SELFISH LOVE by Amy Cck (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: SELFISH LOVE CHAPTER - 1- 30 by Amy Cck

Unread post by Ngaia » October 10th, 2021, 1:53 pm

CHAPTER - 49 🌼 by Amy Cck



" Enge thil awm zia kha sawi fiah rawh? " Inchhung kan luh rual in ka pa chuan a ti chhuak hrawk a. Dawrah khan ka piin Sawmin Zorina fa a pai thu a sawi a, a bak sawi belh lo mahse ka nu leh pa chu an thinrim khawp mai.



" Pa... Thu chiang engmah a la hriat loh, naute pawh a fa a ni tih a chiang lo a.... " Ka tih rual chuan " Kha nula khan a puh satliah mai ni lo in a luh khung hial a ni lawm ni? Chubak a chiang enge i la beisei a? " A rawn ti chhuak hrawk a. A tawng zawng a a tang lutuk leh dam tha bawk si lo nen a awm chu dawm in a khuh zui bawrh bawrh a. Ka nu chuan a hnungzang a chul sak nghal vat.



" Mambawih... I pa sawi chu a dik a nia. A hmeichhia zawk in a luhkhung hmak a, Zorina pawn pawm lo hmel a put loh kha. " Ka nu chuan a ti ve bawk a. Thuthleng pakhat a thu in tah in sum zet chuan ka nu leh pa chu ka melh a. Ka mal chung a ka kut chu ka hum nghet viau bawk.



" Mahse an inah sawn Zorina awm tir a ni lo a sin. " Ka ti zawi sep. Ka tlawm vawng vawng mai hian ka hria.



" I mit kha meng la fim tak in thil ngaihtuah rawh! Tunah hian hmeichhe dangin a fa paiin an luh khung hial a. Chutiang mipa la zui kual vel chu ka fanu tih a tan ka duh reng reng lo. " Ka pa chuan a rawn ti khur hluk a. Kawngka lamah thawm a awm vang chuan ka hawi vat a, Zorinpuia chu a rawn lang ve hlawl mai.



" Enge hetah i la rawn ti cheu a? " Ka pa chuan a lo ti nghal hrawk. Zorina chu thaw hawk in a rawn pen lut a. Ka pa chak vak tawh lo nen thei leh thei lo chuan a ding chhuak ve bawk.



" He inah hian rawn kal tawh suh! I pa ka zah vangin engmah ka sawi lo a mahse a ni em em tawh lo. Hmeichhe dang i fa pai mektu in inchhungah inkawl laiin ka fanu bulah engmah thleng lo ang maiin i rawn awm leh a. " Ka pa chuan a ti chang hrawk a. Zorinpuia pawh ngawi rengin a ding kun ngur mai.



" Chhuak rawh ka tih chu! I rawn kal leh a nih chuan i pa te nen a kan in zawmna hi ka theihnghilh ang! " Tiin ka pa chuan kawngka lam pan chuan a pawt let dawr dawr a. Ka nu nen chuan dan kan lo tum a mahse kan thei lo lam mah a ni.



" Chhuah tum hlek suh! A ni kha hmu tawh ngai suh ang che. " Kawngka khar in ka pa chuan a ti leh hluk a. Ka chhuak zui ngam bik lo. Ka pa thinrimna hi a awm miau a ,hnial let tur pawn sawi tur ngang ka hre lo. Ka nu in ka pa chu kaiin thutna lamah a kal pui a kei erawh chhuak ngam si lo in kawngka in khar chu ka melh tlawk tlawk ringawt.



Muangchangin ka pa te thutna lam chu muangchangin ka pan a, ka ngaihtuahna hi a chawl duk a. Enge tih ber tur pawh ka hre lo. Ka nu leh pa in min zilh mawlh mawlh lai pawh chuan ka beng leh lamah a lut a leh lamah a chhuak leh nghal zel ni maiin ka hria.


*

*

Thla a ral a ni a liam ve zel a. Zorina nen pawh kan in hmu ngai mang lo ti i la ka sawi sual lo ang. Ka chhungte chuan a huat l in an haw hlur a, mama pawh in tun tum chu a haw khawp mai.



Phone in kan in be zeuh zeuh a, hna ka nei lo a chhuah na tur ka neih loh miau avangin khawiah mah ka chhuak ngai lo . Kan chhuah pawn ka pa in entir puiin kan kal leh tawp a. In lamah ka nu leh pa nen kan awm tawp a ni ber a. Tei hi a rawn leng leh zeuh thin Brandon school atanga hruai tur a a kal hian haw lam emaw kal lamah hian rawn pen kawi a ching a. Tei te in lamah pawh ka pa in len a rem ti vak lo a, a chhan pawh Andrew hi Zorina putea a nia, an chhungkua nen a in hniam hnaih hrim hrim an duh lo ni ber in a lang.



Papuia pawh rawn leng in pawi a tih zia te a rawn sawi a. Ka pa te erawh in tawngkam an nei lem lo na a, an thinrim tih chu mi â ber tan pawh a hriat vek thung. Lo tih lan chiam kha a dik ber lo ve bawk nen, inngaizawng satliah mai kan la ni a eng pawh thleng thei a ni miau a. Mahse ka chhungte erawh chuan Zorina chu thlah tur in min ti reng tho a. Kan chhungkaw hnih chu kan in then phawk a ni ber a, kei tak pawh in beisei ka nei tawh lem lo hial.



Vawin pawh ka pa in entir pui tur in kan chhuak leh a. Ka nu nen kan kal pui tlangpui a, Mama erawh a hna lamah a kal regu viau thung. Kum thar lamah ka pa a pension tawh bawk nen kan khua lamah kan awm tam thei ta bawk lo nen,kan dawr leh ram khi hralh in he lamah dawr lian ve pangai tak siam ve a sawi a, ka nu leh pa pawn an hnial lem lo.



He lam kan rilru in a awn bakah khua a ka nu leh pa chauh awm tir reng kha kan ngaihtuah a ni ber a. Inpui erawh chu ka pa in ti khian awm rawh se a ti thung a chu pawh chu kan hnial lem lo.



" Ehee.... Muanpuia te chu... ” ka nu chuan a ti hliai a, damdawiin kan lut tur chu kawtah kan in tawk a. Mahse a mah chauh ni lo in Apuii pawh a lo tel ve bawk a, a fanu kha a kai bawk a.



" Enge in tih dawn a hetah te kan in hmuh hlawl? " Muanpuia pawh chuan a ti ve mai a. Hman a thinrim tak a min haw san a chin kha kan in hmu leh ta miah lo a. Apuii ka melh rual chuan min lo nui sak a. A ni phei chu hman a reunion kan neih ni kha ka hmuh hnu hnu hnunna ber a ni hial in ka hre tawh.



" Hei... Mambawihi pa hi kan zui leh a. Nang pawh chu damdawiin lamah enge i tih a? " Ka nu chuan a ti leh vat a.



" Kei ni pawh kan in entir a, kan haw dawn chiah. " A lo ti ve sup.



" I lo leng duh tawh lo lutuk a, kan lakah i lungawi lo zawk nge? " Ka pa chuan a lo ti ve bawk a, awm nuam lo zet chuan ka lo ding reng ringawt.



" Hna lamah ka buai deuh a. " Muanpuia chuan a ti mai a. In entir tur kan nih vangin thil dang erawh kan sawi lem lo. Ka nu ten damdawiin lam kan pan hnu in Apuite nufa kha min zawt a, thian leh in hmelhtiat tha tak an ni thu chauh in ka chhang a. Muanpuia hi ka fak thlawt, Apuiin kha ti khawp khan a bum in kan in kar a chhiat phah vek a, tunah Apuii dinhmun hria in huat chu sawi lo an tan a in hawng em em a. Ohh... Ka tan pawh a in hawng reng a kei man ka zir lo mai zawk a nih kha.



Ka pa kan entir zo kan let tur taxi kan chan laiin kan piah lawkah motor rawn ding vang chuan ka hawi sawn lawk thei lo. A chhan pawh tu motor nge tih ka chiang em a. Driver kawngka lam chu rawn in hawng in Zorinpuia chu a rawn pen chhuak vut a. Motor chu kal hual in passenger seat lam chu a pawt hawng a, Sawmi kawr fual hring dal lam ha in pum puar ve lah a alo chhuak ka hmuh chuan ka na vawng vawng mai. Zorinpuian ngaihtuah hmel zet a a buai pui te chu ral khat atang in ka lo thik em em ringawt a tih theih erawh ka nei si lo.



Ka taksa chu a tang tung a, ka in hum ruh nasa lutuk chu ka khur dar dar thei hial. An pahnih chauh an nih hmel. A naupai chu a lian ve tawh khawp mai. Chuan rai chu a in hmeh in a ngeih hmel tak zet.



Ka en reng lai chuan damdawiin lam pan a an in her tur chu Zorinpuian min hmu ve tih hriat lutuk in a ding chawt a. Ka biang chu a rawn lum thla pap a, kan sir a taxi a rawn ding takah chuan sir lam hawi a ka mittui hru zeuh in taxi kawngka chu ka pawt hawng a, a hnungah ka nu leh pa thut tir in a hmaah kei ka thu thung.



Zorina te dinna lam kan tlan pelh thleng chuan an ding reng a, a hma pawh khan ka na reng tawh a mahse kha tih lai kha chu a thu chauh in min ti na a mahse tunah ka mit ngei in kha tiang ka hmuh khan ka beiseina nei ve tlem te kha an ral riai riai ta mai.



In kan thleng a ka pa chu a chauh deuh vangin a mu nghal a. Ka pa din hmun hi a tha lo tulh tulh ni mai hian ka hria. A chhuah hlek hi chuan a chau nghal em em mai zel a. A natna neih sa ho tih loh natna dang kan entir hian an hmu bawk si lo. Rilru hi a nuam lo ve ngawih ngawih a, a nat zual a inentir leh tawp bak tih theih kan nei si lo a. Chuvang a helamah awm ngheh tum kan ni pakhat a.



Ka in ti fai a ka in thlak zo room ka chhuah san tur chu khum a ka phone dah chu a lo ri a, kawngka ka hawng tawh chu let leh in ka phone ka en chu Zorinpuia a ni. Thaw la hak in call chu ka la ta hram.



" In kawtah ka awm. " A rawn ti sup. An inentir zo hman a maw ni ka rilru chuan ka ti hial.



" Chuan.. " Ka ti tawi tak mai.


" Lo chho lawk la, nge ka lo chhuk dawn? " A ti leh sup.


" A ngai lo ka lo chho ang. " Tiin call chu ka dah a. Ni e, in biak a engkim sawi fel kan ngai tawh tak zet.



" Bawihte i pa kha puan va thuah lawk teh, a vawt a tih ka hlau riau mai. " Ka nu in a lo tih leh vang chuan ka pa te room, a hma a ka room thin chu ka pan a. Thla a sik ve tah tawh a, kan in hi a dam ve reuh bawk nen a vawt hma khawp mai.



" Nu... Ka chhuak lawk dawn a nia ka rei lo ang! " Tiin room atanga ka chhuak chu kawngka pui lam ka pan nghal a. Kawt ka thleng chho chu kan in step hmawrah a lo ding reng tawh. Damdawiin atang khan a rawn tlang tih hai rual loh in a thawmhnaw pawh a la ngai vek.



Ngawi reng a min lo melh ngur vang chuan a bulah ding in ka hrawk ka thian kharh kharh a. Khua a vawt deuh vur nen ka kawrlum hma lam chu ka zip phui nghal vat a.



" Lo kal la! " Tiin a motor lam chu a pan a. A hnungah chuan ka zui ve det det a. A motor kawngka chu min pawh hawn sak a, sawi sel lo in ka lut ve nghal mai bawk.



Driver seat lamah rawn lut in min melh zawk a, a tlan chhuak zui nghal a. A in lam kha kan pan tih ka hria. Kawng tluan chuan kan ngawi reng a. Driver seat lam chu ka melh leh zawk thin. Thil ngaihtuah muk hmel zet hian hma lam kawng chu a melh ding ngur a. A khat tawk in thawk ka la leh halh thin.



" Tah hian sawi mai ang. " A in kawt a motor a tih din rual chuan ka ti sep a. A thutna lam kawngka a nem hawng tawh chu a pawt khar leh a. Ka thaw chhuak vak ringawt.



" I thinrim a mi? " A ti zawi sup a. Nui ro hak in ka melh vat.


" Thinrim chhan tur ka nei a mi? " Ka ti let kher chu a ner sawk mai.



" Vawin kha chu... "



" Sawi fiah duh suh. I fa a pai a damdawiinah in entir turin i kal pui a ni mai a. Tah chuan thinrim chhan tur ka nei em ni? " A mit a melh ve ngar chuan ka ti a. Lawm lo zet in a rum chhuak nghut a, a mit meng chu a dur nghal khawp mai. Ka thu khawi lai kha nge dik lo a thinrim na tur awm ni.



" Kha chu kan sawi fel vek tawh kha! " A ti bung nghut a. Mit chhingin ka kut pahnih chuan ka hmai ka hup vang vang a. Eng emaw sawi tur chu ka nei a, ka kawchhung lamah hian min hnawh ut ut a mahse sawi chhuah hi harsa ka ti bawk si.



" Thla engzat nge? " Ka hmai hup reng chung chuan ka ti sep. Min chhan mai loh vang chuan ka kut chu la thla in ka en a, motor stearing chu nghet zet in a hum a, a hmel chu a thim khup bawk.



" Thla 7 na a hmang tan mek. " Rei fe a ngawih hnu chuan a ti leh sup a. A tawng ring hran lo mahse motor ah in hnaih tak a kan thut vangin ka hre chiang hle thung.



" Hun a lo kal chak ta hle mai! " Ka ti leh hap ringawt.


" A dik a lawm! " A ti ve sup. Chu bak sawi belh tum hmel a pu tawh bik lo.


" Zorin.. "


" Rei lo te chiah min lo nghak leh rawh! " Ka sawi zawh hma chuan a lo ti sup a. Turverh lam chu hawiin ka kut chuan ka chhip sam chu ka hui chho zui pap.



" Ka thei tawh in ka ring lo! " A mah pawn en lo chuan ka ti chhuak tiau. Ka tawng zawi lutuk tlat, ka tawng ring a nih chuan ka tap chhuak mai dawn tlat a.


" Chutiang in ti suh! " A ti khur ru hluk a. A aw a hlauhna ri tel chu ka hre chiang ngang bawk.



" Ka nghah theih mai che kha ka ring a! Ka ngaihdan chu thla 6 lek a nia ka nghak thei ang che tiin kei mah leh kei mah ka in fuih nasa ve a sin. A tir kha chu ka theih ngei pawh ka ring a. Mahse vawin a ka hmuh cheu khan ka ngaihtuahna atthlak zia ka hre chhuak a. " Ka ti chhuak halh. Ka mal chungah ka kut pahnih chu nghet zet in ka hum a.


A tir kha chu Sawmi a rai tih kan hriat tirh khan thla 3 lai naute kha a ni tawh a. Thla 6 lo awm leh tur chu ka nghak thei mai ang tiin ka chhungte thu sawi pawh hnial lem li mah i la ka awm hmunah ka rilru ka lo sawh nghet ve em em a nih kha.


" Ka hmangaih lutuk che avangin khua ka lo hmu lo tih vawin khan ka hre chhuak a. Keu chuan naute lo pian zawhah ka hnenah i lo let leh nghal turah ka lo ngai ringawt a. Mahse vawin khan.... Sawmi ka hmuh khan ka harh chhuak chiah . Naute chu lo piang pawh nise naute pa hi nangmah i ni tih ka ngaihtuah miah lo a. I fa a nih chuan engtun nge kan awm leh zel ang? " Tiin Zorina lam chu ka hawi a, a mit meng chu a buai nak mai.



" Ngang pawn chhanna i nei lo ti raw? " Ka ti sep.


" Ka chau tawh tak zet! Tah hian duh tawk ang, beiseina awm ze nei lo in siam tawh lo ang aw! A ni chiah kha ngaihven tawh rawh. I fa ni lo se chiang tak in a rawn pan miah lo ang che. I sawi kha hmeichhe awm herh leh sual a ni lo tih! " Ti sep in ka nui lui sak.



" Tun tumah pawh beidawng hmasaah i tang leh dawn a maw? " Tiin a in seh ruh tawlh tawlh a. " Hrep chuan.. " Ti chhuak hrawkin motor stearing chuan a chum zui chawrh bawk.



" Ka thlah ve thei lo che! " A ti chang leh bawl a. Beidawng lutuk a ka en chu hma lam bing zet in a melh run thung.



" Thlah thei che ni i la hmanah tawp i tih khan ka um zui tawh lo ang che! " A ti nawn leh hluk.


" A hma leh tun buaina hi a in ang lo. " Ti hap in ka thutna kawngka ka nem hawng a. Ngawi ngul a thu chu a tawp nan melh leh vang vang in ka chhuak a. Taxi lo tlan phar dingin ka thut luh thleng pawh chuan a awm ngaiin a la awm reng.


*

*


" Mambawih lo chhuak teh. " Zanriah kan ei kham hnu in roomah thawmhnaw suk ka thlep fel chu min rawn ko a, ka va chhuak chu ka pa chu thuthleng seiah chuan a lo thu mu deuh a. A taksa a cher in a tla kuam kuam mai a, a chhan ka hre bawk si lo hi rilru nuam pawn ka awm thei lo.



" Thil sawi duh ka nei a, nang leh i nau bulah hian... " Tiin min melh tawn a, Mama leh ka nu pawh kan bulah chuan an thu ve nghal a. Mama nen chuan kan in en a, ka pa sawi tur chu kan hriat loh hmel khawp mai.



" Tunah chuan thu dik in hriat hi a tul tawh te pawh a ni mahna. Kei hi ka cancer a. " Ka pa in a tih chuan rang zet in ka melh nghal kawk mai. Ka nu chu a thu kun nghal lap a. Kei ang in mak a tih hmel lem loh, a hre sa a ni mai thei. Mama ka en chu a ni pawh a hmelah chuan mak tihna bak a lang lo.



" Pa... Enge maw I sawi le? " Ka ti vat.


" In rilru tih hah i nu nen kan duh lo vangin kan zep a. Mahse zep reng theih a ni lo a thil tih chi pawh a ni lo. Nang ni pawn in hria a nga a ni tel in ka chhe telh telh a, chuvang chuan ka fanu leh fapa neih chhun te hi ka ngaihtuah em em cheuh a. A bik in Mambawih nang ngaihtuah hian ka rilru hi a vak kual thui thin khawp mai.



Muanpuia ka lo sawi pui tawh a, in in hriatna pawh a rei tawh bawk a. Ka dam lai ngei hian pasal nei la tih hi ka duhthu sam tawp ber chu a ni ta mai a. I hriat angin i nau chu mipa a ni a mahni in hai kaw thei turin ka ring tawk bawk a. " A tih churh churh lai chuan " Pa enge i sawi kha i hre chiang em? Engtin nge kan lakah hetiang thu lian tham hi in zep theih a? Chuan pasal neih maw? " Vin lek lek chuan ka ti a. Ka pa a natna kan hre thei lo an tih kha min lo hrilh duh loh vang lek chu niin.



Damdawiin pawh ka kal pui ve ziah a, engtin nge ka hriat loh theih hi ka hre thiam lo. Nge ni a hetiang lam hi ka lo beisei lo zawk pawh ka hrethiam lo. Kei chuan a natna neih sa ho kha ka puh a ni ber a mahse cancer ber kher chu!


" Lo ngaithla zo phawt la, hun lo zawk zawk pawh i ni tawh lo a. Muanpuia pawh tlang tak in ka zawt tawh bawk a. A ni chuan ka thu sawi min pawm pui thlap a. Ka thih hma hian tu hmel em ka hmu hman lo a nih pawn ka fanu pasal nei lai tal chu hmuh hman ka duh ve a. Chumi hnuah chuan hahdam tak in ka chawl thei chauh ang. Chuan nang leh Muanpuia hi in in hriatna a rei tawh bawk a. " Tiin min melh a. Sawi ve tur reng ka hre lo.



Muanpuia pawh a hria a tihna a ni ber a. Chuvang em ni a hma zawk a rawn leng duh tawh lo kha a rawn kal leh tak fo? Kei chuan Damdawiinah ka nu leh pa ten leng khat an tih kha a in thiam lo te pawh a ni ka ring kha a nia.



Mahse a hma ang em em kha chuan a rawn lang ngun lo. Kei mah tak phei chu a lakah hian ka in ihthlahrung vek tawh zawk a. Zorinpuia hmeichhe dangin an luh khung tih te pawh a hre ve reng a mahse engmah a sawi lang lem lo. Mahse tunah ka pa in a lo va bia a, engtin nge a va sawi a, a ngen in a ngen zawk nge pawh ka hre lo.



" Mahse pa pasal neih ka la duh hlei nem. " Ka ti halh.



" Zorina a nih loh vang tih ka hria lawm! Chuvang tak chuan ka ngaihtuah zual che. Ka awm loh hunah buaina dang i tawh ka hlauthawng a. Nangmah enkawl a veng thei tur ka ngaihtuah a Muanpuia hi ka rilruah a lang hmasa ber. A mi rin zawng leh makpa atan a ka awh chi tak a ni bawk a. " A rawn tih leh chuan a ngaihna hre lo lutuk in ka hawi kual ruai a. Ka nu leh Mama chu an ngawi hmak mai.



" Kei mah in ka in enkawl thei a lawm. Nangmah zawk a nih chu enkawl ngai. Doctor thiam deuh kan rawn leh a nga i tha mai ang. " Ka ti bah nak nak a. Mahse ka nu leh pa hmel chu a beidawng tak zet.



" Ka nawr lui lo che a nia, tun tum chu ka duh dan chiah ka sawi a. I kutah a in nghat ka tihna a nih chu. Muanpuia nen pawh lo sawi dun u la. " A ti dam dap a. Mittui tling pam in ka pa chu ka melh tlawk tlawk ringawt.



Ka mit ka khap rualin ka mittui chu a rawn luang thla pap a. Mahse ka tah chhan zawk tak chu pasal neih lam kha a ni. Ka pa zawk a ni! Enge ka tih tak ang pawh ka hrethiam tawh lo. Tun tum chu ka nu thlabar hma em em thin ai pawn ka laktlak loh zawk hial ang.



" U.. I tha em? " Mama chuan a rawn ti a, ka hawi chhuak chu kan unau chiah in kan lo awm tawh. Ka pa te room an luh lai tak ngial pawh ka hre lo. Ka â vek ni ber in ka hria.



" Ka pa chu doctor rawn pui leh ka duh! " Ka ti chhuak tawl ringawt. Tunah kan hre ve chiah a beidawn nghal chu ka tum lo but.



" A rang lam in kan pahnih in kan kal pui dawn nia. Mahse u.... Ka pa sawi kha a dik chiah a nia. " A rawn tih chuan ka thaw hak.



" Pasal neih kha maw? Hahh.... Ka pa in Muanpuia a va bia a nih kha. Chuan ka pa a hmai zah vang leh min khawngaih vang a lo hnial ngam po pawh a ni ngei ang. " Ka ti zawi sep.


" Ka ring chiah lo. Hman atang khan Muanpuia hian thian satliah angin an en lo che tih chu ka hrethiam ve a nia. Mahse Zorina i thlang miau a, kei chuan i hlimna leh i duhthlanna zah sak che a pawm pui che kha ka tum mai zawk a. Midang zawng zawng in ka farnu an dem luih luih lai a i mal loh zia i hriat nan i lam ka tang zel thin.



Mahse tunah chuan hma lam pan a hun tawh. Zorina pawh tunah chuan an la in nei lo tih kan hre vek a mahse naute a lo pian meuh chuan a pi leh a pa rilru i hre tawh bawk a. Nang pawh hma lam i pan a ngai. Ka pa pawh hrethiam tak leh i ngaihdan ngai chang zetin a sawi a nih kha. U Muanpuia chu bia la thil awm zia pawh i chiang mahna. Mahse tun tum chu ka pa sawi kha ka tawm pui thung. " A rawn ti a, ka rilru chuan ngaihtuah tur ber pawh a hre lo.



Maman roomah min luh san a kei pawh thuthlengah mu tur in ka in siam fel a. Ka mut erawh chhuak lo tak a ni. Ka phone chu hmet eng in whatsapp ah chuan ka lut a.



* Naktukah hun i nei em? * tiin Muanpuia chu ka va text a. Dar 12 a pelh vah tawh a, ka be tlai lutuk chu ka in thiam lo leh nghal. A mu daih tawh a nih ka ring rum rum, mut loh a hun tawh lo bawk a.



Mahse rei lo te hnuah min rawn reply ta hram a. Hun a neih thu a sawi ve mai a. Ka pa chhung chang lam ka sawi belh pui lo a naktukah in hmu tur ah kan in biak zawh chuan ka phone chu hmet thim in mit ka chhing vang vang. Ni e... Kei hian hma lam ka pan a hun ve tawh a ni!

Ads click kha theihnghilh lo hram ang aw



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 10th, 2021, 1:53 pm

CHAPTER - 50 🌼 by Amy Cck



Nizan ka mu kha ka muhil thei lawk lo a. Ni lo... Tui deuh in muhil i la chuan a mal zawk ngawt ang chu. Zing dar 4 a pelh pawh chuan ka rilru ka la khawm a ni ber a. Ka rilru a buai in ka ngaihtuah chian pauh leh engtia chin fel tur nge ka hre lo tulh tulh bawk si. Ka pa natna ka ngaihtuah phei chuan ka pik tun thei.



Khawvar dawn lamah ka lo chhing sek a niang ka nu choka lama a che rek rek thawmah ka harh a. Kan TV chung zawn bang a sana intar ka en chu dar 6 chiah a la ni. Darkar 2 pawh ka mu tling lo a nih chu. Ka tho chhuak a nizan ka thil ngaihtuah kual vel nen a khat tawk in ka tap leh thin kha a nia. Ka mit vun chu a chhah tup maiin ka hria. Ka lu lah chu a na in a rit bur bawk a.



" I va harh hma ve. " Thuthlengah ka thu chhuak chu ka nuin a rawn ti a. Chhan pawh chhang lo chuan " Nizan ka pa a mu thei em? " Ka ti sep.



" Thei e vawi 3 chiah kan tho. I rilru ti hah lutuk suh Mambawih! I pa in tih hlauhthawn a tih mangan a duh lo vang cheu in a hrilh lawk duh lo cheu kha a nia. Chuvang chuan pangai tak in awm hram tum rawh u. " A rawn ti dam dap a.



" Ka hria lawm. Mahse doctor rawn leh hrim hrim chu ka duh. " Ka ti leh halh. Ka nu pawh chuan min melh vang vang a " Nia, i pa be rawn la. In rilru damna hi a pawimawh ber a. " A rawn ti dam diai a. Ka puan sin chu thlep in Mama roomah ka lut a, a la hma sia a la mut ka rin nen a khum chu a lo ruak huai mai. A thawh lai ka hre miah lo choka lamah pawh khan a awm si lo a.



Khum mawng lamah chuan ka puan chu dah in thlang lam corridor ah chuan ka chhuak a. Ka pa te room zawn tukverh ah chuan lo thu in ka pa khum a muhil chu a lo melh reng a. Ka aw ka thian kharh chu a rawn hawi ta vat.



" I va tho hma ve? " Min hmuh rual in a rawn ti nghal a. " Nang pawh. " Ka tih chuan za lo zet in kan nui dun a. Kan mut theih loh ve ve chhan lah chu kan hre chiang dun ngang mai.



" Engtik nge ka pa entir nawn leh chu i rilruk deuh? " Tiin a thutna sir tukverh tlangah chuan a mah thut loh dan zawng chuan ka thu a. Thil ngaituah tih hriat lutuk in a ngawi vung vung.



" Private ah entir leh chu tha ka ti a. " A rawn ti leh a. Aw ka a chhang lo chuan lu ka bu nghat nghat. Ka pa chu a rawn che tual tual a, a rawn harh takah chuan kan buaipui chhun zawm a. Tukthuan ei laiin in entir vel chu kan sawi ho a. Ka pa pawn in rilru damna tur a nih te chuan tiin min hnial lo a. Tukthuan kan ei zawh hnu chuan inentir tur a hming ziah lawk tumin clinic lam ka call a mahse vawin a tan a lo full vek tawh vangin naktuk a mi turin kan ziak lawk ta tawp a.



" Vawinah kan pu naktuk chawlh ka lo dil a nga kan pahnih in ka pa chu kan kal pui dawn nia! " Mama dawr kal turin in siam mawlh mawlh chuan a ti a. Lu ka bu nghat nghat.



Muanpuia call a rawn luh vangin corridor lamah chhuak in ka bia a. A hman tawh thu leh a rawn kal theih thu a sawi chuan kan in a sawi chi a ni lo a ka hriat vangin hmun dangah in hmuh ka duh thu ka sawi a. Min hnial lem lo chuan inhmuhna hmun tur thlang tur in min rawn ti ta zawk a. A lakah hian ka in thlahrung ru riau leh nghal.



Room ka lut leh chu Mama pawh a lo chhuak tawh a nih hmel. Ka in siam ve nghal zung zung a. Ka in siam peih vek hnu in room atangin ka chhuak a, ka nu leh pa bulah tih tur pawimawh ka nei a ka chhuah lawk tur thu sawiin ka kal chhuak nghal a. Kawtah taxi rawn tlan chu lo phar in ka thu lut a, Muanpuia nen a kan in hmuhna tur lam pan chuan ka kal zui nghal bawk.



Restaurant kawt ka thlen chuan lut mai lo in ka call leh te te phawt a. A thlen tawh thu a rawn sawi chuan ka lut zui ve mai a. Sir lam tukverh bulah a lo thu ka hmuh chuan ka pan nghal vat. Min hmuh rual in min lo nuih suk a, a hmaah chuan ka thu thla nghal zat a.



" Chuan... Eitur kan lam phawt dawn em ni? " A tih chuan lu ka bu nghat a. Engtin nge ka sawi chhuah ang tih chu ka ngaihtuah daih thung.



" Ihh.... Inhmuh ka duh chhan chu ka pa nen in in bia tih ka hria a. " Ka tih chuan dawhkanah a kiu pahnih nghatin min en ta ngur a.



" Engmah ka lo hre ve lo a, nizanah ka pa in min hrilh a chuan i lakah hian ka in thiam lo tak zet. Ka pa in i bul a khatiang a sawi kha chu a rilru a hah vang a nia. I lo hre thiam hram dawn a nia. " Ka ti ta duah. Dik tak chuan a tlawm thlak ka ti a ka zak ru hle bawk. Mahse tun tum chu ka pa hi ka hua in a lakah ka thinrim miah lo. Min ngaihtuah vang chauh a ti a ni tih ka hrethiam ve lutuk tlat.



" Chuan min neih chu i duh lo tih na maw? " A rawn ti a. A hmel ka en chu a lawm nge a lungawi lo pawh la hrethiam lo.



" Chutiang a ka duh a ka duh loh theih pawh i ni hlei nem? " Tiin za lo zet chuan ka nui a. Mahse min en ngur vang chuan ka nui tawp riai riai.



" Enteh... Muanpui kan chhungkaw buaina leh harsatnaah hian hnuh luh che ka duh lo. Mi tha tak i ni tih ka hria a, college kal lai a tang tawh in kan in hria a, ka pa in nang mah hmu meuh in kei min nei turin a rawn ngen che a, a damlo tih i hriat vangin hnial i hreh dawn tih pawh ka hria a. " Ka tih lai chuan min lo pawt chat a.



" I pa in min rawn hmu tih chu a dik a chuan thu te pawh kan sawi dun bawk a. Mahse nang nei tur che hian a ngen in min ngen lo a nia. Dik tak chuan a fanu neih chhun hi i ler lo ve em a. Nangmah hnaihah emaw thianah pawh mipa dang i hmu ngai lo tih a hria a. Kei hi min hre bel ve em a. Chu vang chuan min rawn pan a ni tih chu nang pawn i hriat ka lo ring a. I pa chuan min ngen ni lo in a zawh in min zawt mai a nih kha. I lak a ka rilru put dan te min zawt a. " Tiin a nui suk a.



" Nang pawn I sawi kha college kan kal lai atangin kan in hre tawh a. In hre satliah mai pawh ni lo in kan lo in zui ve thin tawh bawk a. Kan in kar chhiat chhan lah thil awm ze nei lo a ni tih kan hre ve ve tawh a. Mahse kum tam a liam tawh a, kawng hran kan zawh ve ve tih pawh ka hrethiam a. Chuan hmangaih dang i nei tawh tih ka hriat khan a tir chuan ka na ve ngei a.



Mahse i duh zia leh a tan i in huam thui zia ka hriat khan kan in kar chu i tan a tawp fel tawh tih ka hre chiang leh zual a. I thian I tan a awm reng tal ni turin ka la hnaih zel tho che a. Chuan kha pa khan natna tin reng a pek hnuah che pawh midang zawng aia I la thlang tih ka hriat khan thian angin ka en che emaw ka tih khan a dik lo tih ka hria a. Chuvang chuan hlat che ka tum ta ngar ngar a.


Mahse I pa in min rawn biak khan beiseina tlem ka nei leh a mahse tunah beisei bo mai a ni tih I sawi naah ka ngai a. Ka thinrim lo a mahse enge kha pa khan a neih bik ka hre chak tak zet. Hmeichhe dangin a fa paiin an lun khung hial chung pawn i thlah duh lo ngar ngar a. Hman a ka hriat thin Hmangaihzuali kha i ang tawh.



Kha pa vang khan i in thlak danglam vek a nia. Engtin nge a tih hi hriat ka chak tak zet! " A rawn ti deuh duah a. Sawi ve tur reng ka hre lo. Muanpuia sawi hi a dik vek miau a. Ka mize tam tak kha keu mahah hian hmuh tur a awm tawh lo.



A hma kha chuan Apuiin Muanpuia nen an in ngaihzawn thu leh nau a pai thu a sawi khan ka chapo vang ka ti dawn nge tlawm thlak ka tih lutuk vang ka ti zawk dawn. Engmah zawh fiah pawh tum lo in kan in kar ka ti tawp hmak a. Tunah kha aia chiang kha ka tawng in ka hma chhawn a, Zorinpuia pawn a pha miah lo chungin ka vuan luiin a sawi angin hun ka la pe zel chu a nia. Ka â tawh tak zet a nih dawn hi.



" A ni nen chuan in zawmna a awm lo a nia. Ka sawi zawk tak chu ka pa i hmai zah vang a kei min neih mai i rem ti kha hre awm ka tia. Ka pa chu ka hrilhfiah mai ang chuvang chuan... "



" Ka nei duh che a lawm. " A ti sup chu ka tawng tawp chat.



" I pa sawi vang chauh ni lo in kei hian ka la duh reng che. Nang in chutiang rilru I pu ve tawh lo tih ka hriat vangin ka ti lang lo mai zawk a nih kha. " A rawn ti nawn leh a.



" Nang pawn rem ti ve mai la? " A ti leh sup a, nuih za hmel deuh hlek a pu bawk.



" Tu nge hria kei ni pahnih hi in tawng tur reng a ruat kan ni lo ang tih hi. Hun tam tak a liam hnuah ti hian kan in tawng leh a. Engkim a rem em em vek a. " A ti leh chu sawi ve tur pawh la hre lo.



" Kei aia tha i phu. " Ka ti tawi tak. Nau ka pai tawh a, ka chhiat vang chauh a nula anga awm ka ni tih pawh hre ve vek tu a nia. Ka phu lo lutuk tlat.



" Ka tan chuan i tha ber tih hi ka chiang! " A la ti hram.


" I lo in ngaihtuah dawn a nia. Kei mah lamah chuan harsatna ka nei lo. I nih dan ang ang khan ka tan chuan I tha ber thod. " A ti leh mai a.



" Kei aiin i mawl leh zual tih hi i hria em? " Sawi mai tur ka hre lo chuan ka ti ta ngawt. A rawn nui chhuak hawk a.


" I hlimna ka duh ber Zorinpuia bulah khan I hlim chuan ka bulah I awm kher ka phut lo. Mahse natna hlir a pe che tih ka hriat hian ka lo na ve tlat si a. Hun min siam ve la. Hlim tak in ka siam ang che tih chu ka thiam thei lo che. A chhan chu min hmangaih tawh tlat lo a.



Mahse ka ti na ve ngai lo ang che tih erawh ka tiam ang che. I pa vang tal pawh in I lo in ngaihtuah dawn a nia. " A rawn ti leh duah a. Biak tum in ka hmu a mahse a thu sawi ka ngaithla hi a ni ringawt.



Kan in biak lai chuan kan chawlhnaah chuan tlangval rual hi an rawn lut huk a. An rawn bengchheng bawrh bawrh lutuk chu chawl ve ho pawh chuan an thlek haw hlawm mai. A then chu ka hriat hnu te pawh an ang lek lek. A hnung berah Zorinpuia leh Zoremsanga kha an rawn tel ve bawk a. Zorinpuia ka hmu chu ka hawi sawn rang ngei mai.


Dawhkan lianah thu in an thian ho chu an ri hlut hlawm a. Ni tak.... Thenkhat pawh se an college a ka thawh lai a student te kha an ni ve nuk mai.



" Kan kal mai dawn em ni? " Muanpuia pawh chuan a lo hmuh hmaih bik lo a niang. Zorina te dawhkan lam melh zauh in a rawn ti a lu ka bu nghat.



Kan thutna atanga tho a, ka in her rual a Zorinpuia te thian ho thutna lam ka hawi chu min lo hmu chiang ngang mai. Rei en duh lo in ka hawi sawn a. Muanpuia nen chuan counter lamah bill pe turin kan in zui phei a. Muanpuian bill vel a pe a, a bulah nghak in ka lo ding ve chu hnung lam atangin ka banrekah tu emaw hian min rawn vuan chawt in kawngka lamah min chhuah pui dawr dawr a. Tan tak ngial pawh ka tang hman lo a ni ber.



" Enge i hriat a? " Ka ti vin hlar a. Pawn kan thlen rual in ka kut chu ka pawt thla hlak bawk.


" Enge hetah i tih? " A rawn ti hmuk chu chhang duh lo in sir lam ka hawi hmak.



" Engvangin nge ka call leh text engmah min chhan duh lo? " Chang hrek hrawk a a rawn ti leh chu ka melh ve rawm.



" Engvangin nge ka chhan ang che? Nang leh kei chu kan tawp tawh. Chuan min ti buai tawh suh! " Tiin ka in her a dawr a luh leh ka tum chu min pawt let nawk in sir lam bang kilah chuan min nem bet nghal rawk rawk a. Tal ka tum leh rual in ka sir bang chu a rawn hnek dawt a, ka phu chiam leh nghal.



" I duh vang ringawt in kan tawp ring suh! " A ti chhuak hrawk a. A mit meng chu a dur khup a. A awmah ka nem let chawrh a, a nghing eih lo nia.



" Enge ti tur a min beisei a. Tunah inah I fa pai mek tu I kawl a. Chu tiang chungin ka nghak reng ang che maw. Mi â ka ni em ni? A tawp tawh engkim kha. Kei pawh hian nun hman tur leh ngaihtuah tur ka nei ve tho." Ka ti deuh tuar a. Dawr kawt a kal ho chuan min en hrek hrek hlawm a. Mahse ka in sum thei tawh lo. Bakah min hliah khuh hneh em a ka hmel hmu pawh an awm mang kher lo ang.



" I tan a harsa tih la hria. Mahse mipa dang chu hnaih suh. A bik in kha pa kha. " A ti chuai ruih a. Ka melh chho rawm.



" I buaina tur a ni lo. Nang ang lo takin a ni chuan a hma a sial ve lo bawk. Kei ai a ni kha I thlang a ni lawm ni. " Ka ti ve hmak. Ka nu sawi dan takah a duh lo a nih chuan a chhuah tir mai tur a ni.



" Nang aia thlan ka nei lo. " A tih chuan ka nui ro hak.


" Kha hmeichhia kha in in a chhuah san hunah che sawi la ka ring zawk mahna. " Tiin ka nam leh dawt a. Ka nam vang ni lo in a mah chu a che sawn hrut a. Ka thaw chhuak ta hak.



" Ka ti ang! Chuvang chuan rei lo te min nghak leh tawh! " A ti zawi ruih a. Chhang lo in ka kal sawn a. Building ka chhuah san rual in pawnah Muanpuian a motor nen min lo nghak a. Thaw hak in ka pan phei a.



" Ka thlah ang che! " A tih chuan ka hnial bik lo. Motor ah lut in kan in lamah kan in khalh haw a. Mahse kan in a rawn lut kawi lo in Muanpuia erawh a tlan tlang nghal.


*

*

" Vawin chu i lo kawi thei dawn em? " Tiin phone ka lak rual in Tei chuan a rawn ti lang lang a. Nizanah ka pa kan entir zawhah ka lo lengah ka tih vangin a rawn call tih ka chiang. I rawn kal duh lo tiin a vui nasa thei sia, a ni a rawn kal reng nen in thlahrun a awl riau a. Vawin chu kal ka tum ta ngawt.



" Dawn e! Chaw hmaah ka pa kan entir dawn a chawhnu lamah ka rawn kal ang. " Ka ti ve nghal a. Mama a tel dawn vangin ka pa nen an haw thei mai ang ka ti rilru bawk.



Kan in siam zawh chuan dar 10 kha kan appointment a nih vangin kan chhuak nghal a. Clinic ah pawh nghak khaw muang lo in ka va lut nghal a. Mahse ka pa te sawi ang chiah beisei a sang tawh lo hle a. Kan duh chuan damdawiin lamah min admit thei an ti a mahse that chhuah phahna a ni dawn lo tih doctor kan zawh in a sawi a. A cancer hian a thin a thlen tawh thu a sawi phei chuan ka tah a chhuak ut ut mai. Ka pa ber in in lamah haw a duh miau a, lung ni lo zet in Mama nen an let a.



Taxi ka chhan laiin Tein damdawiin lamah zawk min kal pui rawh a tih vangin an in lam pan lo in damdawiin lam ka pan a. Damdawiin kawtah min lo nghak a, min hmuh rual in a nui nghal ver ver.



" Enge kan tih dawn? " Ka tih chuan a hrawk a thian kharh kharh a.


" Nau ka paiin ka hria a. Chu mi vang chu. " A tih chuan ka ang phiau mai.



" A nih chuan Andrew hruai ve ta che! " Ka ti vat.


" A lo nih loh khan a nuam lo a lawm. Test kid chuan ka test tho a mahse ka la ring hlel. " A ti ve tal a. Nia.... Kum khat an in nei tling tep a a rai har lutuk hi a mah pawh hian hreawm a tia. Lo dik ngei se ka tih pui khawp mai.


Doctor pawh chu ka hmu pui ta thlap a. A lo rai tak tak chu a lawm lutuk a, a muttui a tling pam mai. Kei lah chuan ka fiam pah reng a. A hlim lutuk chu ka lo hlim pui ve tawp. Zikpuiin a tawngkhum fo tih a sawi thin a, Brandon a hmuh ve thin vangin an in hmu lo tawp thei si lo a. Tunah chuan Andrew pawh a lawm ngawt ang a ti ve hial.



" Ehee.... Enteh.. " Damdawiin chhuah san tum a kan kal chu kan hma lamah Sawmi te kan lam pan in an rawn kal ve a. Tei chuan min kawh hmuh vat a.



" A pum chu a lian tawh hle mai. " A ti zui sep.


" U Zualte.... " Kan hmaah hmeichhe pakhat nen rawn dingin min ko nghal sep a. Zorinpuia ka zawng deuh a mahse ka hmu miah lo thung.



" Kan in be lawk thei a ngem? " A rawn tih chuan phur vak lo chu lu ka bu nghat a. Enge ka hlauh bik ang ni.



Corridor a thutna ah chuan kan thu a. Mi an tei ve chhen bawk nen eng lam nge a sawi dawn hre lo mah i la biak ka chak lo tak zet.



" Zorina bulah in atanga min hnawt chhuak turin i ti a mi? " A tih chuan ka melh haw mai.



" Chutiang ka sawi lo. " Ka ti ban chat. Mahse nimin a kan thu sawi kha Zorinpuia hian a lo va la kawi a ni thei mai a ngem tih ka ngaihtuah leh nghal a. Ka in seh ruh nghal tung mai.



" Ihh.... Kut min thlak a ka chhuah duh loh vangin! " A tih chuan awi lo zet in ka melh a. Ka miteng chu a hre thiam nge a nui sak a. A kawr nghawng chip chu a pawt kau a, rehna hnu hma a duk raih mai.



" Chutiang ti tur in ka ti lo a nia. " Ka ti thla ngawt.



" In in karah ka tla zep tih chu ka hria mahse kalna tur ka nei lo vang a nia. Chuan ka ngen a che... Zorina hi hmu tawh lo hram rawh. Kei leh naute vang tal pawh hian! Zorina hi kan chan thei lo. " Tap tiau a a ti chu sawi tur pawh ka hre lo. Zorinpuia kut a thlak erawh mak ka ti a mahse a ti lo tih pawh ka sawi thei chuang lo.



" Kan tawp tawh a lawm. " Ka ti sep.


" Mahse Zorinan chu chu a pawm ve hlei nem! Naute hi a lo lian hunah ka lak atanga lak hran a, Nang neih che a tum a sin! Ka naute hi ka chan thei lo. " A rawn ti leh halh a. A thu sawi vang chuan ka melh tlawk tlawk.


" Thil awi aam loh tak a ni! " Ka ti halh.


" A ni pawh a fa a ni tih a hria a. Mahse nangah vangin a rilru saw a kal dik lo vek tawh. A thlah mai mai dawn lo che tih ka hria a. Khawngaihin nangmah hi i kal bo rih thei mai a ngem? Kum hnih emaw kum 1 chiah pawh. Naute ka neih a i awm loh bawk chu Zorina hian naute vang tal pawn min lawm duh mai thei a sin! " A la ti fan a. Chhan ngaihna pawh ka hre lo. Ka kal bo thei lo a Zorina pawh ka hnaih thei hek lo.



" Ka kal a nge! Tha deuh in i in enkawl dawn nia. " Tih leh tawh ka rual a. Tei pawn kan sawi kha a hre ve vek tih ka hria. Mahse engmah ka sawi pui peih ngang lo.



In kan thleng a, ka nu leh pa bulah Tei rai thu ka sawi chuan an lawm pui ve khawp mai. Chaw ei a sawm te an tum hial a nih chu. An lo fanu en ve bawk nen a awm lo hran lo.



" Chuan... Nu... Pa. Muanpuia nen kan lo sawi dun ve a. Inneih chu kei pawn ka duh. " Ka nu leh pa en chuan ka ti sep.



❤❤ type char2 emaw tia ka lo muthlu leh daih a. Lirnghingah ka harh hlawl a type leh nghal char2😂😂 ti thleng hi ni se next ah last chapter a ni tawh ang ka ring 🤍🤍🤍



Ads click theuh tur aw

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 10th, 2021, 1:54 pm

LAST CHAPTER - 51 🌼 by Amy Cck



" U.... I ti tak tak maw? " Mama chuan a rawn ti vat a. A hmelah chuan min ring lo hmel chu a pu deuh in ka hre hial.



" Bawihte thutlukna dik tak i siam a ni! Muanpuia hi mi fel tak a nia, tunah i rilru zawng zawng pe thei lo mah la hun a liam a nga i tan mi tha a nih zia i hre tulh tulh mai ang. " Ka pa chuan a rawn ti nghal vat a. Kei erawh za lo zet in ka nui lui hram hram thung. Ka pa mit mengah chuan a hlim zia bak ka hmu lo. A hmel chu a nung nghal sar in ka hre hial.



" Ni e Mambawih hmeichhe tan chuan kan hmangaih ai chuan min hmangaihtu te hi an pawimawh in an hlu zawk a nia. Mipa rintlak leh in nghahna tlak tak a ni a. Hna tha tak a nei bawk a, fa te tan nu leh pa chuan chu tluk a duh chu kan nei lo. " Ka nu in a rawn ti ve bawk a.



" kum lamah pawh hun lo zawk zawk in ni tawh lo bawk a. Tun hi i tan hma lam pan a i vanneihna tur pawh a ni mahna. Tunah chuan ka hahdam huai mai. Ka fanu neihchhun hian engtikah nge pasal a nei ve ang tiin ka ngaihtuahna ka lo seng ve fo thin a. " Ka pa bawk chuan a rawn ti leh a. Engmah dang sawi belh lo in ka thaw halh ringawt.



An thu sawi dang pawh ngaithla lo in ka phone a rawn rik vangin room lamah ka luh san daih a. Tei call a nih vangin corridor ah chhuak tlangin ka la nghal vat. Kei lo ang tak in a rawn phur ngang mai. A rai tih Andrew leh a chhungte a hrilh a, an lawm zia leh lawm hial an tum thu a sawi chuan ka lo lawm pui ve em em ringawt a.



Mi pawh an rai a lawm in ti mai thei a. Mahse Tei chu an in neih kum a tling tep tawh a, a la rai miah lo kha hreawm a ti em a. Chu tah Andrew lah a naupang chhe tawh lo bawk nen fa hmel hmuh vat a chak em a. A hlim dan tur chu ka feel pui thei hial.



Kar tawpah an inah chaw ei khawmin lawm an tum thu a sawi a. Kan chhungkua in min sawm thu te a rawn sawi hlut a. A nu leh pa te kan khaw lamah an awm vangin ka nu leh pa aiawh in i nu leh pa pawh kha lo kal ngei ngei rawh se. A rawn ti ve duah a, a tawng dan atang chuan a hlim zia pawh a ri chhuak hial a. Ka thiannu thawveng leh harhvang tak kha a rawn let leh ni maiin ka hria.



Kan in be zo room ka lut chu Mama a lo lut ve chiah. Ka nu leh pa in ka room kha an hman vangin Mama nen room kan in tawm a. Mahse zanah chuan fit 4 khum chiah a nih vangin a te zawk ka ni bawk nen thuthlengah ka mu thin thung.



" Pasal neih chu i duh tak zet maw? " A rawn ti nawn leh ngat. Aw ka a chhang lo in lu ka bu nghat.



" I rilru chu a dam zan lo tih ka hria a mahse ka nu leh pa sawi kha dik ka ti. In hmangaih avanga in neih ngei ngei tur tihna a ni chuang lo a. Bakah thil engkim hre vek chung a U Muanpuian a pawm thlap hian u Muanpuia hi ka zah in a lakah hian ka lawm viau bawk. " A ti ve duah a. Ni e... Chuvangin chiang tak in Muanpuia pawh ka sawi pui a, a ni chuan min la pawm thlap a. Ka pa sawi dan takah hei hi kawng thar ka tanna tur pawh a ni mahna.



Chuan Zorinpuia pawn ka lakah beisei a nei thei tawh lo a nga. Kei mah vangin a fa pai mektu hmeichhia chu a ti na reng tawh lo bawk ang a. Tu mai tan pawh ka thutlukna hi a tha zawk dawnin ka hre tawh.

*

*

Muanpuia pawn a chhungte a lo sawi pui nghal vat a niang palai hmel kan hmu vat a. A u te nupa kha chu ka nel tawh viau a a nu leh pa erawh ka hmuh ngai loh mi an nih vangin ka nel lutuk lo thung a. Mahse an ni pawh college kan kal lai khan ka leng lut ve zeuh thin a rei tawh viau mahse min hmelhriat biak thiam khawp a. Kei mah hian zir viau phei i la chuan in nel viau tur chu ka ni tawh zawk.



Kan chhungte tam zawk hi thingtlang lamah an awm vek vangin palai lo dawng sawng tur in ka pa in Papuia leh kan inchungpa a sawm ve a. Kan in chungpa hi a tha ve bawk nen a fanu leh Mama an lo in zui ve bawk nen min chhungkhat en thiam a kei ni pawn kan nel viau a. Papuia pawh palai hmel kan hmu chu min min lawmpui thu a sawi ve a. A hmain Zorina fa ka chhiat tawh tih a hriat khan pawi a ti khawp mai a.



A hunlai a kan hrilh lo chu min thiam lo lek lek hial a. Mahse engmah siam that theih a ni tawh lo a. Ka nu leh pa bulah min zep sak turin ka ngen a. Papuia pawn sawi zui a ngai tawh lo tiin thu a ti tawp a. Pasal ka neih tur thu erawh Zorina bulah zep rih a ti a, papuian buaina a rawn siam ang che u tih a hlauhawm a ti hmuk mai. A sawi danah Zorinan min theihnghilh a tum lo tih a hriat chian hmel viau leh nghal.


*

" In lo kal ve dawn lo tak tak maw? " Ka chhungte en kual chuan ka ti a. Vawiin hi Tei nau pai lawm nan Andrew a pi leh pa Zualan chaw hlui kil an ti kha a nia. Ka chhungte ka hrilh tirh chuan kal tum vek hmel an pu a mahse a ni a rawn thleng a an thulh leh vek a nih chu.


" I pa ka lo awm pui lo chuan a mah chuan ka ngaihtuah " ka nu in a ti a, a dik chiah bawk si a. Inchungah pawh ka pa hi mit mei a ven ruk deuh a ngai tawh a. In entir a in check tir tur a chhuah pawn a chauh pui em em zel mai tawh a.



" Mamm.... " Mama melh chuan ka ti leh a.


" Chawlh dil ka in thlahrung a. Chrismas a hnai a dawr a lun riau nen u Tei chu lawmpuina min lo hlan sak mai rawh. Nakinah a hran in ka hmu mai ang. " A ti ve bawk a. A dik ve tho bawk si.



Tukthuan kan ei zawh chuan ka in siam nghal a. Khua a vawt vur bawk nen ka in ha lum tha viau mai. Zanah daih ka haw hmel bawk nen Tei lah chuan min rawn text vhhen tawh.



Mama dawr kal rual in hma em em ah Tei te in lamah chuan ka kal a. An in ka thleng chu tumah pawh an la kal lo. Tei leh Brandona kawtah an lo in fiam a. Min hmuh rual in min rawn pan vat a.



" I van rawn thleng har tak. " A la rawn ti zui.


" Tumah pawh an la rawn kal loh hi. " Ka ti let ve vat a. Brandon pawh Tei bulah rawn dingin a kawr tlang a rawn pawt tai reuh a. An in hmeh reuh lutuk ringawt.


" Midang chu chawhnuah an rawl kal ang. Kan pa pawh dawrah a kal leh lawk a. " A tih chuan ngei lutuk in ka melh nghek a. A ban bulah ka beng nghal hlak.



" Anu kha beng chu naute a na ve zel a nia. " Brandon lah chuan a la rawn ti zui. Tei chuan in ti thei zet in min la melh zui a. Ka ngei nufa lutuk chu tih vak ngaihna an awm bawk si lo ka melh leh rawm zel a. Hman hmawh em em in min tur ve a. Tul lo thei lutuk mai.



" Ka ngai tawh che a lawm. Bakah ka rai vang hian tunlai chu duh duh in ka chhuak thei lo a. " Nui hak hak a tiin Brandon chu a melh zeuh a.



" Enge awm zia? " Ka ti hu .


" Apa in anu hi a mahte a a len chuan a tlu a nga naute in na a ti ang a tia. " Brendon chuan a rawn ti ve vat a.



" In van over hlawm e. " Ka tih chu a la nui hak zui. In lamah kan in zui phei a. Inchhung kan lut chu pa Zuala leh a nu pawh an lo awm ve a. Min lo lawm thiam viau leh nghal. Brandon chu a pu te bulah a in fiam a kei ni room lamah kan chho a.



" Chuan in neih chu i duh tak tak a mi? " A ni pawh chuan room kan luh rual in a ti nghal a ka ner nang mai. Hei vang hi a ni chiang mai min nawr tet tet kal hma tur in.



" Umm.... Palai pawh an rawl kal tawh a. Kan sawi fel chu a ni mai. " Ka ti chuai raih.


" Kei chu tha pawh ka ti lo i thil tih dan hi. " A rawn ti hap.


" Nangmah chauh in tha lo i ti. " Nui lui sak a ka tih chuan a lawm lo ngang mai.



" Ka ti tak tak a nia. Muanpuia a sual ka tihna ni lo in Zorina hi ka khawngaih. " A rawn ti leh hap.



" Ka thiannu i nih hi! Ka lam nge i tan a Zorinpuia lam? " Ka ti hriam hraih.



" A mak e kei chu nutral ka ni. Ka thiannu i nia i hlim hi ka duh a chuan tunah chuan Zorina pitei ka ni tawh bawk a. An inah a cheng ngai lo a nia. A nu inah khan a a riak ziah a nia aw. " A rawn tih chuan awi lo zet in ka melh a, a hriat chian hmel fu mai.



" Damdawiinah te pawh a kal pui a bakah... " Sawi zo lo in ka ngawi dat. Sawmin kut a thlak a ti bawk a, chu pawh an in atanga a chhuah duh loh vang a ti a nih kha.



" Andrew an a sawi bakah a Emily kha... Hmanniah a rawn leng a Andrew nen an sawi ka hre bawk a. Damdawiinte chu a hruai ve chang a awm ang chu. A pa leh a piin an tih luih phei chuan.. " A rawn ti a.



" Sawi tawh lo ang engmah a danglam dawn lo. Kum thar ah Muanpuia nen kan in nei dawn. " Ka ti hap.



" Engmaw, mahse palai vawi 1 na an rawn kal chauh emaw ka tia? " A rawn ti a.


" Nia, mahse kan hman hmawh a, ka pa hi a tha lo chak riau a. Kum in chrismas hi kan chhungkua a kan hman tawp berna tur a nih hial kam ring! " Beidawng zet chuan ka ti a. Min khawngaih hmel zet in ka kut chu a hum vang vang a.



" I pa vang a ni ti raw. A nih phei chuan kei chuan hetiang ti tur hian ka duh lo che a nia. I duhthlanna leh i rilru dam zanna a nih loh chuan tunah hian tih tawp na hun a la awm a nia. " A rawn ti a. A mit mengah chuan min khawngaihna bak hmuh tur a awm lo.



" Ni lo.... Ka chhungten tun tum chu min nawr lui lo. Ka duh dan a nia bakah Muanpuia hi ka tan a tha zawk ang. Awl sam tak a rem ka ti chhan pawh Muanpuia hian min hre chiang a. Engkim Zorina nen kan inkar thlengin mahse min la pawm vek a sin. Ka tan chuan a ni bak a tha an awm lo ang. " Ka ti ta vak ringawt. Chu thil chu nitin, zantin in, ni lo.... Ka rilru ka lam let dawn a piang in ka ngaihtuah a kan in fuihna a ni.



" Zorina a awm a lawm. I tan chuan Zorinpuia a tha ber. I sawi kha ngaihzawng hlui bul a let leh i duh ngai loh thu. Chuan Muanpuia chu i nun hlui a mi a ni tawh a. Tunah i thinlungin a thlan chu Zorina hi a ni. Chu chu nang pawn i hria! " A rawn ti ve thung a. Tun tum hi kan thian dun kan rilru a in hmuh loh vawi khatna a ni hial ang.



" Ni lo... Zorinpuia hi ka nun hlui zawk chu a ni a Muanpuia hi hma lam ka pan na tur a ni. Ti nge i hriat thiam duh miah lo a, hmeichhe dangin a fa an pai mek a, papuia tak ngial pawn pasal ka nei tur hi min lawm pui a, ti nge i theih ve loh? " Ka ti ta tawp. Ka thinrim lek lek bawk, ka rilru a ti phir leh mai dawn.



" Chu chu kan hre ve ve a mahse an la in nei hlei nem. Sawmi chhungten an hnawt chhuak a, pan tur a hriat loh vang chauh in a pan a lawm. " A tih chuan ka nui ro hak.



" A fa paina pa a ni miau a. " Ka lo ti thung.


" A fa a ni tih a chiang em ni? A puh ringawt a lawm. Chuan nang pawn nghah i duh a i tum bawk a nih kha. A chhan chu Zorina i la rin a beiseina i la neih vang in. Chuan thla leh mai hian naute chu an nei tawh dawn a. " Tiin ka rilru hmin chu a tum ruh ngang mai.



" Chuan enge ti se min beisei a. Ka nu leh pa bulah naute saw Zorina fa a nih em nghak lawk ang u ka ti leh dawn a mi. Chuan a fa a lo nih phei chuan ka chan tur hi i hrethiam ve miah lo a mi. Tunah hma lam ka pan a pasal tha tak ka nei dawn a, ka nu leh pa hlim hmel leh phur hmel saw ka ti chhe leh vek dawn a mi. Ka pa phei chuan pasal ka nei hun nghak in a natna a sual let mek a. Risk dang ka la thei tawh lo. " Ka ti chhuak nghek a. Ka tah a chhuak ru tun leh nghal.



" Mahse... " A tih leh rual chuan " Duh tawk a khatiang kan sawi reng dawn a nih chuan ka haw zawk mai ang. " Tiin ka ding tur chu ka banah min vuan vat a.



" A nih... A nih... Ka sawi tawh lo ang. Haw suh aw.. " A rawn ti a. Thaw halh in ka sam chu a tuai chho hap a.



" I in chhirna tur thil i tih ka hlauh vang a ni tih i hriat kha. " A rawn tih leh takah chuan ka thu leh a.



" Ka va inbual a nga kan in si tan ve tawh a nge. Lo thu lawk rawh. " Tiin a tho a. Bathroom a a luh hnu chuan kei mah in ka thu ngawi ta reng mai.



" Thil ngaihtuah vak vak suh! I thutlukna hi a dik a nia. Bakah let leh turin i kal thui tawh lutuk! " Tiin kei mah leh kei mah chu ka in hrilh zui mawlh mawlh a. Kawngka rawn ri khap vang chuan ka phu chiam leh nghal.



" Ohh... Khawnge? " Andrew lo lutin a rawn ti a. Tei a tihna tih hria in a inbual thu in ka chhang ve mai a.



" Pasal i nei dawn tih te ka lo hre ve a. " Tiin sir lam dawhkanah lehkha chu a khawih tel mawlh mawlh a.



" Nang pawn min hau ve dawn a mi? Ka lam nge i nupui lam i tan dawn? " Andrew melh chuan ka ti ve halh. Kan lo in nel ve tawh bawk nen zep vak ka tum bik lo.



" Kei chu nutral ka nia! " Nui suk a a rawn tih chuan ka ner nang.



" In nu pawn a ti. " Ka ti tawi tak.


" A ni maa nupa hi chu kan rilru pawh a in ang a nia. " A ti leh mai a.



" Vel hlawm cheu hian a. " Ka ti hlak chu ka lam rawn hawiin kut a kuangkuah a. Min melh vang vang a kei pawn ka melh leh ve reng bawk.



" Sawi la enge i sawi duh chu? " Ka ti ta nge nge.


" Sawi tur vak ka hre lo. Ka hriat chhuah rual in in inkar in ti tawp chu a ni ber a. Mahse Zorina hian a duh hle che tih ka hria. A lan dan chuan a atchilh mah mah zawk che in ka hria. Mahse hetiang hi a thleng ta sia, kei mah ang in naute vangin a hmangaih loh hmeichhia chu a neih a ngai mai thei a. Hmangaih loh miau chuan rei hi a daih thei lo tih ka hre chiang a. " A rawn ti ve sup.



" Nghak tur in min duh maw? " Tiin ka nui ro hak.


" Chu chu ka sawi theih a ni lo. Tum din hmunah phei chu i rilru i siam fel tawh niin a lang bawk a. Ka sawi avanga nghak a nghak lo thei i ni tawh lo tih a chiang reng a. Mahse Zorina hi a tawp nan pangai tak in bia in pasal i neih tur thu hi hrilh rawh.



Midang ka atanga a hriat chuan a keh chhe vek mai ang. Chuvang chuan nangmah ngeiin hrilh la, a pawm emaw pawm lo emaw i rilru pawh a nawm phah ngei ngei ang tih ka chiang! " A rawn ti duah a. Ka phone a rawn rik vang chuan ka bag atang chuan ka la chhuak a Muanpuia a ni.


Bathroom atang Tei a rawn chhuak bawn nen mi nupa room a lo awm ve reng chu nuam ka tih loh vangin phone chhuan lam in ka chhuah san a.



Rawn len a tum thu a sawi chuan ka chhuah thu vel te ka hrilh a, zanriah pawh ka ei nghal tur thu ka hrilh a. Zanah min rawn lam tur thu hrilh in kan in biakna kan ti tawp a.



Inhnuai lamah thawm nak nak a awm takah chuan ka chhuk ve a. Tei cousin te ho an rawn thleng nak nak hlawm mai. Kan lo in hriat sa vangin kan in kawm zui a. Rei lo teah Tei te nupa pawh an rawn chhuk a. Papuia leh nitei te pawh a rawn kal a midang erawh hmuh tur an awm lo. Andrew chhungte tlem an rawn kal bawk a.



Tupa Brandon chu nei tho mahse Andrew leh Tei fa hmasa ber tur a nih vangin an hlut sak ni ber in ka hria. Brandon lah chuan a nu chu a veng reng bawk a. An lawmawm chhungkua tawp.



Thil tih khawm nak nak chuan hun a lo kal chak ngang mai. Zanriah kan ei a. Cake te an siam thlap a, Tei hlim hmel lutuk chu hmuh a nuam tak zet. Pasalah pathlawi a nei a, chutah Andrew nupui hmasa lah chhungkaw awm thei tak an nia. Tei nen tehkhin chuan Tei chu thingtlang nula ve mai a ni. Zikpuii pawn a hmusit tih a sawi hial a.



Mahse Andrew mai ni lo in a chhungte zawng zawng hian an duh in an duat thiam em em mai leh nghal. Nau a pai lawk thei lo te kha hreawm a tih hlau in an tawng thla muan reng a. Tunah a rai a, an lawm pui thiam leh em em a, ka thiannu hian a zir nge Andrew chhungte hi an zau pawh ka hrethiam tawh lo.



" Te ka haw mai dawn. Pawnah Muanpuian a lo thlen tawh thu a rawn sawi a. " Tiin Tei bulah chuan ka va sawi a. Min la ui ngang mai.



" Dar 8 chiah a la nia. " A ti nang nang a. Mahse ka pa te chhuan lam in haw chu ka tum ta tho a.


" Ka va thlah ang che! " Tiin a rawn tho chhuak a. A cousin te leh a ni te ho chu an la hlim dar dar khawp leh nghal.



" Khaw nge Brandon? " Ka tih chuan " Apu in a mutpui tawh a nih kha, a chau a niang. " A ti mai a. Pawnah kan in zui chhuak nghal.



" Saw saw... Zorina a ni em? " Pawn kan chhuak rual in kawngpui a mi pahnih lo in din chilh chu a en a. Ka en ve nghal a. Muanpuia nen chuan an lo in din chilh run mai.



" Papuia te kha an la awm em? " Thil dang sawi lo in ka ti vat.


" Awm lo zanriah ei kham khan rei lo te ka pa nen an in bia a na haw. " A tih chuan ka thaw hak. Chu tih rual in Zorinpuia chuan Muanpuia kawr awmah a tham sak a. Ka meng nghal kawk.



" Te... Andrew va ko vat teh! " Tiin kawngpui lam chu ka pan a. Gate ka chhuah rual in Muanpuia zawk chuan Zorinpuia chu a hnek chawrh a, zorina chu a pai nawk a mahse a in her rual in Muanpuia chu a hnek ve nghal thuai a, an in sual der a nih chu.



An lam chu ka pan a, motorah Zorinpuian a nem bet chu a banah ka pawt nghek a min hmuh rual in a thlah ve hram a. An hmai chu a khem dun nual mai.



" Engmaw in tih le? " An 2 melh tawn in ka ti vin hlar mai.



" In bia ang. " Zorinpuia chuan tiin ka banah min vawn a rual a. Min kal pui a tum chu leh lamah Muanpuian min pawt let nawk a.



" Ka rem ti lo. " Muanpuia chuan a ti ve hluk thung.


" Phiangsen chuan tunge ni a I in hriat a. " Zorina ti chhuak hrawkin ka kut chu thlah in a kawr awmah chuan a tham leh nawk a. Thlah tur in ka ti vat a mahse a mit meng sen rum chuan Muanpuia chiah a melh.



" A pasal tur ka ni a. Ka hmuh lai a a ngaihzawng hlui a zui chu ka rem ti lo! " Muanpuian a tih rual in a hnek pai leh nawk a.


" Zorinpui enge i hriat a? " Tih leh Muanpuia pan ka rual a a kam sir chu a rawn ti ser ser leh nghal.



" Dawt a ni. A ni ti raw? " Tiin kei mah chu min rawn pan a. Ka tawlh hnung dat.



" Zorin... "


" Dawt a ni tih sawi rawh." Tiin min au khum nghek a. Engtik laiin nge min khawih hman ka hre lo. Motorah chuan min nem bet chawrh a. Muanpuia rawn kal hnai chu thaw hrawk in a hnek leh nghal chawrh a. Vawi khat mai pawh ni lo kawngpui a Muanpuia let chu thut chilh in a hnek zui hmiah hmiah a nih chu. Mi â ang mai in a khawsa a, ka thelh thei si lo chu tanpuitu ka au ta tawp a.



Andrew a rawn thleng a Zorina chu hnung lam atang a pawt let hrawk a, Zorina erawh in Muanpuia chu la khawih tumin Andrew vawnna atang chuan tal chhuah a tum a. Hlauthawng lutuk in Muanpuia kawng a let reng chu ka pan a Tei pawn min rawn pui vat a. Mi kawng kal leh chaw ei khawmna tel la haw lo haw pawh an rawn ri ve hat.



" Zorinpui in ngaihtuah harh rawh. " Andrew chuan tiin Zorina chu a pawt bet tawk tawk a.



" Zual.. Zorina saw bengdaih va tum teh. " Tei Muanpuia rawn vawn ve pah chuan a ti a.



" A ngai lo. " Ka pan mai tur chuan Muanpuian tiin min vuan bet a. Rilru buai zet in Muanpuia chu ka en a.


" Tun a I pan leh chuan beisei na i siam sak leh mai mai . " A tih bawk si.



" Haw ang min zui rawh! " Tiin ka banah min vuan a motor bulah min phei puiin passenger seat chu pawt hawng in min luh tir a. Driver seatah rawn lut in thil dang sawi lo chuan a tlan chhuak nghal a. Front glass atangin Zorinpuia te chu ka mit sir in ka melh reng a. Ka taksa hi a tang tung thei.



" I ngaihtuah a ni ti raw? " Muanpuian a tih chuan ka in sut hraih ringawt.


" I buaipui thei tawh lo a nia. I hria ti raw? " A rawn tih chuan chhang lo in ka jmui ka pet fan fan.



" Zualte.. " A rawn tih sup chu " Ka hria. " Ka ti hap. Chu mi rual in ka mittui a luang leh pap mai.


" A tha! Kohhranah lehkha kan thehlut tawh a, chuan kum thar february thlaah kan in neih hun an ruat a, karleh nilaini zanah kan in neih ni an puang chhuak ang! " A ti leh sup a. A lam ka hawi chu min lo en ve reng a. Tunah dec thla kan chuangkai tawh a. Kum that daih la ni mahse a hnai zawng a sawi chuan thla leh lehpek a ni mai si a.



" A va rang ve. " Ka ti halh mai. Chubak sawi tur ka hre lo.


" Hman hmawh tha in ka hria a. Chu chu i duh dan a ni ve tho a ni lawm ni? I pa din hmun hi heti hi a ni sia. " A rawn ti a. Min rawn melh vang vang takah chuan " Ni e, in tih ang ang a ni mai! " Ka ti zawi sep a. A nui suk chu Zorinan a khawihna kha a na deuh nge a then zui sawk a.




" Hrep chuan! " Ti hrawk in motor chu a break a rap ri tuar a. Kan hma lamah ka lo in ring lo nen ka bu lawp mai! Kan motor hmaah chuan Zorinpuia chu a bike nen a lo ding run a. Muanpuian chu a phun hluk mai.



" Ka va bia ang! " Ka tih chuan ka banah min rawn vuan vat a.



" Ka rei lo ang. " Tih leh min vawnna tal pit ka rual a. Kawngka nem hawng in ka chhuak zui nghal. Khua lam chu a vawt em em leh nghal.



Motor atanga ka chhuak min hmuh rual in a bike atanga chhuk in min rawn pan nghal a. Ka hmaah chuan a ding khawng nghal luah.



" Kal sawn rawh kawng i dal a nia! " Ka ti sep.


" I nei dawn lo ti raw? " A ti hluk thung.


" Zorin.. " Ka tih rual in ka biang tawn tawnah chuan min vuan a. Chiang zet in ka mitah min melh chhuk ngur bawk.


" I nei dawn lo.... A dik em? A ni ni lo in kei min hmangaih! " A ti chang leh bawl.


" Duh tawk tawh rawh. " Ka ti chuai raih.


" A teuh lo. " A ti vin tuar a. Ka phu zawk leh nghal.


" Ngaithla rawh ka fa a ni lo! Chuvang chuan rei lo te min nghak leh rawh! " A tih chuan tah chhuak zet in ka melh thung.



" Ka thei lo. " Ka ti tiau a. Ka biang a ka mittui luang chu a kut zungpui chuan a lo tuai hul nghal vat a.



" A ni saw I neih ka phal lo! Ka ta I nih hi ka ta chiah. " A ti leh hluk a. A mit meng chu a â ruai a hlauhthawnna leh min chan hlauhma hlir a lang chhuak. Tei leh Andrew hnen atangin a hre deuh vek a nih ka ring. Ni lo se engmah ka la sawi miah lo a, hetiang em em a rilru buai leh na hmel hi a pu lo ang.



" Engkim ka chingfel tep. Chuan saw pa phiangsen sawn a bum kual mai mai che. Dawt phuah chawp in i mit a ti del a ni tih hi i hmu miah lo em ni? " A tih rual in a biangah ka beng ri nghal sawk.



" Duh tawk tawh rawh! A ni saw mawh puh tum suh. Tunge dawt sawi a min bum kual mai mai chu ka hre thiam ve tawh! Chuan pasal ka nei dawn a nang pawn nupui leh fa i nei dawn bawk. Kan kawng ve ve zawh ang! " Ka ti chhuak ta nghek.



" Ka fa a ni lo ka tih chu! " A ti chhuak hrawk a. A aw rawl a lian in a thinrim hmel hluah hluah leh nghal.



" Ka ring lo che! " Ka ti sep a, rilru nat hmel zet in min en ngawt ngawt a. A in seh ruh nasa viau tih a bek ruh pawng tawlh tawlh atang chuan ka hre bawk.



" A tawp nan hun min pe leh rawh! " A ti chuai ruih mai.



" A hma pawn kha thu kha i sawi tawh! Ka chau tawh a ni. " Ka ti chhuak tiau mai.



" Bawihi! " Hnung lam atangin Muanpuian a rawn ti a. Zorina chu a tawp nan tiin ka melh vang vang a.



" Mangtha Zorin. " Ka ti sep mai.



" Saw mihring sawn fa a nei tih i hria em? Nge ni a i lakah a zep ve tho. " A rawn ti hluk chu ka ding dat.


" Thu awm ze nei lo mai a nih kha a sawi! Kal ang i pa in min rawn bia a nia. " Muanpuia chuan tiin ka banah min rawn kai a motor lamah chuan min pawt phei dat dat a.



" Min ring rawh. " Ti ang hrim in Zorinpuia chuan min melh ngawt ngawt a. Motor chhung a ka thut luh rual in chak zet in a bike in a tlan chhuak zui ve nghal.



Enge thil awm zia hi ni ta! Engkim hi a buai vek ni ta berin ka hria. Muanpuia chu ka en a. Thil ngaihtuah muk hmel zetin hma lam chu a melh ngur a, thlasik khaw vawh lai a ni a mahse a bekah chuan a thlan fim a bawl tek tek leh nghal.



*to be cont....... *


❤❤ Selfish love chu kan khar ta a🙃 muttui mang nuam vek u le.... 💞💞


*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 17th, 2021, 1:18 pm

BONUS CHAPTER - 52 🌼 by Amy Cck



" Enge Zorina thu sawi kha a awm zia? " Kan in kawtah motor a din rualin ka ti zawi sep. Kawng tluan khan kan tawng lo a, tunah hian engmah sawi a tum loh vangin ka sawi chhuak hmasa tawp.



" Awm zia a nei lo. " Ti leh motor atanga chhuah a rual a. Min chhan dan chu lawm lo zet in ka ner sak thung.



" Lo chhuak la. " Ka thutna lam rawn pawt hawngin a rawn ti leh sup a. Muanpuia chu ka melh vang vang vang nge thaw chhuak hawk in motor chung lam chu a rawn vuan a.



" A mah kha a dik lo a nih kha. I hmu thiam lo em ni? Pasal i nei dawn tih a hria a a ngaihtuahna a mumal lo a nih kha. A thu sawi kha i awi a mi? Hahh.... I hriatthiam chu ka lo ring ve a sin. Pasal u nei dawn tih hria in a fa paitu naute pai chu chawp leh chilh in a fa a nih loh thu a sawi a. Chuan kei min ngaih dik lohna turin fa ka neih thu a sawi leh a. " Tiin a nui ro hawk a. A awm dan chu ka en reng a thil dik lo a awm ang pawn a awm miah lo.



" Mahse Tei te in kawtah khan i hnek hmasa a. " Ka ti leh hap.


" Tak zet che hian! " A ti hluk mai. " Ka vawi khat kut thlak I hmu lian em em a, a niin vawi tam tak min khawih kha i theihnghilh hmak a nia. " A awah chuan a lawm loh zia a ti tel tawh. Tlem chuan nuam lo ka ti deuh.


" Chutiang in ka ngai lo a nia. " Ka ti ta ngawt.


" Min khawih lai a ka khawih let duh loh chhan kha i hria em? Lo khawih let ve zel i la chuan tun ai hian ka lakah i thinrim ka ring. " A ti leh hmuk. Zorinpuia ka tan zawk niin a ngai a nia. Chutiang zawng a ka tawng pawh ka hre miah lo.



" Lo kal tawh le! I pa ten an ngaihtuah tawh che a nia. " A tih leh takah chuan ka chhuak ve a. Thil dang chu zawh belh ka tum tawh lo. Zorinpuia khan a sawi ve mai mai zawk a ni mai thei. Pasal ka nei dawn tih ka hrilh khan a pangai hlawl lo a nih kha.



In kan lut chu ka pa a lo mu tawh a, ka nu erawh a lo la meng a. Zan dang ang bawkin Mama erawh inchung nula a rim leh tih ka hre nghal.



Ka nu in Muanpuia hmai pem nual a hmuh chuan a phar buai ngang mai. Damdawi leh la in ka hnawih sak a. Kan in neih tur chungchang kohhranah lehkha an pek luh tawh thu leh thil dang chu ka nu pawh a hrilh ve luam a. Ka pa mu pawh kan thawngah a rawn harh a niang a rawn tho chhuak a.



A taksa a cher in a hmel vel a tla chak bawk nen ka hmuh hi chuan ka rilru hi a na tlat zel. Sawi tawh angin kum in chrismas hi chhungkaw kim a kan hman tawpna ber a ni tawh mai thei hial a ni.



An in kawm tui lai chuan Muanpuia phone chu a rawn ri a, chhang tur in a kal sawn a. A rawn let leh chu a hman hmawh hmel ta viau leh nghal. Hna pawimawh a neih thu sawiin ka nu leh pa chu a mangtha a. Thlah pawh thlah hman lo in a chhuak nghal vut bawk.



Muanpuia a haw hnu chuan ka in thlak a. Ka nu leh pa in thil min zawh ka hlauh vangin room atang chhuak lo in Mama khumah chuan ka mu hahdam ta ringawt a. Ka lo muhil a ni chek ang chu ka phone riah chuan ka harh hlawl mai! Sana ka en chu zing dar 5 a lo ni vah tawh. Nizan ka mu kha ka lo mu tlang daih a niang.



Ka phone ah chuan call lo lut chu no hlang a nih vangin call let lem lo chuan ka tho a. Room atanga ka chhuak chu thuthleng seiah Mama leng leh leng lo hian a lo mu thluang zuar a. A la hnar suk suk leh nghal. A khumah ka lo muhil sia min kai tho duh lo a nih ka ring.



Thingpui ka lum a, thingpui ka in zawh in rawng ka bawl a, chaw ka chhum laiin ka nu a rawn tho a. Ka tho hma lutuk chu mak a tih hmel ngang mai. Rawng ka bawl hmin hma bawk nen tukthuan pawh kan ei hma ngang mai.



Tukthuan kan ei zawh chuan ka phone la in ka khawih kual a. Whatsapp ah ka lut chu zing a min lo call tu no atang khan thlalak pakhat hi a lo awm a. Enge maw ni ti a ka dl chu an thla lakna a hlat deuh vangin a fiah lutuk lo a. Mahse thlalak a langte chu ka lo hriat chian than em te an nih vang in ka hai lo chiang hle.



Muanpuia motorah Apuii leh a fanu nen khan an in phur a nih chu. Thlalak ka en vung vung lai in call chu a rawn lut leh a. Ka lak rual chuan mipa thaw hawk ri ka hre nghal.



" Thlalak kha i hmu ti raw? " A rawn ti sup a. Ka nu leh pa chu melh zawk in ka tho nghal vat a roomah ka lut nghal.



" Eng thil chiah nge i duh a? " Ka ti vin hlak.



" Ka sawi kha i ring lo a ni ti raw? A tha e i mit ngeiin ka hmuh tir ang che! " A rawn tih chuan enge a sawi awm zia ka man lo.



" Enteh Zorin! I hre sual niin a lang. Thlalak I rawn thawn a mi te nen hian in zawmna an nei lo! " Ka ti ve vat a. Apuiin hmanah a sawi tawh a, Muanpuia hian a pui thin tih.



" Ka chiang viau chuan ka in hria! Tunah a fanu hi damlo in damdawiinah nizan khan an kal pui a. Min ring lo tlat a nih chuan i fiah thei ang. " A rawn ti leh a. Chhang let tawh lo in call chu ka ti tawp a. Mahse message ah an awmna chu min la rawn thawn tho.



Kal pawh tum lo chuan thil dang ka tih san a. Mahse ka rilru erawh chuan a hre reng bawk si a. Tlai lamah chuan ka in sum thei tawh ngang lo chu ka chhuak ta tho a. Engvangin Muanpuia zawk ring lo a Zorinpuia ka la rin zawk tlat pawh hi ka hrethiam tawh nek lo.



Damdawiin ka thleng a. Damdawiin kawtah Apuii lut chiah chu hmu hman in ka zui lut a. A ni erawh chuan min hmu ve lo a nih hmel. Ward ah a luh ka rin nen cabin ah zawk an awm a niang. Zui luh ve ngawt chi ni hek lo ding deuh reng in rei vak lo ah tih theih awm ta si lo chu let leh mai ka tum a. Mahse cabin kawngka rawn in hawngin Muanpuia chu a rawn chhuak a, a hnungah Apuiin a rawn zui a.


" Hun a nei tam tawh lo a nia ka ngen a che. " Apuii chuan Muanpuia melh chuan a ti a. A hmel chu a bui lak mai, a tap a ni mai thei.



" Engkim a fel tep. " Muanpuia chuan a ti hmuk a. An piah mai step phen a ka ding vangin ka awm ve tih an hre lo tih chiang reng.


" Mahse chu mi hunah chuan a tlai tawh mai thei a sin! I fanu ve tho a nih hi engtin nge i ngaihsak ve miah loh thei! " Apuii chuan a ti vin that a. Ka aw a vin bakah a thu sawi vang chuan ka nghing dawt thei.


" Kha tiang khan min tawngkhum hlek suh! Ka rem ti lo chung a pai tlang a, enkawl tu chu nangmah i ni! Chuan ka tih tha zawk ngawt a lawm a tet te atangin enkawlna sen so ka tum vek zawk a. Tunah hian ka kawng dal tuah hman tum hlek suh. " Muanpuia chuan a ti chhuak ve hrawk.



Apuii chu a in seh ruh ngawt ngawt a, a hma a mi pawh chu a lawm hmel bik vak loh.



" Tih buai che ka tum lo. Ka hria kei man ka hma ka sial vang in naute ka nei lui a. Min enkawl pui a I chungah pawh ka lawm lutuk mahse tunah hian ka fanu hian a mamaah tak zet che! Tun chiah hi min pui leh la Bawihtei a dam fel hunah hmun hla takah kan kal bo vang vang ang. Chuan nang pawn Zuali nen bul i tan tha dawn a nia. " Apuii chuan a kut a vawn sak in a ti a. An thu sawi lai chu ka melh ngawt ngawt.



" I hrethiam miah na nge! Thla rei lo te hnuah kan in nei dawn a. Chu mi hma chu khawiah mah ka kal thei lo. A nih loh chuan ka chan mai ang. Chuan nangin zai pui ti tur in min lo nawr a nia! " A ti chang bawl a. ' ka chan mai ang' a tih chu kei mah ka ni tihna em ni?



Ka en reng lai chuan ka darah min rawn khawihtu vang chuan ka phu zawk a ka phone ka ken chu ka thloh bawl a. Ka hawi let chu staff pakhat hian min lo en a. Chhuat nawhna nen a lo din vangin ka dal tih ka hre nghal.



" Tihpalh! " Tih leh kal sawn ka tum chu ka hmaah Muanpuia leh Apuii an lo ding reng tawh.


" Min lo zui rawh! " Tiin Muanpuia chuan min rawn pawt a. Tal chhuah ka tum a mahse min vuan nghet lutuk tlat. Kan hnungah Apuii pawh a rawn kal ve a. Thlang lam corridor ah kan chhuah rual in ka kut ka thing thla hnawk.



" Nang ni 2 hian min lo bum reng a maw? Hah... Engvang nge in tih a? Nang pawh Muanpuia hi i fanu pa a nih chuan ti nge hetiang hian i awm a? " Ka ti vin tuar mai. Ka thinrim lutuk chu ka thawk te a sak vek thei.



" I ngai dik lo a nih kha. " Muanpuian a taan tih chuan ka nui ro hak.


" Dawt dang sawi tum tawh suh. In thu sawi kha a tir atanga a tawp thlengin ka hre vek. " Ka ti ram hmarh.



" A tha e! Mahse chu chuan engmah a thlak danglam dawn lo. Nang leh kei hi kan in nei dawn. " Muanpuian a tih rualin a hmaiah ka beng nghal sawk. Nui suk in a hmai a tuai puat a.



" Kan in meihna i thulh leh a nih chuan i chhungte i pa natna thlengin a tuar dawn a. Chu chu i duh lo tih ka hria! " A rawn ti leh hluk.


" Ka pa chuan thu dik a hriat hunah min hrethiam mai ang! " Ka ti hmak. A dawt sawi ka man chhuak a zamna pakhat mah a la nei lo chu ka haw zual sawt.



" Nia, a pawm mai ang! Mahse a rilru chu a na in a tuar thiam lo viau ang. Miin a fanu in mipa fa neiai tur a kal san theih loh vangin a pasal neih tur a thul ti a an sawi hunah che i pa chuan engtin nge a dawn sawn ang! " A rawn ti leh a.



" Rammuanpui! " Ka ti vin hlar.


" Chuan chung chu i tawng lo thei reng a. Thil harsa zawngin thlen tir tum suh. A nih loh chuan nuna chan an tam lutuk ang! " Tiin Apuii chu a melh a, a saai tum chu ka man lo tak zet.


" I hrilh fiah ngei ka beisei! A nih loh chuan... ” tiin Apuii chu a nuih suk in corridor ah pheiin cabin ah chuan a lut a. In seh ruh nghek in ka melh zui rawm.



" Zualte.. "



" Ti nge dawt kha min hrilh? " Ka ti chang rat.


" Ka fanu tan! Ka fanu tan chauh a ni. " A ti chhuak tiau a. A mittui a dir zawih zawih a. A kut chuan a hmai chu a hup zui thak.



" Nia, Bawihtei hi Muanpuia nen a kan fa ni. Mahse Muanpuia hian a duh lo a. Ka pai lui tlat thung. Ka enkawl theih mai kha ka ring a. Mahse a rawn pian chhuah phat atangin a hrisel lo in damdawiin kan lut ta reng a. Ka fahrah zia pawh i hriat kha min pui tur in Muanpuia bak biak tur ka hre lo.



A ni chuan min buaipui a. Mahse kan in karah chuan engmah a awm tawh lo a nia. Min ring rawh. " A rawn ti hap.


" Chu chu ka hriat duh a ni lo. " Ka ti let hmak thung.


" Ka hria. Bawihtei hi a kal a pahnih hnihin hna an thawk thei lo a. Kei in ka pe thei si lo. Muanpuia hian a ti thei a mahse phut a nei a. Chuvang chuan i lakah daat sawiin Muanpuian engmah tih sual a nei lo tiin ka sawi a nih kha. " A tih chuan ka nui ro hak.



" In in neih hnuah Bawihtei a kal pakhat a pek tur thu a sawi a. Chuvang chuan khawngaihin Muanpuia nen in in neih tur hi thulh lo hram rawh! Ka ngen a che nangmah vangin ka fanu hi a dam phah dawn a sin. Thian kan nih kha min pui hram rawh. " Tiin ka hmaah chuan a thingthi a nih chu. Hrilhhai lutuk in ka melh tlawk tlawk mai.



" Tho rawh! " Ka ti sep.


" Ai, muanpuia hi i nei tho ang tih i sawi hma chu ka tho dawn lo. Min hriat kha ka fanu chiah hi chhungkhat ka neih a ni a sin. A thi a nih chuan kei pawn ka zui ve nghal ang. Muanpuia i kal san chuan ka fanu hian a tuar dawn a. Chuvang chuan ka fanu nen kan nunna hi i kutah a in nghat. " A rawn ti a, a tap chhuak hawm hawm leh nghal. Corridor a kal ho chuan min rawn en leh zeuh thin. Min rawn pan erawh chu an awm hran lo.



" Ka hria! Engmah a dang lam lo ang. Tho tawh rawh. " Rei fe hnuah chuan seh chilh zet in ka ti a. Min rawn en nghal vat a. Ka thaw chhuak zui halh mai.



" I ti tak tak em? " A tih chuan lu ka bu nghat.



" Enge tih theih ka neih chuan? " Tiin ka nui ro hak. Nilainiah kan in neihni tur an puang tawh dawn a. Ka duh leh lo a nih chuan kan mualpho viau ang. Muanpuia te lah mi hriat an nia. Kan veng mi te pawn min lo hre nual tawh a, kei mah ai chuan ka chhungten min hmai eng an hmu ngam tawh lo ang.



" Ka let dawn. " Tiin ka kal sawn a. Ka nun buai chuar nuai chu tal chhuah ngaihna pawh ka hre tawh lo.



A tha lawm! A tawp thleng law law ang. Rammuanpuia erawh ka ngaidam ngai lo ang!



" Damdawiin kawt ka chhuah rual in ka hmaah Zorinpuia a rawn ding a. Kal pelh ka tum chu ka hmaah tak a rawn ding leh nghal.



" Enge i hriat a? " Ka ti vin hlar.


" Thu dik chu i hre tawh ti raw? " A ti sup.


" Aw... Mahse engmah a dang lam lo! " Ka ti sep.


" Tak zet chuan! " A ti hluk mai.


" Kha pa kha i nei thei lo ang! " A ti chang bawl chu ka nui ro hak.


" Ka thei a lawm. Fa nei pawh ni se nang ang in a in chhungah hmeichhia a kawl ve lo. Chuvang chuan duh tawk la min kal san rawh! " Ka ti let hmak a. Ka taksa chhung chu a tawt up up mai.


" Kei huat na men lo a min huat laiin a ni chu engahmah i ngai lo a maw? " Rilru na aw tak hian a rawn ti a. Chhang lo in lei lam chu ka melh ngar thung.



" Ka lawmpui che! " A ti sup chu ka melh chho zawk a.


" Na tak in min siam emaw ka tih pawh hian a aia na a min la siam belh theih zel vang hian. I lo ropui khawp mai. I rilru hneh tum a zui kual reng che hi ka ning tawh tak zet! " Ti chhuak hrawk in a bike nen chuan a tlan chhuak a.


*

*

Kan in neih ni tur pawh january ni 6 tiin an ruat fel tawh a. Ka chhungte bulah engmah sawi lo in ka tal ve mawp mawp a. Dik tak chuan a rang thei ang ber a in neih kan suh tlang vek zawk a ni. Kan duh chhan erawh a hrang vek thung.



Ka rilru chuan kan in neih zawhah Muanpuian Apuii fanu kha a kal a pe a nga. Zai pui a tawk ngei dawn a. Chu mi chhung chuan ka tlan bo loh vek pawn rang tak a in then leh nghal ka rilruk a.



Mo kawr leh thil dang pawh kan buaipui tawh a. Tei nau a pai vangin thianah Hlimi hman ka tum a. Muanpuia erawh ka be ngai mang lo. A fanu a nia, a thisen zal ngei. Mahse kei mah vanga a nunna a dah kham chu ka haw tak zet a. A hmel pawh ka hmu tha peih lo hial.



Thenawm khawtlang leh kan khaw lamah pasal ka neih tur thi hretu te chuan min lawmpuiin vannei min han ti hlawm viau a. Mahse kei erawh ngaihtuah ka ngah lutuk chu hahdam tak a awm lai ka nei meuh lo.



Chrismas hunpui kan tawng chho a. Mahse kum in chu chhungkua a hman kan tih vang in in kan hlum hneh khawp mai. Mama erawh tlangval tih takah a thian ten an sawm chuan a chhuak ve leh zeuh thin a. Thian ten len chhuah min sawm pawn ka pha zel a.



Urlawk zan erawh Muanpuia leh a chhungten min sawm ngawrh em vangin ka pa ten min ti ve bawk nen a hmingin ka chhuak a. Muanpuia hian engtin nge engmah thleng lo ang mai hian hun a la hman theih ka hre lo. Ka thil tum hi hria se chuan a lawm hauh lo ang tih ka chiang. Apuiin min rawn be ve leh zeuh zel bawk. Mahse a rul tawk bak in ka chhang ngai lo.



Kum hlui thlah zan kan thleng a, ka pa a nat zual deuh vangin damdawiin lamah kan kal a. A thawk a nawm theih tak tlat lohah chuan min admit zui a. Kar that mai hian pasal ka nei dawn a. Ka van hlim lo si em. Mahse nei dawn lo mah i la ka hlim phaj dawn lo bawk a. Kei mah vang a midang an lo hlim chuan tiin ka in hnem ve ta ngawt a. Khawi lam a mi fel famkim ang maiinmaiin min dang tan ka nun ka hlan a nih tak ber chu.



Maman ka pa a awm pui dawn a. Ka nu nen kan let ve thung. Kan in kan thleng a ka nu a haw tlang a kei in zan a ei tur lei kawiim dawrah ka lut kawi a, in lam ka pan ve chu kan kawmchhak kawngpui zau laiah tlangval rui inti buai an awm vangin ka thlen phei hma hret chuan ka ding ve dat a. An ri hlut a, an pawr em em mai leh nghal. Midang an awm si lo a hmeichhe mal chiah chuan ka pal tlang hreh deuh a. A reh chin deuhah chuan ka ding ta reng a. A vawt vut leh nghal.



Ka din vang vang lai chuan tu emaw hian hnunglam atang ka hmui chu an rawn hup a. An hup satliah a ni lo, ka hmui an hup naah chuan damdawi rim a nam a. Ka taksa chu a zawi nghal vek thei hial. Zo zet a min pawm nawlh in motor ah min dah lut chu ka la hre ruai ruai mai. A bak erawh hriat ka nei tawh lo!



Ka harh leh meuh chuan khumah ka lo mu reng tawh. Room ka enkual a. Ka hriat ngai hmun a ni miah lo leh nghal. Chuan he roomah hian tuverh emaw chutiang engmah a awm lo a nih chu, kawngka pakhat chiah tih loh chu!



Hnim hlum min pe a nih ka ring ka a dan chu a la dik chiah loh leh nghal. Khum sirah chuan tui leh ei tur a lo awm bawk a. Khum atanga ka chhuk chu ka kaiza tha zawi lutuk vangin khum tlangah ka thu leh hnak a. Chumi rualin kawngka awm chhun chu a rawn in hawng a, ka mi hmuh vang chuan ka meng deuh kawk.



" Zorinpui nang maw? " Tiin room chhung a rawn pen lut chu mak ti zet in ka lo melh a. Kha mi ni damdawiin khawt a ka hmuh bak kha ka hmu leh tawh lo.



" Enge ang i tih? " Ti sup in room chhung chu a melh kual a. A tawpah min en in a nui suk a. Mahse a nui hmel chu a ti lui tih a hriat tak zet.



" Ka haw dawn! " Ti a tho in a mah kal pel in kawngka lam ka pan a. Kawngka chu ka sawi dawt dawt a mahse a in hawng thei miah lo.


" Khawiah mah i kal dawn lo! " Ti chhuak hluk tu chu ka melh nghal zawk.



" Tun atang chuan hetah hian i awm tawh dawn. Ka phalna lo chuan khawiah mah i kal lo ang. He room hi i chhuah san lo bawk ang! " A ti leh hmuk a. Atthlak ti zetin ka melh ringawt.



" I â tawh a nih kha. " Ti leh kawngka bawk chu sawi leh ka rual a hnung lam a mi erawh in hmuh nawm thlir in min thlir reng thung.



" I hre thiam lo a nih hmel. Kei hian ka ru bo che ka tihna a nih chu! Tu mah in he hmunah hian an zawng hmu thei lo che.


Hmm.... Khang ni liam ta a pasal nei tur a I in buat saih lai khan he hmun hi ka siam a. I tan liau liau in, a chhe hran lo ti raw. Zau lutuk lo mahse. " A tih leh sup a. Kawngka in hawng thei lo nen thinrim zet in kawngka chu ka beng dawt ringawt.



" Infiamna chi a ni lo a nia. " Tiin Zorinpuia lam chu ka hawi a. Nui suk in lu a thing ngut mai.



" Fiamthu chu a ni bik lo a nia. He thil ti tur hian ngaihtuahna ka seng nasa viau a nia. I nun atang a min paih chhuah phet I tum a. Ka lakah khan I che fair bik miah lo a nia.



Chuan ka sawi tawh kha, naupangte ka nih lai atangin ka duh tawh chu neih loh ka nei ngai lo. Ka neih hma chu neih ngei tum in ka bei thin. " Tiin ka hmaah a rawn ding a, ka lu zawn kawngka ah chuan a ban leh lam chu rawn nem khalh in ka hmai zawnah chuan a rawn kun hniam a. A mit meng chu hriatthiam a har tak zet.



" Khawvel a ka duh ber nei tur phei chuan engtiang a thui pawh ka kal mai ang. Tun atang chuan kei leh he room hi i khawvel a ni tawh! " Ka mitah chiang zet a min en in a ti sup a.



" I thil tih hi I hre chiang lo a ni. Min khung bo reng theih I ring em ni? Ka bo tih an hriat chuan min zawng vat dawn. " Ka tih rual in a nui chhuak hawk a.



" An zawng ngei ang che! Mahse an hmu ngai lo ang che. He khawvel zau takah hian nang chiah mi bo i awm lo tih chu i hriat ka ring. An then an hmu let a, a then an bo hlen a. " Tiin a ding ngil leh vut a. A hmel leh mit mengah a thu tak lutuk chu ka hlau thawng ve tan a. In her in kawngka chu ka sawi leh nghek a.



Mahse a hma ang chiah khan ka hmui chu a rawn hup leh a, ka tal nghek a mahse ka taksa chu an zawi leh riai riai mai. Zo zet in min pawm a khum lam min pan puiin dim zet chuan min nghat thla a.



" Ka chan thei lo che. Mipa dang kut i vuan lai phei chu hmuh ka duh lo leh zual. I hmangaih a nih chuan a hlimna I tawm pui thei tur a ni an ti a mahse kei chuan ka thei lo. Ka hmangaihna che hian a hma a sial bik viau pawh a ni mahna. " Tiin ka hmai tlang chu a kut tang chuan a thai kual dan dan a. Ka taksa chu a zawi in ka mit meng chu a dul riai riai thung.



" Ka hmangaih che! " Tiin ka hmuiah a hmui lum ther ther chuan min fawp vang vang a, a bak chu a reh duk mai!


🌼


🌼


🌼



💞 FOUR YEARS LATER



" Anu .... Saw ice cream. " Ka kutah kaiin ka fapa te tak te chu sir lam chu a kawk a.



" Thomas... Vawinah vawi 5 I ei tawh a, I damlo ang. " Ka ti vat chu a tum nghal bar.



" Mahse vawiin chu weaken a nia, Thomas duh a piang I lei dawn I ti ve a. " Ti niah niah in a hmui chu a ti pawrh ve tarh a. Nui hak in a hmaah chuan ka thu hniam a.



" Icecream tih lo eng pawh. " Tiin ka fapa chu ka thlem a. A sam dum hlap leh a mit meng fiah zet te. A engkim hi a pa chiah chiah a ni! Mahse a pa chu kei mah ngei hian a nunna ka lak sak tih hria se ka fapa hian engtin nge min ngaih ang!




" Saw saw bingo in a duh! " Tiin dawr lam chu a kawk a, ui chaw leh thil vel zawrhna a ni! Ui pakhat ka lei sak a. Duh aiin a atchilh mah mah hi ka buai thin.



" Lo kal la, kan lei a nga kan haw ang aw. Bingo khua a har lutuk ang. " Tiin ka kai kal dat dat a. Dawr hmaah chuan ding in kan duh chu ka sawi mawlh mawlh a.



" A tam sia min khai pui ve a ngai ang! " Tiin ka fapa ka en chu a lo awm tawh miah lo.



" Thomas... Thomas... " Tiin ka zawng kual a. Mahse hmuh tur a awm lo. Khaw nge a kal hman ang? Hriat chhuah nei thut in icecream dawr kan kal pelh tak lam chu ka pan a. Dawr hma a ka fapa ding nui ver ver ka hmuh chuan ka thaw huai mai. Icecream chu a lo hum tai a.



A thil duh tawh chu a neih hma chu a theihnghilh mai mai ngai lo reng reng. A lungruh ka ti dawn nge a hriatna hi a tha ka ti zawk dawn. Ni lo... Chu pawh chu tu emaw mizia a chhun vang chauh a ni.



" Thomas.. " Tiin a lam ka pan chu min lo nuih ver ver a. A bul ka thlen rual chuan " Anu hei icecream " Tiin a thil khen chu min lo hmuh vat.



" Min hrilh loh in khawiah mah kal loh tur ka tih kha. " Tiin a hmaah ka thu hniam a.




" Tu in nge lei che? Nge a man i la pe lo a mi? " Tiin icecream zuar tu pa chu ka melh a.



" Ka lei sak a nih kha! " Ti thum dut tu aw ka hria chu ka hriat chuan ka phu zawk mai. Muangchangin ka hawi chhuak a, Thomas a hnungah mipa suit nen a in duang zuih chu mit khap lek lo in ka melh ngawt ngawt.



" Nang... " Ka ti chhuak thei tawk.



" Mr. enge i hming? " Thomas chuan a hnung lam hawi deuh ha in a ti lang lang a. Kei erawh ka khur ti tih hial mai.


" Zorina. " A ti zawi sup a. Ka kut chu ka hum tawm nasa ngang mai.



" Anu icecream hi Tolinan min lei a. A fel ti raw. " Ka fapa in nui ver ver in a rawn ti leh a, a tawng fiah loh vang chuan ka hma a mipa lian zet chu a nui chhuak hawk a kei erawh ka nui ve thei lo. Engtin nge hetah a awm theih! Kum thum liam ta khan a lak atanga ka tlan chhuah theih nan ka kut ngei ka that a nih kha!



" A duhawm hle mai. Kei pawn a mah ang rual vel hi fanu ka nei a sin. " A ti sup a. A thu sawi vang chuan hrilhhai zet in ka melh a.


" Kum engzat nge a nih? " A mit meng tak ngur a min en in a ti leh sup. A awm dan chuan min thawng lutuk a chhan mai na chang pawh ka hre lo.



" Anu... " Thomas an a tih chuan ka harh zawk. Ka hma a mi chuan mit ti zim sun in min lo en a.


" A... Kum 3 a pum chiah. " Ka tih chuan a bu nghut a. Thomas a luah chuan a chul sak zeuh bawk. A phone rawn ri vang chuan phun hluk in a kekawr ip chu a zen a.



" Ka rawn thleng a ni mai. " Phone chu ngaithla vung vungin a ti a. A phone a ah leh rual in min rawn melh leh vut a.



" Kan in hmu chu a lawmawm hle mai. " Tiin a kut a rawn phar chhuak a. Muang changin ka ban ve a. A pang ti lum lum vung vung ka khawih takah chuan a tak ngei a ni tih ka hria , engtin nge a nih theih.



" Thomas maw? " Tiin ka fapa. Ni lo... A fapa hmaah chuan a thu hniam a. Ka fapa chu a bu nghat.


" I fel hle mai mahse I nu hrilh lo chuan kal bo tawh loh tur aw. " Tiin a biang a piai sak zeuh a. Thomas chuan a en duh ngang mai.



" Hna ka nei a ka kal San mai ang che u. A nih Thomas kan in hmu leh dawn nia aw. " Tiin a rawn tho chhuak a.



" Tolin... " In her a a kal tur chu ka fapa in a kawr tlangah a pawt bet leh a. " Thank you. " A ti sep chu pakhat chuan a mit hmul a kan khum uk mai.


" Thank you! Anu in miin thil an pek che chuan thank you tih zel tur a tia. " Ka fapa in a tih chuan min rawn en in a nui suk a.



" Fapa duhawm tak i nei a nih hi. " Tiin a kal chu ka en zuk vang vang mai.



" Min hre tawh lo. " A motor ni ngei tur a a lut chu ka ti chhuak sep. Ni e... Kum 4 liam ta khan delhi ah hian ka tlan bo a nih kha. Ka chungah thil tam tak thleng a, ka fapa vang hian ka tuar chhuak a tun hi ka thleng a.



Chuan ka tlan bo chhan leh tun thleng a ka chhungte leh thiante ka la biak pawh miah loh chhan. Tual ka that emaw ka tih kha tunah ka hmaah a ding a. Mahse min hre tawh lo thung. A chungah enge thleng ve chu ka hre lo mahse kei mah ang tho a hun harsa chu a tawng ve tih hai rual a ni lo!



Ka fapa kut chum biangin ka kut a rawn vawn chuan ka hawi vat a. Ka neih chhun ka khawvel a ni a, tunah chuan a pa kha ka that leh lo tih ka hre ta bawk a, a hmaah hian nuam lo emaw in thlahrunna nei miah lo in ka nui ve thei ta!




* ti khan kan zo tak tak tawh e 😂 in duh dan leh ngaihruat dan pawh a nih ka ring lo. Kei pawn ka rilru ka thlak duai a nih hi. Chuan a tir a tang a a tawp thleng a chhiar hram hram tu te chungah khan ka van lawm leh pek em.


Kei a ziah ve teh lul min ngaihhlut sak in, a ziaktu ka mumal lo viau chung pawn daah theih tak in min nghak hram hram thin a. Whatsapp gr ah phei chuan ' ka lo dah dawn, ka type dawn chiah ' han ti ila 'muthlu tawh suh aw ' tih hi a in tlar thliar thliar a 🤣 ka mumal loh zia ti chiangtu ka ti mai.


Chutah Spelling mistake hi ka ngah thei em em bawk a. Mahse ka readers fel tak tak te ho, in mi hriatthiamna leh dawhtheihna vang liau liau in min han sawi sel emaw pawh in nei ngai lo a. Min hrethiam tak in min han chhiar mam sak thin te hi ka tan chuan a hlu hi a ni tawp. Story thar nen in hmuh leh theuh tum i la chu mi hma chu lo hrisel in lo dam tlang em em phawt mai ru aw😘😘Mangtha muttui suk2 vek u le 💞💞💞

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)