LOVE IS NEVER ENOUGH by Amy Cck (Completed)

[Ngaia]

CHAPTER - 7 by Amy Cck









" A na viau a mi? Reubena mai mai chu(h)! " Tih leh U Rinzuala chuan ka kawr ban chu hlim chhoh leh deuh in a ka ban duk lai vel chu na lo te te hian a hmet a. Mahse ka tap bang thei chuang lo. Ka ban chu a na tho a mahse chu ai chuan ka thinrim lutuk engmah ti thei lo hi ka tah pui a ni zawk.









" Lo awm lawk rawh aw. " Ka tap ka zia awm deuh hnu chuan tiin motor atang chuan min chhuah san a. Lu bu nghat nghat in ka la in sut ri faih faih tho. Kha tiang khan kut kha thlak ka tum miah lo, ka hua a ka ngei bawk mahse kut em thlakna tham a ni lo tih ka rilru a fim deuh hnu hian ka hre chhuak a mahse ka u in midang awm ve vek lai a min vin chiam avang leh ka ban a vawnna na ka ti tih hre lo lek a ka chung a a thinrim a vang khan ka rilru a dam thei lo.









" Ti nge ka mawl em em le? " Ti hap in ka biang a ka mittui huh niai chu ka hru thak a, U Rinzuala pawh a rawn lut ve chiah. Chuan eng emaw a rawn khai lut bawk.









" I mawl pawh ka ti ve lo kei chuan! " Ti sup in ka kut bawk chu a rawn la leh a. Ka melh let ha chu ka thu sawi kha a rawn hre hman a nih hmel.









" Ka mawl a lawm. Kimkimi thu sawi ho lutuk vang mai mai in thinrim in ka awm a nia. A mizia ka hriat chian teh lul nen . Kha kha enge a? " Tih leh a thil rawn khai luh a rawn lak chhuah chu ka melh nghal zeuh a min nuih suk ringawt.









" I ban ruh spray na tur damdawi leh a tuamna, ka fel viau lo maw? Chuan kei chuan ka hmuh ve dan che chuan i mawl ni lo in i u lakah hian i thik thu i pe chhe mah mah ni in ka hre zawk. Nang lo hmeichhe dang a ngaihven i phal lo ni ber in ka hria, chu ti ang bawk in i u pawh in. " A rawn ti sup chu za lo zet in ka nui chhuak hak. A thu sawi awiawm loh lutuk vang a nui ka ni bawk.









" Ti khan i mawl chiah, nuih na tur ka sawi awm ka hre lo! " Min rawn melh zawk in a ti sup chu ka nui lai tawp dat in ka ner khum nang a. A thil ken a na lo te a ka chal rawn chhu kauh in ka ban chu a spray nghal a, ka ban sa deuh hat hat chu a vawi riai riai a ka zia huai bawk.









" I thik thu a chhia i tih lai kha maw le, hmeichhe na zawngah ka u hi ka hauh hlur bik hlei nem Zothankimi bul ah chiah a lawm ka thik a ka thin a rim thin. Naa... Ninawm ti nge an hming te hi a in an teuh bik em em? Zomuanpuia.... Zothankimi! Zo tih a awm ve ve bik a! " Lawm lo lutuk a ti chhuak nang nang in ka sawi zawh rual in ka ner zui vak.









Ka ti tak tak bawk, kei te chuan bialnu nei tur te pawh in ka duh a, U Opi nen pawh sawi rem a an in kar chhia siam that ka tum a. Kha vang deuh pakhat a tun din hmun a ding ta kan ni bawk. A vai chuan ni lo mahse kha mi atang a in tan ka ti lo thei lo. Mahse LalKimkimi bul kherah hi chuan ka u hi ka sem zai phal thak lo.









" Ti nge i nuih a? Tu pawh mai hian ka thinrim leh lawm lohna hi in ngai pawmawh ve duh lo. " A nui suk suk chu melh in ka ti hmak. Nuih in sum zet chuan min rawn melh zui nghal bawk.









" I lawmawm reuh em a, tih tak ah chuan nang pawh i u nen sap hming in nei ve ve a, ka sawi dik ti raw? Chuan ka tuam rek mah mah em? " A rawn ti zui zat chu lu thing in ka ban chu ka hma zawnah ka lek kang nghal vah a. Na deuh te pawh ka ang a lawm le.









" Chu pawh ni se ka haw tho tho. Sawi chhuah tham si lo a dawt sawi a ching reuh si. " Ka tih rual in mit ka chhing sawk. Mi rel te pawh ka ang zawk a lawm le ka thu sawi dan chu.









" Chu tiang chu maw ni a! Mahse ti nge i hriat reng chuan i thinrim tho a. Reubena te chuan a duat in a ngaihsak ber che tih kan hre vek a lawm nangmah hian i lo zir em bawk a. Reubena ngaihtuahna i luah khat vek pawh hi ka dem ta lo. " A rawn ti chu ka melh ha a min lo nuih suk in a thil ken chu motor hmaah a dah nghal zat.









" A dik lo a mi? Tun lawkah pawh chhuak lutuk a i tap lai ka hmuh meuh chuan ka lo buai ve vek hial a ni. I ti tau leh lawm lo hmel te, i u chung a I lawm lo i vui niah niah leh engmah ngaihtuah hmasa lem lo a I mi huat chung chang i sawi kual vel te kha, kha aia nasa a I pangchang thin a nih ngat phei chuan duat loh i har dawn hian ka hre ee! " A rawn ti deuh duah chu in sum hman lo in ka nui hak hak. Rei lo te kan awm dun a engmah ngaihtuah lek lo a ka lo awm khum vak a sawi kual nalh lutuk chu ka nuih a ni ber.









" Chuan I la nui mawi em em bawk a! " A rawn ti chu ka nui la tawp in ka ner ta nang.









" Kha em em chu ka awi lo a nia. Ka rilru lak pen i tumah ka ngai mai ang. " Ka tih rual in a rawn then ve ta suk. Ka nu ka chhunna em em pakhat chu ka thinrim hian rei tak ka thinrim thei ngai lo, chubakah thu zep kual hi ka thiam lo em em bawk. U Opi nen kan in hmuh chung chang pawh rei lo te ah ka u pawh min hre vat reng a ni kha.









" I ril a tam em? " A rawn ti chu nui sak in haw ka duh zawk thu ka sawi ta zawk. Ka in thlahrung ve deuh nula pui tawh in ka la tah khum chiam leh nghal.









" I u in min rawn bia a I pu te inah a nghak che nih hmel. " motor ti nung in u Rinzuala chuan a rawn ti a lam ka hawi nghal vat a mahse min rawn en ve lem lo. Ngawi reng in motorah ka thu a, Kimkimi thu sawi kha ngaihtuah duh lo viau mah kha tiang sawi chhuak tur chu eng emaw chu hriat a nei a nih ka ring tho bawk si.









" Thu awm ze nei lo mai a ni. " Ka phun chhuak sap a.








" Min bia em? " U Rinzuala chuan a rawn ti sup.








" Ih... Thil chu kan ei leh si dawn a mi? " Zang khai vah chuan tih tum mah i la ka sawi tawh kha ka mizia hi ka thup ve thiam lo . Lungawi lo na na na ka hlim der thiam ve lo bawk. Tunah pawh ka u ka la hmuh duh loh vang tih u Rinzuala pawn a hriat thiam ka ring.









Kan in kawt thleng min thlah a, in a ka lut chu a lo reh thap. Ka pu kha inah a awm a maw ka tia, a nih loh pawn room ah a awm zawk pawh a ni mai thei ti rilru in common room ah ka phei a, ka u thuthleng a lo thu ka hmu chu ka ding dat. U Rinzuala khan a sawi tak. A lo haw daih tawh ka rin nen.









" Naute! " Kal pel a in chung pan ka tum chu ka banah a rawn vuan a mahse a thlah leh rang lutuk tlat. Ka u hmel a in thiam lohna mit meng ka hmu chu en rei duh lo in ka hawi sawn nghal vat. Ka ban ka lo tuam chhah bawk nen min tih nat emaw tiin a in thiam lo tih pawh ka hre reng mahse engmah ka sawi peih lo.








" Ee... Angel i lo haw tawh a, i u nen in rawn haw rual ang chu ka tia " Room atang in ka pu a rawn chhuak a a rawn ti nghal.









" Tih tur dang ka nei a ka haw san hmasa a. Pu ka lu a na deuh a ka mu dawn a nia . " Tih leh in chung step a tlan chho ka rual nghal. Ka u beidawn hmel zet a a thaw ri hawk pawh chu ka hre reng tunah rih chuan mut ka duh tak tak miau. Khaw lum hnuaiah ka tap vak ringawt a ka lu a na vek tak tak.




*




Mipa tawng thum bul bul ri vang chuan peih lo zet in ka meng a, ka khum sirah ka u lo thu in a thawmhnaw in bel atang in la haw lo in a la awm tlang tih ka hre nghal bawk. A shirt dum ban tluan hak kha a banah nawr tawm in ka ban kan tuam kha a lo phelh mek bawk.









" Ti nge i la haw loh? " Ka tih rual in min rawn melh nghal run.









" I nuam sam lo tih hre chung chuan ka haw theih i ring a mi? I lu chu a la na em? " A rawn ti let sup chu in beng kang in ka thu chhuak a ka u ka en chu ka chhanna nghak tih hriat lutuk in min lo melh run a nih chu.









" A dam vek tawh . " Ka ti deuh tawp chu thawk a la hawk a ka ban duk lai kha melh zui run in ngawi reng in a hmet mawlh mawlh a. Kei pawn a awm dan chu en in ka ngawi ve kar bawk.









Kawng leh lam tak ah chuan tun a kan awm dan hi a hahdam thlak tak zet. Duat zet in ka u in ka na lai min en kawl sak leh a. Eng eng emaw zawhna min zawt a Kimkimi ka ben chhan te pawh. Chuan Kimkimi thu sawi ho lam lutuk a hriat ve hnuah chuan min hau ngei ka ring kha a nia mahse engmah chutiang a la sawi miah lo.









" Tihpalh aw! " A rawn ti sup chu ka melh reng a. A ni erawh chuan ka ban chiah a melh ngur thung. A in thiam lo tak zet tih a che zia leh a awm thawp sup atang khan ka hre bawk.









" A na tawh hlei nem." Ka ti let ve ta sap.









" Ka ti tak tak a nia! Chu bakah vawin a mi vang a duk nasa pawh a ni lo. Ih... Hmanni a Lalmama room a lawnna ah Maman min pawt chho a min vuan nghet lutuk a a duk sa a lawm. " A in thiam lo hmel em avang chuan kei mah zawk in hreawm tiin ka ti chhuak leh ta nge nge.









" Mahse Mama chu hau kher suh ang che! " Ka ti zui nghal chu nuih za hmel a rawn pu ve ta deuh. Kei pawh ka nui lui ve sak.









" Ihh..... Kimkimi kha ben ka tum miah lo. " Kan ngawih deuh vang vang hnu chuan in thiam lo lutuk in ka ti leh sap. Vawinah ka haw lawk peih lo in u Rinzuala nen kan in kawm deuh reng a ka u din hmun hreawm tur zia vel a sawi a, a farnu te pahnih lah in sawi chhuak dawt lo mah i la kan pawt buai reng a, tih vel a sawi nuk a, a sawi lai kha chu luhlul tak in ka thin a rim bawk.









Mahse ka ngaihtuah chian hian kan awm dan chu a naupang chhia ka ti thar ta tlat a. Kei phei chuan ka hre chiang a ka u lak a ka din hmun chu, chu ti chung chuan Kimkimi ka lo la thik kual ve hram hram a. Puitlin ve ka duh ka tia hetiang thil ho mai mai a ka lung nih loh zel chuan hma ka sawn ngai dawn lo tih ka hre chhuak bawk.









" Ka hria lawm. Tlem chuan i thin hi chhe ve deuh mahse tul lo a midang kut thlak duh tur i ni lo tih ka hre chiang. Ka thiam loh zawk a nih kha, ka chungah i lawm lo a chutah Kimkimi i ngai na lo tih hre chung in ka hruai ve bawk a. " A rawn to sup chu thaw hak in lu ka thing mat mat.









" Nang chuan thil i ti sual ve ngai loh kha. Ka dik loh vah zawk a nia.... Kan ka tih na. Kei leh Kimkimi hi i farnu ve ve kan nia, kan u in tawm i ni tur a nia mahse ka bul ah i cheng a, nitin zan tin min ngaihtuah em em reng bawk a, thil ngaihtuah chiang lo in ka lo ta hauh bur che a. Tun atang chuan Kimkimi lakah pawh ka fel tawh ang. " Ka ti kual deuh duah chu ka u pawn mak min ti nge min melh vung vung ringawt.









" Nang te reuh hi i lu na a la reh lo a mi? " Ti sup in a kut lian leh lum thur thur chuan ka chal leh hmai vel a rawn khawih a, ngei lutuk in a kut chu ka beng nghal hlak.









" Kawlh hlik hlek si. Min an khum hrep ring in ka lo in puah chah ve a nia. Mahse rilru tluang zet i pu erawh ka rin phak bak a ni. " A rawn ti sup chu ka nui ver ver. A hma ang chu ni i la ka dik loh zawkna pawh nise Kimkimi ni lo a kei min vin vang khan ka thinrim in ka tih tauh khum ngei ang.









" Ka fel tawh dawn a lawm. Tu emaw in entirna tha deuh min pe a chuvang chuan ka ti tau lo mai ang. " Ka ti chu a hriat thiam loh hmel ngang mai.









" Tu emaw chu Rinzuala a ni maw ? " A rawn ti sup chu ka nui sak. Vawin a u Rinzuala thu sawi pakhat kha dik ka ti riau a. I nu leh pa hi lo in then ta se a tu emaw ve ve chuan an bul a awm tir tum in tan la se, eng tin nge i awm ang. I nu nge i pa i thlan zawk ang. An pahnih in an pawimawh ve ve sia, chu tah tun a Kimkimi nen in in huat ang hian i nu leh pa chu in haw ta bawk se.









Chutiang din hmunah chuan Reubena pawh hi in dah ni ber in ka hria. Kimkimi a ngaihsak chuan nang i lawm lo a. I u in a ngaihtuah zia che pawh i hria a chuvang chuan a ni chuan ka hmuh ve dan chuan nang mah zawk thlang in i bulah i mamawh a piang a buaipui tur che in a awm reng a. Sawi lang lo mahse Kimkimi pawh a farnu ve tho a nia a ngaihtuah dawn tih nang pawh i hrethiam ang. Mahse a ven thawn vang che in engtik lai pawn I bulah char char a la awm a nia.









Khi thu U Rinzualan a sawi kha ka theihnghilh thei lo. A sawi ang in ka nu leh pa ah hian duh thlan ngai se ka theih ka ring lo. Chutiang a din hmun khirh a ka u dah reng hi ka duh tawh lo. Min hmangaih ber tih ka hria a, thil dang zawng aiin min ngai pawimawh tih ka hre bawk a ka tan chu chu a tawk viau a ni. Kimkimi a vang mai mai in min duat loh in min ngaihtuah loh phah dawn lo tih hre tur chuan ka upa tawk tawh bawk.









" A nih chuan lo haw tawh la. Ka ngai tawh che. " A rawn ti thawp sup chu ka nui hak hak.









" A chang hi chuan kei aiin i naupang chhia zawk ka ti thin. " Nui chung a ka ti chu min chhang lem lo chuan ka then ve suk. Sawi ve lem lo mah i la min ngaih tluk zet in ka ngai tih a hre vek bawk.




*




Passenger seat a thu in hla kan play chu ka sak pui rat rat a. Ka u erawh motor khal chung in phone a bia a, a tawng dan vel atang chuan hna chung chang a sawi tih ka hre bawk. Ka pu te in atang in zanriah ei kham in kan haw a, a hma em em tawh lo.









" Naute mut nghal i tum a mi? " Kan in kan thleng a kan unau in in chung kan pan nghal a ka room a ka lut tur chu ka u tawng vang chuan ka ding khaw muang dat.









" Aiii.... Tlaiah khan ka mu sia ka mut pawh a la chhuak lo, rei vak lo chu movie ka em mai ang, ka mut chhuah hma. " Melh let ha in ka ti let ve nghal.









" A that chu, movie en lo in hna thawk zawk i la ti raw? I hman hun ah ka room ah rawn phei la. " Ti sup in a kal nghal nul nul chu ka hau in ka melh tawp.









" Eng hna maw? " Ti leh ka room a luh ka rual a ka thawmhnaw thlak sawk sawk in kawr bah sin te leh ka kekawr bul chu ka ha a. Ka room a ka let leh hun a mut nghal in peih at in ka awm a nih chu.









Ka u room ka lut chu a dawhkanah lehkha a lo in chhawp hnawk nuai a. A ma hmel erawh hmuh tur a awm lo. Tih tur hre ve hek lo khum a mu thla dat in ka phone chu ka hmet malh malh a private chat ai chuan kan thian ho group ah ka nawi ve a ni zawk.









Private a mi han biak ka nei lo miau a, min rawn be tu te chu awm ve mahse kei mah hian ka be tha peih lo. Phone ka neih tirh atang in ka hmel hriat loh chu ka u in biak a phal ngai lo a chu chu ka than len pui ni ta ber in ka in hria.










Ka hmai a tui rawn far fep vang chuan ka meng a, ka u hmel ka hmuh rual in min nui nghal suk. Ka mu zal mai mai kha ka lo muthlu hman tih ka hre ve chiah bawk.









" I mutthilh kha a la chhuak lo a maw ka tia. " Hnai zet a min melh chhuk run in a rawn ti sup chu mit ka chhing leh vang vang. Nichin kha chuan a chhuak lo tak tak sia tih tur a awm loh lutuk vang in ka lo muthlu mai mai a ni reng sia.









" A chhuak lo bawk! Khawi maw .... I sam kha hru rawh min far a nia! " Ka hmai a tui a rawn far leh rual chuan ti vak in a awmah ka nem zui nghal a. Kawr a lo ha miah lo, a room a reh ka ti reng a a lo in bual vang a nih chiah kha. Mit ti zim sun a min melh in a hmui a ti sawih zauh danah a awi vak lo a nih hmel.









" A nih chuan in ti harh la . " Ti sup a ding chhuak in a towel ken chuan a sam chu a hru nghal mual mual a. Mu tur a min ti lo chu ka lawm ngei mai. Kekawr bul dum ha in a hna thawhna dawhkan lam pan chuan a kal chu khum a thu chhuak a zi mar talh talh in ka en zui reng a. Ka mut a chhuak ti ngat i la chuan va mu mai rawh a ti dawn tih ka chiang vang in in sawi khalh vat in ka mut a chhuak lo ka ti kha a nia. A chhan pawh ka u hi ka ngai miau, a bul ah la awm rih ka duh!









" Co...coffee in i la! Ka zu siam ang aw. " Tih vat in ka ding a, a towel a nghawng a bat a min rawn melh vut tu chu nuih let sak in engmah a sawi hma chu room atang in ka tlan chhuak nghal. Ka coffee siam ka u ka in tir tur chu naupang thil thiam thar nei ang mai in ka phur viau bawk. Ka thiam thar a ni hrim hrim a, ka pu te in a ka awm ruk lai khan Lamama hnen atang in ka zir ve tlat hei chu!









___________________________________________________









* REUBEN ZOMUANPUIA POV *









Passenger seat a thu awn der der a zai rat rat chu en in ka nui leh suk thin. Vawin a hospital atang a a chhuah tauh kha chuan min biak duh loh rei viau ka ring hman a mahse rin loh lam deuh in thil a thleng thung.









Kimkimi nen an in hauh chhan pawh Nautei chu ka zawt buai duh lem lo. Kimkimin a su palh a, Nautein a phone a thloh palh avang in a thinrim in a beng ni in a sawi a. Rin hlelhna pawh ka nei hran lo. Nautei mood a fuh lo tih hre chiangtu ka ni a, Kimkimi nen an in mil lo tih hre chiangtu ka ni bawk. Ka bul ah ti lang lo a Kimkimin a tuar ta daih chu a pawi ka ti a mahse Kimkimin engah mah a ngaih loh thu a sawi a a hahdam thlak deuh, chuan Nautei pawh a in chhir tih ka hre bawk a. Engkim chu a fel zel tur ah ngai phawt mai ang.









Kar hnih bawr vel lek a awm hrang a ka ngaih hman zia hi a hre ve kher lo ang. Pu te in tho mah nise tuk tin zan tin ka hmuh lo chuan awm a nuam tlat lo. A room a a lut tur chu a mutthilh dawn rih loh chuan ka room a lo kal tur in ka ti a, mak ti hmel deuh a min en na chu hai der in ka room lam ka pan san zui nghal.









Room ka luh rual in ka dawhkan hnawk nuai avang chuan ka phun hluk. Zingah khan ka hna khawih zo lo in ka chhuak miau a. Zingkar a Nautei hmu tur a ka pu te in ka kal avang in ka zingkar hna tur a ka tuk ho ka khawih hman loh phah miau a. Chhunah nileng in kan chhuak leh bawk a. Tum loh deuh in ka pi te inah zanriah kan ei leh nghal bawk nen hma vak tawh lo mahse hna tlem a zawng chu ka en a ngai.









In tih harh nan shower ka nei zuai a, engkim a pangai leh vek tawh a, Nautei pawh a thinrim tawh lo a, inah a rawn haw leh tawh bawk a. Vawin a a ban ka vawnna duk deuh kalh erawh in ka ngaihtuahna a luah reng thung. Tui in ka hmai a rawn phuh sur sur chu tuai puat in thawk ka la hawk. Kha thil ka tih chhan erawh ka hriat loh lai a a lak a ka thik thu ka lo pek chhiat leh lutuk vang a ni thung.









Hospital kan thlen atang in ka khawih chu sawi loh ka bul ah tak ngial pawh kal duh lo in Rinzuala bulah a kal hrang hmak a. Hnung lam atang a eng eng emaw sawi a Rinzuala nen an nui leh hawk thin te khan ka mit a ti kham miau a. Nautei lak a feeling ka neih hi zep hram ka duh bawk nen ka thinrim in sum tang tang kha ka in sum theihna ka hloh a ni ber.









Nautei thinrim tlan chhuak pawh zui duh viau mah i la Rinzualan ka va thlem a nge a tih tak ah chuan phawm chiah lo mah i la ka hnial ta lo. Ka va zui a nih chuan ka chungah a lo thinrim ngei a nga, kan in hnial a tum lo thleng thleng a thil sawi chhuah palh ka hlauh vang a zui lo ka ni. Tunah pawh ka tel lo a awm theih a in ti zir ve a a u dik tak ka ni lo tih a hriat chuan awlsam tak a min kal san mai ka hlau a ni chu.









" Hna i thawh hma hauh in i mutthilh a chhuak nghal der a! " Bathroom atang a ka chhuak chu khum a hmeichhe lo mu der der ka hmuh rual in ka ti sup. Thawmhnaw dahna pawt hawng in ka kekawr bul in thlep chu ka la chhuak a ka in thawlh nghal sawk sawk a. Ka towel ven chu bal bawmah ka theh phei nghal zat.









" Naute! " Khum sir a ding chuan ka ti nawn leh sup. A lo muhil leh hman tawh a nih chu. Ka nu ang mai in a tet te atang tawh in mut a duh em em reng a. A dam emaw damloh pawn mut erawh a duh reng zel.









" Vawin chu ka bul ah ni lo i tap tih ka hria a, a mi tawh dan a dang ve dat! " Ti sup in a sirah chuan ka thu thla hmuk a. Nautei lam a kun hnai in a hmel tha zet leh pawi sawi lo zet chu en in ka nui suk. Leh lam zawng a ngaihtuah chuan Rinzuala thu hrilh vang in inah a rawn haw duh phah tal a.









Ka in sum thei ngang lo chu ka kut lek chhuak ruai ruai in ka kut tang chuan a chalah ka tawk dat a ni dang ang bawk in a hre lo. Muang chang a ka kut chu sawn thla in a hnar ngur zum sanah chuan ka kut tang chuan ka chhui thla zel a. A hmui senno chek a tawp in ka thaw chhuak hawk. Ka kut chu la sawn in a biangah chuan ka vuan a kun hniam ruai ruai in a biang vawt thlerah chuan ka hmui ka nawr vang vang a. A harh hlau zet in a biang atang chuan a hmuiah ka in sawn a, hei hi ka vawi khatna a ni lo bawk!









" Mutduhnu! " A hmui si reng chung chuan ka phun sup a. Ka in lak hran rual in a rawn harh nghal a mahse a mit meng atang in engmah a hre ve lo tih ka chhiar thiam vek. Ka sam hmawr atang a tui far in hmai a ti huh chu duh lo in a rawn tho chhuak a. Ka thutna atang chuan ding in ka kal sawn nghal hmuk.









Nausen a nih atanga ka mit hmuh atang a awm hla ngai lo a ni miau a kei tluk a Nautei hre chiang an awm lo. Ka room atang a coffee siam tum a a tlan chhuak chu ni dang a ka tih thin dan bawk in ka zui chhuak a. Kekawr bul chhing tei nen a step a tlan thla tharh tharh chu muang chang in ka zui a. Choka a tlan lut in a che ve rak rak a, coffee no hnih chiah siam tur in a thawm erawh a ring rak rak viau. No pahnih hmaah ding vang in a tui chhuan chu a nghak ve ngei bawk.









" Siam pui i ngai em? " Dining hall luhna bul a ding chuan ka ti sup. A ding lai chu a rawn hawi nghal vat bawk.









" Ngai lo.... Ngai lo.... Room ah lo han chho rawh ka rei lo ang! " Rawn ti let vat in a thil chhuan bawk chu a ngaihven leh nghal. Nui suk in ka pen sawn ve mai bawk.









" Pu mamawh i nei a mi? " In chung a chhoh leh ka tum chu kan nula a room atang a rawn chhuak in a rawn ti a. Choka lam thawm chu hria in luh phei mai a tum chu ka dang nghal a. Midang chuan kan duat sual pawh an ti deuh mai thei, Nautei hi in chhung ah kan chet tir ngai lo a, ka nu leh pa leh kei thleng in han phut emaw tih tir chhin pawh kan tum ngai lo. Chuvang chuan phur tak a a mah a tih a duh chuan tih buai tu awm lo se ka duh. In chung a rawn chho hnuah erawh a chetna sulhnu lo chhui tur in ka chah thung.









Hna ka khawih mawlh mawlh lai chuan coffee no chawi la la in a rawn lut a, a thingpui siam kha chu ka in tawh a a tui lem lo viau bawk. Coffee erawh a siam pangai ve viau. Ka hna thawh naah chuan lo thu in file tlem a zawng ka rem that tir a, chart ka siam chin tir bawk a, sawi sel lem lo chuan a ti ve malh malh a. Nichin khan a mut a chhuah hmel viau nan ka bulah a awm lo rei lutuk ka ngai ve deuh nen mu tur in ka ti phal ta lo kha a nia. Tunah erawh mut chhuak hmel a pu tawh lo khum chungah in chap ve niai in a awm a mahse kei chu awm ve ang pawn min ngai lo, a thil tih lai a tui lutuk tlat!








Ka hna khawih lai ka zawh meuh chuan khumah a lo muhil fel leh vek tawh. A thil khawih ho chu dah fel in a room lamah ka pawm phei a. Ka room a ka let meuh chuan zanlai a ni der. Engmah ti khaw muang lo in ka mu ve nghal a. Ka awm dan chu sawi aia nasa in a hahdam thlak bawk.



*


*


" U I hman tawh em? Nang chu i muang thei bik e . " Ka room kawngka a rawn dak a rawn ti tu chu en in ka thaw chhuak hawk.









" Hna ka ngah nen ti nge inah kan ei mai loh? Kei mah ngeiin tui deuh in ka siam sak ang che. " Ka ti chu duh lo lutuk in a ner nghal nang a kawngkaah a rawn pen lut nghal zat. A ni erawh a lo in siam peih vek tawh tih a in chei danah ka hre nghal.









" Ai! Ka sawi lawk vek tawh a, dinner kan ei chhuak khat a lawm. In a ei leh ei chhuah a in ang lo. " Ti vak in ka thawmhnaw dahna a pawt hawng a ka hak tur a ni chek ang chu la chhuak in khumah a thei phei nghal hmiah hmiah chu en in ka ner sawk.









" Kan va hahthlak thin e! " Ti sup in a thawmhnaw rawn dah chhuah chu ka in bel a, rei lo teah ka in peih ve nghal a. Motor ka khalh lai chuan phone a ka nu leh pa bia in a tawng lang lang a. Ka pa in a rawn chhaih kual leh tih hriat lutuk in a chang in a lungawi lo leh vel thin chu min be lo mahse ka lo nui pui ve suk suk bawk.









" U... Midang an lo tel ve dawn a. " Kan thil eina hmun tur kan thleng motor atang a rawn chhuak a Nautein a rawn ti sap chu ka melh run.







" Thinrim lo la U Opi a lo tel ve dawn! I thinrim hma in ka sawi hi ngaithla phawt rawh! " Chal ti chuar tup a ka melh ngur chu a rawn ti leh nghal vak.







" A tir khan engvang in nge i sawi loh? " Ti hmuk in motor kawngka ka nem khar nghal dawp.







" Sawi i la i lo kal duh dawn lo tih ka chiang bawk sia lawm. Rei tak in lo in kawp ve tawh a I ten teh tawp a engmah in ring hmanna tur awm lo in. Khawngaih in chance pe leh la. " A rawn ti sap chu za lo zet in ka nui chhuak hawk.







" Hahthlak viau thin lo teh Naute! In then tur in in rin kher a ngai a maw! " Ka ti chhuak sup a. Nautei chu ka melh run bawk.







" In in then dan kha a fair lo a lawm. Kei mah vang a nih kha. Khawngaih in a beidawn nan tal pawh. Kei mah hian nuam ka ti thei lo a lawm. Damlo lo i la chuan in zinna atang khan i rawn haw san lo a nga, in in hau in , in in then kher lo ang chuvang chuan u Opi pawh ka hmu hreh a. Chubakah.. Aa... Hreawm ka ti a ni mai " A rawn ti chhuak leh halh chu hahthlak ti zet in ka thaw chhuak hawk.







" Ok! Nang mah vang chauh in mahse ka rilru erawh ka sawh sawn tawh dawn lo tih i hre chiang! " Lawm vak lo a ti chhuak hmuk in ka pen zui nghal phawk phawk chu ka ban a min rawn kuah in nui sang in lawmthu min hrilh a nih chu. Ka hmeichhe hmangaih ngawih ngawih tan hian engtiang a thui nge ka kal dawn pawh ka hre nek lo.









A ni lah hian engmah hre lek lo in min nawr luih dan a thim em em bawk a. Midang lak a in thiam lo tak a a awm ai chuan a duh ang chu ka zawm leh pauh a niang chu. Hmeichhe dang ngaihven ka nei lo bawk a!









" Nangni unau chu hetah ka hmuh ve mial cheu a! " Kan dawhkan bul a rawn ti tu chu tu dang ni lo in Nautei te Sir Rema kha.









" In hmuh a khat hle mai. Enge i tih a pawi i tih loh chuan min rawn zawm ve la! " Nui suk chuan ka ti let ve nghal.









" Thian ho in kan chhuak a, haw ka tum chiah zawk. Hun nuam tak hmang ru . " A rawn ti ve mai a. Nautei leh Opi pawh chu a mangtha zui ve nghal.









" Aaa.... Sir i haw dawn chuan i rual in ka lo kal thei em? " Nautein a rawn ti chu ka melh nghal vut.









" Haw I duh tawh chuan.... " Ka ti hman tawh chu dawhkan hnuaiah ka ke a rawn chhuih dat a. Ka va melh chu fiah kelh kawlh a ka mit a min melh in engmah sawi lo tur in min mit mei ve khang lang reuh a nih chu.









" A pawi hlei nem! " Sir Reman a rawn ti a, Nautei nui ver ver a ding in a kal sawn chu ka melh zui ngur a. Sir Rema nen a in zui chhuak chu eng sawi set set lo a zui ve mai ka rilruk hial.









" Reuben kan in kar siam that leh i duh vang hian ka lawm tak zet. Ih..... "









" Ei zo vat la ka thlah haw ang che. He thil hi i ngaih ang a ni lo Angeli min ngen vang chauh a ti ka nih hi! Chuan engtiang in nge a rilru i lo suk sak ka hre lo mahse i chungah erawh ka lawm lo viau! " Ka ti hmuk chu a tawng tawp chat.









" Ti nge tiang hian i awm tlat a, hmeichhe dang ka ngaihtuah ngial pawn I bulah an awm ngai lo a. Angeli lah in min ngai na ve tho a. " A rawn ti sap.








" I hre duh tak tak em? " Ti sup in ka melh run chu a hmui seh zeuh in lu a bu nghat.









" Hmeichhe dang chu an awm ngei a lawm. Chuan I sawi ang in Nautein a ngainat vang che in tunah hian ka dawh hram hram bawk. Kan in hre thiam tawh emaw ka ti a mahse tun a kan awm danah erawh pangai tak chuan kan awm theih chu ka ring tawh chiah lo! " Dawhkan a in tur la kang chuan ka ti hmuk.









" Ka beidawng dawn chuang lo! " A rawn ti deuh fak chu mit ka chet uk duh chauh.








" Kan hria ang chu! " Ka ti ve sup.

[Ngaia]

CHAPTER - 8 by Amy Cck








* ANGEL LALRUATPUII pov *









" I lo kal hloh chu ka van lawm. An pahnih lak atang khan put chhuah dan ka lo zawng char char a. " Dawr kan chhuah rual in Sir Rema chu melh chho vat in ka ti sap. Zah pawh dawn lo in ka hmuh rual in a rual a haw ka duh thu ka sawi ringawt chu ka in thlahrung ve tho, chutah hmel hriat sa tliah pawh ni lo in kan sir a la ni zui.









" Aa....Sir..... Min thlah chung chang kha chu ka ti tak tak chuang lo a nia. Kei mah pawn taxi in ka haw thei tho. " Ka thu sawi hre lo ang mai ngawi ngul in eng emaw a ngaihtuah daih chu in thiam vak lo chuan ka ti leh sap.









" Ni lo e , tih tur ka nei tawh hlei nem. Haw lo in kan leng kual zawk dawn a mi? " Har chhuak thut ang mai a min rawn melh in a rawn ti sup chu mak ti zet in ka melh ha.









" Len kawi maw? Ai.... Ai.... Ai.... Ka u engmah ka hrilh lo a, a chi loh. " Ka ti nawi deuh nak chu min nui suk.









" A nih chuan kan inah lo kal la, i phone kha i rawn la nghal a nga, ka kawl rei tawh bawk a I thuruk chu ka check kual hneh sawh tawh teh mai a nia. " A rawn ti let leh sup chu ka ner nang.









" Awiawm loh , engmah thu ruk ka nei lo! " Ka ti let vak chu a nuih a zat hmel ngang mai.








" Mahse lo lam kawi chu ka duh, college ah i rawn keng duh si lo. " Ka ti zui leh nghal hmak chu a nui chhuak ta hawk kei pawh chu ka nui ve hak hak . Ka u leh u Opi an la rawn haw mai ka ring lo a, rei lo te phone ka lam kawi lawk dawn a ka u pawn a hre lo ang.









" Angel! " Sir Rema motor la chhuak tur a a kal chu kawngsir rem chang lai ah ka nghak a mahse ka hming a min rawn ko tu avang chuan ka hawi buai deuh nak. Tun ang hunah tu nge ka hming in min ko tur khawp a min hre chiang. Kawngpui rawn kan a mipa rawn kal chu hmuh chian tum in mit ti zim deuh san chuan ka melh a, ka bul a rawn thlen dawnah ka hre ve hram chu ka nui nghal var var.









" I ni tak tak a. Tu nge nghah i nei a mi? " U Rinzuala ka bul a rawn thleng chawp chilh nghal chuan a rawn ti a. Min rawn auh na a hlat teh lul nen tun ang zanthimah tawh phei chuan min rawn hre chat chu mak ka ti zawk.









" Aa...Aw...... Ka u nen dinner eiin kan chhuak a. Enge i tih zawk? " Ka ti let ve vat.









" Engvak mah ti lo, khaw nge Reubena chu? Motor a ka rawn tlan tlang tur ka hmu thut che thlah i ngai leh emaw ka ti. Mahse dinner te in ei dun a in in kar a fel leh tawh a ni maw. " Nui deuh suk a a rawn ti chu ka nui ve hak ringawt.









" Angel! " Sir Rema motor parking atang a rawn tlan chho in kan sir a rawn ding in min rawn ko chu ka lo kal dawn tihna lu ka bu nghat.









" Khaw nge Reubena chu? Reubena nen in ni khan i sawi sia? " U Rinzualan ka en na lam melh chuan mak tih hmel zet a a ti chu u Opi nen an la in kawm tui avang in ka haw sawn dawn thu in ka chhang zui ve nghal.









" A nih chuan ka va thlah ang che! " A rawn ti let sup .









" Ai... Thil dang tih kawi tur kan nei a. Ka kal mai aw, i hman hunah kan inah rawn leng la, i rawn lang khat tawh lutuk. " Nui sang a ka ti chu a buai ve thu in min chhang ve mai a. Sir Reman min nghak reng tawh nen motor lam pan a kal ka tum chu ka ban a min vuan tu vang chuan kan ding dat.








" Hahh.... Ti nge? " U Rinzuala melh chuan ka ti vat.







" Haw tlai lutuk suh aw! " Ti sup in ka kut a thlah leh nghal chu nui lui sak in lu ka bu nghat a motorah ka luh san nghal, a hma pawh in u Rinzuala hi chu kan in a a rawn lan ve zauh zauh a vang leh ka u thawhna damdawiin ah ka u hmu tur a ka kal chang a ka ti buai ve ber a nih avang in ka nel sa em em a. Hmanni a tul lo zet a ka vin vak leh a motor chhung a ka tah khum chiam atang phei kha chuan ka nel leh zual sawt. A ni pawn a farnu ang in min en a min duat ve lutuk tlat.









Sir Rema te in ni ngei tur hmaah chuan ka ding vang a. Chhungkaw awm thei lo zawk zawk an ni lo tih an in atang pawh hian a hriat. In chhung kan lut chu kan in ang maiin a reh thiap a, ka bul lawk a mipa chu ka melh nghal vat.









" U... I rawn let tawh law . " Room pakhat atang a hmeichhe rawn chhuak chuan min hmuh rual chuan a rawn ti a.









" Umm.... Khawnge midang? " Sir Rema chuan a ti ve nghal a. Kei erawh in thlahrung lutuk in a hnungah ka zui det det ringawt.









" Ka nu leh pa chu mitthi inah an kal. Midang chu ka hre bik lo. " A rawn ti sam et a. A room lamah kan phei dawn tih a sawi lai te chuan a nau chuan engah mah min ngaih hmel loh lutuk chu ka en vung vung ringawt. Kan inah ka u in ka hriat ngai loh hmeichhia rawn hruai in, a roomah an awm dawn thu sawi leh nghal phei se chuan ka awm mai mai theih pawh ka ring lo.









"Kha kha i nau a maw? " Room kan luh rual in ka ti vat chu lu bu nghut in a kawr chung a phelh nghal a. Room chhung thutna ka hmuh hmasak berah chuan ka thu thla nghal dat.









" A nih ve kha! Kan unau zing a naupang ber. " Drower hai ri deuh rawk rawk chuan a rawn ti let ve mai.









" Unau engzat nge in nih a? " Ka hma zawnah ka phone hlui kha a rawn lek rual in ka ti leh sap a, ka phone chu ka ban ve vat bawk.









" Panga! Kan u chu pasal neiin a awm hrang tawh a. Nau mipa pahnih leh nichin a mi kha kan la awm. " Ka opposite a thu thla in a ti sup chu lu bu nghat nghat in ka phone min pek chu ka en kual a. A screen a keh bakah a touch na a tha chiah lo tih ka hmu nghal bawk. Ka thloh na bakah midang ho khan an rap emaw an chhuih kual nasat vang a nih ka ring deuh tawp.









" Nula phone ve meuhah chuan a chhung a awm chu ka rin loh lam daih! " A rawn ti sup chu hrethiam lo zet in ka melh vat a mit ka san khum ak bawk.









" I bialpa te thlalak emaw, i bathroom selfie thlalak te, chutiang deuh lam chu hmuh ka beisei a nia. " Fiamthu a a rawn ti chu ka ner khum nang. Ka phone ah te chu kan chhungkaw thlalak leh ka u nen a kan thlalak a tam ber ang. Engmah mi biakna pawimawh pawh ka nei bawk lo a. Chuvang a ka phone a kawl tih ka hriat hnuah pawh la let vut vut lo kha ka nia.









" Ka fiamthu lo a nia, pasal nei mai thei din hmunah i ding ve tawh bawk a. In unau in tlem sia nangni phei chu pasal i neih san daih chuan i u khua a har ve viau chuan ka ring! " A rawn ti leh sup chu nui chhuak hak in ka phone chu ka bagah ka dah lut nghal bawk.









" Chutiang phone a dah duh tur khawp a mawl ka ni lo a nia. Chubakah pasal nei thei din hmunah ka ding ve chiah rih lo. Ka u in nupui a neih hma chu khawhar deuh in ka kal san dawn lo reng reng. Ti buai tur tal in a bulah ka la awm zel dawn." Fiamthu a ka ti let ve chu a nui ve hawk hawk tho.









" Ka phone ber ka la let tawh bawk a ka haw a hun tawh in ka hria. " Ka ti zui zat chu min thlah tur thu sawi in a ding a kei pawh ka ding ve nghal a. Sir Rema te in kan chhuah san chuan dar 8 bawr vel lek a la nia ka u te pawh an la haw ka ring chiah lo.









Kan in lam pan a kan tlan chu kan ti ti barh barh a. Ka phone a kawl rei bawk nen ka sawi chhuah loh pawn eng eng emaw a rawn sawi chhuak hmasa zel a. Chhan loh theih pawh a ni lo. A thu sawi danah huat tur erawh a awm lo a. Ka phone ruak lutuk ber chu ka chhungten min man chhuah loh na ka mi biak te no pawh save duh loah min puh thul. Kan in kawt kan thlen lai pawh hre lo khawp in kan lo tawng tui a , kan in kan tlan pel kan let leh te chu kan nui dun tawp.









" Kan in thleng min thlah a ka lawm lutuk! Naktuk atang chuan hetiang hi ka be leh ngam tawh kher lo mai thei che sia." Ka thutna lam kawngka min rawn pawh hawn sak rual chuan nui sang in ka ti sap. Ka ti tak tak bawk a, Tu nge mahni Lecturer te zan in a ka biak ang khan be ngam ang.









" A pawi lo a nia! " Kan in lam ka pan tur chu ka ban rekah rawn vuan in a ti sup.









" Eng maw? " Ka ti let chu nui suk in ka ban a vawn chu a melh zauh a a thlah dawn a maw ka ti a nia mahse a vuan nghet zawk sawt chu mak ka ti viau.









" Tun ang a min biak khan nuam ka ti. Chubakah i bul a awm hi ka rin ai a hahdam thlak ka ti bawk a. Nidangah pawh kan la in kawm zel ka beisei dawn a nia tun ang tho hian. " Ka mit a min melh run chuan a ti sup chu a ngaihna hre lo zet in ka melh haw ringawt.









" Aw I tih loh chuan ka thlah dawn lo che a nia . " Min en reng chung a a rawn ti sup chu ka khuh deuh kharh ringawt.









" Aw I tihnaah ka ngai mai ang! Muttui aw. " Nui suk a tiin min thlah a. Kan in lam ka pan lai te chuan ka dik lo riau hian ka hre bawk. Hetiang deuh hian damdawiin a ka awm min rawn kan pawh khan ka awm tawh.









" Ehee.... A lo haw tawh a maw? " Ka room ka lut tur chu ka u room lam la eng avang chuan phun sap in ka u room lam chu ka pan leh ta zawk a.









" U.... I lo haw tawh a maw? " Room a luh pah chuan ka ti vat a. A hna thawhna dawhkan hmaah lo thu in hna a lo thawk mawlh mawlh tawh a nih chu.









" Umm.... Khawnge i kal kawi a? " Min en lem lo chuan a ti sup a. Kha zawhna kha chu ka rin sa a ni bawk a thaw hak in ka u thutna sir dawhkan chu ka ngheng a. Ka u lah chuan a lehkha ken ringawt min en san a nih chu.









" Ih... Sir Rema te in ah ka phone hlui kha ka lam kawi lawk a. Ka zawh ve hun che, ti nge i lo haw hma em em a? " Ka ti let nghal zat chu a thutna chair chu ngheng ruai ruai in min rawn melh chu a thinrim hmel deuh tlat in ka hre leh nghal.









" In chhuah hnu lawk khan kan haw ve nghal. " A ti hmuk ringawt chu ka deuh hau in ka melh thung.









" Ti nge? U Opi nen khan eng emaw te sawi dun in nei lo a mi? " Zawhna mit meng a melh chuan ka ti sap.









" Eng thil? " A ti sup chu ngei zet in ka ner nang thung.









" Nang pa hi chu i sual thiam ve ngawt mai! Tlem tal in that i chhuah der thei lo a mi? " A thutna atang a ding vut a min rawn kal pel tur chu ka ti ta vak. U Opin beisei nei deuh in a be ngei a nga tun ang a nel awm loh leh sual thiam a a awm a nih chuan u Opi tan a nuam lem lo viau ang tih ka hmu thiam nghal vek. Mahse ka u rawn chet dan teh thut avang chuan ka tawng tawp chat.










" Kha bak a thui chu min kal tir tum suh! " Ka dawhkan nghen sir leh sir a a ban hrawl zet a rawn in nem khalh chuan a rawn ti chhuak hrawk chu ka melh chho deuh dawr a nih chu. Min rawn awm hnaih leh zual hrut a ka beng bulah rawn kun hniam in thawk a la hawk chu ka che ngam tawh lo.









" Dawt hmang a nun hman hreawm zia i hriat loh chuan tun chinah chuan ti tawh suh. Zan in a rem ka tih chhan pawh bul tan leh lam ni lo in ka lakah a beidawn theih nan a ti ka ni. Nang man min ngen vang chiah a ti ka ni tih theihnghilh bawk suh! " Dam deuh zawk a ti chhuak sup in ka dar ka kawr in a khuh lo chinah chuan a khabe a nghat deuh dat a ka taksa rin chhan ti tih chuan a rawn ding awn deuh ruai chu dawhkan a ka tluk mai hlau in ka tang deuh tung bawk.









" Hei lo pawh hi ngaihtuah ka ngah lutuk tlat Naute! Chuvang chuan phur rit dang min siam belh suh! Ka dawhtheihna hi fiah tum suh! " Ka beng bulah chuan a rawn phun nawn leh sup a. Ka beng leh nghawng vel chu a lum tel hawk a, a khabel hmul to deuh siar siar in ka vun nem lai, ka nghawng leh dar, beng bul vel a nawk chu za ka ti lutuk tlat leh nghal. Mahse a tawng thawp sup atang khan a chauh hmel em avang in ka nem sawn duh ta lo. A awm dan zawng zawng leh a thu sawi chu mak ka ti .









Phur rit ka siam avang in hreawm ka ti a, ka dil a piang min pe thin tih ka hriat avang a ka lo nawr lui vak pawh ka in thiam lo em em bawk. Mahse engkim a nih tur ang a ni vek tawh miau a sawi vak tur pawh ka hre chuang lo.









" Ka tihpalh! " Ti sap in ka in nem khalna kut leh lam chu ka la kang a a darah chuan ka beng thak thak a. Hahdam hmel zet a thaw chhuak suai suai in a rawn che hrut chu a tho sawn dawn emaw ka ti hman a mahse a in siam rem ta deuh deuh a nih chu!









Sawi sel lem lo chuan ka ding ran a. Eng tik lai pawn a bulah ka pangchang in a buai nge buai lo ti ngai chang lek lo in ka duh hun hunah ka tih tauh khung ang lawp lawp a. Zan in ang te kha, ka buai ti chung reng in kei mah vang chiah in a chhuak leh ta nge nge a. Ka u hian ka dil leh ka sawi tawh chu min tih sak loh a nei pawn ka hre lo. Chuan tunah a chau ve tak zet a, hetia ka bul a a pang chang ve a nih chuan ka kal san bik thei lo!









" Zan in chu U zawk ka tang mai ang, chuan ka bulah i pangchang thei ang mahse tun ang hi chuan i muhil thei lo a nia, ka chawn a nat tawh bakah i hmui hmul khan ka nghawng a chhun sep sep a, a za ka ti! " Ka ti chhuak sap chu nui hawk in a hmui hmul chuan min rawn nawk lui leh kher a ni chu.









" Ka biang hmul zawk a ni lo maw? " Nuih za aw thawp sup a tiin a rawn nawr lui leh chu a dar ah ka beng ri ta tlawp.









Khum ah thu awn der der in ka nu phone in ka be malh malh a. Ka mal chungah lu nghah a kan thu sawi min lo zawm ve sup sup tu chu ka nu bulah a in ti thu lutuk thu sawi in ka phun char char a ka nu la chuan ka fiamthu emaw tiin min la rawn nuih zawk a nih chu. Thenzawlah zan khat riak in chhoh kan tum ta bawk a. Class kal ti buai lo leh ka u hna ti buai lo tur in inrinniah chho in zan kan riak a nga Pathianni tlaiah haw leh tur in kan in be bawk.









" I ngaih ber i be zo a I muhil nghal hmak a maw? " Ka mal chung a mipa hahdam hmel zet a thawk la suk suk a muhil chu a chhip sam buk lai a na vak lo a tham sak in ka phun sap a. A mutui ve viau a niang a che eih lo. Ka nu biak a rawt tlat vang in kan phone a , a be hmasa a, ka biak zawh meuh chuan hahdam lutuk in a muhil a, ka mal a kham tlat avang in ka tih harh hlau chu ka che sawn ngam bik thak lo.









Nidang a ka tih thin ang bawk in ka phone chuan thla ka lak sak kual leh vel a. Sir Rema pawh khan min fiamna pakhat chu ka phone ah ka u thlalak tam lutuk kha a ni pakhat a. Tun a ka phone thar ah pawh hian a tam leh tawh viau. Mahse tunah chuan ka thiannte nen a kan thlalak pawh a awm ve ta nual zawk. A bik in Baby-i, i phone camera a tha a ti miau a ka phone hian a hmet mawlh mawlh reng a, delete sak phal loh ka nei nual bawk.









Ka phone a message rawn ri ral chu mut chhuak chung chuan ka en a, Sir Reman * i online duh si lo a muttui aw * tih zawng te hi a rawn thawn chu ka nui sak. Reply vat in ka phone chu khumah ka dah tha sauh sauh a, ka u lah rawn harh mai a tum tawh loh hmel bawk nen lukham a ka thutdan siam rem in mut thilh ka tum ve ta tawp. Zingah erawh ka taksa a rawl deuh thum ngei ang!



*



*


" Vawin tlai chu i haw dawnah min rawn phone tawh ang che. " Kan college gate a tlan lut in ka u in a ti sup chu chhan let tum in a lam ka hawi a, engmah ka sawi hma in a kut a rawn vai nghal vut chu ka ner nang.









" Driver emaw taxi koh , emaw midang rual a rawn haw kha phal a ni lo a nia! " Ka sawi tur hre lawm ang maiin a rawn ti sup chu hmui ti pawrh vak a ner nang in motor seat chu na zet in ka ngheng dawt a, kut ka kuangkuah zui hmak.









" Kha tiang khan awm suh! A nih loh chuan naktuk a Thenzawl a kan kal tur kha ka thulh ang. " A rawn ti leh sup chu engmah sawi lo in thawk ka la hak.









" Mi zawng zawng pawh in i strick leh lutuk an ti vek a, i nau hi hmeichhe awm herh leh ven ngai ang maiin min control an tih che hian engtin nge i awm? " Ka mit sir a melh rawm a ka ti chu min nuih suk a nih chu.









" I awm herh vang ni lo in i hrisel loh vang a ni tih kan hre ve ve a, a bak enge hriat la ngai? " Ti sup a motor a ti ding chu a lam hawiin ka ner khum vak. Heti bak hian ka lawm loh na ka ti lang ve thiam lo hi ka buaina.









" Ni hman nuam! In la boss pa! " Motor kawngka nem hawng a ka ti chu a rum deuh nghut. Engah mah ngai lo in na zet a a motor kawngka nem khar in lei ka chhuak khum vak chu motor chhung atang min melh rum ngei mai.









" Enteh Angel! Kar leh atang in college week kan hmang dawn a freasher dayah enge i hak dawn? " Baby rawn kal in a rawn ti chu ka nui sak ringawt.









" An ti tep ter lutuk hi ka ngei tlat. Mizo thuam hi khawi a mi nge ka hawh ang le, Ji lah hi engmah a ngaihtuah ve lo. " Thu tum bar a a ti niah niah chu ka lehkhabu chhiar dah in a lam ka hawi ta nge nge.









" Ih... I duh a ngem chu ka hre lo a naktukah ka u nen Thenzawlah kan chho dawn ah zan khat riak in. Ka rual a I lo zin ve peih chuan zo thuam i duh ber ka pe ang che. " Ka ti chu a meng bial nasa mai.









" I ti tak tak lo ang. Phal ringawt mah la i chhungten an rem ti lo ang! " A rawn ti a mahse a hmel ah erawh a phur tih ka hria. Kei pawn lo kal ve se ka duh tak zet, ka thian vawikhat kan in a ka hruai haw na tur leh ka chhungte ka hmuh tir na tur a nia ka chak tak zet.









" Ka u nen chiah a nia, phal lo tur an awm lo. Motor ah pawh i leng chiang sa a. I lo zin ve a nih chuan kawr vel pawh chu kei man ka sawi chuan ka pa chuan a phal chiang sa. Nang mah zawk kha i ni mai. " Nui var var a mit ka kan ak chu a duh thu sawi in min kuah nghal vak a. Lawm lutuk in Ji a hrilh ve nghal.









" Hei.... I nu leh pa tlawh in in zin dawn tih ka u in min hrilh a. " Canteen a thil ei tur a ka thu a Baby-i erawh ei tur lam in a kal thung a,ka hmaah Kimkimi rawn thu in a rawn ti chu ka melh ringawt.









" Ka lo hre leh daih chu i lawm vak na nge? " A rawn ti leh nghal zat. He nu tak hi chu buaina hi a zawn hian a zawng a ni ringawt.









" Lawm lo hran lo e, zep chhan tur a awm chuang lo a. I zin ve chak a nih chuan sawi tha ve mai la. " Ka ti zui zat.









" Haa.... Nang tel lo la chuan ka chak mai thei. Mahse tun hi ka thu sawi fiahna chance ah khan hman i tum em tih ka hre chak. " Nui hak a a rawn ti chu hospital a thu sawi kha ka hre chhuak nghal zawk.









" Fiah tur a awm pawn ka hre ve lo. Enteh Kimkim ka u rilru ti hah leh a ngaihtuahna ti phir zawng a awm hi ka duh tawh lo a. Nang nen pawh hian thian em nih chu ka beisei lo a ka duh em em bik hran lo mahse engvang in nge in pangai tak a kan awm theih loh ang tih ka lo ngaihtuah a. " A mit a melh kalh in engmah huat tur emaw tawng kam ki ngeiawm bik riau pawn ka sawi lo. Ka rilru dik tak a ni bawk.









" Engvang in nge ka duh ang? Hahh. . Kei chuan ka nu thu sawi ka hriat kha ka ring tlat a. In zawmna kan neih loh miau chuan in ngeih tak a kan awm dun deuh thut chhan tur ka hre lo. Mahse thil pakhat I fiah a nih chuan loh theih lo in i sawi ang chuan kan awm dawn a nia.









I pa leh ka u te in zawmna chu ka sawi dik lo a ni tih proof na min pe la. A harsa vak a mi? Pafa tak tak an nih chuan engmah hloh tur a awm lo a. Chuan I sawi ang in nang nen a kan in kar pawh kan ching fel a nga. I sawi ang in ka u rilru ti hah reng chu ka duh bik lo. " Meng kual ralh a a ti chu ka thin hian a tuar lo lek lek. Tha tak in thu ka sawi a, mahse tiang khan min chhang a nia.









" A tha lawm! Ka proof ang mahse ka proof thei a nih chuan , in kam ki ru reng a kan awm hi kan ban san ve ve ang! " Ka ti deuh fak chu mit min san khum ak duh chauh a nih chu. Ka u ngaihtuah lo phei i la chuan ' kan awm dan pangai in awm zawk ang' tih leh mai ka chak ut ut hial. Mahse a upa zawk ka nih ang in ka dawn hram a ni ang chu.









" Heii.... Ti nge i din vung vung a Sir I nghak a ni maw? " College gate pawn a ka ding chu hnung lam atang in Babyin min rawn nem thut a , lo in ring lo chu ka kat deuh dawr a, ka sir lawk a thir ban ka vawn rual chuan ka kut phah a thip nghal zawk.









" I va zawi chhe tak e aw! Ka nem nat lo che nen. " Nui hak hak a tiin ka bul a rawn ding chu a rak ve that.









" A thi a nia! Kha tia tih che kha ka tum miah lo a nia. A na viau em? Office ah lut phei leh ang. Ka tihpalh lutuk a nia! " In thiam lo lutuk a tiin ka kut a rawn vuan chu kan hmaah ka u motor a rawn ding ve chiah a. Driver seat atang a rawn chhuak in kan lam pan in motor a rawn kal hual nghal bawk.









" Eng thil hrep nge thleng?" Ka kut a hmuh rual a ti hrawk in a kekawr ip atang in scarve a rawn la chhuak a ka kut chu a rawn hup bet nghal a. Babyi lah in in thlahrung tawk in a tihpalh thu min hrilh mawlh mawlh a. A na vak lo ka tih ngial pawn thi a chhuak hnem nen a tap deuh pur tho.











" Baby tap tawh suh! A na tawh lo a nia. Thisen hi ka ngah lutuk a a chhuak duh ve hrim hrim a lawm. Ka u pawn a pem thuk lo a tih kha! " Motor hnung a thu in babyi mittui chhuak tawp thei lo chu ka thlem a. A tir a thisen ka hmuh avang a ka ngawih reng avang khan a in thiam thei lo ni ber in ka hria. Kei lah khan thisuk ka nei bawk nen min thawng deuh thut kha a nia. Chubakah ka sawi ang khan hrisel lo viau e ti lo hian pem hlek ka neih hian ka taksa a duk hma ang bawk in thisen hi a chhuak hma ka ti mai.









Ka u in motor hma lam atang a rawn thlem ve ta nge nge a. Midang chu ni se ka u hi ti hian a ngawi mai mai in ka ring lo. A vin deuh hrawk loh pawn a thing nawk ngei ang. Mahse Babyi chu a mah a in thiam lo sa lutuk hi han tih belh vak ngaihna pawh a awm lo. Kan in thlem nasa lutuk chu a tawp lamah phei chuan motor hma lam atang in a rawn nuih leh suk thin.



*



*


" Tah belhi te chu i va hman hma reuh ve. " Kawngka a Babyi nen kan lut chu dining hall lam atang ka u chu coffee no keng in a rawn chhuak a nui deuh suk in a rawn ti chu Babyi hriat loh in ka melh nghek.









" Nia... Hman hma a ngai sia! " Za lo zet a nui in Babyin a ti chu a banah kuah in in chhung lamah ka luh pui a. Kan nula ten ei tur an lo chhawp sa chu kan ei dun a. Ka u erawh pawn lamah ka nu te bia in a vai kual thuak thuak thung.









" I kut chu a la na em? Nimin kha chu ka tihpalh tak zet. Chubakah ka hlau thawng bawk nen i u lah kha a tawng duh si lo a, thi daih ka chak zia kha! " Babyin a rawn ti vak chu ka nui tawp.









" A tha vek tawh. " Tih leh ka kut in tuam lak chu ka hmuh tir a, a ner nasa ngang mai. " Ka u chu a tawng tam lo hrim hrim a, i nel hun ah chuan fel I ti viau ang. " Ka ti zui zat chu a awi vak lo nge a nui hak.









Ni min vang khan ka rual a zin tur a thul mai hlau in zingah driver ka tir ve hmiah a. Ka u pawn thian ka nei ngai loh zia a hria a, ka ngaina a ni tih hria in engmah a sawi buai loh bakah ni min chung chang pawh in a kan haw hnu thleng in a sawi lo. Sawi mah se Babyi ka tan dawn tih a hre sa miau.









Kan khua chu tlan chhung a rei lo bawk a, motor seat hnung lam a kan thian dun a thu in eng eng emaw, thil ho lam tak tak kan sawi chhung in kan thleng ve mai a. Kawng lakah ka u lah in kan ril tam a hlau in min ngaihven reng a, nep nawi ei tur a lei teuh bawk. Nidang a ka zin nen chuan ka u pawn ka dang lam a ti viau ang. Babyi tawng duh nen kan ngawi mai mai hman lo a ni ber. Kan tlen dawn tepah erawh engmah ngaihtuah lo in kan lo muhil daih bawk a. Ka pa in motor kawngka a rawn pawh hawn a kan mu kan harh meuh chuan in ngheng rial in kan lo muhil chu an vaiin min nuih vek.









" Kha kha i pa maw? I u nen an in ang lutuk! Chuan nang chuan i nu saw I chhun a nih saw . " Kan in lam pan a kan thian dun kan in kuah phei chu Babyin a ti sap a, ka nui sak. Midang pawn an ti thin ka pa leh ka u an in ang in an mizia zawng zawng nen an in chhun zia an sawi thin a. Engtin nge pafa an nih lo theih teh lul ang!









" Chuan..... I enkual zawh tawh chuan in ti fai i la. Eng lo, zan khat chiah kan riak dawn tho na chung in room hran i duh chuan room ruak a awm tho a , ka room ah pawh kan awm dun thei bawk a. I duh zawk zawk a ni mai. " Babyi nuih var var chuan ka ti a. Common room lamah ka nu leh pa leh ka u te chu an awm thung.









" Ka rin dan chuan room pakhat a awm chu a nawm hmel ka ti. " A rawn ti chu ka nui sak. Kei pawn ka chak ru daih zawk, ka thian te nen kan riak dun ang tih hi ka la ngaihtuah ngai lo. Babyi awm lo se chuan zan in chu ka nu leh pa bulah ka mu hrim hrim ang. Ka ngai ve tawh bawk a.









Ka room ah ka in ti fai a, room dangah Babyi a in ti fai bawk. Ka in bual zawh chuan in hnuai lamah ka chhuk a. Ka nu leh pa ka hmuh rual in ka u awmna ka zawt nghal zat.









" Factory ah a kal in ka hria. Hna tih fel tur a neih vang a lo chho in ni bawk a, a tih hmasak loh chuan a hahdam leh thei lo ang " Ka nu in bawnghnute in tur min pek pah in a ti chu ka hma zawn a bawnghnute chu melh in ka ner nang.









" A va phakar tak. I sual chuan kan zin leh lo ang te min tih khum a hna vang in zin ngei ngei a ngai reng sia ." ka ti nghal hlak chu ka bulah ka pa a lo nui suk.









" I sual a niang chu! I u hi i hlau lo leh lutuk a. I pu te inah i lo va awm san vel a, kha tih lai khan Aizawlah awm i la chuan ka vaw hrim hrim ang che. " Ka nu in a ti chu ka hmui ka tih pawrh khum vak ringawt.









" Chutiang te hun kal tawh a nih chu. Khaw nge i thiannu kha? Ka fanu hian thian rawn hruai tur a nei tih a sawi khan min thawng lutuk a. " Ka pa in ka nu ang thinrim tak tak tur chu a rawn tih khalh sup.









" A rawn chhuk tep ang. A fel teh mai a nia. Ee... Chuan pa nizanah ka rawn sawi vek tawh kha aw Babyi rawn chhuk hun ah dawrah ka kal pui nghal dawn. " Ka ti zui zat chu ka pa pawh a bu nghat.









" Neih chhun ber in i tih miau chuan. Bawnghnute kha in rawh le. " A ti sup chu nui var var a hnar hup in ka tlak nghal pawp.









" Zanriah ei hma in rawn let u la aw! I pi damdawi leh i damdawi ei hun kha ngaihtuah u la! " Ka nu in a ti ve nghal a. Nu leh pa bul a han awm meuh chuan Aizawl lam a haw leh a peihawm loh zual ngawih ngawih.









Babyi pawn kan khua chu nuam a tih thu a sawi mawlh mawlh a. A duh thu sam ngei kan dawr a mi zo thuam a thlang bawk. Aizawl lam a kan dawr a mi pawh i duh chuan i thlang zawk thei ka ti leh lai lawk a. Mahse a hmun ngei a mi hi a hlu bik a ti ve tlat. A tir chuan a man to ho a thlang ngam lo deuh ni in ka hria a, mahse i duh ber, i in chhir loh na tur thlang rawh ka tih tlat tak ah chuan a duh ber chu a thlang in ka hre bawk.









Ka chhungte tih lohah chuan present ang deuh a mi thil ka tih sak berna a nia, chutah ka thian tha ber , kan in hriatna la rei lutuk lo mahse a ni bawk a. Nuam ka ti tak zet.









Sunday chawhma kan in khawm a, Babyin ka thawmhnaw a haw ve tawp a. Chaw hnu lam erawh rei lo te kan khua ka fan pui a, in a kan let leh meuh chuan Aizawl lam a kan haw a hun ta duai. Naktuk zing dar 9 ah college hall ah kim vek tur a nih avang in riak duh eng ang mah i la kan riak thei lo.









" Enge i va tih leh a? " Motor ka thut luh rual in ka u in driver seat a thu in a rawn ti sup chu nui ver ver in thil ka theihnghilh thu in ka chhang mai a. Ka kut erawh chuan ka bag ka hum ran thung. Ka u leh ka pa toothbrush la in ka khaw thlai deuh kha a nia. Ka u in a room a chhuah san hun nghah kha a ngai miau a. Ka pa pawh vawin tlai a ha nawn tur chu a toothbrush zawng in a hawi lawl lawl ngei ngei ang.









Ka ngaihtuahna avang chuan ka nui sak. Hei hi ka test tir a nga. Chuan Kimkimi a dik loh zia ka hmuh tir ang. Chuan dawt sawi a, a la tan tang tang vang in zak ang chuan a lan ring chiah lo mah i la a zak ru chem chem bawk a nga. Ka u nau ka ni ve lo tih thu pawh min sawi khum leh ngam tawh lo bawk ang.

[Ngaia]

CHAPTER - 9 by Amy Cck









* REUBEN ZOMUANPUIA POV *









" Reuben ! " Ka office kawngka rawn nem hawng rawk rawk a rawn ti tu chu ngai thei lo zet a phun hluk in ka melh nghal khui a. Opi hmel erawh in thiam loh na lam ai chuan hlau thawng hmel a pu zawk.









" Op hna ka thawh mek hi. Kawngka tal kha i rawn kik hmasa thei lo a mi? " Ti chhuak hmuk in ka pen ken lai chu dawhkanah ka dah thla zui nghal hmuk bawk.









" Ihhh..... Angeli phone atang in min rawn bia a tunah damdawiin lam pan in an in phur chhuak chiah. An be tlang thei lo che a nih hmel. " Opi thu sawi lai chu ka melh run a, a sawi zawh rual in hlauh thawn hmel zet in a thaw chhuak zui nghal halh.









" Ka phone... " Ti sup a ka in dap kual vut chu ka hmu zo thak lo. Tukin zing motor a Nautei leh ka pa an in biak zawh khan motor hmaah Nautein a dah kha office ka thlen in ka la miah lo tih ka hre chhuak chiah bawk.









Hman hmawh zet in office atang chuan ka chhuak a, damdawiin lam pan chuan ka in khalh chhuak zui nghal bawk. Engtiang a chak in nge ka tlan pawh hre lo chuan ka in khalh a ni ber. Motor khalh chung chuan Nautei phone ah ka call a van neih thlak tak in Babyin min lo chhang hloh.









Opi khan sawi tho mahse an awmna tak ka zawt nawn leh a. Damdawiin an thlen tawh thu leh Nautei pawh doctor ten an en nghal thu a sawi a. Ka damdawiin thawhna ni lo in civil ah zawk an awm avang chuan ka pan ve nghal a. Hetiang hian awm fo thin mahse a awm a piang hian ka hlauh thawn dan a ngai reng ziah tho, hrep tak hian!









" U Reuben! " Babyin min hmuh rual in min lo ko vat a. Oxygen hmang a khum a hmeichhe thawk la sak sak doctor ten an buaipui mek chu ka hmuh rual in mit ka chhing sawk.









" Eng tin nge a thlen theih! " In hum ruh ngawt ngawt chuan ka ti chhuak hrawk. Kan bul a midang awm ve ho chu an ngawi dak hlawm a. Mipa pahnih leh Baby-i leh an thiannu sam tawi te kha an awm ve.









" Ihh.... A thawk a rawn buai thut a. Chuan a awm zawn kha na a ti lutuk a. A tir chuan a tha em tih leh na a nei em tih ka zawh pawn ka tha a ti tlat a. Thaw hah a neih avang khan lam ri hut hut leh boruak uap kha a zo lo a nih ring in pawnah ka chhuah pui a, a taksa a hit thler a mahse thlan tui khan a rawn bual zawih zawih bawk sia, chuan a rawn buai nghal deuh tawp a. " Babyi chuan a ti nghal vat a. A tawng ri bah deuh nak nak leh awm dan atang chuan a la hlau thawng tih ka hre bawk.









Mipa pahnih awm ve chu an college SU te an ni a, college week nuam zet in a thian te nen an hmang zo ve thak a. Ka rilru a lo hahdam ve teh lul nen class pawh an kal leh tawh zawk a. Vawinah week closing an hmang dawn a, nuam ti zet a a awm ka rin lai a damdawiin bawk a a tawp leh chu a dam zawk pawh ni mah i la ka lo na ve vawng vawng tho.









Thian ngainat em em a chhar thar a, Thenzawl a kan kal khan Babyi a ngainat zia kha ka hmu vek miau. Zing karah a thiannu hruai tur in driver tirh a tum a, vawi hnih lai a la hma deuh thu ka hrilh nghe nghe a. A tawpah erawh in sum thei lo in a va hruai tir ta nge nge a. Motor seat hma lam ah pawh rawn thu duh lo in a thiannu in nuam a tih loh hlau in hnung lamah an thu dun a, an thian dun a an in kawm kha front glass atang a melh in ka lo nui ve suk thin.









Kha tiang a Nautein pangai tak a thian a kawm a, a tawng a za tak tak a a nui lai hmel kha ka hmuh zen zen loh thil a ni miau. Engkimah a thiannu kha a ngaihsak em em a, a nun a pangai ve tan a, a hrisel a a hlim ve tan chiah a mahse a tet lai ang tho in a tawpah damdawiin bawkah a lut leh a, rei tak hlim hi a phu ve tak zet a sin!









" Dr Reubena chu! " Nautei en tu doctor in min hmuh rual chuan a rawn ti vat a. Kan training chhuah pui a lo ni hloh bawk chu Nautei din hmun ka zawt nghal sup chu tunah rih chuan a that deuh tawh thu leh oxygen pawh vuah rei sak a ngaih loh tur thu in min chhang zui nghal a. Kan damdawiin lamah in sawn phei ka duh thu ka sawi chuan min hnial lem lo. Mahse tun tut tut ah erawh a thei lo a Nautei a rawn harh phawt a ngai.









Helai ai chuan kan damdawiin lamah kan cabin hman reng a awm a, a hahdam thlak in a hmun pawh a thawveng zawk a. Chubakah kei mah ngeiin ka enkawl thei dawn bawk avang in in sawn rawt ka ni a. Chubakah civil hi chu khum in daih loh a na ve bawk nen an rem tih loh chhan tur a vang viau.









" Nang ni pawh va haw tawh ru, Angeli in lo ngaihtuah a nang ni ang thian a nei hi a vannei tak zet. " Angeli rawn kal pui ve tu mipa pahnih haw hnu chuan Babyi te thian dun en chuan ka ti sup. darkar li lai a liam tawh a, Angeli pawh a thawk a pangai tawh avang in oxigen an phelh sak a, damdawi vang in harh erawh a la harh chiah lo.









" Tih tur kan nei chuang lo a, a harh hun kan lo nghak ve ang. " Sam tawi te khan a rawn ti vat.









" Nia, a harh chuan hospital dangah sawn I tum sia kan lo awm ve rih ang. " Babyi pawh in a rawn ti vat a. Damlo bulah pakhat bak a awm theih miau loh avang in Nautei bulah ka luh san leh a. A bulah thu thla in a kut chu ka hum sak vang vang a, damlo a a mut ringawt pawh hian ka lo nat puiin ka thawk thleng in a lo buai ve vek zel a nia. He tiang chuan engtikah mah ka hlat theih ka ring lo!









" U.... " Rawn ti tham chel tu chu ka melh vut a. A mit meng dul raih chu a chauh hmel in a lainat awm ngawih ngawih bawk. A ti thin dan bawk in a damlo a harh hian kei mah min ko hmasa ber ziah. Chuvang chuan a nat a piang hian eng thil pawimawh leh hman hmawh thlak pawh awm mahse engkim kal san in Nautei ka pan nghal vat thin. Min koh a piang a a bul a lo awm thei tur in leh min hmuh loh avang a lungawi lo leh baih vai deuh a a awm ka phal loh vang in.









" Na i la nei em ka Naute? " Ti sup in a hmai hit thler chu ka chul sak zauh a, a thlan tui in a bual huhna a sam vel te chu a la hnawm chap a, a thaw ringawt buai lo in a awm zawn ba tel ang a Babyin a sawi avang khan ka hlau thawng ru viau a mahse lu a rawn thin takah chuan ka thaw chhuak ve suai suai.









" Babyin I awm a na i tih thu a sawi a, tunah a na tawh lo maw? " Ka ti nawn leh sup.









" Umm... " Ti chauh in min chhang a, a mittui a rawn chhuak ringawt chu hrethiam lo in na a neih leh neih loh ka zawt nawn mawlh mawlh a mahse a neih loh thu chiah a sawi a nih chu.









" Ih.... A lum ka ti lutuk a ! " A rawn ti tham chel chu a chal leh nghawng, taksa vel a dai dap bawk si a damdawi vang a nih thu a chhang in a dam tan dawn vang tiin ka hrilh sup a. Doctor rawn kal in a rawn check a. Lehkha ti fel in kan hospital lamah kan phei pui thei thu a sawi chuan Babyi te ko in lehkha pawimawh ka tih fel chhung lo awm pui tur in ka ti nghal sup.









" Ka rei lo ang! " Ti sup in Nautei chalah chuan ka fawp zauh a. A mittui tling reng chuan ka awm a ti nuam theih lo viau a rei lo te kal san pawh min ti huphurh vek nghe nghe.









Motor hnungah Babyin nen thu in Nautei taksa zawi ngiai chuan Babyi darah lu a nghat a. A mit meng dul raih chuan a melh ngai melh in reng in a biang a a mittui rawn chhuak leh thin darthlalang a ka hmuh theih miau avang in pik zet in thawk ka la leh hawk thin. An thiannu Ji erawh in scooty in min rawn zui ve thung .









Ka thawhna hospital kawt a ding in driver seat atang a chhuak vut in Nautei thutna lam chu ka pawt hawng a. A taksa zawi ngiai chu pawm chhuak in damdawiin lam ka pan pui zui nghal pawk pawk a. Staff ho in min hmuh rual in min lo buai pui zui nghal a. Kan damdawiin ah hi chuan kan lut ngun mawlh mawlh thin bawk a hna thawk te pawh engmah hrilh ngai lo in an che vat vat thin reng a.









Kan damdawiin nei tu hi ka pa thian tha tak a nih avang in kei pawh min hrethiam thin ka tih tawh kha. Kan cabin lam pan in kan phei a. Khum a Nautei mut in doctor in check vek tawh in hlauh thawn awm a awm tawh lo ti mahse kei mah ngeiin ka en lo chuan ka rilru a nuam leh dawn miau lo a. Ka mamawh tur ang ho nurse bulah sawiin Nautei chu ka check nawn leh vek a.









Engkim a tha vek ang chuan lang mahse a mah hrim hrim a zawiin damdawiin kan chhuah san atang khan a la tawng leh miah lo, kei tak ngial pawh min ko tawh miah lo chuan ka awm a ti nuam lo. Rei vak lo hnuah Babyi te pawh an haw a, an unau in an ni bawk a, scooty an nei bawk nen thlah ka tum ta lo.









Eng emaw ri deuh khat khat vang chuan ka hawi chhuak a. Nautei khum a lo thu chhuak in a kawr hak chu a pawt deuh nawk nawk chu ka pan vut a. Rei lo te ka lo chhing ve zawk a nih hmel.









" Eng thil nge i tih? " Ti sup in a kawr a pawt vak lai chu ka vuan bet nghal hmuk a. A thil tih tur a ti thei lo chu ning zet hian a kawr chu a thlah hnak a. Thawk la halh in a in sut zui nghal faih.









" Naute! " Ti sup a a hma zawn a ka thingthi thla ruai ruai chu a mit chhing sawk in a biangah mittui bawk a rawn luang leh a nih chu.









" Ka phelh thei lo ! Ka bei ngial a mahse ka phelh thei lo. Ka taksa a ti sa hal vek a ka hak chuan ka muhil thei bawk si lo! " Tap aw tiau hian a rawn ti chhuak vak a. A sawi zawh rual in a thei ang a na chuan a kawr hak chu a pawt leh nghal hlak. Vanlalthinchhetei kha a ni miau a. Chuan ka bulah chiah hian a thin hi a teuh hlar thin, a pang chang vang in!









" Khawi... Kei man ! " Ti sup in a kut chu a mal chungah ka dah sak a, a thawmhnaw hak ho chu phelh sak in kawr bah dum sin zet leh a kekawr chhan a a hak kekawrbul dum a taksa phuar vek nen chauh chuan a awm a. A taksa a ban deuh chap avang chuan zanlai a in bual a tan a tih chi si lo a, towel ti huh in a taksa chu ka hruk sak nghal zat bawk.









" Na i neih chuan zep miah loh tur tih i hriat kha, i mittui rawn chhuah reng chhan kha ka hriat a ngai a nia. " Damdawiin kawr ka hak tir zo chu a khum sirah thu in ka ti sup. Tap chhuak duh si lo a a in sut reng a vang in a hnar leh beng a sen hlar a, a mit pawh a bui lak tawh. Hetia a awm reng chuan a nat zual ka hlau bawk.












" Engmah a na tawh lo, ka nu ka ngai thut a lawm . " A rawn ti thawp sap chu awi lo zet in ka melh run. Mahse engmah dang a sawi belh leh tawh lo chu thaw chhuak hawk a ka thut dan siam rem in Nautei taksa dai raih chu dim zet in ka mal chungah ka pawt sawn a. Ka awm zawnah tawm kak in a taksa che ak chuan thawk a rawn la ve halh.









" Naktuk zingah kan be dawn a nia! Muhil phawt la! " Ti sup in ka hmuiin a chalah ka nawr vang vang a. Hmanni deuh a tang khan a nun ram a nguai in ka hre deuh a mahse engmah dik lo a awm lo a tih avang in ka ngaih em chu a tha lo lem lo. Mahse vawin a awm dan atang erawh in natna dang in a tlak buak leh dawn a nih ka ring rum rum . Chu erawh thleng lo hram se.



*


*



" Morning! Nizan chu naute lian chi ka pawm zan khua a ka taksa a na deuh thum in ka hria! " Khum a thu chung a min en kar tu chu melh in ka ti sup a. A ni erawh chuan ka kut a syringe chiah a melh thung. Nizanah a khua a sik deuh reng a, mut mu ka tuah meuh lo zingkarah ka nu te ka bia a kar leh hi Nautei birthday a ni tawh bawk nen vawinah ka nu leh pa, leh ka pi pawh an pathum in rawn chhuk an tum a. Ka nu erawh Nautei damdawiin a awm leh tih a hria a a awm mai mai thei tawh lo tih ka pa in a rawn sawi tel hram.









College a luh ni kha chu lo chhuk lo tur in ka be hmin thei hram a, tun tum erawh Nautei meuh in tap chung in ka nu a ngaih thu a sawi miau a. Rawn chhuk ngei se kei pawn ka duh.









" Vawi engzat nge min chiu dawn? " A rawn ti sap chu min hmu thei lo bawk a ka then suk. Vawi engzat nge hriau lian tak tak a jection a tawh tawh ka chhiar seng lo mahse syringe a hmuh a piang in ngaiah a nei thei lo chu a ni ber. Thisen lak phei chu a hlau lutuk tlat thi suk a neih avang hian. Mahse loh theih loh na hi a nawr ve zawk a.









" I sual chuan vawi hnih! " Ka ti sup chu min rawn melh chho kiau a , nuih te pawh a ti za zawk.









" A nih ka fel in... " A rawn ti sap chu ka khi suk.









" Vawi hnih tho! " Ka lu thle buk a ka ti sup chu ner nang in a hawi sawn hmak.









" Ka nu te an rawn chhuk dawn a, tunah an rawn chhuah vel tawh ka ring! " Syringe a ban a ka vih luh rual a ka ti sup chu mit a chhing sawk. Kei pawh ka tet lai a ka dam loh chuan ka nu kher ka ti ngat thin kha a nia. Nautei pawh hian a rawn ching ve chiah.









" Ti nge i sawi vat lo . " Min melh ha a a rawn ti chu ka ner suk.









" I tho chiah a ka hrilh nghal che. Chuan thisen ka la dawn a nia aw! " Ka ti nghal sup chu in hum ruh nghal vak in mit a chhing nghal chawt chawt a, ka nui leh suk. A khawsa zia ah hi chuan damloh hi a tan a ruat a ni tlat lo.









" In awm maw? Helai pawh hi in luah lum hnen lutuk a in in ang maiin ka ngai tawh. " Cabin kawngka rawn kik a rawn ti tu chu ka nuih suk.









" Chawhnu lamah i thu dawn chauh emaw tia! " Ti sup in Rinzuala chu ka nuih a, nizanah Angeli damloh thu ka hrilh avang in a rawn kal hma thu in min chhang a. Kei damlo ka en a hun tawh avang in Angeli lo awm pui rih tur in ka ti a. A hnial lo viau bawk. Ka nu leh pa pawh tlai lamah chuan an rawn lan ka ring.









Damdawiin corridor a kal chung chuan Babyi ka call a, ka va be thut chu mak a lo ti ngang bawk. Nautei hmu tur in tlai lamah rawn kal ve a tum thu a sawi chuan Nautei a hmuh hma a a fal a min hmu tur in ka ti nghal sup a, Nautei mizia dang lam chhan hi ka hriat ngei chu a ngai.




*




" E... Reuben i tih tur i zo tawh a mi? " Ka damlo en tur ka en zo Nautei cabin a ka lut chu ka nu in min lo be nghal vat a. Lu bu nghut in ka pen lut ve nghal chu ka nu in min be zui lang lang. Phone a a rawn hlau thawng viau nan a rin aia Nautei a rawn hmu tha chu a lawm thu leh a hahdam huai thu min hrilh siam siam bawk.









Ka pa pawh a lo thu ve run a. Nautei pawh zing lam ai chuan hmuh a nuam tawh zawk tih ka hre nghal. Ka nu leh pa an rawn thlen tawh vang a ni mahna. Khum chung ah Nautei chu thu in a sir chair ah chuan Sir Rema kha a thu ve bawk a. Cabin ka lut tur min rawn en bak min melh leh tawh lo hrim hrim chu ka lawm lo lek lek.









Ka nu leh pa te nen eng eng emaw kan sawi a. Nautei chung chang te pawh , a awm dan vel avang a ka hlauh thawn ruk avang in test neuh neuh ka neih tir a, result a chhuak hma chu damdawiin ah la awm tur in ka duh thu ka sawi chuan ka nu leh pa pawn min pawm pui ve mai.









A khat tawk in Nautei te lam ka melh leh vung vung thin, Sir Rema nen chuan an in nel hmel in midang a biak ngai lo ang tak in a nui reng a, nimin damdawiin atang a a rawn harh atang khan a nui ka la hmu miah lo bawk nen, an han in thut hnaih deuh chang te chuan ka taksa hi a lo tang deuh tung zel bawk.









Ka nu in in lamah ka pa nen let a va hah chawl ve tur in leh zan in chu Angeli a riah pui tur thu a sawi chuan ka hnial nghal vat.









" Reuben I chau lutuk ang. I nu nen kan rawn thleng ve tawh a, Angeli chu kan buai pui chhawk ang che. Hna nen i kawp rei tawh e mai, hah dam ve tawh rawh! " A rawn ti dam ve dup.









" A tha lawm. Ka va haw a nga mahse zan chu ka rawn riah chhawk ang che. In zin in chau zawk ang khaw lum nen. In lamah ka pi in i tel lo a zan khat hman pawh a hreh leh dawn tih ka hre bawk a! " Nui deuh suk in ka ti let a.









" I nu hi chu a tu a mai pawh hian kan in chuh ti tih vek mai a nih hi! A awm lo ang tih hi a hlauhawm a nia, ka tan hlei hlei hian! " Ka pa in a rawn ti nawn ve sup chu ka nu lai hmel en in ka pa nen kan nui chhuak hawk a. Kum upa lamah pawh ka pa hi chuan ka nu chhawm chhaih kual hi a la sim thei lo.









In lamah ka let a, ka pa erawh nakin deuh ah a rawn let tur thu a sawi thung. Nautei erawh an la hlim dun viau. Chuan hman zan kan in kawt a Sir Rema leh Nautei ka hmuh dun dan avang khan Sir Rema hi ka ngai na ta der lo bawk. Kan gate bulah khan rei tak chhung Nautei kut vuan in a din pui lai ka hmuh khan in atang a chhuak a Nautei va hruai mai lo tur in ka in sum hram hram kha a nia. Zingah Nautei phone atang an in text na ka hmuh leh ngat phei kha chu ni leng in ka mood a chhe vek nghe nghe. Ka duh ai a Nautei a hnaih vang in tul lo zet in ka ngainat loh phah a ni ber.










__________________________________________________









* ANGEL LALRUATPUII POV *









" Week I hmang nasa lutuk a I taksa in a zo lo a ni maw? " U Rinzuala chuan ka sir a thutnaah thu chung chuan a rawn ti a za lo te in ka nui sak. Tunah rih chuan inhnial a, in fiam kual vel tur in tha ka nei thlawt lo. Ka ngaihtuahna hian min hmet chau ngawih ngawih.









* FLASH BACK *









" Heii.... Kal i la. " Ka thutna bulah Kimkimi rawn ding in a bag ak sa thlap in a rawn ti chu thaw hak in ka bag ziper chu ka zip ve nghal.









" Khawnge in kal dawn? Ka lo kal pui dawn che mi? " Babyin Kimkimi melh deuh hrak a a ti chu nui lui sak in lu la thing mat mat. Ji pawn a earphone la thla meuh in min lo melh ve bawk. Ka thian te hian Kimkimi nen kan in mil loh zia chu la rei lo viau mahse an hre hneh tawh viau. College week kan hman chhung zawk pawh khan kan in hmuh emaw hnaih tawh hi chuan kan thu hi a in kalh nghal zel miau.









Class khat ah kan awm miau a in hmuh loh theih lah a ni lo. White house ah kan la awm ho vek zui a. A hma chuan kei pawn tawng kher nei deuh deuh in ka tawng khum ve thin tih ka pha lo mahse ka dang lam tawh a tunah chuan a zawl dawh zawkah ka tang ta rih a. Mahse keiin kan in kar siam that tum viau mah i la pakhat zawk in a duh ve miau loh chuan a harsa lutuk.









Mahse ka rilru ka siam fel tawh a, ka theih tawp in Kimkimi nen kan in kar siam that ka tum ang a. Ka theih ang zawng zawng in hma ka la bawk ang tiin. Chu tah a theih ngang loh a nih chuan ka u lakah in thiam loh na ka nei lo nan. Chuvang chuan vawin hian ka u leh ka pa DNA ka test tir result chhuak tur kan lam dawn.









" Khawi maw ka lo en? " Ka kut a lehkha ka melh tlawk tlawk chu min pawh thlak sak rual in Kimkimin a rawn ti chu ka phu zawk. Thu tam tak chhiar tur pawh a awm lo mahse a in ziak chhun ho erawh ka chhiar nawn reng a, ka chhiar nawn a piang khan min thawn dan a ngai reng thung.









" Ti hian dawt sawi emaw fiamthu thawh ah min la ngai tho em? " Kimkimin nuam tih hmel zet a a rawn ti kha deuh fak chu ka in seh ruh nghal nghek. Kimkimi lam ai chuan engtin nge ka u hi ka pa fapa a nih loh theih? An mahni hmu tu tawh phawt hi chu pafa in ang tak an ni thu an sawi ziah a. Engtin nge pafa an nih loh theih zawk? Zawhna chi hrang hrang ka rilru ah a rawn lut nawk a mahse a chhanna chu Kimkimi lehkha ken hian a chhang nghal vek si.









" Lehkha kha mi pe rawh! " Ti sap in Kimkimi lam chu ka hawi a , a hma zawnah ka kut ka lek nghal bawk. Kei hian eng thil tul lo nge ka tih hi? Kei mah leh kei mah ka in ti na chawp mai mai a ni. Tunah eng thil nge ka tih ang, ka u hi ka pa fapa a ni ve lo tih ka fiah sak ringawt avang hian eng hlawkna nge ka neih?









" Kha.... A copy ka va la leh mai ang. " Ka kut a report rawn dah pah a awl sam zet a a rawn ti deuh kher chu ka melh nghek a. A mit mengah chuan nuam a ti tih bak ka hmu lo.









" Ka u lakah hian tlak tlum i tum min ti thin a ti raw. Mahse nang zawk hi tlak tlum tum zawk chu i ni. Nang leh kei kan dang lamna chu chiang tak in i hre tawh bawk a. I rilru chu a na viau ang tih ka hriat thiam pui che. Mahse i hlawkpui zia kha ngaihtuah la, kum kha ti chen a lo ngaigsakna zawng zawng te kha.









Kei hian ka huat em emna chhan che i hre duh em? Ka u nen in zawmna nei hauh lo in ka u in kei ai pawh a a ngaihsak thin vang ringawt che pawh khan ka hua che. He thil hi ka u hian a la hre lo tih a awm danah hian a chiang reng a. I nu leh pa te erawh in an hria em tih ka sawi thei bik lo.









He lehkha hi ka u ka hmuh a nih chuan a rilru pawh a dang hlawk in ka ring. Chuan nang nen a in in zawmna pawh a ngai ang chuan a tha reng lo mai thei. Huiisss..... Nang nen a ka u kan lo in tawm lo hi ka lawm tiin a tawp ka khar mai ang. " Nui hak a tiin min hnung chhawn a a kal chu ka en zui ngawt ngawt a. Kimkimi awm dan chu a thaw veng tak zet a kei erawh sawi ve tur pakhat mah ka hre lo. Ka ngawng chhuih ringawt in ka hria.









" Naute eng thil nge i ngaihtuah a? Ka rawn luh lai pawh hre lo tur khawp in. " Ka khum tlang a ka thu chu ka u tawng vang chuan ka phu zawk a. Ka hawi chhuah rual in ka u in chik zet in min lo melh run bawk. Ti pawh khian ka pa chiah chiah a ang a mahse engtin nge a nih loh thei.









" I tha em? " A rawn ti leh sup chu nui lui sak in lu ka bu nghat. A awm danah chuan vawinah chawhnu class ka kal lo tih a hre lo a ang viau. Eng tin nge Kimkimi nen kan in then hnu khan in lam ka pan pawh ka hre teh nuai lo. Ka u ka hmuh takah chuan ka rilru chawmawlh vek kha a rawn fiah kuar a. Hlauh thawn na nasa lutuk in min rawn luh chilh a. Kimkimi sawi ang khan ka u hian thisen zawm kan nih loh chuan min kal san duh mai a ngem? A hre ve a nih chuan kan chhungkua atang hian a in la hrang a ngem? A mah hringtu a nu a ngainat lo zia chu hre tho mah i la ka pa fapa a ni lo tih a hriat a, thisen in zawmna kan nei lo tih a hriat chuan loh thei loh in a nu dik tak leh Kimkimi te bulah min kal san a ngem?









Report ka hmuh khan zawhna tam tak ka nei a, tunah ka u ka hmu a a hma ai mah khan zawhna ka ngah in tunah chuan hlauh thawnna nen a in kawp tawh bawk.









" Ka ril a tam. I lo haw har tawh lutuk a ka ngei tlat che! " Melh deuh ram chuan ka ti a, nui suk in a va in ti fai a nga a hman nghal thu sawiin a kal sawn chu ka melh tlawk tlawk ringawt. Dik tak chuan chhe te mah in ka ril a tam lo. Engmah ka u hian a hre lo a, Kimkimi nu khan ka pa lakah mipa dang fa kha a fa a ti a ni mahna, ka pian ve hma thil a ni a engmah hriat ka nei ve bawk lo.









Chuvang chuan ka zep tlat a nih chuan engkim a pangai vek thei tho a lawm. Mahse Kimkimin engkim a hre ve vek. " Kimkimi " Phun chhuak sap in ka phone ka dap nghal rawk rawk a. Kimkimi phone no pawh nei lo khan ka contact ah ka rilru hman hmawh lutuk in ka zawng kual nghek a nih chu. Ka hriat chhuah meuh chuan a in ti lutuk in ka nui hak ringawt.









Class group ah a awm ve tih ka hriat chian avang chuan whatsApp ah lut in ka zawng leh nghal a. Kan class first semester kan tam avang in zawn lah chu a harh phian. Ka phone ka bih mawlh mawlh mai chuan tu emaw hian a rawn pawt hlawk chu ka hawi sawn deuh dawr a. Ka bulah ka u shower nei zo tih hriat zet in a lo ding khawng luah chu ka hmu nghal.









" I ril a tam a ni lawm ni? Ka koh pawh hre lo khawp in phone i lo khawih leh daih a. " Lawm vak lo to hriat zet a a rawn ti hmuk chu chhan mai dan tur ka hriat loh avang in ka ngawi ta tawp.









Ka phone rawn ri thut chu ka u in a ken miau avang in a melh nghal run a. Rang lutuk in a in rin hma a lak sak ve ka tum chu ka hlawh chham chiang ngei mai. Sang zetah a ban a phar nghal vuah a nih chu!









" Hello! " Ka phone chu a beng bulah lek vut in a ti sup chu ka melh ha a. Dah ta mai lo chuan a be zui zel leh nghal. Ka room atang a pen chhuak pawk pawk in a bia chu a hnungah ka zui dat dat a, a rawn be tu hming a lam loh avang in Tu nge tih erawh ka hre thei lo.









" Enge ka phone a nia i chhan daih a! " Choka kan luh rual a ka phone min rawn pe chu ka ti fak.









" Engtik lai in nge Kimkimi nen phone a in be tur khawp a in in kawm ngaih? " A ti sup chu ka ding chawt. Chik zet a min melh ngur chung chuan dawhkan a fanghma in chhawp chu a ban nghal vut.









" Ihh.... Week vel a tang khan tlem in kan in ngeih ve deuh . Kan in kawm pawh a ni chiah lo kan in be ve mai mai. A no pawh ka save loh kha! " Ka ti nghal tawng chu mit ti zim sun in min melh a. Dawt sawi e ti lo chuan ka confi viau leh nghal. Mahse confi lo i la chuan zawhna a ngah dawn lutuk tlat. Vawin chung chang engmah ka u hian a hriat ka duh lo. Ka u ni tur in ka duh a, kan thisen a thu hmun leh thu hmun loh chu engah mah ka ngai lo.



*


*


" Heii.... Enge i an tak zel? " Week closing kan hmang a, bathroom ah kan awm a, Babyi chu a chhungah la awm in kei chu darthlalang ah ka lo in en vel mai mai a, ka bulah Kimkimi chu rawn ding in a rawn ti a, kha mi ni atang khan kan in be tawh miah lo. Ka u a hrilh ve ka ring deuh a mahse engmah a la sawi lo a nih chu.









" Kar leh kha i birthday a ni ti raw! Present tur tha deuh ka hual lawk tawh a, kan class ho i sawm tawp dawn tih te ka lo hria a, i chhungte hi chuan an duat ngawt mai che! " Nui sak in a rawn ti a, nui mahse min ti el tih ka hre chiang lutuk tlat.









" Englo.... Thil kha i zep a vang in ka lawm e. " Thawk la halh in ka ti sap chu a ner sak.









" Lawm duh suh. Zep hlen ka tum lo, sawi hun tak ka la nghak zawk a lawm. Chuan I birthday ni hi a fuh dawn riau in ka hria. " In chei tha mawlh mawlh chuan a rawn ti a, sawi tur pawh ka hre lo. Ka thiam loh vek a ni tih bak. Kimkimi thu sawi vang mai mai a kha thil ka lo tih kha ka in chhir a, tunlai phei chu ka u ka hlat phah bawk. A bul a ka awm ngun a nih chuan min hre chiang ber Tu a ni miau a, eng emaw rilru kap tu ka nei tih a hre vat dawn miau.









" Ka zo! Chho ang. " Babyi chuan a rawn ti a. Ka ngaihtuah na atang a ka harh chhuah meuh chuan Kimkimi te thian ho chu hmuh tur an awm tawh lo. Phur vak lo chuan hall lamah kan chho leh a. Jin kan thutna a lo hauh a. Chawhma lam khan professor te an haw vek tawh avang in boruak pawh a hot chho tan viau a. A bik in hall hnung lam a thu ho phei chu an tawng pawng sa hawk ni ber in ka hria. Chung zingah chuan Kimkimi te thian ho pawh an tel bawk.









Music ri dup dup leh mi then khat lap bu suau suau chu kan thutna atang in kan en reng a. Babyi a hot ve ber in hla a lo sak pui a. Ji phei chu a thutnaah thu pil hmak in earphone a vuah hmak thung. Kimkimi te awmna lam ka melh chhoh a piang a min hmusit zet a min lo nuih let sak thin chuan ka thawk lak a ti sak talh a. Boruak ka zo lo deuh nge ka thin phu chu a rawn rang deuh dawt dawt a.











A tir chuan tui in a a reh mai ka ring a mahse ka awm a rawn hnawh up up bakah chem hmawr zum zet a kher ang mai hian a rawn thip vin deuh tur vang chuan ka thlan in min bual tan a. Babyin hall atang a min chhuah pui lai te chuan ka awm zawn hi a na ngawih ngawih a, thawk pawh ka la ngam lo a ni ber.









Mahse nidang ang lo tak in ka harhfim vek a. Midang ko a taxi a damdawiin kan pan lai atang chiah khan ka thawk a buai bawk.









* END of FLASHBACK *









" Angel i nu te an lo thleng a nia! " U Rinzuala tawng avang chuan mit ka meng riai riai a, ka nu leh pa hmel ka hmu chu ka nui ta ver ver. U Rinzuala chu an chibai luam a. U Rinzuala lah chuan ka mutthilh San char char thu a la sawi zui. Dik tak chuan ka muhil ni lo in tumah ka biak peih loh vang a mit chhing a mu mai mai la ni zawk.









Tlai lamah kan thian ten min rawn kan a,class ban ve leh in kan hun a zawh hman hlau in an rawn kal thu an sawi chuan ka mui hak hak. Thian neih hlut zia ka hriat belh a, Babyi leh Ji hi ka tan chuan an tawk chiah ka ti ve hmiah. Rei kan la in hre lo mahse ka ngaina dun tak zet. Ka rin loh deuh in Sir Rema a rawn lang ve hlawl chu mak ka ti viau.









Kan in be ve zauh zauh a phone ah, call lam ni lo text zawk in. Mahse in ngai zawng lam erawh chuan a ni lem lo. Chuvang chuan ka nel ve sawt em em a. Mahse mawi lo khawp un ka nel bik lo. Ka tet te atang in ka pa min zirtir dan a ni lo bawk. Thil chu a hmun leh a hun a awm a ti thin a. Kei pawn college ah chuan kan zirtirtu ang in zah tak in ka bia a, college campus chhungah chuan kan im be thin a kan in nel ve hle tih pawh hriat loh khawp kan ni.









" Duh tawk tawh rawh damlo i nih kha! " Ka phone min rawn lak sak a rawn ti hmuk tu chu ka melh ha.









" Tih tur a awm chuang hlei nem. " Ka ti let nghal zat chu a ban a san a melh nghal vut.









" Mu tawh rawh, a tlai tawh! " A rawn ti leh hmuk a nih chu.









" A la chhuak tawp si lo! " Ka hriat tawk lek in ka phun emaw ka tia Vanalalbengvarbera hian a lo hre leh vek.









" A nih chuan thil kan sawi dun ang. Ka chungah i lawm lo a mi? " A rawn ti sup chu ngawi reng in lu ka thing nak.









" A nih chuan engvang in nge tiang hian i awm a? Hmanniah Kimkimi nen in chhuak dun tih ka hria a, enge sawi belh tur i neih? " A rawn ti leh hmuk chu ka meng buai nak. Mahse rei lo te chhung chiah.









" Kan duh duh kan ti ve ang chu! Nang pawh i thil tih ka zawt ka zawt bik lo che. U Opi nen ka ngaihthat nan in kawp ang deuh in i lang a mahse hmeichhe dang i chhuah pui tih te pawh ka hre ve bawk. " Ka ti let ve tan tan chu a nui ro hawk a nih chu.








" Fa nei tawh leh nghal! " Ka ti leh sap . U Opin min hrilh vek sia, ka sawi chhuak duh lo mai pawh a.









" Chu chu i buai vena tur a ni ve lo. Chuan Sir Rema nen in in kar hi..... Hnaih chin tawk hria ang che! I zirtirtu a ni a, chu tiang bak chu in in karah awm tir suh. I thian ni tur chuan a upa tawh mah mah! " Ti hmuk in room a chhuah san chu ka melh mawl tawp.









" Phakar thei si! Suala " Ti hlak in ka thu ter at ringawt. A chung chang a sawi tha ve duh ngai tawp si lo, ka chung chang ve hi chu a hriat loh tur a ka ngaih pawh hi a lo hre vek bik ziah. Tih tur awm tawh hek lo ka phone lah ka u in a keng chhuak daih bawk nen ka mu deuh than a. Nichin kha chuan thinrim mah i la tunah erawh ka nui sak sak reng thung.









Kimkimi thu sawi vel vang khan ka u lakah ka in thlahrung tlat a ka be tha ngam lo kha a nia. Mahse tun lawk khan ka an khum leh chiam a, kha tia tih kha nuam ka ti bawk. Kan in pawh hmel bik. Mahse ka birthday a lo thlen hun ah erawh .... Ngaihtuah ngam lo chuan thawk ka la hak.









Test neuh neuh result a chhuak a ka tha vek chu ka chhungte mai bakah kei mah pawh hi ka lawm ve ngawih ngawih. College ka kal chin hi ka dam tha ve sawt riau hian ka in hre tlat a mahse ka u doctor a hian tha min ti ve vak lo a niang ka damdawi eitur a pun leh a. Mahse ka in ngaih danah chuan ka tha a ni tawp.









Ka chhungte bulah ka la nawm sam lo chhuan lam in ka birthday kan lawm tur kha thulh ka dil a, an phal thlap bawk. Ka hriselna ka chhuan lam ber hi an ngai pawimawh tih ka hre ve miau a. Ka chhungril tak erawh chuan dawi zep ka in ti tak zet. Kimkimi thil sawi ka hlauh vang a ni miau.









Kan chhungkaw bil chauh in kan lawm a, ka thiante ti tur ka neih ve tawh miau avang in an ni chu ka hmaih thei lo. Ka pu te chhung leh Faith-i te unau. Chuan U Rinzuala pawh tiam in. Mi tam tak sawm a rilru thla phang a awm ai chuan he tiang a hun hman hi a nuam zawk.









" Ka u chu a van rei tak! " Ti hlak in common room a tha lai ho kan thu a kan ti ti laih laih chu ka u ngaihven tur in in chung lam ka pan a. Ka dam loh chhung khan note leh thil pawimawh vel an lo la nual a Babyi note ho copy tur in ka hawh sak a. Ka u room ah a chho tho a a lo chhuk pah a rawn la tur a ka ti kha a hmu lo nge a rawn chhuk har riau a. Baby i ten haw an duh tawh bawk nen.









" U! " Ka room ka lut chu ka u pawh a lo a ngei a. Ka computer hma a chair ah chuan lo thu kun ngur in a kutah lehkha a keng bawk! A lehkha ken ka hmuh rual in rang zet in a lam ka pan nghal hlak hlak a. A lehkha ken ka lak sak tu chu a keng sawn hmuk.









" Khawi.... Ka lehkha kha min pe rawh! " Ti leh lak sak tur a ban nawn leh ka rual a mahse lungbang sut tlang tum ang vel a ni.









" U..! Ka thil kha min pe rawh ka tih chu! " Rilru na leh hlau thawn na aw in pawl nawk chuan ka ti that.









" I thil maw? Hrep che chuan hei hi i ta ni lo in ka ta tur a ni zawk lo maw? " A rawn ti chhuak hrawk chu ka khawng awt a ni ber. A thinrim chu ka hmu ve thin mahse tun ang em em a, mit meng huatna leh natna in pawlh nuk hi ka la hmu ngai lo a, chutiang mit meng chuan vawi khat mah min la eng ngai lo. Chu chuan min ti na tak zet.









" U... "









" Hrep chuan! " A rawn ti leh hrawk a chu mi rual in a lehkha ken chu ka dinna bulah a rawn theh thla nawk a. Phu chiam in ka tawlh hnung dawr chu thinrim tih hriat zet a phun hluk in min chhuah san zui hmuk a. Ka room kawngka in khar ri chawrh ka hriat rual in chhuatah ka thu thla nghal hnawk.

[Ngaia]

CHAPTER - 10 by Amy Cck









" Nu khaw nge ka u? " Ka class kal tur in hnuai ah ka chhuk chu ka nu ka hmuh rual in ka ti vat a. Ka birthday zan a ka room a thinrim leh rilru na ti hriat zet a a chhuah atang khan pangai tak in kan in be leh tawh lo. Ka nu leh pa bulah erawh engmah thleng lo ang maiin a che zia leh awm dan a ngai reng a, mahse kei chu a hma zawn a ka thut reng pawh min hmu ang pawn a awm duh lo.









" Lehkha chhirna pindanah i pa nen an awm kha an rawn chhuak tep tawh ang. " Ka nu in a ti chu bu nghat in thuthlengah ka thu thla ve dat. Ka nu leh pa hian min la chen pui te hi a lawmawm zawk. Ni lo se chuan kan in hi hreawm ka ti ngawt ang.









" Dar engzatah nge class i neih? I u te chu nghak lo mai rawh i tlai dawn chuan. Driver in thlah tir mai la! " Ka phone hmet eng a dar zat ka bik deuh sek tawh ka nu in min hmuh chuan a rawn ti leh vat a, ka nui lui sak ringawt.









A tawpah chuan an rawn chhuak ve hram. Ka pa hnung a ka u in rawn zui in min rawn melh zawk a mahse a hawi sawn leh hmuk chu ka thaw hak ringawt.









" I la kal dawn lo a mi? " Ka pa ka bul a rawn ding in a rawn ti sup a, a ni pawh a chhuak dawn a nih hmel a in duang deuh zuih mai.









" Dawn chiah! Ka u ka lo nghak a. " Nui lui var var a tiin ka pa chu ka melh a. Min nuih ve suk. Office lamah vawin chu a kal dawn thu a sawi zui nghal a. Ka u pawh ka pa a rawn awm takah chuan Office lam aiin damdawiin lamah a lang tam ta zawk a. A mah pawn nuam a ti tih sawi lang lo mahse ka hre ve.









Ka u ka va en chu mit meng thim deuh rup hian min lo melh chhuk run a. Ka nu leh pa an in zui sawn rual in kawngka lam pan a ka u pen chhuak pawk pawk chu ka um zui ve nghal. A motor a a luh rual in ka va um pha hram a. Thaw hlawp hlawp in passenger seat kawngka chu ka paat hawng a ka thu lut ve nghal chu min melh run tih ka mit sir in ka hmu ve vek.









Mahse engah mah ngai lo der in hma lam hawiin ka thu ngar a. Vawin bak a chance tha hi ka nei leh tawh kher lo mai thei a. Nidangah chuan ka college kal hma a a kal daih loh pawn chaw hnu lamah a kal zel a. Vawin erawh kei mah zawk in class tlai phung in ka nghak a. Ka nghak chhuak ta nge nge. Luhlul min tih hmel zet a thaw chhuak hawk in motor a ti nung a, a tlan chhuah rual in ka nui ru sak.









" Ihh.... Eng lo.. . Ka thiam loh vek a ni ....ka thiam loh liau liau! Chuvang chuan min hau la min thinrim khum la mahse he tiang hi chuan min awm khum suh . " Kan ngawih rei tawh lutuk chu kan college kan thlen tawh mai dawn avang chuan hreh zet in ka u lam pawh hawi lo chuan ka ti chhuak vak a, ka sawi zawh rual in mit ka chhing nghal sawk.









" Khaw ngaih in min chhang ve la! Uuu.... Ka tihpalh ka tih chuu! " Engmah a sawi duh bawk si lo chu ka thut dan siam rem in ka U chu ka melh a ka ti leh vak.









" Eng vang in? " A rawn ti chhuak hmuk chu ka melh vat a mahse ka lam rawn hawi lo in motor hma lam chu bing zet in a melh run a. A hmel chu a thinrim em ka hre lo mahse motor stearing a vawnna erawh a hum nghet lutuk mah mah.









" Zawhna ka zawh che chu! " Ka chhan mai loh vang chuan a rawn ti chhuak leh sup chu chhan mai ngaihna hre lo a ka u melh reng chung chuan thawk ka la halh a. Driver seat a thu run in min rawn melh vut a, a then suk rual in ka in hum ruh vak bawk.









" Ngaihdam min dil a mahse a chhan sawi tur i hre leh lo a." Ti chhuak sup in a sawi zawh rual in za lo zet in a nui chhuak nghal hawk chu in thiam lo zet in ka melh tlawk tlawk ringawt.









" I lakah ka strick viau tih ka hria, i nin tur khawp leh min kal bo tir duh tur khawp in ka siam ang che tih ka lo ngaihtuah ngai hauh lo. " Hma lam melh ngur chuan a ti sup a. Pangai hmel tak leh tha tak ang a lang in sawi tum mahse a thu sawi erawh sawi harsa tih hmel zet in a seh chilh nawk thung.









" Chu tiang a ni lo! " Ka ti sap rual in motor stearing chu a herh kual nghal hrawk a, kawng sirah motor a din rik tir tuar chu ka in ring lo bawk nen ka rak that bawk.









" A nih chuan engvang nge? " A rawn ti sup a. Kei erawh ka thin phu rang lutuk ttih reh tum in thawk ka lah halh halh thung.









" Hrep chuan! A nih chuan eng vang in nge kha thil kha i tih? Mi hrang ka ni tih i hriat duh vang a ni lawm ni? Min chhang ta che! " Ka lam a rawn awm hnai in ka darah min thing nawk chung chuan a rawn ti chhuak hrawk a. A mit meng, a chet dan leh min biak dan chu ka la hmuh ngai bik loh avang in sawi mai tur pawh hre lo chuan ka melh ngawt ngawt ringawt.









" Chutiang a ni lo! " Ka ti thawp sap a. Ka tah pawh a chhuak lo mahse ka u rilru ka tih nat dan tur ka ngaihtuah hian hreawm ka ti a ka in haw tak zet.









" Ole... A tha e. Tun atang chuan i nunah ka rawn in rawlh tawh lo ang. I duh dan leh nuam i tih dan in khawsa rawh. I duh duh bia in kawm la chhuah pui rawh. I duh dan a nih phawt chuan! I chungah thu neihna ka nei tawh lo. " A hmai tuai phawk chuan a ti chhuak leh hrawk a. A thawk lak dan a tang in in bengdaih a tum ve hle tih a hriat. Mahse a sawi ang hi engmah a ni lo tih hrilh fiah ngei ka duh.









" Chutiang in sawi suh. Ka thiam loh vek a ni ka tih kha. Ka pa nen hian..... Eng lo.... He tiang hian... " Sawi chhuak mai thei lo chuan ka thaw chhuak hak a. Engtin nge thisen zawm an ni lo tih ka sawi chhuah theih ang. A hre tawh tho a mahse a hmai chhan a ngei sawi khum a, a rilru ti nat zual belh chu ka ngam ngang lo.









" Ka pa nen pafa dik tak kan ni lo! He thu hi a ni lawm ni sawi i tum chu. Ka nu pawh ka nu dik tak a ni lo bawk a. Ka nu leh pa, chuan nang pawh hi ka chhungte in ni lo bawk a! Ka hrethiam e. " Nui deuh suk in ti mahse a nuih a za lo lutuk tih ka hmu chiang. Kei hmeichhiaah pawh lak thlak loh tak, tawngkam lah thiam lo zet hian engtin nge ka u rilru ka tih nat nge ti dam tir hian ngaihdam ka dil ang ka hre lo.









" Kei man ka duh vang a kha thil kha test tir ka ni lo. Kimkimin a sawi a, a tir chuan kei pawn ka ring bik lo mahse Kimkimin.... "









" Ti tur in a ti lui che a maw? " Min melh run chuan a ti sup a mahse lu ka thing nghal nawk nawk. Sawi chhuak thiam lo chuan thawk ka la leh halh.









" Min ti lui lo min ti lui thei lo bawk. Mahse kei man Kimkimi nen kan in kar hi siam that ka duh a. Ka u i ni ve lo min tih khum reng avang khan fiahna ka nei a nih chuan kan in kar a in hmuh thiam lohna a bo ka ring a. " Ka ti chhuak hap.









" Chu vang chuan kha tiang khan i ti a! " A rawn ti sup chu lu ka bu nghat. Ka tih sual hi ka hria a, ka in chhir in ka in thiam lo a ni tih hi hria se ka duh tak zet.









" Chhuan lam tha tak a ni! Mahse tun tum chu in in fiamna i a sang mah mah a ni. Engtik laiin nge Kimkimi thu awi in ti rawh a tih a piang i tih a. A kawi a ngil a a thu I lo zawm a? " A rawn ti deuh hrawk chu ka in seh ruh vak.









" Eng lo... Kimkimi nen kan in mil loh vang hian i rilru kan tih hah tih ka hria a, siam that ka tum.... "









" Hrep chuan engvang a midang mawh puh kual a phat buai tum hram nge i nih! Kimkimin a sawi emaw tu pawh in lo sawi se i chhungkua chu i ring hlel hmasa tur a ni lo tih hre tur chuan i upa tawk tawh viau. Ka ngai dan erawh a dang lam lo. Ka lak atang a zalen i duh a I za len e! " A rawn ti sup a. A vin lo a thinrim aw ki sang pawn a sawi lo mahse hreawm ka ti deuh deuh thung.









" U... " Ka ti sap chu a aw ki vin lutuk vang chuan ka ngawi chawt.









" Ka sawi duh lo tur sawi tur in min tur lui suh Lalruatpui! Nang mah ngeiin i sawi kha Kimkimin a ti lui lo che, kha test nei tur khan Tu man an ti lui lo che. I tih chhan chu nang mah ngeiin i duh vang a ni tih hi pawm la midang mawhpuh kual suh i cho chhuah liau liau a nih hi. Tunah chuan i u ka ni zui zel thei a ngem tih pawh ka chiang tawh lo. Chu chu a tha zawk mai thei! " Ti leh motor ti nung a tlan chhuah a rual a. Kei erawh a thu sawi kha ka hriat sual a nih ring in ka u chu ka melh tlawk tlawk ringawt.









Ka u a nih chhun zawm theih loh thu awlsam tak a min sawi khum chu mak ka ti tih bak ka sawi thei lo. A nau, a thisen zawm ka ni lo tih hmanni lawk a a hre chhuak a. Kei mah vang liau liau a hre chhuak a ni tih chu hre tho mah i la kha ti tawp a a nau ang a min en chhun zawm theih loh na tur khawp a sual em ah chuan ka ngai lo. Chu mai duh tawk lo in a that zawk thu min la sawi khum a nih chu!









" I chhuk dawn lo a mi? " Ti sup tu chu ka melh ngaiin ka melh reng a. Min en lo in hma lam a melh ngur ringawt a. Motor a khalh chhung zawng khan a thu sawi kha a in chhir a ni tih a sawi hun nghak in ka en reng a, ka mit a ka in chhir a vang a ka mittui tling pam pawh a hmu lo der hmak a, a ni chuan engmah thu dang a sawi ve tawh lo. A biang rawn lum thla pap chu ka kut hnung lam a hru in ka tah chhuah bak hlau chuan motor kawngka chu ka nem hawng nghal rawk rawk a. Motor a tang a chhuak in kawngka ka nem khar rual in a tlan zui nghal vut chu rilru na lutuk in ka melh zui vawng vawng.









First period ka u ka nghah avang khan ka la hman lo a. Second period pawh a zo leh tep tawh a ka nang hman chuang lo. Mahse ka pawi ti lo, tunah tak chuan class a thu tur pawn eng ngaihtuahna fim mah ka pu lo.









Kan college hnung lam pan chuan ka kal hnak hnak a. Ka vannei nge tumah an awm lo hlauh. Thut hah chawlhna tur a an siam ah chuan thu thla in van lam hawi chuan thawk ka la vak a. Ni a sa vul a, van chu a thliang in chhum lah chu lapua ang mai in an var a. Kei erawh khaw dur in khaw theng thaw nuam tak thawk leh khat a a rawn ti bo ang maiin ka chhung lam hi a pik tup tup thung.












" Ka thiam loh vek a ni! " Van lam hawi chuan ka phun sap a. Tu man ka tawng an hre lo hria pawh nise ka dik loh zia bak min sawi khum ka ring chuang lo, chuvang chuan kei mah chiah a awm hi a tha zawk mai thei. Engkim chu a reh ngawih ngawih a , ka dik lo tih ka hria a, ka u thinrim leh ka chung a a lawm loh chhan pawh kha a awm ka ti vek. Min hau in engtiang pawn min ti se ka chungah a lawm na tur a nih phawt chuan ka sawi sel lo ang ka ti vek a. Mahse a hremna min pek kha chu ka pawm thei lo.









Ka hmai chhan ngeiah ka u a nih zawm zel theih loh tur thu min sawi khum a. Chu pawh thisen in zawm kan ni lo tih a hriat chhuah vang mai in. A thu sawi avang khan hreawm ti hmel emaw pawh a pu lo khan min ti na leh zual. Kei chuan thil ka ti sual a mahse ka u erawh a nun rawng tak zet.









" A ti tak tak lo ang! " Ka kut pahnih a ka hmai hup chuan ka ti nawn leh sap. U Opi khan min hrilh a I u hi a mize leh lam I la hmu lo a ni, i bulah chuan a nui a, mipa tha tawp khawk, mi pawi sawi ngai lo ang hial in i ngai mai thei. Mahse a chang hi chu a sual thiam in a nau ni lo hmeichhe dang tan chuan mipa nun rawng tak a ni a nia a ti a , ka nui liam mai mai kha a nia a chhan pawh ka tan chuan sawi sel bo a ni miau a. Mahse vawin a a awm danah erawh a sual tak zet. A sual mai pawh ni lo in a nun rawng tak zet.









" Class tlan bo a class pawn lawk a muthlu leh hi an vang viau a nia! " Ti sup ri chu ka hma zawn chiah a ri a ni. Chiang tak in Sir Rema aw a ni tih ka hre bawk. A ruk a ka mittui hru thuak thuak in ka hawi chhuak chu ka ring sual lo viau.









" Ka tihpalh! " Ti leh din ka rual a kal sawn mai ka tum chu ka ban a rawn vawn avang chuan ka ding chawt. Vawin chu mahni a awm mai mai ka mamawh tak zet a sin ti ru chung chuan ka hma zawn a rawn ding chu ka melh let ve ta hram.









" I tha em? Na i nei leh a mi? " Min ngaihtuah hmel zet a a rawn ti sup chu za lo zet in ka nui chhuak hak. ' na i nei leh tawh a mi? ' ka damloh ngun hmel ngawih ngawih in ti ve em. Mahse a awm lo hran lo e, first semester ka chhuah hma hauh in damdawiin vawi hnih ka lut hman a nia.









" Ngati nge tu pawh hian min hmuh hian ka dam leh damloh min zawh ziah? Ka tawng duh loh chhan te , leh ka tah te hian ka taksa nat vang lam ni lo in ka rilru pawh a na ve thei tih in ngaihtuah ngai lo! " Ti chhuak vak in ka sawi zawh rual in ka tap chhuak ti tih chu ka kut chuan ka hmai hup in leiah chuan ka thu thla tawp.









Hei vang hian lawm mahni chauh a tun ang hunah awm ka mamawh thin. Ka tah lai leh rilru nat lai chuan ka bul a mi te hi tunge an ni lam ka ngaihtuah thei lo. Chuvang chuan ka tah a piang in ka u emaw ka pa hi ka bul a dawh thei tak in an lo awm a. Keiin ka lung awi hma ka an khum a an chungah ka tuan thin. Chu chu ka mizia a nia, a tha lo mahse ka sim thei tawh lo.









" I tap zo tawh maw? " Rei fe thu tung meuh a ka tah hnu a ka ding chhuak chu tawng ri vang chuan la vir nawk. Nichin a ka hma a a ding reng kha a kal sawn khan a kal sawn hlenah ka ngai a mahse ka hnung thutna ah khan a lo thu reng a nih chu. Ka tah chhung zawng khan a lo thu tihna.









" Nula ve uai tawh kha tiang meuh a I tap chu min ti hrilh hai lek lek. Mahse i tah chhung zawng ka awm pui tak ah che chuan Zomuanpuia chu mipa sual tak a ni ngei ang! " A rawn ti sup chu sawi tur hre lo in ka nui tawi tak.









" Mipa i ngaihsak vak lo emaw ka lo ti a nia mahse tunah mipa vang a I tap ka hmu che a kal sawn mai a har ve deuh. Ngaihzawng then la na nu! " A rawn ti deuh kher chu ka ner ta nang.









" Chutiang a ni lo. Class tan a hun dawn a ka kal dawn . " Ti sap in ka pen sawn nghal. Ngaih zawng vang in ka tap lo tih sawi kher ka tum lo. A sawi dan takah nula ve pui tawh he tiang hmun ual au a a tah tawp chu a zahthlak. A u hauh vang a nih phei chuan nula pui tawh tih atan a mawi lem lo. Chuvang chuan ngaihzawng vang a tah kha a awm ang zawk.









" Ti nge min zui reng a? " Ka kal lai chu ding dat a in her in ka to vin hlar. Kan sir a ni a ka zah zia chu ka sawi tawh kha mahse ka kalna lam a piangah min zui a, a in nel tawk lek in kan lo in text ve bawk nen ka in sum thei lo chuan ka ti ta nghek chu a nui duh lek a nih chu. Ka u ang mai in ka thinrim engah mah a ngai duh lo chuan ka thinrim a ti zual bawk.









" Hriat duh ka nei a. " Ka bul a rawn ding in a ti sup chu ka thaw hak.









" Sawi la! " Ka ti ta nge nge. Min zui reng chuan student an rawn chhuak pheuh pheuh tawh a a nuam der lo. Ka mit lah a bui nasa mai bawk sia.









" Nichin khan i taksa ni lo in i rilru a nat thu kha i sawi a. Tunah hian hmun ruak a awm chuan ka student ang ni lo in hmeichhe tah belh zet ang in hriat chian che ka duh! " A ti sup chu ka melh haw ringawt.









" Min tih nuih i tum tih chu hre tho mah i la a nuih zat thlak lem loh. " Ka ti sap. Mahse a hmel erawh a thu tak ngang mai. Chutiang tur em chuan kan in nel lo a, kan chhuak dun ngai hek lo. Kan tih ve zawng chu a chang zeuh zeuh a phone a in text a ni mai kha a nia. A chang hi chuan a fiamthu ve mah mah thin.









" Kan awmna in zir chiah lo mahse ka sawi tho mai ang. In hriat chian dun tum dun i la. Kei chuan i bul a awm hi nuam ka ti tan viau a nia. Ka student mah ni la phone a biak che pawh hi nuam ka ti. Tun hnai te atang erawh min chhang tha duh lo hi ka lawm lo lek lek a chuvang chuan tiang hian ngaihtuahna ka nei a. " A ti deuh duah chu a mitah pawh ka en tha ngam lo.









" Chuan aw nge ai? "









" Ai.... Ka sawi awm zia chu thil at thlak tak a ni. Ka duh lo bawk che! " Ka ti chhuak deuh pawng chu ka tawng dan avang a in chhir in ka melh vat a mahse a lak nay hmel lem loh chu ka hahdam huai. Kan duh loh eng ang te pawh hmai chhan emah chuan duh loh thu sawi khum tawp chu a sual thlak ka ti ve tho a mahse ka in sum hman lo thin.









" I la hre ngawt lo a nia. Chuan tun a I mize frank deuh pawh kha ka ngai na. " A ti chu ner vak in ka kal sawn zui nghal. Min zui tawh bik lo a mahse ka zak chem chem. Vawi khat mah mipa in min duh thu hmai chhan ngeiah min la hrilh ngai lo. Ka duh loh thu ka sawi pawh kha ka duh loh vang ni lo in ka chet buai vek vang zawk in.









"Reuben Zomuanpuia lak atang a rilru lak penna tha tak a ni! " Class a ka luh rual in ka ti sap. Ka u hi a hming pum chu sawi loh Reuben tih hming tak ngial pawh hian ka ko ngai lo. Ka u... A ni tawp a. Mahse vawin chu ka haw tlat.









Chawhnu period hnih chiah kan neih avang in kan bang hma hloh a. College kan chhuak chu ka u motor ka hmu thut chu ka ding chawt. Zingah kha chuan min haw lutuk ang mai khan min tlan San a, tunah min hruai tur in a rawn kal leh tho si. Chuan a in chhir tawh ngei ngei ang tih ka ring tlat.









" U Reuben I nau I lo hruai dawn a mi? " Ka u bul kan thlen rual in Babyin a ti nghal vat chu nui suk in lu a bu nghut. Min rawn melh vut chu ka lo melh let ve ran a mahse enge a ngaihtuah ka hre lo.









" U.... Min lo nghak rei em? Bathroom ah mi an tam lutuk a ka rawn chhuak lawk thei lo a! " Kan bul ah Kimkimi rawn tlan pheiin nui sang a a ti chu min thawng dawt a ni ber. Ka u leh Kimkimi chu ka melh tawn zak zak a. Kimkimi min hmuhsitna mit meng chu kei mah chiah in la chhiar thiam a ni mahna. Tu man an hmu ve lo.









" Rei lo e! Lut la! " Ti sup in kawngka a pawh hawn sak a, kimkimi thu lut vat chu ka thik ru viau. A chhan pawh ka seat motor hma lam passenger seat ah a thut vang in.









" In lo tel ve dawn em? " Ti thum dut tu chu chhang lo in ka melh reng ringawt. Min sawm dan chu mi hrang daih ang mai a ni. Rei vak lo min ngai chang ang chuan min din chilh run a engmah kan sawi loh vang chuan motor kal hual pawk pawk in driver seat lamah a thu lut a. Motor chhung a Kimkimin a riltam thu a sawi zet zet te chu rilru na ngawih ngawih a melh in ka in seh ruh vak ringawt.









" Lalkimkimi hi chu a over ngawt mai. I u hi a u ve tho ni mahse a che over ka ti tho tho! " Baby in a ti zui hlak chu nuih pawh ka nuih pui thei lo.









" Kha tiang a awm tur khan dikna a nei a lawm! " Ka ti sap chu chu ka sawi thei tawk a ni tih hre mah i la awi mai har ka ti.








a ngaihnawm loh a, a tawi a.... Sawi sel u la min hau ru ka pawm vek ka buai lutuk a story mood ah ka cheng thei lo. Kan naute bday kan lawm a, dar 9 vel atang khan ka type ve chiah a a sei thei ngang lo. Chutah ka type thenkhat ka la cut palh zui

[Ngaia]

CHAPTER - 11 by Amy Cck





Lawk i chhiar tan tak tak hma in vawinah adds I la click lo a nih chuan click phawt la





" Ngati nge an bulah khan i chuan ve loh? " Harh chhuak thut ang mai hian Babyin a rawn ti vat chu zawi zet in thawk ka la hak. An bul a ka chuang ve a nih chuan boruak tla chham in ka thi lo ang tih pawh ka sawi thei lo. Buaina kan nei tih erawh Babyin a hriat ve kher a ngai lem lo.









Kan zawnah Ji a scooty rawn khalh chhuak in a rawn ding a. Babyin ka haw dan tur min zawt a taxi emaw in ka haw mai ang ka tih ve mai bawk a. Ji leh Baby-i an in phur chhuak a kei erawh kei mah te in ka kal hnak hnak thung. Ka rilruah erawh zawhna pakhat a ri nawn tluk tluk a. Engvang in nge ka u kha ka chungah chiah a lawm loh bik. Kimkimi pawh a tel ve tho a mahse kei ma chungah chiah a lawm lo bik a. A fair ka ti lo a mahse ka thiam loh a nih zia ka hria a ka sawi lang ngam bawk si lo.









" Sual thiam lutuk! " Ti hlak in footpath ah chuan muang chang in ka kal a. Ka bul a motor horn rawn ri reng chu a tir chuan footpath daih a ka kal vang in ka ngaihven lem lo. Mahse a rik reng takah chuan ka hawi phei a. Sir Rema motor a lo ni reng a, motor tlan dang an awm ve bawk nen a tir chuan ka hnar ve na a, a tawpah erawh ka lut leh ta nge nge.









Nidangah pawh kan veng a tlan pelh thian avang in ka chuang ve zauh zauh a, mahse kan driver emaw ka u in min rawn hruai hman loh chang in a ni thung. Taxi ka chan lai hian min rawn hmu fuh thei phian bawk.









" Vawin chu hruai tu I nei na nge? " A ti sup chu a lam hawiin ka nui lui sak. Mahse min lo en ve reng avang in lai zet in ka hawi sawn leh nghal. Vawin a a thu sawi vang khan a bul a ka awm dan a dik lo vek.









" Aa... Nia, driver min lo hruai tur a phone ka tum a mahse motor a jam hun lai ni bawk nen mahni a haw in ka thlen hma zawk ka ring a. " Ka ti sap chu a bu ve nghut nghut. A bak engmah sawi lo chuan kan ngawi dun char char a. Hetiang em em a sawi tur a van hi ka la hre ngai lo , a ruk chuan sir Rema pawh hian hreawm a ti ve tho in ka ring.









" Vawin a ka thu sawi vang a nuam lo i tih phah chuan theihnghilh daih rawh. " Rawn ti tu chu ka melh haw a. Ka rilru a hria emaw ka to hial.









" Ka theihnghilh daih tawh ! " Ka ti let sap chu a nui nghal suk. A ruk chuan ka theihnghilh tak tak thei pawn ka ring lo. A mahah feeling an sawi ang chi kha chu ka nei lo tih ka hria mahse ka pian tirh ata ka hmai chhan ngei a thu tak zet a min duh thu sawi hmasa ber tu a ni ve miau.









" A nih ka ring. Zomuanpuia nen in that leh i beisei deuh a mi? Kan college a hian a luh ka ring deuh tlat. I duh zia hria se chuan i then phal che ka ring miah lo! " Fiamthu deuh si a a rawn ti chu ka ner nang. Ngaihzawng then vang a tap ka ni tawp si lo.








" Kan college ah hi chuan i hmu lo tawp ang! " Nui ve sak a ka ti chu min nuih ve mai a.









" Woww... Pawi ve! I tah chhung zawng khan a hming i lam a, i huat thu i sawi a mahse i thiam loh a nih thu in a tawp leh zel bawk a. Nang te reuh hian mipa dang nen i kawp a in in then ang in ka ngaihtuah hman deuh! " Nui hawk hawk a a rawn ti chu ka melh let ram.









" Ti kha chuan i pangai leh ta a lawm. " A rawn ti sup a. Kan boruak chu nidang ang in a pangai leh mai a mahse Zomuanpuia vang vek in rilru dam dap in engmah ka ti thei lo a ka ngaihtuah thei lo.









Kan in thleng min thlah a, in a ka luh rual in ka nu ka ko hmasa ber. A chhan chu inah a awm tih ka hrie miau. Nu ber in in a luah lum leh lum loh hi chu a hriat ngawih ngawih. Ka nu awm lo se tunah te hian ka room ah ka lut tlang nghal ngeiin ka ring. Varanda lam atang ka pi whilechair in a rawn nawr lut a min hmu chu engtin nge ka haw tih min zawt vat a. Sir Rema motor ah ka chhuan haw thu in ka chhang ve mai a. In thlak tur in ka room ah ka chho zui nghal.









Shower neiin ka in ti fai a. Ka damdawi ei tur eiin khum a ka mu zal ka harh leh meuh chuan a lo tlai ve duai tawh. Room atang a chhuak in ka u room ka bih dek dek chu a la thim vek. In hnuai lamah ka chhuk thla a, ka pa pawh a lo haw daih tawh. Sitting room a a lo thu chu min hmuh rual in min nui suk a. A bulah ka thu thla ve nghal thak.









" Pa khaw nge ka nu leh ka pi? " Ka pa dar ngheng der der a mu tho hlim zawi ngiai a ka thu chu ka ti nghal sap.









" I pi chu a roomah a mu a ni lawm ni! I nu kha chu choka lamah a luh phei kha. Ka thingpui tur min rawn pek tir dawn a maw ka tia. " A ti zui sup chu thu tha in kei man ka va si ang che ka ti zui nghal chu nui chung in ka siam thiam a rin loh thu a sawi a. " Ka siam thiam reng! " Tih leh choka lam pan a kal ka rual nghal.









Mahse choka ka luh rual in kan nula in thingpui chu a rawn chawi chhuak a. Thingpui siam ta lo chuan dawhkan bul a chair chu pawt chhuak in ka thu thla hnak.









" I rawn tho ve hram a. I va nawm loh hmel ve? " Ka nu in a rawn ti ve nghal.









" Nuam e! " Ti let sap in dawhkanah ka kiu nghat in ka khabe dawm meuh in ka nu chu ka melh ve bawk.









" Tunlai hi i zawi thei riau mai. I in check tir la hun lo mahse kan in check tir dawn a mi? " A rawn ti leh chu ner nang in dawhkan ka bawh nghal thlawp .









" Ka zawi ve mai mai! Engmah na ka nei lo! Chubakah in check tir hranpa a ngai a mi nang i awm a, ka doctor kan inah a awm bawk a! " Thawk la halh a ka ti zawi sap chu damdawiin a in check nen a in an loh thu a sawi zui mawlh mawlh a. Ka beng leh lamah a lut a leh lamah a chhuak leh tih ang vel khan ka nu thu sawi engmah ka hre lo. Ka nu che vel chu dawhkan a bawk zawi ngiai chuan ka melh zui reng a. Ka hriat ang hi hria se engtin nge an awm ve ang tih ka ngaihtuah daih thung.









" Aw... I hna i la bang lo nge i va rawn haw har ve. " Ka nu in a phone a lak rual in a ti vat chu ka u a ni tih ka hre nghal mai. Hna a banna a rei tawh tih erawh ka hre reng , Kimkimi pawh a rawn hruai hman var var a ka sawi peih lo mai zawk a.









" Kimkimi te inah maw? " Ka nu thu sawi vang chuan ka thu nghil awt. Ka nu pawn mak a ti tih a hmelah a lang. Ka u hian Kimkimite in hi kan hriat theih a chinah a la lut lo tih tur khawp in a tlawh ngai lo miau. Chaw a ei tur thu leh chaw ei a lo nghah a ngaih loh thu ka nu chu a rawn hrilh a nih hmel.









" Enge zanriah lam te hi? Mambawih i u hi a va rawn haw har ve! " Ka pa rawn lut in a rawn ti zui sup chu hlau thawng lutuk in ka phu chiam a ka pa ka melh dawr bawk chu ka chhan hman in ka nu in min lo chhan khalh hloh, Kimkimi te inah chaw a ei dawn tih ka pa in a hriat chuan engmah sawi lo in a chhuak nghal vut bawk. A hmel erawh a lawm bik hran lo.









" Nu ti nge ka pa hian ka u nu diktak hi a ngainat loh viau a? " Ka nu en a ka ti sap chu chhan em em a awm lo tiin min chhang mai a mahse an vai mai hian an in kam ki deuh tun avang hian dik lo erawh a awm a nih ka ring. Mahse ka chhui duh tawh lo, a hma a ka thil tih nghawng a lang chhuak mek a ka hriat loh tur chu hriat phet tum tawh loh hi ka tan a tha zawk.









" I u in i bulah sawi emaw a nei em? " Ka nu in a ti chu lu ka thing mat mat. Engmah a sawi duh teuh lo, ka biak pawh a duh lo a nia. Tunah thu dik a hria a, min hlat a tum nghal ngawt erawh ka rin dan piah lam daih a ni. Ka nu leh pa bulah erawh ka sawi lang ngam teuh lo.









" Ih... Nu, kei leh ka u ah hian duh thlang dawn ta la tu nge i thlan ang? " Ka nu melh chuan ka ti sap a. Dawhkan a kan nula ei siam rawn chhawp pui a let leh tur chu ka darah min beng nghal hlak a ka te that.









" Chutiang zawhna tul lo chhan kher i ngai pawn ka hre lo. Ka fate ve ve in nia ka hmangaih dan a in ang reng cheu! " Mi pawh en lem lo chuan a ti zui zat.









" Chu pawh ni se, ka u hian nang leh a nu ah hian duh thlan ngai se a nu a thlan hi i ring ve lo a mi? "









" Ruatpui! " Ka nu in a rawn ti deuh fak. A bul a kan nula pawh a meng ti dak. In bengdaih tum in thawk a la hak a. Kan nula hnenah ka pa bulah zanriah kan peih tawh tih va hrilh tur in a ti zui nghal bawk a, kan nula in choka a chhuah san rual in ka hma zawnah kut kuangkuah in a rawn ding nghal ran chu ka melh ve kalh.









" I lo pian ve hma daih tawh khan Reubena chuan kei hi min thlang tawh. Chuvang a tun a heta ding thei hi ka ni a. I u hi ka hrin a nih loh vang ngawt in ka hmangaihna a nep bik lo. Chuan kei hi a nu ka ni a ka enkawl sei len a ni bawk. Chuan nang ang tho in i pa fapa a ni bawk a. Tun chinah kha tiang thu kha sawi leh tawh suh ang che. A bik in i u bulah! " A sawi zawh rual in ka pa a rawn lut ve nghal a. Ka nu pawn engmah a sawi belh ta lo.




*




Ka room chhungah chuan ka vei kual sek a, a chang leh chhuak in step hmawr atang in in hnuai lam ka melh leh thin. Zan a tlai tawh a ka u erawh a la rawn haw thei bawk si lo. Ka phone call lah a la duh lo nge a hre lo zawk a in ring zo thak thak bawk si.









" Riah chu a tum em lo ang ti raw? " Ka hriat tawk lek chuan ka phun chhuak sap. Ka room lam pan a ka let hnak hnak chu step ah pen thawm ka hriat vang in ka in her vat a. Ka u pawh a tawp a tawpah a rawn lang ve hram chu ka thaw huai. Kimkimi te inah a riak ang tih mawlh ka hlau miau. Tunah erawh hetah a rawn haw a, ka bulah chu ringawt pawh chuan min ti hlim tak zet.









" I lo haw tawh a ! " Min kal pel tur chu a hma zawn a ding vat in in thlahrung ru deuh tak chuan ka ti sap. Ka lakah thinrim mahse ka thinrim khum let thei lo, ka buaina siam in a cho chhuah a ni tih ka chiang.









" Ti nge? Ka lo haw thei lo a mi? Nge ni a ka in a nih ve loh thu sawi i tum leh zawk? " A mit meng thim khup leh rum zet a min melh chhuk run in a ti hmuk chu hrilh hai zet in ka melh tlawk tlawk ringawt. Kha tiang ngaih dan kha engtin nge nei tur in min ngaihtuah theih zawk!






" Chutiang zawng in ka sawi lo ! " Ti tiau in hreawm ti lutuk in ka ding ngar a. Ka tah lah chu a chhuak ut ut bawk. A rawn haw ka lawm lutuk vang zawk a ni reng sia.









" I room ah lut la muhil rawh! " Ti leh hmuk in kal sawn tum a a che hrut chu a kawr banah ka pawt leh hram.









" U " Ka rilru natna thup hram hram chuan ka ti nawn leh sap. Min ngaihdam na tur a nih chuan vawi tam tak ngaihdam dil pawh ka pawi ti lo. Ka u hi ka hlat thei lo a, ngaihtuah pawh ka ngaihtuah ngai lo. Mahse engtiang in nge ngaihdam ka dil tawh ang ka hre si lo, ka thiam ang tawk chuan ka hrilh a mahse midang mawh puh min ti a ni kha. Engtin nge ka tih ang a enge ka sawi leh ang tih hre lo mah i la ka vuan bet lui tho.









" Ka tih palh! " Ti sap in ka u kawr ban chu ka vuan nghet lui tlat a, chu lo chu sawi tur pawh ka hre tawh lo. A mah en a ka hawi chho chu min lo melh chhuk ngur a, a rawn thaw chhuak hawk bawk


.






" Mu tawh rawh! " Ti leh ka kut thin thlak a rual chu la phal mai lo in a ban hrawl zet ah chuan ka pawm bet leh nghal a. A kal sawn ai chuan ti hian kuah beh char char pawh ka pawi ti lo.









" Ka tihpalh tak zet. Ka tih loh tur ka ti tih pawh chiang tak in ka in hria , siam that dan ka zawng leh vek ang. " Ka ti ta vak ringawt chu min nem hla dat a ka dar tawn tawn a vuan in ka hmai bul chetah a rawn kun hniam nghal run bawk.









" Engtin nge i tih ang? " Ka hmai zawnah chuan a rawn ti sup a ka melh ha ringawt.









" Ihh....Eng lo.... Engmah hre lo ang pawn ka awm char char thei a, chuan Kimkimi hnenah pawh engmah a sawi chhuah loh nan ka ngen mai ang. Chuvang chuan a ngai ang khan awm leh ang! " Ka ti sap a. Ka ngen ngawih ngawih a ni tih hi hmu thiam se ka duh tak zet bawk.









" Engtia rei? " A rawn ti hmuk chu hrethiam lo zet in ka melh vat. Za lo zet a then suk in ka dar a hmerna chu a ti nghet salh a ka ner sak.









" Engtia rei nge i hriat loh der theih ang? Ni lo.... I zep ka ti zawk dawn a mi? Kar khat, kum khat maw? Nge kum 5 zawk? A hma ang in kan awm leh thei ang tih engtin nge i chian em em theih? Ka zawh che chu engtin nge a hma ang in kan awm theih ang? Khang zawng zawng hre chung khan, kei chuan ka thei ka ring lo. Nang pawn i thei lo ang! " Ti chhuak thawt in min vawnna chu a thing thla deuh hnawk a. Ka pai deuh khan chu min melh run in a pen sawn nghal pawk pawk.









" A theih chen chen! " A room kawngka bul a a thleng tawh chu ka thu sawi avang chuan a ding ve dawt. " Kum khua pawn ka hre lo der mai ang. Tih thei awm a piang chu tih ka duh.. " Ka ti zuai raih. Ka pawi ti lo tak tak bawk, ka u hi ka u a nih reng na tur a nih chuan engkim kha ka theihnghilh vek mai ang.









" A pawi khawp mai kei chuan ka theih ve ka ring lo! " Ti hmuk in a room kawngka a pawt hawng a a pen lut nghal vut chu ka melh ngawt ngawt. Rang zet a ka u room lam pan a kal in kawngka chu ka pawt hawng rawp a, mi hnung chhawn a mipa a kawr chung lo phelh mek chu melh in ka in seh ruh vak. Hetiang em em hian ka u hi ka chungah a lawm lo ngai lo.









Ka chungah a thinrim khat a, tlem te a a thinrim tawh chuan ka nawr lui ngai lo. Mahse tunah erawh ka hriat a ta a thinrim nasat leh rei ber tum a ni a, ka chungah a lawm lo viau chung pawn luhlul tak in ka la nawr ngam zel a nia. A chhan pawn ka chan ang tih ka hlau em a, ka taksa leh lam in min kal san a tum ang mai hian ka hlau a ni.









" Kei pawn ka theih chuan engvang in nge i theihnghilh ve mai theih loh? " Room chhung ah kan awm ta bawk a ka ti let vak. Rawn in her in ka lam pan chuan a rawn pen pawk pawk a, ka lu zawn kawngka rawn beng ri dawt in a in nem khalh nghal run chu ka thin a phu dawt dawt.









" A chhan chu awlsam tak a theihnghilh mai theih a nih loh vang in! report ah khan nang nen hian unau kan nih theihna tur pakhat mah a in ziah loh vang in. Engmah in zawmna nei lo chu engtin nge unau kan nih luih tlat theih ang. Nang pawn I sawi a mahse i thei tak tak lo. Min hmuh a piang in in zawmna kan nei lo tih i hre chhuak ziah ang tih ka chiang. Chu chu ka awm dan chiah a ni bawk!









Tunah i hre thiam lo a nih pawn I hre chho vat ang. " A tawng chu a ring lo a mahse a thu tak lutuk tlat. Hnai teah ding dun in , in si lo chauh mah i la a hma ang khan kan in pawh tawh miah lo tih ka hre thiam vek. A tawngkamah min duatna leh min ngaihsakna, min thlak hlelhna ang chi kha pakhat mah a ri chhuak lo te chuan ka ngaihtuahna an ti chaw mawlh ve vek.









" I nau ang in min en tawh dawn lo tak tak a maw? " Ka in thup thei tawh lo chuan ti chhuak halh in ka biangah ka mittui a luang thla nghal pap.









" Engkim a dang lam tawh! " Ti chhuak hmuk a ka u ding ngil ruai ruai leh en pawh min en tawh lo a bathroom a lut vut chu ka mittui kar atang chuan ka hmu fiah lo ruai a. Tah ka duh lo a, mahse ka mit atang erawh mittui a rawn dir zawih zawih thung. Hei pawh engkim a danglam tawh tih ti chiang tu a ni. A hma a ka u kha chuan ka mittui chu sawi loh ka hmel leh awm dan a dik loh ringawt pawh in kha tiang mai khan min kal san ngai lo.









Ka room lam pan chuan ka kal a, ka mit chu ka meng reng a mahse ka hma a awm chu hmuh mang pawh ka nei lo. Ka awm dan hi ka sawi thiam dan ber chuan ka na lutuk a ka ti lang chhuak thiam lo a ni ber. Ka hriat a chinah tun ang hian ka la awm ngai lo. Ka room kawngka hawng in khum ka thlen rual in zawi muang in ka thu riai riai a. Ka ngaihtuahnaah erawh ka u thu sawi tawp ber kha a ri nawn tluk tluk thung.









" Engkim a dang lam tawh! " Ka phun chhuak sap a, kha thu kha a mit a chiang tak a min melh run in a sawi a , in chhirna emaw pawi tihna chhe te pawh nei lo in. Ka mittui tla tur pawh a awm tawh lo. Kha tiang tawp a ka u in thu min sawi khum kha rin har ka ti a mahse a sawi ngei bawk si. Ka theih tawp in min ngaihdam theihna ka bei a mahse a tawpna chu kha tiang khan a ni daih a.



*



*


" Pa la haw lo u la ka ti! " Ka pa hma a thu thla dat in ka ti sap. Vawinah Thenzawl lamah let an tum tawh a. Tun bak a ka nu leh pa ka bulah la awm rih se tih hi ka nei lo mahse ka sawi chhuak ngam chuang lo.









" Hla pawh a ni lo a , i u i biak thiam chuan sunday hmang tur pawh in in rawn kal fo thei a. Mahse a buai leh hle dawn tih hria la. " Nui suk a ka pa tawng chu ka nuih lui ve sak ringawt. Ka u ka biak loh na a rei tawh lutuk tlat. A mah pawn min biak a tum ngai lo. Kan room in hnaih te mah nise kan in tawh palh pawn min hre lo hmak zel a. Kei pawn tih ngaihna ka hre tawh lo.









" Angel i la kal na nge? " Ka nu chuan room a a rawn luh rual chuan a ti ve vat a. Ka banrek a sana sin zet ka bun chu ka melh nghal zeuh.









" Kal tep. Sir Rema rual in ka kal mai ang ka tia. Chubakah tlai ka lo haw in in lo awm tawh dawn si lo a ka la ngai cheu a lawm. " Ka ti zui zat chu ka pa pawh a nui suk.









" Ti nge i u rual a I kal mai lo a? A ni pawh a kal tep in ka hria. Sir Rema hi i thian a ni lo a nia, a ruk ten a lo ning ang che. " Ka nu in a rawn ti leh chu ka ner nang. Ka u rual a kal ai chuan kal loh ka thlang zawk .









" Kan veng a rawn tlan a ngai tho a. Chubakah a man pawi a ti lo a lawm. Hei a lo thleng, ka kal! " Tih leh din ka rual nghal. Sir Rema call chu la in ka chhuah chiah thu ka hrilh ve nghal. Ka pa te room ka chhuah san a kawngka lam ka pan chu ka u pawnah a lo ding ve ngur a nih chu.









" Awiiihaaa.... " Phu chiam a ka ti chu min rawn melh ve nghal vut. Min lo nghak a mi le ka rilru chuan ka ti a ka lawm hman viau. A thla tel teh meuh kan in be lo a tunah chuan kei pawh ka beidawn tawh avangin a mah a a lungawi theih hun ka nghak tawp a, ka nghak chhuak tawh a nih ring in ka hlim nghal veng veng. Mahse ka hlim rei lo viau thung.









" Aw, Kimkim ka lo chhuak dawn chiah! " A phone rawn ri chu ka u in a lak rual in a ti sup. Kimkimi hcollege ah a thlah dawn tih an in biak danah chuan ka man vek bawk. Ka lo hlim ve hman lutuk kha mawl in ti zet in ka nui chhuak hak ringawt.









" I u bulah khan i kal zawk dawn a mi? " Ka phone rawn ri ka lak rual in Sir Reman a rawn ti sup chu kan gate lam la hawi nghal a, gate pawnah motor pawn a ding in min lo hmu reng a nih chu. Ka u ka en leh chiah chu phone a lo be tawh lo reng reng chik lutuk in Sir Rema awmna lam kha a lo thlir ve run a nih chu.









" Ka lo kal nghal. " Ti chhuak vak in ka kut leh lam phone ka ken loh na lam chu Sir Rema awmna lamah chuan ka vai nghal lauh lauh a, ka nui sang bawk chu ka u in min melh run. Sir Rema hi a ngaina lo tih ka hria a, chuvang a ti deuh kher ka ni bawk.









" Thlah i ngaih chuan ka va thlah ang che! " Ka kal tur chu ka ban rek a min vuan in a rawn ti sup. Ka hawi let nghal vat bawk, kan in kar chhiat chin a ta tun ang a chiang hian ka u hian min melh tawh ngai lo. Tunah a hmaah ka ding a kei mah chiah min melh ngur a, a rei zia ka hre chhuak vawng vawng.









" Aw, enge? " A phone bawk a rawn rik leh avang chuan a ti sup. Phone leh lam a rawn tawng lang lang chuan enge a rawn sawi chiah ka hre lo mahse a aw erawh ka hre vuai vuai a, Kimkimi bawk.









" Ka hria e! Ka lo lei kawi ang! " Ti sup in a phone chu a dah nghal sup a. Ka kut erawh a la vuan run thung.









" Lut rawh! " Ti sup in a motor kan bul a ding kawngka chu a pawt hawng nghal hmuk a. Ka in hum ruh nghal vak.









" Aiii.... " Ka tih rual in rum nghut in min melh nghal run.









" I nau i hruai dawn a ni lawm ni! Min nghak reng tu ka nei a nia ka kut hi thlah rawh! " Ka ti leh fak chu a rawn thaw chhuak hawk. A hmel atang ka hrethiam chiah bawk, kan in kar siam that tum hmel a la pu ve lo tih hi. A hre chiang a, a mit meng atang in a ngaihtuahna zawng zawng chu hmu lo mah i la tlem a zawng chu ka chhiar thiam ve.









" Khawi maw? " Tih leh ka kut chu na zet a pawh ka rual a mahse ka banrek a hmer nghet lutuk tlat.









" Naute... " A rawn ti thum dut rual in za lo zet in ka nui hak. Kha tiang a min koh loh na chin pawh ka hre tawh lo.









" Kha ti pawh khan min ko tawh suh. Ka hua che. Nau i neih tawh loh thu kha i sawi ti raw! Kei pawn u ka nei tawh bik lo. Lehkha pakhat vang mai mai a ka chung a a rilru put dan thlak tu hian min lo hmangaih in min lo ngaihtuah tak tak pawh ka ring nek lo e! " Ti vak in ka hma a mipa ding ngawi run chu ka melh nghek a. A in seh ruh tawlh tawlh pawh chu hmu chiang tak ka ni.









Kha tiang thu ka bul a a sawi kha chuan zan khua in muhil thei lo in ka tap tlai var thak kha a nia. Ka u erawh a hmel a dang lam eih lo. Sir Rema awmna lam pan chuan ka tlan zui nghal a. Kei chuan chawp leh chilh in ka thu sawi kha hreawm ka ti a ka in chhir nghal. Mahse sawi dik loh pawh ka nei lo. Ka pian tirh ata ka u neih chhun liau liau a ka hriat khan thisen in zawmna kan nei lo tih a hriat rual rual in min thloh thla thei a nia, khang kum chhung zawng khan min lo hmangaih tak tak ngai lo a nih rinna ka neih phah miau.







A ngaihnawm loh ttih reng pawh hi ka in thlahrung zo tawh. Mahse ka sawi lo thei bawk si lo like, cmt leh click kha min lo tih sak ve u la hmeltha ho a chung ber leh a hnuai ber hmeh zeuh aw. ☺☺

[Ngaia]

CHAPTER - 12 by Amy Cck









" Kan kal thei tawh em ka pi? " Sir Reman a bul ka thlen rual in a lo ti sup a, nui hak a lu bu nghat in motor kawngka min pawh hawn sakah chuan ka thu lut a. Ka u motor a a lut lai pawh ka hmu ve reng. Hetiang a awm hi ka duh lo a mahse a mah ber in a zir miau lo a. A duh tawk in a chhungkaw thar chu ngaih ven rawh se.









" Lehkhabu lei tur kha i lei tawh nge kal kawngah i lei chawp dawn? " Driver seat a Sir Rema a rawn thut luh rual chuan a rawn ti sup. Ka vannei a kan class teacher bik a ni hloh a, college ah chuan lecturer leh professor te chu kan zah ve lutuk tho a mahse school ang em em khan kan hlau tawh lo. An mahni an in hawn phei chuan kan thian kawm ti tih thei deuh hial in ka hria. Final year a core subj la ho pei chu an professor te nen an in nel in an in pawh lutuk ringawt.









" Ai... Ka pa in min lei sak a, a ngai lo! " Ka ti sap chu motor ti nung in a tlan chhuak zui ve nghal a. Thui pawh kan la tlan hma in chak zet a ka u motor rawn tlan in min rawn leh pel a, a speed chu chak tak a ni tawp.









" Woww.... Chak fua fua ve! " Sir Reman a ti chu ka nui lui sak ringawt. Kimkimi lam kawi a ngai sia Kimkimin college a tlai a hlau a ni mahna.









" Sir, saw lai deuhah sawn Babyi a awm a, a rem chuan a lo chuamg ve thei ang ti raw? " In thlahrung ru deuh tak chuan ka ti sap. Kan motor emaw ka u in emaw min thlah chuan kan lam kawi ngei ngei a mahse hei chu kan motor ni hek lo. Mahse a rem ti ve mai a, ka chungah a tha lutuk hi ka in thlahrung let zawk hial. Min duh thu erawh a sawi leh tawh miah lo a, hre lo ang mai hian a awm zawk a, kei mah hi ka dik lo nge ka hriatnaah hian a cham reng zawk a nih chu, hahthlak hian.









"Heii.. Ti nge i damlo mi i la tawng miah lo a? " Class kan nei lo college building chung a kan thian thum a kan thu chu Babyi melh chuan ka ti a. Zing motor kan chuan ho atang khan tun thleng in engmah a la sawi lo a, ka ngaih a tha lo. Ni dangah chuan a tawng duh ber kha a ni thin sia. Ji ka va en chu hmui ti sawi zeuh in dar min san khum ak ringawt.









" Min lo kawp reng a. Thian mai mai kan ni ka bulah a ti a ka lo awi sak a mahse kha nu a thiannu ni a a sawi khan an in kiss lai thlalak min lo thawn a nih chu! " Tap deuh par a rawn ti chu ti ngaihna hre lo lutuk in a darah ka beng thak thak ringawt. Kan class a a bialpa kha a nih ka ring ta tawp. Thla hnih vel an in zui ve tawh kha a nia.









" Kha nu ai khan a duh zawk tho tho che a ni lawm ni? " Jin nui deuh a a rawn ti chu Babyi nen kan melh nghal hrak. Fiamthu hmel a pu chu Babyin a haw tawk em em leh nghal.









" I ninawm! Nang hi kal bo rawh! " Ji beng hlak a a ti chu Ji lah chuan a huat loh hmel mai mai khawp. Kei erawh an awm dan en in ka lo ngawi dak ringawt.









" Class tan a hun dawn ka chhuk a nia. Class ah in thu dawn em? " Jin a rawn ti chu Babyi ka en a , a la tap tui bawk nen class ah a mual pho mai mai ang tih ka hlau bawk si chu nakinah kan chhuk tur thu in ka chhang a. Chubakah a bialpa kha kan class ah a awm ve bawk nen class a awm loh a fuh ber zawk.









" Ngai thu tak lutuk suh, a bialpa te a then a piang in a tap ziah a nia. Naktukah chuan a dik leh vek mai ang. " Ji kal sawn tur in ka beng bulah a rawn ti sap chu ka ner nang. A unau nu chu a hre chiang ang tih chu ka ring a mahse a pal zam lutuk chu ka ei lo ve lek lek. A chhan pawh kei ni chuan kan ti ve ngai lo miau. Ka tah tawh chuan ho te a lawm leh tur pawh ni i la ka u khan min ngaih thlah ngai lo. Tunah erawh tlem in a danglam ta deuh a.









" I awi lo a mi? Ka tawn hnu a nih kha. Vawiin chu i thiannu hi lo hnem ve phawt teh! " Tih leh a kal nul nul chu sawi tur pawh hre lo in ka melh tawp.









" Tui i nei em? " Babyin tah chhuah hmel zet a a rawn ti chu ka bag ka hai zui rak rak a, ka bottle ah chu ka pe ve nghal bawk. Kan thutna chu ni a sa bawk nen kal sawn hlan mawlh ka ngaihtuah tawh. Mahse mi rilru nat lai a thu ho mai mai lo sawi chu ka duh bawk si lo.









" Mipa ho hi an lo in ang vek. Tumah hi rin loh tur. An fel viau leh mi care an thiam viau chuan an ler ah ngaih ngheh bur tur. " Bottle chhin herh rak rak a a ti chu sawi zawm ve dan pawh hre lem lo in ka thut pui mawl tawp.









" A bum che tih i hre chhuak chu a tha a nih chu. A lo bum rei hman ang che tih a hlauhawm zawk. " Ka ti deuh tawp chu mit bui deuh lak in min rawn melh a. Thla hnih khat lek a mipa kawp vang in a tap chu mak ka ti. Ka la tawn ve loh vang nge ka hre chuang lo.









" Kha zawng kha maw? A mah zawt chiang leh phawt ang i tih ka ring a! " A rawn ti halh chu ka ner nang.









" Enge kan zawh a nga. A mah te chuan a thian a ti a ni lawm ni. A hmeichhia ber in an in kawp thu a sawi a, fiahna pawh a rawn pe che a. Kan in ti thang tlawm mai mai. " Ka ti deuh tlat chu Babyin mak min tih hmel lutuk. Zep leh thu khuh nei lo in ka sawi miau. Ka ngaihdan chiah a nia, a rilru dam nan a thlem kual a, kha pa zu biak vel kha tul ka ti ve lem lo.









" Nang nu hi Ji nen in in ang chiah. Kha tiang a in rin pawn sawi kher a ngai a mi? " Ti tiau a a rawn tap ti tih chu ka in thiam lo leh hnu hnawh. Thian kawm ngai hek lo, tlang pawp a sawi hi ka thiam dan ve a ni miau sia. Kei vawi khat mah ngaihzawng then chu sawi loh la nei lo tan chuan thiante ngaih zawng then rilru na chu khawngaih tho mah i la tih dan vak ka hre lo.









" Heii.... Tihpalh! Sawi tur dang ka hre lo a lawm. Kha nu khan sawi ringawt se chuan zawh fiah te chu a tha a mahse an thlak pakhat mai pawh ni lo a rawn thawn che a nia. A ni aia tha i tawng em em ang. " Ka tawngkam thiam dan tawk chuan ka ti ve ngawt. Tu ma tap thlem ngai lo ka ni bawk nen kei mah hi ka lo tawt ve up up zawk.









" Mahse ka ex bulah bialpa thar ka nei ka ti vek tawh a.a mah tih thik nan a tha lutuk a. " A ti chu ka tui in la ka hak thawt.









" Enge a? " Khuh thawt thawt a Baby-i ka melh chu a lo ner nang.









" Ka ex te nen an veng a in ang a, min hmuh hian a lo la thik thin a. Zanah pawh min la rawn be ziah a. Ka lo in sawi theih khum ve lak lawh a, min bem nawn leh pawn ka hnawl a mahse kawp mai mai ka ni tih a hriat chuan... Aaa.... Ka zak lutuk dawn a sin. " A rawn ti chu ka bottle ken in ka vaw nghal lawlh. Ka rilru a ti buai hman em em a, hahthlak hian.









" A ni nen chuan kan nih rei ka ring lo hrim hrim a, min rawn biak ngun a min duh ang a a in sawi nasat em vang khan ka nih pui mai mai a nih kha. Hmela kha a in la luck ve awm sia. A mah au chuan a thianpa cher sang lam zawk, ngawi chawi deuh kha ka * daih zawk. " A rawn ti chu mit pawh khap lo in ka melh haw.









" Duh tak tak lo tur si ngati nge i ngaihzawn a. Chubakah i tah vel kha! " Ka ti tawp. Duh lo han ngaihzawn mai chu, a retheihthlak awm hi ka tia.









" A chhan chu min kawp a, ka thin a rim a lawm. Ngaihzawng tur te chu an tam e mai. Kan class ah pawn min bem tu an awm a nia. Nang nu hi bialpa I nei ve lo a mi. Engmah hi i sawi ve ngai lo a. " A rawn ti ta daih chu kei mah zawk hi ka ham haih vek. Ji kha chuan a lo hre lawk a engah mah a ngai lo a lo nih lek kha ka ti ta rum rum.









" Ka nei lo. I tap vak vak a min ti hlau thawng hman i hria em Mawli! " Ka ti zui hlak chu a ner nang.









" Awiawm loh. Pakhat tal chu an awm ang. Ngaihzawngte chu nei kual duah tur, an zing a tha ber leh min hmangaih ber tu kha pasalah kan nei keuh mai dawn a ni. " A rawn ti leh chu ka melh rum tha tawh ngang mai. Ka ngaihdan let thawk a nih vang a nih ka ring. Kei chuan ka mi duh tak lo han ngaihzawn vel chu ka thei lo ang tih ka chiang. Ka mizia nen a der a nun kual vel ka thei dawn lo a ka thian dawn hek lo.









" Heiii.... " Tih leh ka hmai zawn a a phone rawn ken a rual a, a bialpa kawp tu khan a rawn text chiah. A chhan loh avang chuan call a rawn lut leh nghal a, mahse a chhang duh chuang lo. A awm dan hi mak ka ti a mahse a rilru a na lo erawh ka thaw veng huai. Ka thian tha ber a nia , hmeichhe hlim thei tak a ni bawk a hun harsa tawk tur in ka duh lo.









" Chhuk ang! " Ka ti hlak chu min melh nghal vat a, a lum vawk nen thlan tui in min bual huh vek a, ka ban chal. Lalbabayi vang in.









" Umm.... Chuan I bialpa chu min hmuh ve rawh aw! " Ka ban rawn kai in a ti nghal zat.









" i ninawm ka nei lo. Nangmah vang in ka thlan vek, min kuah lo teh! " Ka ti deuh hlak chu min kuah nghet rawh tih ang vel a ni. Building hlim chin kan thleng chu ka hahdam huai. Class kan la hman tawh si lo a, corridor a kan dak mai mai chu ground ah Kimkimi leh ka u in zui ka zu hmu hram a nih chu. Chhun pa changah enge kan college ah a rawn tih tih ka hre lo lutuk chu ka hmuh sual a nih ka ring rum rum.









" Enteh! Khu i u leh Kimkimi an ni lawm ni! Class ban a la hun si lo a, khaw nge an kal dawn? " Babyin a rawn ti ve chiah bawk.









" Ka hre bik lo. A ho e mai kal ang. " Ka ti nghal zat. A ruk chuan kei pawn enge an tih dawn ka hre chak ve tho. Ka duh dan tak phei chuan ka phone la chhuak a ka u call tut tut mai ka duh. Mahse zingah ka lo tih tauh khum ve tawh khang kha lang nen tlawm zawk a tan ka tum duh bik lo. A thla tel in thiam lo in a hmaah ngaihdam ka dil mawlh mawlh a. A duh leh min be lo ma lek rawh se! Ka luh lul ve chiang e, ka nu fanu ka nih hi!



*



*



" I hman hunah min rawn hrilh la ka rual in class kal leh tawh ang che! " Ka sam ka chhem ro mawlh mawlh lai in ka room kawngkaah ka u lo ding in min melh ngur chuan a rawn ti sup a. Hna kal tur in a in peih vek tawh tih a thawmhnaw hak atang in ka hre bawk.









" Min bia mi? " Ka thil hman ri chu bengchheng lutuk lo mahse off in ka ti nawn leh kher chu a ner suk. A thu sawi kha ka hria tih a hria a, hre lo der in a thu sawi ka zawt nawn leh kher kha a lawm vak lo tih lah chiang reng.















" College ka thlah tawh ang che ka ti a nih chu! " A rawn ti leh sup chu nui sak mah i la ka nuih danah erawh ka ti el khum a ni mah zawk.









" Ka duh lo. " Ka ti deuh tlawng chu thaw chhuak hawk in ka room ah chuan a rawn pen lut pawk pawk a. Khum chungah chuan a rawn thu deuh hmuk chu ka mit sir ru reng.









" Naute! Ka bulah lo thu la! " Dam dup a a rawn ti chu hre lo der in ka in siam chhun zawm mawlh mawlh thung. A thu ka awi bik awm lo e mai.









" A tha e! Tlem in i lakah ka lungawi lo rei deuh tih ka hria.. " A rawn ti sup chu " Tlem pawh a ni bawk lo! " Ka lo let hlak. Rilru na deuh ang in awm duh lo mah i la a ruk chuan ka na lutuk. Ka hriat theih chinah tun bak a ka nat hi ka hre lo hial. Nitin college a kei ni lo in Kimkimi a thlah a a rawn hruai leh ziah te hian ka thin an ti rim zual thin .









" Lo kal la tha deuh in sawi ang aw! " A rawn ti dam leh dup chu ka che lai tawp in thawk ka la hak. Kal erawh ka tum lo hul hual. Kha ti chen kha biak ka chak a min be bik tawp si lo. Darthlalang hmaah ding in ka sam chu ka tawn mawlh mawlh a. Ka tawng dik reng pawh kha pawt phelh in vawi eng zat nge tawn that ngai lo pui ka tawn that pawh ka hre lo. Ka sam ka tawn zo a nih chuan ka in siam zo in chhuan lam tur ka nei tawh dawn si lo a. Ka mittui lah a rawn hnai tiam tiam leh nghal.









Ka hnung lamah ka lam pan a ke pen thawm a rawn hnai zel a. Ka taksa erawh a tang deuh thung thung. Rei tak min biak duh lo a, min ngaihsak lo ang a a awm hnu in engkim hre tawh lo ang mai a dam dup a min rawn be leh thut hian ka lung a ti chhe tlat miau. Hnung lam atang in ka taksa chu a rawn kuah beh hlun rual in mit ka chhing sawk a ka mittui ka dan ve tang tang chu ka biangah a rawn luang thla nghal pap bawk.









" Ka naute hi ka lakah a la lawm lo reng a ni maw? " Ka hnung atang a min kuah hlun in a rawn ti sup chu ngei lutuk in ka tal nghal vak a mahse min thlah leh duh tawh lo.









" Kei ni lo in nangmah a nih kha thinrim a min be duh lo hmasa. Khaw.... Min thlah teh! " Ka ti zui hlak chu a thaw chhuak hawk. A lam hawi chuan min kuai her a a hmel pawh en duh lo in ka hawi sawn hmak. A mitah min duatna ka hmuh chuan ka tah mai ka hlauh vang in.









" Ka tihpalh! " A rawn ti sup chu ka in hum ruh vak. " Kha tiang a ka awm avang khan ka tihpalh aw Naute. Ka.. Ka rilru a buai rih em a, mahse tunah chuan a tha vek tawh. " Ka biang tawn tawn a a kut lian leh lum thur thur a rawn khuap in a ti sup chu ka in hnit nghal hlawp hlawp.









" Kei pawn ngaihdam ka dil reng che a mahse i hre duh lo tlat a. Biak che ka tum a piang in min hmuh pawn ka awm ve tih i hre duh ngai lo. I sual bik e mai ka haw tlat che! " Ka ti chhuak tiau chu nui suk in a kut chuan ka mittui chu a hru a, a awmah min kuah khawm nghal vek bawk. La thinrim khum zel duh viau mah i la chu ai chuan ka u ka thlak hlelh em em kha ka mamawh lutuk tlat. A tel lo chuan ka khua a har in ka mal ngawih ngawih in ka in hre miau.









" Ka tihpalh rilru nuam lo deuh a ka siam che avang in. I duh tawk in min thinrim khum thei ang. Mahse in biak duh loh vel tel lo khan! Kha tih chhung zawng khan kei pawn hreawm ka ti lutuk ve tho a. " Ti sup a a rawn nui pah hawk chu a awmah ka chum nghal tawk.









" I tih ve loh tawp kha aw. " Ka ti leh vak. Kei te chuan ngaihtuah lo ang a ka lan lai pawn zan tin a lo haw hma chu ka lo nghak tluk tluk a, mahse a lo haw a min hmuh chuan a thinrim leh ka hlauh avang in gate a a motor a rawn tlan luh ve leh ka room ah ka luh san vat zel kha a ni.









" Ti chiang e! Ka Naute tel lo a ka awm theih loh zia hre chiang tu ber i ni emaw ka tia. Chuan lehkha pakhat lel vang in ka rilru a danglam i ring tak tak em ni? Reuh che hian in! " A rawn ti dam thluam chu A awm zawnah ka thaw chhuak hak. Ka hahdam huai bawk, min haw kum khua dawn lo tih ka hre hrim hrim pawh hi ka tan chuan nui ver ver na tham a ni tlat.









" Ka phone! " Dressing table hma a ka phone dah rawn ri chu phun sap in ka u min kuah na atang a in la hrang chuan ka la a.









" Aw... Hello! " Ka ti sap chu Sir Reman a lo tlan mek thu min hrilh a. Ka u ka han en chu chik lutuk in min lo melh chhuk ngur bawk. Zing lamah hi chuan ka u nen kan in toh thiam loh atang khan a ni in ka hria a rual hian ka kal ta ziah a. Tlai lamah lah kan haw hun a in an chuan a rual in ka haw ve zauh zauh bawk.









" Uhh.... Vawin chu ka u rual in kal ka lo tum a. Ka lo hrilh vat lo che a sorry lutuk aw! " In thiam lo deuh chuan ka ti let halh. Sir Reman a pawi lo a rawn ti a ka u ka melh chu a kamis ka mittui vang a valh huh dap chu a va thlak lawk tur thu sawi sup in a pen sawn zui nghal.









Kei pawh chu ka mittui hru fai vat vat in ka mit ka tah zawh chiahna avang a bui deuh chu eyeliner in kan line leh hnu hnawh a. Ka tap tih a hriat ta vak loh. Ka bag la in ka u room ah ka tih thin dan chuan ka kal nghal vat a. Lungawi hma chu ka in ti viau a mahse kei ma tih dik loh liau liau a nia ka u ber in a pawm tawh chuan ka pawi ti lo. A hma ang a kan awm leh na tur a nih phawt chuan ka nghak rei deuh a mahse ka nghak chhuak ta tho.









" In thlak vat vat la ka tlai a nge a! " A room chhuat a ding ran chuan ka ti a, nui suk in lu a bu nghut. A tie a awrh zo chu a phone rawn ri avang in a kekawr ip a dap ruk ruk a, a phone a lak chhuah rual in a beng zawnah a lek kang nghal vut bawk.









" Aw.. Mate ka lo chhuak a ni mai. " A ti sup chu ka melh reng a. Leh lam a thu sawi a ngai thlak hnu rei lo te a phone a dah leh nghal. Eng emaw min hrilh beisei in ka la melh ran a mahse sawi tum hmel erawh a pu lo.









" Kimkim a ni em? " Ka ti chhuak ta pawng. Lu a buk nghut rual in ka in hum ruh nghal vak bawk. Kimkimi a ti mai thin kha a nia tunah chuan a koh dan a lo thlak tawh a nia.









" Kal pah in kan lam kawi dawn a. Tlaiah pawn ka hman chuan ka rawn hruai ang cheu! " A ti sup chu za lo zet in ka then lui sak. Ka ngai dik lo deuh a ni mai thei, a nih loh pawn ka rilru a kawi zawk pawh a ni mahna. Mahse Kimkimi ka thik thar ta riau a nih chu. Ka u nen unau an nih bik vang a ni mai thei.









" Ti nge i lam kawi kher ang? A hma pawn an motor te pawn a kal ve tho a. " Ka ti kher chy chal ti chuar tup in min melh nghal run. Dil tak chuan ka u hruai hi A mamawh miah lo, thian a ngah lutuk lirthei nei. A hma pawn chung ho rual te leh an motor pawn a rawn kal thin reng.









" Naute hriatthiam tum la. Kimkimi hi ka nau a ni a, ka buaipui ve a ngai a lawm. Chubakah... "








" Kei pawh i nau ka nih hi. Chuan ka bulah i awm a. A hma ang a awm leh kan tum kha. Kha tih lai khan Kimkimi i ngaihtuah tel ngai lo! " A tawng lai pawt chat in ka ti nghal vak. A kaqr chung cher nghen chhan a a ban chu la in a ha a. Thawk la hawk in ka hma zawnah a rawn ding nghal run bawk.









" Nang pawn in ngeih tak a awm i duh tawh khan ka hre sia. A hma pawh khan ka ngaihtuah tho a lawm. Chubakah nangmah ka thlah che a ngai ziah tho a, a lo tel ve chu enge pawi vak. Babyi kan phurh nen a in ang reng, a dik em? " A rawn ti sup chu ka melh nghal nghek. Babyi leh Kimkimi an in ang lo tih chiam mai ka chak. Ni e, a hma kha chuan ka duh a , ka u diktak a ni lo tih ka hriat hma a ni. Mahse tunah chuan ka hlau thawng a ni. Ka u in kei aiin a ngaihsak ang tih ka hlau. Tunah pawh hian a ngaihtuah tan mek tawh miau. Chubakah Kimkimin a duh ve chuang lo, ka lak atang in ka u pawh hran dan ngawt a ngaihtuah tih ka chiang.









" Tunah chuan ka duh tawh lo. A hma ang kha awm leh ka duh. A tul chuan college pawh ka kal zawm lo a nga in lamah ka zir leh mai ang. " Ka la ti fan chu ka u nuih a zat hmel ngang mai. Kei erawh ka thu tak viau thung. College ka kal vang a Kimkimi a hmuh ziah dawn chuan kal loh tak tak ka duh.









" Engtikah tak puitling ve ang che maw. Tu nge college kal loh hlau a in atang min tlan bo san tu kha! " A kekawr ip zen hlun a ti sup in a nui suk a. Ka melh chho rual in min min lo san khum uk bawk. Puitlin leh tlin loh lam a ni tawp si lo.









" Naute! Nangmah a ni lawm ni engmah hre lo a awm duh tu kha. Tunah hi chuan i ngaihtuahna khan a cham reng zawk a ang. " Ka hmai zawn a rawn kun hniam a a ti sup chu thawk ka la halh. Ka awm dan hi ka hre thiam lo. Mahse ka u sawi kha a dik a nih ka ring. Engkim a danglam duh lo mah i la a danglam tawh.




*




Hun a kal ve zel a. Kum tawp lam hnaih in 1st semester exam pawh kan nei tep tawh. Ka u nen pawn kan in be tha chho tan tawh a. Mahse a hma a unau in pawh tak ang erawh in kan awm thei tawh lo. Sawi lang lo mah i la kan pahnih hian kan rilruah kan vawng dun kar a ni ber. Chubakah a hma zawng aiin Kimkimi ka u lakah a tla tlum zawk a.









College min thlah rual a Kimkimi lam kawi ve zel a ngaih avang in thawveng zer a Kimkimi thu sawi vel ka hriat peih loh vang in chhuan lam siam a driver ka in thla tir lah a awm chawk. Kimkimi pawh college bul hnai deuh hostelah a in sawn lut a. An veng a hla bawk nen hmeichhe maksak zet kha a nia nuam a ti zawk a ni mahna.









Tlaiah erawh ka u in min rawn hruai chuan Kimkimi nen kan haw dun ziah a ngai thung. Chuvang chuan a hma a ka u hruai a ngen a ngen a, min rawn hruai hman loh thu a sawi chang a ti tau a thinrim khum thin khan min loh hruai aiin min lo hruai loh ka duh ta zawk hial. Rilru chhia pawh min ti ula ka pawi ti lo, in ngeih leh in nel zet a ka u leh Kimkimi in be vel hmuh hi hreawm ka ti miau. Ka lo thik a nih ber chu.







" Ngati nge a lo haw har em em le? " Kawngka pui bul a vei kual sek in a khat tawk in ka ti leh thin. Kan nula lah in ka la mut loh avang in a room ah min mut san duh bik thak lo. Sana ka en a dar 12 a ri tak ngial dawn bawk si, ka u lah a reh hmak a nih chu.







" Nanun min mut san rawh, rei lo te chiah ka lo la nghal ang! Chubakah lehkha ka la zir mai thei a. " Kan nula bulah chuan ka ti sap a. Mahse a duh chuang lo. A in thlahrung ve a ni mahna.







Kan gate a motor rawn tlan lut ka hmuh rual in pawnah ka chhuak a mahse ka hma zawn a a rawn din tak ah chuan ka u motor ni lo in u Rinzuala motor zawk a ni daih chu hrilh hai zet in ka en ta tawp.









" I lo la nghak a law. Ka rin lawk vang a nia ka bulah ka riah tir loh. Hei zan in chu a in hnem deuh a ka rawn thlah ta mai. A motor pawh naktukah a lam mai a ngai ang! " U Rinzualan driver seat atang a rawn chhuak in a rawn ti chu ka hrilh hai leh zual. Passenger seat kawngka pawt hawng in ka u taksa lian zet chu a rawn kuah chhuak a. Chhan awm lo in ka na zawk.









Ni lo chhan chu a awm chiang zawk. Vawi khat mah ka hriat chinah ka u hi a la rui ngai lo. A ruih ve hi ka ring ngai lo bawk. Mahse tunah mahni pawh in khalh haw thei lo khawp a rui chhia in a rawn haw a nia.









U Rinzuala chuan kuah lut in room lamah a chhoh pui a. An hnungah ka zui chho ve bawk. Chat thla tawp chu a nih lo a nih hmel. Khum a kan mut a, zanlai a pelh tawh avang in U Rinzuala pawh a haw ve nghal.









Ka u pheikhawk chu phelh sak in khum sirah chuan ka thu a. " Naute! " Ti sup in a tie ka pawh thawl sak tur chu ka kut a rawn vawn hnan thut a ka phu chiam leh nghal.









" I lo harh reng a law. " Ka ti sap. Chu lo sawi tur ka hre lo. Rui a a rawn haw avang hian thintim in ka hau dawn nge, zingah tha deuh in ka hrilh dawn pawh ka hrethiam lo. Rawn in beng kang in a rawn thu chhuak a. A mit meng atang pawn a harhfim loh zia a lang reng.









" Ka theih tawp in zep ka tum a mahse ka thei in ka ring tawh lo! I hmel ka hmuh a piang hian ka hre chhuak zel a sin! " Rilru na ngawih ngawih tih hriat lutuk in a rawn phun sup chu ka in seh ruh nghal teuh. A sawi awm zia chu thisen zawm kan ni lo kha a tihnaah ka ngai hmiah.chuvang in a rui a, hreawm tihna ka nei ve nghal.









" Ka tihpalh. Ka nawr lui thin che a. Mahse chan che ka duh lo. Ka bul a awm reng tur in ka duh che a! " Ka ti ve tiau. Min kal san ka hlauh luat a, ka mize tam tak ka thup a. A hma ang em em khan ka ti buai chuk chuk tawh ngai hek lo. Kimkimi pawh thik viau mah i la a bul a a kal dawn chuan ka sawi sel ngai lo. Mahse ti nge hreawm a la tih reng!









" Kei pawn ka bul a awm reng tur in ka duh che tih hre thiam la ka duh! " A kut lum vung vung a la biang rawn dawm in a ti sup chu ka melh let vat a. A mit meng thim khup chu a sen rum a, a sam a thur bawk. A thu sawi a in kalh tlat bawk a, a rui tak zet a nih ka ring ta bur.









" mu tawh rawh. " Ti sap a kal sawn ka tum chu ka kut a vawnna khan a lamah min pawt hnai hrut a, ka biangah a lo vuan sa bawk nen ka hmuiah a rawn fawp thut a nih chu. Phawk lutuk a meng bial kawk in awm sawn tum in ka che a mahse min vuan nghet lutuk tlat.









A hmui rawn chet in ka hmui chu nawr kau a tum ni maiin ka hria. Mahse ka chip lui ve tlat. Zu in ve chhunah a nau min fawp a nia. Hmela hi ka first kiss a ru daih! Tawp tur a dan tum in tawng ka tum chu rem changah a hmang zawk emaw tih tur in a awm a nih chu. Hmela hi a harhfim hun chuan a nau leh hmeichhe dang hre lo lek a a ruih avang in a chak lo ang!