SELFISH LOVE by Amy Cck (Completed)

Moderator: writers

Abbra Reo Ririni
Posts: 1237
Joined: November 10th, 2016, 8:57 pm

Re: SELFISH LOVE CHAPTER - 1 by Amy Cck

Unread post by Abbra Reo Ririni » September 28th, 2021, 6:52 pm

CHAPTER - 25 🌼 by Amy Cck



" Zorinpui enge i hriat a? " Kawngka a khar rual chuan ka ti vin hlar mai. Ka hmaah chuan hriatthiam loh hmel deuh hian dingin min la melh zui run a.



" Enge i ngaihtuah zawk a. Kar thar maiah min in sawn san dawn tawh a. Chu mi hma chu i bul a awm ka duh. " A ti ve hluk mai.


" Chu pawh ni se, ka room a rawn riah kher hi a ngai lo. Bakah nu Zaitei khan kha tiangte kha a sawi a. Nang hi... " Tiin ka melh zui rawm a. Hriatthiam loh hmel lutuk in min melh ang hu zui a.



" Ka hrethiam e. Naute chung chang vang khan a ni maw? " Nui chhuak hawk in a rawn ti a. A ngai pawimawh lem lo lutuk chu ka hrilhhai zawk lek lek.


" Maw? Chu chu ka sawi chhan a ni lo. Mahse a sawi dan kha a hriat hmel em a. " Ka tawng tawp lam chu ka riat deuh nak nak tawh. A chhan pawh min nuih zar hmel pu fahran a min melh avang in ka lai chhe zo vek.



" Chu ti maw? A nih chuan a sawi chu kan thlen dik tir ve mai dawn a mi? " Tiin min rawn pan hnai a, phawk zet a melh in ka tawlh hnung ve dat a. Mahse a rawn hnai zel avang chuan ka hnung tawlh zui zel a. Ka khum zawn ka thlen rual in khumah ka thu thla zui dat. Ka sir ve ve ah rawn in nem khalh in a la rawn kun hniam zui ve zel a. Ka tang ti tih der mai.



A rawn hnial tulh tulh a, tih ngaihna ka hre lo lutuk chu mit ka chhing ta ngawt a. A nui suk ri ka hriat rual in ka chal a rawn pen ri kawrh a ka la phu chiam zui leh nghal. " Mawl reuh lutuk. " Nuih za aw zet a a tih takah chuan ka meng chhuak ve ta chiah.



" I bulah mut chiah ka tum. A bak engmah ka ngaihtuah lo. Nang zawk hian rilru dik lo i pu a ang riau. " A tawng tawp lamah chuan nuih a in sum tih pawh ka hre thei. Ner nangin a awmah chuan ka nem dawtah, a nui ta hawk.



" Tak zet che hian! " Ti leh hluk in ka chalah a rawn tauh leh dat a. Ka thaw ta huai mai. " Mu ang le. " Tih leh ka in ring hman lo min chawi ka ng nawlh a. Khum lu lamah min bawh chho nghal rawk rawk a. Puan pawt chho in min kuah nghal hlu hlu.



" Thil ngaihtuah vak vak suh. A bikin vawiin a thil thleng kha. Kei hian ka kal san dawn lo che a. Tu hmeichhia mah nang tih loh chu ka duh hek lo. Chuvang chuan a eng zawngin ngaihtuah la. Kha hmeichhe thu sawi kha i ring duh tal a nih chuan ka sawi hi ngaithla rawh. " Tiin a ban pakhat chu ka nghawngah rawn rawlh lut in pakhat chuan ka dulah a rawn nghat a. A taksa si chet in min pawt hnai zui salh. Ka hnung lam atang chuan ka nghawngah thawk a la zui ham ham phawt a.



" Kan hmahun a thim a tih kha chu nakinah kan chhungte thil nihna dik tak kan hrilh hun tur a sawi na a ni a. Rei pawh kan nghah a ngai tawh dawn lo. Chu tih hunah chuan hauh kan tawk ve deuh mah na. Mahse i kut ka vuan tlat dawn a, eng ti kawng pawn. Naute a sawi kha kan pahnih fa a ni ngei bawk a. A bak chu ngaihtuah suh! " A ti tum bul bul a. In siam rem in a lam chu ka hawi ve nghal a.


" Nia, a dik lo ang. ” tiin ka kuah let a. Ka chhipah a hmuiin a rawn nawr vang vang a. A hahdam thlak tak zet. " Nu Zaii sawi kha a dik chuan Tei hi a sual dawn e. " Tiin ka nui chhuak hak a. A ni pawh a nui nghawr dawt mai.



" Tak in, Tei khan a u te inneihnaah khan kal ve turin a sawm che a. " Ka ti leh a. Min chhang lem lo in a nui nghawr leh dawt.



" I kal a ngem? " Ka ti leh hram.


" Ka kal i duh em? " A tih chuan ka nur nang.


" Ka hre lo. I dul leh duh lo a ni mai. " Ka ti let ve thung.


" A nih chuan rawn veng tur che in ka rawn kal ang. " Thatchhe zet hian a rawn ti a. Ka melh chho vat.


" Eng lakah maw min ven ang? " Ka tih chuan a rawn meng chhuak ruai ruai.


" Eng ni lo in tu ti zawk rawh. " A ti hmuk chu Muanpuia a sawina a ni tih ka hre nghal. Ka nui hak chu min en ngur mai.



" A ni chu veng thawng suh. " Ka ti sam et chu a ngai thei lo ngang mai.



" Ka ti tak tak a nia. Kan pahnih in kar hi a hre ve a. " Ka tih leh rual chuan a tho chhuak hlawl mai.



" A ni kha i hrilh a maw? Hah.... Midang zawng lakah zep i duh lai in i lo hriat tir bik a. Engah mah la ngai lo ti siin i lo ngai pawimawh khawp a nih hi. " Ti hluk in khum atang chuan a ding chhuak hluai a. Kawngka lam a pan rual in khum mawng lamah tawlh thla in a hmaah tak chuan ka va ding a. Min melh nghal khui mai.


" Ka sawi hi ngaithla phawt rawh. Ka hrilh a ni lo a nia. Nikum chrismas a kan chhuah ho khan a sawi chhuak a. Ka hrilh a ni lo tak tak. Chiang ngam chiah lo in min zawt a, thu dik in ka chhang mai a lawm. " Ka ti leh ta vak. A la tum luau tho leh nghal. Hahthlak hian. Muanpuian a sawi lai khan lo pha i la chuan Zorina zahpui ka ang dawn em a, a ni lah a lo la thinrim zui.



" A ni pawn min hrethiam a, thian ni a duh thu te pawh a sawi a. "


" A ngai lo. " A lo ti hmuk.


" Zorin.. " Ka tih rual chuan " Kha pa kha hnaih lo la ka duh. " A lo ti leh hmuk a. Sawi in awm zia awm dawn lo tih hrethiam in thaw hak in lu ka bu nghat ringawt.



" Muhil tawh ang! " Tiin khum lamah ka kai phei a. Min zui ve leh hnu hnu tho.

*

" Bungrua vel va dah u la, i nau lo chhuk hma chu hetah riak rih mai la. " Tuk thuan ei laiin ka piin a ti a. Vawinah buangrua vel va dah kan tum a. Ka piin thuthleng sitting room a dah tur pathum min order sak a, vawinah an rawn dah dawn avangin inah lo va awm a ngai a. Nitei khum leh belbawm a rawn dah tir dawn bawk a. An hman hlui ni mahse a nalh in a la tha lutuk chu a in thlahrun awm lek lek zawk.


" Ka nu naktukah a nau a rawn thleng dawn sia zanin a riah phei te chu a awm ve tawh a lawm. " Papuian a lo ti a. Min lo chhan khalh chu ka lawm phian.


" Zan khat pawh nise hmeichhia mahni a riah te chu! " Ka pi chuan a ti leh hram.


" Pi, ka thiannu in min rawn riah pui dawn a lawm. " Ka ti ve nghal vat. Vawin pawh Tei a rawn kal ve dawn a. Zorina leh Nitei fapa kha an awm dawn bawk a, a tawk viauin ka hria.



Tukthuan kan ei zawhin kan in siam a. Nizanah ka thawmhnaw ka khung fel vek tawh avangin ka hak lai ka thlak a ka zo der mai. Zorina pawh a in siam zo a, ka roomah a rawn kal a. Ka thawmhnaw min khai chhuak sak thlap.


Ka pi pawn in rawn en chu a duh viau a mahse vawin chu kan che hnawk dawn bawk nen, kan in hun fel hun ah law law a ti leh kha a nia. Tei kan sawm kawi a, kan hman hma kan in tih ve nen kawng kan tlan laiin thuthleng rawn dah tu tur ten min rawn call a, kan awmna min rawn zawt ta bawk nen kan hman hmawh zual ta chung chung a.


In kan va thleng a, thuthleng min rawn dah saktu te awm lai chuh in kan hun duh na tak ah kan rem tir nghal a. Kan ti fel zo chu nitei te an rawn thleng ve nghal a. Mipa pahnih Zorina leh nitei fapa chiah an awm avang chuan inchung tleirawl leh thenawm tlangval, nu Zaitei fapa chu kan pun a. Inah min dah thlak pui a. Sitting room leh choka a hran a a awm lem loh avang chuan thuthleng pathum leh belbawm lian ve tawk tak kan hun chuan a khat mawi tawk hle a.



Dawhkan erawh Maman khua atang a rawn keng thla dawn a. Hman lo, inhnuaiah dah mai mai kan nei a. Chair erawh pali, nga vel chu kan lei mai ang ka ti ringawt a. Kan room erawh a dang ang lo hlauh in a ruak huai a. Room pahnih a awm a, khum pakhat ve ve kan hung a a zo der. Mahse nakinah kan la in kei muk ve zel turah ngai ang.


In sawm kan ni loh avang hian khua a kan room a mi ken thlak kha a fuh ber si lo a. Engkim a thar tih a ngai dawn a nih hmel. Mahse hna ka thawh a maman a thawh bawk chuan thil harsa erawh a nih ka ring lem lo.



Nitei ten min haw san hnu in eirawng kan in bawl chawp a. Ka pi leh nitei ten min ngaihtuah bawk a, kan mamawh ang tur chu kan nei kim nghal der a ni mai a. A hma tangin kan lo in rua hman lawk ve bawk nen.



" Haw phei ka tum a min rawn thlah la. " Choka lam a ka chet mawlh mawlh lai chuan Zorina chu ka bulah dingin a rawn ti a.



" A... Ole... I chau ngawt ang. Tei kan hrilh lawk ang. " Ka ti a. Ka hawi thla chu kan thenawm leh uchung nula leh tlangval te nen an lo la tawng tui ngang mai.



" Tee... Ka han thlah lawk ang aw. " Tiin ka au lang lang a, rawn hawiin a rawn bu ve nghat mai. Zorina nen chuan kan in zui chhuak a. Kawt a a motor hun na thleng ka thlah chho a.


" Zanah ka lo kal ang. " Tiin motorah a lut a. A to an liam chu ka thlir ta reng. Thenawm dawrteah artei plat khat lei kawiin ka Haw thla leh nghal a. Eng lutuk ti lua lo mah i la ka chau ve riau.



Inleng an haw hnuin kan in ti fai a. Intih fai zawhah zanriah kan ei a. Hmeichhe pahnih chauh e ti lo chuan kan tawng duh leh ngang tawh.



" Tak a, Zorina chu i lo zawt tawh em? " Hmun ka phiah laiin a rawn ti a. Tei erawh in thleng a sil thung.



" Umm... Kal ve chu a tum kha. " Ka tih chuan a nui hak a ka melh haw.


" Enge Zorina kal leh kal loh chu i ngaihven em em a? " Ka ti ta tawp. A mah a awm lah hian a be leh vak bawk si lo a ka hre thiam lo.


" Chhan a nei a ni mai. " A tih chuan a mawngah ka beng nghal tawih mai.


" Enteh, kei pawh Aizawlah hian awm rih ka tum a. Ka ni pre school ah hna min hmuh sak bawk a. Chuvang chuan he lamah ka awm ve rih dawn. " Phur zet a a rawn tih chuan ka meng ve kawk.


" I va zep thei ve. Oii... A nuam dawn e. " Ka ti ve hliai.


" He lo pawh thil te te ka la zep. Mahse nakinah i la hre mai ang. " A rawn tih chuan ner nang in thuthlengah chuan ka thu a.


" Englam nge? Ngaihzawng lam te hi a lo ni lo maw? " Ka tih chuan min rawn melh a, ka meng kawk mai.


" Eki sawi nghal rawh. " Ka ti nghal vat.


" Nakinah. " Tiin a thil tih chu a chhum zawm leh a. Ka melh zui rawm a, a la nui hak leh nghal.


" A nih i awm tlang dawn nge i haw leh phawt dawn? "


" Tunkarah ka U te an innei fel a nga. Kar leh a mamawh zual pui leh ka thawmhnaw han lak belh tum in ka haw lawk a nga, chuan thla thawpah ka rawn chhuk leh a nga. Thla thar atang hna ka tan ang! " A la rawn ti ang deuh deuh a. A lo ina puah chah fel vek tawh zawk a nih hi a.


" College la kal tan dawn lo i la chuan ka zui haw ve lawk tur che nia. A van pawi tak. " Ka tih chuan a ni pawn a pawi a ti hmel viau.


" Zorina teinah i awm tawh dawn si lo a, a hma angin hun pawh in hmang dun tak thei lo ang a nang ni pawh? " A rawn ti leh daih a.


" Nia ni ve tho. Mahse college ah kan la in hmu reng thei a bakah a rawn leng thei reng a. " Ka ti ve mai a. Sawi zawh rual rual in kawngka an rawn kik a ka va hawn rual in Zorina nen kan in melh nghal siah a. A hnungah ka pi leh Papuia pawh an rawn lang ve nghal a.



" Chhun lamah kan hman ve si lo a. " Papuian a rawn ti lut a, ei tur leh thil an rawn kai nual leh nghal. Kan thu khawm a, kan ti ti luam a. Ka phone message rawn lut ka en chu a hma a Zorinpuia chu ka melh zawk.



* Zanin chu ka lo riak ve dawn. * tih hi a rawn thawn a.

* ka pi ten an phal ngawt a mi? * tih ka thawn let nghal.


* i dil dawn a lawm. * a tih chuan ka melh nghek. Ka pi te leh Tei te erawh an in kawm tui phian.


* i a tawh nih kha. Ka ngam reng reng lo
* ka ti let a. A awm hian a ang lo e mai a.


* hmeichhe pahnih chauh a riah chu kan hlau tiin chhuan lam siam mai rawh. * a la rawn ti hram. Hepa hi a a tawh tak tak a nih dawn hi.


* an awi i ring a mi. Bakah Tein a rawn sawi leh chuan kan chhe vek a ni mai. * tih ka thawn let a. Tei thingpui lum turin a kal sawn a. Zorinpuia a zui nulh chu ka melh haw ringawt.


Papuia leh ka pi room vel ka en pui thung a. Tha an ti ve in min lawmpui thiam khawp leh nghal. Kan let leh chuan thingpui an rawn chawi phei ve chiah a.


" Pi zanin chu a zan khatna te a ni ve sia in thar a ni bawk nen Zorina hi riak ve mai se pawi in ti em? Room pahnih a awm tho a. Pakhat ah Zuali nen kan mu a nga pakhatah sawn riak ve mai se. " Tein a rawn tih chuan Zorinpuia thutna lam chu ka melh vat a. Ti fuh in ti zet hian a lo then suk leh nghal. A sawi tir a ni tih hi ka chiang viau mai.



" A pawi hlei nem. In zan khat riahna tur te a nia. Bawihpui i hreh lo ti raw? " Ka piin a tih chuan Zorina lah chuan a lo hreh lo nasa mai. Thingpui te in in rei lo teah Papuia te pawh an haw phei a.



Room pakhat zawkah Zorina mutna tur ka siam sak mawlh mawlh lai chuan ka hnung lam atang min rawn kuah a, ka nghawng zawnah a rawn thaw zui hawk.



" Tei kha i sawi tir ti raw? " Ka tih chuan min chhang lo in a nui suk ringawt.


" Kan pahnihin mu i la, room pakhatah i thiannu chu a mahin mu mai rawh se. " A tih chuan a nakah ka nghawk salh.


" A viauh suh. Engkim hre vek mahse zah lo deuh a awm khum ka duh lo. " Ka ti nghat.


" Eng kan ti dawn pawh a ni lo a. Kan inah pawh kan mudun ziah a. Engmah a thlen ngai loh kha. " A rawn ti zui bul bul a. A lam chu hawiin a biang tawn tawnah chuan ka dawn sak vat.


" Nangmah ka ring lo che ni lo Tein ngaih loh lamah a ngaih ka duh lo a lawm. I hria ti raw. " Ka tih chuan a thaw chhuak hawk mai.



" A nih chuan goodnight kiss min pe phawt la ka kal tir ang che. " A rawn ti hmuk a. Ka nuih chhuah hak rualin ka kawngah a rawn hmer chawt a a lamah min hnuk hnai zui salh.



" Vatin! " A ti hluk chu ka ner ta nang a.


" Thu la. " Tiin khum lam chu ka melh zeuh a then suk in min kuah reng chung chuan a thi thla a. A mal leh mal inkarah chuan min pawt lut nghal zat. A thu chung pawn kan in sant hleih lem lo viau leh nghal.



A biang a dawm reng chung chuan kun hniam in ka fawp zeuh a. Ka in lak hran rual in lawm lo lutuk a rum nghut in ka tukhumah a rawn vuan a, min kuai kun in min fawp zawm leh hmiah a. Mahse pawn lamah Tei min rawn auh takah chuan phun hluk in min fawhna a thlah a. Ka awm hrang tur chu ka hmui hnuai lam a rawn pet zui vak a. Rak that in a darah chuan ka beng nghal thlawrh.



" Mutthu. " Kawngka lam ka pan rual chuan a rawn ti a. Ka melh rawm chu min nuih zui hawk leh nghal.



Mut hma in ka pa te ka bia a. Kan in suan luh tawh thu te ka hrilh luam a. Naktukah Mama pawh a rawn chhung anga. A bike in a rawn chhuk dawn a. Dawhkan vel erawh sumo ah an rawn thawn dawn a nih hmel a. Ka mut meuh chuan a tlai duai tawh. Zorina nen kan in text leh reng a. Sawi tur kan hriat tawh loh hnuah pawh ka mu dawn ka tihin a phal tlat lo leh nghal. Ka bulah lah Tei a muhil thaw sak sak tawh a.


Zorinan a bul a mu phei tur in min la sawm char char a, ka hnial ve zel a. Ka mutthilh lai pawh ka hre lo. Ka harh leh meuh chuan khua a lo var kuar tawh. Tei pawn min lo thawh san daih tawh a. Tho chhuak ve in room ka chhuah san a. An la reh duk bawk si.



" A la mu mi le? " Tiin room piah chu ka pan a. Zorina thawh hma theih nen a hmel ka la hmu miah lo a. Room kawngka bul ka thleng chu chhung lamah thawm eng emaw ka hriat avang chuan ka ding dat a. Zawi muang in room kawngka ka hawng a, ka thil hmuh avang chuan ka ding khawng at mai!

#Ads click kha min lo ngaih pawimawhsak hram dawn nia, in fel kha


Show post links
Top
Amy
Unread post August 16th, 2021, 10:56 pm

* ZAWMNA *



" Engthil nge i tih kha? " Ka tih rualin min hnung chhawn a Tei ding chu a phu zawk a. A rawn in hawi ka ti dawn nge, a rawn vir nawk mai. A hmelah chuan a la hlauhthawn hmel em em zui leh nghal.



" I lo tho tawh maw? " A rawn ti let haw a. Nui mahse a nui hmel phenah chuan hlauhthawnna ka hmu tel thei tho. Chhang lo a chik lutuk a ka melh reng vang nge chil lem khalh in a sir a hmunphiah chu a kut leh lam chuan a ban a.



" Hmun ka lo phiat a. " A rawn ti leh hap. Mahse a hmel erawh chu a la dik chiah lo. Bakah niminah fai lutuk in kan phiat vek a. Zan khat chiah Zorina a la mu a tih balh ngaihna pawh a awm lo.



" Khaw nge Zorina hi? " Thil dang vak sawi lo chuan ka ti ta zawk a. Ka thiannu a nia thil sual ti ang hrim a dawp vak ka duh bik lo. Mahse a tir kha chuan Zorina room mutnaah ka hmu kha mak ka ti deuh em a. Bakah hmun a phiat tih pawh ka hre lo, min hnung chhawn in a lo ding reng a nih kha.



" Ka hre bik lo. Chaw ei hma i la haw phei lawk ka ngai a. Duh leh tlai lamah zan riak tur in ka rawn kal leh ang. " A rawn ti leh mai chu lu ka bu nghat nghat. Min kal pel in room atang chuan a chhuak a, kei ka lut ve thung.



" Khaw nge a kal le? " Tiin ka thlang lam tukverh chu ka hawng zau a. In her a kal leh mai ka tum chu phone ri avangin ka ding dat. Lukham sirah chuan Zorinpuia phone chu a let bal a. Ka pi a nih vangin ka chhan sak ve mai a.



Zingah a haw dawn nge chaw a ei dawn tih a rawn zawt a. Zorina pawh rawn lem lo in a ei nghal tur thu ka sawi ve hmiah. Phone ka hman lai reng chuan hnung lam atangin min rawn kuah thut a ka phu zawk a, ka rak zui that.


" Enge ni a? " Ka pi pawh chuan a rawn ti vat. Thle deuh ha in Zorinpuia chu ka melh zui tawm a. A hmui a pet sawi zeuh duh chauh leh nghal.


" Zualte.. " Ka piin a rawn tih leh rual chuan phone ka la hmang tih ka hre leh chiah.


" Aww... Pi eng lo... Eng lo... Khau lian deuh ka hmu a. Chu vang a nih kha. " Ka ti ve ngawt chu ka darah khabe rawn nghatin Zorinpuia leu luau lah chu a rawn nui nghawr dawt a. A nakah ka nghawng sak zui sawk. Ka pi ka biak zawh hnu chuan ka in her a ka hnung a ding a nuih in sum zet a min melh tu chu ka melh zui rawm.



" Khau maw? " A rawn tih chuan ka tum loh deuh in ka nui chhuak ve hak mai.


" Ka rilru a rawn lang hmasa ber a nih kha. Khawnge i kal a? " Ka ti zawm zat.


" Ka hawi thawveng lawk. I mu rei lutuk a ka khua a har hman. " A rawn ti deuh hmuk chu ka nui chhuak hak. " Tei a thawh hma em kha. Kei aiin kawm a nuam zawk ang, bakah nizanah pawh i riah tur thu pawh i sawi tir a ni lawm ni? " Ka tih chuan chhan pawh min chhang lo in a ner nung mai.


" A ni ni lo in nangmah lawm ka duh! " a rawn ti leh mai a.


" Nizanah ka mut i phal lawk lo a. Thawh ka hai phah a nih hi. " Ka ti ve thung a. Ner sawk in khumah chuan a thu thla dawt a. " Min mutthluk san in ka message pawh i reply lo a. " A rawn ti a. A phone ka ken chu ka en zui nghal a. Room atanga chhuak pheiin chaw hmeh kan ti lum a chaw kan ei zui nghal a.



" Mama bike a a rawn chhuk dawn chuan dawhkan leh bungrua thenkhat chu nang man a mi han chang dawn a? " Tein a rawn ti a.



" Um.. Ni mai. I hman chuan min chan pui la. Tlai lam a ni tho a. Zan I riak leh nghal a nga. " Ka ti let thung.


" Pawi chuang lo. " A ti leh mai a. " Mahse va haw phawt chu ka ngai. " A ti zawm leh zat.


" Zorin i haw har dawn em? " Zorina lam hawiin a ti leh a. Zorina erawh in min rawn melh daih thung.


" Ka hre lo le. I duh chuan ka rual in i haw thei tho mai. Nge kan inah i rawn phei ve tho dawn? " Tiin Teii nen chuan min melh tawn a. Ka phei ve chuan bike ah kan leng si lo a. Bakah parda vel hi zar fel ka la duh .



" Phei ve lo mai ang. Ka thawmhnaw vel rem fel pah in parda fel hi ka lo zar ang. " Ka ti ve mai a. Thleng vel kan tihfai hnu in Tei leh Zorina erawh an in phur chhuak a. Ka pa te ka phone leh phawt a. Mama pawh tukthuan ei zawh khan a rawn chhuak a ni awm a. Chawhnu lamah chuan a rawn thleng tur ah ngai ang.



" Ehe.... In va ti awm ang tawh ve. Rin ain bungrua in ngah daih mai. " Nui Zaii chu rawn kal in a rawn ti a. Parda vel ka lo zar mawlh mawlh thung.



" Chutia mi? I chhuak dawn na nge. " Ka ti let vat.


" Vawin chu ka fapa dawr lamah a awm a ka chhuak lo ang. Zingah kha i nau a rawn leng a. A rawn riah pui che em ni? " A tih chuan ka hau in ka en thung.



" Zorina i tihna mi? " Ka ti let leh ngat a, a nih thi a la rawn sawi leh nghal . Hepa pui hi enge zingkar karah a lo va tih ni. Min la hrilh duh lo ve ngei a.



" Nia, zan khatna te a ni sia. Ka thiannu nen min rawn riah pui a. Vawiinah ka nau a rawn thleng a nga riah pui pawh ka ngai tawh bik lo ang. " Nui chungin ka ti ve mai a.



" Mahse enge a rawn ti daih daih a. " Ka ti leh hram.


" Kawtah sawn kan in hmu a, thingpui ka lo lum ang che ka tia a rawn leng lut a. A kut zia te min en nawn tir leh a. " A rawn tih chuan mak ka ti deuh deuh. Hepa hi ka bulah te kha chuan ring lo ang deuh kha a awm vel a. Mahse ka hriat loh in a lo va en nawn tir leh vel a.



" Chuan enge i hmuh sak a. Ka bulah chuan a rin loh thu te a sawi vel sia. A chak lo ngawt ang. " Ka ti zui hlak hlak.



" Hmanni khan leh lam chiah kha min en tir a. Tukin chu a vei lam ka en sak a. A hma ang bawk in fa a neih vat tur thu ka sawi leh a. A awi loh hmel viau leh nghal. Mahse ka hmu chiang sia. Hun hian a la rawn her rem turah ngai i la. Hetiang hi chu kei ni ringtu te tan chuan awi loh hi a tha a nia. Min hre fuh ho hian min han en tir hi chuan han en duh lo hi a nuam lo ve a. " A rawn ti leh mai a. A kut ze en thiamna chu a chhuan hmel vak bik loh rual in a in ring tawk tih erawh ka hmu thung.



" Nia mahse a then dik chuan ka hma hun chu a thim awm? " Tiin ka nui a a ruk tak chuan ka huphurh zo vek.



" Tuarna phenah malsawmna a awm an tih kha. Tak in tuisawp ka chhum a i ei duh ve em? " A rawn ti ta hliai a. Ka duh lutuk thu ka hrilh chuan min rawn suah a tum thu sawiin a chhuak zui nghal a.



Chawhnu lamah Mama a rawn thleng a. A chauh ka rin nen bungraw min chan pui a tum avang chuan Tei pawh lo phei hma a ngaih leh loh thu ka hrilh a. A ni lah chuan " Zorina kha zanah rawn len a tum a, a rualin ka rawn kal mai ang riak tur chuan. " A rawn ti zui ham ham leh nghal.



" I tih dan dan a ni mai. " Ka ti ve mai a. Zorina no a neih loh thu rawn sawiin min rawn dil a. Whatsapp ah ka va thawn zui nghal a. Naktuk tuk leh mai hi a u te in neih a nih avangin khaw dang a mi te pawh an rawn zin khawm a. Room ka kian a ni mai a ti ve mai a. In kan lo luah thar chu a remchan pui hmiah a ni ber mai.



Sumo kan han chang leh a Mama nen kan haw meuh chuan khua a thim thiak tawh. Rawng bawl sawk sawk in chaw kan ei a. Thleng ka sil laiin Zorinan a rawn call a, ka chhang nghal a.


" I thiannu bulah ka no I lo zuar a ni maw? " Phone ka lak rual in a rawn ti a. Ka nui tawi tak mai.


" Nia, mahse ka zual lo a nia. Zanah i rual a rawn kal a rem sia a biak theih nan che min dil a ka pe nih kha. " Ka ti tha ve mai. Ka hriat tham loh chuan a phun zui hluk leh nghal. Enge a hriat ni.


" In lo kal dawn tawh em? " Engmah a sawi leh loh avang chuan ka ti leh a. Tei a lam phei a nga, an rawn kal tur thuin min chhang ve mai a. Thleng ka sil lak lawh thu ka sawi chuan phone chu a dah ve mai a.



Mama thiante ho an rawn leng ve nak nak a. Rei lo teah Zorinate pawh an rawn thleng a. Mama leh Zorinpuia erawh an in be miah lo thung. Mama thiante an haw hnu chuan a chau a niang, a mu zui nghal mai a. Tei pawh kan bulah rei lo te thu in roomah a lut ve nghal daih bawk.



Nu Zaitei a kut zia a en nawn tir leh chung chang chu ka sawi chhuak a. Fiam nan tak ka hmang a, a nui tha duh miah lo zui. Dar 11 velah a haw phei a. Kei pawh mut tumin ka in tin tuah zui nghal der mai.


*

" I lo kal ve dawn lo maw? " In siam mawlh mawlh chung chuan ka ti a. Vawiin hi Tei u te in neih ni a ta der a. Mama in khawm ve tur in kan ti a, " ka hmel hriatte pawh an ni lo a, a ho e mai. " A ti tlat thung.



" In siam zo la, i duh leh ka va dah zawk ang che. " A rawn ti sam et leh nghal.



" Ngai lo mai. Zorinan min rawn lam dawn a. Bakah puan bih chung a i bike sang lutuk a thut kha ka peih lo. " Ka ti let ngei a. A la run ngei mai.



" Tunlaiah hmeichhe ho in an lawm ber. Mahse nang chu hranghlui chin i ni tawh a ka heethiam che. " Nui duh miah lo a a rawn tih chuan ka samkhuih ken lai in ka vawn nghal tawk. A lo la bum zeuh leh nghal.



" I bialpa pawn mawng pauh vah a I thutna tur a neih kha. " A ti leh hluk mai.


" Motor in a rawn kal dawn. Ve a che. " Ka tih chuan a chek hluk mai.


" Engtin nge nang ang hi a suh theih le. Tleirawl chhelo tak tak in an zar buai awm reng sia. A mit a tha lo a nih ka ring. " A ti leh hram chu " Laltlanhlu. " Ka ti hlak mai.


" Thinchhe bawk si. " A la rawn ti hram. Hepa hi chu midang chuan i nau hi a chhelo e, a cool si an ti thin. Midang bulah chuan a tawng mawh ve lutuk a nia. Ka bulah erawh ka hmial peih chhung chu min hnial let thei thung.



Zorina a rawn thleng a. Thut pawh thu khawmuang lo in kan tlang nghal a. Monu kawr a hmuh rual chuan ka kut chu hmer salhin " In in hmeh zawk a nih saw. " A rawn tih chuan ka ner nang a mahse ka hlim veng veng.



" Tu emaw mitah chuan engtiang a nalh pawn in chei i la dawithiam pitar hmuh in min hmuh tho a. Nang erawh... ” sawi zawm lo in ka nuih in sum chu ka hmui ka pet sawi zeuh mai.



" Tu nge chutiang a hmu che a, a mit chu entir a ngai a nih chu. " A ti hluk mai.


Tein min sawm tak na in kan bulah pawh a awm hman meuh lo a. Zorina lah chuan thla an lak chhungin biakin min fan kual pui a. " Midang kan mamawh hlei nem. " A ti fel than zui a. Muanpuia pawh mopa thianah a tang ta ngei a. Zorina lah chuan a lam hawi tak ngial pawh a phal tha mang lo.



Tlaiah mopa te in lamah ruai kan theh dawn a. Monu thlah phah in. Zorina erawh Zoreman a rawn bia a. Chrismas leh kum thar khaw dangah an hmang chhuak an lo haw chiah a nih hmel a. A thianpa ve ber a nih vang nge an in lamah chaw eiah a rawn sawm a. Kei pawn ka chelh duh ta lo.



Tlaiah min rawn lam tur thu sawiin a in khalh chhuak a. Kei ni monu thlah in kan ri laih laih a. Tei te nen a u te room ah kan awm a. Mopa leh a thiante pawh an rawn lut nak nak a. Kan ri leh huk tawh.



" Khaw nge i bodyguard kha? " Ka bul chair a rawn thu thla in Muanpuian a rawn ti a ka ner nang.


" An haw a nakinah min rawn lam leh ang. " Ka ti tha ve mai. Thian anga in en kan rem ti ve ve tawh a mahse Zorinpuia a thik lutuk hi hnaih vak a biak that vak ka duh lem lo.



" Semester khat chiah ka u ai i kal dawn tih ka lo hria a. Enge hna dang i ngaihven tawh em? " A rawn ti a. Nui chungin lu ka thing leh mai a. Chu mi atan chuan thla tam tak a la awm bawk a. Ka phone a rawn rik takah chuan corridor lamah chuan ka chhuak phei a.



" Pawnah ka nghak che a nia. " Call ka lak rual in Zorinan a rawn ti a. Khya pawh a thim vek tawh. Inchungah kan awm daih a. Ka chhuah nghal tur thu sawiin phone chu ka off a. Room ka lut leh chu Tei ka zawng a ka hmu zo thak lo leh nghal.


A cousin pakhat hnenah chuan ka haw san mai dawn thu hrilh a. Inhnuaiah ka chhuk pawn ka zawng ru deuh a mahse a vang pharh mai. In atanga ka chhuak chu kawngpui thlang lamah Zorina motor chu ka hmu nghal a. Rang zetin ka pan phei a. Mahse an bul ka thlen hma chiah chuan passenger seat lam chu a rawn in hawng a. Tei a rawn chhuak hlawl mai.



Imchhungah khan ka zawngkual vak a mahse a ni chu pawnah a lo awm daih a. Chu mai pawh ni lo in enge Zorinpuia motorah sawn a ti reng reng ni?



❤❤❤ ka van fel em zan zawn2 in ka rawn dah a nia 🤣 kei mah chu fakin awm rawh se😛😛chuan like, cmt leh click theihnghilh awi loh aw. Chuan a tawp nan ka youtube channel hi ngaithla ngai lo mah u la min lo va subscribe sak ve u la 😁 in fel viau chuan kan in bonus zeuh2 tawh ang. Link👇

https://youtube.com/channel/UCWGYloevTHamigxfUeGxVGg



Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » September 28th, 2021, 6:53 pm

CHAPTER - 26 🌼 by Amy Cck



" U Zualte pawnah enge i tih a? U Tei hi i lo hmu em? " Rawn ti tu chu ka en vat a. Tei cousin hmeichhia kha a ni tih ka hre nghal.



" Aw... Tei chu.. " Tiin hma lam chu ka hawi a mahse Tei hmel erawh hmuh tur a awm leh tawh miah lo a nih chu.


" A U in mo puan thenkhat kha a hmu lo a. U Tein a hriat kan ring a. " Tiin eng eng emaw a sawi zawm leh niah niah a. Kei pawh chuan nichin lawk a Zorinpuia motor atanga a rawn chhuak ka hmuh avang khan a awm hnaih ringin ka hawi kual ve ruai tho.



" Nichin kha chuan ka hmu maw le. " Ka hriat tham lek chuan ka ti sap a. Ka sawi zawh rual deuh thaw chuan ka phone a rawn ri a. " Hei a lo call. " Phone screen en pah chuan ka ti zui vat. Kimtei pawh chuan min en ve vat a. " A awmna zawt teh aw. " A rawn ti sa sa.



" Khawnge i awm? " Phone ka lak rual chuan a rawn ti lang lang a. Eki mai mai chu a, ka sawi tum min sawi khalh daih zui leh nghal.


" Kawtah, khawnge i awm zawk? Heii... Kimtein a zawng che a. Mo puan chung chang vel niin ka hria. " Pangai tak chuan ka ti let a.


" Roomah ka awm reng a lawm. Puan chu kan hmu tawh a, enge kawtah in ti a lo chho ru mo puan an sem dawn tawh a nia. " A rawn ti let daih chu ka hawi hai chiang teh e. Pawnah khan ka hmu reng sia.



" I bo daih a ka rawn zawng che a. Bakah haw mai ka rilruk tawh a. " Ka ti leh a. Pawn a chhuak lo ang hmak a a in sawi chu kei mah zawk hi ka hawihai der mai. Ka hmu chiang mai sia nichin khan.



" Haw maw? Mahse engtin.... Lo lut leh phawt la puan an sem zawhah kan haw rual dawn nia. " A rawn ti leh daih. " Kimte, puan chu an hmu tawh a. An sem tep tawh a nih chu lut ve nghal mai rawh. " Ka bul a Kimtei ding chu en in ka ti a. Bu nghatin a kal sawn zui ve mai bawk.



" Zorinan min rawn hruai dawn a. " Ban deuh chat hian ka ti a. Engvanga Zorina hmu lo ang hmak a awm nge a nih pawh ka hre thiam lo. Tun tum Tei nen a kan in bia chu a thu sawi leh ka mit a ka hmuh dan nen a in mil loh em vang nge ka nel lo riau a nih chu.



" A nih chu, ka rawn chhuak thei tawh si lo a, ka thlah lo mai ang che. Zorina kha min lo mangtha rawh aw. " A rawn ti zui leh nghal. Henu hi enge hetianga a awm tak vak pawh ka hre thiam lo. Tun a a thu sawi ho kha chu dawt tih hi ka chiang hlawm lutuk a chhan pawh chhang tha lem lo chuan " Ka kal dawn, ka dah a nia. " Tiin phone chu ka off zui nghal daih.



Kawng chhak lam a ka awm miau avangin muang changin kawng chu ka kan a. Midang pawh an awm ve nak nak tho. Zorina motor dinna lam chu ka pan a. A motor en reng pah a ka kal lai chuan ka phone ken lai chu a rawn ri a. Hming in ziak ka hmuh rual in ka thaw hak. Zorina call chu ka chhang nghal bawk.



" I la rawn chhuak lo a mi? " A rawn ti sup.


" Chhuak e. " Tih zawngin ka chhang.


" A nih khawnge i awm? " A rawn ti leh nghal a.


" Heta hi, i hmaah. " Ka tih rual in ka hma pen sawm vel a ding motor chu driver seat lam kawngka a rawn in hawng a. Zorinpuia hmel ka hmuh zui nghal a. A beng zawnah a phone a la ken vang nge a ban chu a lek kang a. Ka lam a rawn hawi rual in a nui tih ka hre thei.



' Ni e, Tein ka lakah zep a neih chuan Zorina hian min hrilh thei ngei ang. ' ti rilruin ka pan phei zel a. A coat leh tie a lo phel tawh a. Kamis kar leh kekawr dum dak thlurh nen chuan a lang fresh in a chhelo ngawih ngawih bawk.



" Ka rawn chhuak i tihna a rei tawh nen. " Motor hma ka thlen rualin ka bul a rawn dingin a rawn ti a. " Nia Tei ka zawng leh lawk a. " Ka ti ve mai a. Zorina hmel chu chiang zetin ka en a, a ni pawh chuan mit ti zim sun in min lo en ve bawk.



" I mangtha ve duh em?" Ka ti leh kher chu a hmui min tih sawih khum zauh a. " Luh kawi leh a buaithlak e mai hmu tawh lo mai ang. Kal ang le. " A rawn tih chuan ka awm chhung lam chu a rawn tawt nghal tun mai. Passenger seat lamah chuan min kai pheiin kawngka chu min pawh hawn sak a, kei pawh chu lawm lo ru zet hian ka thu lut ve a.



Motor hma lam atanga motor a rawn kal hual lai chu ngun zet hian ka en reng a. Driver seat a a rawn thut luh thleng in maw le. Ti nge Tei a mangtha duh leh duh loh ka zawh khan an in hmuh tawh thu min hrilh mai loh le. Kha tiang thil ho mai mai engvang a zep nge an nih le? Ka rilru chuan ka ti a.



" I tha em? I va nawm loh hmel ve. " Tiin a tlan chhuah hnu chuan min rawn bia a. Ka taksa che ak khawp in thawk ka la halh chu ka lam a rawn hawi vut.



" Ka tha . " Ka ti tawi tak chu min rawn melh zui ta reng. Kei erawh hma lam ka hawi char char a, ka mit sir erawh chuan ka en ru reng tho. Engtin nge ka zawhna neih hi ka zawh ang tih chu ka ngaihtuah roh roh a. Han sawi chhuah tawp chu tlawmah ka la ve ting tang bawk si.


" Zorin... " A lam hawi chuan ka ti hap. " Umm... " A rawn ti dut thung.


" Englo.... Nichinah tu emaw hmuh emaw biak i nei em? Ka sawi awm zia chu motor bul ka rawn thlen hma khan. " Ka ti leh hap. Min chhan dan tur chu ka hre chak tak zet.


" I rawn thlen hma in maw? Ka va hre lo ve, ka nei lo a niang. " A rawn tih chuan ka mal chung a ka kut chu ka hmer zui vak. Ti nge tha deuh a a sawi mai loh. Tei nen an in hmu tih sawi se chuan hahdam tak in ka awm a nga, a bak ka zawh chhunzawm tawh bik lo ang ka ti rilru kha a nia. Mahse a sawi duh miah loh chuan min run tak zet.



" Kimtei khan i motorah hmeichhe pakhat a hmuh thu a sawi a. " Ngawi zui mai lo chuan ka ti leh hram.


" A va mak awm ve. Kei chuan nangmah ka nghak che kha a nia. " A rawi ti let sup a. ' a tha e, zep i duh talh chuan ka zawt tawh lo ang che. ' ka rilru chuan tiin motor darthlalang chu ka down zui hmak a. Kawng lam chu ka melh zui hmak.



" A la hma tho bawk a kan inah kawi rih ang aw. " A rawn tih rual chuan " Ka duh lo. " Ka ti ram hmak. Ka in sum hman ngang lo, ka duh aiin ka aw ki kha a sangin a vin mah mah tih ka hre zui nghal. Zorina pawh chuan min melh zui vut mai.



" Aw le... I duh loh chuan ka ti lui lo che a nia. Ka piin a hmu chak ve thin che sia. In hrang in chan hnu hian I la rawn tlawh mumal lo em a. " A rawn ti leh mai a. Kei erawh ka thinrim ka puak keh mai ang tih hlau in ka heh ka pet zui nghek ringawt.



" I thinrim a mi? " A rawn ti leh sup a. Kawng kualah chuan stearing chu herh kual in min rawn melh pah zawk a.



" Ai... Ka chau deuh a. In a haw a mut vat vat ka duh. " Ka ti ta hap. Zawi muangin ka kaw chhung tawt lutuk tih zia awm tum ka thaw chhuak zui nghal hak a. " Lo hruai hma deuh che I la a tha tur a nia. " Tiin ka mal chung a ka kut chu a rawn hum hnan a. Ka la phu zuk leh nghal. Phun hlukin ka kut chu a hmer nghet zual sauh a.



Kan in kan thlen thleng in kan tawng tawh miah lo. A chhan pawh mit chhing in ka muhil der ngar ngar a. Motor a din dawt rual chuan ka meng chhuak ve chiah. Kawngka nem hawng a chhuah ka tum chu ka kut a la vawn reng a vang chuan ka melh leh ta nge nge.



" Engmah sawi lo a chhuah I tum a? " Mit ti zim sun a min melh chuan a ti a. Ka mood hi tunah rih chuan a chhe tak zet tih piah lam a ni.


" Muttui aw. Ka chau deuh a, mut nghal ka tum sia lo chhuak duh lo mai rawh. " Ka ti a. Ka nui lui hram hram bawk. Mahse ka kut chu thlah a tum hmel loh em em leh nghal.



" Vawin tlai chu I dik lo riau in ka hria. " A rawn ti leh sup. Ka mitah tak chuan min en tlang tum ni awm fahran hian min melh zui leh nghal.



" Ka sawi kha, ka chau deuh a. Chu zawng chu. " Ka ti leh mai a. Ka taksa erawh chu a tang ru tun mai.



" A tha e, awi chiah lo mah I la ka ring mai ang che. Mahse I chhuah hma in goodnight kiss chu ka phu ve in ka hria. " A rawn ti a. Ka lamah chuan a rawn awn hnai nghal ruai ruai a. Mahse ti nge maw ni, ka hreh deuh tlan zanin tlai chu. Dawt min hrilh tih ka chian em vang pawh a ni mahna. Mahse ka vannei ka ti dawn nge ka thutna lam glass chu a rawn ri kerh kerh a. Ka hawi phei a Mama a lo ding reng mai. Zorinpuia chu phun hluk in a thu tha zui nghal a. Ka thaw halh mai.


" Ka chhuak ang aw, mangtha le. " Tiin kawngka chu ka hawng rawk rawk a. Ka chhuak zui nghal bawk.


" Mangtha u. " Tiin Zorina chu a tlan chhuak zui nghal a. Mama nen hian an la in be mang lo. Zorina a rawn len pawh kam khat mah in an in be lo a tih theih ang. Mama nen chuan kan in lam pan in kan in zui thla a. Tawng pawh ka tawng chuang lo. A ni pawh a ngawi ngul a.



" Ka rin aiin van rawn let hma ve? " In chhung kan lut chu a ti a. Thuthlengah chuan ka thu thla hnak mai.



" Mo kan thlah a, kan rawn haw nghal a lawm. Chaw I ei tawh em? " Ka ti zui nghal a. Lu a rawn bu nghut mai.


" A that chu, ka chau a ka mu nghal dawn a nia. " Tiin ka tho chhuak a.



" Naktuk atangin dawrah ka thawk dawn a, thawh hma kan ngai a nia. " A tih chuan ding leh datin ka en leh nghal a.



" Thawhna I lo hmu tawh a maw? Chuan computer class chu engtikah maw I tan dawn? " Ka ti let halh.



" Vawinah ka be fel ve chiah dawr chu. Class chu a zawm theih reng tawh a mahse kar thar atang law law ka zawm ang. Zan lamah dawr ban fel hnuah class chu ka la ve thung ang ka tia. Zingkar lam chu ka thawh peih ka ring lo a. " A rawn ti leh mai a. Lu ka bu nghat.



" A that chu, ka mu dawn ka chau nghulh mai. " Tiin roomah ka lut a. Ka in thlah sawk sawk a. Inbual harh leh lawk tum in bathroomah ka lut leh a. Ka chhuah leh chiah chu ka phone khum a ka dah chu a lo ri ral ral mai. Tunge tih ka en a Tei call bawk. Missed call pathum a lo awm bawk a. Pahnih chu Tei tho a nia, pakhat erawh chu Zorinpuia a ni thung.



" Hello. " Ka ti sap.



" In thleng tawh em? " A rawn ti nghal vat a. Kan thlen tawh thu in ka chhang ve mai. Tei pawh hi ka be tui lo riau. Chhan lutuk awm si lo hian ka thin hi a rim hlur a. Enge ka ngaihtuah pawh hi ka hre thiam bik lo.



" Zorina a la awm em? A awm chuan patea te rual in ka rawn leng a nga, Zorina rualin ka haw leh a nga ka ti deuh a. " A rawn ti lang lang chu ka sa ta phat.



" Leng lo, min thlah a a haw leh nghal. Enge Zorina pawh chu i tih chhen a? " Ka ti ta nghek. Tei chu a reh zui vang vang mai.



" Ti nge i thinrim chiam a. Eng emaw vangin naktuk zingkarah khuaah ka chho dawn thut a. Thla leh daihah ka rawn chhuk tawh dawn sia. Vawinah kan in kawm lutuk hman si lo a, chuvang a nia. " Inthiam loh hmel zet hian a rawn ti a. Thaw halh in khum tlangah chuan ka thu thla dat. Ka vin nghek sia nuam lo a ti tih a awah lah a chiang reng mai.



" Tihpalh, vin che kha ka tum lo a nia. Ka lu a na deuh a chuvang chuan.... " Ka tih lai chuan " I period dawn a niang! Eng pawh nise haw hma a hmuh leh che ka duh mai a nia. Vawinah lah ka thlah hman ta si lo che a. " A rawn ti leh mai a. Vawin tlai a rawn sawi leh rual chuan Zorina motor atanga a rawn chhuak kha ka mitthlaah a rawn lang nghal zat. An pahnih hnih in an zep zui chu a nia.



Kan in biak zawh chuan thaw chhuak hakin ka phone chu khumah ka dah a. Ka sam tuamna towel chu pawt thla in ka ngawi vang vang mai. He mite pahnih hian min lo bum rem em ni le. Tei lah in Zorina a ti reng a. Apuii leh Muanpuia ang khan ka hnung lamah min lo bum reng em ni le.



" Hmangaihzual ngaihtuahna tha lo pu suh. " Ka lu thingin ka ti nghat a. Mahse ka ngaihtuah chian poh leh ka rinhlelhna a zual sauh leh nghal. Kan in a kan riah hmasak ber zan pawn Tein a nih kha riak tur a dil sak. Chuan zingah lah ka thawh hma khan eng eng nge an lo tih lah tu hriat va ni suh. A hma ang chiah khan ka hnaihah awm in ka thian tha te ang a ka en laiin min lo bum leh reng zawk nge ni?



" Aa.... Ka a zo dawn. Zorinpuia hian min bum thei lo ang. " Ti hap in ka mu sawk sawk a. Ngaihtuah chhun zawm loh hram hram ka tum a. Ka mut hnu rei lo teah Zorina call a rawn lut ve leh a. Mahse ka chhang duh ta lo. Ka mu dawn ka ti tawh tho a ka mihil angah ngai zawk rawh se. A call la in chhang mah i la ka be tui tak tak dawn chuang lo tih ka hre miau a.



Call a tawp hnu rei vak lo a whatsapp message a rawn thleng nghal a. Screen rawn en pap rual chuan ka hmu thei nghal vek. Zorinpuia message vek an ni.



* i la muhil lo tih ka hria a nia*

* i thiannu nen pawh in in biak zawh chiah thu ka hria *

* duati *

* i muhil tak tak em ni ???? *

* muttui le... * tih zawng a rawn lut a.*


Zorinpuia hi chu ka ringhlel phal si lo. Nge ni a Tei hian Apuii ang khan min lo bum reng zawk. A hma pawn Muanpuia ka ngai dik lo tawh a, tun tum chu thu chiang ka hriat hma chu kan inkar hi tih tawp mai mai ka tum bik hauh lo ang.


*

*

" U ... Ka kal a nia. " Ka roomah mama rawn lut in a rawn ti a. Peih lo zet in ka meng chhuak a. Ka lu nat zia chu pui tak a ni. Nizanah lu na miah lo lu na ang in ka in sawi a, tukun zing chu a rawn na tak tak leh nghal.



" I na viau em ni? Damdawiinah kan kal zawk dawn a mi? " Min en chiangin a rawn a ti a, lu ka chet vat.


" Ka tha damdawi ka ei a nga min chhawk mai ang. I ni khat na tur a nia a chawlh chi nang. " Tiin ka thlah ve luam a.


" A nih damdawi chu lo ei ngei ngei rawh aw. Chaw pawh I thawh harh peih hunah ei bawk la. " A rawn ti a. A chhuak zui nghal a. Ka phone sana ka en chu dar 9 a lo ri der tawh. Whatsapp ah ka lut a Tei message chu ka hawng a. Zing dar 6 vel khan an chhuah thi min rawn hrilh a. Ka reply ve mai a. Zorinpuia pawh nizan a message zo zai hnuah * morning * tih a rawn thlen belh a. Mahse ka hawng ta lem lo. Tho chhuak in kawngka chu ka va kalh a, damdawi eiin room lam ka pan leh nghal a.



Puan chuan in khuh tha sauh sauh in ka muhil leh nghal daih a. Kawngka chum dawt dawt riah chuan ka phu zawk mai. Rei pawh ka la mu lo emaw ka ti kha chawhnu dar 1 a lo ri leh daih tawh nia. Ka taksa chu a sa huam huam a mahse ka kaw chhung chuan vawt a ti viau bawk si. Puan in ka lo in up thlan dup zui a. Ka khawsik ka tlun a ni ngei ngei ang.


Kawngka bawk an rawn chum leh takah chuan peih lo zet in ka tho chhuak a. Kawngka lam ka pan lai te chuan dawhthei lo tih hriat fahran hian an rawn sawi dawt dawt leh nghal.


Kawngka kalhna ka pawh thlak rual chuan pawn lam atang chuan an rawn pawt hrawk a. Ka lo in ring lo nen ka pai nak mai. Zorinpuia chu hlauhthawn hmel zet hian a rawn lang hlawl a. Min hmu chu a thaw zui hawk mai.


" I va rawn hawng har ve. " Tiin a rawn pen lut a. Ka hmaah chuan a ding khawng nghal luah mai. " Ka lo muhil a. " Ka ti ve mai.



" Ka call leh message engmah i chhang duh bawk si lo. " A ti leh hmuk. Ka lu nuam lo lutuk chu mit ka chhing sawk a. Ka thawk lah chu a sa huam huam leh nghal.


" Ka muhil char char ka tih chu. " Ka ti leh hlak. Dam chiah lo nen thintim sa deuh bawk nen ka aw chu a dam lem lo viau.


" Chhuan lam siam suh. Nizanah pawh i thiannu nen in in be zo chiah a ka rawn call che a mahse min chhang duh lo a. Zingah lah ka wish na pawh chhang duh lo khan i thiannu erawh i be thung a ni lawm ni. " A rawn ti ve hluk mai. A lo hre vek a nih chu, chuan chiang tak in a hriatna chu ka hre nghal bawk.



" Engvang nge tiang a I awm a? " A rawn ti leh hrawi.


" Engmah chhan a awm lo. Ka be peih rih lo che a nia. " Ka ti hmak. Thinrim tih hriat zet hian a tawh chhuak hawk a.



" Ka lakah I thinrim em ni? " Ka rin aiin a aw chu a dam. A rawn vin deuh hlur ka ring deuh a nia. A dam dup thung.



" Thinrim chhan tur ka nei em ni? " Ka ti ve hmak. Sawi hmasak hi ka tum lo bur.


" A nih chuan ti nge tiang hian I awm? " A ti leh nghut a. A aw chu vin lo mahse a lawm chiah lo tih ka hre thei.



" Ka sawi kha, ka be peih rih lo che a chhan dang a awm lo. " Ka ti ve hlak. Thinrim insum zet hian a thaw ri hrawi a. Ka ril a tam ve deuh bawk nen ka tha a zawi ve ngiai mai.



" Lo kal teh. " Ti a ka ban a rawn vuan chu ka thing thla hnawk mai.


" Hrep che chuan. I va sa ve. " A ti hluk a. Ka banah bawk chuan rawn vuan in min kai lut nghal dawr dawr. Ka thin thlak leh ring ni awm fahran hian min vuan nghet leh nghal.



" I khawsik a san hmel hle mai. Khawnge damdawi I dah. " A rawn ti a. Chhuar chhungah tiin ka chhang ve mai a. Tui nen min lak sak in min ei tir a. Tah chhuak ru tun in ka awm a. Hreawm duh tak a ni.



" Engmah I la ei lo a ni ti raw? " Damdawi ka ei zawh chuan a rawn ti a. Chhan pawh ka chhang peih lo.


" Duati... " A rawn ti leh sup.


" Ka tha, tumah ka be peih lo nang pawh let tawh rawh. Mut ka duh a nia. " Ka ti leh hmak. Riltam, khawsik, luna nen ka awm chu a khur ru dar dar mai. Tawng leh ka tum rual chiah chuan kawngka lamah thawm a awm avangin ka tawp leh hmak a. Mama a rawn lang hlawl mai.


" I tho harh thei a. Ka ngaihtuah lutuk che haw ka rawn dil tawp a lawm. Zorinan kawngka chhung lamah a in kalh tlat tih min rawn hrilh sia. " Tiin a hlauhthawm hmel ve ngang mai.


" Ka lo muhil tui deuh a. Damdawi ka ei a, ka va mu leh a nga ka zia mai ang. Nang pawh let rawh. " Tiin ka tho chhuak zui nghal daih a. Ka muhil ka thawh leh chuan ka nuam ve ta deuh a. Maman eirawng a lo bawl a. Zorina erawh a haw tawh a nih ka ring.


" U... In in hau a mi? " Chaw kan ei laiin Maman a rawn ti a. Ka chhang lem lo. A ni pawn engmah min zawt belh bik lo. Mahse zanah Zorina a rawn lang leh tho a. Tei nen ka rinhlelhna chu sawi ka duh viau a mahse a lo dik loh khan ka thiannu, ka best leh ka engkim ka hrilh thin lak a rileu chhia puah min ngai a nga, chu chu ka duh bik si lo.


Ka damloh bakah ka period tur thin chhiaah ka puh ringawt a. Zorina pawn engmah a sawi zui lem lo. Tunah rih chuan ka la en liam thei ang. Bakah thil sual an ti pawh a ni lo a. Ka lakah an thup ve ve vang leh a hma a ka lo tawn tawh nen a in an em vang in ka hlauthawng leh thikthu chhiaah ka pu ta ringawt a.


Ni a liam ve zel a. Engmah ngaihthat lohna tur ka hre lo tial tial bawk. College pawh kan tan leh tawh a. Zorina ka chik a ka belhchian pauh leh hmeichhe dang a melh loh zia ka hmu a. Ka rilru pawh a hahdam leh tan deuh. Tei pawh khuaah a la awm reng a. Kar tharah a rawn chhuk tawh dawn tih a sawi zuai tawh bawk.


" Tak in Zual... Hruaia nen hian tinge tiang hian in awm a. A biak che lah hian i be tha let ngai bawk si lo. In inkarah ka ding a, hreawm ka ti. " Canteen ah kan chawl a. Hlimi chuan thil ei pah chuan a rawn ti a. A sawi dik lo lem lo class kan tan leh a chin hi ka be hmasa miah lo ang a nia. Biak chakna ka nei lo ang chiah in biak chhan tur lah ka nei lo.


A hma anga thian anga en leh tur in ka thei tawh si lo a. A mah hi chuan min be ve leh zauh zel thung.


" Engmah a ni lo. " Tiin ka chhang a. Mahse a awi lo bawk nen, bakah lo in kawm nel ve ta lai leng chu a farnu Zikpuiin reunion kan neih a min tih zah kha ka hrilh a. Ka biak peih tawh lo thu la hrilh tel hmak bawk.



" Kan lo thu ve, in pal em miss. " Rawn ti tu chu Teibawihi a ni. Dawhkan ruak a awm tawh lo bawk nen an thian thum chuan an rawn thu a. Thil an sawi siam siam a. An tawng duh phian hlawm mai. Tebawihi pawh hi ka mil teh chiam lo a, mahse ka naupangte an nia biak chhiat ngawt chi lah an ni lem lo bawk nen an ti ti chu kan lo zawm ve zeuh thin.



Ka phone rawn ri ah chuan ka bag chu ka hai rak rak a. Screen a Zorinpuia hming ka hmuh chuan ka la nghal vat.


" Vawin tlai chu ka rawn hruai thei dawn lo che a. A pawi viau em? " A rawn ti ve reuh a. Class kan tan a chin hi tlai lamah hian min thlah haw thlap thlap a. A hma ang tho khan an ban hma pawn min rawn hruai turin a rawn kal leh loh leh min lo nghal ngat ngat thin. Zing lam erawh a chang zauh zauh in kan kal rual a. Maman hna a kal rual hian min thlah kawi mai zel a. A lo rem bawk nen, Zorina pawn a sawi sel lem lo.



" Pawi lo e mahse ngati nge? " Ka ti let a.


" Ka pi hi a tho nuam vak lo a. Ka pa a zin leh thut sia ka awmpui ta sia. " A rawn ti a, kei pawh tlaiah ka pen kawi tur thu ka hrilh let ta zawk a. Midang an awm ve nual vang chuan kan in be rei lem lo.


" Miss... I phone kha Zorina lei sak che a ni em? " Phone ka be zo chu Tebawihin a rawn ti a, melh ha in lu ka bu nghat.


" A nih chuan.... " A ti fan raih a. Phone nen chuan min la en tawn zak zak leh nghal. Enge a hriat reuh ni.


Hlimin kal a rawt takah chuan kan chhuak hmasa a. Ka pi ka ngaihtuah avang chuan Hlimi hnenah period in thleng ka sawm tawp a. A lo rem ti ve mai bawk nen ka tum aiin ka haw hma ta hlauh.



Taxi in Zorina te in lam chu ka pan a. Gate bulah chhuk in Doorbell ka hmet a. Mamin min lo hawn ve nghal a. Ka pi chanchin ka zawt a, a muhil tiin min chhang thung. Zorina hmuh ka in beisei nen a reh viau thung a.



" Khawnge Zorina hi? " Ka ti ta nge nge.


" A roomah a niang. Inleng a nei a. " A rawn tih chuan a ngaihna hre lo zet in ka en thung.


" In leng maw? " Ka ti haw.

" Aww... Nang pawn I hria ang. Kha... Heta I awm lai pawh a lo leng ve zauh thin I thiannu kha. " A rawn tih chuan Tei lo thian ka hruai luh la hre si lo a. Ka rilru a phir leh vek tawh. Tei te chu khuaah a la awm khan ka hre sia. Nge a lo chhuk leh tawh zawk.


" Zorina roomah maw an awm? " Ka ti leh hram. Mami chu a rawn bu nghat a. A tha e, min bum a nih chuan tun bak a kut in man hi a awm chuang lo. Ka nat leh ka na a nga. Mahse bumna ata ka chhuak dawn tal a lawm tiin inchung panna stepah chuan ka pen chho zui nghal hlak hlak!



* ZAWMNA *


Inchung ka thleng chho a, Zorina room lam ka pan zui nghal a. Ka rilru chu a hman hmawh a mahse room chhung a luh erawh chu ka huphurh ru tun thung. Room pawn chiahah chuan ka ding ran a. Thawm erawh chu a reh tlawk tlawk thung a. Ka taksa tang tun tih ziaawm tum in thawk ka la hak a kawngka chu ka nem hawng ta riai riai.



Room chhung chu a lo ruak huau a. Tumah an awm lo nge, a reh hian a reh duk mai. Mami khan inchungah an chho thu kha min hrilh ngei bawk sia. Mahse Tei chu sawi loh Zorina tak ngial pawh hmuh tur a awm lo. A tu a zawk mah an lo awm lo chu ka lawm nge ka thinrim pawh ka in hrethiam tawh lo. Thaw hak in roomah chuan ka lut tlang a khum tlangah chuan ka thu thla dat a.



" Eng thil nge ka ngaihtuah tak ni?" Ti hap in ka sam chu ka hui chho hap a. Ka thiannu leh ka bialpa ka ringhlel chu a nia. An mah nin hria se chuan min hua in ka lakah an lungawi viau ngei ang. Ka rilru thenkhat chuan dik lo ka in ti a mahse thenkhat erawh chuan an ringhlel tho bawk si. Kei mah leh kei mah chu ka in ngaihtuah buai a ni ta ber.



Ka phone rawn nghawr dar dar chu ka bag atang chuan ka la chhuak vat a. Zorina a nih avang chuan ka la nghal vat bawk. " In bang tawh em? Ka rawn hruai dawn che a mi? " A rawn ti a. Bang a sana ka en chu dar thum leh a chanve a lo ri der tawh a.


" Umm... Bang tawh mahse hruai ka ngai tawh lo, ka rawn thleng tawh a mahse inah i awm lo a. " Ka ti let ta thung.


" I lo thleng tawh maw? " A rawn ti nawn ve sup.


" Thleng tawh e, i roomah ka awm a. " Ka ti ve mai. Tei nen an awm dun lo chu ka hahdam huaiin ka hria. " Inchung zawlah ka awm reng a lawm. Ka rawn chhuk ang. " Tiin phone chu a dah a. Kei pawh ka thutna atang chuan tho chhuak in room kawngka lam chu ka pan a. Room pawn lamah chuan ka lo nghak ta thung.


Step rawn chhuk thawm ka hriat rual in hmeichhe nui hak hak ri ka hria a ka hawi nghal vat a, ka lam pan a Tei leh Zorina rawn phei chu ka melh ta ngawt ngawt. Min rawn hnaih zel a mahse kei erawh ka che sawn miah lo. Tei a awm dawn tih chu hre deuh tho mah i la ka hmu chu min thawng tho.



" I mit a tla a nge. " Ka hma a an rawn din rual in Tei chuan a rawn ti a. Nuih pawh ka nui lui thei lo, a ni erawh a nui sang a. Zorinpuia ka en leh chu min lo nuih ve suk.


" Khuaah i la awm a maw ka tia? " Ka ti chhuak ta nge nge.


" Vawinah ka rawn thleng thla chiah. " Awlsam zet chuan a la rawn ti zui a. Vawinah a rawn thleng a chuan hetah hian a leng nghal tihna a nia. Ka awm lai kha chu nise engah vak ka ngai lo ang mahse ka awm tawh miau lo a, a len chhan tur hi ka hre tlat lo.


" A ni maw? Mahse enge hetah i tih? ” ka tih leh hram. Tei chu a hlim hmel viau a kei erawh ka thu tak ang reng viau thung.



" Kawnah Zorina nen kan in tawk a, heta kal tum pawh ka ni chiah lo, mahse i rawn kal dawn tih Zorina hian a sawi ka lo nghak che. " In ti thei zet hian a rawn ti a. Za lo fahran chuan ka nui ve ta ngawt.



" Hrilh lawk lo che a lo surprise che ka tum a, mahse mak i tih hmel vak loh. Ti raw Zorin? " A rawn ti leh nghal sap a, a kiu in a sir a Zorina ding chu a nghawk nghal zeuh bawk. Zorina chu ka en chho a, hmui ti sawi zauh in lu a lo bu nghut.



" Ka rawn thlen in mamin min hrilh nghal a. " Ka ti a. Sawi tur pawh la hre lo, heta a awm chhan chu min lo nghah vang a ni a, a lo chhuk leh tawh tih min hrilh loh chhan pawh min thawn thut a duh vang a ni bawk a. Mahse ka chhung lamah hian thinrim riau na ka nei thung bawk si.



" A nih vel chu a. Mak i tih ka rin nen. " A ti zui niah niah a.


" Ka pi chu ka la mu a mi? " Zorinan a rawn tih chuan ka hawi a heu mai. " Ka pi maw? " Tiin ka dak deuh haw a. Lu a rawn bu nghut. Ka pi ka la hmu lo tih ka hre chhuak chiah kei mi mawl hian. Ka pi damloh vangin hetah ka kal a. Mahse mamin Zorina leh Tei an awm a tih vangin ka pi hre chang lo lek in ka awm chu a nia. A atthlak tak zet.



" A... Englo... Mami khan a muhil a ti sia ka la hmu lo. Tei a awm a ti bawk nen ka rawn kal hmasa a. " Tang deuh tung chuan ka ti a. Ka awm dan chu a mawi lo tak zet. He mite pahnih ka rinhlelh a eng emaw hmuh ka in beisei vang in ka pi damlo ka mangnghilh daih chu a nia.



" A nih chuan chhuk i la, a harh tawh chuan damdawi ei tur a nei sia. " Zorina chuan a rawn ti a. Ka ngaihtuahna an hrethei lo chu a lawmawm lamah ka ngai ta zawk. Stepah chuan kan in zui thla a. " Inchung zawlah nghah pah che in nilum kan lo ai a. A nuam reu tak tak. " Tein ka bana rawn kuah pah chuan a rawn ti a. Chhan pawh ka chhang lem lo.


Inhnuai kan chhuk thla chu ka pi pawh a room atang a rawn chhuak liai liai mai. " Ka mu nileng lutuk a ka taksa a na tlat. Ehe... Zuali te thian dun chu in lo leng a law. " Min hmuh rual in ka pi chuan a rawn ti a. Nui sangin kan pan phei a. Sofaah chuan a thu a kei ni pawh kan thu ve nghal.


" Zorinan i damlo tih min hrilh a, ka rawn kal nghal a nih hi. Khua a la lum si lo a in ha lum lo in i leng chhuak a ni maw, hritlang te i kai a. " Ka pi en chuan ka ti a, nui chungin vawt a tih vak loh thu in min chhang a.



" Pi i taksa chu ka lo hmet dawn a mi? Ka thiam teh a nia. Kan khuaah ka pi pawh hi tha na a nei a ka hmet zia a lawm. " Tiin Tei chu a ding hliai a, ka pi sirah va thuin a dar leh ban vel chu a hmeh sak mawlh mawlh a. Zorina chu a lo nui suk mai.



" I thiam tak tak hle mai a. Zualtei te college ah a mi i thawh ve dawn a. " Ka pi chuan a ti a. " Ai... Kei chu naupang nawi deuh deuh ho ka en kawl dawn. Lehkha pawh an la zir chiah lo. Ka chhungten min lo biak sak a nia, tah chuan ka thawk ang. " Tei chuan a ti let vat.



" A nih chu, Bawihpuia nu pawh kha a thawk ve thin a sin. " Ka pi chuan a ti ve mai a. Ka pi leh Tei in nel zet a an in bia te chu ka thik ti tih der nia. Ka ngaihtuahna hi a kawi zawng vek in a kal tawh. Thaw halhin ngaihtuah na dang pu duh lo in ka bula Zorina thu chu ka en a, a phone a lo en daih thung. A lam ka hawi tih a hriat chuan min rawn melh ve nghal a.



" Chaw ei rawh aw. " A ti sup. Kei erawh lu ka thing nghal vat. " Mama dawr atanga rawn haw a rawng in bawl chawp tih chu a khawngaih thlak. Chutah computer class kal a chhuah leh a ngai thin sia. " Ka ti vat a. Chal ti chuar tup in a hmui a ti sawi zeuh a.



" Pi Mama bia la heta chaw ei tur in. A nau tel lo chuan a ei duh bawk si lo. " Zorina chuan ka pi te lam hawi vut in a ti a. Ka melh nghal rawm.



" A tul lo e mai aw. " Midang hriat tam loh chuan ka ti hlak a. Zorina lah chu a la nui suk zui. " Keiin ka tih chuan a suh dawn si lo a. Ka piin bia se a hnial ngam lo deuh ang. " A la ti ham ham zui.



" Biak tur a nih chu. Ei nghal vek rawh u. Nang pawh Tei ei nghal rawh aw. " Ka piin a tih chuan Tei chuan a hnial nghal vat. Mama biak a tum chuan kei man ka be mai ang ka ti ta ringawt.



Tei haw dawn chuan ka thlah a, pawn atanga ka thlir liam pah chuan Mama ka call a, heta chaw ei tur in mahse a thiante inah a ei tur thu in min chhang thung. Kei pawh ka ti lui duh ta bik lo a. In chhung ka luh leh chuan ka pi chu inchung zawlah hawi khaw thawng tur in a lo chho daih a. Choka lam a ka lut chu Mami chiah a lo awm leh nghal.



" Bawl pui i ngai em? " Ka tih chuan a bawl zawh vek tawh thu a la sawi zui. Choka atanga ka chhuak chu Papuia office atang Zorina a rawn chhuak hlawl a. Min rawn hmu chu min rawn pan nghal vat.


" I thlah zo tawh a mi? " A rawn ti a, lu chu ka bu nghat. Ka kutah min kaiin inchung lam min pan pui a. A room a kan luh hnu chuan ka melh nghal vat.



" Tunlai hi Tei nen hian in in mil riau in ka hria. " Room thil en kual dan dan pah chuan ka ti a. Ka beng leh mit erawh Zorina lamah ka chhi kar.


" A ni maw? " A ti duh chauh leh nghal. A chang a a tawng bul thei lutuk hi a huat awm lek lek zel. Engmah hi a dawp thei ngai loh an tawng tlem na na na hi chuan.



" Zorin ka.... " Ka tih rual chuan ka nghawng chu a rawn hit thler a. Phu zawk in ka khawih nghal vat. Thi a ni tih la hre zui nghal a.



" Hei hi enge? " A lam hawi chuan ka ti sap. Nui suk in a nghawng chu a khawih a, a ni pawh chuan a lo awrh ve bawk a. Ka en chiang chu love phel niin ka hria.


" Thil pek. Ka ngaihtuah a engmah hi ka tih sak ngai lo che a. Thil pek pawh ka la pe lo che a. Chuan ka ngaihtuah a... " Sawi zawm lo chuan a nui suk a. Ka nghawng a thi chu a rawn khawih a.


" Phone min pek tawh kha. Tunah pawh ka la hmang reng a lawm. " Ka ti vat. Lu thing in ka ka sam chu ka darah a hui liam a. Ka nghawng chu a melh ngur a.


" Kha thil kha chu thil pekah pawh ka ngai lo. " A ti hluk a ka nui sak thung. " Ka sawi dil ti raw, phone kha chu i la lo a nih chuan ka paih ang ti lo i la chuan i lak pawh ka ring lo. " A ti leh hmuk. Nui chungin lu ka bu nghat a. Darthlalang hmaah chuan va dingin ka thi awrh chu ka en kual vel a. A simple a mahse ka duh zawng tak a ni thung.


" Ka duh tak zet. ” ka ti sap chu a nui leh mai a. " Dawt min hrilh em lo e. " A ti ri chu ka hria a ka hawi let vat.


" Engmaw i sawi? " Ka ti chuan lu thing in min rawn pan a.


" I thiannu khan hetiang hi i ngaina tih a sawi a. A tir chuan zungbun ka tum zawk a mahse ' a lang sar e mai, mi hriat a in zui in ni si lo a a bun duh lo ang' tiin min hrilh a. " A tih chuan ka thi awrh lai chu ka hmer vak.


" Enge chutianga a sawi ve ringawt a. Engvangin nge ka bun duh lo ang. " Ka ti vin ta hlar. Ka tawng dan vang nge Zorina chuan min melh chhuk ngur a.


" Ngati nge nang pawn a ni chu i rawn kher a? Hei thi pawh hi nang ma thu a lei I nih loh chuan ka duh lo. Kha... La let rawh. " Ti phiar phiar in ka nghawng a thi chu ka la thla a, ka phelh lawk thei lo zui leh nghal chu ka thinrim hlur mai.



" Enge maw I tih le? Duh tawk te! " Ti hrawk in ka ban chu a rawn man bet a, a kut chu ka thing thla hnawk.


" Ti nge i thinrim vak a, huat tur engmah a awm loh kha. Ka duh a kei sak che a enge thinrimna tur awm? " A rawn ti ve ta hluk. Kei erawh za lo fahran in ka nui hak.



" Ni e, i lei chu a nia mahse i thlan a ni hlei nem. Nang chuan zungbun i duh a mahse Tein thi a tih vangin thi hi i la zawk tih chiang reng. Kei chuan ka duh lo, i duh leh a thlang Tu zawk chu va pe rawh! " Ka ti chhuak ta nghek. Ka thinrim lutuk chu ka thaw hrak hrak a. Zorinpuia hmel erawh hrilhhaina in a khat thung.



" Enge i hriat a? Thu i la kawi a nih kha, huat tur engmah a awm loh kha. " A rawn ti a. A hrilhhai hmel pawh a la bo chuang lo.


" Thu ka la kawi maw? A lo nih vel tak chu. Kha... Hei hi la rawh ka chhuak dawn. " Tiin thi chu ka lek chhuak a. A ban mai loh avang chuan a awmah chuan a vawmin ka vawm a. In her a kal ka tum chu ka ban rekah a rawn vuan chawt.



" Engvangin nge awm ze nei lo a thinrim i tum tal a. Thil pek che ka duh a, tumah thil pek ka la pe ngai si lo a, i duh zawng zawt in i thiannu ka bia chu huat tur a awm a mi. " A rawn ti vin ta tuar. Room chhung chu a khawk thei hial.



" Aw... Ka hua, enge va rawn chu a ngaihna? Min pek tur i hre lo a nih chuan kei mah min zawt mai ta che. Midang i rawn dawn ai chuan min pe lo la ka duh zawk. In awm dan leh in in hnaih sawt zia te hi ka hre thiam ve vek a sin. Hmeichhe dang rawn a thil min pek chu ka duh hlek lo. " Ka ti fak.



" I thiannu a nih kha. " Mak min tih hmel zet hian a ti hluk mai. " Ka thian a ni emaw ni lo pawh nise hmeichhia tho a lawm a nih. Chuan in nel tak a in awm a, ka lak a zep in nei dun te hi ka lawm in ring reng reng em ni? " Ka ti leh phiar phiar a. Ka thinrimna leh rinhlelhna ka up beh zawng zawng kha an rawn puak chhuak ni tak ber in ka hria.


" Nang hian i lo hre vek a maw? " A rawn ti sup chu mit chhing sawk in ka ner zui sak. A tawngkam chu tawi hle mahse min ti na tak zet. ' i lo hre vek a maw? ' min ti a nih chu. Ka rin thu mai a ni lo tih a chiang ta khawp mai.



" Dawt a nih ka ring kha ka lo a hle mai. Tunah chuan dawt a ni lo tih ka chiang ta bawk a, kan pahnih in kar hi tawp ka duh. " Tiin ka ban chu ka thing thla hnawk a. Kal sawn ka tum chu min rawn ban leh a mahse ka lo in ring lawk ka ti mai, kei mah zawk chuan ka kut chu ka vai nawk a, a biang a ri nghal chawr.



" Min khawih tawh hlek suh! Tenawm lutuk, engtin nge ka thiannu ngei lakah min phat san theih zawk. Ka haw ngawih ngawih che. " Zawi si vin bawk si chuan ka ti zui nghek!

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » September 28th, 2021, 6:54 pm

CHAPTER - 27 🌼 by Amy Cck



Ka hma a ding chu ka melh nghek a, ka bengna bawk a ka kut chu a hit chem chem thei hial. Chutiang chiah in Zorina hmai pawh chu a sa hat hat ang ka ring, a biang veilamah chuan ka kut thla lang in a sen hlar a. En pawh en rei duh lo in ka hawi sawn hmak.



Ka hawi sawn a ka mit a chet takah chuan ka biangah ka mittui a rawn luang lum thla pap bawk. Ka tah chhuak lutuk chu in sum in ka heh ka pet fan fan a. Ka mittui chu hmu mahse a hmaah kher hi chuan ka tap chhuak duh bik lo. Ka hnung lamah min lo bum a, ka thian nu nen leh nghal, â min lo ti ru thei ngawt ang. Chuvang chuan min nuihzat belhchhahna tur a awm chu ka duh lo.



Ka mittui pawh hian min tih tlawm tawh teh reng nen, a tah a ka tap chhuak a nih chuan min hmusit in min nuihzat zual ngei ngei ang. Zorinpuia thaw ri hawk ka hriat rualin ka lam a rawn pan hrut tih ka mit sir in ka hmu hman. Mahse kawngka lam a rawn in hawng ri rak a, ka pi aw ka hriat takah chuan ka mittui chu a ruk a hru sawk sawk in in bengdaih tum chuan thawk ka la zui ham ham a.


" Bawihpui i pa a lo haw tawh a, ti ru i chhuk ang u. " Ka pi chuan a rawn ti a. Zorinpuia erawh chuan min melh char char thung. Ka hmu reng a mahse hmu lo ang hmak a in herin ka pi lam chu ka pan nghal hmak a. Ka rilru chuan ka hman hmawh ang reng viau. Ka pi rual a kal hman loh ka hlau a ni.



" Ti nge i hmel chu a va dik lo ve. Thil thleng a awm a mi? Nge Bawihpuia nen in lo in hau zawk? " Room kan chhuah san hnu chuan ka pi chuan min en vang vang hian a rawn ti a. Ka tap tih thup tum in ka nui lui sak.



" Aii... Ka room hlui saw ka ngai riau a. En kual mai mai ka tum a mahse ka mitah bawlhhlawh ka ti lut palh a, Zorina min pui tur in ka va ti lawk a nih kha. " Ka ti vat a. Pangai tak a ka sawi thei chu ka lawm ru tak zet.



" Kha leh chen i lo awm ve tawh a, a awm lutuk a lawm. I duh leh zanin chu riak ve daih la. " Ka pi chuan a rawn ti a. Dawt ka sawi tih a hre lo chu ka vannei ka in ti tak zet bawk.


" Riak em em lo ang, Mama chiah a ni dawn sia a tih chi loh ang. " Tiin stepah chuan kan chhuk a. Ka pi lah chu a chek zui hlak.


" Tlangval a ni ve tawh a lawm. A mah pawn a riak ve ang chu. A nih loh pawn in unau in riak u la. " Nui chung a a rawn tih chuan ka nui chhuak ve hak.



" Nidangah kan lo la riak zawk dawn nia. Zing lamah Mama dawr kal a ngai ve sia. " Ka ti let vat a. Papuia kawngkapui atang a rawn lut ve chiah a. " E.... Zualtei chu i lo leng phei e law? " A rawn ti ve sup.



" Ka pi a damlo tih ka lo hria a ka rawn kan a mahse hei.... Chaw ei turin min ti leh hmak bawk nen ka hnial leh thei tawh lo. " Ka ti let vat a. Papuia pawh a nui ve suk suk mai.



" Riak nghal mai la, I pi hian a ngai riau che a nia. I rawn kal tha duh si lo. " Tiin sofaah chuan a thu thla a, ka lo hnial leh vat. Kan ti ti zui barh barh a. Nichin a thil thleng kha chu ngaihtuah loh hram ka tum thung.



" Ka nu enge vawin lam i lo an? " Tiin a hma a kan thutthlak rual chuan papuia bawk chuan a ti a. Ka pi pawn a ziaawm thuin a chhang a. Inchung lam atangin Zorinpuia chu a rawn chhuk thla a. Vawi khat ka melh zawk a, a bak chu ka en leh tawh lo hrim hrim. Single sofa ah chuan a rawn thu a. Papuia nen chuan an in bia ka ngaihven duh lo hmak thung.



Rei loteah zanriah kan ei a. Zorinpuia chu ka hma zawnah tak a thu a mahse hmu lo ang hmak in ka en kan thung. Zanriah kan ei zawh chuan Mami pawh tihpui lo in Papuia te bulah ka awm lui ngar ngar a. A chhan pawh Zorinpuia bulah ka awm duh loh vangin. Ka rilru hi na mahse na lo ang in leh engah mah ka ngai lo angin min hmu se ka duh.



" I pa te pawh an khua a har awm mang e, in unau a he lam a in awm chu rawn chhuk ve lam te hi an tum em? " Papuia chuan a rawn ti a.


" Tum lem lo a niang, ka pa phei chu a pension a hnai tawh sia helam a awm ai chuan huan siam te a nia a la rilruk. " Ka tih chuan ka pi a lo phun zui hlak hlak. " Chutiang siam siam a ngai lo, an upa tawh a awm mai mai rawh se. " A lo ti a. Papuia pawn " Nia an kum a upa ve tawh a a chi dawn a maw ni. " A lo ti ve sup.



" Mama nen pawh kan duh loh thu kan sawi a lawm. Chu ai chuan dawrah khian ka nu khi pui mai mai se an in hmeh tawh chiah kan tia. Ka pa hi chu a thu hi a duh thei lutuk a. " Ka tih ve luam. Ka phoneah message a lo thlen avang chuan ka ban nghal vat a. Min lo thawntu hming ka hmuh rual in single sofa a thu chu ka melh zui rawm.



* in bia ang. * tih zawng. Reply lo chuan ka phone chu ka hmet thim leh nghal hmak. A rawn thleng leh a mahse ka en duh tawh lo. Zorinpuia thaw ri hawk pawh chu ka hre reng. Mahse rei lo teah ka phone chu a rawn ri leh a Mama call a nih vangin ka la nghal vat.


" I haw tawh em? " A rawn ti sup.


" La haw chiah lo ti nge? " Ka ti let a.

" Rawn hruai i ngai dawn em ? Nge a rawn thlah dawn che. " A rawn ti let ve leh a, Zorinpuia ka en chu min lo melh ngur thung.


" Aw... I haw thei tawh a mi? " Tih pah chuan sana chu ka en a. Dar 8 pawh a lo la ri lo.


" Zanjn chu class a awm lo a. " A rawn ti leh mai.


" A ni maw? A nih chuan min lo hruai mai la. " Zangkhai zet chuan ka ti a. A rawn thlen vat tur thu sawiin call a ti tawp a. Kei pawn ka dah ve nghal mai.


" I nau a mi? A tan rawn hruai che a buaithlak mai mai a lawm, Bawihpuia thlah tur che in a awm reng a. " Ka pi chuan min en chung hian a rawn ti a.



" He lamah a rawn kal dawn tho a, a rem lutuk tho a lawm. Zorina ka ti buai mai mai zawk ang. " Ka ti ve kher chu rum nghutin a ding vut a, kawngka lam a pan nghal nul nul. A thlah mah hlauh nak a lai a Mama class kal lo tur chu ka lawm phian mai.



Rei vak lo kan ti ti leh hnu in Mama pawh chu a rawn thleng a, pawn a a awm thu a rawn sawi chuan ka pi te mangtha in ka chhuak nghal a. Gate bulah a bike nen a lo ding reng tawh chu ka pan nghal vat. Bike a ka thut kai rual in Zorinpuia rawn chhuak rawn haw lam nen chuan kan in tawk fuh leh nghal.



" Kal rawh le. " Tiin Mama bulah chuan ka phun sap a, engmah sawi lem lo chuan bike chu a ti nung a, a tlan chhuak nghal mai a. Darthlalang atang chuan Zorinpuia lan theih thleng chu ka en ta reng.



" Ngati leh ta nge? ' in kan luh rual in Maman a ti hluai.


" Ngati mah kan inthen. " Ka ti ve hmak. Laltlanhlua lah chu a la rawn nui huk leh nghal.



" Enge nuih zatthlak. " Ka ti zui hlar mai. Ka pi leh papuia te bulah chuan engmah ti lang ngam lo in ka nui sang a. Mahse engkim min hriatpui vek tu ka nau bulah chuan ka ti tau in ka in sawi thawl ngam ve tlat thung.



" Engpawh thleng se inthen in tum lo emaw ka tia! " A rawn ti leh kher chu ka melh nghek. Min mah thinrim rilru nat ve laiin lo lak fiamthu a tum chu la beng lawl dawn a maw ni.



" Khangte chu min bum tih ka hriat hma a nia, ka sawi peih tawh lo ka mu dawn. " Tiin ka room lam ka pan a. Room ka thlen rual chuan thaw hak in ka in thlak a. Naktuk class a mi tur ka in en lawk ve e ka tia mahse ka rilruah engmah a lut thei lo.



Ngati nge ka thiannu leh bawk? A hma a bum ka nih tawh vangin dik tak chuan thian pawh rei tak ka kawm mumal lo a. A kum fe chu tu ma min hriatpui loh in ka chhunglamah ka in khar khip tlat a. Nula ni ve chuan hriat a mual mual chu kan nei ve mahse tumah ka pawh tak tak thei tawh lo. Muanpuia leh Apuii kha college ka kal chhung khan ka kawm chawt a, bialpa leh leh thian fel tak an nih vang khan midang ka mamawh belh lem lo.



Mahse min bum tih la hriat khan an lak a ka lo in nghat leh lutuk kha kei man ka tuar ta vek a. Khua a ka awm hnu pawn ' chut, rual pawl lo ' nih ka hlawh reng a. Mahse Tei hian min ti lui fo a. Kohhran leh khawtlang thil tih khawm na a piang a min rawn sawm in, min kawm chawt a. Tette atanga in hria leh lo sei lian chho kan nihna laiah a mah vang hian rual ka pawl ve leh mai chauh zawk a.



Min sawn reng chuan ka hnial thei reng bik lo a. Ka chhungte lah in min lo nawr ve reng bawk a. Ngaihtuah let pawn a mah bak hi thianah ka ngai lo hial thin kha a nia. Apuii leh Muanpuia vangin thian kawm leh ngaihzawng neih ka hlauthawng tlat tawh a. Tei pawh kawm nasa viau mah i la a hma angin engmah ka thuruk emaw vel ka hrilh lutuk ngai lo.


Aizawla Zorinate in a ka awm hnu khan thil a danglam tan a. Muanpuian min bum lo tih ka hriat tak hnu phei kha chuan ka hriat miah lo in ka lo in thlah dul ve tan a. Tei hnenah pawh ka in hawng zai zual a. Muanpuian tih sual a neih loh thu te thleng khan ka share ve ta zel a. Chuan Zorinpuia nen a kan chungchang pawh ka zep miah lo a nih kha. Mahse ka hnung lamah min lo bum ve reng a. Ka mihuat berte tih dan in.



Apuii kha ka hua a mahse tunah chuan kha mi let khan Zorinpuia leh Laltlanchhungi hi ka haw tawh zawk. ' Nang hian i lo hre vek a maw? ' Zorinpuia khan a ti a nih kha. Kha bak a thu chiang kha a awm leh tawh pawn ka ring lo. Ka in sut hraih rualin ka hma zawn a lehkhabu ka keuah chuan ka mittui a rawn far thla fap a. Thaw hakin ka hmai chu ka tuai nghal thak.



" Atthlak lutuk. Hmangaihzual tap rual pawh i ni tawh lo. " Tiin ka phun sap a mahse ka mittui chu a rawn tling zui teuh. Sitting room lamah tawng thawm ka hriat chuan ka lehkhabu chhiar chu ka khup thawk a. Ding chhuak in ka pa nghal vat a. Mahse kawngka bul ka thlen chuan tawng ri chu Zorinpuia a ni tih ka hriat vangin room kawngka chu hawng lo in ka kalh zui ta daih thung.



" Ka biak hma chu ka kal dawn lo. " Zorinpuian a ti ri hrawi chu chiang tak in ka hre thei. Ka room kawngka lamah chuan pen thawm a rawn hnai a. Kawngka bul a ding chuan ka ngaithla kar mai. Ka room kawngka chu an rawn in kik a ka phu chiam leh nghal.



" U... Zorina a lo kal a. " Maman a rawn tih chuan ka thaw chhuak tawh pawn ka hre lo. " U... " Tiin a rawn kik nawn leh a. " Ka hmu duh lo haw tir rawh! " Ka ti lawi rat mai.



" A sawi i hriat kha. I be duh a nih leh phone hmangin be rawh. " Mama chuan a ti leh a. Koom lock na chu ka hmer vak thung.



" Ka phone call leh message chhang in en duh se ka be em em ang. " Titu chu Zorinpuia bawk a ni. An thu sawi ngaithla duh tawh lo chuan khum lam ka pan a ka mu ta hmak. An la in bia tih chu ka hria mahse an tawng erawh ka hre thei lutuk tawh lo.



In kam thlen atang khan ka phone ka off hmak a. A chhan pawh Zorinpuian a rawn call reng vangin. Engkim ka hria a ka man chhuah takah chuan a inthiam lo ve pawh a ni mahna. Mahse Tei engmah a la hrilh lo nge a ni chu a la reh hmak a. Nge ni a, Tei ka chhuah chhal a a rilru ka tih nat sak a hlau a engmah ti lo tur a min hrilh a tum zawk? Ka rilru chu a vak kual ruai mai.



Ka room kawngka chu a rawn in kik leh a " Tunge? " Ka ti vat. " Kei mah, kawngka lo hawng teh. " Mama aw chuan a rawn ti a. Ka mutna atang chuan tho in kawngka lam chu ka pan a. Kawngka bul a ding leh in " A haw tawh em? " Ka ti leh hram. A haw thu a sawi takah chuan ka hawng ve ta hram a. Mama chuan min melh chhuk ta run mai. Kei erawh ka mit bui lutuk nen ka hawi chhuak tha duh lo thung.


" Enge in awm zia hi? Zorina khan thu mak pui pui a sawi leh nghal. " A rawn ti a. Thaw hak in ka khum lam bawk ka pan leh a.


" Engmah a ni lo , bakah kan in then tawh. Tunah pawh khan a bialnu pakhat zawk thlavang hauh a tum vang a lo kal a nih ka ring. " Ka ti hmak.


" Bialnu pakhat maw.... " A rawn tih chuan ka ner nang. Sawi pawh hi ka peih lo, ka rilru na hi chu thu hran ka thin hi a rim hlur mai.



" Naktukah pangai takin in in be theih zawk ang tiin ka chhuah tir thei hram a. Bakah in inthen nge nangmah chiah in i then? " A rawn tih chuan ka lukham in ka vawm nghal tawlh.



" Enge... Zorina khan ' a man min then mahse ka la then ve lo' a ti che lawm le. A then ve loh che chuan nang a then ringawt chu engah mah a ngaih loh hmel. " Nui sawng a a rawn tih leh chuan " Chhuak rawh, ka mu dawn. " Ka ti teu hlar.



" Thinchhe hlek hluk si. Naktukah chuan Zorina chu be rawh a. A sawi dan takah enge thleng chu ka hre lo a mahse thil i hre sual zawk pawh a ni thei a. Thu chiang hriat hi a tha a nia. " A la rawn ti hram a. A chhuak zui nghal chu in sawh tau nghawng nghawngin ka mu zui hmak.


Tun a takah enge Zorina lam a tan ni. Hepa pawh hi " Rilru nghet lo lutuk " Ka ti hlak a. Tun tum chu ka tawrh dan hi a dang tlat, kei man ka man chhuah vang nge , ka rilru in a lo rinhlelh reng tawh vang in ka na lo zawk pawh ka hre lo, ka thin hi a rim hlur a, ka tawt tun a nih chu.

*

*

Zingah tukthuan ei zawh ve leh Mama rual in hma tawkah ka chhuak a, office ka thlen chuan kal pawh an lo la awm mang lo. Chu ta karah Hruaia a rawn thleng hma ve zui leh nghal. Kan pahnih chauh chuan kan thu ran a. En pawh ka en duh lo. An unau a ka lak a an chet dan kha theihnghilh mai mai theih pawh a ni lo.


" I va thleng hma ve. " Ka hma chair a rawn thu in a rawn ti a, za lo zetin ka nui ringawt. " Nia, ka nau rual a rawn kal a rem a. " Ka ti tawp a. Min be chhun zawm tawh lo se ka duh ru viau leh nghal.



" Hlimi khan in inluah hrang tih kha a sawi a. Rem changah inthar lawm a rawn len i phal em ang chu. " A rawn ti leh a, ka thaw zui hak mai.


" Enteh Hruai.... Nuam chu ka ti lo viau a mahse nang nen hian in hnaih kual vel hi ka duh lo a nia. " Ka ti ta thlawt. Za lo zet hian a rawn nui suk thung.


" I chung a ka chet dan vang khan min la hua a ni ti raw? " A rawn ti ta sup. " Chutiangin ka haw lo che, mahse a hma ang khan ka en thei tawh lo che. Chubakah Zikpuii vang pawh khan hnaih che ka duh tawh lo. " Ka ti leh hap. Ka college kal pui thinte hmaah mi pasal ngai zawng a, mi ngaihzawng chhuh sakah min puh in min beng kha a nia. Ka theihnghilh tawh pawn ka ring lo kha thil kher kha chu.



Tawng leh a tum rual in midang an lo thleng a, a ni pawh a kal sawn ve nghal a. Second period 3rd semester room a ka kal tur chu corridor pheiah Tebawihi te thian ho nen kan in tawk a, enge a hriat ni min la be ding ve reuh leh nghal.



" Zorina hi class a rawn kal dawn lo a mi? " a rawn tih chuan ka melh haw mai. " Ka hre lo le, kan awm ho tawh si lo a. " Ka ti liam puat. Lo kal lo se ka tih ruk mahnak a laiin. A thiante chu lo va kal hmasa turin a hrilh a. Chumi hnuah min rawn melh nghal ralh a.



" Cheng dun tawh lo mah ula i la in be reng ang chu... A ni lawm ni? " A rawn ti zawi sap a. A la nui sang zui leh nghal.


" Enge i sawi awm zia chu? " Ka ti let ve nghat.


" Ka hria lawm Zorina nen a in chung chang hi. " A rawn ti sam leh et a. Ka meng buai nak mai.


" I sawi tum chu chiang tak in sawi ta che. " Ka ti ram hmak chu min el sen zet hian a rawn nui ri leh hak.


" Zorina nen hian unau ni lo in, in inkarah hian thil dang a awm tih ka hria ka tihna a nih chu. Tu vak mahin an hre lo a nih hmel a. Zorina pi khan hre ta se engtin nge a ngaih ang tih ka lo ngaihtuah mai mai a. " A rawn tih chuan mak ti lutuk in ka melh reng ringawt.



* ZAWMNA *


" Ka thian ten min nghak sia ka kal mai ang. " Nui sang a tiin min kal pel a. Kei erawh engtin nge kan chung chang kha a hriat tih mawlh chuan min ti buai a. Zorinpuian a hrilh chu ka ring lo hul hual a. Khawi atangin nge a hriat tih chu ka la zawt chhuak khawp ang.



Class ah lut in class ka la chhun zawm a. Mahse ka rilru ka pe hlei thei lo. Breakah pawh Hlimi hnenah engmah ka ei peih loh thu sawiin min ei san mai tur in ka hrilh a. Vawinah Zorinpuia ka la hmu miah lo a. Ka pi hi a lo nuam leh lo nge, a rawn kal lo ve mai mai? Nge ni a Tei Aizawlah a awm tawh sia a bulah hun a hmang zawk ang? Ka rilru chu a vak kual leh ruai tawh. Ka ngaihtuah tawh lo ang ka tih pawn ka hriat loh chhungin ka lo ngaihtuah leh ngut ngut zel tho.



Engtin tin emaw nileng hun chu kan hmang zo ve hram a. Tlaiah Hlimin ka thil chah min lam pui rawh a tih tlat avangin class ban hnu in ka kal pui a. Bakah in a mahni a awm a, duh lo mah I la ka rilru kawm bak tih tur ka nei lo a. Chu ai chuan ka rilru la peng tur thil chu tih zel ka duh tih zawk. A u teinah a thil chah ka lam pui a. Kan haw lamah taxi chang pahin ke in muang chang in kan kal a.



" Takin Hruaia nau kha a pasal hlui nen khan an in hruai leh dawn em ni? " Hlimi chuan a rawn ti chhuak hlawl a. " Tu a nau maw? " Ka lo sam et. Zikpuii a sawina a nih ka ring a mahse Andrew an a neih duh ka ring chiah tawh si lo a midang pawh an lo ni thei ka tih vanga zawt kher ka ni.



" Nangnu hi chu... Kha nang pawn I sawi kha, i hmaiah pawh a beng tawh che a ni lawm ni. " A rawn ti leh chuan Zikpuii a ni tih hre chiang in Hlimi chu ka melh ta vat.



" Khawi atangin nge i hriat a? Chutiang a in hruai an tum pawh ka hre lo. " Ka ti deuh haw. Andrew nen kan in be khat tawh hrim hrim a. In kan luah hran hnu khan nitei nen vawi khat chu an lo kal dun a. A bak chu ka hmuh leh pawh ka hre lo.



" Mi sawi thawi ka hriat a nia. An sawi dan chuan Zikpuii khan an fapa kha lak a awm pui ve tawh a tum a. Mahse naupang pa khan a phal lo a, dan hre mi te pawh an in rawlh tir an tiin ka hria. Ngai haw lo la Pu Andrew kha a lo ler ve deuh bawk nen naute nu chan a that hmel zawk an tia. A fapa a bul a awm tir a duh chuan an nupa inhruai leh a ni mai tih vel an sawi a. " A rawn ti leh mawlh mawlh a. A thu sawi chu engmah pawh ka hre ve lo reng reng.



" Andrew chu i ngai dik lo a nih kha. A fel lutuk a lawm. Zikpuii zawk khan a lawm ngaihzawng nei kual vel. " Ka ti tawi tak. Ka hriat chin a ni miau a. Andrew ka hriat thin kha chu hmeichhe lakah a fihlim viau in ka hria kha a nia.



" Nang hi engmah i hre lo tak tak a mi a? In in pawh viau khan ka lo hria a. Kei mah zawk in ka hrilh char char che chu a nia. " A rawn ti leh a.


" Khawi atang nge i hriat reng reng a. Dawt pawh a ni thei a sin. " Ka ti leh hram.


" Pu Andrew te dawr piah chiahah khan ka thiannu a thawk ve a. A hriat sual chu ka ring lo. Andrew chu hmeichhia nen an in zui pawh an hmu fo an tia lawm. " A rawn ti sam et a. Zawh chian leh ka tum rual chuan ka sirah motor horn ri leh ding dawt ri a rawn awm a kan hawi nghal vat a. Rin loh lam daih in Muanpuia hmel ka la hmu zui. Hlimi lah chuan min rawn sik nghal vak.



" Hepa hi a ni lawm ni a bialpa thin kha? " A rawn ti sa sa a. Ka melh zawk a chhang lo in Muanpuia bawk chu ka en leh a.



" In haw dawn a mi? " Driver seat a thu reng chung chuan a rawn ti a. Haw kan tum thu chuan kan chhang ve mai a. " Lo lut ru ka lo thlah ang cheu. " A rawn ti leh chuan " A ngai lo, kan kal thei a lawm. Taxi pawh phar din tur a awm mai ang. " Ka ti let a. Bakah Hlimi thu sawi vel kha hriat chian ka duh. Muanpuia motor a kan luh chuan sawi chi zia zang a ni tawh dawn lo chiang sa a.



" Kan kal na tur lam a in ang reng ang. Lo lut ru, taxi chu in hmu dawng nge dawn lo pawh a hriat loh hi. " A rawn ti leh a. Hlimi lah a ke a kham a tihna a rei ve tawh sia hnial lo in seat hnungah chuan kan thu lut ve ta nge nge.



" He lam in haw kawng a ni in ka hre si lo a. Kal kawina in nei a mi? " Front mirror atanga min rawn en in a ti a. Ka chhan hma in Hlimi chuan min lo chhan khalh vat. " Nia... Ka u tein kan kal kawi lawk a. I lo tlan lai nen kan in nang chu a tih zia hle mai. Ka ke a na tiin ka lo phun ka lo phun a. " A ti nghal barh barh.



" A tir kha chuan min hnial char char kha. " Muanpuian nui chung a a rawn tih chuan Hlimi chuan a zah zelah min rawn sik vak ringawt.



" Kei mah ka ni lo Zuali a nih kha. " Za lo zet a nuiin a ti leh hram. " Mahse engtin nge min rawn hriat theih a. " Ka thiannu sawi tur hre lo lutuk chhan nan chuan ka ti ve ta nge nge. Darthlalang atang bawk chuan min rawn melh leh a, a nui tih ka hre thei.



" Hman atang tawh in nangmah i ni tih hre tur in i hmel ka hmuh kher a ngai lo tih i hre chiang in ka hria. " A rawn ti let sup a. Hlimi chuan min melh tawn zak zak a. Kei erawh ka ngawi ta hmak. A sawi sual lo miau a. Hlimi kan thlah hmasa a, min thlah ve dawn chuan kan in sawn tawh thu hrilhin kan veng lam ka hrilh zui nghal a.



" Engtik khan nge in in sawn chhuah a? " A rawn tih chuan thla tir lamah khan tiin ka chhang ve mai. " Thla khat in awm tling dawn tawh a, min hrilh ve miah lo chu ka lawm lo khawp mai. Thian anga in en kha kan tum dun tawh emaw ka tia. " A rawn ti ta duah.



" Tumah pawh ka hrilh lo. " Ka ti let a. Kan in kawt kan thlen dawn chuan dinna tur ka hrilh a. Kawngsir rem laiah chuan a ding nghal a. Engmah sawi lo a han chhuah tawp chu a tih chi in ka hre lo a " Lo lut kawi la, thingpui te ka lo lum ang che. " Ka ti a. A lo luh tak tak pawh ka ring lo kha a nia. " Min sawm dawn lo emaw ka ti hman a lawm. " A rawn tih chuan ka melh nghal zawk.


" Mahse tih tur dang ka lo nei tawh sia, zanah in thar chu ka rawn en ve zawk dawn nia. " A tih avang chuan ka thaw huai mai. Motor atanga chhuak in a tlan chhuak chu ka thlir liam a. Step a ka chhuk tur chiah chu kan inchungte in kawtah chuan bike hi a rawn ding ri tuar a. Ka hawi phei nghal zawk a, mahse tute nge tih ka hmuh rual chuan ka thawk a sak nghal talh mai.



Zorinpuia chu a bike hung tha sauh sauh in a helmet a la thla a. Chu mai ni lo in a hnungah Tei a rawn phur bawk. Ka en reng lai chuan ka laman rawn pan a. Min hnaih tulh tulh a, ka in seh ruh ve tulh tulh bawk.



" In bang chiah a mi? " Tei zawk chuan a rawn ti a. A bulah Zorina pawh a rawn ding ve nghal ngur mai.



" Enge in rawn tih dawn? Min rawn in tih theih khum tur in in lo kal zawk nge? " Ka lo ti kher chu Tei chuan Zorina chu a melh chho ha a. Ka ring dik leh chiah mai vawiin nileng in college ah pawh a hmel hmuh tur a awm lo a nia, tunah hei an pahnih in an rawn lang rual leh chu a nia.



" Nang hi ti nge tiang hian i awm a. Thil eng emaw hriat fuh loh i neih sawi fiah tur in kan lo kal. " Tei chuan a rawn ti hliai. Kei erawh ka ner nawng thung.


" Chu bakah eng emaw sawi pui che ka duh hrim hrim a. Inchhungah sawi chi. " A rawn tih avang chuan Zorinpuia chu melh rawm in stepah chuan ka chhuk a. An pahnih chuan min rawn zui a. Kei hian hriat fuh loh ka nei an ti a nih chu. Engkim ka hre chiang bawk a, dawt a min bum han tum teh se ka nasa viau ang.


Kawngka hawng a, thut pawh thu kawi lo in roomah ka lut tlang nghal a. Sitting roomah an pahnih a an in bia chu beng chhi kar in ka ngaih ven a. Ka room kawngka a rawn rik rak rual chuan Tei hmel a rawn lang nghal a. Za lo zet hian a nui nghal sak.


" Zorinan thil awm zia min rawn hrilh a. " Ka khum tlang a thu in a ti zawi sap. Kei erawh ka nui zui hal thung.


" A tir atang khan i hre zawk a ni lo maw. Ka thiannu mai ni lo ka unaunu ang maiin ka ngai che a mahse engtin nge ka hnung lamah min bum theih zawk. Ka awi thei lo hial zawk. " Ka ti chhuak hap. Thinrim leh rilru na lo anga lan tum viau mah i la a harsa mah mah thung.


" Ka hria, Kei pawn ka unaunu ang maiin ka ngai che. Chuvang a i lakah zep nei pawh ka nia. Mahse zep hlen ka tum miah lo a nia. " A rawn ti ve ta vat. A thu sawi dan vel avang chuan ka nui ro hak.


" Aw le... Enge ka hriat dik lo chu min hrilh la. Mahse thu dik leh dik lo thliar hrang tur chuan ka mawl lo a nia. " A hmaah kut kuangkuah at a dingin ka ti a. A ni pawh a rawn thaw ve hak.


" Zorinan min rawn bia a, kan pahnih chung chang i ngai kawi tih... " A tih lai chuan " Ngai kawi satliah ka ni hlei nem vawi tam tak ka mit in la hmu cheu a sin. I u te inneihnaah pawh khan a motor atanga i rawn chhuak kha ka hmu reng cheu. Chuan in inpawh thlar tak vak danah pawh hian eng emaw chu a awm tih ka hai lo. " Ka tih khalh nghal hlak hlak.


" I van mak tak, ka sawi dawn reng a lawm. Eng lo... I ring dik tho a mipa duh deuh chu ka nei ve a lawm. Mahse Zorina hi a ni miah lo a nia aw. " Tiin a rawn ding chhuak a, sawi hreh hmel zet hian thawk a la zui halh. " Chu pa chu Andrew zawk kha a nia. Zorina putea kha. " Inthiam loh hmel zet hian a rawn ti a. A thu sawi avang chuan ka phu zawk mai.



" Nang hi i thu sawi kha i chiang maw? I chhuan lam a nih chuan ka hre leh vek dawn a nia. " Ka ti let a. Tei chu ka melh ngar mai.



" Tun angah dawt ka sawi i ring a mi. " A rawn tih chuan ka ngawi zui vang vang. " Mahse Andrew te chu...... " Ka ti thla ngawt. Sawi zawm tur ka hre tawh lo.



" Engtik atang.... Ka sawi awm zia chu Andrew nen in in ngaizawng maw? " Ka ti nghal hap.


" In ngaizawng chiah pawh kan la ni lo. Mahse ni kum Aizawl a ka rawn chhuk hnu rei vak lo atang khan kan in hria a. Nutei nen bazarah kan chhuak dun a, dawrah kan chawlh in ka pum a rawn na thut a, tah khan a lo awm ve. Min buaipuiin Damdawiinah te min kal pui a. Chuta tang chuan kan in hria. Kan in be ve zeuh zeuh thin a. Chuann.... Chutiang vel chu a ni mai. " A rawn ti nawi nak.


" Engtin nge min hrilh loh theih zawk. Zorina erawh i hrilh a. A awiawm loh mah mah. " Ka ti hram. Rinhlelhna in ka khat lak lawh a, ka ring mai ngam bik lo.



" Engtin nge ka hrilh che nga. Ka bulah mi ngaihzawng emaw pasal chhuh sak i huat zia i sawi ziah a. Andrew phei chu an nu te chhungkua nen an la in pawh em em a, chu tah fa hial an nei a. Bakah i hmel hriat a ni bawk nen ka hrilh ngam lo che a lawm. Zorina pawn a hriatna a la rei lutuk lo. Andrew te leh an nu te lam in buaina an neih atang hian a lo hre ve a. Bakah enge Zorina nen a min rinhlelh ve ngawt. " A rawn ti tha leh.



" Rinhlelh awm in awm miau hek cheu. " Ka ti ram hmak chu min melh nghek. " Enge kan rinhlelh awmna? " A rawn ti leh hram.


" Engkim a ni mai. " Ka sawi tur hre lo chuan ka ti hap. " A nih chuan tunah Andrew leh a nupui in hruai leh chung chang hi a dik em? " Ka ti let hmiah. Vawin khan Hlimi khan a sawi miau.



" Kha kha maw.... An nu te lam hian Andrew nen kan in hmu ve zeuh thin tih an hria a. Dik tak chuan in ngai zawng ti a sawi tur em em pawh hi kan la ni lo. Andrew khan min rawn biak ve thin takah chuan ka hre chiang chak a, Zorina te nen an in chhung tih ka hriat avangin eng eng emaw ka zawt ve thin ringawt Zorina chu. Min ring rawh, thiante ngaihzawng ngaih melh ching ka ni lo.



Min hriat chian kha mahni aia naupang phei chu ngaizawn ka duh lo tih thleng in. " A rawn ti leh hliai. Ngaihtuah chian chuan a ni ve tho mai. Mahse Andrew leh Tei chu an mak ka ti leh zual daih. Hlimin Andrew an hmeichhe zui a nei an ti a tih kha Laltlanchhungi lek hi maw. A mak ti hian a sawi fiah zo lo zawk.



" Min bum emaw ka ti hman a. Ka ngei zia che kha. " Ka ti chhuak sap. Ka tah a chhuak ru tun thei.


" Zingah Zorinah thil awm zia min hrilh a, kan rawn kal a in lo in kalh thiap sia. Ka hna ka zawm ni a ni bawk sia hna ka kal leh phawt a. Call lah in i phone i off daih bawk sia. Nangmah vang in rilru nuam pawh hun ka hmang thei lo. Ka ban ve leh Zorinan min rawn hruai a kan rawn kal a nih hi. " A rawn tih chuan ka tah nuih hawk.



" Sawi tur ka la ngah lutuk a mahse ka hna thawk ka la haw ve si lo a, ka va haw phei phawt a nga zanah emaw rem changah ka rawn kal leh ang. Thil hrilh tur che pawh ka la ngah lutuk. Min lo thlah la, bakah Zorina pawh a la awm reng a. " Tiin min rawn melh a. Thawk ka la halh, ka hahdam sawt ka ti lo thei lo. Mahse Zorinpuia hmuh ka hreh zual vek.



" Zorin ka lo va haw hmasa mai ang aw. " Sitting room kan chhuah chuan Tei chuan zangkhai zet hian a ti lang lang a. Zorina chu tukverh bulah dingin a rawn hawi vut a, Tei chu enin lu a bu nghut a. Min rawn en leh in chiang zet hian min melh vung vung a.



Kawngka thleng Tei ka thlah a, ka let leh chu Zorinan min lo en reng mai. Ka awm dan a lai kual vek leh nghal. A lam chu hawiin ka aw ka thian kharh kharh a. " Thingpui i in duh em? " Ka ti zawi sap. Min chhang lo chuan a hmui a ti sawi zauh a.



" Min be duh tawh tihna a mi? " A rawn ti sup chu mit ka chhing sawk. A nuam lo ve reng, ka in thlahrung duk mai.



" A hma kha tha deuh in min hrilh la chuan ka ngai kawi miah lo ang. I thiam loh a la ni tho a nia. " Ka ti ta vak ringawt chu a rawn nui chhuak hawk mai. Min rawn pan hnaiin ka hmaah tak chuan a rawn ding a.



" Sawina hun min pe miah lo tih kha i theihnghilh a nge? Ka call leh message pawh en duh lo tu kha tu nge? Nizanah ka rawn kal pawn room ah i in kalh khum tlat a. Ka duh dan phei kha chuan kawngka tih chhiat mai kha ka duh a. Maman i luhlul zia leh lungruh zia min hrilh a, fiahna nen thlap vawiinah ka rawn kal a, tunah chuan ka kuah thei tawh che em? " A rawn ti dap thlup a. Tah nuih deuh in lu ka bu nghat.



Zawi muangin a taksaah chuan min kuah bet a. Ka chhipah a khabe nghatin a taksa zawng zawng che khawp in a thaw chhuak hawk a. Kei pawh chuan ka kuah let nghal vat.



" Min then hmasa in min kal san hmasa mah la ka then a ka kal tir hma che chuan awmzia a awm lo tih hre reng rawh. " A ti sup a. A nui hak mai. " Chuan ka lakah i lawm loh a, ka pa leh ka pi kan in kar a i tlak zeh tir zel dawn chuan a leh pekah chuan an mit mei veng lek lo in ka awm tawh ang. " A ti leh sup.


" Ka haw hman lutuk che a. Chuan kei aia hmeichhe hnaih i nei zawk anga ka hriat khan ka rilru a na in ka thik tak zet bawk. Ka thiannu mah nise ka thiannu a ni vang khan ka thik zual sawt zawk. " Ka ti ve hap. Ka tah a chhuak ut ut a mahse tunah hi chuan ka natak vang ni lo in ka hlim lutuk vang leh mawl ka in tih vang a ni zawk mah.



A hma ang bawk khan ka tlan chhe leh tawh tih ka hre that a. Tunah hian tlawm zawkah tang in Zorinah hian min rawn pan lo se chuan Muanpuia ang khan ka chan leh ang. Muanpuia kha chuan ka dik lo tih min hrilh hriat a tum lo in a reh zui hmak kha a nia.



A tlai a tlaiin rawng ka bawl chuk chuk a. Kan thil sawi na lai lengah ka tlai vek mai . Tei leh Andrew chungchang pawh Andrew an Papuia a va rawn atangin a hriat thu vel te min hrilh a. Zikpuiin Tei a lo an khum chung changte pawh ka hre thar zel a. Zikpuii rapthlak zia ka hre tawh a. Tei chu ka khawngaih leh hnu hnawh. Nakina chiang zawkin Tei zawh fiah ka tum ruh viau bawk.



" Mahse engvangin nge i thiannu nen chuan min rinhlelh thei zawk. Kei hi min lo ring miah lo zawk nge? " Zorinan a rawn tih chuan ka bai chawk lai chu ka chawl dat.



" Chutiang a ni lo. Englo a nia, a hma a bum ka nih tawh vang khan enge ka ngaihtuah pawh ka hre lo. Ka hawina l leh ka thil hmuh a piang khan ka ngai kawi ni ber in ka hria. " Ka ti hap. Zorina ai kha chuan Tei kha ka haw zawk a mahse ka hriat sual vang vek a lo ni sia.


"Ka a tawh a ni ngei ang " Ka ti leh hap ringawt.


" Zorin. " Ti sapin a lam chu ka hawi a. Dawhkan bul a chairh ah chuan thu in min lo en reng.


" Kan chungchang hi midang hria an awm em? " Ka ti sap. Tebawihi khan a chian hmel em em mai leh nghal a. Ka ngaihtuah let zawk mai.


" I hrilh a nih loh chuan hre lo tawp ang. " A ti sup s, lu ka bu ve nghat. A phone rawn ri chu a chhang a ka pi a nih ka ring a biak dan a. Ka lo en reng lai chuan ding vut in a phone chu a kekawr ipah a thun a.


" I haw phei dawn a mi? " Ka ti nghal vat. Lu bu nghut in min rawn pan hnai hrut a. Chiang zet a ka mit a min en chung chuan " Kan tha ti raw? " A ti sup. Nui chungin lu ka bu ve mai.


" Thiam lohna nei miah lo in min tawrh tir hrep a. Ngaihdam dil chu ka phu in la hria. " A ti leh kher chu ka la run ngei mai. Niminah atang chauh khan a hria a kei te chu a hma atang daih khan ka rilru a lo hah in rilru kam run in ka lo awm tawh a nia. Mahse ka thiam lo tih ka pawm mai ang.


" Ka tihpalh. " Ka ti tawi tak. A chal ti chuar tup in min en a " Kha chiah chu ka pawn lo. " Tiin ka hmai zawnah a rawn kun hniam a. Ka lo melh haw chu chiang zet a min en in a then leh suk.


" Enge i duh? " Ka ti sap.


" Vawi khat fawh a ni mai. " A tih chuan ka ner nawng mai.


" Vatin.... " Ti sup in a mit a chhing hmak a. A hmai fang pa zet leh a mit hmul chhah tap te, a hnar ngul sang vah te chu chiang zet in ka en a. Mipa chhelo leh hleitling ve tak zawng a ni. Chuan ka ta chiah a ni bawk a.


A hmuiah chuan ka fawp zeuh a, ka awm hrang leh nghal chu a lawm lo ngang mai. A mit rawn meng in min melh rum nghal hmuk.


" Kha chauh kha maw? " a tih rual chuan ka nui chhuak ta hak. A nghawngah kuah in a fawp nawn leh ta nge nge a. A ni pawn la kawngah a rawn vuan nghal chawt.


" Zanah ka rawn kal dawn nia. " Ka hmui hnuai lam pet zeuh in a rawn ti a. A thaw zui ham ham mai. Kawngpui thleng ka thlah chho a. Ka hahdam ta huai mai.


Tlai thimah Mama a rawn haw a, chaw kan ei a . Chaw ei kham hnu rei lo teah Zorina a rawn lang zui nghal a. Mama erawh class kal in a chhuak leh nghal mai a. Zorina nen chuan kan awm dun leh char char a. Thingpui lum pah a ka phone ka khawi lai chuan Muanpuian zanin chu a rawn kal hman leh loh thu a rawn sawi a. Rawn kal a tum tih la hre thar ve leh chiah. Mahse a tih zia phian mai, Zorina a thinrim leh a nga, a buaithlak mai mai.

*

*

" Vawiin chu dawr i kal dawn lo maw? " Ka in siam zo room atanga ka chuak chu thuthleng a mama games khel chu ka bia a. Mi pawh en lo in lu a bu nghut.


" Ka boss pu a boral a. Kan chawl dawn ka tih kha. " A ti ve mai. Min rawn melh leh zawk in ' khawnge i kal dawn? " A rawn ti let ve ta zawk a.


" Ka pi teinah ka leng phei dawn. " Ka tih chuan a ner sak. Saturday a nia len ve theih hun a ni hrim hrim.


" Zorinan a rawn hruai dawn che mi? " A rawn tih chuan " Dawn lo min va thlah lawm rawh. " Ka ti leh nghal a. Zorinpuia pawh ka hrilh lawk lo. Ka va thawng thut teh ang. Tunah 11 a ri vel chiah a. Inah a awm em ang chu.


Mama nen kan in phur chhuak a. Gate bulah min dah a, a tlan let leh nghal daih zui. Kawngka bulah chuan dingin doorbell ka hmet a. Rei lo teah Mamin a rawn hawng a. In chhung ka lut chu hmeichhe nui hak hak ri la hre tel a. Ka pi hian in leng a nei nge maw ni ti rilru in ka phei zel a. Common room a Tebawihi leh ka pi lo thu dun ka hmuh chuan ka ding dat.


Enge henu hian hetah , ka pi bul leh nghalah a tih?


🌼🌼 KA POST FB LAMIN AN BLOCK RIH DAIH MAI A. POST EDIT NAAH LINK KA DAH BELH THEI LO A, CMT REACT LEH REPLY PAWH KA THEI RIH LO A NIH CHU. CMT AH PAWH KA DROP TAM LUTUK CHU MIN BLOCK LEH MAI KA HLAU BAWK SI A.


27 TIR LAM PAWH HMU VE LO AN AWM NUAL A. TUNAH PAWH LINK HMU LO AN AWM LEH NUAL DAWN A, WHATSAPP GROUP A MI HO KHAN TLAWMNGAIIN IN LO VA PE VE CHAR CHAR MAI DAWN NIA AW.


ENGMAH KA TIH THEIH LOH VANG HIAN READERS TE IN PAWIMAWH TA BER A NIH CHU 😓 KAN IN PUIH TLAN DIAL DIAL CHUAN POST LA EDIT THEI LO MAH I LA KAN DAH ZAWM ZEL THO DAWN NIA. 🌼🌼

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » September 28th, 2021, 6:55 pm

CHAPTER - 28 🌼 by Amy Cck



" Ehe... Zualte i lo leng phei e law? " Ka pi chu rawn hawiin a ti nghal vat a. Ka mak ti hmel chu thup in ka pan hnai a. " Aw... Hna thawh loh ni tiin ka rawn phei a. " Tiin sofa pakhatah chuan ka thu thla a. Ka pi chu a ka rin ang chiah in a lo lawm thiam leh viau tawh.



" Khawnge midang ho hi? Zorina leh Papuia pawh an awm ka ring a sin. " Ka ti leh nghal vat. Tebawihi a awm sia Zorina vang a heta awm a nih ka ring nghal hmiah a mahse a hmel hmuh tur a vang viau thung.



" I papuia chu mitthiinah a kal a nih kha. a hna thawhpui thin a maw ni kha a boral a, Bawihpuia chu tukthuan ei kham khan a thianpa in a rawn bia a, a chhuak a nih kha. Hna leh class an kal loh pawh hian inah an awm hman meuh lo. Nang pawn I hriat kha, Bawihpuia phei chu inhrang in chan atang hian in a awm khat vek in ka hria. " A rawn ti deuh duah a. A sawi dik ka ring, zantin kan in lamah a rawn lang ziah a. Chhunah class a kal ve leh sia in chu a awm khat viau ang.



" Nang enge hetah te i tih ve. " Tebawihi en chuan ka ti ta nge nge. Zorina a awm si lo a, chuti chungin a tlangnel phian a, a mizia te hi a mak reuh. Ka lakah phei chuan a aia upa ka nih vanga min zahna emaw an zitirtu ka nihna anga min zah derna pawh hi ka hmu ngai lo. Huat dawn a huat tham si loh, huat loh dawn a thin khei zak a tawng lah a thiam fu a.



" Saw tah ka thiante inah len ka tum a an lo awm leh si lo a. Kawnah ka pi nen hian kan in tawk a, leng tur in min sawm a . " Nui sangin a rawn ti a. A nui hmel ngainatawm zet hi ka mitah chuan a ngainatawm ve lem lo. Hman atang tawh khan ka mi ngainat chi a ni lo sa hrim hrim bawk.



" A tih zia tak tak a ni, ka khawhar lutuk tur min rawn kawm hlim a. Bawihpuia lo haw hma chu leng ve reng rawh. " Ka piin a rawn ti zui nghal a. Teibawihi lah chu a nui ri har har a, chu chu ka ngei tawk em em bawk.



" Haw mai ka lo tum tawh zawk a pi. Bakah Zorina te chuan min kawm duh vak tawh lo. " Tebawihi chuan a ti let ve a. Ka pi chu a chek hlak hlak mai.



" Ka va awi lo ve aw, nang tih loh hi chu Bawihpuia hian inah hian a thian hmeichhia a la rawn hruai miah lo a nia. Chuvang a nia vawi khat chiah la hmu che mah i la vawinah pawh ka lo hriat chat theih che. Zualtei pawh hian a hre chiang ang. " Ka pi bawk chuan a rawn ti leh a. Ka pi tawng duh lutuk chu ka lo tang tung thei. A sawi zawh rual in choka lam a Mami chu au in intur rawn chawi phei turin a ti nghal a.



" A ni maw mahse ka hriat dan chuan Zorina chuan ngaihzawng a nei si a. " Tebawihi tawng leh dan avang chuan ka melh nghal zawk. Ka en tih a hriat vang nge ' enge ka tih thei lo en rawh. ' tih melh in min rawn melh a. Ka in seh ruh teuh mai.



" Bawihpuian maw? " Ka pi lah chuan a rawn ti let vat a. Teibawihi lah chuan nui sangin ka pi chu a en a lu a bu zui nghat nghat .



" A la hrilh lo cheu a ni maw. Miss pawh hian a hria a ni lawm ni? Miss ka pi te i la hrilh miah lo a maw? " Tiin min rawn thlek leh ha a. Ka va han ngei reuh tak, ka pi mit mei veng lo ngat i la ka ngawi mai mai miah lo ang maw le.



" Zualte nang pawn i hria maw? Bawihpuia chuan hmeichhe lam hi a ngaihven lo kan lo ti mai a sin. Tu nge chu hmeichhia chu... " Ka pi lah chuan Teibawihi nen min melh tawn zak zak in a rawn ti a. Ka thaw tawh pawn ka hre lo, a sawi chhuah chak zia chu a hmel leh mit mengah a lang chiang viau leh nghal.



" Ka sawi tih hria se chuan Zorinan min haw viau ang. " Tebawihi lah chuan a la ti ang deuh deuh a. Sawi ve tur emaw thu dang a pakai na tur ka ngaihtuah a mahse ka hre thak lo a nih chu.



" Ka hria tih ka hrilh dawn hlei nem, tu nge han sawi teh. " Ka pi lah chuan a lo ti sek sek mai. Tebawihi tawng tum a ang chiah chu ka ding thut a, ka hnung lawkah Mami intur keng a lo ding tawh chu a tray chawi tlangah su in ka dar atang chuan theitui chu a rawn luang a, no tla keh riin a zui nghal a. Kan te ta chul mai.


" Awiii.... Thingpui sa a ni lo chu a va han tih zia ve aw. " Ka pi chuan a rawn ti hliai a. Chokaah inti fai turin ka tlan phei a, Mamin theitui buakna leh no keh vel a ti fai nghal thung.


" Kha nu vang vek. " Ti hlak in tui chu ka herh haw a, ka kawr chu hma lam leh hnung lamah a huh hnuang a. Ka kekawr pawh a huh phah leh nghal. Chu mai ni lo in ka nghawng thlengin a rawn buak a, ka sam nen ka sawi thiam dan ber chuan ka kawi niai a ni tawp.


Choka bathroomah lut in ka nghawngte chu ka sil thuak thuak a, towel te in bang chu la in ka chhuak phei a. Ka pi leh Tebawihi lo la in bia chu ka hmu nghal zat.


" A dang chu i in lo ang maw, siam chhung a rei lo a nia. " Ka piin a ti ri chu ka hria.


" In tawh lo mai ang, ka thianten min rawn call reng tawh sia, nidang a ka lo len leh hunah a ni mai. " Tiin Tebawihi chu a ding chhuak a. Va thlah ve kher pawh ka chak loh avang chuan choka luhna bul a dingin ka en reng a, ka piin kawngka thleng a va thlah nghe nghe.



An kal liam hnu chuan ka chhuak phei a, ka phone a rawn ri ve chiah leh nghal a. Chu pawh Zorinpuia a la ni zui. Phone chu ka in ka in hru phah mawlh mawlh a.



" Eng i tih? " A rawn ti nghal sup.


" Eng vak mah class chawlh lai chuh in ka leng chhuak a. " Ka tih chuan a rum nghut ri ka hre nghal a ka nui hak.



" Haw rawh ka rawn leng dawn. In in ka rawn thleng tep. " A rawn ti hmuk a nih chu.


" Haw ka la tum hlei nem, bakah ka lenna te chaw eiah min sawm a, ei ka lo tum vek tawh a sin. " Ka ti fiam leh chu hriat thiam si loh hian a rawn phun leh hluk mai.



" I duh leh kan inah chuan leng tho rawh, Mama dawr a kal lo a, a awm a lawm. ' nuih zal in sum lutuk chuan ka ti leh a. A lawm loh dan tur leh a hmel lan dan tur thleng a ngaihtuah chuan ka nui ta hak hak.



" Fiamthu po teh, khawnge i awm ka rawn hruai ang che. " A rawn ti leh hluk a. Ka pi rawn let ka hmuh avangin corridor lam chu ka pan zui ve nghal daih a.



" Tak tak in, in inah ka rawn leng phei a mahse i lo awm lo a. " Ka ti tha ta hram. Ka kawr hma huh chu ka thing nghal zat a. Ka kawr hma zawng zawng a huh deuh tho a, hak chu a nuam vak lem lo.


" Dawt i sawi lo maw? " A rawn ti leh hmuk chu ka nuih a zak ru viau. Dawt sawi ka hrat hmel riau in ka hria a rawn tawng dan vel chu.



" I rin loh leh i thu nia, i rawn thlen vat loh chuan ka haw san ang che, chawhma chhung ka leng tawh! " Ka ti leh nghal zat. A rawn thlen vat tur thu sawiin phone a dah a. Sitting room a ka phei leh chu ka piin min lo en chik ngang mai. Tebawihi khan a hrilh hman a maw ni le choka a ka luh hnu khan.



" Ka rin ai i huh nasa, inchungah bawihpuia shirt eng emaw velin han thlak a, i thawmhnaw kha su lawk mai rawh a ban vek ang. Tlai lam chaw ei nghal bawk a, i Papuia a rawn ei hmel si loh a. " Ka pi chuan a rawn tih zung zung takah chuan ka thaw huai mai.



" Ka han in thlak mai ang nih chuan, hak a hreawm ve deuh rin aiin a huh nasa phian a. ' tiin step ah chuan ka chho a, Zorina room ah lut in a thawmhnaw bawm chu ka nem hawng a, a tshirt dum lian zet leh, a hnuai a kekkawr bul ni awm tak chu ka la chhuak ve hmiah a. Bathroom ah lut in in thlak ka tum a mahse ka taksa pawh theitui thlum khan a ti ban chap sia shower chuan ka in tleuh leh ta zuai zuai a. Ka lu pawh ka su ta vek ringawt. Ka sam hmawr lam a hlawm vek a. Suk loh chi a ni lo.


Ka thawmhnaw pawh kut in ka su ta ngawt a. Zorinpuia tshirt ka ha chu ka ner nang. Kei man ka ha pawh a ni lo, a tshirt hian min ha a ni mah zawk. A kekawr bul ka hah leh ngat phei chu fiamthu thawh hranpa ngai lo in kei mah hi ka nuih zat thlak a ni tawp. A kawng ka la thawl zui a. Ka pawt chho vak a, a tshirt ka hak nen a in chen reng ang a ni. Thaw hak in kekawr chu ka phelh leh a, bathroom atanga chhuak in ka thawmhnaw te chu an ro vat theih nan in chungah ka han zar thlawp a.



Ni a sa tha bawk a, a ro vat ka ring tho a, chhuk leh in Zorina roomah bawk ka lut leh a. Ka thawmhnaw ro khi ka nghal deuh lawk mai ang ti rilru in khum bul a lehkhabu awm chu ka ban a. A karah enge maw a dah ni ngei tur a ni, a la pawng ve deuh leh nghal.



Ka keu thawk a, zungbun pakhat hi a lo in zep reng chu niin. A simple in a nalh reuh phian leh nghal. Tu ta tur tak ni maw ti rilru nauh nauh in ka thlek kual vel a. Chik zet a ka en lai chuan kawngka a rawn in hawng thut a ka phu nasa lutuk chu ka zungbun ken lai chu ka la ti tla daih chu. Chu mai ni lo in khum hnuaiah a la lir lut daih zui. Chhar hman tawh hek lo rang zet in lehkhabu chu ka dah let vat a. Kawngka lam ka hawi chu Zorinpuia nen kan in melh nghal sak.



" I lo let tawh a. " Nui lui sangin ka ti nghal a. Engtin nge zungbun kha ka chhar tak ang. A hriat hma ngei ngei a chhar ka duh leh nghal.



" Inhnuaiah ka hmu mai lo che a, i haw tawh emaw ka ti hman a. " Tiin a rawn pen lut a, min en vung vung in a nui nghal suk. Sawi leh hranpa pawh ngai lo in ka thawmhnaw hi a nuih tih lah ka chiang.



" Nui suh. " Ka ti nghal hlar mai.


" I in hmeh hle mai ka kawr chu. ' a la rawn ti hram. A sualthiam dan chu.


" Dawn lawm ni, inhmeh loh tak tak ka nei lo. " Ka tih rual chuan a nui chhuak hawk a. Ka lam chu a rawn thlek leh a, lu thing ngut in khumbul dawhkan lam chu a pan a, zungbun kha ka ti tla tih a hriat ka hlau lutuk chu a hmaah ka ding chawt mai. A mit ko chu a rawn san uk a. Ka nuih tlawn ver ver mai.



" Khawnge I chhuah a? " Ka tih ta tawp.


" Department hna tlang an ko a, ka va tel ve lawk a nih kha. " A rawn ti a. Lu la bu ve nghat. Ka sir atanga kal leh a tum chu ka tawlh zui ve nghal a. " Enge ni? " A rawn ti leh sup a. A ban a phar nghal hluai bawk.


" Tu te nen nge in nih? " Ka tih chuan a nui hawk mai. Kei pawn ka sawi sual tih in hria in mit ka chhung sawk. Department a ti mawlh mawlh a, zawhna awm ze neih lo a ni.



" Kan department ho chiah, i duh chuan Zorema kan be dawn a min, min rin loh hmel riau. " Nuih xa in sum zet chuan a rawn ti chhuak leh hawk.



" A.... Ai...a ngai lo ka zaat mai mai che a nih kha, a nih chuan va in ti fai la, thil ei tur in chhuk ang, ka lo nghal char char che a ka ril a tam a nia. " Ka ti leh hap a. Min melh vung vung a ka hnung lam chu a thlek leh zauh bawk.


" Aw le... Mahse chu mi hma chu thil tih hmasak tur ka nei. " A rawn tih chuan ka ner nang.


" Nakinah ti zawk mai rawh, ka ril a tam tawh a nia. Ka in ti fai la chhuk ang. " Ka ti leh hlak a. Min hnial leh ang tih ka hlau lutuk chu ka thin te hi an phu dawt dawt mai.



" Aw le... A tha lawm, min lo nghak la kan chhuk rual dawn nia. " Tiin bathroom lam chu a pan a, ka thaw huai mai. Bathroom kawngka a in khar rual chuan rang lutuk in khum hnuaiah chuan ka kun a, zungbun kha a lai tak ah a lo let bal mai. Zorina a rawn chhuah hman hlau lutuk in khum hnuaiah chuan ka vak lut a, zungbun chu chhar in a dahna ngaiah khan dah in room chu ka chhuah sam daih a, inhnuaiah ka chhuk san hmasa ta daih bawk.



" Pi thil ei ang u aw, nichin khan kan che buai vek sia ril a tam tan. " Ka pi bulah chuan tiin chokaah ka phei a. Ei leh intur ka siam zo ka chhuak phei chu Zorina pawh a rawn chhuk ve chiah a. Shirt var nghawng V leh kekawr bul dum a rawn in bel a. A lang fresh sur mai.



" Lo thu la, i luck chiah chiah. " Ka lo ti vat a. Ka bulah chuan arawn thu thla ve mai bawk a.


" Tak a Bawihpui ngaihzawng i nei em ni? " Ka piin a rawn ti thut chu ka thil in lai la hak thawt. Zorina chuan ka hnung a rawn chum zui dat dat a. Min rawn melh in a mit meng in zawhna min zawt nghal zat a, lu la thing vat.



" Tuin nge ka nei ti a?" Ka pi lam hawi chuan a ti a. Ka hnung a chumna chu a tawk tawh ka ti sap a. Mahse a kut la mai lo chuan a chul zui hauh hauh mai.


" I thiannu Tebawihi khan vawinah rawn leng in min hrilh a. Zualtei pawh in i hre tak a ni lawm ni. Tu nge a hming han sawi ve reng reng u la. " Ka pi bawk chuan a rawn ti a. Zorina mit meng chu ka hre thiam lo thil a ngaihtuah muk hmel tak zet.



" Hre ta la engtin nge i ti ang? " A rawn ti sup chu ka en haw mai. Hepa hi ka pi hi hrilh a tum tak tak a maw ni le. A hmel lah chu a thu tak phian leh nghal.



" Engtia kei a va tih thei a ni hlei nem. Mahse ka hre ve duh mai a nia. Hmeichhe tha lo deuhte hi i lo kawp reng a nge. Tunlai in a i awm khat dan te hi , eng ang mi nge a nih tih hriat a chak awm a lawm. " Ka pi bawk chuan a rawn ti leh a. Zorinpuia lah chuan min rawn en in hmui min tih sawi khum zauh a. Kei erawh ka hlau thawng lutuk chu ka thin a phu dawt dawt thung.



" A ni chu nang pawn I hre chiang lutuk a lawm. " Ka pi lam hawi chuan a ti zawi sup!



* ZAWMNA *


" Engmaw i sawi? " Ka piin a rawn tih chuan Zorinpuia chuan min rawn en in a nui leh suk a. " Ka bialnu hi a zakzum deuh a. " Min rawn melh pah chuan a ti leh kher chu ka lo ner nang a. Ka pi lah chu a lawm loh hmel ngang mai.


" A engtin ka tih dawn pawh ni lo, Zualte i hre ve a ni lawm ni? " Tiin min rawn melh leh a. Mit khap fak fak in ka pi chu ka en a, Zorina erawh a chek hluk mai.


" Nakinah kei mah ngeiin ka la hmelhriat tir ang chu pi. " A ti hmuk a ka lam chu a rawn hawi a " Sawi suh ang che. " A rawn ti leh hluk a , ka melh haw chu mit min lo siai sak mai. A thinrim der tih ka hrethiam ve mai a. Ka pi chu en leh in ka nuih tlawn ver ver mai.



Kan no chu seng pheiin chokaah ka luh san a. Ka pi leh Zorina chu an la in be reng thung. Kawng leh lam takah chuan a hre chak lutuk saw a khawngaihthlak reuh. Mahse han hre chhuak ta se chuan a thinrim viau loh pawn min haw viau ang. Lawm tak a min pawm ka ring miah lo.



Kha leh chen an bulah ka cheng in ka pi bulah pawh ka awm nasa a. Fel chu a fel lutuk mahse he thil kherah hi chuan fel tak a min pawm pui mai duh chi a ni lo. A fapa leh a tupa luhlul zia a sawi fo thin a. Ka pi atangin pa Zothana chung chang te pawh ka hre ve a. An pafa a hmeichhia an ngaihsak loh zia pawh a phun pui ziah thin. Pa Zothana phei chu nupui nei tur pawn a nawr luih peih tawh loh thu a sawi hial a nih kha. Chuan tunah Zorina nen a kan chung chang hria se chuan ka chungah a lawm lo ngawt ang.



" Hman hmawh la. " No ka sil mawlh mawlh lai chuan ka sir a dingin a rawn ti a. Ka thlek chho ha a min lo melh ve ngur thung. " Ngati maw? " Ka tih chuan a hmui ti sawi zeuh in min melh vung vung a. Kei pawh ka melh let ve ran bawk.


" Zo vat la a ni mai! " A ti zui hluk chu ka hmui ka tih pawrh khum vak ringawt. Ka thil sil lai chu ka chhun zawm mawlh mawlh a, ka sirah dingin a kut tang chu a lo khawng ri kauh kauh a. Enge mawh a hman hmawh vak le.



" I zo a?" Tui ka herh tawp chiah chu rawn tiin ka kut ka hruk ro hma hma chuan ka banrekah chuan a rawn vuan a, choka atang chuan min chhuah pui nghal daih a nih chu.



" Heii... Enge i hriat a? " Inchung panna step a min chhoh pui lai chuan ka ti a. A pen hlawk nasa mai sia, a pawh in min pawt chho a ni mah zawk. Min la chhang duh thak lo leh nghal. A room zawn kan thlen a kawngka hawngin min pawt lut nghal zat a. Ka hah lutuk chu ka thaw chhuak zui halh halh mai.



" Enge maw i hriat le, ka hah lutuk ka hrawk a thip vek. Ka pi a awm lo hlauh zawk a. " Ka ti chhuak halh a. Ka awm chu dawm in ka thaw zui ham ham bawk.



" Ka pi chu i hlau deuh a ni maw? " A tih rual chuan ka melh chho haw. Chik zet hian min li melh ve reng a. " Chu lam pawh a ni lo. " Ka ti hap ringawt. A mit meng chu a rawn thim khup a. Ka thu sawiah khan lawm lohna tur a awm pawn ka hre lo.


" Kan chungchang hriat tir pawh duh rih lo tu ni nia, chhan dang vang a ni dawn em ni? " A rawn ti leh khauh mai. A aw chu a ri deuh hmuk a, hepa hi a thinrim tak tak a nih dawn hi.


" Ka hlauh vang chiah pawh a ni lo. Kan chungchang a hriat chuan min haw dawn lutuk a, chu chu ka huphurh mai zawk a lawm. " Ka ti let ve ta nge nge. " I thinrim ringawt a mi a? " Tiin kha be dawh ha in ka hawi chho a. Tawng lo in min la melh ngur zui.


" Zorinn... " Ka ti leh halh.


" Khatiang rilru i put chuan nakinah pawh i sawi chhuak ngam dawn em ni? " A rawn ti zui leh hmuk a. Chhang ta mai lo chuan ban ka phar hliai mai.


" Tun hun leh nakin chu a in ang hlei nem. Nang nen pawh kan sawi vek tawh kha. College hi chhuak phawt rawh, chu mi hnuah chuan i sawi a piang ka pawm vek ang. " Ka ti let ta ngawt. Chutia ka sawi takah chuan a hmel chu a rawn hahdam hmel ta deuh a.



" I thu i sut leh lo ang maw? " A rawn tih chuan ka ner ta nang.


" Sut lo ang, ka thu thiamah ka ding nghet a lawm. " Ka tih chuan a then leh ta suk a. Kei pawh ka hahdam ta huai.


" A nih chuan tunah hian ka sawi lawk ang. College ka chhuah vel leh in neih ka duh. " A rawn ti a, ka melh haw mai.


" In neih maw? " Ka ti ha. A rawn bu nghut a in herin khum lam chu a pan a khum bul dawhkan a lekhabu a lak rual chuan a thil lak tum chu lehkha bu saw a ni lo tih ka hre chiang ngang mai. Min hnung chhawn a a din vangin a thil tih tak chu ka hmu thei lo. Mahse eng emaw la in lehkhabu chu a dah let leh tih ka hria. Ka lam a rawn pan lai chuan chik zet chuan ka lo en a.



" I kut min pe la. " A rawn ti dam dup. Ka chil ka lem ri khalh a. In sang mar at in ka kut chu ka pe ve mai. Ka kut zungte uah chuan zungbun chu a rawn rawlh lut ruai ruai a. Mit pawh khap lo in ka en ngar mai.



" Ka thi pek che kha i duh ta si lo a. Hei hi chu tumah ka rawn miah lo a nia. " Tiin a sawi zawh rual in a then nghal suk a. Kan kut ka en na atang chuan a mah chu ka en ve vat a. A ni chuan ka kut a vawn beh a zungbun chu a melh run thung.



" Kha kha chu ka tihpalh liau liau a nih kha. Ihhh.... Min bum emaw ka tih vang a nih kha. " Ka ti zawi sap. Kha mi ni a ka chet dan ka ngaihtuah let a ka zak leh hnu hnawh lutuk hi ka sa hat hat mai.



" Ka hria! Chuan tun atang chuan ka nupui tur in ka hual lawk tawh che a, kan inkar a chhiat hi ka rem ti miah lo a nia. " A ti leh sup a. A mit a melh chho ve kalh in ka lu ka bu nghat. Ka hnial phal hi a ring reng reng a maw ni.



" Chuan Tebawihi ka pi a sawi chhuah chhan kha i la sawi lo. " A rawh ti leh a. Ka mood a chhe leh zo vek. Kha nu ve sek kha, engtin nge maw a lo hriat ve reng reng le.


" Nia... Tebawihi khan kan chung chang hi a lo hria a. Engtin nge maw a hriat le, i hrilh chu a ni em lo maw? " Ti a ka melh chho chu a lo ner sawk mai.


" Nia, i hrilh chu ka ring lo sa hrim hrim. Engpawh ni se ka thawmhnaw ka han seng lawk ang. An ro tawh hrim hrim. " Tiin ka in her a, kawngka ka pawt hawng tur chiah chu a rawn nem khar leh nghal hmak.



" Thil pek ka pe che a nia, eng emaw chu ka phu ve lo maw? " Ka hnung lawk atang chuan a rawn ti a ka in her vat. Kawngkaah in nem khalh in min lo din hnaih ngang mai. Ka mit a min rawn melh in a dar chu a san uk a ka nui hak.



" Lo kun hniam la. " Nui hak pah chuan ka ti a, then suk in a rawn kun ve mai a. A rawn kun rualin a nghawngah lo kuah let in a hnarah chuan ka fawp zeuh a, rawn rum nghut in a mah zawk chuan ka kawngah rawn vuan in min pawt hnai a, ka hmuiah a rawn fawp zui tawn tawn mai.


Uar leh duhthaw zet a chet zawm in ka hnung kawngkaah chuan min nawr bet a, ka hmui a fawh lai reng chuan hnuai lam chu a rawn pet leh zauh thin. A mah a sang bawk nen ka malah rawn tham salh in min pawm kang lawp a. A kawngah ka bawp chuan ka kherh bet ve nghal vat.


Min fawp reng chuang chuan min pen sawn pui vut a, ka mawng a a rawn tham salh rual in ka ip deuh zawk a, a la nui chhuak hawk leh nghal.


Khum a min nghah rualin min rawh bawh bet leh nghal ti tih a. Ka hmai zawnah rawn kun hnai in a ke lam chuan chhuat a la rap vek
Hnai zet a ka mitah min melh in ka mal atanga rawn zut chho a. A tshirt chiah ka hah bawk a, duh aiin a kut chuan a rawn thleng thui lek lek mai!


Tawng ka tum rual chiah chuan ka hmui chu a rawn khar nghal hmiah a. Thaw chhuak hrawk in khumah chuan min bawh thla ruai ruai a. A fawhna dam zet chu a chang chuan a duh thaw mah mah emaw tih tur in a rawn thlak leh thut thin. Zawi zawiin ka thluk chu a nu tial tial a. Kei pawh chuan ka chhang let ve zel a. A mi fawhna nuam zet tih loh chu ngaihtuah dang pawh ka nei tawh lo hial.



A kutin a ka panty a rawn thlen takah chuan ka harh deuh kawk mai. Ka hmui ka chet pawh chu ka tawp zui hmak a, ka kut chuan a kut chu ka zuk vuan bet nghal chawt bawk. In la hrang hlek in ka mitah chuan min rawn melh a. A mit meng chu a ni leh ni lo ang in a dang lam ve in a thil duh pawh chiang tak in ka hmu thei.


" Duati.. " A rawn tih rual chuan...


" Kan kal thui lutuk palh ang. " Ka ti ve hlah a. Ka chil ka lem ri nghal khalh bawk. Thaw chhuak hawk in min rawn bawh bet hnawk a. Ka nghawng zawnah chuan a rawn thaw lum ham ham a. Ka taksa chu a mur sung sung mai. A kut pawh chu a la la sawn chuang lo, kei pawn ka la vuan bet reng tho.



" Ka pi emaw ka pa emaw I chhungte pawn engkim an hriat hunah min kal san phah nan chhuan lam siam tum miah suh ang che. " Ka beng bulah chuan a rawn ti thum dut a. Ka beng hnuai deuh nghawngah chuan a hmui a rawn nawr vang vangin, a hmuah phei chuan a rawn fawp zui dek dek a. A zat deuh avang chuan a kut chu ka hmer nghek ringawt. In beng kangin ka hmuiah bawk chuan a rawn fawp leh a. In la hrang leh nghal in ka dul zawn a a kut chu a rawn lek kang a, ka hmui chu a rawn tuai zauh a.



" Min kal san tum mah la kei in ka phal hma chu ka lak atang hian tlan bo tum ngai suh. A nih loh chuan atthlak tak in ka che duh mai ang. " A ti hluk a. A mit meng leh a hmel chu a thu tak ngang mai.



" Ka hria lawm, tunah i mit meng kha a hlauhawm lutuk tih i hria em? " Ka ti sap. Tlem chuan a rapawm deuh tak tak. A vawt ruih a eng emaw ka sawi thiam lo thil a lang chhuak ni ber in ka hria.


" Chu ti maw? " Tiin ka sirah chuan a rawn mu thla dawt a. Kei ka thu chhuak nghal thung. Ka shirt hak chu ka pawt tha sawk sawk bawk a. " Ka hlau a ni! ” a rawn tih chuan ka melh zawk. A kut chu a tukhumah suih bet in a kham a. Inchung lam chu a melh vung vung bawk.


" Ka pa anga mal tak a awm hi ka hlau a ni. Ka nunah hian tumah seng luh belh ka tum ngai lo. Mahse ka hriat miah lo laiin ka la lut che a. Tuman ka mamawh lo tiin ka sawi thin a mahse ka chhung lamah hian hmun ruak eng emaw hi a awm tlat thung si a. Chuan nang ka bul a I awm hian ka kim riau thin. " Ti sup in min rawn melh a. Za lo fahran hian a then lui suk.


" Min kal san tum ngai suh ang che. " A ti leh sup. Nui sak in lu ka bu nghat a. Tho chhuak in ka thawmhnaw ka seng tur thu ka sawi a, ka chhuah san a. Ka rilruah erawh Zorinpuia hi ka lainat thar riau bawk a. Kan thil tawn chu a in ang vek lo tih ka hria mahse kei pawh rei tak chhung ka nunah tumah ka luh tir ngam lo a nih kha. Chutiang chiah chu Zorinpuia awm dan hi niin ka hria.



Zanriah ei kham in Zorinan min thlah haw a. Kan inah rei lo te lengin Zorema te nen thil tih tur an neih thu sawiin a chhuak leh nghal a. Hetia kan in kawp a chin hi zu hi a in ta miah lo in la hria a a hahd thlak phian mai. A hma khan a heh ka tihna ni lo in rawn nam ve zauh chang kha a nei thin a. Zanah a chhuak reng bawk a. Mahse tunah chuan zanah an inah a awm tam lo tih chu hre thi mah i la kan in lamah a rawn kal vang a ni tih ka hria a, ka lawm tawk em em mai a ni.

*

*

Ni a liam ve zel a. Test te kan nei leh tan a. Principal in tan lak deuh a tih avangin tlai lamah class banah a hranpa in class period 1 vel hi kan lak belh leh thin a. Zorina pawh class a kal tha ngang mai. 5th semester nen chuan lei leh van ang vel an ni.


Vawin tlai erawh Tein in hmuh a sawi a vangin Zorina rual a haw lo in ka haw hmasa a. Kei ni aiin Tei te hi a chang chuan an bang tlai chawk leh nghal. Dawr in hmuhna tur kan sawiah chuan min lo thlen khal ve ngei a. Rang zetin a bulah ka va thu ve chat.



" I thlenna a rei tawh em? " Ka ti zui nghal a. A thlen ve chiah thu sawiin a thaw zui hak. A lan dan chu a rilru a hah hmel em em mai leh nghal.


" Thil dik lo a awm a mi? I hmel chu a va buai nei nuai ve? ' ka ti ta nge nge. Thaw hak in a rawn ang zeuh a mahse a chip leh hmak. Khua a lum bawk a lasi chu ka la kang zui nghal a.



" Andrew khan inneih puiah min sawm a?. " A rawn ti chu ka lasi in ka hak thawt. Ka hnarah a la lut zui chu a thip vawng vawng mai. Mi ho pawh chuan min rawn en thup mai.



" I van mak tak. " Ti hlak in tissue chu a rawn la a, min pe nghal vat.


" Enge i sawi kha? Andrew a nen in in neih dawn maw? " Ka ti haw. Hmanni lawkah an in biak ve thin thu a sawi chauh a, tunah in neih a sawi leh a. Mak ti lo i la chuan a mak zawk ngawt ang chu.



" In nei dawn pawh ka ti loh kha, min sawm ka ti ringawt a lawm. Ka thawhna school ah hian a fapa Brandon a ka a kal ve a. Kan in hmu ngun ta phian a. Hmanniah Zikpuii khan kan office ah min rawn ti leh hrep a. Dik tak chuan Andrew hi chu ka duh ve reng a mahse inkawp turin engmah kan la sawi lo. A mah pawn a sawi ngai lo.


Hmanni chu ka thinrim nen Zikpuii rawn chet dan vel nen chuan Andrew zawk ka hau nghek a. Tah chuan inneih vel chu a sawi a. Nupui a neih chuan Brandon pawh hi an chuhpui thei dawn tawh lo tih vel te a sawi a. Ka rilru a buai. " A ti ve niah niah a. Kei chu sawi ve mai tur pawh ka hre lo. Ka ngawi vang vang ringawt.



A hma in min hrilh nual tawh a, mahse Andrew bulah hria angin awm suh. Min duh thu leh in ngaihzawnna lam kan sawi ngai si lo a, a zah thlak a ti ve tlat a. Mahse Tei hi chuan a duh tih ka hre chiang.


" Enge i ngaihdan, i ngawi vung vung a. " A rawn ti leh hlak.


" Nangmah in i duh chuan i thu a ni mai a lawm. Andrew te chu a fel a lawm. I duh leh duh loh a ni mai. " Ka ti sam et chu a rawn ner nang.


" Chhe suh, kei te chuan ka duh a lawm. Hman atang a ka mipa dream thin ang chiah a ni. Fa a nei tih mai loh chu. " A rawn ti leh hap.


" Brandon te chu a fel em hi. " Ka ti leh vat a. Brandon avanga Andrew hi a duh loh ka hlau a ni.



" Ka hria, a ni oawn min ngaina a mahse a nu hi a rapthlak em a lawm. Ka u te hian an hrechiang sia ka pa te bulah an sawi that loh phei chuan ka la ten min hau hrep mai ang. " A rawn ti a. A ni ve tho mai.


" Mahse Andrew a ang hi chu i hmu tawh mai mai lo ang. " Ka ti leh hram. A tawpah chuan a u te ho sawipui phawt kan rel thlu ta a. Kan haw dawn chuan ka pi call ka dawng a, an in lamah kal turin min rawn ti ve teh mial mai.



Tei nen kan phei dun a, Tei erawh haw tlangin kei pawh ka pi te in lam ka pan phei a. In ka luh rual in mami bulah ka pi aam na la zawt a. A roomah a aam thu min hrilh mai a. Zorina leh Papuia erawh an la haw lo a nih hmel.



Ka pi room chu ka kik a, lut tur a min rawn tih rual in ka lut a. Khum sirah chuan a lo thu a. Min hmuh rual in rawn ding in sofa a thut chu a rawt nghal vat a. Kei pawh ka thu ve mai.



" Zualte ... Nang leh Bawihpuia inkarah hian engmah a awm lo ti raw? " A rawn tih chuan kaelh nghal zawk a. Ngun lutuk tak hian min lo en reng thung.


" Tebawihi Bawihpuia thiannu khan a sawi a, mahse thu dik a nih ka ring lo a zawh fiah hrim hrim che tha ka tia. Nang leh Bawihpuia te chu unau in nia. Chhungkhat inkarah chuan chutiang rilru chu in pu lo ti raw. " A rawn ti leh nghal a. Ka mal chung a ka kut chu ka hmer ngawt ngawt mai.


Ka pi aw chu a dam dap a, mahse eng emaw nel lohna riau a lang tel tlat thung. Chuan a mit meng pawh nidang ang a ni lo bawk.



" Pi... Kha kha... " Ka ti ringawt. Sawi chhuah chu a har talh mai.


" A nih chuan a dik a ni maw? Nang hian kan in a khawsa chungin ka tupa i lo thlem kual a maw? Kan fanu ang maiin kan en che a. Chhungkhat laina tiin kan hmangaih em em che a. Mahse kan hriat loh a i thil tih dan chu a tenawm hle mai.


Nilo... He thu hi hriat nawn leh ka duh lo a nia. Ti tawp ang cheu, Zorina chu a la naupang a, a ngaihtuah a ka tawi zawk a, nang chuan lo hnial tur i ni a sin. Thisen inzawm lo ni mah i la kan ngai mihrang miah lo che kha a nia. I nu leh pa, Bawipuia pa te ho in an hriat tam hma in in inkar hi ti tawp hmak ang che! " A rawn ti chang rat mai!



" Pi... "


" Engmah sawi tum buai suh, thil theih pawh a ni lo. A rapthlak e mai, thenawm khawveng ngaihah pawh a zahthlak lu lai lutuk. Ka sawi i hriat kha, chhuak tawh rawh. Tunah i ti tawp lo a nih chuan i pa ka biak mai a ngai ang. " A rawn ti ram leh hmak.



" Midang lo haw hma in i haw dawn nia. Hengte vang a lo nih dawn kha Tebawihi pawh i lo ngainat loh em ni. " A rawn ti leh kher a. Thaw hak in ka ding a. Ka pi mitmeng a min huatna lang chhuak avang chuan saai tur pawh ka hre lo. Ka rin lawk chu a nia mahse a hre teh thut em a sawi tur mai ka hre nang lo. Zorina nen tal awm i la chuan a zia deuh ngei ang. Tunah kha chuan eng pawh sawi i la keima thiam lohah a bur bun vek dawn a ang tlat a. Tawng tam vak kha a nuam lo.



In ka chhuah san a, gate ka hawng tur chu Tebawihi a rawn lang ve hlawl mai. Gate pawn lamah a ding a, kei chhung lamah ka la awm thung.



" Ehee... Miss. " A rawn ti a, a nui sang leh nghal.


" Engvangin nge i hetiang hi i tih a? " Ka ti ram hmarh. A la nui sang thei chuan ka thin a ti rim zual sawt leh nghal..



" I tan hmasa a lawm. Tinge Zorina bulah khan in inkawp ka hria tih i lo sawi kher. Ngawi la chuan ka ngawi ve mai tur. " Mit chet kual ralh in a rawn ti let ngat a nih chu.



" Nang hi... Engmah ka sawi reng reng lo. Ka pi bulah khan tawng tam viau lo la chuan Zorinan i hri tih pawh a hre lo ang. " K ti let nghek. Kei hian engmah k hrilh teh hrep lo.



" Ohh... Ka ti sual... Ni lo... Ka ngai dik lo hlawm tawp che a nih chu. Mahse engkim chu a nih ang ang a ni vek tawh a. Ka pi chuan a haw tawh ngawt ang che. Vanneih thlak taking kei erawh min ngaina. Zanin tlaiah pawh zanriah ei turin min sawm a sin. " A la rawn ti ham ham zui. Gate chu a rawn nem hawng a. Min kal pel tur chiah chu a ding leh dat.


" I lo lan hma chuan Zorina hian min ngaihsak thin a sin. Ka ta chu ti dawt ngam li mahse chance kha ka nei ve thin a. Mahse i rawn lang a, engkim i ti chhe vek. Tunah chuan Zorina hi ka nei thei emaw thei lo a nih pawn nang hi a kiangah i awm ka phal bik dawn lo tih i lo hre dawn nia! " Tiin kawngka lam chu a pan nghal hmak!

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » September 28th, 2021, 6:56 pm

CHAPTER - 29 🌼 by Amy Cck



Doorbell a hmeh a inchhung a luh thleng chuan ka thlir liam a. Kei aia naupang daih a nia, min hmuh tirh atang tawh in min la tawng khum ang fek fek leh ta nghal a. Thil lah hi a man chak fu leh nghal. Engtia han chingfel tur nge pawh ka hre tawh lo. Thaw chhuak hak in gate chu ka hawng a, chhuak in taxi stand lam chu pan ka tum a.



Thui pawh ka kal hman lo , in hnih vel chiah ka kal pel hman. Ka zawnah chuan bike hi a rawn ding chawt a. Ka rilru ka lo kawm nasa bawk nen ka phu deuh zawk mai. Kawnglai lutukah pawh ka kal lo a nia, engtia ka hma a rawn tlan kher nge maw a nih le.



" Enge i hriat... " Ka hawi chhuak chu ka tawng tawp chawt. Ka hma zawn a lo ding chu tu dang ni loin Zorinpuia a lo ni reng a. A helmet glass chu a rawn up a. A mit meng chuan zawhna min zawt ni ang hrim in min melh zui bawk a.



" Nangmah i ni tih ka hre lo a. " Ka ti thla ve ngawt. A mit meng atang chuan a nui tih ka hre chawp chil leh nghal a. Zorina awm dan atang chuan ka piin a hria tih chu a la hre lo niin a lang. Ka hrilh ang nge hrilh lo ang tih ka ngaihtuah nghal a. Mahse hrilh lo pawh ni i la ka pi in a hauh chu ka ring ve deuh tho bawk a.



" Kan inah i rawn kal a mi? " Tiin a bike chu a hung rem a. A thut dan chu a siam rem nghal bawk. A bawp a hrawl in a sei bawk nen a bike nen chuan in rem tak hi a ni ringawt.



" Umm... Ka pi ka rawn hmu lawk a. Haw ka lo tum chiah. " Ka ti ve vat a. A helmet chu la thla in a mal chungah chuan nghat in min rawn en a. " Chaw ei lo in haw I tum a maw? " A rawn tih chuan ka thlek haw mai. Nia, an in a ka kal hi chuan ka pi hian zanriah ei tur hian min pawt bet ngei ngei thin kha a nia. Mahse tun tum chu ka awm rei hlau ang zia zangin midang haw hma a chhuak turin min ti zawk a nih kha. Ka thil ngaihtuah avang chuan ka mittui a hnai kuar mai.


" I hriat kha Mama dawr atanga a rawn haw a lo awm loh chu .... " Ka ti let a, a tawp lam chu a zuih ral thak mai. Chu chu a chhan chu ni tho mahse chhan dang erawh a awm tel bawk a. Hrilh mai ka duh a mahse khawlai a chutiang han sawi chu a tih chi bik chiah in ka hre bawk si lo.


" A nih chuan ka rawn thleng ve chiah sia rei lo te lo lut leh la, chuan la thlah haw ang che. " A rawn ti a, ka ner sak mai. Let leh chi ka ni tawh reng reng lo.



" Aii.... Ti hian min thlah haw nghal mai la. Enge luh leh kher a ngaihna? " Ka ti let ve ta vat. " Ka pi damdawi ka lei hi pek lawk a ngai. Tlai a ei tur hi a nia. " A rawn ti ve leh bawk a. Mahse let leh chu ka duh tawh lo tak tak.



" A nih chuan min thlah lo mai rawh. " Tiin ka kal pel a. Min thlah haw se chuan vawiin tlai chung chang kha ka hrilh ang ka ti rilru deuh a mahse min thlak kher lo pawn in a va luh chuan a hriat ve mai chu ka ring tho.



Pen nga ve ka pen tih chuan ka banah min rawn pawt ding chawt a. A lam hawiin min pawt let nghal zat bawk. " Ka rei lo dawn lo, kan lut lawk a nga kan chhuak leh nghal dawn a nia. " A la rawn ti hram. Thaw hak in ka hmui ka pet sawi zeuh a.



" Ka duh lo ka tih chu. " Ka ti ta hlar. Ka awm dan chu hrilhhai zet in min melh a. Ka banrek chu a hmer nghet nghal salh bawk.



" Engvangin? "


" Aw le... Sawina hun chu a ni chiah lo a mahse ka piin kan in kar a hre chhuak tawh a. Tunah khan ka pi in min hau zo chiah. Chuan tu hrilh nge i hre duh emm... " Ka tih lai chuan " Tebawihi. " A rawn ti zawi sup a. Ka melh haw mai, a lo hre reng a maw.



" Haa... I lo hre reng a nih chu. Chuvang chuan ka lut duh tawh lo. I hria em, ka pi chuan zanriah ei tur ten a sawm vel a. Kei ai chuan a ni nen khan in ngaizawng u la a tih hmel zawk khawp a lawm. " Ka ti ta phiar phiar. Khaw laiah kan ding tih lam reng ka ngaihtuah tawh lo.



" Ka piin zanriah ei tur a a sawm vang chuan maw ka lakah i thinrim? " A rawn ti leh nghut. Thaw hak in ka kut a vawn lohna lam chuan ka sam chu ka tuai chho pap a.


" Ni lo, chutiangah ka buai lo. Ka pi bulah khan engtin tak nge a sawi chu ka hre lo mahse ka pi khan kei mah zawk in ka thlem kual che in a ngai a sin. Engmah ka sawi hma hauh in min ring chhe nghal ngawt a. Ka dem thei bik lo tih chu ka hria mahse tunah rih chuan ka hmu duh tawh rih lo. " Ka ti leh ta duah. A mitah chuan ka melh chho ve ngar a. A mit mengah chuan a thinrim nge rim lo, enge a ngaihtuah ka hre thiam lo.


" Chuti a nih chuan i lo let leh ngei a ngai zawk a nih chu! " Ti hluk in min kai let dawr dawr chu ka tang hman lo. A bike kawngsir a a hun kan kal pelh dawn chuan seat chung a a helmet dah chu a ban zawk a. A pawh in min pawt kal nghal dawr dawr mai.


" Lawk in.... Zorin! Tunah chuan ni rih lo nakinah rilru fim takin ka pi chu kan hmachhawn dun dawn nia. " Ka ti ve tak na in gate bul ka thleng der tawh. Ding dawt in ka lam chu a rawn hawi a. Dik tak chuan Tebawihi kha a awm bawk si a ka pi lah khan min huat hmel bawk nen luh ka huphurh ru tawh tak zet.


" A nih chuan ka pi vangin min tlan san ang maw? ' a ti hmuk chu ka thaw halh mai.


" Chu chu ka sawi tum a ni lo. Ka pi khan kha tiang khan min ti mahse kal san phah che tumin tun thlengin ka la in ngaihtuah miah lo a nia. Kei chuan nakinah tha deuh a hrilh that leh ka duh ka ti mai a lawm. Tunah chuan a thinrim rih lituk a, min haw zual mai mai ang. " Ka ti let ta vat. Ka sawi awm zia a hriatthiam loh ka hlau lutuk chu ka tawng hnem hman ngang mai.


" A nih chuan ka pi chu tunah hian hmuh tir ang. Engpawh nise kan in then dawn lo tih hi. Min ring rawh, engmah i tih emaw i sawi ka phut lo. Ka bulah lo awm tawp la, ka kut vuan tawp la chu chu i ti thei ang ti raw? " A rawn ti dam dup a. Ka taksa che ak in thawk ka la vang vang a, lu ka bu ta nghat.



" A tha lawm. " Ka ti ve takah chuan a rawn then ve ta suk. Tun hun hi chu a thleng dawn tih kan hre lawk tawh kha a nia. Mahse duh aiin a lo thleng hma mah mah a ni. Ka in ring hman lo a ni ber. Gate chu hawngin ka kutah chuan vuan in min kai lut a. Doorbell a hmeh hnu rei lo teah Mamin kawngka a rawn hawng vat a. Kan lut ve nghal a ka pi leh Tebawihi chu sitting room ah thu in an lo ti ti mawlh mawlh a. Ka pi in min hmuh rual chuan a tawng tawp nghal chat.



" Mikhual tur kan nei ti ka lo hre lo a. Zualtei pawh hi i bawl kep dawn a nia aw. " Mami lam hawi chuan Zorina lah chuan a la ti zui. Ka pi thaw hak ri chu ka hria a Zorina kut chu ka hmer nghal vak mai. Min rawn melh in hahdam rawh min ti ang hrimin a rawn nui deuh suk a. Mahse ka taksa chu a tang tung tho.



" Bawihpui enge thil awm zia? " Ka pi chuan a rawn ti ta chiah reng bawk a. Min rawn melh in kan kut chu a melh leh nghal chiah a, a thinrim tih hairual lo in min melh ru zui nghal a. Ka pi ka ngainat thin kha a ang tawh lo tak zet.



" Thil awm zia chu i hre chiang zawk ang chu. Ka sawi ang khan nang pawn kha mikhual i nei a kei pawn ka nei ve a ni mai a. In in kawm tui bawk a roomah kan lo han in kawm ve thung ang. " Tiin min kai sawn a. Ka pi chuan ding tur in min rawn ti nghal that. Zorina pawh chu a ding ve chawt mai.



" A ni nen khan a fal a in awm ka rem ti reng reng lo. Kan inchhungah ngat phei chuan. " A rawn ti ram hmarh a. Zorinpuia chu a nui ro hawk mai.


" Engvangin? A hma kha chuan i ngainat thei em kha. " A ti let ve kher a. Tun ang bak a Zorinpuian ka pi zah lo tak leh duhdah tak a a biak hi ka la hre lo. A tawngkam tam zawk chu a bul in a ngainatawm hran lo a mahse Tun tum chu a dang hlak. Chu chu ka pi pawn a hre chiang a, a lak mat hmel viau leh nghal.



" Kha tih lai khan rilru dik lo a pu tih ka hre tlat lo. Hria i la chuan he inah hian ka chen tirh hauh lo ang. " Ka pi chuan a rawn ti leh hmak. A thu sawi dan chuan min chhun sawk mai. Tlem chuan ka la na det, an lakah hian eng rilru chhiah leh dik lo mah ka pu ngai miau lo a.



" Chuan tunah engkim ka hre tawh bawk a, in nungchang khaw lo zet kha siam tha ang cheu. I pa hriat hma in pangai takin awm leh ang cheu. " A rawn ti leh hmarh hmarh a. Zorinpuia chu a in seh ruh nasa ngang mai. Kei leh Tebawihi chu an bulah kan lo ding ngawi kar ringawt.



" Kan thei lo. " Ring si lo mahse chiang fawk hian Zorina chuan a ti a. Zorina chhan leh nan avang chuan ka pi chu a thinrim zual hmel em em mai leh nghal. " Engmaw i sawi kha? " Ka pi chuan a ti vin that. Ka pi hi aw ka vinin a tawng ngai miah lo kha a nia. A bikin a tupa lakah hian mahse tunah zet chuan a nem thei mang lo chu a ni.


" A sawi chu kan pahnih hian kan in hmangaih a, kan in then thei lo. " A ti nawn ve ngat. Ka pi chu a beidawn hmel ngei mai. A tupa luhlul zia a hriat chian vang pawh a ni mahna.


" Zuali nang pawh i nau ang a i en tur a ni a sin. Engtin nge i lo thlem kual theih zawk. Hmeichhe fel tak i ni emaw ka lo ti a. I pa ten hria se an lawm i ring em? " Ka pi chuan kei min en in a rawn ti a. Zorina hrilhin awmzia a awm lo tih a hrethiam nge kei min biak tak daih ni.



" Pi i ngaikawi a nih kha. A ni hian min thlem reng reng lo. Engkimah kei mah zawk in bul ka tan hmasa char char zawk. Chuvang chuan a ni hi mawhpuh tum suh. " Zorinan min lo chhan khalin a ti bung nghut a.



" Lalpa leh, a va han rapthlak tak em. Ka tupa ngei chu i ni ve sia. Hetiang tur hian em ni ka enkawl che. " Ka pi chuan beidawng zet hian a rawn ti halh a. A mah a upa ve tawh bawk nen a hreawm duh tak zet.



" Nang kha hetah tih tur i nei lo, kan in atang hian chhuak rawh. " Zorina chuan a ti leh hluk a. Ka melh chho rang teh a sin aw. Mahse a ni chuan Tebawihi daih a lo melh ngur thung.


" Zorin... Englo... " Teibawihin a tih rual chuan " Hrep che chuan, chhuak vat mai rawh. " A ti vin thawt. Tebawihi pawh a phu ve zawk mai.


" Zorinpui i rapthlak e mai. Engvangin nge a ni chu i mil loh ve ngawt a. Zanriah ei tur in ka sawm a, kha tiang khan i rawn ti ringawt thei lo. A ni kha chhuak tur zawk chu a ni. In in kar in tih tawp hma chu he inah hian rawn pen lut tawh lo bawk rawh se. " Ka pi chuan a rawn ti phiar phiar a.


" Pi i thin a rim ang tih chu ka hria a lawm. Mahse hetiang a awm hi a tir chuan kan tum bik lo... "


" In tum lo a mahse in awm ta si a. Engtin nge i thil tum ni miah loh chu i tih leh si. Zorinpuia hian a lo zar buai che a nih pawn puitling leh upa zawk i nih angin i lo hnar tur a ni lawm ni. Eng rileu nge i lo put reuh ni. I chungah hian ka lawm lo khawp mai. Inchhungkua pawh i ti mualpho tel tih hi i hre lo nge i hre lo der zawk. " Rawn ti tu chu ka pi bawk a ni.



" A tawk, engvangin nge kan in karah chuan i lo in rawlh ve phet a. Kan in hmangaih a, thil dik lo kan ti pawh a ni lo. Lo in rawlh buai lo mai rawh. " Tiin a bag chu a dap rawk rawk a, eng damdawi emaw hi rawn phawrh in dawhkanah chuan a nghat chawrh a. Kawngka lamah chuan min kai let nghal dawr dawr bawk.



Ka piin a ko ri pawh chu hre lo ang hmakin min pen pui pawk pawk a. Kawngka bul a helmet a dah kha la leh in pawnah min chhuah pui nghal vut. Gate bulah chuan dingin thawk a la vang vang a. A awm dan chu ka en reng a, eng emaw mawlhtu nei ang mai hian a awm niin ka hria.


" I tha em? " Ka ti sap. Min chhan mai loh avang chuan " Zorin.. " Ka ti leh sap. Min rawn en vut a, enge a ngaihtuah hriat ka duh ang tkuk zet in min hrilh tum hmel a pu lo tih a mit mengah khian ka hmu thei.


" A tangkai lo. Hreawm i lo ti viau lo maw? Kan chhuah zawk mai loh chuan ka duh lo thil ka tih mai ka hlau a nih kha. " A rawn ti dam dup a. A sawi tum hrethiam zet in lu ka bu ve nghat.


" Kal ang aw, ka thlah haw ang che. " Rawn ti leh daih in a bike nichin a kan kal sanna lamah khan min kai kal leh a.



" Papuian engtin nge a sawi ve ang? " A bike a a thu in helmet a khum lai chuan ka ti a, a ngawi vung vung mai.


" Ka hre lo le. " A ti sam et chu ka ner khum nang mai.


" Ka pi khan... " Ka tih rual chuan " Engmah a sawi lo ang. Ka pa hrilh tum chu nise nang hmu lo che in a hrilh nghal ngei ang. " A to leh mai a. Tun lawk khan ka pi nen an in hau hrep a mahse vei zui hmel zu han pu miah lo a.


" Tinge kha tia min en a? I bialpa hi ka chhelo i ti thar ta viau a nih chu ka ring chiah lo a. " Nui deuh suk hian a rawn ti a. Meng kual ralh in ka din hnaih deuh a. A mah chu ka hnim kual zui a. " I rui chu a ni em lo maw? " Ka tih rual in phun hluk in a helmet chuan min rawn tauh dat.


" Tunah tak hi chuan ka fim e, thu rawh le. " A rawn ti a, kei pawh chu a hnungah ka ka lawn kai a. A kawngah nghet zet a ka kuah rual chuan rawn nui nghawr dawt in chak zet chuan a tlan chhuak a. Ni e, a sawi ang khan ka rilru ka ti buai tur a ni lo. A la hun rih lo, Zorina sawi ang khan a kut chiah ka vuan tur a ni.


Kan in thleng min thlah a, mahse rawn lut kawi lo in a tlan tlang ta thung a. Inah a haw dawn lo tih a sawi a, a in pakhatah khan a riah tur thu a sawi bawk a. Chaw chu kan in a ei turin ka ti ve ngei a mahse chu pawh chu min hnial ve tlat. Rilru nuam zan lo in a tlan liam chu ka thlir a. Inah chhuk in rawng ka bawl nghal a. Mama a rawn haw a, chaw kan ei zui nghal a ni ber.



Mama bulah pawh engmah ka la sawi duh lem lo a. Nakinah chuan a la hriat tho chu a ngai dawn tih ka hria. Zanah pawh Zorina chu a rawn kal lo a. Ka call pawh a chhan loh avang chuan ka mu thei lo hial. Tlaiah kha chuan a that hmel viau khan ka hre sia.



Ka hriat loh karin ka lo muhil a, ka harh leh meuh chuan khua a lo var vek tawh. Nizanah Mama a rawn haw lai pawh ka hre miah lo. Tuk dang ang bawk in Maman dawr a kal phah in college ah min thlah a. Zorinpuia erawh ka la be thei lo char char a. Ka thin hi a rim deuh hlur tawh.



Chhun chawlh kan hman laiin Tein min rawn call a. Ka phone ka lo silent vangin ka lo hmu lawk lo leh nghal. Last period ka lak zawhin ka hmu ve chiah a, ka call back nghal a, tlaiah kan inah a rawn kal tur thu leh chaw a rawn ei tur thu te a sawi zui a, henu hi chu a thawveng ve chiang a nia.



" Zual... Haw I la.. " Hlimin a rawn tih chuan ka bag la in kan in zui chhuak a, tlanglam kawngpui sir a ka mi hmuh avang chuan ka ding dat. Zorinpuia chu a bike nghengin a lo ding awn deuh a. Min rawn hmuh rualin za lo fahranin a then suk.


" Hlim... Zorinan rual khuan ka kal mai ang aw. " Ka tih chuan min kal san ve mai. Zorinpuia dinna lam chu ka pan zel a, a hmel ka hmu chiang tulh tulh a ka thinrim tulh tulh bawk. A in sual tih hriat zet in a hmaiah chuan pem thar lam a awm nual a. Nizan atang ka be thei lo thinrim sa bawk nen.


" Ka tlai lo hram em. " A bul ka then chuan ti sup in a ding ngil a. Ka nuih let ve miah loh vang chuan za lo fahran a then leh suk in a hnar chu a tuai zauh a.



" Enga ti nge i hmai... " Ka ti chiah chu " Zorinpui nang kha... " Sir lam atanga hmeichhe aw in a rawn tih avang chuan ka hawi ve nghal a. Zonuni chu thinrim tih hriat lutukin a rawn pen hlak hlak a, a hmungah Zorema khan a rawn zui bawk. He mi te pahnih hi an in ngaizawng lo an tia mahse an in zui reng sia ka hre thiam lo thin kei tak ngial pawh hian.


" Vawinah class i rawn kal lo a ka la hau ve lo che a nia. " Kan zawn a rawn thlen chuan a ti zui hlak. Zorina lah chuan a tukhum tuai thuak in a hma a mi chu a melh a.


" Zoreman min hrilh chhawng vek tawh a lawm. " A la ti sap et zui. Zorema lah chu a lo nui suk.


" Nghal dun ve sia aw. Nangmah ni vangin Zarkawt hruaitu ten kan college ho hrim hrim an veng chhungah sumdawn an phal tawh lo a nia. Mawl dun lutuk mai, enge zankhat in va riak ve dek dek a, mi in va tih buai nghal ngawt a. " Zonuni chuan a la ti zui.


" Enge in sawi awm zia chu. " Ka lo ti vat.


" Aa... Miss tihpalh lutuk. Ka in sum hman tawh ngang lo a nih kha. Tunlai chu department ho in nikum khan kan zin ve ta si lo a exam hma hian zin kan tun leh hmu hnawh a. Kan in hlawlh bakah sum kan tula ve a. Thawmhnaw hlui khawn khawmin kan sale a, nizanah Zorinpuia leh Zoremsangate leu luau hi seat kan hoh lawk tir a. Midang nen an lo ba in ti buai daih a nih chu. An veng hruaitu te thin pawh a rim lutuk. " Tiin a rawn phun mawlh mawlh a.


" Kan ti hmasa lo, an rawn pawr hmasa a nih kha. " Zorema chuan a hnung atang chuan a rawn ti a. Zonuni lah chuan a melh zui rawm.


" Chu pawh ni se in lo kam nam ve khang lang a nih kha. Eng rau sualin nge lo man bik cheu ni. Kha ti chen midang te pawn an lo ti ve tawh, in pahnih chiah hian buaina in nei. Sum in ngah bawk a, nizan a kan chan au zawng kha in pahnih hian in chawi dawn. Kan rel fel tawh. " A ti leh hmak.


" Fair lo thin ve. " Zorinpuia lah chuan a ti zui hluk mai. Zonuni bawk chu a chek zui hlak.


" Depart6 pum in kan thu rel a nih chu. In chawi duh lo a nih chuan nizan report khan class HOD bulah kan thehlul ang. Tunkar chhung pawisa thehluh theih hun in nei. Ka thianp te in nih vang hian zahngaihna ka nei dawn lo a nia. Midangin hah tak an thawh nangni pahnih awm duh dan vanga a chhiat ka phal teuh lo. Kan class CR in ka kutah a dah cheuh. Bakah in hausa tih ka hria a ka ren lem lo cheu. " A tih leh chuan ka lo nui tawp.


" A tha lawm, ka sawi buai lo ang. A zat min rawn hrilh la, kan kal phawt ang. Tih tur pawimawh kan nei a. " Tiin Zorina chu a bike ah a thu a, min rawn melh rual in ka thu ve nghal a. Zorema te pahnih in hnial lai chu kan tlan san daih bawk.


" Tih tur pawimawh enge aw? " Bike a kan tlan lai chuan ka ti a. Glass atang chuan min rawn melh zauh bawk.


" Putea te inah chaw kan ei dawn a nih hmel. Chuan putean hruai ve tur che in min ti a. " A rawn ti tha ve mai a.


" Engvangin maw? ' ka ti leh haw.


" A nupui neih tur chungchangah a ni mahna. I thiannu te a lo ni ve zel si a. " A ti sam et a. A nih chuan Tei ten aw an pawh tawh tih na a ni ngei a nga. Ka rin aiin a chhungte a hneh awlsam daih. Tei te ka ngaihtuah chuan kan hma hun la ko zia la hre chhuak uar uar mai.



Andrew te in kam thlen chuan an lo awm ve nual mai. Ka pi leh papuia pawh an lo awm a. Ka pi chuan biak pawh min lo be lo reng reng a. Papuia erawh engmah a la hre lo ni ngei tur a ni danglamna a la awm lo. Ngati nge ka pi hian a hrilh mI lo tih ka ngaihtuah rum rum.


An sawi danah chuan palai ho Tei te khuaah an tir dawn a ni awm a. A awmzia chu kan khuaah palai an kal vang vang dawn a nih chu. Papuia hi an makpa a nih ve miau avangin a kal ve dawn a nih hmel bawk a.


Andrew pawh ka lawmpui, ka thiannu a nih vang lam ni lo Tei nen hian an in hmeh dawn riau in ka hre bawk a. Naktuk a palai pawh zin chho an rel fel a. Papuia leh mipa pakhat Andrew te chhung lam a mi an kal dawn a nih hmel.


Kan haw dawn chuan Zorinan min thlah leh thlap a. Inah a la haw lo tih ka hria a haw tur a tih luih bik pawh ka tum lo. Maman class a kal dawn loh thu a sawi avangin ka haw hma duh lem lo kha a nia. Mahse in kam thleng chu rin lo deuh in kan inah Muanpuia a lo awm ve teh khiah. Zorinan min zui luh ve miau avangin a rum zui nghut a. A lawm lo leh dawn chiang a lawm.



" I lo leng a law. " Pangai tak chuan ka ti a, thuthlengah chuan ka thi thla a, imchung nula pawh a lo leng ve bawk a. Zorinpuia chu ka bulah a rawn thu ce nghal chawt.


" Nia, imthar ka la rawn hmu ve si lo a, hman zan khan ka remchang leh si lo a. " Muanpuia chuan a rawn ti a. " Min lo phone tur cheu nia. " Ka ti leh vat. Mama nen an lo in kawm thu leh MA zawm chungchang vel an lo sawi thu an sawi luam a. A lo sawi phur pui nge Mama pawn a tui thar leh deuh in ka hre hial. Kei pawh chuan ka sawi phur pui ngang mai.


" U... Inchungah kan chho a nia. " Tiin Mama leh inchung nula chu an chhuak a. Tunlai chu inchung lah hian a chho ngun riau a. Zawh lahin a zep ve tlat ang reuh a. Nakinah ka la phawk khawp ang. Mama te an chhuah hnu chuan kei, Zorinpuia leh Muanpuia chiah chu kan awm a. Sawi tur lah chu a vang ta pharh a. Zorina lah kan thlen atangin a la tawng duh miah lo zui a. Muanpuia han biak vak dawnin a thik leh dawn sia ka awm dan chu lai tak hi a ni ringawt.



* ZAWMNA *



" In chu ka rin aiin a nuam daih mai. Mahse a tir a min hrilh vat lo erawh ka la la na deuh." Muanpuia chuan a rawn ti a. Nui lui sak a chhan ka tum lai chuan " Mahniin i in bengvar tho chu a nih hi! " Tiin ring lutuk lo hriat theih tho si in Zorinpuian min lo tawng khal hmuk. Si deuh hlak in ka melh ram a, hrethiam lo der tih hriat lutuk in a mit ko chu a rawn san uk thung.



" Ni e ti raw. " Muanpuia chuan za fahran lo a nuiin a rawn ti a. Nuam lo duh ve tak chu a ni. Dik tak chuan Muanpuia hian in ngaihzawnna lam in min enin min be tawh lo a. Hmai chhanah ngei pawh thian nih a duh thu a sawi vek tawh bawk a. Mahse kei mah zawk hian Zorinpuia vangin ka be tha lutuk duh chuang lo kha a nia. Hetia Zorinan a ngainat loh zia a ti lang hi nuam ka ti vak bik lo.


" Zorin college in chhuak tep tawh sia enge tih tum te i nei tawh em? Thla tlem te chiah a awm tawh bawk a, zir zawm zel lam te. " Muanpuia bawk chuan pangai tak in a bia a. Kei min be lo a Zorina zawk a be zel chu ka tan a hahdam thlak tak zet.



" Tih tum maw? " Tiin kei mah bawk chu min rawn melh leh a. Kei pawn ka lo en ve reng, hetiang lam hi kan la sawi dun miah lo a, kei pawn la hre chak tih ka mit mengah chuan ka thup bik lo. Papuia, ka pi leh ka ni te ho kha chuan dan zir chhun zawm a tum thu an sawi kha a nia.


" Nupui ka nei phawt a nga, a bak chu hunin a rawn hrilh tur ah ka ngai. " Tiin min nui leh suk a. Muanpuia lam chu a melh leh a, Muanpuia chuan min melh tawn zak zak in " Ka hrethiam e, duhsakna ka hlan a cheu. " A ti ve mai a.


" Thingpui ka lum ang cheu aw. " Ti vat in ka tho chhuak a. Gas ah chuan thingpui lum in ka nghak zui reng a. A khat tawk in Muanpuia chuan Zorina chu a be leh thin a, Zorinpuia erawh a nghal a chhuah nge ni a rul tawk lek lek in a chhang a. Tawng bulh tawh sa nen a tawngkam thenkhat la chu Muanpuia tan a lawmawm vak lo a la tel ziah leh nghal. Kei a khap chi a ni bawk si lo, a sualthiam ve ngawt mai.



Thingpui no thum chu tray ah chawi pheiin dawhkanah chuan ka dah thla a. No pakhat chu la in Muanpuia ka pe a " College atang hna i zo tep tawh sia enge ka thawhna lamah rawn thawh ve chu i lo ngaihtuah tawh em? " A ti zui nghal a. Hrethiam lo zet in ka melh vat a min lo en ve reng bawk..



" Library ah chuan a nia ka tih, ka u khan lo zawt chiang tur che in min ti a. A duh sak viau che in ka hria. " A rawn tih leh chuan za lo zet a nuiin thingpui no chu Zorina ka pe ve a. A mit mengah chuan zawhna a tam hmel ngang mai.



" Ka lo ngaihtuah tawh miah lo a. Bakah in sawi ve mai mai emaw ka tih vang khan ka ngaihtuah zui lo a ni ber. " Tiin Zorina chu ka melh pah a. Thawk a la ham hma tih a taksa chet danah chuan ka hria, thawk dawn ta i la Zorina hian a phal ka ring miah lo.



" Lo ngaihtuah chhin la. Hna dang i hmu sa a nih chuan ka tih lui chuang lo che a. " A rawn ti leh mai a. " Nia, ka pa te pawh ka lo rawn ve dawn nia. " Ka tih ve mai.


" A rawn thawk thei lo ang. " Zorinpuia lah chuan Muanpuia melhin a ti hluk a. Zorina chu a melh rawm.


" In in kawp tih chu ka hria a mahse hei chu Zualtei duhthlanna a ni. A hma hun tur a nia, nangmah vanga hna tha tak a chan hi a duh ber lo ang. " Muanpuia chuan a ti ve a. Zorinpuia chu ngeiawm zet hian a khi suk.



" Ka nupui a nih chuan thu neihna ka nei dawn a lawm. Bakah a ngaihzaang hlui bulah tlat fal tir chu a zia lo i ti ve lo maw? " A ti ve kher a. Hepa hi enge maw a hria le, Muanpuia thu sawi hi lak kawih loh pawh a la nei lo tih theih tur a ni zaninah hian.



" Thikthu chhiat lutuk pawh hi a fuh ber lo a nia. Nge ni a Zualtei hi i ring zo lo zawk? Kei nen chuan thian angin kan in en tawh a, i pawm thiam leh i hahdam a ni mai. " Ti tu chu Muanpuia bawk a ni. Zorina chu ka en a, a mit mengah chuan thinrim emaw lawm lohna ka hmu hran lo a ka thaw huai mai.



" A lawmawm lamah ka ngai ang. Mahse ka bialnu ve tereuh hian zun a ngah em a, thian anga i lo en emaw i tih lai khan i rilru i thlak lo ang tih kan hre bik si lo a. Ka thikthu chu ka lo pe chhe zual sauh a nge. " A tawng tawp lam chu nuih za aw a ri tel a mahse a mit meng erawh a nui ve lem lo.



" Heii.... Engemaw i hriat le? " Thuthleng a tawlh hnung det in Zorina6 bulah chuan ka ti zawi sep a. A hria tih ka hre reng mahse a hre lo der hmak. " Zorinpui. " Tih leh a nak a sih ka rual chu a phu zawk a, ka thingpui chu a kiu in a rawn nghawk zui bawk nen ka kawr awmah min buak huk mai.



" Enge maw i hriat le? " Tih leh din ka rual a , mahse ka dung rual chuan Zorinpuia kiu chu su leh in a thingpui ken chu ka ti baw ve zui a. A ni pawh phun hlukin a rawn ding chhuak vut a, a shirt leh kekawr chu a thing zui nawk nawk.



" In tha em? A sa tlang em? " Muanpuia chuan a rawn ti ve hluai a. Lu thing in ka kawr nghawng chu ka keu a ka thing tel bawk. A lum pup ringawt a, kang tur khawp chuan a sa tawh lo.



" Aw... Tha e, a sa vak tawh lo a. Mahse ka huh vek. " Ka ti let a. Zorinpuia ka melh chho rawm rual chuan ka sawi tur hre sa ang mai " Dek ka hua tih i hriat kha! " Min lo ti khum hluk a. Sawi tur ka van der mai. A nakah kher ka va sik a, ka maal vang vek.



" Ka rawn ti fai ang. I huh vek sia Bathroomah va ti fai rawh. " Zorinpuia bulah chuan ka ti ta zawk a. Bu nghutin ka room lam a pan a ka melh haw. Kan in luhma bulah khian bathroom a awm a. Chuan kan room thlang a corridor ah khuan pakhat a awm bawk a. Mama room atang pawh a kal theih vek tho a, kan in tawm mai thin a, mahse inleng hi chu pawn lam kan kawhhmuh tlangpui.



" Thlanglam corridor ah bathroom dang a awm a. " Muanpuia en chuan ka ti vat. A hriat thiam loh ka hlau chuan ka ti vat a. Bu nghut in a nui suk a. Ka taksa chu a en thla leh a " I kawr kha... " A tih chuan ka en thla a ka shirt hal a huh ta bawk nen ka taksaah a bet thlap a, hmuh chu a nuam vak lo.



" Ohh.... Hei ka ti fai a nga, ka va thlak ang. A pawi e i rawn len zan ber kher in. Zorina kha chu ngai kawi suh aw. " Tiin chhuat chu ka hrui nghal thuak thuak a.


" Ka hriatthiam pui a lawm. Chhungte lakah zep ngai bawk nen kei pawh ni i la ka thik thu chu a chhe viau ang. " A tih takah chuan ka hahdam huai mai. Muan hi mipa sual a ni lo hrim hrim a, tun thleng pawn a mizia a la ngai reng tih ka hria.


" A van rawn chhuak har ve. Lo awm lawk rawh aw. Inthlakna a hmu lo a niang. " Tiin ka room lam chu ka pan a. Kawngka ka hawng chu room chu a lo ruak vek. Corridor lam chu ka pan a, tui ri sur sur ka hriat rual in bathroom chhungah chuan min hnung chhawn in a shirt phelhin a lo su ve ngeiin ka hria.


" A suk in i su a mi? " Tiin bathroom kawngka bulah chuan ka ding a. A lu chu a thle buk mai. A zo chiah a niang a rawn in her a, kawr a ha ta bawk si lo chu a taksa en duh lo in a hmel ka en ngar ngar.



" Ahh... Tah sawn zar la, Mama kawr i hah ri mai dawn nia. " Tiin bantlang lam chu ka melh a. In her in corridor ah chuan ka room kal pel in Mama room ah ka lut a. A thawmhnaw dahna chu pawt hawngin Shirt pakhat chu ka pawt thla a. Ka in her leh chiah chu ka hnungah Zorinpuia chu a lo ding reng tawh.


" Hei... Ha mai rawh aw. " Tiin tshirt dum chu ka lek chhuak vah a. Ka kut a kawr chu melhin kei mah bawk chu min rawn melh leh a.


" Ka kekawr ve hi? " A tih chuan a kekawr chu ka melh chhuk a, jeans pawl tak a ha bawk nen a huh lai chu a val kual ruah mai.


" Aww... Mama kekawr i hak tur kan zawng leh dawn nia. " Tiin ka in her a, " T-shirt kha lo hah vat rawh ka zawn chhungin. " A mah hnung chhawn chung chuan ka ti a. A la nui ri suk zui.


" Kekawr bul leh a tluan i duh? " Tiin ka in her leh chu ka kawngah a rawn vuan chawt mai. Thawmhnaw dahna chu ka ngheng nghal rawk rawk.


" Ti nge saw pa sawn a bulah thawh a sawm che tih min hrilh lo. " A tih chuan ka ner sak. " Nichinah ka sawi kha, hriat pawh ka hre tawh lo. Tunah khan a rawn sawi a ka hre leh chiah. " Ka ti let a. A hmui ti sawi zeuhin min rawn melh leh a.


" A nih chuan thawh chu i tum ta em? " tiin min rawn awm hnaih zual a. Ka kawngah chuan a hmer leh salh. Kawr a ha lo bawk nen a pangtilum chu ka feel thei.


" Ka hre lo, ka la ngaihtuah tha ang. Ka sawi ang khan ka pa te pawh ka rawn ve a nga. " Ka ti leh mai a. Min hnaih chilh tak em avang chuan a awmah chuan ka nem zui dat.


" Thawk lo mai rawh. " A ti hmuk chu ka melh nghek.


" Kha chu sawi rih lo ang. In thlak rawh kei pawh ka in thlak dawn. Muanpuian rei min ti a nge. " Ka tih chuan lungawi lo tih hriat lutuk in a rum nghut.


" A ni nge kei .. " A tih chuan awi lo lutuk in ka ner nang.


" Ngai kawi suh, inleng an awm a room a awm san daih chu a chi loh. " Tiin ka sawn ka tum a, mahse ka khelhah a vuan nghet zual sauh. " Chimawm suh aw. " Ka ti hlak chu a khi suk mai.


" Eng emaw tih ka chak riau. " A rawn tih phei chuan ka thin a phu rang zual sauh.


" Eng? " Ka sawi zawh hma in ka hmuiah a rawn fawp zauh a. " Chimawm tih kha i sawi ti raw? " Ka hmui si reng chung chuan a phun sup a. Ka kawngah min vawn beh miau avangin ka hnung lamah ka awn a mahse kan in hlat thei chuang der lo. A rawn awn ve zel a, ka hmui hnuai lam chu pet kau in a rawn thaw lum ham ham a. Ka khel a vawnna kut chu sawn chho in ka shirt chhungah a rawn zut chho riai riai a , ka taksa chu chhunglam atang hian a rawn mur ar ar thei.



Room pawn lamah Mama aw ka hriat chu ka meng buai nak a. Zorinpuia pawh a rawn phun hluk a, nem sawn ka tum rual chuan ka hmuiah chuan uar zet hian a rawn fawp a, Mama leh Muanpuia in be ri ka hriat theih avangin chhan let pawh ka chhang let thei lo.



Ka room kawngka in kik ri leh Mama min ko ri kan hriat takah chuan min thlah ve hram. Ka room kawngka an kik a Mama roomah kan awm daih bawk sia. " In thlak rawh. " Tiin rang zet in corridor lamah ka thlan phei a, ka roomah lut in Mama chu kawngka ka hawn nghal vat.


" I zo dawn tawh em, U Muanpuia haw a duh tawh a, rawn thlah ve la. " A tih chuan ka chhuah vat tur thu ka hrilh a. Kawngka khar mai ka tum chu a rawn nem leh a " Khawnge Zorina? " A rawn ti ve nghal.


" I room ah i thawmhnaw ka hak tir a, a in thlak. " Ka tih chuan min melh vung vung mai.


" Lo chhuak vat rawh. " Ti nawn leh in a kal sawn ve hram a ka thawh zui halh. Ka kawr chu ka thlak sawk sawk a, room ka chhuah chuan Zorinpuia pawh a lo chhuak ve daih tawh.



Muanpuia chu ka thlah a, kawngka pawn thlengin, ' vengtu i nei tha e mai lo chhuak lo mai rawh ' a tih vangin kei pawh kawngpuiah ka chhuak chho lem lo a. Ka let leh chuan Zorina leh Mama chu an lo in be mawlh mawlh a. An tawng tam lo dun ve ve a mahse an in kawm thei viau tawh. Zantin Zorina a rawn leng ang a nia, in rual khat an ni bawk nen in kawm lo thei lo an ni ber ang chu.


An bulah chuan thu thla ve in an inbiakna vel chu ka lo ngaithla vel mai mai a. Min hre chang ta miah lo a an in kawm chu ka ngei dun lek lek. Kei pawh chuan ka phone ah ka tih thin dan in story ka chhiar san ve daih a. Ka phone ka en reng lai chuan ka pi call a rawn lut hlawl mai. Dar zat ka en chu 11 a lo ri fel der tawh.



Lak loh mai chu ka duh rum rum a mahse thil tih chi niin ka hre chiah bawk si lo chu ka la ta hram. Zorina erawh Mama nen an la in kawm mawlh mawlh thung.


" Aw.. Hello" Ka ti sep.

" Bawihpuia i bulah a la awm ti raw? " A rawn tih chuan ka bul a thu Zorinpuia chu ka melh vat.


" Aa.. Aw.. Awm e. " Ka ti bah nak a. Ka tawng bah nak vang nge Zorina te pahnih chu an rawn hawi nghal vat.


" Phone pe kha pe teh! " Ka pi bawk chuan a rawn ti ram hmarh.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » September 28th, 2021, 6:58 pm

CHAPTER - 30 🌼 by Amy Cck



" Ka piin a be duh che a. " Tiin ka phone chu a lamah chuan ka lek phei a. Ka phone pawh en lo chuan kei mah min melh vung vung thung. " Be lawk rawh... " Ka tih leh takah chuan thaw chhuak hawlh in a kut a lek chhuak a. Ka phone chu la in a be nghal mai dawn emaw ka tia mahse loudspeaker chu on in min la ken tir ta reng a. Phawk zet a ka en chu a mit a rawn san uk.



" I rawn haw dawn tawh em? " Ka piin a ti ri chu ka hre ve reng. Thuthleng pakhatah in si lo chauh in kan thu a hriat loh tum pawn a hriat loh theih lo. Chutah loudspeaker a la on zui a Mama pawn a hre thei vek. " Ka hre lo le. " Zorina chuan a ti ve mai. Mama pawh a phone a hmet zui ta mual mual a.



" Rawn haw tawh rawh a tlai tawh. Ka lo la nghak che a nia. " Ti tu chu ka pi bawk a ni. Zorina chu a thaw chhuak leh hawk a. Nuam pawh ka ti lo hetia an in biakna ngaithlak ve hi. Enge maw Zorinpuia pawn hetiang a a tih kher kher le.



" Bawihpui... Ka sawi chu i hria em? " Zorinan a chhan loh avang chuan ka pi chuan a rawn ti leh a. Zorina lah chuan keimah zawk min melh char char leh nghal.



" Min mut san rawh , ka la rawn let lo ang. " Zorina chuan a ti bul hmuk. Ka pi rawn thaw ri hak chu ka hria a, awm hmunah ka lo tang ve em em ringawt bawk a.



" I rawn haw hma chu ka muhil thei lo a nih hi. Nizan i riak chhuak tawh bawk si, sawi buai lo khan rawn haw vat rawh! " Khauh deuh zawk in ka pi chuan a rawn ti leh a. Mama pawh a rawn hawi phei zawk mai. Zorinpuia erawh tham lo fe in a khi suk thung.



" Zan dangah pawh ka duh chen chen ka leng a. Ka riah chhuah pawn i sawi sel ngai loh kha. Zanin ber kherah ka haw hun min nghak a maw? " A ti let a. A aw ri chu ngeiawm lam rawng a kai lek lek leh nghal. Mahse sawi dik loh pawh a nei bik lo. Kha ti chen an inah ka awm tawh a, a riah chhuah pawh a hau in a sawi sel ngai lo. Papuian thu a hrilh pawn a lo chhan zawk zel kha a ni. Tunah 11 chiah a la nia, kan inah a awm vang a ni tih a lang chiang reng mai.



" Zorinpui sawi buai lo khan rawn haw la a ni mai. Rawn haw tur a ka tih chhen che chu i hre chiang viau. An in a awm reng kha a ngaihna pakhat mah a awm lo, kha hmeichhia khan i rilru.... " Zorina chuan phone chu a rawn pawt thla hlawk a, loudspeaker off in a ding zui vut a ka melh nghal haw.



" Ka rei lo ang. " Tiin min nuih suk a. Ka room lamah bawk a lut thla leh a. Room kawngka a in khar thleng chuan ka melh reng a. Maman a hrawk a rawn thian kharh kharh a ka hawi sawn ve hram. Mama ka en rual in zawhna mit mengin min lo melh ve reng a.



" A pi khan a hre tawh a mi? " A rawn tih chuan ka taksa che dat khawp in thawk ka la halh a, ka lu ka bu zui nghal. Ka pi rawn tawng danah khan mi mawl ni lo tan chuan a hriat vek miau a. Chuan inkawp turin min duh lo tih thlengin!



" A ngaina viau che khan ka hre sia, a tupa bialnu atan chuan a duh vak lo che a ni maw? " Nui deuh suk a a tih chuan ner nang in ka bul a lukham chuan ka vawm zui pawp.



" Ngawi mai mai ang che Zorina bulah engmah sawi suh ang che. A awm nawm loh phahna tur in. " Ka ti ve hlak a. Min chhang lo in a hmui min tih sawih khum zeuh chu " Ka sawi chu i hria em? " Ka ti leh hlak.



" Hre ve bawk e, thinchhe thei si. Zorinan a duh che hi chu a mak ve thlawt. Bakah a piin a hre chung pawn a la thlah lo che chu ka rin ai a rilru a nghet. " A rawn ti ve mai a. Ka meng kual ralh.



" Nang ang a ni tlat lo a lawm. " Ka ti let chu a lawm loh hmel ngang mai. " Ve ziah che hian, i nau mah ni i la nang ai chuan ka puitling zawk. Zorina chu va en rawh, a pi nen khan an lo in hau nasa viau lo ang tih a sawi theih loh. " A rawn ti leh hmuk a ka nuih chu a za ru ngang mai.



Kei pawh chu ding chhuakin ka room lam chu ka pan a. Kawngka chu ka hawng riai riai a mahse ka hmuh mai lo avang chuan lut in kawngka chu ka khar a . Corridor lamah tawng ri ka hriat takah chuan zawi muangin ka pan thla a. Min hnung chhawn zawng a dingin a bengah chuan phone chu a lo la dah a. Tukverh a chhuak ve lo in ka en zui ta reng a, a ni pawn ka awm tih a hre lo a niang a rawn hawi miah lo.



" Eng ang tam thu min jrilh mah la ka rilru a ngai reng. A mah lo chu tumah duh ka nei lo. " Ka ti bul hmuk. Leh lam tawng ngaithla in a ngawi leh vung vung a. A khat tawk in a sam chu a tuai chho leh puat a, a thaw leh hrawk zel bawk.



" Ka pa hriat hlauhna pakhat mah ka nei teh hrep lo. Hmeichhe dang chung chang kha chu sawi duh lo law law mai rawh. Ka dah a nia, ka rawn haw dawn lo a chuvang chuan min lo nghak duh suh. I damlo zual mai mai ang. " Ti chhuak leh hluk in phone chu a dah a. Van lam hawi chuan a thaw chhuak hawk hawk a, hriat theih si lo in a phun zui hluk bawk.



A hnung lam atang chuan ka thlir reng a, a rilru a hah ve hle tih ka hre thei. Kei chu ka nau in min hriat pui a, ka duh dan min pawm pui mai a. Mahse a ni chu ka piin a hria a, heti khawp hian min pawh hran a tum nghal a. Ka piin a duat zia leh nu tel lo a a chawi sei len dan ka hria a. Ka pi rilru tih nat chu hreawm a tih dan tur ka hriat thiam pui tak zet. A din hmun hi a lak lawh bawk nen ka tan pawh a nuam lo tak zet. Ka lo en reng lai chuan a rawn hawi vut a, a hnungah ka ding reng tih min hmuh rual chuan a mit meng a buai ve nawk mai.



" I lo dinna a rei tawh em? " A mit meng siam tha vatin a rawn ti sup a. Lu thingin ka nui lui sak a ka chhuak ve nghal vat bawk.


" I tha em? " Ka tih chuan nui lui sukin lu a bu ve nghut thung.


" Ka pi chuan enge a sawi a? " Ti hap in corridor bar vuan in a mah chu ka en a. A mit ti zim sunin min en thung a, kei pawn ka melh ve reng bawk.


" I lo hre hman vek in ka ring a sin. " Tiin ka hnungah chiah chuan a rawn ding a, ka sir leh sir a ban rawn khamin ka chhipah a khabe a rawn nghat a. Ka kiu chuan ka nghawk salh thung a a nui nghawr dawt mai.



" Sawi mai mai teh! Hmeichhe dangte kha i sawiin ka hria. " Melh chho ralh a ka tih chuan za lo fahranin a nui suk.


" Nang hian ka rilru i hruai dik lo tiin a sawi a. " A rawn ti zawi sup a thaw hakin a lam hawiin ka in her a. Ka sir leh sirah chuan a ban a la kham run thung. " Chuan a sawi dik bawk. " A tih leh rual chuan ka melh chho rawm a , a nui leh suk.


" Ka ngaihtuahnaah hian nangmah chauh hi i awm a. Ka pian a hnu lamah nang anga duh hi ka la nei lo mihring emaw thil dang pawh ni se. " Tiin a ngawi vung vung a, a mit meng chu a dul ruih a min en reng a mahse min hmu ang pawn a awm chiah in ka hre lo.


" Ni lo... Ka nu tih lohah chuan... " A ti leh nghut chu " Zorin... Ka lo ti vat. A lu thing nghut in chiang zawk chuan min rawn en a.


" Ka thil duh leh sawi tawh chu neih loh ka nei ngai lo. Ka pa leh ka pi hian sawi sel miah lo in min pe mai thin. Engvangin nge ka nu thlanah ka kal ngai lo i hre duh em? " A rawn ti ta daih chu mak ti deuh in lu ka bu nghat a. Nui leh suk in ka chal chu a rawn tauh nghal dat.


" A chhan chu khawvel a ka duh ber leh ka hmu chak ber a ni a, chuan ka mamawh em em bawk a. Mahse a mah chiah chu ka thil duh ka neih theih loh a ni bawk si. Nasa takin tap in ngen mah i la engtikah mah ka nei in ka hmu thei ngai dawn tawh si lo a. Chuvang chuan na leh zual tur a a thlan a kal kha ka duh lo a ni. Ka nu thlan a ka kal chuan ka pa khawharna leh tawrhna ka hre thar a. Kei vawi khat mah a hmel la hmu lo leh a pangtilum pawh hre lo. A thlalak chauh a hmu tu pawh in hetiang khawp a ka thlahlel a nih chuan ka pa rilru tur chu .... " Sawi zo duh lo in a thaw leh hawk a.



" Heii.... " Ka ti sep chu min rawn en leh in a nui ro hawk a.


" Ka tan hian i hlu tak zet i hre thiam ti raw? Ka nu tih lohah chuan nang hi ka thil duh ber i ni. Tumah duh ka neih ngai loh avangin engtin nge ka lan chhuah tir ang tih pawh ka hre lo. Ka nu ka duh a mahse engtikah mah ka neih theih loh tur a nih avangin a hlat thei ang ber a awm ka tum a. Mahse nang erawh ka hnaih takah, ka hmuh theih leh khawih theihin i awm a. Ka lak atang a kal bo hi tum ngai suh. Ka duh tawh nei tur chuan tih hreh ka nei lo , ka pi emaw ka pa pawn min pawm pui lo mahse i kal san tumna che ka nei lo. Nang pawn ka kut vuan tlat ang che. " Tiin thu tak zet hian min melh a. Thaw halh in lu ka bu nghat.



" Kei pawn kan chhungte vang chuan ka kal san hauh lo ang che. Mahse thil pakhat erawh hriat dik loh i nei. " Ka ti let vat a. A chal ti chuar tup in a mit chu a rawn ti zim sun a. Inchhung light en hnung chhawn zawng a ding a nih vangin a hmel chu a lang thim khup mai.


" I bulah, i hmuh theihah i nu kha a awm loh vang ringawt khan i ta a ni lo tihna a ni lo. Pa Zothana hian engvang a tun thleng a hmeichhe dang ngaihven lo nge a nih i hria em? A chhan chu a thinlungah nu Adiki kha a la thi ve lo a. Chuan nang hi a hlim thla i ni bawk a. Nang a hmuh che hian i nu kha a hmu thin pawh a ni ngei ang. Chuan nangmahah hian i nu chu a awm ve reng tihna a nih chu. " Tiin a mitah tak melh in ka nuih sak a.


" Tah hian... " Tiin a awm hlai hlupah chuan ka kut ka nghat a. " Helai hi a phut ve chhung chu i nu kha a bo thei bik lo. A pum chhungah duat tak a thla tam tak chhung a pai, a thisen a tanga rawn in siam i ni a, chuvang chuan hla tak a kal san angah che in ngai tawh suh aw. " Tiin ka nui var var a. A ni pawh nui suk in min kuah bet ta hlu hlu.


" Ka hmangaih zual tulh tulh che. " Tiin a thaw chhuak ham ham a. A tawng ring lo mahse chiang takin ka hre thei thung.


" Kei pawn... Mahse ka pi chuan khawi lai hmeichhe dang nge a sawi? " tiin a awm a khabe nghatin ka melh chho ha a. Rawn kun hniam in ka chalah chuan a rawn tauh leh dat.


" Ka hre lo hmeichhe dang chu eng atan mah ka ti lo a ka mamawh lo bawk. Tun a ka kuah beh mek hi ka duh tawk viau. " Nui suk a tiin ka hmuiah a rawn fawp zeuh a. Ka nui chhuak hak.


" Thenawm ten min hmu nge? " Ka tih chuan a hawi kual vut a, a kut a ka phone a ken chu hmet engin min rawn melh leh a " An mu vek tawh ang. " A ti takah chuan a kut a phone chu ka melh ve a, ka chek hlak. Dar 12 a lo ri fel der tawh nia.


" Inah chuan i la haw dawn lo tak tak a mi? " Tiin ka en leh chu lu a lo bu nghut. Thaw hak in ka sir a a shirt zar chu ka khawih zeuh a, a la hnawm deuh chap mai.


" A nih chuan zanin chu hetah riak ve mai rawh. I kawr a la ro si lo a bakah a tlai tawh e mai. " Tiin ka mit meng chuan ka rawn a. A mah in bik a haw leh tur chuan ka ngaihtuah ve deuh tlat.


" I sawi har ka ti reng a. " A rawn tih ve hluk chu ka nui hak. Sitting roomah ka chho leh a. Mamabl bulah Zorina a riah ve tur thu ka sawi chuan min melh tawn zak zak mai.


" Khawnge a mut ang? Thu thlengah hi chuan a leng lo sa. " A rawn ti ve nghal a. A sawi dik kam thuthleng hi fit 5 chiah a nia. Zorina tan chuan a tawi mah mah a ni.


" I bulah ka mu ve mai ang. Kan tih thin loh dan pawh a ni lo a. " A tih chuan ka melh rawm. Mama nen mu mai rawh u ti dawn I la fit 3 khum a mipa lian leh sei lutuk pahnih mut chu a ngaihna a awm lo.


A tawpah chuan ka khumah Zorina mu se kei thuthlengah ka mu mai ang tiin kan in rem thei hram. Kan mut fel meuh chuan dar 1 a hnai thuak leh nghal.

*

*

" Pol. Sc leh mizo dept ho chu an bei tlai hle mai. Exam a hnai tawh sia. An tih chhiat phah ang tih a hlauhawm ka ti ve mai mai. " Hlimi nen canteen ah kan thu a, a rawn ti barh barh. Zorina te dept in trip an nei dawn a. An department sum thawhchhuah a tam lutuk lo bawk nen zin chhuah loh ai tiin mizo dept ho nen an in kawp a, khaw chhak lam a hmanlai mizo sulhnu vel tlawh an tum a.


" Nia mahse a nuam viau ang. Kan khuah pawh an kal dawn in ka hria. " Ka ti let ve a. Farkawn, Vaphai, Vangchhia leh khi lam hnaih an kal hman na chu tlawn kim an tum ruh viau a ni awm a. A nuam phian ang.


" An sawi dan chuan Rih dilah zan khat riah an tum an tia. Kei ni dept ho ve hi chu Eco tih takah..... Sawi zawm lo zawk teh ang. " A rawn ti leh hliai a ka nui chhuak hak.



Kei ni dept chu nikum kum tawp khan home tlawh in tanpuina kan pe kual a. Kan duh tawk viau kha a nia. Professor te khan zin kha an ti vak si lo a kei ni lo rawt pui vak chi a ni bawk si lo nen, naupang ho pawh an phun ve niah niah hlawm mai.



" Chuan naktukah maw an chhuah dawn kha bus pakhatah an leng a mi? " Hlimi bawk chuan a rawn ti a.


" A theih in motor an thawh dawn an tih kha. An dept an tam dun sia bus pakhatah te chuan an leng nang. " Ka ti nghal vat. Zorina pawh kal loh a tum deuh kha a nia mahse in daih loh a na bawk nen a thianten an motor thawh tur a an phut ve deuh vang khan phir vak lo a kal tum kha a nia.


" Ni dawn tak. Pol sc lam atang in Zorinpuia leh Zoremsangan motor an thawh thei ang chu. Mizo dept ah pawh pakhat thawh thei tur a awm in ka hria. A thenin two Wheeler an thawh chhuah pui chuan an leng thei mai ang. " A rawn ti leh zung zung.


" Kha kha i lei nge mi pek che? " Kan in kawm mawlh mawlh lai chuan a rawn ti thut a, ka kut ka en chu ka zungbun a tihna tih ka hre nghal.


" Gift maw le, ka bun na rei tawh tawh nen. " Ka tih chuan a rawn phur ngang mai.


" Bialpa i neih awm ka hre si lo a. Nge ni a i lo nei ru reng zawk. Muanpuia kha em ni, kha pa khan a la duh che tih a tawng dan velah khan ka hre thei. " A rawn ti leh lawng lawng chu a hmui ka hup sak chawt.


" Mawl viau suh a mah kha a ni lo. Sawi chi loh a nia nakinah ka la hrilh ang che. " Ka tih chuan a hmui ti pawrh in min melh nghal rawm.


" Tha lawm, sawi suh thianah pawh min lo ngai lo a nih hi. " A tih chuan ka nui ta hak.


" Sawi a la rem lo a lawm. Tun tum chu min hrethiam mai rawh. " Ka ti leh a min zawt lui ta bik lo.


Tlaiah Zorina nen kan haw dun leh a. An ni chu an bang hma a, ka haw dawn in min rawn hruai leh a ni mah zawk.


" Zorin Zorema i lo hmu em? " Kan tlan chhuah hma hret chuan Zonuni a rawn kal a, a rawn ti zui halh.


" Kan awm dun reng a, tun lawk khan hmu tur che in a rawn kal kha in in hmu lo a mi? " Zorina chuan a ti let ve mai. Zonuni chu nuam tih vak lo in a thaw hap.


" E. U roomah kan awm laiin a rawn kal a mahse.... Aa... Hepa hi chu a... " A ti hap ringawt.


" Ti nge a mawl a chhuak leh tawh a mi? " Zorina lah chuan a la tih sak zui. A nui deuh leh nghal Zonuni mangan hmel hmel nen.


" Chutiang deuh chu... " Zonuni bawk chuan thawk la hap in a rawn ti a. A bike hnung a thu in ka lo en ve reng.


" Sawi la, ka pui thei che chuan ka pui dawn che nia. " Zorina chuan a ti tha ve mai.


"Eng lo... Zungbun hi min rawn pek a tum a chuan midang khan an lo fiam deuh a , an in ti thinrim ringawt a an in sual a. Chuan thinrim in room a chhuah san a. Ka rawn zawng a ka hmu tawh mai si lo a. " A rawn tih chuan Zorina chu a rum nghut.


" Ka thianpa hi ka hrechiang a fiamthu leh thu lo chu a thliar hrang thiam ve khawp a nia. Thil ho mai maiah a lawm lo ve ngai lo, chung midang ho chuan na tak tak in tawng khum mahse an ni ai chuan thu eng emaw sawi sual i nei a nih ka ring. Eng pawh nise biak ka lo tum dawn nia. " Tiin kan tlan san a.



Vawin tlai chu Tei Andrew te inah chaw ei turin an sawm a mahse mahni chauh ei a hreh ringin Andrew an min rawn sawm ve a, hnial ka tum viau a mahse Tein min rawn vau nasa lutuk a ka hnial leh ngam ta lo kha a nia.



Andrew te in kan thleng a, Andrew an motor thar a lo kei bawk nen Zorinpuia nen an han en kual leh te te a. Kei erawh in a that leh that loh vak ka hre lo, a mawi tih bak chu sawi tur pawh ka hre lem lo. Tei leh Brandon te nen eitur siam in inah kan in zui lut a. Dawhkan a Zorina phone chu a lo ri ral ral a ka en chuan Zorema a lo ni reng. Pawn lamah Zorina a awm daih avang chuan ka lo lak sak ve hmiah a.


" Zawnga engvangin nge dawt min hrilh a. Hmeichhia in zungbun an duh ber maw. Zungbun pek chuan engmah sawi ngai lo in an hrethiam a maw? A nih chuan Zonunmawii hi hmeichhia a ni ve lo a nih dawn hi. Zungbun ka pe a mahse a awm zia chhe te mah a hre lo.... " Rui tih hriat lutuk hian Zorema chu a rawn phun bul bul a. A rawn au ring bawk nen Tei pawn min melh haw ringawt.


Kawngka lamah thawm a awm avang chuan kan hawi sawn a, Zorina leh Andrew an lo lut ve chiah a. A phone ka lo lek va chu mak min tih hmel ngang mai.



" Zoreman a be duh che a. " Ka ti tawi tak chu a rawn ban ve nghal mai a. Kei ni erawh kan ti ti leh ta hlut. Motor thar leh in neih chungchang kan saai luam a. Andrew hian Zorina nen a kan in kar a la hriat loh vang in Tei pawh tawng fimkhur tur in ka chah ru reng mai.


" Ka let mai ang aw Pute! " Zorina rawn lut chuan a rawn ti a. Ka lo melh nghal haw min rawn uh rual in " I haw dawnah min rawn bia la ka rawn lam leh ang che. " A ti nghal sup bawk.


" Ei ve nghal la. " Andrew chuan a lo ti a. Tei pawn a lo pawm pui ngang mai.


" Ka hman hmawh deuh a. Ka kal zawk mai ang. " Tiin min rawn melh a. A mit mengah chuan zui tur in min duh tih ka hmu thei. A hnungah chuan ka zui ve mai a.



" Zorema i va hmu dawn a mi? " Bike a a thut lai chuan ka ti nghal vat.


" A rui viau a nih ka ring. " A ti ringawt.


" Nichin khan thil a rawn sawi teuh a zungbun chung chang te, Zonuni lah khan a sawi tawh bawk a enge awmzia. " Ka ti leh hram chu min rawn melh in a khi suk a.


" Thuruk ka hrilh ang che. Zorema hian Zonuni hi a duh lutuk a. Mahse a hrilh ngam si lo a, Zonuni a duh ve loh a rin vangin." A tih chuan " Chu nen chuan enge zungbun chu a in kungkaihna? " Ka lo ti hman hmawh.



" Zungbun hian kan duh zia leh hmangaih zia te, an tel lo a kan awm theih lo thu leh kan thlah phal lo tih a entir a, hmeichhe chuan an hrethiam vek . Thu dang sawi leh a ngai hran lo tiin ka hrilh a. " Nui deuh hawk hian a rawn ti a. Nur nang in ka melh a, ka ngawih fe hnuah ka hrethiam ta chauh.



" Chuan... I sawi awm zia chu Zoreman Zonuni chu zungbun a pe ve hmiah tihna a mi? " Ka ti vat a nui hawk hawkin lu a bu nghut.


" Ka thianpa chuan ka sawi kha ring in thu dang a sawi lo tih a chiang reng a lawm. Zonuni hrilhhai hmel atang khan. Ka kal aa, tlaiah ka rawn hruai leh ang che. " Tiin a tlan chhuak nghal vut.


* ZAWMNA *


Teiin min rawn auh lang langah chuan in lamah ka let ve ta thung a. Andrew-a mipa kawm nuam chi a lo ni ve bawk nen ka thiani lah a phuan ber ber chi a ni bawk a, an bul a awm a nuam in a thawven thlak phian a. Zanriah kan ei lai pawn Andrew pi leh pu Zuala te pawn an ngainat bawk a an nui ho dar dar a. Andrew pa Pu Zuala hi nu Adiki nuta an ti kha a nia. Mahse thisen a in zawmna an neih loh thu te pawh ka hre ve vek tawh a. Mahse Zorina hi an tupa en ve em em thung a.


" I ning tawh em? " Inchungah thlifim dawngin ka chho a. Ka bulah Tei chu rawn dingin a rawn ti vat a. Lu thingin kan sir a thutnaah chuan kan thu thla nghal a. Van dum fai kulh en chuan ka thaw chhuak ham ham.


" Ka bul a I sawi thin kha i la hria em? " Tiin Tei chu ka en a hrethiam lo tih hriat zet in mit a rawn kan ak a.


" I mipa duh zawng I sawi thin kha ka lo ngaihtuah a Andrew ah hian a kim vek in ka hria. Chuan I hlim hmel ka hmuh hian ka awt lek lek che. " Ka tih chuan a rawn nui chhuak hak a. Hma lam chu melh in a thaw chhuak siai siai a.


" Kha kha ka dream a nia. Engtin nge min tih thin kha I hria em story I chhiar nasa lutuk a I â vek tawh a nih kha min tih kha ka la hre reng a nia. " Nur nang a a tih chuan ka nui ve hak. Ka tih dan chiah a ni reng bawk a. Kan thian dun chuan story at chilh tak kan ni ve miau a. A bik in ka thiannu hian a at chilh leh zual.


" Nang chu I dream a thleng dik thei bik a. Andrew ang mipa chhelo leh chhungkaw hausa bawk si i tawng a. A chhungte lah in an la ngaina em em zui che a. " Ka ti leh hap a. Ka thiannu chan leh ka chan hi a in ang tep mahse kei chu ka piin min ngaina lo a papuia pawn min hauh hrep ka ring hria se chuan.



" Nia, kei pawn ka vannei ka in ti. Dik tak chuan a rawn thleng theh thut lutuk a ka la dawng sawng thiam bik lo. A kum em pawh ka la hriat loh mipa chu pasalah ka nei dawn der a nia. " A rawn ti leh vat a.


" Kum chu sawi lo thla tlem te a lawm ni a. " Ka lo ti vat chu nui hak in " Nia, a mak ti raw. Ka u inneih hmang tur in ka rawn chhuk a pasal ka hmu ve nghal daih a. " A rawn ti leh a, a mah pawh a in ring hman bik lo tih ka hria. A rilru pawh a la buai ve tih ka hai lo bawk.


" Lungngai duh suh story i chhiar nasat kha, in hmangaih tur in hun rei a ngai ngai lo tih hrechiangtu i ni kha. " Fiamthu ti tak deuh a ka tih chuan ka malah a rawn chum pawp a, kan nui dun hak hak mai.



" Ka pa in min rawn biak pawn min rawn vau ti tih maw le. Andrew lah nupui nei tawh a nih bakah fa hial a nei bawk sia. Ka rilru buai zia chu mahse tunah lo hnawl ta i la Andrew hi ka chan ang tih ka hlau a. A din hmun chu i hriat kha. " A rawn ti leh hap a. Hrethiam zet in lu ka bu nghat nghat.


" I duh a nih kha. " Ka ti hap.


" Duh e... Ka duh lutuk a lawm ka dream boy ang chiah chiah. Pathlawi a nihna zawng zawng nen. " Fiamthu chuan a rawn ti a, kan nui dun leh hak hak a.


" Kan chhuk dawn mi Andrew an Brandon a ti mu lawk a. Min thlah hman tawh ka ring. Tunkarah kei pawh ka haw chho ang ka ring. Inneih a hnai zel sia. Chuan ka pa te rual chiah in ka rawn chhuk tawh ang. " A tih chuan ka lo hnual ve rawi theih.


" I haw dawn a maw? " Ka ti ta haw.


" Dawn loh in. Ti hian pasal ka neih nghal tawp thei hlei nem. " A rawn ti ve nghal a. " Ni dawn tak, a mak e pasal i nei mai tur hi. " Ka ti leh halh.


" Nang pawh Zorina nen pawh in innei ve thut mai thei a nia. " A rawn tih chuan za lo fahran in ka then sak a. " Kei nih chu sawi pawh ka sawi peih lo zawk. Zorina chiah hi ka neih chhun. " Ka ti ve halh ringawt.



" In sawi tui viau loh chuan kan kal hman a nia. " Hnunglam atanga rawn ti ri kan hriat chuan kan hawi nghal vat a. Andrew pawh a lo chhuak chho ve a. " A mu tawh a mi? " Tei chuan a ti vat a lu a rawn bu nghut a.


" Zorina khan min rawn hruai tur thu kha a sawi bawk sia. " Andrew melh chuan ka ti a.



" A tlai dawn a, a hman dawn lo tih min rawn hrilh . Kan rual a I kal mai a ngai ang. " Nui suk chuan a rawn ti a. Ka thin chu a rim deuh tlat.


" A hrim hrimin kan naua hian a ngaina viau che in ka hria . A zui ngun riau che. " Andrew chuan a rawn ti a ka nui tawi tak mai. In hnuai lamah kan in zui thla a. Zorina chu ka call a mahse a chhang thei thak lo.



Kan veng lamah kan kual hmasa a min thlah hmasa tur in. Rei lo te rawn lut kawiin kan in kawm leh luam a. Mama erawh class a ban in inchungah a leng kawi zui nghal a. Kan inchung nula nen khian an in kawp ve chiang a lawm sawi duh chiah lo mahse. Dar 9 velah an chhuak Zorinan min la rawn biak miah loh avang chuan ka call leh a. Mahse a in ring ral thak thak.



Kawngka ri ka hriat chuan ka hawi vat a. Zorinpuia a nih ka beisei ruk teh lul nen Mama a rawn haw zawk chu lo niin.


" U... Kan thianpa accident in a boral a, chhuah leh nghal ka ngai dawn a. Nangmah in i riak hreh em? " A rawn ti lut a. A roomah tlangin a in thlak a niang a ri deuh rawk rawk mai.


" Khawi vengah nge ni a? " ka tih chuan maubawk lamah a nih thu a sawi a. Zan te a ni sia in ha lum tur in ka hrilh leh nghal a. A in thlak zo chu thu khawmuang lo in a chhuak nghal a. A rawn ti vut vut lutuk a min ti phili ve vek leh nghal.


A hma tawh lo bawk nen kei pawh kawngka kalhin mu turin ka in tintuah a. Light off in ka room ka lut tur chiah chu kawngka bawk an rawn kik leh vang chuan ka va chhuak leh a. Kawngka zim te a ka hawng chu pawnah Zorinpuia a lo ding reng a, a mah a ni tih ka hriat chuan kawngka ka hawng zau leh deuh a.


" Enge i rawn tih dawn? " Ka tih chuan a lawm loh hmel ngang mai. Mahse kei pawh ka lawm bik lo tlaiah khan min rawn hruai leh theih loh tur thu min rawn hrilh a har loh nen Andrew a rawn hrilh daih a ka lawm bik vak lo.


" Ka lo leng dawn. " A ti bul hmuk a. Zu rim a nam in ka hre deuh bawk nen ka thinrim chu a zual sawt mai.


" A tlai tawh haw phei rawh, rui chung a kan in a len ka phal lo. " Ti leh kawngka khar ka tum chu a rawn dang vat a, a mah zawk chuan min nem lut nghal rawk rawk a. Inchhung a kan luh rual in kawngka a la kalh hmuk zui.


" Enge maw I hriat le? I la rui zui a maw ni? " Lawm lo zet chuan ka ti a. Mipa zu in hi ka ngaithei tlat lo. Tu pawh ni se zu rim an nam chuan ka be peih lo hluah hluah nghal thin.



" Ka rui lo. " A ti bul leh hmuk chu ka melh leh rawm a. Thuthlengah ka thu chu ka bulah a rawn thut thlak rual in ka tho leh nghal a. Thuthleng dangah ka thu nghal hmak. Ka awm dan vang chuan a ner sawk pawh ka hmu reng.



" Khaw nge Mama? " A rawn ti thum dut a. Chhan ka tum lo zet a mahse " Mitthiinah a kal. " Ka ti let hlak.


" Tu mitthi maw? " A tih leh chuan si hlak in ka melh rawm a, min lo melh ve ngur bawk nen thaw chhuak hak in " A thian maubawk a mi a boral thut a, tun lawk khan a chhuak . " Ka ti ram leh hmarh. A hmui ti sawi zauhin min melh vung vung a kei erawh in en pawh ka en duh lo thung.


" Ka lakah i thinrim a mi? " Rei fe kan ngaih hnu chuan a rawn ti leh sup a. A lam chu ka hawi ve ta hram.


" Ti nge ka call i lak duh lo a. Chu mai ni lo tlai deuhah rui chungin i rawn kal bawk a. " Ka ti zui hlak hlak. Ka thinrim leh lawm lo hmel chu min la nui mai mai leh nghal.



" Mama a awm loh chuan ka riahpui ang che. " A rawn ti ta daih chu ka hau in ka melh ta tawp.


" I rui hle a nih dawn kha. Haw phei la va in siam rawh, naktukah in zin dawn kha. " Ka ti nghal tan tan a. A la ngaih pawimawh hmel loh em em mai leh nghal.


" Bakah zu rui riah pui ka duh lo. " Ka ti nawn leh sap. Ka thu sawi vang chuan a nui ri leh suk. Enge he pa hi a hriat ni.


" Zu ka in lo. " A ti leh ringawt. Thaw halh in ka ding a, a bulah chuan ka kun hniam deuh a. Zu rim a nam chiang a lawm le. Min bum te a tum khanglang a.


" A rim i nam rum rum a, ka in lo i ti a maw? " Ka tih chuan ka banah vuan in a malah min pawt thu hnawk a, tal hran ka tum rual chuan ka tukhumaj rawn dawm in ka hmuiah a rawn fawp nghal chawt a. Nem sawn ka tum a mahse a tang ve tlat leh nghal.



" Zorinpui a na a nia. Engemaw i hriat le? " Min thlah rual a ka hmui hnuai lam a pet vak chu ka ti vin hlar mai. Ka ka chhung a la rawn al pep leh nghal. A thip zui vang vang bawk.



" Ti khan ka in lo tih chu i hria ang chu! Ka thawmhnawah chiah a nam. " A ti hluk a, a sawi takah chuan a ni tak tak. Min fawh khan ka hre thei. A thawah pawh hian a nam miah lo.


" Ti nge i thawmhnawah i ti bua a mi? " Melh reng chung chuan ka ti leh a. A nui leh suk mai.


" Kan in ru ve daih mai dawn em ni? " A rawn ti ta daih chu phawk hra in ka melh a. A mit meng chu a fiah in a la thu tak em em zui leh nghal.


" Zu chu i in lo tak tak maw? " Ka ti nawn leh chu a ner sawk.


" Kan fiah leh dawn a mi? " Ti a a rawn awm hnai chu a hmaiah ka lo nem sak a. A mal chungah ka thut vangin kan in awm hlat lutuk thei chuang der lo.



" Ti nge kha tiang te i rawn sawi a? A hrim hrim in tu te nge in ru a. " Ka ti nawn leh a. A ngawih vung vung hnuah " Zorema. " A tih chuan ka hawi lawl lawl mai.


" Bialnu a nei lo a ni lawm ni? " Tiin ngunthluk lutuk chuan ka melh a, a lu a bu nghut bawk si.


" Mahse tlaiah ka hrilh che kha duh chu a nei a lawm. " A rawn ti leh mai a. A mal a la thu reng chuan ka eng mawl tawp. Zonuni a sawina chu a ni em lo ang chu maw?


" Zonuni maw? " Ka tih lah chuan a lu a bu nghut nghut zui. " Mahse an in ngaizawng lo i ti bawk si. Zonunin a duh ve tho a mi? " Ka ti leh vat. Zawhna ka ngah lutuk chu min nuih deuh reng mai.


" Kan ru dawn tih kan hrilh lo a. Tunah chuan ka inah khan an awm mek." A ti leh hmuk a. Ka bo hu hu a mahse zawh tur em em erawh ka hre tawh lo.


" Chuvang chuan a nia dawt sawi a va bum chhuah a ngai sia. Zu ka in i phal bawk si lo, ka thawmhnawah leih huh in rui ang in ka awm a. Kan insual a Zorema a nat thu sawiin ka va ru a, i call pawh ka chhang hman lo a nih kha. " A ti zui ve nuah nuah a. An chet dan a sawi chu ka nuih a za bawk si nui duh chiah bawk si lo nen ka hah vek.


" Chuvang chuan zanin chu ka riak dawn. " A rawn ti leh a ka thaw ta hak. " A tha lawm Mama a rawn haw dawn lo a a roomah i mu dawn nia. " Tiin ka ding chhuak a.


" I khumah kan mu leng reng. Hman zan pawh khan ka thawl lutuk. " A rawn ti leh chu awi lo lutuk in ka nui chhuak hak.



" Ka bul a I mut dawn chuan i rim kha ti reh vek ang che. Bakah naktuk in zin tur kha. " Ka ti leh a. A in siam peih vek tawh thu leh motor nen a rawn kal a kawtah a hun thu a sawi ve mai a. In ti fai turin bathroom lam a pan nghal a.


Ka fit 4 khumah chuan kan mu a, a saisir zawng a mu in min kuah bet hlu hlu a, kan leng thei ve mai. Eng eng emaw sawiin kan ti ti reng a. Inruk ve mai a duh thu a sawi leh thin. Kei lah chuan kan chhungte kan hrilh a an rem ti lo emaw harsatna lian tham a awm a nih loh chuan ka duh lo ka ti bur thung a. A chang leh kan in hnial leh bap bap a, kan mutthilh meuh chuan 12 a ei thuak mai.

*

Zing hma zetah kan harh a, Zorina chu ka thlah ve thlap a. Kar khat chuah a ni a mahse a thianpa ber a tel lo tur chu a phur lo sa nen a peih lo zual in ka hria. A khat tawk in trip zawhah lo ruk zawk tur a nia, a ti leh hluk zel a. An thian dun hian tlangval uai in pian leh san lamah phei chuan vantlang chung lam mah nise an nawi ru ve phian a.


Mama pawh chaw ka ei kham hnu deuhah a rawn haw a, class kal tur a ka in siam chhungin chaw a lo ei ve thung a. Ka in siam zo room ka chhuak chu phone a lo be mual mual a.



" Hei a lo chhuak. " Tiin min hmuh rual in phone chu ka lamah a rawn lek phei a. Hmui phun in ' tunge ' ka ti sep.


" Ka pa. " A tih chuan ka la ve mai a.


" Aw pa.. "


" Mambawih i la chhuak nange? Ka call i chhang thei lo a i phone ah ka rawn tih ngun nen. " A rawn ti a.


" Ka charge a ka lo silent bawk nen ka hre lo a nih dawn chu. Enge ni a pa, a pawimawh loh chuan hna kal ka ngai tawh a. Ka hman hmawh ve deuh. " Ka ti let vat a. Maman min thlah hman dawn lo a, ka rilru a hman hmawh riau.



" Enge kan thu hriat hi? I pi... I pa Zothana nu khan min rawn bia a, Zorina nen in chung chang a sawi hi thu dik a ni lo ti raw. " A rawn tih chuan ka ding khawng at mai.


" Mambawih.. " Ka chhan mai loh vang chuan a rawn ti leh a.


" Pa.. Kha kha... Eng lo a nia... "


" A dik a nih chuan ka lawm lo hle mai. Unau in ni a kha tiang zawng a I rilru a kual a nih chuan I nu nen kan hmai a uang lo khawp ang. A rang lam in tih tawp dan ngaihtuah ang cheu. Mi hriatah pawh a zah in a zah thlak lutuk ang. " Ka pa bawk chuan ka rawn ti a. A tawng dan atang chuan a lawm lo tih pawh ka hre thei.


" Mambawih... " Engmah ka sawi ve lo chu a rawn ti leh a.


" Mahse pa thisen zawm kan ni chuang lo a. " Ka tih ta sep. Mama pawh in min rawn melh nghal vut mai.


" Chutiang thu ka ngaithla duh lo. Tun atang khan in inkar chu eng pawh nise tawp tir vek ang cheu. Chhungkhat kan ni a chu chu thu tawp a ni! " A rawn ti chang hrawk!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)