FALL FOR YOU BY - Rodingliani Vanchhawng (COMPLETE)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: FALL FOR YOU BY - Rodingliani Vanchhawng (COMPLETE)

Unread post by Ngaia » April 26th, 2019, 7:55 pm

FALL FOR YOU

CHAPTER 13

DELA HOWARD

Ka room ah chuan ka nu chuan min rawn zui tlang nghal a, khawi ah nge ka kal te chu min zawt zung zung a, mahse thil thleng engmah ka hrilh duh lo, ka pa lak ah ka thinrim em avang in ka chhuak mai mai tih chauh in ka chhang a, min ngaihtuah thei hle tih pawh ka hria mahse chhan eng emaw tak hian he inchhung a tu pawh mai hi pawh min ti harsa em em a ni..

Ka nu ngat phei hi chu huat na tur emaw dem na tur em em pawh ka nei hran chuang lo, mahse ka ngaih ve dan chuan ka pa thil tih a tir atanga a lo dang lo kha a thil tih sual ni chuan ka hria, mahse enge tih theih a neih ang , eng ang pawn lo dang mahse he pa hi chu tu man an dang thei chuang lo ang, ka nu chung ah thil tha lo a ti duhang tih pawh hriat loh, a kawng dal tu tumah dah bo a hreh lo, kei pawh hi min mamawh loh hun ah chuan zirtirtu leh a chhung te a tih ang khan min la ti ve duh ngei ang..

Ka hlimna chu he inchhunga mi te hian hre ve lo mahse pawi ka ti lo, Hanna nen kan inbe leh tih an hriat chuan kha pa bawk kha, eng thil nge a tih leh dawn pawh hriat a ni si lo a, eng vang in nge a niang mihring fa hi ka lo nih kher kher mi te chuan a hma kei mah ang bawk khan mi tha leh mite ngaihsak tak ang khan an ngai ve awm si a, eng anga tam mipui nge bum a la tum cheu ni, tiang hmel pahnih nei ho hi an hlauhawm takzet a ni..

Ka phone a rawn ri a, ka ban nghal vat a ka phone screen ah Hanna hming rawn lang ka hmuh chuan ka lawm takzet a ni, ka hnuk te hi a ulh dawn hial in ka hria rang tak chuan ka pick up nghal vat a..

'Hanna'

'I tha deuh tawh em?' ka chal chu ka kut chuan ka khawih a

'Aw khawsik pawh a awm tawh lo'

'A that chu damdawi kha ei tha ang che' chhan awm lo chuan ka nui ver ver a, tiang hian min ngaihtuah na aw ki hi ka hre tawh ngai dawn lo maw ka ti tawh asin, mahse tiang ka hre leh thei hian min ti hlim takzet a ni..

'Hanna min ngaihdam theih avang in ka lawm e'

'A ti leh dawn ta, kha thu kha i sawi leh anih chuan, ka be tawh lo ang che'

Lai tak chuan ka nui ver ver a, sawi tur em em pawh chu ka hre chuang lo amah biak a a aw hriat hrim hrim pawh hi a nuam tawk viau a ni..

A tuk ah chuan hna kal tur chuan ka insiam a, ka rin ang reng Aydan a rawn lang leh ta kan misual pa hian a hlat a min awm tir chu a tum loh hmel khawp mai, tiang em em a ninawm hian eng tin nge a awm theih zawk ni, han hnial vak ngaihna pawh hi ka hre thin bawk si lo..

Aydan car chhung ah chuan ka lut a, boruak a danglam leh khup ta eng tin nge he mihring hi ka neih theih ang tualthat tu nupui ka ni ang maw?? HH enge chu chu danglam vak tualthattu fanu ka ni tawh tho alawm ti chuan ka inhnial leh hnuhnawh a..

Kum 3 teh meuh chu he pa nen hian nitin deuh thaw kan awm dun a, kan inhre chiang tawh mah mah a ni a bul ah dawt lah a sai theih lo, eng emaw chang hi chuan ka khawngaih ve lek lek thin , eng tiang pawn tawngkhum in anchhia lawh mah ila engmah a sawisel ngai lo.. chu chu enge a hlawk na a phu reng alawm engvang in nge min hmangaih ka thiam loh pawh a ni lo, min duh tur pawn ka ti ngai lo..

'Hna te i nei ve sia, damdawin ah tih tur i nei ve lo em ni, eng tin nge nitin hian i hmel hi i rawn lan theih zawk a?'

Min chhang lem lo, a motor khalh lai chauh chu ngaihsak awm hian a awm a, ka tawng chu a hre vek tho sia, chimawm lutuk mai ka melh raw a..

'Ding teh Bus ka la mai ang'

'HH kha pa kha nangmah hruai tur che in i ti dawn em ni?'

'Tu? hhah president Denzil maw?' ngeiawm zet chuan ka nuih khum a, ka nuih a za hlawl lo..

'Ka lak ah hian beidawn i tum miah lo zawk em ni?'

'Ka sawi tawh kha, nang chuan eng ang pawn..'

'Aw ka hria, ka ngaithla peih tawh lo, chak tak khan tlan la a tawk a ni mai'

Vawin chu nidang a ang lo, min hmangaih thu leh min kal san loh tur thu a sawi chiam thin sia vawin chu a ti lo khiah, a tho a chu a ni em lo maw, nge a piangthar zawk a hmel chu ka en vung vung a, ka thaw halh a..

'Aydan' mak ti zet chuan min rawn melh ha ahh

'Vawi khat tal i thil tih avang khan i inchhir ve tawh em?' thutak fe chuan ka ti a, a ni pawh hi keimah ang tho a ni tih ka hria, tumah kawm tur a nei lo amah hnaih tu te chu thian ni lo in a hausakna tlan duh tu te bak an ni lo, a thian tha ber chunga h khang thil a tih hnu khan hlim leh theih hi a la inbeisei tih na em ni??

Min chhan pawh ka ring em em chuang lo, min chhang lo reng bawk, kan thlen avang chuan a ding a, engmah sawi belh lo chuan ka chhuak nghal a, inchhung ah ka lut a khawvel dang daih ka rap leh tan dawn ta..

Ka hlauh ngei in, ka mi hmuh hreh ber ka hmu leh ta, a hmel hi hmu lo tawp mah ila a pawi em em hran lo, zirtirtu hriat chhuah reng mai hi a na thin a ni. A hmel ka hmuh apiang in amah kha ni se tiin vawitam ka ngaihtuh hman a, mahse duhthusam awmze nen lo mai a ni tih ka hre leh thin bawk si..

'I tha em Dela?' ti chuan min rawn zawt a, ka tawlh hnung nghal dawr a min hnaih suh ti chuan ka phun sep sep a, a bul hna ah ka awm chuan ka chhia leh tah hrait na te hi ka hmang leh thei lo ang tih ka hlau thin a ni..

'Khawngaih in, ka hnaih ah i awm lo thei a ngem?' ti chuan ka tawng chhuak phawng a

'Enge i sawi awmzia'

'Nang hi, a ni kha i ni lo tih hi chian ka duh anih, ani kha ka hriatchhuah loh nan i hlat a awm ka ngai a ni'

'Tinge? chu pa chu ka ni thei mai lo em ni?'

Ka tawlh hnung lehzual a, ka hlau a ni, ahm ang khan hmangaihna ah ka tla leh ang tih, ka hlautakzet a ni, ka tan chuan hmangaih na hi natna mai a ni si a..

PHILLIP PAULKINS

Ka rilru chuan ka inhnial mawlh mawlh a, ka thusawi te chu ngaihtuah chiang lo in ka lo sawi leh ringawt thin, ni e kan inhnaih chuan kan rilru te hi thup sen loh hun a la awm lo thei lo ang, mahse eng tin nge a ni e lo leh hre lo ang hmak hian ka awm theih ang, a ruk a inchunga a tah thin te leh a hreawm na te chu hmu lo bik ka ni lo. Ka hmuh hmaih a ngai mai zawk a ni si a

Tun ah hian, ka rilru put hmang te sawi chhuak in, kei hi Phillip ka ni tih hrilh ta ila enge sawt na awm ang eng tin nge ka phuba lak an chu ka chhunzawm theih ang. Dela ka thlan dawn chuan ka phuba lak na ka tawpsan a ngai dawn si a..

Stella pa lak ah lah bat tam tak ka nei a, he ka phuba lak na tur hi a tello chuan ka ti thei si lo, chu mi tur chuan Stella ka neih a ngai bawk si..

MR Wilson hmu tur chuan a office ah chaun ka lut a

'Min hmuh i duh em ni Chairman?'

'imm Denzil kar leh mai khi, Stella birthday a ni tih i hria ang chu maw?'

'Eng tin nge ka hriat loh theih ang chairman'

'hei tak hi lawm ka duh em em chhan che chu, nang anga fing leh tha hi lawm ka makpa atan ka lo ngaihtauh reng thin chu'

'Chairman'

'kum 2 dawn chu in inzui ve tawh a, innneih lam te hi kan hnaih dawn lo em ni?

Chhan ngaihna a van vang duh si em, duh lo ti ila a fanu eng ah mah ngai lo leh bum hmang ah min ngai awm si a, a duhthu sam ka tih putlin vaih zawng kumkhua atan Dela ka chan dawn bawk si, tun ah rih chuan ani hi ka la kal san thei lo ka phuba lak na pawh ka la zo si lo, ni lo tan pawh ka la tan lo zawk alawm'

'Tinge, min va chhang love, kha nula vang kha em ni?'

'E enge i sawi awmzia?'

'Ka hriat loh i ring em ni, Phillip kha nula kha i hmeichhe hmangaih a ni tih hi mawle'

'Chairman ani nen khan inzawm na engmah kan nei tawh lo, bak ah kei hi Phillip ka ni tih a hre lo hrim hrim'

'Kum 3 kal ta khan, nang hian i phuba lak ah tanpui tur che inmin ti a, chu ai ah nag hian ka duh zawng i ti ang tih min tiam bawk a, ka duhthusam chu i hriatchin hle kha, ka fanu hi hlimna zawng zawng pek ka duh a ni'

'Chairman'

'Nang hi a hmangaih takzet che a, bak ah bul i tan tawh a, a tawp pawh i thlen pui tur a ni, nupui ah sawm ang che a piancham ah hian'

Engamah sawi tur a awm tawh lo, a duh a sawi tawh, ka hnial a nih chuan min pet chhuak nghal ang chutiang ka thlen tir thei bawk si lo, beidang rilru hah zet chuan inchung ah thlifim dang tur chuan ak chhuak chho a, Dela chu a lo awm leh reng tawh chhuak lo chuan min hmuh theih loh na si ah chuan ka ding a, amah chu ka en reng a..

Ka van beidawng teh lul em, enge ka tih ang enge tha ber ang? Ka rilru hi a buai hi a hah a ni, Dela ka phuba lak tum zawng zawng kal san hian i kiang ah ka awm mai dawn em ni, nge nang hi kalsan in Stella ka thlang mai dawn??

Chhuat ah chuan ka thu hnuk a, bang ngheng chuan ka lu chu ka tauh dat dat a Dela chu ka va en leh thin, engvang in nge kan vanduai bik em em le, kan hlim hi a thiang ve lo em ni, enge ka tih tak ang?

...to be conti...


Rodingliani



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 26th, 2019, 7:55 pm

FALL FOR YOU

CHAPTER 14

PHILLIP PAULKINS

Thawk ka la halh halh a, a chang hi chuan ka lo dam chhuak kha pawi tih chang ka ngah hle, ka hmelma fanu ka hmangaih tlat te hi at na chikhat chu a ni ve in ka hria, mahse eng tih theih ka neih??

Dela chu ka en leh a, kan inkar hi a tha leh thei a ngem tih pawh hi la chiang tawh lo a ni. Ani kal san na tur chhan 100 chuang ka nei, min bum in a unaunu ang a awm in ka thinlung min neih sak a mi a let der ah min chhuah in a pa chuan ka chhungte zawng zawng min thah sak vek bawk a, kal san chhan chu a tling alawm..

Mahse tinge ka hlauh em em, kumkhua a ka chan tur a ka han ngaihtuah ringawt pawh hian, tinge awmze nei lova ka nat ngawih ngawih??

Ka mitthla ah chuan kan in meihalh nasa tak in a kang hluah hluah lai chu a rawn lang a, ka kut khur der der chu ka kut lehlam chuan ka hum vak a, kha thil la ngaihtuah khan ka thinrim na hi kha mei alh ang mai khan a nasa thin a ni..

Ka chhungte chu hreawm tak in kha mei ah khan an kang hlum a, an tan ka tih theih awm chhun chu ka ti lo ang maw, chu pawh kha tianga ka chhungte siam tu fanu lak ah.. Ni lo ni lo chu chu ka thlen tir thei lo ang, eng dang zawng ai in ka chhungte hi an pawimawh a ka hlawhchham thei lo, ka hlawhtling tur a ni..

Ka nu leh pa te bul ah ka tiam tawh ang khan ka ti hlawhtling ang, hmeichhe pakhat vang in ka chhungte dik na chanvo ka paihbo thei lo ang..

Ka tho chhuak a, min ngaidam suh Dela Howard kei pawh in i chhungte saw ka ngaidam bik lo ang, nang leh kei hi hmelma kan ni chu chu eng mah hian a thlak danglam tawh lo ang.. I duh tawk in min haw la, i theih anga nasa in min dem rawh chu mi hun ah chauh chuan nang hi ka thlah thei ang che..

'Dela Ka ti tap zauh zauh mai thei che ania' ka chhuk thla nghal a, ka office ah la lut tlang nghal a, pawhdawh ka kalh that tlat chu chahbi chuan ka hawng a, a chhung chu a ruak vek thlalak pakhat leh uite lem keychain tih loh chu..

He keychain hi kum 3 kal ta khan pek tum in ka buai nasa thei viau kha a ni a, pe lo in tun thleng hian ka la kawl tha tlat chu a ni sia, thlalak chu ka pharh a Dela nena lan thlalak dun chu chhe tawh zet in a awm bawk a, hei pawh hi kum3 kal taa kan lak dun ka kawr ip te ah a lo awm a, tun thleng hian ka la kawl reng a nih hi..

Stella chu ka office ah chuan a rawn lut a, min rawn nuih ver ver a, mi tha tak a ni a, ka phuba lak duh vang mai mai a k bum tih hi a hriatchhuah chuan a kehchhe vek thei hial ang.. A tha ee

STELLA WILSON

Tun hnai hi min ngaihsak lo in min ngaihthah viau in ka hria min kawp ti dawn ila a chanchin engkim ka hre vek a kei tih lo a nun ah hmeichhe dang tuamah an awm lo..

Ka pa nen hian an inhmu thiam vak lo nge mahse chutiang chuan a lang bawk si lo a..

'Denzil tih dik loh ka nei em ni?'

'Ai nei lo'

'Tinge ka chung ah tiang hian i awm a?'

A thutna atang chuan a rawn tho a, min rawn kuah a, ka thaw huai mai tianga a tih tawh a engmah a sawi loh chuan engkim a tha vek tih na a ni mai, ka nui chhuak huk a.

'Ka hlauthawng hman takzet asin?'

'I rilru ka tih hah avang in pawi ka ti lutuk'

'Ai keimah zawk hi lawm, chhan awm loh ah ka lo in ti mangang ve ngawt a, ka hmangaih lutuk che Denzil'

'Kei pawn Stella'

Tun ah chuan hlauhthawn tur awm tawh lo se ka ti khawp mai, kan inkar hi chhe tur in ka duh lo chuan ani ang mipa hi ka dam chhung in ka la tawng ngai lo chan ka duh lo. Mipa tamtak chu ka lo kawp ve thin tawh mahse Denzil ang hian tu man min la awm tir ngai lo ani chan ai chuan thih pawh ka thlang zawk mai thei, chuvang chuan chan ringawt pawh hi ngaihtuah pawh ka ngaihtuah ngam lo a ni..

Ka chhuah leh lam ah chuan, Dela chu ka hmu a, hei pawh hi a nui hmel hmuh tur awm ngai lo reng reng mai, a tawng tlem tih chu ka hria a, tun ang em em hi chu a ni ngai lo..

'Dela i tha maw?'

'Aw tha ee, he tah enge i rawn tih a?'

'Denzil hmu tur in'

'I hmangaih hle ni maw?'

'Tehreng mai'

'Nang pawh Aydan nen khan in tha zel maw'

'Aahhh aw'

Hna thawh a hun leh tawh avang chuan tawng belh zel lo chuan ka kal ta zawk a..

HANNA HOWARD

A ngai te bawk in, Max chu a thut thin na dawhkan ah bawk chuan a thu leh a ka che tla vel chu a la melh kur kur zui hahthlak lutuk..

He pa hi chu chhut fawk mai ka chak thin, heng naupang ho nen hian an in hnial leh vak ang tih a hlauhawm zawk thin, puitling zawk e ti lo hian a tawng nasa sa ah a tang aa..

A thutna bul ah chuan ka va kal a..

'Haw rawh'

'Saq naupang saw i duh ami?'

'A ti leh ta_ i mak a ni'

'Anih tinge haw tura min tih ziah bik a?'

'Min ti buai, hna pawh ka thawk thei lo, an ni chu customer an ni alawm'

'Chu tia law' tih leh chhuah a rual a..

Mak ka ti zawk hial, ka awm ngai chuan ka awm deih vung vung a, a kal na chu ka en zui reng a.. A titau ve tih na mi? Hahha a nih nih chu han ni teh se aa..

Ka hna ka zawh chuan, pawn ah a lo la awm ka rin nen a awm chuang lo, a car pawh a awm lo, a haw tak tak tih na mi lee?? Kei mah in min haw tir tak tak a tum aa hhah

Zan tleng kan thawh avang in motor a vang tawh hle a, ka call a la duh bawk si lo naupang chhia ang chhiah hian a khawsa tak tak thin he pa hi chu vuak deuh chi a ni..

Aa taxi fair ah pawisa ka van ui taktinge haw tura ka lo tih kher kher lee? Taxi nghah pah chuan Dela chu ka call a.. Max awm dan chu ka hrilh a eng tin mah min chhang si lo chuan min nuih vak vak ringawt a

'Enge i hriat a?'

'Engvak maj ni love'

'Sawi rawh Dela howard'

'Tinge i hmangaih tih hi i paqm duh miah loh aa'

'I aa mi?'

'Aii ka aa miah lo, nangmah zawk kha lawm aa chu, tianga i awm reng dawn chuan Max hi ka fuihpawrh char char dawn'

'Engee'

'A la tii, taa i hrethiam mai ang' tih leh phone dah a rual a..

Aa hei pawh biak tlat loh, a thusawi awmzia kha amah pawn a hrethiam lo ang sual reuh lutuk mai ka rilru tih buai chu nuam a ti ve chiang alawm..

Phun bui bui chuan taxi chu phar in ka chuang a, in ka thlen hnu chuan ka nu chu a lo la meng a, ka thinrim thu leh a aqm dan mak lutuk chu ka phun pui char char a, hei pawh Dela ang bawk engmah sawi si lo chuan min nuih tet tet a, an van sual hlawm tak em.. Enge chu nge zaqng chhuak tura min duh ni kha tia an nuih khan ka inhriat chhuah an ring tih na em ni???

Ka room ah ka lut a, ka mood a fu thlawt lo, haw tur in ka ti a, a haw kha chu ka hrethiam mahse tinge ka phone call a lak duh loh kher enge engvang ngeee??

Ka thinrim lutuk chu ka call char char a, lak hman si loh chuan ka call a, ka off leh nghal zel a ti khan Missed call a awm teuh don lom..

Zing ah ka thawh ve leh ka phone ka en nghal a, min rawn call let ka rin nen a phone call pakhat pawh a awm lo, nizan pawh khan a online reng sia a. Ka call a la duh lo lui tih na em ni?

Msg ka thawn a, a seen nghal minute 2__3_4_6 hnu pawh in min repky chuang lo, ahh ka sa tawh takzet min tih dan hi misual kei pawh amah be lo in ka awm thei tho lawm tunge dawh thei lo zaqk chu kan en dawn lawm..

Dar 10 vel ah ka nu awmpui tur a rawn thlwn hnu chuan hna thawk tur in ka chhuak ve nghal a, ahh Phillip hnen atang in an company a thawk tur a sawm na ka dawng a, mahse ka ngaihsak lem lo company lam hi ka tui lo.. Ahh mahse ka pa company lak let ka duh chuan ka chance neih lai hian ka tih a tha bawk si..

Naupang ho school bang an rawn lang a, an ei thin ngai te bawk an chah leh a, rei tawk tak an ti ti leh te te a, an zinga pakhat chuan Max lo lang lo chu mak a tih thu a thiante bul ah a lo hrilh ser ser bawk a..

Chuchiah engnge a buaina ni a, a hma pawn haw tur in ka ti ziah tun a taka han huat thar leh vel, sawng naupang ho ai pawh sawn a nep zawk..

PHILLIP PAULKINS

Nizan atang in Max chu ka in ah a aqm tawh, hna ka bang pawh chuan a lo la awm a, beer bawm ruak chu a let fer fur a.. Inchhung lah chu beer rim a la nam rum rum zui..

Max chu ka sawi harh a..

'Khum ah va mu rawh, he lai hinka lo ti fai ang'

'Aii ka thih hma chu ka in dawn, min tih dan hi ka tuar thei tawh thlawt lo'

'Hhah a call i chhang em?'

'Chhang lo, mahse Phill ka chhang chak takzet a ni?'

'A tul lo ka tih kha, a duh va takzet che anih chuan a rawn pan ang che'

'Mahse min, min kal san ta zawk si se'

'Hlauthawng suh va mu rawh i rui si, naktuk chu hna kal ve tawh ang che'

'Awlee'

Pindan lam ah a insawn phei a, a tjil tih hnawk zawng zawng chu ka tifai vek a..

Hna ka kal lam ah chuan zungbun dawr chu ka hmu a, ka rilru a buai leh ta nak mai mahse engmah ka ngaihtuah duh lo ka chhuak a, dawr ah chuan ka lut a.

Stella ka propose na tur zungbun chu ka lei ta ringawt a, a chang hi chuan ka khawsak dan hi ka haw ngawih ngawih thin..

Naktuk tuk leh hi Stella birthday chu a ni tawh a, inneih pui ah ka sawm anih chuan ka neih ngei a ngai awm si a..

Rilru pik leh rit tak chung chuan company chu ka thleng ve mai a, ka lut tur chu Stella leh Dela chu ka tawk a Stella chuan min rawn pan in ka ban ah a rawn vuan nghal a.. Dela hmuh lai ngei a tianga awm chu thil nuam tak a ni lo alawm, mahse he nu hian kei hi Phillip ka ni lo ang hian a ngai hlawm tawp tawh zawk em ni??

Eng emaw chang hi chuan tu pawh hian, kan mi hmangaih em em te hi fiah kan duh chang a awm thin fo ka ring, hna ka kal hma a tumah an la tam vak lo bawk a.. Dela chuan eng tin nge a ngaih teh reng ka hre chak tlat, Stella hmui ah chuan ka fawj sak zauh a, Dela chu ka en reng a..

A hawi sawn nghal a, a kal nghal nal nal a..

'Hei i aa ee ka thiannu a awm ve reng kha'

'Enge pawi'

Pawi ti em em lo tih hriat tak chuan na lo te chuan min chum a, mahse ka mit erawh Dela kal na lam chu a thlir reng thung si..

...to be continue..


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 26th, 2019, 7:55 pm

FALL FOR YOU

CHAPTER 15

DELA HOWARD

Eng vang in nge ka thinrim ve ngawt a, ka tan engmah a ni lo ani kha Zirtirtu pawh a ni lo a, enge ka nat ve ngawt ang..

Darthlalang hma ah chuan ka ding a, ka mit ah tui a tling pur a, a la sen run zui, ka mit chu ka khap zauh a, tui a rawn luang thla nghal a..

Kha pa kha zirtirtu a ni lo ka tan engmah a ni lo ti chuan ka phun mawlh mawlh a, ka mittui tla chu ka dang thei bawk si a. Ka tan engmah nilo si chu tinge ka tah engvang in nge ka nat em em, nat hi ka duh tawh lo..

Chiang tak in ka,.. Ka Phillip a ni lo tih ka chin hma chuan engmah hi ka awi lo ang, kei hian ka finfiah ang ani saw zirtirtu a ni lo tih ka fiah ang chu mi hun ah chuan tha tak in ka awm ang..

Ka mittui chu ka hru a, ka mit bui lutuk tur lan loh nan makeup tlem ka inbel bawk a.. Hanna te in ah ka kal kawi a

'Ahh Dela i lo kal law' tiin nui var var chuan min lo lawm a, ka rilru a nuam thei thlawt lo ka thaw halh a thuthleng ah chuan ka thu hnawk a..

'Dik lo a awm em ni?'

'Ai awm lo'

'Enge sawi rawh'

'Kha zirtirtu ang deuh ka tih kha i hria em'

'In company a, im president kha maw'

'Imm, ani kha ka rilru a tibuai takzet a ni'

'Dela i tawrh a ngai alawm, zirtirtu a ni lo, ani chu kum 3 kal ta khan a thi tawh'

'Ka hria mahse ka thinlung hian a paqm ve thei lo ani kha amah a ni tlat ka la ring cheuh a sin, eng tin emaw tal a la dam ve ka ring tlat asin' Hanna chuan min rawn kuah a..

'I rilru tur chu ka hrethiam alawm Dela ka hrethiam takzet mahse hun ahh a tha leh vat ang ka tiam a che'

'Ani kha zirtirtu lo ni ta se, kei hi min hrelo der tih na em ni, nge a hriatna a hlauh aaa ka rilru hi a buai vek tawh Hanna dam pawh hi enge a sawt na'

'Eng tin nge tiang kha i sawi ngam zawk, min tiam tawh ani lawm ni thil tha lo engmah i ti tawh lo ang tih'

In ah chuan ka haw a, awm ve lo ang hmak chuan ka awm leh tan tawh he in chhung ka luh rual rual hian hlimna zawng zawng hi a bo vek ni mai hian ka hre thin. Ka pa in a duh ang in ka ngawi a mahse amah ber ber hian a haw leh si thin..

Midang an awm leh awm loh pawh ngaihtuah lo chuan ka room ah ka lut tlang tawp a, ka bag dawhkan ah dah in khum ah ka let nghal a..

Ka mitthla ah Denzil leh Stella te inkiss lai chu a rawn lang a, ka thin chu a na zawk a, zirtirtu chu ni se tiang thil kha a ti lo ang, ka rilru a insual leh tan tawh dawn e..

Tuman an hriat loh leh hre tur pawn tumah ka duh lo, tum kum 3 kal ta chhung zaqng khan sleeping peels hi zan tin ka ei ngeei ngei thin chuti chung pawh chuan mut ka harsat em em tho.. Mut hlen daih te hi ka duh thin chu takngial pawh chu ka ti thei lo..

Zanin pawh hian ka muhil thei leh dawn lo, damdawi chu ka ban a mum 5 ka la chhuak a, ka bar a tui nen ka lem leh pawp a. Ka rilru tibuai tu zawng zawng hi mut bo san vek ka duh a ni a theih hram chuan..

Zing ah hma tak ah ka tho a, ka ril a tam takzet ei tur zawng in choka ah ka kal a, ka thil hmuh ang ang chu ka ei a mahse minute 3_4 a liam a, bathroom ah ka tlan lut nghal ka thil ei hi engmah ka pai thei lo.. Ka cher em em chhan pawh hei hi a nia eng ang pawn ril tam mah ila, ka ka chuan a duh mahse ka pum in a hnar zel si a..

Ka luah chhuah lai chuan la hnung ah ka u chuan a rawn beng a..

'Aaii ti leh ta' tui min pe a..

'Ka nu bul ah sawi suh ang che'

'Ka sawi ngai em ni, eng tiang a rei nge kha thil kha ei i tum a' mak ti tak chuan ka meng hraw a, eng tin nge a hriat enge a sawi awmzia..

'Ka u i thusawi awmzia ka hre lo'

'Ka pa lak ah phuba lak i duh a ni lawm ni, tinge nangmah inti chhe zawng hlir a i awm'

'Ka u'

Ka sleeping peels ei thin chu rawn keng chhuak in a hawng ah commot ah chuan a bun vek a..

'Dela Howard harh chhuak rawh he thil hian zan hnih khat a mut tur che a ni mai thei mahse i nun chhiat tawh zia hi i hria em?'

'Duhtawk rawh' thinrim tak chuan a awm ah ka chum pawp pawp a, 'nang pawh hi kha ramhuai te ang chhiah kha i ni danglam na i nei lo'

'Harh chhuak teh Dela, nang hi mithi pawh i nih loh hi'

'Maw!'

'Mithi kal thei ang lek in alawm i nun, tianga mahni in sawisak hi duhtawk rawh, kum 3 kal taa thil thleng kha i thiam loh engmah a awm lo'

'Kei hi awm lo ila, a thleng lo ang kei hi zirtirtu khan min lo hmangaih lo se chuan'

'Zirtirtu i tih chu tunge a nih ka hre lo, mahse a ni pawh khan tianga awm tur che hi chuan a duh bik lo ang che'

'Aii ni lo, ani khan kei hi min hua a ni a theih anga nasa in tuar tur in min duh a ni kei hian a tan engmah ka tih theih loh avang in min hua a ni'

Ka u chuan min rawn kuah a..

'Nau tiang hian awm tawh suh, i tan ka awm reng alawm tinge mal ngawih ngawih a i in hriat, eng pawh ti la kei chu i lam ka tang reng alawm'

'Ka uuu' mittui luang zur chuan ka ti a, ka bianga mittui te chu min hruk sak a..

"Tap tawh suh i na hmel hi hmuh ka duh tawh lo, ka hmu hnem tawk tawh, Dela kei hian ka pui ang.. He company hi a nei tur ngai hnen ah kan pe kir dawn nia imm'

Sawi ngaihna pawh ka hre lo, ka u hi ka pa ang tho amaw ka lo ti thin asin ani pawh khang thil ah khan a in hnam hnawih ve in ka lo ngai thin a, ka u chu ka kuah a..

'U ka tihpalh'

'I thiam loh engmah a awm lo, thudik hai chhuak i duh takzet a nih chuan min pyih ve a ngai dawn nia'

'Tehreng mai'

Tun ah chuan ka lamtang ka nei ve ta, khang kum chhung zawng khan ka u hi ka lo ngai dik lo char char a ni, ka pa company rochan a duh vang in ka pa thu thu ang in a awm angah ngai in mahse ani chuan ka tan finfiahna a neih theih ang ang a lo khawnkhawm zawk si..

A duham na hian chintawh a nei ve dawn lo a nih hi eng tin nge ka pa tia chbuang tak in mi hma ah te khan ka lo sawi ngam thin zawk le ahh ka in hmusit zawk a ni.. A eiruk na ang chi zawng zawng file chu ka u chuan a copy min pe a, tum kum 3 chhung lek pawh kha ahh ka sawi peih lo zawk..

Damdawi bur ruak chu ka hum a, a tello in eng tin nge ka mut ang doctor kha ka dil leh dawn em ni nge ahhh ka u bul ah ka ei tawh lo ang tih ka intiam bawk si.. Aa a nih nih ni teh se bawm chu bawlhhlawhbaqm ah chuan ka vawm lut a

Hna kal tur in ka insiam a, Aydan car a rawn rum leh vung vung ta. Ka thaw hak a ka insiam zawh chuan ka chhuk thla a, engmah ka sawi leh chuang lo a car ah ka lut tawp a. Han biak chak na pawh la nei em em hran lo mahse a hmel hmuh hi ka kham ve deuh thin ka huatna hi a zual mai mai ni te hian ka hria..

Aydan chuan ka chal chu a rawn khawih a..

'I khua a sik ami?' Tih leh ka ban la in ka marphu a en a.. Mahse ka ban chu ka vai sawn vat a..

'Chaw i ei lo leh tawh ami?'

'I mak ka nun ah hian buai suh ka tih tawh kha, Aydan khawngaih in'

'Eng tin nge ka buai loh theih ang, i na lai te chu en mai mai tur che in min duh mi?'

'Hahha maw, kum 3 kal ta pawh khan i tih tawh tho kha'

'Maw??'

'Enge thil dik lo ka sawi em ni, a hma pawh khan ka na a, thi tep hial in ka na asin mahse i hmu ngai chuang ami.. Nang hian min hmangaih lo Aydan i chapo na vang chauh a nih hi'

Min melh raw a, aa tiang anga rum a min melh te chuan ka hlau ve tho lom ka hawisan nghal a..

'Min en rawh' ka van en awm lo, ka awm ngai chuan ka awm char char a..

'Kha pa vang kha a ni tiraw? Ka lak ah i inhawng dawn chauh a, ani kha a rawn lang a'

'Ahh maw i aa zawk em ni, kei hi maw?? Ka tihpalh i hresual ni in a lang'

'Dela min tih thinrim hi chak viau thin suh'

AYDAN CARSON

He nu hi chuan min tih thinrim hi nuam a ri alawm, ka thin tirim lo hi chuan vawikhat pawh min kal tir ngai lo, eng tik atang khan nge ni tiang em em a, a tawngkam te a thlahdah tak em em lee..

Kha Phillip kha kei hi ka dahthat leh a ngai dawn tih na em ni, eng tinkawng mah in Dela hi kha pa lak ah khan chan la duh tawh lo, min hmangaih ve lo pawh ni se a pawi lo ka kiang ah a awm chuan a tawk..

'Kha pa chung ah khan thil tha lo ka ti ang tih ka hlau a ni'

'Kei hi min hmuh tawh loh i duh anih chuan, i duh duh ti rawh ka dang lo ang che, mahse chumi i tih rual rual chuan ka hmel hi i hmu tawh lo ang'

Car stearing chu ka theih anga na chuan ka hum a, eng thu pawh sawi ila min hnial dang dan a thiam em em mai bawk si, eng emaw chang phei hi chuan sawi tur hi ka hre ngai thlawt lo, nitin hian ka dik lo zia leh ka nunrawn zia min hrilh nawn awn awn a. Chuti chung chuan tinge a hmel hmuh hibka thlakhlelh ngawih ngawih??

'Hna min tlai tir i tum zawk ami, enge i la din char char a?'

'Tihpalh vawin chu nangmah in kal mai rawh' tih leh car atanga chhuah ka rual a, ka car chahbi chu ka kal san a.. A rawn chhuak ve nghal a..

'Hmela nang hian min fiam kual zawk em ni, a tha e min thlah suh naktuk ah pawh, i hmel pawh hi rawn lan tawh suh' tih pah chuan hmanhmawh tak chuan a kal hnuk hnuk a.. Ka car a ken tel ka ring asin le..

Ahhh ka ning eng pawh ni se hun thawl ka mamawh rih, kal phawt mai teh se..

HANNA HOWARD

Ka phone screen chu ka hmel eng a, ka hmet thim leh thul, eng tin nge a reh hmak theih zawk, ka duh che chuti kha ti a tih zawng zawng te kha dawt vek tih na em.ni.. Hahah eng tin nge ka rin theih mipa zawng zawng hi an lo in ang vek anih dawn ni..

Kei lah hi mi aa ang mai in min rawn biak hun ka nghak chu a ni si a, ka van inkhawngaih tak.. Ka nu lah hian a chanchin min zawt ziah bawk si kei mah ang bawk in a ngai ve mawle..

Ahh ka lu chu ka chum pawp a, enge maw ka ngaihtuah le atthlak lutuk a tu chu mawnka ngaih a, tumah pawh ka ngai lo.. Aa ka ning

Ka thinrim deuh tung leh nghal ka insiam zawng pawh chuan, ka thil tih te pawh chu ka ti dwuh sawk sawk ka thinrim deuh hi chuan ka heti ziah.. Ahh ka nungchang tha lo lutuk hi sim ka van duh thei tak, mahse ani kha chuan eng tin pawh awm ila min sawisel ngai lo ka nih na ang ang khan min pawm a mahse tun ah pawh ka thinchhiat lutuk vang in ka chan mek chu a nih hi..

Dawr ah pawh thawk ila ka eng tih mah ka tui lo, tum khat pawh ka customer pakhat ka vin hrep phah vawin hi enge ka hriat ni ka chesual char char. Plate pa5 ka thlauh kehna a ni tawh..

Chun chawlh lai vel in manager chuan min ko a, ka awm dan chu mak a tiin ka dam lo anih ring in damdawin ah in entir tur in min ti a, tun thla hlawh min pe lawk a haw tur in min tina, min tih luih tal avang leh ka awm nawm lutuk lem loh vang chuan kanpawm ta hram a..

Nih chuan ti hian ka haw tawp dawn tih na mi, ahh hna tawk lo a awm chu a mak hui tawh vek in ka hria, pawn ah ka chhuak a thli thaw chuan ka sam a raqn chhem leng a, ka dai sawng sawng in ka hria..

DELA HOWARD

Hna ban ah chuan kan company bul a dawr ah chuan kal in Stella biryhday thil tur ka lei a, vawin chu nidang aiin kan bang tlai deuh a, khua pawh a thim vek tawh, cold drink chu la in ka in a muangchang chuan in pah chuan ka kal a, mahse ka hmaa ka thil hmuh avang chuan ka ding a, ka mit atang in tui a rawn luang leh nghal..

Ka na lo ang tih vawi tam ka in hrilh hnu pawn ka mittui tla hi ka dang thei bawk si lo.. Stella hma ah Denzil chu a thingthi a Stella chuan Rose par sen buk zet a keng a.. Hah inneih pui ah a sawm a ni ngei ang..

Thawk ka la ham ham a, an mahni lo lam chuan ka in her a ka kal na lam ah chuan ka let leh nal nal a..

A tawk ani kha Phillip a ni lo a ni lo, ka haw na tur kawng ah an awm bawk si avang chuan company ah ka let leh ringawt a. Tumah an lo awm tawh lo, a thim khup a mahse President office chu a lonla eng bik a..

Light off tur chuan ka lut a, mahse off mai lo in a dawhkan a, a thil dah te chu ka en kual a, Iris Company chungchang hlir a ni chuan ka u in eiruk na a lakkhawm ho chu a awm ve bawk ..

Engvang in nge he company President hian company dang lehkha a kawl ka thil ngaihtuah hi a dik thei ang em..

Hmani a ka hawn theih loh drawer chu ka pawt a mahse tun tum chu a inkalh miah lo, a chhung chu a ruak vek a mahse lehkha ah thlalak ni awm tak lek uite lem ni in ka hria chu chu a awm thlalak chu a inkhup zawng in a awm a..

Thlalak chu ka ban a, muangchang chuan ka her a, ka thil hmuh chuan ka tha a ti khur vek in ka hria ka.. Ka kei keimah leh zirtirtu thlalak a ni..

Anih chuan hahahh ani kha zirtirtu maw?? Hah a lo la dam reng amaw??

...to be continue...


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 26th, 2019, 7:55 pm

FALL FOR YOU

CHAPTER 16

DELA HOWARD

Thlalak chu a awm na ngai ah dah in ka tlan chhuak nghal a, ka thaw chu chham mai dawn in ka hria, ani kha zirtirtu a lo ni reng a, ka ringhlel pawh kha thil mak a ni hran love. Thil mak leh ka tan a tawrh har tak tak hlir hi tinge ka tawn bik pawh ka hre lo engkim mai hi a tak a ang lo vel vek tawh kum 3 kal ta atang tawh khan thil reng reng hi a dik lo harh chhuah thut a engkim a bul atanga tan that leh vek mai ka duh a ni engkim mai hi ka hne ngawih ngawih a ni..

Kawng ah muangchang in ka kal a, ka tap lo ang ti in ka in fuih mawlh mawlh a, mashe chu ruah kher kher chu, ruah chu nasa em em si lo chuan a tla ser ser a, ni e tap mah ila a pawi em ni tumah in ruah sur hnuai ah chuan ka tap tih an hmu thei hlei nem..

In a haw chak na pawh ka nei lo, Hanna te in bawk he lai lo chu pan tur dang thlawt ka hre lo, Hanna in huh vek a min hmuh chuan mak a ti hle a, ngawi reng chuan inchhung ah ka lut tlang nul nul a. Hanna chuan puan in min rawn khuh nghal a, min hru nghal vat vat a..

'Naupang paw i ni mi, engvang in nge ruah i do?'

'Hanna thil mak tak vawin ah a thleng asin'

''Dela i damlo mai tur asin'

'zirtirtu a la dam' a thil tih lai chu a tawp chawt a, min en vung vung a

'Thu awmze nei lo sawi suh'

'Thudik alawm ka sawi Hanna ani kha zirtitu a ni'

'finfiah na i nei em ni?'

za lo zet chuan ka nui a, ka mittui bawk hi ka dang thei lo thin, tiang em em a tahbelh hi chu ka ni ngai lo asin, hmeichhe hlim thei tak leh nuih duh ve tak kha ka ni in ka hre thin a mahse chu chu ka hlimthla chauh a ni tawh hlim na hi Dela tana siam a ni ve lo a ni ang..

'Zirtirtu khan zanin khan Stella chu inneih pui ah a sawm asin, kei chu min theihnghilh tawh ang ah ngaih ka duh takzet mahse tinge kan thlalak dun kha a kawl ni'

'Dela pawi ka ti lutuk'

'I thiam loh a awm ami' Hanna chuan min rawn kuah a

'tiang em em a tuar nasa bik tur hian eng tiang fakaua sual nge i khawih le, mahse nang chu chutiang mi i ni bawk si lo'

'ai ka thil tawn te hi ka phu reng a ni, zirtirtu ka bum a, an kah lai pawh khan engmah ka ti lo chuan a dikna takngial pawh ka lak sak thei lo'

'Dela tianga tawng kha duhtawk teh, heng thil thleng ah hian thiam loh na engmah i nei lo'

A pawi lo, eng tin nge a chhungkua ti chhe tu fanu chu a hmangaih theih teh lul ang hmangaih chu sawi loh min haw lo a ka hmel a la hmu duh ringawt pawh hi ka tan chuan a tawk viau in ka hria, a pawi lo zirtirtu i dam tih ka hrait ringawt pawh hi ka lawm a ni i la dam avang in ka lawm e zirtirtu ka lawm e ka lawm takzet a ni..

'Thil dang engmah ka mamawh lo Hanna a hmel ka hmu thei a nitin ka duhtawk a ni, engmah dang ka beisei lo, kei hi min hua in company atanga min pet chhuah te hi ania ka hlauh ni'

'Dawheh.. va inthlak rawh, i dam lo ang'

'Ka lawm e'

HANNA HOWARD

Eng tin nge a hriat chhuah ni, aa tun ah chuan a hrechhuak tur a ni lo asin a tan a hreawm dan tur hi eng tin nge a tawrh zawh ang tiang hi chuan a chung ah thil tha lo a thleng ang tih ka hlau takzet a ni..

a thu hrim ah Phillip chu enge a hriat a Stella nupui ah a sawm, a phuba lak a zawh hun ah Dela bul ah kal tur ang khan a insawi si a, eng thil nge thleng chiah hi le??

Phillip chu ka call a

'Phillip company ah thaw tura min sawm na kha i la theihnghilh lo ang tiraw?'

'Teuh nang'

'Min sawm na kha tun ah hian ka pawm ang i company ah chuan ka thawk ang'

'Awle ka sawm na min ngaihpawimawh sak avang in ka lawm e'

Phone chu ka dah a, tun ah rih chuan Dela hi amah chauh in ka awm tir thei rih lo ang, a tuar chhuak zo lo ang tih hi ka hlau a ni..

A in tihfai zawh chuan a rawn chhuak a, zanin chu he tah riak ve rawj ka ti a mahse a duh tlat.lo, a a kha chuan ka sawm ngai lo in ka lo riak dawn a ti a, tun ah chuan engkim hi a danglam tawh takzet a nih hi

Dela a haw a, a reh leh vek he in hi chu lungngaihna ruam ni awm tak te pawh a ni, ka phone ka en a aahh tun thleng pawn a la reh char char he mihring hi enge a hriat tak tak le..

Ka call a ngem aa vawi tam tak ka call hnu pawn ka call a la duh lo a ka zak ve zauzai tawh eng ang in ngaihsak loh na nge ni pawh ka hre lo, nge kawng sir ah te hian a lo let reng te hi a ni lo maw lee aahh ka ning ka ngaihtuah peih lo a ni lo pawh min tibuai tu tam tawh nak laiin ka kham lutuk..

DELA HOWARD

Zing dar 2 a ri tawh ka mu thei lo, eng tiang pawn tum mah ila ka harh tulh tulh emaw tih mai tur ka mit ka chhing a, ka rilru ah thil tam tak keimah pawh in a ka ngaihtuah sen loh tur awm vel chu a rawn lut tup tup a, la mit ka chhing thei lo..

Ka thu leh thin ka u khan peels kha min paih sak lo se chuan ka mu daih tawh awm sia, tiang ka nih chuan naktuk hna ka thawk thei miah lo ang..

Ka drawer te chu ka ei ban a awm tak in tiin ka hai leh vel a, mahse a bawm ruak bak hmuh tur a awm lo, naktuk ah ka lak leh ngei a ngai lo tiang hi chuan ka in ngaihtuah hlum thei ang..

Zirtirtu bawk chu ka ngaihtuah leh a, a hmel ka hmu thei ringawt pawh ka lawm ka ti a, mahse ka lawm lo chu aia nasa chu ka beisei asin mahse ka ngaihtuah nasat pauh leh a theih loh zia ka hrechiang tulh tulh bawk si, he nun hi chu ka kham takzet a ni.. Ka u sawi ang khan mithi kal ve mai mai nunna pawh nei lo ni awm reng pawh ka ni mahse ka na ve thei ni lo ka na takzet zawk a ni..

Ka tho a, la vai kual ka vai kual a, inhnuai ah te ka chhuk a, ka chho leh a chaw ei ka tum a mahse awmzia a awm leh dawn chuang lo ka na mai mai thla khat teh meuh chaw mumal ka ei tawh lo ka cher tial tial te hian ka hria..

Ka mitthla ah chuan zirtirtu in Stella a sawm lai chu a lo lang a, ka thin chu a rim thar leh hnuhnawh a ka thil len lai chu ka hum vak ringawt a. Tiang em em hian mi ka thik hi ka ring ngai lo..

Tianga ka mu thei lo rau rau anih chuan tiin ka pa library ah chuan ka lut a, kum 3 hnu a, a vawikhat nan ka lut leh a ni he hmun hi chu a la inthlak ve lo anih hmel, lehkhbu tam tak a awm a, a thim hle bawk light ka on ngam chiah loh avang chuan ka phone light ka hmang ta zawk a..

A thil dahthat na tur awm vel chu ka en kual a, a thil sual tih lai zawng zawng hi video in awm vek se ka ti ngei mai.. He tah chuan engmah hmuh tur a awm lo, ahh nia a hmelma he in ah ka cheng ve reng a tah chuan engmah a thuru ngam tawp lo ang.. Ka chhuak leh ta zawk a..

Ka mut a chhuak lo bik pawh a ni lo, ka mu thei lo zawk a ni muthilh tum in ka mit ka chhing ah thil ka hmuh duh loh pui pui mitthla ah a rawn lang uar uar a, la beng te hi a ri rum rum te hia ka hre thin.. Ka awm dan hi mi aa ang chauh ka ni..

Hna thawk tur chuan ka chhuak ve ngei a, ka chau takzet a ni, ka lu a hai in a na em em a ka taksa ah hian thlarau awm ve pawh hian a lang lo nizan chhinkhat pawh ka chhin loh vang a ni mahna ka zawi ngawih ngawih a ni..

Damdawi dawr ah nachhawk na ka lei a, mun 3 ka ei nghal tawp a tiang anih loh chuan ka awmzia thei lo ang..

Office ka thleng a, ka mi hmuh hmasak ber chu amah a ni, min rawn pan a Good morning tiin nui var var chuan a rawn ti a, eng ah mah ngaih loh hram ka duh a ni..

A lemchan hi ka hria tih hre lo se ka duh a ni. Eng tik ah mah hre lo se a tha a duh chu ti se a thei ang ang in min hmang mahse a pawi lo kei hi min tangkaibpui dawn phawt lo a tha.. Zirtirtu ka lawm e..

'I tha maw Ms Howard? I va in ngaihtuah nasat hmel ve?'

'Ahh aii chutiang a ni lo'

Ka chal ah chuan a rawn khawih a..

'I dam lo ami? I va dang ve' ka tawlh sawn nghal a..

'Ahh ka tha'

Ka thinphu chu ka thunun theih loh a ni tep thin ka thutna lam ah ka phei nghal nal nal a, ka hriat loh lai chuan a office lam chu ka lo melh leh vung vung thin..

Chhun chawlh ah chuan Stella nen lunch kan ei dun a, a tawng dan leh a chetzia ah ringawt pawh in a hlim zia a lang chiang em em a ni. Stella hi keimah ni zawk ila tih chu ka ngaihtuah rum rum a ni..

Stella chuan a lut chu ka hma ah rawn tilang in silver zungbun hi a kut ah a lo awm a..

'Ka _ ka lawmpui lutuk che' ka ti zawi raih a za lo tak chuan ka kiai suk a..

'En teh Dela ka hma ah a thingthi anih chu, tiang em em kha chuan min hmangaih ka lo ring lo a, eng maw lai phei ka chuan kei hi min hmangaih tak tak lo ten ka lo ngai hman a mahse khang kha ka dahtha vek tawh ka lawm takzet a ni'

'Mipa tha tak i tawng a ni'

'Imm ka vanneih zia hibka hre nawn awn awn a ni'

A phone ah chuan Den ah zirtirtu ah ninlo Drnzil a ni Denzil an a rose par pek chu min hmuh tir a, a lawm in anui reng a, a pawn lang ah chuan nui ve mah ila ka thinlung hi a na in a pik takzet a ni.. Engmah tih theih ka nei der si lo..

PHILLIP PAULKINS

Stella leh Dela te chu ka en reng a, eng tin nge tiang em em sawn a cher theih zawk, hei hi ka thiam loh em ni, a chal ka khawih sak lah khan a khua a la sik deuh leh nghal emaw ni a sa riau mai..

Eng ka ti zo ta nge ni, ka duh pawh ka hre lo ka ngaihtuah lo ang ka tina mahse hei a damdawi tur lei in ka tlan leh tak hi. He tiang chung hian kal san ka tum a ka kawng thlan hi a dik em??

Hun kal tawh zawng zawng theihnghilh in, ka hma lam hun chauh ka en dawn em ni chuti a nih chuan Ka Dela bul ah ka awm thei ang mahse hmeichhe dang thinlung ka ti na leh dawn bawk si..

Dela damdawi tur khai chuan ka dinna ngai ah chuan ka ding a, Stella a lo awm tawh lo Dela chauh chu a lo thu tawh a, mal hmel zet in pawn lam chu a thlir vung vung a..

Ka rilru luhlul tak lah hi eng ah mah ngai lo tur in min ti a, ka thinlung erawh chuan a bul ah kal tur in min ti thung si. Tinge ka ngaihtuah em em ani chuan Aydan a neina kei chu min mamawh lo ka la dam ve ani tih pawh hi a hre duh lo, he hmel ka pu chung pawh hian vawikhat pawh ..


Ahh a hnar a thi chu ka hmuna, engmah ka ngaihtuah tawh lo wng tin nge a bul chu ka va thlen pawh ka hre tawh lo, ka rawmawl la chhuak in a hnar ah chuan ka hmeh bel nghal a. Mak ti zet chuan min en chjo ha ah.. Ka romawl chu a rawn vuan ve nghal a..

'President'

'Fimkhur ve ta che, hna thawk lai i nih kha, miin hmu ta che se ka hnathawk te chhawr rim min ti dawn sin' ahh eng vanga chu thu kher sawi nge maw ka nih le mawl lutuk Phillip mi mawl i chawh i phu tawk a ni..

'Ahh ka thiam loh a ni, ka lo fimkhur tawh ang'

A damdawi tur ka lei sak chu dawhkan ah chuan ka theh thla a 'kha ei ang che, company ah zawi thawl taka i che hmuh ka duh lo ania'

'Ka lawm e President'

Ni lo engmah ka sawi belh tawh tur a ni lo, a tana rilru natna hlir bak sawichhuah tur ka nei lo, ka kal mai a tha zawk in ka hria, ka inher a ka kal ta nal nal zawk a...

Bang chu ka hnek pawpna, ka mawl zia hi ka hre nawn awn awn anih ber hi, kha ai tawngkam tha druh zawk pawh a hman theih reng awm si a. A damlo tih hre reng chung in ahhhq. In ah ka haw tir anih chuan a hmel ka hmu thei dawn si lova mahse a dam bawk ai lo, a chung ah thil tha lo thleng ta se ka inthiam thei dawn em ni?

Ka office lam pan a ka kal chu Dela chuan min rawn kal pel a, ka zam takzet.. Chhuat ah chuan a tlu ta mai. A rang thei ang ber in a lam ah tlan in ka pawm kang nghal a..

'Dela harh rawh Dela'

Ni lo a theih lo tiang hi chu a thleng nawn tur a ni lo asin ka tlan a ka car ah ka pawm lut nghalna damdawin lam kan pan a..

Ka thiam loh a ni, a damlo tih ka hte reng si a, Dela eng tin mah awm suh khawngaih in .. Keimah leh keimah chu ka inbe mawlh mawlh a..

...to be conti...


Rodingliani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 26th, 2019, 7:56 pm

FALL FOR YOU

CHAPTER 17

PHILLIP PAULKINS

Khum ah chuan chau tih hriat tak in a mu a, hei hi ka thiam loh a ni kei hian ka ti na nawn leh a ni.. Dela i chung ah tiang a tih hi ka duh bik lo asin.. Thlan tur dang ka nei si lo, ka chhung te hnen ah ka intiam tawh ang in phuba lak ngei ka duh bawk si..

'I phuba lak chu a pawimawh viau em ni?' Ka hnung atang in hmeichhe aw hian a rawn ti a, ka hawi let nghal a..

'Hanna'

'Ka hria i phuba lak hi i duh ang a nasa hian kei pawh hian ka duh ve tho asin, mahse tinge Dela hian a tawrh ve zel kher a ngaih? A tuar hnem tawk tawh lo em ni?'

'Hanna kei pawh hi ka rilru a buai ve tho asin'

'Awmzia a awm lo Phillip Dela i kal tir hian i hlim chuang lo ang, i hmangaih zia chu kan pahnih hian kan hre ve ve ni lawm ni?'

Ka ngawi vung vung a, ka thluak hi a buai vek ni mai hian ka hria.. Dr a rawn kal a..

'Dr a tha em, a chung ah thil tha lo a thleng em?'

'A lan dan chuan a kum chuang sleeping peels a ei tawh ni in a lang a, chuvang chuan chaw pawh thla 1 vel bawr chu a ei tawh lo ni in a lang ei lo tawp chu a ni lo a, a taksa mamawh tawk a ei ngai lo a ni'

'Dr a tha lo viau em?'

'A pumpui hi a tha lo takzet a ni, a nasat zel phei chuan zai a ngai thei a ni'

Hanna chu a tlu tep ka lo pawt hman a..

'Sleeping peels a ei thin amaw!! Hah Dela pawi ka ti lutuk' Hanna chuan a ti a

'Kar 2 1 vel chu damdawin ah hian a awm se a tha ang' dr chuan a ti a.

Hmanhmawh tih hriat tak in Aydan chu a rawn tlan phei a..

'Dela chung ah enge thleng?'

Dr lo awm ve chuan Aydan chu chibai a buk nghal a..

'Dr Carson ani hi em ni i nupui hual chu'

'Aw eng thil nge thleng'

Min hrilh ang chu a hrilh a, lehkha a en tir bawk a min hrilh lai nen kha chuan a in ang tawh lo khawp mai ka hriatthiam phak pawh a nih loh hmel..

Aydan chuan min hmu a, min ngaihsak hman a ni lo engmah sawi lo chuan min kal pel a Dela chu pan in a en kual vel ..

'Hanna ka lo thleng tawh bawk a, i kal thei tawh ang Dela i lo awm pui avang in ka lawm e'

'Ahh engvang in nge ka kal kher anga?'

'
A chung ah thil tha lo a thleng anih chuan min hrilh ve la a tha ang'

'Nang hi maw, en teh Dela hnaih ah hian awm tawh suh, i hnathawk a ni emaw pawh nise nang hi a hnaih ah awm suh'

'I tawngkam a mawi lo khawp mai'

'Phillip ah Denzil tupawh chu ni la ka pawisa lo, mahse Dela hi i ngaihven a ngai lo kei min nei alawm, in kal thei'

Hanna chuan min pawt lo se chuan ka kal hauh lo ang, ka hawi let leh a Dela chu a lo harh a, harsatna a tawh lai pawn a kiang ah ka awm thei si lo, ka hmangaih ringawt hian sawt na a nei chuang em ni??

Aydan chuan Dela kut chu a vuan a, ka hmu thei lo ka hawi let a ka kal ta zawk a..

AYDAN CARSON

Lalpa ka lawm e, Dela chuan a mit a rawn meng a ka thaw ta huai mai..

'Dela i tha tiraw?'

A chet dan ngaite bawk a damloh lai pawn min huat na chu a la reh chuang lo anih hi, a kut ka vawn chu a pawt san lawp a..

'Min khawih suh ka tih kha'

'A tha e, tho suh ka khawih lo ang che'

'He tah lehzel i hmel hi ka hmuh a ngai ami, ahh tinge in damdawin ah kher ka awm a?'

'Duhtawk teh.. Eng tia rei nge chaw i ei tawh lo.. Ai ni lo engtia rei nge kha damdawi kha i ei tawh?'

'Nang hian Phillip ahh i thianpa i kah atang khan' fiah muang chap chuan a sawi a.. Sawi tur a vang duh hle mai min tih nat dan hi a thiam ta hle mai..

'Vawikhat pawh ei tawh suh ang che'

'Kha thil thlen hma kha i koh kir theih chuan ka ei tawh lo ang'

Rum zet a melh in 'Dela' ka ti vak a.. Ka thinrim hi ka in sum thei dawn lo in ka hre thin.. Ka thaw leh hak a.. 'Pawi ka ti lutuk'

'Chhuak rawh'

'I damdawin awm na tur ka lo tifel ang'

'Ahh ni lo ka chhuak dawn damdawin dang a tam lutuk tlat, nileng a i hmel hmu tur in min duh em ni'

He nu hi chu aw tih ngaihna a van vang tak, a chhuak a nih chuan a tha lo leh zual awm sia hahdam a mamawh a ni.. A ban a drip an khai chu pawh chhiat a tum a..

'Ti suh, khawngaih in ti suh Dela ka kal ang chuan he hmun hi chhuahsan suh he tah i awm chhung ka hmel ka rawn lan lo ang ka tiam a che' ka sawi zawh chuan ka kal san nghal a..

Kawngka atang chuan ka en let leh a, min ngaidam rawh Dela pawi ka ti takzet kei hian i nun hi ka tichhe vek ni in ka hria.. Kei hi nasa taka min huat theih nan i dam a ngai khawngaih in na suh engtin mah awm suh..

Dela chhung te phone in a chanchin ka hrilh a.. Kei leh apa thil tih vang in khang chhung zawng khan mutthilh na damdawi a lo ei char char a, eng tin nge ka tih theih.. Engvang in nge Phillip kha ka lo kah kher kher kha hun kha her let leh ka van duh tak..

HANNA HOWARD

Dela in Phillip a ni tih a hria tih hrilh ka tum lai tak.. Phillip chu car tinung si lo chuan a stearing vuan in a melh ngai a melh vung vung ringawt a.

'Hanna, hei hi ka thiam loh a ni tiraw?'

'Aw, i thiam loh a ni eng tin nge a mipa hmangaih hmel hmu, a thi tawh ni a, a hriat.mahse hmel in ang reng si hming in ang si lo, eng tin nge tuar thei se i tih. I thiam loh a ni'

'Enge ka tih ang, ka rilru hi a buai a ni'

'Phillip Dela in nang hi a zirtirtu i ni tih a hria'

'Maw!! Eng thu lawilo nge i sawi, nang hian i hrilh em ni?'

'Eng vang in nge ka hrilh anga, a rilru tina zual tur in maw?'

'Eng tin nge a hriat'

'Stella i propose khan office ah a kir leh, chuan pawlawh taka i thil kalsan kha i hmu a ni ngei ang'

'Awmzia a awm lo, engmah ti tur in ka hrilh lo ang che, mahse hei chauh hi nang leh zel chuan Dela hi ti tap tawh suh khawngaih in'

Kei pawh hi ka thiam chuang lo, kha tiang em em khan a tuar nasa ang tih kha ka ring ngai lo hrim hrim.. Vawi tam tak kan in ah lo kal in a tih sual ni miah loh ah ngaidam min dil a, mahse kei chuan hmusit lehna tak in ka hnawl thin a..

Kha tih lai te khan thian a mamawh a, tumah a bul ah awm an awm lo,, ahh ka thiam lo takzet zet eng tin nge eng tin nge ka tih theih mi mawl Hanna mi mawl nuih pawh hi i phu ve lo..

Ka phone a rawn ri a, Dela a ni a, ka mittui a hru vat a..

'Oo Dela'

'Min rawn kan pawh i tum miah lo ami?'

'Zanin ah chuan ka hman lo ang ka nu a tha vak lo a'

'Ahh tihpalh ka lo hre lo ang'

'Ai i thiamloh a ni hlei nem. Naktuk ah ka lo kal ang la tiam a che'

'Imm ka lo nghak ang che, chuan Hanna ka ngai lutuk che'

'Keipawn Dela'

Phone ka dah a, Phillip pawn car ti nung in a tlan ve ta mai bawk a, sawi tur pawh ka hre tawh lo a tu mah mah hi kan tawng peih tawh lo ni in a lang. Thil reng reng hi a tha zawng in a kal thei lo a buai nuai vel vek mai a nih hi..

'Hanna' a rawn ti chhuak hlawl a, ka phu tep nghe nghe..

'Dela hian min la pawm theih i ring em?'

'Phill i ti tak tak em ni, tehreng maibkum 3 chhung a nghak tawh che alawm'

'A tha e, ka duh ka thlang fel ang'

'Dela ti na zawng in i rilru i siam loh hram ka beisei'

DELA HOWARD

Damdawiin hi eng tik lai mah in ka ngaina ngai lo, a bik in he lai phei hi chu damdawin a tam nen nge tak kher hian min hruai le..

Ka pum chu a rawn ri rek rek a, ka ril a tam lutuk chaw ei ta ila aahh ninawm.. Room atang chuan ka chhuak a naupang pakhat hian choclate hi a lo ei a, ka chil chu ka lem kawk a aa ka riltam a tizual.. Naupang thil ei takngial pawh ka hmu tai tawh ania..

Dawr ah ka kal dawn nge dawn lo tiin ka in ngaihtuah char char a, chu tia ka din vung vung lai chuan chu naupang te chu ka bul ah rawn kal in paper bag hi min rawn pe a, mak ka ti ang reng hle a..

'Enge awmzia'

'Ihh mipakhat sang deuh hmeltha deuh in pe rawh a ti a' a tlan let leh vang vang a,

Eng nge awmzia, Aydan maw, ka hawi kual a he pa hi a ruk in min en reng tih na mi..??

Ka room ah ka lut leh nghal a, tu min pek pawh ni se ka ei chak lutuk ka choclate duhzawng hlir leh nghal..

A pawi lo pawi lo, ka kheh a ka ei nghal a ahh tiang em em hian a tui ka la her ngai lo, ka ka ah hian a fan rem rem in ka hria, a tui takzet.. Ka kheh bel zel a ka ei leh a thil ka ei thei lo tih kha ka hre chang tawh lo hrim hrim..

Rilru hah emaw, mipa pawh engmah ka ngaihtuah hman lo tun ah tak hi chuan ei tur chauh ka ngaihtuah, bag khat in min rawn pe ania rei lo te ah ka la ei zo vek lehnghal, ka la kham lo deuh in ka hria, ka eina kawr chu chhuat ah chuan a let rum a..

A tih dan ngaite bawk in, bathroom ah ka tlan lut leh nghal a, ka luak leh nghal ka hne a ni..

Zawi tak chuan khum ah chuan ka mu a inchung chu ka melh ngur ngur a, a rawn ri rawk rawk a ka nu leh ka u an rawn lut a..

'Eng thil nge thleng hi' ka nu chuan a rawn ti lut nghal a..

'Heng hnawk zawng zawng hi i ei vek mi' a rawn ti hmasa ber ka u chuan, thinrim tak chuan ka melh kur a..

'A van tlem em em'

Ka nu chuan min rawn kuah a, min ngaihtuah thu te a sawi a, eng tin vak mah ka chhang chuang lo ka awm ngai chuan ka awm tawp a..

'I ril a tam em?' Ka nu in a tih chuan aww a tam chaw tui deuh ka ei chak tih chu ka chak lutuk mahse peih leh mai mai tur tho..

'Ai'

'Hei en ta che a thil en hi riltam na chi pawh a ni mi' ka u chuan a lo ti a, he pa hi engmah a hre lo..

'Haw rawh' ka ti ringawt a..

Ka ril te hi a tam ve thei robot pawh ka ni bik lo, ninawm heng nepnawi mai mai hian tumah a tipuar lo ang..

Ka nu chuan min riah pui dawn a, ka u chu a haw a, room pawn thleng ka thlah a..

'Dr te hnen ah damdawi kha dil hlek suh ang che'

'Ka hria'

Min rawn kuah a..

'Ka sawi tawh kha Dela, i mal lo ania, thla 2 1 vel chu a harsa a ni mai thei mahse i tuar chhuak thei ania, i thil ei khan eng thil ropui mah a chhuah loh zia chu hei i hriat chian hle hi'

'Imm ka hria, kal tawh rawh'

'Ka kal dawn reng'

Ka lut leh tur in, ka hnung ah mi lo ding reng hian ka hria a, ka hawi let mahse tumah an awm bawk si lo he damdawin hi a hrang zawk emaw ni, ka kut ka kuangkuah a room chhung ah chuan ka lut a..

...to be continue...


Rodingliani

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 26th, 2019, 7:56 pm

FALL FOR YOU

CHAPTER 18

PHILLIP PAULKINS

Ka apartment ah chuan ka let leh a thuthleng ah thu in beer ka in a.. Nasa tak in ka rilru hi ka sen a ngai don a ni eng nge dik ber ang .. Enge ka tih ang??

Ka tho a, ka kal kual leh thin ka thu leh thin, keimah vanga Dela na hmel chu ka thir reng dawn em ni?

Hanna thusawi chu ka beng ah a rawn ri mawlh mawlh a..

Office ah chuan Dela dawhkan ruak chu ka office atang chuan a hmuh thei avang chuan ka en char char a..

Kei hi Phillip ka ni tih a hre reng chung pawn eng tin mah a ti lang lo, Stella nen kan inkar a chhiat a duh loh vang tih na em ni? Nge eng ah mah a ngaih loh vang? Chutiang chu ka la ngaihtuah cheu keimah hian inrin tawk na ka nei thei meuh lo..

Ka rilru te hi a insual reng a, Aydan an hmangaih tih hriat taka a melh lai kha thil hmuh hreawm tak a va ni chiang em, Dela bul hnaia awm lo tura min ti ve sek te hi, eng emaw chang chuan ka dawh thei lo tep thin ani..

Mahse keimah vang emaw tu vang pawh nise a tah hi ka duh tawh lo..

Ka tho a, office atang chuan ka chhuak nghal a, ka rilru ah thil dang engmah a awm ka phal tawh lo tun ami hi thlak ka duh tawh lo car ka la chhuak a..

Damdawin chu ka pan a, a pawi lo a pawi lo Dela aia pawimawh hi tun ah rih chuan tumah an awm lo, an awm thei rih lo..

Dela room lam pan chuan hmanhmawh tak in ka kal a, bang vuan chung chuan a drip khai lai a kut leh lam a nawr in muangchang in a phei a, ka nui sak a..

'Dela zirtirtu ka lo thleng'

Phur tak chuan a lam ah chuan ka tlan a, min rawn hmuh chuan mak a ti ngei mai a ding tawp a, min rawn melh chho ha ah..

'Preside___'

A bul ka thlen ve leh chuan ka kuah nghal vawng vawng a, tiang em em hian nang hi ka lo thlahlel che tih hi ka hre ngai lo, kei mah leh keimah ka lo in ti hreawm rei ma mah a ni..

'Miss ka in nghah rei tir che avang in pawi ka ti takzet a ni'

Mak a ti ang tih ka hria, engmah pawh sawi lo in ka duh ang in ka che ringawt a. A hrilhhai lutuk ka hlauh avang chuan ka kuah na chu ka thlah a.. A hmel ka en chuan a melh ngai chu a lo la melh reng in ka hria..

'I tha maw?'

'Tu__tun ah khan eng nge i sawi?'

'Inhmuh ka duh ka tih mawlh mawlh kha, ka msg leh voice te pawh kha i hmu lo em ni?'

A hrethiam em ang chu kum 3 kal taa ka msg a chhanna ka hmuh loh kha ka sawi na ania

'Nang hi'

'Sawi dun tur kan ngah ania, eng tin nge nang hi Hanna ni lo in Dela i nih theih ni lo tinge Dela kha Hanna anih?'

Min en reng chung chuan a mit atang in mittui a rawn luang a, a tap chhuak hauh lo..

'Zirtirtu'

'Tap lo in ka zawhna chu chhang ta che, nang hian min bum a ni tiraw, i pasal hual hmel hmuh i duh avang in Hanna ang ah i chang a ni tiraw'

'Mahse tun ah chuan a pawi lo, Hanna emaq Dela pawh tupawh ni la a pawi lo, nang hi nang i nih chhung chuan ka hmangaih reng ang che'

'Zirtirtu'

'Dela tu fa nge i nih ka ngai pawimawh lo, ka kiang ah awm la a tawk'

Min rawn kuah leh a, ka lo kuah let nghal vat a , engkim hi a tha vat dawn alawm, a tha tur a ni..

A mittui chu ka hruk hul sak a..

'Tap suh tun atang chuan ka ti tap tawh lo ang'

'Hei hi ka mumang a ni lo tiraw?'

'Imm mumang tur atan chuan a duhawm lutuk tlat'

HANNA HOWARD

Eng mah ka ngaihtuah thei lo, thil thlen dan reng reng hi a rang teh thut lutuk a ka thil tih hi a dik nge dik lo pawh ka hre lo, mahse he mihring hi ka kal tir phal lo..

Ka kiang ah awm a duh anih chuan ka hnar ngai lo ang hun rei lo te chhung chauh pawh a ni se a pawi lo Miss tia min ko leh thei ringawt pawh hi..

Ahh ka lu hi a na lutuk ka dawm nghal vat a, Denzil chuan ka room ah min hruai lut a, khum ah chuan min mut tir a ka khum bul ah chuan a thu a..

'Mi aa nu engvang in nge he tiang thil tha lo lutuk i tih a?'

'Zirtirtu min hua amaw ka ti asin'

'I aa lutuk eng vang in nge ka huat ang che, nang kher hi chu min phatsan pawh ni la ka haw lo ang che'

'Pawi ka ti takzet'

'Dawt ka hrilh che avang in min ngaidam rawh Dela tun atang chuan ka venghim tawh ang che. Mahse nangmah i inti hreaqm tawh lo ang tih min tiam rawh'

'Umm ka tiam a che'

'Ka lawm e, min lo la nghah reng avang in'

Ka thu chhuak thut a, eng tin nge Stella ni ta ang???

'President tiang hi thil dik a ni lo'

'Dela enge i sawi awmzia'

'Stella rilru ka ti nat sak thei lo'

'Ka tiam a che ka ching fel ang, a hrethiam lutuk ang, Stella chu nang pawn i hriat chian kha'

Ni e ka hre chiang lutuk tlat, kei in nang ka hmangaih na aiin a hmangaih na che pawh hi a nep bik tawp lo ang, ka hlim nan midang hlim na ka lak sak dawn a ni a..

Zirtirtu chuan ka kut chu a rawn vuan a, kum 3 kal ta ang chiah kha a ni, kha tih lai ang tho khan ka thinlung hi a mah vang in a la phu rang tho a ni..

'Dela he mi hma hian thil chin fel tur ka nei a, min nghak thei ang tiraw?'

'Imm'

'Ka lo kir leh ang tih ka tiam a che'

'Imm, ka ring che lawm'

A tho a, ka chal a fawp vawng vawng a, min kal san a.. Imm a tha vek dawn alawm ka lo kir leh ang a ti a, a lo kir leh em em a beiseina thlawn min siam sak tur ringawt chu a ni lo ang.. Mahse a lo kir leh tawh lo ang tih hlauhna hian min ti na a ni..

Kum tam tak hnua ka hlim na te hi he darkar rei lo te chhung chauh hi a ni mai ang tih ka hlau a ni..

Kawngka chu a rawn ri dat dat a, ka tho a ka hawng a tumah an awm lo, mahse chhuat ah chuan rose sen bawr lian tak hi a lo awm a,..

Aydan a ni tih ka hria, hah tu rawn dah pawh chu ni se pangpar hian tih sual a nei lo pangpar a nih vang hrim hrim chauh pawn ka pawm ang, ka khum bul ah chuan ka khawi nghal a..

Tun ah chuan ka hlim ve thei tawh tak tak ang tiraw? Zirtirtu nang hian min fiam mai mai lo tiraw? Ka hlim lutuk hi ka hlauthawng zawk a ni hei ai thil tha lo a lo thleng ang tih hi ka hlau a ni..

Hanna a rawn lang hlawl a, ka nui nghal vur vur a..

'Hanna'

'Ehh kha i va hlum hmel ve, thil tha a thleng a ni maw?'

Ka chhang lo, ka nui ver ver ringawt a ka hmel awm dan atang ringawt pawh hian a hriatthiam theih nghal mai ka ring a ni..

'Hei hi i zirtirtu pek che em ni.. Mawh??'

'Ni lo'

'Anih tunge?'

'Aydan' a hming a hriat rual rual in a nui hmel a tawp chawt a..

'Anih tinge tah hian i tar a, ka peih dawn'

'A ngai lo, he pangpar hian tih sual pawh a nei lo'

'Phillip bul ah hei hi Aydan pek che tih ka sawi dawn'

'Duh leh sawi la ani nen inzawm na pawh kan nei lo, ahh nang hi eng tin nge i hriat?'

'Mi rilru ka hre thei alawm'

'Hei tak tak in, tumah pawh ka la hrilh lo'

'Ka sawi chu'

'Hanna nang hi ani nen khan in inhmu ami?'

'I hre lo tak tak ami'

'Hria ila ka zawt dawn che mi?'

'In inbiak lai zawng zawng khan pawn ah ka ding char char, ka kik a in hre si lo a'

'Tak tak in'

'Aw'

'Anih pangpar hi Aydan an a dah lai i hmu mi'

'Imm hmu e'

'Nia, ka la mai mai a nih kha a mawi em a'

'Ka hriat chian ang chiah che in a hrechiang ve che anih chu'

'Chutiang a ni lo'

'Dela, nui reng rawh i nui hmel hi ka hmu tawh dawn lo amaw ka ti hman asin'

'Kei pawh mi pakhat vang hian ka inthlak ka ring ngai lo asin'

'Mipakhat a ni hlei nem, Phillip te chu i tan khawvel alawm, i hlimna ti kim tu chahbi alawm'

PHILLIP PAULKINS

Company ah chuan ka let leh a Chairman office chu ka pan tlang nghal a..

'Lo koh che ka tum chiah asin'

Thuthleng ah chuan ka thu a, vawin hian ka thil duh tak chu ka ti ang..

'Chairman thil sawi duh ka nei a ni'

Ka pa min ti tawh zawk rawh Denzil keiman kan sawi hmasa a nge'

'Awle Chairman'

'Denzil thlaleh ni 1 hian inneih na buatsaih ila tha ka lo ti a'

Ni lo, a thleng thei lo, ka tho a a hma ah chuan ka thingthi a

'Ew_eng thil nge i tih aa'

'Chairman pawi ka ti takzet a ni Stella hi nupui ah ka nei thei lo ang'

'Eng maw i sawi a?'

'Ka, kei hian hmangaih dang ka nei a ni ani chu ka ti na thei tawh lo keimah vang in a tuar hnem tawh takzet a ni ka thei tawh lo'

A ding hluai a, kut min thlak mai duh hmel a pu a ni..

'Nang hian min hnial dawn amaw, kha hmeichhia vang khan kei hian ka puih nasat zia che i theihnghilh ta em ni?'

'Min puih na zawng zawng ah ka lawm takzet a ni mahse pawi ka ti Stella hi ka bum thei tawh lo a ni'

'Nang hian Stella hi i nei lo anih chuan kha nu kha ti chhia ang'

'Ni lo a chung ah engmah i ti thei lo ang, tih sual engmah a nei lo'

'Anih chuan i nuna in a tuar anga a ni mai anih chu' tih leh golf tiang chu la in ka ban ah a rawn vaw pawp a, min rawn vuak leh a tum chiah no tla keh ri awm na lam chu kan en a Stella a lo ding reng a, engmah sawi lo chuan a tlan chhuak nghal a..

'Ka fanu hi i ti na anih ngai chuan hei hi hre rawh ka ngaidam lo ang che' tih pah in Stella chu a um chhuak nghal a..

...to be continue...


Rodingliani

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)