KA CHRISMAS PUTAR by Amy Cck ( Dream Girl)

Moderator: writers

Amy
Posts: 432
Joined: May 15th, 2019, 8:49 pm

KA CHRISMAS PUTAR by Amy Cck ( Dream Girl)

Unread post by Amy » December 25th, 2019, 12:17 am

πŸŽ…πŸŽ… In vaiin ka story chhiartu zawng zawng te CHRISMAS CHIBAI 😘😘 vek uπŸ™ŠπŸ™Š kei ma lam a tang Chrismas present ho lam ve tak short ah pawh short story leh zual awπŸ™ˆπŸ™ˆπŸŽ…πŸŽ…





πŸŽ…KA CHRISMAS PUTAR πŸŽ…by Amy Cck ( Dream Girl )





" A nu kan retheih bik vang in CHRISMAS PUTAR hi kan inah a lo kal ve duh lo a mi? " He zawhna ka zawh khan ka nu mit a natna, inthiam lohna te , hreawm ti ngawih ngawih a mittui tling pam a min enna kha kei hmeichhe naupang kum 4 mi lek khan ka lo hmu thiam ngai lo a!







Hmeichhe naupang ngaihtuahna la tawi zet mai khan kan then awm a naupang dang in chrismas zing a Chrismas Putar in zan an mut thilh hlan a an thleng dawhah a thlak sak Barbie te, motor lem leh toys chi hrang hrang an rawn keng chhuak a , an in hmuh khawm liam liam thin te kha kan kawngka bul atang awt em em in ka lo en thin a.







Naupang dang in thil manto leh eitur tam tak an kut pawh a an ken sen loh an thleng a an dawn lai in kei chuan ka thleng ah fruity pakhat leh chhang pakhat ka dawhthlak ve chu ka kut te tak te khan ka hum tai a. Pawnah pawh chhuak ve ngam lo in kan in te leh mawih sawp ve tawh tak a tang chuan naupang dang ho chu ka lo en thin. Kha tih lai khan kei chuan ka dawhthlak ho lam tak thin vang khan rual awt in hreawm ka lo ti ve em em a mahse ka nu rilru ka lo dawn pui ngai hauh lo!







" Puite khua a vawt sia kawr lum hi ha rawh aw! Biakinah in hlei loh tur a nia zirtirtu te thu awi bawk tur! " Kan thing rem hlui ve tawh tak atang chuan ka kawr lum neih that ve ber , ka pa in a dam lai a min lei kha a rawn la chhuak a. Ka nu chuan vawh ka tih hlau in min hak tir sawk sawk a.







Kha tih lai khan ka nu hmai dang bel leh taksa cher dak te, ka kawr lum kilh min kilh sak lai a a kut khur dar dar te kha khua a vawh vang leh a in hak lum tawk loh vang a maw tiin ka lo ngaihven lo a. Tun hnuah hian a ka in ti in ka in mawh chhiat fo a mahse naupang kum 4 mi lek chuan ka nu tawng kam chhuak " Ka dam lutuk a lawm. " Tih a nui chung a min hrilh khan a tak takah ngai in ngaih tha tak a awm in ka lo ngaihven teh chiam ngai lo miau a.







" Anu I lo in khawm ve dawn lo a mi? " Ka nu mit a melh kalh in ka ti sap a. Nui lui sak in sam khuih chuan ka sam chu a rawn khuih mam a. A in sut leh hraih thin chu hrethiam lo leh hrilh hai zet in ka en bawk.







" I pa hmu tur in I rawn haw hunah kan kal dawn sia pangpar mawi deuh deuh kan ken tur ka lo siam zawk ang. " Ka nu min chhan na chu pawm chiah lo mah I la ka hnial lo. Chrismas a piang in ka pa thlanah kan kal ziah thin miau a.







" Puite Mas kawr thar I nei ve lo a mi? "






" Kei chu kum tharah pawh Anu in kawr thar min thui sak ka ha dawn bik bik! " In ti thei tak a ka thiante tawng vel chu hriat hreawm ti hle mah I la tih theih ka nei si lo. Ka pa dam lai kha hre lutuk tawh lo mah I la hetiang em chuan kan harsa ngai lo . Mahse tunah chuan engkim a danglam tawh thung.







Naupang dang in khawm pui kawr, chrismas kawr leh kum thar khawr an neih theih laiin kei chuan ka kawr hlui, a ngai bawk kha ka hak leh a ngai a. In atang ka nu in min thlah liam lai kha chuan phur zet in biakin lam ka pan a. Mahse kan in lam pan a ka haw lam chuan mittui tling pam in ka haw thung.







" Anu kawr thar ka duh ve! Kimkimi te Siamtei te kawr ang a mawi kha ka duh ve. " Ka nu bulah mittui tling pam in ka ti tiau a. Kha tih lai khan ka nu rilru ka ti na dawn tih hria I la chuan khang thu kha ka sawi bik hauh lo ang.







Thu tha chu min hrilh ve thin a lawm. Mi thil awh loh tur. Kan thil neih chu a hlui emaw a nih pawn fai tak a kan enkawl chuan midamg pawn min zah thin. Ka nu in a ti a mahse naupang mai tan chuan kha thu zawm kha a harsat zia chu in hriat thiam ve tho ka ring.







" Puite kum in chu a ngai hi ha leh phawt la nakum chrismas ah chuan chrismas kawr thar kan lei tawh dawn nia! " Ka nu aw damdap chu naupang mawl leh rilru la tawi tih takah ka lawm pui leh mai a.







Ka nu kut a chelh in thlanmual lam pan chuan kan kal chhet chhet a. Kan kal chak chuan ka nu thawk a hah zel avang in muang chang in kan kal a. Ka pa thlan hma a ka nu in hnit fap fap chu ka en reng a. Ka pa hming in ziahna thing chu kuah in a phun sap sap bawk.






Kan nghah fak Chrismas a zo a, kei leh ka nu tan chuan kan nun dan a ngai reng a , ni lo.. . Kan tan chuan chrismas chu a hreawm mah mah zawk. Ka nu pawh ka pa ngaiin a tap ngun zawk a. Mi nu leh pa in an fate thil thar an lei sak a ka nu in mi fate thil ang min pek ve theih loh avang in zan rei hnuah a ruk a a tap ka hmu fo a. Mittui tla zawih zawih a Pathian hnenah tawngtai lai pawh ka hmu thin.







Chhungkaw harsa tak ni chung in mite tih dan kan tih ve a ngai a. Kum thar a nih ang in school ka luh ve a ngai a. Kan in bul mai a sawrkar school ah chuan kanin admit ve a. Mahse biak in a in khawm ai chuan nuam ka ti zawk. Form in ang vek kan ha a. Chhunah pawh school ah chaw chhun an siam chu kan ei mai bawk a.






Tu man ka kawr hak chu a thar a ni em? Tih lam min zawt lo. Lehkha lah ka thiam thei in kan zirtirtu pawn min duh sak a. Hreawm ka tih ber erawh school ban a ka thian dangte an nu ten an lo hruai a kei mah a in lam pan beuh beuh a ni. Ka nu in ei chawp thawk in ni sen sa hnuai ah kan ei tur zawng in hna a thawk a. Midang nu te ang in a hman ve lo miau a.







School ka kal chu ka hriat na a zau in nun awm zia ka zir a. Kum 5 lek ni mah I la in lamah ka theih tawp in ka nu hna thawh chhung in ka lo che ve a. Kan in neitu pitar hian min duh sak em em bawk. School ka kal loh ni chuan ka nu hriat loh in bazar leh khawih khawiah emaw ice cream ka zuar ve thin a. Ka tih theih tawk kha a ni miau a.







Ka pawisa hlawh ang ang chu ka khawl bawmah dah in chrismas a ka nu kawr thar ka lei sak nan ka ti ve ran a. Kei mah ang bawk in kawr hak tur tha tak a nei tawh lo a. Chu vang a in khawm pawh in khawm vak ngai lo a nih ka ring. Kawr thar ka lei sak chuan kei mah ang bawk in a hlim ve ka ring.







" Puite kawnge I lo kal daih a? " Inrinni tlai ka haw chu kan in chung pitar chuan hman hmawh zet in min lo ti vat a. Ice cream ka zawrh thu ka sawi chuan ka nu in a hriat ka hlau bawk nen ka thiante nen kan in kawm thu ka hrilh a. Mahse kan in neitu pitar chuan ka nu Damdawiimah a awm thu leh min hruai tur a min lo nghah reng thu a sawi chuan hlauhthawn na em em pawh nei lo chuan ka zui ve mai bawk a.








" Api ngati nge Anu saw khumah a mut a? " Kan in neitu pitar kut a vuan tai chuan ka ti sap a. Mahse min chhang thei lo chuan min kuah ringawt. Kha tih lai khan ka nu khan ka pa bulah min kal san dawn tih lam ka ngaihtuah lo .






Doctor pakhat rawn chhuak in ka nu chhungte kan awm leh awm loh a rawn zawt a. Ka pi chuan kei mah ni kan nih thu sawi in a lo chhawn vat bawk. Doctor pa leh ka pi chu an in zui hrang a kei erawh damdawiin corridor a thu thleng ah ka nu lo harh hun nghak in ka thu ran thung.








" Puitei maw I hming kha? " Ka bul a rawn thu a rawn ti thum dut tu avang chuan ka hawi chhuak vat a. Putar ti dawn I la la tar chiah lo, pa valai ti mai ang, doctor kawr var ha a lo thu chu lu ka buk khum nghat!






" Zawhna ka zawt che a nga tha deuh in min chhang duh a ngem? " A rawn ti leh sup a. Ka lu bawk chu ka bu leh nghat. Rawn thaw chhuak suai suaiin a tarmit vuah chu a la thla a a doctor coat hak ip hma lamah chuan a dah a. A che zia chu chik zet in ka lo en mawl tawp.






" Khaw nge I pa? " A rawn ti sup a. A aw thum leh zawi sup chuan kei hmeichhe naupang mai kha min ti hlau hial thei. A zawhna kha tuman min la zawt ngai lo a naupang mai pawh ni mah I la ka tan chuan chhan a harsa ve tak zet.






" Ole.... A nih chhungte dang emaw unau, pu emaw pi! Chutiang chu i nei em? " A rawn ti nawn leh a. Tunah chuan a zawhna min zawh chhan ka hre thiam ta kuar kuar mai.






" Ka pu , Anu damdawiin awm man hi dil I tum ti raw? Tumah midang kan nei lo! Anu....leh kei mah chiah kan ni! " Ka thiam tawk chuan ka ti zawi sap a. Naupangte mah ni I la thil awm zia chu ka hre ve a. Mi an damlo a damdawiin a an kal chuan pawisa an chawi thin tih te pawh ka hre ve.






" Hei hi ka pawisa neih chhun a nia! Inah ka khawl bawm ka chhu chhia a nga a dang pawh ka pe ang che! Ka pu Anu saw min tih dam sak rawh aw! " Mittui tling pam chuan ka ti a. Doctor chu engmah sawi lo chuan a kal sawn a. Ka thutna atang chuan ding in ka nu mutna khum chu phak leh phak lo in ka bih dek dek a. Mahse ka nu chuan ka awm ve tih hre lo ang maiin a mu tlat a. A hmuiah thil an vuah sak bawk.








" Puite doctor rual hian nang chu kal rawh aw! " Ka pi in a rawn tih chuan hrilh hai zet in ka melh tawn Zak zak a. Ni chin a doctor bawk kha a ni.






" I nu enkawl tu ka ni a tumah chhungte dang I neih loh thu kha I sawi sia zingah I nu I hmuh leh duh chuan ka bulah I lo kal a ngai a nia! "Ka bul a rawn thu hniam in a rawn ti sup a ka bu ve nghat.






Motor lian leh nalh zetah chuan ka thu ngawi kar a. Doctor pa chuan eng eng emaw min zawt neuh neuh a kei pawh chuan naupang fel tak tih Dan in ka chhang ve zel a. A zawhna ka chhan that loh chuan ka nu a enkawl duh lo ang tih ka hlauh vang a ni bawk.






" Lo kal rawh le! " Motor kawngka hawng in a kut a rawn lek chhuak a in thlahrung tak chuan ka ban da da a. Ka kut te tak te a kut lum ham ham in a rawn hum ngheh chiah chuan ka zep lo ka thla muan pui tak zet.







In chhung eng pup leh in lian zetah chuan ka zui lut dat dat a. Heng in hi ka awt ve thin lutuk mahse ka nu a awm ve loh chuan a nuam chuang miah lo. Nu pakhat hian min lo chhawn vat a. An in biak dan velah chuan a nupui a nih ka ring ve tawp.






Thu thleng dup nuam leh nalh zetah chuan in thlahrung ru tak chuan ka thu ngawi kar a. Doctor pa leh a nupui erawh room lamah a in zui lut thung. Ka nu kawr mawi lei nan a ka lo khawl zawng zawng kha ka pek vek a ngai dawn tih ka ngaihtuah chhuah chuan ka mittui a rawn luang ngiai ngiai a. Mahse midang in a tah em chu ka duh bik lo.







" Aa..... Tu maw I hming ka la hre ve miah lo a? " Ka thutna bul rawn hniam salh in hmeichhe aw zang khai vah hian a rawn ti a. Ka mittui pawh hru fai lo chuan ka melh nghal vat. Nui sang leh mit meng dam zet a min lo melh avang chuan thawk leh khatah ka hahdam nghal vek bawk.






"Malsawmpuii! " Ka ti sap. Eng eng emaw a sawi a, mi hausa tih takah a hmel tha in a vun te chu a no suah a. Mahse ka mitah chuan ka nu, taksa dang bel leh cher pawr fap kha a hmel tha ka ti zawk tho tho.








A hnu deuh a chuan doctor pa pawh kha a rawn chhuak a chaw kan ei a. Midang in a ka vawi khat chaw ei na a nih bakah hetiang in lian phei chu ka mangah pawh ka mang pha ngai lo. An eitur siam tin reng chu a tui em em vek a. Ka nu ei a tan ka awt ve tak zet bawk.








Zanah tui tak in ka mu a. Naktuk khaw eng hian ka nun a rawn thlak danglam dan tur ngaihruat pawh ka thiam loh laiin mi siamtu Pathian chuan tui tak a khum dup leh zau zet a ka mut chhung in a lo dung vek si. He inah mikhual ang a zan khat chiah ka awm dawn a maw ka tih laiin ka dam chhung a ka in , chuan a chhung a chengte pawh ka chhungkaw thar tur an ni tih reng ka hre ve lo.








___________________________________________________







" Bawihte I hman tawh em?. I pa pawh a in ready thlap tawh! " Ka room a rawn lut a rawn ti lang langtu chu ka nu , khawvel a ka nu neih chhun liau liau! A ril a rah a hrin ni lo mah I la midang nu te ai pawn ka tam chuan a hlui in a pawimawh na a nep chuang lo.








" Nu I awm lo ang tih hi ka hlau tak zet! " Ka nu chu kuah in ka ti sap. Duat tak in ka hnung zang a chul hliau hliau a. Pathian in hma tak a ka nu leh pa min lak sak a mahse chu chu ka tan a kawng a lo siam zawk vang a ni tih ka pawm thlap.








" Kei deuh hian a nia ka fanu! Lee.... Mittui chu dah tha la I pa in a rawn hmuh chuan zawhna a ngah leh dawn a nia! Pheikhawk pawh I la bun lo! " Ti sawk sawk in ka pheikhawk bun tur chu a rawn la chhuak a. Kei pawh chuan ka bun nghal mawlh mawlh.








Tunah chuan hmeichhe naupang kum 5 mi Malsawmpuii kha ni tawh lo in kum 17 mi tleirawl, chhungkaw zahawm tak a tang a sei lian. Duatna, hmangaihna, ngaihsakna zawng zawng a bo a bang awm lo a dawngtu ka ni a. Chung chu kei mah chauh a pum bilh ka tum lo, khang kum chhung chrismas hma zan a piang in ka pa Dr lar leh hming thang , mi te zah rawn nen motor khat tun a naupang kei mah ang bawk a rethei leh chrismas tuk a hrilhhai zet a an hawi hil tur chu chrismas putar a tang in an thleng ruak kan hnawh khah sak thin.








" Pa....veng khat chiah kan hma bak tawh a nia aw! " Ka pa motor khal lai chu nui var var a melh in ka ti a. Bu nghut iin ka sam a rawn chul a a kut lum thur thur thlamuanna min pe tu chu vuan in ka hum hnan vang vang.








" Ka tan mai pawh ni lo naupang tam tak tan pawh Mas Putar I nih avang in ka lawm e! " Ka ti sap chu a rawn nui chhuak hawk. Kei pawh ka nui ve hak.







Kha mi ni ka nu damdawiin a a awm ni khan accident a tawh vang a ni a. Chuan chu accident chu ka pa hi ka nu motor a su tu chu a ni. Ka nu khan thawk lamah natna a lo nei sa bawk . A kaw chhung lam a thi tling tuar lo in ka pa bul ah min kal San a. Kha tih lai khan naupang mai pawh ni I la ka nu in min kal san hlen dawn tih ka hriat khan ka khawvel kha a tawp ve nghal mai dawn a maw tiin ka ngaihtuah a.








Khawilai fahrah chawmna in emaw kha ka awmna turah ka ngai hman hial bawk. Ka pawisa khawl tlem te a ka nu kawr ka lei sak chu a vawi khatna tur leh a tawp berna tur a lo ni a. Ka nu kawr mawi ka lei sak a hak chu phelh leh theih tawh loh tur in lei hnuai ah an phumi/chhilh hnan a.








Naupang kum 6 mi lek kha ka nu khum a mit pawh meng lo a mu bam bulah khan ka thu a. Ka kawr lei sak chu nalh a tih thu leh a fanu ji min chhuan thu pawh a sawi thei tawh lo. Kan in te leh chhe ve tawh tak a in leng kan ngah ber thum a ni a. In chhungah pawh kan leng lo hial. Mahse in leng kan neih dan hi ka duh lo. Ka nu lah a mu bet tlat a. Kei mah mai Chuan ka chhawn thiam lo.








" Nu! Ka tihpalh, min kal san suh! Ka fel tawh ang. Kawr thar lei pawh ka ngen tawh miah lo ang! Chu vang Chuan lo tho leh rawh! Kei mah chauh in min kal san suh! " He thu hi ka nu taksa vawtt vek tawh bul a ka thu sawi hnu hnung ber a ni. Mahse ka nu ka thu sawi ho te te pawh min ngaih thlak sak a, ka zawhna ho lam tak tak min chhang thin tu chuan min chhang thei tawh lo.








Home lam in naupang enkawltu nei lo na na na chu min hruai tum in an rawn kal a mahse tun a ka nu leh pa ni ta hian ka nu boral ta kut zungpui nemna lehkha nen an fa a min lak thu an sawi a. Kha tih lai khan ka hre thiam ngai lo. Mahse ka lo len hnu hian ka nu khan ka tan thil tha tak min lo la hnut chhiah zel a ni tih ka hre thiam a.








Ka nu, min hringtu accident chhanah khan ka pa hi ka dem lo. A chhan chu an ni aia rilru tha leh min hmangaihtu an awm lo tih ka hria a. Khawvel ah hian fel famkim a awm theih loh miau a. Mahse ka pa chuan a thil tih a mawh phurna la in ka nu hnen a a lo in tiam ang in kei fa hrah ni mai tawh tur chu a ang chhungah min la lut in thlamuanna min pe a. Kha tih lai khan fa a min la kher lo in tanpuina ang zawng in an kal tir thei tih ka hria , chu tiang chu ni se tun din hmun hi ka thleng kher lo ang.








Ti Chuan khawvel mihring tam tak zing a vanneihna dawng, tlemte zingah pakhat ka ni ve a. He ka vanneihna hi tlem a zawng midang in ka zar an lo zo ve ka duh a. Ur lawk zan a piang in ka pa nen kan chhuak a, ni e.... Kan mi tanpui te lo pawh midang tam tak tan puina mamawh tak tak an awm. Kei chuan thiante nen a khawi emaw a in tih hlim a len ai chuan ka pa nen a in zui chhuah hi nuam ka ti zawk a. In a haw a ka nu eitur lo siam rim tui leh tui hnai zet zet ei a ka pa awm ngheng a thu thleng sei a TV en ka tlang thin a, ka la thlang zel dawn bawk. A chhan chu a leh pek Chrismas hi an bulah tluang tak leh dam tak in ka la hmang dawn em ka hre lo a.








Ka nu in Chrismas leh ah chuan kawr thar ka lei tawh ang che tiin thu min tiam a mahse chu chrismas chu a thlen hma in min kal san leh a. Chu vang chuan mihring chuan kan hma hun kan hre lo.






" Chrismas chibai! " Phun sap in ka khum bul thleng ka dawh a thil lo awm chu nui var var in ka la kang a. Nula uai tawh mah I la 24th zan chuan thleng ka la dawh ziah. Ka nu leh pa pawh in min hau reng chung in ka mutthilh hlan in an lo dah ve ziah a. Tunge a dahtu hre reng mah I la ka tan chuan Chrismas ti Chrismas tu a la ni reng a. Chuan thil ho lam tak a lo awm a nih pawn ka hlim na a bo chuang lo. Ka tet lai a ka nu in Fruity pakhat leh chhang a lo dah kha ka hre chhuak thin a.







Ka nu khan a neih ang tawk khan ka tan Chrismas putar a chang in a lo dah ve thin tih ka hre chhuak tawh a. Ka nu ka hmangaihna a zual a, khawvel ah awm tawh lo mahse a fanu neih chhun thin lumgah a cheng reng bawk.



*


*



" Nu ka lo kal! I awmna chu a vawt em? Ka kawr lei sak che khan tlem chuan a tih lum che ka beisei! I fanu a zet hi min mgaidam dawn nia. Ka tan chuan CHRISMAS PUTAR tha ber I ni reng a nia aw! Nang chuan mi nu leh pa ten an pek ang thil pek min pek theih loh avang khan hreawm I ti thin a. Mahse min en teh.... Khawvel a nu leh pa tam zawk in an pek theih lo chhungkua min pe a. Ka ngai lo che ka tihna a ni lo a nia... Thinrim suh aw!







Mahse min kal san hnu pawh in ka tan chhungkaw tha tak min zawn hmuh sak a! Nu.... I lo tha ber mai! Chuan khawvel nu zawng zawng ah , miin eng pawh sawi se I ropui ber ka tan chuan. " Ka nu thlan lung hma a ding chuan ka phun sap a.








Ka nu khan a lo sawi dik a, thil eng pawh midang aiin kan nei chhia in, midang neih ang ka nei zo ve lo pawh a ni thei mahse kan thil neih kha a pawimawh ber a ni lo a, a petu thinlung zawk kha a lo pawimawh reng si. Kei pawh ka nu thil min pek kha a man chu tlawm in ho lam hle mah se ka tan a neih zawng zawng a seng a. Chu bak a thil hlu chu a awm lo.







Ka nu leh pa thlan a pangpar dah in, nui sak in ka mangtha a. Biakin lamah ruai theh tur in ka nu leh pa ten min lo nghah na lam chu ka pan a. Ka sawi tawh em ka hre lo.... Tun a ka nu leh pa hian fa an nei thei lo a. Fa lak an rilru mek laiin tiang boruak kha a thleng a, nausen engmah hre lo fa a lak tum khan kei naupang kum 6 mi kha min la ta a. An chungah hian lawmthu sawi sen loh ka ba a. Naupang pan tur nei lo kha an faah min pawm a. Thisen in zawm in chhungkhat ni lo mah I la chhungkaw dang aia kan in hmangaih lohna leh kan hlim loh bik na a awm hek lo. Nunna thar min pe tu te hi ka hmangaih kum khua ang.








πŸŽ…πŸŽ…πŸ€ΆπŸ€Άve leh thuai mai a! πŸ˜…πŸ˜… short story ka rawn theh chhuak ve rupπŸ™ŠπŸ™Šshort story ka vawi khat ziahna a ni bawk a kim lo leh ngaihnawm loh lai a awm pawn in hriat thiam na ka phut tlat a nia aw, ka phur thut a ka rawn thai kawi ta vel mai maiπŸ˜…πŸ˜…πŸ˜˜πŸ˜˜ Chuan Naktuk Chrismas hlim tak in hmang u la, 26 hi kaa bday a nia🀣🀣 ka bday pual in tlaiah Ruai in lo theh theuh dawn niaπŸ˜‚πŸ˜‚ chuan... Chuan... Chuan.... Advance in KUM THAR CHIBAI leh vek uπŸ€ΆπŸ€ΆπŸŽ…πŸŽ…



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)