SELFISH LOVE by Amy Cck (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: SELFISH LOVE CHAPTER - 1- 30 by Amy Cck

Unread post by Ngaia » October 10th, 2021, 1:48 pm

CHAPTER - 31 🌼 by Amy Cck



" Tihpalh pa. " Tiin ka kut a phone chu ka hum ngawt ngawt a, engmah pawh a sawi leh hma in ka pa call ka ti tawp hmak a ka in sut hraih mai. Ka pa hian min hauh chu sawi loh tawngkam vin pawn vawi khat mah min la tawngkhum lo a, Mama nen kan in hnial ve chang pawn ka thlavang hauh char char thin a nia mahse tunah kha min demna aw ka hre tel thung.



" U... I tha em? Ka pa chuan enge a sawih? " Maman a rawn tih chuan ka mittui tla tur dann kir tum in ka mit ka chet kual vel a. Thaw hak in a phone ka ken chu ka pe a chik zet in min lo en thung. Mama phone bawk chu a rawn ri leh a, screen ah chuan ka pa call bawk a ni. Mama chuan a la nghal vat a.



" A be duh che.. " A rawn ti leh nghal a.



" Ka tlai dawn ka kal a nia. " Tiin a zawhna leh phone pawh chhang lo in ka chhuah san a. Kawt ka chhuah chhoh rual in taxi rawn tlan ka lo phar ding a, seat hma awlah chuan ka thu lut zui nghal bawk.



' I rilru ti na suh! Heng chu a thleng dawn tih i hriat kha! ’ ka rilru chuan ka tu mawlh mawlh a. A chang leh ' Zorina pawn I tan a chhungte a hlat a lawm, I tuar ve thei mai ang. ' ka in ti thul. Kei mah leh kei mah chu ka in fuih mawlh mawlh a. Ka bag a ka phone rawn ri chu ka la chhuak a, ka pa bawk a nih vangin ka la duh ta lo a. A in ring zawh hnu rei lo teah ka nu no atangin call ka dawng leh a mahse ka la duh chuang lo. An sawi tur zawng zawng ka hriat lawk vang a ni pakhat.



College ka thleng a, tun thla bak chu class kan kal tawh kher lo ang, chu pawh kar hmih vel chiah a awm tawh. Thla thar atang chuan exam chawlh in a zawm tawh dawn a, Zorina te ho pawh an rawn haw chuan an rilru lehkha zir lamah an sawrbing a ngai tawh viau ang. An zinna lam in a an rilru a la lak pen deuh vang a an zir tha thei lo a nih chuan an final year a ni tawh sia an tan a pawi viau thei a. Chuvang a hmanniah pawh Hlimi sawi kha a ni reng a.



Class kan la a, mahse zirtir tur vak kan nei tawh lo vangin xerox leh zirtur a tih bak engvak kan ti tawh lem lo. Ka nu leh pa call a khat tawkin ka dawng reng a mahse lak erawh ka la duh lo char char a. Tunah nghat phei chuan in be chi kan ni lo. Ka pa duh dan chu zingah khan ka hre tawh a, ka pawm pui theih dawn loh vangin ka pa emaw kei mah zawk pawh ka thinrim ngei dawn a. Ka awmna nen hian a in mil thlawt rih lo.



Mahse phone off a khawih lo tawp thei ka ni bik lo. A khat tawk in Zorinan min rawn text ve reng a, ka chhang let lo a nih chuan a thinrim emaw thil dik lo a awm tih a hria a nga, a zin chhuak bawk nen rilru nuam lo deuh in a awm ang tih ka hlau a ni.



Motor thawh a driver a a tan vangin kan in text pawh kan in reply pheuh pheuh a. Chhun chawlh kan neih laiin call in rei vak lo kan in bia a, ka pa ten an hriat tawh thu pawh ka sawi lang duh rih lo. Ka sawi tawh ang khan a rilru a hreawm mai mai tunah rih chuan tih theih vak a awm lo bawk a. Nakinah ka pa te pawh pangai tak in kei man ka la be mai ang ka ti ta ringawt a.



Rilru khingbai zet in nileng chu ka hmang zo ve thei hram a. Tein naktuk tuk leh maiah khua a a haw dawn vangin tlaiah min bazar pui tawh a tih a. Ka peih lo viau a mahse hnial theih lohin Andrew te dawrah min nghah tawh thu a rawn sawi vangin class ban vel leh Andrew te dawr lam ka pan a. A sawi ang tak tak in Tei chu coffee no kengin a lo tawng leh barh barh tawh. Henu hi chu a awmna apiangah hian a ngaihtuah awm hlawl lo hi a ni tawp.



" I van rawn thleng har ve. " Min hmuh rualin a lo nghal a ner sak in a bulah ka thu thla a. Kan hmaah Andrew pawn min lo nuih suk pah in coffee ka duh leh duh loh min zawt a. Ka duh thu a ka chhan rual in a bul a coffee machine atang chuan coffee min thlit sak ve nghal a ka lo ban ve vat.



" Class banah period khat kan la leh thin a. Tlai min tih chuan min lo kal san mai tur che nia. " Ka tih chuan a hmui ti pir vak in min rawn nghawk sak a.



" Ka ti mai mai a nih kha, tlai sale en ka suh tho a, tlai chu a pawi lo daih zawk. " Nui hak in a rawn ti leh chu ka lo melh rawm.


" Over ee... Andrew hi sawm mai ta che. " Ka ti leh hram.


" I thiannu hian min hne deuh a niang. I buai ringin kal pui ka tum a a duh lo a nih kha. " Andrew chuan nui hawk hian a rawn ti a. Tri erawh a lo lai leh nasa mai. Zak thei lo ang deuh hian lang thin a mah a lai chhe ve thei lutuk tlat.



" Nimin lawkah Andrew nen chuan kan chhuak dun reng a lawm nangmah ka ngai ve che a I buai thei si. " Tein a rawn tih chuan Andrew an " Bawihi.. " A lo ti sup. Rei vak lo kan thut leh hnuin kan thian dun chuan kan in zui chhuak a. Bazar kan pawh nghal mai a, lei tur ka nei lem lo a Tei ta tur vel ka en pui ve mai mai zawk.



" Zual... I pa in min rawn bia a.... " Dawr pakhat a luh pah chuan a ti a ka thaw hak.


" Enge a rawn sawi a? " Ka ti leh hap.


" Engvak chu a sawi lo... Tunlai kan in kawm ngun em tih vel. In in a ka len phei ngai leh ngai loh chung chang vel te, a thu sawi hmangah khan sawi dawt lo mahse hriat hi a ni tawh a ni lo maw? " A rawn ti a. Ka thin chhung hi a tawt tun mai. Ka pa chuan ka thiannu thleng in a lo zawt a nia. Ka piin engtin nge a lo han sawi lah ka hre der si lo.



" Zingah min rawn bia a, ka pi in a lo han hrilh a niang... "


" Ti nge Zorina pi hi a sual viau a. Ka pi pawh ti tawh suh a duh lo che tih chiang reng reng. Mihrang en hmak a Zorina hi kherh bet tlat rawh. A hma zawng zawngin a duat in a ngaina em em che a. Tun a tak a hetiang a awm kual vel. " Ka sawi zawh hma hma in a rawn ti nghal bawrh bawrh a. Ka bul a mi ho chu an la rawn hawi hrek hrek zui.



" I mak e.... Min min en hrek hrek hi. " Ka ti zawi hlak. Ner sak in a thaw zui halh.


" Ka ngei tlat a lawm. Tih tak emah te chuan Zorinan a ti buai ve che e, a tir pawn I hnawl ve reng a mahse hetiang hi a thleng a I thiam loh pawh a ni bik lo a Zorinan a bul tan zawk a nia. " Ring vak lo chuan a rawn ti leh a.



" Ni tho a, kha lam kha chu eng pawh ni se ka pa te chuan an phal lo nasa mai. " Ka ti leh tawl.


" Zorina pi pawh chu a van tawng thei reuh ve, ti nge i pa te lam lam a han hrilh a. Zorina pa kha a hrilh ve em? " A rawn ti leh a lu thing chungin " A la hrilh lo a niang Papuia chu... " Ka ti fan raih.


" Chu phei phei ti nge a fapa pawh hrilh lo a I pa te a han hrilh daih a. Zorina pa hian Zorina hi a duat sia a pawm che a hlauh vang te hi a lo ni lo maw? " A rawn ti leh haw.


" Ka hre lo chutiang lam ka ngaihtuah thleng phah lo. " Ka lo ti thung.


" Nge ni a Zorina pa a hrilh chuan a thinrim nasat a hlau a mi hriat tam duh lo in i pa ye biak a a ruk a in then tir cheu a tum zawk. I papuia hriat loh tur in. " Thil a ngaihtuah vang vang hnu chuan a rawn ti leh a.



" Chu chu ka ring daih zawk. " Ka lo ti thung. Papuia te chu ka hmuh ve dan chuan thil dik lo lam a tang duh chi niin ka hre lo. Zorina nen kan in kar hi a dik lo ka tih na ni lo in ka pa te nen pawh a unau anga in ngai char char an nia a pawm bik chu ka ring hlawl lo.



Kan bazar zawhin taxi in kan haw dun leh a. Tei te veng lamah kan tlan hmasa a, ka pi te in pawh kan tlan pel a mahse ka luh chak loh vangin ka lut kawi ta lo. Nidang chu ni se ka lut kawi ngei ang. Mahse min lo lawm thiam bertu ka pi in min ngaina tawh tlat lo a. Luh chakna ka nei tawh lo.



In ka thleng a rawng ka bawl nghal char char a, dar 4 velah Mama a rawn haw ve hlawl mai. An boss bulah haw hma a dil thu a sawi a, zanah mitthiin lamah kal leh a duh thu a sawi tel bawk a. Class a kal dawn lo a mi tih ka zawh chuan zan in chu ka kal lo mai ang a ti zui nghal a.



" Chuan u ka pa in a be duh che a nia. Nilengin phone i lak duh loh thu a sawi a. Engpawh nise i pawm dawn lo a nih pawn tha tak in sawi pui rawh. A upa tawh a, a hrisel lo bawk nen a rilru ti hah lo zawngin awm i tum dawn nia. " A room a a lut tur chu a rawn ti a chhan pawh ka chhang lo. Chiang tak in ka hria a sawi tur chu.


Mama chhuah hma a duh vangin zanriah pawh kan ei hma a, kan ei lai pawh chuan ka pa te chu be ve tur in min hrilh nawn leh a. Kan unau hi kum in thlau viau e ti lo hian kan in ngam ka tih tawh kha. Mahse kan in pawhna tak a nia nuam erawh ka ti zawk thung.



Kan chaw ei chu ka kham hmasa a, kut ka sil lai in ka phone bawk a rawn ri a, tlaiah khan Zorinan zanah ka rawn bia ang che a tih vangin a mah a nih ring in hman hmawh zet chuan ka phone dahna lam chu ka pan a. Mahse screen ah ka pa hming ka hmuh rualin ka taksa a tang leh vek tawh. Nileng in an phone call ka la duh lo kha a nia mahse mama sawi ang khan hetianga awm reng chu dik ka tih bik loh vang chuan call chu ka la ta hram. Mahse hello pawh ka ti lo ka ngawi char char thung.



" Mambawih... " Ka pa chuan a rawn ti dam dup. Chutah pawh chuan ka la chhang chuang lo a, thawk chu a rawn la hawk mai.



" Hetiang a ti tau a mi be duh lo rual pawh i nih tawh loh kha. I pa ka nia thil engkim i harsatna leh buaina i thlen na tur zawk kan ni a. I tih dik loh leh I dai sual pawh a zilh hau tu te che kan ni a, hetiang a naupang chhia tak a awm hi I in hmeh lo a nia. " A rawn ti dam leh thlup a. Ka hmui hmuai chu ka pet zeuh ringawt. Ka hriat tum ang aia ka pa aw a dam vang nge sawi mai tur pawh ka hre bik lo.



Mama chu chaw ei kham in a in siam a, a chhuak zui nghal a. Kei erawh ka pa nen kan la in be reng. Zorina nen kan chung chang a la sawi lo a. Ka hna thawh leh thil chi hrang hrang a sawi nual a, a rul tawk te te in ka lo chhang thung.



" Bawihte nizanah Zorina piin min rawn bia a. Patling ve meuh tan chuan a na in a zahthlak ve khawp mai. An thatna rem chang a la in a tupa i chhaih buai angah a rawn chhuah che a ni ringawt a. Ka fanu hi chutiang hmeichhia i ni lo tih ka hre chiang a. Mahse chhan dan tur reng ka hre si lo a. Zingah lah nang in thu i rawn ti chiang a, enga ti nge hetiang hian thil a thlen a. Thil i ngaihtuah chiang lo deuh chu a ni. Zorina pi sawi kha kei pawn ka pawm pui an ni leh kei ni chu chhungkhat kan ni chubak awm lo se kan duh bawk. I papuia hriat hma in tih tawp a tha hle ang. " A rawn ti ta duah a.



" Mahse pa kan in hmangaih in kan in duh ve ve a lawm. Bakah thinsen zawm pawh kan ni lo a, enge a pawina? " Ka ti ve ta halh. Ka pa thaw ri hawk ka hriat chuan ka lo ip chawi mai.



" In chhungkhatna leh in unauna hi thisenah a ni ber lo. Bakah Zorina pi hian a rem ti ngai dawn lo a. Kan chhungkaw hnih in kar a buaina then tu in nih hi kan duh lo. Chuvang chuan thil a kai thui hma hian nangman ti tawp hmasa ang che. " A rawn ti leh a. Thinrimna a lang tel lo a mahse a thu sawi chu zawm ngei se min duh tih a hriat viau thung.


" Ka duh lo... Ni lo... Pa ka thei lo. Zorina hi ka hmangaih a ani pawn min hmangaih... "



" Hmangaihzual tha tak a kan sawi lai hian zawm mai rawh! " Ka sawi zawh a in ka pa chuan a ti vin hrawk a. Ka in hnit nghal hraih thung.



" I duh lo a nih chuan kha ta I awm reng kha kan rem ti lo ang. Hetah I rawn haw chho ang, duh lo mah la ka hruai haw lui tho ang che. Naktukah i nu nen kan rawn chhuk dawn. " A rawn ti leh hrawk a. Ka in seh ruh nasa lutuk chu ka hah vek thei.



" Ka duh lo ka tih chu. Eng thil pawh sawi in ti mah u la ka rilru ka thlak dawn lo. " Tiin phone chu ka dah a. Thawk ka la vang vang. Ka pa chu a lawm lo hle a ni ngei ang. Mipa tawng tam hluak a ni lo a, a sawi aia tam kha ka piin a sawi tih lah ka chiang reng.



Naktukah ka nu nen an rawn chhuk dawn thu a sawi a. Min hruai haw tum lu tal se engtin nge ka tih ang. Hnial eng angmah i la ka pa luhlul zia hre chiangtu ka nia, ka hnial hneh hauh lo ang. Mama a awm lo bawk nen kawngka chu kalhin Ka roomah Ka lut a. Zan dang angin Zorinpuia a rawng leng thei si lo a. Ka awm thiam lo ni ber in ka hria.



Ka phone bawk chu a rawn ri leh a tun tum chu ka mi nghah tak in a rawn call ve ta hram. Ka lo ngaihtuah mek lai a ni bawk a, rang zet in call chu ka la nghal vat.



" Min va rawn be har ve. " A rawn tawng hma chuan ka ti vat a a nui suk ri ka hre zawm nghal.



" Biak che ka tum reng tawh a busy a in ti char char a. Kan chhuak lawk a kan leh chiah a ka rawn bia che. " A rawn ti ve nghal a. Zingah lawk khan kan in hmu kha a nia mahse ka ngai nghal ngawih ngawih mai.



" Ka ngai che. " Ka ngawih vang vang vang nge a rawn ti zawi sup a. Ka hahdam nghal sawng sawng mai.


" Kei pawn. " Ka ti ve sep.


" Enge i tih? Kha pa kha a rawn leng leh em? " A rawn tih leh hluk a. Muanpuia a tihna tih ka hria a ka nui hak.


" Kan in hrik in min zin san a kei mah chiah in ka awm. Mut ka lo tum chiah a in mu tawh em? " Ka ti let chu a phun hluk mai. Kan in hrik tih chu a duh lo ngei mai.


" La mu mai rih lo ang. Nizan a I taksa kuah bet chung a ka mut lai kha ka ngai. " A ti zawi sup.


" Kei pawn.. " Ka ti ve leh nghal a. Vawin an thil tih vel ka zawt a, nuam a tih leh tih loh ka zawh chuan rawn haw vat a duh thu a sawi thung. Rei zet kan in bia a, ka pa nen a kan in biak a ka rilru hah theihnghilh thak in ka bia a ni ber. A khat tawk in min ngaihthu a sawi leh thin a. Tunah tak chuan a mah aia ka ngaih zawk hial ka ring a ni.



Kan in biak zawh meuh chuan Mama pawh a rawn haw der tawh. Ka pa nen kan in biakna vel chu min zawt ve luam a, kei pawh chuan ka hrilh ve mai.


" Naktukah an rawn chhuk chuan engtin nge... I haw dawn tihna mi? " A tih chuan ka thaw hak. " Hna ka neih hi ka haw thei ngawt lo. " Tih zawngin ka chhang.

*

*

" Ka pa te chu i lam hman dawn em? " Tukthuan kan ei lai chuan Maman a rawn ti a. Ka chaw ei lai ka tawp dat.


" I lam zawk mai thei lo a mi? " Ka ti let sep. Hmuh hreh nak a laiin han lam phei chu ka chak lo tak zet. Tun tluk a ka nu leh ka pa ka hmuh hreh hi ka la hre lo.


" Dawr kal ka ngai a lawm. Haw hma ka dil ngun tawh sia lo va lam mai rawh. Kan pu lakah ka in thlahrung ve tawh bawk sia. " A ti leh mai a. A dik ve tho mai zan lam class kal a nih vang hian an hrethiam zauh zauh tawh bawk a nia.


" A tha lawm. " Tiin ka chhang ve ta hram. Mahse ka rilru chuan Tei ka sawm ang ka ti ru hram a. Thil sual ti ang mai a ka nu leh ka pa kei mah a ka hma chhawn ngam lo chu ka in ngei lek lek.



Maman dawr kal phah in college ah min thlah a, chhawhnu lamah ka nu te lam ka ngaih vang chuan midang bulah inthlahrung ru deuh chuan period in thleng ka dil a. Chawhnuah class vawi 2 chiah ka neih vangin kan in thleng kual thei hram a. Tei pawh ka be sa vek a, naktukah haw a tum nen a buai viau a mahse ka nawr lui ve tlat thung.



Tei nen in hmuh kan tumnaah ka thlen chuan rin loh lutuk in Andrew pawh a lo awm ve a. " In pahnihin maw? " Ka ti haw, an la nui dun hak hak leh nghal.



" Ti nge Andrew i lo hruai ve a. " Tei bulah chuan ka ti ru ser ser a. " Kan awm dun laiin i lo call sia, ka hnial thei lo a. Mahse a tha zawk a lawm taxi fair a ngai lo a. " A la ti duh chauh leh nghal.



Ka nu te pawh rei lo teah an rawn thleng a Tein a be char char a, Andrew nen a in hmelhriat tur bawk a. Andrew car hnungah ka pa leh ka nu te nen kan thu a. Ka nu a laiah a thu a, tumah chu kan in be lo a ni ber. Ka nu in a khat tawk in min bia a, ka chhan bak chu kan tawng lo. Tei a tawng char char a. Andrew an a lo tui hnih ve bawk a. Andrew pawn mak min ti ru ngawt ang.



In kan thlengah a ruk in Tei te la awm turin ka ti a, tlaiah an haw ve chauh a. Mama rei lo teah a rawn haw zui bawk a, hun chu a kal ve zung zung mai.



" Kan sawi ang khan kan rualin i haw ang. " Zanriah kan ei laiin ka pa chuan a rawn ti a ka chaw ei lai ka tawp chawt.



" Ka duh lo. " Ka ti ve sap.


" I duh leh duh loh ka zawt lo che. Kan rual in I haw dawn. " Ka pa bawk.


" Chutiang in I ti ringawt thei lo. Hna ka nei a, duh duh in ka chawl in la ban san thei lo. Engvangin nge naupang chhia ang mai a min control in tum a. " Ka ti tan tan. Ka pa chuan dawhkan chu a rawn beng ri nghal chawrh.



" Luhlul chhuah suh. Phuar hlawm vek ngai dawn mahla ka hruai haw tho ang che. " A ti leh hrawk. Ka mittui chu a rawng luang lum thla pap a. Ka pa thinrim meng dur khup chu rilru na zet in ka melh a. Mahse sawtna a awm lo chiang kher leh nghal. Ka chaw ei lai kham hmak in ka roomah ka in kalh khum a , ka in hnit nghal hlawp hlawp. Lukham a ka phone ri ka la chu Zorinpuia a call a lo ni a.



" Chaw in ei tawh em? " Call ka lak rual chuan a rawn ti sup.


" Umm... Nang ni? " Tiin ka zawt let a. Min chhang lo chuan a reh vang vang.


" Ti nge i aw chu? I tap em ni? " A rawn ti nghal chat. Ka heh chu ka pet fan fan a.


" Zorin.... "


" Duati thil dik lo a awm em ni? Ka piin thil sawi a nei leh tawh em ni? " A rawn ti nghal ruai. A aw a hlauhthawnna ri tel chu ka hre chiang ngang bawk.


" Kan in ru daih mai dawn em ni? " Ka ti chhuak halh!



* ZORINPUIA POV *


❤❤A TAWI VE KHAWP MAI 😅 NEXTAH KAN ZAWM ANG AW KA CHHINGMIT KAWPZA A RUL 🥴🥴

#Ads click zel ang u aw



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 10th, 2021, 1:49 pm

CHAPTER - 32 🌼 by Amy Cck



* ZORINPUIA POV *



" Kan in ru daih mai dawn em ni? ” a aw chu a zawiin a tham chhel a. Thil dik lo a awm tih chu ka hre thei. Nizan lawkah vawi tam in ruk ka sawi a mahse a duh lo zawkah a tang char char a. Mahse tunah a rilru thlak thut in in ruk a duh thu a sawi leh a.



" Thil dik lo a awm a mi? Min hrilh rawh? " Ka ti let nghut. Ka sir a midang lungkham nei lo zet a zai dual dual chu ka kal hlat san deuh a. Mahse kan tam bawk nen hmuh reh tak erawh chu a vang phian mai.


" A... Englo a nia ka lo ngaihtuah mai mai a. Mahse tunah chuan duh mah i la i awmna a hla sia. I lo haw hunah ka hrilh mai ang che. " A rawn ti dam dap a. Mahse ka awm erawh a nawm phah lo chiang kher mai.


" Ka piin eng pawh lo sawi se engah mah ngai suh aw. " Ka ti sup. Ka pi lo chu rin tur ka hre tlat lo a.


" Engah mah ka ngai hlei nem. " A rawn ti ve mai a.


" In zinna chu enge a an a? " A rawn ti leh hap.


" A pangai, a nuam vak lo. " Nui suk a ka tih chuan a rawn nui ve hak.


" Zanah engtin nge riahna te, in tha hnem ve bawk sia. " A tih chuan tent kan ken nual a vang in mipa ho chu khaw pawn deuhah min ramah kan awm thu ka sawi a. Hmeichhe thenkhat tent a riak ve duh an awm nual bawk a. Kan buai loh thu ka sawi ve mai a.


Rei vak lo kan in biak leh hnu in phone a dah a. Kei pawh kan riahna lamah ka let phei a. Meipui chhep in kan kil luih hlawm a. A then in ar pum tlaiah kan lei kha an lo hem bawk a. In tur nen kan ti nuai nuai a ni ber a. Kei erawh engmah in tumna ka nei lo. Mak tak in Zualin zu leh a kaihhnawih a ngaina lo tih ka hriat atang khan in tumna ka nei ta miah lo a. Ka hlauh vang ni miah si lo in a mah hian min control ve tlat reuh a. Zorema pawn mak min ti viau nge nge.



Zoremsanga ngaihtuah lai mek chuan a call ka dawng nghal a. Ka lak rual a a rawn tawng dan vang chuan a rui hle tih ka hre thei. Nilengin kan la in be miah lo a nia nizan a Zonuni ka va ruk pui tih loh kha chu.



" Nupui neih chu enge a an? " Ka tih chuan a rawn phun hluk mai.


" Zonunin haw leh a tum a. " A rawn ti sup.


" Phal lo tlat mai rawh. " Ka ti leh nghut. Chubak sawi tur pawh ka hre lo.


" Chutiang ringawt a theih loh . Hei... Biak pawh min be duh lo. " Thatchhe zet hian a rawn ti a. Midang ho zai ring leh thin nen kan awmna chu ka hne lek lek.


" I ruih vang a nih chiah chu. " Fiamthu zet chuan ka ti a. A rawn thaw ri hrawi mai.


" Ka inah a mi in la awm? ' ka ti leh nghut.


" Ni mai loh in. Kan chhungte bulah trip a kal angin kan in sawi a, in rawn haw rualin kan haw ang. Tunah pawh room chungah a in khung char char. " A rawn ti bui bui a.



" I va ru rei lo ve! " Nui hawk a ka tih chuan a lawm loh hmel ngang mai.


" Ka ruk tur in a duh loh te chuan tih ngaihna a awm lo. " A rawn ti hluk.


" Zei lo pa. " Ka ti nghut.


" Zawnga i zei lo zawk. " Min rawn ti let a. A rui bawk nen a tawng thenkhat chu ka hre tha thei lo.


" Zorin kan tent saw min lo tih that sak lawk thei a ngem? " Ka bul lawkah chuan Tebawihi leh a thiante pahnih hi an rawn ding a. An kawh na lam ka hawi chu thenkhat ru phawk lek in an lo delh chhiat sak ni ngei tur a ni.



" Thiana ka dah rih aw, in nasa lutuk lo la. " Tiin Zorema call chu ka dah a . An tent awmna lamah chuan kan phei a. Zan a tlai tawh viau a mahse nuam erawh an la ti tlang khawp mai. Tlem a fel fal leh huau huau ngaina lo te erawh khawchhungah thlen in an hmuh fur avangin hmai zah tur an nei lem lo bawk a. Mahni phur phur in an phur a ni ber.



" I in duh em? " Tent kan zar zawh chuan Tebawihin bear a ken lai chu min rawn pe a. " Duh hran lo. " Ka ti nghut. Min pek lui erawh tum lem lo in a mah chuan a in zui a. Kan zin ho a mahse bus a an chuan a vangin kan in be lo tluk a ni. Ka motor ah lah kan dept hmeichhia bus rui ho ka phur daih bawk a. Bakah ka pi thil tul lo zel a lo hrilh khan ka kam khat hrep a kha ta tang khan kan in be leh tawh lo tluk a ni.



" Mu ru a tlai tawh. Naktukah in chau lutuk ang. " Tiin kal san mai la tum chu Tebawihi chuan min rawn pawt ding dat.


" Ka lakah i la thinrim reng a mi? " A rawn tih chuan ka sam ka tuai chho puat.


" Ka thil tih kha ka ti dik lo tih ka hria. Tunah pawh hian ka in chhir tak zet a mahse kha tih lai khan rilru fim ka pu lo a. A nih khan ka lak atang in min lak sak che a ka in ngai a. " A tih chuan ka nui ro hawk.


" I ti dik lo a in chhir tur reng pawh I ni. A nih khan engmah a lak sak lo che. Kei hi i ta ka ni ngai reng reng lo. Kei chuan hmeichhe pakhat ka tanpuina mamawh thinah bak ka ngai ngai lo che. " Ka ti chhuak nghut.


" Ti nge a ni kher kha i duh a. A phu miah lo che a sin. " A rawn ti tham tiak a. Zan thla eng hnuaiah a mit a mittui vang a tle ralh ralh pawh ka hmu chiang ngang mai.



" Min phu lo maw? " Tiin ka ner sawk.


" Ka sawi awm zia chu... "


" Sawi buai lo law law rawh. Kei chuan a ni bak a duh ka nei chuang lo. A ni bak a min phu tu an awm pawn ka hre lo bawk. Mu tawh rawh. " Tiin ka tent zar na lam chu ka pan phei a. Tu mah tawm tu ka nei ve lem lo bawk a. Ka mu ta hmak. Zorema chu awm se kan pahnih in kan in tawm ngei ang. Nupui a ru ve ngawt a. A ruh hlawhtling leh dawn der si lo, kan hahthlak zawng a nih hi.

*
*

Zing dar 7 velah kan tho sap sap a. Rin ang tak tak in nizan a che na zual ho chu a hmelah a hriat hlawm khawp mai. Tlang a lawn a ke a kal tur kan ni sia an chau viah in ka ring. Tlawh kual tep rilruk kan nih vangin zan khat te te in kan khaw thlen tawpah kan riak tawp zel a. Mizo dept a professor 1 leh kan dept professor 1 ve ve an tel ve a. Mahse naupang chhia kan ni tawh bik lo bawk a kan thil tih tam zawk chu an en liam thei viau.



Vawin kan ni hnihna a ni der a. A hming chuan kar khat a nia mahse hun erawh tam lo tak a ni. Vawin kan hman zawh chuan ni hnih chiah kan nei a ni leh mai a. Kawng a thui ve vang in ni khat pum hlum tawp haw nan kan rua hman bawk. Kan kalna signal a tha lo bawk nen duh ang pawn phone a khawih theih lo leh nghal a. Ka rilruah haw ringawt a awm tawh.


*

*

Thil tih neuh neuh takah chuan kan zin hun chhung pawh kan hmang zo ve hram a. Midangin an kham loh em em laiin kei erawh ka lawm ru viau thung. Duh mah i la signal that loh vang in phone ka khawih thei lo a. Kan in text lah in kan in be mumal lo bawk nen. Kan haw lam chu ka phur bawk a speed pawh a sang tha viau. Mahse kawng lakah pen neuh neuhna kan neih vangin mahni hmanhmawh mah i la a sawt teh viau lo.



" Mam... I u a awm em? " Maman call a lak rualin ka ti sup. A phoneah ka call in a la thei si lo a, mama ka be ta tawp kha a nia.


" Awm lo. " A rawn ti a. Chhang tawi ve thei khawp mai.


" Khaw nge a awm i hre mial em? Call a pick thei si lo a. " Ka ti let nghal a. Motorah midang thu ve mahse ka mi sawi hi an hre ve kher dawn lo bawk a ka uk sak duh lem lo.



" Damdawiin lamah ka pa te a kal pui a. Dawrah ka awm a an haw tawh em chu ka hre lo. " A rawn tih takah chuan call chu ka dah nghal mai. A nu leh pa te an rawn zin tih pawh min hrilh miah lo a nia. An khua a kan kal khan kan hman hmawh bawk nen ka tlawh hman lo kha a nia. Ka lo tlawh kawi lo chu ka vannei let ling zawk hial mai. Ka lo kal thlawn dawn sia.



Motor khalh chung chuan ka phone chu ka hmet mual mual a ka contact a ' Duati ' ti a ka save chu ka call zui leh nghal zat. A la dawn tawh lo emaw ka tih hnuah a rawn la ve hram a ka thaw huai mai.



" I buai viau a mi call i chhang thei lo a. " Ka ti nghal sup.


" Buai lutuk lo e. Vawin in lo haw dawn ti raw. " A rawn ti sep.


" Umm.. " Ka ti mai a.


" I nu leh pa an lo zin tih ti nge min hrilh loh a? " A ngawih vang vang hnu chuan ka ti sup.


" Maw... Engtin nge i hriat a? Tu in nge hrilh che? " A rawn ti nghal a. A awah chuan hlauhthawnna a ri telin ka hre hial.


" I nau ka be zo chiah a. I pa te damdawiinah i kal pui thu a sawi a. " Ka ti leh sup.


" Aa... Nia ka pa a damsam vak lo a, ka kal pui a lawm. " Tiin min rawn chhang a.


" Dar engzat velah nge in rawn thlen theih ang? " A rawn ti leh vat.


" Dar 7 leh dar 8 in karah a nih ka ring deuh. Midang ho hi ka thlah kawi an ngai ve dawn a. Ka ngai tawh che hmu tur che in ka rawn tlang hmasa ang. " Ka ti nghal sup.


" Aii... In inah chaw kan ei phei dawn a. In inah kan in hmu dawn nia. " A rawn tih chuan ka ngawi vung vung.


" Kan inah maw? "


" Aw... I pa in ka pa te an lo zin sia chaw ei tur in min sawm a.... Kan chhungin... " A rawn ti fan raih.


" Aw le... Ka rawn thleng vat ang. "


" Motor i khalh sia dah rih ang aw. " A tih rualin ka chhanna pawh nghak lo in a off nghal a, ka thaw chhuak hawk.



Thim dawnah khaw chhung kan lut a. Bus a kal te erawh college kawtah a ding a nga mahni a haw an ngai dawn a. Kei ni private motor a nih vangin kan in thlah kual dan dan a. Kan zawh meuh chuan a lo tlai duai tawh.



Kan in ka thlen chuan garage ah tlan lut in motor ka hung tha nghal a. Ka sil ve thum mai. Thil hah thlak lutuk ni lo mahse motor a khal ni leng mai pawh ni lo in ka khalh kar tluan lutuk a. Mit a thip in a kham thum a. Ka taksa hi a khawng riau bawk.



* ka rawn thleng. * inchungah chhoh pahin message ka thawn a. Rei lo teah a seen a mahse reply na erawh ka dawng lem lo. Gate ah lut in doorbell chu ka hmet a, rei lo teah mamain a rawn hawng a. Inchhung lamah tawng ri nak nak ka hre bawk.



" Putea a lo thleng. " Tiin Puipuiin min rawn pan nghal a. Ka ni te an awm ve a nih hmel. Midang ho pawh chuan min lo chhawn nghal vat a. Ka chauh leh chauh loh te min zawt luam a. Pangai tak chuan ka chhang a mahse ka hmuh duh ber erawh ka la hmu lo.



" Bawihpui han in thlak la, i eitur mamin lo siam rawh se. Kan ei fel ve deuh chauh keu ni pawh. " Ka pi chuan a rawn ti dam dap a. " Ni e... Han in ti fai la i hahdam deuh ang. " Ka pa pawh chuan a lo ti sup.



Kei pawh chu inchungah ka chho zui nghal a. Ka room ka luh rual in ka bag sir lamah theh pheiin khumah ka let nghal tawp a. Ka phone chu phawrh in Duati no bawk chu ka call leh nghal.



" Ka lo thleng tawh . " Call a lak rualin ka ti nghal tawl. Ka thawm a hre lo a ni pawn midang tawng atang khan a hriat chu ka ring a mahse hmuh tur a awm miah lo kha a nia.


" Ka hria lawm. " A rawn ti sep.


" I hria a mahse min hmuh pawh i lo tum lo a. " Lawm lo zet in ka ti hluk a. Kei in ka ngai in hmuh hlan ka ngahkhlel em em a mahse a ni chuan ka thleng tawh tih hre reng in min hmuh pawh a tum lo a nih chu.


" Midang an awm ve thup kha, lo chhuk la chaw ei ka lo siam ang che. " A rawn tih takah chuan ka thaw ta hawk. Ni tak e midang an awm ve tih lam reng ka lo ngaihtuah tawh lo. A hmel hmuh chauh kha ka rilruah ka lo dah a tin ni.



Ka mutna atang chuan tho vut in bathroom lam ka pan a, shower chuan ka in phu nghal sur sur a ka harh kawk in ka in hria. Rang zet a in thlak sawk sawk in room ka chhuah san a. Kal bo tur pawh ni lo ti tak a hmuh vat ka chak chu a ka in ti ru leh viau thun a.



Sitting roomah pawh lut phei lo in chokaah ka tlang nghal a. Dawhkan bul chair a lo thu ka hmuh chuan ka hahdam nghal sawng sawng thei. Ka awm ve tih hre lo ang maiin a hma zawng chu a melh char char a. A piahah ka ni leh Mami an awm vang chuan thil dang ti lo in ka hrawk ka thian khurh a an rawn hawi nghal vat.



" Ehee... Bawihpui i va rawn chhuk rang ve. I chau em? " Ka ni chuan a lo ti vat a. Ka hma a hmeichhe thu pawh chu a rawn hawi nghal vat.



" Chau lo e, in rawn leng phei mai mai a mi? " Ka ti let a. Ka hma a hmeichhe thu chu ka melh leh nghal zawk.



" I pa Peka night tur kan thlah a kan rawn lut kawi a chaw kan ei nghal a nih hi. " Tiin Mami chu chaw ei min siam tur in a ti a choka atang ka ni erawh a chhuak ta thung .



" Lo thu tawh i eitur ka va la ang. " A bul ka thlen rual in ka biak hlau ang hrim in a ding nghal hliai a. Kei pawh chuan ka chelh lui bik lo. Mami chu a va siam pui rak rak a. A hnu chuan ka lamah a rawn chawi phei a. Chair a thu in ka lo en reng thung. Ka hma dawhkanah chuan a rawn hung a. Kal sawn leh a tum rual chuan a banrekah ka vuan nghal chawt.



" Min thut pui rawh! " A mitah tak melh chho in ka ti sup a. Min chhan tum in a ang zauh a mahse ka bul a chairah chuan ka pawt thu nghal hmak. Mami melh zauh in a thaw hak a. A kut chu lak let a tum tak lohah chuan nui suk in hma lam chu ka hawi a. Engmah dang sawi lo chuan ka ei zui nghal a. Ka bulah chuan min ti buai lo in a lo thu ve ran bawk.



" Ti nge ka message min reply ngai loh a? " Chaw ei pah chuan ka ti a. Min chhan mai loh vang chuan a lam chu ka hawi leh nghal.



" Ka reply reng che. " A ti ringawt chu ka ner sawk.



" A khat tawk in.. " Ka tih chuan nuam lo ti deuh tak in a meng kun nghal daih.



" Enge ka lo haw hun a min hrilh tur chu? " Ka thu sawi thlak tum chuan ka ti ta thung. Ka pi vangin kan in a rawn kal hi nuam a ti lo tih ka hria a, a rilru ti na thei zawng a thu sawi ka hlau tak zet.


" Englo.... Zorin... " A tih lai chuan ka pi a rawn lut a, a mit meng chu a phawk nghal hra. A kut ka vawn lak sawn tum a a che chu ka hmer nghet sauh thung.



" Ei zo phawt ka nakinah ka hrilh ang che. " Ka en reng takah chuan a ti sep a.


" Bawihpui in zinnaah Tebawihi kha a tel ve tih ka lo hria a. Nangman i phur na nge? " Ka pi chuan a rawn ti a. En lem lo chuan lu ka bu nghut. Zuali nu in Zuali a rawn auh takah chuan loh theih loh in a kut chu a thlah a. Choka atang chuan a chhuak nghal vat.



" Kha tiang khan khawsa tawh suh u ka tih cheu kha. Zuali nu leh pa pawh an awm ve a. A mawi pawh a mawi lo. Bakah nang aia upa a la ni zui a. In in kawp hi ka duh miah lo a nia. " Ka pi chuan ka sir dawhkanah ding in a rawn ti a. Ka fian ken chu dah in ka thaw chhuak hawk.



" A nei tu tur ka nia enge i lo duh lo ve viau a? ' ka pi en chuan ka ti ta hmuk. Ka hre thiam thei lo ti nge a duh lo em em mai le. Ka chaw ei lai pawh chu thawh san in tui botle dawhkan a mi chu ka in ka chhuak nghal hmuk.


Sitting roomah midang bulah a lo thu ve reng chu ka en reng laiin min rawn en ve nghal chat. Ka mit mengin inchungah chho turin ka ti a, ka pen chho nghal pawk pawk. Ka roomah pawh tlang lo in ka nghal deuh reng a. Minute 15 hnuah pawh a la rawn lan loh vang chuan thinrim zet in ka pen thla leh hmawk hmawk a.


Midang chu sitting roomah an la tawng barh barh a. Chu lam pan ka tum lai takin kawngkapui lamah Puipuii nen an in be lang lang ri ka hria a chu lam chu ka pan phei ta zawk a. Gate bulah ding in gate pawn a nitei te nufa an rawn hruai chu Puipuii nen an lo in mang tha chu niin. Motor an tlan liam thleng chu a en zui a, a rawn in her chiah min hmuh rual in a meng buai nghal nak.



" I hman chuan kan in be tawh dawn em ni? " Ka ti hmuk a thaw hak in lu a bu ve ta nghat. Ka lam chu a rawn pan a. Ka bul a rawn thleng rual in a banah vuan in lehkha chhiarna pin danah chuan ka pawt lut nghal dawt dawt.



" Engvangin nge min pehhel char char a? " kawngka ka nem khar rual in a mah chu nem bet in ka ti nghal hluk. Mit chhing sawk in a rawn thaw chhuak hak a.



" Ti nge min hlat tum ang mai a I awm a? Tih dik loh ka nei em ni? " A mah chu en in ka ti zawi ruih mai. A heh chu a pen fan fan a, rngmah sawi lo mahse eng emaw thil thleng chu a awm tih ka hre thiam ve vek a chu chuan min ti hlau thawng ta zet.



" Zorin... Ka sawi duh chu... " A tih rual in kun hniam in a hmuiah ka fawp nghal vang vang. Enge a sawi tum chu ka hre lo mahse a lan dan atang hian sawi lo se ka duh mah mah zawk. A kut chuan ka awmah a rawn nam dat a mahse in la hrang duh lo in ka kut pakhat a a kawng a vuan in pakhat in a tukhum samah ka rawlh lut a, ka fawp uar zual sauh a. Min chhang let miah lo mahse ka thlah duh chuang lo.


" Ka ngai che. " Kuah bet in a beng bulah chuan ka phun sup a. Chu pawh chu min chhan a tum chuang lo.


" Zorin... "


" Ka ngai che ka tih chu! Min ngai ve a ni tih bak engmah sawi suh! " Ti hluk in a nghawngah chuan hmai ka phum a, a rim tui leh nu zet chuan ka hip lut vang vang.



" Inthen ang! " A rawn ti tham chhel a. A sawi zawi lutuk mahse ka bengah erawh a ri ring viau thung.


" Sawi suh ka tih kha. " Ka ti chhuak hawk. Ka kuah na atanga awm hran a tum chu ka kuah nghet sauh sauh a, a rawn tal zui nghek.



" Ka sawi a ngai a lawm! " A tih rual chuan " Engmah ka ngaithla duh lo ka ti a ni lawm ni! Ka chau a nia, ka zin ka rawn haw ve chauh a nih hi. Mi ti thinrim lo teh! " Ka ti hluk thung. Ka hmaah chuan mit sen ram in min melh a. Kei pawh ka mit meng chu hmuh a nuam bik vak lo ang.


" Ka pi vang em ni? A nih chuan i tan chuan ka kal san vek thei tih i hriat kha. Min ring ti raw? " Ka ti zawi ruih. Tah chhuah hlau zet in lu a thing mat mat a. Khawih leh ka tum rual chuan kawngka chu a ngheng dat.



" Inthen ka duh. Eng thil pawh sawi la ka rilru ka thlak dawn lo. " A rawn ti tham tiak a. A lan danah hian hreawm a tih hmel tak zet. Chuvang chuan a duh thu reng a ni lo tih ka hria.



" I chhungte vang a ni em? " Ka ti sup chu min chhang lo in chhuat chu a melh ngar a. Ka hmai tuai phawk in ka thaw chhuak nghal hawk.


" An mahni vangin maw? Kan in kawp hi an pawm lo ve tho a ni ti raw? " Beidawng leh thinrim zet in ka ti leh hluk a. Min la chhang chuang lo.



" Tlan bo mai ang! " Ka ti hmuk a phawk zet in min rawn en ve nghal. " Nang pawn I sawi kha inruk i duh thu. Chuvang chuan kan pahnih hian tlan bo i la nakinah kan in hmangaihna hi chu an la hrethiam ve mai ang. Hun rei pawh nghah a ngai kher lo ang. " Ka tih pawn duh lo tih hriat zet in lu a thing nawk nawk a. A awm dan chuan min ti hlau thawng zual sauh mai.



" Enge i harsat na? I tan ka chhungte kal san ka in huam a nang pawn I ti ve a ni mai a. " Ka tih rual chuan " Ka thei ve lo. " A rawn ti chhuak that. A awm dan vang chuan ka ding ngawi ta reng a. " Engmaw? " Ka ti nawn leh sup. Min chhang mai lo chuan a hmai chu a hup vang vang a. " Ka thei ve lo. Ka chhungte.... Ka kal san ve thei lo. " Tiin a in hnit nghal hlawp hlawp a. Ka hnaih duh lo tih hriat tak in ka pan hrut rual in a lo yawlh hnung dat.


" Kal san ka tih kha kumkhua lam ka sawi lo. Rei lo te bak a ni lo ang. I hrethiam ti raw? Heii.... Lo kal teh. " Ti mah i la kei mah zawk in ka pan ta tho.


" Ai... Min hnaih tawh suh. Nang nen hian in then ka duh a, chu zawng chu a ni mai."


" Mahse ka then ve duh hlei nem che! " Ka ti chang hrawk.


"Duh lo mah la kei chuan tawp ka duh. " Thawk la vang vangin a rawn ti hap.



" Enge a chhan? " Ka awah pawh a hrilhhai zia chu a ri chhuak thei hial.


" Ka sawi kha ka chhungte... Ka nu leh ka pa in an rem ti lo. " A rawn ti leh hap. Kei erawh a thu sawi awi lo lutuk in ka nui ro hawk.


" A hma zawng pawn i pawi ti lo a tun a takah i ngai pawimawh leh a maw. Dawt min hrilh suh.... Enge a chhan chu min hrilh mai rawh. " Ka ti chang bawl. Pawn lam a mi ten kan thawm an hre lo a ni phawt a nga, tumah an rawn lan loh danah.



" Min hrilh rawh! Chu chiah chu... " Min chhan mai loh vang chuan ka ti zuai ruih.


" Ka pa... Ka pa a damlo nasa lutuk a. Rilru hah leh hreawm a siam thei ka ni lo. A thu ka zawm loh chuan.... "



" Engtin nge kei ve hi? Min ngaihtuah ve miah lo em ni. I tel lo chuan ka awm thei lo. Ka mamawh che tih pawh i hriat kha. Min kal san suh! Aw.... Duati min kal san lo ang ti raw? " Tiin ka lamah chuan ka pawt hnai a ka awmah chuan ka kuah bei thlawp a. A tal zui nghek ngjhel thung.



" A pawi ka ti. " A tih sep chu ka kuahna ka thla ruai ruai a. Beidawng zet in ka melh chhuk ngur ringawt.



" I thu sawi hi i chiang ti raw? Tun a min kal san chuan ka um zui dawn miah lo che a nia. " Seh chilh zet chuan ka ti a. A mittui chu hru thuak thuak in " Chutiang chuan i ti ngei dawn nia. " A rawn ti sap. Min chhan dan chu a tlawm lak thlak tak zet mahse a fiamthu nise ka la ti fan a. A mit meng leh a hmelah erawh fiamthu hmel a lang hauh lo!


_______________________________________________



* HMANGAIHZUALI POV *



" I hma i sial hle mai. " Zawi si fiah zet hian an rawn ti a. Hreawm ka ti tak zet. Ka duh dan a ni bik lo tih ka sawi chuan min thlem leh a nga ka hnial hneh in ka ring si lo.



" Ka tihpalh. " Ka ti sep.



" Chu thil chu ka hriat duh a ni lo! " A rawn ti chang bawl mai.



" Ka hria... Ka hria lawm mahse kan pahnih vang in ka pa nunna derthawngah ka dah thei lo a ni. Kan inkar a thil thleng kha chu i la theihnghilh vat mai ang. " Tiin kawngka chu ka hawng a ka chhuak nghal vat. Hawi pawh hawi let lo in pa te thutna lam ka pan a. Haw tum in an lo ding uai tawh hlawm a, ka va nangching chiah.



Tang tung in midang bul ah chuan ka ding a. An in mangtha lai te chuan engmah pawh ka lo hre mumal lo. Ka a vek ni maiin ka hria, ka mitthlaah Zorinpuia hrilhhai hmel te, beidawng tak a min melh lai te, a mit meng a hlauhthawnna leh natna in lan chhawk zut kha ka theihnghilh thei lo. Ka mittui erawh tla tur a awm lo. A hul vek a mahse kei mah hi ka ruak in mi â ang maiin ka ngaihtuahna hi a chawmawlh vek.



" Bawiha i papuia te hi i va thlah dawn em ni? " Zorina engtik laiin nge in chungah a chho ka hre lo. A lo chhuk lam chu Pa Zothana a lo ti a. Mahse hre lo ang hmak in chak zet in kawngkapui lam pan in a kal pawk pawk a. Papuian a auh nawn leh rual chuan " Papui a thianpa in a rawn bia a a hmanhmawh a nih kha. " Aw lawi rat chuan ka ti a. Ka piin a lo tui hnih ve nghal vat. Tunah tak chuan ka pi leh ka nu leh pa hi ka haw tak zet.



Taxi ko in kan haw a. Kal kawngah pawh chuan ka tawng lo a, tumah pawn min be hek lo. Mama erawh zanriah kan ei zawh khan class kal in a chhuak hma daih kha a nia. Zorinpuia ka ngaihtuah chuan ka tawt leh tun tawh. Ka tan engkim a huam a, mahse a tan ka huam ve lo tih ka sawi khan a ke chhe hneh hle tih pawh ka hria.



A hma zawng kha chu Zorinpuia tan khan ka huam ve vek. Kha mi zan inruk ka sawi chhuah zan khan ka bulah awm in ti thei ngat i la chuan tlan bo pawh kha ka duh a lawm. Mahse tu nge thil hi a in thlak danglam dawn tih hria ang.



Kha mi tuk khan ka pa in lak lawh zet a ka hna atanga bang tur in min ti nghal tut tut a. Ka theih loh thu a chhangin kan in hnial ta vak a. Ka pa in a hna ka kal sakna te min biak sak hial a la tum lui zel a. Kan chhungkua chu kan buai nuai a ni ber.


Ka hnial ve zel vang in ka thinrim kha a heart attack chhuak in kan buai zui ta hrep a. Strok a lo nei bawk nen damdawiin lamah kan in phur phei ta chuk chuk a. A rang lam a in enkawl a ngaih zui a. Mahse a thu ka zawm dawn loh a nih chuan eng in enkawlna mah a duh lo thu a sawi bur a. Ka tan ve tlat vang in in lamah kan in phur let a. Mahse a zanah bathroomah a lo tlu leh a, chu erawh kam hriat mai loh vang in kan in chan teuh kher leh nghal. Loh theih lo in ka pa lakah ka tlawm a ngai ta kha a nia!



In kan thlengah ka roomah ka lut chiah kawngka ka kalh a ka in sum hman tawh lo ka tap chhuak nghal hawk a. Ka nu in kawngka rawn hawn a tum pawn ka kalh zui hmak a. Ka mitthlaah Zorinpuia chiah a awm, tunah hian engtin nge a awm ve ang. A mit mengah a keh chhe hneh lutuk ber khan min ti na tak zet.


*

Ka tap kha ka lo tap muhil a ni ngei ang. Kawngka sawi dawt dawt thawmah chuan ka harh hlawl a. Chu mai ni lo in pawn lamah Zorinpuian min ko ri ka hre leh bawk chu ka thu chhuak nghal zawk.


Rang zet in room kawngka ka hawng a mahse ka pa te mu mawh an lo harh tih hriat zet in ka pa chu kawngka lam pan in a lo kal mek a. Ka nu in room atanga ka chhuak chu min lo en nghal vat. Mama pawh a room atang a rawn chhuak ve nghal bawk.



" Zorin zan zanah enge? " Kawngka a hawn rualin ka pa chuan a ti a, mahse Zorinpuia erawh chuan ka pa zawhna chhang lo in a rawn pen lut vut a. Ka hma zawnah tak chuan a rawn ding a, a mit meng chu rui tih hriat lutuk in a sen rum a. Din pawh a dingngil thei lo hial.



" Duati.... Min kal san suh aw. " A rawn ti hnawk tuak chu ka in rin hma in ka muttui a lung nghal zawih zawih.


" Zorin... " Ka ti tham chhal.


" Ka tihpalh ka vin vak che a vang khan. Ka hlatah awm lo hram tawh. Min kal san suh aw.... " Ti ro hawlh in a rawn kun hniam a, ka darah a chal rawn nghat in ka taksa chu a ngheng nghal run a. Ka kal sawn hlau ang hrim in ka kawngah min vuan bet tlat bawk.


" Min tiam tawh khan ka kut i thlah lo ang ti! " A rawn ti zawi sup a, ka taksa a kuah bet chu thlamuan pui tih hriat tak hian a thaw chhuak nghal ham ham a. Ka nghawng zawn chu a lum ve ham ham thei.


" I tel lo in ka nung thei lo. " A hmai a ka nghawng rawn nawr tawkin a ti leh sup a. A aw chu a zawiin a na tih hai rual a ni. Ka nghawngah engemaw a rawn far fap a. A rawn far nawn leh rual in ka awm hma lamah a rawn luang thla ngiai ngiai a.


A tap! Zorinpuia a tap a nih chu!


❤❤ SUNDAY ka awl zanah bonus thui tawk aw 💃💃 a thui bawk a cmt pek theihnghilh awi loh💃💃

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 10th, 2021, 1:49 pm

CHAPTER - 33 🌼 by Amy Cck



" Zorin... " Ti sep in a awmah nem sawn ka tum a mahse a lo duh lo nasa mai. Rum nghut in ka kawng a min kuahna chu a ti nghet sauh a. A lian in a rit bawk nen ka hah vek thei.



" Mama va pawi ta che. " Ka nu in a ti ri ka hriat chuan ka tah a chhuak ru tun mai. Zorina pawh hian ka nu thu sawi chu a hre chiang lutuk tih ka hre thei. Ka kawng a a kut chuan min hmer nghet sauh. Mama chu kan lamah a rawn kal a. Ka kut chuan rem lo zet in a jacket hak hma lamah chuan ka hmer vak ve vak tho.



" Zorin... " Tiin Mama chuan rawn pawh din a tum a mahse min kuah nghet lutuk tlat. A lak atanga ka awm hran a hlau lutuk chu ka taksa chu a kuah nghet mah mah emaw tih tur a ni.


" U.. " Mama beidawng chuan a rawn ti a, hawk ka la halh ringawt.


" Pa... Ka va thlah lawk mai ang. A mah chuan in khalh haw chi a ni lo. " Ka pa melh pah chuan aw lawi rat in ka ti a. Ka pa chu thaw chhuak hawk in a ngawi vung vung a. Rem ti hram se ka ti tak zet, hetiang chuan ka en liam tawp thei lo.



" Mama nen khan va thlah u la, rawn let rual ang cheu! " Thu pe aw zet in ka pa chuan a rawn ti a, chhang lo chuan Zorina chu ka buaipui chhun zawm nghal hmak. A lo chatthla hman nge a zawiin a rit lutuk chu ka pai zui dat dat a. " Mama min lo pui.. " Ka tih takah chuan Mama chuan a rawn kuah leh nghal a. Min rin chhan ta lo chu ka ruak huai mai. A harhfim hlawl lo tih hriat lutuk in ka hmung chu a la leh sup thin.



" Va thlah u la rawn let leh nghal ang che u. " Kawngka kan chhuah dawn chuan ka pa bawk chuan a rawn ti leh hmuk a. Kan pathum chuan kan in kuah chhuak a. Zorinpuian min thlah duh miau loh vang in rem lo zet in ka kal a. Mama pawn hahthlak a ti ngang a niang a thaw chhuak hawk hawk mai.



" A bike a keng bawk sia engtin nge kan tih ang? Kei mah in ka va dah mai ang ti dawn I la, a rui ropui bawk sia. " Kawngpui sir a Zorina bike bul a ding chuan a ti a. Zorinpuia lah chuan a uai in min uai a ni ber a, Mama chuan kuah ve tho mahse kei mah zawk hi min awn tlat a, ka te zawk bawk nen rem lo tak a ni.


" Taxi in ka rawn kal pui a nga, bike hi rawn khalh mai la. " Ka ti chhuak halh. Ka hah lutuk chu thawk ka la nghal hak mai.


" Engtin nge kan haw leh ang? " A rawn ti leh hu. Nia, Maman Zorina bike a khalh chuan haw lamah kan buai mai thei. Zan a tlai ve tawh bawk nen.


" Chu chu kan la ngaihtuah dawn nia. A rit ka ti tawh a nia. Taxi saw lo phar ding chhin teh. " Tiin kawngpui kawi a taxi rawn lang chu ka melh pah zauh a. " Lo dawm rawh aw. " Ti a Zorina a thlah chu ka lo kuah zo lo nasa mai. Kan pai nghal khut khut a, kan tlu teuh lutuk chu kan sir a kan inchungte cement bang chu ka nem nghal rawk rawk a, ka banrek a rawn na zawk leh nghal. Mama chuan phun hluk in min rawn kuah pui leh nghal a.



" Lo va phar zawk mai rawh! " A ti zui hluk. Ka banrek tuai chung chuan kawngpui chu ka pan a taxi chu a rawn thleng chawpchilh a, vanneih thlak lutuk in ka phar ding hman chiah chiah leh nghal. Zan rei tawh nen a service haw lam a lo ni a, Zorinpuia te in lamah a tlan theih leh theih loh thu ka zawt a, ka hnung a Mama leh Zorina in kuah chu a melh vung vung a, chu tah mei mah chu min rawn en leh in a hman theih tawh lo thu in min la chhang zui. Kan in biak lai chuan a hnungah taxi pakhat a rawn tlan leh a.



" Saw saw lo va be mai teh u ka hmanhmawh tawh tlat. " Tiin min tlan san daih leh nghal. Min en danah khan nula leh tlangval awm khaw loah min ngai deuh in ka hre leh hnu hnawh a, ka thin a ti rim thar thut leh nghal. A tlan tak daihah chuan a hnung a taxi zawk chu ka lo phar leh nghal a , a ni pawh veng dangah a tlan theih tawh loh thu in min chhang a. Motor dang an vang tawh bawk nen Zorina in bik lamah a tlan dawn vang chuan kan chuang ve mai ang ka ti ta ngawt.



" Mam... " Tiin Mama chu ka hui zauh a, Zorina kuah chung chuan a rawn phei a, taxi seat hnung lam chu ka lo pawt hawng vat thung. Zorina kan thut luh tir hmasa phawt a, a lian in a rit bawk nen a buaithlak lam mah a ni.



" Papuia te inah kan kal dawn lo a nia, kan hnungah muang chang in lo tlan mai rawh aw. " Ka tih chuan hre thiam lo tih hriat takin min melh vung vung a.



" Min lo zui tawp mai rawh. " Tiin Zorina bulah chuan ka thu lut a. Kawngka pawt khar in driver chu tlan tur in ka ti ve ta ngawt. Driver lah chuan hma lam darthlalang atangin min rawn melh leh zauh thin. Ka bul a Zorina chu ka en a, seat nghenchhan ngheng in mit a chhiang hmuk a. Mahse a muhil lo tih ka hria.



" Zorin... " Ka ti sep a, mi pawh chhang lo a rawn rum tuah tuah in seat hnung ka kawng zawnah a kut rawn rawlh lut in a lamah min pawt hnai hrut a, driver ka en nghal zawk. Taxi driver lah chuan min rawn melh leh zuk zuk thin vang chuan min ngai khaw lo ang tih ka hlau ve deuh bawk si. Zan a tlai tawh bakah ka mipa thutpui hi zu rim a nam thur thur bawk nen mi pangaiah pawh min ngaih ka ring lo.



" Che tawh suh! " Ti zawi nghut in ka kawngah a rawn hmer salh a, a lu chu rawn thle deuh in ka darah a rawn nghat a. Ka en reng, mit chhingin a thaw leh hawk zel a. Rilru buai tur khawp chuan a in lo tih ka hre thiam mai. Kan thutna chu thim deuh mahse pawn lam light in a rawn en leh thin vangin Zorinpuia hmel chu ka hmu chiang ngang mai. Ka che tawh lo a, ka dar a lu nghat a a in siam tha sauh sauh chu hreawm ti zet in ka en reng.



" Khawi lai bawrah nge ka din dawn? " Driver in a rawn tih chuan ka harh chhuak zawk a. Zorina in kha kan lo thleng tep tawh tih ka hre chiah.



" Aw... Sawi lai in bulah sawn. Gate bulah sawn I ding dawn nia. " Tiin hma lam chu ka thlek vat a. Lu bu nghut in darthlalang atang chuan hnung lam chu a en a.


" Kan hnung a mi saw.... " Driver in a rawn tih rual chuan " Ka nau a nih saw. " Ka lo ti vat a lu a bu nghut.


" Chuan a ni kha... " Tiin Zorina chu a rawn melh zawk a.


" Aa.... A ni hi... A ni pawh hi ka nau tho. " Ka ti ban chat. Ka tawng chu a sak talh leh nghal. Zorinpuia ka nau ti a ka sawi chu a awm lo riau hian ka hre tlat bawk a.



" Aw... Unau vek maw in lo nih a. " A rawn tih rual chuan " Unau kan ni lo! " Zorinpuia chuan a rawn ti hluk a, ka melh nghal zawk a mahse mit a lo la chhing reng thung. Driver ka en leh nghal a mak min ti hmel a pu deuh.



" A ni hi chu ka nau dik tak a ni lo a ka cousin.... " Ka ti zawi sep. Zorina rawn tawng leh tur chu a hmui ka hup sak hmak. Ka ban rek a rawn dawm in thatchhe zet hian a rawn meng ruai ruai a. Ka lo en ve reng vangin kan mit chu a in tawng chat mai. A mit meng chu thim khup in a sen deuh rum a. A na tih ka hmuh chiah en vang chuan en rei duh lo in ka hawi sawn ta daih.



" Ka kal tir thei lo che. " A rawn ti zawi sup. Min la en reng tih ka hriat vangin hawi pawh ka hawi ngam tawh lo. Ka chhan hma in driver chuan motor a rawn ti ding a ka thaw chhuak ham ham mai.



Taxi hnungah mama pawh rawn dingin taxi kawngka ka hawn rual in min rawn pui vat a. Zorinpuia chu a rawn kuah chhuak hmasa a keiin fair pe in taxi driver chu lawm thu te ka hrilh luam a. Ka chhuah ve meuh chuan in lam panin an lo in kuah phei mek a. Taxi chhung a Zorinpuia awm dan ka hmuh vang khan tlem chuan ka hahdam deuh. A rui chhe lutuk lo tih ka hriat vang in.



" U... In hahbi hi! " Maman a rawn tih chuan rang zet in ka tlan phei a. Zorinan a walet a a dah thu a rawn sawi a kekawr ip chu ka zen a, a sawi angin a waletah a lo awm tak tak a. Kawngka chu ka hawng thuthleng lo awm hmasa berah chuan Maman a thut tir a, an sirah ka lo ding ve reng.



" Mamm... Bike saw gate chhung lamah sawn va hung la. Zan a rei tawh sia. " Ka tih chuan bu nghut in kawngka lam chu a pan leh mai a. Zorina erawh sofa nghenchhan ngheng in mit a chhing hmuk a. Biak pawh huphurhawm khawp in a hmel chu a thim bawk.



" Kan let dawn a nia, I rui chhe lo tih ka hre bawk. Kha tiang thil atthlak kha ti tawh suh ang che. " Ka ti dam dap a kei ngei pawn ka tawng dam lutuk chu mak ka ti hial. Muang chang hian a rawn meng chhuak ruai ruai a. A mit meng chu a dul ruih a thil sual ti ang maiin ka en rei ngam miah lo leh nghal.



" Min hau dawn lo a mi? " A rawn tih chuan ka melh leh ha. Ka mit meng leh awm danah pawh mak ka tih zia ka thup hman lo a ni ber.


" Maw? " Ka ti haw. Rawn thu chhuak in a kup pahnihah chuan a kiu nghat in a hmai chu a tuai phawk a. A thaw chhuak nghal hawk bawk.


" Zu ka in hi! Chuan ka rui bawk a. " A sawi zawh rual chuan a nui ro nghal hawk bawk. " Zu ka in chu sawi loh a rim ka nam hlek pawn I thinrim thin em kha. " Ngeiawm zet a min rawn melh in a ti leh sup. Ka kut chu ka hum ruh nghek ringawt.


" I sawi awm zia ka hre lo. " Ka ti let hap. A rawn ner sawk a a sam chu a tuai chho nghal puat bawk.



" Ai.... I hre chiang lutuk! Ti nge tiang hian i awm tlat a. Min hau la ka lakah lawm lo in ka zu in vang hian min thinrim khum leh rawh. " A rawn ti chang bawl chu ka pu ve zawk mai.



" Chutiang tihna chhan tur ka nei tawh lo. " Ka ti hap a. Pangaih tak a ka la chhang thei hi mak ka in ti zawk. Ka aw chu dam viau mahse ka taksa erawh chu a tang mar at thung.


" Kha thu kha sawi tawh suh. " A rawn ti chang bawl mai.



" Zorin.... Ka sawi tawh kha nang nen kan in kar chu a tawp tawh. " Ka tih rual chuan a hma a centre table chu a chhum nghal chawrh a, glass vek a lo ni bawk nen a khi nghal thawt nge nge.



" A tawp i tih vang ringawt khan a tawp theiah i ngai em ni. Kei man a tawp ka tih hma chu engmah a dang lam lo. Nang pawn min kal san i duh lo tih ka hria. ” a rawn ti chang leh hrawk a. Beidawng zet in thawk ka la halh ringawt.



" Hriatthiam tum rawh. Ni e, ka duh dan a ni bik lo tih chu ka pawm. Vawi tam ka ngaihtuah a mahse a tawpah chuan hei hi ka duh thlanna a ni. Ka hmangaih che a mahse ka luhlulna avanga ka pa ka chan a nih chuan ka in thiam theiin ka ring lo.



Min hrethiam ber tur i ni a sin! I nu I chan tawh a, ka pa hi chan ve in mahni leh ka chhungte lak a in thiam lo a awm reng tur in min duh em ni? " Ka ti zawi sap.



" A pawi ka ti lo. " A ngawih vang vang hnu chuan a rawn ti sup a min rawn melh nghal run bawk.


" Ka bul a I awm thei na tur a nih chuan pawi tihna ka nei teh hrep lo. " A rawn ti chang leh hrawk a. Mak ti zet in ka nui ro ve halh. Ka nuih erawh za lo tak hi a ni mai.



" Mahni hmasial tak in i ngaihtuahna kha hmang suh. " Ka ti tawi tak chu a rum ngut.


" Ka ma sial maw? Hahh.... A tha e nang chan che ka hlauh vang a ka hma ka lo sial viau a nih pawn pawi tihna pakhat mah ka nei phiangsen lo. Ka hmangaihna hian a hma a lo sial viau a nih pawn nang chan che a hlauh vang chauh a ni. Kei ai chuan nang min lak sak tum tu te hian an hma an sial ka la ti zawk.



Engtin nge mi pahnih in hmangaih tak te pawt then tur a nunna hial an hma theh theih zawk? Chu bak a mahni hmasial an awm dawn em ni? " A rawn ti chang bawl bawl a. Sawi ve ngaihna ka hre lo.



" I duhthlanna hman tir thei lek lo che hmasial tak a vau bettute ngaigtuah hi a ngaihna ka hre hrep lo. " A ti chhuak leh hrawk.


" Ni e, i ti dik . Mahse a bul ber chu kan pahnih hi kan ni tho. Kan in hmangaihnaah hma sial tak in bul kan tan a. Midang ngaihtuah lek lo a khawsa hmasa chu kan pahnih hi kan ni miau a. Chuvang chuan he thil hi la tih ngei a ngai a ni. " Tiin ka in her a. Kawngka lam pan chuan ka kal nghal vat.


" Ka duh tawh chu ka nei ngei ngei thin. Ka beidawng dawn hauh lo a nia. " A rawn ti thawt a, mahse hre lo ang hmak in pawnah chuan ka chhuak a. Kawngka chu ka khar nghal dat.


Pawn ka thleng chu thawk ka la kawk kawk mai. " In sawi zo tawh a. " Ti ri ka hriat chuan ka phu chiang kher mai. Sir lam ka hawi chu ban bulah Mama a lo ding reng tawh.



" Engtia rei nge i lo awm. " Ka ti thawp sep.


" A rei tawh. Haw i la ke a kan kal a ngai tawh ang. Motor a awm tawh lo. " A rawn ti a ka hma a a kal chu ka zuk hnak hnak a. Ngaihtuah tur tam tak ka nei a mahse ka rilruah engmah a lut thei lo. Zorinpuia erawh ngaihtuah ka duh lo ber a nia mahse ka ngaihtuahna ka hman deuh chuan a rawn lang hmasa ber zel bawk si. A mah ka ngaihtuah rualin mahni in thiam lohna in ka khat nghal zel bawk nen ka hah hluah hluah hi a ni ber.



" Engtia awm nge in tum? " Mama chu rawn thla in a ti sup a. Kawngpui sir zai zaiah kan unau chuan kan kal a, zailai a mi tawh bawk nen a reh in a reh thuap mai.


" I hmuh ang hian kan tawp. " Ka ti sep.


" Pawi ka tih pui che. Zorina leh I tan harsa mahse fanu chhuan awm tak erawh I ni a nia. " A rawn ti sup chu ka in seh ruh nghek.


" Ka pa hi ka hua. Eng tin nge a nunna hmang in min vau beh theih zawk. Ka nu pawh ka pa lam a tan vangin ka hua. Ka tan a harsat zia hi an hria in am hmu duh miah lo a. Ka haw vek cheu.... Ka haw tak zet cheu. " Ka tawng tawp lam chu ka tap ti tih hial. Mama chuan ka darah min kuah in thawk a la hawk a. Kei erawh tap chhuak si lo in ka mittui a luang ngiai ngiai thung.



Kan in kan thleng a, engmah pawh sawi lo in ka room ah ka lut a ka mu nghal hmak. Tunah tak hi chuan ka nu leh pa hi hetiang din hmun a min dah tu an nih vangin ka haw tak zet. Mahse ka huat tluk zet in chan ka hlau bawk si.


*


" Min kal san suh. " Ka hmaah chuan Zorinpuia chu a ding a, a mit meng thuk takah chuan min mamawhna ka hmu thei.



" Ka kal a ngai. " Ka tih rual in a taksaah chuan min kuah bet thlawp a. Ka tal nghek a min thlah duh chuang lo.



" Min thlah rawh! " Ka ti vin that a mahse min thlah duh miah lo. " Zorinpui min thlah teh ka tih chu! " Tih leh a dul a chemte a vih ka rual a nih chu! Khawi atang nge chemte kha ka lo ken hman ka hre lo. Ka kut leh chemte ah chuan thisen a kai nuai a, ka hma a Zorinpuia chu a pum dawm in a rawn thingthi thla hnawk a. A pum atang chuan thisen a chhuak nual bawk.



" Eng thil nge ka tih tak? Nilo.... Zorin... Zorin... " Mangang zet a tiin a bulah chuan ka thingthi ve nghal a. A chal atang chuan a thlan fim a bawl tek tek a, ka taksa ngheng chuan a thaw chhuak hawk.


" Min kal san suh. " Na tuar tih hriat zet hian a ti hnawk tuak a. A thawk chu a rangin a mit meng chu a vai ruai a. Ka darah tu emaw in min khawih rual chuan ka harh nghal zawk.



" U... Hna i kal dawn lo a mi? Chaw ei kan peih tawh a nia. " Maman a rawn tih chuan thaw kawk kawk in ka hmai ka tuai thuak thuak a, thlan in min lo bual huh vek mai.



" I damlo a mi I thlan a va tla nasa ve. " A rawn tih chuan " Mang tha lo deuh ka mang a. " Ka ti ringawt. Ka kut ka en chu ka mumang a thisen kai nuai kha ka mitthla nghal zawt zawt a, ka thauah min man a ka tiril chu a khur nghal der der mai.



" Mumang mai mai a ni. " Tiin ka phun sep a. Mahse ka hlaugthawnna erawh chu a reh phah teh lua lo!



❤❤ A tawi leh ta, ka nau exam ka vil a ngai a, type muan sa nen type thui a har khawp mai 😅 dah loh ai tak meuh aw. ❤❤.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 10th, 2021, 1:49 pm

CHAPTER - 34 🌼 by Amy Cck



Khum atanga ka tho chhuak chu nizan ka mu mumal lo bawk nen ka lu a rit bur mai. Kan haw hnu khan Zorina ngaihtuah vangin ka muhil lawk thei lo a, zing lamah ka hriat loh kar in ka lo chhing ve sek a mahse ka mumang vangin ka mut erawh chu a tui chuang lo a nih kha. First period ka lak dawn vangin kal tlai a tih chi bawk si lo a.



Thlanglam corridor a chhuak in in tih harh tumin boruak ka hip lut vang vang a. College ah Zorinpuia nen in hmu leh ta i la engtin nge ka hma chhawn ang tih ka ngaihtuah a, ka thawk a sak nghal tal mai. Maman min rawn koh leh takah chuan ka chhuak phei a, ka nu in chaw ei a lo peih vek tawh vangin ka va kil ve tawp a chaw ei erawh chu peih lo tak ka ni.



" Ka thu sawi kha i hria ti raw. Zorina nen in in hnim hnai leh tih thu ka hriat chuan engtiang pawh in sawi buaiin i hna chhuan lam mah la khuaah kan haw chho nghal ang. " Chaw kan ei tan chiah chu ka pa chuan a rawn ti sup. Ka chaw ei lai chu tawpin ka in seh ruh nghek thung.



" I papuian engmah a la hre lo a, hriat tir pawh a tul lo. I pi in a hria a chu chu a tawk viau. I pi in rilru zai tak puin min huat phah lo a, kan vannei zawk ngawt a, chhungkhat tih thu bak hi kan chhungkaw inkarah hian a ri tur a ni lo. " Ka ngawih reng vang chuan a rawn ti leh churh churh a. Engmah pawh sawi lo in ka kham zui hmak.



Ka room a ka luh dawn thleng chuan chutiang lam chu sawiin Mama pawh a zil zui mawlh mawlh a. Engkim hria a min zep pui vang in ka pa pawn an rawn thleng zan khan a kam khat nghek tawh bawk.



Bathroom ah lut in ka inbual nghal daih a. Bathroom atanga ka chhuah rualin Mama dawr kal a ngai ve tho a bathroom ah bawk chuan a lut zui ve a. Darthlalangah ka in en chu ka thaw chhuak hak. Ka mit bui lak chuan zan ka mu tha lo tih a ti lang chiang zual sauh a. Tunkar liam ta zawng khan ka mut that zan ka nei lo tluk a ni. Zorina lo haw hun a ka sawi tur ngaihtuah reng reng in hun ka hmang kha a nia.


Thinrimna tur a zawn a ka zawn pawn ka hmu bawk si lo. Signal a neih that loh vangin kan in be tam lo hrim hrim zawk a. Min rawn biak theih chang pawn biak chak viau chungin a thin tih rim tumin ka la lo luiin a message pawh chhan let duh loh chang ka ngah kha a nia. Mahse kan in biak leh hmasak ve leh thin rim chu sawi loh a mah zawk a in thiam lo hmasaah a tang zel a, ka tan chuan thinrim ngaihna kha a awm ngai lo.



" U.... Kal i la kan tlai a nge? " Corridor lam tukverh atang Mama rawn dakin a ti a, bu nghat in ka bag ka la a ka room lam atang chuan kan in zui chhuak a. Sitting roomah ka pa chanchinbu chhiarin a lo thu a, biak pawh be lo in kan in zui phei a Mama erawh in choka a ka nu thlengsil chu kan kal tih a hrilh ta hram.



" Engtin tak nge Zorina piin ka pa bulah chuan a sawi a? " Bike a ka thut rualin Mama chuan a rawn ti a. Ka hre bik lo tiin ka chhang ringawt. Ka pa in a sawi lo a zawh pawh ka zawt hek lo. Zawt pawh ni i la ka pi thu sawi chu min hrilh ve kher lo ang tih ka hre chiang bawk.



Thil dang sawi tawh lo in a tlan chhuak a, college ah min dah in an dawr lam pan in a in khalh chhuak leh nghal a. A la hma bawk a college campus pawh a la reh thiap mai. Class kan chawlh tep tawh vangin kal hi an awm tawh mang lo a. A hming a kal ang vel kan ni tawh kei ni pawh. Roll call kan neih tawh lo bawk nen student ho pawh class an kal tha peih tawh meuh lo.



Zorinpuia te department pawh nizanah an zin an rawn thleng chiah bawk nen an professor ten chawlh an pe a ni awm a. College ka thlen hnuah ka hre chauh a an class pawh an kalh thap mai. Zingah ka huphurh teh reng nen class a kal dawn lo tih ka hriat takah chuan ka hahdam ve thei chiah. Nileng chuan kan awm ve nawk nawk a. Entin tin emaw tlai lam chu kan thleng ve der mai. Hlimi erawh chawhma chiah class a neih vangin break lai khan min haw san tawh thung a.



Office atanga chhuak in kawngpui lam chu ka pan chho a, gate ka thleng chiah chu ka ding chawt mai. Gate sir chhak lam waiting seat a mipa lo thu chu ka en reng a, shirt var ha in a chungah lader jacket dum a ha bawk a, kekawr dum leh pheikhawk var nen. A lan dan chu a fresh in a pa tak zet. A khup pahnih chungah a kiu nghat in a kut a a phone chu a bih ngur a. An dept an chawl sia enge a rawn tih dawn ni?



Ka hawna kawng lam a a awm miau vangin ka kal pelh a ngai bawk si chu in hmuh tir lo tum zet in ka kal a. Mahse pen thum vel chauh ka pen tihah a rawn hawi chhuak vut a thil sual ti ang maiin ka ding leh chawt. Min hmuh takah chuan a phone chu a melh leh zauh a rawn ding in a kekawr ip a a phone a dah rual in ka lam chu a rawn pan a ka lo en mawl tawp thung.



" Ka tlai lo ti raw? " Ti in nalh zet hian a nui suk a. Ka hma zawnah chuan rawn dingin ka mitah chuan min melh vung vung bawk. A mit meng leh a hmel chu ka hriatthiam lo lek lek vang chuan ka en let ve ta reng. Ka sawi thiam lo a lan dan ber chuan engmah dik lo awm lo a, la in kawp a la in zui reng ang mai hmel a pu.



" Enge .... Hetah i tih a? In dept in chawl vek a ni lawm ni? " Ka ti let ha. Ka zawhna chu duh lo tih hriat lutuk in a hmui chu a ti sawi zauh a ka en reng thung. A lan dan chu tih pangai tum viau mahse a mit mengah a la chauh hmel viau a. Nizan dar 8 velah an zin a rawn thleng a. Kha tiang thil ka lo sawi khum vak vang khan hahdam pawh hahdam hman lo in in a chhuah san a. Zanlaiah kan inah rui chungin a rawn kal leh nghal kha a nia. Mama nen a kan thlah hawh hnu pawh khan tui tak chuan a mu nghal dawn lo tih chiang reng . Tunah hetah tiang hian a rawn lang leh hlawl a, a mak tih bak sawi tur ka hre lo.



" Chawl e ka rawn hruai dawn che! Hengte chu kan nitin dan a nia khatiang a thil thar ang mai a awm kha a ngai em ni? " A rawn ti let ve a , a hmelah chuan a lawm loh zia bak a lang chhuak lo. Kei erawh beidawng zet in ka thaw chhuak hak.



" Zorin... " Beidawng zet chuan ka ti a, a mit mengah chuan enge maw ka hmu zawk a mahse a rei lo nui hmel in a rawn thlak vat thung.



" Thil dang sawi lo teh. I hriat kha nizanah ka zin ka rawn haw ve chiah a. Mi pawh hmu lo in tun thlengin i awm thei a. I bialpa hi min ngai miah lo em ni? Kei chuan ka ngai che! " A rawn ti hluk a. A thu sawi leh awm dan vel vang chuan kei mah zawk hi ka hawi lawl lawl mai. A rui ti dawn I la engrim mah a nam lo bakah a mit meng pawh a fim lutuk tlat bawk si.



" Nang hi... " Ka ti hman chiah.


" Kal vat ang, ka ril a tam tawh a nia. Zing atang engmah ka la ei lo. " Thu tak zawk in a rawn ti leh nghut a. Chhan let a hnial ka tum a mahse a mit mengah chuan engmah sawi lo a zui tur a min duh zia ka hmu chiang ngang mai.



" Zorin nizanah kan sawi dun vek tawh kha. " Rilru na zet chuan ka ti chhuak hap. A mit meng chu in thlak hlawk in natna leh thinrimna a in chawhpawlh nawk mai.



" Engmah ka hre lo. Nizan thil engmah ka hre teh hrep lo. Nizanah nang nen kan in hmu lo a ka zin ka chauh em vangin ka inah ka tlang a. A bak chu nizanah thleng a awm lo. " A ti chang hrawk chu khawngaih bawk si beidawng zet chuan ka melh ngawt ngawt ringawt.



" Hriatthiam tum.... " Ka sawi zo hman lo min lo pawt chat vat.


" Ka sawi chu nang nen hian nizanah kan in hmu lo. Kan in hmuh lo chuan engmah kan sawi dun lo a engmah kan in karah dang lam a awm lo! " A rawn ti chang bawl a. A mit meng thuk tak a a hlauhthawnna leh natna ka hmuh chuan sawi belh leh emaw ka ngam tawh lo. Thawk hak in mit ka chhing vang vang a ka men leh rual chuan ngun lutuk in min lo melh ngur thung.




" Ngati nge engmah i ei lo a? Enge i ei chak? Khawiah emaw kan ei dawn em ni? " Thaw hakin pangai tak chuan ka ti a. Ka thu sawi chu a ring bik lo nge chal ti chuar tup in min melh ngur a, ka nui lui var var thung. Engmah hre lo angin awm a duh tih ka hria. Chuan tun chiah hi pangai tak leh a fal a kan in hmuh theihna hnu hnung ber a ni tawh mai thei a, chuvang chuan kei pawn engmah hre lo ang in a ni nen hian vawi khat leh chauh thil ei dun a ka hriat reng tur thil tih ka duh.



" Kal phawt i la kan ngaihtuah dawn a nia. " Tiin ka kutah a rawn vuan a. Min kal pui nghal dawr dawr a. Ka dang lo a midang hmai eng pawh zah tumna ka nei lo. Vawin chiah hi ka pi, ka nu leh ka pa te midang ngaihtuah tel miah lo a a bul a awm ka duh.




Restaurant pakhat ah kan lut a, ka kutah chuan nghet takin min kai a, engmah thleng lo ang maiin kan in bia a kan nui bawk a. Ka thinlung chhung khawi emaw laiah erawh min kap run tu thil a awm a, chutiang chiah in Zorinpuia pawh hian sawi chhuak lo mahse rilru kap tu a nei tih chu ka hre thei. Mahse kan mit mengah sawi chhuah kan duh lo ve ve tih erawh chu a lang chiang viau thung.



Thim thet thet thleng chuan kan leng kual a. Ka nu leh pa in vawi tam min rawn call tawh. Ka hna ban a hun tawh miau a, ni lo... A pel nasa tawh mah mah zawk. Mahse ka la duh lo ngar ngar thung. In kai rial a kan kal lai chuan ka ding dat a, Zorina pawh chuan min en nghal vut.



" Zorin... " Ka ti sep a. A hmel a rawn hmuh rual chuan a hlim hmel chu a reh nghal vek a. Ka kut chu nghet leh zual hian a hmer chawt bawk. Dar kar rei lo te kan khawvel atang kan kal hrang hlek a kan let leh a ngai tawh tih hi a sawi tu nih ka hreh tak zet.



" Sawi suh. Engmah sawi miah suh. " Ka hriat theih tur chang chang chuan a ti a . Zorinpuia ka en chuan nizan ka mumang Ka hrechhuak thut a, ka chhunglam atang hian min rawn hnawh nghal ut ut mai. Ka heh ka pet fan fan ringawt. Mit chhingin thawk ka la vang vang a. Ka men leh rual pawh chuan a mit mengah hlauh thawnna bak hmuh tur a awm lo.



" I inah khan kan kal dawn a mi? " Ka kut nghet tak a a vawnna chu ti nghet salh in ka ti vat a. A mitah tak melhin ka nui sak a, a taksa che awk in thawk a rawn la a nui ve suk.



" Teh reng mai. I duhna hmun a piangah! Ka kut hi thlah lo la a ni mai. " Tiin ka kut nghet zet a a vawn chu la kangin a hmuiin a nawr vang vang a. Ka mittui rawn tla mai tur chu khap per sak sak in ka nui lui hak.



" Mi â pa. " Ka ti tiau chu za lo fahran a nuiin min pawt hnai in a awmah min kuah nghal hlu hlu.


" He mi â zet hi i kal san chuan hei ai hian ka â dawn a nia. Hre reng rawh. " Tiin ka chhipah a hmuiin a rawn nawr leh vang vang a. A bike hunna lamah kan in kai phei leh a. Kan tlan chhuah hma in a jacket phelhin min hak tir a. A mit mengah chuan min duatna leh thlakhlelgna bak hmuh tur a awm lo. Nidang zawng aiin a mitah chuan a lang nasa bawk a.



Kan tlan chhuah thleng chuan a kut leh lam chauh a bike chu khalh in a kawngka kuahna kut chu a rawn hum leh vang vang thin.



" I bike khalh chiah kha ngaihtuah rawh, kan accident a nge aw. " Tiin ka au lang lang a. Khua a thim thet thet tawh vangin motor dang pawh an hman hmawh hlawm a niang an speed a sang hlawm viau a.



" Min ring rawh. " Ti ringawt in min chhang a . In kan thlen chuan kan la him ve pial mai. Bike atanga ka chhuk rual in sana ka en a, dar 7 a ri tep tawh.



" Thil ei tur kan lei nghal dawn a mi? Chaw ei ai a ni mai a, noodles emaw thil dang pawh. " Bike atanga a rawn chhuk chuan ka lo ti vat a. A helmet la thla in min thlek leh vung vung thin.


" Saw lai lawkah sawn dawr a awm. " Ti sup in a lu chu a thle buk a. A kut chu ka vawn tur in a rawn lek chhuak a nui ver ver in ka lo vuan leh a. Gate ah chhuak in dawr lam kan pan leh a. Thui kal pawh ni lo ah wholesale dawr lian ve pangai tak chu a lo awm a kan lut nghal vat. Tunah hian ka pa duh lo dan hlirin ka awm tih ka hria mahse tun hun chauh chu awm ka duh.



Dawr chhungah eitur kan en kual lai chuan ka phone bawk a rawn ri leh a. Ka pa te emaw tiin reject leh ka tum a mahse Mama call zawk a lo ni. Zorina aw thian khurh ri ka hriat rualin ka hawi chhuak vat a min lo melh chhuk ngur mai.


" Ka va chhang lawk ang aw. " Nui lui sak in ka ti a kan in kaihna ka thlah dul a mahse min thla ve tum hmel a pu lo.



" Mama a nia min ngaihtuah a niang. Ka rei dawn lo, ka lo let leh nghal ang. " Min chhan tum leh thlah tum hmel a put loh vang chuan ka ti leh sep.


" Tah hian chhang mai rawh. " A ti hmuk chu ka thaw hak.


" Zorin... "


" Ka thlah a ka kal tir che chuan i rawn let tawh lo ang. " A ti leh hluk a. A mitah chuan a hlauthawng tih ka hmu sak chiang tak zet.


" Ka rawn let leh ang dawr a midang an awm ve sia. " Ka tih pawh chuan hria angin a awm duh thak lo.


" Zorin.... " Ngenngawl zet a ka tih leh takah chuan chung lam hawiin thawk a la hawk a. Min rawn melh leh ruai ruai a.


" Dawr kawt ka hmuh theih chin saw pel suh ang che. " Ti hluk in min melh run a nui sak in lu la but nghat nghat.


" Khang kha a man lo pe rawh aw. " Tiin a thil ken ho chu ka melh a lu bu nghut in ka kut chu a thlah ve hram. Pawnah chuan ka chhuak a call a in ring ral vek tawh vangin Mama chu ka call back ta zawk a.



" U... Khawnge i awm a? I hna kal i la haw lo a tunah zan a ni tawh a nia. " Call a lak rual in Mama chuan a rawn ti nghal vat a ka thaw chhuak hak.


" Zanin chu ka lo haw thei dawn lo tih ka nu te min lo hrilh sak rawh aw. " A zawhna pawh chhang lo in ka ti let sep.



" Ngati nge? " A rawn ti leh vat.


" Thil pawimawh tih tur ka nei a. " Ka ti leh ringawt a. Dik tak chuan Zorinpuia bul a awm hi ka la kham lo a ni.


" Eng thil pawimawh maw? Class kal banah ka rawn lam ang che i tlai dawn viau chuan. " A rawn ti leh vat a thawk ka la leh halh.


" A ngai lo zan inah chuan ka rawn haw thei lo a ni mai. Chhuan lam eng emaw min lo siam sak mai rawh. " Ka ti bin deuh hlar a. Mama chu a ngawi ta vung vung a a dah emaw ka ti hman hial.


" Zorina bulah i awm ti raw? " A rawn ti zawi ta sup. Chhang lo chuan ka ngawi reng a. Ka kut ka phone ka kenna chu ka hmer nghet vak a. Lehlam chu Zorina jacket ip zen in ka hum tawm nghek bawk.



" Ka pa in hria se a lung awi dawn miah lo a nia. " Ka chhan loh vang chuan a rawn ti leh hawk.


" Chuvang chuan a lawm chhuan lam eng emaw siam turin ka tih che. " Ka ti chhuak hap a. Ti ringawt chuan Zorinpuia hi ka kal san thei lo tak zet.


" Lo haw zawk mai rawh. " A la rawn ti tal.


" Ai. " Ka ti tawi tak.


" Khaw nge in awm? Ka rawn lam ang che, nizan a inah khan a mi? Ka rawn kal nghal dawn. " A rawn ti ta chung chung mai.


" A ngai lo, lo kal suh. Lo kal miah suh. Zanin chiah a bulah hian min awm tir rawh. Aw... Mamm... Zan in chiah a ni mai. Kar khat chhung a zin a a rawn haw a thu thin thawng tak in a lo hmuak a. A tuar thiam lo lutuk a sin. Chuvang chuan zanin chiah hi min en liam rawh. Ka pa te bulah chhuan lam I siam duh lo a ni pawh hre lo ang in awm mai rawh. " Ka ti chuai raih. Ka sawi hnem lutuk a ka sawi zawh rual in ka thaw hak.


" I thil tih hi a tul lo tak zet. " A rawn ti hluk.


" Ka hria. " Ka ti thawp sep. Kan ngawi dun vang vang a.


" Ka dah a nia Zorina a rawn kal dawn. " Tiin Zorina rawn kal ka hmuh chuan rang zet in ka dah a. Thawk la leh halh in ka bul a lo thlen chuan ka nui lui ver ver mai.



" Enge a rawn sawi? " Mit ti zim sun a min enin a ti hmasa ber chu ka ner sak.


" Ka haw har lutuk a min ngaihtuah a. " Ka ti tha mai. Mahse ka chhanna chu duh khawp lo tih hriat zet in a hmui a ti sawi zauh a. Min la melh ngur in " Chuan... " A ti leh sup.



" A... I bulah ka awm thu ka hrilh a, a bak chu sawi tawh lo ang ka ril a tam tawh a nia. " Tiin in lam pan chuan ka kal san a. Rei lo teah min rawn um pha in ka kutah bawk chuan min kai a. Nui hak a ka en chu a chalah min rawn tauh dat.


" Ka hmangaih che. " Ka ti sep chu min pawt din dawt. " Ti nge theihnghilh kan nei a mi? " Ka ti ve nghal a.


" Sawi nawn leh rawh i thu sawi kha. " A rawn tih chuan ka nui leh hak a. A ni erawh chuan ka sawi tur nghak in min melh ta ngur a.


" Zorinpuia ka hmangaih che ka ti a nih chu. " Ka ti leh vat chu a rawn nui chhuak hawk mai. A nui hmel atang chuan a ti der lo a hlimin a thla a muan hmel ta sawt bawk a hmuh a nuam tak zet.


" Nang aia let tam tak in. " Tiin ka darah min kuah a gate ah kan lut zui nghal a. Inchhung kan luh rual chuan chokaah kan phei a. He in hi chu a zau hran lo mahse a nuam in engkim hi a fel faiin a dik thlap a. Engtin emaw tak ka hahdam riau thin bawk.



" Eitur hi i siam chhungin ka lo inbual lawk dawn. " Dawhkanah a thil khai ho dah in a ti a. Lu ka bu nghat nghat chu min nuih suk in ka biangah a rawn fawp zeuh a roomah a lut phei nghal a. Kei pawh a jacket ka hak chu phelh in eitur chu ka siam zui nghal mawlh mawlh a. Rei lo teah room atang chuan a rawn chhuak a. Ei tur dawhkanah ka lo chhawp mawlh mawlh thung.



" I in ti fai ve duh em? " Tiin ka kawngah min rawn kuah a, lu ka thing vat.



" Thil ei zawhah a ni mai. Kan eitur ka siam a nangin a tih fai lam I ti ve thung thei. Chu mi chhung chuan a ni mai. " Ka ti vat a nui suk in ka nghawngah a hmuiim a rawn nawr vang vang a. Rei vak loah in la hrangin thil kan ei dun a. Thil ei pah chuan kan ti ti dun a, an zinna chung changte zawt in kan nui leh hak hak thin. Kan awm dan chu a hahdam thlak tih piah lam a ni.



Thil ei zawh chuan sawi buai miah lo in dawhkan vel chu a ti fel ve mual mual a. A che ve zangkhai lutuk leh thawveng tak lutuk chu hmuh a nuam in thlir nin har tak a ni.


" Va in ti fai ve vat la. Movie kan en dun dawn nia. " Dawhkan a hru lai tawp chawtin a rawn ti a. Phur zet a bu nghat nghat in roomah ka tlan phei nghal a. Muangchang loin ka in ti fai a, khawr hak tur mai ka neih loh vang chuan Zorinpuia tshirt pakhat chu pawt thla in ka in thawlh ve hmiah. A vawi hnihna a ni tawh a thawnhnaw ka hak sak hi. A hma ang bawk in kekawr hak hranpa leh a ngai tawh lem lo a, ka sam pawh hru ro hman lo in naupang ang maiin room atang chuan ka tlan chhuak leh a. Zorinan movie en dun a sawi a ka phur thar riau.



Choka lamah faifuk rut rut ka hriat chuan muang changin ka kal a. Min hnung chhawn a thleng lo sil in hlim tih hriat zet in a lo faifuk a ka nuih hak rual in a rawn hawi a, a mit ko a rawn san uk mai.



" Tih pui i ngai em? " Ka tih chuan lu thingin a zawh dawn thu a sawi a. Dawhkanah thu in ka lo nghak ve reng a. Shirt dum leh kekawrbul dum a ha a keiin a shirt gray ka hak sak thung.



" I kawr hak hi i in hmeh tak zet. " A sil zawh chuan ka dawhkan thutna sir ve ve a in nem khalhin ka hmai bulah rawn kun hniam in a rawn ti sup a ka ner nang.



" Eng movie nge kan en dawn? " Ka ti let thung chu nui suk in ka chal bawk chu a rawn tauh keh det a.



" Hmuh nawm deuh. " Ti a min chhangin ka khelah a rawn dawm a. Min chawi kan nawlh rual in tlak hlau zet in a kawngah ka khe kher bet ve nghal vat a. Nui chhuak hawk in sitting room lamah min phei pui a. Sofaah min nghat in a nghen chhan a a rawn in nem khalh a. Ka hmuiah a rawn fawp zui nghal tawn tawn a. A in lak hran rual in a thaw zui nghal ham ham.



TV lam chu a pan a, kei pawh thut hmun ka lo rem tha sauh sauh a. " En duh bik i nei em? " a rawn tih chuan lu ka thing mai a mahse ka mawl zia ka hre chhuak. Min en lo in movie kan en tur a zawng daih zia.


" Nei lo i tih a piang kha a ni mai. " Ka tih chuan rawn hawiin a nui suk a. A thil rawn lek chhuah ka hmuh chuan ka nui tawp.



" Ka tap min thlem peih dawn chuan. " A Walk to Remember tih a rawn lek chhuah chu en in ka lo ti vat a. Nui chung in a a siam zui nghal a. Sofaah chuan in ngheng rialin kan thu a. A walh to remember ka movie ngainat leh en nin theih loh. Ka en a piang a ka tah pui ziah chu kan en dun a. A taksaah min kuah bet in kei pawn ka kuah let chial a.



" Kei chu changtupa in a changtunu a duh tan lai vel khi hmuhnawm ka ti zual. Mahse a tawp thleng ka en chuan an pahnih khian lo in tawng lo se tih ka ngaihtuah leh ziah. " Movie en reng pah chuan ka ti a.



" Engvangin maw in tawng lo se i tih? " A rawn tih sup.


" Aww... A mipa saw ka khawngaih a lawm. A hmangaih ber chan a a nun hman dan tur ka ngaihtuah a. A flim ah chuan lang tawh lo mahse nakin zel a a awm dan tur ka ngaihtuah a. Lo in tawng lo se a nun a nuam zawk mai thei. Ka sawi awm zia chu a tuar thiam viau tho a mahse ka khawngaih. " Ka ti leh vat.


" Nia, a tuar thiam viau mai mahse kei chuan ka tuar thiam ve in ka ring lo. " A rawn ti ta daih chu ka melh chho ha a. Min lo melh chhuk ve ngur bawk.


" Min kal san a nih chuan ka nun dan tur hi ka sawi lawk thei lo. A ni ang saw chuan ka that oui ve kher lo ang." Tii hma kam chu a melh zaug a. Ka kam chu a rawn hawi leh nghal a.



" Chuvang chuan tun ang hian ka bulah awm reng rawh. " Ka mit takah tak ngur a min melhin a ti sup a. Ka taksa chu a tang leh tung tawh. Kei chuan zanin chiah ka thei tih hi hrilh ka tum a sin. Mahse entin nge ka sawi ngam tak ang.


" Zorin.. " Ti sep a ka thu tha tur chu ka kawngah rawn vuan in a lamah min pawt hnai nghal rawk rawk a. A kut leh lam a ka tukhum a rawn vuan in min fawp zui hmiah a. Ka chhan let rual chuan ka hmui si reng chung a nui suk in min chawi kang nawlh in a mal chungah a lam hawi chuan min thut tir a. Duh thaw leh uar zet chuan a tu a ve ve pawh chu kan che a ni ber.



' Zanin chiah... ' tiin mahni chu ka in thiam chawp mawlh mawlh a. Ka mal atang rawn zut chho in a shirt ka hak chhungah a rawn zen lut a, min fawh ka chhan letna ka chawl dat. A ni pawh a thaw chhuak ham ham a. Ka chalah a chal chu a rawn nghat dat bawk.



" Tun aia thui kan kal chuan ka insum theihna ka hlauh mai ang. Tawp i duh chuan... " Zorinpuia aw cool ruih chuan min nghawr ve dawt dawt thei. A thin chu a phu rangin a mit meng chu a thip rup a. Hetiang chiah hian ka thin a phu rang ve bawk.



" Duati... " Thawk a tiin sofa a min dah thlak a tum chu a nghawngah ka kuah bet nghal chawt.


" Tawp suh. " Ka ti nghal sep bawk!



❤❤❤ tlai leh pek mahse a thui ve thung 🥴 ka nau exam zan lamah ka puih thin vangin ka type hma thei lo a type muan sa nen rapthlak tak a ni. Dar 6 atang dar 9 thleng kan exam a chu mi hnuah muang tawk in ka rawn type ta thin a 😂 rapthlak tak a ni.


Type sual lah hi ka hrat mai bawk sia. Tunah pawh khian a awm leh teuh ang 😭😭Ka in thlahrung viau a awmzia erawh a nei thui lo. Ka uluk pauh leh ka type sual hnem leh nghal 🤣😂 type sual nasat vang a chhiar peih ta lo in awm pawn ka dem lo cheu.😭 kei a ziah ve hi chu min hrethiam tak chung a chhiar a ngai thin miau a.


❤❤ chuan hman lo chung2 ka rawn dah ve tawk2 a comment lamah ka beisei ve thung cheu a nia😙😙

#Ads click kha ngaipawimawh hram hram ang u aw

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 10th, 2021, 1:49 pm

CHAPTER - 35 🌼 by Amy Cck



" Ka hmangaih che. " Tiin ka hmuiah bawk chuan min fawp leh tawn tawn a. A kut chu a shirt ka hak sak chhungah chuan a vah kual tir ruai bawk. Ka khelah rawn dawmin kan in hnaih tawh teh reng nen a lamah chuan min pawt hnai zual hrawk a.



Zawi zawiin boruakah ka leng delh delh ni maiin ka hria min fawhna vang ringawt pawh chuan ka vai ruai a. Ka hmui hnuai lam pet zeuh in min fawhna chu tawp in a thaw chhuak ham ham a. Ka mitah a mit meng nung sar a min melh run pah chuan ka hnung zang ah chuan a kut zungtang sei thlurh chuan a rawn zut chho a. Ka bra kilh a hmeh phelh rual chu a mit ko min san khum zauh bawk.



" Tun chiah hi in ngaihtuahna hun ka pe leh ang che. " Ka mitah min melh chungin a ti leh sup a. Mahse a thu sawi leh a mit meng erawh a in perh san hlawk thung. Kei pawh chu ka ngaihtuahna a in sual buai tha leh ni maiin ka hria. Zaninah engkim tih tawp ka tum a mahse ka tum loh dan hlir in thil a thleng zui char char a ka in hrethiam tawh nuai lo.


Min en reng a, a zawhna chhanna a duh tih ka hria. Tawngka chhang lo chuan a hmuiah chuan ka fawp in kan hmui in si reng chung chuan " Hei hi ka ka thlang. " Ka ti sep a. Rawn nui sukin a hmai aia uar leh duhthaw chuan min fawp a. Ka shirt hak chu rang zet in min phelh sak a. Ka bra a phelh tawh miau vangin ka taksa chu a lang chiang ta ngang mai.


Sofaah chuan min bawh bet in a kawr pawh chu a hlip ve nghal vut a. A che hmanhmawh lutuk chu ka lo nui hak. Rawn kun hniamah a taksa a lian bawk nen min khuap hneh ngang mai. Ka hmuiah a rawn bur leh chat a, a kut chuan ka taksa ruak vek chu a zut kual ruai a. Ka awm bawr chu a kut lum vung vung a hup bet in a hrawm nghal tawn tawn a ka fawhna thlah in ka rum chhuak hak thung.



" Min ti â thei tak ngial dawn. " Ti supin ka khabeah a rawn fawp a, in sawn thla zel in ka nghawng leh awm bawr vel chu a hmui leh lei lum ham ham chuan a chhuak kual ruai a. A kut sawn thla zel in ka panty chhung a zen luh rual chu ka mal ka chip nghal chawi a mahse a thil tih erawh a chawlh phah lem lo.



A kiu chuan ka bek zawnah rawn in nem khalhin thuk ruih a ka mit a min en chungin a kut chu a chet a. Ka thawk a rang tial tial a ka taksa chhungah a kut tang a luh tir rual chuan ka auh chhuah mai loh nan ka heh ka pet fan fan a. A khat tawk in ka taksa ka chet leh vak ringawt a. Mahse kan awmna a chep em vang chuan tal sawn chu thil theih loh tluk a ni. Rei lo teah ka taksa chu chhung lam atang hian a rawn lum pup pup a, ka tai bawr rawn za chuai chuai bawk nen a ban rekah vuan ka te chhuak that a.



" Enge a an? " A kut chet chu tawpin a rawn ti sup a, chhang thei pawh ka awm lo. Ka thawk rang lutuk chu ka thi mai dawn in ka hre zawk hial. " Ka thi dawn emaw ka ti hman. " Ka tih chuan nui hawk in min rawn fawp leh ngawng ngawng a, a kut la chhuak in a tho zui vut a. Ka taksa zawi leh la pangai lo zet chu min pawm kang nawlh in a nghawng a ka kuah rual chuan min nui ve suk in room lam min pan pui a. Kan tawpna tur ka hria a, ka duhthlanna a ni a eng thil pawh thleng se ka in chhiar lo ang!


*

Ka taksa kuah chung a muhil thaw suk suk chu ka en reng a. Zing lam dar 3 a ni tawh a. A ni chu thlamuang tak a a mut thilh laiin kei erawh khua a var mai hlau in ka harh tulh tulh a. Zorinpuia chuan darkar rei lo te liam ta a hmangaihna kan chen dun kha bul tannaah a ngai tih ka hria. Mahse kei erawh chu kan tawpna tur a ni tih ka hre thung a. A ruk chuan ka na tak zet. Tunah phei chuan a hma zawng aiin ka thlahlel zual emaw tih mai tur in ka awm a. Engtin nge ka kal san ang tih pawh ka hrethiam tawh lo.



Ka kut chu lek kang riai riai in ka kut tang chu a chalah ka nghat dat a. A mit hmul chhan tap leh dum fiah zet te, a hnar ngul sang vang leh hmaifang pa zet chu ka melh vawng vawng a.



"Tun bak chu tiang ang a hnaiah hian ka hmuh thei tawh kher lo mai thei che. Chuvang chuan mit ka chhin san phal lo che. " Tiin ka phun sep a. Ka kut tang chuan chiang leh uluk zet in ka chhui thla a. Rawn rum tuah tuah in ka kawng a a kut chuan a lamah min pawt hnai salh a.



" I muhil thei nange? " A mit meng thim khup chu thatchhe zet a rawn meng ruai ruaiin a rawn ti a. Tawng ka a chhang lo in lu ka bu nghat.



" Ti nge? Na i nei a mi? Nichin khan ka khawih na che em ni? " Min ngaihtuah na aw a khat chuan a rawn ti a. A ban leh lam chuan a rawn in beng kang nghal vut a, a mit mengah chuan min ngaihtuahna bak a lang chhuak lo.


" Tunah min zawt chauh a maw? " Nui duh miah lo chuan ka ti hmak a. Min melh vung vung ringawt chu ka nuih chhuah pui loh nan ka in sum tang tang.



" I vawi khatna a ni tih ka hria a ka dim ve viau che chuan ka in hria a sin. " Ti hluk in a rawn che zui thut a, a thu chhuak chu sir lam hawiin ka then sak. Vawi leh khatah kan puan sin a pawh hlih rual chuan ka rak ta that a, " Enge i hriat a? " Ka ti nghal vak.



" Na ka nei i tih kha . " A ti hluk a rang lutuk a puan chu pawt chho in ka tih der thu ka sawi nghal zung zung a. Ka fiam fuh lo tak zet.



" A nih chuan muhil tawh rawh. I chau ang. " Tiin ka taksa chu a rawn kuah khawm nghal hlu hlu a. A thin phu chu ka ngaithla kar a, a hahdam hmel bik tak zet. Thaw la halh in mit ka chhing a, ka muhil zui ve ta riai riai.


*

Ka harh leh meuh chuan khua a lo eng ut tawh a. Ka bul Zorina mutna zawn chu a lo ruak huai mai. Sana ka en chu dar 7 a lo pel ve chiah bawk. Bathroom lamah tui in herh haw ri ka hre zawm a, Zorina a awm a nih ringin hman hmawh zet in ka tho vat a. Ka thawmhnaw chu in bel sawk sawk in bathroom atanga a rawn chhuah hman hlau zet in room chu ka chhuah san a. Ka bag la in engmah pawh ti khaw muang lo in in chu ka chhuah san a. Gate ka thlen rual a taxi rawn tlan chu lo phar ding in ka thu lut nghal vat a.



" Engkim a tawp tawh. " Ti a phun sep in kan in lam pan in kan tlan a. Ka ngaihtuahnah erawh nimin kan hun hman kha a rawn lang zut zut a. Ka ngai nghal vawng vawng mai. Zorinpuia bathroom atanga a rawn chhuah a min hmu lo a nih chuan a hrilh hai viau ngei ang. Min rawn um zui leh pawh a ni mai thei. Mahse chu mi hunah chuan nimin ang khan ka lo nem tawh tur a ni lo tiin ka in hrilh nghal mawlh mawlh bawk.



Kan kawmchhak kawngpuiah taxi a din rual chuan chuan man pe in ka chhuk vat a. Kan kawngka a lo in hawn danah ka nu te an tho tawh tih ka hre nghal. In a ka luh rual in ka pa chairah thingpui no dawm in a lo thu vuah tawh a. Ka nu pawh rawng a lo bawl malh malh mai. Mama chu a la tho lo a nih ka ring.


" Khawnge nizanah i riah? " In chhung ka lut chiah chu ka pa in min lo ti nghal hmuk ka ding dat. Ka nu pawh chuan min lo en ve nghal vat.



" Eng lo.... Ka thiannu a damlo a damdawiinah ka riah pui. " Ka tih rual chuan a thingpui no ken chu dawhkanah a nghat nghal chawrh.


" Tu i thiannu maw? " min rawn melh run in a ti leh hmuk.


" A... Kan thawhpui a nia. A damlo thut a chuvang chuan... "


" Dawt min hrilh hlek suh. " Ka sawi zawh hma chuan a rawn ti chang bawl mai. Ka nu chuan in bengdai turin a lo ti nghal vat a. Mama hian Zorina nen kan awm dun tih kha a lo hrilh vek a maw ni.



" Laltlanhlu nizan kha enge min hrilh kha? " Ka pa in a ti chang leh hrawk a, room lam ka en chu Mama pawh tho phang zet in room kawngka bulah chuan a lo ding reng tawh. Ka pa in kan bul choka a rawn phei tur in a ko nghal hmuk a, thaw hawkin Mama pawh a rawn phei ve nghal a.



" Hostelah naupang ho lehkha a zir tir ti khan i sawi si a. Chuan tunah a thiannu damlo damdawiin lamah a riah pui niin a in sawi leh thung a. " Tiin ka bul a Mama a rawn din rual chuan ka pa chuan a ti a, a thutna atang chhan rawn ding a. Mama hmaah chuan dingin thinrim tih hriat zet hian a melh ngur bawk.


" Pa.. Kha kha... " Maman a tih rual in ka pa chuan a kut a vai fua a, ka bul a ding Mama chu a hmaiah a beng ri nghal chawrh a, ka nu nen kan rak nghal that. Kan beisei loh em vang a ni. Ka pa hian a nupui fanau te hi kut min thlak chu sawi loh min thinrim khum khat lutuk tlat. Zorina nen a kan chungchangah chauh hian kan la buai ti i la ka sawi sual lo ang.



" I pa hi min bum theih i ring reng reng em ni. " Ti leh hrawkin Mama chu a melh ngur a. Mittui tling pam in Mama chu ka en a, ka pa in a benna a biang chu a sen tawlh tawlh a. A bek ruh pawng tawlh tawlhah chuan a in sehruh nasat zia pawh ka hre thei.



" Pa.... Mama thiam loh a ni lo.. " Ka tih rual in " Lo tawng ve suh. Kut thlak ve i duh loh chuan. " Ka pa chuan a ti chang leh bawl. Mahse ka ngawi mai mai thei lo ka thiam loh a nia Maman a tawrh daih chu ka rem ti lo.



" Mahse a thiam loh a ni lo kei man .... " Ka tih leh rual chuan " U... " Maman a rawn ti sup a, mangang zet chuan ka en ta ngawt. Tawng ve lo tur in a mit meiin min lo ti nghal a hnuk ulh tun in ka melh ngawt ngawt mai.



" In in thu rual vel khang lang a. In pui tling ta lutuk a nu leh pa aia fingah in in ngai tawh a nih dawn hi. Ka fanu in hmeichhe khaw lo lutuk ang maiin tlangval zui haw in zankua in a riah chilh a. Ka fapa lah in a farnu nungchang khaw lo zet chu a lo zep pui bawk a. Nu leh pa thu chu engah mah in ngai tawh lo a ni chek a nga. " Ka pa thu sawi vang chuan ka muttui khap per sak sak in ka in seh ruh nghek.



" Nang pawhin min tiam a ni lawm ni. Ni tam pawh a la liam lo a, heti khawp hian em ni i pa hi min zah lo a. " Ka lam rawn hawiin a ti chang leh bawl.



" A thiam loh vekah in puh thei lo ang. " Mama chuan a rawn ti ve hluk a. Kei erawh kun chungin ka mittui a far fap fap thung. " Eng thu maw I sawi kha? " ka pa thinrim chu a aw a khur ru hluk thei hial.


" Laltlanhlu engmaw i sawi kha? " mama a tawng leh tak lohah chuan ka pa chuan aw ki chang zet hian a ti leh hrawk. Maman a chhang leh chu a thinrim a zual sauh bawk a.


" Paa duh tawk rih teh u, zing kar karah thenawm ten kan thawm an hria a nge. " Ka nu chuan a rawn ti ve bawk.



" Hetiang din hmun a ka u siam tu chu nang leh kha pitar kha in nih hi. " Maman a tih leh rual in ka pa chuan a beng leh nghal chawrh a. Ka nu nen chuan duh tawk tur in kan lo ti chul a. Mama erawh a dinna ngaiah luhlul zet in a ding ngur a, engtiang pawn ka pa hian kut thlak se a khawih erawh a khawih let dawn lo tih ka nu nen kan chiang a ka pa zawk in kut a thlak leh hlau in ka pa chu kan dang a ni mah zawk.



" Zahna tla chham lutuk, engtin nge kha tiang khan i pa hi min tawngkhum theih. Heta in awm hi kan lo ti fuh lo a ni. " Ka pa chuan a ti zui nghek.


" Ka u hi a dik vek ka ti lo mahse saw pitar sawn a tupa a control theih loh vang a ka u hi chhia chi tin reng a a rawn puh hi engtin nge in lo lem diak diak theih zawk. " Maman a ti let ve hrawk a, ka pa thinrim in ben leh a tum chu Mama hmaah ka va ding a ka nu in ka pa chu a lo kuah bet ve bawk.


" I va chal tlai reuh e pitar ti a I koh ngam a, aia upa zahna nei lo lutuk mihring hi. " Ka pa chuan a rawn ti leh thawt.


" Zah tlak nise ka zah em em ang. " Maman a tih leh rual chuan....



" A tawk! Engmah sawi tawh suh Mamm... Chhang tawh suh! " Tap tiau chuan ka ti a. Ka nu pawh in ka pa bengdai pah in Mama chu ka pa chhang tawh lo tur in a rawn ti ve bawk a. Zing kar karah kan buai nuai a ni ber.



Ka nu in Mama roomah hruai lut tur a min tih vangin a room lamah ka pawt phei dawr dawr a. Tlangval mah ni se ka pa in vawi hnih lai a beng chu a la na tih a mit mengah ka hmu a, kei mah vang a ni tih ka ngaihtuah phei chuan ka nat pui vawng vawng.


" Engtin nge ka pa hian hetiang hian a fate hi min tih theih zawk. " Room chhung kan luh rual in a ti vin ve thawt a. In bengdai turin ka ti a mahse a rilru a na lak lawh a nih hmel.



" Nia... Mahse in bengdai teh. Kan thiam bik lo a ni. Ka pa dawt kan hrilh a ka fa ten in thurual in kan bum tih a hria a a rilru a na a nih kha. Lo thu phawt teh. " Tiin khumah chuan ka nem thu a, a tah chu a chhuak ve tun a mahse tunah Mama rilru ti na zual zawng a ka tawng chuan kan buai zual mai mai.


" Kha pitar kha a ni kha buaina chu. An chhungkua... Nilo... A tupaah buaina a nei a nih chuan a mah in chingfel mai rawh se. Ka pa te rawn be chhen lo hian. Mahni tupa pawh control thei lo sawn mi fate zilh in thu rawn pek a tum chhen a. " Mama chuan a ti leh hrawk.


" Enge i sawi awm zia chu.. " Ka ti chuan a thaw chhuak hawk a.


" Zingah khan pitari khan ka pa a rawn bia a, Zorina inah i riah chilh thu a rawn sawi a . " A rawn ti chhuak hawk chu mit ka chhing nghek. Engtin nge ka piin a lo hriat daih daih pawh hi ka hre tawh nek lo.


" Engpawh nise in bengdai teh ka pa hi tih thinrim vak a chi lo a nia. A na a zual mai ang tih i hriat kha. " Tiin a bengdai zawng chuan ka tawng a. Ka rilru tak erawh chuan ka na ve tho. A fanu zawk ni lo a ka pi thu sawi a lo awi zel chu min ring lo ni maiin ka hria.


" Nang pawh hi ka message kha i hmu lo em ni chhuan lam dang i rawn siam a, ka pa tan pawh thinrim loh chi a ni hlei nem. " Tiin kei mah zawk chu min hau leh ti tih a.


" Ka hre hlei nem phone ka la en lo a. Min lo call zawk la chuan kan buai miah lo ang. ' ka ti let ve leh a. Min melh rum ngang mai.


" Ka pa dawt vawi khat i hrilhnaah a la man chhuak zui che a nia. " Tiin boruak tih zan tum chuan ka fiam a a la nui tha duh lo viau leh nghal.


" Ka biang hi a na a nia. Hei pawh nangmah vang bawk. " Tiin a hmai chu a khawih a, za fahran lo a nuiin a hmai chu a dawm vawng vawng a. Ka khawngaih reuh viau a mahse ka tan a a ding ngam hi ka thlamuang pui tak zet.


" Engtin nge nang leh Zorina chu.... " Tiin ding chhuak in a hmai chu darthlalangah a en a, a chek hluk mai.


" Kan tawp chiang tawh. " Ka ti chuai raih mai.


" I thlah thei meuh ang maw? " A rawn tih chuan ka thawk a sak talh mai.


" Ka thlah a ngai a lawm. Ka pa rilru ti hah chung chuan in kawp mah i la kan hlim chuang lo ang. " Ka ti halh a. Kan ngawih vang vang hnu chuan choka lamah thil ri deuh rup kan hria a, Mama nen chuan kan in en nghal vat.


" Kha kha eng thawm nge? " Maman a tih rual in ka nu mangang aw in min ko ri kan hre nghal a, rang zet in ka Mama nen chuan kan tlan chhuak a. Sitting room leh choka in karah chuan ka pa chu a lo let reng a, ka nu in a lo buaipui chu niin.


" Pa.. Ka duh thei lo. Nu ngati nge hetia a awm ? ' Mama nen chuan kan ti a, ka pa chu a lo meng vai ruai a. A thlan in a bual huh vek bawk.


" Damdawiinah hruai ang u. Mamm kuah thawh tum teh. " Mangang zet chuan ka ti a. A dar leh lamah chuan Maman a kuah a. Ka nu nen leh lamah kan kuah ve bawk a. Ka pa mipa sa tha chi a nih vangin a rit viau leh nghal. Kawngka thleng in kuah chhuah pawh a har teh lul nen kawngpui step chhuah chho chu huphurh awm tak a ni.


Mahse vanneih thlak tak in thenawm tlangval a rawn chhuak a Mama nen ka pa chu an kuah chho a, kawngpui kan thlen rual in taxi lo tlan hmasa ber chu kan phat ding chawt a. Ka pa taxi a kan dah luh lai vel in Zorinpuia a rawn lang ve chiah a. Mahse kan buai lutuk a biak pawh ka be hman lo. Taxi hnungah ka nu in ka pa chu a thut pui a, kei a hmaah lut in civil hospital lamah kan in khal chhuak a. Mama erawh a bike a min rawn zui tur in ka ti thung.


" Mambawih a harh mang tawh lo a nia. A thawk a zawi tawh lutuk. " Ka nu in tap tiau a a rawn tih chuan hlauthawng lutuk in ka hawi let a, ka pa chu a ko zui mawlh mawlh a. Driver hnenah hmanhmawh turin kan ti ve tak naah hei bak chuan a hmanhmawh theih lo tih kan hmuh pui ve reng bawk si. Thawk chu a pik in rilru a hah duh kher mai. Ka nu lah hlauthawng hma chi leh phili buai hma chi a ni a kei tal ka rilru tih fim a ngai tih hria in thawk ka la leh halh thin.



Damdawiin kan thleng a gate ah tlan lut chho in taxi a din rual in ka chhuak vat a. Kan hnungah Mama leh Zorina pawh an rawn ding ve chiah a ka pa chu a harh tawh lo. Driver nen an pathum chuan zawn chhuak in kawt vel a damdawiin hna thawk ten min rawn buaipui chhun zawm a. Kan in nawr lut a, ka nu phei chu a hlau thawng lutuk a a tap chhuak hawk a. Keiin ka hnem a, Maman ka pa a lo buai pui thung.



" U... Damdawi lei a a ngai a, a hman hmawh thlak a lo awm lawk ru aw. Hetah an kawl lo a ni awm a, a hman hmawh thlak. " Mama chuan rawn tiin ka chhan let hma hma in a tlan chhuak a. Ka nu ka thut pui a, kan bulah Zorina pawh a lo awm ve reng a. Doctor leh nurse lah chuan damdawi a rawn thlen tawh leh tawh loh min rawn zawt chhen a. Kan hman hmawh loh chuan kan in chan mai ang tih an sawi phei chuan rilru chu a mang ang tak zet.


Mama chhuahna darkar em pawh a la tling lo a mahse rei kan ti viau tawh. A tawp lamah phei chuan a lak ring lo chung chung in ka call ta sek a. Ka nu a tap reng tawh bawk si, kei pawh hnuk ulh tun in ka awm a tah erawh ka tap chhuak thei lo.



Corridor a Mama rawn tlan phei ka hmuh chuan thaw huai in ka ding nghal vat a, minute 15 vel a va thang a mahse a nghaktu tan chuan darkar tam fe ang vel a ni. Nurse chu damdawi pe in kan vai chuan kan nghak thap a. Tumah kan in be lo a ka pa an nawr luhna room chu kan in melh chhawk chhen a. Mama pawh a thlan in a nual huh vek nghe nghe.


Rei vak loh a Doctor chu rawn chhuak in kan pan nghal vat hlawm a. " Doctor ka pa chu enge a an? " Mama chuan a ti vat.



" Tunah chuan damdawi kha kan pe a a tha mai ang. Tlem in rawn tlai deuh u la chuan kan in chhan hman kher lo ang. " Doctor in a tih chuan kan thaw huai hlawm mai.



" Kan hmu thei a ngem? " Ka ti nghal vat.


" Tunah chuan a muhil a pakhat awm pui tu tur lut u la, a bak chuan pawnah hian in nghak rih dawn nia. Chuan rilru hah na tur emaw thu thin thawng lam chi hriat tir lo hram bawk u la. " Tiin a kal sawn a. Ka nu chu lut tur in Mama nen chuan kan ti a. Ka nu chu a lut a kei ni erawh pawnah kan awm ta thung.



" Lo hahdam rawh tui in tur ka zu lei ang che. " Mama bulah chuan ka ti a, corridor a thutnaah chuan thu in a thaw chhuak leh hawlh thin. Ka kal sawn rual in ka hnungah Zorina chuan min rawn zui ve nghal a. Min be lo a ka be hmasa bik lo. Dawrah tui chu bottle hnih leiin pakhat chu ka hawng a ka in nghal vat.


" I in ve duh em? " Ka bul a ding chu en in ka ti a, lu a thing mai a. Ka pa a ziaawm takah chuan ka thaw a veng hawk mai.


" I tha em? " A rawn ti sup a lu ka bu nghat.


" Enge i lo tih? ' ka ti let thung.


" Min hrilh loh in i lo haw daih a. " A tih chuan ka thaw hak.


" Nia! " Ti ringawt in ka chhang a kal sawn ka tum chu ka banah a rawn vuan chawt.


" Thil dik lo a awm em ni? " Ka mit a min melh ngur in a ti leh sup. Thaw chhuak hak in ka kut chu ka tal pit a.


" Awm lo. Engmah dik lo a awm lo. Tunah ka pa thih sual in a dam lo mek a chu pawh kei mah vang in. Nimin khan lo zui miah lo tur che ka nia. " Ti nghek in Zorina chu ka kal pel a. Ni e... Engkim hi ka thiam loh vek a ni. Niminah Zorina kha zui lo i la chuan tukin zingah kan chhungkua kan in hnial buaiin ka pa pawh tiang hian a awm miah lo ang.



" Enge i sawi awm zia kha, he thilah hian min dem em ni? " Ka hmaah chuan rawn in a ti leh nghut.


" Chutiang in ka sawi lo, engkimah khan kei ma thiam loh a ni ka ti mai a nia. " Tiin kal pelh leh ka tum chu ka banah bawk min rawn vuan a.


" Tak zet che hian. Chutiang chuan i sawi lo tih ka hria. Ka chhungah i lawm lo tih a lang reng a lawm. " A rawn ti chhuak hrawk a. Kan bul a midang kawngkal ho chuan min en hrek hrek hlawm mai.



" Min thlah teh. " Tih leh ka kut thin thlak ka tum chu a hmer nghet sauh.



" I hre duh chiah maw. Ni e... Nangmah vang vek a heng hi thleng a ni hi. I pi in ka pa hi rawn bia in thil ni lo pui pui hrilh lo se hetiang hian a awm miah lo ang. Chuan nang lah.... Nang lah ka hmaah ka rilru ti buai turin i rawn lang ve chhen a. Engkim hi nangmah vang vek a ni, nang leh i pi vangin ka pa ka chan tep a, ka hua che a hmuh che pawh hi ka duh tawh lo. " Tiin ka an khum ta nghek.



" I thinrim in i rilru a hah rih a nih kha. " Tih zawng in min chhang chu ka nui ro hak.


" Zorinpui ti nge i hriat thiam duh miah lo a. Kei chuan ka kal san daih tawh che, chuvang chuan nang pawn min vuan lui tlat tawh suh. " Ka ti chuai raih chu a mit meng chu chawp leh chilh in a in thlak nghal.



" Ni lo... I rilru a buai a I sawi ve mai mai a nih kha. Nang hian min kal san duh ni la chuan nimin pawh khan min zui hauh lo ang. " A ti chhuak nghut a. Ka mittui rawn tla tur chu dan kir tumin ka mit ka chet kual leh ralh thin.



" Ka sawi dik tih i hria chhanna min pek tur pawh i neih loh kha. " A rawn ti chhuak leh hawk chu lu ka thing mat mat. .



" Ni lo.... Ka zui chhan che kha chu ka khawngaih vang chauh che a nih kha. I mit mengah khan a ngen in min ngen tlat a nih kha chu chu nang pawn I hria. " Ka ti chhuak leh hap. Dik tak chuan Zorina hi ka dem thei lo a hetiang a mawhpuh pawh hi ka duh dan a ni lo. Mahse hei lo chu chhuan lam han siam tur thlawt ka hre lo. Engkim a mawh phur tu dik tak zawk chu kei mah ka ni.


" Ka awi i ring em ni? Nang hian min kal san i duh lo tih hi ka hre chiang. " A ti ro hawk a. Mahse engmah sawi belh erawh ka tum lo. Ka din ngai chuan ka ding ngar a. Ka bottle ken chu ka hmer vak ringawt.


" Ka sawi duh chu ka sawi zo tawh. " Ka ti zawi sep.


" A nih chuan nizan kha engtin nge i sawi fiah dawn. Min khawngaih vang bawk a nih chu ka ring chiah lo . " A tawng dan chu min elhsen a ang mah zawk in ka hria.


" Tihpalh thil a nih kha. " Tiin a mah pawh en leh tawh lo chuan ka kal zui hlak hlak a. Ka taksa hi an tang tung a, Zorinpuia hmel ka en leh chuan a mit mengah kal lo tur a min duh zia ka hmu leh a nga a hma ang kha ka tui ral leh mai ang tih ka hlau a ni. A vawi 2 nan ka pa nunna kei mah vang in hlauhthawn awmah a awm a. Vanneih thlak tak in Pathianinin la hum sak hram a. A lehpek a awm a nih chuan enge thleng ang ka hre si lo. Chuvang chuan kan tawp hi a tha.



damdawiin chhung corridor a ka phei chu hnung lam atang ka banah min rawn vuan ding leh chawt a. Zorinpuia bawk a nih ringin ka in seh ruh nghal nghek a. " Engthil nge I la duh? " Ti a vin nghek in peih at a ka in her chu ka tawng tawp chawt.



" Koh I va hre thei lo ve. " Muanpuia chuan a ti sup a. Zorinpuia a ni lo chu ka hamhaih lek lek zawk.


" Nang maw? " Ka ti zawi sep.


" Thlarau hmu ang mai. Enge hetah I ti a, " Tiin min zawt let a. Mit chhingin thawk ka la halh.


" Ka pa a awm a. Awm han ti ila tulun zing atangin. " Tiin ka chhang vat a. Zorinpuia khan min rawn zui miah lo tih na em ni? Min zui lo tur in ka duh a mahse hmuh erawh ka in beisei tlat thung chu ka in haw tak zet.


" A kal tawh. " Muanpuian a ti sup chu ka melh nghal zawk. Chik zet hian min lo en reng a.


" Zorina kha i zawng a nih ka ring. Nichin i kal san hnu khan a bike in a in khalh chhuak tawh. " A rawn ti leh chu za lo zetin ka nui lui sak.


" Min lo hmu vek a maw? " Ka hriat tawk chuan ka phun sep a.


" Enge in buaina chu ka hre lo mahse puih i ngaih chuan i bulah ka awm reng a nia. " Tiin ka ban a vawnna chu a rawn hmer salh a. Min lo la vuan reng tih la hre chiah.



" Ka tha lawm. Maman min nghak rei tawh ang ka kal phawt a nge. " Tiin ka nui lui sak a. Ka tha te hi a zawi ngawih ngawih mai. Mut that loh nen rilru hah leh buai reng reng in ka khawsa a, ka a zo tak ngial dawn. Rilru pangai pawh ka pu thei lo.



" Kan in hmu ta rau rau i pa chu ka rawn hmu ve a nge. " A tih takah chuan hnial lem lo chuan kan in zui phei a. A tawp nan tiin hnung lam chu ka hawi leh vang vang a. Zorinpuia nen chuan kan tawp chiang tawh tak zet e!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 10th, 2021, 1:50 pm

CHAPTER - 36 🌼 by Amy Cck



Ka pa an dahna room lam chu ka pan a. Mama pawh corridor a thuthlengah hnung lam nghengin mit a lo chhing vang vang a. Zingkar boruak vel nen khan a in thiam lo tih sawi lo mahse ka hmuh sak a ka khawngaih reuh viau. Kei mah vangin ka pa nen a vawi khat nan an in hau hrep a. Chu tah ka pa damdawiin luh pui ngai in a awm phah zui a. Engkim hi ka thiam loh vek a ni. A bul ber chu kei mah ka ni a mahse ka din hmunah kha chuan tu pawn Zorinpuia kha an hnar theih ka ring bik lo.



Ka pa chu oxygen an hip tir a a la harh mai dawn lo tih an sawi bawk nen Mama chu lo va haw turin ka ti a mahse a duh bik thak lo. Muanpuia pawh ka pa kan tum e ti lo chuan pawnah kan unau hnih nen chuan kan thu ta reng a.



" U... Lo va let u la ka nu ka lo awm pui rih ang. Tlai lamah ka pa riah pui tur in min rawn chhawk leh zawk a nga. Hetia vai awm pawh hi a tangkai lo. In lamah mamawh vel lo va siam zawk rawh. " Mama chuan a rawn ti a. A sawi takah chuan dik ka ti ta viau. Min admit bawk nen engmah kan in buatsaih lo tih ka hre chhuak ve chiah. Ka rilru ka ti fim viau emaw ka tia mahse nau zawk mah nise mipa chu mipa nge nge a ngaihtuah thui leh zawk tho.



" Ka rual in let la, ka thlah kawi ang che. " Muanpuia pawh chu rawn ding ve hluaiin a rawn ti ve nghal a.


" A nih kan let aw. Ka nu a lo chhuah chuan thil lo ei ngei ngei ru aw. Nge ni a ka rawn pe leh zawk dawn cheu?" Ka ti leh nghal vat. Tukthuan pawh kan la ei hlawm lo a kan boruak teh nuaiah khan.



" A tlai tawh ril a tam leh dawrah kan lo in hnawh puar mai ang. Va in siam la hahdam deuh in tlaiah riam tur law law in rawn kal zawk rawh. " Mama lah chuan a rawn ti leh nghal a. A ni dawn takah tunah 11 a ri dawn tawh a, in a let leh a chaw va pek leh na hman pawh a awm tawh lo.



" A nih ka nu a lo chhuah chuan in ril tam lo mahse lo ei tho ru aw tlem tal." tiin ka chah zui mawlh mawlh a. Muanpuia nen chuan kan in zui chhuak a. Parking atangin a motor la chhuak ka lo nghak reng a. Zorinpuia erawh ka rilruah dah loh hram ka tum thung. Ka hma zawn a Muanpuia motor a rawn din chuan ka thu lut nghal vat a.



" I pa chu nga ti teh thut nge? A damlo sa a in entir turin an rawn chhuk zawk nge? " Tiin motor khalh pah in min zawt a.



" Damlo tihah a lung lam a chian loh bakah stroke a nei a. Tluk thut hi a nei ve a. Tun hnai phei chu hei a zual khawp mai. " Tiin ka chhang a. A zual chhan erawh kei mah ka ni tih ka in hria a mahse sawi lan kher pawh ka tum lo. Tunah chuan engkim ka ti tawp tawh a, a hma ang khan ka pa pawh a hrisel leh em em ang.



" A nih chu. Mahse in la vannei zawk a lawm. Engmah harsatna dang a nei lo a ni lawm ni. " A rawn ti let leh sup.


" Umm... Neih em em pawh kan hre lo. "


" Stroke rau rauah in vannei a lawm. Thenkhat chu an rilru te hian mi pangai hi a phak loh phah thin a. A then tawng thei lo te, taksa zeng te leh problem dang dang nei te an awm thin a. Chutiang em in la thleng lo chu a lawmawm. " A rawn ti ve luam a. Kei pawh chu thawk la hak in lu ka bu nghat nghat.


" Ni e, kan vanduai viau emaw kan tih pawh hian kei ni aia vanduai hi an lo awm leh thin. " Ka ti liam puat. Chu erawh in hnemna tlak a ni hran lo.



" Chuan.... Hetia i pa a dam loh chhan hi in in kar a hriat vang em ni? " Rei fe kan ngawih vang vang hnu chuan a rawn ti a ka melh nghal zawk.


" Zorina nen a nia ka tih. " Min rawn en ve nghal in a ti nawn leh sup.


" Chu chu engtin nge i hriat? " Ka ti let vat a. Zep ka tum ve ngar ngar a mahse a lo hre vek sia. Chutah a sawi chhuak tuah a la tang ta zui a.



" Nichin khan damdawiin kawtah khan ka hmu cheu a. In sawi erawh hre chiah lo mah i la a rin hriat thei mai. " A rawn ti leh mai a. A hma atanga Zorina nen kan chungchang hre tawhtu ni mahse hmai a uang lo duh khawp mai.


" Nia mahse tunah chuan kan in then tawh. " Ka ti zawi sep chu min rawn en in a hmui a ti sawi zeuh a.


" I hmangaih viau khan ka hre sia. " A rawn ti zawi sup chu ka taksa ka tang tung mai.


" Hmangaih e.... " Ka ti tawi tak.


" Mahse ka chhungte pawh ka hmangaih a, tihnat hi ka duh lo. Kei mah vangin ka pa hian a nunna chan se ka dam chhungin ka in thiam tawh ngai lo ang. Chuvang chuan duh ka thlan a ngai. " Ka ti leh sep sep a. Muanpuia pawn ka dinhmun chu khirh a ti deuh nge pik zet hian a thaw ri hawk.


" A nih Zorina hi... " Sawi zo lo chuan a ngawi leh dat.


" Ka ti na tih ka hria. Mahse a la tuar chhuak mai ang. A la naupang a, hma hun eng tak a nei bawk a. Tunah na mahse a ni chuan a nunna em a chhan phah lo ang. Kei aia hmangaih leh duh, hmeichhe chhelo leh hmeltha tak tak a la tawng bawk a nga. Kei chu min theihnghilh mai ang. " Ka ti leh sep sep a. Chutiang chuan thleng ngei se ka duh tak zet. Kei mah vang mai chuan a nun ti chhe lo se ka duh tak zet.


" Ni e.... A tha ve mai ang. Hnuk a hlat e mai. " Nui hawk in Muanpuia chuan a rawn ti a. Min tih hlim nan a fiamthu tih ka hria a mahse tunah rih chuan nui thei pawh ka ni lo. Ka tah hi a chhuak ru tum zawk.


" Chuan ka lawm e. " A rawn ti leh sup a. A ngaihna hre lo zet in ka melh ha.


" Kha tiang thu zawng zawng kha min hrilh a. Ka sawi tum chu min ring ngam in ka lakah i in sawi thawl duh a. Hmangaihzuali hian min lo hnung chhawn vek lo tih ka hre bawk a. " Nui suk in a rawn ti a kei pawh ka nui ve sak.


" I hria lawm ka tan hian i pawimawh thin zia kha. Hman atang tawh in nang chu ka thuruk ka sawi chhuah a, ka rilru na te ka bun in ruahna ber i nih kha. " Ka ti let ve a bu nghut in motor stearing chu a her kual a.


" A nih nang enge damdawiin khan i tih a. I damlo nge ... " Tiin kan thu sawi chu thlak ka tum a. A chhan pawh ka chung chang kan sawi reng chuan Zorinpuia bawk ka ngaihtuah leh zel.


" Ka lan danah hian damlo chu ka ni lo phawt a. Damlo ka kan lawk a." A rawn ti tha ve mai a .


" Tu nge in chhungte an awm a mi?" Ka ti leh nghal vat.


" Chungte chu ni chiah lo. Ka hmelhriat satliah mai mai maw le. Chuan ka haw tur khan ka rawn hmu cheu a. In sawi muk hmel sia ka rawn pawh ngam mai lo cheu a I kal hnu khan ka rawn um zui che . Vawi tam tak ka au che maw le. Beng tha lo ang maiin i kal chak em em ringawt a. Ka auh naah che ka hrawk pawh a na vek. " A tawng tawp lam chu a nui chhuak hawk mai.


" A... Tihpalh ka hre lo tak tak min ko tih. " Ka ti zawi sep a. Kan in kawt kan thlen chuan kawngka chu hawng in chhuah mai tum in ka awm tawh.


" Zanah damdawiin a I riah dawn chuan i pa kan phah in ka rawn kal leh dawn nia. Vawiinah ka hmu thei ta si lo a. " A rawn ti a. Nui lui sak in lu ka bu nghat. Motor atanga chhuak in a tlan liam thleng chu ka thlir a. A liam hnu chuan kan in lam panin ka chhuk ve chiah a. In ka lut chu ka thaw chhuak hak mai. Ka nu chawhmeh siam vel pawh a ngai ngaiin a lo la awm a.


In chu ti fai sawk sawk in damdawiin a ken tur mutbu leh puan vel chu ka siam nghal mawlh mawlh a. Ka in khung fel zawh chuan in ti fai turin bathroomah ka lut a. Ka in ti fel fai meuh chuan a chawhnu her ruih tawh.



Damdawiin lam pan tum chu in ka chhuah san a. Taxi stand a phei peih lo in kan kawm chhak kawngpuiah chuan a ruak beh mai theihna ka chang a. Taxi pakhat rawn let lam chu ka lo phar ding hlauh mai. Ka bawr deuh vangin ka hmang ta tawp a. Kan tlan chhuak chiah tihah ka phone a rawn rik vang chuan ka bag chu ka hai rak rak a Mama a nih tawh ka ring a mahse ka pi daih a lo ni. A call chu lak loh ka tum zet a mahse in seh ruh nghek in ka la ta hram.


" Hello. " Ka ti deuh hmak. Ma pi lakah pawh hian ka lawm bik lo. Zorina tan min duh lo tih ka hria mahse ka pa hetiang dinhmun a siam tu a ni a ka haw ve tho.


" I buai loh chuan kan inah rawn kal lawk ta che. " A rawn ti dam dap chu za lo zet in ka nui ta hak.


" Ka hman lo. " Ka ti ram hmak.


" I pa chanchin ka lo hria a, ni e i buai a nih ka ring. I pa kan phah in kei mah zawkin ka rawn hmu mai ang che. " Tiin phone a dah hmak a nih chu. Mak ti lutuk hi ka phone chu ka melh tlawk tlawk a. Hetiang mizia ka pi in a nei hi mak ka ti. A hma zawng kha chuan ka lakah a fel in a ngainat awm em em kha a nia. Tunah a thinchhia ka tihna ni lo in a aw dam zet phen a khakna hi ka hre chiang mah mah thin.



Damdawiin ka thleng a. Ka thlen hnu rei lo teah ka nau leh ka nu an haw ve nghal a. Ka vannei a naktuk thleng chiah class kal a ni tawh a. Hlimi min lo kep mai tur in ka ti a. Nileng pawn class a awm tawh lo a a harsat loh thu in min chhang hlauh zawk a. Kawng leh lamah chuan a hahdam thlak phian.



Ka pa cabin a kan dah takah chuan thlem in hah pawh a dam deuh. Ka nu in an haw dawn in ka pa a lo harh a nih pawh in a rilru ti hah leh ti thinrim zawng a awm lo turin min chah lawm lawm a. Ka nu pawh a in thiam lo khawp mai. Mama nen room a kan luh hnu khan Mama kut a thlak kha ka nu in a thinrim pui vangin an lo in hnial leh deuh bawk nen chuvang hetia awmah hian a puh ve bawk a. Ka nu , kei leh Mama kan pathum in kan in thiam lo a ni ber mai ka lakah.



A thawk lam a nawm loh vangin oxygen an la hman tir a. A lungphu erawh a zia awm tawh thung a. Ka thlen hma in vawi khat a harh a, a muhil leh char char an tih vang in kei ngei pawn a harh hun ka la chang ve reng chu a nia.


Kawngka rawnin hawngah chuan ka hawi phei vat a ka pi a rawn lut ve chiah chu ka taksa a tang nghal tung mai. Rilru hah a ip pik tawh sa nen hah hi a dam thlawt lo.



" I pa chu a zia lo khawp mai a. I Papuia lah nimin tlai lam khan a hna thilah a zin chhuak hman sia. Lo va kan rawh min ti nasa bawk sia ka rawn hman hmawh khawp mai. Zan lamah i Papuia chuan rawn biak tho cheu chu a tum kha. " Engmah thleng lo ang mai chuan a rawn ti dam dap a. Chhan pawh ka chhang pheih lo.



Rawn lutin thuthleng in hungah chuan a thu a. Kei pawh chu phur lo zet in ka pa bul a ka thu chu ding chhuak in a hma zawnah chuan ka va thu ve a.


" Enge tlai a min hmuh duh chhan chu? " Ka ti deuh hmak. Mama sawi dan takah min ngai na lo a nem tak a biak kual vel pawh hi tul ka ti bik lo. Tunah ngat phei chuan ka haw zual tak zet.



" Ka sawi tur chu i hre lawk tho in ka ring a. A hma khan i pa thu awiin tha tak in i awm tawh e maw tia. Nizanah in zui satliah mai pawh ni lo in a in thleng i lo riah chilh leh a. Hetiang hmeichhia hi i ni tih ka lo hre lo a. Ti nge Zorina kher hi i tih buai a. " A rawn ti muang ban charh a. A upa tawh a mahse chhungkaw awm thei leh hna hahthlak thawk ngai lo tih takah a kum aiin a lang tha lai daih zawk. Chuan tar at tih vel chu a la hnaih loh hmel khawp mai. Chu chu Mama sawi dan a nia kei pawn a nih ka ring nghet bur.



" Kha lam kha chu lungngai duh tawh suh, kan tawp tawh. " Ka ti tawi tak.



" A hma pawn in tawp emaw kan tih tawh kha mahse niminah in lo in hmu leh tho a, zan khua in in awm dun bawk a. I pa pawh hetiang hian a awm phah a. " A rawn tih lai chuan.



" Ka pa hi thil tul lo zet lo va hrilh ni lo la chuan tiang hian a awm hauh lo ang. " Ka lo ti ram hmak.


" I cho chhuah a ni hi. Tunah I pa in a hria a heti khawp hian buaina a awm a. Bawihpuia pa in a hriat phei chuan tun ai hian kan buai dawn a. Chuvang chuan i pa rilru ti hah leh awm nuam lo zawng hian awm tawh suh. Chuan pangai tak leh in ngeih tlang tak in kan awm ho leh thei a nga , a tu a te tan pawh a tha zawk. " A rawn ti leh deuh duah a. Ka chhan let chuan ka pa kan bul lawkah a mu bawk si a, thil tih chi a ni tlat lo.



" Zorina nen kan in kar chu a tawp tawh. Chuan nang emaw ka nu leh pa chuan pangai tak a awm duh in awm thei mah u la. Kei chuan nang ni ho hi hnaih ve cheu ka duh lo a. Nang I ni emaw Zorina pawh ka pa leh kan chhungkaw hlatah hian awm rawh u. " Ka ti kha ve fak. Engtin nge pa Zothana hi a fapa a nih theih pawh hi ka hrethiam nek lo. A ni loh pawn Papuia hian a pa zawk a chhun a ni ngei ang.



" A tha e, i thu sawiah i din ngheh tawh ngei ka beisei. Chuan i pa chu lo dam vat rawh se. A harh hunah ka rawn kal nawn leh dawn a nia. " Tiin a ding a. Thlah pawh ka thlah peih lo. Kawngka a a chhuak chu ka melh reng ringawt.


Zanah Maman chaw min rawn pe a. Class pawh kal lo in rei vak lo a awm a, ka pa pawh minute rei lo te liam ta khan a rawn harh ve a. Biak erawh biak chi vak a la ni lo. Mama pawh ka nu a ngaihtuah awm a tih vangin ka thil ei min nghak in ka ei zawh velah a let leh nghal a. Mama chhuah hnu rei lo teah Muanpuia pawh a rawn lang ve hlawl mai.



" I rawn kal tak tak a, i buai lo a mi? " Ka lo ti vat. A buai loh thu in min chhang a, ka bul a thutnaah chuan a thu ve nghal a. Ka pa pawh damdawiin a chhawk deuh a niang zan lamah chuan a harh tha ve tan viau a. Ka nu in min rawn bia in chanchin min zawt awl lo a. Ka pa a zia tawh tih ka hrilh chuan a hahdam thu a rawn sawi ve luam.


Rei vak lo hnuah Muanpuia thlah tur in kan in zui chhuak a. Damdawiin gate pui thleng thlah in ka let leh a. Ka pa pawh a lo la harh ve reng mai.


" Pa meng rei lutuk lo ang aw, I la chak lo a nia. " Tiin ka pa chu ka pan a. Mut a duh thu a sawi ve takah chuan a khum ka siam rem sak a. Ka pi sawi ang tak tak in Papuia chuan min rawn bia a. Ka pa erawh in a be tam vak lo, a tawng nasat chuan a chauh phah zel bawk nen kei man ka be deuh char char a ni mah zawk.


*

*

Kan chhungkua damlohna in min tlak buak takah chuan ka hna pawh chu ka zawm tawh lo. Muanpuian a u min biak sak a, an ni pawh an naute a lo changkang ta bawk nen kan in biak na lo ang deuh in ka chawl ta daih a. Ka pa pawh kar hnih vel damdawiin a kan awm hnuin kan chhuah pui a. Thla khat zet chu in lamah pawh kan in en kawl tawh a dam erawh a la dam tha lo khawp mai.



Zorinpuia erawh a reh hmak a, damdawiin a ka tawng khum dan kha a la na viau a nih ka ring. Tunah phei chuan an exam ve mek a, Papuian ka pa a rawn kan ve chang hian a sawi ka hre ve thin a. A zir nasa a tih chuan ka lo hlim ve em em a a ni mai.



Ka pa a nat zual tak thutah chuan Aizawlah an cham ve ta reng a. Ka room ah ka khum kan zawm belh a, an awm a kei Mama room ah ka mu a, Mama thuthleng seiah a mu ve thung a. Tuman Zorina emaw kha tiang lam kha kan sawi chhuak leh ta miah lo bawk.



" Zanin hi Muanpuia hi a rawn lang dawn lo em ni le? " Ka nu in a ti lai mek in kawngka an rawn kik a, lo lut tur a kan tih rual in Muanpuia chu a rawn lang zui nghal. Damdawiin a kan awm lai atang tawh in min rawn ngaihtuah in hun awl a neih chuan ka pa a rawn kan reng bawk a.


Thawktu hmelhriat a lo nei leh zel nen a zarah ngaihsak kan hlawh zual a. Ka hna pawh a U min biak sak vek ka tih tawh kha. Damdawiin kan chhuah san hnu thleng in in lamah min la rawn ngaihven a. Ka chhungte, ka nu leh ka pa mai ni lo Mama pawn a ngaina tih ka hria. Kei nen pawh kan in pawh tha leh viau tawh a mahse thian ang ve ve bak in kan in en lo.



" Kan lo sawi mek che a Mambawihi bulah i lo leng dawn em tih kan lo zawt chiah a. " Ka nu chu a lo ti vat a, Muanpuia pawh nui sukin a rawn thu thla ve a. Ka nu leh pa kawm a thiam lutuk hi rei la in hre lo mahse an ngainat phah ni ber in ka hria.



Ka pa in damdawi ei zawh in dar 9 velah an mu a. Muanpuia nen chuan kan in kawm ta reng a. Semester thar atang in a hma min kawh hnuh chu ka zawm theih leh theih loh min zawt a. Ka pa te pawh min dil sak thlap a. Ka pa pawh in Zorina a reh tak hmiahah chuan a ngaih a tha tawh a niang ka duh leh duh loh tiin a chhang a. Kei mah ber hi ka rilru a buai.



" Kal kawng hi a hla em a. " Ka ti thla ngawt.


" Chu lamah chuan ka rual pawn I kal fo thei dawn a, kan kal dun theih loh kar lakah university bus a service reng bawk a. Rem ti phawt la a fel a ni mai. " Tiin min thlem ngawrh tak emah chuan ka pawm ve ta nge nge. Hna a van van nei a, hetiang a min sawm ngawng ngawng tu chu hnar reng a har ve bawk em a.



Zan a rei ta deuh a 11 a pel hnu deuhah haw a tum takah chuan thlah pah in kan in zui chhuak a. Kawngpui kan chhuak chho a. A motor bulah ding khaw muang leh in kan in be pah mawlh mawlh a. Tu emaw in min en reng a ka hriat vang chuan sir lam ka hawi phei chu kan in chungte garage bul thim laiah Zorinpuia lo ding ka hmuh chuan ka hawi sawn leh rang kher mai.


" A nih ka phei a nge. Lo in enkawl tha u la. " Ti a Muanpuia in her tur chu a banah ka vuan ding chawt a. Min rawn en in zawhna mit meng chuan min melh a. Nui lui sak in ka awm hnaih a, a hmuiah chuan ka han fawp zeuh a. In lak hran ka tum rual chuan ka kawngah rawn vuan in a lamah min pawt hnai salh a. Min rawn fawp zawm nghal zat chu hnar duh viau mah i la Zorinpuian min hmu tih ka hriat vangin ka hnar duh ta lo.



Kei mahah hian beisei nei tawh lo se ka duh. Min hua in min hnaih tum tawh lo se. Hmuh tak ngial pawh min hmu duh tawh lo se ka duh. Chutiang a nih loh a a hma ang bawk a min zui a min thlem leh chuan ka nem leh zo vek ang tih ka hlau a ni. Chuvang chuan min haw ngawih ngawih se ka tan hian a tha zawk.


Muanpuian min fawhna a thlah rual in hnung lam atang in a rawn pawt her nawk a, eng sawi set set lo in Zorinpuia chuan Muanpuia hmaiah a hnek ri nghal chawrh a. Ka rak that rual in Muanpuia pawh a lo in ring bik lo nen a pai zui nawk mai.


" Hrep chuan. " Tiin Zorinan a rawn hnek nawn leh tur chu a hnek let ve chawrh a. " A tawk khawih tawh suh." Ti vak in hauthawng lutuk in an in karah ka va in rawl nghal vat a. Zorinpuia chuan min melh run a. Muanpuia thlavang ka hauh vang chuan a mit mengah chuan a thinrim zia ka hmu thei.



" Min lo zui teh. " Ti hluk in ka banah a rawn vuan a mahse rang zet in ka lo thing thla hnawk.


" Ka duh lo, min khawih hlek suh. " Ka ti vin ve that chu a thinrim a zual sauh mai.


" Hmangaihzual min ti thinrim zual lo teh. " A ti vin leh hlur mai.


" Ka thik nan a khatiang a awm i ni tih kha ka hriat loh i ring em ni? " Ngeiawm zet a min nuih chungin a rawn ti leh hluk a. Muanpuia pawh a thaw ri hawk mai.


" I hriat sual a nih chu. Muanpuia nen hian kan in kawp tawh. A nih hi ka bialpa a nia engvang in nge nang vang in khatiang kha ka tih duh i rin zawk. Nang nen chuan kan tawp tawh. " Ka ti kha fak a. Ka theih ang a rum chuan ka melh bawk. A mit meng a natna ka hmuh chuan ka nem leh mai loh nan ka in seh ruh nghek.



" Kha thu kha sawi tawh suh. " A ti chhuak hrawk a, kan bul a Muanpuia motor chu a chum ri nghal bur a ka phu chiam leh nghal.



" Ka sawi ang. Kan tawp tawh miau a lawm. Ka hne lutuk cheu. I pi leh nang hian ka nun hi hrem hmunah in chhuah a ni tih hi hre rawh u. Ka hmuh theihah rawn in lan in min ti buai tawh suh u. Ka hne.... Ka hne tak zet. " Ka ti khum ta piap piap a. Ka awm dan chu thinrim mit meng thim khup chuan min melh a. Mahse hetia ka tih hi a ngai miau.



" I in chhir lo ang maw? " A ti sup chu ner sak in ka nui ro hak.


" Engvangin nge ka in chhir ang? I tel lo hian ka hlim zawk. Tun ni tlem te chhungte kha ka tan chuan a hahdam thlak in pangai tak a thawk ka lak awm chhun a ni hial ang , ka tawn hnu che hian ka num hi buai na hlir in a khat a ka hne tawh lutuk. " Ka ti khum leh nghek .



Min rawn hnaih chilh nghal run a, ka hma chiah a awm a nih vang in a thil in rim chu ka hip lut fuh nge ka pum chu a let nghal bulh a, ka luak a chhuak in ka kaw chhung chu a no nghulh mai.


Kei hi enge ka awm zia, zu rim ka hua tih chu ka hria a mahse hetiang em em hian ka awm ngai lo. Tun a ka awm danah hi chuan.... " Ni lo.. " Ka ti sep.


" I tha em? Zualte... " Ti a Muanpuian min rawn khawih a tum chu " Khawih hlek suh " Tiin Zorinpuian a kawr awmah a lo tham nghal sawk a. Ka pum let bulh bulh chu ka dang hman lo an pahnih chuan ka uak khum ta nghek a nih chu!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)