INESCAPABLE LOVE BY AMY CCK (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: INESCAPABLE LOVE BY AMY CCK (Completed)

Unread post by Ngaia » December 7th, 2019, 11:10 pm

CHAPTER - 13 💫 by Amy Cck ( Dream Girl)








" Daddy... Daddy....! " Ka room ah Reubena rawn tlan lut in a rawn thaw chhuak ve hlap hlap a. Khum chungah rawn lawn kaiin min rawn sawi ve dat dat avang chuan peih lo zet in ka meng chhuak ve ta ruai ruai.







" Daddy.... Ka khumah zing thleng in Amaa kha a lo la awm maw le! A mak ti raw? Min lo kuah a pipi maw ka tia mahse ka mit ka meng a Amaa a lo awm daih! " A mak ti hmel leh lawm bawk si in pawlh chu ka nuih let suk. Nizanah a Amaa nen kan in sual tih a hre lo chu a vanneih thlak viau bawk.








" Amaa chu a harh tawh a mi? " Ti sup in ka thu chhuak nghal vut a. Reubena lu thing mat mat chu nuih suk in a luah ka chul sak nghal zat a. Hmangaihkimi ve te reuh kha, a thin chhia tih chu ka hre tawh tho a kha ti khawp khan a lo kawlh tih erawh nizan khan ka hre ve chiah.








Reubena chuan a room a lut tur a min tih ve tlat avang chuan tho chhuak in kan pafa chuan kan in zui chhuak ta nge nge! Naupang mah ni se room hran a neihna hi a rei tawh. Hmingmawii awm lai pawn kan chhungkua chu room hranah theuh kan awm ti i la ka sawi sual lo ang.








" Daddy... Come fast.... Daddy chu i muang tuk a! " Ka hma a a tlan phei chuan ka kal muang a ti deuh nge rawn tlan let leh in ka banah rawn vuan in min pawt ve dat dat a. Enge kan hman hmawh viau chhan pawh ka hre tawh nek lo.








" Shiiiii......! " Khum bulah ding in Reubena chuan a kut tang te tak te chu a hmui zawnah a dah ve tat a. Khum a hmeichhe mu chu kawk in a rawn nui chhuak nghal sen sen a. Ka fapa chet dan lawmawm leh duhawm zet chu ka nuih nghal suk. Hmeichhe pakhat muhil en tur in a pa mu tho hlim hlawl hi min tir chu a nia. A hahthla thin mahse ho te ang a lang hi kan pafa min in pawh zual tir tu chu a ni zel lawi si.








" Reuben.... Pipi i be duh em? Ka room ah ka phone a awm! " Ka ti chhuak sup. Phur em em in a tlan chhuak nghal ter ter a. A night dress in suit thlap leh a tlan zawng a a sam phe leu leu chu hnung lam atang ka thlir zui vung vung. A hma nen khai khin a kan in chhung nun dang ta hlawk te. In chhung a naupang kan kawl a ni tih hriat ta viau a Reubena tlan kual leh nui khek ve ralh ralh te chu a hma khan ka hre ve ngai lo. In ka awm khat vang pawh a ni mah na. Mahse tunah chuan khang hun leh tun hun hi a in let ta thawk.








" Kan tan a Vantirhkoh rawn kal i ni hial lo maw? " Ti sup in khum a hmeichhe muhil thaw sak sak chu ka melh ngur a. Nizan a a tahna avang in a hnar chu a la sen tek a. A tap tih ka hriat vang in ka ngaihbel zawk a ni mai thei bawk. Thaw chhuak suai suai in khum tlangah chuan ka thu thla nghal ruai ruai a. Khum chung a mi chu a rawn che ve nghal talh talh bawk.








" Engtin nge ka tih dawn che! " A harh dawn a maw ka ti hman mahse a harh hauh lo. A taksa che ak in a rawn thaw halh a, rum tiah tiah in a muhil leh nghal mai chu ka nui suk ringawt. A sam uk deuh hlek chu lukhamah a in pharh diai a, a mit meng bial leh fiah kiau kha a chhing deuh chial a, a hnar te tek te mahse zum ve tak te, chuan a hmui sen no chek leh chhah deuh tap! Fawh nuam em em bawk si kha. Enge ka tih tih ka hriat hma hauh in ka kut chu ka lo lek chhuak der tawh!








Ka kut zungpui chuan a hmui chu ka tuai sak ta ngawt. A har mai tak loh avang chuan ka ngam pa ta tulh tulh bawk. A hmaiah chuan ka kut tang in ka thai thla riak riak a. He tia a mutthilh lai hi chuan hmeichhe nghal leh kawlh zet kha hmuh tur a awm miah lo. Hmeichhe nun nem leh tih nat awl sam zet chiah ka hmu.








" Daddy... Pipi in a be ve duh che! " Reubena rawn au lang lang avang chuan Kimkimi chu a rawn meng chhuak hlawl a. Min hmu thut leh ka thil lo tih mek vang chuan mak a ti leh zual tih a hmelah a lang chhuak nghal zat bawk. Reubena min ko ri leh room a rawn tlan luh a rual nghal zat a. Kimkimi pawh a rawn thu chhuak nghal hlawl bawk.








" Amaa i lo har tawh a mi? Nizanah ka bulah i lo mu char char a, zinah Reubena tah hian i lo kuah a, zawi te in i kut ka la sawn a I harh miah lo! " Reubenan phone min pek rual in min ngaihtuah tawh lek lo chuan khumah a tlan lawn a, Kimkimi hmaah thu in a tawng nghal barh barh a. Kei erawh khum atang ding chhuak vut a, ka nu chu ka biak chhun zawm nghal vat bawk.








Phone be reng chung chuan khum a Kimkimi leh ka Fapa awm dan chu ka melh tel ngur a. Ka melh reng lai chuan Kimkimi chu a rawn hawi zauh a. Ka lo melh ve ngur tih a hmuh chuan rang zet in a hawi sawn leh nghal vat! A lai ve ngei avang chuan ka nui chhuak ta suk.








" Ihhhh..... Nizan vang khan ka tihpalh! " Phone ka biak zawh chuan in hnuai lam a chhuk rawt in Reubena chu ka pawm kang nghal nawlh a. Ka hnung lam a rawn tawng chhuak sap avang chuan ka ding leh dawt. A aw atang pawn a in thiam lo tih ka hre thei.








" Ka tih palh ka tih chu! Ih... Mahse nang pawh khan kha tiang.... Ka sawi awm zia chu i che mawi bik lo! " Enge sawi a tum chu ka hria avang in min hmu lo mahse ka nui suk tho. Reubena a awm ve avang in a sawi chhuak duh bik lo a nih ka ring!








" Ka hria e! Mahse tap ka thlem thiam dan ber a ni miau! I tap leh a nih chuan ka ti leh lo ang tih ka sawi thei miah lo bawk! " Ti sup in ka nui nghal hawk a. A rawn tawng chhuah leh hma in Reubena pawm chung in ka pen chhuak nghal ta pawk pawk!








* FLASH BACK*








" HMELA! " Ti chhuak that in ka biang chu a thip nghal zak. Ka hma a hmeichhe thu tung at chu a ding chhuak vat a. Kei pawh chu ka ding chhuak ve nghal vut. A hma a ka ding ngur lai chuan a kut chuan a hmui a nuai nghal nawk nawk bawk. Huhh.... Naupan chhiat thlak hian. A kut thlak lah hi a na phian leh nghal. Tun hi a vawi khat min benna pawh a ni tawh lo.








" Kha tia I tih avang khan a reh phah dawn lo! " Ti chhuak sup in ka hma a Hmangaihkimi thinrim meng rum ve zet chu ka nuih nghal suk. Kut ka tuar a ka thinrim miah ngai lo pawh hi a mak ve hrim hrim.








" I va hur ve! " A rawn ti that a. A thu sawi dan chu awm lo ti zet in ka ner sawk in ka hmai ka tuai nghal phawk. Huhh.... In kiss chu hur tihna a ti a nih chu.








" What! I tap ka ban tir che a, chuan i in chahbi pe tur che in zan reiah ka rawn tlan vang vang bawk a, lawmthu sawi aiin 'hur' tih ka hlawh zawk chu a nia chuan kut ka la tuar zui bawk a! " Ka ti chhuak hawk. Dak vah a mit sen ram a min melh tu chu a chalah ka pen nghal kalh bawk! A chal chu tuai vat in min rawn melh ta ha. Ti kha chuan tlem in a zia deuh!








" Khawi! " A kut rawn phar chhuak in a rawn ti sap. A kut a hma zawn a mi chu melh in a mah ka melh leh thin. Engmaw tih nan ka mit ka san nghal uk bawk.








" Ka in chahbi? " Ti nawn leh sap in a rawn thaw chhuak nghal halh bawk. A thil min dil dan avang chuan ka ner nghal sawk. Ka kekawr ip chu ka dap nghal rawk rawk a mahse ngaihtuahna dang ka nei ta tlat. Ka ngaihtuahna avang chuan nui suk in ka kekawr ip chhungah chuan chabi chu ka hum nghal hmak bawk!







" A awm lo! " Ka ti chhuak sup.






" Maw? Eng... Enge i sawi awm zia chu chahbi min pe tur in i lo kal a ni lawm ni? " A mak ti hmel avang chuan ka nuih chhuak hawk teuh kher mai.







" Yupe! "






" Hahh.... Ka awi thei lo! " Thaw halh in a sam a hmai rawn zar tu chu a hui chho pap a. A hmui hnuai lam a pet fan fan bawk. A hmui ringawt a ka mit a fun chu duh lo in ka lu ka thing nawk ringawt.








" Ka vaw chhe mai ang! " Min bia pawh ni lo chuan a ti chhuak sap. Kan bul vel chu a melh kual nghal ruai bawk.







" Ka in lamah rawn let leh mai a tha zawk ang! Zingah i rawn kal leh dawn tho a! " Kan piah lawk a brick bung lak tum a a kal sawn tur chu a ban rekah ka vuan nghal chawt! Tunah khan ka in a riak tur in ka sawm a nih chu! Ka awi thei lo ka a tawh pawh a ni zawk mai thei.








" A ngai lo e. ..ka lawm e! " Aw ki ngeiawm lam rawng kai lek lek chuan a rawn ti vat a.






" I hlauh leh lo ang tih a sawi theih loh! " A kut vuan nget sauh in ka ti nawn leh sup. Tunah pawh khan a hlauh vang a lo tap a nih ka ring miau a!







" ka hlau aw kawngka lo aw! Chuan min thlah la haw tawh rawh Rebena a ngaihtuah awm! I lo kal avang in eng pawh ni se ka lawm e. " A rawn ti chuan ka nui chhuak hawk. Ka let ang mahse ka sawi tawh chuvang chuan eng pawh ni se kan in lamah ka rual in ka let pui dawn a ni tawp!








" Hmangaihkim luhlul viau lo teh! Vawi thum ka chhiar ang! " Ning zet chuan ka ti chhuak nghal hmuk. Mi hnial khan a hre leh lutuk hi a mak zawk. Hmangaihkimi bulah hi chuan ka tum loh zet in ka tawng deuh teuh zel.







" Engvang in maw vawi thum chu i chhiar ang! "






" 1" Ka ti sup. Ner nang in ka kut a thing thla hnawk a. Brick bung nen chuan a kal sawn nghal zat.





" 2 "






" Hmelphak! Min dah thla rawh! " A hnung lam atang a pu deuh nawlh chu a rawn rak nghal that. A tawngkam hi a mawi teh chiam lo mahse naupang bulah a hmang ngai lo erawh azia viau.








" Thenawm khawveng kaih thawh i tum a nih loh chuan i ngawi thei ang! " Ti hmuk in ka pen sawn pui nghal nawlh. Bengchheng chu siam tawh lem lo mahse a tal ve fat fat tho. Mahse chu chu ka ngai mawh hran lo.









" Keimah in ka kal ve thei reng! " Motor chhungah chuan a thu tum bar a. Kan in lam pan in kan in khal haw ta nge nge. A phun bal bal reng a mahse ka chhang ve duh lem lo. Enge ka hriat pawh hi ka hre teh hrep lo. He nu bulah hian chuan ka tum loh deuh hian ka khawsa leh nulh zel tlat.








" A tlai tawh a nia! Naupang chhia viau lo teh hotel ah ka hruai che pawh ni lo. In chhung a pawm luh leh kher i phut a nih loh chuan! " Passenger seat kawngka chu vuan in ka ding run a. Kut kuangkuah at a hmeichhe thu chu ka melh ngur bawk.







" 1"




"2"





" Hmela ka haw lutuk che! I la hre ve khawp ang! " Ti tan tan in a rawn chhuak a ka awm zawn a au ve tan tan in a kut pahnih chuan min rawn nem nghal dat. A tet ang bawk in a tha pek pawh a na hran lo. In chhung lam pan a kal ve phak phak chu ka en zui nghal vung vung. Min hnial reng chung in ka duh ang chuan thil chu a ti ve zel tho a. A tha vek e. Thaw chhuak hluai in motor kawngka chu ka khar phui dawt a in chhung lam ka pan ve nghal vut!








Inchung corridor a a phei chu ka hmu hman vuai. Reubena room lam a pan takah chuan ka hrethiam ve mai a. Step ah chhuan chho in zui ve ka tum zet a mahse buaina a chhuah leh tak in tih ngaihtuah in ka room lam ka pan san ta zawk.








" I pian tir a ta kut thlak hmasa ber tu che leh thlak ngun ber tu che a ni hial ang! " Darthlalang a in en in ka phun chhuak sup. Ka biang chu ka tuai phawk a. Ngaihtuah chian phei chuan kut ka tawrh chhan hi a ho viau bawk.








*END OF FLASHBACK*








" Daddy... Amaa hi zing tin ti hian lo awm ziah se a nuam dawn e! " Tuk thuan ei pah chuan Reubenan a rawn ti vat. Hmangaihkimi ka va melh chu min lo melh ve chiah bawk.








"Amaa hi kan ru daih mai dawn a mi !" Nui suk a tiin Hmangaihkimi chu ka melh tel ngur a. A ner nasa ngang mai.




*



*



" Meeting ka neih dawn a vang in ka rawn lam kawi thei kher lo ang che! Driver kha i ko mai dawn a nia! " Damdawiin kawtah Kimkimi leh Reubena chu ka drop a, driver koh kher an mamawh loh thu leh an in enkawl theih thu in min chhang ve ngei. Vawiin hi Reubena in check up tur a a kal tawp na ber tur a ni a. A lawmawm rual in Kimkimi hna pawh a zo tihna a ni dawn a ngaihtuah chian chuan ka huphurh viau bawk.








" Nunsang in in lamah zan riah ka lo ei thei a ngem? " Dinpuii chuan a rawn ti sap. Hmanni kan in biak a chin kha chu kha tiang lam thu kha a sawi ri leh tawh lo a. Hna chung chang lo chu kan sawi dun lo tluk a ni!








" Aa... A ni lo zawng in ka sawi lo a nia. Ka pa hna avangin ka nu nen an zin chhuak bawk sia. Reubena pawh ka hmuh khat ve tawh em hi. Thian ang in. " Ka melh run takah chuan nuam a ti vak lo ni ngei tur a ni.








" A tha lawm! " Ka ti sup. Kan in hriatna a rei tawh avang hian kan in nel ve a, chu bakah ka lak a beisei nei lo tur in ka hrilh a, a hrethiam a ni chek ang chu Engmah a sawi lang leh tawh lo. Dinpuii nen kan hun hman dun thin tam tak ai kha tunah chuan in lamah ka hmang ta zawk bawk nen hmun dang a chhuah ai chuan ka in ngeiah lo kal se, beisei chi ka nih loh zia hmu ngei se a that zawk pawh ka ring.








Tlai lutuk lo ah office atang chuan kan chhuak a. Tukin atang Kimkimi min la rawn be miah lo. An in entir chu enge an an toh tak ngial pawh an rawn sawi lo. Reubena pawh in min biak a ngen lo chu a ni chek a nga!








" Nurse Kimi pawh a hna pangaiah a let leh thei tawh ang chu ti raw! " Dinpuii tawng avang chuan a lam chu ka hawi phei vut.








"Aa.... Ih... Reubena a dam tha tawh sia! " A tih chuan lu ka bu nghut ringawt. Engvang a ka rilru rawn hnual ta rawi nge a nih hrep hian. Thaw chhuak hawk in motor stearing chu ka hmer vak ringawt. Dinpuii thu rawn sawi leh avang chuan chawp leh chilh in ka thin phu a rawn rang nghal dawt dawt a, keu mah a hauhthawnna rawn awm chu thup hram ka tum lui tlat bawk.








" U Muanawma pawh a rawn haw thut tur chu min thawng tak zet. Rawn haw in nupui neih phawt a tih that leh a tum te pawh a ni mai thei! " Dinpuii lah chuan a la sawi ang deuh deuh a. Traffic jam avang chuan kan ding khaw tlai a, kan piah lawk dawr a ka mi hmuh te avang chuan ka taksa hi a rawn so nghal bulh!








" Ehee.... Saw saw.. Reubena te an nih saw! Chuan saw saw.... " Dinpuii chuan ka melh ngur na lam chu en ve nghal vat in a ti chhuak sap. Eng thil dang mah ngaihtuah lo chuan kawng sir rem laiah chuan ka motor chu hung chawt in ka chhuak zui ve nghal vut.








Dawr chhungah chuan pen lut pawk pawk in dawhkan lo kiltu te awmna lam chu ka pan bing nghal vut a. Reubena chuan min hmu chu a rawn au nghal lang lang a, a bul a hmeichhe thu pawh chuan min rawn melh ve nghal chiah bawk. A hmel chu a dang nghal sawp sawp a min hmuh a ring lo tih a lang chiang viau bawk!








______________________________________________








" Daddy! " Reubena hawi na lam chu ka hawi ve nghal vat. Ramnunsanga kan lam pan a rawn pen pawk pawk leh a hmel rum zet, mit meng dur thim khup nen chuan kan in melh nghal sak bawk.








" Enge he tah in tih! " Kan bul a rawn thlen rual in a ti chhuak nghal hrawk. A aw bung leh ri hmukah chuan chiang tak in a lawm lo tih a lang chiang viau bawk. A tawng ri deuh hmuk avang chuan Reubena pawn a mood a fuh vak lo tih hrethiam in a pa chu a lo be chhun zawm tawh miah lo.








" Aa... Nunsang kei man...! " Kan opposite chiah a Nu Hmingmawii chu ding vat in a lo ti nghal zat. Mahse engmah a sawi hma in kan hma a mipa lian leh hmel rum zet a min entu chuan a kut hrawl zet chu a vai nghal thuak a. Ni e.... Hei vang chiah hian a lawm lo a ni ngei ang! Mahse tha tak a ka sawi pui chuan a hre thiam em em ang! Reubena pa a nih anh in Nu Hmingmawii pawh Reubena nu tho a lawm!








" Min lo zui rawh! " Ti chhuak sup in Reubena chu rawn ban nghal vut in a pawm kang nghal nawlh bawk!








"Maww! " A thu rawn sawi avang chuan ka ti haw. Nu Hmingmawii pawh chu A rawn meng phawk nghal hra. Tunah tak chuan kan rilru a in an ka ring. Min hauh hrep emaw ka ring a, a hmel rum leh hlauhawm zet vang khan.








" Tunah! " A rawn ti leh sup rual in ka phu nghal chiam. Vin hauh lo mahse a lungawi lo tih ka hre thiam ve em bawk a. Nu Hmingmawii pawh a hmel a chi ai tih ka hria. Kei hian ka lo ring sual ve deuh a. Hman ni hotel a thil thleng vel ah khan ngaihdam pawh min dil nghe nghe a. Chuan kei hian ka lo ti lutuk mah mah pawh a ni mai thei!








" Enteh!" In thlahrung lutuk in ka ti dak dak. Ramnunsanga leu luau lah chuan min ngaihsak duk lek lo in ka hma zawnah a kal pawk pawk a, a pen hlawk nasa mai si. A um hian ka um dawr dawr hi a ni ringawt!








" Lut rawh! " Motor a hun na zawnah chuan a ding run a, Reubena a la pawm bet ngur bawk. Pawn aiin motor chhung a in biak chu a rem zawk ka ring a ngawi reng chuan ka thu lut a ka luh hnu chuan Reubena pawh a rawn dah lut nghal zat. Mahse he motor chhung a ka thu lut chu ka in chhir nghal rawi rawi thei!








" Reuben I tha em? " Motor hma lam Passenger seat a hmeichhe thu chuan a rawn ti zang khai vah a. Reubena a chuan ka ban, ka zak hnuaiah a kut rawn zen lut in min rawn kuah nghal chet a mahse a lu erawh a bu nghal nghat! Nu Hmingmawii khan Reubenan he hmeichhia hi a ngainat loh chhan a sawi nual bawk a. Tunah hian a tak a ni thei dawn in ka hre ta uar uar bawk!








Ramnunsanga chu driver seat ah a rawn thu lut nghal vut a. Kei leh Reubena chu tik pawh ka ti ngam lo hrim hrim. Nu Hmingmawii thu sawi ringawt khan ka rilru a luah leh tut tut tawh! An chhungkua, an nupa inkar ti chhetu chu he hmeichhia Dinpuii hi a nih thu a sawi a. In lam a haw a, a chhungte leh A fapa bul A hun hman ai chuan hna chhuan lam in Dinpuii in hun A hmang duh fo tih teh. A.... A sawi hnem lutuk.









Mahse kei mah zawk in ka hmuh dan leh Reubena a ngaihtuah zia ka hrilh let luam a. Hotel a kha tia min rawn ti khum chhiam pawh kha kei ni lo in Dinpuii zawk hi a awm a ring thinrim rawn kal a nih thu leh kha ti Nunsanga hmeichhe kawp pawh ni se a buaina tur a nih loh thu ka lo sawi khum hrep avang khan a lo thinrim sa nen a in control hman lo thu thleng a sawiin ngaihdam pawh min dil thlap a. Kei pawh in ka ngaihtuah khan ka tawngkam kha a na vr tho bawk nen ka hrethiam ve ta viau a.








Reubena nen kan thil ei naah min rawn zawm ve min dil khan lo phal loh chi zia zang a ni bawk lo nen ka rem ti ve mai a. Reubena nen an in bia in Reubena hruai pawh a tum a ni lo a, tunah chuan a hriat thiam thu leh a fapa hmel hmuh chiah a duh thu a sawi ve miau a. Nu a ni a, a din hmunah in dah chuan ka khawngaih viau bawk.








Eng eng emaw a sawi nual a. Reubena erawh chuan kam khat pawn a be lo a, melh pawh a melh lo hrim hrim ka phone a game a melh ngar a. Naupang lung ruh zet kha a ni miau a. Nunsanga bialnu neih chung chang chu a sawi nasa mai leh nghal. Mahse ka hriat ang ang in ka tan ve hram hram a. A fapa a ngaih sak zia leh ngaihzawng emaw hmeichhe dang phei chu ka hriat pui loh thu ka sawi ve ngei bawk. Chuan tunah hian khang ka thu sawi ve ho kha a dik chiah em ka hre ta hauh lo.








Motor chhung a sawi pui ka duh vang in ka zui ve em em a, midang an awm tel dawn tih leh ka sawi tel tum hmeichhia ngei a awm ve miau avang in engmah sawi a rem ta bau lo. Front glass atang a min rawn melh leh ngur thin tu chu ka lo melh rum let ve ngawt bawk. Chuan tunah tak chuan an nupa in tih thiam loh leh in then chhan chu an thu an in hmuh fuh tawk loh vangah ka ngai ta rum rum a. Tlem a zawng hrilh hriat chuan an tha leh mai thei bawk. Chuan Reubena pawn nu leh pa a nei leh tihna a ni dawn bawk a!








" Motor ding deuh dawtah chuan ka ngaihtuahna vak kual zet atang chuan ka harh chhuak nghal hlawl bawk. Ka haw chhuak in kan lo thleng der tawh. Nunsanga chu a chhuak nghal vut a. Motor kal hual in seat hma lam pasenger seat a pawt hawng thawt a, Dinpuii chu a chhuak nghal zat. Kan thutna a rawn pawh hawng rual chuan ka thaw chhuak hak.








" Reuben! " A rawn ti sup a, a kut sei leh lian zet chuan a rawn ban nghal vut a mahse Reubenan a ban mai tak lohah chuan rum chhuak hrawk in min rawn melh chhuk nghal ngur a nih chu. Enge tih dik loh ka neih ni.








Kei mah zawk chuan Reubena chu ka pawm chhuak vat a, kan chhuah fel rual in motor kawngka chu a nem khar nghal dawp bawk. A khar na lutuk chu mit ka chhing sawk thei hial. Mit ka meng leh chiah chu Dinpuii nen khan kan in melh nghal siah bawk. Ka ngaih bel nge a mit meng chuan min ngai thei lo riau a hriatna ka nei a mahse hmu lo der in on chhung lamah Reubena chu ka pawm lut nghal nal nal.








" Amaa... Daddy hian Reuben aiin Nutei kha a duat zawk a mi? " Reubena a room a ka pawm luh rual chuan Reubena chuan a rawn ti chhuak sap. He thu hi a vawi hnih min zawhna a ni tawh. A hmasa zawk chu damdawiin a a awm lai kha. Dinpuiin a rawn tlawh tum a Nunsanga a hauh deuh hlek kha, kha tah khan min zawt tawh.








" No! Ka sawi tawh kha khawvelah Daddy chuan Reuben hi a duat ber a lawm, midang zawng zawng aiin! " Khum chungah nghat thla dat in ka ti let vat a, nui sak in a sam nem thep buk lam lek lekah chuan ka chul sak nghal zat bawk.








" Heiiii.... Naupang fel chu kha tiang khan awm lo tur. Amaa in dawt a sawi ngai lo ka tih kha. I daddy chu kei man ka hau hrep ang aw! " A hmel ngui bam chu dawm in ka nui lui nghal var var. Nu Hmingmawii khan Dinpuii vang a an nupa in hau thawm Reubenan a lo hriat ve fo thin thu a sawi tel a. Tun a a hlauh thawn chhan pawh hi a ni ngei ka ring ta bur.








" In biak kan ngai! " Room kawngka lam a rawn ti thum dut tu chu Reubena nen kan melh nghal vat. Ramnunsanga chu a kekawr ip zen in a lo ding run a. A coat chung lo hlip tawh in a kamis hring duk lam lek lek chu a hma kilh thum thleng a hawng a, a ban pawh a kiu thleng a thlep a, a hmel erawh a rum ngaiin a la rum reng thung.








" Amaa Daddy khan a hau dawn che a mi? " Ramnunsanga kal chhuak nghal nul nul ka thlir reng lai chuan Reubena chuan a rawn ti chhuak sap.







" engvang in? " Ka ti let ha.





" Ihh.... Nutei a awm sia, chuan Daddy kha motorah pawh a tawng miah lo! " Awiii.... He naupang fing lutuk hi chu ka khawngaih zawk. Engkim a hre thiam in mi mit mei tha leh tha lo thleng in a man thiam ve vek bawk nen. Chuan tun ang rual hi zawhna an neih tam hun lai leh an dil chhut hun lai tak a ni bawk.








" Teuh lo! Game lo khel la chuan i Daddy chu Reubena a biak duh loh avang in ka va hau hrep ang aw! "Tih leh ka bag a tablet chu phawrh in ka pe nghal zat a. A sam a chul leh thuak in ka chhuak zui ve nghal zat!








" He lamah! " Corridor phei a ka kal lai chuan room kawngka hawng huau in a rawn ti thum dut a. Bu nghat in ka pan ve mai bawk a. A thu lo a Nu Hmingmawii leh Reubena ka in hmuh tir avang a min hau a nih chuan ka thiam loh a nia ka ngawi hmak ang mahse min hauh zawh hnuah sawi fiah ka tum ve thung ang! Room kawngka bulah ding chhuak ka thaw chhuak hak phawt a, roomah chuan ka pen lut ve nghal zat.








" Eng thil phiangsen nge ti a I in hriat a! " A rawn ti chhuak nghal thawt a. In hum ruh in mit ka chhing nghal sawk! Tawngkam vin hi ka tawng khat bawk a ka thinphu a rang nghal dawt dawt. Mahse ka tuar tur a ni tih leh ka thiam loh a ni tih ka hria a ka ngaihthlak a ka dawh a ngai miau!








" Hrep chuan....! Eng tin nge kei min rawn chhin miah lo a Reubena leh kha hmeichhia kha i lo in hmuh tir theih zawk? " A rawn ti leh nghal thawt a, in seh ruh vak in ka ding ngawi ran ringawt. Ka din hmunah te kha chuan a mah rawn thei pawn ka khawsa lo hrim hrim. Tha tak in min rawn bia a min dil thlap bawk nen. Urgg... Ka din hmuh kha a lak lawh be bawk em a. Chu bakah an lo in then a nih pawn a fapa te chu hmu thei tur in nu a nihna atang in dikna te pawh a nei ve miau.








" Ka sawi hi ngaithla ve phawt la! " Ka ti chhuak sap. A miy meng dur khup ah chuan ka melh lui veh ngei a mahse tun tum chu a hlauhawm dan hi a dan danh riau .







" Ka ngaithla ang che maw? I bulah ngaihngam tak in ka kal san a. A ngaina che a, kei pawn ka ring tawk che mahse din hmuh hlauhawm tak ah ka fapa kha i dah tih i hria em? Nge nang hi kha hmeichhia nen khan in lo in thu rual reng zawk. Ka awm loh hlan in in lo in hmu fo thin zawk? " A rawn ti chhuak chhur chhur a. A tawng tawp lam chuan min khei zak mai.








" I ngaih ang kha a ni lo, hotel a thil thleng vang khan ngaihdam min dil a chuan.... ! "







" Chuan I lo ngaidam a ka fapa hmuh theihna phalhna i lo pe bawk a! " Nui chhuak hawk mahse A nuih a zal hauh lo. A nui ri chuan ka hmul thi a ti ding sung sung zawk hial in ka hria.








" Enteh Nunsang.... In nupa in karah hian ka lo sawi ve tur chu a awm miah lo a mahse in in hmu thiam lo deuh maiin ka hria. Reubena nu khan Dinpuii nen in in ngai zawng a, in buai phah thu a sawi a chuan.... "








" He thilah hian Dinpuii hnuk lut hlek suk. I hria em? A ni chuan a hna tlin zet in a thawk a, ti tur a ka tih leh ka duh dan a ngai pawimawh bawk. Chuan ka sawi chin bak a pel ngai lo! " Ka dar a rawn tham sawk in a ti chhuak nghal hrawk. A thu sawi duh dan chuan min deng dawt in ka ngaihtuahna a ti chawl nghal vek hial in ka hria!








Kei hian ka hna tlin lo in, ka thu ka duh a, a duh dan zawm lo in ka lo aam thin a tihnaah ka ngai hmiah bawk! Kha tih chhung a ka hna thawh leh ka lo buaipui ve char char na kha engah mah a ngai lo tih a sawinaah ka ngai hmiah bawk!








" I sawi zo tawh em? Hahh.... I la sawi zo lo a ni pawn kei chuan ka duh tawk viau. Nang ni ho hi mahni ngaihdan chiah dik a pawm thin mihring a mi in nih a! A tha e in sawi fiah vak ka tum lo, sawi mah i la i awi hmel lem loh bawk a, ka kut ka sil e. Chuan ka hna chu ka tlin viau bawk in ka hria Reubena pawh a dam tawh a ka hna ka zo!








Nang nen hian kan in hmuh nawn tawh loh hram ka beisei. Chuan thil pakhat leh chiah Reubena rilru leh ngaihtuahna ti hnual emaw la peng thei tur khawp in a hmuh laiin tumah a mah sis ngaihsak leh duat zawk i nei tih ti lang lo hram ang che! I fapa saw naupang fing tak a nih saw. Harsa tak in a rilru i thlak sak a, i che zia leh tawngkam khat leke hmang in i ti chhe leh vek thei tih i lo hre dawn a nia! " Ti let ve tan tan in min vawnna chu ka vai sawn nawlh a. In her a kawngka lam ka pan chiah chu ka ding nghal chawt. Reubenan kawngka bul atang min lo en reng tih ka hmu chu ka ham haih in han chet mai ngaihna pawn ka hre tawh lo!



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 7th, 2019, 11:10 pm

CHAPTER - 14 💫 by Amy Cck ( Dream Girl)








" Reuben! " Ka ti chhuak sap. Chu tih rual in ka hnung lamah pen thawn ka hre zawm zat . Hawi let lo mah i la min hnaih zawng in a rawn hnaih ve zel avang chuan ka hriat loh chhung in ka lo in seh ruh vak a. Ka kut pawh chu nghet lutuk in ka lo hum bet bawk! Taksa lian zet in min rawn kal pel rual chuan ka thaw chhuak nghal huai. Ka thawk thleng in ka lo ip vek tih ka hre chhuak chiah bawk.








" Amaa! " Reubenan a tih sap rual in Reubena chu a va pawm kang nghal nawlh a. Reubena chuan a pa taksa a bet reng chung chuan min rawn melh in a rawn meng pual pam bawk. Ka khawngaih lutuk mahse ka fapa a ni lo a, ka chhungte pawh a ni hek lo. Ka damlo enkawl mai a ni ti a in hrilh nawn mawlh mawlh in kawngka bul a an din tlat avang chuan an lam pan chuan ka pen nghal vat a. Biak pawh be lo chuan Ramnunsanga te pafa chu kal pel in Reubena room lam ka pan bing nghal zat.








Ka bag kha nichin khan ka hnut chhiah miau a! Mihring chuan kan ti sual thei mahse ka in sawi fiahna leh ka ngaihdam dilna pawh ngaithla duh lo mihring chu ka hnaih reng na bik tur ka hre lo. Ka pian a hnu lamah Ramnunsanga tluk a na tak a mi tawngkhum leh chhe tak tak a min puh tu hi ka la tawng lo. Kan in hriat tirh khan lo kal san vang vang tur ka nia, hetiang buaina leh hreawm tihna ka pum pelh ni mai tur. Eng aiah nge kan lo in hnaih leh zel pawh ka hre nek lo!








" Amaa.... I haw tawh dawn a mi? " Engtik laiin nge Reubena ka bul a a rawn kal hman ka hre miah lo. Ka bul mai a ding in min rawn melh ve kiau a. Naupang mai a ni a, ka thinrimna keh lawm lohna a chung a hri thla tur ka ni lo. Ramnunsanga chu haw viau mah i la Reubena erawh in tunah chuan ka nunah hmun a luah thuk tawh lutuk ringawt!








" Mahse Reuben in entir last day kan lawm dawn I ti ve si! " Ka bu nghat a hmuh chuan a rawn ti leh sap. A sawi dik chiah bawk, vawiin hi a in check up tawp berna a ni a, a dam chian tawh avang in kei nen pawh pangai tak a in thlah a kan in mangtha ka ring a mahse kan boruak erawh a in let thawk!








" Reuben ka haw ngei ngei a ngai a vawiin chu! I hrethiam ti raw? " Ka ti let vat a , ka nui lui nghal sak bawk. Min thlahlel ngawih ngawihtu naupang a ni a, hetiang khawp a min ngaina a min duhtu chu kan lo hmangaih let ve lo thei lo, a pa erawh in a chhe zawng hlir in min puh thung!








" Naktukah i lo kal leh dawn ti raw? " Beisei nei zet chuan min rawn melh chho kiau a. Ka nui lai chu a reh nghal riai riai. Ka lo kal tawh dawn lo tih khum chi a ni bawk si lo chu ka chhang thei ta tlat lo!








" Lo kal lo mah i la kan lo in be thei reng dawn tho a! Ni lawm ni? " A bul a thu hniam in nui lui var var in ka kut chuan ka beng zawnah phone lem ka siam tel a. Kei pawh ka lungngai , kha ti chen ka lo enkawl leh a natna mai bak a , a rilru leh a chhungte nen an in kar lam thleng a ka buaipui leh tun hnaite chhung a engdang mah ngaihtuah lo a ka rilru zawng zawng ka pek ve na a ni a. Hna vek ni mahse Reubena vang hian Muanawma pawh ka ngaihtuah tur ang in ka ngaihtuah loh phah a, vawin chhun thleng kha chuan engkim a la pangai vek mahse thawk leh khatah boruak a rawn in let thawk a ni ringawt!








" Reuben bulah i lo kal tawh dawn lo maw? Daddy in a hauh vang che khan i lo kal duh tawh dawn lo a mi? " A hmel chu a ngui ve bam a, a mittui tling pam pawh chu ka hmu chiang lutuk tlat! A kut te takteah chuan ka vuan a, a mitah melh in lu ka thing mat mat.








" Reuben kha a dam tawh a, chuan Amaa hian hospitalah naupang dang tam tawk damlo enkawl tur ka nei a! " Ka ti leh sap. Kawngka lam a pen thawm ka hriat avang chuan ka hawi nghal zat a, Ramnunsanga lo ding khawng luah nen kan in melh leh nghal siah. A hmel ringawt pawh sawn ka thinrimna a kai tho thei.








" Mahse Amaa I awm loh chuan Daddy kha Reuben bulah a awm duh tawh dawn lo! " A in hnit nghal hraih. Ramnunsanga rawn rum nghut chu melh rawm in Reubena ka ngaihven nghal zat. Hna leh hmingthatna, zahawmna kan duh luatah kan chhungkua, kan fa te thleng in khawhar tak in kan dah thei tih hi saw mihring leu luau sawn a hriat fiah tawh hram beisei ang!








" Amaa vang in Daddy khan Reuben a hnaih hlei nem. Chuan Daddy khan Reuben hi a lo duh lo a nih pawh in Amaa hian ka duh lutuk a, ka bulah i lo kal daih dawn nia! " Ramnunsanga melh ngar in ka ti chhuak kher. A hmel erawh a rum tha ngang mai mahse ka hlau thlawt lo.








In hnuai lamah chuan ka chhuk thla nghal vat a. Reubena erawh a pa in a rawn thlem tak avang in ka chhuah san thei hram. Mahse ka rilru erawh a nuam hauh lo thung. Sitting room a hmeichhe lo awm chu hmu lo ang hmak a kal pel ka tum viau nan ka hming ngei a min rawn koh takah chuan han din loh chu a mawi lo miau a. Pangai thei ang ber a lan tum chuan thaw ka la vang vang a, nui lui sak in ka in her ve ta nge nge.








" Reubena tha tak a I enkawl a vang in kan lawm lutuk aw! Mak ka ti viau bawk a hun rei tak Reubena in nel tir tum hian ka lo bei tawh a mahse tun thleng in ka la hlawh tling thei lo mahse nang chuan hun i duh rei lo khawp mai! " A thu sawi dan vel chu Reubenan a ngainat loh vang in a la na deuh te pawh a ang. Reubena nu leh pa bul A khawsa thei lo a siamtu a nih avang in ka lakah chuan sual lo mahse a ruk in ka haw deuh tlat bawk.








" Ka hna a nia, lawm thu sawi a ngai hran lo. Eng pawh ni se ka kal a nge! " Biak tui tam ka chak loh avang chuan ka ti nghal zat. Mi pasal ngai zawng a nun han hman chu a hahthlak dawn hian kei pawh hian ka hria. He thu chu Thatei pawh khan a sawi ve thuak tawh a mahse a hre chiang bik lo a nih kha. Tunah chuan ka fiah ta kuar. In her a ka kal tur chiah chu a thu rawn sawi avang chuan ka thinphu hi a chawl nghal duk.








" Engmaw i sawi kha! " Ka aw a mak tihna rih tel chu ka thup zo ngang lo. Mahse min thawng em a engtin nge kei pawh in ka hriat loh chu he nu hian a lo hriat daih theih zawk.








" Oppss..... I lo la hre na nge? A nupui ni mai tur chuan i hriat ka ring ngawt a. U Muanawma a lo haw tur thu I hre miah lo maw? Nge... Nang hian midang ngaihsak hman lo lek in Nunsanga te pafa hi i lo ngaihtuah zawk! " Nui sang mahse a tawngkam ki nei zet kha ka hriat hmaih hauh lo. Mahse Muanawma lo haw tur ka hre ve lo chuan ka thin zawn hi vih sawk ang maiin a ti na. Ka tiang chen ka call a biak ka tum a mahse min chhang ngai lo.








" Aa... I sawi ang khan ka hna ka lo tui chilh lutuk a ka lo mang nghilh a nih dawn chu! Eng pawh ni se min remind leh avang in ka lawm e! Chuan tunah chuan ka hna ka zo tawh a, i sawi anh in ngaih pawimawh tur dang ka nei bawk nen ka kal phawt a nge! " Pangai tak a ka sawi chhuak thei chu ka lawm tak zet. In chung lam a Ramnunsanga leh Reubena rawn in pawm thla chu melh zawk in ka in her nghal hmak. Reubenan min ngen leh a nih chuan ka chhe vek a ni mai!




*



*




Kha mi zan khan kan in a ka in khalh haw kha enge ka hriat pawh ka hre lo. Muanawma kha Call ka chak thut a, ka call ngei bawk ka vannei nge vanduai pawh ka hre lo call chu a rawn la ngei, kha tih lai a ka lawm zia kha mahse hmeichhe aw ka hre chiah kha chu ka in ring hman lo ka kaiza tha a in thlep nghal hnawk. Mahse pangai thei ang ber in Muanawma ka biak duh thu ka hrilh a, a mutthilh tawh thu a min rawn chhan pawh in biak ngei ngei ka ngaihthu leh min kaihthawh sak tur in ka ngen hial mahse ' a mutna a la rei lo a, tunlai chu a mu tha lo bawk nen i sawi duh chu min hrilh la ka lo hrilh sak mai ang che! ' hmeichhe aw zang khai vah in a rawn tih kha chuan beidawng zet in phone ka off hmak a.








Kha tiang hunah hmeichhia in a phone a lo chhang a nih chuan in khatah an awm dun tihna a ni a. Thinrim tun in ka bag ka zen rawk rawk a , in chahbi ka hmu mai thei lo te chu ka thin a rim hlur bawk. Ka bengah kha hmeichhe thu sawi kha a ri nawn tluk tluk bawk nen, kan in pawnah khan thu in zanrei lam reng ngaihtuah lo in ka tap ta tawp bawk. Ka U a awm lo a, kei mah chiah in mal riau a in hriatna leh phatsan ka nih tih in hriatna chuan ka taksa zawng zawng a ti zawi vek a. Ka na tih hian a sawi fiah thiam lo!








In ngaizawng satliah mai kan ni tawh lo a, inhualna hial kan nei a nih kha. Chuan tun ah kan in kar a, a vawi khat nan a midang rawn tla zep ta thut leh kei tak ngial pawh min zah lo a an awm chu tlawm ka in ti ngawih ngawih bawk. Khawi atang in nge kha mi zan khan Ramnunsanga kha a rawn lan ka hre lo mahse thil tul lo tak tak chu ti mahse a ka rilru a la peng duai erawh kha chu ka lawm viau. Ka chapo na zawng zawng sawng khawm in kha mi zan a tang khan ka call leh tawh lo hrim hrim. Biak a enge a an tih zawh ka chak thin mahse chumi ka ngaihtuah a piang in kha hmeichhe min chhanna kha ka ngaihtuah let thin a. Ka in sum leh thei hram zel bawk.








Mahse ka ngaihtuahna tlem chuan min rawn biak hun a la chang reng a. Kha mi zan a thil thleng sawi fiah a. Chhuanlam eng pawh rawn siam tur in ka la nghak fan thung. Mahse tunah chuan ka beiseina tlem te pawh chu boruakah an tham ral riai riai a, a rawn haw tur tak ngial pawh hrilh tlak ah min ngai tawh lo chu a nia!








" Mahse ka la phelh phal chuang lo che! Hmai chhan ngeiah i ka atang ngeiin ka mitah tak min en a I sawi a nih loh chuan ka la ring phal chuang lo! " Full mirror hmaah chuan ka ding a ka kut tang a zungbun chu tuai neuh neuh in kei mah leh kei mah chu ka in be mawlh mawlh.








Damdawiin lamah ka hna ka tan nghal mai lo a, thla thar atang law law a zawm tur a tih ka ni a, pawi ka ti lem chuang lo mahse chhunah mahni chiah a awm chu khua a har duh viau. Rilru kawm ka chin phah bawk! Ka U lah in a la rawn hawi mai theih loh thu a sawi bawk si. Ka mal ngawih ngawih a ni deuh tawp.








In a awm chawt chawt a ngaihtuahna tha lo neih reng ai chuan tiin ka nu te in lamah ka leng phei a. Ka nu lah chuan Muanawma lo haw tur chu ka hre sa emaw tiin a sawi barh barh a, ka bu liam vel mai mai. Kan in tih thiam lohna hmeichhe tawng thei zet ang mai a lo zual ko zet zet chu ka duh thak bik lo. Muanawma lo haw hunah erawh ka ngawi mai mai dawn hauh lo thung!








Thatei erawh a fal a kan awm hnu in ka hrilh ta vek. Mahse a U a hriat chian thu leh ka thu sawi chu a awi loh thu te, Muanawma chu ngai khaw lo nghal ringawt lo tur in leh thil kan hriat chian tak loh chuan nghak rih tur in min ti a. Kei pawh in ka ngaih dan chiah a ni a, ral khat atang a thu buai nei chiam ai chuan a lo haw hunah fel fai tak a sawi dun chu ka duh dan a ni thung. Mahse a lo haw a in then a duh a nih chuan eng tin nge ka awm tak ang? Ka keh chhe vek a nih loh vek chuan ngai awh leh tur in hun ka duh rei viau ang!








" Oiii.... Mate i va ngaihawm vawng vawng tak. Te viau mah la zun chu i nei ve a nih ka ring. Kan damlo thenkhat hian i awm leh awm lo an lo hre hlawm khawp a, putara phei kha chuan min hmuh a piang i in awmna min zawt ziah! " Ka haw lamah a la hma tho tiin damdawiinah U Chhani ka tlawh kawi a. A dan ngaiin a lo tawng leh barh barh tawh!








" Amaa! " Hahh.... Damdawiinah hi chuan Reubena aw ka bengah a cham deuh tlat a nih hi. Ka rilru in ka ti sap. Mahse Reubenan min ko ri ka hriat leh tak avang chuan ka vir nghal nawk. Ka lam pan a Reubena rawn tlan chu mak tiin ka melh haw ringawt! Ka mit vai a nihte ka ring rum rum mahse a hnung a mipa rawn pen zui ve pawk pawk avang chuan a tak ngei a ni tih ka hre chiah bawk!






" Enge an lo tih? '" Kei mah chuan ka phun sap. Chumi rual in Reubena leh Ramnunsanga chu ka bul an lo thleng chawp chilh ve nghal der. U Chhani ka melh zawk a, hmui phun in ' i hrin lo fa' tih leh mit min siai zeuh a kal sawn a rual nghal daih a nih chu!








" Reuben enge i lo tih a? " Ka bul a palian leh hrawl zet chu hmuh kan lui in Reubena chu ka be nghal daih a. Ramnunsanga rum nghut pawh ka hre reng mahse a chungah hian ka lawm bik reng reng lo. Ka ngei lutuk hi thei ngat i la chuan damdawiin chhuat a thal thuai khawp hian ka vaw thlu chak hluah hluah!








" Daddy nen kan lo zawng che! " Reubena tawng avang chuan mak ka tih zia ka hmelah a lang chhuak a ni ngei a, kan bul a mipa ding ngawi ve run chu a rawn tawng chhuak sup a. Loh theih loh in ka en a ngai ve ta nge nge.








" I inah kan lo kal a, i lo awm si lo a, Reubenan damdawiinah i awm a ring miau mai sia! " Ti chhuak sup in a tih dan thin in a kut lian zet chuan a kekawr ip a zen leh nghal hlun. Ka bu nghat a Reubenan ka kut a rawn vawn nghal zat avang chuan ka hawi sawn leh nghal daih bawk!








" Kal ang u le! " Reubena bawk. Mahse khawnge kan kal dawn?








" Reuben khawiah maw? " Ka ti ha. Kei hian he mite pafa bulah hian hun hman ka duh tawh miah lo. A hma pawh khan ngaiah ka lo neih hman a, mahse kei mah chiah khaw har leh hreawm ti tak a awm chhun ka ni. Chu vang chuan tunah chuan keimah chiah in ngaihtuah ka duh!








" Kan in ah! " Ramnunsanga tawng chhuak sup avang chuan ka ner nghal nang. An hnuai a thawk pawh ka ni lo a, chuan ka kal duh tawh teuh lo. Ka zep lo Reubena pawh ka ngai ve dat mahse chu vang ringawt chuan ka hnaih tur a ni lo. Ramnunsanga tawngkam kha ka la theihnghilh reng reng lo.








" Ka nu in a hmu duh che a! " Hnial ka tum tih hre lawk ang hrim in a rawn ti nawn leh sup. A dang a sawi belh leh beiseiin ka melh kalh a mahse a kareh mawi zet chu a chip leh hmuk tawh. Han sawi mawi a, min hmuh duh chhan te a sawi ka ring a nia! Mahse engmah sawi belh duh hmel a pu tawh lo hrim hrim. Mahse a sawi hma chu ka kal ngawt dawn lo hi a ni tawp.








" Amaa..... Pipiin present mawi deuh a pe dawn che a lawm! Kal ang...! " Ka kut a min pawt tang tang in Reubena chuan a rawn ti ve leh bawk nen. Ka kal ta nge nge. Ka kut vuan in Reubena chu a tawng melh melh a ka hnung a rawn kal ve zel vang hian kei erawh ka tang deuh tung thung!








" Ka rawn zui ang cheu! " Motor seat kawngka min hawn saktu chu ka melh vah a. A hmelah chuan a lawm lem lo nge lut tur in min ti ang hrim in min la melh ngur a nih chu.








" Ka ke in ka rawn um ang che! Nakin a lak kawi leh kha a buaithlak mai mai! " Ka ti nawn leh ta hap. Kei in thil ka sawi fiah thlap thlap zel lai in hepa ve hi chu a tawng mawh ve ropui si. Kan awm dun ho chuan ui leh kel thlun pawlh hi kan ni ringawt!








" Amaa..... I bulah ka tel duh! " Ka kut rawn sawi det det tu avang chuan kan in melh sala na atang chuan ka mit ka la sawn ta hram. Kan in karah hian Reubena hi lo awm ve zel lo se la chuan hepa hi chu ka sawp hrep tawh ang. Mahse a vanneih a siam in Reubenan min lo khap daih hman ziah .








Ka scooty chhuan vawr leh duat em emah chuan ka chuang vah a. Ka hnunah Reubena thu in min kuah chet in min rawn hnaih bawk. Kan tlan chhuah dawnah a tlak loh nan nghet tak a min kuah tur in ka hrilh a, a zawm tha khawp. Kan hnungah motor min zui ve tu chu run luih in chak mang kheng in kan ving chhuak mai a nih kha! Traffic jam karah two wheeler chu kan in zep leh zeuh theih thin avang chuan kan tlan san nal nal. Ka chet dan chu naupang chhia hle mahse nuam ka ti ve miau!








" Amaa.... A nuam ee.... Min phur ziah rawh aw! " Reubena chuan an in kawt a kan din hnu chuan a rawn ti vat a. A hmel nung sar chu hmuh a nuam tak zet. A hma ang bawk in ka kutah a rawn vuan leh chat a. Nui hak hak in in chhung lam kan pan duh nghal a. Ramnunsanga kha chu lo nghah ve zel pawh a ngai ka ti nek lo. Kan in hmuh leh chuan buaina a chhuak leh lo ang tih ka sawi thei lo. Ka thin ur na hi a tawng bua a nih chuan ka hlau dawn bik thak si lo a!








In chhung kan lut chu Reubena pi chuan min lo be nghal siam siam a. Lawm thu te min hrilh in a lo haw hma a hna ka lo chaw chu pawi a tih thu te nen lam a sawi bawk a. A fel lutuk hi keimah zawk hi ka in thlahrung let ling zawk! Nichin deuh khan Nunsanga pawh a rawn lut tawh. Mahse engmah sawi lo in roomah a lut nghal hmuk. Mahse in chung lamah ni lo in in hnuai room ah zawk. Reubena pi chuan Thenzawl atangin puan nalh zet min lo hawn a. Kut tah ngat niin en mai pawn a man a tlawm lo tih hrit reng reng .








In thlahrung tak chuan ka lak sak a. Ka phu lo lutuk chu hreawm ka ti zawk. Ka hna a awlsam in ka hna pangai aiin a hahdam a chuan duhsakna thleng in ka dawng vek bawk si chu kawng leh lam tak a thlir chuan ka vannei hliah hliah!








Haw a hun tak ah chuan hreh zet in Reubena chu ka thlah leh thei hram. Hmuh an nawm viau rual in in thlah hun hi a huphurh awm bawk nen hreawm ve tak a ni. Kawngka bul thleng min rawn thlah a, kei pawh ka scooty dahna lam pan in ka kal ve nghal zat! Ramnunsanga erawh a hmel ka hmu leh miah lo. Min biak a peih bik vak lo pawh a ni mai thei!








" Ka hmu chak in ka be peih bik chai hlei nem! " Ka scooty seat hawng in ka helmet ka la chhuak a kei mah chuan ka phun bal bal. Engvang a lawm lo ringawt nge ka nih lah ka hre der lo. Ka thu sawi a ka din ngheh loh vang pawh a ni mah na. Kan in hmuh hnu hnung ber khan ka hmuh tawh loh tur thu ka sawi bawk!








" Heiii..... Heiii..... Enge i hriat a? " Ka in rin loh laiin ka banrek A rawm vuan thut in min pawt sawn nghal dawr dawr. Ka helmet khum tha hman lo nen tunge tih pawh ka hre lo. Mahse a chak lutuk ringawt! Ka tang ve tawng tawng a mahse sawt lo tih piah lam in a sawt lo a ni tawp!








" Nang.... Nangpa hi! In chhung atang eng tik laiin nge i lo chhuah! " Ka kut chuan ka kawk a. Room a a luh hnu khan a rawn chhuak leh miah lo. Mahse tunah ka hmaah a lo ding luah a nih chu! A in teleport ti dawn I la naupang pawn chutiang lam chu a awi tawh lo.








" Eng tik thleng nge min huat a, min pehhel i tum? " Ka zawhna pawh chhang lo chuan a rawn ti chhuak hmuk! A mizia ka ngei em em chu zawhna ka zawh min chhang lo a, a duh a sawi nghal hmuk zel hi.








" Kal teh! " Ti hlak in a kut chu ka thing nghal nawk a. Min thlah ve mai. Ka hua tih tal a hre ve a a tha tho e. Ka duh chen chen ka hua a nga. Ka duh leh ka pehhel ang! A mah a nih kha mihrang ka nih thu hmai chhan a min sawi khum tu zawk. Kal ka tum chu ka hmaah tak a rawn ding leh nghal hmuk a. Thaw hak in sir lamah chuan hel ka tum leh a a ban sei leh lian zet chuan ka hnung bang chu a rawn nem khalh nghal run!








" A va mak tak! Ka huat leh huat loh che chu i tan a pawimawh vak a mi! Haw ka duh a nia! " Ka hma A ding run chu dak vah a melh in ka tih khum chiam. Min dang tlat bawk si chu a lian in a ban kham phei ruah nen zawhte no neiin a note te an kal sawn a piang a, a bul a a hmuk leh leh a a khuap deuh hlun ang hian min khuap ve deuh hlun in ka hre ta ber.








" A pawi! " A rawn ti sup. Ka helmet avang chuan a hmel ka hmu chiang thei lo! Mahse min chhaih kual leh a tum ni ber min ka hria!








" E... Kei in pawi ka ti ve lo. Min ti buai reng lo teh i duh leh kha i bialnu a thlavang i hauh zet kha va chhaih kual rawh! " Ka sawi zawh rual in ka in chhir nghal. Eng vang a chu tiang te sawi chhuak ta chiam nge ka nih. Ka hmui te zip zep hi chuh.








" Hmela! " A rawn awm dan avang chuan ka rak that. A chal in ka helmet bangah a nem bet a nih chu. Ka in sum thei tawh ngang lo ka kut chuan a beng pahnihah ka pawt ta hrep. Ka helmet nen min nam beh tlat avang in ka che tha thei lo nen. A na thei ang ber chuan a beng ka pawt ta vak a. A awm sawn ve hram! Duh tawk mai lo chuan a ngal charah ka chhuih leh pawp a, ka kal san nghal nal nal. Ve khang lang in a mah aia ka tet vang mai hian min ti kual vel a ching a mihring ve tho ka ni hi!








" Engmaw i sawi kha! " Ka kal lai chu ka ding chawt! Tunah khan a nupui in Reuben kha in chung atang a nem tlak thu a sawi a nih chu! Ka hre sual zawk nge, Reubena nu tak tak hi Hmingmawii a ni lo zawk! Nu te chuan an fate na tawrh ai tawrh sak an in huam thin zawk a ni ngai!








Nunsanga thu sawi lai chu mit khap lek lo in ka en ngawt ngawt. Engmah hre lo kei lah chuan thil te ka lo ei dun tir a. Chuan Reubena bul a a awm leh theih tr ka lo beisei pui a. Ka ti sual let der. Mahse chu ai chuan ka hma a mipa hi ka dem leh zual .









" Chuan engkim hre vek in ti sawn I awm tir mai mai a maw? Eng ang mihring nge i nih a! Ni lo..... Reubena hi i hmangaih tak tak em? Ti hian a pa ka ni chu i ti ve sia maw! Tenawm lutuk! " Ti chhuak chiam in ka hma a mipa ding ngawi ngul chu tur zet in ka melh a. A fapa ti na tu a hria a mahse eng mah tih a tum lo hi ka dem hlawm tawp.








" Aw! " Ka bag hai rak rak in ka phone ri chu ka chhang vat. Ramnunsanga lah chuan che sawn eih lo in min melh ngur bawk. Ka tawngkam kha a na a ti a nih pawn ka pawi ti lo mahse ka dem em a tin ni.








" Muanawma chu eng tin maw? A..... A lo thleng dawn maw? " Ka thu hriat chuan ka thinphu a ti rang nghal dawt dawt. Thate in tlaiah Muanawma a lo thleng dawn a ka nu leh pa in chaw ei phei tur in min sawm thu a rawn sawi!








" Min thlah rawh! " Ka in her ka kal tur chu ka ban bulah rawn vuan chawttu avang chuan ka ti chhuak that in Ramnunsanga chu ka melh nghal ram.A mit meng chu ka hrethiam lo mahse a dul deuh ruih mahse tunah rih chuan ka ngaih sak in ka zawt buai hman lo. Eng dang mah ka ngaihtuah thei lo ka rilru buai nuai chu tih reh pawh tum i la ka thei hek lo. Muanawma ka hmuh chak rual in ka huphur ngawih ngawih! Mahse thil thleng tur a ni a chak tak a pal tlang ka duh!






💫💫💫 a tawi ka tih kha🙏🙏 ka kut a kham tawh lutuk bawk nen, ka mit chak lo a chhuak bawk sia, chhiar a hreawm viau ang😭😭 min hrethiam mai ru💫💫💫

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 7th, 2019, 11:10 pm

CHAPTER - 15 💫 by Amy Cck ( Dream Girl)








Engmah sawi lo chuan min vawnna chu ka thing leh nawk a, a thlah ve hram. Engmah dang ka ngaihtuah thei tawh lo ka hma lamah chuan ka pen nghal hlak hlak a. Ka rilruah Muanawma ringawt a awm tawh vang pawh a ni mai thei. Ka scooty chuan hmanhmawh zet in ka in khalh chhuak a, darthlalang atang chuan Ramnunsanga ding khawng luah chu ka hmu thei reng, an in gate ka tlan pelh hma kha chu.








Nu hmingmawii leh Reubena ka lo in hmuh tir vel kha chu ka ti dik bik lo mahse ka hre miau lo a. Reubena ti na tu a nih thu kha hria i la chuan a hmuh loh nan ka theih tawp ka chhuah ang. Mahse ka dem em em zawk chu engtin nge thu dik a hre reng chung a, engmah a tih loh theih. A nupui niin a lo hmangaih a nih pawn thil ti sual tu chuan hremna a hmu ngei tur a ni ka ti ve tlat. Mahse ka nun a ni lo a ka lo in rawlh ve na tur a awm lo. A tuartu te lam in an ngaidam a nih chuan thu hran mahse Reubena erawh ka ngaihtuah in kha tiang nu leh pa a nei kha ka lainat tak zet.








Ka nu te in gate ah chuan ka tlan lut a scooty chu hung tha sawk sawk in hman hmawh zet in kawngka pui lam ka pan nghal vat. Vawin a a vawi hnih nan mahse kawngka bul ka thleng chu ka lut mai ngam ta hauh lo. A chhan chu ka mi hmuah tur leh hmuh chak ber hian tun tum chu min hmu ve chak vak lo a ka ngaih vang pawh a ni mai thei. Nidang a zin emaw a a rawn haw dawn chuan haw kawngah pawh darkar tin deuh thaw lo phone in chin chang a rawn sawi reng a mahse tunah chuan a rawn haw tur tak ngial pawh min rawn hrilh lo a!








" Kim! Enge i tih reng a lut ta che! " Ka bul a Thatei rawn ding in a rawn ti thut chu ka phu nghal dawr. Mak min tih hmel zet in min en haw a. Muanawma a la rawn thlen loh thu leh dawr a a kal lawk thu sawiin kawngka chu a nem hawng nghal hmiah a. Hreh zet chuan ka pen lut ve hram. Min hrilh hre lo a, an in a lo hmuah ve ringawt chu nuam ka ti der lo.








He in chhung a ka tlang nel thin teh lul nen tunah tak chuan mikhual ang maiin ka in hre hial. Ka nu in min lo lawm leh hmasa ber, ka pa pawh office atang a rawn haw mek a ni awm a. Tunlai chu ka pa hriselna a tlak hniam deuh thu ka nu in a sawi chuan ka lo ngaihven lo zia ka hre thar awn awn bawk.








" Ka haw dawn! " Lalthazuali hnung zang a beng pawp in ka ti nghal that. Muanawma te chu naktukah a lo thleng dawn chiah tih ka nu in a sawi a. Lalthazuali kir ker hian min tih der tihna a nih chu.








" Heii.... Chaw ei la riak ve mai mai rawh U Remruata pawh a awm chuang hlei nem. Chubakah advance in ka lo hrilh che a ni mai a, naktukah ka U chu a lo thleng dawn a lawm ka nu pawn a sawi kha! " A room chhuah san a ka kal tur chu ka banah pawt in a rak deuh chul a nih chu!








Ka lungphu a ti khaw lo vek tih a hre ve tawp si lo a, ka ngei viau a mahse tiang a han in tih tauh khum leh in hnial vel hi chu kan ti thang tawh lutuk a kan ngai haw lem lo. Ka pa a lo haw a, tlem in a hmel a lo tla ve dawk a. Pa hrisel leh harhvang tak kha a ni sia, ka ngaihtuah viau. Tunlai chu ka tlawh khat bakah ka kal hi chuan ka pa hna kal lai a nih zel a vang in ka hmu hlei thei lo a.








" Remruata hi cham rei a la tum em? " Ka pa ka en vang vang lai chuan a rawn ti thut a ka chaw ei ka phuh lo chauh. Lalthazuali lah chuan min lo nuih ang vak vak a. Kan in biak ngun lutuk loh thu leh rawn haw lam a la rawn sawi loh thu in ka chhang vat a. Ka nu in an in lam a awm tur in min sawm leh chuan ka nui liam vel mai mai. Muanawma a lo haw dawn phei chuan kan boruak vel nen ka duh lo a ni tawp!



*



*



Khum bul tukverh atang niin ka hmai a rawn chhun chuan ka meng chhuak riai riai a. Ka bul chu ka dap rak rak a. Thatein min lo thawh san ve ngei. Lu hai chuai in ka thu chhuak hlawl a, nizan ka mu mang reng reng lo. Muanawma lo thlen hun a ka thu sawi tur vel ngaihtuah in ka muhil thei lo a ni ber.








" I sawifiah hma chu ka zui char char dawn che! " Room pawn lamah thawm avang chuan khum atang chuan ka chhuk vat a. Thatei tawng a ni tih ka hria phone a bia nge chuti fa ko a aw rawl ring a a tawng chu mak ka ti ang reng viau bawk! Hmai pawh phih lem lo chuan room atang chuan ka chhuak ve ringawt. Muanawma room lamah tawng thawm chu a awm zel avang in ka phei ve nghal zat a. Room kawngka tlem lo in hawng atang a ka mi hmuh avang chuan ka thin zawn hi a rawn phu nghal dawt dawt!








" A mak e! Ka sawi ang kha a ni mai chhuak rih teh ka chau a nia, ka in ti fai a nga ka lo chhuk ang! " Muanawma tawng dan chu mak ka ti leh zual. Kha tiang khan Thatei a be ngai miah lo. Fiamthu in tih thinrim leh han tawng chang chu a nei thin a mahse tun a a tawng kam leh hmel ang sawn a la be ngai lo tluk a ni. Thatei pawh chuan mak a ti tih hriat zet in a ding ngawi ran a, a hnung lam atang ka hmuh miau a vang a hmel chu ka hmu thei lo mahse a kut hum ruh tang erawh ka hmu chiang lutuk tlat!








Room a lut ve duh loh chuan ka in her a ka kal nghal vat. Engmah pawh tah chhan tur a awm miah si lo ka mittui chu a rawn far nghal keuh a, engvang a rawn danglam ta thut nge a nih ka hre miau lo a, tun a ka mi hmuh kha chu ka hriat thin Muanawma kha a ni tawh miah lo. A mit meng leh a che zia te kha a danglam tak zet bawk. Thatein ka hnung lam atang a min rawn ko ri chu ka hria mahse ka hawi duh lo. Ka hmel a hmuh chuan ka tap tih a hre dawn.








" Hei.... Ka ko che! I.... I tap a mi? " Ka hmaah rawn ding in a ti nghal vat a. A ni pawh a hmel a dik bik lo tih ka hmu ve reng. A U a lo haw a nghah hlelh ve ber in kha tiang khan a tawng khum miau a. An buaina tak chu ka va hre hman lo mahse Thatei hmel erawh a lawm hmel teh chiam lo.








" Tap maw? Engvang in ! ka mitah bawlhhlawh a lut a chuvang chu! " Ka mit nuaiin ka ti nghal vat. Mahse kan in hre chiang mah mah ka tih tawh kha. A hmel a dik lo tih ka hriat ang bawk in ka hmel a dik lo tih a hre chiang ve nghal tih ka hria!








" Engpawh ni se! I mittui kha chu dah tha rih teh tih tur pawimawh lutuk kan nei a nia. Ka U lo chhuk hma ngeiin! " Tih leh ka ban a rawn vawn a rual a in hnuai panna lamah chuan min pawt nghal dawr dawr. Mu tho hlim hlawl ka nih avang in ka sam a la hnawk nuai a, ke lawng in ka la kal zui. Ka nu in min lo hau lwh ngei ngei ang!








" min lo hre thiam lawk! " Sitting room ah chuan kan ding chawt a. Thatei tawng avang chuan hma lam ka hawi nghal vat mahse enge ka hmuh hi. Kei hi ka mumangah ka la cheng reng zawk nge, he hmeichhia hi tu nge? Muanawna hian nupui a rawn hawn zawk nge. Ka thin phu chu a chawl duk a, ka thaw chhuak em pawh ka hre tawh lo.








" Aaa..... Ka U khan i hming chu a sawi tawh tho a mahse ka lo theih nghilh leh daih a, pawi i tih loh chuan khawngaih in! " Kan hma a hmeichhe thu chu a rawn ding chhuak a. Thatei erawh nui deuh sang mahse a nui hmel lem zet chu tu pawn kan hre thiam vek ang tih tur khawp in a awm a. Kei chu mak tih vang in awm ngaihna pawh ka hre lo.








" Ohh.... Zirtei ka nia. " Tih pah in a kut chu a rawn phar chhuak a. Thatein a chibai dawn emaw ka tih laiin a kut rawn phar chhuah chu hmu lo ang hmak in a awm a nih chu. Hmeichhe thawveng tak a ni ka tih tawh kha chuan a duhnaah chuan kei ai mah in a lungruh in a nghal thiam zawk bawk.








" Umm.... Kei hi Muanawma nau chiah ka ni a Thatei, chuan hei hi! Ka bul a mi hi Kimkimi ka U bialnu! Ohh.... An in nei tep tawh zawk! " Ka banah min rawn pawt hnaiin a ti leh kher a ni chu. Eng vang a chutiang a tawng chhuak vak a, introduction min pe chiam nge a nih ka hre der lo. Mahse a hming a sawi atang erawh chuan rin dan chu ka nei ve ringawt bawk. Chuan he hmun a awm hi ka duh miah lo. Khawnge ka nu leh pa pawh hi an awm daih le!








" Ka hria e! " Zirtei in ti nu chuan a rawn ti sap a, a la nui tel zui a nih chu. A tha dawn miah lo Thatei in seh ruh teuh chu ka ban a chelh miau avang in ka hre chiang lutuk tlat!








" A nih chuan engvang a kan in a ka U rawn zui lut nge i nih! Doctor ve tho I ni lawm ni, in chu i nei ve ngei a nga? " Thatei tawng ri fak chuan min deng dawt hi a ni ber mai. He nu hian Muanawma a rawn zui haw tih tunah khan a sawi ! Engmah ka la sawi lo kan chhuk thlak hnu hian mahse in hnuai a kan chhuk hnu, ni lo... Ka thawh hlim a ta ka thu hriat ho hian min tawng hlawm tak zet!








Kan hma a hmeichhe cher lam pang, san zawngah pawh kei ni ai chuan a sang daih zawk a, a kum pawh a upa zawk tih a hriat. A tarmit bial bun chuan a ti lang zahawm in a fin hmel em em leh nghal a. Hmeltha vur tih tur chu ni lo mahse a hmel a zahawm, ka sawi fiah thiam dan ber a nih chu. Thatei chu rawn chhan tum ang deuh in a ka a ang hman zauh tawh. Mahse inchung panna step a pen thawm leh rawn tawng ri avang chuan a ngawi leh daih a, a hawi na lamah chuan kei ni pawh chu kan hawi ve nghal vat!








" Eng thil nge in lo tih a? " Muanawma chuan rawn chhuk pah in a ti sup a. Ka in hum ruh nghal tang. Shirt var leh kekawr bul dum a rawn in bel tawp a. Shower nei zo hlim tih hriat zet in a sam a la hnawng deuh chap bawk. Ka hmuh hnu hnun ber aiin tlem in a cher deuh mahse a chhiat loh ngaiin a la chhelo reng a, mipa fresh leh in vawng tak a ni tih a hriat ngawih ngawih. Mit khap lek lo a ka lo melh lai in kan bul a lo thleng chawp chil ve nghal der!








" Eng ni lo e, U... I thian rawn hruai luh chu kan lo kawm ve e kan tia mahse i phal hmel vak loh. A ni em Kim! " Thatei chuan aw zangkhai vah a tiin a kiu chuan min rawn nghawk deuh salh a. Ka phu nghal zawk thung, kan bul ah pawh ding lo in kan hma a hmeichhe bulah a ding nghal daih chuan min ti hrilh hai tak zet. Tunah hian ka na em ka hre miah lo! Ka ngaihtuahna a chawmawlh vek a, mak tihna bak ka nei pawn ka hre lo.








" Mate! " Thaw chhuak hawk in Muanawma chuan a rawn ti sup. A nau in a nghal a lo chhuah tih a hrethiam tih ka hre vek. Thatei erawh in a melh duh thak lo. Muanawma chuan Thatei a melhna atang chuan kei min rawn melh leh nghal vut a. Kan mit leh mit a in tawng nghal sak. Mahse hawi sawn tumna ka nei miah lo. Muanawma zawk chuan a mit chu sawn thla in ka taksa chu a melh kual dan dan a. Ke lawng a ka awm tih a hriat chuan a hmel ka en reng avang in a ri lo in a nui suk tih ka hria. Rang lutuk in ka ke ka tawm nghal chawi bawk.








" Aa.... haw phei mai ka lo tum a! Kan driver ka call thei tho a! " Kan hma a Hmeichhia chuan Muanawma melh chuan a ti chhuak sap a.








" Tuk thuan ei zawhah ka thlah ang che! " Muanawma chuan a ti chhuak sup.






" U! " Thatei vin that chu ka en ngawih ngawih tawp. Ka che lo a, ka tawng hek lo. Ka hma ah ding reng chung in min hmu lo ang hmak in a awm a, biak pawh min be bawk lo. Hei chu ka rin sa tho a nih mahse a tak a han tawn meuh chuan awm ngaihna reng ka hre lo.








Ka nu in chaw ei an peih tawh thu chu choka atang in a rawn au lang lang a, ka pa pawh library atang a rawn chhuak ve hlawl. Kan lo ding deuh thap chu min melh kual a mahse engmah sawi lo in choka lam a pan nghal mai a, Muanawma chuan Zirtei chu a kal pui nghal zat a, Thatei nui lui hak leh mak ti hmel ang chiah hi ka hmelah a lan chhuah ve ka ring.








" Kal phawt ang! Nakinah kan be leh dawn nia! " Ka kut rawn vuan in min lainat hmel zet chuan a rawn ti sap a. Ka mittui a tlak a ka tah vak ka rin nen ka hul vek. Tunah tak chuan tawng thei lo ang chiah ka ni. Sawi tur ka hre miah lo miau a. Muanawma khan sawi dawt lo mahse engah mah min ngai lo tih chiang tak in a ti lang a. Ka nat lutuk vang nge hetiang a ka awm ka hre hauh lo. Choka lamah chuan min kai phei a, a tih ang ang chuan ka awm ta tawp.








Nidang ang lo tak in chaw ei laiin tumah kan tawng lo a, ka pa in tawngtaina a hman zawh hnu khan ka nu chu sawi loh Thatei tak ngial pawh a tawng lo. Kan boruak chu a rit a ni tawp. Ka thleng chu en in ka hma a eitur chu a tui leh tui loh pawh ngaihtuah lo in ka kaah ka hnawh lut tawp tawp a. Nizan he in a ka lo riak ta kher kher chu ka in chhir hluah hluah !








" In bia ang! " Muanawma room ah ka lut a, khumah a phone a hmet mual mual chu a rawn hawi zawk a. A ngai bawk in a phone chu a bih leh nghal hmuk. Tih mai tur ka hre lo chu room pawn a Thatei koh luh ve mai ka chak et et.








Chaw ei khamah Zirtei thlah in a chhuak leh nghal a, a rawn haw in room ah a awm leh nghal char char bawk nen. Tlawm in ti chung chung in ka la pan hram a. Phatsan ka nih chhan tal ka hriat duh vang pawh a ni mai thei.








" Kha nu kha tunge? " Kan ngawih dun vang vang hnu chuan ka ti chhuak ta nge nge. Ngawi reng a kan awm chuan thaw chham in ka thi tak ngial dawn. Pa ngai tak a lan tum in Muanawma chu ka melh ngar a, ka kut erawh ka hum nghet mah mah thung.








" I hriat reng kha! " Min melh lem lo chuan a ti chhuak sup. Ka thaw chhuak hak a, kan in ti thiam lo a kan in hau a nih pawh in hetiang em em a hrilh hai hian min siam ka ring lo mahse a ti miau bawk si!








" Ai! Ka hre lo! " Ka ti let ve fak.






" Ohh.... Tak zet! Zingah Thatei nen zawhna in lo zawt hrep tawh a ni lawm ni! Chuan tunge tih min la zawt a nia! E... Kan in biak pawh in a hming chu ka sawi zauh tawh in ka hria! " A phone chu khum a dah thla in min rawn melh nghal vut a. Mahse a mi chhanna chu ka la duh khawp miah lo.








" I tan enge a nih! " Ka sawi chhuah rual in ka mittui a rawn far nghal fap. Khatiang zawhna kha ka zawh ka ring ngai lo. Kan in ti thiam lo ngei mahse a lo haw a nga kan sawi fel mai ka ring a mahse ka rin miah loh in hmeichhe dang an rawn lang a, chuan chu hmeichhia chuan Muanawma duatna a dawng ve bawk. Khum a mipa thu chu a rawn ding chhuak ruai ruai a, ka mittui a hmuh hlauh in sir lam hawiin ka kut chuan a hru nghal zat.








" Ka thiannu a nih kha! " A thu sawi avang chuan ka nui hak. Engvang nge ka nuih pawh ka hre nek lo. A thiannu a tih kha ka awi loh lutuk vang nge, a ngaihzawng ni lo a, a thiannu zawk a lo ni chu ka lawm pawh ka hre thiam lo.








" I thian chuan i training i thulh tak a vang in a thulh ve a, chuan he lai thleng a rawn zui haw bawk che a, zan reiah i phone call lo chhang in i mut tawh thu te, i mut that theih ngai loh avang a kaih thaw thleng phal lo in thu a lo nei a maw! Eng ang thian nge rei lo te i mi hriat chu ti tak a i nun a thu nei tu chu? " A tir lam chu zawi viau mahse a tawp lam chu a ring tawh lutuk mah mah. Ka biang a ka mittui rawn luang ngiai ngiai pawh chu thup tumna ka nei tawh lo.








Thil sawi teuh ka duh a mahse engmah ka ngaihtuah chhuak thei lo. Nizan zan khua a ka in puah chah na zawng zawng kha an bo zo vek. Ka hma a mipa ding ngawi ngul chu ka meng let ngar a. Engtin mah min chhang lo te chuan ka thin an ti rim hluah hluah.








" I ngai ang kha a ni lo! " Ka in hnit hlawp hlawp chu a rawn ti leh sup. Ka beng ngeiin a ka hria a, chuan tunah ka mit ngeiin ka hmu leh bawk. Ni e... A tawng ka chuan sawi dawt lo mahse thian chauh an ni lo tih chu a lang chiang mah mah.








" Ti nge..... Ti nge i in thlak thut a! Rei lo te chiah i awm hrang a mahse ti nge engkim rei lo te chhung a a danglam vek! Maww? Kei mah zawk hi ka dik lo zawk nge? " Beidawng zet chuan ka ti chhuak sap.








Mi ngaihtuah hluak leh tawngka a han duat chuk chuk mi ka ni lo a, kan awm hran chhung khan ka lo ngaihtuah tawk lo zawk nge! Kei mah leh kei mah chu ka in dem leh lai lawk thin mahse engmah a dang lam chuang lo! Tun hun hi ka mumang emaw la ni se, harh chhuak vat i la, chu chu ka chak ber!








" Dik lo chu nang ni lo in kei mah zawk ka ni! " A rawn tawng chhuak sup avang chuan ka melh nghal kawk. A hmel chu a ngui ve ruai a, a chauh hmel tak zet bawk. Ohh... A zin a rawn haw chauh a chawlh pawh chawl lo in kha a hmeichhe rawn hruai haw kha a va thlah leh thlap a, ka nu in driver drop tir a tih pawn a mah ngeiin thlah a duh thu a sawi tlat a nih kha!








" Kan pahnih chungchang hi ngaihtuah that leh ka duh! " Kan ngawih vang vang hnu chuan a rawn ti chhuak leh sup. A thu sawi chu ka hriat sual emaw tiin ka haw nghal dawr a mahse a hmel thu tak zetah chuan kha thu kha a sawi ngei tih leh a fiamthu loh zia a lang chiang lutuk tlat!








" A theih loh! " Kawngka rawn in hawng dawp in Thatei chu a rawn pen lut ve nghal zat a. Kan thu sawi kha a hre vek tih a hmelah a lang chiang mah mah bawk.








" Kan in kar a nia, lo in rawlh buai duh suh! " A sawi zawh rual in a biang a ri nghal thlawrh. Mahse kei ni lo in Thatein a beng a nih chu. Kei mah zawk in beng tur ka ni mahse ben chu sawi loh ka che sawn thei lo. Tunah khan in ngaihtuah that a duh thu a sawi a nih chu! Chiang tak in kei ni lo in kha nu khan a thinlung a luah tawh zawk tih sawi dawt lo mahse a tihnaah ka ngaih hmiah bawk!








" Chu chu Kimkimi duh dan pawh a nih ka ring! A dik em... Tunah pawh i tan engmah ka nih loh zia i ti lang vek! Ka awm loh chuan kan in hualna zungbun pawh i kutah hmuh tur a awm lo! Ka sawi dik em? A hma a tang in inneih ka sawi rik chuan min hnial zel a, chuan a tawpah in thlahrun na avang in zungbun i bun a chu pawh chu....! " Sawi zo lo in a ban a phar nghal hluai a, eng thu nge a sawi chiam chiam hi ka hre lo kei hian eng tik lai pawn zungbun kha ka bun ka phawi ngai lo hrim hrim.








" Khaw nge! " Ka kut en chung chuan ka ti chhuak sap. A ngai dik miah lo. Kei hian a mah rin hlelh na a ka khah lai pawh khan ka zungbun kha ka phelh thei lo a mahse tunah hian khaw nge a awm, nizanah Thatei nen kan in pawh lai vel khan ka tlauh a nih ka ring.








" Ohhh.... Hre lo der duh suh! Chuti fa ko a phur rit ka lo nih chuan a tha e! He thil pawh hi kawl law law rawh! " Ti chhuak thawt in a kut tang a zungbun chu a rawn phelh a, ka kutah chuan a rawn hmeh bel nghal chawt a nih chu, a che zia chu mit khap lek lo in ka en mawl tawp. Thatei chuan sawi fiah ngial a tum a mahse engmah a dang lam dawn lo tih ka thinlung hian min rawn hrilh thung!








" Ka tihpalh! " Ka ti chhuak sap. Eng berah nge ngaihdam ka dil chhan ka hre lo. Min phat san a rinawm lo tu hmasa zawk a ni a mahse ngaihdam ka dil chhan hi ka hre lo. Ro zet chuan ka nui chhuak nghal hak. Ka rilru buai nuai hi eng tin nge ka tih dawn ka hre lo. Tah ka duh a mahse ka tap thei lo. Ka kaw chhung lam atang hian min hnawh tut tut a mahse ka ka atang a rawn chhuah dawn in engmah chhuak tur a awm chuang si lo.








" Kim! " Thatein a rawn tih sap rual in ka nui leh hak mahse ka nuih zat vang ni lo in. Ka na lutuk ka tap chhuak thei lo ni ta ber in ka hria.








" Ka.... Ka lo va haw a nge! " Ka kut a zungbun chu hum ngawt ngawt in ka ti chhuak sap. Tunah chuan ka thil tawn teh nuai hian ka ngaihtuahna a ti chaw mawlh vek miau a. Khaw nge Hmangaihkimi hmeichhe tawng thei leh nghal zet, midang hnuai chhiahna ngai thei miah lo hmeichhia kha a awm tak! Tun bak hian ka tlawm leh theih ka ring tawh lo. An khum a ti let hrep tur ka nih laiin sawi tur pakhat mah ka hre lo!








Rang lutuk a in her in kawngka lam ka pan sawk sawk a, Thatei min auh lawm lawm na pawh chu hre lo der in in hnuai lamah chuan ka tlan thla hlawk hlawk a, ka nu in min lo biakna pawh ka chhang lo, ka pa erawh office a kal daih tawh tih ka hria. Ka nu leh pa pawh hian an lo hre vek nge, chaw ei lai pawh khan eng mah an sawi lo a, engkim hi a rawn thleng thut vek maiin ka hria.








" Ka thlah ang che! " Ka scooty awmna ka thlen rual in Thatei chuan a rawn ti vat a, lu ka thing mat mat. Muanawman min lo um ka beisei a nia mahse a hmel hmuh tur a awm miah lo. Thatei chu thlah ka ngaih loh thu leh kei mah chiah a awm ka mamawh thu sawiin ka tlan chhuah san a. Ka nu leh pa te a lo sawi pui tur thu in min hnem ve ngei mahse engmah a danglam ka ring chuang hauh lo!













An sawi thin , a tak a nih leh nih loh chu ka hre lo hmeichhia chu hmeichhia kan nih ang ngeiin kan thinlung pawh a nem hma in hmangaihnaah pawh kan tlu lut hma a, min duat a min ngaihsak tu na na na chu a tir a engah mah kan ngaih loh pawh eng tik hunah emaw chuan kan thinlung kan lo hawn leh nge nge thin. Mahse mipa te erawh chu mi let thawk chu an ti thin. An hmangaih leh an duh loh chu eng tia rei emaw eng hun pawh ni se mipa rilru sak an nih ang in hmeichhia in zar buai viau mahse mipa rilru nghet tak chuan a ngaihtuahna a sawh sawn ngai lo. Chuan Muanawma hi ka hriat tawh chinah chuan mipa zaidam tak ni mahse a tih tawh loh lam chu ti lo ve tak a ni miau!








Kan inah chuan lut in ka roomah ka lut tlang nghal a, zungbun ka hmuh tak hlauh in tiin ka thawm hnaw bawm te chu ka hai kual vak mahse ka hmu lo, Thatei roomah ka thlauh a nih chuan a zawn tur thu a sawi a, a hmuh chuan min rawn hrilh ngei ka ring bawk si chu a ngaihna reng ka hre lo!








" Kan.... Kan in hau chu ka ring a mahse tun em kan thlen chu ka beisei lo a sin! " Muanawma zungbun zawk chu en in ka phun chhuak sap. Ka mittui chu dan rual loh in a rawn tla nghal zawih zawih a. A tawpah phei chuan zungbun chu hum in aw rawl chhuah meuh in ka tap chhuak nghal hawm hawm a nih chu mahse insum chhan tur ka nei tawh lo a hmai zah tur pawh ka nei tawh lo.








Ka nu leh pa an boral ni tih loh kha tun ang tak a lung chhia a tah ka nei ngai tawh lo a, ka U in min hau emaw Muanawman nen kan in hauh pawn ka tap ngai lo ka tih tauh khum ngat ngat thin mahse tun tum chu ka kawng hi a tawp tak meuh meuh em a sin. Chuan ka mual pho bawk. Mi tam tak hmaah kan in hual a mahse vawin khan awlsam tak in ngaihtuah that a duh thu sawiin kan in hualna zungbun chu a phelh a nih kha!








" Uuuu....! " Ka U in phone a lak rual chuan ka ti chhuak sap.







" Mate i dam em? Min va ngai lo ve. Ka hria e Muanawma a lo haw vang in min hre chang lo a nih ka ring! " Ka U chuan a rawn ti let sup a. Muanawma hming a rawn lam tel chuan ka tap chhuak nghal hawk!








" Uuu....! " Sawi chhuan zawm thei lo chuan ka tap chhuak leh nghal hawk. Midang te ang in nu emaw pa emaw in nghahna ka nei lo ka U hi tawng tlem in tawngkam thiam lo hle mahse ka neih chhuan a ni miau. Ka nu leh pa te chu Muanawma nu leh pa te an ni miau a ka natna chu thlen ve thin mah i la tun tum kher chu kei mah in ka tuar a ngai!








" Mate i tap a mi? " Ka U chuan a rawn ti leh sup. In nghahna tlak tak mipa a ni ka tih tawh kha tunah tak hian ka bulah awm se chuan ka rilru natna zawng zawng hi ka in bun ruak ve ngei ang mahse hmun dangah a awm a, a rilru tih hah ka duh lo. Ka hrilh a nih chuan a thinrim dawn tih leh hman hmawh tak a a hna pawh kal san a rawn haw a tum dawn tih ka hria, rilru buai zet a siam ka duh lo.








" Ka ngai lutuk che a! " Tap aw tiau chuan ka ti hap. Ka tah chhuah leh hlau in ka phone ka ken lohna lam chuan ka hmui ka hup bet nghal vat bawk! A rawn nui hawk a naupang chhia min tih thu leh a rawn haw theih tep thu a sawi chuan chhan pawh ka chhang mumal thei lo. Kan nat lai tak hian duattu leh hmangaihtu te lakah kan pang chang zual thin. Kei erawh ka natna ka thup a ngai thung!








" Tu nge le! " Kawngka rawn in sawi bur burah chuan ka harh zawk. Ka U nen kan in biak zawh khan ka lo tap muhil thak tih ka hre chiah bawk! Kawngka bawk chu a rawn in sawi leh avang chuan peih lo zet in ka tho chhuak a, ka phone ka hmet eng chu zan dar 7 a lo ri tawh. Vawin thil ka ei that loh em avang in ka pum chu a rawn ri nghal kuar kuar a, darthlalang a in en in ka in chul thuak thuak a mahse thup theih rual lo in ka mit chu a bui lak a, ka hnar leh ka biang a sen hlar bawk!








" Eng.... Enge i lo tih dawn? " Kawngka ka hawng chiah chu ka ti chhuak nghal haw, thil hre chhuak thut in ka kun nghal daih thung. A chhan chu ka tap tih a hriat ka duh lo. Mahse engtiang pawn thup tum i la ka hmel ah a lang chiang mah mah thung.








______________________________________________








*RAMNUNSANGA POV*








" Ka rawn lut thei em? " Ka hma a hmeichhia chu melh ngur in ka ti sup. Kawngkaah chuan ding ran in a kun deuh tlat bawk.








" Ai! " A min rawn chhanna avang chuan ka ner sawk. Polite tak in luh ka dil a mahse ka chhanna dawn chu 'Ai' tih zawng. A tha e! Hmangaihkimi bulah hi chuan nungchang mawi hman pauh leh a nghal thiam ting tih ka hriat tawh kha!








" Heii.... I lut thei lo ka tih kha! " In chhung a ka pen luh hnu chuan a rawn vin that a. Engah mah ngai lo chuan ka kal tlang ta tho. Ka hnung lam a hmeichhe bengchheng zet tih loh chu thawm dang a awm hran lo. In chhung chu ka melh kual nghal thuak thuak bawk. Enge ka zawn tak pawh ka hre chuang lo.








" Enteh! "






" Nangmah chauh in a mi i awm? " Ka hma a hmeichhe rawn ding ve hmak chu melh chhuk ngur in a tawng pawh ngaih ven lem lo chuan ka ti chhuak sup. Min chhang lo chuan a ner nghal nang a. A sam a hmai zar tu chu a rawn hui chho nghal pap bawk!








" Enge i hriat a? " A ban a ka vuan chu a rawn ti teu leh hlar. A mit bui lak leh sen ram chu ka hmuh hmaih hauh lo bawk!







" I tap! " A kut vuan reng chung chuan ka ti chhuak nghal sup. Min melh ram in a kut chu a rawn thing thla leh hlak a. Ka thaw chhuak nghal hawk. Hman zan ang chiah khan a mah in a lo tap leh tih na.








" I buaina ah chiah in rawlh rawh! Chuan tunah hian in leng ka mamawh miah lo! Ohh... I hriat thiam leh loh tak in min chhuah san rawh! " A rawn au ve tan tan chu mit ti zim sun in ka melh run ringawt!








" Ka hre thiam e! I thil thlauh hi rawn pek che ka tum mai a nia! " Ka kekawr ip atang zungbun la chhuak in a kut ah chuan ka hmeh bel chawt a. A meng phar awk chu ka hmuh hmai lo. A ti bo tih a hre lo zawk nge, ka buaina tur a ni tawh nek lo ti chung in ka in her nghal vut a, kawngka lam chu ka pan zui nghal pawk pawk a. Min ngaihven lo tu leh min ngaina lo tu ka hnaih reng chhan tur hi ka hre bik lo. Chutiang mipa chu ka ni hek lo.








Kawngka ka chhuak tur chiah chu hmeichhe in hnit hlap hlap ka hre zawm zat. Chiang tak in tu nge a nih tih ka hria bawk. Ka rilru chuan min mamawh lo a ngaihven lo a ka motor lam pan tur in min rawn hrilh a! Chu chu ka tih tur dik tak a ni tih pawh ka hria.







" Hrep chuan! " Ti chhuak hrawk in ka in her leh nghal vut a. Chhuat a hmeichhe thu sawp niai, a awm zawn dawm a tap khur dar dar lam chu ka pan nghal pawk pawk a. Eng thil nge ka tih ka hre bik lo. Ka thinlung in ti tur a min duh ang in ka che chhuak tih zawng ka hria!








" Ka duh vang in ka phelh lo! In... In ngaihtuah that a duh thu a sawi a! Mahse eng ang pawn ngaihtuah se ka bulah a rawn let tawh dawn lo tih helai.... Helai a mi hian min hrilh a sin! " A awm zawn chu a zungbun hum na lam chuan a chum dat dat a. A hmaah ding ngawi ngul in ka melh chhuk run ringawt! In sum lek lo chuan a mit atang chuan mittui a rawn luang chhuak ngiai ngiai a. Hmeichhe tap thlem ka thiam lo, ka hmuh phak loh ah awm se emaw kal san nal nal ka duh thin mahse tun tum chu ka che sawn thei lo. Ka kal san thei lo a ka thlem in ka hnem thiam hek lo!








Kan in a a rawn kal khan kan in hnial lai khan a kut ka vawn beh a thin tlak na lamah khan a zungbun hi a tlauh a. Nizan khan pek tum in an inah hian ka kal a mahse a lo in kalh thiap. A hnuah min kal san dawn khan a bialpa lo haw tur thu a sawi zeuh tih ka hre chhuak a. Thinrim zet in ka in khalh haw nghal vut a nih kha. Vawiin a call a, a mah ngeiin rawn lam tur a hrilh ka tum viau a mahse kei mah ngeiin a tawp nan tak tak tiin hna banah an in lam ka pan leh ta nge nge.








He hmeichhia hi ka hriatna a ta paih bo ka duh a. A chhan chu Ramnunsanga hi ka hlau thawng a ni, he hmeichhia ka hma a awm mek hian zawi zawiin ka rilru mai ni lo ka thinlung thleng in a lamah a hip tan mek a. A bul a ka awm chuan kei mah leh kei mah ngei pawh ka in control thei lo in ka ti ngai lo tam tak ka tih phah chawk bawk! Ka fapa ngei pawh in a at chilh in a tawng chhuak engkimah ' Amaa in! .... Amaa chuan! ' a ti zel a, rei tak hre tawh ang maiin a chung chang a sawi thin. Chu vang pakhat pawh a ni mahna kei ngei pawh ka hriat loh laiin ka lo ngaihtuah leh vung vung thin.








Ka neih theih loh tur thil lakah ka in hnam hnawih buai ngai lo. Chu vang chuan he hmeichhia a thinlung a midang dah tlat tu hi ka hlat a tha zawk tih ka hria mahse tunah chu ka thu sawi ngei chu ka bawh chhe leh nghal der bawk. Ka hma a hmeichhe in hnit hlap hlap a tap khur dar dar bulah chuan ka thu hniam thla ruai ruai a, han tih vak ngaihna ka hre lo. A lawm loh zawng a ka che leh a nih chuan a kawlh hlik hlek nen kut ka tuar leh lo ang tih a hriat miah lo!








A rawn chet dan avang chuan ka ham haih chiang lutuk ringawt! A dar a khawih mai kha ka tum a mahse a mah zawk in min rawn kuah chawt a nih chu! Chet ngaihna reng ka hre lo, ka hriat a ta tun hi ka thinphu a la ran ber thum a ni bawk. Mahse ka taksa kuah bet tai tu chuan engmah hre lo ang hmak in ka zak hnuaiah a kut pahnih suih bet in ka awm zawnah a tap hlarh hlarh a. Harh chhuah zawk in a hnung zangah ka chul sak ve ngawt bawk!








" I tha deuh tawh em !" A in hnit hlap hlap a reh tak ah chuan ka ti sup. Engvang a tawng dam ta viau nge ka nih lah ka hre der lo.








" Ka ril a tam! " A thu sawi vang chuan ka nui nghawr dawt. Nasa tak in a tap a chuan a ril a tam leh a! Thawk la halh in min kuah behna a kut chuan ka kawr hnung lam a tam tawp vak tih ka hria. Engvang a tap nge a nih ka hre lo a. A zungbun tih bo vang ti dawn i la, ka pek let hnuah pawh a tap a la bang chuang lo. Thawt zet in ka thaw chhuak hawk. Hmeichhe pakhat tah chhan ngaihtuah in ka rilru a buai ta chu a nia!








" I bun dawn lo a mi? " Dawhkan bul a chairah thu in a ke pahnih chu a hlang kang a, zungbun chu a tuai neuh neuh a. Kei erawh gas bulah ka coat phelh in ka kamis var dak hlurh nen Hmangaihkimi ei tur ka siam dawn a nih chu! Ka tawng ri hria chuan a rawn hawi dawr a ka lo melh run tih a hriat chuan a nui lui sak ringawt!








" I hria em? I la hre reng em kan hmangaihte chuan min kal san an tum pawn vawn tlat tur ka tih kha mahse a tak a han tawn tak ah chuan a sawi tu ngei pawh hian har ka ti! " Nui sak mahse a hmel ngui bam chu ka hmuh hmaih lo. A zungbun tuai kual neuh neuh chu bun ta mai lo chuan a hum bo ta daih a, ka lo thaw ve huai ringawt! Kha zungbun kha a kutah a hnawh lut leh ang tih ka lo hlau ve ringawt chu awm lo ka ti viau bawk.








A thil ei lai chu ka melh ngur a, a tam viau a ni ngei ang a bulah ka awm ve tih hre lo ang hmak in zu ei malh malh nia! Hei pawh thil thar tho! Hmeichhe pakhat thil ei lai hmuhnawm ti zet in ka lo thlir dauh dauh chu a nia. Hmangaihkimi hnawltu chu mipa mawl tak a nih ka ring. A aiawhtu hmeichhia pawh chu eng ang mi nge tih ka hre chak viau bawk.








Ni e! A mah en mai chuan han vei zui vawng vawng a han at chilh tur lua chu a awm lo. Hmeichhe pakhat ve mai, te leh thin chhe tak! A ma tawk A kawlh ve em em chiah a ni. Mahse a mizia chik chet chet chuan hmangaihna ngahtak hmeichhia , a hna a in pe zo leh a tet ang aia rilru sak leh nghet zet a ni thung! Kei pawh hian ka hre chiah bik lo mahse hriat chian chakna ka nei a, chuan ka thu hriat vang hian a mah hnaih chakna ka nei leh zual bawk!








" Mu ringawt ang che! Engmah khawih bawk suh! Zingah ka check leh vek dawn a nia! " A room ah kan ding run a. Ka hmaah kawng dawm at in min melh chho ram ram bawk. Nichin lawkah thlem ngaihna awm lo khawp in a tap a mahse tunah chuan tap lo ang hmak in zu awm leh thei a. Haw tur in min ti nasa viau mahse ka tum hauh lo. Ka haw a nih chuan a hma ang bawk a ka hruai tel ve tur thu ka hrilh hmuk hnuah ka riah chu a rem ti ta hram.








An inah room pathum a awm a, a ma room min kian ta daih chu mak ka ti viau. Mahse a room tal ka hmu thei a a tha tho e. Midang inah tul miah lo a ka rahna hmasa ber a ni bawk. Kan in a ka haw khat viau lai pawn in dangah ka riak ngai lo, hotel a nih loh vek pawn ka office ah ka awm mai thin.








" I hmangaih hmasak a i ti fuh tawk lo a ni pawn a dawt an rawn lang leh thin! " Khum a mu in ka kut chu ka kham a, ka phun chhuak sup. Hmangaihkimi sawi ngei a nih kha. Ka hmangaih chu ka ti lo mahse a bul a ka awm hi chuan danglam riau hi a awm thin. Chu thil chu ka hriat chhuah hma chu Ramnunsanga hian Hmangaihkimi hi ka hnai deuh deuh ang!








Ka mutthilh hma in ka nu ka bia a, ka haw theih loh thu ka hrilh sup. Kei hi ka in thlak danglam tulh tulh bawk. A hma kha chuan ka haw tur thu emaw haw dawn loh pawn ka hrilh hre thlap ngai hran lo mahse tunah chuan ka haw loh chuan leh chin chang ka sawi loh chuan Reubena ka ngaihtuah tlat zel miau!




*



*



" Haw tawh rawh! " Min melh ram ram in a rawn ti vin leh that. Tukin zing ringawtah pawh vawi engzat nge haw tur a min tih tawh! Ka ngai pawimawh vak lem lo, nizan khan ka in ngaihtuah fel vek tawh.








" I mikhual te bulah kha tiang khan i awm thin a mi? " Ka nuih za viau mahse ka ti lang duh lem lo.







" Ka..... Mikhual i ni lo. I haw duh lo a nih kha! Ka U a awm lo chu vannei in ti hle rawh! A nih loh chuan....! " Sawi zo duh lo in kut a kuang kuah at a. A sam chu a chhipah sang em em in a bawk khawm vek a. Shirt lian zet a ha hlup bawk nen nula pui tawh han in thuam dan atan chuan mak ka ti viau. Hmingmawii nen kan in neih chhung zawng khan tiang hian a in thuam ngai lo.








" A nih loh chuan enge? " Nui suk in ka hnung a dawhkan ah chuan ka in nem khalh run a. Tum bar in ka hmaah a ding teu thung.








Eng pawh chu nise hna kal ka ngai a, in lamah ka thawmhnaw thlak te a ngaih avang in ka awm reng thei miau lo! Ka ding ngil vut a hmuh chuan rang lutuk in sofa nghenchhan a ka kawrchung ban chu a la kang nghal vat. A chet dan naupang chhia zet chu ka nuih suk thung.








" Lo tap tawh lo la! " Pawn a kan in zui chhuak chu ka ti sup. Ka kekawr ip zen hlun in ka pen thauh thauh a, ka sir ah ka coat keng in a rawn tlan ve dat dat chu ka mit sir in ka hmu reng. Eng tin emaw tak in nuam ka ti viau bawk!








" Ka ngaihtuah a! " Pawn a ding dawt in ka ti chhuak sup a. Ka bulah a rawn ding ve nghal thak.






" Eng chu! " Dak vah in a rawn ti chhuak sap. Nizan ai chuan a hmel hmuh chu nuam tawh tak a ni. A mit erawh a la bui deuh lak thung.







" Fit 5 hnuai lamah hian boruak awm lo ta se! " Melh chhuk in ka then nghal suk. Huhhh.... Eng fiamthu nge ka phuh chhuah kha.







" Hmela! Fit 5 ka tling tih hre rawh! " Ka ban bul a rawn beng taih in a rawn ti chuak tan tan chu ka nui chhuak nghal hawk hawk. A thinrimna hi a ho thei viau mahse lawmawm na riau a nei tlat. Ka nui chu lawm lo deuh deuh in kut min la thlak ang hlek hlek a mahse min khawihna tham lem chuang lo. A kut chu man chawt in ka lamah ka hnuk hnai nghal hrawk a, a rak nghal that. Ka awm zawn a tang chuan min rawn melh nghal ram a ka lo nuih suk thung.








" I lo tap leh a nih chuan tap ka thlem dan chu i hriat tawh kha! " Ka taksa a kuah bet reng chuan ka ti chhuak sup a, a hmai zawnah ka kun hniam nghal run bawk. Ner nang in a hmui hnuai lam chu a seh zeuh a, a mit bial kelh kalh chu a khap nghal fak fak a kei erawh in ka awm hnaih tulh tulh thung.








" Kimkim! " Gate lam atang a rawn ti sup tu avang chuan a a mit min melh na chu la sawn in gate lam chu a hawi nghal vat a. Kei pawh chuan a hawina lam chu ka hawi ve nghal vut bawk. Mahse ka mi hmuh avang chuan Hmangaihkimi kawng a ka kut chu ti nghet tulh tulh in ka in seh ruh teuh thung.








💫💫 Ning hluiin in chhiar ka ring 😂😂 ka hritlang pik lutuk a in sut hlurh hlurh in ka type a, ka hahchhiau reng bawk nen, hnap tui leh mittui nen ka rawn bei a nia aw😂😂 naktuk ka awl zan a ni bawk sia ni 4 ngawt han awl chu ka in thlahrung em a ka lo dah lui hram😅😅 a ngaihnawm lo viau mai thei. Chuan Spelling mistake tam tak a awm leh ngei ka ring, ka chhiar nawn hman tawh ngai lo a, CH hma lamah pawh a awm nuk🙈🙈 ka in thlahrung viau rual in ka chhiar chhuah nawn leh dap chuan ka dah tlai over dawn bawk nen mahni ziah hi chu a dik lo lai han hmuh mai hi a har bawk sia chhiar dan min lo thiam sak mawlh mawlh mai ru aw💫💫💫

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 7th, 2019, 11:11 pm

CHAPTER - 16 💫 by Amy Cck ( Dream Girl)








" Kha pa khan enge a rawn ti! " Inchhung kan luh rual in Muanawma chuan a rawn ti chhuak thawt.








" Tu chu! " Nunsanga kha a ti tih ka hria mahse engkim ka hrilh a tul chhan ka hre bik lo. Nimin lawkah min duh loh thu a sawi a, tunah kan inah a lo kal leh a. Enge a hriat ni. Chhuat laiah chuan in hma tawn in ka ding ran a. Ka rilruah tah lam reng reng a lang tawh lo. Ka thin a rim in ka hma a mipa ding hi ka haw ngawih ngawih.








" Hahh.... I hre lo a maw? Tun lawk a pawn a mipa, in hnaih tak a I lo awm pui kha! Hrep chuan.... In inah a riak tih min hrilh miah suh! " A thu sawi a vang chuan za lo lutuk in ka nui chhuak nghak hak, a aw atang chuan a thinrim hle tih a hriat. Mahse enge a lo buai ve tur , a mah a nih kha thu tawp siam tu!








" Chu chu ka chhan kher che a ngai lo! Sawi tur i hriat tawh loh chuan i chhuak thei ang! " Ti fak in ka melh nghal rawm a, a ner sawk chu ka hmu hman hram. Nimin lawkah hmeichhia a rawn hruai haw a , kan in hualna thulh a duh thu a sawi bawk. Chuan tunah ka nunah thu neih a rawn tum leh a nia. Eng ang mihringah nge a in ngaih ni!








" Hmela! Min khawih hlek suh! " In her a kal ka tum chu ka ban rekah a rawn man avang chuan ka rak chhuak that. Ka tal nghal vak a mahse ka kut a thlah duh chuang lo chu ka tah a rawn chhuak ut ut tawh!








" Eng tin nge i in thlak danglam em em theih zawk? " A lam a min pawt hnai nghal hrawk in a ti chhuak thawt. A aw rawl vin zet avang chuan ka phu chiam leh nghal. A thu sawi avang chuan a awm zawn atang chuan ka melh chho hrak a. Kha tiang thu kha a sawi ve chu a nia. Kei hi ka in thlak a nih chu! Ka awi thei lo hial zawk!








" Kei pawn kha zawhna chiah kha ka zawt che! Eng tin nge ti em em a i in thlak dang lam theih ? Min hmangaih tawh lo a min kal san I duh pawn hrilhhai tak a min siam kher lo hian tha tak in min hrilh thei reng! Mahse..... Mahse i ti miah lo! I hria em.... Zan tin....zan tin ka rawn call che a, mahse tuman min chhang ngai lo. I damlo emaw tawh sual i tawh ring in ka rilru a nuam thei lo a! He lai hi..... Helai hi a hahdam thei ngai lo! " Ka kut a vawn loh na lam chuan ka awm ka chum dat dat a. Min vawnna ti nghet salh in engmah sawi lo in min melh chhuk run a. Ka biang rawn lum thla pap pap chu a hmuh hmaih bik ka ring lo! Tah emaw ka mittui chhuah tir ka tum loh teh lul nen mahse ka dang thei lo.








" Hlau thawng tak chung khan zan chu a ral ve zel tho a. Zan tin ka rawn call chuan i hmuh hun hunah i rawn call back emaw, i harsatna te ka call i chhan theih loh thu te I rawn sawi beisei in rawn call che ka thulh chuang miah lo. I rawn call hun nghak hian vawi engzat nge ka phone hi ka melh a ka hmeh en i hria em! " Ka kut a vawnna chu thing nawk in a awmah ka nem nghal chawrh a, a nghing dawt ringawt te chuan ka thin an ti rim zual ngawih ngawih!








" Kimkim! " Ti chhuak sup in min rawn hnai nghal hrut a min rawn khawih leh hlau in ka tawlh hnung nghal dawr thung! A aw atang chuan a hrilh hai ve hle tih ka hria. Ka mittui avang chuan ka hmu chiang lutuk thei bik lo. Nimin kha chuan ka hrilh hai em a, engmah ka sawi thei lo a nih kha. Ka tap thei lo a enge a chhan tak ngial pawh ka zawt thei lo mahse tunah chuan dan rual loh in ka mittui a rawn luang chhuak a. Ka natna ka sawi chhuak thei tawh bawk! Niminah inah ka haw hnu a ka tah nasat teh lul nen ka mittui erawh a zo thei chuang miah lo.








" Zan khat chu ka call i rawn la hlauh a! Ka lawm zia kha i hria em? Mahse ka lawm na leh ka beisei na zawng zawng kha sec rei lo te chhung in a chhe leh nghal vek! Zan reiah hmeichhia in i call lo chhang in i mut tawh thu te, ka sawi duh chu a mah hrilh a, a lo hrilh chhawn leh mai tur thu in min rawn chhang a! Kha ti lai a ka ngaihtuahna kha i hria em? Khang hun zawng zawng pawh khan, hlauh thawng leh tawhsual i tawh ka hlauh ngawih ngawih lai pawh khan nang chuan hmeichhe dang i lo awm pui a, chu mai chu duh tawk lo in he lai thleng i rawn hruai haw a! Min hmangaih tawh lo a nih pawh in tlem tal chuan ka zahawmna hi min ven pui tur i ni a sin!








Nge fahrah nu leh pa pawh nei tawh loh ka nih avang hian min ngai pawimawh lo zawk! " Chhuat a thu thla hnawk in ka tap chhuak nghal hawk a. Ka kaw chhung lamah sawi tur tam tak in min la hmuak mahse ka sawi thei tawh lo! Ka that tawk loh na te, a tan ka tlin tawk loh na te chu ka ngaihtuah chhuak nghal zawt zawt a. Ka kut a ka hmai hup bet in ka tap chhuak hawm hawm bawk!








" I ngaihtuahna i kal pui nasa lutuk a nih kha! Kei chuan ngaihtuah that ka duh mai a nia! Zirtei kha ka thian chauh a ni bawk! " Ka hma a ding run in a ti ve sup a. Chhan pawh ka chhang peih tawh lo. Hmeichhia ve tho ka ni a, thian leh thian lo deuh chu ka hre thiam ve bawk. Kawngka lam pan a a kal chu mit tui luang ngiai ngiai in ka melh tlawk tlawk tawp!








" Kha pa kha! Ramnunsanga kha hmu tawh suh ang che! Mi dang ngaihzawng chuh pui tur khawp a hmeichhe hniam i nih loh kha! " A kal lai ding dat in a ti leh sup. A thu sawi kha engtiang tak in nge ka lak nat a hre hauh lo ang! Mahse kha thu sawi tur khan dikna leh theihna a nei hauh lo!








" I buaina tur a ni lo! Ka engmah i ni tawh lo a, ka mipa hmuh leh ka kawpah i thu ka zawmna tur ka hre hek lo! Nang ai thlawt chuan a let in a tha zawk bawk. Nang in na tak a min siam laiin a ni chuan zankhua in min kuah a min awmpui a sin! Hahh.... Ngaihzawng maw! Chutiang ka hre ve hauh lo kha hmeichhia.... Ohh.... Zirtei maw! A ni pawn a ti thei a nih chuan enge ka theih loh bik ang! " Chhuat atang ding chhuak riai riai in ka phun sap. Ka sawi nang in tum erawh ka tum hauh lo. Muanawma hi ka hmangaih miau mahse zak tak leh tlawm tak a min siam avang in tih nat ve duh na ka nei thung!








" Hmangaihkim! Fa a nei tawh chuan nupui pawh! Ni lo.... Hmeichhe kawp dang thleng in! I tan a ruat a ni lo! He thu hrilh tur che hian kan in kawp kher a ngai lo. Ka nau ang chiah i nih vang in ka hrilh che! " Eng tik laiin nge ka bul a lo thlen hman ka hre hauh lo. Ka darah vuan in na zet in a hmer nghal bawk. A mit meng chu tawn alh chhuak duh mai hmel a pu bawk. Chuan a bialnu a tang in a nau ka lo ni tawh a ni chu! A hmel chu hlauhawm viau mahse ka run luih chak deuh deuh thung!








" Ka tan a ruat leh ruat loh chu nang hian i hre lo! Nang ang mipa ten awm zet ai chuan ka thlang zawk bawk! Ohhh.... Fapa maw! A fapa Reubena pawn min ngaina lutuk a sin! A nu.....leh a hmeichhe kawp dang te aiin kei chu min ngaina zawk! Hmeichhe tam tak lo kawp pawh ni se enge pawi! Ka.....! " Ka biang rawn ri chawrh avang chuan ka tawng tawp nghal chawt!








" Duat! " Rang lutuk in a awmah min kuah bet nghal chawt! Ka biang lum pup pup leh tip vet vet chu ka hre zawm zat bawk. Tunah khan min beng a nih chu! Rang lutuk in min kuah behna atang chuan ka tal nghal nawk nawk a. Mahse min kuah nghet lutuk mah mah! A taksa si tlawpah chuan min kuah bet a, a sang in a lakah chuan ka tha chu engmah lo mai a ni mahse ka tal vak vak chu ka tawp chuang der lo!








" Min hnaih leh tawh suh ang che! Hmeichhe dang rilru na tur i ngaihtuah avang in kut min thlak a ka chan hi i ngaihtuah ve em! Chuan I nau ka ni lo a ka ni ngai hek lo ang! Kei hian U pakhat chiah ka nei tih i lo hre dawn a nia! " Ka vin in ka aw a ring hran lo mahse ka keh chhe hneh viau tih erawh a hriat ngawih ngawih!








" Kha....hei hi! Min pe tu ber in a duh tawh loh chuan keu pawn eng a tan mah ka ti bik nek lo! " Ka kekawr ip a zungbun chu ka la chhuak a nizanah ka room a ka luh loh avang in ka lo la dah chhuak lo hlauh! A kut a ka zunhbun hmeh bel chu a melh ngur a, nimin khan tiang chiah hian ka chungah a ti ve bawk! Tlem chuan a lungngaih ve hmel deuh mahse a ma duh dan a ni miau a ngaihtuah zui duh lo in , In her in ka room lam ka pan san nghal hmak a. Ka room kawngka ngheng in pawn lam a thawm ka ngaithla ru reng bawk! Kawngka in khar dawt ka hriat chuan ka thaw chhuak hak a, rang zet a ka room atang chhuak in kawngka pui chu ka kalh nghal vat a, pawn lam a motor thawm chu ngaihven zui duh lo in ka room lam bawk ka pan leh nghal vat!








Darthlalang hmaah chuan ka ding ran a. Ka mit bui lak leh ka tah nasat lutuk vang a vung deuh lak chu en ngawih ngawih in ka mittui chu a rawn chhuak leh ngiai ngiai a. Ti tak a tah belh ka nih hi ka lo hre miah lo. Ka biang sa hut hut leh chhah deuh tap , sen deuh teuh ka hmuh phei chuan mahni in khawngaihna ka nei nasa zual sauh bawk!








" Tun chiah hi.... Tun tum chiah hi ka tap ang! Engah mah min ngai lo a kut hial min thlak tu hi ka chelh reng na chhan tur ka hre lo! " Kei mah leh kei mah chu ka in fuih mawlh mawlh a. Ka mittui tla ka hruk na lamah ka biang te chu a thip hlur tawh!








" Amaa.....! " Phone ka lak rual a Reubena rawn au lang lang avang chuan ka thaw chhuak nghal hliai!








" Amaa..... Ka ngai che ee...! " A rawn ti leh bai bai a. A tawpah chuan ka nui chhuak tak hak. Ni khat chiah kan in hmuh atang khan a la liam mahse min ngai a nih chu! Rilru tawt tun a ka awm lai a ka rilru rawn ti dam siai siai tu chu a ni chiang a lawm!








" Amaa pawn ka ngai che lawm! " Ka ti let ve vat a. A khek ralh ralh chu phone mah ni se ka nui lo thei lo!








" Eng tik nge i lo kal leh dawn? " A rawn ti leh pang pang.








" Amaa ringawt ka lo kal a Reubena lo len a hun ve tawh! " Ka tih chuan a phur ngang mai! Tu emaw a bul a awm a bia tih ka hria a pi a ni mai thei!








" Yess.... Daddy nen kan lo kal dawn! Lo leng tawh miah suh aw Amaa! Inah lo awm ngei ngei tawh rawh aw! " A rawn tih chuan ka meng phar awk! Ramnunsanga lek a nih chu a bul a awm! Tunah chawhnu her chauh a nia inah a awm a maw?








" Reuben ka....! "








" Kei mah zawk! " Rawn ti sup tu avang chuan ka in hum ruh nghal talh mai! Tukin zing ka ngaihtuah let a tim chawiin in mit ka chhing nghal sawk!








" Enge kha tah i tih! " Ka zawhna mawl zet avang chuan ka sam ka tham nghal vak! Leh lam a mi rawn nui chhuak hawk chuan min hmu lo mahse ka zahna a ti nep chuang miah lo!








" Ka in a nia, ka phone a ni bawk a! Chuan I biak zawh chiah kha ka fapa a ni bawk! Chuan enge ka tih i la hre duh tho em? " A aw atang chuan a nuih a zat hmel em em leh nghal!








" Aaa.... Ihhh.... Ka sawi tum chu! Engmah a ni leh lo! " Ka ti bah nawk ringawt!








" Reuben an rawn kal a ngen a! " A rawn ti leh sup. Ka bul a lukham chu ka tham nghek ringawt!








" E! " Tih zawng ka sawi! Reubena a rawn kal chuan a mah pawh a rawn kal ve dawn a. Zingah kan in hmu zo chauh a duh aiin kan in hmu ngun mah mah ka ti bawk!








" Kan lo kal thei a ngem? " A rawn ti thawp leh sup a. A awm chu hriat a nuam in a dam deuh dup in ka hria!








" Ummm...! " Ka ti leh tawp.








" A tha e! " Ti sup in an rawn kal tur thu sawi nawn leh in phone a ti tawp a. Ka che sawn thei lo, ka beng zawn a ka phone chu muang chang in ka la thla riai riai a. Muanawma bul a Nunsanga leh Reubena chung chang ka sawi dan ka ngaihtuah let a ka in thiam lo ringawt bawk! Khatiang a rilru kawi kha chu ka pu tak tak lo mahse tunah ka rilru tak hi ka hrethiam lo. Muanawma a mah ni lo mipa ka hnaih ve thei tih hria se run luih ve ka chakna chuan min tur ut ut maiin ka hria!








Ding vat in darthlalangah chuan ka in en leh nghal a, Reubena a lo kal dawn chuan tiang hmel hi ka pu thei lo. Hman hmawh zet in shower nei tur in ka lut a, ka che reng reng chu ka hman hmawh a ni tawp! Rilru ti hah tur lam ka ngaihtuah duh tawh lo a, kei mah a ka awm chuan ka ngaihtuah lo thei der si lo!








Ka sam towel a tawm in darthlalangah chuan ka in en nawn leh a, ka hmel ka en chu ka ner sak. Choka lamah kal in vur la chhuak in ka hmai chu ka dep ve leh hnu hnawh a. Kawngka rawn kik ri ah chuan hman hmawh zet in kawngka lam chu ka pan nghal zat a ka lock na chu ka hawng nghal vat bawk!








" Amaa....! " Ka hawn rual in Reubena aw ka hre hmasa ber! Dak vah a min en in a biangsum lang kalh chuan a rawn nui sen sen a, ka nui leh ve nghal var var! A sam dum hlap leh a taksa chum biang te. A in hmeh tur zet in tshirt leh kekawr bul chuan jumper dum cute zet a ha tel bawk! A sam chu niin a chhun tle sar sar a. Naupang duhawm leh hmeltha tak chu a ni chiang a lawm!








" Reuben lo lut la! " Ka ti sap a, bu nghat in in chhungah chuan a rawn pen lut nghal vat a, hnung zawng in ka en chu ka nui chhuak hak. Bag cute lutuk a lo la ak tel hram. In thawmhnaw hak chu a in la puitling ve phian!








" Lut tur in min sawm ve dawn nge kei mah in ka rawn lut leh dawn? " Rawn ti thum dut tu avang chuan ka hawi let vat. Ramnunsanga nen kan in melh ve nghal sak a. Nui suk in mit ti zim sun in min lo en chhuk ngur bawk! Tukin a thu sawi kha ka ngaihtuah let a , lo lut tur a tiin ka pen sawn nghal zat!








_____________________________________________








* RAMNUNSANGA POV *








" Muanawm! " Gate lam hawi chuan a ti chhuak sap a, a kut ka awm zawn a mi chu a tham tawm nghal vak bawk! Ka pawh behna atang a tal sawn mai a tum loh avang chuan thla ka tum bik chuang lo!








" Nimin lawkah min hmangaih ber ang in i awm a tunah mipa dang nen in lo awm reng a! " Kan bul a rawn thlen rual in a rawn ti chhuak ve sup a. Chutia a tih takah chuan Hmangaihkimi pawh a rawn tal nghal laih a ka thlah ve ta hram!








" In biak kan ngai! " Kimkimi melh chung chuan a rawn ti leh sup a. Min rawn melh ve zawk in in chhung lam a pan nghal zat a. Hmangaihkimi erawh ka bulah a ding ngar thung!








" Ka puihna i mamawh chuan ka awm a nia! " Ka ti chhuak sup! In her a a kal tur chu a ding dat a, muang chang a in her in dak vah in ka mitah min rawn melh chho a, a rawn nui sak bawk!








" Ka lawm e mahse hei chu ka buaina a ni ka tih tawh kha! Chuan kal tawh rawh hna i tlai ang! " Nui sak mahse a nui hmel lem zet chu ka hmuh hmaih lo! Kal a tum leh chiah chu ka banah ka vuan leh nghal chawt a, thaw hak in min rawn melh leh vah a, mit ti zim sun in ka melh let thung!








" Tun tum chiah ka kal ang! " A ban ka vawn lohna lam chuan ka kekawr ip ka zen nghal hlun a, hriat thiam loh hmel zet in a rawn thle kawi deuh ha chu ka nuih nghal suk!








" I kut zungtangah zung bun a awm tawh lo a, hre reng rawn tunah chuan mipa kawp lai i nei lo! " A mit a melh ngur in ka ti chhuak leh sup!







" Enge awm zia? " A rawn ti let ha.







" Kei hian hnaih che ka tum ka tihna a nih chu Thluakthawlnu! " Kun hniam in a beng zawnah ka ti sup a, a kut ka vawn beh chu a rawn tal nghal laih a, hmer nghet salh in a hmai zawnah in sawn in ka then nghal suk!







" Hnial tum buai suh! Awm zia a awm dawn chuang lo! " Tawng tum a a ang zauh chu ka lo tih khalh leh hmuk! A ner nang ka hmuh chuan ka nui leh suk. Ni dang ang lo tak in min chhang let lo a, mal ti hmel a pu reng zawk!








" Ka sawi tawh chu ka ti ngei ngei thin ka tih tawh kha! " Ti leh sup in ka ding mar nghal vut a, a ban ka hmer na pawh ka thlah ve nghal zat! In her in ka motor lamah chuan ka pen nghal pawk pawk a, tunah chuan chiang tak in ka tih tur ka hrilh tawh a, hnial in min hlat tum rng ang mah se keiin ka kal tir hma chu min hlat tum eng ang mahse a tangkai dawn hauh lo!








In lamah ka in khalh haw a, ka ngaihtuahna chu a vak kual nasa viau bawk. Kha mihring khan Hmangaihkimi bulah enge a sawi tih mawlh ngaihtuah in thawk pawh ka thaw tha thei lo. Engvang a a bul a let leh tur ang a ngaihtuah tlat nge ka nih lah ka hre hauh lo!








" Khaw nge ka nu! " In ka luh rual in kan nu la bulah ka ti nghal sup! A len chhuah thu in min chhang a Reubena erawh school a kal ve tan tawh thung. Ka room ah chho in, in ti faiin shower te ka nei a. Ka ngaihtuahna erawh a kal bing tulh tulh emaw tih tur in a awm thung.








" Enge ka hnaih duh chhan? " Shower hnuai a ding in ka phun chhuak sup. Chhanna erawh ka hmu lo, ka hmeichhe duh zawng a ni lem lo. Mahse ka ngaihtuahna erawh a luah hneh fu thung!








" Daddy.... Nangmah maw? " Reubena te school pawnah ka ding vang a, min rawn hmu chu mak a ti viau bawk. Ka nu in a lam loh chuan driver kan tir tlang pui a kei phei chuan ka hruai ngai lo!








"Pipi a buai a ti nge ka hruai i duh lo a mi? " Nui suk in ka pawm kang nawlh a, nui ver ver in a lu a thing mat mat a. Motor lam pan in ka pawm phei nghal zat a, ka nghawng a min kuah ve tai in a tawng ve malh malh a. Ka fapa aw hi khawvel a ri mawi ber a ni tih ka lo hre ngai lo a tunah erawh darkar tin hriat ka duh thawh! Kum 5 chhung ka lo chan tak zawng zawng nen.








" I rilru I thlak leh a mi? " Kawngka bul a ka ding chu rawn in her in ban a phar deuh hliai a, Reubena nui sang in a bia a kei ve chu zawhte chhaihkawlh ang hlar a ni thung! Mahse hnaih tur in thu thlukna ka siam hi ka sawh sawn phah lo!



*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***


Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/




" Reuben ei tur i duh em? " Sofa a ka fapa thu fel at hmaah chuan ding in a ti sap. Tun tum chu nula pangai pawh a ang ve ta deuh! Kawr bah sin a dum hah in kekawr erawh a ha lian viau. A sam chu towel in a tuam lak a. Mahse a lan dan chu a sexy phian thung. A ma tawkah a awmbawr a lian ve lah a, a kekawr hak vang nge a kawng a fek in a mawng a lang pauh deuh lah bawk!








" Daddy.... A ni ti raw? " Reubena min biak na avang chuan ka hawi sawn ve hram. Eng ngaihtuahna nge ka put kha!








" Amaa..... Nang mah chauh in a mi i awm a! " Reubena chuan a bul a hmeichhe thu melh chho ha in a ti sap a. An mahni opposite a thu ngur in an thu sawi chu ka en reng a an hmuhnawm phian bawk!








" Tunah tih chuan Umm.... Mahse Amaa hian U a nei ve a mahse hna thawk in a zin a! " Nui sak in Reubena luah chuan a chul nghal zat a.








" Engtik nge hna i tan leh dawn? " Ka zawhna a vang chuan min rawn melh zawk a, a mit a la sawn leh nghal vat. He nu te hi enge a hriat ni min en tha duh der lo. Mahse a kutah eng zungbun mah a awm lo tih ka hmuh chuan ka hahdam huai thung!








" Kar thar atang hian! Ti nge hna i kal lo a! " Min melh in a rawn ti ve ta nge nge. Reubena erawh in kan tawng ngaih ven lo in Kimkimi ngheng der der in a tablet bawk a buai pui leh tawh thung!








" Nangmah vang in! " Nui suk in ti mah i la ka thu tak viau thung! Ner sak in Reubena a ngaihven zui nghal daih a. A sam la huh deuh chu a darah a uai far a, a ngaih pawimawh vak loh hmel.







A mah ngaihtuah vang in hna ka buaipui thei dawn lo tih ka chiang a. Dr Muanawma nen ka kal san hnu khan ngaihngam in ka awm theih bau lo miau a. Reubena ka hruai khan he thil hi ka ngaihtuah chhuak a, a tha phian tunah chuan ka hahdam ta huai bawk!




*



*



" Dr Muanawma te nen khan in in pawh i ti em kha? " Ti sup in Dinpuii chu ka melh run a, tlem in mak ka ti deuh. Dr Muanawma hria chuan a chanchin tha lo lam sawi tur an hre hauh lo chuan Kimkimi nen hian an in kawp rei tawh a tunah he ti deuh thut a an hna in then chu mak ka lo ti viau!








" Umm... Hre lutuk lo mahse hre ve nel nual. Kei tak chu an inah ka leng lut ngai hran lo a ka pa leh U Muanawma pa hi an tleirawl chhuah atang a in kawm chho char char an nia! Nurse Kimi nen an in hualna lah chu an zuih ral ta tawp sia. Mahse tunah chuan Dr ve tho nen an in zui nasa an tia! Ti nge a! " Engmah a ni loh thu in ka chhang nghal sup a. Ka pho7 rawn ri avang chuan ka ngaihven San ta zawk!








" Hello! " Ka ti sup. A vawi khat nan min rawn call ve chu a nia.





" Aa.... Reubena ka bulah a awm a! Ka sawi awm zia chu damdawiin ah I lo lam kawi hman dawn nge ka rawn dah dawn? " Leh lam atang chuan a rawn ti nghal vat!








" Enge i sawi awm zia? Reuben maw? " Ka ti sup. Dinpuiin min rawn melh nghal vat a kal sawn in ka biak chhun zawm nghal mawlh mawlh! A tawpah chuan ka va lam tur thu hrilh in phone ka ti tawp nghal zat!








" Ti nge Reuben chu! " Ka chhuak tur chu Dinpuiin a lo ti vat.









" Engmah a ni lo. A bak chu naktuk lamah kan chhun zawm dawn nia. " Ti sup in office ka chhuah san nghal vut. School a ban in driver hnenah in lam ni lo in damdawiin a kal a duh thu a lo sawi ve hmiah a ni hmel. Hmangaihkimin hna a zawm ta chu kan tan channa hi a ni ringawt! Damdawiin lam pan chuan ka in khalh chhuak nghal zat!








" Daddy...! " Damdawiin corridor pheiah ka kal lai chuan Reubenan min rawn au lauh lauh. A bul a nurse kal pawh a rawn nui phei nghal ver ver.







" Reuben engmah sawi lo in damdawiinah I lo va kal a maw? " Ka ti sup. Ka lawm lo tih a hriat chuan Kimkimi hnungah a bi ru nghal daih a nih chu. Loh theih loh in ka nui chhuak nghal hawk!








" Daddy... Amaa pawh a haw thei tawh a! Ka lo nghak a lawm ka fel ti raw? " Dak vah in Reubenan a rawn tih chuan ka nui ve suk.







" Kan lo nghak dawn che a mi? " Ka hma a hmeichhia en chuan ka ti sup a. A pawi loh thu a sawi chuan ka bu nghut! Ka hma a Hmangaihkimi leh Reubena in kai a damdawiin corridor an kal chu hnung lam a tang in ka melh a ka nui leh suk suk thin.








" Tum buai duh suh! Kei hian mipa dang hnaih leh tumna ka nei lo! Ka U lo haw hunah Muanawma nen a kan chung chang pawh fel fai zawk in kan ngaihtuah dawn a! Tu mipa mah in zawmna siam pui ka tum tawh lo! Nang I ni emaw mipa dang tu pawh! " He thu hian min chhang a mahse kei hian ka sawi tawh chuan hlen ngei ka tum thin! Ka duh vang reng a ngaihven ka ni lo a a mah hian ngaihven lo theih lo in min siam ka ti deuh ber!








Ka hma a kal te chu an ding deuh dat a! Kimkimi leh Reubena hmaah chuan doctor pahnih pawh an lo ding ve reng bawk! Hma lam a pen phei pawk pawk in Hmangaihkimi kawngah chuan ka vuan nghal chawt a , kan hma a pahnih te chuan min melh nghal vat.








" Amaa.... Ka ril a tam tawh e! " Reuben chuan Kimkimi ban sawi det det in a rawn ti chhuak sap a. Kan hma a Dr Muanawma chu a rawn thaw chhuak hawk.







"Aa.... Aw... Kan ei dawn nia! " Nui lui sak in Reubena chu a chhang nghal vat a, a kawng ka vawnna chu ka hmer deuh salh a min rawn melh chuan ka lo nuih suk a, thaw hak in kal a rawt nghal sep bawk!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 7th, 2019, 11:12 pm

CHAPTER - 17 💫 by Amy Cck ( Dream Girl)








" Kan kal thei em? " Ka bul a rawn ti thawp sup tu avang chuan ka hawi chho nghal vat a, a mit meng thim kup in min melh mahse ka hahdam huai tho! Ka lu ka buk nghat takah chuan a rawn nui nghal suk a, ka kawng a vawnna chu a rawn tham leh deuh salh rual in min pen sawn pui nghal vut!








Kan hma a Muanawma te pahnih dinna lamah chuan kan pen hnai zel a, kan hnaih tulh tulh a ka tang tulh tulh thung. Ka hria na tak in min siam a min bum bawk. Min tih dan leh min thlauh thlak dan teh tawp hi khawvel a ka huat ber mihring tih dan a ni bawk. Mahse ka la na tho a, kha hmeichhia kha ka la thik em em tho! Ma rawh chu tlawm tak leh hreawm ti tak a ka awm lai min hmuh kher ka duh lo!








Chuan he thil hi ka mamawh tak a ni bawk, kei mah chuan pen sawn emaw tawng ngaihna ka hre miau lo a. Muanawma leh Zirtei a maw ni kha, kha ti teh tawp a khan kan in tawh ka ring hauh lo! Tunah tak chuan Ramnunsanga chungah hian bawk khup a lawmthu sawi hial a nia ka duh ni!








" Enge kan ei dawn? " Ramnunsanga tawng thum dut avang chuan ka hawi deuh dawr a nih chu. A rawn rum deuh nghut a, ka che zia chi ai leh mak nuai chu kei pawh ka in thiam lo leh hnu hnawh! Muanawma kan kal pelh dawn a a hmel mawlh khan ka rilru a lo luah daih vang in ka ngaihtuahna ka lo kawm tih ka hre chiah bawk!








" Ka.... Ka hre lo! " Ka ti chhuak halh a, Reubena a ei duh ka zawt nghal daih bawk. Pangai thei ang ber a lan ka duh a mahse a harsa ka ti. Midang pawn kum pawh tling lo an ngaihzawng te an then pawn an la na in hreawm an ti a, kei chu ka taksa chanve hlawk a kal bo ni ta ber in ka hria!








" Ka lawm e! " Motor kawngka vuan a ka hma a mipa ding khawng luah chu ka melh chho vah a. Bu nghut in a mit meng in seat a thu lut tur in min ti nghal sup a. Thu awi tak in ka lut ve nghal mai bawk a. Motor chu rawn kal hual in driver seatah chuan a rawn thu lut ve nghal vut a. A lan dan cool ru zet chu chik zet in ka lo melh thung. A tlan chhuah hma chuan hnung lam a rawn hawi leh vut a ka lo melh reng chu ka zak leh hnu hnawh!








Motor chhungah chuan Reubena chu a tawng leh malh malh tawh, school a kal ve tawh a, mahse chawhma chiah an kal avang hian hna ka zawm hma kha chu driver in kan in lamah a rawn hruai a ka lo awm deuh tawp. Tlaiah a pa in a rawn hruai leh mai a, phur ritah ka ngai lo a, ka rilru ka kawm ngut ngut tur veng tu tha tak a ni bawk!








Vawin a damdawiin a rawn kal hlawl erawh mak ka ti viau, han hnar haw kha ka hreh em avang in kan buai laiin nurse ka duty pui te bulah thu awi deuh in a lo thu ve mai a, a fel in buaina a siam lo bawk a Nunsanga pawh ka call hma duh ta lo a nih kha!








" Kha hmeichhia kha maw? " Front glass atang a min rawn melh in Ramnunsanga chuan a rawn ti sup a. Nui lui sak in lu ka bu nghat. Reubena erawh thil kan ei zawh in ka mal chungah lu nghat in a muhil der tawh.








" Chuan! " A rawn ti leh sup a, thawk ka la vak ringawt!







" Ka thik! “ ka ti leh sap. Ka zah zelah Reubena sam ka chul ta ringawt!







" Kei pawn kha Dr kha ka thik! "a rawn ti ve leh sup.







" Dr. Muanawma kha! " Hre thiam lo zet a ka en tak ah chuan a rawn ti nawn leh sup! Chhan dan leh han sawi tur mai ka hre lo chu glass ka down a pawn lam ka hawi chhuak ta daih. He mihring hi ka hre thiam lo eng vang a min hnaih duh tlat nge a nih tih te, aa.... A tam mai tunah rih chuan ka nun buai nuai hi hreawm ka ti a, kal pel vat vat ka duh ta ber!








" Ka ti buai ta hrep si che a, chuan engkim avang in ka lawm e! "Kan in bulah motor a din rual chuan ka ti vat a. A bu leh nghut ringawt. Dik tak chuan a bulah hian sawi tur avang ka ti thin. Ka tawng duh ka mihriat thatte lakah chuan mahse Ramnunsanga bulah hi chuan sawi tur hi avang ngawih ngawih a ni mai!








" Remruatan hetiang a I awm hi hria se a lawm a ngem? " Ka hnung lam a rawn ti thum dut tu avang chuan ka thlawk chhuak lo chauh. Thim thet thet a ni tawh a, gate ka luh dawn kha ka hmu miah lo. Muang chang in ka in her riai riai a, Muanawma nen kan in hma tawn ta siah mai. A hmel erawh ka hmu chiang thei lo thung!








" Kei pawn kha zawhna chiah kha ka zawt che? Ka U chu kei man ka hrilh fiah thei bawk! " A mitah tak melh in ka ti let sak. A hmel chu a ngui ve bum a, a cher tulh tulh maiin ka hre bawk. Ohhh..... Thatein ka nu leh ka pa in an hau hre tih leh tunlai chu an in chhung khur a nuam lo tih a sawi tak, kha mi ni bak kha ka kal leh tawh lo a mahse Thatein min rawn phone a, Zirtei pawh kha an inah a hruai lut fo tih ka hria.








" Ngaihzawng i then avang in mipa fa hial nei tawh i buai pui thu hi engtin nge i hrilh fiah ang? Ka hrilh tawh che kha i tan a ruat a ni lo! " A tawng dan avang chuan ka in seh ruh ngawt ngawt. Ka chahbi ken na chu ka hum nghet bawk a ka kut chu a na nghal tawlh tawlh mahse he mihring min ti nat na ai chuan nep te a ni mai!








" Ka nun a nia ka thu a ni bawk! I ngaihtuah ka ngai lo a, kha hmeichhia kha va buaipui la kei chu min en liam mai mai rawh! " Pangai tak a tiin ka in her a ka kawngka tala chu hawn tum in ka buaipui zui nghal hmak. Hmeichhe dang a nei tawh a enge a lo buai ve viau, chuan engvang a Ramnunsanga nen min sawi zawm a piang a thinrim nge a nih ziah pawh la hre nek lo!








" Min khawih suh ka tih kha! " Ka tala ka hawng a ka la thla tawh, a lock ka pawt hawng dawn tihah chuan a ban a a rawn vawn a vang chuan ka vin nghal that a, ka kut ka vai nghal vak bawk!







" Kha i kut bawlhhlawh zet kha min khawi tawh hlek suh! " Ka aw chu thinrim avang in a khur der der bawk! Chu tih rual in gate a rawn ti nghal thak a, Ramnunsanga kan lam pan a rawn pen phei pawk pawk ka hmu nghal zat. A hmel chu a thim deuh rup a, a in khalh haw daih tawh emaw ka ti a nia. Muanawma chu a rawn nui ro nghal hawk bawk!









" Hmangaihkim leh! Nang hian thil tha lo i ti tih sawi tum miah suh! " A sam tuai pawk in a ti chhuak hawk a. A aw atang chuan eng emaw ka hria. Nunsanga nen hian kan mu dun tawh emaw a ti a ni chiang. Ohh... Hmanni pawh khan zing karah kan inah min hmuh dun tawh tak kha! Ka bul a Ramnunsanga rawn ding run chu enge i lo tih tih melh in ka melh nghal bawk!








" Haw rawh! Hei i hmuh ang in in leng ka nei dawn! " A zawhna pawh chhang lo in ka ti leh fak. Tunah hian ka hmangaih na kha a bo zo vek ka ti reng reng lo mahse ka hmangaihna leh ka huatna hi a in zat reng thung! Ka bul a mipa ding run chu tawng chhuak ve kher lo mahse ka hahdam pui ngawih ngawih a ni tawp.








" I sawi fiah hma chu ka kal dawn hlek lo aw! " Ka in her chu ka ban rekah a rawn pawt chawt a ka rak nghal that! Ka ban rek a hmerna chu a na nghal ngut ngut bawk!






" Thlah rawh! " Ka tawng chhuah ve hma chuan Ramnunsanga chuan a rawn ti chhuak nghal hrawk. A aw ri hlauhawm zet chu hriat loh pawh tum i la a theih lo hul hual bawk. Muanawma lah chuan min thlah mai duh hmel a pu thak lo leh nghal!







" Lo in rawlh suh! " Muanawman a ti let sup rual in Nunsanga chu a nui chhuak hawk a mahse a nui ri hlauhawm zet avang chuan ka hmul thi hi a lo ding sung sung maiin ka hria!








" Ka hmeichhia chu a bialpa hluiin a lo chhaih buai a ka in rawlh lo ang maw? Ka sawi nawn tawh lo ang a kut kha thlah rawh! " A rawn ti chhuak leh hrawk a. Kei erawh ka hawi phawk nghal hra. ' ka Hmeichhia ' a ti a mi tunah khan! Eng buaina nge ka tawn zo zai hi ka hrethiam nek tawh lo.








" Ka hmeichhia a! Nang ang mipa hian Kimkimi hi i phu hlawl lo i hria em?. I fapa vang a hnaih i ni tih hi ka hriat loh i ring a mi? " A sawi zawh rual in a ri nghal chawrh a ka rak nghal that! Muanawma pai deuh nawk rual in ka kut a vawnna avang khan ka tlu ve hnawk dawn a maw ka tia mahse ka kawngah min rawn vuan a min hnuk deuh hrawk tu avang chuan Ramnunsanga taksa hrawl zet chu ka bawh nghal rawk thung!








" Khawih hlek suh aw! " Ti thawt in Muanawma chuan a rawn hnek let nghal thawt a. Ka pai ve nghal nawk rual in mipa pahnih chu an in sual a ni nghal der! An palian duh mai sia, han tih vak ngaihna pawh ka hre lo. Hetiang hian insual hi ka la hmu hnai ngai lo . Chuan Muanawma ngat phei chu a thinrim hi tiang hian in control thei lo in a awm ngai hek lo!








" Duh tawk ru! " Ka au that a, midang in an hriat leh hriat loh ka ngai pawimawh lo. Min ngaithla lek lo a an awm te chuan min ti thinur hlur tawh.







" A.... A tawk ka tih chu! Ka nun atang i kal chhuak tawh a ni lawm ni engvang in nge i rawn in rawlh leh! I duh a i chhuak a nih kha, chuan nang ang chiah in ka nunah mipa dang ka seng lut thiang a ni lawm ni? " Awm ze nei lo in ka au tawn tawn hi a ni ringawt mai! Ka hma a mipa pahnih chu an tawp ve hram. Ka au nasa lutuk a boruak ka kham lo a ni ber mai! Muanawma in seh ruh tawlh tawlh chu ka hmuh hmaih lo nasa mahse tunah chuan min ti buai tawh lo se ka nunah mipa dang an awm ve a ni tih hi hria se ka duh miau!



*


*



" A thip mai thei! Lo thu la! " Dawhkanah first aid box chu hawng in ka ti sap a. Ka bul lawk a mipa ding khawng luah chu ka melh nghal vah a. A mit bul leh hmui sir tlem a pem ve hlek bawk!







" I huai reuh hle mai! " Chair a thu thla dawt in a ti chhuak sup a, thaw hak in ka sam ka hui chho nghal pap ringawt. Kei pawn ka hlau lo ka mak ka ti. Ka bul lawkah insual kha ti khawp a hnai khan ka hmu a nia!







" Lawm thu ka sawi nawn mawlh mawlh e, chuan ka tih palh bawk ka..... Eng lo... Ka...! " Sawi mai ka tum a ka thei thak lo. Muanawma bulah ka bialpa ang maiin ka chhuah der a. Eng tin nge ka sawi chhuah pawh ka hre nek lo , kha tih lai kha chuan ka thinrim lutuk kha ka puak keh lo chauh, engkim ti tawp tu zawk in ka chungah thu nei ber ang maiin a rawn awm leh a, engtin nge ngam pawh a ngam zawk.








" Chuan I nun i mipa sengluh thar ka ni ta a! " Nuih za aw zet a a rawn ti chuan ka chhing nghal sawk. Ka zah ziah hi pui tak.






" Ka ka a tang a rawn ri chhuak ve tawp a nih kha! Pawi ka ti lutuk. Chuan I rawn let leh chhan chu engpawh ni se ka lawm e! " Ka ti vak ringawt. A mitah pawh ka en ngam tawh lo hrim hrim!








" Ka la tlan chhuak lo hrim hrim zawk! " A rawn ti sup. A thu sawi avang chuan ka phu nghal dawr a, a sawi awm zia chu motorah Reubena a la awm char char tihna!







" Engvang a I room zawk min kian ziah nge i nih a! " A vawi hnih nan ka room ka khian leh tawh! Ka U thawmhnaw a in thlak nan ka pe ta ringawt a. A in ang in kan in ah chuan room kan nei ve teuh lo miau a, ka room, ka U room leh ka nu leh pa te room! A pathum chiah chuan room a awm. Ka U phalna tel lo in a room ah ka riah tir ngawt ngam lo a, ka nu leh pa te room ah midang tumah an awm ka phal bawk si lo an sul hnu ka neih awm chhun a ni miau a. Engkim ka nu leh pa re room ah chuan a ngai ngaiin ka dah vek. Chuan ka Room lo chu kawng dang awm hek lo.








" Enteh in riah kher a ngai lo a nia, ka in buai pui thei a chuan..... " Min melh ngur avang chuan thaw chhuak hak in ka tawng tawp nghal chat. Engmah sawi lo mahse a mit meng hian haw a tum lo tih ka hmu tlang vek a, haw tur in ti eng ang mah i la min ngaithla leh pawn ka ring lo a. Ka U a lo haw tep tawh a zan in chu riak leh mai se tih ka rilruk ta zawk. Reubena erawh ka bul a mut tir ka tum avang in ka nu te room ah a mu thung.








Ka U mipa te chhe zawk zawk a ni lo bawk a an thawmhnaw pawh an in hak tawn sak thei fu. Mangtha in room chu ka chhuah san nghal zat a, chokaah pheiin ka dang ro lutuk tih reh nan tui ka in nghal kawlh kawlh a. Ka U lo haw hunah chuan engkim a fel tawh ang. Kei pawh ka dam deuh tawh zawk bawk ang ti in ka in hnem ve tawp.









" Kimm! Ka U hi a mak lutuk! " Thatei phone call ka lak rual chuan a rawn ti nghal pawng. Ka rin dan chuan Nunsanga nen an in khawihna lamah khan a pem ve nual sia chu chu a lo hmu a nih ka ring deuh tawp!








" Ti nge a? " Chair a thu thla dat in ka ti sap. Ka hre reng a ka hre lo der a ni mah zawk.






" A rawn rui haw a, chuan ih... A in sual nge a hmai vel a pem nual a, ka pa in a hau a mahse a rui lutuk a engmah pawh a sawi pui theih loh! " A aw atang chuan Muanawma awm dan chuan a ti na tih ka hre chiang lutuk tlat.








" Muanawman zu a in maw! " Ka ti chhuak sap tunah hian ka na lo ka tih chuan dawt ka sawi. Ka hriat a chinah Muanawman zu a in ngai miau lo. Ti nge a danglam tak viau hi ka hre thiam lo. Min kal san a duh pawn tha tak in kal se ti nge min tih nat belh zel.








" I hman hun ah rawn kal la! Hei ka buai pui zo chiah a, a khua a sik deuh a la la awm pui tih, thu mak pui pui a sawi leh nghal a. Nang ni hi in tawp tak tak a mi? Ka U hi kal san hlen chu i tum em lo ang chu maw! " A rawn tih chuan chhan mai ngaihna pawh ka hre lo.








" Ih... Kei mah chauh in ka vuan bet thei hlei nem. Min kal san a duh tlat chuan enge ka tih theih chuan, ....! " Ka lam pan a mipa rawn kal vang chuan ka ngawi ta daih. Ramnunsanga chu ka U paijama chiah ha in a rawn chhuak a nih chu! A awm bawr phiar fat leh a dar pharh hlai zet te, a sam hnawng deuh chap chu a chal lamah a rawn far deuh fap a, a six pack leh a V shape pawh a lang chiang ngang mai.








" Ka hmuh nawm viau a mi! " Ka hma zawn a rawn ding in a rawn ti sup a, chil ka lem kawlh. " Thate nakinah ka lo bia ang che! " Tih leh phone dah ka rual nghal! Ka hma a mipa ding chuan min melh chhuk run a, hniam tawh nak a laiin ka la thu ang zui leh nghal!








" Thatei maw! " A ti sup a. A hmel chu thil ngaihtuah nei hmel a pu ve ngei bawk. Ka melh reng lai chuan a hre chhuak a ni mahna rum chhuak ngut in min rawn chhuk melh run a, kei chu chet na chang pawh ka hre lo. Rawn kun hniam ruai ruaiin ka chair ban pahnihah chuan a rawn in nem khalh a ka tang der a nih chu!








" Khaw.... Khaw nge i kawr! " Ka ti sap. Ka hmai bulah chuan min rawn awm hnaih zual sauh a, ka thaw em pawh ka hre tawh lo. Ka kut chuan ka phone chu ka hum nghet tulh tulh a, ka mit ah min en in min si lo chauh tawh. A mit mu dum tak zet leh mithmul buk nal tawk lek te, a hnar, chuan a hmui! Ka in rin hma in ka irh fiak nghal awk. Vawi khat chu min fawp tawh. Muanawma tih loh a ka mipa fawh awm chhun a ni bawk!








" Kha pa kha i la ngaihtuah tho a! " Min hnai lutuk chu a chal sam huh in ka hnar a rawn tawk pha hial. Chuan hepa nen hi chuan kan tawng hi a in man ve thei thlawt lo. Ka zawhna hi engvang a zawhna bawk a min chhang ziah nge a nih pawh ka hre lo. A mi uap na lutuk leh a bulah thawk pangai a ka thaw thei lo ringawt pawh hi ka hah pui.








" Kal teh ka mu duh! " A awm a nem dat in ka ti sap a, a che sawi eih lo. Tunah tak hi chuan kal sawn ka duh tak zet, zan reh lai a ni tawh bawk nen ka lung phu ri dawt dawt te hi a hriat ka hlau. Chu bakah ka hmaah kawr ha lo in a awm run a nuam ka ti lo.








" Eng i hriat a! Ka ngaihtuah leh ngaihtuah lo chu ka thu thu! Chuan nang nen pawh in zawmna neih ka duh lo, khua a lo var a nga naktuk a lo nih hunah chuan nang pawh ka hmu duh tawh lo che! " A kal sawn mai loh avang chuan ka ti chhuak ta chiam. A che sawn eih lo a, hnai set sawtah min melh mah i la ka thu sawi a hre lo ang tih hlau ang hrim in ka au chhiam a nih chu.








Muanawma khan a sawi dik lo hran lo. Ka tan a tha ber a ni em chu ka hre lo mahse Ramnunsanga pawh hi ka hnaih a nih chuan ka natna bak a then dawn lo. Mahse Muanawma ka hnaih leh dawn tihna a ni chuang lo. Mahni a awm a in ngaihtuah ka duh. Ka U a lo haw a nga engkim a ta vek mai ang, tu mah midang ka nun a seng luh ka duh lo tunah rih chuan. Muanawma sawi ang khan ka U in Nunsanga nen kan in ngaizawng ve emaw a tih chuan ka chan chu a chhe khawp ang. Chu tah kan inah zan hnih lai kei mah chiah a ka awm laiin ka la riah tir zui a. Nupui then tawn chu ni tho mahse ka tan a tha ber lo!








A din ngil tak vutah chuan ka thaw chhuak nghal hak a. A mah pawh en duh tawh lem lo chuan ka ding a ka room lam pan in ka kal nghal nal nal. Ka hnung lamah pen ri ka hriat rual in a tlan in ka tlan a ni ta ber. Room kawngka ka hawng tawh mipa thaw ri hrawk ka hriat avang in ka ding deuh dat a mahse roomah chuan ka pen lut nghal vat tho!








" Hmangaihkim nang ma in ngeiah i tlan chhia chu a nia! " Room kawngka ngheng in ka phun chhuak sap. Khum lam a thawm avang in ka hawi nghal vat a Reubena muhil thaw sak sak chu en in ka nui nghal sak. Ka ngainat a ka khawngaih vang maiin tiang hian ka nung thei lo. Pa a nei a a nu in duh lo mahse pi hmangaih em em tu a la nei bawk.








" In fanu hi eng tin nge thawk leh khatah a nun a lo in thlak thawk thei zawk! In awmna atang khan min lo thlir reng a nih chuan khawi laiah khan nge ke ka pen sual a kawng dik lo ka zawh min hrilh hram teh u! " Ka nu leh pa thlalak bang a lian zet a kan tar chu en in ka phun sap. Khumah chuan lawn in Reubena kuah in ka mu ve nghal zat a. Naktuk atang chuan engkim hi a danglam tawh ka beisei!








________________________________________________








* RAMNUNSANGA POV *








" Daddy engtik nge Amaa bulah kan kal leh dawn? " Ka fapa tawng lang lang avang chuan motor stearing vuan chung chuan ka melh nghal vut a. Chhanna nghak in min lo melh nghal kiau bawk.








" Ka hre lo le! " Ka ti sup. Reubena ner nghal nang chu nuih suk in hma lam ka hawi nghal vut a. Kha Dr khan a phatsan chung pawn ngaihsak in nizan khan a nau a call leh a nia. Tunah rih chuan hun a mamawh ni ber in ka hria. Nizan khan min hmuh duh loh thu a sawi bawk. Kha tiang thu kha tu mah hian min la sawi khum ngai lo.








" Tomorrow ah School ka ban hunah Amaa bulah ka kal leh thei a ngem? " A rawn tih leh chuan ka thaw chhuak hawk!








" Amaa khan hna a thawh a ngai tawh a, weekend ah i hmu leh dawn a nia! Reuben leh Daddy hian hun rei lo te Amaa hi kan nghah lawk a ngai a. A tha em? " Ka ti sup. Ni e... Hun rei lo te chiah kan nghak ang.








" Engtia rei! Damdawiinah pawh ka ti buai miah lo, Amaa pawn fel min ti! " A rawn tih chuan ka nui chhuak hawk.








" Rei lo te chiah a ni ang! Nakinah chuan Reubena tan Amaa hi kan hawn daih dawn nia! " Nui suk a ka tih chuan a lawm ngang mai. Sawi ang hian awl se kei pawh hian ka ti!








Reubena school ah ka thlah nghal a. In a ka let chu ka nu in khaw ngr kan riah chhuah tih min lo zawt nasa mai. Nizan khan phone call chuan ka hrilh ngei a mahse ka hmel a hmu chu mak a ti tih a hmelah a lang reng miau. Engkim a tha vek thu sawiin ka room lam ka pan san nghal vut a. Hahthlak min tih hmel zet in a min en tawp. Tunah rih chuan ka riahna ka sawi thei miau lo.








" Ka phu lo maw?" Shower hnuai a ding run in ka ti chhuak hrawk. Kha pa phiangsen khan nizan khan ka phu lo tih min hrilh a nih kha. A ni pawh khan a phu bik reng reng lo. Chuan Hmangaihkimi nunah thu neihna a nei tawh lo bawk. Hmangaihkimi nun a thu nei tu an awm a nih chuan kei chiah ka ni tawh ang. A vawi khat nan hmeichhia ka ngaihven ven a, chu hmeichhia lah chuan mipa dang duh a nei bawk a. Ramnunsanga hi ka a zo tawh a ni ngei ang!


*


*


" Engtia rei nge i cham dawn? " Ka hmaah ka nu rawn ding in a ti sap a. Kei erawh ka in siam mawlh mawlh thung. Hna vang in zin chhuah ka ngai a. Dinpuii a tel leh dawn vang nge ka nu in zawhna a ngah leh tawh khawp.








" A rei lo berah khar 1! Mahse chu ai a rei pawh a ni mai thei! " Ti sup in ka kamis ka kilh nghal mawlh mawlh a. Dinpuii tel tawhnaah hi chuan a rilru hi hahdam thei mawlh lo. Mahse kei chuan hmeichhe dang ka ngaihven tawh hauh lo thung. Ka hmeichhr ngaihven ber lah chu ka ta la ni chuang der lo a. Zing tin a hna kal tur thlir liam bak tih theih ka nei rih miau lo.








Reubenan biak emaw len a tih pawn chhuanlam siam in ka hnial thei zel a. Hmangaihkimi hi hmeichhe dang ang a ni miau lo a. A hma pawh khan Reubena vang a min hmu ve mai mai a ni tih ka hai lo mahse chu chu pawi ka ti hauh lo thung. Ka zin ka haw hunah erawh eng emaw chu ka ti ve ngei tawh ang!








" Daddy lo haw vat rawh aw. " In hnuai a kan chhuk hnu chuan ka fapa duat em em in a lo ti vat. A tet te atang a nu leh pa uapna a a awm loh vang hian ka zin tur pawh hi min ui vak lo a nih hmel.






" Reuben ka zin hma in thil min promise a ngai a nia! " Pawm kang nawlh in ka ti nghal sup. Ka nghawng a min kuah taiin min melh kiau a, a biang puar pep leh no zet chu ka seh zeuh a, a rawn khek nghal ralh.








" Ka lo haw hma chu Amaa I lo va hmu emaw phone tur a ni lo! " Thu tak zet chuan ka ti chhuak sup!







" Daddy chu i sual ee! Amaa pawn min ngai tawh ang, Daddy i awm loh chuan Amaa pawn an inah min riah tir leh hrim hrim! " Ka kawr nghawng vuan in a rawn ti bai bai.








" Reuben thu awi tur ka tih kha! Ka lo haw hunah kan pahnih in ! Ni lo.... Amaa te nen kan pathum in theater ah kan kal ang! Le... Promise rawn le! " Ka ti leh sup a. A rawn buk tak nghat nghatah chuan a chal a fawp vang vang in pawn lamah ka pawm chhuak nghal zat a. Driver in motor pawh a lo la chhuak fel vek tawh. Flight a kan kal dawn avang in driver hruai a ngai tlat.








" Reubenan a ngen che em? " Dinpuii kan lam kawi nghal a, motor a rawn thut luh rual in a ti nghal vat a. Nui suk in lu ka thing ngut. Ka kal tur min ngen lo kha lawm tur nge lawm lo tur pawh ka hre nek lo.








Airport lam pan in kan tlan chhuak nghal a, Dinpuii chuan company atang a lo kal ve tur leh kan mi hmuh tur te, meeting kan neih pui tur te chan chin tlang pui chu report a pe tel nghal mawlh mawlh a! Kan bungraw thawnchhuah hi dawr na zawng leh a duh na zawng hnen a kan pek chhuah loh avang hian min dawrtu te hi kan thlang u luk ve leh chhawng a. Mizoram chhung a kan hralh chhuah ai hian ram dang a kan thawn chhuah hian a hlawkna kan tel tam mah zawk bawk!








" Kim.... In hnawh phei ve mai la! " Ti riah chuan ka hawi sawn nghal vut! Traffic Jam ah kan ding a, kan bul a rawn ding ve te ka hmuh chuan ka hawi sawn thei tawh hauh lo!








" A ninawm! Min beng ziah suh a na ve thei tho! Ka accident pui hrep ang che! " Ti tan tan tu chu tu dang ni lo in Hmangaihkimi a ni! Reubena nen a in a kan riah zan tih loh kha chu hnai takah a hmel ka hmu leh tawh lo. Chun tunah hian motor glass pakhat chiah in min dang a nih chu! Rei tak hnu ah pawh a aw ka hriat hmasak ber chu a vin leh hlik hlek viau bawk.








" Ramnunsang a khawi lai hian nge hip che? Hmeichhe pangai ve mai a nih hi! " Glass atang a Hmangaihkimi melh run chuan ka phun chhuak sup. That bikna riau a nei lo tih ka hmu reng chung pawn hnaih chakna riau ka nei bawk si hi mak ka in ti hial zawk.








" Ehee.... Thatei re e laww! " Dinpuii chuan ka hawina lam rawn hawiin a rawn ti vat a. Motor chhung atang kan hmuh chian ang hian min hmu ve hauh lo tih ka hria. Chuan kei mah ni kan ni tih pawh an hre kher lo ang!








" Kan down ang! " Ti sup in glass chu ka down nghal vut a. Hmangaihkimi nen kan in melh nghal sak. Min hmu chu mak a ti tih hriat zet in a mitmu lian kelh kawlh chuan lian leh zual in min melh bawk. Kei erawh in a mak ti hmel chu ka nuih suk thung!








______________________________________________








" Ehee... U Dinpuii chu! " Thatei tawng vang chuan kan hawi ve mai a tum loh lutuk in Ramnunsanga nen kan in melh siah a nih chu! Ohh.... A ni chuan min lo hmu reng tawh zawk a nih hmel , hmel ngei awm zet in min la nuih ang suk a. Hmela chu!








Thatei chuan kut a vai zauh a, Ramnunsanga bul a hmeichhe thu chuan a rawn vai let ve nghal zat. Hmm.... Ei thlawt lo in la boss lutuk in driver te an hruai vel ngei a. Traffic police in kal tur a min tih chuan ka tlan nghal nal nal. Duh aiin ka speed ka san bawk.








" Hei.... Accident tak tak chu i tum a mi? " Lalthazuali rawn au lawng lawng chu glass atang ka melh nghek ringawt. Kha mi ni atang khan kan in hmu leh tawh lo hrim hrim a. Reubena pawn min rawn call ngai tawh lo a, kan in emaw damdawiin lamah a rawn kal ngai tawh lo bawk. Thawk leh khat a an reh hmak chu khua an ti har ve viau mahse in hnaih tak a kan awm kha kan tan a tha miau lo.








" Kan in lam a rawn ei phei chu duh ve mai la, zanah U Remruata lo thlen hma in ka thlah hman hrim hrim che! " Bazar chung a kan luh rual in Thatei a phun nghal mawlh mawlh. Ka U a lo haw dawn a eirawng lo bawl a lo siam ka duh ve miau a. U Chhani pawh duty ka in thleng pui thlap. A chhan chu pangai tak a eirawng bawl tur ka nei lo , keimah ah ka awm chuan chaw aiin noodles ka ei nasa zawk a. A nih loh pawn artui ka kang tawp a ka in hnawh puar ve mai zel a.








" Ka peih bawk lo! In monu hual in min lo melh rum ang! Chu bakah chaw ka lem hlei thei lo in inah khan! " Ka tih rual in ka dar a ri nghal chawrh a Lalthazuali ka melh rum nghal vak. Ka sawi dik miau, Dr Zirtei kha an inah a leng lut ngun lutuk ringawt! Chuan ka nu leh pa pawn han tih vak ngaihna an hre tawh lo a nih hmel. Kei erawh ka hmuh chang chuan la na viau mah i la ka in thup thei lutuk tlat! Ka tan a tha ber chu hmuh tam loh a ni thung.








Damdawiinah lah kan damdawiinah kher an thawk a, a hma a nuam ka ti vei nen hlau thawng leh thin phu dep dep in hna pawh ka thawh phah! An mahni ka hmuh loh nan ka hel hram hram bawk a. Kan ward duty na in ang lo hi ka lawm hliah hliah a, mahse kan thawhpui thenkhat te atang in zawhna chhan harsa deuh deuh ka dawng fo a, hreawm ka ti thin.








" A nih U Remruata a I hrilh tawh em! " A tih chuan lu ka thing mat mat. Tun tum a zin chu, a awm loh hlan in thil thleng a tam lutuk hi a rawn haw pawh ka chak rual in ka huphur tel bawk.








" A lo haw hunah hrilh la, kan misuala saw rawn khawih hrep tir ang che! Kha hmeichhe chher four eyes neii a theihnghilh hmakna tur khawp a na in rawn khawih se ka ti! " A tih chiam takah chuan ka in sum thei lo chu ka nui chhuak hak hak!








" Enge i nuih!" Lawm lo zet a a rawn tih chuan a banah ka kai a ka kuah deuh chuk chuk a ni ber mai.







" I awm lo ang tih hi ka hlau! Ka thian ka laizawn ni bawk ka thuruk kawl tu i nih hi! " Ka ti nghal sap. Muanawma nen kan in kar a buai tak nuaiah chuan an in ka tlawh pawh ngai mang lo a, ka kal pawn Muanawma hna kal lai leh awm loh lai hlir ka chuh thin! Chuan Thatei hi ka lam a tang tlat a, tun thleng hian kei mah vang in a U a huat phah a, biak pawh a la be tha lo tih ka hria a. Ka nu pawn min fuih mawlh mawlh reng a, Muanawma tih loh chu ka tan an tha em em vek!








" Enteh.... He Dr nu hi ka hrethiam lo, tawngkam na deuh leh mei nei deuh a ka tih pawn thinrim ve hmel pawh a ou ngai lo, kan in a a rawn kal in ka U room ah an awm chawt a, tlem chuan mak ka ti. Ka ngaih ang em em a sual hi a ni lo zawk nge! " A tih chuan ka nui liam vel mai mai. A bialpa chhungte nen in hmuh thiam loh a duh loh vang a ni mai a, a dang vak a awm ka ring lo!








" Rei lo te ka awm loh chhung a I taksa lo cher dawk leh i vun lo dang leh zual hi enge a chhan i sawi dawn em? " Chaw ei ka siam mawlh mawlh laiin ka U in a rawn ti thut chu chhan dan ka haih chham chiang a sin. A lo thlen hma khan engtin nge ka hrilh fiah ang tih ka ngaihtuah char char mahse tum thleng in ka la hre lo!








" Rei lo te a ni lo aw. Thla thum lai a nih kha! Nang pawh engvang a I zin chhung a I hmui hmul te lo zuah ve nge i nih a. I met loh a nih chuan zanlaiah ka tan ruk sak tho ang che! " Kan thu sawi thlak chuan ka ti vat. Nui suk in a hmui hmul min la tuai khum khang lang leh nghal. Ka fian ken hian ka vawm lawlh chak lutuk ringawt. Mipa hmui hmul nei hi ka ngaina bau lo miau a.








" Thla thum! " Ka U hriat loh tur chuan ka phun nawn sap. Kum kha leh chen ka nun dan tur leh ka hma hun ka lo plan ve ngar ngar tawh chu tun thla thum ral ta khan a rawn ti danglam vek!








" Kan mi tenawmpa chu! " Sitting room ah kan thu a engkim ka U ka hrilh malh malh a, a chang in ka sawi chhuak tha thei lo thul. Ka mittui rawn luang ngiai ngiai chu ka U chuan mit pawh khap lek lo in min melh ngur a, a hmel atang a rilru a na ve tih ka hmu. He hmel hi ka hmuh hrrh vang a nia ka sawi har em em chuan hmun dang a a awm lai a ka hrilh loh chhan pawh a hna aiin kei man a rilru ka luah dawn tih ka hriat vang a ni bawk!








" Aiii..... Kal suh! Engkim ka theihnghilh tawh a lawm! " Ka U ding hluai chu a banah ka pawt bet nghal tlat! Tunah a hre ve chauh a, a farnu neih chhun leh a chhungkaw neih chhun ka ni a ka nat chuan a let in a na ve thin tih ka hria a, ka buaina thenkhat pawh zep ka nei nual thin. Mahse tun tum chu ka nun zawng zawng ti dang lam tu thil a ni miau a.







" I theihnghilh a maw? " A rawn ti chhuak hrawk. A aw ah chuan a ring lo tih a hriat ngawih ngawih bawk.






" Hma lam ka pan mek a, ka nu leh ka pa rilru tih nat i duh lo tih ka hria, chuan khawngaih in! Umm... Khawngaih in! " Ka tap deuh tiau tawh. Ka U hi mipa zaidam tak kha a ni miau a zaidam na na na chu an thin thawk pawh a hlauh awm an ti thin. Chuan chhiatna lian zawk a thlen ka duh lo. Ka U in Muanawma a khawih avang in engkim a danglam phah dawn lo a, ka nu leh pa zahna leh rilru tihnat bak kan thlen dawn lo. Chuan Muanawma vang maiin ka Nu leh pa, Thatei thleng in ka ti na tur a ni kher lo.








" Engvang in nge hreawm nasa tak tuar a engmah min hrilh lo a I awm theih zawk! Ka naute hi a lo puitling tawh lutuk a, ka lak ah thil zep te i lo nei a maw? " A aw hnawk tuakah chuan a thin a rim tih ka hria. A awmah bei in ka kuah tlat a, a ni pawh a che tawh bik lo. Ni e... Kei pawh hma lam ka pan a hun tawh tihnaah ka ngai hmiah! Muanawma awm ve tawh lohna khawvel tah chuan kei leh ka U chiah kan ni tawh bawk ang!



*



*


" Heii.... I U kha min lo tih pui teh, a chhelo e, a cool bawk si. " U Chhani nen kan off day a nia chhuah thawven a rawt a. Kei pawh in a tawm chawt chawt ai chuan ka pawm ve mai a. Hmanni deuh ah kan inah chaw eiin ka sawm a ka U chhelo a ti ngang mai a, a sawi reng a ka U lah chuan a ngaihven leh der lo.








" Ka monu tur in ka duh lo che! " Ka tih chuan a ner nasa ngang mai. Hun a kal ve beuh beuh a, rilru pawh a dam ve tan deuh tawh. Ka U in ka nu leh pa te a va hmu tih Thatei min hrilh a, enge an sawi tih ka U ka zawh lah in min hrilh tha duh der lo . Muanawma nen pawh an in ti buai nghe nghe a. Mahse ka awm loh laiin, ka hna haw ka nu in min rawn phone a, an in a kal tur in chu ta tang chuan ka hre ve chiah. Ka pa in Muanawma leh ka U library ah a fal a bia in a zilh pawh a ni mai thei. Kha mi ni atang khan Muanawma te in ah ka U phei chu a kal leh tawh lo hrim hrim. Chuan ka bulah ' Muanawma hi theihnghil ang che! ' a ti bawk. Eng chiah nge ka U in a hria chu ka hre lo mahse a thu tak hle tih zawng chuan a thu hi zawm loh ka nei ngai lo bawk!








" Saw. .. I hrin loh fa ka hmu! " Thil ka ngaihtuah vung vung lai chuan U Chhanin a rawn ti sap. A en na lam chu ka melh vat a, car chhungah Reubena chu ka va hmu ve ngei bawk! Ka hmuh loh na rwi tawh zia chu , a duhawm ngaiin a la duhawm reng!








" Ehee.... Hmingmawii nen sawn an in then tawh a maw ka tia! A nih loh pawn a..... A fapa a ni ve tho a lawm? " U chhani tawng chu ka hre vuai vuai.








" U chhan i scooty chahbi min lo pe! A hman hmawh thlak a nia! " Ka ti nghal ruai. Ka, scooty in kan kal lo miau a. Chuan Nu Hmingmawii leh Reubena hi engtiang pawh hi Ramnunsangan an awm dun a rem ti dawn lo tih ka thinlung hian min rawn hrilh a, thil dik lo awm tlat in ka hre bawk a nih chu!








" Kimkim i bag! " Dawr ka chhuah san tawh U Chhani min auhna avang chuan ka ding dat a mahse Nu Hmingmawii motor a khalh chhuak tawh bawk nen ka phone a Nunsanga kha min lo call sak rawh ka ti ta ringawt a, scooty chuan ka tlan chhuak ve nghal zat!








A nu a ni tih chu hre tho mah i la inchung atang a nem thla tu kha Hmingmawii ngei a ni tih Ramnunsanga khan a sawi a ka en liam tawp thei miau lo. Car hnungah chuan ka tlan ve zel a, mahse Reubena khan duh lo hmel a pu pawn ka hre chuang lo a. An ni hi an lo in nei tha leh te a nih ka ring rum rum hial.








" Hmangaihkim i thleng tawh a fiah chu a pawi hlei nem!" Hmingmawii car hnungah chuan ka scooty chu ka ti ding dat a. An luhna in lam chu ka pan nghal zat. Ramnunsanga phone ka tum deuh a mahse ka bag ka keng lo tih ka hre leh vat a, U Chhani kha lo call tur in ka hrilh ve ngawt a, a lo call a mahse engmah a nih leh loh chuan kei mah hi ka zak dawn.








" Ohh.... Nurse Kim nang maw? " Door bell ka hmet chu Nu Hmingmawiin a lo ti vat. Sawi mai tur ka hre lo chu ka nui sak ringawt! Hahh... Kei hi ka mawl tak zet, Ramnunsanga pawn a pawikhawih a hre reng a mahse za len tak in a la awm tir a chuan kei hian enge ka tih hi!








" Aa... Ka... Ka tihpalh in ka hai a nih ka ring " Ka ti sap a. A pawi loh thu sawiin min be luam a, hman a thil thleng vang khan min be tha tawh tih ka hria mahse a thil tih ka hriat miau avang in pawh tak in ka be ve thei hauh lo!








" Amaa...! " Ka in her tawh kal ka tum chiah chu Reubena aw ka hriat avang in ka hawi let vat. Room atang a taqn tlan chhuak in a hnungah nula pakhat in a rawn um ve nghal zat bawk. Reubena lah a mittui a tling pam bawk nen min hmu chu min rawn pan a tum nghal mai a mahse Nu Hmingmawii aw avang in a ding nghal dat a. Kei pawh ka hawi nghal dawr!








" Reuben ka vuak leh i duh loh chuan room ah lut rawh! " Kawngka bul a ding chung chuan a rak nghal that a. Reubena chuan a hlau tih a hmelah a lang chiang ngang bawk. Chuan tunah khan ' ka vuak leh i duh loh chuan ' a ti a, Reubena a vua tihna a nih chu!








" Ngawi... Ngawi lawk! Reubena hi ka lo hruai dawn! " Kawngka a rawn khar tur chu ka ti bah nawk. Tun a ka tawng dan kha a mawi ber lo mai thei mahse a mawi leh mawi lo ka ngaihtuah thei lo Reuben chiah ka rilruah a awm. Chuan Hmingmawii hi a nu mah nise a bulah hian ka kal san tawp thei lo!








" ka fapa a nia ka buaipui thei! A mah enkawl tur a an lak pawh i ni tawh lo! " Vawi leh khat a Hmingmawii tawng kam chu a tawn in thlak hlawk a min huat hmel zet in min melh nghal bawk. Mahse kal mai ka tum hauh lo.








" Nunsanga leh police ka koh i duh loh chuan min dang suh! " Ka ti let fak. Reuben ka en a a mit meng in ka bul a rawn kal a duh tih ka hmu bawk. Tu mai chuan ka kal dawn lo.








" Nang hi tunge i nih ka fapa ka bul a a awm avang a min vo ngam tur hian? "







" Reubena ka rual a a kal lo a nih chuan ka ti khawp ang, i thil tih kha ka hria! " Ka tawng seh chilh zet chuan ka thin a rim zia a ti lang chiang hle. A mak ti hmel chu melh hrak in eng sawi set set lo in in chhungah chuan ka pen lut nghal zat a. Reubena lo dinna lamah chuan ka kal nghal vat bawk! A hnung a nula in a vawn behna chu ka phih sawn dawr a Reubena chu ka pawm nghal zat a. In sut faih faih in ka nghawngh min kuah in ka sam karah a hmai a phum nghal daih a. A hnung a beng thek thek in kawngka lam pan chuan ka pawn sawn nghal zat bawk!








" Ka fapa a nih hi, i hruai ka phal reng reng lo! " Tih leh Hmingmawii chuan Reubena ban a rawn pawh a rual a, Reubena lah chuan ka nghawng ah min kuah bet tlat bawk si chu. Ka buai deuh nuai a ni mai. Ka kut leh lam a Hmingmawii kut lak sawn ka tumna lamah An doormat phah nal ka rap tawlh palh a ka tlu nghal thlawr a. Reubena ka pawm bawk nen a in sawh nat hlau in ka ban in ka in nem khal a ka kiu hnuai lam hit zawk leh thip zawk avang chuan ka rak nghal that !








" Ka kal tir lai che khan buaina siam lo a kal mai tur a nia! Engvang a kan nufa inkar a rawn tla zep a ka fapa hi lo hnaih ngam nge i nih! " Ka bulah Hmingmawii chu rawn thu hniam in min rawn nuih nghal sak a. In nem kan a thawh mai ka tum a ka ban ka hmang tha thei der lo. Reubena lah chuan min la kuah tlat bawk nen. Ka tluk khan a in sawhna ve nge sawhna ve lo ka hre miah lo bawk. Kan sir a nula lah chuan ding ngawi reng in min lo en bawk nen awm mai dan tur ka hre hauh lo!








" Reuben lo kal rawh! I nu ka nih hi! " Tih thawt in Reubena chu a rawn ban a Reubena lah chuan tap chung in ka hming a lam chul bawk nen kan rak chul hi a ni mai!








" A tha e! I Amaa hi a awm loh chuan kei mah chiah hi ka ni leh ang! Puii pot bul a stick kha! " A ti nghal tuar a, kan piah a nula lah chuan min puih a hnek in a thu a rawn zawm nghal zat a nih chu! Enh thil nge tih an tum hi!







" Ohh.... Lungngai suh ka fapa pawh ka ti na thei a nih chuan nang te chu a awl sam lutuk. Ka chhungkua min chhuh sak tu Hmeichhia hi dam reng tlak i ni lo! Tuman an hre dawn hle nem! Puii hi a tawng thei lo, chuan Reuben chu ka fapa a nia ka ngawih tir thei. " Nui uar uar in a thil ken chuan ka lu a rawn vaw nghal pawp a nih chu!








Ka rak nghal that a, ka taksa a lum nghal pup bawk. Reubena min au ri chu ka hre vuai vuai a, mahse ka bul lawkah awm mahse hla tak a tang a min ko ang mai a ni thung! Ka lu a rawn nghin leh dawt rual in chhuatah chuan ka let nghal tawp. Ka taksa atang a Reubena Hmingmawiin a rawn pawt hrang nawlh chu ka hmu phe ruai ruai a, ka mit chu a thim nghal riai riai a, Reubena tap ri leh min ko ri pawh a zawi ve nghal tulh tulh bawk!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 7th, 2019, 11:15 pm

CHAPTER - 18 💫 by Amy Cck ( Dream Girl)








" Kawngka hi hawng rawh, Reubena kha room leh lamah khan lo kalh khum la! Mi an lo kal hma in! " Hmeichhe tawng ri vin zet chu ka bengah a rawn ri leh thut thin. A chang in a zawi thut thut a, hla tak a tawng ang maiin a ri a, a chang in ka bul lawkah an au leh vak thin. Mahse enge an sawi ka hre mu mal lo. Ka taksa chu an rawn khawih tih ka hria. Ka ban an vawnna chu a na lutuk ringawt mahse engmah ka ti thei lo. Ka hai muai a mahse chiang tak in ka taksa, ka banah vuan in min hnuk sawn tih erawh ka hre thung.







" Nang hmeichhe naran ve mai hian ka pasal leh ka fapa lak ata min dah hran vang a nih hi! I chan tawk chiah a ni hi! " Chhuat a min nghah dawt rual in Hmingmawii tawng ngeiawm zet chu ka hre nghal zat. Ka thi dang emaw a ti a nih ka ring. A nih loh pawn ka thi emaw a ti zawk a ni mai thei. Ka mit meng thei lo mah i la ka bul velah chuan pen ri ka hre reng a, mahse a hla tial tial a, a tawpah chuan kawngka in khar ri dawp in a rawn chhun zawm nghal zat.








Ka tukhum phu dawt dawt leh rawn hik leh chuai chuan ka muhil tur chu min kai har leh zawk thin. Tawng chhuah a tanpuitu auh ka tum a mahse ka tawng thei lo a, ka che thei hek lo. Ka tha te chu an zawi ngawih ngawih a, min pui tur an lo kal vat lo a nih chuan ka daih rei kher lo thei tih ka hre bawk. A chhan chu engkim mai hi ka vai ruai tawh miau a. Ka lu a min vuakna kha a na thaw khat tih ka hria a hmu kher lo mah i la ka thi a put tam dawn tih ka hre bawk!








Chuan tuman min rawn hmuh loh a nih chuan ka tawpna chu a tha dawn hauh lo. Kei mai bakah Reubena tan pawh a hlauhawm lutuk tih ka ngaihtuah thleng vek. Mahse awmzia a awm chuang der si lo. Ka phone ka bag zawng zawng kha dawrah khan ka hnut chiah vek a, U Chhanin midang a lo phone a an rawn kal a min hmuh hlauh chuan ka vannei mai thei. Chu pawh chu mai thei chauh a nih chu! Thil ri deuh thuaiah chuan ka taksa a phu deuh awt a mahse engmah ka hre lo zawm nghal zat.








" A thisen hi a put reh thei lo! Damdawiin kan thlen vat loh chuan a pawi thui thei a nia! " Ka bul a tawng ri chu ka hre vuai vuai, U Chhani aw a niin ka hre bawk. Mit men ka tum a mahse ka meng hlei thei lo ka tukum zawn hi a phu dawt dawt a, ka lu a hai muai muai bawk. Zawi zawiin ka ral riai riai maiin ka hria. Ka taksa chu a rawn kang nghal nawlh tih ka hria chhun zawm nghal bawk.








" Reuben.... Hei... Bawiha hma lam hawi rawh le, Amaa chu a tha leh mai ang! " Ti thum dut dut tu chu Ramnunsanga aw a ni. A nih chuan Reubena pawh a him tih na. Tawng chhuah a han men mai ka tum a mahse ka zawi ngawih ngawih. Tu emaw in ka biang a rawn khawih leh zauh thin. Min au ri mawlh mawlh pawh chu ka mang hriat ruai ruai tawh. Ka taksa chu a hit mu chum chum a mahse ka him tawh tih ka hriat avang in ka thla a muang nghal suai suai thung.



*


*



" Mate.... Mate... I harh em? Hmangaihkim min hria em? " Ka mit ka meng chhuak a ka U in ka hmai bul chetah min lo bih ngur chu ka hmu hma sa ber. Ka awm dan chu ka a deuh chhur a, doctor a ko tih ka hria mahse ka lu a hai em avang chuan ka mit ka chhing leh nghal mai bawk a!








" Hei... Hmangaihkim min tih rilru hah zia kha i hria em? ".ka harh nawn leh naah chuan Lalthazuali ka hmu hmasa ber. A hma ai thlawt chuan ka harh zang ta deuh. Ka hawi kual a ka U ka nu , ka pa leh Muanawma pawh tiam in an lo awm vek. Chet mai ka tum mahse ka rak nghal that!








" Hei.... Muangchang in i kut ruh hi a tliak a! " Rawn ti tu doctor chu tu dang ni lo in Muanawma a ni. Chuak ka kut ruh a tliak a ni chu! Engtik lai khan nge ka tih tliah a, kei te chuan ka lu ah chiah hliam ka nei tur ah ka ngai a. Engtin mah chhang lo chuan ka mu tha ve mai a. Ka rilru erawhah Reubena kha engtin nge a awm tak tih mawlh ka ngaihtuah nghal char char. Chuan engtin nge damdawiinah ka lo awm daih theih tih te pawh, zawhna hlir in ka khat a ni ber.








" Ti nge engmah a sawi lo a, a lu an vuakna avang hian a hriatna a hlauh a ni lo maw? Kim... Min hria em? Heii... Min hriat loh vaih chuan aw! " Lalthazuali rak chul chu dam ngat i la chuan ka beng chawrh ngei ngei ang. Tu nge damlo harh chhuak hlim hlawl rawn tawng chhuak nghal zuah zuah ngai. Nurse ka nih chhung hian ka la hre ngai lo reng reng. Chutia a tih takah lah chuan a U leh ka nu leh pa te chu an hlauthawng leh hnu hnawh a nih hmel min rawn hnaih nghal vat a.








" Ka lo en ang! " Lalmuanawma chuan a rawn ti ve nghal sup a. A rawn kal hnaih rual in ka lo melh nghal rawm. Damlo mah i la ka huatna leh ka ngeina kha a bo reng reng lo. A ngai lo ka tha tih ka tum deuh ut ut a mahse ka dang ro lutuk vang in ka ngawi leh ta zawk.








" Ohhooo..... Min melh rum danah chuan min hria a nih hmel phawt a! A hriatna chu a bo lo e! " Nuih in sum zet chuan a ti a mahse min rawn check tho. Ka mit vel chu a rawn en dik a, engvang a doctor tam tak kar a hepa ber kher hian min en dik nge a nih pawh ka hre nek lo.








" Mi mawlnu midang i ngaihtuah hma in nangmah kha in ngaihtuah in i sa himna tur ngaihtuah ve hmasa thin rawh! Ni 4 chhung ngawt i chhungte hian nangmah vang in mut mu pawh kan tuah lo a nia! " Muanawma chuan min melh chhuk run in a rawn ti leh sup a. Ka ngaihbel nge a hmel hi a cher ve dawk tak tak. Thatein a sawi uar mai mai emaw ka tia hnai zet a ka hmuh takah chuan dawt a ni lo tih ka hmu ve chiah!








" Tui! " Muanawma chu en rei duh lo in ka ti sap a. Ka aw lah chu a la hnawk em em zui leh nghal. Thatei chuan min rawn in tir vat a. Nichin khan ni 4 chhung nikhaw hre lo in ka awm tih kha an sawi in ka hria. Chuan Hmingmawii kha eng tin nge an tih Reubena pawh.








" Oiii.... Lalpa ka lawm zia hi! " Ka ngaihtuahna la pen tur chuan kawngka lam atang U Chhanin a rawn ti hlawl. Chuan U Chhani hian ka zawhna chhanna pawh min pek theih ngei ka ring! Nurse form nen ka lam pan chuan a rawn phei a, min ngaihtuah thu leh a lawm zia a rawn sawi leh mawlh mawlh a. Kei erawh ka tawng peih ngang lo. Ka lu hi a hai chuai a ka pang a kham em em bawk a ni mai!








U Chhani chu thil zawh tur ka ngah viau a mahse midang an awm ve avang in a la rem chiah lo bawk nen khum a mu chung chuan ka ngawi kar a , hmeichhe ho chu an tawng mawlh mawlh a, ka pa leh ka U pawh khum mawng lam a thutnaah an thu run a, chu ai mah chuan ka piah lawk a Dr kawr ha a ding ve ngur hian ka awm a ti nuam lo. Ka va melh a piang in min lo melh ve run zel a. Hawi pawh ka hawi sawn ngam tawh lo hrim hrim.








" Na i neih chuan min rawn hrilh vat rawh aw! " Ka khum a rawm in nem khalh in Muanawman a rawn ti sup a. Chhan pawh ka chhang lo, hre lo ang hmak in ka awm a, kawngka lam a midang chhuak diat diat chu ka melh ngar thung. Ka damloh vang a ka chung a that chhuah chiam tur pawn ka duh lo. Nakinah ka doctor min thlak sak tur in ka dil ngei ngei ang tih ka ngaihtuah nghal zat bawk.








" Chhang ve mai la! Sual viau zel chu in in kar chu eng pawh ni se Doctor a nih ang in a patient chu a ngaihven tur che a lawm! " Muanawma pawh a chhuah ve hnu chuan U Chhani a ti nghal hlak. Ka luhlul zia hre chiangtu ber a ni a Muanawma pawn hahthlak min tih hmel zet in min chhuah san a nih kha mahse pawi ka ti aw kawngka lo!








" A hmelchhia a nih mai chu! Thil ka zawt duh che a Ramnunsangan min lo chhan em? " Ka ti nghal vat. Khumah ka thu mu a ka lu a la hai deuh avang in ka la che ngam lutuk lo. Mahse rin ai tak chuan ka harh tha fu thung.








Ramnunsanga hming ka sawi rual chuan ka ner nghal sawk. Kei hian enge ka beisei hrep ni. Reubena inchung atang a a nem thla tih hre reng chung pawn a en liam a, Reubena a dam leh tak vang a nih ka ring a. Chuan tunah pawh kei te chu engah vak min ngai dawn lo tih ka hriatna chuan min ti na e ringawt bawk. A fapa ti na tu tih hre chung pawn a en liam a kei phei chu ngaihtuah pawh ka ngaihtuah thleng peih vel lo. Tunah pawh a fapa ka ngaihtuah luatah damdawiin khumah ka mu a, a hmel tak ngial pawh hmuh tur a awm loh hi!








" Um... Englo... Tunah hian...! "






" Sawi leh suh, ka lu a na ka mu duh! " A tawng lak lawh lai chuan ka ti leh nghal zat. Eng thil mah a theng lo a tih chuan kei man na ka tuar vang hrim hrim pawh ni lo in ka la na dawn lutuk tlat. Hmingmawii kha ka hmangaih lo ti mahse a lo hmangaih hlawrh hlawrh khawpah ka ngai hmih tawh bawk.








" Awlee.... I lo harh ve chiah sia thu thin thawng lam hriat i la in peih lo ang mu rawh i tha tih ka hria a, ka lawm tawk viau ka chhuk leh tawh dawn tlai banah lo kal leh ka tum dawn nia! " Ding hliai in a ti sap a. Ka mut theih nan khum a siam rem nghal zat bawk!








" Hmanrua mai maiah min lo hmang lek a nia! Hmangaihkim i mawl hle mai! A na! " Ka lu ka chet vak chu ka rak nghal that. Ka tukhum lamah hliam ka nei tak. Ka kut ka en a ka kiu a chin zawng an tuam khawng var luk bawk si chu ka thinrim hlur. Ramnunsanga phiang sen khan Reubena a hnaih theih nan min lo hmang kual vel a nih chu! Chuan tunah Reubenan a ngainat takah chuan a hmeichhe lo kawp thin kha nu kha Dinpuii nen khan an in zui tha leh a nih te pawh ka ring. Kar hmasa pawn in la boss zet in a Motor ah an chuan dun kha!








" Mi a fin a tlai an tih zawng zawng chu ka nei vek a nih hi! " Ka ti chhuak leh sap. Engvang a Ramnunsangan hmeichhe dang a hnaih chu lo thinrim ve chiam nge ka nih pawh ka hre nek lo. An pafa te hian zun hi an nei ve khang lang a maw ni. Min rawn tih buai loh hnu khan ka rilruah an cham ve reng zui a. Kei hi depression ka nei dawn hial in ka hria!








" Mahse Hmingmawii a hmangaih a nih chuan a then bawk sia! Dinpuii pawh kha a chhe hran lo , a la naupang in a bright reuh bawk sia chuan a chhelo in a hmel pawh kha a class fu bawk. Mahse Hmingmawii pawh upa zawk mahse hmeichhe chhelo tak chu a ni bawk. Mahse a thluak lam a chiang lo a nih ka ring! Aaa..... Ngaihtuah suh ka lu a na! Dam vat vat ang Pu Remruata hauh hual ka ni hi! " Ti chiam in mit ka chhing nghal hmak. Mutthilh a engmah ngaihtuah loh ka mamawh ber.








"Aiiahhhh.....!"Ka ding lam a ka in let tur chu ka rak that a, ka harh nghal zat. Ka kut na lam zawk delh ka tum vang a nih tih ka hre zawm nghal mai a. Vei lam a ka in leh rual in a aia ring in ka rak leh thawt!








" Thlarau chu ka ni lo a nia! " Rawn ti chhuak sup in Ramnunsanga nen kan in melh nghal run! Engtia rei nge a lo awm tawh kaw nge Lalthazuali hi min riah pui dawn tih a sawi reng sia, damlo in ka awm a min kal dawn daw daw!








" Enge i lo tih! " Ka ti hmak. Ka duh loh zawng han sawi teh se ka khawng lawlh thei lo a nih pawh in ka ke hian ka tlawh hrep ang! Tih ka ngaihtuah lai chuan a thu rawh sawi vang in ka meng phar nghal kawk!








" Engmaw i sawi? " Ka ti nawn sap.








" Ka lawm e, chuan na i tawrh avang hian ka tihpalh ka ti a nih chu! I chung a thil thleng hi ka en liam hauh lo ang! " A tawng tawp lam chu a seh chilh nawk bawk. Mahse ka ring hlawl lo. Tu mah hi rin mai mai lo tur tih hi ka chiang ve tawh bawk!








" Enge i tih theih chuang ang! " Nui lui sak in ka ti khum ngat. A hmel chu a rawn chang nghal tawlh tawlh a, a khupah a kiu nghat in a kut pawh a hum ruh tawlh tawlh tih ka hmuh hmaih lo. Mahse ka sawi tur erawh ka sawi dawn tho tho hi a ni tawp!








" Ka biak che chu enge i tih theih chuang ang! Reubena chunah thil thleng hre reng chung pawn I en liam a, kei ve teh lul vang hian i hrem chu ka ring hran lo. Eng pawh ni se ka rilru dam nan a I sawi erawh a lawmawm hrim hrim e! " A mit meng dur khup a melh ngar in ka ti khum leh ngat. A thinrim hmel ang tluk tho hian ka chhung lamah hian ka thinrim ve tho bawk!








" Hremna ka pe a nih chuan enge min pek let ang? " A thinrim dawn emaw ka tia nui deuh suk a a rawn tih chuan kei mah zawk hi la ham haih lek lek . Haahhh...... Min fiam kual te a tum khang lang a kei hian engmah hlauh ka nei lo tih ka hmuh tir khawp ang!








" Pek let tih zawngah chuan engmah ka ba lo che a hremna pe tur pawn ka ngen lo che! Mahse.... A tha e.... I sawi a piang ka tih theih a nih chuan..! " Nui lui sak in ka ti ve nghal zat. Hepa teh lul hian ka lakah hian duh a nei dawn lo tih ka chiang ve tawk!








" Ka sawi a piang maw? " Ti sup in mit ti zim sun in min en a, a kut lian zet a khup a a nghah chu lek vut in a hmui a tuai nghal zauh bawk! Min tih zam te a tum khang lang a maw ni, engah mah ngai lo ang hmak in ka lu ka chet ve nghal zeuh thung!








" Okk..... Ka ti khawp ang, ka sawi tawh tih loh ka nei ngai lo tih hria la, lo in ring ang che! Naktukah Reubena nen kan rawn kal ang! " Ti hmuk in a ding nghal vut a ka melh chho nghal vah! A kut chuan a kekawr ip a zen nghal hlun a, a hma zawn chiah a a din ngur avang in a sana lawk zet pawh ka hmu chiang ngang mai! Reubena chanchin chu hriat belh chak viau mah i la he pa hi chuan a sawi leh chuang lo ang tih ka hria!








" Bye! " Ka ti hmak. Ka tawng kam chu naupang chhia viau mahse kal tum hmel a pu si lo a, engmah lah a sawi tawh bawk si lo nen. A mi uap na zet hian ruh seh min neih tir tak ngial dawn. A mah ka melh duh tawh lem lo a, rawn thaw chhuak hawk in a in her nghal vut a, kawngka lam chu a pan bing nghal vut bawk! A hnung lam atang chuan ka thlir reng a, a pian in khai thli dik thlup te, a dar pharh hlai zet leh engtik lai pawh a a smart em em reng zel hi mak ka ti. Chuan a dum hi a favorite colour a nih hial ka ring!








" Heii.... Pu Nunsanga nen khan enge in sawi ka hre ve chak a nia! " Thatei rawn lut in a ti ti nghal lawng lawng.







" Kan rel che! Ka nu te an haw na a rei tawh em? " Ka ti nghal daih. Kha lam kha kan sawi chuan tum loh deuh in thil ka sawi teuh ang tih ka hlau tlat!







" I va chhe tak! An haw na a rei ve tawh, U Remruatan riah pui che a tum viau nan ka lo hnial hram a nih kha! Mawli engvang in nge tumah hrilh lo a kha tia misual te i zui daih a! U Chhani khan min hrilh a I bag kha keng phei la chuan...! " A thaw nghal hak a. Kei erawh ka thu ngawi kar thung! Ka ham haih vek a chu vang a ni reng sia. Ka hriat ang hi hre ve se chuan ka tih ang khan an ti ve tho ang!




*



*


" Amaa.... A la na em? " He thu hi vawi eng zat nge min zawh tawh! A chang leh ka chal in tuam lai a rawn chhem thul. A ma tawkah a rilru a luah khat ve viau a nih hmel. Zingah Ramnunsangan Reubena a rawn hruai a, a mah chu rei lo te awm in a chhuak leh nghal daih thung. Pawi pawh ka ti chai lo.








" Reuben ti nge Hmingmawii... Ka tih awm zia chu i nu kha i zui a! " Ka ti leh tawp. Naupang zawhna atan chuan awm ang lo viau mahse Reubena lo chuan min chhang thei dawn lo tih ka hre miau!








" Daddy in movie kan en dawn a tia school banah khan daddy a lo awm si lo a, mommy khan min hruai dawn a ti a mahse Daddy bulah kal ka tih chuan min vaw zel a! Mommy chu a sual Amaa pawh tah hian a vua a! " Ka lu rawn tawk dat in min melh nghal vang vang a ka lo nui lui sak ringawt!








" Kan damlo chu a that hmel tawh hle mai! " Kawngkhar lam atang a rawn ti tu chu khawvel a ka mi hmuh peih loh ber a ni hial ang! Umm.... Tun tum chu a bialnu pawn a rawn zui lut a nih hi! Thatei pawh couch a a thu rawn tho chhuak in kan lam a rawn pan ve nghal zat a. Muanawma chuan Reubena a hmu chu a thawng tih a hmelah a lang chhuak nghal zat a mahse engah mah ka ngai duh lo lui tlat thung!








Damdawi vel eiin jection min pe a, ka lu na lai a check kual nghal thuak thuak bawk. Ka U hnenah ka doctor thlak ka dil a , engah mah min la ngaih sak duh lo leh nghal! Ni tin ka hmuh loh nan ka biru a tunah chuan ka hmu reng tawh chu a nia!








Dr Zirtei pawh chuan min be luam a, engmah thu hriat hreawm sawi lo mahse ka mil thai lo. Tu nge mahni bialpa te chhuhsak tu hmeichhia chu nel huam ang!







" U.... Kan rual in thil ei ve la! " Thatei chuan a rawn ti sap. A sual a chhuah leh tih ka hre reng mahse engah mah ka ngai lo. Tunah chuan ka na em em tawh lo ka hmuh chang hian hreawm tihna ka la nei a ni mai.








" Sorry Zirtei nen ei dun kan lo tum a! " A tih chuan ka lo in seh ruh vak ringawt. A nau ai pawn a ngai pawimawh tih a ti lang chiang viau bawk! Muanawma chuan min rawn melh zawk a, ka lo nuih lui nghal sak. Engah mah ngai lo ang a ka awm chu a hriatthiam loh hram ka beisei!








" Khaw nge Reubena! " Kawngka lam a rawn ti tu chu ka melh vat a, halfneck dum ha in a chungah coat a ha leh a, ka awmna lam pan in a rawn pen phei nghal pawk pawk chu ka lo melh reng.








" Thatei nen eitur lei tur in an chhuak lawk! " Ka ti tha ve mai. Ka bul lawkah dinh tawh mahse ka la melh reng tho. A thawmhnaw hak zawng zawng leh a mithmul dum chhah zet te, chuan mipaah chuan hmui hmul nei in hmeh ka tih awm chhun a ni hial ang!








" Kan deal pawh zan lamah chuan a result kan hmu tawh ang! " A ti chhuak sup a, a thu sawi dang leh hlawk avang chuan ka melh chho dawr a. Phone emaw pawh a biak loh avang chuan mak ka ti deuh deuh!








" Min bia mi? " Ka ti deuh haw a, bu nghut in khum tlangah chuan a rawn thu hniam nghal hmuk. A awm dan mak zet chuan min ti ham haih leh tawh ngang mai. Duh ai a min thut hnaih avang chuan ka thaw chhuak tha ngam lo. Tleirawl chhuah tan tir a bialpa te bul a kan lai deuh tut ang hian ka awm tlat mahse ka duh vang ni lo in a mi uap na lutuk vang a ni chiang!








" Hmanni khan enge ka duh min zawt a ti raw? Chuan ka duh chu nangmah hi! " Ka sir leh sir a rawn in nem khalh in ka mit tak ah min melh run in a rawn ti chhuak sup!








" I sawi kha ka duh min tih sak ang tih ! " Ti nawn leh sup in a aia hnai chuan min rawn bawh ti tih tawh. Ka khum kan lo kam kang bawk nen kan hmai chu a in si lo chauh tawh!







" A lum! " Ka ti chhuak halh. A rawn nuih suk rual in mit ka chhing sawk. Kei hi ka dik dawn miah lo. Ka thinphu te chu a rawn rang dawt dawt a! Tawng chhuak a kal sawn tur a ti tur ka nih laiin ka thei tlat lo leh nghal!








Kawngka lam a rawn rik thek rual in Muanawma hmel ka hmu nghal zat! Enge ka tih tih ka hriat hma in Ramnunsanga kawrah ka kut na lo lam chuan pawt deuh salh in ka hmui chuan a hmui ka sik tir nghal chawt! Muanawma mak ti hmel chu mit ka chhin san nghal zat bawk!








Tunah hian min thik nan tiin mipa dang ka fawp chu a nia! Ka a zo tawh a ni ngei ang! Ramnunsanga pawh chu a ham haih ve a ni mahna a awm ngaiin a awm deuh chawt a mahse rawn pangai thuai in a hmui chu a rawn chet nghal zat! Kawngka bulah Muanawma a awm ve reng avang in ka dang duh ta lo a, ka chhang let lo a ka dawh tawp a tih theih ang! Chhang let lo mah i la mi fawh chu zei tak hi a ni ringawt! A kut lian leh hrawl zet chuan ka kawngah a rawn hmer salh a ka ip nghal chawi!








Ka hmui hnuai lam chu na lo te hian a pet kau hlek a, a lei thap hrak chuan ka ka chhung a rawn thleng chawp chilh nghal der. A kut leh lam chuan ka nghawng ah vuan in zei zet chuan a lei chu a chet nghal nghawng nghawng a, ka ngaihtuahna chu a rawn nu nghal bulh bulh a, Ramnunsanga kawr awm ka vawnna kut chuan a kawr chu ka tham nghet vak ringawt bawk!








" A..... A tawk! " Thle sawn in ka ti ta sap. Kawngkhar in khar ri dawp ka hriat vang a ni ber! Muanawma kha a kal sawn tawh tih ka hmu nghal zat a. Ka thil tih hi a tul ber lo mahse na tak a siam ka chak ve et et miau a.








" A kal sawn tawh a! " A rawn tih sup takah chuan phawk lutuk in Ramnunsanga chu ka melh nghal kawk. Hepa hian a tukhum lamah mit a nei a mi? Muanawma kha a hmu ve a maw?







" Ka sawi kha ka duh che, tunah tang chuan ka hmeichhia i ni tawh! " Ti sup in a hmui hnuai lam duh tawk a min fawhna la hnawm deuh chap chu a liak leh zauh a. Chil ka lem kawlh. Enge ka hmeichhia a tih awm zia kha!








" Ka thil neih te hi ka hauh na thin a nia! Kha Dr in a thik nan khan min fawp tih ka hria! Chance min pe ve rawh! Ohhh.... Min pe lo mah la kei mah in ka in siam chawp mai ang! " Ka hmui bul chet a rawn awm hnaiin a ti sup a. Min awm hnaih em avang in a tawng zawng aa ka atang a boruak lum rawn chhuak chuan ka hmai a rawn ti lum ve zel bawk.








" Ka... A na! " Ka chal dawm in ka ti vak. A na tak tak lo mahse ka thinphu rawn rang dawt dawt hi ka tih reh a ngai! Kha tiang ang a hnai a kan in melh reng chuan a reh thei dawn lo. Muanawma thik tur chiah in ka fawp a mahse eng feeling nge ka neih hi! Thil tha a ni dawn hauh lo!








" A hma lam ni lo in i tukhum zawk a hliam aw! " Nuih za aw lutuk a a rawn tih chuan ka zak lutuk hi khuk ral daih la duh!








Khum atang a tho nghal vut a, tawng pawh ka tawng ngam tawh lo. Ka kut na lo lam chuan ka p dindin chu ka hmer ngawt ngawt ringawt! Ramnunsanga pawh ka piah tukverh bulah a va ding sawn vut a, a hma lam chu bing zet in a melh run bawk!








Rei lo teah Thatei leh Reubena pawh an lo thleng a, a darkar zawng chuan rei lo mahse ka tan chuan a rei mah mah. Ramnunsanga leh Reubena an haw dawn chuan min mang tha a mahse Ramnunsanga hmel ka en ngam tawh bau lo. Ka in thiam lo a ka zak bawk. Min duh tih a sawi bawk a, chuan chance min dil bawk!








" Ka U kan lo tawk a, a thinrim hmel rap
. Ti nge i lo hau emaw vak a mi? " Thatein balhla min kheh sak mawlh mawlh in a rawn tih chuan hre lo ang hmak in lu ka thing mat mat! Hahh.... A thinrim chuan a thik tihna, a la hre khawp ang!








______________________________________________








* RAMNUNSANGA POV *








" Daddy... Amaa kha a that tawh vang a mi i nuih a! " Reubena tawng avang chuan a lam ka hawi nghal vut! Passenger seat a thu in chik zet hian min lo melh vd kiau a. Ka lo nui chhuak a ni ngei ang mak min tih hmel ngang bawk!








" Umm... Reuben pawh i lawm tih i hmelah a lang vek a lawm! " Ka tih let sup a, a biangsum lang kalh in a rawn nui chhuak hak. Kha Dr pa thik tur a min fawp a ni pawn enge pawi? Min fawp tho a, a hmui nel thep leh fawh nuam zet kha a in thlak phah chuang lo. Tun atang chuan Hangaihkimi thinlung a hmun chan hi ka duh ve tawh!








A mi ngaihsak leh duat nih ka chak a, a vawi khat nan kei hian hmeichhe pakhat duatna ka thla hlel a nih chu! A hma kha chuan Reubena, ka fapa vang a hnaih angah ka in ngai a tunah chuan a ni lo tih ka hre tawh! Hmangaihkimi hi ka duh! A chhan ka hre lo ka duh a mi tawp! Chuan tun thleng hian ka thil duh chu ka la nei zel a, ka neih theih nan chuan eng thil pawh ka ti mai ang!








Inah Reubena ka drop hnuin ka than chhuak leh nghal vut! Hmingmawii pawh tan inah a awm a, a chungthu buaipui tur in. A chhung te, a nu leh pa ten bail chhuah an tum pawn a thil tih tenawm leh rapthlak zet avang khan tun tum chu ka lak atang tu man an chhan chhuak kher tawh lo ang!








* FLASH BACK *







" Ve ngeiin! " Ka phone en chuan ka phun sup. A aw hre miah lo pawn phone screen a hming rawn lang vang tingawt pawh in ka nui a nia, ka danglam tawh tak zet! Niminah kan zinna atang in kan let chiah a, vawin chawhma lamah hna pawimawh en fel a chawhnu lamah Reubena school bang lam pah a Hmangaihkimi va thawn thut ka tum kha a nia. Mahse hei min rawn call hmasa ta chu a nia!








A phone ka chhang erawh Hmangaihkimi a ni hauh lo! A thawh pui nu chhani chuan thil thlen dan vel chu a rawn sawi a. An kalna lam ni a a sawi chu Hmingmawii re in pui a ni hauh lo bawk. Hman hmawh zet in ka office atang in ka chhuak nghal a. Dinpuiin min zui a tum chuan hnial ka tum zet a mahse ka rem ti leh ta zawk.








Hmingmawii in lam pan chuan ka in khalh chhuak nghal vut a. Reubena te school ban a la hun hauh lo vang a hruai tur a la kal lo ka ni a. Mahse a thil tih dan hi en liam mai mai ka tum tawh hauh lo! Speed sang zet chuan ka tlan chhuak a, Hmingmawii rapthlak zia hre chiangtu ka ni a, thil pawi a thlen ka hlau ngawih ngawih!








" Khaw nge Reubena! " Kawngka na zet a ka chum vak takah chuan an rawn hawng ve hram. Hmingmawii hmel ka hmuh chuan ka ti chhuak nghal hrawk. He in hi a ma in bik a ni a, chuan a awm loh chhung in in enkawltu pakhat a nei ve bawk. Kan in then a chin phei chu a pa te bul aiin a in ah hian a tal tam zawk tih ka hre bawk!








" Ka bulah, chuan a muhil mek ! " Meng phar awk in a rawn ti nghal sap a. In chhung lam erawh Reuben a thawm hriattur a awm hauh lo. A muhil tak tak pawh a ni mai thei.







" Engvang in nge ka thu lo a school atang a I lo hruai chhuah! " Ka ti leh hmuk. Ka aw ki pawh ka hniam ta deuh! Thil fel lo a awm a ka hriat loh vang a ni pakhat!








" Ka fapa a ni a, ka ngai a ka hruai a ni ve mai min dang tur in dik na i nei lo! A rawn tih chuan za lo zet in ka nui chhuak hawk!







" In thenna lehkha Court ah ka thlen fel vek tawh a, dan ang thlap in Reubena pawh ka bulah a awm tawh dawn! Kan in thenna lehkha pawh i dawng vat ang! Company lamah pawh chan i nei dawn lo tih i hre thuai in ka ring! " Ka ti rual in kan hnung lamah taxi a rawn ding zawm nghal zat! Hmangaihkimi thawh puinu kha a rawn lang nghal vat bawk.








" Khaw nge Kimkimi chu! " Min hmuh rual in kan lam a rawn kal in a rawn ti ve nghal zat. Dinpuii nen chuan kan in melh nghal vat. Hmangaihkimi scooty a awm lo a, a let leh tawh a nih ka lo ring mai a mahse Chhan in a scooty a hmuh takah chuan ka hma lam a hmeichhia kawngkhar vuan a ding chu ka melh nghal run! A hmel hlauthawng zet chu ka hmuh hmaih hauh lo!








" Hrep chuan! " Tih leh in chhung a pen luh ka rual nghal! Ka hawi kual nghal ruai a engmah danglam chu a awm hran lo. Hman hmawh zet in room lam ka pan nghal vut a, room pakhat kawngka ka hawn rual in hmeichhe pakhat leh Reubena ka hmu nghal zat. Thaw chhuak hawk in room chhungah chuan ka pen lut a mahse hmeichhe lo awm ve chu ka hmeichhe hmuh tum a ni hauh lo!








Reubenan min hmuh chu min lo ban vat a, Hmingmawii pawh roomah a rawn tlan lut ve nghal zat! Mahse engmah tih theih a nei miau lo!





" In bia ang! " Hmingmawiin a rawn ti vat a chumi rual in room pawn lamah hmeichhe au thawm in a zawm nghal zat! Rang zet in room atang chuan Reubena chu ka pawm chhuak nghal pawk pawk a mahse room opposite chiah a ka thil hmuh avang chuan ka ding nghal chawt! Reubena chu rang zet in ka kuah khawm nghal vek bawk.








" Ni lo.... Buaipui suh a thi tawh ang! He nu vang hian a ni lawm ni min then, a awm loh chuan nang le kei Reubena nen nun bul kan tan leh dawn a lawm! " Ka ban bul rawn vuan a ti tu chu ka melh rum nghal hrawk! Reubena chu Dinpuii pawm tir in pawn lamah chhuah pui a police call tur in ka ti nghal hrawk a.








Thisen nen a in chiah piah nuai Hmangaihkimi chhuat a engmah hre lo a let reng lamah chuan ka kal nghal vut. Lalhmingmawii khan a thi tawh tih a sawi! Aii... A thi thei lo, he hmeichhia hi hriat chian A belh chian ka la duh!







" A chungah thil thleng A awm chuan i nunna i chan ve nghal ang tih hre rawh! " Ti thawt in Hmingmawii chu chhuatah ka theh tlu nghal dawr a. Chhanin a la thaw tih a sawi chuan hman hmawh zet in ka pawm kang nghal nawlh a. Hmangaihkimi taksa zawi ngiai chu pawn lamah ka tlan pui nghal hlawk hlawk a, a sam chu a thisen chhuak hnem bawk nen a huh deuh niai a, tun bak a ka hlauh thawn hi ka la hre lo.








Seat hnungah mut in Chhanin a buaipui nghal a, Reubena pawh motorah dah lut in Dinpuii chu police lo thlen hma lo awm a hreh leh hreh loh ka zawt a hmeichhia ve tho a ni miau sia vanneih thlak tak in a hreh loh thu in min chhang hlauh!








Motor khalh reng chung chuan hnung lam ka hawi leh zauh thin. Hmangaihkimi engmah hre lo a a awm ka hmuh a piang in awmze nei lo in stearing ka hum nghet leh vak ringawt. Reubena a awm ve kher nen, Reubena pawn Kimkimi chu a melh leh xauh thin. Thisen a kai nasat avang in naupang hmuh atan a tha ber lo bawk nen thawk a sak talh mai.








Damdawiin kan thlen hnu rei lo teah Dinpuiin min rawn call a police in Hmingmawii an lak thu a rawn sawi a hreh tak in Hmangaihkimi ka kal san a ngai hlauh. Chhanin a U te ka lo call ang a tih chuan ka hahdam ta chauh. Reubena pawh ka nu phone in ka lam tir a kei erawh police station lam ka pan bing nghal.








Ni li chhung ngawt Hmangaihkimi a harh chhuak lo a, Remruata pawh thil awm dan ka hrilhfiah chuan a hrethiam mai a mahse a nau damlo khum a mu chu a kal san ngai lo hul hual thung. Kei erawh in Hmingmawii chung thu rel a hremna a hmuh theih nan hma ka la chhun zawm a. A chhungten bail tum viau mahse A thil tih naupang ruk bo leh Kimkimi chung A rawng tak a a chet avang in engmah an ti thei mai bik lo. A hma chuan A thil tih ka thup mawi sak thin A tunah erawh hremna na tak pek ka tum nghet bur!








* END OF FLASH BACK *







💫💫💫 ka kut A kham lutuk next chapter ah kan zawm dawn nia! REMRUATA POV nge MUANAWMA POV ziah tel in duh cmt naah lo sawi ru aw💫💫💫

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)