RELATED MARRIAGE by Amy Cck (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

RELATED MARRIAGE by Amy Cck (Completed)

Unread post by Ngaia » June 30th, 2019, 7:35 am

Mi pahnih nu leh pa te tih luihna a vanga vawikhat pawh la in hmu lo leh in hre lo te an chhungte avanga an lo in tawn dan leh an lo in hmangaih tan dan chu.....
tcfhlim0.jpg
tcfhlim0.jpg (12.53 KiB) Viewed 65628 times
CHAPTER - 1 🙋 by Amy Cck







Ka hma thuthleng a thu ka pa chu a thu sawi vang chuan mak tiin ka en tlawk tlawk a.....hetiang a ka pa thu tak leh a thu sawi hnial thei lo leh hnial ngam lo hian ka awm ngai lo.Mahse ka rilru chhungril ber atang chuan hnial tur leh ka duh dante sawi chhuak vek tur in min tur ut ut thung......








Engtin nge a fanu neih chhun nopangte hi a hriat ngai miah loh leh vawi khat pawh a la hmuh loh pasal hual a neih thu leh.... A duh emaw duh lo pawh nise chupa chu a neih tho tho tur thu chiang tak a ka mit ngei a en Chung a min sawi khum thei. Ka pa keima pa neih chhun min duat em em tu leh ka tah hlek pawh a awmngaihna hre ngai lo kha a ni lo hial in ka hria...








Ka mumang a nih ringin ka mit ka chhing vang vang a.... mahse ka mit ka men rual a ka sir lawk a ka nu hmel a in thiam loh na leh hreawm tihna hian mumang mai nilo..... A tak ngei a ni tih a ti chiang bawk si.








Tunah tak chuan he kan in nuam leh hlim tak a ka lo chen ve na tang hian tuma min hriat ve loh na leh tuma awm ve loh na hmunah tlan bo nal nal ka chak ber .....







MALSAWMZUALI POV*








Kei hi Malsawmzuali ka ni a,Lungleihah kan awm a ka nu leh pa te nen kan pathum in hlim takin tumah kan mamawh lo..... An fa neih chhun leh fa nei thei lo ang a in ngai a beidawng tak a an awm hnu a an neih ka ni avang hian keh thei dawmin min dawm a. Ka duh leh mamawh ka sawi hi chu min pek loh hi an nei lo ti i la a dik ber ang.








Kei ngei pawn chu chu ka hria a ,ka panchang thiam ve em em a...mahse sual lam kawng chu zawh ka tum lo ve thung.Min pai lai hian ka nu hi a hrisel loh bak ah harsa tak a neih ka nih vang nge ka lian lem lo hle a ka rualpui te ziangah chuan....mahse ka nu leh pa chauh lo pawh hian hmeltha min tih thu hi chu an sawi ka hre ve nual.








Chhungkaw awm thei tak chu ni lo mah ila ka pa sumdawnna a vang in kan khawsak chu a harsa lo thung. Dawr lian pangai ve tak kan nei a kan mamawh chu kan thawk chhuak ve hle. Kum 19 ka ni a 12 result chhuakah khan 2st ah ka pass ve hlauh mai a, thu lawmawm tak hriat hnu lawk a ka thu hriat avang hian awmngaihna ka hre lo a....








Ka zirna pawh kan khua a college ah kan thian ho a zawm kan lo tum ve laiin Aizawlah pasal hual ka neih thu leh ka zirna pawh an bula awm a chhunzawm tur in ka pain thuthlukna a lo siam fel vek tawh a..... awm dan tur pawh min ti hre lo.....








Ka pasal hual a an sawi pa lah chu kei ai in a upa a college ka tan ve dawn chauh a ani chuan a zo dawn chhiah a nih hmel.... Chubak a chungchang engmah ka hre lo a ka pain in in hmu anga in in hre chawp ve mai ang a ti tlat avangin ka zawt buai peih lo....








A hun ah chuan k hre ve mai ang....ani ngaihtuah nan hun ka nei lo Aizawl a ka phei hma hun tlem ka la neih hi thoveng leh engmah dang ngaihtuah lo a hman k duh a bak chu na ki nah... Hunin a ron siam rem ve mai ang....









LALRINTLUANGA POV*








Ka rilru kal bing ngut ngut chu duh lo in ka bul lawk a min si chial a thu Nikita-i chu a hmu sen vam ham mai ah chuan ka fawp tawn tawn a.... A ni pawn min chhang rang ngei mai.... Mahse chu aia thui chu kal pui ka tum lo, a, mood ah ka awm hlol lo....








Ka hmeichhe hriat ngai miah loh nupui hual ka lo nei reng tih ka hriat a tang khan thawk pangai pawn ka thawh tawh in ka hre lo.... Ka pa kha nasa tak in ka hnial a mahse a ni chuan a thu thlukna chu a kal tlang pui dawn tih ka chiang em em thung.... He a thu hi ka zawm loh chuan kan sumdawnna hi ka kut ah dah a tum lo bur si a....









Eng poh chu nise kan tum ve pauh a niang chu. Mahse ka duhthlanna ngei a ka thlan loh chu nupuiah neih ka tum lo hul hual.... Chu erawh ka rilru ah ka vawng reng ang.








Exam zo kan lawm pawh a mood ah ka cheng ngang lo nen a ninawm tan tawh viau ,pawn ah chhuak in ka bike chuan ka in khalh haw a....








Kar leh mai hian chu kan hmeichhe Vanneii pawh chu kan in a awm tur in a rawn chhuk dawn ka nu in a tih a vang chuan hun tlem ka neih hi thawveng tak a hman ka duh.... A bak chu hun in hril zel teh se....







Mahse he in a rawn rah rual hian ka thuhnuaiah a awm a hremhmun te nau chu kan tem tir hlak a nge.... Kei min neih a tum hi a in chhir ram ram na tur in ka che ang....








Ka thil ngaihtuah avang chuan ka rilru tawt ltk pawh a zia sawng sawng in ka hria..... Ka mize nelawm loh zet bakah a let hnih vel kan belh leh hlak a nge,......



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 30th, 2019, 7:35 am

CHAPTER - 2 😇by Amy Cck








Zing ni chhuak chuan ka hmai a rawn chhun ser ser a , mit ka men rual chuan ka rilru a thil rawn lut avang chuan hunte hi ding deih thei se ka ti . Naktuk mai hi Aizawl ka chhuk hun tur a lo ni reng tawh a , ka huphurh dan chu kan exam chhuah hma a ka huphurh ai pawh khan ka huphurh zawk in ka hria .








Ka zu awmna tur te lah chu vawikhat pawh ka la hmuh loh leh biak pawh ka la biak ngai loh te an ni bawk si..... Kei lah nu leh pate tel lo a khawiah mah zin chu sawi loh riah pawh riak chhuak ngai lo hian engtin nge mi inah ka awm thut thei ang , ka ngaihtuah chhuah apiangin ka mittui hi a mah te in a rawn tla ve ziah leh nghal ..... mai mai sala .....








Ka nuin choka atanga min ko thawm ka hriat chuan phur lo tak in ka khum chu ka thawh san a , he khumah pawh hian zanin chiah ka mu tawh dawn ..... He ka room ka tet te atanga ka lo awm ve tawhna pawh hi ka ngai dawn lutuk .... Theih se chuan ka bag a thun ve deih ka duh . Ka thil ngaihtuah chu ngaihtuah chhunzawm duh lo in ka nu rawngbawl pui tur chuan ka chhuak a.....








Chaw ei lai a kan rik nasat thei nen , tunah chuan ngawirengin kan pathum chuan chaw ei dawhkan chu kan kil a . Ka pa chungah ka thin a la rim reng avangin biak ka tum bik lo ..... mi pawh rawn lo in thuthlukna a siam a ....








Ka pa a nia ka chungah chuan thu a nei na meuh mai , mahse he thil kher hi chu ka nunpum nghawng a ni a , hrilh hriat a min rawn ve chu a har loh teh lul nen....








Ka nu nen ka thawmhnaw leh bungrua te kan siam mawlh mawlh a , ka nu pawn hmun danga ka awm tur chu sawi lo mahse hreawm a ti tih ka hria .








A hnunglam atang chuan ka va kuah ..... a in sut ri hraih hraih a . Kei pawh ka mittui a rawn luang ngai ngiai a , dan buai ka tum lo , tun bak hi ka nu ka kuah thei tawh dawn lo ka duh hun hun ah a taksa hi ka kuah thei tawh dawn lo ngai viau mah ila hmun dangah ka duh hun hun a ka hmuh theih tawh loh na hmunah ka awm tawh dawn







" Nu ka pa hnenah kal lo tur in min dil sak thei mai lo a mi " khumah muangchangin min thut pui a ......








" I pa chuan i thatna tur bak a ngaihtuah ngai lo tih i hriat kha "







" Mahse he thil hi chu pawm a harsa em a ni " ka mittui bawk chu a rawn tla leh a ......








Tun hun bak a ka mittui tlak nasat hi ka hre lo ..... A hma kha chuan ka mittui a tlak chuan ka nu leh pa te hian min thlem in min ti bang vat zel a , tunah chuan ka ngen ngawih ngawih pawn awmzia a awm lo .








Ka nu kut nel thep chuan ka mittui chu a rawn hru a , duatna leh hmangaihna a khat mit meng in min en bawk ..... Chu chuan ka tah a ti chhuak zual sauh bawk ....







" Nu leh pa te hian khawvelah kan tan a hlu ber leh an nat kan hlauh ber te chu kan ril a rah kan fate hi in ni tih i hria em "








" Mahse tunah hian min ti na a sin ..... Ka pa nen in bulah awm ka chak em em a , kum khua in inbul a ka awm chuan tumah pawh ka mamawh lo ..... Ka kalsan cheu ai chuan pasal pawh ka duh lo .... In bulah chiah ka awm duh " Ka nu chu a nui hak a .... Mahse nuihzatthlak engmah ka sawi ka hre si lo .








" I a lutuk ..... I la naupang a i la hrethiam loh a nih hi , ka pumchhung a i awm lai atang tawh khan i pa nen hian min ti hlim a kan nun rawn ti famkimtu i ni a ...... I lo pian chhuah vat vat kha kan chak lutuk a , i pa phei chuan ka pum puar luah tawh kha a bia a be thin che a min ti hlim thei a sin aw "








A sawi zawng chuan a nui leh hak a .... Kei pawh chuti tho , ka pa min duat zia ka ngaih tuah hian a nih tak tak pawh ka ring ......








" Nu leh pa te chuan in rawn pian hma hauh khan kan hmangaih cheu a ..... In rawn piang a nausen engmah hre lo tawng pawh thiam lo in nih lai pawn kan hmangaih em em cheu a , kan mitah chuan kan fate bak a hmeltha hi an awm lo " Hun kal tawh ngaih tuah ang mai hian a ngawi vang vang a .....







" Naute te chu an vaiin an hmeltha vek a lawm ..... chuan an duhawm em em vek bawk a "







" Ni e .... I ti dik , mahse kan fate chu kan mitah chuan i tha zual bik ngawih ngawih a lom "








" In rawn thanglian a kan hmangaihna cheu a zual deuh deuh a ..... Kan ngaihtuah hluah hluah cheu in , mi neih ang in neih loh hlauh in leh mi thil awt in in awm ang tih hlauh in , in tan theih tawp kan chhuah a "








" Kan dampui reng dawn lo cheu tih kan hria a ..... Kan awm loh hun ah pawh hlim tak leh nuamsa tak a in awm theih nan kan tha leh ngaihtuahna kan seng a ...... Pasal nei se kan rilru a hahdam deuh ang kan ti a .... Mahse pasal pawh nei ula nu leh pa te chuan kan ngaihtuah dan a ngai reng cheu a "








" Chuvang chuan kan damchhung zawng hian kan ngaihtuah tawp thei dawn lo cheu .... chu chu nu leh pa dang zawng zawng rilru pawh a ni , i pa nen pawh kan hmangaih vang che leh kan awm loh hun ah khawhar tak a i awm kan hlauh vang in he thu thlukna hi siam kan ni "








" Mahse naupang mai ka la nih hi pasal nei tur pawh in " ka nu thu sawi chuan ka rilru a la hneh kim thei chuang lo , ka pasal tur chu ka mi hmangaih leh min hmangaihtu ka mi hriat chian ngei a ni tur a ni .... ka la ti tho tho .....








" Tunah in nei nghal tur in kan ti lo cheu , College te i kal a nga i in peih hun kan nghak thei a lawm ...... I pasal tur a kan tih te hi kan mi hriat chiante
an ni a ..... Mi fel tak an ni an fapa chu hre ve chiah lo mah i la , a nu leh pa a chhun ngei ang tih ka hria ..... A tir chuan a hreawm ang tih ka hria mahse han tum ve reng reng la " Ka nu chuan a thu pawm ngei tur in min duh tih hriat zet hian min en a ......







" I pa hi a lung a tha lo a , doctor te pawh in hna thawk rim lo tur leh rilru hah a awm lo tur in an hril a .... Mahse a fanu rangkachak hi a ngaihtuah lo thei si lo che a "








Ka nu thu sawi chuan min thawng lutuk hi .... ka pa pa hrisel leh harhvang tak kha natna a lo nei reng a .... Chu pawh kei hian ka lo hre ve miah lo a , a chung ah thinrimin biakte ka lo be duh lo a , ka rilru ah ka in thiam lo ngawih ngawih a hreawm ka ti bawk .... Ka nu in ka awm dan chu a hrethiam a niang ....








" In thiam loh duh suh kei mahni in kan zep vang zawk a lawm i hriat loh ..... I pa in hrih che a phal lo a ...... a hrisel that lai hian nagmah enkawl tu leh venghim tu tur che a duh mai a niaa ..... I pa chu i be tawh hrim hrim em ? " ....








Ka nu zawhna avang chuan k harh zawk ka la be lo hrim hrim , kha thu min hrilh atang khan " Mahse min be duh lo ta se , ka chungah a lawm lo ropui si "








" A fanu duat leh a naute hi ngahnge a biak duh loh ang che ...... I rilru a tih nat avang hian hreawm a ti lutuk zawk a sin ..... Zu bia la tha deuh in sawi pui la , I thusawi ngaithlak te chu a nuam tih zawng tak a nih kha ..... I nautet lai pawn awmze nei lo a I rak mai mai pawh kha a be reng peih che a nia ..... " nui hak hak phah chuan a ti a .







_________________________








Room kawngka chu tim deuh tak hian ka hawng a ..... " Pa ka lo lut thei a ngem "








Muangchang a rawn hawi phah hian min en vang vang a ........ Tunah tak hi chuan min hau hrepin min vin hrep mahse ka pawm vek , min hmangaih zia ka hria , ka tan a tha lo tur chu a ti dawn lo tih pawh k hria ..... Ka pa thusawi vang chuan mak tiin ka thidang lo chauh ...
.







" Ka lalfanu chuan min haw tawh lo a ang hle mai " Nui suk hian a rawn ti a .....








Ni e ka haw lo engtin nge ka huat theih teh lul ang .....







Ka pa ka hmangaih leh min duat em em tu ka hero kha a ni miau a ...... Eng thil pawh nise a hlimna leh rilru hahdamna a nih phawt chuan ka ti mai ang .








Zanah chuan ka nu leh pa te in karah chuan ka mu a , kum 19 pawh ni tawh mah i la an tan chuan an naute ka la ni reng a.... An bulah hi chuan ka him bik hliah hliah in ka thla a muang bik em em a ...... An mahni ang nu leh pa ka nei hi vannei ka in ti hliah hliah bawk....








Mahse pasal ka neih tur thu ah kha chuan ka rilru a la ngai reng .... Aizawl ka thlen hunah engthil emaw chu ka tih ngei a ngai ang .







Ohhh.... Ka palsal hual pawh ka lo theihnghilh hman tep a lom , ka la hmuh miau loh avangin ngaihdan ka siam mai thei lo .... Mahse a mizia a zir in ka in siam rem thei em em ang .... Ka pa fanu a lawm ka nih , thil chi hrang hrang ngaih tuah chung chuan ka muhil ta riai riai a .........







##################








Eng ang hmeichhia fako nge leh chhungkaw ropui lutuk lo thleng tur ang mai in ka nu leh pa chu an phi cheng a ......








Ka pa , pa insum thei zet pawh a thu hle hle thei tawh lo , ka nu lah chu pawnah a chhuak sek bawk nen ..... Kei in ka huphurh phurh nen len bo nal nal ka tum a nia ..... Ka pa in an rawn thlen a awm ve tur a min tih tlat a vangin ka chhuak lui ngam bawk si lo .








Ka rilru pik ltk chu kan thaw chhuak hawk a .... Ka nu lah chuan ka nupui hual chu a hmuh chak tawh thu leh , eng hmel nge a put a , eng ang mizia nge a nih ang tih ringawt a sawi bawk si ......








Mahse chu thil chu kei pawn ka hre chak ve tho mai ...... Hmeichhe zak thei lo leh zahna tlachham tak chu a ni ngei dawn chiang sa . Kei min neih a rem tih atang hian a mizia tur chu a lang nghal vek ..... Mahse a bum mai mai tur chuan ka tha mah mah ....








Ka lo experience ve tawh atang in mahni nawmna tur a nih phawt chuan zah leh tih hreh nei lo , hmeichhe tam tak an awm .... A ni pawh chung zing a mi ang ah chuan ka ngai .....








Lo thleng teh se kei Lalrintluanga hian zirtirna kan pe hlak a nge .........








Ka nu au thawm a vang chuan ka ngaihtuahna atangin ka harh zawk a ..... Pawn lamah motor riin a zui nghal zat a , ka nu chu hmanhmawh tak in a tlan chhuak a a hnung ah ka pa in a zui ve nghal a ..... An phur dun khawp mai , kei in an hnung ah muangchang in ka zui ve bawk a .








Car sen hi kan inhma ah hian a rawn ding a , a hnung kawngkhar a tang chuan ka nu leh pa rual vel tur nupa hi an rawn chhuak a ka nu leh pa te nen chhuan an in chibai a .... An in nel in an in kawmngaih hmel phian lehnghal , an hmel atang chuan misual zawk zawk chu an nih ka ring lo .... Ka pa in a ngaihnat dan atang pawh hian chu putar chu pa rilru ngil tak a nih ka ring ve ngawt a .








Ka nu tawng avang chuan ka mit chu ka la sawn ve hram .....







Car hma lam atang chuan hmeichhe te lam ngo ving veng , sam sei hniang mai hi a rawn chhuak a...... Ka nu in min hliah tlat avang in a hmel ka hmu thei lo , va pan erawh ka tum lo bur a ni mai .








Ka nu chu eng thil thil emaw a sawi hnuah a kal sawn ve hram e ...... Chu hmeichhe hmel chu ka hmu chiang thei ta , a sam chu nisa in a chhun tle sar a a senduk in a vun rawng nen a in hmeh phian .... A mit zau lam mah chuan kan in leh a chhehvel chu a melh kual a .....








A mit chuan thil engkim hmuh kim vek tum ang maiin engkim mai chu chik tak hian a en kual vel a ...... Thil zawn nei te pawh a ang zawk mah in ka hria .....








Ka lo en reng lai chuan min rawn hmufuh ve ta chiah a ..... A thil zawn hmuh ang mai hian khawdang a hawi tawh lo reng reng ..... A mit meng lian kelh kawlh chuan min melh zam a tum emaw tih tur hian min rawn en a .....








Kan awmna in hnaih vak lo mah ila a ner sak chu ka hmu tho ..... Rang ltk in ka kut chu ka kekawr ipteah ka zen lut a .... Kan in lam pana lo kal te chu ka lo thlir mawl deuh tawp .... A bik in an hnung a hmeichhe te tak te sawn ka mit a la bik riau leh nghal ......








A mah en chuan a la naupang tih a hriat reng , a upa ber ah 18 bak a nih ka ring lo ....... A hmel leh a engkim chu a hmeichhia ngawih ngawih a ni mai ..... Cute reuh lutuk .....







Ka ngaihtuahna mai mai chu.....!








Khawnge an rawn thlen hma a ka ngaihtuahna zawng zawng te kha an thlawh bo tak ...... A hmel pawh ka hmuh hma a ka hmeichhe huat leh ka nun ti buai vektu a ka puh , ka ngei em em kha tunah chuan a lak atang in mit ka la sawn thei der lo ......








LALRINTLUNG har teh i nun ti cheptu tur a nih saww ..... Ka rilru chuan a rawn ti a , ni e he hmeichhia hi a pawn lam lan dan hi a ni lo ..... A chhungril ah chuan hmasial tak a ni mahni hmelhriat ngai loh pawh pasal a neih tum , hmeichhe rapthlak tak ....









Ka rilru ka lo biak mawlh mawlh lai chuan chu hmeichhia te chuan a pa kawrbanah chuan a sawi det det hi k hmu fuh a.....








Chu pa chuan ngaihsak tak hian a en vat a..... Chu hmeichhia a en a , a mitah chuan hmangaihna , duatna leh ngaihsakna chu a rawn in lan chhawk zat zat maiin ka hria .....
A rawn tawng chhuak chiah chu , a tan pawh duat loh chu thil theih loh tluk a ni tih ka hre nghal .









An fanu rangkachak chu hremhmun pukah an rawn dah lut tih an hre der si lo , ka en liam mai mai dawn lo tih chu ka chiang , mahse , engtin nge bul chu ka tan dawn ka hre lo








In chhung lamah kan in zui lut a , in hmelhriat tir na kan nei zung zung a . A hming pawh Malsawmzuali a in hmeh phian , ka pa in min hmelhriat tir a min melh dan atang chuan min ngaina vak lo nge min melh thip khawp mai . Pawi tawp lo kei hian ka awm zawn vel a thaw pha tawk tawk hi hlauhna chhe te mah ka nei lo ......








Ka in chhungah a rawn lut tawh a engtin nge ka tih ang tih chu ngaihtuah tham tak a ni ......

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 30th, 2019, 7:36 am

CHAPTER - 3 😱 by Amy Cck








Peih lo tawk in Aizawl lam pan chuan kan chhuak a , ka nu leh pa te chu a hnungah an thu a . Kei a hma ah huphurh tun in ka thu a , ka huphur zia leh peih loh zia hi chu hria ula min khawngaih lutuk hi min tah pui hial ang .








Mi te chu college kal chak tawh em em in an awm a , Aizawl a kal theih phei chu an chak zek zek a ni ngai !!!








Kei ve chu thih hreh in ka hreh . Anu emaw apa hi motor chuang thei lo hian an kua hi rawn tha lo thut mai se aww ..... A nih loh pawn kan motor hi a ke hi rawn chhe tal se , ka pa in let leh rawt see.....








Hett !! Malsawmzual chutiang in rilru tha lo pu suh ... a tak takah chuan an nat leh damloh i hlauh theih em kha








Ka rilru pik leh hreawm lutuk chu ka tah hi a chhuak vekin ka hria .








Kei mi puitling lo lutuk leh nu leh pa thla zar hnuai a lungkham leh helh kam nei lo a awm thin hian .... Vawi leh khatah kan in chhung lum chhuahsan in vawi khat pawh ka la hmuh loh leh ka la biak ngai lo te bulah hun ka zu hmang dawn a nia .








Ka ngaihtuah pawh hian ka puak darh mai dawnin ka hria ....








Eng an mi nge an nih ang ? An sual ang nge an lo fel viau ang ? Min lo lawm a ngem ? Nge ni a min lo duh loin min lo haw viau ang ?








Rilru zau tak an put loh phei chuan kei teh lul hi min awmpui duh teuh lo mai .... Thiam mumal pawh ka nei si lo .








Huiiii..... Ninawm e ka rilru hah nen khua lah hi a lum ropui si , kan chhuah dawnah thil ka ei tha lo nen motor te hi ka rui dawn in ka hria !!! Ka lu a hai bur a ka luak a chhuak tep leh nghal ...








Thlen vat vat ka chak tawh lutuk .... Aaaa .... Ka chak leh lo ka huphur lutuk zawk , ka vanduaina hi a va thuah hnih thuah thum tak em ....








" Mambawih kan thleng e " Ka nu leh pa te chu Car atang chuan an chhuak a , ka thil ngaihtuah nasa lutukah kan thlen chin pawh ka lo hre lo a nh hi .








Tun bak bak a thil ka ngaihtuah nasat leh ka rilru a hreawm hi ka la hre lo .... Ka nu leh pa te awmna lam chu ka en reng a an mahni ang rual vel mahse an ni ai chuan an naupang zawk ang tih tur te nen chuan an in be mawlh mawlh a .








Awiiiii ...... He car atanga chuah hi ka huphur lutuk , theih chu nise kan in lamah ka tlan let leh nal nal ang mawle !!! A nih loh pawn Car chhungah hian ka in khar khum tlat dawn zawk a mi le!!!!








Chu zawng ka thei lo he motor uap lutuk hi chhuah san vat ka duh a nih loh chuan ka luak nghek mai ang!!!








Ka tawn tur tho tho a lawm in ti chak ang aw . 1....2....3.... Car a tang chuan ka chhuak ta phawt a , pawn boruak chu lum tho mahse car chung uap churh ai chuan a nuam zawk tho tho ....








Ka hma a in lian tak chu ka en kual dan dan a .... A var in an hnawih chhuak dap a , chhawng hnih ve tho a nia , mahse kan in lakah chuan lian tak a ni , a chung lam varanda sir vel ah chuan pangpar leh hnah mawi chi hrang hrang an khawi tlar thliah thliah a .








In chu a ti mawi in hmuh a ti nuam tak zet ... Chutia ka hawi kual lai chuan nu lian leh hmeltha vek vawk hi ka hma ah a rawn ding a . A nui sang leh nghal a ngainat awm tawp , ka lo en mawl deuh tawp a , biak dan vak pawh ka thiam lo ..... Ka lai deuh tut mai in ka hria .







" Ka fannu thar chu a va in thlahrun hmel ve "






Ka chhang chuang lem lo a . Ka en tawp ringawt








" I hming min hrilh phal em ? "







" Malsawmzuali ..... Ihhh ...... Zualtei ... "







" A mawi hle mai , kan inah hian kan lo lawm a che i in ang chiah in ngai rawh aw " A nui leh sang a ...








" Ka lawm e " Tawng tur ka hre lo lutuk chu hreawm ka ti zawk .







" Nu Rami ka nia , mahse i nu aiin ka nau deuh zawk a chuvang chuan Nute min ti mai rawh aw . Ka hming a min koh chuan kan in nel loh hmel e ti raw " Ka bu nghat ringawt sawi tur thlawt ka hre lo .








" Chuan ka lo rin ai daihin i hmel tha a , fanu ka nei si lo a ka khawhar theih zia chu .... Tu nah chuan nang i awm tawh dawn bawk a ka hlim tak zet "








" Kei pawh ka hmu che hi ka lawm tak zet Nute "








A meng bial kawk mai , a hmel a chuan mak tihna , hlimna leh lawmna chu a rawn lang chhuak a ...









" I fel hle mai min koh theih nghal pawh ka lo ring lo a " a hlim lutuk chu a thup thei thlawt lo a nih hmel , chuan kei pawh ka thaw a veng hawk mai ka lo rin ai deih in a ngainat awm a ,
min lo lawm thiam em em bawk sia ; ka pa thu sawi kha a dik zia ka hre chhuak uar uar bawk .








" Kan chhung leh khat min ngaina lo tu leh biak pawh min be tha ngai lo tute ai chuan kan thisen zawm pawh ni lo , tlang nel tak a min bia a min ko mawlh mawlh tute hi kei ni pawh in kan ngaina in kan thinlungah hmun an luah hmeh zawk thin . Chuvang chuan mi lawmna leh hlimna siam sak chu thil harsa a ni lo a , mi fel tih leh mi ngainat hlawhna pawh ho te a ni a . I tawngkam khat lek avang khan mi rilru I ti nain I ti lawm thei " a ti thin , chuan a sawi dik vek bawk .....









Eng eng emaw sawiin a ti ti bawrh bawrh a , sawi tur vak ka hriat loh avangin ka lo ngaithla deuh tawp a ni mai ...








Nu harh vang leh hlim thei tak a ni in ka hria ..... chuan ka ngainat zawng tak a ni bawk .







Nutei thu sawi avang chuan kawngka lam chu ka hawi a , mipa khat kawngka biang ngheng a lo ding hi ka va hmu a . A hmelah chuan engmah a lang lo , mahse a awm dan atang sawn min lo lawm bik vak lo tih ka hria .








Saw in chhung a luh saw thih hreh in ka hreh
, chuan a bik in saw lai a mihring nelawm loh deuh saw ka hmu hreh ngawih ngawih bawk . Nikhaw hre lo in ka tlu der mai dawn mi le !! Aaaa..... Thil tih chi a ni bawk si lo .... Tu emaw hian min rawn vawthlu daih se ka van ti tak .....








Ka ngaihtuahna avang chuan ka ner nang a ; ngaihtuahna atthlak lutuk mai









In chhung lam pan chuan ka nu te chu ka zui lut det det a . Kan Hmela chuan min en reng tih ka hria ....








Bleh .... A duh tawkin min lo en rawh se ka hmu lo der tlat dawn a ni tawp mai ni.








Ka pa chu thil ho te te sawi putin ka zahzelah ka be ta zawk a .







In chhung kan lut chu ka hmui hi ka chip em pawh ka hre lo....








Pawn lam a lan dan aiin an ropui daih ! An bang leh chhuat te chu a var sar a .... Engkim mai chu a fel fai em em vek a hmuh an nuam em em vek , hmuh a nuam hi a ni deuh tawp mai ..








" I ka te kha chu chip ve em em la " Hmela mai mai chu ...








Ummm ..... A sual thiam dawn riau in ka hria , kan thlen tir a min melh dan atang khan ka chungah chuan that a chhuah chu ka ring vak lo .... Mahse a sual viau chuan ka sual ve thiam thoh tih erawh ka chiang .








In hmel hriat tirna te kan nei a nutei chu nuih a duh bawk a ka nel hma dawn khawp mai ...







" Nute .... Nute.... I ti reng bik a i patea hi min ngaina lo bik riau in ka hria "







" Chutiang pawh a ni lo "







" Ka fiam che a nih khaa ... In thlahrung reng reng suh aw ; i in ang chiah in ngai la kei ni pawh i nu leh pa tur te kan ni a, engkim i mamawh chu min hrilh hreh lo la " Nui suk chung hian a rawn ti leh a .







Min tih hlauhthawn hman zia kha ... Kha tiang eng fiamthu nge ni ngai.








__________________________








Awiii..... Tunah chuan ka hmuh hreh ber mai chu loh theih loh in in hmel hriat tir ka ngai taa !!!








A hmaah chuan ka ding ta ran mai , mahse a awm chiah ka hmu thei ..... Ehee ... Hmela chu a va sang ve!!!









Malsawmzual nangmah hi i lian lo ve hrim hrim tih i theihnghilh a mi ...... chibai la i tih tur chu zo fel vat rawh ...
Ka rilru mai mai chuh ....








Ka kut chu ka hma lamah chuan ka phar chhuak a .







" Malsawmzuali ka nia Zualte emaw Sawmsawm tiin min ko dawn nia "







Ka kut chu a rawn vuan ve mai a ....







" Rintluanga "







Deuh teh hmuk a , chu aia nelawm leh ngaithlak nuam chuan a sawi thei reng awm sia .







Pawi chai lo kan in chibai ringawt pawh hi a lawmawmah ngai mai ang .








Ka zo e , tih zia lutuk a bul tanna chu buaina a awm lo hlauh e .... Ka rilruin ka nui ver ver mai lawm leee ....





Ka kal sawn tur chu ka kut chu a thlah duh ta tlat lo mai !!!







Ka kut a hmer salh a !!!







" Mahse Zualte emaw Sawmsawm pawh ka ti duh lo che "







" Engmaw i sawi " ka chho en haw a ,







" Naupangte i ang , I ni hial lo maw ? "







Hmela mai mai chu !! Malsawmzual in sum rawh , a hmeichhia zawk i nih hi .... chubakah midang an awm ve hi .








Ka pa te ka va en a min ngaihsak lo hlauh , an in kawm tui em a kei ni chu min ngaihsak lo ang . Mahse tun chiah hi i dawhtheina han lan tir leh hram teh ....








" Naupangte college kal i hre ngai a mi " ka nui phah deuh a ...







" Ohh .... Sorry "







Ka rilru in.... Nia sorry chu i sawi tur a ni , ka ti ru mawlh mawlh a . Ka kal thei tawh e ..







Ka thiante biak ka ngai hepa lah hi ninawm lutuk mai .








Ka in her a ka kal tur chiah chu min pawt let leh dawr a , ka kut a vuan nghet si ... Ka thin in a tuar dawn lo .








" Naaaa ..... ENGE NI AAAA " Zawi si vin deuh tak hian ka ti a .








" Naupang i nih loh chuan pitar tal i ni ang "







Hmmm ..... I duh tak tak a ni maww!!!







" Engvang in nge pitar chu ka nih ngawt ang "







" I te reuh em a ... Naupang te hi an te tlang pui , mahse ka ni lo i ti bawk sia pitar i ni mai lawm .... kum upat hnu hian a hniam zawng in an thang thin an ti sia " nui suk hian a ti a ni chu !!!!








Chuan a hmel khi !! nuih za hmel a la pur reng zui .... Hmela mai mai chuh .








Ka kut a vuan tlat bawk si .... Rum mang kheng hian ka melh a .








Oiii .... ninawm lutuk a sang si dak deuh vah a melh a ngai , kei fit 5 ' 2 lek hian engtin nge a ni fit 6 dawn hi ka tih ang aww !!! ka tah a ti chhuak zawk .








Ka melh rum lah chu engah mah a ngai lo leh nghal ; tactic thlak ka ngai .







Ka hmel chu ka siam tha a .... Pangai tak in nui deuh hlek hian








" Pitar ka nih chuan , Ooo ..... a van pawi tak pitar nupuiah i neih mai a ngai dawn a nih chuuu ..... " pawi tih hmel deuh hian kan thle kual vel a .








Yesss .... Ka thu sawi chuan a va han thawk tha em em ve , a hmel chu a rawn tang tawlh tawlh a min melh bo tum ang mai hian min han en chuuuu ....








Ka kut a vawn chu a thlah a , haha ... ka zalen e . Mahse , ka la duh tawk lo , a nuam e mai vawi khat leh chiah .








" Ohh ..... Pitar i neih duh loh pawn a pawi lo , naupangte hi i nei mai dawn nia . Hmmm ... Mahse naupangte leh pitar chu thu hmun an ni sia !! a van pawi tak "








Yesss .... ka hnial dang e .... A hmui chip in min melh chhuk run mai lawm , haha ... ka kut a thlah tawh bawk a kal deih ang .







Te te min tih mai mai , sang thlawna a ni ve tho ; sawi tur pawh a hriat tawh loh kha .








" A naaaa " Ka banah chuan kut tha chak deuh hian na deuh tak hian a rawn man a , min kuai her leh lawp !! Mahse ka ban a hmerna hi a na lutuk mah mah a ni .








" Nang hi eng ti kawng mah in ka nei lo ang che , thih i duh loh chuan kan in neihna tur hi suangtuah tawh suh ang che " a thin a rim hmel lutuk ... chuan ka ban hi a na lutuk ka tap mai dawn in ka hria .








" Min ti na a nia , min thlah rawh " ka duh thei lo ka tap mai dawn ka aw te chu a zawi vek !! He pa hmaah hian ka tap tur a ni lo bur , ka muttui ..... rawn tla hlek suh ang cheu ...








Hre chhuak thut ang mai hian ka ban chu a thlah thawl a ; a nui suk a . Keiin na ka tuar a a nin min nuih zat leh nghal a. Khang kha lang chuan ...








Rum mang kheng hian ka melh vak a , mi kan melh hian in ti na thei i la chuan ka melh thal tawp tawh ang mawle !!!!!








" Fit 5 boruak hip pha lo melh ringawt chu a na lo teh a nia ... tang sauh sauh rawh naupang "








Ka hnar chu a rawn pen zeuh a , in chung lam panin a kal nghal deih a nih chu !!!







Oiiii ...... ka thin a rim lutuk hi ka puak dar mai dawnin ka hria .







A hnung lam a tang sawn ka va chhu thlu tawp zawk dawn a maw ni !!!








Huiiii ..... In bengdai zawk ang , phuba lak na hun a la awm dawn chauh . A la hre khawp ang ...








Eng thil emaw chu ka la ti khawp ang !! ka tiam sak e .... ka pa fanu ka nih hi ; mai mai sala ..








Ka ban chu a na rei phian Hmela vang vek .....







A hre ve khawp ang ....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 30th, 2019, 7:36 am

CHAPTER - 4 😊 by Amy Cck







Zan riah ei kham chuan kei leh nutei leh ka nu chu inchungah ka room hman tur kan ti fel a , an hausa bawk a an in chu a nuam in a thawveng a ; inchungah hian room 5 a awm a , step bul chiah vei lamah hian kan misuala room kha a awm a ... a room chu a zau ber a , a nuam ber bawk . Nutein min fan pui a ..... Ka rin ai a che fel daih engkim chu a awmna hmun tur dik tak vekah an awm a , hnawk leh hmuh hreawm a awm lo reng reng hmeichhe tam zawk aiin a che fel zawk daih .....









Nutei sawi dan chuan a roomah hian a phalna la lo chuan tumah an lut ngai lo a nih hmel Patea tih loh chu , nutei pawn luh ka dil thlap zel a ti a nih chu !!








Khang lang chuan ka ngei zawng tak , kei ni pawh chu a rukin kan lut tihna a nia ... Hmmm .... Ho sih sah e mai a , ka hlau lo ve chiang e mai a . Mahse mi phalna la lo a luh chu ka duh bik chuang lo tun chu nutei leh ka nu an tel a , a dan a dang ni dangah chuan ka lut tawh pit ang .... Tlai a min tih dan vang khan ka la haw hlur , a ni kha awm lo se chuan a nawm dawn teh lul nen .








Nutei chuan room 4 zingah chuan ka duh ber min thlan tir a , kan misuala room bul a mi hi a zau ber dawttu a ni a , mahse ka duh teuh lo !! Ka room luh leh chhuah dawn a piang in Hmela room hi ka kal tlang a ngai dawn a . Ding lam room kil ber chu ka thlang a , a te ber dawttu a nih hmel , mahse kan in a ka room ai pawn a la zau tho tho .








Ka room tur chu kan tih fel zawh chuan kan pathum chuan kan in kawm ho a , nutei hi a tawng duh bawk a kan in nel chak hle , nuih a duhin a tawngkam chhuak reng reng hi hriat a nuam a . A bul a awm te a zirin a in siam rem zung zung thei hi a mak ka ti . Ka bulah kha chuan naupang chhia leh mi be tlang nel thei tur ber khan a awm a , ka nu bulah chuan puitling kawm nuam leh ngainatawm tak a ni leh a , Patea a biak lah in nupui tih tur ang thlap in a khawsa leh bawk a , a fapa bulah lah nu hmangaihna ngah tak a ni leh lawi bawk si ....








Ka nu leh nutei chu an ti ti dun mawlh mawlh a , kan chhungkaw hnih chungchang an sawi ber . Mahse engtianga in zawm nge kan nih an hre bik lo ve ve a nih hmel ; chu chu ka pa leh patea chiah in an hria. .








Ka nu chuan kan chhungkaw chan chin chu a hrilh mawlh mawlh a , fa neih an har thute leh an neih theih an rin tawh loh hnu a ka pian thute , ka naupanlai a ka hrisel lo zia leh . Min duat lutuk vang a tun thleng a ka rilru naupang chhia leh no lutuk te chu nutei bulah chuan dawhthei tak a min enkawl tur in leh hauh ka ngaihnaah pawh min hau a , a fa ang chiah a min en tur in a chah mawlh mawlh a .....








Ka nu min sawi naupang chhiat em avang chuan nutei chu a nuih a za thei em em a , min en kawl tur thu leh min ngaihtuah loh tur in ka nu chu a ti ve mawlh mawlh bawk a .... Kei pawn nutei hi ka ngaina ka nu ang mai a ka en theih pawh ka ring ..








Nutei pawh chuan an chhungkaw chung chang chu a sawi ve luam a .... Mizoramah hian an rawn awm na a la rei loh thu leh a hma chuan US ah an awm thute Rintluangan college a zawm dawn avang chiah in Mizoram an rawn awm a nih chu ... Kum 3 bawr vel chiah an la awm tihna ....!!!








Mahse patean mizo tawng inchhungah a hman tir thin a vang leh a theih na hmun apiangah chuan mahni hnam tawng ngei hman a rawt thin avangin tawngah chuan harsatna an nei lo . Kan Misuala pawh mizo te chuan a tawng nasat em kha mawww !!!!









Chuan Sumdawnna hi hmun hrang hrangah an nei a , bungrua chi hrang hrang an sem in an pe chhuak thin a ; ram dangah pawh an in zar pharh nasa hle a nih hmel . Hausa awm reng pawh an ni kei ni pawh kan dawr ringawtah pawh kan chhungkaw mamawh kan phu hru zo vek a nia , an ni phei chu dawr tam tak an nei leh nghal .








" Khawnge Rintluanga hi a bo nal nal a , chaw ei kham atang khan ka hmu leh tawh miah lo " Nutei chu a lawm vak lo a nih hmel ....









Chaw ei kham khan a leng dawn nge a chhuak nal nal a nih kha , ka hmu reng mahse ka sawi duh teuh lo . A duh leh leng bo nal nal rawh se , a awm loh hian ka nun hi a nuam zawk daih ... A mah vangin chaw pawh ka ei puar lo , chaw ei laiin kan in melh rum siak hi a ni ringawt ka hmaah chiah a thu bawk sia . ... Ka ngei lutuk kha ka fian a va khawng lawlh mai kha a nia ka chak ni ....







______________________








Ka pa ten thil sawi tur an neih avangin in hnuiah chuan kan in zui thla tham tham a , thut ho naah chuan ka pa leh patea chu an lo thu a , an thu tak hmel phian leh nghal !!!








Ehh....!!!!! Ka hmuh sual a mi Hmela pawh a lo thu ve kur mai , a leng a maw tia ; ka hmuh hi chuan in ring reng a awm ka ngai .








Ka ban pawh hi a la na , a duk hial ang ka ring . Kha ti fa ko a min hmer nat , hmeichhe dim na chang pawh hre lo . Mawl leh lutuk mai ....








Pate a thu sawi tur ngaichang chuan kan thu thap a , pate a thu sawi chu mak ka ti !!!!








" Zualtei pa nen hian kan in zawmna hi tuman in hre lo tih kan hria a , tun hi sawichhuah hun atan kan thlang a , tun bak hi chu sawi pawh kan sawi ka ring tawh kher lo "







" Zualtei pa hi ka u leh ka chhungkhat neihchhun a ni !!! "








Patea thu sawi chu ka nu nen chuan kan awi hlawl lo !!! A chhan chu ka pa hian chhungte a neih awm hi kan hre lo , kan chhungkua in pawh viau e ti lo chuan he thu kher hi chu kan sawi ho ngai lo .








Ka naupan deuh lai chuan , ka nu te chhung lam ringawt te nen hian kan in tlawh pawh thin a . Mak ka ti thei em em a , ka nu nu leh pa te ( ka pi leh pu te ) pawh hian min duat em em a . Mahse ka pa chhungte hi ka hre ve ngai lo reng reng ..... Hmuh pawh ka hmu ve ngai lo!! Eng harsatna nge a chungah thleng kan hre lo, mahse thil tha lo tak a nih chu ka ring. A chhungte lam leh ka pi leh pute chanchin ka zawh kha chuan , a hmelah rilru natna leh hreawm tihna, mahni inthiamloh na te kan hmu thin a .... Hmuh hreawm ka ti, chuvang chuan nakinah a in peih hunah min la hrilh ve mai turah ka ngai .....








" Mak lo ti lutuk lo ula, thisen zawm chu kan ni lo mahse ka tan chuan ka u ka tan a hlu em em kha a ni reng . Min hringtu ka pa kha a nu te chungkua khan an duh lo em em a, mahse ka nu khan a chhungte phalna lo in a nei lui ta tho a, ka nu nu khawngaih thlak tak kha kha mipa khan a lo bum reng chu ni in, naupangte ka nih laiin kha pa khan min chhuahsan a, ka nu leh kei chu hmeichhe dang min um san a nih chun!! Ka nu kha a chhungte phal lo chung pasal a neih luih avang khan an en san vek a, tanpui chu sawi loh min hmusit em em a, ka pi leh lu ngei pawh khan min ngai na lo. Tumah chhungte belh tur nei lo khan ka nu nen chauh khan kan nung ve tawk tawk a, kei lah sum la lut tur in ka la upa tawk si lo, ka mu khan nasa tak in hna a thawk a kan eikhawp kan hmu ve tawk tawk a . Mahse vanduai tur khan Pathian khan min lo ruat bik nge, ka nu kha natna in a tlak buak a, hna thawk tha thei lo khan a awm a. A taksa lah chu a chhe chak em em a, naupangte khan ka nu damdawi leina tur leh riltam a kan awm loh nan ka thei theih kha ka thawk kual a "









" Mahse ka nu ka chhungkaw neihchhun chuan a na tuar loin min kal san tho, tumah pantur ka nei bawk si lo naupang mai kha ka la ni a, ka rilru a na a pan tur ka hre bawk si lo. Ka nu chhungte tumahin min tanpui duh bawk si lo. Nun kha a fair lo ka ti in dam chakna ka nei tawh lo a ni ber a, mahniin tih hlum hial ka tum a "








Ka biang chu a rawn lum thla pep pep a, patea tawrh chu rapthlak ka ti a, ka chanah ka dah hian ngaihtuah pawh ka ngaihtuah ngam lo, ka nu leh pa te hi awm lo tur ang ringawt a ka ngaihtuah pawn ka rilru hi a na ngut ngut a, ka mittui hi a rawn baw nghal hawk hawk a nia, engtin nge chutiang chuan patea chu a chhungten an tih theih. A pa kha an duh lo a nih pawh in chutiang vanduaina a tawh te chuan an fapa leh tupa a nihna a bo chuang si lo a, baivai takin engtin nge an siam theih zawk!!!!









Nutei leh ka nu pawh an mit a sen ram a, rapthlak an ti ve tho tih ka hria, nutei mi hlim thei tak pawh kha tunah chuan a hmelah chuan mak tihna leh huatna ka hmu thei, mahse patea a melhna mitah chuan khawngaihna leh lainatna a langchhuak a. A pasal hmangaih em em hun lo hman thin dan chuan a thawng ve hle tih a hriat.









" Mahse Pathian in ka tan vantirhkoh a rawn tur a chu chu ka U te chhumgkua hi, an ni chuan min chhanhim a an inah min hruai lut a. Kei fahrah pan tur nei lo kha min tuam hlawm a, ka tan chuan vantirhkoh dik tak an ni. A tawi zawngin sawi mai i la, an image chuan ka cheng a an fa ang chiahin min en ve a Zualtei pa pawh hian min en hrang ngai lo a nau ang chiah khan min en a, miin hmusit leh diriam tak aa min tih pawn min chhanin ka thlavang a hauh zel thian. Ka chungah khan a zaidamin a dawhthei em em a, ka tan khan a thlamuanpui awm ngawih ngawih "










Ka pa chu ka va en a hun kal tawh ngaihtuah ang mai hian a thui ngawi deuh chawt a, ni e ; ka pa chu pa ngilnei leh zaidam, hmangaihna ngah leh pa dawhthei tak kha ani reng a ni. A fanu min enkawl danah pawh hian sawisel tur ka nei lo. Min duat lutuk hi min duat hlum lo chauh zawk a, a fanu luhlul leh tihmawh zet hi dawhtheihna nen min enkawl a, chuvang tak chuan ka pangchang em em bawk. Tih tauh bur bur leh han thinrim in tum san bur bur thin mah ila, ka pa chuan dawhtheitakin min thlem lungawi leh zung zung thin, ka pa a ni a, a fanu neihchhun ka ni bawk min hrechiang in, min tih thinrim dan leh min thlem lungawi leh dan pawh a hria. Keimah ka in hriatchian ai mahin min hrechiang zawk hial in ka hria.










Patea thusawi vang chuan ka pa chu ka ngaisangin a hma zawng aiin ka zah leh2 zual sawt a. Heng a mizia te avang hian alawm a thu zawm loh hi ka harsat em em.










" Ka rawlthar chhuah thleng chu an bulah chuan ka khawsa a, tichuan mahni a inchawm zawh tumin khawpui lam ka pan a, a bak chu sawi vak pawh angaiin ka hre lo. Hniamte atanga tanin sumdawnna ka din chho a, duh viau mah ila ka U te chhungkua chu ka hmu ka hmu thei rih lo a, ka rilruah chuan an awm reng thin.










Ka sumdawna ka din ngheh hunah ka chunga an ngilneihna te chu ka la rul let ang tiin ka in fuih mawlh mawlh thin. Mizoramah pawh ka awm tam lo hle a ka sumdawnna avang khan bungrua sem leh la lut reng reng a ka khawsak avang khan.










Mizoram a ka let leh chuan ka U te chhungkua chuan chhiatna nasa tak an tawh thu leh, an inah kangmei a chhuak a, a hmunah in neitu nu leh pa te chu an boral nghal tih ka hre leh zel a, an fapa chu a hliam enkawl turin hmundangah an hruai a, a rawn let leh tawh loh thu leh a chungchang engmah an hriat tawh loh thute. "










" Ka bei kha a dawng em em, ka u chu ka zawng nasa mahse hmuh tur a awm lo, tichuan ka beidawn in ka zawn thin pawh chu2 ka basan a. Nupui fanau te ka nei ve a, ka nupui hi Mizoramah a awm loh avang hian kei ni pawh nupui ka neih hnu chuan kan ram hi ka rawn tlawh khat em em a, kan sumdawnna te kan zauh zel a mizoramah pawh dawr lian leh tam zawkah hian kan bungrua te hi kan sem darh ta a, awm hmun te kan rawn khuar ve a.










Ka U te pawh hi dawr bungrua kan lo supply thin reng cheu a, chu chu kanin hriatchhuah dan tlangpui chu a nia. In nei chungchangah pawh hian ka u chuan a hnial ngei a mahse keiman ka ngen a ka dil ngawrh em avangin min pawm sak a ka lawm zia hi ka sawi thiam lo zawk .... Chuan kan in hmuchhuak leh hi ka lawm a, ka naupan lai a minpuih nasat zia ngaihtuah chuan engmah a ni lo tih chu hre tho mah i la Zualtei hi chu kan kutah dah tawp u la rawn ngaihtuah reng reng suh u, a zir na sen so leh au mamawh engkim ka kutah dah tawp turin ka ngen nghal bawk ni rawh se . In pawm emaw pawm lo pawh ni se he thil hi chu tih ka tum tih min hriatsak bawk ula ".










Tumah tawng tum pawh kan awm lo, kan vai chuan kan ngawi thap a, patea tuar nasat zia leh dingchhuak tur ah A beih nasat zia ka ngaihtuah hian an tumruh na hi ka ngaisang tak zet, kan Misuala pawn ka ngaihtuah ang chiah hian an ngaihtuah ve ka ring, ka kun ngur a, engtak ngaihtuah nei maw.....










" Ni e Tluanga pa thu sawi kha ka pawm pui a. Mahse kan fate kan rawn lo cheu tih ka hria, ka in thiam lo bawk. Chuvang chuan kum 3 chhung hun kan pe ang cheu, chhungkua a insiam tluk chu awm lo mahse kan fate berin in pawm loh chuan in hlimna hi kan duh ber a. Kum 3 aral chuan Mambawihi pawh a zirlaite zo tuah ngai i la, Tluangtea pawh puitling tawh in innghahna tlak i ni tawh ang chu. Mahse kum 3 hnuah pawh tun a in rilru ang hi in la pu a, in neih in duh lo a nih chuan in thuthlukna chu kan pawm pui ang che u "










Ka pa thu sawi chu ka hre sual a mii??? Kum thum maw !!!! Chuan kan in neih kher a ngai dawn lo bawk!! Yesss.... Ka hlim lutuk hi au chhuah chiam mai ka duh rum rum.....









" Chuan kei pawh kan chhungkaw hnih kan in tawng leh hi ka lawm a. Kha tih hunlai khan kan chhungkaw dawr kha kan tla chhe tulh tulh mai a, ba kan ngah lutuk kha kan hralh a ngai hial a mahse, chu pawh chuan kan ba chu a la rul seng lo. Kan bat na te lah chuan min thing ve reng bawk nen, ka nu leh pa rilru kha a hah thei em em a. Kan vanduai a siam in kan chhungkua in khatiang chhiatpui kha kan tawk leh bawk si nen, ka nu leh pa rual khan thih ve daih kha ka chak a. Kei mah chiah ka dam khawchhuak kha hreawm ka ti a, kan khuaah pawh let tawh lo in lungleih lam ka pan ve ta tawp a. Ti chuan hna te thawkin ka theih tawp kan chhuah a, ka lo pangai deuh hun khan rei tawh viau mahse ka nu leh pa te nen a kan ba kha rul turin ka kal a. Mahse, kan rulh vek tawh thu min hrilh a, mak ka tiin tuin nge min rulh sak ang, kan chhungte ti dawn i la kan harsat tawp khawkah pawh min pui duh lo kha a nia. "










" Mahse tunah chuan hun kal tawh chu theihnghilhin hma lam hun kan thlir a hun tawh a, kan fate hi in pawi mawh a in hlimna hi kan duh ber a, chuvang chuan he hun kan pek chhung cheu hian in rilru in siam fel kan duh a. In lo in nei ta lo a nih pawh in kan in chhungkhat na a bo phah dawn lo a .... "









Ka nu leh pa te in karah chuan ka mu kak a, naktukah an let leh nghal dawn a. Zanin chiah an bulah ka mu tawh dawn, ka pa thil sawi khan ka rilru a ti na a, hun harsa tak a lo tawk reng thin a nia. Chuan kum thum.... Kum thum te chu a zo hma lutuk, kum 3 hnuah pawh tun a ka rilru tho hi ka put ka la ring. Hmm.... In nei lo mah i la unau ang tal chuan kan in en theih ka beisei. Fa nu leh fa pa mal kan ni ve ve bawk a, mahse tunah rih chuan that ka chhuah theih pawh ka ring lo.








Huiisss.... Khua te rawn var phawt teh se, muhil phawt teh ang vawin ka motor chuang ka chuang sual a ka chau riau....








________________________________________








*RINTLUANGA POV*








Hmeichhe naupang tih chu a haw ve reuh phian leh nghal a, vawin tlai a kan in hnial kha ka ngaihtuah let hian ka nuih hi a la zal reng. Fit 5 Boruak hip pha lo tih phei kha chu, a rawn alh chhuak tep in ka hria, ka ngaihtuaha vang chuan ka niisuk a .... A tir kha chuan a zah zum hmel reuh nen, a dak thei fuu!! mi hnial khan lah chu a hre reuh phian leh nghal a.










A te reuh si a theih tawp chuan khabe dawh vah khan min han melh rum ve ngei a, mahse a lawmawm ru reuh lutuk. A tawng ve tan tan ang reuh a, a tawng phah khan a tang lutuk nge a taksa dang zawng zawng nen khan a bei a ni ber mai, a lu an thle kawi deuh nghat a, a sam sen duk deuh kharh sei hniang chu an in sawi dal dal reuh bawk sia. A lan dan chu a duhawm a ni tawp barbie hi ka teh khin deuh ber.










Ka lo rin dan hmeichhia kha chu a nih chiah hmel loh, a la naupang chhia reuh bawk sia. Eee... Tak a a kum zat tak ka hre lo, pawi lo hriatna hun a la tam a lawm. Engvanga naupang tih pawh chu haw viau nge a nih le, dawt hlawm tawp pawh a ni si lo a.... Ka ngaihtuah chian pauh leh ka nuih a ti za, lawm loh in min ti nuih suk suk chu le...









Chubakah kan vawi khat in hmuhnaah chuan in ngam dun ve sak sak tak kan ni, a nih lah in ' hmeichhia zawk ka nih hi ' tiin ngawih a chuh duh bawk si lo. Kei lah mahni aia te leh naupang daih lakah han tlawm kha chu ka tha a na ve bawk si !!! Reuh hian in.









Mahse a banrek a ka vawn na kha chu ka lo in ring hman lo nen , duh ai ka ti na mah mah tih chu ka hria. Na a ti tawh em lo ang chu!!









A tap tep leh nghal a, a mittui rawn tla tur kha a mit lian kelh kawlhah khan a tling pam a. A tap turin sum hmel cute zia lah kha pui tak, a hnar leh biang a sen tai tek a. Ka in sum hman lo in a hnar kan pen sak hram kha!!!!










Lalrintluang i mak lutuk, thil dang ngaihtuah rawh a hmel i hmuh hma hauh in kar khat tal tawp i ngaihtuah tawh, tunah an rawn thleng a, a chanchin leh a mah hlir i la ngaihtuah zui zat a. Chutah naupang chhia ang mai in i la in hnial pui hrep bawk a, tlangval kum 23 tling ve uai tawh tih a tan chuan a ho lam deuh chu a ni. Chuan kha tiang em em a ka tawng hnem kha mak ka la ti tawp thei lo!!! Aaaaa..... A mah vang vek kha lawm.









In hnuai panna step a tlan ri khep khep a vang chuan ka harh hlawl a, sana ka en a dar 7 chiah a la ni. Tun ang zingkarah enge an tih ni, nizan thil ka ngaihtuah kual nasa lutuk a ka muhil lawk lo mut ka kham lo in ka hria.









Ka pa leh papuia thu sawi kha kum thum chiah a lawm, ka tuar thei em em ang. Ka pa ngaihdan kha chu a dik na chen a awm ... Ni e.... A hun lo tawn tawhah lo pui a an lo en kawl avanga chuan kei pawn rulh let ngei kha tha ka ti. Chuan an chungah pawh ka lawm viau a, mahse lawmthu han sawi chiam leh ngaihdam han in dil vel hi ka thiam loh bakah ka tih ngai loh avang hian sawi vak dan tur chu ka hre lem lo.... Ka lawm tih chu an hre tho turah ngai ang.









Amaherawh chu he tiang vang a in nei na siam kher hi a tul teh chiam chu ka ti lo, ka ngaihdan pawh a ni lo.. Tanpui dan tam tak leh lawm thu hrilh dan tam tak a awm a, mahse ka pa bulah hi chuan engmah ka sawi thei lo, pa rilru nghet leh a tih tawh ti bur a nih avangin a sawt dawn chuang lo tih ka hria. Kum thum hnuah in neih kher a ngai dawn lo papuia khan a ti a, kum 3 lek chu ka tuar thei em em ang.










Kan in kawtah chuan ka nu leh pa leh Naupangtei te nen chuan kan ding thap a, papuia te car tlan liam chu kan thir in kan vai liam hlawm a. Ka bul mai a ding hmeichhe te tak te chu a in hnit feih feih a, a van naupangchhia reuh tak. Ka nuin a darah kuahin a thlem mawlh mawlh a, ka pa pawh chuan a thlem ve bawk.









" Nu leh pa ngaiin naupang pakhat chu a tap mek a "








Ka nu chuan min melh rum ngei mai , ka nui suk ri ngawt ...









" Rintluang in be lawk ang " ka pa a ni .... Ka van peih lo tak .... In chhung lamah chuan kan in zui lut a, ka nu leh kan naute thar pawh in thlem mawlh mawlh chung in inchung lam ah an chho a, han in thlem bang thei tak maw!!!








" Zualtei college luhna tur hi kan buaipui a ngai a "







" A man khawi college nge a duh deuh hrim hrim a "







" Chu pawh ka la zawt lo, i lo zawt dawn a mi le? "







Keimah hian maw!! Peihawm loh veer.... Kan in melh no lo dun ve ropui sia aw... Mahse ka pa ka hnial hreh si








" Ka nu kan zawh tur mai dawn mi " Ka la ti hram








" Enge zawh chu a harsat na " Ka pa chuan mi melh ta ran mai







" Harsa chuang lo e, ka lo zawt dawn a nia ka pa"








" Umm... Lo zawt la kan buaipui vat a ngai dawn nia "







" Awlee " Ka ding a kal ka tum chiah chu ka pa thu sawi bang chuan ka pen tawp dat a!!!








" Zualtei chungah hian i sual chhuah suh ang che, he in neihna hi a duh vang a ni bik lo a, ka rawt hmasak a ni a. Kan bul a awm hi hreawm a tih ka duh lo, in in nei dawn emaw dawn lo pawh ni se. Tlangnel leh nuam ti tak in awm se ka duh a, nag pawh a chungah that chhuah ang che. Zan 1 leke pawh la awm mahse a naupang chhia in a no tih chu a hriat vek a, chuvang chuan a rilru ti na zawng leh a lung ti leng thei zawngin awm lo ang che "









Ka bu ngut ringawt a, kal ka tum a...







" Chuan a zirlaiah emaw a college ah emaw harsatna a neih chuan i kut ah ka dah a, a zirlai pawh harsatna leh thiam loh a neih chuan pui zel la ka duh bawk "









" Awlee.... Ka pa "








Ka pa chuan a va han duat em em, ninawm ka kutah engkim a tla ta vek a nih hi.









Ka boruak hip a chep lutuk, in tih thawven ka ngai. In chhuak harh ve lawk teh ang... Naktukah ka hna chu ka tan ang, vawin chu in ti thawveng lawk ang... Ka phone chu a rawn ring ral ral a.








" Nikita " Ka nui suk, hei bak a in tih thawven na tha hi a awm lo, ka rilru ni nghulh pawh a reh mah na...








" Sawi la " Ka ti deuh tawng..








" Bawih enge i ti a, nizan pawh i lo bo daih a.... Ka ngai che a nia " A aw sexy leh no hnap chuan a rawn ti a..









Ni e nizan khan len bo daih tum in ka chhuak a, mahse ka in ngaihtuah leh a... ' engvangin nge hmeichhe pakhat vangin kan in zawk ka chhuah san ang, a tlawm thlak lutuk tiin ka let leh a nih kha....









Ka in chhung ngei a duh ang pawn chaw ka ei thei lo, la hma a rum mamgkheng a min mel tu vang khan ka chaw ei pawh kha khawi ah nge a kal pawh ka hre nek lo kha a nia. Hmarcha lah chu a ngam reuh zek a, a tet tet nen, tukin zingah chuan chaw a ei chak loh thu a sawi a, thlamuang tak in ka ei ve hram...







A nu leh pa te haw tur a huphur lutuk vang a nih ka ring leh hju hnawh...







Rintluang harh teh in tih thawven tum in tunah pawh kha naupang bawk kha a nih hi i ngaih tuah leh.







" Bawih i la awm em " Ohhh.... Nikita -i ka theihnghilh







" Ka ngaithla a lawm "






" Oh... I reh vang vang sia... I dah a maw ka tha " Ti tau aw deuh hian a rawn ti a..






" Sorry "






" Chuan i lo kal dawn em "






" Ka hre lo le "






" Aa.... Lo kal la, ka chhungte pawh an awm lo " Ka nui sak mai






" Ok... Ka lo chhuak "






" Ka lo nghak reng ang chee "






Phone chu ka dah a, ka bike ah chuan lawnin chak mangkheng in ka phit chhuak nghal a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 30th, 2019, 7:36 am

CHAPTER - 5 by Amy Cck







Ka nu leh pa te tlan liam chu an lan theih thleng chu ka thlir ngawih ngawih a, kan in mangtha lai kha chuan engtin mah pawh ka awm si lo a, an tlan liam tak ah chuan ka mittui chu a rawn tla zawih zawih a. Ka in sum thei lo dan ka tum pauh leh a aia tam in rawn chhuak ru tih ang maiin an rawn luang chhuak zawih zawih a ni ber mai. Nutei chuanin min hre thiam tak in min kuah a, min hnem mawlh mawlh a.








Midang an awm ve leh awm ve loh pawh ka ngaihtuah thei tawh lo, ka in sut chhuak ta hlawp hlawp a, patea pawh chuanin min rawn tawng thlamuan a mahse, chu chuan ka tah a ti chhuak zual sauh hi a ni mai.








Nula ve uai tawh mah i la, ka nu leh pa ten min lo tulpui bakah pangchang rei chi ka nih avang hian. Ka nu leh pa bul a awm lo tur a ka in ngaihtuah hian ka lungai em a ni, ka rilru no a rawn chhuak leh bawk nen nutei kuah bet chung chuan ka tap ta vak a nih chu... Ka mittui hi a tla hma ve hrim hrim bawk si, thil ho te te ah pawh lo chhuah hi an tum ve ziah a.








Nutei nen chuan ka room lamah kan chho a, nutei hian ka rin aiin dawhtheihna a ngah ka tah chhung zawng chu min kuah a, ka nu leh pa te chu ngai viau dawn mah i la nutei bulah pawh hian ka thla a muang in ka nu ang chiah in ka ngai a ni ber mai, ka nu bul a ka awm ang chiah khan a bulah hian ka pangchang in ka rilru a no a, ka ngai na hliah hliah a ni mai.








Ka rilru pawh tlem in a rawn ziaawm tan a, nutei chuan min kawm hlim tum in thil chi hrang hrang min sawi pui a, ka college kal na tur chungchangte pawh kan sawi a, ka rinai chuan ka rilru chu a thawveng ta phian a, nutein college vel ka buaipui dawn chuan min kalpui theih tur thu te a sawi phei chuan ka hlim lutuk hi nutei chu ka kuah chuk chuk mai a lawm.








Zing chaw ka ei lo nen nutei nen chuan ei tur siam turin in hnuaiah chuan kan chhuk thla a, suzi kan kang a ka riltam bawk nen ka ei hnem ngei mai. In chhung chet ka thiam vak bawk si lo a, nutein rawngbawl leh insuk vel chu an awmpui nula in a tih thin thu leh engmah ngaihtuah buai lo a, ka zirlai chiah rilru a dah tuin min tih chuan ka thawveng huai mai.








Kan inah khan rawng bawl lam ka lo ti vak ngai lo nen, ka nu khan a ti deuh chawt avang khan ka lo ngaihven teh chiam si lo a, thleng seng sil leh inchhung tih fai vel chu ti ve tho mah ila, rawngbawl tak kha chu ka lo tui pui lo em a ka thiam lo a ni. Mahse chawhmeh awlsam deuh deuh chu ka thiam ve alu kan te, dal kan te, maian bai te ka thiam.... ka chawhmeh ngainat te an nih vang a nia chu pawh chu ka thiam.... haha..








Nutei nen chuan choka ah ei rawng kan bawl a ka thiam ve vak loh avang chuan ka lo en hi a ni mah zawk, an nula awmpui chuan a bawl ve bawk a. Nutei chu a ti ti siam siam a, a chet dan vel chu a nawm hmel tawp, maian ka ngai na ka ti avang khan a siam a, a rimtui tak zet. Lengser a pawlh a ka ril a ti tam vek in ka hria, mahse hmarcha a pawlh miah lo, hmarchapui zaiphel phawk phawkin han telh ila a ti hang in a tih tui teh lul nen.... A theihnghilh a niang!!!







" Nute hmarcha kan pawlh dawn lo mi "








" Rintluangan hmarcha hi a ti thei vak lo a, pawlh lo i la pawi i ti viau em ???" pawi tih hmel tal chuan min zawt a








Eheee..... A pa len len nen hmarcha pawh a ei ngam lo maw!!!! Ka nuih za lutuk chu ka in sum thei thlawt lo, ka nui chuak ta hak hak a. Nutei pawh chuan hrethiam in min nuih pui ve tho







" A hriat lai chuan nui miah suh a thin a rim thei teh mai a nia " La nui pah reng chuan min ti a.







" Awlee.... A mak eeee, a pa lian si a in hmeh lo" Ka nuih a rawn za tha leh..... A hmel nen a in hmeh lo lutuk chu ka nuih chhan a ni ber mai.









Pa lian deuh leh in la pa deuh khan hmarcha an ei ngam lo tur chu .... pumna phung a kan nuih chu leee!!!!








Tlaiah chuan patea pawh a chhuak zawk kha a rawn ho a, Rintluanga pawh a leng a rawn haw ve hram e , mahse kan in be lo ka be chak em em lo bawk a. Kan in biak loh hian buaina pakhat chu kan ching fel a ni mai, chaw ei chu kan siam mawlh mawlh a, kan chawhmeh a thak bawk si lo, thil thak tel lo chuan chaw ei a tui duh lo e mai tiin salat ka siam a. Tomato leh purunsen ka zai lep a hmarcha thak tawkkk in ka telh a, plate teah hmarcha tui ka siam bawk a, ka chaw ei ti tui ber tu. Kan inah pawh ka nu in min hauh phah ziah ka heh thei lutuk a, ka pum in a tuar leh thin si lo kha . Mahse ka pa khan min lo pui vat zel a, ' a chaw eitui na a nih chuan ei tir mai mai teh. A chaw ei tui loh hi a lawm kan hlauh ber, ei teuh teuh se thang uak uak se kan kawm thlang vawkpui ang khuan rawn mum kung se' hi min ti thin a.









Vawkpui an kha ka duh lo thei lutuk kha ka ei tlem phah leh nge nge zel. Kha tak kha ka pa lawmah a tla a, ka in tih tauh khum leh kual kawi lawi ang bawk bawk a. Ka pum a nat leh kei leh ka pa bawk kan buai a, ka pa in min tlaivar pui thak thak a, na ka neih kha chuan min mutthilh San ngai lo a ni tawp.







Khaaa..... Ka muttui a rawn tla leh dawn ringawt, ngaihtuah tawh suh. Tiin ka rilru in ka in hrilh mawlh mawlh a.








Zanriah chu kan kil ta thap a, nutei chu a dan ngaiin a tawng leh barh barh a, awm lo se chuan he in chhung reh dan tur hi ka tia lom.... Patean a chang changin a lo zawm ve bawk a, kei pawn chuti tho, Rintluanga ngawi ngulin chaw a ei mawlh mawlh thung. Hepa hi chu a ngainat awm lo ve chiang a nia awww....







" Zualtei college kalna tur chu in lo sawi dun tawh em? "







" Zanin ah sawi pui ka lo tum a, chuan naktuk ah kan bawhzui nghal mai ang ka ti "







Awiii... Hepa nen a thil tih dun ka duh teuh lo, ka in rawlh vat a ngai....!!!!







" Pate vawinah nutein min buaipui tur thu a sawi vek tawh sia "








Nutei pawh chuan min rawn pawm pui vat a, a mahin min buaipui a kan pahnih a tih dun chu a chak thu a sawi luam a








" Chutia i nutei a hman dawn tho chuan, i duh zawk zawk i in buaipui tir thei a nia, Rintluanga pawh an result chhuah hma chu tih tur em em pawh a nei chuan lo a, in driver ah in hmang dawn nia, " Ka nui sak mai...








Ka bu nghat nghat a, Rintluangan a duh loh ka rin teh lul nen engmah a sawi sel miah lo. Patea hi chu a hnia ngam lo in a thu hi chu a awi ve thlawt in ka hria....







_______________________








Aaaaa..... Hmarcha a ei ngam si lo a, ka hma a salat chu a rawn ban ve ringawt!!!!! Oiiii..... A hmel chu ka van khawngaih reuh tak, a beng leh hnar a Sen vek a, a thlan tuiin a rawn leih zawih zawih bawk..... Tui a in nghal kawlh kawlh a, nutein a buaipui chhun zawm char char. A hau mawlh mawlh bawk si, ka nuih a za viau nan ka in sum tang tang a ngai , chuti lo chu ka nuih vaih chuan kan in chu kha leh dawn chiang sia, nutei leh patea hma a chutianga awm ka duh loh avang chuan ka in sum hram hram a ngai...








Ka room ka lut chiah chu kawngkhar ka kalh a ka hnungzawng in ka ngheng a pum dawm meuh in ka nui chuak ta hawk hawk a.....








A hmel mawlh kha .... Oiii.... Ka khawngaih reuh lutuk tinge en chiang hmasa lo a a rawn ei reng reng vai ni, ka ti thak ropui si, a pum chu a sa thla ve vawng vawng ang chu.








Khawngkhar ngheng reng chung chuan ka thu hniam riai riai a, ka rilruah a hmel mawlh mai kha a rawn lang leh ka nui sak a, ka thaw chhuak ta siai siai a, naupang min ti min ti a, a mah zawk kha a naupang chhia daih zawk hmarcha thak mai mai pawh ngam lo, a pa lian thlawn ringawt a,







Sangthlawna a ni ringawt.







Ka ngaihtuahna a vang chuan ka nui chhuak hak hak a, a in hmeh phian SANGTHLAWNA ka phun chhuak sep a,.....








________________________________________








Nileng in Nikitai nen kan awm dun a, a bulah hi chuan in sum hi a harsa thin, mizorama kan awm tan tir a tang a in hre tawh kan nia, mizo ni lo mahse mizoramah hian an awmna a rei tawh avangin mizotawng chu thiam tak a ni. Kan college kal na a in ang a, a chhelo in a pian chu nalh tak a ni, chuan tu emaw ang lo tak in a sang in a hleitling a, a zei em em bawk. Kei mipaah pawh avan tlang chunglam pawh hi nikitai lakah chuan ka lang sang teh ual lo, mizo mipa tam tak ai pawn a sang in a hleitling zawk miau a. Kan in hriatna a rei tawh bawk a kan thlengthui dun ve tawh viau bawk, a zeiin mipa it zawnga awm a thiam bawk a, a mit meng sexy tak a min melh tawh hi chuan in sum chu thil at thlak tak a ni.








An chhungkua an awm thei bawk a, a incheina pawh a class em em vek a. Kan college ah pawh khan an en dan a dang in a hmeichhiat pui te ho pawh khan an tlawn em em vek a. Mipa ho mit lah a chungah a fu thup bawk si, mahse he hmeichhe chhelo leh sexy zet hian kei lo chu midang a duh tlat lo, keiin engah vak ka ngai si lo a, mi zui kual reng ti ila, a dik ber a. Kum tawp kan final year kumah pawh a subj lak thlak in ka subject ang a rawn la a, a tirah kha chuan engah vak ngai lo mah ila, nula chhelo leh nalh tak in min hel min hel tak ah chuan kan hnar reng thei bik lo a ni e.








I st year atang in hre tawh mah ila kan in zui tak tak tan na chu a la rei lo, ka tan a in phal em em a, ui a nei lo a ni ber e, sex pawh tiam in!!!. A mi hauh a pe na bawk a, hmeichhe dang hi chuan min melh no tha ngam mang lo a ni ber, min hnaih tum awm ang a hriat chuan chet a lo la vat zel. Kawng leh lam takah chuan a nuam zawk, hmeichhiate hian hmeichhia ka nih hi tiin zahna an nei tawh bik bawk si lo a, min rawn inbox a min rawn bem tu lah bang lo. Chung ho hnawt kiangtuah chuan a tha phian, mahse kei chuan chu ti vakin ka care teh chiam lo, a mah zawk hi ka tel lo a awm thei lo a nih vang hian ka chungah pawh a thinrim ngam ngai lo, hmeichhe thlem leh tih hliau hliau hi ka thiam zawng leh peih zawng a ni lo bawk nen.








Kan in tih thinrim a in hmuh thiam loh chuan inthen a nih tawp a vangin ka chungah thinrimna tur pawh awm reng mahse, emaw hmeichhe dang pawh lo kawp san mah ila, engmah a sawi buai ngai lo ngawi rengin a tan a hnawk sak chu a thian mai thin. Hmeichhe fing tak kha a ni miau a








Ka leng ho kan in ka thleng chu, a lo reh thiap a, ka nu khan a naupang tap thlem chu a thlem bang em ang chu!!!! Ka room pan tur a ka kal chu choka lam atang hian hmeichhe nui hak hak thawm ka hria a, a nuih lah chu a zat hmel em em mai leh nghal a. Ka kal thlang thei thlawt lo kan choka lam chu ka va pan ta nge nge a, ka thil va hmuh chu ka awi thei lo!!!!








Kha hmeichhe te tak te kha dawhkan chungah thuin a ke a then leuh leuh a, ka nu leh kan nula in rawng an bawl bawk. Ka nu leh Zualtei chu an ti ti siam siam a, eng nuihzat thlak nge an sawi ni a nui hak hak reng a, a nuih la chu za tak hi a ni mai. Ka nuin eng emaw a hrilh a, a kut zungchal chuan a hmui chu a ti si a, nuih in sum zet hian a awm reuh a nih chu. Eng fako nge an sawi ni a in sum zo lo nge a hma zawng aia nasa chuan a rawn nui chuak ta hawk hawk a, kei pawh chu enge ka hriat ka nui ve suk suk a nih chu!!!








Lawm loh a nui chu mi a an tih kha, min hmutu chu awm se mi a emaw min ti hrim hrim....









Ka ngaihtuahna a vang chuan lu thing ngut ngut in inchung lamah chuan ka cho a, ka len hma kha chuan miin an hau hre emaw tih tur khawp khan mittui luang zawih zawih khan a tap a, a bang thei dawn lo emaw tih tur a ni. A tap aw ri lah kha a lungrun reuh bawk si..... Tunah hun rei pawh a ni lo, khawvel a mi hlim ber emaw tih tur khawp in a lo nui leh ver ver a, tunah a hmelah tak kha chuan tap a lungngai ve thei hmel a pu lo reng reng.....








Chawhma lam a a tah chhan te kha theihnghilh vekin a nui ni maiin ka hria, naupang dik tak chu a nih khu.... Naupang ho pawh nasa em em a an tah hun lawk ah hlim em em in tap lo ang hmakin an nui leh nghal thei thin, ummmm..... An in ang lutuk tlat.








Zanriah ei lai chuan an ti ti mawlh mawlh hlawm a kei chu ka ngawi ngul thung, ka thinrim vang em em pawh a ni lo, sawi tur hi ka hre lo ve em a ni. Ka nu leh pa pawn min hre chiang , engah vak an ngai lo. Zualtei pawh chuan ka nu te ti ti chu a lo nuih pui ve thin a, mahse kei chuan a thleng hma a chawhmeh saw ka melh daih thung, plate te tak teah a ma ei tur chiah siam ang mai hian a chhawp a, a ei ang hlek hlek bawk si. A si deuh hlap hlap a, a tui hmel bik riauin ka hria.








Ka va ban ve ta tawp a, a thak ....ka meng bial kawk thei tui chu ka in nghal kawlh kawlh a, thak tak hi a ni, ka pum te chu a sa thla nghal huam huam a ni mai. Ka nu chuan ka hnungah chul in min hau mawlh mawlh a, saw hmeichhia te reuh sawn hmarcha a lo pawlh chiang mai.... Pawlh mai pawh ni lo in a thak lutuk mah mah!!!!








Ka va en lah chuan pawi sawi lo ni awm tak te hian min lo melh kiau a, mak a tih hmel zawk, a hmelah chuan nuih a in sum tih ka hmu thei. Kei in hrawk sa huam huam a ka awm lai in a nin min lo nuih a maw, he thil hi a ti lui a nih vaih chuan ka awm mai mai hauh lo ang!!!!








A room kawngka chu hawn mai ka tum a, a kalh ve khang lang leh nghal, ka thinrim lutuk hi ka alh mai dawn in ka hria. Ka hrawk lah chu a sa hum huam a. Kawngkhar chu ka chum deuh dawt dawt a, a rawn in hawng hram e..... Kan zilh hlak a nge!!!







A mah pawh en lo leh luh pawh dil lo chuan ka lut tawng a,







" Kha thil kha i ti lui ti raw "







" Eng... En.... Eng kha maw???"







" Hre lo der duh suh... Kaa.... " A hmel ka en chiah chu ka sawi chhun zawm thei tawh lo, a inbual zo chiah a nih hmel, a lu chu towel in a tuam vah a, kawr bah dum pante leh kekawrbul pink par deuh chu a ha a. A lan dan chu a sexy a ni tawp mai.








A kawr dum bah hak te chuan a vun chu a ti lang ngo han in a mam hmel tak zet, a kekawr bul lah chu a mah a nutet teh reng nen, a hak tawk ai mahin a chhing a, a mal var han chu a lang chiang em em a, a ke pawh a var sar ke lawng tlawng in a awm bawk si. Ka sa chhuak pup in ka hria ..... ka hrawk sa tawh sa chu a hma zawng aiin a rawn sat belh a, ka thaw chhuak em pawh ka hre lo







" Enge i sawi tum chu???"







Ka chhang lo ka en tlawk tlawk a ni mai, a hnu deuh ah chuan nuam a ti lo nge a lai zawk.... A sam tuamna towel chu a pawt thla ringawt a. hmmm.... A lai chiang a lawm, ve ngeiin lawmawm reuh lutuk, a sam huh deuh hniang chu a rawn tla thla a, khuih loh tih hriat deuh in a in zam hnawk deuh niai bawk.








'LALRINTLUANG har chhuak la he hmun atang hian chhuak vat rawh ' ka rilru chuan a rawn ti a, mahse ka ke leh mit hi an che sawn thei lo. Thei lo mai pawh ni lo in an duh lo a ni mah zawk.








A sam huh chu a dar leh ban vel ah a rawn luang thla ngiai ngiai a, ka thawk a sa vek a ka bing churh maiin ka hria.







" I hman hun ah ka roomah min lo hmu rawh "






" Engvang chuan " teh hram a...







" Ka sawi ang chuan i ti mai thei lo a mi "





Peih loh hmel tawk in an mengkual phawt a, ka va ngei reuh mai mai tak. Ka pen lawlh zawk dawn a maw ni!!!







" Awle Putar "








" Engtin maw min koh kha " tunah khan putar min ti a mi, hrep tak hian..








" Putar min ti a mi "








" Ka ti che maww, engtik khan ka van hre lo " Hre lo tak tak te pawh a ang a lawm le, a in la pawi sawi lo kual vel ngei a ....







" Min ti chiang a lawm " Ka mel rum ta ngei mai...







" Awleee.... Ka ti ringawt alawm i beng chhe ri a niang "







Haaaa..... Tunah khan beng tha lo chhuahin min chhuah leh tawh, chhuak vat teh ang ka thinrim a so san tak tak hma hian, eng engah nge min chhuah leh dawn pawh hriat loh tunah ringawt pawh ...... Putar, dawtsawihmang leh bengthalo ah min chhuah hman a nia. A ka te takte hi a hmang thiam mah mah a ni








" Ka room ah chuan lo kal ang che " ka ti hmuk a, a taksa chu ka melhkual leh dan dan a, nek suk in, ka thaw chuak leh hawk a.








Ka in her a ka chhuak nghal nal nal, he tia ka tih loh chuan thil tha lo tak ka ngai tuahna ah hian a rawn lut dawn tlat!!!!








Harh te LALRINTLUANG naupang mai a nih saww!!!!! Naupang mai mai i rilru tihbuai tir suh, i duh zawng pawh a ni lo..... Ka rilru in ka ti phei mawlh mawlh a!!!!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 30th, 2019, 7:37 am

CHAPTER- 6 😬by Amy Cck







Enge hepa hian ka roomah a rawn tih dawn?? Chuan a thin a rim hmel em em mai leh nghal a, chuan enge a rawn sawi vak vak hi!!! Engmaw ka tih luih chu??? Hmmm.... Ka zawh let lahin a ngawi leh ang hmak bawk si, a hmelah chuan sawi tur nei teuh hmel leh min hau hrep tur hmel a pu!!! mi lah chu a en ngur leh nghal a. Enge hmuhnawm vak lee????








AAaanuuuu.....!!!!! Ka duh thei lo!!! Kawr pangai ka ha reng reng lo, room kawngka a rawn ti ri nasa lutuk a ka hmanhmawh khan ngaihtuah chiang loin ka va hawng tawp, engati nge ka mawl em em lee??? Malsawmzual i che chukchu thei lutuk mai,hei chu i pa in a i room kha a nih loh hi!!!! a nuihzatin i awm leh dawn a nih hi!!! Mawl leh lutuk mai.... ka rilru chuan ka in hau mawlh mawlh a. A mit chuan min en kual dan dan leh nghal a, enge a hriat ni a tawng duh tawh bawk si lo, engtin nge ka tih dawn?? Aaa..... ka rilru a buai zo vek, ngaihtuah rawh ngaihtuah rawh.....!!! Eee... ka hre ta...!!! Bathroom ah ka tlan lut leh daih mai dawn a mi lee??? Nge ni a khum a rizai khu ka pawt thut a nga ka in tuam daih mai dawn??








Aaaa.... Ngawi teh ka thin ka ti rim der a nga ka room a tang hian chhuak turin ka ti chiam zawk dawn a mi lee!!!! Mahse ka tawng chhuak thei lo, ka hrawkah hian min hnawh tlat ka tawng thei lo, min melh dan saw nuam pawh ka ti lo ka sa pup pup mai, ka biang a tai leh vek tawh ang!!! Naaa... Lalpa min han pui tehhh!!! Ka din na chhuat hi rawn kaw hawk se he pa hma atang hian tla thla nal nal ila.....








Ka awm dan lai lutuk chuan ka sam ka tuam chu ka pawt phelh ringawt a, aaaa.... ka lai chhe ve em a ni tun tum chu tih dan vak a awm lo, a tawng duh bawk si lo. Ka sam huh in ka taksa a rawn deh chuan ka rilru a rawn ti harh zawk mai, aww.... Hepa hi tu angah nge maw ni a in ngaih le??? Thinrim tawk in ka roomah ka phalna pawh la loin a rawn lut a, min an khum hrep dawn emaw tih laiin a ngawi leh ngul bawk si, chutah a room a kal tur in min la ti zui!!!








Engmaw??? A roomah maw!!! Hepa zah loh zia leh zahna tlak chham zia hi, a duh duh a min tih kawi theih a in ring a mi le, Malsawmzual insum rawh tawng reng reng suh!!! Thil pawimawh te pawh a awm a ni thei!!! Ngawi mai mai rawh, tawng chhuak reng reng suh ang che chuti lo chu he i room ah hian kangmei i ti chhuak a ni mai!!!! Ka rilru chuan a rawn ti mawlh mawlh a.








Huisss.... A chhuak dawn e... tih zia lutuk, la awm deuh se la chuan ka in sum thei tawh lo ang!!! He pa bulah hi chuan in hnial leh in an khum hi ka cho ar reng bawk si.







A thu rawn sawi leh mai mai chu ka in sum thei lo ka puak keh a ni ber mai!!!







" I hman hun ah ka roomah min lo hmu rawh "a ti leh hmuk... Khang lang chuan!!!







Thu min pe turin tunge maw a nih lee, tha te te khan ka room atang khan chhuah mai tur a nia, buaina kan pum pelh ni mai tur!!!








" Engvang chuan " Kan ti hram a, a thu thu in ka awm awmlo eee....







" Ka sawi ang chuan i ti mai thei lo a mi " hmmm.... Tha te te chuan sawi se tha deuh in ka chhang ve mai tur order deuh a min be lo khan ' min rawn hmu rawh ti tawng lo khan min rawn hmu thei a ngem ' te ti ve tal se, hmek hmuk a.... Chhe hmek hmuk lutuk mai.








Peih loh hmel tawk in ka menkual khum phawt a, Oiii.... chu chuan a thin a ti rim in a run tawk a tling em em leh nghal, van nuam thei tak, hepa ti thinrim thei a Pathianin min siam hi chu ka van lawm tak... Hahaha.... tunah tak hi chuan ka rilru in ka nui vur vur mai....








" Awle Putar " Kan ti hram a, a meng no lo sa nen tun ah phei chuan min thing nawk tur hmel a pu!!!








" Engtin maw min koh kha " a rawn ti khur khur a, ka hlau lo ve sih sah e mai a, a hre reng sia nge min zawh nawn leh kher.... Ka chhang tawh pit ang bengchhet ang mai!!!








" Putar min ti a mi " A rawn ti nawn leh a, va ninawm tei sek eee, sual in chhuah leh tak tak ang aw!!! Mai mai salaaa.....







Pawi sawi lo ang deuh in kan awm kual a kan melh vel ngei a, hepa lakah hi chuan tlawm mai mai ka tum lo, chuan tiang em em hian ka lo sual thiam tih pawh ka lo hre lo reng reng..... Ka talent ka lo hai rei khawp mai!!! Haha








Kan han in hnial deuh barh barh a, a tawpah chuan a peih tawh lo a niang, a room a kal tur a min ti nawn leh in a chhuak ve hram e.... Thawven thlak lutuk, ka in bual zo chiah sia kha pa vang khan ka tang lutuk a ka thlan leh vekin ka hria!!!!








Enge maw putar tih pawh chu a huat viau, putar ang maiin thu sawi a hre lo der kual vel khang lang a nih kha.... A room lam a pan chu ka room kawngka in hawng atang chuan ka en a, ka thin a rim leh thut a hnung lam atang chuan min hmu thei tawh lo tih pawh hre reng mah i la lei kan chhuah khum leh hram a..... Haaaa.... Zualte in sum rawh mut a hun dawn i mumangah a ni kha i hmuh loh nan tawngtai uluk la a ni mai!!!!








Aaaa...... Mahse, a roomah kal turin min ti bawk sia, pawi lo kal lo mai ang a sual si kan va in hnial leh chiam a nga chu bak tih tur a awm lo.... Mu hmak zawk ang!!!







Ka room kawngka chu ka khar a khumah chuan ka mu kak a, Nizan kha chuan he khumah hian ka nu leh pa nen kan pathum in kan mu a, an in kar a ka pa kuah hlun chung leh ka nu thu sawi ngaithla melh melh in, thlamuang leh hahdam deuh khan ka mu a.... tunah chuan kei mah chiah in ka mu a, ka pa taksa lum nuam tak leh duat tak a a ban a min kuah hlu hlu lai kha ka ngai ngawih ngawih.... Tukin zing lek a haw mahse rei tak hmu lo ang maiin ka ngai em em bawk si, tunah te hian enge an tih ve ang leee???? Min ngai in an muhil thei lo a ngem awww???








Ka mittui chu a rawn far fep fep a, tah chhuah hlau zet in rizai chu ka hum ngat ngat a. Aaa.... Ka hnar a ping vek ka mittui vang leh vek, vei lam ka hawiin ka hnar vei lam a ping a!!! Ding lam a ka in leh leh a ding lam a ping leh a, huiiissss....hreawm lutuk..... Lo in ngaihtuah lungpuam a rilru no lai lo kaih thawh loh tawp tur a nia.....








A tawpah chuan ka tlin tawh lo khumah chuan ka thu chhuak hlawl a, ka hnar chu ka hmet ta vak a, ka hmui chip in ka biang puar pawp khawp chuan ka in ham puar a.... Ummmm.... A zia viau tahna lam tur kha chu ngaihtuah tawh awi loh.... Zingah mit bui luk a thawh chhuah ka duh lo chuan, ka mittui ka ti tla tawh tur a ni lo....








Mi fate tuar chhel bik zia hi!! Eng tin nge an tih thin bik le, kei aia naupang te te ho pawh mi in a school kal a awm te in hlawh a awm te pawh an awm a, an lungte a leng ve ngei a nga. An tuar a chhel bik ngawt mai. Chutah an awmna te an that loh phei chuan in thla hrung leh hreawm ti reng rengin an awm a nga. An ni lakah te chuan kei te chu vanram a awm ang vel ka ni ringawt. Patea leh nutei ten duat deuh in min en kawl a, ka chungah an zawl dawh em em. Ka nu leh pa te bul a ka awm dan nen a in ang reng in ka awm thei bawk si. Ka tah in min thlem lungawi dan an ngaihtuah a, ka tan a awm nuam lo tur in an awm lo bawk nen. Nuam ka tih loh hlau in an mahni zawk in min ngaihtuah em em zawk si a. Ka van nei tih piah lam a ni.








Ka duh vang rengin awm lo mah i la, an ni bul a ka awm thei hi ka lawm tak zet, kei pawn ka theihtawp in ka hmangaihna leh ka ngainatna lan tir ka tum ang.... Kan putar a bul tih loh a chuan..!!!








Sana ka en a 8: 30 a lo ni chiah, a la hma ang reng ka muthilh ( mutthilh / mut hilh - khawi zawk nge dik ka hre lo, a hria chuan lo sawi ru aw😅) pawh a chhuak tawh lo, kan putar a khan min be duh sia, a lo pawimawh viau a ngem le?? Mahse thu pawimawh sawi tur kan nei lo dun ve ropui sia mawww.... Eeee..!!!! Tak a ka college kal na tur chungchang a niang a zanriah kil lai khan a sawi tak!!!! Kei te reuh hi ka van mawl tak ka lo pitar tak tak a nih dawn hi ngaihtuahna tawi thlak leh lutuk mai...








Malsawmzual i che chukchu leh tawh i lo hnial ang par par leh nghal a, ka hmui te chu ka beng thek a, he hmui te tak te hi a lawm in sum tur in ka ti mawlh mawlh a, a thei ngang lo a nih kha!!! Pawi lo a la hma tho va kal phawt teh ang....







Khum a tang chuan ka plan sin chu ka theh hlim a ka ding chhuak hliai a.








Naaaa.... Mahse ka van hmu peih tawh lo tak, michin(or nichin - hei pawh aw😅😅) khan a thinrim ropui si, ka lo hnial zat zat bawk nen, putar te kha ka lo ti a.... Hahthlak eeee..... He tiang tur tih hriat a lo ngawih tak mai mai tur, khum tlangah chuan ka thu leh dat a.







Ka rilru a buai tak zet, ka ngaihtuahna tawi luat vang a lawm.... Mahse!!!







Kal tawp ang ka tan vek a lom, hlauh tur a awm lo reng reng, Ramhuai pawh ka hmu dawn ni hlei lo.... Lalrintluanga a lawm ka va hmuh dawn hmarcha mai mai pawh a ngam lo a nia, kei te chu min ngam teuh lo!!!








Haaa.... Tunah khan hmarcha nen ka in teh khin a maw.... Rapthlak hian!!! Kei te lul hi hmarcha nen mai mai ka in teh khin phal teuh lo.... Mawl leh lutuk mai, ngaihtuah kual chiam lo khan kal vat rawh mut a hun mai dawn!!!!








Khum atang chuan ka ding leh tharh a. Ka tshirt lian hnek hnawk chu ka in thawlh a, kan mit mengruma room lam chu ka pan ta chat chat mai le, engtin nge ka va tih ang aww... ka huphurh zia leh peih loh zia lah chu pui tak.....








Kawngka zawn ah chuan ka ding ta teu mai, ka rilru thenkhat chuan let a ka khum a mu turin min hrilh a, a chanve dang chuan ka hmalam hun a tan he kawngka a lut tur hian min ti bawk..... OLEEE.... Ka thih phah dawn pawh ni hlei lo!!! Lut ang aw...








1.....2.....3.....kawngka chu ka kik ta kheuh kheuh a, tuman min chhang lo... Hmmm.... Vawi khat leh chiah.... Ka kik nawn leh pawn min la chhang chuang lo. Hmela mai mai chu min tih thinrim phet hi a tum a nih hi.... Lock chu ka herh ri khep a, a rawn in hawng ve mai.... Mahse tumah an awm lo, a ruak vek khawnge a awm leee???








Ka lut tlang zel a, room chhung chu a reh tlawk tlawk hi a ni mai!! Ka hawi kual vel a tumah an awm lo, in hnuai ah a chhuk ti dawn i la a room lam kha chu a pan ngei khan ka hre bawk sia!!! Ka let tur in her ka tum chiah chu bathroom kawngka kalhna chu a rawn ri khep a, ka vir zawk in ka hria.... Ka thin phu dawt dawt chu control tum in thawk kan la vang vang a, tah sawn a lo awm vang a nih chiah saw kawngkhar ka kik pawh a hriat theih lo.








Mi lah hi a melh tum thei si " Enge i lo tih dawn?? " A mood a off leh tawh a mi a, a tawng dan chu!!






" Lo kal turin min ti sia " Ka ti sep a...






" Kawngka rawn kik hmasa ta che "






Huhh...... Tunah khan kawngka kik turin min ti a nih chu!!!, ka kik a min chhan theih loh vang a ni reng sia...








" Ka kik a... Mahse... " Ka sawi zo hman lo, a thu rawn sawi avang chuan ka tap chhuak hawk teuh kher mai!!!








" I kik a mahse ka chhan theih loh thu che chu sawi tum suh, i kik lo tih ka hria, chuan kik la chuan ka hre em em ang. Min biak i duh chuan chhuak la rawn kik tha leh rawh "







A thu sawi chu fiamthu a nih ringin ka en a mahse a fiamthu lo, chuan kawngka kha ka kik reng vawi khat mai pawh a ni lo, a hre lo mai mai a ni...








Chuan chhuak a ti tha leh turin min ti bawk, ka va ti awm lo tak mahni thu duh lutuk mai, chhuat ah chuan ka ding ran a...








" Ka sawi chu i hre lo a mi. Ka phalna la lo a ka room a mi an lo lut tawp hi ka duh lo a nia, a bik tak in hriatchian loh leh nghal "








Mawww!!! Tunah khan hriatchian loh min ti bawk.... Hepa hi ka rinai a sual daih, sual satliah pawh a ni lo a nunrawng tak zet.... Ka mittui rawn far fep chu duh loin ka kut hnung lam chuan ka hru thawk a room a tang a chhuak tur chuan ka in her a, he room leh he misualpa hmaah hian ka awm peih bik reng reng lo, tunah pawh huphurh em em in a ma min koh vangin ka kal tawk tawk a nia, muangchang chuan a room chu ka chhuah san a!!!!!!







Ka hmuh duh vang pawh a ni reng reng lo, a mahin lo kal rawh a tih vang chauhin a ni reng sia. A room kawngka ngheng chuan ka ding ran a, he room ah hian ka lut tawh nguar ang. Ninawm ka mittui lah hi hun lo deuh deuh ah hian a rawn chhuak a, ka biangah chuan a rawn luang ta zawih zawih a!!!! Ka room lam pan chuan ka kal phei ta det det a. Kawngkhar in hawng ri ka hriat chuan ka ke pen ka ti chak sauh a!!!!






" Naupang "






Min ko thawm chu ka hre reng ka hawi let nguar ang naupang pawh ka ni lo..... Ka mittui nen min hmuh hi ka duh teuh lo!!!! min nuihzat leh tur ah awm ka duh tawh lo. Ka kal chak theih ber chuan ka pen phawk phawk a, tlan te pawh ka ang mah zawk, ka room ka thleng tep kawng chanve aia thui ka kal tawh.... Ka banah hian ban tha chak em em hian mi rawn man a, en pawh en lo chuan tal chhuah ka tum a, a lam hawi chuan thawk leh khatah min pawt her lawp a, ka hawi nawk in ka hria.....







Kan MISUALA nen chuan kan in hmachhawn ta ran mai lee!!!!!








A hmel pawh ka en duh lo, a awm zawn chu ka melh ngar a, ka dak chhuak a ka mit in chung lam ka en chuan ka mittui a rawn tla nghal dawn tih la ka hre chiang!!!! Ngawi rengin kan ding dun ta reng a.






" Heiii "






Zawi te tak tak hian a rawn ti a, ka chhang thei lo ka tah chhuak insum nasat lutuk avangin ka hrawk a na vek tawh....







Kan inah chuan he ka mittui leh rilru no zet hi ka nu leh pa duatna leh an bul a thil dil leh ngen nan ka hmang thin a, ka mittui a tlak phei kha chuan ka thil duh kha mi pe ngei ngei a ni mai. Mahse tunah chuan a va han tangkai lo tak, rawn chhuah lah chu an chak awt awt bawk si.







" I tap a mi?? "






Ka la chhang chuang lo, mahse hepa hian enge a tih hi!!!! A kut leh lam ka kut a vawn lo na lam chuan ka khabe ah a rawn dawm a, a mah en tur in min kuai dak a nih chu!!!







Ti te chuan ka mittui tling a hmu vek dawn a sin!!! Engtin nge ka tih ang???







Ka mit chu ka chhing ta tawp a, tia ka tih loh chuan a rawn luang chhuak tak ngial dawn!!!






" I tap " a rawn ti nawn leh sup a...






Ka lu ka thing ringawt, mit ka chhing tlat bawk, ka kut chu pawh thlak ka tum a a vuan nghet lutuk mah mah!!!






" I tah loh chuan i mit hi meng rawh "....







A thu lo ve chiang e mai a!!!! Mahse min thlah duh bawk si lo, ka mittui chu ka dang thei tawh thlawt lo!!!! A rawn luang chhuak ta ngiai ngiai a. Ka khabe a vawn chu a thlah a!!!








Chu ve leh chhuat lam chu bih in a ri lo chuan ka tap ta tawp a nih chu, he pa hmaah hian ka tlawm nawn leh tawh a nih hi!!!! Min hmusit tawh ngawt ang ka tap lai hi a hmu ziah leh nghal!!!








" Heiii....Shiiii..... Tap tawh suh le " Tiin a awmah chuan min pawm khawm a nih chu!!!! Chu ve leh ka rilru no rawn chhuakin a rih meuh chuan ka tap ta hawm hawm a, ka in sum nasa bawk a, a rawn baw chhuak hawk hawk hi a ni ber mai.








" Heiii.... NAUTE tap suh bang rawh le!!! Ka tih palh a nih kha " a rawn ti a, a pa lian bawk sia min kuah bo hneh lutuk..... Kei lah a awm zawn ah a tshirt awm chu tham tawmin ka theihpa tawp chuan kan tap mai a nih kha!!!!!








MALSAWZUAL nakinah chuan i la in chhir khawp ang!!!! Chuan i thil tih hi a zahthlak zia i hre chhuak uar uar mai ang!!!








Ka hnung chul hlu hlu phah chuan a phun bul bul a, mahse engmah ka hre thei lo, ka bengte hi a ngawng churh in ka hria!!!!!








Thawk leh khatah ka tal hrang thut a, a loin ring chiah lo nen ka tal put thei hram, ka room lamah chuan ka tlan phei a, kawngka kalh in khumah chuan ka tap chhun zawm a, sual leh lutuk mai kha ti fako a min tawmgkhum kha a ngai thlawt lo, ka be tawh miah lo ang!!!!







Ka mittui ve ziah pawh hi, ti em em a mittui han ngah bik. Pathian pawh hian hei kher hi chu duh ai min pe tam mah mah a ni. Lungawi lo tak leh in sut ri feih feih chung chuan ka muhil ta riai riai a......







________________________________________






*RINTLUANGA POV*







Ngaihtuah tawh loh ka tum pawn ka mitthlaah a sam huh hniang leh a hmel fai sar nen a ka hma a a ding teu lai kha a rawn lang zel, darkar khat lai ka nghak tawh ka room a rawn kal tur khan ka hrilh chiang viau bawk. Engtik lai pawh hian mi hi a cho ar reng mai a, ka nu leh pa bulah a awm chuan a hmel a hlimna leh lawmna a rawn lang chhuak a, a mit meng atang pawn ka nu leh pa chu a ngainat zia leh an bul a awm nuam a tih zia a lang chhuak a. Rei lo te chiah pawh la awm mah se mi ngaina hma chi a nih reuh hi!!!!







Chu tih rual in a mi huat pawh a pe na reuh phian. Ka bul ah ve chuan min melh thip ang ram ram a, a mit a tang a leisure kap chhuak tur ang mai hian a meng a, a tet tet nen lah hian mi hi a hlau lo ve reuh bawk si, tiang hian tu hmeichhia mahin min la ti ngai lo bawk!!!.. Mahse mak tak maiin a mah lah hi ka ngaihtuahna ah hian a awm tlat reuh bawk si, mi mak tak chu a ni.







Rawn kal chu a tum lo a mi le?? Hahah.... Pawi tawp lo a tan vek a nia a rawn kal loh leh a thu.... Inbual ve phawt teh ang ka hmarcha ei na thak bawk nen ka thlan in min bual a ka ban vek, kha hmarcha teh hrep pawh kha nge ka lo ei kher kher..... a nuih ka ti za leh ta phawt, phiangsen hian!!!!!








Tui chuan ka in phuh tir sang sang a ka kawchhung sa bulh bulh pawh a reh sawt in ka hria, ka room kawngka in kik kheuh kheuh chu ka hria a, ka chhang lo..... A rawn ti nawn leh mahse ka sual kan chhuah ve hlak a nge, ka hre lo der hmak!!!! Muangchang chuan ka in bual chhunzawm a, ka kawngka in hawng leh in khar thawm pawh chu ka hre reng, ka ngaithla phah reng a. Tunah drama chu kan tan ang, enge ka tih dawn lo en reng ruu!!!!








Bathroom a tamg chuan ka chhuak a, kan hmeichhe naupangi chu chhuat laiah a lo ding teu a, hahhh..... a naupan na a lang chhuak leh ta, chapal pawh a bun lo ke lawng te tlawng chuan a ding teu mai. A kawr hak mai mai lah chu, ka nui chhuak hawk teuh kher mai. Mahse in sum ka ngai, tshirt var lian em em mai a hak tawk loh tih hriat reng reng hi a rawn ha a nih chu!!!! A dar thuina pawh a banah a uai fual hnak a, a tshirt hmawr chuan a malte thleng a khuh a, a kawr hmaah chuan Mikey Mouse lem lian pui hi a awm bawk a, mu tho hlim ang mai hian a sam a hnawk niai a.... a hnar lah chu a sen tar bawk sia!!!! ngati nge leee????








Mawla chutiang ngaihtuahna hun a ni lo, i thil tih tur kha hre reng rawh..... A hmel chu a in thlahrung reuh phian, mahse ka khawmgaih phah dawn lo reng reng a ni tawp mai.....








Ka room atanga chhuak a rawn kik tha leh tur a ka tih chuan a lawm loh hmel khawp mai, ka tawngkam ngeiawm zet chuan a thin ter tek ka kaih thawh ka in rin teh lul nen, in hnial peih at in ka awm a nia, mahse engmah sawi lo in min chhuah san a nih chu...!!!! Ka awi lo zawk...!!!!!







Hmmmm..... A tawpah chuan a tlawm ve a nia nge!!!! ka rilru chuan ka ti a ka lawm zia chu keimah chiah in ka hria ang.... Ka room kawngka chu a rawn kik leh nghak in ka melh ngar a, mahse a reh tlawk tlawk!!!! Ka room kawngka atanga ka chhuak chu rawn luh nawn leh chu khawiah, a room lam panin a lo kal daih a nih chu!!!! He nu han luhlul ngir nger zia hi chu awww.... Rawn kik nawn pawh chu a har viau a mi le???








' Lungruh reuh lutuk mai ' ti sup in ka ko a, a hre lo nge a hre duh lo der zawk a hma aia chak chuan a kal a, a pen ve ang phek phek a, nuih zat thlak reuh lutuk.... Mahse tun tum chu ka kal tir mai mai dawn lo a ni tawp mai!!!!








Ka banah chuan ka va man a, a tal ve nasa reuh lutuk mahse a tawng miah chuang lo!!! Thil mak a ni a lei hi a bo thut a mi le??? Nge ni a tawng tlem a zir zawk, ngawi reng chuan kan in pawt a ni mai. Ka zai damna in a tlin tawh lo!!!! Ka lam hawi chuan ka pawt let nawk a min la en duh chuan lo ngil ngel hian a tet ang bawkin a mizia hi a naupang chhia tak zet....








Mahse a in sut ri faih faih mai engtin nge a awm tih kan en chuan a in seh ruhnasa lutuk mah mah, ka ti tap leh tawh a vawi hnih nan....!!!! Mahse ka bulah hian a tap chhuak duh ngai lo reng reng, a in sum ve tang tang reuh a nih chu. A hmel ka en theih nan ka kuai dak a mahse a mit a chhing tlat a nih chu!!!!








A hmel chu ka en reng a, a ni chuan mit a chhing tlat min hmu ve lo bawk. A hmel chu hnai zetah ka en a..... A mithmul chu a sei sang a, a hnar a sen hlar bawk si, a hmui chu a tah chhuah a hlau nge a hnuai lam chu a pet fan fan a. En nin a har tak zet, ka sawi thiam lo he hmeichhia te reuh hian eng emaw mi hip na riau chu a nei a lawm, chuan a tah hian duat ka chak tlat a nih chuu!!!!








A vawi khatna a tan ngaih dam ka dil a, ka thiam loh thu ka hrilh bawk, engtin nge?? Khawi atang nge he thu hi ka sawi chhuah ka hre lo!!!!! Chuan ka thil tih dik loh pawh engeengea nih ka hre chuang lo.... Mahse tun a ka duh ber chu he hmeichhe tap lai thlem hi a ni, ka awm zawnah chuan uar tak te hian a tap hlarh hlarh a, a tap ri hi a lungkuai bik ngawih ngawih, ka nu pawn a lo duat hliau hliau kha ka dem lo tawp mai!!!! Duat a chakawm hliah hliah a ni mai!!!!








Ka ban pahnih chuan ka kuah bet a, ka thiam tawk chuan kan thlem ve a, khati em em khan lo tawng khum lo ila, rei lo te chiah kan inah a awm a, a lung a leng dawn tih te lo ngaihtuah tur ka ni a sin, ka mawl e mai, phuba lak ringawt ka lo ngaihtuah vang in ka ti tap leh ringawt a, ka rilru chuan ka in hau mawlh mawlh hi a ni mai. Ka lak atang a tal hrang in a room lamah chuan a tlan a, ka en zui vawng vawng ringawt chuan a mittui ka tih tlak avangin kei mah leh kei mah hi ka in haw hlur a ni mai!!!!! Hrep tak hian!!!!








Ka muhil thei lo Zualtei mawlh chuan ka rilru a luah, a muhil tawh ang nge khumah a la tap ang. Ka sam chu ka thuai chho phawk a, ka rilru tawt lutuk chu ka thaw chhuak hawk a. A pawn lamah chuan kawlh in min chhang ve par par thin mahse a chhungril chu naute ang mai a ni reuh a. Huiiissss... An rawn thlen hma in ka rilru a luah tawh teh lul nen tunah kan in chhang ngeiah a awm a, a hma zawng aiin ka rilru a chawk buai bawk!!!!!








Car chu ka khalh a ka nu leh Zualtei chu a hnungah an thu a, an tawng siam siam a. Nizan a a tahna vang nge a mit chu a bui deuh mahse a awm danah chuan engmah a lang lo!!!! Darthlalang atang chuan ka melh leh zauh zauh zel a, a tawng zawng chuan a lu a thle kual vel a, kut zai zir meuh chuan thil vel chu a sawi a, a che zia hi a hmuhnawm ru reuh phian zel leh nghal!!!!








Kan la in be leh miah lo bawk, a college luhna tur form vel kan la kual a nileng chuan an driver ah ka tang a ni mai, mahse mak tak in ka ning miah lo a nih chu!!! Ka hnung lawk a hmeichhia te hian ka rilru a la peng em a chu vang pawh a ni mai thei!!! Tlaiah chuan kan in lam pan chuan kan in khalh let a, ka nu chu a thiante inah pen kawi a duh avangin a chhuk hma a, tlaiah a haw duh hunah driver a rawn call a nga a va hruai mai ang chu.








Zualtei nen chauh chuan kan thu ta ran a, a phone a bih ngar bawk si, tukin zing atang khan kan la in be lo reng reng, in biak chu sawi loh min hmu ang pawn a awm lo hrim hrim a ni mai. In kan thleng a ngawi rengin a chhuak a, a roomah min luh san daih a nih chu!!!!








Hetiang a mi hre lo leh hmu lo ang mai a a awm hi a thinrim nge hreawm ka ti zawk pawh ka hre lo mahse, hetia a awm au chuan min hnial in min an khum bawrh bawrh se nuam ka ti zawk ti ka chiang, engtinge ka tih ang awww!!!! Ka rilru a chawk buai tak zet!!!!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)