FALL FOR YOU BY - Rodingliani Vanchhawng (COMPLETE)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: FALL FOR YOU BY - Rodingliani Vanchhawng (COMPLETE)

Unread post by Ngaia » April 26th, 2019, 7:58 pm

FALL FOR YOU

CHAPTER 25

DELA HOWARD

Erick chu damdawin ah kan tlan pui nghal a, Stella chu ka rin ai daih in a mangang a hmangaih lo a ti khan ka hre si a,

Engvang in nge ka hma ah hian buaina namen lo hi a thlen reng mai bik le? Kei hi chhiat na ka ni zawk em ni ka bul hnai a awm te apiang an nat loh leh min kal bo san a..

A su na deuh nge ni, operation tih a ngai a, an la bei rei em em mai leh nghal a, Stella kut ah chuan ka vuan a engkim a that vek tur thu ka hrilh a. A tan a fa pai na ringawt chu a ni lo alawm..

'I tha em Stella'

'Dela Erick chung ah hian engmah a thleng lo ang tiraw? Hei hi ka thiam loh vek a ni'

'A tha leh mai ang hlauthawng suh'

Darkar 3 dawn operation room ah an awm tawh, police te chu thil awm dan ka hrilh hnu ah an let leh mai a..

Phill ka call a, rei lo te ah a rawn thleng nghal mai a, a lo thlen hnu lawk chuan op atang in dr te chu an rawn chhuak a, thil a dan kan lo zawt nghal a..

'In zai na chu a hlawhtling a mahse a harh chhuak leh ang tih hi kan chiang ngam lo a ni'

'Enge i sawi awmzia dr' Stella chuan a lo ti nghal a..

'Pawi ka ti takzet, a hliam hi mai mai a ni lo a, a thluak a khawih tlat a ni, a rawn harh chhuah vek pawn enge thleng ang kan hre lo a ni'

Ka thaw hawk a, tunge a nih chu ka hre lo, mahse thi lo se ka ti takzet a ni kei leh Stella te vanga tianga a thih chu a theih loh a ni. Ka thiam loh a ni..

Stella chu Erick khum bul ah chuan a thu a Erick kut chu a vuan a, a mittui a luang zung zung a, a hmangaih lo ni lo inna hmangaih ngam lo ni mai zawk in ka hria eng vanga a rilru dik tak ti lang ngam lo nge a nih chu ka hre lo a..

Ka hnung atang chuan Phill chuan min rawn kuah a..

'Hey'

'Tun lai thil thleng hian a ti chau tawh ngawt ang che, tiang thil i hmu reng a ngai hi pawi ka ti takzet'

'Aii nang ka nei tawh che lawm, engmah dang ka beisei lo'

'Tak tak'

'Imm tak tak.. Mahse Stella fa pai na pa saq i hriat zawng a ni em, tinge ani saw neih a duh loh a hmangaih hmel hle sia'

'Ahh um Stella driver ania'

'A driver maw.. Ka hrethiam uar mai apa in a duh a ring lo em ni'

'Imm ni e, kei hi makpa atan min duh lutuk hi ni ber in ka hria ka eng hi nge a ngainat em em ka hre lo'

'Keimah ang tho in a that na a hmu ve a ni ngei ang'

'Naaa min ti lai dawn lom'
.....

Ni 3 lai a ni tawh Erick chu a rawn harh thei lo Stella chuan a awm pui char char a, engmah a ei duh bawk si lo ngaihtuah loh theih pawh a ni lo.. Erick hi fahrah ni lo se chuan tiang em em hi an paltlang a ngai awm si lo a..

'Stella chawl hahdam rawh'

'Ka thei lo, Erick hian min ngaidam thei lo ang'

'I ei duh loh pawn i naute tan tal i ei dawn lo em ni'

'Naute maw?? Haha enge sawt na awm Erick hi om ta lo se he naute hi pa nei lo in ka siam dawn sin, Denzil min pe dawn em ni'

'Stella'

'I theih loh chuan ngawi hmak rawh'

He nu hi chu aw tih ngaihna a van vang tak, a luhlul si dawr ah kal in a ei tur ka lei sak a eng emaw tal a ei lo chuan a ni pawh a tha bik dawn lo, room ah la let leh chuan Erick kut vuan chung chuan a lo muhil a, ka rei loh nen engtin nge a lo mut hman ni.. Puan la in ka khuh a ka kal san ta zawk a..

He khawvel hi zawng buai na ram a nih hi tumah hian kan duh zawng leh ngainat zawng engmah awlsam tak in an nei thei lo. Keimah chauh hi na emaw ka lo in ti thin a a lo ni lo. Hlim ber amaw kan lo tih te hi a lungngai ber ber an lo ni leh bawk si..

Hanna leh Max te chu an inneih na tur mo kawr en tur in an kal dawn a, kal ve tur in min sawm nasa em avang chuan ka kal pui hram, ka phur lem lo mahse Ka naute a awm ve alawm..

Phill chuan ka kut ah a rawn vuan a..

'Kei ni pawn kan en ve dawn lo mi?' na vak lo chuan ka chum a..

'ahh a la hun lo'

Ngaihtuah chuan inneih rilru hah na bawk eng tin nge kan inneih tak ang, ka pa chuan eng ti kawng mah in a pawm dawn lo, eng tin nge a chhung te that tu fanu ti em em a a hmangaih theih? Kei aia tha hi chu a phu takzet asin.. Se ka kianga a awm hi ka nunna tluk in ka ngai hlu a ni..

Hanna chuan mo kawr chu a ha kualna, im a chhelo bawk a eng pawh ha se a inhmeh vel vek a ni chu chhelo lar a lar kha a ni hrim hrim bawk a..

'Phill a hma khan kei ni lo in Hanna hi lo tawng zawk ta la..'

'Enge i sawi tum??'

'Engmah a ni lo theihnghilh rawh'

'I sawi uk a, eng tin nge theihnghilh tura min tih theih'

'engmah a ni lo' ka hmui ah a rawn fawp thut a..

'Heii'

'Hremna a nih kha, i sawi tum chu Hanna a chhelo bawk sia i hmangaih anngem!! Hah at thlak lutuk'

'Engee'

'Ka thlang tho ang che. Ka hmangaih ber che he khawvel ah hian'

Phill phone chu a rawn ri a, Stella a ni a, an in bia a..

'Stella'

Phone a dah nghal a, a hmel atang chuan thil tha lo a thleng a nih hmel , Erick..

'Erick ami?'

'Aw, a tha lo viau ni in a lang, ka kal nghal a ngai'

'Ka lo kal ve ang'

'Awle'

Hanna te ka hrilh hnu chuan kan kal nghal a, damdawin ah kan thlen chuan Stella chu anlo tap pur a Dr leh nurse te chuan Erick chu an lo en mek a, a lan dan chuan a lungphu a bo a ang khawp mai... Aydan chuan a awm ah khawl hmang chuan a shock a..

Stella chu a tap a, Phill chuan a kuah a..

'Denzil khawngaih in chhanhim rawh a thi thei lo Denzil ani saw ka hmangaih asin'

'Stella a tha vek dawn alawm'

'Ka ti buai tawh lo ang che, Erick hi tih nat ka duh tawh lo chhanhim rawh khawngaih in'

Hmuh a hreawm takzet a ni, ka hriat loh kar in ka mittui a lo tla ve ringawt a..

Aydan chu kan lam pan chuan a rawn phei a..

'Tun ah chuan a tha tawh e' ka thaw huai mai Stella chu room chhung ah a tlan lut nghal a..

Aydan chu kal tlang nghal a tum a, Phill chuan a lo pawt ding a..

'In bia ang' a tih hnu chuan in in zui chhuak a..

Stella bul ah chuan ka kal ve thung a,

'Pawi ka ti lutuk Erick dawt ka hrilh tawh lo ang che ka ti na tawh bawk lo ang che i lo harh a ngai a nia, ka hmangaih thu che pawh ka la hrilh lo che Erick lo harh hram rawh aw i tello chuan ka awm thei lo ang'

Stella hnung ah chuan ka lo tuai a, he tiang dinhmun a din hreawm tur zia hi ka hriatthiam pui a ni hmangaih ber te chan tluk a thil hreawm hi a awm lo. Kei pawh in khawvela la mipa hmangaih ber ka chan tawh a..

Ka mitthla ah chuan ka pa chu a lo lang a, kan hlim thin zia kha eng tiang a ramhuai a rawn chhuak ta nge a nih hi ka hre lo a ni, a thil tih sual man chu a hmu ngei tur a ni ka pa pawh ni se ka ngaih dawn lo a tana tha tur ni a ka hriat chu ka ti ve thei a ni..

PHILLIP PAULKINS

Damdawiin chung ah chuan kan in zui cho a, cold drink chu min rawn pe a..

'Erick kha tha chiah ang maw?'

'ka chiang lo mahse , a rawn harh vat chu ka beisei'

'A that hlauh chu'

'Enge min hmuh i duh chhan'

'Kha lehkha kha i rawn thawn a ni tiraw?'

'Eng lehkha maw?'

'I hriat loh der dan ah nangmah i ni tih ka chiang e, ka lawm e mahse ka ngaidam che tih na a ni lo ania'

Nizan kha ka hnen ah Mr Howard eiruk na zawng zawng chu ka dang vek a, kum 3 chhung ka zawn tawh kha zankhat thil thu ah ka nei thut chu thang a nih ka ring hial mahse a ni thei lo heng zawng zawng hi a tak vek a ji bawk sia a..

He thil zo zai hi ka hmeichhe hmangaih ber hring tu tih a ni si a, ka pa te chungchang ah kha chuan finfiahna hmuh tur a awm tawh lo pawh a ni thei mahse tun a a thil tih sual hmang hian ka phuba chu ka la ang..

'Aydan min pui thei ang em?'

'Kei maw?'

'Aw nang hian i pa leh Dela pa te thil tih hre chiang ber tu leh an mi rin ber i ni a'

'ka thei lo'

'I thei kei leh Dela tan ni lo i tan ti rawh Dela leh Max pawn an ngaidam thei phah maithei che a ni'

'Tumah ka mamawh lo'

'Kan mamawh ang bawk che hian min mamawh tih ka hria, a vawikhat na ka ring leh ang che' a dar ah chuan ka beng thak a, ka kal isan nghal a..

A mitmeng leh a awm dan ah, a inchhir takzet tih leh lo kir leh a duh tih ka hria, run ah rih chuan a harsa a ni thei eng tik ah emaw chuan hman ang kha kan la nih leh ngei ka beisei.. Ka lo nghak reng ang che Aydan..

...to be continue...


Rodingliani



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 26th, 2019, 7:58 pm

FALL FOR YOU

CHAPTER 26

PHILLIP PAULKINS

Aydan hnen atanga ka lehkha hmuh ho chu ka en a, engkim mai hi a tak vek a ni engtin nge tiang taka rapthlak hi a la tih theih zawk ni.. File chu ka en kual zel a heng thil an duh vang hian ka chhungkua kha min lak bo sak a, sum hi an tan hian eng tiang tak in nge a hlut bik viau ni..

Heng zawng zawng hi Dela in a hriat chuan tun ai hian a rilru a na leh zual ngei ang, amah hrung tu ngei a pa thil tih vek chu a ni ngei si a..

Max leh Hanna te pawh an awm ve a..

'Tun ah chuan heng thil hmang hian ka pa phuba chu la la thei tawh ngei ang' Hanna chuan a rawn ti a.

'Mahse Dela eng tin nge a awm tak ang?' Max chuan a rawn ti ve leh a..

Ni e, apa sual na zawng zawng hi kan hai chhuah anih chuan a tan thil hi danglam vek dawn ani, pawn lam ah chak tak ang in lang mahse a chhung ril chu naute ang mai a ni. A chak loh na hi tumah hnuh tir a duh ngai lo..

Dela ka ngaihtuah in a rilru na tur ka ngaingam bawk siblo, mahse apa sual tak in aninka hmangaih vang ngawt in midang lak ah a tih chhunzawm zel ka duh bawk si a engkim mai hi a buaithlak vel vek a nih hi..

'Dela chu a tha ang, ani pawh in kan tih ang tho hian a ti ve ngei ang'

'Phill kum 3 kal taa thil thleng te kha, an inpuang anih ngawt loh chuan finfiah a har tawh viau ang'

'A pawi lo, ka duhthusam chu ni mahse ka chhung te tan thil dik ka tih hrim hrim hi ka duh a ni'

Max chuan awi lo zet chuan lehkha ho chu Aydan min pek a nih tak tak leh tak lo chu min zawt nawn sek a, mak a ti viau a ni ngei ang. A ngaih ang em em a nunrawng chu Aydan hi a nih loh zia a hre lo anih hi hhahah..

'In siam that a duh ve tawh pawh a ni mai thei asin'

'Eng tin nge a ni ang mihring kha a insiam that teh lul ang. Hey Phillip nang hian ngaidam pawh ni la kei chuan ka ngaidam ve thei lo'

'Max i ngaih ang khan thil hi a thleng vek lo ania.. E in mo kawr en chu enge a an a?'

'Imm a tha, a duh a thlangfel ve thei hram'

'Hanna hian nang chauh hi a nei tih hrua la, duat hle ang che'

'Min hrilh ka ngai lo ang aw, i bialnu chauh buaipui rawh'

'Kei chuan ka duat sa alawm'

Hanna a rawn lut a, 'min lo rel em ni?' A rawn ti lut a.. Eng tik laiin nge a lo chhuah hman a??

Damdawin ah Dela hruai tur in ka kal a, Stella a awmpui tlat a, haw tur a ka tih pawn a duh lo a luhlul lutuk..

'Thil i ei tawh em?'

'Imm ei tawh' a sawi zawh rual rual chuan a pum a rawn ri a.. Daw heh lutuk a lu ah na lo te chuan ka chum a.

'Dawt sawi hi tu zirtir che nge?'

'Nangmah'

'Maw!! Kal rawh thil ei ang'

'Aii Stella hi ka kal san thei lo, ti sawn vawin nileng in a la thu char char ania Erick lah hma a sawn thei bawk si lo thil tha lo te a ti ang tih ka hlau alawm'

'Hlauthawnh suh engmah a ti lo ang, chuan i ti lui lo ang nang ang bawk a luhlul a nih saw'

'Chu pawh ni se' Stella chu a rawn te chhuak a, kan tlan lut nghal a.. Stella chuan Erick kut chu a vuan a, Erick chuan a mit a rawn meng tih ka va hmu a. Ka thaw huai mai ka lawm khawp mai ka tlanchhuak leh a Dr ka ko nghal a..

Dr nen chuan room ah kan let leh a, Erick chu Stella chuan a lo be mawlh mawlh a..

'Erick i lo harh chhuah avangin ka lawm e ka lawm takzet a ni.. Min ngaidam rawh engkim hi ka thiam loh vek a ni'

Dr chuan Erick chu a en kual a, mak pawh a tih hmel khawp mai, a rawn dah chhuak leh chuan thil awm dan kan lo zawt nghal a..

'Thil mak tak a ni, a rawn harh pawh a thluak ah buaina a awm kan beisei kha a ni a.. Tun ah c t scan tur in hruai nghal ila a tha ang'

'Awle dr'

Erick chuan Stella kut chu a vuan a..

'Min kal san tawh lo ang tih min tiam thei em?'

'Imm ka tiam a che ka kal san tawh lo ang eng tik ah mah.. Mahse kha tiang thil kha i ti tawh lo ang tiraw?'

'Ai ti tawh lo ang.. Ka hmangaih lutuk che'

'Kei pawn ka hmangaih che'

Erick chuan tawng a la harsat hle a nurse te rawn lut in ct scan tur chuan an hruai chhuak a..

Erick leh Stella te tiang dinhmun a an din hi ka ring pha ngai lo, Erick a hmangaih Ia a pan a hriat chhuah loh nan kei xhu hmanrua ah min lo hmang mai mai chauh a ni a.. Fing phakar reuh lutuk tu emaw ang tak in..

Ka mitthla ah chuan ka u fanu chu a rawn lang a, kha naute kha ka hmuh hnuhnun ber khan ka lem a ziah ka hna ban hun ah min hmuh ang tih min tiam kha a ni a.. Tun ah hian la dam se chuan 10 vel a ni tawh awm si a..

'Enge i ngaihtuah'

'Erick a rawn harh tawh bawk a, i ei ve tawh ang tiraw' nui chung chuan a lu a bu ngut a..

'Awle, a tam tawh rapthlak'

Dawr ah chuan ka hruai a, a ei tur chah chu ka nui tawp tiang em em a thil ei tur a lam hnem ka la hre ngai lo..

'I ei thei em ni?'

'Imm tun ah chuan thil ka ei pawn ka uak tawh lo a nia ka dam tha tawh lutuk'

'Ka thaw huai mai, ka van lawm tak dawr a awm zawng zawng hi chah vek mai rawh'

Min rawn nuih var var movie a a changtu te ang in hmeltha in ropui em em ve lo mahse ka mit ah chuan a mawi ber a, amah khum zo tu hi tumah ka hmu zo lo a ni.. Hmeichhe hmeltha tak tak pawh in amah ka ngaihtuah tawh chuan min hip tlu zo lo a ni.. Amah hian min hip hneh em zawk vang pawh a ni mai thei..

A inrin loh lai chuan a biang ah chuan ka piap a, a phu chiang kher mai na ti tak in a biang chu a dawm vat a..

'Ana'

'Ka hmangaih che'

'Keipawn' a ti tum hmuk a, a duhawm lutuk chu ka nui chhuak tawp a.. Min la melh raw zui.. Hahha a duhawm ve chiang alawm..

Kei ei zawh chuan damdawin ah kan let leh a, Stella chu ding in a hma mi chu a lo melh kurna, Chairman a lo ni a.. Hmanhmawh tak in ka tlan nghal a..

'Tun ah khan eng maw i sawi kha?'

'Ka pa ka nau pai lai hi Erick fa a ni'

'Eng tin nge i theih zaw?'

'Pa Erick hi ka hmangaih asin, ka kal san thei tawh lo kum tam tak hmangaih reng chung in ka ti na char char a tun ah chuan a theih tawh lo'

'Motor khalh in a chawm thei dawn che em ni?'

'pa chu chu tun ah a pawimawh viau a mi, kan inhmangaih a naute kan nei bawk a'

'Hmangaihna hian engkim hi a ti thei vek in i ngai em ni. Hmangaihna in, in in chawm dawn em ni?'

Erick chu thei leh thei lo in khum atanga rawn chhuk in, Chairman hma ah chuan a thingthin a

'Erick tho rawh'

'Chairman, i fanu hi engtik lai pawn ka ti nui reng ang tih chu ka tim thei lo che mahse harsa tak in emaw hreawm tak in ka awm tur ngai lo ang tih ka tiam a che'

'Nang ni hian min ti zak in min fi hrilhhai khawp mai'

'Pa ka tiam a che a kiang ah hian ka hkim ang'

'Anih Denzil chung a ka chet dan zawng zawng te kha. Nang hian i duh ber amaw tiin i tan'

'Pawi ka ti lutuk ka pa Denzil chuan a hrethiam mai ang, ani pawh in hmangaih a nei a, a hrethiam lutuk ang'

Chairman chuan Erick chu a kai tho a, ka nui suk a mi sual tak chu a ni lo, a fanu a hmangaih em avang in sual tak anga a lan chang neih a ngaih vang zawk a ni..

'Engkim a tha vek ang tiraw?' Tiin Dela chuan min rawn zawt a ka lu ka lo bu ngut a..

'Ka fanu hi nangmah vanga a tap ka hria a nih chuan ka ngaidam lo ang che. Ka tan ka fanu aia hlu hi an awm lo'

Stella chuan apa chu a kuah a

'Pa ka lawm e, ka lawm lutuk'

'I hlimna hi ka thil duh ber a ni a, chuvang chuan dawt min hrilh tawh suh i dawt sawi avang a mi pahnih inkar i tih chhiat teuh zia i hria em?'

'Pawi ka ti lutuk pa, ka ti tawh ngai lo ang' a fanu chu a kuah a..

Dela chu ka en a a lo nui vur vur a..

'I va hlim awm ve'

'Kan thil hmuh lai hian min ti hlim lo thei lo alawm'

'Imm tun ah chuan zawni muang hi engkim hi a tha telh telh ang. Tun atang in nang leh kei pawh thawnthu hlimawm chauh kan neih tawh ka beisei'

Tun ah chuan hna zawh loh pakhat chauh ka nei ta heng thil zawng zawng in tan na leh a tawp na tur chu..

Dela tui taka muhil lai chu ka en vang vang a.. Te ka ti na maithei che ania i tawrh theih hram ka beisei.. A hmui sen sap leh nem thep ah chuan ka fawp a, khum atang chuan tho in lehkha pawimawh te la chuan ka chhuak a..

Apa tla chhe lai hmu tur in ka duh lo, a thil sual tih chu a hre vek a ni mai thei, ka hua ti mahse a pa anih na a bo lo a tumah in kan hmangaih te chhe lai chu hmuh kan duh bik ka ring lo..

File pawimawh zawng zawng keng chuan police station ka pan a, thil dik lo a awm taka tiin a copy ka siam vek bawk. Ka finfiahna neih zawng zawng chu ka thehlut vek a..

Tun ah chuan engkim hi a tawp tak tak tawh ang, kei leh Dela pawh hlim tak in kan awm ve theih tawh hram ka beisei takzet a ni..

Police te rual chuan Mr Howard company lam pan chuan kan kal a, A office ah a lo awm ngei.. Police hmel a hmuh chuan mak a ti ngei mai..

Detective chuan man theihna warrant lehkha chu a hmuh a.. A pawl te chuan a office chhung a finfiah na awm thei ang zawng zawng chu an thiar mawlh mawlh a..

'Eng thil nge in rawn tih hi chhuak nghal rawh u'

'Lawyer rawih theih na dan i nei a, sawi buai duh i neih chuan i lawyer chu i hriat tir dawn nia'

Kum 3 kal ta a, a that amaw a tih chu min hmu leh a nih chuan a mak tih tur zia ka hria, a hma ah chuan ka va ding a..

'Nang'

'Chibai le kan inhmuh loh na a rei ta hle mai'

'Nang eng tin nge i la dam theih, ka that tawh che i thi tawh'

'Pawi hle mai ka la thi lo chu a nih hmel hle mai ka sawi kha nang ti chhe tur che in ka lo kir ang ka tih kha'

Police te chuan an man beh tlat avang chuan a che hlei thei lo, a tang hle mai..

'Min thlah rawh u he nau hi a thi tawh a ni eng tin nge a la dam thei??"

Dela u chu a rawn lut a..

'Ka pa duhtawk rawh'

'Ka fapa nang chauh hi ka innghah na i ni tawh ania, kei hian an ni ho hi ka ngaidam lo ang'

A office atang chuan an hruai chhuak a, tumah hi a lam ah an tang tawh lo tih hi hre thiam tur a ni asin..

...ti be conti...


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 26th, 2019, 7:58 pm

FALL FOR YOU

CHAPTER 27

DELA HOWARD

Ka harh chuan ni a chhuak vek tawh dar zat ka en a dar 12 a lo ri dawn tawh a, tiang em em a ka muhil tui hi a mak khawp mai mahse duh tawk mut ai nuam chu a lo awm lo a nih hi ka nui ver ver a, choka ah Phill a awm ring chuan ka chhuak a, mahse inchhung ah kei tih loh tumah an awm lo dawhkan ah chuan ka ei tur a lo in chhawp sa thlap a..

'Dela ka hmangaih che' tih hi lehkha ah a lo inziak a.. Ka nui suk a min hmangaih zia hi ka hriat loh hi a hlau a ni keipawn ka ti sap a..

Mahse khawi ah nge a kal reng reng le? Hna a kal ti dawn in la, a ban na a thehlut tawh bawk sia, a thawk leh ti don ila min hrilh loh ka ring bawk si lo

Ka phone a rawn ri a, Stella hnen atang in a ni a..

'Imm Stella'

'Dela news i en em?'

'Tinge?'

'En vat teh, i pa chungchang a ni'

'Kanpa maw' tv chu ka on don a lehkha hi a lo om leh a..

'Dela engmah ka hrilh loh che avang in pawi ka ti takzet, tun ah chuan i pa chung ah enge ka tih i hre tawh ngei ang.. Min ngaidam rawh hei hi ka chhungte tan ka tih ngei a ngai a ni. ka hlim nan i nun ka tihchhiat sak che ni mai in ka inhria a ka in haw takzet mahse min hriatthiam hram ka beisei'

'Ka pa' tv ka on a.. Ka pa chu a eiruk na zawng zawng hai chhuah vek a ni a, news awm thei ah zawng zawng an puang chur chur mai. Chu mai bak ah kum 3 kal taa kang mei chhuak pawh ka pa tih a ni tih an sawi chhuak bawk a...

Ka thin chu a phu dup dup a, ni e hei hi anphu a ni. Mahse thil tisual in haw thin viau mah ila hetianga a tluk chhiat lai hmuh hi chu thil nuam tak a ni lo, ka biang ah mittui a rawn luang a, ka nu ka in ha sawk sawk a kan in lam ka pan nghal a..

Mahse kan inkawt ah chuan reporters leh mipui thinrim an au tuar tuar a, ka nu eng tin nge a awm ang ka ngai pawimawh lo, ka kal ta tawp a..

Mipui leh reporters te chuan min rawn chim nuai nuai a, a then lah in anchhia min lawh a lung a min vawm tawk an awm bawk a chal ah an rawn vawm na a la thi zui.. Inchhung ah lut thei pawn min siam dawn lo anih hi..

'Khawi ah nge tun ah i pa hi a awm, in inbia a ni tiraw?'

'Enge i sawi awmzia?'

'Pokice te kut atang in a tlanchhuat hi i hriat pui tiraw?'

'Maw' a tlan chhuak amaw ka pa sng rhil nge i tih a ka mut chhung lek khang heng thil zawng zawng hi a thleng vek hman a amw??

Ka hma ah chuan lung lian ve tak a rawn thlawk phei ka lo kun nghal mahse mipa khat min rawn kuah bet a, lung chuan amah chuna fu ta zawk nge a ri dup a..

'Aydan'

'He tah enge i rawn tih, he tah awm tur i ni lo'

'Ka pa a tlanbo an tih kha enge awmzia?'

Min vuan bet tlat a..

'I nu bul ah ka hruai ang che he lai hi a him lo'

Min kai dawr dawr a, a car ah min luh pui a..

'Khawi ah nge ka nu, chuan ka pa pawh eng tin nge a tlan chhuah theih nang hian a awm na i hria tiraw?'

'I pa awm na chin tu man an hre lo, ka pa pawh tun ah an man tawh'

'Ka thiam loh vek a ni' a car chu a ti ding thut a..

A rawmawl ti huh in ka chal a thisen kai chu min hruk fai sak a, bandaid a bel nghal a..

'Khawngaih in Dela na suh, i na hmel hmuh hi ka duh tawh lo'

A tlan leh nghal a, sawi tur pawh ka hre lo ka rilru hi a buai vel vek a ni.. Aydan chuan Hanna te in ah min hruai a.. Ka tlan lut nghal a ka nu a lo awm ka lawm zia chu ka kuah nghal a..

'Nu'

'Ka fanu bawihte i tha maw'

'Aw ka tha, nang nu i tha em?'

'Imm ka tha, i pa in a rawn bia che em?'

'Ai be lo, ka hre ve chauh alawm, nu pawi ka ti lutuk'

'I thiam loh engmah a awm hlei nem Dela i pa hian a sual man a hmuh a hun tawh alawm'

'Nu ka pa hi ka hua ka haw takzet mahseba chung ah thil tha lo a thleng ang tih ka hlauh ngawih ngawih bawk si ka hrethiam lo'

PHILLIP PAULKINS

Zing lam a, Dela pa an hruai hnu lawk chuan Dela u chuan recorder hi min pe a, tah chuan Aydan pa leh Dela pa te kum 3 kal taa an inbiak na ka chhungkua thah dan an ruahman na chu a lo awm a..

Ka ngaihthlak zawng pawh chuan ka na vek in ka hria ka thin a rim thar in ahma aia nasa in he pa hian tuar se ka ti takzet a ni. Kei mah kut ngei a that hi ka chak takzet a ni mahse Dela vang chauh in ka ti thei lo a ni..
....

Police te chuan theihtawp chhuah in an zawng tih ka hria mahse hei ai tha lo a ti leh zel ang tih hi ka hlau khawp mai, Dela inthiam loh na tur dang siam belh tawh lo se ka ti ngei mai..

Tun ah chuan ka duh ang ngei in , a company atang pawn hnawh chhuah an duh na ri a lian ta hlei mai, Hanna kut ah a awm leh theih ngei ka beisei a ni.. Company ah inrawlh tawh lo mahse share holder lian ber te zing ami a la ni tho a ni..

Eng dang zawng ai chuan Dela ka ngaihtuah takzet a ni apa chunga thil thleng te hi a hre ve ngei tawh awm si a..

Dela ka call ngam lo, Hanna ka call ta zawk a..

'Dela a tha em?'

'Ngaihtuah suh kan awm alawm Phillip Dela chu a tha i tih tur chauh kha ngaihtuah rawh khawngaih in'

'Awle' tiin ka chhang a phone ka dah leh nghal a, ka thawveng ve deuh hawk thei mai.. Ka phone a rawn ri ka no hriat ngau a ni lo mahse ka la tho a..

'Hello'

'Paulkins fapa min hria em'

Dela pa maw, khawi ah nge a awm tih chu ka zawt nghal a min chhang dawn lo tih hre reng chung in.. Rin loh deuh in inhmuh pui ah min sawm a, thang a kam loh chuan a mak khawp ang, naupang mai mai ah min ngai em ni le??

Aydan chu a rawn lut a..

'Kal suh'

'Ka kal a ngai'

'Ka lo kal ve ang'

'Keimah chauh min hmuh a duh alawm, keimah in ka kal thei'

'Phillip ka thutak a nia'

'Kei pawh, min dan tum suh'

A hlauhawm emaw hlauhawm lo pawh ni se ka buai lo he pa hi ka hmachhawn ngei a ngai ka hmeichhe hmangaih ber hring tu a nih vang leh a tul avang in..

Tu man min dang thei lo ang, ka kal nghal a, Aydan chuan min rawn um nghal a ka car chu a chak thei ang ber in ka khalh a, ka tlan san thei hram e.. Dela pa min koh na lam pan chuan ka tlan leh nghal a..

Mahse a hmel ka hmuh hun ah ka insum zo lo hi a chung ah eng emaw ka ti ang tih ka hlau zawk a ni ka chhungkua leh ka nun min tih chhiat sak vek tu a ni a..

In sak zawh loh la ruak vek hi a ni a, khua a thim tawh bawk nen a thim in a thim khup a ka phone flashlight chu ka on a..

Thim zing atang in aw a rawn chhuak a amah a ni ka in siam rem vat a min rawn beih thut pawh a chet rem nghal thei tura awm a ngai a ni..

'I pa i chhun hle mai'

'Rawn chhuak rawh'

'Tum eng ang mah lah kei hi min hneh thei ngai lo ang'

'I thil tih sual man chu i tuar tur a ni, nang hian ka chhungkua kha i that a ni'

'Nie ni e ka that ngei alawm ka kut ngei a ka lo that lo kha ka thil tih sual lian ber a ni ahh nangpawh'

'Eng tin nge i tih theih, i chhungte tan pawn a hreawm tur zia i hre lo em ni'

'Ka fanu i la theihnghilh thei lo ni in a lang, hahh enge a an i chhung te thatu fanu han hmangaih tlat mai chu eng ang in hrem na rapthlak nge ni ngai'

'Ngawi hmak rawh Dela hi hrem na a ni reng reng ka nuna asin'

'Ka fanu hian a hmangaih lo che, sunhlu kung ah thei dang a rah ngai lo rei lo te ah nang hi a kal san ang che'

A hmel hmuh tur awm bawk si lo, ka thinrim na hi a keh chhuak mai ang tih hi hlauh na men loh in ka hlau a ni, ka thil tuh engkim mai ah Dela a rawn lang zel a. Dela tih hreawm theih thil eng mah tih ka duh lo a ni..

'Rawn chhuak rawh Dela hming chhal in i chung ah engmah ka ti lo ang tih ka intiam tawh'

A rawn chhuak a phonenlight chuan a hmai ah ka lo en nghal a..

'In pe rawh i chhung te i la hmangaih ve a nih ngai chuan'

'Ka thi zawk ange!!'

Siren a rawn ri a, min nuih suk a..

'Mi dawizep nangmah in lo kal rawh ka ti lo em ni?'

'Ka hruai a ni lo, a tlai hma hian in pe rawh khawngaih in'

Police te chuan a rawn hual thap a, Dela chu a rawn tlan lut a apa hma ah chuan a ding a..

'Pa a la tlai lo, ka ngaidam thei che a ni'

'I ngaihdam na ka mamawh lo'

'Ka pa khawngaih in hetiang hi ti tawh suh i fanu ka nih hi ka tan pawn. I hria em ka naupan lai pawn ka nu aiin ka ngai zawk thin che anih kha ka nu pawn a thik theih em che kha.. Chuan i la hria em kha thingkung kan phun dun tum kha ka hun tawn tawh zawng ah ka hun kha ka ngaih hlut berba ni asin. Pa lo kir leh rawh'

'Engkim hi a tawp vek tawh, a tawp vek tawh'

'Aii pa a la tawp lo, i chhungkua hian kan mamawh che i tello in kan awm thei lo, khang kum chhung a i chung a ka awm thin dan zawng zawng te kha pawi ka ti lutuk'

Dela chuan muang chang in a pa chu anhnaih hret hret a, ani hian a pa chu a lo hrechiang ber a ni, hetiang thil ka hmuh tir a ngaih avang hian pawi ka ti takzet a ni..

'Pa lo kir rawh'

'A theih tawh lo, i pa tiang ka ni chung pawh a min la pawm duh avang in ka lawm e mahse a tlai tawh a ni' Dela tawng ve hman hma chuan a a hnung atangin silai a la a, a lu ah a kap ta pawp..

Silai a ri thawk a, a reh ta vang vang a, apa thisen per chu a hmai ah a per a, a melh ngai chu a melh ngut ngut a.. Ni lo tiang tur hi a ni lo asin..

Dela chu chhuat ah a tlu hnuk a, a lam pan in ka tlan nghal a, apa ruang chu a melh char char a..

'Dela'

'Phill ka pa saw a'

'Dela pawi ka ti takzet' ka awm ah ka kuah bet nghal a..

'Tinge ka pa saw??'

A thawng lutuk chu a tap chhuak thei lo, tap tur in ka duh a ni..

'Dela tap rawh i theih anga nasa in au rawh Dela i tan ka awm alawm'

'ka pa ka pa' zawi te chuan a rawn in hrut a, a rawn tap ring ta tial tial a, a mittui a biang ah a luang zung zung a, a natna chu a rawn au chhuah pui a..

Tiang a ka mi hmangaih ber na lai hmuh hi hei aia natna nasa hi a awm tawh lo ang, a na hmel chuan kei hi min ti na ve takzet a ni..

********************************

KUM 5 HNU AH CHUAN

DELA HOWARD

Kei leh Hanna leh Max te chu bench ah thu in kan hma lam kan melh thup a, ka tang lutuk chubka kut chu ka hum ruh vek hial a ni ka au chhuak ngam chiah bawk si lo.. Hanna chu tang tang rawh tiin a au vak vak a. Keimah zawk hi tianga au tur ka ni asin..

Phill chu tui ah chuan a zuang lut a, a hnehsawh takzet a ni, a hleuh zel a.. Tun tum chu ka insum tawh lo ang ka thut na atang chuan ka tho a ka au ta vak a..

Hanna chuan mak ti tak in min rawn en haa aahh..

'Nang hi'

'Engee???'

'I ti tha lutuk Phillip pawh a lawm ngawt ang'

Lalpa ka lawm ee 2019 Olympic swimming Champion a ni ta, ka thut hmun ah chuan ka nui ver ver a..

Stella leh Erick leh an fapa chu an rawn lut a lawmpui na min rawn hlan mawlh mawlh a..

'Ka lawm lutuk.. Heei Erick second i va lian tawh ve' ka nui var var a..

Phill chu Reporters te chuan an bawr luai luai a, ka hawi thla a min rawn nuih suk a.. Ka sam chu ka pa duduh ang ngei in ka sam ka zuah ve tawh a..

Min rawn melh reng pah chuan 'he dinhmun ka thlen theih chhan hi ka kiang ah mipakhat a awm reng thin vang a ni ani chu ka tan ka nun ah a pawimawh takzet ka khawvel a ni a ka nunna a ni bawk a ni' ka nui vur vur a..

'Chu mi chu i hmangaih hle a ni maw?'

'Tehreng mai, a tello chuan ka nun hian awmzia pakhat ma a nei lo'

Hanna leh Stella chuan min lo kawk vak vak a van ti zahthlak thei tak tianga a tih kher a ngai lo asin.

min melh reng chuan 'Dela Howard ka hmangaih che kei hi min nei duh a ngem?'

Uii leheh kal loh theib pawh a ni tawh lo Hanna te chuan a nem hian min nam chhuak a ni ringawt lai tak chuan ka ding a ka lam pan chuan a rawn kal a..

'Dela min nei duh a ngem?'

ka hma ah a thingthin a, zungbun a rawn phawrh a..

'Min nei rawh'

Kei aia a hniam bik na chhan tur a awm lo, kei ang te min hmangaih a ka kiang ah a awm reng duh te hi ka lawmngawt zawk asin, a hma ah chuan ka thingthi ve ang..

'Nang leh kei hi angkhat kan ni.. Imm ka nei ang Phillip ni lo zirtirtu ka nei ang che'

A kut ti khawr in ring tak in min neih a duh anih chu a ti vak a, min kai tho a zungbun chu min bun tir a, mipui leh tv thleng in min en thup dawn anih hi a van zahthlaj tak mahse ka nun a ka la hlum ber tum a ni ngei ang, ka hlim takzet a ni..

Min pawm kang lawp a, tui ah chuan min zuan luh pui a..

'Ka hmangaih che Dela ka damchhung hian nang chauh hi i ni reng ang'

'Kei pawn ka hmangaih che Phillip'

Min rawn hnaih a ka hmui ah duhthawh tak chuan a rawn fawp a, thlalak lah a la de chuai chuai zui, zah a han eng emaw vel chi pawh a ni tawh bawk si lo.. Mahse ka hlim hi a ni tawp..

Ka mipa hmangaih ber in a duhthusam a ti puitling a, kei hi ka hmangaih ber ka nei bawk.. Khawvel ah hian lungngaih chang te hi awm thin mahse kan tuar chhuak anih chuan a tawp ah hlim na a awm ngei ngei thin..

Vawin hi Aydan Jail atang a, a rawn chhuah ni a ni a.. Kan pali in Aydan nghak chuan kan kal a pawn ah chuan kan ding thap a..

Kum 5 chhung a tan chhung khan a la inthlak miah lo, a hmelthat ngai in a la hmeltha reng a sam a buk tih leh a cher tih mai loh chu..

'He tah enge in rawn tih a?'

'Kan rawn nghak che anih hi i hmu lo ami?' Max chuan a ti a..

'Max kei hi min ngaidam thei em ni?'

'Mi a pa rawn kal mai mai teh' tih pah in Phill chuan Aydan dar ah chuan a kuah a..

'Kha zel tan chu i ngaih hle mai' ka lo ti fiam a..

'Kei min hmu tur in in vaiin in rawn kal a, Hanna nang pawh ka pa leh keiin i pa chung a!!'"

'Shhh kha tiang lam kha chu hun kal tawh alawm hlim taka kan awm hi a hun ve tawh, a ni lawm ni?' Tih pah in Hanna chuan Max a melh zauh a..

'Chuan Aydan thil lawmawm deuh hrilh rur che kan nei' Max chuan a tina hre chak tih hriat zet in Aydan chuan a zawt let nghal a..

Max chuan Hanna pum chu a khawih a, 'Pa ka ni tawh dawn' in ti thei fe chuan a rawn ti chhuak a.. Lawkk maw Hanna a rai amaw chuan min hrilh lo aa.. Ahh engtin nge a theih..

'Hanna' ka ti vak a, Max phen ah a biru a tihpalh a ti nghal a..

Ka lawmpui lutuk che u'

'Ka treat vek ang che u, naute lawm nan' Aydan chuan a ti a..

'Mahse pawisa i nei mi?' Ka ti vat a

'Nei nang' nui tut chuana ti a.. Kan nui vak ringawt a..

Kan hnung ah an thian pathum chuan an rawn kal a ka hawi leh zauh thin a, kum 8 meuh a liam chuan an thian ho pawh hkim tak in an awm leh thei ta alawm..

Hanna chu ka va kuah a..

'I la chak lo khawp ang Hanna'

'Hrilh che ka tum reng mahse Max an a phal lo lawm'

Tun ang hian kan hlim reng thei ang chu ka ti lo, hrungnun ah hian lungngaih na te hian kan hma lam hun ah kan hlim na tur chu a ti hlu zual zawk thin a ni.. Hei hi a ni hringnun chu..

THE END

Ka thawnthu te min lo chhiar sak thin avang in ka lawm takzet a ni.. Thiam lo tak chung in lawmthu ka rawn sawi a ni e.. Ka lawm e..


Rodingliani

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)