SELFISH LOVE by Amy Cck (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: SELFISH LOVE CHAPTER - 1- 30 by Amy Cck

Unread post by Ngaia » October 10th, 2021, 1:50 pm

CHAPTER - 37 🌼 by Amy Cck



" I tha em? " Ti a rang zet a Zorinan ka dar a min rawn dawm chu ka lo nam sawn dawt a, thinrim tih hriat zet a rum nghut in min rawn pan hnai leh rual chuan " Min khawih tawh suh. " Ka ti vin tuar a. Ka luak chhuak luak thei bawk si lo in ka pum atangin min hnawh chho tup tup a, ka mittui te a tling vek thei hial.



Zorinpuia chu ka mittui kar atang chuan ka melh tawk tawk a. A mit meng chu a send rum a, a thim khup bawk. A hmel a natna ka hmuh chuan ka in seh ruh zui nghek.



" Hrep tak chuan. " Ti zui hluk in a in her a, vawi khat pawh rawn hawi let tawh lo in a bike ti nung in chak zet chuan a tlan chhuak a. Ka luak chhuak ka hrawkah a in hnawh tun bawk nen ka mittui kar atang chuan ka melh tlawk tlawk mai.


" I tha em? Na i nei em ni? " Muanpuia chuan ka kawng a rawn kuah in a taksa ngheng tur chuan min pawt hnaih a, thawk ka la kawk kawk mai. Ka chil te chu an rial vek a. Ka awm dan chu ka hre thiam lo tak zet.



" Inah ka hruai thla ang che. " Ka chhan mai loh avang chuan a rawn ti leh sup a. Kan in lam pan a min in her pui tur chu lo tang ve tlat in a motor chu ka vuan bet tlat a. Tawng tum chuan ka chil ka lem nghal vak.



" Ai... Chhuak rih lo ang. Ka nu leh pa te ka ti mang ang leh ang. " Ka ti tham tiak a. Haw thla thei ka ni rih lo tak zet. Ka pa ten Zorina a rawn kal tih an hriat pawh ka duh lo. Kan tawp fel tawh tiin an rilru a hahdam ve tan chiah a. Ka pa tha chak thei lo nen a ngaihtuahna tih buai sak ka duh tawh lo.



" A nih chuan motor ah hian thu hahdam deuh la. A nih loh pawn damdawiin ah kan kal dawn a mi? " Min ngaihtuah zet chuan a rawn ti a. Ka luak bawk a rawn chhuah leh vang chuan lu thing nawk nawk in kawng chhak lam kawrah ka tlan chho a, ka han bun ta nghek. Zan rei a ni tawh bawk a kawngkal an awm tawh lo a a zia phian. Motor rawn tlan tlang zauh zauh ho erawh chuan min melh zui vung vung tih ka hre reng a mahse ka ngaihven hman lo.



Muanpuian min buaipuiin ka chal te min rawn khawih sak a, rei fe kawng sir a ka thu an ka bulah muanpuia chu rawn thu in ka zia awm em tih min zawt reng a. A hnu deuh chuan motor lamah pheiin passenger seatah min thut luh tir a. Kawngka kharin driver seat lamah a rawn thu lut a, a motor a tui bottle chu la in min hawn sak nghal mawlh mawlh a, kei erawh thawk ka la ham ham a ka chau nghulh thei.


" Damdawiin a kal chu i duh lo tak tak maw? " Bottle in hawng sa ka lam a rawn lek phei pah chuan a ti a. Lo ban vat in ka in nghal khawlh khawlh a ka harh kawk a ka dam sawng sawngin ka hria.


" A tlai tawh e mai ka zia tan tawh a lawm. Naktukah ka kal mai ang. " Tui ka in zawh chuan ka ti chhuak halh a. Bu nghut in motor stearing chu a kut tang chuan a khawng ri kauh kauh a.


" A lo awm tih i hmuh vang a ni ti raw kha tia i rawn chet? " A rawn ti sup a ka melh nghal vat. In thiam lo zet chuan ka en a, a hmel chu a thu tak in a mit meng chu a thim khup a. Ka thil tih atthlak zia kha ka hre thar awn awn a, Muanpuia lakah hian ka in thlahrung ta viau mai.


" Ka tihpalh kha tia tih kha ka tum miah lo mahse.... " Sawi zawm tur thlawt ka hriat loh vang chuan ka ngawi dat a. Thaw chhuak hawk in ka lam chu a rawn hawi a.


" I duh viau a ni ti raw? " A ti dam dup chu ka tah a ti chhuak nghal ringawt. Ka hmui pet fan fan in lu ka bu nghat.


" A nih ka ring. " A ti leh ringawt. Kan ngawih tak vang vangah chuan a tlai ta bawk nen haw tawh turin ka ti a. Min ngaihtuah thu sawi mawlh mawlhin a tlan chhuak a. Inah ka chhuk hnu rei lo teah Mama zan leng a rawn haw a. Ka pa te erawh an muhil ta a niang an rawn tho leh tawh lo.



Tunlai chu ka pa damdawiin a a luh ni tang khan zan ka mu thlem in rilru hreawm reng reng in ka awm a. Midang riah chhawk duh lo in kei man hna ka nei ta lo bawk a ka awm chilh tawp a. In a kan haw hnu pawn ka chau tawngkhawng nge ka mu thei lo a thil ka ei tlem em em bawk a. Chu chu ka tuar lo ni maiin ka hria.


Ka mut hnu pawn ka pum lam a chiang ta lo nen ka muhil zui thei chuang lo. Ka pa zan lamah a thaw a zat in ka va thawh pui a. Bathroom ah a lo tlu leh mai ang tih ka hlau bawk nen. Ka nu pawh a meng rim bawk nen ka pa in kaih thawh kher a duh thin si lo a, room piah chiah a awm tih takah , lo mut theih loh bawk nen ka thawh pui ta zak zak.


*

Zing ka harh chuan a hma tawh lo tih hriat zetin ni a lo sang vuah tawh a. Ka lu a rih bur bakah ka awm dan chu sawi fak tur awm si lo hian ka nuam lo zual a. Room atanga ka chhuah chuan midang chu an lo tho vek tawh.


" Bawihte nizan i pa in i mu tha lo a ti che sia kan kai tho duh lo che a nih kha. Chaw pawh i nau hna kal a tum sia kan ei san ta mai che. I duh hunah ei ve mai rawh aw. " Ka nu chuan a lo ti vat a. Thuthlengaj thu thla dat in ka thaw hak mai.


" Thil ei pawh ka chak lo. Ka nuam lo riau a vawin chu ka va in entir ang chu ka tia. " Ka ti zawi sap a.


" Ni e, a tha khawp ang chu. I chau tawngkhawng pawh a ni ve ang. I nu in va kal pui che se la a tha ang. " Ka pa chuan a rawn ti a. Ka hnial duh ta lo, ka damlo riau a mahni a kal ai chuan ka duh mah zawk.



Thil ka ei peih tak lohah chuan in ti fai a in siam tur in roomah ka lut a. Inbual tur a bathroom ah lut in ka chhuah leh chuan sitting room lamah mipa tawng thawm ka hria a, Muanpuia aw ni tlat a ka hriat vang chuan in thlak sawk sawk in ka chhuak a a lo ni tak tak.



" I hman chuan kal i la. " A rawn tih chuan ka melh haw mai.


" Damdawiinah kal pui tur che in ka rawn kal a. " A tih takah chuan ka hrethiam ta chiah.


" I rawn kal chu a tih zia hle mai. Tukin chu a tho nuam lo riau a. Kal pui ka lo tum a a pa a mah chauh a han hnut chhiah hi ka lo hreh ru lutuk a. " Ka nu chuan a rawn ti zui luam. Muanpuia hi chu an ngaina ka tih tawh kha Muanpuia lah in a zah thiam in a kawm thiam bawk nen.


Kan in zui chhuak a. Damdawiin kan thlen pawn lehkha vel min lak sak in a phe buai char char a. Kan kal hma lutuk loh vang in kan nghak ta reng leh nghal.


Kan luh a hun pawn Muanpuian min luh pui thlap a. Hmeichhe doctor pakhat hmaah chuan kan thu ta vang a. Ka na vel min zawt mawlh mawlh a, ka bp te min check sak bawk a. A lo hniam khawp leh nghal.



" A ni hi i pasal em ni? A lan dan chuan i ruak lo a nih hmel a. Ti chiang tur in in test ve hrim hrim la. Mahse chanchin tha lam chu niin ka hria. " Nui sangin doctor chuan a rawn ti a. Kei erawh ka thu khawng at mai.



" A rai maw? " Muanpuia chuan a rawn ti a. A awah mak a tih zia pawh ka hre thei. Nia, kan tleirawl chhuah atang tawh a min hre chiangtu a nia. A ni nen kan in kawp lai pawh khan kan in zui rei ngaituah in kan kal thui ngai miah lo ka duh loh vang in . Mahse tunah pasal pawh nei lo in ka rai thu a hre ta thut sia. Ka rai thu hian a thawng lo a nih chuan a mak zawk viau ang chu.



" Engtin nge i tih dawn? " Kan haw lamah motor a kan thut ngawi reng lai chuan Muanpuia chuan a rawn ti a. Ka mal chung a ka kut chu ka hmer vak ringawt.


" Ka hre lo. " Ka ti tawi tak. A bak engmah min zawt chhun zawm bik lo. In kan thleng a ka nu leh pa ten min lo zawt luam a mahse engmah sawi ka duh loh vangin Muanpuia pawn min zep puiin ka bp a hniam bakah zan ka mu tha lo a. Ka taksa in a mamawh tur ang in ka ei in tha lo ti chauh in kan chhang a. Rei pawh thu lo in Muanpuia chu a haw a, thlah pawh thlah lo in ka room ah mut tum in ka lut nghal daih thung.



Zanriah pawh ka ei peih ta lo a, ka rilru a buai nuai mai. Ka rai a ka chhungte ka hrilh ang nge hrilh lo ang. Zep mah i la a zep hlen theih dawn der si lo a. Mahse ka pa in a hriat chuan a dam kawr hlim nen a chhiat pui leh dawn chiang sa tih ka hre bawk si. Ka thawk chu a pik hluah hluah a ni ber.



Zanah ka nu in tlem tal chaw ei tur a min yih tlat vangin peih lo zet in ka chhuak phei a. Chaw ka ei laiin Muanpuia pawh a lang leh a. Tunlai chu min rawn tlawh ngun mawlh mawlh khawp mai. Mahse thian ang chiah in kan in en a, biak chhiat emaw ngai in a awm lo, kawng leh lam takah chuan kan chhungkaw rilru hruai pengtu ber a nia a lakah hian ka lawm zawk.



" Enge i an a, i ziaawm ta deuh em? " Thil ka ei zo an bul a ka thu thla chu min lo ti vat a lu ka bu nghat.


" Bawihte thenawm damlo kha damdawiin atang a rawn chhuak an ti sia i pa nen kan va lang ve lawk a nge aw. Kan damlo khan min rawn ngaihtuah sia a rang lam a lan phei ve lo chu. " Ka nu in a ti a. Ka pa nen an in zui chhuak a. Kan thenawm chiah inchung zawk te an nia, an hnai bawk a haw tlai lo tur in ka chah ve luam a. Mama erawh a chhuak leh daih tawh.



" I la hrilh dawn lo em ni? " Tumah an awm tak lohah chuan Muanpuia chuan a rawn ti a. Chhang lo in ka thaw chhuak hak.


" Ka hre thiam e. Zorina hi hrilh la kei chuan tha ka ti. Tunah nau hial i pai tawh a. In chhungte chuan rem ti lo mahse tih theih an nei tawh hlei nem. " A rawn ti dam dup a.


" Ka rilru hi a buai tak zet. A hma kha chuan leh lamah ka chhungte leh lamah Zorina an ni a. Ka chhungte ka thlang a mahse tunah chuan naute hi ka ngaihtuah tel a ngai tawh bawk si. " Ka ti chhuak hap ka mittui chu a far zui fap.


" Heii.... Lo kal teh. " Tiin a mah zawk chuan min rawn hnaihin min rawn kuah a. " Engkim a tha vek mai ang, i lamah ka tang tlat a nia. " Tiin ka hnung chu a chul hauh hauh a. Ka tah a chhuak zual sauh thung.


" Thian kan nih angin ka hrilh ang che Zorina hrilh la ka duh pui che. " A rawn ti leh sup a. Kei pawn tlai tluan khan ka ngaihtuah a, hrilh chu ka duh ta mah mah zawk. Ka nu te an lo haw hnu rei vak loah Muanpuia pawh haw a tum vangin kan in thlah chho a. Kawngpuiah Mama pawh a rawn haw ve chiah.


" Engtik nge exam? " Muanpuia chuan nui suk in a ti a.


" Kar leh lam a ni der mai. " Mama pawh chuan a lo ti let vat.


" University lam te chu zawm i rilruk em? I u nen in tawn thawk thla dun mai dawn em ni? " Fiamthu ti tak deuh chuan Muanpuia bawk chuan a ti leh a. An in hriat tirh lam khan a sawi phur pui bawk a, Mama pawh khan a chak thar kha a nia.


" Din hmun in a zir rih lo e mai. I haw dawn der a, a la hma viau hi. " A ti ve luam a. Mama nen chuan kan thlir liam hnu in kan in zui thla a. Ka nu thingpui a lo lum mek chu ka duh leh duh loh min lo zawt a ka lo duh ve mai. Mama erawh in thlak tur in room ah a lut phei ta thung.


Thuthlengah ka thu fel chiah tihin Maman room atanga min rawn auh vangin ka va lut phei ve a. A thawmhnaw dahna hmaah lo dingin lehkha eng emaw hi a lo bih vung vung.


" Enge.... " Ka ti chiah ka in entirna lehkha a keng tih ka hmuh vang chuan rang zet a oan pheiin ka pawh thlak sak hlak.


" Nau i pai maw. " Mak ti zet in min en ngur a. Chhang lo in chil ka lem ri khalh.


" Zorinan a hria em? " A ti leh sup. Lu thingin a awm zawn chu ka melh ngar a.


" Tak zet chuan... " Ti a kawngka lam a pan chu a banah ka pawt ding chawt.


" Hrilhna hun a la awm lo a. Naktukah ka hrilh dawn a lawm. " Ka ti nghal vak. Thaw hawk in min rawn en a.


" Ka pa te la hrilh suh aw, Zorina ka hrilh hmasa phawt ang. " Ka ti leh hap. Khumah chuan a thu thla dawt a.


" A tha lawm. " A tih takah chuan ka thaw huai mai.

*

*

Zingah ka nu leh pa te thawh hma in in siam sawk sawk in ka chhuak a. Midang an rawn thawh hman chuan ka kalna tur min zawt awm sia, hman hmawh tak hi ka ni mai.


Kawtah taxi pawh chang loin ka kal nghal hlak hlak a. Rei vak lo a taxi zawk chu ka zawnah rawn dingin ka hman duh leh duh loh min zawt a ka thu lut nghal vat.


A awm nge awm lo pawh hre loin Zorina in lam ka pan ve tawp a. A chhan pawh a lo awm hlauh chuan an in pui lamah kal a ngai dawn lo a, ka pi hmel pawh ka hmuh kher a ngai lo bawk dawn a.


Gate bulah taxi a din chuan ka chhuk vat a. Gateah lit in kawngka tala a a in kalh loh vang chuan ka thaw huai mai. Kawngka hmaah chuan ka ding vang a, tlem a in kau sa bawk nen mak ka ti viau mai. Vawi khat ka kik kauh kauh a mahse min chhangtu an awm loh vang chuan dim zet a pawt hawngin ka lut tlang a.


Inchhung chu a reh thuap leh nghal. A la mu a ni ring in room lam chu ka pan nghal a. Tunah zing dar 7 a ri tep tawh a, a mu chiah lo a nih pawn roomah a awm chu ka ring ta tho a. Room kawngka ka hawng chu ka ka thil hmuh avang chuan ka ding khawng awt.



Room chhung chu a la thim khap a, mahse tukverh parda pawh a la in zar phui khap. Mahse ka thil hmuh erawh chu ka hmuchiang ngang mai. Khum chungah ngei chuan Zorinpuia leh hmeichhe pakhat hi ruak vekin an lo awm a. An ni erawh chuan min hmu ve lo.


Khumah Zorinpuia chu mu in a taksa chungah chuan hmeichhia zawk chuan a thut bet a, a hmeichhia zawk chuan a Zorina chu a hliah hneh em a, min hmu thei lo mai chauh a ni. A hmeichhia zawk chuan a taksa chu a chet kual velin a rum ham ham a, Zorinpuia erawh in hnar lo tih hriat takin a rum leh nghut thin. Min hnungchhawn in a hmeichhia pawh chu thu mahse a hnungzang ruak kang atangin a hma lam a a lan dan tur chu ka hre mai.



Kawngka pawh khar lo chuan rang zetin ka tlan let a, engtin nge khatiang khan hmeichhe dang a awm pui theih. Nizan hmasa lawkah kan in kawtah kha tiang khan a rawn che a, tunah hmeichhe dang nen ka hmu dun satliah mai pawh ni lo in sex an hmang dun lai ka hmu chu a nia.



Sitting room ka pel tur chiah chu parda in zarna bul a pot lian zet in hung chu ka chhuih palh a, ka tlu tur in a pangpang ti i la, hnah mawi in khawi chu ka pawt a, kan tlu zui ta rum rum a. Tho sawj sawk a kal sawn ka tum rualin hnung lam atangin ka hmingin min rawn ko zui nghal a. Ka ding chiang kher mai.


In hum ruh nghek in ka in her a, Zorinpuia hmel ka hmuh rualin ka na zual tak zet. A sam chu tho chiah tih hriat zetin a thur bam a. A biang leh khabe a lipstick kai pawh ka hmuh hmaih lo chiang kher mai. Thawmhnaw pawh ha hman lo lek in a rawn chhuak tih hriat reng reng, towel var vengin a awm bawk a. Sawi tur pawh ka hre lo, ka na tih bak chu.



" Enge i rawn tih? " A ti zawi sup a ka in seh ruh nghek mai. Ka chhan hma in room kawngka bulah a hmeichhe awm pui kha a rawn ding ve nghal a. Zorina shirt ha in an thil tih zawh chiah vang nge a biangte chu a sen hlar a. Ka hmuh tawh hnu a ang viau bawk.



" Engmah ka...ka rawn lut sual a niang. " Ka ti ram hmak a, ka thinrim na leh ka natna chu thup hram hram ka tum bawk. Ka chhuan lam siam chu keu ngei pawn ka awi lo chu a nia. Chutiang bawk in ka hma a ding pawh hian a ring lo tih hriat zet in a ner sawk mai.



" Sawi duh i nei a nih chuan sawi la. " Min tham lo zet a tiin a mit ko chu a rawn zan zauh a. A towel ven chu a siam tha zui sauh a. Nichin room a thil thleng ka mitthla chu ka pum a rawn let nghal bulh bulh mai. Zorinpuia hmel ka hmuh ringawt pawh ka ten in ka luak a ti chhuak nghulh mai.



" Ka nei lo. " Ti ram hmarh a in her in kawngka lam chu ka pan hlak hlak a. Kawngka ka thleng dawn tihah hmeichhe aw in Zorina a ko ri ka hria a , ngaihsak duh lo kawngka ka pawt hawng tur chiah chu ka hnung lam atangin a rawn nem khar leh bur a ka phu zawk leh nghal.



" Lo kal chhan i nei tih ka hria. He lai vengah in tam tak a awm a he lai a rawn luh sual chu a awihawm loh deuh lo maw? " Min ti el zet a a rawn tih chuan ka melh nghal rawm. A mit mengah chuan min huatna chiang tak in ka hmu zui bawk.



" Ka rawn kal lam kha chuan ka nei a mahse tunah chuan ka theihnghilh tawh. " Ka ti let nghek a, min tham lo tih hriat ngawih ngawih in a mit a chet kual ralh a, a hmui a ti sawi zauh bawk chuan ka thinrim a ti zual hluah hluah.


" Khawi teh. " Ti leh hlak in a ban kawngka a nem beh na chu pawhthlak ka tum a. A la nghet em em zui.


" Zorinpui i kut dah sawn rawh. " Ka tih nghek rual in ka ban zawk chu a rawn vuan chawt a. A lamah min pawh hnai hrawk rual in ka hmai zawnah chuan a rawn kun hniam a. Ka mitah tak min melh in ngei awm zet in min nuih leh suk a.



" I hriat chhuah hma chu i chhuak dawn lo. " Zawi sup hian a ti a, a hmai a lipstick kai chiang zet a ka hmuh rual in ka tal nghal phat. Hmuhnawm ti zet a min en i min nuih leh suk thin chuan ka thin a ti rim leh zual. Kan in pawh buai lai in hmeichhe te that thawm vang chuan kan hawi nghal vat a.



Kha hmeichhia kha pot keh bulah khan lo dingin a ke in a keh them a rap a niang, chhuat var sarah chuan thisen a kai zui bawk. Zorina chuan min vuan reng chungin ti fai a damdawi hnawih turin a hrilh a, hmeichhia pawh chu a room lam bawk pan in a bai phei auh auh a, he in a a in la tlangnel lutuk te chu ka lo thinrim hlur bawk.


" Min thlah teh , kha... i bialnu pawh buaipui a ngaih kha. " Ka ti kha fak chu kiai suk in a hmui chu a ti sawi leh zauh.


" Ka bialnu a ni lo. " A tih chuan ka nui ro hak.


" Room chhung a in awm dan kha ka hmu a nia. " Ngeiawm zet chuan ka ti leh kher. Ka thin chhung erawh a na thip vawng vawng thung.


" Chuan... " Ti sup in engah mah ngai lo tih hriat zet in min en a. Kei mah zawk chu ka hawi a hu mai. Sawi leh tur pawh ka hre lo hial zawk.



" Kan mutdun tak vang khan ka bialnuah i ngai ngawt a nia. Nang nen ang khat reng in ni. " A rawn ti kha ve fak a. A thu sawi vang chuan ka melh nghal kawk. A mit mengah chuan a thu sawi kha a sawi sual lo tih leh, in thiam lohna a nei miah lo tih a lang chiang ngang mai.



" Ti nge kha tiang khan min en a. Sawi sual ka neih loh kha. Nang nen a kan in then hnuah kan mu dun in sex kan hmang ve tho a ni lawm ni? Kha nen khan a in ang reng. " Nui sawng a a tih rual chuan ka kut leh lam chuan ka beng ri nghal chawrh a, a thaw chhuak zui hawk mai.


" Engtin nge khatiang khan i sawi theih? " Ka thinrim leh rilru na bawk si chu ka ti khur nghal dar dar. Hmeichhe tenawm lutuk ang mai a min sawi kha ka la na nge kan in kar thil thleng a ngai ho lam lutuk kha ka thinrim pawh la hre lo.



Ka ban a vawnna zawk chu thlah in a ding mar vut a. Ngeiawm zet a kiai suk in a hmai ka benna chu a tuai nghal zauh bawk.



" A sawi hmasa tu zawk i ni kha i theihnghilh tawh em ni! Awl sam tak in i sawi kha ' tihpalh thil ' tiin. " Nui suk in a rawn ti a. Nui mahse a mit meng erawh chu thinrimna leh huatna in a khat thung. A hma a min duh ngawih ngawih na te, min chan hlau hmel chu sawi loh min tih nat chak zek zek hmel a pu a nih chu.



" Ka haw dawn. " Ka ti sep ringawt. Thil dang ka sawi thei tawh lo, ka ka ka ang leh a nih chuan ka tap chhuak hawk a nih loh vek pawn thil tul lo ka sawi nghek mai ang. Chuan tunah hian nau ka pai tiin a hriat a ngaiin ka hre tawh nek lo.



" Haw la tuin nge dang che. " Ngaih sam zet chuan a ti leh hluk a. A mit meng a min huatna chiah lang chhuak chu en rei duh lo in ka hawi sawn hmak.



" Tenawm lutuk. " Ti hlak a kawngka ka hawng tur chu Zorinpuia phun hluk ri ka hriat rual in ka ban bulah rawn man leh min min kuai her nawk a, kawngkaah min nem beh rual in ka hmuiah a rawn fawp zui tawn tawn a. Ka tal ve nghek a mahse min nem bet hneh lutuk tlat. Thinrim zet in a hmui hnuai lam chu ka seh ta vak a. A in la hrang chiang kher mai.



" Engtin nge kha tiang khan min tih ngam zawk? " Ka ti chang fak. A hmui chu a tuai zauh a, a thi tih ka hmuh zui nghal a mahse inchhirna pakhat mah ka nei lo. Darkar pawh la tling em lohah hmeichhe pakhat nen sex an hmang dun a, in ti fai miah lo in min la fawp ngam a nih chu... Rapthlak hian.



" Ka duh vang in. Mipa dang pawh i fawp tho a ni lawm ni. Ka lak a i nunrawn zia hi ngaihtuah la chuan heng te chu nep tak an ni. Mipa dang pan lo khan nang nghak tur che khan vawi khat chauh pawh min hrilh ni la chuan sawi buai miah lo in ka nghak ang che. Eng tia rei pawh ka bul a i rawn let na tur a nih chuan ka nghak mai ang che. " Ti chhuak sup in a kut chu a rawn lek kang a, lo ben sawn ka tum chu ka kut chu man bet leh hmiah in ka lu zawnah a kut khing khat chuan a vuan bet zui chawt.



" Mahse nunrawng takin i tan phur rit ka nih thu leh min nin thu min sawi khum a nih kha. " Ti chhuak hrawk in ka lu zawn kawngka chu a rawn beng ri chawrh a, ka in ring lo bawk nen ka rak zui that.


" Min thlah teh, ka haw duh. " Ka ti chhuak tiau. A mit mengah hian min thah chak ang maiin min en a, min haw ngawih ngawih bawk a. Ka nay zia ka hmu chiang tulh tulh bawk nen ka thaw tha thei lo tak ngial dawn.



" Phur rit! Tak zet chuan. Phur rit nih reng hi ka hne tak zet. Ka pa phur rit niin tun thlengin hma lam pan thei lo in ka siam a. Chuan tunah i phur rit ka ni leh a. " Ti chang bawl in chung lam hawi chuan a nui ro hawk a. Mit ka khap fak rual in ka mittui a luang thla nghal pap.



" Theih tawp in vawn beh che ka tum a mahse nang chuan ka hlat a awm chiah i tum thung. I tan engkim kal san ka in peih laiin nang chuan kei min hlat i la thlang fan a. " Vin miah lo a tiin a kut leh lam chuan ka hmui chu a rawn tuai a, a hmui ka seh thi na kha thisen a kai tih ka hre chiah.



" Zorinpuia i hriat thin kha chu a awm tawh lo. Ka bulah i awm thei lo a, ka nei thei lo che a nih chuan nuam sa tak in ka awm tir bik tawp lo ang che. " Ti leh sup in a ding ngil tal vut a, ka thaw hak chu min nui leh suk. Ka thawk ka lo ip char char tih ka hre chiah bawk.



" Ka theihnghilh thei lo che tih i hriat kha. Chuvang chuan min theihnghilh mai chu ka rem ti bik lo a nia. Min tih nat ang chiah hian ka ti na ve dawn che. " Ti zawi sup in kawngka chu a mah zawk chuan a pawt hawng a. A mit mengin chhuak tawh turin min ti nghal a. A hmel leh mit mengah chuan min huat hluah hluahna bak a lang lo.



" Chuak rawh. " A ti vin ta hluk chu phu chiam in kawngkaah chuan ka chhuak a. Na zet in kawngka chu a rawn khar nghal bur bawk.


" A danglam tawh. " Ka pum chu khawihin ka phun sap. Zorinpuia ka hriat thin kha pakhat mah hmuh tur a awm tawh lo. Tun a mi kha chu mi hrang hlak ang mai a ni!


Chuan min haw em em bawk a!



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 10th, 2021, 1:50 pm

CHAPTER - 38 🌼 by Amy Cck



* ZORINPUIA POV *



" Hrep chuan. " Ti chhuak hrawk in kawngka chu ka hnek nghal chawrh. Enge hetah, tun ang zingkarah a rawn tih hrep ni. A mit mengah khan a rilru ka ti na in ka ti hlau tih chiang tak in ka hmu a. Chu thil chu tun a ka thil duh a ni a mahse ti nge ka nat tel tlat si. Ka awm dan pawh hi ka in hrethiam tawh lo. Ka hmai tuai puat in ka thaw hawk a. Ka chhung lam a mi chuan um zui turin min tur ut ut a mahse ka luhlulna leh chapo ve na tlem hian min la dang hram a ni.



In herin room lam chu ka pan vut a. Khumah Sawmi chu lo thu in a ke chu a lo buai pui mawlh mawlh a, a na viau a niang a then sak sak mai. Ka lut min hmuh chuan min lo melh nghal vat. Ngaihsak emaw biak pawh ka tum lem lo. Awm ve lo ang mai a lut tlang in bathroomah in tleuh turin ka lut zui hmuk.




" Hreawm ti suh. A phu tawk chiah a ni. " Shower hnuai a dingin ka phun leh hluk thin. Tui vawt zet in min phuh sur suh mahse ka kaw chhung lam atanga thinrima so sang lutuk hian min bengdai zo lo a ni ber.



Ka mitthlaah Hmangaihzualin kha pa a fawp lai kha a rawn lang leh nghal zat a, thinrim lutukin ka hma a darthlalang chu ka hnek leh nghal chawrh a. A khi zui tuar a duh tawk mai lo chuan ka hnek zui leh nghal chawrh a. A keh rik thawt rual in ka kut chu a thip nghal zawk bawk.



" Zorinpui i phu tawk chiah . " Ti hluk in ka kut thisen leh darthlalang keh them kai chu ka nuih suk. Ka hmeichhe hmangaih leh duh em em chuan min hmangaih thu sawi ve reng chungin min kal san tho a. A duh vang a ni lo ti reng chungin mipa dang min hnaih san bawk a. Ka nu ang chiah a ni! Ka pa leh midang zawng zawngin ka nu in min hmangaih thu min hrilh reng a mahse min kal san tho si.



A duh vang a ni lo tih chu ka hria a mahse a fanu a ngaihtuah zawk vangin kei chu ka pa bulah min kal san in ka nu chuan a fanu a thlang zawk a. Ka sawi chhuak ngai lo mahse chu chu ka ngaihdan a ni. Ka pa tan phur rit lian tak, hma lam a panna dal tu lian tak ka ni bawk a.



Lo piang ve lo law law i la chuan ka pa hian tiang hian mal tak in a awm miah lo bawk ang. Kei min enkawl a duh a, kei mah min hmuh in ka nu a ngaihtuah chhuak a. Ka tan a hun zawng zawng a khawh ral a. Phur rit leh a nun ti hreawm tu chiah ka ni. Ka tan a pe in a in hawng em em a mahse ka pa tih buai loh hram hi ka duh thin bawk. Chuan tunah ka hmeichhe atchilh leh hmangaih ngawih ngawihin chutiang mipa ka ni tih hmaichhan ngeiah min sawi khum a nia.



" Zorin.... I tha em? Zorin... " Bathroom kawngka chu rawn beng dat datin Sawmi chuan a rawn ti a kei erawh ka ding ngaiin ka ding reng a, ka kut chang thip hlur pawh chu ka ngaihsak lem lo. Hlauthawng tak a min koh tak sekah chuan phun hlukin sir lam a towel in thlep chu ka pawtthla a, veng sawk sawkin kawngka lam pan chuan ka pen zui vut.



" I tha em? " Kawngka ka hawn rual chuan a rawn ti nghal vat a. A mit meng leh a hmel lan danah chuan min ngaihtuah zia ka hmu chiang viau bawk.


" Ka tha. " Ti bung nghutin bathroom atang a pen chhuah ka tum chu ka banah a rawn vuan chawt a. Darthlalang ka hnekna kha a ni bawk nen a thip vin tuk chu ka ner nghal sawk.


" Eh... Engati nge i kut chu? " Ka kut chu la kangin hlauthawng zet chuan a ti a. Thaw hawkin ka kut chu ka pawt thla zui hlawk.



" Ka tha, i haw dawn nge i la awm dawn? " En pawh en lo chuan ka ti hmuk a. Thawmhnaw dahna lam chu ka pan nghal vut.


" Ih... Ka ke hi... Pot them kha a tang a chhuat ka rap ngam lo. A thi chu a reh deuh tawh a mahse damdawiinah min kal pui theih chuan.... " A tawp lam chu a ti zuai raih. Ka thawmhnaw bawm ka hawng tawh chu ka in her leh zawk a, a sawi ang tak tak in bang chu dawm in a ke vei lam chu a khai deuh bawk a.



A mah kal tur a tih ka tum zet a mahse ka in thiam ta chiah lo bawk nen in thlak a ka kal pui tur thu ka hrilh a. Nui ver ver in khum lam pan chuan a bai phei auh auh a. Pui tur a min tih lem loh vangin puih pawh ka tum hran lo.



" I kut kha ka lo tuam sak hmasa ang che. " Ti riah chuan ka in her a. Khum tlang a thuin min lo melh reng a. Ka kut chu lek kangin ka thlek nghal run a.


" Kei chu ka tha. " Ti sup in ka scarve chu ka la chhuak a , rem lo zet chuan ka tuam a. Ka tuam zawh chuan ka melh leh nghal run a.



" In thlak vat la. " Ka che vel min en reng avang chuan ka ti leh sup. Mit khap fak fak a bu nghat in ka shirt a hak chu a hlip nghal vat a. A chet dan vang chuan ka nui ro hawk. Min zah pah miah lo in a kawr a hlip chu a nia. Chu tah ka shirt hnuaiah chuan kawrhnuai tak ngial pawh a ha lo.



A zah miau loh vangin kal sawn pawh ka tum bik lem lo. Ka thawmhnaw dahna chu nghengin ka melh ngur a. A taksa lang vek tur dalah panty chu a la in bel ve hram. Tu nge ring thei ang kan veng nula chhuan vawr, kohhran leh khawtlang a in hmang em em. Lehkha thiam thei bawk siin hetiang mizia a nei tih hi. Nizan hmasa hma zawng kha chuan kei pawn ka ral khat hriat a, in pawh tak pawh kan ni lem lo mahse kan mu dun mai thei a. Min hnar chu sawi loh a vawi hnih nan nizanah min rawn pan leh bawk a.



" Ka zo e. " Ka en reng lai chuan rawn hawi chhuak in a ti sep a. Hmui ti sawi zauh in ka thle buk a. Ka pen sawn tur chiah chu min koh leh vang chuan ka en leh a. Bai salh salh in a rawng ding chhuak a.



" Ih... Min puih loh chuan a na reuh lutuk a. " In thlahrung tak chuan a rawn ti leh lawi si a. Nichin lawkah zak leh inthlahrung miah lo in a kawr min phelh khum a, tunah in thlahrung hmel a pu leh chu a nia.



A lam pan a kal in a kawngah chuan ka kuah a, awl sam zet chuan room atang chuan kan in kuah chhuak a. A na viau a niang a ruk a a then sak sak chu ka hmuh hmaih lo. Bike thleng chuan kan in kuah chhuak a damdawiin lamah kan in phur chhuak zui nghal vut.



Damdawiin kan thlen chuan lei a rap tha ngam tawh tlat lo bawk nen a pawm in ka pawm lut ta tawp a. A ke kak laiah pot keh them lo tang chu an la chhuak a. Thil thleng engkim kan tawng kha a hre ve vek a mahse a sawi chhuak miah lo erawh chu mak ka ti deuh.



" I kut kha tih tir ve law law rawh. " A tih tlat vang chuan hnial lo chuan ka khawih tir a. Rin ai an tuam chhah ta phian a bike khalh haw leh tur ka ni leh nghal.



Damdawiin kawtah chhuak in bike ka park na lam chu kan pan a. Kan sir mai a motor chhung a mite ka hmuh chuan ka in hum ruh nghal tawlh tawlh. Kha pa nen bawk khan an rawn in phur chhuak a nia. Muanpuia chuan motor kawngka a hawn sak rual chuan min rawn hmu ve chiah a. Motor atanga a chhuak tur chu a tawp zui dat. Ka lo en reng min hmuh chuan a phun sep a, a aw hre pha li mah i la ka hming a lam tih erawh ka hre chiang. A bul a mipa ding pawh chuan min rawn en nghal vat a. Sawmi ka kuahna chu ti nghet sauh in ngeiawm zet chuan ka nuih suk a. Mahse ka chhung lam a mi erawh chuan va pan mai turin min tur sek thung.



" Tukin zing khan min hmu a. " Sawmin a rawn tih chuan ka thaw hawk.


" Ka hria. " Ti hluk in bike ah chuan ka thu a ka hnungah chuan a rawn thu ve nghal a. Kan tlan chhuah thleng chuan min thlir reng tih pawh ka hria. Ka bike darthlalang atang chuan ka en zui ve reng miau a.



Sawmi thlah hmasa in ka tlan chhuak leh nghal a. Kan in kawtah bike ti dingin in lam chu ka pan a. Kawngka Mamin a rawn hawn rual in pen lut hlawk hlawk in inchung step ka chhoh dawn chuan ka piin min koh vang in ka ding dawt.



" Tunlai hi i va rawn haw khat ve. Zanah lah i riak chhuak ziah mai a. " A rawn ti a, ka ner zui sawk.


" A chhan chu i hre chiang a lawm. " Ka ti hluk mai. Tunah rih chuan ka pi hi ka haw tak zet.


" Kha chu kan sawi fel tawh emaw ka tia. " A rawn tih chuan nui ro hawk in a lam ka hawi a. Step ka chho tur pawh chu ka let thla leh nghal bawk.



" I hre lawk a ni ti raw. Nang hian dawt min hrilh a. Eng thu nge a bulah i lo sawi teh chai a? " Ka pi hmaah chuan dingin ka ti vin thawt. Hetiang a ka pi biak hi ka duh ngai lo mahse ka in sum thei ngang lo.



" Kha tia ka tih kha a ngai miau sia ni. " A tih chuan ka sam chu tuai chho puat in ka hmai chu ka hup zui thawk a.


" Bawihpui i hma hun ngaihtuah tur i ni a sin. Nang chiah hi kan neih chhun i nih hi. Sang tak thleng kal ka ka duh a. Hetiang tawp hian tawp lo la ka duh a lawm. " Hrethiam se min ti zet in a rawn ti a, ka thaw chhuak hrawk mai.



" Nang mah vang vek a ni, engkim hi. " Ka ti leh nghut. Ka pi thu awiin thla khat chung, kan exam chhung khan engmah ti lo in ka rilru ka sawr bing a. Chu pawh ka piin exam tha tak a ka zawh chuan kan in kawp min phal sak tur thu a sawi vang in. Mahse a sawi ve mai mai a ni tih ka hre thiam tawh. Hmangaihzuali leh a nu leh pa a lo biak lawk vek tawh vangin kha tiang thu kha a lo sawi mai chauh a ni a. Ka thinrim lutuk hi ka so bulh bulh mai.



" In kawp tur chiin ni lo. A ni aia tha leh fel hmeichhe tam tak an awm. A ni chuan a phu lo che.... " A tih lai chuan " Ka nu in ka pa a phu lo i ti ang khan maw? " Ka ti chang bawl chu phawk hra in min en a kei erawh ngeiawm zet in ka nui thung.



" Enge i sawi kha i hre chiang lo a nih kha. " A tih chuan thip zet in ka melh a. Ka pi pawh a thinrim hmel khawp mai. Ka nu dam lai khan ka pi hian ka nu kha a ngaina lo a, ka pa nen an in neih a phal loh vangin ka pa hian fapa mal ni si in ka nu kha a in dan pui tih pawh ka hria. Hun kal tawh a nia sawi chhuah hi ka tum lo viau mahse ka in sum thei ta ngang lo.



" Ka chiang viau chuan ka hria. " Ka ti hluk.



" I pi ka ni a, i tan a tha tur leh dik chu ka hria. Ka chawi leh ka enkawl sei len i ni a i tan a tha tur a nih chuan i hmeichhe kawp thleng pawh ka in rawlh mai ang. " A rawn ti hmarh hmarh a ka in seh run tun mai.



" Eng pawh chu sawi la, i thu sawi chu ka zawm ring duh suh. Ka nun a nia rawn in rawlh buai tum suh. " Ka ti vin hrawk chu tha chak zet hian ka ban bulah rawn vuan in min pawt hawi nawk a, ka pa hmel ka hmuh rual in ka biang a ri nghal chawrh a ka pai zui nawk mai!


💞💞 next ah link ngaiah kan zawm ang aw 💞💞

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 10th, 2021, 1:51 pm

CHAPTER - 39 🌼 but Amy Cck



" Zorinpui kha tiang tawngkam khan engtin nge i pi i tawng khum ngam zawk? " Ka pa chuan a ti chang nghal bawl a. In seh ruh tawlh tawlh in chhuat chu ka melh ngur a. Ka biang chu a sa hut hut a, ka pa erawh chhan let tumna ka nei lo. Ka pi zawk chuan ka pa chu in bengdai turin a lo hrilh vat thung. Ka pa chu thinrim in sum tum zet hian a thaw chhuak hawk a.





" I roomah han chho rawh. " Ka pi chuan a rawn ti zui leh vat a ngeiawm zet in ka ner sawk. Ka pa hian engmah hre ve lo se a duh tih ka hria. Nia, ka pa hian hria se chuan tun ang khan min beng mai mai hauh lo ang, ka pi a thinrim ang chiah hian min vaw duh hial ang chu maw le.





" Khawiah mah i kal lo ang! Min rawn zui rawh. " Ka pa chuan ti bung nghutin a office lam chu a pan zui vut a. Ka pa a kal takah chuan hawi chhuakin ka thaw chhuak nghal hawk a. Ka hmai chu tuai puat in ka pa chu ka zui a ka pi chuan ka jacket banah chuan min rawn pawt ding leh nghal chawt.





" I pa bulah engmah thil ti punlun tur zawngin sawi suh ang che. " A rawn ti zawi sep a thinrim zet a thaw ri hrawk in ka pi min vawnna chu phih thla nghal hlawk a. Ka pa office lam chu ka pan zui vut.





Office chhung ka luh chuan ka pa chu a chairah lo thu in min lo nghak tih hriat zet in min lo melh nghal run a. A lam ka pan chhung chuan min lo en reng a, a dawhkan hmaah chuan ka ding nghal dawt.





" Tunlai hi enge i nungchang hi awm zia? " Khauh zet hian a rawn ti a. Chhang lo chuan ka pa nen a kan in kar a dawhkan chu ka melh ngur thung. Ka pa chu thaw chhuak hawk in a thutna atang chuan a rawn ding chhuak a. Ka lam rawn pan in ka hma zawn a dawhkan chu a thut ti tih a, min melh reng tih pawh ka hria.





" Thla liam ta atang khan i mizia hi a danglam tan tih ka hmu a, engmah erawh ka sawi lem lo. Mahse in exam a hnai a I zirlai pawh i zir nasa a exam pawh tha tak a I chhan thu i sawi a kan lawm viau laiin tunah kha tiang thil kha a thleng leh a. I pi i biak dan kha a mawi lo viau bawk a. Enge a chhan i pa hi min hrilh ta che. Ka fapa in sum hman lek lo a ti thinrimtu chu... " Ka pa chuan a rawn ti dam dup a. Hawi sawn lo chuan ka melh ngai ka melh ngur chu pik tih hriat zet chuan a thaw leh hawk.




" Harsatna leh buaina i tawh chuan i pa hi tanpui tur che in ka in hawng reng a nia. Eng thu pawh sawi la ka ngaithla thin che tih pawh i hriat kha. " A rawn ti nghet churh a. Ka in hum ruh tawlh tawlh thung.




" Bawiha. " A rawn ti leh hluk chu thaw chhuak hawk in chhan ka tum lai tak chuan office kawngka chu a rawn in hawng a ka pi chu a rawn lut nghal vat.





" Hau vak na chhan tur a awm lo a nia. Tunlai in a rawn haw khat lutuk a ka khaw har nan ka lo ti deuh mah mah zawk a nih kha. " Ka pi chuan kan lam rawn pan pah in a rawn ti phei mawlh mawlh a. Ka pa erawh chuan ka thu sawi nghak tih hriat zet in min melh run thung.





" Chuvang chauh chuan maw? " Ka pa chuan a ti sup a. A awah chuan a awi loh zia pawh a lang chhuak hial.




" Ni ang chu, nang hna i ngah thei sia an exam zo tawh bawk nen in lamah awm tam se ka lo tia ka lo kam khat deuh a nih kha. Nang lahin kut i rawn thlak ringawt a. " Ka pi bawk chuan a ti leh hlak hlak a.





" Eng pawh chu nise i pi i tawngkhum dan kha thil dik a ni lo hrim hrim. I pian tirh a tang a enkawl a chawi sei liantu che a ni a. In thu a in hmu lo a ni pawh in tawngkam vin hman khum kha i tih loh tawp tur a ni. Kha tiang a tham lo tak a i pi hmaah i awm leh a nih chuan kha aia na kha kut ka thlak hreh lo che a nia. " Ka pa chuan a ti churh churh a. Engmah ka sawi duh miau loh vangin ka pi thu sawi chu awi chiah lo in a awi a ni ber ang chu.





" Zanah i nu inah a mi i riah chhuah thin? " A rawn ti leh chu lu ka bu nghut.




" Saw ta i riak fo saw ka sawisel lo mahse luahtu awm lo tih vangin thian te nen a awm duh dah nana in hmang a nih chuan ka lawm lo khawp ang. " A rawn ti nawn leh nghut a.





" I ngaihhlut ang chiah khan kei pawn ka ngaihlu ka pa. " Ka ti zawi sup. Ka pa bulah hian sawi duh chu ka nei na meuh mai mahse ka pi sawi ang khan enge hlawkna awm. Thil engkim chu a tawp vek tawh miau a, engmah that thawh leh a tulna ka hre hrep lo. Ka bul a min din pui a ka kiang a awm tur a ka duh leh ka mamawh berin min thlah in kei aiin a chhungte a thlang miau a. Ka pa bulah hian sawi pawh ni i la a ni kha ka nei let tawh kher in ka ring lo tukin a min rawn hmuh dan vang ringawt pawh khan.





Ka pa office ka chhuah san hnu chuan ka roomah pawh chho ta lo chuan kawngka bul a ka helmet chu la in ka chhuak zui nghal vut a . Ka piin min au zui pawh chu ka hre reng a mahse ka hre lo der hmak thung. Kawt a la bike bawl chuan ka in khalh chhuak zui vut a, kan veng piah deuhah chuan dingin ka phone ka phawrh chhuak a Zorema no chu hmet chhuak in ka call nghal a.





" Khaw nge i awm? " Ka bike a thu reng chung chuan ka ti sup.




" Dawrah! Enge ni a ka buai a nia. " A rawn ti lawng lawng a. Tunah tlai lam a ni tawh a, an in hawng rei tawh dawn lo a mahse customer an neih tam hun lai a ni tih ka hria.





" Ka rawn kal dawn in tur lo nei ang che. " Ka ti ve hmuk thung. A rawn phun hluk chu hre tho mah i la phone chu dah in dawr lam pan chuan ka in khalh chhuak a. Rei lo teah an dawr kawt chu ka thleng fel der mai.





Rin ang tak tak in a lo buai khawp mai. He mi dawr tih lohah hian dawr 2 an la nei bawk a. Mahse he dawrah hian chawlh chhungin a thawk ngun ber thung. Dawrah lian tawk tak a ni bawk a thawktu an tamin an lun viau bawk a. An unau a a tlawng awl ber a nih vang leh a mah hian a tui vang ni berin ka hria hun awl a neih chuan hna thawk hian a chhuak ve ziah thung.





" I va rawn hma ve, min rawn pui ve lawk teh. " Dawr ka lut tur chu rawn tiin ka luh hma hma in min kuah chhuak leh a. Kan hnungah a hna thawk chhawr ho in an rawn zui ve bawk a.





" Khawiah maw? " ka tih chuan " Bungrua a rawn tlai thlen a, thiar lawk ang. " A ti ve mai an rual bawk nen ka thil tawn hre lek lo a min chhawr in kan han thiar leh lawp lawp a awl sam te chuan kan zo der mai. Kan thiar zawh chuan a hna thawkte chu haw a naktukah a rem fel chu an tih zawm mai tur thu a hrilh a. Hna thawk an haw chuan dawr chu chhung lamah kalhin a in tur lo dah that nen inchung lamah kan in zui chho ve ta nge nge.





" I nghei tawh ti raw kha? " Inchung kan thlen chuan a rawn ti kher chu ner sawk in a kut a a ken lai chu ka la a, nui sukin chair ah chuan a thu thla a kei pawh ka thi thla nghal dawt.





" In la tha na nge? " Tiin a intur ken chu a lem hlak a kei erawh in ka in zui khawlh khawlh.





" Kan tha tawh lo ang. " Ka ti hluk chu a nui chhuak hawk.




" I pi vangin maw? " Thaw chhuak hawk a tiin van lam chu a melh vung vung a. Arsi hmuh tur pawh an awm lo a fai vuk mai.




" A ni mahna. " Ka ti tawi tup chu min rawn melh nghal vut.




" Ru mai la a awlsam a lawm. " A tih chuan ka ner sawk.




" Nangmah ang khan maw? Nupui nei rei lo pa. " Ka tih zui hluk chu phun hluk in ka ban bulah a rawn hnek dawt.




" Mi ti vak suh. Tun thlengin min la be duh lo a nia. " A tih chuan ka nui ro hawk.




" Dawt sawi lo mai teh. Exam lai pawn aninah i kal ziah kha. " Ka ti let a. A in tur ken chu a tlak pawp a a nui khi ve suk mai.





" I hriat kha min be duh lo mahse hmuh loh phah nan hman ka tum lo. Zonunmawii ti buai a veng tur hian a lawm khawvelah hian ka la dam ve tawk tawk ni. " Nui zui hawkin a rawn ti a kei pawh ka nui suk.





" I chanchin a ni lawm ni kan sawi mek kha? Chuan I ban san mai ang maw, a va ho awm ve. " A rawn ti leh ta duah.




" Kei chuan chelh tlat ka duh a a tan chuan eng pawh ka huam tih ka hrilh a. Mahse a ni chuan min kal san a thlang zawk a. A tan ka chhungte leh ka neih eng pawh ka chan phal a mahse a ni chuan a phal ve tlat lo. Kei hian ka chhungte hi ka lo hmangaih tawk lo zawk nge ni ! A maja vangin ka a lo chauh a mahse min hrethiam duh tlat lo.





Mahse ka theihnghilh phah chuang si lo a. Ka bul a awm a min hmangaih thei lo a nih chuan a mi huat ber ang tal pawh a min hriat reng theih nan ka la um zui zel dawn. " Ka ti chuan a lu chu a lo bu nghut nghut.




" Min mamawh chuan i tan ka awm reng a nia. Mahse hmeichhia a nia, hmeichhia chu an rilru a no in tih nat an awl sam a nia. Tu nge hria a mah ti na emaw i in tih laiin nangmah i in ti na zawk ang tih. " A rawn ti ve hluk a. Chu mi chhanna erawh ka nei lo. Tukin pawn a na hmel leh mitmeng ka hmuh khan ka puak keh lo chauh a nih kha!





Mahse min theihnghilh nghal mai turin ka phal lo. Kan in kar a tawp tih a sawi atangin kha mihring Muanpuia hrep nen khan an in zui nghal char char a. A pa damdawin a a awm chhung zawng pawn kha pa khan a tlawh reng a. In lamah pawh an la zui haw in zantin len a thulh lo.





Exam lai pawn zantin an in lamah in khalh chhuak in rei tak tak a rawn chhuah thut beisei in ka nghak a. Mahse min ti na zual turin kha pa leng lut kha ka hmu ziah thung a. Tunah chuan a ni chuan min thlah hlen a tum tih ka ring nghet bur tawh a. Kei pawn kan in zawm leh la beisei tawh lo. Mahse ka theihnghilh thei miau lo hi ka buaina a ni!




________________________________________________




* HMANGAIHZUALI POV *




" Vawiin chu i lo kal dawn em? " Ka phone ka lak rualin Tei chuan a rawn ti lang lang a. Niminah an rawn chhuk a. Tun thlaah an in nei ni an ruat fel tawh bawk nen a phur zia ka hria a mahse ka din hmun hian a zir lo em a duh ang pawn ka hlim pui thei lo a ni ber.





" Ka theih ka ring lo. " Ka ti let sep. Vawinah Andrew te inah chaw ei khawm an tum a. Min sawm ve kha a nia mahse ka hman loh bakah ka phur teh chiam lo. Papuia te chhungkua pawh an sawm a, nitei te thleng in . Zorina pawh a tel mai thei chuvang chuan kal lo ka duh zawk.





" Zorina vang em ni? En teh.... Ka hre thiam tho a mahse i thiannu hian pasal ka nei dawn a, min phatsan tel suh aw. A nih loh chuan ka lawm lo ngawt ang. " A rawn ti a. A aw ah pawh a lawm loh zia chu ka hre thei.





" Ka hria lawm. Mahse zanin chu ka hman lo tak tak. " Ka ti let a. Muanpuia u ten an in a zanriah eiah min sawm a. A tir chuan ka hnial a mahse ka hna tur a min buaipuiin min duh sak bawk nen. Chutah college ah lah a u ai ka lo kal ve reng tawh bawk nen hnial kha a har ve lutuk a. Ka pa ten min lo ti ve bawk nen ka rem ti tawh a. Hnial kual leh vel chu a nuam vak lo.





" Vawin chu i kal dawn ta a mi? " Ka in siam mawlh mawlh laiin Mama a rawn lut a. Vawin chu hna a kal lo ve teh khiah.




" Umm.. " Ti in ka chhang ringawt.




" U.... Sawi i duh tawh lo tih ka hria a mahse a tawp nan Zorina chu hrilh la ka la ti tho. Nangmah a i hma chhawn hreh pawh ka kal pui ang che. " A tih chuan mit chhingin thawk ka la halh.




" Ka duh lo. " Ka ti ram hmak.




" Engvangin maw? A hma pawn hrilh i tum vek tawh a ti nge i rilru i thlak leh a. Nakin lawkah i pum kha a la rawn lian a nga... "




" A tawk! Ti nge min sawi nawn tir reng a. Ka hrilh duh lo a, hria pawh nise awm zia a awm dawn lo. A ni nen chuan kan tawp tawh. " Ka ti vin that. Ka mitthlaah hmeichhe dang nen a sex an hmang lai kha a rawn lang a. Ka tawt nghal tun mai. Ka thiam loh hmasak a nia mahse ka na tho si a. Haw thei ka ni lo tih ka in hria a mahse ka thei si lo.




" I hrilh ngam loh chuan kei man ka hrilh sak ang che. " A ti leh hram.




" Ka sawi i hriat chian kha. I hrilh a nih chuan dam in min hmu tawh lo ang. " Ka ti ram hmak. Kei mah zawkin kal san ka duh hmasa a. Tunah hrilh i la nau ka pai tak vang maiin ka pan leh dawn ang in min ngai ngei a nga. Chuan kan in hmuh tawp ber ni khan a mit mengah khan min huatna leh min tih nat chak hluah hluah na bak ka hmu lo bawk a. Chuvang chuan hrilh loh ka duh ber. Bakah ka thil hmuh leh hriat zawng zawng nen phei chuan hnaih chakna ka nei tawh bik lo!




" Mahse naute..." A tih rual chuan " Kei man ka ngaihtuah ve mai ang. " Ka ti vin that a. Beidawng zetin Mama pawh a chhuak tawp. Tah chhuak ru tun in ka in siam zawm a, tunah rih chuan ka rilru hi a buai tak zet.




Muanpuia pawh a rawn thleng a, dar 2 velah kan in atangin kan chhuak a. A u te inah hi chuan ka kal ve fo tawh vangin ka tlang nel ve tawh. Papuia te in a ka awm atang tawh khan a aia ka kal sak te an ni bawk nen ka lut ve fo a. Mahse Muanpuia nen tak hi chuan kan kal dun ngai bik lo.




Min duat der in min ngaina thiam bawk nen pangai tak chuan hun kan hmang ve zel a. Muanpuia nen kan lo in kawm leh zel bawk nen min mihrang en lo a kei pawn an bul a awm hi nuam ka ti.




" Enge i lo ngaihtuah a? " Zanriah kan kil zawh a corridor atang a khua ka thlir chu Muanpuian a rawn ti a. Thei tui intur min rawn ken chhuah chu ka lo ban ve mai.





" Engmah ni lo e. " Nui lui sakin ka ti ve mai a. A aw rawn thian khurh khurh in min rawn en a, a hmelah chuan sawi duh a nei tih ka hria.





" Maman min lo hrilh a... " A tih rual chuan " Nang leh zel chuan min sawi khum suh. Ka rilru hi a buai ve tak zet a nia. Eng pawh sawi u la Zorinpuia nen chuan kan tawp tawh. Ka pum chhung a naute pawh hi kei ma fa chiah a ni. " Ka ti khal nghal vat a. Sawi chhun zawm ta lo chuan a thaw chhuak hawk.





" A tha lawm. I nun a nia nawr luih che ka duh lo. Mahse I thianpa ka nih angin harsatna I tawk emaw min mamawh a nih chuan min hrilh hreh lo la ka duh. Engtik lai pawhin i tan ka awm reng tih hria la. " A rawn ti dam dup a. Thaw hakin lu ka bu nghat.





Kan awm ve tak reng a. Hna lam te kan sawi chho a kan tui ta phian bawk nen kan haw meuh chuan zan dar 10 a hnai thuak mai. Mahse zanriah kan ei zawh khan Muanpuian ka pa te a lo be tawh tih min hrilh a, tlem chuan awm a nuam deuh.





Dik tak chuan in a awm hi nuam ka ti vak lo bawk nen haw pawh rawt phah bik lo ka ni reng a. Ka nu leh pa lakah in veng ran a awm ka ngai a, ka hah hluah hluah thin. Maman min ngaihven em a, ni lo phei se chuan ka nun chu a hahthlak zual ve ngawt ang.





" Sawi chu..... " Motor a kan tlan laiin tukverhah ka dak veuh veuh a. Muanpuia phun hlukah chuan a lam chu ka hawi a. A thutna lam kawngsirah tlangval rual an in ti buai a nih hmel.





" Lawk... Ding teh! Motor hi to ding teh? " Ka mi hmuh avang chuan ka ti tuar. A hmel chu ka hmu lo mahse a ruang amah Zorinpuia a ni tlatin ka hria. Kawngsirah chuan motor a ti ding a. Motor dang ri an hriat vang nge an in sual chu tawp in an bike in an tlan darh ta vek a. Zorinpuia ang deuh ka tih lei char a let reng chu a rawn tho chhuak tuah tuah a.





" Zorin... " Ka ti sep chu muangchangin a rawn hawi a. A hmai chu a khem nual a, a thawmhnaw pawh a bal vek. Thian a nei ve miah lo a tlangval paruk vel khan an sual rawn tihna a nia.




Min hmu chu ner sawk in a a kamsir thi chu a tuai zauh a. Muang chang a a thingthi thla hnawk ka hmuh rualin ka tlan phei vat a, Muanpuia pawn min zui nghal.




" Heii... I tha em? Zorin... " A bulah chuan ka thu hniam rawk rawk a. A jacket in a hliah chin atang chuan thisen chu a rawn hnam tiam tiam a. A shirt var hakah chuan lang chiang tak a ni.





" Muanpui... Thisen! A pum atangin thisen a rawn chhuak a nia. " Hlauthawng lutuk chuan ka ti khur der der a. Muanpuia pawh chuan a rawn buaipui vat.




" Zorin... Min en teh! I bulah ka awm a nia. I tha leh vat dawn. " Tiin Zorina chu ka be mawlh mawlh a. Mahse a taksa a zawiin a mit pawh a meng tawh mang lo.




" Motorah hruai phei ang! Chemin an vit a nih dawn hi! " Muanpuia thu sawi chu ka hre ruai ruai a mahse Zorinpuia chiah ka ngaihven thung! A lian bawk nen Muanpuia chuan motor lamah a kuah phei a. Muanpuia tlangval lian lam lo ni lo phei se chuan kan buai viau ngei ang.




" Ni lo... Min kal san suh aw. I mit chhing suh ,I tha leh vat dawn a lawm. " Tiin seat hnungah ka thut pui a ka be mawlh mawlh a. Mahse Zorinpuia erawh engmah hre tawh lo tih hriat lutuk in a zawi vek tawh thung!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 10th, 2021, 1:51 pm

CHAPTER - 40 🌼 by Amy Cck



" Muanpui hman hmawh teh a zawi vek tawh a nia. " Driver seat a thu chu tah aw tiau chuan ka ti a. Ka hlauthawng tawh bawk nen ka aw pawh chu a khur ru der der mai. Muanpuia pawh chu a rawn hawi vut a ka seat hnung nghengin Zorina erawh a thu a, a dul atanga thisen chhuak hup sak in ka be mawlh mawlh a mahse min chhang ve miah lo thung.



" Kan thleng tep. " Ti ringawt min chhang a. A speed chu a san ve sauh bawk.



" A.... A har tawh lo a nia. Engtin nge ka tih dawn? " Zorina chu en in ka tap chhuak hawk. Ka kut a a hmai ka han khawih leh thin vangin a hmaiah te chuan thisen a kai a. A hma kha chuan motor a in sawh deuh chang khan a rawn ner sawk a nih loh pawn a rum hrawih a mahse tunah chuan engmah hre lo ang maiin a awm a ka hlauthawng tak zet.



" A tha leh mai ang! Chi ai lo khan tih harh hram hram tum rawh. Tap lo la, thlamuan a ngai a nia. Kha tia i awm chuan Zorina tan khan a tha lo a nia. " Tiin motor khalh chung chuan min rawn hnem leh chhawng a. Mahse ka hlauthawng lutuk a tah loh ka tum pawn ka thei lo.



" Zorin... Meng teh min ti hlau a nia. Tuar hram hram rawh aw. " Tiin a pum ka dawm lohna lam chuan a hmai chu ka khawih a. Na lo te te chuan ka beng leh thin mahse engtin mah min chhang thei lo. A taksa chu a zawi vek a. Motor a in sawi deuh chang a min rawn ngheng leh dawt thin te chu a rit bawk nen ka buaipui hneh mang lo a ni ber.



" I bul a hi ka awm a nia i tha leh vat dawn. Enteh... Thil hrilh tur tam tak ka nei che a nia aw. Chuvang chuan min kal san suh aw, naute.... Naute ka pai a nia. Ka pum chhungah hian kan fa tur a awm mek a chuvang chuan min kal san thei lo a nia. " Tiin ka be mawlh mawlh a. Ka mittui vangin ka mit pawh a phe ruai a Zorina hmel pawh ka hmu fiah thei mang lo. Ka taksa chak loh lai a lo ni leh zel bawk nen thisen chhuak nasa lutuk chuan ka lu te chu a ti hai zawk hial in ka hria.


" Kan thleng e lo la awm lawk ru aw! " Muanpuian a tih rual in seat chu a nem hawng a. Damdawiin chhungah chuan tlan lut in rei lo teah midang nen chuan an rawn chhuak a. Zorina thutna lam zawk chu rawn pawt hawngin Zorina chu an la chhuak a, damdawiin chhung lam pan chuan an nawr lut a. Chhuah ve ka duh a mahse ka khawng vek.



Ka kut leh ka thawmhnawah chuan thisen hlir a khat a. Chu mai ni lo motor seat thleng chuan Zorina thisen chu a lo tling a nih chu. A thisen a chhuak nasa tih kha chu ka hria mahse he ti em em chu a nih ka ring lo a sin. Chu chuan min ti hlauthawng zual tak zet.



" Zualte... Lo kal rawh zui luh ve kan ngai a nia. " Tiin Muanpuia chuan min rawn ban a. Harh chhuak zawkin ka chhuak sawk sawk a Zorina an nawr luhna lam pan chuan kan tlan phei a. A thi ang tih mawlh chu ka hlau a engdang mah ka ngaihtuah thei tawh lo. Damdawiin chhung kan luh ve meuh chuan doctor ten an lo nawr lut fel vek tawh a kan hmuh hman tawh lo.



" Damlo chhungte hi in ni em? Nge ni a in rawn hruai ringawt? " Zorina an nawr luhna atanga rawn chhuak doctor chu kan hmaah rawn ding in a rawn ti a.



" Aw... A chhungte chu kan ni chiah lo a mahse kan hmel hriat a nia. Enge a an a tha em? " Muanpuia chuan a lo ti vat a. Chhan ka tum a ka dang te a awk vek vangin min chhan sak a ni ber mai.



" Chem a vihna hi a thuk ang reng a. Tunah zai nghal a ngai dawn a. A chhungte kan nghah chuan a tlai hman mai thei a. Kan zai nghal mai dawn em ni? A chhungte in hrilh tawh reng reng em? " Doctor bawk chuan a rawn ti a. Chhan pawh chhang lo chuan ka bag chu ka dap nghal rawk rawk a. Papuia no chu hmet chhuakin ka call nghal vat a mahse a la thei lo leh nghal.



" Kan rawn thleng chauh a tumah pawh kan la hrilh lo. " Muanpuian a tih lai chuan " Zai mai ru, Papuia te chu kan lo be nghal ang. " Ka ti khur dar dar. A nih loh chuan a tlai hman tur thu a sawi si a. Doctor pawh chu kal sawn nghal in nurse dang ho chu a hrilh zui mawlh mawlh a. Ka phone ka hum lai chu a rawn ri a Papuia call a ni. Rang zet chuan ka la nghal vat a.



"Aw.. Zualte i rawn call a mi? " Papuia chuan a rawn ti a. Zorinpuia damdawiinah a awm tih sawi ka tum a mahse Papuia aw ka hriat takah chuan ka tah chhuak a chhuak zual sauh a. Ka chhang mai thei lo chu Muanpuia chuan ka phone chu a rawn la a, a be zui nghal mawlh mawlh a. Kei erawh ka dinna bang ngheng chuan ka thaw chhuak hak.



" An rawn kal dawn a nih chu! " Muanpuia chuan tiin ka phone chu ka lamah a rawn lek phei a. Lak mai ka tum chu ka kut chu thisen in a bual khat vek. Phone chu ban mai ta lo chu ka kut a Zorina thisen kai chu ka kawrah chuan hruk fai ka tum a mahse a lo ro deuh vek tawh a, a fai thei miah lo leh nghal.



" A ro tawh a nih kha. Lo kal rawh bathroom ah kan sil dawn nia. " Tiin Muanpuia chuan ka kawr a ka kut ka hru tawk tawk chu min rawn vuan bet a. Chu mi rual in ka in sut nghal hraih.



" Kei mah vang vek a ni. Hetiang a a awm chhan hi ka thiam loh vek a ni. A rilru ka ti na a, a ni chuan min vawn beh tlat tum in tan a la a mahse kei chuan beidawng zet in ka siam a. Kei mah vang vek a ni. " Ti chhuak tiau in ka tap chhuak zui hawk a. Thaw chhuak hawk in Muanpuia chuan min kuah bet nghal hlu hlu.



" Thiam lohna i nei hlei nem. En la... Tunah pawh a nunna i chhan him zawk a lawm. Tap tawh suh le. " Ka hnung a beng thak thak chuan a ti a. Kei erawh in kei mah vang a ni tih ka chian em vangin Muanpuia sawi chu ka pawn ve thei lo.



" Lo kal rawh le. I kut chu ka sil pui ang che. " A rawn ti leh a mahse lu chu ka thing zui vat.



" Kan nghah loh chuan tumah an awm rih si lo. " Ka ti a min chhan leh a tum lai tak in nurse a rawn chhuak a kan lam chu a rawn pan a, ka hlau thawng nghal em em leh nghal.



" Damlo rawn zui tu te kha in ni ti raw? " A rawn tih chuan kan lo chhang vat a. Zorina a tha lo a rawn tih chu ka hlau hluah hluah.



" Damlo hian thisen a hloh hnem lutuk a. A blood group mil kan kawl a lo zo vek tawh bawk nen thisen in zawn a ngai dawn a. " A rawn tih chuan ka nghil dup mai. Nia, thisen kha a hloh hnem em a ni.



" In hman hmawh loh chuan damlo hi a chau ang reng tawh a. Kan in chhan hman lo mai ang. " A rawn tih phei chuan ka thin chu a phu rang nghal dawt dawt. Papuia te pawh chu an rawn thleng har ka ti tak zet tawh.
Kei ka lak tlak loh ropui bawk nen doctor leh nurse biak pawh ka hreh vek. Thu thin tawng dang an sawi ka hlau a ni.


" Enge a blood group chu ni a? " Muanpuia chuan a rawn ti a.


" O+ a nia. " Nurse bawk chuan a ti a.


" O+ maw? Mahse kei chu AB ka ni bawk si. Mama.... Ni lo.... Papuia te ka call leh mai dawn. " Ka ti bah nawk nawk a. Ka phone zawng chuan ka in dap zui nghal vat.



" Lungngai suh kei man ka pe thei a lawm. Hahdam la thawk la vang vang rawh. Tun din hmunah chuan a blood group mil pawh ni la i pe thei lo. " Tiin Muanpuia chuan min rawn dawm bet a. Min dawm reng chung chuan nurse lam chu hawiin thisen chu a pek theih thu a sawi zui nghal a. Nurse chuan zui turin min ti nghal a.



" Kal ang le. Ka bulah lo awm in midang i lo be dawn nia. " A rawn ti dam leh dup.


" Ka phone... " Ka tih rual chuan " Ka keng a lawm, lo kal rawh le. " A rawn ti a ka thaw hak. Ni dawn tak nichin khan min pe hman lo tih ka hre chhuak ve chiah.



Muanpuia thisen chu a pe a, rei lo teah Papuia te an lo thleng a. Andrewa leh Pu Zuala pawh an rawn tel ve a. Chanchin kan hrilh bakah doctor rawn chhuah in an zawt bawk a. Muanpuian thisen a pek bakah Andrewan a pe bawk a. An zai takah chuan kan nghak leh thap a. Ka pi chu a tap reng a hmeichhe awm chhun ka ni na in ka hnem ngham lo. Hnem chu sawi loh hnaih pawh ka hnaih lo hrim hrim.



Rei vak loah nitei te nupa leh an fapa kha an rawn thleng zui ve a. Nitei chuan ka pi chu a hnem zui mawlh mawlh a.



" I tha em Zualte? " Ka lam rawn panin nitei chuan aa ti a lu ka bu nghat.



" In rawn hmu fuh chu a vanneih thlak hle mai. Chaw ei khawm na atang khan a chhuak daih sia, hetiang a tawn hi ka ring pha lo reng reng. " A rawn ti leh hap a. Midang an awm ve teuh takah chuan ka thla pawh a muan ve ta deuh.



" I kut te chu! An la zai zo lawk dawn si lo a. Kal rawh ka tih fai pui ang che. " Tiin ka banah min kai a. Muanpuia erawh Papuia te nen an la in be mawlh mawlh a. Hnial ta lo chuan nitei chu ka zui a. Bathroom ah min luh pui a ka taksa a thisen kai leh ka thawmhnaw te chu min tih fai pui a. Mahse ka kai nasa lutuk a a fai mawh khawp leh nghal.



" Suk tawp loh chuan a fai hlei thei lo. Va haw la in thlak mai la ka ti. " Nitei chuan a ti hap.


" Mahse Zorina nghah ve ka duh a. " Ka ti a. An zai zawh a a tha tih ka hriat hma chuan haw ka duh bik lo tak zet.



" Engmah tih theih tak tak a awm rih chuang lo a. Thu thar a awm chuan kan rawn hrilh thei reng che a lawm. I hmai mai pawh ni lo u taksa thleng in i dang vek. Thisuk i nei em ni? " A rawn ti nghal vat.



" Nei lo... ka hlauthawng lutuk a chuvang a niang. ' ka ti let leh mai.



" A ni mai thei. Thisen nei lo ang mai a lawm i nih le. " Tiin bathroom atang chuan kan in zui chhuak a. Midang pawh in min hmu damlo deuh nge lo va haw tur in min ti a mahse Zorinpuia an zai zawh hma chu ka haw thei bik lo. Ka pa te erawh Papuian hrilh rih loh tur in min ti a mahse Papuia te lo thlen hma deuh khan Mama kha chu Muanpuian ka hrilh a tiin ka hria. Maman ka nu leh pa chu a lo hrilh hman a niang Papuia an rawn bia a . Mahse papuian zanin tut tut a rawn kal lo tur in a ti kha a nia. Naktuk lamah kal turin an in be fel ta a niang.



Darkar fe a liam hnu chuan an zai zo ta hram a. Hlauhthawnawm a nih tawh loh thu an sawi takah chuan ka thaw hak. Papuia ten lo va haw a, hah chawl ve turin min ti a ka hnial ta bik lo. Zorina ber a hmuh theih rih loh bawk nen Muanpuia nen chuan kan in zui chhuak a. Ka tha a zawi bawk nen la awm chu duh viau mah i la kei mah zawk ka mualpho ang tih hlauh ruk vang chauh in haw pawh ka duh tawk.



" Lawk... Tah lo awm lawk rawh. Motor kha kan ti fai lawk a nge hmuh a nuam lo e mai. " Motor bul kan thlen chuan Muanpuia chuan a ti leh rih a. A sir maiah chuan ka ding ve mai a. Mahse motor chhung light on in seat hnung a hawng chiah chu thisen rim thang rawng chhuak chuan ka pum chu ti let but in ka uak zui ta nghek a. Khawlai a reh tawh bawk nen in thlahrun awm tak a ni.



" Lo kal rawh, ka tih fai zawhah ka rawh hrilh mai ang che. " Tiin Muanpuia chuan min hruai sawn a. Damdawiin kawt stepah chuan ka thu a. Ka hma lam a Muanpuia motor ti fai chu ka thil reng a. Puan in a hru a tui nen, thisen chu a sawr in a sawr thei hial.



" Zualte in la chhuak nange? " Nitei aw ka hriat rual in ka bulah a rawn ding a.


" Nia, Muanpuian motor a ti fai a. " Tiin ka chhang a ka thutna atang chuan ka ding nghal vat.


" Nu kal i la." Kan hmaah chuan motor rawn dingin nitei fapa khan a rawn ti a.


" In let ve dawn a mi? " Ka ti nghal vat.


"Umm....puipuii chiah kan dah sia. Kan nula chu awm tho mahse a harh palh chuan min lo zawng ang. Bawiha hian min va dah a nga a ni chu Zorina ngaihven turin a let leh ang. " A rawn ti ta duah. Kei pawh chu ka bu nghut a.



" Emily... In haw chuan kan inah va kawi ula Bawihpuia thawmhnaw va la in Bawiha rawn kal leh rual in rawn keng se la. Mami ka be lawk tawh a, mahse nangman va en leh hrim hrim la ka duh. " Ka pi chu rawn chhuak in a rawn ti ve a. Nitei pawh chuan a rem thu sawiin an in khalh chhuak a. Ka pi nen chauh kan din tak ah chuan ka taksa chu a tang tung mai.



" Bawihpuia in lo buaipui chu a lawmawm khawp mai. " Dam dap chuan a rawn ti a ka in hum ruh nghek.



" Hetiang a Zorina a awm chhan hi nangmah vang a ni tih i la hre miah lo em ni? Nge i hre duh lo zawk. " Ka pi lam hawi chuan ka ti sawi sep.


" Engmaw i sawi kha? " A rawn tih chuan ka thaw chhuak hak.


" Zorina hetiang din hmun a siamtu chu nangmah i ni ka ti a nih chu! " Ka ti let nawn leh sak a. A mit meng chu thinrimna in a rawn khat nghal vek.


" Khang lang che chuan. Nangma thiam loh bek zawk hi a ni. Ka tupa hi lo chhai kual hmasa in fing kherek tak in lo zem â lo la chuan hetiang hian a chhuak miah lo ang. Nang hian engthu nge i lo hrilh vel ni a pi pawh min hal vek tur hian. " A rawn ti ram hmarh hmarh a. Ka nui ro hak thung.



" Nia, ka thiam loh a ni. Mahse kei chuan ka tih sual ka tih zawk chu Zorina ka lo kal tir kha a nia ka sawi. Nang leh ka pa te thu sawi kha lo ngaihthla lo tur ka nia. Huaisen tak khan lo vuan ve tlat tur ka nia. " Ka ti ve hlak hlak a. Ka in sum reng chhan tur ka hre bik tawh lo. Hetiang thil a thleng tawh a ngawih reng hi ka hne ve tawh.



" Hetiang hmeichhia i ni tih hi ka lo hre lo a ni. I lo rapthlak khawp mai. " A rawn ti zui hlak a, thinrim lamah pawh a kal tawh lo. A tupa a tih nat zia hmu duh lo lekin a khawsa a nia.



" Nia, eng ang pawn min ngai la pawi ka ti lo. Kei chuan Zorina hi hlat ka tum tawh lo. Eng pawh sawiin engtin pawn min ngai mah u la Zorina hian ka kal san avanga min la ngaidam duh a nih phawt chuan kei chuan a bul a awm reng ka tum. " Ka sawi zawh rualin ka biang a thip zawk mai.



" Zak thei lo lutuk. Zorina hian a kal san tawh che. Rawn hnaih leh tum buai tawh suh. Nang ang mai mai hian a hma lam hun i tih chhiat sak hi ka rem ti lo. Kan mit hmuhah rawn in lan tawh suh ang che kha tiang rilru i put chhung chu. " Tiin damdawiin chhung lamah chuan a let a. In hum ruh nghek in ka thaw chhuak hak.


" Kal i la. " Muanpuian a rawn tih chuan a lam chu ka hawi a. Chik zet a min lo en vang chuan en rei duh lo in motor lam chu ka pan a. Passenger seat ka hawng chu motor chhung rim vang chuan ka ding dat.



" Duh anga ulukna hman a awm lo a. A rim a reh mai thei bawk si lo a thisen rim hliah turin perfume ka kap a, i ngai thei lo viau em? A rim reh hun kan nghak lawk dawn nge... " A tih lai chuan " A ngai lo a tha lutuk a lawm. A tlai tawh em mai nghah leh chu. " Ka tih vang chuan kan thu lut a. Motor hnung lam ka en chu ka thaw hak. Zorinpuia na tuar hmel kha ka mitthla let a ka thaw zui hak.



" Hahdam tak khan awm tum rawh. I duh leh kan thlen hma lo muhil la. " Kan tlan chhuah hnu chuan a rawn ti a. Kei erawh ka harh tulh tulh thung.



" A in thlahrun awm khawp mai. I buai phah ta zek sia. Tunlai chu ka ti buai reng mai che a nih hi. " Ka ti chhuak sep a a rawn thaw chhuak ham ham thung.



" Nidang chu ka sawi lo. Zanin chu nangmah vang a ni lo a nia. Ka lakah in thlahrunna tur i nei lo. " A rawn tih chuan ka nui tawi tak.



" Chuan Zorina chu engkim hrilh i tum a? " A rawn ti leh nghal a. Chhang ta mai lo chuan ka ngawi vang vang.


" Ka tum dan chu a nia lawm. Ih maw.... Nichin a Zorinan na a tawrh lai khan ka hlauthawng lutuk a. Min kal san kha ka hlau tak zet a. A fa ka pai tih a hriat hman loh kha ka hlau tak zet a ka thawk kha a chham mai dawn in ka hre hial. Ka pi emaw ka chhungte, ka nu ka pa tak ngial pawh ka ngaihtuah tawh lo. Zorinpuian min kal san ang tih chiah kha ka hlau tawh . Chuan enge ka duh chu ka hre chiang tawh tak zet bawk. " Ka ti zui vak a. Ka tawng zawng chuan ka tang lutuk chu ka hah vek thei.



Ni e, a hma kha chuan ka nu leh ka pa vangin Zorina ka thlah a. Fanu ka nih ang in ka tih tur dik tak ka ti a. Hreawm tih viau mah i la ka tuar chhuah theih mai ka in ring bawk a. Mahse tunah chuan ka pum chhung a naute vang hian ka rilru chu a danglam tawh.



Ka pum chhung a ka fa lo puang tur vang tal pawh hian a pa hi ka vawn beh a. A nun a zawh sual tur hi ka ven a ngai.



In kan thleng a ka chhungte pawh thil thleng an hre ve bawk a damdawiinah lo kal lo mahse an mu thei bik lo a nih ka ring. Muanpuian thil awm dan sawi thuak thuak in min haw san a. Kei pawh roomah lut in ka mu zui nghal a mahse mutthilh erawh chu hnai lo tak a ni. Zing dar 3 ah pawh ka la harh khawp mai. Zorina ringawt ngaihtuahin ka muhil thei lo.



Hman a ka mumang te kha ka hre chhuak a, hlauh thawnna in min luah khat a ni ber. Naktukah damdawiin kalin engkim sawi fiah chu ka tum ta zawk a. Engtin nge a ngaih dawn hre lo mah i la naute pawh hi ka hrilh tel bawk ang!


*


" Bawihte vawiin chu damdawiin lamah Zorina kan va kan ve a nge i pa nen. Naktukah haw lo tum tawh bawk sia vawiin bak hun kan nei tawh si lo. " Tukthuan kan ei laiin ka nu chuan a ti a. Mama pawh in dawr a kal hma a va tlawh ve a tum thu a sawi a. Kei erawh in tlai lamah midang awm loh hunah ka tum ru thung.



" Ni e nizan i mumang si lo a vawiin chu awm hahdam rawh. Tukin zingah i papuian Zorina in sual pui leh chem a vittu te pawh an man tih chanchin ka va zawhin min hrilh a. A thawven thlak huai mai. " Ka pa pawh chuan a rawn ti ve a.



" Tu te nge ni a? An in hre sa em ni? " Mama chuan a lo ti vat.


" Hresa lo a ni awm e. An thu a in man lo palh niin a lang a. Mahse hriam hrei an thawh hmasa hrim hrim erawh chu hremna an tuar ve ngei ang. I papuia a thinrim khawp mai a. Awlsam tak chuan an chhuak mai mai lo ang. " Ka pa bawk chuan a rawn ti a. Kei erawh ka thu ngawi reng a. Sawi tur vak pawh ka hre lem lo. Ka rilru hi ka pa hian hria se chuan naktuk a an haw rual hian min hruai haw ve a duh rum rum ngei ang.



" Nang pawh zan lamte hi i leng rei mah mah zel. Tlangval pawh ni tawh mah la tawh sual tawh a hlauhawm a nia. Tunlaiah mi sual tak tak an tam tawh si a. " Ka nu chuan Mama chu a hrilh zui a. Chaw ei kham chuan ka roomah bawk lut in ka mu leh a. Nizan ka mu tha lo bawk nen ka lo muhil a ni chek ang chu. Tawng nak nak ka hriat chuan ka harh hlawl a. Chawhnu her a lo ni der tawh.



Ka pa te pawh damdawiin atangin an rawn let chiah a ni awm a. Ka mu ka tho chu a hma aisa zawng khan ka lu chu a nuam lo in ka taksa te chu a na thum mai.



" Enge a an a? " Ka in sum thei ngang lo chuan ka zawt ta tawp.



" Ngaihtuah awm chu a ni tawh lo a ni awm e. Kan rawn haw dawn khan a rawn harh ve a rei lo te chu. Mahse thisen a hloh hnem bawk nen a harh hnu rei vak lo ah a muhil leh nghal. A tha mai tur ah ngai ang. " Ka nu chuan a ti a ka thaw huai mai.



A tlai tawh ang reng bawk nen zanah in kan hun law lawah Mama in kal pui tir ka tum ta zawk a. Mama pawh a rawn haw a, computer class pawh an kal tawh lo. Exam hma bak chiah a ni tawh bawk a a awl ta khawp mai.



" Mamm... I hman dawn em? Kan tlai a nge aw? " Tiin ka au a. A ni pawh a rawn chhuak ve nghal mai. Ka nu te pawn engmah an sawi ta lo. Kan tawp fel tawh tih an ring nghet tawh pawh a ni mahna.



Mama nen kan in zui chhuak a. Kawngpui ka chhuak chho tihah Muanpuia a rawn thleng a. Damdawiin kal kan tum thu kan hrilh chuan a kal ve duh tho vangin a motor in kan kal a.



Damdawiin kan thleng a, cabinah an in dah luh tawh vangin chu lam pan chuan Maman min hruai a. Zing lamah a lo va kal tawh vangin midang kan zawt buai lem lo.



Cabin chhung kan lut chu an lo awm nual mai. Papuia leh ka pi, nitei te chhung nen an lo awm thap a. Ka sawi duh sawi na chi zia zang a ni lo.



Zorina pawh kan thlen chuan a lo meng ve ngei a mahse kan thlen hnu rei lo teah a muhil leh a. Thisen a hloh hnem bawk a a mah pawh a dang ve bal mai.



Ka pi leh niteiin an thut pui chawt vangin hnaih pawh ka hnaih lo. Papuian lawm thu min lo hrilh mawlh mawlh a. Mi sual chem a vittu te an man tawh thu te sawiin kan ti ti luam a. Damlo kan na na na chu rei tak awm lo chuan kan haw leh mai a. Zanah Papuian a riah pui dawn a nih hmel a.



Nitein a tum viau a mahse Papuian damlo zai hlim a ni bawk nen bathroom kal te ngai se hmeichhe tan chu Zorinan a lian in a rit ve bawk nen a ti tlat a. Andrewa ten an tih pawn a phal tlat lo.



" A fapa rangkachak a nia. Hliam pui tuarin a awm a. Riah tir mai teh u , in lamah haw pawh nise a muhil thei chuang lo ang. Riah pui se a awm a nuam zawk mahna. Zan dangah keu ni pawn kan la riah pui chu a ngai dawn tho a lawm. " Andrew pa Pu Zualan nui huah huah in a ti a.


A lo tawn tawh a nia a hre chiang a niang tiin midang pawn an nuih pui a. Andrew hi nu tel lo a a chawi len kha a ni ve miau a, hre chiang tur chu a ni.



Muanpuia leh Mama te nen bawk chuan kan in khalh let a. Muanpuia pawh rawn lut kawi lo in a haw tlang ta nghal a.


*

*

" Thawk khat chuan ka veng ta huai mai. " Maman a tih chuan ka melh vat. Ka nu te haw tur kan thlah a, in lamah kan let leh mek bawk.




" Nagti nge? " Ka ti vat.


" A buaithlak. An mit mei ven a ngai a nangmah vang hian ka hah vek. Ka ngaihtuah che, thil i ei tlem si duh angin ka ngaih sak thei lo che a. " A tih chuan ka nui hak.



" Nui ringawt suh. I pum chhung a naute awm khan kei lo ngaihsak tu tur a nei hleu nem. A nu tak ngial pawh hian i ngaih sak lo a nia. A pute neih chhun tur hian ka duah a ngai a lawm. " A rawn tih leh a. Ka mittui a hnai kuar mai.



" Ka lawm e aw. In hauin in ti thiam lo thin mah i la buaina leh harsatna ka tawn chuan ka lamah i tang zel a. Awm lo la chuan hreawm ka ti ngawt ang. " Mama banah kuah chung chuan ka ti a a nui ve suk.



" Nang lo in hauh pui a duat tur ka neih loh hi. Ka farnu neih chhun lam ka tang lo a nih chuan tangkaina ka nei nang. Nui hawk chuan a ti a ka hahdam vawng vawng mai.



" Damdawiinah min dah mai rawh aw. Dawr a i tlang dawn chuan. " A bike hunna bul kan thlen ka ti a. Helmet khum pah chuan min melh vut.



" Zorina biak ka duh a. " Ka ti leh mai chu engmah min zawt lo chuan a bi ve nghut a. Damdawiin lamah in phur pheiin kawtah min dah a. Mama erawh rawn lut ve lo in a dawr thawhna lam pan in a chhuak zui nghal a.



Zorina te cabin lam pan chuan ka kal a, rei lo teah ka thleng phei vat a. kawngka ka kik in ka lut a. Papuia ka hmu hmasa ber a, a ni pawn min hmuh rualin min lo nuih suk a. Ka pi a awm leh awm loh en in ka hawi kual a mahse a awm lo a nih hmel. Zorinpuia pawh khumah chuan a lo thu mu a, min lo melh ve reng mai.



" Zualte i lo kal a law. Lo thu rawh hei Zorina pawh a rawn harh lai tak a nia. Lo in kawm ru, pawn lamah boruak dang hip pahin phone kan hmang lawk a nge. " Papuia chuan a rawn ti duah a. A rawn ding chhuak nghal a min kal pel in a chhuak a. Cabin kawngka a in khar chiah chu cabin chhung chu a reh zui duk mai.



A tha e, tun bak a chance tha hi a awm lo ti rilru chungin Zorinpuia lam pan chuan ka kal a!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 10th, 2021, 1:51 pm

CHAPTER - 41 🌼 by Amy Cck




" Enge i an a? " Khum sirah chuan dingin ka ti sep a. Min en lo chuan hma lam a melh ngur a. Ka chungah a la lawm lo reng tih ka hre nghal. A taksa a la pangai lo tih hriat lutuk in a hmui pawh a hil bel a, a mit meng pawh a la chau tak zet.





" Enge hetah i rawn tih? " Min en lem lo chuan a ti leh hluk a. Sawi tan mai dan tur pawh ka hre lo. Ka rai ka ti nghal tawp dawn nge ka chhungte vang a ka kal san kha ngaihdam ka dil hmasa zawk dawn pawh ka hre lo.





" Pawi ka ti lutuk engkim hi ka thiam loh a ni. " Ka tih rual chuan a rawn nui ro hawk a. Mahse a nuih zawng a a taksa che khan a pum chu a ti na nge ner sawk in a dul chu a dawm nghal a. Hlauthawng lutuk in ka pan hnai nghal vat a.





" I tha em? I pum a na a mi? " Tiin buaipui ka tum a. Hman zan lawk khan zai in hmun tam takah an thui a, a tan chuan chet pawh la harh tak tur a ni.





" Min khawih teh hrep suh. " Ti chang bawl in ka kut chu a vai per nawk a. A taksa a che nasa deuh chu a then zui leh sawk.




" Zorinpui enge i hriat a? Na i nei kha... " Ka khawih a duh bawk si lo a a hliam a tih nat zual ka hlau bawk nen hlauthawng zet chuan ka vin ta nghek. Khum a in kam kan sa vang chuan ngheng dawtin a a thaw chhuak hawk a. A na viau nge ni a thlan fimte chu a chalah a rawn bawl tek tek thei hial.





" Awiii.... Ka duh lo, i dul kha a thi a nia! Engtin nge ka tih dawn? Doctor emaw nurse ka va ko ang! " Ti a ka in her tur chu ka ban rekah a rawn hmer chawt a, phawk zetin ka hawi let a, a mit meng chu a thim in a in seh ruh nasa bawk a niang a bek te chu a pawng tawlh tawlh mai.





" Kha tiang a min ngaihtuah anga awm der kher kha a ngai hran lo a nia. " A rawn ti bul hmuk chu hrilhhai zetin ka melh zui haw a, thaw chhuak hawk in a mit chu a chhing vang vang a, a rawn meng leh chu tlemin a pangai deuh a mahse a na chu a in sum tih ka hre tho.





" Enge i sawi kha i thiam loh maw? Hahh... I thiam loh chu a ni chiah in ka hre lo. A bul ber chu ka pi a ni tih ka hria. Ka haw tak zet a mahse a ni ka huat aia nasa in nang hi ka hua che. " Ti vin hlur in ka kut chu a pai leh nawk a. A dul chu a thlek zauh a ner sawkin a kut a thisen kai chu a melh leh nghal a, a mit mengah khan min ti nat tluk zet in kei mah leh kei mah hi ka in hua a ni.





" Nakinah kan in be dawn a nia, doctor ka va ko a nge! " Tiin ka mittui rawn chhuah tum chu ka khap let sak sak a. Cabin chu chhuah san in corridor a hman hmawh zet a ka phei chu hman zan a doctor Zorina zai tu kha ka tawk hlauh a thil thleng ka hrilh chuan cabin lamah kan in zui vat a. Papuia pawh cabin pawnah a lo ding ve run tawh.





" Cabin chhungah i awm khan ka hre sia. " Min hmu chu hrilh hai zet in a rawn ti a. Ka bul a doctor a hmuh leh phei chuan a hlauthawng ve lek lek in ka hria.





" Nia Papui Zorina dul kha a rawn thi a chuan doctor koh tumin ka chhuak a. " Tiin cabin chu ka nem hawng a. Doctor leh Papuia nen chuan kan lut a mahse cabin chhung a lo awm ka hmuh chuan ka ding dat. Kha nu kha a ni!





" Khawi maw i hliam chu a thuina a pe chuan a buaithlak khawp ang. " Doctor chuan tiin a damdawiin kawr hak chu a hlim sak a. A sir hnai teah chuan kha hmeichhia Zorina in a ka hmuh nu kha a lo ding ve reng a. Engtin nge ka chhuah chhung rei lo te khan a lo luh hman ka hre lo. Ka duh aiin Zorina chu a din hnaih mah mah a kei erawh Papuia bulah ka ding reng thung.





" A thuina chu a peh lo a mahse i hliam hi a la thar lam in i dulah kher a awm bawk a. Chet pui hlek pawh a kan thuina hi peh mai thei a ni a. Che tam lo la, tawng tam vak chi pawh i la ni lo a nia. I tawng khan i dul lam hi a che ve zel a chu chu i tan a tha lo. " Tiin doctor chuan a hliam vel chu a tih fai sak a, ka thaw huai mai.





" Ti hian ka ti fai a nga i kawr hi chu in thlak mai dawn nia Pu Zo kan in be lawk dawn em ni . " Tiin doctor chu a kut kawr chu a phelh zui mawlh mawlh a. Papuia bawk chu thaw chhuak hawk in lu chu a bu nghut.





" Zualte , Bawiha kawr hi i lo thlak sak mai dawn em ni? Sawmi i lo pui thei ang ti raw? " tiin Zorina bul a ding hmeichhia chu a melh zui a. Papuian Sawmi a tih takah chuan ka hre chhuak zawk Chrismas lai a Zorina a phurh haw hmeichhia kha. Kha kha a ni tih ka hre chhuak chiah. Hman ni tukah khan ka thinrim leh rilru na lutuk khan ka lo hre lo mai zawk a.





" Aw... Kan awm a lawm kan ti thei mai ang. Ngaihtuah duh suh Pa Zothan. " Sawmi chuan nui sakin a ti a. Papuia pawh chuan doctor chu a zui chhuak a. Kei erawh ka dinna ngaiah ka ding reng. Zorina kawr phelh pui tum dawn i la ka khawih a duh bawk si lo a, a hma ang khan ka chet tir leh ang tih ka hlau bawk nen ka thu chuan ka pan mai ngam lo.





" Saw lai kawr kha rawn la la. " Tiin ka awm ve tih hre lo ang hmak in a bul a ding hmeichhia zawk chu a melh nghal vut a, chu mi hnuah a hma lam chu a thlek leh nghal zauh a. Sawmi pawh chuan rang zetin a buaipui nghal vat. In seh ruh nghek in ka dinna ngaiah chuan ka ding tlawk tlawk.





" I la haw dawn lo em ni? " Kawr an in hak tir zawh chuan Zorinpuia bawk chuan a rawn ti a, a mit mengah pawh ka awm ve reng chu a duh lo tih hriat tak hi a ni ringawt.





" In be lawk ang chuan ka haw ang. " In ti pau khauh lui chuan ka ti ve hmak a. Ka sawi duh chu sawi tho ka tum lui tlat. Chutah chuan engkim a tawp a tih pawn ka lawm thlap tawh ang.





" Sawi la. " Tiin min rawn melh nghal ngur a. A puan sin a thisen a kai vangin Sawmi chuan a thlep fel mawlh mawlh a. Khum mawng lamah a dah fel zui a. Zorinpuia bul a a thu chu ka melh nghal rawm.




" A fal in in bia ang. " Ka ti leh hap.




" Oh... Ka lo va chhuak ang. " Tiin Sawmi chu a rawn ding a mahse a kutah chuan Zorinpuian a vuan bet chawt.




" Chhuah kher a ngai lo. " A ti hmuk chu ka nui ro ta hak a. Ka nuih erawh za lo tak a ni, ka nuih zawh rual in ka mittui chu a rawn luang thla pap a, ka kut hnung lam chuan ka hrui nghal vat.





" Zorin... " Ka tih rual chuan " Nang nen chauh a awm ka duh lo. " A ti leh hluk a. A thu sawi chu tawi hle mahse min tih nat zia hi a hre kher lo ang.





" Sawi duh I neih chuan sawi la. Min ngaihtuah vang a lo kal pawh i ni chiah in ka hre lo. " A tih leh rual chu ka in sum thei tawh ngang lo " Engmaw i sawi? " ka ti ram hmak. Ka thinrimna chu engah mah ngai lo ang maiin a then suk a. Tun a a awm dan hi ka haw tak zet.




" Zai pui ka tawk a ka na tih hre reng chung a min haw san hnuah min ngaihtuah ber angin i rawn khaw sa a nia, a hma ang chiah khan. Min hmangaih thu sawi reng chung a min kal san ang chiah khan. Mahse tun tum chu min bum theih in ring suh. Kei min ngaihtuah lo in kha pa. Oh... I bialpa thar kha va ngaihven zawk rawh. " A rawn ti liam puat a. A sawi awl sam lutukte chuan chhan mai dan tur min ti hre lo hial zawk.




" Bialpa maw,... " ka ti ro hak.




" Ka sawi dik lo a mi? Nangmah ngeiin i sawi kha. Chu pawh hmai chhanah ngei. Ka khawih pawh duh lo tu kha tu nge i la theihnghilh bik ka ring lo. " Ner sawk in a ti leh a, a kut chuan Sawmi ban rekah chuan a la vuan reng bawk. Chu chuan min ti thaw tha thei lo. Kan pahnih chiah a awm chu a duh lo tak zet a nih saw.




" Nge ni a nang hian hetiang din hmun a ka din vang hian min khawngaih a ka bul a rawn let leh i rilruk zawk. Kha pa khan a thlah phal meuh ang che maw? A hmeichhe duh ber i rawn lan takah chuan a lo kawp ve char chat hmeichhia pawh a thlah hmak thei a nia, chuan nang in kei min kal san bawk a. In lo in hmeh khawp a nih hi. " A thu sawi duh dan chu mak ka ti. A tawng chu a ring hran lo mahse a thu sawi chu ka hre chiang mah mah thung.




" I nunna chhan himtu lak a i tawngkam chu a mawi lo hle mai. Muanpuia khan thisen i mamawh ngawih ngawih lai khan a tanpui che a. Engtin nge tunah hetiang hian i sawi theih zawk. " Ka ti vin ta nghek. Zorinpuia erawh in min chhan a tum hmel loh tak zet.





" Chhuak rawh. " A rawn ti let ta nghut. A pum bawk chu a na leh nge a rum zui nghut a. A bul a ding hmeichhia chuan a buaipui zui vat. Kha tih chhung zawng khan ngawi rengin a lo ding a nia. Zorinpuia nen a kan thu saw khan a thawn loh danah engkim a hria tih a hriat mai.





" Aw le... Inchhir suh ang che. Min hmu duh lo in ka bul a awm i duh lo bawk a. Tun bak chu ka rawn kal tawh lo a nih pawn min hre thiam dawn nia. I lo dam vat dawn nia. " Tiin ka in her a kawngka lam chu ka pan zui hlak hlak a. Ka bul a awm pawh duh lo saw a fa ka pai thu ka hrilh ang maw. A teuh lo hi a ni tawp.





Kawngka ka hawng tur chu pawn lam atangin a rawn in hawng a Papuia nen kan in hma chhawn zui nghal a. Ka hmel dik lo a hmuh hlau chuan ka hawi chhuak tha ngam lo.





" Ti nge let leh i tum tawh em ni? " A rawn ti dam dup a. Chil ka lem nghal khalh ringawt.




" Ehee... Sawmi pawh i lo awm e law? " Ti riah chuan ka hawi chhuak a ka pi pawh Papuia bulah a lo ding ve reng mai. Roomah chuan min be miah lo in a rawn lut a Sawmi nen chuan an in be zui mawlh mawlh a. An in pawh hmel khawp mai. Ka hma a aw thian khurhah chuan ka hawi chhuak zawk a Papuia chuan min lo la melh ve ngur a.





" Aw... Nia ka let tawh mai ang ka ti. Ka pa te haw tur ka thlah a ka rawn kawi lawk a. In lam ka ngaihtuah deuh a. " Nui lui sak chuan ka ti a. A mit meng chuan min chik ngei mai.





" A nih chuan ka thlah haw phah dawn che nia. Min lo nghak la. " Tiin roomah chuan a rawn lut a midang bulah chuan in lam a a ket tur thu a sawi tel luam a. Ka pi a rawn thleng ta bawk a a ngaih a tha ta deuh a nih ka ring.





" Kal rawh le. " Tiin Papuia chuan kawngka a rawn hawng a kan in zui chhuak a. Ngawi rengin motor bul kan thleng a Papuia pawn mak min ti deuh nge min en leh vung vung thin.





" I pa te chu i ngai deuh em ni? I va nguai ve. " Motor khalh chung chuan a rawn ti a, za lo zet in ka nui hak.





" Lungleng rual ka ni tawh hlei nem. Mahse an rawn awm ve takah chuan khua chu a har dawn in ka hria. " Ka ti let ve tak na in ka rilru tak erawh ka hahdam zawk. In thup reng reng a ka nu leh pa bul a awm kha hreawm ka ti a ka thawk a pik hluah hluah.





" Chuan i hna kha i zo tawh em kha? " a rawn ti leh a lu ka lo bu nghat.





" Hna dangte i buaipui leh tawh em? Nge ni a i hmu tawh zawk. Kan office ah i duh chuan i rawn thawk thei a nia. Hna dang i zawn chhung a lo thawh lai lawkna a tan pawh. " A rawn tih chuan Muanpuian min kawh hmuh tawh thu leh kan lo in biak fel tawh thute ka hrilh ve a, Papuia pawh chuan tha a tih thu a sawi ve sup a, Zorinpuia nen kan chung chang vel vang khan a lakah pawh hian ka kim ki in nuam ka ti lo zo vek.





Kan in theng min thlah a, hna a neih vangin rawn lut kawi lo in a tlang tlang a. Zan lamah Zorina riah pui leh a tum thu te sawiin, nizan a Pu Zuala sawi ang chiah khan midang a rin tawk loh thu te chu fiamthu ti tak deuh in min hrilh ve luam a. Awm ka ti pui viau mai. A tet te atang a a kut kawih a nih vangin midang kut a dah chu a thei lo a ni ka ring.





" I pa chu beisei chi a ni lo tih i hre ve ti raw? Nakinah pawh nang chuan min dem suh ang che aw. Kei man tha deuh in ka en kawl ang che. " Tiin ka pum la thep vek chu ka bia ka be ta ringawt. Zorinpuia ka ngaihtuah chuan ka tah a chhuak ru tun a. Mahse ka thiam loh hmasak zawk a nia dem thei erawh ka ni vek bik lo.





" Kan hma lam hun ah tawn tur kan la ngah lutuk a nia. Chuvang chuan kan pahnih hian chak tak a kan awm a ngai. " Tiin ka mittui chu ka hru zeuh a. Thla rei lo teah ka nu leh pa te pawn nau ka pai tih an hre chhuak a nga. A pa ka sawi dawn loh miau vangin an rilru pawh ka la ti na khawp ang. Chu tih hunah chuan chak tak a ka awm theih nan ka in puah chah erawh chu a ngai viau ang.


*

*

" U vawiin chu kal ve kher i tum a mi? " Tuk thuan kan ei laiin Mama chuan a rawn ti a. Nizan atang vawi tam min zawt tawh.




" A ngai sia lawm. Ka peh hel reng thei tawh lo a nih hi. " Ka ti hap. Tein mo thianah min hman a tum tlat a. Ka hnial ve char char a, khua a a awm atang khan a sawi tawh a mahse ka din hmun he ti hi a ni ta sia ka hnial a. Ka chungah a lawm lo a min be duh lo hial a. Kar tharah an in nei tawh dawn a, nuam ka ti lo bawk nen thih leh thih tiin ka tan sak mai loh chuan.




" Mahse nau i pai hi. " A rawn ti leh vat.




" A la lian chuang lo a an hre kher lo ang. " Ka ti ve mai a. Mahse a ruk chuan ka huphurh ve tho. Tuman hre lo mahse a biakin chhungah engkim hretu hmaah ka ding dawn chu a nia. Huphurh awm tak a ni.





" Tunlai i mu tlem bawk nen ka awm i ti nuam lo a nia. " A rawn ti leh a ka chhang duh tawh lo. Zantin mumang ka nei ziah a, chutah Zorinpuia hlir ka hmu a. Accident a tawh zan te kha ka mang phan fo a. Tui tak a ka mut lohna chen pawh ka hre tawh lo. Chu chuan min ti chak lo leh zual a. Chaw ei theih loh a mut theih bawk si loh chuan taksa chuan a chhiat pui hma khawp mai. Thla pawh a la liam em lo a mahse ka vun a dang in ka taksa pawh a cher tak zet.





Chaw kan ei kham hnuah ka in siam a rei vak lo ah Tei ten min rawn sawm a. Andrewa thianpa erawh dawrah a rawn kal dawn thu an sawi a. Andrew an motor khalh in a bulah Tei a thu a, an hnungah kei leh Tei nau Rini kan thu thung.





" Hmanni kan kal khan i hman ta si lo a kan hual lawk kha i duh loh chuan vawinah i thlak leh thei tho a nia. Mahse i in hmeh dawn tih ka hria. " Seat hma atang chuan Tei chuan a rawn ti a. Zorina nen kan tawp tih a hre ve tawh bawk a min chawh phur a tum ve tak zet a, ka din hmun in a zir lo lutuk hi ka khawngaih zawk. A best ka nih ang in mo thianah pawh min hman a tum ruh viau a, ni lo se chuan ka hnial fir thla thak mai tur.





" Tak in Zorina pawh damdawiin atangin a chhuak tawh a i la kal miah lo tih Emily a sawi a. Tunlai i buai viau chu a ni phawt a nga. " Andrew chuan a rawn ti a, ka ne ne kual vel mai mai. Ka hria a mahse hmuh ka tum lo mai zawk a ni.




" A dam chiang tawh a mi? " Tei chuan a ti vat.




" Dam var ni lo mahse a zia tawh khawp mai. " Andrew bawl chuan a ti a. A phone a rik takah chuan a chhang zui a. Kha mi ni damdawiin ka chhuah san ni atang khan ka la hmu leh miah lo a, ka ngaihtuah na erawh a luah ngut ngut a. Hmu ngai lo e ti lo chuan a chanchin ka ngaihven reng a, a chang chuan Mama te ka tir leh ngawt thin. Sawmi nen pawh an in hnai viau a nih ka ring Maman damdawiin a hmuh fo thu a sawi miau a.





Dawr kan thleng a, kawr te chu kan hah chhin ve a, ka lo cher ta bawk nen ka nalh ta lo khawp leh nghal. Tei pawh in " Heti khawp a i cher chak hi mak ka ti che. " Min ti hial a. Mo kawr kan en zo dawrah kan chawl a. Andrew leh a thianpa leh kei leh Tei te unau kan ni mai a. Chutiang a nuam lo tihna tur a awm lo bawk nen ka harh ve hawk in ka hria ka chhuak khat bawk a.





" Thiana saw saw Zorina a ni lawm ni? " Andrew thianpa in a tih chuan ka thil ei lai ka chawlh dat. Ka hawi ve lo a mahse an ni ngei tih ka hria. Andrew an a ko zui nghal miau a.





" Lo thu ve ru. Enge in tih a, i la dam chiang lo a ni lawm ni i vah chhuah nghal a. " Andrew chuan kan bul an rawn thlen rual in a ti a. A bulah Sawmi pawh a lo tel ve a, an in zui ngun viau a nih dawn hi.





" Nia, thil pawimawh ti turin a lawm kan chhuah. " Tiin chairah chuan an rawn thu a. Ka bul chiah ruakah Zorinpuia chu thu in a piah chiahah Sawmi chu a thu a. Ka taksa chu a tang nghal tung mai. A rim pa hrak ka hriat chuan ka ngaih zia ka hre thar uar uar bawk.




" Enge in tih zawk a? " Zorina chuan a ti ve sup.




" Inneih in buatsaihna lam maw le. " A ti ve mai a. Tei chuan min hrethiam zetin min be zui reng a. Mahse ka bul a thu vang hian ka tawng pawh a sak vek. Kha ti chen hmuh loh tum in ka bei a mahse tunah kan thu dun leh reng chu a nia.





" I phone a mi ri chu. " Tein a rawn ti sep takah chuan ka bag ka zen rawk rawk a. Screen a hming chu en in Muanpuia a nih vang chuan midang an ti ti tui bawk nen tho chhuak in ka bia a.





" In in lamah ka rawn kal dawn a mamawh i nei em? " Call ka lak rual chuan a rawn ti a. Kan chhuah daih thu ka hrilh a. Mahse kan haw hman tawh leh tawh loh min zawh vang chuan kan zo thaw khat tiin ka chhang bawk nen a rawn tlan na tur a ni tho bawk a ka rawn lam phei ang che a tih vangin ka hnial bik lo. Tunah phei chuan haw daih ka chak hluah hluah zawk. Zorinpuia leh kha nu nel tak a an in be vel hmuh ai chuan.




" Tu nge a? " ka thut leh rual chuan Tein a rawn ti sap.



" Muanpuia a nia, rawn kal a tum a ka awm si lo a, min rawn lam dawn a . Ka haw hmasak a ngai ang. " Tiin ka chhang ve kher a. Zorinpuia pawn a hria tih ka hre thei. Ka bul chiahah a thu miau a. Min theihnghilh tih ka chiang tawh a, a tel lo in ka hlim tih hi hriat tir ka duh, hlim tak tak lo mah i la. Min tih nat kha a tum ber a nih thu a sawi kha a nia mahse na lo ang a lan ka tum ve tlat thung.





Dawhkan a ka phone dah a rawn rik takah chuan la vatin Muanpuia chu ka chhuah tur thu hrilh in ka dah leh nghal a. Midang ho chu ka haw hmasak mai tur thu hrilh in ka mangtha luam a. Ka thutna atanga ka tho chu ka bul a thu a rawn tho ve nghal tih ka hria. Hre lo der in ka pen chak zual sawt a.





" Tlan chhiat chu i tum hle mai maw? " dawr atanga chhuak a step ka chhuk tur chiah chu a rawn ti a. Ka ding dat a mahse hawi let duh chuang lo chuan step a pen thlak ka tum chu ka banah min vuan nghal chawt.





" Enge i duh a? ” ti vin thatin ka kut pawh thlak ka tum chu vuan nghet sauh in a nui suk a. Ti hian a hmel ka hmu ve chiah a, a tha tawk tak zet a nih hmel. Damlo a ni tih pawh a hriat tawh lo reng reng.




" I damlo em ni? " A ti sup chu ka ner ve sak thung.



" I hmuh ang hian ka dam mah mah zawk. Ka bul a I awm loh hian ka dam tha leh zual. " Ka ti let nghek. Min ngaihtuah ang a a rawn awm ve chu ka ngai thei thak lo.





" A that chu. Damlo suh ang che. A nih loh chuan i chungah phu ba ka la thei lo ang. Tunah hian engtin nge ka tih dawn che tih ngaihtuah in ka rilru ka seng mek a. I lo damloh ve zel chuan a tha nang. " Awl sam zet a a ti chu ben sawk mai ka chak.





" Chu tia law, keimah vang chuan i ngaihtuahna seng buai duh tawh suh. I hma lam hun atan khek zawk rawh. Chuan kha i mil pui tak pawh i tawng tawh a, kei min ngaihtuah leh zel chuan a thik mai ang. Ka sawi dik ti rawh. " Tiin za lo zet in ka nui a, a mit meng chu a rum zual sauh.





" Zualte... " Step tawp atangin Muanpuian min rawn koh chuan ka hawi thla vat a. Zorinpuia erawh rum nghutin ka ban a vawn chu a hmer na zual sauh.





" A ni atang khuan kan tan dawn em ni? " Ka beng bulah chuan a rawn ti sup a. A sawi chu ka hre thiam lo lek lek. Ka hrethiam lo tih a hria nge a nui leh suk a.





" Kan pahnih hian in kawp satliah kan ni lo tih maw le. I tan a mipa hmasa ber ka nih thu hrilh ta I la.. " A tih lai chuan a awmah ka nem dawt a, a na lai ka ti fuh nge rum nghut in ka ban chu a thlah a. Rem lo zet a ka din vang chuan step chu rap pial a, Muanpuian min koh ri ka hriat rual in ka taksa chu ka sawh thla zui rawk rawk thung!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 10th, 2021, 1:52 pm

CHAPTER - 42 🌼 by Amy Cck




" I tha em? " Muanpuia chuan min rawn hnaih chilh nghal rawk rawk a. Ka ke rek leh ka ngum chu a na lutuk a ka then zui nghek mai. Step 6 vel chiah a niin ka hria ka lum thla hman hlauh zawk a. Step a thui lo chu ka vannei tak zet mahse a chang tha bawk a ka in sawhna chu na tak a ni.





" Ka ke hi a na. " Muanpuia en chuan ka ti sap. Ka na thup ka tum nen mahse ka ngum pawh hi a na lutuk a ka che tha thei der lo nia. Thup ngaihna pawh a awm lo.





" Khawi... Ka pui ang che aw. " Tiin ka zak hnuai ve veah chuan min rawn dawm in min tung tho a. Muanpuia rin chhan a dingin step lam ka hawi chho chu Zorinpuia chuan a kut leh lamah bar vuan in a kut leh lam in a dul chu dawm in min lo melh ngur a. Kan awmna in hlat deuh mahse a mit mengah chuan inthiam lohna ka hmu hmaih lo chiang lutuk.





Muanpuian ka bag a chhar rual in Zorinpuia bulah Sawmi kha a rawn ding ve a, dawr atang a rawn chhuak ve chauh a nih ka ring. Zorina chu a bia a mahse Zorinpuia erawhin kei mah chiah min melh chhuk ngur thung.





" I kal thei em? " Muanpuian a rawn tih chuan ka hawi sawn ve hram a. Ka ke vei lam chu na tak hi a ni mai. Ka kawngah Muanpuian a rawn vawn pawh chuan ka ner zui sak. A ruh lam daih a na in ka hria.





" Ka ruh ka sawh in ka hria. " Ka ti tawp. Chu bak sawi ngaihna ka hre lo.





" Damdawiinah kal ang aw. " Tiin Zorina dinna lam chu a han melh a. Kei erawh ka hawi chho duh tawh lo, Muanpuia chu en lui tlat in lu ka bu nghat a, ka kawngah min kuah chung chuan rem lo zet in min kuah kal a.





" Ka pawm mai dawn che a mi? " Ka ner ru sak sak chu min hmu a niang , a rawn ti sup a ka suh bik thak lo. Nula a pum pa harhfim vek in pawm chu na nei mah i la ka hreh ve tum hrang.





" Tah hian ka lo ding a nga, motor saw rawn khal phei mai la. " Dawr pawn kan thlen chuan a ti hap. Motor awmna chu a hla lutuk lo mahse in kuah phei ka hreh ngawih ngawih ka kawng hnung lam vang hian. Muanpuia pawh chu bu nghutin a rei loh tur thu sawiin a motor hunna lam chu a pan a. Dawr bang ngheng chuan ka ding ren rawn a, thawk ka la leh halh thin.





" Zorin.... " Hmeichhe aw in a ti ri ka hriat rual in ka bul lawkah a rawn ding nghal. Hre lo ang hmak in hma lam ka melh ngar a. Hauh emaw vin vak ka tum lem lo. A thiam loh pawh a ni chiah lo. Ka nem zawng khan hliam a nei tih theihnghilh in ka lo tawk fuh a niang , ka tluk hnu khan a dul dawmin a kun zui ngawng ngawng tih ka hmuh hmaih lo.





" Thil thleng kha... " A rawn tih rual chuan " I thiam loh a ni lo, ka tha. " Ka tih khalh hmak. Sawmi nen chuan ka melh zui rawm.





" Damdawiinah ka kal pui ang che. " Tiin min rawn ban mai a tum chu ka kut ka lo phar nghal vat. " Min khawih suh. " Ka ti zui hlak chu a thaw chhuak hawk a, a sam chu a tuai zui puat a. Muanpuia motor pawh kan hmaah a rawn ding zui nghal a, bai auh auh a ka pan chu Muanpuian min rawn pui zui vat a.





Passenger seatah dim zet a min thut luh tirin motor chu a hma lam atang a rawn kal hual in passenger seatah chuan a rawn thu a. Zorinpuia leh Sawmin pawh an la ding reng tih ka hria, kan tlan chhuah thleng chuan min en tih darthlalang atangin ka hmu a, an lan theih tawh loh hnu in ka thaw zui hak.





" I tha em, na dang i nei lo maw?" Muanpuian a tih chuan a lam ka hawi vat a, ka kawng chu a ri zui that s, ka ner zui sak.





" Ka ke khu ka rap ngam lo. Chuan ka ngum nge ka kawng zawk ka hre lo ..... a na. " Ka ti let ve mai a.





" Ka zawh zawk che chu i pum lam kha a nia. " A rawn ti leh sup a, keu mah zawk pawh chuan ka pum chu ka melh nghal a. " Engmah na a awm lo, ka tha a lawm. " Ka ti let ta vat. Na ka nei lo tak tak miau a, ka lum tawi em a, engmah a nghawng lo tur ah ngai ang.





" Min rawn zui a nia. " Front mirror melh zauh a a tih chuan ka en ve vat a. Kan hnung chiahah Zorinpuia chuan a bike nen min lo zui reng. Sawmi kha ka zawng nghal a mahse a phur lo a nih hmel. A mah chauh a ni tih ka hriat takah chuan hahdam huai ang mai hian ka thaw zui hak.





" Hrilh loh hlen chu i tum em ni? " A rawn ti leh a, ka rilru a buai ta tlat bawk nen ka chhang mai thei lo. A damdawiin awm lai a ka tlawh kha chuan hmuh tawh lo a, hrilh loh kha ka tum nghet a. Kha mi hnu khan tun hi ka hmuh leh hmasakna ber a nia, hrilh lo tawp chu ka rilru a nuam leh ta chiah lo. Kei hi ka rilru pawh hi ka hre thiam tawh nei nuai lo.





" Hrilh hun chu a la awm ang. " Ka ti ve halh. Damdawiin kan thleng a, Muanpuian Motor kawngka min hawn rual deuh thawin kan bulah Zorina pawh a rawn ding ve ngur mai.





" A rei dawn tlat, ka pawm mai ang che. " Muanpuian a rawn tih chuan Zorinpuia vang hrim hrim pawh in ka hnial duh ta bik lo. Ka mit sir in Zorinpuia in hum ruh tawlh tawlh pawh chu ka hmu chiang ngang mai. A in thiam lo tih ka hria a tih let vak pawh ka tum hran lo. Biak tumna pawh ka nei chuang lo bawk.





Muanpuian min pawm rualin kan piah maiin Andrew motor a rawn ding a, Andrew leh Tei an rawn chhuak a, seat hnung atangin Sawmi pawh a rawn chhuak a. Ti nge he nu hi a rawn kan tel sek ni ka rilru chuan ka lo ti hman hmawh.





Kan bul an rawn thlen rual chuan " Tinge in rawn kal ve kher duh a? " Ka lo ti tawp. Tei lah chuan min melh rum ngang mai.





" I tlu sual tih min hrilh a har viau a mi a, dawr chhungah kan la awm reng a. I na viau em, a van hun lo ve inneih a hnai tawh si. " Tei chuan min ngaihtuah bawk si chuan a rawn ti hlak hlak a. A hun lo a ti lutuk chu a thinrim lek lek in ka hre hial.





" Hrilhna hman cheu a awm lo a, doctor hmuh pui phawt ang u. " Muanpuia chuan tiin min lo chhan khal a. Khawi lam a damlo serious lutuk ang maiin kan han in zui lut a nih kha. A zah pawh a zah thlak lek lek.





" Mama ka hrilh dawn em? " doctor in ka keruh ulh min en sak lai chuan Tein a rawn ti a. Ka that thu leh dawrah a awm sia a rilru a hah mai mai tiin ka chhang a. An vai mai chuan min hual thap mai.





Doctor in ka na dang min zawh chuan ka kawng chu ka sawi vat a. Min en sak a, ka herh a la ti zui. Ka ban pawh step ah khan ka lo vaw deuh a niang, mahse a sar hu lai khan ka hre miah lo. Damdawiin kan thlrn hnuin a rawn na ve chiah a, a mak ka ti zawk hial.





" Let tawh ru, tih tur dang in la nei kha. " Midang chu en in ka ti a. Damlo serious lutuk ang in min kil thup a nuam pawh ka ti lo.





" Andrew lo va let la, Zuali hi ka haw pui mai ang. " Teiin a tih chuan Andrew chuan a hman hmawh thlak loh a ti ve tak nain kei mah pawh chuan ka ti ve nghal vat a. Awm pui teu ka ngai lo tak tak bawk a. A tawpah chuan Andrew chuan let chu a rem ti ta hram.





" In let ve nghal dawn em? " Zorina melh in a ti sup a. Zorina erawh chuan ka bul a dingin min melh char char. A hnu feah lu a thing nghut mai. Andrew pawh chu a kal chhuak nghal mai a.





" Putea rual hian let rawh. " A bul a Sawmi ding chu melh in a ti sup. Kei erawh ka lo ner nawng thung.





" Zorin... " Sawmin a tih rual chuan " Ka la haw har ang. " A lo ti leh hluk a. Midang ho chu an in melh hrek hrek hlawm mai. Sawmi pawh chu thaw hakin a kal sawn a. Tunah chuan Muanpuia, Tei leh Zorina te nen chiah kan awm tawh. Thil hre thiam vek kan ni bawk a boruak chu a rit ngang mai.





" Damdawiin ka va lei a nge! " Muanpuian a tih chuan lu ka bu nghat. Haw phah pawn kan lei thei a mahse nuam a ti chiah lo chhuan lam a nih ringin ka sawi buai duh lo.





" ka va zui ve dawn! " Ti a Tei ding chu ka melh zui nghek. Zorinpuia chu melh in a la nhi sak zui. He nu hi Zorinpuia nen chiah a min awm tir hi a tum tak tak em maw ni.





" I kal dawn chuan Muanpuia chu awl rawh se. " Ka ti bul hmak chu Laltlanchhungi a ner nasa ngang mai. A rilru leh thil tum ka hre vek, Zorinpuia nen hun fal min pek a tum chiang lutuk hi ka taksa na lo se chuan ka tlawh zawt ang. Ka rai thu a lak a ka zep chhan pawh Zorina nen hian an lo in nel tawh sia a hrilh leh duh mai ang tih ka hlau a ni.





" Haw rawh kan in buaipui thei. " Rei fe hnuah chuan kan pahnih a kan ngawih tak reng vangin ka ti hmak. Laltlanchhungi leh Rammuanpuia rawn let har lutuk chu kawngka lam ka melh sek tawh mai. An tawi khawmuang lui tih lah chiang reng. Damdawi lei tur a tun thleng thleng thang thu awm suh.





" Ka duh hunah ka haw ve mai ang. " A ti duh lek chu a chhip sam buk lai a keh buk lawp ka chak tak zet.





" Tha lawm, kan haw hnuah pawh i la thu char char dawn a nia. " Ka ti ram hmarh a. A nui suk duh chauh leh nghal.





" I awm loh te chuan awm chhan tur ka nei lo. " A ti leh lawi si chu si hlak in ka melh ta rawm.




" Ti nge engtiang tak a na nge ka nih i hre duh a mi? " ngeiawm zet chuan ka ti a, ka nui lui kher bawk. In seh ruh tawlh tawlh in min rawn en a, ka lo ner zui sak.





" I sawi kha min tih nat i tum thu. Chuan tunah damdawiin ka awm a. Tlem chuan i hlim tawh ang chu! Nge ni a, damdawiin atang a ka chhuah hunah ke in ka kal thei em tih hriat leh phawt i duh zawk. " Ka tawng tawp lam chu a vin lek lek.





" Ka kal dawn. Laltlanchhungi te pawh chu... " Ti hlak in Zorina thut lohna lam atang chuan chhuk in ka bai phei auh auh a. Ka ke chu ka rap na ngam lo law law a mahse ka ke pen tang bawk si ka taksa in sawhah ka kawng chu a na thip zawk zawk mai.





Kawngka thleng tur a ka beirei zia chu hria u la min khawngaih hial zawk ang. Kawngka bul ka thlen chuan vuan in ka thawk chhuak halh hlah a. Khum lam ka en chu Zorinpuia chu a thutna ngai a thu in ka en tih a hriat rual in min lo nuih suk.





" Hmela. " Tih leh kawngka ka hawng tur chu a rawn ding chhuak nghal vut a. Ka lam a rawn pan tih ka hriat rual in rang lutuk in kawngka hawn ka tum a. Kawngka ka past hawng a, ka chhuak tur chiah chu ka bul a rawn thleng der mai. Ka kawngah a rawn vawn rual chuan duh lo zet a tal nghek in ka kiu dam lam chuan ka nghawk zui sawk a. Rum nghut in kawngka a vuan a, a dul bawk a dawm leh tawh.





" Ehhh.... Ka ti fuh leh che a mi? " Ti a pan ka tum chu ka tai bawr chu rawn thip zawk in ka kap zawh hi a rawn lum nghal pup a ka ding zui chawt.





Ka tai chu a rawn na riai riai a, zun chhuak tur ang mai chuan ka awm a, ka hlauthawng lutuk chu ka thin a phu rang dawt dawt a. Ka dinna atang pawh chuan ka che ngam tawh lo. Ka ip zui chawi a mahse ka taksa chhung atang chuan eng emaw hi a chhuak tih ka hre thei. Ka pum chu ka dawn vat a. Zorina chu melh in thawk pawh ka thaw tawh lo hial.





" Ngati nge kha tia min en reng a? " a dul dawm a, a rawn din chhuah chuan a rawn ti. Ka dang chu a ro hulh mai.





" Ka duh thei lo. " Ka ti tham tiak chu Zorinpuia chuan mit ti zim sun in min en a. Ka kaiza tha chu a khur nghal der der.





" I tha em? Na i neih belh em ni? " Ti a min rawn pan chu lo nem sawn pawh ka tum tawh lo. Min dawnna a ban chu nghet lutuk in ka hmer a. Ka naute chungah eng emaw a thleng tih hre turin damdawi lam thiam ka nih kher a ngai lo.





" Doctor ka hmu duh. " Ka ti chhuak hap a. Zorinpuia chuan min hrethiam lo hmel a la pu tho.





" Ka sawi chu doctor hmuh vat ka ngai. " Ka ti vin leh tuar. Tunah kha chuan ka tap chhuak ti tih hial bawk.




" U.... " Damdawiin corridor ah chuan Mama , Tei leh Muanpuia an rawn phei ka lawm zia hi ka sawi thiam lo zawk.




" Mammm.... Doctor ka hmu duh. Hmeichhe doctor. " Ka bul a rawn thlen rual in ka lo ti vat a. Muanpuia pawn ka sawi awm zia a hria tih ka hria. Tei leh Zorinpuia erawh in hrilh hai hmel an pu ve thung.





Room lam bawk chu min pan pui a. Khumah pawh ka mu thei tawh lo. Rem lo zet in khum tlangah chuan ka thu ding a. Ka ke na lam reng ka ngaihtuah tawh lo. Mama doctor ko pawh chu rei ka ti em em a a ni mai.





Doctor leh Mama an rawn in zui lut a, midang ho chu chhuah tir vek in thil awm zia chu doctor ka hrilh a. Ka hlauthawng bawk nen ka tawng tha thei lo, ka aw te chu a khur leh der der thin.





Doctor chuan tlang tak in nau ka chhiat a rin thu a sawi nghal a mahse ka awi phal lo. Test min neih sak turin ka ngen tlat vang chuan ka lawm nan a niang chu, ultrasound in min en sak a. Naute a hmuh tawh loh thu a sawi chuan ka ngaihtuahna an chawl nghal duk mai.





Doctor a chhuah thleng pawh chuan ka awm ngai in ka awm reng. Thla khat zet ka pai tawh a. Mahse ti teh tawp khan a awm tawh lo thu awl sam deuh in min sawi khum a nia.





" U.... I tha em? " Mama chu ka bul khumah a rawn thu a. Doctor khan engkim a va hrilh ve tih ka hria a chhan pawh ka tum lo.





" Naute kha a hmu tawh lo. " Ka ti tham chhal. Thaw chhuak hawkin min kuah nghal vat a. Ka hnung a duat zet a min chul sak rual in ka tap chhuak nghal hawk. Mama awmah chuan ka hmai phum in ka tap ta hawm hawm a. Heti teh tawp a, a awm lo mai chu ka tuar thiam lo a ni ber.





Ka hrisel loh vang leh thil dang vang a ni lo a. Naute hrisel tak tur a nia mahse ka fimkhur loh vang vek. Ka fimkhur loh vang liau liau a ni tih ka chian em vang in hreawm ka ti. Midang pawh chu an ngawi thap a. Zorinpuia pawh thil ngaihtuah muk hmel zet in a ding ngawi run mai.





" Ka haw duh. " Ka tih takah chuan khum atang chuan min chhuk pui a. Maman min kuah chhuak a, midang ka ngaihven thei lo kei mah pawh hi ka bing chuk a, ka ngaihtuahna a fim hlawl lo.





Motor bul kan thleng a, Zorinpuia hmel ka hmuh tak lohah chuan kan rual in a lo kal ve lo tih ka hre chiah. Muanpuia motor in kan in lam kan pan a. Seat hnungah Tei min thut pui a. Zawhna a ngah tih ka hria mahse a hun lo tih a hre ve nge engmah a sawi lo. Ngawi reng in ka kut chu a vuan ve tlat a.





In kan luh rual in tumah pawh be lo in ka roomah ka lut a, ka mu zui hmak. Muanpuian thil awm zia Mama a hrilh ri pawh chu ka hre vek. Tei te nen an pathum chuan an in bia chu ka ngaithla a. Ka hriat loh kar in ka li muhil a niang. Mipa vin hrawk vangin ka phu zawk a, ka tho nghal zawk. Ka kawngna kha a rawn thip nghal hlur a, then sawkin ka thu ren rawn a.





" Hetah rawn kal tawh suh. " Maman a ti hrawk ka hriat leh chuan ding in muang chang chuan kawngka lam ka pan a. Kawngka ka hawng chu ka ding dat. Kawngka pui bulah Zorinpuia a lo ding a. In chhung lamah Mama dingin an in karah Tei a lo awm bawk a. Ka lu hai deuh muai nen bedroom kawngka chu ka vuan nghet zui vak.






" Ka biak hma chu ka kal dawn lo. " Zorinpuia chuan a ti bung nghut a. Chu mi rual in Maman a hnek zui chawrh a. Ka rin loh lutuk thil a ni bawk nen ka phu ve zawk a. Tei pawh chu rak that in Mama chu a pawt bet a mahse a hneh lo hul hual a ni.






Zorinpuia chu hnek leh chawrh in pawn lamah Zorina chu a tlu a, Mama chuan thut bet in a khawih zui hmiah hmiah a. Zorinpuia chuan khawih let pawh a tum lo. A dawh mai mai ni ber in ka hria.






Tei pawn a thelh thei lo a, kei erawh ka dinnaah ka che sawn thei lo ka ding reng thung. Thenawm tlangval ten insual thawm hria in an rawn tlan chhuak a, Mama chu an pawt hrang thei hram.






" I lo har e law? " Tein min hmu chu a ti vat a. Mama pawh a rawn hawi phei a. Thenawm tlangval ten an vawn beh na atang chuan a talh hrang nghal hmuk a. Zorinpuia erawh leiah thu in a kut leh lam in a in beng kang a. Mama khawihna kha a hmai a khem in thisen a chhuak bawk.






" An in hmu thiam lo palh a nih kha. Unau vek an nia, an tha mai ang kan lawm lutuk in rawn thelh a. " Tei chuan thenawm tlangval te chu a be mawlh mawlh a. An ni pawh an inah a lut zui ve leh mai a. A chhan pawh thenawm na na na chu Zorina leh Mama te chu an in kawm nasa tih an hre ve a.






" Haw rawh, hetah lo kal tawh suh. " Mama chuan a ti chang leh bawl.




" Ka sawi kha ka biak hma chu min khawih leh mah ka ka kal sawn dawn lo. " Zorinpuia chuan a lu thing nawk in ner sawk pah chuan a ti a, ka lam chu a rawn melh nghal run bawk.





" Zorinpui nang hi... " Maman ti vin hlur a, a kawrawm a a tham sak leh rual chuan " Tlanhlu... Khawih tawh suh. " In chhung atang chuan ka ti vak a. Mama chuan thaw hawk in a thamna chu a thing thla hlawk.





" Ka be duh lo che, kal bo rawh. Ni lo... I hriat duh chu ka hrilh ang che. Ni e... Kei hian naute ka pai a, mahse i hriat khan vawiin khan a thi tawh. Nang leh khei hian kan naute ka that! A tawk em? Tunah chuan nang leh kei hi kan tawp chiang tawh. Chuvang chuan hetah lo kal tawh suh . " Ka ti chhuak ta vak a. Ka tawng tawp lam chu a zawiin a ri tawk tawk a ni ber!





" Kan pahnih in kan that a ni kan naute kha. " Ka ti nawn leh tiau. Ka awmah hian min hnawh ut ut a thawk a harsa tak zet. Mi te pawn nay chu an chhiat ve fo a hetiang hian an tuar pawn ka hre lo. Mahse ti nge ka natak em em bik. Zorinpuia nen in zawmna pakhat mah kan nei tawh lo tih ka hriat chian tak vang zawk em ni? Ka rilru pawh hi ka hrethiam teh nuai tawh lo!


IMG_18092021_105045_(800_x_800_pixel).jpg

_____________________________________________




* ZORINPUIA POV *




" Naute maw? " Ka phun chhuak su a, damdawiin chhungah chuan kei mah chiah ka awm tawh mahse chet sawn ngaihna ka hre lo. Tun lawk khan doctor in nau thla khat mi a chhiat thu a sawi a nih kha! Chuan ka hmuh lai ngeiin tap chungin naute a awm tawh loh thu a sawi leh a, ka ngaihtuahna chu a buai nghal vek.





" Ka fa em ni? " Ti leh sup in khumah chuan ka thu thla dawt a. Ka hmai chu tuai puat in ka thaw chhuak leh hawk thin. Mahse ka ngaihtuahna pik zet chu a reh phah chuang lo. Kha mihring a bul a engtik lai pawh a awm reng kha, kha pa fa zawk kha nge! Chutiang reng reng ka ngaihtuahnaah chuan ka â mai dawn in ka hre hial.





Ka thutna atanga tho chhuak vut in damdawiin chu ka chhuah san a. Kal tumna pakhat chiah ka nei, chu lam pan chuan chak zet in ka in khal chhuak a. Ka pum chem a vih ka tawhna khan min tur ut ut a, vawiin khan vawi hnih ngawt min khawn sak a, rin ai a na riau leh nghal. Na nei lo i la chuan step ah pawh khan a tlu hman miah lo ang. Nghet tak khan ka vuan reng tur a nia, hrep chuan!





An in step zawn a motor in hung hnung chiahah chuan ka ding dawt a. An inah an haw tlang tih chu a chiang phawt. " Enge ka zawh hmasak ber ang. " Bike a thu ngur chuan ka ti chhuak hawk. Ka fa a ni leh nih loh maw, chu pawh damdawiinah nau a chhiat tih hre ve reng chung in ka zawt a nga, a rilru ti na zual turin.





Damdawiin a lungchhe zet a a nau kuah chung a a tap ka mitthla let phei chuan ka thin zawn hi a thip vin hlur thei. Tunah hian min hmu duh kher a ngem tih pawh chu ka hre hek lo. Che sawn ta mai lo chuan step lam chu ka melh bing ngur a. Ka ngaihtuahna chanve chuan ka bike atang hian chhuk a, zuk biak a, min biak duh loh pawn a tha em tih hmu tur tal a kal turin min ti a. Mahse a chanve leh lam chuan hmu ta i la, min haw ta sa a, kha aia min huatna leh a chung a thil thleng a min demna hriat a hlau tlat thung.




Hlauh ka nei a nih chu!



Rei tak ka bikeah chuan ka thu a, mi mawl ang maiin ka ngaihtuahna kawm a in sual tirin ka melh ngai ka melh run a. Step atang a rawn chhuak chho ka hmuh chuan ka in seh ruh nghal tawlh tawlh. Hrep hian....Engvang in nge he mihring hian a hnaih tulh tulh ni.





A ni pawh chuan min rawn hmu tih hai rual loh in step hmawrah chuan dingin ka lam chu a rawn thlek ngur a. Thian angin ti mahse a mit meng a a duhna hi ka hmuh hmaih lo chiang viau thin. Engvanga Hmangaihzuali hian hmu thei lo tlat nge a nih.





Ka melh ngur lai chuan a motor pan ta mai lo chuan rawn kal pel in ka hmaah chuan a rawn ding a. A kekawr in zen in a thaw chhuak ve hawk mai.





" A hnaihah hian awm tawh suh! " Rei fe hnuah chuan a rawn ti zawi sup. Ke erawh ngeiawm zet in ka nui ro hawk mai.





" I ti na tawk tawh i ti ve lo maw. Ni e, i hmangaih a ka hriatthiam pui che. Mahse i venghim zo leh si lo chu a nih hi. Chuvang chuan a nat belh leh na tur in hnaih buai lo law law rawh. " A rawn ti leh chu engtik laiin nge ka bike atang ka thawh ka hre lo, a kawr awmah tham in a motorah ka nawr bet nghal hrawk.





" Thu dik chu a kha an tih kha. Ka sawi kha a dik tih nang pawn i hria. I hmeichhe duh leh i fa pai tu lak a i chet dan kha dikin i hria em ni? " A kawr awm ka thamna ka kut chu rawn vuan in a ti leh nghut.




" Ngawi hmak rawh. " Ka ti chang bawl. Mahse min tham lo fe in a nui suk duh chauh leh nghal.




" A pum chhung a naute in siam kha ka fa ni se chuan vawiin i chet dan vang khan ka en liam hauh lo ang. I fa ngei chu i that a nia. " A tih leh rual chuan a bekah ka hnek ri nghal chawrh a, a pai zui nawk thung.





" I tan a tawrh nasat zia hre lek lo in, a kal san che avangin a lakah i thinrim bawk a. In din hmun a in thlau lutuk. I piin chhia tin rengin a puh a, a nu leh pa in rilru hreawm in nangvang in an siam reng bawk a. A ni ang hmeichhe tan chuan a tam mah mah. Chutiang tur em chuan i hlu chiah em? I pi lak atang pawn I venghim thei lo a nia. " A ti leh phiar phiar chu hnek leh ka tum rual in hmeichhe aw in min rawn ko a, kan bulah Tei a rawn thleng chawp chilh nghal.





" Enge in tih hi khawlaiah leh nghal. Miin an en thup cheu a nia. " A rawn ti zui vat a. Thaw hawk in ka sam chu ka tuai chho puat.





" In zawmna in nei tawh lo a, tunah chuan i fa pawh a pai tawh lo bawk a. Ka theih tawp ka chhuah ve tawh ang a mah nei tur hian! " A kam sir tuai zeuh pah chuan a ti leh nghut.





" Muanpui... " Tei chuan a lo ti hlak a. Ngaihven zui lo chuan a motor lamah let in kawngka a pawt hawng a. A tlan chhuak nghal vut.





" Ngati nge khatiang khan in lo awm a? " Tei chuan a rawn ti a. Ka putea nupui ni mai tawh tur a nia, putea nen an in zui hnu khan kan in be ve zeuh zeuh nen kan in nel pangai ve viau.





" Duati enge a an? hmu tur in ka rawn kal. " A zawhna pawh chhang lo chuan ka ti nghal hluk. Thaw hak in min rawn melh a, a awm danah thil tha lo a thleng a nih ka ring nghal ringawt.





" In kan thleng a, a mu nghal daih a. I hmuh theih pawh ka ring rih chiah lo. " A rawn ti hap a ka thaw chhuak ham ham mai. A muhil thei tal a, a lawmawm lamah ngai ang.





" Chuan naute kha... " Sawi zo lo chuan ka tawp leh hmuk. Naute tih ka sawi chuan mahni inthiam lohna in ka khat nghal vek.




" A hma atangin I hre ve reng em? " Ka ti zui leh hluk.



" Vawin khan ka hre ve chiah a kei pawh min thawng. " A rawn ti zui ve nghal a. A hmelah dawt sawi hmel a pu miah lo bawk.




" Kha mihring khan ka.... Ka fa a nih thu a sawi a.. Dawt a ni lo ti raw. " Ka ti hrawih mai. Ka tawng chu a sak talh leh nghal.




" A mah ka la be lo a mahse Mama pawn a sawi a, i fa ngei chu a pai a mahse vawiin khan.... Ngati nge khatiang kha a thlen ni.. " A ti ro halh.





" Kei mah vangin naute chu a thi tak tak a. " Tiin ka nui ro hawlh a. Ka nuih erawh za lo tak a ni, ka inthiam lo in dawr atang khan lo zui chhuak lo tawp i la tha tur. Ni lo.... Kha pa kha , kha Muanpuia phiangsen khan a rawn hruai dawn tih hre lo i la chuan ka zui kher lo mai thei. Ka bulah a awm reng a, mipa dang a pan kha ka hua emaw ka tih lai pawh khan ka lo la phal tlat lo miau a.





Hmeichhe dang ang a mipa thian nei a hmelhriat ngah a ni lo a, kha pa kha a hnaih awm chhun a nih vang hrim hrim pawh khan ka thik hlur ni maiin ka hria.





" Chutiang zawngin ngai suh. Eng pawh nise Zualtei hi hun thawl pe rih rawh. A rilru hi hriatthiam pui a ngai a nia. Tun a I hmuh chuan in pahnih hian in na zual ve ve ang. Bakah a muhil rih a, tih harh loh a tha rih. " Tiin ka banah chuan min rawn vuan a, mit ka chhing sawk.





" A tha lawm. " Ti nghut in ka bike ah chuan ka thu a, chak zet in ka tlan chhuak zui nghal vut. In a haw chakna ka neih loh vang chuan kalna tur ber hre lo in ka tlan kual sek a. A tawpah chuan ka thuruk kawltu ka thianpa te in lam chu ka pan ta hram.





Thian hmingpu leh hmelhriat chu ka nei ve nuk a mahse chu ho chu hmelhriat satliah mai an ni. Zoremsanga hi mawl viau mahse ka thian tha ber leh ka thuruk ka sawi chhuahna a ni a, min hnem thiam vak lo mahse min ngaithla a, a bul a thu sawi chu chhuak leh a awm ngai lo. A mahah a tawp chawt a, pianpui unau ka nei lo a ka tan chuan ka thianpa mai ni lo in ka unaupa tluk zet a ni. Ka cousin te ho ai pawn ka pawh zawk a tih theih ang chu. Chutiang chiah chu a tan pawh ka ni ve in ka hre bawk. A ni erawh in nu leh pa leh unaupa, farnu thlengin a nei vek thung.





An in kawtah bike hungin in lam chu ka pan a. Kawngka ka kik rual in nu Ruatin a rawn hawng a. Zorema a awm tih hre thi mah i la mawi hnaiah ka zawt ve leh tho a. Tum dang ang bawkin a roomah a awm thu a sawi a, ka chho zui ve nghal vut.





" I van rawn thleng hma leh si ve. " A roomah music ring zet a play in guitar a lo kuah a, in tu ha lo thei thin a nia. A bulah chuan ka thu thla nghal dawt.


*


" Nau a pai tawh ber chuan innei ula a awl sam daih zawk a nih chu. " Thil thleng ka sawi chu a rawn ti sam et leh nghal.




" Nau chu a chhiat. " Ka ti leh nghut chu a ngawi zui vung vung mai.




" A mah a tha em? " rei fe hnuah a rawn ti leh a, a va han chaw veh vawh tak.




" A pum chhung a naute a chan a. Chu mai ni lo in kei mah vang a ni bawk a, a that i ring em? " Ka ti hluk chu a rawn chek ve hluk mai.





" I duh vang reng a ni lo a, bia la ngaihdam dil mai rawh. " A la ti hram. A sawi ang a awl sam hi ni se chuan a bulah hian rilru buai zet in ka thu miah lo ang. Hmeichhia ang maiin in sawi thawl a, min hnem tur ka zawng a, hela ber kher hi ka hmuh chu a la ni zui a.




" Min hua a, ka lakah a lungawi lo viau bawk ang. A thiannu chuan hun thawl pe turin min ti a mahse ka hre thiam lo ka awm dan hi. Ka hlau thawng a ni. " Ka ti chhuak tawl. Ka nu khan a fanu a chan vangin a rilru na a nun a tawi phah an ti a, chutiang chu a chungah a thlen ve hlauhna chuan min luh chilh mek bawk.





" Engtia rei nge hun i pek ang? Kei chuan a hma thei ang ber in bia la ka ti. Bakah thil nghah nei chu a hreawm. I ngaih sak lo pawh a lo ti zawk mai thei a nia. " Ti in a guitar chu khumah a nghat thla a.





Thim thet thetah ka in khalh chhuak a. Tih nat ka duh thu ka sawi a mahse tunah hian ka duh miah loh dan in ka ti na chu a nia. Chuan ka fa a pai pawh... Ngaihtuah zui duh lo chuan bike stearing chu ka hum nghet sauh a. An in kawtah chuan ka ding zui ta chawt.




Khua erawh a thim vek tawh, step ah chuan chhuk in an kawngka lo in khar thiap chu ka kik a, rei lo teah chhung lam atangin a rawn in hawng a, Tein min hmuh rual chuan a meng phawk kher leh nghal.





" Zorin... " A tih rual in Mama thuthleng a thu chu a rawn hawi nghal vut a, min hmuh chu a meng rum tha kher leh nghal.





" Engtin nge i rawn lan ngam zawk a? " ti chang bawl in a thutna atang chuan Mama chu a rawn ding a, kawngka lam chu a rawn pan nghal a, a thinrim viau tih pawh ka hria. Nau zawk pawh nise a farnu a duat zia leh a thlavang a hauh nat zia ka hre ve tawh miau.




" Heii.. Lalmamm.. Thawm dim ru Zualtei a rawn harh a nge? " Tein a tih danah ka mi hmuh duh ber chu tlai atang khan a la mu a nih ka ring.




" A la mu chu a that zawk, he mihring hian a hmuh ai chuan. " A ti chang leh bawl a. Ngawi ngulin kawngka pawn lamah ka ding a, chhung lamah Mama, kan in karah Tei a ding thung.





" Ka hmu lawk a nga ka chhuak leh nghal ang. " Ka ti bung nghut. Tih harh kher pawh ka tum lo, a hmel hmuh chiah ka duh. Mama chu a rawn nui ro hawk.





" Chutiang ti tur chu dikna i nei lo. I fa a pai tawh lo a, a lak atanga dah bo saktu chu nang mah ngei I nih kha. Chuan... Hmuh turin i nupui lah a ni hek lo. Ka u a ni a, a mah tina tu hi ka lo lawm viau che ring suh. " A ti chang bawl bawl a. Ka in seh ruh tawlh tawlh mai.





" Vawi khat chiah min biak tir rawh. " Ka ti zawi sup. Second rei lo te pawh ngaihdam dil tur chauh pawn hmuh ka duh. Min ngaidam duh lo a nih chuan a thu a ni a mahse ngaihdam dil erawh ka ba.




" Hetah rawn kal tawh suh. " A rawn ti chang bawl chu thaw hrawk in lu ka thing ngut .




" Ka biak hma chu ka kal dawn lo. " Luhlul zet chuan ka ti leh hluk. Chu mi rual in a kut a rawn vai fua a, ka bek a ri nghal chawrh. Tei chu rak ve that in Mama chu pawh sawn a tum a, lu ka thin nawk rual in min rawn hnek leh nghal chawrh a, ka tluk rual in min rawn thut bet zui a, khawi let tumna ka nei lo. A farnu ka ti na in a nun ka tih chhe vek tluk a ni a, ka phu ve reng a ni.



Midangin an rawn laat hrang ta hlauh a, ka thut chhuah rual in inchhung a lo ding reng chu ka hmu a, ner sawk in ka lu hai deuh chu ka thing zui nawk.





Ka hma zawn a mittui luang ngiai ngiai a min en tu chu ka melh ngawt ngawt a. A mit mengah chuan min huatna ka hmu lo mahse a na tak zet tih erawh chu ka hmu chiang viau. ' kan pahnih in kan naute kan that ' tih ringawt chu ka bengah a rin nawn tluk tluk a. Thawk a sak in ka kaw chhung lam atang hian min hnawh tlat a, ka ngaihtuah erawh a tawi tup thung.




Mahse ka nat chhan erawh naute ai chuan ka hma a hmeichhe keh chhe vek mit meng pu tu vang zawk hi a ni. Chuan kei hian tih nat ka duh a mahse a tawrh theih phak bak a na ka siam tih ka hre chiang a, inchhirna hlir in ka khat a ni ber.





Chu pawh min theihnghilh ka phal lo vang chiah in. Ka hma ka sial lutuk vang a ni tih ka hria a, engkim hi ka bul tan vek a ni!





" Ka tihpalh. " Ka ti sup. Ka sawi zawi viau a mahse a hmel leh mit mengah chuan natna bak hmuh tur a awm lo. Ka hmu reng a nih chuan thil atthlak dang ka tih leh theih mai dawn vangin hreh zet chuan ka kal sawn a, kawngpui ka thleng chho a, mi in cement bang chu ka hnek zui chawrh.




" Zorin.. " Tei chuan a rawn ti a, min rawn zui tih ka hre miah lo.



" Chhuk leh rawh, a mamawh ang che. " Ka ti hluk thung.



" Aw... Ih... Hriatthiam tum rawh aw. A rilru a na rih a nih kha. A hmangaih che tih hi ka hria a nia.... " A tih lai chuan " Kha tiang thil ka tih hnu pawh khan maw? Ka ring chiah lo. " Ka ti hluk thung. A mit meng kha an hrethiam ve lo miau a. Biak leh hman tawh loh chuan ka in khal chhuak nghal vut.


*

*

Kar khat zet a liam ve tawh. Kha mi zan bak kha a hmel ka hmu leh tawh lo a. A chhan pawh ka hma ka sial luat vang in na tak in ka siam a, thil thlengah khan ka in thiam lo a ka ti nat zia ka hria a. Harsa mahse kal tir ka tum a mahse zantin an in bul a va kal chu ka thulh chuang lo.




Ni a ral ve zel bawk a Putea te in neih ni ka thleng ve der a. A thiannu te in neih niah chuan a kal ve ngei a nga. A thian a tan a tum tih pawh ka hria. Vawin pawh huphurh tak ka ni.




In khawm hma in putea te inah kan awm a, nitein putea a fiam zuk zuk reng a. Tlaiah biakin ruai an buatsaih nghal dawn bawk a. Chawhnu lamah biak in lam kan pan a. Biakin kawt atang chuan thlang lam kawngpui a motor chei mawi nalh zet ding chu ka en reng a. A chhung a mi te an rawn chhuak chu hmeichhia ang maiin ka thin phu chu a rang zui a.




" A atthlak tak zet. " Ti hluk chung in khaw dang ka hawi thei lo. Ka hmuh tawh ngai lo ang ka ti a mahse tunah ka mit chuan a melh leh reng tawh.





Kawr fual sky blue ha in a sam chu an bawk sak a. A bul a monu kawr far puk nalh zet ha ai chuan ka mit a la ta daih mai. A thiannu kawr chuan siam that sak in a nui sang a. A vun nung sar leh sen no chekah chuan harsatna thawk hmel a pu miah lo bawk.




A hmui sen nalh zet chu a hlim vang in a chip thei lo a ni ber a.



" Zorinpui i tel lo in a hlim. " Tiin ka in hrilh a. Chu thu ka un hrilh rual erawh in ka nun ruak zia ka hre thar viau thung.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)