" A nei tu mah ni la tunah chuan ka kutah a awm a chuan I nu in a rawn call leh chiah bawk!! " a ti sup a, ngeiawm lutuk chuan a khi suk bawk!!
" Te tak te si I va nghal ve!!! " a ngal ka pet sak chu a khai uk a, a in rin hma chuan a, kut a phone chu pawt thla hlawk in ka tlan san vang vang!!! Ka ke lah chu a na em em, a rol thum in a nia ka rin, kar khat vel rim lutuk a pheikhawk hill sang zet bun chu ka zo meuh lo!!
Ka tet te atang a mah ni a in buai pui thang ka nih avang hian hlauh hi ka nei zen zen lo, ka nu pawh in hmeichhia te te I lungruh in I huai lutuk min ti a mahse ka pu chuan a tha a tih zawk thu a sawi thung.
" Aw... Nu ka pu a nuam lo a mi? " ka pheikhawk tlawh phelh chuan khum ah ka bawk nghal thawp! Vawin ka thil tawn zet chu rapthlak tih pawn a sawi fiah zo lo.
" Ti nge phone I lak theih miah lo a tunah dar 7 a ri dawn tawh a, I ban a hun daih tawh nen!! " a rawn ti lang lang a. Khum mawng lam a sana chu melh zawk in ka ner Nang!
Kan Ramhuai palian a vang vek! Zing dar 9 atang a dar 4 thleng ka duty a, tunah dar 7 a lo pel tawh a nia!!
Ka nu hnenah chuan hna atang a ka ban tur thu sawi ka duh viau mahse a rilru a hah dawn lutuk tlat. Engtin nge kan ba kan rulh a nga, ka pu damdawiin man kan pek ang???
Kei mah ang rual hmeichhia chuan an vanglai chen in thian te nen in tih hlimna te nei in lungkham leh helh kam reng an nei lo! Kei ve chu ka thluak ah hian sum to sum hlir a awm? Engtin nge pawisa ka lak luh ang? Tih ringawt!
Mipa chu ni I la hna thawh tur a awm mai zanah te pawh a thawh lawp lawp theih zel a. Hmeichhe tan chuan buaithlak deuh a nia! Shillong ang khan zanah part time job thawh tur a awm ve lo a.
Hotel hi ka tan chuan hlawh a tha ber! Chu pawh hlawh chan ve an cut zel kan ba avang in! Ka nu in a rem chan dan a zir in chawhmeh leh eng eng emaw khar chhawng in tlem tlem a lo la lut a, damdawiin nen a kar tawn bawk nen!!
Kei lah kar 1 awr ka thawk a ban mai ka ni dawn bawk si!! Ka nu bulah chuan zing ah damdawiin a ka kal kawi tur thu hrilh in kan in biak na ka ti tawp a!
Min ngaihtuah thu leh ka mut dawn a kawngka leh tukverh in kalh leh kalh lo en thlap tur in min ti mawlh mawlh a, ka um e Liam mai mai!! Naupang te in ngaihtuah leh vei ka ngah lutuk hlauh tak tak pawh hi ka nei lo hial in ka hria!!
Ni leh lo!! Kha misual lutuk pa kha a hlauh awm tak zet!! Chuan ka ngai na lo tak zet bawk!!! Huisss... A ni pawn min ngai na lo a. Chuan kei zawk hi a buai tur zawk ka ni tih ka hre ve kur!
" Huhhh... Ngaihtuah peih tawh lo!! Ka buai tulh tulh! " Ti chiam in bathroom ah ka lut nghal hmak!! Ka taksa a kha pa sulhnu tih fai a engmah hre lo a mutthilh hmak ka mamawh hluah hluah ber mai !!
_____________________________________________
" Chuan tukin zing thleng khan police emaw min man tur beiseiin ka lo nghak a!! " ti sup tu avang chuan ka zam em em ringawt! Thil ti sual ang mai in Manager dawhkan hmaah chuan ka ding ran a, mahse ka hma a awm chu kan manager kha a ni tawh lo thung!!!
Tukin zingah hotel a kal hma in damdawiin lamah ka kawi a. Ka nu thil hrilh tur in! Mahse ka nu in ka pu damdawiin bill pek a hun dawn tawh thu leh damdawi leh test eng eng emaw neuh neuh a awm dawn a Doctor in sum lam a lo in ring tur a min tih thu te leh a rilru hah thu a lo sawi bawk si!!
" Hotel ah sawn ka thawk peih tawh lo, an boss saw a sual in kan in mil lo " tih chi zia zang a ni lo. Ka ban tur thu sawi I la, enge hna dang ka thawh ang? Eng dawr emaw nghah tur chu ka hmu mai thei mahse thlakhatah 3000 bawr vel bak ka hlawh dawn lo chiang a. Chu lek chuan eng tin nge kan ba leh kan damdawiin man ka pek theih ang!!
" Mr. Jerome khawngaih in min ngaidam rawh! Kha tiang thil kha a thleng nawn tawh lo ang! " ka ti sep. He tiang em em a ka tlawm hi ka la hre lo. Mahse ka tih a ngai!! Kan chhungkaw tan, ka tih loh pawn ka nu in a hriat chhuah hunah a ti tho ang!
He ta ka thawh theih nan a tlawm tak a a awm kha ka hmu nawn duh tawh lo. Hetiang Hotel lianah chuan kei ang training pawh training chhuak lo tan chuan thawh theih loh tluk a ni a!! Kan ba vang chauh a thawk thei ka ni bawk .
Sum ka mamawh miau avang in ka dikna rengah pawh ngaihdam ka dil a ngai phah! Hman ang chu ni se ka dil hauh lo ang mahse hei chu a dang nunna leh thihna in kar a ni tlat!! Ka pu tan, ka pu tan liau liau ka chapo na ka dah that a ngai!!
" Heiii... Tetakte i tho a a mi? " Khi vur vur a rawn ti tu avang chuan ka in hum ruh vak!! A mah vang vek saw! Nimin khan hotel nei tu a nih thu sawi vat se chuan thil at thlak lutuk ka tih phah teuh lo mai thei! Ka ti tho mai thei bawk!
" Engvang a I rilru thlak leh nge I nih ka hre chak khawp mai! Hahh... Ka hre chhuak e, Nang hian... " Min en ngur a kan ba kha min dil tut tut ka hlau lutuk chu ka thlan fimte a chhuak tek tek thei hial!!
" Hmeichhe dang ang tho in I.....!! " rawn ti tu chu rum lutuk in ka melh hrawk a. Games khelh pah chuan a rawn khi vur vur leh nghal. Ti nge saw pa saw a lo in rawlh ve chhen ni!!
" Min lo va chhuah san teh!!! " rawn ti sup tu avang chuan ka meng phar dawr!! Ni lo ka bang thei lo!! A tul chuan thingthi pawn ngaih dam ka dil mai ang!!
" Mr. Jerome khawngaih in chance vawikhat chiah min pe leh hram rawh! " Ka tap lo chau tawh!! A chair thut na atang chuan a rawn ding ruai ruai a. A hmai chu nimin a ka hamna nge a la lang riak leh nghal!
" Christopher a I ni a mi? " min melh run chuan a ti sup a. Ka meng kawk! A sawi awmzia chu kei ni lo in kan piah a phone khawih a nui vur vur saw a tih na!!
Kawngka in khar ri dat ah chuan ka phu zawk a, room chu a reh tlawk tlawk bawk. Kha pa chhuak ta kha ka ngai rum rum! He mihring nen chauh a awm chu a mi uap a na in thawk a sak talh mai!!
" I sawi duh chu sawi la! " Ti sup chuan a in her a, tukverh bulah chuan min hnung chhawn zawng in a ding run a ka thaw hak! Min melh reng kha chuan tih sual nei ang mai hian ka sawi tur pawh ka sawi thei lo!!
" Ihhh.... Ni min a thil thleng kha ka tih palh a ni, khawngaih in min ban lo hram rawh! Kar khat chiah ka la thawk a, kha tiang kha a thleng nawn tawh lo ang! " kut sik neuh neuh chuan ka ti hap a. Sawi dan vak ka hre hlawl lo ka thiam loh zawk a ni miau lo a. Kei ngei pawn ka thu sawi awmzia hi ka hre lo!!
" A nih chuan ka offer kha i pawm tih na?! " ti sup in a rawn in her a, a kut chu a kekawr ipah a zenlut nghal run!!
" Aiii... Chu chu ka sawi tum a ni lo! Ka hna hi a ni zawk! Ihhh.... Ka hna atang a ka hlawh hi ka duh tawk!! " ka ti vak. Kha thil tenawm zet kha ka duh aw zawng lo!
" Tak zet!! Mahse hotel a I hlawh hi I duh tawk tak zet a maw? " nui hawk Chuan a rawn ti a. Tah vak mai hi ka duh! Duh khawp tih zawng ah chuan duh khawp aw kawngka lo, ka kham lo lutuk hi ka buai zawk a nia!!
" Loan in puk a, kum khat a tan chuan I hlawh atang kan in cut a, chu pawh in rulh theih lo vang in, Sarah I hian engvang a Nang ang experience nei lo hi la che nge a nih? In pawisa puk chu a pung nen phei chuan tam tham tawh tak a ni a, tunah I hlawh chan ve cut zel pawn i rul zo dawn a mi? I rulh aiin a pung a tam zel zawk chu a nia!! " dawhkan a paper la kang chuan a ti sup a. Sawi tur engmah ka hre lo ka ngawi kar ringawt!
" Ka offer kha i pawm chuan i ba hmunthum a then a hmun khat hi ka thai bo ang! " rei tawk tak kan ngawih dun vang vang hnu chuan a rawn ti sup a , ka en tlawk tlawk!
" I sual hle mai! Engtin nge min harsatna hmang tangkai a chu tiang thil tenawm chu I ngaihtuah theih! " ka ti sep a, a rawn nui suk. Tunah tak chuan thih daih ka chak hluah hluah! Ka phur rit zet hi kei hian engtin nge ka hnawh bo ang!!
" Sual maw? Chu chu a la tha mah mah lo maw? I ba I rulh theih dan tur kawng awl sam ka zawn sak che a! Khawvelah hian engmah a thlawn in a dawn theih lo! Mi thil kan tih sak chuan a let leh pawh a awm tur a ni! " ti thum bul bul tu chu ka en tawp.
Ka rilru chan ve chuan pawm mai tur in min ti a mahse leh lam chuan eng pawh huam a he room chhuah san vang vang tur in min ti thung.
" Ohhh... Bebe a la tlem a nih chuan hmun thum a then a hmun hnih!!! A in awm tawk em? " a ti leh sup. Chu thil chu a ni pawn tam a ti deuh a ni mah na a meng rum tha ngei mai!
" I hausak vang leh mi te ngaihsan leh zah rawn I nih avang hian I duh duh ti thei ah i in ngai a ni ti raw! Mahse kha I chhunglam ramhuai tenawm zet kha an hmu ve lo mai zawk a! " ka ti sap. Mahse ka, thu sawi chu a ngaih pawimawh hmel lo viau leh nghal!
" Ohhh... Ramhuai maw? A va tha ve, I duh duh chuan min ko thei ang! Ka rawtna chu I pawm em? " Mit hmul kan uk chuan a ti leh sup!! Tiang mihring hi ka vawikhat tawn na leh hriatna!
" Nang leh I offer tenawm zet kha hremhmunah kal rawh u! Chuan kan ba maw, I duh tawk in min lip se mah la pek tur che ka nei lo. I duh phawt chuan ba rulh theih loh avang in min tan tir thei ang!! I duh duh chu ti rawh! " ka hmaa dawhkan rin chhan a ding ngawi ngul chu ka an khum chiam a, min melh run ringawt!
Tan chu a tha zawk, dam chhung in tang I la, kan ba ka rulh zawh theih chuan a tha fe zawk! In her in kawngka lam chu ka pan nghal nal nal. Mi then khat chuan chapo pawh min ti mai thei! Mahse ka pawm vek, hei hi ka mizia a nia! Thin chhia, kawlh leh zahna hre lo hmeichhia!!! Mahse mi thusawiah ka in nghat lo, he tiang mizia hi nei lo I la tun thleng hi ka dam dawn a mi?
Miin ka chanchin leh ka hun kal tawh te, engmah hre lo in min sawi sel thin. Mahse engah mah ka ngai lo. Ka nun a nia ka beih nasat dan leh ka thil tawn engmah min hriat pui lo a, min hmu hek lo!!
______________________________________________
* JEROME ZOTHANSANGA POV*
" I hna chu i thawh chhun zawm thei ang!! " ka ti sup a, ka hma a hmeichhe kawngka lam pan a kal chu a ding dat!
" Kei hi I in fiamna mai mai tur ka ni a mi? " nui hak in a sam buang thang leh sei sang chu a chhip ah a hui chho hap a. A che zia engkim chu ka chik em em vek!
" Hna thawh chhun zawm maw? Chuan kha I room bik a service leh in nang in ka chung ah i duh duh I ti a nga! Chuan kei in ka pawisa ba te avang in ka en liam in ka lo dawh tawp a nga! Haha... Ka awi thei lo zawk!!" A hmui hnuai seh zeuh chuan a ti leh hap a. He hmeichhia hi a lungruh ve tawk thaw khat viau tih ka hre chiah!
Tiang hmeichhia hi ka ka hre ngai lo bawk a, hmuh pawh ka la hmu hek lo! Hmeichhe tam tak chuan he tiang ba nei chung chuan kha thiang khan min tawngkhum hauh lo ang. Ka offer kha ngaihtuah nawn pawh ngai lo in an pawm nghal hmak ang a, ka lakah tan tum in an thei tawp an chhuah ang!
He hmeichhia ve hi chuan ka fawh ringawt pawh a ngai haw em em a, ka bul a hun hman ai chuan jail tan a thlang zawk hial bawk! Chuan a mizia leh che zia awm lo lutuk in a la thianghlim bawk. He a mize chapo zet leh huaisen zet hi min hip tu pawh a ni mah na!!
" Ngaithla la Ruatsangi ti raw kha! " Melh run chuan ka ti leh sup. A hming ka lam chu duh loh hmel lutuk in a ner nang a. A mit meng thip sen ram leh bial kalh chuan min melh ngar bawk.
" Nang ang lo tak in ka rilruah jail tan lam a lang hauh lo tlat! Chuti te chuan ka pawisa ka chan dawn a sin! I thawh duh loh pawn I nu emaw pawh ba ka thing thei tho a!! A ni Chuan jail tan ai chuan a duh ngei pawh ka ring!! " ti sup chuan nui suk in mit ka kan awk a. A thinrim lutuk chu a vun var nalh tak te chu a rawn sen tan tan bawk.
" I va sualthiam ve, ka chhung te emaw ka nu pawh hnuk lut hlek suh!" a ti tan tan a. A kut zungchal te tak te chu mi rawn hmuh ve bawk nen nuih te pawh a ti za zawk!
" Heiiii.... Hmela nuih zatthlak ka sawi lo aw!! " ka nui suk a hmuh chuan a ti leh chiam a. Lu thing ngut ngut chuan a lam ka pan a. A dinna ngai ah ding reng chung chuan ka mitah tak min melh ve ngar reuh a nih chu!!
Kum 8 chhung Inperial Dragon Boss ka ni tawh! Kum 20 lek ni in ka luh chilh a! Insual, mi thah leh in vo beh!! Bosen Group tan khan ka ti thin! An Ui fing ka ni ber mai chu! Mahse an rin phakbak in ka chak a, zui tu ka ngah avang khan ka pa kha a hlau thawng a, share pawh a fapa tak tan khan a dah vat reng a.
Kha tih chhung zawng khan tuman ka mit takah thinrim leh min zah lo tak in min en in min be ngai hek lo. Ka pawi sawi emaw ka duh loh zawng a awm ka hriat Chuan ka chhuah ngai lo thung. He hmeichhia vang hian Japan lam theihnghilh thak in ka haw a. Mizoram chu a ram mi te an zaidam ka ti dawn nge awm a hah dam tak zet a. Tunah hian engmah thawk lo pawn ka nei tam tawk tawh fu.
Mahse he hmeichhia hi chuan Gang leader ka ni tih a hre miau lo! A tan chuan sumdawng hausa leh he Hotel neitu ber chiah ka ni! Chuti chung pawh Chuan mi zawng zawng chung en leh zah rawn ka ni bawk!
Bosen Group a an thuruk leh an chak na chu he Gang hi a ni a, an buainaah ka pui a, ka chinfel sak thin, chuan kei in sum tam tak ka la lut thung!! Chu sum chuan sumdawnna lian tham tak dinin ram ka zauh zel bawk. Chu chuan politics leh dan ka thu hnuaiah dah in ka kut ah engkim a awm a eng thil mah in min ti chhe thei lo!
" A tha lawm! Mahse ka hnuk lut miah lo, an tel sa reng zawk! Chuan private loan pawh nang ni lo in I nu lak a ni a, tang tur emaw tuar tur an awm chuan nang ni lo in I nu zawk a nih chu! " A hmai zawn a kun hniam chuan ka then suk a.
Private loan kan pe chhuak thin. An rulh dan emaw an hmanna lam ka ngaihtuah lo, an pawisa puk a pung awm nen dik tak a an pek chuan ka duh tawk viau in, a leh pek zelah pawh ka puk tir thin. Business emaw company an nih chuan an sum puk an rulh theih loh chuan an Business chu ka neih sak thung! Nei sak tih lem a , a thawk a te chu an bang em lo a, ka thu hnuaiah an awm mai zawk a ni!
Dah kham tur nei lo, emaw rulh thei bawk si lo chu, an nunna in a tuar thung! Mahse ka tih a ni tih tuman an hre ngai lo thung! Sumdawnna ah chuan chhung khat, thian, hmelhriat tha, an awm lo. Khawngaih na leh dawhtheihna thleng in keimahah hna an thawk ve lo! Puk chu puk, dah kham chu dah kham a ni mai!
Chuan he hmeichhia leh a chhung te hian an sum puk zo zai hi eng atan nge an hman tih lam ai chuan an rulh theih leh theih loh hi a pawimawh zawk a nih chu! Van duai thlak tak in an rul thei lo bawk a, hun tiam a liam tawh bawk! He hmeichhia hi rawn lang lo se chuan a nu nunna emaw hlau hlawp in an awm tawh ngei bawk ang!!!
" A mah erawh chu ka ngainat zawng tak I ni a! " Ti sup in a mit meng lian kelhkawlhah chuan ka melh a, zam map lo chuan min en ve khar a! Hnai tak a ka en avang chuan a mitmu dum fiah kak leh mithmul er tan pawh ka hmu chiang ngang mai!
" Hei vang a nih hi I kawlh reuh em em! " ka rilru chuan ka ti a. A mit meng ah chuan min hlauhna pakhat mah a lang ve lo. Hmeichhe dang ang a mit mei tha emaw min at chilh ngawih ngawih na ka hmu lo bawk. Huatna leh thinrim na mit meng chauh hmuh tur a awm!
" Sawi zawm la! " a rawn ti sep. A hmui te ve tak chuan ka mit a la chat bawk. A hmai vel ah chuan engmah in hnawih mawi leh bel a nei ve lo a, a fiah in a fai em em vek a. A lak a awmzia ka nei lo lutuk hian chona leh a mah belh chian chakna min pe ni ber in ka hria!
" Lungai suh! Hmeichhe duh lo chung ti lui tur khawp a hmu zo lo ka ni lo ! Thlamuang tak in I thawh chhun zawm thei ang! " a biang nem leh a thinrim avang sen sa veng veng nul thuak chuan a beng bulah ka ti sup , a rim tui leh nu chek chu ka hip lut vang vang bawk.
Ka awm hnaih lutuk chu duh lo in ka awm ah a rawn nem ve dawt a, hetiang em em a hmeichhe kawlh leh huaisen hi ka la tawng lo! Nui suk in ka ding ngil nghal vut.
" I tiam em? " dak vah chuan a rawn ti a. Ka then suk, buaina neitu zawk leh ka ba neitu zawk hi a confi em em mai chu a nia!!
" I ka ngei a I sawi ka hre duh! " ka bu nghut chu a duh tawk mai lo . Hrep hian Jerome Zothansanga hian ka thu sawi ka bawh chhe ngai lo!
" Tunge hria a hma ang khan I thu sawi I sut leh lo ang tih!! " a rawn ti sak a. Ka thaw hawk, hotel room a thil thleng kha a sawi tih kha hria! Kei pawn kha tih lai khan engtin nge ka mizia ka hlauh thei ka hre hauh lo! Chu pawh a mah vang tho hi!
" Ka ta I la ni khawp ang! " Kawngka a a chhuak chu en in ka phun sup. Kum hnih liam ta kha ka hmuh hmasak na ber a nia, a bo vang vang hnuah a rawn in lan thut a. Kha ti chen ka zawng a mahse ka hmu lo. Tunah ka ban phak mai ah a awm a. Ka huang chhung ah a man duh thu ngei in a rawn lut bawk.
Ka hmuh chuan ka theihnghilh zui mai ka ring a mahse a ni hauh lo! A mah hriat chian leh belh chian chakna chuan a tur in min tur ut ut zawk! Hrep hian engvang a he tiang a awm nge tih ka hriat chhuah hma chu ka chhuah hauh lo ang! Ka lak a a tal chhuah mai mai loh na tur thang kam chu ka thiam zawng leh nuam tih zawng tak a ni !!
" Sawi rawh! " Ka ti sup. Tunah hian company 1 target ka nei a. An tlakchhiat leh tal buai hun ka chang mek bawk. Lison hi tiang lam a hna thiam leh fing tak a ni a, ka kut ding lam ka ti mai!
Christ a erawh naupang hle mahse insual leh kut thawh lamah ka rin ber a ni a, ka train chhuah kha a ni miau a. Kei ang chiah in khawngaih na leh zah ngaihna a lan tir ngai lo . Chuan Sarah ka in phenna ka ti mai! Eng pawh thleng se tual thah, pawi khawih lamah pawh ka sulhnu lo chingfel tu a ni thung!
" Company chu a fapa kut ah a dah a, chuan Politics lam luh chilh in sum lamah a fapa nen tang rual in an dinhmuh a tha khawp mai! Tunah rih chuan chet lak dan a vang khawp! " ka rum hrawk. Lison chuan nghak leh deuh a that a rin thu a rawn sawi a. Mahse ka ngaihdan a ni lo thung!
" Tunge a fapa chu? " ka ti hrawk a. A rawn thaw hawk. Ka aw kha hriat a nuam vak lo miau!
" Ruatdika! Kum lamah chuan kan in rual reng mahse a fing in business lam hi a hre phian a! En thlak rih tha ka ti mai a nia! " Hriat nuam zet chuan a rawn ti sup a. Lo thli thlai tha tur a hrilh in kan in biak na ka ti tawp nghal bawk.
Eng thil pawh tih ngai se ka duh chu ka duh a ni bur! Ka neih hma chu ka beidawng ngai hek lo, tunah pawh hian chak na ka chang leh ngei bawk ang!!! Ruatsangi a ni emaw sumdawnna lamah pawh tiam in!!!
____________________________________________
" Nang.....!!!! RAMHUAI....!!!! SAKAWLH.... MI TENAWM... MI HLAUH AWM LEH PAWISAK NEI LO LUTUK PA!!!! " ka au nghek a. Ka kut a ka ken mek a kawr chu ka tham nawk nawk bawk!
Kum 2 kal ta khan engmah ka ti thei loh vang in hetiang aia rapthlak in a kawr kha ka sua sam a. Tunah chuan cheh chhiat chi zia zang a, ni lo. A ui kawm ropui si, min dil leh thut ta se ka lo cheh chhiat chuan keimah zawk hi min sing khawng khaw lawi a ni mai!!!!
" He I kawr hi nang mah ni se ka ti!!! Kha I mit meng rum ul te kha ka hlauh I ring a mi HMELCHHEPA!!! " ti chiam chuan chhuah ah a kawr ka paih sawk a. Ka rap hrual nawk nawk bawk!!
Ohhh.... Min dil hma chu ka pe let hauh lo ang!!! Kut thlak hnawih nan I that reuh hi, ti chiam chuan chhuat a kawr engmah hre lo chu ka melh rum hrep ringawt! Ka phuba lak ve dan nep lutuk lah chuan ka thin a ti rim tun bawk!!
Ka nu tawng ka hriat avang chuan kawr chu la kang lawk in thawmhnaw dahnaah chuan ka vawm lut hmak a!! Khai pawh ka khai peih nek lo e.
" Nang chu tu pawh ni la, ka tan I pawimawh tak zet! Ka hero I nih hi!! " ti hap in Almera kil lam a Over Coat dum lian leh dak hlar ka khai chu ka en vang vang! Kha ti hun lai a ka chung a that chhuah tu awm chhun a ni miau! A hmel ka lo en lo erawh ka in chhir viau bawk. Chuvang chuan he Kawr hi ka lo rauh ve lutuk ringawt a.
" I va bang hma ve? " Ka nu chuan min lo ti haw! Vawin ah hna ka kal lo. Ka kal leh si mahse form ka hak lo avang khan naktukah kal chhun zawm leh tur in min ti a. A awm dan leh min tih dan hi ka hre thiam nek lo bawk.
Mahse ban ai chuan ka thawk leh tau tau a niang chu, ka chung ah mawi lo tak in a che lo ang tih a tiam bawk a. Ka nu hriat ai chuan a tha tho tho!
Vawin chu ka ban hma thu ka hrilh ve tawp a. In thlak lawk a duh thu leh damdawiin lamah tlang leh nghal a ngaih thu a sawi a. Hei hi a nia ka in phah hniam hram hram chhan! Ka nu pawh in hah leh hre awm sawi hman lo lek in hlawh tlem te um in hna a thawk a.
Kei pawn hre awm chu ka tuar ve mai tur a ni; kut ke kim ka nei a, chuan ka blind lutuk loh na tur in lehkha ka zir bawk!! Chu pawh ka nu leh ka pu vang in. Din hmun in a zir miau loh chuan duh thlang thei ka ni tlat lo bawk.
____________________________________________
" Naupangte in hmuh a va khat ve!! " Rawn ti tu avang chuan ka phu zawk! Ka lo muthlu tih ka hre chiah bawk!!
" Uhh... Englo... Ka tih palh lutuk, tih tur a awm lo lutuk a! " Ti bah nawk nawk chuan sofa atang chuan ka tho a. Zia lo tak a ni, khum khuh na ka thlak zo ka lo mu thlu daih chu ni in!
" Kha I chil thli tlakna a lang a nia! Naupang tak hi chu ! " nui put put a min ti tu chu chhut lawlh ka chak ngei mai!
" Naupang a!!! Nang pawh kum engzat nge I nih bik? Naupang min tih ziah tur in!!" ti nui nui chuan ka biang leh kam sir chu ka kut Chuan ka chul thuak thuak bawk. Min en a nui khi vur vur tu hi Kei ai hian a upat hmel bik vak lo ve chiang e!!!
Christ ti in min ko thei ang a ti miau a vang in ka ko ve tawp a. Thla khat chu ka thawk ve tawh a. Rin ai tak chuan thil a kal dik phian! Chuan Christ a nen hian kan in nel ve fu tawh. Min hmuh hi chuan nui vur vur in min fiam zauh zauh a chiang a.
A chhan pawh Mr. Jerome a kha ka pet thu leh ka tih dan a hriat vek a vang khan. Ka ngaihtuah let hian kei pawh ka nuih a la za thei.
Kha Mr.Jerome a room kha ka duty na bik chu a ni mai a. Chuan tlem a nei nung leh pawi mawh ho VIP flore a lo kal te, leh meeting pawimawh eng eng emaw nei ho room ka kawh hmuh a ni ber mai!
" Kha.... Hei hian ti rawh! A var ruah a nia chuan nang ai chuan ka upa sa, a nih loh pawn ka san zawk avang in ka upa zawk hrim hrim! " ti sawng in a romol chu mi pek a ka lo ban ve mai bawk a!
" Hei hian ti huh la chuan hru rawh ! " Tih pah chuan ka romol ken chu a rawn pawt thla a, dawhkan a tui chuan a leih huh a nih chu!!
" Heiiii.... Mi mawl pa ka chhuat tih fai saah tui I lei baw ringawt a nia aww!!! Khawii ti tawh Suh kei man!!! " tih leh a bottle ken chu han ban ka rual nghal!!
" Thlah rawh!! "
"Aiii!! "
" Thlah vat rawh!! "
" Engvang Chuan!!! "
" Ka chhuat tih fai I tih balh tam hma in?? "
" Ka ti bal lo!! "
" Ti balh khu!!! Thlah rawh!! "
" A teuh lo!! "
" Hmela thlah vat rawh!! "
" Awwleee!!! "
" Engtin maw?" Tih leh sofa ah ka thu thla hnawk a, kan bottle in chuh kan pawt dun, tang bawk si chu, a thlah thut avang chuan ka in buak huk bawk!!!
" I va mawl tak tinge I thlah a!!! " Ka ti chiam a. Rang lutuk chuan ka ding a ka kawr hma ka thing nawk nawk! Ka hma a min nuih tiah tiah tu chu ka bottle ken chuan ka vaw lawlh a. A la nui nasa deuh deuh leh nghal!!
" Nang man thlah rawh I ti a nih kha! Chuan ka thlah a min hau leh tho bawk si!! " nui khi sawng chuan a rawn ti a. A nghal thiam ve bawk sia, mahse nuih a duh a kei pawn ka nel ve viau tawh bawk.
" Eng thil nge in tih kha!!! " Rawn ti thum dut tu avang chuan ka thil ken a vuak leh ka tum chu ka tawp chiang a sin aww!!!
" Jerome I lo awm reng a law? " Ka bul a mi chuan thawveng lutuk chuan a ti a, a la nui vur vur zui! Kei in mak ti lutuk in ka en hau thung.
" Ngati nge I lo awm ve a!! " ka ti hu!! Ka zawh na avang chuan a hmui ti sawi zauh in kan lam a rawn pen phei nghal phawk phawk.
Shower nei zo tih hriat lutuk in a sam a hnawng chap a. Coat suit ha lo in bathrobe a ha a. A taksa in phiar fat leh nalh lutuk chu a lang vek bawk!! Tiang hian ka la hmu ngai miah lo bawk.
" Christ!!! " ka ti vak. Ka in rin hma in, chu pawh ka nakah min rawn kheuh zawk a. Ka za ti in sum hman lo a ni ber!!
" Mr. Jerome ka tih palh I lo kal tih ka hre miah lo a! " in thla hrung lutuk chuan ka ti a. A sawi ang in tun thla khat chhung khan ka chung ah mawi lo tak leh thil tha lo tih a nei lo a. Mahse nitin vawikhat tal chu Hotel a rawn tlawh a, a room ah hian a rawn kal thin!
Tul loah leh min mamawhna loah chuan min ti buai lo a. A room ah hian hna chung Chang leh meeting pawimawh pawh a neih pui mai thin. Ka ni tin duty na a nia ka bel ve tawh lutuk tlat!!
Manager office kha hnai lutuk a kan in din chilh leh mawi lo tak a ka biak hnu hnung ber na a ni bawk. Chuan ka hna ka zawm leh hun chhung zawng in tun hi hnai tak a Kei mah chiah min melh leh na hmasa ber a ni hial bawk ang!!
" Christ Lison kha I lo va pui ve dawn a mi! " Min melh reng chung chuan a ti sup a, chil ka lem kalh. Christ a chuan nui sang in nakinah kan in hmuh leh tur thu sawi in a chhuak ve mai bawk a. Ka din hmun chu a khirh leh tak zet tawh!
" Chuan enge ka lo tih min zawt em kha? " ti sup in min din hnaih nghal run a. Ka tawng thei zip zep lutuk hi ka buai phah ta a nih hi!!
Za lo lutuk a nuih sei pah chuan ka bottle ken chu dawhkan ah ka dah thla riai riai a. Ka sam ka vial tawm in phelh hnawk deih niai chu ka hui mam nghal thuak thuak bawk!!!
" Sorry.... Tun ang hunah I lo kal ngai si lo a, ka hmu thut che sia!! " ka ti sap. Ka ti dik reng bawk a. Chawhma lamah a rawn kal tlang pui a, Chuan ka haw tawh hnu velah room ah hian a riak a nih chuan zing ah ka ti fai leh mai thin thung!
" I duh chuan bathroom ah i va in ti fai ve thei ang! " ti sup chuan thawmhnaw dahna lam a pan vut a ka en haw.
" Maww!!! "
" Lungai suh a kawi zawng in ka sawi lo a nia, I kawr hma kha a huh vek a chuan a hnuai a I thil hak dum pawh kha ka hmu thei! " then suk Chuan a rawn ti a. Ka ban chuan ka awm chu ka hup rang gei mai!
" I ngaihtuah na a va hmul ve!! " ka ti chiam. Ka zak bawk si chu ka beng leh ka biang te chu a sa hat hat leh nghal.
" Miss. Ruatsang a kawi zawng in ka sawi lo ka tih kha, ka hnuai a hna thawk I nih ang in a lawm;" Nui hawk chuan a ti a. A ti dik tunah kha chuan ka ngaihtuah na a dik lo zawk!!!
" Sorry,... Englo.... Ai.... A ngai lo ka ban a hun tawh dawn tho a , ka tuar thei mai ang!! " ka ti ta tawp. A va han zahthlak tak em. Mahse ka ban a hun tawh tak tak dawn a vang in ka ti tak tak bawk. Chu lo ah a awm lai a ka kawr phelh a bathroom a tih ro ka duh aw kawng ka lo.
" A ni chuan ka thlah ang che! " huhhh... A sawi sual a maw ka ti hial. Thlakhat chhung lek thawk la ni mah I la, a awm dan leh miin an zah danah hian mi satliah a ni lo tih ka hria a. Chuan a sawi ang tak tak in hmeichhia a mah at chilh tu an tam lutuk tlat. He room ngeiah pawh hian model chhe lo leh mi hausa fanu hmel tha leh pian nalh tak tak a awm pui fo a.
Chu chuan ka thlah a ti muang ve em em! Haha... A chhan pawh kei ni lo in hmeichhe dang tih buai tur a nei a. Kei ai a hmel tha leh chhe lo tak tak vek an ni bawk!!
" I hman chuan kal I la!! " a rawn ti sup a. Lu ka thing nghal nawk nawk bawk. Mahse kawmgka lam a pan nghal nul nul a. Kawngka chu hawng in ka chhuah hmasak nghak in min melh nghal run bawk si chu ka chhuak ve ta hne hne!
" I tha em? " a ti sup a. Vawin a awm dan hi a mak e mai, a tho a nge a tho fuh zawk pawh ka hre lo. Mahse tha deuh in emaw tha lo deuh pawn min bia se ka zam em em vek. A tlang pui thuah chuan min be tam lo se ka thla a muang a ni zawk mai!
" Ka ke a kham mai mai a lawm! " Ka nui lui sang a. Mahse a hmel ah hian nui hmel hmuh tur hi a vang ve ngawt mai.
" Uhh.... Ka pheikhawk bun sang lutuk vang a ni mai thei!! " lei chhuah zeuh chuan ka ti leh sep. Min en ngur a nuam ka ti lo. Dik tak chuan tun kar chu pheikhawk hill sang zet bun in zing atang zan dar 10 thleng ka awm tluan zak!!
Hotel hna ka ban in in ah ka haw a ka nu lo haw a in ah ka awm theih na tur in, chuan damdawiin a riak tur a a kal hlan in dar 7 atang in hna dang ka thawk leh thung. Hman a Maria I nen kan kal na ang deuh ah khan , intur ka sem kual thin a. Hei chu Shillong ah khan ka tih ve zoh zoh avang in a pangai ve fu a. Mahse dan phal loh a ni avang in tlem Chuan a hlauh awm deuh.
Buaina leh tawh sual kan tawh palh in police emaw lakah kan sawi thiang lo a. Mi then khat awm tha duh lo leh sual fal deuh deuh te an awm thin a. Mahse Kei chu dar 10 thleng chauh ka thawh a vang in buaina em em ka la tawk lo. Zan tin hlawh min pe nghal zel a, mi hausa in tih hlimna tih takah sum pawh a tam a. Zan khatah 2000 atang a 4000 in kar ka hlawh thin avang in ka thawk lo thei lo bawk!
Ka hotel thawh na hlawh ringawt hi chu kan kham lo a ni. Ka pu en kawl na nen ka hlawh lah a chan ve chiah ka chang bawk si. Chuti chung pawn ka ba cut zo tur Chuan a kum a kum a ngai dawn a, a pung lo awm ve zel nen!!
" Naute ang mai!! " ti sup ah Chuan ka har zawk a. Kan in kawtah kan lo ding reng tawh!!
" Ka lawm e!! " Ti sep in chhuah ka tum a, mahse ka banah min pawt let dawr a, ka au that.
" Ka hmeichhia ah tang rawh!! " Min melh ngur chuan a ti sup a. Ka, meng kawk.
"Mr. Jerome!!! "
" Ngaithla rawh!! Sum tam tak in ba a, Chuan I pu en kawl reng a ngai tih leh a natna hi natna tih dam awlsam a ni dawn lo tih I hriat kha! Ka bul a I awm chuan ka buai pui vek ang che!! Chuan I ba pawh!! " a ti sup a. Kei in thinrim tun in ka melh thung.
" Ka chanchin I lo chhui ru a maw? " ka ti vak. Thlakhat chiah kan la in hria chu pawh a hna thawk ang in! Chuan ka hriat loh chhung in ka chung Chang a lo chhui ru tihna!!
" Chhui ru tih zawng chuan a ho lam mah mah lo maw! Chhui em em tham pawh I nei lo. Shillong a tang I zirna chawlh san in in chhungkaw ba rul tur in ka hotel ah i thawk a, mahse sum I mahmawh na a sang in I pu damdawiin awm man leh damdawi then khat pawh in ba nual a, chuan ka ta I nih chuan chung chung ka buai pui sak vek ang che!!! " A thu sawi chu mit khap lek lo in ka en tlawk tlawk.
" Engvang in nge ka chung ah hian tiang a I awm a, I lakah ba ka nei tih chu ka hria, chuan nang pawn hriatthiamna zau tak nen min la en hram hram tih ka hria mahse ti nge kei kher hi min thlan a. Hmeichhe tam tak I ta nih chak an tam teh lul nen!! " Zawite chuan ka ti sep a.
. Ka awm dan chuan a thawng tih ka hria! Ka an khum leh hrep a ring pawh a ni mah na mahse Christ an a sawi dan chuan an pawisa bat tir ah chuan kei bak a a dawh leh a tih buai lo hi an awm lo a chu tah a hotel ah ka thawh a phal leh zel nen!!
Hmeichhe tam tak kawp thin mahse ngaih zawng nghet leh bialnu han tih tur in a kawp ngai lo tih pawn kan thawh pui ten an sawi ka hria chuan kei ve mai hi a bialnu ni tur in offer tha lutuk min pe a nih chu!!
" Tunah min chhang nghal suh! Naktukah I chhan na chu! Chuan engvang nge tih zawng ah chuan ka hre bik lo chuvang tak chuan hriat chhian ka duh! " a ti sup!
Ka hma ka sial in ka duh am tih ka hria mahse tiang em em hi chu ka ngaihtuah ngai lo. Ka taksa hralh ang mai ka ni dawn tihna ka nia! Chuan he Jerome a hi ka mi hriat chian a ni lo a. Thlakhat er awr chiah ka la hriat mihring lakah hian ka in nghat ringawt a nih chuan ka hma hunah ka tawn tur ka hre hauh lo!
" Sang... Saw lai dawn kan a mi sawn nang mah a duh deuh bik che a! " ka thawh pui nu chuan a rawn ti a. A hawi na lam ka en chu tlangval sang lam pang chuan min lo nuih sak, ka ner nang. Kar khat chhung zan tin ka la thawk ve a van neih thlak lutuk in tuman tiang hian min la ko hrang lo!!
" Ka pu I in tur chah a lo thleng! " Nui lui sang in dawhkan ah chuan ka dah a.
" Min in pui la tips ka pe ang che! " nui sawng chuan a ti a.
" Tih palh ka in thei lo a! " mawi hnai tak chuan ka ti a. A upa ber ah kum 20 bak a la nih ka ring bik lo. He hmunah lo kal reng reng hi naupang tak tak vek an ni ve tlat!
" 5000 a tawk em bottle khat chiah a ni mai!! " nui vur vur chuan a ti a. Ka melh kawk. Bottle khat lek ah chuti zat min pe dawn maw? Midang pawn an sawi thin a van neih chuan tips min pe tha deuh deuh an awm thin! an ti. Mahse an ni ho chu tiang in thang leh ti thang vek an nia buaina an nei lo.
Kei chu vawikhat ka tihna ah buaina ka hriat reng tlak ka tawn avang khan ka sim hmak Shillong ah pawh khan midang in an tih pawn ti ve en ah ka en ngai lo. Sum kha ka nei lo hrim hrim bawk!
" Ngaihdan I siam fel tawh em? Lungai suh hei chu a tui lutuk! Chuan I duh loh chuan midang pawh ka....! "
" Ka duh!!! " ka ti pawng!! A offer kha ka thlakhat hlawh lai a ni. Chuan ka pu damdawi man eng emaw zat a phu hru dawn!
" Ka lawm e! " Lu hai mem mem leh meng si sap chuan ka ti a. Ka pawisa ken pawh chu ka hmu phe ruai mai. Ka taksa te chu a zawi ngiai a. A thut na bul a min pawt thu dat pawh chuan ka tang buai thei lo.
" Khawih hlek su!! " tiri ah chuan meng hlei thei lo Chuan ka hawi ve tawk tawk. Kan lam pan a Mr. Jerome a hmel dur khup leh thim khup lo pen phei phawk phawk chu ka, hmu ruai ruai bawk!
Eng emaw ri deuh rawk rawk chu ka hria mahse ka meng thei lo. Tu emaw in ka biang a rawn beng thek thek a. Min ko ri te pawh ka hre tel!!
" Ahhh.... Christy!!! " nui hak chuan a biang leh biang ah chuan ka vuan bet tlat!!
" Eng maw!! Christy a!! Hmeichhia ka ni lo! ;" lawm lo hmel lutuk a ti tu chu ka nuih hak. Hman ang tho khan ka in thununna ka hlauh leh tawhh!!!
" I van cute reuh tak nang hi chu, I nui mawi bawk si! Biak nuam bawk si!! " seh chil lutuk chuan ka ti nawk nawk. A biang ka piaina chu a na a ti nge ka kut pawh thlak a tum tang tang.
" Hrep Chuan!!! Sawi naupang saw va, buai pui la, a thil tih pawi zia a hriat ngei ka duh!!! " rawn ti hrawk tu chu ka en vat a. Min lo melh run bawk.
Christ a a kal sawn chu ka en reng a, tu emaw a kuah phei tih ka hmu mahse ka mit a phe tlat a nih chu!
" I thil tih kha I hria em? " Ka hma takah rawn ding khur tu chuan a ti sup a ka ner nang!
" Heiii.... Kal sawn teh!!! Kha tah tak khan ding suhh!! " a sir atang a melh tawk tawk chung chuan ka ti a. Ka lu te hi a vir kual chiai chiai leh nghal!
" Ka... Ka bag!!! Saw.. " Ka au chiam a. Chu mi pah chuan ka kang nawlh bawk! Ka sawi chu a hre ve a ni mah na, ka bag chu a ban vut a, tunah chuan ka a chhuih ni mai in ka hria!!
" Engvang in nge kha hmunah khan I awm? " A car seat hnungah chuan kan thu a. Driver seat hma lamah chuan palian deuh leh lukawlh tul an thu bawk. Ka nuih a za tlat a nih chu!!
" Enge nuih zat thlak awm? " ti sup tu chu en in ka khi vur vur a, a ngaihna a hriat loh hmel ngang mai.
" Nui ve ta chee!!! En teh Zothan kan hma a thu pa hi a lu a kawlh vek maw Lee!!! "" irh fiak ak ak chuan ka nui hak hak a. Kan hma a lu kawlh tul chu a rawn hawi nghal vut, ka nuih a za deuh deuh leh nghal!!
" Tarmit dum maw??? Mit del chung khan motor khal I tum a mi? Kei leh Zothansanga hi min accident pui I tum a mi?? " ka melh rawm a. Chu pa lah Chuan kei min en in hlauh hmel lutuk in ka bul a thu pa chu a melh leh thin!!
Zothan a chuan a tarmit vuah chu la thla tur leh Car chhuah san rih tur Chuan a hrilh sup a. Ka lo ner sawk!
.
" Khawnge kal ve I tum? " Ka ban a rawn vawn pah chuan a ti sup a. Ka in her chu a hmel a tak run a, min melh ngur bawk a nih chu.
" Naaa.... Enge maw I in lak Boss em em a. Ka ning tlat che!! Midang pawh I chhuah tir vek a. Kan pahnih chauh a awm ka peih bik lo nemmm!!! " ka ti chiam a. Ka kut a la thlah duh thak lo leh nghal, enge maw ni kan la tlan chhuah dawn loh chuan min chhuah tir ve mai tur nia!
" Khaaa.... Sawi tur I nei tawp si lo! Room zau lutuk ah pawh kan pahnih chauh a kan awm chuan ka thaw tha hlei thei lo a, he Motor chhung ah phei chuan thi se min ti a mi? " irh fiak ak ak chuan ka ti a. A nui suk nia, ka thu sawi ah khan nuih tur pawh ka hre lo, nge ka ruih deuh avang zawk hian min nuih!
" Nuih Suh!! Mr. Jerome... ".
.
" Zothan tih kha ka duh zawk! " nui suk chuan a ti sup a.
" Tak tak maw!! Kei pawn nalh ka ti Zothansanga!!! A nalh lutuk daih zawk!! " Ka khi nghal ver ver . Jerome tih hi chuan kan in hriat dan fuh lo zet kha ka mit thla let uar uar a, a bul a awm ka huphurh phah thin.
" Engvang a kha thil kha in maw I nih a!! Kha pa phiangsen khan a in luih tir che a mi? Nge a vo che! " a rawn ti sup a, ka ner nang. Enge chu pawh chu a lo buai viau ni!
" Lalruatsang!! " Ka chhan lawk loh avang chuan a ti hrawk a, ka harh zawk bawk!
" Min vin vak suhh!!! Ka nu pawh I ni lo! Chuan vo emaw hlauh vang mai maiin kha tiang ka tih duh bik I ring a mi? " Ka ti ve pang pang a, a thaw hawk!!
.
" A nih chuan engvang nge? " a ti leh sup. Ka mutthilh chhuak leh luhai chu ka ni nguai mai chuan ka hrawk ah hian min hnawh tu eng emaw rawn chhuah tum a awm bawk!!
" Haha... A thlawn in ka in lo! A hlawk raps bottle pakhat kha maw pawisa chawi in ka in sak! " Khi vur vur chuan ka ti a. Thawk leh khatah a hmel chu a rawn rum tawlh tawlh a, a mit meng te chu a sen nghal rum!
" Eng eng nge a dang in tih!! " Ti hrawk tu chu ka melh haw.
" Eng mahh!!"
" Chu chu ka awi I ring maw!! " A nui hawk a, mahse a za lo lutuk ringawt.
" Enge I buai ve vak a, ka duh duh ka ti ang, ka nun a nia ka thu thu! Chuan lawm zawk ta che sum ka la lut chu I ba te ka rulh theih phah mai thei che a!! " ka ti ve chiam.
"LALRUATSANG!!! "
" ENGE ZOTHANSANG!!! " a awki san dan chiah chuan ka ti ve kher a, A rum hrawk mai.
" A nih chuan min kiss rawh!! "
" Engmaw!! "
"I in chhiar zat ka pe ang che!! Ni lo min kiss a feeling ka neih dan a zir in hlawh ka pe ang che!!! " nui suk chuan a ti a. Mit ka khap sak sak. Ka hrawk lah chu a sa huam huam leh nghal!!
" Bebe, kiss chauh a lawm ka sawi! Chu chauh chu a hlawh tha I ti fu lo maw! Kan vawikhat na pawh a ni tawh lo a! "ka hmai bul chet a rawn kun hniam pah chuan a ti leh sup!!
# A thui bawk a cmt vek ka phut aw
ka duat em em te u
#
by Amy Cck ( Dream Girl)
) min melh hrep chung chuan Kimkimi chuan a ti a, ka ner sak. Midang bul thleng in a lo zual ko chu a nia!
CLICK, COMMENT leh LIKE kha aw