GUARDIAN BY BEARR_CCK (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

GUARDIAN BY BEARR_CCK (Completed)

Unread post by Ngaia » May 15th, 2022, 2:31 pm

0ivqmqvn.jpg

CHAPTER-1



"Emma...helam ah" phengphehlep lian lutuk tak mai in a pangpar a bawh hlup chu uluk leh chiang zet a hnai fahran a ka en lai chuan Andy'n min rawn au a



"Yes..ka lo phei" tiin an awm na lam ah chuan ka tlan phei ve nghal



Kei hi Emma Zonunsangi ka ni a,ram pawn ah lehkha zir in ka awm mek a tun ah hian thian leh zirpui te ho in ramhnuai ah kar khat awm turin kan kal a picnic ani ber ang chu,ka thiante ah hian mizo pakhat chiah an awm a a bak ah sap vek ani..kan inkawm khawm na a rei tawh a tumah han hlauh thar thut tur an awm lo



"Enge a?" Ka va thut reng na ka kalsan mek laiin thawm ka hre zut a mihring chak tak a tlan ang mai ani,engmah hmuh tur a awm lo a ngaih tha deuh chuan ka kal chhunzawm mai



"John,helai ah hian misual tih ang reng ramhuai a biru thin an awm em?" Tiin an bul ka va thlen phei pah chuan kan thianpa helai hre Chiang ber a ka rin chu ka zawt a



"No,awm lo tur ah ngai ang,an lo awm tak leh kan thih loh nan a biruk ani mai" den zet chuan min chhang a midang an lo nui hak hak



"Picnic tur a kal ka nia,thih mai ka la duhlo" ka ti fiamthu veleh thung in kan nui kan nui a



Tlai lam ah chuan hmeichhe ho in ei kan siam a mipa lam erawh in min pui lem lo,ei siam dawn a thing fawm leh a siam na tur lo buatsaih bak chu beer in in an ne ne kual mai mai tawh,kan tam tho a tumah kan in phut chuanglo



Ei kan peih a kan ei fel meuh chuan khua a thim Chiang tawh hle,mei chhem in kan thut bial laih a,ka mizo pui awm chhun Ruati nen chuan mizo hla kan sa a midang pawhin kan sa ngun bawk a mizo tawng kan in zirtir ve nasa thin bawk nen an thiam ve sawih sawih khawp mai



"Kan mu dawn.." tiin mipa pahnih te in in rui tawh lam chu tent ah an lut a,a then an kalsawn a a then in mei lum kan la ai thung



"Kal rawh,min va zun pui lawk teh" ti a Ruati min kaih thawh nghal vangin hnial na hman pawh awm lo chu ka kalpui ve mai a,zun a tum na kan thlen hma deuhin Rosy sap nulian ro ro ah pawh lian over deuh ngo vur mai chu hlauh dal ah ka pawt peng ve bawk



"Ka'n zung ve nghal teh ang" A tih leh si vang in Ruati nen a an zung chu ka lo nghak a,chutia an zung ka lo nghah lai mek chuan ka piah lam hla lutuk lo a thawm awm chu ka hre leh thin!



Kan thiante tumah kal an awm dawn lo tih ka chiang,eng pakhat pawh a awm lo thawm ka hriat na lam chu ka en reng a,ramhuai lampang leh ramsa hlauhawm deuh deuh ka ngaihtuah chhuah rual chuan rang lutuk in ka tlan sawn nghal



"Emma!!" Ti a Ruati leh Rosy te min auh chu hre mahila ka hawi let tawhlo hrim hrim,midang awm na ka pawh hnu ah chauh ka ding a Ruati te tlansan tu ka nih rualin ka ngaihtuah leh hnuhnawh



"Ruat.." Tiin kan kal na hnu lam thlir chuan ka au thin a Rosy emaw pawh a rawn eih lo a reh vung vung tawh! Ka ngaih tha lo lutuk chu a la mu lo ho pun a va zawn ka rilruk rum rum tawh mai



"I tha maw? Hlauh i nei ami?" John an ka dar a rawn vawn thut chuan ka phu nasa ngang mai,thil awmdan ka hrilh zung zung a,phone flashlight on in min kalpui nghal a,mahse thui pawh kan kal lo Ruati leh Rosy te chu phun bul bul chung hian an rawn kal a,ka thawveng huai mai



"In tha em?" In thlahrung deuh a ka tih chuan Ruati chuan min ngei hmel zet a ner nang chung chuan



"Tha lo,enge min tlan san ringawt! Êng keng tu ber i nia kan bo tep a lawm mawl lutuk!" A ti hlawk hlawk a Rosy erawh a nui mai mai thung



"Sorry,nichin khan thawm mihring kal ri ang deuh ka hria a, ka in ngaihtuah hlau bawk nen ka tlan tawp anihkha sorry lutuk u" Ka tih chuan an vaiin min nuih tiah tiah,mizo te chu hetiang hi kan hrat ve a lawm enge mawn le!



"Mu phawt ang u,ramsa sa te lampang aniang kan awm na hi a hla a ramhnuai tak tak ania khawpui nen pawh a in hlat lutuk,ramsa an tam a lawm hlau lutuk suh u mipa kan tam alawm" Tiin let leh pah chuan John an a sawi mawlh mawlh a



Tichuan zan chu kan han mu ta phawt a,mut laiin thil tha lo lam a thlen loh hram ka beisei kan la awm rei dawn sia,hlauh vang a let leh ngen tu nih bik chu ka duhlo,ka mutthilh atangin rei pawh ala nilo ng tih ah chuan kan mut na tent bul bawr ah chuan pen thawm ni awm tak hi ka hria a ka mutui lai ka harh nghal zawk!



Ka bul chiah chu ka melh a tent ah hian kei,Ruati leh Catherine te kan mu a hmeichhe awm chhun chhun chu pathum zel in kan mu,ka bul chiah a mu Ruati chu ka nghawk zauh a,harh chu sawiloh a in let thawk a a muhil nghal leh daih! Catherine pawh a muttui em vangin hlau ru deuh chuan ka tho a tent atang chuan muangchang in hawi kual zel pah chuan ka chhuak a,mihring ang zawng ai chuan ramsa kawlh te an nih ka hlau mah zawk



"Tunge awm ? La meng in awm ami?" Ka ti a a reh hian a reh tlawk tlawk thung,ka hlauh zual tawh vang chuan tent lam ah ka back them them a chutih lai tak chuan ka sir lam hla vaklo ah hian kal thawm ni awm tak hi ka hre leh! Chutah zet chuan tent ah ka sa him nan ka luh angai tih hria in ka back rawk rawk a



Chutah fai fuk ri chu chiang takin ka beng hian a hria a,lut ta mai lo chuan ka hawi leh kher chu(h) ka beisei loh lutuk in mihring ni awm tak a ruangam nei mi 4 ngawt hi kal thawm ka hriat na lam ah khan an lo ding a an hmel hmuh chu sawiloh a dum hian an dum vek,ramhnuai ani bawk nen eng pakhat mah a awm lo tluk ani kan meichhem rem tawh lam tih loh chu



"Ruati..?!!!" Tiin ka hlau lutuk chu tent chhung ah ka bawk lut rawk rawk a ka tap nghal pur bawk Catherine nen chuan rawn harh zawk in thil awmdan min zawt a ka hlau lutuk chuan ka sawi tha thei lawk lo,mipa ho Catherine chuan a ko khawm a zanlai ah meichhem tha in pawn ah kan thu chhuak leh vek,ka hlau lutuk a keichu kal thawm ka hriat na lam kha ka hawi ngam tawhlo hrim hrim



An vai hriat ah chuan hlau chung chung in ka thil tawn leh hmuh ang ang chu ka sawi a,min rinloh a ka hmuh sual aniang an tih ka rin nen an awih in an hlau ta hlawm khawp mai,hmeichhe dang phei chuan khawvar vel a haw an rawt nghal chung chung a,keipawn zanin hian haw rawt pawh nise ka haw duh nghal ka ring



"An sawi kha a dik tak tak a mawn le?" Donny chuan chik deuh a thil ngaihtuah hmel pu tak hian a rawn ti chhuak a a lam kan hawi thap



"Eng chu?" John chuan alo ti vat a



"Henglai ram ah hian gang ang a awm drugs tawlh ru thin mi thah pawisak na neilo an awm an tia,ramhnuai a kal te chu chhan awm lo in an that tawp zel an ti,thenkhat sawi dan phei chuan henglai a kal hi an thah nghal loh chu an sawisa hrep a,a chang leh an chhungte biak pawh tir in sum an dil tir thin antia"



"Chuan an chhuah em?" Kelly chuan alo ti vat a



"Aih,ruang chhar a awm leh nuk thin a,mahse heng lai ah hian kan ram sawrkar in sipai tha zual a dah a tun ah tak chuan ruang chhar a vang tawh an ti..ka hre vak bik lo" A ti leh a thla amuang lo tulh tulh,hetiang em em a hla a kal kan lo rawt te chu ka in chhir rum rum tawh



"John,zan ah hian haw mai ang u kan chung a thil tha lo a thlen hma hian haw law law zawk ang u" Rosy hmeichhe awm ho zing a upa ber chuan ati phul hlut a


"Khawvar a hla tawh hleinem,tun a haw tur pawhin motor awm na a hla si kan kal chhungin khua a var hman ti tih dawn tho..lungngai suh u khawvar kan nghak anga,in ah duhtawk in kan la mu leh zawk dawn a lawm" Donny leh Sam te chuan an lo ti a midang pawhin aw an pawh si vangin rilru nuam lo tak chuan Ruati kuah reng chungin ka thu rem a



Meng tlang ringawt tur chuan ka chau takzet,chutih rualin chhin ka tum hauhlo,ri hlek ah a tu pawh chu kan hawi hrek hrek a,mipa a in ti huai zual ho in a thu ho min kal hual a min veng ve ani mah zawk,picnic tur a kal hi 13 lai kan ni a hei ai hian huaisen deuh ila chu ka hlauh na pawh a zia theih mai ka ring,thla lah chu a en dan a dul em em lehnghal zanin atan a en dan chu duh khawp a har khawp mai



"John kalsawn lo teh" Ka piah lawk a John thu kalsawn tum chu a kawr ah ka pawt bet a,ani hi chu thian ah pawh thiantha ngawih ngawih ang ani a ka ngam ber ani bawk



"Awle..." Tiin a thu rem veleh mai a chutih lai tak chuan mipa zing a tu emaw ber chu a au thawt a chumi rual chuan a ri nghal sung sung



Kan vaiin kan tho chhuak a kan hawi kual a tunge kim lo tih kan in en ani ber Ruati te nen hmeichhe ho chu kan tap nghal pur hlawm a mipa damg ho pawh an chi ai nghal vek,a rik na lam kan eng neih ang ang in an en a engmah hmuh tur a awm lo



"Khawi ah nge Sam hi?" John chuan rilru mangang leh buai hmel takin vin zet hian ati a Sam bo tih kan hre chiah kan tawm khawm nghal chawih a chutah hlauh ti zual turin Sam aw ang takin tanpui tur hian a rawn au khawk rum rum!



Mipa dang chuan engmah ngaihtuah chiang lo in aw lo chhuah na chu an pan nghal ringawt a hmeichhe ho chu hlau in kan awm khawm ringawt,êng awm ang ang an keng hlawm si tiang ramhnuai thim lutuk ah kan phone flashlight te chu eng tham mah anilo



"Tu emaw ka hmu ania!" Tiin Kelly a au tuarh a kan tlan darh nghal vek! Kawng ka hriat na lam lam ah ka tlan a Ruati khawi ah nge a tlan pawh ka hre tawhlo!



Ka phone flashlight chuan kawng ka en a,a chang leh misual ten ka eng ken an rawn hmu anga min man phah ang tih ka hlauh leh si vangin on pawh on ngam lo in kawng chu tap chungin ka risk hmiah hmiah,Sam kha a thih ka ring nghal tawp ringawt a chutiang bawk in keipawh mahni chauh chuan he ramhnuai ah hian ka dam chhuah ka in ringlo



"Heti mai chuan thih ka la duhlo" Ti a mittui hru chungin kawng ni a ka hriat ah chuan ka in pal phei nawk nawk a,chutia ka kal mek lai chuan fai fuk ri,a hma lawk a ka hriat ang chiah kha ka hre leh tawh! Tlan rawn tih ka ngailo hawi pawh hawi lo in ka tlan nghal pawp pawp a fai fuk ri chuan min hnaih tial tial thung!



"I thi dawn.." Tih aw ka hriat rual chuan ka tap chhuak hawk,a rapthlak ka ti takzet,thim zing a tlan na na na chuan thing kung ni mai hian ka hria ka su chawrh a ka tlu nghal tawp,ka tlan chak ang reng bawk nen ka lu a hai chhawlh a mahse chawlh erawh ka tum lo tlan tur a ka tho tur chu tu emaw hian ka sam ah min tham nawk a engtin nge awlsam em em in a chet theih bik pawh ka hrelo!



"Min ti na suh" Tiin ka tal a min tham nghet sauh in a hnuh in min hnuk a ka rak tuarh tuarh bawk,chutih mek lai chuan silai ri ka hre zawm zat a ka bul mai ah a ni lehnghal! Min tham tu chuan min thlah tial tial a ka bul lawk chu a ri nghal bawp!



"Lo tlan rawh.." Tiin mi pakhat hian min rawn vuan thut a ka tal nghal vak bawk "sipai kan nih hi..kan bul ah i him ang" Ati a mahse a hmel hmai takngial pawh ka hmuhloh vangin ka hlau a ka ringlo takzet,mahse duh thlan tur ka nei der silo!



"Harry..an lo kal belh ania hmanhmawh rawh u" Ti tu aw thum bul mai ka hre zawm zat a tun ah hian mi pahnih hnaih ah ka awm tih ka hre chiah



"Min ti na suh u khawngaih in,ka thiante min zawn sak rawh u" Tiin tap chung chuan ka ngen a



"Tun ah tah a hun lo,i nunna chan i duhlo a i thiante zawn ila duh chuan min zui mai rawh" Tiin min vuan tu lo zawk chuan aw ka dam lo zet hian a rawn ti khui khui a,hlauh tawh sa nen tah a chhuak zual takzet



Duhthlan tur nei ta lo chu helai a in kalsan tir ai chuan ka zui ta zawk,ka zui a mahse an ni pawh ka ringlo,ka thiante ka rilru ah an awm reng a rilru hah hlauhthawn bawk nen ka tha khur te chu rapthlak tak hi ani ringawt,engmah tawk lo a an ni pahnih ka zui zel chhung chuan khua a var dawn tan ta! Tlem in ka awm pawh a nuam ve deuh tawh a ka kalpui te pawh an in sawi ang takin US ARMY chu an lo ni ngei mai,form nen silai nen in do in peih sa reng ang mai an ni



"Enge i hming? helai ah hian enge in tih? A hlauhawm zia in hrelo ami?" Tiin ka rual a kal chuan ati a,nichin a vin deuh kha chuan hnung dawl in kan hnung ah a kal char char a a tawng miahlo bawk



"Hrelo, picnic tur a lo kal kan nia,ih Emma ka hming chu" Ka ti a a bu nghat a



"Ka hming chu Harry,kan hnung ami hi Christian" A ti a chhan ngaih na pawh ka hre chuanglo,ani pawh in engmah a sawi leh tawhlo,ngawi reng in kan kal char char a an ni hian khawi ah nge min hruai dawn pawh ka hrelo,hnam dang a kar ah sap palian tak leh sipai an ni bawk nen rintlak an nih hram ka beisei



"Harry.." Tiin kan hnung a kal chu a rawn tawng thut a ka phu chiang hle bawk,chuveleh ka bul a mi chuan lei ah min bawh tir thut! A ngaih na ka hrelo mahse ka sa him na tur anih ngei ka ring



"Min kalsan suh" Tiin a kal tum ni a ka hriat chu a ban ah ka vuan bet a,ni e zep loh chuan mahni in ka awm ngam lo,ka hlau hluah hluah



"Ngawi reng in lo bawk rawh,anihloh chuan an that ang che" A ti ta mai! Hlau chung chuan tap pur chungin ka thlah a,a tawlh sawn nghal a chuveleh pakhat zawk Christian kha rawn kal in ka lu ah chuan a rawn khawih a



"Christ..?" Ka lo ti ringawt,ka in sut hlawp hlawp a enge tih tur ber pawh ka hrelo mahni in veng turin thiam thil ka nei silo eng thil hlauhawm nge kan tawn mek lah ka hre bawk silo



"Bawk la i beng hup rawh" Tih chauh min hrilh in a kalsawn lehnghal a silai a ri nghal pawp pawp! Ka beng ka hup chung pawhin ring tak ani



Engtia rei nge ka bawh a ka beng ka hup pawh ka hre tawhlo ka rilru ah ka thian hlauh tak te leh ka chhungte ka ngaihtuah a mizoram ka awm lai boruak leh tun ka ngaihtuah phei chuan tah chhuah hawm hawm mai ka chak,a rem der bawk silo



"Emma? Emma???" Ti a min sawi nawk nawk tu awm ah chuan ka bawk lai chu ka tho nawlh a khua pawh tir ai in a eng tawh Harry chuan mak tih hmel tak hian min en keiin lungchhe em em in ka en thung,sap tlangval ngo var mai mitmu rawng buang thak hi ani a Christian erawh a pawl paw mawi em.em thung



"Kan rualin i kal zel dawn nge i thiante zawng turin i kal hrang dawn? Min zui dawn anih pawhin ngaihsak reng ngai in awm lo ang che" A kut kawr phelh sawk sawk pahin Christian chuan nelawm loh tak hian a rawn ti a



"Kal kawng ka hrelo" Ka ti ringawt,ka hrelo miau ani khawi lam nge pan tur pawh ka hrelo a khawi lai kha nge picnic tur a kan in nghah na hmun pawh ka gre tawh hek lo,ka hriat chhun chu tun a ka thut tun mek na chauh hi ani



"Khawi atang a lo kal nge i nih?" Sipai tih tak ah zawh na min zawh dan pawh a hriat a nuam teh chiam lo a chang fak fak mai



"Mizoram,hetah hian lehkha zir in ka awm a chuan ka pu khawngaih in ka thiante kha min zawn hmuh sak rawh u" Tiin nizan kan thil tawn dan engkim chu ka sawi vek a



"Kan pui theilo ang che" Tiin ka thu lai chu min kal pel tawp a ka beidawng nghal hluah hluah,keimah mai chuan engtik ah mah ka thuante ka zawng hmu zo lo ang


"Mahse ka pu.." Ka ti dek dek a


"Khang ho khan an that vek tawh ang,an vannei a an damchhuak a nih chuan thuhran,henglai a mahni in veng thiamlo kal te chuan an mahni lu an zuar tih na ani mai" A tawngkam chu hriat a hreawm takzet,min hnem theilo anih pawhin min tih mangan belh lo hram rawh se



"Christian,kan pui dawn lo maw?" Harry chuan ati a


"Aih..Thupek kan dawn zing ah a tello" A ti hmak mai,a hmelthat tehreng nen a rilru midang nun na leh him na a ngai pawimawh lo lutuk chu ka haw dawn dawn mai


"Mahse a thiante chu la dam ta se"


"Thupek ang chauhin ka kal ang,i duh chuan dan bawhchhia in henu hi i tanpui thei" A tawng dan atang chuan Harry ai in a dinhmun a tha tih hai rual anilo "min zui dawn chuan lo kal rawh..anihloh chuan heta tang hian kal hrang ang che" Vawt zet a tiin a kal nghal nal nal



Ka rilru a buai nuaih tawh! Ka thiante zawn ka duh a mahse keimah chauh chuan ka ngam silo khawilai mah ka hrechiang lo a in ven na tur engmah ka nei hek lo,Christian te pahnih zui dawn ila enge thleng zel ang ka hre bawk silo ka rilru a hah takzet


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 15th, 2022, 2:32 pm

CHAPTER-2



"Ka pu ka thiante kha.." Ka tih pawh chu hrelo ang maiin a kal hmiah hmiah a beidawng lutuk in Harry chu ka en tawp,ani lah chuan tih theih neih loh hmel zet hian min lo en let ve bawk



"Min lo zui zawk rawh i him zawk ang,i thiante chu ngaihtuah viau mahla an vannei hle anihloh chuan an dam tawh kher in ka ringlo,helai hmun ah hi chuan dam chhuah ahar ania,chuvang a heta tirh hi a lawm kan nih" Tiin Christian kal chu a zui a



Zui tumin ke ka pen leh uk thin,mahse ka kal thui theilo ka thianthat na thinlung tha lai a lo chhuak a ka thiante an thi tih pawh ka hriat miahloh kalsan chu ka thei ngang lo,mahse engtin nge kei teh lul hian ka thiante chu ka zawn ang? Helai ramhnuai hi ka hrechiang lo a chutah a chhung a mi nun na lak hreh lo an la awm leh zel bawk!



Christian te hi zui ila ka him hun ah midang tanpui tu tur au in ka thiante chu ka zawng zawk mai dawn em ni? Ka rilru a buai lutuk tawh!



"Min ngaidam rawh u,pui tur cheu in ka lo kir leh ang" Tiin in thiam lo tak chuan ka thiante pawh nilo ramhnuai pik zet lam chu ka en a,ka thiante chu tu emaw tal dam chhuak se ka ti takzet Ruati ngat phei chu



"Emma..?" Ka kal chiah ring leng lawng a min au tu ka hre ta! Mipa ani a John aw ang ka ti hle bawk a khawk vangin ka chiang lo thung



"John..." Tih leh Christian te kal tawh um zui ka rual a " Ka pu,ka...ka thianpa ala dam min rawn au ania" Tiin Christian leh Harry te ban ah chuan ka pawt ve tawp



"Thang anihchu" Lo ti bul hmuk in nelawm na tel miahlo hian min en a,min tanpui a hreh lutuk chu ka haw lek lek tawh



"Ka pu nangmah tal in min pui rawh,ka thianpa ani tih ka chiang khawngaih takin" Harry chauh chu ka melh tawh,Christian chuan min tanpui dawn lo tih ka chiang tawh,hun khawh ral dil chiam ka duhlo



"Sipai kan ni a thupek zawm tur kan ni,henu thu nilo in" Harry tawng tur chu Christian chuan alo tih khalh leh,Harry pawh chuan a ngam dawn lo tih ka hre ta,chutah zet chuan a tumah tanpui dil lo a keimah a ka thiante ka zawn a ngai tih ka hrethiam



"Ka nun na min chhanhim sak avangin ka lawm e" Tiin Harry ka vawn na chu ka thlah a kan kal tawh na hnu lam ah chuan mahni in ka kal ve tawp,a hlauh erawh ka hlau,mahse ka thiante la dam an aqm a thi kalsan a kalsan ngawt kha ka theilo mahni ka in chan hian



"John..??" Khua var chiang vek tawh mahse ka hlauh a nep tak tak theilo,chhungril ah hian ka khur ru der der a khawi lai mai pawh chu ka chik em em vek tawh,henglai ramhnuai hi a zawl tlangpui a kal a harsa lo thing lian pui pui a ding khup mai,ngaihtuah chian phei chuan a rap awm lek lek zawk



"John..." Tiin ngaih ngam lo tak chuan ring vaklo hian ka au leh thin a mak takin ka kal thui tawlh tawlh a ka hlau zual tawlh tawlh



Ka hnung lam ah kal thawm ka hria a,Harry te khan min lo zui emaw ka ti hman tawh,lawm lutuk a ka in her nak chuan Harry te aw zawng an nilo! Mipa pakhat tawp hmel lutuk mai palian zet hi alo ding run a engmah ngaihtuah chianglo in a rang a rang in ka tlan a ka au tuarh bawk



Ramhnuai pil ril ah tanpui tu tur awm silo in ka tlan hlawk hlawk pah chuan tanpui na ngen in ka au lawm lawm a,engmah ngaihtuah mumal hman lo a ka tlan hlawk hlawk lai chuan eng emaw hrui ah in pal in ka bawk thlawp a,ka âwm ka sawh chiang bawk nen a na takzet!



"Ka duhlo..!!" Tiin tha ka neih ang ang chuan ka tang a ka chhip sam a min keh na chu a thip nghal vâwt vâwt,chutah a mah mai anilo midang pahnih ngawt an lo kal belh a an tih dan chu min veh hi an ang ka ti ber



Mipa pakhat lo kal thar chuan a kekawr phelh tumin tenawm tak a min nuih sawh chung chuan ka thiante an thih vek tawh thu min hrilh ta mai! Ka nghilh dup a ka thiante ka kalpui te zawng zawng ka mitthla ah an rawn lang nghal zut zut



"Nilo..nilo ka duhlo" Tiin ka thuanhnaw min pawh phelh sak an tum chu ka lo tang ve a,ka hmai ah min beng chawrh! Ka hai chhawlh a ka hmai a na vawng vawng,ka luhai nen ka tang tha thei tawhlo



Silai a ri thut ka phu chiang em em bawk,silai rik rual a ka hmai a tui ni awm tak rawn pawr thawt chu tui ani aw zawng lo ka hma ami ding lai thisen per ngei zawk ani! Ka rap lutuk chu ka au tuarh ringawt thisen rim lah chuan pum a ti let nghal but but thei!



"Lo kal rawh vat in..." Lei ah chuan ka mu tawp a ka luhai a reh theih nan mit chhing in ka tang ru teuh ringawt,ka hmai a thisen kai chu tih reh ka duh rual in ka khawih ngam der silo



"Ka..ka kal theilo ka lu a hai lutuk" Tiin kal tur a min pawh thawn tum tu a hmel pawh ka hmuh loh hnen ah chuan ka ti a,silai a ri reng a thla amuang lo takzet ani



"I thawh loh chuan i thi dawn a sin" Min tih tak si ah chuan lu hai muai muai chung in ka tho chhuak a "hlauthawng suh Harry ka nia" a tih tak ah chuan ka tah a chhuak nghal et et! ka hmai lah chu vung bur ang mai hian ka hria a ana ani zep lo ah chuan



"Kal vat ang,an rawn kal belh ania silai mu kan ren angai" Christian aniang hmanhmawh aw takin a ti a



"A lu a hai anih hi.." A tih rual chuan in thiam lo deuh in ka meng a phe ruai a Christian hmel rum ul ka hmuh chuan ka chhing leh sawk,min ngainat loh zia ka hre thiam thei vek,ni e a awm lo chuang lo tanpui ka ngai reng a hmelhriat leh thiantha ni ta lo chu ka dem lo



"Ka biru anga an kalbo hun ah ka thiante chu ka zawng leh mai ang" Ka ti ve tak na in a ruk tak chuan min kalpui in min awm pui tlat se ka ti takzet



"I duh dan dan" Tiin Christian chu a kal mai a Harry erawh in min nghak ren rawn



"Nangmah chauh chuan rei i daih lo ang,helai ah hian 20 emaw 30 vel lek awm tur ah i ngai ange,an tam lutuk,ramhnuai hi an chet tlat na an khawsak nasat na ania an lak atang chuan i biru rei tawp lo ang" Thlamuan thlak loh zet chuan Harry pawhin min hrilh a mang hi a ang ngawih ngawih



"Ka thiante kha..lo la dam ta se ka haw san ringawt thei hleinem,tanpui an ngai dawn a sin,Harry khawngaih in min pui hram reh,nang tal chuan tih dan i hria ang" Tiin ka Hmelhriat tha pawh nilo chu a ngen in ka ngen ve tawp a



"Christ..." Christian kal mek chi a va au a a thaw zui hak bawk " Ka lo awm pui ang" a ti ta hlauh! Christian chu rawn hawi in ning hmel zet hian a thaw hak a a lu a tuai vut bawk



"Kha nu zui kual a duh ang ang tih sak turin hun kan neilo,thupek kan dawng aniloh chuan i pen hran a thiang lo Harry" Chang fak hian a rawn chhang let a,min puih chu a tum lo takzet ani



"Ni e..mahse helai a kan awm chhan pawh an ni ang ho nun na chhanhim turin a ni tho a lawm,enge a danglam na?" A ban pahnih chu a phar kak hluai a " I duh ang kal turin thu neih na i nei sang ve tawk tih ka hria a lawm" Harry chuan ati leh



"I chung ah thil tha lo a thlen ka duhloh vang zawk ani,helai ramhnuai leh a chhung a awm pawisak neilo ho kut a thi tur hian ka duhlo che" Vin deuh tak hian a ti a a rawn kal hnai nghal sawt sawt,a tawng dan atang chuan Harry hi a ngaihtuah hle ni in ka hria



"Ka hria a lawm,helai atang a dam chhuah awlsam loh zia chu,mahse ngaihtuah la a thiante chu tu emaw tal chhanhim tlak an la awm mai thei a sin,helai ka thih i hlauh ang chiah khan an ni pawh ngaihtuah rawh" Christian chu a rum nghut nghut reng a min huat hmel tak hian keimah bik chu min rawn en leh thin a



"Picnic nan a in in nghah na hmun lam i l hre thei em?" Nelawm vaklo hian a rawn ti ta nge nge a Harry zawk chu a lo thaw deuh hawk



"Aih..ka vawikhat kal na ania khatiang kha kan tawng thut bawk nen engmah ka hre tawhlo kalkawng takngial pawh" Beidawng ru tak chuan ka ti a,ka hai leh deuh chu lei ah ka thingthi hnawk a tah chiam mai chu ka chak ani ka biang lah chu a na em em bawk si



"Lo kal rawh..." Lei lam a ka kun reng lai chuan a rawn ti a,ka hawi chhuah nak chuan vawn turin a kut min rawn pe chu ni in! Awih a har dawn dawn mai ka lo vuan ve vat a min pawt tho nghal lawp,min dim lo lutuk chu ka haw ang reng,an tanpui na mamawh viau lo ila chuan ka vin ve hrep duhin ka ring



"Kal ang..." Harry chu a en a,ka rin loh deuhin min pawm thut! lai zet chuan tlak hlau bawk nen a nghawng ah ka lo kuah ve nghal vat a,a hmel phei chu ka en ngam lo



"I pawm dawn maw?" Harry chuan tiin Christian-a silai chu a lak sak a a ken sak thlap



"Lui thleng kha chuan ka pawm thei mai ang,tih harh deuh a mamawh,a hmai hi deh sak angai bawk ang,a nih loh chuan kan muang lutuk dawn min rawn nang chin leh hman chuan kan che tha hman lo ang tawm him na a van em hi" Tiin min kalpui nghal hlawk hlawk a



"Ka lawm e..ka thiante kan hmuh a kan him hun ah engtin emaw tak ka la rul ang che" Kan kal mek laiin ka ti a min chhang dawn lo emaw ka tih hnu ah



"Chu ai chuan i biang kha ngaihtuah hmasa zawk rawh" A ti ringawt a,engmah ka sawi zui tawhlo,misual ni hian ka hrelo a mahse mi fel tak ang a lan hi a hlau a,nel nih duhlo midang lak atang a in la hrang tlat ang chi kha ni in ka hria



Thui tak kan kal hnu ah lui tê hi kan thleng hlawl a a kam ah chuan Christian chuan min thut tir in tui chu thuk lo te hian a va dai a,keiin ngawi rengin k alo en,tui chhung ah zen in lung phek lian lo te hi a rawn la chhuak a rawn phei in ka hma ah chuan a rawn lek kang vû



"Enge?" A ngaih na ka hriatloh em vangin a kut a lung leh a mah chu ka en tawn chhen a,chutah thaw hawk in ka hma ah a rawn thu hniam a ka kut la in lung chu a rawn hmeh bel deuh chawrh



"Hun kan ngah lo ania,hei hi tui chhung ami ani a a vawt tha tawk bawk i hmai nen khan sik tir la a na a zia bak ah a vung tur a veng ang" Tiin ka kut a awm tawh sa lung chu ka hmai ah a sik tir a a nat thut vangin ka phu zawk



Chutia min buaipui leh ta si chu ka hre thiam chiah lo nen a mah chu ka en reng a kan in awm hnaih ve ang reng bawk nen a hmelthat zia ka hmu chiang kuarh bawk,ani pawhin khawi dang mah hawi lo in min en ve ren rawn



A sawi ang tak tak in lung chu a vawt tha a vur tlang ang deuh hi ani mai,ka hmai pawh a tir in a na viau a kan dep rei tawlh tawlh a a na a zia ve tawlh tawlh mai,tum loh deuhin lung min vawn pui na a kut chu ka hum tel palh a Chuveleh pawt chhuak zawk in a tho thut a ka in thiamloh mai zia chu!


"Ti khan nangmah in in buaipui rawh,muangchang suh hmun ngai a awm reng a him lo" Ti hmuk in a kalsawn daih a,in thiam lo deuh a a kal ka en zui lai chuan Harry chu rawn kal hnai in ka bul lawk ah chuan a rawn thu a



"Hre thiam rawh,ngainat hlawh hi a hlau a maw tih tur ania Christian hi chuan,mi ngainat nih hi a duh tlat lo nia mawle..!! mahse misual anilo ania aw" A ti zui bawrh bawrh a



"A nih ka ring,mi dang lak atang a in la hrang tlat ang chi kha a ni in ka hria,mi a tanpui rualin a tanpui a ten an ngainat a a mah an hnaih hi a duhlo ni ber in ka hria" Ka tih chuan pawm hmel deuhin a bu nghat nghat a



"I sawi chu a nih na chiah ani in ka hria,engpawh nise hmanhmawh deuh la aw i hmai i deh zawh ah khan i hmai pum kha i phih dawn nia" Tiin a tho zui a,ka hmai ah thisen ka la kai tih ka hrechhuak chiah!



Awi Christian kha hnai deuh ah mit khap lek lo in ka lo en ve si a ni lah khan min en rei duh der lo lehnghal ka hmai vang hi aniang a? thisen kai ro tawh lam anih vangin rim a reh deuh anga chumi vang mai mai aniang a ka lo hriat tawhloh



"Ka zak lutuk!" Tiin lui lam hawi chuan ka in her daih a ka hmel hmai awmdan tur ka ngaihtuah chian poh leh ka zak thar zel! "Hahh,ka bialpa emaw ma star pawh ani hleinem a hmuh a ka lan dan ah zah vak a ngailo" te ka ti leh hnuhnawh!



"Khawi maw hun kan neilo ania" Lung ka dah a hmai phih ka tum lai takin Christian chuan min pawt her sawk a ka lo thu rem chiah lo nen ka kawng a na zawk mai! Ka ner nasat em vangin min thlah leh rih



"Hmai ka phih lawk dawn" Vin deuh tak chuan ka ti a,min ngai na lo mahse dim lo deuh a mi her kual reng tur ani bik lo



"Ok.." Ti ringawt in thupha pawh chawi hauhlo chuan a silai nen a kalsawn leh mai,ka hmai ka phih sawk sawk a thisen rim an nam tha leh tak tak chu ka uak thawt thawt



Hmaih ka phih zo ka din lai chuan Christian chuan walkie-talkie an tih mai ang chi kha ni in ka hria,chumi hmang chuan tu emaw a lo bia a,a mi biak in a zir lo nge a hmel a chang tha khawp mai,alo va awm hlat vangin a biak thusawi tak ka va hre theilo,a biak zawh hnu ah chuan kan lam ah vung deuh hian a rawn kal a



"Kal ang" A ti leh ringawt,tunge a biak a enge an sawi pawh a tu a mah min hrilh lo,Harry pawh chuan a hre thiam nge a zawt duhlo pawh ka hrelo a silai a ak tha sauh sauh a a zui mai,silai ka tih hian silai ka tih hian pistol chu ak mahse rifle ang kha an hmang bik a a rit tham hle bawk in ka ring



Ka riltam tan nizan kan mut hnu atang khan tun thleng in engmah ka la eilo,ka sawi ngam bawk silo ngawi rengin an pahnih chuan ka zui kual reng a,ril lah chu a tam tawlh tawlh emaw tih tur ani! An pahnih te hian engmah an la eilo ve tho sia an ril a tam miahlo em maw ni le?



Ramhnuai ah chuan kan pathum in kan tei kual zak zak a ka riltam zual atang phei chuan ka kal chak hlei thei tawhlo,ka mipa kalpui te lah chuan an mahni ang tur ah min ngai nge ka riltam em tih takngial pawh min zawt lo a,in ngaihtuah chian phei chuan tah a chhuak et et zawk



"Kan chawl lawk thei angem?" Ka ti ta nge nge,eng emaw tal ka ei emaw ka in loh chuan riltam vangin ka tha a khur thei mai dawn,kal chu sawiloh din pawh ka ding ngil thei tawhlo



"Kan kal zel angai" Tiin Christian chu kal a tum tut tut a,tun ah hian ka sawi ngei ngei angai tih ka hria ka sawi loh chuan riltam in ka thi ngei ngei tawh ang



"Christian,ih ka ril atam lutuk!" Ka ti tawp a a ni pawh a ding ve hmakhmak



"Lo awm pui rawh" Tiin a kalsawn a Harry nen chuan ngawi rengin Christian chu kan lo nghak a,ka lo ti ti pui ve nual a an ril a la tam lo ami tih ka xawh lah chuan tam e kan tuar mai zel a lawm a ti deuh tawp!



"Ramsa thah mai tur ka hmu lo,nangmah ni thah tum tu cheu khan an tlan nasa a a ramsa pawh an vâng thei chauh ka hmu" Ka rin loh deuhin a hmel ah in thiamloh na ka hmu thut mahse a reh lehnghal daih



"A pawilo ka tam tawh lutuk" Tiin a va hmuh ang ang chu ka ei tawp a tam hnem tak tak tur chuan chaw ani ka mamawh ni,mahse tun ah chuan engmah sawi buai theih anilo ka thiante zawn hmuh a helai ramhnuai kalsan a ka dam khaw chhuah tawk tawk na tur a nih chuan a awm ang ang ka ei mai ang



"I tam lutuk chu a hnem pha ang tiraw?" Harry chuan alo ti a, hnem dawn miahlo mahse ka lo bu ve nghat tho



Ka ei min nghak a kei lah chuan riltam over tih tak ah an riltam thu sawi hre leh tawh miahlo in a awm ang ang ka hmawm zo ta vek! Ka in thiamlo hnuhnawh a awmzia a awm der tawh silo



"In riltam tih ka hre tawh miahlo a" In thiamlo lutuk chuan ka ti a an pahnih chu ka en ta zawk zawk



"Ei tur dang kan hmu leh mai ang,buaipui ngai kan awm ai chuan a tha zawk" Christian chuan alo ti a Harry pawh a lo bu nghat nghat



Kan kal zel a tumah reng kan tawk lo ka thiante ho ka ngaihtuah phei chuan ka tah hi a chhuak zawk rum rum,buaina leh rilru hah na ber chu same khan ani,midang chu an la in veng thei tal a Sam kha chu kan awm ho reng laiin a bo ta anih kha



Chhun ah pawh kan chawl lo kan kal ngat ngat a ramhnuai zau lutuk anih vangin midang zawn pawh thil awlsam anilo,ka auh dawn lahin ka kalpui te pahnih in kan him zawk nan min khap bawk si,khua in min nghak silo a tlai ve zung zung bawk si khawvar lai kha a la reilo viau emaw ka tih laiin tlai khua ani leh ruih tawh



"Kan hmu angem?" Ka ti thlawt ringawt,heti ringawt chuan riltam in kan thi thei mai dawn a,midang zawng tur pawhin chak na ka neilo lek lek tan chu ania ka thiante tu emaw ber tal hmu tawh ila chuan beisei a sang deuh tur



"Lungngai suh,naktuk ah chuan kan hmu thei mai ang,khua atlai tan a tawm him na kan zawn ran angai,zan lam ah hian a hlauhawm zual ania" Harry chuan alo ti,theih nise ka thiante pahnih chu ni sela chuan ka tah khum hial tawh ang



"Sir...?" Chu aw vang chuan thui pawh kan kal leh hma in kan hawi let a sipai pariat lai hi an rawn lang nawlh! Ka thawveng hawk thei in ka hria beisei na ka nei sang zual sauh



"Kha nu vang kha em ni? " Sipai dang te ang lo tak a hawi champ tak pakhat hian ka din pui te pahnih chu a rawn tih khum a a hmel chu ka nel loh chi tak ani



"Ilo buai ve angailo,ei tur in kawl em nula hi a riltam ania" Christian chuan ati a sipai pahnih chuan an bag ah lai ami ei tur phawrh rawk rawk in min rawn pe nghal vat,ei tur pangngai tak ka hmu chu ka tah a chhuak zawk rum rum



Midang awm zawng zawng hma ah chuan zah pawh dawn lo in ka ei leh hmiah hmiah,Christian leh Harry te pawh chuan an ei a chutih lai mek in a hmel ka nel em em loh pa chuan " Hetah hian zanin hun hmang ila naktuk ah camp lam kan pan dawn nia" A lo ti mai a ka thiante ka rilru ah an awm leh zawk,an ni pawh an riltam tawh ngawt ang



"Hei ai a hmun him kan zawng ang" Christian chuan ngam zet hian alo chhang hmuk



"Khua a tlai tan hi,helai thil awmdan chu kan chiang vek ani lawm ni?" Pawr deuh tak hian a ti a Christian chu a ding nghal nawlh



"Ka chian vang anih chu ka sawi,buaina i nei em ni ka sawi ah chuan?" Chang fakin cho zet chuan hnai fahran ah a melh kalh a thil pawh ka ei tha thei tawhlo an in tih buai mawlh ka hlau tawh



"Kan thu neih dan a in ang reng Christian" Pakhat zawk chuan alo ti veleh a midang chu an che chang ngam lo hrim hrim



"Thu neih dan in ang reng ah tunge an zah zawk kan fiah dawn ami?" Christian chuan ati let a pakhat zawk chu a kal sawn nghal hmak "buaina a awm tawh loh chuan kal ang" Ati a an zui nghl dual bawk,a lal viau anih ka ring an hlauh dan ah



"Ngahmah ngai duh suh,an awm dun tawh a an tih dan ania, Christian hi sipai tha uchuak ania hotu lû te fak rawn anih vang hian Colt hian a itsik a a ngeih loh hmasa zawk ah a tang a lawm,vawikhat pawh an in sual tawh colt saw a thi tep" Harry chuan zawh na ka nei tih hre thiam ni awm takin min hrilh ru sar sar a



Colt chu ka ngai na lo zual sauh,enge mi hlawhtlin na leh that na vang a fak na a dawn ah a lo it sik be ringawt?



Kan kal zel a hmun him deuh ni a Christian sawi ah chuan awm na tur hmun an siam rem a midang hriat emaw vak ka neihloh vangin Harry kal na zel ah chuan ka kal ve tawp tawp,ka chau hle a ka ke te hi a nat in a na hluah hluah tawh



"Kham rawh" Rem lo deuh a lei ah ka mut vangin Harry chuan a bag chu min pe a lawm deuhin ka lo.kham ve nghal hmak,lei lawng a mut te chu rilru a na ru veng venger thei zawk,helai ah hian kal miahlo ila chuan nun pangngai tak ka hmang awm sia,heng ei tur awm ang ang ei te,lei lawng a mut te hi a ngai miahlo tur ania




Ka hmai a rawn zat deuh vang chuan rang deuhin ka thu chhuak hlawl a ka lo chhing hman sek ani Colt chuan hmaih lutuk ah min lo thut chilh chu ni in ka tawlh sawn tur chu ka ban ah a man nghal chawt ,Harry emaw Christian emaw auh tum a ka hawi kual chuan ka hmu lo ve ve sipai dang ho chauh an lo awm a a then an muhil tawh



"Shhh..ka ti na dawn lo che" Tih leh a lam a min pawh hnaih a rual a a nuam lo ka ti takzet,a bialnu ang mai a min kuah in min chul chu ka ten takzet



"Min kuah suh khawngaih in" Ka ti ve tak na in awm zia a awm lo "ka pu khawngaih in tawlh sawn rawh,a nihloh chuan"



"A nihloh chuan enge? Christian khan a chhan che i beisei ami? An kal daih tawh " A ti chu phawk lutuk in ka en a ni lah chuan tenawm lutuk in min nuih ringawt



"Ka thu awih la..him dam in khawpui ah ka let tir ang che,Christian kha chu ring suh hetah hian a kual a kual pui che anga a tawp ah i nun na i chân ang" Ka awih dawn lek lek,mahse Harry sawi kha ka hre ve tlat ani hian Christian kha a itsik thin atih kha tun ah pawh hian a sawichhe mai mai anih hi



"I itsik vang anih kha,Christian hi ka ring tawk ka thiante nen him dam in min hruai haw ngei ang" Tiin tal chhuah a thawh ka tum chu min kuai mu dawt in min fawh a tum ta mai! Ka hlau lutuk chu ka rak thawt a chumi rual chuan tu emaw hian a rawn pet sawn dawrh sipai dang pawh an rawn tho vek



Chu veleh rang tawk in ka tho chhuak a Harry leh Christian hmel ka hmuh rual chuan tah in sum takin ka pan nghal "Christian..!!" tih leh a rawn thawh rual a silai rawn lek chhuah a rual a chutiang bawk in Christian pawh in



"Lam tang i neilo,tlawm tak a ka siam leh hma che in i silai dah thla rawh" A ti a Colt chuan a dah bik lo mahse a mah thlawp zawng a che sipai damg pakhatmah awm lo chu a silai dah in a kalsawn nghal vang vang


"I tha em?" Min rawn khawih thut chu ka phu chiang lutuk!


"Ngati nge min kalsan daih?" Zah pawh dawn lo in ka tap ringawt,engtin nge nai tha deuhin min kalsan thei ni mip hlang an nia an ni ai pawhin ka ring in ka nel dawn lo tih chu chiang sa


"Kan kalsan hleinem che,mu leh rawh" A ti a ka tang ve tlat,mahni a mu leh tur chuan ka ngam tawhlo Colt kha a rawn kal nawn leh chuan


"Mahse.."


"Naktuk atan tam tak i mut angai,vawiin ai in naktuk a hreawm ang"a ti mauh mai si,mi thlamuan tak a tawng hi a thiam lo em maw ni le? nge ni a beisei loh tur tur beisei a ka awm a hlauh vangin thil nih na tak a sawi zawk?



Hreh tak chuan ka mu leh a sipai dang pawh ngawi rengin an mu sap sap hlawm a,ka mu fel chiah rin lih deuhin ka bul ah a rawn thu tharh a a ngawi vang vang,min awmpui tlat rawh ti a ngen ka duh rualin min hnial ka hlauh vang chuan ka sawi ngam silo



"I mut ngheh hma chu vuan rawh" Tiin a kut chu min rawn pe a mak ka ti ang remg,mahse hlauh reh nan pawh tiin engmah zawt buai lo chuan ka lo chelh vat,a kut tang swi thlurh kar ah chuan ka kut tang tin chu ka rawlh a,ka kut lak ah chuan a kut chu a lian bik lutuk



"Ka lawm e..." Ka ti zawi sap a a bu ve nghut tho



"Ka lo veng ang che" A ti hmuk a rei pawh ka meng tawhlo a kut ka chelh chin ah chuan ka thla muang a ka mut theih tawh pawh ka in rin loh nen ka muhil tan dawn der mai


"ka veng reng tawh ang che" tih hi ka hre ruai ruai a ka chauh em vangin ka ngaihtuah tha thei tawhlo


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 15th, 2022, 2:32 pm

🌙CHAPTER-3



"Emma..!" Chu aw avang chuan ka mutui lai ka harh nghal zawk,Christian kut chu ka lo la thlah miahlo tih ka hre zui bawk a a lum thar thar,ani pawhin min thlah a tum hmel bik lo



"Tu emaw in min au" Christian lo hawi kual zawk zawk chu ka en a ka thu chhuak nghal bawk



"Ka hria,i thiante an nilo ang" Alo ti hmak mai,ka hawi kual a Harry pawh ka piah lawk ah alo mu a Colt kha ka hmu leh tawhlo sipai dang pawh an mu Christian nen chauh chuan kan meng a khua a var dawn tan anih hmel khawp mai





"I mu ve miahlo ami?" Ka tih chuan a bu nghat a " Khua a var tep tawh sia tlem tal mu ve rawh" Ka tih chuan a nui suk ringawt,a za emaw za lo emaw a nui hmuh kha a thlamuan thlak lek lek zawk in ka hria





"Ka mut chuan i thaw tawhlo ang" Nui reng chungin a rawn ti a ka nui tawp chiang hle thung "i hlau leh si em ni?" a ha ngho var nalh zet lang thah chuan a rawn nui a,hmeltha hneh sawh tak hi ani ringawt!







"Hlauh loh chi ani miahlo" Ka ti thutak deuh a anui pawh chu a hma a hmel nelawm loh deuh khan a rawn thlak damglam lehnghal vek







"Mu leh rawh" Ati a a kut ka chelh lai pawh chu a la sawn ta hmak,ka sawi zawh chiah ah khan thinrim na tur a nei em maw ni ka ti hial zawk







Biak leh chi ni a ka hriat tawhloh vangin a piah deuh ah chuan ka tawlh phei a ka mu tawhlo ka mut a chhuah tawhloh bak ah khua a var tep tawh,Christian nen chuan in be tawh miah lo in kan thu ngawi dun reng a reilote ah Harry leh sipai dang te pawh an rawn tho sap sap hlawm a







Ka riltam tan dawn chiah tih in ei tur an sem hlauh! Ka ei zo zung zung a ka nuam huai thei,muangchang in kal leh tur chuan kan in buatsaih a Christian hi alo lal ve khawp aniang,sipai dang pawhin a sawi zawm in min zui vek an tum a Colt kha a awm ta miahlo







"Christian " A hnung chiah ah kal pah chuan ka au a a ding lo a min Ngaithla tih erawh ka hria " Ih,Colt kha a bo ania" an ngaihven lou em vang chuan ka ti a







"Ngaihsak duh suh,min rawn zawm leh mai ang nizan vang khan a thinrim a a kal daih anihkha a kal hla ngam teuhlo" Harry zawk chuan min rawn chhang a ka lo bu nghat,Christian chuan min rawn en zawk a hawi sawn lehnghal daih







Ti daih ila tukin khawvar dawn a min au aw ka hriat kha ka hming te a hre sia Christian khan i thiante an nilo ang kha ati mai bawk sia ka hming hria chu helai ah chuan an ni leh ka thiante an ni mai a ramhnuai misual te hi chuan an hre tawp lo ang,chuvang chuan ka thiante an ni ngei ngei in ka ring nghet tawh







Nimin lam kan kal hrep tawh nen ka rawl lutuk tawh a kal a har talh tawh,ka hmai pawh a zia tawh a khawih fuh loh phei chuan ana lem tawhlo,thui tawk kan kal hnu ah chuan hnunglam hi a rawn ri thla buan buan a midang zawngin silai an lek chhuak vut tawh ka hawi chu ka rinloh lutuk in Donny leh Ruati ka hmu thut!







"Ruati...?" Hmun leh hmun ah chuan ka au chiam a ka lungphu ran zia chu rapthlak tak ani,ka tap nghal ani tawp ka pan vangin Christian leh sipai te pawhin engmah an tilo







"Emma..!" Chauh hmel tak a min au in min rawn kuah a din pawh an ding ngil thei tawhlo lei ah an thu sawp nghal nuaih a keipawh ka ni tho engmah pawh ka zawt thei rihlo an la dam vang ringawt pawh chuan ka lawm lutuk hi ka tap hawm hawm chak zawk







"Hetah kan awm reng theilo Emma" Christian chuan kan lawm na hmuh hmaih ang maiin min rawn ti a mahse ka chhang lo,chhan loh chu sawiloh Ruati te pahnih ngaihsak bak ka ti lo hrim hrim







"Eng,engtin nge in lo thlen theih?" An awmdan an riltam dan tur te ka hriatpui vek a a hreawm dawn lutuk riltam a awm phei chu rapthlak tak ani,nimin lawk ah riltam ka lo tuar hrep tawh a ka chiang lutuk tlat







"Ei tur eng emaw pe rawh u" Christian chuan ati a sipai ho chuan tui nen ei tur la awm ang ang chu an pe a,Ruati leh Donny riltam chau tawh chuan khur ti tih in ei tur chu an ei mawlh mawlh a lungchhe lutuk a an bul a lo thu ve in ka lo in hnit hlawp hlawp







In ah mahni duh tinreng awlsam tak a ei thei kha kan ni a,picnic lo khan kan in theuh ah lo awm ila hetiang a thih hlau leh riltam tawrh reng hi angailo tur ania







"Emma,EMMA?" vin lutuk hin Christian chuan min au a a reh nghal duk,Ruati te pahnih ka chik lutuk lam ah min auh na ngei pawh eih na chang ka lo hrelo







"Ding rawh" Tiin min pawt tho zawk a enge a hriat teh thut ni? "Tap tawh suh" Chang zet hian min tih khum a ka tah lah chu a chhuak tawlh tawlh! Lungchhe tap satliah ka nilo a ka thiante pahnih ka hmuh let vang a hlim a tap ka ni tel bawk







"Christian..?" Chutia min vin pung pung chu mak ka tih vangin hrilh hai deuh chuan ka ti a







"Tap suh,i tap thawm an hre pha ang" A ti a ka ngawi ta hmak,a kut in sipai dang ho a signal a Ruati leh Donny chu an thil ei lai pawh sawi lo in sipai pathum chuan an kuah tho lawp a an kalpui nghal nal nal







"Khawi..khawi ah nge an kalpui dawn a? Engtin nge an tih dawn?" Ka ti zo chiah Christian chuan ka awm na atangin a back zawng chuan min nem let a chem a lo thlawk fua! Ka thin hi a phu nghal zawih zawih







"Tlan rawh" Harry chuan alo ti a hrilh nawn ngailo in hmanhmawh lutuk in ka tlan nghal a Ruati te an kalpui na lam a ka hriat ah chuan ka tlan tawp,ka rawl si ka duh ang in ka chak theilo,thih ka hlau a ka ding ngam bawk silo a hreawm takzet







Silai a ri pawp pawp a kan nun khaw ralmuang lo lutuk chu lung hi a chhe takzet zawk,theih ang tawk a chak a ka tlan lai chuan thing kung lian tak ka tlan pel tur chu tu emaw rawn chhuak thut in min rawn pawm bet nghal thlawp a ka au thawt a ka tal rual chuan alo in ring bik lo aniang veilam awih tem te ah chuan kan lum thla nghal bawp bawp







A rang lutuk a in veng thei ka nilo chutah min pawm bet tu chuan ka ban nen lam ka taksa ah a pawm beh vangin ka che theilo hrim hrim zawk,zawl alo awm a kan lum thlak na vang chuan ka pu a hai maui muai thei pawm beh ka nih vangin ka na lutuk lo hlauh,min vawn ngheh loh lai chu chuh in ka tho a ka tlan tur chu ka ke ah man in min phih tlu chawrh a bawk zawng in tlu lo phei ila chuan ka hnang thei hial ang tih tur ani







"I lû kha ka la dawn z**ngi " Tiin chem zum lian zet hi a rawn lek lang thut a ka tim nghal sung sung thei,ka vawt vek a ka lûng te hi a phu tawhlo hial in ka hria ka tap tha ngam silo,tlanchhiat na turin khawi mah rem a awm tawhlo tan ka lak chhung pawhin min khawih hman tih ka hre ve reng







"Ka pu...khaw,Khawngaih in min ti na suh i duh duh ka tih sak ang che" Ka tih theih awmchhun chuan thlem ka tum a a sawt hlawl lo thung







Min pan a ke a pen chiah chu an rawn bawh tlu tawp a an in sual nghal chu ani mai,ka him nan tiin ka lo tawlhsawn ve vat bawk,Christian lek alo ni a a mi sual pui chuan thah mgei tum in chem ngawt chuan a bei nghal a ka en tha ngam lo a vih mawlh chu ka hlau ani







Chutah ka en lai tak chuan Christian chuan leh thal in a thin zawn ah tak mai a tha tawp in a vit ta pawp mai! Ka thawk hi alo tawp chiang lutuk,sipai hmelma te that tur a ruat ni mahse ka hlau takzet ka mit hmuh ah ngei dim dawi na tel miahlo in mi a vit chu ania! Ka mang lam pawh a ka la hmuh ngai eih loh chu ka hma lawk ah chiang lutuk in ka hmu a ka damchhung hian ka theihnghilh theihnghilh tawh pawh ka ring lo







"Eng ah mah ngai suh" Rawn din chhuah pahin Christian chuan ati a,a mah te chu ka hlau dawn lek lek! Ka rilru hi a buai nuaih mai an in vit lai ringawt kha mitthla leh ngaihtuah na ah a awm a min kai tho a min kalpui tih pawh ka hre lawk lo







"Ngai thla teh" Thui pawh kan la kal lo ka kal lai takngial pawh dawk ngai khawp ah Christian-a mi vit lai ka ngaihtuah vang chuan Christian chuan min din pui a







"I that a...!" Khur dat dat a ka tih chuan a thaw hawk a a kut thisen kai nuaih chu a kekawr a tat zauh chungin min rawn en ren rawn a







"Ka thah loh chuan kan pahnih in min that ang,chu chu thleng tur a i duhloh chuan ka thah tak vang khan i rilru tibuai suh,sipai ka ni a ka ram humhim tur leh dan kalh a che te man leh that tur a thupek ka ni,chu chu nangpawh in hria la ngai ah neih i tum dawn nia"







"Mahse Christian.." Tap tuau chung chuan ka ti a,ning hmel zet a thaw hawk in lehlam a hawi vang vang







"Harsa ti mahla helai a i awm chhung chuan i tih ngei ngei angai ,nangmah in adjust tum rawh tichuan i nun anuam zawk ang" Tiin ka rilru hah nuam lo tawh sa ti nuam lo belh tur chuan a la sawi hmiah hmiah mai







"Haw ka duh a ka thiante ka kalsan thei ngawt silo,heta thi ringawt tur chuan ka la naupang lutuk kan ram ah ngei thih ka duh ka thih dawn pawhin,ramhnuai ah chin hriat loh a bo a thih ka duhlo" Ka tap ta nge nge,a hma a sawi kha ka hre reng a ka tap ring ngam silo hmui chip in ka in sut hlawp hlawp a,min lo nuih ringawt thung







"Thih chu i hlau viau em ni?" Fiamthu a min zawt hi a ang mah zawk ani,rilru hah mangang nen chuan huat a awl rum rum thei,tah pawh ka tap tha thei tawhlo zawk min hnem ai chuan min sawi thaih zel ni hian ka hria!







"Aw ka hlau lutuk" Ti chungin ka mittui tlak tawh na chu ka tuai puat puat a







"Ka veng ang che" Kal daih chung hian ati a,a thlamuan thlak viau pawhin ka hrelo,kan hmung lam a ruang chu hawi pawh hawi let tawh miahlo in ka kalsan ve nal nal,a thin a chemte bur vû te kha ka rap lutuk







"Ruat muangchang in kal rawh aw" Ruati kal tha theilo chu ka kuah a Donny chu mipa anih ang in tha a la nei phian mai







"Christian,kan van tlem tawh ve?" Kal pah chuan ka ti a Harry chu ka hnaih deuh ah rawn kal in







"Kan in chân then a,nichin ah khan rawn um zui che angai sia midang a veng hman ta lo anihkha" A tih chuan Christian min chhang mai lo chu ka hre thiam chiah,keimah vangin a sipai pui te alo chân reng anih chu







"Emma kan haw dawn lo ami?" Ruati chuan tawng harsa tih hmel zet hian a rawn ti chhuak a thaw hawk.in Christian leh Harry te chu ka en a an ni chu kan hma a kal an nih vangin an kal ngai in an kal miah miah







"Midang kan zawn angai alawm,dam an la awm mai thei asin" Ka tih chuan ka kuah lai atangin a tal pit thut a duh loh hmel lutuk hian lu min thin khum ngat ngat





"Em..tumah an dam tawhlo ang ih,Sam ruang kan hmu a" Donny chuan ati ta mai! Ka pai dawt a Sam chu a bo hmasa ber kha ani a thi chu ka rin ruk ber ni mahse a tak a hriat meuh chuan awih a har in min thawng ani,ka âwm chu dawm in thawk ka la kawk kawk a







"Ih,ih thingkung ah a taksa an lo khai a,chuan..chuan thisen nen..." Ruati chuan tap chungin ati a a hlauh tur zia chu ka hria,keipawh in Christian-a mi thah lai ka hmuh kha min chhan na vek ni mahse ka hlau lutuk ringawt







"Chuvang chuan Emma kan haw angai midang chu zawng tawhlo mai ang kan haw a kan him hun ah police kan hrilh dawn a lawm" Donny chuan arawn ti leh a Donny sawi chu a dik na chen a awm,mahse kan thiante lo la dam ta se kan haw san ringawt thei lo thiantha te lak a tih dan tur pawh anilo







"Don..ka hre thiam lutuk che,kan hlau vek alawm keipawh hian nangni ai mah in ka hlau ang,mahse kan thiante an nia dam lo la awm sela kan haw san ringawt chuan an chhungte hnen ah enge kan sawi ang? " Ka ti thlawt,ni e him dam in haw bik ila kan thian chhungte zawng zawng hnen ah eng em em nge kan sawi ang ni?







"Mahse kan zawn zel chuan kan thi vek dawn sin! Em,hetah hian midang nun na hlut miahlo an awm.a sin Sam pawh kha an that a lawm,a mah ang a thih ve kha ka duhlo"







"Don..a tawk tawh,kan thiante ani a kan zawng tur ani ni e a hlauhawm nunna chân thei vek kan ni keipawh hian thih chu ka hlau lutuk mahse kan haw theilo,thiantha te lak a kan tih dan tur anilo,kan dinhmun in thleng hian han ngaihtuah teh la dam reng ni ila min haw san si sela engtin nge i ngaih ang?"







"An dam tawhlo ang,hre thiam teh Emma kan haw angai kan thih vek hma in" Vin lutuk a tiin Donny chuan ka ban tawn tawn ah a rawn vuan a min thing nawk nawk,chutah Christian chuan a ban ah a rawn man chhawng veleh







"I thlah nghal loh chuan hei hi ka hmang ang" A ti chang fak a,a silai ah lai chu a beng thak thak a, sawi nawn leh ngailo in Donny chuan lung nilo takin min thlah nghal hlawk a a phun nghal hlawk hlawk







"Min lo zui lawk teh" Tiin Harry chu a ko hrang a "lo veng uluk rawh u" Tiin sipai dang te hnen ah a chah bawk,Rei lutuk lo an in be hrang a an rawn let hnu chuan







"In thiante chu kan lo zawng tawh ang,heta tang hian let ula kan camp ah in him ang,chuta tang chuan Harry hian thlawh na a buaipui sak thei ang che u..camp thleng tur pawhin in beih fe chu a ngai dawn a him tak a in thlen ka beisei" Christian chuan ati zung zung a







"Nilo,nangmah chauhin i zawng ang maw a theihloh i thi dawn a sin!" Ka ti a,awmze awm lo lutuk chuan a mah a a zawn chu ka phallo ve ringawt







"Mi pahnih ka hruai dawn a lawm,khi Colt pawh a rawn lang leh tawh a,ani khi ka hruai tel ang,Harry zui ula kal rawh u" Ka tah a chhuak ringawt a ka hnar a thip nghal hlur bawk







"Emma,kal ang" Harry chuan ka ban ah a rawn vuan a ka lo thing sawn nghal lawp,Christian lak ah hian eng emaw feelings ka nei tih ka in hre thiam chiah a nat hi ka hlau lutuk a ka him na tur ni mahse kal hran ka duhlo







"I bul ah ka kal ve zawk duh" Ka ti mawl tawp,a him loh tur zia leh buaina ka thlen tam zawk zia hre mahila Christian nen a kal hran chu ka duhlo,ka thiante zawng tur pawhin a ngen in ka ngen zawk a tun ah an nun na thap a ka thiante an zawng tur chu hmun him lam ka pan san duh bik lo







"A theihloh,buaipui ngai ka duhlo Harry hi zui rawh" Ti hmuk in sipai pariat lai la awm zing ah chuan pahnih a ko hrang a Colt pawhin ngawi rengin a rawn fin ve mai bawk a kal an tum nghal mai!







"Christian,i bul ah lo chuan ka kal duhlo" Tiin pen hnih ngawt chuan ka hnaih a







"Kal rawh,silai a ka vo kher che ngai suh se" Rapthlak zet a tiin a kal hran pui tur te chu a kal pui hmiah hmiah a







"Ngaihtuah suh,Christian chu sipai tha lutuk ani ka tih tawh kha a him em em ang" Harry chuan kal a duh tih hriat takin a rawn ti a







Harry te nen chuan kan kal tan a thui pawh kan la kal lo ang tih ah sipai pakhat chuan kan kal na tur kawng chho a han thlen hmasak lai tak chuan rang deuhin a rawn hawi let vut a,Ruati nen chuan thil tha lo tak a hmu anih ring in kan lo in kai nghal chawt







"Sir..eng emaw ka hmu a..." Ti chiah silai a ri pawp a chu veleh sipai chu a rawn bawk thla thlawp a a thi a chhuak nghal zawih zawih,ka thau ah min man chiang lutuk leh min thawng lutuk chu chet ngaih na pawh ka hre tawhlo







"Emma bawk rawh u" Harry chuan theihtawp in ati a,ka hre reng mahse ka che theilo sipai rawn tlu thla ringawt chu ka en a Ruati chuan min pawt min pawt a a tap bawk







Silai a ri mawlh mawlh a mahse keimah ber hi ka bing churh mai,engtin nge mahni in ven pawh tum lo hi ka la him theih pawh ka hrelo,Ruati chu a tlan sawn a chutah silai a puak leh thuai a ka harh ta kawk mai







Sipai nen khan mi pali ngawt an lo thi tawh rmahnuai mi vek an ni 3 chu,Harry ka zawng a thing kung lian lutuk bul ah hian misual pakhat in thah tum in a lo sual mek chu ni in a chung zawk ah a tang si a Harry chuan a hmeh lo mai dawn,sipai dang te lah chuan midang an kap a Ruati leh Donny an veng bawk







Ka hawi zawk zawk a thing bung ka hmu fuh,Harry chu ka puih ngei angai tih ka hria thing chu lak mai ka tum a alo rit lutuk ka keng kang zo lo,ka huaisen na zawng zawng sawm khawm in ka tlan phei tawp a Harry silai lei ami chu char in ka va hem chawrh ringawt,ka hêm na zo lo nge min rawn beih a tum ta mai ka tlan tur chu chesual in ka bawk thlawp







"Harry!!" Ka bawh na bul chiah a ka hêm pa chu a rawn tlu sawp hnawk a a lû a hel tep! Ka khur dawt dawt a rang lutuk in ka tawlh sawn nghal







"Kan him tawh.." Harry chuan min lo vuan bet a lungchhe lutuk in ka tap nghal hawm hawm "Christian..?" Harry thusawi vang chuan ka hawi chhuak chiang lutuk Christian te ho let leh ka hmu chu ka ding thawt a ka tlan phei nghal







Zah pawh dawn zo tawhlo in ka thlen rual chuan ka kuah thlawp,min hnar ka rin tehreng nen nghet zet hian min kuah let a min ngai leh thlahlel ber ang maiin ka dar ah nghawng zawn ah rawn kun hniam in a hmai a hnim phum a a thaw hawk hawk bawk,tun a ka thlamuan zia hi ka sawi thiam lo




"Min kalsan tawh suh khawngaih takin,ka thi dawn" Ka ti tham tiak a



"Ka veng reng tawh ang che,ka thawk ve chhung chuan i nun na i chân ngailo ang"


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 15th, 2022, 2:33 pm

🌙CHAPTER-4




"In lo let leh a?" Harry rawn tawng ah chuan ka la kuah char char tih ka hrechhuak,thlamuang viau mahila kuah reng tur ka nilo tih ka hria zawi muang chuan ka thlah a Christian pawhin min thlah zui ve mai a thil thlen dan hi a engahmah a a tla na ve lo ni mai in ka hria a hmel pawh a danglam eih lo



"Silai ri kan hria a,engzat nge thi?" Christian chuan ati leh zung zung a ruang ho chu a en nghal dun dun a


"Pahnih kan chân belh a,min bei tu awm zawng chu kan that vek in.k hria" Harry chuan alo ti thuai a Ruati min rawn pan chu ka lo kuah ve nghal vat



"Kan thih teuh zia kha Emma,chuti chung chuan midang zawn chu ila duh tho tih na ami?" Donny chuan a rawn ti a ka lo thaw hawk ringawt



"Ei tur kan nei mang tawhlo a kan in zui leh vek chuan buaina kan ngah mai mai ang,sipai pakhat nen kan lo awm anga midang nen camp chu pan mai rawh u,in rawn kir leh lo anih pawhin kan in hre thiam dawnn nia"



"In rualin ka kal ve duh,buaipui ka ngailo ang ka tiam a che khawngaih in?" Christian te in be lai chu ka lo pawt chat a,duhlo hmel tak a ner sak chungin min en ren rawn a



"Kal leh nghal mai rawh u" Harry hnen ah chuan ati a,ka thusawi chu a hee reng mahse a ngaih thah lai tlat thung "min veng reng dawn i tih kha! Buaipui ngaiin ka awm lo ang ka ti tak tak" Ka tih pawh chu a ngaih sak duhlo zel ka beidawng tawh lutuk chu tah chhuak in ka hmui ka pet fan fan



"Kal rawh u.." A ti a Harry kal hreh lo bik te chu ka haw ru lek lek tawh! "ka ven dan che hi i hre thiam lo anih hmel" Min rawn en pah chuan ati a,a hmasa lam a ka bul a awmdan nen chuan danglam leh tawh tak ani,vawikhat in hmuh a inbiak ang mai hian min bia,chu ringawt chu ka lo la na em em ringawt



Din chhung chuan sipai dang leh Colt te ho chuan an sipai pahnih boral ta te chu phum na hun awm hek lo,a rem lai ah an zalh a,vawikhat pian man a sawtiang tawo a thih mai chu an chhungte pawh an khawngaih thlak tel,ka chung ah a thlen ve loh hram ka beisei



"Christ,i hre ve em?" Harry chuan silai lek tha sauh sauh in a rawn ti thut a,Ruati nen chuan kan hawi kual nghal zuk zuk



"Hria e..an rawn hnai zel bawk naktuk lam ah ro kan rel tha dawn nia kal hrang rih tawh suh u" A ti chu ka lawm ru takzet,kan vai chuan kan in zui leh a Donny chu let a duh lutuk a a phun char char a Christian te a ti thinrim ang tih ka hlau zawk



Kawng thlang lam kan kal na in a hnaih zel lai tak chuan a rawn ri chho sung sung a,chumi lam hawi chuan Christian ten silai an lek nghal,ka lûng hi alo phu dup dup a misual te kha an ni anga tam tak an lo chhuak ang tih ka hlau kan tlem ve tawh si pathum ngawt ven ngai kan la awm zui



"John..!" Donny chu a kal hnai sawt sawt a chutah thlang lam atang chuan John leh Catherine te chauh hmel lutuk a rawn lang thut in kan phusa nghal hluai



Kan tap a kan hlim vang ani,kan in kuah khawm a thi tawh tur a in ngai rilru dam a kan in hmu leh chu lawmthu kan in hrilh mawlh mawlh hi ani mai,kan tah nuih a nun nawm zia leh dam a kan in hmu khawm leh thei nawm zia hi a takin kan lan tir ani ber ang



"In zo tawh em? Hmun ngai ah kan awm reng theilo ania ei tur kan zawn angai bawk,kan neih sa chuan pahnih pawh an puar zo tawhlo ang" Ati a,Harry zawk chu ka en hlauh



"A awm chhun kha ei tir in phal em?" Ka ti a,chutia ka tih chhan Christian lak a ka in thlahrun vang ani,engkim ngaihtuah sak tu ang mai a thil dil rengte pawh a tan a ninawm ve thei tho



"Aw thei lutuk e.." Tiin ei tur chu a pek tir a Christian chuan a him lo kan hmanhmawh angai a tih reng a vangin kan kal leh nghal a Sam chungchang chu kan sawi chhuak bawk a Sam leh John hi in kawm deuh bik an ni a a tuar ve ngang mai a kal pawh a pai nawk thei



"Sam a awm tawhloh chuan midang pawh an dam tawh dawn ami?" Beidawmg aw takin John chuan ati a


"Dam ang,keini heti zat kan la dam chhuak thei anihchuan an ni pawh an la dam em em ang,i zawng toang ang u aw John? Thian vek kan nih hi ramhnuai ah chin hriat loh a bo turin kan kalsan ringawt theilo ania aw" Donny rilru ang apu ve ang tih ka hlauh em vang chuan ka sawi nghal pawp pawp



"Ni e,kan zawn angai ani an mangang dawn lutuk" Catherine chuan alo ti a John pawhin kal bai suih suih pahin a pawm tih lan nan a bu zauh a



Tichuan kal zel in lui tê bawk chu kan thleng leh,lui tê mah nise eng emaw tal ei tur sangha emaw thil dang awm hi ka beisei tlat,ka riltam lutuk tawh vang aniang,lui kiang pawh a him lai zel kan zawng a,a him lai ber ni a kan hriat ah chuan kal in a khawm chuan kan awm a John leh midang chu lung luan tak ngheng in an thu mu a kan kal na ka ke na ut ut chu phileikhawk hlip in ka hmet ve char char



"Enge in tih dawn? Hetah hian kan riak dawn mi? A him tawk em?" Christian leh Harry te pahnih an sipai form kawr zawk an phelh mawlh mawlh laiin ka lo ti a


"Bengchheng suh,awle naute kan hmu ania a bo hman chuan ei tur kan neilo ani mai" Christian chuan a lo ti nghal hmuk, ka hawi kual a awle naute ka hmu lo hmu phei chu ni ila ka hlau dawn lutuk



"Awle kan ei dawn a maw?" Ruati chuan hreh hmel tak hian alo ti nghal vat a,sap pa chal tan chuan tam tawp ah a ei theih mai ang,mizo nu tan chuan a harsa ani ngaihtuah chian phei chuan chil a ti haw in luak a pawt lek lek



"Riltam a thih mai i duh zawk te anihchuan i ei lo thei a lawm" Nem lo zet hian Christian chuan a chhang hmuk a Harry alo nui suk



An kawr an phelh zawh ah chem nen tui ah chuan muangchang in an lut a khawi ah nge awle naute chu ka la hmu thei chuanglo,engpawh nise lo seh hrep lo se ka ti ani,ka thiante lam ka hawi chuan Catherine chuan Christian te awm na lam a lo thlek reng tih ka hmuh chuan ka hawi veleh nghal zuk



Christian emaw Harry,a tu emaw zawk zawk in a mit an la tih chu hrilh hriat hran pa ka ngai bik lo,Christian zawk chu ni tlat in ka ngai leh nghal a ruk in ka lo ui bet ve em em ringawt! Chutia ka lo ngaihtuah ve tawng tawng lai chuan ka ke thluang na piah lawk ah awle lian lo deuh swi zet si hi a rawn tla thlawrh mai!



Rak chiam in kan tho nghal thawt a hmeichhe ho chu lung chung ah kan ding nghal fur mai "kan chaw tur anihkha in hlauh mai ten" Harry chuan tui atang a lo chhuak pahin ati a awle chu a thi tawh tih ka hre chiah



"Khawi ah nge Christian?" Ka lo ti vat a lo chhuak ve mai silo a ka hawi a tui ah pawh ka hmu lo ka ngaihtuah tlat tawh,ka awmdan lah hi a hun loh zia ka hria mahse Christian hi ka duh in ka in hria!



"Tui ah a la awm" Tiin awle chu a khai nawlh a sipai dang bul ah chuan kalpui in a vun lip tur chuan ati a



Awle sa ber kher ei a ngai chu rilru te hi a na rum rum zawk,sangha lian te hi a awm zawk lo a mawn le? ti a ka ngaihtuah lai chuan ka bul chiah ah Christian chu huh deuhin alo ding a,a palian si a hmuh thut hi chuan a hmel alo rum ve bawk nen a hlauhawm thin



"Ten viau mahla riltam a awm ai chuan ei luih angai tho " A sam chu a kut in a beng thak thak a form nen a awm loh hian a lang mak viau a a mah tak tak ang ka hmuh theih phah erawh ka lawm viau thung



Mipa hmeltha vur anilo a mahse a pa ngawih ngawih thung,a palian a in hum him nan pawh a duhthusam ang kha ani,mitmeng pa tak leh mitmu rawng pawl paw thak nen a taksa a mawi hle bawk,mipa ka lo dream thin ang chu nilo mahse min duh anih phawt chuan ka hnar theihloh tur ani



"Nilo...!" Ka thil ngaihtuah zahthlak lutuk avang chuan ka in thing sawk a thil ka lo ngaihtuah nasa lutuk nge pawh ka hrelo Christian chu Harry te kiang ah a lo awm daih tawh



"A mah saw ka hre tlat ani" Tiin Catherine chu thei leh theilo in a tho chhuak a Christian leh a nau te ho awle buaipui chu a va pan ding chawt a keiin ka lo en ve remg thung,engtia Catherine hian Christian chu lo hre daih nge maw anih le?



Christian te awm na a thlen hnu thleng pawhin ka la en zui zel,Christian chu a va be ta ngei a a tawng zawi lutuk a ka hre tha theilo lui luang nen ka beng ah a in rik pawlh nuaih mai,Christian chuan uluk fe in a thil tih lai chawl meuh chuan Catherine chu a en reng a,eng emaw hi sawi in Catherine chu a kut khat hian a kuah zauh a awm sawn leh nghal an in hre tawh thin ngei ani,rei mawi tawk Catherine a va awm phei hnu chuan kan lam ah a lo kal phei leh a



"I thian hlui em ni?" John leh Ruati chuan an lo ti var a,Catherine hmel a thlamuan na hmel zangkhai vah mai ka hmuh te chuan eng emaw hriat chak na in mun tur ut ut



"Aw chutiang deuh chu,naupan lai a tang in ania" A ti ringawt a ka duh dan ang chhan na ka hmu lo,ka rilru hi sawifiah thiam si loh hian a hah ru ringawt Christian hi ka duh ta viau em maw ni le?



"A nih chu i vannei hle mai,a ven bik loh che beisei ang" John chuan fiamthu ti tak deuh hian a lo ti a Catherine chu a nui ringawt



Awle chu engtin tin emaw an sawmgbawl a en pawh ka en tha ngam chiahlo an vun an lip vek ka hmuh khan ka rap lutuk a hmun dang ka hawi char char tawh,ei pawh ka ei theih ka ring lo a tisa leh rim ringawt pawh hi ka mitthla phei chuan luak a chhuak hlûi thei



"Ka riltam tawh e" Ruati chuan ati niah niah a keipawh a tam ani ka pum a ri ruk ruk tawh mai


"Emma,Christian hi ilo pui lawk thei em?" Harry chuan min rawn ti a ka lo tho nghal vat


"Engtin...?" Ka ti nghal vat chu Christian chuan a ngailo ti ni awm takin Harry chu eng emaw a hrilh a



"Awle kan chai na lam ah a in hliam deuh a" Ati a a ban a kawh sak bawk,hliam na vût chu anihloh hmel a mahse a thi a luang ve niah mai,nichin te khan a hre lo nge ngawih bo pui a tum zawk ni?



"Keiman ka lo pui ang" Ka ding tawh reng a Catherine chuan alo tih leh si vangin Christian a pan lai chu ka lo en mawl tawp,a ban an in buaipui sak lai vel chu tih theih nei silo in ka en tawp a



Catherine in a buaipui chu ka lawm lo hran miahlo,chutia lo lawm lo tur pawhin Christian tan engmah ka nilo mahse Christian-a'n huat loh hmel lutuk leh nel hmel deuh a a bia te,an thusawi ka hre ve thei chiah bawk silo te chu ka tum bur phah ringawt



"Enge i ngaihtuah a?" John chuan ka dar ah a rawn vuan a ka bul chiah ah a rawn thu thla ve nghal



"Engmah nilo e..midang kan hmuh hun tur leh him deuh a kan haw hun ka nghakhlel tawh keichu" Ka ti daih a



"Keipawh.." Tiin a hawi kual dauh dauh a "helai ramhnuai hi ka hua ani,Sam khan a tir in min hnial reng a mahse ka sawm lui a,tun ah chuan a nun na a chân phah ta der si.." A in thiamlo hle ani tih a hai theihloh



"John,in thiamlo bik suh kan vai thiam loh a lawm helai lo pawh kal na tur a tam nen helai kher kan thlang kha kan tihsual vek ani" Tiin a hnung ah chuan ka chul sak a



Chutia kan lo thut dun lai chuan Catherine a rawn phei a, Christian awm na lam ka va hawi leh chu a kawr ban a lo phelh thla mek a mahse a ngaihsak miahlo thung,a kawr ban phelh thlak pah reng chuan John nen a kan thu dun chu min rawn en reng a Harry an a biak tak ah chuan a hawi sawn ve leh nghal mai



Donny chuan a duh ang kan pawm sak theihloh vang nge tumah a be lo a thinrim hmel a pu lem chuanglo,kan in hlauh tan na hmun atang a kan aqmdan te chu kan in hrilh kual dan dan a rei fe kan thut hnu ah sipai pakhat chuan kan thian ho chu min rawn ko a,kan zui ve mai chutah awle chu a pum in an lo rawh hmin chu ni in a lo bawk run mai!



"Ka ei theih ka ring lo ka pum a let nghal but but" Ruati chuan midang hriat hlau takin ati a,keini pahnih chiah hnam dang,thil hetiang a ei zen zen lo hi kan ni si a,Catherine,John leh Donny te chuan an ei thei mai ang tih a chiang



"Kan ei loh chuan ei tur dang a awm lo" Ka ti a keipawh in ka rap in ka ten ru ve tho,mahse tih theih a awm rih silo anih hi,ei loh chuan riltam a thih ani mai kan hmabak



"Ka dam chhung a awle sa ka ei hmasak na leh hmungnung ber tur ni nghal se ka duh" Ruati chuan ei hreh hmel tak hian ati a



"Keipawh.." Ka lo ti ve bawk,midang chuan tim leh ten na nei hauhlo in an hlep a a ti te chu an ei bawrh bawrh ka dem viau hran chuanglo kan tam tlang em ani,tun ah tak chuan an mahni ang a thil raw deuh a ei thei nih ve ka chak ngawt mai



"Ei ta che u,a pum hi a te ania" Harry chuan ei mawlh mawlh pah in ati a,awle chu a mei takngial pawh an tan silo a ka rap zual,engpawh ni rawh sw riltam tawrh leh ai chuan kan ei ve mai aniang chu



"Helai hi a tui ang" Christian chuan alo ti a,aawle nak ka ti mai ka sawithiam bik lo a pum sir lam deuh a ti chu lian pui hian a hlep thla a hnah fai ah dah in hmawm nuam tawk tur te te chuan a zai diat diat bawk,a fel reuh ka ti ngei mai.. ka kut ah chuan a rawn hmeh bel chawt a



"I thih phah lo ang,i rin ai in a tui mai thei" ati a,ani ber in a tih chuan a tui tur ah ngai ve tawp ang


"Ei hmasa la" Ruati hnen ah chuan ka ti a awle sa chu ka lek hnaih a,ka lam ah a nawr let sawk sawk!


"Ei hmasa rawh" A tih tlat vangin pakhat chu ka sik thla a,ka pian tirh ata ka awle ei hmasak ber nu turin sa ti chu thaw lo in ka hmawm nghal pawp,ka ten vei nen ka thial rei a,a tui ta phian mai!



Ramhnuai ania a rim thah na tur awm chhun hi kan hmang na in awmzia a awm vaklo anihkha,ei lui rawh u" Harry chuan alo ti a



A sawi ang chiah in rim tui vaklo tak a nei a awle sa rim hrim hrim aniang,chumi tih loh chu han tui loh bik na em em a neilo sa dang ang in,mahse a rim tih reh na tur awm tha ta lo chu a thang ve reuh tak ani Christian chuan a ei mang lo reng reng



Hnah min ken chhan tir zel a tumah chuan kut lawng in an khawih hran lo chem vek in an hlai thla a,kan ei zawh meuh chuan ka puar em pawh ka hre lo a thang leh luak chhuak pah a ei bawk nen min hnawh ul hian ka hria ka pum te hi a let but but mai,lui ah chuan thuk lo te va dai in theihtawp a kam thuah fai in ka hmui bawr chu ka sil a



Ka in sil na piah lawk ah chuan Christian chuan a hmai a lo phih ve mawlh mawlh a,ka en reng laiin a hmai a tuai puat a a rawn hawi thut mai! Hmun dang hawi hman ni hek lo hnai lo deuh si ah chuan lai deuhin ka en ve reng ani chu a hmel rum ul kha a danglam ngailo hrim hrim



A tho a a kalsawn dawn emaw ka tih laiin ka lam ah a rawn kal phei a,a ruk a zam deuh chungi thaw dep dep hian ka lo en reng ringawt,hmeltha vur chu anilo mahse a pa ani a lian a a taksa in phut mai tawk tak leh a sipai thuam te chu a in hmeh hluah hluah



"Em...kha ei rawh" John an min rawn be thut a ka phu zawk,thil zung no deuh hi min pe a " I thil ei kha tui i tih vak hmel siloh a ka tih rimtui nan leh pum tih nawm nan,a thur ve deuh ania Harry an tih sawn min pe a a fel khawp mai" A ti zung zung a,,a thil ken lai chu la in ka lawm zia lan tir nan ka nuih sak a



A kalsawn rualin Christian awm na lam ka en a alo awm tawh miah lo! Sipai dang te awm khawm na bik chu ka en a tah chuan alo awm daih,chuta kar ah Catherine chuan pan in a mah bik chu a va be leh bik te te a diktak chuan chhung lam atang hian thik ruk na ka nei tlat!



Tichuan khua a thim zual tawlh tawlh a,dar zat hre lem lo in kan awm deuh tawp a Christian peh sipai dang te chuan silai nen min vil deuh chawt hlawm a,a in thlahrun awm lek lek, mei pawh him zawk nan kan chhem tawhlo a thim mup a hlauhawm duh tak ani,mahsela vanneih thlak lutuk in khua a thim chian tawlh tawlh tak ah chuan thla a eng ve tawlh tawlh mai



"Kan in ven chhawk dawn nia,a ralmuang lo a pahnih zel in kan meng dawn nia" Christian chuan a ti zung zung a,Harry leh sipai pakhat chuan an veng a midang chu mu turin kan in tin tuah a,lei lawng ringawt ah mut leh angai dawn chu ania!



Christian awm hla lutuk chu thla a muang lo ru rum rum mai ka va hnaih ngam ngawt silo,kei ai in Catherine nen an awm na a in hnaih a engmah ti ngam silo in ka en ka en ringawt,engmah ti dun in awmdun bik lo mahse ka en lo thei thinlo



"Chu enge?" John chuan ati thut a mut kan tum tawh pawh chu kan thu ngil nghal zawt tum loh deuhin Catherine hlau in Christian lam a a tawlh hnai chu ka va hmu fuh



Christian pawh ka lam a lo hawi ve zuk mai,mahse rei min en lo a hawi sawn lehnghal,thawm an va fiah chuan sazupui lek alo ni a tichuan thil dang em em tilo in kan mu a Christian te pahnih ka hmuh plduh tawh rihloh vangin lehlam hawi in ka mu daih



Mihring kal ni awm tak ka hriat rual chuan ka thu chhuak nghal zawt a,ka hawi kual nghal vut vut bawk khua a la var chianglo a,thil erawh a hmuh theih viau tawh mai midang chu tui takin an lo la mu a Christian mut na lam ka va en chuan alo awm lo ka tho tur chiah chu ka piah lawk atang a lo kal phei hi ka hmu a,kan mut laiin veng tu an in thlak aniang zan tir khan Harry ten min veng kha ania tun ah chuan Harry pawh a mu tui lutuk



"I tho hma hle mai" Tiin ka bul ah chuan a rawn thu thla ve nghal a eng emaw ti tak hian ka tang nghal teuh ringawt


"I thawm ka hria a " Ka tih chuan a bu nghat a a silai chu a bul chiah ah rem deuh a dah in a thu ngawi ve reng a,chutah John muhil lo in let chu kan va melh dun nghal vat a


"Ani saw...i bialpa em ni?" a ti sup a


"Aih ka thianpa...thianpa chauh" Ka ti tel kher a


"A nihchu.." Tih ringawt in min chhang thung


"Catherine nen hian in in hria em ni?" Ka ti ve thung a,a ngaih kawih nghal mai ka hlauh vangin " A nel hmel che em a" Ka ti leh nghal zat a



"Ka thiantha tak pakhat farnu ania,kan in hmuh loh na a rei lutuk tawh ka lo hai anih saw" Tiin Catherine mutui lai chu a en zauh a,in ngaihzawn na lam ang a in hmelhriat na an nei lo chu ka lo lawm ve em em ringawt

IMG_0405265.jpg
IMG_0405265.jpg (45 KiB) Viewed 1819 times


"Kan mu leh lawk.." Ti a mut ka tum chu ka ban ah a rawn vuan thut a ka hawi rualin min thlah lehnghal,engmah sawilo in a kekawr ip te a zen a chutah ka rinloh deuhin Daisy par nalh deuh hi alo hum chhuak a



"Hmeichhe dang ai chuan i inhmeh zawk ka ring" Tiin ka lam ah en pawh min en lo chuan a rawn lek phei a,ka lo la nghal vat


"Ka lawm e..mahse khawi ami nge i lak a?" Ka tih chuan a ngawi vang vang a


"Kan awm na piah lawk ah sawn.." A ti hmuk a,a silai dah chu la kang in kah in ring zet chuan a keng a


"Ih..helai hi dam in kan chhuahsan vek theih i beisei em?" ka ti a,ani ber hian kan dam chhuah ring lo se chuan keipawh ka beidawn nghal mai ka ring,a chhan pawh tun thleng a nung dam a ka la awm theih na bul ber chu a mah hi ani miau a


"Aw..." Tih ringawt in min chhang a min chhang bul lutuk chu engmah sawi zui ngaih na pawh ka hrelo ka bu nghut ringawt


"Dam a kan chhuah hun ah in date tur in min chhuahpui duh angem?" a ti anihchu!



Fiamthu hmel put chu sawi loh a hmel nelawm loh tak leh rum ul chu a ai nasa hian a awm tih theih ani, a mak ka ti ka awih theilo! Christian hian in date pui ah min sawm tih na ani angem zawh na min zawh dan ah hian? Mahse In duh na lam hrim hrim in mitmei pawh min hmuh ngai reng reng silo a,date tur atan a min sawm ringawt chu tawng ngaih na pawh min ti hrelo mai dawn


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 15th, 2022, 2:33 pm

🌙CHAPTER-5



"Aw....aih ka,ka hrelo" Ka duh reng si ngati nge chutiang chuan ka chhan pawh ka in hrelo! A bu nghat a a tho ta daih mai ka chhan dan mawl mang lutuk chu ka in haw hluah hluah zawk



"Aw i tih na anih hmel tho" A hmel rum deuh dah tha in kal pah chuan a rawn hawi a vei nuih nghal suk a,ka lai chi ai kual vel tawh bawk nen nui lek lek si nui chiah si lo in ka awm ringawt



Chhan na mawlmang tak ka pe chung a tiang a ka rilru tak zawk hria ang mai a min rawn sawi sak ta tho chu lawm avangin ka zuang tawr tawr lo chauh ani,bialpa atan a ka duhthusam ah hian sipai ka la tel ngai hauhlo



Mi te ang in ka duhzawng leh dream ve fo thin chu mipa fel luam ni lo,keimah ni tan chauh a mipa tha ni thei tur chhelo tak tawng tlem leh cool ruih,tunlai takin bad boy an tih ang hi ka dream dan ber ani,Mahse Christian ka tawn chin ah chuan ka lo dream thin te chu a in thlak hlawk tawh tih theih ani



"Ka in hmeh ber ang maw?" Christian thusawi chu ngaihtuah zui pahin Daisy par min pek chu nui sen sen chungin ka thlir reng a,mut lam a lang tawhlo chhungril hlim na a khat nen kan awm na hmun ralmuang loh zia pawh ka hre chang lo lek lek mai!





"Ngati nge i nui a i kun leh ngul zel a i a deuh ami?" Ruati chuan ka dar ah rawn ben pahin ka bul choah ah a rawn thu ve nghal a pangpar vang ringawt hian engtia rei nge mi a ang a lawm loh a ka nuih tawh pawh ka in hrelo



"Ngati vakmah i mutui em?" Ka lo ti var a a lu a thing chiang khawp mai,chau viau nilo phei ila chuan tuman hi kan mut theih ka ringlo lei lawng ah ruh zet in kan mu tawp ania a balh te pawh kan bal tawh viau ang



"Enteh,sipai pa sawn a ngaizawng deuh che in i hre ve em?" A tih rual chuan ka hawi chhuak vat a thil pawimawh tak sawi ang mai a Harry leh Christian te lo in be mek chu kan melh dun ngar ngar a


"Ngati nge..." Ka ti ve zaih


"Awwww,ka hre bik chuanglo mahse,a ruk tê hian a ngaihsak hmel bik che ka ti" a ti a lawm ru zet in Christian bik chu ka va en reng a chutah rawn hawi ve zeuh in a nui suk a a hawi sawn leh nghal



Ruati pawn a lo hre thiam ve deuh ani ngei anga,Christian chu in ngaihzawn na lam a mi ti bawrh bawrh chi nilo muangchang a kal thin anih hmel hi ka ti tawh,tun lawk ah pawh date pui ah min sawm kha ania tun ah te saw chuan min date chak hmel pu leh min duh ang pawhin a awm leh tawh chuanglo,a mah hi a in thup nilo in simple tak a chet duh mi ni in ka hre zawk ta



Mi ngainat nih duhlo a ka hriat na pawh kha a dik lo,ngainat nih leh hnaih a hlauh vang a in khar khip thin nilo in a ma mil dan tawk zel a chet duh leh kawppui lam ah pawh hmanhmawh tut tut ngailo mi ani zawk ta in ka hria,midang ang anilo a hei vang hian hre thiam lo in,in la hrang,midang lak atang a in khar khip duh ah kan ngai mai ni in a lang



"Christian sawn maw..Emma hi a ngaizawng a lawm " Confi zet in Catherine chuan a rawn ti a kan piah ah a rawn thu ve thak


"Engtin nge i sawi chian viau theih" Ka lo ti nghal pang,Christian rilru hre ber awm a a awm chu ka thik deuh tlat


"A mah sawn a sawi a lawm,i hmeltha a ti lutuk che a chuan.." Nui pah deuh hian min en vang vang a,a ruk in a sawi tur ka hre leh chak tawh si chu ka za sel mai


"Muang e sawi vat teh" Ruati chuan alo ti hlauh


"Engmah a sawi tawhlo,Harry zawk tak saw ania a hrilh,ka lo hre ve a chu zawng chu ani mai ka hre ve tih a hriat kha chuan engmah a sawi duh tawhlo" Tiin a tho nghal daih a ka van kham lo tak!



"Muangchang lo ang aw,in thiante chu pakhat in chân tawh a engzat nge la bang in hre thei em?" Christian chuan kan awm na lam lo pan pahin thutak fe hian a rawn ti a



"Sam a awm tawhlo a paruk an la awm zawn ngai" John chuan alo ti vat a Christian chu bu nghat in min rawn en a,ka lo nuih ve na in min nuih let ve miahlo



"Lo kal lawk teh" A ti a ngawi rengin ka zui ve mai bawk,kan awm khawm na piah lawk ah chuan kan ding a



"Enge ni a?" Zawi te chuan ka ti a ka kut chu a rawn vuan thut a ka phu zawk,chutah ka rinloh lam deuh in ka kut phah ah chuan chemte a rawn hmeh bel chawt a mak ti lutuk in ka en nghal



"Kawl rawh,hmang thiam dawn lutuk lo mahla hlauh chin ah chuan hman dan tur pawh i ngaihtuah hma in i hmang nghal mai ang,ti hian nghet leh khawng takin i keng anga zum leh hriam lam hi i hmelma lam ah" awlsam te hian a ti a,hman dan tur te min hrilh fiah pah bawk



"Enge awmzia kan dinhmun a hlauhawm tih min hrilh i tum na ani em?" Ka thin a phu nghal dep dep,kan pahnih ah chauh ka lo in sawr bing lutuk a hmun hlauhawm a awm kan ni tih ka lo hre chang tawh manglo,Christian-a'n a sawi tak ah chuan ka tawt leh up tawh!



"Mai thei,kan misual te tawm na ber kan hnaih tan tawh a chuvang chuan mahni in ven i tum angai..lungngai suh ka veng reng tho ang che,eng hliam mah neilo la ka duh mai chauh ani" Min ngaihtuah ve takzet ni mai hian ka hria



"Mi that ve tur in min duh ami?" Ka hreh sa zia chu ka zawh pah a ka aw chhuak ah khan a hriat theih hial ang



"A tul chuan.." A ti bul hmuk a hreh lutuk in ka thaw chhuak hawk a chemte chu ka en leh thin " Nangmah ang lo tak a midang nun na lak pawi sa lo an nih vang zawk in a tul chuan i thah ve a ngai" A rawn ti nawn leh sup a



"Awle..." Ka ti ve na in tun atangin ka hlau ru der tawh! Midang thah chu sawiloh ka unau te takngial pawh kut ka thlak ngailo tih theih ani,chuta kar a mi lo thah chu!



"That ngei ngei ang che ka tilo,a tul chauh in ka ti anihchu" Ka hreh zia a hre thiam ani ngei ang



"In date pui a min sawm na kha theihnghilh miah suh aw?" Ka huaisen na zawng zawng sawm khawm in ka ti ve hmiah! eng in nge mi mawlh pawh ka hre lo na in dam a helai hi kan chhuahsan dun loh ka hlau ber tawh



"Theihnghilh lo ang" pa zet a nuih pahin ati a,chutah ngawi rengin min rawn hnaih thut a chil ka lo lem nghal khawlh, ka dar tawn tawn ah a vuan bawk! a rawn awm hnai em a ka lo zam nghal bawk nen chemte ka ken loh na lam zawk kut chuan a form kawr ah chuan ka lo man nghal chawt



"Christian..?" Enge a tih dawn hrilh fiah hmasak ka ngai bik lo,min fawh a tum mek anih hi! ka hniam bik si a ruk te chuan ka ke hnung ka kan a chupawh fawh ka awlsam theih nan vek



Ka zam tawh lutuk chu ka lungphu te hi a rang satliah pawh nilo in a in sawh nghawng nghawng ni ber hian ka in ka hre tawh! Ka mit pawh ka chhing phal der chuanglo a a hmui pa leh chhah sexy zet chu hnai fahran ah mit kalh lo chauhin ka en tawh a



Kan hmui in si lek lek tawh,a hmui lum lam thlengin ka feel hman lek lek tih ah chuan thawm a rawn awm ta sia lai deuh in ka tawlh sawn nghal vat,en pawh ka en tha ngam tawhlo hetia ka zak dawn ro ro anihchuan min kiss hman hram se ni tur



"Va let tawh rawh.." A ti ta daih sia ui deuh chungin midang fin tur chuan ka pen phei a " Ka hnaih ah awm zel tum ang che " Tiin min rawn au zui a hawi chuanglo in ka bu nghat



Tichuan rei pawh awm khawmuang lo in kal zai kan rel veleh a,kal hrang a hmun him lam pan tur kha kan ni a mahse thil an ruahman dan ang in a kal ta silo a,kan in zui leh vek a ngaih tak hmel,lehlam ah chuan Christian te an buai khawp ang ven ngai kan ni si a silai mu ren a lo ngai bawk nen..Thui pawh kan la kal meuh lo na in ka ke na lutuk kham bawk si chu ka zuk khawih leh thin



"John helai hi i hria tiraw?" Ruati chuan hlauh nei tih hriat takin John chu a zawt a a hawi kual hruk hruk bawk


"A ni in ka hria" John pawh chu a thlamuan hmel ta viau lo



"Hmun him kan pan angai in ka hria" Harry an Christian a hrilh ru deuh chu chiang lo ruai hian ka lo hre pha ve a kan dinhmun a hlauhawm leh tan tawh tih ka hre thei



"John, Donny,Catherine hmun him kan pan ve angai ania" Tiin zawi te chuan ka thiante chu ka ko khawm ve a,buaipui ngai a awm bik reng chu tha ka tilo ani Christian pawh chuan ti tha min tih hmel zet in min en a



"Heng lai hnai hi a ni tawh a fimkhur zual angai ania aw.." Harry chuan a ti a kan thian ho chu sipai pakhat in min kalpui in hmun biru deuh tur chu kan zawng a



Christian te kan kal hlat viau tawh thawm kan hre deuh a Christian te nge midang zawk tih kan chian theih loh vangin min vil tur ber sipai chuan thu hniam turin min hrilh a,thu hniam chungin kan back zel a chutah Catherine chu a rak thawt mai!



A bul chiah a awm ka ni si a ka phu nasa lutuk Ruati nen chuan kan dawm a chutah chunglam a kawk a kan hawi chhoh nak chuan,kan thiante! nun na nei tawhlo tih hriat zet in a thing ah chuan an lo khai thluah! Ka hlau lutuk chu tah pawh ka tap chhuak theilo!



Ruati hlau tah tum chu John an a kâ hup beh sak in beng daih a tum a keipawh keimah ka in hup tawp,anihloh chuan hlauh vang in ka tap chhuak thei takngial dawn,in hup chung te chuan thawk ka la vak vak,tiang em em a mi nun na pawi sa lo kut tuar a ka thiante paruk ngawt an tang hi nâ ka ti takzet



"Kal ang kal ang.. tlan ang u" Donny chuan hmuh nei ni awm takin tlan tur chuan min tur a kan vai chuan kan ding rual thawt a a tlan hmasa ber Donny chu kan zui ve tawp



"Tlan suh u,a him lo" Sipai min awm chilh tu ber chuan ati a mahse kan ngaithla hman tawh lo tlan chu kan him zawk tur ah kan ngai ani ber tawh



Christian te nen kan in hmu tawh silo kan thi ngei dawn hian ka hria a ka lungchhe ngawih ngawih,amaherawh chu tun ah tah hun anilo a kan dam chhuah nan kan beih theuh anga tih ka hria chumi atan chuan pachang tak a ka awm angai,kan tlan kawng ah chuan thing bung pakhat hi ka hmu a,chutah beisei loh lutuk in khawi atang nge pawh ka hrelo a tlan hmasa ber Donny chu tu emaw in a rawn bawh tlu tawp a kan ding nghal chawt



"Min pui rawh u" Tah aw tuau chungin Donny chuan ati a chupa chuan thah tum in a chai nghal hi ani ringawt


"John pui rawh!!" Ruati chuan ati tuarh a,chutah Christian chemte min pek ka pai ve reng chu ka hrechhuak a John chu ka pe nghal



Mahse midang pakhat balh hmel lutuk hi rawn lang nawlh in John chu a rawn bei nghal tawp! Hmeichhe hlang chauh kan ding tawh kan thing tlan pelh hrechhuak in ka tlan let a enge ka va tawn ang tih pawh ka ngaihtuah thei tawhlo,thing ka hmuh rual chuan ka la lawk a ka rin ai daih in lek a lo nuam zawk



Ka tlan let a chutah ka tha neih zawng zawng sawm khawm in Donny that lek lek tawh tu chu a lu ah tak au tuarh pah in ka vaw chawrh a sir lam ah a let thla nghal tawp bawk,a rawn tho leh tur chu ka back dawt a khawi atangin nge ka hrelo Ruati leh Catherine te chuan thing bung in a rawn tho leh tur chu an vaw nghal chawrh chawrh a an vaw hlum der mai!



Chutah John chuan kan puih na ngen in min rawn au a kan hawi nghal thawt,Donny tel in mi pali ngawt chuan John thah tum tu chu kan khawih rawn tak tak anihkha kan tam hneh bawk a a dam rei bik lo,kan him ni a hria in kan mangang bawk lawm bawk si chu kan in en a kan tah nuih tawp



"Kan him ta.." Donny chuan a khup dawm a kun chungin ati a



"In him reng reng lo,tun ah kan kal nghal angai" Christian te an rawn lang thut a,a hmel ka hmuh rual chuan tun ai a thil tha lo zual hi a thleng dawn tlat a hriat na ka nei nghal ringawt!



Christian te chu kan zui a,ka beng chhe ri nge ka hrelo kan kal na hnu lam ah chuan thawm lian tak hi ka hre thin a thla a muang lo takzet! Tumah kan kal cha theilo,a chhan chu mumal tak a thil kan ei ngailoh vang ani



"Ka chau lutuk ka tlan thei tawh lo" Thui lutuk tak kan tlan tawh chung pawhin Christian chuan din a rawt lo,Ruati chau tawh chu a thu hnawk a ka pawt tho dawn a a ding tha thei tawhlo zawk



"Kuah ula,kal pui mai rawh u" Christian chuan en pawh en lo in ati a



"A din pawh a ding tha thei tawhlo Christian,a hlauhawm tih ka hria mahse khawngaih in reilote chawl hram ang u,hmun him deuh a awm ngang lo ami?" Ka ti tham chal a



"Awm pawh nise tun atan chuan kan kal zel angai" A ti mauh mai! Ruati heti hi ani tawh a engti kawng mahin a kal tawhlo ang



"Ruat kal tum hram la" Ruati chu hrilh pawh nilo in a ngen hian ka ngen ani zawk mah,a ni lah chu a lu thing in chil a lem khawlh tawh "kan kal zel loh chuan kan thi mai dawn a sin!!" theihtawp ai a theihpatawp chhuah hram tur a ka duh em vangin vin zet chuan ka tih khum pawp pawp a



"Awm sawn rawh" Tiin Christian chuan min tawlh sawn tir a,Ruati chu a pawt tho lawp a a paw nghal nawlh mai,kan thian ho chu kan in en a kan in thiamlo tlâng ani



"Kan buaipui thei a lawm nangpawh i chau tih kan hria ania" Ka lo ti nghal vat,ngaihtuah tak tak chuan keini ai pawhin an chau fe tawh ang,min veng a engkim min ngaihtuah sak bawk



"Kan in chhawk dawn lawm" A ti a,a kal zui mai vangin in thiamlo tak chuan kan zui ve nghal a,Ruati nu lian zawk zawk anilo bawk nen a zia tak a la awm


Chak takin kan kal a,zui tu nei ang a ka in hriat na lah a lian tawlh tawlh emaw tih tur ani,kan thiante boral ta ka ngaihtuah phei chuan ka tawt up up mai,Rosy te kha thi chungin a meng chiang si,a thih dawn darkar ah eng emaw tak phawk tu an awm tih hriat reng reng!



Tichuan chhun zan zawm in chawl lo in kan kal a lui kiang ah erawh tui in in kan awm hram a bak chu kan chawl lo,engvang a chawlh phal tlat lo nge anih tih Christian hnen a ka zawh lah in a hlauhawm tih chauhin min chhang a tun ah phei chuan kan kal thui lutuk tawh a min zui tu awm ni a ka hriat thawm pawh a awm tawhlo



Ei tur kan hmuh ang ang kan ei a riltam hnem viau lo mahsela ei lo a awm tawp ai chuan a la zia zawk tho tho,zan ah pawh kan chawl lo thla eng ring in kan kal tawp a kan in kai deuh vek bawk,a chhan pawh Christian-a'n kan in hloh palh a hlauh vangin



Ramhnuai atangin lui pawh zawngin kan kal chho a lui luang ka hriat rual te chuan in len tir daih mai a hmun him deuh a min len luh theih te ka beisei rum rum tawh,tui ah chuan ka kut chiah vang vang in ka hmai ka phih a,thil tam tak ka ngaihtuah pah nen ka tah a rawn chhuak thar leh tawh!



"Awm hran ka phal loh kha" Christian-a ka bul chiah a lo thu ve chuan ati a,za lo deuhin ka lo nuih ringawt,hetiang a nun derthawng leh hmun ral ti a kan awm chung a a hmel lan dan dang ve ngai miahlo te,a rilu ah thih hlauh na leh mangan na hmuh tur a awm ve ngai miahlo te hi ka awt ta zawk hial mai



"I hlau ve tho em?"ka ti ta nge nge ,nui suk in ka sam a hnah ro kai ni awm tak chu rawn ban pah in



" Hlau ve e tun ah chuan" a ti mai a,ngawi reng a ka la en vangin a nui ri hak "Nangmah vang hian hlauh ka ngah tawh lutuk..venhim che ka in tiam a ka hlen chhuak zo lo ang tih te ka hlau a..chuan nang nen a date nei hman lo a awm ka hlau bawk" a ti zawi sap a


"Tiang lo deuh a in tawn dan hi awm se a tha tur ania" A mah bawk chuan ka awmdan ka hlauh na te engkim hria ni awm tak hian a ti chhuak hluai a,keipawn a thusawi chu ka pawm hliah hliah,heti zawng kher a kan in tawng bik hi a fair lo ngawih ngawih



A daisy par min pek ka la ak tih hrilh ka tum laiin Harry an a rawn ko ta sia engmah sawilo in kan pahnih chuan kan phei a,thil an sawi ho a an sawi dan chuan khatia buai na kan tawh hnu a kei leh Christian te pahnih kan in tawn tan na hmun atang khan an camp chu alo hla tawh tawp lo hi alo ni



Tun ah pawh hian kha lai hmun kha kan hlat tawhlo hle tih an sawi a,chawl lo a kan kal ngat ngat chuan khawvar hnu ah chuan kan thlen mai theih an beisei anihchu,tichuan muangchang eih lo in kan kal chhunzawm a,kan chawlh leh tui kan in nasat vang nge Ruati pawh a mah in a kal veleh thei mai



Hah mahila kan zavai in damchhuah kan duh vek si a hah pawh kan sawi ri ngam tawhlo,chau tak chungin kan kal tang tang a khua pawh a var ve mai dawn,mut lam ai chuan Christian an a sawi tawh an camp awm na vang chuan ka phur ru hliah hliah



Khua a var fel a ka thil hmuh chin chuan eng emaw min hriatchhuah tir tlat,chu chu engdang mah anilo Christian te nen a kan in tawh tan na hmun ngei kha ani,ti chuan camp pawh kan hnaih ruak tawh ngei ang


"Muang chang in kal tawh ang u camp kan hlat tawhlo bawk a,camp an rawn hnaih ngam chuang hleinem" Colt rawn tawng chiah chu a thin zawn ah tak thal mu a rawn tlang zawt mai!



Kan rak thawt a kan chi ai nghal vek,Christian te chuan a rawn kap tu awm ang an zawng a an hmu mai theilo! Colt chu kâ pawh chhawn lo in a boral nghal ani tawp,chutah Harry chuan hlauhthawn nei hmel pu zet hian min rawn en zauh a Christian hnen ah chuan eng emaw a hrilh nghal bawk



"Tlan rawh u" Christian chuan ati a engmah sawi hman ani tawhlo kan tlan nghal dawr dawr,kawng pangngai tak pakhat chauh a awm a chu chu camp thlen theih na kawng awmchhun ni in Christian khan a sawi



Thui pawh kan tlan hman meuhlo silai a ri pawp pawp! Ka ding chawt a Christian ka ngaihtuah lutuk tawh let thlak leh mai ka duh a mahse ka thiante leh sipai pahnih chuan an phal tlat lo,lung dam lo takin ka tlan zawm ve zel a Christian ka ngaihtuah na erawh a nasa tawlh tawlh thung



"Ka let leh dawn.." Tiin ka ding chawt,khati khawp a min ngaihtuah tu leh min lo venghim tawh tu kha awlsam takin ka kalsan mai thei bik lo



"Emma,chutiang sawi a hun lo kal ang" Vin zet in Donny chuan alo ti a midang pawhin awlsam zet hian an lo pawm pui a,Christian nen kan in kar an hriat loh vang mai chauh ani



"A tello chuan ka kal duh tawhlo" Ka ti lui ve tlat thung,kal tur a ka in her chu Christian kan awm na lam pan a hmanhmawh zet a lo kal mek ka hmu a ka pan ve nghal "i tha em?" Tiin ka tawh rual chuan chik takin ka en a


"Aw.." Tih ringawt in min chhang


"Khawi ah nge Harry?" Ka tih chuan a hmel lan dan a damglam nghal vek "a la dam tiraw?" zawi te hian ka ti thâm tiak a


"Kal phawt ang hmun him thlen phawt kan ngai" A tih tlat si vangin ngawi reng leh in thiam lo ru tak chung chuan ka kal a


Thui mawi tawk kan kal hnu chuan thing kung pahnih gate ang mai a lo ding dun hi ka hmu a,chu thing ah chuan US flag lem hi a lo in tar bawk a camp kan hnaih tur zia ka hrethiam nghal


"Tinge a?" Christian kiang ah ka kal char char a a ding thut chu ngaih tha lo deuh chuan ka en a


"Heta tang chuan engmah a hlauhawm tawhlo camp huam chin vek ani tawh a hlauhawm a awm tawh lo,camp thlen nan erawh la kal deuh angai ang..an ni hian an veng zel ang che u" A ti ta mai!


"Ilo kal ve dawn lo ami?" Ka tih chuan a bu ta nghut mai


"Harry hliam in ka kalsan a,a la dam bawk ka let leh tur thu ka hrilh tawh a veng tur a ka kal leh angai"


"Nilo..a theih loh,i rual lo in ka kal duhlo,kir tawh suh Khawngaih takin" Ka ti nghal chung,Harry tan chuan ka huat thla la awm ngawt ang,mahse Christian hi a let leh anihchuan a ma nun na pawh hian a tawrh ve ka hlau ani


"Ka tiam tawh,ka kir dawn,khung ramhnuai a kalpui hmasa tu ka ni a ka ven ngei ngei angai" A ti tlat si lungchhe tak chuan ka en a kawr ah ka pawt tlat bawk


"Anihchuan i rualin ka kal ve ang,i tello a hmun him a lo awm bik ka duhlo" Ka tih chuan duh loh hmel tak a min en in a thaw hrawk a


"A theih loh,kal rawh u..chuan Emma dam a kan lo let lo anihchuan.."


"Ka duhlo.." A sawi zawh hma hma in ka lo tih khalh hmiah,an dam ka duh damchhuak lo tur a tawngkam a neih ka duhlo hrim hrim


"Khawngaih in i bul ah min kal tir ve zawk rawh" Ti a ka ngen min phal sak lo,ka thiante hnen ah chuan min hruai hrang tawh turin hrilh a,min kalpui an tum pawhin ka tang ve tlat


"Emma,a harsa zawngin awm suh,kan damchhuak ve ve theilo anih pawhin kan thih dun kher angai lo..i hrethiam em? Kal rawh" Tiin ka biang tawn tawn ah chuan vuan in uluk zet hian min en a


"Aih ka kal dawn lo" Ka ti ve thung


"Kal mai ang Emma.." Ti a John min auh pawh chu ka ngaihsak duh lo Christian chauh chu ka en


"Kal rawh...a nih loh chuan tih luih na ka hmang ang" A ti vawt ruih a


"Christian..!" Ka ti tawi tap ringawt,kan hun tawn harsa lutuk hi ka hua ani



Kal tur a min duh zia ka hria kalsan harsa ka ti bawk,duhthlan tur a awm lo mahse min veng thin tu anih angin a thu ka zawm a ngai a,ka tan tal pawh him takin alo kir leh ngei ngei ang tih ka rin tlat a ngai ani,tha khur zawih zawih chung chuan awm hnaih in a biang tawn tawn chuan ka dawm sak a,ka tap teuh lutuk hi ka hnar a na vek tawh zawk



"In date tur kan nih kha theihnghilh suh aw,ka ngen a che Khawngaih in dam in lo kir leh rawh" Kati a,bu nghat in a rawn kun rual chuan ka hmui ah a fawp nghal vawng vawng,hun romantic tih lam lang lo mahse ka tan chuan Christian vang ringawt pawhin hun chhinchhiah tlak ani reng tawh ang


"Kal rawh u" Ti a in lak hran pahin ka sam tawn na chu a pawt thla a a ban rek ah a bun nghal chat,min hriat reng nan a ti pawh ani mahna


"I rualin ka kal duh,anihloh pawhin camp thleng ila tanpui tur che sipai an tam dawn sin" Ka tih rual chuan a silai lek kang in min tin ta mai!


"I kal lo anihchuan ka kap ang che min nawr lui suh Emma" Chang zet hian a ti khui khui a "thupek tello a che chhuak a tanpui che ka ni a,camp ka thlen chuan min man nghal dawn,Harry ka tanpui theih nan chuan helai chin ka pelh hi a thiang rihlo"


"Mahse Christian..!"


"misual kut tuar a i thih dawn ai chuan keiman thah che ka hreh lo ania Emma..kal rawh,ka damchhuak anih phawt chuan ka rawn zawng chhuak ang che min ring rawh" A tih tlat si ah chuan ka thiante chuan min rawn vuan chawt a


"Ka hmangaih che Emma.." a ti ta thut mai! Kan hun tawn hian zir se ka hlim dan pawh a dang deuh tur,tun ah rih chuan min ti tap tu mai ani


"Keipawn ka hmangaih che,Ka lo nghak reng dawn che ania Christian,khawngaih in damchhuak ang che aw?" a ngen tak te in ka ngen mawlh mawlh a


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 15th, 2022, 2:33 pm

🌙CHAPTER-6 (Last)



"A ngen in ka ngen che anihchu aw,khawngaih in an kut ah thi miah suh" Tiin ka sam tawn na a bun na lai tak chu ka dawm a


"ka tum ang..kan him anih pawhin hrem hmabak kan ni a hma tak ah chuan ka rawn hmu theilo ang che..hrem na kan tawrh zawh ah a hmasa ber in ka rawn hmu ang che" Tih pah chuan ka chal ah a fawp vawng vawng a


"Kalpui tawh rawh u" A tih rual chuan ka thiante leh sipai pakhat chuan min pawt in camp lam chu min pan pui a,ka kal na ai mah chuan Christian min thlir reng lam chu ka en ngun zawk


"Em,a tha em em ang" Ka hawi reng laiin John leh Ruati te chuan an lo ti a,chutiang a ngaih chu ka duh mahse



Ramhnuai a awm te hlauhawm zia leh midang lak a an chet dan rapthlak tak pawh kan tawng in kan hmu a kan thiante 7 ngawt in an nun na an chan a,chutiang hmun ah Christian kal leh tur chu ka tan chuan 'a tha mai ang' tih rin ringawt hi a harsa ani



Tichuan camp lam pan in kan kal ngar ngar a,ka thiante chuan rilru thlak a Christian ka zui mai an hlau nge engmah sawi chuanglo in ka ban ah nghet zet hian min chelh a,vawikhat ka hawi leh chu Christian ka hmu tawhlo a din na hmun kha a ruak vek tawh a ka ding nghal chawt



"Kal ang,tih theih kan neilo Emma" Ruati chuan alo ti a lungchhe takin ka en ngat ngat ringawt



"A tha ang..a tha ang an damchhuak dawn Emma,kan zuk fin leh chuan kan tibuai ang camp thleng vat ila sipai dang tanpui turin kan ngen dawn nia" John chuan alo ti a Donny leh Catherine te chuan pawm pui takin an lo bu nghat nghat



"Ni e tanpui thei tur kan zawn sak a ngai,hmanhmawh ang u" tiin ka kal nghal hlawk hlawk a ka thiante pawh ka ngaihsak leh tawhlo,sipai 1 zawk chuan hma hruai in 1 zawk chuan hnung a dawl thung a



Camp thlen hma chu Christian ngaihtuah tawhloh ka tum lui,a chhan pawh ka ngaihtuah chuan a tha lo zawng a ngaihtuah in leh alo kir tawh loh ka rin ngheh ka hlauh vang ani



Tichuan chak tak a kal in,thui tak kan kal thlen chuan sipai pali Christian thuam ang chiah in bel hi an lo chhuak thut a,camp kan thleng tawh ni ah ka ngai a mahse ka hawi kual vel chuan engmah camp emaw in awm pawh ka hmu lo



Sipai min hruai tu te chuan rei tawk tak an bia a,kan thian ho chuan kan lo nghak thap buaina a awm nge pawh ka hrelo vin lek lek hian an in bia aa kan ngaih a lo tha vaklo khawp mai


"Buaina a awm ami?" Sipai an rawn let leh lai chuan ka lo ti vat a


"Kan hotu lû te phal na lo chuan camp ah kan hruai theilo ang che u" Ruati nen bik chuan min ti ta mai!



"Engvang in,kan dam chhuah nan kan bei a luh in phal leh silo a maw? Christian khan a sawi chiang viau sia" Ruati hlau bawk si chuan vin zet hian a chhang let a



"Sir Christian chu tun ah chuan sipai dan bawhchhia a ni a a camp lut tur pawhin thu a nei thei tawh rihlo,eng ang pawhin sawi mahila hotu lû te thu kan nghah angai,an ni hi chu an lut thei nghal a" Catherine,John leh Donny te bik chu a en a



"In ram mi kan nih loh vangin maw? Kan nghah dawn?" Lungawi lo tak chuan ka ti a,Christian awm se ka ti takzet eng emaw a tih dan a hre ngei awm sia



"A pawi ka ti khawp mai miss,helai a ralmuang loh vang hian an fimkhur a engpawh nise sir thupek ang in kan veng reng ang che u" A hmel ah pawh chuan in thiamloh na a lang thei



A ni pawh sipai ve mai ania ka dem hran lo mahse thih leh dam kar atang a chhuak a him na beisei a kan pan lai a an hotu te an ram mi a an buai chu ka thinrim thung



"John kal mai rawh u,nangni tal in thlen hmasak loh chuan Christian ten tanpui tu an hmu lo ang" John chu ka melh a,lu a lo thing nghal vat



"Kha leh chen kan awm ho tawh a ka kalsan dawn lo hrim hrim che u,Catherine leh Donny te hi kal sela in bul ah ka awm zawk ang" John chuan hnial duhlo hmel zet hian a ti bung churh a



"Kan nghah chhung pawhin eng emaw a la thleng thei a sin,nangni tal him rawh u" Ka tih chuan duhlo tih hriat takin lehlam a hawi nghal hmak a,chutah Donny rawn ding hluai in



"Kan kal ang,lo in enkawl tha rawh u kan thlen vel ah pui tu kan lo zawng dawn nia" A ti a,kâ a chhang lo in ka bu nghat ringawt,Catherine chu a kai a



"Em,fimkhur rawh u aw" Catherine chu tal chhuak in min rawn kuah nghal chawt a chutiang bawk in keipawn



"Awle,kal vat rawh u Christian te tan tanpui tu tur in zawn a la ngai ania" Tiin kan in thlah ta a



Keini tan khawi ah mah kal ngam ani silo camp kan pan thei bawk silo lei a thu chungin sipai dang pali zing a pahnih in Catherine leh Donny te camp lam pan a an kalpui chu kan thlir zui vawng vawng



"Kan tha vek ang..." John chuan ati a,ka thut na atang chuan in her in ramhnuai pik tak lam chu ka en a Christian hmel ka mitthla ah a rawn lan rualin ka biang a rawn lum nghal pap



"Lo kir ngei ngei ang che aw..." Tiin ramhnuai reh ruih chu ka bia a,silai thawm pawh kan hre tawhlo,kan hre pha lo nge an in kap tawhlo zawk pawh kan fiah theih siloh vangin ka thut hmun ah chuan Christian leh Harry te tan ka tawngtai ringawt



Sana en tur takngial pawh kan neilo na chungin darkar tam chu kan thu tawh tih ka hria,kan riltam a,kan hah a kan tui hal hle bawk..ei in tur lam a kalsawn a rem silo thingkung ngheng te chuan kan thu awn a Ruati phei chu ri chhuak silo hian a tap kerh kerh reng mai



"Engtik ah nge kan kal ve theih ang le?" biak em em pawh neilo in Ruati chuan tah aw teuh Chung hian ati chhuak hlawl a,khua kan hawi chu alo tlai ruih tawh! Chutia a ti John nen hnem pah a chhan kan tum lai tak chuan sipai hi an rawn kal ta teuh mai



Min awmpui tu sipai te nen chuan kan lo ding vat a,engmah pawh an sawilo min kalpui ta hlawk hlawk,kan chauh leh hah lam an ngaihtuah lo,thui lutuk min kalpui hnu chuan ri rum rum kan hria a thlawh na ni ngei in ka hria thui mawi tawk kan thlen leh meuh chuan hla lo te a Army helicopter thlawh chhuah in peih tawh zet chu ka hmu a



A bul hnai kan thlen chuan Catherine leh Donny te pawh an lo awm,kan in kuah khawm a min ngaihtuah thu te an sawi mawlh mawlh a chutah sipai lal hmel tak pakhat hi lo kal in kan thian ho leh a hma atang a min veng reng tu sipai te nen chuan



"Lut rawh u,hmun him lam in pan thei" A ti ta mai! Christian te lam reng reng an ngaihsak lo!


"Ka pu in sipai pahnih an la awm ania,engtin nge ni dawn? Pakhat in hliam a la tuar bawk asin" Helicopter a lut ta mai lo chuan ka ti a


"Kan la ngaihtuah ang" A ti ringawt chu a hma ah ka huaisen na zawng zawng sawm khawm in ka ding khawng nghal luah a


"An ni khan kan nun na min chhan him sak a khawngaih in tun ah tanpui tu tur tir rawh,pakhat a hliam ania ka pu" Chang fek fawk tak hian ka ti a ka kut tha erawh a khur nasa hle thung


"Luh tir rawh u" Ka tawng ka chhuak a dam loh em vang nge min huat hmel tak hian a rawn ti chhuak


"Christian te tanpui tur koh sak rawh ka pu khawngaih in" Ka ti chu a pistol phawrh in min tin nghal ringawt! Ka thiante chuan min lo pawt hnung dawrh a ka ai ngaihdam an dil mawlh mawlh a


"Em,kan sawi nasa tawh lutuk awmzia a awm lo an tih ang a kan awm loh chuan min man vek zawk an tum a" Catherine chuan zawi te hian min hrilh a


"In sipai tha ber ber te zing ami tanpui ngai in an awm a,khawngaih in tanpui tur tir rawh,anihloh chuan hma ka la ve ang sipai hotu pawh ni ula dan (Law) hnuai ah chuan ang khat vek kan ni ka pu,in lak hian case file thei ve tho ania" Ka ti ve leh hmiah


"Kal pui phawt rawh u,kan lo buaipui vek ang" A ti leh zel si ka thiante chuan enkawl na dawn kan mamawh zia in min thlem a Christian tello a kal vang vang mai chu ka ngai ngam lo


"Christian lo kir hun ka lo nghak ang" Ka ti chu sipai hotu chuan


"An vai hian kap rawh u" A ti ta mai! Ka thiante chuan min vo ti tih tawh zawk,ka thiante lehzel an nat ka duhloh vangin hre tak chung chuan helicopter ah chuan ka lut a Christian ka kalsan ngawt mai chu ka in thiamloh bak ah nâ ka ti ani


Tichuan hreh tak chungin chu lai hmun chu kan thlawh chhuah san ta a! Chunglam atangin chu ramhnuai pik tak leh tihbaiawm tak mai chu ka thlir thla a Christian leh Harry ka ngaihtuah takzet ani,Harry a hliam a Christian nen mai chuan rei tak an dam theilo ang


"Ka tihpalh lutuk ka kal a" Lungchhe tak in zawi te hian ka ti a


"Kan him ta..!" Catherine chuan hahdam aw takin alo ti ve thung


★ 5 MONTH'S LATER ★


"Em,zanin chu college mi party buatsaih ah kal ve ila,kan in khung nasa tawh si a ngai awh leh nan pawh thian kan kawm tan leh tawh angai ania" Ruati chuan thawmhnaw party na ami tur en mawlh mawlh pahin ati a


"Kal rawh,keichu ka kal ve peihlo mai" Ka ti ringawt a,khum ah chuan thu mu chung in ka kut a awm sa daisy par vuai ro vek tawh chu ka en leh thin



Thla 5 lai a liam tawh kha thil thlen atang khan,mahse tun ah pawh Christian hmel reng reng hmuh tur a awm loh chu sawi loh a dam chhuak em tih takngial pawh ka hre tawhlo,ka theih ang tawkin a chanchin hriat tumin ka bei a Harry nen ngei pawh mahse,an chanchin pakhatmah hriat tur a awm lo



Hnam dang kan nih vangin thil a tih zung zung theih silo nen,bak ah Christian khan a dam anih phawt chuan min rawn zawn chhuah tur thu a sawi anihkha mahse thla 5 a liam tawh a hmel reng reng hmuh tur a awm lo,nge ni a a sawi sa tawh ang khan hrem in an khung bo zawk?



"Em,i ngai lutuk tih chu ka hria a lawm mahse tih theih kan nei chuang silo a,an hotu ten an hnen atangin engmah hriat an phal bawk silo a..Lungngai suh a tiam vek tawh che a a dam anihchuan a la rawn zawng chhuak em em ang che" A thawmhnaw dah tha in ka bul ah chuan a rawn thu a



"Ruat,ka ngai lutuk hi ka a mai dawn! Tinge ka lo kal tir mai le?" lungchhe takin Ruati chu ka lo kuah nghal a,Christian ka ngai lutuk hi ka sawi thiam lo zawk,zawng hmu turin tih theih ka nei tawh silo min rawn zawn hmuh hun lo nghah mai loh chu



"Ka hrethiam che a lawm kan theih ang ang pawh kan ti ve a a lo la in lan leh em em ang a tha ang tih ka chiang,sipai chu duh duh in an awm thei lo tih kan hriat vek kha an la hrem pawh ani thei asin" A tih chuan ka thaw hak a



"Engtik ah nge min hmu turin a rawn kal ang le? kan awmdan khan a zir lo lutuk kha khawi a cheng nge? Engtin nge ka biak pawh theih ang tih lam reng reng ka zawt bawk silo " beidawng zet chuan ka ti a


"Aaa,Emma lungngai suh a rawn zawng dawn che tih a hrilh sa che a engmah tih theih kan nei tawh bawk silo,a lo lan hun lo nghah tawp ani mai" A tih chuan ka bu nghat a


"I chhungte chu i be fel em?" A tih leh chuan ka bu nghat


"Christian chanchin pawh ka hrilh vek a,hmuh ve an chak thu an sawi vek" ka ti tel hram



Thil thlen hnu ah khan ka chhungte chuan min ngaihtuah in haw turin min tur a mahse ka zirlai leh Christian vangin ka hnial fi thla thei hram ani,Christian hmu lo a let leh chu ka tum lo hrim hrim,kha ramhnuai atang khan loh theih loh vangin ka kalsan tawh a tun ah chuan kal mai mai ka tum tawhlo min rawn zawn hmuh hun ka nghak reng dawn



"Awle a that hlauh chu,party na ah chuan i kal ve duhlo tak tak ami?" A ti zawm zat a ka lo bu nghat nghat "kan in tuh thawven ve angai ania Em,kan thiante kan chan vangin rei tak mu leh mal neilo in kan awm tawh a"


"Nia,ka tha lutuk tho a lawm ti hian va kal la keichu lehkhabu chhiar mai mai ka duh zawk" Tih leh ka lukham bul a awm lehkhabu lak kan ka rual a


"A ti leh dawn ta! Mahni in ilo tap leh kerh kerh ange aw" Ner nang pah hian ati a ka nui suk ringawt


Hmun him a kan awm hnu leh kan thiante ruang takngial pawh hmuh theih tawh anihloh vangin vui liam na chawp chilh tak a kan neih hnu ah kan thil tawn te atang a ngai kan awh leh hnu hian ka zirlai tih loh ah chuan lehkhabu ka chhiar nasa zual a a bik in Army love story lam ka chhiar nasa Christian vang bawk ani



Ruati chuan zan lam ah party turin min kal chhuah san a,John leh Catherine te pawh an tel,an sawm na a piang ka hnial zel thin vangin tun tum chu sawm pawh min sawm buai peihlo tawhlo..an kal hnu ah chuan lehkhabu bawk chu la kang in ka chhiar leh mawlh mawlh



Ka chhiar rei a ka chhiar hnu vek tawh ani chungin ka kham theilo,a chhung a changtu sipai hi Christian ka teh khin tlat thin a chuvang pawh ani mahna ka hne theih ngailoh,dar 11 dawn ah chuan melh ngai melh ta reng chu ka mit a thip tan a zan mengrei zawk zawk lo ka ni bawk nen ka lehkhabu chhiar chin bak chu chhinchhiah in mu tur chuan ka in puah chah a



Ka mut hma chuan Christian min pek daisy par ro zet tawh a ro pawh nuai sawm theih hial tawh ang tih theih ka la roh ve em em si chu ka lehkhabu keu in ngun tak chuan ka en a,a ro tawh lutuk chu thli thaw vel in a chhem darh loh nan leh a sawm vek loh nan lehkhabu kar ah dah in ka khup hnan mai thin


"kan ram a ka haw hma tal chuan rawn in lan ang che aw" tiin ka phun sap a lehkhabu chu khup in ka mu tha a




Ka meng diar diar a ka mut na kha a la reilo hle in ka hre sia khua a lo var chu sawiloh ni a emg uarh tawh,tukverh atang a ni rawn in ka khum engkim a rawn chhun vek si vangin lum ka ti chu ka thaw hawk a,la tho peihlo mahila ka thawh chhuah tho tho angai tih ka hria


"Ruat.." meng mang lo chuan ka au vak a


"Um,rawn tho teh..engtin nge bawk khan i mut reng theih zawk le keichu ka hn**e a na vek zel" a ti lang lang a keichu ka hn**e hi a te lutuk a na tham pawh a awm meuhlo


"Bawk zawng a ka mut hian ka mutui thin bik a lawm" Tih pahin ka thlek loh na vei lam ka hawi chu ka ngawi chiang lutuk ka thu chhuak nawlh



Ka khum ah ka bul ah ngei mai Christian,ka Christian-a ngei mai kha tui lutuk in a lo muhil anih chu! keimah ang chiah in bawk chungin a la mu zui! mak ka ti lutuk chu thawk pawh ka la ngam lo,ni eng in a chhun chiang sia ani hi a thlarau lo mu ve hial zawk a mawn le? Khawih ka chak rualin ka ngam lo!


"Ruat...?" Ruati lo kal chu zawi te hian ka lo au a engtia ka khum ah Christian hi lo mu ve teh tawp nge anih ka hrelo! Amak engkim hi a mak vek!


"I hlim em?" Ani chu thawng ang pawhin a awm ve lo reng reng! "A mah tak tak anihkha aw,nizan ah hmu tur che in alo kal a mahse i lo mu tawh sia..a bak chu a lo harh hun ah in sawi dun dawn nia ka bazar lawk dawn" Tiin bazar bag a pawm a a chhuak nghal


Muangchang in ka mu leh a Christian muhil hmel chu ka en ngawih ngawih,hmuh leh kha ka beisei reng thin ani mahse tun a min rawn thawn dan erawh a dang ngawih ngawih thung,engtin emaw tak khawlai ah emaw te kan in hmuh ka ring zawk a Mahse ka zing tho min thawng zawk anih hi



"Ka hmangaih che" ri chhuak chang chang chauhin ka ti a,a tawp ah chuan a biang chu ka khawih ve ta hram,thlarau ni miahlo mihring taksa pangngai ka khawih te chu a mak ta hliah hliah hian ka hria!



"Keipawn.." A rawn ti thut chu ka phu chiang lutuk a muhil emaw ka tia! Ka kut lak sawn ka tum chu a rawn man chawt a muangchang hian a rawn meng nghal riai riai "min ngaih em kha..engati nge in lak hran i tum leh si?" fiah zet hian a ti a



"Aaaa a ka hrelo ka..ka buai vek min thawng lutuk" Ka thusawi mek lai chuan a tho chhuak a keipawh ka tho ve nghal khum ah chuan thu in kan in en reng ringawt



"Ka hria a lawm,chuan min kuah dawn nge ramhuai hmu ang mai khan ila meng phawk reng dawn?" A tih rual chuan phawk lutuk in ka la en reng tih ka hria ka in thing harh zawk a chutah Ruati ber awm lo bawk chu rang lutuk in ka kuah nghal



Ka ngaih zia te ka khawhar lutuk vang a sipai in ziah na lam lehkhabu love story ani emaw nilo emaw ka chhiar hrep thu te engkim chu chip chiar thei ang ber in ka hrilh a ka tah nuih leh hawk thin



Ani pawhin thil tam tak min hrilh a Harry pawh a la dam thu a sawi a,ka thaw deuh huai mai mahse sipai dan vangin hrem na an la tawrh angai a tun a a rawn in lan theih chhan pawh an hliam vang te a damdawiin an chhuahsan vang chauh alo la ni,a awmzia chu hrem na an pumpelh lo a an la hmachhawn dawn chauh zawk



Tichuan class pawh kal lo in kan awmdun chawt a,ramhnuai a sipai tha tak ang zawk zawk chuan a awm tawh bik lo mipa pangngai tak,ngaihzawng te bul a awmdan tur tak ang hian a awm reuh a mahse keichuan sipai ro rum zet ang a awm kha in hmeh ka ti ber



Tlai lam ah kan lo sawi dun tawh ang in in date tur chuan ka chhuak ta a,tun a ka hlim dan hi ka sawi thiamlo,a tak pawh a ang lo ka ti hial zawk! Kan kut ah in kai in kan awmdun zel a hei bak a date nuam hi a awm leh tawh ngai ka ring lo,ka duh a piang min tihsak in min tih pui a ka hlim loh chu a hlau ni ber hian a hriat zawk..vawikhat ka sawi tawh chu a ti hmak hmak tawp...date hlu tak chu a va han ni chiang em!


"Sipai ang nilo a ka bul a awm chu enge a an?" kan in luah lam pan a kan kal lai mek chuan a ti a


"A nuam,a nuam vel vek ka lo suangtuah ang ai pawhin a nuam zawk" Hlim sar chuan ka ti a


"A that chu,i samtawn na pawh kha ka la kawl reng a sin" Tiin a ban a rawn lek kang a,a ban ah chuan kha tih lai a ka sam tawn na a pawh thlak kha a lo la bun reng


"Christian.." Ka ti leh ringawt a,nui suk in min kuah nghal vawng vawng,a palian bawk si a fanghmir note kuah ang vel lek ka nih ka in ring..keipawh chuan nghet zet in ka kuah let ve nghal khua a thim vek tawh a zah tur a awm lo kan in luah na building hma ah chuan kan ding a


"Lo lut leh rih la..ka la ngai che e" Zak ve deuh tho si la ngai bawk si chuan ka ti lawi rat


"Emma,ka kal angai a" A ti ta daih mai! Enge a sawi awmzia ka hriatloh vang chuan ka melh deuh hâ ringawt "hrem hmabak kan ni ka tih tawh kha dar 7 thleng bak hi hun ka nei tawhlo" A ti a dar 7 chu a ri tep tawh minute tam a awm tawhlo


"Ngati nge? La kal rih suh...ngati nge hun i neih tlem em em a duh ang pawh in i kiang ah ka la awm hman lo asin,i kal a ngai dawn tih chu ka hria mahse ti em em a hma hian ka beisei lo a, naktuk thleng tal an nghak theilo ami?"


" I rilru tur chu ka hria a lawm,ka kal vat zawk anga thla 6 chhung chauh ani a thla 5 chhung ka tello in ilo awm tawh a..i thei tih ka hria min lo nghak leh rawh" Ka biang tawn tawn ah chuan a vuan a hnai tak ah min en bawk



Chutih mek lai chuan motor pakhat alo kal a chuta tang chuan Harry alo chhuak nawlh mai! Ka hun tawn in zir deuh sela chuan tha takin ka be tur ania mahse Christian kalbo tur hian engmah dang min ngaihtuah tir theilo



"Christ kan kal a hun ania" Harry chuan alo ti a Christian kawr ah ka pawt nghal chat


"Ti nge hrem kher in ngaih le" ka hriat ve theih chin ah midang nunna chhanhim vang a hrem tawk ka hriat hmasak ber an ni


"Sipai pangngai kan nihloh vangin Harry nen chuan hrem kan ngai a lawm,hre thiam rawh ka kal anga ka lo kir leh vat ang a tha em?"


"Anihchuan kal la,in enkawl tha viau rawh aw.." Ka ti tham chal a


"Lutuk...min lo nghak char char la tu mipa dang mah i thinlung ah khan hmun ruak lo siam sak suh,thu ka pe lo che a ka ngen zawk che anih chu"


"nangmah veng thin tu che ka ni a, vengtu leh a ven chu an awm hran reng a thianglo i hre thiam em? ka lo kir leh vat ang ka tiam a che..ka hmangaih che..." Tiin min fawp vawng vawng a


"Dam takin le.." tih bak chu sawi tur pawh ka hre tawh lo,a lu bu nghat in ka biang a dawm na kut chu a la sawn riai riai a..thla 6 hnu a in hmu leh chauh tur chuan min kalsan ta!




lungchhe tak in kan in luah lam ka pan chho a,Ruati chhuat lo ti fai mawlh mawlh chu ngawi rengin ka va kuah ringawt ka awmdan hre thiam nghal takin min lo kuah let a engmah min zawt rihlo keimah zawk chuan


"Ruat...a kal,a kal tawh engtin nge thla 6 dang leh chu a tello in ka hman zawh theih ang? Thla 5 chuang ka nghak a darkar tlem te chauh a bul ah ka awm leh si a fair lo takzet" Tiin ka in sut hlawp hlawp a


"Tu maw? Christian chuan a kalsan daih che maw?" Phawk aw tak hian a ti a


"Aw hrem na kha an lo la tuar lo a hospital ah an awm vangin alo chhuak a chu chuan min rawn hmu mai mai zawk,tun ah hrem na tawk turin kal dawn chauh,thla 6 chuang ka la nghah that leh angai dawn" Huphurh tak chuan ka ti a


"Sipai ngaihzawng leh nupui ni tur hi chuan chhel a ngai a lawm,ka cousin pawhin sipai nupui nih te in ngaihzawn lai te hi midang in ngaizawng nen chuan dang tak ani a tia lawm" Tiin a sawi zawm mawlh mawlh a


Keipawh chuan hreh viau mahila Christian ber a kal tawh si vangin chhel tak a awm leh lo nghah tawp mai loh chu tih theih ka nei lo,rinawm takin ka lo nghak anga engtik ah emaw chuan hlim takin reitak awmdun na hun chu kan la nei ve mai ang



Ni a liam ve zel a Christian vang nge hun hi a la kal chak lo mah mah hian ka hre thin,ka ngai em em zel a ka be thei bawk silo ka awmdan te hi a chang chuan ka suangtuah na ami a tak ram a awm miah lo ngaizawng te hi ka in chan lek lek thin Christian reh lutuk nen hian


"Oh ka tihpalh lutuk" Lehkhabu dawr,kan in luah bul mai a ka kal ka chhuak tur chu hmeichhe pakhat nen kan in su chawrh a a lehkhabu zawk chu a thlauh si vangin hmanhmawh deuh chuan ka kun a ka chhar sak a ka pe chu ngawi rengin min en a a lehkhabu ka chhar sak pawh chu lak na chang a hrelo


"I tha em? Ka su na viau che ami?" Min en reng a a che bawk silo nen ka ngaih a tha chiah tawhlo


"Ah,oh...!! tha e ka tha lutuk min hrethiam la Emma i ni em?" chiang zet hian ka hming a lam chhuak a chutia min hre ta ang mai a a tawng chu mak ka tih deuh vangin ka ngawi ran ran a,ani chu ka hmu tawh em tih te ka ngaihtuah a ka hre thei miahlo!


"Aw Emma chu ka nia,min hria em ni?" Tim deuh hian ka ti a


"Aw i thlalak ka hmu tawh a lawm,Christian-a u ka nia ka hmu che chu ka lawm e" A kut a rawn phar chhuak a hlim hmel hmuh nuam tak a rawn lan tor nghal bawk


"Christian a?" Min thawng mah mah lutuk chu chibai mai nachang ka lo hrelo,ka lehkhabu ken na kut tha te chu zu khur vel a mawle!


"Aw Christian,ramhnuai a sipai i tawn kha mawle ka unaupa ania" hlim hmel pu sar in a kut chu a ti kang deuh a ka la chibai lo tih ka hrechhuak


"Uiiii..!!" Ka ti vak ringawt,Chutia Christian thisen zawm ka hmu chu ka lawm lutuk a mahse a tih lan dan ka thiam lo


"Christian sawi ang tak tak in i hmeltha hle mai,Christina ka nia " Unau tih tak ah an hming pawh a in zul hle mai tih ka lo ngaihtuah daihik thung



Rang tawkin a kut chu ka chelh a khur dat dat chungin ka chibai ve hram,kan pahnih chuan kan in zui ta chawt,ka biak nel loh nen a ni chuan rei tak in hre tawh ang maiin min be bawrh bawrh a Christian ngai a a chanchin hre chak na na na chuan ka zawt zel ani pawhin kei ai a phur emaw tih turin engkim a sawi vek a kan rin ai a hma in ka nel tawh,kan in luah lam ah thleng ka hriat lut a Christian naupan lai leh engkim ani mai



Ruati chhuak rawn haw nen pawh chuan an in mil nghal khawp mai,chhungkaw thar nei ang maiin kan awm a kan thiannu ah kan ngai nghet ani tawp mai tiang em em a mihring ka nel awlsam leh rin ka neih ngai ka la hrelo,a mah hian a zir em bawk ani



Tichuan rei tak a rawn len luh hnu in haw ta a,a kal hma a number te kan in pro vangin kan in be ta fo mai,unau leh chhung ang mai in ka en ani pawhin Christian bialnu ka nih na leh keimah min ngainat na hrim hrim vangin hian min duat hle bawk



A sawi dan chuan Christian khan kan in date lai khan ka thla lo la in Christina hi alo va thawn ani awm e,hospital a awm chhung pawhin ka chanchin bak a lo sawi ngailo ni awm tak ani

★ 3 MONTH'S LATER ★

"Pawisa lak chhuah pahin bazar ila" Ruati chuan rawngbawl pahin ati a keiin thawmhnaw nawh pah chuan aw ka lo pawh ve nghal vat


"Christian chhungte chu i va hmu ta ami?" Kitchen atang chuan a rawn ti lawng lawng,kan in luah a zim vei nen a rawl hi a ring ve ania aw!


"Um,ka zam lutuk a Christina awm ve dawn lo phei se chuan ka thulh leh ang ka ti zawk mawle mahse kha hun nuam deuh chu ka va hman ve tho kha a nu leh pa te chu maw an la thalai lutuk a pa chu doctor ania " tiin nizan lam ka hun hman dan chu ka sawi mawlh mawlh


Christina nen kan in tawn atang khan kan in pawh em em a,phone ah pawh im be zui zel in a tawp ah phei chuan min sawm nasat em vangin zak chung chung in a chhungte ka hmuh phah ta hial a Christian leh a pa phei chu an in ang lutuk a hla deuh atang a ka hmuh phei chuan Christian chu a haw ta emaw ka ti hman


An ni pawhin Christian nen kan inkar an lo hre ve vek tawh a ka va kal te chuan min lo lawm thiam khawp mai,kan in be pawp reng zel a an fapa vang nge min nel hrim hrim vang pawh ka hrelo min duhsak in eng eng emaw ka mamawh tur awm tak hi min rawn pe leh nawlh zel,Christina hi lawyer ani a apa doctor ani bawk,Christian hi chu tet lai atang pawh a in do lem nuam ti tawh ania chuvang a sipai tang ta ani an ti


"Ruat i thil siam i ti ut em ni?" Nizan lam ka hun hman dan ka ngaihtuah nauh nauh laiin thil kang rim ka hre thut


"Aw ka thil chhuan ka kalsan lo va en teh" Ruati chu a au chul a kitchen ah a awm emaw ka tia bedroom lam ah a lo awm daih!


Hmanhmawh lutuk in ka tlan phei nghal a,a thil kan alo ut dum vek! A bel chawp in ka keng chhuak a pawn ah paih daih ka tum kawngkhar ka hawng chu ka phu chiang lutuk Christian ka hmu hlawl!


"Hi..." nui suk chungin a la ti zui! Ka bel ken chu ka thlauh lo chauh tawh mak ka ti lutuk chu ka ang phuau a tawng ngaih na pawh ka hrelo ka mang anih te ka ring rum rum a ka tah te lam lam a chhuak


"Ka mang ani em?" Ka tih chuan a nui suk a lu thing mat mat chungin ka hmui ah chuan a rawn fawp zauh,chutah zet chuan a mah tak ni in tun hi ka mang anilo tih ka chiang ta!


Mak ti deuhin bel chu chhuat ah ka dah a ka dah zo chu ding ngil in ka kuah nghal thlawp,a awm zawn ah chuan bei in ka in sût hraih hraih a ka lawm lutuk hi ka lungchhe hial thei


"Thla 6 hnu ah chauh ka hmu leh dawn che amaw ka ti asin" ka ti bah deuh nawk nawk


"Keipawn chutiang chuan ka ngai ve tho a,mahse ka vanneih na a kal tluang anih hi" Hahdam hmel tak hian a thaw siai siai a nghet deuh a min kuah in ka chhip sam ah chuan a fawp vawng vawng " Tun ah chuan rei deuh kan awmdun thei tawh ang..ka ngai lutuk che"


_______________________________________


Nitin mai hi ka tan chuan ni nuam tak hi ani reng mai,ka kiang ah Christian a awm a engkim hi a dik thlup tawh,ramhnuai ang em em a ze ngainat awm loh nei a nilo a mi in an ngaina lo ni a a hriat thin vang a lo in la hrang thin mai ani




"Em,Emma khawi ah nge i awm?" Bathroom atang a ka chhuak chiah chu Christian rilru hah hmel zet a alo tei kual ka hmu a min zawng hi a ang mah zawk



"Aw enge a" Ka ti mai a,min rawn hmu chu a hmai tuai puat in a thaw hawk a min rawn pan in a chhan ka hriat loh chuan min rawn kuah deuh tawp "ngati nge..?" a ngaih na hrelo zet chuan ka ti a




"Ka mut hlan in ilo kal bo ta emaw ka tia lawm,ka zawng nasa lutuk che,i hria em? Min thawh san taw miah suh" Vin lek lek hian a ti reuh a khawngaih ka chak tehreng nen ka nuih a za tlat pek a




"Naupang i ang e,reng reng ah khawi a kalsan tur che in nge min ngaih a? I bul a awm ka thlakhlelh zia hi ila hre nange mengmawipa" Tiin a kawr ha lo hnung ah chuan ka beng thak thak a




A nui suk a min kuah nghet sauh,a lo kir atangin kar 3 lai aliam tawh,kan in luah ah kan awmdun a Ruati chu Catherine te in ah Christian nen hun thawl kan neih theih nan tiin a awm rih a Christian kir hun ah chauh alo let ang,ka thian ani a min hrethiam chu ka lawm takzet bawk




Ka chal ah a fawh vawng vawng hnu chuan bathroom a kan pahnih thawmhnaw awm chu veranda tê lam ah zar tur in ka la phei a,ani tho chiah pawh chuan min zui ve nghal zel,ka pho zawh dawn lam ah chuan kan in dawt chiah a pavalai tak lo dak leh kar tawh chu ka hmu leh,helai kan luah tirh atang a kan thenawm ani nang in a mi en dan mi it ang hrim a a awm vang hian ka ngaina theilo Ruati phei chuan a ten hlawm hlak




"Enge a?" Christian chu ka bul ah rawn ding in thenawm pa chu a en ve a,a mi en dan chu a man ve nghal nge rum zet a melh in a taksa si chawt chuan min kuah bet nghal "engtin nge a tih thin che?" thinrim in sum ang hrim hian a ti a



"Engtin mah,a ho lutuk lut ang" Ka ti a lut tur a ka nawr lai chuan min kuai dak in duhthawh zet hian min fawp nghal tawn tawn a,a tih dan chu thenawm pa hmuh ah a ta ka nih zia tih lan tum ni mai hian ka hria



A in la hrang a engmah pawh ka sawi hma in min kai lut nghal dawr dawr "Innei daih ila" A tih chuan ka nui ri hak a "i duhlo ami?" A rawn ti nawn leh



"Kum khat em pawh kan la in zui hleinem,bak ah hmanhmawh suh ka chhungte nen pawh in hmuh i intiam vek tawh a..bak ah thenawmpa vang kha ami?" Ka tih chuan a bu nghat



"Khatiang meng khaw lo deuh in thenawm ah a awm te chuan engtin nge ngaih ngam deuhin ka kalsan theih ang che" A hmel ah chuan a rilru a hah nghal hmel ngawih ngawih




"Awi awi awi,ka mengmawipa in sum rawh kha leh chen kan in thenawm tawh a lawm lungngai mah ta che i bialnu hi chhan reng ngai bik ka nilo ania.." tiin couch a a thu chu a mal chung ah lawn in ka thu tawm kek a



"Reuh che hian..anih leh thil dang daih,min Hmangaih uchuak em?" a ti chu ka nui chhuak phut,Christian zia chu kan hre vek uchuak tih chu a in hmeh hran pa lo e!



"Awhaw aw,uchuak over tep" Nui hak hak chung a ka tih chuan min chhuk tir thut a ngaih na hrelo deuh a ka en reng lai chuan rawn ding chhuak in min pu nawlh anihchu!




Ka rak that a ka tal nasa mai,min siam rem sauh sauh a satha ip an put ang mai hian a kal nghal nal nal a " I len bik vang khan min pu ringawt theilo ania min dah thla teh" Ka ti vak vak a anui ringawt a min dah thla chuanglo




"Min hmangaih tho a eng emaw ti ila" A tih rual chuan ka man rang lutuk ka tal vak a "Ramhnuai a ka ven thin che lawm man min pe ah te ngai zawk la"



"No no no, a la hun lo lutuk" Ka tih chuan khum ah min mut in a ka chung ah a in nem khalh nghal run a



"Hun tho e,Naute te kan lo siam lawk anga ka thianpa sawi dan chuan naute siam lawk hian inneih ngei ngei na atia lawm,a nupui nen pawh an siam lawk,keipawh i chhungten min duhlo mai thei a" A ti nui ver ver


"Naaa..an duh rapthlak dawn che tih ka chiang"


"Tak tak maw?"


"Um.."


"Chawlh ka neih theih vel ah i chhungte hmu tur in in ram ah la zin dun ila..."


"Tehreng mai i duh phawt chuan,ka chhungte pawh in an hmu chak ve lutuk che a sin" Ka tih chuan lawm hmel zet hian min en a


"Ka hmangaih che" ka chal ah chuan a fawp a a ngawi vang vang


"Keipawn nasa deuhin ka hmangaih che"



"Um,tlem kan mu leh lawk" tiin ka dar si chet a lu dah chung chuan a mu a ka kut a kai tlat bawk ka thawh san leh a hlau aniang,reilote ah a muhil nghet leh mai a,a muhil lai chu thla ka lak sak bawk,ka en reng a hmeltha hi ka ti ngawih ngawih




"Ramhnuai ah khan lo tawng lo che ila tun ang hlim na hi ka kal kan vek awm si a,ka kiang a i awm zel vang leh min ven reng vang khan ka lawm e,i hmangaih na dawng thei hmeichhia ka nih vang pawhin ka lawm lutuk ka hmangaih lutuk che Christian..."


🌙 THE END 🌙


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)