PROMISE BY Rodingliani Vanchhawng (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

PROMISE BY Rodingliani Vanchhawng (Completed)

Unread post by Ngaia » September 2nd, 2018, 1:31 pm

TargetPreview.jpg
TargetPreview.jpg (21.5 KiB) Viewed 23065 times
PROMISE

Chapter 1

By- Rodingliani Vanchhawng

Nancy Steven

In hmangaihte tan a ni ropui ber mai, chu vawin ni hi a ni. Vawin hi khawvel a ka thian tha ber pasal neih ni a ni a, an inneihna lawmpui tur pawh in mi an lo kal tam kher mai.

Hall pawn ah chuan lian tak in "JAYDEN WED AMELIA" tih a in tar kulh a, thu ziak chu ka en vung vung a, "eng ti tih a, Amelia hian he pa nei hi tum nge a nih le" tih pah chuan ka nui tut a, inchhung lam ah chuan ka lut a.

Jayden pawh chu a inpeih at tawh mai, pastor awmna lam pan chuan a kal phei a, mipui ho chuan kut an lo beng dur² a, a hlim hmel hle mai, tiang anga Jayden hlim hmel hi ka la hmu ngai lo

Amelia hi a lo hmangaih hle a ni ngei ang. Ame inthlak na room lam ah chuan ka kal a, suprise ka duh avang chuan muangchang chuan ka kal a. Room chhung ah ka luh chuan Amelia hmel reng hmuh tur a awm lo, ka en kual a, a awm bawk si lo. A mokawr chu tha tak in a lo inkhai fel at a, a ngaihna ka hre thak lo mai.

Dawhkan ah hian paper hi alo awm a, ka en nghal "Keimah vang in Jayden nun ka ti chhe thei lo, Jayden min ngaidam rawh" tih hi a lo inziak a. Enge awmzia niang tinge tiang hian a ziah Ame hi a tlanbo tih na em ni???

Hall chhung ah ka tlan lut a, a zahthlak duh khawp mai, minnlo en thup a. Jayden chuan min lo nuih var² a, paper chu ka pe a, a nui hmel tawp chiang khawp mai, paper chu a hum a, a tlan chhuak nghal a. Ka zui ve nghal tawp.

Mipui chiai lutuk tur chu ka tlan lut leh a mic ah chuan "vawin hian inneihna a awm lo ang in mi hriatthiamna kan dil e" ka ti a ka tlan chhuak leh nghal a.

Jayden chuan a car a lo ti nung vel mek a, ka lut ve nghal tawp a. "Khawi ah nge i kal dawn" tiin Jayden chu ka zawt a, min chhang lo chiang khawp mai, a mize ngai kha a lo chhuak leh ni in ka hria.

Khawi ah nge a kal dawn ka hre chiang ta khawp mai. Carter Company ah. Building chhung ah chuan a tlan lut nghal a, ka zui ve zel tawp a. Cartera office ah chuan luh a tum, mahse security te chuan an lo dang a, eng ah mah a ngai lo a tlan lut nghal hmiah. Meeting annlo neih lai a ni ngei ang an lo thu thap a.

Jayden chuan eng mah zah pah a nei lo Carter lam pan chuan a kal a, Carter a kawr nghawng ah a tham a

"Hmela khawi ah nge Amelia i dah?"

Carter chuan a hriatthiam loh hmel khawp mai guards te chuan min rawn hnuh sawn an tum a, Carter a kut hmang chuan tawp tur in a lo ti ah.

"Amelia chu eng tin nge a awm?"

"I hre lo der amaw!! Kan inneih hi i duh loh avang in Amelia chu i thukru a ni tiraw? Carter tun ah hian a awm na sawi nghal rawh"

"I aa em ni eng vang in nge Amelia chu ka thuhruk ang, min thlah nghal rawh"

"Hhh a chung ah thil tha lo a thleng anih chuan Carter Olivera, ka that khawp ang che"

Carter chuan min rawn melh a

"Carter, Amelia awm na i hre lo tak tak em ni" tiin ka zawt a, a lu a thing a

"Amelia chung ah enge thleng Nancy" tiin min rawn pannhnai a

"Ame chu kan hmu zo lo"

"Maw, Amelia a awm lo a mawhh"

"Lem chan i thiam khawp mai Carter Olivera Amelia in nang ai a min thlang chu i la na viau em ni?" Tiin Jayden chuan a lo tawng a

Carter chuan Jayden chu a hnek ta pawp a "ngawi hmak rawh, nang ang a rilru chhia ka nih loh hi, Amelia hi ka hlimna turin ka ti na ve ngai lo ang" a ti let ve a, room chhung atang chuan a tlan chhuak nghal a.

Amelia, thil i van ti buai teh reng em, vawin hian a vawikhat nan ka thin i ti rim takzet a ni.

Carter chu a car la chhuak in a tlan nghal vang vang a, Chu tiang bawk in Jayden pawh. A hma ang bawk in Amelia vang in an buaibleh dawn a nih hi, engkim a tha vek tawh amaw ka lo ti asin..
...__________________________.

2006

Amelia Roberts

Ka mut lai chuan ring tak a ka hming an lam ri chuan min ti harh chiang kher mai. Mutchhuak tih pawh ka sawi thei lo rang taknin ka khum atang chuan ka zuang tho a bathroom ah lut in ka in phih fai sawk² a. Ka zawh rual² chuan inhnuai lam ah ka tlan thla nghal a.

Thuthleng ah chuan nuam sa tih hriat tak hian nu upa lam tawh hmelchhe lo tak hi a lo thu at a, min melh nghal kawr a. Amah ka melh that ngam loh vang chuan hnuai lam chu ka melh ngat² a.

"Amelia i tho har hle mai a, ka duat deuh lutuk che em ni?"

"Ka thiam loh a ni, ka nu, nizan ah lehkha ka zir rei deuh a"

"Chhunlam... Tun ah thingpui va lum nghal ang che, Jay leh Alyssa te pawh an lo thi tep tawh ang"

Hmanhmawh taknin choka ah ka lut nghal a, ka che vat vat lo anih chuan a rawn vin leh vak ang tih ka hlau avang chuan ka che hmanhmawh kher mai, thingpui chu ka chhung nghal a.

A so ve leh ka la nghal ka che hmanhmawh leh lutuk nge kettle chu ka thlauh chiang kher mai, ka tawlh sawn hman avang in ka ke lam chu a per lo hlauh mahse ka ban ah chuan a per hman a sa khawp mai.

Rang tak in ka nu chu a rawn tlan lut nghal a huat hmel tak a min melh in "thingpui lum ngawt pawh i thei lo amawhh Amelia, nang hi Roberts thisen kai i ni tak tak em???" A ti vak a.

Tinge tiang hian a tawng ziah thin, a fanu ka ni lo tih chu ka hria mahse ka pa fanu chu ka ni tho asin, ka mittui chu a tla ang tih ka hlau takzet. Ka nu chuan ka kut na ha tak chuan a rawn tham a, a nat zia kha, ka insum thei lo ka mittui chu a tla sawk a.

Mipa kut hian ka ban chu man in ka nu kut atang chuan min pawt sawn in a hnung ah chuan min din tir a

"Lo in__rawlh hlek suh Jayden" ka nu chuan a ti tuar a.

"A che sual ve anih kha ka nu, tiang vak a in tih a ngai em ni?"

"Jayden i room ah han lut rawh"

Mit nuai nuah² a ham bai² chung chuan Alyssa chu choka ah chuan a rawn lut a "in van bengchheng em em mut pawh ka mu thei lo" a rawn ti lut a

Ka nu chuan "Heng hi ti fai vek ang ang Amelia" a ti leh thawt a.

"A kut a tih nat hi.. Alyssa heng hi lo ti fai ang che" tih pah chuan min kai chhuak dawr² a.

Tih vak ngaihna pawh ka hre lo, keimah vang a tiang a an inhauh chang hianna hreawm thei a ni. Kan inhnung ah chuan Jayden chuan min kai chhuak a. Ka tan tiang a awm tur hian ka duh lo. Min haw ve mahse pawi ka ti lo zawk a ni.

"Jayden tiang hian khawngaih in ti tawh suh, ka tan amzia a wm lo i jriat chian hle kha"

"Anih chuan an duh dan dan a an ti lai che en liam mai ² tur in min ti tih na em ni?"

"Aw"

"I kut hi damdawi hnawih ang"

"Kei mah in ka ti thei"

"Amelia"

"Kablut dawn, ka nun tih tur min pek kha"

Bangah chuan min nam bet thut a, a mit dum leh fiah tak chuan min melh kawr a, tiang a min en hian min ti zam innka thin te hi a ti phu rang thin in ka hria a ni.

"Amelia, i nat hi ka phal lo"

"Min kal tir rawh"

"I nat chuan ka na ve thin asin"

"Unau kan nih hi Jayden"

"A pawi ka ti lo, ka rilru put dan hi hriat loh der tum tawh suh"

"Pawi ka ti"

"Kah pa kha awm lo se, kei hi ka ni angem??"

"I kut hi dah sawn rawh"

"Ka beidawng lo ang Amelia, kha pa lak ah khan ka chak lo ngai lo ang"

Alyssa chuan a kut beng in kan lam chu a rawn pan phei a

"Wow wow wow.. Ka thil hriat hi enge ni ngai, Amelia leh Jayden !!!! Hey i aa em ni he nu hi!"

"I ngai ang kha engmah a ni lo Alyssa" kanlo ti vat a.

Jayden chuan "I inrawlh na tur a awm lo" a ti ve nghal a.

"Ka beisei, unaupa, i duh zawng chu!!"

Jayden chu ka nam sawn a, ka tlan sawn nghal a. Ka khum ah chuan ka bawk thla thlawp a, tah vak mai chu ka chak, tinge tiang a ka nun hi a ngaih. Ka thi chhuak a ka dawhkan a ka Frame tar chu a lo keh darh vek a, chhut keh a ang khawp mai.

Kei mah lai chu chheh chhiat vek a ni a, ka bul a mipa thlalak chiah chu a la tha a. Ka thinrim thut he thil ti tu hi ka hre chiang khawp, Alyssa room ah chuan ka tlan lut nghal a

"Eng vang in tiang khan i tih"

"Maw.. Hey Amelia, nang hi i zam lo eng tin nge ka room ah in rawn luh ngam zawk a?"

"Fram kha, i tih a ni tiraw?"

"Aw,, enge Carter hi i ta maw i ti em ni Amelia"

"I ti mah mah a ni Alyssa"

"Ti mah² hh Carter hi kal san rawh, a bul hnaih a i awm chhung chuan tiang hi a thleng reng ang"

"Tihpalh,, chi thil chu a thleng ngai lo ang"

Ka chhuak leh nghal a, ni e ka tawng huai ngei mai, Amelia kha ka ni tak tak em, mahse ka thawl huai in ka hria..
_____________________________

School lam pan chuan ka kal a, ka sir ah Bike sen leh dum inpawlh hi a rawn ding a, tu Bike nge a nih ka hre chiang khawp mai, amah chu ka en nghal vat a. A helmet khum lai chu phelh in a lu chu a thing ner² a, a sam chu a hui pah bawk a, mawi tak in min rawn nuih var² a, a nuih zawng a, a ding lam a biangsum khuar kek chuan a ti tha zual hliah² a ni.

Ka nuih let vat a, Bike atang chuan a rawn chhuk a, a helmet ken lai chu min khum tir a, min chawi kang lawp a, Bike ah chuan min thut tir a, a rawn chuang ve nghal a. A taln dawn chuan "In vuan nghet rawh" tih pah in ka kut chu la in a kawng ah min kuah tir leh a, a tlan ta a...

School kan thlen a, ka bag chu min lak sak a

"Keimah in ka keng thei alawm"

"Ngawi rawh"

Ka hmaah chuan a kal nal nal a, kan class ah chuan lo lut lo hrammm.. Ka sawi zo hman lo a lut nghal, ka nui tawp. Ka hriat sa reng mit tla tep khawp in an lo melh leh vak² tawh, celebrity pawh a ni lo, tiang a en vak² angai lo asin taaa.. Hemi a duh vang hi ni ngei ang kan class thleng min thlah ve ziah, ka thutna ah ka bag chu a dah a, a chhuak leh nghal a.

Alyssa chuan min melh rum kher mai, a hmel ka hmuh rual² chuan ka nui hmel a tawp nghal hmak a. Ka hnung atang chuan min rawn kuah thut a, "Nancy" ka lo ti nghal a

"I lo thleng leh der tawh ahh?"

"Umm , Carter an min rawn thlah a"

"Umm, he pa hi chu aw, i bialpa a ni lo tak² ami?? Ame, ka awi thei thlawt lo a ni"

"Hhhahh kanninkar ah engmah a awm lo, thian chauh alawm kan nih"

"Ka awi chuang lo"

"Tak tak, i duh leh amah pawh zawt rawh"

Nitin tiang hian a ti ve ziah, Carter nen thian kan ni pawh chu nge awi a har vak..
...

Chhun chawlh a ni a, Chaw ei tur in hall ah kan kal a chaw lan dawh a, thut na bik dawhkan kan nei thlap a, chu mi lam chu kan pan nghal a. Midang hi an lo thu thap tawh. Carter thian te. Nancy nen chuan an bul ah chuan kan thu ve nghal a.

"E hee Amelia tinge chaw i van la tlem em em ve" Carter chuan a ti a, ka chhang lem lo ka nuih ringawt a. Daniel chuan sa chu ka thlenf ah a lo dah a, mak ti tak in ka en haa ah, midang hi pawh chuan an en ve thap tho. Ka insum thei lo ka nui tawp a

"Dan ei sual i nei a mi a" Erick chuan a rawn ti a, keimah chauh ni lo in an vai hian mak an ti ve vek a nih ngei dawn hi.

"Enge, tiang a in awm vak kher a, a cher em a ei tur a mamawh alawm" Daniel chuan a ti a.

"Kha chu keima buaina tur aw Dan dan" Carter chuan a lo ti ve leh a.

Daniel hi chu Carter te thian zing ami ni ve awm pawh a ni lo, midang ho hi chu an thawveng in an ring em em a, Daniel thung chi a cool in a tawng tlem hle a, tun a a thil tih ang te kha, a ti ngai miah lo, vawin hi a chung ah thil tha deuh a thleng nge. Mahse kei chu min ngaihtuah thei khawp mai, midang ho hian an hre ve nge chu ka hre lo. Ka tan chuan u ang chiah a ni, midang te pawh em em lo mahse kei chuan ka ngaina a, ka nel em em bawk a ni.

Ka nui vur² a. Carter chuan ka thleng ah chuan sa chu a rawn dah teuh a

"Em em a che, khawi a mi zo zai nge?"

Ni tak, hmeichhe ho in an pek leh bak a ni nang.

Daniel chu a tho nalh a Carter chuan "kal daih rawh se" a la ti sam et zui a.

School ban ah chuan Carter chuan min thlah dawn a, Bike ah ka chuan dawn vel lai tak chuan ka ban ah Jayden chuan a rawn man thut a ka phu chiang lutuk.

"Jayden"

"Kan car a rawn thleng tawh, he pa in thlah tir hi a ngai lo"

"Tinge tiang hian i awm a"

"Vawi eng zah nge he pa bul ah awm tawh lo tur a ka tih che"

Ka ban a vawn na chu Carter chuan a rawn vuan ve nghal a

"A unaupa pawh ni la Jayden, tiang hian a lak ah i ti ngawt thei lo, a kut kha thlah rawh" Carter chuan a ti a

Jayden chuan eng ah mah a ngai lo, ngeiawm zet a Carter melh pah chuan a lam ah chuan min pawt phei a

"Tun ah ka rual in rawn kal rawh Amelia" fiah kekkawk chuan Jayden chuan a ti a.

Tiang a a tawng tawh hi chuan a hnial ngam loh. Carter an min vawn na chu ka pawt phelh a "pawi ka ti Carter ka i rual hian ka kal ang, naktuk ah kan inhmu leh dawn nia" ka tia Jayden rual chuan ka kal a.

Car ah chuan kan chuang a, driver chuan motor a khalh a, mahse kan in lam ah a tlan miah lo, khawi ah nge kal a tum le

"Jayden khawi ah nge kan kal dawn?"

"Engmah min zawt suh"

"Jayden, dar 6 rik hma in ka thlen a ngai tih chu i chian hle kha."

"Ka kut ah dah rawh"

Car chu a ding ta hram, mahse kan in atang chuan a hla khawp mai, he pa hian eng nge tih a tum le.. Ka kut ah kai in min pawt dawr² q, kal ka hreh em avang chuan ka lo tang ve nasa hle bawk a.

"Eng vang in nge he tah hian min hruai"

"En rawh chiang tak in he hmun hi en rawh"

"Enge,, tupui kam mai a nih hi"

"Ni e, tupui kam a ni, mahse he hmun hian thil tam tak thuhruk a nei asin"

"Enge i sawi awmzia?"

Eng vang a tah hian min hruai nge a nih ka hre lo, mahse tun ah tak hian ka rilru a tibuai takzet, eng chu nge tih a tum? He pa rilru hi ka hrethiam hlawl lo.

"Amelia" ka dar ah chuan a vuan a ka mit ah min melh kar a. A thutak hle in ka hria.

"Enge"

"Ka hmangaih che"

Hhh chhan ngaihna ka hre lo, ka bim mup² mai, tinge tiang hian a tih enge a hriat. A aa tawh zawk ami??

"Ame, ka hmangaih takzet che, ka rilru hi ka thup reng thei tawh lo"

A kut chu ka vai sawn nghal a

"I aa em ni, unau kan nih hi, Jayden tiang hian awm suh"

Amah chu ka hlat hret² a, ka chung ah thil tha lo tih duh na rilru a pu lo ang tih ka ring ngam lo, he pa hi a aa tawh tak tak zawk ami? Min rawn pan zel a

"Amelia, ka tiam a che ka ti beidawng ngai lo ang che"

Min rawn hnaih zel a, a lam ah a rawn tlan thut a min rawn fawp a, ka thin te hi a so bulh² in ka hria ka khur a, ka hlau takzet a ni, ka tal vak² a, min bei let zel a. Tih ngaihna ka hre lo ka tap tawp a.

"Ka u khawngaih in tiang hian awm suh, unau kan nih hi" tap pur chung chuan ka ti a.

A thinrim zual sauh amaw tih mai tur in min melh rum khawp mai, ka tha te hi an khur er² thei.

"A tawk, a tawk.. Ka u tih khan min ko tawh suh, kei hi i u ka ni lo ka ni ngai bawk lo ang"

Min thlah in lei ah chuan a thu hnuk a, ka awm tha nghal a, ka in kuah a ka tap pur bawk a. Jayden chu ka lam ah a rawn hawi a,

"Amelia, nang nen hian thisen inzawmna pakhat mah kan nei lo"

A thusawi awmzia hi ka hre lo ka bo map² mai, mak ti tak in amah chu ka melh haa ah..

"He thu hi ka sawi chak na a rei tawh hhh nang hi ka pa sawn emaw fa i ni lo"

"Maw!!"

"He hmun ah hian la pa nen kan chhar che a ni, tui fawn in vaukam ah hian a rawn len che a ni. Ka ni damdawin atanga i rawn harh kha, kha ni kha a ni, kha ni atang khan kan chhungkua ah hian i rawn tel ve chauh a ni. Ka pa in a fa ang in a la che"

Ka thu hriat chu dawt nge a tak ka hre lo, mahse ka.. Min ti na takzet, sawn pawh lha lo ni zawk ila a tha tur nu leh pa pawh ka nei lo amaw!! Kei hi fahrah maw ka nih!!!.

...to be conti...


Rodingliani



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 2nd, 2018, 1:31 pm

PROMISE

Chapter - 2

AMELIA ROBERTS

Ka thu hriat zawng² te kha dawt vek ni tur in ka duh, ka mumang a ni Jayden khan dawt min hrilh a ni. Rin loh hram ka duh ka ring tur a ni lo ka pa ngeiin a sawi a nih loh chuan ka awi ngai lo ang.

Ka pa a lo haw hun ah engkim ka zawt vek ang. Dawt ni hram se ka van ti em. Ka nu aw ka hriat chuan ka phu zawk a.

"Eng thil nge i ngaihtuah char² chaw i ei dawn lo anih chuan tho nghal rawh"

Ahh chaw kan ei tih ka hrechhuak ve chiah, ka tho nghal rawk² a, school kal tur in form pawh ka lo ha vek tawh a. Gate bul ah Jayden chuan min lo nghak reng tawh a. Hmuh loh der tak ngial ka tum pawh in a thei loh.

Car ah chuang tur in min ti ah.. Carter an min rawn hruai dawn tih sawi ila a thinrim leh vak awm sia. A bul ah chuan ka chuang ta hram a, a hma pawh in a bul a awm a nawm loh tawh sa nen, tun ah phei hi chuan thawk pawh ka thaw tha ngam lo ang vel hi ka ni.

Class a ka lut tur chu kawngka bul ah Carter chu min melh kar chung chuan a lo ding a.

"Carter"

"Tinge, ka hmuh loh che tukin ah"

"Ahh Jayden.."

"Hhh"

A kal leh nghal a.. Ahh tikhan a thinrim tih na em ni? Hhhh eng tia awm tur in nge min duh leee??

"Tinge Ame, Carter kha a phun phei nasa lutuk, in inhau mi?" Nancy chuan a rawn ti phei lung lung a. Ka chhang lem lo class ah ka luh pui nghal a.

Chhun chawlh ah pawh, chaw ei tur in a rawn chhuak lo, Daniel te pawh in a chhan an hre bik lo. Kei mah vang a ni thei a ngem? Jayden bul ah ka kal hian tinge ti hian a awm ve ziah.? A ni leh zel in tih buai pui ka duh lo asin..

School building chung ah chuan ka chho a, ka rin ang ngei in a lo thu leh kur tawh, engmah sawi lo chuan a bul ah ka va thu a, melh pawh min melh lo.

"Min biak i tum miah lo ami?"

Min en duh tawk,, ka thu sawi ngai chu ka sawi nawn leh a. Ka hmai bul chet ah chuan min rawn hnaih a, ka awm dan hi a mak lutuk ka tha te a khur vel ka thin phu hi a rang tih na em ni? Ka tho rang kher mai.

"Jayden bul ah i kal dawn mi"

"Carter, duh tawk teh"

"Kha pa bul a, i awm reng hi ka duh lo"

A bul ah chuan ka thu leh a, amah chu ka en a, "tiang hian awm tawh suh, i thinrim hian a hreawm thin ania"

"I lak ah ka thinrim ngai a mi?"

Ka hnar ah chuan a piai vak a, ninawm tiang hian a ti ve ziah a na thei ropui si, ka tum khum bur a, "he tah i riak dawn anih loh chuan chhuk ang" tih leh thawh a kal nghal ka rual a. Ka hnung ah min lo zui ve nghal a.

Ka thinphu hi a la pangngai zan lo in ka hria, he tiang a, a awm hi ka hua, ka duh tih hi a hria anih chuan kan inkar hi a chhe vek ngei ang, a tan chuan nau ang chauh ka ni chu ai chu a awm thei teuh lo.

School ban ah chuan mi hi an tlan khawm luai luai a, Nancy chuan min pawh luih tlat vang chuan ka kal pui ve ta hram a,.

hh Jayden bawk, he pa hi engvang in nge min tih buai reng mai. Carter leh Jayden te chu an lo insual a, an insual na a rei deuh tawh nge an thi nual tawh mai, ka hawi kual a, a thiante an awm lo a, Eng vanga insual ngawt nge an nihh??!!

An inkhawih na takngial dawn a ka hriat vang chuan an inkar ah ka tlan nghal a, an tawp chiang khawp mai, Jayden mit ah chuan chiang kelk kawlh chuan ka melh a

"Khawngaih in tawp tawh rawh u" ka ti zawi raih a, Daniel leh a thiante pawh an lo thleng ve chauh, Alyssa chu kan lam pan chuan a lo kal a, a unaupa chu a melh rum kher mai.

Chu tia an in sual tawh tak loh ah chuan midang ho pawh chu an kal sawn nghal duak a, ka thaw ve ta huai mai.

"Nep lutuk, He nu lek pawh hi i hmin zo la a,, Jayden he nu hi tlanbo pui rawh" thinrim awka vin tak chuan Alyssa chuan a ti bawrh bawrh a

A tawng duh dan chu tawrh a har ngei mai, eng tin nge tiang khan a tawng thei??

Carter chuan Alyssa chu ama lam ah kuai her in "eng tin nge kha thu kha i sawi thei Alyssa i tawng kha fimkhur deuh rawh" a ti ve nghal a.

"Unau in nih hi Alyssa" Erick chuan a lo ti ve vat bawk a.

"Enge tih dik loh ka neih maw!! Carter he nu hi awm lo se, nang hian tiang hian min en lo ang, he nu hi ka tan chuan hnawmhnawk a ni ka hua Amelia hi ka hua. Ka nun atang hian kal bo tur in ka duh"

"Hh i hre sual Alysaa, Amelia a awm amaw awm lo pawh ni se, nang ang mihring hi ka hnaih ah an awm ka duh ngai lo ang" tih leh ka ban ah a vuan a, min kal pui dawr² a.

Kan kal thui tawk viau tawh in ka hria , ka ding a, amah pawh chu a ding ve a

"I tha tiraw?"

"Hhuuh ka tha lo ngai em ni" min nuih var² a, a nuih zawng chuan a hmui sir atang chuan thi a rawn luang a, a biang te pawh chu a pilh nel nual bawk. Mipa hobhi insual an awlsam leh lutuk mai..

Ka nuih let lo, ka tum bur a, amah chu ka en kar a, eng tiang zawng pawh hian a ni chu a hmeltha em em reng mai a nih hi, ka thian a ni ringawt pawh hi ka lawm tawk. Engvang in nge a hmelthat bik em em le??

Tiang em em a, hmeichhe zing ah a lar pawh hi thil mak a ni lo. A biang sum khuar kalh a, a nuih tawh phei hi chuan awm ngaihna ka hre lo ka thawk hi a la bo hial hian ka hre thin. Tih ngaihna pawh ka hre lo, a lu ah chuan ka beng pawp ringawt a, mak ti tawk a min en hmel kha, ka nui leh vak ringawt.

Damdawi dawrah damdawi ka lei a, a hliam ah chuan ka hnawih sak a, mipa ve si nep lutuk a hlauh zia kha, insual pawh a ngam a tiang te mai mai a hlau leh sia..

A bike school ah a dah avang in ke in kan in lam kan pan dun a, kan kal muang bawk a, kan in kan thlen chuan khua a thim der tawh

"Amelia, Alyssa.. "

"Ka hria, ka hrilh ang che, ka lut dawn"

"Imm"

Inchhung ah ka luh san a, ka ngai nghal viau in ka hria. Jayden chuan min lo chang reng tawh, tiang reng a hun hman hi ka van kham tawh takzet.

"Enge??"

"Carter hi i kal san thei thlawt lo em ni?"

"khawngaih in he tiang hian awm tawh suh ka tan a harsat zia i hria em??"

Ka ban ah a vuan a, ka pa te room ah min kai lut a, ka pa a lo haw tawh tih reng ka hre lo, A lo haw chu ka lawm takzet a ni, ani chauh hian he chhungkua ah hian min hrethiam a ni. Ka pa hi awm lo se he in ah hian awm chhan tur ka nei lo ang

Hlim tak in ka pa chu ka melh a "pa" a ni pawh in min lo lawm ve a, Jayden min vawnna chu ka pawt sawn a.

"Vawin school enge a an Ami bawihte?"

"Imm a tha lutuk"

"Ka fanu hi ka ngai tawh khawp mai"

"Pa thil dil duh che ka nei, min tih hlawhtin Sak hram ang che" Jayden chuan a rawn ti ve a.

A rawn tawng hlek pawh hian min ti hlau tawh, thil ni lo lo te a sawi leh ang a!! Ka rilru chuan eng thil tha lo mah thleng lo tur in duhthu ka sam mawlh² a.

"Ka lo va kal ang ka pa" kal ka tum a, Jay chuan min vuan bet leh tlat tawh..

"Ka pa Amelia hi kei hian neih ka duh a ni" Jayden ka atang in chu thu a lo ri chhuak chu ka mumang amaw ka la ti thei hial in ka hria

Ahhh eng __ eng tin nge kha thu kha a sawi theih, a aa zawk em ni??

"Duhtawk teh Jayden"

"Eng thu maw i sawi kha Jayden?" Ka nu chuan a lo ti vat a, eng tin nge a fapa duat lai hian kei a huat em em hi a neih a phal teh lul ang ni, ka hriat tawh hnu a ni chung pawh hian min la thawng a ni a, an tan phei chuan..

Ka pa chu a thut na tang a tho in Jayden chu a hnaih a, Jayden hmai ah chuan a beng pawp a, awm dan pawh ka thiam lo ka hlau nge ka zak, ka khur der der thei, he awm dan hi a hreawm mah mah

"Eng thu maw i sawi kha, i rilru a buai em ni Jayden Amelia hi i nau a nih hi"

"Nau ah eng tik atang khan maw ka pa?"

"Naupang lehh!!"

"Amelia hi ka nau a ni lo a ni nen hian thisen inzawmna kan nei lo chu chu i hriat chian viau kha lee ka pa"

Ka thinlung hi chem a vih ang hian a na vawng vawng thei hial a ni. Ni e, he thu hi ka hriat chian a ngai a ni kei hi fahrah ka ni tih na em ni, aw khur der der chuan

"Pa, diktak in min chhang rawh kei hi i chhar ka ni tak tak em ni?"

Min chhang mai lo, min chhan ngaihna a hre lo zawk em ni?

"Paa, khawngaih in"

Min rawn hnaih a, ka dar ah vuan in min en a "Ame bawihte, kei hian ka fanu i ni lo tih hi vawikhat mah ka la ngaihtuah ngai lo"

"Ka hrethiam lo pa enge awmzia" chu thu chu ka chhanna hriat duh a ni lo, ka biang ah ka mittui a luang pur tawh

"Aw, kei hian kha tuipui ah khan ka hmu che a ni, mahse vawikhat te mah hi ka fanu ni lo in ka ngai ngai lo che"

"Chuan kei hi min chhar tak tak amaw!"

"Bawihte, chu chuan danglam na a nei hlei nem"

"Tun ah chuan thudik i hre ta bawk a, i lawm em" ngeiawm tak a nui sung chung chuan ka nu chuan min tih khum a_ ka thinlung hi a na takzet a ni, ka thi nawn awn awn hian ka hria, kei tih loh chuan an hre vek kei chhauh hi mimawl chu ka lo nih hi..

Ka pa te room atang chuan ka tlan chhuak nghal a, pawn ah chuan Alysaa chuan min lo pawt ding a

"Hey hmeli Carter bul ah khan eng tin nge min sawi nang hi thih i duh tak tak em ni mawh!!! "

Eng thu nge a sawi pawh ka hre mang lo, ka bim mup² mai, ka chhan mai loh vang chuan a thinrim a zual a min nam a ka lo ding nghet lo bawk nen ka tlu a, lung ah chuan ka chal ka tauh a

"Ka hua che Amelia" tih pah in a tlan lut nghal a.

Thei leh thei lo chuan ka tho a, ka mit ah chuan thi ni awm tak a lo luang a, ka in tauh na chu a thi tih ka hrethiam mai, he hmun ah hian enge tih tur ka neih? Ka chhungte an ni lo, tu mah in min hmangaih lo, he chhungkua mi hi ka ni lo bawk!

Ruah sur nasa viau mahse ka ngaihtuah lo ka tlan chhuak a, ka theih anga chak chuan ka tlan char² a, ka taksa hi ka ta ni pawh hian ka hre lo, ka awm dan hi ka hrethiam hlawl lo. Ka chau a, mutthilh ka chak a ni ka khaw hmuh chu a fiah lo tual tual a, ka lu a hai in ka chau tawh takzet a ni.

Ka awn riai riai a, ka mu ta ni in ka hria, ka lam pan a mipa hnih lo tlan chu ka hmu hman.

Ka harh leh chuan khum ah hian ka lo mu a, ka chal chu an tuam bur bawk a, ka lu chu a na vawng vawng bawk a. Ka awm na hmun chu ka hriat ngai a ni lo, damdawin chu a ni lo chiang khawp mai.

Room kawngka chu a lo inhawng a, nu upa tawh lam hmeltha tak hi a lo lut a, ka harh tih a hriat chuan min rawn nuih var var a, a hmel atang ringawt pawh chuan a nel awm hliah hliah a ni.

"I harh tawh maw" aw dam diai chuan a ti a. Ka thu nghal a.

"Hei hi khawi lai nge??"

"E, nia, kan in anih hi hlauhthawn tur a awm lo ania. Nizan khan ruah sur hnuai ah i lo let reng a kan hruai haw ta che alawm, i chhung te lah kan hre der si lo a"

"Ka tih buai che avang in pawi ka ti lutuk"

"Kan tih theih tawk alawm, i khawsik pawh tun ah chuan a zia tawh lutuk alawm"

"Ka lawm lutuk"

"I la naupang in i hmeltha hle mai, i hming min hrilh thei a ngem?"

"Imm, Amelia Ro,. Ahh Amelia ka nia"

"Amelia maw, hming mawi tak anih chu, i chhung ten an ngaihtuah tawh viau ang che i va phone dawn em ni?"

Ni lo ka phone thei lo, saw tah sawn ka let leh thei dawn em ni? Khang zawng zawng kha ka hriat vek hnu ah pawh maw! Mahse khawi ah nge ka kal ang?? Tun ah chuan ka la let thei lo hun ka mamawh a ni..

"Ka,, pi zakthei lo pawh min ti mai thei mahse hun rei lo te chhung tah hian ka awm thei lo em ni"

"Teh reng mai, eng chen pawh i awm thei alawm, eng ang buaina nge i tawh chu ka hre lo na in, mahse i chhung te chuan an ngaihtuah khawp ang che"

"Ka hrethiam e, zanin chauh a ni mai"

"Awle, va in ti fai la, chaw ei ang"

Room atang chuan a chhuak leh nghal a, ka thaw hawk a. Tun ah chuan fahrah dik tak ka ni ta mai hian ka inhria, Nancy te in ah ka kal dawn em ni, nilo kha Jayden khan a hria anga, min rawn tibuai leh awm si. Zah lam pawh ka ngaihtuah thei lo a nih ber hi le..

Inhnuai ah chaw ei tur chuan ka chhuk ve ta rawk chu a ni a, ka lu na pawh chu a hma ai chuan a zia ta deuh a, in neitu nu chuan min lo ko a, zak tak chung chuan a lam pan chuan kal a, dawhkan ah chuan mipa kan school form ha hi a lo thu a, a lu chu ka hmuh hnu a ang khawp mai

Innei tu nu chuan "Amelia hei ka fapa a nih hi" a tih leh a fapa chu ka lam ah chuan a rawn hawi a, ka ang phiau chuan ka en a, amah pawh chuan mak min ti hle mai

"Amelia"

"Daniel"

"Amelia , i chung ah enge thleng, tinge i chal te chu??"

A nu chuan min hmuh dan te chu Daniel bul ah chuan a sawi a

"Amelia, Alysaa ami, in atang in an hnawt chhuak che em ni??"

"Ai chu_chu tiang a ni lo"

"Carter an a ngaihtuah zia che i hria em, nizan zankhua in a call char² che asin"

Carter hhahh tinge ka mawl em em le, khang a thlen hnu khan ka phone ka la lo a, a rilru a buai dan tur zia kha tinge ka ngaihtuah miah lo tinge phone ka ken lohhh. Chuan hei hi Daniel te in a ni ah thil mak hlir hian min hual vel a nih ber hi..

...to be continue...


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 2nd, 2018, 1:32 pm

PROMISE

Chapter - 3

Amelia Roberts

Chhun a ni a, a reh in, he in lah hi a zau bawk si tu mah in ah an awm lo mahni in ni lo nen a nuam lo duh ngei mai.

Kawngka chu a rawn ri rek rek a, a rawn in hawng ta mai a, kawngka atang chuan Carter a rawn tlan lut nghal a, min hmuh ve leh chuan min kuah nghal a

Ka rilru nat lai leh rilru mumal ka put loh lai pawh in a hmel ka hmuh hian min ti hlim thei a nih hi, ka kuah let nghal a, ka natna te chu a dam sawng sawng mai hian ka hria a ni

Tun a ka awm dan atang hian awm san ka duh lo, kumkhua pawn a pawi lo.. Min ngaihtuah na awka te hi hriat a van nuam thin tak

Ka dar tawn tawn ah chuan vuan in chiang tak in min en a

"Min tih hlauhthawn hman zia hi i hria em, phone call i la thei lo a, in ah i awm lo a school i lo kal lo bawk a"

"Ka tihpalh"

Ka lu intuam chu a hmu a, "hei hi Alyssa tih em ni?"

"Ai,, ka tlu sual alawm"

"Khawvel ah dawt sawi i thiam lo ber ka ti ni lawm ni?"

"Ahh,, awmzia a awm chuang ami?"

"Kha nu kha ka chhuah miah lo ang"

Thinrim tak chuan chhuah leh nghal a tum a, ka lo pawt bet a

"Carter, a pawi lo kal suh imm"

A thaw hawk a, a phun bul² a. He pa hi ka tawng lo ang tih ka van hlau tak, hun harsa leh hreawm ber ka tawn lai pawh in min ti nui a, min ti hlim thin a ni.

"Khawi hmun ah emaw ka hruai thei che tiraw??"

"Khawi ah?!"

"Min zui tawp rawh"

A bike chuan kan tlan chhuak a, khawi hmun ah nge min kal pui a tum pawh ka hre lo, mahse a king ah ka awm chhung chuan engkim hi a tha vek a ni mai, nghet tak in a kawng ah ka kuah a.

Tuipui kam ah min hruai a, a bul ah vawi eng zah nge he hmun ah kal ka chak tih ka hrilh pawh ka hre seng lo, tun ah min hruai ve chauh ania..

"Tinge i lawm miah lo ami?"

"Ka sawi ngun ngaihtuah chuan tun ah ka kal ve chauh hi mak ka ti deuh mawle.."

Ka hnar ah a rawn piap vak a, a na lutuk..

Tui lam ah chuan min pawt phei a, tui chuan ka ke a rawn chim a, a vawt reuh lutuk chu ka zuang zawk a, min nuih vak vak a,

"A van vawt awm ve"

"Imm a vawt lutuk, mahse a nuam"

Tui chuan min theh a, ka nun ah tiang a hun hlimawm hi ka tawn ka la hre ngai lo. Ka lungngaihna zawng zawng te chu amah ka hmuh rual khan a bo nghal vek a ni.

Tui fawn chuan vaukam ah chuan bottle ruak hi a rawn len chhuak a. Tiang hian em ni ka pa khan tui atang khan min hmuh, engmah ka hre tawh lo, a tha nge tha lo pawh ka hre lo.

Carter chuan bottle chu a chhar a, a bag atang chuan paper leh pen a la chhuak leh bawk a

"Enge tih i tum?"

Paper leh pen chu min pe a

"Paper ah khan tun atang a kum 10 hnu a i thil tih duh ziak rawh vawin ni zat nen"

"A ho e"

"Ziak rawh"

Amah hnung chhawn zawng chuan ka thu a , a hmuh ve phal lo tih hriat tak chuan ka thukru a, rawn en ruk phet a la tum zui. Ka ziah zawh chuan paper chu min lak sak leh a, a bottle chhar ah chuan ama ziah nen chuan a dah lut a..

Lei chu a hai khuar vak a, a hai thuk tha khawp mai, bottle chu kan phum a..

"He tah hian nakum ah kan kal leh thei ang tiraw?"

"Hei hi kan hawng ang maw!!?"

"Ai a dang kan dah belh leh ang, tun atanga kum 10 lo thleng hma chu kum tin tah hian kal in lehkha ah thuziak kan dah thin ang, chuan kum 10 hnu vawin ni ang ah hian kan ziah ni lo ve ve chu kan chhiar ang"

Hhh eng ruahman na mak nge a nih leh mahse a hlimawm phian dawn in ka hria,

"Amelia, he hmun ah hian nakum ah min kal pui leh i tiam thei em?"

A kut chu vuan in ka seal hnan a.

"Ka tiam a che"

Min nuih var var a, ka hnar ah bawk chuan a rawn piai leh a, a van na thei tak min dim thlawt lo ka tum khum bur a

"He ni hi theihnghilh miah suh ang che, kan thutiam a nih hi kan pahnih chauh inkar a awm tur a nia vawin atang kum 10 hnu thleng in he thutiam hi vawng reng ang che"

"Lutuk"

Lei ah chuan a mu a a ban chu ka khan tur in a pharh duai a, a ban kham chuan ka mu ve a, van a sava thlawk diah diah chu kan thlir a

"Ka hnen a i thutiam hi theihnghil suh ang che Amelia Roberts"

"Awle Carter Olivera, nang pawn theihnghilh suh ang che"

Hei hi a ni Carter hnen a ka thutiam chu, he tih lai hian he thutiam hi ka ti hlawhtling thei ang em tih kha ka ngaihtuah lo, tih hlawhtlin ngei ngei kha ka tum nghet bur a ni. He thutiam hian tun atanga kum 10 lo awm tur thleng pawh a, a kiang a awm reng tur a min tih na ang ah ka ngai thei ang em?? A chhan chu ka duhthusam a nih vang a ni.
__________________________________

Daniel te in lam pan chuan kan let leh a, inkawt ah chuan Jayden a lo awm a, Carter chuan a hnung ah min din tir in Jayden chu a melh nghal rawm a.

"Nang hmu tur che in ka lo kal lo"

"Amelia chung ah hian engmah i tih ka phal dawn lo"

"I aa em ni?? Amelia, biak che ka duh he pa hi kal san tur in hrilh rawh"

Carter ngaih dan a ni lo leh khawp mai mahse ka biak chu a ngai in ka hria ka chhungkaw neihchhun an ni a, ka hawisan ngawt thei lo, awm lo se kei hi ka thi tawh lo ang tih pawh a sawi theih loh..

"Carter min ngaihtuah suh, Jayden hian ka chung ah eng mah a ti lo ang"

"Awle, rei lo ang che" in chhung ah chuan min luh san a

"Enge ka pa a tha em?"

"Tha lo. In ah rawn haw rawh, ka pa pawh a mu thei lo, zankhua in a zawng che asin"

"Ka thei lo, i hriat chian hle kha"

"Amelia, ka pa vang tal pawh in"

"Hun ka mamawh alawm"

"Keimah vang a ni tiraw?"

"Chutiang a ni lo"

"Min ngaidam rawh, i awmdan tur ka lo ngaihtuah lo a, Amelia lo haw hram rawh"

"Jayden, ka tan a hreawm asin, khang hun chhung zawng khan ka u ang chiah in ka ngai thin che a, eng tin nge ka rilru put hmang chu ka thlak thei ang, tinge i hriatthiam theih loh thin?"

"A thleng leh tawh lo ang, Ame keimah vang a chhuak i nih chuan, lo let rawh ka chhuak ang"

"Maw!!"

"Canada ah naktuk ah hian ka kal ang, chu vang chuan kal bo suh, kan inhmuh tawh loh hram beisei ang"

Min rawn kuah a, "Kei hian ka theihtawp chhuah in nang hi theihnghilh che ka tum ang chuvang chuan nang pawh in ka chhungkua hi min enkawl sak a ngai ang, Amelia Mangtha"

A sawi duh a sawi zawh chuan a kal leh nghal nal nal a, Canada ah a kal ang maw, keimah vang in?? Tinge nuam lo ka tih em em?.. Ka tan harsa viau thin mahse Alysaa lak atang in min venghim in ka nu atang pawh in. Ti mai hian a kal ang maw!!

Carter chuan eng thu nge Jayden an a sawi tih min lo zawt nghal a, ka chhang lem lo ani pawh in min zawh chhunzawm bik lo

Ka rilru chu a buai leh ta kher mai le, eng tin nge ni ang ka let dawn nge? Ka pa riru hreawm tak in ka awm tir reng thei bawk si lo, ka let a nih chuan ka nu leh Alysaa te ahhhh ka van kham tak.

"Carter i phone ka hmang thei a ngem?"

"Imm"

Ka pa ka call a, ka rin ang ngei in, min ngaihtuah takzet tih a aw atang in ka hre nghal, ka awm na min zawt nghal chuk², ka hrilh a. Ni e ka pa vang hian ka kal bo thei lo a ni

Daniel nu leh pa te chu an lo haw a,

"Ms Gonzales i chung ah ka lawm..

"Amelia ka nu tiin min ko thei a ngem??"

"Maw!"

"Ka fa te thian i ni a, kha tianga min koh kha chuan hriat a nuam lo deuh a ni, kan in hi i in ang chiah in ngai la i duh hun hun ah i lo kal thei ania"

Chu tiang ang tawngkam ka dawng ta mai chu ka inring lo hial zawk, a ni hi ka nu chu ni se ka ti rum rum mai a ni, ka kuah nghal a ka mittui a tla hial a. Min kuah let in a tan chuan fanu ang chiah ka nih thu chu min hrilh a, chu thu bak a hriat nuam chu a awm thei dawn em ni? Naupangte ka nih atang tawh in nu hmangaihna hi ka dawng ngai lo a, nu min hmangaih tu neih ve hi ka chak takzet thin asin.

Mittui tla pur leh inhnit feih² chung chuan Ms Gonzales chu "ka nu" tiin ka ko a, ka thinlung tak in ka ko a ni

"Hey naupangte tianga i tah reng te chuan i pa lo thlen hun ah kan vel che maw a ti dawn sin" Daniel pa chuan a lo ti ve bawk a, chhungkaw tha tak a ni, ka pa tih loh ah chuan ka ngaina takzet

Ka pa a rawn lut a, ka kuah nghal a,

"Pa ka tlanbo avang in min ngaidam rawh a thleng leh tawh ngai lo ang"

"Awle, i na lo chu ka lawm takzet a ni bawite, haw tawh ang aw"

"Imm" ka lu ka bu nghat nghat a

Ka pa chuan lawmthu te an hrilh hnu chuan a car ah chuang in in lam min pan pui a. Mak ka tih deuh chu ka pa chuan car a khalh chhung zawng chu min be eih lo, a rilru a buai hmel hle mai, phone a ka biak lai nen kha chuan a in ang lo khawp mai, ka lak ah hian a thinrim viau em ni

In kan thlen chuan a pangngai leh viau si

"Ame, an ni nen khan eng tin nge in inhriat a"

"Ka,, an sawi dan chuan ruah sur hnuai ah ka lo let reng a, min hruai haw niin an sawi a"

"Awle, mi tha tak an ni Bawihte, i pa hian hna ka nei ngah deuh a, i room ah i han chho mai dawn em ni?"

"Awle pa"

Ka room pawh ka kal san lai ang chiah a la ni, ka phone pawh a lo la awm reng a, battery chu a tlem khawp mai. A rawn ri a

"Hey"

"In i thleng tluang maw Amelia"

"Umm"

"Ka nu leh pa ten i aw hriat an duh a"

Daniel nu leh pa te chuan ka hming lam in ka that leh that loh thu chu min zawt a"

"Ka tha lutuk, ka lawm lutuk ania, ka nu___ ka pa" ka tim deuh ngei mai, mahse an duh dan a ni a ngai ah ka neih theih ngei ka beisei

"Tha deuh khan awm la maw, lo kal ziah ang che aw"

"Awle"

Phone ka dah a khum ah chuan ka mu a, eng tin nge ka nun hi a awm zel tak ang, tu te nge ka nu leh pa te chu ni ang? An la dam a ngem? Min zawng ve thin a ngem lee? Ka mittui a tla leh tawh!! Ka hru nghal a.
________________________________

2007

Pangngai tak in hun chu ka hmang chho leh zel chu a ni a, ka nu leh Alyssa chu an la inthlak lo, ka chung ah an awm dan ngai in an la awm reng a, mahse ngai ah ka nei tawh pawh a ni mahna an chung ah hian eng vang pawh in ka lawm a ni. An thisen zawm pawh ni lo min enkawl seilian a, sual in min haw viau mahse ka haw ve lo a ni.

Daniel chhungte nen chuan kan inpawh hle a, an fanu ang chiah in min en a, kar tin deuh thaw an in ah kal in kan in ti hlim thin a, an tello chuan nun hi a famkim tawh tak tak lo a ni. Ka nun ah an ni an lo lang hi ka lawm a ni.

A sawi ang ngei in Jayden chu Canada ah kal in vawikhat pawh in lam a rawn be eih lo, nuam a ti viau nge ni a, a luhlul ve hrim hrim, Jayden tih atan chuan thil mak pawh a ni hran lo. A luhlul dan chu ka sawifiah thei lo zawk.

Kei leh Carter te inthianthat na pawh in hma a sawn zel a, a hma ang in min ngaihtuah in min ngaihsak em em reng a, a bul a awm hi ka ning thei lo pawh a niang.

Ka sawi hmaih miah loh tur pakhat chu Nancy eng tik lai pawh in ka kiang ah a awm reng thin, ka soulmate dik tak a ni, ka at pawn min at pui ve thei.. 😁😁

Erick nen an inti buai a, a mood a fu vak lo, a biak hleihtheih loh, heng hun ah hian ka single hi ka lawm thin.

Daniel leh Carter te pawh an high school last year a ni a, an college kal na tur vel buaipui in an buai hlawm khawp mai, kei ni pawh nakum ah chuan kan buai ve viau ang chu.

Tak a vawin hi kha ni kha a nia, kum khat chu a lo liam ve leh der tawh chu ania, Tuipui kam ah chuan kan kal a, Carter chuan kan bottle phum na kha a theihnghil nge a zawng buai nasa khawp mai. Kan hmu ve hram.

"I in la hre chiang hle si a"

"A zau em hi eng tin nge ka hriat reng bik a nga?"

Kan suahdur te (lei hai na, plastic hmanga siam balu te an hai nan a an hmang thin ang kha) chuan kan lai ngat ngat a, kan phum thuk viau a niang, laih chhung a rei duh ngei mai

Bottle chu a ngai ngai in a lo la awm a, ka hmuh ve leh ka te nghal thawt a, ka ngaihtuah let hian a van naupan chhiat thlak tak, he tah lehka a thu ziak dah tur in kan kal chu a ni sia. Kan ziah ve ve chu bottle ah chuan dah in kan phum leh a..

"Nakum ah min kal pui leh ang che"

"Teh reng mai"

"Enge i ziah?"

"I hriat ve a ngai lo"

Carter phone chu a rawn ri a, Daniel hnen atang in a ni a

"Aw Daniel"

An in biak chu ka lo ngaithla kur a, Daniel nu leh pa te an nih tak in tih thuh ah pawh aniang.. Carter hmel chu a inthlak nghal vek a

"Eng thu nge a sawi a?" Ka lo zawt ve vat a, eng thu nge an sawi chu hriat ka chak zek² tawh mai

Carter chuan ka mit ah tak melh in ka dar ah a rawn vuan a, a hmel chu a hlim hmel takzet "Amelia, Rosaline a lo kir" tiin a au vak a.

Mak ti tak in amah chu ka en a "tunge Rosaline chu??"

"Ni tak i hre ve lo ang, ka van aa tak"

Amah chu a chiaai vek a hlim lutuk chu tunge niang chu nu chu a first love em niang? Ni lo nilo chu tiang a neih awm ka hre lo. A ni thei lo hrim hrim..

"Tun ah kan let nghal a ngai Ame, Rosaline chu ka hmuh loh na a rei tawh takzet eng tin nge a hmel a awm ang"

"Mahse Carter tunge chu nu chu?"

"Daniel nau a nia"

"Maw!! Daniel an nau a nei a maw??"

"Umm mahse kum 6 a nih khan a bo a, an zawng char char a tun ah an hmu ta a nih chu, a lawmawm takzet a ni"

Min ngaihtuah lo a tlan nghal sawk² a, Rosaline maw!!.. Tinge ka hriat hnu hming a an em em le??

...to be conti...


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 2nd, 2018, 1:32 pm

PROMISE

Chapter - 3

Khang hun chhung zawng khan Daniel an nau a neih awm ka hre ngai lo a, an sawi ri ngai lo bawk eng tin nge an ngawih reng thei zawk le, Carter pawh ni se..

Carter leh Daniel hi chu a tet te atanga in kawm tawh leh chhungkua pawh innel tak an ni tih chu ka chiang khawp a, ka ngaihtuah let hian ka hre chiang viau amaw ka lo ti a ka lo la hrechiang tawk lo a nih hi..

Daniel te in chu kan thleng a, Bike atang chuan a zuang thla nghal a, in chhung lam ah a tlan lut nghal. Tun ang em em a Carter a phur hi ka la hmu ngai lo muangchang chuan ka lut ve a, an mi sawi nu chu an hual thap a, an be luih² a, a sam chiah ka hmu thei

An fanu a bo a, an hmu leh a, kei ve hi tu te nge ka chhung te chu ni ve ta ang?? Rosaline chu ka thik nghal ngawih² kum tam tak hnu ah a chhung ten an zawng hmu leh a. Ka biang ah ka mittui a luang tih reng ka lo hre lo, Daniel aw chuan min ti harh zawk a..

"Amelia i tha em??"

Ahh ka mittui chu ka hru nghal a

"I tap amia?"

"Ai tap lo bike ka chuanna ah khan thli in min chhem nasa lutuk a"

"Hey Rosaline a ni hi kan thiannu Amelia a nih hi"

Rosaline chu ding in ka lam ah chuan a rawn kal a, min nuih var var chuan ka hmaah a kut a rawn pharh a

"Rosaline ka nia, kan inhmu chu ka lawm hle mai"

A kut chu vuan in kan in chibai a, a hmeltha in a fel hmel hle mai, Daniel nau ni awm reng pawh a ni.

A chhan pawh ka hre lo, vawin chu he hmun ah hian hmun ka chang ve lo in ka hria, a nuam lo, Carter lah hi Rosaline ringawt a ngaihtuah a, ka awm ve tih reng pawh hria in a lang lo.

An rik mur mur lai chuan ka haw daih a, hmeichhe dang a ngaihsak hmuh chu a hreawm duh khawp mai. Vawikhat mah kei lo hmeichhe dang tun ang hian a la ngaihsak ngai lo. Ka vawikhat hmuh na tang in Rosaline hi ka thik nghal a nia rilru tha lo tak ka pu a ni..
________________________________________
2008

Exam kan zo ve hram, free in ti tak in Nancy nen chuan kan kal dun a, kan ti ti dun mawlh mawlh a, Carter a bike chu kan sir ah a rawn ding a, keimah min hruai tur a maw ka ti leh tawh !! Ahh Rosaline a nghak tih ka theihnghilh ve ziah

Thla hmasa atang khan Rosaline nen an in date a, kei chu min ngaihven tawh lo buaipui tur dang a nei tawh a mahse an haw dun lai hmuh ziah mai chu!

Hmuh loh der hram ka tum a mahae Rosaline chuan min ko a

"Ame, exam i chhang tha em?" Nui sawng chuan a rawn ti a, ahh chhan loh hram chu ka chak khawp mai

"Imm"

Carter chuan ka hnar ah a rawn piai leh hram a, "kan Ame chuan a ti chhe ngai hlei nem" ti leh an tlan nghal a. Ka hnar chu ka khawih a

"Min la hre ve chu a ang khawp mai"

"I aa mi engvang in nge a hriat loh ang che"

"Hh a bialnu ringawt a ngaihtuah"

"Rosaline maw!! Hh Amelia i thik tih na em ni?"

"Teuh lo engvang in nge ka thik a nga?? Awmang lo lutuk"

"I hre duh em Carter hian a ngaihtuah zia che chu"

"Theihnghilh rawh, kal ang"
..

Thleng ka sil zawh chuan ka room kawngka ngheng hian Alyssa chu a lo ding a

"Enge"

"Ahh thil pakhat mawle, Carter__ ah in inbe tawh ngai lo tak tiraw kha?"

Hh he nu chinawm lutuk hi min tih elhsen tum in a rawn kal leh ta a nih hi, Carter an bialnu a nei pawh chu a van lawm tak..

"Chuan enge?"

"Eng ni love, Carter khan a ngaihtuah viau che in ka hre si a, mahse tun ah chuan a ni tawh lo a ang'

"I hre sual a nih hmel"

"Hre sual lo, nang ni lo in Rosaline alawm a duh nang te chu a tan hmeichhia pawh i tling hlei nem ni lawm ni??"

Nui ar ar a ti chuan min kal san a, Room ah chuan ka lut a, ka thinrim lutuk chu kawngka chu ka khar thuai ringawt a, tih ngaihna dang vak pawh ka hre lo. A sawi zawng zawng kha a dik vek thudik a nih vang hian ka thin a rim takzet bawk a ni..

Tu pawh mai hian Rosaline Rosaline an ti ahh huuu Carter leh zel chu tiang a awm tur hian ka duh lo asin...

A ngaite bawk in school kan kal leh chu a ni a, Rosaline chu a thut na ah a lo thu tawh a, kan class a mipa ho chuan present pek tum in an bawr luih luih a, an vai hian an duh vek tih na em ni??

"Hey Ame, vawin hi Rosaline birthday ania"

"Aa chu vang a nih dawn chu"

"A party ah kal i tum em"

"Teuh lo eng vang in nge ka kal ang"

"I fiamthu mi?? Daniel nau a nih hi"

"Daniel a ni chuang hlei nem"

Ka hma ah Rosaline chu a lo ding reng tawh a la nui sawng zui ka van ning tak a hmel hmuh hi ka chak teh chiam lo asin

"Amelia zanin hian ka birthday kan lawm dawn a, i lo kal thei ang tiraw?"

"Ahh ka hre lo ka hman pawh..

Carter chu kan class ah lo lut in Rosaline chu a rawn kuah a, "Amelia te chuan Party tih vel a ngaina hlei nem, i sawm chhuak thei lo ang" a rawn ti ham ham a hh engmah a hre lo

"Aw ka lo kal ang" tih leh thawh a chhuah ka rual a, Nancy chuan min lo zui nghal bawk a

"I kal dawn lo maw ka tia"

"Ka rilru ka thlak alawm"

A in dah bialnu nei khawp mai, a tha lawm mipa te chu kei pawn ka hmu zo ve khawp mai, Carter Olivera hmela kei hian ka duh tawh dawn lo che..

Nancy chuan min baazar pui a, thawmhnaw uluk thei ang ber in ka en a, engvang in nge he thil hi ka tih pawh ka hre hrep lo..

"Nancy Erick nen in kal dawn tiraw?"

"Imm, tinge"

"Bryann Martin khan kal pui ah min sawm a"

"Bryann maw, a chhiat loh em kha"

"Nia mahse"

"Enge mahse"

Ka phone a la a, Bryann chu call in kal pui ka pawm thu a hrilh a, ka dang bik lo dan pawh tum ila he nu hi chu ka dang chuang lo ang..
..

Zan ah chuan Bryann chuan kan in ah lo kal in min rawn hruai a, Ka nu leh Alyssa te chuan an lo lawm teh chiam lo ka pa chu awm lo se min kal tir duh kher ka ring lo.

Party na hmun chu kan thleng a, rin ai daih in mi an tam kher mai, Bryann chuan ka ban ah vuan in min luh pui a, Carter leh Rosaline te chu an lo lam dun a, an en thap mai a, school a lar ve ve an ni bawk a, an inkawp pawh hi tu man mak an ti hran lo.

Bryan chuan lam pui ah min sawm ngial pawh in ka thei lo, ka lam ngai lo ka ngam thlawt lo, min ti lui reng ta bik lo a, he party hi nawm na pakhat mah a awm lo.

Daniel chu kan bul ah a rawn kal a, hh ka thaw huai mai

"I tha em Amelia?"

"Ai"

"Bryann Amelia hian tiang party ah hian a aam thei chiah lo a, awm rei pui vak chi a ni lo ania, Ame ka va thlah dawn che em ni?"

"Ngai lo ka tha"

Daniel chuan tu in tur min pe a "I duh loh chuan kal luih kher a ngai lo asin"

"Ka tha tak tak, naupang chhia pawh ka nih tawh loh hi Dan"

"Hhuh nia" min nuih var var a, kan bul ah chuan a ding ve reng a amah pawh hi kei mah ang bawk in lam chi chu a ni bik lo alawm, kan in an na lai tak ni in ka hria

Hman ai kah chuan Daniel mizia pawh a nelawm ve deuh tawh alawm a hma kha chuan a tawng ngai meuh lo a, a nau an hmuh tawh vang pawh a ni mah na..

Saw Carter saw nuam chu a ti haih² khawp mai thei tui a, a hmai a theh thawt mai ka chak a ni, indah changtupa leh lutuk..

Vawi leh khat ah Mic chu a rawn ri vawt² a, ka beng a verh khawp mai, mipa khat hian min rawn la su chawrh zui a, ka lu a hai a ka thil hmuh a fiah lo a, ka lu chi puak mai tur ang hian a na ngawt ngawt a ka no ken lai chu ka thlauh keh nghal a. Ka lu chi dawm in ka kun ngul a

A nat zia kha ka sawifiah zo lo. Ka lam pan in mipakhat hi a rawn tlan phei nghal a, a hmel ka hmu thei lo, min rawn pawm a min tlan chhuah pui nghal a, Bryann a ni ta in ka hria

Ka harh leh chuan khum ah ka lo mu a, drip min khai bawk a, ka lu a la na khawp mai ka hawi kual nghal a, ka khum ah bawk in Carter chu a lo muhil a, tih harh hlau tak chuan dim te in ka tho a, uluk tak chuan a hmel chu ka en reng a. Mihring ve tho si hi eng tin nge a that em em theih bik le??

A rawn harh,, ka hawi sawn nghal a

"Eng tin nge damlo awmpui in ti si in i muthilh thei zawk, Jayden chu nise a meng kur ang"

Jayden hming ka lam rik chuan a nui lo chiang khawp mai tun thleng pawh hian a la ngaina chuang lo a ni ngei ang..

"Jayden chu i ngai viau a mi a?"

"Shhh"

"Enge i hriat a tun lai hi tinge min biak that duh miah lo a"

"I buaina tur a awm lo"

"Maw!!.. Eng vang in nge i luhlul em em a, Party na ah i kal thei lo tih i hre chiang hle a ni lawm ni, kal lo tur in ka ti che a i thu awi loh man chu i hmu a nih hi"

"Ni e, ka hmu alawm, chu vang chuan lo buai suh"

"Hh naupang sual"

"Naupang min ti ziah suh nang ai in kum 3 bak in ka naupang lo"

"I van tawngthei tak"

Rosaline chu a lo lut a, "i harh tawh a ni maa Amelia, ka ngaihtuah lutuk che alawm"

"Hh tun ah chuan ka tha tawh"

"Party na ah i kal ngai lo an tih khan ka lo hrethiam lo a, ka sawm luih che avang in min ngaidam rawh aw"

"A pawi lo"

Ka hnar ah a rawn piai leh tawh ka hnar chu ka tuai nawk² a, ka tum khum bur a

"Haw tawh rawh u"

"Ni e Rosaline lo va haw rawh zanin chu Amelia hi kan riah pui ang" Carter chuan a ti a, Rosaline thlah tur chuan an chhuak dun a. Ka thlek zui nasat zia kha..

A rawn lut leh a

"I pa a zin leh tawh a mi?"

"Aw"

"Alyssa phone a lo la a, i damloh thu ka hrilh a, a dah nghal hmak a"

"Chu te chu ngai ah i nei tawh lo ami?"

Ka hnar ah piai leh tum in a kut a phar a, ka hmai ka lo hup a

"Tiang hian min ti tawh suh a na thei ropui si, i bialnu hnar kha piai ve mai rawh"

Min chhang lo a tho a thuthleng sei ah chuan a va mu a, kan in be leh tawh chu chu mi zan chuan..

Zing ah chuan kan chhuak nghal a, in thleng min thlah a.
...
...

Door bell a rawn ri a, tu man hawn an tum lo nge ka kal a, ka va hawng a

"Bryann he tah enge i rawn tih dawn?"

"Ngaihdam dil che ka duh a ni Amelia"

Ngaihdam maw enge tih sual a neih a, ka awm a ti nuam lo zawk inchhung ah ka luh tir a. School a tlanbo tih na mi form a la ha vek a

"Amelia, nizan avang khan pawi ka ti lutuk , Carter ni lo in kei mah khan tanpui tur che ka nia"

"Bryann i thiam lo a ni hlei nem"

"Mahse, eng tik lao pawh a i tan Carter a ding reng hi hmuh ka duh lo alawm mahse ka awm reng lai pawh in ka pui thei lo che a"

Bryann kut ah chuan ka vuan a

"Ka dem hlei nem che Bryann khawngaih in inthiam lo tawh suh imm"

"Awle mahse tun atang chuan Carter ni lo in kei hi i tan ka awm tawh ang"

"Ka lawm e"

A chhuak leh nghal a, Bryann hi mi tha tak a ni..

"Kha mipa bawk maw!! Ka unaunu hi a lo ropui ber a nih hi" ka bul a rawn thut pah in Alyssa chuan a rawn ti a

Ka ngaipawimawh lem lo ka hre lo der a, ka phone chu ka bih ngar ngar a.

"Um i theih chhung chu hre lo der rawh"

Ka lukham a a hmai a vawm chawrh chu ka van chak ber mai em, ka insum thei lo palh ang, ka room ah ka tlan chho nghal a
..

Ka school kal tur chu Bryann chuan min lo nghak a, kal pui chu ka chak em em pawh a ni hran lo, mahse Bryann hi mitha tak a ni a, a rilru ka ti nat sak thei lo.

"Bryann he tia min rawn sawm hi a ngai kher lo ania"

"Kei man ka duh alawm"

Sawi tur a vang duh kher mai. Carter a chu a rawn ding a

"Rawn chuang rawh Amelia"

Rosaline awm lo vang chauh in maw!! Hmela ka van chuang awm lo

"Nangmah in kal rawh"

"Maw!!"

A bike atang chuan a rawn chhuk a "ka thusawi i hre lo ami Amelia"

"Carter Amelia nen hian in inpawh zia chu ka hria mahse i ti lui thei bik lo" Bryann chuan a lo ti a

"Lo inrawlh ve suh Bryann"

"Carter duhtawk teh, Bryann kal ang"

A duh dan dan hian ka awm thei bik amaw a ti mi leee, kei hi a naute lem pawh ka ni lo. Bryann chu ka kal pui a.

Ka hnung atang chuan min rawn pawm a, a bike ah chuan min thut tir a, ka tal nasa viau

"Engeeeee i hriat aaa?"

Mi in min en thup a, ka van zak tak he pa tak hi. A rawn chuang ve a min tlan pui nal nal a. Bryann bul ah eng tin nge ka sawi anga he pa thil tih hi a van tul lo ber mai awm em.

A hnung ah chuan ka chum chawrh a "Hmela"

"Kha tia min tih reng te chuan kan accident mai tur asin"

A hmaa, a tih thin ang chuan kan class ah chuan min thlah leh a, a mak riau tawh in ka hria Rosaline chu class ah a lo awm tawh a, min en nasa ngei mai. Carter chuan Rosaline chu a be lo a chhuak leh nghal a, enge en hriat a, an in hau em ni??

Nizan hmasa te kha chuan an tha viau sia..

Class mumal pawh a awm thei lo , 12 ho last day a nia. An vai in an tlan kual nasa hlawm hle a. Function a zo tawh a, Carter hmel ka hmuh lo vang chuan ka zawng kual a, a awm na tur ka ring lawk thei nghal mai.

Building chung ah chuan ka tlan chho nghal a, saw saw saw a lo muhil leh tawh. A bul ah chuan ka va thu a. Thawm ka dim viau in ka hria sin..

"Kha Bryann kha hmu tawh suh ang che" mit pawh meng lo chuan a rawn ti a

"Eng vang in maw"

"Hmu lo la a ni mai"

"Kei hi i duh dan dan a awm tur pawh ka ni lo, ka duh leh ka hmu ang. Mipa ka biak ve apiang i tibuai zel a i awm dan hi ka kham lutuk"

"Sawi belh tur vak a awm lo, Amelia Robert kei leh Daniel te tih loh chu mipa dang hnaih hlek suh"

"Maw!!"

...to be conti...


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 2nd, 2018, 1:32 pm

PROMISE

Chapter - 5

Amelia Roberts

Ka thil hriat hi, eng a sawi na nge ni anga, min ti buai leh tawh he mihring hi, a lu ah hian na tawk a chhut pawp ka van chak tak..

"Mak ti vak suh, nang hi ka nau ang chiah i ni a, a ni ang mipa kha ka duh pui lo che"

"Chu vang chu maw lo buai suh"

Ka tho a, ka kal san nghal a, huhh a sual zia kha, eng chu nge ka beisei le??

Daniel bul ah chuan ka kal a

"Hey Carter i hmu em"

"Hmu lo, kha pa kha hmuh pawh ka duh lo"

"In inhau leh tawh a mi a?"

"Ka hre lo"

Ka biang ah chuan Daniel chuan a rawn piai a

"Naupangte school ah tha deuh in lo awm rawh aw, i bul ah kan awm thei tawh dawn si lo a"

"A ho e mai, Nancy pawh a awm tho alawm"

Min nuih vur vur a, "ka ngai ngawt ang che ti ve mai la"

Daniel chu ka kuah a "imm ka ngai dawn che, ka u ang chiah i ni a kha Carter ve kha chu!"

"Hahha, nang ni pahnih hi chu, in hau tawh suh u"

Daniel bul atanga ka kal san ve leh Rosaline chuan min rawn pawh nghal a..

"Amelia, kan in be thei a ngem?"

"Eng nge ni a?"

A kal leh nghal nal nal a, ka zui ve tawp a, school hnung tu mah awm loh na ah chuan min kal pui a

"Amelia, dik tak in min chhang ang che Carter nen hian enge in inzawm na??"

"Maw, enge i sawi awmzia chu?"

"Hre lo der vel suh, nangmah vang in Carter khan min then a ni tiraw!?"

"A then che a maw?"

"I hre lo der leh tawh, pawisawilo aqm deuh a lan hi duhtawk tawh teh"

"Rosaline i thusawi hi engmah ka hrethiam lo, hriatthiam pawh ka duh lo, Carter an a then che maw then lo che pawh ni se ka buai na tur a awm lo"

Kal ka tum a, min kuai let a

"Ka la sawi zo hlei nem"

"Eng chu nge i duh le?"

"Rin ai in nang nu hi i hlauhawm zek ka ti"

"Maw!!"

"En teh Carter hian nangmah vang a min thwn a nih chuan ka chhuah miah lo ang che Amelia Robert"

Tih ngaihna pawh ka hre lo he nu hian a mize diktak a phawrh ta zawk tih na em ni? Eng thil nge a tih a, ka hmaah thu in ka kut a vuan a

"Min ngaidam rawh Amelia khawngaih in Carter hi ka thinlung tak in ka duh asin, kei hian"

Ahh Carter chu a lo kal phei a

"Amelia eng nge i tih a?"

Hei vang hi a nih hi ahh tenawm lutuk, "I duh leh i bialnu kha zawt mai rawh" ka kal san nghal a.. Eng lemchan rapthlak nge ni ngai a, mihring pawh a ni em ni. Flim ah chauh a aqm amaw ka ti thin asin huhu..
..

Carter chuan min rawn um zui a

"Amelia, eng tin nge kha thu kha Rosaline bul ah i sawi theih?"

"Enge i sawi awmzia?"

"Rosaline hi,,Rosaline lemchang a nih i rin thu i sawi a ni lawm ni??"

Chu thu chuan min ti phu zawk mai, kei hian ka sawi a mawhh!! Ahh

"Carter chu chu ka sawi i ring em ni? Ka sawi tih pawh ka hre hlei nem"

"Amelia, Rosaline hi i ngaina lo tih chu ka hria mahse Rosaline ngei a ni. Tiang tur ah chuan ka ngai lo che asin"

"A tawk a nih chu"

Ka in her a, ka kal sawn nghal a, kei hian chu tiang thu chu ka sawi ang maw! Chhe te tal pawh in min rin na a nei thlawt lo, Rosaline sawn a dawi aa tawh zawk a nih saw. Ka mittui a rawn tla leh ringawt tawh. Dim lo tak chuan ka biang chu ka tuai a

"Min rin loh chhung chu ka be lo ang che"
..

Carter ka be lo, ka van be awm lo, min rawn call pawh in ka chhang lo a min hmu tur a, a rawn kal pawh in ka hmu lo lui zel a..

Chu mi zan chuan min rawn call char char a, ka chhang duh lo. A tuk ah pawh chuan kan inkawt ah a rawn kal a, a au nasat em avang chuan ka chhuak hram a.

"Enge"

"I hriat loh vanga min zawt a mi i nih?"

"Sawi rawh"

"Kan college chungchang pawh engmah min zawt daqn lo em ni?"

"Ka ngaipawimawh lo"

"Amelia, min ngaidam tawh rawh, ka thiamloh a ni. Harsatna ka tawh a, sawipui che ka duh asin"

"Hhuh tinge Rosaline i sawi pui mai lo ni Carter"

"I thinrim chhan pawh ka hrethiam e, mahse july 12 tal chu i ngaihpawimawh ka ring. Tah khan ka lo nghak ang che, lo kal ang che"

July 12 ahh a lo thleng leh der tawh a ni chu. A sawi duh a sawi zawh chuan a kal leh nghal a. Harsatna a tawk a maw enge niang?..
.....
.....

Tuipui kam ah chuan ka kal a, vawin hian engkim ka hrilh vek ang kei hian ka duh tih hi ka hrilh ang..

Carter chu ka nghak a, ka thuziah chu ka keng a, ka rilru ang hi pu ve dawn lo mahse ka hrilh tho ang..

Ka nghak a, darkar 1, 2 a lo thleng thei lo, ti nge niang, a rilru a thlak tihna em niang? Darkar dang ka nghah belh leh a 3,4 Carter hmel hmuh tur reng a awm lo.

Amah zawk a ni thutiam ngaipawimawh lo tu chu, min ngaipawimawh thlawt lo, kan thutiam a bawhchhia a.

Thinrim lungawi lo tak chuan in lam chu ka pan a, in ka thlen ve leh Alyssa chuan min rawn din chilh nghal a

"Khawiah nge i kal bo char char Carter an buaina a tawk tih pawh hi i hre lo em ni"

"Enge i sawi awmzia??" Min chhang lo chuan a kal leh ngat a, ka um zui a

"Carter chung ah eng thleng min hrilh nghal rawh"

"Nangmah in zawng chhuak ve mai rawh"

Um zui leh nghal ka tum a, ka phone chu a lo ri a Daniel a ni a, ka pick up rang khawp mai.

Daniel thu min hrilh chuan min van thawng kher em, awm dan mai tur pawh ka hre lo. Rang tak in Carter te in lam pan chuan ka tlan nghal a. An in chu a lo ruak vek tawh a, tumah an awm lo, in luah tu nei lo hi a ni ringawt. Eng thil nge thleng engkim hi ka thiamloh vek a ni..
..
..

Daniel

Amelia, Carter pa ei ruk an man a, an in leh lo leh company te Sorkar in an lak sak vek a, a nu in a tuar loh chu niminpiah khan a inti hlum a, a tuk atang in Carter chu khawi ah mah hmuh tur a awm lo, nimin atang tawh khan tumah in kan be thei lo..
...
...

Chhuat ah chuan ka thu hnawk a, Daniel chuan min rawn kai tho a, min kuah bet a

"Tiang hian awm suh Amelia"

"Ka thiam loh vek a ni, min biak a duh lai te khan a harsatna min hrilh a duh a, mahse kei chuan ka ngaihthlak sak duh lo a. Daniel engkim hi ka thiam lo vek a ni"

"Amelia, i thiam loh a ni lo, Carter chu kan zawng tur a ni, chak tak a i awm a ngai asin"

Tawng pawh ka tawng hlei thei lo, ka thinlung hi a puak mai dawn in ka hria, min mamawh lai khan a tan ka awm duh lo a, a chung ah thil tha lo thleng ta se Lalpa!! Kei hi kumkhua pawn ka in ngaidam ngai lo ang..
_____________________________________

2009

Carter ka hmuh loh na pawh kum khat lai a ni tawh tu mah in a chanchin kan hre lo, khawi ah nge a awm a, enge a tih a la dam em tih pawh engmah ka hre lo..

Ka nun hi a pangngai tawh thei tak tak in, inthiam loh na hlir in ka nun chu ka hmang a ni.

Tun ah chuan College ka kal ve tawh a, Carter nen he college ah hian kal dun tur in kan intiam kha a ni sia, tun ah chuan mumang a tak a chang thei lo chauh a ni tawh..

Nitin tupui kam ah kal in Carter a lo awm takin tiin. Mahse ngaite bawk a hmel hmuh tur reng reng a awm lo. Ngai a neih chu ka duh takzet..

Proffessor in class a lak zawh ve leh class atangin kan chhuak nghal a. Tun thleng in Bryann hian min la um zui reng (tawngkam mawi lo lam ni lo in) a lam ah ka rilru pek viau tum thin mah ila, Carter hi ka la theihnghil tak tak thei lo hun ka la mamawh a ni..

"Ame, Carter chu theihnghil tawh rawh, amah vang in i nun hi ti chhe suh"

"Nancy, thei ni se ka ti asin. I hriat kha"

"Chu pawh ni se, Bryann i khawngaih ve em me lo a mi?? A nghah rei tawh zia che hi"

"Ka hria, mahse Carter hi a lo kir ka ring tlat a ni, a lo kir em em ang"

"Kum 1 chhung chi thu chu i sawi tawh"

"Mahse vawin chu a danglam alawm, Vawin hian Carter ka hmu lo a nih chuan ka theihnghilh tawh ang"(Mimii V)

"Chu chu i tiam thei em?"

"Aw"

Vawin hi July 12 a ni a, a kum khat na chiah a ni. Kha hmun ah khan ka kal ang a, kan pahnih a thutiam kha ka la chhawm zel ang Carter awm lo mahse, a la hriat ve reng ka ring tlat a ni..

Tuipui lam pan chuan ka kal a, khua a thiang in a nuam em em a, tupui kam a, chhungkua ho a inti hlim hmuh tur pawh an awm nawk a..

Kan bottle phumna chu hai in bottle chu ka la chhuak a. Ka thil hmuh chu lehkha hi pa5 a awm tur a ni a, mahse pa7 a awm, a awmzia chu!! Carter!!!

Ka tih tur ti in ka tlan nghal a, chu lai a chhungkua lo awm ho chu ka phone a Carter thlalak chu hmuh in, an hmuh leh hmuh loh ka zawt a,..

Ka van laqm ber mai em?? Carter an hmuh thu an sawi a nih chu. A kal na lam ka zawt a, min hrilh na lam pan chuan ka tlan nghal a..

Carter nangmah ngei i ni tiraw?? Khaw ngaih in bo tawh suh min lo nghak hram rawh, ka lawm bawk si hlauthawng bawk si ka mittui a tla phung thei..

Khawi lam ber nge ka pan pawh ka hre lo ka kawng hmuh hmasak sak lam chu ka zawh zel a,

Dawr atang mipa thawmhnaw dum a inthuam chhuak chu ka hmu a, a hnung atang pawh in ka hai lo ang. Ka zui a, ka hnaih tulh tulh a, Carter a ni tiin ka phun sep sep a.

Mi an reh deuh hnu chuan a hriat phak tur chuan chiang tak in a hming chu ka lam a, a ding zawk a.. Kan ngawi leh vang vang a. Kal lwh mai a tum vang chuan ka tlan thut a, a hmaah chuan ka va ding nghal a..

A lukhum chuan a hmai chu hliah a lo tum a, mahse ka hai lo ang Carter ngei a ni

"Min hmu lo ang in awm rawh"

Min kal pel a, min ngaihven duh lo, ka um leh a, a hnung atang chuan ka kuah a

"Khawngaih tak in min ngaidam rawh Carter. Kei hian ka ti sual a ni. Khawngaih takin lo kir rawh, tlan bo tawh suh"

"I kiang ah awm tur hian ka tling lo Amelia, ka thi tawh ang ah ngai rawh" amah ka vawn na ka kut chu min pawh phelh sak a, "Hmuh che hi ka duh tawh lo" tiin taxi lo tlan chu phar in a chuang a, a tlan ta nghal a..

Carter ngei a ni.. Hh amah ngei a ni ka lawm e Carter i la dam that avang leh kan thutiam i la hriat avang in, ka kiang ah i awm leh nan eng pawh ka ti ang..

...to be conti...


Rodingliani

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 2nd, 2018, 1:33 pm

PROMISE

Chapter - 6

Amelia Roberts

Min hmuh duh loh mahse a pawi lo a dam tha tih ka hria a, ka lawm tawk. Eng pawh Carter hmuh let nan chuan ka ti ang..

Daniel hmu tur in ka kal nghal a, Daniel hnen ah chuan ka hrilh a, Amah pawh chu ka rin ang ngei in a lawm hle a. Tet te atang a inkawm tawh an ni bawk a..

Daniel chuan a hmelhriat te bia in Cartet aqm na a zawn tir a..

Rei lo te ah an chhui chhuak nghal mai a. Cartet chi Bar ah Waiter in a thawk yih kan hria a..

Carter hmu tur in Bar ah chuan kan kal a. Bar ah han vawikhat mah ka la kal lo a, a bengchheng in, a boruak a nuam thlawt lo, Carter vang chu ni lo se he hmun ah hian ka kal tawp lo ang..

Kan lut a, hmeichhia leh mipa an in lam pawlh siau suau a, a chang in a eng thut a, a chang in a thim leh thut thin a, music lah a ting em em mai si.

Carter chuan beer a lo sem kual a. Amah biak theih hun tur kan chang reng a. A hmeltha bawk a, hmeichhe thenkhat chuan kal mai phal lo a, lo pawt khawmuang tawk lah an tam..

Daniel chu Carter hmaah chuan a ding a, hria ang pawn a lang lo a kal pel ngat a, a thil tih lai a tih chhunzawm leh nghal a..

He miluhlul pa hi, eng tin nge kan tih ang le.??

Daniel bawk chuan Carter chu pawt in ka bul ah a rawn hryau a..

"Haw rawh u tah hian tih tur in nei lo"

"Mumal lo tak a awm reng hi i duh em ni? Mawhh i nu pawh khan eng tin nge a ngai ang che"

"Ka ngaipawimawh lo, nang ni ang in chhung te chhuan tur ka nei ve loh hi, tiang a awm hi ka phu tawk chauh"

Daniel lah luhluk bawk, vawikhat a sawi tawh, "a tawk a nih chu" tih leh kal a rual a. Min melh kur kur a

"I kal ve dawn lo a mi?"

"Dawn lo tah hian ka aqm char char dawn"

Ka ban ah vuan in pawn lam ah min pawt a

"Kal rawh"

"Ka kal dawn chuang lo"

"I duh dan dan in awm rawh"

Kal a tum a, ka au vak a, kan inhnuh hmasak ber tum a, Micky mouse lemmin pek chu ka hum a hum a. Ka pan hnai a, a kut dinglam chu la in chu chu ka pe a.

"He thil min pek tum khan, beidawng lo tur leh hringnun ah hlawhchham chang pawh in tho leh tur in min tih kha, chu chu nangmah ngei in i sawi kha"

"Kha kha maw"

Ka thil pek chu chhuat ah a thehthla a, a ke chuan a rap a, a rah zawng chuan min melh kur a

"Khang kha theihnghil rawh, ka at vang a sawi ka nih kha"

A kal nghal nal nal a a khawsak dan xhuan ka rilru a ti na khawp mai, ka biang ah mittui a lo luang a, ka kut chuan ka hru a. Ring tawk chuan "ka lo kal leh ang" ka ti vak a. A thil peih chu ka chhar khawm a..
..
..

Class ban apainag in Carter thawh na ah chuan ka kal a, min hre lo der char char. He miluhlul hi ka van la let awm e, eng pawh ka ti ang.. Inchhir nawn leh la duh tawh lo..

Chumi zan pawh chuan ka kal leh a. A tih dan ngaite bawk in min hre lo der leh tawh, ngai ah ka nei thei mai ang. Tun tum hi chu ka thu mai mai tawh lo ang..

Eng dang mah aiin kei hi min ngaihtuah tih ka hria alawm.

Zu a pek pa bul ah chuan ka thu a.

"Kawppui i nei lo a ang hle mai, ka thu ve thei ang tiraw?" Nui sang chuan ka ti a, chu pa chuan ka dar ah min kuah nghal a

"Teh reng mai"

La nui lui nasa ngei mai. Zu a thlit zawh chuan a in her a. Ring tawh chuan "Cheers" ka ti vak a, zu no lian tawk chu ka la a. Ka mit ka chhing vak a ka in a nih chu... A tui loh zia kha ka sawifiah thiam lo zawk eng tin nge mi te hian an in teuh theih zawk??

Carter chu a rawn let a, ka zu no ken lai chu min pawhthlak sak nghal a

"I aa em ni??"

Ka lu chu a hai nghal chhap mai, la vawikhat in na a nih vang nge ka hre lo ka pangngai hkei thei lo, ka thil hmu a vai ruai ruai nghal a..

Ka bul a thu pa chuan "tu nge i nih a, i rawn in rawlh ni"

"Lo buai suh"

"Ka hmeichhia a nih hi, waiter be mai mai kal bo rawh ban i duh a nih loh chuan"

Enge an sawi zel pawh ka hre tawh lo, Carter chuan chu pa chu a hnek ta in ka hria, a ri nghal bur bur a. Eng pawh chu ni se tu pawh ni se Carter hian a hneh lo dawn chuang lo..

Ka kang lawp hian ka hria ka men leh chuan Carter hmel chu ka mit atanga hnai te ah a lo awm tawh a a biang ah chuan ka kut zungchal chuan ka kawk a

"Ka mumang zawk a mi??"

"Tawng suh"

"Carter.. Nangmah i ni tiraw"

Ka thlawk ni mai hian ka hria, ka nui ver ver a, amah chu ka lo en leh vung vung tawh, a hmeltha em a ni..

Lei ah chuan min din tir a, din pawh ka ding ngil hleithei lo, min pawt a

"Carter, kei hi min ngaidam rawh aw, khawngaih in. Thinrim tawh lo la"

"Motor ah hian lut rawh"

"Carter mawhh!! Ka ngaih theih zia che i hria em??"

Car ah chuan min nam lut nawk nawk a

"Wild street ah aw" tih leh kawngka chu a khar a, motor chu a tlan a..
..
.

Ka harh chuan ka khum ah ka lo mu reng tawh, awi nizan ah enge thleng.. Ka nu leh aiii a van zahthlak tak eng tin nge ka awm ang lee..

Ka in ti fai sawk sawk a, inhnuai ah ka tlan thla nghal a. Chaw ei tur in an lo thu thap tawh a, min rawn melh nghal kawr a..

"I tha maw??" Ka pa chuan a ti a, ka nu leh Alyssa chu an tum nasa ngei mai

"Ahh aw.. Pa ka,, min ngaidam rawh a thleng leh tawh lo ang"

"Awle, chaw rawn ei la"

Ka van zak tak. Hawi pawh ka haqi chhuak ngam lo..

Chaw ei kham chuan Alyssa chu ka hmaah a rawn ding a..

"Carter i hmu tawh a maw??"

Enge a sawi hi, Carter a lo let tih a hria a maw?? Ka bo khawp mai

"Enge i sawi awmzia?"

"Nizan khn Carter an a rawn thlah che tih i hre lo tih sawi miah suh" a sawi zawng pawh chuan min ngai hmel khawp mai

Enge awmzia Carter min thlah a maw! Car ah khan a rawn chuan ve ka hre si lo a. Awi la rui viau a mi le??

Zu hi vawikhat pawh ka in leh tawh ngai lo ang, a hmasa ber leh tawp na a ni nghal..
...
...

Carter vang hian ka zirlai ah pawh ka rilru ka pe hleithei lo. Tun tum kan test pawh ka tla hniam reng bawk a. Zirtirtu te Sermon ka ngaithla hnem khawp mai..

Daniel lah hi, Carter lak ah a la thinrim reng a, kal pui ah ka sawm pawh in a kal duh lo. A ngaihtuah zia chu ka hre tho a, Carter tawng duh dan kha a haw mah mah a ni..

Bar ah chuan ka kal leh a. Carter pawh in a thawh ngai bawk a thawk leh a, a zawh hun ka nghak a

A hna a zawh chuan engmah pawh ka sawi hran lo, ka zui char char ringawt a..

"Min zui tawh suh"

"Nizan khan min thlah haw tih ka hria a"

"A tha a nih chu"

"Carter"

"Amelia, haw rawh"

"Ka kal dawn lo min ngaidam hma chuan"

"I lak ah ka thinrim lo"

"Anih ti nge min biak duh loh?"

Min chhang tawh lo. Ka aw ka vin tak chuan

"Kha hmun atang khan chhuak rawh tiang hmun tawp ah hian i awm ka duh lo"

Min rawn pan hnai a, a thinrim tih a chiang khawp mai bang ah min bam bet a

"Hmun tawp maw!! Ni e in tan chuan a tawp ang mahse ka tan chuan ka nunna tluk a ni asin. Khawi hmun ah paqh hna zawng ila, college ah luh dil pawh ni ila ka pa hming an hriat rual in, ka awm ve ang ah pawh a ngai lo. He hmun tawp i tih chauh hian min duh asin, ni e i tan chuan ka hiam tawh a ni Amelia chuvang chuan ka lak ah hian beidawng rawh"

"Beidawng tur ni ila hman ah khan ka beidawng tawh ang chu"

"Min rawn hmu tawh suh ang che"

"Ka beidawng dawn lo tih ka sawi chiang viau a ni lawm ni?"

"Beidawng rawh Amelia beidawng rawh. I tan hian engmah ka ni lo.. Engvang in nge ka nun chu i lo ngaih pawimawh ve em em?? Ka nun atang hian kal bo rawh"

Bang chu a hnek pawp a. Ka thin phut nasat zia kha.. A kut chu a thi nghal a..

A mit ah tak chuan ka melh kar a..

"I tan hian engmah ka ni lo, engvang mah in min ngaihtuah chhan tur a awm lo"

"A awm"

"Engvang in?"

"A chhan chu___ Carter kei hian ka hmangaih che a ni!"

Tun ah ka sawi lo a nih chuan kumkhua pawh in ka sawi tawh lo ang

"Ka hmangaih che Carter"

Mak tih hmel zet chuan min melh kur a. Engmah a sawi lo min en char char ringawt a. Min kal san leh ka hlau takzet. Ka dingdihlip vak a, eng tin nge min chhan let dawn ka ngaipawi mawh tawh lo ka duh chu ka ti dawn..

A hmui ah chuan ka fawp a

"Khawngaih tak in min kal san tawh suh Carter!"

...to be conti..


Rodingliani

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)