50 DOLLAR BY Rodingliani Vanchhawng (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: 50 DOLLAR BY Rodingliani Vanchhawng (Completed)

Unread post by Ngaia » December 23rd, 2018, 2:01 pm

50 DOLLAR

Chapter 7

Brandon Santiago

Amber ka tawn atang hian ka taksa pawh a hahdam in ka tha chho tawh hle a, zan a harh leh mumang tha lo hmuh vanga harh tih pawh a vang ta khawp mai. He nu hi enge a nih chu ka hre lo na in ka hringnun atang hian kal bo tur in ka duh lo a ni. Ka kiang ah hian awm reng tur in ka duh a ni..


Amah hi ka hre chiang lo em em a, ka hriat zawng chu nu leh pa nei tawh lo in a nau nen chauh an awm tih leh a hming mai chauh a ni a, chu ti chung chuan ka vei in ka kiang a awm reng atan ka duh em em lawi si..


Zan lam ah bak hmuh na hun ka nei ngai lo a, amah hriatchian ka duh a. Chhun chawlh lai chuan a nau awm na ah chuan ka kal a, a chen na ka hre miau hek lo..


Room chhung ah chuan ka va dak dek dek a, a nau khum bul ah chuan mipakhat hi a lo thu a, a hnung lam chauh ka hmu thei a, ka va lut ta tho a..


Chu pa chu kei ai chuan a upat vak ka ring lo, tu nge niang u a neih ka hre lo a, a bialpa tih na em niang? Ka en uluk khawp mai..


Chu pa chuan min melh vang vang pah chuan

"Tu nge i nih? Ka hmuh ngai che ka hre lo" chu pa chuan a ti a


A tawng duh dan chu! A va in la deuh ve Amber nau pawh chu a lo harh a, ka la hmu ngai lo na in a cher khawp mai eng natna nge a neih pawh chu ka hre chuang hlei lo a..


Ka chhan mai loh avang chuan Chu pa bawk chuan, Amber nau bul ah chuan "Cindy he pa hi i hre ngai em?" A ti leh deuh kher a..


"Ai, ka hre lo"

"He tah hian Amber hmu tur a lo kal ka nia"

"Amber ah, Tyler tunge chu chu?" Amber nau chuan a rawn ti a, chutia a u a hre lo chu mak ka ti ngei mai enge awmzia ni a??


Mipa zawk chuan ka hriat phak si loh chuan a hrilh mawlh mawlh a, pawn ah inbia ang tiin min chhuah pui a..


"Ani kha Amber nau a ni lo em ni?"

"Amber tan enge i nih chu ka hre lo mahse, he lai hmun ah hian i duh duh dan in i rawn kal thei hlei nem"

"Engvang in? Nang hi Amberi enge i nih zawk?"

"A thian mai chauh ka ni, hna a thawh chhung in a nau ka lo awmpui ringawt a ni"

"Aw, anih a nau khan engvang in nge a u a hriat loh"


"Cindy hian a chang chuan a u ngei pawh a hre lo thin alawm, Amber tan pawh hian a hahthlak thin asin. Tunge i nih chu ka hre lo mahse Amber hi ti na suh ang che a tuar hnem tawh lutuk" a ti a..


Office lam ah ka tlai ka hlauh bawk si avang chuan let tha zawk in ka hria a, thil awm dan mak lutuk hian ka lu a ti hai zo a ni..


Traffic in min ti ding a, kawng an cross kai chuan ka hma zawn ah chuan Amber ang deuh chu ka hmu a, mahse Amber sam a ngil in ka hre lo ka hawi san leh rih a, mahse ka en nawn leh chuan a ang viau in ka hria chhuah ka tum a ka hnung ami chuan horn a rawn pe tuar a, tlan a lo hun reng tawh chu niin , chhuak lo chuan ka tlan leh ta zawk a..


Kawng sir ah chuan ding in, a kal na tur awm a ka hriat ah chuan ka en leh a mahse hmuh tur a awm tawh lo, a bo leh hmak tawh ka hmuh tirh ang chiah khan he nu hi a intibo thei tak tak zaqk em ni!


Office ka thlen hnu thleng pawh chuan ka rilru a la ti buai, tun lai chu thil mak deuh deuh hi a thleng a. Harley chuan a hna min hmuh tir tur chuan a rawn lut a..


Zan ah chuan Amber lo kal hun nghak chuan thuthleng ah chuan ka thu a. A mah hmuh chu ka duh tawh tak zet a ni zawh tur tam tak ka nei , mahse enge ka zawh tur chu!


Kawngka a ri rek rek a, ka ding vat a, a mah a ni ngei e.

"Min lo nghak a mi?"

"Vawin ah khawi ah nge i kal?"

"Chu chu ka hrilh zel che a ngai em ni?"

"Chutiang ka sawi lo, Amber ihh rawn tlai tawh suh ang che!"

"Maw ka tlai pawh ka hre lo"

"Engpawh ni se rawn tlai tawh ngai suh ang che" tih pah chuan room lam ah chuan ka lut nghal a..


A van naupan chhiat thlak tak. Room ah chuan ka tai kual sek a. Tun ah chuan a thil tih engkim hriat ka duh ta vek chu a ni a, a hma kha chuan ka hnathawk chauh a ni ka ti a tun ah!! Ka lu chu ka tuai nauh nauh a..


A rawn lut a, mak tih hmel deuh chuan min rawn melh a..

"I mu tawh dawn maw ka tia?"


Amah chu ka pan hnai a, a mit ah ka melh kar a. Hnaih thei ang ber chuan ka ding a, a back hrut hrut a bang chu a su dawt a..


"Enge tih i tum a?" Zawi te chuan a rawn ti a..

"Amber____wine i in duh em?"

"Eng ah??!"

"Wine mawle, ka mut a chhuak leh lo?"


Ka tawlh hnung a room atang chuan ka chhuak nghal a, wine bur hnih leh no pahnih ka la chhuak a, dawhkan ah chuan ka chhawp a.. A rawn chhuak a ka hma ah chuan a thu a..


"I in ngai em?"


A lu chu a thing a, mahse a inchak hmel hle in ka hria ka nui sek a, a no ah chuannka thlit sak a..

"Bar ah te khan i lam thin sia tiang lam chu i theih viau ka lo ring asin"


Min chhang lem lo, wine chu tlem te a in chhin a, a uluk khawp mai, tui a ti deuh nge ni a in zo nghal vek a, a no chu a rawn dawh leh a. Ka lo nuih vur vur a, a no chu ka thlit sak leh a..


"A tui tiraw?"


A lu chu a bu leh ngat a, ka nui leh ringawt, a duhawmzia kha! Rin aiin a in thei zek a ruih theih tih te hi a hre em ang chu maw, amah chauh in um chanve a in der tawh a kai tawh khawp mai a meng tha hlei thei tawh lo.. Amah ang lo tak in a tawng duh ta khawp mai..


Ngawi reng in a tawng chu ka ngaithla a, a hmel chu ka en reng a, a nui ka vawikhat hmuh na a ni. A duhawm in a hmeltha takzet a ni, naute duhawm tak ang mai ni in ka hria. Amah en ringawt pawh chuan min ti nui ve ringawt thei a ni..


"Mr Brandon kei hi ka nep viau in i hria ni tiraw?" Tawng pawh tawng tha hlei thei lo chuan a ti a..


"Ai"

"Anih tinge tiang khan min en a?"

"I duhawm lutuk"

"Ai nang hian, hmeichhe nep tak ang in min en a ni?"

"Teuh lo hmangaihna zawk a nih hi!"

"Hmangaihna ah, hmangaihna hi khawvel ah a awm lo"


Keipawh hi ka rui ve thawkhat viau in ka a hria..

"Amber"


"Enge??" Amah lam ah chuan ka kun phei a, dawhkan ah a kiu nghat chuan min melh a. A ruih lai pawh hian a hmeltha reng tho anih chu em em a.. Kan inhnaih khawp mai. A mitmeng leh a hmui te pawh chiang tak in ka hmu vek thei..


"Amber"

"Ka__" ka sawizawm lo a lu chu dawm in , a hmui ah chuan ka fawp chawt a, engvangin nge kha thil kha ka tih ahh, mahse min hnar bik lo. Ka fawp ta vawng vawng a..
_____

Ka harh chhuah leh chuan, dawhkan bawh chuan ka lo muhil a, Amber pawh chutiang bawk in ka lu te chu a na bur mai, nizan thilthleng kha chiang tak in ka la hre vek si a, ka inthiam lo zawk a ni. Puan chuan Amber chu ka khuh a, bathroom ah ka lut a..


Ka chhuah leh chuan a lo awm tawh lo a, ah a che rang khawp mai. Nizan khan a rui ropui sia a chung ah thil tha lo a thleng lo em ang chu maw... Ka inbual zawh chuan hna kal tur chuan ka insiam a..


JEREMY SANTIAGO


Diana hmu tur chuan an college ah chuan ka kal a..

"I tha em?" Mango juice chu ka pe a

"Ah tha chiah lo, nizan ah ka men rei vang aniang ka lu hi a na bur mai"

"Chutia mengrei si chu tinge ka call i lak theih loh?"

"Maw min lo call maw? Ahh Ka tihpalh ka phone ka kawl lo alawm"

"Ti ve ziah, phone hi eng atan ngr i neih a?"


Nuih var var pah chuan ngaihdam min dil a. A lak ah hian ka thinrim ve tak tak theih pawh ka ring lo ve..

"Tak a Jeremy vawin hian lecture pek tur i nei ami?"

"Ahh nei hran lo. Ka lo kal hi mak i ti ni maw?"

"Ai chutiang lam a ni lo?"

"Tinge i hre chak ami? Diktak chuan nangmah hmu tur in ania ka lo kal"

"Ke_ keimah maw?"

"Aa lutuk kan pahnih lo midang an awm ami?"

"Hehe nia"

"I lawm loh hmel e mai ka kal phawt mai ang" fiamthu titak deuh chuan ka ti a, a tlai deuh tawh bawk nen chuan ka kal san ta tho a..


Office thlen hma chuan Factory ah kal in ka thil siam tir chu ka en a, an lo zo diam tawh a, a lem a ziah ang chiah in a nalh a ni. Diana a nih vang ni lo in a talent vang zawk in kan company a thawk tur hian ka duh a ni...


Surprise nan ka hmang ang a hmuh hun ah chuan a lawm khawp ang..


Brandon nen chuan kan intawk a, a hmel hmuh chu ni dang ang lo tak in a nui hmel hmuh tur a awm, mak ka ti em avang chuan ka en deuh vang vang a..


"Enge a?"

"Hman a Brandon kha ka hmu leh in ka hria a?"

"Duhtawk teh?"


Uh ti chiah khan, tun a Brandon a ni tih ka hre leh chiah, eng tik ni ah emaw chuan ahma ang khan kan la awm leh ngei ang..


BRANDON SANTIAGO


Zan chu ni vat vat se ka ti ngang mai, hun te hi an kal muang ta viau hian ka hria a ni. Amber hmuh hun ringawt ka ngaihtuah. Tiang em em hian he nu hi ka ngaihven ang tih hi ka ring lo asin.. Ka rui a ni maithei mahse nizan thil thleng te kha ka la hre chiang mah mah..


Damdawin ah kal in ka lo nghak a, a rawn kal lo ang tih ka hlau khawp mai, rin aiin nidang aiin a rei a ni..


Sana lah chu ka bih deuh chhen mai a. Aw a tawp a tawp ah chuan a rawn chhuak thei ta hram e, ka thaw huai mai, a bul ah chuan ka kal nghal a..


"Tinge i va rei ve?"

"In bia ang"


Midang awm loh na deuh ah chuan min hruai a..

"Ah ka ka.."

"Nizan kha maw?"

"Aw, kan sawifel a ngai a ni?"

"Eng tizawng in? Ka fawh che kha maw?"


"En teh nizan khan kan pahnih in kan rui ve ve a, keimahni tak tak kan ni lo ah ka sawiawmzia chu thlil thleng kha wine vang chauh kha a ni"

"Chuan"

"Wine, wine khan minbti rui aaa, chuvang chu a ni"

"Chuan i tan kha kha tihpalh thilh chauh tih na mi"

"Aw"

"I tan awmzia a nei lo amaw?"

"Aw"


"Tun ah hian kan pahnih hian zu far khat pawh kan in lo ve ve a, hei hian awmzia a la nei lo cheu em" tih zawh rual chuan bang ah chuan ka nam bet a, a hmui ah chuan ka fawp nawn leh ngat a, awmze nei lo mai mai atan kha thil kha ka ti lo..


A tang in, a thin a phu nasa ngei mai, a zam takzet tih ka hre thei a kut chu ka vuan bet a, ka thik thih ngai chu ka tih chhunzawm zel a. Ka thlah duk deuh a, min nam sawn nghal a..


"Eng thil nge i tih a?"

"Kha chu tihpalh thil thu i ti thei tawh lo ang"

"Eng eng tin maw?"


"Awmzia chu a awm anih kha?" Ka nui suk a, a kut chu ka kai a, ka car dah na lam pan chuan ka kai phei dawr dawr a. Tia ka tih luih loh chuan a lo kal duh tawh lo ang tih ka hlau a ni..


Car ah chuan ka nam lut a, kawngka ka lock nghal a.. Ka lam pawh a hawi duh lo darthlalang si deuh thaw chuan a hawi char char a..


"Tinge i thinphu ka ti rang em ni"


A rawn in ti huai lui a, min rawn melh deuh si min melh tha ngam chiah si lo chuan a rawn hawi a.


"Eng vang in maw ka thinphu a ran ngawt ang. Kha tiang mai mai engmah awmzia a nei lo"

"Ngawi teh, kei hi o first kiss ka ni tih sawi miah suh"


A kut a a hman hliah chuan darthlalang lam chu a hawi leh nghal a. Ka lo nuih vur vur a

...to be conti...

A la tawi over viau em..??


Rodingliani



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 2:01 pm

50 DOLLAR

Chapter 8

Amber

Ka harh chuan Brandon chu a mu tui hle a, keimah vang a ni tak tak em tih chu ka hre lo mahse ni tel in a zan mu pawh a hahdam tial tial in ka hria..


A harh hlau tak chuan dim te chuan ka tho a, in chu ka chhuah san a, damdawin lam ka pan tlang nghal a..


Cindy awm na room ah chuan ka lut a, Cindy chu a lo harh tawh a..


"I va tho hma ve"

"Ka u, kha in ah khan i kal leh tawh ami?"

"Cindy, kha tiang lam kha chu lo ngaihsak suh"

"U tak tak in, keimah vanga tiang hna i thawh hi a ngai lo khawngaih in ka tan tiang hi ti tawh suh"

"Cindy i tan ka tih loh in tu tan nge ni chuang ang, nang hi ka tan chuan ka engkim i ni a, chuvang chuan min lo en tawp rawh"

"Uuu""

"Ka tha alawm Cindy"


A bul ah chuan thu in ka kuah a, a ni chauh hi ka chhungkaw neih chhun a ni a , a tan chuan ka nunna pawh hinka hlan thei hial a ni. A tello chuan awmzia a awm lo a ni..


"U vawin clasa i kal leh dawn em?"

"Imm tinge?"

"Kha Tyler kha rawn kal tur in ka duh lo, a hmel hmuh kha ka peih hlawl lo"

"Awle, nutei ka rawn kal tir mai ang"

"Vawin hi chemo khai ni a nia"


Ka thaw hak a, a bul ah awm ka duh asin tiang hun ah hian. A tan engmah tih theih ka nei si lo, a na tuar ai zawng zawng hi tawrh vek mai ka van chak em..


A la hma tho a, ka intihfai zawh chuan dawhkan thuthleng ah thu chuan lem ka ziak a, Cindy chuan ka thik ziah chu a lo en reng a..


"U ka thi tur min lo designe sak ve teh"

"I duh ami?"


A lu chu a bu ngat a, nui var var chuan a biang ah chuan ka piai a..

"Awle kan ti dawn nia"


BRANDON SANTIAGO


A tan awmzia a awm ve a ngem? Kei hian ka hmangaih tak tak tawh zawk em ni ang.. A chungchang chhui belh tur pakhatmah ka hmu lo nen. Ahma ang khan ka na leh ang tih ka hlau pawh a ni mahna..


Office ah chuan ka lut a, Layla chu a lo thu a, ka thin a rim leh nghal. Secretary chu ka ko vak a..


"Brandon ka rei lo ang, i birthday anih vang chauh a lo kal ka ni"


Dawhkan ah chuan present bawm hi a lo awm a..

"Ka mamawh lo la let rawh"

"Brandon, vawin ni tal hi chu hahdam tak in hmang tur in ka duh vang che a ni"

"Hahdam ah, ka hma ah i rawn inlan chung hian ka hahdam theih i ring em ni?"

"Khawngaih in min ngaidam rawh, bul tan that leh ka duh takzet a ni"

"Chhuak rawh"


Kawngka chu ka hawn sak a, hreh tak chuan a chhuak ta hram a, kawngka chu ka khar ri bur a, a present pawh chu a awmna ngai ah a la awm a, ka la lawk a pawn ah ka chhuah pui a..


"Layla, hei hi la let rawh"

"I ta a ni tawh alawm, i duh dan dan in i ti thei. Tianga i tih kher chu a ngai lo asin"

"I lo kal tawh loh ka beisei"

"I lak ah hian ka beidawng chuang lo ang. Ka kianga i awm leh theih nan engpawh ka ti ang" a tih zawh chuan a kal nghal nal nal a..


He nu hi chu tihngaihna pawh ka hre lo, bawm chu ka en leh ngawt a..


December a lo ni leh der tawh a, birthday pawh hian enge awmzia nei tun ah chuan min lawmpui tur in ka nu pawh a awm tawh lo a. Tun hi a tello a ka vawikhat hman na tur a ni tih reng ngaihtuah nachang ka lo hre lo a..


Ka birthday hi chuan khua hi a vawt thei em em a, dec 1 a ni a. Hritlang hi ka kai hma bawk em avang hian, kum tin ka nu hian ama phiar ngei muffler min pe ziah thin. Dawhkan a kan pahnih thlalak ka tar chu ka en a, tah pawh chuan a muffler phiar bawk chu ka awrh a..


"Nu tun kum hi muffler ka dawng dawn lo em ni?"


Tun ah pawh khua hi a vawt tan tawh khawp mai, ka nu tello chuan hringnun hi a vawt a ni.. Kawngka chu a rawn ri a, Jeremy a rawn lut a..


"Enge i duh?"

"Pawr nghal viau thin lo teh, happy birthday"

"Hna lam sawi tur i neih loh chuan kal rawh"


Dawhkan ah chuan bawm hi a dah a..


"Brandon i nu phiar thin kha chu a tluk lo maithei mahse i pawm hram ka beisei"


Sawi ngaihna pawh ka hre lo, enge an hriat hlawn ni hrep tak hian an lawmpuina hi ka thil mamawh ber a ni lo..


"Tlai ah zanriah ei tur talin rawn haw ang che ka nu in i tan eirawng a bawl ania"


"I sawizawh chuan i kal thei"


Engvang in nge ka thin an tih rim zawk tlat ni. Enge ka buai na ber pawh hi ka hrethiam tawh bik lo..


Vawin chu hna ka bang hma hlauh, ka birthday a ni bawk a hlim taka hman chu nia ka phu ve lawm zanin chu ka duh dan dan in ka awm ang..


Amber ka call a, a la mai lo ka call nawn leh a a la hram..


"Enge i tih?"

"Damdawiin ah ka awm"

"Rawn chhuak rawh kawt ah ka ding"

"Maw!"


Phone ka dah nghal a, a rawn chhuk hun chu ka nghak a, vawin nileng in ka hmuh loh avang chuan hmuh ka chak khawp mai..


Amah ka hmuh rual rual chuan car atang chuan chhuak in, ka pan a ka kuah nghal a..

"Ahh eng_enge i tih?"

"Rei lo te chauh"

"Miin min en ania" ka thlah ta zawk a..

"Ka kuah chu i duh lo hle mai"

"Brandon tiang hian awm tawh suh"

"Zanin tal chu ka duhdanin i awm dawn lo em ni?"

"Enge i sawi awmzia?"

"Ka birthday a nih hi chuvang chuan min tih hlim viau a ngai ang"

"I duh dan dan hian che thin suh"

"Enge pawi?" Ka sawi rual chuan car ah chuan ka nam lut a, tih luih lah hi la ngai ve ziah zui huiha..

"Tiang hian awm thin lo teh min chhuk tir rawh, dar 10 ah ka rawn kal ang"

"Dollar 50 dang ka pek belh ang che"


Ka motor khalh lai chu ka khalh reng a, tun atang chuan amah ka ngaihsak zia hi ka ti lang reng tawh ang, ka lak atang hian ka kal bo tir dawn lo hrim hrim..


A thusawi apiang ka hniak zel a, a hnu ah phei chuan tawng pawh a tawng peih tawh lo, ka en leh thin a eng vang innnge a hmelthat em em ni? Ka hmuh ngun pauh leh min ti buai thin..


Movie en tur in ka hruai a, hreh ang tak in lang mahse a chak tih chu a hmel ah a lang reng thup chu a tum ve nasa khawp mai. Kan film en a nuihzat thlak teh reng nen midang an nuih dur dur laiin a hmel ngai reng in a chhuah chhung zawng in a awm.


A van luhlul ve tak, ka luhlul ai pawn in he nu hi a nasa zawk mah in ka hria. Ka nuih vur vur a, midang bul ah chuan vur ang maiin ka vawt thin a mahse ani buk ah hi chuan naupang a ang mai in ka nui a, hlimna tak tak hi ka hre thin a ni..


Movie en zawh chuan night park ah ka hruai leh a, rin aiin an tam daih mai an zi nuai nuai a, movie kan en chhung leh tun thleng hian engmah a la sawi lo a ngawi ngar ngar.. Lollipop chu a ka ah ka va hnawh a, min melh rum kher mai


"Kha tia min melh te chuan.. Ei mai mai teh"

"Haw tawh ang"


"A la hma em hi" a ban ah vuan chuan mipui awm thup na lai ah chuan ka tlan pui a. Mipa leh hneichhia pali hi an lo lam a, pawisa chu ka thlak a. Christmas a hnai tawh bawk in eng cheimawi pawh a tam tawh khawp mai..


Zan a rei a khua a vawt sawt khawp mai, a kut kuangkuah in a in tuai deuh reng a, ka coat hak lai chu phelh in amah chu ka khuh a..


"Angai lo"

"I damlo ang tikhan ha rawh"


Min chhang leh ta lo, ngai ah ka neih theih mai ka beisei. Ka car dah na lam pan chuan muangchang in kan kal dun a, a reh in a reh tluk tluk a ni ber..


"Ka bul ah i awm hian nuam i ti lo a mi?'

"Ka tih pawh ka hre lo"

"Enge i sawiawmzia?"

"I hriatthiam dan dan"


Car kan thleng ve ta hram, a khuh kherh kher a, a damlo ang tih ka hlau khawp mai, Jeremy muffler min pek kha.. Car hnung chu hawng in ka la a, Amber chu ka awrh tir a..


"I damloh chuan ka inthiam daen miah lo ania, chuvang chuan inti lum viau rawh"

"I duh dan dan a, awm hi eng tik ah nge i bansan dawn?"

"Engtik ah mah"


Car ah chuan kan lut a, ka tlan lai chuan ka phone chu a rawn ri a Layla hnen atang in a lo ni a, ka la duh lo a mahse a rawn tih nawn chhem avang chuan ka la ta hram a..


"Enge?"

"Brandon tun ah hian ka mamawh takzet che a ni khawngaih in"

"Ka dah dawn"


Thil ri thuai hi ka hria a, a reh nghal hmak a ka ko a min chhang bawk si lo. Ngaihven loh tum eng ang mah ila ka thei lo thin chu a ni hi.. A chenna lam pan chuan ka inher leh nghal a..


"Khawi ah nge kan kal dawn?"


Ka chhang lo, thil tha lo thleng ta se ahh engvang in nge buaina hlir hi he nu hian min siam sak thin ni..


A in chu ka thleng vat a, ka tlanchhuak nghal a inchhung ah chuan ka lut a darthlalang hi a lo keh darh thuai a, thisen a awm nual bawk a..


"Amber"


Min rawn kuah nghal a..


"Brandon ka hlau lutuk kha pa kha a rawn kal a"

"Hlau suh engmah hlauh tur a awm lo"


Amber chu kawngka bul ah chuan a lo ding a, min rawn en tawp a amah pawh ka ngaihtuah thei lo..


"Brandon ka hlau a ni kha pa kha lo kal leh ta se?"

"Ka awm hi hlau suh"


Layla chu ka mut tur hnu chuan Amber bul ah chuan ka kal a..

"Kha nu kha tunge a?"

"Ka thian. Amber zanin chu hetah ka awm mai a ngaih hmel"

"Ka hrethiam e"


Engmah thik dang min zawh pawh a tum lo, engvang in nge ka tanpui tih teh hriat chak engmah a nei lo a mi? Ka car chahbi ka pe a. A kal hnu chuan ka thaw huai a, thuthleng ah chuan ka thu a engkim hi a tha vek e ti chuan ka phun mawlh mawlh a..


Thuthleng ah thu chuan khawvar dawn lam ah ka lo chhing ve sek ni tur a ni.. Ka harh chuan ka hma ah Layla chu a lo ding a.. Thoh a kal nghal ka tum a. Ka hnung atang chuan min rawn kuah a


"I rawn kal avang in ka lawm e"

"Min thlah teh"

"Brandon nang hian min la ngaihtuah alawm chu chu haider tawh suh"

"I hre sual ni in a lang, Layla , i tan hian eng rilru mah ka pu lo"

"Anih engvang in nge i rawn kal?"

"Ka mihring pui tana ka thil tih theih sang ber a ni. A thlen leh tawh loh hram ka beisei"

"Brandon"

"Tun atang chuan i pa in a rawn tibuai leh che anih pawh in, kei ni lo in Jeremy i call tawh dawn ania"


Ka chhuah san nghal a, Amber khan ngaihdan dik lo a nei ang tih ka hlau khawp mai, ka call a la duh bawk si lo zing lam ah hian a chungchang hi hriat tur a awm lo hmak thin awm lo ang hmak a ni. Damdawin ah hmuh tur a awm ngai bawk hek lo. He nu hi ka hre lo takzet a ni..


...to be conti...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 2:01 pm

50 DOLLAR

Chapter 9

Jeremy Santiago


Amber bracelet ka siam sak chu keng in amah hmu tur chuan ka kal a ka phur leh tawh khawp mai, ka hmuh dawn apiang hian ka nervous em em ziah lehnghal..


A class zawh hun chu nghak in campus pawn chuan ka lo nghak a. Mitam tak zing ah chuan amah chauh chuan a rawn kal a, ka nui nghak vur² a. Amah chu ka pan nghal a. Min hmu chu mak a tih hmel khawp mai ka hrilh lawk ziah thin a ni dang ah chuan..


"He tah enge i rawn tih ??"

"Enge ni vak ang ka thiannu hmu tur in mawle"


A nui ringawt a, min chhang tawh lem lo dawr ah ka lut dun a..


"Thil pek tur che ka nei asin"

"Eng?"

"I mit chhing rawh"


A mit chu a chhing he mai bawk a. A hma ah chuan bawm chu ka dah a.


"I meng thei"


A mit chu a rawn meng a, bawm chu a hawng a, ama designe ngei a hmu chu mak a tiin a awi lo hle tih ka hmu thei a ni.. Ka nuih var var a.. A lawm lutuk chu a mittui a tla lo chauh..


"Jeremy i ti tak tak a mi?" A rawn ti chhuak a..

"Tinge i va lawm awm ve, i tan a ka tih a nih kha"

"Imm ka lawm takzet a ni" a rawn tho a min rawn kuah thut a min ti phu chiang khawp mai mi a ang mai in ka thu tawp a, ka thinphu chu a rang khawp mai a rawn thlawk chhuk dawn ni mai te hian ka hre hial a ni..


Min thlah a hnai tak ah min en in min nuih vur² a, hah eng tin nge ka la dam reng theih zawk a ka harh chhuak hlawl mai thawk ka la ham ham a, ka rilru chuan Jeremy pangngai rawh ka ti mawlh mawlh a. Bracelet chu la in a ban ah chuan ka bun tir a..


Boruak aha ban chu ti kang in a bracelet bun lai chu a en a, a hmel ah a lawm takzet tiha lang reng a ni. Kan thil ei lai pawh kan ngaihsak lo ve ve.


"Diana"

"Imm"

"Kan company ah hian hna rawn dil ve la"

"AhH chutiang tur chuan, dik tak chuan ka inring tawk lo a ni"

"Maw i fiamthu lo tiraw i designe thenkhat ka hmu nual tawh a, a ber vek an ni kan company ah pawh kang aia mawleh tha bik an awm chuang lo"

"Chu pawh nise ahh ka ngam chiah lo a ni"


A tih loh hi ka hlau ti ila ka sawi sual ka ring lo, ka bul ah ka kiang ah tawk ve turin ka duh a ni. A talent hi a ropui takzet a ni an department ah chuan amah hi a ber a ni. Dilna form ka lak sak nghal thap a, he tia hma ka lak hmasak loh chuan a zuizi ral mai mai ka hlau a ni..


"I ti tak tak ami Jeremy?"

"Aw, khawngaih in ti hram rawh"

"Awle ka lo in ngaihtuah ang"


An in thleng ka thlah a, in te tak te a ni a, inchhung ah lut tur a min sawm avang chuan ka lut ve a. A in chu te in tha vak lo mahse a felfai in a cute reuh lutuk a ni amah ang chiah in. Dawhkan ah chuan thlalak hi a tar a a nau ni awm tak a ni


"I nau em ni?"

"Imma duhawm tiraw, tun ah chuan a ni chauh hi ak neih chhun a ni tawh"

"Enge i sawiawmzia?"

"Ahh kan nu leh pa te hian min boral san tawh a"

"Pawi ka ti lutuk"

"A ho lutuk, ahh coffee i in duh em?"

"Aw"


Ka nuih vur vur a, a tan a harsa viau ang nu leh pa tello in a nau nen chauh an ni a, ka ngaisang zual sawt a ni..


Brandon


Ka vei tawn leh sek tan tawh eng tik ah nge a lo kal ang, nizan vang khan lo kal duh tawh lo ta se? Ni lo eng ah mah a ngai leh chuang lo ang mahse tinge ngai se ka tih em em le??


Sana ka en chhen a, dar 10 rik nan minute 10 chauh a awm tawh a zan dang ah chuan tun ang hun ah hian a lo thleng tawh thin si a. A nau chung ah thil tha lo a thleng em ni. Ka jacket ka la a ka tlan chhuak nghal a..


Kawt ah chuan a lo ding reng tawh a, mahse amah chauh a ni lo Layla pawh a lo awm ve bawk a..


Amber chu ka hnung ah ka pawt sawn a.

"Layla enge hetah i rawn tih?"

"Kha nu kha tunge?"

"Lo buai suh"

"Tunge ka tih chu" a ti leh vak a..

"Amber inchhung ah lo va lut rawh"

"A ngai lo, hei miss nang nen hian sawi dun tur kan nei ania"

"I rui anih kha Layla haw rawh"

"Zanin hian khawi ah mah ka kal dawn lo, kha nu nen khan sawi dun tur kan nei"


Jeremy ka call nghal a, "hmela i thiannu hi rawn hruai nghal rawh ka in ah buai na a rawn siam a nia"


"Hei Brandon hung ah biru lo khan rawn chhuak rawh. Tunhe i nih call girl maw!"


A awm na atanga rawn chhuak chuan Amber chuan Layla chma ah chuan a ding a..


"Aw kei hi call girl ka nih hi, enge chu chu pawi pawisa hmuhna tur a ni chuan enge ni vak chuang a"


"Maw! Nang mi tenawm" tih pah in Layla chuan Ambet sam ah chuan a kek a


He nu hi chu, ka thleh nghal vat a, Amber chu inchhung ah ka nawr lut a. Ani pawh Layla ang tho a kawlh leh luhlu a ni a an awm dun reng chuan an in ti buai nasa viau ang..


"I in chhung ah i luh tir amaw?"

"Layla ka nun ah hian khawngaih in rawn lang tawh suh, kei hi min awm tir mai mai rawh"

"Brandon kei hian ka hmangaih takzet che asin eng tin nge chutiangbi sawi theih?"

"Ahma ang khan nang vang hian nat leh ka duh tawh lo"

"Pawi ka ti lutuk, ka inchhir takzet asin Brandon khawngaih in min ngaidam rawh"


Jeremy a rawn thlen a, ka luh san nghal a. Ka buaina tur a awm tawh lo Amber chu a lo thu tum bur a..

"I tha em?"

"That loh tur a awm ami?"

"Kha thu kha eng vang in nge i sawi?"

"Hah engnge sawisual ka neih? Call girl nen enge danglam na kan neih mipa innah zan tin ahh midang chuan angkhat reng ah an ngai ang"

"Mahse a in ang hlei nem"

"Kei hi chu tiang lek a nep chu ka ni, chuvang chuan min ngaihsak hi bansan rawh, kan inkar ah hna lo chu eng mah a awm lo"

"Amber"

"A tlai tawh si mu tawh rawh"

"Layla khan i bul ah sawi a nei em ni?"

"I buaina tur a awm lo"


Eng tia tih chi nge maw hmeichhe luhlul lutuk, room ah ka lut a, melh pawh min melh duh lo khum ah chuan ka mu a ngawi reng in a hmel chu ka en reng a hnuai lam a melh char char a . Ka mut chu a chhuak lo chiang khawp mai..


Engmah ngaitha duh lo mahse ka sawi tho ang, ka chungchang a hriatthiam loh hi ka duh lo.


"Layla nen khan kum 1 kal ta khan kan inkawp thin a,mahse tun ah chuan ka tan engmah a ni tawh lo. Ka pa in ka nupui atan a hual a mahse kei chuan ka pawm ve lo eng tik ah mah ka nei ngai lo ang ka tiam a che"


A rawn hawi chhuak lo a, mak tih hmel pawn a lang lo ahh Amber ka hriat ngei a ni e..


Amah chu ka en char char a, rei lo te ah a muhil vat a, zantin tah hian thuthleng ah a muhil thin a ni a, zing lam ah a nau enkawl leh a ngai awm sia a. Ka tho a ka pawm a khum ah chuan ka muttir a rizai ka sin tir a. Naute ang mai in a mutui anih hi..


Khum chu a zau ve thawkhat viau a sir lemlam ah chuan ka mu a kan inkar ah lukham pakhat ka dah a, a thaw ri te chu ka hre thei a ni hah Amber kei hian ka van hmangaih tak che em ka kiang ah hian awm reng ang che eng tik ah mah min kal san suh. Min hmangaih let ve loh pawh in a pawi lo i awm chhung chuan a tha a ni mai..


A ngai te bawk in maw, ka harh chuan a lo awm leh tawh lo zan mut dawn ah a awm a mahse zing ah chuan imm ngai ah ka nei thei a ni. Bathroom ah ka lut a ka intifai a, engkim hi a tha vek ang a tha tur a ni..

...to be conti...


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 2:02 pm

50 DOLLAR

Chapter 10

Jeremy santiago


Khua a tlai ve tawh ang reng khawp mai, kan hna thawh lai lah chu thawh zawh mai theih a ni bawk si loh a.. Brandon lah tum bur in a tih tur a ti mawlh mawlh bawk a, hna hi chu a atchilh a ni. Eng pawh ti se a hna ngainat loh tak pawh ni se ani chuan tha tak in uluk tak in a ti zel thin. Hei vang hi ania ka pa pawh in Company enkawl tur a a duh em em chhan chu..


Ka file a Diana designe ka dah chu a rawn tla chhuak hlauh mai a, Brandon ke bul ah tak chuan a la tla zui.. A chhar a a en vang vang a..


"Hei hi i designe em ni?"

"Ai ka thian pakhat ziah a nih kha"

"Hei hi a ziah a nih tak tak chuan amah chu hmuh ka duh a ni"

"Lungngai suh ka buaipui alawm" tih pah chuan ka lak sak a, ka dah tha leh nghal a, midang ho pawh chuan mawi an tih zia an lo sawi ve mek bawk a. Ka nui suk a Diana a ni miau alawm..


Ka haw tur chu Brandon leh Layla te in bia chu ka hmu a, an thutak hmel hle a ka hriat vang chuan ka pan nghal vat a..


"Amber bul ah khan enge i sawi?" Brandon chuan a lo ti a..

"Kei hi i nupui hual ka nih thu ka hrilh"

"Maw! I aa em ni, nang leh kei hi vawi engzah nge ka sawi dawn?"

"Kha tiang hmeichhe nikhua lo kawp kha i duh amaw? Brandon harh chhuak teh"

"I hre sual, Layla ani kha i ngaih ang kha a ni lo. Nang aiin tam tak in a tha zawk a ni"

"Eng ah kha tiang call girl mai mai kha!" Nuihsawh zet chuan Layla chuan a ti ve leh a, na thusawi awmzia hi ka hre lo nizan chungchang kha an sawiin ka hre si a tunge Amber chu?

"Hah call girl i ngaih anga hniam kha chu a ni lo ang, chuan lo buai suh i lak ah hian ka insawifiah nachhan tur ka hre bawk hek lo. E chuam Amber chung ah thil tha lo i ti a nih chuan Layla.."


Ka awm ve tih pawh hre awm in a lang lo, a sawi duh a sawi zawh chuan a kal nghal nal nal a..


"I tha em?" Ka en chuan a mittui a lo tla pur a..


"Ka chung ah tiang em em a nunrawn hi chu a ngai lo asin. Jeremy kha nu ai khan enge ka that loh na. Ani kha hmeichhia pawh a ni lo"


Tu nge a sawi pawh chu ka hre chuang lem hlei lo. A hnung ah chuan ka beng det det a..


"Lungngai suh a lunglen hnem atan mai mai chauh a ni ang. Tap tawh lo la ka va thlah ang che"


Ka car ah ka luh tir a, an in thleng chu ka thlah a..


An inkar hi chu tih vak ngaihna ka hre lo, an mahni dinhmun ve ve ah an dik ve ve bawk si inrawlh vak ka duh lo. Ka inrawlh nasat pauh leh Brandon nen kan inkar a chhe tual tual a ni mai.. Naupang luhlul leh ngen em em a ni a, tumah in a rilru hi an sawh sawn theih kher ka ring lo a ni..


Brandon Santiago


Amber lo then he leh chuan ka lo ding nghal hluai a, Layla in a bula a this sawi the kha a tak a nih a rin ka hlau si chu min ti lai zo vel vek a ni. Eng tin nge ka sawi mai ang ka hre bawk si lo amah chu ka en leh vung vung ringawt a..


"Enge kha tia min en char char a?"

"Amber nizan kha"

"Nizan kha chu engmah buaina tur a awm lo, Brandon i bialnu hnen ah khan insawi fiah tur a min duh pawn ka ti mai ang"


Hah mi sual tiang zawng bawk hian maw a tawng leh dawn a..

"Vawi engzah nge ka sawi dawn kha nu kha ka tan engmah a ni lo"

"Ni lo se kha tiang khan i awm lo ang. Brandon bak ah i nun ah hian ka buai lo"

"Mahse kei chu i tan hian ka buai thung alawm. Thil dik loh i hriat ka duh lo"

"En teh ka sawi tawh kha kan inkar ah hian a neitu leh thawk tu tih loh engmah a awm lo"

"Ai a awm, kei hian ka hmangaih che"


A nui ringawt a, eng tin nge a theih zawk? Ka lak ah hian eng rilru mah a pu eih lo zawk em ni? Ni lo a ni thei lo awm chu a awm alawm..


"Hmangaih kha thu kha hmang tawh suh mipa leh hneichhia hi an inhmangaih tak tak thei lo"


"Amber"

"Tinge vawi 2-1 min fawh avang khan i lak ah hian ka luangliam hliah hliah tur in o ngai em ni. Ahh anih chuan i hre sual der a ni"

"Hah maw! I tan awmzia a nei lo amaw? Hah ni lo dawt i sawi a ni?"

"Kei hi he hmun ah hian kal tur in min duh tawh lo em ni a tha e, ka kal ang"

"Ai kal suh, ka sawi leh tawh lo ang" ka room ah ka lut nghal a..


Kei hian ka hre sual zawk em ni. Eng tin nge tiang em em hi a nih theih. A tan kei hi awmzia ka awm ve miah lo a mahse a pawi lo ka beidawng lo ang. Brandon santiago ka nih hi ka duh chu ka nei ngei ngei thin..


Rei lo te ah a rawn lut ve a, a thutna ngai ah chuan a thu leh a, a ngawi leh ngul tawh. Enge ka sawi ang ah mi a ang maiin sawi tur ka van a ni. Eng tin nge he nu hi ka tih ang..


Amah chu ka en reng a, inhnaih te ah awm reng chung hian kan inkar chu a zau em em thung si a. Enge a ngaihtuah ve ang a nui ngai lo, vawi khat tih loh kha chu ka hma ah vawikhat mah a la nui ngaih eih lo..


A kut chu ka en a bracelet hi a bun a, ka hmuh hnu ang riau in ka hria mahse khawi ah nge ka hmuh chu ka hre chuang lo
..

Office kal tur chuan ka chhuak a nizan kha ka mu mang lo Amber vang innka rilru a buai zo vek a ni. Amah vang in ka mut theih rual in amah vang bawk in ka mu thei leh bawk si lo..


Mood fuh loh nen hna lam ah an lo che sual ve chhen thin te hian thin an ti rim zual thin a, midang te huat leh ngaihnat loh nih a awl phah sawt a ni. Jeremy anga emotion control thiam ka ni ve lo..


Jeremy office ah chuan ka lut a dawhkan ah nimin a designe kha a lo awm a, ka en nawn leh a. Thil siam nalh tak a ni mahse hei hi tinge Amber bun nen khan a in an em em a?


"Jeremy hei hi hmuh tawh na ka nei a ni?"

"Ah ka va ring lo e, khawi ah mah tihchhuah a la ni lo"

"I chiang em?"

"Tehreng mai"


Mahse a in ang viau chuan ka hria a ni, nge ka hresual zawk le? Ka lu chu ka tuai nauh nauh a. Ahh ka aa tawh a nih hi Amber ringawt ka ngaihtuah a awmzia a awm lo hna ah ka insawr bing a ngai a ni..


Chau tak chuan in ah chuan ka haw a, ka lu lah hi a na bur mai inchung ka lut chu Amber a lo awm reng chu ka hmu a..


"Amber" zu tlem ka in deuh avang chuan ka mit vai amaw ka ti hial a lo thlen a la hun si lo ah..


"Tun ah enge i rawn tih?"

"Mr Brandon he hna hi bansan ka duh tih rawn sawi tur in ka rawn kal a ni"

"Maw!"


A dar ah chuan ka vuan a, "i thusawi ka hre sual lo tiraw?"

"Ai, ti tawp tawh ang a hahthlak awmzia a amw lo"

"Ai nizan a ka thisawi vang kha a nih chuan pawi ka ti lutuk a thleng leh tawh ngai lo ang"

"Thutluk na ka siam tawh khawngaih in min zah sak rawh contract ah pawh ka duh hun hun ah ka bang thei tih a inziah kha"

"Mahse a danglam alawm. Vawikhat mah ka duh na che ka ti lang leh tawh lo ang min kal san suh"

"Pawi ka ti" a chuak nghal a. Mak ka ti lutuk chu tih vak ngaihna pawh ka hre lo ka harhchhuak hlawl a ka tlan chhuak ve nghal a mahse Amber chu hmuh tur a awm tawh lo. A kal tawh a kal tawh a ni hei hi ka thiam loh vek a ni eng tin nhe ka kal tir theih??..


Amber

Bang ngheng chuan ka ding a, Brandon an min rawn hmuh loh nan chuan ka biru a ka biang ah mittui a rawn luang a kei hi ka kal tak tak dawn em ni?


A chhan pawh ka hre lo ka mittui chu a rawn luang zung zung a ka tap vak ringawt a. Kal san hi ka duh ber a ni bik lo asin. Ka tello in eng tin nge a mut tak ang ka awm loh chuan zan ah mang tah lo a neih pawh in tuin nge pui ta ang??


Ka hma ah chuan mipa khat hi a rawn ding a..

"I tah zawh tawh chuan let leh nghal rawh?"

Chu pa chu ka en kar a

"Ka thei tawh lo a ni?"

"Maw! I thei lo amaw, Diana tiang mai mai tur in i nau nen hian ka enkawl lo che u"

"Teyler khawngaih in tawp san ka duh"

"Kha pa kha i hmangaih amaw?? Nep lutuk Hmangaihna hi khawvel ah a awm lo"

"Ka thei lo ani hmangaih tur khan eng dik na mah ka ni lo kei hi Amber ka ni hek lo"

"Ni e i ni lo mahse kha pa bul ah kha chuan i ni, i nau enkawlna hi tih tawp i duh zawk em ni?"

"Khawngaih in Tyler he lemchan hi duh tawk ang. Keimah vang a nat ka duh lo a ni"

"Awle a tha e i duh ang chuan awm rawh kei pawh i nau enkawl na ka ti tawp ang. Enkawl na sum i neih a thu le, he hna chhunzawm tur in midang ka zawng mai ang"


Ka phone chu a rawn ri a, damdawin atang in a ni a..

"Diana i nau hi a tha lo takzet a ni tun ah rawn kal nghal rawh"

"Ahh awle""


Phone ka off a tlan nghal ka tum a, ka tap pur tawh ka nau chung ah thil tha lo a thlen hi ka hlau a ni. Aii a thleng thei lo.. Tyler chuan ka ban ah a rawn man a..


"Tun ah hian i nau hi chhanhim i duh takzet a nih chuan i lemchan hi chhunzawm rawh Amber Martis ang khan awm leh rawh. Ka tiam a che Diana i nau hi eng tin mah a awm ngai lo ang"


Lalpa min pui teh enge ka tih ang??

...to be conti...


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 2:02 pm

50 DOLLAR

Chapter 11

Diana/Amber

Tih ber tur pawh ka hre lo, a tir khan hetiang hian ani kha ka hmangaih dawn tih hria ila chuan engmah ka ti miah lo tur..


"Awle, khawngaih in ka nau chu min chhanhim sak rawh"


Tyler hnen ah chuan ka ti a, hei hi ka duh dan a ni ko asin. Tinge ka tan hian engkim hi a harsat in kawng hi a thim em em bik mai le?


Tyler nen chuan damdawin lam chu kan pan a, Cindy chu a tha lo khawp mai awm dan tur pawh ka thiam lo doctor te chuan chhan tum in an bei fan fan a, inzai leh nghal a ngai bawk a. Tyler chuan pawisa sen tur ang zawng zawng chu a ti fel vek a..


Thuthleng ah chuan ka thu a, ka kut in ka hmai chu ka hup a ka mittui ka biang ah a lo luang a ka nun hi a chang chuan a beidawng thin takzet a ni. Cindy hi awm lo se chuan ka intihhlum daih tawh hi ka ring a ni..


Nun hi tiang reng a hreawm hi a nih chuan dam reng hi enge sawt na ka ti thin.. Khawvar dawn ah chuan an zai zo ve thei hram. Ka thaw ta huai mai room ah chuan ka lut nghal a Cindy chu oxygen nen a lo mu bur a kum 10 anih atang in thla tin damdawin ah kan lut reng thin a, a mah enkawl na hian sum tamtak kan seng tawh reng bawk a ni..


A tan ka nu leh pa te khan rim tak in hna an thawk a, mahse vanduaithlak taknin min boral san ta si a. Cindy pawh in zia awm lam a pan dawn maw tih laiin a lung tha lo chu a ngai te bawk in a lo chhuak leh a. Tun ah chuan in aiin damdawin ah kan awm hnem tawh zawk a ni..


Tyler chu a rawn lut a, ka dar ah a rawn khawih a ka phu chiang khawp mai..


"Enge?"

"Zanin hian kha pa kha hmu la nizan thil thleng te kha dawt a ni tih hrilh ang che. Chuan a hmangaihna che kha pawm ang che"


"Maw!! Chu chu ka tih kher a ngai em ni. Dawt ka sawi pawh hi a tawk viau lo em ni"


"Tawk lo, tawk ka tih hun ah chuan ka hrilh mai ang che, kha pa kha a theih anga nasa in tuar tur in ka duh a ni"

"Tyler khawngaih in tiang hi ti suh"

"A tawk ka sawi hnem tawk tawh, nang hi Diana Gordon ni lo in Amber Martis i nih hi chu chu theihnghilh suh ang che"


A sawi duh a sawi zo a, a kal leh nghal a. Ka thaw halh halh a bawm tawt taka tang ang mai hian ka inhria a ni.. Zannin hi lo thleng lo tawp mahse pawi ka tih ka ring lo a ni. Brandon hmuh chu ka chak takzet mase dawt hrilh tur a a hnen a kal chu ka chak lem lo..


Zan chu a rawn thleng ta, ka van huphurh ber reng em.. A kawngka bul ah chuan ding in ka vai kual sek a ka lut mai ngam si lo let leh ka tum thin a dik lo. Thawk ka la ham ham a, pw chu la hmet a ka lut ta rawk mai!!


Brandon chu thuthleng ah a lo thu a, min hmu chu mak a ti hle tih a hriat a ding nghal uai a min rawn pan nghal a min rawn kuah tum in a ban a phar uk a mahse a ti leh ta lo a..


Min rawn kuah vawng vawng mai se ka duhthusam a ni..


"Amber i rawn let a"

"Brandon pawi ka ti lutuk, nizan khan ka"

"A pawi lo eng mah sawifiah a ngai lo, i rawn let ringawt pawh hi ka lawm tawk a ni."

"Brandon"

"Nizan ang kha chu ka ti nawn leh tawh lo ang khawngaih in kal bo tih kha chu ngaihtuah lo hram rawh" a room lam pan chuan min hnungchhawn a..


Hei hi Tyler an min tihluih vang ni lo in ka thinlung ber atang zawk in a ni ka tlan a Brandon hnung atang chuan ka kuah a, a mak ti chu a ding chut a..


"Lo hawi suh"

"Amber"

"Kei hian i hmangaihna hi ka phu lo takzet a ni. I hmangaihna pawm tlak pawh ka ni lo i lak ah chuan ka hniam hle a ni mai thei mahse Brandon kei hian ka hmangaih che. Ka hmangaih takzet che a ni"

"Amber"

"A tir khan kei hian ka hmangaih che hi ka ring lo ni lo ngaihtuah pawh ka ngaihtuah ngai li mahse a thleng. Kal san che pawh ka tum mahse...."

"Min kalsan suh, min kal san miah suh"


Ka khuah na ka kut chu phelh in min hmachhawn chuan a ding a, ka mit ah a melh kar a..

"I duh duh chu ti rawh, i theihtawp in min hmangaih rawh"


A rawn kun hniam a, ka hmui ah chuan a fawp a, ka thin phu chu a rang zawt zawt khawp mai hlim na leh hlauhthawn na hi a rawn lut nghal nawk nawk a ni..


A kawng ah chuan kuah in, ka lo fawp let ve bawk a hlauthawng hle mah ila ka nau tan leh ni lo, a kiang ah ka awm theih na a ni phawt chuan he lemchan hi ka chhunzawm zel ang ka hmangaih che Brandon..


Min en chung chuan min nuih vur vur a.. "Hei hi ka mumang a ni lo tiraw?" Zawi sap chuan a ti a lai tak chuan ka nui ringawt a..

"Amber"

"Imm"

"Ka lawm e"


Chhan let ngaihna pawh ka hre lo ka kuah leh ringawt a a lem pawh ni se. Ka thinlung chu a dik tho a ni a pawi lo a pawi lo a ni..


Khum ah chuan a mu a, thuthleng ah ka tih dan ngaite bawk in ka thu leh a, min en vang vang a ka kut chu a vuan a..


"Khum ah hian rawn mu rawh" ka lu ka thing ringawt a..

"Hlauthawng suh engmah ka ti lo ang, ka hmangaih che ka tih kha. Tiang in hreawm tak in ka awm tir thei hlei nem che" min melh reng pah chuan a ti leh a..


Boruak awm dan hi a dik lo tan riau a ni, tiang a min care vak chu a ngai lo asin.. Imm a tha e ti nge ka laih em em ringawt a hahthlak..


Khum ah chuan ka mu ve ta rawk chu a ni a inchunh ka melh kar a ka mu ngil ngei mai.. A lam ah chuan min pawt phei nawk a min kuah hle hle a..


"I vawikhat mut na pawh a nih loh hi, nge i laih em em a?"

"Ka lai lo"

"Imm,, hahdam deuh khan awm rawh" ka sam chu a chul a ka thaw leh halh thin a.. A awm ah chuan min kuah bet tlat a..

"Amber___zanin hi mumang mai mai tur chuan ka phal lo ania"


Tiang taka min ngaihsak a ka kalsan a hlau tih ka hriat hian a lak ah hahdam na min pe a ni.

"Teuh lo mumang a ni lo Brandon a tak a ni hi, mumang mai mai tur chuan a duhawm mah mah a ni" a mah en chhoh ha chunh chuan ka tia ..


Ka chal ah a rawn fawp zauh a.. " ni e, muttui" tiin min kuah leh a..


Mipa ngeng leh lainat na nei lo niin ka hre thin a mahse a nih loh zia hrechiang ber tu te zing ami ka ni tawh, midang ang tho in a rilru a na ve thei a a hmangaih tak a chan ve tawh bawk a hlim taka awm ve hi a phu a ni..


Brandon Santiago


Zing ah chuan ka harh hlawl mai, nizan thilthleng chu a tak a nih loh ka hlau ngei mai mahse tun tum chu a danglam a ni, ka ban kham chung chuan tui tak in ka hmeichhe hmangaih em em chu a lo mu chiah chiah a. A hmel ka hmuh chuan ka nui var var a a muttui zia hi naupang thilawm ang maiin a hmel chu ka thlir veng veng a.. Ni e heng hi mumang mai mai tur chuan a duhawm mah mah chu a ni..


A chal ah chuan ka fawp a, a rawn meng a min nuih nghal ver ver in min kuah nghal a hah hei hi anih hi hringnun chu..


"Tuk in chu i va tho tlai ve?"

"Nangmah vang vek"

"Timaw??"

"Khum ah min muttir a ka mutui vek alawm"

Ka nui ringawt a..

"Anih chuan a tha a nih chu tun atang chuan tah hlir hian i mu tawh ang. Chuan Amber zing ah min kal san tawh suh aw"

"Imm"

"Tun ang hian ka thawh ve leh i hmel hmuh ziah ka duh ania"

"Awleee,, i hna kal thleng i bul ah ka awm ang"


Chu thu chu lawm ka hriat chak.. Ka car awm na thleng chu min thlah a office lam ka pan san ta a. Tiang em em hian ka hlim ka la hre ngai lo mood fuh an tih chu tun a ka awm dan hi a nii..


Kum khat hnu a vawikhat nan ka car ah hla ka play ve leh ta ka nu hla duh em em mai "making memories of us keith urban" sak chu ka play a


"I'm gonna be here for you baby
I'll be a man of my word
Speak the language in a voice that you have never heard
I wanna sleep with you forever
And I wanna die in your arms
In a cabin by a meadow where the wild bees swarm

And I'm gonna love you like nobody loves you
And I'll earn your trust making memories of us"


Nun nen a in milh hi chuan eng hla pawh hi a lo nalh em em thei vek a nih hi..


Nidang aiin ka tlai hret meeting ka ko nghal a. Office ah chuan nitin hna ngai vel vek a ni mai. Meeting kan neih lai chuan kawngka chu rawn inhawng in Chairman chu a rawn lut a, kan vai chuan kan ding vek a..


"In meeting lai ka tibuai em lo che u maw?"

"Ti buai lo e Chairman" Jeremy chuan a rawn ti a..


Ka mi hmuh peih loh ber te pahnih ka hmu dun leh ta, he company ka huat em em chhan pakhat a ni..


"Vawin hian in team ah hian Leader thar ka rawn dah dawn a ni" chairman chuan a ti leh a..

"Team leader ah, Chairman eng mah hriat tir na ka dawng miah lo"

"I hriat kher a ngai lo. Rawn lut rawh"

Maw! Eng tik ah mah he thil hi ka pawm ngai lo ang, Layla stenfield..

"Chairman hei hi ka pawm lo" ka ti leh nghal a..


Min rawn melh raw a, "i pawm a ngai lo"


Hah tiang hian maw a tih dawn a! A tha e i duh duh chu ti ta che kei hi i duh ang chuan ka awm mai mai bik tawp lo ang. Ka file ken lai chu dawhkan ah chuan ka thlak ri bur a..


"He Company ah chuan a thawk thei mahse ka team ah ni lo in" ka ti leh a


Awmzia a awm lo ni e he pa hi a luhlul zia chu kan hre vek ang chu kan inchhun pafa khawp alawm..


"Ka tih tawh chu ka tih a ni. Min hnial tur a ni lo"


Rawn thawk mawlh rawh se ka bul ah awm in ka lak ah beidawng ngawih ngawih in kan siam a nge..


Vawin chu ka hlim ber ni anih vang chauh in ka kal liam tir ang heng ho hi ka hlim na an tih chhiat ka phal teuh lo..


Jeremy chuan a lo lawm khawp mai mahse ka team a hmeichhe thenkhat hian an lawm tehchiam lo, ka rin dan chuan an lak atang in Jeremy a chhuhsak in an ring pawh a ni mah na..


Jeremy Santiago


Diana chu ka hma ah a thu a, bracelet chu a bun bawk a. A hmel hmuh a nuam thin ngawt mai a nun a harsat ve nen tiang khawp hian a la hlim thei hi ka ngaisang let ling zawk thin a ni..


"Min en leh vung vung ta, Jeremy hna dil na kha ka theh lut lo mai dawnnn"

"A tul lo i zawh chuan min pe nghe nghe teh"

"Ahh ka zam ka ngaihtuah ringawt pawh hian ka thin te hi a phu dup duo thei"

"Hlauthawng suh i tling dawn chiang lutuk, i designe kha kan president in a hmuh in mawi a tih zia a sawi bawk asin hmuh che a duh thu pawh a sawi bawk kha"

"Ka phur nan i sawi mai mai tiraw?"

"Ai teuh lo thudik anih chu"

"Jeremy tak tak in interview te kha neih ve a ngai awm sia"

"A la hla alawm lungngai suh ka awm hi ka pui char char ang che"


Tiang khawp a talent tha nei si hian a van in ring tawk lo tak, a tling dawn emaw dawn lo emaw pawh ni se a tan tih chhin ve reng reng pawh a tha alawm..


Kan company ah hna a hmu anih chuan ka duh thu ka hrilh ang..

...to be conti...


Rodingliani

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 2:02 pm

50 DOLLAR

Chapter 12

Brandon Santiago

Vawin chu company ah buai na a tam khawp mai chung chuan min ti chau zual bawk a ni. Inchhung ka lut chu rin loh deuh in Amber a lo awm hlau ka hmu chu ka lawm nge ka kuah nghal vawng vawng a..


"Tinge min va ngai hman awm ve?"


Ka lu ka bu ngat ngat a, a dar ah chuan dawm in amah chu ka en a ka hahdam sawng sawng in ka hria.


"He tah enge i rawn tih. I awm dan hi"

"Tinge i duh lo mi?"


"Ai ka duh lutuk zawk mawle. Hetiang a nih chuan hna ban hlan la nghakhlel lutuk ang" ka nui huk a..


Min rawn kuah a, ka hlim takzet a ni rei lo te atan chauh pawh ni dawn mahse he hun hi chan ka duh lo ka kiang ah Amber a awm a..


"Va inti fai rawh i chau awm si ei tur ka siam sak che ania"


A sawi zawng ringawt pawh chuan ka chil a ti put, a hmel en hi chuan ei siam thiam hmel chu a pu lo mawle mahse a thiam lutuk tlat. Ka inti fai vat vat a..


Choka ah chuan ka lut a, dawhkan ah thu in min lo nghak reng tawh a. A hma ah chua ka thu a..


"Ka ril a tam tawh khawp mai"

"Imm ei teuh rawh"

"Amber, tianga ka chung ah i that lutuk chuan ngai ah ka nei mai tur ania" nuih var var pah chuan ka ti a..

"A pawi mi, ka theih ang tawp in ka hmangaih ang che"


A thusawi te hian ka thinphu hi a ti tawp lek lek thin. Ka Amber hriat thin kha a ni tawh lo zawk em ni tiang em em hian a duhawm ang tih tun nhe hria?


A ban a bracelet chu ka hmu leh a,


"Hei hi eng tin nge i neih?"


"Ahh ka thian pakhat in min siam sak a, ka tan liau liau"

"I tan a ni chu a pawimawh viau aniang maw?"

"Umm, aw ka thian neih hmasak ber a ni a ka tan chuan a pawimawh lutuk"

"Kei ai pawn maw?!" Min ner khum nung a, a vin leh vak duh hmel ka nuih leh a "ka ti mai mai nih kha" ka ti leh a..


Ka bul ah, ka sir ah Amber chu mu in ka kuah hle hle a.. Keimah ang tho in ka kiang ah hian a hahdam ve ni in ka hria ka hmangaih ang tho hian min hmangaih ve ngei pawh hi ka ring bawk a ni..


"Cindy a tha em?"

"Imm, tun ah chuan a rawn harh tawh a, nutein a riah pui leh dawn a" ka kut chu a khalh neuh neuh a..

"A va fel ve"

"Nia a ni hi awm lo se chuan hna thawh na hun hi ka nei ngai lo ang"

"Harsatna i tawk anih chuan min hrilh ang che eng tik lai pawh in i tan ka awm reng ania"

"Ka lawm e"


"Amber ka awm chhung chuan i nau chung ah engmah a thlen ka phal lo ang, a tan ka theih ang apiang ka ti ang chu vang chuan ka kiang ah thlamuang tak in awm ang che"


Ka lam rawn hawi in min rawn kuah bet a, lawmthu a sawi leh a. Tun a mi hi chu a zaidam in a hmeichhe hlim thei tak a ni tiang reng hian a nun hi hmang se ka duh a ni..


Diana/Amber


Diana a ni emaw Amber pawh ni se Brandon hi ka hmangaih a ni eng tin nge tiang em em a mipa tha hi an awm theih zawk ni. Ka ti na takzet a ni ka lemchan na hi a hriat chhuah hun ah chuan eng tiang tak in na ang maw min hmangaih na hi reh se ka tih rual hian a reh ang tih ka hlau leh lawi bawk si..


A muhil tui mai bawk sia, a tan eng tiang tak in nge ka hlut chu ka hre chiah lo na in ka kalsan hun ah chuan a tan a hreawm hle ang eng ti tih a kei hi ni nge ka nih eng tin nge a mut theih chhan hi ka nih theih zawk ni? Khawvel hi chu a chang chuan a mak thin a ni. Keimah ngei in ka tawn te pawh hi awi loh chang ka nei fo mai..


Zing dar 2 - 3 inkar vel hian mumang a nei ziah thin a a rum leh thin a hma in thil tha lo tak tawn a nei pawh a ni mai thei a chungchang hi engmah ka hre lo, amah leh a chenna ka hre em em a, eng hna nge a thawh a eng company nge a nih a tu nge a nu leh pa te tih pawh engmah ka hre hek lo chuti chung pawh chuan ka hmangaih em em tho a ni..


Zing dang ang bawk in tuk in pawh a rum chuan min ti harh leh a ka buaipui leh nghal vat a, a nu a lam ngei ngei a ni. Mahse tuk in chu a hma aiin a zual a, a thlanfim in a rawn bual a a mah chu a te lek lek thin a ka sawi nghal vat a..


"Brandon harh teh Brandon"

A rawn meng thut a, a hmel ah chuan a hlau tih a hriat reng mai ka kuah nghal vat a..

"A tha hlauh tur a awm lo ania" min rawn kuah let nghal vat a..

"Ka nu ka hmu a, mahse min lo kalsan a"

"Mumang hreawm tak a nih dawn chu!"

"Ni lo mumang tha tak a ni alawm, ka nu hmel ka hmu thei tal a"


Naupang chhiah ang chiah a ni, hmangaih a kuah bet tu a lo mamawh takzet a ni.. Enge a harsat na tak chu ka hriatpui lo na in a nu a chan hian a nun ah nghawng nasa tak a nei tih a hriat mai..


Hlim tak in awm tur in ka duh em em lai in amah ti na tu chu keimah tho ka ni si, ka inngaihtuah ngun pauh leh ka zam in ka hlauthawnh zual a ni he lemchan na hi chhunzawm ka van duh tawh lo tak em.. A kiang ah Amber ang ni lo in Diana ang a awm ka van chak tehlul em..


Zing khua a lo var a, a hmel tha tak chuan min nuih tu chu ka han hmu phat a ni hman hi a nuam lo thei nang..


A hna kal hnu chuan damdawin lam ka pan nghal a. Cindy pawh ziaawm lam a pan tawh khawp mai a hma ang in min nuih keh ver ver thei tawh a. Vawin chu class ka neih loh avang in ka awmpui nileng dawn chu a ni mai a..


Tyler lo lang ve sek chu Cindy hian a ngaithei lo thin, he pa hi chu a ngaina hlawl lo hi a ni tawp. Ni e kei pawh in ka ngaina bik hlei nem. Mahse eng tin nge ka tih chuang ang. Ka nu leh pa ten min boral san ni phat atang tawh in min tanpui a ka nau enkawl na zawng zawng a tum a, mahse a thlawn chu a ni bik chuanh lo..


Ka theih ang ang in a sum tur ka thawhchhuah sak ve thung a bar hrang hrang ah ka lam kual a, a hma chuan tiang hian ka lamthiam tih pawh ka in hre lo eng ti tih a lam ta ngawt nge ka nih ni.. Mahse vanneih thlak tak in chung lak atang chuan Brandon an min chhan hlau.. Se heng thik neuh neuh hi a lo thlen phah ta si a..


Eng vang in nge kha bar ah khan min lo tawn kher ni??


Bathroom atanga ka chhuak chiah chu la nau leh Brandon te chu an lo ti ti dun a, ka thin hi a phu nghak zak mai. He hmun ah hian lo kal tur a ni lo asin eng tin nge niang Cindy hian lem ka chan tih engmah a hre si lo Diana ka ni tih a hre der si lo a..


Brandon an min hmuh ve leh chuan min nuih nghal ver ver a, tinge a rawn kal ting? A van tul lo tak..


Thawk pawh ka thaw tha ngam lo ka van hlauthawng ber mai em.. Nuih pawh ka nui hlei thei lo..


"Khawi ah nge i kal daih a?"

"Ah bath_room ah, he tah enge i rawn tih ??"

"I nau hi hmuh ve ka chak alawm Amber tinge?"

"Amber ah tunge Amber chu?" Cindy chuan a ti ha ah Brandon chu ka melh nghal vat a mahse mak ti hmel pawh a pu lo..

"Ah ka tih Diana ka tih na"


Maw! Enge awmzia ka hming a hria tih na mi?? Enge thleng hi a bul ah pawh chuan ka thu thei ko ka ding tawp a..


"Tinge rawn thu ta che. Cindy hian Diana tiin ko tur che in min lo ti a"

"Cindy"

"Enge u Amber tih ai chuan i inhmeh zawk alawm a hma pawn i nick name ah i hman ziah tho kha"


He nau hian hriat chu a nei chiang alawm a pawi lo e, Brandon a nih loh chhung chu a tha vek a ka thaw ve thei ta huai e..


"Ni e kei pawh Diana tih chu mawi ka ti"

"Ka duh lo ngawi mai mai teh u. Hna thawh tur te i nei lo mi?"

"Nei e mahse hmuh che ka chak thut a" sana a bih zauh a "hei a tlai ta khawp mai ka kal mai a ngaih hmel" a tho nulh a..

"Bye bye aw Brandon" Cindy chuan a ti a, thlah tur in a car awm na thleng chu ka zui a..

"I lo kal avang in ka lawm e"

"Chutiang mahni ngaihzawng te buk ah an sawi ngai mi.. Ka kal phawt ang aw..Diana"

"Chimawm suh kal vat mai teh"


A car ah chuan a lut a, a tlan liam thleng chu ka thlir zui vang vang a ka thin phu hi a pangngai thei lo tun ah khan Diana tiin min ko a nih chu ka mittui hi a tla hian thei dawn in ka hria a tak a ni tih hre lo mahse a ka atanga kha thu hriat ringawt pawh kha..


Amber ang ni lo in Diana anga hmangaih ka chak a ni.. Room ah ka lut leh nghal a Cindy chuan min melh rum ngei mai..


"Ka u kha pa kha i bum amaw?"

"Cindy lo inrawlh ve suh"

"Kha Tyler nen in thusawi kha hre ta ko ila vawin khan i buai tur zia i hria em?"

"Ka hria chuvang chuan nang pawh fimkhur ang che?"

"U ani kha i hmangaih tiraw??"

"Mu hahdam rawh Cindy tiang ah chuan lo inrawlh ve suh, i hre lo ang in awm ang che"

"U kha pa khan a hmangaih takzet che a ni"

"Cindy a tawk"

...to be conti...


Rodingliani

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)