LOVE IS NEVER ENOUGH by Amy Cck (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

LOVE IS NEVER ENOUGH by Amy Cck (Completed)

Unread post by Ngaia » November 1st, 2020, 2:02 pm

g4ub4qsb.jpg
g4ub4qsb.jpg (36.07 KiB) Viewed 38932 times
CHAPTER - 1 💘 by Amy Cck









" Naute! Thawh a hun tawh e! " Tukverh bul a ding run a pawn lam ni chhuak chu thlir pah in ka ti sup. Leh lam a phone lo la tu lah chu mut la kham lo tih hriat zet in a la thaw ri sak sak tih ka hre thei. Ka nu a chhun miau a ka hriat tirh a ta zing tin ka la kai tho ziah bawk !









" Umm.... Ka tho a ni mai... " A rawn ti vai riai chu ka nuih nghal suk. Hmu kher lo pawh in a la tho lo tih ka chiang lutuk tlat.









" Angel! " A ngawih vang vang a vang chuan ka ti nawn leh nghal sup. Chhanna a awm lo, min mut thluk san leh a ni mah na. Vawi khat kaih thawh naah hian a tho ngai lo tih ka hre chiang viau bawk.









" Ruatpui! I muhil leh chu a ni em lo maw? " Ka tih pawh chuan chhanna a la awm chuang lo. Phone call erawh a la in cut loh avang in a muhil nawn leh a nih ka ring ta bur.









" Kan va hahthlak thei em aw? " Ti sup in call chu ka off a , number ngai bawkah chuan ka call nawn leh nghal zat. In ah ka awm chuan a room ah kal in ka kai tho mai thin a. Hna thil leh thil tul dang vang a ka zin san pawn phone atang ka call ngei ngei tho. Ka ning ngai lo a, a tet te atang a ka tih dan a nih vang in ngaiah ka nei a , ka tih tur ah ka ngai nghet bur bawk.









" Ka khuavang note chuan min mut thilh San leh a ni maw? " Call a rawn lak leh rual chuan nuih in sum zet in ka ti nghal sup.









" Naa....Uu.... Ka harh tawh reng a lawm! " Tep chap chap chuan a rawn ti nghal niah niah. Min rawn chhang confi leh lutuk chu ka nuih a ti za zawk.









" Umm.... I harh a I muhil leh ! Tunah chuan mut nawn leh kha phal a ni lo aw! Khum atang khan tho a, I damdawi ei la, rei lo te tal I taksa sawi zawi i ngaih kha! " Ka ti let nghal sup. Phone leh lam a mi lah chuan ka thu sawi a beng khawn hmel lem loh viau leh nghal.









" Naa.... Ninawm! College ka kal tawh dawn tho a zing exer lak chu ka ngai tawh kher a mi? " Lawm lo aw leh tho phang aw tham chel a a rawn tih rual in ka nui ri deuh suk.









" Na... Na... Na... Tih khan awm zia a nei lo tih i hriat kha. I exer lak leh college kal chuan in zawmna an nei lo. Vat in... Tho la, midang in boruak thianghlim an hip zawh san hma che in! " Fiam pah a ka chhang let chu peih loh hmel lutuk in a tho dawn tih a rawn sawi ta sap.









Ka nu leh pa Thenzawl lam a kan in puiah an zin chho a, ka pi leh ka nau neih chhun, khawvel a ka duat leh ngaih pawimawh ber chiah inah a awm avang in ka ngaihtuah tak zet a ni ber. Kan in a hna thawk dang chu awm ve tho mahse ka ngaihtuah dan a nep chuang hauh lo.









" Vawin i college first day chu i awm dan ka hmu ve chak hle mai che! " Ka ti sup chu phone atang pawn a nui ri hak ka hre thei. A phur tawh viau a nih pawn ka hriatthiam pui viau. Chu tih rual in ka ngaihtuah zual sauh bawk.









" Imm... Kei phei phei hi ka phur lutuk a nizan pawn ka muhil lawk thei lo a chuvang a lawm thawh ka hai! " A rawn tih lang lang chuan za lutuk in ka nui chhuak nghal hawk hawk. Meng rei lo mahse a thoh theih chu ka ring lem lo mahse ka sawi lang duh lo thung, a rawn thinrim a min tih tauh khum a min biak duh loh chuan kei mah zawk hi ka phi leh ruai dawn tih ka hre miau.









" A nih chuan nakinah report i rawn pek ngei chu a ngai ang! " Nui deuh suk a ka ti chu a phur leh zual sauh emaw tih tur in a rawn tawng ngal lang lang.









" U... Ka nu in kar lehah i rawn haw dawn tih a sawi a, tak tak a mi? " A rawn ti chu thaw chhuak ham ham in a dik thu ka sawi nghal sup. Hna vang in thla khat zet ka zin chhuak tawh, kan chhungkaw sumdawnna vang zawk a ni pakhat bawk. Leh lamah damdawiin lam hna ka nei tel bawk a kei ma tawkah chuan buai ve vet vet tak ka ni tawp.









" Yess.... Van nuam! Mahse vawin te hian lo haw zawk la ka ti. College ah nang man min thlah thei la ka ti ve em em a mahse a pawi chuang lo! " Nui hak in a mah leh mah chu a in bia ni maiin a lang. Kan chhungkaw naute , kan duat rawn leh hmangaihna zawng zawng kan pek kha a ni miau a. Kan lakah pawh a la pang chang viau bawk.









"Ka rawn haw hun ah ka thlah em em ang che Naute! Nitin pawh a ni mai thei! Chuan damdawi i ei tawh em? " Ka ti zui nghal sup.









" Ei chiah. "









" A nih chuan walk tur in i in siam zo tawh em? " Bang lam hawi nghal vut in bang a sana in tar chu ka melh nghal run.









" Umm.... Ka zo a ni mai...... " A rawn ti fan raih chu ka nui zui suk.









" Ka zo e! " A rawn ti zawm nghal sap chu thawk la hawlh in ka bul a chair ah chuan ka thu thla nghal dawt.









" Ok... Tui bottle ken theihnghilh lo la, hah lutuk lo in, thui lutuk lo, i taksa ti harh vang tawk tur vel.... "









" Motor tam hma in inah ka haw a nga, ni sat tak tak hma in, shower neiin chumi zawhah damdawi ka ei a nga, chuann...... " Harh vang zet in a tih tur chu a rawn sawi nghal lang lang a kei pawh chu ka then ve suk suk. Tuk tin ti tur a ka hrilh ziah dan a ni bawk a, ka sawi hma pawn a hre chiang tawh viau mahse chuti chung chuan ka zin san a piang in ka hrilh nawn tluk tluk thin thung.









" U.... Bye aw nakinah kan in be leh dawn nia. " Zang khai zet a rawn ti lang lang in phone a dah nghal zat a. Ka thutna chair nghen chhan ngheng dawt in mit ka chhing vang vang a, hahdam zet in ka thaw nghal suai suai bawk. Rei lo te emaw tih lai in hun a lo kal ve zung zung a, kan chhungkaw naute pawh college rap in a lo nula ve der tawh chu a nia.









Ka nu in Nautei a pai lai hian a hrisel lo in harsatna a tawk nasa bawk nen, chu bakah Ruatpuii a neih dawn khan a thih phah tep hial bawk a . Fa dang a pai thei tawh loh phah hial bawk. Angeli lah a pian tirh atang in a hrisel lo nghal em em a. Vawi engzat nge damdawiin kan luh a, hlau thawng leh rilru hreawm zet a kan awm pawh ka hre seng lo.









Kei hi Reuben Zomuanpuia ni in ka tet lai ti I la naupang te ka nih lai khan ka nu Hmangaihkimi vang hian Doctor nih tum na rilru ka nei phah a. Ka nu dik tak ni lo mahse ka thisen zawmpui ka nu aiin ka hmangaih zawk tih ka sawi ngam sak bawk.









Kum 6 ka nih in min hring tu ka nu Hmingmawii leh ka pa Ramnunsanga hi an in then a. Chuta tang chuan tun a ka nu Hmangaihkimi hi kan nunah vantirhkoh ang maiin a rawn lang a. Kum 7 ka nih khan ka pa nen an in nei nghe nghe a, kei leh ka pa tan chuan kan engkim a ni ka ti lo thei lo. Min enkawl danah hian sawi sel emaw pakhat mah ka nei lo a, a fa hrin ka nih loh na a lang ngai hek lo.









Kum 8 ka nih in ka nau Angel Lalruatpuii hi a rawn piang ve a, hmeichhia a ni bawk nen kan chhungkua in sumdawnna kan neih ve avang in Doctor nih ka tumna pawh chu ka hawi san lek lek hial a. A chhan pawh fapa neih chhun ka nih ang in ka pa hnung ka zui loh chuan kan sumdawnna hi midang kutah dah chi ni hek lo.









Mahse ka nih tum ka thulh vek tawh hnu ah High school ka chhuah kum khan Angeli hi a damlo vak a, a hrisel lo sa viau a mahse naupang te khan lung tha lo neiin, a lung khan a taksa mamawh khawp hna a thawk thei tawh lo a ni ber, thlak hial kha angai reng bawk a, natna ben vawn dang pawh a nei nual bawk. Kha tih lai khan a thih phah tep nghe nghe a, tlai khaw hnuah a lung thlakna mil kan hmu ta hlauh zawk a, a lung thlak na kha hmu lo i la chuan kan in chhan hman kher lo mai thei.









Kha ta tang khan higher ka rah a ka subject lak tum zawng zawng thlak in doctor nih tumna rilru pawh ka pu tha leh nghal vek bawk. Ka nu nurse a lo ni bawk nen, ka nu dik tak te lamah hian damdawi thian leh medical lam a kal an awm nual bawk a. Ka Pu Remruata nupui Pi Zirtei pawh doctor thiam tak a ni bakah kei man ka tui chilh hrim hrim avang in harsa ka ti lem lo bawk a. Chu mi ka zirlai bakah a hran pa liau liau in business lam ka zirin ka luh chilh tel bawk.









A chhan chu kan chhungkaw in ro chun sumdawnna ka en kawl tel a ngaih avang in. Ka pa fapa ka nih ang in ka pa hnung ka zui lo thei lo miau a. Chu pawh chu ka tet te, chhia leh tha ka hriat tir atang khan ka pa bulah ka tal tam avang in sumdawnna lamah pawh ka pa mizia leh chet dan ka chhawm chho phah zel bawk a ka tan chuan a harsa lem lo, zir erawh ka zir nasa in ka tum ve viau thung.









Tunah chuan tlangval kum 30 mi ni in thenkhat chuan Dr. Reubena, lung lam specialist ang in min hria a. Lung lam kher ka thlan chhan pawh Nautei vang chiah a ni bawk. Thenkhat erawh chuan Ramnunsanga fapa, sumdawnna lamah hma khaw eng tak nei ang pawn min hre bawk. Doctor emaw businessman ang pawn min hre sual lo ve ve tihna a nih chu!











" Morning Duat! " Ti sap a ka mal chung a rawn thu thla a min rawn fawp tu vang chuan ka ngaihtuah atang a harh chhuak in mit ka meng nghal ruai ruai. Ka hmai bul chetah hmeichhia nui sang a rawn kun hniam chu melh in ka nuih let suk.









" Morning! " Ti sup in ka thu chhuak chu ka nghawngah min rawn kuah bet nghal zat a. A mut kawr lace dum pan zet hak atang chuan a taksa chu a lang tlang nghal vek bawk.









" I lan dan atang chuan mut i kham chiah lo a nih hmel! " A kut tang a ka hmai rawn rin riak riak a a ti sap chu ka ner suk . A ni hi kan sumdawnna a kan thawh pui ni in sundawnnaah pawh hian sum tam tak an rawn invest ve a. Chhungkaw nei nung leh van tlang chung lam an nih bakah kan company ah din hmun sang chelh in a awm ve mek a , kan deginer chhuan vawr pawl ni in chuan ka bialnu a ni bawk!









" Tlem chuan! " Ti sup in ka phone chu ka bul sidetable ah chuan ka dah thla nghal hmuk. Ka nun chho dan leh zir na lamah ka kal nasa dan atang khian min hriat thiam pui mai chu ka ring a. Hmeichhe lam hi ka buaipui hman lo ti i la a dik ber ang.









Mipa ka nih ang in ngaihzawng nei ngai lo tawp chu ka ni lo mahse ka ngaihsak hman miau loh avang in tu hmeichhia nen mah hian kan in zui rei ngai lem lo. Bakah ka Khuavang note (Ruatpuii🌟) hi kan tan a pawimawh in ka dah hmasak ber thin avang in ka hmeichhe kawp ah lo thik tawk an awm leh thin avang hian kei pawn Angeli ngaina lo a min duat pui thei lo tu chu hnaih ka chak bik vak loh avang in kan tawp leh nge nge thin.









Hmeichhe dang ngaihsak a han duat kual vel hi ka thiam zawng a nih vak lo nge kei mah hian ka peih lo ve hrim hrim zawk pawh ka hre chuang lo. Opi erawh hi chu hna ka thawh hnuah ka hriat ni in, hna thil vang in kan zin chhuak dun ngun a, midang ang lo tak in min hrethiam in Nautei pawh a ngaina thiam a, kan in karah hmangaihna lam chu a awm chiah em ka hre lo mahse tunah rih chuan kan in hrethiam tawn viau.









" Ohh.... A nih chuan rei lo te chu hun kan la nei... I ti ve lo maw? " Nui hak a tiin min rawn fawp chu a kawng fek rat a vuan chawt in ka fawp let nghal tawn tawn. Duh thaw zet a min fawp let ve chung chuan ka mal chung a a thut dan chu a siam rem salh salh a. A hnute bu nalh zet , a mut kawr nghawng zau zet a lang phiar tai chuan ka taksa chu min nawr nar nar bawk.









Thawmhnaw ka lo in bel bik lo nen ka taksa chu a ti dang lam chak viau bawk. Ka mal chung a a thut miau avang in min fawh pah a a mawng ti che kual vel chuan ka bawiha pawh a ti nung nghal tuah tuah bawk chu rum hrawk in ka nem hla dat.









" Dik lo a awm em? " A rawn ti sap chu melh ngur in ka thaw chhuak hawk.









" I room lamah va in siam tawh rawh! In hnuai lamah thil ei tur in kan chhuk dawn nia! " Ka ti sup chu a ner ta nang. Hna thil a zin kan ni bawk nen kan hotel thlen naah room ruak dang a lo awm rem chang bawk si lo chu room khat ah kan awm a mahse room chhungah hian a hran in bedroom pahnih a awm thung avang in kan hmang ve ve. A chang chuan room khat a mut chang kan nei bawk!









" Hei hi ti zo lawk i la Duat! " Sexy zet a ti sap in a hmui chu a pet sawi zeuh a. A kut tang chuan ka taksa chu a chhui thla dan dan a, ka kekawr kap zawnah tawp chat in ka mipatna rawn tho tan tawh chu a tham nghal salh bawk chu ka thaw chhuak nghal hawk.









Ka kekawr chhanah chuan a kut chu a chet kual ruai a, a khel ka vawnna chu sawn hniam hrut in a mawng khal nalh zetah chuan ka tham nghal tawk chu nui hak in ka kekawr chhungah chuan a zen lut nghal zat chu thaw hawk in a hmui ah chuan ka fawp nghal tawn tawn a. Uar zet a min chhang let chung chuan a kut chu zei lutuk in a chet nghal zat chu in sum tumna ka nei ta hauh lo.









A mut kawr hak pan zet ko bah chu a darah hui liam nghal in a hnute chu ka tam sak nghal tawn tawn a, nuam tih zet a rum chhuak hak in ka kekawr chhung a a kut chu a chet nasa zual sauh bawk. Mipa ler leh hmeichhe kawp kual dun dun chi ka nih loh bakah ka hun hian min daih lo a ni ber a. Opi erawh ka hnuaiah thawk in kan lo in zui ngun in kan in nel chho ve tan a, kan in zuina pawh kum chu a tling ve tawh mahse a lak ah hian feeling ka nei em chu ka hre lo.









Kan thutna atang chuan ka ding chhuah pui nghal vut a. Chu mi rual in a bawp chuan ka kawngah rawn kherh bet in ka taksaah chuan a bet thlawp a, room lam pan chuan ka pen sawn pui nghal pawk pawk. A awm bawr ruak kang leh a hnute hmur tang deuh at in ka taksa a nawk kual vel te chu nuam a ti tih a hmel leh mit mengah a lang chiang viau bawk.









Khum a ka nghah thlak dawp rual a nui zui hak in a mut kawr hak a kawng a in hnawl tawm vek chu a ke lamah a rawn tlawh thla nghal zat a. Ka hma zawn khum zau zet a hmeichhe chhelo zet panty chiah in bel a mit meng beisei nei zet a min melhtu chu nuih suk in a ke rek a vuan chuan ka lamah ka pawt hnai nghal hrawk a. A taksa nalh zet chu fawp kual ruai in ka kut chuan a panty chhanah a hmeichhiatna chu ka nuai sak nghal nawk nawk a, a nuam ti chu a bawp a rawn dawr zual nghal sauh sauh bawk.









A panty chhungah zen lut in rang zet chuan ka kut ka chet chhun zawm nghal buan buan a, a mal rawn khur der der in ka hming lam in a au chhuah that takah chuan ka kut la chhuak in khum bul drower chu pawt hawng in Cd chu ka la chhuak a, ka hma zawn a mi lah chuan phur zet a ka kekawr kawng lo pawt thla in ka mipatna chu a hra*t nghal mawlh mawlh bawk.









" Vuah rawh! " Ti sup in Cd chu a lamah ka lek nghal a, rang zet a la in zei zet chuan a vuah a, a panty chu pawt thla in a bak sawi leh pawh ngai lo chuan ka hma zawnah chuan a bawp khal nalh zet chu a dawrh nghal vat a, hei hi kan vawi khatna mai a ni loh bawk!




*




Shower hnuaiah ding in tui chuan ka in phuh tir sur sur a, vawin meeting kan thu rel a zir in sumdawnna lam a ka hna chu ka zo ti tih der dawn a. Mahse ka tih tur pakhat zawk vang a la cham tum ka ni thung. A hran pa a damdawiin hawn ka rilruk a, sum lamah chuan harsatna a awm lem lo tur ah ka ngai a, hospital ka din a nih chuan doctor senior thenkhat leh ka thian te pawn min tawiawm chu ka ring viau bawk.









Ka buaina ber erawh khawl ram dang a tang a lak luh chung changah ka la tih fel thei chiah lo a ni ber. A hmun tur pawh ka thlang fel vek tawh a, clinic ringawt chu ka duh khawp chiah lo a ni mahna. Ka nu leh pa pawn min pawm pui vek bawk a. Rei lo teah ka tih pui tlin chu ka beisei ve ngawt bawk.









Bathroom atang a ka chhuah chuan Opi pawh a room lamah in siam tur in a chhuak tawh a nih hmel room chu a ruak vek tawh. Thawmhnaw in bel mawlh mawlh in ka sana ka bun tur dar zat ka en chu ka phun nghal hluk.









Nautei ka call leh loh chuan meeting in a zawm a nga ka be thei leh lawk lo ang tih ka hlau viau. Khum leh drower vel a ka phone ka zawng kual chu a vang phian leh nghal.









" Zomuanpui leh! I hai hawt zo tawh! " Phun hluk a lu thing ngut a ner zui suk in ka room chu ka chhuah san nghal vut. Nichin khan ka room ah ka keng lut hauh lo tih ka hre chhuak chiah chu a ho ang reng viau.









Tukverh bulah Opi chu lo ding in a kutah ka phone awm chuan ka mit a la nghal chat. A lam pan a ka kal chu ka pen riah a hria a ni mahna a rawn hawi vat a min hmuh rual in min nuih nghal sak chu a hma zawnah ka ding nghal run.









" Aa... I phone! Angelin a rawn call a mahse a tawp leh tawh! I call back dawn nge nakinah... " Mit san ak a a rawn ti chu a lamah ka kut ka lek nghal hmuk a ka phone chu min pe ve nghal zat.









" I ril a tam tawh chuan lo zu chhuk hmasa la ka rawn zawm vat tho che chu ka ring. " Pangai zawk a ti sup chuan ka phone lock chu hawng in ka hmet nghal mual mual a, Nautei no ah chuan call in phone ka beng bul a ka dah rual in Opi chu melh in mit ka san nghal uk. Ka sawi tawh kha hmeichhe han toh kual vel hi ka thiam lo, he ti chung hian a kum a kum hial chu ka bulah a awm a dang lam ve tak a ni.









" Ai.... File leh documents vel ka la va la chhuak ang , nakin a tih kual chiam ngai lo tur in! " Ti sap a nui chung in a kal sawn chu a lam hawiin ka melh zui ngur.









"Op! " Ka ti sup chu a rawn hawi nghal vat.









" Ka rei lo ang! A tha em? " Nui lui suk a ka ti chu nui var var in lu a bu nghat. Ka bialnu a nia kha aia tha kha sawi tur ka ni mahse sawi tur dang thlawt ka hre lo miau. Phone call in ring rut rut chu a rawn chhan rual in tukverh lam chu hawiin ka be nghal sup.









" Call i va pick har ve? " Ka ti nghal sup chu leh lam a mi min rawn chhan dan avang chuan ka ban a sana chu ka melh zui nghal a ka ner suk.









" U.... Ka in siam mek a lawm. Dar 9 leh a chanve ah college tan a nia. Nichin ka call lai che in i la duh lo a nih kha! Tunah ka buai em em a I rawn call back thung a.... " A tawng dan atang pawh chuan a in siam pah tih ka hre thei. Ka buai lo bikah a ngai a mawni, hahthlak hian. Chaw a ei tawh em tih leh a damdawi vel a ei em tih ka zawt leh sup chu a ei thu in min chhang leh thlap.









" Olee.. Vanlal inlabuai em emte! College a I first day a ni dawn a driver i in thlah tir dawn a nia ! " A sawi zawh rual chuan ka ti nghal sup chu a rawn phun nghal bai bai.









" A mak e ,... U! Faith-i rual in ka kal dawn ka tih vek tawh khaa... " A aw atang pawh chuan a hma in a sawi tawh ka hrilh nawn leh avang in a lawm lo tih a rawn lang chiang ngei mai.









" Eng in nge in kal dawn? " Ner sawk in ka ti hmuk.









" Ohh... Ka lo zawt miah lo! " A rawn ti let hap.









" Naute! A bike a in kal chuan.... "









" Engmah thil pawi a thleng lo ang, mahni te a ka first day college a kal ai chuan kal pui neih chu a tha zawk a lawm. Ka in siam lak lawh lutuk a nih phawt! " Tih leh phone dah a rual nghal chu ka hma zawn a ka phone ka lek chhuak deuh hu!










" Ka ngaihtuah ang che hian i in ngaihtuah ve si loh hian .... ka ngaihtuah zual thin che! " Ti sup in ka phone chu ka be ta ringawt. Midang ang in hrisel in dam tha pangai se chuan ka ngaihtuah khu chuk lo mai thei mahse a din hmun hre chiangtu ka ngaihtuah lo thei lo.









" Ti nge? Buaina a awm a mi? " Ka ban a kut rawn rawlh lut a ka sir atang a min rawn en tu chu melh let in lu ka thing ngut.









" Faith-i bia i la motor a kal tur in hrilh i la a tha ang! " Ti sup in ka phone ka hmet leh nghal mual mual a mahse Opi thu sawi vang chuan ka tawp chawt.









" Ti teh Duat! Naupang a nih tawh loh saw! Nula kum 22..."









" 21 zawk! " Ka ti hmuk chu a thaw hak.









" Aw... 22 pawh ti i la a sual tawh chuang hlei nem! " Hmui ti sawi zeuh a a rawn ti chu ka ner suk.









" I ngaihtuah lutuk tih chu ka hria a mahse a man ka tha ang a tih chuan force vak lo la. College chu eng pawh in lo kal se chung thleng thleng a I control zel te chuan a puitling har lutuk ang! " A rawn ti zui zat chu ka ngaihdan a ni ve lem lo. Mahse leh lam zawng tak ah chuan a sawi sual lem lo. Ka ngaihtuah mah mah a ni mai thei.









" Ok! Kal i la! " Ti sup in ka phone screen chu ka hmet thim nghal hmuk a. Ka awm erawh a nuam chiah chuang hauh lo.








_____________________________________________________









* ANGEL LALRUATPUII pov*









Ka room ah ka in siam mawlh mawlh lai chuan ka room kawngka an rawn kik khauh khauh a , lo lut tur in ka ti nghal sap chu kan nula pakhat chuan in hnuai lamah Faith-in min nghah mek thu a rawn sawi nghal zat a. Khum chung a ka bag chu ak tha mawlh mawlh in ka hman tep thu min lo hrilh sak tur in ka ti nghal zat.









Darthlalang lian zet hmaah chuan a tawp nan tak tak tiin ka in en nawn leh vang vang a engmah dik lo a awm lo chu mah ni leh mah ni in nuih sak in ka room chu ka chhuah san zui nghal.









Midang te ang chu ni i la..... Ka tih awm zia chu tluang tak chuan school kal ve ni i la chuan college ka chhuak tep ve tawh ngei ang. Mahse ka hrisel loh luatah school ka chawlh leh zauh thin avang in kum 22 ka nih in college ka zawm ve dawn chauh chu a nia. Mahse engkim hi eng zawng in ka thlir hram hram avang hian tun thleng hian ka la ti ve beuh beuh chu a nia.









" Woww..... Kha ti kha chuan U Reubena tak ngial pawn I pui tling ve tawh tih a pawm hrim hrim. " In hnuai ka thleng a comon room ka luh rual in Faith-i chuan min lo ti nghal vat chu ka ner nang.









" Sawi lo teh tukin ringawt ah pawh eng thil nge ka bulah phone a a sawi ? Chung zingah chuan nang pawh i tel. " A hma a ding chuan ka nui pah deuh chu hre thiam lo deuh hian min melh nghal ha.









" Ngawi teh.... Ka duata saw a sawi tel tih sawi miah suh! " Lawm lo aw lutuk a Faith-i rawn tawng chu mit ka san ak. Vawi khat Faith-in bike a neih hlim in min phur chhin a kan la chet sual zui a vang khan ka U hian tun thleng hian bike chuan hi min khap.









" A nih chuan ka hnungah in car in min rawn zui dawn maw? " Ner nang a a ti chu nui hak in a rual a ka kal tur thu chuan ka chhang let tho.









" Kal ang a nih chuan.. " Tih leh rawn din a rual chu ka melh chho nghal ha. Ka sawi tawh en Faith-i hi hmeichhe pian nalh leh chhelo tak a ni tih! Ka nu leh Faith-i nu , nu Sangtei hi an in kawm thin a. Faith-i a pian lai pawh khan ka nu hi nau neihna room ah khan duty in a awm nghe nghe a. Pa Jeromea leh ka pa pawh hi in hre tha pangai tak an ni.









Kei ni ang bawk in unau pahnih ni in nau mipa ngeng leh chimawm zet Simona a nei thung a. A ni erawh kei ai a nau hret thung. Chuan kei chu a ni ang lo tak in hmeichhe lian lam ai chuan te lam ka ni zawk mah a. Ka hrisel loh vang a nih bakah ka taksa pawh thau lam ai chuan cher lam mah tih tur ka ni a. Ka vun pawh ka nu ka chhun vang nge ka natna vang ka hre lo a mahse ka ngo mah mah ka in ti ve thin.









" Tlan chak suh ang che! " Kan kawtah a bike lo ding chu ti nung in a helmet a khum mawlh mawlh chu ti sap in a hnungah ka thu ve nghal thak.









Kan in gate atang a kan tlan chhuak chu min hrethiam ve nge a speed a san em em bik lo. Bike khalh ah kher kher hi chuan mipa tam tak pawh in an tluk loh kha a ni ve ngei a ka ring tawk lutuk tlat kei pawh in mahse kei mah hian ka zo vak lo a ni ber.









Rei lo te ah college kan thleng a, student dang ho chuan min lo en zui vang vang tawk lah bang lo. Kei ni lo hmeichhe chhelo leh hlei tling zet bike khalh in hmeh zet hian an mit a la ka tihna zawk a nih chu.









" In room tur ah ka hruai i duh chuan ka kal pui thei tho che! " Bike atang a ka chhuk rual in a rawn ti vat chu nui sak in a ngaih loh thu ka sawi vat. Ka sawi tawh khan kan kum lamah chuan in rual khat deuh thaw mah i la school erawh an ni aiin ka kal muang hret a. Kei in 1st sem ka tan dawn a, Faith-i erawh a final year a ni tawh thung. Chu vang chuan in kawm pawh kan in kawm tam lem lo viau.









" Lawk in khawnge i kal leh dawn? " A bike a ti nung chu ka ti ha.









" Aa... Class kan la kal tha dawn lo a tih tur dang ka nei. Ka thlah lawk mai mai che i bo lutuk ka hlau a! " A rawn ti chu ner vak in ka nui zui hak.









" I van fel tak! A nih kawi lam nge kan class building lam? " Hawi kual a kal ti sap chu min hrilh nghal zat a. Gate pui lamah chuan a tlan chhuak nghak zat.









" Lee.... Room chu zawng ang aw. " Ti sap in Faith-i sawina lam chu ka pan a, semester thar tur ho building a sawi chu ka thleng a, notice bord lian zet hma a midang lo zi mur mur chu an hnung lam atang mak ti zet in ka en mawl tawp.









Midang kal sawn ho sawi dan atang chuan kan awmna building map ni in room awmdan in kaih hruaina a nih hmel a. Kei pawn ka en ve ngei a ngaih hmel kan room ka hre duh a nih chuan!









Mi karah chuan rem leh rem lo chuan ka in hnawh a, he tiang tur tih hriat a Faithi kha lo in hruai tir tak tur. Ka vawi khat in hnawh naah chuan ka tha ka pe na lo bik lutuk nge tumah an che sawn eih lo leh nghal. An en zawh ka nghah dawn lah in a lo kal belh ho in an chuh leh nghal zel bawk si chu ka bag ah siam tha sauh sauh in ka han in hnawh leh ta vak ringawt.









Chep zet karah chuan ka in hnawh lut thei hram. Building lian tih takah paper hmang mai mai a map siam chu ka en thiam tha vak lo leh nghal. Midang in min nek sawn zel avang chuan chiang tak pawn ka hmu thei lo. Boruak uap churh leh rim chi hrang hrang ka ti mai, perfume rim leh thil dang eng emaw vang chuan ka dik lo dawn ta tlat a nih chu.









Ka bag a ka phone chu la chhuak a kan building map chu capture ka tum ve ta zawk a, ka bag lah chu ka ban hlei thei lo. Kan in nep tuau tuau ni ber in ka hria.









" Awle.... Ka la e! " Ka phone ka la chhuak chu phun sap in camera chu ka hmet chhuak vat a. Ngil leh uluk tak pawh a ka lak theih loh avang chuan vawi eng emaw zat ka hmet mawlh mawlh bawk. Thla ka la zo let ka tum chu a chep lutuk vang chuan ka che hlei thei ta thak lo.









Map en ve tum rawn kal hma leh kal sawn tum chu kan in nek deuh nuai nuai a ni ber. Ka thawk lah chu a pik tulh tulh tawh bawk si chu hreawm tak a ni. Vanduai thlak lutuk in ka phone ka hum chu min rawn nek zawng in ka la thloh zui leh nghal. Ka phone chhar tum a ka kun chu tu emaw hian ka bekah tihpalh thil in min rawn nghawk ri chawrh a nih chu.









Pawi lutuk in ka thaw hah a rawn chhuak chhun zawm nghal a, midang ho lah chuan ka awm dan chu min hriat hmel loh hlawm em em mai leh nghal. Ka phone pawh chu buai pui a zawng chhun zawm thei ka ni tawh lo ka awmna uap leh chep lutuk atang hian chhuak a boruak thawveng hip ka mamawh ta ber. Mahse a chep lutuk chu ka che sawn hlei thei lo.









" Khawngaihin...... Min.... Min pui teh u! " Harsa ti zet a phun chhuak in ka thaw tha thei lo mit meng vai ruai chuan min pui tur ka melh ruai a. Mi tam tak kar a chep zet a ka din avang chuan an thlekna lam lamah ka taksa chu an nek sawn a ni ta ber.









" Ka.... Ka thaw thei lo.... " Mittui tling deuh pam a tiin ka tlu tawh mai dawn emaw ka ti chu tu emaw hian ka ban rek a rawn vuan in na zet hian min pawt chhuak deuh nawk ni ber in ka hria.









" Heii.... I tha em? " Rawn ti tu chu ka mittui kar atang chuan phe ruai in ka hmu. Ka thaw thei chu ka taksa te hi an lum pup pup hial. Ka theih ang a na chuan boruak hip tum in ka bei a mahse ka thei lo. Ka khaw hmuh chu a thim zui nghal riai riai bawk.









" Eng thil nge? "









" A thawk a hah a nih hi? "








" Hnaih tuau tuau su! "








Midang ho tawng zawng zawng chu ka hre vai ruai vek a. Ka taksa kang deuh nawlh pawh chu ka hre vek bawk. Motor chhungah min dah luh lai te pawh chu ka hre vek a mahse ka thaw tha thei chuang lo.









" Hei hi a phone a nih em? " Motor tukverh atang a rawn ti ri chu ka hriat hnu hnung ber a ni.




*




" Isss..... " Ka kut ka zet rual a thip deuh zawk vang chuan ka ner deuh sak a. Ka mit khuh tu vun chhah deuh tap chuan ka men ti harsa deuh mahse ka meng lui ta tho. Ka awmna vel ka en kual chu hai rual loh in damdawiin ah ka awm tih ka hre nghal. Sir lam ka hawi chu tukverh bul a doctor coat ha a min hnung chhawn zawng a ding khawng luah ka hmu chu ka mumang emaw ka ti rum rum.









" U.... " Ka ti tham chel. Ka aw chu a chhuak em pawh ka hre lo. Mahse a ka ko a ni tih ka lam a rawn hawi avang chuan ka hre thei. Hna vang in a zin sia, kar leh a rawn haw chauh tur a ni emaw ka ti a nia eng tin nge tah hian a awm theih! Ka lam pan a ka U rawn pen phei pawk pawk chu en in ka ngaihtuah na a buai map.









" Heii.... Naute! Na i la nei em? " Ka khum bul a a rawn din rual chu rawn ti sup in a kut lian leh lum thur thur chuan ka biang chu a rawn chul nghal vat a. A mit meng atang ringawt pawh chuan min ngaihtuah zia ka hmu thei, ka U mizia kha a ni miau a.









" Hetah eng tin nge i awm theih? " Min check mawlh mawlh lai chuan khum a mu chung chuan ka ti sap chu a rum deuh nghut.











" Damdawiinah i awm tih ka hriat khan ka rawn haw nghal. Ni hnih leh zan hnih ngawt i rawn harh lo a, min ti hlau thawng hman viau! " A ti sup chu mak ti lutuk in ka meng kawk. Ka hriat dan chuan nichin lawk khan nikhaw hre lo in ka awm a ni sia. Ni hnih a lo ni reng tawh maw?









" Ni hnih a lo ni der maw? " Ka ti chhuak sap chu ka U chuan a lu a bu nghal nghut.









" Tunah rih chuan i tha rih viau e! " Ti sup in ka chalah chuan a hmui a rawn nawr vang vang a. Chu mi pah chuan hahdam ta huai ang mai hian a thaw chhuak nghal suai suai bawk. Kei mah vang in a hlau thawng leh hle dawn tih sawi lan ngai kher lo in ka hre thiam nghal vek bawk.









" U... " Ka ti sap chu ka chal a a hmui la nawr si reng chung chuan " Umm... " A rawn ti sup chu ka hmui ka ti sawi zeuh ringawt.









" Tu nge damdawiinah min hruai? " Ka ti sap chu in la hrang deuh in hmel hmuh nuam zet hian min melh chhuk nghal run a kei pawn ka melh chho nghal kalh.









" In Sir in! " A ti sup chu mak ka ti leh zual.









" Tu kan Sir in? " Ka ti let ha chu nui suk in ka hnar a rawn piai nghal hlak a ka ner zui nang. Ka U tawng leh tur chiah chu kan cabin kawngka rawn in nem hawng riai riai avang chuan kan hawi sawn ta vat a. Kawngka atang a mipa rawn pen lut ka hmu chu ka hrilh hai leh zual. Ka u thianpa a nih ring in ka U chu ka melh leh ha a mahse a nih bik hmel loh.









" A ni sawn! " Ti sup in ka U chu a ding mar ta vut. Kawngka lam bawk chu ka hawi leh vat a. Ka en chiah pauh leh ka hre lo tulh tulh a nih chu!









" Kan damlo chu a rawn harh ve ta a ni maw?" Khum leh lam sir a ding run chuan a rawn ti ve sup a min rawn melh in min nuih suk chu tawi te hian ka then ve sak. Ka u nen an in rual khat tawk viau ka ring. Chuan mipa chhe zawk zawk a ni hauh lo.









" I lo awm hloh a kan vanneih phah a nih hi! " U Reubena chuan a ti ve sup a. A nih chuan he pa hi midang in kar atang a min rawn pawt chhuak tu kha a ni maw? Chuan ka U sawi dan atang chuan kan zirtirtu a nih hmel bawk. Engvang a a lak atang a ka mit hi lak sawn hreh viau nge ka nih! Kei hian kan zirtirtu hi ka lo duh deuh tihna a mi?



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 1st, 2020, 2:03 pm

CHAPTER - 2 💘 by Amy Cck









Ka U leh kan Sir min pui tu pa chu an in be deuh mawlh mawlh a. Kei erawh nichin a min tanpui a vang a lawmthu ka sawi bak kha ka tawng leh tawh miah lo. Ka U in min rawn kan tu pa a thlah tur thu a sawi chuan lu bu nghat in kan Sir pawh chu en in ka nui lui sak a. Pangai zet in college ka kal ve dawn a maw tih laiin damdawiin khumah ka thu leh ta tawp chu a nia, hneawm lutuk.









" Enge kha tia ner deuh nang a I lo ngaihtuah a? " Ka hnar piai zeuh pah in ka u chuan a rawn ti sup a, chu mi pah in ka khum sirah chuan a rawn thu deuh hmuk chu ka melh nghal vat.









" I hriat reng kha aw! " Ti deuh vak in a lak a ka pangchan thin dan ang bawk chuan ka ner zui nang chu a nui suk a, a nuih danah a hria tih ka chiang leh zual bawk.









" Olee... Ka khuavang note hian damdawiin hi a ngaina lo tih ka hriatthiam pui mahse hremna ni pah in zan in chu hetah I riak leh dawn! " A rawn ti deuh hmuk chu hrethiam lo lutuk in ka melh nghal vat. A tawng tir lam kha chu a pangai nen engvang in nge a tawp lamah khan a lawm lo ni hriatna ka neih tlat.









" Maw? Engvang in? " Ka ti nghal vak chu a thutna atang chuan ding vut in ka khum bul a drip in khai chu a ti tha nghal mual mual.









" Ka zin hlan in treatment I lo la kim lo a ni tih ka hria , ka lawm lo hle bawk. Tun a I awm dan pawh hi kha mi nghawng kha a nih hi. " A ban lian zet kuang kuah hlun chuan min chhuk melh run chu ka meng khup nghal zal zal.









" Kha kha.... Eng lo... Kha nu kher kha a rawn kal a. Lak loh kha ka tum miah lo, ka ti tak tak a nia. Nang pawn I hriat kha in chiu ka hlauh zia te chu.... A tih fuh thei lo zel a nih kha! " In thiam lo deuh tho si mahse dik in ti ve deuh tho bawk si chuan ka U chu ka melh chho kalh a. A mit meng ti zim run in min melh chu ka thaw hak.









" I tan hian vawi khat damdawi ei loh palh pawh a pawi ti i hre chiang a. Treatment pui tham tak a ni a. Nitin pawh ni lo in kar khatah vawi khat chiah a ni bawk a. " A rawn ti leh hmuk chu ka kut sik neuh neuh in ka kun nghal daih. Sawi lo mahse ka hre vek bawk.









Ka lung hi ka lung dik tak , ka taksa in a pian pui a ni tawh lo a. Kar khatah vawi khat tal a function a tha em tih check a ngai a. Chutah chuan min jection ziah thin bawk. Ka tet lai atang in ni thin mahse ngaiah ka nei thei lo. Thi suk ka neih bakah ka vunah hriau an vit lut dawn tih ka hriat atang hian ka tha a khur sa hial thin. Ka nu leh ka U lo chuan min jection ngai lo reng bawk.









Ka nu leh pa kan khuaah an awm bawk nen ka U lah a zin rei a ngai tak thut avang in kha nurse nu khan a tih a ngai a. Ka nu in min biak sak a nih bakah min vo lawk nasa bawk si kha ka in ti pa chang lui hram a. Mahse vawi tam tak ka vain ah a vit fuh thei lo khan a ti nawn sek a. Ka ban pawh a la duk reng bawk. Kha vang khan vawi khat chiah lak loh chu pawi lo tur ah ka ngai lui ta tawp a.









" Ka hria! " Ka ti sap. Ka mittui a rawn hnai kuar leh nghal. Ka U hi ka chungah a der pawn a lawm lo mai mai ngai lo a, Tiang a a awm hi chuan ka tah a ti chhuak tlat zel. Ka sir a ding ngawi ngul chuan na zet a thaw hawk in ka khum sirah bawk chuan a rawn thu thla leh a. Ka kut ka mal chung a mi chu a kut lian leh lum thur thur a a rawn hum bo vek rual in mit ka khap fak a, ka u kutah chuan a far nghal fap chu U Reubena thaw hawk ri in a zawm nghal.









" Naute! " A rawn ti thawp sup chu ka kut a hum chu ka pawt sawn nghal hlak.









" Ka hria! Zan in chu hetah ka riak ang. Ka mu hahdam duh min chhuah san rawh! " Tih leh khum a mu thla in ka puan sin chu pawt nghal sawk sawk in ka in lu khuh nghal hmak.









Ka U pen chhuak thawm chu ka ngaithla kar a. Cabin kawngka in khar ri ka hriat rual in ka lu khuhna chu ka hawng nghal vat. " Tul lo lutuk! " Ti hlak in ka mittui ka hru nghal hlak. Ka ban ka lak thlak rual chuan ka banrek venflow vuah lohna lam duk kual raih chu hmu in ka en chiang nghal vat a. Kan Sir in min pawh chhuahna kha a ni tih ka hre nghal. White blood ka tlak chham avang in ka taksa hi ho te te ah pawh a duk hma reng a ni.









Thaw hak in ka khum atang chuan ka chhuk a. Drip in khaian khum bul a mi chu ka kal sawn pah chuan nawr sawn ve zel in tukverh bulah chuan ka ding vah a. Pawn lam atang a thli rawn thaw lut heuh heuh chuan min chhem dai nghal veng veng bawk.









Mi zawng zawng hian kan nunah hian duh khawp loh leh buaina kan nei vek a. Kei ngei pawh nu leh pa leh unaupa tha tak, min duat a min hmangaih em em tu te ka nei a. Kan chhungkua lah midang awh ngawih ngawih leh chung en kan ni bawk a. Mahse kan hlim famkim bik chuang miah lo. Ka naupan lai chuan in aiin damdawiinah ka awm hnem zawk tih tur ka ni.









Ka nu nurse a ni hlauh zawk a. Damdawiin a awm reng chung khan ka nu in min en kawl reng tho a. Eng tin tin emaw chuan hun a kal ve zel a. Dam leh damlo in kar a leng in tun hun hi ka thleng a . School pawh kal ai chuan kal loh ka ngah zawk a. Mahse in lamah ka chhungte ho in min buaipuiin home tuitor te kan la a. Exam lai a damdawiin ka awm chang chuan damdawiin ah exam te ka pe hial thin a.









Thian pawh ka nei ngai lo. Ka khawvel chu kan in hi a ni tawp a mahse chu chu pawi ka ti lo. Engtik lai pawn ka U in min awm pui ti I la ka sawi sual lo ang. Kei mah vang in thian pawh a kawm ngai bik lo tih ka hria. Kan chhungkua chu chawk buai hneh ve tak ka ni. Ka pian chhuah hma atang hawt in ka nu kei mah vang in a thi tep bawk a. He tiang chhungkua hi nei lo i la chuan ka thi daih tawh mai thei.









" Ka ril a tam . " Ka pum rawn ri riah riah chu dawm in ka phun sap. Ka U lah ka tih tauh khum a. Ka phone lah khawnge a awm ka hre bawk si lo. Khum lam pan a ka in her rual in kawngka chu a rawn in nem hawng a. Room a rawn lut te ka hmuh rual chuan ka nui nghal ver ver.









" Pu.. . . Ka lo ngaihtuah lai mek cheu in! " Ka pu Remruata leh pi Zirtei chu ka be nghal vat.









" Kan naute chu i lo harh ve hram a! Ka rin aiin ka hmu tha bawk che. " Ka pu in a rawn tih rual chuan ner nang in khumah ka thu nghal vat.









" Ka ril a tam tawh lutuk a! " Pangchang zet a melh chuan ka ti nang nang. Ka nu U chiah ni in ka pu neih chhun a nia min duat viau bawk.









" Khawnge kan naua a hi a awm a. Ka naute ril tam a a lo kal san mai mai! " Ka pu chuan min tan zet a a ti chu ka nui hak a, ka pi erawh a ner nang. Ka nu aiin ka pi Zirtei nen hian an in nei har zawk a, pi Zirtei hi doctor ni in ka pu erawh in dawr lian tak a enkawl thung. Chuan fapa pathum neiin a upa pahnih chu hmun danah lehkha zir leh hna thawk in an awm a. An te ber erawh hetah... An bulah a awm thung a. Fanu an neih loh avang hian kei hi an fanu ang tluk in min duat ti i la ka sawi sual kher lo ang.









" A ti tau a min chhuah san hmuk mawle!" Ka hmui ti pawrh vak a ka ti chu ka pu a chek tluk tluk. Ka pi erawh in min en chik ngang mai.









" A ti tau nge i ti tau zawk? " Ka pi in mit san ak a a rawn ti chu ka melh nasa ngang mai. Ka pu in min lo tan vat a, kei chu ka pu naute bik kha ka ni hrim hrim bawk a. Ka thim emaw thiam loh zawk pawn ka pu leh ka pa .. Leh ka U hi chu eng tik lai pawn ka lam an tang thin.









" Min ti hlau thawng hman lutuk tih hre tur khawp chuan i upa ve tawh viau in ka hria a nia. Min nuih tlawn vak mah la ka hau dawn che . " Ka eitur lei tur in ka pu a chhuak a, a chhuak chiah tihah ka pi in a rawn ti nghal.









" Ka U in min hrilh vek tawh. Nang tal chuan min hau lo la piii.... " Ka ti nang nang chu khum bul a chair ah chuan a thu thla nghal dat.









" I nu pawh awm se ka tih ang tho hian a ti ang che tih i hriat kha! " A rawn ti leh nghal zat. Ni e... Ka nu awm se chuan min ngaihtuah lutuk vang in min hau leh vak ang. Rawn chhuk an tum ve tut tut a mahse ka U a rawn haw bawk a. Kan khaw lamah ka pi, ka pa nu hi a chak vak tawh lo nen an rawn chhuk leh ta lo tih ka pu khan a sawi a.









" Midang chuan ka sawi ang hi an sawi kher lo mai thei a. An ngaihtuah che in i rilru tih hnual an hlauh vang pawh a ni mah na mahse i upa ve tawh a thil nihna hi hrethiam la ka duh. Kum khua in tun ang hian i nu leh pa, i u te thla zar hnuaiah i awm thei dawn lo a. I nu leh pa te, kei ni te thleng hian kan awm pui reng thei dawn lo che a.









Reubena pawh tunah chuan i la thlamuan pui viau a ni mai thei mahse mipa tlangval tha lai ni in nupui nei rual a ni ve tawh a. Nupui fanau a neih hunah chuan nang hi duat in la hmangaih viau che mahse buaipui reng thei loh chin che a nei tawh ang. Mahni in hai kaw ve tawh tur che in kei chuan ka beisei che a. Mahse tunah i taksa in a tuar dawn tih hre reng chung in tiang hian i awm a nia. " Thaw hak a a rawn ti chu in thlahrung dak in ka thu ngawi kar.









" A hmasa ber in i hrisel na hi i enkawl uluk ber tur a ni tih hre phawt la. I hrisel that loh chuan hna emaw pawh thawh tum eng ang mah la i tlin dawn lo. College tak ngial pawh i kal hlei thei lo chu a nia. Hna thawk tur in han in ngaihtuah ve teh....









I dinhmun chu i hre chiang a nang pawn, chuvang chuan fing tak in awm ve tawh rawh. Damdawi ei that loh vang a an hauh che a ti tau bar bar rual pawh i ni tawh lo. I nat chuan kan vaiin kan rilru i ti hah thin tih i hriat kha. Reubena hna thawh nasa dan leh a rilru a hman nasa dan te hi en tawn la. Unau pahnih lek in ni a.









I u in a hna kal san phah phung in nikhaw hre lo in i awm tih a hriat khan a rawn thlawk haw a. Mut pawh mu mu mal lo in a buaipui chhun zawm nghal che a. I hriat khan nang mah en kawl tur hian a mah tih lo midang ho a rin ngam loh zia pawh. Damdawiin thar tur in a rilru a luah reng bawk a, nang lah in a rilru ti hah zawng bawk in i awm khum leh a.








Ka duh dan chuan college pawh hi he tiang a I kal ve kher hi ngai ka ti lem lo. I nat phah a nih phei chuan thil hlawk lo tak a ni. In lamah zir in exam dan kawng pawh kan ngaihtuah leh thei mai bawk ang. Chu tiang chuan college chu i pass chhuak ve em em tho ang. I hrisel that phawt chuan nakinah i pa sumdawnna hi i zawm chho ve a nga . I U pawn a damdawiin thar lamah a rilru a pe nasa thei bawk a nga.









Nupui pasal lo nei ve ve pawh ni u la harsatna a awm dawn lo. Nang pawh pasal te neih i la nei duh a nga. Tun ang reng hian kan awm khawm dawn lo a. Engkim hi hrethiam la ka duh. " Dam dap si khirh khiap zet a a thu sawi chuan min ti in thlahrung zo vek. A tarmit kar atang in min melh ralh a, ka pi hi chu a den ve thlawt.









" Pi i lo awm reng a, kawnge ka pu? " Cabin kawngka rawn in hawng in ka u chu a rawn pen lut nghal pawk pawk a. A kutah chuan eng emaw a rawn khai bawr deuh teuh bawk. Ka pi thu sawi vang kha nge ka in thiam lo ve vek tawh leh nghal.









" A rawn thleng tep ang. Angeli a mah a I awm tir avang hian a hau mai thei che! " Ka pi in a ti sap chu ka u chuan min rawn melh nghal ngur a. Ka hauh in ka lo en thung chu chek hluk in a thil rawn khai chu a la chhuak nghal mawlh mawlh.









A thil dah chhuah vel a tang chuan sawi kher lo mahse ka eitur a lei tih lah chiang reng. " Ril tam vang a thinrim an awm in ka hria a. Heng hi i ei zawh chuan kan tap te pawh kan bang tawh mahna! " Tih leh ka hma a rawn chhawp a rual chu ner nang in ka melh nghal vak.









" Ka tap lo! " Ti leh fian min pek lak ka rual nghal chu a nui suk ri ka hre zawm nghal. Ka pu pawh a rawn thleng ve chiah a, thil ka lo ei mek tih a hmuh chuan a hrilh hai hmel ngang leh nghal. Rei lo te awm in an haw ve nghal a. Thil ka ei zo a, ka U nen kan in melh leh thin. Kan mit a in tawn rual in rang zet in ka hawi sawn leh nghal hmak zel bawk.









" Thil i ei puar tawh bawk a, mu hahdam leh tawh rawh. Damlo en tur kan nei nual a, tlai lamah damdawi ei tir tur che in nurse an lo kal ang. Sual chhuah awi loh tih kha hria la. " Ti sup in a ding nghal vut a. Tlem pen sawn deuh in sir lam chair nghen chhan a doctor kawrfual var chu ban in a in thawlh nghal hmuk chu ka en zui vang ringawt.









" Eng lo.... Ka tihpalh ! Ka tih buai leh thin che avang in! " Ka u melh reng chung chuan ka ti sap a. A rawn hawi rual in ka hawi sawn leh nghal daih. Engmah pawh sawi lo chuan kal sawn a tum chu lungawi lo zet in ka au leh vak.









" Ka tihpalh ka tih tawh chu! I sual lutuk! " Ka tih vak rual in ka lam chu a rawn hawi vut a. A mit meng atang chuan ka chungah a la thinrim em ka hre leh thei tawh lo. A doctor kawr fual var hak vang nge a lang thar sur leh nghal. Ka lam pan a rawn kal in ka hma zawn ah chuan a ding nghal run a, ka melh let ve vah bawk.









" Ka hria! I dam that hi ka tan a pawimawh ber a, engtik lai mah in min ti buai ngai hek lo. I tan chuan eng pawh ka ti thei. Chuan nang chuan in nang mah chiah hi in ngaihtuah tur in ka duh che, i hria ti raw! " A rawn ti sup chu thaw hak in lu ka bu nghat. Nui suk in ka chalah chuan a rawn fawp vang vang a, naute ang mai a min chei bawl thin vang hian a lawm ka thuar a zuau em em ni. Mahse tun atang chuan ka in thlak thleng ve a ngai tawh tih ka hria a ka ti bawk ang!



*


*



" Vawin chu i kal theih tawh i in ring chiang chiah em? " Ka room kawngka rawn kik kauh kauh a rawn ti thup dut tu chu darthlalang atang chuan en in lu ka bu nghat. Damdawiin atang a kan chhuah hnu ah pawh kar khat lai in lamah ka awm leh tawh a. Ka nu rawn chhuk a tum viau nan mahse ka U nen kan awm a ngaihtuah ka ngai lo ka ti ve tlat thung.









Dik tak chuan ka khawngaih bakah a ninawm. Min khuah khirh leh em em lutuk thin a. Min ngaihtuah vang chu ni tho mahse ka ei leh in thleng in a fimkhur leh lutuk a. A awm pawh ka ti nuam lo zawk tih ka hria bawk nen.









" Office ka kal rual in i kal dawn nia! Min lo nghak la " Ti sup in a chhuak zui nghal a. In siam zui malh malh in shirt eng fit zet ha in highways dum ka ha leh tawp a. Ka sam chu sang zetah ka tawn nghal bawk. Lip gloss sen no chek chu in hnawih loh aiah ka hmuiah k hnawih a. Ka hmai erawh sunscreen ka hnawih tawp thung. Foundation emaw powder in hnawih belh chi ka ni lo ti mai ang ka vun hi a var ka tih tawh kha. Eyeliner phei chu ka hmang thiam lo tawp a ni mai.









Ka bag chu la in ka chhuak zui nghal a. In hnuai lamah chhuk ka tum zet a mahse ka U room lamah phone ri ka hriat avang chuan ka kal ta zawk a. Room kawngka a in khar ngheh loh avang chuan nem hawng in ka lut zui nghal zat.









" A phone a rih reng a khawnge u Reubena hi? " Tih hap in khum chung a phone chu ka la a, mahse a ri tawp hman leh nghal. A phone screen a ka thlalak lang kulh chu en in ka ner nang. Tun ang kumah pawh bialnu thlalak hman tur a nei ngang lo a maw ni!









" Uu..... U Opin a lo call che a nia! " Call a rawn luh leh rual in ka ti nghal vak a. Mahse bathroom ah awm nge min chhang chuang lo chu call chu kei man ka la ta tawp.









" Reuben! Ka call i la chu ka hahdam huai! " Ka tawng ve hma chuan a rawn ti nghal vat chu hrethiam lo lutuk in phone chu ka en haw.









" U Op kei mah zawk. " Tim dai a ka ti chu a reh zui nghal vang vang.









" Ah.... Angeli maw? Reubena biak ka duh a, a awm hnai em? " Pangai zawk in a aw rawn thin kharh chuan a rawn ti let sap.









" Ka U chu bathroom ah a awm a, I duh chuan lo nghak lawk la ka va..... "









" Ai... A ngai lo. Hna rawn kal a tum leh tum loh ka hre duh a. " Ka tawng lai pawt chat in a rawn ti ta zawk.









" Ohh.... Hna maw? Rawn kal chu a tum in ka hria. " Ka ti let sap. U Opi leh ka U hi an in kawp ve deuh chuan ka hria a mahse engmah ka u in chu tiang lam a sawi ngai loh avang in ka chiang bik lo. Kei nen in nel lutuk chu kan ni lo a mahse ka U hmeichhe ngaihzawn dang ho ang in min hua leh ngaithei lo hmel a pu ve ngai loh avang hian ka U tan hian ka duh pui chu ka ti lo a mahse ka duh lo chuang hauh lo.









" A nih chu! Office ah ka be mai ang a nih chuan. I dam lo tih ka lo hria a, enge i an tawh? " A rawn ti ta daih chu nnui lui sak in ka that tawh thu leh vawin pawh class ka kal theih thu in ka chhang let vat.









" Eng lo a nia, Angel sawi tur a ni em chu ka hre lo a mahse nang hian i hriat chian ber ka ring a i Reubena hi..... " A tawng chu tawp dat in pik hmel zet in a thaw nghal hak chu a awm zia ka man lo.









" Ka U nen in in kar a tha chiah lo a mi? " Ka ti let ta zawk.









" Hahha.... Chutiang deuh chu! Engtik nge class in ban dawn? Thil ei tur in chhuak dun i la, thil sawi pui duh che ka nei a! " A rawn ti sap chu mak ka ti zual deuh deuh.









" Kei mah nen maw? " Ka ti haw chu hak in class ban ah ka hman hun ah hrilh tur in min rawn ti zui zat a. Ka aw ve mai bawk a. Ka ring sual deuh nge ka u nen an in ti thiam lo a, kei min mawh puh a tum ve zawk. Midang pawh in an ti thin tho miau a.









" Enge kha tia I lo din leh vung vung! I tha em? " Ka kut a phone rawn la hmuk a ti sup tu avang chuan ka phu chiam leh nghal. Ka awm chu dawm vang vang in thawk ka la halh a, ka u chu ka melh chho nghal ram.









" Kha ti khan min ti phut phut thin suh! " Sir zawng a melh in ka ti vak chu then suk in a phone chu a hmet nghal mual mual. Kamis pawl dak thlup ha in tie erawh a la awrh lo thung a. Kei ka hman na rei tawh nen.









" Phone khawih tawh suhhh! Kan tlai a nge aw! " Ka ti vak chu ner suk in lu min thin khum ngut ringawt a nih chu.









" Enge Opi nen in lo sawi a! " Phone khum a theh thla in a ti sup chu chil lem kalh in ka hawi sawn hmak. Sir zawng a ka melh zeuh chu a kamis ban kilh mawlh mawlh pah in min melh run tho a nih chu.









" Office i kal dawn leh dawn loh min zawt a, i kal dawn tih ka hrilh a nia. " Ka ti sap chu a pen sawn nghal hmuk a nih chu.









" Damdawiin kal hmasak ka ngai a , chawhnu lamah office chu ka tlawh chauh ka ring! " Dar thlalang hma a ding in a ti sup a nih chu.









" Nichin khan office i kal dawn tih i sawi reng si, i va phakar tak! " A bul a kal in ka ti nghal vak.









" A sen nge a dum? " A tie dahna pawh dawh pawt hawng in a ti sup chu ner nang in " A dum! " Ka ti hram chu tie dum la chhuak pah chuan a nui leh suk ringawt.









" Sualthiampa! U Opi kha ka call let leh dawn! " Tih bai baiin khum lam ka pan chu ka bag ah min pawt ding chawt a nih chu.









" Office pawh ka kal dawn tho a lawm. Biak kher a ngai lo! " Ti sup in min pawt let dat dat chu ka tang ve tang thung.









" Ti nge? In in hau a ni maw? " Thle deuh bak in ka ti chu mit min kan khum uk ringawt a nih chu. Tiang a a awm thin vang hi a nih hi ngaihzawng pawh a neih theih loh. Leu luau in!









" Naupang te te chutiang sawi ve rual pawh i ni lo. Kal ang tlai i hlau viau a ni lawm ni! " Ti sup in ka hnar a rawn hmet vak chu a kut ka beng nghal hlak.









" Ti khan min ti ziah suh a na ve thei tho! Thla leh leh ah 22 ka ni ve tawh dawn bawk. Naupang tih rual ka ni tawh bawk lo Saala! " Ti nghek in min kal pelh a a kawr chung a ban chu ka melh nghal rawm.









" Thla leh leh maw? Thla hnih lai a la awm a! Hmm....... Ka tan chuan ka Naute i ni reng tho. A chang hi chuan te tak te, tawng fiah lo deuh kha la ni la ka ti thin. Tunah hi chuan i tawng theiin duh zawng i nei ve reuh tawh leh nghal a. A te zawk leh der dep zawk hian min kawk kual ang zet zet a! " Nui hawk pa a tiin ka darah a rawn vuan a min kuai her nghal hmuk bawk.









" Ka der dep lo! " Ka ti hram chu a nui suk a. Kawngka lam pan chuan min nem kal zui dat dat bawk.




*




" In ban hun tur ka hre si lo a min rawn phone la, a nih loh pawn in lam phone la driver in hruai tir rawh aw! " Seatbelt ka hmeh phelh lai chuan driver seat a thu run chung chuan ka u chuan a rawn ti sup.







" Uuu.... Hna i thawh lai a rawn tih buai che ka duh teuh lo! " Ti nang nang in ka melh chu awi loh hmel lutuk in min melh a nih chu. A chhan chu kei bak a ti buai hneh hi an awm kher lo ang. Hman atang in thil ho te te ah pawh a mah chiah hi ka be thin a, ka ti buai nasa thin viau miau.









" Ka ti tak tak a nia, bye aw! " Ti sap in motor kawngka ka nam hawng nghal. Ka u hmelah chuan a la awi chuang lo tih ka hmu thiam vek bawk. Mahse mahni tawkah puitlin ka tum ve tawh lutuk tlat.









A hma a kan building lam bawk kha ka pan nghal nal nal a. Ka hawi let a piang in ka u in motor chhung atang in min lo la thlir reng zel bawk. Student dang ho pawh coridor ah chuan a lo awm ve nak nak a. Min en deuh hrek hrek lah an awm bawk. A chhan pawh hmanni ah midang mit la vek khawp in tun a ka din naah hian ka che buai hrep miau.









" Min lo zui rawh! " Ka lu a eng in emaw min rawn tuk dat avang chuan ka vir nak a. Kan sir khan min lo din chilh reng tawh a nih chu.









" Kan room tur ka lo zawng a mahse he map hi ka en thiam lo! " Ka kut tang a board kawk zeuh chuan ka ti sap.









" In room ah class ka la dawn a. Ka rual in kal mai la! " Nelawm zet a a ti chu ka lawm ngei mai. Engtia rei nge he tah hian ka din pawh ka hre tawh lo.









" Phone thar maw? I phone i thlauh kha ka kawl tak a sin. " A rawn ti sup a. A lam ka hawi chu ka kut a ka u in phone thar min kei sak chu a melh daih thung.









" Ka hre si lo a, hmanni damdawiin ah khan sawi la chuan a thar ka nei kher lo ang maw le. " Ka hriat tawk lek chuan ka phun sep.









" Ka hre pha a nia. I duh chuan i rawn lam leh thei a nia, i ta a lawm! " A rawn ti sup chu ka zak chem chem. Room chu kan thleng ve mai a, lecturer an hmuh tak ah chuan an thu tha sap sap a. Kei pawh chu lut in a hmasa ber atang a chhiar a line thumna thutna awlah chuan ka thu nghal vat.









" Hei... Nang hi hmanni a damdawiin a an hruai kha i ni ti raw? " Class a zawh chuan ka bul a thu hmeichhia chuan a rawn ti sap a nui lui sak in lu ka bu nghat. Ka dam tawh leh tawh loh min zawt luam a, kan hma chiah a thu te pawh chu rawn hawiin min rawn be nghal sap sap chu ka rin aiin ka khua a har loh hmel. Kan thutna bang kil a thu erawh earphone vuah in a phone a hmet mual mual thung.









" Nang hi hetah maw? College khat a kan kal hi ka awi thei lo! Chu pawh class khatah leh nghal. " Kan thutna bul a hmeichhe rawn tawng avang chuan ka hawi chhuak vat a. Ka mi hmuh avang chuan kei pawn mak ka ti.









" Kei pawh ka hmu che chu ka awi lo hial! " Ti sap in Kimkimi chu ka melh chho ralh a. Kimkimi hi ka u nu dik tak Nu Mawii fanu a ni a. Leh lam zawng a sawi chuan kan in unau ve deuh reuh a nih chu. U Reubena nen kan pa thu hmun kan nih ang chiah hian an hringtu nu te thu hmun an ni ve thung a. Mahse ka engah mah a thawk lo, a ni ai hian ka u hian min ngaih pawimawh in min hmangaih daih zawk tih ka chiang miau.









" Class kal tluan tling leh lo tur chuan i rawn zawm peih ka ti. I first day ah pawh damdawiin i lut hial kha a nia! " A rawn ti leh kher chu ngei lutuk in ka melh hrak a min nuih ang sawng leh nghal.









" In va bengchheng reuh e! Nang kha thu ho mai mai i sawi dawn chuan i thutna lamah va sawi rawh. Boruak hip tur in ti tlem. Rim hrang hrang in pawlh nen tu emaw thaw a hah leh chuan buaina a tam mai mai. " Bangkil a thu khan a rawn ti chu kan hawi nghal thap. A sawi dan hmangah chuan min khei zak in ka hre leh nghal. Mahse Kimkimi a kal sawn phah tal a a lawmawm hrim hrim.









" Ka cousin a nih khi! " Ka bul a mi chuan ka beng bulah a rawn ti sar sar a. Ka hawi chho chu min lo en ve chiah bawk nen ka nuih ta ngawt. Hmeichhia chu a nia mahse a nu zan lo a ang, a awm dan leh a aw atang khan. A sam boys cut chu a in hmeh phian leh nghal.









" A va den ve! " Ka ti sap chu ka bul a mi lah chu a nuih a zat hmel viau leh nghal.









" A fel lutuk. Babyi ka nia, kan bulah hian thu ve reng rawh aw. " A rawn ti zawm zat chu ka nui nghal ver ver.









" Angeli, min hnawh chhuah ka lo hlau lutuk a. " Ka ti ve vat chu a tawng nghal berh berh a. Thian siam ka thiam loh teh lul nen min kawng tlang nel nghal chu ka lawm tak zet.









" Angel, i haw dawn a mi? Ka rual in i lo kal duh em? " College gate ka chhuak tur chiah chu kan lecturer kha motor in a rawn tlan hlawl a nih chu. Midang ho khan Sir Rema an ti mai kha a nia.









" Aa,.. Ka la haw hman lo deuh a! " Ka ti sap chu a lu a bu nghut. U Opi nen in hmuh tum in kan lo in be vek tawh miau.









" A Sir... Bazar thlen hma thleng ka lo tel ve zawk thei a ngem?" A tlan chhuah hma chuan ka ti leh sap chu a phal hram. Taxi chan a peihawm lo bawk nen ka lawm phian.









Kawngah chuan a bul tawk in kan in be ve zeuh zeuh a, kan Sir a nih naah zahna lai ka nei ve bawk nen. Mahse a mah a fel em avang in a hahdam thlak phian. U Opi nen kan in hmuhna tur ah chuan min drop a cafe chhung ka luh rual in U Opi chu ka hmu nghal mai a ka pan ve nghal vat bawk.









" Ka rei em? " Ka, zah zelah chuan ka ti nghal sap chu a thlen ve chiah thu in min chhang ve mai a. Deginer tih ttakah a chhelo in a smart thlap chu hmuh nuam tak a ni. Thawmhnaw the hlem deuh deuh in bel ai chuan tiang hi kei chuan ka duh thin hrim hrim miau a.









" Mak pawh i ti mai thei a, i bul a ka sawi tur hi mahse ka ngaihtuah nasa a hrilh ve ngei che hi tha ka ti bawk si! " A rawn ti sap chu chik zet in ka melh a a hmel a serious viau leh nghal.









" A ho lutuk. Ka u chungchang i ti bawk sia, in in hau a nih chuan ka thiam tawk in ka pui ang che. " Ka ti ve mai chu tawi te in a nui sak a. Kei pawh ka nui ve tho.









" Nia.... Kan in hau chu ka ti ngam chiah lo a mahse buaina chu kan nei a lawm. Dik tak chuan Reubena hi ka duh lutuk a. Ka sawi awm zia chu i U a nia nang chuan i hre chiang a nga kei nen pawh kum khat dawn chu kan in zui ve ti tih tawh a! " A rawn ti hap chu ka thil in ka hak thawt.









" Kum khat A? " Ka ti vak chu tissue min rawn pe vat. Kum khat an in zui a ka lo hre reng reng lo a nih chu.









" Kan ti lang vak lo a I hre lo a nih pawn ka dem lo che a nia! " A rawn ti chu min la thaana tho. An in zui kha chu ka ring deuh a mahse kum khat lai chuh..,,.









" Ka sawi tum tak zawk chu Reubena hian hmeichhe dang a ngaihven reng a. Chu nu chu a hmangaih tih pawh ka hria mahse an in kawp thei dawn chuang lo tih ka hria a , a ni pawn a hria mahse i u hian a theihnghilh duh tlat lo hi min puih theih ka ring deuh a! " Rilru na tih hai rual lo a a rawn sawi chu min thawng leh zual.









" Ka u in hmeichhe hmangaih dang a nei maw? " Ka ti sap. Chu tiang pawh ka hre ve tawp si lo.









" Ti nge a neih theih loh na chhan? Pasal nei tawh a mi a hmangaih chu? Nge ni a..... Ka va hre thiam lo! " Ka ti bah nak.









" Ka thu sawi hi tumah i hrilh dawn loh chuan engkim ka hrilh ang che! " Fiah kelh kalh a min melh a a rawn ti chu aw tih nan lu ka bu nghat. Ka u hian ka lakah enge zep a neih ka hre duh. Tu hmeichhia nge a hmangaih tih nen!






💘💘 whatsApp group a awm ve duh group full vang a leng lo in awm a mi🙈🙈 group 4 siam belh leh i la member awm duh tur in awm a nge cmt ah aw😅😅 in awm chuan kan siam a nga in awm loh chuan siam loh a ni leh mai a😬😬

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 1st, 2020, 2:03 pm

CHAPTER - 3 💘 by Amy Cck









* REUBEN ZOMUANPUIA POV *









" Vawin chu i va zo hma ve, building khat a thawk pawh ni mah i la in hmuh a khat hle mai. " Damdawiin a damlo ka en tur ho ka en zo ka office a ka lut chiah chu ka thianpa Dr Rinzuala chuan rawn ti sup in min rawn zui lut ve chu ka nui suk.








" Nia, buai a na ve bawk em a. Ruatpuii lo damlo bawk nen ka nu leh pa an awm si lo a , in lamah ka awm deuh chawt mai! " Ti sup in ka doctor coat ka hlip thawk. Tum aiin ka zin na atang in ka let hma miau a, ka chawlh lak a la zo lo bawk nen in lamah office hna khawih a, a chang a thil pawimawh zual ti tur a office a kal zawk a ni mai a.








" Angeli a damlo maw? Ka tih awm zia chu.. "








" A tha tawh tunah rih chuan. Vawin pawh class a kal thei a , a zia tur ah ka ngai! " A thu sawi lai pawt chat in ka ti zui sup chu lu a bu ve nghut nghut. Couch a mah opposite a thu thla hmuk in enge a lo kal chhan ka zawt zui nghal sup bawk.








" Nia... Enge i zinna chung chang ka rawn ngaih ven mai mai maw le. Engkim i tih fel tawh chuan he office pawh hi chhuah san thut thei din hmunah i ding tawh bawk a . " A rawn tih chuan ka nuih suk.








" Ka la ti fel chiah lo. Kum in chu in puah chah a, bungraw chinfel hun ah dah in kum thar lamah luah luh ka rilruk zawk mah a. Ka chhungte pawn min pawm pui tlang viau zawk. In peihfel sa vek in, enge i ngaih dan? Ka in suan luh hun ah chuan nang pawh hi chhawm luh ngei che ka in beisei tlat a nia! " Fiamthu ti tak deuh a ka ti chu a hnial bik lem lo.








Office atang kan chhuak rual a, a rawn thlen ve chauh avang in a ni chu a duty na lamah a tlang nghal a, kei pawh office lamah ka in khal chhuak ve nghal. Ka phone ka bih sek a, Nautei call hmuh ka beisei viau nan a la rawn call miah lo chu thil mak ve tak a ni.








An la ban chu ka ring chiah lo a , college chu nuam a ti em tur ah ngai i la. A naupan lai hun ang zawng zawng ka mit in ka hmu a, hmeichhe ze zawi tih tur chu ni chiah lo mahse a hriselna a pan em avang hian a mah hretu tam zawk chuan hmeichhe zak zum leh ngawi chawi tak emaw an ti deuh tlang pui .








Mahse chu chu a nihna leh mizia a ni lo tih kan chhungkua hian kan hre chiang em em thung. Hmeichhe harh vang ve tak a ni a, school a kal lai pawn sport leh ang tng emaw ah a tui ve viau zel a mahse midang ang in a ti rei ve thei ngai tlat lo. A taksa in taweh zawh loh chin a nei zel miau a. Damdawiin khum bawk in a tawpah a lo hmuak leh thin.








Pangai tak a school a kal hnu hnung ber kha chu class 10 a nih kum thleng kha. Kum kar lakah school a chawlh san leh zauh thin bawk nen. Class 11 leh 12 a kal kum phei kha chu school ah chuan admission a hming chuan kan ti ngei a mahse school erawh thlakhatah ni 10 pawh a kal kher lo mai thei hial.








In lamah home tuitor la in kei ni nen tang kawp in a zir deuh chawt a. Pawn boruak leh mi tam tak awm na a awm ve kha a zo meuh lo a ni ber. Naupang tih tak ah school kal a thian siam chak chang a nei a, school a kal lah in zan lamah kan chhungkua in kan buai pai chhun zawm ziah a ngai thung thin a kha vang khan in lam a zirna kal pui pawh school principal te phalna tlap la in kan kal pui a ni reng bawk.








Kum khat chawl in kum in atang college zawm a tum ve leh a. A dinhmun kan hriat chian miau avang in college pawh a hma a a zir ang tho in in lam atang in ti leh se tih chu kan duhdan pawh a ni. Ka nu ka pa bakah ka pi leh pu te thleng in an duh a mahse a mah ber in a in huam tlat thung.








A hrisel lo leh midang ang a a chak that loh avang hian kan ngaihtuah vek a mahse chutiang vang a in a khung beh reng a, a beiseina tih bo sak ka duh loh avang in ka nu leh pa rilru ka hmin sak hram a. Ka pi phei chuan a rem ti chuang hauh lo. Mahse kha mi ni college a kal ni hmasa berah damdawiin ah a awm phah tih ka hriat khan ka ngaihtuah dik lo ah ka ngai hman a.








Hna pawh zo fel lo in mizoram lamah ka thlawk haw nghal bawk. Engmah hre lo a Nautei damdawiin khum a mu bam ka hmuh khan kei mah bak thiam loh tur ka hre lo. Ka nu in phone atang in min rawn hau nghe nghe a. College pawh in lam ah a zirlai chu ti leh mai tur in a rawn ti nghe nghe a mahse ka Pu in Nautei thu thluknaah dah tur in ka nu a hmin thei hram kha a nia. Ka rin ang chiah in college chu chawlh a duh lo tak tak bawk.








" Call buai lo ang. Class a la pawh a ni thei! " Ti sup in ka phone ka phawrh chhuak tawh chu ka kekawr ipah ka thun leh hmuk. Parkingah tlan lut in motor ka ti ding a ka chhuak zui nghal bawk.








Ka office a ka luh rual in Opi lo thu vang chu ka hmu hmasa ber. Min hmuh rual in a rawn ding vat a ka dawhkan hmaah a rawn kal nghak zat.








" Thil sawi pui duh che ka nei. " A rawn ti fak chu ka hma a dawhkan a ka kiu nghat in ka melh nghal run.








" Ka chungah i lawm lo a nih chuan pawi ka ti tih bak sawi tur ka nei lo! " Ka ti hmuk chu za lo zet in a nui hak. Han vang in kan zin chhuak dun a mahse engmah sawi lo in ka haw san thut miau a, engmah pawh ka hrilh lo bawk. Mahse kha tih lai khan ngaihtuah dang ka nei lo miau a. Ka ngaihtuah chu Nautei a damlo tih zawng kha a ni miau.








" Ni e... Ka lawm lo ngei a lawm. Meeting pawimawh tak kan neih dawn laiin nang i bo daih a. Ka mang an zia kha i hrethiam kher lo ang. Chutah i chanchin ka hriat meuh chuan mizoramah i lo awm der tawh a. " A rawn ti ro halh chu engmah sawi lo in ka thaw hawk ringawt.








" Mahse Angeli vang a ni tih ka hria. A damlo miau a. I bulah a kum a kum hna ka thawk ve tawh a I nau I ngaihsak zia leh i hmangaih zia chu ka hre ve a lawm. Mahse hma lam pan hi a hun i ti ve tawh lo maw? " A rawn ti leh sap chu a thu sawi awm zia hre lo chuan mit ti zim run in ka melh ngur.








" Eng i sawi tumna nge? " Ka ti sup chu thawk la halh in a bul a chair chu a pawt kau a a thu thla nghal zat.








" Ka sawi tum chu in nei ang! I hriat khan kan in kawp rei ve tawh tho a kan kumah pawh hun lo chu kan ni bok tawh lo. Kei hian ka hrethiam ber che tih pawh i hria. I hna leh i mimal num pawh midang ai chuan ka hre hnem zawk bawk a. Damdawiin thar i luah luh hun ah phei chuan i buai dan tur chu kan hre ve ve a.. " A rawn ti chu sawi ve tur reng ka hre lo. In neih maw?








" I thu sawi chu ka rin loh lam daih a ni! I fiamthu a nih chuan ka nuih a ti za hauh lo a nia! " Dawhkan a file keu chu ka ti hmuk. Nupui neih tumna rilru hi ka la puri ngai miah lo miau.








" Ka fiamthu hlei nem. Ka sawi tum chu kei hian ka hmangaih che a nang chuan min hmangaih ve chiah em chu ka hre lo mahse duh chu min duh ve tih ka hria. Kan in nei a nih chuan tun ai hian ka pui nasa leh zual sauh thei dawn che a. Damdawiin i buaipui naah pawh i rilru i pe nasa thei zawk a nga keiin he sumdawnna hi ka enkawl pui theih dawn che vang in! " A rawn ti zui zat chu ka nui ro hawk. A zat vang em em pawh ni lo in a thu sawi awi awm loh lutuk vang zawk in.








" I lak atang in mamawh dang ka nei hlei nem. Damdawiin chu ka buaipui thei . Chuan he sumdawnna bikah hi chuan midang kutah dah ka tum hauh lo. Angelin a zirlai a zir zawh hun ah a kutah ka hlan chhawn dawn avang in! " File melh run chuan ka ti sup. Za lo zet a Opi nui ri hal chu ka ngai pawimawh chhe te lo bawk. Chutiang ngaihtuah thleng tur chuan kei hian eng beisei na nge ka lo pek hrep ni!








" Angeli! A ni chu a damlo. A din hmun leh hriselna pawh i hre chiang ber a he tiang enkawl thei din hmunah a ding lo tih kan hre ve ve. Kan pahnih in i nau chu kan enkawl ... "








" Op! Engvang a tiang thu kha rawn sawi chhuak vak nge i nih ka hre hrep lo. Nang nen hian kan in kawp pawh a ni mahna mahse nupui neih tumna rilru ka la pu chhin ngai miah lo a tunah pawh ka rilru a l ngai reng bawk. Ruatpuii chung changah chuan kei ka awm a, nu leh pa te pawh a la nei a I enkawl pui kan mamawh ber lo. I thu sawi zawng zawng kha min ngaihtuahna vang a I sawiah ka ngai ang mahse tun chinah chuan ka hre nawn leh duh tawh lo tih i hre dawn a nia. " Opi melh nghal run chuan ka ti hmuk. Ka aw ki sang in ring lem lo mahse ka duh loh zia chu a hrethiam ngeiin ka ring bawk.









" I lo nunrawng hle mai! " A rawn ti sap chu ka thaw chhuak hawk. A sawi ang in kum 1 chuang kan lo in zui ve tawh a, hna kan thawh tlan atang a ngaihtuah phei chuan a ni ai a min hrethiam tur leh ka hna thleng a min pui nasa thei tu an awm kher lo ang. Mahse a nun leh ka nun ka ti chhe dawn tih ka hre chiang miau.








" Ka hria lawm. Mahse nang leh kei kan that na tur zawk a sawi ka ni. I nun ti chhia a lak lawh tak a nun hmang tur in ka duh lo che. Hmeichhe fing fel tak i ni a nang mah duat a I tel lo a awm thei lo tur mipa fel tak i tawn theihna ka duhsak bawk che! " Ka ti chhuak leh sup chu phawk zet in min rawn melh nghal vat.









" Nang.... Nang hian tawp i duh a maw? " A rawn ti sap chu melh ngur in lu ka bu nghut. Ka hmangaih lo a ka hmangaih thei a ngem ka hre hek lo. In hmangaih lo miau chuan damchhung in kan awm dun thei dawn lo tih ka chiang. Ka pa in a ti sual tawh a, a hmangaih loh hmeichhia nupui a a neih vang a thil thleng chu! Kha tiang kha thlen tir ka duh lo ang bawk in Opi nun pawh hi tih chhiat sak ka duh lo.









" Kan that zawk nan a sawi ka ni ! " Ka ti leh sup chu za lo zet in nui hak mahse a biangah mittui a luang thla papa tho.









" I tih chhan hi ka hria a sin. Angeli vang a ni ti raw? " Mittui luang ngiai ngiai chuan rilru na tih hriat zet in a rawn ti halh.








" Ni lo! Mahse Angeli hian min mamawh a, tunah rih chuan a bul a awm bak ngaihtuahna dang ka pu lo. " Ka ti nawn leh sup chu hriatthiam harsa tih hmel zet in lu a bu nghat nghat .








" Vawin chu ka .... Ka haw hma thei a ngem? Ka awm dan a nuam chiah lo! " A rawn ti sap a, a ding nghal zat chu lu ka bu nghut.













" Haw la va chawl hahdam rawh! I zin haw I la chau deuh a nih kha. Ni rei vak lo han awm hahdam la i tha ve mai ang! " Ka ti ve sup. Kawngka lam pan a muang chang a a kal chu hnung lam atang ka en zui reng a. Hmangaih nei tur hian enge tih ngai ka hre lo mahse hmangaih loh nen a in zawmna siam pawi zia erawh ka hre chiang viau.




*




" Tun thleng in a la rawn haw lo a maw? " In chhungah chuan ka tei kual sek a. Vawi engzat nge pawnah chhuak in kan gate lam ka thlir pawh ka hre hrep lo. Hna ka ban rual in min rawn call loh avang in an college lamah lam kawi tur in ka kual a mahse class an bang tawh tih an sawi thung.








A mah in a haw emaw driver a call a nih ka ring a ka haw ve nghal a mahse in a la thleng lo tih kan awm pui ten an sawi bawk si. Kan driver ka biak lah in a va lam lo tiin min chhang leh zel chu zawn ngaihna ka hre lo der a nih chu. Thian dang a nei lo tih ka chiang viau bawk si chu ka awm hle hle thei tawh lo a ni ber.








" Ka pu ka pi chu a lo thleng chiah! " Couch a ka thu run chu ka darah min rawn khawih in kan nula chuan a rawn ti sap. Rang zet a tho chhuak in common room atang in ka chhuak zui nghal zat a. Kawngka pui a hmeichhe rawn lut ka hmuh rual in ka thaw chhuak hawk. Him pial a in a rawn lut chu ka hahdam pui viau mahse rei lo teah thinrimna in a rawn thlak zui nghal.








" U! I lo haw tawh maw? Vawin chu i va lo haw... "








" Khawiah teh hrep nge i kal? " A tawng pawt chat in ka ti chhuak thawt chu a ngawi chawt a, phawk zet in min melh nghal kalh bawk.









" Enge i sawi awm zia chu? College ah ka kal tih i hriat reng kha! " Mak min tih hmel lutuk in a rawn ti sap chu vin leh hrep chak viau mah i la chu chu thil tha ber a ni lo. Kan awm pui te ho pawh chuan min en deuh thap.









" Chu chu ka zawhna chhanna a ni lo tih kan hre ve ve! Min rawn zui rawh! " Ti hmuk in ka pen sawn nghal pawk pawk. Min rawn zui lo tih ka hriat rual in ka ding nghal chawt a. Muang chang a in her in kawngka bul a Angeli ding khawng at chu ka melh nghal run.








" Ruatpui tunah! " Ka ti nawn leh hmuk chu thawk la hak in a rawn pen phei ve nghal bawk chu in her in step ah ka chho zui nghal hmuk thung. In chung ka thleng chu ka ding dawt a. Step a hmeichhe rawn pen chho thawm chu ka ngaithla reng bawk. Tunah tak chuan ka thinrim a reh leh deuh vek tawh leh nghal.








Nautei min hlau leh in thlahrung hmel te, a hrilh hai hmel zawng zawng vang kha a ni mahna. Mahse ka thinrim der a ngai toh erawh ka hre chiang viau. Tun ang a rilru hah leh awm ngaihna hre lo a min siam tawh loh nan. A room kawngka zawn a ding in kawngka chu ka hawng a ka hnung a hmeichhe rawn kal chu meng khup zal zal in a roomah chuan a lut nghal vat a kei pawh chu lut in kawngka chu ka nem khar nghal dawp bawk.








" Khawnge class banah i kal kawi? " Ka kekawr ip zen hlun in ka ti hmuk chu inthlahrun hmel lutuk a min melh let kiau in eng emaw ngaihtuah hmel a pu zui nghal.








" Khawiah mah! " A rawn ti sap chu rum nghut in a lam ka pan zui nghal vut.








" Tun chiah chance ka pe leh ang che. Dik tak a min chhang lo a nih chuan college i kal hi ka phal tawh lo ang! " Ka ti hmuk chu nasa zet a min melh in a ner nghal nang.








" Chutiang in i ti thei lo. " A rawn ti vak chu ka then suk.








" College kal midang in an rem tih loh lai a phal sak tu che kha i theihnghilh a nih ka ring! Ka nu leh pa ka bia a nih chuan thil thleng tur pawh i hria! " Ka tih leh sup chu a thaw hak.








" Eng lo... Ka thiante nen kan rawn haw rual a, rei lo te bazarah kan tei hawi mai mai a lawm. Kan rei lo lutuk , en la.... Dar 3 ah class kan bangah tunah 4: 30 a pel hret ringawt a lawm. " A rawn ti vak chu sana ka en ve zawk a dar 5 a ri tep.









" Thian maw? " Ka ti sup chu lu a bu nghat.








" Eng in nge i lo haw? " Ka ti leh sup chu a bag khum a a nghat nghal dat.








" Taxi in! Mahse eng tin nge ka leng kawi tih i hriat? "A rawn ti hap chu ka ner suk.








" Rawn lam tur che in ka rawn kal a lawm! I phone tal chu la thei la nang mah ngaihtuah zet in ka awm hauh lo ang. Khawiah emaw i lo tal buai a nih ka ring hman a sin. " Ka ti sup chu a rawn nui hak a nih chu.








" I la nui zui a maw! Tak zet che hian, ka thu sawi khawi lauh khan nge nuih tur awm? " Lawm lo lutuk a ka ti hmuk chu nuih in sum zet in min melh chho kalh a nih chu.








" Sorry U! Mahse class lak lai in ka phone ka silent daih a ka hre lo a niang. Mahse i ti mah mah a nia aw. College leh kan in inkar pawh mahni a haw thei lo ang tur maiin min ngai a. Min ngaihtuah tih chu ka hria a mahse kei mah in ka in enkawl ve thei tawh a lawm. " A rawn ti sap chu ka ner sawk. Ni khat college a kal dek dek a tiang hian a awm nghal der chu a nia.








" Nang mah vang in ka dik lo hman tep zawk! ' khawiah teh hrep nge i kal? ' ka tiang a hlauhawm khan min bia a ka thawk i ti chham tep. " A rawn ti nang nang chu nuih loh pawh tum i la ka thei lo. Ka tawng dan zir in ka awm dan nen lam a zir a nih chu.








" Ka ngaihtuah che a lawm! " Ti sup in ka kuah nghal hlun chu min kuah let ve thak bawk.









" Kei mah vang hian thil dang ngaihtuah a tih na hun pawh i nei lo tih ka hria! U... Tun atang chuan zawi zawiin kei mah in ka in enkawl theih tih ka hmuh tir ang che. " Ka awm zawn a a phun sap ri vang chuan nem hla det in ka melh chhuk run.








" Kha tiang ngaihtuahna kha khawi atang a I neih nge? Vawinah enge i chungah thleng ? " Ka ti sup. A chhan pawh damdawiin atang khan tiang lam thu sawi hi a chiang tan riau, chuan hriat nuam ka ti lem lo bawk.








" Aww.... Vawin te chu hun nuam tak ka hmang a lawm. Buai miah lo in kan class ka zawng hmu a , chuan thian ka siam nghal bawk a, an fel lutuk leh nghal. Hmanni khan ka pi in min hrilh hrep a, hun rei tak ka ngaihtuah ve bawk a. Chuan mahni ngei a ka nun sual chhuah ve tumna ka nei a nih hi. Ka nu leh pa, chuan nang pawh tiam in ka bulah in awm loh hun ah chak tak a ka awm theih nan! " A rawn ti lang lang chu ka then suk. Ka pi tih a nih chiah chu.








" I Tum na ringawt pawh hi a ropui lutuk ! Mahse engtikah mah k kal san lo ang che! Min mamawh a piang in i bulah ka awm reng thin tih i hriat kha! In thlak la in ti gai tawh rawh, zanriah ei a hin dawn! Chuan college banah in tlawh hmasa lo chuan len kawi tawh lo tur.








Tun hi a hmasa ber leh a tawpna ni rawh se. I leng duh a nih chuan in i rawn tlawh phawt a nga chuan i leng chauh ang. A nih loh pawn phone call a in hrilh tur! " Ka ti sup chu lu a bu nghat nghat.








____________________________________________________









* ANGEL LALRUATPUII POV *








" Ka ti thei em em ang! A nin a ti thei lo a nih chuan kei man ka ti mai ang! " Darthlalang a in en in ka phun sap. Kei leh ka u tan, engtikah mah ka u hian min hlat hmasak a tum ngai dawn lo tih ka chiang a, chuvang chuan a nin a ti thei lo a nun a chhiat a khawhar tak a a awm ai chuan kei hian ka hlat hmasa mai ang.








Harsa viau mahse U Opi khan a sawi dik a nih chuan kan vai a that nan ka u hi ka mamawh lo tulh tulh a, a tel lo in ka hlim thei tih leh ka in enkawl thei a ni tih ka hmuh tir em em ang.









" Naute!" Ka room kawngka kik khauh khauh in ka U chuan a rawn ti sup .








" Aw.... Ka lo kal. " Tih leh kawngka lam pan ka rual nghal. Room kawngka ka hawn rual in ka u chu ka nuih sak a, in hnuai lamah kan in zui thla dun a. Tun atang hian ka ti thei em em ang tih ka in hrilh ru mawlh mawlh bawk!




*




" I hman chuan kan kal thei em? " Class kal tur a in hnuai ka chhuk chu ka U in a lo ti sup. Hna a kal dawn tih hriat zet in coat nen a lo in duang ve zuih vawk. Nizan zan khua in ka in ngaihtuah a engtin nge ka u hi ka hlat ang tih, ka tih theih em ang chu.










" Aa... U... I kal na lam tur nen a in mil lo e mai driver in hruai tir ka lo tum a! Tlaiah pawh i lam kawi ka ngai lo a nia driver ka phone mai ang. Ka leng kawi miah lo ang! " Ka ti nghal zet zet chu min ngaih pawimawh loh hmel em em mai leh nghal.









" Tawng reng lo khan lo kal vat mai teh! " A rawn ti hluk chu sir lam hawiin ka ner nang.









" Pawnah driver in min nghak vek tawh! Bye aw! " Tih leh tlan ka rual chu ka u phun hluk ri ka hre hman hram. Zing kar atang a a zui nghal a nih chuan ka hlat tum khan awm zia a nei dawn lo.








" Naute lo ding teh! Angel? " Car a ka lut tur chu ka U kawngka atang a rawn pen chhuak ve chiah leh nghal.









" Pu! Kal vat vat ang! Chak tawk in aw! " Ka ti sawk sawk chu kan driver pawh in mal min tih hmel ngei mai.









" Kal vat ang! " Ka tih leh tak ah chuan a tlan chhuak hram. Hnung lam hawiin ka u mak to hmel chu ka melh reng a, mak ti tur a ni. Nidangah chuan a mah a hman loh tlat pawn tih tauh khum bar bar in a rual in khawi hmunah pawh kal dawn I la kal luih hram ka tum thin kha a nia.








" Aww... Baby! Kan lo thleng tep kawngsir hmuh rem tur ah khan lo awm rawh aw! " Baby in call in ka ti zui lang lang. Nimin khan an veng vel a sawi a, bus a chuan kual na sat thu thleng in chuvang chuan kan rual a a kal theih chin atang kan motor ah chung tur in ka sawm nghe nghe.








Kawngsirah chuan a lo ding vah a. A hma a motor ti ding in a rawn thu lut nghal chu ka lo nuih ver ver. Thian leh hmelhriat siam ka thiam lo ka tih tawh kha, mahse chutiang ang a hmelhriat tha ka hmuh chuan ka vuan nghet leh em em thung thin.




*




" Mut duhnu! " Khumah ka vang zawng a nghet vak lo a ka muhil chu phun sup ri ka hria. Meng chhuak riai riai in ka chung zawn chiah ah ka u lo ding run vang chuan ka thu chhuak nghal vat. Ka room kawngka ka kalh emaw ka tia.







" Enge i lo tih? Kawngka ka kalh reng sia! " Ka ti hawk chu a kutah chahbi a rawn lek vu vu a nih chu.






" In biak kan ngai i ti ve lo maw? " A rawn ti sup chu ka kun nghal vat a. Khumah ka assignment in chhawp darh nuai chu tul lo zet in ka khawih kual vel mai mai bawk.













" Heng hi tih zawh ka ngai a! Ka la hman lo! " Ka ti sap chu khum sir a chair pawt hnaih in ka hma zawn chiah ah a rawn thu thla hmuk a nih chu.








" Kar hnih chuang zet min peh hel tum a I awm chhan hi kan sawi dun ngei a ngai! " A rawn ti sup chu mit ka chhing sawk.








" Awiawm loh! Engvang in nge pehhel che chu ka tum ang? " Nui lui sak a tiin ka melh let nghal vat chu ka u mit meng vang chuan ka hawi sawn leh rang ngei mai.








" Chu chiah chu! Mahse i tum miau sia! Ka rual in class i kal duh lo a, ka hruai haw pawh i duh lo. In ah lah i room ah i in kalh khum hmak a. Chaw ei lai in kan in hmu tawk a, chu pawh kan in be khat viau. Kei min biak khat a min peh hel char char laiin i thian te erawh phone ah i be reng a. Nitin class a in in hmu a in lamah lah i be awl lo. Hmanni avang khan ka chungah i la lawm lo a nih chuan tha tak in i sawi thei ! " A rawn ti sup chu ka mengkual hrak hrak.








" Chutiang in ka awm lo! " Ka la ti hram chu ka u hmel a lawn loh hmel tawh ngang mai.








" I mizia leh nungchang in thlak thut hi ka hre lo a nih chuan mi mawl ka ni hial ang chu! A dik em? " A rawn ti sup chu ka dang der.. A sawi dik miau. Ka in hriat ai pawh a min hre chiang Tu a ni miau.








" Chuan hmanni a ka thian ka hmu I tih kha , eng tik laiin nge Opi hi i thian a lo nih ka va hre lo ve! " A rawn tih nawn leh rual in ka hawi chhuak nghal dawr. Ka u mit meng thim dur khup leh hmui chhip hmuk chu nidang ang a pehel emaw tih lawm chi a ni lo tih ka hria.








" Kha kha... "








" Engtik atang khan nge dawt sawi i lo chin tan tak? Ka nu leh pa lak a thu zep i neih pawn kei chu min hrilh zel thin kha a nia. I dang lam ta hle mai! Chuan I dang lam dan hi ka ngaina hek lo. " Lawm lo lutuk a a rawn ti hmuk chu ka in hum ruh tang. Nia.... Vawi khat mah ka u hi dawt ka la hrilh ngai lo. Min hauh ngei ngei na tur thil ka tih pawn ka in ouang vek thin miau.








" Ka nu leh pa bulah han awm rih ang che! I nungchang thar i sim hma chu. " Ti sup a ding chu awi lo lutuk in ka ner nang.








" Ka thei hlei nem! Class ka chawl ringawt thei lo! Rei pawh ka la kal lo a! " Ka u kal dawn tur chu ka au nghek.









" Mahse kei in kal la ka duh. Ka sawi ang in dawt i sawi a nih chuan i college kal dan chung changah thu thlukna dang ka siam ang ka ti lo em ni? " Min melh run a a rawn ti chu khum chungah ka ding nghal thak.








" Naktukah i kal ang! Ka nu te pawh zan in ah ka bia ang! " Tih leh in her a kal a rual chu a hnung lam atang ka vin nghal vak.








" I tan a ti a lawm ka ni! " Ka ti vak chu ka u a ding dawt.








" U Opi pawh ka hmu ngei. Eng lo.... Nang hian min hmangaih avang in in in kar i ti tawp tih a sawi! " Ka tih leh vak chu a hmel hmu kher lo mah i la a kut erawh a hum ruh nasa viau.








" Chu chu a dik em? U.... " Zawi sap a ka ti chu muang chang in ka u a taan in her ruai ruai. Zep ka tum a mahse ka zep rei thei lo viau thung. Ka u mit meng dur khup chu ka melh lui ve ngar a. Ka sawi tawh a ka in chhir tur a ni lo.






💘💘 ka type chak thei lo ka tih kha😂😂 ka kut vang hian ka bei rei a sin aw tawi in tih pawh ka ring🙊🤣 spelling mistake a tam pawn chhiar dan lo thiam mai ru ka thei tawp chuan ka uluk ve a nia🤭🤭

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 1st, 2020, 2:03 pm

CHAPTER - 4 💘 by Amy Cck









" A eng ber zawhna kha nge chhang tur in min duh ? " Ti hmuk in ka lamah a rawn pen phei pawk pawk chu khum chung a ding ve vang chung chuan ka melh let ve ngar, ti chung pawh hi kei ai a la sang tho a nih chu!









" Kha ti khan ti keuh zel suh! Ka zawhna chu chhang thave mai la. " Ner sak leh lawm lo zet a ka ti chu mit ti zim sun a min melh in a ban hrawl leh lian zet chu a kuang kuah nghal hlun bawk.









" Ok! A tha a lawm. Opi nen chuan kan in then tih chu a dik phawt a, chuan nang hi ka naute em em I ni a ka hmangaih che tih pawh a dik leh bawk a, mahse nang mah vanga then erawh ka ni hran lo. In ngaizawngte in karah chuan tiang thil hi a thleng fo thin bawk. " A mit meng dur thim khup a ka mit tak a min melh run chung chuan a ti sup chu ni dang ang bawk in sawi tur ka haih chham leh vek.









" Mahse ti thut nge? Kum khat chuang lai in in zui tawh a I then tawp thei a maw? A nun rawn thlak I ti ve lo a mi? In neih i la duh lo a nih pawn tha deuh in hrilh ve mai la then kher, I sual thiam e mai! " In sum hman lo lek a ka ti chhuak tan tan chu a kut zung tang chuan ka hmui a rawn hmet ping hmak a nih chu! Suala hi!









" Chhan a awm a ni mai. Chuan I thu sawi kha nang ma ir awm chhuak a ni lo tih ka hria a nia. Midang thu sawi i rin nghet bur hma in a thu sawi tu chu a rin tlak em tih leh thu dik leh a mahah i rinna i nghat thei em tih i hre hmasa thin tur a ni! " Ti sup a a kut a la sawn chu nasa lutuk a melh rum vak in ka hmui chu ka kut hnung in ka tuai nghal vak.









" Mahse... " A kut a rawn lek chhuah vut avang chuan ka tawng tawp dat. Enge in rin leh rin loh lam a sawi leh daih? A in mil lo vel lutuk chu ka ngei ru deuh viau leh nghal.









" Mahse.. Mahse a awm tawh lo. Kha chu kei leh Opi in kar a nih a, i buai ve na tur a ni lo! Ngaihtuah vak mah la i hrethiam ve kher lo ang. Hriat thiam pawh tum buai duh suh! " Lawm lo aw zet a rawn ti chhuak hluk in ka dik lo tih leh ka in rawlh lohna tur ah ka in rawlh tih a mitmeng dur khup atang khian hria se min duh tih a ti lang chiang viau leh nghal mahse kei pawh ka lawm bik tawh lo.









" Bialpa emaw ngaihzawng ka la neih ve miah loh vang hian engmah hrethiam lo tur ah min ngai bik suh. Ka hre ve bawk, midang in a nau vang in pangai tak in ngaihzawng pawh a nei thei lo an tih che hian hreawm ka lo ti thin! " In hum ruh vak in ka ti nghek. Dawt pawh a ni lo, ka hriat tur ngei ngei a sawi pawh an awm a ka hriat loh a sawi pawh an tam ang ka ring!









" Tu ten nge sawi? " A ti hmuk chu melh chho dawr in ka ner nghal nang. A mah pawh hian hriat chu a nei chiang a lawm.









" Miin! " Ngei lutuk a ka ti leh nghek chu thaw chhuak hawk in a meng kual rulh a. Ka ngei tawk a tling ve viau leh nghal.









" Midang chuan engmah tih theih an nei chuang lo. Kan buaina hi a ho viau tih i ngaihtuah ve em? " A rawn ti hmuk chu chil lem kalh in ka hawi sawn hmak.









" Chuan.." Rei fe kan ngawih dun vang vang hnu chuan a rawn ti sup a a lam ka hawi chu mit hmul min lo san khum uk ringawt leh nghal!









" I chhanna duh ang chu ka pe vek tawh che. Mahse ka ti ve thung ang! " Ti sup in a rawn pen hnai leh hrut a, ka hmai zawn hnai te a rawn kun hniam in chik lutuk tak mai chuan min melh run a nih chu.









" Dawt min hrilh kha a bo chuang lo. Chuan ka en liam thei lo bawk che a. Naktukah ka nu leh pa bul ah chho tur in I rilru lo siam fel ang che! Chu chu a tir atang a tawp thleng in a thu thlukna siam a la ni! " Chiang cherh chawrh a rawn ti hmuk in a ding chhuak leh nghal vut chu chhan vak ka duh a mahse ka U in a thu thlukna a thlak mai mai ngai lo tih chiang tur in ka hre chiang ve thaw khat miau.









" Ka duh lo a nia aw! Class ka kal dawn tho tho! " Khum chung a ka ding tih theihnghilh thak a per tawn tawn in ka au khek vak a ka u in her a kal chhuah tum tawh pawh a ding ve dawt.









" I duh leh duh lohah a in nghat lem lo. Chance ka pe che a mahse dawt sawi i thlang zawk tih kan hre ve ve! Chuvang chuan muhil rawh, thinrim a au vak vak i tan a tha lo ti I hriat kha! " Hawi pawh rawn hawi let lo a ti hmuk in a kal leh nghal nul nul a nih chu.









" Misual! Sual leh lutuk! Misualpa..... Suala! " Ka theih ang a aw rawl ring leh vin a au in khum a lukham ka hmuh hmasak sak chu kawngka ka u chhuahna lamah chuan ka vawm a mahse ka u erawh a awm tawh lo. Ka thawk rang lutuk leh thin phu dawt dawt vang chuan khumah ka thu thla dat a ka awm dawm in thawk ka la nghal halh halh bawk.









" Vawi khat dawt var sawi vang mai mai in tiang hian min ti a! " Lawm lo lutuk a phun sap in khum chhung a ka assignment ka chhawp hnawk nuai chu ka tlawh thla nghal vak . He tiang a naupang ang mai a min en a min chei bawl vang hi a lawm hma ka sawn theih lo. Tun tum chu kei man tha ka tih a ka duh dan leh ngaihtuah ang in ka kal tlang pui dawn a ni tawp.









Khum atang chuan chhuk vat in chhuat a ka paper tlawh thlak ho chu ka chhar khawm zung zung a ka zin bag pakhat lian vak lo la chhuak in a sir pengah ka khung nghal zat a. Thawmhnaw dah na drower pawt hawng in ka thawmhnaw thenkhat ka la chhuak a ka zin bag ah chuan ka khung vat bawk. Ka pheikhawk pathum vel nen. Ka school bag ah chuan ka mamawh thenkhat dah lut bawk in thawmhnaw dahna sir lamah chuan ka lak chhuah mai theih tur in ka dah nghal vek bawk. He tiang hian ka awm tih ka ngaihtuah ngai lo mahse a hlimawm ru riau. In atang a han tlan bo tum vel chu.









Ka mut kawr hak chu phelh in ka in siam sa thlap a, sana ka en chu ner vak in rang lutuk a ka room light off sawk sawk in in siam sa vek chuan khumah ka tlan lawn nghal vat a puan a in khuh in ka muhil der nghal vat bawk. Rei lo te a ka room kawngka chu a rawn in hawng ruai ruai a, ka khum lamah pen ri a rawn hnai ve zel chu mit chhing reng chung chuan ka ngai thla kar bawk.









Pen ri tawp dut chu ka khum sir mai a ni tawh. A reh vang vang a, kut lian leh lum thur thur in ka sam chu rawn chul in a kut tang chuan ka biang a nul tel thuak a. Ka chalah hmui lum thur thur in a rawn nawr lai pawh chuan ka muhil der ngat ngat. Kan in hau emaw kan in ti thiam lo deuh a nih chuan tiang hian a ti ve ziah miau a. Ka harh leh a nih chuan kan in hnial kual leh a nga ka plan a fail a ni mai.









" Sweet dream Ka Khuavang note! " Ti sup in a thaw chhuak suai suai a. Thawm a reh vang vang a, ka bul a vawi khat thaw ri leh hawk ka hriat rual in pen sawn thawm in a zui nghal. Kawngka ri leh thawm dang zawng zawng pawh chu ka ngaithla ru vek a. Ka u chhuah hnu ah rei vak lo nghak leh in chu mi hnu chuan ka tho chhuak a. Ka in siam sa vek vang chuan ka bag ho chu ka ak nghal malh malh a.









Kawngka bul ah ding in ka room atang chuan thawm dim tawk in ka chhuak a. Ka u room kawngka pawh a in khar tha thlap. Zanlai a hnai thuak tawh miau. Kan in hi chhawng thum ang ni mahse in chung ber room pahnih erawh bungraw dah khawm nan kan hmang a. Varanda zau zet nen a in zawm a vang in room 2 bak a leng lo. Ka u nen kan awmna hi chhawng hnihna niin room 5 a awm a. A zau ber ah ka u a awm a ka room in a dawt a. Chuan room pakhat hi chu ka damloh zual chang in home nurse kan awm tir thin thung.









Thawm dim zet in in hnuai ka thleng thla a, kan in ah hian awm pui pathum neiin nula pahnih hi chu lang in an la kal a, pakhat hi chu thingtlang atang a rawn thawk a nih vang in kan in ah room ruak kan pe thung. Mahse a muhil tawh a nih ka ring a thawm a reh danah. Ka nu te leh pa te room pawh a hnuai ber a ni bawk.









" Mamm... Min lo hruai? " Kawngpui reh lutuk a kal hnek hnek in ka phone in ka pu fapa kha ka bia a. A tlai tawh bawk a a aw atang pawn a muhil ka kai tho a nih ka ring.









" Engmaw? " A rawn ti phak chap chu ka kal lai ding dat in ka thaw hak. Zanlaiah khawlaiah chhenna nei lo ang maiin ka tei kual chu a nia. Motor chu khawi lam mihring pawh hmuh tur an awm tawh lo.









" Kan in kawngah lo tlan zel la min hmu mai ang. In atang ka tlan bo a.. "









" Engmaw i sawi? " Ka tawng zawh hma chuan ring lutuk in a rawn ti a nih chu.









" Vat in .... Ka hlau a nia! " Khawngaihthlak aw deuh in ka ti kual vel chu kei mah pawn ka awi lo lutuk a ka ner nang. Ramhuai vel lam ai chuan misual leh mipa awmtha duh lo ka tawk ang tih ka hlau zawk mah bawk.









" Zanlai a nih tawh hi! I tho a mi? Haw leh vat rawh. A nih loh pawn U Reubena ka call dawn a nia! " A rawn ti chu call lo tur in ka ti nghal tung.









" Naktukah ka nu te bulah min thawn chhoh a tum a awm. Ka haw duh lo, min lo hruai loh chuan khawiah emaw ka kal tho ang. Ka haw dawn lo bur!" Ka ti deuh hmak chu a ngawi vang vang a. Dik tak chuan min lo hruai loh chuan kalna dang ka hew miah lo.









" Lalmamm..... Maww? I fel khaa.... Min khawngaih lo a mii? " Pangchang zet a ka tih leh takah chuan a rawn kal nghal thu in min chhang ve hram. A tawp ah ka u a phone ka hlau chu ka vo ti tih tel deuh bawk chu a phu ve niah niah. Kei pawh chu kal thui ngam lo in remchang lai ah ka lo nghak a. Biru deuh si min rawn hmuh theihna tur bawr chu vel chu ka hrilh bawk.




*




" Heii.... Mawli! " Rawn ti tu vang chuan rang lutuk in ka hawi chhuak a. Mama hmel ka hmu chu ka nui nghal ver ver. Dar khar chanve pawh a rawn tlan lo a mahse rei tak a ni a nghaktu tan chuan.









" Kha ti khan min ti suh nang ai ka upa zawk! " A bul a ka din rual in ka ti hmak chu a nui sak. Class 12 zirlai chiah a la nia. Kum 19 lek ni mahse min u duh ngai lo. Ka lakah chuan a in ti puitling ve thei lutuk tlat.









" I mawl e lawm! Tun angah in chhuah san te chu. Naktukah u Reubenan a rawn hruai tho ang che! " A bike hnung a ka thu fel chiah a rawn ti nghal zat chu a darah ka beng ri thlawp.









" A hre dawn hlei nem! Omama room ah ka biru char char a nga ni 3 emaw 4 vel tal chu ka biru tho ang! " Ti hmak in a taksa ka pawm bet nghal zat.













" I van mawl e ei tur te i duh ve ang chu! Ka nu leh pa in an hriat loh i ring a mi? " Tih leh tlan chhuah a rual chu ka nui lui hak.









" Nangman min lo pe ru zel dawn lawm. " Ka ti sam et chu a ding chawt.









" Ka pe duh lo che! " A rawn ti chu a bike ding dawt vang khan ka awm dawm in ka kun ngar.









" Hei.... Ka ti hlau che ami? Angel? " Min ngaihtuah zet a a rawn ti chu ka hawi chhuak duh bau lo.









" I ti der a nih chuan ka pui lo tak tak ang che! " A rawn ti takah chuan ka hawi chhuak a. Hahdam huai hmel a pu nghal. An rilru thlak dan hi chu ka thiam ve chiang a lawm ka nuta te ho hi chu.









" Ka lungphu a tha lo tih i hriat reng kha. Kal vat ang ka mut a chhuak a nia aw! " Ka ti chu ner nang in a tlan chhun zawm ve mai a. Kawng reh thuap mahse kan speed a sang lem lo. A rawn kal lam a rawn thlen hma ngaihtuahin an in lam kan pan chu hun ka hmang rei phian bawk.









Inchhungah thawm dim tawk in kan lut a. Ka thawmhnaw dahna kha Maman a khai a keiin ka bag ka ak thung. Inchungah chho in Omama room ah kan lut tlangah hmundangah lehkha zir a a awm daih avang in tuman ka chhuak lo a nih chuan min hre chhuak teuh lo. Ka pi leh pu in ka awm tih an hriat chuan ka u an hrilh dawn tih ka chiang miau a , ka bihruk that hle a ngai ang.









" Chuan... "









" Ka mut a chhuak i tih kha muhil nghal rawh! Kei pawh ka room ah ka phei dawn. Naktuk zingah ka nu leh pa hriat chhuah i duh loh chuan an hna kal hma chu i rawn chhuak thei lo a nia. " Kut vai zauh a tiin a chhuak zui nghal chu khumah ka thal nghal tawp. Naktuk zingah ka u in ka awm lo tih a hrit hun ah a thinrim leh min ngaihtuah dan tur ka mitthla ringawt pawn ka nui ver ver thei.



*


*


" Aw.. Hello! " Ka phone nghawr der der chu dap rak rak in mit pawh meng lo chuan ka ti sap.









" Khawnge phiangsen nge i awm? " Ka u aw vin thawt vang chuan khum a ka mu chu ka thu chhuak nghal hlawl. Kan in ka hai, nizan khan ka tlan bo tak.



IMG_20200704_222202.JPG
IMG_20200704_222202.JPG (57.09 KiB) Viewed 9717 times




" Lalruatpui tunah rawn haw nghal rawh! " A rawn ti leh thawt chu chil lem kalh in mit ka chhing sawk.









" Khawiah hrep nge i awm? Ka rawn lam ang che! " Ka chhan loh vang chuan a rawn ti leh hrawk. Mahse a aw a ring lutuk tawh lo.









" Ka.... Ka sawi dawn bawk lo ." Ka ti let sap chu eng emaw ri chawrh ka hre leh nghal.









" Ka thinrim tak tak hma hian sawi vat teh! " A rawn ti hluk chu thawk ka la hak. He tiang em em hian ka u tawngkam vin ka la hre ngai lo. Min muh hun chuan ka chak loh dan tur zia chu ka mitthla nghal vek.









" I sual e mai i bulah ka awm duh lo! Min thawn bo i tum tho a keimah in ka kal bo a nih hi. Ka rawn haw duh rih lo bawk , ka dah! " Tih let hmak in phone ka off chu ka thinphu rang dawt dawt vang chuan zawi muang in thawk ka la nghal hak.









" Oiii.... Engtin nge... " Ka phone sana ka en chu ka meng kawk. Dar 9 a lo ri tawh. Nizan kha ka muhil har lutuk a thawh ka hai leh nghal. Ka zingkar damdawi eitur pawh ka ei lo tihna. Chuan dar 8 a damdawi ka ei tur pawh k ei hman lo tihna.









" I tho ve tawh maw? " Ka room a Mama lo lut in a rawn ti nghal zat chu la hawi chhuak haw. A school form kamis var sar nen , a form in hmeh zia chu hmuh nuam tak a ni.









" Ka pa dawrah a kal tawh a. Ka nu pawh hna a kal tep ang. School ka kal dawn a kawngka pawn lamah kan kalh dawn a nia. " A tie suih mawlh mawlh chung chuan a rawn ti a. Ka then lui sak.









" Ka u in a hre tawh a College ka kal rih lo mai ang. " Zawi sap a ka ti chu min nuih deuh a ka hriat vang chuan ka melh nghal ram.









" I in chhir nghal der a mi? In atang i tlan bo ve a I pu in ah i biru a nia. Tlai lamah chuan u Reubena hmel a rawn lan ka ring. I rilru siam fel rawh haw leh i duh chuan school ka kal pah in ka dah ang che, a nih loh chuan kan in ah hian ka kalh khum che a ngai dawn a nia! " Ner nang a a rawn ti chu ka ngawi vang vang.









" Ka awm dawn. Ka rilru ka siam fel vek tawh. Enge ka duh lo chung min thawn haw a tum! " Ti hmak in khum atang ka tho chu Mama pawh school a kal a ngaih avang in a chhuak a. Khum ka ti fel a ka hmai vel ka tih fai hnuah room a tang a ka chhuak ru dek dek chu a reh thap. Ka rilru chu nuam lo mahse ka ti ve lak lawh tawh. Ka phone pawh ka off hmak rih.









____________________________________________________










* REUBEN ZOMUANPUIA *









" Khawiah hre nge a awm ni? " A khat tawk a ti chhuak hawlh in ka office chhungah ka vei kual thuak thuak a. A awmna tur a ka rin zawng zawng ka be kual vek a mahse pakhatah mah zu awm lo a.









" Ngati vut vut nge break tur in ka rawn sawm dawn che a! " Dr Rinzuala chu rawn lut in mak min tih hmel zet hian a rawn ti a thaw chhuak hawk in chair ah chuan ka thu thla hmuk a ka hmaah a rawn thu ve nghal zat.









" Angeli a tlan bo! " Ka ti hmuk chu a awi lo nge a nui kur kur leh nghal. A nui hmel re chuan ka thin a ti rim tun thei.









" Tlan bo ching khawp a nungchang kawl lo a ni lo tih kan hre ve ve a. I nau chu i chungah a lawm lo hle a ni maw? " A hrawk thian khurh a a rawn ti chu chhan pawh ka chhang lo. Tiang hian a awm ang tih rin ngaihna pawh ka hre lo. Thian a nei ngai lo bawk nen zawn ngaihna vang tak a ni.









" Thenzawlah chho luih tir ka tum a! " Ka ti hmuk . Zingah ka call a a tha tih chu ka hria a mahse a phone a off zui hmak a ka awm a nuam thei lo.









" I ti awm ang lo em bawk a nih chu! " A rawn ti chu ka ner sawk. Kan personal thil lutuk chu ka sawi buai peih kual lo. Kha tiang naupang chhe thil lutuk.









" Eng tin nge ka hriat chhuah har em em le! " Ti sup a ka ding hluai chu Rinzualan min lo melh hawk. Nizan a Nautei tawngkam vel atang khan Opi a pan a nih ka ring tak ber .









" Chawhnu ka ai lo awh lawk mai ta che ! " Rinzuala melh in ka ti sup chu hrethiam chiah lo mahse lu a bu nghut chu office ka chhuah san zui nghal. Office lam pan lo in Opi te in lam ka pan a Opi ka zawt hmasa a nih chuan zing a Nautei nen kan in biak dan atang khan min bihruk san dawn tih ka chiang miau.









Opi te in ah ka lut a, a nu lo awm in kan in be luam a mahse Nautei reng hmuh tur a awm lo. Thu khuh deuh tak a ka dawp pawn engmah a hriat hmel loh avang in ka beidawng chhuak leh tho. Motor chuan an college lamah ka in khalh chhuak a. College pawnah ka ding vung tawh.









" U.... Enge i lo tih dawn a? " Kimkimin min hmuh rual in a rawn ti lang lang chu ka nui lui suk. Ka farnu pakhat zawk a ni miau.









" Nautei ka rawn ngaihven " Ka ti sup chu a nui hmel a reh riai riai.









" Vawin chu class a rawn kal lo a niang ka hmu lo. Kan class a in ang a lawm. Saw mite bulah sawn a thu a! " Hnung lam hawiin Kimkimin a tih chuan a hawina lam chu ka hawi ve vut.









" Ka va be lawk a nge! " Tih leh kal sawn ka rual chu in thiam chiah lo in ka ding leh dawt.









" Kimkim i hman hmawh loh chuan min lo nghak la ka thlah haw ang che! " In her in ka ti sup chu a rawn nhi nghal ver ver a, ka motor kawngka pawt hawng in a lut nghal zat.









Hmeichhe tleirawl ho chu ka pan hnai a, Nautei chung chang ka zawt risk tawp chu an zing a Babyi an tih chuan vawin class a kal loh thu in min lo chhang leh nghal. Ka beidawng zual ngawih ngawih a ni ber.









" Ngati nge Angeli chu i zawn a. A mak ka ti a awmna i hre lo hi! " Passenger seat a Kimkimi thu in a rawn ti sap chu hawi vut in ka nui lui suk. Chhan erawh ka chhang lo.









" I nau ve ve kan nia mahse a chang hi chuan Angeli hi ka thik thin. A mah aiin ka naupang zawk daih a mahse a mah i ngaihtuah ang hian min ngaihtuah ve ngai miah lo! " A rawn ti halh chu chhan dan vang tak a ni.









" Kimkim ... Nautei chu a damlo a ngaihtuah a ngai tih i hriat kha! " Ka ti sup chu a nui lui ve hak.









" A chang chuan a fair lo ka ti thin. Ka u ve tho I nia i mit meng atang hian ka hmu thiam ve bawk a. Angeli chu a damlo a mahse a nu leh pa leh nang in tawp chin nei lo khawp ang mai in in hmangaih bik a. Kei chu ka hrisel a mahse ka u pawh ka duh hun hun ah ka hmu ve thei lo a. Ka nu leh pa lah in min ngaihsak tha lo chu ka ti lo mahse Angeli dawn ang hmangaihna hi ka awt ve a, ka pu chiah hi ka neih chhun ni in ka hre thin a chang chuan. " A rawn ti halh .









" I ngaihdan mai mai a nih chu. Chuan tumah in an dang lo che a nia, i duh hun hun ah min hmu in min be thei a lawm. Ka nau I ni a, ka hmangaih em em bawk che a. Harsatna i neih chuan i tan ka awm reng a nia! " Ka ti sup. Ka lainat ve thin. A nu in A ngaihsak lo A tih hi ka ring thlap bawk. Kei pawh min lo en kawl ve tawh a, a fapa aia ngaihzawng duh zawk. A fapa leh pasal in a ai awh tur mi tha tak kan hmu vang a pawi sak nei lo zet a a chet dang zawng zawng kha ka la theihnghilh lo miau.









" Lo lut la eng emaw.... Urg.... Thingpui lo in la! " An in zawn a ka ding chu ka lam hawiin a rawn ti sap. Nui lui suk in lu ka thing ngut.









" U... Eng pawh ni se Angeli nu saw ka nu tiin ko mah la nangmah hringtu nu chu ka nu hi a nia ti nge tiang hian ka nu hi i huat tlat ka hre lo mahse he ringawt lawh hian i lak atang in min dah hrang in ka hria! " Nuam lo tih hmel zet a Kimkimin rawn tiin a chhuak zui nghal chu ka thaw hawk.









Kei mahah chuan mi hringtu ka nu mah ni se ka haw kum khua in ka ring. Ka theihnghilh thei lo, ka naupan lai a min ru bo in ka mit hmuah nge ka nu thah a tum lai ka hmu bawk a, kha thil kha chu ka theihnghilh leh tawh kher lo ang. Kimkimi erawh in engmah a hre lo a a lawm lo pawh hi a awm viau.









In ah haw in shower ka nei a, ka nu leh pa pawh ka hrilh chuang lo. Ka nu in vawin a Nautei haw tur a nih avang khan min rawn phone a zingah mahse a haw leh dawn lo thu in ka chhang ta ngawt a. Nizan khan kha tiang em em khan lo ti lo tur ka ni tih thleng in ka ngaihtuah let vek a mahse awm zia a awm lo.










Engtik lai in nge a chhuah tak ngial pawh ka hre lo a nia. Zingah a room kawngka in lock vang in leh college a kal dawn loh avang in murei rawh se ka ti kha a nia mahse tuk thuan ei dawn a ka kai tho tur kha a room a lo ruak vek a nih chu. Kan nula tul lo zet in ka vin hrep leh nghal. Kawngka lo in kalh lo a sawi loh vang in. Mahse zingkarah walk kan awm a maw a tih vang a lo ni a. Kan tih dan thin a nih vang in a ti dik lo chuang hauh lo.









Ka pu te in lamah leng tur in ka in khalh chhuak a. An ni pawh ka be zing mawlh mawlh viau leh nghal. Engmah an hre bik lo chu a nia. Bo thu report ngawt dawn in a tha tih ka hre bawk si. A duh tho a bo a ni miau leh nghal.









" A ni te reuh khan khawi lai thian mah a nei pawh ka ring lo. " Ka pu tawng vang chuan ka pi leh kei kan ner nasa mai.









" Angeli hi chu a rilru hi a hmang lo mah mah zel. Lo haw teh se ka lo hau a nge. Chhungte rilru ti hah zawng hlir hlir in zu awm a. Ka hrilh ngun viau a sin. Zanah a rawn biak lo che chuan i nu leh pa hrilh ang che! " Ka pi chuan a ti hmar hmar a. Ka ngaihdan chiah a ni bawk.









" Mama.... Room ah thei kha ti zo zai enge i lena chhoh. I ei peih tak tak ngai si lo. Balhla te kha... " Ka pu in Mama inchung chho tur chu ko ding in a ti sup chu kan haw deuh haw.









" A ei loh in eng atan nge a tih ang. " Ka pi in a lo ti chu Mama pawh a nui suk. Mahse ka ngaih a tha ta hauh lo. Khawiah mah Nautei a awm lo a, ka zawng chiang tawk lo zawk em ni.









Chhuan lam siam in Mama chu ka zui chho a. Room a lut chiah tih ah room kawngka chu kik pawh kik lo in ka pawt hawng nghal tawp chu room chhungah lo awm nen kan in melh chiang ngang mai.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 1st, 2020, 2:03 pm

CHAPTER - 5 💘 by Amy Cck









" U Reuben enge i lo tih dawn? " Ti haw in mak min tih hmel zet in Mama chuan min lo melh a. Khum chungah thu in computer atang in hla a lo ngaithla bawk. Room chu ka melh kual a midang tumah an awm ve lo bawk.









" Angeli awmna hi i hria em tih zawh che ka duh a! " Pangai zawk chuan ka ti sup. Enge hmuh ka beisei ni ka lo zui chhoh khang lan.









" Kei.... Kei man maw? Engtin nge ka hriat ang? " Mak tih hmel lutuk chuan a rawn ti nawi nak.









" Ok! I hriat chuan a rang lam in min hrilh ka beisei a nia! " Melh run chung a ka ti sup chu lu bu nghat in za lo zet in a then sak bawk.









" U Reuben! Pitei te chu hrilh i tum em? " Kawngka ka khar tur chu a rawn ti avang chuan ka ding khaw muang a ka nui lui suk.









" Zan in ah Angel in min rawn biak loh chuan ka hrilh ve ngei chu a ngai ang. Lo thukru tu an awm tih ka hre chhuak a nih phei chuan a chungah ka lawm lo khawp ang. I hriat khan Angeli din hmun chu nang pawn. Lehkha zir tawh rawh. " Ti sup in kawngka ka khar nghal zat. Kawngka ka khar dawn a Mama hmel awm dan erawh ka hmu chiang ngang mai. Dik lo chu a awm chiang a ni.









" Pi, pu ka haw phei mai ang! Chan chin ka rawn hrilh zel ang cheu, in rilru lo ti hah lo u la. Ka hmu har tawh ka ring lo! " In hnuai ka chhuk hnu chuan ka pi leh pu te bulah ti sup in thut pawh thu khaw muang tawh lo chuan ka chhuak zui nghal a. Ka pi in ka nu leh pa hrilh hre ve hrim hrim tur in min chah zui lawm lawm bawk.









* Muttui * ka phone message ka hawn rual in Nautei message tawi te vang chuan ka ner sawk.









" I fiamthu chu a ni em lo maw? " Ti hluk in a no ka call back nghal chu call tlang theih loh in a la dah ve khang lang reuh leh nghal. Ka motor khalh lai stearing chu herh pawp in kawngsir deuh ah chuan ka ding nghal hmuk a. Message chu ka type let nghal mual mual.









* rawn haw rawh!! * tih ka thawn let nghal chu a seen rang phian.








* ka peih rih lo, ka tha tih i hriat nan ka rawn be mai mai che a nih hi. * tih a rawn thawn let chu ka hmui ti sawi zauh in message ka type leh nghal mual mual a mahse ka thawn let hma a a message rawn lut leh avang chuan ka nui suk.









* Ka nu leh pa rilru ti hah tur in i hrilh kher pawh a ngai bawk lo aw! * tih zawng a rawn thawn a nih chu! Ti chuan chiang tak in a awmna ka hre fiah nghal kuar bawk.









* Ok! Ka hrilh ang ka ti zet tawh a tun tum chu i duh ang in kan ti ang. Lo haw rawh, hetah i awm ang * ka ti let ve nghal a, a seen a mahse a rawn reply har reuh phian leh nghal.









* aii... Muttui😝 * a rawn ti chu ka rin dan tawk vel. Ka sawi tawh khan hmeichhe zak zum leh ngawi chawi zet ang in lang mahse a luhlul ve lil lel reuh lutuk ringawt. Ka phone chu hmet kual in Mama no chu ka call nghal a, he mi te pahnih thluak hmang lo lutuk hian min bum theih hi an in ring reng reng a maw ni!









" In ah khan Ruatpuii a awm ti raw? " Phone a lak rual a ka ti hmuk chu chhan ngaihna min hre lo nge a ngawi vang vang a nih chu. Ka tawng danah ka chiang thaw khat tih pawh a hriat nghal ka ring.









" Maw? Ai... Nang pawh i rawn kal a a awm lo tih i hriat kha. " A rawn ti let a mahse a aw ah a zam tih ka hre chiang lutuk tlat.









" Mama dawt i sawi a thil pawi eng emaw thleng palh a awm a nih chuan i phur rih dan tur hi i hriat ve chu ka ring! Chuan, Angeli chu a awm..... Nge awm lo? " Ka ti let nghal hmuk chu thaw hak in a awm thu in min rawn chhang let ta sup.









" A man tumah hrilh lo tur in min ti sia, ka sawi a nih chuan hmun dangah ka kal ang a ti tlat bawk nen hmun dang a a awm ai chuan kan in a a awm hi tha ka ti bawk sia. U Reuben ka hrilh lo che avang khan ka tihpalh lutuk. " A rawn ti zui nghal zat a , ka thaw veng hawk thung.









" Ole! Mahse kha ta a awm chhung chu i lo enkawl a ngai dawn a nih chu. Engkim a damdawi ei hun thleng in a hai hawt in a mut thilh tawh phei chuan engmah a helh kam leh dawn lo a. " Ka ti let ta sup.









" I... I lo hruai dawn lo maw? " A rawn ti ha chu ka ban A sana ka melh nghal vut a. A hma tawh lem lo viau.









" Nope! Nakinah ka duh hun ah ka rawn lam ang. Tunah rih chuan ka sawi ang hian lo en zui la! " Ka ti sup. Ka lak atang in tlan bo a min bih ruk san rih a duh a nih chuan a duh ang chuan han awm ve pauh teh se. Tunah hruai haw pawh ni i la kan in kar a that phah lo ang tih ka chiang a. Eng emaw ka ngaihtuah chu a ngai a ni.









In ka thleng a, ka room ah chho in shower ka neih zawh hnuah rei vak lo hna ka khawih thuak thuak a. Nautei awmna ber ka hre tawh bawk a, rilru chu a hahdam huai tawh. Chubakah mi hrang in ah a awm lo bawk a, Mama lo en zui tur in leh engkim a damdawi ei hun thleng in ka hrilh thlap a, ni rei lo te chu a duh ang in han bo ve phawt teh se, a hlimna a nih chuan ka ngaih dan chu ni vak lo mahse kan in kar chin fel nan a rem phian in ka ring bawk.



*



*



" Kimkim class i kal dawn a mi? " Ka hna kal tur chu kawng sirah Kimkimi ka hmuh avang chuan a bul a motor ti ding in ka ti nghal sup. Min hmu chu a tih dan thin ang bawk in min nuih nghal ver ver a. Ka lam pan chuan a rawn kal nghal vat bawk.









" Aw, ka pa a hna a kal hma a ngai sia class ka nei tlai avang in a rual in ka kal thei lo a! " A rawn ti lang lang chu motor a lo lut tur in ka ti sup a, phur zet a motor kawngka rawn pawt hawng in a rawn thu lut nghal vat chu ka nuih suk.









" College chu a nuam em? " Tlan chhuah phah chuan passenger seat lam melh in ka ti sup chu nuam a tih thu leh eng eng emaw a sawi nasa ve lutuk chu ka nuih leh suk thin. A la naupang in Kimkimi hi chu kum 20 lek a la ni bawk nen a rilru hi a la naupang chhia ve lutuk tlat.









" Ee.... Tak a U... Angelin class a rawn kal leh tawh tih hi i hre lo a mi? " College kawt kan thleng chu motor atang a chhuak ta mai lo chuan a rawn ti sap.









Chhang lem lo chuan ka nui suk thung. Ka pu te in ah a la awm ngat ngat a, ni nga chu a awm ve der. Ni min atang khan college a kal tih Maman min rawn hrilh vek a, a ruk in a la awm thei zel chu a nia. Ka pi leh pu in hria se chuan min rawn hrilh ngei ang tih ka hria.









" Tlaiah ka rawn hruai leh i duh em? " Ka ti let sup chu a mit meng atang in mak a tih zia a lang nghal kawk.









" Aw, duh lutuk! Mahse i buai lo a mi?" A rawn ti zawm zat chu nui suk in an ban dawnah min rawn hrilh tur in ka ti sup. Kimkimi lawm lutuk chu a hmel a eng nghal phat phat hial in ka hria. Min bye bye in motor atang a chhuak a, kei erawh tlan chhuak ta mai lo chuan college compound ka hmuh theih chin chu ka hawi kual thuak thuak a Nautei hmel hmuh ka beisei vang pawh a ni mahna.









Motor chu ti nung in college gate ka tlan chhuak tur chu gate sir lam a hmeichhe rawn lut vang chuan ka speed chu ka hniam a, a bag ah a leng lo nge eng eng emaw lehkhabu pawm bawr ve tai chuan hawi pawh hawi lem lo chuan a kal a, ka motor bul a rawn thleng chu rang zet in a rawn hawi a min hmu rual in phawk lutuk in a meng buai nghal nak chu nuih a ti za reuh phian.









Mahse ding khaw muang lo in ka tlan pel a, darthlalang atang a ding meuh a min en zui tu hmeichhia chu a lan theih thleng ka en zui a. A that hmel viau bawk a rilru pawh a nuam huai mahse ka ngai tawh tak zet! Tunah chuan kan in hmu tawh bawk a, a lo haw ngei a ngai tawh tih pawh a hrethiam nghal in ka ring!









Office lamah ka tlang nghal a, damdawiin lam chu chaw hnu lamah ka thut a hun chauh avang in ka hman hmawh lem lo. Tunah rih chuan ka clinic pawh ka khar rih a, hna leh thil dang buaipui ka ngah em avang in ka thu hman lo a ni ber. Ka damlo enkawl bik leh kei mah min pan duh hrim hrim ho chuan phone ah min rawn bia in ka thut hun min rawn zawt hram hram lah an bang lo. Kum thar lamah erawh chuan kei mah ngeiin ka din hospital ah ka thut theih ngei ka beisei tawh bawk.




*




" Thiana i nau chu i la hmu na nge? " Dr Rinzuala chuan a rawn ti sup chu ka pen tuai vir in ka thutna chair chu ka ngheng nghal ur ur.









" Zaninah hruai haw ka tum! A bihruk ni khat ni atang khan a awmna ka hre tawh. " Nui suk a ka ti chu a hmelah a awi chiah lo a ang.









" Chutiang te chu engvang a hruai haw vat lo nge i nih a? I ngaihtuah viau emaw tia. " A rawn ti let sup.








" Ngaihtuah te chu ngaihtuah ve e! " Ka ti sup chu a ner ve suk.









" Ok! Ka hrethiam in ka hria i rilru chu, i tel lo a awm i zirtir pah a ni maw. Rem i hre khawp mai, Angeli pawh a nula ve tawh a i bulah naute ang mai a bet chawt tur a ni lo reng a ni. " A rawn ti nghal bawrh bawrh chu kan rilru a kan thil ngaihtuah in ang lo lutuk vang chuan ka ner sawk.









" I ring dik lo tlat! I sawi opposite chiah kha ka tih tum a ni! " Ka ti sup chu mak min tih hmel lutuk in min en thung. Mahse ka sawi ang chiah hian tih ka tum miau.









" Nang hi, i ngaihtuahnaah hian enge awm tih ka hre chak tak zet! Tu in nge mahni nau te pui tlin lam pan chho tur dan tum ngai! Tun a ka hmuh dan che hi chuan Angeli hi puitlin tir I phal lo ni ber in ka hria. " A rawn ti let nghal zat chu ka nui chhuak hawk. Ka nuih zat vang lam ni lo in a thu sawi vang zawk khan.









" A puitlin ka phal lo lam ni lo in ka tel lo a a puitlin ka rem ti lo mai a ni. " Nuih in sum zet a ka ti sup chu ka thu sawi a la hriat thiam hmel chuang hauh lo. Tunah Nautei ngaihdanah chuan a bul a ka awm a ka buaipui reng vang in a puitlin loh phahah a in ngaih a min hlat chuan engkim a fel sawt tur ah a ngai bawk tih ka hria.









Mahse chu chu a dik lo tih hriat tir ka tum thung. Kei hi a nun atang min chhuah tir a duh tak tak lo tih ka hmuh tir dawn a ni tawp.








" Chu chu i control theih piah lam ni in ka hria. Nula a ni ve tawh a, I thu thu in I kuai her thei reng lo ang. Tunah phei chuan college a kal chho ve tan a, ngaihzawngte a nei ve a nga. I duh pui loh viau mipa pawh a lo kawp thei a. Tunah pawh i thu a pawm pui loh vang che in a chhuah san che a. A nun ah in rawlh thuk leh lutuk i tum chuan a hlat deuh deuh zawk ang che! " A rawn ti deuh duah chu ka pawm pui ve hauh lo.









" Bialpa maw? Angeli leh mipa dang maw? " Nui suk pah chuan ka ti sup. Ngaihtuah dan pawh ka thiam lo zawk!









" Ni chiah e! Tu nge hria tunah pawh hian a ruk a biak a nei lo ang tih! " A rawn ti zawm leh nghal chu ka nuih a za ta hauh lo. Ka lakah hian engmah a thup ngai lo tih ka hria a mahse tun hnai te atang hian a mizia a dang lam tih erawh ka hmu chiang viau thung kha a nia.









" Ngaihtuahna mawl mang tak a ni. Tih tur ka nei a ka haw san ang che. Tun kar tawp kha tih tur kan neih kha hun lo in siam tum hram la. " Ti sup in ka dawhkan a lehkha ho chu ka dan fel nghal mual mual.









" Teh reng mai. Chuan ka sawi kha theihnghilh suh tu nge hria i thianpa hi i makpa pawh ka la ni nulh mai thei a nia! " Nui hawk a tiin a thutna atang chuan a ding a, ka ner sawk chu min hmu hman tih a nuih chhuah hawk hawk danah ka hre bawk.









" I lo kal tak tak a maw? " Kimkimin min hmuh rual in mak ti bawk si hlim nui sang in a rawn ti a. Motor atang chhuak in passenger seat a thutna tur kawngka chu ka pawh hawn sak nghal zat.









" Ka lo kal ang ka tih kha. " Kawngka nem khar dawp a ti sup in mit ka kan uk chu engmah sawi lo mahse a hmel atang pawn a mah hruai tur ringawt a ka kal chu a lawm tih a lang chiang viau thung.









" Mak ka la ti tho! Kei min thlah tur in ka tan liau liau i lo kal a. Ka hria lawm i buai ve zia pawh... " Kimkimi chuan a ti chhun zawm nghal siam siam a. Kei erawh in kan lam pan a Nautei leh a thiannu lo kal chu ka melh daih thung.









" U! Kal i la. In a min dah hma in thil min ei pui la ka ril a tam lutuk a . " Kimkimi bawk chuan a rawn ti sap a. Ka motor rawn kal pel pah a min melh vak tu chu min kal pelh thleng chuan ka en zui a. A mit meng atang a lawm lo tih ka hmuh sak nghal vek bawk.









" Ok! Enge i ei chak? " Min kal pel tu te hriat tur chuan ka ti zui sup a, Nautei ding dat chu hre lo ang hmak in driver seat ah ka thu lut nghal bawk. Engtik lai pawn ka ngaihtuah em em reng a, a hmuh lai a midang ka ngaihsak chuan a lawm dawn lo tih ka hre reng. A bik in a mah aia Kimkimi ngaihsak zawk ang a ka kam chuan a rawn haw vat in ka ring bawk.









Motor khalh chung chuan ka nui leh suk thin. Kimkimin ka ril a tam a tih miau avang in dawrah kan chawl khaw muang a. Tun hi a hranpa liau liau a Kimkimi ka hruai hmasak na ber a ni hial ang. A chang chuan a chungah in thiam loh chang ka nei ve thin mahse hun kal tawh vang hian ka hnaih duh lo chu a ni ber. Ka nu rilru tih nat a, hun kal tawh hriat chhuah tir ka duh lo vang a ni pakhat bawk.









Kimkimi ka thlah zo a in ah haw in ka in ti fai a, zanriah ei khamah Nautei hruai tur in ka pu te in lamah ka in khalh chhuak nghal a. Ka pu te in ka thlen chuan ka pi leh pu lah chuan engmah hre ve hek lo Nautei chung chang min lo zawt leh hmasa ber a mahse ka chhanna avang chuan ka pu te nupa chu an hawi lawl lawl a ni ber.









" Kan inah hian Angeli a awm a maw? A va mak awm ve? " Ka pu nui deuh suk chu ka melh run a. In chung atang in Mama a rawn chhuk ve chiah a min hmu chu nuam a tih hmel vak lo bawk.









" Khaw nge Angeli chu? " Ka ti sup chu ka pi leh pu pawn an melh nghal vat a. Nuam lo tih hmel lutuk in in chung room ah a awm tih a sawi chuan ka pi in a hau zui nghal zat.









" Pi, kei man awm rih rawh se ka tih vang in engmah a hrilh lo cheu a nih kha. Hauh chhan tur a awm lo a nia. Ka han chho a nge! " Tih leh ka thut na atang a ding chu rual in in chung lam chu ka pan chho a. Maman a awmna room a sawiah chuan ka lut zui nghal bawk.









Room dim light chu a eng dul deuh riai a khum a hmeichhia tui zel a muhil thaw sak sak chu khum mawng a ding run in ka melh a. A mutui lutuk thaw sak sak chu kaih thawh a huphurh awm khawp in a mutui leh nghal.









Khum chu hel in khum sirah chuan ka thu thla hmuk a. Rawn thaw halh in lum a ti nge a kut chu a puan sin atang chuan a rawn dah chhuak a a ban duk deuh kalh chuan ka mit a la nghal chawt. Mipa kut thla tih ti lang chiang tur in a duk lai chu a lian mah mah in nghet zet a a vawnna kut thla chu a duk deuh kulh a. Vawin a Dr Rinzuala thu sawi kha tul lo zet in ka ngaihtuah chhuak thar thut leh nghal.









" Ka rilru ti na suh ang che! Ka khuavang note! " Ti sup in a kut chu ka la kang a ka hmuiah ka nawr bet zui nghal vawng vawng.









" In thlak dang lam suh, a nih loh chuan kei pawh ka dang lam ve a ngai dawn. Ka kal tir theih nan che hun tlem min la pe rawh, ka sawi chu i hre thiam em Naute? " Ti sup in a hmai zawnah chuan ka kun hniam nghal ruai ruai a, a hmui nel thep chu ka hmuiin ka tawk da da bawk.









" Ni lo! Ka naute i ni! At thlak lutuk! " Harh chhuak thut a ti chhuak hluk a ding chhuak in tukverh bulah chuan ka ding nghal run a. Thaw chhuak hawk in ka hmai ka tuai nghal phawk bawk. Engvang a hmeichhe dang in zawmna nghet nei pui thei lo nge ka nih in hre duh em? A chhan chu he ka bul lawk khum a hmeichhe muhil hi ka hmangaih vang in! Ka nau a nih lai pawn ka hmangaih in ka ngaihtuah em em a. Ka nau dik tak a ni lo tih ka hriat chhuah hnu khan a hmai aia a let tam tak a ngaihsak zual sawt in ka hmangaihna a rawn pung zual sawt bawk.









Mahse a lak a ka rilru put erawh a dang lam ta thung. A lung an thlak hma zawng kha chuan ka pa hi kan pahnih a kan pa emaw ka ti ve thin a. Mahse Nautei thisen pek a ngaih khan kei leh ka pa thisen kha a in mil ve ta hauh lo. Nautei leh ka pa chu a in mil a mahse kei chu ka hrang ta daih a. A ruk in ka pa nen kan DNA ka test tir a, kha tah khan engkim chu a rawn lang fiah ta vek a. Kei hi ka pa thisen ka lo ni hauh lo.









Kha thil vang khan ka nu dik tak hi ka dem leh zual a. Ka huatna hi a tawp mai mai tawh dawn lo bawk. Mahse ka chhungkua hi ka hlat phal chuang hauh lo. Chu vang chuan engkimah an tan ka theih tawp ka la chhuah zel a. Mahse engtik atang khan nge Angeli lakah rilru dang ka lo put ka hre lo. Chu erawh midang hriat a tul lem lo. Angeli pawh in a U ang in min en a, ka rilru put dan a dik lo hmasa a chuvang chuan a ruk a ka hmeichhe hmangaih chu ka ta a ni thei dawn lo tih ka chian tluk zet in a lak a ka rilru put dan pawh hi midang hriat hma in ka thlak ngei a tul bawk. Mahse hun erawh a duh rei ngat ngat khawp mai. Tun thleng in ka la thlak thei lo chu a ni phawt a.









Hei vang tak hian ka nau a nih piah lamah a lakah hian ka thik thu ka pe chhia in kei lo midang a hnaih hman lo na tur khawp in ka ngaihven a, a ni pawn ka tih ang chiah in ka lakah a thik thu a pe chhe ve bawk. Mahse a ni chuan a U ka nihna ang in a ngaihtuah thung . Chuan tunah a mah a ka rilru put dang tih danglamna hun tha ka nei mek a mahse ka hlau thawng a ni! Ka lak atang hian a kal bo ka hlau ni ta ber in ka in hria.









" Engtia rei nge mutthilh der theih a I in rin? " Kum sir single sofa a thu run in Nautei min hnung chhawn zawng a mu chu ka be sup. A che lo a, a thawk a ip nghal hmak chu a ri lo in ka then suk.








" Kan in man chiang viau chuan ka hria! " Ka ti nawn leh sup.









" Engtia rei nge ka muhil der tawh tih i hria! " A kiu a rawn in beng kang in a rawn ti chu ka ban a sana chu melh in Nautei bawk chu melh leh in mit ka ti zim nghal sun.









" Minute 20 dawn chu i muhil der tawh. Tho la haw tur in in siam rawh! " Ka ti let sup chu rawn thu chhuak in a sam a mut na avanga hnawk deuh niai chu a hui chho nghal pap.









" Ka lo haw dawn bawk lo! " Kha deuh fak a tiin min rawn melh nghal ram chu ka rum deuh ngut.









" Kan in fiam kual rei mah mah tawh a nia. Luhlul chhuah lo khan i thawmhnaw la chhuak rawh! " Ka ti hmuk chu engah mah ngai lo ang hmak in a che chang duh thak lo, ngil ngei reuh hian.









" I ban a duk kha engvang nge? " Ka tih sup rual in rang zet in a kut chu puan chhungah a thuk ru nghal a nih chu. A mut hilh lai khan ka duh tawk in ka en vek tawh tih a hre lo a ni chek ang chu.









" Min khawih bawk suh! I duh leh i nau pakhat zawk kha va ngaihven rawh! " A banrek ka vawn rual a rawn ti vin hlar in a kut chu a pawt let nghal hlak bawk.









" Enge i sawi ka hre lo! " Ka ti hmuk chu a theih ang a rum in min rawn melh nghal khai leh nghal.









" Hre lo der kual vel suh! College pawh i thlah a I hruai leh vel thlap a ni lawm ni? I duh tawk in a bulah va awm la va duat rawh. I tel lo pawn ka awm thei.... " A tih rual in ka lam hawiin ka kuai her nghal hrawk chu a rak nghal that.







_________________________________________________




ZAWMNA🙊





* ANGEL LALRUATPUII pov *









" I hman tawh em? Ka nu leh pa pawh an chhuak tawh . " Ka in siam mawlh mawlh lai chuan kawngkaah Mama rawn dak in a rawn ti a, ni thum zet room ah hian ka in khung tawh a nimin atang college ka kal ve a. In ka chhuah san a tuk zan khan ka U a la rawn kal zui a mahse min hmu lo hlauh a niang tun thleng in ka la biru thei chu a nia.









" Taxi pawn ka kal thei a lawm, school i tlai dawn chuan min thlah kher a ngai lo a nia! " Hman hmawh zet a che chung chuan ka ti let vat. Ka room a ni miau lo a ka che a buai in ka khawr deuh tut bawk nen kei ma tawkah chuan hman hmawh ve tak ka ni.









" Ngai lo! Hman hmawh deuh la ka thlah kawi ang che . " Ti sam et in a chhuak zui nghal chu mak ti deuh tak in ka melh tawp.









" Ka theih tawp chuan ka hman hmawh ve chiang e! " Ti chhuak halh in ka bag chu ka siam zui nghal a. Lalmama hi enge a hriat ni heta ka awm a tang khan mi hi a duat in min ngaihven ru reng a. Ka thlen tuk tih loh kha chu damdawi pawh a hun thlap thlap ah a mah vang hian ka ei ka ti lo thei lo.









Tlaiah ka pi leh pu lo thlen hma in ei tur a awm loh chuan dawr a mi kan order a, awlsam zet in gpay atang in ka pe mai thin. Ka u erawh in min rawn be tawh miah lo! A reh vung vung chu mak ka tih bakah ka rin loh lam daih a ni bawk a. Ka lawm rual in ka lawm famkim chiah lo, ka U ka ngaih vang pawh a ni mai thei.









" Tlai chu lam I ngai lo maw? " Gate bul a bike ti ding in Mama chuan a rawn ti a, kan class in presentation last period ah kan tih dawn avang in a ngaih loh thu in ka chhang ve vat a, college gate ka lut a a ni pawh an school lamah a tlan chhuak ve nghal. Kei mah ai a naupang a, mipa a la ni zui bawk mahse kei ai a puitling daih zawk in ka hria. Chu vang chuan ka thil tumah pawh hian a chang chuan ka U ka ngaih avang in in ngaihtuah lung puam leh thin mah i la ka tum ka ti ruh hram hram thin.









" Ehee..... note bu kha ka theihnghilh hram a ni maw? " Ka lehkhabu ken kal pah a en kual dan dan chuan ka phun sap. Ka phone phawrh in Babyi call ka tum ka hawi chhuak chu ka phu nasa lutuk! Ka U motor ka hma a a rawn tlan phei a nih chu. Mit pawh khap lo in ka ding chawt a mahse min hmu lo nge gate ah a tlan chhuak daih.









" Aw, hello! Hello.... Angel.... Helloooo! " Ka phone ken a rawn ti vang chuan ka harh zawk.









" Oh! Hello! Baby presentation tihna tur a note kan hawh kha ka ken theihnghilh daih a nia. Eng tin nge kan tih dawn? La tur in ka let leh mai dawn a mi? " In thlahrung lutuk chuan ka ti a, kal pawh ka kal chhun zawm lo, haw leh in peih at in gate bulah ka ding ran a ni ber.









" Kan topic page awmna lai vel i hriat chuan haw a va lak leh kha a harsa mai mai library a mi kan hawh mai dawn a nia . " A rawn tih chuan ka thaw huai thei.









Class room ka lut chu kal an lo la tlem viau leh nghal. Chutah kal hma ve tum in Kimkimi pawh an thutnaah a lo thu ve vang tawh bawk. Rei lo te ah J-i a rawn thleng ve hlawl a, Baby-i cousin patil kha a nia, in thiam lo lutuk in ka note theihnghilh kha ka hrilh nawn leh nghal a. Class tan hma in library ah va en i la! A tih chuan phur lutuk in lu ka bu nghat nghat. Kan group a midang ho lo thlen hma a lo tih fel chu a tih zia viau ang.









Library ah lehkhabu dang chu kan va hawh a mahse kan chhin chhiahna lai vel kha en nawn leh vek kan ngaih dawn avang in ka in thlahrung ru tho. Vanneih thlak tak in chawhnu last ah kan ti dawn zawk hlauh a.









" Oh... Bathroom ah kan lut kawi lawk aw " Kan class lam a kan let chu J-i hnenah chuan ka ti a, class ah min lo nghah tur thu sawi in min kal san ve mai a. A tawng tam lo a mahse a sual lem lo tih ka hre thei. Babyi erawh a tawng duh barh barh in J-i ang lo tak in hmeichhe nu deuh hnap kan tih ang hi a ni thung. Mahse kawm an nuam ve ve.









" Heii.... Zingah engin nge i lo kal a? " Bathroom ah Kimkimi a lo ve a min hmu chu a lo ti nghal zat.









" Kei maw? Nidang ang bawk in ka unaupa in min rawn thlah! " Ka ti sam et chu min nuih khum hak a nih chu.









" Woww.... A vawi khat nan i dawt sawi ka hre ve a nia. U Reubena nen te chuan kan rawn kal rual a I hmel ka va hmu ve lo ve! " Min elh sen zet a a rawn ti chu ka ngawi chiang a sin. A sawi awm zia chu zingah ka U ka hmuh chhan kha Kimkimi a rawn thlah tihna maw? Suala mai mai chu.









" Tunlai hi in in ngeih vak lo a mi? College i chawl vang vang a, ka U lah kha i chungah a lawm hmel vak loh bawk a. " A bag atang a compact la chhuak in darthlalang lian zet hmaah chuan a in hnawih nghal mawlh mawlh a. He nu nen hi chuan kan tet lai atang khan in mil thei thlawt lo.









" Ti nge i lo ngaihven ve ziah a. Unau te chu in hauh chang te in tih thiam lo changte, kan thu in hmuh loh changte pawh kan nei ve ang chu, kan in pawh zawk tihna a nia. Ka U nen hian in in hau ve ngai lo tih i hriat kha, a chhan pawh in rilru chhung a in pawh tak tak ve lo vang in! " Ka ti deuh kher chu darthlalang atang in min melh ve nghal nghek.









" Ngai thla rawh ka U bul a I chen theih zawk vang mai hian in ti ta viau suh ka U ve tho a ni a, nang ang tho in min ngaihtuah! " A rawn ti ve fak chu ka ner nang.









" Ka in ti ta bik ni lo in ka U a ni miau a lawm. Chuan kei mah nih hi tum lui thin suh, i nihnaah ah khan lungawi ve rawh. Nang leh kei hi ka U in min en dan a dang lam tih chu i chiang ve thawkhat in ka hria. " Ka ti let kher chu min ngei hmel tawh tak zet.









" I va rei ve! " Bathroom kawngkaah Babyi rawh dak in a rawn ti chu nui lui sak in ka chhuah dawn chiah thu in ka chhang vat a. A chang hi chuan ka sual thiam ve thin hi chu ka ti mahse kei mah ang mai a ka U in a duat ve ang a a in sawi hian ka rilru a na tlat zel miau.









" Tak a, ka class kal tur min rawh thlah tih chu i hre tawh a, tlaiah pawh min rawn hruai leh tur thu a sawi thlap a sin. Chuan ka duh duh hunah ka bia in ka hmu thei tih pawh min hrilh a. Nang nen hian min en dan a in ang reng tih te pawh a sawi tak ! Tun atang chuan ka U hi hnaih ka tum ve tawh dawn tih lo hre rawh. "'Bathroom kawngka ka chhuak tur chu Kimkimi thu sawi avang chuan ka ding dat.









" Chuti maw! " Ti sam et in ka chhuak zui nghal a, engah mah ngai lo ang in kal san mah i la ka rilru erawh a nuam hauh lo. Zingah a thlah kha chu ka hrethiam mahse tinge tlaiah rawh hruai leh kher a tum. Kei leh Kimkimi min en dan a in ang reng a maw? Kan hria ang chu!









Class ka lut chu thil dang ngaihtuah loh hram hram tum in ka thiante bulah chuan ka nui lui sang a. Note kan hawh thar kha en nawn leh vek a ngaih avang in break ah pawh room ka chhuah san lo. Lunch break ah pawh Babyin ei tur min rawn lei sak ka ei tawp a. Group in ti vek dawn mah i la group tin khan topic kan nei a, kan topic ah khan group member ten a hran theuh in tih tur kan nei leh bawk.









Chuvang chuan awl bik a awm theih loh a ni ber, kan group pawh member pakua kan ni a mahse kan vaiin a hran theuh in presentation chu kan pe dawn tho a. Kan mark erawh kan group vai a tih that dan a zir in min siam sak dawn thung a, chuvang chuan kan group ti hnu fual tu nih ka duh loh avang in ka bei ve nasa lutuk tlat.





*



" Heii.... Angel i sa vek a nia, i damlo a mi? " Presentation kan ti zo kan haw tur kan chhuak chu ka ban a min rawn kuah in a rawn ti chu nui lui sang in ka that thu ka hrilh a mahse ka taksa erawh a sa pup pup a ka thawk pawh a sa hulh hulh bawk.









" J Angeli hi i scooty khan thlah kawi mai la a damlo dawn in ka hria! " J-i ko chuan a ti nghal lang lang a mahse kei chuan kan hma zawn a ka U motor lo ding chu mit khap lek lo in ka melh a, chutah ka thin ti rim zual tur in motor chhungah Kimkimi a lut zui nghal a nih chu.









" Aii... Ai... A ngai lo a nia J! In veng leh ka haw na tur a in mil lo e mai, taxi ka la mai ang . " Nui lui sak in ka ti a. Ka U motor kan kal pel tawh hnu in min rawn tlan pel vang chuan ka ding zui dat.









" Kha kha i U a ni lawm ni. A rual khan ti nge i haw mai lo a? " Babyin ka melhna lam melh zui vang vang in a rawn ti chu na zet in thawk ka la hap.









" Ni e, mahse ka Pu te inah ka riak phei rih a. " In hum ruh vak chuan ka ti let halh. Engvang a ka rilru na tlat nge a nih ? Chuan ka U in ka hmuh lai a kei mah ni lo Kimkimi ngaihsak zawk ang a a awm vang khan ka mittui a rawn hnai kuar a nih chu. Kha tiang khan vawi khat mah a awm ngai si lo a. Ni eng emaw zat min hmu lo a mahse tunah min hmu a min hria ang pawn a awm duh lo a nih kha.









" I tha em? Ka ti tak tak, i taksa hi a sa vek a nia. " Ka biang a ka mittui luang thla pap chu kun in ka hru ru zeuh a, Baby in min ngaihtuah hmel ngang mai.









" Ih... Ka rin dan chuan ka khua a sik dawn a ni mai thei, ka haw a nga damdawi ka ei a nga ka tha mai ang! " Zawi sap chuan ka ti a. Taxi rawn tlan chu J-in a lo phar ding nghal a, motor a ka luh lai te chuan ka taksa hi a zawi ngawih ngawih a, ka taksa chu ka kaw chhung lam atang in vawt in a rawn man a mahse pawn lam erawh a thlan dep dep a ka chal atang te chuan ka thlan a rawn bawl chhuak tek tek bawk.









Ka pu te in ka thleng chu in hmaah chuan ka pi car leh Lalmama bike a lo in hung vang tawh. Ka bag atang in ka phone ka phawrh vat a Mama ka call chu ka rin ang chiah in ka pi a lo haw tawh a nih chu. Maman ka room tukverh lamah rawn kal ruk tum rawh a tih avang in nuam sam vak lo chuan in chu ka hel kual a. Tukverh ah Mama a rawn dak nghal vat bawk.









Kan pian ve hma, ka sawi awm zia chu ka nu leh ka pa an in neih hma, ka pu leh ka nu he mi in a an awm lai chuan in hi a chhawng in an la sa lo a, kei chuan ka hre ve chiah lo a mahse ka U erawh chuan a hre hman thung. Lalmama hrui rawn theh thlakah chuan rem leh rem lo in ka uai chho a, dam sam loh nen a nuam duh viau lo.









Tukverh ka thlen dawn tepah ka banah min rawn vuan in min pawt chho a, a room min pawt lut chu hah lutuk in ka thaw zui halh halh.







" Ehee.... I hmel a va dik lo ve, i mit meng pawh a sen deuh in ka hria. I damlo a mi? " Tih leh ka chal rawn khawih a rual chu ka pang lo sa deuh vur nen a buai nghal chuk chuk a nih chu.









" Ka nu a lo haw tawh a ka zu ko dawn! I taksa pawh a sa vek a nia! " Tih leh kal sawn a tum chu a kekawr ipte ah ka pawt bet hman hram. Mahse rang lutuk in ka kut ka la let leh nghal. A chhan pawh nichin a tukverh ka lawn chhoh dawn a min pawhna kha ka ban a duk hman khang lang .









" Ka tha mai ang. Ka khawsik a rawn chhuak a, damdawi ka nei vek a lawm. Damdawi ka ei a nga ka mut hahdam chuan ka dam a ni mai. " Ka ti chu a thla a muan hmel lem loh viau leh nghal.









" Mamm.... Ka tha mai ang. Tunah chuan hahdam ka duh. Zanah ka pi leh pu te bulah hetah ka awm tih ka hrilh dawn a nia. Ka mutthilh chhung chu lo zep rih rawh aw please in... " Ka ti chhuak halh. Ka thawk sa hat hat vang chuan ka sam ka hui chho pap bawk. Rilru nuam vak lo chuan ka hmin thei hram bawk.









Room ah ka phei a, Maman min ngaihtuah chu min zui ve zel bawk. Damdawi eiin ka thawmhnaw ka thlak a khumah ka mu nghal kak chu khum mawng lamah Mama a vei kual sek bawk.









" I room ah va kal tawh rawh min ti muhil thei lo. " Ka ti chu ding vat in ka lam a rawn hawi nghal a ka lo melh reng thung.









" Ka rilru a hah a lawm. Tunah i damlo a, zanah ka nu leh pa hrilh i tum bawk a. Ka nu in mi hau nasa dawn a sin. " A rawn ti chu ka kiu in ka in beng kang a ka mit ka chet kual nghal ralh.









" Ka sawi fel vek ang ka tih kha. Chubakah zanah chuan ka dam tawh ang ka tih kha. " Ka ti zawm zat chu rilru hah hmel lutuk a thawk la vak i a chhuak zui nghal chu khumah ka let leh nghal tawp.









" An mahni vang vek! " Ti hlak in mit ka chhing a ka lu lah chu a na ngut ngut leh nghal. Ka naupan lai atang in ka nih dan a ni ve ziah. Rilru hah leh nasa zet a ka ngaihtuah ka hman chang te hian ka taksa in a zo thin lo. Ka tet lai phei chuan chhun lamah ka taksa ka tih hah lutuk leh ka in fiam nasa lutuk chang khan zan lamah ka damlo zui ziah zel.









Tun pawh hi vawin kan presentation ti tur note ka theihnghilh kual vel, rilru hlau thawng bawk nen, nileng in rilru hah in ka awm a. Zingah ka u ka hmu hlau thawng tel bawk nen, tlaiah lah kha tiang khan.... Urggg... " Min hmu lo der vel a, a la hre ve khawp ang. " Ti chhuak vak in ka puan sin chuan ka in lu khuh nghal hmak.









Ka lum ti lutuk chu ka muhil ka harh hlawl a, ka puan sin ti kau deuh in ka kut chuan ka chal ka khawi a, ka khawsik pawh a lo reh fel diam tawh. Room chhung chu a thim deuh rap a, sir lam ka hawi chu ka che ka tawp chiang ngei mai. Tukverh bulah min hnung chhawn zawng a mipa ruang am lian zet ding run chu room light eng lo mahse ka U a ni tih ka chiang lutuk tlat.









Zawi te in ka U din loh na lam hawi chuan ka in let tham tham a, ka tho chhuak a nih chuan min hmu dawn bawk si, che lo chuan ka muhil der ngat ngat mai a nih chu. Mahse sawt lo tak a ni ka ti der tih a lo hre vek leh nghal.









Ka ban duk kha rang zet in a la rawn hmu leh nghal. A chhan min zawt a mahse ka sawi awm lo chiang e, Mama tihpalh vang a nia, chubakah a na lo, ka taksa hi a duk hma ve hrim hrim ka tih tawh kha. Thu thleng leh dawhkan vel a ka in sawh pawn a duk ve ziah tho a, engah mah ka ngai lem lo.









A ni pawn vawin chung chang kha a hre lo der ve tho miau a, vawinah pawh min hrelo der hmak a, tunah min ngaihtuah lutuk ang a a rawn awm chu ka thin a rim tlat bawk leh nghal. Ka U ka an khum vak chu ka in rin hma in a lamah hawiin min kuai her nawk a nih chu.









" I thinrim chhan hi ka hria a nia. Engvang in nge Kimkimi i thik viau chuan ka bulah i rawn haw leh mai loh. Nang ma duh thu ngeiin i tlan bo a tunah ka chungah i lawm lo leh zawk a nia. " Ti chhuak sup in ngeiawm rawngkai lek lek a a nui suk chu ka ngei tawk a tling em em leh nghal.









" Ka... Ka thik bawk lo. Ka sawi tum chu a bul a I awm a a chung a that i chhuah vel hian ka bulah a rawn in sawi thei kual kher thin hi ka hua. Chubakah in ti nei tu deuh che a thu a sawi kual ve thin te hi ka hua! Ka haw vel vek.. "








" LALRUATPUI! " Ka u vin deuh hrawk vang chuan ka phu zawk a. A hmel ka en chu ka tim chawi. A mit meng thim dur khupah chuan a lawm lo tih ka hmu chiang lutuk tlat.









" Naupang chhia deuh a khawsak hi a tawk tawh viau ! Kimkimi nen in awm dan pawh hi ka nau ve ve in ni a ka hmangaih ve ve bawk cheu. He tiang a thu ho te re khel hi duh taak ang cheu. Kimkimi pawh ka hau a fel tak in a aw mai a nang pawn chutiang chuan ti ang che. Chuan tho la a tlai tak tak hma hian haw phei ang! " Lawm vak lo a a rawn ti deuh hmuk chu ka in seh ruh nasa mai.









" Kei leh Kimkimi kan in ang lo. Chuan ka lo haw dawn bawk lo. Ka sawi tawh kha i tel lo pawn ka awm thei, i duh leh Kimkimi chu buaipui char char rawh. " Khum a thu ngal in ka ti zui hlak chu thaw chhuak hawk in a thutna atang chuan a ding nghal vut a ka en duh thak lo.









" I sawi dik! In in ang lo. Kimkimi din hmun hi hriat thiam pui tur chuan i upa ve tawh in la hria. A u ka ni ve tho a min ngai ve em em bawk. Mahse a bulah hun ka hmang tam thei ve lo a, a ni ang lo tak in i bulah erawh ka awm reng thung. Thil ho te ka tih sak avang a a lo hlim phah a nih chuan chuang i bul a a thu sawi ho lam mai mai chu lo ngai thla liam ve mai zel la. Kum lamah pawh i nau rual a ni a, dawh theih tur chu i ni! " A rawn ti hmuk chu ka pawm pui lo lutuk a ner nang mai.







" Chu pawh ni se... " Ka ti chhuak tiau. Kimkimi te chu a hrisel in thian tam tak a nei a, a duh hunah ka u a nei tel bawk a, kei ve chu ka tet lai atang in thian ka nei ve ngai lo a ka u hi ka engkim a nia, midang in an lo in ti nei tu ve hi ka phal lo.









" Ka sawi ang in kan haw ang! " Ti hmuk in ka puan sin a rawn pawt a khum atang chuan pawm kang nghal nawlh a nih chu.









" Suala ka haw duh lo ka tih chu! " Tal vak in ka ti chiam a mahse room atang in min chhuah pui a in hnuai lam min pan pui daih tawh thung. Ka pi leh pu, Mama pawh an vai mai chuan mak ti lutuk in en deuh haw hlawm bawk.









" Reuben a va mak bawrh bawrh ve! Han in dah thla phawt teh u. Kha tiang te chuan inah pawh in va in hau tho ang. " Ka pu chuan a rawn ti chhur chhur a, chutia ka pu in a tih takah chuan sofa ah chuan min nghat thla ve hram.









" Reubenjamin misualpa! " Tih leh ka pu bul a tlan phei ka rual nghal.









" Ngati nge tun tum in unau hi tiang hian in buai tak chiam a. " Ka pi in a rawn ti nghal vat.









" Ruatpuii kha zawt ru! Eng ang mizia nge a rawn neih thar tih te pawh in hre ve mahna. " Ka u chuan a rawn ti hmuk. Ruatpuii min tih tawh hi chuan ka chungah a lawm lo tih Tu pawh in lan hre vek ang.









" Mate! " Ka pu in min rawn melh in a ti sup.









" Pu min hruai haw tir suh! Hetah hian min awm tir rih rawh! " Ka pu ban a sawi nar nar in ka ti vat.









" I lem chan kha duh tawk teh! " Rawn ti hluk tu chu ka melh nghal rawm. Tu nge lem chang a tih? Ka la haw duh lo a ni mai a. Lem chang thi chu kei ni lo in a farnu pakhat zawk kha a ni reng sia.









" Pi nang pawn min tih ve tho kha putlin zir rawh.... Puitling rual i ni tawh i ti a mahse kan inah saw chuan ka zir thei lo. Engkimah naute ang maiin min chei bawl a. Tu emaw phei chuan kan in leh kan college kal kawng tak ngial pawh ka hre lo ang maiin min veng run a! " Ti leh ka U ka hma zawn a ding khawng luah chu melh ka rual a. Ner sawk in min rawn melh run chu ka hawi sawn hmak.









" Mahni a ka in enkawl theih hmasak a ngai i tih ve tho kha. Kan inah chuan zing kar atang in engkim ka tih tur zawng zawng min buai pui a, chutiang chuan tum eng ang mah i la hma ka sawn thei lo. " Ka ti zui leh zat. Ka u rual hian ka haw duh teuh lo. Ka thin a rim thar tlat miau.









" Chu chu kan buaina in tanna a ni lo tih kan hre ve ve! " Ka u in a rawn ti hmuk chu ka ner nang.









" Reuben a duh chuan hetah awm rih mai se, helai pawh a in ang tho a nia, kan in hlat lo bawk a. " Ka pu in a rawn ti sup chu ka u hmelah a ngaih dan a nih loh zia a rawn lang nghal.









" A awm reng tawh a lawm. In hre har mai pawh a. Chubakah a ti buai mai mai ang cheu, pi i ngaihdan sawi ve la! " Ka u in ka pi lam hawi chuan a ti sup. Ka pu hi chuan min tan thin ka tih kha mahse ka pi a rawn leh kher chu ka ngei ru ang reng.









" Tun tum chu Angeli awm dan hi duh vak lo mah i la a ngaihdan chu ka tawm pui rih tlat. Tu pawh hian kan hre vek a lawm Angeli i ngaihtuah zia chu kan bulah han awm se mahni a in enkawl pawh a thiam mahna. I ngaihtuah thin lutuk a I bulah chuan sawi ang in a puitling mai mai lo ang. " Ka pi in a rawn ti chu ka lawm zia. Kimkimi nen in ang reng ang ten min sawi vel a kan in an loh zia chu ka hmuh tir khawp ang.









" Mahse... " Ka u in a rawn ti chu ka pu in a lo pawt chat vat.









" Helai pawh a in ang tho a nia, kan ngai ve reng reng bawk a, zingah i nu leh pa pawh ka lo be mai ang. " Ka pu in a ti nghal zat chu ka vanneih ni a ni ringawt. Ka pu hian min thlawp ziah mahse ka pi hi chuan kei leh ka u ah hian ka u thu sawi zawk hi a pawm ziah a mahse zan in chu kei ma lam a tang tlat.









" Nui suh! I chungah hian ka lawm lo a nia. Puitlin zir i duh bawk a kei man ka zir tir ang che. Chuan Ramdingnghet nang pawh i bike chahbi min rawn pe ang che! " Mama nen min melh tawn in ka pi in a rawn ti chu Mama nen kan thu ngawi kar.









Ka pu pawh kawngka atang a rawn lut a, ka u a va thlah fel chiah a nih hmel. Ka u khan pawm chiah lo mahse ka pi leh pu thu te chu a hnial ngam bik lo tih ka chiang ve e.









" Chuan tlaiah i khua a sik a mi? " Ka pi in a rawn ti chu Lalmama ka va melh nghal.









" In hah thlak e mai. Mama bp check na kha va la teh! " A ti zui zat chu Lalmama pawh engmah sawi lo in a kal nghal hnu hnu. Ka khawngaih reuh bawk si kei pawh ka tawng ngam bik si lo.









Ka pi in min check a ka bp a lo hniam tak tak a, min check zawh in ka pu in bawnghnute ka in tur a rawn keng phei nghal bawk. Chaw pangai ka ei lo zeuh zeuh avang in ka taksa hriat tham si lo in a lo ela hniam ve deuh a ni mahna. Chu bakah man chhuah hlau reng reng in ka khawsa bawk nen.









Room ah kan chho a ka khawsik leh hlau in ka pi in ka pian sin belh tur leh zanah ka damdawi ei tur min hrilh mawlh mawlh a, zanah ka mu thei lo a nih chuan kai tho tur in min chah mawlh mawlh bawk. Min hau vak thin mahse min duat tih ka hre lutuk hi ka hlau ei lo a ni ber.



*



*


" In hnung lamah i pu leh i nau thingpui siam la va pe rawh. " In hnuai ka chhuk rual in ka pi in a rawn ti a, ka tho hma lutuk chu mut ka kham lo hial in ka hria. Kan inah chuan zing kar thlak in ka walk thin a, thingpui pawh ka siam ngai lo.









" Pi khawnge chini? " Choka atang in ka au lang lang. Tak tak in vawi khat mah thingpui ka la siam ngai lo. Living room atang in ka pi in a awmna a rawn sawi a, ka duh ang ang chuan siam in kawngkaah chuan ka chawi chhuak ve nawlh a. Lalmama room zawnah khan ka pu te pafa pawh an lo awm bawk.









" Pu thingpui. " Nui ver ver a tiin ka pe a, an hna thawh ka en chu ka meng bial kawk. Nimin a ka lawn chhoh naah bang rawn an hnawih thar ka rap bal a chu chu an lo ti tha lek chu ni in.









" Thingpui chu tu siam nge? " Lalmaman ner nang in a rawn ti a ka siam ka ti nghal vat.









" Ka sawi thiam dan ber chuan a taste hi a mak. A fe i ti hnem lutuk a a kha deuh fek a, chini a tam leh bawk si, ka in lui thei ngang lo! I siam zawh in i tem chhin lo a ni maw? " Tih leh sir lamah paih a rual chu ka melh nghek ringawt.









" Phun phun suh! " Ti sup in ka pu lah chu a kal sawn daih leh nghal.









" Nula thingpui siam pawh thiamlo! " Lalmama lah chuan min fiam zuk zuk leh nghal. Ka sawi kha kan in ah engmah in chhung hna ka thawk ngai lo, kan nula ten an ti vek. Lehkha ka zir loh chuan movie en na ka hun ka hmang a ni ber.








Lalmama nen inah kan in um lut chu choka lamah tawng thum bul bul ka hre zawm zat a. Mama nen kan lut phei chu chair ah ka U a lo thu run a nih chu. Ka pi leh pu nen an in be mual mual a kan lut chu min lo melh nghal run bawk.







" Ee.... Angel rawng ka bawl lak lawh sia i u hi thingpui lo siam ve la. " Ka pi in a rawn ti chu Lalmama a nui nghal vak a nih chu. Ka u lah chu a meng buai ngang mai.







" Teh reng! " Ti sam et in gas a ka thingpui siam hmasak kha ka chhuang nawn leh hmiah a, a hma a Maman i in chhin lo a mi a tih avang khan ka siam zawh a ka in chhin chu ka hrawk hi a thlum mai bakah a kha thla ruah ruah a ni ber.







A thutna dawhkan a no nghat deuh chawrh in a bul Chair ah chuan ka thu thla ve nghal a. Chu pawh thingpui tui lo zet a in lai a a hmel ka hmuh chal vang in! Thingpui chu a lem hlak a, engtin mah zu awm duh thak lo nia! A khat tawk in a tem leh hlak thin tui lo ti hmel pawh a pu lo . A phone rawn ri avang chuan a no ken chu dawh kanah a nghat a , a kekawr ip atang a phone la chhuak chu ka lo thut hnaih bawk nen a rawn call tu hming lian pui a in ziak chu ka hmu hram a, ka thin a rim leh nghal.







" Aw, mate! " A ti sup chu ka ner sak.







" Dar 11 vel ah ka rawn lam ang che, a tha em? " A tih phei chuan ka thu tum bur tawh.






" Pu, pi vawin chu ka thian hmu tur in ka chhuak dawn a nia aw. " Ka ti sap chu ka u phone be zo chuan min melh nghal run.






" Tu i thian nge? Babyi kha a ni em? " A rawn ti sup chu ngai pawimawh lo zet in lu ka thing mat mat.






" A nih tu nge? " A rawn ti sup chu a lam hawiin ka ner nang.





" Ka thian a ni mai! " Tih leh ding ka rual a in chungah ka chhoh san hmak. Engtin nge Babyi te a lo hriat leh hman.






" Enge a? " Ka room ka lut kawngka ka khar tur chu a rawn nem hawng ve nghal rawk avang chuan ka ti deuh haw. Ka u hmel ka hmuh rual in kawngka chu nen khar tum in ka nem let nghal tang tang a mahse a rawn lut thei tho a nih chu.






" Vawin chu ka bulah rawn kal ve tur in ka duh che! " A ti sup chu engmah sawi lo in ka melh ha.







" Nichin lawk khan chhuah pui tur i neiin ka hria! " Ka ti hmak.






" Kimkimi a nih kha! Kan bulah lo tel tur in ka duh ve che. I thian hmuh i tum kha chu hmu rih lo mai rawh! " Min kal pel in khumah a thu thla a min melh nghal run chu awi lo lutuk in ka nui hak. Kei leh Kimkimi engtin nge a ngaihtuah theih zawk.








" In pahnih chuan kal mai ru, in bul a kal ka chak lem lo. In bul a kal ai chuan ka thianpa hmuh ka thlang zawk! " Ka ti kher chu a lawm chiah hmel lo. Tu thianpa mah hmuh tur erawh ka nei tawp lo leh nghal.







" I duh lo tih i chiang maw? Hospital building tharah ka khawl chah a lo thleng a, nang ai midang in an hmu hmasa tur chu i pawi tih loh chuan le! " Ti sup in a ding a kal sawn a tum chu " Ka lo kal ang! " Ka ti vat.







" A.... Tlai lamah ka mi hmuh tur chu ka hmu mai ang. " Ka ti zawm leh zat a ka u nui suk chu ka hmu a mahse ka kal duh. Kimkimi a hruai dawn ngat phei chuan ka kal ngei ngei a ngai!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 1st, 2020, 2:04 pm

CHAPTER - 6 💘 by Amy Cck









* REUBEN ZOMUANPUIA POV *









" Reuben I haw phei dawn a mi? Chaw ei ve nghal la. " In hnuai ka chhuk chu ka pu choka atang a rawn chhuak in a rawn ti zui nghal. Ka hnung a pen ri thlep thlep a min rawn zui tu chu hawi let in ka melh zawk a, ka en tih a hriat rual in sir lam a hawi sawn hmak chu nuih a ti za zawk hial. A naupan lai atang tawh in a thin ka tih rim hi chuan he tiang hian min tih tauh khum in a awm ziah miau.









" Ei lo mai ang , tu emaw hian ka bul a chaw ei a chak hmel loh e mai. " Ti deuh kher in Nautei ka melh chu a ner nasa ngang mai.









" Chu ti tur maw? Angel I u chu i va thlah dawn a mi? " Nui suk in ka pu in a rawn ti chu Nautei chu a ner nghal nang. Ka pu pawh a nui suk, a huat tur tawk a fiam hi kan thiam hlawm em a. Kan chhungkua a Tu mai pawh hian kan naute en em em vek miau.









" Haw mai teh! " Ti hlak in Nautein min rawn kal pel hlak hlak a, ka pu pawh nui tut tut in center table a chanchinbu la in a bul a couch ah chuan a thu thla zui nghal, kei leh ka pu te chhung tih loh hi chuan he a mize kawlh hlik hlek hi an hre ve kher lo mai thei.









" I tih tlat te chuan. Ka kal a nia lo in siam peih vat la . " A hnung lam atang chuan ka ti sup chu a ding dat.









" Angel engmah i tih loh chuan salat hi lo siam rawh. " Choka lam atang in ka pi in a rawn ti chu ka nui suk. Thingpui pawh tur ah a chhuah lo chauh a salat siam maw! Heta a awm chu a phur awm riau mai.









" Enge? Min nuih a ni maw? " Rawn in her in a ti vin hlar chu lu ka thing ngut ngut.









" Min nuih reng kha, ka hmu vek che . " A rawn ti leh pang pang chu nuih in sum zet in thawk ka la hawk.









" Ka phei dawn , i chaw ei hma damdawi kha ei theihnghilh lo la! Chuan i chemte hman fimkhur bawk la. Nih phawt. " A thin tih rim zual leh hma a haw san tha a ka hriat avang chuan ka ti ta daih. A salat siam lai chu hmu ve chak viau mah i la a la hun rih lo te pawh a ni a nge .




*




" U vawin kha min lo hruai tak tak dawn ti raw? " Motor ka thut luh rual a ka phone rawn ri ka lak rual in Kimkimin a rawn ti lang lang.









" I hman te chuan hruai ang chu. " Ka ti let sup. Hmanni Kimkimi college atang a ka thlah kawi dawr a thil kan ei kha Dr Rinzuala rawn lang hlawl in kar tawp a damdawiin thar min en pui tur chung chang vel a rawn sawi phur nawn teh luam a. Kimkimin a lo hre ve vek bawk nen kal ve min dil a phal lo chi ni hek lo. Nautei leh Dr Rinzuala bak hmuh ka la tum vak lo kha Kimkimi a phur ve tak em ah chuan tel ve tur in ka ti ta tawp kha a nia. Farnu ve ve pawh hi rilru a a thawh dan chu a dang ve deuh a ni. Ka chen pui ve lo vang pawh a ni mahna. Engkimah Nautei hi chu ka dah hmasa ber zel miau.









Min lo nghah char char tur thu a rawn sawi chuan a phur hmel ngang mai. Kan in biakna ka ti tawp a Nautei a tel dawn tih erawh ka sawi lang duh ta lo. Nizan khan hruai haw tum in ka kal kha a nia, haw a lo la duh lo viau leh nghal. A chhan pawh ka hre chiang, Kimkimi ka ngaihsak avang in ka chungah a thik thu a chhia a , a lawm lo tih ka hmu thiam vek a. Chu erawh ka lawm zawk, a chhan chu kan thik thu kan pek chhiat loh te chungah chuan kan rilru pawh kan pe vak lo tih hre chiang ber tu te zing a mi ka ni miau.









Rei tak awm tir ka tum lem lo a, kar khat hi a tawk viau in ka hre bawk. Ka pu te inah chuan a ngaihtuah awm loh tih hre tho mah i la kei mah zawk hi kan in lian zetah sawn Nautei tel lo chuan ka khua a har lutuk tlat. Nitin ka chhuah dawn leh ka hna bang ka haw a piang a a hmel hmuh tur awm lo chu a hreawm in rilru a nuam chuang lo miau. Ka pu sawi dan tak ah rei a awm hrang duh lo tur ah ngai i la. Ka nu leh pa pawh ka pu in a be vek tawh a. Engkim hi a buai ta nuai a ni ber.









In ka thleng a kan nula in tukthuan a siam a mahni chauh a ei chu chaw ei pawh a tui lem lo. Tukin zing chu Nautei salat siam ka pu te chhung chuan an ei bik awm ngei sia. A thingpui siam ka in kha ka ngaihtuah let a mahni in ka nui leh suk suk thin. No a chawk ri ve rak rak a, no chhung a thingpui erawh a tui lo chu ka tih sak phal lo. A vawi khat siamna a ni miau a ka chhung lam a mi hi chuan a chhuang ru viau mahse a thingpui siam erawh tui tak a ni hauh lo thung!









" Hello! " Ka room ah ka in siam mawlh mawlh lai in ka pa in min rawn call ve teh mial a. Angeli ka pu te bul a a awm chung chang vel a rawn sawi ve bawk. Ka nu nen rawn chhuk duh viau mahse ka pi awm pui deuh reng a ngaih avang in an rilru a buai ve bawk a. Ka pi lah hrisel loh na em em chu nei lo mahse a upatna hian a nun ram a pawt chau ve a, ka nu enkawl loh chu a duh bawk si lo, aizawl lamah rawn chhuk lah a duh tlat lo.









" Tak a I khawl chah te chu enge chan chin? " Chhungkaw chanchin kan sawi zawh chuan a rawn ti zui zat.









" Vawinah ka va en ang chu ka tia. Rinzuala nen.. " Ka ti let sup.









" A nih chu. I nau lah i chungah a lawm lo nasa mai sia. Zingah min rawn bia a lawm lo tak a ni ringawt. " Nui hawk hawk a a rawn ti chu darthlalang hma a ding in ka then ve suk suk.









" A fel leh vek mai ang. Vawin pawh ka bulah rawn kal chu a tum a lawm. I hriat kha pa a thinrim rei tak tak ngai lo tih te chu. " Ka ti let chu ka pa pawn a hre chiang bawk a eng hu ha ah a ngai lo. Mahse in atang meuh a tlan bo duhna rilru Angel in a nei chu a ngaih dan a ni chiah bik lo. Mahse a chhan vel ka hrilh fiah thuak thuak tak ah chuan a hrethiam ve mai bawk a.









" A damloh kha lo ngaihsak ru reng la. I nau nu ve hi a la puitling lo ve sia. Thla thar tawp lamah kei ni pawh rei lo te cham tur tal in i pi in a duh loh pawn I nu nen kan rawn kal ang. Angeli pian cham lawm hman tur in, i nu pawh in chu mi hisap chuan tun mai a rawn chhuk a la in sum hram hram a nia. " Nui chung chuan a rawn ti chhuak leh hawk a. Eng eng emaw sawi in rei fe kan in biak hnu chuan kan in be zo ve thei hram.









Thenzawl leh Aizawl te chu a in hlat loh teh lul nen hian ka pa hian ka nu tel lo a han zin mai hi a duh ngai tlat lo. He lam a fate chauh dah pawn an khua a har ang nang rei lo te zu awm pui la ka nu in ka pa a tih pawh hian i tel lo chuan ka tangkai lem lo e mai fiamthu ti tak deuh hian a ti daih zel a. Ka nu pawh hian ngaihah a neih tawh. Hei vang tak hian hmangaih tak tak leh hmangaih lo nen a chhungkaw din danglamna ka hmu ve a. Min hringtu ka nu leh ka pa an in neih lai a ka pa in a a rawn haw khat zia te, tun a ka nu nen an in neih hnu a kan chhungkaw nun dang ta hlawk atang hian chhungkaw din fuh lo hi kei hian ka hlau ni ta ber in ka hria.









" Ka lo thlen hma in lo in siam zo hman rawh ka tih kha! " In chung step atang a Nautei rawn chhuk ka hmuh rual in ka lo ti hmuk. Ka pu lah a lo nui suk suk. Vawin chu holiday a ni pan fawm in dawr lamah Mama a tir phei a ka pi erawh hna a kal thung a nih hmel.









" Khangte chu ka tawn hnu vek a nih kha. Farnu neih chuan zaidam te hi zir a ngai a nia. I nu nulat lai ngaihtuah chuan Angeli te chu la che rang vat vat tak a ni. Sunday tuk te hian kei leh Muanawma khan hman hmawh tur in kan tur chawp reng zel maw le! " Nui pah a tiin hun kal tawh ngaihtuah ang deuh chuan a ngawi vung vung a. Pa Muanawma kha chu ka hre ve hman mahse Angeli erawh in a hre hman kher lo ang. Mahse ka nu album hluiah chuan a thlalak hmu tur a tam lutuk tlat.









" Hmm.... Pu kei ni te chu kan let ling vek. A mah ai hian ka hman hmasa ve ziah zel. Chubakah a chhuah dawn pawn a kamis leh tie awrh tur thleng in kei mah vek in ka thlang ziah zel. " Nautei tawng dan vang chuan ka nui chhuak hawk.









" Chutiang tal I tih loh ten kei in i damlo lai zawng zawng in ka enkawl thung che a. A chang phei chuan i thawmhnaw pawh ka thlak sak vek che a nia. " Ka thutna atang a melh chho a ti sup in mit ka siai suk chu a meng rum nasa mai.









" Kal mai teh. " Ti hlak in a mah zawk rawh kal hnai in sofa pakhat a lukham chu la in min rawn vawm a, kawngka lam pan in a pen zui hlak hlak chu ka pu nen kan nui zui hawk hawk.









" Nu naupai lai a huat an neih ang maiin tunlai chu i thil tih leh tawngkam zawng zawng a haw vel vek a nih dawn kha. Va ti thinrim vak lo la, a taksa a chak lo a nia. " Ka ding vut rual in ka pu in a rawn ti a nuih in sum zet chuan Nautei chu ka zui ve nghal.









" Nula ang chuan i ngaih theih tawh mahse i rilru erawh... " Ti sup a lu thing ngut ngut in gate bul a hmeichhe lo ding chu a sam sei hniang a tawn sang deuh vah chu ka pawh phelh sak nghal hmak.









" Ehee.... Enge a? " Mak ti lutuk a min en in aw ki sang deuh vah hian a rawn ti chu a sam tawng chu ka hum bo nghal hmak.









" Ti khan thlah zawk rawh. I taksa a lang hnem lutuk! " Ka ti deuh hmuk chu a ner nghal nang.









" Awiawm loh e, khua a lum a lawm. Mi pawn tiang hi an ha ve vek. Khawi ka sam tawn kha! " Ti leh ka kut rawn ban a rual chu ka sam tawn hum chu ka kekawr ip ah ka ak nghal hmuk.









" Mi i ni ve lo. Ho te a damlo mai thei i nih hi. Chubakah he tiang dar lang dawn dawn a kawr i ha pawh hi ka ngaina lo! " Ti hmuk in a kawr senno par nalh zel a dar a liam fual deuh chu ka pawh chhoh sak zui nghal a, a la duh lo em em zui.









" Enge a? He tiang a hak tur a ni hlei nem. " Tih leh luh lul zet a ka pawh chho sa pawh fual leh a rual chu ka thaw hawk.









" Ka tih ang chuan ha mai rawh. A nih loh chuan in thlak tur in kan in ah kan kawi ang. Kawr pangai tak tak hak tur ka lei sak hnem viau che kha! " Ti sup in a kawr dar zau deuh chu ka pawt chho a, ner nang mahse min hnial ta bik lo.









" A thu hrim in he khawr hi ka va hmu ngai lo ve! " Ka ti zui sup .









" Ka lei a ni mai a ni! " Tih leh ka motor lam pan in in sawh tau nghawng nghawng in a kal a. Ka pu sawi dan tak ah min haw vel vek a ang ta ber.









" A lei a nih chu!" Phun sup in a hnungah chuan ka pen zui ve nghal a. Driver seat a ka thut luh thleng pawh chuan min melh chu sawi loh ka awm ve tih hre ang pawn a lang lo.







" Khawi maw ka sam tawn kha, a ho e mai midang a







" Khawi maw ka sam tawn kha min lo pe, a ho e mai midang bulah kan awm dawn pawh a ni lo a, khua a lum em hi . " Passenger seat atang chuan rawn hawiin a rawn ti nang nang chu mit hmul ka san khum uk.









" Midang pawh an lo kal dawn. " Ka ti sup chu hma lam hawiin a ner zui nang.









" Ni e.... Ni ee... Kimkimi . " Ei lo hmel lutuk a a ti chu ka thaw chhuak hawk.









" In in rual khat bawk a in kawm tawk viau zawk tur hi in han in hal tlat chu a nia. " Lawm vak lo chuan ka ti hmuk.









" Ti ve ziah mai. Kan in hauh leh upa zawk i nia dawh hram hram rawh, i ti a. Engtik chatuanah mah a ni nen kha chuan kan in ngeih nguar ang! " A rawn ti ve nghal chu ka sawi thui buai peih lo. Kan thlen duhna kan thlen hma in motor atang a chhuah a tum ang tih te pawh a hlauhawm zawk.









" Dr Rinzuala pawh a lo tel dawn a, in in ngeih vak loh pawn in sum chin tawk hria la. A chang hi chuan.... " Ka ti leh sup chu a ngawi vang vang a a lam ka va hawi chu chil lem kawlh in ka hrawk ka thian nghal khurh.









" A chang hi chuan engmaw..... Sawi zawm la! " Ka lam rawn hawiin a ti sap chu hma lam ka hawi vut. A sam sei zet kha ka awm lohna lam a darah a hui liam vek a. A kawr kha a hma ang bawk in a lo pawt fual leh bawk. A beng hnuai chiah a khuavang pahnih a in zawn a dum fiah kalh a awm chu anghawng var no sarah chuan a lang chiang viau bawk.









Hmeichhia e ti lo hian tlereuh hi a ngaina lem lo. Inah pawh a nei ve dul a mahse a taksaah hi chuan a in bel mai mai khat khawp. Hmeichhe naupang duat sual chu ni ve deuh mahse a sual dan hi a lawmawm in a duhawm viau thin bawk.









" I nghal ve mah mah zel a. " Ti sup in ka mit sir zauh chu hria ang pawn a khawsa lo.









" Nang pawh a chang hi chu i sual mah mah thin ka ti ve tho! " Ti sam et in Motor glass chu down in a lum ti chu thli a in chhem tir heuh heuh a, a rimtui in hnawih rim na vak lo mahse rimtui em em lawi si chu ka lamah thli in a rawn chhem a, hreawm zawk zawk erawh a ni lo.









Kimkimi kan lam kawi a, motor hnung lamah thu in Nautei ang lo tak in Kimkimi erawh a tawng barh barh a. An mize in ang lo lutuk vang hian an in kawm thei loah ka ngai ta ber. Kimkimi chu rual pawl thiam tak leh tawng duh ve barh barh tak a ni a. Nautei erawh a mi nel vak lo te bulah chuan tawng thei lo ang hlauh a ni mai. A naupan lai atang a in lam a in khung a rual pawl tam lo na na na chu mahni duh thu a mi hnaih chi a ni lo bawk. A duh dan te lo chuan a kal mai mai ngai lo.









Mi ngainat leh hnaih a neih tam loh avang hian a mi hnaih te lakah erawh a thik thu a pe chhe ve hle a. A bik in ka bulah a pang chang leh zual. Kimkimi pawh hian min nel a min hnaih a tum ve thin vang hian a ngaina thei lo ni in ka hria a. Nautei vang hian ka duh ang in Kimkimi pawh ka hnaih lutuk lo phah a mahse chu chu Nautei tan a nih chuan ka pawi ti hran lo. Mahse ka nau a nih ang in Kimkimi erawh ka ngaih ven ve reng tho.









" Woww.... Nula hmeltha tak tak i lo hruai dawn tih i sawi miah lo hi ka lawm lo. " Hospital kawtah motor ti ding a kan chhuak chu Rinzuala kan lam pan a rawn kal in a rawn ti nghal zat chu ka nuih khum suk.









" Ngawi mai mai teh, i thlen na a rei tawh em? " Ka ti let ta thung chu a thlen ve chiah thu in min chhang ve mai.









" Hei chu Kimkimi kha i ni maw , i chhelo tawh lutuk a ka hre lo tep che. " Tih leh Kimkimi lam hawi a nuih chu a rual a Kimkimi pawh in a be ve nghal siam siam a Nautei erawh ka bulah a ding ngawi ran thung.








__________________________________________________









* ANGEL LALRUATPUII pov *









" U kal vat vat ang u, ka vawi khat kalna tur a nia ka phur tawh tak zet! " Kimkimin ka u ban leh lam a a kut rawlh lut in a ti deuh chung chuang chu ngei zet in a vawnna kut chu ka melh vak ringawt.









" Kal i la . " Ka u chu ka lam rawn hawi in a rawn ti sup a, kimkimin a vawn loh na lam chuan ka kut rawn vawn a tum a mahse min rawn vawn hma in ka kal sawn hmak. A chungah hian ka la lawm reng reng lo, hetah hian engvang a kal lo duh ve ringawt nge ka nih pawh ka hre lo.









" Woww.... I u chu i la haw deuh a va ang ve . " Ka bul a U Rinzuala rawn kal in a rawn ti chu ding dat in kan hnung lam ka hawi a, ka u banah Kimkimin a la kuah reng a ka u lah chuan engah mah a ngai duh thak lo.









" Ka haw lo tlem in ka ngei deuh ringawt. " Kal chung chuan ka ti let nghal hmak. Mahse ka tawng dan atang erawh in tlem ni lo in tam deuh in ka thin a rim tih a hmu ngeiin ka ring.









" Ka awi pawh in ka hre lo. In atang i tlan bo hial a nia. "









" I va ninawm tak. Enge sawi se min tih a? " Ti vak in U Rinzuala lam chu ka hawi a. Ka thin a rim lutuk hi ni te khi a sa zual vek in ka hre hial. Mahse ka thin rim na zawk tak erawh U Rinzuala chungah ni lo in kan hnung a mi te vang vek.









" Hahdam rawh, kha tiang a vin vak vak kha i tan a tha lo a nia. " Thinrim let miah lo a a rawn ti chu thaw hak in ka melh a. Ka in thiam lo leh nghal.









" Tihpalh, kha tia tih kha ka tum lo. Eng lo a nia... . " Sawi tur hre lo chuan ka thaw halh.









" A pawi lo i mood a fuh hma chu min an khum vak vak thei ang. " A rawn ti chu ka nui hak ringawt. Ka sual viau nan ka bul a awm ka hnaih ho hi chuan min dawh thei hlawm ka tih kha. U Rinzuala pawh hi chung mi tlem te zing ah chuan a tel vel bawk. Ka u nen tet te atang a in kawm chho char char a ni bawk.









" Buaina a awm a mi? " Kan bulah ka u te an rawn thleng a ka u in a rawn ti nghal.









" Awm lem lo e, Angeli hi Hospital ah hian a kal tawh leh tawh loh ka lo zawt a, chutiang vel chu kan sawi dun mai mai. " U Rinzuala chuan a ti let vat a. Kan pali chuan in chhung lam chu kan lut a, kei chu ka kal in ka tlawh ve zauh zauh tawh a engah vak ka ngai lo, Kimkimi erawh in ninawm khawp in zawhna a ngah a, a tawng char char ti I la ka sawi sual lo ang.









" Hetah i lo awm daih a, ka hmuh dan chuan ka u bul a ka kal ve hi i lawm vak lo in ka hria. " Room ruak pakhat a boruak dang hip tum a ka awm chu Kimkimi a rawn lut ve leh. Kal bo san tum in ka chhuak a min rawn zui leh chu a nia. Ka u te erawh khawl thar en in an thiam dun in an buai tawk rih viau in ka ring.









"Nia, awm lo la chuan nuam chu ka ti zawk ngei ang. " Zep lem lo chuan ka ti hmak.









" I sual ve ngawt mai. Mawi hnaihah dawt tal I sawi ka ring a nia. Dik tak chuan kei pawn ka hmu chak bik lo che a mahse ka u in i tel ve ka pawi tih leh tih loh min zawh khan ka u rilru nawm nan a pawi lo ka ti ve kha a nia. Nang chuan ka u pawh veng thawng lo lek in min ngainat loh zia i ti lang a nia. " Nui hak a a rawn ti chu ngei viau mah i la chhang buai peih lo in ka phone ka hmeh san mial mial.









" Oppss.... Sorry! " Ka dinna bul a rawn kal in ka darah a rawn su kher chu ka phone ka thloh nghal bawl.









" Enge i hriat a? " Ti vin hlar a ka en chu min lo nui khang lang leh nghal. A ti lui chiang lutuk tih a mit mengah lah a chiang reng bawk.









" I bulah ka tawng mawlh mawlh a min ngaih sak lo a nih kha. Mahse ka su lui miah lo che " Ti leh ka phone A ma min thlauh luih tir ngei chu chhar a rual a nih chu. Ngeiawm zawk hian.









" I peih mai mai mang e, i chhar leh dawn tho chuan min rawn sut luih loh mai tur che a lawm. " Tih leh ka phone lak sak ka tum chu la ban rekah a rawn vuan chawt a, a vuan na mah mah leh nghal.









" I awm dan hi ka hre amaw i lo ti a nge. Ka u ka chung a a that avang hian a chungah i lawm lo tih ka hria a nia. Hmeichhe fel tak chu i ni bik lo a ni tih hi ka hria a nia. Nge ni a nang hi U Reubena hian a kal san ang che tih i hlau zawk. " Nui lui deuh sak chuan a rawn ti a. A thu sawi awm ze nei lo lutuk vang chuan ka ner nang.









" Engvang in nge ka u chuan min kal san a nga? I a deuh chu a ni lo maw? Khawi... Min thlah teh! " Ti leh ka kut pawh let ka tum chu a aia na in ka ban chu a vuan a a lamah min pawt hnai nghal sawk chu ka rak that.









" A chhan chu ka U nen hian thisen in zawm in ni ve lo tlat. " Ka beng bul ah chuan zawi te, ka hriat tham lek hian a rawn phun sap a mahse a thu sawi kha ka hre chiang lutuk tlat.









" Fiamthu ah pawh a nuih zat thlak lo ber ang. " Nui hak in ka ti zawm zat. He nu hian dawt bak a sawi ka ring lo hul hual.









" Ka hriat tirh chuan ka awi bik lo. Mahse ka nu ngeiin a sawi ka hria a nia, chuan ka U hi i pa fapa a nih loh chuan nang nen hian in zawmna in nei dawn lo tihna a nia. A awm zia chu a tan engmah lo mai i ni dawn tihna a.... " Engtik lai in nge ka kut ka lo chet tir hman ka hre lo mahse ka hriat meuh chuan Kimkimin ka ban a vawn lohna lam chu a mur chum chum.









" Nang hi, eng vang in nge min ben a? " A rawn ti vin that chu ka nui hak.









" I phu miau a lawm. Fiamthu ah pawh hian chin tawk a awm. " Ka ti kha fak.









" Hahhh.... I awi lo maw. Ni e... I awi phal reng nan i tan ka u a in pum pek zia chu ka hre ve a lawm. Mahse dawt emaw fiamthu a ni hauh lo a nia. I duh chuan fiah la kei pawn ka hre chak a lawm. " A rawn ti chu ka in hum ruh ngat ngat. A thu sawi hi ka awi lo mahse ka hua. Kha tiang zawng a ka u leh kei ma chan chin hriat kha ka duh lo. Ka u hi ka nu fapa a ni ve lo ringawt pawh hi pawi ka ti a nia. Engtin nge ka pa fapa ni lo in henu hian a sawi theih.









" Fiah leh chuan tur a awm pawn ka hre lo. Nang a dawt sawi pakhat vang khan ka in tih buai chiam na chhan tur ka hre hek lo. " Ti leh a kut a ka phone pawh thlak sak ka rual nghal. A hmai ka benna ka kut erawh a sa hat hat thung. Engtin nge kut kha min thlak let loh thei zawk, a mak ka ti hial.









" I rilru thenkhat chuan rin dan i nei ve tho tih ka hria. Engvang in nge ka u hi ka rawn hnaih thar thut tih te hi rin dan i nei ve em? Min benna chu a na reuh phian, mahse tun tum chu ka lainat deuh tlat che a ka khawih let lo ang che. " A biang dawm chuan a rawn ti let zat chu ka ngei lutuk hi ben nawn leh mai ka duh rum rum.









" I mi lainatna ka mamawh chhe te eih lo e. Nang zawk hi a lawm lainat awm. Ka u hi hnaih tum eng ang mah la kei nen a kan in hnaih ang hi chuan i hnaih ve ngai lo ang. Chuan hre rawh kha tiang thu awi awm loh kha i sawi leh a nih chuan vawi khat mai ben che kha ka duh tawk tawh lo ang. Tun tum chu kei ai i naupan zawk vang in ka dawh hram ang che! " Ti khum hmak a kal sawn ka tum chu ka phu chiang ngei mai.









" U... " Kimkimin tap aw tiau in a rawn ti ve nghal. Ka u hmel erawh a chang tha tawlh tawlh viau. Eng chen chiah nge kan thu sawi a lo ngaihthlak ni.









" Tu maw I ben a? " A rawn ti deuh hrawk chu chhang lo in kan ngawi kar. Sawi lo mah i la Kimkimi biang sen deuh hlar atang chuan a hrethiam tih a lang vek.









" Lalruatpui engvang in nge a kawi zawng ringawt hian i awm a? " Ka U rawn vin thawt vang chuan kei mai pawh ni lo in Kimkimi pawh a phu ve dawr.









" Ka haw dawn " Zawi sap a tiin kal sawn ka tum chu Kimkimi min vawnna lam chiahah khan min vuan bet chawt a nih chu. Kimkimi khan a lo hmer na deuh sa nen ka kut ruh a hit nghal chuah chuah.









" Ngaidam dil rawh! " Ka u aw khauh zet chu a hma ang khan ring lo mahse a thin a rim zual tih ka chiang lutuk tlat.









" Teuh lo! " Ka ti let hlak chu ka u hmel a thinrim zual sawt.









" Hrep chuan tha tak a ka sawi lai hian dil mai rawh! " A rawn ti leh hrawk chu ka in rin hma in ka in hnit faih. Chu pawh ka ban a vawnna hi a na lutuk tlat. A mah la chuan min ti na tih hria ang pawn a awm lo.









" Eng thil nge ni a? Reuben thlah rawh a ban kha na a ti a nih kha. " U Rinzualan a rawn ti chu ka kut a vawnna en in phun hluk in a thlah ve hram.









" Angel i tha em?" U Rinzualan a rawn tih rual in ka biang a lum thla pap. Ka tawng chuan ka tap nghal mai dawn in ka hria a, ka kut a ka biang hru vat in tumah pawh be lo chuan kan awmna room atang chuan ka tlan chhuak zui nghal a. Zingah pawh khan ka lawm lo a tunah phei chuan lawm lo tak ka ni.









" Lo kal rawh ka thlah ang che! " Hospital pawn ka thleng kal mai na tur hre lo a ka ding chu ka darah U Rinzualan min rawn vuan in a rawn ti a. Ka u ka beisei na rilru chu ka duh lo tak zet bawk.









" Lo kal la! " Tih leh a motor awmna lam a min kai phei chu ka hnial ta lo. Motor chhungah thu reng chung chuan a khat tawk in ka muttui ka hru leh zeuh thin. U Rinzuala erawh in ngawi reng in motor a khalh thung.









" Khawi maw I ban kha ka lo en! " Kawng sirah motor ti ding in a rawn ti chu ka chhan let hma in ka kut a rawn la a, ka kawr ban a hlim chho lo duk deuh kulh ka hmuh rual in in sum hman lo lek in ka in sut nghal hlawp hlawp chu toh val ngaihna hre lo in min en tawp!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)