MY GENTLE GIANT by Amy Cck ( Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: MY GENTLE GIANT by Amy Cck ( Completed)

Unread post by Ngaia » March 29th, 2020, 8:26 pm

CHAPTER - 25 🍃 by Amy Cck ( Dream Girl )








" Ka rawn kal chhan chu ka hrilh ang che! " Ti sap in ka tal deuh phat a. Tlem in a tawlh hnun deuh hrut takah chuan ka thaw veng hawk thei. A bag chu ka zen nghal rak rak a. Ka thi phawrh chhuah chu Zomuansanga hmaah chuan ka khai chhuak nghal zat a. Mak ti hmel pawh pu lo chuan min melh run ringawt a nih chu!








" Chuan! " Ti sup in a ban hrawl leh lian zet chu a kuang kuah nghal hlun a. A awm dan avang chuan ka thinrim ka sa pup pup a ka ling chhuak lo chauh hial in ka ring.








" Hmela kei hian ka paih bo lo! " Ka ti vak ringawt. Hman ni khan ka thinrim leh ka huat vang a paih boah min puh miau a. Chuan tunah engah mah ngai lo ang hmak in zu awm thei nia.








" I ti bo chuang lo a ni lawm ni? Dawt min hrilh tho a! " A rawn ti hmuk chu ngei lutuk in ka melh chho vak ringawt.








" Dawt maw? Eng tiang tak a chhia in nge min la puh chhiat dawn. A tha e, i ngaih ngaih in ngai rawh eng thil pawh sawi i la awm zia a nei phah pawh ka ring nek lo.! " Ti vak in thi chu a kutah ka hmeh bel nghal chawt.








Simon-a ka hmuh hma kha chuan beiseina sang tak nen, engkim sawi fiah a. Thi ka hmuh leh dan te, chuan kan dawr chung chang pawh thinrim lo dun ve ve in tha tak a sawi kha ka ngaihtuah hman a mahse a hun a lo thlen meuh chuan engmah ka ngaihtuah ang khan a thleng lo. Thlen chu sawi loh engkim a let ling vek zawk in a kal a. Kar khat lek kan in be tha lo a, hmeichhe dang an awm nghal der a. Chu pawh a hma a a lak a ka thinrim na chhan ngei hmeichhia kha.








" He thil hi min pe let tur in ka ti lo che! " A ti sup chu za lo zet in ka nui hak.








" Kei hian ka kawl duh tawh i ring reng reng a mi? Kha thi ka tih bo avang a tawngkam na zet ka tawrh ang kha hriat nawn leh ka duh lo. Chu vang chuan nang man tha deuh in kawl rawh! " Ti hmak a kawngka pawh hawn ka tum chu a rawn nem khar leh dawp a nih chu.








" E... Chuan thil pakhat leh chiah, kan dawr saw a neitu i lo nih takah chuan i phut ang zat sawi la kan pe ang che! " Hawi let in ka ti ngat chu rum nghut in a in seh ruh nghal tawlh tawlh a. A mit meng dur khup chuan ka thu sawi chu a ngaihdan a ni lo tih a ti lang chiang viau bawk.








" Midang in an buaipui che chuan lawm tak in i pawm a. Kei ka nih tak vang a ka thil tih sak che i pawm ve duh lo hi enge a chhan? Nge ni a Ruatkima puihna chauh i pawm duh hrim hrim? " A rawn ti chhur chhur chu a ngaihna hre lo zet in ka melh nghal vak.








" Simon! " Hnung lam a ding ve ran in Apuii chuan a rawn ti vat. Saw nu te zek pawh saw, min puih tum ang zet in ka pa case ah te khan a hmel a rawn lan a mahse a tum tak tak erawh kei ni min puih lam ai chuan Zomuansanga tih lawm nan a tih a nih ka rin na kha a dik tih min hriat thar ti bawk.








" Ruatkima nen chuan engvang a in teh khin nge i nih a? " Ka ti fak. He hmun chhuah San ka duh tawh tluk zet in engvang a mak tak tak a min ngai nge a nih tih ka hre chak bawk.








" Malsawmpui kei min kal san in kha pa teh hrep kha i pan zawk zel tih chu ka hre ve bawk. Kei min ngaihtuah hman lek lo in kha pa nen khan in in hmu reng reng tih pawh ka hria. Rei lo te chhung a mipa dang in zawmna i siam pui thei ringawt pawh hi i ropui tak zet! " A rawn tih sup rual in ka kut a thip nghal zawk. Thinrim thaw hrak hrak in Zomuansanga hmai ka benna thla lang chu ka melh ram bawk. A mah zawk chiang tak in ka mit ngeiin ka hmu a mahse kei mah hlir min puh a nih chu. Ruatkima nen engmah kan in karah a awm lo tih khum chiam ka tum a mahse ka taksa pai nak vang in engmah ka sawi thei lo.








" Enge ti ni a I in hriat a? " Apuii chuan rawn ti vin that in min rawn nam nghal chawrh chu ka rin loh em avang nge pai nak in kawngka ka ngheng nghal dawt. Eng tiang tak a chak in nge a rawn kal pawh ka hre nek lo. Mahse ka hmaah a lo ding ve reng tawh.








" Hrep chuan! " Ti hrawk a Simon-a lo kal hnai tur chu a awm loh na lamah ka tawlh dawr. Ka sam hui chho pap in ka nui nghal hak. Ka mittui rawn chhuak tur thup ka tum vang zawk in.








" Min rawn hnaih tum suh! I hria em? Ka hua che! Hmuh leh che pawh ka duh lo. Nang nen hian eng in zawmna mah neih pawh ka duh tawh lo! " Ti chiam in na zet in kawngka chu ka pawt hawng rawp a. Chak zet in ka tlan chhuak nghal. Pawn ka chhuh rual a chhung lam atang a kawngka rawn ri chawrh chu ngaihven zui duh lo in ka hma lamah chuan ka kal nghal hlak hlak a. Gate ka pelh rual in ka mittui a rawn dir nghal zawih zawih a nih chu. Ka thil tawn teh hrep kha ka tlawm ngawih ngawih in ka nep zia ka hre chhuak kuar kuar a chu tih rual in he hmun a ka lo kal kha ka in chhir hluah hluah bawk.




*




" Ehee..... Ti nge Sawmte, i huh vek a nia aw? " Ka pa cabin ka luh rual in Nancy min ngaihtuah lutuk in min lo ti vat a. Ka vanduaina rawn belh chhan tur ni ang maiin ruah a rawn sur a, Zomuansanga te awmna ka chhuah san khan thinrim na leh an mahni huatna hlir in ka khat a mahse tunah meuh chuan ka rilru leh taksa na lo a lai pawh hi a awm lo.








" I dam lo a nge aw? Ruah hma hruai hi chu do lo a tha a sin! " Min rawn pan hnai in a rawn ti leh sap a. Eng tin mah ka chhan loh avang chuan a ngaih a tha chiah lo nge bathroom lamah min kai phei nghal dat dat a. Ka chhip atang a ka ke ler thleng in huh lo lai pawh a awm lo.









" Ngati nge a? Eng emaw tal sawi ve la? " Bathroom kawngka khar phui in Nancy chuan a ti hap a. Ka bag min lak sak in a thlek vang vang a. Thaw chhuak hak in ka kawr hak lai tlang vel huh far fap fap chu a rawn sawr ta ringawt bawk.








" Enga ti nge hmu tur khan min lo tih? " Ka ti chhuak tiau a. Nancy pawh a thil tih a chawl nghal chawt. Ka mitthlaah Zomuansanga te awm dan ringawt kha a rawn in lan chhawk zut zut a. Ka thin chhung hi a thip ngawih ngawih bawk.








" Heiii...i tap a mi? . " A rawn ti nghal vat.








" Vawin kherah eng vang in nge va hmu tur a min lo hrilh? " Ti vak in bathroom chhuatah chuan ka thu thla hnawk a. Ka kut a ka hmai hup bet in ka tap khur nghal dar dar bawk. Kha tiang bak a tlawm thlak khan ka la awm ngai lo. Ni lo... Zomuansanga ka hriat atang hian a tha lam emaw a chhe lam thil eng pawh ka tawng zut zut a. Tun ai hian ka nat leh ka ring tawh lo ti chung zel in a aia na in min siam zel bawk a.








Nancy pawh in a ngaihna hre lo zet in min din chilh reng a. Mahse ka in sum thei ngang lo. Tun tum chu a hma a kan in hauh leh kan in tih thiam loh ang kha a ni lo a. Nidangah kha chuan Irene-i leh midang hrim hrim pawh in thu an sawi in ka lam a tang in ka bulah a awm tlat thin a mahse vawiin chuan ka hmuh kai ngeiin hmeichhe dang a awm pui thei a nia.








" Eng emaw hriat sual i nei a niang. Kei man ka biak sak che i duh em? " Ka bul a Nancy rawn thu hniam in a rawn ti sap a. Lu ka thing mat mat. Mah ni in ti mualpho tur ringawt a biak ka duh hek lo. A nin engmah hre lo in min ring hlel ringawt a. Kei chuan chiang zet in ka hmu thung. Chuti chung pawh in thiam loh chang zawk ang hrim in min en in min tang khum a nia.








" Tun tum chu kan tawp tak tak tawh! " Ka ti chhuak sap. Engkim sawi fel ka beisei na zawng zawng pawh chawp leh chilh in a bo nghal vek. Rei tawk fang bathroom a kan awm hnu in kan chhuak a. Ka pa khum a muhil bam ka hmuh ringawt pawn ka hnuk a ulh ti tih tlat a nih chu.








Nancy in haw a zan in chu in lam a chawl hah dam tur in min hrilh a. Ka thawmhnaw zawng zawng nen ka hnawm chuap bawk. Kar khat zet damdawiin ah kan awm tawh a. Zanah ka pa ka riah pui a, zan hnih chu Nancy min riah chhawk thung. Chhun lamah erawh kei mah ka awm chawt a. Dawr hawn loh ai tiin chawhma ang lek te Nancy in a va hawng leh thin.








" Chuan Mama ka phone sak che a kan inah va haw rawh aw. Ei rawng bawl thar vel kha a buai thlak! " Taxi min chan pui pah chuan Nancy chuan a ti siam siam a. Ka ngaithla liam vel mai mai thung.








" A ni nen khan in in bia a nih chuan tun tum chu ka thinrim na a reh mai mai tawh dawn miah lo a nia aw! " Nancy bulah chuan ka ti hram. A biak loh tur thu in min hrilh a. Zomuansanga ka huatna chu ka taksa chhungah hian an in hlawm tup tup hial in ka hria. Kan in, kan pahnih a in ti reng chung in hmeichhe dang a hruai lut thei a. Tenawm lutuk mai.








Nancy te inah ka hawng a. Maman kawngpuiah min lo nghak a. Nancy thawmhnaw in bel in chaw pawh ei peih lo in ka mu nghal tawp a. Hman a Nancy in fiamthu in nang chu hmangaihna i la na ngawt ang min tih kha ka hre chhuak rum rum bawk.








Ka taksa vawt ti lutuk leh thaw sa huam vang chuan ka harh hlawl a. Sitting room lamah tawng ri ka hriat avang chuan peih lo zet in ka tho chhuak a. Ka taksa lah chu ruah ka do vang nge a sil thum leh nghal. Puan nuam a in tuam tha sauh sauh in room chu ka chhuah san a. Mpa thu thleng a thu in min lo en nghal vat chu ka nuih lui sak.








" I tho harh peih a. " An bul a ka thut thlak rual in Mpan nui suk in min lo be nghal a. Mama erawh ka chhuah takah chuan a room lamah a lut ta thung.








" Eng tin nge hetah ka awm tih i hriat theih? " Ka ti sap.








" Nancy min rawn hrilh a , a ngaihtuah che bawk nen chu vang chuan ka rawn en dik che! " Nui tel reng chung chuan a ti a. Ka ner nang chu ka biang a rawn piai nghal vak a. Ka rak ve that.








" I va sa ve. Damdawi i ei em? Nula uai tawh ruah te lo la do! " Tih leh a ding nghal zat a. Drower chung ah bawm chu a hai nghal rawk rawk a damdawi a rawn la chhuak nghal zat a. Filter a mi tui min thlit sak in min rawn le thlap bawk chu ka nuih te hial a za zawk.








" A tawp vek tawh. Kha ti chung khan i rawn call i la ring a mi? " Ka phone melh reng chung chuan ka phun sap. Kha tiang a chiang khan ka hmu a mahse ka thinlung hian pawm harsa a ti em em bawk si. Min rawn bia in emaw rawn kal pawh ni se nasa tak a ka an khum a ka thinrim khum tho ka ring a mahse a reh vung vung hian ka awm a ti nuam lo leh zual.










Khumah mu meng kar in eng emaw ngaihtuah in ka mittui a chhuak reng a. Vanneih thlak tak a vawin a an hmuh lai a ka tap chhuak lo kha ka lawm zawk. Thim hlim a ka mu ka harh na la rei lo nen ka mut lah chu a chhuak lo tulh tulh leh nghal. Mpa la leng tur in duh viau mah i la an exam a hnai ve tawh tih ka hria a ka chelh lui ngam thlawt lo.




*



*



" Hetah enge i lo tih? " Ka pa room ka luh rual a ka mi hmuh vang chuan ka ti ram hmak. Eng tin nge hmanni lawk a hmeichhe dang nen ka hmu a chuan tunah ka pa a la rawn hmu ngam a nia. Zomuansanga chu ka pa khum mawng lam a ding khawng luah in min rawn melh run a. Ka in hum ruh nghal vak bawk.








" I pa a damlo tih ka hria a ka rawn kan ve a nih hi! " Ti sup tu chu rum zet in ka melh a. Engmah thleng lo ang mai a a awm kual vel chu ka haw tak zet bawk.








" Ngati vut vut nge? Mambawih kha tiang khan tawng phawng phawng thin suh. " Ka pa in a rawn ti nghal sup a. Eng emaw sawi tum in ka ang zauh a mahse ka pa rilru tih buai kual ka duh loh avang in ngawih ka chuh leh hram. Nancy ka melh nghal rawm chu engmah ka hre bik lo hmui phun in a rawn ti a. Zomuansanga ka en leh rual in ka ner sawk.








" Ka pu ka lo kal leh ang. I damlo tih ka hre har lutuk a. Min hrilh hre tur a ka rin ber lah a ngawi tlat bawk nen! " Ka pa lam hawi a ti thawp sup in eng emaw a khai chu Nancy a pe nghal vut a. In sum lo lek a a eitur ken chu phih thlak sak hlawk ka chak zia chu pui tak a ni.








Ka lam pan chuan a rawn pen phei pawk pawk a. Nidang ang bawk in a hmel a thawmhnaw engkim a smart thlup a. Kawngka bul a ka din miau avang in ka hma zawnah tak a rawn ding nghal run bawk. A awm zawn chu melh ngar in chet sawn emaw biak pawh ka tum hauh lo. Kei in thil thleng kha ka tuar in zan pawn ka muhil tha thei lo a nia. He pa ve hi chuan engah mah a ngai lo tih a lang vek.








" Kha ta i din reng danah ka chhuah i la phal lo a nih ka ring! " Ti thum dut tu chu melh hrep in ka tawl sawn nghal hret a. Min kal pelh rual a a rim tui leh pa zet chu ka hnar in a hip lut hman hram a nih chu! A chhuak chiah tih a a hnungah zui ve nghal in corridor a a pen pawk pawk chu a hma zawnah ka va ding nghal hmiah bawk.








" Hetah enge i lo tih? " Ka ti nghal vak chu min ngai pawimawh lo zet in a kut chu a kekawr ipah a zen lut nghal hlun a. A hma zawnah rum zet in ka melh ve ram bawk.








" I pa chung chang min hrilh i tum bawk si lo a ka rawn in bengvar chawp ! " Then suk a a tih chuan ka ner nasa mai. Zak lo hi ka ti ngawih ngawih bawk.








" Ka hrilh lo che chuan hre tur in i pawi mawh tawk lo tihna a ni mai. " Ka ti khum ngat chu thawk hawk in a rawn meng rum nghal run a mahse ka ngai pawimawh ther te lo. A mah ngaihtuah lo leh theihnghilh tum hian engtia nasa nge ka nei a hre ve hauh lo.








" Chu bakah nang nen hian engmah in zawmna neih ka duh tawh lo tih kha ka sawi chiang viau sia. He hmun a I lo kal pawh hi ka duh miah lo! " Ka ti leh nghal sak. Ka thinlung chuan eng emaw sawi tur in ka la beisei fo a mahse tawng tum hmel reng a pu lo.








" In ngaizawng in karah chuan in tih thiam lohna te pawh a awm ve bawk ang chu! Mahse kan tawp hlen dawn tihna a ni lo. " A rawn ti hmuk chu ka ngei tawk a tling em em leh nghal. Kei hian ka thinlung tak chuan kal san duh lo mah i la ka chapo na leh ka mihring mihrinna hian hnaih an tum tawh lo bur.








" Kei chuan hnaih leh che tumna ka nei lo! " Ka ti khum nghek chu hahthlak min tih hmel zet a rawn thaw chhuak hawk in ka lamah a rawn pen hnai hrut a. Ka hmai zawn a rawn kun hniam run in chiang zet in ka mitah min melh run bawk.








" Ka sawi hi chiang deuh in ngaithla rawh! Kei hian kan tawp ka tih loh chuan eng ang pawn kan tawp thu tlang au pui mah la awm zia a nei lo ang! Chuan... " Ti sup in a aia hnai in min awm hnaih a. A awm zawnah ka nem nghal chawrh.








" Nang mah ngeiin i sawi kha! Kei hian mipa dang ka hnaih tawh tiin. Chuan chu chu a takah ka chan tir bawk ang. Thil ka hriat chhuah tak erawh chu kei hian ka lo hmangaih tak tak lo che tih hi! " Nui lui sak in ka tih khum ngat chu a hmel a rawn thim nghal rup. Mahse nuam ka ti, min tih nat ang khan tih nat ve ka duh a. Mahse he thu hian a ti na pha kher a ngem ka hre lo thung.








" Eng thu maw I sawi kha? " A rawn ti chhuak nghal hrawk. In sum tum viau mahse a thin ka ti rim tih ka hre nghal bawk. Tlem chuan a lakah danglamna chu ka la nei deuh a nih hmel.








" Ka sawi chu ka lo hmangaih ngai miah lo che! Ni lo se chuan i awm dan, ni lo... Kha tiang zo zai ka hmuh khan tun ang a pangai leh hlim hian min hmuh ka ring lo. " Ka ti khum ngat. Ka taksa tang deuh tung chuan dawt ka sawi tih min hriatpui ni mai hian ka hria a. Mahse engah mah a ngaih loh ang hian ka ngai bik lo a nih tih hi rin tir ka duh ve miau. Ka thil ngaihtuah chu naupang chhia ti viau mah i la ka ti tawh lak lawh bawk.








" Babe I rin ai hian ka hre chiang che tih hi ka sawi tawh em? Kei min ngaihtuah vang i thil i ei thei lo a, zan pawh min ngaihtuah in i muhil thei lo tih ka hria. Kha i hmui mawi zet khan min hmangaih loh thu sawi mahse i thinlung chhung a mi kha chuan kei mah chauh min ngaihven in min thlahlel tih ka hria! " Nui suk a tiin min min san khum uk chu ka ngei hluah hluah. Mahse sawi dik lo a nei hauh lo tih erawh ka chiang thung.








" Nangni pahnih chu... " Rawn ti tu avang chuan ka hawi sawn vat a. Coridor a Ruatkima kan lam pan a rawn kal ka hmu nghal zat. Tunlai chu damdawiin ah a rawn kal ngun in nikhatah vawi khat tal chu ka pa a rawn kan ziah a. Ka pa pawn a ngaina in kan in hriat dan a fuh chho bawk a kei pawn ka ngaina tan viau.








" Saw mihring saw ka dah bo zawhah i pawm emaw pawm loh pawn ka bulah i lo let ang! " Zomuansanga tawng bung ngut vang chuan ka melh chho dawr a. A ni chuan Ruatkima chu rum zet in a melh run thung.








" Aw nute! " A phone rawn ri chu chhang sup in in her in a kal nghal vut chu ka melh haw ringawt. Engvang a a che mak em em nge a nih ka hre thiam lo. Mahse a kal dawn a a thu sawi kha chuan ka awm a ti nuam hauh lo.








" I lo kal a! " Ka bul a Ruatkima chu ka melh vat a. Tunlai ka nun phung chu ka a deuh hui in ka hre hial. Rilru na leh hreawm ti deuh a awm ni mah i la kawng leh lam takah chuan ka pa lo damlo bawk nen ka rilru a kal kawi nuai a engmah bing zet a ngaihtuah ka neih loh avang hian a hreawm dan a nep deuh hial in ka hria.








" In in hmuh tawh ngai loh thu i sawi sia! " Zomuansanga kal na lam melh vung vung chuan a ti sup a. Kan in hmu tawh ngai lo tak tak bawk. Kan in leh damdawi in bak ka kar tawn ngai lo a. Zomuansanga chung chang pawh ka ngaihtuah loh nan theih tawp in ka in control bawk. Ka in chhir a hreawm ka tih chang leh ka ngaih zual chang a piang in hmeichhe dang nen an aam dun lai kha ka ngaihtuah let hram hram thin. Chuan vawi khat te mah min rawn hmuh emaw min biak a tum ve lo a, tun hi kan in hmuh leh na hmasa ber ang a ni bawk. Chuan a ni chu a nun phung a ngai reng tih ka hmuh hian ka lo na ngawih ngawih bawk.








" Kan in hmu fuh palh a nih kha! " Ka ti let sap. Eng emaw sawi pui tur in pawn lamah kan in zui chhuak a. Dik tak chuan a pawisa ka bat pek ka duh vang in. Ka pa hmuh ah pek chu ka duh bawk lo nen.








" He thil hi min pek let kher a ngai lo a nia! I la in daih lo nasa dawn a nia! " A ti sup chu ka nui sak. Ka pa rilphir zai a ngai dawn a, sum chu ka mamawh ngei ang mahse chu vang ringawt chu ka pe lo ringawt thei lo.








" Pe nghal tur che ka ni zawk a mahse ka tan a buaithlak deuh a. Min ngaihtuah in min rawn kan reng a. Ka harsat na a piangah min pui tur in i lo awm zel bawk a. I chungah hian lawm thu sawi sen loh ka ba tak meuh meuh! " Ka ti nghal vat.








" Lawm thu sawi lam kha ka phut lo a nia. Thil pakhat ka dil ang che. " A rawn ti let sup chu ka melh chho vat a. Muk zet a min melh in a mit meng avang chuan ka rilru a tlan chhe nghal ruai.








" Hun min pe ve rawh! Kei hian ka hmuh hmasak ber a tang che khan ka duh tawh che mahse Simon-a bialnu i nih bang khan theihnghilh che ka tum a. Mahse tun hnu hian i bul a ka awm nasa in ka ngainatna che a zual sauh a. Simon-a nen in in kawp tawh lo tih ka hriat khan ka lo thawveng ve em em ringawt bawk.








I tan chuan a la harsa deuh a ni mai thei mahse hun min siam ve tur in ka duh che! " A thu sawi a ti tak zia chu a mit meng leh chet zia in a sawi fiah vek. Mahse chutiang zawng in rilru ka la puri ngai lo. Zomuansanga nen chuan kan in then ngei mahse Simon-a lo mipa dang ka hnaih leh ang tih rilru hi ka la pu miah lo.








" Ih... Eng lo Ruatkim kei hian " Ka ti hman tawh chu damdawiin step a Zomuansanga leh Apuii rawn chhuk thla ka hmuh avang chuan ka tawng tawp chawt. Nichin khan Nute tiin phawnah khan a be sia mahse Apuii nen an lo kal dun reng zawk a.








" Simon-a vang a nih chuan theihnghilh rawh! Tunlai chu an in zui ngun viau a ni. Pa Jerome-a te nupa nen pawh zanriah an kil ho a. " Ruatkima chuan ka hawina lam en pah chuan a ti chhuak sup.








" Awle! Chhuah dun chu ka pawm e. " Kan zawn a rawn kal te hriat tur ngei chuan ka ti vak. Zomuansanga kal lai ding nghal chawt chu ka mit sir in ka hmu reng mahse engah mah ka ngai duh lo lui tlat a. Ruatkima phur hmel ka hmuh rual in mahni in thiam lohna in ka khat nghal a mahse ka sawi tur chu ka sawi zo vek tawh.






🍃🍃 a va tawi em😂😂 vawinah Lengpui lamah kan kal a, a hla ve bawk nen ka motor rui bawk nen lu na but in ka rawn type a. A ngaihnawm loh a in sawi sel pawn ka pawm vek e 😬🍃🍃🍃



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 29th, 2020, 8:27 pm

CHAPTER - 26 🍃 by Amy Cck ( Dream Girl )








" Engtin maw? " Ruatkima tawng lai chu a tawp chawt a. A thu sawi engmah kha ka lo ngaihven lo hrim hrim. Zomuansanga te kalna lam ka lo en zui nasat lutuk vang a Ruatkima thu sawi ka lo ngaihven lo chu ka in thlahrung ru viau. Mahse engtin nge kha ti khan Simon-a khan min kal san tawp theih zawk. Tunah pawh tlawm zawk leh na zawkah bawk ka tang leh tawh tih ka hre nghal zat chuan min ti zak chem chem.









" Engtik nge i hman hun tur ka hre duh a. Hun ka lo in siam ve theih nan. " Ruatkima chuan a rawn ti sup chu ka hawi a hui mai. Tun lawk khan chhuah pui ka rem tih thu ka hrilh tak.








" Tun maiah chuan.... A... I hre ve vek a kan buai zia chu, ka pa awm pui reng ka ngai bawk sia! " In thlahrung lutuk chuan ka ti sap. Dik tak chuan chhuah dun ka duh loh thu sawi leh nghal mai ka duh ut ut a mahse minute 5 pawh la ral lo ah ka thu sawi ngei phatsan leh chu ka hreh ve bawk nen vawi khat chiah tiin ka in thlamuan ta ngawt.








" Ok, saturday zanah zan riah chu ti i la? " Min ngai chang tak chuan a rawn ti a nui lui var var in lu ka bu nghat nghat. Damdawiin lamah ka lut a, Nancy in lamah hah chawl tur in a let ve thung a. In hau in in ti thiam lo thin viau mah i la kan in haw rei thei lo a ni ber. Ka tan phei chuan a hlu lutuk hi ka sawi thiam lo zawk. An khaw lam atang in a nu leh pa pawn min rawn bia a, puih kan ngaih chuan sawi hreh lo tur in min ti nghe nghe a, mahse tunah rih chuan kan la ti ve thei tawk tawk a, an fanu ka chhawr hrep bawk nen in thlahrun a na duh phian.





*




" Pa i ngaihtuah awm lo tak tak ang maw? " Ka pa en chuan ka ti sap. Vawin chu dawr lamah Nancy va puih ve ka duh deuh a. Ka pa chu Maman a lo awm pui dawn thung. School an chawl tawh tho a, mahse a la naupang ve bawk nen ka ngaihtuah ru riau tho.








" Ka tha lutuk a lawm. Hna i thawh ve tho a ngai a. He ta ka bul a nileng a I lo thut ve tluk tluk khan awm zia a nei chuang lo. Min zai hunah chuan loh theih loh in min awm pui a ngai dawn a. Tun ka la in en kawl theih lai hian Nancy pui ve rawh. A hah lutuk hrim hrim! " A rawn ti deuh duah chu awm ka ti ve tho bawk nen ka sawi buai duh ta lo.









" A nih Mama lo thlen hma chu ka lo la awm ang. " Ka ti hram. Bazar a nikhaw hre lo a a lo tluk atang khan ka veng deuh run ti i la ka sawi sual lo ang. Damdawiin a kan awm hnu pawn vawi hnih chu bathroom ah a tlu tawh bawk a. Kha ta tang phei kha chuan bathroom a a luh rei deuh chuan ka ngaih tha lo in ka au leh vak zel.








" Tun lai hi Simon-a hi i va lam ngai lo ve. Hman ni min rawn kan tih loh kha chu ka hmu leh ta miah lo a. Ka vannei nge i vannei ka ti dawn, kei in ka dam rei pui tawh kher loh che pawn Simon-a a lo awm tawh a. Kal san che ka huphur chhan ber pawh i mal lutuk ka hlauh vang a nia mahse tunah chuan ka ngaih a tha ta viau mai. " Ka pa in a tih chuan sawi tur hre lo in ka ngawi reng.








" Min kal san chuan i kal na hmunah ka rawn zui ve nghal ang che! " Nui lui sak in ka ti halh. Sir lam hawiin ka mittui chu ka hru ru nghal vat bawk. Ka pa in min kal san chuan tumah in nghahna ka nei dawn lo. Zomuansanga maw? Kan in be tawh ngai lo tih ka pa ka hrilh duh lo mai zawk .








" Ee... Chu tian an ti ngai lo. Mihring chu kan upa zel a, a upa a piang in khawvel kan chhuah san hmasa a ni ngai. Ka fanu nang chuan hma lam hun eng tak i la nei dawn chauh a. I pa hian pasal fanau nei a i nun I hmang lai tluk a hmuh chak leh thlakhlelh ka nei lo. " A rawn ti dup dup a. A hmel cher dawk leh dawl dang zet ka en chuan ka lung a ti chhe tlat bawk si. A taksa a la chak tawk loh vang a zai pawh doctor ten la rem ti lo an ni bawk.








A hmel ah a upa tawh tih hai rual a ni lo a, chutah rilru hah reng reng in a nun a hmang a, a taksa hrisel lohna in tar lamah a chim leh bawk nen. Chuti chung chuan thi mai tur leh min kal san mai tur in ka la ngaihtuah ngam lo. Ka pa lo chu neih ka nei miau lo a.









" A nih chuan pasal ka neih a fa ka neih thleng min dam pui a ngai a nih chu. I tu te hmu lo in khawiah mah i kal thei lo bur! " Ka ti tiau. Tah mai mai hi ka duh ngai lo. Mahse thihna thuah hi chuan ka ngaihtuah ringawt pawh ka mittui a parawl vat zel. A chhan chu thihna bak a in then hlenna a awm lo miau a.








Mama a lo thleng a Ruatkima nen an rawn lang dun hlawl chu mak ka ti ngei mai. Mama bulah ka pa lo ngaihven viau tur in ka chah lawm lawm a. Rei lo te kan thu leh a Ruatkima nen kan chhuak duh nghal a. Min duh thu a sawi atang khan ka hmu hreh in ka in thlahrung zo vek tawh. Damdawiin a a lo kal te hian sawi thiam chiah si lo hian nuam ka ti lo riau thin. Damdawiin a thawk te ho nen lah hian an in hre tha hlawm fu leh nghal.








" Taxi in ka phei mai ang. " Ruatkiman passenger seat lam kawngka min hawn sak huau in a ding run a. Ka thu sawi vang chuan a lawm vak lo hmel leh nghal.








" Min hlat i tum tlat a hriatna ka nei! " A rawn ti sup chu ka nui tawp. Ruatkima lah chu a nui ve duh der lo leh nghal.








" Chu tiang a ni lo. Ka ti buai tam mai mai che a ka in thlahrung a lawm. " Ka ti let ta ngawt chu a ner suk.








" In thlahrung tawh suh. Ka duh che ka tih avang a nuam lo i tih phah a nih chuan ka sawi lo angah ngai mai la. Mahse kan zanriah kil dun tur kha chu thulh ka phal chuang lo a nia, chuan lut rawh le. " A ti nghal sup chu thaw halh in ka thu lut leh ta nge nge.








" I lo kal lo a mi? " Phone ka lak rual in Nancy in a rawn ti nghal lawng lawng.








" Lo kal mek e. " Ka ti let nghal vat.








" Lo thleng vat rawh, i rei em em lutuk! Chuan eitur min rawn hawn ang che aw. " A rawn tih leh hlak chu ka nuih tawp. A tawng hi bak hlar thin mahse a rilru chhungril tha lutuk ka hriat vang hian ka pal zam ve mai zel. Kei erawh Zomuansanga nen kan in hriat atang in ka thinchhia tih ka in hre ve chiah.








" Lo lut kawi ve la i lo thleng ve ta sa sa. Hei kan ei zawhah i kal dawn nia! " Ruatkima en chuan ka eitur leh thil dang khai chu ka lek va va a nui suk in a pawi tih loh thu a sawi ve sup. Motor atang chhuak in kan dawr pawn a Nancy lo hawi kual ruai chu ka au a. Min hmuh takah chuan a lam pan a kan kal chu min lo en reng a. Ruatkima nen kan kal chu mak a ti pawh a ni mai thei.








" Hei... Nang mah chiah in i lo kal dawn a maw ka tia? " Nancy bul kan thlen rual in a lo ti sap chu ka melh rum vak. Kan bulah Ruatkima a awm ve bawk nen nuam a tih loh phah ka ring .








" Ka lo tel ve chu i duh vak na nge? " Ruatkiman a tih chuan a in thiam lo ve deuh nge lu a thing ta ngawt a. Dawr chhungah a lut nghal daih bawk.








" A ho lutuk. Engah mah ngai suh aw. A mizia ve a nia. " Dawr a luh ve pah chuan ka ti ve vat a. Ruatkiman a hrethiam tih a sawi chuan ka thawveng huai thei. Mahse dawr chhung kan luh rual a ka mi hmuh avang chuan ka hahdam rei lo ngei mai. Zomuansanga hmel dur thim khup chuan min lo melh ngur a. Hei vang hi a nih chiah kha Nancy pawh Ruatkima lo tel ve a duh chiah loh.








" Enge i lo tih dawn a? " Engah mah ngai lo ang tak chuan ka ti hmak. Chair ngheng chhan ngheng run chuan a bawp a khawkher nghal hmuk a. Min melh run in chu mi zawhah Ruatkima chu a melh leh vut a, a ner sawk chu ka hmu hman hram.








" Sawmi dawr chungchang vel kha! " Nancy in a rawn ti sap chu Zomuansanga a lo khi suk leh nghal.








" Ka let tawh mai ang aw. La awm chu duh viau mah i la thil pawimawh tih tur in neih hmel sia. Ruatkima chuan a rawn ti sup a. Thil ei tur khan ka sawm ve vek tawh sia nuam lo ka ti ngei mai. Mahse Zomuansanga hmaah hian enga thil mah ka ei in ka hrawkah an luh theih pawh ka ring tawh lo.








" Ole i tih tlat chuan. Ka lawm lutuk aw dawr thleng min thlah a. " Ruatkima melh chho ha in ka ti vat. Zomuansanga lo nui suk ri chu ngai pawimawh duh lo in Ruatkima ka melh lui ngar thung.








" A ti leh ta. A pawi lo e nang i nih vang in ka hre thiam mai zel che a niang chu. Chuan saturday chu aw! " Ti sup in mit min kan khum uk a lu ka bu nghat thung. Kan bul lawk a mipa lo phun ve sup chu ka hai der lui hram bawk.








" Khaw nge kal ve i tum? " Nancy ding chhuak uai chung a a bag in khai a lak rual chuan ka ti nghal vak. Ka duh ai ka tawng ring bawk nen Nancy pawh a rawn hawi phawk nghal hra.








" Kei .... Kei mah a mi min biak? " A rawn ti haw chu ka ngei ru lutuk ringawt.







" Hmm... Aw nang mah kha. I bag te khawnge kal ve i tum? " Ka ti leh vat.








" I awm tho a ka haw dawn. Ka tih awm zia chu vawiin chu mi hmuh tur ka nei a. Chubakah ka awm ve kher a ngai chuang lo a ti raw Simon! " Chair a thu ngur chu melh in a ti nghal zat a. Zomuansanga lah chuan pawm pui nan a ti nge lu a lo bu nghut a nih chu.








" Mahse ti nge... “








" Ka kal a nia. Michael an min nghak reng tawh ang. Dawr chu lo khar mai rawh. " Tih leh hman hmawh lutuk kal chhuah a rual a nih chu. Ding khawng at in a chhuak chu hnung lam atang ka en zui vawng vawng ringawt.








" Heta hi ka la awm ve a nia! " Rawn ti thum dut tu vang chuan ka in her vat a. Chair ban a a kiu nghat in min lo melh run thung.







" Ka hre ve bawk. Hmuh hmai chi i ni reng reng a maw ni? " Ti ngat in ka melh nghal ram.








" Min hmu chu a thawng vak lo che a nih hmel. " Ti sup in a piah a chair chu a pawt hnai nghal hrut a. A mit meiin thu tur in min ti nghal sup.








" Rawn lan thut thut a reh leh vang vang a. A hnu a rawn lan leh thut te chu i tih dan a lawm! " Ti hmak in chair chu a hlat deuh ah ka pawt deuh nawk a. Ka thu thla hnak bawk chu min nuih suk leh nghal.








" Enge i ngaihdan chu ni ta. Dawr hi kan luah lak lawh ve tawh bawk nen. I duh zat sawi la chuan kan la neih daih loh pawn hun min pe a nga. A nih loh pawn neih dan kan ngaihtuah thei tho mai thei. A hmasa ber in a man zat i sawi phawt a ngai a. " Ka ti nghal par par. Sawi vat vat a kal san vat ka duh. Ka thu sawi danah chuan thu nei tu ber ka ang zawk hial.









" Sawi vat vat rawh? " Ngawi ngul a min en avang chuan ka ti nghal vak. A bawp a khawkherh na lam chu a ti che det det a. Chair ban a a kiu nghat in a kut tang hrawl leh nalh zet chuan a khabe a tuai zauh zauh bawk.








" Ka ngai che! " A mit meng thim khup a min melh run chung chuan a rawn ti sup chu ka hamhaih vek thei. Ka mal chung a ka kut dah chu ka hum tawm nghal vek bawk. A thu sawi pakhat lek pawn ka taksa a ti tang nghal vek thei chu ka in haw tak zet.








" Dawt! " Ti sap in za lo fahran in ka nui nghal hak. A thut dan siam rem chuan min rawn awm hnaih a. Chiang zet leh fiah run a min rawn melh in pa leh nalh zet in a nui nghal suk bawk.








" Eng tin nge kum 28 chhung khan nang hre lo leh i tel lo khan ka lo nun theih tih hi zan tam tam ka ngaihtuah tawh. Tunah chuan thla khat chhung lek pawh hi awm harsa ka ti chu a nia! " Ka mal chung a ka kut rawn vawn hnan chuan a rawn ti thum dut. A kut lum thur thur in min sik leh takah chuan engtin emaw tak hahdamna ka nei a.








Mi tam tak in min tawng thlamuan emaw ai pawh in Zomuansanga min khawihna leh engmah pawh sawi ve lo mahse a mit meng thim khup hian thil a ti thei zawk tih ka hre thar leh bawk. Mit chhing vang vang in ka in hum ruh tang a. Dik tak chuan ka chau ve tak zet. Ka pa ngaihtuah in ka rilru a hahchawl thei lo a. Chu tah rilru tih thawven a ngaihtuah neih loh ka tum ve leh Zomuansangan ka thluak a rawn luh chilh leh nghal zat a. Thil ka ei tlem in zan ka mu tha lo nen ka zawi ngawih ngawih. Chuan ka pa hmuh a der dep tak a lan ka duh loh vang in hlim hmel put luih hram hram ka lo ngai bawk a. Ka hah ve tak zet.








" Ka rilru min tih buai sak tawh suh! " Ti sap in thawk ka la hak a. Ka meng chhuak nghal riai riai bawk. Ka mit a mit meng thim dur khup a min lo melh ve run tu chu tunah hian ka thlak hlelh ber leh ka rilru hahna leh ka natna min chhawk sak tur a ka duh ber a ni mahse chu chu a thleng kher dawn lo. He a kut lian leh lum thur thur hian ka biang a ka muttui mai ni lo ka chhung lam a tap hawm hawm hi min tih reh sak se, a ban hrawl leh sei zet hian a taksa lum thur thur ngheng in min kuah bet leh se tih chu ka duh thu sam a ni. Mahse kha tiang chiah khan hmeichhe dang a awm pui a.








Ka thil ngaihtuah chhuah avang chuan rang zet in ka kut a hum beh chu ka pawt dawk nghal zawt. Min phatsan tu lakah hian enge ka lo la beisei teh nek ni. Tunah chuan kei mah chiah ka in ngaihtuah tur a ni tiin kei mah leh kei mah chu ka in hrilh ru nghal mawlh mawlh.








" Chu chu ka sawi tur tak zawk a ni! Nang te reuh hian ka chungah hian enge i tih a? Eng thil pawh ti i la ka ngaihtuahna i luah vek zel ni. " Rawn ding chhuak vut in ka chair ban pahnih a rawn in nem khalh nghal run in a ti thawp sup chu ner nang in ka melh nghal ram.








" Kha tiang a min fiamkual i tum a nih chuan i hlawh chham chiang khawp. Thil dang sawi duah pawh ka tum lo, i duh zat chu sawi la ..." A rawn nuih chhuah hawk avang chuan ka tawng tawp chat. Min hnaih bawk a min ti phu zawk nghe nghe.








" Sum mamawh viauah min ngai a mi? " Ti hmuk in a mit meng rum zet chuan min melh leh run a. A teuh lo, a hausak zia leh tlakchham a neih loh zia chu ka hre ve bawk. Mahse he dawr neitu a nih na ang in ka ti mai zawk a ni. Chhan pawh ka chhang buai peih lo.








" Min chhang ta che? " A rawn ti leh hrawk chu hahdam tum zet in ka thaw chhuak ham ham a. In hnail buai ka tum lo a, tha tak a sawi dun pui hram ka tum ruh viau.








" I mamawh lo tih te chu ka hre ve bawk mahse tih dan phung a nihna ang in ka sawi mai zawk a lawm. I mamawh loh vang in i hotel a rawn kal thinte saw a thawn in i awm tir bik a mi? A ni lo zawng ringawt hian ngaihtuah suh! " Ka ti khum ngat. Ka aw chhuak pangai lutuk chu mak ka in ti zawk hial.








" An ni nen chuan in tehkhin hauh suh! " A rawn ti hmuk chu za lo fahran in ka then sak.








" Engtin nge ka in tehkhin loh theih ang. He hmun a a thawn a awm tur hi i engmah ka ni hlei nem! " Ka ti ve hmak. Dawr kawngka lamah thawm a rawn awm avang chuan kan ngawi deuh a. Tu te nge rawn lut pawh ka hmu ve thei hek lo. Ka chair hi an mahni hnung chhawn zawng in ka hung miau.








" Vawin atan chuan dawr hi kan hawng lo! " Min melh kan vut in ka hnung lam chu a melh run a. Hnung lam a mi ten nuam ti vak lo a an kal sawn ri ka hre zawm zat.








" Zomuansang i zak lo lutuk e mai! " Ti vak in a darah chuan ka nem nghal chawrh. A din mar vut rual in thimrim lutuk in ka ding ve nghal zat. Thinrim loh ka tum viau nan he pa leu luau hian min thinrim tir phet a tum ni mai in ka hria.








" Dawr neitu ka nih thu I sawi zo chiah in ka hria! " Min melh chhuk ngur in a rawn ti sup chu ka va han ngei mai mai tak. Thei ngat i la chuan a letling zawng a bin nawk ka chak hluah hluah.








" I chhe mai a nih chu! " Ti ngat in dawhkan a ka bag chu ka ban nghal hmak. Engmah kan sawi fum fe dawn loh chuan heta awm reng hi ka duh teuh lo.








" Saturday ah! " Ka bag ka ak tur chu ka en chho zauh a. " Chutah chuan dawr chung chang chu kan sawi dun dawn nia! " A rawn ti chhun zawm nghal sup. Saturday ah te chuan Ruatkima nen kan chhuak dun dawn sia, hepa suah sual si zia hi chu(h).








" Tunah sawi mai i la. A nih loh pawn naktukah! " Ka ti rual in lu a rawn thing nghal nghut nghut leh nghal.








" Vawin chuan ka peih lo ni mai rawh se. Naktukah pawh ka la peih ka ring lo. Naktuk tuk lehah, Saturday ah kher ka duh. " Ti hmuk in a kal chhuak nghal nul nul chu ka hau in ka en tawp.








" Hmela! Mahni thuduhpa! " Dawr chungah chuan ka au nghek ringawt. Tumah lah chuan an hre der lo leh nghal. Ka mi tih chhan ber lah chuan min kal san daih bawk si chu ka thinrim ngawih ngawih.








" Ka kal dawn chuang lo! " Ti ram hmak in kan dawr chahbi chu ka la a, in sawh tau nghawng nghawng in ka chhuak zui ve nghal zat a. Dawr ka kal mawlh mawlh lai in ka hnung lam atang a thlahlim min rawn hliah thim khup tu chu mit sir ru kar in ka in her rual in ka bag chuan ka hlap pawp dawn a maw ka tia mahse ka chet dan hre lawk ang mai in a lo tawh sawn hrut hman a nih chu.






" Ka thlah ang che! " A rawn ti sup chu kan taksa in thleng lawk a vai thluk tawp ka chak ut ut.








" Thlawk bo rawh! " Ka ti hlar chu a rawn nui suk leh nghal. Kawngpui a two whealer rawn tlan chu a din loh hlau lutuk in ban phar pah in ka au tel lang lang bawk. Kawng sir a a rawn din rual in chuan loh hlau lutuk in ka pan nghal hlak hlak bawk.








____________________________________________________








* SIMON ZOMUANSANGA POV *








" Min tlan chhiat san I tum nasat pauh leh i lamah hian ka awn duai duai chu a nih hi! " Ti ngut in Malsawmpuii te tlan liam chu ka thlir zui vung vung a. Ka rin ang chiah in a luh lul in min ngai emaw min thlahlel ve ang pawn a awm lo a. A chezia chu chu tiang chuan lang chhuak mahse A mit mengah erawh min thlakhlelh na leh min huatna in pawlh nuk kha ka hmuh hmaih chuang hauh lo.








* FLASH BACK *








" Simon a ni ai chuan Irene-i a pawimawh zawk! " Hotel atang a Malsawmpuii rilru na tih hriat zet a kal chhuak hlak hlak chu um zui tum a ka pen sawn vut rual in ka banah Nu Sarah in a rawn vuan chawt a. Irene-i ka en chu a hnar a lo la hup bet ngar bawk si chu chung lam hawiin ka thaw chhuak hawk ringawt.








" Ka rei lo ang! " Ti sup in Malsawmpuii chu ka um zui lui tho. A biang sen hlar leh a muttui tling pamah khan natna, zahna leh in thiam loh na, thinrimna leh huatna engkim ka hmu ni mai in ka hre hial. Nu Sarahi min auhna pawh ngaihven zui duh lo in ka zui a mahse ka thil hmuh avang chuan ka kaw chhung a sa nghal zawk.








" Hrep chuan! " Ti chhuak hrawk in ka sir a ban chu ka hnek nghal chawrh a. Garage lam pan in ka kal zui nghal hlawk hlawk a. Engvang a kha pa kha zui nge a nih phiang sen in. Motor kawngka pawt hawngin ka thu lut nghal vut a. Chak zet in ka tlan chhuak zui nghal vut bawk.








Kawngsirah ka motor ti ding dawt in motor stearing chu ka chum nghal chawrh a. Khawi lamah nge kha mi hun rei lo te chhung khan an tlan hman hrep ni. Ka pa phone call ka hmuh rual in thawk harsa zet in ka thaw nghal hrawk.








" Tunah rawn haw rawh! " Phone ka lak rual in ka pa aw bung ngut in a rawn ti hmuk.








" Tunah chuan tih tur pawimawh dang ka nei! " Ka ti let ve hmuk chu phone atang pawh a lawm lo tih ka hre nghal. Malsawmpuii vang in a vawi khat nan ka pa ka hnial a nia. Zawn ngaihna ka hriat loh miau avang in Malsawmpuii teri in lamah ka in khalh chhuak a. Khawi hmunah pawh kal se a tawpah chuan an in bawk a let leh na tur tih ka hre miau.








Rei tawk fang an in kawtah ka ding a. Ka mi nghah ber lah chu nghah chhuah tur awm lo ang maiin a la reh tlawk tlawk zui. Ka damchhung hian hetiang hian mi dang ka nghak ang tih ka ring ngai lo. Kan naupan lai atang in ka pa in hun a vawn dik a a ngaihna hlut em avang in tlai emaw kan nei ve ngai lo. Engkim a hun chat chatah kan ti a. Hna a ni emaw thil dang hrim hrim pawh. Mahse Malsawmpuii ka hriat atang in vawi engzat nge ka nun hman dan ka pal zut a, zan engzat nge a mah nghak hian ka tlaivar pawh ka hre tawh nek lo. Mahse khawvel a ka in chhir loh ber tur te zing a mi a ni thung.








Ka beidawng in a thiannu Nancy ka be ta ngawt a, ka phone call zo zai a lak duh loh laiin a thiannu call chu a la leh lawi si chu ka lawm lo viau bawk. Mahse Nancy thu rawn sawi chuan min thawng ve tho. Ni e, dawr saw Malsawmpuii in tun nun nan ka lei sak ngei a ni. Kha a hna thawhna tawp hnawk zet a a thawh leh kha ka phal tawh lo bur. Nancy ka biak hnuah dawr ka lei tih erawh zep rih tur in ka hrilh thung.








Malsawmpuii mizia ka hre chiang a. Ka lei sak a nih chuan a pawm hauh lo ang. Mahse zep hlen erawh ka tum chuang lo. Rem chang a hrilh chu ka tum tho kha a nia. Engtin nge Irene-in a lo hriat theih ka hre hauh lo bawk. Mahse a awmna ka la hre chuang lo fo. Nancy rin dan in a nu thlan lamah a kal a nih a ring a, thlan mual lam pan chuan ka in khalh chhuak a.






A lakah ka zep avang a a lawm lo a nih pawn min vin in kut min thlak leh hlak hlak mahse a lungawina a nih chuan ka pawm in ka dawh thei vek tiin ka rilru pawh ka siam vek tawh. Ka chhungte lam atang a call ka dawn reng avang in a pawimawh ber Malsawmpuiin call a la duh bawk lo nen ka phone pawh ka off zui nghal hmak. Nu Sarahi leh Irene-i ka pa bulah an zual ko tih ka rin hriat mai bawk .








" Khawiah teh hrep nge i awm? " Ka motor ke chhir dawp in ka ti hrawk. Thlanmualah pawh a awm hauh lo a. An in lamah bawk ka in khalh chhuak leh a, tih theih awm hek lo an in bulah chhuk thlak naah chuan ka ding ngur ringawt. A tawp ah chuan a rawn lang ve hlawl mahse a rawh thlah haw tu motor ka hmuh ringawt pawh in ka thin a rim thei. Motor khalh tu chu rawn chhuak ve kher lo mahse tunge a nih ka hre chiang lutuk ringawt. Chuan ka lo ngaihtuah leh rilru zawng zawng kha an bo nghal duak a. Ka in thiam loh na leh hreawm tihna chu thinrimna in a rawn thlak nghal tup tup bawk.








Min hre ngai lo ang mai a Malsawmpuii kal tlang tur chu ka man bet chawt a. Ka tum lawk leh ngaihtuah ngai lo thu ka sawi khum in a rilru na tak in ka hlim sak zui nghal bawk. Malsawmpuii mit meng a natna lang chhuak mit thla reng chung in ka in khalh haw a. Ka thawk te hi an sa pup pup hial in ka hria.








" Engtin nge dawr chung chang kha i hriat? " Irene-i room kawngka chhir hawn pawp rual chuan ka ti chhuak nghal hrawk. Khum a a mu chu a rawn in perh tho nghal zawk bawk. Zan rei tawh ni mahse ka thawm ka dim teh lua chuang hauh lo.








" Liandangpui ka en liam theih lai che hian i thil tih kual vel hi duh tawk rawh! A nih loh chuan... "








" Min thawn bo ang maw? Nge kan chhungkua atang hian min theh chhuak ang. Ti rawh, ti ta che chuan ngam pa tak leh ven thawn ngai hauh lo in ka duh thu che ka puang chhuak thei bawm a nga a tha viau ang! " A rawn ti tan tan chu ka sir a glass tui no chu la in ka theh nghal thawt.








" Hetiang tak a hmeichhe rapthlak i nih hi ka lo beisei lo! ' ka ti hrawk chu a rawn nui hak.








" Ka hmangaihna che i hnawl atang khan ka keh chhe vek tawh. Ka bulah i awm thei lo a nih pawn kha nu bulah i awm pawh ka phal bik dawn lo! Ka ti chhe vek ang. Kut min thlak ngam a nih chuan a let pawh ka pe ve khawp ang! " Awm ze nei lo zet a rawn rak chiam in khumah a rawng ding uai a, a mit sen ram leh pawi sak nei lo zetah chuan a rui tih ka hmuh hmaih hauh lo.








" Nang hian enge i tih ve theih a? Ngai thla rawh ka nun emaw Malsawmpuii nen kan nun a I lo in rawlh leh a nih chuan ka ngai dam hauh lo ang che ka tih kha. Mahse i ngai pawimawh duh lo a, tun atang chuan engmah ka lakah hian i ni tawh lo! " A dar a vuan bet chawt in ka thing nghal nawk. In sum viau lo phei i la kut ka thlak duh hial ka ring.








" Hre reng rawh i in thlak dang lam hma chu ka hnaihah emaw rawn awm tawh suh! Chu ti lo zawng ka duh loh dan in ka che chhuak palh hlauh a nge! " Ti leh hmuk in ka in her a kawngka a nutei lo ding chu biak pawh be lem lo chuan ka chhuah san nghal vut.








" Boss thil min chhui tir kha hriat ka nei a. " Jeffrey thu rawn sawi vang chuan Office lam ka pan zui nghal vut a. Office ka luh rual a Jeff a thu sawi avang chuan kei ngei pawh hian mak ka ti.








" Lalruatdika! " File a hming in ziak chu en in ka phun chhuak sup. Ruatkima fahrah a ni thu chu kan hre vek mahse fahrah pawh in a lo pian chhuah theih nan chu nu leh pa chu a mamawh ve tho miau. Chuan a pa chu Lalruatdika .








" A nu chu Hminghlui maw? " Ti sup in Jeffa chu ka mel run a lu a rawn bu ve nghut. Jeffa thu rawn sawi leh pakhat avang chuan ngaihtuahna thar ka pu ta hlawk. Hman a Irene-i te in a Puitei a kal a ka va hruai chhuah hnu a Malsawmpuii lukhum theihnghil la tur a ka let leh a ka thu hriat nen ka belh khawm in ka ngaihtuahna ah thil pakhat chiah a ri nawn tluk tluk. Chuan engkim hi a rawn fiah nghal uar uar bawk.








" Ka sawi ho khan lo chhui chiang la mahse tuman engmah an hre ve tur a ni lo. Ka nu emaw ka pa, kan chhung hnai vai zawng zawng pawh in! " Ti sup in Jeffa chu ka melh run a. Kan lakah hian enga thil tak nge an duh tih chu ka zawng chhuak vat ang.




*



Malsawmpuii lah chu a thinrim reh thei lo in dawr ah a la kal duh thak lo zui a. Ka tan chuan a pawi lo zawk mah. Inah a hah chawlh hian ka rilru a nuam zawk miau a. Dawrah chuan Ruatkima a tlawh pawh tih ka hre ve miau.







" Enge i lo tih dawn? " Ka office chhung a rawn lut ka hmuh rual in ka ti nghal hmuk. Ka hma zawn chair a mipa rawn thu chuan nui suk in eng emaw hi a coat chhung lam ip atang in a rawn phawr nghal zat a. Dawhkan chungah a rawn dah chhuak nghal zat.








" Eng tin nge he thil hi i kawl theih? " Dawhkan a thi melh run chuan ka ti sup. Malsawmpuii ka pek ngei Faith-i ta kha a ni bawk.








" Puitein min kawl tir ti ta i la! " A rawn ti sup chu ka ner sawk.






" Hmanni khan ka bulah a awm char char a. Ni leng in ka tih na a nih chu. Chuan thil tam tak kan ti dun in ka sawi dun bawk a. E... Thil pakhat leh Puitei hi i hausakna hmang a yhlem i tum a nih chuan i tih sual duh hmel riau. Dawr i lek sak chung changah pawh a lung a awi viau lo! " Then suk in a rawn ti nghal sup chu ka in hum ruh nghal vak.








" Chung zawng zawng chu a hrilh che a! " Ka ti hmuk chu in ti thei zet in a rawn bu nghut. Ka thutna atang a ding chhuak nghal vut in Malsawmpuii hmuh tum chuan ka pen tawh mahse Ruatkima thu rawn sawi leh avang chuan ka ding chawt.







" Engmaw i sawi kha? " In her in ka ti nghal hrawk.








" Malsawmpuii hi ka duh! Chuan hma ka la ve tawh dawn! " A rawn tih leh rual in ka ban ka vei nghal fua. Ruatkima pai nawk chu ka ner khum sawk bawk.








" I duh chuan i ti leh thei ang. Mahse Malsawmpuii pawh in min ngaina tan mek zel a. Nang erawh a nun atang in i hla tulh tulh thung. Chu chu nang ngei pawh in i hria. " A nghawng a ka tham sak nawk rual in a rawn ti leh sup.








" I theih lai hian nui rawh. Nakinah chuan nui tak ngial pawh i la harsat ang! " Ti hrawk in ka paih nghal nawk a. Ka pen sawn zui nghal vut. Eng chen nge ka hriat tih a hre miau lo. A sawi dil, Malsawmpuii a hmaih a chin hi tlem tlem in a in thupna a hawng tulh tulh a, a fimkhur lo tulh tulh bawk. Chuan tunah ka thinrim leh dawh theih loh vang a engkim tih chhiat ka tum lo. A duh ang chuan kal se Malsawmpuii thinlung erawh ka ta chauh a ni.








* END OF FLASH BACK *







" Boss thisen test result kha a chhuak tawh a! I rin kha a dik chiah bawk e! Ruatkima chuan farnu a lo nei ngei tih a chiang e! " Malsawmpuii te tlan liam thlir pah chuan Jaffa thu rawn sawi chu ka ngai thla a.









" Ka rawn let dawn chiah, tumah in result kha an hmu ve tur a ni lo! " Ti let sup in ka motor awmna lam a ka let zui nghal vut bawk.








" Malsawmpuii i bul a ka lo let hun ah chuan min hnawl in min tlan san tum eng ang mah la i thei ngai hauh lo ang. Tunah erawh Faith-i tan ka theih tawp ka chhuah a ngai rih miau mahse a rei tawh lo ang. Ka hnaih thei tep tawh che! " Tih sup in motor ti nung in ka tlan chhuak zui nghal vut!





🍃🍃nizanah kim biai in sunday atang a ka type khawl rawn dah ka tum a tihpalh thil thu in ka ti bo vek a. Zan in ka type pawh a hma ang in a kim biai ta lo. Ka ui ve ram ram mai😬😬 mahse tih ngaihna a awm miau lo a. Hei hi ngainawm vak lo mahse rawn vawn lut nawk mai ang aw😂😂🍃🍃

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 29th, 2020, 8:27 pm

CHAPTER - 27 🍃 by Amy Cck ( Dream Girl)








" I U emaw i chhungkua a min pawm duh tlat lo chhan hi ka hriat chhuah loh hi i ring reng reng em ni? " Ka hma couch a Irene-i thu chu melh ngur in ka ti sup.








" Enge i sawi awm zia ka hre lo mahse kei hian hmun dangah zir zawm ka duh lo. A tul chuan ka zir lai ban san in ka nu bulah hna ka thawk ve mai ang. Pa Jeromea leh ka nu pawh in ka duh thlan na a nih thu min hrilh. " A rawn ti nghal zat. Za lo zet a nui suk in hahdam hmel zet hian ka thaw chhuak suai suai phawt a.








Ka pa chuan a sawi ngei chu pawh Nu Sarahin a ngen vang liau liau in. Tun hnai te a Irene-i khawsak dan leh nun dan tha lo tak te, a ruk a drug a lo khawih ve zauh tih te thleng in Nu Sarahin a hria a, a buaipui in a enkawl nasa em em bawk. Chuan nu a nih ang in A fanu a hmuh theih loh a awm bo tir chu a rem ti ta chiah lo a. Mahse kei chuan ka rilru ka la sawh sawn hauh lo thung. Irene-i hian a nu rilru leh chak loh na hria in a bei tih hi ka rin dan a ni ve miau.








" Chu chu ka hriat loh i ring a mi? Mahse i kal lo a nih chuan i in chhir zawk viau thung ang tih ka chiang. Ka sawi ngai sawi nawn hi ka chak lo viau mahse kan chhungkua hian kan en san khawp ang che! " Ka sup in ka thutna single sofa chu ka ngheng nghal run bawk.








" Engvang in maw? Ka kal bo duh lo vang in maw? " Awi loh hmel zet a nui hak in a rawn ti chu ka ner khum sawk. A hma zawn dawhkanah chuan lekha chu ka theh thla nghal vut a. Ka thut na atang a ding chhuak uai in ka office tukverh atang chuan pawn lam ka thlir san nghal hmuk bawk.








" I nu dik tak chu Hminghlui niin vanduai thlak tak in a boral tawh a. Ka tawrh pui che ti dawn I la nang ngei pawn i tuar vak lo tih ka hria. Engvang in nge kan chhungkua a I lo luh dawn khan nu nei tawh lo ang in sawi nge i nih! " Pawn lam thlir ngur chung chuan ka ti chhuak hmuk. Nu Sarahin Irene-i a fa a a enkawl dawn khan naupang engmah la hre lo rual a ni tawh lo. Kum 6 naupang chuan engkim chu hre tawh kher lo mahse a hringtu nu leh a chhungte chu a hriat reng ka ring nghet tlat.








" Hei hi enge? Engmah ka hre lo a, i sawi awm zia pawh ka hre lo. Chuan nang hian engvang a tiang thil hi rawn sawi nge i nih? " Bah nawk nawk a rawn tiin a thu sawi tawp lam chu a aw ki pawh a sang viau.








" Ka sawi awm zia i hre lo maw? Irene kei hian engvang a ngaina ta miah lo che nge i nih i hria em? Kum 15 lek hmeichhia khan a hringtu a nu bulah ngei ' ka mit hmuh leh ka bulah lo kal tawh suh. Min ngaihtuah viau chuan thi la fahrah dik takah chuan min siam law law rawh. Ka nu i nih avang hian ka thinrim a ka hmangaih ngai hauh lo che. ' tih thu a sawi lai kha ka mit ngei in ka hmu a ka beng hian chiang tak in a hre bawk.








Mahni hringtu nu ngei pawh hmangaih thei lo chuan mi dang chu eng tin nge a hmangaih theih teh lul ang? " Ti sup in couch a hmeichhe thu khawng at chu ka melh nghal run. Thil ngaihtuah let tih hriat tak in a mit meng chu a dang lam kawk kawk a. Kha thu sawi tu kha a mah a ni tih a in hre chiang viau chuan ka ring.








" Engmah i sawi awm zia ka hre lo! " A rawn ti tham chel chu awi lo zet in ka ner sawk.







" Nutei sawi dan kha chuan naupang khawngaih thlak tak a hriatna hlauh fahrah in a mi enkawl ang in a in sawi a. Mahse kha tiang a ngaih tir tur khan nang hian i hming thlak in naupang te e ti lo khan fing phakar tak in rem i lo ruat vek tih ka hria. Mahse i nu dik tak a boral hnu kha chuan ka en liam mai thei che. A chhan pawh Nu Sarahi rilru tihna sak ka duh lo vang liau liau in. Mahse tunah chuan duh aiin i kal thu mah mah a. Ka ven thawn ber Nu Sarahi rilru ti hah reng reng in i khaw sa a.








Warning vawi eng emaw zat ka pe che. Tha tak a ka sawi lai khan ngawi in awm ve hle hle la chuan ka la pal zam thei em em ang che. Mahse luhlul leh sual chhuah in i awm miau a. Chu vang chuan tunah chuan ka duh ang in ka che tawh thung ang! " Ka dinna atang a melh ngur chuan ka ti leh hmuk.








" Ka dik lo tih ka hria. Mahse chu vang ringawt chuan min hnawt bo thei lo. Ka nu dik tak chu tunah chuan a boral tawh a.Kha tih kai kha chuan dawt pawh ni se tunah chuan a ni tawh lo. I pawm emaw pawm loh pawn nu pakhat chiah ka nei tawh a. Engkim chu a dik leh vek tho ang! " Thaw hak in a rawn ti sap a. A thu sawi chu dik te ti ni awm tak in a mah chu meng kual ruai in a lu a bu leh nghat thin. Zahna a tla chham leh a dawt sawi ka man chhuak a a hmaah ngei ka pho lang chung pawn huai tak in a la tawng ngam a nia. Ka rin ang hmeichhia a ni lo lutuk leh kan chhungkua min lo bum rei em vang chuan ka thinrim hluah hluah.








" Paper pakhat zawk kha i en chuan fahrah chu i nih hmel lem loh. U pawh i lo nei reng a nih kha. Ohh.... In pianna pa te chu hrang mahse chhul khat chhuak in ni miau sia! " Za lo zet a then suk in ka ti leh ngut chu rang lutuk in a kut a lekhat vel chu a keu nghal hlak hlak a. A che hman hmawh leh phi li lutuk chu nuih suk in a lam pan chuan ka kal hnai nghal hrut bawk.








" Ka thu sawi kha chu i ken lai lehkha hoah kha chuan i hmu kher lo ang. Mahse fin fiahna erawh ka nei tih i hriat kha a tawk mai! Chung zawng zawng mi dang ka hmuh tir a nih chuan thil thleng tur chu i hriat thiam ve mai ka ring a. A pawimawh ber zawk chu i unaupa pa bik ka ti dawn nge i pahrawn ka ti zawk dawn! Kha pa kha ka pa ngei in lunginah a khung bawk a. " A hma zawn a ding khawng luah chuan ka ti khur khur.









Kan pian ve hma thil a nia Ruatdika ka pa in lung in a tan tir chhan erawh hriat tur leh chhui chhuah ngaihna a awm lo. Chu ti chung chuan kha pa kha thu buai rit tak awrh tir niin a nun dan a hreawm hle thung. Chu vang chuan ka pa in chu tiang ho nen A in kung kaihna neih chu a duh hauh dawn lo tih erawh ka hre chiang viau. Irene-i leh Ruatkima in kung kaihna an neih thu erawh Puitei lukhum la tur a ka let ni khan ka hre thawi tawh chu vang a chhui tan pawh ka ni bawk.








" Ni... Ni lo! Ka ti dik lo a ni. Mahse ka bum lo che a nia. Ihhh.... Kei.. Kei hian a tir in unau pa ka neih ka hre bik lo a mahse a ni kha rawn lang in ka u a nih thu a rawn sawi a. Thil tam tak pawh min hrilh a. Mahse kei chuan ka chhungte ang tak tak in ka ngai cheu a chu vang chuan a bul a awm kha ka hnawl a lawm! " Hlau thawng lutuk chuan a rawn ti nghal ruai chu awi lo lutuk vang in ka nui chhuak hawk.








" Ka ti tak tak Simon! Kei hian ka chhungte ang in ka ngai nghet vek cheu.. “







" Sawi eng ang mah la ka awi chu ring buai duh suh! Mahse ka zawhna min chhan that chuan engkim ka theihnghil ang chu ka ti lo. Mahse... En liam che ka tum ang! " Ti sup in single safaah chuan ka thu thla nghal hmuk chu phawk zet a min en in a mit meng ah chuan hlauh thawn a nei tih pawh ka hmuh sak nghal vek bawk.








" Faith-i! Ni lo.... Duati boral danah khan eng emaw dik lo a awm em? Ni lo... Dik lo chu a awm ngei a Ruatkima hian in rawlna a nei em? " Ka ti chhuak hrawk. Kha thil ka ngaihtuah chhuah a piang chuan ka taksa hi a tang nghal tawlh tawlh a, ka hreawm tihna a la reh hlei thei lo.








" Eng... Eng maw? " A rawn ti bah nawk chu kan inkar a table chu ka chum nghal dawp. Rak that in a rawn phu chiam chu ka melh nghal run bawk.






" Vawi khat chiah ka zawt leh ang che. Ruatkima nen in zawmna a nei em? " Ti khur khur in thip leh rum zet in ka melh ngur a. A hmel buai nuai leh a kut hum ruh ngawt ngawt chuan eng emaw hriat a nei tih min rin nghet tir bur.








" Ka.. Ka hre lo. Engmah chu tiang ka hre lo. Engvang a rawn thar thawh leh nge i nih pawh ka hre lo! " Ti nawk nawk in a hmai chu a tuai hak a. Rum hrawk in ka ding chhuak nghal vut chu hlau thawng lutuk in min rawn melh ve nghal zat.








" Kan hria ang chu! " Ti hmuk in ka pen sawn zui nghal vut. Ti khan ka chhungte dik tak ang in ka ngai cheu te chu a ti a nia. Chu tiang rilru chu pu chung chuan thil tenawm tak tak a ngaihtuah bawk a. A hma kha chuan engmah thil lian thamah ka ngaih sak lua lo. Mahse Ruatkima nen in zawmna an neih thu ka hriat atang khan en liam mai mai harsa ka ti thung. Chuan eng thil pawh zep se ka hre chhuak tho tho dawn a ni bur.




*



*




" Boss engvang a I pa bul a la sawi lo nge i nih hi ka hre thiam lo! " Jeffa chuan a rawn ti sup chu nui suk in ka chair nghen chhan ka ngheng nghal ur ur.








" Ka ngaihtuah ang a thil a kal a nih chuan Irene-i hian eng emaw chu a sawi ngei ang tih ka ring tlat. " Ka ti let sup.







" Hello! " Phone leh lam a rawn ti tham chel tu tluk a hmuh chak ka nei lo mahse tunah rin chuan ka hnaih loh hi a tha zawk in ka hre miau. Ruatkiman kan in ti thiam lo ang in hria se ka duh miau a. Thlakhat chhung chu ka tuar tawh bawk. Tunah erawh kawng a rawn kaw zau zel a. Engkim a nihna tur vek ah ka dah thei tep tawh bawk.








" Zan in chu ka rawn lam ang che! " Ka ti nghal hmuk. A lawm lo leh ner nasa lutuk tur ngaihtuah in ka nui nghal suk.







" I zak lo. Zan in chu ka hman lo ka tih mawlh mawlh kha! I duh tal leh Nancy nen lo sawi dun mai ru! " A rawn ti tan tan chu ka rum nghal nghut.








" Malsawmpuii chu Nancy a ni hlei nem! " Ka ti nghal hmuk. Zan in kher ka thlan chhan pawh Ruatkima nen in hmuh an tum tih ka hriat vang a nia. Mahse he nu te hian kei aiin Ruatkima a thlang a nih chuan ka lawm hauh lo ang.








" Kan in ang reng! I duh leh bia la i thu thu. Ka hman hun min ngaihtuah pui duh bik a mi? I duh leh dawr man chu chhiar in chhiar lo mah la ka rilru nawmna zat ka pe che nga ni mai! " Rawn ti hlak hlak in phone a off zui nghal hmak a nih teh chu.








" Zomuansang i thlem lungawi fe chu a ngai dawn a nih hmel! " Phone melh vung vung chuan ka ti sup. Hna ka en leh nghal thuak thuak a. Hotel zauh tum in hma kan la mek a. Tun a kan building lian ber hi a aia chang tlung zawk a hma lak mek a ni a. A floor pawh dah belh tum in hma kan la mek bawk. Mahse customer te mit mei ven ngai a nih avang in duh ang kan che a chak thei lo thung.











Hna ka khawih zawh in tlai hlau zet in Malsawmpuii te dawr lamah ka in khalh chhuak a mahse ka nang hman ta chuang lo a nih hmel. Dinner ei tur chuan an chuak hma mah mah a nih loh pawn ka kal dawn tih a hriat vang a lo chhuak hma pawh a ni mahna! Dawr atang an in lamah ka in khalh kual leh nghal vut a. Ka van duai nge min bihruk san a tum hrep ni an kawngka in kalh melh run chuan ka rum nghut. Damdawi in lamah a kal ring in ka kal a mahse a awm chuang lo.








" A tha e! Ka hmuh hun ah che erawh khawi hmunah mah bi ru thei tawh lo tur in ka siam ngei ang che! " Ti hrawk in motor chhungah ka thu run a. Ka ngaihtuah erawh a vak kual nasa viau. Kei hian ka thil chhui chhuah tumna lamah hian Malsawmpuii ka chan a nih chuan ka in chhir lo ang tih ka sawi thei lo. Mahse chu tiang khawp a rilru nghet lo leh thlem awl ni a ka hriat loh vang in ka rinna ah ka la in nghat a ni ta ber.








" Simon i hman chuan lo kal la i nu pawn I tel loh chuan nuam a ti lo a nia! " Pate Christan phone in min rawn bia a. Ni tak, ka nu in pawn lamah chhungkua a zanriah kil ho a rawt tih ka hre chhuak nghal.








" Pate tih tur dang ka nei a. Ka nu bulah thu pha min lo sawi sak mai la! " Ka ti let sup.








" Naua chhuan lam siam suh tun tum chu ka phat mawi sak dawn lo che. Eng thil pawimawh nge i neih chu ka hre lo mahse tunah hian kan awm na ah Puitei leh Ruatkima an rawn lut ve chiah bawk! " A rawn tih rual in ka thaw hawk. Ka kal tur thu hrilh in motor ti nung in ka tlan chhuak nghal vut bawk.









Kaa patea rawn sawi na ka thleng a parking a motor hung in ka kal sawn tur chu Nunui a rawn tlan lut ve nghal chiah bawk . Ka motor hunna bulah chiah rawn tlan lutuk min nuih sang in a rawn chhuak nghal zat chu ka lo nuih ve suk.








" Kan thleng rual a nih hmel! " Ka bul a rawn ding in zang khai zet in a rawn ti nghal zat bawk chu hre thiam lo zet in ka melh deih ngur.








" I hre ve lo a ni maw. Nu Sangtein min sawm ve a lawm, kal ang! " Tih leh ka ban a rawn vawn a rual nghal chu kan in zui chho ve ta nghal zat a. Ka rilruah erawh mi dang zawng aiin ka mi zawn te ber an awm miau avang in kal ka hreh loh phah.








" Puitei i rawn hruai ka beisei a nia. " Ka nu in min melh ram a rawn tiin kan piah lam chu a melh nghal zat a. A hawina lam ka hawi rual in Malsawmpuii nen kan in melh fuh nghal chawt bawk.








" Duhtak Puitein a sawi tawh kha engmah a hre lo tih. Ruahmanna dang a lo neih tawh chuan tih theih a awm lo. A ni em Simon? " Ka pa in min melh khui a a rawn ti sup chu chhan ngaihna ka hre lo. Pangai deuh a tawng ang in lang mahse ka rilru ang tho hian a ngaihtuah ve tih ka hria. A monu ang deuh tho a a chei bawl leh mipa dang awm dun chu a hmu thei vak bik lo.









" Awle... Tunah chuan thil dang ngaihtuah lo ang u. Sarah leh Irene-i an rawn kal thei bawk si lo a. Tep ter tak in nunui i rawn tel a I ti lawmawm khawp mai. " Ka nu in a rawn ti ta vat. Ka nu hi chu a dang lam ve e. Pawn lam a ei chhuah ai in in lam a thlang ziah a, pawn lam a kan ei chhuah ve thung chuan kan hotelah a duh ngai lo. Hmun ual au leh mi nawl pui awmna a thlang ngei ngei. Ka pa lah hian a sawi sel ngai hek lo chu a nia.








" I pate Lisona te tlawh tur in kan zin chhuak dawn a! " Ka pa in A rawn ti sup chu min thawng tak zet.









" Tun bak chu kan kum lo tam tawh nen kan tlawh hmel tawh lo bawk. Kan cham hun chhung erawh kan sawi lawk thei lo! " Ka pa bawk chuan a rawn ti leh sup.








" In va tum teh thut ve! " Ka ti hmuk. Chu bak sawi tur ka hre miau lo.








" Sawi pui tur che pawn I rawn haw ngai hlei nem! " Ka nu in lawm lo aw tak a a rawn tih chu ka nui suk. A sawi dik leh viau bawk.









" Chuan Nunui kan school ah a rawn in sawn dawn a ka lawm tak zet. I pa in cham rei a tih hmel sia rilru hahdam deuh in ka awm thei dawn a! " A rawn tih zawm zat bawk.








" Ti nge i thawhnaah nuam i ti lo a mi? " Nunui melh run chuan ka ti sup. Nui var var in kan chhungkaw school a rawn in sawn a duh thu a sawi chu pawm lo viau mah i la an lo tum vek tawh chuan sawi buai ka tum hran lo.








" Min lo hre thiam lawk! " Ti sup in ka ding chhuak vut chu mi dang ho chuan min en thup. Ka rei lo tur thu sawi in ka kal sawn nghal zat bawk. Hmeichhe bathroom lam pan a kal chu a hnungah ka zui nghal a. Kawr fual var khup chena fual ha in pheikhawk sang a bun ve ngei bawk. A sam sei hniang chu ti kir chiat in ka zui tih hre lo lek chuan a kal a. A chawn var no nal tak chu model ang a sei thlarh ni lo mahse mit lak sawn chu har tak a ni. Ka thinlung zawng zawng kawl tu kha a ni miau a.



IMG_20200305_225815.JPG
IMG_20200305_225815.JPG (74.46 KiB) Viewed 8190 times





" Naupang ang mai a in bihruk siak chu a tawk tawh viau lo maw? " Kawngka a rawn pen chhuak chu ka tawng vang chuan a ding chawt a. Kei erawh bang ngheng in ka ding run thung.








" Wow...... Helai thleng thleng a min zui hi ka ring thei lo! " Ti hak a rawn in her in a hmui hnuai lam sen no sang chu a pet sawi zeuh bawk. A mit dum deuh kalh in a chei a. Mipa dang hma a tiang a a in chei chu ka run viau bawk.








" Ka rawn zui che a ni lo tih chu i hriat chian tho chu ka ring. In zanriah kil dun chu a nuam bawk maw? " Ti hmuk in ka sawi zawh rual in ka ner sawk.








___________________________________________________









* MALSAWMPUII POV *








" Ka chhan kher che a ngaih loh chu! " Ti hmak a kal sawn ka tum chu ka hma zawnah a rawn ding nghal khui a nih chu.








" I ei zawh tawh chuan ka rual in let rawh! " A rawn ti nghal sup chu ngei lutuk in ka ner vak.








" Ruatkima rual in ka lo kal a ka thei lo. Nang pawh in kal pui i neih kha! " Ti hmak in ka hma chiah a Zomuansanga ding khawng luah chu dak vah in ka melh bawk. A mit meng dum fiah zet a a thil ngaihtuah chu ka hrethiam hauh lo. A pian rem zuih in coat suit chu a in bel thlup a. Over coat gray lian zet mahse Zomuansanga tan chuan a tawk chiah in a in hmeh mah mah emaw tih tur a ni thung.



IMG_20200305_225725.JPG
IMG_20200305_225725.JPG (61.33 KiB) Viewed 8190 times





" Kal pui ka neih pawh ka lo hre lo a! " A kut chuan A kekawt ip a zen nghal hlun a. Kal sawn mai tum hmel lah chu a pu thak lo leh nghal.








" Simon! " Hnung lam atang a rawn ti tu aw ka hriat takah chuan ka nui sak. Zomuansanga bulah Nunui a rawn ding nghal zat bawk. Ti hian kal pui ka nei awm ka hre lo chu a ti a nia.









" Ka kal san ang cheu! " Ti ram hmak in Zomuansanga si lo tur ber chuan ka kal pel a. An bul a ka ding reng a nih chuan ka chawn tha khur nasa lutuk vang in ka mual pho tak ngial dawn.








" A tha lawm. Zomuansang i duh duh hmeichhia chu kawp rawh! " Seh chil nak chuan ka phun sap. A hma in Apuii a nia tunah Nunui ! Ler kawh thlak lutuk mai.








" I tha em? Rin ai I rei sia rawn ngaihven tur che a rawn kal ka tum chiah a! " Kan thutna ka thlen rual in Ruatkiman A lo ti nghal vat. Zomuansanga vang vek kha a lawm. Zing ka t thawh atang in engtin nge ka awm ang tih ringawt ka ngaihtuah a. Zomuansangan saturday in hmuh a duh thu a sawi ve atang khan dik tak chuan Ruatkima aiin ka rilru a luah hneh leh daih zawk. Mahse tlawm ka hlauh laat vang in ka hel hram hram kha a nia.








Vanduai thlak tak in Pa Jeromea te nen kan kalna a lo la in ang zui. Nu Sangtein min hmuh ruala a fapa awm na min zawh khan chhan ngaihna pawh ka hre lo. Chu tah Ruatkima nen min hmuh dun hlawl vang in mak an ti tih lah sawi kher lo mahse an mit mengah a lang vek bawk. Ruatkiman rawn thup mawi lo phei se chuan eng tin nge ka awm ang tih pawh ka ngaihtuah ngam lo.








" Nuam i ti chiah lo a nih hmel. " Ka hma zawn a ka thil ei tur thai kual thai kual chu ka tawp dat a. A khat tawk in Zomuansanga tr thutna lam ka lo melh leh vung vung thin bawk. Nunui in ti tlang nel tak in a tawng siam siam a. A khat tawk jn Zomuansanga nui sang in a melh leh thin tih ka hmuh a piang in engmah thi ve thei hek lo thawk sak talh in ka thaw leh hal thin bawk.








" Kan kal tawh mai thei a ngem? " Ruatkima melh chuan ka ti ta ngawt. Zomuansanga te lam ka melh na lamah ka mit a kalh zo dawn. Chu tah ka en a zat in min la rawn melh ve ziah leh nghal. Ruatkima pawn chuan min hre thiam tak in a duh ve mai a. Zan inah Ruatkima bulah ka sawi ang na tih zawng zawng pawh Zomuansanga hmel ka hmu a ka sawi thei ta lo. Hun rem chang dang a awm mai tur ah ngai ang.








" Damdawiin lamah a mi ka thlah ang che! " Ruatkima a rawn tih chuan Zan in chu kan in lamah ka riak dawn tih ka hrilh a. Zanriah ei chhuah pui tur ka neih avang in Nancy in ka pa riah pui a tum miau. Ka tan hi chuan a in pe zo a nia.








" I tha em? " Ka pheikhawk hill ka rap he deuh ka pai deuh nak chu ka kawngah min rawn vuan in a rawn ti vat a. Ka zak chem chem leh nghal. Pheikhawk hill awm ka bun khat vang vek. Ka in khawm khat bawk nen bunna hun ka nei lo em bawk a.








" Ka tha, ka lawm e! Ruatkim thil sawi duh ka nei a. Ka sual vang a ni miah lo a nia! " Ka ti nghal tawh chu a nuih a zat hmel ngang mai. Mahse vawi khat mah mi ka duh lo thu ka la saai khum ngai lo miau a. Kei a kar a a ni ang mipa ka hnawl tur chu ka tim ve deuh. Mahse enge ka tih theih chuan. Zomuansanga ngaihtuah reng chung in tu mipa mah in zawmna ka siam pui theih ka ring lo a. Beiseina pek a a tawp a tih hnual leh pawh ka duh hek lo.








" Kei hian... “







" Sawi suh! " Ka dar tawn tawn a rawn vuan in a ti sup chu ka ham haih let ling zawk







" mahse ka.... "








" Nangmah vang hian suangtuahna thar ka nei a. Khawngaih in tunah chuan min ka tih chhiat sak lo hram rawh! " Ka thu sawi pawt chat in a rawn ti leh sup. Ka in thiam loh na a ti zual sauh thung. Tun a a thu sawi pawh khan Simon Zomuansanga tho mi hriat chhuah tir leh.Kha tiang deuh chiah khan Zomuansanga pawh khan min hrilh tawh. Kei mah vang jn nun bul tan that leh a duh thu.








" Ka fiam kual duh lo che. Keimah hian beisei nei tur pawh in ka duh lo che! " Ka ti chhuak ta tawp. Beisei neih hnu a kan beisei a hlawh chham a kan tuar nat zia ka hria a. Mi dang chu tiang a siam ve chu ka duh lo. Chuvang chuan tun a sawi mai hi ka la thlang fan.









Zan in atang ringawt pawh khan Zomuansanga ka huatna ai chuan ka chan hlen ang tih hlauhna ka nei lian zawk a. A thil tih vang khan ka ngaihdam in ka pal xam tihna chu a ni chuang lo. Mahse a bul a awm ka thlak hlelh na hian min tur nasa zawk mah. Ka hua in ka thinrim khum emaw ka tih lai in hmeichhe a melh vang a na leh hreawm tih ka ni zawk mah in ka hre bawk.








Thaw hak in min vawnna chu ka melh zeuh a. Parking sirah kan din tawh avang in mi an awm mang lo. " Ka bulah awm rawh! " Tih leh min pawt hnai in ka in rin hma in ka hmuiah a rawn fawp a nih chu! Rang lutuk a tal sawn tum in a taksa chu ka nem tang tang a. Mahse a har lutuk ka pheikhawk sang bun nen a rem lo vel vek.








" Hrep chuan! " Ti hrawk in Ruatkima chu an rawn pawt sawn lawp a. Rawn pawt sawn tu aw atang chuan tu nge a nih pawh ka hai lo chiang lutuk. Bangah Zomuansangan Ruatkima nem bet rawk rawk in a hmaiah a hnek sak thawt chu ka hmu phe deuh ruai. Ruatkima pawn a hnek let ve bawk. An pa lian dun in an kut thlak a na tih en mai pawn a hriat ngawih ngawih bawk.









" Tenawmpa! " Ti hrawk in na zet a Simonan a hnek rual in Ruatkima chu leiah a thal nghal tawp. Rawn in ben kan a tum chu Zomuansangan a pan leh nghal hrut a. Rang lutuk in a hmaah ka va ding nghal vat chu thinrim mit meng sen rum in min en nghal khui bawk.









" Lo in thiar fihlim rawh! " Seh chilh nawk in a rawn ti chhuak hrawk chu rang lutuk in ka lu ka thing nawk nawk. An in khawih nat ka hlauh zia chu pui tak a ni ringawt. Tunah hian Ruatkima ka tan bik chuang lo , kha tiang a ka chung a rawn che tur khan a lakah zuam awm in ka awm pawh ka hre bawk lo mahse Simon-a thinrim kut ram zia ka hria a. Ka dan lo chuan thil pawi zawk a thlen ka hlau a ni mah zawk.









" Awii... Ka duh thei lo Simon! Eng thil nge in tih hi? " Tih leh Nunui rawn thlen phei a rual a. Zomuansanga in hum rum thinrim thaw ri hrawk hrawk chu a hlauhawm mai piah lamah a mit meng a thisen chhuah chakna khi ka hmuh hmaih lo bawk.









" Malsawmpui! I kut hmawr pawn khawih hlek suh! " Ruatkima kaih thawh ka tum rual in A rawn vin nghal hrawk chu ka ip ru chawi thei. Ruatkima ban ka vuan tawh pawh ka tawp chawt nghe nghe. Mahse kai tho tur in ka che lak lawh bawk nen han din chhuah leh ting tang chu tlawmah ka la ve bawk si kaih thawh chu ka tum ta tho.








" Heiii.... Enge i tih hi? Zomuansang! " Ka rak nghal chul chu min ngai pawimawh lo zet in parking chhung eng dul ruihah chuan a dar a min pu in min pen thlak pui hlawk hlawk a nih chu. Zomuansanga dar atang chuan Nunu in Ruatkima a kai tho lai ka hmu hman hram.








" Rawn chhuah tum in tan khawh hlek suh! " Passenger seat a min nghat dawp in a ti vin nghal thawt chu ka lu in seat nghen chhan ka nawr vak ringawt. A hmel thim khup leh mit meng dur khup chuan min au khai tlat ni ber in ka hria. Seatbelt rawn pawt in a kilh nghal mual mual a. Min awm hnaih lutuk chu ka thawk ka ip char char bawk. Na zet a thaw chhuak hrawk in a ding mar vut a. Na zet in motor kawngka a rawn nem khar dawp chu ka mal chung a ka kut ka hum tawm nghal nghek.








" Simon i hmuh ang kha a ni lo a nia! " Driver seat a a rawn thut luh rual in rang lutuk in ka ti nghal vat chu hre lo ang hmak in motor chu ti nung in a tlan chhuak zui nghal vut chu a, speed a sang bawk a, ka nghing dawt.









" Hrep chuan! Ka that khawp ang! " Ti chhuak hrawk in motor stearing chu a chum dawt dawt a. Kei hi min kn hro sak khum nge ka awm ve tih a theih nghilh pawh ka hre tawh bik lo. Kawngpui phe tuar chu kan tlan pel fua fua a. Nghet zet a stearing hum tu chu ka mit mei leh zauh thin . Khawnge kan kal dawn pawh ka zawt ngam lo. A thinrim ka belh chhah ka hlau a ni tawp.








" Chhuk rawh! " Motor ti ding dawt in a rawn ti sup chu ka melh nghal vat a mahse a ni chuan hma lam chiah a melh run thung.







" Ai! " Ka ti sap chu rawn then suk in a thutna lam kawngka chu a nem hawng rawp a. A chhuah fel hnu in na zet in a rawn khar leh dawt bawk. A thinrim hrik thlak nan a hmang ni ta ber in ka hria. Ka lam a rawn kal hual chu ka lo melh reng a, kawngka rawn pawt hawng in seat belt min phelh sak a tum chu ka kut in ka lo dang ve tang tang bawk. Saw in a luh saw ka duh lo a ni tawp.









" Babe tang buai duh suh! " Ti hmuk in ka kut chu a kut pakhat chuan a man bet a seatbelt chu awl sam zet in a hmet phelh a. Chu mi rual in ka kang nghal nawlh bawk.








" Zomuansang min dah thla rawh! Hmela ka chhuk duh ka tih chu! " Ka rak chul chu a ding dawt a. Ka ke ka leng nghal nghek thung.








" Va let leh a kha pa kha va that tur in min duh em? " A rawn ti hrawk chu ka tawng ngam tawh lo. A aw rik dan leh thu tak zet pawi sak nei hauh lohah khan a tih duh tak tak te pawh k hlau a ni mahna! In chhung min luh pui in couch a hmuh hmasak berah chuan min nghat dawt a. Ka hma zawnah ding khawng luah in a over coat hak chu hlim thawk in chhuatah chuan a rawn vawm nghal nawk a nih chu!






🍃🍃in hne hnawk ka ring😂😂 ka tlai viau nan like, cmyeh click kha in theih chuan lo ti ve hram u la aw🙊🙈🍃🍃

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 29th, 2020, 8:27 pm

CHAPTER - 28 🍃 by Amy Cck ( Dream Girl)






🍃🍃 ngaihnawm em em lo mahse a thui bawn let tawp tawp a nia🤣🤣 in hne tawh hrim hrim🧐🧐 chuan a tawp a note khu in chhiar loh chuan in mawng a khawi hli dawn a nia🤣🤣😝😝






* SIMON ZOMUANSANGA POV *








" Ka haw dawn! " Ti hmak a a rawn ding chhung nghal thak chu ka melh run a Malsawmpuii erawh luhlul chhuah in min en duh thak lo. Ka chung a a lawm loh vang a kha tiang thil a tih ka duh lo a ka phal hek lo. A nun zawng zawng control sak ka tum lo , mi dang ang in thian emaw pawh a nei ve ang. Mahse tu mihring mah hian ka en ang a an en ve ka rem ti lo.








Chu tiang a lo en an awm emaw lo hnaih an tum a nih chuan kei min hma chhawn a ngai ngei bawk ang. Ruatkima a nih vang a thinrim viau ka ni bik lo mipa dang tu pawh. Kei mah lo mipa dang in Malsawmpuii lakah hian rilru dang an put ka phal lo bur. Min kal pelh a tum rual in a ban bulah vuan chawt in a thutna ngaiah ka pawt let leh nghal lawp chu a rawn rak nghal that.








" Kha tiang thil kha i beisei vang a ni ti raw hetiang a I in chei! " A rawn thut ngil rual in ka ti nghal thawt chu rawn thaw chhuak hak in a sam chu a chhipah a hui chho nghal pap a. Rum zet hian min rawn melh chho nghal ram bawk. In chhung eng dul ruih vang nge a lan dan duhawm zet leh thinrim hmel sexy zet chuan min ti buai lek lek hial.








" I buaina tur a nih loh chu! " Ti vin hlar a rawn thawh chhuah a tum chu rum hrawk in couch nghenchhanah chuan ka nem bet nghal rawk rawk a. Thinrim zet a rawn tal fat fat in min nam sawn a tum ve chek a niang chu a bei ve nasa viau mahse kei hian kal tir mai ka tum lo a ni tawp.








" Zomuansang a tawk! " Rawn ti vin hlar in ka hmaiah a rawn hai nghal vak chu ka che ka tawp chawt a. A thinrim leh tal hah bawk si chu tawk a la nghal halh halh bawk. A mit meng sen ram leh mit hmul hnawm chap avang chuan che leh tur ka awm tawh hauh lo.








" Babe! " Ti sup in ka vawnna chu ka thlah thawl ruai ruai a. Mahse ka la kal hlat san phal chuang lo.








" I sual lutuk ! Zomuansang ka haw lutuk che i hria em. Enge ka dik loh na? Khang i hmeichhe kawp ho te nen a tehkhin pawh in enge ka in cheina chu a u chuak bik na? He tiang thawmhnaw ka hak vang a mipa dang nen a rilru kawi zet a min hmeh bel tur in enge tih dik loh ka neih? " Tap aw tiau chuan a rawn ti chhuak tan tan a. A sawi zawh rual in a kut te tak te a a hmai hup in a in sut zui nghal hlar hlar chu ka ngaihtuahna a bing mup thei hial.








" Heiii... Kha tiang khan sawi ka tum lo! " Dam dup chu ka ti a. A rawn tap uar sauh chu ka awm zawnah ka pawm bet ta ngawt. A sawi dik, a thawmhnaw in belah hian engmah uchuak tak leh hmuh hreawm khawp a awm lo. Mahse a lan dan duhawm leh mawi zet hi mipa dangin an hmuh ve ka phal loh vang zawk a ni. A in chei pawn ka tan chiah in chei se ka duh vang zawk in. Ka thinrim em avang in ka tum loh zet in ka tawng chhuak bawk.








" I sual si, i bulah pawh ka awm duh lo! " Ka awm zawn atang chuan a rawn ti tiau chu thaw chhuak ham ham in ka kuah nghet zual sauh. Kha pa teh hrep nen khan an lo in fawp tih ka hmuh khan ka in thu nunna zawng zawng a keh chhe nghal vek a. Chu tah Malsawmpuiin kut ka thlak tur a lo la tan leh zel bawa nen! Mahse tun ang a naupang ang mai a a tap ka hmuh hian minute rei lo teah ka thinrimna kha in thiam loh na in a rawn thlak nghal a nih chu.








" Ka tih palh! Mahse ka kal tir thei lo che . " Ti chhuak sup in ka kuah bet hlun a. Ka awm zawnah chuan a in sut hlar hlar thung. Hetiang hian a tah belh tih ka lo hre hauh lo bawk. Tunah ngat phei kha chuan nidang zawng aiin ka tawng khum na bik emaw tih tur hial in a lung zu chhia a.








" Kei hian min ring miah lo tu mipa leh in hmuh thiam lo hlek a hmeichhe dang min pan san mai thei tu mipa hi hnaih ka duh tawh lo! " Ti vak in ka awm chu a rawn nawm nghal vak a. Ka kuahna chu ti thawl in a hma zawnah chuan ka thu hniam ngur thung.








" Chu tiang chuan min ngai maw? " Lawm lo lutuk a ti hmuk in ka melh nghal run chu thip ram in min melh ve bawk.








" I ni lo a mi? Kar khat lek chhung in Apuii i hnaih thei a. Chuan tunah Nunui a ni leh a. Ka len ve lohna hmunah hian awm luih reng ka tum lo! I duh duh kawp rawh Hmela! " Min melh ram in a rawn ti nghek chu rum hrawk in a thutna bul couch chu ka chhum nghal tawk.








" Thu dik chu a kha reng a ni ti raw! " Nui hak in rawn ti mahse a mit meng ah erawh huatna leh natna ka hmuh zut zut thung. Zan in hian engtia rei pawh beih ngai se engkim sawi fel dun ka duh a ni tawp.








" Nang pawn mipa dang i fawh ve tho kha! " Ka ti hmuk chu min melh rum lutuk leh mit meng ling hlar chuan a duh vang reng a in fawp an nih loh zia a lan tir nghal zat a. Ka thaw a veng hawk.








" Min thiam loh tum miah suh aw. Thawmhnaw pan zet ha in a taksa a bet thlawp a pawt hnai in ka fawp ve lo. Kei chuan..... " A rawn ti chu ka mit meng a nuih zal hmel a hmuh vang nge a tawng tawp chat.








" Nang chuan engmaw? " Ka thut dan siam rem in ka ti chhuak sup chu ner nang in a ding nghal hliai a kal sawn a tum rual in a kawng fek ratah chuan man bet in couch ah chuan ka thut thlak pui nghal chawr a. Ka mal chungah chuan a tal leh nghal laih laih thung.








" Eng mah! Khawi maw... Zomuansang min thlah teh! " Rawn ti vak in ka kut chu a chum taih taih a. Thlah erawh ka tum hauh lo.








" Kei hian tu hmeichhia mah ka fawp lo! " Ti sup in hnung lam atang chuan a tukhumah a chal in ka nawr vang vang a. A awi lo nge min run luih vang ka hre lo a che chu tawp dat in a rawn nui chhuak nghal hak thung.







" Kha thil kherah kha chuan in sawi thiam tum duh suh! Ka mit ngei in ka hmuh cheu tih kha i theih nghilh a ni mai thei mahse kei chuan tun thleng hian engkim kha ka la ngaihtuah let thei vek! " Zawi si ram deuh hmak hian a rawn ti a. Rum nghut in ka taksaah chuan ka pawt hnai hrut a. A sam karah hmai phum in ka thaw chhuak nghal suai suai thung.






" Malsawmpuii sul hnu hi midang in an nawh reh ka phal i ring a mi? " Ti sup in ka thaw chhuak hawk chu a taksa a tang nghal teuh thung.







" A nih chuan khang zawng zawng kha ka mumang mai mai maw? Chu tiang em em a mawlah chuan min ngai duh suh. " Ti vak in ka taksa atang chuan a in la hrang nghal hlawk a. Ka hma zawn a ding ran in rum zet leh mit hnawm chap in min melh a. Kei pawn ka melh ve run tho.






" Hmela enge? I chak lo ang aw! " A khel a ka pawh hnai dawr rual in min hma tawn zawng in ka mal chungah a rawn thu thla hnawk a. Ka awm a min chum nghal hlak hlak chu ngai pawimawh duh lo in ka kut leh lam in a khelah vuan bet in leh lam in a a sam karah zen lut in hnai zet ah ka melh run chu duh lo mahse ka tha a hneh miau lo.







" Hei hi kiss a nih chu ka ring lo! " Ti sup in a tukhum ka vawnna zawk chuan ka hmai zawnah pawt hnai hrut in ka hmui tawk lo chiah chiah chuan a hmui lum ther ther chuan ka biang ka sik tir nghal zat. Ka tih ang chuan a thu khawng at a a rimtui nam chem chem chu mit chhing in ka hip lut ham ham thung.







" Mahse ka hmu cheu... Kha nu nen khan... " A kut te tak te chuan ka awm zawn a in nem kang hlek in a mit meng bial fiah kalh ah chuan mak leh awi ngam chiah lo a rawn lang chhuak nghal vat a nui suk in ka kut chuan ka awm zawn a kut te tak te chu ka hum hnan nghal run bawk.







" Chiang tak in i hmu em? " Ti sup in ka melh let nghal run chu eng emaw sawi tum in a hmui a rawn chet zeuh a mahse engmah sawi lo in a ngawi leh ta zawk.








* FLASH BACK *







" Boss tu emaw hmu tur che in a lo kal a! " Phone ah Jeffa chuan a rawn ti sup chu tu nge tih ka zawt let nghal sup. Malsawmpuii a nih thu a sawi rual in mak tihna in min luah khat nghal hmuk a. Ka biak emaw hmuh tak ngial pawh duh lo khan min hmu tur in min rawn zawng a. Eng thu nge sawi a tum ti ka ngaihtuah kual nghal vek a. Thil pakhat chiah ka ngaihtuah chhuak thei! Min kal san a duh thu leh kei nen a kan in kar thu tawp sawi a duh a nih ka ring ta bur.








Rei lo te hnuah doorbell a rawn ri rawl rawl a. Malsawmpuii a nih ring in ka hawng a mahse Apuii zawk a lo ni thung.







" Hetah enge i lo tih dawn? " Kawngka bul a ding run chuan ka ti sup.







" Hei hi Manager in hmuh tir tur che in min hrilh a. Tunlai chu office lamah i rawn lang khat bawk sia hetah ka rawn pan tawp che! " Ti sap in a file ken chu a rawn lek kang va va a. Thaw hawk in in chhung lamah lut tur chuan ka hrilh ta sup.







" Saw lamah sawn coffee emaw in tur a awm ang. Room lamah ka va en lawk a nge! " Ti sup in choka lam chu ka mit mei nghal vut a. Ka duh dan chuan haw nghal mai se ka duh a. He inah hi chuan kei leh malsawmpuii lo tlang nel tir ka tum lo viau. Mahse a hman hmawh thlak a tih miau avang in ka rei lutuk ka ring chuang lo a min lo nghah chu ka pawi ti ta lo.








" A... Ka coffee siam ka ti baw palh a! Ohh.... Hei hi saw lai room ah khan ka hmu a, pawi i tih loh chuan ka thawmhnaw ro hma ka ha thei a ngem! " Ka hma zawn a rawn ti sap Tu chu ka melh chho vut a. A hmel a in thlahrunna lang chu a tih tak tak pawh ka ring hran lo. Mahse a in bel vek tawh avang in ka sawi sel duh lem lo.








" I hak tur a ka lei chu ni hran lo mahse i in bel vek tawh chuan tih theih a awm chuang a mi ti raw? " Ti hmuk in ka tih tih lai ka melh san leh vut. Tuk verh bul a ding in pawn lam a ni chuan a kawr hak pan zet chu a rawn chhun tlang a. Chuan ka mit lak tum a saw kawr saw ha a ni tih ka hmu chiang ta viau. A kawr hak pan zet chhungah Chuan panty chiah a hah a. A hnute leh a taksa dang erawh ni thlarah chuan a lang chiang mah mah. Malsawmpuii tan a ka lei kha a ni a, Malsawmpuii chuan in bel se ka mit ka lak sawn phal ka ring lo. Mahse a ni hauh si lo.








" Ka sawi tur chu a ni chiah em ka hre lo. Mahse ka thiannu in min hrilh a Pu Hmuaka, Puitei pa kha damdawi inah a awm a! " A rawn ti sap a.







" Chuan! " Ngai pawimawh lo zet a ti sup in ka thil buaipui lai chu ka tih chhun zawm mawlh mawlh.








" Mak i tih loh danah i hre tawh a ni hmel. A nih chuan Ruatkiman an bill leh eng eng emaw a pek sak tih pawh kha i hria ang ti raw? " A rawn ti nghal zat chu ka thil tih lai ka chawl hmuk. Awi loh lutuk vang in ka nui chhuak hawk nghe nghe.








" Apui Malsawmpuii hian chu tiang chuan mi thil thlawn pek a pawm ngawt ngai lo. I thu sawi tur hi i sawi chhuah hma in ngaihtuah uluk tawh ang che! " Ka ti nghal hmuk. Malsawmpuii mizia a nih loh zia ka hria.








" A ni ngei sia lawm. A enkawltu sawi ngei a ni. Chuan kha hmeichhia khan a bum che a nih chu. " Nui hak a tiin ka lam pan chuan a rawn kal hnai a. Ka melh ngai ka melh run thung. Apuii thu sawi chu ka la ring lo cheu bawk.








" Nitin damdawiin ah pawh a tlawh thin a lawm! Hmeichhe phakar tak a ni , nang in i thlah ta maw tihah mipa dang a pan leh nghal a nia! " Ti thawp sap in ka thutna a rawn kal hual a. Ka mal chungah min hma chhawn zawng chuan a rawn thu nghal zat a. Ka darah rawn in nem khalh in ka mipatna zawnah chuan a mawng chu a rawn sawi kual ruai bawk.








" Kha hmeichhe tan khan i theih tawp chhuah in i buaipui tih ka hre ve bawk. Mahse engah mah a ngai ve lo che hi mak ka tih. Kei chuan i duh duh ka tih sak ang che! I duh duh! " Ka beng bulah chuan a rawn phun sar sar a. A kut tang sei thlarh chuan ka kamis kilh chu zei lutuk in a hmet phelh nghal malh malh bawk.








" Vanduai thlak tak in i lak atang hian ka hmuh tir atang che in tun thleng hian duh ka la nei chhin miah lo. " A khelah vuan bet in ka ti chhuak hrawk chu A che A tawp chawt.








Nem sawm tum a ka thu chhuak chu kawngka bulah Malsawmpuii ka hmu nghal zat a. Tunah hian Malsawmpuii ze dik tak chu ka nem nghet ang. Tih rilru pu in Apuii tukhum sam a tham in ka lamah ka pawt hnai a. Fawh erawh ka fawp hauh lo. Apuii lah chuan ti fuh in ti zet in min hnaih nghal ruak ruak a. Malsawmpuii a kal sawn tih ka hriat rual in ka mal chung a hmeichhe thu mek chu ka nawr sawn nghal vut a. Rang zet a ding chhuak in kawngka lam pan chuan ka pen phei nghal pawk pawk bawk.








Malsawmpuii ka pawh din rual a a hmel a natna leh min huatna rawn lang zawt zawt chu ka hmu chiang ngang bawk. Kei pawh in mipa dang a hnaih chuan tiang chiah hian ka awm thin tih hria se ka duh. Min huat thu leh engkim a tih tawp thu in min au khum tan tan mahse kei hian ka pawm ve dawn lo miau a awm zia a awm lo. Faith-i thi min pek let pawh chu ka duh lo viau. Malsawmpuii ka pe tawh a, a nei tu a nih ang in Tu pawh a pe chhawng thei miau. Ruatkima a pek loh thu a rilru na zet a min au khum chiam pawh chu ka haw lem lo. Ka tan chuan a pe emaw pe lo emaw he thi ni lo in ka thinlung leh ka thisen hian Faith-i hriat rengna chu min hnut chhiah miau.








" Ka hua che! " Ti vin hlar a min chhuah san chu ka nuih suk.








" Zak thei lo! Kha tiang khan a tawng khum ngam che a nia. Kha aia na khan kut lo thlak i la..Nang lah chu i la nui mai mai a. " Kawngka ka chum rik chawrh vang chuan Apuii tawng chu a tawp chat.








" I hna thawhna hmun neitu nupui ni mai tur kha tiang khan kut i thlak ngam a. Eng thil pawh i chungah ti ve se sawi theih i nei lo ang! " Ti hmuk in Apuii chu ka melh run.








" Enge i sawi awm zia chu! " A rawn ti sup chu then khum suk in kut kuang kuah run chuan ka melh ngur a. Tun thil thleng avang khan kan tawpah a ngai a ni mahna.








" Tunah khan i hmuh thiam ka ring. Ka hmeichhe duh zawng chu nang ni lo tun a kal liam chiah kha! A ni bak kha ka mitah hian hmeichhia an awm lo. Nang chu ka hnuai a hna thawk pakhat ve mai contract a lak i ni a. A ni kha chu kum khua leh cha tuan, thih hnu lam thleng pawh a ka thinlung in a thlan a nih kha!








Ti khan i hre thiam tawh em? I thawm hnaw a ro tawh ka ring. In bel la i haw thei ang. Chuan. I hak lai kha chu i keng chhuak nghal thei ang a neitu nu ber in i ha tih a hmu tawh sia, a in bel duh ka ring tawh hran lo! " Ti sup in room lamah ka kal sawn nghal hmuk.








" Chuan... Thil pakhat leh chiah, i din hmun hre rawh! A nih loh chuan contract ang khan i hna i zawh hma in i chawlh san hlauh a nge! " Ding dawt a ti sup in ka kal san nghal vut.








Malsawmpuii hian tu mah an sum leh hausakna vang in a be tha in a um dawn lo tih ka hria a. Chu vang chuan he khawvel a ka hnaih tur awm chhunah ka ngai nghet bur. Ruatkiman damdawi in bill a pek sak thuah pawh kei mah ngeiin damdawiin a kal chilh in ka fiah a. Ruatkima card hmang a bill pek ngei chu a ni. Mahse Nancy sawi dan in hman hmawh thilah Puitein a puk sak a nih hmel.








Kan thli thlaiin a chung chang ka ngaihven ru reng a. Pawisa pe lo in a puk sak a. Khawi hmunah pawh kal se emaw hruai se polite tak in lawmthu Malsawmpuiin a hrilh thin. Kan mi ngainat leh hnaih tak tak bulah chuan tu mah hi kan fel in kan polite reng ngai lo tih ka hria a. Chi vang chuan Malsawmpuiin a thinlung tak tak in a hnaih lo tih ka hria a. Chu vang a hlau thawng lo mai zawk ka ni!








* END OF FLASHBACK *








" A nih chuan engmah a thleng lo maw? Mahse Zan in pawh khan Nunui nen in rawn kal dun a. I banah pawh a vawn kha! " A rawn tih rual in ka nui chhuak hawk.








" nui suh! " A rawn ti teu hlar leh nghal. Min ngaih ven lo in ka awm ve toh pawh hre lo ang mai a Ruatkima bul a thu chung khan min lo hmu ve vek a nih chu!








" Ok... Ok... Kan rawn kal rual lo parking atang kan rawn in tawk chawp a nih kha. Chu zawng chu. Kei ni lo in ka nu sawm a nih kha! " Nui chhuak hawk in a hmel nur nang chu ka kut in ka tawk zauh chu a rawn hawi chhuak vat.








" Ti nge i nu chuan a sawm ve a? " A rawn ti nghal zat bawk.








" Hna lam vang in. Tunah chuan zawhna hun kan khar tawh ang. " Ka ti sup chu ner nang in ka mal chung atang chuan chhuk tum in A che nghal zat a. Rum nghut in a chhuk phal lo chuan a khel ah chuan ka vuan bet nghal run.








____________________________________________________









* MALSAWMPUII POV *








" Naaa....ti nge a, ka thinrim tawh lo aw. " Ka kawng a min vawn beh avang chuan ka tal nghal laih a. Hmeichhe dang a fawp lo tih ringawt khan min ti dam sawng sawng thei.








" Kha pa kha engvang a zan riah kil pui nge i nih? A mit meng ah khan a duh che tih ka hre thei! " A rawn ti hmuk chu ka ner nang.








" Hmm... Min duh tawh lo emaw ka tih khan ngaihzawng dang neih ka rilruk a chuan Ruatkima khan min duh thu min hrilh a. "








" Chance I pek thu sawi hauh suh. " Ka tawng pawt chat in a rawn ti thum dut chu ka ner sak.








" I pe lo ti raw? Nge nang hian i lo pe zawk. Chu vang em ni A fawh che! " A rawn tih leh nghal hrawk a. A aw ri bung vut leh taksa rawn tang nghal tawlh tawlh chu ka hre thei bawk. Ka kut chuan a biang lum vung vungah chuan ka vuan a. A mit meng thim dur khuiah chuan ka melh nghal kalh bawk.








" A bul a ka sawi chu.... Kei hian Zomuansanga lo mipa dang ka ngaihtuah thei lo a chuvang chuan min lo duh a nih pawn theih nghilh tur in ka hrilh. A chhan chu ka thinlung chhungah hian Simon Zomuansanga chiah a leng miau sia! A dik em? " Ti sap in a mit meng thim khup leh cool deuh ruih ah chuan ka en lui ngar a.


IMG_20200307_220933.JPG
IMG_20200307_220933.JPG (72.27 KiB) Viewed 8938 times




He mipa hian a mah ngaihtuah lo thei lo in min siam thiam em a. Chuvang chuan Tu mipa mah hian ka thinlung a a din hmun hi an luah zo lo ang tih ka chiang.








" I sawi dik! He tah hian kei mah chiah ka awm. Mi dang in rawn luh ve an tum pawn ka rem ti hek lo. A chhan chu ka ta chiah i nih a vang in. I chhip atang a I ke ler thleng in ka ta chiah i ni! " Ti sup in a kut lian leh hlai hlup chu ka awmah a rawn nghat a, thaw chhuak halh in ka nui sak. Kan boruak rit zet kha rei lo te a a rawn bo nghal duak a, keimah a Zomuansanga ka huatna zawng zawng pawh hun rei lo te chhung in a ti reh vek a. Ohh... Engmah a lo thleng tak tak lo zawk. Zomuansanga hian kei tih loh hmeichhia a lo hnaih ngai lo hrim hrim zawk tih ka hriat tawh ber chuan thinrim chhan tur a awm tawh miau lo.








" Mahse mipa dang i in fawh tir avang khan hremna chu i hmuh ngei a ngaih hmel! " Taksa lian zet ka bawh beh mek chuan thaw chhuak suai suai in a rawn ti sup chu ka thu ngil nghal awt. Zomuansanga mit meng thim khup leh chimawm zet chu ka melh nghal vak bawk.








" Ka in fawh tir a ni lo! " Ka ti nghal vak chu mit meng zim sun leh chal ti chuar tup in min nuih deuh suk a nih chu. In chhung light eng lutuk lo nen a lan dan chu a pa a ni tawp.








" Mahse a fawp tho che a ni lawm ni? " Mit hmul min san khum uk in a rawn ti sup chu a mal chhung a tang a tal thlak tum in ka che nghal phat a. Ka chet tum dan hre sa ang maiin ka khel ah a rawn man bet leh nghal chawt a nih chu.








" Zomuansang i mak e mai! " Ka tih vak rual in ka hmui a rawn khar nghal hmak a nih chu. Ka kawng a nghet zet a min buan bet in leh lam chu ka tukhum samah a rawlh lut a. Ka hmui pet kau a a lei hrawl leh lum huam a rawn tih luh rual in rum chhuak hak in ka fawp let ve nghal tan tan a. Duhthaw leh zei zet chuan ka ka chhungah chuan a chet nghal nghawng nghawng bawk.








" Ka ngai che ka hmangaih! " In la hrang hlek in a rawn ti sup chu mit ka meng chhuak riai riai a. Zomuansanga mit meng dam ruih leh hmel pa zet ka hmuh rual in ka nui sak.








" I sawi tawh dawn lo a maw ka ti hman a! " Fiam deuh ti tih a ka tih rual in a rawn then ve suk. A kut zungpui chuan ka hmui chu a rawn tuai nghal hauh hauh a. Tun a kan awm dan hi a hahdam thlak tak zet. Nunah hian buaina leh harsatna tam tak thleng thin mahse rilru leh thing lung ber in hahdamna a hmuh chuan engmah dang hi a lo ngai miah lo.












" Hetiang thawmhnaw hi i in bel thin tih ka hre miah lo. Nge kha pa i hmuh dawn vang in i in bel zawk! " Ka mal atang a a kut lian leh lum thur thur rawn sawn chho chuan a ti sup.








" Ka.... Ka ha ve thin a lawm! " Ka mal atang a rawn zut san zel avang chuan ka dang a awk ti tih der. Tiang thawmhnaw chu ka nei ve nual mahse hak na hun ka neih loh em avang in kekawr lam ka in bel tam zawk. Inchei a han in tuai hnum ve tur chuan kan hna thawh in a zir ve deuh a ngai miau.








" Min ngai ve em? " Ti thawp sup in ka mal chu a hmer nghal salh a. Mit chhing vak in a kut chu ka vawn hnan nghal vat. Ka kawr fual hak a rawn hlim chho vek tawh tih ka hriat chuan ka thinphu a rang nghal dawt dawt bawk.








" Kha tiang kha ka hre thiam lo a nia! " Aw tih nan ka Lu ka buk nghat chu a rawn ti thum dut.








" Min ngai ve em? " Ti nawn leh sup in ka hmai bul chetah chuan min melh ngur a. A thawm lum huam chuan ka taksa a ti mur sung sung a. A hmui lum ham ham a ka biang leh beng vel rawn nul kual thuak thuak in ka khel a vawnna kut tha chak zet chuan ka taksa chu a taksa lian zet chungah chuan min chet kual tir a. Ka beng zawnah rawn rum chhuak dur dur in a thaw chhuak leh hawk thin chuan ka taksa a ti tim sung sung bawk.








" Simon! Kei... Ka ngai che ka tih tawh kha! " Thawk la halh in ka ti vak. Ka ngai reng, ni lo... Ka ngai lutuk zawk mahse sawi chhuah hi ka harsat tlat zel. Mahse he zia hi chu kei ni lo midang pawh in an nei ve tho. Kan mizo society hian a chhawm ni mai zawk in ka hria. Hnam dang, ram dang chuan ni tin hian an chhungte an fate hnenah an hmangaih thu an sawi awl lo a. Mizo te hi chuan chhung khat laina te bulah tak ngial pawh he thu hi an sawi chhuak khat khawp. Kan in hmangaih loh bik a kan in ngaih loh bik vang ni lo in sawi ngai lo a kan ngaih vang pawh a ni mahna.








Chuvang chuan kei ngei pawh hian sawi chhuah ka tim in Simon-an a sawi chang pawh hian ka ham haih lek lek zawk thin hial. Ho deuh ang a lang si mahse pawimawh tak ni ta in ka hre bawk. Heng thil ho deuh deuh a kan ngaih vang te hian a ni mahna ka vei a kal san ka harsat em em.








Ka nghawng chu fawp dek dek in a chang leh a lei thap leh lum huam chuan a liak kual ruai a. Ka taksa chu a za chiai chiai a. Chil ka lem leh kalh thin. Hnuai lamah ka kap zawn a min do run tu pawh ka hriat hmai loh. Ka khel min tih chet sak reng chung chuan ka nghawng chu a fawp kual ruai a. Hnuai lam a a ke kawr chhan a mi in min nawk reng avang chuan ka pangai thei tawh lo. A rawn do nay chang in ka ip leh zawk thin. Ke kawr chhan vek mah nise ka taksa in a feel dang chu a rap thlak tak a ni.








" Min khawih tur in ka duh che! " Ka beng bulah chuan a rawn ti thawp sup a. Chu mi rual in ka hmeichhiatna zawnah a thil khawng zet chuan a rawn do nghal run a nih chu!








" Ka mamawh che ka hmangaih! " Ka mitah tak run a min entu chu a thu tak mah mah emaw tih tur a ni. Ka kut chu rawn la in tlem in a thut dan a siam rem nghal hrut a. A ke kawr hma puar luah chungah chuan a dah a nih chu! Hnial emaw chet emaw ngaihna pawh ka hre lo. Ka hriat zawng chu ka taksa chhung zautho leh khur ru der der chiah a ni.








Simon-a chu rawn tho chhuak suai suai in a kut lian leh lum thur thur chuan ka kut chu a rawn vawn hnan a. A kap puar luah chu a kekawr chhanah chuan ka kut hmang chuan min chul kual tir ruai bawk. Chu tia ka kut a chet takah chuan a hma zawng aia nasa in a mipatna chu a rawn lian tawlh tawlh a. Zomuansanga pawh a thaw chhuak nghal hrawk bawk.








" Min ti a zo dawn! " Ti chhuak hrawk in a kekawr kilh chu hmet phelh in a zipper pawh a pawt thla nghal hrawk a. Ka en reng lai chuan a mipatna l*an leh kha*ng zet chu a rawn in perh chhuak nghal nawlh bawk. Ka mit a min melh run chhung chuan ka kut chuan min hum tir a. Thaw chhuak hawk in a kut leh lam chuan a lamah min pawt hnai in uar zet in ka hmuh ah min fawp nghal tawn tawn bawk.








A lei thap hrak a ka hmui rawn nawr kau in duh thaw lutuk chuan a lei chu a chet nawk nawk a. Chu mi pa chuan ka kut chu min chet pui nghal zat bawk. Min tih ang chuan ka awm mawl tawp a ni ber. Chet han lak ve dan tak ngial pawh ka hre miau si lo.








" Babe ti rang rawh! Kha aia rang khan! " Thaw huam huam in a chak zia thup map loh chuan a rawn ti khur khur a. Kei pawh chuan a sawi ang chuan ka kut ka chet rang sauh a. Min fawp reng chung chuan min chul kual ruai bawk chu engmah thil dang ka ngaihtuah thei tawh lo. Ka kawr hnung lam zipper zip thla in rang zet in ka bra kilh a hmet phelh nghal hmuk chu thaw chhuak hak in ka thil tih ka chawl ve dat.








Ka kawr fual hak chu dul hnak in ka bra pawh chu ti tho. Ka kawng zawnah Zomuansangan a hnawl tawm vek rual in ka awm zawn khuhtu nei lo chu it hmel lutuk in a melh nghal run a. Ka thinphu chu rawn chhuah tum ang mai hian a phu nghal dawt dawt a. Ka taksa sa hut hut chu min en vang a nih ngei ka ring.








" Chhun zawm rawh Babe! " Ka kut la sawn a in hup ka tum chu ka ban rekah a rawn vuan chawt a. A ngai ang bawk chuan a mipatna chu min hum tir leh nghal hmiah a. A kut leh lam chuan min puiin leh lam chuan ka hn*te chu a rawn hup bet nghal chawt a ka in rin hma in ka rum chhuak hak. A kut lian leh lum thur thur chuan ka hn*te chakna avang a kawh lah chu a hrawm nawk nawk a. Ka kawng a min vuan bet in a ka chhung lum huam chuan a rawn hmuam thut chu ka ip nghal chawi thung.








A kut chuan ka mal zut kual ruai in ka hmeichhiatna na chu a zut thawi thuak thuak a. Ka hmeichh6 zawn a a kut a awm a piang in ka taksa chu a rawn za nghal chuai zel bawk. Ka mal chip dawn lah in Zomuansanga taksa lian zet ka cheh beh miau avang in ka thei lo. A kut leh lam a min pawm bet in ka hn*te chu duh thaw leh uar lutuk chuan a fawp tawn tawn a. A kut pakhat erawh hnuai lamah a vah kual tir ruai bawk si chu awm ngaihna reng ka hre lo.








" Ahh.. " Ka ti chhuak hak a. Hnuai lamah Zomuansangan ka panty pawt kau in a kut tang hrawl zet chu a thun lut fel der tawh. Ka mit a min melh run chuan a kut chu chet zeuh a. Ka taksa chhung rawn sa huam huam leh ka thawk tawn in hnawh tup tup chu eng vang nge tih ka chiang lutuk bawk.








" I wet tam tak rawn chhuak hi kei mah a vang a ni ti raw Babe! " Ti khur dur dur in a kut chu a aia thukah a luh tir leh nghal zawt chu ka hmui pet fan fan in ka kut chuan Zomuansanga dar chu ka vuan vak a. Ka tum vang pawh ni chuang lo chuan a taksa chu ka bawh nghal rawk rawk bawk.








" Babe zan khua hun kan nei a nia! " Ka beng bul a ti zawi sup in a kut zungpui chuan ka ma*n chu nuai nghal nawk nawk in a kut tang hrawl zet pawh chu in and out in a chet nghal zawt zawt a. Engmah ka ngaihtuah thei lo, ka rilru buai nuai chuan ngaihtuah pakhat chiah a nei, enge ka hlauh hre lo mah i la beng chheng siam hlau chuan ka hmui ka pet fan fan thung.








" Ngawi... Ngawi lawk teh! Zomuansanga duh tawk teh! " Ka taksa rawn phu awt awt leh za chuai chuai vang chuan ka rak that a. Zomuansanga erawh mit meng thim khup a min melh in a thil tih lai a tawp chhin miah lo a nih chu. Simon-a taksa bawh thlawp in ka khur der der a. Tunah khan a tawp ka thleng der. Ka taksa chhung a a kut chu muang chang in a la chet reng a. Ka chhung a a kuh rual in kei mah atang a tui hnang chhuak vang chuan a ri leh chawk zel bawk.








" Babe bul kan tan chauh a nia! " Ti thawp sup in a kut chu a la chhuak ruai ruai a. Ka hmuh lai ngei chuan kei mah atang a tui hnang chhuak a kut a kai chu a fawp fai nghal vek bawk. Ka dul zawn a a mipatna khawng ruh tul leh phu ut ut vang chuan hahdam tak in ka thaw thei lo. Tun kha a tawp na a ni dawn lo tih min hriat tir miau.








Min pawm kang lawp in in chung room lamah chuan min pen chhauh pui pawk pawk a. Zomuansanga taksa sek phiar fat leh sa huam chu ka kuah bet tai a. Room a min pawm lut in a ke chuan kawngka chu a khar nghal zat a. Khum a min nghah dawp rual in ka kawrfual ka kawng a tawm vel chu a pawt chhuak nghal vek bawk.








" A hmai aia ring a ka hming lam tur che in ka siam ngei ang che! " Ti chhuak hrawk in a kamis a phel nghal vut a. Khum mawng lam a rawn thing thi run in ka panty chu a rawn pawt phelh a. Ka hmeichhiatna zawnah chuan rawn thaw lum ham ham in a lei thap hrak chuan a rawn li*k zauh a " Simon! " Ti sap in ka bawp ka tawm nghal chawi.








" Babe bul ka tan chauh a lawm! " Ti sup in a kut chuan a nawmna lai chu a rawn nuai nghal nawk nawk a. A lei sa leh thap hrak a rawn tih tel leh takah chuan ka in sum thei tawh lo, enge ka sawi ber pawh hre lo in ka au chhuak hial a. Zomuansanga lah chuan nuam a ti zual sauh emaw tih tur in rum dur dur in ka taksa chhungah chuan a lei chu a chet nghawng nghawng bawk.








" Babe pahnih hi enge a an? " A tih thum dut rual in ka taksa chhungah a rawn lut nghal zawt a. Ka rak that a, a ni pawh che lo chuan a tawp vang vang a. Rawn in beng kang in ka hmuiah a rawn fawp nghal tawn tawn bawk.








" In bengdai la! Hahdam deuh in min en rawh le! " A rawn ti thawp sup a. Meng phel bhang chuan ka melh chho a. A taksa ti hrawl phiar tawlh tawlh chu Sexy tak a ni ringawt. Muang chang in a kut chu a chet a. A tawt in a rawn tih luh rual a piang in ka thaw chhuak halh halh a. A tir kha chuan a na tep mahse kei mah atang a tui hnang chhuak a tam bakah min ngai chang rang a a chet avang in nawmna chuan min pawh vat tho.








" I duhawm lutuk! " Ti chhuak hrawk in a tawlh hniam hrut a. Ka mal a pawh chip rual in a thil tih tur ka rin hriat nghal mai. Ka hmeichhiatna za chuai chuai chuan engmah dang min ngaihtuah tir thei lo. Mit meng vai ruai in hnuai lam chu ka melh tawk tawk ringawt.









* SENSOR 🤫*






Ka taksa leh awm bawr za ruai ruai leh min khawih tu avang chuan mit ka meng chhuak riai riai a " Morning! " Mit ka men rual a rawn ti thawp sup ri avang chuan ka nui nghal hak.








" Khawi teh! Mut ka la kham lo a nia. Nizan a vang khan ka na vek in ka hria! " Ner nang in ka ti sap a. Simon-a mit meng chimawm leh nuih za in sum meng zim sun avang chuan ka zak leh ti tih deuh. A kut leh lam a ka hnute hum bet run in ka mitah tak min rawn melh run bawk sir chu kai zet in lei ka chhuah tet ringawt.








" Duh aiin ka lo che na deuh a ni maw? " Awm ze nei zet a rawn ti sup in mit min siai khum suk chu a hmaiah ka nem nghal vak a. Nui chhuak hawk hawk in min rawn bawh bet nghal hlun a. Thawmhnaw engmah kan in bel lo bawk nen a taksa lum thur thur leh ka taksa in nawk kual ve vang chuan ka thaw chhuak hak a. Simon-a pawh ka nghawng zawnah a rawn thaw chhuak ve suai suai bawk.








" Ti tawh lo teh! " Ti hlak in ka kut chuan rem lo zet in a hnung zawng ka beng hlak a. A rawn nui nghawr dawt leh nghal. Min bawh bet hlun chung chuan a kut hlai hlup chuan ka hnute bul vel leh a hm*r chu a hrual nar nar a. Hnuai lam in min do leh run tawh bawk nen. Ka sawi lah chu a hre lo der hmak leh nghal.








" Simon! " Ti sap in a tukhum samah chuan ka tham salh a. Che hrut in a aia nasa chuan min bawh bet zual sauh bawk.








" Ummm... Babe rei lo te! " That chhe zet a rawn thaw chhuak tuah tuah in a rawn tih sup chu ka nui zui hak.








" A tha lawm! Ti khan che thei lo in min bawh bet reng rawh! Eng emaw tih sak che ka tum teh lul nen! " Nui sak in ka ti chu ka hnute a rawn tham vak a. Tal zui phat in a banah chuan ka beng nghal hlak bawk.








" Eng thil nge tih i tum chu? " Rawn in beng kang in ka hmai zawnah a rawn phun lum hawk. Ka hmui hnuai lam seh pah chuan ka melh chho ralh a. La hre thiam lo tih hriat tak a min melh run tu chu a awm hlai leh sek zetah nam sawn riai riai in a taksa chungah ka bawh bet ve nghal ran a.



IMG_20200307_221112.JPG
IMG_20200307_221112.JPG (96.06 KiB) Viewed 8938 times



" I lo che ve thiang lo a nia! " Ti sap in a mitah tak ka melh chhuk ran a.








" Okk! " Ti sup in a kut chu a phar nghal uai a k melh nghal ram chu min nuih suk in a tukhumah suih bet in a del bet nghal zat bawk.








A mit meng a phurna rawn lang chhuak chu melh ralh in ka kut tang chuan a chal a tang ka chhui thla riak riak a, a hnar ngul nalh leh pa zet chu chhui thla zel in a hrawk bawk ah ka tawp chat a. Chil a rawn lem kawlh rual in a che ve rulh a, muang chang a sawn thla zel in a awm lum huam leh thin phu dawt dawt zawnah chuan ka kut ka nghat vang vang a. A hmai zawn a kun hniam riai riai in a beng bulah chuan mit chhing tur in ka hrilh sap a. Pa zet a rawn khi suk in a chhing ve mai chu ka nuih a za ru phian.








Ka hmui chuan a hmai leh nghawng vel chu ka nul kual thuak thuak a. A hnar a ka hmui nghat in ka nui hak a a hmui tawk da da in ka lei hmawr chuan ka l*ak kual a. A ka chhung atang a boruak lum rawn chhuak chuan min ti lum ve hawk thin. Ka hmui chu sawn thla zel in min tih ang chiah chuan a hn*te chu ka thiam dan leh nuam ka ti ang tawk chuan fawp in ka lei in ka hawl kual ruai bawk. Simon-a thin phu dawt dawt leh thawk rawn rang nghal chuan min ti phur zual sauh thung.








Chu tiang a ti reng chung chuan ka kut zung tang chuan a dul phiar fat leh V line awmna vel chu ka thai kual riak riak a. A mipatna rawn khawng chho luah chuan a chak zia a ti chiang ngang bawk.








" Bathroom dangah in ti fai tawh rawh aw, chu lo chu kan tlai vek ang! " Ti vak in a in rin hma a khum thawh san in khum a puan chu ka pawt dawk nghal zawk a. Rang lutuk in bathroom lam pan in ka tlan nghal vat chu rawn in beng kang in a ban a rawn phar hluai bawk.








" Damdawiinah min dah ka ngai dawn a nia tho vat rawh!" Bathroom kawngka vuan ran chuan ka ti chu a hmel a tum bur a. Rum nghut in lukham a rawn vawn chu kawngka ka khar nghal dawp thung. Kawngka a rawn chum dat dat a, kei erawh bathroom chhungah ka nui hak hak reng thung. Kha tiang tak a Zomuansanga rilru ka chawk buai thei kha mak ka tiin ka hlim veng veng.




*



*



" Lalthian Ruatkima a lo kal leh a nia! " Kudam a ka awm laiin Nancy rawn chhuk in a rawn ti a. Ka ner nang, Nancy in ka awm tih a lo hrilh tawh bawk nen hmuh loh theih ni hek lo phur lo zet in ka chho a. Chair a lo thu in min lo melh nghal vat bawk.








" Eng tia rei nge min bih ruk san dawn? " A bul a ka thut thlak rual in a rawn ti sup chu ka melh ve nghal vat.








" Enteh Ruatkim nang nen hian in hmuh ka duh tawh lo. Ka bih ruk san che pawh a ni lo! " Ka ti sap. Dik tak chuan ka ngei lutuk tlat. Simon an min hrilh a. Ruatkima leh Faith-i chung chang, Faith-in a fa a pai thleng in ka hria. Chu pawh Zomuansanga sawi duh vak lo chung zawt lui in Ruatkima ka hnaih a phal loh chhan min hrilh loh chuan ka hnaih lui tho ang ti a ka tih taauh khum vang in.








" A tawpah chuan Simon-a tho I thlang leh a! " Za lo zet a rawn nui suk in a rawn ti sup chu han sawi dan vak ka hre lo. A tir atang a a tawp thleng in Zomuansanga chiah hi ka mipa hmangaih a ni miau.








" Ka bul a I awm ve nan hian enge ka tih ang? " A rawn ti leh sup chu ka ngawi reng ringawt.








" En teh, kei chu engmah ka ni lo, hmeichhe pakhat ve mai ka ni a. Kei aia tha i hmu em em ang! " Ka ti ta ngawt. Hmeichhe luck leh zei u chuak ka ni lo a. Hmai chhanah mipa puitling leh mahni tawk a in dah sang ve tak han hnawl chu thil nuam zawk zawk a ni hauh lo.








" Ka lo lut dawn nge i lo chhuak dawn? " Ka phone screen a message rawn lut chu en in ka thaw hak. Simon-a a rawn lut a nih chuan Ruatkima hi a hmu ngei a nga, a thinrim leh ngei bawk ang. Chuvang chuan ka chhuak vat a ngai.








" Tih tur ka nei a! Khawngaih in min hmu tur in lo kal tawh suh! Simon-a nen hian lo in kawp rem lo pawh ni i la nang nen hi chuan kan in kawp thei lo ang. A chhan erawh tam tak a awm a. Sawi duah pawh ka duh lo! " Tih leh din chhuah ka rual a. Ka tawngkam kha hriat a nuam hauh dawn lo tih ka hria. Mahse kha tia ka tih fak loh chuan a hma lawn ka hnawl tawh a awm zia a awm lo. Phone call leh ang eng emaw in min rawn be tho a. Simon-a hriat loh in ka delete hman zel zawk a.








" Kei ni lo a ni saw I thlan avang in i la in chhir khawp ang! " Dawr pawn ka chhuah rual in ka bul a ding in a rawn ti hmuk chu ka ner sak.








" Ka ring chiah lo! " Ti hmak in Zomuansanga motor hunna chu ka pan vat a. Driver seat atang a rawn pen chhuak vut in kan lam pan a rawn kal pawk pawk in a hmel a chang nghal rup bawk.








" A ho lutuk! Kal vat zawk ang! " A ban a vuan in ka ti sap. Thaw chhuak hawk in ka kawngah a ban a rawn rawlh lut vut a. Chu mi rual in Ruatkima motor pawh a tlan chhuak ve chiah bawk. Passenger seat kawngka min hawn sak ah chuan ka thu kut thak a. Motor chu rawn kal hual in driver seat ah a rawn thu lut vut chu ka en reng. A hmel tum bur chu ka nii nghal hal bawk.








" Hei... Ka duatpui i ti tau a mi? " Nui pah chuan a biang chu ka kut tang in ka va tawk zeuh a. Rum nghut in ka kut chu a rawn vai thla hmu chu ka nuih a za zual sauh.








" I lam pan a a rawn kal ka hmu leh a nih chuan a ke ruh ka khawng tliak ang! " Ti hmuk in a tlan chhuak chu ka chhang duh ta lo. Kan saai thui chuan tul lo ah kan in hnial leh mai mai.








Hotelah tih tur pawimawh emergency meeting a neih avang in kan kal kawi a. Ka pa hmu tur a kal kan tum tho bawk nen a rem phian a. Mahse ka zep lo an hotel chhung a luh hi ka hreh ngawih ngawih a ni mai.








" Kan in neih hunah chuan ni tin min hmu tur a I lo kal a ngai dawn a nia. Tun atang a I zam chhiat mai ten! " Ti sup in ka kut a vuan in min luh pui a. Min hmu tu a piang chuan min en zui vawng vawng zel bawk. Zomuansangan engah mah a ngai miau lo a ka zui ve zel a. A office chu kan thleng ve hram.








" Nang maw? " Office a hmeichhe rawn lut chuan zang vah a tiin min nuih sawh hmel zet in min rawn pan a. Ka hma zawn tak ah a rawn ding chat a. Model tih tak a a pian chu a nalh a ni tawp. Simon-a erawh meeting nei tur in a chhuak lawk thung.








" Ka be peih lo che a nia! " Ti hmak in ka phone chu ka melh san hmak.








" A tawpah chuan i lamah i pawt bet leh thei hram a. Enge Mr. Simona lakah hian i tih bik chu ka hre lo. Mahse i la naupan ngaihtuah in i zak thei lo viau a nih ka ring! " Tih ram hmak in ka phone chu min rawn pawh thlak sak a nih chu.








" Ti nge keiin buaina pum pelh ka tum lai hian nang zawk hian buaina chu i zawn tlat le. Ka hrilh ve mai mai ang che nang ang a taksa mawina hmang tangkai a mipa hneh tumna hi Pathian zarah ka la nei chhin miah lo. Chuan tu mah hi vawi khat hmuhnaah an nun dan ka sawi sel sak ngai ve lo bawk.








Nang ve mai hian i hlawh lakna i pu chu tenawm tak in hnaih i tum zawk a ni lawm ni. " Ti ngat in ka ding chhuak a. Rum zet a min melh ran in ka phone chu a lek chhuak a, ka hmuh lai ngeiin chhuatah a vawm nghal chawr chu ka phu zawk.








" Eng thil nge i tih kha! " Ti vak in chhuat a ka phone chu chhar tum in ka kun a ka kut chu a la rawn rap zui leh nghal. ' i duh vei maw? ' ka rilru a tiin a kut leh lam chu a pheikhawk hill bul chu ka pawt vak a chhuatah a rawn thal ve rawp a. A tluk zawng in ka kut a rah miau avang in ka kut chung a tai pilh hlak bawk.








" Hmeli! " Ti vin hlar a kut min thlak tum a a rawn che chu kawngka rawn in nem hawng rawp thawm avang chuan kan hawi dawr a. Zomuansanga rawn pen lut vut a hmuh rual in a ke rek vuan in na tih hmel zet a lem a chang chu ner khum sawk in ka ding daih thung.








" Eng buaina nge ni hrep a? " Rawn ti hrawk in Apuii nen chuan min melh tawn nghal vut a. Ka kut thip vin hlar chu k thing nar nar thung. Tamah kan tawng loh avang chuan a thin a rim hmel ngang bawk. A phone rawn ri chi phun hluk in a la nghal hmuk a. Phone a hming rawn lang ka hmu hman hram.








" Aw.... Nute ka lo kal nghal ang! ' ti sup in phone chu a off a. A rawn hawi leh rual in cho zet in ka lo melh ran thung.






🍃🍃 thil sawi ho kan ngai😂😂 whatsApp group siam ka rilruk a🙊 kei ma rilru chiah a ni bik lo a nia🤣🤣 eng emaw story ka dah loh tur thu emaw thil dang pawh a niang chu sawi nan. Awm duh in awm chuan kan siam a nga in awm loh chuan siam pawh a ngai hran chuang lo a. Mahse a that ve na chu net leh signal a chhiat lutuk hi fb a luh hi a har thin a, whatsApp erawh chu net a heh lo ka ti dawn nge han luh a rawn in report mai te a rem ka rin vang a ni pakhat a😘😘😘 engpawh ni se kha lam chu in thu ni se, ka sawi kur duah thiam tawh lo. 😂😂 lo ngaihtuah u la cmt naah hei chu rawn sawi ngei ngei tur aw. I duh chuan in whatsApp no in dah a nga😊👌 duh in tam dan a zir a ni mai🍃🍃

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 29th, 2020, 8:28 pm

CHAPTER -29 🍃 by Amy Cck (Dream Girl)








" Mi hi chu i chawk buai hneh ve ngawt mai! " Ti hluk a min melh chhuk run tu chu ka ner khum sak. Kei in buaina ka siam lo a, he nu zawk hian a rawn siam a nih kha! Tih khum hrep ka tum a mahse Simon-a rawn chet chhuah dan avang chuan engmah ka sawi thei lo.








" Hei vang hi nia ka bul a awm reng i mamawh! Darkar khat em pawh ka kal san lo che a.. . ! " A tawng lai tawp hmuk in a kut lian leh lum thur thur chuan ka kut chu a tawn ban vut a. Ka kut chung lam vun pilh chu melh run in ka kut a vawn loh na lam zawk chuan a kekawr ip a zen ruk ruk a, scarf dum chu rawn phawrh chhuak in ka hnung lam couch ah chuan min nem thut nghal dat bawk.








A phone chu hmet nghal mual mual in tu emaw a bia a, pem thar dam dawi chu chiang tak in a chah tih ka hria. Kan piah a Apuii rawn thu thla chu melh nghal vut in ruh lam damdawi a sawi tel leh nghal sup bawk. Ni e... Apuii ke ru khu a na ve khawp ang. Dim lek lo in ka pawt thlu nawk miau a.








" Mahni pawh in enkawl hlei thei lo hian min mamawh lo thu I la sawi ve tan tan zel leh nghal! " Ti sup a ka hma zawn a rawn thu hniam run in a kup leh lam chuan a thing thi tel bawk. A awm dan teh daih avang chuan kei chiah ni lo in Apuii pawh a ham haih ve tho.








Kawngka rawn kik khauh khauh in Jeffa a rawn lut a a hnung a staff hmeichhe pakhat in box keng in a rawn zui bawk. Staff hnenah pem thar damdawi pe tur in a hrilh sup a. Apuii ke en sak tur in a hrilh chhun zawm leh nghal sup bawk.








" A thip! " Ti sap a ka kut pawh let ka tum chu vuan bet chawt in " A rei lo ang! " Ti sup in a hmui bul a la kang deuh in a chhem hauh hauh a, chu mi pah chuan damdawi a hnawih tel mual mual bawk. Office chhung chu a reh duk a. Jeffa meuh pawh a pu awm dan vang in khaa dang hasi sawn a chang a hre lo hial a nih teh chu.








" Hei hi sawi fel kan ngai in ka hria! " Ti sup in a dawhkan pawh dawh atang chuan file chu kan lamah a rawn keng phei a. Apuii hmaah chuan a dah thla nghal hmuk a. Chu mi rual in ka bulah a rawn thu thla nghal vut bawk.








" Hei chu.. " File la kang in phawk zet in Simon-a a rawn melh a. Zomuansanga erawh couch nghen chhan ngheng in a thu awn duai a. A bawp hrawl zet chu khaw kherh run in a ban sei thlurh chu ka hnung lam couch nghenchhan ah a rawn kham nghal ruah bawk.








" Eng pawh ni se contract tih tawpna tur a nih kha! Kan in tiamna kan hlen loh avang in i duh ang zat zang a dawmna i phut thei ang. Engmah kan sawi buai hek lo ang. " Zomuansanga tawng thum dut dut chu mak ti zet in kan melh haw vek. Thinrim hmel a pu lo a, a aw chhuak pawh a pangai viau bawk chu mak kan ti leh zual ni ber in ka hria.








" Mahse engvang in? " Apuii chuan rawn ti hap in a meng buai nghal nak. Kei pawh in kei mah zawk kha min hau hrep in a office a buaina kan lo siam avang in a thinrim kha ka ring a. Kei ngat phei chu he hmun a ka kal a piang in buaina ka zawng emaw tih tur hian thil hi ka tawng ve ziah bawk nen.








" A chhan chu nakin a thil thleng leh tho tur a nih vang in. In pual in advertisement emaw engmah hna han chawk buai tur a la awm lo a. Kum 2 chhung in enge thleng dawn ka hre hauh lo bawk. Thil chiang tak erawh chu kum in a vei meuh chuan tun a tham lo tak a I tih hmeichhia hi ka nupi niin he I thawh na neitu nu a ni tawh dawn bawk a. In nghir ngho na chhuah tir leh ai chuan engkim a thlen hma hian pawh chah tha in ka hre ta zawk. " Simon-a thu sawi chuan min thawng lutuk hi ka hawi lawl lawl ni ber in ka hria. Kei mah vang in Apuii a ban dawn tih sawi dawt lo mahse mi pangai tan chuan a rin hriat theih mai.








" Jeff lo buai pui la, tih fel ngai leh thil tul a awm chuan i rawn sawi dawn a nia. Kal na tur pawimawh kan nei rih tlat! " Tih sup in a ding chhuak vut a. Jeffrey pawh a bu ve nghut nghut. Apuii ka va en chu mittui tling pam in a kut a leh kha chu a hum ngawt ngawt a. Ka khawngaih let ling viau nan mahse mi fel leh tha fakim ka ni bik lo a, Simon-a bul hnai a awm tur in ka duh bik lo.








" Ti khan i ti tawp ringawt a maw? " Lift a kan luh rual in ka ti ta tawp. Ka bul a kekawr ip zen hlun a ding chuan min melh run a. Kei in zawhna mit meng in ka melh bawk.








" Yupe! Kawng tha ber a nih kha. Nang hi ka chan phal che si lo a! Mi a nu! " Ti sup in a rawn che thut a ka kawng a min vuan in a lamah min pawt hnai nghal hrut chu ka in ring lo nen ka bawh nghal rawk rawk.








" Ka a lo aw! " Ti vak a ka melh chho chu chal ti chuar tup in a hmui min sawih khum zauh a. Ka ner nghal nang chu ala chalah min rawn tauh det in a rawn kun hniam run thung.








" Mahni thatna tur pawh hre lo chung hian fing chu i in ti ve sia! " Nui suk a tiin a hnar chuan ka hnar a rawn hrut nghal zauh chu ka ner nang.








" Fing pawh ka in ti chuang lo! " Ka ti sap chu a rawn then suk a ka hmui a rawn fawp zeuh in a in la hrang nghal vut a. Lift kawngka rawn in hawng in kan chhuak zui nghal zat bawk.








" I pa bul a kan kal hma Nu Sarahi te inah kawi lawk ang aw! " Driver seat a thu run chuan ka lam a rawn hawi vut a. Ka rilru chuan ka peih lo lutuk hi nang mah in li va kal la taxi in damdawiin lamah ka lo va kal mai ang. Tih mai ka chak rum rum. Mahse Simon-a hmel thu tak run avang chuan ka sawi chhuak duh lem lo.








" Hetah hian ka lo nghak mai ang che! " Motor a tih din dawt rual in ka ti vat. Kawngka a nem hawng tawh chu chhuak mai lo in min rawn melh run a. Aw ti hram se ka duh lutuk chu ka nuih tlawn ta vel a. Mahse awm zia a nei hmel vak chuang loh.








" Kan rei lo ang! Lo kal rawh le! " Ka lam kawngka rawn pawt hawng in dam deuh dup chuan a rawn ti a. Peih lo zet chuan ka chhuak ve ta hna hna a. Zomuansanga ka kut a min vuan in in lamah chuan min kal pui a. Ka lo zal ve em em ringawt thung.








" I lo thleng a! Engvang in nge i lo hruai ve? " Nu Sarahin min hmuh rual in lawm vak lo ri hian a rawn ti hmak chu ka lo ip ru chawi. Simon-a ka han en chho chu min lo melh chhuk ve chiah a. A mit meng chuan min thlamuan a tum ni maiin ka hria.








" Kan awm rei hman lo. Khaw nge Irene-i chu? " A ti zui hmuk chu Nu Sarahi a rawn thaw chhuak hak.








" Ti nge in dang lam tak vek mai le! Hmun dang a zirna chhun zawm tur a kan tih laiin a duh lo a. Tunah he lam a aw kan rem yi zo chiah a hmun dang a kal a duh leh thut a. Eng thil chiah nge thleng hi! A room ah i han hmuh pawn biak dan thiam deuh ang che! " A rawn ti zui zat chu Nu Sarahi kal pel chuan min kai nghal dat dat a. In chung step kan chho dawn in ka pawt ding ta dat.








" Hetah ka lo awm ang! " Ka lam a rawn hawi vut rual in ka lo ti vat chu mak min tih hmel a pu deuh. Mahse nui lui sak in rei lo tur in ka chah nghal zat a. Irene-i ka hmu peih reng reng lo. Chu bakah kei min hmuh chuan a ni pawh a thin a rim leh ka ring a ni mah zawk. Chu vang chuan he ta lo nghah ka duh ta zawk bawk.








" I pa an zai dawn ni awm in ka lo hria a! " Nu Sarahi ka opposite a rawn thu thla in a rawn ti chu lu nu nghat in ka chhang vat a. Za lo tih hriat zet a rawn nui sak in in chung panna step chu ka melh nghal zeuh bawk.








" Midang nun ti chhe tu chuan eng emaw tal in a let chu an tuar thin miau a! " Zawi deuh tak a a rawn tawng chu ka hre chiang mah mah thung.








" Enge i sawi tum? " Ka ti nghal fak chu min rawn melh nghal ran a. Kei pawh in ka melh let kalh bawk. Simon-a a rawn chhuk mai ka la ring lo bawk nen ka lo zui chho ve lo chu ka in chhir ta rum rum.








" Ka sawi tum chu a chiang viau in ka hria. Ka fanu hian enge a tih sual a dam chakna reng nei lo a a awm tak. He thil ah hian ka mawh puh lo thei lo che. I rawn lan hma kha chuan engkim kha a dik vek a mahse Simon-a nunah i rawn lut a, pawi sawi lo ang zet in awm mah la muang chang in i lamah i pawt hret hret a. Ohh... Simon-a mai ni lo, a chhungte thleng in i ti lawm a.








Mahse malsawmna chu i dawng tluan tling bik lo a nih tih sawi ka tum mai a nia! " A rawn ti zui nghal zat chu in hum ruh teuh in ka melh ngawt ngawt. A sawi dan hmang ah chuan ka pa dam loh chhan chu ka rilru sual vang a ni ta ber in a ngai a nih chu.








" I ngaihdan chu ka thlak dang lam thei lo. Mahse a dik lo tih erawh ka hrilh ang che. Chuan nang in i fanu hi i tan in i hmangaih ang hian a hmangaih let lo ang che tih ka hlauh pui ngawt mai che. Pawn lamah Simon-a chu ka lo va nghah a that zawk ka ring! " Ti let hmak a ka ding chu a rawn ding chhuak ve nghal zat.








" Irene-i nen hian thisen zawm kan nih loh vang hian kan in hmangaihna a tlem thu i sawi tihna a ni chuan i ti dik hauh lo. Nang leh i pa i pa in in hmangaihna ang chiah kha kan in karah pawh a awm tih hre rawh! Thisen in zawm nih loh vang in hmangaihna hi a tlem phah in a dal ngai lo! " A rawn ti let vak chu ka nui sak.








" Ka hria lawm! " Tih leh kal sawn ka rual nghal. Chu chu ka hre chiang lutuk. A hre chiang ber tu ka ni hial ang chu. Ka pa hi ka thisen zawm pui a ni lo chung hian en hran emaw, chu ti zawng a tawng chhuah pawh ka duh ngai lo. Ka pa a nih chhung chuan ka thinlung a hmangaihna zawng zawng hi a tan a hlan miau a. Chu ti zawng a tawng chhuah emaw sawi pawh ka duh hek lo. Mahse Irene-i erawh chuan ka bul ringawt ah pawh vawi engzat nge ga grah, fa lak a nih thu min sawi khum tawh. A nu in hmangaihna zawng zawng a pe tih chu kei pawh ka hmu ve ngei mahse Irene-i hian a thinlung tak in a pawm lo ni ta ber in a lang. Chu vang chuan nu Sarahi pawh chhan thui vak ka duh lo. A fanu a hmangaihna in a bual a a ni mai a. Ka khawngaih let ling zawk.








" Van rei tak! " Ti bai bai in pawn step ah chu ka thu ran a. Ka rin ai Simon-a lah chu a rawn chhuak har zek. In chhungah lo nghak ni phei i la chuan Nu Sarahi khan a nung chung in min ei zo tawh hial ang chu.





.




" Heiii... Ka rin ai I rei! " Kawngka a mipa rawn pen chhuak thauh thauh ka hmuh rual in ka ti nghal vat a. Ka bul a rawn din rual a ding chhuak ve nghal in ka mawng ka beng nghal thek thek bawk.








" I tha em? " Zomuansanga hmel awm dan avang chuan ka zawt ta tawp.








" Simon! " Ka ti sap rual in a lamah min pawt in a awm khauh leh hlai hlupah chuan ka bet nghal thlawp a. A awm dan teh thut chuan min thawng lutuk chu chet na chang pawh ka hre lo.








" Engtin nge ka tih ang? Phu ba lak chak in ka ka so bulh bulh a nih hi. " Ka chhip zawn a rawn phun sup in nghet zet in min kuah a. A sawi awm zia ka hre lo lutuk chu a awm zawnah ka meng kual hrak hrak ringawt.








" Eng thil chiah nge thleng chu ka hre lo a mahse thil pawi engmah ti suh aw! " Driver seat lam melh chuan ka ti halh a. Motor stearing hum run a hma lam melh ngur tu lah chuan min ngai thla pawn ka hre lo. A khawvelah chauh a cheng ni maiin ka hmu . Engmah a sawi duh miau loh avang in ka zawt thui duh lo. Mi zawng zawng in kan nunah hian sawi duh lo, zep kan nei vek a. Simon-a ngat phei chuan tam tak a neih ka ring.








" Simon ka awm i ti nuam miah lo a nia! " Damdawiin kawtah kan ding run tawh. Kawng tluan in a tawng lo a. Ngaihtuah leh vei a nei a nih ka ring. Thawk hreawm hmel zet in a rawn thaw chhuak leh hawk thin . Chu ringawt pawh chuan min ti pik ve ngawih ngawih tho.








" Engkim a tha vek! Lut i la i pa kan in nghah rei tir lutuk chuan ka tan a nuam dawn miah lo a nia Babe! " rawn ti sup in min nuih nghal suk a. Mahse a nui hmel chu ni dang ang a ni lo tih ka hmu thiam ve reng bawk nen. Thaw hak in motor kawngka chu ka nem hawng nghal rak a. Simon-a pawh a chhuak zui ve nghal vut a. Ka chhuah fel meuh chuan ka bul a ding in ka kut a rawn vuan leh run tawh!



*



*



" Nann.. . Ka chhuah lawk a ngai a. Ka pa lo en lawk rawh aw! " Nancy cabin rawn luh rual in ka ti sawk sawk a. A chhanna pawh nghak lo in ka bag ban sawk sawk in ka tlan chhuak nghal a. Nu Sangtein min rawn phone a Simon-a leh Ruatkima an in tih buai thu leh Simon-a an biak tlang theih loh avang in ka bul a a awm leh awm loh min rawn zawt a. Ka phone a mahse ka biak tlang theih mai bik loh avang in zawn ka duh.








" I phone chhang teh! " Phone a call reng chung chuan ka ti vak a. Taxi driver pawh ka ti phu chiam leh nghal. Ka pa an zai hlawh tling a. Thawven ve nak a lai a Simon-a ka mawh chhiat nghal nghek a. Damdawiin ah in zai kan zawh atang khan ka tal deuh chawt a. Simon-a... Ni lo.. . Pa Jerome-a te nen lam in private nurse lak an ti tlat a. Ka hnial hneh ta ngang bik lo bawk nen. Hahdam chu ka hahdam viau a. Mahse in en kawl chhung na na na chu ka pa duat ka duh avang in dawr lam pawh ka kal lo hrim hrim a. Zomuansanga nen pawh kan in hmu in kan in be tam lo ti i la ni tin chu damdawiinah a rawn kal ziah tho.








" Hetah a kal lo maw? " Kawngka lo in kal chu en in ka ti chhuak halh. Kan in in tawm a a kal lo a nih chuan zawn ngaihna ka hre mai lo leh nghal.








" Aw.. Nu Sangte! " Ka phone rawn ri chu ka la nghal vat a. Ruatkima damdawiin a an kal pui thu leh Zomuansanga a ngaihtuah thu min rawn hrilh mawlh mawlh a. Eng fa ko nge thleng ka hriat loh avang in lo chhan dan vak pawh ka thiam lo.








" Simon-a i hmuh hlauh chuan min rawn hrilh vat dawn nia! " A rawn ti a. Eng vang a in sual nge an nih ka hriat ve loh avang in min thawng tih bak ka sawi thiam lo. Nu Sangtei pawh in engmah chu tiang a hriat pui loh thu a rawn sawi luam ve tho.








Engtia rei nge ka thut pawh ka hre lo. Gate lam atang a motor chak zet a rawn tlan lut ka hmuh rual in ka ding nghal vat a. Tual zawl a motor a rawn ding dawt rual in Zomuansanga a rawn chhuak nghal vut chu ka lo en ta tawp. A mah ka hmuh takah chuan ka thawveng nghal hawk in ka hria.








" I lo awm ka ring reng a! " Ka hma zawn ....step pahnih kan in karah a awm zawk, tah chuan rawn ding khawng luah a rawn ti sup in a rawn then suk chu ka ner khum nang. A mit hmul sir lam kak deuh hlak chuan ka mit a la nghal chat bawk. Mahse ka rin ai a hliam na lo. Ruatkima erawh damdawiinah an kal pui thu Nu Sangtein a rawn sawi bawk nen.








" Ka nghak rei tawh lutuk che lawm! " Ka ti let hlak chu then suk in step pakhat chu a rawn rap chho a. Ka nghak rei tawh tak tak bawk. Ka thlen tirh kha chuan khua a la eng vek a. Tunah meuh chuan a thim that that tawh thung.








" Eng thil nge thleng a? I nu in min rawn bia a... " Min rawn hnaih leh hrut a min kuah nghal hlun avang chuan ka tawng tawp dat a.








" A ngaihtuah lutuk che lawm! " A awm zawn atang a ka ti hram chu ka chhip a hmui lum thur thur a rawn nawr in hahdam hmel zet hian a thaw chhuak suai suai a. A thin phu ri dup dup chu ka ngaithla ve ran bawk.








" A nih nang in? " A rawn ti thum dut chu min hmu thei lo mahse ka ner khum chiam.








" Ngaihtuah lutuk! " Ti sap in a taksa lian zet chu ka kuah let nghal thuk a. A taksa rawn che dawtah chuan a nui tih ka hria. Enge nuih tur pawh ka hre ve lo. A rawn thlen hma kha chuan ka ngaihtuahna a vak kual nasa lutuk kha thawk pangai pawn min ti thaw tha thei lo.




*



" He ti hian cheng dun tawh mai i la! " Ka hnung lam a rawn ti thum dut tu chu in her in ka en nghal vat a. Shower nei zo tih hriat zet in a sam chu a thur deuh sang a. Shirt ha lo in Jokerpant dum a ha leh tawp bawk. A taksa sek phiar fat chu ka vawi khat hmu na ni tawh lo mahse hawi sawn har ka la ti tho.







" Lo thu la! Ei tur ka siam a nia. " Ti vat in ka hawi sawn vat a. A hmuh loh tur in lei ka chhuh vak bawk. Zan in hian eng emaw ka zawt chhuak dawn a ni tawp. A mit meng leh chet dan vang in ka buai thiang lo bur. Nu Sangtein Simon-a in tih fai chhung khan min rawn phone a ka bulah a awm thu ka hrilh takah chuan a hahdam ve huai hmel.








____________________________________________________









* SIMON ZOMUANSANGA POV *








" Ka nu bulah min enkawl tur thu i sawi kha ka hre reng dawn a nia! " Ti sup in chair pawt kau in ka thu thla dawt a. Mak tih hmel zet a min en tu chu ka nuih zui suk.








" Kha tah khan i lo awm reng tawh maw? " A rawn tih vak chu lu ka buk khum nghut. Rum al a min melh in a fian ken chuan min rawn tin a. Ka nui ta hawk hawk. Ka boruak pik zet tawh min tih reh sak tu leh ka rilru la peng tu atang chuan Malsawmpuii aia tha hi an awm ka ring leh tawh lo hul hual.







" Min thu sawi ngai thlak ruk ching! " Ti hlar in gas lam chu a hawi leh mai a. Tshirt var pan lam hret ha in highways dum a mal phuar tang a in bel a. A sam chu sang zetah bawk in a nghawng var sar chu a lang chiang ngei bawk. Hmeichhe lian lam ai chuan te lam pawl zawk mah mahse te fel at an tih ang hian a thawmhnaw ken engpawh hi a in hmeh ve at zel tho hi a hmuh nawmna.






" Tam chhawl a min awm tir i tum! " Ti sup in a hnung lam atang chuan a kawngah ka zen lut a. A kiu a min rawn nghawk na chu hre lo der hmak in a taksa chu ka kuah bet lui tlat thung.







" A zo tep! Min tih buai chuan i ei har a ni mai! " Sir zawng a min melh chho ha in a rawn ti zat chu nui suk in a shirt chhungah ka kut ka zen lut ngat a, tal vak in fian a ken loh na lam chuan ka kut chu a rawn man nghal chat.







" Zomuansang nghal suh aw! " Ti hlar a min rawn melh chho chu kun hniam in a hmuiah ka fawp nghal zeuh bawk. A biang rawn sen tan tan chu hmuh nawm ti zet in ka chhuk melh run bawk.






" I siam zawh har leh kawng dang in hun ka lo khawh ral ve thung thei tho a! " Ti sup a ka kut ka chet rual in a rawn rak nghal tung chu ka rin sa a ni bawk.







" Vawin a Ruatkima nen in in sual chhan kha ka hre ve duh a nia! " Pangai zawk chuan a rawn ti sap. A thu rawn sawi chuan khawvel tak ah min luh pui leh nghal a ang mah zawk. Ka rilru na leh tawt tun kha an rawn let nghal tup tup bawk.







" Kan tet lai chuan ka pa in ei tur min siam sak thin a. Tun a I tih ang hian, kei, Faith-i leh ka nu in hmuh nawm ti zet in ka pa ei siam lai chu kan thlir thap zel. Chuan ka nu ei rawng bawl aiin ka pa siam kha kan thlang zawk ziah bawk a! " Ti sup in a nghawng zawnah chuan ka thaw chhuak ham ham a. Ka mitthla zui nghal vek thei bawk chu nun hlui min ti ngai zual tak zet.







" Ka rilru lak pen tum suh! " Lawm lo aw lutuk a rawn tiin gas chu a off zui nghal zat a. Nui suk in ka kuah na thlah thawl in ka ka thutna lamah chuan ka let nghal vut chu rawn in her in beidawn hmel zet in min en reng chu en in ka thaw chhuak hawk.








" Ok... Thil ei phawt i la ka hrilh ang che! Ti teh Ka Hmangaih vawin ni leng in eng mah ka la ei lo a nia! " Ti sup in mit ka san khum uk chu in her in ei tur chu a siam chhun zawm mawlh mawlh a. Dawhkanah a rawn chhawp nghal vat in ka bul a a ding ngawi ran chu a banah pawt in ka bul chairah chuan ka thut thlak tir nghal zat.







" Mahni chauh a min ei tir I tum lo ang ti raw? " A mit meng bial fiah kiau ah chuan ka melh let ngur a. Thaw hak in ka thleng a egg roll chu a rawn ei a. Ka nuih suk.






" Mipa ni ta la i farnu kha mipa pakhat in bum tum ran in lo hnaih se eng tin nge i tih ang? " Ka ti sup chu hre thiam loh tih hriat zet in min melh nghal vat.







" Mipa i nih miau loh avang in i hre thiam lo mai thei. Mahse vawin ni leng in hun kal tawh ngaih tuah in rilru ka seng a. Kha tih lai khan engmah kha dik lo awm pawn ka hre lo. Mahse tun hnuah erawh engkim kha bumna vek a lo ni a! " Ka thleng a ei tur melh run chuan ka ti sup.








" Enge i sawi tum ka hre thiam lo! " Min melh ran a rawn ti sap tu chu en in ka nui suk. Eng tin nge a hriat ang, ka chhung re pawn an hre miah lo a nia. Mahse kei erawh chuan engkim kha ka thungrul dawn a ni tawp.







" Faith-i pum chhung a naute kha mi pahnih in hmangaihna a tang a rawn in siam a ni reng reng hlei nem." Ti chhuak hmuk in dawh kan chu ka chum ri nghal bur. Kan mi tenawm Ruatkima khan Faith-i leh kan chhungkua tih zah a tih mual pho a tum vang in Faith-i kha a hnaih der a. Tleirawl chhuak chho an nih atang khan a zui char char bawk.







Hun eng emaw chen hnuah an in zui a. Kei chuan ka ngaihven lem lo. Ka bulah khan Faith-i khan a fak thei em a. A hlimna a nih chuan sawi sel pawh ka tum buai lo. Faith-i a rai chiah khan ka thinrim in engkim hrilh a. A nau pai a puar hma a in neih tum tur in ka hrilh a. Kha tah pawh Faith-in Ruatkima a hmangaih a a at chilh tak em avang khan kan mi temawn pa ngai chang reng reng in a nun a hmang a.








Mahse khang zawng zawng kha dawt vek lo niin. Faith-in a nau pai midang in an hriat hlau a rilru hah leh mang ang a a awm lai khan Ruatkima hian a lo hew vek chu niin. Mahse a hun lai kha chuan engmah hre lo ang hmak in a khawsa a. Faith-i nen an in hauh pawh khan hmeichhe dang a kawp san lawp lawp a. Ka tha kha lo na ve viau thin mahse Faith-in a nun a in rawlh lo tur in min hrilh miau a. " Ka pum chhungah a fa a awm tih a hriat chuan min kal dan phal bik lo ang. Nghak hram ang a zir chhuah hun. A rilru ti buai ti nih ka duh lo" Faith-i min tui tling pam a sawiin rilru na toh hriat ngawih ngawih in a nui lui hmel te kha.








Mahse khang kha bumna vek a ni tih hman ni khan Irene-in min hrilh a. Ruatkima khan Faith-i nau pai kha a hria a mahse hre lo der in Faith-i pum kha rawn lian zel se, mi zawng zawng in hmusit in kawk rawn se, kan chhungkua kha mi nuih zal bur a min siam kha a lo rilruk reng zawk niin. Vanduai thlak ka tih dawn nge kan vanneih vang zawk. Faith-i nau pai a lan chhuah hma in accident in a boral a. Tu mah khan thu dik kan hre lo kei ngei pawh tun hnai a Irene-i sawi khan ka hre ve chiah nghe nghe.








Kha mi ni khan Ruatkima hmu a sawi sak nek kha ka chak in ka thisen hian min tur ut ut a mahse a lo zin chhuak hman hlauh a. Vawin khan a rawn haw chiah a mahse damdawiin lam a hun a hman chhun zawm hmel ta zawk! Chu erawh in chhirna ka la nei chuang hauh lo. Hei aia hremna na ka la pe dawn chauh a. Thil hlui vang a ka chhungte na siam thar sak ka duh lo a, engkim ka tih fel hnuah erawh ka hrilh hriat ngei chu an ngai thung ang.








" Mi pangai tak, hmangaihna ngah tak emaw ka ti a! " Ti ttham chal tu chu en in ka ner sawk. A hre chiang lo tu tan chuan A ni mah na. Fahrah in A sei lian niin a home awmna pawh tum thleng in a ngaihsak in a buai pui nasa viau. Mahse a chhungril erawh chu tenawm tak. Mahni fa ngei pawh en san duh mipa a ni thung.








" I rilru chu ka hew thiam lo a ni mai thei. Mahse chu tih lai a Faith-i rilru hreawm dan tur chu ka khawngaih tak zet. " A rawn ti chhuak tiau a. A mittui a rawn chhuak nghal ngiai ngiai chu thaw chhuak hawk in a chair chu ka lamah ka pawt hnai hrawk a. Ka kuah bet nghal thawk bawk.








" He thu hi midang Tu mah in an hre thiang rih lo a nia. Fin fiah tur dang ka la nei. I hre thiam ti raw! " Ti sup ka en chhuk run chu lu a rawn bu nghat.








" Good girl! " Ti sup in ka kuah leh nghal hlun. Eng emaw thik dang in phu ru la awm tlat a ka hriatna hi fin fiah phawt ka ngai miau.




*




" He tiang ka ha ngai lo! " Thawmhnaw dahna paat hawng in night dress dum ko bah sin zet lace chu khai in a melh leh vang vang thin.








" I in hmeh dawn tih ka chiang! " Ti sup in ka nuih suk chu a biang a rawn sen tan tan leh nghal. An in ka llen emaw zan rei emaw pawh video call thut thut thin mah i la taksa lang tam thawm hnaw a in bel ngai hauh lo. Ka bul a lan Sexy leh lan mawi a tum loh na tak hi ka duh chhan ni bawk in ka hria.








" Kha tia i en reng ai chuan engmah ha lo pawn I mu thei tho a! " Nui duh miah lo a ka ti leh sup chu rum zet a min melh in bathroom lamah a kal nghal hmak. Zan in he ta riak tur in ka sawm thlu hram chu pawh in tiam kamna nei thlap in. In khawih thiang lo bur a nih chu! Ka thei ngut a nge maw ni.








" Aw Jeff, " Phone call chu chhang in tukverh lam ka pan nghal vut.








" Boss... I rin ang chiah khan Miss Irene nen chuan an in hmu a! " A rawn ti zui nghal sup chu ka then suk. Damdawiin ah A nau Irene-in a va kan loh chuan Tu nge kan chuang ang.








" Eng maw an sawi ? hrep chuan! " Jeffa thu rawn sawi avang chuan ka ti chhuak nghal hrawk.






🍃🍃 whatsApp group a awm duh in la awm chuan group a full tawh a pakhat kan siam belh leh ang😁😁 cmt ah lo sawi ru aw❤❤

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 29th, 2020, 8:28 pm

CHAPTER - 30 🍃 by Amy Cck ( Dream Girl)








" Nga ti nge a? " Bathroom atang a ka chhuak chu Simon-a aw vin deuh thawt chuan min ti phu zawk a. Ka lam rawn hawiin a mit meng dum thim khup chuan min melh run a kei pawn phawk zet in ka melh ve tho. Min melh run chung chuan phone chu be leh nghal sup in an in biakna chu ka ti tawp chhun zawm nghal hmuk bawk.








" Engkim a tha vek em? " Ka ti nawn leh sap chu thaw chhuak hawk in a kut chu a lek kang vut a a hmai chu a tuai nghal phawk a. Chiang zet a min rawn en leh vut rual in ka lamah a rawn pen sawn nghal vut bawk.








" Awm lo ta la engtin nge kei hi ka awm ang! " Min kuah bet hlun a rawn ti sup in ka chhip zawnah chuan a rawn thaw chhuak suai suai a. Thawmhnaw a hak miau loh avang in a taksa lian leh lum vung vung chu ka feel chiang ngang bawk.








" Tun ang tho hian i awm ang. Chuan min hre lo la chuan hmeichhe dang i ngai zawng daih bawk a nga! " Fiamthu deuh chuan ka ti let nghal zat chu rum nghut in min chawi kang deuh lawp a. Rak that in tlak hlau lutuk in a nghawngah kuah in ka bawp in a kawngah ka kherh bet nghal chawi bawk .








" Malsawmpuii lo hmeichhe dang hnaih chakna ka la nei chhin ngai miah lo hi i thiam loh nge ka thiam loh! " Ka hmui a rawn fawp zeuh in a rawn ti nghal sup chu ka ner khum nang. Mahse ka rilru erawh a hlim viau thung. Awm lo mah i la Simon Zomuansanga nun hi a buai vak ka ring hran lo. Mahse a tawng kam khat let hian eng tiang fako a hlim in nge min siam thin a hre hauh lo. Tawng kam mai mai pawh ni mahse ka tel lo a awm thei lo ang mai a a in sawi na hian min yi hlim veng veng a. A tan hian ka hlu bik riau in ka in hriat phah bawk.








" Enge? I ring lo a mi? " Ti sup in ka hmai bul chet a rawn awm in nuih in sum hmel pa zet hian min en ngur a. Ka nun buai ru zet leh chhum zing mup mup kar a eng rawn thlentu mipa hi ka hmangaih lo thei lo tih ka ngaihtuah daih.








Mihring kan nih chuan buaina chu kan tawn tur a ruat a ni a. Thenkhat tan an nun khai ding tu, tumruhna leh hmasawnna pe tu a nih theih laiin thenkhat tan erawh nun zawng zawng chhiatna bul, ding chhuak thei tawh lo hial a buaina tawk an awm bawk. He tiang ang mipa tha , min ngaih sak em emtu leh kei mah chiah min en tu nei tur hian ka nunah thil tha u chuak ka tih awm ka hre lo a. Mahse nun hi eng tik lai pawh in a hreawm reng lo a, khawiah emaw kan hlimna a lo in phum ru reng zawk tih ka hriat thar phah .








" Ka hmangaih che! Ti zawng hi ka sawi duh a. " Ti sap a nui var var in kei mah zawk chuan a hmui ah chuan ka fawp nghal zat a. A hmui ka hmui a nawr si reng chung chuan ka nui sak a. Rawn nui ve suk in ka mawng rawn tham salh in min chawi kang deuh a. Duh thaw zet chuan mi rawn chhang let nghal zat a. Min fawp reng chung chuan min pen sawn pui nghal nul nul bawk.








" Ka thinrim viau pawh hian nangmah vang in ka in thunun a, ka natna pawh nang mah vang in a reh thin a. Ka bul a I awm tawh chuan ngang lo ngaihtuah ka nei ngai bawk lo! Nang te reuh vang hian! " Ti sup in khumah chuan min thut thlak pui dawt a. A lam hawiin a mal chungah ka thu ran bawk. A hmui hnawm chap chu a liak nghal zauh bawk.








" I nat ve theih pawh ka ring lo! " Nuih in sum zet a ka ti chu lawm lo tih hriat lutuk a rawn rum nghut in ka nak a rawn hmer vak a. Ka rak nghal tung.








" Engee.... Ka rin dan mai a nih kha! Tunah pawh in insual a Ruatkima chu damdawiin a kal pui hial a ngaih laiin nang chu ka bul a I awm a! " Khek tung chuan ka ti chhuak vak. Eng tin nge an in tih nat ka hre lo mahse Ruatkima pawh mipa sa tha pangai a nia mak ka ti reng a ka zawt ngam lo mai pawh a.








" Ka khawihna vang chuan a nih ka ring lo! " A rawn ti sup chu ka en vat a. A lo thu tak leh tawh lutuk ringawt.








" A nih chuan... "








" Ngaihtuah tawh suh, tunah chuan midang ngaihtuah lo in min duat hle la a ni mai! " Tum deuh bur a a rawn ti chu ner nang in ka tak nghal phat a. Ka kawng a min vuan bet in enge i tih dawn ti ang zia zang in mit min san khum uk bawk.








" Khawi teh! Ka duat dawn reng che! Tah hian damdawi ka hnawih sak ang che. " Ti vak in ka kut tang chuan a mit ko pilh deuh chu ka tawk nghal zeuh bawk.








" A tha lawm! Mahse kal sawn kher a ngai lo. " Ti sup in kum lu lam drower chu a ban a, pawt hawng in box pakhat chu a la chhuak nghal vut a. Ka lo melh reng min hmuh rual in a thil ken chu rawn lek vut in min min siai khum suk chu ka nui ve tawp. Box chu hawng in damdawi hmeh sawt theih chu ka la chhuak a. Ka kut tang a hmet chhuak in min lo melh ngur tu lamah chuan ka tin nghal vat bawk.








" Chhem rawh! " Damdawi ka kut a ka hnawih sak lai chuan a rawn ti thum dut a . Ka en chu chiang zet in min lo melh leh run tawh.








" I kut na ka hnawih sak che pawh ka tih sak che kha! " A rawn ti leh dut chu ka ner nang. A hmel lah chu a la thu tak em em zui leh nghal. Kei te kha chu a thip em a, chu bakah chhem rawh pawh ka ti ve kher lo. A pem ve hi chu na ti emaw thip ti ang pawn a awm lo. Ka damdawi hnawih sak ang ang in a lo dawh tawp a. Chiang zet a min lo melh run bak danglam a awm hek lo.








" Nui suh aw Zomuansang! " Ti hlak in damdawi hnawih pah chuan a lawm na a nih dawn chuan tiin ka chhem zui ve mai a. A khat tawk a rawn nui suk suk in a kut chuan mut kawr hak pan zet chu ka mal atang rawn zut chho dun dun in ka kawngah a hnawh khawm leh vek tawh. Ka kap zawn a min kam deuh run tu chu hriat loh der a har ngang mai.








" He tiang lo deuh hian min duat la tih ka ngaihtuah mek! " A rawn ti sup rual in a chal a band aid belh in a hnar ka hmet nghal vak chu ka ban rekah a rawn vuan vat a.








" Zomuansang over suh aw! " Ti hlak a ka kut lak let ka tum chu khumah min leh thal nghal vut in ka chungah a rawn in nem khal nghal run bawk.








" Hahdam rawh ka thu tiamah ka ding! Mahse in khawih loh tur tih kha chu ka pawm lo. I chau viau ang tih pawh ka hria . Chu vang chuan muhil ang! " Nui suk a rawn ti in ka sirah chuan a rawn let thla nghal a, ka nghawng a a ban rawn rawlh a min kham tirin a bawp hrawl leh rit zet chuan min khan nghal run a. A kut leh lam a ka hnute a rawn hup nghal chawt chu rum zet in ka melh a. Mit a lo chhing daih leh nghal.




*



*



" Kei ni that lam kan pan a kan lawm rilru viau laiin nang ni in lo ni ve leh a. I pi chu dam vat vat se ka tih pui khawp mai che. " Mpa kan dawrah a rawn leng lut hlawl a. A pi dam loh thu leh phai lamah an refer thu vel a sawi chuan ka khawngaih ve viau.








" Mp engtik nge kal in tum a? " Nancy chuan a rawn ti nghal vat.








" Kar leh lam chu kan tum a. Ka pu nen kan chhungkua in kan kal ang! Kan cham chin tur pawh a hriat loh! Chan chin rawn hrilh tur cheu pawn hun ka nei lo lutuk a. I pa damdawiin chhuak pawh ka rawn tlawh hman ngang lo. " A in thlahrung tih a hmelah a lng ve reng a. Kan that tawh thu leh rawn ngaihtuah a ngaih loh thu in ka hnem ve luam a.








Mpa hi ka mipa thian kawm hmasak leh nel ve ber a ni a a awm lo tur chu ka khua a har lawk nghal ngawt bawk. A fahrah ve lutuk leh kan dinhmun in ang lutuk vang hian nge ka nel em em bawk .







" Lalthian Mpa rual hian ka kal mai dawn. Ka U a lo thlen hma a in a lo awm ka duh bawk sia. " Nancy in a tih chuan aw ka pawh vat. Tunlai school naupang chawlh den chhen in a U an khua a tang a rawn zin dawn a. Vawin tlai ah a rawn thlen dawn avang in haw hma tur in ka ti ve lawm lawm bawk.








" Nang pawh hawng rei lutuk suh aw. I pa a la dam chian loh kha. " A rawn ti nghal zat chu ka nui ve tawp. Kan in kawm a chin hi ngaihtuah kei mah vang hian a ngah lutuk a. Pharvar leh huau huau lawm tak emaw ka tih kha kei aia mah in ka hmu pui tling daih tawh zawk.






Ka pa ka phone a a damdawi ei hun a theih nghilh ka hlauh vang in ni tin zing dar 9 leh chhunah leh tlai dar 4 ah ka be ziah. Damdawi in kan chhuah san tawh bawk nen, kawng leh lam takah chuan damdawiin kha rilru a nuam duh zawk. Doctor leh nurse ho vil na hnuaiah kan kal san pawh in a awm a. Damdawi pawh a hun thlap thlapah an pe a. In lamah erawh kei hna kal in ka chhuak daih zel bawk nen. Phone call kan hmang tangkai hle a ni tawp.








Damdawi ei a ngah bawk nen, stroke bakah heart attack a nei bawk si. A ril phir an zai kha chu a tha chak viau a. Thla a ti muang deuh. Simon-an min rawn phone a haw ka hman tawh leh tawh loh hre tur in. Jeffa min thlah tur a a rawn tirh thu leh meeting an neih dawn avang in zanah chiah a rawn kal theih tur thu min rawh hrilh thlap a. Jeffrey rawn thlen a haw mai thei tur in dawr vel ka khar sawk sawk a.








" Khar ka lo tum chiah a. I van lo thleng fuh! " Kawngka lam a pen ri ka hriat rual in en lem lo chuan ka ti nghal vat a. Jeffrey a nih ka rin vang in mahse light off a ka hawi phei chu ka tum loh lutuk ka hmuh vang nge ka meng nghal kawk.








" Enge i lo tih dawn? " Ti ram hmak in Ruatkima rawn pen lut chu ka melh ram a. A harhfim lo tih hriat lutuk in a mit a sen rum a. Light ka lo off tawh nen kawngka bul a pakhat chiah a eng tawh avang chuan eng hnung chhawn zawng a a din ngur avang in a lan dan chu a hlauhawm ru phian.








" Ka rilruah i awm thut a. I pa pawh a chhuak tawh tih ka lo hria a. " Tih sup a a rawn kal hnai chu a rawn in pal khut khut bawk si chu ka tawlh hnung dat. Kan dawr chhungah chuan a thil in rim na zet chu a nam nghal rum rum bawk.







" Min hlau maw? Kei hian ti nat che ka duh hlei nem. Chu vang chuan engkim kal san in ka bulah lo kal rawh. Simon-an a pek ang zawng zawng chu ka pe ve ang che! " Rawn kal hnai hrut in a rawn ti thum dut chu mak ti zet in ka melh ngawih ngawih ringawt.









" Min kal san rawh! Ka sawi chiang tawh in ka hria. Nang nen hian in hmuh emaw in hnaih ka duh ngai lo a. Eng thil pawh thleng se Simon-a kal san in i bulah ka rawn kal lo ang! " Ka ti vin hlar chu nin hmel zet in a sam a tuai phawk a. A mit meng a rawn rum zual sauh chuan min ti hlau ve det.








" Min ngaithla rawh! " Ti chhuak thawt in kan bul a dawhkan chu a chum thawt a. Ka phu nasa lutuk chu ka sir a chairah chuan ka thi thla dat a. Ka Chair ban a rawn in nem khalh in min melh ngur chu ka thaw em ka hre lo. Ka tha a khur ru der der tih erawh ka hria.








" Saw putar in ka pa hmeichhe hmangaih a lak sak ang khan kei chuan ka thlen tir ve dawn lo! " A rawn ti khur khur chu phawk lutuk in ka melh a. Enge a sawi awm zia kha ka hre lo. Mahse a thu sawi khan min rap tak zet.








" Nang hian min hmangaih lo ang! " Ka ti ta tawp chu a rawn ner sawk. Min hmangaih lo tih ka chiang lutuk chu han sawi leh ngaihna pawh ka hre lo.








" Ka fiah dawn a mi? " Ti sup in ngeiawm lutuk a a rawn ner sawk in a rawn haam hnai ngur chu chair nghenchhan ka nghet ngawt ngawt.








" Eng thil nge i tih a? " Hnung lam atang a rawn pawt sawn nawk pah a rawn ti tu vang chuan ka thaw huai thei. Rang zet a ding ngil in Jeffrey bulah chuan ka ding a. Ruatkima chu a rawn hawi ve leh nghal ngur bawk.








" I tha em? " Jeffrey an min ngaihtuah zet in a rawn ti a lu ka nu ve nghat.








" Nang ni hian engmah in tih thei lo. Kei hian tih sual ka nei lo tih in hre vat ang! " Rawn ti khur khur in a in her a kawngka lam a pan chu kan en ta tawp.





Jeffan zui a tum chu a banah vuan ding in buaipui zui lo tur in ka ngen a, chu bakah haw vat ka ngai. Kha tiang mipa harfim lo chu a hrilh fin theih dawn loh tih ka hre chiang bawk a. Chu ai chuan in lamah ka pa hnenah ka lo haw dawn ka tih na kha a rei tawh a haw vat ka ngai.








" En teh pa Jerome-a te nupa hi an duh vang reng a in nei a..... Ka sawi tum chu tiang a chhungkaw din chu an ni em? " Jeffrey motor khalh lai melh ran chuan ka ti sap. Ruatkima khan enge a sawi chiah kha ka hre lo mahse ka hre chiang chak tak zet.








" Enge i zawhna awm zia chu? " Min rawn melh in a rawn nui suk a. Melh rawm in ka ner khum nang thung.








" Ka sawi chu Pa Jerome-a leh nu Sangtei hi an in hmangaih em? " Ka ti pawng chu a rawn nui ta hawk hawk. Ka sawi dan teh tawp a vang chuan kei pawh ka nui ve leh hnu hnawh tho.








" I hriat ang in an in hmangaih viau! " A rawn ti sup chu ka zawhna a chhang fuh lo ka ti dawn nge kan in zawt fuh tawk lo zawk pawh ka hre lo hah thlak ti zet in ka thaw chhuak hak.








" Naa.... Tunah ni lo.. A hmaaa tawhah tih luihna emaw chhungte vang in duh lo chung a in nei an ni em ka tih na maw le! " Ka ti ta tawp. Kha ti bawl a sawi ka duh lo viau a mahse a hre thiam thei bawk si lo.








" Ka hriat dan chuan in hmangaih tak leh in duh tawn tak a in nei ngei an ni. Chu bakah chhungte vang a in nei tur pawn kan pu te nupa hi an thlah tute kan hre lo bawk a. Pi erawh hi chuan nu a nei a pu Jerome-a erawh ka hriat tirh a ta tun thleng in a mah chauh a ni. Heng a unau re tih lohah chuan. " A rawn ti deuh duah chu ka rilru a buai deuh deuh.








" A nih chu! " Ka ti chuai deuh raih. Ka ngaihdan chu a dik lo phawt a. Ruatkima khan engmah a hre lo zawk a ni ngei ang. Kan in kan thleng a rawng ka bawl nghal vat vat a. Zing leh tlai ah Nancy nen kan in awm chhawk thin a , zing ka kal hma in tlai lam ka haw hma a, ka kal tlai in ka haw tlai ve thung thin.








" I pa damdawiin chhuak chu ka tan a pawi ber mai. " Ka hnung lam atang a min kuah in a rawn ti sup a. Ka nui chhuak hak. Damdawi in a kan awm lai kha chuan zan ka haw in kan in aiin Simon-a nen kan in ah khan ka riak deuh chawk a. Ka pa rawn haw hnuah erawh a theih tawh lo thung.








" Vawinah Ruatkima a lo kal a. " Ka ti hap. Ka taksa in a nghen der der leh taksa lian leh lum thur thur chu rawn thaw chhuak hawk in ka dul zawn a a kut chu a rawn ti nghet zual sauh bawk.








" Ka hria! " A ti sup chu sir zawng a dak vah in ka melh a. Kan hma lam chu bing zet a en in a rawn thaw chhuak leh ham ham bawk.








" I hre reng sia engmah pawh sawi i tum lo maw? " Ka ti vak chu min melh chhuk nghal run a. Ka lawm lo deuh ringawt bawk, zan tir lam atang in kan inah a awm tawh a chuan engmah a sawi duh miah lo a. Tunah a haw dawn a kan sawi dun ve chauh a.








" A tawp vat ang. Tunah hian chhui mek niin a hna pawh kal thei lo in a awm tawh a. Fiahna chiang tak kan hmuh hunah chuan duh lo eng ang mahse jail bang a zut ngei ang! " A rawn ti thum dut chu ka melh deuh haw.








" Ka duh dan chuan kei mah ngei hian hremna pek a engkim tih tawp ka duh a. Mahse nangmah vang bawk in dan hnuaiah dan rin chhan in kal pui ka rilruk ta zawk a mahse hun erawh a duh rei deuh dawn a nih hi. " A rawn ti zui sup chu ka bo deuh deuh a nih chu.








" I sawi awm zia ka hre lo. " Ka ti sap chu a rawn nui suk.








" Nakinah ka la hrilhfiah vek ang che." A rawn ti leh sup a.








" Khua a dur in ka hria, ruah a sur ve i ring em? " Van lam hawiin ka ti sap. A sawi duh lo a nih chuan a pawi lo mahse eng thil tha lo mah tih a tum lo tih a sawi chiang a, ka ngaih a tha tawh tho tho.








" Sur ngei ang! Zan in angah hi chuan mahni chauh a mut hi a vawt duh viau a nia. " A rawn ti zui sup chu ner nang in ka nui pui zui hak tho. A bul a riak tur a min duh sawi chhuak ngam chiah lo tih ka hre thiam ve reng.








" Ka sawi chu a vawt viau ang. " A rawn ti leh sup chu a lam hawi in nuih in sum zet in ka melh chho a. A la thu tak em em zui leh nghal.








" Puan tam tawk i thuah tawk rawh aw. Kei chu ka pa bulah ka mu mai ang. " Nii reng pah chuan ka ti khum vat chu a rawn tum deuh hmuk a nih chu.








" A nih kei ve hi? " A rawn ti hmuk chu ka in sum thei lo ka nui chhuak ta hak hak a. Tlangval chiah pawh ni tawh lo val senior a ni dawn tawh a a thu khel hi a la ho ve thei lutuk hi a chang hi chuan a duhawm thei hi ka ti tawp.








" Lo kun hniam la. " Ti sap in ka kut chuan ka hui zeuh a. Ti fuh in tih hmel zet hian a meng kual a, a rawn kun hniam nghal run chu a biang tawn tawn a vuan in ka hmuh ah chuan ka fawp zeuh a. Khaw lai a kan din avang in ka ti rei ngam lo miin min hmuh ka hlau deuh bawk nen.








" Ka hmangaih che. Chuan muttui aw. " A mit meng thim deuh khup a melh in nui var var in ka ti sap chu a rawn khi suk.








" Ka muttui nan chuan kha aia rei kha ka mamawh ! " A rawn ti thum dut chu ka nui zui hak. Zomuansanga kha a ni miau a kha chu a duh khawp hauh lo ang!





*




" Pa i lo kal ve lo ang maw? " Ka pa en chuan ka ti vat a. Sunday kan hman hun a nih avang in Pa Jerome-a re nupa zin tur in min rawn thlah ve la, cham rei kan tum sia an rawn ti a. Simon-an min rawn hruai dawn a nih hmel.








" Ka la chawr che deuh e mai ka hnawk sak zawk ang. Mr. Jerome-a te chu min lo biak dawn nia. " A rawn ti sup a. Ka ni ve tak bawk a, a in zai na vang hian a thu reng thei rih lo a khum nen a kar tawn chhen a ngai bawk nen ka ti lui duh bik lo.








Kawr fual dum ka khup chen ha in pheikhawk sang lutuk lo ka bun a, ka sam chu ka chhipah bawk tawm vek in chal sam ka thlah thung. Fur rawn in tan tur nen ruah a sur a a vawh palh tak hlauh in tiin coat fual chu ka keng leh tawp bawk. Pheikhawk sang lutuk bun chu ka sim chiang a ni ber.








Simon-a a lo thleng a, ka pa chu kal ve tur in a beisei ve deuh tih a tawng danah chuan lang mahse ka pa natna a hre thiam a a tur lui duh ta bik lo. Ka coat min ken sak in step ah kan chho a, dik tak chuan veng chhungah pawh min sawi ve zauh zauh a. Kan in atanga Zomuansanga lut chhuak lo hmu tu thenkhat in. Mahse ka ngai pawimawh duh lo a ka haw duh hek lo.








A chhan chu ka in duh tawk in engmah tih sual ka nei lo a. A sum hmang in ka nung lo a. Nula leh tlangval in ngai zawng kan nih na ang chiah in kan in hnaih in kan in hmangaih a. Engkim kan dawr chung changah pawh ka bialpa a nih avang in a tlawn lo a, a man pe vek in kan ta a ni a. Midang in min hriat pui ve lo mahse keimahah mahni in rin tawkna ka nei a chu chu ka duh tawk viau.








" I nalh lutuk tih ka hrilh tawh che em? " Passenger seat kawngka min pawh hawn sak a ka thut luh rual in a rawn ti sup chu lu ka thing vat.








" I nalh tak zet! Ka mitah chuan i nalh ber reng bawk! " Ti sup in seat belt chu min kilh sak nghal mual mual a. Ka bul chet a a rawn kun avang in a perfume rim pa hrak chu rim tui ti zet in ka hip lut vang vang bawk.








" Nang pawh i nalh reng. " Ka ti sap chu a rawn nui hawk. Mit meng nuih zat na a khat leh dum fiah run chuan min melh run a. Ka in thiam lo leh hnu hnawh, mipa a nia nalh tih chu a dik leh chih lo in ka hre bawk.








" Ka lawm e. Chuan hei hi ka hlawh thei em? " Ti sup in a kut zung chal chuan a biang a kawk zeuh a, nui var var in ka fawp vat a. Nui suk a ding ngil vut in kawngka chu a rawn nem khar dawp a, driver seat lam pan jn motor a kal hual nghal vut chu hmuh nawm ti zet in ka thlir deuh deuh. Ka en chik pauh leh ka hmu chhelo in ka hmu pa tawlh tawlh hi ka a tak ngial dawn in ka hre hial.








" Woww... Kan thleng rual. " Kawt a motor ti ding dawt a kan chhuah rual in pa Christa nen kan in tawk chiah chu thawveng zet in a rawn ti lawng lawng a. Simon-a ban bulah a rawn hnek fiam chu Simon-a pawh a lo be vat a. An chhungkuaah chuan Pa Christa leh nu Sangtei hi ka nei ber ta in ka hria.








" Midang an thleng vek tawh a mi? " Simon-an a ti zui sup.








" Vawin chu kan tlem ang. Irene-i thlawh chhuah ni kha a nia Sarah-in a kal pui dawn tih i hriat kha. Chuan kan tlem sa reng a kan tlem leh zual dawn tihna a nih chu. " A rawn ti chuan Simon-a pawh a bu nghut nghut. Kei erawh a ruk in ka nui ver ver, ka hmuh hreh te an awm dawn lo vang in.








In kan lut a nu Sangtein min lo chhawn leh hmasa ber a. Pa Jerome-an ka pa chung chang leh a that leh that loh min zawt luam a. Dik tak chuan ka nel ve tawh lutuk. Ka pa damdawiin awm lai a min hlawh ngun bakah min ngaih sak em avang te pawh khan ka in ti ta tu ve tawh tawp a.








" Vawin chu thil dang lam deuh in kan buatsaih a. Kan tam lo bawk a, kan maid te chawlh pe in mipa zawng in ei tur an siam dawn a nih chu. " Nu Sangtein nui tet tet a tiin mipa pathum chu a melh kual ralh ralh a.






Pa Jerome-a leh Simon-a chu nui suk in sawi sel lem lo chuan kan ding nghal mai a. Pa Christa erawh couch nghen chhan ngheng dawt in a ner nghal nung chu nu Sangtein a malah a chum nghal tawlh a. Ka lo nui zui hak. In chhang bung an ang hi ka la ti reng.







" Naa.... Ka hria... Ka hria. An mamawh supply tuah tal ka va tang ang. " Ti sup in ner nung in a tho ve tuah tuah a. Nu Sangtein in min fan pui a sawi chuan ka phur lutuk hi ka nui nghal ver ver. Simon-a room chiah ka la hmu miau a.







Room pakhat min luh pui na chu sawi kher lo mahse khum lu bang a thlalak lian zet in tar atang in tu room nge ka hre nghal mai. Faith-i thlalak en chuan eng eng emaw min hrilh ve nual a.






Hetah in lo awm a. Nu ka pa in a zawng che a nia. " Simon-a rawn lut ve hlawl in a rawn ti nghal sup a. Kamis dum chiah ha in a coat leh tie a lo phelh vek tawh a. A kamis ban chu a kiu thleng a thlep in a lan dan chu hmuh a hahdam tak zet bawk.







" Ka va kal lawk a nge. " Tiin nu Sangtei chu a chhuak zui nghal a. A hnung a zui ka tum chu kut tha chak zet in min laat let thut in kawngka in khar ka hriat rual in kawngka chu ka ngheng zui nghal dat bawk.






" Ti nge a? In zo tawh a ni lawm ni? " Ti vat a melh chho ha in mit ka san khum ak a. Bu nghut in kan ei theih tep thu a sawi ve nghal sup bawk.




" A nih chuan chhuak ve ang. " Ka ti leh vat.





" Zing atang a ka tih chak hi ka tih phawt loh chuan i chhuah ka phal lo. " Ti sup a rawn nui suk in a kut tang sei thlur chuan ka nghawng chu a rawn rin riak riak a. Ka taksa rawn tim sung sung vang chuan ka thaw chhuak hak ringawt.






" Simon ! " Ti halh a melh chho in a mit mu dum fiah zetah chuan a duh ka hmuh chiang lutuk chu ka tawng zawm thei lo.





" Ka ngaithla a nia Babe. " Ti sup in ka ban chu a rawn rin tel riak riak a.





" A hun lo e mai aw. " Ka ti ta ngawt chu nui suk in a thil tih a tawp a. Duh thaw zet a ka hmui a rawn fawp in a in la hrang a. Chumi rual in kawngka a pawt hawng nghal vut a. Thaw hak a melh vak in ka chhuak nghal hmak chi hnung lamah min nuih ri pawh ka hre thei.







" Naktuk chu tu te nen maw in kal dawn? " Har kawngah kan ti ti mawlh mawlh a. Naktuk hi Mpa te kal ni a ni dawn a. Airport thleng thlah ve kan rilruk a. A thian hnai vai zuai an in a leng kut ngun ho in.







" Kan tam lo. Michael an an motor a keng dawn a Nancy pawh a tel dawn. Ti nge? " Ka ti let vat chu hruai ka ngaih leh ngaih loh min zawt a ka lu ka thing vat. Two Wheeler an nei fur a, chuan kei leh Nancy chu Michael a bulah kn leng var var bawk nen a ngai lo bur.




*




" Nan.... Bathroom ah kal lawk i la ka zun a chhuak a nia. " Mpa te kan thlah kan haw dan chu ka ti a. Nancy pawh a lo chhuak ve tho chu niin. Michael a motor a min lo nghak lawk tur a hrilh in zung tur chuan kan kal sawn a. Mi an tam bawk nen, rin ai a ninawm phian.






" I chhuah hmasak chuan min lo nghak ang che. Min lo kal san miah suh. " Nancy in a tih chuan nui hak in a chhuak hmasa a piang in nghah tiin kan lut a. Nancy nghah pah a ka phone ka en chu a lo loweh vek tawh. Hmanni a Apuiin min paih sak atang khan a battery hi a chiang lo zo vek.







" Ninawm e a thar ka la lei khawp ang. " Ti hlak a ka bag a ka khung rual in ka hnung lam atang in Tu emaw in ka ka a rawn hup hmuk a. A kut vawn hnan a paih sawn tum a ka che chu ka tha a rawn zawi nghal hnawk a. Ka khaw hmuh thim nghal mup rual in ka taksa kang nawlh chu ka hriat hnu hnung ber a ni!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)