PROMISE BY Rodingliani Vanchhawng (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: PROMISE BY Rodingliani Vanchhawng (Completed)

Unread post by Ngaia » September 2nd, 2018, 1:34 pm

PROMISE

Chapter 13

Amelia Roberts

Carter chuan duat tak in min kuah a, ka tah chhan min zawt lo min hrethiam takzet a ni.. Engtik lai pawh in ka tan a awm reng thin a nih hi..

Ka tap tawp hlei thei loh lai in tah pawh ka tap hleithei lo bawk, engvanga nun beidawn thlak tak nei bik nge ka nih em em??

Khawvel ah hian thil fair lo tak thleng hi chu a awm chiang alawm..
...............

In ah ka haw thei lo a, Daniel te in ah lah ka kal thei bawk si lo Carter bul ah awm ngawt dawn ila a mawi lo bawk si

Carter chuan ka mittui te chu min hruk hul sak a. A ngawi reng a engmah min zawh a tum chuang lo kei ma thu a ka hrilh hun a nghak em ni?

Min en a, min kuah leh ringawt thin, tihngaihna vak a hriat hmel bik loh..

Jayden chu kan lam pan chuan hmanhmawh tak in a rawn tlan a, ka hmaah ding in ka that leh that loh thu min zawt nghal a..

"Amelia, ka apartment ah awm ang che" jayden chuan a ti a..

Ka in hnit feih feih a "min ngaihtuah ka ngai lo"

"Amelia, tun ang zan tawh ah khawi ah nge i kal chuang ang??"

"In ah a haw mai thei lo em ni?" Carter an a lo ti ve a..

"Carter he nu hi hrilh teh, ka apartment a awm tur chuan kei chu ka chhungte bul ah ka awm mai ang"

"Inthu sawi hi engmah ka hrethiam lo, eng thil chiah chu nge thleng a??"

Jayden chuan a sawi loh nan ka lo khak a.. Mahse eng ah mah ka thusawi a ngai lo leh tawh..

"Amelia, hi Daniel nau diktak chu a ni"

Carter mak ti hmel lutuk kha, a van hrilh hai tak tawng zawm ngaihna pawh a hre tawh lo..

"Jayden duhtawk rawh!!" Ka lo ti vat a..

"Amelia hi ka pa in Daniel chhungte lak ah phuba lak a duh avang in, a ru bo a kha Rosaline kha a lem ah a chan tir a ni"

Mak ti tak in Carter chuan min en haa ah, a hmek lan dan a danglam vek a.. Jayden kawr nghawng ah chuan a tham a..

"Hmela i thusawi zawng zawng kha a dik anih chuan engvang in nge Amelia chu i in ah a awm ang nang ni chhung hian a nun zawng zawng in ti chhe vek asin" Jayden chu a hnek nghal a

"Ka that lo che hi lawm hle ang che"
................................

Carter chu chak tak in ka hma ah a kal a, ka um dawr dawr a ka thusawi pakhatmah a ngaihsak lo ka awm ve tih hre lo ang hmak in a awm..

Ka um zel a, Daniel te in ah a lut eng nge tih a tum lee ka tlan a a hmaah chuan ka va ding a

"Carter enge tih i tum?"

"Thu dik an hriat a ngai alawm"

"A ngai lo Carter"

Min nam sawn a, a lut ta tho a inpui ah n Chung in an lo thu vek a. Ka thin hi a phut hian a phu dup dup mai ka zam a ka hlau a hnawl nih ka hlau ngawih ngawih a ni..

Dan nu in min hmuh ve leh chuan thinrim tih hriat tak chuan min melh nghal kawr a.. "Carter eng vang in nge kha nu kha kan in ah i rawn hruai?" A ti a

Ni lo kei hi i fanu chu ka ni asin ka nu khang hun chhung zawng khan eng tin nge ka lo hriat loh thei zawk che ka nu hmuh che ka chak thei lutuk asin.. Min haw mahla a pawi lo i hmel ka hmu thei ngawt pawh hi ka lawm asin..

"Ka nu in kha nu kha a huat zia i hria a ni laqm ni Carter eng tin nge i rawn hruai luh ngam zawk a??" Rosaline chuan a ti a

Carter chu a nui vak a, Rosaline chu a pan a fiah kek kawk chuan "he in hi i in a ni ngai reng reng em ni?" A ti a

Mak ti tak in an meng phawk nghal hraw hlawm a

"Eng nge i sawi awmzia ni a Carter" Dan pa chuan a rawn ti ve a..

"Ka pate he nu hi (Rosaline chu a kawk a) Rosaline a ni lo..

"I aa zawk em ni Carter engvang in nge Rosaline ka nih loh ang"

"A chhan maw nang hi Rosaline ni lo in Amanda crowood i nih vang mawle" Daniel chuan a rawn ti a
Ms Gonzales chuan mak a ti hle a an thusawi chu hrethiam awm pawn a lang lo. Engkim mai chun a barakhaih vek a ni..

"Daniel nang pawh maw!!"

"Aw ka pa, tun ah chuan thudik engkim a lan chhuah vek a hun tawh he nu hian min lo bum nasa tawh mah mah a ni. Ka nu ka pa lo ngaithla ang che u. Ka nau diktak chu Amelia hi a ni!"

"Ka u eng tin nge chu thu chu i sawi thei.. Tunge Amanda chu?"

Daniel chuan lehkha hi dawhkan ah a theh thla a "he tah hian finfiahna chu a awm" tih pah in Inchung ah a tlan chho nghal a

Rosaline chuan dawhkan a lehkha chu ban a tum a Carter chuan a lo lak khalh a

"He tah hian finfiahna chu a awm chiang alawm, Amanda Crawood fahrah niin kum 16 mi a nih hi Crawood orphanage atang in _Roberts in fa atan a la hah nang hi i lo nasa khawp mai"

Dan pa chuan Carter lehkha chu a lak sak a a en ve nghal a. "Heng hi thudik anih chuan Rosaline nang hian min lo bum char char amaw eng tin nge i thei zawk?"

"Ka pa dawt vek a nih kha, khang kha siam chawp a har hlei nem.."

Daniel chu a rawn chhuk a ka tet lai thlalak ho chu dawhkan ah bawk chuan a theh thla leh a. "Anih heng hi eng tihna nge niang heng thlalak ho hi Amelia album a mi anih hi"

"Finfiahna i nei em ni?"

Kha thlalak a mi kha Amelia ngei a ni tih chu kei hian ka finfiah thei" Jayden chuan a rawn ti a..

Kan naupan lai a, amah nen a kan lak dun te chu midang a hnu tir a

"He nu hi Rosaline hi a nih chuan ka hre ngai lo mahse he thlalak a ka lak pui hi chu Amelia ngei a ni. Kum 10 a nih in ka pa in, in ah a rawn hruai haw a, hliam a tawrh nasat em avang in damdawiin ah kan hruai a. A lo harh leh chuan engmah a hre tawh lo a. Kha ta tang khan kan chhung ah kan la lut a ni"

"Ni e ka fanu a bo khan kum 10 a ni alawm," Daniel pa chuan min rawn pan a ka kut ah vuan in "nang hi ka fanu i ni tak tak em ni?"

Chhan pawh ka chhang thei lo ka tap a ka bu ngut ringawt a.. Min kuah a "min ngaidam rawh aw ka fanu i pa hian tiang em em a hreawm hian i nun ka lo ring ngai lo a ni"

"Heng hi dawt vek a ni dawt a nih hi" Dan nu bul ah chuan kal in a kut a vuan a "ka nu kei hi Rosaline chu ka ni alawm keimah hi ka ni ka nu min ring hram rawh"

Daniel chuan Rosaline chu a pawn sawn a "eng tin nge zah na i nei thak lo thei zawk Police ka koh hma hian chhuak zawk rawh"

Ms Gonzales chu nikhaw hre lo in a tlu a. Daniel chuan a pawm a khum ah a mut tir nghal a an buaipui nghal vat a

Ms Gonzales ni lo ka nu mut lai chuan Rosaline chu ka pa chuan thil zawh chian a tum a

"He lai atang hian ka chhuak dawn lo ka pa min ti lui thei lo ang kei hi Rosaline Rosaline ka ni he Amelia hi a ni thei lo ang keimah ngei hi ka ni"

"Chu chu dik se ka ti khawp mai mahse Rosaline nang hian min bun a ni ka fanu ang chiah in ka en thin che asin"

"Khawngaih in ka zaidamna in a tlin lai hian chhuak hram rawh" Daniel chuan a tia

"Ka chhuak lo ang ka chhuak dawn lo"

"A tah e Police ka call ang, chuan kei min su tu kha tunge a nih hrilh bawk ila a tha ang"

"Enge i sawi awmzia Daniel?"

"Ka pa min su tu kha He nu hi a ni kei hian Rosaline a ni lo tih kha ka hrechhuak a, chuvang chuan min su ta a ni. Ka hriatna ka hlau amaw a tih vang a nih kha engmah ka chung ah a tih loh. Ka nau a ni ka lo ti thin kha ka zak khawp mai"
.......

Jayden chu ka bul ah a rawn kal a, a hmel ah chuan inthiam loh na tam tak a awm a. Amah hi chu ka haw ve lo engmah thiam loh na a nei lo Alyssa leh a nu tak ngial pawh in an hre lo ania..

"Amelia, min hua tih ka hria.."

"Ka haw lo che Jayden i thiamloh a ni hlei nem"

"Ka pa chu Police ten an lak tawh kha"

Maw Jail ah maw!! Min hmangaih ve tak tak amaw ka lo ti thin asin mahse infiam nan chauh min lo hmang a. Mahse tinge ka rilru a nat em em tho le?

Rosaline chu chhuak tur a an tih pawh in a kal duh lo a, a kut chu blade chuan a zai thi a, damdawiin ah an tlan pui nghal a..

He nu hian engmah hlauh pawh a nei lo anih hi.. Tiang em em hian a nasa ang tih hi ka ring ngai lo. Heng zawng zawng hi ka pa min hmangaih tu amaw ka lo tih thin ruahman na vek kha a ni si. Eng tin nge heng thik hi ka nun ah hian a tken thei zawk le??

Ka pa hmu tur chuan Jail ah chuan ka kal a, min hmuh a duh lo a, biak pawh min be duh lo a, Police te chuan thubtam tak min zawh hnu chuan min haw tir thei hram a Daniel leh Carter te chuan min kal pui a. Ka tan eng pawh tih an huam a ni min ngaihtuah in min veng thawng em em a ka mit hmuh atang in sec1 pawh an awm sawn ngai lo..

Ms Ginzales chu a lo harh an tih avang chuan hmanhmawh tak in Daniel te in lam chu kan pan a. Room ah ka tlan lut nghal a..

Ka fanu ti a min koh ve ka beisei tak zet a ni. Ka nu a ni hi ka lawm em em a ni..

A mit chu a rawn meng a Rosaline Rosaline a rawn ti chhuak a..

Daniel chuan a nu bul ah chuan min kuah phei a "ka nu hei Rosaline chu a lo thleng tawh"

Min hawi sawn hmak a "kha kha Rosaline a ni lo" a ti hmak a

Min pawm thei lo a nih pawn a pawi lo kei hi i fanu ka nih zia ka ti lang ang, theihtawp ka chhuah ang..

"Ka nu" tiin ka au a

"Kha tiang khan khawngaih tak in min ko suh"

Ka biang ah ka mittui a luang nghal zung zung a insum ka tum ngial pawh in ka thei lo a na takzet a ni..

"Rosaline rawn hruai rawh u khawi ah nge ka fanu"

"Nui Amelia hi i pawm thei lo tih ka hria mahae i fanu diktak a nih hi.. Kha nu khan kei ni hi min lo bum char char a eng tin nge fanu i tih theih zawk?"

A drip khai lai chu a pawt chat a" ka fanu chu rawn hruai nghal rawh chu" tiin a khawih theih ang ang a vawm darh a..

Room atang chuan ka tlan chhuak nghal a. Ka tap vak vak a Carter chuam min rawn kuah a

"Ame a hrethiam ve vat ang lungai suh"

"Mahse atan chuan Rosaline chiah a awm alawm"

"Rosaline chu i ni lo em ni?" Daniel chuan a rawn ti a

"Daniel"

"Ka u zawk aw"

Daniel chuan min kuah a "ka nau i nih hi. Ka nu chu a tha leh vat ang ka tiam a che hun a mamawh a ni"..

...to be conti...


Rodingliani



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 2nd, 2018, 1:35 pm

PROMISE

Chapter 14

2015

Amelia Gonzales

Hringnun hian hlim chang te lungngaih chang te a nei thin mahse tinge ka nun hi lungngaihna hian a dawt zut bik le? Eng em em hi nge tihsual ka neih bik ni..?

Kum 1 lai chu Daniel te bul ah ka awm ve ta reng mai. Ka pa hi mi tha tak a ni a, min hmangaih in ka hreawm tawrh a hlau em em a. Ka chung a thil thleng te avang hian min veng thawng em em a ni. Jayden emaw a chhungte reng reng ka hmuh a rem ti lo hle a..

Jayden te Company a thawk ka ni a, a Company ah thawk tur in min ti reng thin a mahse ka tan a nawm loh avang in ka hnial tal tal thin a..

Jayden hian min biak loh dan hram hram a ngaihtuah thin mahse a thei lo chu a nih ber hi. A inthiam loh zia leh ka pa ni lo a pa thil tih avang in min hmuh a hreh hle. Eng tin nge amah ka haw ve lo tih hi ka hrilhfiah theih ang ni..

Jayden kha awm lo se kha in ah khan eng tin nge khang kum chhung khan ka awm theih tehlul ang ni? Ka tan chuan unaupa a ni, chutiang chuan min ngai ve lo mahse..

Ka nu hmu tur chuan a room ah chuan ka lut a, min melh duh lo a min hnungchhawn zawng chuan a thu tlat a. Kum 1 chhung in vawi 1 pawh min be eih lo ka awm ve tih a hre duh lo a..

A tawng chhun ah pawh Rosaline ka hmu duh he nu hi ka fanu a ni lo tih a ni, kei hi min pawm thei lo. A tan chuan Amanda chiah kha a fanu awmchhun a ni. Eng tin nge ka nu hi kha nu khan a lo dawi at le?? Tiang hi a ni ngai lo asin a fanu ka ni loh pawh khan min ngaina em em thin kha a ni a..

"Ka nu ka lo kal a"

"Nu, vawin chu leng chhuak dun ila. (Ka tawng zawng pawh chuan ka mittui a tla thei) Nu ka tuar zel ang eng tik ni ah emaw chuan nang hian min la pawm ngei ang chu hun chu ka nghak char char ang"

A lukham chu la in min vawm vak a"chhuak nghal rawh nangmah vang in ka fanu a bo asin, Chhuak rawh" a ti tuar tuar ah..

Room atang chuan ka chhuak nghal a..

"Awmzia a awm lo em ni??" Nancy chuan a rawn ti a..

"Imm, ka thiam loh vek a ni"

"I thiam lo engmah a awm lo Amelia kha nu vang zawk kha alawm.. Amelia i hnar"

Ka hnar chu ka khawih a, a lo thi a. Tun hnai chu ka hnar hian thi a hrat hle mai. Chaw ka ei that loh leh zan ka mut that loh vang pawh a ni mai thei a ni..
........
Tun ah chuan Carter hian hma a sawn tawh takzet a ni. Sponsor tu pawh a hmu nual a tun atanga kum 2-3 hnu ah chuan a hlawhtling tawh khawp ang..

Ka chal ah a fawp zauh a nui var var chuan "ka hmangaih che" ka beng bul ah a ti sap a. Kei pawn tiin ka chhang let a

A hna thawh hi nuam a van ti tak a kal tyr reng pawh hi a phur mah mah thin a ni..

Amanda hmu tur chuan ka kal a. In atanga a chhuah duh loh vang chuan mental Hospital ah an dah a. Daniel leh a pa ten eng tin mah tih an tum lo mahse in ah rawn kal in buaina a rawn siam a min that a tum a thla hmasa pawh khan ka ban ruh a ti tliak nghe nghe kha. Vanneih thlak tak in a nasa lo hlauh a..

Min hmuh ve leh chuan "ka nu chuan a la pawm duh chuang na che nge??" Min nuih sung chuan a ti a..

"I duh duh i sawi thei alawm"

"He hnun ah hian nang hian min dah tur in i pa leh u kha i thlem a ni tiraw? Hey Amelia ah ni lo Rosaline hhah chu hming chu nang ai chuan ka inhmeh in ka hria. Ka nu khan min ngai viau a ni tiraw hah ka tel lo chuan tumah a be lo ang che u kei hi a fanu chu ka ni"

Min nuih vak vak a, ka pa nen an ruahmanna kal fuh zia a au pui vak vak bawk a. Chu ri chu ngaihthlak a hreawm hle mai..

"Amanda engvanh in nge ka chung ah tiang hi i tih?"

"Ka tih ni lo in, i vanduai vang zawk mawle nang hi vanneihna hian a kal sawn tawh che"

He nu biak hian awmzia a nei hlawl lo. Ka chhuah san nghal a, ngeiawm tak in min rawn la au zui vak vak a..
....

Ka lu hi a hai deuh reng a, ka awm a nuam lo ang reng khawp a. Sleeping peels tello in zan lam ah lah ka muhil thei bawk si lo. Ka chhung te ka hmu hun ah chuan hkim tak in ka awm tawh ka lo ring thin a mahse chu chy suangtuahna awmze nei lo mai a ni. A hma ai mahn in ka nun hi a rit zawk hian ka hria..
....

Zing ah hna ka kal hma chuan ka nu hmu tur chuan ka kal leh a, a tih dan ngai te in min hmuh ve leh min hnungchhawn leh nghal a..

"Nu vawin hian mipui hma ah thu ka sawi dawn a ka zam takzet a ni malsawmna min hlan dawn lo em ni?"

Min chhang chuang lo a ngawi reng a, a melh ngai a melh char char a. Ka chhuah dawn chuan "Nang hi kal bo rawh, ka fanu i ni lo ka hua che" chiang tak chuan a ti a..

Ka insum hram hram a ka kal san ta zawk a. Kan company lam pan chuan ka inkhalh chhuak a..
__

Presentation nei tur chuan ka ding chhuak a, ka ding thut chu ni dang zawng ai in ka lu hai chu a zual hian ka hria engmah ka hmufiah mang lo. Nizan khan peels kha ka ei hnem viau a mi le?? Tumah in peel ka ei thin tih an hre lo an hria a nih chuan an buai leh chung awm si a. Keimah vanga an buai reng hi ka duh tawh lo a ni..

Ka kal lui a, ka inzir lawk ang chu sawi ka han tum hram hram a, a harsa takzet a ni.. Ka lu hai lutuk chu ka taksa hi ka zo tawh thlawt lo chhuat ah chuan ka let tawp a..
..
Ka harh leh in khum ah ka mu a ka bul ah Jayden hi a lo thu a

"Khawi ah nge ka awm a?"

"Damdawiin ah i tha tiraw Amelia?"

"Ka lu hi" ka thu chhuak a Doctor chu a rawn kal a

"E kha i lo harh tawh maw, test result chu a lo chhuak tawh a?"

"Test ah eng test maw?"
________________

2018

Carter Olivera

Amanda chu kan va hmu a, a tih dan ngai te bawk in maw ngeiawm tak tak in a tawng leh tawh. Hnehsawh tak tak in Daniel a tawng khum a.

"Nang hian kan chhung i ti chhe vek tih i hria em? Nang hi awm lo la chuan ka nu leh Amelia chunga ah tiang thil hi a thleng lo ang"

"Hhahh eng vang in nge min hnawhchhuah. A let chu i tuar mai tur alawm"

"Nang hi Amelia chung ah thil tha lo a thlen chuan rawn that tur che in ka rawn kal leh ang"

"Maw kha nu kha in la hmu lo ah! Ahh Daniel Gonzales, Carter Olivera chiang tak in ngaithla ru kha nu kha in hmu a nih pawn awmzia a awm chuang lo ang"

"Enge i sawi awmzia" ding meuh in ka ti nghal a

"A chhan maw( nui vak a) Kha nu kha a thi mek a ni. (A lu chu a kawk a) in chhan thei chuang lo ang Brain tumore"

Ka thu hriat chuan min ti nghing lawih mai, he nu thusawi hi awi tur nge tur loh pawh ka hre thiam tawh lo. Thla 3 chiah in a chhuah na a rei a eng tin nge heng hi a hriat thei awi loh hram ka van duh em..

Daniel chuan Amanda chu hmeichhia nge miap a ngaipawimawh lo a kawr nghawng ah a tham a kut thlak a tum mai ka lo dang nghal a

"Duhtawk rawh Dan, he nu hian dawt a sawi lo ang tih pawh a hriat loh. Kal zawk ang"

Ka chhuah pui thei hram a. Heng thil zawng zawng hi kha Jayden khan engkim a hre vek a. Tun tum hi chu a zavai in ka dawp chhuak vek ang..
______________________________________

2015

Amelia

Zawi tak leh beidawng tak chuan kan in lam pan chuan ka kal a, ka pen zawng apiang chuan ka mittui hi a far nghal zel hian ka hria Jayden chuan ka hnung ah min rawn zui a..

"Ameliaaa, tiang hian awm suh"

Ka chhang thei lo, ka na ngawih ngawih engvang in nge kei kher a fair lo a ni.. Jayden chuan min rawn kuah a

"I duhtawk in tap rawh kei hian ka venghim zel ang che Amelia ka kal san ngai lo ang che"

Jayden awm ah bei chuan ka tap chhuak ta vak a

"Tinge kei kher kei hi ka thi ang maw! Brain tumor he natna hi ka hua a ni tinge tinge kei kher ka nih mawhh, min hrilh rawh" jayden awm ah chuan ka chum vak vak a

In ah pawh ka lut duh lo ka tap tih an hnu anga thil min zawt leh vak vak awmsia. Pawn ah chuan ka thu char char a. Ngawi reng in tuma hriat loh a thih ka duh a ni. A awmzia chu Carter te ka nu leh ka pa leh Daniel pawh ka hmi thei tawh dawn lo tih na a ni..

Ka mittui a luang zung zung a. Ka nu in min hriatchhuah hun ah hlim tak in ka la awm ve ang tih ka suangtuah zawng zawng pawh a ral mai dawn chu a ni si a.

Jayden chuan Russia ah in enkawl na that zawk na hmun ah kak pui ah min sawm a, in enkawl pawh ni ila enge sawt na awm? Damrei dawn pawh ni ila ka kal san leh dawn tho a..

Ka hmai ka phih fai a, inchhung ah chuan ka lut a ka nu chu inpui ah a lo thu a, a nui hmel ka hmu a nih chu ka hlim zia kha mahse ka lut zel a, Amanda chu ka nu bul ah a lo thu reng a.

Ka thin hi a phu nghal zawih zawih a tiang em em a ka nu hlim kha ka la hnu ngai lo ka rilru ah chuan thil tam tak a lo lut a, kei hi a fanu diktak pawh ni ila eng nge sawt na awm, a hlimna chu kei ni lo in Amanda a ni tho tho. Kei hi he tah hian mamawh ka ni lo. Ka nu ka ti hlim ve zo chuang lo..

Ka tlan chhuak leh nghal a Jayden hmu tur chuan ka kal a

"Jayden Russia ah chuan kal ang tuman min hmuh loh na hmun ah khawngaih tak in"

Jayden chuan min kuah a "awle awle kan kal dawn nia Amelia naktuk ah kan kal ang"
____________________

Ka rilru ka siam fel vek tawh Carter hnen ah ka hrilh a nih chuan a hna thawh lai zawng zawng tawp san in ka tan engkim tih a tum leh a nga a dinhmun ngaite ah bawk a kir leh ang, chu chu ka duh lo keimah vang in tu man an tawrh hi ka duh tawh lo..

Carter kawngka chu ka kik a, Carter chuan a rawn hawng a, zan a rei ve tawh ang reng nen ka hmel a hmu chu mak a ti hle a. Ka tah ka hlau takzet a hmui ah chuan ka fawp nghal a, ka awmdan chu mak a ti hle mai, tun ah chuan engmah hi pawi ka ti tawh lo Carter chuan min fawp let nghal a..

Ka thawmhnaw chu ka phelh sak a, a mah pawn chutiang bawk in.. Min pawm nalh a pindan ah min kal pui a khum ah chuan dim te in min mut tir a ka thaw hluam hluam a ka mit ah tak min melh kar a..

"Amelia i inchhir lo ang maw??"

"Inchhir ka duh loh vang zawk alawm, Carter ka hmangaih che"

"Keipawh in Amelia"

Min rawn fawp leh nghal a, a taksa lum ham ham chuan ka taksa chu a rawn si a, ka thi dawn hian ka hria..

Carter hi kal san ka duh lo he zan hi ral thei lo se ka van ti em..

...to be conti...


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 2nd, 2018, 1:35 pm

PROMISE

Chapter 15

2015

Carter Olivera

Ka mumang mai ni tur chuan ka phal ngang lo. Ka mit chu ka meng a ka hmaah Amelia tui taka a muhik ka hmuh beisei tak chuan mahse tumah an awm lo ka room bang chauh ka hmuna..

Ka thu nghal vat a, ka ko a min chhang lo, inpui ah a awm aniang tiin ka chhuak a, a awm chuang lo. Enge awmzia ni a khawi ah nge a kal..

A phone ka call a switch off a in ti a, a chhuak lawk aniang ka ti leh mahse tinge a phone a ken, tinge call a chhan theih lo, a chung ah thil tha lo a thleng em ni..

Daniel ka phone nghal a

"Hmela ka call engvang in nge i lak theih loh vawi engzah ka rawn call che"

"Ka hmu miah lo"

"A tha a nih chu, nizan ah Amelia a rawn haw lo a, i bul ah a awm mial em?"

"Maw, Amelia, aw nizan khan ka bul ah a awm mahse tun ah hian ka hnu zo lo. Daniel a lo haw lo amawh!!"

"Aw"

Choka dawhkan ah hian paper pakhat hi a lo awm a chu tah chuan "Carter min theihnghilh ang che" tih chiah hi a lo inziak a. He thuziak hian enge awmzia a nei, engvang in nge he thu hi a ziah...

Daniel tawng pawh ka hre tha hlei thei lo, ka buai zo vek tawh, he nu hian kei hi min kal san tih na em ni? Mahse engvang in enge tih sual ka neih?"

Ka in ha tha mawlh mawlh a, Amelia zawng tur chuan ka chhuak nghal a, chhun a ni tep tawh a. Engvang in nge ka muttui em em ni? Carter mi mawl tak i ni..

Ka tlan a, a kal na tur a ka tun ang ah chuan ka kal zel a, Jayden ni e Jayden hna ah a kal pawh a ni thei. Jayden chu ka call leh a. A ni pawh in call a chhang thei lo. An company ah chuan ka kal nghal a..

An department ah ka tlan lut a, ka mi hmuh hmasak ber chu zawhna ka zawt nghal a..

"Min hrethiam lawk, Amelia Gonzales ka hmu thei ang em?"

"Amelia maw, tuk in zing khan banna a theh lut a"

"Banna ah. Ania Jayden Roberts"

"President pawh in banna a theh lut"

Eng tin maw!! Banna an theh lut ve ve amwh!! Enge thleng chiah hi..

Daniel chu a rawn thleng nghal a

"I la hmu chuang lo em ni?"

"Dan, Amelia hian min kal bo san niin ka hria"

"Enge i sawi awmzia?"

"Amelia chu kan hlat ah a awm tawh, banna a theh lut a"

"I thusawi hi engmah ka hrethiam lo Carter"

Ring leng lawng chuan "Amelia hian min tlanbo sa a ni"

Daniel chu a thu hnuk a "hei hi ka thiam loh vek a ni. Nizan khan Amanda kha in ah hruai lo tur ka ni asin"

"Amanda i la chhuak amaw!"

"Aw, eng tin nge ka tih chuan ang ka nu in amah a hmu hma kha chuan chaw bar khat pawh a bar duh lo asin, tih theih dang ka nei lo asin"

"Eng pawh nise, Amelia chu kan zawn a ngai a ni"
.........................................................................

2018, January, 1

Carter Olivera

Kum 10 hnu ah he kan thil phum hi kan la chhuak anga kan chhiar dun ang tiin kan intiam a. Kum 10 chu kum 3 laiin a pel tawh Amelia lo kir hun chu ka la nghak fan a nih hi, eng tik ah nge a lo kir ang, eng vangnin nge a tlanbo??

Kan bottle phumna chung ah chuan ka ding vung a, a tello in eng tik ah mah ka hawng lo ang Amelia kum 10, 50 pawh ni rawh se ka nghak zel ang che..

.....

Ka company pawh tun ah chuan kan ram a lian leh mite tlawh pawh pawl tak a ni tawh a Chairman ka ni a, Cimpany din tu ka ni bawk a. Ka hlawhtlin na zawng zawng te hi Amelia vang chauh a ni. Hun harsa ka tawh lai khan thim ata eng ah min hruai lo ta se, tun dinhmun hi kabthlrng thei ngai lo ang chu vang chuan a lak ah hian ka beidawn thei lo a ni..

Ka office darthlalang atang chuan pawn lam chu ka thlir char char a, ka nun a ka thil mamawh ang chu ka nei deuh vek tawh a, mahse ka nun ti famkim tu chu ka nun ah a rawn la let lo..

Nancy chu office ah chuan a rawn lut a

"Eng tia rei nge tah khan din i tum a?"

"Nancy i rawn luh lai ka hre reng reng hlei nem"

"Nang hi chu i beidawng dawn lo anih hi. Carter Amelia hi a rawn let ka ring tawh lo a ni"

"Khawngaih in Nancy chu tiang chuan tawng suh, Amelia hi a lo kir leh ang chu chu ka ring tlat a ni"

"Imm a tha a nih chu, anih chuan chhun chaw min ei pui duh chuan"

"Kan hnial ngam nang che"

Restaurant lam pan chuan kan kal a, dawr chhung ah chuan kan lut a, Erick ,Daniel, Ruben leh Justin te an lo awm vek a..

"In vai in maw!! Enge a Reunion kan nei dawn tih na em ni?"

Daniel bul ah chuan ka thu a

"Vawin hian nangmah chauh a i awm kan phal hlei nem"

"In van ho tak, ka tha lutuk Amelia hi a rawn kir leh dawn alawm"

"Aw chu chu kan hria, mahse kha hei hi in phawt teh"

Beer um chu dawm in kan in khalh khalh a, min chhawk zangkhai khawp mai. Heng mi ho hian min la theihnghilh bik em lo chu a nih hi..

Nancy chuan a kut hi a rawn pharh chhuak a, zungbun a lo awm a, Erick chuan a hmui ah a fawp a "Inneih pui ah min sawm a"

"Woowww ka lawmpui lutuk che u"

"Mo thianpa nih ka duh a nia"

An hlim hlawm khawp mai kan tam viau lo na in, kan bengchheng khawp mai High school kan kal lai te pawh kha a ang rum rum alawm, kan zing ah hian Amelia chu tel ve ngat se chuan he hun hi khawvel a hun nuam ber a ni dawn asin..

Daniel pawh chuan theih tawp a chhuah tih ka hria, Amelia kha a nau a ni tih a hre chauh a ni maithei mahse khang hyn rei lo te chhung pawh khan a hmangaih em em hman a ni..

Eng rilru pu a min kal san nge a nih ang lee? Tinge min kal san? Heng zawhna chhanna hi ka van hre chak tak em!

"Ka lo va kal hmasa mai ang, hna ka la nei bawk sia" tiin kal ka tum a an hnial nasa ngei mai mahse an zing ah hian ka kim chiah lo hrih a ni. Hun ka la mamawh deuh..
.................................................................

Tun hnai phei chu kan Company kan buai khawp mai, hneichhia emaw thian tih vel hi engmah ka ngaihtuah hman meuh lo, mahse Amelia eraw eng tik lai pawh in ka thinlung ah a awm reng a ni..

In lam ka pan tur chu Alyssa chu ka hma ah a rawn ding hlawl a, he nu hi ka hmuh loh na a rei tawh takzet a ni. Jayden leh Amelia te an kal bo rual khan an hmel hmuh tur a awm tawh lo a..

Alyssa nen chuan coffe kan in dun a

"Alyssa, Amelia leh Jayden te awmna i hria a ni tiraw?"

"Hrilh theih che chu ka chak takzet mahse Carter pawi ka ti engmah hriat ka nei lo a ni"

"Anih khang kum 3 chhung khan khawi ah nge in awm bo char char anih Jayden hi khawi ah nge?"

"Kei ni pawh in Jayden awm na chu kan hre bik lo a ni"
_______________________________

2018, February

Ka Company hlawhtlinna party (2nd anniversary) kan nei a, Company a hna thawk zawng zawng leh ka thian te kan zir rual pui thin leh midang tam tak an rawn kal nawk a..

Party pui tham tak chu a ni, ka nu chu la awm se min chhuang in min van lawmpui dawn teh lul em..

Thu ka sawi lai chuan eng emaw hian ka mit hi a la tlat a, ka en chiang a Amelia a ang ka ti takzet a nih ka ring thei bawk si lo

Ka thusawi lai chu laklawh tawk chuan ka ti tawp. Chu nu lam chu ka pan nghal a, ka um zel a ka um phak loh tawk vel chiah chiah chuan a kal zel a. Kawng hnung lam atang chuan ka hel a.

Chunu hma ah tak chuan ka ding a, a hmai chu a hliah a, a puan chu ka phih thlak sak a. Ka nui tawp chiang kher mai. Ka lawm dawn nge mak ka ti dawn pawh ka hre lo, vawi leh khat ah ka buai nghal vek hmuh ka chak ngawih ngawih thin a ka hmu ta reng a eng nge ka sawi hmasak ber ang??

"Amelia hei hi ka mumang a ni em?"

Ka vawn na a ban chu a la sawn a "ngaih lo lam ah ngai duh suh, rawn mangtha tue che a lo kal mai chauh ka ni"

"Enge i sawi awmzia Amelia?"

Card hi min pe a, inneih sawmna ni awm tak a ni. A kawm ah chuan "Jayden WED Amelia" tih hi a in ziak kiau a. Mak ti lutuk chuan amah chu ka melh haw ah!!

"He lehkha hi enge awmzia"

"A inziak ang kha a ni mai i hnu ve reng a ni lawm ni. Jayden ka nei dawn chuan Carter ka hrilh duh che chu kei hian i tan eng rilru mah ka pu lo tih hi a ni"

"Amelia nang hian khawvek ah dawt sawi..."

"Chu chu sawi tawh lo teh, khang kum chhung pawh khan ka bum na hnuai ah a ni lawm ni i awm, kan inneihna ah hian i rawn kal ngei ka bei sei"

A kal leh nghal a. Ka thil hmuh kha enge awmzia a ni kha Amelia a ni tak tak em? Ka Amelia kha a ni tak tak a maw?? A chung ah enge thleng? Jmeng vang in nge Jayden a neih ang?

Ka harh chhuah leh meuh chuan a lo tlan bo hman tawh..

PROMISE

Chapter 16

Carter

Chiang tak in kei hi min hmuh a duh tawh loh thu a sawi a nih chu.. A tha e, tun atang chuan ka kak san tawh ang kei hian Amelia hi ka kal tir ang. Tu pawh chu nei mahse pawi ka ti tawh lo ang, a hlim na tur a nih phawt chuan a tan eng pawh ka ti thei a ni..

2018, June (Present)

Jayden hmu tur chuan ka kal nghal a

"Nang hian enge min hrilh loh i la neih Jayden ka ngen a che engkim min hrulh vek rawh engvang in nge Amelia khan min tlanbo san mawhh!!?"

"Hre sa vek in i rawn kal lo em ni?"

"Min chhang rawh engvang in nge Amelia hian nang neih che hi a rem tih?"

"Chhanna chu i nei vek alaqm Carter"

"Thih i duh tak tak em ni?"

"Amelia khan a theihnghilh ve mai che ka ring thin asin, mahse a ni lo, nang xhauh hi a hmangaih chu i ni! Amelia hi hun rei a dam tawh lo ang a tam ber ah thla 5 pawh a tling lo mai thei, ni tel in a chak lo tual tual a, a chang phei chuan kei pawh hi min hre lo thin asin, mahse Carter tih hming hi a theihnghilh ngai lo"

Ka thinlung hi a na ngawih ngawih, ka inchhir a ka in haw ngawih ngawih a ni. Ka harsat lai in ka kiang ah min pui tur in a awm reng a, mahse kei chu a kiang ah ka awm ve lo, awm a hnek in eng harsat na nge a neih pawh ka hriat pui si lo..

"Kha tih lai khan, i hna a hlawhtking tan a, a natna vang in i hna i tihbuai a hlau si a, engmha hrilh lo che a, tuma hriat loh a thih a duh thu a sawi asin"

"A ruk a hmu tur che a rawn kal a tum a mahse i lo hmu a, khang thu kha a sawi phah a ni. Carter Amelia hian vawikhat te pawh a la hmangaih lo ngai lo che. A tir te atang in Amelia thinlung chu i kiang ah a awm reng tawh a ni"

Enge ka sawi ve ang, engvang in nge a tih?? Ka zawhna chhanna zawng zawng chu tun ah hian ka nei vek tawh mahse a va na si em!! A tawrh ai tawrh theih ka van chak em, a dam hun hlimawm reng nei lo in.. Amelia khawvel hi a fair lo takzet a ni..

"Carter A chung ah thil tha lo a thlen hma in kan zawn hmuh vat a ngai a ni"

Ka zawng hmu ang khawvel tawp thleng pawh in ka zawng ang..

Jayden chuan ka fapa bul ah chuan min hruai a. Naupang chu thuthleng ah hian a lo thu a, min hmuh ve leh chuan ka lam ah rawn tlan in min rawn kuah nghal a. Ka hrilhhai hle mai..

Sawi mai tur pawh ka hre lo, "Apa" fiah kek kawk chuan a ti a, ka hlim lutuk chu ka insum thei lo, mipa mah ni ila ka tap ve theu asin. Ka biang ah mittui a rawn luang a, nghet tak chuan ka fapa chu ka kuah a..

"Ka fapa" tawng pawh tawng chhuak hlei thei lo chuan ka ti tham thiak a..

"Apa, i van rawn kal har ve, Anu in i pa in a rawn hruai ang che a ti a"

"Tun ah chuan ka rawn thleng tawh alawm, ka fapa ka kal san tawh lo ang che"

Jayden bul ah chuan a hming ka zawt a

"Carter"

"Enge??"

"I fapa hming chu Carter ka ti na mawle?"

Ka nui sek a, Amelia ka lawm e tiang fapa tha tak min pek avang in..

Daniel chuan Carter jr bul ah chuan a putea a nih thu te chu a hrilh a.. An infiam thei nghal mai a.. Ka fapa chu ka en a. Amelia khawi ah chiah chuan nge i awm le??

...ti be conti...


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 2nd, 2018, 1:35 pm

PROMISE

CHAPTER 16

Carter Olivera

Ka fapa chu ka in ah ka hruai haw a, tun atang chuan ka enkawl tawh anga Amelia pawh ka zawng hmu anga, eng pawh tawk dawn ila Amelia ka zawng hmu anga kan chhungkua in kan awm khawm ang..

"Carter i nu chuan a kal dawn in, a kal na tur a sawi em?"

"Aw, anu chuan maw hmun hla tawk ah a kal dawn a ti a"

"Chu chauh chu maw a sawi?"

Carter chu ka kuah leh rih a, ka lawm rual rual hian ka rilru hi a va kehsawm hneh chiang tak em..

Tu pawh mai chuan Amelia chu an zawng hi a ni mai, khang natna nei chung khan thil tha lo te lo tawk ta se?? Ka rilru hi a buai a, ka chau in heng buaina te hi ral vat vat se ka ti a ni..

Kum engzat pawh liam mahse kan thutiam kha kan ti hlawhtling ang, Amelia hruai in kha tuipui kam ah khan ka hruai anga ka thu ziah te ka chhiar sak ang..
................

Ka hna lam ka thlahthlam tawp thei bawk si lo, chu tih chhung chuan Carter chu a putea te in lam ah ka awm tir rih a, Carter hmu tur chuan ka kal a..

Ka thil hmuh chuan ka mittui a ti tla hial thei a ni, kum 2 chuang tawh nui ngai lo kha Ka nutei chu a wheel chair ah thu in Carter nen chuan an infiam a nih chu!

Ka tlan lut nghal a, Daniel leh midang te pawh chuan mak tiin an en thap a

Carter bul ah chuan ka thu hniam a, nui uar uar in a pi chu a chhaih a, nutei pawh chu a nui nasa ve khawp mai. Tiang thil hi ka hmuh theih ka inring ngai lo asin chu pawh ka fapa vang in..

Carter chuan min hmuh ve leh apa tiin ka lam ah rawn tlan in min rawn kuah nghal a, ka lo kuah let vat a..

"Apa enge min lo hawn??"

Ka thil hawn chu ka pe a,a nu ang chiah in Chocolate a ngaina takzet a ni.. A pi bul ah chuan a tlan leh nghal a..

"Carter, Amelia hi rawn hruai ve ta che" zawi leh chau tih hriat tak chuan nutei chuan a rawn ti a

"Awle Ka nute, Amelia chu ka rawn hruai ngei ngei ang ka tiam a che"

Carter nen chuan in lam pan chuan ka inkhalh a, Carter chu a muhil tawh a. Tiang khawp hian a fapa pawh a enkawl tha a, a fapa chu awlsam tak in a kal san thei bik lo ang kei min kal san thei pawh ni se
...........................................................

Ka fapa School bang chu ka lam a, Daniel pawh a rawn tel ve nghe nghe a, he pa hi chuan ka fapa hi pum bilh vek a tum nge kan in ah a rawn riak lo chauh a nih ber hi

Tun ah pawh car ah an infiam leh zuk zuk tak hi, Fapa hi nei ve vat se a tha ang..

"Hey Dan engtik ah nge i bialnu te min hnuh tir ve dawn a?"

"Ka neih hun ah le!!"

Ka phone chu a rawn ri a, Jayden a ni a.

"Aw enge?"

"Carter tun ah hian Amelia ka hmu a ni"

Car chu ka ti ding nghal a

"Eng maw i sawi?"

"Tun ah hian Amelia bul ah ka awm"

Ka thin te chu a rawn phu nghal dup dup a, ka chi ai lo chauh a ni. Jayden an a awmna a sawi lam pan chuan chak mang kheng chuan kan tlan nghal a..

Daniel an thil awmzia min zawh pawh chuan chhan mai ngaihna ka hre lo, ka tlai a nih chuan a lo kal bo leh hman ang tih ka hlau a ni. Amelia hi chan nawn leh ka duh tawh lo..

Car chu ka ti ding a, Amelia chuan naupang piano tum chu uluk tak hian a lo ngaithla a, a hmel chu a hahdam hmel takzet a ni..

Carter chuan "a nu" a ti vak a, a nu awmna lam pan chuan a tlan nghal a. Daniel pawh chuan mak a ti khawp mai

"Amelia maw!!"

"Aw, Dan ka hmu ta" ka thaw huai a..

Amelia awmna lam pan chuan kan phei a. Amelia chuan a fapa a hmuh chuan hria awm pawn a lang lo, a thil ngaihthlak lai chu a ngaihven zawk a

"A nu, a nu ka lo thleng tawh hi.. A nu"

Jayden chuan Carter chu a kuah a

"Apate a nu hi nga ti nge? Min hre lo ania?"

"Carter, lungngai suh a nu chu a tha leh dawn alawm tun ah chuan apa a hmuh tawh hi" a ti a..

Zawi muang chuan Amelia hmaah chuan ka thu hniam a, a mit ah tak chuan ka melh a, engmah pawh a sawi lo a hmel lan dan pawh a danglam phah chuang lo min en ve reng a

A sam sei tak thin kha tun ah chuan a dar chen lek a ni tawh a, a hmel chu a dang in a cher em em a mahse a hma ang in a la hmeltha reng tho a ni..

A kut ah chuan ka vuan a, zawi sap chuan "Amelia" ka ti a

Min melh ngai chuan min la melh reng a, hmui chu a che det a, "Carter" a rawn ti zawi sap a. Min hriat chhuah vang ni lo in a hmui phun ve mai chauh a ni..

A awm dan chuan ka rilru a ti na takzet a ni, ka na lutuk hi ka aa thei mai dawn hian ka hria a ni. Ka hmeichhe hmangaih ber leh ka fapa a nu a ni a. Ka biang ah mittui a rawn luang a. Ka insum thei lo Amelia chu ka kuah a

"Min ngaidam rawh Amelia ka thiam loh vek a ni,,"

"Amelia" Jayden chuan a lo ti a.

Amelia chu ka thlah a, a hmel chu ka en a, a biang ah mittui a rawn luang a..

"Carter, ka ngaih tawh zia che hi i hria em, eng tia rei nge tun hun hi ka nghah? Tinge tinge i rawn kal har em em a?" Tih pah in ka awm ah chuan a chum a

"Amelia, min__min hria em ni?"

"Carter ka tih palh, nang hi lo kal bo san lo tur che ka ni asin"

"A pawi lo, engmah a pawi lo tun ah hei i awm tawh alawm. Khawngaih tak in min kal bo san tawh suh aw?"

Kan fapa chu kan inkar ah rawn ding in a mittui chuan a ti hun hluam a

"A nu, tinge min hriat lo Cartera ka nih hi" tap aw tiau chuan a rawn ti a..

Amelia chuan a fapa chu a kuah a "ka tihpalh bawiha, i nu hian pawi ka ti lutuk"

"A nu, apa bul ah chauh awm ka duh lo apa leh a nu te, apate, aputea leh a pi leh apu te in vai bul ah awm ka duh"

"Ka tihpalh ka tihpalh lutuk"

"Anu, apa nen kan bul ah i rawn haw ve dawn tiraw??"

Amelia chu a ngawi vang vang a

"Amelia, i fap zawhna chu i chhang dawn lo em ni?"

"Aw bawihte ka lo haw ang nangmah leh apa bul ah" a fapa chu a kuah a..
.....................................

Amelia chu a nu leh pa te bul ah chuan ka hruai a..

Amelia chu a nu bul ah chuan a kal a

"Nu"

Nutei chuan Amelia chu a kuah nghal a

"Ka fanu, i nu hi ka van nunrawng tak em, i chung ah khang thil kha ti lo tur ka ni asin. Ka fanu min ngaidam rawh aw??"

"Nu ka ngaihdam i ngai reng reng hlei nem."

"Ka fanu, kei hmah vang a ni.. I chung ah tiang khan khawsa lo ila chuan hun harsa hi i tawng lo tur"

"Nuuu tun ah hei ka nei thei tawh che alawm. Nu min pawm avang in ka lawm e"

An awm dan en ringawt pawh in tah an ti chhuak thei alawm..

He a hun neih rei lo te chhung hian a thil duh leh chak zawng zawng chu ka tih sak vek ang, eng tik lai pawh in a bul ah ka awm anga, a hun hnuhnung hi hlimawm taka a hriat reng tur in ka siam dawn a ni..
.........................................................

Ka hna pawh ka chawl tawp a, Amelia enkawl nan chuan ka hun zawng zawng chu ka hmang tawp a..

Zing kar ah hma tak ah tho in a hmui ah fawp in ka kai tho thin a..

"Good morning Bawihte"

A mitmeng dum paw phat chuan min rawn melh a "Good morning" tiin min chhang let a, heng hun hi ka theinghilh theih leh tawh ngai ka ring lo a ni..

Kan fapa tiffin tur kan siam sak a, School ah kan thlah a, park ah te kal in a School bang kan hruai haw leh thin a..

Ka nitin hun hman chu a tan vek a ni, ti hian min kal san hun tur ka nghak tawp mai chu a ni a..

Pawn thuthleng ah thu in can chu a en reng a, a bul ah chuan ka thu a..

"Eng thil nge i ngaihtuah??"

"Ka kal san hun ah che, eng tin nge i awm ang. Carter kei chu ka kal bo anga a ni mai a"

"Khang thu kha sawi suh Amelia, i thei chhung chu hlim tak in awm rawh hlim hi i phu a ni"

"Umm, tun ah chuan nang ni hi kal san che u pawh ni ila, inthiam loh na engmah ka nei tawh lo ang.. Carter tun ang hian ka la hlim ngai lo"

"Ka lawmpui a che"

"Nu leh pa ka nei a, u ka nei a thian te leh midang pawh. Chuan ka tan a mipaqimawh em em pahnih ka fapa leh nang ka nei bawk che u a, thil dang engmah hi ka mamawh tawh lo a ni"
.................................................................

Carter birthday lawmnan Amelia hmun duh ber ah kan kal a, chu chu kan pahnih a thutiam kan neih na hmuh ah.

A tawp a tawp ah chuan, kan thuthiam kan ti hlawhtling ve thei dawn ta a nih hi.. Lei chu ka hai a. A ngai te in bottle chu a lo la awm a..

Ka ziah chu ka la chhuak a. Amelia chu ka pe a..

"Chhiar ring suh aw ka zak ania"

"Hei hei hi Rosaline nen kan indate laia i ziah a ni tiraw?"

"Ngawi hmak rawh, kha thil kha, ka huat zia che kha"

Ka chhiar a, a thuziak ah chuan min hmangaiah thu te, a kiang ah ka aqm avang a a lawm zia te leh ka tello a awm harsa a tih zia tw a ziak kur ngei nguai a. Ka rin phak bak in Amelia hian min lo hmangaih tih ka hriat chhuah phah a, amah ka hmangaihna chu a let tam tak in a zual a ni..

A ka thu ziak a chhiar chuan min rawn melh leh kawr thin a. Kan innuih leh rih thin, he hun hi ral mai atan chuan a uiawm mah mah a ni..

Kan lam ah Carter a rawn kal a..

"Anu a pa in rei tawh lutuk, chaw ei kan pei tawh ania" a rawn ti a, kan pahnih biang ah chuan a rawn fawp a, a pi te bul ah chuan a tlan let leh nghal a..

"Amelia a ni ang fapa tha lutuk min hrin sak avang in ka lawm e"

"Hah a chhun vang che alawm"

Kan nui leh vak thin a, eng ber ah nge pawn kan nuih pawh ka hre lo e. Amelia chu ka en a a lo tap reng chu niin..

"Amelia i tha em?"

"Carter, tun hun hi a ral mai ang tih ka hlau a ni, thih hi ka la duh lo, nang leh Carter te kiang ah awm hi ka la duh asin.." A mittui a luang zawih zawih a..

A hmui ah chuan ka fawp vawng vawng a.. A pawi lo, ka kiang a i awm thei chhung chu i lungngaih ka phal lo. I hlim a nih phawt chuan Amelia kei chu ka hlim a ni.. Amelia ka khawvel i ni a, i la thawk tek tek chhung chuan kei hian i tan ka beidawg dawn lo a ni..

Ka kuah a

"Ka hmangaih che Amelia, ka hmangaih takzet che a ni"

"Kei pawh in ka hmangaih che Carter"

Ka hmangaih na hi vaivut ang mai mai a, len bo theih a ni lo. Ti hian Ka hmangaih in min kal san hun chu nghak in a bul ah ka awm reng a, min kal san dawn tih chiang tak in hre mah ila, heng hun rei lo te chhung pawh hi a kiang a aqm ka thlahleh ngawih ngawih a ni..

Ka hmangaih che hi a ni tawp mai Amelia.. Kumkhua in ka hmangaih reng ang che


www.storyfb.com mizo story thar englai pawhin chhiar tur a awm reng
..............THE END..............


Rodingliani
Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)