50 DOLLAR BY Rodingliani Vanchhawng (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

50 DOLLAR BY Rodingliani Vanchhawng (Completed)

Unread post by Ngaia » December 23rd, 2018, 1:57 pm

3kjzyhr2.jpg
3kjzyhr2.jpg (22.07 KiB) Viewed 18789 times
50 DOLLARđź’˛


Chapter 1


By Rodingliani Vanchhawng


Brandon Santiago


Eng tik lai pawh hian ka mood hi a fu lo reng zawk em ni. Company a thawk te reng reng hian min hlau maw tih mai tur in min hel vek ni te hian ka hre thin, chu chuan min ti thinrim zual a ni. Mi hma ah nuih leh nelawm vel hi ka thiam ve lo, awm pawh ka tum ngai hek lo..


Meeting tur chuan kan thu thap a, min melh hrek hrek a, an reh thap bawk a. Ka hna thawk zing a pakhat chu ka melh vat a..


"I lo zo tawh em??" tiin ka zawt a, eng mah sawi lo in file chu min rawn pe nghal a. Uluk tak in ka en a, a tha thawkhat viau chuan ka hria..

"Harley nang, survey kha?" Ka ti leh a min rawn pe leh nghal a, hnathawk tha tak chu an ni hlawm a ang khawp mai..


Ka tho a, ka office ah ka lut a, darthlalang atang chuan ka en a, ka chhuak chiah chu an thaw nghal hawk a, an ti ti nghal mur mur a.


Ka awm lo chu nuam an ti hlawm khawp mai, kei mah ang lo tak in Vice president chu an nel in an pawh em em, a, ka coffee no chu keng in ka office atang chuan ka chhuak a, ka aw ka thian kharh a, min en nghal thap vawi leh khat ah a reh nghal thap a..


Engmah sawi lo chuan ka office ah ka lut leh nghal a. Hei hi ka nitin hun hman dan chu a nih ve hi.. He company leh engkim mai hi ka hua kal san vek mai hi ka duh a ni..


Ka hna ban chuan car dah na lam pan chuan ka kal a, ka car bul ah chuan kha pa tarmit vuah cher sang zehzawh pa kha a lo awm a, hre lo ang hmak chuan ka kal pel a..


"Rawn haw i la tum chuang lo em ni?"

"Zawh a ngai em ni?"

"Brandon ka pa chunga ah tianga awm hi bansan rawh!"

"A fapa rangkachak i awm alawm min mamawh lo" tih pah in car chu ka hawng a..

"Brandon"

"I tih tur chauh ti rawh!" Tiin car ah chuan lut in ka tlan san vang vang a..


Hna ka thawh tlai deuh avang chuan ka ban meuh chuan khua pawh a thim tawh hle a, zan rei a ni vat mai dawn ka thian thenkhat te chuan bar ah kal tur a min rawn sawm avang chuan ka va kal ve ta hram a..


Bar chhung ah ka luh chuan mi chu an lo tam angreng khawp a, ka thiante bula ah chuan ka va thu a, hmeichhia 2-3 vel an lo awm ve bawk a.. Beer chu ban in ka tlak nghal pap a ka mamawh tawh reng a ni..


"Hei i va rawn thleng har ve"

"Nang ni anga hman ka nih loh hi"

"Hei hi maw Brandon chu wow a hmeltha hle mai" ka bul a thu hmeichhe sam tawi pakhat chuan a rawn ti a, ka ngainat zawng a ni hrep love..

"Hnaih vak suh" Sky chuan chu nu bul ah chuan a lo ti vat a, a ti dik reng bawk a ni beer chu ka in leh a

"Zan in hian cindrella a rawn lam dawn an ti sin"

"Cindrella ah"

"Aw tumah in a hmel an hre lo mahse a lamthiam dan chu an sawi nasa khawp mai"

"A hmel in hmu tawh em?"

"Teuh nang tuman an la hmu lo mahse a hmelthat viau ka ring"

"Rawn lam tawh se ka ti ngawt mai"


An ti ti nawi lutuk chu, pawn ah chhuah san mai ka duh a ni. Mahse an mi sawi nu ni ngei tur chu stage ah lawn in a rawn lang a mipui an au nghal tuar a

"Yess a rawn chhuak ta"

"Wow a pian chu lehh!!!"

"In la fak tawk lo nibin a lang"


Kawrfual rangkachak rawng Ching te chu ha in a hmai a khuh a, pheikhawk dum sang tha tak a bun bawk a, enge a chhan ka hre lo ka mit a la ta riau mai. Ka en uluk ngei mai..


Tiang khawp a lamthiam hi ka hmuh ka la hre ngai lo, a hmaikawr phen ah sawn enge awm ang, a sam chu a hnung thleng vel awm a sei in a kir deuh a. Ka hmuh theih chin ah a mitmeng chu a dum paw ram hian ka hria ka en uluk ngei mai..


A chet tin mai chuan ka lo thle ve zel bawk a, he tiang a lam vel hi ka ngaina ngai lo mahse tun tum ami hi chu a dang a ni a chhan erawh ka hre hauh lo..


A pian kha siam ang thlap in a nalh a ni, eng tin nge a hmel a awm ang tih leh a hming enge ni ang tih chuan ka rilru a luah nasa ngei mai..


A lam zawh chuan hmuh tur awm lo in a bo ta daih a, backstage ah kal in ka zawn pawh in hmuh tur a awm lo hei vang hi em ni cindrella an lo tih chu!!


Chu nu chungchang hriat chhunzawm chak zet chuan kan haw kha, zankhua in amah ringawt ngaihtuah in ka meng tleivar thak. Ka mut theih loh hi chu thil mak a ni lo eng tik lai mah in ka mu thei ngai lo hrim hrim..


Zing hma tak ah tho in ball la chhuak in , in kawt ah chuan basketball ka khel a. Ka nitin hun hman dan ngai bawk a in tan leh ta. Company a kal a, khang min ngaina lo tu te bul a hna thawh kha..


A zo ve thei hram bar ah chuan ka kal leh a, tun tum chu keimah chauh in, kha nu kha hmuh leh in beisei tak chuan ka thu a, ka rin ang ngei in a lo kal ngei e zan in chu ka hlauh miah lo ang a lam zawh hun chu ka chang ran a, a chhuah rual chuan ka zui nghal a..


Mipa khat hian min rawn su pawp a, min biak buai chhung chuan a lo bo hman a, ka zawn leh ngial pawh chuan ka hmu zo lo..


Zanin pawh ka hmu zo lo leh ta. A chhung a thawk te hnen ah chuan ka zawh lah in a chungchang sawi thei pakhat mah an awm lo. Engvanga tiang em em a hmeichhe pakhat in a min tibuai hi ka hrethiam thei lo..


Zan in pawh hian ka mu thei lo leh ngei dawn a nih hi.. Doctor in sleeping peels min pek chu ka ei a..


Ka nun hi a buaina leh harsat na hlir hian a tlakbuak ni te hian ka hre thin ka nun min boral san atang kha chuan zankhat pawh damdawi tello a ka mut ka la hre ngai lo. Ka khawvel chu a tawp ni ber hian ka hre thin. Ka tana mi pawimawh leh min ngaina tu te ka hnawl a, midang nen a awm aiin mahni a awm ka ching chho tan a ka nun engkim chu a in thlak vek hi a ni ber. A chang chuan dam ve reng hi enge sawt na? ka ti thin..

Enge maw tak mai in kha nu kha ka ngaihven in hmuh ka chak em em a, a hmel hmuh ngawt mai ka ngaihtuah. Amah vang in ---- Bar ah ka kal thlawn hnem tawh khawp mai. Mahse ka beidawng lo ang..


Eng tiang pawn a chungchang chhui tum mah ila tumah in a hmel leh hming an hriat bik miau loh avang in a chungchang chhui tur a awm hlawl lo a ni..


Beisei nei tak chung in Bar ah chuan ka kal leh a, darkar 3 chuang ka thu tawh zanin pawh hian a lo kal dawn lo a ang khawp mai. Chhuah tum a ka din chiah chuan mipui te ri chuan min ti ding chut a, stage ka melh nghal vat a. Amah ngei a ni, ka nui sak a zanin hi chuan eng ti kawng mah in ka chhuah hauh lo ang che..


Ding meuh in a lam chu ka thlir reng a, a lam chu nalh ka ti a thiam ka ti pawh a ni in ka hre lo amah ah sawn thil mak tak amah lam a min hio tlat tu a awm a ni mah na.. A lam zawh chuan a tih fan ngai te bawk in a bo leh nghal a mahse ka zui thei hram..Min pumpelh chu a tum khawp mai mahse ka chhuah teuh lo kal tir mai mai tur in ti chen ka nghak lo..


Mahse mipa khat hian min rawn su leh a, hman zan a min su tu bawk kha a ni tih ka hre nghal a aw leh a mitmeng kha.. Ka hawi chhuah leh chuan ka rin ang ngei in a lo bo leh tawh. Ka nui ringawt a he pa hi ka zui a nih chuan ka tifuh khawp ang..


A kal liam ve leh chuan ka zui nghal a, building hnung ah chuan a phei tlang a Ferrari Car sen la thar zet ah chuan a lut a, rei lo te ah a rawn chhuak leh nghal a, in chhung lam ah chuan a let leh a. Car lam chu ka pan nghal a. Car chu rawn hawng in kha pa kha maw min ti in..


"Enge tih tur i la neih a" a rawn ti a..


A thawmhnaw ngai chu a lo la ha ah. A hmel chu ka lo melh nghal vat a, a hmaikawr chu a lo vuah tawh lo, ka phu chiang kher mai tiang em em a hmeltha hi chu a nih ka beisei lo asin.. A hmelthat dan chu sawifiah chi pawh a ni dawn em ni a mitmeng bial fiah kak mai leh a hmui sen sap mai te chu, ka hriat loh kar chuan ka lo en vung vung ni tur a ni.. Car ah chuan luh leh nghal a tum a..


Car kawngka chu ka nam khar sawk a car ah chuan ka nam bet a a mit ah tak chuan ka melh kar a.. A hmeltha mah mah a ni..


"Min thlah nghal rawh" a ti vin hlarh a

"Teuh lo"

"Tu phiang sen nge i nih a?"

"Tunge i nih zawk a, min tih buai em em?"

"Enge i duh ?" Tih pah chuan a mit biak fiah kak mai chuan min melh raw a, hlau lo anga lan tum viau mahse a hlau tih a mitmeng chuan a sawi a ni..

"I hming" chu tia ka tih chuan a hnel lan dan a in thlak nghal vat zah neih lo hmel tak chuan min melh leh a

"Ka hming! Ahh dollar 50 a ngai ang" ngeiawm zet chuan a ti a..


Pawisa chu ka phawrh nghal a, dollar 100 chu ka pe a


"Dollar 50 alawm ka tih" tih pah chuan a ban chu a vai thla a, min kal san nghal a..

...to be conti...


Rodingliani



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:58 pm

50 DOLLARđź’˛

Chapter 2

Rodingliani vanchhawng


Jeremy Santiago


Brandon vang hian kan in chhung ah buaina a tam khawp mai, nitin ka pa in hruai haw tur in min ti ziah a, a u mah ni ila ka thei lo a ni he naupang ngeng leh luhlul lutuk hi tu mihring mah in an ti lui thei lo a ni..


Kan inkar chu lei leh van ang vel in a in hlat a ni. Min hua in min hmuh hi a thil duh loh ber te zing ami a ni mahse pawi ka ti lo a tan eng pawh ka ti zel a. Kan nu te in ang lo mahse ka nau a nihna a bo chuang lo a ni..


Office ka thlen chuan hna thawk te chuan min wish mawlh mawlh a, nuih var var chuan ka chhang let zel a..


"Vice president good morning" hmeichhe aw ka hriat than tak chuan a rawn ti ah. Ka hawi let vat a..

"Nang hi eng tik khan nge i rawn thleng a?"

"Tun mai khan ka thian pa hi hmuh hmasak ber ka duh alamw"

A sam ah chuan ka tuai vak a, a siam tha nghal vat vat a..

"Heii tiang khan ti ziah suh Brandon an min hmu ange?"

"Brandon maw! Kei ni lo in amah hmu tur in a nih chu i lo kal"

"Chutiang a ni lo"

"A office ah a awm ang"

"Jer ka ti tak tak ania"

"Kal mai teh a ngai tawh ngawt ang che"

"Ka ring chiah lo" tih pah chuan min ner khum nung a, kei pawn ka ring bik chiah lo. Brandon office ah kal pui tur in min ngen nasat em vang chuan ka kal pui ta hram a..


Ka hriat lawk sa, kum 1 chhung a hmuh loh hnu ah pawn a la lawm chuang lo, he nu mawl lutuk hi a ti na dawn tih hre reng chung in hmuh a la duh cheu a ni ah..


"He tah enge in rawn tih?"

"Eng tik in nge i lo haw pawh i ti dawn lo em ni?"

"Ka ngai pawimawh lo tih i hria kha"

"Hre lo hriat pawh ka duh lo, Brandon tiang em em chu a tawk tawh lutuk"

"En teh Layla awmzia a awm lo tih i hriat kha. Eng tik ah mah nang hi ka nei ngai chuang lo ang che"


An in biak apiang a he thu a ngaihthlak hi chu a ngai lo asin.. Layla ban chu vuan in ka kal chhuah pui a..


Ka nuih var var a,

"Thil kan ei dun dawn em ni?"

"Tun ah ei hun pawh a ni lo"p

"Chu pawh ni se"

"Eng tik atang khan nge min huat tak em em mai le?"

"Layla, a ho lutuk Brandon chu i hriat kha"

"Ka thiam loh vek a ni. A nu a boral khan lo hrilh ila chuan kan inkar hi a chhe miah lo ang"

"Ka thiam loh a ni ve tho alamw"

"Chu pawh ni se"


Ka kuah a, a hnung ah chuan ka beng thak thak a..


He nu hi chu a luhlul ve ngawt mai, tiang khawp hian a hnawl hnu pawn a la beidawng duh chuang lo a ni ah. An inkar hi tha se ka ti takzet a ni..


A car awmna thleng chu ka thlah a. Office a ka luh leh chiah chuan ka hma ah Brandon chu a lo ding kur a min ti phu zawk tep alawm..


"Nang pawh hi ka hmuh peih ko teh reng che nen engvang in nge a ni kha i rawn hruai??" A ti bul hmuk a..


"Lo buai suh Brandon"

"Engvang in nge ka buai loj ang, nang leh ka pa leh kha nu te ka hmuh apiang che u hian ka thinrim na a zual a, ka in haw ngawih² thin, khawngaih in ka tan buaina siam hi duh tawk tawh rawh u"


"Kum 1 kal ta a thil thleng te kha ka thiam loh a ni tih ka hria mahse Brandon i tan asin ka tih"


"Ka tan maw ka nu ruang tak ngial pawh ka hmuh hman loh kha ka tan maw!!!" Thinrim zet in ka kawng nghawng ah chuan a rawn tham a..


A mit ah chuan ka lo melh kawk a, a thinrim hian a hlauhawm thei khawp mai ka nau mah ni se min ti hlau ve deuh thin chu a nih hi..


"Jeremy hei hi chiang tak in ka hrilh nawn leh ang che. Ka mihring kha ka mit hmuh ah i rawn hruai leh emaw a nih chuan kei hian ka ngaidam ngai lo ang che"


Min thlah a, a chhuak leh nghal a. A duh ang ang a sawi a, a kal leh nghal a. Brandon chu a ni chiang e.


Office chhung ah chuan secretary chu a rawn lut a..


"Vice President tun hi justice University ah i kal a hun chiah"


"Awle driver lo zu ko la"

"Awle Vice president"


University ah kal tur chuan ka chhuak a, he hmun hi ka inzir chhuah na hmun a ni a, a la danglam lo khawp mai a zau in a nuam khawp mai kum dang ang bawk in zirlai an la tam bawk a, an phe leh siau siau ta mai..


Enge ka melh pawh ka hre lo ka hawi kual nasa viau nge, ka hmaa mi chu ka su chawrh a, a tlu dawt a. A va inthlahrun awm duh ve.. Ka thu hniam a ka pui nghal a, a lehkha keng a thloh darh ho chhar pui nghal mawlh mawlh pah chuan ngaihdam ka dil pah bawk a..


Hmeichhia sam sei tak lian vak lo hi a ni a, a lu a kun avang chuan a hmel ka hmu thei lo a, ka lehkha chhar pakhat chuan ka mit a la ta tlat mai..


"Hei hi i designe em ni?"


Chu nu chu rawn hawi chhuak in min rawn nuih var var pah chuan "aw" a rawn ti a. Eng vang in nge mak ka ti em em a, ka inthing harh vat a, hei hi hmeichhe hmeltha ka vawikhat hmuh na pawh a ni hlei nem..


A designe lam chu ka ngaihtuah tawh lo, ti khawp a hmeltha chu ka su ta chu ka inchhir lo khawp mai. Ka nuih let ve a..


"Pawi ka ti khawp mai ka fimkhur loh vang a ni"


"A pawi lo ka thiam loh a ni ve tho alawm ka lawm lutuk e"

"Ahh mahse hei hi a nalh khawp mai, he university a zir hi em ni i nih"

"Ahh aw designing major"

"Ka duh zawng tak a ni ..ahh ngaihdam dil nan ka treat thei ang che tiraw em??"

"Ahh ka lawm viau na in mahse ka hman ka ring lo"

"A pawi lo nidang ah pawh a ni mai" tih pah chuan ka tarmit chu ka khawih zeuh a, hriat chian ka chak takzet a ni..


A sam ngil leh sei tak chu thli thaw chuan a chhem heuh heuh a, a nui hmel mawi tak chu!! Ahhh em em a na..


"Ka hre lo mahse chutia pawi i tih viau chuan dollar 50 a tawk mai ang" tih pah chuan a nui leh var var a..


Hmeichhe nelawm leh nuih duh tak a ni, hriatchiang ka chak zual tlat..


"Ka hmanhmawh a ka kal phawt mai ang" tih leh kal a rual a..


Ka thlir zui vang vang a, tu chiah nge a nih leh ah tak a ka lecture ka theilhnghilh. Ni tak designing team a mi a nih chuan lecture ngaihthlak a tum lo em ni??


"Dollar 50" ti chuan ka phun sap a, lawmtu awm lo chuan ka nui thung ah..


Secretary chuan min rawn au in luh a hun tawh thu min rawn hrilh avang vhuan ka zui ta zawk a..

...to be conti...


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:59 pm

50 DOLLAR

Chapter 3

Brandon

Dollar 50 chauh maw a duh ah. Pawisa a la a mahse a hming pawh min htilh chuang lo. Tinge?? Eng tin nge a hmelthat em em theih zawk khum ah chuan mu in amah ringawt chu ka ngaihtuah a, a hmel chu ka mit ka chhin rual rual in a rawn lang zel a mihring ni lo in lasi zawk em ni a nih!!

Bar ngai ah chuan ka kal leh a. Hneichhe pakhat vang in mipa dukdak lo ang mai in bar ah ka kal ka kal chu a ni a. Stage performance en pah chuan beer chu ka in a ka bul ah hmeichhe pakhat hi a rawn thu a..

"Eng tik atang in nge bar hi i ngainat tak em em a?"

A hmel ka en a, ka hawi san leh rang kher mai, eng vang in nge ka biak ang a thusawi hre lo ang hmak chuan ka awm a..

"A tha e min chhang chu zanin chu keimah chauh ka tawng mai ang"

Thawh a kal nghal ka tum a

"Brandon, kan in kar hi sawifel ang"

Ka ngaipawimawh lo kal ka tum tho a mahse ka hnung atang chuan min rawn kuah a..

"Ka hmangaih che Brandon eng tik lai mah in ka thinlung hi a danglam ngai lo"

"Mahse kei chu a danglam tawh Layla duhtawk rawh nat belh i duh loh chuan"

"A pawi ka ti lo, ka kiang ah i awm a nih phawt chuan eng mah duh dang ka nei lo"

Min kuah na chu ka phelh sak a..

"Kha thu kha kumkhat kal ta khan sawi la a tha tur" tih pah chuan ka chhuah san a..

Hmeichhia te hi tiang vek hi an ni em ni? Eng tin nge awlsam tak in khang thu kha a sawi theih! Ka thinlung a danglam ngai lo ahhh!..

Kum khat liam ta

Ka nun min boral san avang in ka rilru a na in ka hreawm em em tumah biak ka duh lo, min hmangaih amaw ka ti a mahse tumah hian min ngaihtuah lo, wng tin nge ka nu damloh thu leh a chungchang hi tuman min hrilh loh theih?

Thla 2 pawh ral tawh mahse ka la pawm thei lo a ni. Kan inbiak hnuhnun ber khan a that vek thu a sawi a nikhat pawh a liam hma in a thih thu ka hre leh si..

He in ah hian ka tan tumah an awm lo, ka u ngei pawh in dawt min hrilh in ka nu ruang ka hmuh hman loh nan a theihtawp in min dang a ni ah. He hmun ah hian ka cheng thei tawh lo a ni..

Layla chu ka phone a.

"Layla khawi ah nge i awm inhmuh ka duh a ni"

"Pawi ka ti lutuk Brandon class kan tan dawn chiah a"

"Ahh awle a pawi lo ka lo nghak ang che"

"Aw ka hmangaih che Layla"

A ni chauh hi ka tan a awm tawh a ni, ka car chu la in ka inkhalh chhuak a. Layla nen kan hmun ngainat em em Paradise Coffe shop dawr kawt ah chuan ka car ka dah a..

Car atanga ka chhuak tur chiah chu ka hma ah chuan Layla chu mipa dang ban vuan in hlim tih hriat tak in a rawn phei a. A class mate aniang tiin ka inhrilh a mahse ding in chu pa hmui ah chuan a fawp ta vawng vawng a..
......
Present

Eng tik ah mah a ni ang thang ah hian ka awk leh tawh ngai lo ang. Hmangaihna hah eng tin nge a ka atang khan a sawi chhuah ngam zawk kha ni a ka thil hmuh kha hre ngat se chuan a hmel hi a lan ngam tawh kher dawn em ni..

Eng tik ah mah ka ngaidam ngai lo ang. Bar atang chuan ka chhuak nghal a. Car ka lut tur chu kah hmeichhia kha ka hmu hlawl mai eng ang vanneihna nge ni ngai. Chu nu chu ka va pan nghal a..

A mingmeng rum theih ang ber chuan min rawn melh leh nghal a. A sam chu a hma ang bawk in a kir a mahse thawmhnaw pangngai tak a ha ve tlat mai..

Ngeiawm zet chuan ka nuih a

"Ka pawisa la in chhan na min pe si lo a"

"Nang leh bawk eng chu nge i duh chu ni a"

"I hming"

"Theihnghilh rawh"

"Theihnghilh tur pawn min la hrikh hlei nem"

"Lungngai suh eng tik ah mah ka hrilh ngai lo ang che" tiin inchhung ah chuan luh a tum a..

Enge ka hriat pawh ka hre lo, a ban ah chuan vuan in ka car lam pan chuan ka pawt a, a tang nasa ngei mai mahse hmeichhe te ve tak a ni a ka zo khawp mai. Ka car chhung ah chuan ka nam lut a. Ka lut ve nghal a..

"Kawngka hi hawng nghal rawh"

"Teuh lo"

"Tu nge i nih a min tih buai reng"

"Tunge i nih zawk? Ka pawisa kha a thlawn mai mai in ka hlei nem che"

"Ka hming chu hria pawh ni la eng tin nge i tih ang mawh bang ah i tar dawn em ni?"

"Ni mai thei"

"Hawng nghal rawh"

"A teuh lo ka duh ka la hre lo" tih pah chuan car chu ka ti nung a ka tlan pui a, ka khalh chak ngei mai a hlau deuh nge min melh nasa khawp mai car ti ding tur in min au nasa bawk a ka beng a ti na vek dawn alawm hmeltha hle mahse a bengchheng khawp mai..

Vawi leh khat ah ruah chu a rawn baw hawk a, a sur nasa nghal khawp mai ka lu a rawn hai a kawng pawh ka hmu hleithei lo tum lo deuh in car chu ka ti ding phut a bang ka su tep nghe nghe..

Thlan fim in min bual a, ka kut chu a khur a engmah ka ti thei lo. Engvang in nge hetiang hian ka awmziah a ngaihhh!!

Chu nu chuan chhuah a tum a a ban ah chuan ka vuan a, a hmel pawh chu ka hmu tha hleithei lo fiah lo leh bah nuai chuan

"Khawngaih in min kal san suh min kal san suh" ka ti a

Mak ti tak chuan min en a, a ban chu vuan in ka lu chuan ka kham a.. "Min kal san suh" tiin zawi te te in ka phun ser ser ta in ka hria..

Ka harh leh meuh chuan zing a lo ni tawh car stearing delh chuan ka lo mu chu ni in. Zan a ka din na ngai ah chuan ka ka ding reng a. Thawk ka la ham ham a.. Ka chung ah enge thleng?

Ka harh chu khum a mu lo si ah chuan ka zang in ka harh fim tha khawp ami tiang hian ka awm ka la hre lo. Ni zan khan kei hi ka muhil tih na em ni sleeping peels ei lo in maw, mumang ka nei lo bawk a zanlai ah ka harh hek lo

Office ka thlen meuh chu ka tlai tawh khawp mai, ka hnathawh turh atanga ka vawikhat tlai na a ni a, mak min tih hmel hlawm khawp mai. An lawm zawk e maw ni!!

Ka ban ve leh chuan ka psychiatry chu ka pan nghal a. Nizan thil thleng chu ka hrilh nghal a. A ni chauh hi ka mi rin awmchhun a ni a, ka thuruk leh ka duh engkim a hre vek a ni kei ai pawn a hre mah zawk maithei a ni..

"Ruah sur hnuai ah car i khalh laiin i muhil thei amaw, President hei hi hmasawn na a ni mai lo maw"

"Ka chiang lo a ni, chiang tak in ahma ang khan ka la awm ngei bawk si a, a dawt a thil thleng engmah ka hre tawh lo"

"I bul a hmeichhe awm chu tunge a nih i hre lo a maw?"

"A hmel chu ka hrechiang khawp a, mahse a chungchang hriat engmah ka nei lo a ni. Dr tui taka ka mut chhan ah chu nu chu i ring tih na em ni??"

"A nih loh chhan tur ka hre lo"

In lam pan chuan ka inkhalh haw a, ka chung ah hian enge thleng ta le.. Hmeichhe pakhat vang in mawhh!!

Ka mut leh theih mai beisei in peels tel lo chuan mut kan tum ve rawk a, mahse mutchhuak hi a rawn kal thei thak lo..

.......................
AFTER 1 WEEK

Damdawin ah chuan kal in room pawn ah chuan ka ding a, room chhung atang chuan a rawn chhuak a, a ban chu ka lo vuan nghal a..

"Hahh nang leh bawk maw!"

"Aw kei leh bawk"

"Min thlah nghal rawh"

"Ai Amber martis"

A hming ka hria chu mak a tih hmel khawp mai min melh ha ah..

"Ka chungchang i chhui tir em ni"

"A theih loh a mi?"

"Min tih buai hi duhtawk rawh"

"Pawisa i mamawh viau a ni lawm ni, ka pui ang che"

"Maw!!"

"Nitin dollar 50 ka pe ang che mahse zan tin ka kiang ah i awm ve thung ang"

"Maw!!!"..

...to be conti...


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:59 pm

50 DOLLAR

chapter 4

Brandon

Ka thusawi engkim mai chu mak a ti vel vek hian ka hria.

"Khawngaih in min kal san rawh"

"I ti tak tak em ni, i nau enkawl na tur i mamawh lo amawh!"

"En teh tunge i nih ka hre lo a, hriat pawh ka duh hek lo. Chu vang Chuan ka chungchang hi i hre viau pawh a ni maithei mahse i puina hi ka mamawh lo"

"Nitin dollar 50 i nau i enkawl nan i mamawh a, bar a lam kual lo a thawhchhuah dan ka hrilh che a nih chu"

"Kei hi hmeichhe lepchiah tak ah min ngai tih na em ni? Bar ah ka lam thin a ni maithei mahse"

"Loks thil i hre sual inna lang. I ngaih ang kha a ni lo. Zan ah ka bul a awm chauh a ni mai i ngaihtuah ang kha engmah a awm lo"

"Enge i sawi awmzia"

"Hman zan khan nangmah vang in ahh engmah a ni lo pawm mai rawh. Bar a lam ai chuan a tha zawk tho a ni"

Thlan tur dang nei lo tur in ka siam khawp ang. Eng ti kawng zawng pawh in he deal hi a pawm tur a ni..

"Amber martis ka tiam a che, i chung ah eng mah thil dang ka ti lo ang. I rilru lo siam ang che I pawm a nih chuan tah hian i lo kal dawn a nia"

Card chu ka pe a, ka chhuah san ta nghal a

Ka car ah chuan ka lut a, damdawiin chu ka en chho vang vang a, hmeltha viau mahse hun harsa tak chu a tawng ve nasa khawp mai..

Jeremy

Kha hmeichhe hmeltha tak kha eng tik ah nge ka hmuh leh ang. University kal leh hun chu ka nghakhlel khawp mai. Amah ngaihtuah ringawt pawh hian min ti nui thei..

Dollar 50 chu ka hum a, ka hmuh leh hun ah chuan hei hi ka pe ang..

Office ah chuan Layla chu a lo thu a..

"Enge i rawn tih dawn?"

"Brandon hian a phone no a thlak a mi?"

"Thlak pawh ka hre hlei nem. Tinge?"

"Ka call thei lo. Min block a ni ngei ang"

"Layla hun la pe deuh rawh. Hun a la mamawh ni in a lang. Eng tik ah emaw chuan Brandon hi i hnen ah a rawn kir leh ngei ang"

Brandon hi tiang hi a ni ngai lo asin. Engkim hi ka thiam loh vek a ni hman ang kha chu eng tik ah mah a ni leh thei tawh ngai lo ang. A nih chak ber leh a ngaihnat ber a bansan phah a, a nun hi a inthlak dang lam vek tawh a ni..

Company chu eng tik lai mah khan a ngaihven ngai lo, a ball leh a nu kha a neih chuan a duhtawk em em thin a nih kha..

University kal leh na chance chu ka nei leh ta, ka phur khawp mai tiang em em a lecture ka chak lai hi ka la hre ngai lo.

Room chhung ah chuan ka lut a designing students te chu an lo thu thap a. Ka tarmit ka khawih zauh a, mipui hma a din hi chu zamawm ve duh tak a ni.

Chu nu chu ka zawng kual nghal a, a hmel tur awm ang ka hmu mai lo. A hma pawh khan class a la lo a, tun tum pawh hi a kal lo leh dawn a ni mah na. Ka hnual ru khawp mai hmuh leh ka chak teh reng nen..

"Chibai vek ule, kei hi "Pearls " company atanga rawn kal ka ni a ka hming chu" ka sawi hma hma chuan hmeichhe ho chuan ka hming chu an lo sawi rual dual a, min ti lai ang reng khawp mai..

"Awle vawin hi ka rawn kal hnuhnun ber na tur a nih ka ring in class atang hian kan company a thawk tur kan thlang dawn a, in hre sa theuh tawh in ka ring"

Kawngka chu zawite in a rawn in hawng dek a, ka nui ringawt amah a ni lai tak chuan luh a rawn dil a, ka la en vung vung zui in ka hria. A hma ber a thutna awl ah chuan a thu a..

Ka in concentrate theih loh ka hlau khawp mai. Ka zo thei ta hram e, an chhuah hlawm a, a ni chu a lehkhabu vel buaipui in a la thu muang deuh a ka en reng a..

A chhuah dawn chuan a ban ah ka lo man a, min rawn melh ha ah.. Chutia hriat ngai loh in a ban a vuan ringawt chu mak a ti khawp a, ka thlah leh vat a..

Ka lai vel vek tawh in ka hria, dollar 50 chu ka pe ringawt a..

"Ahh nangmah kha em ni?" A rawn ti ta hram min la hria chu ka va lawm em

"Min hre tawh dawn lo maw ka lo ti hman a"

"He college a zirlai tho amaw ka ti che a, tianga mi sang i nih hi ka ring pha lo"

"Min ti zak dawn alawm"

"I thusawi te kha ngaihthlak a nuam lutuk" tih pah chuan a nui var var a

"Pearls company a thawk tur khan dik na i theh lut ve em?"

"Ai, ka la zir tir em a a la hma deuh innka hria. Ah ka hmanhmawh deuh a ka kal phawt mai ang" tiin a kal a, a rawn let leh a min rawn nuih leh var var a..

"Chuan pawisa hi ka lo ren viau ang" tiin a tlan chhuak leh nghal a..

Hah ka nui ve leh ringawt tawh ohh a hming a hming ka zawh theihnghilh daih..

Ruah chu a rawn su tan a, a sur tam ang reng khawp mai. Ka phone ka la chhuak nghal a, Brandon ka call nghal a call a la thei lo he nau hi a chung ah thil tha lo a thleng ang tih ka hlau khawp mai..

Office ka call nghal a, office ah a awm leh awm loh ka zawt a, ka thaw huai mai motor a khal lo chu..

1 years ago

Brandon nen chuan a nu tlawh tur chuan kan chhuak dun a, Brandon chuan car a khalh a, a nu hmuh hlan chu a nghakhlel khawp mai.. Ruah a sur nasa ang reng khawp mai..

Brandon nu leh ka pa te hi an inthen tawh a in dan a luah a, ka nu te nen kan cheng ho thung a, ka nu hi Brandon nu tak ni lo mahse a ngaina in kan chung ah a tha em em a, a nu leh apa an awm hran pawh chu tha tak inna pawm mai a..

Mahse a nu bul a kal hi nuam a ti em em a, kan kal dun fo mai a nu pawh hi amah ang chiah a mi tha leh nelawm tak a ni..

Mahse Brandon hriat miah loh chu a nu hi damdawiin ah enkawl mek a ni tih hi a ni. Ka pa in hrilh lo tur in min ti nasat em avang in ka hrilh duh lo a, vawin pawh hian dan ka tum ngial pawh in ka dang zo lo a ni, ka rilru chu a buai ang reng khawp mai..

Phone call ka dawng a ka pa hnen atang in a ni a, Brandon nu thih thu min rawn hrilh a, mak ka ti in min thawng hle a, mahse ka pa hian enge a ngaihtuah ka hre lo a nu an phum hma chu Brandon hrilh lo tur in min la ti hram a ni a chhan ka hre lo..

Thup chu har ka ti khawp mai, a hma a nuih pawh a har takzet a ni eng tin nge a nu ngei vui na ah ahh ka pa hian enge tih a tum le..

"Ka pa mi enge a rawn sawi"

"Engmah a ni lo"

"Ka u ka lak ah hian zep in nei tiraw?"

"Brandon"

"U nang hi ka haw ngai lo che mahse dawt min hrilh a nih chuan ka ngaidam miah lo ang che"

"Diktak chuan Brandon i.. I nu"

A hmel lan dan a danglam nghal vek a, min rawn melh rawm a "ka nu chu enge"

"Brandon i nu.. Cancer vang in a boral"

"I aa em ni ka nu chu a tha vek alawm cancer"

Car chu a khalh chak ngei mai ruah a sur nasa bawk si motor tam nen kan chesual ang tih ka hlau ngei mai..

"Brandon tlan muang rawh"

"Ngawi hmak rawh"

A aia speed sang ah a la tlan ta cheu mai.
A nu in kawt ah chuan ding in inchhung ah a tlan lut nghal a. A lo awm loh avang in a nu awm na nin zawt a..

A nu an vuina tlanmual lam pan chuan a tlan leh nghak a. A khalh chak ngei mai..Kan hmaa motor dang rawn tlan nen chuan kan in su ta ah. Car chu a let chiang khawp mai. Ka lu chu a hai in ka taksa chu a na nghal vek a..

Brandon chu ka va en a a ku atang in thisen a lo chhuak nasa mai a, a harh lo ka sawi a ka au bawk a, a rawn meng ta hram mahse a nu bak a ngaihtuah lo..

Car atang chuan a chhuak a, a nu an vuina lam pan chuan a tlan nghal a, hliam a nei nasa vawk si ka um zui ve nghal a. Tlan pawh a tlan tha hlei thei lo ruah a sur nasa bawk si..

Thlan chu ka va thleng ta hram a, a nu chu an ko phum fel vel chiah chiah a, tlan chung ah chuan a thuba..

"Khawi ah nge ka nu"

A lu atang chuan thisen a la chuak reng a, ruah sur mahse a lang theih vek tho a ni. A lu ah lo pawh hiam dang a nei nual bawk a. A au vak vak a, a chau si a chung ah thik tha lo a thleng mai ang tih ka hlau a ni..

A hnung atang chuan ka va vuan a, min nam san rang kher mai. A tap a thlan lei vur vek tawh chu a kut chuan a hai chiam chiam a a nu chu a au vak vak a hmuh a van hreawm tak em..
......

Brandon..

Ka muhil ka harh zawk a, ka mit atang in mittui a luang a, thlanfim in min ti huh vek bawk a, ka thaw hluam hluam a.. Zan tin mumang ngai hlir ka mang a a tak ang chiah a nih avang in min ti na vek thei thin hial a ni

"Nu eng tia rei nge tiang hian ka awm ngai dawn ka nu min pui rawh"


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:59 pm

50 DOLLAR

Chapter 5

Amber Martis

Brandon Santiago eng tin nge ka chungchang hi a hriat theih? Mahse a rawt na kha pawm ta ila ni lo hmeichhe lepchhiah tak a min ngaih vang chauh a ni..

Cindy chu khum ah oxygen nen a mu bem mai a, a chau in a dang em em a m, a ni chauh in khawvel a ka chhungkaw neih chhun a ni a, a ni lehzel hi ka chan a nih chuan ka thei bawk si lo..

Amah enkawl nan pawisa ka mamawh bawk si, eng tik lai pawh in bar ah lam na tur a awm bawk si lo. A sawn na kha ka pawm tawp mai dawn em ni?

Ka lo kal ang a tih hun chu a lo thleng leh tep tawh. Ka rilru hi a buai a ni..

Cindy chu ka en a, ka nau tan chuan eng pawh ka ti thei alawm..

"Cindy khawngaih in min kal san suh aw i u hian i tan eng pawh a ti ang khawngaih in kal suh"

Ka rilru ka siam fel tawh eng pawh ka ti ang, hna tawp ber pawh nise a pawi lo. Ka mittui chu ka nuai a. Kha pa address min pek lam pan chuan ka kal a..

A sawi na hmun chu ka thleng a, ka phu zawk mai in lian tak a ni door bell ka hmet a. A rawn hawng mai lo ka hmet nawn leh a, a rawn hawng ta ka thin te hi a phu dup dup in ka hria, ka zam in ka hlau bawk a ni..

"Chuan i rawn kal a"

"I thusawi kha i hre chiang ang chu tiraw?'

"Teh reng mai, ti khan i ding reng dawn em ni rawn lut ta che"

In inchhung ah chuan ka lut a, a chhung chu a ropui hle mai mipakhat chauh chen na atan chuan a lian mah mah a ni. Nitin dollar 50 min pek chu a tan thil har tak a ni hran lo ang..

Thuthleng ah chuan a thu a paper leh pen chu min rawn pe a..

"Contract a nih hi"

Lehkha chu ka chhiar a, point te te in a lo in pe thla diat diat a

1. Zan dar 10 ah a rawn thleng ngei ngei tur a ni

2. Ka room ah a mu ang.

3. Zing ah ka thawh hma a tho in a kal leh tur a ni

4. Hei hi thuruk a ni tur a ni

Hah ka nui chhuak tep.

"I ngaih ang a ni lo i tih kha eng vang in nge i room ah ka mut ang?"

"I hre mai ang" tih pah chuan ka ban ah vuan in a room ah min pawt lut a..

He pa hi enge tih a tum a enge a ngaihtuah pawh hriat loh.. Min ti hlau lutuk. Ka lo kal kha ka inchhir tep mai..

Khum ah chuan a mu a. A khum buk ah chuan sofa hi a hung a..

"Tikhan sofa ah khan thu rawh tiin ka kut chu a rawn vuan a. Hah heng thil hi enge awmzia ni a..

"Ka mutthilh thleng a ni mai, chu mi hun ah i duh chuan i kak dawn nia"

Awm dan tur pawh ka thiam lo, min ti buai vek ahh ka kut chu a la vuan nghet em em zui. Rei lo te ah chuan a muhil ta nge pawh ka hre lo a ngawi ta reng a, a khum bawh chuan ka mu ve ringawt a. Ka chung ah hian enge thleng ta ni..

Tawng ri hian min ti harh a, ka en chuan chu pa chu a thlanfim hian a lo ti huh vek a, a phun sep sep a, mumang tha lo tak a nei a nih hmel ka kut chu a hum nghet sauh a, a pang ka khawih a, a lo sa vur mai a.

Ka kut a vawn na chu ka la sawn a, choka ah tui la in tui vawt chuan ka dep a, chu tia ka tih tak ah chuan a hah dam ta deuh nge a awm dan pawh a zia ta deuh a. A chung ah hian enge thleng le?.

A car a min phur zan pawh kha, rei lo te ah a muhil mai a, tun ang tho khan ka kut a vuan tlat a, ahh ka buai na tur a ni lo..

Zing a ni dawn chuan ka contract chu la in ka chhuah san ta a. Damdawiin lam chu ka pan leh ta nghal a..

Brandon

Ka harh hlawl mai. A vawi hnih nan tui tak in ka mu leh tawh, a nih chuan kha nu kha a chhan a ni tak tak thei a ngem? Heh eng thil mak nge ni ngai ang?..

Kei mah pawh ka harh in ka zang hle a, hahdam tak hian ka muhilh khat khawp mai..

Choka ah ka chhuak a, dawhkan ah chuan ei tur sian sa vek hian a lo awm a, dawhkan a ka pawisa dah pawh chu a lo awm tawh lo a.. Paper a lo awm zawk a..

"Dollar 50 atan chuan ka hna a ho deuh maithei a, chu vang chuan breakfast ka siam sak thin ang che" tih hi a lo in ziak a..

Ka nui suk a duhawm lutuk a hmel en kha chuan eirawng bawl thiam hmel pawh a pu lo e ah..

A thil siam chu ka en a ka duh em em a french fry leh omlet a lo awm a. French fry chu ka ei min ti phu zawk mai he nu hi eng emaw tak chu a ni chiang alawm. Ka nun min siam sak thin ang chiah kha a ni kum 1 pawh liam tawh mahse a tui dan kha ka la theihnghilh thei lo a ni..

...to be conti...


Rodingliani

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 2:01 pm

50 DOLLAR

Chapter 6

Brandon

Office chu ni dang ang bawk in a, a ninawm in a hneawm leh khawp mai hna ngai te te deaigne hrang hrang en a pakhatna thlan tih leh interview neih tih vel heng hna hi ka van hne ber em..



"President interview a hun tawh"



Engmah sawi lo chuan interview na tur lam chu ka pan nghal a. An lo thu thap tawh a. An sawi tur chu tha tak in ka thawk ang ka thei a ni, min la hram rawh u..



Engvang in nge he hna hi ka thawh tih te hi ka ngaihtuah mai mai thin. Ka hna ah hian chhe te mah in ka tui lo chu chu ka chiang bawk si designing ngat phei hi chu ahh..



Interview leh hna neuh neuh vang in kan bang tlai ang reng khawp a, Amber hruai tur chuan damdawin lam ka pan a. A chhung ah luat chuang si lo chuan ka car bul ah chuan ka lo nghak a..



Rei nghah pawh a ngai lo, a rawn lang vat a

"Hetah enge i tih?"

"Ka nghak che"

"Maw! I va hman awm ve?"

"Lut rawh"

"Kal _ kawi na tur ka nei a"

"Lut phawt la" car kawngka chu ka hawn sak a, a lut ve mai bawk a file hi a keng tih ka hmu a, enge tih chu zawh ka chak ang reng khawp mai. zawt ta lem lo chuan ka tlan tawp zawk a..



Building lian ve tak kawt ah chuan ding tur in min ti a. A chhuak a, a tlan lut nghal a.. Eng chu nge maw a tih ang ni!



Mipui au dur dur ri niawm tak hi ka hria a, mahse a ri chu a hlat hmel khawp mai. Car atang a chhuak chuan ri awm na lam chu ka pan a. Basketball hi an lo khel a, ngawi reng chuan ka en reng a..



Ka ngaihtuah chhuah tak chu basketball hi ka bansan tawh tih hi a ni. Ka nun hi a lo va in thlak danglam nasa tak em basketball player nih kha ka thil tum ber a ni thin si a..



An hmuhnawm in an thiam hle mai, an ni ang kum ka nih kha chuan khawvel hi ka ta maw ti in engmah hi hlauh leh lungkham em em pawh ka nei ngai lo anih kha mahse tinge engkim hi a inthlak tak vek le?



Ball chu ka lam ah a rawn lir phei a ka lo man nghal a, ball chu ka en vang vang a..



"Ka fapa engmah hlau suh he ball hi en la. I duhthusam chu ti puitling rawh" a tih thin chu ka hre chhuak zawk a. Mupa naupang chuan ball chu min rawn dil a..


"I thiam hle mai" tih pah chuan ball chu ka pe a

"I khel ve thin em ni?"

"Nangmah ang kum ka nih chuan khel ve nasa thei khawp mai"


A thian ten an lo auh avang chuan a tlan let leh nghal a. Ball ka ken na ka kut chu ka en vang vang a, a danglam lo..


"He tah enge i tih daih a?" Amber chuan a rawn ti a ka chhang lo, car lam pan chuan kan phei dun a, a file ken kha a keng tawh lo a, a nau file ti dawn ila he tiang hmun ah, ka buai na tur a awm lo..


In chu kan thleng a, store room ah chuan lut in ball chu ka la chhuak a,


"Enge i tih dawn?"

"Pawn ah khuan kan inkhel dawn, min rawn en duh em?"

Min chhang lo chuan min melh vung vung a.. "I duh lo tih na mi?"



Ka chhuak a, ka inkawt ah chuan basketball court a awm a, ball chu ka sawt a, keimah chauh pawh in ka khel reng peih thin a ni. Amber chuan min rawn zui a, court pawn ah chuan ding in min lo en a..



A sam kir lek lek chu thli thaw chuan a chhem heuh heuh a, a hmai ablo zar leh thin chu a hui leh thin a, ka inkhel reng amaw tih lai chuan ka lo en leh vung vung thin a ni..



Ka khelh loh na a rei tawh bawk a, ka infit lo khawp mai rei pawh ka khelh hma in ka chau nghal der ball chu ka dah a chhuat ah chuan ka mu duai a..



Amber chu ka lam ah rawn phei in ka hmai zawn ah chuan rawn kun hniam in tui ka duh leh duh loh min rawn zawt a..



A mit ah chuan melh in, bottle la tur chuan ka ban ka phar chhuak a, a ban chu ka vuan ta zawk a ka lam ah chuan ka pawt ta pawp a, ka awm ah chuan a rawm bei thlawp a..



"Amber Martis eng vang in nge nang gian min tih buai em em?" Ka melh ngai chu ka melh reng a..

"Nang hi tu chiah nge i nih, mipangngai chu i ni lo tiraw?"

"Min thlah rawh?"


Ka thlah ve mai a, ka thu chhuak a, tui chu ka in a, ka sir ah chuan a rawn thu ve a?


"Tinge nang hian min hlau miah lo em mi?"

"Ka hre lo, anih nang tinge he hna thawk tur hian kei kher min thlan?"

"Chu zawh na chu kei pawh hian hriat ka chak khawp mai. Tinge nang kher hi i nih?"

"I mut a chhuak tawh lo ami dar 12 a ri dawn ania"

"Lo va lut rawh ka rawn kal ang"


Ka inbual zawh chuan, mu tur chuan ka lut a, sofa ah thu in ka khum bawh chuan a lo muhil a, hah min ti muhil tur a ni maw tia min mut san leh daih sia..



Ka pan hnai a, a hmel chu ka en a, ni e a hmeltha a ni. Amber kei hian ka vei tak tak ang che tih hi ka hlau a ni. Khum ah chuan ka mu a ama lam chu hawi in a hmel chu ka en char char a. Eng tik lai in nge ka muthilh pawh ka hre lo ka harh chuan khua a var tawh a Amber pawh a lo awm tawh lo.



Dawhkan ah breakfast a lo awm leh thap bawk a. Ka nui suk a he nu hi chu aw eng emaw tak chu a ni chiang alawm..



Jeremy


Room atang a ka chhuak chiah chu ka pa chuan min ko ko nghal a. A sawi tur ka hria Brandon rawn hruai haw ang che tih bak a ni leh lo ang. Tinge a hriatthiam theih loh Brandon hian he hmun hi a ngaina lo tih hi, a rawn haw a nih pawh in inhmuh thiam loh na leh buaina bak a thleng leh awm si lo.. Tinge hun hi an pek theih loh le?



Ka pa a nih miau si avang chuan ka hnial chuang lo. Eng tiang pawn ngen mah ila a rawn haw dawn chuang lo a ka buai peih lo a ni..


Ka kal chu bus stand ah hian kha nu kha a lo thu a, a class kal tur a ni ngei ang, ka ding a..


"Kan inhmu leh ta"


Min rawn en nghal vat a, "nang mah maw!"

"Min hmu chu i lawm vak na nge?"

"Chutiang a ni lo"

"Rawn chuang rawh ka va thlah ang che"

"Ngai lo i hna i tlai ang"

"Ka la hma lawm rawn chuang rawh"


A rawn lut a, a rawn chuang duh chu ka lawm kher mai. Ka hmel ah hian ka ti lang lutuk ang tih ka hlau khawp mai.. Oh tak a a hming tun tum chu ka zawh theihnghilh tawh miah lo ang..


"Ah Jeremy ka nia nang enge i hming ve?"

"Diana"

"Diana maw hah hming nalh tak a nih chu"

"Ka lawm e"

"Anih chuan Diana ka hmuh dan chuan nang hi designer tha takni ni innka hria"

"Kei mah maw!" Tih pah in awi lo tih hriat tak chuan a nui a

"Tak tak alawm uh i bracelet designe kha nalh ka ti takzet"


File atang chuan paper a rawn phawrh a, "hei hi maw?" Nui chung chuan a rawn ti a..


"Imm, a nalh takzet, mipa leh hmeichhe tan pawh in"

"Anih chuan hei hi ka pe ang che"

Ka phu zawk mai, a designe min pe ang maw, a tawng ka hre sual maw ka ti hial..

"I fiamthu tiraw?"

"Ai"

"Diana"

"Tinge i duh lo a mi. Anih dollar 50 in lei mai rawh"


Ka nui leh rih a, dollar 50 tinge he thil hi a sawi ziah ni.. College chu kan thleng a. A designe chu ka lak sak a..

"Anih dollar 50 chuan ka lei ang, mahse a tlawm mah mah lo maw?"

"Ai dollar 50 a i lak dawn lo chuan min pe lo mai rawh" ti chuan a nui leh var var a..

"A tha e, ka la ang"


Dollar 50 chu ka pe a, hmanhmawh tak chuan a chhuak a, a rawn dak leh a


"Jeremy ka lawm e, kan inhmuh leh hram ka beisei" tih zawh rual rual chuan a tlan nghal nal nal a..

"Kei pawh in ka beisei"


Office lam pan chuan ka inkhalh leh a, dollar 50 ka hmuh apiang in ka hrechhuak tawh dawn a nih hi. Eng vanga dollar 50 kher hi nge a duh thin ni.. Amah ka ngaihtuah ringawt pawh hian ka lo nui leh ringawt thin..


Office chu ka thleng, a designe chu ka en a, lemziah a thiam mai bak ah a mawi takzet a ni a hmel nen pawh a inhmeh khawp mai.


Secretary chu a rawn lut a, designe chu a hmuh a


"Vice president hei hi i designe em ni? A mawi takzet a ni"

"Ah nia mahse kei chu ka ni lo ka thian pakhat a nia"

"Designer ropui tak a ni ngei ang, arsi a uai na leh aa engkim hi a dik vel vek"

"Keipawn chu chu ka lo ngaihtuah mek a"


Ka ngaihtuah chhuak thut, tinge a tak ah kan chan tir loh ang, factory lam ah ka tlan nghal a.. A designe ngei a tak ah a hmuh ngat chuan a lawm ngawt ang..

...to be conti...

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)