INESCAPABLE LOVE BY AMY CCK (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: INESCAPABLE LOVE BY AMY CCK (Completed)

Unread post by Ngaia » December 7th, 2019, 11:18 pm

CHAPTER - 19 πŸ’« by Amy Cck ( Dream Girl)








πŸ’«πŸ’«πŸ’«πŸ˜¬πŸ˜¬ a tawp a note thui tawk khu min chhiar zawh sak ru aw nakinah phun nawi a awm loh nanπŸ™ŠπŸ™ŠπŸ’«πŸ’«πŸ’«








" Engvang a kha tiang thil kha ti nge i nih! " Ka hma a hmeichhe thu chu melh ngur in ka ti chhuak sup. Hmingmawii mit sen ram leh sam hnawk nuai chu khawngaihna pakhat mah ka nei hauh lo bawk!







" Engvang in nge ka chungah hetiang hian i tih? " Tap awi tiau in a rawn ti let ngat a. Za lo zet in ka nui ro nghal hawk. Hman atang in a thil tih sual hi a pawm duh ngai lo tih chu ka hre tawh tho a mahse tiang em em a rapthlak a ni tih ka lo hre lo nge ka ngaih sak zawng a nih loh vang in ka lo mangnghilh zawk!








" Mi nunna I la tep a chuan he hmun a i awm chhan min la zawt a nia! Hre rawh a hma khan ka sawi tawh bawk, tun tum chu i chungah zahngaihna ka lan tir dawn hauh lo! " Ka ti leh sup. Tawng ring viau lo mah i la ka thu sawi chu ka ti tak hle tih a hriat thung.








" kha.... Kha hmeichhe naran ve mai vang khan kei hi min tan tir dawn maw? Eng..... Engtin nge sawi pawh i sawi theih zawk? Ka pa... Ka pa ka be duh! " Ka thu sawi chuan a thawng bawk a a rawn rak nghal chul a, tawngkam mawi lo zet in a rak chhuak nghal vak vak bawk, a mit mengah a hlau thawng tih a rawn lang chhuak nghal zawt zawt bawk.








" Lalhmingmawi hmeichhe naran a ni lo! " Ti chhuak hrawk in kan in kar a dawhkan chu beng thuaiin ka hma a hmeichhia mi mawl ang mai a sapa tal chu ka melh nghal ngur! A che tawp chawt in mit tui luang nguai nguai chuan min rawn melh a mahse heng mittui hi chu ka tan engmah a ni hauh lo. Ka thin ti rim zualtu mai an ni!








" Engkim hrilh vek che ka tum hran lo, i thil tih avang hian hremna i tuar dawn tih zawng hria la a tawk mai. Kan in thenna lehkha pawh a rawn chhuak tawh a, i fapa ngei tih nat i duh a vang in Reubena lakah hian eng dikna mah a mah hmu tur in emaw a bul hnai a kal tur in chanvo i nei tawh hek lo! " Ka chair thutna nghenchhan nghen dawt in ka ti chhuak leh sup. A thutnaah thu thla hnawk in a kut a hum ruh nghal tang a. Kei in ka melh ngur thung!








" Engtin nge a tih bik? A hma zawng pawn kan in hnaih em em lo a kan in hlat hran lo! Mahse min then thutna chhan hi kha nurse nu kha i nun a a rawn luh thut vang a ni ti raw? Kha nu khan nupui nei i nih vang in a hnar che a chuvang a ni ti raw min then? " A mittui hru nghal thawk in a ti chhuak leh hrak.








" Ka then chhan che chu i hria midang a kaih hnawih an awm lo! Chu zawng chu, chuan Hmangaihkimi chung changah chuan i sawi tur a awm lo hmeichhe dang nen chuan khai khin duh suh! " Ka ti chang nghal hrawk. Ni e... Nupui nei ni i la chuan ka hnaih thei hauh lo ang mahse tunah chuan ka nei lo miau a. Min hlat tum eng ang mahse thu thlukna ka siam tawh thung!








" Hmangaihkimi ! a hming atang pawh chuan a mizia tur a hriat viau chu! A thlavang tiang khawp a I hauh nat sak chhan hi kha nu nen khan in lo mudun tawh a ni ti raw? Hahh.... Ka sawi dik ..... a ni em? A hma pawn Laldinpuii thlavang i hauh nat khawp kha! " A rawn nui chhuak hak a mahse a mit meng erawh a sen ram. Hmangaihkimi chanchin a sawi dan avang chuan ka rum chhuak ngut. Eng mah a hre lo lutuk chu han khin let tlakah pawh ka ngai hrep lo!








" Ka sawi tawh in ka hria Dinpuii nen hian kan in ngaizawng in inzawmna nget kan nei hauh lo. Hmangaihkimi erawh chu helai chhung a mi hian a thlan awm chhun hmeichhia a ni thung! Hrep chuan.... Kei mai ni lo in Reubena pawn nang emaw hmeichhe dang zawng zawng aia a thlan a ni bawk! " Ti chhuak leh hrawk in ka ding chhuak vut a. Tun tum hi ka hmuh tawpna tur a ni avang a la tawi khawmuang ka ni mai mai zawk!








" A nih phawt! Tun tum bak chu rawn hmuh leh che ka tum hran lo, jail chhung leh i in chu a in ang lo deuh mai thei! Chhuah vat emaw i chhungte lak chhuah kha chu beisei duh suh kei hian i lamah hian ka beng ka chhi reng a nia, bail emaw chhuah lai lawk phal i ni lo, i tan hun chhung a full thak in i hmang dawn! Beiseina ti sang vak duh suh! " Ti sup in ka in her a ka pen sawn nghal vut. Ka hnung lam a Hmingmawii rak tuar tuar leh in hrosa vel chu engah mah ngai lo in room chu ka chhuahsan nghal vut a. Tun tum chu hrem lo a a chhuah ka phal lo bur!








" Vawinah Hmingmawii i hmu a mi? " Rawn ti sap tu chu ka melh chho vut a! Dinpuii chuan min lo melh ne nghal ran a lu ka by nghut ringawt! Hmingmawii chet dan leh mizia hre chiang tu a ni a, khang kum chhung pawh khan kan in kawp ti chiang lo mahse Hmingmawii tawngkam na leh chet dan ngeiawm tak tak pawh a tawng fo mahse a tuar liam zel a min hnaih a thulh phah hek lo. Chuvang tak chuan Hmingmawii pawh khan a thik ni ber in ka hria.








" Damdawiin lamah kal leh i tum em? " A rawn tih nawn leh sap takah chuan ka file ken, ka en mawlh mawlh lai chu ka khup nghal thawk a. Ka chair nghenchhan chu ngheng in ka hma a hmeichhe ding chu ka melh nghal run!








" Eng thil chiah nge sawi i tum chu? " Ka ti chhuak sup. Tunlai chu nitin nikhatah vawi khat tal damdawiin lamah ka kal ngei ngei a, Dinpuii pawn a hria tih a lang reng bawk. Dinpuii nuam lo ti hmel chu ka melh run a, kan in kar pawh a chat fel tawh tih kan awm danah sawi kher lo mah i la hmeichhe mawl leh manner hre lo a ni lo a, ka awm dan leh ka che zia ah a man vek tawh tih ka hria a. Sawi kher pawh a ngai ka ti hran tawh lo!








" Nurse Kimi vang khan a ni ti rawh i danglam tak em em? " A rawn ti chhuak sap. Ka danglam tih hi a lang viau em ni! Ka awm dan ka mizia a la ngai vek a mahse tu pawh mai hian danglam min ti vek a, chuan Hmangaihkimi hming hi a ri tel ziah bawk! Chhang lem lo chuan ka thaw chhyak nghal hawk a. Dinpuii thu rawn sawi leh avang chuan ka in hum ruh nghal tawlh tawlh.








" Ka sawi chu, kei hian ka hre chiang a lawm! U Muanawma nen an in kar pawh a tha leh tan tawh an ti! Hun rei tak an lo in kawp tawh a! In ngai zawngte chu an in ti thiam lo fo a, Nurse Kimi leh U Muanawma pawh an tha leh tep bawk! Ka sawi hi i awi lo a nih chuan a nau Thatei ngei khan a sawi a lawm! " A rawn ti chhuak leh nghal vat.








" An in then tawh! " Ka ti chhuak sup. Dinpuii ka bia pawh ni lo kei mah leh kei mah ka in hrilh a ni mah zawk. Nge ni a Dinpuii hian a sawi dik zawk. Kha Dr han ni leng in Hmangaihkimi a buaipui a. Hmangaihkimi rilru ka hre miau lo mahse kha Dr kha a hmangaih tih erawh ka hre chiang thung!








" Ka sawi chu mahse an in kar...! "







" Dinpui hna thawhna hmunah chuan hna lam chiah sawi tawh rawh! Tun a I thu sawi kha chu i lo ngaihven ve emaw a tul miah lo! " Ka ti chhuak hrawk. Ka aw ri deuh hmukah chuan ka lawm lo tih pawh a hre ngei ang mahse ka pawi sa lo. Hmangaihkimi leh mipa dang sawi zawm hi ka ngai thei bau lo. Kha Dr ngei pawh kha ni se!








" I danglam tawh hle mai! Tunah chuan min mamawh tawh lo a ni ti raw! Ka hmangaih che avang in i tan engkim ka tuar a. Nupui i neih lai pawn vona leh hreawm zawng zawng nang mah vang in ka hnung chhawn vek a. Mahse nang chu ka hmaah i ding duh ngai miah lo! Hmingmawiin na tak a min tawngkhum a min vo pawn I ngawi mai mai a mahse kha nu kha chuan i ngaihsakna leh hman atang a I lak atang a ka lo thlak hlelh ve ngawih ngawih i duat na mit meng zawng zawng nen rei lo te chhung in a nei nghal vek a! " Ti sap sap in a mittui a biang a rawn luang chhuak chu a kut chuan a hru zeuh a kei in ka melh ngur thung! Hmeichhe tap, an tah chhan eng pawh ni se thlem ka thiam miau lo!








" I hriat kha ka hnaih theih nan che tiin ka theih tawp ka chhuah a, i tan chuan ui ka nei lo! Ka taksa leh ka neih engkim! Ka hmangaih vang che a sin! " Ka hma zawn a chair ah chuan a thu thla hnawk a. A in sut nghal hlawp hlawp bawk. Ti tak a Dinpuii beidawng leh hreawm ti hmel hi ka la hmu ngai lo. Ka lainat lo ka tih chuan dawt ka sawi mahse chu mi vang ringawt chuan hnaih leh ka tum hran lo. Engtik lai pawh a ka ngaihtuahna luah rengtu hmeichhia hi ka kal san mai mai dawn lo!








" Ka tihpalh! " Ka ti chhuak sup. A chung a ka chet dan hi a dik bik lo avang in hmeichhe dang ka hnawl a na tak a ka tawngkhum ang in ka ti na ve thei lo.








" Kha thu kha sawi suh! A hma ang khan awm leh rawh! I hmangaihna ka dil in ka phut kher lo ka bulah hun hmang la, i natna chhawk zang khai nan ka bulah awm rawh! " A rawn ti deuh sap rual in hahthlak ti zet in ka thaw chhuak hawk! Ni e.... A hma kha chuan ka nupui ka hmangaih loh leh ka duh miah lo ka hne em en vang khan in a haw lo in hotel a Dinpuii nen hun kan hmang dun ngun ka in hrik thlakna ber pawh a ni mahse tunah chuan engkim hi a danglam tawh!








Hna hah zet a ka thawh pawn emaw rilru buai zet a ka awm pawn ka ngaihtuahnaah damdawiin lam pan a hmeichhe pakhat nui hmel emaw a thinrim hmel ka hmuh chuan ka hahdam nghal huai thin tawh miau! Hotel room reh zet a mahni chauh a awm nuam ti thin khan tunah chuan in lam a hna hah tak a thawk ka haw hnu a ka fapa nen a in chhaih rak a, han in fiam kual vel nuam ka ti tawh zawk miau! Hmeichhe dang nen a hun hman a, kan mamawhna han in hrik thlak ai chuan ka fapa in ka hna thawh lai a khum chung a bawk a Hmangaihkimi nen an in video call an an tawng lang lang leh nui ri hriat ka thlahlel tawh miau a. Tun a ka khawvel rawn kim ta riau hi ka kal san phal tawh lo bur a chuvang chuan tu midang mah ka mamawh tawh miau lo.








" I hriat kha nang nen kan in kar leh kan in zawm na chu! A tir te atang in i lakah feeling ka nei ngai lo chuan chu thil chu nang pawn i hria a! Hre reng chung in min hnaih bawk, tunah chuan khang thil kha tih ka tum tawh lo! Tu emaw in pa ka ni tih min hmuhfiah tir a, fapa min mamawh em em tu ka nei tih ka lo theih nghilh hman a mahse tunah chuan a danglam tawh. Kawng dik panna chance ka neih hi ka hlauh thei lo! " Dinpuii melh ngur chuan ka ti chhuak leh sup! Min rawn en in a thaw chhuak hak a. Hun rei tak ka bulah a awm tawh a ka mizia a hre chiang. Ka sawi tawh chu ka ti lo ngai lo tih thleng in. Tuanah pawh eng thil pawh sawi se a danglam dawn lo tih a hre ngri ang!








Ni ee.... Reubena hi Hmangaihna atang a lo piang chu a ni lo chuvang chuan ka fapa hian khawvel a naupang dang zawng zawng ai hian hmangaihna a thlahlel zual bik a! Naupang dang aiin ngaihsak leh duat a phu bik hliah hliah bawk. Nu hmangaihna leh duhsakna a dawng lo a nih pawn a pa hian chung zawng zawng pe tur chuan ka theih tawp ka chhuak dawn a ni tawp!








" I ngaihtuahna i hmang nasa lutuk a nih kha! Rei lo te chhung chawlh la la, zin khaw thawng in emaw i rilru hahdam tir rawh!β€œ ka sana melh zawk in ka ti sup a ka ding nghal vut bawk. Dawhkan sir a ka coat in khai chu ka ban nghal vut a, Reubena lam tur in ka kal a ngai tawh miau!








" Reubenan a ngainat vang a ni ti raw nang pawn kha hmeichhia kha i duh? " A rawn ti leh takah chuan ning zet in ka kut ka vai nghal thuak! Hmeichhia leh naupang te hian engvang a zawhna tam tak! Ho lam tak tak nei ge nge an nih hi ka hre thiam thei lo! Zawhna in zawh reng hi ka ngaina hauh lo bawk. Ohh.... Ka fapa tiam lo in. A ni chuan eng zawhna pawh a sang chuang pawh min zawt se ka chhang reng peih thung!








" Pa leh fapa kan ni a kan duh leh ngainat a in ang a ni mah na! A tawk em? Reubena lam tur a ka kal a ngai tawh a. Chawlh lak chu i mamawh hle in ka hria! " Ka coat hak kilh pum in ka ti chhuak leh sup a. Dawhkan bulah chuan ka kekawr ip zen in ka ding nghal run bawk.








" Ni e... I ti dik ang! Nang chu i dik lo ngai hlei nem! Engkim kha a tir te atang a ngaihtuah a ka paih bo a ngai a , hun pawh ka mamawh tam ang! " Ti hliai in a rawn ding ve nghal vat a. A che zia chu chik zet in ka en thung. Hmeichhe fing leh mahni in adjust thiam tak kha a ni miau a.








" I duh chen chen hun i hmang thei ang! " Ti let sup in ka kut chu kawngka lamah ka lek chhuak nghal vut a, bu nghat in a kal ve mai bawk a. Kei pawh chu thaw chhuak suai suai in a hnung lamah zui nghal vut a, tha tak a thu sawi a hrethiam chuan thawk a ti vrng ve hawk bawk. Ka motor hunna garage lam pan chuan ka pen zui nghal pawk tawk a, a khat tawk in ka ban rek a ka sana chu ka melh leh vut thin.








Reubena damdawiin lamah ka lam kawi a ngai miau a. Nitin deuh thaw ka kal ka tih tawh kha chuan loh theih loh vang a ni pakhat mai bakah nuam ka ti viau bawk! Reubenan school a ban in haw nghal ai chuan damdawiinah Hmangaihkimi cabinah in khung ni len ve a duh zawk miau zel a. School ban in driver in damdawiin lamah a thlah mai thin! Chuan keiin hna banah ka lam ve leh mai a. Kawng leh lam takah chuan a in thlahrun awm viau rual in Hmangaihkimi ber in a pawi lo a tih miau a vang in ka ngai pawimawh duh ta bik lo.



*


*



" Khawiah hrep nge an kal! " Cabin ka lut a tumah an awm loh avang chuan ka ti chhuak sup. Hmeichhe pakhat damlo leh naupang mai an ni a an kal hlat vak chu ka ring lo. Mahse an vang em em tho si chu ka thin a rim hlur tawh! In chung lamah an awm ring ka en a mahse hmuh tur an awm chuang lo chu mak ka ti viau bawk!








" Huhhh.... Phone pawh an keng lo a! " Ka phone en in ka ti chhuak leh hmuk. Kawngka lam thawm avang chuan ka hawi nghal vut a. Mahse ka hmuh tum loh lutuk ka hmuh avang in ka phone chu ka hum nghet nghal tawlh tawlh bawk! Dr Muanawma chuan min melh zawk in room chhung chu a melh kual nghal ruai a. Ohhh.... Kan zawn a in ang tih ka hre thiam nghal bawk!








" Khawnge Kimkimi? " A hmuh bik loh avang chuan min be ta nge nge. A zawhna chu chhang lem lo chuan ka dar ka san uk in ka melh ve ngur a. Thaw chhuak hawk in roomah chuan a rawn pen lut ve ta tho a. Engvang a he Dr ber kher hian enkawl nge a nih ka hre lo mahse tunah chuan thu ka nei miau lo. Hmangaihkimi nen in then tawh mahse Remruata nen erawh an la in pawh hmel viau bawk a. An sei len chho dan chu ka hre ve nual a, hriatthiamna chen pawh awm tho mahse Hmangaihkimi nen an in then chhan ka hriat chian vang nge ka hahdam thei hlawl lo!








" I hmangaih em? " Kawngka lam pan a ka pen chu ka ding nghal chawt! Hawi let erawh ka hawi let lo thung.







" Kimkimi hi i hmangaih em? " A rawn tih nawn leh supah chuan ka in her ve nghal vut. A doctor coat ip te zen in a kut leh lam in damdawiin khum mawng lam a thir in kham phei chu vuan bawk in min lo melh let ve reng bawk!








" Ka chhan kher che a ngaiin ka hre lo! " Melh let run in ka ti ve nghal sup. Hmangaih maw? Ka chhan duh loh vang ni lo in kei hian ka hmangaih leh hmangaih loh ka hre miau lo tlat. Ka duh tih chu phat rual a ni lo mahse hmangaih kher chu!








" I chhaih kual leh hmanrua a tan i hman mai mai thei hmeichhia a ni lo a nia! Engvang a zawt che nge ka nih hrep hian, mahni nupui ngei pawh hmangaih thei lo chuan hmeichhe dang i hmangaih thei lo! " Min melh in a rawn nui suk a ka kut hum ruh tawlh tawlh in ka hma a Dr coat ha chu ka melh ngur.








" Chutiang hmeichhia a ni lo tih chu ka hria e! " Ka ti chhuak hrawk. Engvang a hepa mit mengah hian Hmangaihkimi a ngaihtuahna leh ngaihvenna la hmu nge ka nih. He mihring hian neih let leh tum a hma a la a nih ngat chuan kei aia rapthlak hi an awm kher lo ang!








" A nih chuan kal san ta mai la! Fiam kual a I fapa hmang a rawn hnai tum lo hian! A dam that hunah pangai tak in bul kan tan leh dawn I lo la hriat loh tak in! Thil ho te vang in kan in ti thiam lo satliah mai a ni, hun rei tak chuang kan lo in kawp tawh chuan i hria a nga! In ngaizawngte chungah chuan buaina leh neuh neuh thil a thleng ve chawk bawk. Chutiang chiah chu kan in kar pawh a ni!








Nang ngei pawh i hriat a I hmu bawk zung bun kan in bun tir ni pawn I awm ve nghe nghe a! A nat hi ka duh lo nang leh i fapa vang in thi a sual der chu a nih hi! " Ti sup in min melh ve run a, a thu sawi chuan chem a chhun sawk sawk ang maiin min hliam tih a hre lo erawh a lawmawm viau!








" Hmangaihkimi hre chiang ang tak chuan i in sawi a, awlsam tak a I lam a rawn let I beisei chu mak ka ti viau! Vanduai thlak tak in kei hian i bul a rawn kal mai chu ka rem ti hauh dawn lo bawk. " Nui chhuak hawk in ti mah i la ka ti mai mai hauh lo. Ka thu sawi khan a ti lawm bik vak lo tih khum mawng a thir a kham phei chu a hum nghet nghal tawng danah a hriat viau!








" Kan hria ang chu! " A rawn ti let sup rual in kawngka lam chu a rawn in hawng nghal rak a, Hmangaihkimi leh Reubena chu an rawn in kai lut nghal hlawl. Dr Muanawma chuan kawngka lam chu a pan nghal zat a. Kawngka bul a ding te chuan mak ti hmel zet in kei leh Dr chu min melh deuh haw a. Hmangaihkimi chuan engthil nge thleng tih ang hrim in min rawn melh bawk!








" Damdawi i ei a hun a! " Dr Muanawma tawng avang chuan a hawi sawn nghal zat a. But nghat in an rawn pen lut ve nghal zat a. Reubena lah chuan a kutah a la kai tai bawk. Hmangaihkimi sawi dan chuan naupangte chuan thil at chilh hun lai te an nei a. Zawhna ngah hun lai te pawh chuvang chuan Reubena pawh a rei a nga a zia awm ve tulh tulh mai ang! Ati a nih kha.








Mahse han zia awm a ngai a neih chu khawi lam! A ni tel in Hmangaihkimi a ngaina tulh tulh a, tunah chuan nikhatah vawi khat tal a hming lam lo in a awm ngai mang lo! Damdawiin a kal lo chang pawn a la call ve tang tang zel a. Tiang zel kan nih chuan engtik khawtikah mah kan in ban san kual thei dawn lo tih ka hre chiang viau!








" Reuben khumah sawn lo va mu hah chawl rawh aw! " Rawn luh pah chuan Kimkimi chuan a ti sap a. Reubena lah chu thu awi zet in a kal ve mai bawk a! Khumah chuan lawn in phone emaw ni chu a khawi nghal mial mial a. Kal rawt mai tur ka nih laiin he Dr nen chauh hian ka kal san thei tlat lo. Reubena awmna lamah chuan ka phei ve nghal vut a.








" Nurse emaw pawh i lo tir mai lo a nih kha! " Ti sap in couch ah chuan a thu thla nghal dat a. Dr pa chu a melh nghal rawm. An chezia atang chuan an in nelh in an in hnaih thaw khat tih hi a hriat ngawih ngawih in a lang vek bawk. Chu ringawt pawh chu ka lo thik in thlir hreawm ka ti lutuk tlat. Ti tak a thik thu chhia hi ka ni tih ka in hre ngai hauh lo bawk. An in biak lai vel chu hmu duh lo in ka hawi sawn nghal hmuk a. Reubena lah a li muhil der a nih chu!








Kei hian ka duh tih chu ka hria mahse a lakah ti em em hian ka awm ang tih ka ring hauh lo. Hmangaihkimi ka ngaihtuah apiang in Reubena vang tiin ka in hrilh nawn fo a mahse ka hnaih chhan dik tak a ni lo tih chu kei tluk a hre chiang an awm chuang lo.








" A muhil ta a law! " Hmangaihkimi chuan kan bul a rawn din in a rawn ti nghal sap a. Ka ngaihtuahna atang ka harh chhuak nghal zawk bawk. Lu ka bu nghut a hmuh chuan Reubena chu puan pan te in a rawn khuh tha nghal sauh sauh a. A sam thlah lai hi ka hmu zen zen lo mahse a in hmeh lutuk tlat. A kut an cher khawng chuan a chet a ti harsa ve deuh tih a chezia ka en atang in ka hmu bawk.








" In chungah kan hawi thawveng a, a mut a chhuah thu a sawi a ka rawn chhuk pui a nih hi! I duh chuan i pawm haw thei tho a...... " Min rawn melh zawk in a ti nghal siam siam a. A mah ka li melh reng tih a hriat chuan nuam lo ti hmel a pu deuh!








" A nih loh pawn nghak deuh la a lo harh hun! " Min enna atang a mit la sawn in muang ban chat hian a rawn ti nawn leh sap. Ka nui tak suk, Reubena mutthilh lai a ka haw pui a nih chuan a lo harh hunah a zawn hmasak ber tur chu Hmangaihkimi a ni tih ka hria a. A hma pawn ka haw pui tawh mahse Reubena mu tho a lawm thei ngang lo a zanah kan va kal leh kha a ni. Chuvang chuan a rawn harh hun nghah ka duh ta zawk!








" A tha e..... Kan in phih fai ve lawk ang! Tlaiah ka U leh Thatei an lo kal dawn a ! Thil kan ei chhuak dawn a nih hmel!" Ti leh vat in khum bul dawhkan te a bakilh chu a ban a a kut khing khat chuan awlsam zet in a sam a kilh nghal vat bawk.








" Kha pa kha a tel ve dawn em? " Ka ti nghal hmuk. Min rawn melh vat a ka lo melh let ngur bawk. Kha Dr kha ka tih na a ni tih a hria tih a hmelah a lang bawk. Min chhang lo chuan a dinna atang chuan a pen sawn nghal daih a, a awm dan chuan ka thin a ti rim ringawt bawk!








______________________________________________









" Enge zawhna mak pui pui hi min zawh ziah le! Hman ni a min fawh a vang ringawt khan ka lakah thu nei a tum a maw ni! " Bathroom lam pan chuan ka phun phei nghal bui bui a. Bathroom a lut in na zet a kawngka khar ka tum a mahse Reubena a muhil tih ka hriat chhuah leh avang in zawi te chuan ka khar ta hram!








Reubena nen room a in khung reng chu a ninawm tiin inchung lamah kan chho a, eng eng emaw ti in kan awm rei ve phian. Mahse kan cabin a Ramnunsanga leh Muanawma lo awm din ka hmuh khan min thawng lutuk tlat. An hmelah khan an lo in kawm ngeih viau lo tih ka hmu hmaih hauh lo bawk. Muanawman Ramnunsanga a huat a, hlat tur a min tih reng avang in run luih nan ka hmang a, a hma zawng aiin kan in hnaih lui a. Hnaih lui tihah an mahniin an zir vang pawh a ni mah na.








" Hmangaihkim a fawp che ni lo in i fawp hmasa a nih kha! " Darthlalang a in en chuan ka in ti leh vak ringawt! Ni e.... Ka fawp hmasa chu pawh Muanawman a thik theih nan mahse ka hre thiam lo a hnuah kha chuan a mah in a nih kha min rawn fawp!








" Ka duh che min ti a nih kha! " Ti chhuak sap in ka kut na lo lam chuan ka hmui ka tawk nghal zeuh bawk. Zep rual loh in a fawh kha chu a nuam tak zet. Ngaihtuah chhun zawm duh lo in tui chu ka herh haw a kun hniam in ka hmai ka theh nghal that. Ka kut ding lam zawk a na miau avang in ka che hi ka khawr deuh tut thin!








" Aaa.... Van ninawn tak! " Ka sam ka clip beh kha a nghet lo nge a rawn in phelh a, kei ka hmai phih in ka la kun bawk nen hma lamah a rawn tla thla ta hnawk mai. Han hui chho dawn in ka kut a huh in a lo phuan bawk nen, ka awm dan chu lak lawh tak a ni mai! Mahse harsa tak chuan ka phih zo ve hram.








" Lalpa leh! " Kawngka lock ka hawng leh chiah chu ka nem hawn hma in a rawn in pawt hawng thut a ka phu nasa bawk sir chu ka rak nghal that. Ramnunsanga nen kan in hma tawn nghal run a. Min ti phut nasat zia chu ka tukhumna te chu a rawn thip tel zawk hial in ka hria!








" Min ti phu nasa lutuk. Khawi maw ka kal duh! " Tih leh chhuah ve mai ka tum chu min nem lut rawk in a mah pawh a rawn pen lut ve nghal vut a, kawngka a khar a a kalh nghal hmak a nih chu! A chet dan rawn ni deuh thut avang chuan ka ham haih chiang lutuk ringawt bawk!







" Ee.... Eehh... Engati nge i kalh ve ringawt? " Harhchhuak thut in ka ti ta vak. A hmel leh mit meng a thim khup a. Thil sual ka ti ta emaw tih tur khawp a dup in min melh bawk!








" Ka zawhna kha! " Ti sup in ka hmaah a rawn ding nghal run a. Ka melh chho nghal haw. A mit meng chuan sawi kher lo mahse ka chhan hma chu ka kal chhuak dawn lo tih min hrilh ni maiin ka hria.







" Enteh! Ka chhuak duh a nia! " Ka ti let ve ngat. Ka U leh Thatei an nih chuan Muanawma pawh hi chiang sa a ni. Chuan tun hnai te a thil thleng vel avang leh damdawiin lam a thil thleng ka hmuh ve dan chuan Muanawma leh Zirtei hi an in ngai zawng lo. Ka chung a a thil tih vang kha chuan ka haw ngei mahse in ngaihtuah that a duh mai a nia. Lung dam lo zet in kan in hualna kha kal pui ta se rei kan daih dawn chuang lo. Chuvang chuan he tia thu thlukna a siam hi ka dem lo. Chu chu ka U min hrilh dan pawh a ni a.








Ka haw lo ka ti chuan dawt ka sawi , ka hua in ka zak ngawih ngawih mahse thil chu a thleng vek tawh a. Tunah chuan kei pawn ngaiah ka neih deuh tawh bawk. Lalmuanawma lah hian engmah thleng ang in a awm ve duh der lo leh nghal. A hma ai ai in a tha emaw tih tur in a khaw sa a. Chu pawh chu min hriat chian vang a ni bawk. Kan mi huat ten min huat ve miau loh chuan mahni kan in ti na thlawn mai a ni. Chuvang chuan tuar emaw ka na tih hi ti lan ve chiam ka duh hek lo. Pangai tak a a awm a nih chuan ka thei ve em em ang!








" Ka zawh che chu! " Rawn ti chhuak hrawk in ka kal pel tur chu ka ban rek a rawn vuan in min hnuk deuh dawr a ka hnung in bang hit thler a sik ruak in ka lu zawnah ban lian zet a rawn in nen khalh nghal ngur bawk. Ka ban na lo lamah a vuan bet tlat bawk nen leh lam ka chet thei bawk si lo chu ka tang der hi a ni ringawt! Ohh.... Na nei miah lo mah i la he mihring hi chu ka hneh dawn chuang lo hrim hrim.








" Enge i hriat duh a? Muanawma chu a lo tel ve dawn ti ta i la enge tih theih i neih chuan a? Maw(h) ....i tan hian enge ka nih ve reng reng a! I chhungte emaw ka ni a mi? Kei te chu Reubena vang chauh a I hnaih ka nih hi! " Ka ti khum nghal chiam. Ka dam tha tan tawh viau nan tawngkam vin deuh leh tang deuh a ka tawng nasat hian ka tukhum hi a rawn phu leh dawt dawt zel. Mahse awm ze nei lo in min thinrim khum ringawt a chu chu ka tei thei thak lo. Min thinrim khum tak tak hma in a let in ka lo thinrim khum zawk thin!








" Ka hmangaih....! " A rawn ti chhuak sup a. Ka nghing nghal dawt. A tawng chu zawiin thum viau mahse ka hriatna beng hi a that lutuk mai bakah kan in awm hnaih bawk a chiang tak leh fiah tak in ka hre thei.







" Eng... Engmaw? Fiamthu nuihzat thlak lo lutuk! " A mit meng thim khup a melh chho fak in ka ti chhuak nghal hrak. Awi lo lutuk in ka nui tel nghal hal bawk. A thu tak hmel lutuk a ka thinphu a ti rang hman.








" Ka hmangaih che in ka hria! " A rawn ti nawn leh sup a. Tunah zet zawng fiamthu a ni lo tih ka thinlung hian min rawn hriat tir. A thu sawi chuan min thawn lutuk vang nge ka kaiza tha chu a rawn zawi nghal hnawk a chu mi rual in ka kawngah ban tha chak zet in a rawn vuan nghal chawt a. Ka taksa si chet in min rawn awm hnaih leh zual bawk!








" I ring lo a ni ti raw? A sawi tu ngei pawh hian ka ring hlel a sin! " Ti chhuak sup in a rawn nui ri deuh hawk a. Sawi tur ka haih chham chiang lutuk. Ni e... Ka awi lo, in fiam nan min hman i tum tih khum chiam ka duh a mahse ka sawi thei miah lo.








" Hmangaihna hi ka hre thiam lo. Eng chiah nge a nih a! Engtin nge a rawn lan chhuah! Engtin nge ka hmangaih che a engtik hun in nge tih pawh ka hre hek lo mahse ka hmangaih tho si che a! Sawi fiah vak ngaihna ka hre lo mahse hmangaihna min hriat tir tu leh a awm ngei tih min hmuh tirtu erawh chu Hmangaihkim nang hi i ni! " Kan taksa a in sik deuh chet avang in a tawng zawng a a taksa chhung rawn che ve chuan min nghawr ve dur dur a. Ka taksa hi a sa hut hut a ka hrawk thleng hian a sa huam huam bawk.








" En teh.... Ih... "







" Min hriat kha! Ka fapa tak ngial hnenah pawh ka hmangaihna lan chhuah tir dan ka thiam lo! Mahse i rawn lang a engkim hi i a rawn famkim vek a. Ka nun leh Reubena nen thleng in! Ka hriat dan chu ka enkawl ve na meuh mai, sum leh a mamawh engkim in ka vur a mahse khang aia mamawh kha a nei tih nang te reuh hian min hriat chhuah tir a! " A rawn ti chhuak leh sup in a rawn nui chhuak leh hawk a. Ka irh fiak nghal awk a ka kut chuan ka hmui ka khawih nghal vat!








β€œ Ka chhuak duh! " Ka ti sap. Sawi tur ka hre lo tunah tak chuan. Ka kut chuan a awm zawnah ka nam dat a mahse a che sawi eih lo! A aia na a ka nem leh rual in ka kut chu a rawn vuan bet chawt a an khum chiam tum a ka dak chho chiah chu rawn kun hniam in ka hmui a rawn kharh chilh nghal hmiah bawk!








" Min chhang phawt rawh! " Min fawhna tawp in a ti leh sup. Hahh.. .. Ka thi tak ngial dawn. Enge sawi se min tih he mihring hian!








" Pu.... Putar I nih tawh kha! " Ka sawi zawh rual in mit ka chhing sawk. Mahse ka sawi zo vek tawh. Putar chu a la ni tak tak miah lo mahse a upa tih sawi ka tum mai a nia! A kum tak phei chu 30 a tlin pawn a tling tawk ang tih tur vel a ni! Chuan a rual pui ro roah a taksa a enkawl uluk tih hriat zet in a in phut mai tawk hle bawk. A huat ka rin nen a nui suk duh chauh leh nghal! Sawi sual ka nei chuang pawn ka hre lo. Kei aiin a upa fe zawk tak tak! Fa a neih tawh lam kha chu thu hran kum lamah pawh kan in thlau lutuk! Muanawma chu sawi loh ka U ai pawn a upa daih zawk!








" Putar maw? Putar ka nih leh nih loh chu kan fiah dawn a mi? " Nui suk in ti mahse a hmelah hian eng emaw ka hmu thei! Kei mi mawl hi ka tawng sual chiang hle tih ka hre chhun zawm nghal bawk. Min melh ngur chung chuan a rawn kun hniam nghal ruai ruai a, hawi sawn tum a ka thle chu ka khabeah a rawn vuan bet nghal chawt bawk!



*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***


Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/




πŸ’«πŸ’«πŸ’« Ka in thlahrung viau nan tun thla chu ka zan tin thei dawn lo aw😬😬 a then chuan in hriat ka ring a exam thla a nia, chu vang chuan i va rugu lo em em/ a dah khat e emaw min tih loh nan ka lo sawi lawk. In hriat ang in ka story hi chu kei ma tawkah dah thui ve viau mah i la a kal muang em em mai bawk a. Mahse ka kal chak tir thiam tlat bawk lo nenπŸ˜‚πŸ˜‚ a lo boring emaw a nih pawn min hrethiam hram mai ruπŸ˜‚πŸ˜‚ min chhiar sak peih phawt chuan a kal a kal a nga a tawp chu kan thleng ve leh em em tho angπŸ™ˆπŸ™ˆ zanah ka dah theih loh thu ka lo sawi thei lo a nih pawn dar 10 a rik a ka lo in report loh chuan min lo nghak su ka ti nawn leh bawk e😘😘in vaiin ka duat em em vek cheu a ka story bei tham ve tak min ngaih hlut sak a vang pawh hian lawm thu ka sawi nawn mawlh mawlh e😍😍Story ziaktu te leh a chhiartu te hi kan pawimawhna a in ang reng tih in hriat khaπŸ€—πŸ€— chhiar tur in nei lo a in khua a har ang chiah hian kei ni pawh in tel lo chuan kan ziak thei bik chuang lo chu vang chuan LIKE, COMMENT leh CLICK kha awπŸ˜˜πŸ˜˜πŸ˜˜πŸ’«πŸ’«πŸ’«



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 7th, 2019, 11:18 pm

CHAPTER - 20 πŸ’« by Amy Cck ( Dream Girl)








" Stop! " Ka hmui a rawn si leh tak ngial dawn tihah chuan ka ti chhuak nghal vak. In zawmna sawi tur em em awm si lo hian duh aiin kan kal thu mah mah thin ka ti kei ngei pawn mahse hepa bulah hi chuan thil thleng tur engmah a hriat lawk theih ngai miau loh!








" Reubena a har tawh mai thei! " Ka zah zelah ka ti chhuak nghal sap. Ka thin phu lah chu thil ti sual ang hrim in a ri nghal dawt dawt a, ni dang zawng aiin a ring emaw tih mai tur in a awm bawk!







" Chance min pek chu i rem ti tihna a mi? Min pe duh lo emaw min chhang duh lo a nih chuan i pawm hma chu ka fawp char char ang che! " A rawn ti chhuak sup a, ka meng bial nghal kawk.







" I zak thei lo! " Ring vak lo chuan ka ti chhuak sap.








" Putar ka nih tawh hi! A ni lawm ni? Chuan nangmah ngeiin i sawi kha kan mi hmangaihte chu kan vuan bet tlat tur a ni! A dik em? " Ka beng bulah chuan a rawn ti thawp sup in a nui tel nghal suk a. A aw cool leh thum deuh dut chuan ka taksa a ti tim deuh chawi a, ka thawk ka ip let vak bawk.








" Kha thil kha.... " Ka ti hman tawh. Mahse ka ngawi leh ta zawk. Ni e.. Kei ma sawi ngei a ni mahse sawi chu a lo awl lutuk mah mah! A tak a han thlen tir dawn meuh chuan hmeichhe awm nem leh rilru no tan chuan thil harsa leh khirh tak a ni tih a tak ngeiin ka tawng a ka hre chhuak ta thung!








" A tha e! I duh ang chuan mahse nakinah kei mah ang hian i na a nih pawn min dem suh ang che! Mi kan hmangaih avang ringawt hian an hmangaihna kan dawng let ve thei kher lo! A then chu kan hmangaihna a nasat a, a san pauh leh tahna leh natna kan in siam tam thin! Chu chu ka hrilh lawk ang che! " Ka ti chhuak sap. Midangah chuan ka sawi hi a dik em ka hre lo mahse ka nunah chuan a ni miau!








" Min hmangaih let ve dawn lo ang maiin i tawng a nia tunah khan! Ramnunsanga ka nih hi, ka sawi tawh chu tih loh ka nei ngai lo! Ka hmangaihna hi ' TLAN CHHIAT SAN THEIH LOH HMANGAIHNA ' ( πŸ’« INESCAPABLE LOVEπŸ’«) a nih hi! Tlan chhiat san tum in emaw min peh hel tum eng ang mah la kei in ka kal tir che a nih loh chuan ka bulah bawk i tawp leh thin ang! " Ka hmai bul chet a rawn kun in ka mit takah min melh tel run a, a hmel... A mit meng leh a chet ziaah chuan a in ring tawk tak zet tih pawh a lang chhuak hial.








" I in ring tawk hle mai! " Ka ti let sap. Kei hian hmangaih dang neih tumna ka la nei miah lo. Muanawma hi ka hmangaih hmasa ber leh ngaihzawng ka hriat tirh ve phat atang a ka suangtuahna zawng zawng pawh a mah nen vek a ngaihtuah thin ka ni miau a. Chuan min bum ve thei lo tur a ka lo ngaih leh ka lo rin ve em em! A nun, a mizia thleng a ka hriat chian emaw ka lo tih khan min lo bum ve a. Hun rei tak ka hriat leh ka lo hrawn hrep tawh pawh in min bum thei a nih chuan he mipa! Hmangaihna pawh nei ngai lo leh rei lo te chauh ka la hriat lakah hian ka in hlan in ngaih ngam tak in ka awm thei dawn em ni?








" I kal thei ang! " Ti sup a hnung tawlh hrut in a ban lian leh sei zet chu a phar nghal hluai a mahse chu ti chung pawh chuan min la hnaih lutuk tho. A thu sawi avang chuan ka melh nghal vat. Ka awm dan chu min nuih suk in a mit ti zim sun in kawngka lam chu min kawh hmuh nghal zat bawk. Kei pawh chu harh chhuak vat in ka hrawk thian kharh kharh in dim te chuan pen pawh ka pen lo ka tawlh sawn dat dat zawk!








A taksa uap na atang a ka tal chhuah takah chuan thaw hak in ka awm zawn ka dawm vang vang a, kawngka lam a ka pen phei tawh chu ka hnung lamah thil rawn che hrut ka mit sir in a hmuh avang chuan rang lutuk chuan kawngka lamah tlan in ka pawt hawng nghal vat a. Ka tlan chhuak tur chu ka hnung lamah mipa aw ri lian zet rawn nui chhuak hawk ka hre bawk. Ka chet dan nuih zat thlak zet avang chuan kei pawh ka nui ve ta ringawt!








Khum chung a naupang chu ka en a, ni e.... Chance pek chu enge a pawi na mahse tunah erawh awlsam tak in ka sawi thei lo. Ka rilru hi a phir tlat a. Ka nat mek lai hian a aia na in ka tuar leh ang tih ka hlau bawk!



*



*



" Kan lo kal mek aw. " Thatei message chu ka reply nghal vat. Damdawiin awm hi ning viau mah i la kei chu midang ang lo tak in nitin hian khaw har in ka awm ngai lo a, a hreawm dan a nuam phian. Chuan zan in pawh hospital atang a hla lo te a thil eiin kan chhuak dawn a. Tih dan thin leh hospital dan chu a ni hran lo mahse ka doctor Muanawma a ni miau a, ka doctor ber in a phal a , a mah ngei a tel ve dawn bawk nen tu man sawi theih an nei lem lo!








Ka U leh Thatei pawh an lo thleng vat a. Kan unau li chuan hun rei tak hnuah kan chhuak ho leh thei ta. Mahse a hma ang in kan in pawh lutuk thei tlat lo. Kan in hau lo na chung in kan ngaihtuahna erawh a hrang deuh ta dawr hlawm a. Kei leh Thatein ka U leh Muanawma kan mil thei lo chu kan hau leh vak thin. Mahse kan min hauh leh ngei ber ten min tih let ve duh miau loh chuan tih dan kawng vak chu a awm thei der chuang lo. Kei mah ni kan in hrem nasa ting a ni zawk.








" I ei dawn lo a mi? " Min rawn be tu chu ka en vat a. Ka hma zawn chiah a Muanawma chuan min lo melh ve reng. Vawin a Ramnunsanga thil sawi vel kha ka lo ngaihtuah leh vung vung thin. Reubena nen an haw hnu pawn ka ngaihtuah chhun zawm char char a nih kha! Chuan in tih thaw ven nan ka chhuak a mahse ka lo ngaihtuah leh tho chu a nia!








" Ummmm....! " Ti nghat in ka hma zawn a ei tur chu ka ei nghal zat a. Muanawma min melh reng pawh chu ka hmu lo der hmak. A bul a ka awm a an rual a ka chhuah avang hian engkim hi a tha leh ta tihna a ni lo. Kei leh Muanawma chauh hi kan chhungkaw pahnih in zawm chhan a ni lo a ka nu leh ka pa, min hmangaih a fa ang tak tak a min en tu te rilru tih nat ve zel ka duh loh avang in kei mah leh kei mah ka in adjust mek a ni zawk. Chu bakah tlem in ka hahdam ve deuh a Muanawman Zirtei kha ka bialnu a ni lo tih tan in a la tang ve miau bawk a. Ka sual nge chu ka hre bik lo mahse tun tut tutah chuan min then a nih pawh in ngaihzawng dang a neih ka la phal lo. Ka sawi chhuak chiah lo nang in ka chhung lam hian a pawm thei lo! Naupang thu dawn tak in ngaih zawng kan nei a nih chuan kei mah zawk in neih hmasak ka duh. Muanawma tel lo pawh in ka hlim ngei a ni tih min hmu in hria se ka duh.








Damdawiin lamah chuan Muanawma nen kan let a ka U leh Thatei pawh an haw tlang nghal. Thatein min riah pui a tum leh viau a mahse Ka hnial ta zawk. Zingah class kal a ngai a, a chang in kei mah vang in a thulh leh thin bawk nen na lutuk ka ni tawh lo a, zingah ka Nu in min rawn kan leh zauh thin bawk nen ka U a rawn lang ve bawk a zan lam pawh riahpui kher ka phut tawh hran lo. Mahse Muanawma erawh a night zan a nih avang in kan let rual a ni mai a. Motor chhungah chuan kan thu ngawi chawt a, tu a mah mah tawng tum ka awm lo a ni ngei ang!








" I hmui kha a in thui ping a mi? " Driver seat a thu chung chuan a rawn ti sup a ka ner nang. Hman ang kha chu ni se ka tawng leh char char a nga, eng eng emaw thu ho zet zet sawiin kal kawng hi ka tum tawi leh ngei ang mahse tunah chuan engkim a in thlak tawh. In hnaih tak in awm mah i la kan ngaihtuahna erawh a hrang dawr tawh ni maiin ka hria!








" Enge i hriat a? " Motor chu a ti ding dawt a hma lamah ka awn dawr dawn emaw ka ti hman mahse a kut sei zet chuan min rawn vuan hman hram!








" Kha pa kha i thlang tak tak dawn a maw? " Ka dar a min vuan reng chuan a rawn ti chhuak hrawk a , min melh ngur chung chuan motor stearing chu a hum nghet vak bawk! Ka chhan na chhan tur hi ka hre lo lutuk chu ngawi kar in a mah pawh en duh lo chuan hma lam ka melh ngar thung.








" Hmangaihkim! Min chhang rawh? " Ka chhang mai dawn lo tih a hre ve bawk a niang. Ka dar a rawn hmer leh hrawk in a rawn au chhuak ta thawt! Kei pawh chu ka phu dawr a, ka dar a hmer na chu a nat mai bakah ka ban ruh tliak la dam chiang lo nen ka then tel nghal sawk!








" Min ti na a nia! " Ka ti let vak a. Hre chhuak thut ang maiin a kut chu a la sawn a, motor stearing chu a chum nghal dawt bawk. Muanawma thinrim hi ka hmu ngai mang lo ka ti kha. Tun lai erawh kan in ti thiam lo in kan in then e ti lo hian min thinrim khum fo a, awm lo deuh deuh ah min hau reng bawk.








" Sorry! I tha em? " Ka dar ka dawm vang vang hnu chuan a rawn ti sup. Melh hrak in ka damdawiin lamah let vat ka duh thu ka sawi nghal fak bawk.








" Nang hian hmangaihna tam tak dawn I phu a sin! Mahse ti nge mipa fa nei tawh kher chu i thlan tlat a! I nun atang a hla tak a ka kal chhuah hunah i hlim ngei a ni tih hriat ka duh a! Eng harsat na mah i tawk lo a ni tih thleng in mahse ti nge a harsa zawng leh luhlul zawng hian i awm tlat! " A rawn ti sup a. A thu sawi dan mak zet avang chuan ka melh nghal vat a mahse min en lo in hma lam a melh daih thung. Hla tak a kal tur ang maiin a in sawi a. Chuan a hmel hi a lungngai tak zet.








" Enge i sawi awm zia! Khaw nge i kal dawn? " Ka ti ve sap. A aw rawl a san tawh bik loh avang in kei pawh ka tawng ring lutuk ta bik lo. Min en lo bawk chuan a rawn then suk a. Khang hun chhung zawng khan tun tum ai bak a Muanawma lungngai hmel hi ka la hmu lo! Chuvang chuan ka hua emaw a chungah ka lawm lo a nih pawn ka ngaihven a ngai tih ka chhung lam a mi hian min rawn hrilh bawk.








" Kal dawn maw? Ka kal daih tawh zawk chu a nih hi! Hmangaihkimi lak atang in a ni tel in ka hrang tulh tulh a. Min ngaihven lo in mipa dang i ngaih ven a. Ka thu sawi engah mah ngai lo in min hnial reng bawk a! Tun tum chiah chu ka thu hi awi la kha pa kha kal san rawh! I hriat kha a nupui pawh hmeichhe dang vang in a then a. Ka hriat chian mi tak a ni bawk.... Dinpuii ... A ni kha ka farnu ang chiah a ni ve a....! "








" Duh tawk rawh! I duh dan dan in midang i puh ringawt thei lo. Chuan Ramnunsanga hi ka hre chiang ber chu ka ti lo mahse nang ai chuan ka hre chiang. I ngaih ang kha a ni lo! Fapa a nei tawh thuah kha chuan, min hriat kha hmangaihna a awm chuan engkim hi a leng vek! Kei mahah ngat phei chuan a danglam phah lo! " Ka ti let fak. Zam duh bik lo chuan ka melh let ngar a. Hahthlak mintih hmel zet in a thaw chhuak nghal hawk bawk. Muanawma bulah Ramnunsanga nen in zawmna nghet nei ang mai a ka tawng thin hi ka duh bik lo mahse ka lo ti leh thin.








Ramnunsanga ka tan em em vang bik pawh ni lo , a dik lo zawng a a ngai kawi tlat hi ka duh lo. Chuan Hmingmawii a then dan vel ah kha chuan kei hian ka hre chiang ve bawk , tun a chhiatna thlengah pawh hian kum 3 chhung tang tur leh pawisa chawi tui in Hmingmawii hrem a ni bawk. He thilah hian kha hmeichhia Dinpuii khan tel ve na a nei lo a. Kha hmeichhia vang khan Ramnunsanga hian a nupui then in a kal san hek lo. Kal san na tur thil lian tham a ti vang a kal san a ni bawk. Engvang a Ramnunsanga leh Dinpuii pawh chu sawi zawm duh lo viau nge ka nih ka hre bik lo mahse tun a ka thu sawi hi chu ka chiang ve tawk.








" Kei chuan i thatna tur leh i natna tur pum pelh tir che ka tum mai a nia! " A rawn ti nawn leh sup.







" Ka na tawk tawh viau a ni! Nang in min kal san khan ka natna ka pum pelh ang maw? " In sum tum viau mah i la ka aw chhuak ah chuan ka nat zia a rawn ri tel ta tho. Muanawma lu rawn bu nghut ka hmuh chuan ka nui chhuak hak. Ka nuih zat vang ni lo in ka na lutuk awm ngaihna hre lo ka ni mah zawk.








" Hahhh.....ka awi thei lo! " Ka ti chhuak halh. Min kal san vang in ka natna tur ka pum pelh dawn a nih chu! Chu chu chhuan lam mai a ni. Min kal san a tum ni a tang chiah khan bum nih nat zia leh hmangaihna hi a in thlak thleng thei tih ka hre chhuak bawk.








" A hma ang a kan awm thei tawh lo a nih chuan i thian emaw i unaupa ang tal in min en la chuan i natna te ka chinfel sak thei mah na che! " A rawn ti chuan ka tap chhuak lo mahse ka mit atang in mittui a rawn luang chhuak nghal zawih zawih thung. Ka bialpa ka lak a thu nei em em thin khan ka thian emaw unaupa ang a awm a duh thu a sawi a tu hmeichhia hi nge nui thei ang!







" Ka mamawh lo ve! Unaupa innghahna tur ka nei a chuan thian pawh ka lam a tang tlat thin ka nei bawk! Chuan thil pakhat ka rinna zawng zawng ti keh chhe vek Tu hi engvang in nge ka hnaih duh teh lul ang che? " Muanawma melh ralh chuan ka ti chhuak leh sap. A hmel chu a thim ve khup a mahse kan sawi ta sa sa , peh hel a hreawm tuar ai chuan ka sawi kaw ta sa sa sawi fel law law ka duh ta thung!








" In hmu lo kum khua chuan ka awm thei lo tih i hria, ka nu leh ka pa te vang pawn kan in nghir ngho reng thei lo mahse min hmuh pawn min biak tum kher tawh lo la, min ngaihsak leh min duat deuh ang pawn lem chang duh suh! Hmeichhe dang in zawmna siam pui i duh pawn ka hnial lo che chuan ka nunah hian rawn in rawlh emaw thu neih rawn tum tawh suh! " Ka ti chang ta fak ka thin rawn phu dawt dawt chu control tum in ka thaw chhuak nghal hak bawk.








" Chu thil chu i duh dan a ni chiah em? " A rawn ti sup. Tawng chhuak lo chuan lu ka bu nghat. Ka tawng chhuak a nih chuan ' Aii.... Min hlat a nih pawn hmeichhe dang i hnaih ka phal lo ' ka tih khum chiam ka hlau tak zet! Thaw chhuak hawk in motor chu a ti nung a engmah sawi tawh lo in a tlan chhuak zui nghal zat a. Ka hmel a hmuh theih loh nan motor tukverhah chuan ka dak chhuak nghal hmak bawk! Ni ee... Hma lam pan a hun tawh te pawh a ni mahna, ka haw reng lo a nih pawh in ka rin na erawh engtikah mah a nei let tawh dawn lo.




*



*



" Putar tih pawh chu a haw viau a mi le! " Damdawiin chung zawlah chuan ka ding vang a. Zan lam mah ni se boruak hi a nuam fu. Damdawiin kawr chungah chuan puan ka sin thuah a, van lam thlir chuan ka phun chhuak sap.








Ni a ral ve zel a , kha mi ni bak kha Ramnunsanga a rawn lang tawh miah lo. Reubena erawh nitin a rawn kal tho a driver in rawn thlah in a rawn lam leh mai thin! Ramnunsanga reh daih chhan chu hriat ka chak viau nan Reubena zawh tlawng erawh a pa a lo hrilh leh chuan zahna ti tam tu mai mai a ni dawn tih ka hre ve kur bawk si a ka in sum ta hram hram!








" A tlai tawh a nia! Damlo tan chuan room a luh a hun tawh viau! " Ka hnung lam atang a rawn ti tu chu a lam hawi kher lo pawn tu nge a nih tih ka hre lutuk tlat!







" Eng tin nge he tah ka awm tih i hriat! " Thaw chhuak vak in ka ti sap. Dawmdawiin chung sang atang chuan ka dak veuh veuh bawk.







" Kei in ka hriat loh in tu in nge hria ang! " A rawn ti sup a, ka nui sak. A ti dik, min hre chiang em a lawm!







" Ka chhuk tawh a nge! Ka Dr ber in chhuk tur a min tih chuan! " Nui lui sak in Muanawma chu ka melh vah a. Ka kal pel nghal zat bawk. Pangai tak a in biak rawt chhuak tu ni mah i la ka tan chuan in biak tam loh hi a tha ber rih miau! Ka nu leh ka pa pawn pangai tak a kan lang chho tan chu an lawm tih sawi kher lo mahse an hmelah a lang chhuak a. In pawh viau tawh lo mah i la ka nu leh pa hmuhah chuan lan pangai hram ka duh miau!








Step ah chuan ka pen thla thlep thlep a ka hnungah min rawn zui ve nghal tih ka hria. Naktuk chaw hnu lamah ka chhuak thei tawh dawn a, ka lu pawn kan tuam tawh hran lo ka kut erawh a tliah avang in kan la cher a ngai thung! Damdawiin ka chhuak san hunah phei chuan Muanawma hi ka hmuh vak tawh pawh ka ring lo. Hna ka chawlh san rih a ngai dawn a. Damdawiin ka kal dawn tawh loh miau chuan in hmuhna vak tur a awm tawh lo! Ka tan leh Muanawma tan pawh a thawven thlak zawk bawk ang! Lem chan reng ai chuan!








"Mangtha aw! " Ka cabin ka lut tur chiah chu a rawn ti sup a. Hnung lam ka hawi chu Muanawman min lo la zui ve reng. Bu nghat in kawngka ka pawt hawng a ka lut nghal zat bawk. Kawngka chu ngheng vang vang in pawn lam chu ka ngai chang ran a pen sawn thawm ka hriat chuan ka thaw nghal siai siai!








" Damlo chhuah ruk ching i nih chu ka ring lo a! " Rawn ti thum dut tu avang chuan phu dawr in rang lutuk in kawngka chu pawt hawn leh mai ka tum a mahse thim tham couch a mipa thu avang chuan ka tawp leh nghal chawt! Room chhung light a in off vek a tukverh atang a eng rawn lut bak chu eng dang a awm lo! Mahse tukverh bul couch a a thut miau avang in a hmel ka hmu thei thung!








" Ti nge tun ang hunah i lo kal? " Ti sap in ka pan hnai nghal zat a. Reubenan rawn kal a ngen ti dawn I la Reubena hmel ka hmu bawk si lo. Chuan zan dar 8 a pelh tawh a in kan a hun tawh lo hul hual bawk.








" Ka ngaih vang che ti ta i la! " Nui tel suk in a rawn ti thawp sup a, ka thin chu a rawn phu nghal dawt dawt. Kha ti chhung kha a reh hmak a chuan a rawn lang leh thut a min ngaih thu a rawn sawi leh nghal a engvang in nge ka ham haih loh teh lul ang! Hmeichhia ve tho ka nih hi!








" Mahse min ngai ve vak lo a nih hmel! " Ti hmuk in min rawn melh nghal run a. Room pawn a Muanawma nen kan in mangtha kha a hria tih a hmelah a lang vek. A mit meng chu a thim khum a, a sam dum hlap nen chuan a in hmeh vel vek! Ngawi kur in min en ngur bawk si chu a hma zawnah naupang thil ti sual ang dak hian ka ding ngawi kar a. Ka puan sin chu ka zah zelah ka pawt deuh sek bawk!








" Hei.... I tha em? " A rawn awm dan avang chuan ka ti sap. A mit chhing sawk in a lu a rawn thing ngut a. A lu a hai te pawh a ang rum rum!








" I tha em ka tih chu? " Ti nawn leh sap in couch ban a a kut hrawl leh lian zet rawn thluang deuh zuar chu ka tawk zeuh a. Ka meng bial nghal kawk. Ka kut hmawr mai ni lo chuan ka kut phah chuan ka vuan chawt a, hepa hi a tha miah lo a taksa hi a sa vur maiin ka hria! Mahse ka chian loh avang chuan khawr deuh tut hian a chal chu ka tawk leh nghal da da a!








" I pang hi a sa in ka hria! Damdawi....ohh......nat chhawkna damdawi ei rawh aw!" Awm hnaih a tiin a chal chu ka kut chuan a vuan vang vang a. A mit meng chu sen deuh rum in a meng cool ruih a, kawng leh lam takah chuan a lan dan chu a pa ka ti viau! Engvang a dam tha lo chung a lo kal nge a nih .... hahthlak hian. Damdawiin chu a rawn pan ve meuh mai mahse a rawn kal chhan chu a dang daih bawk si! A mizia hi ka hre thiam thei ngai dawn lo a nih hmel.








" Hmela! " Khum bul pawhdawh a damdawi la tur a kal sawn ka tum chu ka rak nghal that! A chal ka khawihna atang a ka kut la sawn in kal sawn ka tum kha ka ban rekah vuan in a mal chungah min pawt thu deuh hnawk a nih chu! Melh rawm in tal chhuah ka tum nghal phat a mahse ka kut leh lam la in tuam bur nen, nat chu na lutuk tawh lo mahse tan a har deuh talh mai.








" Thinchhenu! " Min kuah nghet leh zual in ka beng bulah a rawn ti sup a. Ka va han ngei mai mai tak.






" Khawi teh! Damdawi ka lak dawn che a lawm! A nih loh pawn haw la va mu hah dam rawh! I damlo tak tak a nge? " Ka ti pawh chuan engah mah a ngai duh tlat lo. Hre lo ang hmak in a awm thei a nih chu!







" Tal duh suh i hah thlawn mai mai! Ka ngai che ka tih kha! " Ka beng bulah bawk chuan a rawn phun leh sup. A tawng zawng a a ka atang a boruak lum rawn chhuak chuan ka beng leh ka nghawng vel chu a ti lung hawk hawk bawk.







" Mahse i damlo..... "






" Ka tha! I thu thlukna ka hre duh! " A aw chu a thum tha in a mah hmu kher lo pawn a pa lian in a hrawl tih a hriat ngawih ngawih! A mal chungah thu in a ban chu ka ngheng ti tih a. A ban leh lam in ka tal chhuah theih loh nan min kuah in ka kawngah a vuan tlat bawk!








" Eng thu thlukna? " Ka ti chhuak sap a, a mah en thei tur in ka dak chho nghal ha bawk. Mahse a mit meng thim deuh khup leh tawrh har zet avang chuan chil lem kalh in ka kun leh nghal vat a. Ka kut na lo lam zawk chuan a tie chu ka tham nghal vak bawk!








" Thu thlukna maw! Zawhna tawi te mahse chhan harsa zet ni bawk si hi ti nge min zawh ziah a? In hmangaihna hming pu tur khawp in nang leh kei a in karah hian feeling danglam a awm lo a. Chu ai chuan kan in hmuh tawh hi chuan buaina a awm ziah zawk! Mahse ti nge.....! " Ngawi dat in ka thaw chhuak nghal halh. A awm zawn a ka awm avang in a lungphu ri thum dut dut leh ka lungphu ri in chhawk chu ka hre kar bawk a. ' a lum nuam lutuk! ' ka awm zawn a mi hian a rawn ti bawk.








" In hmangaih tur in chhan a awm a ngai tih dan a awm a nih chuan vanduaithlak tak in kei chuan chhanna ka nei lo! Mahse nang ka hmuh atang che hian hmangaihna awm zia ka hria a nang i awm loh chuan mi pakhat, hna atchilh tak ve mai ka ni. Nang te reuh hian hmangaihna chu enge? Engtin nge a lan chhuah min hriat tir a sin! " Ti sup in a rawn nui nghawr nghal dawt bawk.








Thim thamah min hmu thei lo tih ka hriat vang chuan ka nui ve sak. A thu sawi kha engtiang tak a hriat nuam nge tih a hre hauh lo ang. Mahse ka tan chuan an mawiin ngaihthlak an nuam tak zet. Mi pakhat hmangaihna ka hriat thiam tir tih tun lawkah khan ka hria a nih chu! Engvak nge ka tih kei hian ka hre bawk si lo chu mak tihna ka nei hial bawk!








" Ihhh.... Min thlah tawh la, pangai tak in kan sawi dun dawn nia! " Ka ti sap. Engvang a tawng nem ta viau nge ka nih? Mahse ti ringawt chuan kan awm thei lo, a thim deuh thiap bawk si mi an lo lut a nih vaih phei chuan ngaihdan tha lo an nei hrim hrim. Chuan chu chu ka duh lo he hmun hi ka hna thawhna a ni bawk nen! Tunah chuan damlo ni mah i la staff ang in ka la let leh dawn miau a.








" Tal tawh suh! Thil tha lo zawk a thlen i duh lo chuan! " Nui deuh suk in a rawn ti sup a. Chu mi rual chuan a aia rem a min sep kang deuh in min kuah leh hlu hlu a nih chu! In chung atang in vawt tiin ka chhukah tunah chuan vawt lam chu a lang tawh lo. Taksa lum vung vung in min kuah khawm vek a, a taksa min uap lumna chu thu hran a awm dan vel hian ka taksa a ti so bulh bulh bawk.







" Maww.... Hei nang hi...! " Ka tal leh laih chu ka tawp chawt. A chhan chu ka mawng zawnah hian thil dik lo a awm. Sawi dawt ngam lo mah i la nula kum 23 mi ka ni tawh a mipa taksa rawn danglam te chu ka hna vang hrim hrim pawh hian la hre lutuk tlat!








" Feeling kan nei lo i ti ti raw! Mahse kei mahah chuan a ni chiah lo a nih hmel! " A rawn ti thawp sup a. Chhan tum a ka hawi chho chiah chu ka hmui a rawn khar chilh nghal chawt! A awmah nem sawn ka tum chu a kut lian leh hlai zet chuan a rawn hum bo nghal vek a, a kut pakhat zawk in ka chet theih loh nan ka kawngah a vuan bet nghal tlat bawk!







Min fawhna chu chhang let lo in ka hmui ka chip lui tlat a mahse min fawhna erawh tawp a tum hauh lo tih a chet danah a lang chiang lutuk tlat bawk! A hma aiin a uar tulh tulh emaw tih tur in a che a, boruak mamawh a ka hmui ka chet lai chu rem changah la in a lei lum ham ham leh thap hrak chuan ka ka chhung a rawn lut der! Zawi muang a chet la in dam zet mahse duh thaw ru zet si chuan min fawp a , eng tik laiin nge ka lo in thlah dul hman ka hre lo, ka kut a vawn beh na chu thlah dul tial tial in ka ban bul chu sawi muang in a rawn zut chho a nih chu!








Dang tur ka ni tih ka hria mahse dan chu khawi lam a tie ah vuan bet nghet sauh in min fawhna chu ka chhang let ve nghal tan tan a, ka chet dan avang chuan rawn nui suk in a kut lian leh lum vung vung chuan ka nghawng tuai tel heuh heuh in zei zet chuan a lei a chet nghal nghawng nghawng a! Tiang hian in fawh hi nuam ka la ti ngai lo. Muanawma nen kha chuan in ngaizawng kan ni a, a tur ah ka ruat ve tawp. Tun ang hian thluak khawi buai map khawp in kan in fawh pawh in feeling ka nei ngai lo!








A kut ka nghawng a tuai neuh neuhna chu sawn thla in ka hnute chu a rawn tam nghal tawk a. Ka thaw chhuak nghal halh. Min fawp reng chung chuan ka hnute chu a hrawm tel nawk nawk a damdawiin kawr chiah ka hak avang in a kut lum vung vung pawh chu ka feel thei. Kawr hnuai ka hak lo avang in ka hn*te hmur rawn tang tan chu a kut tang hrawl zet chuan a hrual leh nar nar thin! Ka taksa rawn lum pup pup leh ka thawk rawn rang zual sauh chuan ka danglam tan mek tih a ti lang chiang lutuk bawk. Hnuai lamah a mipatna in min do run tawh nen ka ngaihtuahna chu a fim tawh hlawl lo! A aia kal thui ka chak a, mamawh ka taksa hian a nei bawk!








" Kha feeling kha engtin nge i sawi fiah dawn? " A che tawp thut in a rawn ti chhuak sup a. Ka ngaihtuahna chu rawn fiam nghal zawk in rang lutuk in ka tal nghal vak a. Vanneih thlak tak in min thlah ve hram. A hma zawnah chuan ding in chhuat a ka puan sin tla ta daih kha ka chhar nghal vat a. Ka awm dan zahpui awm zet avang khan hawi pawh ka hawi chhuak ngam lo. Ka puan ken chu ka hum ngawt ngawt a, room chhung thim deuh khap chu ka lawm ngei mai!








" Chhuan lam siam tum buai tawh suh! Zep hauh lo in nang hian ka lakah feeling i nei bawk! Naktukah i chhuak dawn tih ka hria a, hruai tur che in ka lo kal ang! " A thutna atang a rawn ding chhuak vut in ka hma zawnah a rawn ding khawng luah a, a kut pakhat a a kekawr ipte zen in leh lam in a hmui a tui nghal zawk bawk! Hnuai lam ka bih ngar avang in a kekawr kap rawn puar deuh ul chu ka hmu chiang lutuk ringawt. Thawk har zet in mit ka chhing nghal sak bawk!








"Mangnuam!" rawn pen hnaiin ka beng bulah a rawn ti sup a. A rawn awm hnaih rual in a biang hmul tlem chuan ka biang a rawn nul tel nghal thuak bawk. Ka irh fiak nghal ak a, rang lutuk in ka hmui ka hup nghal vat bawk. Nui suk in a ding mar leh vut a, kawngka lam pan chuan a pen phei nghal pawk pawk a, muangchang a in her in a hnung lam atang chu ka thlir ngawih ngawi tawp. Kei hi ka a zo vek tawh! A mai tawh ni lo a mawl in ka mawl khat tlat!








" Heii.... Kimbawih! Nizan mut i kham lo a ni maw?. I helh hawlh chiang ti raw? " Thatei chuan thil pack fel malh malh in a rawn ti a. Ka nui lui sak. Nizan ka mu thei lo ngei a mahse damdawiin ka chhuah dawn vang ni lo in Ramnunsanga vang zawk khan! Ka lo hruai ang che kha a ti a mahse ka U rual in ka chhuak dawn a nih hmel a, chu ti chung chuan a khat tawk in kawngka lam ka melh leh ringawt zel bawk. Min tih der a nih ring rum rum chung in ka lo melh leh thin.








Ka damdawiin bill vel hi Hmingmawii chhung ten rawn pek an tum a mahse ka U in a hnial fi thla thak. Mahse eng tin nge an in biak chu ka hre chiah bik lo a Ramnunsangan min pek sak dawn a nih hmel. Khawngka rawn in hawng rakah chuan rang zet in ka hawi vat A mahse ka hnual leh nghal rawi rawi thung! Ka U leh Muanawma rawn in zui lut chu ka lo melh vang vang a. A hma kha chu ni se tunah hian he room chhungah hian ka mamawh engkim an awm kim vek! Ka U, Muanawma leh Thatei. Mahse tunah chuan ka chhung lam a mi hian nghah dang a nei tawh tlat!








" Inah ka drop cheu a nga dawrah kal leh lawk ka ngai dawn a nia! " Ka U in a tawn ti chuan ka ner nang. Damdawiin ka chhuah ni pawn hna a la ngai pawimawh tho a nia! Haaiiii..... Ka U chuttea hi chu aw!








" U Remruata chu i ti mak thei e! I nau damdawiin atang a chhuak ve dawn em em a, a mah a kal San leh i tum a nia! " Thatei chuan mit min rawn siai zeuh in a rawn ti chhuak vat a. Ka lo nui ru sak.








" Ka naute duat hi a mah in ka kal san dawn hlei nem! Kan inah ka drop cheu a nga nang in i lo buaipui a nga, rawngte i lo bawl sak a nga! Kimkimi chu lalfanu ang in a lo awm mai mai ang! Vawiin i hna a nih chu! " Ka U in a rawn tih chuan Thatei lawm lo hmel chu in sum lek lo in ka nuih pui nghal hak hak. Tum bar in a thil tih a chhun zawm nghal mawlh mawlh a. Ka U lah a nui suk suk duh chauh leh nghal!








Kawngka rawn in nem hawng a mipa rawn pen lut avang chuan ka nui tawp chiang a sin aw! Ramnunsanga chu kamis maroon dum dak zuih leh kekawr dak thlup ha in a kamis chu a kiu thleng a thlep in a rawn rawn pen lut nghal pawk pawk a. Min rawn melh vut in a nui nghal suk bawk. Kei erawh lai zet in ka hawi sawn nghal daih thung. Muanawma leh ka U chuan an lo melh ve vat a. Ramnunsanga chuan ka U bul lam pan in eng thil emaw sawiin ka U nen chuan an chhuak nghal daih bawk!








Thatei nen chuan in melh in enge tih nan dar a rawn san ak a, ka hre bik lo tih nan ka lu ka lo thing nghal nak bawk! Muanawma pawh tih tur dang a nei thu sawiin min mangtha zauh in a chhuak ve nghal vat a. Kei erawh ka U leh Ramnunsanga khan enge an sawi a an tih tih ka ngaihtuah daih thung!








"Kawnge ka U? " Room a Ramnunsanga rawn pen lut vut chu ka lo zawt nghal vat. Nui suk in a hmui a ti sawi zauh a, a tih dan thin in a kut pahnih chuan a kekawr ip a zen lut leh nghal hlun bawk.







" Remruatan pawn lamah a nghak che a, Hmangaihkimi chu ka rual in a rawn kal ang! " Thatei melh ngur chuan a ti sup a. Ka lo ner nang, enge a sawi awm zia? Chuan engvang a thu nei tu ber ang maiin a rawn khaw sa nge a nih! Lalthazuali lah chu a hma a a tawng theih theih nen ngawi hmak in Ramnunsanga chu a melh deuh haw a. Nakinah zawhna a la ngah dawn tih erawh ka hre ru kar thung! Khum tlang a thu chung chuan Thatei chhuak chu ka melh mawl tawp. Tunah hian Enge thleng hi! Engtin nge ka U in hepa rual a haw tur hian min tih theih!








" Chuan.... Nizan i mu thei em ? " Khum mawng lam atang a rawn pen hnaiin ka hma tak ah a rawn ding nghal run a. Ka lo en reng lai chuan rawn kum hniam in a ban lian zet pahnih chuan ka sir ve veah a rawn in nem khalh nghal run bawk!







" Enge? " Zam ang a lang duh lo chuan mit ka san khum ak a. Nui suk in min rawn awm hnaih leh zual nghal zat bawk! Min chhang lo chuan then suk in a rawn awm hnai zel a, kei pawh chu ka awn ve nghal riai riai. A mit meng thim khup mahse thinrim mit meng ni hauh si lo chuan ka mit ah tak min melh run a, a zam awm duh tak zet.








Kawngka lam ri khap ah chuan thaw hak in ka hawi vat a, Thatein thil theihnghilh a nei a nih ka ring a mahse kawngka a lo ding vang chuan ka meng bial nghal kawk. Muanawma nen kan mit a in tawng nghal sak a. A mit mengah chuan kan lo awm dan chuan a thawng tih a lang vek bawk. Ramnunsanga pawh chuan ka hawina lam chu a hawi ve nghal vut a, kawngka a ding a hmu rual chuan a kut pakhat chuan ka kawngah a rawn vuan
nghal chawt a, a lamah min hnuk hnai nghal hrawk bawk!





πŸ’«πŸ’«πŸ’« ka lo muthlu daih aπŸ˜‚πŸ˜‚πŸ™πŸ™πŸ™
ka harh thut a ka rawn ziak zung zung a ka rawn vawm lut awπŸ™πŸ’«πŸ’«πŸ’«

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 7th, 2019, 11:18 pm

CHAPTER - 21 πŸ’« by Amy Cck ( Dream Girl )








" I tha em? " rawn ti sup tu chu melh vat in ka lu ka bu nghat a ka nui lui nghal sak bawk. Driver seat a thu chung chuan chik zet in min lo melh run thung.








" Ka U bulah khan enge i sawi a? " Kan thu sawi thlak chuan ka ti let vat. Dik tak chuan liam tawh chu liam tir a eng mah ngaihtuah buai lo a hun kal dan zel a awm ve hi ka duh tawh zawk.








" I farnu hi ka rual a I kal tir loh chuan ka ru ang ka ti! " Nui suk in hma lam a hawi nghal vut in a ti a nih chu! Awi lo lutuk in ka ner nghal vak a, chu chu a rawn hmuh chuan ka biang a rawn tawk zeuh a, ngei zet in ka lo melh let thung.








" Ok... Ok.... A tha e..... Reubenan hmuh ve che a duh a chuan school an bang dawn tawh a ka rual a rawn kal in kan lam nghal a nga chuan.... In in lamah kan kal tur thu ka hrilh! " A rawn ti nawn leh sup a. Eng tin mah chhang lo a ka melh rawm a vang chuan thaw chhuak hawk in a kut a rawn vai nghal thuak a.








" A tha e.... Ka ngen te pawh a tih theih ang! " A rawn ti chhuak hawk a. Ka nui nghal var var.








" Ti nge... Mi thil ngen emaw dil hi i hreh em em leh! Ka sawi awm zia chu ka hriat tir a tang phat che khan. I fapa damdawiin khumah thih sual in a mu a mahse nang chuan doctor ho theih tawp chhuah a a dam leh theih nan a han dil a han ngen ai chuan thu pe in i ti hlau thawng a....! " Ka melh zawk a min lo melh ve ngur a a then suk avang chuan ngawi dat in thawk ka la nghal halh.








Ka sawi dik reng bawk a, room a rawn luh rual a a thinrim mit meng vang khan engmah ti sual ve lo thleng khan kan kim ki vek a. Ka ngaihtuah let a Hmingmawii lo hlauh dan tur thleng in mahse tun a a thil tih ngaihtuah chuan hmeichhe nasa tawk ve tak a ni tih a hriat .








" Chu tiang chuan i ngai maw? " A rawn ti chhuak sup a. A hmelah nuih za hmel a la lang zawk a nih chu. Enge nuih zatthlak pawh ka hre nek lo.








" Ummm..... Ngaihtuah let ve la private nurse ang a min lak i tum lai pawn, ka rem tihna la hmasa miah lo in director te i lo be hmasa daih a. Chuan thu min la pe ang deuh deuh bawk a! Aa. . .. A tam mai ka sawi seng lo. I mak ti hian a sawi seng lo zawk! " Ka aw ki san in ka ti chhuak ta vak.








" Ka nun chho dan a nia! " Min melh zawk in a rawn ti sup.






" Engmaw? " Ka ti let ve ha.






" Ka nun dan a ni ka ti a nih chu! Engkim hi ka tan chuan deal vek a ni a. Ngen emaw sawm ai chuan thu pek chuan kawng a su kaw hma zawk bawk! Mi tu pawh hi kan chung en a nih chuan an pawng pawrh tulh tulh thin! Chu chu ka nun a ka lo tawn tawh a ni bawk! " A rawn ti leh sup a. A aw chu a thu tak phian leh nghal.








" Ka awi thei lo! Ka tawng upa thiam ve chhun ka hrilh ang che ' tawngkam tha in sial a man' an ti thin. A awmzia chu.... ..enge i nuih zel a!" A lo nuih leh suk avang chuan ngei zet in ka ti ta chiam. Naupang zawk ka nih avang hian engah mah min ngai lo a maw ni?








" Sawi la! " Ka thut tum bar takah chuan a rawn ti sup. Hre lo ang hmak in hma lam ka melh ngar a. Ka sawi dawn a min nuih vel khang lang a ka tawng tawh ma lek ang! Motor chu kawng kawiah chuan herh kual pawp in min rawn melh leh zawk thin. Ka mit sir chuan ka hmu reng mahse ka va han tawng tawh awm lo tak!








" Fapa fel zet ang in ka pa thu kha lo awi lo i la chuan nupui ka hmangaih miah loh kha ka nei lo a nga tun ang nun buai chuar zet hi ka nei kher lo ang! " Kan ngawih dun vang vang tak ah chuan a rawn ti chhuak sup. A lam chu ka melh vat a mahse min en lo in hma lam a melh ngut a, a mit meng thim khupah chuan eng emaw ngaihtuah let a ang viau bawk!








" Mak ti vak duh suh, kan nupa.... Oh.... Nupui hlui nen kan in kar chu i hre ve nual a mahse a bul tak i hre lo thung. Ka nunah hian hmangaihna leh romantic lam hian hmun an chang ngai lo. Lehkha ka zir laiin ka zir ngawrh em em a, hna ka neih a ka hnaah ka rilru zawng zawng ka sawr bing leh a. Mahse ka chhungte avang in Hmingmawii nen khan kan in nei a, kei pawh in ka lo hnial hran lo. Hnial lo tih a, nupui neih kha ka la tum lo hrim hrim zawk, ka pa bulah pawh ka dil a mahse awm zia vak a awm lo, sumdawnna ka enkawl dawn chuan a duh zawng hmeichhia ka neih a ngai a ti mauh mai sia, ka nu erawh i hriat kha. Mahse hmangaihna a awm loh chuan rei a lo daih theih hauh loh.








Ka harh chhuah meuh chuan kan karah Reubena a lo awm der tawh si a. Mahse in then chu kal tlang pui tho ka duh a. Ka pa ka zah em avang in leh kha tih lai khan damlohna nasa tak in a tlak buak a, rei a dam tawh dawn lo tih thleng in kan hre ta a, ka pa min ngen ang in kum 5 , Reubena lo len deuh thleng tal tiin min in tiam tir a. Pa te thu chah hnun hnung han zawm loh chuan fapa mal ka nih ang in ka hre ve a kum 5 chu a ral duak duak a lawm tiin ka pawm leh a! " Nui suk mah se motor stearing a humna kut tang tawlh tawlh leh a hrawk bawk che ralh ralhah chuan a nuih a zat loh zia ka hmuh sak daih thung!








" Chuan kum 5 chu a ral tawh a! " Ka lo ti sap.






" Ni lo e ... Kum 3 zawk maw le. Mahse khang kum ral taah khan kan nupa in kar chu a khi zual tulh tulh a, in kha ka hne ngawih ngawih a, hna lamah ka rilru ka pe nasa leh zual bawk. Kar khatah vawi hnih vel chu inah ka riak mai thei! " Min rawn melh vut in a then nghal suk bawk. A thu sawi vang chuan ka ner nang, kar khatah vawi 2 chiah maw eng ang chhungkua nhe ni ngai ka ti hial.








" Eng tin nge i theih zawk? Urrrggg. ... Ka hre leh si hmeichhe dang i kawp ve tho kha! " Ka ti chhuak fak. Ka tawngkam chu a mari chiah lo in a lo dang tu tan pawh a lawmawm dawn hauh lo tih ka hria mahse kha bak a thup mawi dan ka hre lo a ka thuam hek lo. Ka rilru a a lan ang hian a rawn ri chhuak leh tawp thin.







" Nang pawn kha tiang khan i ngai a maw? " A rawn ti sup a, a la nui zui maw le..







" Aa... Ka hre thiam e! I thik... A dik em? " Tum bar a ka thu chu a rawn ti chhuak sup a. Ner nang in chhan pawh chhang lo chuan tukverh lam ka hawi nghal hmak. Ka thik tak tak leh nghal in ka hria! Ka a zo tak ngial dawn. Reubena te school gate bulah chuan motor a ti ding dawt a. Naupang then khat pawh an lo bang tan tawh! Reubena pawh a ban a hun ve chiah bawk. Driver seat lamah thawm eawm kawngka hawng ri ka hriat mai log avang chuan a tawpah chuan ka hawi phei leh ta nge nge a mahse ka thil hmuh avang chuan ka thutna tukverh chu ka ngheng nghal rawk a, ka kut ka sawh deuh avang in ka rak nghal that bawk.








" I lu bur te tak te a I ngaih tuahna kha ka ti danglam thei lo . Mahse tunge ka hmeichhe hnaih leh ka ngaihtuahna luah chu i hria a lawm! A ni em? " Ka lam a rawn awn hnai in a rawn ti chhuak sup a, mit khap fak fak in ka melh mawl tawp thung ! Chuan rapthlak khawp in ka thinphu a rang bawk a nih chu.








" Ka hre lo! " Harh chhuak thut in ka ti chhuak vak a. Han nam sawn mai ka tum a ka kut a na tih ka hre chhuah chiah bawk.







" Tak tak maw? " Rawn awm hnai leh zual in ka beng bulah a rawn ti sup a. Ka nghawng lum deuh hak avang chuan ka phu chiam leh nghal.








" Aw .... Tho teh! Ka ban a na a nia! " Ka ti leh vak. Dik tak chuan a na miah li mahse kan in awm hnaih lutuk a ka thaw zawk a ti chham dawn.







" Ahaa..... I tawngkam chhuak hi chuan hre lo der mahse.... He lai rawn phu ve dat dat hi chuan a hria a nih hmel! " Ti leh sup in a kut lian zet chuan ka awm zawn a rawn tawk zeu a, thu ngil vut in min melh nghal ngur a. A nih chuan ka thinphu rang zet kha a hre ve a ni hrim hrim.








" Thu tha rawh pawn lam a mi ten eng emaw kan tih a an rin hma in! " Tih leh motor kawngka nem hawng in chhuah a rual nghal vut!








" Hmela! I.... I ngaihtuahna a hmul a nih kha! " Ti chiam in ka thu chhuak nghal a. Motor hma lamah pen pawk pawk chung chuan rawn hawiin a kut zungchal pahnih chu a lu zawn ah a rawn lek chhuak vut a, keiin thinrim mit meng in ka lo melh ngar in lei ka chhuah khum vak thung. Ka chet dan chu naupang chhia ti zet in ka in hau leh hun hnawh a . Dik tak chuan ka kawchhung lam atang hian zahna avang in ka lum chhuak pup pup zawk!








" Phu rang tawh su! Ka ta in nih hi ka thu lo in rawn phu rang tawh miah su! " Ka awm zawn a ka kut nghat a ti chhuak sap in ka lung phu engmah hre lo chu ka hau malh malh ringawt mahse awmzia a awm thawt lo. A neitu ngei pawn ka control theih loh thil a ni tlat! Motorah chuan Ramnunsanga te pafa chu ka lo nghak ran a, kei pawh hian ngaiah ka neih tawh ni khat tal an pafa hi ka hmuh loh chuan ka kim lo deuh hui zel.








" Amaaa..... Amaaa...! " Motor bul an lo thlen hma atang in Reuben chu a rawn au lang lang a, Ramnunsanga an zo tih hriat zet in a rawn pawm phei chu nui sak in, loh theih loh in motor atang chuan ka chhuak ve ta nge nge! Motor atang a ka chhuak min hmuh rual chuan apa pawmna atang chuan tal thla in ka lam pan chuan a rawn tlai phei tar tar a, a hnungah Ramnunsanga pawh nui suk suk in a rawn pen ve nghal pawk pawk bawk.








" Amaa... I dam tawh mi? " Ka bul a rawn thlen rual in a rawn ti vat a mahse ka kut la in tuam a hmuh avang chuan a hmelah mak tihna a rawn lang leh nghal vat!








" Reuben bye aw. " Kan piah a naupang lo phei te chuan an rawn ti liam liam a, an class a mi te an nih duh hmel viau. Bye let ve zel in in ti neitu zet in ka kut na lo lam chu a rawn vuan nghal chat a, chu tih rual in kan bulah Ramnunsanga pawh a rawn thleng ve nghal mai bawk a.








" Kal ang u le! " Ti sup in min rawn melh a Reubena pawh kan in lam a rawn kal chu a phu ngang mai. Motor seat hnung chu a rawn pawt hawng a sawi nawn ngai miah lo in Reubena chu a thu lut nghal thak a, luh ve ka tum chu a khar nghal hmak a nih chu!








" Nang chu a hmaah! " Ti sup in a hma kawngka in hawng sa chu a vuan run a, tum bar in ka thu lut ta tho. Nui suk in kawngka chu a rawn khar ri dawt a, motor hma lam atang a rawn kal hual in driver seatah chuan a rawn thu ve nghal zat a. Kei leh Reubena chu min en in a tlan chhuak nghal vut bawk! Ti hian chhungkua ni mai i la, a nuam ngawt ang tih ka ngaihtuah rual in na lutuk in ka chal ka beng nghal thlawrh a ka bul a nui suk ri ka hriat phei chuan ka zak lutuk in khuk ral vang vang ka chak et et.








" Amaa.. Ti nge a? " Ka rin ang chiah in hnung lam atang Reubenan min rawn zawt nghal vat. A pa vang in tun lawk khan khuk ral daih ka chak a tunah phei chuan a thutna hi thlawk chhuak daih se ka duh ngawih ngawih!








" Amaa chalah khan thosi a bet a niang! " Ramnunsanga aw thum dut ka hriat rual in rum zet in ka melh nghal. Mahse min ngai pawimawh lo lek in zu awm nia! Reubena lah chuan engmah hre lek lo in a khek ralh a. Han chhan vak ngaihna awm bawk si lo chu ka thu tum bar ringawt!




*



*



" Heiiii.... Kim Pu Nunsanga nen khan enge in in karah awm a? " Khumah Thatei nen kan mu a, he zawhna hi min zawt dawn tih ka hre sa vek a. Thaw hak in ka mu tawh chu ka thu chhuak nghal hlawl bawk.








" Zep lo chuan ka hre thiam lo! Min duh thu a sawi a! " Ka ti chhuak sap. Mit ka chhing nghal sawk bawk, a thian mah nise Muanawma nau a nia sawi ka hre ve lutuk tlat!








" Heeiiii.... Eng maw? Tak tak a mi? A va tha ve! " A rawn ti hliai chuan mak ti zet in ka melh nghal haw.







" Tha maw? " Ka ti hu.







"Umm.... Kan mi mawlpa in hmuh chhuah nan mipa dang kawp san ve chu a tha hrim hrim. A la rawn in chhir a nga a rawn let leh mai ang! " A tih chuan nuam ti vak lo in ka thaw hak.








" Ngee ..... Nang pawh hian i lo duh ve tawh zawk. En teh ka hre tho a ka U nen in in then tih pawh mahse tun tut tut a midang neih san hi i duh chiah em? " A rawn tih chuan chhang lo in ka kun ngal.








" Heii..... Ka U ka tan vang a ni miah lo a nia, ka U mah ni se a chet dan hi mak ka ti a ka haw ve tho. Mahse tun a I mipa hnaih hi i hre chiang meuh em? " Min ngaihtuah zet chuan a rawn ti leh halh.








" Min hmangaih thu pawh a sawi a! " Ka ti chhuak sap a. Thatei lah chuan ang phuau in min en nghal haw.







" Tak tak maw? " A tih chuan lu ka bu nghat.






" A nih chuan an tawp tak tak a ni maw? " A rawn ti sap a.






" Tu te maw? " Ka ti haw.






" Aa... U Dinpuii maw leh tunlai chu kan inah a rawn lang ve zauh thin a. Mahse thil dang vang pawh a ni mai thei! Eng pawh ni se i thu thlukna lam lamah ka tang a nia, ka U hi kal san hlen i duh pawn ka pawm nghet thlap aw! Mahse hepa hian....! "








" Ramnunsanga! " Ka lo tih chuan a ner nasa mai!







" I chhe vel ee a.... A lo bum che a nih chuan a chak lo viau ang! " A tih chuan ka nui hak. Ka thian leh ka laizawn dik tak chu a va ni chiang tak! Chuan tunah chuan hma lam pan tur in ka in peih tawh tih ka hre bawk.








" Kal teh, i cho rual a ni lo! A vawi khat kut vai a nikhaw hre lo a tlu rual lek i nih kha! " Ka ti chuan ka dar a rawn ri nghal pawp. Vanneih thlak lutuk in ka ban na lo lam a ni hlauh! Kan in melh rum dun mai sia maw.








" Cho loh ka nei lo, kut thawh lam chuan hneh lo mah i la, a nuam sa bik dawn lo. Ka U pawh tun thleng in ka la be tha lo, a thiannu kha a rawn kal phei chuan ka sual ka chhuah nasa thei khawp a...! " A tawng leh bawrh bawrh tak ah chuan kan nui dun leh ta nge nge. Hei vang hi a lawm thian dang vak hi ka ngaih loh. Thian tam tak neih ai chuan 1 engkim hrilh ngam neih hi ka duh tawk viau!








Khum a mu chung chuan ka thil ka ngaihtuah neuh neuh a! Engpawh chu ni se nunah hian risk kan la lo a nih chuan dam khaw chhuah a har an tih thin kha! Ka nunah hian thawnthu ka duh ve a, mi in min hriat ka duh a ka thawnthu an chhiar ve ka duh a nih chuan ke ka pen a ngai miau! Muanawma leh Hmangaihkimi te thawthu a kal kawp thei lo a nih chuan thawnthu dang Muanawma tel ve tawh lohna ka ziak leh mai ang! Mi a dinna ngai a a ding reng a nih chuan hma a sawn thei ngai lo chu vang chuan kei pawh hma ka sawn ve a ngai tawh!








Nakinah miin ka thawnthu an sawi hunah, a hmangaih hmasa ber avang in natak tuar in a hlawh chham a, dawi zep tak in mani un khar khip in a nun a hmang an tih ai chuan. Huaisen tak in hma lam a pan a theih tawp a chhuah an tih chu ka duh zawk a. Ka lo hlawh chham leh a nih chuan a vawi hnih nan ka bei tal a lawm ka ti thei thung dawn si a!



*



*



" Umm...! " Ka phone rawn rik rual chuan ka ti nghal vat! Ka kut pawh hmanni deuh khan an phelh ve tawh a, mahse ka la hmang theih lawk dawn loh avang leh in dim a la ngaih avang in in lamah ka la awm chawt a, hna chu ka la zawm har hmel viau, tih tur lah chu a vang em em mai leh nghal.








" Vawin chu ka rawn hruai tlai deuh dawn pawi i tih loh chuan thim hnuah pawh a ni mai thei! " Leh lam a mi chuan a rawn ti sup a. Ka bul lawk a Reubena pot te tak te a lei vung dah ve niap niap chu ka melh zauh a, lukhum hma thlwk var khum in tshirt eng leh jeans kekawr bul a ma size ve lek chu a ha bawk a. A tlei reuh viau!








" Awlee.... A pawi lo! I hman hun hunah a ni mai! " Ka ti tha ve mai a. A rawn thaw nghal huai thei. Tunlai chu in lam ka awm leh chawt avang hian Reubena pawh ka naute a ni let der ringawt. U Chhani lah in I hrun loh fa tiin hming a phuah a, Thatei lah chuan i thla hlim te zawk min ti bawk. Ka U erawh a dan ngaiin a ngawi leh hmuk a. A tawp khawkah bak a tawng leh dawn lo tih chu ka hre sa tho a mahse mak ka ti deuh!








" Ka fapa mah nise ka thik lek lek a nia aw! " A rawn tih leh sup rual in min hmu thei lo mahse lai zet in lei ka chhuah zeuh tho. A awm dan tur ka mitthla vek thei miau. Min melh laih tum in ka mit takah min en a nga, a nui leh suk bawk dawn tih hmu miah lo pawn ka hre the!








Kan in biak zawh chuan Reubena bulah thu hniam leh in kan varanda a pangpar kan siam fel leh kan rem that chu ka buaipui chhun zawm leh mai a, tlem a pot lian deuh kan hnuk sawn tur chu ka kut ka la hmang ngam lutuk lo nen Reubena nen kan han pawt ve lawp lawp a, a chang in a lei tha ho kan ti baw leh thin. Hma chy kan sawn mawh tak tak a ni!








" Hiiii....! " Kan in gate bul a horn rawn ti ri tu avang chuan kan hawi nghal vat a, Thatei a rawn lang ve hlawl.







" In ti fai u la kal ang u! " Gate a rawn luh pah in a rawn ti lang lang a. Kawng dawm in ka ding chhuak chu ka tih ang chiah in Reubenan a rawn ti nghal vat a, ka nui hak. He naupang lawmawm theih zia hi chu aw!








" khawi a? " Ka ti hu.






" Kan inah chaw in lo ei dawn! Ka pa in va hruai rawh a ti a nia! Hnial tum buai tawh suh, i kut an tuam lai kha chuan ka chhuak zak i tia tunah chuan chhuahlam i siam thei tawh lo hul hual a nia aw! " Ka tawng ve hma chuan a rawn ti nghal tan tan a. Reubenan dak vah in a lo en bawk.








" Mahse in sawi lawk lo a, Reubena ka awm a ngai a sin! " Ka ti zawi sap.







" Reuben in ti fai ang aw! A bak chu naktukah Amaa hi min pui leh zawk dawn nia. Anutei a lo leng bawk sia! " Reubenan kan thu sawi a lo hre ve vek bawk nen ka ti zawm nghal zat a. In chhung lamah kan in kai lut nghal vat bawk!








An in a haw tir chi a ni ngawt bawk si lo, a pi lah Thenzawlah a U tar ve lam tawh damlohna avang in a zin leh daih bawk si, Nunsanga lah hna a tlai dawn tih min rawn hrilh bawk nen Reubenan in dang a zanriah kil chhuah a duh ka ring bawk si lo chu ka buai a ni ber.








" Heii.... Chu tin i ti ringawt thei lo, ka nu leh pa in an ring vek tawh che i damdawiin chhuah lawm nan an tih pawh i hnial avang in tunah an sawm leh che a! Midang nen in zawmna in siam tak vang a min thlauh thlak i tum a nih chuan ka lawm miah lo a nia. Chubakah i fapa pawh a ni lo a, nau awm tu pawh i ni lo.... Chutia an buai viau chuan nau awm tur dang la mai se...! " A rawn tih vak rual in a ban bulah na lutuk in ka beng nghal thlawrh. Min la melh ang rawm rawm leh nghal. He nu zet hi chu a rilru sual vang pawh ni lo in a ngaihtuahna hi a lan ang ang hian a sawi leh pawng thin.








" Enge, a na a nia! Ka thin a rim a lawm len chhuah sawn che pawn chhuan lan i siam zel a, I hna chawlh lai a nia i thiannu tan hun pawh i nei thei tawh lo! " A la rawn ti hram chu rum lutuk in ka melh vak. Chokal lam atang thawm a awm takah chuan ' engmah sawi tawh suh' tih melh in ka melh a choka lam ka pan nghal vat! Lalthazuali lah chu a la phun bui bui leh nghal.








" Reuben ti nge? I chau a mi? Nge i ril a tam zawk? " Parda sir deuh chair bul a Reubena lo ding chu a bul a thu hniam in ka ti nghal vat.








" Amaa.... Atei sawn Reuben vang in a hau che a mi? " A rawn ti reuh a nih chu. Lalthazuali ka ngei theih zia hi chu aw.








" Teuh lo! Atei te chuan min ngam hlei nem! Min lo hmu chuan kei mah zawk in ka ben vak kha! " Ka ti nghal vat. Naupang kum 5 lek pawh ni se Reubena hi naupang fing chi a ni tih ka hria a. Mi reng reng an mit mei atang in a hrethiam zung zung a, naupang dang ang a harh vang leh ri thawt thawt a ni ve lo avang hian ngaihsak a ngai zual ka ti mai.








" Reuben Atei sawn an inah chaw ei turin min sawm a, kan pahnih in chuan i duh em? I duh chuan kan kal a nga i duh loh chuan Amaa nen chauh pawh kan awm thei tho a! " A kut chum biang a vuan chuan ka ti leh sap. A naupang tet atang a an enkawl dan leh an nu nen an in kar ka hriat avang hian leinat na nen kan en a, dik tak chuan a rilru tih nat hi ka hlau ngawih ngawih. Naupang than chhoh hun lai hi an nundan leh mizia siam hun lai tak a ni bawk a, chuvang chuan mal tak a awm tir hi ka duh lo. Fa pawh nei i la tun bak chuan ka hmangaih a ka dim dawi ka ring miah lo bawk.








" Mahse Daddy in min lo zawng ta se? " A ti chuan nui sak in phone a ka hrilh tur thu in ka chhang mai a, a biangsum lang kalh a nuiin lu a rawn bu nghat nghat a. Kan in kai chhuak nghal zat bawk.








" Amaa engtik nge scooty i khalh ve dawn? " Pawn kan chhuak a Thatei a scooty a a lawn kai chu a rawn ti vat a. Thatei lah chuan ner nang in min rawn melh nghal ralh bawk.








" Reuben Amaa hi nge i duh a I Daddy ka hre chak e? Ka sawi tum chu chu Amaa bulah nge I Daddy bulah i awm duh zawk? " Lalthazuali hi chu aw. Thawk la halh in a helmet a nem dawt in Reubena ka hlang kang nghal zat.








" Amaa chu ka duh a mahse Reuben a awm loh chuan Daddy khua a har dawn a, pipi a zin bo daih a! " A rawn ti chuan a sam a chul sak in ka nui hak. Naupang fing tak a ni ka tih tawh kha! Tlan chhuak in Thatei te in chu kan pan nghal a. Ka U pawh rawn bang hma in a rawn kal dawn a nih hmel.








" Heii.... I hmel kha, i ngaihtuah ka hria a nia! Ka U vang a kan in i rawn tlawh that duh loh avang hian ka nu leh pa pawn an hau ziah kal mai mai rawh! " Kawngka bul a ka ding chu ka mawng a helmet a min rawn vuak pah in a rawn ti a, rum lutuk in ka melh nghek.








In chhungah chuan kan lut a ka nu in min lo lawm leh hmasa ber, choka atang a rawn chhuak in ka kut a vuan meuh in min en a, min ngai thiam thei lutuk hi hlat hi an har zawk. Reubena pawh chu an be luam a mahse Reubena chu a la tlang nel lutuk lo, a vawikhat hmuhnaah mi hi a nel zung zung ngai lo miau a.








" In unau in in lo lang khat lutuk a, kan khua a har hman a lawm! Muanawma ve lah hi a tawng tlem sawt bawk nen! Hei hi i naupang chhan chhuah kha ti rawh? " Ka nu chuan a rawn ti nghal zat a. Sofa ah thu in min ngheng ar ar in Reubenan ka phone a YouTube a en a, melh zawk in za lo zet in ka nui sak.








Ka U pawh a ni leh ni lo ang in a lo thleng ve vat a. A hma ang a ka tlang nel tawh loh a ka mal lutuk a hlau pawh a nu mai thei. Ka pa ka la hmu miah lo a ka luh atang in ka zawn ruk reng lai chuan library lam atang in min rawn ko hlauh. Min biak duh thu a sawi chuan ka zak ngei mai. Ka pa hi chu ka nei tho na chung in pa fiamthu duh huah huah a nu hran lo a, a zahawm ve tawp a nu mai.








" Amaa ka lo kal ve duh! " Reubenan a rawn ti sap. Thatei auh mai ka tum a ka hmu mai lo bawk si chu ka buai ru ang reng. Ka U corridor lam atang a phone hmet mual mual a rawn kal ka hmuh chuan ka au ta ringawt. A phone a kekawr ip a thun in kan lam a rawn pan ve mai a ka thaw ve huai.








" U... Ka pa in min be duh a Reuben hi lo awm pui lawk la! " Kan bul a rawn thlen rual in ka tu nghal vat. Min melhna atang Reubena chu a melh ve vut a Reubena lah chuan a lo melh chho ve kiau bawk. Reubena kan inah rawn kal ngun viau mahse ka U nen an in hmu khat bawk nen an in nel em em lo. In biak phei chu an in be ngai lo mahse damdawiin ka awm lai khan an in hre ve deuh a tlem in a zia deuh.








" Ka pa chuan enge a sawi a! " A rawn ti ve sup.






" Ka biak hma chuan ka hre bik lo nem! " Dar san ak in ka ti sap a, a rawn then ve suk.








" Enge? Min hauh i ring a mi? Lo lut ve la, kan pathum hian lut mai ang u! " Ka U hmel awm dan avang chuan ka ti ta chiam. Ka zam ve em a ka pa hi a fal a hrtiang hian biak ka la nei ngai lo bawk nen kan boruak nen zam tak ka ni ringawt.








" Ka peih lo! Min ko ve hlei nem!" Ka U in a tih chuan ka melh nghek.






" Va kal rawh a lo nghak rei lutuk ang che! " Ka U bawk chuan a rawn ti leh sup a. Thaw hak in Reubena bulah chuan ka kun hniam nghal zat.








" Reuben ka lo chhuah hma chu Putea bulah hian lo awm rawh aw, a lo hauh che emaw a biak duh loh che chuan a zakah khian i lo dek vak dawn a nia! " Ka U melh leh rawm in ka ti leh kher a ding in library lam ah chuan ka kal nghal nal nal.








" Heii.... Enge kan lo tih a nga? " Ka U rawn au lawng lawng chu hnung chhawn in a ruk in ka nui sak. Enge min luh pui duh lo vei. A vawikhat naupang buaipui na a nia, a tih tih in lo awm ve mai mai teh se! A len tar phei chuan naupang a pawm tawh lo mai thei a! Ka ngaihtuah ringawt pawn ka nuih a za. Ka U leh lentar in hmeh lutuk.








" Pa...! " Kal pa a ka nuih nasat vur vur nen room kawngka ka hawng chiah chu tim dai in ka ti sap. Ka pa in lut tur a min tih chuan ka lut nghal vat a. A thutna opposite chiahah thu tur a min tih avang chuan bu nghat in ka thu ve nghal zat bawk.








" Tunlai chu i rawn lang khat lutuk a I U nen hian min do emaw ka lo ti tawh mai a! " A tarmit vuah la thla in za fa hran lo hian a rawn nui suk a. Za lo zet a nuiin lei ka chhuah tet ringawt!








" Tak tak a, hauh ka tum deuh viau che a I ti tau a nga i rawn kal duh tawh lo ang tih i nu in a hlau deuh a! Kha lam kha chu dah tha i la, kan hre vek a Muanawma nen in in kar pawh kha vang khan min hlat phah hi tum lo la, Muanawma pawh ka fapa a ni a chutuang bawk in nang pawh kan fanu i ni a, in lo in kawp rem lo a nih pawn min tlawh pawh chu in thlahrun na tur a awm miah lo a nia!








Pasal i neih pawn I man nang mah buaipui tu tur te kan ni a, i U pawh nupui a hmuh hlauh chuan! " A rawn tih chuan in sum hman lo in ka nui hak. Eng eng emaw a sawi nual a, ka tan a hriat harsa leh hreawm a sawi miah lo a. muanawma a dem thu a sawi chuan kei pawn ka tuar thiam thu in ka chhang ve mai bawk!








Room atang a ka pa nen kan chhuah rual chuan kawngka pui lam atang Muanawma a rawn lut ve chiah a min hmu chu mak a ti ve deuh mai thei a hmel atang chuan. Chu aia mak ka tih chu a hnung a rawn zui tu zawk hmeichhua saw! Dr Zirtei ni se chu mak ka ti lo deuh ang .








" Nu... Dinpuii pawh chaw rawn ei a tum a nia aw! " Ka nu lo chhuak a hmuh rual in a ti nghal vat a. Thatei khan a sawi tak Dinpuii a leng lut ngun tih. Ohhh.... Muanawma pawn a farnu ang a nih thu a sawi tak e. Kei erawh Ramnunsanga nen thu leng vak an neih avang in ka mil teh chiam lo. Tunah ngat phei chuan a hmel ka hmuh ringawt pawh in ka kawchhungah thikna mei pui a al mai dawn!








Ka U leh Reubena ka hmu mai lo chu ka hawi kual ruai a, Muanawma pawh en rei lo chuan pawn lamah ka chhuak nghal daih bawk. Kha nu kha hna a thaw lo reng reng a maw ni!








" Heiii! " Pawn a ka ding vang vang lai chuan hnung lam atang in hmeichhe aw hian a rawn ti sap a. Thatei a ni lo tih ka chiang a ka nu pawh a ni chuang lo. In hum ruh tang in ka in her ve hram.








" Min bia mi? " Pangai tak chuan ka ti let sap. Kan in biak hnu hnung berah khan Ramnunsanga leh Reubena kha in ti ta tu zet in a sawi a nih kha.








" U Muanawma nen in in then tih ka lo hria a! " A rawn ti chuan za lo zet in ka nui chhuak hak.








" Chuan! " Ti hap in kut ka kuangkuah nghal zat bawk.







" Nunsanga hi hlat rawh! "





" Engvang in! " Ner sak in ka tu let sap. Tham lo zet a min be Tu te hi chu ka ngai pawimawh bik hran lo.






" Tunah chuan a ta an nih theih nan ka theih tawp ka chhuah ve tawh dawn! Opp... Vanneih thlak tak in Hmingmawii kha i rawn dah bo hram a, awm lo la chuan an la in nei reng dawn sia! Ka lawm e aw. " A rawn tih chuan sawi mai tur ka hre lo. Hmeichhe smart zet a ka li ngaih hi a nu dawn hauh lo.








" Ka sawi tum chu nang pawn I hria tih ka hre mai! Nunsangi leh Hmingmawii in kar chu khang kum chhung zawng khan ka bulah awm in . ... Aa.... Sawi chi chu ni chiah lo mahse sex hial kan hmang dun tawh a! A thawng viau che a ni maw? " Nui hak a a rawn tih chuan mak ka ti lutuk hi tawng ngaihna ka hre lo. Kha tiang thu kha engtin nge a sawi theih zawk.








" A chhungkua re bul a awm ai chuan ka bul a awm nuam a ti bawk a. Min ngaihtuah ber a nih chu! Chu vang chuan hlat rawh kan in karah sex hial a tlazep tawh a kan in thlah mai mai tawh dawn lo! " Nui ralh ralh chuan a rawn ti a, ka kut ka hum ruh nghal nghek.








" Heii... 2019 kan chuan kai tawh hi! Oppss... Thla tlem te chiah a ral a ngai tawh 2020 thleng tur in chuan tun angah kha tiang thu kha i sawi a maw! Ka rin ang aiin i mawl daih mai.








Mipa in an mutpui na zawng hi an nei vek kher lo, a bik tak in Ramnunsanga phei chu i hre chiang a nga nang hi a nei hauh lo ang che! " Ka ti let ngat chu a kal tur a ding chiang a sin aw.








" Eng maw I sawi kha? " A rawn ti chang fak a ka nui lui ve sak.







" Nula beng chhet i nih chu ka ring lo a, i hna nen pawh a in hmeh lo hrim hrum bawk. Aa.... I in pek zawhnaah lawm thu ka sawi ni mai rawh se tunah chuan ngaih ngam tak in Ramnunsanga leh Reuben hu ka bulah i kal san thei ang. A chhungte aiin a ngaihsak che maw, ka awi chiah lo nang ai chuan ka tla na zawk a ni mah na, ka rawn lang a boom a puak nghal der a nia!








Han ngaihtuah let vang vang la kum tak tak i tih theih lo chuan kum pawh a vei hma in ka thlen tir a nia! Ohh.... Reubena... Naupang duhawm tak leh fing tak a ni. Chuan a ngaihna miah lo che! Naupang hian mi fel leh misual hi an hre thei khawp a nia! Nang pawh ngaihdan tawk ka thiam mai! " Ka ti let ngat a kal pel in coridor pheiah chuan Reubena te zawn tum chuan ka kal nghal zat.







" Lo en rawh enge ka tih thei! " A rawn ti chang fak chu ka ding dat a, in her in ka nui lui sak.







" Enge i tih thei chu i sawi zawh chiah kha! I taksa hralh a I zahawmna toh bawrh ban bak enge theih dang i la neih! Ka tih theih hi lo en zawk rawh rei lo te chhung pawn thil tam a tak ka thlen tir a, tunah chuan cho na tha tak a ni! " Ti fak fak in ka kal pelh tawhna lamah chuan ka let leh a, a hma zawnah tak ka ding vang bawk. Kei ai chuan sang tak a ni mahse ka hlau lo ve chiang e.








" Kei ka rawn lut a nih chuan nang i chhuak ang! Ka thil midang in min tawm ka duh miah lo. I beng a var e mai I hre tho a nga ka ngaihzawng hmasaah ka tluang si lo a tun a mi hi chu chhuah ka tum tawh miah lo a nia! Chuan midang in min lak sak mai mai pawh ka rem ti tawh lo.








"Ammm.... Ka thil hlauh ber i hre duh em? Len tar hi ka hlau thei lutuk a chuvang chuan ka kum pawh in a phu ve tawh bawk a kan lo kal tluang zel a Nunsanga hnuai a i la thawk zel a nih chuan kan in neih card te i la sem chhuak mahna! " Nui lui sak a tiin ka in her hmak. Coridor a kal ka tum pawh chu thulh leh in un chhung lamah ka lut nghal hmak.








Ka tawng hnem viau mahse in chhir in awm zia a nei tawh lo ka sawi tur ka sawi zo vek tawh tho!








" A muhil der a law! " Couch a Reubena mu chu ka U in rawn bih duk duk in a rawn ti sup. Ka U nen ball an lo pet chau ve bawk nen a mu tui ngang bawk. Ka U pawn a ngaina ta phian a nih hmel. Single sofa ah ka pa thuin lehkha a chhiar a, ka nu leh Thatei leh Dinpuii kha an thu a ka opposite chiahah Muanawma a thu bawk. Ka U lah kan bul ah thu in a khat tawk in Reubena a thlek leh du du thin nuih a za duh phian.







" Pawnah ka awm? " Phone ka lak rual in lehlam a mi chuan a rawn ti sup. A aw atang chuan a lawm hmel vak loh leh nghal.








" Ka lo pawm dawn a mi? " Reubena ka pawm kang tur chu ka U in a rawn ti sup a, a ngaih loh thu in ka chhang vat a. Ramnunsanga hnenah a phalna la lo in Reubena ka hruai chhuak ringawt a chu pawh helai ah ber kher a thinrim mai thei!








Kawngka ka pel awr tihah ka hmaah ruang am lian pui a rawn ding nghal ngur a, Reubena ka pawmna atang chuan Ngawi reng in a rawn ban nghal vut bawk.








" Min lo zui rawh! " In her a kal mai ka tum chu ka ban rekah a rawn vuan a, ka chhan ve hma in min pawt kal a ni ber. Ka kut na lam a ni bawk nen a pawh viau hma a kal vat ka tan a that zawk avang chuan ner sak in ka kal ve mai bawk a.








" Eng thil nge i tih hi! " Motor chhungah Reubena a mut a , kawngka khar dawp in ring hauh si lo mahse hlauhawm ru riau chuan a rawn ti chhyak hrawk a. Ka hma a mipa hrawl zet chu dak vah in ka melh nghal dawr thung!

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 7th, 2019, 11:19 pm

CHAPTER - 22 πŸ’« by Amy Cck ( Dream Girl)[/u]








* RAMNUNSANGA POV *







" Ti nge a? " Ka hma a dak vah a rawn ti tu hmeichhia chu ka melh run a. Engmah hre thiam lo ang maiin a awm vel chu a nia. Kei zawk hi tul lo tawp a thinrim ka ang hial zawk. Nge a nunah hian hmun ka lo la chang ve miah lo zawk! Ka kut chuan motor chu vuan in van lam hawi chuan ka thaw chhuak hawk a, engvang a thil reng reng hi a bul thut atang a sawi nawn ngai zel nge a nih pawh ka hre nek lo.








" Enteh! I thu lo a I fapa ka lo hruai ringawt chu ka ti dik lo tak zet mahse kei pawn ka hre lawk bik lo a, chuan rawn hrilh che tum in ka rawn call che a I la thei bawk si lo a! " Ka chhan mai loh avang chuan a rawn ti sap a. A hmelah in thla hrunna rawn lang chhuak chu ka ngai thei hauh lo bawk.








Vawinah meeting pawimawh leh company thenkhat nen deal lian tham buaipuiin hun ka hmang ni leng a tlai lamah meeting room ah ka in khung chawt avang in ka office a ka phone lam reng ka lo ngaihtuah lo a, ka tlai tur thu ka hrilh tawh avang in ka lo ngaihtuah tawh lo bawk nen. Haw pah in ka call back a mahse indangah zanriah an kil thu ka hre ta chauh a chuan midang ni lo in a ngaihzawng hlui te inah leh nghal.








" I fapa! " Ti nawn sup in ro zet in ka nui chhuak leh hawk. Motor chhung lam chu ka melh vut a tui zet a Reubena muhil chu en in ka thaw chhuak leh hawk thin. Kha ti chen kha hun an hmang ve tawh a chuan tunah 'i fapa' a ti a nih kha. Mihrang deuh chan chin ang mai a a sawi chu hriat a nuam viau lo bawk.








" Aaa.... Ka sawi awm zia chu....! " Nuam ti chiah lo chuan a rawn ti leh sap ka kut ka vai nghal thuak. Ngawi chawt in a taksa che ak khawp in thawk a rawn la ve nghal halh bawk.








" I sawi sual hlei nem, ni e... Ka fapa a ni! Enge kei hian ka lo beisei hrep ni, Reubena tan hian enge i nih chiah tih ka lo theihnghilh hman a tunah min hrilh hre leh a, ka thiam loh a ni! Kan pafa hian kan lo ti buai hle ang che tih lam ngaihtuah lek lo in kan lo zar buai che a! " Ti chhuak hrawk in ka hma a hmeichhia chu ka melh run a. Ka thu sawi chuan a thawng nge mak tih hmel zet in min rawn melh chho nghal dawr bawk.








" Enteh lawm lo na tur a awm miah loh kha! " A rawn ti deuh hliai a. A hmui hnuai pet zeuh in a mit bial lian kelh kalh chuan min rawn melh ve ngar a. Ni ee... A tan chuan a ho viau a ni ngei ang mahse ka tan chuan a ho tlat lo.









" Nunsang...! " Rawn ti tu avang chuan a hawi sawn nghal vat a kei pawn a hawi na lam chu ka melh ve nghal vut bawk.







" Enge he tah a tih a? " Ka ti chhuak sup a ka hma a hmeichhia chu ka melh leh nghal vut a min la melh rawn duh lek leh nghal.








" Kei ai I hre zawk daih ang chu! I hna thawk a nia vawiin a ban hma chhan i hre lo tih sawi duh suh! " Hmangaihkimi tawngkam avang chuan ka rum chhuak ngut. Dinpuii te chuan chawlh a la rih tih hi a hre ve lo miau a ka chhang duh ta lem lo.








" Enge he tah i tih ve? " Kan bul a rawn thlen rual in Dinpuii chu ka zawt nghal sup. Hmangaihkimi lah chu min ei lo hmel zet in a la ner kual leh ta nghal a. Ka thinrim mek emaw ka tih laiin a mah zawk a thinrim ta daih chu a mak let ling zawk.







" Patea te inah chaw ka ei ve a! Ohh.... In haw nghal dawn chuan i rual in ka lo let ve thei a ngem? " Nui var var a a rawn tih chuan ka bul a mi ka melh nghal daih thung. Dinpuiin min en reng avang chuan ka bu ta nghut. Nui var var in motor hma lam chu a pawt hawng a a thu lut nghal vat bawk!








" Kan sawi tha leh dawn a nia! " Ka ti sup a ka hma a hmeichhe ding ve ran chu a rawn meng rum na ngang mai. Ka thu sawi a piang hian a ti thinrim te pawh a ang hial zawk.







" Sawi that tur pawh a awm lo! Haw rawh , saw zui haw tu pawh i neih that khawp saw!" Motor lam melh ralh in a rawn ti let fak a. Ka then suk min rawn hmuh chuan a lawm lo ngang leh nghal. Dinpuii hi a thik tih sawi lang kher lo mahse ka hre thei. Tiang chiah hian kha Dr kha ka thik a ni tih hre ve se ka duh. Sawi tur chu ka nei mahse tunah rih chuan Dinpuii a lo awm ve bawk nen a rem chiah lo.








" Ka lo bia ang che! " Ti sup in a in rin hma in ka kun hniam zawk a a hmui chu tawk zeuh in ka ding mar leh nghal vut a engmah sawi tawh lo chuan ka in her nghal vut bawk. Motor a ka luh dawn chuan ka melh leh zawk a, a hmui khawiin phawk zet a min lo melh rengtu chu mit siai suk in ka motorah chuan ka thu lut nghal vut bawk.








" Engmah hi i la hre thiam lo nge i mit a I hmu reng chung pawh i hmu lo der zawk! " Motor chu ti nung in ka tlan chhuak nghal zat a, glass atang a hmeichhe lang chu a lan theih thleng ka melh reng bawk. Dinpuii rawn tawng avang chuan ka hawi sawn ve ta hram bawk.








" Engtik thleng nge chawlh lak i tum? " A zawhna chu chhang lo in ka ti let sup. Mak min tih hmel zet a min rawn en in a ban a phar nghal hliai a. Kei erawh in hma lam chauh ka en ngur thung.








" I mak e mai, a hma in ka sawi i awi duh lo a mahse zaninah i mit ngeiin i rawn hmu a engmah thleng lo ang maiin kha hmeichhia kha i la bia a nia! "








" Duh tawk teh Reubena a harh a nge! " Ka ti hmuk. Front glass atang hnung lam chu ka melh nghal zawk a motor chhung light ka on avang in Reubena muhil thaw sak sak pawh ka hmu chiang viau bawk.








" Enteh tunah chuan i hnuai a thawk ang ni lo in i thian, kum kha ti chen I lo hriat tawh angah khan min ngai la ka thu hi ngaithla ve teh. Vawinah engkim ka hria a ka hmu a sin! " Min en reng chung chuan a rawn ti leh vat a. Hrethiam ngei se min ti tih a mit meng a leh a aw ah a lang chhuak chiang viau bawk.








" Ka hria a lawm! Hriat thiam chu ka tum tan mek a nih hi , min hriat kha tu nge ka nih tih! " Ka ti let sup a, ni ee... Tunah rih chuan hma ka sawn lutuk lo pawh a ni mah na , kum kha ti chen a zui tawh mipa leh a lo hmangaih tawh chu a kal san mai thei lo a nih pawh dem tur a awm lo. Mahse mi nupui pawh a ni lo a kei hian chance ka la nei ve ti hi kan in fuih na a ni ve tlat!








Dinpuii kan drop hnu in in lamah ka tlang nghal a, ka nu pawh Thenzawl lam atang a rawn haw na la rei lo viau mahse ka nu U chiah hmeichhia hi a hrisel na a tha lutuk tawh lo a, a zual thut avang in a kal leh nghal a. A rawn let lawk tawh hmel loh. Kei ni pawh hna pawimawh zual pui zawh chuan Reubena hruaiin kan zin ve ngei a ngai ang.








" Phone pawh a pick duh lo chu a nia! I Amaa hi ti nge a sual thiam reuh viau le! " Ka fapa khum a muhil thaw sek sek bulah chuan kun hniam in a chalah ka fawp nghal zeuh bawk.








Ka room lam pan chuan ka kal nghal a Dinpuii thu sawi kha ngaihtuah chhun zawm loh hram tum chuan shower nei tur in bathroom lam ka pan nghal vut. Ka lu na deuh leh mit kham deuh rum chuan ka awm a ti nuam chiah lo bawk nen shower neih a in tih thawven ka mamawh pawh a ni mahna!








Shower ka neih zawh chuan hna tlem en tur ka la neih avang in laptop chu kan in chhawp ve ren rawn a mahse ka nuam chiah lo nen chuan mut a that zawk ka ring a, ka hah rim tawng pawh a ni mahna. Damdawi erawh ei tumna ka nei lo. Ka naupan lai atang in damdawi ei hi ka hreh em em a ni tawp. Chuvang chuan doctor leh damdawiin thil vel hi ka ngaina teh chiam lo mahse tunah erawh nurse pakhat buaipuiin ka rilru ka seng thin ta chu a nia!




*



*


" Daddy..... Daddy.... Tho tawh rawh zing a ni tawh a nia! " Ka taksa rawn sawi dat dat tu chu tu nge tih ka hre chiang bawk a meng miah lo chuan khum chungah ka pawt kang nghal lawp a, a khek nghal tung bawk.








" Daddy.... Harh rawh! " Ka biang ah a kut te tak te chuan rawn beng thek thek in a chang in ka hnar a rawn hmet ping leh thul. Mut thilh leh theih rual a ni tawh lo. Nui suk in a kut chu ka seh sak zauh a a rawn nui ve hak hak a. Peih lo zet chuan mit ka meng ve ta hram.








" My boy school i kal dawn lo a mi? " Bang a sana melh chuan ka ti chhuak sup. Zing dar 8 a lo pel duai tawh. Ka mu rei hle na chung in ka nuam sam chiah lo nge ka mit chu thip rum in ka meng hlei thei chuang der lo.








"Vawin chu kan chawl a lawm! Amaa bulah zing atang ka kal thei tihna ti rawh daddy! " Ka hmai zawn a rawn in beng kang deuh ha in a rawn ti sap a.








" My boy Amaa hi a eng hi nge i duh a? " Nui suk in Reubena chu ka melh a, a ngawi deuh vang vang a, a awm danah ngaihtuah a nei ve a ang phian bawk.







" Ka hre lo Amaa a nih vang a niang! " A rawn ti sap a. Khum a ding chung chuan tho tur a min ti leh in a kut te tak te chum biangchuan ka banah vuan in min pawt ve ngat ngat bawk.







" A dik ang.... Hmangaihkimi a nih vang a niang! " Ti let ve sup in peih lo zet in ka tho chhuak a. Ka damlo ve tak tak dawn a nih hmel. Damlo hman ka ni miau lo a damdawi chu ka ei ngei a ngai dawn a nih hmel. In hnuai lamah chuan kan chhuk thla a, dining room lamah chuan kan pafa in kal nghal vat a. Ka nawm sam loh em avang chuan ka secretary call in vawiin ka kal theih loh tur thu leh meeting vel pawh lo cancel tur in ka hrilh nghal vek bawk.








" Daddy.... Thil ei zawh a Amaa te inah chuan kal ang aw. " Thil ei pah chuan Reubena chuan a rawn ti leh vat a.






" Vawiin chu daddy nen hian kan in awm dawn a nih hmel. " Ti sup in Reubena chu ka melh a Hmangaihkimi te inah kal a hna thawh a ngaih thu a sawi ve ngei a. An ni pahnih te hian eng hna tak thawk ve ang maw. Kei pawn hmuh chu ka duh viau a mahse tunah chuan mut hah dam ka mamawh rih thung. Chuan in ka awm ni chuan Hmangaihkimi tan pawh a hahdam ni a ni ve mai a.








_____________________________________________








" Kan sawi tha dawn nia! Te a ti vel a enge sawi that tur awm reng reng. Rilru Khing bai deuh in min haw san daih leh nghal! Kha nu ve lah kha, a in la fing viau a , chu ti mai mai chu min pal zam bik hauh lo ang! " Motor tlan liamna lam en chuan ka phun bai bai a tumah lah chuan ka tawng an hre tawh der si lo.








" Hmangaihkim vawin pawh i dah nil khawp kha! In la fel zet in U Muanawm.... U Muanawm te a ti kual vel a, Ramnunsanga a nih tak vang a kha tia rawn koh vel! Hmmm " Ti vak in in lam pan chuan ka kal nghal hmak.








Rei lo te awm leh in ka U in haw a rawt tak ah chuan kan in mangtha a, Muanawma erawh vawi khat mah ka be eih lo. Ka tih loh na lam hi chu ti lo ve tak ka ni thin miau. Ka U nen chuan kan in khalh haw a, ka phone rawn ri ral ral chu ka en vat a screen a Ramnunsanga hming rawn lang avang chuan ka U ka melh vat a, ka U a awm bawk nen kan in thlah dan lah kha a tha lutuk bawk si lo a in control lek lo a ka tawng ka hlauh avang chuan phone call chu ka ring zawh tir ta thak.








Ka ngaihtuahna erawh a nuam der lo leh nghal. Kha nu kha a tel ve kher kher bawk nen, chuan chhunah khan zak thei lo zet in an mutdun tawh thu thleng in hmai chhanah min sawi khum a nih kha! Ka lo rin dan sa chu ni mahse kha thu khan min deng na in ka tawngkam veng hman lo lek in ka tawng phah bawk!








" Nunsanga nen khan in hmel hriat satliah chu in ni lo ti raw! " Ka U in a rawn ti chuan chhan mai ngaihna pawh hre lo in rang lutuk in ka melh nghal vat. Vanneih thlak tak in min lo em ve lo in hma lam a melh run a. Za lo zet in nui ta tawp.








" Ka nau I ni a i nat hi ka hlau em em bawk. Mahse i nunah rawn in rawlh a, chu chu kawp rawh emaw a ni chu kawp suh tih che ka tum lo. Nula puitling i ni tawh a chuan hmeichhe dang ang a nun zel thel leh paw lawh tak, ven ngai pawh i ni hek lo mahse tunah i kawng zawh lam hi chu a kawng a bum bauh dawn khawp tih i hmuh lawk ka ring a! " Driver seat atang chuan min rawn melh in za vak lo hian a then suk a. Ka mal chung a ka kut dah chu nghet deuh a vuan in tang tung in ka thu thung.








" Nupui then tawh chauh ni lo in fa hial a nei tawh a, Reubena pawh kha naupang duhawm tak a ni bawk a, i koah phur rit tak a in nghat dawt a, mi thenkhat selna pawh i dawng ang! Chung zawng zawng chu i tuar thei a I nat phah dawn loh chuan kei chuan han dan emaw che ka tum miah lo! Mahse hmeichhe sual tak ang mai a a fapa lak atang a a pa lak hran i tum a nih chuan....! "







" Reuben te chu ka fapa ang chiah in ka en! " Ka sawi zawh rual in ka hmui ka hup nghal chawt. Ka U ka en chu a lo then suk. Ka zak lutuk hi ka thin a phu em pawh ka hre lo. Mahse ka thawveng hawk ka U in phalna min pe han ti i la, Ramnunsanga a duh loh thu a sawi loh vang chuan ka hlim ve em em tawp a ni mai! Chuan ka U ber in rem lohna a sawi lo a nih chuan midang ngaihdanah hman atang khan kei te chu ka buai ngai lo sa hrim hrim.








In kan thleng a ka room ah lut in ka in ti fai in mu tur in ka in tin tuah nghal zat a. Enge ka nghah ber pawh hre lo chuan ka phone ka bih deuh sek bawk. Dinpuii kha an inah a drop nghal a ngem! Nge a phur haw tlang ang. Reubena pi lah a zin daih bawk nen ka rilru chu a kal kual nasa viau bawk. Kei hian zep lo chuan Ramnunsanga hi ka duh ve tawh tak zet tih ka hre chhuak uar uar a, a nih chuan Muanawma lak a ka rulru kha ka hre thiam ta hauh lo.



*



*



" Hmangaihkim thawnthu thar ziak tur in ke pen ang aw! " Darthlalang hma a ding chuan ka phun chhuak sap. Nizan khan kei leh kei lo ang in chhin khat mah ka chhing lo. Ramnunsanga leh kha nu ngaihtuah reng reng khan ka ngaihtauhna a vak kual a, mutthilh ka tum pauh leh ka harh tulh tulh a nih kha!








" Vawiin chu hma chhawp lian tak kan nei! " Ti sap in ka sam chu ka tawng kang vah a. Tshirt leh highways in bel in sneaker ka bun leh tawp a. Drower chu pawt hawng in zungbun bawm sen drower kil a mi chu ka la nghal zat bawk!








Scooty ka kut tliah avang in ka la khalh thei miau lo a, taxi in damdawiin lam chu ka pan ding nghal zat a. Ni e... Nun thar a bul tan ka duh a nih chuan ka hun kal tawh in min chim buai reng loh nan ka chinfel a ngai tih kei hian ka hre thar a. Muanawma hi ka hmangaih a, theihnghilh tum pawh ni i la ka theihnghilh thei dawn lo. Ka tum nasat pauh leh ka hriat reng naah hian a cham tulh tulh dawn bawk. A chhan chu ka than hnan tawh miau.








Chuvang chuan ka paih chhuah kher a ngai lo. Ti hial tlem tlem in a ral ve mai ang. Chuan kei chuan tunah hian ka thinlungah mithar ka la lut mek a! Ni lo.. Ka la lut daih tawh zawk. Eng tik laiin nge an lo luh a eng hunah nge ka hre bik lo mahse an lo lut miau bawk si.








" Hun rei tak hnuah min be duh ve hram a! " Damdawiin inchung zawlah ka ding a, ka hnung lam atang a rawn ti tu avang chuan ka in her nghal vat. A chhelo in a fresh leh pek em em. A doctor coat var chu ni dang ang bawk in a dak leh thlap bawk.








" Umm.... Thil pek che ka duh a! " Nui sak a tiin ka bag chhung atang zungbun bawm chu ka la chhuak nghal zat. Ka thil ken avang chuan a hmel a buai nak a mahse tunah hian eng rilru chhia mah ka pu lo thung.








" Engvang a ti nge i nih chu ka hre lo mahse tunah chuan kei hian ke ka pen thei tawh a, chuan sawi vak tur pawh ka hre chuang lo. Nang leh kei hi.... Ka sawi tum chu unau ang emaw thian ang in kan la awm thei ang ti raw? " Ti sap in a mit ah tak ka melh ralh a, mak tak in tunah hian ka na miah lo a ka zang vawk zawk in ka hria!








" Ummm..... I duh phawt chuan. Ka lawm e! " Ka kut a zungbun rawn lak pah chuan a ti sup a. Ka nui nghal var var.







" Thil pakhat leh chiah nang hian min then.... Ka sawi awm zia chu min kal san chhanah hian hmeichhe dang an awm lo tak tak a mi? Ohh.... A kawi zawng in ka sawi lo a nia, a tir khan Zirtei vangah ka puh a mahse engmah a ni leh bawk si lo! " Rilru buai zet chuan ka ti chhuak sap. Kei mai ni lo min hre tu ho midang zawng zawng hriat chak a ni miau! Min chhang mai lo chuan a lu chu a tuai thuak a keiin ka en reng thung.








" Min hriat tirh atang in dawt ka hrilh tawh che a mi? " Min melh reng chung chuan a then suk a. Lu ka thing mat mat. Muanawman dawt a sawi ngai miau lo. Tunah pawh.... Ni lo.... A hma pawh khan Zirtei hi a ngaihzawng ang in a sawi lo hrim hrim a chuan tum thleng in tah chuan a la ding nghet bawk. Mahse a rilru kha a thlak miau a mawhpuh tur dang an awm tlat lo.








" A nih chuan ti nge i tih a? " Kun ngal in ka ti sap. A chiang sa reng, min duh tawh loh hrim hrim vang a ni tih.







" Nakinah engkim a rem chang a awm te a nih chuan kan la sawi dawn a nia! Hmun dangah ka zin chhuak dawn a, tunah chuan thla muang tak in ka kal thei tawh ngei ang! " Nui suk in a rawn ti a. Ka melh nghal haw. Hmanah khan chuan a kal bo tur thu kha a sawi tawh mahse kal bo tak tak a tum ka ring hauh lo kha a nia.







" Khawiah? " Ka ti hap.








" Hla tak ah, a hma ang kha chuan ka rawn let mai mai hauh lo bawk ang! " Thu tak zet chuan a rawn ti leh sup a mak ka ti deuh deuh bawk.








" Nangmah in maw? " Engvang a dil chhut em em nge ka nih pawh ka hre nek lo.







" Zirtei nen a ni mai thei! Ka la chiang lo chuvang chuan ka awm loh hnu ah pawh lo tap mai mai lo la, hma lam pan zel tur in ka duh che a nia! Ka kal a nge! " Tih leh ka lu a rawn tuai a in her a rual nghal zat. Tawng ngaihna pawh hre lo chuan Muanawma chu a hnung lam atang ka melh ngawih ngawih tawp.








Mi ten an lo sawi thin hi a dik a nih ka ring ve ta. In ngaizawng leh in kawp rei deuh te hi an in nei vek kher lo an ti thin. Chutiang chiah chu kei leh Muanawma pawh hi kan ni in ka hre ta ber. Kan in duh loh vang pawh ni lo in enge a chhan tak sawi theih si loh in kan in kawp hi a lo rem lo a nih ka ring. Hmanni lawk a ka rilru leh tun a ka rilru dang ta hlauh chu a ngaihna ka hre ta miah lo.








Ka phone rawn ri ral ral ah chuan harh zawk in ka en vat a. Screen a hming rawn lang avang chuan ka ner sak. Nizan leh tukin zing thleng khan min rawn call hun ka chang a tunah a rawn thleng ve hram.








" Hello" Phone chu ka chhang a mahse Ramnunsanga ni lo in Reubena zawk a lo ni daih thung. A thu rawn sawi avang chuan hman hmawh zet in damdawiin atang chuan an in lam ka pan nghal vat a. Taxi lah chu an vang phian leh nghal.








" Damlo ve thei hmel pawh a phu lo a sin! " Ka ti chhuak sap. Engvang ka thin phu rang em em nge a ni pawh ka hre lo. Ramnunsanga te in kawtah chuan ka ding vang a. Reuben an a pa a nawm sam loh thu leh a mut char char thu min rawn hrilh kha a nia. In chhungah chuan ka lut vat a, an nula pakhat chuan min lo chhawn nghal vat bawk. Dik tak chuan he inah hian ka lo tlang nel ve tawh bawk a, hna thawk Tu te pawh hian min hre ve phian bawk a ka mikhual hran lo.








Min kawh hmuh ang chuan inchung lam ka pan nghal vat a, Reubena roomah an awm ka rin loh avang in Ramnunsanga room lam ka pan tlang nghal bawk. Zawi muang in room kawngka chu ka nem hawng a, khum chung a mipa mu ka hmuh chuan ka thaw chhuak nghal hak. A bulah Ruben an hnai zet in a lo bih ve reuh a. Nui sak in ka pen lut nghal zat.








Reubenan min hmu chu a lawm hmel ngei mai. Ka hriat ve chinah Ramnunsanga hi a hna tawk ten an nel em em lo chuvang chuan a damloh pawn an buaipui dawn lo tihna. A buaipui ber tur chu a nu a ni a mahse a awm bawk si lo.








Khum tlang a thu thla in ka bag chu kum bul dawhkanah ka hung nghal zat a. A muhil a ni mai thei a rawn meng miah lo. Ka kut chuan a chal ka tawk da da a, a sa ve vur mai. Ka kut hnung lam chuan a hmai vel pawh ka dep ve zel a, khawsik sang a nei a nih hmel.








" Reuben I daddy hian damdawi a ei nge ei lo i hria em? " Khum chung a Reubena thu ve et chu ka en nghal vat a. A kut chumbiang chuan a bek a hiat ve neuh neuh a, a ngaihtuah ve pawh a nih mai thei.








" Ei lo a niang! Ka mu lawk a nga chuan chawhnuah i bulah kan kal ang a tia mahse kan lo kal leh si lo a! Daddy in ka nuam sam lo a tia! " A rawn ti chuan a duhawm lutuk chu a biangah vuan in a biang puar pep chu ka seh sak lem lem a, a za ti chu a khek nghal ralh.








" A va bengchheng ve! " Rawn ti tu avang chuan kan in thlah ve hram. Khum a mu chung chuan a rawn meng chhuak ruai ruai a. A mit meng chu a sen ve rum thei. A nel awm lutuk lo sa bawk nen a mah a ti rum leh zual vek ka ti. Tlem chuan smiling face han nei deuh se chuan a perfect ni mai tur.








" Ka va hmuh nawm awm ve? " Then suk a rawn tiin thut chhuah a tum nghal zat bawk.









" Khawsik i nei a, kha nge damdawiin in dah thin! Ei la i zia vat mai ang! Chuan damdawi chu! " Mit san ak in ka ti chhuak sap.






" Ka tha tawh! " A rawn ti hmuk a. Ka ner nghal nang. A tha lo tih chu a hmel leh a taksa sa vawrah hian ka hre chiang viau leh nghal. A sam chu tuau chho phawk in a bul lawk a Reubena thu chu melh in a nuih nghal suk a. He mi te pafa hi an hahthlak reuh phian.








" Reuben in hnuaiah zu kal la chuan nula bulah khan Amaa in damdawi box la tur in min ti zu ti rawh! " A hma zawn a ding vah chuan ka ti hap. Reubena lah chu thu awi zet in khum atang a chhuk a kawngka lam a pan nghal nal nal bawk. Ka nui nghal sak, ka naute chuan a ni miau a .








Rei lo teah damdawi bur keng chuan Reubena chu a rawn kal ve hnak hnak a. Damdawi a hmuh a Ramnunsanga hmel chu nuih a za ru phian. Reubenan damdawiin leh damdawi ei a lo huphurh em em chhan pawh a pa a chhun vang a ni tih ka hre ta chiah.








" He ti em em a in ang! " Khum a mu te pahnih chu ka en a ka phun chhuak sap. Reubena pawh a pa bulah thlamuang zet in a muhil a, ni a la vui lo hrim hrim bawk. Ramnunsanga pawh a damdawi eiin a chhawk tan a ni mai then. A thlan a rawn chhuak tiam tiam a. A chal ka khawih sak pawn a hma ang chuan a sa vur tawh lo. Muhil tih hriat zet in a thaw ri ve suk suk a, muangchang chuan ka kut tang chuan a chal atang in a thai thla riak riak a, a mit hmul chhah tap leh a hnar ngul sang vah te a, a khabe hmul ka sik chuan ka nui sak. Mipa khabe hmul nei hi ka duh ang tih ka ring ngai miah lo.








" Dam loh i in hmel ve lo a nia! "Ti sap in ka kun hniam a, a hriat pawh ka rin loh avang chuan a hmuiah fawp zeuh in ka awm tha leh nghal vat. Ka rin ang chiah in a harh lo bawk.








" Heiii..... Tunah hian nangmah rin chhan in ke ka pen a nia aw. Min ti beidawng suh aw! " A thin phu dawt dawt zawn ah ka kut nghat in ka phun leh sap. He lungphu hi ka thlamuang pui hle a ni tih ka ngaihthlak hmasak ber ni atang khan ka hre bawk.








Kan kal chhan te pahnih in min mutthilh san daih takah chuan tih tur awm ta hek lo. Room atang a chhuak in in hnuai lamah ka chhuk a, dining room a ka kal a mahse ei tur siam sa, ei mai theih a an lo peih sa vek avang in ka chhuak leh nghal thuai. In chu lian hle mahse a khawhar thlak ru riau thung.








" I lo harh tawh a! I tha deuh tawh bawk a haw mai ka lo tum tawh a! " Room ka luh rual in bathroom lam atang ni ngei tur atang chuan Ramnunsanga chu towel chauh veng in a rawn chhuak a. A sam atang chuan tui pawh a rawn la far fap fap thei. A taksa phiar fat leh a six pack te chu a taksa lian zet nen chuan a in rem zuih a, a towel ven na lang thei chin atang chuan a V shape pawh a lang chuang khawp bawk. En rei duh lo chuan ka hawi sawn nghal daih a mahse hmuh tur ang zawng zawng ka hmu zo vek tawh thung.








" Ka mutthilh lai khan tu emaw chuan ka phalna la lo in min fawp tlat in ka hria! " Ka bag awmna lam chu ka pan a , mit chhing sawk in ka bag chu ka la kang nghal zat. A hre chiah mai he pa hian. A lo muhil der mai mai a nih chiang lutuk tlat.








" Chuan eng emaw sawi pawh a nei a, ka mumang a tan chuan a uihawm mah mah bawk in ka hria! " A hmel hmu kher lo pawn a nuih a za tih ka hre thei. Ka hmui te zip zep vang veng.








" I mumang a nih chu! " Ti sap a ka in her chu ka hnung lawkah a lo ding reng tawh. Ka phu nasa lutuk chu ka au chhuak hman tawh a maw ka tha mahse kut hlai leh lian zet in ka hmui a lo hup hman hram. Ka mit a min melh chhuk run in kum lam a Reubena muhil thaw sek sek chu min mit mei nghal vut a. Reubena harh a hlauh chuan min tih phut loh ve mai tur a nia.








A kut pakhat zawk a ka kawng a vuan bet in muang chang in ka hmui a hup beh na kut chu a la thla nghal ruai ruai bawk. Tunah tak hian ka thinphu chu rapthlak khawp in a rang bawk. Ka kut a awm zawn a ka dah avang chuan a lungphu leh thawmhnaw a in bel loh avang in a taksa sek phiar fat leh lum nuam zet chu ka feel thei bawk.








" Ka mumang kha a tak a thlen tir ka duh! " Ti sup in min melh ngur a. Tal sawn mai ka tum chu a aia nghet in ka kawngah a kuah bet a, a taksa si chet tak tak chuan min pawt hnai nghal hrawk bawk.







" I mumang chu ka hre ve hlei nem! " Ti sap in khum lamah rawn rum tiah tiah ka hriat avang chuan ka hawi nghal vat a. Vanneihthlak lutuk in Reubena chu a la harh lo hlauh. A harh vaih a nih chuan kan awm dan lai zet vang hian zawhna a nei leh ngei dawn miau.








" Kawr ha teh! " Ka ti ta sap.






" min chhang phawt la, ka mumang a ni nge ni lo! " Ka kawng hmer deuh salh chuan a rawn ti leh sup. A hre reng sia a hre lo der. Tunah hian mipa thawhnaw engmah in bel lo nen kan in awm chilh a nia, ka thawk a tawp mai dawn.








" A tha e! " Ti chhuak halh in ka kut ka hum tawm chu ka pharh a, a awm phar hlai zetah chuan ka nghat nghal zat bawk. Hmangaihkimi ka rilru sawi chhyak ngam lo tur khawp a dawi ka ni lo. Mit meng thim khup a min en tu chu a mitah tak ka melh chho nghal ha a. A mitmeng thim kup leh dul deuh ruih avang chuan ka zam lek lek hial.








" Kei hian ka duh che ! " Ka sawi ring lo mahse a mit meng rawn in thlak hlawkah chuan ka thu sawi kha a hria tih ka hre thung.







" Maw? " A rawn ti sup a. Kei erawh a mitmeng a vang hian ka tui ral lo chauh. Chuan tunah hian Muanawma nen an danglam na ka hre ta chiah. Muanawma bulah kha chuan han zam emaw, naupang chhia zet a laih kual ka nei ngai lo. Mahse Ramnunsanga chu a dang lam. A aw ka hriat ringawt pawh ka zam a, a ruk in ta taksa chhung hi a khur a, a mit meng hian min control un hmeichhia ka ni bik ngawih ngawih in ka in hre bawk. Hei hi duhna nge hmangaihna ka hre chiah bik lo mahse tun a ka hriat zawng chu ka hma a mipa chhelo leh pa tak, a pawn lam lan dan vawt ruih mahse belhchian a hmangaihna leh dawhtheihna ngah tak mipa a ni tih ka hmu a. He a awm zawn a lungphu leh ka awm zawn a lungphu hian mipa rintlak tak a ni tih min hrilh bawk.



*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/




πŸ’«πŸ’«πŸ’«a ngaihnawm loh in in lung a dum bik chiah ka ring lo😭😭 thui tawk draft a ka type hnuah ka duh ngang lo aa , a thar ka ziak leh a hei pawh ngaihnawm ka ti chuang loπŸ˜”πŸ˜” mood a fuh loh hi chuan engmah hi a dik thei miau lo, lehkha ka zir a ka thiam thei ngang lo in thinrim tun in ka rawn type chawrh chawrh a, chuvang chuan a ngaihnawm loh bawn turu tih ka hre ve reng a nia, in sawi sel luai luai thei angπŸ™πŸ™πŸ™next chapter ah chuan Muanawma pov kan zep tel dawn a nia😬😬😬 πŸ’«πŸ’«πŸ’«

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 7th, 2019, 11:19 pm

CHAPTER - 23 πŸ’« by Amy Cck ( Dream Girl)








* MUANAWMA POV *








" Enge i duh a? " Ka room a hmeichhe rawn lut ka hmuh rual in ka ti nghal sup. Dinpuii chu nui lui sak in couch ah chuan ka thu thla hnak a. Engtik atang in nge ka nun hi a hahthlak tak em em ni. Hmangaihkimi ka hlat a tang chiah khan ka nun chanve chuan min kal san hlawk a. Mahse kha thil kha ka tih ngei a ngai miau.








" I kal bo dawn a! Tlawm zawk a tang in kha leh chen I hmeichhe lo kawp tawh leh i hmangaih em em chu i hmuh reng laiin an chhuah sak che a mahse ngawi mai mai in i kal san dawn a maw? " A rawn ti ram hmak a. Thaw chhuak hawk in ka thutna atang chuan ka ding a, room chhung couch in hunna lam chu ka pan ve nghal zat bawk.








" Enteh, hei hi ka hna thawhna a ni a, kha tiang thu ho lam tak sawi tur kha chuan min rawn hmu tawh suh, ka sawi vek tawh kha engkim a tawp tawh! " A hma zawn a thu thla in ka ti chhuak sup. Dinpuii hmel erawh a thinrim hmel ngang thung.








" U Muanawm min hriat vek kha, kha hmeichhia leh Nunsanga hi an in kawp thei lo. Engtia rei nge Nunsanga hi ka duh pawh i hre vek a, ka nu leh pa, mi dang zawng zawng tawngkam na leh deu sawhna te, ka hma hun zawng zawng thleng in ka ti dang lam a, chuan kha tiang thu kha min sawi khum a! I farnu ve tho ka nih thu i sawi a ni lawm ni! Kha hmeichhia khan a kal san che a chuan kha tiang khan i la tawng zawk a! " Mittui tling pam chuan a rawn ti sap a. A in hnit nghal hlap hlap bawk. Sawi mai tur hre lo chuan ka en ta reng ringawt.








Dinpuii hi a tleirawl chhuah atang a ka hriat ve kha a ni a, a sawi dik ka farnu ang in ka en a, chutiang bawk in Thatei pawh in U ang in a en ve bawk, fanu mal a nih avang hian a nu leh pa te duat rawn pawh a hlawh. Kei mah ang chiah in class 12 a zir thleng kha chuan Science lam ah kal in doctor nih a tum ve thin mahse a rilru thlak thut in doctor nih a tum chu a thulh ta thut a, a chhungte pawn mak an tiin an zil nasa, kei ngei pawn mak ka ti a ka hrethiam lo. Mahse rei tak hnu a ka hrethiam ve ta a. Sawi dawt lo mahse business lam a luh chilh chhan chu mipa pakhat vang in.








MA tha tak in a pass a, mizoram chhung ah pawh a hming lawr lak khawp a ni ve a, ram pawn lam thleng in hna chu a hmu lutuk mahse chu zawng zawng hnawl chuan Ramnunsanga company a thlang chat a. Mi sawi neuh neuh vel atang a an in kawp emaw kan tih laiin Nunsangan nupui a neih san leh daih bawk nen. Kha mi ni khan tap chuang a min rawn pan in engkim min hrilh a, mahse nupui nei tawh chu a beidawn san mai ka rin laiin nupui a nei chung pawn a tan a la in pe em em a, mi tam tak in mi chhungkaw ti ke tu ti hial a an sawi pawh in a beng a chhi ngawng tlat a mahse tunah a ngai ang tho in a chan leh dawn tih hi engvang a hre thiam duh tlat lo nge a nih!








" Dinpui i ngaihdan chu ka hrethiam che mahse Nunsanga pawh mipa ve tho a ni a, a duhzawng te leh a ngaihtuahna i thlak sak ngawt thei lo. Nang pawn chu chu i chiang tih ka hria, duh in emaw hmangaih let ve che chu ni se, nupui kha a nei lo a nga, tunah nupui a then hnu pawh hian i tan a awm ngei ang. Mahse chutiang chuan a awm lo , a dik em? Nau ang a ka en che avang in ka hrilh ang che theihnghilh la nun bul tan tha leh rawh! " Ka ti sup.








" Hahah.... Nang mah ang hian maw? Nang pawn hmeichhe dang i neih avang hian kha nu kha i then a ni ti raw! Then lo la chuan tunah hian engkim a dik vek ang. An chung chang ka hrilh chhan che pawh an in kawp theih nan a ti ka ni lo, i hriat chuan i bialnu zakthei lo zet hi i rawn zile theih ka rin vang a sin. Mahse nang chuan awl sam zet in i then a! Kal la i la hmangaih thu leh i kal san theih loh thu hrilh a, vuan bet tlat rawh! Aww..... Chuan kei pawh ka hlim a ngan nang pawh..... "








" Kimkim chung chang mawi lo zet in sawi ri hauh suh! Kei chuan a hlimna ka duh mai a ni! " Ka ti chhuak thawt. Ka duh aiin ka aw kii a sang bawk.







" Sawi loh theih a ni lo a nih hi! Pawn lam a in la fel em em in a chhungril tenawm zet saw I hmu sak lo a! " A rawn tih chuan ka in hum ruh nghal tawlh tawlh.








" Chhuak rawh! Nang hian a chungchang sawi a dik lo tak a puh tur in a chanchin engmah i hre lo a, i ngaihven hek lo! Kha tiang thu sawi tur kha chuan min rawn hmu tawh suh, ka thu tawp chu i hriat chian khawp kha! " Ka ti leh sup. Dinpuii pawh a lawm lo tih a lang chiang a chutiangchiah chuan kei pawh hi ka lawm chuang lo.








" A tha e! Hmangaihkimi ang hmeichhiah hian eng thil nge in hmuh chu ka hre lo mahse i ti thei lo emaw i tih duh loh chuan kei mah pawh in ka ti ve mai ang! Eng thil pawh thleng se , a rilru ka lo tih nat sak emaw a nih pawn tun ang chiah hian lo en liam leh ang che! " A tih rual in a ding nghal zat a. Kal tum a kawngka lam a pan chu a banah ka vuan nghal chawt.








" I tum nasa tawk tawh duh tawk rawh ka tih che kha i rin ang mai maiin Kimkimi hi i ti thei dawn lo. Nangmah bawk i na leh dawn! " Ka sawi zawh rual in kawngka lam a rawn in nem hawng a Zirtei a rawn pen lut nghal zat. Kan lo awm dan teh thlawt avang chuan a hmel a hrilh hai hman mahse a rawn pangai leh vat tho.








" Kan hria ang chu! " Tih leh ka vawnna tal pit in a chhuak nghal zat a. Zirtei chuan eng thil nge theng ti ni leh ka bul rawn pan a rual nghal. Chhang lo chuan couch ah chuan ka thu thla nghal dawt a. Tunlai chu ka hrisel na a pan mai bakah kan chhungkaw lam kan hlim chiah lo nen thawk a pik ru phian.








" I damdawi i ei tawh em? " Ka chhan mai loh avang chuan a rawn ti sap a. Lu ka thing ngut a hmuh chuan thaw hak in ka damdawi dahna lam a pan nghal zat.








" Kan kal hma hian i chhungte hrilh chu i duh lo tak tak a maw? " Damdawi min pek pah chuan ka bulah a rawn thu thla ve nghal zat a. Nui lui suk in damdawi chu ka ban a ka hmawm nghal zat bawk.







" Hria pawh ni se eng mah an ti thei chuang dawn lo a. An rilru a hah thlawn mai mai dawn. Ka pa pawh en la, a hriat a chinah a taksa a tlak chak zia leh a rilru hah na hi ka hmu a, ka nu te leh zel ti hlauh thawn hi ka duh lo! " Zirtei melh chuan ka ti sup.








" A nih chuan enge he lai hmun a kan la awm reng chhan hi, tun atang a enkawlna kan tan chuan i tan pawh a tha dawn a! Kan nghah hian eng kawng ro mah a su dawn lo! " A tih chuan ka nui suk.








" Rei lo te chiah ka that lai hian ka hmangaihte hmel hi hmuh ka duh a, an bul a awm hi ka chak ve a . Nakinah chuan thil thleng tur kan hre lawk si lo a! " Nui suk in ti mah i la, ka na tak zet. Hetiang khawp hian ka nun hi a in thlak dawn tih ka hre lawk lo a mahse a lo thleng bawk si.








" Hei..... Thi tur ang maiin i tawng a nia aw! " Zirtei aw tham chel avang chuan za lo zet in ka then suk.







" Thil thleng tur chu kan hriat chian kha! " Kan hma dawhkanah glass ni nghat in ka ti chhuak sup.








" Aii... Beidawng suh, treatment te kan la a nga, hmun pui lamah kan in en kawl bawk a nga i tha leh mai ang! " A rawn ti vat a ka nui ro leh hawk.








" Chu chuan eng tia rei nge a daih ang! Kum 1 maw nge kum 2 zawk. Thla rei lo te zawk nge? Min hrilh ta che!!. " Ka tawng tawp lam chu a ring ta viau. Ni e.... Kei hian chuap cancer ka vei mek. Ka damlo a ni, chu thu chu Zirtei leh ka pa chuan Remruata chiah in kan hre bawk.








Suangtuahna tam tak neiin ka training a, specialist ni tur in ka zir a, mahse rei lo te hnuah ka damlo na chu ka hre leh si. Ka rilru hi a buai in kei mah ngei pawn rin harsa ka ti a. Mahse doctor ve tho ka ni a, khang result leh test zawng zawng kha doctor dang hrilhfiah kher ngai lo in ka hre thiam ve vek bawk. Vanneih thlak ka ti dawn nge vanduai thlak ka ti dawn zawk, kan training naah khan Zirtei nen hian kan in hmel hriat chho a, mizo dang an awm loh avang in kan in kawm chho tan a. In ngaizawng erawh kan ni lo.








Kimkimi nen pawh kan in be reng a, ka ngai a, ka thlahlel em em bawk. Mahse ka natna ka hriat chhuah takah erawh ka rilru a tla hniam in vawi tam tam hrilh pawh ka tum a mahse kan in biak a piang a, a aw zang khai leh a hlimna kha tih chhiat ka duh lo a. Ka zirlai ka zawm zel ang nge ka haw ang tih pawh hi vawi engzat nge ka ngaihtuah a, ka rilru ka thlak pawh ka hre nek lo.








Zan ka mu thei lo fo a, Zirtein min awm pui a min buaipui chawt bawk. A tawpah chuan hetiang ka ni ta ro ro a, ka chhung te bul a hun hman ka thlang ta zawk a. Ho ka tum nghet ta a, Zirtein min zui haw a tum ve pawh chu ka ngaihdan a ni chiah lo mahse a tum miau mai bawk si nen. Haw ka huphur chhan ber erawh Hmangaihkimi a ni thung. In hualna neiin ka kal san a, ka let leh hunah chuan ka hlat ngei a ngai dawn. Ka natna a hria a nih chuan a thawng dawn tih ka hria. Zep hlen erawh ka tum lo, rem chang a hrilh ka tum mai zawk a ni.








In kan lut a, a hmasa ber in ka pa ka be hmasa ta ber. A fapa neih chhun ka ni a, hreawm a ti ve hle bawk. Zirtein thiam tak in hnem mahse tu pawh in ka natna a thaw chak zia kan hre vek a. Ka remti lo chung Zirtein phai lam ka pa a sawi hmuh ta hram a. Chuvang a tun ah pawh kal tum ka ni bawk.








Kha mi ni kan in kar ngaihtuah that ka duh thu ka sawi ni a Kimkimi hrilh hai leh hlauthawng hmel kha ka theihnghilh thei lo. Chu vang chuan zingah engkim hrilh a, pangai tak a hrilhfiah tur in an inah khan ka kal a mahse ka rin loh deuh in a mah chauh in a lo ni hauh lo a. Chuan kha pa kha a inah a riah tir tih sawi kher lo mahse zingkar a an rawn chhuah dun danah khan a hriat vek bawk. Tah chiah khan ka rilru chu ka thlak leh ta zawk bawk.








Ka damlo tih ka hrilh chuan engkim kal san in min zui a nga, rilru hah leh hreawm reng reng in a awm dawn a, mahse a tan khan Ramnunsanga kha ka duh pui miah lo. Dinpuii atang in thu thenkhat ka hre nual reng bawk a. A fapa in a ngainat em avang in a zar buai tiin min hrilh miau a. Mahse kha thil khan a rilru tam tak a la peng tih ka hria. Ni lo se chuan Hmangaihkimi khan ka then tawp chhan leh thil dang dang pawh hriat leh ngei a tum dawn tih ka hre miau a. Chu chu ka thil huphur ber pawh kha a ni bawk. Mahse vanneih thlak tak in kan boruak chu a dang ta hlawk a.








Remruata nen pawh kan duh pui lo viau mahse a rilru dam na leh thil dang a ngaihtuah theih na a nih chuan tiin kan en liam a, ka hmuh lai ngei a mipa dang kut a vuan chu ka tan tawrh a har tak zet bawk. Damlo e ti lo chuan zu te ka in phah a, ka pa in min zil hrep nghe nghe mahse ka rilru a hah em a ni. Ka nau leh ka nu lah chuan engmah hre ve hek lo tun thleng in Kimkimi ka then avang in min la be tha duh lo bawk nen.








Kimkimi damloh atang chiah khan Ramnunsanga ka huatna a bo ta chiah a. Ka rin loh deuh in a ngaihsak in a buaipui em em a. Dinpuii lak atang in chanchin ka hre nual a mahse a mit meng a, Kimkimi a ngaihtuahna kha ka hmuh sak tlat a. Kha ta tang chiah khan kei pawh in ka thlah ve thei ta hram. Mipa rilru chu mipa bawk in an hria an ti thin. Chu vang chuan Kimkimi hi a chhaih kual in a fiam mai mai lo tih ka hria a. Ka thawveng hawk bawk.








" Ka hre lo! Ka hre bik lo mahse bei kan ti dawng ri ngawt tur a ni lo. Kha tiang khan i patient te i hrilh a nih chuan an hnual ve rawi tho ang, chuvang chuan kei chuan beiseina ka la nei tlat dawn! " Ka rin loh deuh in a aw a dam dap a. Doctor ni awm reng hi a ni.








" Engvangin nge i beidawn ve mai lo a, ti hian ka awm ang ang hian min awm tir ve mai rawh! " Ka ti sup. Kei chuan phai lam pan pawh ka duh lem lo mahse ka pa leh Remruatan min duh pui tlat bawk nen hnial ka tum ta lo. He ta ka awm reng chuan midang pawh hian an la hre vat lo ang tih ka sawi thei lo tlat.








" A chhan chu ka duh che a! Hahh.... Mal ti vak suh nang pawn I hriat ka ring mahse ka tan i mit i len ve tlat lo a I hre lo mai thei bawk. " Nui sak in ka mitah min melh chung chuan a rawn ti sap a, a thu sawi chuan min thawng mai pawh ni lo in mak ka ti lutuk tlat. Kan in hriat tirh atang in thian ang hlir in kan in kawp a Kimkimi chung chang pawh ka hrilh ve nual bawk a chuti chung chuan min duh thu a sawi a nih chu.








" Heiii.... Mak tih vak tur a awm a mi, hmeichhia in zah pawh dawn lo a mipa a zui chawt chuan enge ni vak se i tih. Mahse min duh let ve tur in ka ti miah lo che a nia, a hma ang khan awm leh la, chuan nangmah enkawl hi min phal sak rawh! Duh lo mah la ka zui kawi char char dawn che! Tunah chuan i single tak tak tawh hi aw! " Nui deuh chung chuan a rawn ti a, ding nghal in kawngka lam a pan nghal zat bawk. Sawi tur hre lo chuan a hnung lam a tang ka melh ta tawp. Kei chuan hmeichhe pakhat chiah hmangaih leh duh ka nei!








_____________________________________________








" U... Kha chu haw hunah ti tawh mai rawh! Ka nu in min lo call char char tawh a nia, nangmah vang a ka tuar leh vaih chuan i chak lo ngawt ang! " Ka room kawngka bul a ding teuh in ka vawi thum sawina a ni tawh! Dawr atang ka rawn haw hma a nga kan kal dawn nia a ti ve em em a, hna ka en leh lawk ang a tia kan tlai leh vek.








" Ok... Ka hman kal ang le! " Rawn ding chhuak in a ti ve hram. Naktuk mai hian Muanawma a kal tawh dawn a, hna vang chu an ti tho a, hman ang khan ka zawt chik lem lo. Tun tum chu ka pa in chhungkaw kim a chaw ei khawm a rawt ve teh khiah a ka nu hlir in a rawn thin kha a nia zan in chu ka pa a ni ve teh tlat!








" Dr kha a tel ve dawn a, nuam lo i ti em lo ang chu! " Ka U in min melh zawk in a rawn ti a, ka nui hak. Dr Zirtei hi ka, rin ai a fel ka ti ta daih. Kei ni ai a kum a upa daih a Thatei nen kan han huat rawn rawn nen tawngkam mei nei leh hriat hreawm min la tawngkhum miah lo. Ka nu tak ngial pawh a be tha duh lem lo a mahse tunah chuan an awm danah in ngai zawng an ang lo bawk a, kan pangai tan viau.








" U... Engkim a tha vek tawh a lawm, i nau hi min hre chiang a ni lawm ni, mi tumah ka haw rei ngai lo tih. Muanawma nen pawh kan tha vek tawh! " Zangkhai vah a ka tih chuan a U pawh a nui ve ta suk.








" I ti tha e, hma lam pan a I kal hi ka lawm a ka thawveng sawt! In a I awm hian i zaidam sawt riau in ka hria, hna thawk tawh lo hian ka chawm char char mai dawn che mi le! " A rawn fiamthu ve ngei avang chuan lei ka chhuah khum vak ringawt. Kum in a ral tep tawh a chawlh ka nei tluan law law thung. Pawi ka ti lem lo a, kut ka tuarna te hospital a ni miau a engmah an sawi buai lem lo.








*enge! * ka phone ah call a rawn lut a Ramnunsanga a ni tih ka hmu mahse la lo in ka off ta zawk. Ka la a nih chuan ka U a awm ve bawk nen min tih laih leh phet a tum dawn tih ka hriat lawk vang pawh a ni mai thei. Call chhang lo in ka text let ta zawk.





* Hna ka bang chiah a rawn hmuh lawk che ka duh a! Ti nge call i lak loh. *






* ka U bulah ka awm a, kan leng chhuak a inah ka awm lo! *





* i U awm vang chuan min be duh lo a, a va naupan chhiat thlak ve! * a chhiar zawh chuan ka ner sak. Tawng thei thin viau mah i la Ramnunsangan thu mal khat lek a sawi hian ka dang a awk vek zel miau!






* Haw zawk rawh, Reubenan a ngai tawh ang che. *






* khawi nge in chhuah dawn? * hepa tak hi chu ka thu sawi engah mah a ngaih leh duh tawp loh hi.






* ka pa te inah chaw kan ei phei dawn a ka U nen! * tih zawng ka reply a, kan thlen tawh avang in enge a rawn sawi ka hre tawh lo , ka phone chu ka bagah khung in in lam pan chuan kan kal nghal vat a.








" Heii.... Ka U thlah in ka kal ve dawn a nia aw, enge ka lo hawn ang che! " Tukverh bul a ding in ka phone en leh ka tum chiah chu Thatein ka bul a ding in a rawn ti vah a, ka phone chu en lo in ka dah leh ta zawk.








Muanawma pawh Zirtei lam in a kal a, ka U leh ka pa erawh an thu tak leh viau tawh! Choka lamah ka nu bulah kan phei a, an nula pahnih te nen rawng an lo bawl malh malh a, mak ka ti viau kha ti khawp a in zui rei mahse rei lo te a engmah thleng lo ang mai a ka be leh thei hi. A hma pawh a unau ang a ka lo en deuh thin vang pawh a ni mahna.








Zan riah kan kil hma in ka pa in hun hmang in thu tlem a sawi a, tawngtaina te hmang in nen. Tun tum chu Muanawma pawh a rawn haw mai mai thei dawn lo a nih hmel a. Chuvang a Thatei pawh in thlah tum a ni bawk. Engtak nge an tih dawn tih zawt chak viau mah i la dil chhut viau chu thil mawi a ni si lo, chuan Dr Zirtei nen an nih avang in hna a ni tih chu a chiang mai a.








" Heii.... I puar em? " Zanriah ei zawh a thei eitur siam a kan awm lai chuan Zirtei chuan min rawn bia a. Min be hmasa ve ziah thin min hmuh chuan mahse kei mah zawk hian ka huat vang pawh ni lem lo in biak hi ka hreh ve tawp bawk.








" Umm.... Nang zawk? " Pangai tak chuan ka ti let ve mai a. A puar thu in min chhang ve tho a aawi tur chu vang duh tak a ni.







" Min haw tawh lo ti raw? Thian kan ni thei a ngem, aa.... I duh loh chuan a pawi chuang lo a nia... Ka...! "







" Ka duh a lawm! " Ka lo ti vat a. Thaw huai hmel a pu. Naktuk maiah an kal bo dawn a a rilru lo tih hreawm chu ka duh bik lo. Chubakah misual a ni lo a. Tunah phei chuan Muanawma nen lo in kawp pawh ni se ka dem lo. Kei pawn bialpa chhelo leh pa tak, thik thu chhe ve em em, min hmangaih leh min duat em em tu, ohh. ... Kum lamah chuan in thlau deuh mah i la tlangval tam tak aia chhelo ka nei a. Ka rilru zawng zawng ka pe vek tawh tih pawh ka pha lo.








Kan in kawm thei ta phian a, rin ai a nelawm bawk nen ka tawng ve leh teuh tawh! Ka nu rawn lut ve in a rawn phun lut bal bal a, mipa ho an in khung bo vek chu a lawm lo a nih hmel.








" Ka lo hruai dawn che, lo chhuak la! " Phone ka lak rual in leh lam a miin a rawn ti nghal sup. Ka thaw nghal halh. Muanawma hi a la thik reng a, Muanawma te in a chaw kan ei phei chuan min rawn hruai deuh ziah ti I la, ka sawi sual lo hial ang.








Ka pa te thingpui ka pek rual in ka U bulah ka lo va haw hmasak duh thu ka sawi chuan ka pa un driver thlah ka ngaih leh ngaih loh min zawt nghal zat a, a ngaih loh thu in ka chhang ve mai a. Ka U chu haw mai a la tum hmel loh viau leh nghal.








" Pawn thleng ka va thlah ang che! " Muanawma chu rawn ding chhuak in a rawn ti sup a. Ka bu ve nghat, pangai tak a in thlahna hun kan la nei miah lo nen a fal a biak ve hrim hrim ka duh tel ve bawk a.








" Min rawn be ve thin ang ti raw? " Kawngka kan chhuah rual in a rawn ti nghal sup a. Nui var var in lu ka bu nghat.







" Ramnunsanga bulah hian i hlim em? " A rawn tih chuan ka dak chho nghal vah. Min lo melh chhuk ve run a, hnai tak ah ka hmuh loh na leh chiang tak a ka en lohna a rei ve tawh bawk nen, a hmai tla ve dawk chu ka hmu chiang a mak ka ti viau.







" Min hmuh ang hian ka hlim a lawm! Chuan I cher a nia aw, in enkawl tha la! Chuan Dr Zirtei kha lo duat la, thian kan ni tawh a nia, i lo duat loh vaih chuan ka kut tum hi i tuar dawn a nia!" A biang tawk zeuh in ka ti sap a. Nui suk in a tukhum a tuai chu ka nuih ve tawp. Hman ang khan sawi tur a awm tawh lo a, han in fiam a, han in chhaih kual thei kan ni tawh lo bawk nen.








" A tawp nan min kuah duh a ngem. A kum a kum kan in hmu lo mai thei a! " A rawn tih chuan ka kuah ve mai bawk a. Dik tak chuan tun tum a kal tur chu ka pa hmelah lawm hmel a lang lo a, ka U lah in a sawi phur vak lo bawk nen ka lo huphurh ve em em tawp a ni mai.








Gate lam pan chuan kan kal a, gate bul a mipa lian zet motor ngheng a lo ding ka hmuh rual chuan ka nui nghal var var a, a ni erawh a kareh mawi zet chu chip hmuk in a mit meng ti zim sun in min lo en thung. Halfneck dum ha in a chungah coat a ha a, kekawr dum dak zuih nen, kei heti ve mai ka ni a, a ni chu engtik lai pawn a ni thlup zel. Mahse a chhelo ngawih ngawih tho.








A bul ka thlen rual in motor kawngka a pawt hawng nghal vut a, ka ner nghal sak. Muanawma chu mangtha in ka lut nghal vat a. Kawngka a rawn khar nghal dawp bawk.








" Eng nge an sawi em em bik? " Phun sap in motir kawngka chu nem hawn leh mai ka tum a mahse Ramnunsanga a leu luau hian a dang tlat a nih chu! Muanawma nen enge hmai chhanah an sawi ve tak ang tih mawlh ka ngaih tuah.








" Enge in sawi? " Driver seat a a rawn thut luh rual chuan ka lo ti vat a, a nui suk duh chauh maw le.








" Heii.... Thu mai mai rawh! A zin tur ka thlah ve lawk a nih kha! " Seatbelt phelh ka tum chu ka kutah rawn vuan in a ti nghal sup a. Mak ti zet in ka melh thung. Eng tin nge a lo hriat ve reng reng ni.








" Damdawiin lamah banna a thehluh kha ka hmu a lawm! " Ka ngaihtuahna hria ang hrim in a rawn ti leh sup a. Ni tak.... Damdawiinah hian eng emaw chen thu neihna a nei a, lang sar lutuk lo in a dawm ve reng bawk.








Kawng tluan in ka tawng malh malh a, a chang a min lo chhang ve leh sup thin bak a tawng em em lo mahse sawi tur erawh ka ngah viau. Ngawih a chuh hian ka tawng tam zawk. Chu lo chu a rawn tawng chhuah ve hi chuan engkim hi an chawl duk zel miau.








" Lo thu la, ka in thlak a nga thingpui ka lo siam ang che! " In chhung kan luh rual in ka tu nghal vat a, a coat hak phelh in sofa nghenchhanah a bang a, a thu tha nghal vut bawk. A chet dan ka lo en reng lai chuan min rawn melh ve thut a, a mit hmul a rawn san uk a, lai zet a lei chhuah in ka room ah ka lut nghal hmak.








Ka kekawr vel chu phelh vat vat in, ka sam chu ka bawk tawm nghal vek a, ka kawr fual senno chu in thawlh in ka chhuak nghal zat bawk. Sofaah chuan thu in a khupah a kiu nghat in a lo thu run a, thingpui ka lum tur thu sawiin choka lam ka pan san nghal vat bawk. A la tlai em em lo bawk a, ka hman hmawh lo ve ringawt bawk.








" Heii.... A za! " Gas hma a ka din lai chuan ka hnung lam atang min rawn kuah hlun a, a mah hnung chhawn zawng in ka ding a, a hmel ka hmu thei lo thung. Ka dul zawn ah a kut hlai zet chuan a rawn zen lut a, a taksa si chet in min hnuk hnai nghal hrawk bawk.








" Ramnunsanga a za ka tih chu! " Ka nghawng leh ka dar bawr chu rawn kun hniam in a biang hmul in a rawn nawk leh thin. A chang a a rawn seh leh zeuh thin chu za ka ti bawk nen ka tal leh laih thin a mahse ka tal a piang in ka dul zawn a a kut hlai zet chuan ka shirt hak pan zet chhanah chuan a rawn tham leh dakh thin bawk nen ka tang a ni deuh ber.








" Eng tin maw min koh! " Ka beng bul a ti sup in ka bengkawm chu a rawn seh zeuh a, ka rak nghak that a, a ni a nui nghal suk.







" I hriat reng kha! Khawi maw thingpui a so a nia! " Ka tih chuan min thlah ve hram a. Ka hnung atang a kal sawn tih hriat zet in a taksa lum in min dai loh chuan ka vawt nghal sung sung bawk.








" Nang ai hian ka upa daih zawk a, ka hmingpum lawl lawl hian min la ko zui a nia! " Nuih za aw deuh a ti tu avang chuan ka in her zawk a, hnung zawng a dawhkan a in nem khalh in a lo ding awn deuh bawk. Ti nge a ding mai mai pawh hi model ang mai a smart leh nalh a nih le.








" Ka pu sawn che a mi? Tu nge bialpa te U emaw pu tut tut ngai! Kan in thlauh vang tak hian a lawm ka koh che! " Sawi guh in ti zet in ka then nghal sak a in her in thingpui no chu ka oe nghal zat bawk. Kei pawn ka hre bik lo engvang a a hming a koh nuam ti viau nge ka nih.








" I bialpa ka ni maw? " Then suk a tiin min rawn melh nghal run a, ka ner sak a hmuh chuan a nui leh mai bawk a.







" A nih chuan ka bialnu hi ka mamawh viau che in ka hria! Reubena pa pawh ni i la bialnu ka la nei miah lo a nia! " Ti leh sup in ka kawngah a kut lian leh hrawl zet chu a rawn zen lut nghal vut a, ka rak that rual in a taksa si chet in min kuah khawm leh der tawh. A thu sawi chu ka nuih a zat rual in ka hlim veng veng thung.








" Ihhh.... Thungpui hi in zo phawt la! " Min fawh tum a a rawn kun hniam chu ka lo ti nghal vat. Then suk in a kut leh lam a thingpui no chu a tlak nghal pawp a no chu dawhkan sirah a dah nghal but bawk, mak ti lutuk in ka lo en tawp a sa te a ti ve lo zawk nge.







" Ka thei tawh em? " Tih leh a kut leh lam chuan ka nghawng a rawn vuan in min fawp nghal zat a. A tir chuan dam zet a min fawp in, a kut lum vung bung chuan ka nghawng a tuai tel nauh nauh a. Ka thlawk delh delh maiin ka hria! Ka hmui hnuai chu pet kau in a lei hrawl leh thap hrak , sa zet chu a rawn luh tir nghal zat bawk.








Kei pawh chuan phak leh phak lo chuan a nghawngah kuah in ka chhang let nghal zat a. Min fawh hian mak tak in ka taksa hi za chuai chuai a, chhang let lo thei lo hian min siam ka ti mai.








" I thlum tui tak zet! " Ti sup in ka hmui chu a pet zauh a. Ka nui hak. Min pawm kang nawlh in dawhkan chungah chuan min thut tir a, a kut pakhat a ka mal rawn zut chho in a leh lam in ka hmui a tuai neuh neuh bawk a. Min fawp mai duh lo chuan a biang leh ka hnar te a rawn tawk leh zauh thin. Fawh tum a ka hnaih a piang in a awm hla zel te chuan ka thin an ti rim hlur tawh.








" Tunah hian eng ti tur in nge min duh! " Ka beng bul a rawn ti thawp sup in ka beng chu a seh nghal zeuh a. Ka taksa chu a za uai maiin ka hria. A kut chuan ka kawr rawn hlim chho in ka mal chu a rawn zui kual dan dan a, ka rilru chu a buai nuai maiin ka hria.








" Min chhang rawh! Enge i duh? " A rawn ti leh sup a, a aw ri sexy zet avang chuan chil ka lem nghal kalh bawk. Ka chhan hma chu chet lak a tum lo tih a awm danah lah a chuang bawk nen, ka thinphu re chu rawn chhuah tum ang mai hian an thum dat dat a.







" Nang.... Nangmah! Min fawp rawh! " Ka sawi zawh rual in mit ka chhung nghal sak. Ka zak a ni, kha tiang thu kha ka sawi ka ring ngai lo. Muanawma nen kan nih lai pawn a harhfim zawkah ka tang xiah a hih kha, tunah hian enge ka chungah thleng ta. Hmui lum vung vung in ka hmui a rawn sik ruak in ka hnute a rawn hup nghal thawk a, ka thaw chhuak nghal halh. Tunah hian ka rilruah thil pakhat chiah a awm bawk.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 7th, 2019, 11:19 pm

CHAPTER - 24 πŸ’« by Amy Cck ( Dream Girl)








' Hmangaihkim harh chhuak rawh! He tiang hian i awm thei lo! ' ka rilru chuan a rawn ti leh thin. Mahse harh chhuah a in control ka tum a piang in ka chhung lam a mi hian nasa tak in min nawr thung. Duh thaw, zei leh uar zet a min fawp tu chu dan tum ai chuan a nghawngah kuah bet in uar zet chuan ka chhang let ve nghal tan tan a. Dawhkan atang chuan a lamah min pawt hnai deuh dat a, ka mal leh mal in karah chuan a rawn ding nghal vut bawk.








" Ka..... Ka U.... Ka U a lo haw tep! " Enge ka sawi teh niai pawh ka hre lo mahse ka U a lo haw thut thei tak tak. Kan kal thui tak tak hma hian kan tawp a ngai!
Mahse ka rilru hian tawp tak tak tur in a duh chiah em ka hre lo. A hmui lum ham ham rei lo te chhung a lak sawn pawn awm ngaihna ka hre lo a chu ti chung chuan tawp tur in ka ti chu a nia!








" Chuan! " Ka hmui hnuai pet zeuh in a rawn ti sup a, a kut lian leh hrawl zet chuan ka nak nem chu a tham deuh salh bawk. A za ka ti chu ka kut chuan a kut chu ka vawn hnan nghal vat a. Mak ti lutuk in ka kut awmna chu ka en chhuk nghal vat. Eng tik laiin nge ka kawr hi a lo in hlim chhauh a, ka taksa ah a kut a lo dah hman!








" Engtin nge? " Ka ti sap. Nui suk a ka chhip a hmui lum thur thur in a rawn nawr rual in in sehruh vak in mit ka chhing nghal sawk. Kei hian a fawhna avang khan ngaihtuahna engmah ka hmang thei lo tih ka hre chhuak a, ka zak a, ka in thiam lo bawk. Kha ti khawp khan a lakah feeling ka nei tih a hre thiam a nga , min zuam in min ngainep ang tih ka hlauhna avang chuan ka taksa lumna zawng zawng chu a rawn vawt nghal rawi rawi bawk.








" Dik lo a awm em? " A rawn ti nawn leh sup rual in ka in rin hma in ka in hnit nghal hraih a, a kut lian leh lum vung vung ka vawn hnan chu ka hmer ngawt ngawt tawp. Ka awm dan a vang chuan a hrilh hai tih pawh ka hria mahse a hmel pawh ka hmu ngam tawh lo hrim hrim. Ka hma zawn a mipa hrawl zet chu rawn thaw chhuak ham ham in a awm zawnah chuan dim te hian min kuah bet a, min hmu thei lo tih ka hriat chiah chuan ka mittui a rawn dir nghal zawih zawih bawk.








" Min.... Min ngai nep ti raw? " Ka ti sap. Ka hrawk zawn rawn sa huam huam leh tah chhuah hlauh avang a rawn in hnawh tup tup chu a hreawm lutuk tlat. Ka zawhna chhang lo chuan a taksa hrawl zet che awk chuan a rawn thaw chhuak hawk a, min kuahna chu a ti nghet nghal vak bawk.








Eng vang in nge ka zawh kher? A chhanna chu ka hre chiang lutuk tlat. Sawi lang lo mahse hmeichhe mawl leh sih hnip tak ah min ngai dawn tih ka chiang sa miau. Kum kha leh chen ka mipa kawp nen kan in then a, hun rei tak pawh a liam hma in ka thinlungah mipa dang ka seng lut leh mek bawk. Chuan tunah phal tak in rei tak ka mi hriat pawh ni lo hmaah ka taksa ngei...... Uurrggg... Sawi pawh a zah thlak zawk!







Chuan he mipa hi mipa dang ang a ni ve lo. Tlangval pangai a ni lo a. Mipa fing leh ngaihtuahna thui tak pu mi a ni a. Vawi khat lek min hmangaih thu a sawi a. Ohhh.... Chu pawh min hmangaih in a in hre mai chauh a nih kha! Chuan kei in a tawngkam thu mal khat lek vang chuan a lamah ka awn duai duai a, ka thinlungah seng lut in ka vei zui em em mai bawk a.








" Ka thiam loh zawk niin ka hria! " Rei tawk fang kan ngawih dun takah chuan a rawn ti chhuak sup a. A taksa min kuah beh na atang chuan min nam hla deuh hret bawk. A kut ka dar a vawnna chu la sawn in muang chang leh dam zet chuan ka kawr in hlim chho chu a siam tha mawlh mawlh a. A chet dan chuan min thawn em avang in tih ve tur emaw han sawi mai tur pawh ka hre hek lo.








" Ihhhh.....! " Ka ti zet tawh mahse a mit meng thim khup mahse en chian a dam em em lawi si avang chuan ka ngawi leh ta zawk. Nichin lawk a duh thaw zet a kan in fawhna avang a hmui huh hlap chu liak kual zauh in a kut chuan muang chang in ka mal a zut thla zel a, tlem in ka mal in kar atang a ding hla hret in ka mal chu a rawn ti chip nghal zat bawk. Ngawi reng in a chet dan chu ka en a, ka kawr hak a siam that lai a ka taksa a zut kual lai te chuan ka taksa chu rawn danglam leh tan in ka taksa chhung te chu a rawn tim/ mur leh nghal ar ar a. Ka awm dan chu in haw viau mah i la ka control thei tlat lo.








Ka mal chung a nghet zet a ka kut pahnih ka hum tawm ngawt ngawt chu a kut lian zet chuan a rawn hum thuah nghal thuk a, tul lo zet in ka phu zawk leh nghal. Ka awm dan a vang chuan a rawn rum ri hrawk a. Kei erawh in kan kut chu ka melh ngawih ngawih thung. Enge sawi a tum ka hre chak a mahse chu mi rual chuan min ngaih nep thu in min tawng khum ka hlau hluah hluah bawk.








" Duh aiin ka lo nawr nasa mah mah che a nih ka ring! " Ka kut hmer nghet deuh salh chuan a rawn ti chhuak sup a. Kan kut ka melh reng na atang a ka mit la sawn in ka hma a Ramnunsanga chu ka melh nghal vat. Min ngaihnep na mit meng ka hmuh hreh vang in a mitah pawh ka en ngam lo kha a nia mahse tunah hian engmah chutiang ka hmu hauh lo chu ka ham haih let ling zawk hial.








" Ka hmu cheu a lawm! " Ka mitah tak min melh chung chuan a rawn ti leh sup a. Ka mittui la tling deuh avang chuan ka khap nghal fak fak. Enge a sawi awm zia ka man hlawl lo bawk si chu zawhna mit meng in ka melh let haw.








" Kha Dr nen a in in kuah lai kha! A taksa a hahdam tak a I kuah a, a hma zawn a hlim hmel tak a a mit a melh chung a I nui sang lai nen khan! " Then suk in ti mahse a hmel chu a nelh awm chuang miah lo! Ka kut a hum lohna lam chuan ka hmui hnuai a tuai nghal zauh a. Sawi duh nei hmel a pu a mahse sawi tum hmel erawh a pu lo thung.








" Kha kha chu....! " Ka ti hman tawh mahse ka kut a rawn hmer leh deuh salh rual chuan ka tawp leh chat a, ngaihdan dik lo a nei lo hram ka beisei. Engvang a ka lungphu chu thil ti sual ang mai a rawn rang dawt dawt nge a nih pawh ka hre lo.








" Ni lo..... Zan in chu min sawi zawh tir rawh! A tha em? " A rawn ti leh hmuk tak ah chuan ngawih chuh leh ta zawk in ka lu ka bu ta nghat a. Ni e.... A duh chu sawi se a sawi zawh hun ah ka in sawi fiah ve mai ang ka rilru chuan ka ti a. Engvang a a thu sawi hi pawm pui thlap zel nge ka nih pawh ka hre lo. Midang hmaah chuan awm i la ka sawi zawh tir kher lo ang. In sawi fiah tum in emaw a ngaih ang a lak kawih tur a awm loh thu in tan ka khawh a nga ka thinrim hial zawk mai thei. Ral khat atang a a thil hmuh vang ringawt a a ngaihdan a lo kal pui chu ka haw mai thei bawk mahse tunah ka rilru chu, chu mi let thawk chu a ni tlat.








" Ka hre ve a lawm nang te reuh hi hmeichhe luhlul leh lungruh em em I ni tih mahse chu ti chung chuan ka hlat thei lo che hi ka in haw ve bawk a sin. Mipa dang i thinlungah i dah tih hre reng in , he i thinlung te tak teah hian ka hming ziah ve ka duh a. Patliang pui ni tawh in leh nangmah let zet a lian hian i duatna leh i ngaihsakna dawn ka thla hlel ve miau sia, enge ka tih chuan ang?








I mit hmuh a ka awm reng a, ka zar buai reng che a nih chuan eng tikah emaw....! Eng tikah emaw min pawm ve ka ring a. I hre ve kher lo ang. Nangmah ah hian i englai hi nge ka duh em em tih hi kei ngei pawh hian ka hre lo. Atthlak zet in Reubena ka zawt tawp hial a min chhanna i hre duh em? " A mit hmul rawn kan uk chuan min nuih suk a. Ka a mai dawn in ka hria, a mit meng cool ruih leh thim kup a min melhna avang chuan ka taksa chu chhung lam atang a khur ru der der hial.








" Hmangaihkimi i nih vang hrim hrim hian a ni mahna! Kei leh ka fapa vang a I chung a thil thleng avang pawh khan kal san vang vamg tur che kan ni a mahse ka thei chuang lo. Nang mah min hlat tir thei tur engmah ngaihtuah duh lo in ka la zui lui ngar ngar che a nih hi. Zan in khan kha Dr hnaih tak a i awm pui vang khan he lai hi a vawi khat nan a rawn na ve a! Kha pa khan fawp ngat che se la chuan rawn kal in ka that duh hial ang! " A thu sawi tawp lam avang chuan ka nui hak a. Ka mittui tling sa kha a rawn luang thla nghal pap. Mahse tunah ka ngaihtuahna erawh a danglam ta hlauh.








" Min hria ti raw, luhlul leh lungruh zet ka ni tih kha! Chuan kei chuan mi ka kal san dawn a nih chuan chhan tha tak ka phut thin, chuan ka thlah tawh te vawn leh tumna ka nei ngai hek lo. Zan in te chu thian emaw unau in thlah na a nih kha! " Ka tih chuan thaw veng hawk hmel a pu.








Ka sawi dik reng bawk a Muanawma nen pawh chiang tak a thu ka hriat hma chu kan in kar ka ti tawp hauh lo. Zan rei a a phone hmeichhe dang a lak tir pawn tha tak a kan sawi theih ka la ring fan a, ka hmuh lai ngei a hmeichhe dang in a a rawn hruai luh pawn ngawih ka la chuh zel a nih kha. A mah ngeiin kan in kar tih tawp a duh a, chiang tak a min hlat a duh hnuh chauh in ngaihtuahna dang ka pu bawk.








" I ti dik ang mahse kha Dr leh kei min en dan chu a dang miau sia! Ka ti dik em? A bulah kha chuan i nui a, hlim tak in i bia a mahse ka bulah ve chuan engtik lai pawh hian min tlan chhiat san duh hmel i pu thung a nih hi! " Nuih za aw zet a arawn tih chuan ka ner nghal nawng.







" Chu tiang chuan ka awm a maw? " Ka ti sap. A mah ka bia pawh ni lo in kei mah leh kei mah ka in hrilh a ni mah zawk. Ka kut a vawnna chu thlah in ka sir ve ve a dawhkanah chuan rawn in nem khalh in ka hmai bul chet a rawn awm hnai in mit a rawn san leh uk a. A sawi dik tih ka hriat lutuk avang chuan lai zet a lei chhuah zeuh in ka nuih tlawn ta tawp.








" Nia... Mahse i ngai kawi a nih kha aw. Kha tia ka awm chhan chu nang chu min tih laih phet i tum zel a, ka hmuh hun ah ka sawi ang emaw ka zawt ang che ka tih te hi a tak tak a thlen hian ka sawi leh thei lo thin a, ka ka a rawn thlen hma in an ral duak zel. Chuan..... Chuan..... Ka taksa hnaih lutuk a I awm phei hi chuan.....! " Ka tawng hnem lutuk chu sawi zo thei lo in chil ka lem kawlh a, ka thaw nghal halh bawk.








" Chuan engmaw? " Ka ngawih dat avang chuan a rawn ti sup a. Nuih za hmel a la pu zui. Ka a zo tak ngial dawn. He tiang a a tih thin vang hi a lawm peh hel hram hram ka duh thin.








" khaa.... Ka sawi tur lo pui pui ka sawi leh a ni ti raw? Ka a mai dawn in ka hria! " Ka tawng tawp lam nawi ta nuai chu a ngaihna pawh ka hre tawh nek lo.







" He taksa hnaih a ka awm hian engtin maw I awm i la sawi zo lo a nia! " Ti sup in a kut vei lam chuan ka nghawng chu a rawn thai nghal riak riak a, ka taksa sa pup pup leh thin phu dawt dawt chu tih reh tum in thawk ka la vak ringawt a, awmzia a awm lo viau leh nghal.








" Aa... Aaa... Ka... Ka thawk hi tawp in ka thi mai dawn hian ka hria! " Ti chhuak vak in a kut chu ka man nghal chawt a. A kut lian leh lum vung vung, thil ti thei zet a min khawih reng chuan ka lungphu hi chawl in ka thi tak tak thei hial dawn miau! Nui hawk in a kut chu a la sawn a, a ding ngil nghal vut bawk. Ni ee.... Ti hi chuan ka thawk pawh a pangai thei ve ta deuh. Dik tak a sawi chuan a mi uap hi a na em a, ngaihah ka nei hlei thei lo tak tak.








A ni tel in a zunah ka uai tulh tulh a, nelawm loh leh tawng tlem viau mahse a mize cool lutuk avang hian vei zui vawng vawng tham a ni miau. Thiam lo tak a fiamthu thaw a, nui suk a min han fiam phei hi chuan thlem emaw sawm leh chuan pawh ngai lo in a lamah ka awn duai duai a, eng thil pawh tiin a mizia pawh thlak danglam mahse a in hmeh vel vek a, min hip na a ngah lutuk avang hian ka at chilh hlum lo chauh emaw, mawl mang zet leh rilru hmang lo zet a lak a in pum pek a, ka neih ve chhun hlu tak leh kan zahawmna ka hlauh ka hlau a ni zawk mah.








Kei ni chu midang chhungkua ang ka ni ve lo a. Kan mualpho na leh kan chet chhiatna hi a lang hma em em a, pangai tak hian lang thin mah i la fahrah kan nihna hi kan hre chhuak leh lo thei thin lo miau a. Thil ho leh te tham zetah pawh nu leh pa khuap loh chu kan hming chhe hma bik in kan lang sar hma bik em em bawk a, ka U in hun kha leh chen kan zahawm na a lo ven him tawh hi kei hian mawl tak leh ngaihtuahna hmang lo zet a ka lo tih chhiat ka hlau tak zet bawk. Chuan chutiang kawng chu Ramnunsanga ka hmuh a, a bul a ka awm hian a hnaih bik riau a, ka rilru ti buai map thei leh ngaihtuahna hmang lo lek a min chet tir a min awm tir thei tu a ni tlat.








" Khaw.... Khawnge i kal dawn? " Kal sawn tum a a in her vut chu ka ti ta vak. Dar san uk in min rawn melh run a, a hmel atang hian a ngaihtuahna ka hre thei miah lo bawk. A thinrim ringawt ti dawn I la thinrim chhan tur engmah a awm si lo a. Min hriat thiam thu pawh a sawi vek bawk.








" A tlai tawh a! " A rawn ti sup a, melh let ha in dawhkan atang chuan ka ding ta vat a, a bul a ka ding leh chiah chu ka naupang tha leh ni maiin ka hria.







" Tu emaw ka awm vang a thaw chham a thi tep te in awm bawk sia! Nang nen hian hma hun suangtuahna ka la nei nasa viau bawk nen i kal mai ka la phal bik nang ti raw? ka haw vat a tha ber ang? A dik em? " Ti leh sup in ka awm na lam hawi chuan a rawn thle deuh buk chu ka lo ner khum vak. A fiamthu thawh ve dan hi a nuih zat thlak thlawt loh bawk.








Common room lamah choka lam atang chuan in zui pheiin sofa chung a a coat chu a ban nghal vut a, kawngka lam pan chuan a mei ang maiin a hnungah ka zui ve dat dat bawk. Ka in thuam dan pawh ka zak tawh bik lo. Min hmu zing thaw khat tawh bawk a. Ka in chei lai aiin ka awm hmun kawr nen hian min hmu ngun hial zawk mai thei. Ngaihtuah chian phei chuan Ramnunsanga te pafa ka tawn atang hian ka nunah hian hma chhawp lian tak nei ang mai hian min kam tlat a. Tunah hian khawvel tak tak ka hma chhawn ve ta ni maiin ka ngai bawk.








" Nun hi a mak ti raw! Kan hman rei pauh leh hriat thiam tur a tam tulh tulh a. Kan nunah hian mi thar kan la lut a, a hlui leh a lo awm tawh sa te kan hlat tulh tulh bawk a. Kan hlim lai chuan lungngai na in min ti buai ve thei lo ang maiin kan in ngai a! Kan lungngaih lai ve thung chuan khawvelah hian hlimna kan tawng ve tawh pawh kan in ring lo hial thin bawk a. " Van lam hawi chuan ka thaw chhuak halh a.








Mihring kan nih a, he khawvel a kan la dam ve tawk tawk chhung chuan khawvel chu a kal ngaiin a kal reng dawn a, tun hun ah hian din reng ka duh emaw, hun kal tawh, chu mi hun ah chuan ka let duh! Chu mi hunah chuan lungkham ka nei lo a, ngaihtuah leh natna ka hre ngai lo, nu leh pa thlazar hnuaiah hlim tak a ka awm lai ah khan cham hlen ka duh! Pawh ti I la khawvel chu ka rilru hre lek lo in a vir ngaiin a vir reng dawn a. Hun hian min nghak dawn lo ang chiah in kei ni pawh hun mil in kan in siam rem zawk a ngai miau.








Pathian hi a lo them thiam khawp a, malsawmna leh hlimna tam tak a min vur reng chuan tlem tlem in a mah hlatah kan kal hrang tulh tulh a. A tel lo a kan awm theih ring in kan mihring rilru hi a lo chapo ta thin. Chu mi hun takah chuan kan kal bo emaw sual lam kan pan phal lo in a mah hnaih thei nan kan nunah buaina a rawn siam ta thin tih ka nunah hian ka hmu chhuak bawk. Mak tak in mihring te hian kan hlim lai leh kan nawm sak lai ai hian kan lungngaih a, hreawm kan hma chhawn hian Pathian hnenah kan tlu lut in a mah kan hnaih zual phah sauh zawk tlat thin miau.








" I bul a ka awm ve reng laiin i ngaihtuahnaah min chen san veng veng thung a! " Rawn ti sup tu avang chuan ka hawi sawn ta vat. Mit khap lek lo a min lo melh chhuk ngur tu chu ka nuih nghal sak bawk. A ni pawh hi engtik thlrng nge ka bulah a awm dawn a, engmah ka hre lo mahse risk la in ka hnaih ve tulh tulh tih erawh ka hai hauh lo thung.








" Tihpalh! " Ka ti nghal vat a. A coat chu a banah bat in a rawn nui ve suk a. A hmel tha leh pa hrak chu ka en vang vang a, tawng ka in eng kim sawi lo mahse a mit meng leh a awm dan thenkhat atang hian a sawi tur tam zawk leh a ngaihtuahna hi a chang chuan ka hmuh sak thin thung. Dinpuii leh Hmingmawii pawh khan an lo at chilh kha ka dem ta hauh lo. A bul a hun hman ngun pauh leh a zunah kan uai tulh tulh tih kei ngei pawh hian ka hre miau.








" Kei chu i nun hlui nih ve ka tum hauh lo! Tun ang hian i bulah ka awm reng dawn a. Ka vawn tawh ka thlah ngai hek lo. Ka hmangaih che ka tih khan thlah leh tumna che ka nei tawh miah lo bawk! Mang nuam Lovey! " Rawn kun hniam in ka hmuiah a rawn fawp zeuh a, a din mar vut rual in a nui suk tih ka hria.








" Engtin nge min koh kha? " Ka hmui khawih zeuh in ka phun sap a. Min hnung chhawn a mipa pen pawk pawk chu mit khap lek lo in ka melh reng ringawt. Ti nge tawng tlem viau si hian a tawngkam khat lek hman ah hian alakah ka luan liam tawlh tawlh pawh ka hre thiam lo. A motor a a luh dawn chuan a rawn hawi let vut a. Kan gate bulah ka lo la en reng tih a hriat chuan a rawn nui suk a, zan thim mah nise ka khawvel bik hi a rawn eng phat phat ang maiin ka mit hian a hmu thung.








" Lovey....! Lovey.....! A va sweet reuh tak! " Ka hmui ka chip hlei thei lo chu ka lukham kuah bet in ka nui leh vur vur thin. A chang in ka ke ka leng leh vak a. Ka room kawngka rawn in kik kheuh kheuhah chuan rang lutuk in ka thu chhuak a, ka hawi phawk nghal hra. Ka U hmel ka hmuh chuan ka thaw nghal huai bawk. Ka mut hilh tawh leh tawh lo a rawn en thu leh zingah Muanawmate thlah a tum ve thu a sawi chuan engmah thleng lo ang maiin lu ka bu nghat nghat a. Kei erawh ka tho chhuak leh hman dawn lo a. Zingkar boruak hi ka tem ve hman ngai miau lo. Chuvang chuan Muanawma leh Thatei pawh ka mangtha fel diam tawh.



*



*



" Uuuu...... I sual thiam lel lul e mai aw! " Ka U sofa a TV a en lai hmaah chuan ka ding tlat a. A remote ken lai ka lak sak hmak bawk.







" Mate.... Kal sawn teh! " Min rawn melh chho chuan a rawn ti sup a. Ka hmui ti pawrh tar in ka ding lui ngar tho.







" Ni leng in hna i thulh dawn pawh a ni lo a. I nau duat em em tan hian darkar rei lo te chiah i hmang dawn a, ti nge i sual em em a? " Ti khum tan tan in TV en tum a thu thleng dang a a in sawn pawh chuan a hmaah tak ka ding lui zel tho. A rem tih hma chu ka va han ti buai zel awm tak hi a ni ringawt!








" Engmah ka hre thiam ve dawn chuang lo a, ti nge Nunsanga chu i hruai law law mai lo? " A rawn ti ve chhur chhur a. Ngei lutuk in ka melh nghal rawm.







" Ramnunsanga hmuh duh I la ka sawm pit ang che! Surprise ve te pawh ka duh a! " Mit siai zeuh chuan ka ti vat a. Nunsangan a thiante in neihnaah kal puiah min sawm a, ka hnial ve viau nan mahse i kal lo chuan ka kal lo mai ang a ti tlat bawk nen ka buai zo vek. Chhuan lam tur a vang ropui si, tunlai ka tlawng awl zia chu a hre chiang ber tu a ni bawk nen.








" In neihna a nih te chuan puan te bih la, a mawi zawk ang. Naupang te te i va chal tlai reng reng ve Ramnunsanga te i tih fawk fawk a. Nunsanga chu ni i la kha tia min koh a piang khan i chalah ka pen zel ang! " A ti chuan ka remote ken laiin a luah ka chhu nghal fawk. A ho e.... Engtin mah pawh a sawi sel chuang lo a. Ka ko ve dan a ni mai a.








" Hotel ah a nia, puan bih ka thiam lo si.... Aaa.... I van sual tak! I duh leh min kal pui tawp suh, U Chhani ka sawm a nga sexy tawk tawk, nghawng zau leh taksa lang tam deuh kan rawn hawh a nga, i sawi sel thei lo ang! " Ti hmak in ka remote ken lai chu safaah ka theh phei a, in sawh tau nghawng nghawng in ka room lam pan in ka kal nghal nal nal. Ka hnung lamah min rawn ko tih ka hriat rual in nui sak in ka room ah ka tlan lut nghal vat. Kha tiang thu ka sawi khum tawh hnuah kei mah a min bazar tir chu ka ring tawh lo hul hual! Ka U hi ka hre chiang ve ee!








" Reuben Papuia dawrah kal i la bazar ang u aw! " In siam mawlh mawlh pah chuan khum chung a Reubena thu ngawi kar a min lo en deuh deuh tu chu ka melh tel vat a bu nghat nghat in min lo en reng a. Ka U kha pate ka tih tir thin a, ka U in papuia tur zawk a ti tlat a, ka thlak tir leh tawp.








Nizanah ka room ah ka U lo kal in chaw hnu lamah a hman tur thu min hrilh a, Ramnunsanga chu sawm i la hun chu a in siam leh mai theih ka ring a mahse ka duh teuh lo, surprise ve ka suh bakah a hmuh lai a kawr vel hak chhin kual ka duh teuh lo.








" Reuben i Daddy favorite colour enge i hria em? " Ka sam khuih mawlh mawlh pah chuan ka ti sap a. Ngaihtuah ve ang deuh hian a hmel a awm ve ngei a, ka duh thei a nia.







" A black a niang! " A rawn ti vat a. Ka in rin hma in ka nui chhuak hak. . A dik ang Ramnunsanga chuan a dum hlir a lawm a in bel thin.








" Amaa....I Scooty in kal i la, i phurh ka chak leh e! " A rawn tih chuan ka ngaihtuah vang vang a, ka ban rek pawh ka hman theih mai tawh chu ka ring a. Mahse ka lo ti chhin miah lo a, ka buai palh chuan Reubena ka phur dawn nen.








" Ok.... I thu ber a lawm! " Ka ti chuan nui var var in a lam a ka ban a lam a ka phar chu a rawn vuan nghal chat a. Ka bag la in kan chhyak nghal zat. Kawngka ka kal lai te chuan u luk lutuk hian min lo bih ve ngar a. Scooty in ka U dawr thleng kal i la, dawr atang ka U motor a chhuah ho ka rilruk vang a keng pawh ka ni.








" Reuben min kuah nghet rawh aw! " Ka helmet khum tir pah chuan ka ti sap a. Nui var var in a bu ve nghat nghat a. Tlem a kan chung chang lo ngaih ven tu te chuan ka hnung lam a tang min sawi ve neuh neuh tih ka hria. Ka bialpa hi pathlawi fa nei tawh a ni miau a. Chu tah ka hna chawlh den chhen in Reubena lah kan in lanah a tal tam bawk nen. Reubena ka bul a a awm na na na chuan Ramnunsanga pawh a rawn lan a ngai lo thei si lo a.








" Ngaihzawng hausa zet a chhar a, hna thaw pawh a ngai hlei nen! Ti sawn a fapa saw in at chilh tir em em se a nun chu a nuam a ni mai! " Min ti tawk pawh an awm nawk. A awm ve tho bawk a. Ka in hliam tih hre lo leh kan chung chang a bul thut rawn hre ve kil kel lo tan chuan an ngaih dan chu a awm viau mahse mi chan chin kan va hre chiang lo a nih chuan sawi chhuah mai mai hi a tul lem lo. Ho te emaw kan tih pawh hi a lo dawng sawngtu tan chuan na tak a ni thei tih tu pawh hian kan hre bawk.








A bik in ka chung changah phei chuan mi min ngaih dan hi ka dah chung nung ber lem lo a. Mi zawng zawng rilru kan hneh sak thei lo a. Mi zawng zawng ka ti lawm ve thei hek lo. Chung zawng zawng tih kan tum a nih chuan mahni kan in ti hah in kan in hrem thlawn mai a ni. Tunah ngat phei chuan ka nunah hian ka lawm tawk em em a.








Ka hnaih a awm te leh ka mi hmangaihte an hlim chuan ka duh tawk viau. Ka U dawr kawtah scooty ka hung a. Han khalh khat chuan ka ban rek in a la zo lutuk lem lo a nih hmel mahse tih ve zauh zauh chu a that tawh ka ring.








" U..... Kan lo thleng! Ka la hman lo emaw min lo nghak lawk ru tih tum miah suh aw! " Dawr chhung kan luh rual in ka ti nghal zat. Ka U chu nui suk in a rawn tho ve mai a. Tawngkam leh che zia hian mi duat thiam vak lo mahse min hmangaih zia leh min duat zia hi ka hria a ka vui ngai chuang lo. Kei erawh a opposite hlauh in ka duh naah hi chuan ka dak thei fu thung.








" Kan tlangval a chu Amaa bazar i veng ve dawn a ni maw? " Kan bul a rawn thlen rual in a rawn ti sup a, Reubena lu a rawn tuai thur sak nghal kher chu Reubenan bu nghat nghat in min rawn melh nghal reuh a nih chu. A sam a khawih sak hi chu ka tih tur bikah hian a ngai deuh tawp ka ti mai.








Darkar hnih lek chhuak tur in kan in sawi a kan haw meuh chuan khua a thim der thung. Ka U pawh dawr a let tawh lo in a hna thawk pakhat hnenah lo khar fel tur in a hrilh a. Ramnunsanga ka phone a, a rawn kal tur thu a sawi chuan rawn kal kher a ngaih loh thu leh Reubena chu kan drop mai tur thu in ka chhang ve mai a. Ni leng in hna a thawk a tlai lam a Reubena lo lam kawi ziah pawh hi a chauh thlak ve mai thei a kan tan a rem hlauh bawk a. In lamah min lo nghah tur thu sawiin kan in biakna kan ti tawp nghal zat bawk.








" Kan thleng e! " Ka U in a rawn ti sup a, seat hnungah Reubena nen kan thu a, a ham leh bai bai thin. Vawin a vak chau ve bawk a a mut chu a tui viau ka ring. Ramnunsanga te in gate kan tlan lut a pawn a mipa lo ding khawng luah pawh ka hmu nghal zat. Min lo nghak tih hriat zet in kan motor thawm a hriat chuan a rawn hawi nghal vut bawk.








Motor a ding a, kawngka chu rawn pawt hawng in Reubena chu rawn ban mai a tum a vanduai thlak tak in Reubena a nuar ve teh khiah. A pa in a duat in a ngaih sak tih a hre bawk a, a pang chang thiam ve thei khawp a. Ka lakah pawh chu ti tho mahse kei chuan ka hre thiam ve viau chuan ka hria. Kha leh chen khawhar tak in a lo awm miau a.








" Reuben! " Ti sap in ka awm ngheng a a thu chu a sam ka chul vat a. A mit meng a dul raih a min la kuah bet tlat zui.







" Va thlah lawk mai rawh kan tlangval a chu! Nang mah vang in a chau vek a nih kha! " Ka U in a rawn tih chuan ka melh nghal hrep. Engmah sawi lo chuan ka chhuah pui ve mai a. A lian ve tawh bawk nen a rit ve tawh fu .








" Naktuk a tan i in puah chah nasa viau a ni maw? " Ka bul a rawn kal pah chuan Nunsanga chuan a rawn ti sup a. Ka melh ha ringawt.







" Ka U ka sawm a kan chhuak dun khat bawk nen kan rei phian a! " Ka ti tha ve mai a.






" Ka lo la dawn a mi? " Reubena rawn melh chuan a rawn ti leh sup a. In chung panna bulah kan ding vang tawh. Ka buk nghat takah chuan a rawn van vut a Reubena pawh zawi ngiai in a pa darah a bei ve thlap bawk.







" La kal lo la! " In her a kal mai ka tum chu ka ban rekah a rawn vuan chawt a. Ka ding nghal chawt. A hmel en a ka dak chho chu a mit mengah min thlak hlelh ve na tak tak ka hmu in ka hria.







" Lovey! " A rawn ti thawp sup a. Ka nui hak. He tia min koh hian ngaihah neih har ka ti. Mahse ka hlim veng veng thung.







" I la sawi miah lo a, tu i hmel hriat hnai te nge ni reng reng a? Ka tel ve chu a pawi lo tak tak a mi? " Step a chhauh pah chuan ka ti vat a. Ka kal san hlau ang hrim in a ban leh lam a Reubena pawm chungin leh lam in min vuan tlat bawk a, kan awm dan chu kan nuih zat thlak reuh fu ang.








" Thian! Tih tur em chuan kan in hnaih in kan in hmu ngun lem lo mahse in hmelhriat tha tak kan ni! Naktukah i hre mai ang! " Min rawn melh chhuk in a ti sup a. Ka lo ner khum vak a hmuh chuan nui suk in Reubena roomah kan pen lut nghal zat bawk. Dim zet in Reubena chu khumah a nghat a, Reubena pawh a lo muhil tui hman tawh ngei mai. Ni hi a la vui chiah lo bawk nen mahse chhun lam ai chuan tlai thim thet thet bawr vel hi a mut hun a ni mah zawk.








" Ka ngai che! " Khum a fapa mu a buaipui zawh chuan rawn in her in min rawn kuah nghal hlun a. Nui hak in ka kuah let ve nghal vat. In a thlenna a la rei lo tih hriat zet in kamis maroon hring duk a ban a kiu thleng a thlep in a la in bel a. A taksa si thawp a han awm takah chuan ka hahdam siai siai in ka hre bawk.








" Min ngai ve em? " Ti leh sup in ka chhip chu a rawn fawp vang vang a. Tawng chhuak lo chuan lu ka bu nghat. Ka ngai miau a lawm. A ni chuan ka lawm nan mai mai a sawi pawh a ni mah na chhunah hna a buai pui char char a min ngaihtuah ve kher lo mai thei kei erawh a mah ngaihtuah tur hian hun awl hi ka ngai mah mah thung.








" Lovey.... Lovey.... Lovey.... I in hmeh i ti ve em? In duh thiam viau mah la ka hmangaihna che a zual sawt thung! " A rawn ti thum dut a. Hmeichhe hlimna chu ho te an lo tih hi chu a dik tak tak a nih hi tih ka ngaihtuah daih. A chhan chu ka hlim em a sin. Hmangaih ka chan a maw tiin ka lungngai a mahse a aia hmangaih ka nei dawn vang a ni tih ka pawm thiam tawh.








" Min thlah tawh la! Ka U in min nghak reng a nia! " Ui tak chung chuan ka ti chhuak thei hram.







" He tah riak ve mai la, naktukah in hmuh kan ngai tho a! " A tih chuan awm lo ti lutuk in ka melh vat. Ka U in a phal dawn loh bakah a chi loh hrim hrim. Ka hmel hlau thawng chu hre thiam in a rawn nui suk a. Kawngka lam pan chuan min kuah phei nghal hlu hlu bawk.








Kawngka bulah chuan ding dawt in ka in rin hma in a taksa si thlawp a min kuah bet in duh thaw zet chuan min fawp nghawng nghawng a. Kei pawn ka thlahlel ka pha lo, mahse ka ngaihtuahna then khat hian min la dang hram hram thin. Mahse a ni tel in ka duhna a zual tulh tulh a ka in dang reng thei a ngem ka hre hauh lo thung.








" Inneihna in sawi chu Mr. Jerome a te kha a ni em? " Motor chhung a kan thut lai chuan ka U in a rawn ti sup a. Ka phu chiam leh nghal.







" Jerome Zothansanga kha maw? " Ka ti sap ka U chuan lu a rawn bu ngut a. Kei erawh mak ka ti lutuk tlat tu te in neihna tih pawh ka hre ve hek lo. Jerome a chu tun hnai lawk atang ka hre ve chiah a mahse a hausak zia leh hlauhawm zia chu ka hre ve. Chu pawh hmanah hospital a ka thawh tirh hian a bialnu emaw ni kha an rawn admit a mahse kan ward lam a ni lo a Muanawma sawi ka hre fuh mai kha a nia. Tu nge hmeichhe vannei ka ti dawn nge vanduai ka ti zawk dawn, chu ka hre chak zek zek. Muanawma ka ngaihtuah chhuah chuan ka biak khat zia kha hre chhuak uar uar bawk.






πŸ’«πŸ’« ka rehta vung2 lo a nia, ka sawi sa kha net pack ka nei lo vang a niaπŸ˜‚πŸ˜‚ chuan a ngaihnawm lem lo khawp ang , kan in chungah ni min khan mitthi kan nei bawk nen kan buai ve laih laih a min lo hrethiam dawn niaπŸ’«πŸ’«

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)