DEMON'S DESIRE by Amy Cck (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: DEMON'S DESIRE by Amy Cck (Completed)

Unread post by Ngaia » September 29th, 2019, 12:05 pm

CHAPTER - 43 🌸 by Amy Cck ( Dream Girl)








Motor ding che datah chuan ka harh zawk a, ka lo muhil a nih hmel! Ka hawi chhuak chu kan in kawtah kan la ding miah lo. Driver seat a thu ka va en chuan min lo en ve reng tawh zawk! Ka harh reng a maw ka tia, hnung lam ka hawi a ka nu pawh a lo awm tawh lo! Engtik laiin nge a chhuk ka hre miah lo. Kan in thleng min thlah dawn a maw ka tia!








" Sarah te inah kal kawi lawk ang aw! " Min melh run chuan a ti sup a! Ka mu tho phang nen ka lo melh mawl tawp ringawt chu min nuih nghal suk!







" Umm... Mahse ka nu hi...! "






" Ka drop hmasa ta a nih kha! " Ka sawi zawh hma chuan a rawn ti leh sup. Ka nu hian Jeromea hi a ring tawk in a ngaina tak zet tawh tih ka hria! Mahse ka lung awi chiah lo, damdawiin atang ka chhuak a kan in thleng chu min zui ve awm? Ka ngawih vung vung tak ah chuan nui hawk in dawr chahbi a ken daih avang in dawr a a mi chhawr in a rawn call thut a, a kal leh thu a sawi leh nghal sup!








A thutna lam motor kawngka chu nam hawng in a chhuak nghal vut a, motor hma lam a kal hual in ka thutna lam kawngka ka nem hawng ve tur chiah chu min rawn pawh hawn khalh daih a nih chu! Ka chhuak ve tur chu ka hma zawn a rawn ding khawng luah in ka hmai zawnah a rawn kun hniam nghal run a, a ngaihna hre lo zet in ka melh thung!








" Ka hmangaih che! " Ti sup in ka hmuiah a rawn fawp zeuh a, a in la hrang leh nghal! Kei pawh ka nui ve sak! Sawi ve mai ka duh a mahse mahni in thiam lohna ka nei tlat thung!








" A tawpah chuan i nui ve ta a lawm! In chhung kan luh hunah phei chuan he I hmui nalh zet hi i chip thei tawh pawn ka ring lo! " Nui suk in a ti leh sup a, a mit meng ngainatawm zet atang chuan ka mit ka la sawn daih! Nuam ka ti lo! Eng emaw tak in ka ti deuh dak a, Zothansanga a ni tih hre reng mah i la, ka taksa tang tung hi ka in thlah dul thei thak lo!








In lam pan chuan kan kal a, ka darah a ban hrawl leh tha ngah zet chuan min kuah hlun a, a hmel en tur in ka hawi chho leh zauh thin! He ti tawp hi chuan nelawmna a nei miah lo, mahse a pa hluah hluah thung, a kareh mawi zet chu a chip hmak a, a sun glass dum in hmeh zia lah chu pui tak! A Kamis a kilh phui vek loh avang in a hrawk a thisen zam lang ruah leh a sam dum hlap te chuan a ti lang pa ngawih ngawih! Chu tih rual in he mipa hi ka phu tawh lo zia ka hre fiah kuar kuar bawk!








" In ring rawh le! " Ka en reng lai chuan mi rawn melh chhuk run in a ti sup a, a mit hmul a rawn san uk bawk! Lu thing mat mat in hma lam ka melh daih a, a taksa che dawtah chuan a nui tih ka hria! Mit khap lek lo in ka lo en char char miau a, min kuah bet lo phei se kawng pawh ka en lo hrim hrim!








Kawngka bulah ding in bell a hmet nghal vut a, in chhung lam atang in Ui aw rawl lian zet bauh thawt thawt leh aa sin chil chel bauh vin zet ka hre nghal! Chuan hrilh chawp ngai lo in in chhung a awm te chu ka hre chiang lutuk tawh tlat! Nui hak in ka bul a mipa lian leh hrawl zet chu ka melh vat a, a lo nui ve suk bawk! Hmeichhe kum upa tawh lam in kawngka a rawn hawng a, Chu mi rual in ka naute te pahnih thawm chu a tha ngei mai!








Jeromean Christa te awmna a zawt nghal sup a. In chung lamah an awm thi leh a han koh tur thu a hrilh a, a kal sawn nghal zat bawk! In chhungah kan lut a, a pawn lam lan dan ai daih in a zau a, a fai in hmuh a nuam tak zet! Sarahi mizia nen ka hmeh bel a, a ma in awm reng in engkim a dik thlap a, a fel fai thlup mai!








" Ahh....! " Bingo zawk in min lo ngai lutuk chu min lo bawh in min lo zuan thauh thauh a, a lian bawk si chuan ka ban na lam a tawk palh chu ka rak that! Jeromea ka bul a rawn ding in min ngaihtuah hmel zet in min thek nghal vut a, Bingo pawh in thiam lo zet in a thu nghal thun! Na ka nei tih a hrethiam ve a maw ni! A bulah Fifii pawh thu fel at in a mei a vai leuh leuh a, anlan dan chu an duhawnia ni tawp! Ka kut na pawh ngaihtuah lo in ka naute te pahnih chu ka melh reng a, Zothansangan ka kawr ban hlim chho in ka kut a thlek ngur thung!








" Flatty! " In chung lam step a rawn chhuk in Christa chuan a rawn ti vat a, ka hawi chho nghal vat bawk!








" I tha tawh a! " Jeromean ka kut a en mek chu ka pawt thla vat a, ka kawr ban siam tha vat in nui lui sak in lu ka bu zeuh! Christa hian engkim a hre ve em le? Ka chung a thil thleng rap thlak zet te kha? Ka ngaihtuahna a rawn lang nghal zut zut a, chil ka lem kalh bawk!








" A tha tawh a, a chhuak a nih hi! " Ti hmuk tu chu ka melh vat a, min rawn en in hahdam rawh min ti ang mai hian a mit meng dam ruih chuan min melh a, mahse ka pangai thei meuh lo kei mahah hian mahni in kil tawihna leh in sit rukna riau ka nei a, chuan Christan a hriat chuan engtin nge a ngaih ang tih mawlh in ka rilru a luah! Ka mi rin ber leh min ngaihsak tu te ni mahse ka rilru dik loh vang zawk nge ka awm a nuam tlat lo!








" Mahni leh mahni in tih nat tum reng reng! Chhaw vah zel mai! Miin an tih nat che pawh tih nak a lai a, damdawiin te hi i lo rui sual a ni lo maw? Ee.... Ka hre ta Jeromea i ngai lutuk a i rilru a buai deuh a niang! " A tih chuan ka ner nang mahse ka hahdam sawt engmah a hre lo, Jeromean tumah a hrilh lo ka nu tak ngial pawh!








" Kan misualpa lah chu a... "






" Christopher! " A tawng lai pawt chat a rawn ti hrawk tu vang chuan nuam lo ti hmel a pu deuh! Zothansanga hian eng thil pawi mah ti lo hram rawh se! Ka nu khan a sawi zuai tawh a mahse enge Ruatdika chungah thleng an sawi lo ve ve! Ruatdika ka lainat vang lam ni lo in Jeromea hian kei mah vang in tu nunna mah la lo se ti ka la duh fan! Hrem lo a chhuah erawh ka tum lo bur!








Thut khawmna lamah kan phei a, sofaah te chuan kei ai ai in Bingo leh Fifii chu an lo zuang kai hmasa a min lawm dun reng bawk! Jeromean Sarah a hmuh lawk tur thu sawiin ka hmuh ve duh leh duh lo min zawt ve sup a mahse ka hnial ta hram! A damlo tih a sawi tho na chung in kei hian ka hmu ngam ngang lo, hmeichhe fing tak a ni a min lo biak a, eng eng emaw min zawh ka hlauh bakah ka hmel ah thil tha lo a thleng tih a hre thiam ang tih ka hlau!








" I lo dam tawh a mi? Pawi ka ti i nu hian ka venghim hman lo che a! " Fifii chu ka mal chung a paam kang in ka be sep sep a, ka mittui a rawn hnai nghal kuar kuar bawk! Ruatdika a pet thuai lai te, mang ang zet a puitu zawng a a chik ngher ngher leh min melh ruai lai te chu ka mitthlaah a rawn in hlum leh tup tup tawh!








" A..... Pawi ka ti! " Ka hmui pet fan fan in ka ti nawn leh sap! Ka awm zawn rawn na ngut ngut leh tah chhuah tum a ka hrawk a rawn in hnawh tup tup chu ka in sumna lamah ka taksa te hi a sa hal huam huam maiin ka hria! Kha thil thleng rapthlak zet kha engtikah mah kei hian ka theihnghilh ka ring tawh lo. Lang lo ser lian tham tak leh dam mai mai tawh lo tur a ni miau! Theihnghilh ka tum zual pauh leh ka nat phah dawn tih lah ka hre chiang bawk!








" Nangmah a i awm a I rilru i kawm a khangtiang a I awm zel chuan kei hian ka thlah fal phal miah dawn lo che a nia! " Kan sir lam atang a rawn ti sup tu avang chuan ka biang a ka mittui chu a ruk thei ang ber in ka hru nghal vat! Fifiin ka ban rek na lam chu a hnim thet thet thin, damdawiin rim nam a ti ve deuh a niang!



IMG_20190919_220349.jpg
IMG_20190919_220349.jpg (88.65 KiB) Viewed 8471 times

🌸 Fifi, Jerome leh Bingo aw😂🌸




" Bebe..... Engkim kha theihnghilh vek rawh! Engkim i nun a thil thleng zawng zawng kha... nimin thleng khan! Vawiin hi ... Vawin atang hian nun i tan ve chiah ang in ngai la ka duh! En laa.... Fifii a awm a Bingo a awm bawk a, chuan kei ka awm bawk! Kan vai hian i bulah kan awm tlat dawn bawk a, mamawh dang i neih chuan i sawi thei! " Nui hawk in a ti chhuak sup! Ka mal chung a Fifii chu la in a pawm a, a bulah Bingo chu a kuah nghal hlun bawk a.








" Sawi la! " Min melh kual ralh in a ti nawn leh sup! A mah en reng chung chuan lu ka thing nar nar a, ka mittui tla reng mahse ka rilru chhungril hlim veng veng avang chuan ka nui lo thei lo! He mizia hi Jerome Zothansangan a lo nei tih ka hre miah lo! Dawhtheihna tla chham zet kha engtin nge khawvel a mipa dawhthei berah a lo chhuah tih in hre bik in ka ring lo!








" Haw ang! " Ka ti sap. Ka hre ve a lawm. A theih tawp in ka lungngaihna min hnem a tum tih! Chuan a hlawh tling bawk. En u la, a rawn lan hma kha chuan rilru na in ka tap a! Tunah chuan a mah vang in ka nuih leh tak hi! Mahse ka tawrhna hi chu a vai chuan a hrethiam dawn lo! Ka hmeichhiat pui! Ni lo hmeichhiaah pawh ka tawn ang tawng te bak in a nat zia an hre kher lo ang!








" Sarah chu a na viau a mi? " A vawi khat nan ka tawng chhuak hmasa ta nge nge! Driver seat a mipa hrawl zet chu a rawn hawi nghal vut a, ka lo melh nghal vat bawk! Fitei ka pawm a a hnung seatah Bingo a bawk hlun bawk! Christan Bingo chu awm pui a duh thu a sawi a mahse Bingo zawk in kan haw dawn khan tlanchhuak hmasa ber in motor bulah a thu tlat a, a hmelah 'min hruai ve ru' ti ang maiin a in ti khawngaih thlak a nih kha!








" Umm!! " Tih zawng in min chhang a, a rawn thaw chhuak nghal ham ham bawk! Ka sir a darthlalang chu down in pawn lam chu ka thlir a, hlim viau tur ka ni mahse ka hlim famkim thei lo thung! Mahse kei chuan ka natna min fight pui tur in ka hmangaihte ka lam an tang a, kei pawn ka theih tawp ka chhuah ve ang!








Kan in! Jeromea nen a kan in bik liau liau hmaah chuan kan ding a. In lian tak nei chung in helai hi nuam a tih zawk thu a sawi a, kei pawn ka ti! Motor atang chhuak hmasa in ka awmna lam a rawn pawt hawng ve nghal a, fifii pawm chung in ka chhuak a, a nin Bingo a kai thung! A mah a lian bawk si Bingo lah a lian in a hmul thur bawk a, an hmuhnawm tak zet! Bingo a kaih lohna lam chuan ka darah a rawn kuah leh nghal hlun a, in chhung lam ka pan ta hnu hnu! Chhungkua tak tak ka ang in nuam ka ti veng veng!








" Ei tur ka siam ang che! Chuan kan ei zawh a kan in ti fai dawn nia! " Ti sup in choka chair ah chuan min thut tir a, ka piahah Bingo a rawn thu ve nghal thuk a, Jeromean ner sawng in a melh run a, Bingo in thlahrung hmel chu a khawngaihthlak awm hliah hlaih!








" Bingo a pawi lo! Mahse dawhkanah lawn loh tur aw! " Mei khup a chhuk a tum chu ka ti vat a, lawm hmel lutuk in a in rem tha ta sauh sauh bawk! Ka bulah rum nghut a dawhkan a in nem khal run chu ka melh duh lo lui tlat thung! Fifi leh Bingo ka ngaihtuah lui tlat a nui suk a a kal sawn tih ka hriat chuan lei ka chhuah vak ringawt! Ran ka vulh chuan duat dan chin tawk ka hre ngai lo! Ka ran vulh ngaina ve lo a sawi sel te thleng hian ka haw hlur zel!








Rei tak hnuah Jeromea ei siam ka ei leh a, a tui dan pawh a la ngai! He mipa ka bul a thu run hi ka thlamuan pui tih ka pha hauh lo! Awm lo se chuan dam chakna ka nei miah bawk lo! Engvang a a lak a pangchang a, no viau nge ka nih maw? Ka nun zawng zawngah khan in nghahna leh rin chhan ka nei lo! Mahse he mipa hi chuan min veng him zo tih leh ka thlavang a hauh in a nunah ka pawimawh zia a ti lang fo a! Thu in sawi ve duah lo mahse a chezia, a mitmeng leh a awm danah ka hmuh sak miau a!








Shower kan hmang a, chumi zawh a ka banrekna min tih fai sak in a tum leh thlap bawk! Hliam buaipui chu a thiam mah mah tih tur khawp in a kut a dam bawk! Oh.... Gang leader a ni tak e, chuan tiang te chu a tan thil thar a ni lo tih hre tur ka ni!








" Ihhh.... Ruatdika kha! Eng lo.... Engtin nge..! " Ka ti bah nak. Ka zawt lo thei lo. Ka rilru a luah tlat miau a. Ka mizia lo ni bawk nen ka thil ngaihtuah tawh chu ka tih hma ka ngaihtuah leh ngut ngut dawn tih ka hria!







" Hre tur in i in peih tih i chiang maw? " Ka mitah min melh ngur in a ti sup! Ka hlau thawng tak zet! Mahse ka hre ngei duh miau a lu ka bu ta nghat!







" Damdawiinah a awm! A la harh chhuak lo a! I duh chuan a nunna ka lak sak thei! Hremna i duh ang chu ka pek sak ang che! I thu thlukna ah a in nghat! " A aw thum leh khauh zet chuan a ti hmuk! Ka thaw chhuak nghal ham ham! Tunah hian ka hlim tak zet a, chuan ka rilru hahna te kha a bo nghal duak bawk! A chhan chu Jeromean tumah a that lo! A that miah lo! Eng thil tha lo mah a ti lo a nih chu!








" I nui maw? " A ti hmuk! A hmel a lawm lo hmel lo lang chu nuih leh sak in a in rin hma chuan a nghawngah ka kuah nghal chawt! Ka awm dan chuan a thawng tih hriat lutuk in taksa a khawng ve awt tho! Mahse ka lawm em a tin ni! Kei mah vang a mi nunna a lak leh chuan ka in thiam thei tawh ngai dawn lo a, ka natna bakah a let tam tak in ka nat belh dawn tih ka hre bawk!



*


*


" I tlan chhiat theih i in ring a mi? "




" Ka ta i nih hi! Duh lo mah la ka ta chiah i ni tawh! "




" Rs... Theihnghilh tum mah la i theihnghilh dawn lo! Kha pa pawh khan hnawm hnawk ang in a la paih ang che! " Ka harh zawk! Ka taksa thlan dap leh tang thung chuan keimah ah hlauhna bawk a rawn siam leh! Ka taksa a ban lian leh rit zet chu ka dah sawn tiam tiam a, tih harh hlau zet in khum atang chuan ka chhuk a, vanneih thlak tak in Fifii leh bingo sitting roomah an riak hlauh!








" Engtin nge ka tih ang! " Khum a mipa lian zet kawr ha lo a muhil thaw suk suk chu melh in ka phun sap! Ka mumang ka ngaihtuah let a ka tah a rawn chhuak ut ut a! Bathroom lamah ka tlan nghal vat! Ka hmai chu tuiin ka theh that that a, darthlalangah chuan ka in en vang vang a! Ka bengah Ruatdika nui ri tenawm leh hlauhawm zet kha a cham reng bawk!








" Engmah a ti thei lo! A hlauhawm miah loh a nia! Nikhaw hre lo in a awm tih i hriat kha! Hlau suh!! A hlauhawm loh ka tih chu! " Ti tuar in ka au ta nghek! Mahse engmah a thleng dawn lo tih hre reng chung in ka taksa a rawn khur dar dar a! Darthlanga ka hmel ka hmuh chuan mahni in ten leh in huatna in ka khat a ni tawp!








Shower chu ka herh haw pawp a, tui vawt rawn in phuh chhuak sang sang hnuaiah chuan ka ding ngar a! Ka shirt leh paijama hak chu hlip tawp in ka taksa chu ka nuai nghal nawk nawk a! Mahse engmah a danglam lo, ka fai belh hek lo!








" Bebe... Bebe... Lo hawng teh! " Kawngka rawn in beng dawt dawt chu ka hria. Jerome a min au thawm nen mahse ka a chhuih a ka rilru hi a buai nuai bawk! Tap chhuak hawk in ka thu hnak a! Bra leh panty chiah ka in bel a, a chhip atang tui a rawn dir zawih zawih bawk!








" Lalruatsang rawn hawng rawh! " Aw rawl lian zet in a rawn ti thawt a, ka nui ro halh! Tlaiah kha chuan ka pangaih tawh a maw ka tia mahse ka lo pangai miah lo! Khang mang rapawm zet leh tenawm zet neih leh ai chuan meng tawh lo a mut thilh hlen pawh ka duh zawk! Kawngka a rawn rik thawt rual in Zothansanga hmel rum ul ka hmu nghal zat! Ka awm dan a hmu chu thawk leh kharah a hmel a in thlak nghal hlawk a, ka lam pan in a rawn pen phei nghal pawk pawk bawk!








" Bawihte! " Ti hrawk in ka bulah a rawn thingthi thla nghal rawk a, a taksa sek phir fatah chuan tui a luang nghal ngiai ngiai bawk! A ban leh lam a min kuah in leh lam in shower a off nghal hmak bawk! Mahse ka taksa a dai chiah khan hlauhna in min man leh tlat tawh! Ka mumanga Ruatdikan ka taksa a duh tawk a khawih a tum a, a nuih ri hlauhawm zet kha ka mitthla let nghal uar uar bawk!








Ka tap chhuak nghal hawk a! A tiril khur ru der der leh taksa tim uai uai chu vawt ka tih vang a ni lo lutuk bawk! Ka taksa kuah bettu chu ka vuan ve tai a, na tak a a thawk la hawk hawk pawh chu ka hre thei! A ni tan pawh hian tenawm mai ka ni!








" Engtin nge ka tih ang? Eng ang a rei pawh shower nei mah i la, a fai thei lo ! Jerome.... A reh thei lo! Ka taksa hi...! Eng tin nge ka tih dawn? Kei hian....ka..ka theihnghil theih ka ring lo! Theihnghil ka tum nasat zual pauh leh a aia chiang in ka mitthlaah a rawn lang zel a! A hlauhawm e mai! " Ka ti chhuak hak!








" Mu ang le! " Khumah min pawm phei a, ka thawmhnaw engkim min buaipui vek a a ti ang chuan ka dawh mawl tawp! Ka zawi ngawih ngawih a, vawin a ka beiseina neih ve te kha boruakah an tham ral vek! Ti nge ka thih mai lo! Tih chu ka rilruah a ri nawn tluk tlul bawk!








" Ka duh tawh lo! " Zah pawh dawn lo in ka ti sap! Mit ka chhin rual a ka thil hmuh hi hmu ve u la chuan tuman mut thilh leh hi in duh bik kher lo ang!







" Ok... Kal ang! " Ti supah chuan ka melh ta nge nge! Tunah zanlai a nia, khawiah nge kan kal ang!







A file dahkhawmna lam pan in a kal nghal hmuk a, a thil rawn lak chhuah chu ka hre chiang lutuk! Kan contract signna file kha a ni! A kawm leh a len dan a pan zawng thleng in kei hian ka hai mawlh lo! Chuan saw thil nen sawn khawiah nge min kal pui a tum?








Bingo leh fifii kan hruai lo a, motorah chuan ngawi reng in kan thu a, a khat tawk in Driver seat a taksa hrawl zet na tak a thawk la hawk thin chu ka melh leh zauh thin! A hmel thim deuh khapah chuan a thinrim em tih ka hre thei lo! Tshirt a ha mawl tawp a kei pawh in thawmhnaw lum lam ka in bel bik chuang lo!








" Hetah enge kan tih dawn? " Kan din na hmun avang chuan ka ti sap. School ram gate hnung lamah kan awm miau! Chuan tunah teri chuan naupang hostel a riak ho pawh an awm vek anga enge tih a tum tih ka ngaihtuah buai tak zet!








" Min lo zui la! " A ti sup a. A hnungah chuan ka zui ve ta nge nge! Ni e... Ka van mawl tak kan awmna hi chu tu vak mah in tun ang zanah chuan an rawn tlawh miah lo ang! Chubakah room chhuah san phal a ni tawh lo hrim hrim bawk!








" Engkim tih tawp ka duh! " Ti bul hmuk tu chu ka melh kawk! Ka kut hum ruh in ka in sang mar nghal teuh bawk! Hei chu ka beisei sa a ni ka chungah kha tiang a thlen hnu phei chuan mahse a ka ngei a ka hriat takah chuan a na leh zual!








" Hei hi contract kha! I za len tawh! Tih luihna hmang in ka bulah ka awm tir che tih ka hria ! Chuan tunah chuan a tawp tawh! " A file ken ka kut a rawn hmeh bel pah chuan a ti sup a. Ka kut a ka thil ken chu ka melh ngawt ngawt tawp! File ah chuan ka mittui a far keuh a, mahse sawi ve tur ka hre miah lo! Lawm a zuang tawr tawr tur ka nih laiin kei hi ka hlim lo. Zothansanga lak ata ka hrang ta hlawkah ka ngaihna chuan min ti chau hliah hliah bawk!








" I hlim tawh em? " A rawn ti leh sup. Ka mittui tla fep fep in ka nui ro halh a, ka lu ka bu nghat! Hlim lo i bulah ka la awm duh tih khum chiam ka duh a mahse ka ngam hlawl lo! Kei ang hmeichhia hi min awmpui duh lo tih a ti lang chiang em bawk a ni!








" Min nei rawh! " A thu sawi avang chuan ka lungphu te hi an chawl dup maiin ka hria! Nge kei hian ka ngaihtuahna ka lo kal pui leh tawh zawk!







"I a e mai! " Ka in ti sap. Tun a thu sawi tu kha Zothansanga ni lo in ka ngaihtuahna mai mai a ni!






" Ni e ka a! A nih chuan kei mi a zet Lalruatsangi tel lo a nun hman thiam lo hi min nei rawh! " A ti der a nih ring in a hmel ka en a, mahse a thu tak lutuk mah mah! Mahse ka chhang thei lo! A chhan chu ka phu lo lutuk tih hi kei tluk a hre chiang an awm lo miau! Tunah ngat phei chuan ser lian tham zet ka pe ve thei tih ka hre bawk!








" A hma kha chuan he contract hian ka phuar bet che a chuan engkimah khan ka force vek che tih ka hre bawk! Mahse tunah chuan a tawp tawh a, i thu thlukna ngei ka hre duh! Kal san tur che a min duh chuan...... " Ti thawp sup in a ngawi vung vung a! Kei pawn sawi ngaihna vak ka hre lo!








" Ka hre lo! " Ka ti sap. Min kal san se chuan a tan a nun a hahdam zawk dawn tih ka hria mahse kei hian a tel lo in enge ka tih ve ang! Nun pangai tak maw? A teuh lo, ka nunna hial pawh hi lak nawn leh ka duh hial ang! Ka rilru buai zet hi ka hre thiam lo.








" A nih min kal san chu i duh em? " Ka chhan mai lo avang chuan a rawn ti leh sup! Zah pawh dawn lo in lu ka thing nak. Zanlai a ni a, boruak chu vawt ver mahse ka taksa erawh a sa pup pup thung! A nui suk ri ka hria, a hmel ka en ngam lo! A chhan chu ka hma ka sial em a ni.








" Kha ri gawt chu ka duh tawk lo a nia Bebe...! " A ti leh sup a, thaw chhuak hak in a mitah ka melh chho vah a, ka mittui vang in a hmel erawh ka hmu fiah lutuk lo thung!







" Zothasang min kal san suh! I hria em! Min kal san suh ka ti che a nih chu! Min kal san a nih chuan chu mi rual in he khawvel hi ka chhuah san ve nghal ang...! " Tap aw tiau a tiin ka melh ngar a!







Ka thu sawi kha ka fiamthu miah lo bawk! Min kal san emaw, ka kal tir a nih chuan dam hi ka duh bik reng reng lo! Min kuah hlun in a thaw chhuak suai suai a, kei pawh chuan ka kuah leh ve nghal vat a, a lungphu ri dawt dawt chu ngai thla in hahdam zet in ka thaw chhuak ve nghal siai siai bawk!








" I thu sawi kha theihnghil suh ang che! Tun a mi chiah hi ka ring dawn bawk! Nakinah chuan kal san tur che in min ngen lawm lawm mah la a theih dawn loh tih hre bawk la! I duh thu ngei in kal san i duh loh thu i sawi bawk!








Chuan kha thil thlengah khan in thiam lo tawh suh! Ni e... I thrihnghilh hmin hmak thei dawn lo mahse hre chhuak lo tur in i beih ve a ngai a nia! I thei tih ka hria! Ka zawhte note kawlh zet i nih kha! " A thum bul bul in min kuah nghet sauh sauh a, a sawi dik! Ka theihnghilh thei dawn lo mahse ka hre chhuak duh lo lui tlat ve tur a ni! Tuman an hre hlei nem. A pawimawh ber in a hria a chuan a ngaihdan chu a sawi vek tawh bawk! Ka engkim hre chung a min pawm a nih chuan ka chelh ve tlat mai ang!



*



*



" Riah kher a ngai a mi? " Ka in siam mawlh mawlh lai chuan a lo vei ve chhen a, ka nuih a za viau mahse ka in sum hram hram! Naktukah Zualtei leh U Rintluanga an in nei dawn a, mo thian tur ka nih avang in Zualteiin an in a riak tur in min ti tlat a, mahse Zothansanga hian zu rem ti tlat lo a!








" En teh! Jerome nang man a nih kha mo thian a ka tan tur thu lo hrilh fel diam tu! Zan khat lek a lawm! " Ka ti ta nge nge! Kha zan a tang khan hun a liam ve fe tawh a, ka nun hman dan chu a chang in hreawm in mahni in sitna lian tak nei leh thin mah i la he mipa dawhthei zet vang hian ka la nung ve zel a ni ber!








"Mahse enge riah chhuah kher! Kha ti chhung khan in bazar a, in mamawh te chu in nei vek tawh ang chu! " Khumah thu thla dawt in a ti leh sup! Ka nui chuan a thinrim belh ka hlau bawk si!








" Hriatthiam tum ve la! " Beidawng zet in ka ti ta halh!






" Bingo leh Fifi hi i ngaihtuah lo a mi? " A thu sawi avang chuan ka in sum zo lo ka nui chhuak ta hak hak! Patling kum rual lawih a ni tawh a, a awm dan leh a kum hi a mil thawt lo! Min melh ngur a thu tum bur lam ah chuan muang chang in ka pan phei a, a hma zawn a ding in ka nuih sak!








" Tun a tiang a I awm chuan kan in neih ve hunah thian tur ka nei dawn lo a nia! Mal deuh a ka awm chu i duh a mi? " Ka thu sawi a vang chuan a hmel a mak tihna , hlim hmel leh a mit meng rawn de sawr sawr chu ka hmuh hmaih lo chiang lutuk!








" Engmaw i sawi kha? " Ti sup in ka kawng ah a rawn vuan chawt a ka nui nghal hak! Ka duh thu ngeiin in neih ka sawi chhuak a nih chu! Mi ten min ngaihdan ah ka buai lo ka bul a mipa chhelo leh engkim a perfect em em hi ka hmangaih a, chu chu a tawk viau! Ka nun pumah khan tuma min ngaihdan ka pawi sa ngai lo chuan tunah pawh kha Lalruatsangi tho kha ka la ni bawk!








" Ti nge i duh lo a mi? " A darah vuan in mit hmul ka san zeuh a, a rum nghut a a taksa si chetah min kuah nghal hlun a ka awm zawnah a hmai rawn phum in a thaw chhuak nghal suai suai bawk!








" Min nghah rei tir loh avang in ka lawm e! " A ti sup a, nui chhuak hak in ka kun hniam a min tih thin dan in a chalah a hmui ka zu nawr ve vang vang a, a mah pawh a rawn nui che ve dawt bawk! Kei mah zawk hian min nghak duh hi lawm thu sawi tur zawk ka ni reng sia!








Zan tin mang chhia ka neih ziah a mahse Zothansanga vang in ka thla a muang em em tho! Chhunah class ka kal a mahse Andy min hruai in min lam zia mai ni lo in ka in nghah tir thlap a, a chhan chu ka thlamuan pui ve em em tawp a ni mai. Christa lah class a kal mu mal lo a, a chang in first period a kal lo a last lah awm loh a ngah bawk si Sarah damlo chu a buai ve map mai!








" He thil chu! " Ti hlukah chuan a melh na chu ka em vat a, ka ban rek a ser in rin kalh chu a lang chiang mah mah! College ah pawh kawr ban tluan ka hak ziah phah a, mahse naktuk ka kawr hak tur kha a ban a tluan dawn lo tih ka hre chhuak! Chuan Zualtei te inah vawinah ka hah chhin dawn bawk a, ka thup bo thei dawn lo!








" Tlai lamah chauh kal mai la! Tih dan kan ngaihtuah dawn nia! " Ti sup in ka ban chu a fawp zeuh a phone a hmang nghal zat bawk! Ka rilru rawn hnual rawi tur chu duh lo in ka nui lui sak a, phone a be zo chu min rawn en in mit a ti zim nghal sun bawk!








" Enge!! " Ka tih rual in ka khel a vawnna chu sawn thla in ka mal ah a kut lian leh hrawl zet chuan a zut thla a, ka mal chhung lam atang pawt kau in a mal chungah min pawm nghal zat bawk! Ka hnar a rawn fawp zeuh in a nui suk a, kei pawh ka nui ve hak!








" Ka hmangaih che tih hi i hria em? " Ti sup in ka kawngah a rawn zut chho a ka shirt hak chhungah a zen lut nghal zat a ka ip chawi bawk! Nui suk in ka mitah min en ngur chung in ka hnung zang leh nak nem chho chu a kut lum vung vung chuan a zut kual riak riak a, ka taksa chu a mur nghal chuai bawk!








" Kha ai a a let tam tak in ka hmangaih zawk che ka ring! " Ka tih chuan nui hawk in a rawn dak a nih chu! Ka thu sawiah khan nuih tur pawh a awm miah si lo a!








" Fiah la! " Ti sup in ka hmui hnuai a rawn pet zeuh a, nuih za hmel deuh a min en in a kut chuan ka nak chu a tham salh a, ka za ti chu ka tal nghek bawk! A kut leh lam chuan ka tukhum samah rawn tham deuh salh in ka hmuiah a rawn fawp nghal chawt a ka che chu ka tawp ve nghal chawt bawk!








Zei zet in ka hmui hnuai lam chu a hne nghal dek dek a, muang ruih leh dam zet chuan min fawp a, a kut chuan ka taksa a zut kual ruai bawk! Hnuai lam atang min rawn do deuh salh tu avang chuan ka rum chhuak hak a, ka hmui chet in ka fawp let ve nghal tan tan a! A ni pawh chuan duh thaw tulh tulh in uar leh hman hmawh zet chuan min fawp nghal nghawng nghawng a, a nghawngah kuah bet in min fawh ang chiah a duh thaw chuan ka chhang let ve nghal zat!








Engtia rei nge hetiang hian kan awm tawh lo! Mahse kha mi chhung zawng khan min nawr lui ngai lo a, naute ang maiin min duat in keh thei dawm in min dawm a, kawng tam takah vanduai viau mah i la, vanneihna lai pawh ka nei tih ka pha lo!








" Jerome kawngka! " Bell rawn riah chuan nam sawn deuh in ka ti sap, rum chhuak hrawk in a in la hrang ve hram! A mit meng ka en chiah chu ka taksa hi a tim nghal chawi! A ngaihtuahna leh duh ka hmuh chian lutuk vang chuan ka hawi sawn nghal hmak!








" Zakzumnu! Lo va hawng la ka rawn chhuak ve nghal ang! " Ka hmui rawn pet leh zauh in a ti sup a, ka hrawk ka thian nghal kharh kharh ringawt! Nuih suk in ka khelah a rawn vuan a, rang zet in ka en leh nghal vat! Ka mit tak a min en in nui hmel pu reng in a ka khel a vuan reng in a che a nih chu! Ka taksa chu a rawn tek chhawk maiin ka hria!








" Zothansang tenawm suh aw! " Ti chiam in a darah ka beng nghal thlawrh ringawt! Nui chhuak hawk in ka darah chal nghat in a thaw chhuak nghal ham ham a, kei ka che ngam tawh reng reng lo chu a mal chungah ka thu khawng at thung! In leng kan nei dawn a chuan kha tiang khan a la che a nih chu! Ka awi thei lo!








" Zan in i riak chhuak tur chu pawi ka ti! Ka rawn riak ve mai dawn a mi? " A tih chuan awi lo lutuk in ka melh nghek! Kap puar luh in bathroom lam a pan chu ka melh reng a, ka hlau miah lo! Hlauh chu sawi lo ka mamawh ve hial zawk in ka hria! Bingo leh Fifii te bauh na lamah chuan ka kal ve nghal zat a, kawngka bulah ding in ka sam ka thuai nghal thuak thuak bawk!








" Enge i duh! " Kawngka ka hawng chu ka ti sap! Chu mi rual in room lam atang Jeromea rawn chhuak thawm ka hre zawm zat bawk!



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 29th, 2019, 12:06 pm

CHAPTER - 44 🌸 by Amy Cck ( Dream Girl)








" Bebe... Lo luh tir la! " Jeromea aw thum zet avang chuan ka phu zawk! Ka hma a tawnzau chiah ha a hmeichhe cher sang zet ding chu hmuhnawm ti zet in ka lo melh reng tih ka hre chhuak chiah bawk! Nui suk in mit hmul min kan khum ak a, a mit ko ah thil a beh vel nia! A ban velah chuan tatoo a in chhu khat vek a, a sam sei lo se chuan mipa a maw tih tur in a awm bawk!








" Mami tiang hian a mi mikhual i lo lawm thin a? " A mi koh dan avang chuan ka ner nang! Mami! Min ti a nih chu naupang pawh ka ni tawh tawp si lo! A mah aia ka tet vang a ni mai thei!








" A hming chu Ruatsangi aw! Chuan ka bialnu a ni bawk! Hun kan ngah lo a nia hna chu tan vat rawh! " Zothansanga aw thawp sup ka hriat rual in ka bulah a rawn ding nghal run a, ka kawngah a kut lian leh hrawl zet rawn rawlh lut in a taksa si chetah min pawt hnai nghal hrawk bawk!








" Boss! Fiamthu a nih kha! Mahse naupang a ang ka ti tho tho! Chuan hna chu! " Nui var var a tiin Jerome chu a melh a. A nui mawi lutuk! A mit hmul er tan leh a khabe tlem a ser deuh chu a in hmeh lutuk bawk! Chuan tiang a mipa hma a a nui a nih chuan an luang liam ve khawp ang tih ka ring hmiah bawk!







" Hna maw? " Ka ti nawn sap! Ka bula taksa lian zet chu ka melh chho vat a, min lo melh chhuk ve chiah in a rawn vei nuih ve nghal suk a! He hmeichhe mak sak zet nen hian hna an thawk dawn maw! Ka phal teuh lo! Thik na a vang a ka taksa rawn sa pup pup chu in beng daih tum in thawk ka la nghal halh a! Chuan eng hna nge thawh an tum?








" Ka hmangaih a na dawn lo! " Room a ka lut ka bag ka ban chu ka bag hruiah a rawn vuan chawt a, ka pawt ve nghek! Hna chu kei mah zawk maw! Chuan tatoo ka taksaah kan chhu dawn a nih chu! Rapthlak hian, ka awi thei lo hial zawk!








" Aiii! Jerome.... Ka tuam mai ang! Oiii.... A chi loh e mai, a na dawn chiang sa! Ka rap lutuk, a ban vel te kha i hmu ve reng sia ka riah chhuah loh nan min damloh tir i tum chiang! Chu lo ah hei vang hian ka zak lo, ka duh a ka tih a nia! Ka tuar zawk mai ang! " Per tan tan in a awm zawn ah chuan ka au khum ta nghek! Dik tak chuan ka zak! Ka zah vang a college ah leh ka chhuah naah pawh kawr lian leh ban tluan hlir ha ka ni bawk mahse ka hlau lutuk chhuan lam mai mai a ni tih a hriat loh hram ka beisei! Thinrim deuh leh hlau deuh siin ka awm! Ka thinrim phal chiah lo min ngaihtuah vang a ni tih ka hre bawk sia!








" Min nuih suh! " A hmel en in ka dak chho chu ka ti that! Nuih in sum zet in min melh chhuk run a, a ban lian leh hrawl zet chu a kuangkuah nghal hlun bawk! Nuih tur pawh a awm lo, ka hlau a ni ve mai a!








" A tha lawm! I thiannu chu ka bia a nga i damloh thut thu ka hrilh mai ang! Chuan tuman kha ser kha an hmuh a ngai dawn lo bawk a! Zak lo mah la midang in an hmuh ka phal lo! " A ti sup a, awi lo lutuk in ka melh nghal kawk! Tatoo ziah ka duh loh avang in chu chu a ti ang maw? Hahh.... Enge a lu lian zetah khian a ngaihtuah bik ni!








" Ngawi teh! Chu tin i ti ngawt thei lo naktuk an in neih ni a ni tawh a, min ngei lutuk ang! Zothansang sual viau suh aw! " Ka ti ta chiam! A awm hian a ang lo leh lutuk mai!








" Bebe! Kei pawn ka chhu ve dawn a lawm! Ka ti hmasa ang chuan a na dawn lo tih ka tiam a che! " Ka dar leh dar a rawn vuan in ka hmai zawnah a rawn kun hniam nghal run a, a thu tak bawk si! Mahse a man a chhu ve dawn tih a sawi khan min ti hah dam huai! Chuan a romantic reuh viau ang! Jeromea nen a in ang kan nei dawn tihna a nia! Thaw chhuak hak in lu ka bu ta nghat! Chuan nichin a hmeichhia kha lesbian a lo nih chu! Hah.... Ka lo thik ve em em a! Zahthlak zawk hian!


*


*



" Awiii... Kei chu ka zak leh deuh e! " Zualtei chuan a ti leh hliai thin! Zualtei roomah kan awm a, khum chungah ka ke tawm vek in ka thu a, ka ban rek en in ka nui leh ver ver thin! Tunah tak chuan Zualtei ai pawh hian ka hlim zawk hial ang!








" I mak ee! Enge i en reng! I thiannu in pasal ka nei dawn a ka helhhawlh a nih hii! " Ka dar a min rawn beng thlarh in a ti nghal bai bai a, ka phu chiam leh nghal!








" Hei.... Enge a va mawi em em! Tatoo i chhu a maw? " Phawk zet a min melh in ka ban rek chu a thlek vang vang a! Ka tang deuh tung mai! A en chik leh lutuk chuan ka ban rek ser kha a hmuh ka hlau a ni mah zawk! Za lo zet in ka nui sak a lu ka bu zeuh ringawt!








" Van nalh reuh! Kei pawh ka awt thei rap mai! Mahse ka pa in a phal lo a, tunah phei chuan ka awt peih tawh lo Rintluangan makup hman pawh a phal lo a, tatoo phei chu sawi pawh ka sawi peih lo! " Ner nang in ka ban rek vei lam chu a thlek leh thin! He tiang chiah hi Zothansanga ban rek ding lamah a awm ve bawk! Chu chu ka hlim pui ve em em a ni ringawt!








Ka ban rek chhunglamah pangpar senno chek🌸 a kual raih in simple zet in a in ziak a, rawng hring nalh zet in a hnah a zam kual raih bawk! Ka ban rek ser chu a hliah khuh hneh lutuk tlat bawk! Chuan Zualtein a hre miah lo bawk! Ti khawp a a bih hnai chung hian a hmu lo a nih chuan ka hahdam huai thei! He thil vang hian an in ka thlen tlai phah tih sawi lan erawh ka duh teuh lo! A lawmlo ang tih ka hlau! U Rintluanga hna eng emaw a awm thut avang in a chhuak lawk a, tih tur vak awm lo nen mu chung in kan ti ti ta vel mai mai!








Biakin dar ri chu a mawi lutuk! Chuan he ni hi ka chhin chhiah reng tlak tur hial a ni! A chhan chu hun rei tak hnuah biakin ka rah leh na hmasa ber a ni a, Ka nu pawh a in khawm ve a, Zualtei chhungte chu an fel lutuk,, ka chungah an tha in an fanu an enkawl danah hian an duat ve thaw khat tih a lang reng bawk! Chuan a mah hmangaihtu leh duat em em tu pasalah a nei bawk a! Zei pui hial tawk in a damlo a, chuan tunah a tan hlimna a rawn in her chhuak ve ta a nia, an nunah hian zir tur tam tak ka nei bawk! Chuan chhelna, chakna leh tumruhna nasa tak min pe thar leh ni maiin ka hria!








" Nangmah vang in tun hun hi ka thleng a nia! Ka lawm zia hi ka sawi chhuak thiam lo zawk! " Zualtei mittui tling pam a ka kut vuan chu en in ka nui var var! Kei mah vang ni lo Rintluanga vang liau liau a ni zawk! A hmangaihna vang in natna khum a a mut lai leh mi zawng zawng an bei dawn hnuah pawh a la beidawng ve duh lo a! Kei pawh hian ka hre chiang tawh hmangaihna in thil a tih theih zia chu! Ka mit ngeiin ka hmu a ka nunah hmun a luah thuk em em bawk!








" Pawnah ka awm ! Ka lo hruai dawn che! " Message ka hmuh rual in ka ner nang! Zualtei te inah ka la awm a, tlai pawh a la tlai chhe lo, ka hman hunah Andy ka call ang tih ka hrilh reng tawh sia!








" Bebe.... Meeting ka nei ka tih kha! Ka rawn luh kher i phut a nih pawn ka hreh hauh lo! " He pa tak hi chuh! Zualtei chhungten riak leh rawh an ti a nia mahse a theih dawn loh a nih hmel! Zualtei hnenah ka hrilh a min thlah tur thu U Rintluanga kan hrilh leh phawt a, pawn lamah kan in zui chhuak ve ta nge nge!








Gate pawn a coat dum ha a lo ding in motor chu a lo ngheng deuh run a, a mit meng thim deuh khup chuan mit khap lek lo in min lo melh ngur bawk! A lan dan cool ruih leh businessman tih hriat zet chu ka melh ve ran a, meeting naah tlang nghal a tum tih a sawi tak kha! Chu ti ro ro te chu min la awm tir ve mai mai tur a nia, sual thiam leh lutuk mai!








" I thiannu hnenah khan engtin nge min sawi a! " Motor chhungah chuan ka thu ran a, davidan motor a khalh thung! A hmel tum hmuk chu a in hmeh ngawih ngawih! Engti kawng pawh hian a in hmeh a ni tawp!







" Engtin mah! " Melh zawk in ka ti sap!







" I chiang maw? Tlan let leh in kan va zawt dawn a mi! David..! "







" Hmela i va nghal ve! " A tawng lai pawt chat in ka rak nghal chul! Chutiang mai mai zawt tur a tlan let leh te chu! Nui hawk in ka kut a rawn ban nghal vut a, ka ban rek a tatoo chu a rawn tuai nghal hauh hauh bawk! A ma tatoo pawh a coat hak hmawr atang chuan a rawn lang nghal zat a, ka nui sak! Ka hlim lutuk hi sawi vak ngaihna pawh ka hre lo!








" En teh! Zualtein i hrem! "





" Ai hre lo! " A lo ti nghal hmuk chu ngei zet in ka melh nghal rawm!






" Chimawm suh! " A ban a beng thlawrh in ka ti vak a, nui hawk in ka kut chu la kang in a fawp nghal zeuh bawk! A awm dawn chimawm zet avang chuan ka ner nang!








" Ihh.... Mawi a ti lutuk a, nizanah pawh a awh thu a sawi a chik tawk in a en char chat maw lee! Kan ziah dawn lai a ka hlauh zia kha.....! " Ka tawng nghal char char hi a ni mai! Vawin chung chang leh in neih na a kan awm dan te pheikhawk hill sang zet kan bun hreawm kan tih zia te chu ka sawi ta chiam a, nui suk suk in min melh reng a, a tawpah chuan thaw chhuak halh in ka tawng zo ve ta nge nge!








" Eee..... Dik lo a awm a mi? " Min en reng avang chuan ka ti sap! Ka in thiam lo leh deuh, ka ngaihtuahna leh ka vei zawng hi ka lo sawi leh bawrh bawrh thin a, a tan te chuan ka thu sawi ho kha a ho in a naupang chhia viau ang tih ring thiam tur ka ni a sin! Ka in thiam lo leh hnu hnawh chu ka meng khup nghal zal zal!








" I hmuhnawm lutuk! Chuan Lalruatsangi dik tak a lo kir leh ni mai in ka hria! Ngawi chawi deuh kha chu a buaithlak tawng tur ka ngaihtuahna lamah ka lu a na vek zel! " Nui suk in a ti sup a, a thu sawi vang chuan ka thawl hawk! A sawi dik bawk a, kha tiang thil hrep ka tawn hnu kha chuan ka mizia a zawi ve deuh a Jeromea pawh ka ti mang ang thin tih ka hria! Mahse min ning ngai lo min bia in nui hmel min hmuh reng a ka tih dan thin ang in kan Uite te a be ve chiam zel ! A ma thiam ang tawk in min tih hlim a tum ve ngei zel bawk!








" Ngawi chawi chu i duh lo a mi! " Fiamthu chuan ka ti deuh vat a, nui suk in lu a thing nghal nghut nghut !








" Nangmah i nih phawt chuan tawngthei lo mah la ka duh tho che! Mahse Lalruatsangi pangai hi ka ngaina zawk! " Ti sup in a thaw chhuak nghal ham ham a ka kut chu vuan reng in motor seat nghenchhan chu a ngeng dawt a, kei pawh pangai tak chuan ka thu ve nghal thak!








" Ka lo let har mai thei! " Motor ka chhuah san tur chu ka banah vuan in a rawn ti sup a, ka hman hmawh tawh nen lu ka bu nghat ringawt! Nichin deuh atang khan ka pum a rawn in let but but a, ka luak a chhuak hlui bawk! Vawin a kan thil ei , ruaithehna ami vel ka pum in a zo lo a ni mai thei!








" I tha em? " Ka awm dan vang chuan min melh hnai nghal run a, ka pum let but but nen a va in mil lo tak!







" Umm.... Ka mut a chhuak tawh lutuk a! " Harsa zet chuan ka ti chhuak hap! A hmel la thu tak zet avang leh ka ban a vawn a tlah bawk si lo chu thaw hak in a lam ka hawi ta nge nge! Ka kut chuan a hmaiah han vuan in nuih sak in a hmui chim hmakah chuan ka fawp ta zeuh a, a rawn nui ve ta suk!








A chang in zan lamah hna a nei leh zauh thin tih bak hi chu a riak chhuak ngai meuh lo! Kan in hriat tirh ngaihtuah chuan a damlam tak zet! Kha tih lai kha chuan hotelah khan a awm reng emaw tih tur in a room kha a luah hneh a nia! Inah chuan ka lut vat a, ka naute te pahnih pawh an lo vir leh chung tawh mahse ka lawm khaw tlai thei lo, bathroom lam pan in ka kal nghal vat a, engmah luak chhuah tur awm lo in ka va uak nghek ringawt!








" Pum damdawi kha khaw nge ka dah! " Kei mah chuan ka phun sap. Ka pum no nghul chuan min chau ve nghul thei!






" Bingo , Fii ti khan khumah infiam tawh su Apa in a lo haa hunah a hau leh ang che u khum a awm a phal lo mai ang! " Drower vel hawng kual in ka ti nghal zat! Khum chungah an in buan ve khang lang zel a, an in lena hleih bawk nen Fitei zawk hi a thinchhe ve bawk sia, a bauh vin ve thei lutuk hi an hmuh nawm a ni tawp!








Damdawi box ka hmuh mai loh avang chuan Choka lamah ka phei leh a, chhuar ah a lo awm hlauh chu ka ban nghal vat a, dandawi chu ka hmawm nghal zat bawk!







" Ngawi teh kei hi! Thla hmasa khan....! " Ka rilru a thil awm avang chuan ka bottle ken chu ka thlauh nghal bur! Kha thil thlen atang khan a thla hnihna chiah a la ni chuan thla hmasa khan ka period miah lo! Ka thil tawng nei nuai nen ka ngaihtuahna a mu mal lo a ka thla tin hun bi ka lo hre chang tawh miah lo!








" Aiii!! Ni lo tun tum chu khawngaih in min pui rawh! I awm ngei Zualtein a ti a khawngaih in Lalpa ! " Ka biangah ka mittui a rawn far nghal fap! Rai thei ka ni lo! Ni lo... Ka rai duh lo, tun a ka nun rawn pangai chho tanah hian buaina dang neih bel ka hlau tak zet! Ka pum chu ka khawih ve ringawt! Ka taksa chu hlauhthawnna a vang in a khur nghal der der bawk!








" A ni lo! Vawin ka thil ei vang a niang! Chuan thla hmasa pawh kha ka awl thla a niang! " Ka nui lui hak a, kei mah leh kei mah in thla muan ka tum mai mai zawk tih lah ka hre reng bawk!







" I... I lo haw dawn lo a! " Khumah sai sir zawng in ka mu kak a, ka hnung lamah Bingo leh Fifii pawh an rawn in thawlh ve thak! Jeromea zan a rawn haw loh chuan ka bul a mut tur emaw an ti tlat tawh! Mahse Jeromea a awm ve thung chuan sitting room sofa chungah an mu ziah thung!








" I mutthilh ka ring tawh a! Min ngai ti raw! " A aw thum leh cool ruih chuan ka mittui a ko leh ngawt tawh! Naktukah test kid ka lei a nga, chu mi a zir in ka kal san emaw a ngai dawn! Ka ruak lo a nih hlauh chuan he thilah kher hi chuan nawrh luih emaw a khawngaihna dawn a, phur rit dang siam belh sak ka duh bik lo! Mipa ve tho a ni a, a ma fa ni lo enkawl tur leh chu lo ah engkim hrevek chung chuan ka bulah a hlim bik ka ring lo!





"Bebe..! "Ka chhan mai loh avang chuan a rawn ti leh sup!






" Ummm..... Ka ngai lutuk che a ka muhil thei lo! " Ka ti tiau! Ka thin zawn rawn tawt up up leh hreawm tih lutuk vang a puak keh lo chauh avang chuan ka kut chuan ka puan sin chu ka tham tawm ngawt ngawt! He mipa ka biak mek hi kal san duh lo in khang zawng zawng a thlen hnu pawn ka luhlul chhuah in ka la vuan zel a mahse a tawpah chuan tiang zawng hian a lo thleng leh tho a!








" Kei pawh! Nizan min riah chhuah san a zanin chu ka hun a ni ve a niang! " Nui hawk in a rawn ti sup a, ka nuih a za ve miah lo! Ka din hmun khirh zet hi nuih pui theih a ni miau lo!








Khumah chuan ka mu meng kar a, nizan khan ka muhil miah lo a tih theih ang! Ka ngaihtuahna a vak thuiin! Ka rilru ka kawm tlai var thak a, Kum 10 ka nih a ta vawi khat mah tawngtai tawh lo kha vawi engzat nge Pathian ka auh a, a hming ka lam pawh ka chhiar seng lo! Zualtei khan a sawi a, tih tak zet a a mah ko a, rin hlelh na tel lo a, kan beisei tlat chuan min ti beidawng ngai lo! A ti a nih kha! Ka zep lo nidangah chuan ka lungaih chang pawn ka chhuah chhal thin a nih kha! Midang nen in teh khin in ka dem thin! Mahse nizan kha chuan tih tak meuh in ka ngen a, ka dil bawk! A awm tak tak a nih chuan min ka rilru hahna leh buaina hi min suh kian sak ngei pawh ka ring!








" A tak tak a ni! " Khum chhungah thu tha dawt in ka kut a khur dar dar a test kid ka ken chu ka melh reng a ka mittui a far nghal fap! Zingkarah he thil lei tur hian damdawi dawr in hawng zawng in ka chhuak a nih kha! A chan pawh Jeromea lo haw hma in ka hriat ngei a ngai tlat! Ka kut test kid ka ken lo na lam chuan ka mit tui biang a a rawn luang ngiai ngiai chu ka hru nghal thawk a! Kawngka in hawng ri khap ka hre zawm nghal zat! Chuan tunge lo lut tih ka hre chiang lutuk tlat bawk!








______________________________________________








*JEROME ZOTHANSANGA POV*








" Flatty chu a tha tawh maw! He nu te reuh hi chu buaina ral lian hi a ni ringawt! Mahse zun te hi a nei ve reuh in ka hria! Nang pawh hi a dawi a zo che! " Hotel ka room ah kan awm a, tunlai chu Christa nen kan in zui ngun khawp bawk! Kawng engkimah Sarah ai a awh rih a ngai a, a mah a in zirna ni pah fawm in!








" Chu ka duh huam i ti na mi? " Ka ti hmuk! A lu bu nghat in a then nghal thaw a, a nuih lah chu a za ngang leh nghal! Hepa ve hi chu kan ngaihtuahna hi a hrang hlak hmeichhe lamah chuan, keiin inzawmna nghet neih pui ka duh ngai loh laiin a ni hi chuan midang hriat in a nei zung zung a, a then leh zung zung bawk a!








" Ka hmeichhe duh huam hi hmeichhe dang a ni lo miau a! Mahni duh ber te duh huam hi pa lohna a ni hran lo! Mahni duh ber te duh huam ngam loh na kha a pa lo daih zawk! " Mit siai suk in ka then nghal suk a, ka file ken chu ka bhi san nghal ngur bawk!








" Pa lo mi ti a maw! Jerome! Eee.... I hre lo mai mai a nih kha, college ah te pawh mit tla lo lek a min thlir Tu an in tlar thup tih hre rawh! Mahse duh tak tak ka lo nei lo a ni mai thei! " A tawng tawp lam chu a zuih ral thak! Mahni inngaihtuah let ang hian a ngawi vang vang a, lu thing ngut ngut in ka nuih leh suk! Ka nau a hi chu a ngaihna hi a awm hlawl lo!








Ruatsangin min rawn call a, a tlai tawh nen a la meng chu ka ngaih a tha lo nghal ngawt bawk! Mahse min ngaih vang a muhil thei lo a nih thu a sawi chuan ka chhung lam ah hian che dawt a awm! Hun harsa tak a pal tlang ve mek a, a chang chuan a mah leh a mah in thiam lo in a ruk a bathroom a in kalh khum a lo tah leh ringawt chang lah a tam mahse ka tuar thei vek min kal san a tum lo emaw a duh loh chhung chu! Tunah phei chuan a duh duh ti thei tur in zalenna ka pe tawh bawk! Chuti chung chuan ka bul a awm a la thlang fan a, kei hian kal tir hi ka phal lo bur!








Vanduai thlak kan ti dawn nge vanneih thlak tak in kha Zawng phiangsen kha a la harh chhuak lo cheu a, Ruatsangin engmah a sawi loh avang in ka la ngawi ve zel! Mahse a mit a rawn men rual in a hremna tur erawh a pum pelh hauh lo thung ang!








" Sarah hii! Damdawiinah a in check leh hun chu kal pui la ka duh ! " Christa chu ka melh nghal vut! Sarah pawh naute a pai a, engmah a sawi tak lohah chuan pai tlang a duh ah ka ngaih sak hmiah bawk! Fa pawh nei se a enkawl thei dawn tih ka hria! Chuan pa nei lo a a hring a nih pawn kei ka awm a, Christa leh Lison pawh kan buaipui thei dawn lutuk tlat!








" Dik lo a awm a mi! " Ka ti hmuk! Christa ner nawng chu ka melh khui bawk!





" Ka hre bik lo! A tha vek a ti zel a, a doctor lah ka hmuh hian a tha vek a ti zel bawk sia! Pitar in a in check a kal pui thin a mahse a chhungah a luh ve theih loh thu a sawi tlat bawk si! "








" Ti nge nangmah in i kal pui mai lo! " Ka ti leh sup! Ka file ken dah thla in couch banah ka kiu ka nghat a, ka khabe ka tuai nghal vut bawk!








" I mak eee! Jerome a zah thlak ve zia chu vawi khat ka kal pui a luh a phal lo chung ka luh pui thlap mahse in phelh ruah a tum a! Ka lai vek, kha ta tang khan Pitar i hlir ka kal tir! " Tum bur a a tih chuan ka nui chhuak hawk! A in check leh hun tur zawt in chumi hunah chuan ka kal pui tur thu ka hrilh chuan a thaw ve huai! Christ hi chu Sarahi naute kha a ni miau a, Sarahin zep a duh chuan Christa lakah chuan a zep thei dawn tih ka chiang bawk! Kei lah buaipui dang lo nei ve nen ka duh ang in ka tlawh pawh hman lo a, mahse ka chhungkua aia pawimawh hi a awm miah lo thung!








Zingkarah meeting kan nei leh zuai a, in lam pan in ka let ve thei ta hram! Motor khal pah a Mikean front glass atang a min rawn melh leh thin pawh chu ka hmu reng! Kei mah in ka nui leh suk thin miau a! Chu pawh Lalruatsangi vang bawk! A mizia a rawn pangai leh tan tih ka hmu a, chuan kha mize ngawi chawi leh in ngai tlawm zet leh in thlahrung reng hmel kha chu a in hmeh ve lo! A duh loh zawng chu min an khum in min hau ve khai khai se a in hmeh zawk!








Ka ban rek a pangpar lem in chhu chu en in ka chek tlak tlak! Christan a hmuh khan a nuih vak nghe nghe mahse ka tih kha a ngai ve miau a, chuan he thil hi engtikah mah a reh tawh dawn lo ang bawk in Ruatsangi banrek a mi pawh a awm kum khua tawh dawn! Hei chu a paih bo ve mai mai theih lo miau a, a bung tawp te a nih loh chuan!








" Khawnge an awm vek? " Kawngka nem hawng chuan ka ti sup! Chu mi rual in room lam atang thawm a rawn awm nghal! 'Tunah a te ber atang a in dawt dan in an lo chhuak ang! ' ka rilru a tiin ka then nghal suk! Room kawngka a raqn in hawn rual in Fitei vin zet a bauh in a rawn tlan nghal ter ter a, a hnungah Ruatsangin a rawn zui a, Bingo in a rawn zui ve vut vut bawk!






Fifii ka kekawr a rawn hai thet thet chu thu hniam nghal vut in ka pawm kang nghal thuk a, Bingo pawh a hmul sei zet nen a mei a vawi leh thauh thau a, a ni chu in la upa ve deuh tawh nge rei lo te min lawm a, couch lam pan in a kal leh nghal nul nul! Tiang hian ran ka ngaina tih ka lo hre ngai miah lo bawk! Min ngainat tir tu hian a zir vang pawh a ni mai thei!








Chu zawng ai chuan Ruatsangi thawmhnaw hak chuan ka mit a la zawk! Ka kamis var ha in a sam sei zet a thla hniang a, mahse dik lo a awm! A mit hnawm chap leh a hnar sen deuh hlar chuan a tap leh tih ka hmu chiah bawk! Fifii chu chhuatah ka dah a, Bingo a awmna lam pan in a tlan nghat vat bawk!







" Kan tha ti raw! " Ding mar vut in ka kut chuan a sam chu a bengah ka zeh sak a, ka melh nghal ngur bawk! Lu a rawn bu nghat nghat a mahse ka duh khawp lo, engvang a lo tap leh nge a ni tih ka hre duh!








" I tah chhan! " Ti sup in ka din hnai leh zual sauh a, hmui pet sawi zeuh in a ner nghal nang!






" Zothansanga hi ka ngai tawh lutuk a! " Rawn dak vah in nui var var a, a rawn tih chuan ka then ve ta suk! He tiang thu hi a sawi ve zen zen lo mahse a hmui te tak te a a rawn rik chhuah hi chuan min ngawr ve dat zel tho!








" Min ngai a! " Nui suk a tiin ka kut in a kawng fek ve ret ah chuan ka vuan nghal chawt a, nui sak in lu a bu nghat nghat!







" Engtiang a nasa in! " A hmui tawk zeuh in ka ti sup!






" Ihhh..... Ka hre lo! " Lei chhuah zeuh in a ti sap! Ka nui chhuak hawk!






" Nang ai chuan ka ngai zawk che a nih hmel! "





" A teuh lo! Min ngaih aia tam daih khan ka ngai che aw! " Ti chiam in ka nghawngah phak leh phak lo chuan a rawn ban ve thak a, ding di hlip iak iak in ka hmui a rawn fawp ve zeuh a nih chu! In lak hran leh mai a tum chu phal lo in a kawng ka vawnna chu ka ti nghet zual sauh a, kun hniam hrut in a hmui nem leh fawh nuam zetah chuan ka fawp nghal nghawng nghawng a, nui hak in uar zet chuan min chhang let ve nghal tan tan bawk!








Ka tie rawn pawt phelh in ka kamis kilh chu a hmet phelh nghal zat a, a chet dan chuan min thawng viau mahse dan emaw tumna ka nei lo! Rum chhuak hrawk in a mawngah ka dawm kang nghal hrawk a, rawn nui chhuak hak in ka kawngah a bawp a rawn kher nghet ve nghal vat bawk! A hmui a fawp reng chung in room lam ka pan pui nghal vut a, ka kamis a hak chuan a lan dan a ti sexy hluah hluah bawk!


IMG_20190921_225953.jpg
IMG_20190921_225953.jpg (50.24 KiB) Viewed 8250 times




Khum lam pan pui lo in bangah chuan ka nem bet nghal dawt a, ka fawhna thlah in a chalah ka chal in ka nawr bet nghal chawt bawk! Chil lem kalh in a thaw ve halh halh a, a awm bawr rawn kawh lah leh a kawr hak chhan a a hnute hm*r thla rawn lang chuan kamis hnuaiah engmah a ha lo tih a ti lang chiang lutuk tlat! Chu chuan ka thisen a ti lum nghal bulh bawk!








" Dik lo a awm em? " A taksa nawr bet reng chung chuan thawk ka la leh hawk thin! A hlauh tur leh a natna thlen tu nih ka hlauh vang chauh a bul tan lo ka ni bawk! Mahse tunah hian ka ngaihtuahna fim zawk chu a ral tulh tulh a, duh tawk a he taksa te tak te leh vun nem thep hi khawih chakna in min luah mek chu a nih hi!








" Jerome! " A rawn tih leh sapah chuan ka en ta nge nge! A hmui hnawm leh sen chek a ka hming a lam chu hmuh a nuam tak zet! Chuan tunah hian ka in sum theihna hi a pan tawh tak zet bawk!








" A pawi lo! " Nui sak in a lamah min kuah hnai a, ka hmui sir ah chuan a rawn fawp zeuh a, a mal a ka taksa kherh bet zual sauh in ka beng bulah chuan a rawn pun leh sap bawk!







" Ruih i nei em? " A thu sawi avang chuan ka ti hmuk! Ner nang in tal thlak tum in a che ve phat a mahse ka phal na lo chuan a awm hrang dawn lo bur!







" Khawi teh! " Bak hlar in ka darah a rawn beng ri thlarh a, a na hran lo coat ka la ha vek miau a, ha lo pawh ni i la a kut phah te ve tak hian min ti na tham lo hrim hrim tih ka chiang! Ka thlah duh loh avang chuan a beidawng nge ka beng a rawn pawt vak a, kha chu in ben ai chuan a zia deuh!







" I ruih loh chuan sawi nawn leh tur in ka duh che! " Nuih in sum zet chuan ka ti sup! A ner nang chu ka hmu reng! A mit takah chuan ka melh ve run bawk!







" A teuh lo! " A ti vin that a, then suk in a mal ka kawng a kherh behna chu ka zut nghal zat! A panty thleng ka zut tawh! A taksa rawn tang mar at pawh ka hre chiang viau!








" Luhlulnu! " Ti sup in a hmui a tih tau avang a pawrh deuh tarah chuan ka fawp nghal chawt a, chu mi rual in ka kut in a awm bawr kawh deuh lah chu ka hrawm nghal tawk bawk! A hmui chip in min chhang duh thak lo leh nghal a luhlul reuh zia hi! Ngil ngel in! Mahse ka fawhna chu tawp mai lo in ka uar tulh tulh a, thawk a rawn la halh chu rem changah hmang in a ka chhung lum hiamah chuan ka lei hrawl leh thap kak chu ka rawlh lut nghal hmak bawk! Ka lei chu zei zet in ka chet nghal nghawng nghawng a, rum hak in mi rawn fawp let ve nghal tan tan a nui suk in ka pawm sawn nghal nawlh bawk!








Khum chung a nghat thla dawt in ka coat hak ka phelh nghal mual mual a, ka hma zawn a rawn thu chhuak in ka kamis kil la in phelh lo chu a rawn phelh ve nghal zat bawk! A bek sam a ka kut rawlh lut in ka fawp leh nghal tawn tawn a, muang chang in khumah ka bawh bet nghal zat bawk! A hmui a fawp reng chung chuan ka kamis a hak kilh chu ka hmet phelh nghal zat a!








A kawr hak ka pawt phelh rual in a lu zawn a ka kut pahnih a in nem khal nghal run in ka chhuk melh ngur a, mit meng phi chiai leh hmui hnawm chap in min rawn melh chho ve chiah bawk! Ka mit tak a min en in a rawn nui sak a, bra leh panty chiah a hak tawh avang in a taksa var han chuan ka bawiha pawh a kai tho tha ngei mai!








" Ka tawp i duh chuan tunah hian sawi rawh nakinah chuan duh pawh ni la ka tawp dawn hauh lo! " A beng bul a kun hniam in ka phun sup a, a beng chu ka seh sak zeuh bawk! Rawn tal laih in a rak that a, min nam sawn dawn a maw ka ti chu ka nghawngah a ban rawn suih in min kuah hniam a uar zet in min fawp nghal tan tan a nih chu!








" Ka mamawh che ka tih kha! Zothansang ka thu sawiah ka ding nghet bawk! " A rawh ti leh sep a, tunah chuan in sum tumna ka nei tawh hauh lo! A hma kha chuan min hlauh a min hlat phah ka duh loh avang in ka in sum a tunah chuan khang zawng zawng kha vawm bo ang hmak an nih tawh!







A hmui a uar zet a fawp nghawng nghawng in ka kut chuan a taksa mam leh tawh nuam em em chu ka zut kual ruai bawk! A hnute hmur rawn kawh chhuak lah chu ka kut tang chuan ka hrual sak ne ne a, a khat tawk in a rawn thaw chhuak leh hak thin! Chumi rual in ka ka chhung a rawn lum hak zel a mahse ka fawhna ka thlah phal chuang lo! Ka ke kawr chhanah ka bawiha rawn puar luah tawh chu a mal a chet zawng in a tai fuh leh zauh thin chuan in sum a ti har leh zual!








Ka fawhna thlah in a nghawngah ka fawp thla zel a, a hnute tang deuh atah chuan ka bur nghal chawt bawk! Duh thaw zet a fawp tawn tawn in ka kut leh lam chuan ka fawh lohna lam chu ka hrawm tawn tawn a, ka chhung lam chuan eng sawi set set lo a, a tisa nem leh sa hiam a lut nghal mai tur in min tur ut ut a mahse nuam ti tak leh a theihnghil theih tawh lo a nuam a siam ka duh miau!








" A hnute fawp tawn tawn chung in ka kut chuan a dul vel ka zut kual ruai a, a ip leh chawi chawi thin chu ka kut chu sawn thla zel in a hmeichhiatna zawnah chuan ka tawp nghal chawt bawk, rum chhuak hak in a mal a chip nghal chawi a, a hmai zawn a in nem khalh in a mitah melh run chung in a panty chhungah chuan ka zet lut ruai ruai a, a mit mengah a hlauhna rawn lang chu ka hmuh hmaih lo mahse tawp tumna ka nei lo! Ka hmangaih a min hmangaih bawk chuan ka nghak rei tawk tawh viau!








" Ka hmangaih che! " Ti sup in a hmuiah ka fawp leh nghal hmiah a, ka kut pawh ka chet nghal zat! Uar zet a fawp in a ka chhungah chuan ka lei chu thuk zet in ka chet nghawng ngawng a, a hmeichhiatna chu a hnawm chap thleng in ka nuai sak a, ka kut tang pahnih a taksa chhung ka luh tir rual in thaw hak in min fawh pawh a chawl dat, uar leh duh thaw zet a fawp reng pah in ka kut chu in & out in ka chet nghal zawt zawt a, thaw halh halh in a eu leh ar thin! Ka kut thuk zet a ka tih luh rual in a rawn rak nghal that a, a taksa rawn khur der der in a zawi nghal hnawk bawk!








" Enge a an Bebe! " Ti sup in a chalah ka hmui ka nawr vang vang a, thaw halh halh in chil a lem leh kal thin! A thawk a pangai deuh hnu chuan a panty ka pawt hlip thawk a, a taksa thlan dap chu fawp thla dan dan in nichin lawk a a thlenna a hmeichhiatna hnawm chap chu ka lei hmang chuan sawngbawl in ka l*ak kual a, a mal a rawn chip chawi chu rum nghut in ka nawr tawm nghal tawk bawk!








" Jerome! " Hlauthawng aw tham chel a rawn tiin phak leh phak lo chuan min rawn en a, nui suk in min ring tur in ka hrilh nghal sup bawk! Duh thaw zet a fawp hlawi hlawiin a m*wn chu ka nuai sak pah nawk nawk bawk! A hlauhna pawh in an kian san leh tawh tih hriat zet in a nuam ti awm ngaina hre lo che a rawn au leh that thin! A taksa chhung a ka lei chet zawt zawt in rang zet chuan ka nuai tel nawk nawk a, a vawi hnihna atan a zo leh dawn tih hriat zet in a tha a rawn tang mar at a, ka hming lam in a rak nghal thawt rual in a hmeichhiatna atang tui hnang rawn chhuak chu duh thaw leh tui ti zet in ka fawp pah reng bawk! Thawk la halh halh a mu zawi hnak chu lungawi zet a melh in ka kekawr kilh ka phelh nghal hrawk a, ka bawiha pawh in peih at in a rawn in perh chhuak at tawh!






*sensor*







" Ka ta chiah i nih hi Bebe! " Ti sup in a hmeichhiatna hnawm tha zet leh mamawh nei a pa*rh sen tarah chuan ka z*ng lian leh khawng tha zet chu ka chuk tuah nghal run a, muang chang chuan a ch*u tight leh nem zetah chuan ka lut nghal riai riai bawk! A tight that em avang chuan lut full lo in ka chawl leh vang vang a, na a tih loh nan a ma*n pauh tar chu ka nuai tel sak reng bawk! Thaw halh halh in a rum leh ham ham thin chuan min ti phur in ka thisen chu a ti lum tak zet bawk! Duh tawk a dim na tel miah lo a tih ka chak hluah hluah mahse tunah chuan chu chu a pawimawh ber lo , ka hmeichhe hmangaih leh duh a ni a, a mah ngaihtuah ran chuan chet ka la a ni ber!







" Jerome... Ka... Ka thleng leh dawn! " Min kuah nghet sauh sauh in a phun sep sep a, kei pawh chuan a ai a rang a d*p in a hnute chu ka hrawm tel nawk nawk a tun tum chu zawh ve ngei ka tum bawk! Ka hming lam a a au that rual in ka rum chhuak ve hawk a, a taksa thlan dap chu ka bawh bet nghal thlawp!








" A chhungah ka ti lut a nia! Naute ka neih belh mai thei! " A beng bulah phun sup in ka nui nghal suk a, zawi zet in ka dar hnunglamah a rawn beng ri nghal thlar a, nui hawk in a bek thlan dapah chuan ka fawp nghal vang vang! Ka lak atang hian tuman an la sawn tawh ngai lo ang!







" Ka hmangaih che Zothansang! " A aw chu zawi hle mahse ka bengah mai pawh ni lo ka thinlungah hian a ri ring lutuk tlat!






" Nangmah aia nasa in ka hmangaih che! " Ka ti ve nghal sup!





" Ti ve ziah suh! " A rawn ti that a nui hawk in kan mut dan ka siam rem a puan in a taksa ruak kang chu khuh in ka kuah khawm nghal hlu hlu bawk! Ka hriat tak chu hmeichhe lian ai hian hmeichhe te tak te te hian zun an lo nei zawk tih hi! An len loh vang tak hian tih nat an awl sam hmel bik a, naute ang a duat chakna leh duhawm bik riau na an nei tlat! Ruatsangi a nih vang nge chu ka hre lo mahse ka hmeichhe lo hnaih ve tawh zawng zawng aiin he hmeichhe te tak te ka awm zawn a thaw ve tawk tawk te hian keimahah nghawng a nei lian ber tih erawh ka chiang lutuk tlat!








" Mut duhnu! Ti nge i duhawm em em le! " Ti sup in ka ban kham a hmeichhe muhil hahdam zet a thaw sek sek chu a darh ruak kangah chuan ka fawp zeuh a, a chau a nih ka ring a muhil hma em a! A mit meng lian kalh kha naute ang maiin a chhing chial a, a mithmul sei leh er tan chu en in ka nui suk! A lo thinchhe viau pawh hi a awm hliah hliah! Hmangaihna chen zo hlim tih hriat zet in a biang a tai hler a! Zan tin mang chhia a neih thin avang in ka muhil ve lawk thei ngai lo! A muhil lai thlir hian rei tak ka meng thin! Chu ti chung chuan he a hmel tha leh fel fai zet hi ka thlir ning ngai chuang lo thung!







" A hma ai khan a let tam tak in ka at chilh leh zual che tih i hria em? " Ti leh sup in a taksa engmah in bel lo a mu tawm kak chu ka taksa si chetah ka pawt hnai a, a vun mam han ka sik leh takah chuan ka bawiha rawn che leh tual tual chu ka phun nghal hluk!








" Bawiha a muttui em hi! " Ti sup in ka tho vut a bathroom lam ka pan nghal vut bawk! Tunah rih chuan tui vawt zet a in bengdaih ka mamawh tlat! Shower hnuaiah chuan ka ding run a ka ngaihtuahnaah erawh khum a hmeichhe te tak te thlamuang zet a mu chiah a awm thung! Va tih harh a kha a taksa chung tight leh lum sa ham ham a luh chakna chuan ka kawchhung lam atang in min tur ngut ngut a, tui vawt in in phuh tir reng mah i la awm zia a va awm lem lo tak!







Bathroom atang a chhuak in Room ka lut chu khum chung a tui zet a mu pawh a la harh lo, a lo harh hunah a ril a tam hle pawh ka ring! A taksa tet ang hu hian ei hi a thei reuh zek leh nghal! Ka thil ngaihtuah avang chuan lu thing ngut ngut in eitur siam tur in kawngka lam ka pan nghal vut bawk! Hei pawh Ruatsangi mizia ka kai tawh ni ber in ka hria! Thil ei tur a chhuah ai chuan in a siam a thlang chawt zel a mahse a siam erawh ka hna a ni leh vek thung! Fing ve reuh lutuk mai!








" He thil chu(h)! " Ti sup in room kawngka ka hawng tur chu ka ding nghal dawt! Dustbin a ka thil hmuh chu ka la nghal vut a, ka nui ro hawk! Khum a hmeichhe mu rawn rum tiah tiah chu melh vut in ka kut a ka thil ken chu ka melh leh nghal ngur a, ka kut chu ka hum ruh ta nghek!








" I sawi fiah ngei chu a ngai ang! " Ti hmuk in khum lam chu ka melh nghal ngur!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 29th, 2019, 12:06 pm

CHAPTER - 45 🌸 by Amy Cck ( Dream Girl)








" Mutduhnu! " Ka beng bul a phun sup chu ka mang hriat ruai ruai! Ka sir leh lam a in let thak in mutthilh leh mai ka tum a, ni lo... Ka muhil leh hman in ka hre nghe nghe! Mahse a ngai bawk in ka beng zawnah phun sup thawm leh nui nghawr dawt ka hriat chuan min ti muhil nghet thei lo! Ka beng kawm vel chu a rawn seh leh zauh thin!








" Lalfifi ka mut a la chhuak a nia! " Ka ti sap. Mahse ka taksa in a sik mek pangti lum hi Fifii emaw Bingo an ni lo. A kut hrawl leh lum vung vung chuan ka hnung zang leh dar phei vel chu a rin kual ruai a, a bing hmul to deuh in ka nghawng a rawn dai rual in hmui lum thur thur in a rawn fawp nghal zat! Tunge tih ka chian lutuk avang chuan ka nui nghawr ve dat bawk!








" Zothansang! " A rawn chet dan avang chuan ka rak nghal that! Ka nghawng nem lai a rawn seh a nih chu! In beng kang a thawh mai ka tum chu ka chungah min la delh bet ta deuh deuh! Ka thinrim bawk si che thei bawk si lo chu ka ke ka leng nghek ringawt! Nui suk in ka nghawng vel chu a rawn nul leh thuak thuak a, ka kut vei lam, a che thei zawk chuan a sam buk laiah ka tham sak ta nghek bawk!








" I mak e mai aw! " Ka ti ta nghek! A sam ka vawn behna chu awlsam zet in a rawn pawt thla a, ka duh ang in ka man bet thei tlat lo, a bawk khup zawng in ka awm miau a! Ka kut chu a kut leh lam chuan a vuan bet a, a vawn lohna lam chuan ka hnung zang ruak kang chu a thai kual riak riak a, thawmhnaw engmah ka in bel lo nen ka taksa rawn danglam tan chu ka hre chiang lutuk tlat bawk!








" Ka zawhna min chhan dan a zir in ka kal tir ang che! "Ti thawp sup in a kut chu a sawn thla zel a ka mawng a rawn tham nghal tawk a, ka ip nghal chawi!








" Zothansang min thlah loh chuan i chak lo ngawt ang! I hria em? Ka chet theih hun hunah i chhip sam kha ka pawt kawl vek dawn! " Ti chiam in ka tal leh nghek a, ka awm dan ka siam rem hi a ni ringawt! Ka puan sin a in hlim deuh deuh a min delh bettu pa lian zet lah chuan engah mah min ngaih hmel loh ropui leh nghal!








" Lu kawlh bialpa i neih hreh loh te chuan i pawt kawlh vek dawn nia! Mahse ka zawhna hi chhang tur in ka duh che! " A rawn ti leh sup a, ka hah tawh bawk nen mut thawh hlim a engtia he tia rawn awm thut nge a nih tal ka hre ve mah na! Ka sam rawn tla hniang in ka hmai a zar chu ka chhem zauh a, mahse a ngai ang bawk in a rawn awm leh tho!








" A va mak e! Tha deuh in min zawt thei reng! " Ka ti vin that!








"Hei hi enge? " A rawn ti sup. Thil eng emaw a keng tih chu ka hria mahse bawk khup a ka awm avang in ka hmu tha thei lo thung!








" Ka... Zothansang ka hmuh theih loh hi! " Thinrim nen ka ti leh nghek! Chu mi rual in ka zang thal nghal awr a nih chu! Tunah khan min pawm kang nge min kuai her nge? A che rang lutuk kha ka awi lo zawk!








" Min va ti duh dah tak! I....! " Ka tawng tawp chawt ka hma zawn a a thil rawn lek chhuah chu mit khap lek lo in ka melh ngawt ngawt! Ka paih sia, dustbin a mi a lo hmu a nih ka ring! Jeromea hmel thim khup chu ka melh zawk a, a mit meng a natna ka hmuh chu a chiang lutuk tlat!








" I rai...! Nge rai lo! " A aw bung vut chuan min ti phu zawk! Test kid a hmu ve reng a enge min zawh vak!







" I hmuh ang kha a nih mai! " Ka ti sap!








" In siam rawh doctor hmu ang! " Ti sup in ka ban rekah a rawn vuan chawt a, ka tang nghal teuh!








" Maw... Engvang in nge kan hmuh a nga! " Ka ti ta chul! Test kid ah result a lang vek tawh a chuan doctor hmuh leh chu ka duh tawh teuh lo!








" He thil hi ka hrethiam miau lo a! Chuan i sawi duh bawk si loh chuan doctor ni lo in engineer a mi kan pan ang! " A rawn ti thawt rual in khum atang a ding chhuak vut! Ohh.... A hriat thiam loh vang in maw a rilru a lo buai ve em em ! Kei in doctor pan ka duh loh chhan chu test kid hi a dik lo a tih ka lo hlau vang zawk a ni reng sia.








" Ka rai lo! " Ka ti sap rual in mi rawn melh nghal vut! Awi chiah lo leh ring ngam lo hmel a pu deuh! Mahse ka rai lo miau a, test kid ah pawh rin pakhat bak a in rin lo! Vawi 3 lai ka test a mahse a in ang vek!








" Ka rai lo ka tih mawlh ka tih mawlh chuu! Rai I la chuan kha tah khan pahnih a in rin tur a nia mahse pakhat chauh a in rin! " Ka ti chhuak leh halh! A kut a a thil ken chu a melh ngur a, a chang in min rawn melh leh vut thin! Thaw chhuak hak in khum chungah chuan ka ding a, kawr ka hak loh miau avang in ka puan sin chu ka awmah ka tham khawm tat bawk!








Bathrobe var lian pui ha a mipa hrawl zet ding ngur lam chu pan in khum chungah chuan ka phei a, a hma zawnah tak ding chuan ka melh nghal ngar bawk! Khum chungah ka ding a a ni chhuatah a ding chung in kei ai a la sang tho nia! A kut a a thil ken chu la in muangchang chuan a mitah tak ka melh ralh a, ka nuih nghal sak bawk! A chhan chu rilru fim pu se, ka thu sawi hi min ngaihthlak sak se ka duh ngawih ngawih miau!








" Kan sawi dun thei em? " A mit takah melh in ka ti sap. A vawi khat na atan Jerome Zothansanga hmel chiai leh rilru buai hmel zet ka hmu a, a tan ka special zia ka hre nawn awn awn bawk! A chet mai loh avang chuan ka puan vawn beh chu ka suih tha sauh sauh a, ka hma a mipa ding ngawi ngul chu a nghawngah ka kuah nghal vang vang a, a nghawng sir lang laiah chuan ka hmui in ka nawr sak vang vang bawk!








" Ihhh.... Kei pawn I ngaih ang tho khan ka ngai hman a! Nizan ka haw khan mahse ka ring sual a nih ka ring! " A nghawng a kuah nghet sauh sauh in ka phun sap a, a taksa tang khawng awt chu ka theih tawp in ka kuah ve a, min kuah hlu hlu a thlamuanna ka hmuh ang kha pe ve thei kher loh mah i la, tlem tal a a hahdamna ka thlen theih tak in ka ti a ni mah zawk!








Khum chung a ding reng chung in ka kuah a, ka rilru chu ka sawi ve siam siam a, kei pawh he thil vang hian nizan khan ka muhil thei lo a nih kha! Tukin zingah test kid ka lei a ka in test a ka hlim zia kha! Midang chu an rai theih loh avang in an rilru a hah in an lungngai a kei erawh ka rai loh avang khan ka hlim lutuk mah mah! A chhan chu he ka kuah beh mek taksa lian pui neitu hi ka kal san a ngai dawn lo a! Ka rai a nih chuan ka duh emaw duh lo pawh ni i la a bulah ka awm thei dawn lo miau a!








" Mahse min hrilh ve thei reng! " Ka kawng a rawn vuan chawt in a ti hmuk! Nui sak in ka thaw chhuak hak!







" A pawimawh tawh hlei nem! Min en la engkim a pangai vek a, kha test kid khan a ti chiang vek bawk! Ka lo tah chhan khan min zawt a ti raw? Ka hlim lutuk vang a nih kha! A chhan chu khang thil zawng zawng a thlen hnuah pawh i bul a min la awm tir a, kal san che emaw i lak atang a hla taka awm hi ka duh lo! " Ka ti leh sap! Nizan ka rilru hah hman zia kha a hrethiam ve kher lo ang! Engkim ka ngaihtuah khan rai na chance kha a lian em a! Test kid ka lei pawh in dawr pakhat chauh a mi ni lo dawr hrang vek a mi ka lei hial bawk!








" Ok! A tha e mahse naktukah doctor erawh hmuh tho ka duh! " Ti sup in tlem in a awm hrang deuh a ka ner nghal nang!







" Tinge...! I damlo a mi? "






" Nope! Tunah i rai lo tih kan hre tawh a mahse nichin lawk a kan thil tih vang khan naute a lo in siam tawh mai thei a sin! " Nui hawk a a tih chuan a dar a beng tawlh in ka ner khum sawng! A awiawm loh leh lutuk chutiang in a hre nghal dawn lo tih te chu chiang sa!








" I hriat duh chuan thla leh lam I nghah a ngai ang! Mahse... A mak ka ti! " Nui lui sak in ka mit ka chet kual ralh!






" eng chu! "






" Zothansanga hian test kid kha a hrethiam lo a nia! Engkim i hre vek emaw ka tia mahse hriat loh pawh i lo nei ve tho a nih hi! " Ka ti chuan a rum nghut! Ka fiam chak ve pakhat hrim hrim! A chhan chu kan nu rawn in rem dik chho tan in a boruak rawn ken hi a zangkhai em a, chuan kal liam tir mai ka phal tawh lo!








A hma pawh in ka period a ka hman tur in naute diaper a rawn lei tawh a, mahse ka lawm hliah hliah tu hmeichhe tan mah kha tiang kha a la ti lo tih a chiang a chuan tunah pawh tu hmeichhe dang mah in a hmaah test kid an la phawrh lo tih ka hre thar leh a, ka tan chiah a nih zia ka hmu chiang viau a chutiang chiah in kei pawh a ta chiah ka ni a, ka hmangaih em em bawk!








" Chimawm viau suh! " Ti hluk in khumah min bawh thluk a rual nghal vut! A khek nghal that! Rin loh deuh deuh hian a che thut thut a ka lungphu a ti dik lo zo dawn!







" Thu dik lo ka sawi loh kha! " Nui hak in ka ti ve nghal zat a, kan boruak rit zet a kian takah chuan ka hahdam huai thei!






" Fine! A nih chuan test kid en ka thiam leh thiam loh kan hriat theih dan kawng khat chiah a awm , a test na tur i pum chhungah kan siam vat a nga a nih chu! " Nui hawk a tiin ka awm zawn a ka puan suih beh chu a rawh pawt phelh nghal thut a, a sam chhip buk laiah ka tham sak hrep rual in nui chhuak hawk in ka hmuiah a rawn fawp nghal tawn tawn!








Min fawp reng chung chuan ka taksa ruak kang chu a chul kual ruai a, ka hnute a kut lian leh lum vung vung a rawn hup chawt in a hrawm kual nghal nawk nawk a, ka nuam ti chu ka lo er leh tawk thin! A hma a mi nen chuan ka taksa in a dawn sawn dan pawh a dang zar! A hma kha chuan hlauhna nen ka in ti chak lui hram hram a mahse tunah chuan ka taksa hian a mamawh tak zet!







" Zan riah i ei hma in ka zan riah hi ka ei hmasak phawt a ngaih hmel! " Ka hmui pet zauh in a rawn ti sup a, ka nui vek sak! A hmui min fawh zawh chiahna avang a hnawm chap chu en in lai zet in ka hmui hnuai ka seh zeuh a, a nghawngah ka kut pahnih suih bet in ka kuah hnai sauh sauh a ka fawp nghal tawn tawn! Uar zet a min chhang in a kut ka hnute a hum behna chu a sawn hniam tha riai riai a, ka hmeichhiatna chu a hum nghal zat a, a kut chu a chet leh nghal zawt zawt bawk!








A bathrobe hak suihna chu lo pawh phelh sak in a mipatna rawn kawh chhuak luah chu ka h*m nghal chawt a! Nui hak in a mit a melh reng chung chuan ka kut chu ka chet ve nghal zat a. A taksa rawn tang tawlh tawlh chu ka thil tih nghawng a ni tih ka hria chu chuan phurna min pe ve sauh bawk! Ka kut chet ka ti rang ve sauh a, ka chungah mipa in nem khal run chu rum chhuak hrawk in ka hmuiah a raqn fawp nghal nghawng nghawng a! Ni e.... Ka taksa a hriat chin tluk zet in he taksa sek phiar fat hi ka hre chiang ve bawk! Chuan kei aia hrechiang an awm ka duh lo a nih chuan ka thiam ang tawk in ka lan chhuah tir ve tur a ni!








" Zei ve tawh reuh lutuk! " Ti sup in ka kut chu a rawn ban vut a ka kut leh lam nen man kawp in a bathrobe hrui chu a pawt chhuak nghal hrawk a, ka kut chu suih bet in ka lu zawnah a nem bet nghal hmiah bawk! Hrilh hai fe chuan ka melh nghal kawk a, a nui suk duh chauh leh nghal!








" Ka.... Zan riah ka tih kha! " Ti thawp sup in ka mitah tak a thil duh thup map lo in min melh chhuk run a, chil ka lem ve kalh ringawt! A kut zungtang hrawl zet chuan ka hmai tlang chi rawn rin riak riak in ka nghawngah a chhuk thla zel a! Ka taksa thim sung sung leh lungphu rang dawt dawt pawh a hriat phak hial ka ring! Ka awmbawrah tawp chawt in ka hnute hmur rawn tang mar at chu a rum hrawk in a tuai nghal nar nar a, ka thaw chu ka hnar a leng lo kawp in ka kaw chhung lam atang a rawn in hnawh tup tup a, ka ka chuan ka thaw chhuak leh halh thin!








A hmui chuan a kut chu a zui ve nghal zat a, ka hnute leh lam tham tawn tawn in leh lam a ka chhung lum sa hum chuan a rawn hmuam a, naute hnute hne ang mai hian a fawp nghal tawn tawn bawk a nih chu! Ka taksa chu a mur chuai a, ka nuam ti awm ngaihna hre lo chu ka tal leh laih thin mahse ka kut a nem beh miau avang in ka tal sawn thei chuang der lo! Ka hmui chu pet fan fan in ka eu leh ar thin! A lei lum leh thap hrak a a rawn hman tel tak ah chuan ka rum chhuak ta hak!








Nui suk in min rawn melh chho ngur a, kei ka ka a boruak leng lo khawp in thawk ka la nghal halh halh thung! Mahse hnuai lam a ka hmeichhiatna a min do run tu avang chuan ka taksa chu a la khur ru der der! A kut chu sawn thla in rang zet chuan a nuai nghal nawk nawk a, ka tai bawr rawn zal chuai chuai leh phu et et atang chuan ka zo dawn tih ka hria! Zothansanga hming ka lam that rual in ka hmeichhiatna atang a tui hnang chhuak chu ka feel thei! Mahse a ai a duh leh mamawh ka nei! Chu thil chu a hre chiang lutuk bawk!






*sensor*






" Heii... Enge i tih! " Ka in bual zo bathroom atang a ka chhuak chu khumah that chhe zet a lo thi awn duai in ka phone a lo hmet ve mual mual a, ka phone hi a khawih ngai miah si lo a! Mak ka ti deuh, min melh zawk in engmah sawi lo chuan phone bawk chu a bih leh nghal vut!







Ka va pan hnai chu Zualtei te inneih ni a kan thlalak thenkhat whatsApp atang Zualteiin min lo thawn chu a lo en tih ka hmu ve chiah bawk! A bulah chuan thu thla in a mah ngheng chial chuan ka thu a, a pang ti lum nuam zet chuan ka taksa hit thlar pawh chu a ti lum rang lutuk tlat bawk! Thlalak en chuan eng eng emaw kan sawi a, a thawng thum dur dur rual chuan ka taksa pawh a nghawr che ve zel a, mutthilh chhuak in min zem leh chiai chiai tawh! Hmui lum thur thur in ka chal a rawn si pawh chu ka mang hriat ruai ruai! Mahse ka meng thei tawh lo, tun tluk a ka hahdam a rilru thlamuang zet a ka awm hi ka hre lo chuan a nuam tak zet bawk!



*


*


A sawi ang tak tak in damdawiin ah kan kal ta nge nge! Mahse engmah that lohna a awm lo a, ka thla tin hun bi pawh kha a in thlak dawn avang in ka awl niin doctor in a sawi a. Zothansanga pawh a hmel hmuh a hahdam huai! In neih kan sawi ri leh zauh thin a mahse ka nu in kum inah chuan chhiat kan tawk nen kum thar lamah a tih deuh avang in kan la nghak a ni mah zawk! Mahse in lamah chuan nupa tak tak ang chiah in kan khawsa a, a hreawmna erawh chu mi then khat in kan chungchang an hre thawi ve zut a, Mipa luhkhung ang a min chhuah tawk lah bang lo! Kan college ah pawh tuman kawm en ah min en lo a ni ber!








Mahse ka pawi ti chuang lo tunah tak hi chuan thian em em ka mamawh lo a, class ka kal in Jeromean min thlah hman chuan min thlah a, a hman loh chang in Andy hi ka hruai deuh ber! David erawh Jeromea driver kha a ni miau a! Chuan thian tihah chuan Zualtei ka kawm deuh ber a, mahse kan in hmu zen zen lo thung!








" Heiii!! In hmuh a va khat ve! " Ka hnung lam atang chuan min rawn kuah nghal thuk a, hepa thaw ven zia hi chu aw, mahse a ma tawkah chuan tunlai chu vang ve tak a ni!







" Nia... College mister nih takah chuan kan be pha tawh lo che a nih hi! " Nui sang in ka ti vat a, a hmui a ti sawi zeuh a ka bag hnung hruiah min pawt bet nghal chawt bawk!







" Christ! " Ka ti that! A san zawk avang hian mi hi a ti duh dah thei leh lutuk a.







" Tunlai chu ka hmu khat che a, ka la zilh hman lo che mahse ka farnu anga ka en che avang in ka hrilh ang che nangmah in ti na zawng a I awm leh a nih chuan i chak lo ang! Sawi ka tum a piang in Jeromea a awm a min lo khap zel a tunah hian ka hrilh ang che! I hrethiam em? " Ti sup in ka hmai zawnah chuan a rawn kun hniam nghal zat a , mit khap fak fak in ka melh haw! A thu tak lutuk chu ka awm thiam lo a ni mah zawk!








" Buaina emaw harsatna i neih chuan ka bulah pawh i sawi thei tih hria la! Chu lo a lar tawh zia hi, kan college ah hian college miss ai pawn I lar a nia, " Nui sang in a rawn ti leh vat a, ka ner nang. A bialnu emaw min ti tawk lah bang lo, mahse he mipa chhelo zet hian an hmeichhe hnaih ngun ve ber ka ni miau a, bialnu a neih pawn kei hi min thik ngei ngei mahse engah mah a ngaih loh avang in ka in rawlh ve duh lem lo! Eng eng emaw sawiin college gate bul a thutna an siamah chuan kan thu a, nidang ang bawk in a bulah chuan ka hmui ka chip leh hlei thei lo!








Khawvel hi ka ngaihtuah thin a, kan vanduai viau a maw kan tih pawh hian kei ni aia vanduai hi an lo awm leh thin! Min en u la, ka nunah thil tam tak a thleng a, tumah ngaihsak tu nei mang lo in rilru hah leh hreawm tuar in sum lak luh dan ngawt ngaihtuah in ka hun pum ka hmang a, ka nun a nuam ve dawn chauh a mahse ka chungah thil rapthlak tak thleng in ka rilru mai pawh ni lo ka taksa thleng in, dam chakna nei lo hial in ka awm leh a!








Mahse tunah chuan ka bul velah min hmangaihtu leh min ngaihsaktu hlir an awm a, hmeichhe tan chuan ka chung a thil thleng! Kha thil rapthlak tak kha, pawngsual ! A hming ringawt pawh hi a hlauhawm in hmeichhe tan chuan thihna nen a danglam lo ang vel ni! Mahse hena min hmangaihtu te leh ka nat hlau a min enkawl a duat tak a min dawm Tu te avang hian hun tam pawh a ral hma in kei chuan hma lam ka pan leh thei a! Ka tawrh ang tuar te chuan an dam chhung nun tih chhiat phah hial nan te pawh an hmang mahse kei chu chu thil tawng tu te zing a a vannei awm chhun ka ni hial ang! A bik tak in Zothansanga chungah hian bat tam tak ka nei chuan ka tawng lo ang tih hi ka hlau hliah hliah! Chuvang chuan mi in eng thil pawh lo sawi se ka ngai pawimawh lo!








" Hello! " Ka phone rawn ri chu ka la vat a, Christan mit kan zeuh in tunge tih min zawt nghal sap! Hmui phun in Jeromea a nih thu ka hrilh chuan nui vut vur in be chhun zawm tur in min ti leh sup!


IMG_20190922_231012.jpg
IMG_20190922_231012.jpg (89.42 KiB) Viewed 8646 times




" Khawiah maw? " Ti ha in ka hawi kual nghal ruai a, kan thutna piah lam kawng sirah chuan motor ngheng in that chhe zet in a lo ding a, ka va hmu chiah chu a beng zawn a a phone chu lek kang in a rawn then nghal suk!







" Christ ka kal aw! Saw Vanlalboss em em a a rawn kal a, thlah ka ngai dawn lo a nih hmel! " Ti leh ka thutna atang a din chhuah ka rual nghal! Christa lah chuan rawn ding chhuak ve nghal in motor bul thleng min thlah tur thu a sawi ve ngei a, a in la body guard lutuk chu ka nui leh vak bawk!








" Zalen deuh hian awm tir ve rawh! I mak em em ka ti, kei chu Flatty nih hi ka hlau tlat!" Fiamthu chuan Christa chuan Jeromea chu a ti nghal zat a, ka lo nuih tawp.







" Christopher i lei ka pawh chhuah vek hma hian kal sawn vat mai rawh! Bebe.... Lut rawh, nge college student ho zawng zaang hmaah hian ka pawm lut dawn che! " Ti sup in min melh nghal run bawk! Ner nang in in motor ah chuan naupang thu awi ber ang maiin ka thu lut vat a, Zothansanga nui suk ri ka hre bawk!








" Vanlalboss em em a chu a lo in hmeh ber a nih hi! " Christan motor kawngka tukverh atang chuan rawn kun in a ti sup a, ka nui nghal hak! Jeromea thik thu chhiat zia hre Tu a ni a tunah pawh a rawn run luih leh tih ka hre thim chiah bawk!








" Ka ti ve thei! " Ti hmuk tu chu ka melh vat a, a motor khal hma lam chu melh ngur in a ka reh mawi zet chu a chip hmak bawk!






" Eng chu! " Hrethiam lo zet chuan ka melh kiau a, vawin a rawn in dress dan chu a danglam zak mai nidang a coat suit nen a in duang zaih thin kha civil dress a rawn in bel ve thlup a nih chu!







" Kha tiang khan hlim deuh in ka nuih tir ve thei che ka tih na a nih chu! " A ti leh sup! Ohh... Christa nen kan thut dun lai leh Christa fiamthu thawh ka nuih pui lai kha a sawi tih ka hre thiam chiah bawk!








" Ohhh..... I nau pawh i thik zel te chuan a va buaithlak duh awm ve! " Nui hak hak chuan ka ti a, rum nghut in ka mal chung a ka kut chu a rawn hum nghal hmiah bawk! Vawin a awm dan hi mak ka ti deuh ta riau! Christa a thik kha chu thu hran mahse a hmel hi a thu tak run a eng emaw vei nei tih hriat zet in a thaw chhuak leh hawk thin!








" Jerome dik lo a awm em? " Ka ti ta nge nge, a hmel thu tak run hian ka awm a ti nuam lo!





" Nope! " Lu thing ngut in a ti sup!





" Kan tha ti raw! " Ka ti nawn leh hram! Min rawn melh in a nui ve ta suk! Ka thu chhuak nghal huai mai!







" Thil pakhat! Nang hian nau lo pai ta la! Entirna a nih chu! Mahse natna khir zet lo nei ta bawk la, nang leh naute in karah chuan pakhat zawk chiah chhan theih ni bawk se engtin nge i tih ang? " A zawhna a vang chuan ka melh kawk. Eng zawhna nge ni ngai! Naute maw? Naute a awt tihna nge ka hrethiam hauh lo! Chuan a thu sawi avang chuan ka in ngaihbel nge ka hre lo, tunlai chu ei ka theiin ka taksa hi a rit deuh tlat a hriatna ka nei bawk!







" Theihnghilh rawh! I awm nawm loh phah nan hmang suh aw! "Ti nawn leh sup in ka kut chu la kang in a fawp nghal zeuh a!





" Naute! " Ka ti chhuak sap a min rawn melh nghal vut bawk!





" Ka chhanna chu naute! Nu din hmun atang a chhut chuan kei chuan kei leh naute in karah chuan naute zawk chhanhim tur in ka ti ang! " Ka ngaihdan dik tak pawh a ni bawk! Ka nu in a sawi dan chuan kan pum chhungah nunna nei a rawn in siam chiah khan an mahni venghim tur kan nih zia leh kan mawhphurhna an nih tawh thu a sawi a, eng thil pawh thleng se mawhphurhna lak ngam hi mi puitling zia a ni ka ti ve tlat bawk! Chuan tunah hian kei pawh hian venhim tur ka lo nei reng tawh mai thei!







" In chhanna a in ang chiah chiah! " Ti sup in a thaw chhuak hawk a. Min bia pawh ni lo in a mah leh a mah a in bia ni maiin ka hria! Chuan ka awm a ti nuam lo tu chung chang nge a sawi a, tunge nau pai tih thleng in ka ngaihtuah nghal vek bawk!








" Ngaihtuah buai suh ka tih che kha! Kei chuan ka hma ka sial vang pawh a ni mah na, nang leh naute ah duh thlan tur a nih chuan vawi khat pawh in ngaihtuah nawn lo in ka thlang dawn che! A chhan chu i tel lo in nun ka hmang thei dawn tlat lo! " Ti thawp sup in ka thutna lamah chuan a rawn awn phei a, ka lo melh haw! Engvang a tiang thu rawn sawi vak nge a nih!








" Heii... Ka that hi chuan i tawng dan kha a malsawm lo a nia! " Nui ro halh in ka ti sap!







" Ka hria e! Ka tihpalh, chuan i ti dik I hrisel a chuan i pum chhungah hian Ruatsangi re chi a in siam tawh zawk mai thei! " Ti sup in a then suk a, ka ner nang. Mahse sawi sual a nei miah lo, sex kan hmang dun ngun chuan in venna emaw damdawi lam ka ei ngai hek lo!








Kan in a haw tlang lo chuan bazar velah kan kal a, eng eng emaw ka en pui deuh teuh mahse lei erawh ka lei lem chuang lo, ka kutah min vuan a in kai rial in kan bazar a nih chu! Mahse coat nen a bazar a in zui ai chuan tun a kan awm dan hi a nuam, a chhan chu in ngai zawng kan ni tih a hriat bik a, coat a hak kha chuan a kum naupang chhia tawh lo bawk nen ka u emaw daih a ang thin!








Ka nu in lam kan pan a, chaw kan ei dawn thu tun lawk khan a sawi ve chiah bawk! Ka nu nen pawh an in pawh tawh viau a, a chang chuan kei mah leh kei mah hi ka in sir leh rum rum thin mahse he ti mai ka ni chung a min hmangaih thu nitin sawi thintu pa hi ka kal san thei lo tlat!








Ka nu bul a Zothansanga thu sawi vang chuan gas bul a rawng ka bawl chu ka tlu lo chauh! Rang lutuk in an thutna lam ka pan a, ka chet dan tur hre lawk ang zia zang in Zothansangan ka kut ah lo man in a bulah min pawt thu nghal dawt a nih chu!








" Tunah khan engmaw i sawi kha! " Ka nu in phawk zet a min en tawn zak zak in zawhna a zawt nawn leh hap! Kei chu ka thu khawng at thung, engtin nge ka chhan thiam teh lul ang! Ka rai toh pawh ka lo in hre lo a Zothansangan a lo hre hmasa daih a nih chu!








" Ka pi ka sawi duh chu kum thar lam kan nghak thei tawh lo ang! Chu tih hunah chuan Ruatsangi pum hi a lo lian tawh dawn a, tunah hian phalna chu min pe tawh mai rawh, kan fa lo piang tur vang tal pawh hian! " Thu tak zet a ti chhur chhur tu chu ngei lutuk in ka melh nghek! Min en duh thak lo in ka nu a melh ngur a, ka kut chu a hmer nghet deuh salh bawk!








" Ti nge ka nu bulah dawt i sawi! Hre chhuak ta se...! " Driver seat a mi chu melh in ka ti sap! Ka nu bul a awm lai chuan lo hnial a dawt a nih thu kha lo sawi lah a tih chi der lo leh nghal!







" A hre chhuak dawn hlei nem! Thla tharah kan in neih ang! I nu pawn a rem ti a, chuan i hrethiam mai em! Tun thla khat la awmah hian naute chu kan siam ngei a ngai tihna a nih chu! Dawt min sawi tir I duh loh chu! " Nui hawk in a raqn ti sup a, nuih tur pawh ka hre lo a thil saqiah khan! Chutiang in duh duh in naute ka pum chhungah kan dah ngawt thei lo! A ngai awl sam mai sia maw!








" I rapthlak e mai a! "Ka ti halh ringawt!





" ti teh Bebe.... Tunah Ber thla kan chuang kai awr a nakum lam ka nghak thei tawh lo! Ka ta ni tho mah la, mi zawng zawng hriatah ka nupui i ni tih sawi ka duh tawh! Kha thil hrep kha thleng lo se chuan i ni tawh ngei bawk ang! " A tawp lam chu a seh chilh nawk bawk!








" Kan mitenawmpa lah nuam sa zet in khumah a la mu der der a! A harh.... "





" Khaqngaihin kan duh tawk thei tawh em! " Ka ti tiau! Ka kut chu ka hum bet ngawt ngawt a, engkim theih nghilh tawh emaw in tih hnuah pawh kha thil khan min la den dan chu na tak a ni!







" Hrep chuan! Ka tihpalh! Ka sawi tum a ni lo ! " Ti hrawk in motor chu a ti ding dawt a, ka lamah rawn awn pheiin min rawn kuah vat a, ka in sut nghal hraih! Tunah chuan ka ngaihtuah duh lo, ni e.... A thil sual tih man hmu in damdawiinah engmah hre lo in a la lawm a mahse a thil tih nghawng thui zia hi a rul seng dawn chuang lo!








" Ka lo let lo mai thei! Engmah lo ngaihtuah hah suh la, mutthilh i lo tum dawn nia! " Kawngka bulah ding run chuan a ti sup a, ka bu liam vel mai mai! Ka chau ngawih ngawih a chhan lah ka hre der lo!






Mut kan tum tawh a mahse Jeromean phone call a dawng a, an in biak dan atang un damdawiin lam a ni tih ka hria! Tunlai chu damdawiin lamah hun a hmang nasa tih ka hria, tunge awm lah min hrilh loh avang in ka zawt duh bik lo a, ka tan a tangkai a nih chuan min hrilh ve ngei ka rin vang zawk in! Mahse a thil sawi vel vang khan ka awm a nuam thei der lo! Nu leh naute in kar chu engvang a hleh kam a buaipui biau nge a nih tih nen! Rilru nuam lo zet chuan khumah chuan ka mu a, ka pum chu ka zut ve rungawt bawk!








" Thlakhat chhung in naute a awm ang maw! " Ka ti nghal sap!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 29th, 2019, 12:07 pm

LAST CHAPTER - 46 🌸 by Amy Cck ( Dream Girl)








" Sang ..... vawin enge i tih dawn " Ka phone ka la chiah chu Zualtein a rawn ti nghal lang lang! He nu hi chu a mize zawi awi zet nen hian a bulah hi chuan ka nih ang ang in ka lang thei a min kawm ngaih in midang ngaih dan in min ngai ve lo a! A nuam in a thlamuan thlak ka ti! Kei mahah chuan thian neih vak hi a lo ngai lo tih ka hre bawk!








Class ka kal tur thu ka hrilh a, a in check tir ni a nih thu leh U Rintluanga a buai deuh avang in min kal pui theih a ngem a rawn ti a, a aw atang a in thla hrung tih pawh ka hre thei! Ka kal pui hman thu ka hrilh chuan a rawn lawm ngang mai!








" A dik ngei a ni tih ka prove hunah ka hrilh ang! " Ti hap in ka kut a ka thil ken chu ka en vang vang a, ka phur ve deuh tho a mahse ka rilru erawh a nuam vek bik lo, a chhan chu pasal nei lo in nau ka pai tihna a nia! Mahse kan in nei tur thu a sawi a, Jerome Zothansangan a sawi tawh tih loh a nei ngai lo tih chu a hre chiang ber tu ka ni bawk!








" Flatty hman hmawh ve la! " Sitting room lam atang Christan a rawn ti lawng lawng a, ka kut a test kid chu ka purse ah ka thun nghal vat! Mahse room kawngka bulah a rawn ding hman hram!








" Kha kha enge? "





"Eng maw? "






" I bag i khung zawh chiah kha? "






" Thil! "






" Eng thil?"






" I va dil chhut tak! Mipa hriat chi lo! " Ka ti hap. Jeromea pawn a hre lo a Christa pawn a hriat thiam ka ring bik lo!







" Weiisss! Nang hian naute i nei dawn mi? " Then thaw a rawn ti tu chu ka hau in ka melh!







" I mawl a mi? Naute te chu awm se ka pum hi he ti chen hian a rawn puar a ngai ang chu! " Ka kut phar meuh in ka ti ta chiam!






" Flatty ka mawl lo a nia! Min hrilh loh chuan Jerome ka phone a nga.... "






" Heiiii!" Ka ti ta chiam, a la nui vur vur leh nghal!








" A lan dan chu a nia mahse vawinah damdawiin ah ka chian phawt dawn! " Ka ti ta sap. Zualtei ka kal pui dawn chuan a lo in check chhung in ka ti hman ang! Christan min kal pui an tum mai mai khawp a! A phur fal thei a nia! Ching cheng in! A tawpah chuan chaw hnu lamah lo kal tur in ka ti ve hmiah! Chaw hmaah Zualtei ka in check pui a nga chuan kei chuan Christa ka lo nghak ang ka ti ta nge nge!








" Mahse class ka kal lo tih hi Jeromean a hre tur a ni lo! I promise em? " Ka tih chuan nui vur vur in a bu nghat nghat .







" Awii.... Ka nu in min kal pui a tum a mahse min kal pui tur thu ka hrilh a! " Zualtei a ti chuan ka nui ver ver. A lai zawn ang maiin min en a kei pawn a rilru sual loh zia ka hria a ka ngai na ve em em tawp!








Zualtei a in entir zo a mahse kei chu tih tur dang ka neih avang in chhuan lam siam in min haw san tur in ka ti hmasa a damdawiin kawtah Christa nghak in ka thu a, a rei phian leh nghal! Lo nghah phah in chips ka lei chu ka ei ta vel mai mai! Tun lai chu ei ka duh thar ta thut bawk! A hma ka rai a maw ka tih a ka rilru hah ngaihtuah chuan tunah chuan phurna riau ka nei a nih chu!








" Miss... Miss...! " Rawn ti tu ah chuan ka harh zawk a, ka thutna sir lam ka hawi chu mipa naupang duhawm zet hian min lo melh ve kiau a nih chu!








" I stomach a na a nge kha tiang kha Ama in ei lo tur a ti! Chu lo chu Hospital ah i awm mai ang! " Ka thil ei lai kawk zeuh in a ti sap a. Nui hak in a duh ve leh duh ve loh ka zawt nghal sap! Mahse a nu in a tha lo a tih thu bawk in min chhang leh! Kum 5 bawr vel lek a nih ka ring mahse eng vang a a mah chauh a awm nge a nih!








" Olee.... Kan ei tawh lo ang chuan khawnge i nu chu! A lo zawng nasa tawh viau ang che! " Ti sap in ka thil ei chu ka hlawm khawm a dustbin kan piah a miah chuan ka paih nghal zat!








" Anu a ni lo kei ma Ama a lawm! A nu ni lo in Ama zawk! " Ka bulah thu tha sat sat in a rawn ti pang pang a, hrilh hai zet in ka hmui ka ti sawi zeuh ringawt! Ama tih chu a nu a sawi na a maw ka lo tih sak a! A nih loh pawn a koh ve dan a ni mai thei!








" Ok... A nih khaw nge i Ama leh Daddy te? " Pangai tak chuan ka ti tha leh mai! Naupang hi ka ngai na lutuk lo, diktak chuan min nel lo tu leh tah belh deuh ang chi phei chu ka thin hian a tuar lo thin! Hei tak hian hmeichhe zaidam leh dawh thei zawk zawk ka nih loh zia a ti lang chiang ni maiin ka hria! Mahse he naupang hi chu a lawmawm reuh em a , a mah a duhawm bawk nen ka duh ve reuh phian mahse ka sawi tawh ang in naupang lawm leh han ti hliau hi ka thiam loh zawng tak a ni!








" Daddy chu hna a thawk a Ama pawh in a thawk tho mahse Ama in Reuben hetah ka awm tih a hriat chuan a lo kal vat mai ang! " A thutna a san deuh avang in lei a rap pha lo a, a ke a then leuh leuh a, ka nuih a ti za reuh tawp! Chuan a hming pawh ka hre ta a, a in hmeh reuh phian bawk!








Christan a rawn phone a ka awm na min rawn zawt a ka hrilh hnu chuan a rawn thleng ve nghal vat! Naupang ka lo thut pui a hmuh chuan a ner nghal sawng leh nghal! Reuben-a lah chu a tawng niap niap a, a biang puar pep leh a hmui sen chek nen chuan a ma tawk ah a phul ve berh berh ka ti mai!








" Heii.... Naute sawi tak vang mai a, i lo in zir lawk tihna a mi? " Then thaw in Christa chuan a la ti zui . Damdawiin lamah kan in zui a, naupang a mah a kal san tawp chu ka hreh ve deuh bawk nen a chhungten a awm tih an hriat hmel vak bawk si lo a kan hruai ve hmiah! Ama chu damlo enkawl tu a nia a ti bawk a a chhungte kan hmuh mai ka ring deuh bawk nen.








" Heii.... Test hi a lo dik lo a nih chuan theihnghilh nghal hmak ang che! Jeromea i hrilh vaih chuan i chak lo viau ang? " Doctor awmna a kan luh dawn chuan Christa chu ka vo leh hnu hnawh. A hma a Jeromea nen kan in check tir lai a rai ka hlauh ang tluk zet in tun tum chu rai loh ka hlau ti i la ka sawi sual lo ang!








" Amaaa! " Room kan lut tur chiah chu Reuben a rak tung leh hlim tih hriat zet a kan vei lam sir pan a tlan ter ter avang chuan kan tawi khaw muang leh hnu hnawh! Kan lam pan a hmeichhe pakhat nurse ni ngei tur chuan Reuben chu a rawn be ve nghal mawlh mawlh a, a fapa a nih ka ring ve tawp!








" Reuben Daddy tel lo in khawiah mah kal lo tur ka tih kha! " Nurse nu chuan a ti nghal mawlh mawlh a, Reuben a in thiam lo hmel chu a kawngaih thlak awm reuh tawp leh nghal! Kan bul rawn pan in lawmthu te min rawn hrilh nghal luam a Reuben lah chuan hmeichhe kutah chuan a vuan nghal chat leh nghal!








Vanneih thlak tak in nurse chuan min buaipui ta vek a, chuan test kan nei tha leh a ka ruak lo ngei bawk! Ka hlim lutuk mahse engtin nge Jeromea ka hrilh ang tih in ka rilru a luah leh tawh! In check tir leh hun tur min hrilh a, chu tah chuan ultrasound pawh kan ti nghal dawn a nih hmel!








" Naute pa a mi? " Christa phone khawih mual mual lam chu a melh zauh a, ka nui hak! A nih loh thu in ka chhang a mahse a awi vak loh hmel!








" I fapa chu a duhawm hle mai! Chuan in in chhun nufa bawk! " Nui var var chuan ka ti let a! Ka ti tak tak bawk! An tawng duh in an mizia vel te hi tun mai a ka hmuh dan chuan a in ang ka ti tak zet bawk!








" Tak tak maw? Mahse vanduaithlak tak in ka fapa a ni lo a, nula hnah khat ngat ka la nih hi aw! " Fiamthu a tiin a nui nghal hak a, phawk lutuk in ka melh thung!








" Mahse Ama a ti bawk che sia! " Ka mak tih zia pawh ka aw ah a lang chhuak hial! Mahse Reuben -a pawh in a nu a nih loh thu a sawi ve tak kha!








" A dik a lawm! " A ti sap ringawt , ka lo buai ve chiam na tur pawh a ni lo, ka damdawi tur leh ang eng emaw ka ti fel a, Christa thutna lam chu ka pan a, a bulah Reuban a uluk tawk in a phone a lo bih pui bawk! Chuan Reuben ka hmuh hian naute neih ka chak ve vek!








" Jeromea chu engtik nge i hrilh dawn? "







" I dil chhut mai e a! Ka la hre bik lo! " Motor seat nghenchhan nghen dat in ka ti sap! Tun lai phei chu enge a buaipui , a buai thin tho na chung in tunlai te hi a buai leh zual!







" Ehee.... A pui dawn e! " Christan a rawn tih hluai chuan ka ner nang!







" Nang pa pui hi i lo hrilh vaih chuan i chak lo ang! Tunlai phei chu aa... Ka sawi thiam lo! " Ka ti sap! Sawi sel tur em em hre si lo in kan in hlat riau a hriatna ka nei!








“ Hrilh ngei ngei ang che i hrilh loh chuan ka sawi a ni mai! Chuan a tha vek e nang tal in hlimna i rawn thlen dawn a! " Motor turn kual pawp chuan a ti sup a ka en haw!








“ Mak ti suh! Jerome pawh tun lai chu a buai viau ang! Hna lam ai mah chuan Sarah a nia! Kan chhungkua ang chiah in ka ngai che a hre ve mai mai la ka duh, Jeromea nen buaina i neih phah ka duh loh vang a hrilh che ka ni bawk a! Chuan Jerome hi ngai sual lutuk lo la, Sarah a hmangaih vang a nia, kei pawn a ngaih dan ka tawm pui vek! " A thu sawi lai chu ngun lutuk in ka en tawp!








Sarah in nau a pai a nih chu! Bialpa emaw ngaihzawng a neih awm ka lo hre lo reng reng! Chuan vanduai thlak tak in a naute an paih a ngai a nih hmel a! A lo zep a , a lo hram deuh hlek tawh a vang in enkawl na a dawn a ngai deuh thu leh tunah pawh damdawiinah a awm thu te a sawi a! Ka lai nat! Chuvang a nih chiah chu Jeromea pawh a buai ve em em chuan hman a naute leh a nu tih vel a sawi pawh kha Sarah hi a ni tih ka ngaihtuah chhuak uar uar bawk!




*



*



" Tunlai chu duh ang pawn ka ngaih sak hman lo che ti raw! " Ti sup in ka taksa chu a rawn kang deuh salh a, taksa lian leh hrawl zet in min kuah nghal hlu hlu bawk! He pang ti lum hi ka thlamuan pui in ka zawng chhang hluah hluah bawk! A awm zawnah ka hmai phum tha sauh sauh in a lungphu ri dawt dawt chu ka ngai thla a, a thawk lak zawng a a taksa hrawl zet che ve awk awk te chuan ka taksa a ti che ve ak ak a, min pawm kang nawlh tih ka hria mahse mit ka meng leh thei tawh lo, tunlai mut ka duh thar leh zual em em na chhan pawh ka hre tawh bawk!








" I duh tawk in han mu phawt mai teh! " Ti sup in khumah min nghat dawt tih ka hria, ka chalah hmui lum thur thur in a rawn nawr vang vang a, in ka hrang in ka hnarah a rawn fawp leh zeuh te chu ka mang hriat ruai ruai!








______________________________________________








*JEROME ZOTHANSANGA POV*








" Morning ka hmangaih! " Nui hak a ka hnar a rawn fawp zeu tu avang chuan mit ka meng chhuak ruai ruai a, ka hmai zawn a mawi zet a rawn nui ver ver tu chu ka awm zawnah ka kuah khawm nghal hlu hlu bawk! Zing thaw ve leh a hmuh a tan chuan duhthusam a ni chiang lutuk tlat!








" Min thawh khalh ve ngei a! " Ti sup in a chalah ka hmui ka nawr vang vang a, ka awm zawnah a rawn nui lum nghal hak! A kut rawn lek chhuak in ka awm zawn a bei reng chung in ka sam chu a rawn tuai thuak thuak a, nui suk in a rim nu chek chu ka hip lut nghal vang vang bawk!








" Heii... I tawp vat loh chuan ka surprise miah lo ang che aw! " A kut man bet rawk in khumah ka leh thal nghal vut a, a rawn rak nghal tung a nih chu! He a mize thaw veng zet leh thin awrh ve zet hi ka duh riau bawk! A chhan chu Lalruatsangi ti Ruatsangi tu kha a ni miau a!








" Surprise! " Mit hmul san uk in ka ti sup! Thei leh thei lo chuan a lu a rawn bu zeuh a, ve reuh hian eng surprise nge a neih ve ni zingkarah leh nghal!








" Min thlah phawt la! " A rawn ti leh sap a, rum nghut in a hmuiah ka fawp tawn tawn phawt a ka thlah ta hram! Tunlai chu ka thawh rim mai piah lamah rilru ka seng nasa bawk nen ka chau rim tawng ve a nih ka ring ka ni nghulh a ka chau ngawih ngawih thin hi mahse a reh ve leh mai tur ah ka ngai! Vawin pawh damdawiin lamah Sarah hmu tur a kal hma ka ngai leh phawt a, hmeichhe rilru na hi tih dam mai mai a lo har a nih hi ka ti ta ringawt!








" Hei enge? " Ka hmai zawn a a thil rawn lek va va a vang chuan ka khawng nghal awt!








" Hmm.... I la hrethiam chuang lo tih sawi miah suh! " Lawm lo hmel deuh in a tum nghal bar a, a kut a a thil ken chu ka ban nghal vut! Chuan tun tum chu line pahnih a in rin tawh ngei e!








" Niminah Christa nen damdawiin ah pawh kan in check tir thlap tawh a nia aw! " Nui var var a ti tu chu ka kuah bet nghat hmiah! Ka in thiam lo in mawl ka in ti tak zet bawk, a mah ngaihtuah hman lek lo in ka lo buai a!







" Ka tihpalh kei mah ngeiin damdawiinah ka hruai lo che a chuan.. "







"Heiii.... Enge tihpalh i tih chu ! I buai tih ka hria a lawm chuan kha tiang hmel kha i in hmeh ve lo a nia! Jeromea ka hriat thin chu mipa tawhkhirh leh nui khat deuh, a mit atang a leisure kap chhuak thei ang mai a hlauhawm...! " A sawi zawh hma in a nak nemah ka tham salh a, min fiam tih ka hria, chuan a mi fiam dan naupang chhiat zet thleng hian ka hmangaih vek! Khumah chuan let thla in a nui hak hak a, Bingo leh Fifi lah chu an lo phur ve phian bawk a, khumah rawn zuang kang in an pi chu chhan tum ang hian an rawn bauh ve thawt thawt bawk!








" Hetiang hi chhungkaw awm dan a nih chuan ka chhungkua hi ka chhan phal tawh ngai lo ang cheu! " Ti sup in a taksa chhungah chuan ka bawk thlawp a, ka sam karah a kut rawn rawlh lut in a thaw chhuak halh halh a, tunah chuan a hma aiin ka ngaihsak leh zual a ngai tih ka in hrilh nawn nghal sup bawk!








" Sarah chu ka hmu ve thei a ngem? " Ka tie awrh tur lak chhuah pah chuan a ti sap a, ka melh zawk a, a mit meng fiah kiau chuan min lo melh chho ve vah a, zawhna min zawt tih hriat zet in a mit hmul a rawn san ve euh bawk!








" Yepp.... A tha ngawt ang! Chawhnu lam class off la, ka lo lam ang che! " Ka ti ve nghal sup! Sarah I chung chang a hriat ka duh loh na chhan chu a rilru a lo tih buai ve chiam ka hlauh vang leh midang hriat vak a ngai ka tih loh vang a ni pakhat a mahse rin ai chuan a awl sam viau!








Hotel ah pawh engmah dang ka ngaihtuah thei lo, zing a Ruatsangi thu sawi ringawt ka rilruah a awm a, ka hriat loh chhung in ka lo nui leh suk thin! Hnaah pawh rilru ka pe hlei thei lo chu a ni ber mai! Ka hnuai a hna thawk te pawn mak min ti tih hriat zet in min en leh haw thin mahse tuman ka hlimna hi an hrethiam ve lo tlat a mak min tih pawn a awm lutuk tho!








" Jerome thu lawmawm a awm a mi? " Christan a rawn ti chuan ka nui chhuak nghal hawk a, kei aiin a hre hmasa erawh pawi ka ti!








" Nang hi i duh duh hunah class hi i thulh a, han kal tluan lo teh, i chanvo hi i kutah ka dah leh dawn lo a ni! " Ka ti sup a, a lawm lo ngang mai!








" Ka hria! Chuan thil pakhat a harh chhuak tawh! " A rawn tih rual in ka kut chu ka hum ruh nghal tawlh tawlh! Kan ramhuai vannei zet pawh a harh chhuak tawh a nih chu!







" Ka hria e! Kan boruak ip pik zet chu zo fel law law ang hmiang! " Ka tih hrawk rual in kawngka lamah thawm kan hre zawm zat! Kawngka bula hmeichhe lo ding chu ka melh nghal ngur a, kan hmu tih a hriat tak ah chuan nui lui tih hriat zet in kan lam pan in a rawn pen phei nghal zat!








" Uhh... Ka ti buai cheu em? " Ruatsangi hmel chu ka en ngur a, kan thu sawi kha a lo hre hman a nih ka ring ta bur!








" I tha em? " Ka ti sup!





" umm.... Engvang in nge ka that lo ang! Chaw hma last ka nei lo tih ka lo theih nghilh a, damdawiinah kan kal dawn tho sia ka rawn kal mai! I buai a min lo lam kawi vel ai chuan ka tia! " Couch a thu fel at chuan a ti leh sap! A kut tin a sik niap niap danah a awm a nuam lo tih ka hmu chiang lutuk bawk! Engmah thu dang sawi lo chuan ka in peih thu ka sawi sup a, Christa a awm ve a vang in thu dang sawi vak a rem lo! Christan Ruatsangi a chhaih leh luam a mahse a bul tawk chiah in a chhang a ni dang ang in a ti let ve pang pang lo bawk!








" Sawi duh loh viau mah i la, tun hi a tawp na tak tak a tan! Bebe.... I thu thlukna ang chiah in thil ka thlen tir dawn bawk! Min ring ti raw! " Ti nghut in a kut a suih beh chu ka hum sak nghal hmiah! Passenger seat lam atang chuan min rawn en a, a mit hnawm chap leh a hnar sen tekah chuan tah chhuah a in sum tih ka hmu nghal zat! He thil hi ka thil hmuh duh lo ber a ni bawk!








" Ihh.... Dik tak chuan ka za len tir tawp thei lo! Damlo in natna khumah a awm tih ka hriat lai kha chuan ka hrethiam mai a mahse..... Mahse a thil tihah khan ka ngaidam thei lo! " A rawn tap chhuak nghal hawk! Chuan ka zawhna chhanna pawh ka hmu nghal bawk! Motor chu kawngsir ah ka ti ding dawt a, ka bul a ka hmeichhe hmangaih leh ka engkim ni bawk chu ka lamah pat hnaiin ka kuah nghal vut a! Kha thil sawi chhuah emaw a hriat chhuah a piang hian a hmel a mangan na lang chhuak hi ka hmuh hmaih lo!








" A tha e! Hremna pawh a hmu ngei ang! Chuan bang tawh rawh leh kan naute i ti hlau thawng mai tur a nia! " A hmuiah fawp zeuh chuan ka ti sup a, thaw chuak halh halh in ka awmah hmai a phum kak a, tun bak chu a mitah hian mittui a chhuah leh ka phal tawh hauh lo ang! A lo chhuak a nih pawh in hlimna vang chauh a ni tawh bawk ang!



*



*



" Jerome! Roomah sawn luh ve an phal tlat lo a nia! Sawng ho saw ban vek ka duh! I hlau thawng ve lo a mi, Ruatsangi chungah thil eng emaw thleng ta se, hmuh vat tha ka ti! " Christa chu ka nui hawk! Vawhin kan in neih ni a ni a, a tawpah chuan ka tan a ni ropui ber tur chu ka tawng ve dawn tawh bawk a!








Christa erawh monu hmuh a tum a mahse a cheitu leh Mo thiannu tur in mipa tumah luh an phal lo! Awh... Ka sawi hmaih tep a thiannu mak sak ve deuh kha Zualtei mo thian tur a ni bawk! Chuan inneihna chu Biakin kan hawn theih tak lohah chuan ka hotel ah hman kan ti tlu ta bawk a, tunah chuan pasal leh pa nih na chanvo a rual in ka chelh tawh dawn tihna a nih chu! Lison pawh kan in neihna hmang tur in a rawn kal a, Sarah pawh la dam chiang lo mahse kal ve ngei a tum tlat avang in kan dang lo! Chuan khawvelah ka hlim ni ber a ka unau ten min tawiawm thei hian ka lawm a ti kim leh zual em em bawk!








Hotel chhung Hall lian leh zau zet a hmeichhe kawr var puk laih ha a rawn pen lut chu mit khap lek lo in ka lo melh ngawih ngawih a, zing ka mit ka men rual leh zan ka mit ka chhin dawn thleng a ka hmuh ngun ber ni mahse ka en kham thei chuang lo! A sam sei nal zet chu a ti kir deuh chiai a, a mit meng eng phat leh hlim tih hriat zet ka hmuh chuan tih nuih chawp ngai lo in ka nui ve nghal suk!








" Ka vantirhkoh te hi a chau tawh em aw! " A beng bul a kun hniam in ka ti sup a, nui var var in a that thu min hrilh nghal sap! Hall chhungah min lawm puitu leh hun min hman pui tu an khat vek a, mahse heng ho zingah hian kan chhung hnai vai erawh chu tlem te an ni thung!








" Tunah chuan ka nupui , ka hmangaih em em, ka chhungkua leh ka engkim i ni tawh! " Ka hma a hmeichhe ding chu a hnunglam atang a kuah in ka ti sup a. Nui nghawr dat in a taksa te ve tak chuan mi rawn ngheng ve sat sat bawk! A dul la thep henah chuan ka kut ka nghat a, hetah hian ka fa tur a in siam mek bawk!








" Nakinah chuan a la rawn puar luah dawn a, a mak ti raw! " Ka kut rawn vawn hnan in a ti ve sap a, ka nui nghal suk! Ka mitthla ringawt pawh in a duhawm dan tur hi ka hre nghal vek!








" Ka nun a I lo lut hi ka lawm e KA HMANGAIH! " Ti sup in ka lam hawi in ka khuai her a, a hmui kau deuh tiarah chuan ka fawp nghal nghawng nghawng a, uar zet a min chhang let ve nghal tan tan bawk! A hmui a fawp reng chung chuan ka pawm kang nghal nawlh a, khum lam pan in ka pen phei nghal pawk pawk bawk, tunah chuan ka nupui a nih na ang ngeiin hmangaihna kan chen dun dawn a, kan in kar a hmangaihna hi tu mah in an tih chhiat ka phal ngai lo ang!








_____________________________________________

IMG_20190924_212413.jpg
IMG_20190924_212413.jpg (59.78 KiB) Viewed 8041 times






" Mommy...... Mommy.... Mommy chu morning a ni tawh a nia! " Khumah zuang theuh theuh leh hlim nui rak kual vel chuan min ti har zawk, mahse mit ka meng thei lo nizanah ka pasal ka hmangaih em em hian mut mu min tuah tir hlei thei lo a, chutiang bawk in ka pum chhung a naute pawh in , chuan tunah a U zawk pawn tui tak hian min mut tir thei thlawt lo!








" Faith! Zingkarah khumah in fiam suh! Bingo te bulah va in fiam rawh! " Ti sap in ka in let thak! Ka fanu kum thum mi ti tau tawng bai bai leh mipa aw thum zet in thlem thawm chu mit chhing in ka ngaithla reng a, zingah an harh hma thei si, an harh lah hian mi zawng zawng kaih thawh hi an tum ve ziah leh nghal!






" Duati.... Mommy leh junior an lo wake up hun a an ei tur siam ang aw! " Jeromea aw thum sup ka hriat rual in khum chu a ting nghal nawlh a, ka fanu Faith Vanlalduati aw rawl sin zet in a khek nghal tung! A pa in a taksa hrawl leh lian zet in thlawhtheihna a siam sak leh tawh tih ka mit meng kher lo pawn ka hre thei!








" Daddy a ai a sang in Bingo min zuan phak loh in ka duh! Daddy! " Ka fanu rak tung leh kher tuar tuar chu mutthilh san theih zia zang a ni tawh lo! Khumah chuan thu chhuak hlawl in ka pum puar ve luah tawh chu ka chul a, a U kum thum a nih hnuah ka pai leh chauh a, Faith-i ka pai khan rai ka haw vak si lo a, ei ka thei in mut ka duh bawk a, ka taksa pawh a nalh zawk mahse hei chu a in let thawk, chuvang chuan mipa a nih ka ring ve tawp a, a che reng reng hi a na ve reuh lutuk a!








" I Daddy leh Big sis sawn Mommy leh Junior hi an mut tir thei thlawt lo ti raw! Nang te reuh pawh hi Mommy thu awi viau ang che! " Ka pum puar ve al tawh chu ka be leh sap sap a. Khum atang tho chhuak in Jeromea leh a fanu in chhaih rak tung te awm na lam pan chuan ka kal ve leh ta nge nge!








" Mommy.... Mommy ka fly a nia! " Faith-in min hmu rual chuan a ti leh nghal tung a, Jeromea lah in nui chhuak hawk hawk in a fanu chu sang tak takah a ban tha ngah tih hriat zet a phiar fat leh hrawl zet chuan a sep leh zauh thin! Bingo leh Fifii lah an lawm lutuk an lo bauh in an lo zuan ve thauh thauh a, kan chhungkua chu he ti lek hi la nu mah i la, kan bengchheng em em tho!








" Ka hmangaih morning! " Jeromean min hmuh chuan ka lam pan a rawn pen phei vut in a fanu chu zo zet in a pawm tha nghal nawlh a, ka bul a rawn ding nghal run in zing tin a tih thin dan in ka chalah a rawn fawp nghal zat bawk!








" Junior morning! Lo chhuak vat vat tawh rawh aw! " Faith-in ka dul puar ve al tawh chu fawp ve zeuh in a ti ve sap a, ka nui nghal hak! A pa chiah chiah hi a ni mai!







" Mommy .... Daddy in eitur a siam vek tawh chuan Junior pawh a hungry lutuk tawh ang! Imm leh Vivian te bulah kan kal dawn kha! " Lei chhuah tet in a ti tel sap! Jeromea nen in melh in kan nuih ta ringawt! Ka thawh vat vat leh thil ka ei vat a duh chhan chu Zualtei te nen kan in hmuh dawn vang lek a ni tih ka hre ta chiah! Zualtei fa phir te aiin Faithi hi a thla in a upa hret bawk!








Kan in, ka nu awmna zawk kha Jeromean a ram chawp in a lei a, tun a kan chenna hi a ni bawk! A in kha that vek in in lian zet a sa a, kan pahnih a kan flat kha chu a duhthu a sam lo te pawh a ni mah na! A in pakhat lah kha a hlat mah mah avang in keiman awm ka lo duh bik lo nen tunah hian ka nu te nen kan cheng ho mek tihna a nih chu! Chuan Jeromea ka hmangaihna ti zual Tu em em chu kei mai ni lo in ka nu thleng in a duat in a ngaihsak em em vek a chhungkaw pa ber nih a tlin hluah hluah bawk!








" Ka Duatte! " Rawn ti lawng lawng ah chuan ka fanu thil ei mek chu a meng bial nghal kawk a, nui var var in chair atang a chhuk nghal thak bawk!







" Pate..... Pate vursen min hawn em? " Faith-i khek ralh ah chuan ka thaw hak! Tunah chutiang a ei chuan chaw a ei leh duh dawn lo tih ka hre lawk!







" Ka hmangaih em em te pahnih hi vawin hun nuam tak lo hmang ru aw! Junior Mommy kha lo ti hah lutuk lo la! Chuan ka vantirhkoh hmelthatei hian Daddy hna thawk tur eng tin nge a thlah dawn aw! " Nui suk a tih leh Duati hma zawn a thingthit a rual nghal a, Duatin nui ver ver in a nghawngah a lo kuah chat bawk!







" Daddy thil min lo hawn rawh aw! "ti sap in a pa biang leh hnarah a fawh sak zeuh bawk! Jeromea chu a nui chhuak nghal hawk! A fanu thluak tha zet hian tunge a chhun tih sawi nawn hi a ngai lo reng reng!







" Duati Pate Christa bulah chuan i lo kal dawn lo maw? Aunt Sarah in a hmu chak che a nia! Thil tui tawk tawk pawh a nei! " Christa chuan a rawn ti leh Duati rilru buai ve hmel zet a hawi kual chu ka nuih hak! Christ leh Sarah hian an duat leh lutuk a, a chang chuan Hotelah a kal ve fo nghe nghe!








" Pate... Today chu Imm leh Vivian te nen kan play dawn a tomorrow ah ngei ngei promise! " Ti leh a kut zungte tih pir a rual a, Christa pawh chuan a tih ang chuan a rawn ti ve leh ta nge nge!








Ka khawvel chu he ti mai hi a nia mahse ka hlim in ka duh zawng zawng ka hmu a, ka hmangaihte nen kan cheng ho vek a, BA chu Pathian zarah ka chhuak ve hram a, midang chuan dream a thlen dik chuan dream a ni thei nang an ti thin! Mahse kei chu ka dream zawng zawng piah lamah ka ngaihtuah phak loh thkeng in ka chungah a thleng vek, ka sawi hmaih tep Ruatdika pawh thu buai neiin jail a tang a, kei chuan vawi khat mah ka hmu lo, engkim Jeromean a ti fel vek a, a ruk thei ang ber in thu buai pawh kal pui a ni bawk!








Pawn lam a motor ri thum vung vungah chuan ka fanu beng var zet chuan a pa a lo haw tih a hre leh nghal chat a, ka pum rit tawh nen ka fanu tlan tar tar hnungah chuan ka kal ve zel a, kawngka ka thlen ve hma hauh in ka fanu leh a Daddy chu an rawn kut fel der tawh! Jeromean Faith-i chu koki chhuan in a aw rawl lian zet chuan a nui pah hawk hawk a, Duati lah chuan a pa aia sang a a awm chu lawm tih hriat zet in a nui var var reng bawk!








Hei hi ka nun ve chu a ni! Ka lo beih ve tang tang na leh theih tawp chhuah a khawvel ka lo hma chhawn na chuan a tawpah rah duhawm tak a chhuah a, ka nun kawng bum bauh zet chu tunah chuan ka pasal thla zar hnuaiah ngaihtuah let in khang thil kha tawng lo i la chuan tun a ka chhungkua hi ka nei ngai dawn lo tih hria in nitin hian Pathian hnenah lawm thu ka sawi fo thin! A ban lian leh hrawl zet a min kuah tu chu ka melh chho haw a, a ni ang mipa ka tawng hi khawvel a hmeichhe vannei ber ka nih loh vek pawn vannei ber dawttu chu ka ni chiang ang! 🌸🌸🌸




www.storyfb.com mizo story thar englai pawhin chhiar tur a awm reng


__________THE END__________






🌸 Demon's Desire chu zan 46 zet kan ziah hnuah a hmawr kan bawk ve ta hram a😅 ngaihnawm loh lai leh duh khawp loh lai te, tha tawk lo lai te pawh tam tak a awm ang, chung zawng zawng te sawi sel lo a min hrilh a min fuih phur tang tang thin avang chauh a a tawp thleng thei ka ni tih min hriat sak dawn nia❤❤ chuan zan in chu cmt vek ti ang aw, a cmt thin leh silent readers zawng zawng te pawh, 😘😘 in vaiin ka hmangaih em em vek che u a nia, chuan inbox lam a Ruatsangi an pawngsual vang leh a rai tep 😂 avang a min rawn hau tu te zawng zawng pawh kha ka hmangaih vek cheu😅😅 ka story ho ve te in lo feel a in lo tan lutuk vang a ni tih ka hria a ka lawm in ka hmangaih em em vek cheu a nia😍😍 muttui mangtha vek u le😘😘🌸🌸🌸


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)