chuan mawl min tih hmel hle mai.


"Franklyn Miller i hre lo tak tak a mi, kan damdawiin sponsor tu hi mawle, kum naupang tein company lian tak a din thei asin. "Light and Shadow"company kha i hria em?"

"Imm"

"Kha company nei tu kha, awii a chhelo tih hian a sawifiah zo lo, a sang in a pian a nalh em em a, a hmelthat dan lah chu e"


"A hming tang ringawt pawh chuan kan hmuh phak pawh a nih loh chu"


Ka hnung atang chuan "ni e i sawi dik khawp mai Andrea Martin, Franklyn hi in ban phak a ni lo" ka en chuan kan misual nu bawk a ni, he nu hian min tihbuai bak hi tih tur a nei lo a mi le?


"Franklyn hi ka ta a ni chu vang chuan a hming kha in duh dan dan a lam theih ngawt a ni lo a nia" tiin min nuih kher a.


"Lungngai suh Lauren a ni chu kan chuhpui hauh lo ang che" kan ti ve ngat, mahse a la na leh hle si hahthlak hian hei vang hi lawm mi hausa ho hi ka huat em em.


"Maw, chuh pui ah, hey Martin mai mai i nih kha, nang thingtlang nula scholarshio hmanga kan damdawin a lut ve thei mai chauh i nih kha, zak ve deuh teh" min ti deuh hrep a, Eli chuan chhan let a tum a ka lo dang vat a ni ang hi chu a theih hram chuan pumpelh a ngai a ni.


A tawngkam hman te chu na viau mahse ka tan chhan vak chi a ni lo, a sawi ang khan scholarship vang chauh in damdawin ah hian ka lut ve thei a, chuan he damdawin hi a nu ta a ni bawk a, ka tan chuan an sang lutuk tlat a ni. Eng mah sawi belh lo chuan Eli chu ka pawt sawn dawr dawr a.


"Tinge eng tin mah i tih let loh a tawng dan te kha i hria ni lawm ni."

"A sawi dik vek alawm, ka tan chuan el phak chi a ni lo. Kal ang class kan tlai ang"

Eli chu a lungawi lo hle, mahse a ni hi chu thlem har tak a ni hran lo, choclate ka lei sak chuan a lungawi leh nghal a ni mai.


Khawi ah pawh chuan Miller Miller an ti reng mai, chu pa chu eng tiang taka hmeltha nge tih chu ka hmu chak hle mai, an aa lo hlawm chauh chu a nih ber hi le.


Eli nen chuan kan class zawh chuan dorm lam pan chuan kan kal a, kan kal na lam chu a ri rum² a, Eli mitmeng chu a dangkam nghal vek, ka ban ah vuan in "Miller a ni chiang lutuk" tih leh min tlan pui a rual a, aa enge an hriat hlawm le, nurse leh kan class ami chu an lo awm deuh vek a, mipa khat hi an bawr luai² a, Miller an tih pa chu a ni ngei ka ring, kal ve ka duh loh avang chuan ka ding a Eli chu a tlan nghal a.


Ka lam pan chuan chu pa an sawi pa chu a rawn phei a, a kal na apiang ah chuan an zui dul² zel a, umm an sawi ang ngei chuan a hmeltha in a pian a nalh chuan a sexy lutuk tlat, mahse ani ang mi sang lutuk hi chu ka ngaihven buai peih lo.


Ka mit vai nge ka mumang zawk, chu pa chu ka hmaah a rawn ding a nia, ka hrethiam lo, a reh thiap a, min en vek ni hian ka hre, chu pa chuan ka mit ah tak chuan a en a, eng in emaw tak hian ka zam takzet ka thin te chu a phu dup² mai, mak ti tak leh zam tak chuan


"P__puih theih na che ka nei em?" Ka ti ringawt, a bul ah chuan a secretary ni awm tak nge bodyguard zawk pawh ka hre lo a lo ding ve reng bawk a, chu pa chuan min nuih in "Nangmah ngei i ni, ka hmu ta che" a ti ringawt ka hrethiam lo in ka bo takzet, tawng ngaihna pawh ka hre lo.


Ka in kawk a, "kei mah maw" ka ti deuh ha a,ka mawl hmel viau in ka hria. Chu pa bawk chuan "imm kan in hmu leh thei ang tiraw?" Tiin min zawt a, ka mak ti lutuk chu awm dan tur pawh ka hre lo ka ngawi reng a.

"A lan dan chuan min hre tawh lo niin a lang" tiin ka sam ah chuan a tuai a, "kan in hmu leh dawn nia" ti a nui var² chuan a kal a.


Awm dan tur pawh ka hre lo, ka melh ngai chu ka melh reng ringawt a. Eli chuan min rawn kuah a thil tam tak a ni mai sawi ngaih na pawh ka hre lo, ka beng ah pawh hian a lut seng lo , zawhna min zawt nghal char². Ka hawi chhuak chu Lauren chuan min melh rum ngei mai, ka sam hi pawh kawlh vek a chak niin ka hria.


Ngawi reng chuan dorm lam chu ka pan a, Mi ho chuan min en duh ngei mai a nuam lo tih piah lam a ni, tun hma in tiang hian mi en ka la ni ngai lo, khuk ral daih mai chu ka duh, kan kal chhung zawng chuan zawhna mak pui² Eli chuan chawl lo in min zawt phei char² ka chhang ta nge ta lo pawh ka hre tawh lo.


Khum ah chuan ka mu a, nichin a mi pa kha ka rilru ah a awm reng ringawt mai, a nuih dan leh a tawng dan vel te chu, ni e an sawi ang ngei in a tha lutuk tlat, mahse vawin thil thleng kha ka hriatthiam zawng a ni ve lo, a mak in ka buai deuh nuai mai.


A tuk ah chuan kan class lam pan chuan kan kal a, kan class pawn ah chuan kha Miller an tih kha a lo ding a, min hmuh ve leh chuan min rawn pan nghal a. Tinge he pa hi tiang hian a awm le, min ti hlau deuh reuh a ni.


Hy chu ka ti ringawt a, dik tak chuan amah ngaihsak anga lan hi ka duh lo, bak ah chuang tiang em em pawn ka ngaihsak chuang lo a, ama thiam loh vek a ni tinge tiang khan ka bul ah a awm vel ni.


"Zan in ah dinner kan ei dun thei ang tiraw" a thusawi chuan min ti phu zawk hian ka hria. Kei mah in kawk chung chuan "kei mah maw" kan ti leh haa ah. Tinge tiang a mawl hmel tak a lan hi ka sim theih miah loh le?


"Aw, nang mah lo midang biak ka nei ami? Dar 7:00 ah, damdawiin bula dawr ah khan ka lo nghak ang che"


Ka rilru a ti buai nuai mai, eng tin nge ka chhan ang aw ka ti nghal dawn nge, ai ka ti ang nge ka inngaihtuah tur thu ka hrilh ang, chhan mai dan tur pawh chu ka hre lo ka lo ngawi leh vung² a ni ang, ka hmai zawn ah chuan kut a rawn beng a ka phut zawng chuan ka harh zawk a.


"Min la chhang miah lo a" nui sung chuan a rawn ti a. Ka chhang ang maw, ka kut tin chu ka sik neuh² a, ka chhanna a ngaihchan ran avang chuan "aw" tih ringawt chuan ka chhang a, a hmel ka en chuan a lawm hmel hle hian ka hria

"Awle, dar 7: ah anih kha aw" tih zawh chuan min kalsan leh nghal a, a kal liam chiah tih ah chuan ka hmaah chuan Lauren leh a thiante nilo a tirhkah te ti ila a dik zawk ang ka ring, pahnih chu rum zet a min melh chung chuan an lo ding a.


"Enge in duh a"

"Franklyn nen khan enge in sawi?"

"I tan a paimawh lo"

"Maw!! Nangnu hi, tunge ka nih i hre chiang viau ni lawm ni, Franklyn hi ka ta a ni, nang hian lo hnaih ve tawh suh"

"Tihpalh Lauren, i bialpa hi chuh pui che ka tum reng reng lo"


Min ben pawp mai duh hmel a pu in ka hria, kan in hnial tam hma tiin class ah chuan ka luh san nghal a. Min hmuh tawh hi chuan min tih buai hi a in peih at tawh thin, a chhan pawh hi ka hre bik lo tinge min huat em em le, hha he ka ta a tih ve chhen pa hi, ka hmu zing a nih ngat phei chuan ka dinhmun chu a that viau ka ring lo. Zanin chiah hi ka hmu anga ka inthiar fihlim nghal ang.


Millera hmu tur chuan ka insiam a, ka insiam chhung chu Eli chuan vawi 100 chuang Miller bul ah amah sawi ve tur in min chah hman, eng tin nge a theih zawk le, tiang khawp hian a duh a nia hahthlak hian.


Ka zam ru ang reng viau, kan medical college a hmeichhia tam tak atchilh rawn ka hmu dawn chu a nia ka khur der² thei hial in ka hria. Thawk ka la vak a muangchang chuan ka thaw chhuak leh a, dawr chhung ah chuan ka lut a, kha pa khan min rawn nuih var² a, a hmeltha takzet a ni ka sawifiah thiam lo zawk, a hmaah chuan ka thu a.


Min en vung² chung chuan "enge i ei duh" tiin min zawt a, ei duh ka neih pawh ka hre lo, "eng pawh a ni mai" tiin ka chhang a, amah chuan a duh zawng chu a chah a. Ka mit ah chuan a rawn melh kar a.

"Kan inhmuh leh pawh hi ka ring miah lo asin" a thusawi awmzia hi ka hre thlawt lo, ka ngaihtuah chhuak thei lo nge, ka bo hmak a ni, ka la hmuh awm ka hre si lo

Amah bawk chu a nui a, "A lan dan chuan min hre tawh lo tih a lang, mak pawh ka ti lo mahse ka tan chuan theihnghilh chi i ni lo"

Mak tih hmel tak chuan ka nui heu a, ka mawl hmel ngawt ang.
.

"Min hrethiam la, min hrilhfiah thei a ngem"

Card hi min rawn pe a, chu tah chuan "ENZO" tih hi a lo inziak a, ka hre nghal he hming hi nih chuan ahhhh Miller an tih hi kha Enzo kha maw mahse engtin nge a nih theih, amah chu ka en tawp a.

"Mak i ti a ni maw, ka insawi vat loh avangin min ngaidam rawh, i chung ah hian ka lawm em a ni"

"Aah engmah tham a nih loh kha ka pui thei che kha ka lawm zawk ngawt asin, ka mi enkawl hmasak ber i nia"

"Ah chu inzir nan min hmang a ni maw" nui var² chuan a ti fiam a

"Mahse Franklyn Miller an ti che sia"

"Enzo Franklyn Miller zawk. Enzo tih hi chu ka tan a mi paimawh te hnen ah chauh ka sawi thin"

Ahh ka dang chiang viau, sawi leh tur pawh ka hre lo, nia ka ti mai dawn mi awmang lo lutuk, he pa hi mi ti lai thiam tak a ni.

"I chung ah ka lawm takzet a ni, hei tun ah chuan, ka tha tawh teh mai ania ka duh tawk in ka tlan thei, ka rulh let nan enge ka tih sak thei ang che"

Chhang mai lo chuan ka ngawi reng a, amah bawk chuan "ka hmu le thei ang che tiraw?"

Min hmuh leh a duh amaw, mahse ka hmu duh tawh lo, a ni ang hi chu ngaihtuah pawh ka ngaihtuah ngam lo, awmzia a awm lo a ni.


"Min rulh let i duh chuan in hmu tawh lo ang, chu chu ka duhthusam a ni, kan inhmuh tawh loh hram ka beisei a ni. Tah hian duhtawk mai ang Mr Enzo"


" Mahse kei chuan hmuh che ka duh alawm. "

" Tihpalh min rulh let i duh chuan chu chu min puih theih dan tha ber a ni. "


ka tho a, ka chhuak nghal a.


Ka thil tih hi a dik chiah a ni, ka hmuh ngun poh leh buaina ka ngah tulh² a ni mai, chu vang chuan ka hmuh tawh loh hi a tha, kan dinhmun a inang lo lutuk, bak ah mi bialpa tih buai ching ka ni lo.
..
To be continue...

#MRS_MALIK


Rodingliani
Attachments
TargetPreview.jpg
TargetPreview.jpg (13.84 KiB) Viewed 23852 times



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 24th, 2018, 4:03 pm

ENZO
Chapter - 2

By Rodingliani Vanchhawng


Kan dorm ah chuan ka let nghal vat a. Eli bawk hi a lo aa lo leh chauh tawh, min zawh tur tam tak chu ka hre thei nghal mai. He nu vang chauh pawh hian kha pa hmuh tawh loh na tur chhan kha a tlin a ni.


Ka chau tiin khum ah ka mut san a, a zawhna pawh chu ka hriat loh der sak char² a mizia chu in hriat kha, ka chak lo leh nge² thin, peih loh zet in khum ah chuan ka thu tum bur a.


"Andrea, Miller chuan enge a lo sawi? Ka chungchang chu i sawi em? Eng tin nge min tih ? Min hre ve em? Mawh Andee .."


Khawi ber nge ka chhan hmasak ber ang pawh ka hre lo, zawhna hlir² hian min hual vek ni mai hian ka hria, rizai a in lukhup a mut san daih ka chak mahse ka thiantha ber a ni a, tiang chuan a chung ah ka ti thei si lo.


"Eli, pawi ka ti lutuk I Miller bul ah chuan engmah pawh ka sawi thei lo"

"Nga ti... Nih tinge hmuh che a duh a?"

"Kha hman ni a, mipa khat ka inluah hmasak lai a, ka tanpui ka tih kha i hre em? "

"Umm tinge chu chu?"

"Kha Enzo kha, i Miller hi a nia, lawmthu min hrilh a duh a"

"Wow.. Chuan chuan kha Enzo i tih kha Miller hi maw, aahh Andee nang hi i van vanneih tak, ka van chak ve tak, lawmthu sawi nan enge a pek che"

"Engmah ka duh loh thu ka hrilh a"

"Maw!! Tinge i van aa tak, aa min lo hruai ve lah"

"I duh i hriat tawh chuan ka mu dawn"

"Lehkha i zir dawn lo mi?"

"Zanin chu ka chawl mai, goodnight"


Eng dang mah sawi belh lo chuan ka mu nghal a, mahse ka mut a chhuak hauh lo, hhahh tinge kha pa kha ka ngaihtuah reng mai, ka tan engmah a ni lo, ka damlo hmasa ber a ni a, chu chu a ni mai. Muhil tur chuan ka mit ka chhing a, ka mitthlaah chuan a hmeltha lutuk chu a rawn lang zel a. He tiang hian kei hi min ti buai ve ngai lo teuh lo hahh. Mut a hun.


Zing kar ah chuan ka thawh ve leh chuan kan room lam pan a Lauren thinrim tak a rawn kal chu ka hmu a, zing kar kar ah buai na ka duh lo asin le, "Lalpa min tanpui hram teh" ti chuan ka phun nuap nuap a.


"Andrea Martin nizan ah Franklyn nen in inhmu a mi?" Tap lek² aw chuan a rawn ti a, min ti hamhaih viau mai. Bah nuai chuan "aw" tih te mai pawh chu ka sawi buai nuai mai.

"Hei hi hre rawh, tun bak hi ka warning tawh lo ang che, ka Frank hi i lo hmu leh a nih chuan, hahh i chan tur chu i duh vak lo ang"


A sawi zawh chuan a kal leh nghal a, kha thu min hrilh tur khan tun ang zing ah an in atang in a rawn kal vang² chu a ni awm sia,


Vawin chu damdawin chhung a damlo kan tlawh kual a, a hlimawm in an hmasawn hmel hmuh te a nuam takzet a ni. Doctor nih hi ka thil chak ber a ni a, ka la ni ngei ang, chuan he damdawin ah hian ka la thawk ngei bawk ang. Ka tan chuan damdawin hi engkim a ni ringawt ka khawvel in tanna a ni a.


Class kan zawh chuan, ka chhungte ka phone a, ka ngai in hmuh ka chak lutuk tlat an bul a awm a kuah vawng² mai chu ka chak a ni. Kan in biak zawh chuan Eli nen chuan kan chhuak a, vawin chu hospital campus pawn a chhuah kan tum a, Gate kan chhuak tep tih ah chuan kan sir ah hian Car dum nalh zet hi a rawn ding a, chu car atang chuan Enzo chu a rawn chhuak a.


Eng thil nge he tah a rawn tih leh dawn le, ngai te bawk in Eli leh midang ho hi an aa leh vek hlawm tawh, ka hmaah tak chuan a ding a, "ka kal na tur i dal ania" ka ti ve ngat a, a van ngaipawimawh lo kher em, min nuih sawng mai, nizan khan ka sawi chiang viau in ka hre sia.


"Eng nge i duh?"

"Hmuh che ka duh "

"Ka sawi nawn leh ang E..." Ka sawi zawh hma² chuan ka phone ken lai chu min lak sak thut a, a hmet mawlh² a, min pe leh a.

"Tun ah chuan i no ka nei tawh, ka no poh kha ka save ania,"

Hhh tinge a duh dan² a awm a, "Mr, nizan khan ka sawi chian viau kha"

"Ka pawm leh pawm loh pawh ka sawi ami, i kal daih a nih kha, kha thu ni lo thil dang i duh² i sawi thei, mahse hmu tawh lo tur che a min ti a nih erawh chuan ka ngai pawimawh lo a nia, ka hmu zel ang che" nui vur² chuan a ti a.


Eng hi nge a rilru ah sawn awm ang le, tinge ka chung ah tiang hian a awm le, a hmeltha ka tih na zawng² hi a reh vek dawn in ka hria. A sawi duh a sawi zawh chuan a kal leh nghal a, midang ho chuan min en duh kher mai a no min rawn dil tawk pawh an awm, ka phone chu ka en a ENZO 💗 Tiin a no chu a lo save ah.. Uii min ti a dawn. Eli chu a at tak² hma tiin ka pawt a ka kal pui nal² a, zawhna min van zawt hnem leh dawn tak em...


Dawr ah chuan kan thu a, ka phone chu a rawn ri a, ka en chu, ENZO 💗 tih chu a lo lang kuau mai a, min ti a dawn, ka la dawn nge dawn lo tiin ka rilru a in sual nasa viau mai, Eli chuan ka phone chu a rawn phih a, amah chuan a chhang a. Ka lo tim uai mai. Loudspeaker ah a dah a.

"Hy, ka no chu i hmu maw?" Nui tih hriat tak chuan a ti a, Eli chuan a chhang a.

"Franklyn, ka hming chu Eli ania, Andre thiannu ka ni, ka ngaisang lutuk che" a ti a, aa ka chungchang a sawi lo chu ka lawm hle mai.

"Ahh aw, ka lo hre dawn nia, Andrea ka be thei ang tiraw?"

"Lutuk" phone chu ka lam ah a rawn dah hnai a.

"Enge i duh a" ka lo ti leh hmuk a.

"Tinge kan inhmuh emaw, min biak apiang hian enge i duh i tih ziah?"

"I buaina tur pawh a aawm lo"

"Andrea, ka sawi nawn leh ang, nizan i thusawi zawng² kha eng atan mah ka ti lo"

"Ahh, i buai na alawm" phone chu ka off hmak a, Eli chuan a ui viau mai, ka pawi ti ve hauh lo.


He pa awm dan hi ka duh lo, heng hmeichhe tam tak zing ah tinge kei kher?

..

Chhan ho te te hmang in damdawin ah chuan a rawn kal reng zel a, ka ning mi dang ho hian min en hrek² a, kan school pawh hi a nuam tawh lo zo vek. A theih hram chuan lo kal tawh lo se ka ti, a bodyguard nge pawh hi ka hre lo a zui kual reng a, a tawng tlem hmel in a nelawm loh ropui si.


Library ah ka kal a, ka assignment nen a in milh tur lehkha bu chu ka zawng kual chiam a, a awm na tur awm a an sawi ah pawh a awm si lo hawh tu an awm lo an ti bak si a van vanduai thlak tak.


Ka rin loh deuh in chhuar sang tawk ah chuan a lo awm a, ladder chu ka nawr a, lehkhabu zawn ah chuan dah in ka lawn a, ka lawn lai chuan a lehlam zawk ah chuan midang hi an lawn ve niin a che hrut a ka phu zawk nghe² kan en a, Enzo a lo ni, he pa hi thlarau nge a nih, ka lehkhabu zawn tak chu a la a , hnaih tak chuan min en a.

"Tih tur dang i nei thlawt lo ami?"

"Tun ah rih chuan hei hi ka hna a ni mai."


Lehkhabu chu ka lak sak a, ka chhuk nghal a, thuthleng ah chuan ka thu a, a awm ve tih hre lo ang chuan ka awm a, ka thil chhiar lai chu ka chhiar char² a. Min lo en reng tih ka hria, ka lehkhabu chu dah hniam in ka va mel rek² a, min lo melh kar chu niin lehkhabu chuan ka van in khuh leh rang tak, a ri atang chuan min nuih tih ka hria.


Thawh a kal chu ka tum a, ka kut chu man in min kuai thu leh nghal a, "sawi tur ka nei la kal suh" thutak fe chuan a ti a.

"Enge sawi rawh"

"Andrea ka duh che" a tih chuan ka phu zawk mai , sawi tur pawh ka hre lo, eng tin nge tiang khan awlsam tak in mi a duh thu a sawi theih

"Ka awi i ring a mi, nang hian bialnu i nei tih ka hriat loh i ring ami? Min ngai nep mah²"

"Maw, Bialnu ka nei amaw? tunge ti" a thutak hmel hle mai, ka mit ah a melh kar a.

"Ka kal dawn"

"Tumah midang an awm lo, Andre ka duh che"

"Ka duh ve lo che"

Ka tho a ka kal san nal nal. Mipa ho hi an nep takzet a ni eng tin nge awlsam tak in tiang khan dawt an sawi theih. Nep lutuk mai Hei vang hi a nih ka ring tun thleng a ngaihzawng ka la neih lo.


Lauren sawi ang khan Enzo hi ka hlat a ngai, ahh mahse a hmeltha a ni, chuan min duh aa in ti harh rawh Andrea Martin he tah hian infiam kual tur in i kal lo, lehkha zir tur in a ni i kal. Heng thil hian ka rilru a lak pen tir ka phal tur a ni lo.


Kan room ka luh rual² chuan Eli chuan ka kal na min lo zawt nghal a, "Enzo an vawi 10 chuang a lo call thu a sawi a, tun mai khan kan inhmu sia.

" i phone i keng lo anih kha, a lo call char² a ka la a, i awmna min zawt a, chuan i chungchang tlem min zawt bawk a, chuan Lauren chungchang ka hrilh bawk"

"Lauren chu eng in"

"A bialnu ang in a lo insawi ve ringawt a nih kha, Andrea Miller hian a duh tak² che in ka hria, kei chu min ngaihtuah duh suh"

"Thu lawilo mai² sawi kha duhtawk rawh khawngaih in Eli"
.....

Lehkha ka zir lai chuan ka phone chu a rawn ri a, Enzo... A call ka hmuh apiang hian ka thluak hi hmun hnih ah a phel ziah hian ka hria, ka la hram. "Enge"

"I duh i ti leh dawn mi? In dorm pawn ah ka awm rawn chhuak rawh"

"Maw.. Tun ah maw!"

"Aw, i lo kal lo anih chuan ka au vak ang"

Hhh hahthlak hian ka inha lum sawk² a, ka chhuak a, a car ngheng ar² chuan a lo ding a enge i... Ka sawi zawh hma hma chuan "enge i duh a?" Tiin min sawi khalh a, ka nuih a za ang reng viau mahse ka insuam thei.

"I thil hriat sual siam tha tur in ka rawn kal"

"Enge i sawi awmzia?"

"Lauren tiraw? A ni te chu ka nau ang chiah a lawm, ka tan a nu leh pa te hi an tangkai in min pui nasa em em a, mahse chu lo chu kan inkar h engmah awm a awm lo"

"A ho e mai, Enzo, ka ngai pawimawh lo ka tih kha"

"Mahse kei man ka ngaipawimawh alawm, Andrea, mi dik lo anga min hriat hi ka duh lo"

Lauren chu a rawn kal a, amah ang lo tak in min rawn nuih var² mai, enge a hriat a, min ti hlau hle a ni, ka hmaah chuan a rawn ding a

"Lauren, tinge Andrea bul ah ka bialnu ang in i in sawi?"

"Pawi ka ti lutuk, dik tak chuan ka thiannu in unaupa Enzo hi a duh a, midang in an lo ngaihven ve hi ka duh loh avang in tiang khan ka sawi mai a ni. Mahse tun ah chuan pawi ka ti tawh lo, Andre ka u hi i duh chuan i date thei ang"


Chutiang chuan sawi mahse a mitmeng ah chutiang a lang ve lo a tha e, he nu hi Enzo bul ah fel a chhuah vel a ni maw,a tha lawm kei pawn lemchan te chu ka thiam ve alawm.


"A pawi lo Lauren, i fiamthu tih ka hria, Enzo ka ring ang che, mahse, aw ka ti tih na a ni lo ania" ka in her a ka kal san a.

...

Lauren

Aghhhh ka van haw tak, kha hmeichhe hniam lutuk hmaah khan tawnkam tha ka hman a ngai ania... Ka hua che Andrea martin, min tih zah man hi chu i tuar khawp ang, nag leh unaupa Enzo maw hhh. Enzo tiin a ko ve vel ahh, a tha e indo na chu tan tak tak ila tuin nge a tawp ah Enzo chang kan en dawn nia

...to be continue...


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 24th, 2018, 4:03 pm

ENZO
Chapter - 3

By - Rodingliani Vanchhawng

Khum ah chuan ka mu meng kar a, Lauren chuan thil tha lo a ti dawn tlat hian hriat na ka nei, ka awm a nuam zan lo. Mahse, a thusawi kha a dik thei em, dawt chiang lutuk tih chu tu pawn an hria ang chu, Lauren hian engmah tih hreh a nei lo.


A ngaite bawk in kan class lam pan chuan kan kal a, he hmun hi ka ngaina vel vek mai, kan lam pan chuan he damdawiin a doctor hmeltha leh thiam em em Dr. Mark chu a lo kal a, lai tak chuan ka lo nuih ver² a.

"Heyy, Andrea Eli in tha maw?"

"Kan tha lutuk Dr" tiin ka chhang a, he doctor hi chu ka ngaina ngawt mai, ka damloh pawh in ama enkawl lo hi chu ka ring tak² lo, an thiam lo ka tihna ni chuang lo in.


Class kan lut tep tih ah chuan dr chuan ka darah rawn kuah in "Andrea zanin hian ka tan hun i nei thei ang tiraw?" A rawn ti a kei ai ai in Eli chu a phur maw tih mai tur "aw a hman engmah tih tur a nei lo, a lo kal ang" a ti nghal zung² a, ka hnial hran lo na chu tiang em em te chu


Dr Mark chu a nui suk a, "nih chuan cafe ah aw" tiin min kal san a, Eli chu ka chum taih a, a nat loh teh reng nen uar lutuk in a na a ti vak min ti zak tep. Kan inhnial lut mawlh² a.


Class lak chhung chuan Lauren leh a thian te chuan min melh char² a, awm a nuam lo duh ngei mai. Lauren hi a hlauhawm a ni, a duh duh a ti thei a, ka chung ah hian thil tha lo tak a ti ang tih ka hlau a ni.


Ka hlauh ang ngei chuan class zawh rual² chuan min rawn um zui nghal, ka hmaah ding in min khawih bawrh² mai duh hmel a pu. Enge i duh tih chu a tum uk a, mahse ka hmang nasa mah² a ka hriat deuh avang chuan ka sawi lo leh ta zawk.


Lauren chuan "Nang nu hi eng tin nge Enzo hian a duh theih che hi ka hre lo, eng pawh thleng se Enzo hi ka ta tur a ni, nizan ka thusawi kha dawt vek anih kha, i duh chuan min hek thei alawm i lak ah hian ka tlawm ngai lo ang Martin"

"Lauren Enzo ah hian eng rilru mah ka pu lo"

"A tawk Enzo tih sek kha duhtawk rawh i tan chuan Franklyn Miller aw, Enzo hi hlat rawh"

"Khawngaih in En.. Vanga min tih buai reng hi duhtawh teh "

"Thu min pe tur in eng tianga a ropui chiah nge i nih a, i zam lo mah² a ni Andrea Martin"

"Sawi tur i neih tawh loh chuan ka kal ang"


Ka kal san thei hram, an bul ah hi chuan thaw hi a veng thlawt lo. Enzo pawh eng Miller pawh lo ni se, kha pa hnaih kha ka duh tawh lo.
...

Dr hmu tur chuan ka kal a, ka hmu sual nge chu ka hre lo mahse nidang ang lo tak in Dr hi a chhelo in ka hria a hmaah chuan ka thu a.

"I lo kal chu ka van lawm tak"

"Ka lo kal loh in ka dr ngaihsan ber i nia"

"Andrea, ka chet dan atang in i hre tawh mai thei mahse hmaichhan ah hrilh che ka duh a ni"

"Eng nge i sawi awmzia, " ka kut chu a rawn vuan a

"In date ang, ka duh che a ni" ka tui in lai chu ka phuh chhuak lo chauh ka phu chiang kher mai, ka kut chu ka la sawn rang kher mai, thawk leh khat ah ka lai nghal vek hian ka hria

"Tun ah tut² min chhang tur in ka ti lo che ania, i duh hun² ah a ni mai, hre ve la ka tih vang chauh a ni."

Ahh a ai a mak lehzual thil a rawn thleng, Dr bul ah chuan Enzo chu a rawn thu hlawl mai, mak tih hriat tak chuan "enge i rawn tih " ka ti hu a.


Dr. Mark dar ah chuan kuah in a beng bul ah chuan a phun ser² a, enge an sawi pawh ka hre ve thei lo. Enzo chu a tih dan ngaite bawk chuan a nui leh sung a.

"Dr. Andrea hnen ah nang ai in ka duh thu ka sawi hmasa zawk a, chu vang chuan lo kiang mai ta che" thluk ngeiawm zet chuan a sawi kual a.

"Bhmasa maw! Chu chu a tangkai ka ring lo, Andrea hian a duh zawk chu a hriat chian viau ka ring a ni" tiin Enzo chu a chhang let a.

"Tunge ka nih hi i hria a ni tiraw, Franklyn Miller ka nih hi"

"Hre teh reng e, Mahse Andrea hi hmeichhe dang ang a ni lo. Andrea, duty tur ka ni sia ka kal phawt ang, chuan kha pa lak ah khan lo fimkhur ang che" ka chal ah chuan a rawn fawp zauh a, a chhuak leh nghal a. Enzo chuan a kut chu a hum ruh nasa ngei mai.

"Kha tiang mai² kha maw i duh zawng ni ah"

A tawng duh dan chu Lauren ang chiah in a tawng ania, " Ka sawi nawn leh ang Mr Enzo Franklyn Miller, kei hian ka duh lo che, hmuh leh che pawh hi ka duh tawh lo. Khawngaih tak in min hmu tur in lo kal tawh suh ang che. Kei pawh ka kal a hun" chhuah ve nghak ka tum a, ka ban ah a lo man a.

"Andrea kha pa lak ah khan tlawm ka tum miah lo ania, a ni kha chhang hauh suh ang che, a hmaah nui hek suh ang che" a sawi zawh rual² chuan a chhuak nghal a, kei ma mawh chhuah tum ka tia...


A la tlai chhiat loh avang chuan ka hmanhmawh vak lo a, muangchang in kan dorm lam chu ka pan a. Damlo ho chu ka enkual vel a, chu mi hnu chuan kan room lam ah chuan ka let a. Ka thilnhmuh chuan min thawng hle mai, ka bungrua zawng² chu kan room pawn ah chuan a lo awm vek a.


Room chhung ah chuan ka lut nghal a, Lauren leh a thian te chu an lo awm a, Eli chu bang sir ah hian a lo ding a Lauren te chu an lo nui uar² a. Eli chu ka pan a

"Eli enge thil awmzia tinge ka bungrua!??"

"Pawi ka ti lutuk Andrea, tihtheih ka nei ve lo a ni"

Lauren chu ka hmaah tak chuan a rawn ding a, "loser, he room hi tun ah chuan ka ta a ni tawh"

"Maw enge i sawi awmzia?"

"Dorm hi a full tawh, chuan he lai ah hian hmun i chang tawh lo bye" min nuihsawh chung chuan min bye khum vel a


A ti mah² a ni, room atang chuan ka chhuak a, director office chu ka pan nghal a, ni e tinge he tah hian ka tih a fanu ania a tan reng ang chu. Director chuan inluah tur dang zawng mai tur in min ti a nih chu hhah tun ang zan ah khawi ah nge kal se min tih a fair lo takzet a ni. Eng ang pawn sawifiah tum in tang mah ila awmzia a awm lo. Tih theih dang ka nei lo ka case leh bak te chu la in damdawin dorm chu ka chhuah san ta hna² a, ka rilru a na in ka aa lo chauh a ni ka mittui a tla hial.


Ka bungrua te nen chuan bus stand ah chuan ka thu a, ka tap vak ringawt a tih thei dang ka nei si lo, chu tih lai lai in ka nu chuan min rawn la phone zui, ka mittui chu ka hru a ka in ti pachang a, call chu ka chhang a.

"Bawihte, vawin enge i ni hman te a tha em?" Ka nu in a hria a nih chuan a rilru a hah dawn lutuk ka tibuai thei lo. A lung tha lo te kha lo chhuak leh ta se.. Ka thup a ngai a ni.

"Aw nu a nuam lutuk, a tha vel vek a ni mai, ka college nawm zia hi ka hrilh tawh che tiraw"

"Aw bawihte i hlim a nuam i ti anih chuan kei chu ka hlim a ni mai"

"Nu... Ka ngai lutuk che i bul a awm ka chak" ka mamawh takzet a ni

"Kei pawh in ka ngai lutuk che bawihte, tha tak in lehkha kha zir la kan inhmu leh vat dawn alawm"

Nuuu, ka ngai lutuk a ni, ka insum thei dawn ngang lo a ka hriat avang chuan "nu ka hmangaih che" ka ti a phone ka dah nghal ka thil tawn zawng² hi a za vai a hrilh vek ka van chak tak min kuah anga a tha vek alawm bawihte ti a a awm ah min kuah tur te chu ka ngaihtuah in ka tah a ti chhuak zual,p ka mittui chu ka biang ah a luang ngial a.


Khawi lam nge ka pan ang tih pawh hre lo chuan chu bus stan ah chuan ka case te nen chuan ka thu chu a ni sia. Ka chung ah hian enge thleng ang khawi ah nge ka kal ang tih te chuan ka rilru chu a ti buai hneh hle mai. Ka thian kawm thin awmchhun lah Eli a ni a , a ni pawh khaw dang atang lo kal ve tho a ni si. Ka tawngtai tawp a.
...

ENZO

In ka thlen ve leh chuan ka mu nghal a, Andrea kha dr in a chal a a fawh lai ka ngaihtuah ringawt pawh chuan ka thin hi a rim hluah² thei, chu ta kar ah min hmuh a duh tawh loh thu chiang tak in a sawi bawk si. He nu hi eng tia tih chi nge ni.

Ka kut chu ka ui chuan a rawn liak hlep² a, nui var² chuan a lu ah chuan ka lo chul nghal a, "kiko min lo ngai tawh em ni" ka tan chuan kiko hi ka chhungkua a ni ka enkim a ni. Kum 15 ka nih laiin in ka nun ka birthday present ah min pek a nia a upa tawh hle a, a hrisel tawh lo in a chak tawh lo hle bawk.


Ka nun min boral san atang kha chuan a ni chauh hi neih ka nei tawh. Ka pa lah chu sum ngawt a ngaihtuah kan chhungkaw harsat na ai in amah a in ngaihtuah zawk a, ka nu thih hnu thlakhat hnu lek ah min tlanbo san a. Ka nun pawisa tam tham tak min hnutchhiah hmang chuan nasa tak in keimah chauh a awm in lehkha ka zir a, tun ang dinhmun hi min hlang kai a ni.


Ka phone ri chuan min ti harh zuk a, Andrea thiannu kha a ni a, ka la nghal a. Ka tawng ve hma hma chuan Eli chuan "Franklyn Andrea kha kan dorm atang in Lauren ten an hnawtchhuak a, kal na tur a nei si lo a call pawh ka call tlang thei lo ania, khawngaihtak in pui teh" a rawn ti a, ka zuang tho nghal at, Andrea zawng tur chuan ka chhuak nghal.


Ka call a, a phone a in switch off tlat zui. Zan a rei tawh ang reng si a, a chung ah thil tha lo a thleng ang tih ka hlau a ni, a ni pawh hi ka chan leh ang tih ka hlau takzet. Kawng sir ah chuan ka en zel a... Ahhh Thanks God, ka mit ka chhing a ka thaw huai a, bus stan ah bang ngheng chuan a lo muhil a.


Ka car atang chuan chhuak in a lam ah ka tlan phei a ka va kuah nghal a, a rawn harh a, a hlau hman hle a keimah ka ni tih a hriat chuan a pangai leh mai a. "Mi aa nu min ti a lo chauh a lawm"


Min hmu chu a lawm viau nge pawh ka hre lo, a tap a, a tap hmel hmuh hi hmuh hreawm tak a ni duat tak chuan ka kuah hle² a

"Kal na tur i hre lo a nih te chuan tinge min rawn phone loh"

"Ka battery a low" tap pur chuan a ti a, ka nui chhuak tep a duhawm zia kha.


Ka jacket hak lai chu phelh in a dar ah chuan ka bah tir a, a suite case leh bag te chu ka car ah chuan ka dah lut a. Car chhung ah chuan ka luh tir a.

"I lo kal avang in ka lawm e"

Ka chhang lem lo, ka ngawi reng a, car chu ka khalh char². Amah bawk chuan "i thinrim ami" a rawn ti leh a, ka la chhang chuang lo a. Ni e ka thinrim a, ka hlauthawng in ka ngaihtuah takzet bawk a chung ah thil tha lo lo thleng ta se ka in ngaihdam theih ka ring lo a ni.


Ka in ah chuan ka hruai a, ka bul a awm tir ve chu dik thei a ka hriat loh avang chuan ka in pakhat zawk chu luah ta mai se ka ti a. (Ka in hi building chhawng 5 na a awm a ni a, apartment ang deuh reuh hi a ni a, a nih na tak ah chuan a building pumpui hi ka ta a ni a, a hnuai ber hi dawr ah siam in an luah a a chhawng hnih na ah hian in luah man vel an pek na leh thu vel an zawh na hmun leh room hrang² a awm a, apartment 4 vel zel chhawng khat ah a awm a, ka awmna floor tak ah hi chuan pahnih a ni a room pahnih chu kalkawng in a then a.


Chhawng hnih na ah chuan ka hruai phawt a in luah man vel sawi fel pui ka tum a, ka aiawh tu pa upa ve tawh lam chuan chibai min lo buk nghal a tum a, chutiang chuan ti lo hram se ka ti a ni, a chhan chu he building hi ka ta a ni tih a hriat hi ka duh lo.


Tih tur kan tih zawh chuan a bungrua te floor 5 na ah chuan ka ken chhoh pui a, inluah man tlawm lutuk mak a tih thu chu a sawi nuap² a, ka nui ru leh tut² thin a, a kawngka bul ah chuan suitecase chu ka dah a.
...

ANDREA

Ka rin ai daih hi he building hi a pui a ni, in chhung ah chuan ka lut a uiii a zau zia kha, kan in pahnih a leng hial ang tih tur awm vel a ni ka thawmhnaw a tlem ropui si a zahthlak zawk, a chhung ah chuan bungruah engkim khum fridge thuk engkim a ni mai a awm vek bawk a, chuti chung chuan luah man a tlawm em em lehnghal. Pathian in ka tawngtai na a chhang pawh a ni mah na.


Enzo chung ah chuan ka lawm hle mai, kan haw tawh ange aw a ti ka in hma chiah a in chu hawng in a lut nghal mai a, mak ka ti hle mai. Nih chuan he pa hi he tah hian a cheng ve maw!! Thil thlen dan hi ka hrethiam lo lutuk tlat, ahh ka chau mut hahdam phawt ka mamawh a ni...

...to be continue... ;)


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 24th, 2018, 4:03 pm

ENZO
Chapter - 4

by - Rodingliani Vanchhawng (mrs malik)

Ka harh leh chuan khua a lo var uar tawh, tukverh atang chuan ni hian ka hmai chu a rawn chhun er² a, ka nui ver² a, tiang em em a ka mut tui pawh hi ka la hre lo. Ka en kual a, ka suite case leh bag te chu chhuat ah chuan a lo awm khawm hnuk a. Vawin chu class ka chawlh a ngaih ka ring a ni.

Door bell rawn ri ka hriat ve leh chuan kawngkhar chu ka hawng nghal a, Enzo a ni.

"Enge i..." Ka sawi zawh hma chuan ka lu ah na vak lo in min kuk taih a, Noodles hi bel ah a hmin vek tawh in a rawn chawi phei a.

"Enge"

"Kan ei ang chu, in thar lawm nan" lo lut rawh pawh ka tih hma² in a rawn lut nghal a, zam lo e.

"Vawin ah in dorm ah i bungrua dang ho ka va lak tir ang" noddles chawk mawlh² pah chuan a ti a.

"Tu maw i lak tir dawn?" Hre chak fe chuan ka zawt a.

"Jason mawle".

"Tunge Jason chu??" Ahh rin chu ka nei mai kha pa a bul a awm ziah nui khat deuh kha a ni ngei ka ring mai..

"Ka secretary mawle"

Imm nih chuan kha pa kha a secretary maw a lo nih a, kawngka chu eng emaw hian a rawn hiat ri hrawk² a, ka hlau hman hle a ka hnaih ber a tiang lian vak lo chu ka hum nghal a. Enzo chu kawngka lam pan chuan a kal a, kawngka chu a hawng a, ui var buk ang reng tak lian tha tak hi a rawn lut a. A lan dan chuan Husky ui niin ka hria,sihal a ang lutuk tlat.

Enzo chu ui chuan a zuan thuak² a "kiko" tiin a ko ta in ka hria, dik tak chuan ui hi ka ngaina ngai lem lo, thuthleng chung ah tiang hum chung chuan ka ding a, Enzo chuan min rawn en a min nuih sawh nge pawh ka hre lo a khi vur² a.

Ui chu ka lam ah a rawn kal a, min rawn seh mai ang tih ka hlauh avang chuan in ring reng chuan ka ding a, ui chu thuthleng ah chuan rawn zuang chho in min rawn hnim thet² a, ka hlau lutuk chu chet pawh ka che tha ngam lo, ka rin lo tak in ka ke kham chuan thuthleng ah chuan a bawk hle hle a, zawi te chuan a nghik feih² a.

Enzo chuan min rawn nuih leh a, "a ngaina che a nih kha"

Chutia a tih tak ah chuan ka hlau duh bik lo a ka tiang ken chu dah thla in a lu ah chuan ka chul a, a mit a chhing diar² a, ka lawm ang reng viau mai, tiang hian ui hi ka la hnaih ngai miah lo an lan dan ang em em chuan an lo hlauhawm bik lo a nih hi.

Dawhkan chu kan kil a, a noddles rawn ken chu kan ei dun a, ka ril a tam bawk a ka ei tui kher mai.

Inchhung tih fel vel chu min pui char² a, a hna ah te kal ve a tum lo mi le, a secretary chuan ka lehkhabu leh ka lak sen loh ho chu a rawn dah vek a, kan in rem fel meuh chuan in tak² te pawh a ang ve tawh alawm.

Kan tih zawh meuh chuan a lo tlai duai tawh a, Enzo chuan a in ah chaw ei tur in min sawm a, duh lo viau dawn mah ila min puih nasat em avang pawh hian chaw ei pui chu ka ba alawm.

An in ah chuan ka lut a, uii a ropui lutuk, a in chhung chu a nuam in a nalh takzet a ni, lehkhabu bawm chhuar fridges tv thil awm reng² chu a tha ber chi vek hi a ni mai. Tiang hian mi mi hausa te in hi a awm thin le, hei phei chu apartment chauh a ni a, in phei chu a bawn khawp ang. A hmaah at hmel tak a awm ka duh loh avang chuan, mak ti viau mah ila pangngai tak a awm chu ka tum hram a.

Thuthleng ah thu in dawhkan ah chuan ka bawk nguai a, Enzo chuan ei rawng chu a bawl a, a thil siam rim chuan ka ril a ti tam veng² thei, ka chil ka lem leh kawk thin a. He pa zun ah uai hian ka tawp mai ang tih hi ka hlau a ni.

Ka hmaah chuan a thil siam chu a rawn chhawp a, a rim atang ngawt pawh chuan a tui tawh nghal. "Ei rawh" a tih zawh chuan ka ei nghal a, hhmm a tui lutuk, eng tin nge tiang hian ei siam a thiam zawk a van bawn tak. Ka ei mawlh² lai chuan ka tawp chut a, a plate chu ka en a engmah a lo la ei ve lo a, min en char² tih chu ka hria a.

"Ei ta che" lai tak chuan ka ti zawi raih a.

Min la en reng, a kut chu ka lam ah rawn ti phei in ka hmui a thil kai chu zawi te hian a rawn tuai a, ka thin hi a phu nghal dup² mai, a puak chhuak mai ang tih ka hlau a ni. Ka lai tawh takzet.

"Eng tin nge nang hian min duh let nan hian ka tih ang, Andrea" zawi sap chuan a ti a, awii a aw mawlh kha a tham tiak a a pa bawk si ka sawifiah thiam lo a nalh a ni, ka tha te hi a ti khur der² thei.

Dawhkan hnuai ah chuan ka kut chu ka hum vak a, ka thil ei pawh chu a tui tawh lo zo vek..

"Andrea, ka hmangaih che"

Tinge kha thu kha a sawi, a la hma mah² a ni, ka in thunun thei tawh thlawt lo, he pa hi ka hmachhawn ngam tawh lo. Ka tho a ka tlan chhuak nghal a, kawngka chu ka kalh a kawngka ngheng chuan ka ding a ka thaw ham² a, kha tah khan ka la awm zel chuan ka thi thei mai ang.

Ka thin phu chu a la pangngai thei lo, a hlat ah awm ka tum lai lai in tiang hian a in bul mai ah ka awm chu a ni sia, a va han fu lo thei tak. Eli phone call ka dawn chuan ka la nghal a, min ngaihtuah hle tih ka hria a, a tan pawh thil nuam tak a ni dawn lo a, chu bak ah kha Lauren te thian ho bul ah a awm a la ngai zui. Hun harsa tak chu a la tawng ve ngei dawn anih hi. In luah tur ka hmu tih te a hriat chuan a lawm hle a, naktuk atang in class ka tan leh tur thu ka hrilh phei chuan a lawm lehzual.
...
ENZO

Min tlan san leh ta, tinge ka tan hian a thinlung hi a hawn theih miah loh, kiko chu ka en a.

"Kiko, kha nu kha ka duh zia i hria a ni tiraw? Mahse ka rilru ang hi a pu ve si lo a"

Eng tiang pawh in Andrea hi chan ka duh lo a ni. Ka phone chu ka la chhuak a, kha zan kha Andrea hi ka hmuh vawikhat na a ni lo.

Hmelma tam tak ka neih avang hian hliam neuh² hi ka nei reng thin, damdawiin ah pawh ka kal ngun viau mai, hei vang hi a ni mahna kha damdawiin pawh kha ka sponsor. Andrea chu ka awmna room ah chuan rawn lut in a rawn biru a, ka awm tih a hriat loh avang chuan ka lo ngawi reng bawk a.

Engvang in nge tah khan a rawn bihruk chu ka hre lo mahse a lo kal lo ang tih kha ka hlau a ni, ka mitthla ah a hmel chu a awm reng a, ka theih ang ang in nasa tak in a chungchang chu ka zawng char² a... Sawi thui lo mai ang...

Kum 22 bawr vel ka hman lai in, ka nun beidawng leh hahthlak lutuk chu Gang pawl zawm in mi te ka sawisa thin a, mahse ka nun chu siam that ka duh avang in kan Gang pawl chu chhuah san ka tum a, mahse an ni chuan an lo rem ti hauh lo, an thuruk te chu mi hnen ah ka sawi chhuah an hlau te pawh a niang nge. Se ka tlan chhuak thei hram.
...

ANDREA

Class kal tur chuan ka chhuak a, kawngka bula ah chuan Enzo chuan min lo nghak reng tawh a

"Enge i duh a?" Ka kut ah chuan a rawn kai a, "ka va thlah ang che" a ti ah.

Ka kut chu ka vai thla nghal a, "Enzo khawngaih in tiang hian ti tawh suh, tiang hian min awm tir mai² rawh"

"Chu² ka thei lo tih i hriat chian hle kha" ka ban chu a rawn vuan nawn leh ngat a, min kai dawr² a, dik tak chuan hnar hi thil har tak a ni tiang khawp a tha mipa ka hmaah a awm reng a mahse ka hlau thawng a ni. A ni hi pawm ta ila ka chung ah enge thleng ang, nge eng mah ngaihtuah lo hian ka pawm thlap mai dawn. Ka rilru hi a buai a ni...

A car ah chuan min nam lut a. Sawi tur pawh ka hre lo, a bul a awm ka chak bawk si, ka ngam chiah bawk si lo, ka rilru hi a buai nuai vel vek a ni.

Kan college kan thlen chuan a din rual² chuan ka chhuak nghal a, mi dang in a car atang in ka chhuak min hmuh chu ka hlau em a ni. Eli chuan min lo nghak a, min hmuh ve leh min kuah nghal a, kan in hmuh na la rei lo viau mahse kei pawh in ka ngai hman der tawh a ni.

Lauren te thian ho chuan class pawn ah chuan min lo nghak a, inkuangkuah chung in ka hmaah tak chuan an ding a.

"I in thar chu a nuam em?" Nuihsawh zet chuan min zawt a. Ka rilru ve mai mai chuan tawngkhum vak a, Enzo in bul ah ka chen thu leh min rawn thlah thu te chu sawi chhuah a , an khum piap² mai chu ka nap a. Mahse chutiang chuan ka ti ngam thlawt lo, ka chung ah eng thil nge thleng leh ang tih hi ka ngaihtuah tel a ngai si a ni. A ni hi ka tih thinrim zel chuan dorm atang mai ni lo, he college atang pawh hian ka chhuak thei tlat a ni...

Lauren te chu awlsam tak in ka kian san thei mai a, min hre tawh lo se tih chu ka duhthusam a ni. Class lak chhung chuan paper hlum hian min vawm chhen a, eng ah mah ka ngai duh lo, heng thil hi ka tawrh chhuah a ngai a ni ka thei ka chhung te tan engpawh ka tuar hram tur a ni.

Class zawh ah chuan haw tur chuan ka chhuak a. College campus ah chuan Enzo chu a car nen a lo ding a, ral khat atang in ka hmu a ka lehkhabu chu ka pawm a hmuh loh der hram chu ka tum a.

Lauren chu Enzo bul ah chuan a tlan nghal a, Enzo ban ah kuah in a nui vel hawr² a, ka thinrim ve hle in ka hria, a vawikhat nan Lauren chu ka thik niin ka hria ni.

"Enzo, min hmu tur in i rawn kal ami?" Tiin confi zet chuan a zawt a, ka rilru tak chuan ai tiin ti zak se ka ti kher mai mahse, ka chhia leh tha hriat na ka la hmang thei tlat, Lauren kal san in ka bull ah a lo kal ang tih chu ka hlau zawk hle ta a ni, min hmuh hma tiin kal ka tum a.

Ring tawk chuan "Andrea martin" a rawn ti vak a, ka hawi chuan Enzo chuan a car kawngka hawng chung chuan min lo en reng chu niin ka van zak tak midang ho in min hmu vek si a Lauren lah chu a tum kawh nasa ngei mai, ka hre lo der a, ka hma lam ah chuan ka kal hmiah² a, ka zak lutuk chu ka kal kawng pawh chu ka hmu mang lo.

Ka ban ah chuan a rawn man a, a car lam pan chuan min pawt dawr² a, ka tang ve nasa viau mawle, tinge hmuhnawm chhuah zawng a khawsak hi a chin em em mai, ka tan chuan thil nuam tak a ni hran lo.

"Min thlah rawh Enzo" tiin ka tang vak a. Ka ban lehlam chu tu in nge pawh ka hre lo a rawn vuan ve leh a, chu pa chuan "Min thlah rawh a tih chu" a rawn ti a ka en chuan Dr Mark a lo ni ah...

Mi ho chuan min en thap avang chuan ka zak lutuk hi awm ngaihna pawh ka hre lo khuk ral daih mai chu ka chak rum² mai a ni.

Enzo chuan ka ban chu a hma aia nghet chuan a hmer a, Dr chu rum zet a melh in "thlah rawh" a ti zawi sap a, Dr chuan a thlah mai dawn maw tih lai in "Teuh lo" tiin a chhang duh chauh a, ka hawi kual a, ka zak lutuk a, ka ban chu ka theih ang tawp chuan ka lo pawt let ve ngar² a, zahthlak a tam hma tiin Enzo car a luh mai chu tha in ka hria, he pa hi chu a duh loh zawng a awm hi chuan eng mah hi a ngaihtuah lo.

Dr Mark chu ka en a, "dr. Min thlah mai rawh khawngaih in" ka ti a.

"Mahse Andrea, he pa hi..."

"Ka tha alawm" min thlah ve mai a, Enzo chuan a car ah chuan min luh tir a, ka thu tum bur a. Car chu a khalh a in kan thlen ve leh chuan ka chhuak nghal a, ka kal san nal² a, min rawn zui ve zel bawk a, ka ding thut a amah hma tawn chuan ka ding a.

"Enzo, khawngaih tak in vawin a thil thleng ang kha ti tawh suh, kei hian ka tuar theih ka ring tawh lo"

"Kei mah chauh ni lo in i dr pawh a tel kha"

"Lo buai suh kha lam chu ka nun a ni"

"Mahse ka buai alawm, midang nen in awm hmuh ka duh lo, ka na ngawih² a ni"

"Chu tiang a na tur in i tan engmah ka ni lo, kei hian i rilru ang kha ka pu ve lo tih hi vawi eng zat nge ka hrilh dawn che" ka aw chu a vin in a ring sawt tawh hle mai.

" ka tan enge i nih maw, chu chu min zawt tih na ami? Ka tan chuan nag hi engkim i ni a chiang em?"

"ka tan engmah i ni ve lo, min tanpui na ah ka lawm takzet a mahse chu bak kan inkar ah engmah a awm lo"

"I ka tawngthei lutuk kha chip hmak rawh" tih pah chuan min rawn pan hnai thut a, bang ah min nam bet in ka hmui ah chuan a fawp a, ka thinphu te chu a chawl vek hian ka hria, chhan let emaw awm dan tur pawh ka hre lo, ka din ngai chuan ka ding tawp a.

Min thlah a, ka mit ah chuan a melh vang² a "ka tan chuan khawvel i ni Andrea ka hmangaih che, eng tin nge min ngaih ve ka ngaihtuah lo, tu mipa mah i hnaih ah an awm ka phal lo" ka chal chu a beng thek a, a room ah a lut nghal a.

Aaaa tun ah khan min fawp a ni tiraw,, ka.. Ka first kiss tih na mawh!!! Ka hmui chu ka hup a, thawk leh khat ah ka thinphu chu a rawn rang tial² a, ka sa up² a a lum ka ti vek hian ka hria, in chhung ah chuan ka tlan lut nghal a.
....
LAUREN

Ka mit ngei in kei ai in Andrea Martin a thlan lai chu ka hmu a ni, eng tin nge ka chung ah tiang hian a tih theih , eng tiang chen nge kha nu lak ah khan min tih zah a la tum, hei hi kha nu vang vek kha a ni a ni kha awm lo se chuan Enzo hi ka chung ah tiang hian a awm lo tawp tur.

Mi zawng² in kei ni lo in Andrea a thlang zawk tih an hmu vek a, A rawn hruai a maw, Andrea chen na hi ka hriat a ngai a ni, dorm atanga hnawhchhuah kha a la tawk lo niin a lang. Lauren tih thinrim pawi zia hi a hre tur a ni.

Ka pa secretary chu ka call a,

"Andrea Martin, a chenna lo zawng chhuak ang che, rang tak in"

"Awle miss"

"" hhhahah eng tiang chen nge kha hmun ah khan i awm theih en ang, ka Enzo rilru i lo ti buai vel amaw.. Andrea Martin kei hian ka ti chhe vek ang che""
......

ANDREA

Khum ah chuan ka bawk thlawp a, ka thin phu chu a la pangai thei lo, a vawikhat nan kei hi mipa in min fawp a nih chu(h) ka hmui chu ka pet neih² a, ka mit chhing in min fawp lai chu ka mitthla a, kha pa kha a vawikhat na a ni ve miah lo ang, hhh tiang mai² khan ka first kiss ka chan a maw a fair lo.

Kawngka in khar ri ka hriat chuan ka tho a, ka chhuak a, Enzo chu a in atang in a chhuak chiah chu ka hmu hman chiah a, he pa hi kei hian ka duh ve tak² mai ang tih hi ka hlau a ni, lo duh ta ila eng tin nge ni ang, ka mitthla ah chuan min kiss lai chu a rawn lang zel a, ka awm a ti nuam lo vek.

Ka lut leh nghal a, ka mu a, ka lo muhil daih a, ka harh leh chuan ka door bell chu a lo ri leng² a, ka tho a mit tuai nauh² chuang kawngka chu ka va hawng a, ahh ka khar leh rang kher mai ka thin a phu leh tan tawh.

Enzo chuan "kawngka lo hawng teh Andrea, in bia ang"

Ka ngaihtuah let a, ka thil hmuh kha, tun ah khan Enzo kha thisen a kai tlat in ka hria, ka hawng leh nghal a, ka hlauh ang ngei chuan a lu atang chuan thisen a hmai ah a luang a a hmai leh kut vel a khem nual bawk, a chauh hmel hle a. Ka awm ah chuan a rawn bei thlawp a.

"Enzo Enzo" min chhang lo, thuthleng lam ah chuan ka kuah phei a ka mut tir a. A hliam vel ah chuan damdawi te hnawih in a thisen te chu ka hruk fai sak a, amah ka buaipui chhung chuan min en char² a.

"I chung ah hian eng nge thleng a, tinge hliam i neih, a hma pawh khan..."

Min pawt hniam a ka hmui ah chuan a fawp leh , a hma ang bawk chuan ka lai in ka meng phawk leh hraw a, ka thusawi pawh ka sawi chhunzawm thei lo.

"Eng mah i lak ah hian ka zep lo ang, Andrea, eng pawh min zawt rawh ka chhang vek ang che"

Hh min ti lai hmasa te te a, tiang khan a tawng leh a, he pa hi chu a ai na a vuak pawp ka van chak tak, mahse a chungchang hi hriat belh ka chak takzet a ni. Eng thil nge a ngainat a, enge a chawhmeh duhzawng tih te, khawi ah nge a chhungte, chuan engvanga tianga awm thin hi nge a nih tih te thleng in hriat vek ka duh a ni.

Mahse chung chu eng mah ka zawt lo ang, a chungchang hi engmah hriat belh ka duh lo, tiang pawh hian min ti tui ral lo chauh tawh a nia, ka kal san thei lo a nih chuan...

A thisen ka hruk na tui chu chawi in ka thawh san a, thleng sil na ah chuan ka leih a puan chu ka su a, ka hnung atang chuan Enzo chuan min rawn kuah a.

"Tinge engmah min zawh loh ? Engmah hriat chak i nei lo em ni?"

Ka din ngai chuan ka ding reng a, a kut chu ka en thla vang² a, he pa hian min ti â zo tak ngial dawn in ka hria a ni.

"Aw, eng mah hriat ka duh lo, pawi ka ti Enzo, i that tawh chuan i in ah phei la a tha ka ti"

"Awle" tiin a jacket a la a, a chhuak a, ka thaw huai mai, amah chu ka ngaihtuah takzet mahse ka tan a ruat a ni lo, kan dinhmun hi a inmil hlawl lo, tui leh mei ang vel kan ni..

...to be continue...


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 24th, 2018, 4:03 pm

ENZO
Chapter - 5

By - Rodingliani Vanchhawng (Mrs Malik)

Amah ringawt chu ka ngaihtuah zui char² tiang hian kei hi mipa hian min tihbuai ka ring ngai lo asin..

Zing ah hma tak ah tho in a kawngka bul ah chuan ka ding a, door bell chu hmeh ka tum thin ka ngam chiah si lo, ka vai tawn chhen ringawt a, eng nge a an tawh ang tih te chu hriat ka chak lutuk chu ka awm hle² thei lo hi a ni mai. Door bell hmeh ka tum lai tak chuan kawngka chu a rawn inhawng hlawl a, Enzo chu a rawn dak a.

"Kha tia vai² lo khan i lo lut ve mai thei lo ami?" Uii ka zak lutuk min lo hmu vek tih na mi?

"Min en reng tih na mi?"

"Nih mai loh in ka chhuak dawn a, kawngka hmaah i lo vai chhen a nih kha, enge i duh ve teh mial a?"

"Ihhh," a hmai leh a ban te chu ka en deuh vang² a, "a ngai leh lo" kal leh nghal chu ka tum a. Enzo chuan "ahhh ka ban hi a nà lutuk, a tliak tih na mi niang" tiin a rawn te a, ka leh hawi leh nghal a.

"Kh,,khawi lai nge" ka ti thuai a

"Kha ta tang khan min en dawn ami?"

A theih hram chuan a in a luh loh hi ka duh asin le, a chung ah thil tha lo a thlen ka hlau bawk si, ka lut ta hram a.

Thuthleng ah chuan a thu a, nizan a ka khawih bak kha engmah damdawi emaw pawh a hnawih leh tawh lo hrim² tih chu ka hre nghal mai a, ka ner nung a..

"Damdawite chu hnawih ve em em ta che, a pun mai tur asin"

"Haw tur in min ti anih kha"

"Nangmah pawn i hnawih thei lo em ni"

"Ka theih lo chu a nih hmel hi"

Mi hnial lah chu la thiam em em zui ah! Dim lo tawk chuan damdawi chu ka hnawih a, a na ti hmel chu a then tlawk² mai, a hriat loh chuan ka nui tet² a.

"Mipa ve si i van nep tak"

"Imm, nang hian min ti nep zo vek tawh a nih hi"

A ti leh ta, eng vang in nge tiang hian a tawng ve ziah ka awm a ti nuam lo vek thin ka tho vat a "ti kha chuan i tha vat mai ang" tiin ka chhuah san nghal a.

Eng tin nge tiang em em khan a hmelthat theih zawk le ka thin chu ka dawm vang² a.

Min thlah a tum leh ang tih ka hlauh avang chuan hma tak ah Bus nang hman tur in ka chhuak vat a, Bus stand ah chuan ka thu a, vawin chu ka tlan chhiat san thei dawn hram niin a lang. Bus a lo thleng ka lut a, ka thu fel chiah tih ah chuan ka bul ah mipakhat hi a rawn thu ve a, ka en chuan aggghh eng tin nge a nih theih.

"He tah enge i tih ve"

A ban chu min hmuh in "motor ka khalh thei i ring em" nui var² chuan a ti ah. Hhh Driver pawh chhiar sen loh khawp a tam a nei ang chu le, a duh dan dan hian a awm a, fapa duat sual ang mai.
...

Vanneih thlak tak in vawin chu Lauren leh a thian ten min tibuai lo hlauh hahdam thlak tak a ni ka class bang pawh chu ka hlim sawt hian ka hria. A van han fimkhur loh theih thin tak hmawlh ah ka in tai a ka ban chu a at a a thi ser² a, in ah aid box ka zawng ni tak tukin zing khan Enzo in ah ka keng a ka hawn leh tawh lo.

Enzo chu ka call a "I password min hrilh thei a ngem, first aid box kha ka dah a"

"I hriat reng kha" a sawi awmzia chu ka man hlawl lo

"Fiamthu thawh lo teh aw" ka kut tih nat chu sawi ka tum uk ka sawi ta lo, a hriat chuan a rawn tlan haw lo ang tih tuin nge sawi thei a hahthlak leh dawn lutuk.

"I phone no"

A thusawi ka hriat chuan ka phu zawk a maw ka ti hu a, ka mak ti lutuk a hriat chuan a nui ri hak² a, chhan awm lo chuan ka nui ve ringawt a.

Awi lo leh lawm rilru deuh chung chuan pw chu ka hmet a ka phone no chu a lo hmang ngei a, mak ka ti in amah awm lo mahse ka lai chem² hian ka hria.

In chhung ah chuan ka lut a, box chu ka hmu nghal mai a. Ka la a chhuah ka tum uk a dawhkan a lehkha awm chuan ka mit a la tlat pek zawi muang chuan ka la de² a, hei pawh hian min ti phu leh tawh, kei mah lem a ni, ka muhil lai hmel chu a ziak ni ngei tur a ni. Eng pawh chu ni se lem a ziak thiam khawp hi. A hmel chauh chu a tha lo a nih hi, nui vur² chuan ka chhuak a, box chu ka khai a.

Kawngka bul ah chuan Lauren hi a lo ding reng ka hmuh chuan ka tawlh hnung dawr a, mak tih hmel tak chuan min melh kar a

"Eng vang in nge kha ta tang khan i rawn chhuah a?"

"Ahhh, Lauren " tinge tiang hian ka awm a thil ti sual pawh ka ni tawp si lo

A ai ring leh pawr chuan "kha ta tang khan engvang in nge i rawn chhuah" Lauren chuan a ti tuar a

A thinrim lutuk hmel chuan min ti hlau vek thei a ni

"Hei hi Enzo in anih hi, kha tah khan enge i tih"

"Box hi ka la" ka ti zawi raih a

"Kha kha, Andrea Martin (ka in lam chu a hawi a) nang hian saw in saw i luah tih min hrilh miah suh"

"Sawi chu ka hreh viau a, mahse thudik a ni"

"Maw, Enzo chuan a luah tir che amaw"

"Luah tir i tih chu enge awmzia"

"Nang hian lem i chang kual vel em ni, Enzo a duh na che hmang tangkai in a in ah i awm vel a, hh Andrea rin aiin nang hi i lo nep daih mai ka ti"

A thusawi chuan ka thluak a ti vir mup² in ka hria a ni, ka hrethiam lo, he building hi a vai in Enzo ta tih na em ni chuan kha pa kha hhh.

"Andrea Martin tiang hmeichhia hi maw i lo nih, a rang thei ang ber in chhuak nghal ang che, a nih loh chuan ka ti hming chhe palh mai ang che tih ka hlau a ni. Enzo bul ah hmuh che hi ka duh lo"

Min kal san a, chhuat ah chuan ka thu hnawk a, ka ban pawh chu ka hre chang tawh lo eng nge awmzia le, Enzo hian dawt min hrilh tih na a nia.. Tun ah chuan thu dik ka hre tawh bawk a he ta awm reng chhan tur hi ka nei tawh lo.
....

ENZO

Faifuk rat² chuan elevator chuan ka chho a, Andrea hmuh hlan chu ka nghakhlel hle mai a. Ka rin lo tak mai in Andrea bungruah te chu pawn ah chuan a lo awm khawm hnuk mai a, ka kawngka ah chuan paper hi a in tar bawk ka la a. Ka chhiar nghal a.

"Ka chung a i that na ah ka lawm takzet a ni, mahse he in ah hian ka chen chhunzawm thei lo ang, min ngaihsak na ah ka lawm a, pawi ka ti bawk, min rawn zawng suh ang che. Ka bungruah ho chu nakin ah ka lo la ang.
Andrea"

Tih chu a lo in ziak a, paper chu ka hmer chhe vek, eng tin nge a hriat ni, ka in her a ka tlan chhuak leh nghal a

Ka car ah chuan lut in ka zawng nghal a, ka nun atang hian a kal bo ang tih ka hlau a ni, Andrea khawngaih in min kal san lo hram teh. Ka call bawk a ka call vawikhat pawh a pick up duh lo dorm ah chuan a kal dawm lo chiang a, khawiah nge a kal ang, khawi ah mah kal na tur a nei si lo.

Vanduai thlak hian ruah a la sur zui, khua a vawt si a tuar thei miah lo ang, ka car speed chu ka ti chak sawt a a kal na tur awm a ka rin ang ang ah chuan ka zawng kual a khawiah mah ka hmu lo. Beidawng zet chuan in ah chuan ka lut a. Thuthleng ah chuan ka mu a. Andrea kal suh khawngaih in. Khawiah pawh awm la ka zawng hmu em em ang che.

Ruah lah chu a sur nasa tual² mai si a, khawpui leh tek a ri ur² a, in a thut mai² chu thil har tak a ni, eng tin nge ka in tih a hriat chhuah, a van han hun lo tak, ka call leh a, a la thei chuang si lo ka vei tawn sek ringawt mai.

Chutih lai chuan ka phone chu a rawn ri a, ka la nghal a, Andrea a ni hlau ka van lawm tak ka la nghal "Andrea khawi ah nge i awm?"

"He phone nei tu nen hian in in hria a mi"

"Aw, khawi ah nge, Andrea a tha em?"

Rang tak chuan ka chhuak nghal a. Khum ah chuan a sam pawh la huh vek in a lo mu a, a hmel chu a dang lep bawk a, a tha tih ka hriat chuan ka thaw veng huai mai. A kut chu ka chelh a. Mi aa nu eng vang in nge tlan bo hi i tum ziah ni, tun ah chuan ka lak atang hian eng ti kawng mah in ka chhuah tir tawh lo ang che.

Nurse chuan a lo harh ve leh ka hruai haw theih thu a sawi a.

A mut chhung chuan ka en char² a, ka muhil a nih chuan min kal bo san leh ang tih ka hlau em a ni. A mit chu a rawn meng a ka tho nghal a

"I tha em Andrea?"

Min hmuh chuan a lawm loh hmel hle mai a tum nghal hmuk a

"I thawh theih chuan haw ang"

"In ka nei lo"

"Khawngaih in min chhang let suh, "

"Min ngaihtuah suh, ka awm awm hian min awm tir mai rawh"

"A tha e, kei hian ka tibuai tawh lo ang che..mahse kha in atang khan i chhuak lo ang tih min tiam phawt a ngai ang"

Min chhang lo chuan min en char² a, ka thin a ti rim takzet a ni. Ka kal san chuan buai na bak a tawk dawn lo. A pawi ka ti tawh lo, ka thinlung hi pawm lo mahse, ka hlat ah a awm loh chuan a tawk a ni.

"Haw ang"

A thawmhnaw bawm chu ka hnuk a, min rawn zui ve mai bawk a. In kan thlen chuan a in kawngka zawn ah chuan kan ding dun reng a.

"I chhuah a ngai lo, kei chu awm lo ang ah min ngai dawn a nia, he building nei tu hi ka ni , i tan chu bak chu ka ni lo, tun atang chuan ka ngaihtuah tawh bawk lo ang che. In nei tu leh luah tu bak kan ni lo."

Ka sawi zawh chuan ka in ah chuan ka lut nghal a. Ka thaw hak a. Andrea i tha chu ka lawm hle mai. Ka beidawng tih na a ni lo ania. Eng tik ah emaw chuan ka lam pan in i rawn la kal ngei ang.
....
ANDREA

Enzo thusawi chuan ka rilru a luah reng a, eng tin nge ka tih ang , ka chhuak dawn nge aa ka rilru hi a buai takzet a ni. Lo chhuak pawh ni ila khawi ah nge ka kal ang? Ka nu leh pa ten he tiang dinhmun ah hian ka awm tih an hre bawk si lo an hria a nih chuan buaina na men lo a ni leh ringawt dawn.

Tun ah hi chuan chapo thei dinhmun ah pawh ka ding lo, Enzo in hi ka luah mai a ngaih ka ngaih hmel.

Ka in rem fel leh vek a, tun ah chuan kei mah chauh in ka ti tawh, min pui tur in emaw thil min ei pui tur pawn a rawn kal tawh lo, hh hei hi ni lawm ni ka thil duh chu tinge ka lungngaih a.
...

Class kal tur chuan ka chhuak a. Enzo chu a lo chhuak ve chiah bawk a, melh pawh min melh lo chuan a kal daih a. A tha e tun ah chuan buai na a kiam tawh dawn tih na a ni mai tianga kan awm thei a nih chuan a tluk a awm lo. Mahse ka ngai nghal ringawt in ka hria a ni.

(Ka type thui hman thlawt lo, min hrethiam dawn a nia)
.
... To be continue...


Rodingliani

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 24th, 2018, 4:04 pm

ENZO
Chapter - 6

By - Rodingliani Vanchhawng (Mrs malik)

LAUREN

Andrea Martin he nu hi ka van haw tak em thingtlang nula, ka nu scholarship vang chauh a he college a kal thei mai mai vang hian tiang khawp hian ka na thei ang tih hi tun nge ring ang.

Chiang tak a ka hriattir hnu ah pawh a la awm fo ah. A tha e Mrs Martin han bei tak² ila, i theihtawp leh a ai a nasa khan ka Enzo hi hmangaih rawh, i hmangaih nasat pauh leh ka ti na thei che a ni mai. Ka nui a, tactic kan thlak a ngaih hmel, Enzo bul ah hlim tak a a awm lai tak khan kei chu ka che ang.

Class ah chuan a rawn lut a, a lan dan chuan a dam sam chiah lo a nih hmel saw le, eng ti kawng mah hian saw nu sawn min tluk thei lo a theih nachhan tur pawh a awm chuang lo.

Vawin chu a awm awm hian awm phawt teh se..

Class ban ah chuan Enzo company ah chuan ka kal a, Enzo min hmuh chuan lawm tak in min nuih var² a

"He tah enge i rawn tih dawn?"

"Nangmah hmu tur che in chhan a awm a ngai a mi?"

Eng vang in nge a hmelthat em em le, eng tiang a rei nge a nau anga min en hi a duh dawn? Eng vang phiang sen in nge a nu leh ka nu hi cousin an nih kher². Mahse ka tan chung chuan awmzia a nei lo eng tik ah emaw chuan ka ta, ka pasal a la ni ang. Andrea maw!! A ni te chu a nawm chen na mai chauh alawm.

A ban ah chuan ka kuah a, chhun chaw ei pui tur in ka kuah chhuak a, a bul ah ka awm hian ka thla a muang hliah² a ni. Enzo ka hmangaih che eng tik ah emaw chuan ka rilru hi i la hrethiam ngei ang, a la thleng ngei ang.
.....

ANDREA

Kan college ami te zawng² in Enzo bialnu treat in min treat vek tawh a, a then in min be tha huam huam a, a dang lah in min melh hrek² a, min keh hrep chak hmel te pawh an pu hlawm alawm.

Chu ta kar ah Dr Mark an min be duh tawh lo min kal pel hmak, min hria ang pawn a lang lo, chhiat na hlir niin ka hria tinge tianga ka nun hi a ngaih le a fair lo. Van lam ah chuan ka dak chho vah a, van chu a lo pawl kak mai a, a nalh zia chu ka sawifiah thiam lo.

Ka thaw pik lutuk pawh chu a veng hawk² hian ka hria a ni. Eli chuan ka hnung atang in min rawn kuah a, "van lungleng awn ve?"
A rawn ti ah

"Aii chutiang lam a ni lo"

"Anih eng Franlyn maw, ohh i tan chuan Enzo tak"

"Min fiam lo teh Eli ka rilru a hah"

"Andee, tiang hian awm reng lo la, tinge i hnawl reng, Franklyn hi i duh ni lawm ni, chu chu i pawm a ngai"

"Ai, ka duh lo ka duh thei lo"

"Hhhh, Eng tiang a rei nge i in bum dawn? Lauren vang a ni tiraw? He nu hi i hlau viu em ni?"

"Zep lo chuan aw. A thil tih theih zia chu i hriat kha Eli kei hi mn tih chhiat vek pawh pawi a ti teuh lo"

"Indo na leh hmangaihna ah te chuan engkim a thiang vek, hlau duh suh i bul ah Enzo i nei alawm"

Eng tin nge niang Eli thusawi ka ngaithla zo chiah a, ka duh ka pawm mahse ka in ring tawk lo a ni. Bak ah Enzo ' n min be duh lo awmzia a awm lo, Lauren in min tibuai lo bawk a hei bak² a awm chuang lo. Ka nu ka ngai a bul ah chuan awm ila engkim ka hrilh vek anga, nin kuah in min hnem ni mai tur.

Library ah ka kal kawi avang chuan ka haw tlai ang reng viau, in ka thlen chuan Enzo in chu a lo inhawng huau a, mak ka tih deuh avang chuan ka thek deuh hu a. Kiko chu a rawn chhuak a ka kawng tlang ah chuan seh in inchhung lam ah chuan min pawh a tum a

"Kiko nga ti nge thil tha lo thleng a awm ami?" Tiin ka bia a.

Ka hlauhthawn deuh avang chuan inchhung ah chuan ka tlan lut nghal a, kiko chu bathroom lam ah a lut a ka zui vat a, bat tab ah hian Enzo chu a lo mu a, tui chuan a chim vek a. Rang tak in ka thei tawp chhuah in tui atang chuan ka pawt chhuak a, chhuat ah chuan ka mut a. Cpr chu ka ti nghal vat a, ka hlauthawng in ka chi ai lo chauh a ni a chung ah thil tha lo a thlen chu a hlauh hian ka hlau ngawih² ka in ngaidam thei miah lo ang.

"Enzo harh rawh, a ka ah chuan ka ham a, tui a rawn phuh chhuak bawrh² a, amah ka pawh na lam ah ka huh vek phah. Ka thaw ham² a, Enzo chu ka en reng a.

" i.. I tha tiraw?"

Nui hmel emaw chhete mah pu hauh lo chuan min melh kawr a, kawr pawh a ha lo kekawr bul nen chauh a awm avang chuan ka melh tha ngam lo a. A tho a towel a ban nghal a, pakhat chuan ka lu ah a rawn theh thla a.

"Va phei rawh ka tha tawh" tiin min chhuah san daih a

A tawng duh dan chu leh!! Lawmthu pawh min hrilh lo ania ka lak ah a la thinrim zui hahthlak hian. Ka lungawi loh ve deuh avang chuan ka tho a ka chhuak a, in ah chuan ka lut a. Darthlalang hmaah ding in ka in en a, Enzo dul nalh zet chu ka mitthlaah a rawn lang uar² a, a sexy takzet, eng tin nge tiang em em khan a that theih mai le, ka lu ka thing a. "Rilru pangngai pu rawh Andrea Martin" Chu pawh ni se, a chhelo tho alawm, ka mitthlaah a rawn lang zel.

A tuk ah pawh chuan min hre lo ang hmak in min kal pel leh nal² tawh, a ti mah² a ni, ahma lah in mah ni awm lai nei lo khawp in min ti buai ah... Aaa ang ka buaina ni le, ka bul ah a awm reng in ka sawisel a, min biak loh lah in ka thinrim leh bawk si enge tiang a ka awm reng ka aa zo tawh anih hi.

Kawng sir a nu upa lam tawh lo ding chuan min en chung chuan

"Chu pa chu chhuah miah suh, i kal tir anih chuan i inchhir ang" thutak fe hian a tia , a kal leh nghal daih a.

Nileng chuan pitar nu thusawi chuan ka rilru a luah a. Enzo tan hian eng rilru chiah nge ka put tih hi hriat ka duh. Ka tawn na kha hun rei lo te mah nise a tello chuan ka kim lo riau tawh ka nun ah hian peng pakhat a ni tawh, chu vang a ni mahna ka rilru hi a buai em em ni.

Muangchang chuan in lam ka pan a khua a thim tawh a building hnuai ber a dawr ah chuan ka lut a. Enzo chu ding in noodles hi a lo ei a. A hnung atang chuan ka en vang² a

Eng nge ka ngaihtuah a ni sawn ka nun atang hian kal bo ta se eng tin nge ka awm ang, ka tawn hmaa ka nun ang khan ka awm leh thei a ngem nge ka ngai anga ka ngai ngawih² zawk ang eng pawh chu ni se min kal san tur in ka duh lo Lauren Bialpa a ni tur pawh ka phal chuang lo.

Engmah sawi chuang lo chuan a bul ah chuan ka va ding a, min rawn en deuh haa ah.

"Enge i duh a?" min be ve khang lang mawle mahse awmzia a awm lo a thil ei lai keng in kal a tum a.

"Tiang hian awm tawh suh"

A ding a a khi suk a, "i duh dan a ni lawm ni"

"Ai, ka duh lo"

"A nih chu mawle" kal a tum tho a, ka pan a a hnung atang chuan ka va kuah ngawt a, enge ka ngaihtuah pawh ka hre lo, mi an awm leh awm loh pawh ka ngaihtuah lo tih ka inhre chhuak zawk ka zak leh hnuhnawh mahse ka ti tawh laklawh.

"Ka tih palh Enzo tiang a awm hi ka duh tawh lo a hreawm"

Ka kuah na ka kut chu a la sawn a, min hma tawn chuan a rawn ding a

"Chuan enge?"

"Ka.. Ka duh che"

"I inchhir lo ang maw"

"Aw"

"I rilru i siam tawh anih chuan ka chhuah mai² dawn lo che ania, i chiang maw?"

"Aw, nang chan che ai chuan...." Ka hmui ah chuan a rawn fawp ta vawng² a, ka khur der² thei ka zam in ka inring tawk lo takzet a ni, mahse enge ka hlauh ang ka bula ah a awm alawm. Inchhir dawn pawh ni ila vawikhat na reng² chu he kawng hi ka zawh dawn a ni.
...... .....

Enzo chuan ka kut ah a vuan a, a hlim hmel ka hmuh chuan chhan awm lo in ka hlim ve em² ringawt.

Ka inkawngka bul ah chuan kan ding dun a, min melh char² ringawt a

"Tinge a hma khan tiang hian i tih tawh loh, tinge min tih nat hmasak phawt a?"

"Ka tih palh, dik tak chuan L... Ka chal ah a fawp zauh a

"Muttui aw" tiin a in ah min luh san a

Aa ka lai leh tawh ka thin phu nasa lutuk chu ka kut chuan ka dawm a, ka hlim zia ka ngaihtuah hian keimah ka ni lo hial in ka inhria, tiang anga hlim hi ka tan a pawi viau a ngem,
...
Class kal tur a ka chhuak chu ka kawngka bul ah chuan a lo ding reng tawh chu niin ka hmu thut chu ka phu dawr a.

"Enge i tih dawn he tah"

"Min hmuh hian tinge zawhna hlir hi min zawh thin a?"

Ka kut chu a rawn vuan a, ka lai lutuk chu a sa leh up² tawh he pa hian mi tih laih hi a thiam viau nge ni a, kei hi ka tui ral hma ve hrim² zawk.

"A zahthlak ania"

"Enge zah tur awm a, nge kan in kar hi ka hre sual zawk?"

"Chu tiang a ni lo"

"Anih enge? Andrea i tan enge ka nih"

"Kal ang ka tlai ange?"

Ka ban ah chuan mannin thutak fe hian min en a

"Andrea ka enge i nih mawh!! Tun ah hian sawi chiang ang, ka hre sual lo tiraw?"

Ka zam ngawih² chhan mai chu harsa ka ti a ni, ka ka chu thui beh tlat ang mai hian a phui tlat a. Ka thaw hak a,.

"Enzo I ta ka ni"

Ka zak lutuk chu a hmel hmuh leh ka ngam rih lo ka kal nghal nal² a. Min rawn kal pel in ka luh na tur in a car kawngka chu min hawn sak a. Ka la hlauthawng deuh a ni, ka chuang ngam chhiah lo, aa eng vang in nge ka dawizep em² ka in ti pachang tur a ni.

Enzo car ah chuan ka lut a, a vawikhat nan tih luih ngai lo a ka luh na a la ti hram, imm a chimawm tih ka sawi tawh em aw... Motor a khalh loh lam a kut chuan ka kut chu a vuan tlat a.

Hman ah khan tinge ka lo tawn tawh loh che le Enzo i bul ah hian ka awm thei hi ka lawm e, min kal san miah suh aw...

...to be continue...


Rodingliani

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)