MY GENTLE GIANT by Amy Cck ( Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

MY GENTLE GIANT by Amy Cck ( Completed)

Unread post by Ngaia » March 29th, 2020, 8:18 pm

d7kfyqat.jpg
d7kfyqat.jpg (31.72 KiB) Viewed 61966 times

Chapter - 1 🍃 by Amy Cck ( Dream Girl )








" Thla hmasaah ka ti tawh tun tum chu i tih ve hun! " Thawmhnaw ka rem fel mawlh mawlh lai chuan ka thian nu kawm ve ber leh ka harsatna leh kan chhungkaw chung chang engkim min hriat pui ve tu Nancy chuan ka nak nemah min sik zawk in a rawn ti sap a ka lo in ring lo nen ka rak that chu nui lui sang in dawr a customer ho leh hna thawk ve midang awm ho chu a melh kual nghal zat bawk.








" Nangman ti leh mai la, ka lo be buai leh zawk ang...... Ummm! " Ngen tak meuh in ka ngen hi a ni mai. Mahse a hmelah a ti dawn lo tih ka hmu chiang ngang thung.








" A teuh lo! A zawn in thla hnih ka ti tawh a nia. Chu bakah nangte chu i harsat na vel i sawi chuan an hre thiam em em ang che! " Ka bulah ding in thawmhnaw en fel ang deuh a lang chuan a rawn ti ru sar sar a. A khat tawk in kan bul hnaiah mi an awm em tih a melh kual leh zak zak thin.








" Mahse ... Pu zawk a awm a ka peih lo e! Naktuk lamah kan ti mai dawn a mi? " Ka la ti hram. Hmelchhe sawi chu kauh aiin an rang ti ang maiin a room atang kan boss chu a rawn chhuak a, kan lo in biak mawlh mawlh na lam a rawn hawi ve chiah a kan mit leh mit a in tawng chat chu ka lo nuih lui sak ringawt.








" A tha hlei hlei a lawm! Saw a rawn nuih sawng che saw. Pi zawk awm se chuan a strict si a harsa daih zawk. I duh loh pawn a pawi lo nangmah bawk a nia buai leh dawn! Midang pawh tih pui tur chu ka hmu tho ang I duh loh chuan! " Awlsam zet a tiin kal sawn a tum chu ka ngaih a ngam leh si lo , a banah ka vuan chawt ringawt.








A mit rawn san ak in ka tawng mai loh avang chuan zawhna.. . Ni lo ka chhan na nghak in ka mitah min melh nghal kalh a. Kan pu lah chuan kan ti ti rei a ti tawh nge min rawn melh deuh sek tawh bawk si. Engvang a tun ang hunah rawn chhuak nge a ni ker kur in. Mahse tun a kan thil tih tum hi hria in kan thu sawi hi hre pha ngat se chuan tunah hian dawr atang hian min theh chhuak nghal duh ngei ngei ang tih hi 100 ah 100 in ka chiang.








" Enteh ! Sawmte .... Ka ti lui lo che a nia. Pawisa chu kei aiin i mamawh zawk tih i hriat kha. Chu bakah kei ni in tlem kan lo pawh dawk ve zeuh avang khan an chhungkua an buai in dawr hi a tlak chhiat phah dawn pawh a ni lo a. " Awl sam zet chuan a rawn ti leh a, thawk la halh in ka lu ka bu ve ta nghat.








" Awlee... Ka ti dawn a nia mahse chaw hnu lamah aw! " Ka tih chuan nui var var in a rawn bu nghat nghat a. Kei pawh chu ka nui ve ta tawp, kan thil tih tur ngaihtuah chuan nui thei din hmunah pawh kan ding lo chiang lutuk hi a rap thlak zawk.








" A tha lawm! Lung ngai duh suh, min man leh chuang lo ang. Pu ber hian a melh danah che hian a ruk a la lo in a dil pawn dil la a pe phal ang che!" Nui hak hak in midang hriat tham si loh hian a rawn ti a ka ner nghal nang chu min nuih in thaw veng zet in dawr a rawn lut customer ho buai pui tur in a kal sawn nghal zat a kei pawh in ka thil tih lai ka chhun zawm nghal malh malh a, ka rilru erawh in thil dang a ngaihtuah nasa viau thung.








Chhun chawlh kan nei a , ka dawr thawhna hi a te chhe lo bawk nen dawr a thawk ringawt pawh hmeichhia panga leh mipa pathum kan ni a. Thla leh december atang hian mi pathum in an rawn thawh belh dawn bawk. Customer ngah chang leh thawmhnaw thar a lo thlen chang hian kudam a kal ngai nen kan in daih loh vang a ni pakhat a mahse Dec thla chhung chauh mi tharte chu an rawn thawk dawn thung.








" Va kal tawh rawh! " Nancy chuan a awmna atang chuan messages in a rawn ti a. Sana ka en chu dar thum a lo ri der tawh. Bu nghat in ka awmna atang chuan ka kal sawn a. Ka tih tur hi chu hreawm ka ti em em lo. A chhan chu ka vawi khatna a nih loh mai bakah min man chhuah ka ring lo hrim hrim a. Ka huphurh ber zawk chu kan dawr neitu pa ber hmu a va in sawi khawngaih thlak vel hi ka huphurh. A mit mengah ka lakah beisei a nei tih leh min biak dan vel hi ka ngai thei lo thin.








Kum 40 atang a 50 in kar chu a nih tawh ka ring a, nupui a nei tawh bawk nen mahse ka boss a ni tho na chung in ka ngei chi tak a ni miau a, ka din hmun in zir deuh phei se chuan he tah hian ka thawk duh miah lo ang mahse ka tan chuan he lai bak a tha hi a awm lo tih thla nga vel chiah la thawk mah I la ka hre chiang viau thung.








" Pa Biak! " Kawngka hawng in muang chang in office ah chuan ka lut a, Ka tawng ri , ring vak lo a vang chuan ka hma chiah dawhkan bul a pa valai lam hret thu kun deuh ngur chu muang chang in a rawn hawi chhuak a. Ka rin ang chiah in vawin kan in hralh na pawisa a lo chhiar mek bawk! A kut a pawisa tam tham zet leh dawhkan hnuai pawh dawh a 500 nawt leh 2000 nawt in chhap darh nuai chu ka hmu nghal zat bawk.








A nin hetah nileng a pawisa a kutah a chhiar mawlh mawlh laiin kei chuan ka purse ah 200 bak ka nei lo a nia. Mahse kan din hmun in thlauh zia chu sawi kher ngai lo in a lang chiang lutuk ringawt. Fapa pahnih leh fanu pakhat a nei an vaiin zirna in tha lutuk vekah an dah a. Chuan kei a fanu rual lek min melh thin dan hi a chhungten hria se chuan an lawm vak bik ka ring lo.








" Sawmte mamawh I nei a mi? " Pa Sawma tawngah chuan ka harh zawk a. A kut a pawisa ka lo melh reng tih ka hre chhuak chiah bawk.








" Aa.... Ih... Englo thil dil lawk che ka duh a! " Ka ti nghal vat. Min melh reng chung chuan a pawisa ken tam zet chu dawhkan sir leh lam pawhdawhah chuan a dah a. A awm zia chu vei lam a mi zawng khu a la chhiar lo tih na. Ka mit chuan ka melh ru nghal ran a, ka vannei viau a nih chuan ka la hnem viau mai thei!








" Thil min dil duh a maw? Ehiau.. . . Nidangah chuan pek che ka tum ngawih ngawih pawn i hnawl zel kha a nia. Han sawi la? " Nui huah huah in ti mahse a mit meng ver ther zet thin avang khan a lak atang in engmah dawn ka duh lo bur miau a. Mi duh sak leh beisei let nei lo se chuan lak pawh ka la mahna.








" Thla a la tawp lo tih chu ka hre tho a mahse ka hlawh ka la lawk duh a. Ka sawi awm zia chu advance in min pe thei a ngem? Ka mamawh lutuk a. " Ka ti sap. A mamawh tu zawk ka nih avang in tlawm takah ka dil a ngai miau.








" Sawmte! Midang zawng aiin I rawn thawk tlai a mahse hlawh sem hma aia hmaah min dil lawk ziah a. Ka nupui phei chuan a sawi duh viau a nia. " A rawn ti a. Haw deuh viau mah i la a sawi dik vek miau a. A chhan pawh thla tawpah in luah man leh eng eng emaw neuh neuh hmanna ka neih vang a ni a.








" Ka hria a lawm mahse ka mamawh lutuk a. Nang chuan I hriat vek kha ka din hmun chu, in luah man pek ka ngai thin tih leh kei mah chiah thawk chhuaktu ka ni tih! " Ka ti sap. Ka rilru tak chuan sawi kher hi ka duh lo min zuam phah thin a mahse hlawh ka lak ngei a ngai tih erawh ka hre kur bawk si.








" Ka hria lawm mahse I hmuh ang in ka nupui ngaihdan a ni vak tawh lo a. " A rawn ti a. Mi pangai tak tan chuan a awm lutuk , thla lai hawlah hlawh ka dil ziah deuh thaw ang a ni a. Hnuai lam melh chuan ka kun ngar a. Nancy lo kal vat se ka tih zia chu ... hlawh min pe duh lo a nih pawn a pawh dawh a pawisa tam zet atang khuan ka in luah man tal chu lak ka tum ruh viau.








" Mahse tih dan chu a awm ka ring! " A thutna atang a rawn ding chhuak in then sung chuan a rawn ti a. Ka rilru chuan ' a ze dik tak a rawn chhuah dawn e' ka ti thung. Ka darah a kut rawn nghat in a then leh suk a. Ka in hum ruh ta vak. Ka ten zia hi hria se chuan min khawih duh bik ka ring lo.








" Thil min dil a ka pe che a nih chuan ka thil duh min pe ve ang ti raw? Min pe a nih chuan i duh hun hunah i hlawh chu ka pe thin ang che. I duh chuan thla tirah pawh min dil thei ang! " Beisei nei zet mit meng tenawm zet chuan min en a. Hei vang hi a nia ka hmuh peih loh em em mahse ka thil duh ka neih hma chu hnar tawp ka duh bawk si lo. Vanneih thlak tak in office kawngka rawn in kik in pawn lam a tang a rawn in nam hawng nghal zat a. Lang lo in ka nui sak thung tunge lo kal tih ka hriat chian vang a ni bawk.








"Boss... Rei lo te i lo chhuak lawk thei em? Nimin a kan thawmhnaw dah saw a lo in pawlh sawp nasa lutuk a , customer duh tur in an nghak bawk sia!" Engmah danglam thleng lo ang mai chuan zang khai vah in a rawn ti a. Min melh reng chung chuan hreh hmel zet in ka dar a vawnna kut chu a la sawn a ka thawl huai thung.








" Sawmte lo awm lawk rawh aw ka lo let leh ang! Chuan i rilru pawh I lo siam fel ngei ka ring. " A tih chuan lu ka bu nghat mahse a chhanna duh ang chu ka pe dawn lo bur. Ka mamawh ber chu he room a minute rei lo te kei mah a awm a ni.








Kawngka lam pan chuan a chhuak a Nancy a kal pel fel chiah tih ah nui var var a mit min siai zeuh in kan pu chu a zui chhuak ve nghal a. Kawngka in khar ri ka hriat rual in ka dinna atang chuan ka che sawn ve nghal zat a. Ka thil tih hi a tha ber lo tih chu tu min hrilh ngai lo in ka hre ve kur mahse mihring hi a hun tawn leh nun dan in a zir loh chuan a duh loh thleng thleng in a kal thei miau.








Pawhdawh a pawisa chu 100 leh 200 , 500 leh 2000 nawt chi hrang hrang chu ka la a, tam over ka lak chuan a hriat chhuah a hlauh awm bawk nen kan lak tam ber in 10000 aia tam kan la lo. 10000 pawh hi kan la tling khat khawp.








" Chuan enge kan sawi kha? ".ka hnung lam atang a rawn ti tu avang chuan thawk ka la vak a. A rawn let leh tih Nancy in text in min rawn hrilh a kei pawh engmah ti lo ang hmak in ka dinna ngai ah ka ding fel leh at tawh.








" Thla chanve ka hlawh hi min pe la ka bang mai ang! Chu chu I nupui pawn a rem tih ka ring zep kher a ngaih ka ring lo. Ka harsatna ka hrilh sa che a mahse rem chang a min lak sak I tum fo chuan ka thawk reng duh lo. Dawr dangah pawh hna ka zawng thei tho. Tha tak a ka harsatna ka sawi a nih chuan min chhawr duh em em ang. He lai chu hlawh a tam zawk vang leh sum ka mawhmawhna a san vang a nia! " Ka ti let fak.








" I duh ang chuan le! " Ti sup in pawh dawh atang chuan 3000 a rawn la a, mahse ban tak tak ka tum hauh lo. He lai hi ka tan a tha in a hlawk ber ka tih tawh kha!








" Ka bang a nih chuan I mit mei ka zah rengna tur a awm tawh lo bawk a. I chet dan khaw lo zet te, ohh.... Kei kher ni lo dawr a thawk hmeichhe dang lak a i awm dan, kei ngei pawh tiam in ka zep reng thei dawn lo tih I lo hre ve mai mai dawn a nia! " Pangai deuh a tiin ka melh let kalh a. A hmel chu rawn in thlak hlawk in a hnar tawk deuh tur te chu a rawn len belh ni maiin ka hria mahse engah mah ka ngai eih lo.








" Nang te hian min vo ve khang lang a maw? " A rawn ti hrawk a. Dawhkan sir chu vuan in rum zet in min melh a. Kei erawh in eng a tan mah ngai lo ang maiin a kut a 3000 chu ka pawt thla a, ka bag ah ka khung nghal hmak thung.








" Vo a nih loh chu ka sawi ve mai a nia. He ta ka thawh chuan I mualpho a I tlak chhiat ka hlauh a vang in ka en liam mai mai che a mahse ban ka nih chuan ngawih chhan tur ka nei tawh dawn lo tih sawi ka tum mai a nia! Tunlaiah media a chak tawh tih pawh I hriat ve tho chu ka ring. " Ti leh hap in ka in her a kawngka lam chu muang chang in ka pan a, ka beng in erawh ka hnung lam a mipa thinrim tho hrawk hrawk chu ka ngai thla kar thung.








" Ding teh! " Ka nui sak. Kha thu a rawn sawi hun nghak khan muang chang in ka kal reng kha a nia. Ka hmel chu siam tha vat in ka in her leh a, thaw chhuak hawk in engmah sawi lo chuan dawhkan pawh dawh chu a hai leh nghal rawk rawk chu hre thiam lo zet in ka en reng thung. Thawk leh khatah ka thinphu a rawn rang a ka pawisa lak kha a hre chhuak a nih ka ring rum rum hial.








Ka en reng lai chuan a che lai chu a tawp chut a rum zet a min melh in ka lam pan chuan a rawn kal a, ka bag lian vak loh ah hrui chu nghet zet in ka vuan a, hauh hrep in huam in ka ding bawk. Mahse, enge lo thleng hi!








" Hei enge? " Ka kut a 5000 a rawn hmeh bel chu ka melh a, kan boss chu zam lo ang deuh a lang chuan ka melh leh kalh bawk.








" I hlawh ! Chuan I ban kher a ngai lo ang. Kha tiang thu kha midang hriat ah i sawi lang tur a ni lo . A bik in ka nupui bulah! " Ti hmuk in min melh a. Ka ner sak nang in a ruk erawh chuan ka hlim lutuk hi zuan vak vak ka chak thung.








" A tha lawm , mahse mawi lo deuh in min be tawh lo la , I hnuai a thawk chu ka ni na meuh mai mahse ka rawn thawh dawn pawh in ka sawi sa thlap a I rem tih na ka la thlap bawk a nih kha. I hna thawk dang I biak dan leh enge in in karah awm tihah ka buai lo mahse khang thil tenawm tih puiah khan min sawm tawh lo la ka lawm khawp ang! " Tawng kam pangai chuan ka ti leh mai a. Bu nghut in a thiam lo thu a sawi chu ka awi lo hial zawk.








Office ka chhuah san chu lawm loh a nui chu mi a an tih ang maiin ka nui chhuak ver ver. Nancy hriat thiam loh hmel deuh a min lo melh chu lu thin khum in ka duty na lamah ka let a. Pawisa ka pawh dawk sak nual bakah hna atang ban ka ni lo a, kan boss in ngaihdam min la dil zui. Ban chu sawi loh ka hlawh 5000 chiah tur kha 8000 min la pe leh ta nghal a. Ka lucky day a nih hial ka ring.




*




" Kha hei hi la leh rawh! " Nancy chuan 1000 hi ka kutah a rawn hmeh bel leh a. Hriat thiam loh hmel zet chuan ka melh ha. Dawr atang kan haw mek a , pawhdawh atang khan 8000 lai a ruk in ka la a, a chan ve in kan in sem thin kha a nia mahse tunah 1000 min pek let chuan 5000 lai ka chang bik dawn tihna a nia!








" Ti khan min melh vak suh kei ai I mamawh ka tih tawh kha, in luah man pawh I la ba a ni lawm ni! Kei chuan pocket money atan bak ka ti lo! " Nui hak hak a tiin an in kawng peng a thlen chuan min mang tha in a kal nghal a.








" Ka lawm e! " A ban a vuan ding in ka ti sap. Kan sum in sem hi pawisa thianghlim lo chu a ni na meuh mai mahse ka mamawh na a sang em a , chu bakah he tia tlem kan lo trick zeuh avang a nghei lo a la khawsa ve tawk tawk kha ka ni miau a chu chu Nancy pawh hian min hriat pui. Ka dawr thawhna pawh hi a mah atang a ka hriat a ni bawk.








" A ho lutuk bye aw...kan pa a lo leng dawn a ka hman hmawh ." Tih leh kal a rual a. Khua a thim tawh a tuman min hmu lem lo bawk. Ka kut a pawisa chu nghet zet a hum in kan in lam pan chuan ka kal nghal hlak hlak a. Chauh nen ka pa a lo awm loh hram ka beisei.








" Khaw nge I fanu? Pu Hmuak in luah man in pek theih loh chuan min chhuah san ta mai cheu! Eng mihring nge maw in nih le? " Kan kawngka zawn ka thleng chu kan in nei tu ang tawn tawn thawm avang chuan in chhung a lut ta mai lo chuan ka ding dat a. Thawk la vang vang in van lam ka hawi a. Ka harsatna hre thiam ve hauh lo van a arsi tam zet phe tuar chu ka melh vang vang bawk.








" Nu ! Ka duh vang reng a ni bik lo. Loh theih loh vang a ni tih nang pawn min hriat pui a ni ti raw? " Van lam hawi chuan ka ti chhuak sap. Khaw vawt deuh vur avang chuan ka tawng zawng chuan ka ka atang a boruak lum rawn chhuak chu a khu chhuak ve hat hat a. Ka mittui ka biang a rawn luang ngiai ngiai chu ka bag hrui ka vawn lohna kut hnung lam chuan ka hru nghal thak a. Thawk la leh vang vang in kan in kawngka chu ka hawng a , a chhung a lo awm te lah chuan ka hna thawk hah chu min tih chauh belh rawi rawi bawk.








" E.... I lo haw a. In luah man ka nei lo ka nei lo ti reng chung in I pa erawh a chhun a Zan in zu in tur a nei reng a. Hetiang reng chuan ka inah hian in awm thei tawh lo ang! Em em lutuk! " Chek tlak tlak a ti tu avang chuan kan thu thleng sei neih ve chhun a ka pa harhfim lo tih hriat zet a thu awn deuh duai meng phi ruai chu rum zet in ka melh a mahse awm zia erawh a nei tam lo.








" Kan tihpalh a ni Nu Manun! " Hreawm ti zet in ka ti hap. Dik tak chuan kan in neitu mah mise a phakar ve a, heti khawp a kan harsa tih hre ve reng in in luah man to uchuak in min luah tir a. In zim te , choka leh sitting room in zawm. Room pawh pakhat chiah chu pawh bang a hran in a awm lo a, puan kan zar tawp bawk. Chu chu 4000 a chhiar a mahse luah lo thei kan ni lo thung.








In luah tur a vang bawk nen. Kum in ringawtah pawh vawi thum kan in sawn tawh chu pawh ka pa vang hian! Khaw tlangah buaina siam in zu a rui reng a. Kan in luahna te a lo cho thul. He in pawh hi thla tlemte chiah kan la luah a tunah hetiang hi kan ni leh chu a nia!








" Tihpalh tih ringawt chu awm zia a awm lo. Then awm khawvengte pawn nangmah ni vang hian min sawi duh lutuk! Tiang chuan in awm reng thei lo ang , in luah man pe tha thei bawk si lo. Midang te chuan thla tir ni sawm hma hlir in a sin an pek thin! " Kawng dawm a ding chung chuan a rawn ti leh lawng lawng a. A tawng a ring bawk nen dik tak chuan ka zak ve reng.








" Ohh.... Hei vawinah hlawh ka la a thla hmasa a mi nen khan ka pe nghal ang che. Kan thiam lo tak meuh a ni thla leh atang chuan ba lo in ka pe chat chat tawh ang che! " Tih leh ka bag a pawisa chu ka phawrh a. Tih theih dang awm hek lo ka pawisa 8000 chu ui ru tak chuan ka pe a. La phun hnuai hnuai in min chhuah san ve ta hram chu thawk ka la vang vang a. Ka pa ka en chu kawi sawi zet a thu mu in a lo chat thla leh der tawh!








" I van nei hle mai lo la harh la chuan pawn khawvawtah sawn ka riah tir ngei ngei ang che! " Ka pa engmah hre lo a chat thla chu melh rawm in ka ti chiam a. In her in kawngka chu ka va khar sawk sawk a. Ka pa chu kal pel in room ah ka in thlak a. He tiang a nun reng ai chuan ka nu rual khan lo thi ve law law I la tha tur tih ngaihtuah in khumah chuan ka thu thla hnak a.








" Loh theih loh vang chauh a ni! " Ti nawn leh sap in ka bag a pawisa la bang 5000 chu ka hum a. Min hriat thiam pui ve mai ka ring! Thla khatah dawrah ka thawh hian 5000 ka hlawh a in luah man 4000 ka pek chuan chan a lawi ka nei lo. Nancy nen a kan thil tih tha lo zet avang hian kan la dam khaw chhuak ve tawk tawk a. Chu vang chuan ka ti lo thei lo. Chu bakah min hre chhuak ngai lo bawk nen ngai ah ka neih tawh a ni ber!








Ka in ti fai a, phur lo zet in eitur ka siam a. Artui ka Kang a , ka in bual chhung in chaw ka chhuan a vang in ka awlsam fu. Ka pa erawh a la hnar thluk thluk thung. Tam pawh ei lo chuan thleng ka seng a. Thu khaw muan tur in kan thu thleng neih chhunah ka pa pa te chhe zawk zawk lo chu chat thla in a mu kawi sawi bur a. TV leh bung raw dang kan nei bawk lo nen mut a ni leh tawp mai.








" Pa..... Pa.... I harh em? Paa.... Mut a hun a nia! " Ka pa darah sawi dat dat chuan ka ti a. A rawn rum tuah tuah a. A aia rem chuan a la mu ang deuh deuh leh nghal. Dik tak chuan ka nu dam lai chuan tiang hian zu a in ngai lo. Ka nu a dam lo a rilru hah tak a kan awm laiin a hna atang an lo ban bawk nen. Ka nu enkawlna sum hlawm a na bawk si rilru hah kha zu lamah a rilru a kal sual a. Ka nu boral atang ngat phei kha chuan harhfim hian a awm lo tih theih tur khawp a ni.








" Ka tih palh a ni! Kei mah vang in ka nu kan chan a! Ka fimkhur loh vang a ni pa! Kei mah vang vek. " Ka pa chatthla hnar suk suk hmaah chuan ka thu hniam a. Ka biang a mittui luang ngiai ngiai chung chuan ka pa chu ka en a. Ka pa pa sar ve tak thin leh mi te pawh in pa rawn tlak ve tak a an ngaih hi kum tlemte chhung lek a a in thlak dan hi kei pawn mak ka ti hial!








Ka sawi harh zawh loh avang chuan ka mut San a. Kan room hi zim hle mahse khum chu pahnih kan dah ve a ngai a. Ka pa leh kei ma khum mahse ka pa chu a khumah aiin thu thleng tawi zetah sawn chatthla in a riak ngun zawk thung.



*



*




" Thla thar December atang chuan zan lam hi dar 9 kan thlen a ngai dawn a. Lung ngai su in hlawh pawh thla dang aiin kan san ang! " Pi ber thu sawi avang chuan midang ho chu an phun nuah nuah a. Mahse kei erawh ka hlim viau. Kan hlawh a pung dawn tih lai kha ka hre fuh em bawk a. Ban hma a ka pa zu rui chat thla thlir ngawt ngawt ai chuan darkar tlem thawh belh a hlawh pun chu ka tan chuan a tha mah mah a tin ni.








" Enge I ngaihtuah? " Nancy min rawn nghawk zeuh avang chuan ka phu dawr a. Mak tih hmel zet in min melh nghal haw chu ka nuih sen sen thung.








" Kan hlawh a pung dawn a! " Ka tih chuan a ner nasa mai. Dawr a thawk zingah kan hna thawk tlai tur lawm awm chhun ka ni hial ang.







" Nangnu hi I thluakah hian sum hlir a mi awm a? " A tih chuan ka ner sak. Khawvelah hian a pawimawh ber miau ka tan chuan, pawimawh tak a ni. Chhungkaw khai dingtu pawh sum. Engkimah a pawimawh ber miau.








" Ka tan chuan a pawimawh ber! Ka dam chhung a nuamsa tak a ka awm theihna khawp nei thei dawn ngat I la chuan mi nunna pawh ka la hreh lo tih tur khawp ka ni! " Nui duh miah lo a ka tih chuan rap hmel zet in min en a. Ka fiamthu ka tih hnu chauh in a in thlah dul a nih chu.



*



*



" Pa khaw nge ka bag a ka pawisa dah kha? " Ka pa dawhkan bawh a muhil chu Sunday zing mah nise ka sawi nawk nawk a. Dawhkan chung a zu bur leh no in hung te chuan ka thin an ti rim hlur bawk.








" I va bengchheng reuh mai mai tak! " Ti nui nuiin a rawn thu chhuak a. In luah man ka pek bang 5000 kha December a pek leh a tan ka dah tha ngar ngar a. Inah pawh dah ngam lo in ka bagah ka ak kual char char a. Zanah pawh ka lukham hnuai ah ka dah a chuti chung chuan eng tik laiin nge a lo lak ka hre thak lo!








"PAA... . ! " Ka ti ta vak chu a zu no keng kang chu a phu chiam leh nghal. Heng zu lei nan a hmang a nih chuan a chak lo viau ang!








" I ninawm tei vet! Ka hmang zo vek tawh! " A rawn ti hluk a. Min rawn nam deuh bawk nen ka pai nak, hmang phal lo a ka dah that ve char char kha a ni hian a lo hmang a nih chu!








" Eng a tan nge I hman ? " Ka ti tiau. A hmanna tur awm chu hre tho mah I la sawi tur emaw zawh tur dang hre hek lo.








" I hmuh ve reng hi! " Nui kur kur a ti chung chuan a no ken lai chu a tlak pawp a ka taksa chu rawn sa chhuak vek in thinrimna mei pui a alh hi a ni ringawt. A awm dan leh a mit mengah a harh fim loh zia lah ka hmu chiang bawk.








" I mak e mai! Nu Manuni thu sawi pawh i hriat ve reng kha, in luah man tur a ka dah that a nih kha! Kei ..... in ren em em a ka awm lai in I zu lei nan mai mai I lo hmang a maw? " Mittui tling deuh pam chuan a kawr banah ka sawi nawk nawk a. Ka mittui tlak chhan erawh ka thinrim lutuk awm mgaihna hre lo ka ni thung.








" Kal teh! I hneawm lutuk pa ber in ka mamawhah ka hmang a ni mai! Kha nu ve sek pawh kha duh hun hunah in luah man min rawn dil a.. Mai mai ..... sum duh thlak lutuk! " Ti bui bui in a rawn ding a , zingkar ah pawh a ding nghet leh thei tawh lo a. A hma zawn a ka ding chu min nam sawn sawk a, bathroom lam pai chawn chawn in min pan san a nih chu!








Rum zet in a hnung lam atang chuan in hum ruh ngawt ngawt in ka melh a. Bathroom ah a lut ta maw tih a dawh kan bul ah zu bur la awm ho chu ka la a tui dehnaah ka keng phei nghal vat a, ka mittui pawh hru lem lo chuan tui deh naah chuan ka bun baw nghal vat a. Ka pa bathroom atang a zai rut rut a rawn pai chhuak chawn chawn chuan ka thil tih a hmuh chuan hman hmawh lutuk in a rawn tlan phei ka ti mai mahse ka thil tih ka tawp chuang lo.








" Nangnu phiang sen hi! " Tih leh ka biang a ri nghal chawrh a, chhuat a ka tluk rual in bottle ho chu ka bulah a rawn tla ri nghal rum rum bawk. Ka pa chuan bottle ho chu a chhar a mahse ka bun ruak hman vek tho!








" Pawisa ka ren ka ren I tia I thil paih zawng zawng kha pawisa vek a nih kha eng ang hmeichhia nge I nih! Rap thlak leh lutuk! " Mit sen rum chuan a rawn seh chilh nawk nawk a, ka thin tawt lutuk vang in thawk pawh ka thaw tha thei lo. Ka biang sa hat hat dawm chuan ka nui ro nghal hak a. Mahse ka chhung lam erawh nasa tak in a tap thung.








" A tha e! A vai kha chuan I la hmang lo ti raw! Khawi i hman ban zawng kha min pe let rawh! " Ti chiam in ka ding a, ka lu a la hai chem chem leh nghal. Min ngaih ven lek lo a a zu bur vel buai pui chu a jacket ip ka zen sak a, a rawn in her a min nam sawn leh lawp a nih chu!








" Pa min pe rawh! " Ka ti vak. A kawr chu pawt lawp in kawngka lamah chuan a kal nghal hlawk hlawk chu bei dawng zet in ka en ta tawp.








" Lo haw tawh Suh! I hria em, ka mit hmuhah rawn in lan tawh suh! Vawi khat mah kan inah hian rawn lut tawh suh!" Ka au nghek nghek a mahse a rawn hre tawh pawn ka ring lo. Kawngka chu ka khar dawp a, ka sam chu ka hui chho pap a . Ka biang sa hat hat nen chuan ka khumah ka bawk nghal thlawp.








Kei in eng pawh huam in, jail pawh ka tan phah thei tih hre reng in kha pawisa neih nan khan ka theih tawp ka chhuah a. Ka theih tawp tak meuh mahse a ni chuan zu lei nan mai mai a lo hmang a nih chu! Tu rilru nge na lo teh lul bik ang. Eng tin nge thla thar ni 10 hma in in luah man ka hmuh leh theih ang! Ka sam chu ka tham vak a, engvang in nge tiang nun hi ka neih bik.








Ka Hming chu Malsawmpuii niin kum 21 ka ni a. Ohh.... Kum thar 2020 mai hian 22 ka hmang tan ve tawh dawn zawk. Kan nun dan chu sawi leh tur vak a awm pawn ka hre tawh lo. Chhungkaw tlem zet ni chung in kan buai em em a. Ka nu in kum 2 liam ta mai khan min boral san a. A lung em pawh kan la phun lo ka pa in a tuar thiam loh em avang in zu bawiah a lut a. A hna a chan bawk nen inah ti hian a tal vel mai mai a ni ber.








Class 12 tha tak a ka pass hnuah college ka rap a nga boruak thar leh dream thar beisei in hun ka hmang a , mahse ka nu hriselna tla hniam thut avang in engkim chu a tawp vek a. Kum 19 ka ni in min boral san a. A hma chuan tiang em em hian kan chhungkua kan tla chhe lo. Ka nu dam lohna avang khan kan in, in pangai leh lian tha ve tak chu dahkham in loan kan la a mahse ka pa hna ah an ban leh thut avang in kan rul thei lo a , kan in ka lo tih ve chhun chu kan chhuah san a ngaih phah hial bawk.








Mi in luah in kan kawi reng a. Ka pa zu in nen veng chhung hruaitu ten min len chilh a min zilh chang lah a tam. Mahse ka pa lah hian sim a tum si lo. Zu in leh buai reng chu mi in in luah atan an duh reng lo bawk nen ka chung hi a pik hluah hluah a ni ber. Kan in tha ve tawk tak lah kut beng in kan chhuah san a. Ka ni tin in hlawhna hi kan ei ber a ni a. Chu pawh kan kham tha fum fe lo. Tun a kan in luah hi an bungraw dah khawmna kan tih fai chawp a ni a, a zau lo ka tih tawh kha. Mahse in kan awm khat avang in ka pawi ti lem lo. Mahse chu pawh chu a der thawng leh tawh lutuk ka pa vang bawk!








" Hello! " Ka phone ri avang chuan peih lo zet in ka thu chhuak a, kan in chu a lo thim thiap tawh.






" Ti nge call I lak theih loh a! I pa.. " Nancy rawn tawng leh tur chu ka lo pawt chat vat.





" Nancy ka chau a nia, ka pawisa khawl sa zawng zawng ru chhuak tu mihring leh a fanu aia zu duh zawk tu a nih kha! " Ka lo ti khum tan tan. Nancy hian ka harsatna min hriat pui ka tih tawh kha. A lakah chuan zep em em ka nei ngai lo.






" A..... Mahse hei veng chhung bazar lun laiah buaina a siam a, kan in piah lawk a ni bawk nen xan a rei tawh sia! " A rawn tih chuan thaw hak in ka phone chu ka melh zeuh a zan 9 : 30 a lo pel tawh!








" Ka buaina tur a nih tawh lo! " Ti fak in phone ka off hmak. Nancy ka thinrim khum chiam chu a dik lo tih ka hria mahse tih theih ka nei hek lo. Ka buaina a ni tawh lo tih sawi reng chung in khum atang ka tho a , kawr lum ka ha mawlh mawlh a hman hmawh zet chuan ka chhuak leh ta tho. Eng tiang pawh in awm se ka pa a nihna a bo si lo.








Veng chhung mipuiin an huat a an hnawh chhuah pawn ka tel ve leh zel a. Tu pa nge? Tu nge a chhungte? Zawhna zawng zawngah ka hming bawk a lang leh dawn miau a, ngaihtuah tum tawh lo mah I la a theih loh leh thin.






" Awiii..... A pawi lutuk! I lo kal dawn lo tak tak a maw ka ti hman a! " Nancy chuan puan nuam sin hlun in min lo be vat a. He lai atang hian an in a hlat loh avangin thawm velah a lo hria a, han en mai mai a tum chu ka pa a lo nih avang in min lo phone a lo ni a.








Kawn lai tak a mipui lo din khawmna lam chu ka melh zauh a mahse kei hmeichhe lian zawk zawk lo chu min hliah hnen lutuk ringawt. Ka rin dan chuan au beng chheng in buaina a siam a nih ka ring a mahse mipui lo tam danah chu aia pawi a thleng tih ka hre thei!








" Ti nge a? Khawnge ka pa chu? " Nancy bulah chuan ka ti vat. Mu tho hlim ka ni bawk nen ka meng phak deuh chap bawk. Khua lah chu a vawt ang vur leh nghal.








" Saw tah! Ugh.. . Mi motor a su a chuan. . A.. . Va en ve mai teh! " a ti bah nawk nawk chu hman hmawh zet in chhan pawh chhang tawh lo chuan mipui pun khawmna lam chu ka pan a mi in karah chuan ka in hnawh lut nghal nawk nawk a ka thil va hmuh avang chuan ka ding khawng deuh chawt.








" Heiii.. . . Eng thil nge in tih hi? Thlah ru ! In that mai dawn a sin! " Ka rak chul a ni mai. Ka mit chuan ka pa thisen in a bual nuai chu ka hmu chiang lutuk. A mah sawisa tu te lah chuan a thisen chhuak te chu hmu lo ang hmak in an la khawih reng a nih chu!








" Min pui ru! Ka pa saw pui hram ru! " Ka au vak vak a mahse tu man tanpui an tum lo. Mi tam tak chuan an thlir thup a mahse engmah tih an tum lo.








" Sawmte! Saw pa saw va be rawh. A ma motor saw a nia I pa in a tih ran sak chu!" Ka bul lawk a Nancy chu rawn ding in a ti vat a. Min kawh hmuhna lam chu ka hawi nghal vat a. Motor dum tliang nalh zet bul a mipa coat nen a lo ding zuih chu ka pan ding nghal ta tawp. A chhan pawh a lan dan chuan an zing a thu neitu ber a an vang a ni pakhat.








" Ka pu khaw ngaih in ka pa saw khawih tir tawh suh! Eng thil nge a tih sual chu hre lo mah I la a aiah ngaihdam ka dil a che! Khawngaih in...... A tih chhiat..... Ni lo I motor a ti rang a ni awm a kei man ka chawi vek ang khawngaih in! " Eng thil nge ka sawi lam ka ngaihtuah thei tawh lo. Ka tap deuh tiau tawh!








Kei hian eng pawisa mah ka nei lo tih chu harhfim lo chung pawn ka hria a mahse ka pa saw an khawih hlum thei tak ngial dawn a ka ngaihtuahna a thu lo lut hmasa ber ka sawi chhuak ve tawp bawk!








" Wow.... A fanu ka ni I ti a mi kha? " Then suk in ka lam a rawn hawi a, min nuih suk a nih chu. Ka pa ai chuan a naupang deuh ang mahse a thawmhnaw hak leh a che xia erawh a zang khai vah thung.








" Aw... A..... A fanu. Chuan khawngaih in tawp tir hram rawh. A ruih buai palh vang liau liau a nih saw! "







" A ruih buai palh avang chuan kawng pui zawng zawng hi a ta tih na a mi? " Zawi si mahse aw thum leh khauh ru zet a rawn ti hmuk tu avang chuan ka vir nawk!








Kan dinna bul a motor dum tliang hlurh chu chhung lam a tang a rawn in nem hawng in mipa pakhat coat dum dak zuih leh sam dum hlap. Ka hmuh hmasak ber , a pheikhawk pawh lei rap ve ngai lo ang mai a dum tle hlarh chu mit khap lek lo in ka melh ngawt ngawt. A coat chung a a over coat hak chu a pian rem zuih in a ha a. Hetiang mihring hi ka la hmu ngai lo. Mizo ah hian an awm ve pawh ka ring lo!








Ka pa te awmna lamah chuan a ban lian leh hrawl zet chu a lek vut a. Kei in ka aw rawl tawp tawp a ka pa khawih tawh lo tur a ka ngen lawm lawm pawh a hre duh thak lo kha he pa hian eng thu mal khat pawh sawi lo in a kut vawi khat lek chhuah mai maiah a tawp tir a nih chu!








" Ka pa! " Ti sap in ka pa awmna lamah chuan kal ka tum a mahse ka banrekah kut lian leh lum huam, tha chak zet in a rawn vuan chawt a. Ka kal lai chuan ka duh thu in ka ding pawh a ni lo min pawt ding a ni mah zawk!








" Zawhna ka zawt che!" Hneh zet in min kuai her lawp a. A awmah ka in tauh dawt dawn a maw ka ti hman tawh mahse van neih thlak tak in a mah ka si lo chiah chiah. Ka thinphu chu a rawn rang nghal dawt dawt a. A awm thum leh ri bul deuh hmuk avang khan ka taksa chu a khur ru der der a, ka hmul thi te chu an ding sung sung hial in ka hria.








" A.. . Ih.. . . Kan tihpalh! Ka pu khawngaih in min hre thiam hram rawh! " Hlauthawng lutuk chuan ka ti bah deuh nak nak. Ka pa te awmna lam ka va hawi chu electric thir ban ngheng in thi hnuang in a lo thu kun ngur a, a bulah a mah khawih tu te kha an ding run bawk. Haw viau mah I la ka pa, ka neih chhun kha a ni miau a. Saw tiang a thisen kai hnuang a ka hmuh chuan kei mah bawk ka na leh si!








" Chu chu ka zawhna chhanna a ni lo! " Rawn ti hmuktu avang chuan ka pa ka enna atang chuan ka hawi sawn nghal vat a. Hepa hi tu nge? Kan bul velah mi tam tak awm mahse ka hlauhna hi a nep phah miah lo!








" Eng.. . .. Enge min zawh? " Ka ti bah nawk. Pawn khaw vawt hnuai ah awm mah I la tunah tak chuan boruak hi a lum in ka chalah te chuan thlan a rawn bawl chhuak tek tek a. Ka hma a mipa lian leh hlauh awm zet chu tlan chhiat san duh mah I la ka banrekah a vawn beh tlat avang in ka kal sawn thei lo. Chuan ka pa saw ka buai pui vat a ngai bawk!








" I hming?" Ka hmai bul chet a rawn kun hniam in a mit ti zim sun in a rawn ti sup a. Min awm hnaih bawk a ka hming min zawh zawng a a ka atang a boruak lum rawn chhuak chuan thlasik lai a nih vang nge ka hmai a rawn ti lum tel hawk a. A rim tui leh pa hrak chu hip lut kawk in ka thaw chhuak leh tawh lo. A chhan pawh duh aiin min awm hnaih mah mah miau a. Kan bul lawk a mipa pakhat zawk chu a rawn nui chhuak hawk a, ka hmai bul chet a min entu chu rum nghut in a ding mar nghal vut a ka thaw chhuak nghal hak.








" Pate Christ! Nuih zat tur a awm a mi? " Ti sup in kan bul a mipa lo ding chu a melh nghal ngur a. Pate a tih pa lah chuan nuih in sum zet in lu a lo thin khum bawk. Chuan ka hre sual an hotu ber chu tun a ka hma a ding mipa hi a ni zawk tih!








" Simon! I nu in a rawn call ngun tawh viau che a nia! " Nuih la in sum reng chuan a rawn ti a, kei erawh in ka banrek a vawn chu phelh ka lo tum ve ngar ngar bawk.








" Ka la duh tawk lo. Saw pa saw motor pahnihnaah khan hruai ve ang cheu! " Ti sup in kan bul a pa chu a bia a. Hre thiam lo zet in ka melh haw ringawt. Ka pa lam a la melh ngur zui.









" Ka kawng a lo in rawlh a, ka hun tam zet min lak kian sak bawk a. Ka kalna tur min pawt tlai bawk a, ka kal tir ngawt thei lo che mahse tunah rih chuan hmeichhe naupang buai pui aia hna pawimawh ka nei tlat! " Ka beng zawn a rawn phun sup in ka kut a vawn chu a thlah a, then suk in a in her nghal vut chu mit khap lek lo in ka melh mawl tawp.








" Heiii..... Nangni kha khawnge ka pa kha hruai in tum? " Ka pa kal tha thei lo chu pa lian zet khan a pu lawp a an motor chhungah a a dah daih a nih chu. Um zui a dan ka tum chu ka ban bulah Pate Christ a tih pa khan min vuan bet tlat bawk nen ka tha zawng zawng seng in tal chhuah ka tum chu ka hlawh chham chiang a sin.








" Card hi la rawh naktukah he hotelah hian i rawn kal dawn nia! " Ka kut a card rawn hmeh bel chuan a ti sup a. He pa hi chu nichin a mipa ai thlawt chuan a ngainat awm deuh.







" Maw? Enge Hotel ah chuan ka rawn tih dawn? " Ka ti haw. Min la nuih sak leh nghal.







" I pa saw I rawn hruai ang! Ohhh..... Chuan I pa sawn a zu bur in kan motor hi a rawn vawm a, a khem mai bakah a rang ve nual ang khaw eng ah chuan! Chung te chu in chawi tur zat kan sawi fel ang! Nih phawt! " Ti leh sup in ka kut chu a thlah a motor ah chuan a thu lut ve nghal a. Nichin a pa kha chuan min ngaih ven leh tawh lo hrim hrim! Motor chhungah phone a be mawlh mawlh tih erawh ka hmuh hman hram.








" tu te nge? Chuan khaw nge I pa kha an hruai dawn! Misual rual an ang e? " Nancy Chuan ka bul a rawn ding in a ti vat a. Kei erawh motor tlan liam na lam chu ka thlir ngawih ngawih thung. Midangte pawh Chuan thil awm zia min zawt liam Liam a mahse kei pawh an mahni ang tho hian zawhna ka ngah in ka lu te thleng hian min tur ut ut ve tho!








" SIMON ZOMUANSANGA! " ka kut a lekha them chu ka melh vang vang a ka phun chhuak sap. Tu nge Simon Zomuansanga chu?





🍃🍃🍃 zai khawm banah ka rawn suan lut thawr e😁😁 in vaiin ka story chhiartu zawng zawng te tlai deuh twh mhse kum thar chibai vek u😘😘 tun tum story ah chuan ka story pahnih Demon's Desire leh Ka Chrismas Putar a an fa te kha ka rawn suan lut dawn a. Min lo chhiar sak leh theuh dawn nia chuan . Like, Cmt leh click kha aw in fel kha☺☺☺🍃🍃🍃



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 29th, 2020, 8:18 pm

Chapter - 1 🍃 by Amy Cck ( Dream Girl )








" Thla hmasaah ka ti tawh tun tum chu i tih ve hun! " Thawmhnaw ka rem fel mawlh mawlh lai chuan ka thian nu kawm ve ber leh ka harsatna leh kan chhungkaw chung chang engkim min hriat pui ve tu Nancy chuan ka nak nemah min sik zawk in a rawn ti sap a ka lo in ring lo nen ka rak that chu nui lui sang in dawr a customer ho leh hna thawk ve midang awm ho chu a melh kual nghal zat bawk.








" Nangman ti leh mai la, ka lo be buai leh zawk ang...... Ummm! " Ngen tak meuh in ka ngen hi a ni mai. Mahse a hmelah a ti dawn lo tih ka hmu chiang ngang thung.








" A teuh lo! A zawn in thla hnih ka ti tawh a nia. Chu bakah nangte chu i harsat na vel i sawi chuan an hre thiam em em ang che! " Ka bulah ding in thawmhnaw en fel ang deuh a lang chuan a rawn ti ru sar sar a. A khat tawk in kan bul hnaiah mi an awm em tih a melh kual leh zak zak thin.








" Mahse ... Pu zawk a awm a ka peih lo e! Naktuk lamah kan ti mai dawn a mi? " Ka la ti hram. Hmelchhe sawi chu kauh aiin an rang ti ang maiin a room atang kan boss chu a rawn chhuak a, kan lo in biak mawlh mawlh na lam a rawn hawi ve chiah a kan mit leh mit a in tawng chat chu ka lo nuih lui sak ringawt.








" A tha hlei hlei a lawm! Saw a rawn nuih sawng che saw. Pi zawk awm se chuan a strict si a harsa daih zawk. I duh loh pawn a pawi lo nangmah bawk a nia buai leh dawn! Midang pawh tih pui tur chu ka hmu tho ang I duh loh chuan! " Awlsam zet a tiin kal sawn a tum chu ka ngaih a ngam leh si lo , a banah ka vuan chawt ringawt.








A mit rawn san ak in ka tawng mai loh avang chuan zawhna.. . Ni lo ka chhan na nghak in ka mitah min melh nghal kalh a. Kan pu lah chuan kan ti ti rei a ti tawh nge min rawn melh deuh sek tawh bawk si. Engvang a tun ang hunah rawn chhuak nge a ni ker kur in. Mahse tun a kan thil tih tum hi hria in kan thu sawi hi hre pha ngat se chuan tunah hian dawr atang hian min theh chhuak nghal duh ngei ngei ang tih hi 100 ah 100 in ka chiang.








" Enteh ! Sawmte .... Ka ti lui lo che a nia. Pawisa chu kei aiin i mamawh zawk tih i hriat kha. Chu bakah kei ni in tlem kan lo pawh dawk ve zeuh avang khan an chhungkua an buai in dawr hi a tlak chhiat phah dawn pawh a ni lo a. " Awl sam zet chuan a rawn ti leh a, thawk la halh in ka lu ka bu ve ta nghat.








" Awlee... Ka ti dawn a nia mahse chaw hnu lamah aw! " Ka tih chuan nui var var in a rawn bu nghat nghat a. Kei pawh chu ka nui ve ta tawp, kan thil tih tur ngaihtuah chuan nui thei din hmunah pawh kan ding lo chiang lutuk hi a rap thlak zawk.








" A tha lawm! Lung ngai duh suh, min man leh chuang lo ang. Pu ber hian a melh danah che hian a ruk a la lo in a dil pawn dil la a pe phal ang che!" Nui hak hak in midang hriat tham si loh hian a rawn ti a ka ner nghal nang chu min nuih in thaw veng zet in dawr a rawn lut customer ho buai pui tur in a kal sawn nghal zat a kei pawh in ka thil tih lai ka chhun zawm nghal malh malh a, ka rilru erawh in thil dang a ngaihtuah nasa viau thung.








Chhun chawlh kan nei a , ka dawr thawhna hi a te chhe lo bawk nen dawr a thawk ringawt pawh hmeichhia panga leh mipa pathum kan ni a. Thla leh december atang hian mi pathum in an rawn thawh belh dawn bawk. Customer ngah chang leh thawmhnaw thar a lo thlen chang hian kudam a kal ngai nen kan in daih loh vang a ni pakhat a mahse Dec thla chhung chauh mi tharte chu an rawn thawk dawn thung.








" Va kal tawh rawh! " Nancy chuan a awmna atang chuan messages in a rawn ti a. Sana ka en chu dar thum a lo ri der tawh. Bu nghat in ka awmna atang chuan ka kal sawn a. Ka tih tur hi chu hreawm ka ti em em lo. A chhan chu ka vawi khatna a nih loh mai bakah min man chhuah ka ring lo hrim hrim a. Ka huphurh ber zawk chu kan dawr neitu pa ber hmu a va in sawi khawngaih thlak vel hi ka huphurh. A mit mengah ka lakah beisei a nei tih leh min biak dan vel hi ka ngai thei lo thin.








Kum 40 atang a 50 in kar chu a nih tawh ka ring a, nupui a nei tawh bawk nen mahse ka boss a ni tho na chung in ka ngei chi tak a ni miau a, ka din hmun in zir deuh phei se chuan he tah hian ka thawk duh miah lo ang mahse ka tan chuan he lai bak a tha hi a awm lo tih thla nga vel chiah la thawk mah I la ka hre chiang viau thung.








" Pa Biak! " Kawngka hawng in muang chang in office ah chuan ka lut a, Ka tawng ri , ring vak lo a vang chuan ka hma chiah dawhkan bul a pa valai lam hret thu kun deuh ngur chu muang chang in a rawn hawi chhuak a. Ka rin ang chiah in vawin kan in hralh na pawisa a lo chhiar mek bawk! A kut a pawisa tam tham zet leh dawhkan hnuai pawh dawh a 500 nawt leh 2000 nawt in chhap darh nuai chu ka hmu nghal zat bawk.








A nin hetah nileng a pawisa a kutah a chhiar mawlh mawlh laiin kei chuan ka purse ah 200 bak ka nei lo a nia. Mahse kan din hmun in thlauh zia chu sawi kher ngai lo in a lang chiang lutuk ringawt. Fapa pahnih leh fanu pakhat a nei an vaiin zirna in tha lutuk vekah an dah a. Chuan kei a fanu rual lek min melh thin dan hi a chhungten hria se chuan an lawm vak bik ka ring lo.








" Sawmte mamawh I nei a mi? " Pa Sawma tawngah chuan ka harh zawk a. A kut a pawisa ka lo melh reng tih ka hre chhuak chiah bawk.








" Aa.... Ih... Englo thil dil lawk che ka duh a! " Ka ti nghal vat. Min melh reng chung chuan a pawisa ken tam zet chu dawhkan sir leh lam pawhdawhah chuan a dah a. A awm zia chu vei lam a mi zawng khu a la chhiar lo tih na. Ka mit chuan ka melh ru nghal ran a, ka vannei viau a nih chuan ka la hnem viau mai thei!








" Thil min dil duh a maw? Ehiau.. . . Nidangah chuan pek che ka tum ngawih ngawih pawn i hnawl zel kha a nia. Han sawi la? " Nui huah huah in ti mahse a mit meng ver ther zet thin avang khan a lak atang in engmah dawn ka duh lo bur miau a. Mi duh sak leh beisei let nei lo se chuan lak pawh ka la mahna.








" Thla a la tawp lo tih chu ka hre tho a mahse ka hlawh ka la lawk duh a. Ka sawi awm zia chu advance in min pe thei a ngem? Ka mamawh lutuk a. " Ka ti sap. A mamawh tu zawk ka nih avang in tlawm takah ka dil a ngai miau.








" Sawmte! Midang zawng aiin I rawn thawk tlai a mahse hlawh sem hma aia hmaah min dil lawk ziah a. Ka nupui phei chuan a sawi duh viau a nia. " A rawn ti a. Haw deuh viau mah i la a sawi dik vek miau a. A chhan pawh thla tawpah in luah man leh eng eng emaw neuh neuh hmanna ka neih vang a ni a.








" Ka hria a lawm mahse ka mamawh lutuk a. Nang chuan I hriat vek kha ka din hmun chu, in luah man pek ka ngai thin tih leh kei mah chiah thawk chhuaktu ka ni tih! " Ka ti sap. Ka rilru tak chuan sawi kher hi ka duh lo min zuam phah thin a mahse hlawh ka lak ngei a ngai tih erawh ka hre kur bawk si.








" Ka hria lawm mahse I hmuh ang in ka nupui ngaihdan a ni vak tawh lo a. " A rawn ti a. Mi pangai tak tan chuan a awm lutuk , thla lai hawlah hlawh ka dil ziah deuh thaw ang a ni a. Hnuai lam melh chuan ka kun ngar a. Nancy lo kal vat se ka tih zia chu ... hlawh min pe duh lo a nih pawn a pawh dawh a pawisa tam zet atang khuan ka in luah man tal chu lak ka tum ruh viau.








" Mahse tih dan chu a awm ka ring! " A thutna atang a rawn ding chhuak in then sung chuan a rawn ti a. Ka rilru chuan ' a ze dik tak a rawn chhuah dawn e' ka ti thung. Ka darah a kut rawn nghat in a then leh suk a. Ka in hum ruh ta vak. Ka ten zia hi hria se chuan min khawih duh bik ka ring lo.








" Thil min dil a ka pe che a nih chuan ka thil duh min pe ve ang ti raw? Min pe a nih chuan i duh hun hunah i hlawh chu ka pe thin ang che. I duh chuan thla tirah pawh min dil thei ang! " Beisei nei zet mit meng tenawm zet chuan min en a. Hei vang hi a nia ka hmuh peih loh em em mahse ka thil duh ka neih hma chu hnar tawp ka duh bawk si lo. Vanneih thlak tak in office kawngka rawn in kik in pawn lam a tang a rawn in nam hawng nghal zat a. Lang lo in ka nui sak thung tunge lo kal tih ka hriat chian vang a ni bawk.








"Boss... Rei lo te i lo chhuak lawk thei em? Nimin a kan thawmhnaw dah saw a lo in pawlh sawp nasa lutuk a , customer duh tur in an nghak bawk sia!" Engmah danglam thleng lo ang mai chuan zang khai vah in a rawn ti a. Min melh reng chung chuan hreh hmel zet in ka dar a vawnna kut chu a la sawn a ka thawl huai thung.








" Sawmte lo awm lawk rawh aw ka lo let leh ang! Chuan i rilru pawh I lo siam fel ngei ka ring. " A tih chuan lu ka bu nghat mahse a chhanna duh ang chu ka pe dawn lo bur. Ka mamawh ber chu he room a minute rei lo te kei mah a awm a ni.








Kawngka lam pan chuan a chhuak a Nancy a kal pel fel chiah tih ah nui var var a mit min siai zeuh in kan pu chu a zui chhuak ve nghal a. Kawngka in khar ri ka hriat rual in ka dinna atang chuan ka che sawn ve nghal zat a. Ka thil tih hi a tha ber lo tih chu tu min hrilh ngai lo in ka hre ve kur mahse mihring hi a hun tawn leh nun dan in a zir loh chuan a duh loh thleng thleng in a kal thei miau.








Pawhdawh a pawisa chu 100 leh 200 , 500 leh 2000 nawt chi hrang hrang chu ka la a, tam over ka lak chuan a hriat chhuah a hlauh awm bawk nen kan lak tam ber in 10000 aia tam kan la lo. 10000 pawh hi kan la tling khat khawp.








" Chuan enge kan sawi kha? ".ka hnung lam atang a rawn ti tu avang chuan thawk ka la vak a. A rawn let leh tih Nancy in text in min rawn hrilh a kei pawh engmah ti lo ang hmak in ka dinna ngai ah ka ding fel leh at tawh.








" Thla chanve ka hlawh hi min pe la ka bang mai ang! Chu chu I nupui pawn a rem tih ka ring zep kher a ngaih ka ring lo. Ka harsatna ka hrilh sa che a mahse rem chang a min lak sak I tum fo chuan ka thawk reng duh lo. Dawr dangah pawh hna ka zawng thei tho. Tha tak a ka harsatna ka sawi a nih chuan min chhawr duh em em ang. He lai chu hlawh a tam zawk vang leh sum ka mawhmawhna a san vang a nia! " Ka ti let fak.








" I duh ang chuan le! " Ti sup in pawh dawh atang chuan 3000 a rawn la a, mahse ban tak tak ka tum hauh lo. He lai hi ka tan a tha in a hlawk ber ka tih tawh kha!








" Ka bang a nih chuan I mit mei ka zah rengna tur a awm tawh lo bawk a. I chet dan khaw lo zet te, ohh.... Kei kher ni lo dawr a thawk hmeichhe dang lak a i awm dan, kei ngei pawh tiam in ka zep reng thei dawn lo tih I lo hre ve mai mai dawn a nia! " Pangai deuh a tiin ka melh let kalh a. A hmel chu rawn in thlak hlawk in a hnar tawk deuh tur te chu a rawn len belh ni maiin ka hria mahse engah mah ka ngai eih lo.








" Nang te hian min vo ve khang lang a maw? " A rawn ti hrawk a. Dawhkan sir chu vuan in rum zet in min melh a. Kei erawh in eng a tan mah ngai lo ang maiin a kut a 3000 chu ka pawt thla a, ka bag ah ka khung nghal hmak thung.








" Vo a nih loh chu ka sawi ve mai a nia. He ta ka thawh chuan I mualpho a I tlak chhiat ka hlauh a vang in ka en liam mai mai che a mahse ban ka nih chuan ngawih chhan tur ka nei tawh dawn lo tih sawi ka tum mai a nia! Tunlaiah media a chak tawh tih pawh I hriat ve tho chu ka ring. " Ti leh hap in ka in her a kawngka lam chu muang chang in ka pan a, ka beng in erawh ka hnung lam a mipa thinrim tho hrawk hrawk chu ka ngai thla kar thung.








" Ding teh! " Ka nui sak. Kha thu a rawn sawi hun nghak khan muang chang in ka kal reng kha a nia. Ka hmel chu siam tha vat in ka in her leh a, thaw chhuak hawk in engmah sawi lo chuan dawhkan pawh dawh chu a hai leh nghal rawk rawk chu hre thiam lo zet in ka en reng thung. Thawk leh khatah ka thinphu a rawn rang a ka pawisa lak kha a hre chhuak a nih ka ring rum rum hial.








Ka en reng lai chuan a che lai chu a tawp chut a rum zet a min melh in ka lam pan chuan a rawn kal a, ka bag lian vak loh ah hrui chu nghet zet in ka vuan a, hauh hrep in huam in ka ding bawk. Mahse, enge lo thleng hi!








" Hei enge? " Ka kut a 5000 a rawn hmeh bel chu ka melh a, kan boss chu zam lo ang deuh a lang chuan ka melh leh kalh bawk.








" I hlawh ! Chuan I ban kher a ngai lo ang. Kha tiang thu kha midang hriat ah i sawi lang tur a ni lo . A bik in ka nupui bulah! " Ti hmuk in min melh a. Ka ner sak nang in a ruk erawh chuan ka hlim lutuk hi zuan vak vak ka chak thung.








" A tha lawm , mahse mawi lo deuh in min be tawh lo la , I hnuai a thawk chu ka ni na meuh mai mahse ka rawn thawh dawn pawh in ka sawi sa thlap a I rem tih na ka la thlap bawk a nih kha. I hna thawk dang I biak dan leh enge in in karah awm tihah ka buai lo mahse khang thil tenawm tih puiah khan min sawm tawh lo la ka lawm khawp ang! " Tawng kam pangai chuan ka ti leh mai a. Bu nghut in a thiam lo thu a sawi chu ka awi lo hial zawk.








Office ka chhuah san chu lawm loh a nui chu mi a an tih ang maiin ka nui chhuak ver ver. Nancy hriat thiam loh hmel deuh a min lo melh chu lu thin khum in ka duty na lamah ka let a. Pawisa ka pawh dawk sak nual bakah hna atang ban ka ni lo a, kan boss in ngaihdam min la dil zui. Ban chu sawi loh ka hlawh 5000 chiah tur kha 8000 min la pe leh ta nghal a. Ka lucky day a nih hial ka ring.




*




" Kha hei hi la leh rawh! " Nancy chuan 1000 hi ka kutah a rawn hmeh bel leh a. Hriat thiam loh hmel zet chuan ka melh ha. Dawr atang kan haw mek a , pawhdawh atang khan 8000 lai a ruk in ka la a, a chan ve in kan in sem thin kha a nia mahse tunah 1000 min pek let chuan 5000 lai ka chang bik dawn tihna a nia!








" Ti khan min melh vak suh kei ai I mamawh ka tih tawh kha, in luah man pawh I la ba a ni lawm ni! Kei chuan pocket money atan bak ka ti lo! " Nui hak hak a tiin an in kawng peng a thlen chuan min mang tha in a kal nghal a.








" Ka lawm e! " A ban a vuan ding in ka ti sap. Kan sum in sem hi pawisa thianghlim lo chu a ni na meuh mai mahse ka mamawh na a sang em a , chu bakah he tia tlem kan lo trick zeuh avang a nghei lo a la khawsa ve tawk tawk kha ka ni miau a chu chu Nancy pawh hian min hriat pui. Ka dawr thawhna pawh hi a mah atang a ka hriat a ni bawk.








" A ho lutuk bye aw...kan pa a lo leng dawn a ka hman hmawh ." Tih leh kal a rual a. Khua a thim tawh a tuman min hmu lem lo bawk. Ka kut a pawisa chu nghet zet a hum in kan in lam pan chuan ka kal nghal hlak hlak a. Chauh nen ka pa a lo awm loh hram ka beisei.








" Khaw nge I fanu? Pu Hmuak in luah man in pek theih loh chuan min chhuah san ta mai cheu! Eng mihring nge maw in nih le? " Kan kawngka zawn ka thleng chu kan in nei tu ang tawn tawn thawm avang chuan in chhung a lut ta mai lo chuan ka ding dat a. Thawk la vang vang in van lam ka hawi a. Ka harsatna hre thiam ve hauh lo van a arsi tam zet phe tuar chu ka melh vang vang bawk.








" Nu ! Ka duh vang reng a ni bik lo. Loh theih loh vang a ni tih nang pawn min hriat pui a ni ti raw? " Van lam hawi chuan ka ti chhuak sap. Khaw vawt deuh vur avang chuan ka tawng zawng chuan ka ka atang a boruak lum rawn chhuak chu a khu chhuak ve hat hat a. Ka mittui ka biang a rawn luang ngiai ngiai chu ka bag hrui ka vawn lohna kut hnung lam chuan ka hru nghal thak a. Thawk la leh vang vang in kan in kawngka chu ka hawng a , a chhung a lo awm te lah chuan ka hna thawk hah chu min tih chauh belh rawi rawi bawk.








" E.... I lo haw a. In luah man ka nei lo ka nei lo ti reng chung in I pa erawh a chhun a Zan in zu in tur a nei reng a. Hetiang reng chuan ka inah hian in awm thei tawh lo ang! Em em lutuk! " Chek tlak tlak a ti tu avang chuan kan thu thleng sei neih ve chhun a ka pa harhfim lo tih hriat zet a thu awn deuh duai meng phi ruai chu rum zet in ka melh a mahse awm zia erawh a nei tam lo.








" Kan tihpalh a ni Nu Manun! " Hreawm ti zet in ka ti hap. Dik tak chuan kan in neitu mah mise a phakar ve a, heti khawp a kan harsa tih hre ve reng in in luah man to uchuak in min luah tir a. In zim te , choka leh sitting room in zawm. Room pawh pakhat chiah chu pawh bang a hran in a awm lo a, puan kan zar tawp bawk. Chu chu 4000 a chhiar a mahse luah lo thei kan ni lo thung.








In luah tur a vang bawk nen. Kum in ringawtah pawh vawi thum kan in sawn tawh chu pawh ka pa vang hian! Khaw tlangah buaina siam in zu a rui reng a. Kan in luahna te a lo cho thul. He in pawh hi thla tlemte chiah kan la luah a tunah hetiang hi kan ni leh chu a nia!








" Tihpalh tih ringawt chu awm zia a awm lo. Then awm khawvengte pawn nangmah ni vang hian min sawi duh lutuk! Tiang chuan in awm reng thei lo ang , in luah man pe tha thei bawk si lo. Midang te chuan thla tir ni sawm hma hlir in a sin an pek thin! " Kawng dawm a ding chung chuan a rawn ti leh lawng lawng a. A tawng a ring bawk nen dik tak chuan ka zak ve reng.








" Ohh.... Hei vawinah hlawh ka la a thla hmasa a mi nen khan ka pe nghal ang che. Kan thiam lo tak meuh a ni thla leh atang chuan ba lo in ka pe chat chat tawh ang che! " Tih leh ka bag a pawisa chu ka phawrh a. Tih theih dang awm hek lo ka pawisa 8000 chu ui ru tak chuan ka pe a. La phun hnuai hnuai in min chhuah san ve ta hram chu thawk ka la vang vang a. Ka pa ka en chu kawi sawi zet a thu mu in a lo chat thla leh der tawh!








" I van nei hle mai lo la harh la chuan pawn khawvawtah sawn ka riah tir ngei ngei ang che! " Ka pa engmah hre lo a chat thla chu melh rawm in ka ti chiam a. In her in kawngka chu ka va khar sawk sawk a. Ka pa chu kal pel in room ah ka in thlak a. He tiang a nun reng ai chuan ka nu rual khan lo thi ve law law I la tha tur tih ngaihtuah in khumah chuan ka thu thla hnak a.








" Loh theih loh vang chauh a ni! " Ti nawn leh sap in ka bag a pawisa la bang 5000 chu ka hum a. Min hriat thiam pui ve mai ka ring! Thla khatah dawrah ka thawh hian 5000 ka hlawh a in luah man 4000 ka pek chuan chan a lawi ka nei lo. Nancy nen a kan thil tih tha lo zet avang hian kan la dam khaw chhuak ve tawk tawk a. Chu vang chuan ka ti lo thei lo. Chu bakah min hre chhuak ngai lo bawk nen ngai ah ka neih tawh a ni ber!








Ka in ti fai a, phur lo zet in eitur ka siam a. Artui ka Kang a , ka in bual chhung in chaw ka chhuan a vang in ka awlsam fu. Ka pa erawh a la hnar thluk thluk thung. Tam pawh ei lo chuan thleng ka seng a. Thu khaw muan tur in kan thu thleng neih chhunah ka pa pa te chhe zawk zawk lo chu chat thla in a mu kawi sawi bur a. TV leh bung raw dang kan nei bawk lo nen mut a ni leh tawp mai.








" Pa..... Pa.... I harh em? Paa.... Mut a hun a nia! " Ka pa darah sawi dat dat chuan ka ti a. A rawn rum tuah tuah a. A aia rem chuan a la mu ang deuh deuh leh nghal. Dik tak chuan ka nu dam lai chuan tiang hian zu a in ngai lo. Ka nu a dam lo a rilru hah tak a kan awm laiin a hna atang an lo ban bawk nen. Ka nu enkawlna sum hlawm a na bawk si rilru hah kha zu lamah a rilru a kal sual a. Ka nu boral atang ngat phei kha chuan harhfim hian a awm lo tih theih tur khawp a ni.








" Ka tih palh a ni! Kei mah vang in ka nu kan chan a! Ka fimkhur loh vang a ni pa! Kei mah vang vek. " Ka pa chatthla hnar suk suk hmaah chuan ka thu hniam a. Ka biang a mittui luang ngiai ngiai chung chuan ka pa chu ka en a. Ka pa pa sar ve tak thin leh mi te pawh in pa rawn tlak ve tak a an ngaih hi kum tlemte chhung lek a a in thlak dan hi kei pawn mak ka ti hial!








Ka sawi harh zawh loh avang chuan ka mut San a. Kan room hi zim hle mahse khum chu pahnih kan dah ve a ngai a. Ka pa leh kei ma khum mahse ka pa chu a khumah aiin thu thleng tawi zetah sawn chatthla in a riak ngun zawk thung.



*



*




" Thla thar December atang chuan zan lam hi dar 9 kan thlen a ngai dawn a. Lung ngai su in hlawh pawh thla dang aiin kan san ang! " Pi ber thu sawi avang chuan midang ho chu an phun nuah nuah a. Mahse kei erawh ka hlim viau. Kan hlawh a pung dawn tih lai kha ka hre fuh em bawk a. Ban hma a ka pa zu rui chat thla thlir ngawt ngawt ai chuan darkar tlem thawh belh a hlawh pun chu ka tan chuan a tha mah mah a tin ni.








" Enge I ngaihtuah? " Nancy min rawn nghawk zeuh avang chuan ka phu dawr a. Mak tih hmel zet in min melh nghal haw chu ka nuih sen sen thung.








" Kan hlawh a pung dawn a! " Ka tih chuan a ner nasa mai. Dawr a thawk zingah kan hna thawk tlai tur lawm awm chhun ka ni hial ang.







" Nangnu hi I thluakah hian sum hlir a mi awm a? " A tih chuan ka ner sak. Khawvelah hian a pawimawh ber miau ka tan chuan, pawimawh tak a ni. Chhungkaw khai dingtu pawh sum. Engkimah a pawimawh ber miau.








" Ka tan chuan a pawimawh ber! Ka dam chhung a nuamsa tak a ka awm theihna khawp nei thei dawn ngat I la chuan mi nunna pawh ka la hreh lo tih tur khawp ka ni! " Nui duh miah lo a ka tih chuan rap hmel zet in min en a. Ka fiamthu ka tih hnu chauh in a in thlah dul a nih chu.



*



*



" Pa khaw nge ka bag a ka pawisa dah kha? " Ka pa dawhkan bawh a muhil chu Sunday zing mah nise ka sawi nawk nawk a. Dawhkan chung a zu bur leh no in hung te chuan ka thin an ti rim hlur bawk.








" I va bengchheng reuh mai mai tak! " Ti nui nuiin a rawn thu chhuak a. In luah man ka pek bang 5000 kha December a pek leh a tan ka dah tha ngar ngar a. Inah pawh dah ngam lo in ka bagah ka ak kual char char a. Zanah pawh ka lukham hnuai ah ka dah a chuti chung chuan eng tik laiin nge a lo lak ka hre thak lo!








"PAA... . ! " Ka ti ta vak chu a zu no keng kang chu a phu chiam leh nghal. Heng zu lei nan a hmang a nih chuan a chak lo viau ang!








" I ninawm tei vet! Ka hmang zo vek tawh! " A rawn ti hluk a. Min rawn nam deuh bawk nen ka pai nak, hmang phal lo a ka dah that ve char char kha a ni hian a lo hmang a nih chu!








" Eng a tan nge I hman ? " Ka ti tiau. A hmanna tur awm chu hre tho mah I la sawi tur emaw zawh tur dang hre hek lo.








" I hmuh ve reng hi! " Nui kur kur a ti chung chuan a no ken lai chu a tlak pawp a ka taksa chu rawn sa chhuak vek in thinrimna mei pui a alh hi a ni ringawt. A awm dan leh a mit mengah a harh fim loh zia lah ka hmu chiang bawk.








" I mak e mai! Nu Manuni thu sawi pawh i hriat ve reng kha, in luah man tur a ka dah that a nih kha! Kei ..... in ren em em a ka awm lai in I zu lei nan mai mai I lo hmang a maw? " Mittui tling deuh pam chuan a kawr banah ka sawi nawk nawk a. Ka mittui tlak chhan erawh ka thinrim lutuk awm mgaihna hre lo ka ni thung.








" Kal teh! I hneawm lutuk pa ber in ka mamawhah ka hmang a ni mai! Kha nu ve sek pawh kha duh hun hunah in luah man min rawn dil a.. Mai mai ..... sum duh thlak lutuk! " Ti bui bui in a rawn ding a , zingkar ah pawh a ding nghet leh thei tawh lo a. A hma zawn a ka ding chu min nam sawn sawk a, bathroom lam pai chawn chawn in min pan san a nih chu!








Rum zet in a hnung lam atang chuan in hum ruh ngawt ngawt in ka melh a. Bathroom ah a lut ta maw tih a dawh kan bul ah zu bur la awm ho chu ka la a tui dehnaah ka keng phei nghal vat a, ka mittui pawh hru lem lo chuan tui deh naah chuan ka bun baw nghal vat a. Ka pa bathroom atang a zai rut rut a rawn pai chhuak chawn chawn chuan ka thil tih a hmuh chuan hman hmawh lutuk in a rawn tlan phei ka ti mai mahse ka thil tih ka tawp chuang lo.








" Nangnu phiang sen hi! " Tih leh ka biang a ri nghal chawrh a, chhuat a ka tluk rual in bottle ho chu ka bulah a rawn tla ri nghal rum rum bawk. Ka pa chuan bottle ho chu a chhar a mahse ka bun ruak hman vek tho!








" Pawisa ka ren ka ren I tia I thil paih zawng zawng kha pawisa vek a nih kha eng ang hmeichhia nge I nih! Rap thlak leh lutuk! " Mit sen rum chuan a rawn seh chilh nawk nawk a, ka thin tawt lutuk vang in thawk pawh ka thaw tha thei lo. Ka biang sa hat hat dawm chuan ka nui ro nghal hak a. Mahse ka chhung lam erawh nasa tak in a tap thung.








" A tha e! A vai kha chuan I la hmang lo ti raw! Khawi i hman ban zawng kha min pe let rawh! " Ti chiam in ka ding a, ka lu a la hai chem chem leh nghal. Min ngaih ven lek lo a a zu bur vel buai pui chu a jacket ip ka zen sak a, a rawn in her a min nam sawn leh lawp a nih chu!








" Pa min pe rawh! " Ka ti vak. A kawr chu pawt lawp in kawngka lamah chuan a kal nghal hlawk hlawk chu bei dawng zet in ka en ta tawp.








" Lo haw tawh Suh! I hria em, ka mit hmuhah rawn in lan tawh suh! Vawi khat mah kan inah hian rawn lut tawh suh!" Ka au nghek nghek a mahse a rawn hre tawh pawn ka ring lo. Kawngka chu ka khar dawp a, ka sam chu ka hui chho pap a . Ka biang sa hat hat nen chuan ka khumah ka bawk nghal thlawp.








Kei in eng pawh huam in, jail pawh ka tan phah thei tih hre reng in kha pawisa neih nan khan ka theih tawp ka chhuah a. Ka theih tawp tak meuh mahse a ni chuan zu lei nan mai mai a lo hmang a nih chu! Tu rilru nge na lo teh lul bik ang. Eng tin nge thla thar ni 10 hma in in luah man ka hmuh leh theih ang! Ka sam chu ka tham vak a, engvang in nge tiang nun hi ka neih bik.








Ka Hming chu Malsawmpuii niin kum 21 ka ni a. Ohh.... Kum thar 2020 mai hian 22 ka hmang tan ve tawh dawn zawk. Kan nun dan chu sawi leh tur vak a awm pawn ka hre tawh lo. Chhungkaw tlem zet ni chung in kan buai em em a. Ka nu in kum 2 liam ta mai khan min boral san a. A lung em pawh kan la phun lo ka pa in a tuar thiam loh em avang in zu bawiah a lut a. A hna a chan bawk nen inah ti hian a tal vel mai mai a ni ber.








Class 12 tha tak a ka pass hnuah college ka rap a nga boruak thar leh dream thar beisei in hun ka hmang a , mahse ka nu hriselna tla hniam thut avang in engkim chu a tawp vek a. Kum 19 ka ni in min boral san a. A hma chuan tiang em em hian kan chhungkua kan tla chhe lo. Ka nu dam lohna avang khan kan in, in pangai leh lian tha ve tak chu dahkham in loan kan la a mahse ka pa hna ah an ban leh thut avang in kan rul thei lo a , kan in ka lo tih ve chhun chu kan chhuah san a ngaih phah hial bawk.








Mi in luah in kan kawi reng a. Ka pa zu in nen veng chhung hruaitu ten min len chilh a min zilh chang lah a tam. Mahse ka pa lah hian sim a tum si lo. Zu in leh buai reng chu mi in in luah atan an duh reng lo bawk nen ka chung hi a pik hluah hluah a ni ber. Kan in tha ve tawk tak lah kut beng in kan chhuah san a. Ka ni tin in hlawhna hi kan ei ber a ni a. Chu pawh kan kham tha fum fe lo. Tun a kan in luah hi an bungraw dah khawmna kan tih fai chawp a ni a, a zau lo ka tih tawh kha. Mahse in kan awm khat avang in ka pawi ti lem lo. Mahse chu pawh chu a der thawng leh tawh lutuk ka pa vang bawk!








" Hello! " Ka phone ri avang chuan peih lo zet in ka thu chhuak a, kan in chu a lo thim thiap tawh.






" Ti nge call I lak theih loh a! I pa.. " Nancy rawn tawng leh tur chu ka lo pawt chat vat.





" Nancy ka chau a nia, ka pawisa khawl sa zawng zawng ru chhuak tu mihring leh a fanu aia zu duh zawk tu a nih kha! " Ka lo ti khum tan tan. Nancy hian ka harsatna min hriat pui ka tih tawh kha. A lakah chuan zep em em ka nei ngai lo.






" A..... Mahse hei veng chhung bazar lun laiah buaina a siam a, kan in piah lawk a ni bawk nen xan a rei tawh sia! " A rawn tih chuan thaw hak in ka phone chu ka melh zeuh a zan 9 : 30 a lo pel tawh!








" Ka buaina tur a nih tawh lo! " Ti fak in phone ka off hmak. Nancy ka thinrim khum chiam chu a dik lo tih ka hria mahse tih theih ka nei hek lo. Ka buaina a ni tawh lo tih sawi reng chung in khum atang ka tho a , kawr lum ka ha mawlh mawlh a hman hmawh zet chuan ka chhuak leh ta tho. Eng tiang pawh in awm se ka pa a nihna a bo si lo.








Veng chhung mipuiin an huat a an hnawh chhuah pawn ka tel ve leh zel a. Tu pa nge? Tu nge a chhungte? Zawhna zawng zawngah ka hming bawk a lang leh dawn miau a, ngaihtuah tum tawh lo mah I la a theih loh leh thin.






" Awiii..... A pawi lutuk! I lo kal dawn lo tak tak a maw ka ti hman a! " Nancy chuan puan nuam sin hlun in min lo be vat a. He lai atang hian an in a hlat loh avangin thawm velah a lo hria a, han en mai mai a tum chu ka pa a lo nih avang in min lo phone a lo ni a.








Kawn lai tak a mipui lo din khawmna lam chu ka melh zauh a mahse kei hmeichhe lian zawk zawk lo chu min hliah hnen lutuk ringawt. Ka rin dan chuan au beng chheng in buaina a siam a nih ka ring a mahse mipui lo tam danah chu aia pawi a thleng tih ka hre thei!








" Ti nge a? Khawnge ka pa chu? " Nancy bulah chuan ka ti vat. Mu tho hlim ka ni bawk nen ka meng phak deuh chap bawk. Khua lah chu a vawt ang vur leh nghal.








" Saw tah! Ugh.. . Mi motor a su a chuan. . A.. . Va en ve mai teh! " a ti bah nawk nawk chu hman hmawh zet in chhan pawh chhang tawh lo chuan mipui pun khawmna lam chu ka pan a mi in karah chuan ka in hnawh lut nghal nawk nawk a ka thil va hmuh avang chuan ka ding khawng deuh chawt.








" Heiii.. . . Eng thil nge in tih hi? Thlah ru ! In that mai dawn a sin! " Ka rak chul a ni mai. Ka mit chuan ka pa thisen in a bual nuai chu ka hmu chiang lutuk. A mah sawisa tu te lah chuan a thisen chhuak te chu hmu lo ang hmak in an la khawih reng a nih chu!








" Min pui ru! Ka pa saw pui hram ru! " Ka au vak vak a mahse tu man tanpui an tum lo. Mi tam tak chuan an thlir thup a mahse engmah tih an tum lo.








" Sawmte! Saw pa saw va be rawh. A ma motor saw a nia I pa in a tih ran sak chu!" Ka bul lawk a Nancy chu rawn ding in a ti vat a. Min kawh hmuhna lam chu ka hawi nghal vat a. Motor dum tliang nalh zet bul a mipa coat nen a lo ding zuih chu ka pan ding nghal ta tawp. A chhan pawh a lan dan chuan an zing a thu neitu ber a an vang a ni pakhat.








" Ka pu khaw ngaih in ka pa saw khawih tir tawh suh! Eng thil nge a tih sual chu hre lo mah I la a aiah ngaihdam ka dil a che! Khawngaih in...... A tih chhiat..... Ni lo I motor a ti rang a ni awm a kei man ka chawi vek ang khawngaih in! " Eng thil nge ka sawi lam ka ngaihtuah thei tawh lo. Ka tap deuh tiau tawh!








Kei hian eng pawisa mah ka nei lo tih chu harhfim lo chung pawn ka hria a mahse ka pa saw an khawih hlum thei tak ngial dawn a ka ngaihtuahna a thu lo lut hmasa ber ka sawi chhuak ve tawp bawk!








" Wow.... A fanu ka ni I ti a mi kha? " Then suk in ka lam a rawn hawi a, min nuih suk a nih chu. Ka pa ai chuan a naupang deuh ang mahse a thawmhnaw hak leh a che xia erawh a zang khai vah thung.








" Aw... A..... A fanu. Chuan khawngaih in tawp tir hram rawh. A ruih buai palh vang liau liau a nih saw! "







" A ruih buai palh avang chuan kawng pui zawng zawng hi a ta tih na a mi? " Zawi si mahse aw thum leh khauh ru zet a rawn ti hmuk tu avang chuan ka vir nawk!








Kan dinna bul a motor dum tliang hlurh chu chhung lam a tang a rawn in nem hawng in mipa pakhat coat dum dak zuih leh sam dum hlap. Ka hmuh hmasak ber , a pheikhawk pawh lei rap ve ngai lo ang mai a dum tle hlarh chu mit khap lek lo in ka melh ngawt ngawt. A coat chung a a over coat hak chu a pian rem zuih in a ha a. Hetiang mihring hi ka la hmu ngai lo. Mizo ah hian an awm ve pawh ka ring lo!








Ka pa te awmna lamah chuan a ban lian leh hrawl zet chu a lek vut a. Kei in ka aw rawl tawp tawp a ka pa khawih tawh lo tur a ka ngen lawm lawm pawh a hre duh thak lo kha he pa hian eng thu mal khat pawh sawi lo in a kut vawi khat lek chhuah mai maiah a tawp tir a nih chu!








" Ka pa! " Ti sap in ka pa awmna lamah chuan kal ka tum a mahse ka banrekah kut lian leh lum huam, tha chak zet in a rawn vuan chawt a. Ka kal lai chuan ka duh thu in ka ding pawh a ni lo min pawt ding a ni mah zawk!








" Zawhna ka zawt che!" Hneh zet in min kuai her lawp a. A awmah ka in tauh dawt dawn a maw ka ti hman tawh mahse van neih thlak tak in a mah ka si lo chiah chiah. Ka thinphu chu a rawn rang nghal dawt dawt a. A awm thum leh ri bul deuh hmuk avang khan ka taksa chu a khur ru der der a, ka hmul thi te chu an ding sung sung hial in ka hria.








" A.. . Ih.. . . Kan tihpalh! Ka pu khawngaih in min hre thiam hram rawh! " Hlauthawng lutuk chuan ka ti bah deuh nak nak. Ka pa te awmna lam ka va hawi chu electric thir ban ngheng in thi hnuang in a lo thu kun ngur a, a bulah a mah khawih tu te kha an ding run bawk. Haw viau mah I la ka pa, ka neih chhun kha a ni miau a. Saw tiang a thisen kai hnuang a ka hmuh chuan kei mah bawk ka na leh si!








" Chu chu ka zawhna chhanna a ni lo! " Rawn ti hmuktu avang chuan ka pa ka enna atang chuan ka hawi sawn nghal vat a. Hepa hi tu nge? Kan bul velah mi tam tak awm mahse ka hlauhna hi a nep phah miah lo!








" Eng.. . .. Enge min zawh? " Ka ti bah nawk. Pawn khaw vawt hnuai ah awm mah I la tunah tak chuan boruak hi a lum in ka chalah te chuan thlan a rawn bawl chhuak tek tek a. Ka hma a mipa lian leh hlauh awm zet chu tlan chhiat san duh mah I la ka banrekah a vawn beh tlat avang in ka kal sawn thei lo. Chuan ka pa saw ka buai pui vat a ngai bawk!








" I hming?" Ka hmai bul chet a rawn kun hniam in a mit ti zim sun in a rawn ti sup a. Min awm hnaih bawk a ka hming min zawh zawng a a ka atang a boruak lum rawn chhuak chuan thlasik lai a nih vang nge ka hmai a rawn ti lum tel hawk a. A rim tui leh pa hrak chu hip lut kawk in ka thaw chhuak leh tawh lo. A chhan pawh duh aiin min awm hnaih mah mah miau a. Kan bul lawk a mipa pakhat zawk chu a rawn nui chhuak hawk a, ka hmai bul chet a min entu chu rum nghut in a ding mar nghal vut a ka thaw chhuak nghal hak.








" Pate Christ! Nuih zat tur a awm a mi? " Ti sup in kan bul a mipa lo ding chu a melh nghal ngur a. Pate a tih pa lah chuan nuih in sum zet in lu a lo thin khum bawk. Chuan ka hre sual an hotu ber chu tun a ka hma a ding mipa hi a ni zawk tih!








" Simon! I nu in a rawn call ngun tawh viau che a nia! " Nuih la in sum reng chuan a rawn ti a, kei erawh in ka banrek a vawn chu phelh ka lo tum ve ngar ngar bawk.








" Ka la duh tawk lo. Saw pa saw motor pahnihnaah khan hruai ve ang cheu! " Ti sup in kan bul a pa chu a bia a. Hre thiam lo zet in ka melh haw ringawt. Ka pa lam a la melh ngur zui.









" Ka kawng a lo in rawlh a, ka hun tam zet min lak kian sak bawk a. Ka kalna tur min pawt tlai bawk a, ka kal tir ngawt thei lo che mahse tunah rih chuan hmeichhe naupang buai pui aia hna pawimawh ka nei tlat! " Ka beng zawn a rawn phun sup in ka kut a vawn chu a thlah a, then suk in a in her nghal vut chu mit khap lek lo in ka melh mawl tawp.








" Heiii..... Nangni kha khawnge ka pa kha hruai in tum? " Ka pa kal tha thei lo chu pa lian zet khan a pu lawp a an motor chhungah a a dah daih a nih chu. Um zui a dan ka tum chu ka ban bulah Pate Christ a tih pa khan min vuan bet tlat bawk nen ka tha zawng zawng seng in tal chhuah ka tum chu ka hlawh chham chiang a sin.








" Card hi la rawh naktukah he hotelah hian i rawn kal dawn nia! " Ka kut a card rawn hmeh bel chuan a ti sup a. He pa hi chu nichin a mipa ai thlawt chuan a ngainat awm deuh.







" Maw? Enge Hotel ah chuan ka rawn tih dawn? " Ka ti haw. Min la nuih sak leh nghal.







" I pa saw I rawn hruai ang! Ohhh..... Chuan I pa sawn a zu bur in kan motor hi a rawn vawm a, a khem mai bakah a rang ve nual ang khaw eng ah chuan! Chung te chu in chawi tur zat kan sawi fel ang! Nih phawt! " Ti leh sup in ka kut chu a thlah a motor ah chuan a thu lut ve nghal a. Nichin a pa kha chuan min ngaih ven leh tawh lo hrim hrim! Motor chhungah phone a be mawlh mawlh tih erawh ka hmuh hman hram.








" tu te nge? Chuan khaw nge I pa kha an hruai dawn! Misual rual an ang e? " Nancy Chuan ka bul a rawn ding in a ti vat a. Kei erawh motor tlan liam na lam chu ka thlir ngawih ngawih thung. Midangte pawh Chuan thil awm zia min zawt liam Liam a mahse kei pawh an mahni ang tho hian zawhna ka ngah in ka lu te thleng hian min tur ut ut ve tho!








" SIMON ZOMUANSANGA! " ka kut a lekha them chu ka melh vang vang a ka phun chhuak sap. Tu nge Simon Zomuansanga chu?





🍃🍃🍃 zai khawm banah ka rawn suan lut thawr e😁😁 in vaiin ka story chhiartu zawng zawng te tlai deuh twh mhse kum thar chibai vek u😘😘 tun tum story ah chuan ka story pahnih Demon's Desire leh Ka Chrismas Putar a an fa te kha ka rawn suan lut dawn a. Min lo chhiar sak leh theuh dawn nia chuan . Like, Cmt leh click kha aw in fel kha☺☺☺🍃🍃🍃

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 29th, 2020, 8:19 pm

CHAPTER - 3 🍃 by Amy Cck ( Dream Girl )








" Hetiang em em a ni thei lo ang! " A mah ka bia pawh a ni hran lo, keimah leh kei mah chu ka in hrilh a ni mah zawk. Ka bul a kut kuang kuah hlun a min lo melh runtu tan pawh hian ngaih dam mai mai rual a ni lo tih ka hma a motor ka en atang hian a chiang reng mai bawk nen.








" I hmuh ang chiah kha a ni! " A rawn ti hmuk chu tihngaihna hre lo zet in ka ding ta tawp. Nizan khan hetiang khawp hian a rapthlak tih ka hre miah si lo. ' Malsawmpui hre tur pawn i en lo hrim hrim! ' ka rilru in ka ti nghal vat.








" Chuan! " Rawn ti thum dut Tu chu ka melh nghal haw a, retheih zual lai a tiang din hmun ka thleng chu a ruk tak chuan tah a chhuak rum rum duh hial.








" Engtin nge kan tih dawn? " Ka ti sap chu a rawn then suk a, kei erawh ka thinphu chu rang tak a ni tawp. Ka tih ngaihna hre bik vak lo chu ka hmui hnuai lam pet fan fan a ding in ka hma zawn a motor rang nuai chu melh in thaw ip pik zet in ka thaw chhuak leh hak thin.








" Ih.. . Kan thian loh chu ni tho mahse nangni pawn ka pa kut in thlak a, in ti dik bik lo Chuvang chuan min puh vek thei bik lo ang! " Ka tawng tir lam chu pangai tak in sawi mah i la ka mit a min melh run a ka lam pan a a rawn hnai zel avang chuan ka thu sawi tawp lam chu kei mah pawn ka hre thei chang chang tawh.








" Kan ti dik lo a maw? " Ka bul chet a rawn ding chung chuan a rawn ti sup a, a hmel a min nuih zatna rawn lang chu en rei duh lo in ka hawi sawn nghal vat.








" Kei ni chuan pangai tak a motor khalh in kawngah kan tlan a mahse zu rui tawng zet pakhat vang in tiang buaina hi kan tawng a. Mi pangai tan chuan thinrim a kut thlak chu a awm min tih pui zawk viau lo maw? " A kut chuan a kekawr ip a zen hlun a, chu mi rual in ka hmai zawnah a rawn kun hniam nghal run bawk.








" Tawng maw? " Ka ti sap. Ka tawng zawi viau nan ka kut erawh chuan Mpa kawr lum ka ken chu ka hum ngawt ngawt a. Ka pa zu rui tawng a ti chu diklohna a awm miah lo tih hre tho mah i la ngaih thlak nuam zawk zawk a ni hauh lo.








" Sawi dik loh ka nei em? " Ti sup tu chu muang chang in ka melh let a, ka pa chung chang mawi lo tak a a sawi vang in ka thinrim nge thil nihna dik tak a sawi vang in ka zak zawk pawh ka hre lo ka taksa chu chhung lam a tang a rawn lum pup pup a, ka beng te chu a sa hat hat bawk. Hnial emaw eng emaw tak sawi tur ka nih laiin ka tawng chhuak thei meuh lo.








" Tu zawk mah in thil chan kan neih lo dan tur mahse i pa pawikhawih in tlak tho theih dan kawng khat chu a awm! " A rawn ti nawn leh sup chu ka bengah hian a khawk kual vel mai mai tawh.








Hmeichhe zak thei lo leh tawng zet zet chi ka ni lem lo a. Ni e, mihring ka nih ang in thinrim leh ang tan tan a ka duh lo thleng thleng ka pa ka hauh chang chu a awm ve mahse a hnuah kei mah bawk hi ka in thiam lo leh thin a. Tun din hmunah pawh hian engtin nge ka in sawi fel ang tih ka ngaihtuah ngial pawn ka ngaihtuahna hi a ruak vek. Ka ngaihtuah nasat pauh leh kan phur a rit tulh tulh zawk hial in ka hria.








" Eng thil nge i duh a? " Ka ti sap..







" Che suh! " A rawn ti thum dut rual in a kut pakhat a ka kawng rawn vuan in a taksa si chet a min hnuk hnai hrawk a, tawng tum a ka hmui ka chet rual deuh thaw in a kut phah leh lam hlai leh lum thur thur a ka biang rawn vuan in a hmui in ka hmui chu a rawn khar chilh nghal bawk!








A rawn chet thut dan avang chuan ka ham hai a chet mai ngaihna pawh ka hre lo. A hmui lum thur thur ka hmui in a feel rual in ka harh chhuak zawk a. Ka kut chet ve vat in a taksa nem sawn ka tum chu a kut ka kawng a mi chu rawn ti nghet zual sauh in min pawm bet lawp ka ti mai. Din pangai pawn ka ding tawh lo min kuah beh tlat avang chuan ka ding dihlip tawk tawk zawk.








A kut ka biang a khuap na lian zet chu ka tukhum lamah sawn hrut in ka sam karah chuan a zen lut a, ka phalna la hauh lo chuan uar zet in min fawp a, chet sawn duh eng ang mah i la ka thei lo. Ka kut a awm zawn a nem sawn ka tumna chuan a coat hma lam chu nghet lutuk in ka tham a. Ka chhang let lo a, thawk pawh ka thaw chhuak lo hrim hrim.








" Simon! " Ka hnung lamah hmeichhe aw in a rawn tih rual in min fawhna chu a thlah ve hram. Min fawhna thlah mahse kan in awm hnaih dan chu a la ngai reng tho.








" Ka zawng chhang khawp ang! " Ti sup in a nui tel suk a. Min pawh behna thlah thawlin a kut zungpui chuan ka hmui hnuai lam chu a rawn tuai nghal hauh hauh a. Thinrim tur ka nih lai in he mipa hian min ai kaih tlat in engmah ka sawi thei lo.








" Irene enge hetah i tih? " Muang chang a ding ngil ruai ruaiin ka hnung lam chu a melh nghal run a. Tlem a min awm hlat tak ah chuan nasa lutuk a thawk la vak in min kuah behna atang a tal sawn ka tum chu a la theih thak lo. Hepa hi tu teh zek nge? Hriat pawh ka hriat ngai loh mihring in tunah khan min fawp a nia. Chuan ka first kiss ka mipa hriat ngai lo lakah ka hlauh zo chiah bawk!








" Class kan bang a ka rawn kawi mai mai! " Kan bulah hmeichhe pakhat rawn ding chuan a rawn ti vat a. Tu nge pawh ka hriat loh pa lah hian min la kuah bet tlat leh nghal. Sir lam deuh hawi chuan ngawi reng in ka ding a, ka sam ka thlah hlauh avang in ka hmel a hmuh ka ring hran lo.








" Tunah maw? " Min kuah be tu pa chuan ka kawng a vawn lohna lam chu lek chho in a ti sup a, a banrek a sana lawk zet a en a nih hmel.








" Imm.. . Class kan la tha tawh lo a assembly chiah a lawm! Chuan hei tu nge? " A tih chhun zawm zat a. Nasa lutuk in ka hmel ka thukru zui nghal. Hmeichhe zak thei lo zet hmuh in min hmu dawn tih lah chiang reng. Parking area ah lo in fawp ngawng ngawng te chu min rin dan a fuh dawn lo chiang sa. In ngaizawng emaw lo in hre sa kan ni lo tih a hriat phei chuan min ngaih dan tur chu sawi pawh ka sawi peih lo.








" Ka bialnu! "







" Maww!" Kan bul a hmeichhe ding nen chuan kan ti rual that. Tunah tak chuan mak kan tih dan a in chen reng dawn miau a.








" Ih.. ! " Ka ti hman tawk a mahse rum nghut a mit meng dur khup a min melh chhuk run tu avang chuan thil ti sual ang hrim in chil lem dak in ka ngawi hmak a nih chu ! Ka awm dan chu hmu a min nuih suk in a taksa atang chuan a rawn thaw chhuak suai suai a, huhh.. . . A dawt sawi ka puan loh vang a hahdam huai a nih ka ring mah zawk.








" Aa ni maw! Irene-i ka nia Simon-a nau! " Rawn ti tu avang chuan loh theih loh in ka biak ve a ngai ta miau sia. A bialnu ka nih loh thu ka sawi khum chiam dawn nge pangai tak in ka in hmel hriat tir dawn tih ka ngaihtuah nghal char char.








" Babe! " Ka kawng a rawn hmer salh a rawn ti thum dut tu vang chuan ka phu dawr leh nghal. A mit meng thim dur khupah chuan a ngaihtuahna awm tur reng ka hmu thiam lo. Thu dik ka sawi chhuah a hlauh thawn ve na mit meng hmuh ka beisei deuh a nia mahse chutiang engmah ka hmu lo.








" Malsawmpuii! " Harh chhuak thut in ka ti ta sap. Ka sik mek taksa lian zet chuan a aw thawp sup in ka hming a rawn lam nawn ve sup a. Ohhh... A bialnu ka nih thu a sawi a ka hming pawh a hre tawp nang.








" Ohh! Chho i la ka nu a awm em , hmuh ka duh pah deuh bawk a! " Irene-i chuan a ti leh vat a. Kan in zui chho a, lift a kan awm lai zawng chuan khawi lam a in ngaizawng ber ang zia zang in a taksa si chet in ka awm reng a nih chu!





*





" Eng thil nge i sawi kha? " Ka pa awmna lam room kan luh rual in min hnung chhawn a taksa lian zet ding khawng luah hmaah chuan ka ti nghal vak. Sofa a ka pa leh mipa pahnih awm ve chu an lo hawi rual nghal thawt bawk.








" Enge a an? " Ka thu sawi hre lo ang chiah in ka pa lam melh run in a ti sup a. Min ngai pawimawh lo leh a mize chal tlai zet avang chuan za lo fa hran in ka nui hak ringawt. Ka pa bul a mi chuan nachhawkna an pek thu vel a lo sawi vat a. Ka pa hmel pawh a hma ngawt ai chuan hmuh a nuam tawh.








" Hei.... Ka biak che chu aw! " Awm ve lo ang mai a min ngai chuan hmel hriat loh mah ni se ka ngai thei bau lo. A ni pawh enge a nih bik, ka phalna la lo in min fawp a, chu tah a bialnu ka nih thu a la sawi zui a. A lakah thil kan ti sual chu thu hran kha tiang a chet theihna dan a nei lo hul hual ve tho a. Ka zah a ka kim kit bik na tur ka hre nek lo.








" I tet tet nen i va bengchheng reuh e! " Ti hluk in ka banah min rawn vuan a, room lam pan in min pawt kal nghal dawr dawr a. Room a awm ve mipa hnih chuan min lo thlir liam vel mai mai a nih chu. Ka pa lah vuak hlum ang hlauh in khem nuai in nikhaw hre lo ang maiin a awm bawk. Ka theih tawp chhuah in tal chhuah ka tum a mahse min pawh kal dan a ngai reng a, pen khat lek pawn a ke pen a buai map lo.








" Hrep chuan! " Ti hrawk a min thlah in min nam kat nghal dawr chu chhuatah ka thal tawp ka ring tawh a nia vanneih thlak tak in khum dup nuam lutuk a ni zawk hlauh. Rang zet a ka kiu a in beng kang in khum bul a mipa ding khawng luah chu ka melh nghal rawm a. Rum zet a min rawn melh in a kut a thing nghal nawk chu ka then khum sak.








" Kawlh hlik hlek lutuk! " Ti hmuk in a kut ka seh sakna chu a melh vung vung a. ' enge kha ti vak a min ti! ' ka rilru chuan ka ti hram. Thawh chhuah tum a ka chet rual in khumah ka thal leh nghal thlawp chu ka au nghal that.








" Hmela eng thil nge i tih! " Au chul in min rawn bawh bet chu nam sawn tum in tan ka khawh a ka hlawh chham thak. Nam sawn chu sawi loh hneh zet in ka kut pahnih chu a man bet lawk a ka lu zawn khumah a nem bet nghal rawk chu ka chhe thei lo der. Ka ke lam leng vak tum in chet ka la a chu pawh a taksa lian lutuk in min delh beh vek a vang in ka thei chuang lo. Ka beidawng lutuk leh tal chau tawh chu thaw hak in ka che ka tawp a, rum zet in min bawh bettu chu melh ta ngawt.








" I duh tawk tawh em? I duh chuan kha aia nasa khan i la che thei ang! " Nuih in sum zet a rawn tiin min chhuk melh run a. Kan tha a in chak hleih in min tham lo bik lutuk chu ka thinrim hliah hliah thung.







" Hei.... Tho teh! " Ti hlar in ka tal kual velna a ka sam ka hmai min zartu ho chu ka kut ka chet theih miau loh avang in ka chhem chho a. Chet sawn emaw thawh chu sawi loh min bawh beh dan a ngai reng a, chik em em a min en ngur avang chuan ka lai zawk lek lek hial.








" Bialnu kawlh zet ka nei dawn a nih hmel! " Nuih za aw zet a a rawn tih thawp leh sup tak ah chuan ka tal leh vak a awm zia a awm chuang lo!








" Hmela! I bialnu ka ni aw kawngka lo aw! " Melh rawm in ka tih khum leh tan tan . Engvang a a hmel a nuih za in sum hmel la pu reng nge a nih pawh la hre thiam tawh nek lo.








" Ka bialnu i nih si loh chuan engvang in nge Irene-i bul khan engmah i sawi loh? " Ti sup in ka kut ka lu chung a mi chu a hmer salh a. Min awm hnaih lutuk chu a rimtui hman rim pawh ka hre chiang viau. Chhan mai dan ka hriat loh avang chuan ka lu chu thle sawn in khum sir lam chu ka melh daih a mahse a rei lo ngei mai! Ka kut a nem behna pakhat zawk chu la thla in la khabe ah a rawn vuan a, a mah en tur chuan min kuai her leh nghal.








" Sawi tur i hre leh na nge? " Ti sup in kan in awm hnaih teh lul nen a aia hnai in min awm hnaih leh zual a, a hnar chuan ka nar a rawn si pha hial! Ni e.. . A sawi dik engvang a garage ah khan lo pha lo nge ka nih!








" Ka.. . . Ih.. . Min thawn lutuk vang a nih kha! I duh chuan kha nu bulah khan kal in kan sawi fiah leh thei ang! " Ring tak a sawi tum mah i la ka aw a chhuak tawk tawk si chu ka in haw tak zet.








" Sawi that chu ka duh lo ni mai rawh se! " A ti hmuk chu ka ham hai leh zual.








" Mahse kei man ka duh a lawm! Kan. . .. Kan vawi khat in hmuh na a nih thu leh kan in ngaihzawn loh thu te...!" A mit meng ka en chu ka tawng tawp chawt. Thuk ruih in min melh a, mahse ka mitah ni lo in ka hmui daih a melh run , chuan nichin a min fawhna kha ka hre chhuak zawk.








" Engtin nge kan hming tak ngial pawh kan in hre lo a.. . ! " Min melh run avang chuan ka tawng nawi nak tawh.








" Simon! " Zawi sup a rawn tiin ka khabe a vawnna kut lian zet chuan ka hmai a ka sam xartu chu a hui kiang a, chil ka lem kalh ringawt chu min nuih suk in a hming a rawn sawi nawn leh sup bawk.








" Simon Zomuansanga! Chuan ka hming i hre tawh a! " A rawn ti leh sup a, hepa hian enge a duh chiah ka hre lo mahse a mit meng hian min control in thuneihna leh inrin tawkna nasa tak ka hmuh sak thung.








Khawi teh ka tho tawh dawn! " Ka ti ta ngawt. Min dang ta bik lo chuan a tho ve ta vut a, lung lian tak in min del a thawk leh khat a bo ta hlawk ang maiin ka thaw huai thei hial.








" Kha tiang khan awm leh la chuan i pa motor tih khem leh rang te! Engmah in chawi a ngai lo ang!" Khum bul a ding khawng luah chung chuan min melh chhuk run a. Muangchang in ka thu chhuak a engvang a min hre ngai pawh ni tawp si lo a duh duh min sawi khum nge a nih pawh la hre lo.







" Ka sawi chu! " A bul a ka ding chiah tihah ka banah rawn vuan chawtin a ti leh sup.








" Ka duh lo! " Ka ti chang fak.








" Kei in ka duh thung! Kar khat... Kar khat hun ka pe ang che! Thlan tur pathum i nei! 1 na a sum faiin emaw workshop a nang mah ngeiin i dah thei! 2 na kan phut ang zat min pek theih loh avang in FIR theh lut in jail in tang thei bawk! " Ngeiawm zet a then suk a rawn tiin ka kiu a vawnna chu a thlah thut a, a khabe a tuai nghal hauh hauh chu tang tung in ka melh ngar thung.








" Kei chu ni i la a 3 na hi ka thlang ngei ang! Ka bialnu ang a vawi khat lem chan leh kha a ni mai a! Tun lawk pawn I tih zawh chiah kha! " Nui suk in a ti nawn leh sup.








Motor seat hnungah ka pa nen kan thu a, duh lo eng ang mah i la kei mah in ka pa ka kal pui thei miau lo a, kan in thleng min thlah tir pawh chu ka hnial ta lo. Rilru buai zet chuan ka thaw leh hak thin. Tunah tak chuan film chang kan ang ta ber in ka hre hial. Heng in ngaihzawn na lem te chu a tak ah thleng tur in ka ngaihtuah ngai lo. Kha pa khan flim a en nasa mah mah zawk a nih ka ring.








" Awww.... Chu ngei chu a Niang! " Ka ti chhuak pawng chu driver phawk lutuk in a rawn hawi a. Ka in thiam lo leh hnu hnawh chu motor glass ka down ringawt. Mawl chu min ti ve ngawt ang!




*



" A hausa sa hi an duh am in khawngaihna an lo nei lo a nih hi! " Kan chhuat zim ve te ah chuan ka kal kual ka kal kual a. Thu thleng a thu chung in Nancy in min melh reng bawk. Dawr an bang in la thleng lo in min ngaihtuah vang in a rawn kal kawi hmasa a. Kei in in hrik thlak nan a ang pah deuh in ka lo phun khum char char thung.








" A chhe nasa viau a mi? " Nancy in a tih chuan thaw hak in lu ka bu nghat. Ka pa rawn rum tuah tuah chu parda tlem keu kau in ka bih zawk a, kum a a mu a in let tur taksa na bawk si in let tha ngam lo chu a then sawk sawk tih pawh ka hmuh hmaih lo.








Kha ti teh tawp a ka pa an lo dah danah te khan mi fel leh khawngaihna ngah zawk zawk an ni lo tih chu a chiang reng.








" Awww! Ka hre ta a bialnu ang chuan lem chang leh mai la, vawi khat chiah a ti i ti a ni lawm ni! A chhiat loh em kha, a hmel chhe viau chu ni se thu hran! Chuan pawisa i chawi a ngai dawn lo a, i pa jail a tan a ngai dawn lo bawk a! " Rum lutuk in Nancy ka melh nghal vak. A mit in a hmu ve lo a engmah a hre thiam lo mai mai tih hi, khang a mit meng thim dur khup leh vawt ruih te, min ei zawh vek duhna mit meng te kha min hmuh pui ve lo a, ngam pa lutuk a min khawih kual vel dan te kha ka duh lo. Ka hlau a ni tawp mai.








" Ka hre lo! Thih hreh in ka hreh a ni ber! Ihh.... Chu ai chuan pawisa puk lawk tur i nei em? Ni 10 hma a in luah man ka pek a ngai a, ka pe lo a nih chuan i thiannu hi thlasik khawvawtah hian pawnah ka riak lo ang tih a sawi theih lo! " Ka ti niah niah.








Nancy chuan puk tur a lo nei hram. A haw dawn chuan Mpa kawr lum kha lo pe mai la ka ti a, a duh thak lo. Nang mah a hak tir che a in in hmuh hunah pe ve mai rawh tiin min haw san daih a nih chu.








Khumah chuan ka mu meng kar a, mutthilh ka tum pauh leh ka harh tulh tulh bawk si, rilru fim kur in thil ka ngaihtuah a mahse engmah sawtna a awm chuang lo.








" Kar khat! " Ka phun chhuak sap a. Ka puan sin a in lu khuh in mit ka chhing ta ngawt!








___________________________________________________








* SIMON ZOMUANSANGA POV *








" Heii.... Naua zingah in i chhuah san lai kha chuan i mi hmuh hmasak ber that mai duh hmel i pu kha a nia. Tunah mah niin i lo nui leh vur vur a! " Pate Christan rawn ti sup in ka hma chair ah chuan a rawn thu thla ve nghal a. Chhang lem lo chuan ka nuih suk ringawt.








" Tunah tak chuan rilru hah a in dawm kun in Jerome-a hnenah tu I hmeichhe khawp nge i hmel hriat tir ang tih i ngaihtuah a I thut tum bur ka ring a nia! Nimin ah i rawn let chauh a tu hmeichhia nge hmel hriat tir I tum? I duh chuan ka lo zawn sak dawn che a mi! Chhelo hmel tha leh hausa bawk si.... "








" Pate hmeichhia chu ka hmu tawh chuan Irene-i pawh in! " A tawng lai pawt chat in ka ti sup. Ka then suk chu hriat thiam loh hmel zet in min melh a. Kei erawh hahdam zet in sofaah ka thu awn duai a, ka bawp sei thlurh chu ka hma glass dawhkanah ka thluang zuar bawk.








" I hmu tawh maw! Eng ang mi nge ,tunge a hming. Jerome-a i hmuh tir hma in ka hmuh hmasak a ngai ang! " A rawn tih chuan mit hmul ka san uk duh chauh.








" I hmu tawh chiang a ni! Malsawmpuii, hming mawi tak a ni i ti ve em? " Then suk a tiin ka kut a glass no chu ka tlak nghal pap.








" Ka hre ve lo a nih hmel! Mahse i ti sual ang tih chu ka hlauh pui che i pa hi dawt hmang a bum kual chi a ni lo tih i hriat kha! " A rawn ti ve sup a. Chu thil chu naupang ka nih lai atang ka hre daih tawh bawk. Ka pa hian dawt a ngai thei lo tih chu. Eng ang a a mirin leh hnaih pawh ni se hrem lo in a chhuah ngai lo.








" Lung ngai suh Pate , bum emaw dawt sawi ka tum hauh lo! " Ti sup in ka ding a.








" A tha e! Good luck.. Chuan motor khu ngati em em nge? I thinrim hrik thlak nan i hmang chu A ni em lo maw?".hrilh hai zet a rawn tiin a rawn ding chhuak ve a chung lam hawi meuh in ka nui chhuak hawk. Malsawmpuiin mak ti zet a a mit meng bial kiau a a melh lai ka mitthla tel tlat a. Patea pawh Nu Sarahi tlawh lawk a duh thu sawiin min chhuah san nghal zat.








" Ka duh tawh chu engtiang a harsa pawn beih ngai se ka nei ngei thin! " Ka tie pawt phelh in khumah ka theh thla nghal zat a. Khum chung a che thei lo a rum zet a min melh lai kha ka mitthla nghal zat bawk. A hmui phir chhah tep leh tih sen chawp ni hauh lo a sen no chek a fawh nawm zia ka hre tawh a. Hmeichhe dang ang in ka mit hmuh ah lan mawi tum ve hauh lo mahse a awm dan engkim! Ka hmuh hmasak ber atang khan a thawmhnaw hak, a che zia leh tawng rik dan thleng khan ka vei xui tih phat pawh ka tum buai hek lo.








Tawngkam nem leh min ngaihsakna aw ka hre miah lo chung pawh a ka mood chhia zawng zawng hun tam ngai lo a thlak thei tu awm chhun a ni bawk a. Ka hmuh hmasak ber atang khan ka tan a special zia ka hre daih tawh. Ngaihzawng ka nei a nih chuan ka duh thlanna ngei tur a ni. Chuan Malsawmpuii hi ka hmeichhe thlan chu a ni bawk!



*



*



" Heii... Simon, ka fapa i tha em? " Mit ka men chhuah rual in ka nu hlau thawng lutuk in min lo en a. Khum atang a thu chhuak in khum bul dawhkan a tui chu ban in ka in nghal kawlh kawlh bawk. He mang chhia hian eng tik nge min kal san dawn ka hre lo. Ka dam chhung in ka lu burah hian a awm reng zawk dawn nge. Faith-i na tuar hmel leh hnuk chat tur ka kut ngei a ka dawm lai leh thisen in a bual huh nuai a, thawk harsa ti zet a thawk a la hrak hrak lai kha zantin ka mang lamah ka la mang phan a, he thil hian hma lam min pan pui thei hek lo.








" Nu enge zingkarah i rawn tih? " Ka tih sup chu ka nu a ner nasa mai.







" In lamah rawn haw chu i tum lo a mi! Ni thum chhung in vawi khat mah i rawn lang lo a. " Ka nu lawm lo tum bar chu ka nuih suk. Ka pa aiin kum 10 zet a a naupan a vang nge, ka pa, pate a te ho pawh hian an duat thiam bawk nen a pangchang ve thin.








" He lamah hna ka tan dawn a nih chuan in zir fe ka duh a. Engkim hotel lam hna pawimawh zawng zawng. Heta tang hian ka tan a awlsam mai a lawm! " Ka nu en chuan ka ti sup.








"Hmanni vang khan i thin a rim a ni ti raw? Enteh, hriat chian loh nula neih ai chuan tha kan tih vang zawk a nia! I hriat kha I nu Zualtei leh I pa Rintluanga pawh chhungte sawi rem vang a in nei an nia mahse chhungkaw hlim tak an din tih i hriat kha. " A kut te tak te a ka kut rawn vuan in a ti leh sap.








" Mahse ka pawm zawng a ni ve lo thung Nu! Tun karah kei mah ngeiin ka thlan hmeichhia chu ka hmuh tir ang cheu! Ka pa kha i lo hrilh dawn a nia. " Ti hmuk in khum atang chuan ka tho chhuak a. Zan lam a mang chhia ka mang thin vang nge ka zingkar mood hi a fuh ngai hauh lo.








" A tha lawm! Irene-i nen school chawlh fel tak tak hma school lamah kal kan tum a , a rem em a ka rawn hmu lawk che a nia. In a I rawn haw duh rih lo a nih pawn a pawi lo. Mahse Hotel aia hlaah chuan min kal san tawh suh i hria em? A nih loh chuan tlangval pui tawh hian nu te thu awi loh vang in ka vaw mai ang che! " Fiamthu in ti mahse a mit mengah ka kal bo leh a hlau tih ka hmu thung.








Nui suk in ka kuah vang vang a. Tumah hian thiam lohna an nei lo mahse kei mah a hreawm tihna hian min la hneh rih em a ka la in la hrang mai a ni zawk.








" Jeff! En zui tur a ka tih che chu enge chan chin? " Office ah ka thu a. Ka nu bulah ka sawi tawh ang in tunkar ngei hian ka tih fel a ngai tih ka hre run a. Ka mi nghah lah chuan min rawn biak chu sawi loh theh hmeh ang hmak in a reh thung.








" Dawr ah a thawk a, zingah a chhuak a zan a haw a. Nitin a ngai put a ni mai! Chuan mi thenkhat thu sawi dan atang chuan a pa kha Doctor niin mahse eng eng emaw buaina vang in a hna atang chawlh tir a ni mai bakah a damlo enkawl te a tang in thubuai a nei a. An chhungkua in an tuar viau a nih hmel. A nu erawh kum 19 a nih kum khan a boral san tawh bawk! " Jeff-a tawng lai chu ka melh run.








" Kum 19 a nih in maw? " Ka ti sup. Engvang a he hmeichhia ah hian ka nun hlui hi hmu ang tlat a in hre thin nge tih ka hre hrep lo.








" Vawi khat hmuhnaah hmangaihna hi a awm theih i ring em? " Ti sup in tukverh bulah chuan ka ding run a.







" Maw? " Jeff-a chuan a rawn ti haw chu lu ka thin khum nghut nghut. Kei ngei pawn kha zawhna kha chhanna ka nei lo.








" Meeting kha dar engzat nge? " Ti sup in ka melh a. Dar 2 a nih thu leh nupuii leh pate a pawn min nghah tawh thu a sawi ve vat. Tun hi he lam meeting na a ka tel vawi khatna tur a ni bawk a. Chuan tu emaw vang in he hmun a awm chakna rilru ka nei ta bawk.








" Simon kan rual in i rawn let dawn na nge? " Kan meeting zo chu Pate an a rawn ti a. Tih tur leh kal na tur dang ka neih thu sawiin motor pakhat zawkah chuan ka lut a. Dik tak chuan tih tur ka nei hran lo. Vawin kan meeting chung chang sawi pah leh chhungkaw in hmuh khawm kan inah neih an tum tih ka hriat vang a chhuan lam siam ka ni mah zawk.








" A nih chuan i rawn let har a ngem? " Motor darthlalang rawn kik kauh kauh in pate an a rawn ti a.








" Ka rawn let ve hmel loh! " Ti sup in ka tlan chhuak nghal a. Khawiah mah kal na ka neih hran loh avang chuan thlanmual lamah chuan ka in turn pawp a. Faith-i thlan bulah chuan ka ding run a. Chrismas a hnai tawh bawk a thlan dang pawh an chei nalh hlawm viau. Chu tiang bawk in Faith-i thlan pawh, tlawh ngun tih a hriat a, pangpar thenkhat chu ka nu dah leh chei mawi a ni tih ka hre bawk.








Rei ngial Faith-i thlan lung ngheng chuan ka thu deuh ngur a. Kei aiin kum thum in a upa zawk a. Hmeichhe fing leh ngainat awm tak a ni bawk. A tho thang a tha in kei mah aiin ngainat a hlawh vek a. A bik in ka nu leh pa tan phei chuan a duat thiam a an lawm zawng a awm a thiam em avang in an duat tak zet bawk.








" Ka lo tlawh leh vat ang che! " Ti sup in ka tho chhuak a. Ka thu rei viau a nih hmel ka tlan chhuah leh meuh chuan khua a thim der tawh. Khawpui chhung ah chuan ka round kual a. Mahse a sawt lo lutuk chu ka in chhir rum rum. Kawng pui chep zet ah chuan kan tawlh det det ni maiin ka hria.








" Zomuansang eng thil nge i tih hi! " Kei mah chuan ka phun chhuak sup a. Ka veng tlan luhna hre reng chung chuan motor erawh tih din ka tum lo. Jeff-an an in awmna a sawina lai bawr velah chuan motor ka hung ta ngawt a. Sana ka en chu dar 7 a lo pel tawh. Enge ka nghah a ka nghak chhuak dawn em pawh hre lem lo chuan motor nghen chhan chu ngheng ur ur in ka thu run a. Hma lam chu ka melh ngur bawk.








" Tun ang hun thleng hna an thawk a maw? " Ti sup in ka ban ka lek chhuak vut a. Dar 9 a lo ri tawh! A awm zia chu he hmunah hian darkar 2 chung ka awm tihna! Ka hma zawn a hmeichhe pahnih tawng barh barh a kal te chu ka melh leh vut a. An ni erawh an thu sawi an tui viau a nih hmel an tawng malh malh thung. Ka en reng lai chuan Malsawmpuii zawk chuan a phone a hmet mial mial a. A thiannu pawh chuan a bul a ding in a lo en ve ran bawk.








Ka phone rawn ri ral ral chu en in ka then nghal suk. Thaw chhuak ham ham in phone call chu ka la a, hmeichhe rawn tawng ri chu ngaithla run in ka hma lam chu ka melh tel ngur bawk.








" Game chu a in tan chiah e! " Phone ka dah rual chuan nui suk in ka ti nghal sup. Motor engine ti nung in ka tlan chhuak ve nghal a. Tunah chuan sunday lo thlen hun chiah ka nghak ta!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 29th, 2020, 8:19 pm

CHAPTER - 4 🍃 by Amy Cck ( Dream Girl)








" Pa, ka kal dawn a nia! Lo leng chhuak lo la, rawng ka bawl vek tawh a , I duh hun hunah ti lum la i lo ei mai dawn a nia! " Ka pa khum bul a ding chuan ka ti sap a. Ni thum chhung chu a leng chhuak lo a tih theih ang. A taksa sil nasat avang in inah a awm deuh chawt a. Leh lam takah chuan na chu tuar tho mahse a ruk tak chuan nuam ka ti!








Ni thum lek pawh la ni mahse zu a in lo a. Zingah dar 7 ah dawr ka thlen a ngaih avang in ka tho hma a. Ka pa aw dam dup in fim khur tur a min chah chung in min thlah liam a. Zanah dawr in duh thaw lai a lo ni bawk nen ka haw tlaiin a hma ang khan zu rui buai leh chat thla, hmuh hreawm in a awm ngai lo bawk. Reithei in rilru hah viau mah i la inchhung khur a nawm chuan a hahdam thlak bik ngawih ngawih a. Tun a ka hlauh ber chu a dam that hun ah a hma ang a zu bawi a a luh leh a ni!








" I pa a ka lo tan avang hian i in chhir a ni ti raw? " Ka kal tur chu ka pa thu sawi avang in ka ding dat.








" Hetiang din hmunah ka dah dawn che tih hre ngat i la chuan i kut te tak te kha vuan in ka inah khan ka hruai lut lo tur che a nia! " A rawn ti leh sup a. Nghet lutuk in ka bag hrui chu ka vuan a. Engmah sawi lo chuan room kan dai danna parda bulah chuan ka ding ran ringawt.








" A hreawm ka ti! Puite, i pa hi ka tling lo em a ni. Hreawm i ti tih hre reng chung in xu ka in a. Engmah hre lo leh rilru buai khawp hial a in chang ka ngah tih pawh ka hria! Mahse ka harhfim chuan hun liam tawh khan min rawn luh chilh nghal a. Mualpho tak a ka hna ka chawl san mai piah lamah ka nupui! I nu ngei pawh ka chhan him thei lo a.








Pawn I chhuah leh thian i kawm a midang in kei mah vang a an hmuhsit chang che te hian hreawm ka ti ngawih ngawih a. Thih daih ka duh hial thin a mahse i nu bul ah enge ka sawi ang tih ka ngaihtuah in ka ngam leh ngang lo thin! Chuvang chuan harfim lo a awm reng a, ka rilru tih chawmawlh vek hi ka thlang a. Mahse eng buaina nge ka thleng leh tak che hi! " Ka pa aw a natna ri chhuak tel chuan ka thinlung chhungril, a thuk lai ber a chhun pha hial in ka hria.








" Chhungkaw tha tak pek che ka duh a mahse i nu tel lo chuan engmah ka ni lo i pa hi. Puite... ! " A tap tih ka hria. Chuan tunah hian zu a ruih buai vang ni lo in ka tan, ka tan liau liau a tap bawk. Muang chang in ka pa lam ka hawi a. Khum a a thu kun tlawk tlawk chu mittui tling pam in ka melh bawk.








" Pa! I kut ka vawn khan nuamsa tak a ka awm theih nan ka vuan hlei nen. I hausak na leh i hming thanna pawh kha ka zui chhan che a ni chuang lo! Ka mamawh ber chu chhungkua kha a ni a. Ka nu nen khan in hmangaihna zawng zawng min hlan a. Tunah pawh engmah i lakah phut ka nei lo ka pa min hmangaih em em tu tih loh chu! " Nui lui sak in ka biang a mittui rawn luang mgiai mgiai chu ka kut hnung lam chuan ka hru thak a. Ka pa awmna lam chu ka pan ta nghal vat bawk.








" I kut min vawn tir a, i in chhung a min hruai luh a, i hming min tawm tir a I fanu a min pawm khan midang ngaihdan leh thu sawi kha i ngai pawi mawh ngai lo a. Nausen ni lo a hmeichhe naupang kum 6 mi i faah min lak lai khan midang thu sawi i ngai pawi mawh ngai lo a nih kha! Kha tiang chiah kha i fanu pawh hi ka ni.








Miin i chan chin mawi lo tak in an sawi emaw! Eng thu thang leng vak vel pawh awm mahse engmah a danglam lo. Mite chuan lo sawi mai mai rawh se, ka an nei a an thu a lawm mahse ka mitah chuan ka pa! Khawvela pa tha ber leh hmangaihna ngah ber i ni reng dawn!








A chhan chu ka tan chuan he khawvel a ke ka penna tur a rah min chhuah sak tu kha i ni miau a! Midang zawng zawng chu dah tha la, i fanu mit meng a hmangaihna chiah hi en rawh. Thu dik chu engtia rei pawh nghah ngai se a rawn lang chhuak leh thin an tih kha! A rawn lang chhuak lo a nih pawh in a pawimawh ber i fanu hian tih sual i nei lo tih ka chiang a. A ni lawm ni? " Zang khai vah a tiin ka pa chu ka nuih sen sen a. A rawn thaw ve huai huai bawk.








" Ka pa hi ka pa a nih tirh atang a tun thleng hian ka pa i nih vang in ka la in chhir ngai lo! " Ti leh sap in ka pa chu ka kuah a. Min kuah let ve hlu hlu chu ka tan a thlamuan thlak tak zet.








In ka chhuah san meuh chuan a tlai kuar tawh. Mahse rilru thlamuang leh hlim tak in ka chhuak a nuam ka ti. 'Puite' tih hming hi ka hming a ni thin. Mi ka in hmel hriat tor pawn a hma chuan ka nu leh pa te min kohna a ni bawk. Mahse tunah chuan Sawmtei tih hlir in ka in sawi thin. A chhan pawh kha hming kha chuan sulhnu a ngah bik em a. Ka naupan lai nun, hmeichhe naupang vannei leh chhungkaw khawsa thei tak atang a sei lian hming kha a ni a. Mahse ka nun a in thlak a tunah chuan nun hlui in tih buai tir ka duh lo. Ho ang tak chuan lang mahse ka tan chuan kha hming a min koh a piang khan nun hlui ka hre chhuak thin a chu chu ka duh loh ber a ni.








" Hetttt.... I van mawl tak! " Ti that in kawng a in ngaihtuah muk tak a ka kal lai chu ka pet dawr. Ka bul lawkah Mpa a bike nen chal mang tara in a lo tlan a, a rawn ding chawt a nih chu. Ka phu nasa lutuk chu ka awm ka dawm vang vang a, a helmet la thla in min la nuih ang vur vur leh nghal!








" Hna i kal dawn a mi? Khae nge i thiannu! " Zang khai tak chuan a rawn ti a. Tun hi kan vawi hnih in hmuhna chauh a nia mahse ka chungah a fel a min nel thiam em avang hian kei pawn ka ngaina nghal der in ka hria.








" Ummm... Nancy maw? Vawin chu kan kal rual lo a! " Nuih let in ka ti ve ta sap. Nizanah min rawn tex a , a bialpa thlah a tum avang in kei mah a lo va kal tur in min rawn hrilh sa diam kha a nia.








" A ni maw? A nih chuan ka lo thlah leh mai dawn che a mi? " A rawn tih chuan ka hnial duh lem lo. Ka tlai loh phah dawn tlat a. Ke a kal chu a ngaihna a awm lo a, taxi a kal dawn pawn taxi chan chhung nen ka tlai tho tho dawn tih lah chiang reng. Nui var var in ka bu nghat a. Bike ah chuan lawn tur in min ti sup a. Ka lawn ve mai bawk.








" Eee..... I kawr kha ka la kawl reng a! Pek hun tur che a vang lutuk a. " Kan dawr kawt a kan din hnu chuan ka ti vat.








" A pawi lo, rem chang a awm mai ang, in in a ka lo leng i phal chuan! " Nui chung in a rawn ti a. Mit khap fak fak in ka en haw. Thian han sawi tur em em ka nei lo a. Ka naupan lai atang in mahni a awm nuam ka ti thin , ka chhungte bul a ka awm a ni ngawt loh chuan.








Tunah pawh chutiang reng chu ka la ni a. Ka leng ngai lo a. Thian han tih tur em em pawn tun hnaite atang khan Nancy nen kan in hre chho a. Kan dawr thawhna lo in ang nen kan veng a lo la in ang leh zel bawk avang in ka nel ve ta fu a. Chubakah hmeichhe harhvang tak a ni bawk nen kan inah pawh a mah tih loh hi chu in leng pawh ka nei ngai lo!








" I phal loh pawn a pawi lo a nia! " Ka hmai zawn a a kut rawn hmet ri khap in a rawn tih chuan ka ngaihtuahna atang ka harh chhuak zawk.








" Ka phal a lawm! Aa... Ka sawi awm zia chu i lo len duh te chuan phal lutuk e mahse i hmuh ang in inah ka awm khat lutuk a! " Ka ti nawi nak chu a rawn nui huk leh nghal. Mawl hi chu min ti thei ngawt ang ka ring, a bulah hian ka che nawi thei bawk em a.








" Kha tia sawi kual duah lo khan ' ka phal ' ti ve mai la! Rem chang hmasa berah aw! " Tawng pah chuan a helmet a khum mawlh mawlh a. Za lo fa hran in a bulah ka nui tawi tak. Kut min vai zauh in a tlan chhuak chu ka thlir liam a. Mah ni in hau mawlh mawlh in kei pawh dawr lam ka pan a. Dawr chhungah Nancy chuan min rawn hmu in min la nuih vur vur leh nghal.








" Hei! Enge Mpa nen khan in in karah awm? " Break lai chuan ka rin ang chiah in Nancy chuan a rawn ti ta chiah. A bialpa thianpa a nih vang in kan in ngaizawng ve tur ah a ngai ringawt a ni leh pek ang.








" I ninawm rilru tawt nak a laiin khatiang lam ka ngaihtuah hman lo. Nang pawn ngaihtuah buai vak duh suh! " Ti hlar in ka melh nghal ram ram a, ner nang in hma lam a hawi hmak chu ka nuih ru tet tet thung.








" A nih engtin nge tih i tum tak? " A rawn ti leh hlawl a. Ka rilruah tukin zing a ka pa thu sawi leh hreawm ti hmel ka mitthla nghal zat chu ka thaw chhuak hak.








" Ka hre lo! I ngaihdan kha chu a tha tho a mahse thil thui zawk ka ngaihtuah hian he thil hian eng thil nge a nghawng ang tih ka hre si lo a. " Rilru buai zet in ka ti chhuak hap.








" I mak thei, kei mah ang hian a tla chawp in nung ve teh. A chanchin ka hriat dan in Mizoramah hian rei a awm peih teuh lo. A hausa in thil a ti thei bawk a, eng buaina emaw hming chhiatna lam te chu neih a duh dawn lo, chung thil chu i ngaihtuah ve tur pawh a ni lo i tih tur zawng chu vawi khat a bialnu a tan a ni mai a! " Mit hmul min san khum euh euh chuan a rawn ti a.








" A sawi a sawi chu a awl a lawm. A takah chuan sawi ai hian a har thin. Chu lo ah chutiang a hausa chu kut tling lo a an sum lak luh bak a ni lo ang. Kan ram angah te chuan hausa uchuak ho hi chu an sum lak luh dan ngaihtuah fe tham! " Ka tih chuan Nancy chu a ner nasa ngang mai. Sawi dik loh la neih pawh ka hre lo.








" Haiii..... Vanlalkawlo ! An ni te chu sawrkar hna an thawk lo a. Sawrkar lam hian an tlawn lutuk mah mah zawk. Hotel pawh engzat nge an neih i hre ngawt a mi? Ka hriat dan phei chuan hotel bakah school lian leh changtlung zet an nei bawk. Ka sawi uar vang ni lo in an tu chhuan chhuan chhuan leh thleng nuamsa tak a an nun theihna tur khawp in an hausa tih mi sawi ka hria! " A rawn ti nghal char char chu engmah hre ve hek lo ka ngawi kar ringawt.








A ngai te bawk in hna lamah kan tuan leh nghal char char a. A chang in dawrtu nei lo in kan hman em em a mahse an awm ve thung chuan kan buai lutuk hi kan in daih lo leh lek lek thin. Mahse buai chuan ni hi a lo kal chak khawp. Dawr khar zawhah bazarah rei lote kan kal kual a. Engmah lei lem lo in sale kan en kual a ni mah zawk.








Kan veng lam taxi tlan an awm tawh loh avang in ke in kan la haw zui bawk. Nancy fel ve em emna chu a bialpa pawh kan haw tlai deuh chuan a in lam tir thei reng a mahse kei mah vang in ka rual in ke in a haw ve hram hram zel a. Hei vang te pawh a niang ka ngainat a a bul a awm nuam ka tih.








" Ka hre ve duh a lawm tunah call ve mai la! " Kan in step bulah chuan kan ding ran tawh.








" I va ninawm sek sek e! " Ti bai baiin ka phone chu ka phawrh ta tho a. Number chhu lut mawlh mawlh in hreh ru zet in ka call a, a la tlang tha em em zui leh nghal. Nancy lah in kei ai a phur zawk emaw tih tur in min lo uluk bawk. Leh lam a mi in phone a rawn lak rual chuan ka thaw tawh em pawh ka hre lo! Ka zam nge ka hlau thawng zawk, ka sa pup pup a ka kawchhungte hi an khur der der hial.








" Kei mah ka nia! " Ka ti thla ngawt chu mawl in ti lutuk in mit ka chhing sawk a. Ka kut leh lam in Nancy ka sik nghal vak bawk. Ka phone no nei sa ang maiin ka be tawl ringawt a. A hawi hai viau in ka ring!








" Ka hria e! " Phone leh lam a mi chuan a rawn ti sup a. A tawng danah min hre nghal tih lah chiang reng. Kei mah zawk chu ka sawi tur theihnghilh thak in ka ham haih zawk hial. Nancy in aw a rawn then khar takah chuan ka in siam tha vat a.








" Aww... Ih.... Eng lo kha i duh ang chuan ka ti ang! Mahse khawngaih in sunday emaw velah lo chuan...! " Nancy in ka dar a rawn ben thlawp avang chuan ka tawng tawp dat.








" A tha e! Sunday chu, ka rawn lam ang che! " Ti sup in ka chhan let leh hma in a ti tawp daih a nih chu.








" Kan in pawh a hre tawp lo! " Ka phone chu ka hmai zawn a lek a ti sap in ka melh ta tawp. Kha ti teh tawp a rawn tawng chu a nungchang kha chu a mawi hran lo tih ka hria a phone ah leh zel pawh a sual thiam tawk viau in ka hria.







" Enge! A dah a mi? " Nancy chuan a rawn ti vat.







" Umm! " Ka tih chuan a ner nasa mai.







" I mawl e lawm! Nang mah zawk in i duh hun te i thlang thawt thawt a! " Lawm lo lutuk a a ti chu ka nuih hak.








" Hei... Sunday chu a tha a nih chu! Tui tawk in va mu tawh rawh. Vawin chu i kut thlawn ka tuar ngun tawh lutuk! " Nui lui chung chuan ka ti a. Min mangtha in a kal ve ta nge nge.








" Kum tharah chuan nun thar nen aw! " Van lam hawi chuan ka phun chhuak sap. Rethei viau mah i la midang pawisa puk em chuan kan la khawsa lo a. Kan hautak in chawm emaw enkawl ngai kan ni hran lo a. Ka thawh chhuah ve tawk tawk hian kan eikhawm chu a daih a. Ka pa erawh kum 60 ral a kai tawh avang leh zu a in nasa avang in hna thawk chi a ni hran lo.








Tun hi loh theih lo a mi lei kan bat a ni a. Chu pawh ka rul vat a nga. Ka pa pawh a hma ang a nih tawh loh chuan pangai tak a kan nun chhauh theih tawh mai ka ring. A mak ka tih chu, zu leh ruihtheih thil dang ti ho hian an mahniin pawisa emaw in tur nei lo mahse khawi khawi emaw a mi an va hmuh zel hi.




*



*



" Khawiah maw Sunday ah te kal chhuah i tum? " Room atang a ka chhuak chu ka pa in min lo zawt nghal. Kei erawh tun kar chu hah viau mah i la ka nun a hlim em em thung. He tiang a ka pa rilru harh fim a a awm hi ka sawi fiah thiam lo a nuam a ni tawp.








" Ka chhuak lawk ang! Ka lo haw har ka ring lo! " Ka ti let vat. Ka thil tih tur chu chak lo viau mah i la , tun tum hi a fel leh a nih chuan engkim a kal tluang vek dawn tih rinna ka nei tlat.








Kawr lum, lum lutuk lo ha in jeans kekawr pawl tawp ka ha a. Sneakers ka bun leh tawp. Ka sam pawh ka thlah mawl tawp bawk. Chiang tak in engmah a sawi chuang lo a. Ka thawmhnaw hak avang a min zahpui a a lawm lo a nih chuan ka mawh a awm tawh lo hul hual. Ka phone message rawn ri chu a lock hawng lem lo chuan screen a tang message lo thleng chu ka hmu a. Mak ti ang reng tak leh awi ngam chiah lo chuan ka bag chu ka ak a. Ka phone pawh ka la nghal zat.








" Pa ka kal a nia! " Tih leh kawngka nem hawn a chhuah ka rual nghal. Ka phone ka bag a dah lut mawlh mawlh in step ah chuan ka chho a. Kawng pui ka thleng chu mak ti lutuk a ang phiau in ka ding nghal chat.









" Ka ring thei lo! " Ka hriat tawk chuan ka phun sap. Kawngah tumah midang an awm lo, in khawm lai a nih vang pawh a ni mai thei. Motor lian zet ngheng a kawi sawi zet a lo ding run ka en reng lai chuan ka lam a rawn hawi ve nghal vut a. Min nuih suk in ka lamah a rawn pen phei nghal pawk pawk bawk.








" Engtin nge hetah i lo kal! " Ka bul a rawn thlen rual in ka lo ti sap. Kan in a hria hi mak ka ti tawp thei lo. A ngai te bawk in min chhang lo chuan min en ngur a. Ka ke atang a min melh chho dun dun in ka mitah chuan a tawp nghal chawt bawk.








" Ka lo hruai ang che ka tih kha! " a ti sup a. Ka hma zawn a a din tak runah chuan ka te rawi rawiin ka hre hial. Ka ham haih hmel chu min nuih zat a ni mahna a then suk a. Kei erawh sawi leh chuan tur pawh ka hre lo.








" Kal ang le! " Ti leh sup in a ban lian zet chu ka hma zawnah ka vawn awlsam tur in a rawn phar chhuak a. Tun hi ka vawi thum hmuh na chiah ni mahse mipa smart leh in vawng thlup a nih zia a lang chiang vek thung. Coat suit nen a ding run a ka in thuam ve dan chu ka zak ta rum rum hial.








" A tha lawm! " Ti hap in thawk ka la nghal halh a. Ka zahna chu in hneh tir loh hram tum in dak vah in a mit meng thim deuh khup ah chuan ka melh chho a. A bialnu tak tak pawh ka ni lo a, a mah ang a thawmhnaw man to ha tur pawn pawisa ka nei lo. Chu bakah chutiang lam engmah a sawi lo bawk. Tiin ka in hrilh nawn mawlh mawlh ringawt.








A kut chu vuan ta lo chuan ka kal pel a. A motor dahna lam chu ka pan ve ta ngawt. Ka sual ka chhuah vang ni lo in a taksa ka dai a ka awm dan leh ka kawchhung vawh tih vang ni lo a khur ru der der kha ka la theihmghil lo miau a. Ka hnung lamah nii suk ri pawh la hria mahse ka kal ngai in ka kal reng tho.








Min rawn kal pel in motor kawngka chu a rawn pawt hawng a. Engmah sawi lo chuan ka thu lut thak a. Kawngka chu rawn nem khar dawp in motor hma lam atang chuan driver seat lam pan chuan a kal a. A bawp a sei bawk a, min kal pel mai mai te chu a tan thil harsa a ni lo tih lah chiang reng.








" Chuan tu te nge kan hmuh tur te chu? I thiante maw? ".motor seat a thu reng chuan a lam ka hawi a. Min rawn thlek vut in hma lam bawk a hawi leh nghal. Min chhang lo a min be hek lo. Min be duh lo tu na na na chu biak buai tum lo chuan kut kuangkuah in ka thu ngawi ve ran a. Rei fe kan tlan hnu chuan a rawn tawng ve ta nge nge!








" Maw... Tute maw? " Phawk lutuk in a thu sawi avang chuan ka ti nghal. Min rawn melh leh vut in min nuih leh suk a. Kei erawh ka thinphute chu rawn chhuah tum ang maiin an phu nghal dawt dawt.








" Ka sawi nawn leh ang, ka nu leh pa! " A rawn ti leh sup a. Ka down nghal vek. Ka bialpa tak pawh ni lo, ka thian emaw hmel hriat pawh ni lo chu a nu leh pa bulah a bialnu ang in ka in hmel hriat tir dawn a nia. Ka chhe vek, ka thawmhnaw hak zawng zawng nen hian thi tluk ka ni mai.








" Din rawh! Stop.... Ka duh teuh lo e mai a! " Ti chiam in ka au chul a. Mahse a tlan dan ngai reng in a la tlan a nih chu.








" Hei..... I mawl a mi? Chutiang em em chu ka duh teuh lo ka tih chu! " Ka tih leh chiam rual in motor chu a ding dawt a hma lamah ka bura nghal lawp bawk. Mahse pawi ka ti lo, motor a ti ding tal a lawm.








" I duh loh thu sawi nan chuan a tlai tawh mah mah! " Ti sup in nuihza in sum zet in min rawn melh a. A kut chun motor stearing chu a tlir dat dat bawk.








" Mahse i nu leh pa te an nih chu! Heii.... En teh lei ba in rulh dawn pawn hei kher kher chu a mah mah lo maw! " Ka ti leh tan tan. Ka tawng pawh ka control hman lo ka au khum deuh tawn tawn a ni mai.








" Chuan! " A rawn ti sup duh lek a nih chu.








" Enteh, ka nau hnenah ka bialnu ka ti che a ka nu leh pa bulah hmeichhe dang ka hmel hriat tir leh daih chuan a dik i ti a mi? " A rawn ti tha ve mai a. Sawi tur reng ka hre lo. Nancy in an fa neih chhun a ti ve a, tunah nau a in ti nei bawk si. Engmah hi ka hre thiam nei nuai lo.








' hriat thiam i mamawh lo, motor hi chhuah San la i tihh tur ti vat zawk rawh! ' ka ngaihtuahna chuan a rawn ti thung.








" Enteh..... " A lam hawi a ka ti chu ka hmai bul chet a min si lo chauh a a rawn awn phei avang in ka ngawi dat.








" Simon! " Rawn ti sup in a kut tang sei sang chuan ka sam ka hmai a bet vel chu a hui kiang a. Tawng chu sawi loh ka che ngam tawh lo hrim hrim.








" Midang bul a khatiang a min koh emaw min mawl biak a nih chuan mak an ti lutuk ang! Chuvang chuan Simon! A tha em? " A rawn ti nawn leh sup a. Ka thin a rawn phu rang leh dat dat a. A hming a nia mahse engvang a sawi emaw kauh hreh tlat nge ka ni pawh ka hre thiam lo.








" Mahse i nu leh i pa an nia. Min en la ka thawmhnaw hak te, Sunday ah leh nghal tiang nen! " Ka la ti hram. Min awm hnaih bawk a ka tawng ting lo ngei mai.








" Dik lo a awm a mi? Kei chuan ka hmu hauh lo. Tun a I in bel hi i in hmeh lutuk. Tha ti lo an awm a nih chuan chu mi zawk chu a mit a dik lo a ni ngei ang! Party emaw thil tih pui a awm dawn pawh a ni lo a , ka sawi dik em? " Then suk in a rawn ti a. A thu sawi kha ho viau mahse ka chhung lam hlim veng veng chu ka hriat hmaih hauh lo.








" Kal... Kal tawh ang! " Ti bah niai in ka thutna khaunga chu nem hawn mai ka tum a. Tlem ka nem kau tawh mahse ka kut a kut lian leh lum thur thur in rawn vawn hnan in min pawh khar sak leh nghal dawp chu ka phu nasa lutuk a ka thutna atang thlawh chhuah theih chu ni se ka thlawk chhuak chiang viau ang.







" Sawi hmaih i nei in i in hre ve em? " Ti hmuk in min melh run a. Hre thiam lo fe chuan ka en let ha thung.








" Enge? " Ka ti ha. Nui lui tih hriat zet in a rawn khi suk a. Motor kawngka hawnna ah ka kut a vawn hnan run bawk nen rapthlak khawp in thawk chhuah a har.








" I ngaihtuah chhuah hma chu ti hian kan awm ang! " Ti sup in a rawn awn hnai leh zual a. A hnar leh ka hnar a in si tawh. A thaw lum ham ham leh a rim pa hrak chuan muan chang in min zem a ni maiin ka hria.








" Simon! " Ka ti chhuak sap a. Nui suk in ka kut a vawn hnan chu a thlah a. Rang lutuk in ka la sawn nghal vat bawk.








" Kha ti tur kha! A harsa lo ti raw! " Ti leh sup in a hnar ngul nalh zet chuan ka hnar a rawn nawr dat a. Ka tawng chhuak thei tawh lo. Ka hrawkah hian min hnawh tu awm ang mai hian ka awm a. Mahse chhan loh theih loh a min la melh ngur reng avang chuan chil kem kalh in lu ka bu ta nghat!








" Good girl! " Ti sup in a in la hrang in a awmna lam kawngka chu A nem hawng a. A chhuak nghal vut chu ka thlir ngawih ngawih.








" Min ti a zo dawn! " Ti sap in ka chhuak ve nghal a. Motor hma lamah min lo nghak a ding run bulah chuan ti dak in ka ding a. Mahse a mah ka hlauh vang a ti ni lo in kan mi hmuh tur te vang zawk in.








" Hlau thawng suh! I bulah ka awm reng dawn a lawm. Nelawm leh nuih der reng pawh a ngai hran lo. I awm ang tawp khan awm la a bak engmah a ngai lo! " Ka kut vawt thlerah chuan rawn vuan in a ti sup a. Lu ka bu leh nghat chu min nuih leh suk in min pen sawn pui nghal vut a.








Ka kut a vawn chu pawh phelh pawh ka tum lo, ka mamawh dawn tih ka hriat vang a ni mahna. Kan hma a in lian pui chu ka melh kual a. He tiang in, he tiang mipa chhelo leh hmel tha, cool bawk si bulah a lem mah ni se ka lut tur hi mak ka ti hial.








' ngawi te! Hmel tha, chhe lo te ka ti a mi? ' ka lu chu ka thing nak a. Ka ngaihtuahna chu ka duh ta hauh lo. Kawngka bul a kan din hnu chuan kawngka chu rawn in hawng in hmeichhe pakhat chu a rawn nui nghal sang a.








Ka taksa a tang nghal teuh a nih chu. Ka ngaihtuahnaah ka pa in an in a min hruai luh hmasak ber ni kha a rawn lang nghal uar uar a. Tun ang chiah hian in lian tak, ni lo he in au chuan kan in kha chu te tak a ni mahse kha tih lai kha chuan lian ka ti tak zet.








Ka nu in kawngka rawn hawng in min nuih sang a. Ka hmelhriat a nih loh avang khan kimki tak in ka pa kut kha ka vuan nghet sauh sauh bawk. Tunah pawh kut lian leh lum thur thur ka kut vuan mek Tu chu nghet zet in ka lo hmer reng a nih hmel.!!








" Babe! " Ti sup riah chuan harh chhuak zawk in ka tum loh deuh in ka phu chiam leh nghal. Ka bul a mipa lian zet ka kut vuan tu chu a rum nghut tih pawh ka hria. Ka awmdanah a lawm vak lo a nih ka ring ta tawp.








" Nu! Tlem in a zak zum deuh a! " Ti hmuk in ka kut a vawn chu a thlah a mahse min thlah rei lo. A aia nghet in ka darah min rawn kuah a, a taksa si chet in min hnuk hnai bawk! Phawk zet in ka melh chho a mahse ka rin loh deuh mit meng ka hmu thung!








" Min ring rawh! " Tih melh in min lo melh chhuk run a. Ni dang ang bawk in a mit meng chu a dum fiah in, a thim leh kup tawh mahse danglam pakhat ka hmu! Min ngaihtuahna mit meng. Ka naupan lai atang in he mit meng hi chu midang lakah pawh ka hmuh chak ber kha a ni thin miau a, engtin nge ka hmuh loh emaw hmuh sual theih teh lul ang.








" Malsawmpuii! " Ti sap in ka hma zawn a kut chu ka vuan a. Simona nu pawh a hmel a rawn hahdam huai in ka hria.







" Ka lo lawm a che! Lo lut ru! " Nui sang in a rawn ti let a. A nu en hi chuan engtin nge he tiang fapa hi a neih theih tih ngaihtuah naah a rawn lut nghal char char.







In chhung lamah chuan kan in zui lut a, a pawn aiin hmuh a nuam zawk. A zau in engkim mai chu a nih dan tur ang thlap an ni ka ti mai. Chuan ka dar a kut lum thur thur vang hian ka thla a muang sawt bawk.








" Babe! Ka pa a nih hi. Chuan pa ka bialnu Malsawmpuii ! " Ka hma a mipa upa lam chu ka melh chho haw. ' hei ngei hi a nih hi a chhun! ' tih theih khawp in an in ang. An mit meng zawng zawng nen. Ka melh reng lai chuan a kut a rawn phar chhuak vut a. Tim dai in ka vuan a. Ka kut hum reng chung chuan Simona ang chiah in ka pheikhawk atang in ka chhip thleng min melh chho a nih chu. Ka khur ru char chat hial.









Kan thu ve thap a. Eng eng emaw an sawi a mahse ka lu burah a lut thei lo. Ka lakah chuan an sual lo a mahse ka vawi khat hmuh naah ka bum ringawt tih ka hre ve kur a nuam ka to thei thak lo. Ka thu mai mai pawh ka tang deuh tung a. Ka bul a thu pa lah hian ka kut a hum bet tlat bawk nen. Lum ti lo mah i la ka taksa erawh a sa pup pup thung.








" Zanriah in ei ve nghal dawn nia! Sarah leh Christa te pawh an rawn thleng tep ang! " Nu Sangtei chuan a rawn ti a. Rang lutuk in Simona ka en nghal. Chutiang em em chu ka duh teuh lo. A nu leh pa pawh hian thawk pangaiin min thawk tir thei lo a nia midang an rawn kal leh zel chuan chhuat lai ah hian ka thal tawp thei hial ang.








" Nu.. "






" Chhungkaw kim a zanriah kil ho kan harsat bawk a, a tha viau ang. Puitei pawh kan chhungkaw mi ang i ni tawh tho a, pawi i ti em lo ang chu ti rawh! " Pa Jerome- an a rawn tih thum dut a ka hnual nghal rawi rawi.








" Pawi i ti em lo ang chu? Ka koh dan che avang khan! " A rawn ti nawn leh sup a. A mit meng thim khup chuan min melh bawk.








" Aii... Pawi ti lo e! " Ka ti sap a. A then ve suk. An pafa hian nuih am hreh hmel dun lutuk hi mak ka ti .








" Simon! Tui in lawk ka duh a! " Ti sap in ka bul a mipa chu ka melh chho a. Chik zet a min en chhuk run takah chuan ka nuih lui sak.








" Kan lak tir ang! " Ti sup a a hawi sawn tur chu a kutah ka vuan chawt a a rawn hawi leh nghal vut.








" Mamawh dang i nei a mi? " Min ngaihtuah hmel deuh a rawn ti sup in a kut ka vawn chu a melh zawk a, chu tah ka mitah a rawn melh chho leh nghal.








" Kei mah in ka la ve thei ang! Ka pa biak ka ngai dawn bawk a! " Ka ti sap a. Thaw chhuak ham ham in lu a bu ta nghut. Min hre thiam chu la lawm tih piah lam a ni. Tui in tur awmna lam chu min hrih a nui sak in ka tho chhuak ta nge nge.








" Malsawmpuii eng tin nge tlai thleng i awm theih ang? Chaw ei te chu i la tum a. I zak lo e mai! " Pen hlak hlak chung chuan ka phun nghal char chat. An mi uap kha a na mah mah bawk a ni.








Freezer ka hmu hlauh a, tui bottle chu ka la chhuak a. A chhin hawng in ka in nghal khalh khalh bawk. Ka hma zawn dawhkhan chu nem in ka bag a ka phone chu ka la chhuak a ka pa ka call nghal. Nancy te inah ka kal kawi tur thu in chhuan lam ka siam ta ngawt.








" Awii.... Min ti phu! " In her a kal ka tum chu la rak that a ka bottle ken ka thlauh nghal bawl. Mahse nui suk a ka hmui rawn hup bettu ka hmuh rual in ka thaw nghal hliai.








" Tlai chaw ei chu pawi i ti lo a! " A kut la thla ruai ruai chuan a ti sup a. Ka men kual khum ralh.








" Pawi ti pawh ni i la awm zia a awm dawn a mi? I pa bulah khan tih tur hman awh kan nei tiin chhuan lam kan siam mai dawn em ni! " Beisei nei zet in ka ti vat. Nui suk in lu a la thing nghut nghut a a ban pahnih lian leh hrawl zet chuan ka sir ve veah a in nem khal run leh nghal.







" Hmmm.... Ka rin dan vel. A hlauhawm ropui si! " Ner nang in ka la ti hram.







" I tan chuan ka pa ai chuan kei mah hi ka hlauhawm zawk ka ring! " Ti sup in a rawn awn nghal ruai ruai a. Phawk lutuk a meng in ka hnung lamah chuan ka awn ve zel bawk. A tawp ah chuan mit chhing in enge lo thleng tur ka nghak ta tawp!






🍃🍃 a va rapthlak em😂😂 ka lo chhing leh vang vang zel a. Ka phone in ka hmai a rawn tlak ve leh ka harh leh zawk zel🤧🤧 en nawn lo, spelling mistake a tam ngawt ang, min hauh hma in pil nghal, , 🙏 muttui vek u🍃🍃

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 29th, 2020, 8:19 pm

CHAPTER - 5 🍃 by Amy Cck ( Dream Girl )




🍃🍃 ka va tlai leh chhap chhap tak🙈🙈 ka lo muthlu leh daih a ka harh hlawl a type pawh type belh lo in ka rawn dah mai🤧🤧 muhil leh nghal dawn😂😂 muttui vek u🍃🍃




" An lo thleng e! " Ti sup ri avang chuan muang chang in ka meng chhuak riai riai a. Nuih za in sum zet in hnai chet chawtah kan in melh ta run thung.







" Kal ang le! " Ti leh sup in a ding ngil a. Awn deuh pur a ka awm chu min pawt tho lawp in min kal pui nghal daih a nih chu.







" Heii.... Ngawi teh ka thil thlauh saw! " Hnung lam chu thei leh thei lo in ka hawi tawk tawk a. Ka tui bottle thloh chu a ngai ngai in chhuatah a baw darh nuai leh nghal.








" Ngaihtuah buai duh suh! " Ti sup in min la kal pui dawr dawr leh nghal. Tih ngaihna awm hek lo nuam ti vak lo in ka zui ta ngawt. Common room kan thlen hma atang in midang tawng thawm ka hre pha tawh. Ka boruak tha hip zawng zawng pawh a hma ang chiah khan a rawn in hnawh leh tut tut tawh!








" Lungai suh ka nu leh pa in engmah an sawi lo a nih chuan midang chuan engmah an sawi lo ang! " Ti leh sup in midang ho bul chu kan thleng der. An vai mai chuan min lo en thup a. Nu Sangtei chiah in nui sang in min en. A bak chuan mak min ti nge? Min lawm vak lo zawk, ka hauh in min en hlawm a. Ka thawmhnaw hak bik vang pawh a ni mai thei.








" Ka hmu sual a mi? " Rawn ti tu chu phawk lutuk in ka melh nghal haw. A hmel ka hmu chiah phei chu ka hlau thawng leh zual. Hman zan a ka pa sawi sak a nih zan a mi kha a ni tih sawi kher ngai lo in ka hre nghal . Nghet lutuk in ka kawr lum hma lam chu ka tham a, ka meng khup nghal zal zal. A chhan pawh chiang lutuk in kan in ngaizawng lo tih hre chiang tu a ni miau a.








" I hmu sual lo e pate! " Simon-a chuan ti sup in ka hnung lam atang chuan min rawn kuah a. Ka kawngah rawn zen lut in ka zam lutuk vang a ka kut nghet zet a ka hum beh chu a kut hlai hlup chuan a rawn hum hnan hmiah a bawk. Loh theih loh in a taksa ngheng tur chuan min pawt hnai hrut a engmah ka sawi ngam lo.








Ka chhipah a khabe a rawn nghat dat in a rawn thaw chhuak suai suai a. Kan taksa a in sik miau a vang in a lung phu ri dawt dawt pawh ka hre thei. Mi hring fanu hi a va tet theih tak em ka rilru in ka ti nghal sap. A chhan pawh a dar tak ngial pawh ka chen lo a nia. Fit 5 leh inch 3 ka ni a mahse mizo hmeichhia ah chuan ka te chhe lo a ka lian hek lo. Ka nghen mek taksa erawh fit 6 a tlin var var ka ring!








" Babe! Hei zawng hi kan chhungkua chu kan ni. Ka pa nau te, nu Sarah-i leh pate Christa. Chuan hei hi Nupuii fanu Irene-i , in in hmuh tawh kha! ! Chuan hei hi ka bialnu chu! " Ti tum dup in kan hma a midang thu chu min hmel hriat tir a. An hmelah mak min tih hmel hlawm lutuk chu han awm dan tur mai pawh min in ti hre bik lo.








" Lo thu thla ru! " Nu Sangtei chuan a rawn ti vat a mahse min kuahtu taksa lian zet erawh chet sawn a tum lo tih hriat zet in min kuah nghet sauh sauh a. Tunah chuan nuam ti lo tak ka ni tawh. He pa lah hian in hmelhriat tir a piang in ' ka bialnu' min ti zel bawk si. Thu han thup mawi deuh in a thian ang te tal in min sawi se mi pangai tan chuan hriat thiam loh tur pakhat mah a awm tawp si lo.








" Ti hian a tha zawk! " Nui suk in a la ti ta deuh deuh chu ka in sum thei tawh ngang lo ka ke chet in a pheikhawk chu ka rah sak chawt a engah mah a la ngai lo zui. A chhungte zawng zawng hmaah tiang hian kan awm chu a nia. Khawi lam a in hmangaih leh in duh ber ang zia zang in. Over leh lutuk!








" In thlah dul la! " A la rawn ti sup zui. Tu hmeichhia nge hmelhriat leh thiantha pawh ni kem lo in tiang a a tih kual a hahdam tak leh rilru nuam zet a awm thei ang. Ka thinrim bawk si ti lang ngam si lo chu ka tang tung ringawt.








Kan hma lam a midang ti ti chu loh theih loh in ka ngai thla ve a. Dik tak chuan Simona pa te unau hi khawvel a unau in ang lo ber an nih hial ka ring. Chu erawh ka lo buai ve na tur a ni lo tih ka hria. A chhan pawh tun hi kan in hmuh hmasak berna leh tawp berna tur a nih dawn a vang in. Irene-i a tih nu lah khan a khat tawk in kan lam a rawn hawi reng leh nghal!








A nau a nih thu kha a sawi bawk a. Hmanni lah khan min hmuh dan khan a thawng bawk nen, tunah lah a U in duat lutuk in min kuah deuh hlun a. Min ei lo te pawh a ni mahna ka ti thla ngawt.








A hnu deuh chuan kei , Irene-i leh Nu sangtei tih loh chu eng emaw ti tur in room dangah an lut a. Kan pathum teh tlawng chuan kan thu a. An sual hran lo mahse dawt sawi zawk ka nih avang chuan nuam lo ti ru zet in ka thu ve reng a. An tawng barh barh chu ka lo en ve reng ringawt bawk.








" Ee... Sawmte enge i tih ve thin a. Kan tawng kan tawng a mahse engmah kan la in hrilh fum fe lo a ti raw nu! " Irene-i chuan a rawn ti chhuak thut in min rawn melh ralh a. Chhan mai ngaihna ka hre lo chu ka thu mar nghal awt.








" Ni e, chutiang lam pawh kan la in zawt miah lo. " Nu Sangtei chuan a rawn ti ve vat bawk. Awm nawm loh sa nen ka taksa chu zah vang in a rawn sa leh pup pup tawh.








" Ihh... Dawr ah ka thawk a! " Zawi sap in ka ti sap. A vawi khat na atang ka hna thawh leh ka din hmun ka zah pui a sawi ka hreh tum ber a ni hial ang.








" Dawr nghak! " Irene-i chu thil ngaihtuah ang hian a awm vang vang a. Thil dang min zawh belh leh ka hlau lutuk chu ka thutna sofa sit dup chu ka hmer ngawt ngawt bawk.








" Dawr in nei tihna a mi? Chu chu i sawi tum a ni ti raw! Khawi laiah sawn nge, min hrilh la ka la rawn kal ve ang! " Nui chung chuan a rawn ti nawn leh a. Ka ngei lutuk chu ka melh hrak a mahse a hre thiam lo nge a ti lui pawh ka hre lo, engmah dang lam lo ang mai chuan a awm a nih chu.








" Ai... Dawr chu nei lo e, midawrah ka thawk zawk.! " Chhang bul viau mah i la sawi thui vak ngaihna ka hre lo. Ka zak a, ka in thlahrung bawk. Nu Sangtei hmel pawh ka en ngam lo. A fapa bialnu hna thawh a hriat chuan a la vak bik ka ring lo. A bialnu tak tak pawh ni lo mah i la tu man an hre ve lo miau.








" Ahhh.... I thawk maw? College emaw i kal ka lo ring a! A nih i nu leh pa..... ! "








" Irene! " Rawn ti hrawk tu avang chuan a ngawi hmak a phawk lutuk in aw rawn chhuahna lam chu a hawi a, a ni chiah ni lo Nu Sangtei leh kei pawh kan hawi ve tho.








Simon a kan lam pan chuan a rawn pen phei nghal pawk pawk a. A hmel rum ul leh mit meng dur khup chu hlauhawm tham tak a ni. Ni lo... A hmel hmu lo pawn a aw ringawt pawh khan hmul thi a ti ding thei. Mahse tunah chuan ka thla muan pui ngawih ngawih in ka hria. Lo kal lo se chuan he nu hian eng zawhna dang nge min zawh leh ang tih a hriat miah loh.








" Simon in zo der a law. Kan lo in kawm mai mai a. Chu bakah Sawmtei thil kan lo zawt kual vel a ka nu nen! " Nui sang in Irene-ichuan a lo ti nghal vat.








" A awm ti nuam lo tur khawp in i tih na a mi? " Kan bul a rawn ding run chuan a ti hmuk a. A la lawm loh hmel em em zui leh nghal. Kan thut miau avang in dak deuh ha in ka melh a midang pawh an nih ve tho ka ring.








" Chutiang a ni lo! " Irene-i chuan a ti let sap. A in thiam lo hmel chu kei ngei pawh hian ka hmu hial. Simona rawn thinrim ringawt chu a chhan ka hre der lo leh nghal.








" Tak zet! " Nui ro hawk in a rawn ti a nih chu. He pa hi ka bul chauh loah pawh a sual thiam thin a nih hmel.







" Kan in pawh zawk ka ring a. Ka nu pawh in a hria a lawm! "








" A mimal nun leh khawsak dan i hriat avang chuan in in pawh sawt ang maw? A chungah that in chhuah emaw tiin ka kal san a mahse ka lo ti sual a nih hmel! " Ner sawk a rawn tiin min rawn melh ngur a. Sawi ve tur reng ka hre lo.








" Simon! " Nu Sangtein a rawn ti hap. A fapa chet dan leh tawng dan chu a ngaihdan a pel tih a hmelah a lang chhuak bawk.








" Engmah i ngaih ang khan a thleng lo. Kan lo in kawm mai mai a lawm! " Nu Sangtei pawh chuan a rawn ti a. A mah a lian bawk nen a ding run bawk si chu ka tan hian a nuam lo ngawih ngawih.








" Vawi khat chauh in la hmu a, enge a tih thin a eng hna nge a thawh tih thleng in hriat nghal vek in tum a nia. In ti mah mah lo maw? " Nui ro hawk in a rawn ti a. Kan vai mai chuan kam ngawi hmak.








" Heii... A pawi lo! " In thla hrung lutuk chuan a kutah ka han sawi dat a ka ti nghal sap bawk. Ka lut chu hum in thawk a la hawk a. Engvang a thinrim chiam nge a nih ka hre lo ang chiah in a nu leh a nau lak a min tan dan hi ka tan a nuam hauh lo.








" Min lo zui rawh! " Ti hrawk in min pawt ding a. Tawng tum a ka ang zeuh hman tawh chu a awm dan a vang in ka thulh leh nghal. Ka kut chu nghet zet in a hum a, a mitrng dur khup chuan min melh khui bawk. He ta awm ai chuan kan pahnih a kal sawn chu a that zawk ring in ka hnial leh ta lo.








In her a kan kal chiah chu a pa leh midang ho pawh kan awmna lam ah an rawn kal ve chiah a, in kaiin kan lo ding deuh hluai chu mak min tih hmel ngang mai. Engmah sawi lo chuan min kal sawn pui ta tho.







" Khaw nge in kal dawn? " Pa Jerome- a rawn tawng avang chuan kan ding chawt a. Simon-a chuan nui ro hawk in a pa chu a melh ve run a. Kan zavai chuan kan ti dak hlawm.








" Hmel hriat tir tur chauh cheu a rawn hruai ka ni, eng emaw tawng kam dawng tur ni lo in! " A pa a biak dan avang chuan ka mur chuai chuai thei. A pa chu a rawn meng rum nghal ngur a. Min rawn melh in kan hnung lam a melh leh nghal vut a. A tawpah Simona bawk a melh leh nghal run.








" A tha lawm! Zan riah ei hma chu in hi chhuah san suh ang cheu! " Ti hmuk in min kal pel vut a. Ka tan a nawm loh dan tur chu min hriat thiam pui ka ring. Chuan he hmun a ka kal leh a bialnu a ka tang hi ka in chhir ta viau bawk.








" Heii.... Heiii... Simon ding teh ! Ding teh ka tih chu! " Ka duh ang in ka au ring ngam lo. Tun lawk a thil thleng vang pawh khan mak min tih hlawm dawn teh lul nen an mak tih leh zual tur a awm chu ka duh bik thak lo.








" Ding teh ka tih chuu!" Ka thu sawi hre lo ang mai min kai phar chu ka thin in tuar leh tawh lo in a kut ka kut a vawnna chu ti kang in ka seh sak nghal vak a, a ding ve hram.








" Nang tal chu tiang hian awm suh! " Ti thawp sup in mit meng cool ruih in min rawn melh a. Kei pawh chuan ka melh let ve ngal.







" I thil tih zawh chiah kha i hre chiang em? " Ka ti let fak chu min la rawn nuih suk leh nghal. Mahse a hmelah erawh a nuih a za hauh lo.







" Malsawmpuii i ni tih ka chian tluk zet in ka chiang! " A rawn ti hmuk chu nasa lutuk in ka net nang.







" Nang hi! Chhan awm miah lo in i rawn thin rim a chuan i chhungte hmaah mawi lo tak in i khaw sa a. Chuan engah mah i ngai lo a maw?. En teh ka hre chiah lo a mahse in inkar chu eng pawh ni se kei chu min hnuk lut suh! " Ka ti hap. Enge ka sawi nuai pawh ka hre lo ka hriat zawng chu buaina ka duh lo tih hi.







" A nih chuan engvang in nge ka nu leh Irene-i zawhna kha i chhan? " A rawn ti chang bawl. A tawng dan ngeiawm zet avang chuan ka chhing sawk. Step phen ah ding lo i la chuan midang ho khan in hau emaw min tih hial ka ring.







" Ka awi thei lo! A tha e, ka bang, ka peih tawh lo! " Ban phar hliai in ka ti halh. A thinrim chhan ber chu a nu te bul a hmeichhe class hniam leh hna thawh mumal nei lo a la lo in sawi vang a ni tih ka hre ta a. Engmah ka sawi tur leh tih tur a sawi miau loh avang in hreh chung chung in ka chhang ve kha a nia mahse min tih dan hian ka thin a khei zak.







" Hrep chuan! Khaw nge kal i tum? " Ti hrawk in ka in her tur chu ka banah a rawn vuan chawt a. Engmah sawi lo chuan ka tal nghek rimgawt. Ka lo tang ve tum hran chu lawm lo tih hriat zet in a thaw chhuak hrawk a. Chu mi rual in ka kang nghal nawlh bawk!







" Hmela min dah thla rawh! " Ti ram hmak in ka tal leh laih laih a. Pawm pangai pawn min pawm lo. Ka sawi thiam dan ber in zo zet in min zak zeh ka ti mai. Step ah chuan min pen chho pui pawk pawk a. Ka tawng leh tur chiah chu min zak zeh lohna lam chuan ka hmui a rawn hup hmak a nih chu.







Thawng thei tawh hek lo ka tha tawp chuan ka tal nghek nghek a. Mipa tha chak zawk toh takah awm zia a awm lo. Kei aiin a sang daih a, chu mai ni lo in a ngheh churh danah pawh kei ai a let in a rit tih hriat. In chung step tawpah chuan a ding vung a. Khawi room berah nge kan kal ang tih ngaihtuah ang zia zang in a hawi kual a, kei erawh tal thlak tum in ka la bei ngar ngar thung. Aw ka chhuah thei bawk si lo leh tan khawh nasa chu ka thawk te hial a chham dawn in ka hria.







" Hmela eng thil nge ti ni a I in hriat a? " Room pakhat nem hawng rawp in min luh pui rawk rawk a. Kawngka chu pawt khar dawp in ka herh kalh nghal hmuk bawk. Chuan he mihring zahna tla chham zet tih lo hi tawng kam mawi lo leh nalh lo in ka la be ngai lo bawk. He pa hi chu tih ngaihna ngang a awm lo.








" Ka zawh tur zawk tak che niin ka hria! " Ti thawt in a coat hak chu a hlip thawk a, chhuatah a vawm nghal thuai chu ka lo beisei loh lutuk thil a nih vang nge rak that in ka phu chiam a nih chu. Ka lam rawn hawiin hnawk ti zet in a tie awrh lai chu a pawt phelh leh nghal hrawk a. A hmel leh chet dan hlauhawm lutuk chu ka tiril a ti khur thei hial.







" Ka sawi a ni lawm ni? Malsawmpui ! Ka hrilh chiang viau che! Eng mah i sawi emaw tih a ngai lo tih kha! " A rawn ti leh thawt a, a aw vin leh ri deuh hrawk avang chuan ka phu leh zawk bawk. Kei mah zawk hi thinrim tur ka ni zawk a maw tih laiin min tih nat mai duh ang hial a a thinrim ta zawk chuan min thawng mah mah bawk.







" A tha e! Eng pawh ni se kan in rem na chu tah hian tawp rawh se. I dik emaw ka dik emaw zawk pawh ni se! Ka hna thawh i nu te bul a ka sawi chu i thin a rim hle a nih ka ring. Min lo zah pui pawh ni la ka ngai pawimawh hran lo a sawtna a nei hek lo. Chu lo ah kha tiang a min vin vak tur kha thu i nei miah lo! Khawng leh lam takah chuan a tha zawk, vawin a thil thleng vel vang hian kan in then phah tiin i chhungte i hrilh thei ang chu! " Nui ro hak in ka tih khum ve ngat.







Oo.... Tun a ka thu sawi ang khan a ngaihtuah vang a niang chu a rawn thinrim vak. Kei leh a chhungte zawng zawng hmaah. Ka thil ngaihtuah avang chuan ka ner sak. Ka hma a kawng dawm run a min melh run ti chu nui lui sak in ka melh let a. Mi hausa pawh hi an lo hlim famkim bik reng reng lo tih ka hriat chhuah phah a, ka hlawk pui ta tho.







" Chutiang chuan i ngai a! " A rawn ti sup. Ka ngai ni lo in a awm danah a lan vek vang zawk a sawi ka ni reng sia.







" Ti nge? A dik lo a mi? Ka duh vang reng a ni lo tih chu i hriat ve vek ka ring. Mahse tih theih dang ka nei bik lo a, min zawt teh thut a , i chhungte, i nu leh i nau an ni a.! " Vin vak tawh lo chuan ka ti sap a. Ngawi dat in thawk ka la hmasa halh a. Mii ti zim sun a min melh ngurtu chu muang chang in ka melh let ve bawk.







" Chuan I bialnu ka ni a! Duh lo in chhang hreh eng ang mah i la i chhungte an nih vang in ka chhan an ngai! I hre thiam em... An ni pawh in pangai tak in a nih kha min zawh! Mahse a tha vek e, awl sam tak in lem channa chu a tawp theih phah a. " Ti sap in ka nuih sak.







Engvang a in sawi fiah duh nge ka nih ka hre lo mahse a mah toh mualpho leh zak tak a siam ka tum vang ngawt ngawr a khang kha sawi la ni lo tih hria se ka duh tlat chu mak ka in ti ru tak zet. Ka lam pan a a rawn hnai chu ka lo melh let ngar a.







Ka sawi dik! A hmel tha in a pa ngawih ngawih a. A chhelo in engkim a mizia leh chet dante, tawng dan zawng zawng a in hmeh in A ti pa ngawih ngawih bawk. Mahse he mipa ka hma a ding a mit meng huatna a khat nei tu hian eng thil hlu nge a neih hi a hre miah lo thung.







" Ka chhungte an nih vang ringawt in i chhan an ngai lo! " Ka hma a ding ngur in a rawn ti thum dut a. Nui hak in ka dak vah a. Ngei awm viau mahse a pawn lam lan dan rimgawt pawh hian hmeichhe tam tak a hip tih a hriat. Kei ngei pawn haw viau in a nungchang ngei viau mah i la a mit meng thim deuh khup a min melh tawh chuan tleirawl ang maiin ka lai in ka tawng thleng in a bah deuh niai zel tih ka hai lo. Min khawih emaw min sik hlek pawn ka taksaah eng emaw dang lam a aw thin tih la hriat loh der eng ang tum mah i la mah ni leh mahni ka in bum a ni ringawt.







A hmel pa hrak en ngawih ngawih a ka ngaihtuahna kal kual vel a vang chuan tul lo zet in ka hmui hnuai lam chu ka seh zeuh a. Mahse ka in chhir nghal, engtik lai in nge a rawn che ka hre lo ka hriat meuh chuan hmui lum vung vung in ka hmui a lo si leh reng tawh. Chuan a vawi khatna mai a ni tawh lo tih ka hre zawm nghal zat a. Rang lutuk a nem sawn ka tum chu ka kawngah min kuah bet leh tlat tawh.







Ka duh lo chung chu min fawp lui leh nghawng nghawng a. Ka lak a a ngampa leh a duh dan dan a min ti kual ngun bik lutuk chu ka thinrim hlur tawh. A hmui ah na zet a ka seh sak tak ah chuan min thlah ve hram. Min thlah rual deuh thaw chuan ka theih tawk a na in a biangah ka beng nghal that.







" Tenawm lutuk! " Ti hrak in thawk ka la hlawp hlawp a. Then suk in a hmui ka seh na avanga thi ser ser chu a kut zung puiin a tuai nghal zauh bawk.









" Kha tiang khan i duh duh in min khawih tawh suh, i bialnu tak ka ni lo a, min khawih theihna dan i nei lo! " Ti khur dar dar in ka hma a min melh run tu chu a tawp nan thip zet a melh in kawngka lam pan chuan ka in her khum hmak.








Kal pawh ka kal chak thei lo, ka thinrim lutuk chu ka ke pen re chu an sak talh a. Ka awm dan tlawm thlak zet avang chuan tul map lo in ka muttui a rawn tling pam a. Mahse a rawn luan chhuah hma in ka khap per nghal sak sak thung. Hmeichhe chak lo zet ang a min ngaih ka duh lo vang a in sum chauh ka ni bawk. Kawngka chu hawn mai ka tum a, ka la hawng thei thak lo leh nghal. Thinrim lutuk chuan ka sawi a mahse a nghet tha mah mah bawk.







" I kal thei tih ka la sawi lo! " Ka hnung lam rawn thim khup rual in ka hma zawn kawngka chu kut lian zet in a rawn nem a. Ka thinphu chu a rang nghal dawt dawt bawk. Kha thu a sawi kha chuan tng thil tha mah a thleng ngai lo miau a.







" Luhlul reuh lutuk! " Ti sup in kawngka hawnna ka sawi lui ngar ngar na kut chu a rawn vawn hna a. Thin rim teu hlar in a kut chu ka kut leh lam in ben thlak ka tum a mahse ka kut chu lo man bet chawt in a pahnih chuan nghet zet in a man a ka lu chung zawn kawngkaah a nem bet nghal rawk a nih chu!








" Heii.... Eng thil nge tih i tum? " Ti vak in ka tal a. A taksa zawng zawng nen chuan kawngka ah min nem bet a. Ka kut ka chet theih loh bakah a mah hnung chhawn zawng a ka awm avang in tan ka khawh thei der lo.








" I thil hriat leh hmuh reng pawh zawh nawn fo hi i tih dan ve reng a nih ka ring! " Ka beng zawnah rawn phun sup in a sawi zawh rual in ka beng a seh nghal zeuh bawk! A chet dan avang chuan ka mur chuai bawk.








" Babe! Ka bialnu i nih ang a I tih tur thil kha ka hriat sual loh chuan i sawi in ka hriat! " A nghawng bawr vel chu a rawn nawr kual thuak
thuak a. Ka kut ka lu chung a a nem beh chu pawh thlak ka tum a mahse ka hlawh chham hmak.








" Min kal tir teh! " Ka bei dawng chuan ka ti ta ngawt. A rawn nui suk a. Ka nghawng chu a rawn lum nghal hawk.








" Ni mai lo e! Ti mai a ka bialnu hi ka kal tir mai ten! " Ti nawn leh sup in a kut leh lam chuan ka kawr lum hma lam ziper chu hnung lam a tang a rawn pawt thla hrawk a. Ka meng bial nghal kawk.







" Eng thil nge i tih! " Hlau thawng lutuk chuan ka ti nghal that a. Ka tal nghal phat chu kawngkaah chuan min nam bet zual sauh thung. Ni lo.... A tha dawn lo tawp tih ka chung lam atang in min rawn hrilh a. Mahse engmah ka ti thei lo.








" In ngaizawng ten an tih thin! " Ti thawp sup in ka shirt hak chhungah a rawn zen lut a nih chu! A chet dan min thawng bawk nen ka hlau thawng bawk si tih thei ka nei bawk si lo chu ka tah a chhuak ut ut tawh.





" Tenawmpa min thlah rawh ka tih chu! " Ring lutuk a au ka tum vai nen ka hrawkahin hnawh tu avang chuan a ri chhuak chang chang. He tiang em em a ngampa leh rapthlak a nih chu ka ring em lo a mahse he pa hi chu ka rin loh dan hlir in a khaw sa thung. Min ngai thla map lo in a kut chu an chet hrut a, ka kekawr kawng kilhna a hmet phelh nghal zat!







" Aii..... Khawngaih in... Khawngaih in ti suh! Zomuansang duh tawk rawh ka tih chu! " Ka hlau thawng tawh lutuk chu ka tap chhuak nghal hawk. A che lai chu a tawp chawt a, muang chang in ka kekawr a zen luhna kut lum vung vung chu a phawi chhuak ruai ruai bawk. Rang lutuk in ka mal ka chip nghal chawi a, ka tha khur ru der der bakah ka hlau thawng lutuk chu ka tap khur nghal der der bawk.







" Sorry! " Ti sup in ka kut a vawn beh pawh a thlah thawl ruai ruai a. Ka tap ring lo mahse ka tap tawp thei hek lo. Ka hnung a na zet a thawk la hrawk hrawk thin avang chuan ka thinphu lah a pangai hlei thei der lo. Ka dar a min rawn khawih avang chuan ka din na atang chuan ka tawlh nghal dawr chu lawm lo tih hriat zet in a rum nghut a. Bang bulah chuan ka ding tawm chawi bawk.







" Pawnah ka lo nghak ang che! " Ti sup in min melh run a mahse ka en ve duh lo. Tunah khan min khawih luih a tum ! In hnuai lamah midang an awm ve reng a, chuti chung chuan kha tiang khan a che tho!







" Mawi lo tak a ka chung a chet a l lak chhan hi min hre chiang a, ka nun dan, ka chhung kua nen zah tlak ah min ngaih loh vang a ni ti raw! " Kawngka a pawt hawng tawh chu a ding chawt a. Ka lam a rawn hawi phei nghal vut. Ka biang a mittui luang chung chuan ngei lutuk in ka melh ngar. Ka huat zia chu pui tak a ni ringawt.








" Rei lutuk lo la! In hnuai lama mi ten ngaihdan dik lo an put loh nan! " Ti hmuk in a pen chhuak zui nghal vut chhin hum ruh tang in ka melh tlawk tlawk. Eng tik lai atang khan nge midang ngaihdan a lo lak ve tan ni.








Room a tawm reng chi a nih loh avang chuan hreh zet in ka chhuak a. Room pawn a kamis blue ha a kawi sawi zet a lo ding chu ka melh nghal hrep. Min rawn melh ve nghal vut a. Mahse rang lutuk in ka pen sawn nghal vat. A hnaihah hian ka awm leh tawh lo ang ka rilru in ka ti nghal mawlh mawlh bawk.







In hnuai ah kan chhuk a. Ka hnung a pen ri khup Khup chu ka ngai thla ru reng bawk. Haw mai ka rilruk a nia mahse pa Jerome an min lo hmuh hman avang in hreh zet in ka pan phei a. Ka hnumgah zel ke pen thawm ka hre bawk.







" I huat thu ka sawi a nih chuan min ngaidam dawn nia! ".irene-i chuan a rawn ti sap a. Chu mi rual in ka sir ah Zomuansanga a rawn dimg ve nghal run bawk. Rum lutuk in ka melh a mahse engmah thleng lo ang hmak in a awm a nih chu.







" Chutiang engmah a ngai lo. Ihh.... Ka in thlahtung viau nan mahse haw mai ka tum a min hriat thiam hram ka beisei! " Zah pawh dawn lo in ka ti sap. Pa Jerome a chusn chik zet in min en ngur a mimawl a nih loh chuan ka hmel awm dan leh mit sen ramah hian thil dik lo a awm tih a hriat thiam ka ring. Vanneih thlak tak in min chelh ta lo hlauh. Ka zawi ngawih ngawih hi a ni mai. Thil thleng khan min ti chau zo. Sunday ah thil yha lo tih ka tum vang in pathian in min hrem ni ber in ka hria. Engmah a thleng lo erawh ka vannei.







" Thlah ka ngai lo! Kha zawng kha kan pahnih inkar chu ni rawh se! Ka ba ka tlak a min ti buai tawh suh! " Pawn kan thlen rual in ka ti sap a. Ka bul a Zomuansanga ding ngawi ngul chu en pawh en tawh lo in hma lam ka pan nghal hmak.







Sunday a nia taxi a la vang em em zui mahse pakhat ka hmu hlauh a chu pawh kan veng thenawm a ding mahse ka vanneih a siam in kan veng lamah a tlan dawn thu a sawi hlauh a min phur ve hram. Taxi chhungah techuan ka mittui a rawn luang leh ngiai ngiai thin. Nancy phone call pawh ka chhang peih lo.







" Ehemmm....! " Kan in step ka chhuk tur chu ka ding dat a. Aw lo chhuahna lam chu ka hawi nghal vat. Mpa nen kan in melh ve ta chiah a. Nui sang in ka lam a rawn pan nghal zat.







" Lo len ka tum a mahse min hlau nge i lo tlan bo daih a! " Ka bul a rawn thlen rual in a rawn ti nghal a, min la nuih sang zui.






" Ngati nge?. Sawmte i tha em? " Ka hmel a hmuh chian tak ah chuan a rawn ti vat a. A aw ah pawh a hrilh hai tih a lang chiang viau bawk. Ka in sum ve tang tangna chu puak keh in zah pawh dawn lo chuan Mpa chu ka kuah nghal thlawp a. Ka tap khur nghal char char bawk.







Uar mang kheng chuan ka tah khum a. Ka hnungah min beng thak thak in ka tah chhan pawh hre lem lo chuan min kuah ve ta reng a. Ka tap ka bang deuh hnu chuan in la hrang in ka in thlahrung leh hnu hnawh chu ka lai deuh tut bawk.







" Eng thil nge thleng a? " Mpa zawhna avang chuan dak vah in ka en a. Ka tah chhan chu hriat ngei duh hmel a pu bawk. Thaw halh in chhan ka tum lai tak chuan min rawn ko tu avang chuan Mpa nen kan hawi rual nghal vat! Thinrim hmel zet a kan lam rawn pan tu chuan min hmuh ve hlau in ka mittui ka hru nghal vat bawk!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 29th, 2020, 8:19 pm

CHAPTER - 6 🍃 by Amy Cck ( Dream Girl)







* SIMON ZOMUANSANGA POV *








" Tun tum chiah ka kal tir ang che! " Ti sup in kan gate bul a ding run in min hlat zawng a taxi tlan chu ka melh ngur bawk. Ka rilru chuan tun tum pawh kal tir lo a zui tur in min tur ut ut a mahse zui tur a ke ka pen dawn ve leh a chung a ka chet dan khaw lo zet avang khan ka thulh leh thin.








In ngaihtuah bing zet in kan in lam pan chuan ka let phei pawk pawk a. Hei hi kan in pui ber a ni a. Kan chhungkua kan tam lo mahse pangai tak kan ni ve thin. Ka nu leh pa, kei leh Faith-i chuan ka pi nen kan cheng a. Faith-i boral hnu lawkah ka pi ( ka nu nu) in min boral san bawk. Tunah chuan in lian tak leh duhthu sam a mawi a sak ni mahse a chhung erawh a reh in a khawhar thlak viau thung.








" Ti nge? Kha ti teh thut a haw a duh a? " In chhung ka luh rual in ka nu in min rawn pan vat in a ti a. Chhan pawn chhang lem lo chuan ner sawk in common room luhna bul a Irene-i lo ding ve chu ka melh nghal ngur.








" Bawiha! I mak e mai, hreawm a ti ve reng a nia! " Ka awm dan hre thiam in ka nu chuan ka ban bul a min rawn beng hlak in Irene-i chu a melh ve zeuh bawk.








" Hreawm ti tur reng a ni! " Ti hmuk in ka pen sawn nghal vut a. In chung panna step ah ka chho nghal hmawk hmawk a, ka kut erawh ka hum ruh viau.








" Hreawm a ti maw? " Nui ro hawk in ka room kawngka chu ka khar ri nghal dawp a. In her in kawngka chu ka hnek zui nghal tawlh bawk. Ka mittlaah Malsawmpuii thinrim hmel, min hlau na a khat mit meng leh min huatna khat mit meng a min en a, a mittui a biang a luang ngiai ngiai te kha a rawn lang nghal uar uar a, na zet in kawngka bawk chu ka hnek leh nghal thawt!








Hna lam chung chang sawi ho in kan pa te nen room ah kan awm a, Malsawmpuii ngaihtuah ru viau mah i la eng thil vak mah a thlen kha ka ring lo a. Kha tiang zawhna pawh kha an zawh ka ring lo. Ka pa in Malsawmpuii a pawm dawn a nih chuan kan sumdawnna , Hotel leh school pawh ka enkhawl a phut miau a.








Kei pawh in ka pawm ve ta nge nge. Mahse ka pa thu sawi vang ni lo in ka thinlung in ti tur a min tih vang zawk in. Zanriah kil zawhah emaw, rem chang hmasa berah Malsawmpuii hnenah bul tan pui a sawm ka rilruk ta bawk a. Tun ang a a lem mai mai ni lo, midang ang in! Nula leh tlangval pangai ang a bul tan tur in!








A ni chuan tunah pawh lem chang ang in a in ngai a mahse kei hian ka la thu tak tih a hre hauh si lo. Rei tak chhung ka thinlung vawt khawng vek tawh kha lumna a rawn pe a. Ka hun kal tawh te avang in ka na viau tawh a maw ka tih lai in a mittui far khat lek khan thawk hreawm khawp in min ti na leh zual thung si a nih kha.








" Simon! " Khum mawng lam a ka thu kun ngur chu ka hming rawn lam sap tu avang chuan muang chang in ka hawi chho ruai ruai a. Irene-i in thla hrun hmel zet a lo ding chu rum zet in ka melh nghal run.








" Oii.... Enga ti nge? " Ka kut ah chuan a mit fu chat in a rawn ti nghal ruai a. Ka hma zawn a rawn thingthi thla nghal hnawk in ka kut rawn khawih mai a tum chu na lutuk in ka lo thing per nghal nawk.








" Ka hmuh theihah rawn in lan loh hi i tan a tha ber rih in ka hria! " Nui lui suk in ka tih khum hmuk. Mak ti lutuk a min en na chu hmuh kan in ka thutna atang chuan ka ding nghal vut. Ka kal tur chu a thu rawn sawi avang chuan ka ding chawt.








" Ti nge tiang hian min tih a! Kha nu kha i duh tak tak lo tih ka hria. Min hnawh bo nan i hmang mai mai a nih kha! Kha tiang hmeichhia.... " Ka nuih chhuah hawk avang chuan a tawp dat a. A lam hawi a in her in ka hma a hmeichhia lo ding chhuak riai riai chu za lo zet in ka then khum leh suk.








" Engvang in nge hnawh bo che ka duh chu i rin? " Ti sup in Irene-i chu ka melh chhuk ngur a. Ka hmelah nuih zatna a lang tawh hauh lo bawk.





" Ka... Ih..! " Bah deuh nak chuan a rawn ti a, ka ban ka vai khum thuak thung.







" In hual na..! Kha tiang thu ho zet vang khan maw?" Dak meuh in ngeiawm zet in ka nui chhuak leh hawk.







" Ho i ti maw? " Muang ban chap a rawn tiin mittui tling pam in min rawn melh chho a. Mak tak in Malsawmpuii mittui ka hmuh a ka awm dan nen khan a in ang hauh lo! Irene-i chu ka nau, tet te atang a ka hriat a ni a Malsawmpuii erawh ni rei lo te chauh! Mahse dang lam erawh a awm thung.








" Irene hmeichhe fing tak leh fel tak i nih thin kha! Kha tiang thil kha a thlen i ring reng reng em ni! Nang leh kei kan in nei ang maw? " Nui ro hawk in ka hmai ka tuai phawk a Irene-i bawk chu nuih in sum zet in ka melh leh ngur.








" Mahse ka pa in...." A tih rual in lu ka lo thin khum nghut nghut.






" Ka pa chuan Puitei a pawm thu min hrilh! " Ka ti hmuk.






" Engmaw? Aiii.... Chutiang a ni lo ang! " Tap tiau in a rawn ti a, kei chuan ka melh run thung. He tiang a a na lai hmel hi hmuh ka duh lo mahse ka mimal nunah hian tu mah ngampa tak a an rawn in rawlh ka duh lo a. Dim dawi tak a biak pawh ka tum hran lo, tum mah i la ka thiam zawng a ni lo bawk. Duh chu duh! Duh lo chu duh lo chu chu ka ngaihdan a ni bur.








" A tha e, min neih nghal i duh loh pawn a pawi lo hun kan la ngah a, min duh ngei nan ka bei ang. Kha tiang hmeichhe class hniam leh nungchang mawi pawh hre lo kha chu kei mah vang chuan hnaih lui lo hram rawh! " A rawn tih sap a. Chu tiang a a ngai chu mak ka ti hial zawk. Mit ti zim sun a melh run in ning tih hriat zet in ka thaw chhuak hawk a, a ngai ang bawk in ka melh leh nghal ngur.








" Hmeichhe class hniam maw?. Nungchang mawi pawh a hre lo a. Thawmhnaw man to leh mawi tak tak a in bel ve lo a. Chhungkaw hausa a ni lo bawk a, chuan hna pangai tak a thawk lo bawk! Chung te chu sawi chhuak law law la. Mahse thil pakhat ka hrilh ang che, khang thu tam tak khan ka rilru chhe te pawn a ti dang la hauh lo! " Ka ti khum hmuk.








" Engkim! Kha hmeichhia in a pek ang zawng zawng kha ka pe ve ang che! Ni lo.... A pek aia tam ka pe ang che! " Ti leh min rawn hnaih chilh in ka nghawngah min rawn kuah in min fawp nghal zat. Ka nem sawn mai loh avang chuan a aia uar in min rawn fawp leh nghal in ka nghawngah phak leh phak lo in min kuah tawk tawk bawk.








" Kha ti khan i hre thiam em? Nang hian hmeichhia ang in keimahah dang lamna chhe te mah I nei lo. Chuan tunah tang chuan ka lakah ka farnu ang a i chan vo i hlauh zo chiah bawk! " Ti sup in a darah ka nem sawn dat a. Ngawi reng a a ding chu in her in ka coat in khai pawt thla in kawngka lam ka pan san nghal vut.








" I hmangaih tih sawi miah suh! " A rawn vin that a, kawngka ka thleng tawh chu chhuak mai lo in la ding dat.







" Ka hre lo le! Tun a ka awm dan hi hmangaihna a nih lo tih erawh ka sawi thei lo! " A lam hawi tawh lo chuan ka ti let sup a, ngaih sak zui tawh lo chuan ka chhuah san nghal vut bawk.








In hnuaiah chhuk in midang ngaih ven lo chuan kawngka lam ka pan nghal pawk pawk a. Ka nu min auhna ri pawh chu ka ngaihven duh hek lo. Ka motor a chhuan thu lut vut in tlan chhuak ta mai lo chuan seat nghenchhan ngheng chuan ka thu run a, ka thaw chhuak nghal suai suai bawk.








" Zomuansang i hmangaih thu i sawi a nia! " Ti chhuak sup in ka then suk. Kha thu kha khawi atang nge ka chhak chhuah ka hre lo mahse in chhirna ka nei hauh lo. Motor chu ti nung in zan tin, kha mi zan an in kawt a ka lo nghah zan atang a ka tih ziah thinna hmun chu pan in ka in khalh chhuak leh nghal vut a.








A ngai te bawk in an in thlen hma electrict ban bulah chuan ka motor ka hung leh run tawh. Zan eng emaw zat chu he hmunah hian a hnathawk haw ka lo thlir thin a. An in step a chhuk thlak thleng in ka en zui a, va pawh lem lo in ka in khalh haw ve mai a, chu chuan min ti hahdam huaiin ka hre thin.








A hna thawh leh an chhungkaw chung chang a sawi avang khan ka zah pui emaw a ti a mahse a ni hauh lo. Eng ang mi pawh nise tlang tak a a sawi khan a huaisen zia la hmuh sak zawk. Mahse a hmel hriat tha leh mi ngainat em em pawh ni lo bul a hreawm leh nuam lo ti hmel zet a a awm a, a hmel ah khang zawhna kha a chhang hreh tih hmu reng chung khan ka en liam thei ngang lo.








A vawi khat na a tan Irene-i ka vin a, ka nu hmaah tawngkam vin ka chhak chhuak bawk. Kan chhungkaw boruak chu tha vak lo mahse ngawi reng in ka in la hang thin kha a nia mahse Malsawmpuii thlavang kha ka hauh a ngai miau a. A ni lah chuan hre thiam map lo in min la an khum tan tan leh nghal a.








Dar rawn ri rawl rawl chu biak in dar a ni tih hai rual a ni lo. Kawng pui pawh a reh thap tawp, in khawm dar hnihna a ri tawh miau a. Sunday zan a ni tih hre reng in leh, ka mi nghah hi ka hmu kher lo mai thei tih hre reng chung chuan motor seat ah chuan ka thut hmun ka rem tha sauh sauh a, motor a intur kan dah chu la chhuak in hma lam chu ka melh leh vung vung thin.








" Zomuansang hmangaih let ve che lo se eng tin nge i tih tak ang? " Ti thum dut in ka in tur ken chu a bottle chawp chuan ka dawt nghal khawlh khawlh a, zanriah chu sawi lo ang thil mah ka ei loh avang in ka kaw chhung sa thla ham ham pawh chu ka hre thei mahse engah mah ngai lo chu ka in chhun zawm nghal tho.








" Hrep chuan! " ti hrawk in ka hma lam chu mit khap lek lo in ka melh nghal khui. Ka mi nghah ngei mai chu an in step atang chuan a rawn chhuak chho a mahse a mah chiah a ni hauh lo. A hnungah mipa pakhat in a rawn zui ve bawk!








" Ni lo.... Nui tawh suh! Hrep chuan! Nui tawh suh ka tih chu! " Ti chhuak thawt in motor stearing chu ka chum nghal dawp. Ka hma a mi te lah chuan hlim zet a tawng siam siam a. Malsawmpuii nui leh hak thin chu a aw hre kher lo mah i la ka bengah ka ngaihruat thiam vek thung si te chuan ka thin an ti rim hluah hluah.








Malsawmpuii chu dak vah in van lam chu hlim tih hriat zet hian a en a, a tawng tel siam siam bawk. A hmel nung sar leh tha zet chu thla eng no var pap hnuaiah chuan ka hmu chiang bawk. Thawk leh khatah a bul a mipa ding khan a hnaih nghal ruai a, ka lo in sum ve tawh zawng zawng na chu hlauh in motor kawngka chu ka nem hawng rawp an lam pan chuan ka pen phei nghal pawk pawk a. Ka thil lo in nen ka thisen chu a lum pup pup bawk.








' An in kar a va in rawlh tur in a enge i nih? Saw pa bulah chuan a nui a nang chu a huat thu a hrilh thung che! Nang in I khawih a thinrim leh hlau thawng mit meng a a en lai che khan saw mipa saw chuan hnai takah en in a khawih pawn eng tin mah a ti lo! ' pakhat mai pawh ni lo ka bul a boruak zawng zawng chuan thu ngai vek an sawi ! Ka pen lai chu ka tawp nghal chawt bawk.








" Min hlau! " Ti sup in ka nui ro hawk a. Ka hma lam ka melh leh vut rual in kha pa kha bike a chuang in a tlan chhuak ka hmu nghal zat. Malsawmpuii in her a an in a a chhuk tur chuan min rawn hmu tih hriat zet in a ding chawt a. Mak tij hmel zet a min en chu ka hmu phe ruai bawk.








" Ka lak atang hian i tlanchhe thei lo! " Nui suk a tiin a lam pan chuan ka pen chhun zawm nghal pawk pawk a, a lam pan a ka kal chu harh chhuak zawk ang mai hian rang mang kheng in a in her a, step a a pen thla hman tawh chu a ban bulah vuan in ka pawt chho leh nghal lawp a, rak that in phawk lutuk in min en bawk.








" Ti... Ti nge i lo kal leh? " Hlau thawng lutuk a tiin ka vawnna chu pawh phelh a tum a mahse a phelh mai mai dawn lo tih a vuan tu ka nih avang in ka hre chiang mah mah.








" Kha pa kha tu nge? " Ti sup in ka melh chhuk ngur a. Min chhan tum lo tih hriat zet in a hmui nalh leh fawh nuam zet chu a chip hmak reuh a nih chu!








" Babe ka zawt nawn leh ang che kha pa khan eng a rawn tih? " Ti leh sup in a taksa si tur chuan ka pawt hnai hrawk a. Rawn tal ve phat in a theih tawk a na ni ve ngei tur chuan ka awm zawnah a kut leh lam chuan a rawn beng ve thlawp reuh chu in sum hman lo in ka nui chhuak hawk.








" Enge? Enge nuih zat tur awm? " Khabe pauh va a rawn hawiin thip zet in min melh bawk. A lawmawm reuh lutuk chu a aia nasa in ka nui chhuak leh hawk a. Ka sawi kha rang tak a ka mood thlak danglam thei tu awm chhun a ni tih. Ka thinrimna te kha chhem bo ang duak in an awm a. A ni lah a nuih a za ve lo tih hriat zet in min la melh chho ngar thung nghal.








" Nang chauh hi i ni! " Ti sup in a khabe ah dawm in ka kut zungpui chuan a hmui hnuai phir chhah tep chu ka tuai sak nghal hauh hauh bawk.








" Kha pa khan a fawp che em? " Ka tawng chhuah sup rual in ka thinrimna chuan ngai an rawn awh leh nghal. Hnai takah khan enge an tih. He a hmui fawh nuam zet hi ka ta chauh ni tur in ka duh midang in an tem emaw a melh pawh an melh ve ka phal lo bur.








" Ka hrilh pit ang che! " Ti ngat in a tal leh phat a, ka dawh theih chin a pel leh tawh. A ban a vuan reng chung chuan kal sawn pui ka tum a, tan khawh viau mahse awm zia a awm lo tih a hre ve a ni chek ang chu a thi tung deuh at a. Nui hawk in ka thaw chhuak hawk a. Naupang nuar te pawh a ang rum rum.








" I cho chhuah a nih hi! " Ti sup in a in rin hma in ka pawm kang nawlh a ka motor hunna lamah ka pen pui nghal pawk pawk a. Tal chhuah a tum ve viau nan ka phal hma chu a chhuk ka rem ti lo.








" Heiii.... I zakthei lo e mai aw! " Passenger seat a ka nghah luh rual in a rawn ti that a, nui suk in mit ka siai khum suk ringawt chu a ner nasa mai leh nghal.








" A mak e mai? " Driver seat a ka thut luh rual in kawngka hawn a tum chu a banrekah ka vuan nghal chawt a, a phu chiam chu phun hluk in a kawngka tlem hawn tawh chu ka pawh khar sak nghal dawp bawk.








" A tha e! Kan in fawp lo. A tawk em? Nang ang a mipa zahna tula chham a ni lo! " Ka lam rawn hawiin a rawn to fak. Thinrim hmel leh min huatna mit meng in min en mahse a thu sawi khan eng tiang a nasa in nge min tih hlim tih a hre ve miau lo.








" Tak zet! A vannei hle mai! A fawp che emaw i taksa a khawih leh a nih chuan ka that lo a nih vek pawn ka chhuah hauh lo ang! " Ti khum hmuk in ka melh ngur chu awi loh hmel zet in min melh ngar a ka nuih suk.









" I awi lo a nih chuan i fiah thei ang! " Then suk in motor stearing bawh ruai ruai pah chuan ka ti leh sup.








" Zawhna ka nei! " A rawn ti nghat chu then leh suk in sawi la tih nan a mit hmul ka san khum uk.








" Engvang in nge chu tiang chuan i tih ang! " A rawn ti fak. Motor chhung light chuan a hmel a chhun eng vek a. A tawng zawng mai mai pawn a biangsum a lang kalh kalh a, a thu sawi zawh a a hmui hnuai lam a pet zeuh thin leh a lei senno chek a a hmui a rawn liak hlap thin te chu ka en ning thei lo.








" Zawhna tha tak a ni! Ngun tak in ngaithla rawh, ka nunah ka phalna la lo in midang an rawn in rawlh ka phal lo ang chiah in ka thil emaw ka ta midang in min khawih emaw tawm pui ka duh ngai lo. Ka hmeichhe hmangaih awm chhun ngat phei chu! " ! Ti sup in ka lu rawn hai deuh chu ka thing deuh nawk bawk.








" Nang.... Nang hi! Zu i in a mi? Heiii.... Harh teh ! Zomuansang i muhil ngawt thei lo a nia! " Ka biang a kut hit thler in min rawn khawih chu ka hriat hnu hnun ber a ni!








_____________________________________________________









* MALSAWMPUII POV *







" Zomuansang i muhil ringawt thei lo, ka haw a ngai a nia?" A dar ah sawi dat dat in ka ti leh thin. Rawn harh tum ni awm tak in a rawn rum tuah tuah a mahse a ngai ang bawk in motor hma lam chu a bawh leh thin.








" Min ti a zo dawn! " Ti halh in seat nghenchhan chu ka ngheng a. Sunday zan a nih avang in chrismas hnai tawh bawk nen zal khawm a awm a nih ka ring. Zai khawm bang chu an rawn kal nak nak a. Min hmuh hlau in rang lutuk in motor chhung a light off na chu ka zawng nghal ruai a, ka hmu hram chu rang lutuk in ka off nghal.








Pawn lam atang min rawn hmu thei tawh dawn lo tih ka hria a, ka thaw huai. Ka bul a rawn rum tuah tuah chu ka melh vat a. A eng lutuk lo mahse thla a en em avang in stearing bawh a mipa muhil thaw suk suk chu ka melh vang vang a.







" Ti nge i lo kal leh! " Ka hriat tawk chuan ka phun sap. Vawinah a chet dan ngaihtuah chuan haw viau tur ka ni a mahse ka chhung lamah hian a mah la huat phal lo ain dangtu awm tlat hi mak ka ti. Mahse ka huat luih a ngai tih erawh ka hria. Chu ti lo chu ngampa tak in ka lakah chet a khawh ka hlau a, ka hlat a awm se ka tan a tha ber bawk.








" Ka lak a I special bik ang hian i lakah chuan engmah ka ni si lo a. I lei ba tu pakhat mai chauh ka ni a. Vawi tam hmu lo che mah i la hun rei tak ka hriat hnu ang mai in ka ngai leh thin che! " Ti leh sap in ka kut chu ka lek chhuak da da a. Stearing bawh a thawk la suk suk mipa chhelo zet chu a sam dum hlapah chuan ka tawk da da a. Motor chhuat a zu bur let chu a inna a nih ngei ka ring bawk.








A harh mai loh avang chuan ngampa sawt in a sam mai duh tawk lo in a kit tang chuan a chalah ka kawk a, muang chang a thai thla in a mit inkarah chuan ka tawp chat a, a mit hmul dum leh hnar ngul nalh zet te chu melh kalh in ka thai riak riak bawk.








" A ruih vang a ni! " Ti sap in a hmui chu ka khawih a. In ngai zawng ni si lo in min fawp a, zep lo chuan kha tiang khan in fawh a nuam tih ka hre lo mahse ka chapo ve na in awlsam tak a hmeichhe khawih theih nih a duh lo miay a. Nichin lawk khan ' ka hmeichhe hmangaih ' tih a sawi a nih kha. Kei mah ka ni lo tih ka chiang a, hmeichhe vannei tak erawh a nih ka ring. Motor a lock na chu ka hmet i khap a.








" Kal suh! Ni lo .... Faith min kal san suh! " Kawngka ka hawng tur chiah chu a rawn phun sup a. Ka vir let nawk bawk. Mahse a harh lo. A mittui lutuk zawk. A mumangah eng emaw a hmuh vang a rawn tawng chhuak a nih ka ring a. Ka kut a hum ngheh em avang chuan muang chuang in a lamah chuan ka in her leh riai riai a. Ka hre thiam chiah lo mahse a hmelah natna thuk tak in phum ru ka hmuh sak tlat a hriatna ka nei.







A kut a vawnna chung lam ka en chiang chu a pem a, a sen deuh ram bawk. Ka sam ka tawnna scarf chu pawtthla in dim zet chuan ka tuam sak a. A rawn phu leh zeuh thin rual in na nei zawk ang mai in ka lo then ve leh sawk thin. Ka tuam zawh sak chu ka thawl hawl in ka hria. A hmel ka han en a, eng emaw a sawi tih ka hria.








A phun leh sup thin chu enge a sawi hriat tum in ka awm hnaih deih hrat a. A thil in rim nam rem rem pawh ka hre thei. A hmai zawnah chuan enge a sawi hriat tum in ka awm hnai leh xual a, a hming lam sup chu ka hre ta chiah bawk.









" Faith! " Ka phun ve sap. A bialnu a nih ngei ka ring. Ka hnaih chilh em avang in a mit hnawp chap leh che leh zauh thin chu ka en reng a. Hmeichhe dang hming lam mahse thlamuan ka chak tlat pek a nih chu.









" Shii..... A tha vek! I bulah ka awm a nia! " Ti sap in ka kut chuan a sam ka chul a, a chalah ka hmui ka nawr vang vang bawk.










He tiang hian ka nu dik tak a boral khan ka nu hnuhnung zawk khan mangchhia ka neih a piang in min thla muan thin a. Ka mang hlauhawm leh hreawm zet te khan mumang nuam tak in a rawn thlak thin bawk. Ka hnaih mek taksa pawh chu hahdam ta huai ang mai hian a rawn thaw ta suai suai a. Nui ve sak in hahdam zet in thawk ka la a ka en ta reng.








" Minute 5 chiah ka awm tawh ang! " A kut a sana chu ka melh sak zeuh a 12 a rik lohna chu tlem te chauh a mi tawh. Ka pa erawh Mpa ka thlah hma daih khan a muhil tawh a, a lo harh te a nih ngawt loh chuan ka awm lo tih a hre lo tur ah ngai ang!





*





" Morning! " Vai riai in mit ka meng a ka hmuh hmasak ber erawh ka mumangah ka la cham emaw ka ti hial. Mit ka nuai nghal vat a mahse a fiah tulh tulh bawk si!








" A bo thei lo! " Ka ti ta ngawt chu nui suk in min rawn awm hnaih a. Ka lo awm hla tur chu ka kawng na lutuk vang in ka rak that.









" I tha em? " Rawn ti sup in ka nak nem leh kawng vel chu a rawn khawih a, ka la phu zuk zui.







" Enge a an? " Ka kawng bawr hmet reng pah chuan ka mit a min melh in a rawn ti leh sup. Nizan a a mit meng ngainat awm tak leh min thlak hlelh hmel kha ka hmu tawh lo a mahse min ngaihtuahna na mit meng ka hmu thung.










" Ka...ka tha tawh! Nangmah vang vek! " Lai deuh tak chuan ka ti sap a. Rawn awm hnai leh zual in ka kawng chu zut reng pah in ka darah a khabe a rawn nghat a. A beng hnuai deuh a khuavang chuan ka mit a la chat leh nghal.







" Ka lawm e! " A khua vang ka en reng lai chuan a rawn ti sup a. Ka beng zawn leh nghawnh zawn lum thla hawk avang chuan chil ka lem kalh bawk.






" Nizanah ka bul a I awm avang leh hei vang hian! " A rawn ti leh sup a chu mi rual in a kut scarf a ka tuam sak chu a rawn lek chhuak but bawk. Ka nui nghal sen sen a mahse ka ngaihtuahna a rawn fim a ka thil ngaihtuah chhuah avang chuan ka hnual nghal rawi rawi. ' Faith ' tih hming puri hmeichhe hming lam a a na that hmel kha ka mitthla a. Rang lutuk in a darah ka nem sawn vat.







" Dik lo a awm em? " Ka awm dan avang chuan a rawn ti sup. Tah vak ka chak zia chu, he pa hi la duh lo a maw ka tih lai khan ka lo duh tawh lutuk a. A nun a hmeichhia re thleng in ka lo thik zo tawh a nih tih ka hre chuak bawk.






" Tun bak chu in hmu tawh lo ang! " Ka ti sap. Rum nghut on min melh a. A mit meng pawh a rawn rum nghal vel bawk.







" Eng maw! Han sawi nawn leh teh? " A rawn ti sup a. Ka kawr chhung a ka kawng a hmerna chu vawn hnan in muang chang in a kut lian leh hlai hlp, lum vung vung chu ka vuan bawk.







" I bialnu a vawi khat tan i tih kha! Nimin khan kan tih tawh bawk. Nizan i bul a ka awm chhan pawh ni a la ral lo a, buaina a awm ka duh loh vang a ni kha! Mangtha Simon! " Ti sap in kawngka la nem hawng a. Ka chhuak zui nghal vat. Thil ri dawp ka hriat rual in rang lutuk in kan in lam pan in ka tlan nghal vat.







" Enge i hlauh, a rawn um che maw? " Ti sap in kan kawngka bulah chuan ding in thawk ka la vang vang a. Thawm dim zet in ka lut ta them them. Tui ka herh hawh dawn chiah tihah ka pa a rawn harh ve nghal. Ka vannei hi ka va han ti mai mai tak.







" Tu nge Faith-i chu? " Darthla langa in en chuan ka phun sap. Ka ngaihtuah tawp thei lo. Ka mipa, hlauhawm leh thinlung pawh nei ve lo ang mai thinlung a hming ziak thei nbik hmeichhia chu ka hre chal tak zet.








" Min nghak rei em? " Kawng pui ka chhuak chho chu Mpa a bike ngheng a lo ding vang tawh bulah chuan nuih tlawn deuh in ka ti vat.






" Ka thlah che i duh ziah dawn chuan nitin tlai mah la ka nghak reng peih che! " Nui chung in a rawn ti a. Lei ka chhuah khum vak chu a la ner sawng leh nghal.







" Lo chuang rawh le? " Ti sup in a bike ah chuan a lawn a. By nghat in ka lawn mai tur chu Simon-a motor dahna lam kha ka va hawi leh kher a. A kal daih tawh ka ring kha a lo la awm reng a nih chu! Rang lutuk a hawi sawn in Mpa hmungah ka thu nghal. Nizan a a hmel hlauhawm tak kha ka mitthla let uar uar bawk.







" Tlan vat vat rawh? ". Ka ti chu Mpa lah chuan la hman hmawh chhan hre hek lo a che muang lui sawt leh nghal. Motor awmna lam ka va hawi leh chu motor kawngka a rawn in nen hawng a. Ka thin phu chu a rang nghal dawt dawt bawk. Vannei thla tak in kan tlan chhuak hman ta hlauh.







" Tlai chu lam I ngai lo maw? " Kan dawr bul kan thlen chuan Mpa chuan a rawn ti sup.




" Aii.... Nancy nen kan haw rual thei! Kal lam min hruai pawh hi la lawm lutuk ringawt! " Ti sap in ka nuih a. Nimin tlai thim thet thet a la tah khum chiam khan a chhanah ka nu thlanah ka kal a ka lung a leng ka ti ngawt a, eng mah min zawh belh ta lo. Nancy khan min rawn ko lo phei se chuan ka rilru buai lai khan ka lo sawi chhuak leh vek a mia ka ring.







An pahnih in an leng reng a, Nancy erawh in khawm kal rem lai in ka haq dawn a ti a a chhuak kha a nia. Mpa erawh a leng rei thung. Ka hma zawn a kut rawn hmet ri khep ah chuan la harh zawk.







" Ege i sawi? " Ka ti haw chu a lawm loh hmel ngang mai.






" Ka sawi chu kei hian ka duh che! Kan in hriatna a la rei lo tih ka hria mahse la duh tho che ! Nang mah chauh a I tah kha ka phal tawh lo a, min rin chhan in awm la i tap dawn a nih pawn ka bulah"







" Mp... ! " A tawng lai pawt chat in ka ti sap.






" Mi pahnih in zawmna nei tur hian rei tak in hriat kher a ngai lo! " A rawn ti nawn leh sup. Ka thin zawn chu ka dawm vat a. Ka lungphu lah chu nasa lutuk in a phu bawk. Mpa chu ka melh chho vat a, ka chhanna a nghak tih a hmelah a lang reng bawk! Eng chhanna nge ka pek tak ang?

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)