TRUTH OR DARE BY AMY CCK (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

TRUTH OR DARE BY AMY CCK (Completed)

Unread post by Ngaia » February 28th, 2021, 1:30 pm

jh4ha14t.jpg
TRUTH OR DARE 🤞 by Amy Cck





CHAPTER - 1









" Mamm... In siam vat vat ta che, u Hriatan a nghah reng tawh che saw! " Ka room a ka in siam mawlh mawlh chu ka nau chiah hian ka room a rawn lut in a rawn ti a. A ni pawh school kal tur in a in siam ve vek tawh.









" Ka hria! Ka hman tep tih min lo va hrilh sak teh! " Ti chhuak hlak in ka room corridor lam a highways dum zar chu pawh thlak ka rual nghal.









" I in siamna rei tawh tawh nen. Hman vat ang che. " Ti bui bui in ka room atang chuan a chhuak zui nghal chu ka hmui ti pawrh vak in ka in siam chhun zawm nghal. Kan unau hi pahnih niin kei hi a upa zawk ka ni a, chuan ka nau chiah mipa kha govt ah khian class 11 a zir ve bawk.









Darthlalang hmaah in en in ka hmai ka chei tha leh thuak thuak a, ka bag la in ka chhuak chu kan sofa thlang lam a mipa lo thu chu tlawn pah ti tih hian ka nuih nghal sen sen.









" I hman chuan kan kal dawn a mi? " Ka in siam rei avang a ka in thlahrung lutuk chu a hrethiam a nih ka ring sawi sel miah lo in a rawn ti a, lu bu nghat in ka sam tawn zui nghal a. U Hriatpuia chu rawn ding chhuak in min en vung vung a, mak ti zet in ka melh let ha.









" Ngati nge kha tia min en? Ka in chei dan hi a nasa mah mah a mi? " Nuam lo ti deuh chuan ka ti zawi sap. T-shirt crop var leh highways dum ka ha tawp a. Ka hmaiah makeup tlem ka bel ve hlek bawk.









" Nga.. Ngati nge? Minute 5 min lo nghak la ka hmai ka va phih leh zawk mai ang! Lalmama pawh ka in chei nasat viau chuan min hrilh ve mai tur a nia! " Ka lam rawn pan a u Hriatpuia lo hnai zel chu en in ka ti nawi nak. Makeup hmang ngai lutuk lo tih takah ka confi loh phah zawk tlat.









" Ti hian..... " Ti sup in ka hma zawn a rawn ding in ka sam tawn kha min pawh phelh sak a rual a ka ner zui nang.









" Ka hmai chu phih a ngai lo tak tak maw? " Melh chho deuh ha a ka ti chu nui chung in lu a ting ve hram a ka thaw huai.









" Afel.. In la kal na nge? E... Hriata pawh i lo awm tawh a. Vawin chu i nau hi i lo va buai pui mai a niang chu. A mah hian engmah lah hi a ti fel thei si lo! " Ka nu in chhung rawn lut chuan a rawn ti barh barh a. Ka bul a mipa ding a nuih suk rual in kei ka tum bur.









" Tehreng mai. Lalrinfeli hi chu a sawng nawi e mai , a mah a tlat fal tir phal chi a ni lo. Patea a kal tawh a mi? " Min rawn melh tel kher a a ti chu ka ngei tawk lah a tling em em.









" Ka hawrawppuiin min ko ziah suh Lalhriatpui! " Ti leh melh chho vak a lei chhuah khum ka rual chu ka hnar a rawn hmet vak a nih chu. Ka rak nghal tung leh nghal.









" Aw... I bul a mi vang khan i patea pawh office a tlai vek a nih hi! Nang ni pawh kal tawh ru. " Ka nu bawk chuan a rawn ti leh a. Kei in u Hriatpuia kut chu ben thlak hlak ka rual nghal.









" Buaina ral lian min lo zui rawh! " Tih leh kal a rual chu melh ram in ka bag ka ak a ka zui ve ta tho. Tet te atang a in hre tawh leh u ang chiah a ka en avang hian ka ngaina em em a. A ni pawn kan inah a rawn leng lut ngun a, kei ai a upat deuh avang hian high school ka kal atang khan tution min pe char char thin a. Lehkha lam ka tih mi a ni vak bawk lo nen college ka kal thleng hian min buai pui chho deuh char char bawk.









Tunah pawh kei college ka tan dawn chiah a, a ni chu a final year a ni der tawh. Pawnah a bike lo ding vung chu a bawp sei leh hrawl zet nen chuan in hmeh tak a ni. A helmet a ti tha mawlh mawlh lai chu mit tla lo lek in ka thlir ngawih ngawih a. A chhelo in lehkha a thiam thei a, an chhungkua an harsa lo bawk nen hmeichhe tan chuan ngaihzawn loh chi hi a ni lo. Kei erawh vanduai thlak tak in a nau ang in min en miau!









" Kha tah khan class lak i tum a mi? " A rawn ti sup chu harh zawk in a bike hnungah chuan ka thu ve nghal a. College lam pan chuan kan tlan chhuak zui nghal. A chhiat loh ngaihtuah hian ngaihzawng lam hi a buaipui lo viau bawk hi ka duh ruk na em em a ni leh nghal. Zanah ka tawngtainaah teri bualnu a neih loh nan ka dil ngat ngat zel a. Mahse ka duh tih erawh ka hrilh ngam chuang hauh lo.









" I class awmna tur thleng ka thlah ang che. Lunch break ah min rawn hrilh rawh aw. " Ti sup in a bike a dah fel chu ka kutah kaiin min kal pui nghal a. A lang chuan nui lo mah i la, a ruk in ka nui ver ver thung.









" Hriata i va kal pui chhe lo ve. " Sir lam a midang lo awm, min hmu tu te chuan an lo ti hlawm leh nghal. Ka hmai che a sen tawn tawn hial in ka ring.









" Ngawi mai mai ru ka nau a nih hi. Vawin atang a rawn zawm ve dawn a, lo duat viau ang cheu. " U Hriatpuian nui chung chuan a ti ve nghal sup a. A thian te ho lah chuan an awi loh thu in an la raw fiam zui hram. Keiin kan in ngaizawng ang a min chhaih khan nuam ka ti ru veng veng a u Hriatpuia ve chuan ngawi pui mai mai lo in a nau ka nih thu a sawi leh hram a. Engtikah mah a mitah hi chuan ka puitling ve pawn ka ring lo.









" Kei chu ka rin dan tawk vel. Hriata te chuan Hlutei lo te chu a duh teuh lo. Ka sawi dik lutuk a a mah pawh a khik vur vur saw. I nau kha min tih pui nghal thei! " Pakhat chuan ring leng lawng hian a rawn ti a. U Hriatpuia chuan chhang lo in a nui mai mai chu ka lawm lo ngei mai. A kut min vawn loh na lam chu vai zauh in min kal sawn pui a mahse kei chu ka kal tum bar thung.









" Nangte reuh hi ka thian te thu sawi vang khan i thinrim a mi? " Min vawnna ka pawt phelh chu min melh chhuk in a ti sup. Chhang lo chuan step ah ka chho zui nghal hlak hlak.









" Heii.... Afel! An fiamthu mai mai a ni kha. Nakinah ka bialnu i ni lo tih an hre leh vek tho ang! " Ka bul a rawn kal chuan nuih in sum zet hian a rawn ti a. Ka la tum bar tho. Ka tum bar chhan lah chu a hre dik lo em em mai leh nghal.









" Tu nge Hlutei chu ni reng reng a? " A lam hawi a ka ti hmak chu hmui ti sawi zauh in min melh a. A bialnu a nih thu a sawi ang tih ka hlau lutuk a ka thin a phu det det thung.









" Nakinah i la hre ve mai ang! " Ti sup in ka kutah bawk a rawn vuan a min kal pui leh nghal chu ka lawm lo leh zual ngawih ngawih.









Nileng a class han kal takah chuan thian pawh ka chhar thar ve a. U Hriatpuian lunch break ah erawh ka phone hmasak ngai lo in class zawh ve leh min rawn hruai nghal. A ni chu a lo tlang bel tawh in kan college SU vice lai a lo ni bawk a, hre tu a ngah viau. A thianten Hlutei an tih pawh chu 3rd semester a mi, college miss ni lai mek a lo ni bawk a. Hre ngai lo mah i la ka thik em em ringawt leh nghal.









" Mamm lo tho tawh rawh ka pa pawh a lo haw tawh a nia. " Ka muhil lai chu ka nau in min rawn sawi harh in a rawn ti a. Zi mar talh talh in ka thu chhuak a. A lo tlai tawh viau leh nghal.









" Mambawih college chu a nuam em? Kar khat chu i kal ve tawh a engmah i sawi ngai si lo. " Ka pa in chawi ei lai in min zawt a. A nawm thu in ka chhang ve mai a. Mahse u Hriatpuia luh naah kher ka lo lut ve erawh a pawi ka ti in ka in chhir ru ngawih ngawih.









Ka ngaih danah chuan u Hriatpuia bulah ka luh chuan ni tin a hmel ka hmu thei a nga, a mah ka hnaih thei phah sawt dawn in ka hria a, ka tleirawl chhuah tirh atang a ka mipa duh ruk ve em em ka hnaih a ka hriat chian leh zualna tur ah ka ngai a mahse ka lo ring sual a ni.









College ah thian tam tak a nei tih ka hmu a, chung zingah chuan hmeichhia te pawh an tel bawk. U Hriatpuia lakah ka pawi mawh bik ang a ka lo in ngaihna zawng zawng te kha ka rilru ka lo kal pui nasat vang a ni tih ka hre chhuak a. U Hriatpuia tan chuan an thenawm mai a mi, a nau tution a lo pek thin, hmelhriat satliah chiah ka ni tih ka in hre chhuak a.









A hreawm tawk chiah in a che tla lai ka hmu thin bawk nen. Zingah pawh kan kal dun aiin a hrang a kan kal a tam zawk a. A ni chu college ah din hmun pawi mawh tak a chelh avang in kan in hmu hman meuh lo. Tlaiah lah class in ang lo kan ni bawk a kan haw rual thei chuang lo.









A bike ah hmeichhe dang a phur ka hmuh te hian ka awm hmunah ka thin a lo rim ve em em a mahse engmah ka ti thei si lo. Ka thinrimna tak ngial pawh ka ti lang ngam lo. Thinrim ngam tur in in zawmna kan nei lo a a tan engmah ka ni lo bawk nen.









Class te kan kal chho ve mawp mawp a. College pawh nuam ka ti ve tan a. Kan thian ho pawh in kawm bik panga kan awm a. Tumah midang hi kan ngai lo, kan awm khawm tawh chuan kan nui reng a tih theih ang. Tunlai bik phei chu college week a hnai a in puah chah na avang in class kan la tha lo bawk nen class chhungah kan bengchheng in kan nin hlei hlawm viau.









" Afeli... I ni em? " Kan seatah thu in nidang ang bawk a kan ti ti chu kan zawnah mipa pakhat hi rawn ding in a rawn ti a. Kan zavai mai chuan kan en deuh thap. Ka chhan mai loh avang chuan lai hmel deuh hian a tukhum sam a tuai ta ringawt.









" Chhang ta che! " Ka thiannu in ka nak a min rawn nghawk in a ti chu chil lem kalh in lu ka bu nghat.









" Ka be lawk duh che a, i buai loh chuan! " Chupa chuan a rawn ti leh a. In thlahrun hmel pu reng chung chuan mawi zet hian a rawn nui a nih chu. Mipa chhe zawk zawk a ni lo bawk nen a hmel pawh chu tha pangai tak a ni. Hang lam ai chuan ngo lam a pawl mah zawk bawk.









" Buai... Buai lo e! " Ka ti ve mai a, pawn lamah kan in zui chhuak ta nge nge. Enge a sawi duh lah chu ka ngaihtuah thiam hauh lo leh nghal. Kan class corridor kil lam cooler bulah chuan kan ding a . A lam hawiin mit ka san khum ak chu a rawn nui sak.









" Henry ka nia, min hre lo mai thei a mahse kei chuan class kan luh hmasa ber atang khan ka hre tawh che a. " A rawn ti chu ka hau in ka en tawp. Kan thian ho a kan hlim tawk lutuk hi midang hriat vak pawh kan nei lo tak tak a. Hepa pawh hi kan class ah a thu ve thin tih pawh ka hre lo.









" Ka rawn text thin che a min chhang duh ngai si lo a. Chuvang chuan a nia biak che ka duh. " A mah bawk chuan a rawn ti leh a. Ka hmel hriat ngai loh text ka chhan ngai loh avang in a text pawh ka chhang lo a nih ka ring nghal mai a.







" Ka no hriat loh hi ka reply ngai lo a, chuvang a niang! " Ti zawi sap in ka nui lui sak.









" A nih chuan min hre tawh a min be ve thin tawh la! " Mawi zet a nui chung chuan a rawn ti a. A ruk tak chuan ka zak bawk si ka lai deuh bawk si tih ngaihna vak ka hre bik lo.









" Afel... Rawn lut ru SU te an lo kal a nia . " Kan thhiannu pakhat chuan kawngka a rawn dak in a rawn ti a. Bu nghat a kal ka tum chu ka banah min rawn vuan nghal chawt. Henry lam chu hawiin " I lut ve dawn lo a mi? " Ka ti nghal ha bawk.









" Min chhang ve phawt la. " A rawn tih takah chuan nui chhuak hak in lu ka bu ta nghat. Ka kut chu thlah in class ah chuan kan in zui lut a. Midang ho chu an thutnaah an lo thu thap a . An hmaah kan SU ho an lo ding thup bawk. U Hriatpuia pawh a lo ding ve run a. Vice tih takah an zingah chuan a lang sar deuh vuah a. Chhiat loh hi chu a chhe lo ve thlawt. Ka thiante pawn an star thu an sawi an sawi a, kei pawn ka duh ve reng a mahse ka tan sawi ve a rem chiah lo thung.









College miss thlanna a tel tur an rawn zawng a. Ka thian te tawng duh zarah ka pian leh hmel in a lo zir ve deuh bawk nen min theh chhuak ve ringawt a. Ka hnial ve tang tang a mahse engmah hlauhawm leh harsa a awm lo an ti tlat bawk nen thlan chhuah zingah chuan ka ding ve ta ngawt a. Mister tur pawh mahni in pe tawp kan class mipaah an awm loh avang in mipa zawng zawng an din tir a , a awm ang deuh a an hriat chuan a chhuah tir zel a. Henry pawh a tel ve a. Han in hriat tak ah chuan kan class mipaah chuan a zia awm ber pawl a lo ni.





*





Hun a kal zelah Henry nen pawh kan in be ve ta ziah a, miss leh mister ah kan tel ve ve dawn avang chuan kan thil tihnaah pawh kan in zui deuh chawt a. A chhang in class kal dawnah min rawn lam a, tlaiah min thlah haw leh thlap thin bawk. U Hriatpuia lah sport ve buaipui leh practice pui a ngaih avang in kan in hmu ngai ta meuh lo a. Ka tan erawh a mah duh tawh lo na chance tha tak a ni bawk. Henry lah in min rawn be awl lo a, kei pawh in ka ngaina tan viau a mahse a mah aia vei leh ka rilru la peng tu a awm tlat hi ka in hrethiam thei lo.









Henry nen kan in text lai reng a u Hriatpuian min rawn biak changte chuan tu dang mah ka hre chang tawh ngai lo. Henry theihnghilh thak in u Hriatpuia ka lo be leh thin a. Henry pawh a lawm lo ve lek lek thin a mahse in ngaihzawng kan la nih chiah loh vang in a thinrim viau ngam lo tih ka hre ve reng a mahse in ngaizawng tur chuan kan la in hre rei lo ka tih avang in ka la hnawl ve zel thung.









Week kan tan a, hall hnung lamah chuan college miss a tel tur ho chu kan phu sa sap sap a. Kei pawh chu min tawiawm tur in ka thiante an awm ve bawk. Ka vannei nge ka kum rual puiah chuan ka lang sar ve vah bawk nen 1st round ah chuan ka tling ve phawt a. College student ho hma a kekawr bul leh pheikhawk sang nen a han kal kual vel chu a zam awm ve duh viau leh nghal.









A bik tak in a hma lamah chuan kan SU te an thu ve thap a. U Hriatpuia hmel leh mit meng tak ngur kha vawi khat bak ka en ngam lo. Zam ve tawh sa nen min ti zam leh zual miau a. A bulah miss dinhmun luah lai mek Hlutei kha a thu ve reng bawk a. An in zui nasa tih midang ka atang pawn ka hre zawm ve zel bawk nen neih theih loh tur duh tlat chu mahni in hremna a ni chiang lutuk ringawt.









Kan ti chho ve mawp mawp a. Ka vanneih a zarah ka la tling chho ve zel a, Henry pawh a la tling zel a. Hmeichhe ho lah chuan an duh rawn hlawm em em mai leh nghal. Mister tur la thlang chiah lo mahse Henry a a nih an ring vek a, kei pawn a nih ka ring nghet tlat.











Round tawp lam kan thleng dawn chu panga chiah kan awm tawh a. Inchei pawh a hautak duh phian a. Ka thiante ho lah chu kei mah aiin an tang zawk emaw tih tur in an awm a. Kawr fual senduk, mal thleng rawk a kak chu ka ha a, ban a nei bawk si lo leh ka sam min bawk sak vek avang chuan ruak riau in ka in hria a ni chu. Mahse ka thiante leh min cheitu ber in ka in hmeh an ti bawk nen ka sawi sel ngam bik lo.









" Wow... I chhelo tih chu ka hria a mahse heti khawp hian i chhelo tih ka lo hre lo. " Darthlalang hmaah Henry rawn ding in a ti a, lei ka chhuah khum ta ngawt.









" Nang pawh mi zawng zawng in mister i nih kan ring vek tawh a nia. " Ka ti let sap chu a nui suk.









" Miss i ni dawn sia, i kawppui ka nih theih nan ka tang a lawm. " Fiamthu ti tak deuh a a rawn ti chuan ka ner nang.









" Ka tum pui te an chhelo hlawm lutuk a tun bak chu ka thlen pawh ka ring tawh lo! " Ka ti tha ve mai chu ngeiawm zet in a ner suk.









" Ka hmuh dan chuan i la tha ber tho! " A rawn ti leh a, ka nui ta tawp.









" Thil zawh che ka duh a? " A rawn ti rual chuan ka kawr fual siam rem mawlh mawlh in ka melh zawk a. A fiamthu hmel zawng zawng kha a lo awm tawh lo. A mit meng chu a fiah in a thu tak em em mai leh nghal.









" Min zawt la? " In siam rem in ka ti chhuak halh.









" Bul tan ve tawh ang! Tun a ka sawi chhan pawh naktuk atang chuan ka chang tawh dawn lo a hriatna che ka nei tlat. Min la hre chiang lo i tih pawn min hre chho ve zel thei tho a... " A rawn ti chu chhan mai ngaihna ka hre lo. Thla khat tha chu kan in kawm ve tawh der a, min nghak rei ve tawh viau mahse. .. Mahse hi a awm leh thin.









" Henry.... Eng lo a nia.... " Ka ti zuai raih. Mahse engmah ka sawi hma in min rawn chhang leh nghal.







" Tunah chuan min chhang nghal suh. Nakinah... Kan ban hun ah min hrilh chauh rawh! " Ti leh nui lui suk in kal sawn a rual a.









" Lalrinfel min ti hah lutuk, ka zawng char char che a Vice in a zawng che a nia! " Ka thiannu chuan ka bul a rawn thlen rual in a ti chhuak hliai.









" U Hriatpuian maw? " Ka ti let ha chu lu a bu nghat nghat. Hmuh tur a kal sawn ka tum chu u Hriatpuia zawk chu kan bulah a rawn thleng ve nghal a. Ka hmuh rual in min zawn leh zawn loh ka zawt nghal vat.









" I thawmhnaw chu i in hmeh hle mai! " Nui suk chuan a rawn ti a, ka nui ve sak. Midang zawng zawng in hmeh min tih aiin a tawngkam pakhat lek kha ka confi pui daih zawk chu mak ka in ti hial.









" Programme zawh ah hian lo haw rih suh aw! Thil hrilh tur che ka nei a nia. " A rawn ti chu hrethiam lo zet in ka melh a , a mit meng chu ka hrethiam lo mahse engmah sawi belh tum hmel a pu lo. Programme kan tan leh tawh avang chuan kan buai leh nak nak a. Function pawh chu kan zo ve thei hram a. Result an puang chiah chu ka rin phak bak a ni. Point ka lo hmu sang ber a, college miss ka rin loh deuh in ka ni chu ka lawm nge lawm lo pawh ka hre lo, min thawng ti bak sawi ngaihna ka hre lo.









Henry pawh mister ah an thlang tak tak a, hmeichhe hoah a tla na bawk a, thawm pawh a tha khawp leh nghal. Ban a hun tawh avang in u Hriatpuia te chu hall lamah roll call in an buai a, back stage ah ka lo nghak thung. Midang tumah pawh an awm tawh lem lo bawk nen. Vawin pheikhawk sang ka bun nasat lut vang a ka chawn kham chu ka hmet neuh neuh bawk.









" Miss i nih hun chuan min theihnghilh ang ka ti kha! " Rawn ti tu vang chuan ka hawi sawn vat a. Henry chu ka lam pan in a rawn kal zui nghal.









" Nang pawh mister dinhmun i luah ang ka tih reng kha! " Melh ralh a ka ti chu ka nui ve suk.











" Gate bulah ka nghak char char che a, i thianten i la rawn chhuah loh thu an sawi a! " Ti sup in ka bulah a rawn thu thla a. Chhan mai ngaihna ka hre lo. Chu tih rual in ka in thiam lo bawk. Tlaiah min thlah haw tur thu a sawi tak, mahse u Hriatpuia sawi chiah kha ka lo hre leh tawh a nih chu.









" Tihpalh ! " Ka ti ta ngawt.









" Ka hre thiam hram ang che! Tunah chuan ka zawhna chhanna kha ka hre duh tawh a nia! " A ti chu a hmel pawh ka en tha ngam lo.









" Eng zawhna maw? " Hre lo der in ka ti ha a. Ka hre lo tak tak emaw a ti a niang a hmel a nur nghal nang.









" Ka duh che ka tih kha! Tun hnai atang mai pawh ni lo in college kan tan tirh atang tawh khan ka duh tawh che tih pawh i hriat kha! " A rawn ti a. A mit meng chuan ka chhanna a nghak tih ka hre bawk.









" U Hriatpui! " Kawngka bul a mipa lo ding ka hmuh rual in ding vat in ka ti nghal sap!





❤❤❤ZOTHANTLUANGA ka zawm thei rih dawn lo a maw u. Zing ka thawh hlim hian lu na ka nei leh tan tawh a. Zan ka men rei leh phone ka bih nasat hian a rawn chhuak leh thin a. Ka dam deuh hian in dim lo lutuk hian ka lo ti leh vak thin a. Tun hnai te hi zing ka thawh hian meng hlei thei lo khawp hian a rawn na leh tan a. Chuvang chuan chawlh ka la tawp dawn tih kha min lo hriat sak dawn nia.



Story dang a I rawn dah tho a lawm te kha in lo ti mai mai a nge. He story hi chu nikum a ka ziah tawh a ni a, a thing ka rawn her lum a ni tih in lo hre dawn nia❤❤❤

👇👇A hnuaia ads khu min lo click sa ve hrawm dawn nia, khawngaihin 💚💚



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 1:30 pm

TRUTH OR DARE 🤞 by Amy Cck





CHAPTER - 2





" I la haw lo a! " Ti sup tu chu ka en vat a. A mit meng tak ngur chu a chauh vang a nih ka ring. Chuan a sawi dan atang khan a mah in lo la haw lo tur in min ti a ni tih pawh a hre tawh lo a nih ka ring chu ka lawm lo in ka rilru a rawn na nghal ngawih ngawih.





" Thil min hrilh tur i neih vang in lo nghak tur che in min ti sia! " Ka lawm lohna thup in ka ti chhuak sap a. A hmel en a dak chho vah chung chuan ka nui lui sak bawk.





" Oh... Sorry, ka buai lutuk a ka lo hre tawh lo! " A rawn ti sup chu ka in seh ruh vak. Keiin chauh leh hah pawh ngaihtuah lo in ka lo nghak char char a min theihnghilh bik chuan min ngaih pawimawh tawk loh zia min hriat tir miau a, ka nui lui thei tawh bik lo.





" A nih chuan.. . " Ka ti hman tawh chu hmeichhe aw hian u Hriatpuia chu a rawn ko vak a, chu mi rual in Hlutei kha a rawn lang nghal zat a, ka sawi tur pawh ka sawi chhun zawm ta lo.





" Student dang ho an haw vek tawh a. I thianten min la nghak! " U Hriatpuia bul a ding chuan a rawn ti z*ng khai vah a. Kei erawh in hum ruh ngawt ngawt in ka ding thung.





" Ehee... Afeli leh Henry chu in la awm a? Ka lawm pui lutuk cheu a nia. In in hmeh duh bawk si. In awm tlai tawh tho bawk a lo kal ve daih u la, SU thenkhat te nen chaw kan ei khawm nghal dawn a! " Kan lam rawn hawi in Hlutei chuan nui sang in a rawn ti a, za lo zet in ka nui ve sak.





" SU pawh kan ni ve si lo a, ti rih lo mai ang! " Henry an a rawn ti ve nghal sup.





" A ho lutuk. Kei pawh ka nih bik loh hi! " Hlutein a rawn ti zui leh vat.





" Nimin a kan sawi kha i la hria ti raw? " Tih zui zat in u Hriatpuia a melh chho chu then suk in lu a bu nghut. Kei erawh ka thin a rim ngawih ngawih thung.





" Afeli thlah va thlah hmasa phawt ang. Henry nen hian lo va in zui mai u la! " A tawpah chuan u Hriatpuia chu a rawn tawng chhuak ve hram. A thu sawi vang chuan in seh ruh teuh chung in ka melh nghal ram.





" Thlah ka ngai lo. Kei mah in ka haw mai ang! " Ka ti kha fak. Min hre chang tawh hauh lo in an thian ho chaw ei khawm an lo tum a. An chaw ei khawm tum chu ka lawm loh pui lam ni lo in engtin nge nichin lawk a ka bul a a thu sawi a theihnghilh a, nimin a mi daih a la hriat reng theih! Chiang tak in min ngai pawimawh ve lo tih a ti lang chiang nghal reng.





" Ni tak.. . Afeli hi i nau a ni i ti raw? Vawin ah pawh ka duat viau a nia. Chuvang chuan min duat let ve hle a ngai ang! " Hlutein nui sang in a rawn ti zui nghal chu ' a nau ka ni hrep lo ! ' ti chhuah vak mai ka duh a mahse ka in sum leh hram .





" Afeli chu keiman ka va thlah mai ang! In pahnih khan kal ru. Min sawm ve avang ringawt pawh khan a lawmawm lutuk. " Henry chuan a rawn ti a. Ka tawng dan atang khan ka lawm vak lo tih an pathum hian an hriat ngei pawh ka ring mahse pawi tihna ka nei lo.





" A tha lawm. I lo va thlah theih chuan a lawmawm ngawt ang! Kei ni pawh kal i la? " U Hriatpuia chuan rawn ti sup in Hlutei chu a meh nghal ngur a. A awm dan vang chuan tah vak ka chak tak zet. Ka in ngaih ang in min lo ngai pawimawh ve vak lo tih chu ka hre tawh a mahse heti em em hian a nunah ka lo pawimawh lo tih erawh tunah hian ka hre chiah.





" Kal ang! Gate min kalh khum hma in! " Henry chuan a rawn ti a, ka harh chhuak ve chiah. U Hriatpuia te pawh an lo awm tawh lo. Henry nen chiah kan lo ding reng tawh chu hrilhhai leh rilru na zet in lu ka bu nghat.





Hall atang a kan chhuak chu ruah a lo tla seng seng a. Henry an vawt ka tih hlau in a jacket min hak tir a. Kan in phur chhuak zui nghal. Ka mittui rawn far leh fap thin chu Henry an min hmuh hlau in a ruk in ka hru leh zeuh thin. Kum 5 meuh ka mipa lo duh ruk ve thin in min lo ngai pawimawh ve miah lo tih tunah ka hre ve chiah a. Tah chhuah vak ka chak lutuk chu ka hrawkah te min rawn hnawh ut ut hial.





" In ha lum nghal rawh a I damlo a nge? Ka lo lut lo mai ang i chauh hmel e mai, mut hah dam i duh ka ring! " Kan in kawt a ding in Henry chuan a ti sup a. Bu nghat in a jacket ka hak chu ka phelh nghal zat.





" Ihh.. . I thil min zawh kha! " Henry a melh chuan ka ti sap. Mahse a mit meng a ka en rual in sawi thei lo ka nui lui nghal sak.





" A ngai leh lo mai! " Ti leh in her ka rual nghal. Ka hnawl thu sawi ka duh a mahse ka sawi thei ngang lo. Ka chungah a tha em em a, a rilru tih nat sak ka duh lo. Tun a ka rawn ang rawn tawng ve tur hian ka duh hek lo. Hrilh hai zet in min thlir reng tih pawh ka hria a mahse tunah rih chuan ka lak tlak loh tak zet.





In ka luh rual in ka nu in min lo be vat a. Ka huh hnawm chap vang in ka tap tih pawh an hre kher lo ang. Chaw ka ei peih loh thu sawiin ka room ah ka lut tlang nghal a. Ka thawmhnaw chu thlak sawk sawk in khumah ka mu nghal hmak.





" Ngati nge i sual tak em em? " Ti chhuak tiau in ka mittui chu ka bekah a luang chhuak ngiai ngiai a. Ka puan sin chu pawt tawm in ka hmui ka hup bet ngawt ngawt bawk. A hma pawh khan a nau ka nih thu a sawi ziah a mahse ka tuar dam thei mai zel. A chhan pawh a nau ang tal in min la ngaisak niin ka hria a ka lawm famkim vek chu ka ti lo mahse min ngaihsakna tal a la nei khan ka hria a , kha kha ka hlim pui ber.





Mahse vawin khan a lakah ka lo pawimawh tawk loh zia ka hria a. Tlem te pawn min ngaihtuah ve lo tih ka hre thar a, a mah chiah mipaah ka duh awm chhun a nih avang in min ti na tak zet.



*

Ka thaw sa hal huam huam vang chuan ka muhil lai ka thu chhuak hlawl a. Ka lo thlan vek leh nghal. Ka chal ka khawih rual in ka pang a sa tih ka hre chawp chilh nghal. Ka phone ka hmeh en rual in miss call tam zet a lo awm a. Chu pawh Henry a vek.





Dar 9 a lo pelh tawh leh nghal chu mu rei in ti zet in ka ner sak. Tlai chaw ka ei lo bawk nen ka pum a rawn ri rawih rawih a, damdawi ei ka duh bawk avang chuan peih lo zet in ka tho chhuak nghal.





" Nu.. . Ka pang a sa a nia damdawi min lo lak! " Ka room atang a chhuak in ka ti chhuak halh. Sofa a ka pa lekha lo chhiar lai chu a mah di chet in ka thu a, a darah ka lu ka nghat nghal zat.





" I damlo tak a nih hi. Damdawi ei la chaw te ei la i harh sawt mai ang! " Ka pa kut lian leh lum thur thur chuan ka chal rawn khawih in a ti sup a. Kei erawh pangchang zet in ka thu tum bar. Ka damlo khat bawk a, na ho te pawh ka neih hi chuan ka tuar hi kei pawh hian a zuau tih ve mah mah chang ka ngah. Mahse a nuam ka ti em em thung.





Unau pahnih chauh niin fanu mal ka ni a, min hau ve reng mahse min duat tih hi ka hre chiang miau a. Ka nau thleng hian chhungkua a naupang ber ang hian min en ka ti lo thei lo. Ka dam dawi ei in min chhawk deuh hnu chuan ka nu in chaw ei tur min siam a. Damlo e ti loh chuan ka tawng duh barh barh viau leh nghal.





" O Mami chu a khua a sik a mi a va phuan nasa berh berh ve! " Ka nau a room atang a rawn chhuak in a rawn ti a. Dawhkan a ka chaw ei lai chu ka fian ken in ka tin nghal ar.





" Ve lutuk che hian in! Mi hi engah mah in ngai lo vel ah college pumah chhelo berah min thlang a sin. Vawin a college miss ah min thlang a nih chu. I u hi ka lo chhelo em a vannei in ti hle rawh! " Melh rawm a ka ti chu an awi lo nge min en ka ho hlawm a nih chu. Ka lawm man dawn awmna mama ka hrilh a, an hmuh takah chuan min ring ve hram.





" I lo lian thawn bik lo a nih hi. Nge ni a, a hmeltha ho an tel duh vang in i vannei zawk? " Lalmaman a rawn ti chu ner nang in ka hawi sawn hmak. Kawngka rawn ri zui rak lam ka hawi chu ka chaw ei lai ka tawp nghal chawt. U Hriatpuia a rawn lang nghal hlawl a nih chu!





Ka nu te thutna lamah a kal zui nghal a. Tun ang ruah sur lai in enge a rawn tih dawn tih ka ngaihtuah nghal zat. Chaw ka ei zawh chuan an bulah ka thu thla ve nghal a. Ka nu te nen chuan Mama tuition pek chung chang vel an sawi a. Kei erawh ka phone hmet in Henry ka text char char thung. U Hriatpuia lam ka hawi a piang in min lo melh ve ziah chu ka hawi sawn leh nghal vat zel.





U Hriatpuia phone chu a rawn ri a be tur a a kal sawn rual in Maman min hau nghal. Nidangah u Hriatpuia a lo len chuan a tawng duh ber ka ni thin a, zan in erawh ka la tawng miah lo chu mak min tih thu an sawi a. Ka mutthilh lai pawh in a lo kal tawh thu a sawi nghal zat chu ka ner zui nang.





Ka damloh chhuan lam in ka room ah ka lut zui hmak a. Henry hnenah mut hahdam ka duh thu ka sawi zui nghal a. Ka na viau emaw tiin ka mut hma chuan min rawn call leh hram a. Ka rilru chuan min ngaihtuah ve miah lo tu rilru a dah tlat lo hian Henry hi duh ve mai tur in min tur a mahse midang duh nei chung a chutiang a awm chu tha a ti chiah bawk si lo. A tawpah chuan eng pawh thleng se u Hriatpuia bulah ka duh thu hrilh ka rilruk ta tawp!



*



College week kan zo a. Henry a pawh tlang tak in ka rilru ka hrilh a, vanneih thlak tak in thian ang a awm a duh hlauh zawk a. Min haw lo hlauh a ka thawveng hawk. U Hriatpuia erawh ka duh thu hrilh ka tumna a rei tawh a mahse ka sawi chhuak thei tlat thin lo chu a tawpah sawi lohah bawk ka tlak leh thin.





Vawin chu weekend a nih bakah u Hriatpuia pa, a hna a kai san lawmna an inah chaw kan ei khawm dawn a. Kan in hnaih bawk nen ei rawng bawl pui tur in ka kal a, midang ho pawh an lo awm ve nual tawh.





Tleirawl rual ho chu ei rawng bawl pah in kan ti ti mai maIna, in hresa pawh kan ni chuang lo , a then erawh veng khatah kan awm avang in ka hre ve nual mahse thalai awm khawm na na na chu kan in ngaina vat thung. U Hriatpuia erawh a hmel ka la hmu miah lo.





" Lo kal ru game khel ang u! " U Hriatpuia cousin pakhat chuan cola bottle ruak dawhkan a vaw ri chung chuan a rawn ti lang lang a. Phur zet chuan kan thu bial ta thap.





" TRUTH Or DARE aw! Tumah a lak lawh a ban awi loh. Fair lo deuh a che chuan thleng an sil vek ang! " Ti zui zat in bottle chu dawhkan lai takah a tuai vir nghal zat. Kan nuih dar dar lai chuan kawpuiah rawn lut te vang chuan ka nui tawp riai riai.







" U Hriatpui. . U Hlute lo tel ve ru! " Kan zing a mi pakhat chuan a ti nghal lang lang a. Phur zet in Hlutei chuan U Hriatpuia banah kai in kan awmna lamah chuan a rawn kal pui a. Kei erawh thik na hlir in ka khat thung. Midang ho pawh chuan Hlutei chu an lo hre tha hlawm viau leh nghal.





Hlutei chuan min nel zet in min rawn be nghal vat a. U Hriatpuia pawn min nuih ve suk pah in ka lo awm ve chu a lawmthu a sawi sup a. Bottle chu an tuai vir leh a Hlutei a kawk nghal chat, kut beng dar dar in pakhat chuan " Truth or Dare " A rawn ti zui vat.





" Dare! " A tih avang chuan a then chu an ner nang a, a then in kut an beng bawk.





" Kan zing a I duh ber mipa hi kiss rawh! " An ti ta mai chu ka thin phu an chawl duk mai in ka hria. Pakhat chuan chutiang chu in tih tir lo i la a rawn ti vat a mahse engmah rules a awm lo an ti ve tlat leh nghal.





Hlutei chu kan en thap a, a bik in kei phei chuan ka en chik leh zual. Ka hlauh ang ngeiin u Hriatpuia chu a thut hnaih salh a, a hnaih tial tial tak ah chuan en ngam lo in mit ka chhing ta tawp.





" Fair lo ve, hmuiah lo te chuan! " Mipa aw in a tih rual in ka meng chhuak a ka thaw nghal hak. A biangah tal a fawpah ka hahdam huai. Bottle chu an tuai vir leh a keimah min rawn kawk ve ta thung. Kut chu an beng ve nghal dar dar.





Truth or dare an tih chuan dare ka thlan chuan khatiang kha min tih tir ve ka hlau a, hetiang game mai mai vang a ka first kiss hlauh ka duh loh avang chuan truth ka thlang ta thung. An zing a min hre ve ber tu chuan zawhna min zawh lo hlau in kut a rawn phar vah. Ka nau nen an in kawm ve thin leh nghal.





" In college mipaah tu nge i duh ber ? " A rawn ti ta mai. Chhan mai dan tur hre lo in ka ngawi vang vang a. Midang ho lah chuan min em thap. U Hriatpuia ka va melh chu chiangzet in min lo melh ve ngur. A mah hi ka duh ber a mahse ka sawi chhuak ngam teuh lo. A mah chauh pawh ka hrilh ngam loh laiin heti zo zai hma a sawi chu ka ngam lo a ni tawp.





" Lawk in.. . Kha chu a harh deuh a niang. A zak ve thei a u Hriatpuia leh u Hlutei an awm ve bawk sia an lo hre ve vek dawn a sin. A hming bul horawp pakhat chiah sawi mai rawh se! " Pakhat chuan a rawn ti hlauh.





Ka sawi mai loh avang chuan 5 atang in number an count a. An count zawh hma A ka saai loh chuan thleng zawng zawng ka sil A ngai dawn. Mi an tam viau leh nghal.





" 4....3.......2......"





" H.. . .. . h" Ka ti ta tawp chu an nui chhuak hak hak. Bottle chu an tuai vir leh a, midang ho pawh chuan an ti ve zel a, a tawpah u Hriatpuia hun a ni ve ta chiah. Ka rin ang chiah in truth a thlang ve bawk.





" Kan zingah hian duh deuh i nei ti raw? " Pakhat chu a rawn ti vat. Midang ho chuan a zawhna ho an tih vang in an lo hau zui nghal .





" Nei e! " Nui suk a a rawn ti chu an khek nghal tung. Kan vai mai chuan Hlutei a ni tih kan ngaihbel thum a mahse an zing a chuan kei mah chiah hi Hlutei nen ngaihbel vang a hlim lo awm chhun ka nih ka ring. Bottle chu an her kual leh a, u Hriatpuia hmaah bawk a ding leh chawt. Truth a thlan tawh miau avang in dare a ngai tawh bawk chu an phur tlang ngang mai.





" Kan game a tel zingah i duh ber hi a hmuiah I fawp tur a ni. Biang a in kiss te chu a ho lutuk! " Mipa pakhat hian a rawn ti a. Kan vai mai chuan kan en thap a. Tu pawh mai chuan Hlutei a nih kan ring vek. Kei tak ngial pawn thik ru viau mah i la a ma nau te a fawp a nih ngawt lo chuan kei leh Hlutei chiah kan bang miau. Chiang tak in kei erawh ka ni dawn lo tih sawi chhuak kher lo mahse kan rin hriat vek!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 1:31 pm

TRUTH OR DARE 🤞 by Amy Cck







CHAPTER - 3







U Hruatpuia chu nuih za hmel pu deuh hian a ding deuh thurh a. Midang ho lah chuan a ngam dawn em tih buai in an lo buai thung. Hlutei lam chu hawiin chair ban a in nem khalh chuan Hlutei hmai zawn velah chuan a kun hniam nghal hrut a, tu pawh mai chuan hmuhnawm kan ti tih a hriat. Kan thawm a reh nghal vek miau.







Rei lo te hnuah chuan an vai chuan kut an beng dar dar a, kei erawh ka thut hmunah ka lo tang tung thung. U Hriatpuia chu ding khawng deuh luah in a kut chuan a hmui a tuai nghal zeuh a. Ka mittui a tla mai dawn a ka hriat avang chuan mit pawh ka khap ngam tawh lo.







Rei pawh a fawp miah lo, a dai zeuh ringawt a nih kha. Mahse ka tan chuan hmuh a hreawm dan a ngai reng miau si. Dawhkan hnuaiah chuan a ruk in ka kut ka hum ruh ngawt ngawt ringawt a, chubak tih theih ka nei lo.







Rei vak lo ah chuan u Hriatpuia nu a rawn lut a, a tlai chhiat hma a chaw ei a rawn rawt a, kan tho ve sang sang a. Kei erawh ka ka rilru a hnual rawi a, ka che te chu ka ti ve mai mai a ber. A khat tawk in kan piah lam a mi pahnih in nel tak a in bia a, nui leh hak hak thin te chu ka melh leh zeuh thin.







Engmah tih ka phur loh avang chuan chhuan lam siam in hma zetah kan inah ka haw ta daih a. Dik tak chuan midang ho in a u Hriatpuia leh Hlutei chung chang an sawi a , an in hmeh zia an sawi te kha hriat hre awm ka ti vang a haw hma ka ni mah ang chu.







Ka room ah tawm tlat in a khat tawk in ka mittui chu ka hru leh zeuh thin. Mipa ler lo tak ang a ka lo ngaih chhan pawh hmeichhe kawp ngheh a lo neih vang a ni tih ka hre chhuak a, duh lo viau mah I la ka mit ngeiin a hmuh avang in ka ring lo thei ngawt si lo.







Zan dar 8 velah Maman in leng ka neih thu rawn sawiin min rawn ko a. Ka tah avang a ka hmel bui deuh lak chu mak ti deuh in min thlek ve ha a, mahse zawhna erawh min zawt lo.







" Nang maw? " Sitting room a ka luh rual in Henry a ka hmuh deuh thut vang chuan ka ti haw. Kan in kawm ve nasa viau tawh a mahse pangai tak hian kan inah a la rawn leng ngai lo ti I la ka sawi sual lo ang. Class kal tur min rawn sawm emaw min thlah pawh in kan in chhung ah a rawn lut ngai lo, pawn atang in kan in ko a kan in mangtha mai zel kha a nia.







" I damlo a mi? " A bul a ka thu thla chu min ngaihtuah zet in a lo ti vat a, nui lui sak in lu ka thing vat. Mama bulah ka nu leh pa te awmna ka zawt a, ka pu vawin lamah a in entir a, chumi result ngai chang a an len thu in min chhang mai a. Rei lo teah a room ah a lut zui ta daih a, Henry nen chuan kan ti ti mai mai a, kawngka lam ah thawm a awm avang chuan ka nu te an nih ring in ka tho nghal thuai a, mahse kawngka ka hawn rual a ka mi hmuh vang chuan ka ang nghal phiau.







" Ka lo lut thei em? " U Hriatpuia chuan nuih za hmel pu deuh in a rawn ti a, chhang lo chuan a rawn luh nan ka tawlh sawn nghal zeuh ringawt. A hnungah chuan ka zui lut a, engvang in nge bialnu nei reng chung hian a rawn len luh ziah tih ka ngaihtuah hman hmawh. A chhan pawh kei hian theihnghilh ka duh a, ka duhna te hi tih tawp a ka ngaihtuah na atang a paih chhuah ka duh laiin hetia a rawn lan reng chuan ka tan a harsa in ka theihnghilh theih ka ring lo a ni.







Ka kal lai chu ka hma a mipa kal a din deuh chut avang in ka ngaihtuah na ka lo kawm nasa bawk nen a hnungah chuan ka su deuh chawrh a, ka rak that.







" Enge ni? " Ka tih rual in u Hriatpuia melhna lam ka hawi chu Henrya a hmuh vang a nih ka ring thiam chiah.







" Khawnge I nu leh pa? " A rawn ti deuh hmuk chu chhang ta mai lo chuan ka melh haw a, a mit a rawn kan uk takah chuan in siam tha vat in kan kal na ka sawi a, Mama chu a room ah a awm thu ka hrilh zui nghal bawk.







" Mama a zirlai rawn hrilh tur in ka rawn kal a! " A tih chuan za lo zet in ka then sak.







" A ni maw? A room ah va lut ve nghal mai rawh! " Pangai tak chuan ka ti a. Mahse Kei mah vang a rawn leng a nih loh avang chuan ka lung a lo awi lo ve ringawt a nih chu. Vawin a ka thil hmuh ngaihtuah chuan ka thil beisei chu thil tul lo tak a ni tih ka hre chawp chilh nghal a, a ka in ti leh hnu hnawh lutuk chu ka nui tawi tak.







Mama room lamah a lut phei a, kei pawh sitting room lamah ka kal leh a, Henny an tu nge lo kal tih min lo zawh chuan pangai tak in ka chhang a, Henry pawh U Hriatpuia te nen kan in hnaih tih a hriat avang in engah vak mah a ngai lem lo a nih hmel.







Dar 10 velah Henry a haw a, Mama leh Hriatpuia erawh an la rawn chhuak miah lo, ka nu leh pa ka nghah avang in sitting room ah chuan kei mah in ka thu ran a, ka phone ka hmet kual vel a, nula tih takah private message te chu ka dawng ve nual a, mahse biak erawh ka nei lem lo. Henrya leh u Hriatpuian min rawn bia a nih loh chuan kan thian ho group hi ka phone khawih chhan ber a ni hial ang chu.







Ka pa te an lo haw a, ka room lamah ka luh hnu rei lo teah u Hriatpuia haw tur ka nu in a mangtha ri vel pawh chu ka room atang ka hre ve a mahse a hma ang khan ka phur ve tawh lo. Bialnu a nei a ni tih ka hriat tawh vang pawh a ni mai thei.



*



Ni a liam a, semester exam te kan zo a, class luh leh hun chuan tlem in kan pawl a lo sang ve hret tawh dawn bawk nen kan thian ho chu kan in la senior ve ta viau a. U Hriatpuia erawh college a chhuah san tawh dawn thung. Hlutei nen khan an la in zui reng a, Kei pawh ngaihzawng ka nei chu ka ti ngam chiah lo a mahse Henry nen kan in kawp deuh chawt a ni ber a, tam tak chuan kan in ngai zawng ang in an ngai a mahse thian bak kan in karah a awn lo.







Mahse chu erawh kan sawi chhuak lo ve ve thung, a chhan pawh in ngai zawng ang a kan awm hian midang in mjn be ngam lo deuh a, ka duh dat chiah a ni bawk a. Henry an a pawi tih lih chhung chu hetiang a awm hi ka duh. Lalhriatpuia lo mipa hi ka duh thei lo ni ta ber in ka in hre hial. Mahse a ni lah chuan chhete mah in min ngaih sak ve si lo.



*



" Mambawih... Committee kohna lehkha hi I pa Rema te inah i zu pe lawk dawn a mi? " Ka pa in a tih avang chuan phur lo zet chuan lu ka bu nghat a. Lehkha ka pek hreh vang lam ni lo in u Hriatpuia te in a kal chu ka chak lem lo. College kan chawlh chin hi kan inah a rawn kal khat in kei nen pawh kan in hmu ngai lo tluk kha a nia.







" Ehee... Afel enge hetah I tih a? " Gate ka lut tur chu Hlutei a rawn ti hlawl a, tun ang hun a heta ka hmu chu ka ham haih ve lek lek.







" Ka pa in min tir a! " Nui lui sak in ka ti a. Lu bu nghat in gate chu a mah zawk chuan a nem hawng nghal zat.







" Enge I tih zawk a? " Gate a lut ve pah chuan ka ti a. U Hriatpuia hmu tur a ni tih ka hre tho si a, engvang a zawt leh kher nge ka nih pawh ka in hret thiam bik lo.







" Ahhh,.. Hriata maw le... Eng lo a nia, a rual a Shillong ah kan zirna zawm kan tum a, eng eng emaw buai pui ve kan ngai sia! " A ti siam siam a, a thu sawi vang chuan ka kal lai ka ding chawt.







" Ngati nge I din daih a? Hriatan a hrilh ve lo che a mi? In in hnaih sia I hriat ka lo ring ve a. Mahse engkim kan tih fel hun ah hrilh che a lo tum zawk pawh a ni mai thei a! " Ka lam rawn hawi chuan a ti leh mai a.







" Min hrilh ngai a ti lo a nih zawk ka ring! " Nui lui sak in ka ti a. Ka rilru erawh a na. Mahse ni dang ang bawk in ka ti lang thei lo.







In chhung kan luh rual in Hlutein U Hriatpuia nu bulah U Hriatpuia a awm leh awm loh a zawt a, room lam atang in u Hriatpuia pawh a rawn chhuak ve nghal. A hmel ka hmu chiah chu kan in hmuh khat zia ka hre chhuak rum rum.







" Afel... Lo thu lawk rawh. I pa Reman phone a hmang lak lawh a, committee a kal hman loh chuan I pa in a lo phat sak a ngai mai thei sia. " U Hriatpuia nu in a tih avang chuan ka thu khaw muang ve a.







" Tak in Afel Henry nen khan in la in kawp tluang zel em? " Ka thutna opposite a thu chung chuan Hlutei chuan a rawn ti a, a bulah laptop khawih in u Hriatpuia a thu ve bawk. Hlutei zawhna ka chhan lawk loh vang nge a ni pawh chuan min rawn melh ve nghal zat.







" Aww...awhhh.,.. Tha zel e. " Ka ti nawi nak. Ka bialpa ni lo pui ka bialpa ang a ka sawi chu nuam ka ti bik lo. Mahse an hma ah hian ka single tih hriat tir kher ka duh bik lo. Tlawmah ka la ve tlat a nih chu, enge ka hriat ni.







" A tha chu, a fel sia chhuah miah suh aw. Mipa tha hi chu vawn beh tlat tur, Kei pawn ka tih mek hi! " Nui hak a tiin u Hriatpuia banah chuan a kuah chat a. Nuih luih ka tum a ka thei ngang lo.







" Ka pa chu a hman tawh ka ring, va en chu in rawh. " U Hriatpuia chuan a rawn ti hmuk a. Ka in seh ruh vak. A bialnu nen a an awm fal tur ka lo dal avang in min ning a nih ka ring. Chuan engvang a ka bulah sual thiam ta viau nge a nih pawh ka hre lo. Tawng tam vak chi ni lo mahse min ngaina ve viau khan ka hre thin a, ka hriat sual pawh a ni zawk mai thei.







" Ole, a nih phawt u aw! Tun hi kan in hmuh tawpna a nih tak in tluang deuh in in kal dawn nia. " Ka thutna a tang a ding chung chuan ka ti a. Ka hma a mi te lah chuan ka awm dan leh ka kawchhung tawt ru tun te hi min hriat thiam pui ve der si lo.







" Nakinah kan chhuk dawn tak takah chuan in thlahna hun kan hmang ang chu. Nang pawh lo kal ngei ngei rawh aw. " Hlutei chuan a rawn ti zui lang lang a. Hmeichhe sual chu a ni miah lo, mahse ka mipa duh ngawih ngawih bul a a awm theih bik vang in a ruk tak chuan ka thik ngawih ngawih.







Chhan pawh chhang tawh lo chuan ka kal sawn a, in thlahna hun an siamah chuan ka rilru chuan kal ka tum lo chiang viau leh nghal.







Ni e.... Ka bulah pawh a awn thei chuang lo a, chuvang chuan ka theihnghilh theih nan chuan hmun hla takah kal se la, ka tan pawh a nuam zawk ngei ang! Ka rilru pawh ka thlak theih phah zawk ngei ang. Tun a ka awm dan hi chu a hre awm e mai!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 1:31 pm

TRUTH OR DARE 🤞 by Amy Cck






CHAPTER - 4







Hun a kal ve zel a, ka rilru erawh a nuam thei lo, u Hriatpuia kal bo tur ringawt khan ka rilru a luah a ni ber mai. Class kan la chawlh a vang in in lamah ka tawm im deuh chawt a. Zanah a khat tawk in Henrya a rawn leng leh hlawl zel a. Ka nu te nen pawh an in nel ve tawh viau bawk.







Henry pawh in an veng lam a mi ngaihzawng a nei ve a, mahse a la naupang deuh a class 12 zir lai mek a ni a. A bialnu te in a a len loh zan hi chuan kan in lamah a rawn lang deuh reng a. Kan in kawm ve nasa bawk nen ka lakah chuan zep a nei bik lo a. A ni pawn min hre chiang ve thaw khat bawk a, U Hriatpuia ka duh tih thleng in ka hrilh ve ta nge nge.



*



Vawin chu college lamah kan thian ho in kal kan tum a. A chhan chu certificate a lam theih tawh tih class group ah an rawn sawi avang in. Chaw hma chiah office an hawn dawn avang in chaw kan ei kham ve leh in siam sawk sawk in ka chhuak a. Taxi chan tum a stand lam ka pan chu ka hma zawnah u Hriatpuia bike in a rawn ding chawt a, ka ring lo lutuk chu ka phu chiam leh nghal.







" Khawnge I kal dawn? College ah ve tho a mi? " A helmet la thla in a rawn tih chuan chang lem lo in lu ka bu nghat. A mit meng fiah zet chuan min melh ngur a, ka zam lek lek hial.







" I bialpa kha in hruai tir ta che! " A tawpah chuan a rawn ti sup a, min hmuh loh tur chuan ka ner sak. Ka rual in lo kal rawh a ti dawn a maw ka ti ve hman kha a nia.







" Vawin chu a hman lo a. Ka kal dawn taxi chan ka ngai sia! " Ka ti chhuak deuh fak. Tumah phurh pawh a nei tawp si lo, min sawm ve mai tur a nia. Kal pelh ka tum chu ka hma zawnah a rawn tawlh deuh hrut a, vin chiam in ring in ka melh nghal rawm.







" Lo chuang rawh! " A rawn ti hmuk a, chu tia a tih takah chuan ka in thlah dul ve hram a, a bag chu ak tha sauh sauh in a bike hnung ah chuan ka thu ve ta nge nge.







" I bialpa in ngang aia ngaih pawimawh a nei tih I hre chung pawn thinrim na chang pawh I hre lo a nia. Lalrinfeli ni lo in Lalrinmawli ti zawk che I la a tha ang! " A helmet khum mawlh mawlh chuan a ti bui bui a, a hnung a thu chung chuan ka ner nang.







" Engmah I hre thlawt lo aw! " Ti hlak in a hnung lam atang chuan a helmet ah ka nam nghal dat, nui nghawr dawt in a tlan chhuak zui nghal a. A taksa sik hlau zet chuan ka thu deuh ut a, min run luih nge ni a speed lah chu a san viau leh nghal.







" Ka rual a haw leh I duh chuan I tih tur I zawh hunah min lo call la! " College gate bulah bike ti ding in a ti a, bike atang a chhuk in chhan ka tum chiah chu hmeichhe aw hian u Hriatpuia chu a rawn ko lang lang a. Tu dang ni lo in Hlutei leh bawk.







" A ngai lo mai ang! " Ka ti sap a. Lu a bu nghut. Ka thiante call pah chuan u Hriatpuia leh Hlutei chu ka kal san a. Office kawtah chuan kan in tlar thap a. Henryan min rawn call a, a in lak sak theih chuan min lo lak kep teh a la rawn ti ham ham zui leh nghal. Mahse vanduai thlak tak in a lo la theih loh zui a, a mah ngei a ngaih thu ka hrilh chuan phun bui buiin a rawn kal mek thu a rawn sawi a, ka nuih a za ru viau.







" Afel... Lo kal vat teh, Henry te an in sual a nia. " Office a tanga ka chhuak chu kan class a hmeichhe pakhat hian a rawn ti a, phawk zet a en in a chhan ka zawt a mahse a hre bik lo a nih hmel. Ka thiante 3 nen an in sual an tihna lam chu pan in kan tlan nghal vat a. An in sualna hmun kan thleng chu mak ka ti lutuk chu chet mai ngaihna pawh ka hre lo.









" Duh tawk ru! " Ka ti nghal vak a. Engvang in nge u Hriatpuia leh Henry hi an in sual ve ngawt lah chu ka hre thiam map lo leh nghal. U Hriatpuia chuan ka aw a hre ve a ni mah na min rawn en in, a tawp nan ti ang hrim in Henry a hmaiah chuan a hnek leh chawr chu Henry pawh a pai nghal nawk a. Rang zet in Henry chu ka pan nghal vat.







" Henry.... I tha em? " Tih leh buaipui mai ka tum chu ka ban rekah tha chak zet hian min rawn pawt leng deuh lawp a nih chu. Min rawn pawt tu taksa chu ka ngheng nghal rawk rawk leh nghal.







" I buaipui a ngai hrep lo! " U Hriatpuia ka en chhoh rual in a rawn ti bul hmuk a, a mit ko leh a kam sir chu a thi ve ser ser leh nghal.







" Engmaw? Khawi maw min thlah teh! " Ka ti let hlar chu ka ban rek a vuan nghet tulh tulh zawk emaw tih turin a awm a nih chu. Henrya awmna lam ka en chu an lo buaipui ve mek bawk a. Henry bul a hmeichhe pakhat ka hmuh rual in chil ka lem kalh.







" A pawi lutuk! " Henrya melh reng chuan ka ti sap a. Min vuan bet tu pa lah chu lawm lo tih hriat zet in a rum deuh nghut a nih chu.







" Min lo zui rawh! " Ti hmuk mahse ka zui pawh ngai lo chuan a mah zawk chuan min pawt sawn nghal dawr dawr a. Ka tang ve viau a, awmzia a awm miah lo chuan ka tah te a ti chhuak tun zawk hial.









" Hriat... Khawnge i kal dawn. Tih tur kan neih kha! " Hlutein min rawn um zui in a rawn ti nghal zat a. U Hriatpuia lah chuan hre lo ang hmak in a bike ah a thu nghal hmuk a nih chu.







" Rawn chuang rawh! " Helmet a khum zo chu a rawn ti hmuk a, ka ner nghal sawk. Vawin a mizia chu a danglam tih piah lam a ni.







" Ai.. " Ka ti hmak a, a thin ka ti rim nge a bike hma lam chu a chum ri nghal chawrh a, Hlutei nen pawh kan phu chiam leh nghal.







" Ka thin tih rim I duh loh chuan lo chuang vat rawh! " Khoh zet hian a rawn ti leh hrawk a . Ka hnial ngam tawh lo chu tim deuh da hian ka lawn a, ka thu fel chiah tih ah chak mang kheng in a tlan chhuak a, ka in rin hma in a taksa chu ka kuah bet chawt leh nghal.





Bike a din tir rual in rang zet in ka chhuk a. He tiang a a thinrim leh lawm lo hmel hi ka la hmuh ngai bik loh a vang in engmah pawh ka sawi ngam bik lo.







" Khawnge I kal dawn? " Kan in lam a haw ka tum chu ka banah a rawn vuan leh chawt a, a ti nghal hmuk.







" Ka haw dawn! " Ka ti ve hmak. Kan in tlan pel in an in kawtah a ding ve chauh a, a hre li der te a nih ka ring rum rum.







" Min rawn zui rawh! " Ti hmuk in ka ban vuan reng Chung chuan gate chu a hawng a, min pawt lut nghal dawr dawr a, nasa zet chuan ka tang ve a mahse sawt lo tak a ni. A kut leh lam in a helmet a khai a vang in rem lo zet in an door bell a hmet a. Ka kut chu pawh let tum in ka bei ngat ngat thung.







" Min thlah rawh! " Seh chilh zet chuan ka ti a, min rawn melh in a hmui min tih sawih khum zauh ringawt a nih chu. Nichin lawk kha chuan he ka kut vuan tu pa zawk hi thinrim kha a ni in ka hre sia tunah chuan chu tiang hmel chu a pu leh tawh miah lo. Tunah tak chuan kei mah zawk hi ka thinrim lutuk a ka puak keh lo chauh zawk.







" Ding tha hle hle rawh! A nih loh chuan.... " A tih rual in kawngka chu a rawn in hawng a, u Hriatpuia nu hmel a rawn lang nghal a, pa ngai thei ang ber chuan ka ding ngil nghal vat.







" Kha ti tur kha! " Nuih in sum zet a ti zawi sup tu chu ka mit sir in ka melh rawm.







" Bawiha ngati nge ni a? In thian ho in chaw in ei khawm dawn khan I sawi sia. Afel... Nang pawh ngati nge? " Nupuiin min hmuh rual chuan a lo ti nghal vat a. A mak duh ngawt ang chu chhun pachangah min hmu dun hlawl miau a.







" Ka thulh leh a! " Tih leh in Chhung a min pen luh pui a rual a, nupuii a awm ve reng a vang in tan pawh ka tang ngam tawh lo. Min kaih kual ang ang chuan ka awm vel ta mai mai.







Choka lamah min kai lut in tui bottle a la chhuak a. Ka kut a thlah duh hlek lo a nih chu. Enge a hriat ni. Bottle chhin a hawn a ngaih takah chuan min thlah a, tui chu noah thli chhuak in a in a, ka in tur a rawn thli zui nghal bawk.







" Mahse engvang in nge I thulh leh thut a? " Nupuii chu rawn lut in a rawn ti zui vat a. Chiang zet a min en reng tu vang chuan sir lam hawi hmak in tui chu ka in nghal hmak.







" Nupui ka rawn ru a! " U Hriatpuia thu sawi vang chuan ka tui in ka phuh nghal thawt a. Ka khuh zui nghal bawrh bawrh bawk. Tuah khan enge a sawi kha!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 1:31 pm

TRUTH OR DARE 🤞 by Amy Cck







CHAPTER - 5







Nupuii pawh rei lo te chhung chu a meng buai nak hman a. Ka bul a mipa ding lah chuan engmah hre lo ang hmak in ka hnung a rawn chum nghal dat dat a. Ka tui hak ka khuh a reh deuh hnu chuan min chum tawh suh tih nan ka kut chuan a lo in dang zui nghal vat.







" In hahthlak dun mang e! Afel I haw dawnah min lo hrilh rawh aw. Huan a ka antam lak hi ka lo sem ve ang cheu! " Tih leh kal sawn a rual a. Ka nui lui sak ringawt.







" Enge? " Nupuii kal sawn hnu chuan ka bul a kawi sawi deuh tak a u Hriatpuia lo ding chu melh nghal rawm in ka ti vak a. Engvang a nui za hmel pu reng nge a nih lah hi ka hre thiam bik thak lo.







Kan in din chilh ran lai chuan ka phone ka bag a mi chu a rawn ri nghawr der der a, thaw hak in ka bag chu ka zen nghal rak rak bawk. Ka phone ka lak chhuah rual in screen ah Henry hming a rawn lang nghal zat a. Lak ka tum chiah chu ka kut atang in ka phone chu min rawn pawh thlak sak deuh hlawk a nih chu.







" Eng thil nge I tih kha? " Ka phone call a reject hmak avang chuan ka ti ram mak. Ka phone chu a hmet nghal mual mual a, min chhan duh loh avang chuan ka phone chu lak sak tum in ka che a, lo hre sa ang mai in min hnung chhawn deuh hmuk a, mipa te chhe zawk zawk a ni lo bawk nen enge a tih tih tak ngial pawh ka hmu thei tawh lo.







" Khawiii... Ka phone kha min pe rawh! " Ka lam a rawn hawi rual in ka ti nghal vak a. Ka thu sawi hre lo ang hmak in a kekawr ipah a dah lut nghal daih leh nghal. Thinrim in sum zet in a kekawr ip chu zen sak ka tum a, ka hlawh chham thak. Ngawi reng in chokaah chuan kan in sual a ni ta ber a nih chu.







" Kha pa kha I be tawh lo ang tih min tiam la I phone chu ka pe let ang che! " Ka kut pahnih chu man bet in a rawn ti a, thinrim zet a melh in ka ner nghal sak.







" A teuh lo! " Ka ti hlak ringawt chu engah mah ngai lo ang maiin a khi suk a nih chu.







" A nih chuan ka pe let lo ang che. " A rawn ti hmuk a, ka kut chu che thei ngat I la chuan a hmel pa lutuk ah hian ka ham nghek ang. Vawin a a awm dan hi chu , ka hriat thin u Hriatpuia kha ang thlawt lo, mipa nghal leh chimawm zet ang maiin a khawsa a nih chu.







" I duh leh I duh chen chen kawl rawh! Sualthiam lutuk! " Ti chhuak hlak in na zet in ka kut chu ka thing thla hnawk a. Ngei lutuk a melh rawm in tih theih ka nei bawk si lo chu ka per nghal nghek bawk.







" Naute Lian chi ang mai! " Ti sup in ka ban rekah bawk chuan a rawn vuan a min kal pui leh nghal dawr dawr a. A room a min pawt lut deuh hrawk a, kawngka bulah ka chhuah theih loh nan a ding nghal ngur leh nghal.







" Eng thil nge I duh a? " Vin lutuk chuan ka ti vak. Ka in sum thei tawh ngang lo, a duh duh na lamah min pawt kawi reng a. Eng thil nge a duh ni.







" Kha pa khan ngaihzawng dang a nei tih I hria em? " A mit meng dur khup a min melh chuan a ti hmuk a. Chhan mai ngaihna ka hre lo chu a mah ka en na atang chuan ka hawi sawn daih a, room chhung chu a reh tlawk tlawk leh nghal.







" Chu chuh... I buaina tur a awm lo. " Pawr zet chuan ka ti khum ve ngei a. Mahse a hmel ka en chhoh rual in ka tawng nawi nghal nak. A mit meng chu a hlauhawm lutuk tlat.







" Chutiang in min chhang hlek suh, venhim che ka tum a nih hi. Kha tiang mipa ler kawh zet kha hnaih leh tawh suh ang che! " Thu pe aw zet chuan a rawn ti hmuk a, ka ngei mai mai zia chu. Henrya fel zia hi a hre ve lo mai pawh a.







" Mipa... Ler kawh pawh a ni bawk lo! " Zawi sap in ka la ti hram a, ka hma a mipa ding chu a thaw chhuak hawk.







" Tak zet che hian. I mit ngei in I hmuh kha. Vawin a a bul a hmeichhia kha a bialnu a nih kha. Mipa ler tak ni lo se I chungah hetiang hian a awm dawn a mi? " Lawm lo zet in a rawn ti leh hmuk a. Kan awm dan chu ka ning tak zet. Dawt sawi ka thiam lo bawk nen sawi tur ka haih chham vek tawh.







" A bialnu a ni tih te chu ka hre ve bawk. " Ka ti zawi sap. Ka mit sir in ka hma a mipa ding chu ka melh a, chal ti chuar tup in min melh run a, dawt ka sawi peih tawh lo. Ni rei lo te hnuah a kal bo tawh dawn tho a, engkim sawi vek ka pawi ti tawh bik lo.







" Engmaw I sawi kha? " A rawn ti sup a. Thaw hak in ka melh nghal vah a. Thu pawi mawh lutuk sawi tur ang mai hian ka thin lah chu a phu dup dup leh nghal.







" Englo... Henry nen khan kan in ngaizawng tak tak lo. Thian kan nia, thian tha tak! Ihh... " Sawi sawm lo chuan ka ner deuh sak . Enga ti nge in sawi fiah hi a har em em le.







" Enge I sawi kha I hre chiang chiah em? Midang ho pawn in in kawp tih chu kan hai lo a nia. In in thleng in a rawn leng lut tawh bawk a. Ka mit ngei a ka hmuh chiah a nih chu ka sawi! Hmanni lawkah pawh tu mipa nge I duh tih zawhna I chhan pawn kha pa kha a ni lawm ni I sawi kha. " Ngei awm lam lek lek hian a rawn ti a, a sawi zawng chuan a ner zui nawk a. Ka melh deuh ha a, mahse hmanni a kan game khelh kha a sawi ah ka ngai a ka ner ta nang.







" I duh duh dan in ngai rawh! I mawl si! Ka Haw dawn! " Ka ti hlak. Kha mi ni khan Henry hming ka sawi tawp si lo. A mah ka sawi chhan tih pawh a hre leh tawp nang.







" Kha tiang khan kal tum ringawt suh! " Kal pel ka tum chu ka ban rekah a rawn vuan leh chawt a. Mah ni lo mah a thin chhiat ve bawk nen ka in sum thei tawh lo chu ka vin ta nghek.







" Eng thil nge I hriat duh chu? Kei leh Henry a kan in ngai zawng lo ka tih tawh chu. Kha mi ni a ka sawi te kha chu nangmah a nih kha! Mak pawh min ti rawh ka pawi ti tawh bik lo. Kei hian ka duh che a, mahse engmah chutiang rilru I pu ve lo tih ka hriat a vang in kan in hlat phah ka hlauh a ka zep char char thin. Mahse tunah chuan engti zawng pawn nang nen hi chuan kan in mil tawh lo bawk a. Hre vek mah la pawi pawh ka ti tawh lo! " Ka ti chhuak tan tan.







Tawngkam thiam loh sa nen , a kum a kum ka lo duh ruk ve em em hma ah ka duh thu ka sawi a nia. Ka beng te chu an sa hat hat a. Ka hnar thleng in ka hmu lian vek hial.







Ka kut pawh let ka tum chu a lamah min pawt hnaiin a rawn che deuh thut a, min fawp a nih chu. Meng bial kawk in in lak hran ka tum a, mahse a kut leh lam chu ka samah rawn zen lut in min vuan bet tlat a, ka che sawn thei ta lo.







" Duhawmnu! " Min fawhna tawp in a rawn ti sup a, ngainatawm zet in a nui nghal suk bawk. Kei erawh min fawhna avang khan ka la pangai thei lo. Ka first kiss a la ni zui. Chu pawh ka tleirawl chhuah atang a ka lo duh ruk em em mipa hnen atang in a la ni zui!







A phone a rawn rik avang chuan a kekawr ip chu a zen ruk ruk a. Phone chu a la a, a mi biak ka hriat rual in ka ngaihtuahna chu a rawn fim nghal kuar. Kan in awm hnaih em avang chuan phone leh lam a a biak chu Hlutei aw a ni tih ka lo hre ve vek. Ka a tak zet, bialnu a nei tih hre reng in ka duh thu ka lo in puang kual vel a nia.







" Enge I ngaihtuah? " Ka hnar rawn piai zeuh a ti tu chu melh pawh ka melh tha ngam lo. Ka thinrim lai in ngaihtuah Chiang lo in ka lo sawi chuak vek a, ka zak leh hnu hnawh.







" Ka haw tawh dawn! " Ka ti zawi sap. Mahse ka taksa erawh a la che chuang miah lo.







" A la theih ka ring lo. Kan thu sawi lai kha zo phawt ang! " A tih chuan ka thin a phu dawt dawt.







" Englo... Ka sawi kha chu theihnghilh vek rawh. Ka thinrim a ka sawi ve tawp a nih kha! " Ka ti bah deuh nak nak a. Room chhung boruak uap zia chu pui tak a ni tawp.







" A theih ka ring lo. A chhan chu kei hian ka duh che a. Tunah nang pawn min duh tih I sawi a, ka theihnghilh phal chu ka ring lo! " A rawn tih chuan phawk zet in ka melh nghal vat.







" Hmela.... Fiamthu thawh nan min hmang hlek suh! " Ka ti hmak a, a nuih ka ti za zawk emaw tih tur in a awm a nih chu. A kut chuan ka khabeah rawn vuan in ka mit ah tak chuan mit meng cool ruih in min melh a. Tun lawk a a mit meng a nuihzatna lang kha an bo lai ka hre miah lo.







" Ka mit ah hian en la ka fiamthu lo tih I hmuh ka ring. Hman atang in tun thleng in Lalrinfeli lo chu duh ka la nei miah lo! " A ti thawp sup a. Chil ka lem kalh ringawt. Dawt sawi hmel a pu si lo, ka ring ngam bawk si lo chu ka at phah tak ngial dawn.







" Mahse bialnu I nei. " Ka ti tawi tak a, a nui suk leh nghal.





" Tun lawk khan ka nei chiah. " A rawn ti ve nghal a. Kei mah min sawina a ni tih ka hriat avang chuan ka ner nang.



*



U Hriatpuia room ah chuan chawhnu pum kan in khung a, Hlutei nen an lo in ngaizawng miah lo tih a sawi phei chuan mak tihna in min luah khat a ni ber. Kei leh Henry ang chiah in thian an lo ni ve reng a. Zawhna ka ngah lutuk chu a chang chuan min nuih leh suk suk thin.





Ka u ang a ka ngai angah lo ngai in kan in kar chhiat a hlauh Vang in min hrilh lo tih a sawi ve tho a. Thil dang engmah ka ngaihtuahnaah an leng lo a ni ber.



*



*



Vawinah u Hriatpuia te pawh an zirna chhun zawm tur in an kal a, kar khat chiah kan in kawp atang in kan awm dun hman a, zep lo chuan kal lo mai se ka duh rum rum. An kal ni chuan airport thleng ka va thlah ve a. A ni pawn min thlahlel tih hriat zet in kawng gluan in ka kut a vuan a ni ber.







" Ka ngai ngawt ang che. Ka awm loh chhung in lo ler lo la! " An luh dawn chuan min kuah vawng vawng in ka beng bulah ka hriat tur lek chuan a ti sup a, ka nui hak. Ka first love nen kan in kawp ve chiah a midang chu engtin nge ka melh san theih teh lul ang ni.





Kar khat chiah pawh in zui hman mah I la, kan chhungten kan in kawp tih an hre vek hman a, a tir chuan ka zak ve viau nan mahse u Hriatpuia chhungte hi an fel hlauh a, kan lo in hre sa bawk nen kan in nel zual sauh a, a nuam phian.







Ka chhungte lamah ve thung chuan u Hriatpuia nen kan in ngaizawng tih an hriat tirh in min ring lo vel ngei a. Lalmama phei chuan " I ngaihtuahna leng thlawk vel a nih chu! " Min ti duh chauh leh nghal. Mahse kan awm dan leh zantin u Hriatpuia a rawn len bakah ni dang a a rawn leng nen tlem in a dang a dan tak ah chuan an awi ve hram a. Ka ngaihzawng neih an hre ngai si lo a, thu tha min hrilh nasa thei lutuk hi ka thin te hian a tuar lo zawk hial thin.







An fanu leh unaunu hi hmeichhe zei lo lutuk ka ni tih hria se chuan hetiang lamah chuan an lung ngai miah lo tur hi a nia. U Hriatpuia nen pawh in fawh bak a thu kan la kal hlek lo bawk.



*



*



" Heiii.... In la ngaihzawng nei nu...enge min lo kal San a. ! " Class kal tur a ka kal chu ka zawnah bike rawn ti ding in Henry chuan a rawn ti a, ka ner sak chu min nuih tih a helmet khum mahse ka hre thei.







" I rawn kal har lutuk a ka lo kal san che a nih kha! " Tih leh a bike hnung a thut ka rual a. A tlan chhuak zui nghal. College pawh kar 2 zet kan tan tawh a mahse ka tan chuan vawiin ka ni khatna a ni zawk ang chu. U Hriatpuia chhuk hnu khan ka damlo chhun zawm nghal kha a nia, mahse tunah chuan ka dam leh tawh.







U Hriatpuia pawh in min rawn ngaihtuah in min rawn be awl lo a, ka ngaihzawng neih hma sak ber a nih bakah ka duh ngawih ngawih a nuh Vang nge ka khawvel hi a famkim riau mai a ni. Henry nen pawh an in kar a tha tawh a. College a an in sual chung chang khan sawi chhuah leh pawh hian a nuih za za ah an tang zawk emaw tih tur in an awm leh nghal. Henry bialnu hlauthawng lutuk ber kha ka theihnghilh thei lo.







Mahse min nel ve tawh bawk a, tunah chuan WhatsApp lamah nin rawn be ve thin a. Henry chungah a lawm loh te hian a la naupang chhia ve reuh bawk nen ka bulah a rawn zual ko ngei a, Kei in Henrya ka lo hauh sak a, a nuam ve hran pa hrim hrim.







College kan thleng a, 3rd sem kan ni ve tawh a. Henry nen pawh kan class a in ang tawh lo. Section A ah ka awn lai in Henry erawh C ah a awm thung a. Mahse kan thian te 2 nen erawh kan la awm ho zel a, a tih zia phian.







Lunch break a kan thian ho a thil ei tur a kan kal chu canteen ah kan thu thap a. Kan thian ho kan in hmuh kim theih hun a nih vang in ni dang ang bawk in kan hlim leh hlawm khawp mai. Kan thil ei tur a lam theih an tih avang in kei leh ka thiannu pakhat chu kan va kal a. Ka ei tur in egg roll ka order lak ka tum chu ka hnung lam atang in ban zei set hian min rawn lak khalh daih a nih chu.







" Heiii...! " In her in ka ti vat a. Ka zawn vel mai ka melh chu a awm zawn chiah ka hmu a nih chu. A hmel en a ka hawi chhoh rual in mit min lo san khum uk a nih chu.







" Ka order sa a nih kha! " Ka ti ram hmak. Riltam tawh nen ka ngei ru reuh lutuk ringawt.







" Tak tak maw? " Tih leh egg roll chu la in a keih nghal daih a, a chet dan chu ka en haw ringawt.







" Ka keih tawh sia... A dang order leh mai la! " Vei nuih deuh suk in a rawn ti chu ka ngei lutuk a ka in hum ruh nghal tawlh tawlh.







" I va zak thei lo ve a. I duh chuan order ve mai tur che a lawm? " Ka ti kha deuh fak a. Na zet in ka coffee ken chu a dah na ngai ah ka nghat leh nghal chawrh. Ka hma a mipa lah chuan min ngaih pawi mawh loh hmel em em mai leh nghal.







" Pi... Egg roll kha kan duh leh aw, he lai a mi hi I lo pe dawn a nia! " Min chal delh zet in a la ti zui ham ham leh nghal. Ka in sum thei tawh lo chu a ngal ah ka theih ang a na in ka chhuih nghal chawrh a, a kun nghal hnawk. Kei erawh ka nui sak.







" Chawh lutuk! " Tih leh kal sawn ka tum chu ka ban ah mkn pawt let nawk a. Tal chhuah tum in a kut chu ka chum nghal nghek a. Mi vuan nghet zek leh nghal.







" LALRINFEL!" Tu emaw hian vin zet in a rawn ti that a. Thinrim lai a ka hming pum ngat a min ko chu ka ti thei thak lo.







" ENGEEE... " Ka ti vin that a. Mahse kei mah chiah in ka ti miah lo. Ka bul a ka kut na zet a hmer tu pa nen kan ti rual thawt a nih chu! Hepa hi Lalrinfela tihna em ni? Nge ni a a nghal a chhuah ve hrim hrim !

👇👇 a hnuaia ads khu click theuh ang u aw, khawngaihin 💚

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 1:31 pm

TRUTH OR DARE 🤞 by Amy Cck







CHAPTER - 6







* HRIATPUIA POV *







Afeli ka kal san tur chu ka huphurh ru tak zet, chu tih rual in kan boruak tawn erawh a hlimawm viau thung a. Lalrinfelin min lo duh ve reng tih ka hre tlai lutuk erawh a pawi ka ti. School a kal lai atang tawh in a ni hi chu ka buaipui nasa in an inah pawh ka leng lut ngun a. Ka nau ang chiah in ka en in ka buaipui a, ka rilru pawh a danglam tial tial bawk.







Mahse hmeichhe ler lo tak leh mipa lam ngaih sak miah lo a ni avang in ka duh na chu rei tak ka thup a, a bul a ka awm pawn ka in sum ve viau zel a. A lak a ka rilru put dan a hriat chuan min ngainatna te an bo zawh a , min hlat phah ka hlau a ni ber.







College a kal ve tan a, kan college ah ngei a rawn lut a, class khatah thu dawn lo mah I la ka lo phur ve viau a nih kha. Ka thian te ho in ka bialnu emaw ti a min fiam pawh in nuam ka ti veng veng. Afeli erawh in kei nen a chutiang in zawmna neih chu a duh vak lo ni in ka lo ngai thung a. Mi min chhaih dun mai mai vang in ka kut pawh a thing thla hmak a , chu vang chuan ka rilru put dan hrilh a tum pawh ka thulh leh hial kha ka nia.







Nula chhelo leh duhawm zet a ni a, duh tu leh chhelo ti tu pawh a ngah tih ka hria a. Ka SU office atang khan an class corridor a hmuh theih miau avang in ka lo thir ve thin a. Henry nen an in zui ni a ka hriat khan a ruk tak chuan ka rilru a lo na ve tak zet a. Tih erawh ka ti lang duh lo.







Ka rilru siam fel in ngawi reng a Afeli theihnghilh chu ka tum ta a . Tun ang hian ka lakah rilru a lo pu ang tih reng ka ngaihtuah pha lo. College kawtah kan thian ho a kan lo din laiin Henry leh hmeichhe tleirawl lam lek lek gate a an rawn tlan lut chuan ka mit a la ta tlat a. Chu mai ni lo in kan bul a mi te ho thu sawi chuan ka beng a ti kham ta viau leh nghal.







Afeli nen an in kawp reng emaw ka tih laiin hmeichhe dang khaw en lai ngei a a rawn kal pui chu ka en liam thei ngang lo a , in sum hman lek lo in kha tiang khan ka chet phah hial a nih kha. Mahse tunah erawh kha tiang thil kha ka ti lo ang tih ka hlau leh hnu hnawh viau.









College ah khan kal lo in kan thian ho in , in thlah nan chaw ei khawm an tihna hmunah lo kal zawk I la chuan tunah hian ka hmeichhe duh ber hi ka ta a la ni kher lo ang tih ka hre miau.



*

*



" Tunlai hi I mood hi a off thei riau mai! Afeli nen in in be tha vak lo a mi? " Class ah kan luh rual chuan Hlutei chuan a rawn ti a. Ka chhang let lem lo. Mahse ka rilru erawh a nuam hauh lo thung. Hostel hran ve ve a kan awm avang in kan in hmu ngun lem lo a. Thian dang a lo nei ve bawk nen ka rin ai tak in a tlei phian a. Kei mah zawk hi ka lung a leng zawk mah in ka in hre hial.







" Exam vel tur vang hian zan lamah ka meng rim deuh a! " Ka ti ringawt. Lalrinfeli vang in zan ka mu thei lo tih a hriat kher ka duh hran lo. Kar leh maiah exam ka nei dawn a. Hun a liam ve zel a, rei lo te a kum khat chu kan lo zir ve der tawh.







" A ni maw? Exam zawhah haw I tum em? Kei chu kan hostel a ka thian kawm te an haw dawn lo bawk a, haw pawh ka tum lem lo a! " Kan seat a thut pah chuan a ti vat a. Kei pawh ka thu thla ve nghal zat.









" Haw ang! " Ka ti sup. Class kan la chhun zawm a. Vawin bak chu class kan chawl tawh dawn a. A bak chu exam tur in buatsaih nan kan hmang dawn thung. Class kan zo a room atanga ka chhuah rual in ka phone la chhuak in Afeli no chu ka hmet chhuak a, ka call nghal zat. Rei fe hnuah pawh a la thei thak lo chu ka thin a rim hlur tawh.







Tun hnai te atang hian kan in be tha lo riau a. Ka lakah eng emaw zep nei ang mai in kan in biak chhun pawn a awm tlat a. Chhun lamah kan buai ve ve thin avang in zan lam ah kan in be tlang pui a. Shillong a ka chhuk tirh kha chuan kan pangai ve viau a mahse hun a kal zel a, thil a dang lam tial tial ni mai in ka hria.







Zanah kan in biak lak lawh laiin a chang leh min reh san char char a. A chang leh min mutthluk san daih thul. Mahse thinrim nan erawh ka hman sak duh lo. Nizanah pawh kan in biak laiin rei tak a reh vang vang a, a online reng a ka message ka chhan loh avang in vawin pawh ka mood off a ni a, mahse a thinrim rei zawk a ka tan theih loh vang in tunah biak tum in ka call leh a chhan na ka la dawng chuang hauh lo.







A last nan tiin ka call nawn leh a, a tawpah chuan a rawn la ve thei hram. Thinrim khum ka tum viau a mahse phone rawn la tu chu mipa a ni tlat.







" Lalrinfeli kha phone pe rawh! " In sum hman lo lek chuan ka ti chang bawl. Ka thil ei na dawr a chawl ve ho pawh chuan mak min ti deuh nge min en nghal vat thlawm a. Mahse engah mah ka ngai lo, tu nge phone lo la tu hi hriat ngei ka duh bawk.







" A la muhil a! " A rawn tih phei chuan ka in hum ruh nghal ngawt ngawt. Tun angah a muhil a nia, class pawh a kal lo tihna a nia. Chu mai ni lo in a bulah mipa an la awm zui bawk a! Engmah dang pawh sawi lo chuan ka phone chu ka hmet tawp nghal hmak a. Ka ngaihtuahna a ringlelhna rawn lut chu ka duh lo tak zet.







Chawhnu lam class pawh kal peih lo in kan hostel lamah ka let a. Ka zirlai en ka tum ngial a mahse ka rilruah engmah a lut thei lo. Tu nge phone rawn la tu kha tih ngaihtuah in ka rilru ka vah kual tir ruai a. Lalrinfeli call nawn leh duh viau mah I la chu thil chu tih ka tum tawh lo hul hual.







Ka phone vibrate ri nghawr vang chuan ka harh hlawl a . Ka roommate in zan riah ei tur in min chhuah san a, Kei erawh ei peih lo in kan room ah ka in khung a. Ka mutthilh lai ka hre miah lo. Ka phone ka en chu Lalrinfeli missed call tam zet a lo in tlar thla dul leh nghal.







Phone ka ken reng lai chuan a rawn call leh nghal a. Lawm vak lo chuan phone chu ka la a, leh lam a rawn tawng chu Lalrinfeli ngei a ni ve ta hram.







" U Hriatpuia.... " A rawn tih rual in a tawng ka pawt chat nghal hmak.







" Vawinah enge I tih? " Ka ti nghal hmuk a. Min chhang mai lo avang chuan ka thin a rim leh nghal hlur tawh.







" Eng vak nge ni ang? Class ka kal maw le! " Zangkhai deuh tak chuan a rawn ti a, chawp leh chilh a dawt min hrilh tih ka hriat chian lutuk vang nge ka nui ro hawk.







" Dawt sawi pawh I lo thiam tawh khawp mai! " Ka ti bul hmuk. Min chhang mai lo chuan a reh vang vang a, call a dah emaw ka ti hman hial.







" Dawt... Dawt ka sawi hlei nem? Class ka kal tak tak.... "







" Hrep tak che chuan. Class kal chung in mipa in I phone call a chhang thei thung chu a nia. I buai viau a ni ngei ang. Ka dah a nia! " Tih leh phone dah ka rual a. Ka in seh ruh nghal vak bawk. Kan in biak na ka ti tawp lo a nih chuan ka duh lo thleng in ka tawng ang tih ka hlau a ni mah zawk.







Call a rawn luh nawn leh rual in ka phone chu off in khum ah ka theh thla hmuk .

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)